جاسمين خرجات فيها عينيها تا كانت فرحانة اتهبط للمغرب واتلقا شي حل تهرب في حالاتها : لا لا انا بيت نهبط للمغرب.. منقدرش نبقا هنايا خاصني نكون معا راجلي فهاد لوقيتة
دادا خنزرات فيها : وداك راجلك الالة حالف عليك ماهاتعتبي برا هاد لباب. حراك لا عتبتي برا لبلاد راه يقتلك وانا معاك..
عماد : انا غادي نهدر مع يوري باش انهبطو ب 3 واخا صافي غير كلسو
مشا عماد تيهضر فالتيلي وخلا وراه دادا تاتخنزر فيها وتا جاسمين مبادلاها نفس النضرات
جاسمين. قررات تلعب دور المراة لي تتخاف على راجلها قدام دادا : ولكن راه يوري ايكون محتاجني جنبو فهاد لوقيتة مستحيل نخليه راه خاصني نكون معاه ادادا الله يهديك فهميني..
دادا : كلسي لرض نتي ماغاديش تعتبي هاد القصر غير تهناي.. راه واخا وافقت على زواجكم المزروب ولكن مهنوافقش انك تهبطي للمغرب وتخربي علاقة يوري بباه
جاسمين. شافت فيها مافاهمة تا كليا : اش تتقولي نتي اش تتخوري لاش انخرب بين يوري وباه.. صوقي فيهم انا.. انا انمشي غير نوقف جنب راجلي لا غير
دادا غوتات عليها تا قفزاتها : تحركي لبيتك غبري من قدامي..
شافت فيها جاسمين تا عيات وعبرات خطواتها واصلا ماعندهاش وقت لي تجادل مع شارفا كي تتقولها ماهي عكوزتها ماهي مها
عند. عماد
وقف فالجردة. جبد تيليفونو ودوز لابيل ل يوري لي ابدا واش جاوبو تشوش عليه وهو يقلب الاتصال لجهة اخرى
ناعس وهي بين احضانو.. مغطييين بيزار وتايبان غير الجزء العلوي من جسدهم العريان.. ضاربا فيهم الشمش لي منورة البيت ومخلياه يبان كجنة فديك الدار...
غوبش منين سمع تيليفونو تيصوني.. ناض شاف فوصال لي متكيا جنبو وماتقولش هادي حداها تيليفون تايصوني.. ناعسة بكل هدوء وراحة باسها ف حنكها وعاد دار لكوافوز هز تيلي ديالو بعدمما. شاف الرقم المتصل
تايفوس : اش بغيتي على الصباح وايلي واش تانعاس منعسوه فخاطرنا
عماد غوبش : نوض جمع راسك اسيدي وتكعد راه جد يوري مات
على فيها راصو وابتاسم ليها وبادلاتو تاهي الابتسامة.. ناض وقف وبسرعة البرق لبس البوكسور عاد توجه عندها من جيهتها هزها بليزارها غادي بيها الحمام.. وهي. ساهية وهايما فتقاسيم وجهو لي مخلاتهاش تحس بيه اش كيديرلها
__________
نرجعو* لقصر الضلمات* ههههههه
دخلات زدحات الباب فغرفتها ومشات تاجهات للسرير تلاحت عليه كاملو.. كلسات ساهية والمشكلة ماعرفاتش فين ههههه فاقت من سهوتها لمنعدمة التفكير وبدات تدوي مع راسها
جاسمين : لا اجاسمين اش هادشي ويلي ولات يغوتو عليك ونتي مترديش على راسك فينك اجاسمين لي كنتي متخلي حقك عند حد وتاخديه بالقوة... ولكن انا والله ماساهلا ليكم يا بيا يا بيكم يا رباعت الشلاهبية مشا الدحش وبانتلي لعقروشة دمو.. وشنو ما شنو قالك مرات ولدي.. اويلي امتا ضرب بيا لعقد باش نكون مرتو...
ضربات على راسها بغباء وناضت توجهات للحمام تلقات الماء وخلات الجاكوزي يعمر على خاطرو خوات فيه برودويات تا ماقدات عاد. رجعات حيدات حوايجها شافت فجروحها. لي معمرين لحمها.. كانو بداو يتعافاو.. ولكن المشكل ماشي هنا المشكل فالاثار لي غادي يبقاو وحرام واش يتحيدو
دادا شافت فيه مدة ودوات : مستخيل نخلي جاسمين تهبط للمغرب ويشوفوها عائلة يوري
عماد بتسائل : وعلاش زعما راها مرتو لا
دادا تمعنات فيه : اجي نتا لهنا مكانش قايليك. راه ايتزوج ولا تتبوهل عليا وتتسولني اسئلة بايخا اممنم
عماد : والله ادادا ماعندي علك بلي غايتزوج ولا تزوج اصلا راه واخا صاحبو متايقولي والو
دادا : امممممممممم اوا عرفتي هاد السليعغة لي تزوج بيها راه تيبغيها قاليك.. وتانا براصي عاد قالي بلي راه تزوج ومابغا يقولها لحد
عماد تصدم وبدا يضحك : هههههههههههههههخهه لا والنبي يا ختي واش من نيتك ادادا.. يوري. يبغي شي وحدا.. هادي اكيد غير مطلعها عليك.. راه كاينة شي حاجة تما.. ومابغاش يقولها
دادا : اوا هادي اسيدي.. راه بنت بوجناح
عماد قفز من بلاصتو فاش سمع الاسم وشاف فيها بتمعن باش تكمل هدرتها
دادا : قاليك بغاها.. وواليديها كانو غايزوجوها.. وتاهي كانت تبغيه ولكن هادشي مابايلياش فيه.. وهادشي علاش انا مابغيتهاش تهبط للمغرب... عرفتي باه ويصيقلو لخبار بهادشي لي دار... بكثرت ما علاقتهوم مزيانة اتولي خايبة. يعني هاد البنت. ادمرهم. ماعرفتش شحال هايدوم هادشي. ويبقا. مخبع. ولكن هاد الساعة مبغيتش ولدي يوري يتخاصم مع باه. بسسباب هاد السامة هادي
عماد تصدم من كلامها ماعرف واش يتيق هادشي ولا يكدبو.. ماعرف مايدير من غير يبقى ساكت وتايشوف فيها.... واش فعلا يوري ايبغي.. وشكون ايبغي بنت العائلة لي حاقد عليها من صغرو
وقف وبقا تيتمشى فوق راسها وراصو خدام واش فعلا هادشي صحيح ولا كاين وراها شي حاجة.. تفكر تايفوس وخرج بلاما يهدر مع دادا..
مشا للجردة جبد تيليفونو بدا كايصوني ل تايفوس لي ماعطلوش وجاوبو فالحين
عماد مخنزر : راه تنهدر معاك بصح اساط واش يوري تزوج.. وعرفتي شكون تزوج قاليك جاسمين بوجناح
تايفوس كان كايشرب لقهوة هرقها كولها وخرج عينيه : من نيتك اصاحبي
عماد : هادشي لي قالتلي داداه اصاحبي قالك بيناتكم شي حب ما حب بقيت غير تنششوف معرفت نتيقها ماعرفت نكدبها.. وتا يوري متيجاوبش..
تايفوس ابتاسم جنب : بنت بوجناح راه جات مع السلعة اللخرة لي بعنا اساط... كان موصي عليها الياس القريشي... ويوري ماعجبوش الحال وداها
عماد : كيفما ديتي ديك السورية اصاحبي.. وماطلعتوش ساهلين.. ولكن لي بغيت نعرف لاش كادب على دادا
تايفوس : وانا مالي اخويا. ياء شبيني وبينو ندخل فشبوقاتو خليني عليك هاد الساعة.. قطع عليه خلا عماد غير تايشوف تبسم
عماد : ايييييه عطاتكم ليام العشران...
___________
نرجعو لداخل القصر لي فور ما خرج عماد دخلات جاسمين.. عينيها عامرين دموع وشادا تيليفون فيديها شافت دادا ومشات كلسات حداها تاتبكي وتنوح.. ودادا غير تتهز فيها العين وتسولها مالها
دادا عقلها مكاينش هنا مصدومة من الكلام لي سمعات كيفاش يوري يصوني على. جاسمين ومايصونيش عليها وهي لي تيقولها ديما نتي الوحيدة فحياتي.. متنكرش انها كانت بغات تزوجو وتفرح بيه.. مي حسات بيه من يامات ماجات جاسمين وحبو تجاهها تاينقص
هادي هي حالة الامهات المغربية مغيارات واخا تا على ولادهم.. كتلقايها تتعامل مع عروسها ومتتحملهاش علاش حيت تزوجاتلها. ولدها.. وتتبقا تقول مع راسها داتليا ولدي.... واخا تتكون غير مربياه ومربية عليه الكبدة راها تتحس بالغيرة من فراق ولدها لي كان عاطيها كل الاهتمام.. ودابا ولا عاطيها نصو ماكاملش
علات فيها راسها.. وشافت ف عماد لي وراها كان عاد داخل. وتيشوف فجاسمين كالسة فالارض ومزالا ببنوار دالحمام... شاف فوجهها البيبض لي اسرو.. كانت جامعا شعرها بفوطة للفوق. وباينين كاع تقاسيم وجههاا. شاف فحجبانها وهبط عينو لعينيها لي مالئاهم الدموع شاف فحنيكاتها الحميمرين ورجع شاف ففمها... سها فيه وسرط ريقو... ومفاق غير على صوة الدادا لي شافت فيه
دادا : حجز 3 دتداكر انهبطو للمغرب.. ودغيا عافاك
عماد شاف فيها ماعرف مايقول عاد كانت تتقول بلي مهاتهبطش جاسمين ودابا تتقول اتهبط معاهم : متاكدة...
دادا شافت فيه ورجعات شافت فجاسمين : اه متاكدة... ونتي.. هاتهبطي لتما على اساس الممرضة ديالي.. مفاهمين.. اسم عائلتك الموسخة منبغيكش تجبديه قدام حد واخا
ضربات فيها دادا ومشات لبيتها اما جاسمين فابقات تتبادل هي وعماد النضرات تادازت فيه طلعات لبيتها ومشات ديريكت لاحمام
تقابلات مع المرايا تتشوف مدة عاد بدات تتكون ففمها ابتسامة شريرة.. هزات صبعها ومسحات ديك الدمعة لي كانت لاصقة فشفارها.. : اممممممم مازدقتيش ساهلة ابو جناح.. اححخخخخ عليا.. تنعرف نمثل... وانبقا نمثل تنوريك ادادا... عائلتي الموسخة اشنو تتسوى
نبعدو من. بانكوك ونمشيو عند حبيبنا اكيد توحشتوه باينة ههههه
طاح اليل والسما ولات مزوقة بالنجوم المشعة لي تخليك تبغي توصلهم لكن دلك تيبقى حلم ككل الاحلام...
. جبد كارو من جيبو وشعلو وبدا كيدخن.. لحد الان مدخن شي 5 دالباكيات بدون انقطاع.. تيشوف فالسما بنضرات فارغة..
سمع صوت القرآن لي صادر من داخل الفيلة وككل جنازة مغربية.. تيكونو حاضرين فيها الطلبة وتتكون صدقة فالليل على الميت..
طاحت ليه. دمعة من عينيه.. تتدل على ضعفو فهاد اللحضة حاس بفراغ كبير.. حاس بين صدرو كاينة واحد الفجوة عميقة لي عمر شي حد ايعمرها غير جدو..
مكانش جدو بل كان صاحبو وعشيرو لي دايما حاط عليه الراس... من ديمة تيعتابرو قدوتو هو والاب ديالو..
لاح الكارو فاش سالاه.. حس بيد تحطات على كتافو عرفها ديالمن غير من القبضة... دار ببطئ شاف فالاب ديالو.. تيشوف فيه بتمعن.. هو الاخر كانت عينيه مليانة بالدموع.. ولكن مارضاش انو يبينهم قدام شي حد
. وولدو ماشي اي حد لدلك فاش شافو كالس بوحدو قرر انو يجي عندو ويحط الراس على ولدو خصوصا ان همهم وحزنهم واحد
بقاو مدة تيشوفو فبعضياتهم شوية الاب وقف حدا يوري وبقاو ساهييين فبلاصة وحدة تا هدر
م. قباش شيرليه واحد لبلاصة : شتي ديك البلاصة... تما تعلمت لمشي... علمني الواليد... وتما تانتا تعلمتي تمشي... وعلمتك انا... نفس البلاصة..
تما كانت اول خطوة لينا بجوج فهاد الحياة.. ولي علمني باش علمتك مشا وخلانا... ماعلينا غير ندعيوليه بالرحمة هدا ماكان..
يوري ساط نفس سخونة وتنهد تنهيدة من الاعماق يالله بغا. يهدر وهوما يسمعو التصفاق دارو بجوج لنفس البلاصة...
اسماعيل القباش (عم يوري واب هبة لاعقلتو عليها ) : برافو برافو الاب والابن دايرين الراس على الراس... بجوجكم السباب فهادشي... اي حاجة طرات لهاد العائلة بسبابكم... ونتا ( شير ليوري ) هنحرقك... كيما حرقتيلي كبدتي على بنتي...
يوري ابتاسم بخبث وشيرليه وهو هاز كارو فييديه : نتا لي جبدتي يوري... نتا لي مزال حسابك معايا عسير.. ومزال داكشي لي درتي مهانساهلك مفاهمين 😉😉😉
يوري دار الكارو ففمو وبخو : هي لي بغات... هي لي ختارت موتها .. تا واحد مببززو عليها.. اش هانديرلها انا الى كانت هاديك رغبتها..
م. قباش: نتا تعرف.. واخا كنت باغي ندوي معاك فهادشي.. مي قررت مندخلش فشغلك.. حط يدو على كتف يوري... تايق فيك اولدي.. وعارفك اتاخد القرار الصح ... ابتاسمليه ومشا دخل للفيلة.. يشوف ترتيبات الصدقة وداكشي
دخل مع الباب شاف الصالونات كلهم عامرين بالناس. جيهة دالعيالات وجيهة دالرجال.. والسربايا تايدورو..
دور عينو جيهت الباب فاش لمح شخص داخل توجه لعندو.. مبتاسم بسخرية..
م قباش : باك مات ودفناه وسيادتكم عاد جايا .. مرحبا مرحبا على سلامتك الالة سميرة القباش
سميرة. (عمة يوري. ) كانت لابسة جيب حد الركبة وفيست ملفوق وطالون كولشي فالنواغ. وملوية عليها شال على راسها. بطريقة عشوائية... : الله يسلمك اخويا... كنت غالخدمة ومكان عندي كي ندير.. نجي... تا دابا غير قلت نجي نطل عليكم واحد الشوية ونترحم عليه ونمشي في حالاتي حيت مزالا تابعاني الخدمة
م. قباش قرب تالعندها طلعها من راسها لساسها وزاد تبسم: نتي هي نتي اسميرة... القلب الكحل فهاد العائلة نتي واسماعيل.. فعوض ماتبكي على باك وقلبك يحزن.. جايا فرحانا.... غير تهناي.. لاجايا على حساب الورث... كلو مشا ليوري
بدات تغوت وتحيرليه تما ناس كلهم كيصحابلها تتبكي على باها وتتغوت حيت مشا وهي ماعلا بالهاش بباها وهمها الوحيد غير الورث... يالله بغات تزيد تكمل على غواتها وهي تجيها تصرفيقة من حيت لا تحتسب... علات عينيها وشافت فيه بحقد كان واقف قدامها كي الجدار
هزات فيه راسها بعد التصرفيقة لي جاتها..
سميرة بحقد : يوري...
يوري قرب ليها شدها من يديها وزيدها معاه لبرا.. لاحها قدام الطموبيلات لي مصطفين تما وبدا يعرعر
. يوري : عمممممرك جيتي طليتي عليه ولا شتيه ولا قلتي با مريض. نمشي نطمن عليه... عمركي جيتي شفتيه وقلتي نكلس مع با ونونسو ونجيبليه ولادي.. عمركي قلتي نجي ندوز غير مع با شويش دلوقيتة. غير ساعة لقليلة ساعا يحس بيك جنبو وبنتو وحداه ومسانداه... تا فموتو ماجيتيش حضرتي فاش كانو مخرجينو.. يصحابلك معارفش.. جاك الخبار ونتي تتديري مساج. منضتيش مخلوعة وجيتي تجري.. لا. وبل تتقوليلي. هدا غير با مات تاليل ونمشي نطل عليهم... ودابا جايا تتسولي على الورث.. تكركبي من قدامي حسن منكركب مك... تحركي من هنا وعمرني نشوفك معتبة باب هاد الدار
لاحلها هاد الكلام ودخل باتجاه الفيلة مخليها معصبة وشاعلة فيها العافية.. ماشي على كلامو وانما غير حيت مهتشدش الورث.... ماتسوقاتش ليه ولا ضميرها انبها على باها لا... بل ضرها خاطرها وحقدات على يوري حيت دا كاع الاملاك...
مشات باتجاه سيارتها لاحت صاكها ودخلات معصبة.. كسيرات وتوجهات لدارها
__________
نرجعو للداخل عند يوري كان ايطرطق بالاعصاب شاف فباه كيفاش حاني راصو والناس تيعزيو فيه مشا كلس حداه مساندو وواقف جنبو
طلع بلاما يتسنا جوابها دخل لبيتو.. لقا لمرايا مصلوحا تبسم عرف باه هو لي صلحها مشا جيهت الحمام.. طلق الماء وهو يتفكرها... رجع بداكرتو للوراء
فلاش باك ✨✨✨
صقر : شكون هو باه
سمية تشوكات ودارت شافت فيه مدة .. ماعرفات ماتقوليه بل ومالقات ماتقوليه اش هاتقوليه فهاد المصيبة لي دارت.. شافت فيه وعاودات كررات نفس كلمتها السابقة
سمية : سمحلي
وعطاتو بالضهر ومشات
شاف فيها غاديا حس بقلبو غادي معاها.. قرر يضغط على احاسيسو لي جات بسرعة.... ويعطيها بالضهر كدلك مشا باتجاه البيرو ديال سفيان.. يالله جا يحل الباب وهو يحس بنغزة فقلبو
سد الباب بجهد تا قفز سفيان لي كان لداخل مشا تيجري هبط فالدروج خرج البرا تايدور راصو يمين وشمال ماكاينش حسها.. يالله جا يرجع وهو يسمع شي حد تيبكي
عرفها صوتها. بل وحس بقلبو تيجدبو لتما مشا تا قرب لمصدر الصوت.. شافها عاطياه بالضهر وكالسة على احد الكراسا وتتبكي..
سمية بقات مدة عاد بدات تدوي : اهئ اهئ اهئ اهئ... كنت تنبغيه بزاف ( صقر تزير ) وتاهو كان تيبينلي هادشي... كان ديما تيجي يدييني ويجيبني لليسي ديما معايا وتيوهمني بلي تيبغيني وانا كنت نتيقو....
واحد النهار كان عيد ميلادو وعرضني.. ترددت فاللول مي بقا تيقولي كلشي هايجي الى نتي... زعمت نمشي.. كنت معمية بحبي ليه كنت غبية بزاف.. مشيت لعندو وانا نتصدم بلي مكاين حد غيري انا وياه.. وباش يبرر فعلتو قالي بغيت ندوز هاد النهار معاك وحدك...
تيقتو كي لهبيلة وتما مابقيتش عاقلة على راصي... اغتاصبني وانا ماشي في وعيي دارلي شي حاجة فلماكلة.. فاش فقت لقيتو متكي حدايا عريان بديت نغوت ونضرب فيه ناض عنقني وقالي عمرو يخليني طماننت شوية...
موراها دازت ايام ولا. تينخلني ومتيجاوبنيش... وفوقما ندوي معاه يتحجج... نهار لي ضربتيني بالطوموبيل ول لبارح كنت عرفت راصي حاملا ومشيت عندو قلتهالو وهو يجري عليا.. شوهني وقالي نتي بنت الزنقة.. جيرانهم كلهم تفرجو فيا
وواحد الجارة منهم مشات عند ماما وعاوداتلها كولشي.. وضرباتني وبابا تاهو ساق لخبار وجراو عليا من الدار 😭😭😭😭
انا مادنبي والو.. انا مادرت والو هو لي غلط.. هو السبب ودمرلي حياتي.. ودابا مابقا عندي فين نمشي مشيت لدارنا لاحولي حوايجي وماما. بقيت فيها عطاتني شي فلوس مي قالتلي متعاوديش تجي لهنا شوهتينا
تما صافي جيت لهنا لكوميساريا بغيت نبلغ بيه وهي فين سخفتليك... تيقني اسيدي انا والله ما درت شي دنب انا مادنبي والو....
سالات كلامها وعلات ليه راسها وهي تصدم.. صقر ولا واحد اخر.. عروق راصو منفوخين.. وعيونو حومر.. يدو مزير عليها وسنانو تيتقرقبو.. شاف فيها خلعها
ماخلالهاش الفرصة ضمها بكل قوتو لعندها. وهي بدات تتبكي..
خرج لوا عليه فوطة مشا بدل حوايحو وتوجه لناموسيتو نعسسسس
__________
نمشيو عند حبيبتنا وكبيدتنا وغرامنا جاسمين...
بعدما خرجات من الحمام خرجات ضاحكا.. هي عارفا بلي.. الحمام هو الوحيد لي مافيهش الكاميرات عليها تاترتاح تدوي تما... وبالنسبة ليوري تيشوف غير كاميرا بيتها يعني متيشوفش الكاميرات لوخرين
زائد متيجاوب. تاحد فالتيلي يعني خطتها اتنجح.. وماهايعرف راصو باش تبلات تا. هتسلط عليه.. ولي فهماتو بلي اب يوري يقدر يدابز معاه على قبلها دونك اب يوري هو الحل ديالها وهاتقولو. كولشي باش هو يعاونها
شافت فالباب تيتحل.. لقات غير الخدامة نادتها للغداء.. هبطات. بكل رزناة بعدما بدلات عليها لقات دادا وعماد فوق الطبلة مشات كلسات حداهم ووجهها تيكسوه ملامح الحزن المزيفة
بدات تتاكل بشوية. وباغيا تبينلهم بلي ماعندها شهية.. وهي راه العكس هههه. علات راسها وطلقات وديناتها. فاش سمعات عماد تيدوي
عماد : غدا انمشيو مع 15:00 عندنا الطيارة وجدو راسكم..
جاسمين ابتاسمات بفرح ووافقات على الفور.. شافت الكلب جنب عماد وهي تقربليه بدات تتقيس ليه واحسساس فشكل خالجها
وقفات وتمشات هي وعماد في صمت هي ساهيا وهو ساهي فيها وتيتمنضر فوجهها الملائكي
وصلو للتحت ومشاو بالضبط لداك الجناح لي كبير وحيوطو زاج كلسو فوق لي فوتوي تايشوفو فالطبيعة ويتمنضرو.. اما رباط فكلس فحجر جاسمين عاجبو حالو وهي تتربث عليه...
لي تاهي ناضت وطلعات لبيتها لقات الخدامة وجداتلها الفاليز بطلب من الدادا..
نعسات على الناموسية بعدما دهنات بومادات للحمها ونعس حداها رباط لي حس بالامان معاها.. واخا هادشي ممولفوش اول مرة يرتاح مع شي واحد من اول مرة وهادشي لي قالها عماد ديجا
__________
نهبطو للمغرب لي شميشة بدات تتطلع فيه..
ناض صقر من بلاصتو. تمشا قضا حاجتو وغسل سنانو ووجهو ومشا ديريكت للدريسينك. بدل عليه سورفيط وكيطما.. وخرج
خرج من بيتو ناشط وفرحان وعاجبو حالو هبط لقا مالين دار مزالين ناعسين مشا للكوزينة قاد قهوتو شربها على الريق عاد . خرج مكسيري
________
عند يوري...
خرج من الفيلة لقا باه واقف حدا طموبيلتو مشا تاهو ركب فطموبيلتو وكسيراو بجوج للشركات لي قرر الاب يوريهم ليوري
غادي مموسق ومبتاسم عاجبو حالو صبح ناشط.. سمع تيليفونو تيصوني. هزو شاف فيه ودارو على ودنو
صقر : وي رفيق..
رفيق : شدينا الياس القريشي هاهو فالمركز دابا
صقر ابتاسم بشر وقطع بلاما يجاوبو زاد كسيرا.. وفواحد الوقيتة. ماعرف كيدارت بيه الطموبيل وهو يخرج على الطريق وماتضرب غير مع اوطو اخرى
خرح صقر من طموبيلتو مخلوع شاف فالطموبيل تخدشات شوية.. وتا طموبيلت لاخر ماتقاصتش.. علا راصو شاف فالشخص لي هابط.. كان يوري
تلاقات عيونهم.. واحد تايشوف فلاخر ومرة مرة تايشوفو فطموبيلاتهم لي مقيوسين
صقر ابتاسم : سمحلي اخويا كنت مزروب كنعتادر
يوري ابتاسم هو الاخر : معلش. عادي راه طموبيلتك لي تقاست
غادي فطموبيلتو واخا دار اكسيدون مزالا راشقاليه حاس بفرحة عارمة وماعرفش منين تسلطات عليه.. وقف حدا مركز الشرطة. نزل.. وداز نيشان للاكاب
دخل شاف ف رفيق وخولة كالسين تيشوفو فالياس من الزاجة.. حول نضراتو ليه لقاه كلو مشخشخ.. قرن حواجبو وهدر مع رفيق..
صقر : مكانش عليه الساط تضربو..
رفيق على كتافو : اش هنديرليه هو لي مابغاش يدوي..
صقر شاف فيه ودخل حل الباب وتوجه عند الياس.. لي هز راصو فاش سمع. الخطى جايا اتجاهو... تشوكا فاش شاف صقر بعضمتو وحلالو قدامو... صقر بوجناح ومن لا يعرفه..
. صقر قلب الكرسي وكلس عليه.. تكى عليه وبقى تايشوف فالياس لي نضراتو فارغة. لصقر..
. تبسم صقر : مزال مهتقولينا فينها..
الياس : والللله اخويا ماعارف فينها.. انا من نهار تسالات عالاقتنا. مدرت شفت فيها ولا مشيت جيهتها
صقر : اممممممم تيقتك.. انا. دابا تيقتك ههههه واش كيصحابلك انا طايح على زنافري.. راه ما جبتك اسيدي. تا تاكدت من انك نتا ورا هادشي... ودابا. يا هتقوليا فينها يا غادي تشوف وجه اخر د صقر حيت. لا مشيت مديت عليك يدي.. بربي لا تعاتقت معاك. يالله هدر فينها
الياس تبسم جنب : واش نتا ماعندك شغل كيصحابلك كولشي مسالي قبو كيفك.. راه ماشي لي لقيتوه تجيبوه اسيدي كاينين قوانين
مع كلمتو اللخرة مع جاتو دقة من عند صقر تا عواج عنقو مشا شدو من الكول ديالو وبدا نازل عليه دقة مور لوخرا دقة مور لوخرا تا سخفليه فيديه ودخل رفيق عاد رخا منو
بدا صقر تينهج ولا وحداخر عروقو من قوت الاعصاب بانوليه.. مشا هز كاس دالماء كان حداه وهو يخويه عليه... تا فاق الياس مخلوع
رجعليه صقر وكشاشكشو خارجين من فمو شدو من الكول ونطق مغزز سنانو.. : فينـــــهـا
الياس بقا ساكت لمدة وتيفكر علاش ايخبي عليه ايزيد عليه غير الصداعات والمشاكل زائد. جاسمين لي كان بغاها داها يوري.. ابتاسم بجنب وفمو تيسيل بدم : يوري القباش
الياس رجع تبسملو ابتسامة استهزاء : هادشي ماجابولوكش خبارو ههههههه انا عانقوليك... ديك النهار لي كنت فلوطيل راه كنت باغي غير نحميها حيت جاوني خبار بلي يوري القباش ناوي يخطفها ويبيعها فالمزاد.. حيت عندو عداوة معاكم قرر ينتاقم منكم بديك الطريقة... 😏😏😏😏
صقر دفالو تايخرج بالاعصاب : فيييييين
الياس : بــــــانكوك عاصمة الدعارة.. لي ولات ختك منهم دابا
صقر صافي. مسكين روحو طلعات عند بارئو بالاعصاب.. ومالقا قدامو غير الياس لي كان مشخشخ وزاد كمل عليه تا قرب يموتليه فيديه دخل رفيق وخولة مافكوه منو غير بزز.. خرجو الياس هبطوه لسيلول و صقر باقي يعرعر ويغوت..
تهدن عاد طلقو رفيق.. صقر بدا يخنزر فيه شوية خرج دفع الباب بقوة وزاد.. هز تيليفونو دوز الخط
صقر : كايلا.... يوري الصقر.. كاع المعلومات يكونو عندي من دابا ساعة . وحجزيلي. اول طائرة لبانكوك دابا.
.
كايلا: اوكي شاف.. الرحلة الاقرب الى بانكوك كاينا تاليل اسيدي..
صبر : اوكي حجزيلي فيها ... ومتنسايش يوري القباش (ضغط عليها )
قطع عليها وتوجه لطموبيلتو ركب وهو يضرب يدو مع الكيدون بعصبية.. افاف وشاف شحال فالساعة كانت 10.. جات ديريكت فبالو سسمية ... كسيرا وتوجه لعندها
وقفات طموبيلت صقر فحي راقي بزاف والنقا يشعشع منو.. كان عبارةة عن موبل هادئ لاقصى درجة
نزل. هز شي ميكات من الكوفر. وتوجه للداخل برك على الطابق الرابع وطلع بيه.. جبد سوارتو وحل الباب. كانت الدارر هادئة ومافيهاش حس شي واحد..
قرن حواجبو ومشا اتاجه للصالون مكاين حد مشا للكوزينة مكاين حد مشا لغرفتها. طل بشوية لقاها خاوية تتصفر.... راصو ضارو وزادت عليه سمية وماجاه على بالو غير هربات
بقا مدة شي نص ساعة وهو كالس فوق الكنباي تما جاه الفشل.. ماقدش ينوض... سمع الباب تيتحل على راصو ومجات غير عليها داخلا .. ناض بلاما يفكر تاجه ليها وخشاها ديريكت فحضنو..
صقر : فين كنتي.. صحابلي مشيتي
بقا مدة شي نص ساعة وهو كالس فوق الكنباي تما جاه الفشل.. ماقدش ينوض... سمع الباب تيتحل على راصو ومجات غير عليها.. ناض بلاما يفكر تاجه ليها وخشاها ديريكت فحضنو..
صقر : فين كنتي.. صحابلي خليتيني ومشيتي
سمية تشوكات مع دخلتها مع حاوطها مافهمات وماعرفات باش تبلات ابتاسمات فعز حضنو وبدات تتبعد منو بشوية
تاهو حس بيها ورخاها.. شافها كيف حانية راسها وحنيكاتها حميمرين... شاف فوجهها عاد تمعن فيه مزيان.. حروفها حمقوه وهبلوه.. شاف شعرها لي كانت طالقاه على طولو وهو يخنزر.. نزل لحوايجها وهنا كانت المصيبة
كانت لابسة دجين مزيير وتيشرط كويرة نواغ وسبرديلة بيضة.. جاه بحالا تتعرض لحمها ومع هي عندها الفخيضات.. حاها السروال مطرطق.. خفا تقليقتو وابتاسميليها بزز
سمية دارت شافت فيه مدة عاد نطقات : علاش تتدير معايا هادشي
السؤال لي حيرو من الاول لي من شحال هادي وهو تيفكر فالجواب ديالو ومعارفوش نهائيا السؤال لي حير. الانشطة الدماغية ديالو هو بالاساس ماعارف مايقولها ناض.. هز سوارتو وتيليفونو داز من قدامها ربث على كتافها ومشا.. مافاقت غير على سدات الباب. بقات تتشوف مدة.. ومشات تتجري لبيتها باكية
________
نمشيو عند يوري حبيبي لي داخل هو وباه للشركة الكبيرة ديالهم. اي موضف تيدوزو من قدامو تيبقا يشوف فيهم كي جايين مواتيين الاب والابن ديالو.. اما نمشيو لواحد الموضفات ولي كانو متبعين يوري غير فالجرائد والانسطا وشافوه دابا قدامهم جاتهم الجلطة
مشاو. جيهة السانسور طلعو فيه وتوجهو بجوجهم للطابق الاخير
تحل السانسور على طابق هادئ بزايد كاع مكانش فيه حس دبانة تتدور كاينين جوج مكاتب مكتب المدير ومكتب السكرتيرة لي برا.. لي غير شافتهم مشات تتجري عندهم وتتقاد ففراسها
السكرتيرة لي كانت دايرا الشال ملوياه بطريقة زوينة ولباسها. مستور ووجهها المشع فيه قليل من المكياج مبينها اكثر انوثة :على سلامتك موسيو القباش..
م. القبباش ابتاسمليها : الله يسلمك ابنيتي كيدايرا نتي وراجلك وولدك.. الامور هانية
يوري ابتاسمليها هو الاخر بدون ميعلي فيها العين عاد تبع باه لي كان غادي جيهت المكتب الكبير دخلو بزوح اما السكرتيرة مشات لبيروها.. الاب مشا نيشان للبيرو شد الكرسي بيديه شير لولدو بمعنى اجي كلس هنا
يوري بلا عكز مشا باتجاه باه كلس فالمكان المخصص ليه وبدا تيضور بيه
م. قباش: مرحبا بيك نهار كبير هدا شرفتي شركاتك ونتا لي اتكون مكلف بيهم منهنا لفوق
جاسمين : سيري ادادا راه راشقاليا مبغيتش نخسرها معاك واخا.. جرات رباط ودازت فيها وهبطات مع الدروج خلات دادا غير تتشوف فيها مصدومة منها
.... هبطات كلسات فوق الطبلة جابولها الفطور اوا كلات تا ماقدات عاد تكرعات شافت عماد كلس حداها وهي تبتاسمليه خلاتو هايم فيها
عماد : بصحتك الالة
حاسمين : الله يعطيك الصحة اسي عماد ههههه
عماد : وجدتي راسك نمشيو. دابا بحرا باش نوصلو لللمطار
وقفات جاسمين وقلبها ايطير من الفرحة : اه اه انا واجدة انطلع نجيب غير لفاليز تاعي
عماد وقفها بيدو وشير لاحد لخدامات طلعات جابتهالها وجات غير حطاتهالها وهوما يسمعو دادا هابطة وتتنكر.. وصلات حداهم طلعاتهم بجوح وهبطاتهم.. اما جاسسمين فبقات حالا فمها فدادا.. لي كانت لابسا سروال دجين وفيست ههه جابتلها الضحك.. اما عماد فمولف بدادا هاكدا
خرجو كاملين ركبو مع عماد فطوموبيل ولي كارد وراهم.. وصلو للمطار دارو الاجراءات و طلعو فالطائرة الدرجة الاولى.. كلسات جاسمين وتقابل معاها عماد
جاسمين : بفففف كون غير جبنا معانا. رباط اعماد
عماد مات بالضحك عليها : ههههههه من نيتك مهايبغيوش يطلعوه فالطياررة
جاسمين : بفففففف والله كون غا كانت شي طريقة.. كون دييناه مسكين
... قلعات بيهم الطائرة فالجو غاديا للمغرب..
____________
عند صقر لي خارج من باب. الدار هاز صاك فيدو.. شاف فمو لي واقفا فالباب ابتاسمليها ودار مابغاش يقوليها بلي عرف على جاسمين شي حاجة تايجيبها بيديه تا لعندها
ركب فطموبيلتو وكسيرا للمطار
_______-_______
عند يوري.. طرطق عنقو بتعب.. شاف فالتيلي شاف تايفوس تيصونيليه.. ماعرفش رشقاتليه على تايفوس وهو يجاوبو
تايفوس : على سلامتك اموسيو يوري.. من شحال هادي تنحاول نتاصل بيك ونتا متتردش ياك لاباس
يوري : لا والو غير كنت مشغولة وصافي. ياك لاباس
تايفوس : والو باس اسيدي راه غير بغيت نخبرك بلي.. عماد ودادا وجاسمين. هابطين للمغرب
يوري. غوت. وضرب على البيرو :كيفاااااااااش
تايفوس : هادشي لي قالي عماد نخبرك لاجاوبتيني را طيارتهم قلعات شي 3 دسوايع هاكاك
يوري قطع عليه وخرج صاعر داز شاف فالسكريتيرة كانت حانية راسها مشا ديريكت للسانسور ركب وهبط مكسيري عارف طيارتهم قريبة تهبط فالاراضي المغاربية
كسيرا بسرعة للمطار
____________
عند جاسمين
هبطات من الطيارة بدات تتكسل وعماد تايموت عليها بالضحك اما دادا غير تتخنزر فيها
شدات فدادا فرحانة ودادا غير تنثر منها ماعاجبها حال ولكن فاش جاسمين راشقالها صافي راه مايحيدهالها حد دابا..
دخلو دارو الاجرائات اللازمة.. يالله جاو يخرجو من الممر وهي تسمع صوت الموضفة تتردد
الموضفة : المرجو من السيد صقر بوجناح الالتحاق بالطائرة المتوجهة الى بانكوك.. نداء اخير
علات راسها مصدومة غير علات راسها وهي تقشع خوها جاي تيجري ولكن عينو الفوق والباين انه مشافهاش .. يالله بغات تعيطلو وصوتها يخرج وهي تحس بشي يد جراتها ... كان يوري. كالاها مع الحيط تا داز صقر تيجري.. عاد دار شاف فيها..
يوري : حسك منسمعوش والى خوك هاتكون هادي اخر مرة تشوفيه
زقاقة السادية الجزء الخامس
محتوى القصة
التنقل بين الأجزاء