انس:(ابتسم وعاود حركها كيضحك)نوضي را الفجر بقات ليه 5 دقايق ويأدن نوضي اعمري(قرب وجهو لوجها وحط لحيتو على خدها كيعنكشها حتى فاقت عاقدة حجبانها وخااسرة وقالت ديخة بنعاس)
براءة:ويلي شنو كدير فبيتي (قفزات وبركات كتشوف فيه خيفة)انس اش كدير هنا وكفاش دخلتي عندي
انس:(جرها عندو كيضحك وقال)كتنعسي كتفقدي الداكرة
براءة:(حطات ايدها على جبهتها وقالت وهي كتسترجع احداث الليلة الماضية بخجل)نسيت مموالفاكش حداية بالليل..شحال فالساعة
انس:(بعد رد شعرها ورا ودنيها)مبقاش بزاف وغيأدن لفجر
براءة:(تفوهات حاطة ايديها على فمها وحطات راسها على صدرو كتمخشش فيه)اممممم باقي فيا نعاس بزاف
انس:(حط ايدو على شعرها وقال)تعودي من الشيطان ونوضي وجدي راسك..مع 8 غنتحركو لمصلى وباك غيكون والواليد حتى هو خاص نكونو لتحت قبل
براءة حركات راسها بحزن وناضت من حداه تنهد وهو متبعها بعينيه داخلة لدوش توضات وخرجات فيقة ووجها حميمر كيف عادتها فاش كتفيق والعينين مجبدين بالنعاس كانت كتبان كيوت بزاف مشات لساكها وجبدات عبايتها دارتها عليها وقادات فولارها وهي كتسمع الاذان كيأدن ناض هز صلايتو وصلايتها فرشوهم وقام انس الصلاة بصوت زوين خلا قلبها يرتاح دعاو الله من قلبهم وختمو صلاتهم دار عندها وجرها لاحضانو وقال كيخفف احساسو وكيخفف عليها حتى هي
انس:انا معاك ديما
براءة:(دورات ايدها عليه وقالت)حتى انا عمرني نخليك
حيدات كلشي وبقات غير ببيجامتها وشعرها مجموع كعكة مهملة جرها انس معاه لسرير وتخشاو فبعضياتهم معانقين ومساخينش ببعض انس داتو عينيه ونعس وهي فحضنو وهي بقات فيقة هزات لفون ديالو لي كان قريب ليها وفتحاتو على الكام وبدات كتصور وتصورو معاها وهو ناعس ودخلات لغالري كتقلب فالتصاور ملقاتش بزاف ديال تصاور ديالو من غير تصاور د عرسهم وفيديواتهم بدات كتشوف فيهم وكتزومي عليه كضحك غير بوحدها وفرحانة كتسترجع ذكريات عرسهم المتواضع حتى وصلا 6:30 حركاتو بشوية نوضاتو وقالت ببتسامة عريييضة
براءة:صباحو نعاس
انس:(حط ايديه على عينيه وقال)صباح نور
براءة:(حطات ايدها على شعرو كتحركها وقالت)نوض احبيبي يلاه نوجدو راسنا
انس:(شاف فيها ببتسامة)شنو غتوجدي نتي خليني غير انا نوجد
براءة:(ميقات فيه وقالت)غنلبس حتى انا ونقاد راسي العيد هدا
انس:(ببتسامة وقف فاتجاه ماريوه حلو وجبد ساشي كبير نوعا ما ورجع جلس حداها وقال)لبسي هادي عجباتني وخديتها ليك
براءة:(بعيون لامعة حلاتها وجبدات منها جلباب مخزانية بالاصفر باااارد ومطروزة بالاوان متناسقة ومفتوحة من جناب كانت جلباب مغربية وبلدية بلمسة عصرية شافت فيه باعجاب)زوينة بزااااااااف حمقاتني شكرا بزااااف
انس:(ببتسامة راحة)الحمد لله ملي عجباتك.. اول عيد ليك ونتي مرتي واول عيد غندوزو وانا فرحان
براءة:(وقفات فوق السرير عنقاتو وقالت)لهلا يخطيك علياااا حبيبي الله يخليك ليا
عجباتها وطيرات ليها العقل خصوصا فاش شافتها بالفولار والبليغة ديالها بدلات وهي فرحانة كطفلة صغيييرة جابو ليها حويج العيد وهو كدلك بدل كيشوف فيها مرتاح وفرحان كيحمد الله ويشكرو فنفسو لبسات وتأنقات وقادات فولارها وكدلك بليغتها ورشات القليل من عطرها وقربات ليه كتقاد ليه كتاف الجلباب والكول د القميجة البيضاء فرحانة حتى كملو جراتو قدام الماريو ووقفو وهزات لفون ديالها وخدات ليهم صور كأنها من يد محترفين ما هي هوايتها بانو بحال شي مودلز بجوج ختارت وحدة ودارتها فليكرون وصيفطات ليه تصاور تحت طلبو وحطاتها بالشاشة الداخلية كمل لمساتو الاخيرة من تقيشرات بويض وبليغة فاسية وتعطر شاف فيها وقالت باعجاب
براءة:انا لي خاصني نخبيك ميمكنش تخرج هكا
انس:(حط ايديه على كتافها وقال)زيدي قدامي من البهلان
براءة:(بانزعاج)كون غير بدلتي شي حاجة من غير هادي..
انس:(كيضحك وهو كيتدوق غيرتها عليه وقال)ليوم نهار كبير عند الله لازم نلبسو افضل ما عندنا ونتعطرو دكشي علاش سكت ومقلت ليك والو.. وزيدي قبل ما ندير بناقص ونقولك لبسي شي حاجة اخرة (شاف فيها بعيون لامعة)ديري خاتمك متحيديهش
سكتات ومعاوداتهاش معاه وجبدات الخاتم من السلسال لي مكيخطاش عنقها دارتو فايدها فرحانة قبل يديها بزوج وقال
انس:فاش نمشيو لمصلى بقاي حدا ماماك والوالدة متبعديش باش نرجعو كاملين ومنبقاش مشطون عليك صافي(حركات راسها بالايجاب وقبل جبينها بحب وشاف فيها ببتسامة)مبروك العيد هه
براءة:(ضربات جبهتها بلطف وحركات راسها بالنفي وقالت)نسيييييت هه..علينا وعليك ا حبيبي وكل عام ونت راجلي وحبيبي
انس:امييين..(شبك يدو مع يديه)مشينا
براءة:(ببتسامة)مشينا
نزلو ببتسامة على محياهم والسر طالع على براءة سبحان الله وجها منور والبسمة زادتها جمال على جمال...اما انس بصلاتو وقربو من الله وجهو ساطع بنور جميييل اعطاه هالة من الجمال الغير طبيعي والهيبة...نزلو وصبحو واكيد باركو ليهم العيد جلسو حدا بعض وشريفة وحسنية كيحطو فالفطور بقمصان جوهرة ونسرين كدلك الكل لابس احسن ما عندو والكل فرحان بهاد اليوم الميمون والعظيم والامداح مطلوق فالدار بصوت مسموع ولكن مزيدش عن الحد حتى يوصل عند جيران ناضت نسرين بركات وسطهم وهزات الفون ديالها دارت سيلفي ليهم ب 3 وقالت
نسرين:اححح الزين عندنا فالعائلة غير مشتت
انس:(ضرها لقرفادتها)تغعدي من حداية
نسرين:(عنقات براءة وقالت)نت لي حيد خليني نتصور مع مرت خويا
براءة:(خدات من عندها الفون كضحك وقالت بشغب)اري نتصورو..
جبدات الفون ديالها لي كان من نوع ايفون اكس اس خداه ليها باها فاش نجحات فالباك من قداتو بورطري وبدات كتعوج هي ونسرين وجمعو شفايفهم ويتصورو وهكاك بقاو حتى جات شريفة وحسنية وخداو معاهم حتى هما صور تذكارية...7:45 جالسين كيشوفو فالتصاور ديالهم بعدما صيفطاتهم ليها تسمع صوت صونيط د الباب وقف انس ونزل حل لباب ببتسامة قبل ايد باه وسلم على عبد الرحيم لي غير شافو عقدهم وهربات ليه الضحكة وكانو حتى خوتو سلم عليهم وباركو لبعض العيد دخلو وتنهد حاير مع نسيبو بقا للحظات وسد الباب وتبعهم لقاهم جالسين جميع براءة وسط واليديها ونسرين معنقا باها وكيضحك مع خوتو لخرين وهو جلس بعيييد عليهم كيشوف ساهي وعقلو كيدور فشي حويج كيخليو قلبو يتزير ونفسو تضياق وهادشي لاحضاتو براءة لي محيداتش عينيها عليه قلبها ما مرتاحش وحسات بالضيق معارفاش علاش لكن شوفتو هكاك طيحات عليها الضيم وجابت البكية دورات عينيها لجهة لي كيشوف فيها وبلعات ريقها وجبدات الفون ديالها وكتبات ليه مساج بدون ما ينتابه باها لانو مشغول فالهدرة والفطور والضحك مع صاحبو وولادو
💬انس:(جبد الفون شاف المساج من عندها وشاف فيها دارت ليه حركة بعينيها باش يقراه وسرعان مترسمات ابتسامة على وجاوبها مبتاسم كأنه مراهق عاد كيكتاشف الدنيا والحب)اش دار ليك ا حبيبة نوريه شغلو
💬براءة:(نرسمات ابتسامة على وجها وهي كتشوفو خرج من المود لي كان فيه وجاوباتو)خطف قلبي وما بقيت قادرة على بعادو
💬انس:(نسا افكارو ونسا كاع دكشي لي كيخالج صدرو ورد عليها)حتى هو مبقاش قادر على بعادك (هز عينيه فيها لقاها كتشوف فيه ابتسم ليها وعاود نزل عينيه على الهاتف)خليني نقول ليهم بلي تزوجنا
💬براءة:(كتكتب بسرعة باش ما يشوفهاش باها)قريب احبيبي مبقا والو يفوت العيد وتمشي العائلة وجي عندو وهديك الساعة غكون معاك وحتى ماما وغنقنعوه اكيد ..حتى انا عييت من هاد الوضع..
💬انس:مكرهتش نعنقك دبا ههه
💬براءة:حتى انا ونوض تفطر خلاص مبقا والو ونمشيو
💬انس:وخا عمري خوي ليا اتاي بغيتو من ايدك
رسلات ليه قبلة على شكل سيمبول وحطات الفون جنبها هدرات مع ماماها فودنها وقربات ليها السينية وعمرات لانس كاس وناض هزو كيشوف فيها وقال قدامهم كلهم حتى شافو فيه
انس:الله يرضي عليك
براءة:(ببتسامة خجولة وتوتر وهي كتشوف فباها والكل لي نتابه ليهم)امين
نسرين:(نقزات وقالت كضحك)هههه ياخويا مالك كتشرف راسك واش مبغيتيش تحيد منك هاد الله يرضي عليك عييت معاك
حسنية:(وهي كتشوف فعبد الرحيم لي هز شوكتو وقالت)يلا ا شريفة نبدلو باش نمشيو مبقا والو وتوصل 8..(شافت فحميد)حميد نوض حتى نت وجد راسك
نسرين:(بعصبية وتحت سنانها)حتى نتي ما سوقكش فالبنت وا تكمشي وبعدي منها راني عارفاك علاش مطوية
سكتات نسرين عاقدة حجبانها معاوداتش تكلمات فحين انس شاف فيها بعينيه وايديه تحت دقنو عاقد حجبانو وهي فهمات اش بغا يوصل ليها ونزلات عينيها رافضة الفكرة كلها عم الصمت بيناتهم حتى دخلو الوالدين ديالهم وعلنو بلي غيتوجهو لمصلى فهاد الاثناء الكل ناض ولبسو بلاغيهم والا سلوى لي قالت بلي مغتمشيش معاهم وخلاوها وراهم وطلبات منها مها تجمع الدار باش غير يجيو يطلعو لسطح نيشان ميبقاوش حتى يسخن لحال ودكشي لي كان رجال متقدمين وبراءة فجنب مها غادا وعقلها مكينش معاهم عيات تهدر معاها مها ومسمعاتهاش حتى حركاتها شافت فيها وقالت كانها كانت فعالم تاني
براءة:ها نعم
شريفة:وصلنا ابنتي
حركات راسها ومشات معاهم فحين الرجال توجهو لمكان المخصص ليهم وحددو بلي غيتلاقاو فنفس البلاصة باش يمشيو مجموعين لدار...بعد مدة زمنية ختمو الصلاة والناس كانو خارجين كأنهم في الحج كان منظر مهياب وكيفرح برؤية الناس بأعداد غفيرة خارجة من المصلى لابسة افضل معندها ومتعطرة بروائح زكية تلاقاو ورجعو لدار وهما ضاحكين ولي تلاقا معاهم يسلم ويبارك ليهم لعيد وانس عينيه غير عليها وهو ما مرتاحش قرب بدون ما يتير انتباههم ليه وحط ايدو على ضهرها حتى قفزات وقال
انس:مالك اعمري شعندك
براءة:(شافت فيه ببتسامة)والو احبيبي مكين حتى حاجة
انس:متأكدة
براءة:(حركات راسها بالايجاب وقالت)انس (شاف فيها بدون ما يتكلم وقالت)متبقاش عنيف مع سلوى شد ليها الخاطر والى دارت شي حاجة دير راسك مشفتيش ولا مسمعتيش..(بلعات ريقها وقالت بخفوت)مبغيتش تكون حساسية بيني وبينها
براءة:(بترجي وهي عارفاه اش كيقصد)عفاك ا انس مبغيتش نصدم بابا مبقا قد ما فات خبيناه عام قادرين نخبيوه غير صبر عفاك
انس:احنا غنشوفو كلامك فين غيوصلنا
شافت فباها وحميد لي مشغولين مع جيران وكدلك شريفة وحسنية ونسرين لي كيهدرو مع جاراتهم وجراتو حتى نزل عندها وقبلات خدو بسرعة كضحك وقالت
براءة:غيخرجنا فحيط عارفة ولكن لاهما هكاك ولا نصدمو ويسخط عليا ....
-توادعو وطلعو لدار بدلو ولبسو غنيدرات لروينة لقاو سلوى فالسطح معمرة الما وموجدة لماس(السكاكين😅) وكلشي وجالسة بقات براءة ونسرين لتحت وانس طلع يبدل باش يدبح حتى حسات بالفون كيصوني جوبات قدام نسرين قال ليها حويجها باقين عندو فالبيت تصيفط نسرين تنزلهم هو غيمشي مع خوتو وعبد الرحيم يجيبو الخرفان وقال ليها بلي الخروف ديالهم حتى هو كين لان فاش كيتزوج الشخص لازم يشري الاضحية ديالو هو والزوجة ديالو لانه اصبح رب اسرة ضحكات واكدات عليه يوريه ليها فاش يطلعو لسطح ودكشي لي كان دخلات هي ونسرين لبيتو حيدات جلابتها ولبسات قميص جوهرة خفيف بالراندة لاحت عليها شال وتبتاتو باش ما يتحلش ويبان شعرها وتمشات كتحس بوجيعات تحتها سمعات صداع وانس كيغوت على خوه باش يشد مزيان وميزيرش الضحية من كرشو طلعو الحوالا واحد مور التاني وفكل مرة انس مضارب مع خوتو جاب ليها الضحك وقالت
براءة:مالو غير كيغوت اويلي هه
نسرين:(كضحك)كل عام هكاك غير ولفي مزال مشفتي والو
ضحكو وخرجو من بيتو فاش سمعو الحس تقطع والغوات جاي من سطح طلعو كيهدرو وشادين الحديث وكل وحدة شادة الهاتف ديالها فايديها لقاو السلام وجلسو بعادات مجمعين فحين شريفة وحسنية واقفين على اهبة الاستعداد لتكراط الدم وما يليه...وسلوى كتسيلفا راسها ومع خوتها صغار وتصور فالاضحية خرجو الحولي الاول كان ديال حميد وقف فجنب انس شاد الموس وراه فحين انس شد الخروف من رجليه وبسمل ورفعو باش يطيح وتبتوه خوتو لي كيتعلمو حتى هما وخاشيين راسهم حط ايدو على عنقو ونزل حدا ودنيه وهو كيحرك ايدو على عنق الخروف وقال بصوت هادئ مسموع نوعا ما "اعوذ بالله من الشيطان الرجيم بسم الله الذي لا يضر مع اسمه شيء في الارض ولا في السماء وهو السميع العليم " قالها وكررها مرات عدة حتى استكان الخروف واصبح خاضع كليا بعدو دراري وتقدم حميد فايدو سكين حاد للذبح قال بسم الله ودوز على الخروف وللاسف عدب الخروف في الدبح سكت انس بدون ما يعلق على طريقتو وهو عاض على شفايفو بغضب نوعا ما وبعد على الخروف مخليه كيتركل فحين براءة خشات وجها بين يديها كتبكي مكتقدرش تشوف الحولي كيتدبح وهادي اول مرة تحضر لمراسم الذبح....تقدمو النسا ومعاهم سلوى كيكرطو الدم ويخويو الماء على الارض باش ما يلصقش وانس كيجرو من على الدم باش تبقا بطانتو نقية لانه فقرارة نفسو الاضحية شيء مقدس ولازم تبقا اي حاجة خاصة بيه نقية ومتوسخش
باش تبقا بطانتو نقية لانه فقرارة نفسو الاضحية شيء مقدس ولازم تبقا اي حاجة خاصة بيه نقية ومتوسخش....بعد لحظات سكن جسد الاضحية وهزوه علقوه وانس هز سكين صغير دارو فالما غسلو وتوجه للاضحية مركز معاها وباحترافية كملها بدون ولا تقب ولا خدش فالجثة د الاضحية سالا وجابو الخروف التاني ديال عائلة براءة ولي كان حتى هو صردي وكبير انس شاف فبراءة كيضحك وهو كيدوز ايدو على عنق الخروف وكيشوف فيه مبتاسم
انس:(دور وجهو بسرعة فاش سمع بكائها وقرب ليها بدون ما يحس ناسي الخروف لي كان غيهرب لو مكان خوه وباه شادينو وقال)مالك علاش كتبكي
شريفة:(معنقة بنتها لي خاشية وجها فصدرها)متخافش اولدي ديما كيوقع ليها هكا ملي كانت صغيرة راك كنتي كتشوف مكانتش كطلع لسطح حتى كينكملو كتعاوني غير فالشي لاخر
انس:(حرك راسو بتفهم وقال)معليش نزلي حتى نساليو وطلعي
براءة:(شافت فيه)واش غتقتلو
عبد الرحيم:(قرب لبنتو وقال)ماشي كنقتلوه راه اضحية غيمشي لجنة نيشان
انس:(وافق كلام عبد الرحيم)هادي سنة ا براءة مفروضة علينا
براءة:(بحزن طفولي ومرة مرة كطلعها شهقة)يعني مكين حتى شي حل
انس:(حرك راسو وهو مكارهش يخشيها فصدرو ويسكتها)لا
براءة:(بترجي)متعدبوهش عفاك غير بشوية عليه
عبد الرحيم:(كيضحك وقال)ياودي على لمراة لي غنزوجوها ياودي
شريفة:(شافت انس دور وجهو مصدوم بغا يهدر وهي تقاطع كلامو شريفة وقالت)بنتي باقا مساخية بيها ومنعطيها غير للي يستاهلها انشاء الله
حسنية(مغيرا مجرا الحديث):ويلاه كملو را الحال بدا كيسخن
براءة:(بخوف)نقدر نمسو
انس:(شد فايدها قدام عبد الرخيم لي كيشوف ولكن معلقش مباغيش يخسر الجو د العيد وينكدها شاف فشريفة لي ابتسمت ليه وقال)اجي معايا ومتخافيش
براءة:(بخوف)غيضربني
انس:(ضحكاتو بلهلا يطريه ليه وقال)لا متخافيش....
عبد الرحيم:(كيضحك)راني والد اكبر خوافة على وجه الدنيا
انس:(كيشوف فيها وقال بصوت هامس وصل لادنيها وخلاها تبتاسم)مرتي مخوافاش مرتي اشجع من الشجاعة نفسها..وليوم غتقصح قلبها شوية وتحضر لدبيحة د الخروف ديالنا وتعيش اول عيد ليها مع راجلها ياك اقلب انس وروحو
سلوى(بغيظ):شاركنا كلامكم باراكا ما تهامسو بيناتكم
انس:(بنضرات قاصحة تدل على نفاد صبرو وقال باش ما يبين والو)قلت ليها تقصح قلبها وليوم انشاء الله غيتحيد هاد الخوف
عبد الرحيم:على الله واش باقي شي واحد كيخاف ويبكي على الحولي
نسرين:هههه بكاية
انس:(قال وابتسامة خفيفة على وجهو)ماشي كتخاف اعمي هي غير حنينة بزاف (كمل بهمس)ياك اعمري
شريفة:(جابت ليها الضحك)والله يا بنيتي الى كنحس بيك بعد المرات عندك 5 سنين (الكل ضحك موافق على كلامها فحين حميد قاطعهم)
حميد:(شاد الحولي وبدا كيغلب عليه وقال)انس دوز هدا حتى تجيب لاخر وخليها دير لي بغات فيه
انس:(ابتسم انس بالرغم من انه عارف لاش قال هكاك الا انه عاونو بدون ما يعرف وقال)وخا الواليد
بنفس الطريقة طيح الحولي وستكان ودوز عليه عبد الرحيم بعدما بسمل وسلخوه وخواوه وتكلفات شريفة وبراءة لي كانت كتنخصص مقادراش تحبس دموعها حتى خرجو الخروف الاخير ولي كان تحت اسم براءة وانس ولي كان صردي وكيف بغاه هو وبالمواصفات لي قالت براءة وما قنعو حتى شحف عبد الرحيم وندمو علاش قبل ياخد ليه الحولي خرجو وشاف فبراءة لي عينيها لمعو وقالت بصوت خفيف
براءة:شحال زوين
شريفة:(قربات لودن بنتها وقالت باعجاب)الحولي لي خداه راجلك هو هدا تبارك الله كفما كيعجبك(ابتسمت وشافت فيه)
انس:(عيط ليها تمشي عندو وتقدمات)اجي
براءة:(وقفات حداه وقالت)تبارك الله
انس:(شد ايديها وحطها على جبهتو وهي كضحك عاجبها الحال)كيف جاك
وبراءة قربات لاذن الخروف بتشجيع من انس وغمضات عينيها وقالت بهمس كأنها كتحاكي انسان
براءة:(بهمس)غنشارك معاك اقرب اية لقلبي..(بدأت في الترتيل بصوت هامس لكن وصل لآذان الموجودين كاملين وابتسمو برضى وهو كان كيرضي عليها فسرو وكيحمد الله ويشكرو على توفيقو في اختيارو)
قبلات رأسو والخروف هاااادئ وفسكووون تااام بعدات وعينين الخروف تبعوها فاش بعدات طلق صوتو كأنه مساخيش بيها تبعد وتنفسو تزاد قرب انس بنفس طريقتو بالرغم من انه ملقاش معاه صعوبة وقال اعوذ بالله من الشيطان الرجيم بسم الله الذي لا يضر باسمه شيء وهو والسميع العليم عادها عدة مرات حتى رجع الخروف فهدووء وسكينة خدا من عند خوه السكين وكبر ودوز عليه تدويزة وحدة ابتسم وشاف فبراءة لي كانو عينيها عامرين دموع معلقين فالخروف وشادة الفون فايديها كتصورو فيديو باش يبقى ذكرة عندها وعطات الفون لنسرين تكمل التصوار ومشات جلسات حاسة بالحريق تحتها..
داز الوقت وانس كمل دكشي لي كان كيدير وخلا لي بقا لعيالات تكلفو بيه نزل لبيتو لقاها حاطة ليه لحويج لي يلبس وموجدة ليه الدوش ابتسم وحيد لي عليه نيشان لدوش وكدلك وعبد الرحيم نزل لدارو باش يدوش ويبدل وعاد يرجع باش يتغداو جميع...داز يوم العيد فجو مليييء بالمرح وبراءة لي بقاو شادين فيها خصوصا رضى وصلاح الدين اما سلوى شادة الفون ديالها وجالسة مكونيكطية..تغداو وجلسو مع بعض حتى فصلو الحولي وكل واحد مشا لدارو يوجد عشاه...
#تاني_أيام_العيد
جالسة براءة فبيتها كيف العادة كتشوف تصاورها مع انس حتى صونا ليها دوزات لابيل وجاوبات ببتسامة بعد السؤال على الحال والاحوال سولها كيف بقات من الحريق لي تشكات منو طمئناتو بلي نقص بزاف...حتى دخلات مها عندها وجها صفر شافت فيها براءة باستغراب ووجه مها لا يبشر بالخير وقالت
براءة:مالك ا ماما
شريفة:(دارت ليها حركة بايدها باش تقطع ودكشي لي كان عتادرات منو وقطعات عاد قالت)عرفتي شكون جاي عندنا ليوم
براءة:(حركات راسها بالنفي)لا
شريفة:عمك ومرتو ولادو وراجل بنتو
براءة:عادي مالك خيفة هكا مالهم اول مرة غيجيو مرحبا بيهم
شريفة:(جلسات فاشلة حدا بنتها وقالت)راه جايين على اساس يهدرو فيك لولدهم لي برا
براءة:(طلقات الفون لي فايدها وقالت وجها مخطوف فيه لون كترعد.. نزلو دموعها)لا ا ماما عفاك هدري معاه ديري شي حاحة راني مزوجة وعندي راجلي
شريفة:(بحزن)عييت ابنتي منهدر معاه وهو لا بغا يسمع ليا غيشهمني هاد الراجل..هانتي لبسي راه جاي يهدر معاك ويكون خير
شدات فيها براءة بخوف وتوتر وطمأنتها امها لي جابت ليها عباية لبساتها ودارت درتها وجلسات شادة لفون كتلعب بيه حتى عيطات ليه شريفة ودخلو بزوج جلس بجنبها مبتاسم وقال
عبد الرحيم:(بفرحة)بغيتك توجدي راسك ابنتي ليوم جايين دار عمك باش يخطبوك لولدهم
براءة:(زيرات على لفون حتى تحل ودازت لابيل لآخر ابيل هدرات معاها ولي لسوء الحظ كانت لأنس وقالت)مبغيتش نتزوج دبا حتى نكمل قرايتي ونخدم عاد نفكر فالزواج
عبد الرحيم:البنت ابنتي مهما قرات وعلات فالاخير غترجع لجناح راجلها ودارها وزيدون علي مغيحبسكش على قرايتك
براءة:(شافت فيه بتردد وقالت بخوف وتوتر)حتى انس مكانش غيحبسني على قرايتي ا بابا
عبد الرحيم:(عقد حجبانو وقال)هداك ميصلاحش ليك وانا عارف مصلاحتك فين ولد عمك هو لي يستاهلك وخيرنا ميديه غيرنا
شريفة:ا عبد الرحيم الله يهديك واش نت لي غتزوج خلي لبنت تقرر شكون بغات وشكون ما بغات وعلي انا مبغيتوش ليها قلبي مكيرتاحش ليه..وكيقولك بعد من دمك لا يطليك مبغيناش ندمو من بعد وعندنا غير عوينة وحدة باش كنشوفو
عبد الرحيم:(بحدة)نتي دخلي سوق راسك يا هاد المراة وخليني مني لبنتي انا عارف مصلاحتها فين كينة اولد عمها هو لي غتدي
براءة:(بتمرد وصوت قريب للبكاء)مبغييتش مغنتزوجوش وخا يبقا غير هو على وجه الارض
#الطرف_لاخر
عند انس حاط لفون على ودنو كيسمع الحديث لي بيناتهم وصدرو كيطلع وينزل ووجهو ولا حمر وقف من بلاصتو شاد الفون ومزال كيسمع فحديثهم حتى تلاقا مع مو عند باب بيتو جاية عندو بمجرد ما شافتو هكاك عرفات شي مصيبة واقعة حبساتو وقالت
حسنية:مالك اوليدي فين غادي
انس:(بحدة وعينيه حمرين عروق ايدو بارزين)حيدي الوالدة من قدامي
حسنية:(بخوف) فين غادي معامن مضارب
انس:(دار سبيكر وخلا حتى مو تسمع الخصام لي دير بين عبد الرحيم وبراءة وقال بغضب)غنمشي نفك هاد الروينة ونفركع هاد الرمانة
حسنية:(شداتو من يدو وجراتو البيت كترضي عليه وقالت)الله يرضي عليك اولدي لعن الشيطان وخدم عقلك كلشي كيتحل بالعقل خلي حتى نشوفو شنو غدير براءة وشريفة وديك الساعة الى متراجعش دخل نت ولكن متصدمش باها فيها
انس:(بغضب)عام هادي وانا كنقولها خليني نهدر معاه مكتسمعش وانا كي الحمار تابعها فهبالها حتى ولاو يجيو فيها الخطاب وهي على ذمتي
حسنية:لعن الشيطان اولدي..هي معليها والو خيفة من باها و...
سكتات فاش سمعات صوت الغوات وبراءة كتبكي من الفون انس بدون ما يهدر خرج كيجري وخا حاولات حسنية تمنعو لكن مقدراتش وهو عارف بلي ضربها بمجرد ما وصل عند الباب تسمع لخبيط فالباب والغوات حل عليه انس وهو شاعل عينيه كيطلقو شرار اما عبد رحيم بمجرد ما شافو شنق عليه وبدا كيغوت ويعير فيه وبراءة وراه كتبكي ووجها حمر مطراسيين ايديه فوجها كتحرك راسها بالنفي بمعنى متقول ليه والو
عبد الرحيم:باغي ضحك ليا على بنتي اولد الحرام ها هدر الكلب بقات ليك غير بنتييي
انس:(عض على فكو بغضب قاتل وقال بصوت منخفض ولكن كبين انه واصل لحدو ومحكم فراسو بزز)دخل وخلينا نهدرو الغوات معندو ما يجيب من غير الشوهة لبنتك دخل
حميد:(خارج حافي القدمين مخلوع ومعارف اش واقع وكدلك نازلة حسنية ونسرين ودراري وسلوى لي كتفرج من بعيد بشماتة)اش كين شواقع هنا
حسنية:(وهي عند بالها بلي عرف)سي عبد الرحيم دخل لدار وخلينا نتفاهمو بالعقل لولاد ما عليهم والو حنا لي
انس:(خرج عينيه فمو باش تسكت وقال مقاطع كلامها بحدة وغضب)عبد الرحيم دخل خلينا نهدرو الى كان شي غوات نغوتوه لداخل مكين لاش نسمعوه لجيران
عبد الرحيم:(شاد انس من ياقتو ووجهو حمر كيغوت)والله يلعن بووووك على بو جيران فرق عليك بنتيييي ومتبقاش دور بيها ولا والله تا ندعييييك
شداتهم حسنية ونسرين دخلوهم لداخل وبقا انس وعبد الرحيم فالخارج عبد الرحيم كيغوت وحميد زايد ليه فيه وانس على اعصابو مبقاش قادر يصبر ودخل مخليهم وراه وهو على حافة اخر درة من الصبر
حسنية:حميد دخل صاحبك ودخل خلينا نتفاهمو(شافت فعبد الرحيم وقالت بعصبية)الغوات معندو باش يفيد كلنا كنعرفو نغوتو ولكن ماشي كلنا كنعرفو نهضرو بالعقل بحال هاد الضروف
دخلات مخلياهم بزوج برا وحميد كيستفسر من عند عبد الرحيم لي قال ليه شنو شاف فتيليفونها (الصور لي تصورات معاه نهار العيد)ودخل حتى هو شاعل نيشان لانس لي كان جالس كيحرك رجليه بعصبية وكيشوف فبراءة لي مخشية فنسرين وكتبكي وشريفة لي سخفانة وكتعاود لحسنية
شنو دار ليها والعصا لي ضربها انس حس براسو كيغلي من لداخل حس بالعافية شاعلة فيه وهو كيسمع لشريفة وعينيه ضلامو مبقا كيشوف والو من قدامو ما حس غير بحميد صرفقو بكل جهدو حتى دار وجهو وبراءة شهقات بغات تنوض عندو شداتها نسرينحابساها وقال كيغوت ومخرج عينيه
حميد:بنت صاحبي اولد الحراممم هي لي بانت ليك من دون لبنات كاملين
انس:(وقف بعصبية وقال حادر صوتو احتراما لباه بالرغم من عصبيتو)براءة معمرني فكرت نقيسها فالحرام ولا حتى نطول فيها الشوفة
حسنية:(وقف عليه باغي يعاود يصرفقو وحبساتو حسنية وقالت مخرجة نيابها)عبد الرحيم ولدي وانا عارفاه وماشي ديال دكشي لي كتقول فيه
عبد الرحيم:(جبد الفون من جيبو وتوجه لعند براءة وغوت عليها حتى قفزات وقال)حلييه
براءة:(شداتو كترعد من عندو وقالت بترجي):بابا والله انس مدار والو حن
عبد الرحيم:(صرفقها وقال)سكتيي من سمعش حسك مزال مساليت ليك نتي
انس:(بغضب توجه عندو وجرو من عليها تقابل معاه وقال غضب شديد)الى عاودتي حطيتي عليها يدك هديك الساعة غيكون حسابك معايا
براءة:(شادة حنكها وكتبكي قالت)انس عفاك غير سكت متزيدش تكبر المشكيل
سلوى:(بشر وشماتة قالت وهي كتمسكن)بغيت نقول شي حاجة وخفت(كلشي دور ليها وجهو من غير انس لي كيشوف فبراءة وكيطمنها بعينيه)
حميد:(كيشوف بكره فأنس)قولي متخافيش مكينش لي يمسك محدي حي
سلوى:(ببراءة مصطنعة قالت وهي كطلق سمها)انس كيبغي براءة من شحال هادي وحتى براءة وتأكدت شحال هادي ملي شفتهم فالدروج
عبد الرحيم:(خرج عينيه وقال بغضب باش تكمل كلامها)كمليييي
حسنية:(بالغوات)سلواااا
براءة:(كترعد بالخوف ودموعها على خدها وقالت كتستنجد بيه )انس
انس:(قرب لختو ببرود شاف فيها ودار ليها اشارة بايدو تسكت ومتخافش وقال وعينيه على سلوى لي بلعات ريقها)كملي شنو شفتي
سلوى:(بتعثر في الكلام)شفتكم بزوج فوضع ماشي هو هداك
عبد الرحيم بدون ما يتسنا كتر طار على بنتو براءة وكيسب ويلعن فيها وهي كتبكي ومخبية وجها كتسنا الضربة توصل ليها وعلى لسانها "كدوب كدوووب..الخ
طار انس من حدا باه وجر براءة وراه وقال مخرج فيهم عينيه كاملين وصدرو كيطلع وينزل ضرب الطابلة برجلو حتى تقلبات
انس:اقسم برب الكعبة ويقيسها شي واحد حتى ندفنو فبلاصتو ولو يكون باها لي والدها....(شاف فيها وقال حاط ايدو على خدها وهو كيترعد بالعصاب)سيري لبيتي وسدي عليك متنزليش حتى نعيط عليك..
براءة:(بقات لاسقة فيه وكتبكي وكتقول)لا منخليكش منخليكش بوحدك...
انس:(بعصبية وهو حاس براسو غينفاجر قال بالغوات)نسرييين ديها من هنا
عبد الرحيم:اجي لهنا..اجي لهنا ا بنت الحرام باغا تشوهيني
أنس:(قرب ليه بانفلات اعصاب وقال بعصبية)علااش غتشوهك اش دارت هاد براءة حتى نهامل معاها هكاا اش داارت
شريفة:(بالغوات قاطعات عبد الرحيم وهي منهارة كليا)باراااكاااا دعيتك لله..دعيييتك للله يا عبد الرحيم بعد منها اش باغي عندهااا اش من صغرها ونت كتحركها كي بغيتي وحتى فكبرها عقدتيها فحياتها ومرضتيها فيها اش باغي عندها مزال واقف ليها حتى ففرحتها الله ياخد فيك الحق
عبد الرحيم:(تقابل معاها وقال بالغوات)كوووون ولدتي ليااا الولد كون راني هاني ومنحط ايدي على حد ميدلني حد منوصل لهاد الماصل
حميد:(جر عبد الرحيم على شريفة..شاف فأنس بغضب)عجبك هادشي لي وصلتينا ليه سير الله يلغيها ليك الله يعطيك مصيبة يا ولد الحرام
انس:(كيشوف فباه بحرقة وقال كيدافع على راسو ويديه مزيرهم)مدرت حتى حاجة خيبة راني تربيتك
براءة:(شافت فحميد وقالت بترجي كمحاولة منها انها دافع عليه)عمي انس مداير والو والله وسلوى كتكدب معمرو قرب ليا
انس (بغا يجرها عبد الرحيم لقا انس فوجهو دفعو بعنف وقال محدرو)تقيسها نفنيك من الدنيا....
( بغات تهدر حبسها وغوت عليها باش طلع وشاف فباه بغضب وجهو حمر وعروق يديه بارزين جامع يديه على شكل لكمة وقال بنبرة خشنة وحادة بصوت مرتفع وعينيه فعينين باه)علاااااش كتعاملني هكا واش انا ماشي ولدك(بحرقة)غير هما لي ولادك ا با مدرت ليك حتى حاجة خيبة طول عمري حادر الراس وكنسمع ليك وخا فكل فرصة جاتك كتلوح عليا سمك...شنو درت ليك باش تعاملني هكا(ضرب الحيط بلكمة غاضبة وقال بالغواات)علاااش
الاب:(بغضب كبير قاطعو وقال بالغوات)ولييييتيييي تهز عليييييااااا صوتتتتك اولد الحرااااام وليتي تغوت طوالو ليك رجلييين وتقادووو لكتاااف الله يلعن بوك الكلب.....
الام:(قربات لراجلها كتبكي وتزاوغ خيفة منو مقاطعة كلامو)انا مزاااوكة فييييك الى مخليه خليييه غير يبرد ويجي يطلب السماحة ويبوس ليك راسك هدا ولدي وانا عارفاه ولدي اسي حميد الله يخلي ليك معز عليك..(بتأكيد كأنها باغا توصل ليه شي حاجة)ولديييي وكبدتييي
الاب:(الغضب عما ليه العينين والشيطان لعب عليه دفعها حتى كانت غطيح وقال مخرج عينيه وتشاش كيخرج من فمو)دخليي سق راااسك ولا هزي عليا شطيطك وخرجي من دارييي الى زدتي كلمة وحدة ما نتي مرتي ما نا راجلك وغنسخط عليك ليوم الدين
انس:(جر مو وراه بعدما كالاها باش مطيحش ضرب الباب برجليه حتى تهرس وقال بالغوات)علااااش هادشيييي كاااملل اش درت ليك اعباد الله باش متحملنيش وتعاملني هكا واش انا عدوووك (بحزن فنفس الوقت الغضب لاعب عليه حتى هو كيحاول يضبط اعصابو ويتحكم فنفسو على قدر المستطاع) راني ولدك لحمك ودمك ا با
الاب:(قاطعو بحدة وهو هاز ايدو معارفش اش كيخرج من فمو)انا ماشي باااااك متبقاش تقول ليا بااا نت ولد زنا ولد الزنقة لي ولداتك لاحتك فطارو د زبل وخلاتك......(نعت جيهة مو)هي لي جابتك انا عمرني بغيتك
هز راسو بعينين جاحضين وابتسم وهو كيحاول يتحكم فالغصة لي فقلبو ويخبي ضعفو وبينو وبين راسو كيردد "انت تقوى من انك طيح قدامهم الله فكتافك واقف معاك كون قوي" وقال:نقدر نكون ولد الحرام ولا ولد الزنا كاع ولكن ماشي فأخلاقي ا سي حميد ونت ا سي عبد الرحيم براءة مرتي على سنة الله ورسوله
صدمة ورا صدمة بالرغم من ان صدمة انس اكبر وجرحها اعمق الا انه تحكم فراسو وخبا ضعفو بينو وبين راسو شاف فعبد الرحيم بهيبة وخيلاء وقال
انس:(بتقة وهيبة خلات الكل كيشوف فيه)بنتك ا سي عبد الرحيم حطيتها فعينيا وها مها تشهد عليا هزيتها بين رموش وكبرت بيها وعزيتها وعمرني فكرت نآديها..جيت عندك وطلبت منك نتزوجها 2 مرات ونت شنو ردك(باستهزاء) رفضتي ولكن القدر كان ليه قرار ورأي آخر براءة مكتابة لأنس ومكينش لي غيحيدها ليه...عندي ليك سؤال واحد وكنتمنى تجاوبني عليه بكل صدق...(حدر عينيه وعاود هزهم فيه وقال)واش بسبب هادشي رفضتي تزوجني بنتك
عبد الرحيم:(جلس فوق السداري ونوعا ما قلبو لان لانس وبقا فيه فيقو من سهوتو تأكيد انس والحاحو على سؤالو حرك راسو بالايجاب وحدرو بدون ما ينطق)
سكت انس وحرك راسو بالايجاب ببتسامة تمثل الاستهزاء بدون ما يرد شاف فيهم واحد واحد وقرب لمو لي كانت كتبكي وقال ببتسامة مقبل يديها وجبينها
انس:كنتي الوالدة وغتبقاي الوالدة وهدوك خوتي معمرني نسمح فيكم الواجب ديالي جيهتكم غنبقا ديما كنفدو وانا فرحان مسحي دموعك ونساي هادشي لي وقع ليوم (شاف فباه وسلوى لي حدرات عينيها بسرعة)وخا بزاف د الحويج تبدلو علاقتي بيكم مغتبدلش والله يرحم ليك الوالدين على الخير لي درتي فيا نسددو بدمي الى قتضى الحال عتقتيني من الضياع الله يجعلها ففميزان حسناتك ويجعلها شفيعة ليك فيوم العرض...
عنقاتو مو كتبكي فحضنو وخوتو بزوج عنقوه ومساخينش بيه وحتى هما كيبكيو بقا فيهم خوهم لي كان ديما معاهم فقرايتهم وحتى فاش كيحصلو كانو كيلقاوه معاهم..فهاد الاثناء فغرفة انس كانت براءة شادة على قلبها وكتبكي بهستيرية حتى خلعات نسرين وخرجات كتجري من البيت نزلات كتنهج
نسرين(بخوف كتنهجج ضربات فسلوى حتى كانت غطيح وقالت بدون ما تشوف فيها):انس معرفتش مال براءة كتبكي غتسخف بالبكا خلعاتني معرفتش شنو ندير ليها
قبل راس مو وناض من حداهم فاتجاه بيتو بدون ما يبرر لشي واحد بغات تنوض شريفة حبسها عبد الرحيم نترات ايدها من ايدو وبعدات عليه فحين انس طلع كيجري بدل درجة كينقز 3 حتى وصل دخل لقاها على وضعيتها وكتبكي وتكحب حتى تجرح حلقها وولا كيخرج دم قرب ليها خايف حيد ليها الفولار والبينوار لي لابسة وقال كيسكت فيها
انس:(جالس قدامها وكيمسح فدموعها وقال)صافي ششش كلشي تحل مكين والو كلشي عرف وحتى واحد مقال شي حاجة صافي انا معاك متخافيش
براءة:(حركات راسها بالنفي وقالت كتشهق بالبكا)قلبي كيغلي ا انس كنحس بيه شاعلة فيه العافية حاسة بلي كينة شي حاجة خانقاني
انس:(بقا كيشوف فيها للحظات وجرها لاحضانو قبل ما يضعاف ويقول ليها شنو وقع لتحت وقال مكابر)مكين والو تهدني ششش غتمرضي صافي شوفي جرحتي حلقك(ناض جاب كلينيكس مسحات بيه وقال)براكة من لبكا حنى بزوج دبا وانشاء الله غنكونو مرتاحين من هنا لقدام
براءة:(شافت فيه وقالت حاطة ايدها على خدودو)شنو وقع لتحت كنحس بيك ماشي هو هداك
انس:(قبل جبينها وقال)موقع والو خوي راسك..دبا كلشي عرف شنو بيني وبينك وتهنينا من هاد المنامة الحمد لله..غتمشي معاهم حتى نلقا شي حل ونمشيو لدارنا
انس:(قبل عنقها وقال بتعب)ديري دكشي لي قلت ليك الله يرضي عليك مبقاش بزاف وغنكونو بجوج بالخاطر ولا بزز
بدون ما تجاوبو وقفات خلاتو كيشوف فيها معارفها شنو غدير حتى بانت ليه خارجة من البيت تبعها باغي يستفسر منها مجاوباتوش حدها شدات فايديه وكملات طريقها حتى نزلات لتحت دورات وجها بيناتهم واحد بواحد الكل ساهي وكيخمم وكسرت لحظاتهم بصوتها ضعيف وقالت بصوت خافت متعب
براءة:بابا (شاف فيها وملامح الحزن ترسمو على وجهو وهو كيشوف فعينيها منفوخين ووجها حمر وشعر لصق على جبهتها بالعرق وحالتها تشفي اما هي كملات كلامها وقالت)باغي تزوجني بعلي ياك..(قالت بصوت مخنوق بالبكا)بشنو فايت انس هم ولا هو حيت عايش فالخارج وخدام مزيان وعندو دارو هنا ولهيه وطموبيلتو ياك..هداك لي فضلتيه على راجلي شماتة ومكيسواش (تخنقات بالبكا وكملات كلامها بضعف وانس شاد فيها وحادر راسو بأسى)كان..(شهقات بالبكا وسكتات كتشوف فمها وباها وكملات)كان باغي يتعدا عليا وانا بنت 14 عام فدار جدة
مها ضربات جنابها ووباها طاح على طولتو مصدوم اما حسنية شافت فيه بشماتة وتشفي والباقي كلهم مصدومين اما انس حسات بيه زير على يديها وصدرو كيطلع وينزل بعنف وتصلبو ملامح وجهو ربتات على ايدو كتهدؤو وكملات
براءة:والى متقتيش بيا سول جدة عارفة كلشي وهي لي فكاتني منو ومقالتهاش ليك باش متخسروش بعضياتكم وقالت ليا بلي غير كان كيلعب معايا...(هزات ايدها لي مشابكة ايدو وقالت بتمرد وحدة غضب)وراجلي لي نت رفضتيه صاني وصان شرفك عام وهو مزوج بيا بالشرع والقانون (شافت فسلوى لي حدرات راسها)عمرو قاسني ولا قلل حياه عليا كان ديما حاطني فعينيه ومحتارمني وكان باغي يعاود يهدر معاك ويصارحك وانا لي كنت كنحبسو...(سكتات كتاخد نفسها وكملات بثقة)غنبقا مع راجلي وفينما كان غنكون معاه وهدا اخر كلام عندي...(وقالت بانكسار)كنتي باغي الولد وجيتك انا(نزلو دموعها وقالت)ديرني بحالا عمرني جيت لدنيا
بعد كلامها الكل دار كيشوف فعبد الرحيم لي غير ساكت وكيشوف قدامو ومعلق بحتى كلمة مزال الصدمة لاعبة عليه وكلامها زاد على ما بيه فحين انس شاف فيها وقال مخبي غيرتو وعصبيتو ومزير على راسو باش ميديرش شي حاجة وفبالو حاجة وحدة نهار يطيح فايديه غيقتلو
انس:عتادري لباك
براءة:(شافت فيه وقالت)مدرت حتى حاجة نعتادر عليها الى كان شي واحد خاصو يعتادر هو هما لي ضلمونا )كتنعت بصبعها ليهم)
انس:(حرك راسو وقال بهدوء)كيبقا باك لي ضرب عليك تمارة عتادري
براءة:(حركات راسها وقالت)كان ديما كيحركني كيف بغا وانا غير كنسمع اختيار مساري الدراسي هو لي تكلف بيه مستقبلي هو لي ختارو وانا معمرو سولني شنو باغا وشنو مباغاش )كملات بضحكة مستهزئة)حتى من الراجل لي غنتربط بيه حياتي كلها ختارو وكان باغي يرميني لجهنم )شافت فيه وقالت)ولك لا ا سي عبد الرحيم القدر كان ليه رأي اخر وضربت ليك كلشي فعرض الحائط
انس:براءة
براءة:(بغصة) كان غير كيجي وكيفرض عليا ويأمرني بحال شي خماس عندو مكيسوا والو..(بإصرار)مغنطلبهاش مدرت حتى حاجة باش نطلب عليها السماحة
ويأمرني بحال شي خماس عندو مكيسوا والو..(بإصرار)مغنطلبهاس مدرت حتى حاجة باش نطلب عليها السماحة
دارت غادا راجعة لبيتو وشدها من ايدها بغا يهدر وهي تحرك راسها بالنفي لانها مغترجعش فكلامها وقفها شاد فايدها وقال بجدية بملامح حادة
انس:(كيشوف فيهم واحد واحد وبجدية قال)ليوم اخر نهار غيكون عندنا فهاد الدار..انا ومرتي غنستقرو بعاد على هنا
حسنية:(وهي كتبكي)صافي اوليدي سمحتي فميمتك وشكون كان ليا فهاد دار من غيرك
انس:(شاف فيها وقال)مرحبا بيك الوالدة عندي فاي وقت نتي ونسرين وصلاح ورضى...من الاحسن نخوي هاد الدار(قال برسمية وهو كيشوف فحميد لي حادر راسو)سي حميد الله يكتر خيرك على هديك 26 عام لي دوزتها عندك وانشاء الله نعوضك عليها
بقا كيشوف فيه حميد معارف ما يقول وحدر راسو جر معاه مرتو وتم غادي حتى سمع صوت هاتف عبد الرحيم لي كان طايح فالارض هزاتو شريفة وقالت بحقد وكره وهي كتمد ليه الهاتف
شريفة:خوك
عبد الرحيم:(بقا كيشوق فيه للحظات وقال)خليه يصوني تم مباغي نهدر مع حد
شريفة:غيكونو وصلو
انس:(وقف عليها وقال عاقد حجبانو وقال بنبرة خشنة يملؤها الغضب)فين وصلو
حركات شريفة راسها بالايجاب بسرعة دار بخطوات سراع خارج من الدار عيات براءة تغوت عليه لكن مسمعش ليها وحدرها من انها تخرج تبعوه غير خوتو لولاد... فنفس اللحظة وقف عليهم انس سول على علي لي كان كيضحك وهاز الورد فايديه... بمجرد ما جاوبو عطاه لكمة لوجهو طيحو للارض بدون ما يهدر تعالات الاصوات والغوات ديال ماماه وختو وعاود و برجلو لكرشو حتى كحب الدم ونزل هزو من ياقتو وزادو لكمة لوجه بدون ما يهدر ولا يتكلم تقدم راجل ختو باغي يفك دفعو انس وهز صبعو فوجهو وقال
انس:تقرب متلوم غير راسك
بعد عليه وخلاه منو ليه اما مو كتغوت هي وختو فحين باه هاز الفزن كيترعد يهدر مع خوه...خرجو اهل انس كيفكو فيه لكن علي مكانش من العجزين رد دقتو لكن خوا ليها انس مستغل انه ممركزش 100%بسبب الضربات لي عطاه بقا كيضرب فيه حتى فشلو وخلاه كلو دمايات حتى واحد مقدر يجرو من عليه دخلو دراري ولاد دربهم تحاماو عليه وبزز باش جروه من فوقو مزال ما برد وهو كيشوفو مليوح فالارض ومقادر حتى يهدر
انس:(نفض من عليه يدين دراري عاقد حجبانو وقرب ليه جلس قرفصاء وقال)ايديك نقطعهم ليك عينيك نحيدهم من بلاصتهم الى شفتي فمرتي تاني مرة
دفل عليه ورجع داخل لدراهم لقاها عند الباب شدها من ايدها جرها معاه صدرو كيطلع وينزل مزال متسرطات ليه دخلو لبيت ترمات فحضنو وقالت بخوف كتقلب فيه
براءة:مفيك والو ياك مقاصكش
انس:(حرك راسو وقال)لا..
#في_الاسفل
محمد:(اخ عبد الرحيم كيغوت)شكون هداا واش بغا عند ولدي ليوم نديه فين يتربا
عبد الرحيم:(قرب ليه ودفل على ولدو وقال)هداك نسيبي راجل بنتي والى ما مشيتيش من هنا انا لي غنديكم كاملين فين ترباو خصوصا هاد المسخ ديال ولدك
عبد الرحيم:كي سمعتي من ليوم ما نا خوك ما نت خويا البلاصة لي تعمرها نت نخويها انا
زوجة محمد:(بالغوات وهي شادة ولدها)واش نتوما معديين على ولدي ومزال كتهدرو الحيوانات الله يعطيكم مصيبة باغين ترزيوني فولديي
شريفة:(بغضب)تعطاك نتي وتريكتك يا الحيوانة هي جري خنزك وديه من هنا منبقاش نشوف كمارتكم (نعتات لعلي)درنا بوجه العشرة والعائلة اما نوريه شريفة بنت الشرقاوية اش كتسوا ا سعدية
سعدية:(بدهشة)يااااااااك ا مرت لوسي هادشي كلو خرجتيه من فمك
شريفة:(قربات ليها مغددة وقالت)الا بنتي الا براءة نقتل على قبلها ومنحنش ومزال نزيد لي ميعجبك الى مجمعتي زبلك وبعدتي علينا نتي وتريكتك
محمد:(شاف فخوه وقال)هضر مع مرتك ا عبد الرحيم اش درنا ليكم حنا كاع باش تعاملونا هكا قدام الناس مدرتو بوجه خاوا مدرتو بوجه العشرة
عبد الرحيم:سول الكلب ديال ولدك وسول مك اش كان غيوقع لبنتي وهي بنت 14 عام بسباب الكلب ديال ولدك....عطيني التيساااع
بقا كيشوف فيه مصدوم وفالاخير تعاون هو وراجل بنتو على ولدو ودخلوه للوطو وتحركو من تم....رجعو جميع لدار حميد وكل واحد غارق فهمو فحين انس هدر مع مولات الدار لي كان كراها فاش تزوجو وطلب منها تسناه حتى يجيب ليها شي حاجة تلبسها من عند ختو ويمشيو..ودكشي لي كان رجع وفايدو جلابة بالطرز عطاها ليها لبساتها ونزلو بزوج وقفو عليهم
شريفة:فين غادين
انس:غنستقرو فالدار لي كريت دك نهار بين ما كملات الدار لي خدينا فالاصلاحات وغنتحولو ليها
حسنية:(بحزن)بقا معانا عالاقل حتى تمشي لدارك نيشان علاش غتكري
انس:خاص نمشيو الواليدة هنا ملينا حتى بلاصة ونتي عارفة كلشي
براءة:(مشات عندها عنقاتها)خالتي تقدري تمشي معانا الى بغيتي نتي و ماما
حسنية:(حركات راسها بالرفض وقالت)منقدرش نخرج من داري ابنتي
شريفة:(بحزن)غتمشي
براءة:(شافت فيها ووحركات راسها بالايجاب بون متهدر مخلية غير دموعها)
شريفة:(عنقاتها وقالت وهي كتصنع القوة)تهلاي فراسك وفراجلك وسمعي لكلامو وانا غنبقا مرة مرة نجي عندك نزورك
عنقاتها برائة كتبكي فحضنها ما تفارقو من احضان بعض غير بزز وقالت
برائة:وخا ا ماما..بغيت وراقية د لافاك ولا كارط
شريفة:(حركات راسها وقالت)وخا ا بنتي انجيبهم ليك هما ودهازك وحويجك(هز عبد الرحيم عينيه فأنس بندم باغي يهضر ولكن عاود حدرهم مقادرش يهدر ولا يخرج شي كلمة)
انس:سيري معاها ا براءة
حركات راسها ومشات مع مها معنقاها دخلو لدار وطلعو لبيتها كيجمعو اي حاجة كتخصها بدموعهم بزوج الام مساخيا بنتها وبرائة مساخية تبعد على مها كملو جميع كلشي وبركو بزوجات وبدات كتوصيها كأي ام مغربية غتصيفط بنتها لدار راجلها بعد دقائق نزلو لقاو انس كيتسنا فيهم قدام طاكسي حمر بانت ليه هازة تقل ومشا عندها هزو عليها وحطو فالطاكسي سلم على مو وخوتو وعلى شريفة وكدلك برائة عنقات نسرين وحسنية وودعاتهم بالبكا ركبات فالطاكسي تحت انظار عبد الرحيم وحميد وجيران لي مستغربين تحرك الطاكسي وبراءة خشات وجها فصدر انس كتبكي وتقول مبكيت وهو كيسكت فيها وشاد الخاطر فحين خلاو وراهم ناس كتهدر وكل واحد يلغي بلغاه...
وصلو لابارطومون لقاو مولات الدار كتسنا فيهم سلمات عليهم وعطاتهم ساروت ديال الدار ومشات دخلو انس دخل ليفاليز ديالهم لبيت لي غينعسو فيه ولي هو نفسو لي كانو فيه بزوج اول نهار تزوجو فيه وتلاح فوق السرير حاس بتعب شديييد تبعاتو براءة وبدات كتخلخل اصابعها داخل شعرو للحظات بدون ما يتكلمو حتى حس باعصابو ترخاو شد ايدها قبلها وجلس مقابل معاها وقال
انس:خاصك تعرفي شي حاجة ا براءة مبغيت نخبي عليك والو(بقات كتشوف فيه باستفهام وعاود ليها الهدرة لي قال ليه حميد وختم كلامو بتنهيدة وقال)هادشي لي كين
بدون ما تجاوبو تلاحت عليه عنقاتو وهي كتواسيه وكتأكد على انها عمرها تخليه .....
#تسريييع_الاحدااث
دازو 3 اشهر تقريبا على النهار لي عمرو يتنسا لحتى واحد فيهم وغير مجرى حياتهم بالرغم من سوؤ وسوادو الا انه كان خير عليهم.... براءة وانس تحولو لابارطومون الخاصة بيهم بعدما فرشوها واتتوها على دوق براءة وولكن مطولوش فيها بحكم انس جاه انتقال لمدينة اخرة يتكلف بفرع عاد تحل جديد تيسرات امورو المادية وحتى المعنوية تحسنات....كل نهار يهدرو مع امهاتهم وخوت انس ونسرين ...حميد وعبد الرحيم ندمو اشد الندم حاولو يهدرو مع انس وبراءة ولكن كان الرفض دائما من طرفهم وحسنية وشريفة كدلك قطعو معاهم الكلام خلاوهم كيف الراس المقطوع...كدلك براءة رجعات لفاك كتقرا بعد نهاية العطلة جالسين بزوج فالبيت د الجلوس انس كيتفرج فالاخبار وبراءة شادة الفون كتهدر مع نسرين ومها وحسنية فجروب ومركزة معاهم حتى زاد انس فالتيفي مركز مع الاخبار طلبات منو ينقص الا انه سكتها بايدو حتى سالات النشرة وشاف فيها وقال
انس:اش بان ليك ندفع ليهم وندير شركة خاصة بيا !!!
براءة:(شافت فيه مدهوشة)غدير حتى نت طلب لمقاولة
انس:تؤ كنت شفت واحد الشركة فكازا اسهمها طيحين بزاف ودخلات لسيزي تمنها رخيص بزاف غنهدر مع شي ناس كنعرفهم وناخدها نكبرها شوية بشوية
براءة:ومصعيباش عليك ا حبيبي...تاخد شركة داخلة لسيزي
انس(ببتسامة قال):حغرتيني القطة هه..
براءة:(كضحك)وعلى انا نقدر
انس:(قبل ثغرها قبلة خفيفة وقال بفخر)عندي تجربة كبيرة بسبب هاد العبد الضعيف وصلات الشركة للي هي عليه دبا
عمران:(ضحك بقهقهات مسموعة ومستفزة)وانا باش عرفتو ولدي اصلا باش تقولي ليا غلطنا نتي بعتي راسك بالرخيص ليا و انا اش عرفني ممشيتي حتى مع شي واحد
سلوى:(شهقات وحطات ايدها على شفايفها وقالت)شنو كتقول حرام عليك
عمران:(نفث دخان سيجارتو وطفاها وقال)اخر مرة تصوني ليا انا مضربتكش على يدك عطيتني راسك ونتي كضحكي وعاجبك الحال...سيري قلبي على باه شكون ومتجيش ترهبني عليا منليقش ليك
قطع عليها وخلاها كتبكي وتلعن فراسها وفالنهار لي بغاتو فيه عضات على المانطة حابسة صرخاتها وهي كتنتف فراسها وضرب فجنابها وفكرشها....وقفات كترعد لبسات حويجها وسبرديلتها وجمعات حويجها فصاك هزات لاكارط ديالها ومعاها شي فلوس كانت كتجمعهم وخرجات كتسلت من الدار هربانة مخلية وراها مها وباها لي مجايبين لدنيا خبار ......
حميد:(دخل لدار ومعاه عبد الرحيم وقال)درنا شكاية والبوليس غيتكلف
نسرين:صونيو لانس هو كيعرف الناس يعاونا نقلبو عليها
حسنية:اش غنقولو لييييه اش غنقولو ليه اويلي على فضيحتي ياويلييي
نسرين:(بعقلانية)لي وقع وقع وطاح الفاس فالراس انس هو لي يقدر يعاونا
هزات الفون صونات وعاودات بدون رد صونات لبراءة وجوباتها كضحك لكن سرعان متمسحات ضحكتها فاش عرفات اش وقع فصلو الخط بعدما خدات رقم سلوى ولي كان الهاتف ديالها خدام ولكن مشغول صونات وعاودات وفالاخير جوباتها حيت مكتعرفش الرقم ديالها
براءة:تيقي فيا ومضيعيش راسك عندك باش تركبي ولا نصيفط ليك
فصلو لخط بعدما اكدات عليها بلي غتسناها فلاغار وبسرعة ربطات الاتصال مع انس لي كان يلاه خارج من اجتماع مع مدير البنك ناشط وطلبات منو يجي لدار بالزربة خلاتو حاير وعلى نار ركب سيارتو المتواضعة وتوجه لدارو مسافة الطريق وكان تما دخل مخلوع لقاها كتمشي وتجي غير شافتو حطات ادها على صدرو وقالت
براءة:انس الله يرحم ليك الميمة سمعني ومدير حتى حاجة ماشي هي هديك ندمو عليها
انس:(عقلو فالبلاصة دار فالالف وبدا كيفكر فمو واش وقعات ليها شي حاجة وقال)شنو وقع هدري
براءة:(ديخة ومعارفة منين تبدا ليه)حلف ليا بالله حتى غتحضر عقلك ومديرش شي حاجة ندمو عليها
انس:(على اعصابو)غير هدري قولي شكين
براءة:(كتلعب ببيجامتها بتوتر وهدرات فاش شافتو وصل لحدو)سلوى
انس:(عقد حجبانو وقال)مالها
براءة:(بلعات ريقها)طاحت فمشكيل كبير ومكينش لي غيوقف معاها من غيرنا..وخصوصا نت كتبقى خوها الكبير ولي غيقدر يرجع ليها حقها ووو
انس:(قاطعها بقلة صبر)بلا مقدمات عطيني لخلاصة شنو وقع لختي
براءة:(قربات ليه وشدات فايديه وقالت بتلعثم والهدرة كتوحل ليها)ضحك عليها شي واحد وغلطات معاه و(سكتات)
انس:(كأنك هزيتيه حتل سما وخبطتيه لسابع ارض وقال)شكون وكفاش وايمتا هادشي..(وقف ديخ وقال بعصبية)فين كينا هي دبا
براءة:(بترجي ودموع تجمعو فعينيها)وغلاوتي عندك ا انس مديني معاك دخلتك عليك بالله الى ما برد وحصر عقلك لي وقع وقع وطاح الفاس فالراس فكر كفاش غترد حق ختك وتعاونها العنف معندو باش يفيدنا غادي غير يزيد الطين بلة وتصدق هربانة وطيح فمشاكل اكبر من هادشي..سلوى ضريفة وعقلها على قدها وها كتبين القباحة دغيا دار بيها...ماليها حد من غيرك ا انس حتى واحد معارف هادشي من غيري انا وياك صلح الى كانوشي ميتصلح وخلي هادشي يبقا قد هكا بلا ميكبر
رجع جلس على الفوطوي وحط ايدو على جبهتو لي بدات كتعطيه الحريق وقال بصوت هادئ عكس كيف كان:لبسي ويلاه
مشات كتجري لبيتها جبدات عباية بيج وفولارها وبلغة لي جات قدامها لبساتها وخرجات عندو بسرعة شاف فيها وناض متوجهولسيارتو وهي وراه سدو دار ردات براءة السلام على الحارس لي قدام الباب عكس انس لي مسمعوش نهائيا عقلو مكينش معاه...ديمارا لوطو نيشان لمحطة القطار بلاصا ونزل هو وياها شد فايدها وجرها قدامو دير بينها وبين اي واحد يقدر يقيسها حدود حتى دخلو لباحة الانتظار بقاو واقفين ما يقارب 10 دقائق عاد لمحوها جاية حادرة راسها تحركات براءة مخليا انس وراها وحطات ايدها على كتفها حتى قفزات وشافت فيها خيفة جراتها براءة لاحضانها وزيرات عليها وسرعان ما بدات كتبكي حتى وقف عليهم انس هزات عينيها فيه برعب وبدون ما تفكر اول حاجة طاحت فبالها هي تهرب ولكن شدات فيها براءة وقالت
دارت دكشي لي قال ليها وهز الفون تاصل بصديق ليه تعرف عليه عن طريق خدمتو وبحكم هو مدير اقليمي للفرع لي خدام فيها فكون علاقات مع ناس وزنهم تقيل فالقانون والقضاء والمخزن بصفة عامة وخا عمرو ضن انه غيوقف على شي واحد ويطلب منو يوقف معاه الا ان الظروف ضغطات عليه ومعندو حتى شي حل اخر...شرح باختصار وبسرعة لصاحبو بحكم خالو فلادغيد هو اكثر واحد غيعاونو فمصيبتو..فصل الخط بعد اخد ورد ورجع عند براءة طلب منها تبعو لبيتهم بمجرد ما فاتو ليه
براءة:(عنقاتو وقالت)وخا ولكن واعدني غتحل المشكيل بالعقل
انس:براءة جمعي شي حاجة خفيفة غير نساليو هادشي ونرجعو نيشان
نفدت كلامو وطلبات منو يخلي سلوى ترتاح متديش طريق وتجيبها ولكن كان رافض يزيد دقيقة..خرجات ومشات لكوزينة وجدات سومدويتش وعصير وداتو لسلوى بززاتو عليها عاد خداتو وخدات حتل انس لي كان غير ساهي كأنه هاز جبال فوق كتافو حطات حداه الماكلة وجلسات هزات ايدو كيف عادتها وقبلاتها وقالت
براءة:حبيبي
انس:(شاف فيها وقال)علاش دارت هادشي..واش راسها رخيص عليها
براءة:(تنهدات وقالت)لا غالي وبزاف متقولش هكاك
انس:وباش غتبرر غلطها باش
براءة:(تنهدات وحطات ايدها على خدو وقالت كتشوف فيه) هي غلطات ولكن احبيبي البنت فاش كتولي تبغي شي واحد بزاااف تقدر دير معاه اي حاجة وهادشي يقدر يطيح فيه اي واحد حتى حنا كنا نقدرو نطيحو فيه كون مكنتيش ولد الناس متلومهاش عفاك لي فيها كافيها حالتها تشفي قطعات لي قلبي متزيدش عليها
انس:(جرها عندو معنقها وقال)معرفتش شنو كنت غندير فيها كون مكنتيش (تنهد وقال)فالعشية غنشدو طريق باش نكونو فالدار ونحاول نسالي هاد المشكيل غدا ونرجعو فحالنا
عنقها بدون ما يهدر وبقا ساكت للحظات ستأدنات منو ومشات جلسات مع سلوى حتى وصل الوقت لي غيسافرو فيه ناضت براءة بدلات عليها وخرجات لقاتو حاط كلشي وكيتسناها غير هي وصاو العساس وشدو طريق فاتجاه الدار البيضاء.....مسافة الطريق وكانو امام دارهم الصغيرة لي تجمعو فيها اول مرة دخلو والتعب قاهرهم حط ليهم انس الحويج ديالهم وعاود نزل جاب ليهم مياكلو عالاقل هاد الليلة حتل لغد ويمشيو يتقداو
براءة:(شدات فايدو بخوف وقالت)فين غادي فهاد الليل
انس:(قبل راسها وقال)دير مع شي ناس نسالي معاهم ونجي
براءة:متعطلش غنتسناك حتى تجي
انس:غنحاول
خرج وهي تنهدات ورجعات حدا سلوى لي مسكتاتش من البكا كتزاسيها وطمئنها بلي كلشي غيتصلح فحين انس ركب فسيارتو فاتجاه منزل عمران فين كيتسناوه رجال الشرطة مسافة الطريق وكان امام المنزل سلم عليهم وعرفوه بنفسهم وبالرتب ديالهم واغلبيتهم كانو غريديا (عمداء شرطة وضباط ممتازين فولاية الامن الكبرى التابعة للمنطقة)طلعو فلاسانسور كلهم ووقفو ومتقدمهم انس لي دق فالباب وسمع الرد
ضابط:(حط ايدو على كتف اسن وقال)بلا ضرب غنحلو كلشي بالعقل ا سي انس
عاود دق بدون ما يجاوبو وتحل لباب ووراه عمران لي بمجرد ما بان جاتو لكمة لوجه طيحاتو لارض جرو انس لي كان ناوي يزيد عليه ودخلو عمران لداخل
*توضيح*
مدير جهوي او إقليمي يعني مدير للفروع الصغيرة او المصانع كلهم او لي فالجهة كاملة ولا الاقليم كامل كتكون ايدو عليهم ولو يكون بعيد القرارات كياخدهم هو وكيتحكم فيهم غن بعد كيحضر الى كان شي اجتماع طارئ أو مهم ولا شي صفقة
تحل لباب ووراه عمران لي بمجرد ما بان جاتو لكمة لوجه طيحاتو لارض جرو انس لي كان ناوي يزيد عليه ودخلو عمران لداخل لدقائق معدودة عاد دخل مع الضباط لي بقاو ولقاهم كيهدرو معاه وهو معفر عليهم بعدما عرفوه على نفسهم"ولد الفشوش" شنو غتسناو منو 😏
انس:(جر كرسي قدامو وجلس عليه وقال بجدية وحدة خلات قلبو يرجف)غدا غتعقد على ختي
عمران:(بخوف)شكون ختك
انس(بغا ينوض ليه وهما يشدوه مغزف عليه وقال من تحت سنانو):سلوى لي ضحكتي عليها الكلب..
عميد:الله يرضي عليك ا سي انس بالعقل
انس:(زفر بقوة وقال ومن تحت سنانو وهو قريب ليه)احسن حل غنخرجو بيه بزوج هو تزوج بختي حتى تولد وضبرو راسكم طلقو تفركعو موتو شغلكم هداك المهم عندي هو الولد ما يتزادش بدون نسب
عمران:(كيشوف فيه مدهوش وخايف وجميع الاحاسيس السلبية مجموعة فيه شوفة انس خلعاتو كان عارفو قبيح ولكن ماشي لهاد الدرجة بحكم كانت سلوى كتعاود ليه عليه)شنو هو الحل التاني
انس:(حط ضهرو على الكرسي بخيلاء دار رجل على رجل وقال باستهزاء مرافق ببرود خطير)عارف الشركة ديالكم اسهمها طيحين بزاااف فالسوق وميمكنش شي واحد يغامر وياخد شركة مبقا والو ودير فاييت وغدخل لسيزي ولسوء حضك ولحسن حضي تكلمت مع باك ووافق يبيع ليا 70% من الشركة وبالتمن لي بغيت انا وكنا ناويين نمضيو العقد بعد يومين ولكن خرجتي ليا من جنب(قرب لوجهو بجمود ونبرة باردة سرات فكامل جسمو لعمران)غناخدهم كاملين نت غتغرق فالحبس وباك غيرجع بوالو وغيدي معاه شوهة ولدو وهادشي كامل ما يساويش شوية من دكشي لي غيكون كيتسنا ولدو فالحبس...
عمران:(حس بالعرق بارد فضهرو ووجهو ولا صفر مسقوط فيه الدم وقال)موافق الله يخليك سمحليا كنت طيش ومعارفش شنو كندير سمحليا انا..انا غدا نكون عندكم انا والدار نكتبو كتابنا
انس:(وقف وقال)غدا مور العصر تكون عندي نت وعائيلتك فهاد العنوان (عنوان دار باه)تعطل دقيقة (شار البوليس لي وراه ولي شي كيشوف فشي متعجبين)تلقاهم كيتسناوك عوض متكتب العقد عندنا فالدار غتكتبو فالولاية ومغتخرجش منها وهكا ختي مغتشوفش وجهك او ولدها غياخد النسب
عمران:لا لا غنجي قبل الوقت كنواعدك
انس:(كان غادي ورجع وقف وشاف فيه)ختي غتمشي بعزها جيب عائيلتك وكلشي يكون على حساب التقاليد
خرج من الدار بعدما هدر مع الدراري لي جاو معاه شكرهم وعطاهم كارط فيزيت ديالو الوقت والزمان هدا يقدر شي واحد فيهم يحتاج شي حاجة 😅 ركب سيارتو ونيشان لدارو خبر براءة بالمفيد بدون نا يدكر اي حاجة من دكشي لي وقع وهي مأصراتش عليه مشات وصلاتها لسلوى لي بالرغم من كلشي فرحات وعنقاتها وشكراتها وقالت ليها تشكر خوها نيابة عليها
سلوى:عمرني نسا خيرك ا ختي..خيرك غيبقا فرقبتي حتى نموت
براءة:(ببتسامة)حنى خواتات وعائلتنا وحدة وشاركين الدم
سلوى:(بتسمت وحطات ايدها على كرشها وقالت)واش بصح(براءة حركات راسها ببتسامة عدبة وملامح سعيييدة)مبروووك عليك اختي فرحت ليك والله
براءة:(حطات ايدها على كرش سلوى كدلك وقالت)جيبي لينا الفنيكيش على خير باش نتناسبو هه
سلوى:(كضحك)انشاء الله..(براءة بغات تنوض وشداتها سلوى من ايدها وقالت بندم)سمحيليا على دكشي لي قلت ليكم دك نهار وعلى اي حاجة صدرات مني خيبة عارفة غلطت بزاف فحقكم ولكن نظمت وندمت بزاااف الله يخليك سمحيليا
براءة:(ببتسامة)خوك قلبو كبير وانا متأكدة سامحك على كلشي غير كيدير لينا فيها مقلق باش نبقاو نراريو بيه هه(تسمع صوت انس من لبيت ابتسمت وقالت)دخلي رتاحي فالبيت الى خصاتك شي حاجة عيطي عليا غدا تابعك نهار طويل
عادات سلوى شكراتها ومشات براءة عند محبوب قلبها وزمانها كيف كتقول ليه ديما وقفات عند الباب وتكات على الباب كتشوف فيه بعيون لامعة حتى نتابه ليها وقال
براءة:(وهي كتشم)تء ريحتك الطبيعية لي خلقها فيك الله
انس:(حرك راسو بلا حول)دوزي تنعسي العيا خرج ليك العقل
براءة:(بغنج)مكينش لي خرج ليا العقل قدك احبيبي
ضحك على كلامها وعلى تصرفاتها وقلبها على سرير معنقها طفا الضو وهو كيحك ليها راسها حتى داها نعاس وهو كدلك حتى صبح صباح وناضو مع الفجر هي صلاة فالدار وهو خرج لجامع حتى سالا ورجع لدار هاز فايدو الخبز والنعناع وسكار وكرواصة...الخ وجدات لفطور وحطاتو عاد مشات عند سلوى فيقاتها وخرجات مخلياها تغسل وتوجد راسها حتى تلحق عليها ودكشي لي كان بعد دقائق جلسات محرجة من خوها لي جالس جنب برائة ولابس كاجوال لحويج لي جا بيهم وبراءة بحويج الدار...فطرو فصمت مطبق من غير انس لي كل مرة يبزز على براءة تفطر وهي محاملا كاع تاكل حتى سالاو جمعات براءة طابلة بمساعدة سلوى غسلو الماعن ومشاو بدلو انس لبس شوميزة بيضة وتجينز وسبادريل بيضة ساعتو فايدو وخرج مخلي براءة وراه لبسات كسيوة طويلة لاسقة على طايتها بيضة وزادت فوقها عباية فاالبيج وفولار بيض طالون بيج لامع مع بعض الاكسسوارات الخفاف رشات عطرها وخرجات بدون ميكاب لقات انس كيتسناها هز راسو فاش سمع صوت خدواتها طلعها ونزلها مصغر عينيه يلاه بغا يهدر وهي تقول
براءة:(ببتسامة)ليوم عندنا فرح ومعندي منلبس
انس:(تنهد وقال)كنتي ديرا حسابك
براءة:(غمزاتو وقالت)عندي سيد رجال قد كلامو قد دراعو هه
جراتو مخلياه كيحرك راسو بلا حول ولا قوة الا بالله ركبو فسيارتو ونيشان لمنزل حميد مسافة الطريق وكانو تما كان كلشي ناعس من غير ناس قلال خارجين يجيبو الخبز سلمو عليهم بترحاب ودخلو لدارهم لقاوهم كيتسناو فيهم لقا انس السلام بدون ما يشوف جهة حميد وبراءة سلمات عليهم كاملين وباست ايد حميد احتراما ورجعات حدا راجلها وقفات طلبات منهم حسنية يجلسو فرحانة برجووع ولادها بعدما يأسات من رجوع انس لدار عندهم وجدو لفطور وحطوه دقائق قليلة وجات حتى شريفة وعبد الرحيم لي عرفو بنتهم جات من صلاح لي صيفطاتو حسنية وتجمعو على الطابلة كيفطرو من غير انس لي مبغاش ياكل وتحجج انه فطر قبل ما يجي حتى سالاو وقال
انس:(بجدية)ليوم مور العصر جايين شي ناس فسلوى وغيضربو العقد هاد نهار
حميد:(قال بتردد موجه لكلام لانس)ومالو على الزربة غير يعلمنا بعدا
براءة:(شافت فانس ساكت ومغيجاوبش قالت ببتسامة متوترة)الصراحة شحال باش هضر مع انس وعاد جابتها الوقت والعريس زربان مباغيش يضيع الوقت
حسنية:(كتشوف فيهم وكلامهم مدخلش لراس)ومالكم معلمتونا حتى لنهار بنهارو
انس:صافي الواليدة نسيت ..شوية غيجي طريطور يقاد كلشي مضربي هم لحتى حاجة شوفو غير نتوما شنو غديرو وصافي
ناض من حداهم خرج لزنقة وقف عند الباب وخرجات براءة تبعاتو بعدما قالت ليها مها تنوض معاه ودكشي لي دارت
براءة:مالك احبيبي
انس:ممرتاحش باغي غير ايمتا يسالي هادشي نمشي لداري
براءة:(تنهدات وهي كتفكر فباها لي بغا يسلم عليها ومرداتش عليه وخا بقا فيها الحال كابرات وعفطات على قلبها)صبر احبيبي يدوز هادشي على خير ونمشيو
انس:(جرها لحضنو وقال كأنه حس بيها)مغتهدريش مع باك
براءة:لا مقادراش نسمح ليه
انس:(قابلها معاه)دكشي لي كان كيديرو غير من خوفو عليك وباغي يشوفك حسن من كلشي..
براءة:هادشي كامل ميبررش ليه دكشي لي دوز عليا..(قالت ناهية الحديث)اجي دخل حشومة نخليوهم
جراتو معاها هو جلس مع خوتو كيسول فيهم ويهدر معاهم وهي مشات لكوزينة لقاتهم كاملين مجموعين تما كيهدرو وحسنية محيحة على سلوى باغا تعرف اش كين غير شافت براءة وهي تقول موجهة كلامها ليها
حسنية:(صغرات فيهم عينيها وقالت كتشوف فيهم وحدة وحدة)باش هادي تجمع حويجها وتغبر وفالاخير تصونيو ليا تقولو را جات عندنا حيت قنطات وتقلقات منا وتقولو ليا را غتزوج دكشي مدخلش ليا اراسي ولا غيدخل..غير جيونس لصراحة قبل ما نعرفها بطريقة اخرا
براءة:(تنهدات وشافت فسلوى لي حدرات عينيها لارض وقالت)وخا ا خالتي انا غنعاود ليك كلشي ولكن نبقاو بوحدنا
حسنية:(بشك)غير قولي مكين حد غريب هنا
براءة:(حركات راسها)عرفت ولكن هادشي كيخصك غير نتي
شريفة:(قالت)براءة عندها الحق سيري معاها وعرفي شنو كين كين شي حويج مخاصش يتقالو قدام شي حد ولو يكونو ولادك..(بتاسمت برضى لبنتها لي دارت بوصيتها ونفداتها)
حسنية:(باصرار)دكشي لي غتقوليه قوليه هنا شريفة ختي قبل ما تكون صحبتي ونسرين بنتي بحالها بحال نفسي ومفيهاش الهدرة..غير هدري
نسرين:(قربات ليها وقالت كتلعب فكرشها)لا ياختي انا غرت غير من هاد الكروش لي عامرين(هزات ايدها لسما وقالت)ياااأربي حتى انا نجيب شي بوغوص يطيح ليا تيتيز
سلوى:(ببتسامة)اكيد غيكون تيتيز باه و مو تبارك الله كيحمقو
براءة:(بخجل)عويناتك ا حبيبتي شكرا
سلوى:(بتردد)نقدر نهدر معاك واحد شوية
براءة:(حركات راسها وقالت)اه مرحبا
مشاو لبيت انس سدو عليهم وجلسو بزوج على السرير والصمت سيد المكان سلوى متوترة وحاسة براسها حشمانة من براءة وبراءة حاسة نوع من الخجل لانها مموالفاش يكون احتكاك بينها وبين سلوى بعد ثواني كسرات الصمت وقالت...
براءة:(ببتسامة)خير ا سلوى محتاجاني فشي حاجة
سلوى:(شافت فيها وحركات راسها وقالت)لا بغيت نطلب منك السماحة على دكشي لي كنت كندير ليك شحال هادي عارفة راسي غلطت فحقكم بزاف وخا عرفت معطلة ولكن اختي ندمت وكنطلب منك سماحة من قلبي
سلوى:(وعينيها مدمعين شافت فيها)قلبك بيض بزااف معرفتش علاش خليت الغيرة تعمي قلبي وعيني ومنشوفش(ابتسمت ابتسامة ندم) هاد كتلة البراءة كلها...(سكتات شوية حدرات راسها وقالت بتأنيب)هادشي مجاش من فراغ بسبب كلام ماما وليت هكا..كانت ديما كتقولي شوفي براءة كيف داخلة سوق راسها ومربية ونتي مربيت فيك والو ..... كتقولي شوفي براءة كيف كتقرا ونتي كسولة ديما نتي لخرة فالقسم معرفت اش عندك فداك الراس .... براءة شحال زوينة كتفتن..براءة مأدبة..براءة ضريفة ونتي قبيحة..وبزززززاف د الحويج كانت ديما كتقارني بيك حتى تربا الكره فقلبي جيهتك خرجت من القرايا وبقيت ديما كنسمع هضرتها عليك وعليا كان فرق كبيييير عمرني سمعت منها كلمة زوينة...(شافت فبراءة لي كانت حادرة راسها وكتلعب فشالها بتوتر وقالت)سمحيليا ولكن بغيت نخوي قلبي ونكون انا وياك صافيين نكونو خواتات وحباب وقلبنا بيض من جهة بعضياتنا...غفري ليا على كل غلطة در
براءة(عنقاتها وقالت مقاطعة كلامها)ششششش نساي هادشي من ليوم غنبداو صفحة جديدة وحياة جديدة انا نسيت كلشي وقلبي صافي من جيهتك......
#في_الصالون
بارك حميد وعبد الرحيم حادرين راسهم وكيخممو فحين انس هدر مع طريطور عطاه العنوان باش يجي يبدا التحضيرات ولحسن الحض الصالون عندهم كبير تما فين غيتقام كلشي....دخل لصالون وجلس عاقد حجبانو كيختش فالفون ديالو مباغي يهدر مع حد
حميد:(بندم)انس(مهزش فيه عينيه)سمحليا اولدي فاش مشيتي عاد عرفت قيمتك
انس:(انس باستهزاء)قيمتي ولا قيمة فلوسي!! حدد باش نعرف على اشمن قيمة كتهدر
حميد(بندم شديييد):قيمتك نت اولدي نت مهما كان راك كبرتي قدام عينيا
انس:(شاف فيه وقال)سي حميد الله يجزيك بخير جامعانا الوالدة وسلوى على قبلهم انا بارك معاك دبا كون مكانتش هي مكنتيش غتشوف وجهي خلينا ندوزو هاد العشية بسلام حتى يتفرق المجمع
بغا يهدر حميد ولكن قاطعو فاش ناض بنفور وقال عبد الرحيم
عبد الرحيم:غلطنا بزاف فحق ولادنا ا حميد
حميد:نت بعدا عندك مبرر كنبقا خايف على بنتك وانا..انا ديما كنت كنعاملو خيب..ديرو هو لاكيس وخا كان خدام على قدو كان هازنا كاملين... غلطي كبير ومحال يغفر ليا عليه
......عبد الرحيم:(تنهد وقال بحزن)بنتي الوحيدة حقدات عليا وكرهاتني..وانا كنت ديما نافيها لا من جيهتي كأب ولا من الحياة بصفة عامة وهي مسكينة عمرها تشكات انا لي كنت كل مرة كنزيد فيه كتر..كنقمعها وكنقرر فحياتها حتى فقرايتها فرضت عليها زواجها كنت غنصيفطها لجهنم بايدي ربي جا من جيهتي..وانس خلاص هنتو قدام الناس ومخليت ليه وجه لي يشوف بيه فالناس
واحد يشكي على لاخر والتاني يعاود اغلاطو لصاحبو حتى داز الوقت نزلات سلوى ونسرين لحمام وجا طريطور ومعاه المساعدين ديالو وراهم انس فين يخدمو والصالون الى بغاو يزيدو شي حاجة ويقادو البوفيه...الكل كيجري والكل على قدم وساق الوقت محدود وكيجري فهاد المدة طلعات براءة لبيت انس ترتاح ومخلاوها دير والو حيدات كلشي وبقات غير بدو بياس تخشات تحت المانطة ونعسات محاساش بشنو دير بيها حتى طلع انس يطل عليها بعدما سول عليها مو لقاها ناعسة وغارقة فالنعاس حاول يفيقها لكن مبغاتش تنوض ليه ..مناضت حتى قال ليها بقات نص ساعة ويوصل عمران عاد ناضت كتكسل وديخة بالنعاس
براءة:(بتعب حطات دقنها على كتفو وقالت)باقي فيا نعااس مممم
تسناها تجاوبو ولكن مكان حتى رد منها حركها لقاها راحت فسابع نومة ضحك وهزها بين يديه لدوش عمر ايديه بالما وبدا كيغسل ليها فوجها حتى فاقت عاونها تلبس وبقات غير بالكسيوة كتمشي وتجي باش تفيق وهو حاضيها بل كيتمعن فجسدها وقال كيضحك
انس:(حط ايدو على شكل لكمة فوق فمو كيضحك ممصدقش وجرها عنقها فرحان)كنبغيك كنبغيك..كنبغيييييك اعمري هه دبا غيجنا ولد ياكي..بعد سبعة اشهر(قبل كرشها وقال)مغتكمل هاد 7 شهر حتى يشيب راسي اولدي باغي غير ايمتا نهزك بين يدي (قبل كرشها وقال كيشوف فيها)الى كانت بنت غنسميوها حوراء وغتكون كتشبه ليك
براءة:(حطات ايدها على شعرو كتلعب بيه وقالت)الى كان ولد غنسميوه نور وغيكون كيشبه ليك بزاف...
انس:(بصدمة بقا كيشوف فايديه لي على كرشها وهز عينيه فيها وقال بهمس ممصدقش)حاملة
انس:(حط ايدو على شكل لكمة فوق فمو كيضحك ممصدقش وجرها عنقها فرحان)كنبغيك كنبغيك..كنبغيييييك اعمري هه دبا غيجنا ولد ياكي..بعد سبعة اشهر(قبل كرشها وقال)مغتكمل هاد 7 شهر حتى يشيب راسي اولدي باغي غير ايمتا نهزك بين يدي (قبل كرشها وقال كيشوف فيها)الى كانت بنت غنسميوها حوراء وغتكون كتشبه ليك
براءة:(حطات ايدها على شعرو كتلعب بيه وقالت)الى كان ولد غنسميوه نور الدين وغيكون كيشبه ليك بزاف...
انس:(حرك راسو وقال)لبسي حتى نمشيو لدار ونعاود ليك.،
قادات فولارها وتأكدات بلي كلشي هو هداك وقربات شدات فيه ببتسامة وهو كدلك بادلها الابتسامة وقبل ايديها ودار لكوافوز لي قدامو هز بواط كبيرة نوعا ما عطاها ليها
انس:عطيها لسلوى
براءة:(ببتسامة)عطيها ليها نت غيكون احسن
انس:انا ونتي واحد
خداتها من عندو بدون متحكر عليه وهي مبتاسمة برضى وفرحانة ما هي عارفاه وخا يقصاح فالداخل ديالو احن منو مكين... نزلو على اصوات زغاريد والفرقة المكناسية خدامة وطيافر مستفين فوق طوابل فيهم اخر مكين ففالملابس واغلى الكريمات واطقم من الذهب...شاف فالفون فاش وصلو مساج وخرج لبرا لقا رجال هازين طيافر لي دوموندا عليهم من واحد الباج انستا خاصة بكل ما يهم العروس دخلوهم تحت انغام عيساوة وزغاريد شريفة وحسنية ونسرين....سلمو على بعض واكيد اب عمران تعرف على انس وتبادلو احر التهاني بيناتهم...تم الزواج بين عمران وسلوى على اصولو وبرضى الوالدين قربات سلوى لعند انس وعنقاتو بكل جهدها ودموع فعينيها بدون ما يهضر عنقها وقبل راسها وقرب لودنيها وقال "مبروك عليك اختي"
كملات الفرحة عند البعض والبعض فرحتو ناقصة وكيفما قال انس ختي غتمشي بعزها وفعلا مشات بعزها مخلاش لناسها فين يهدرو كبر بختو وبعائيلتو حسنية رضات عليه حتى ما قدها وبراءة تقدمات بعدما سالا العدول ووقعو عنقاتها وباركات ليها وعطاتها الكادو لي خداه انس وباركات لعمران من بعيد ورجعات عند انس لي قربات لودنو وقالت
براءة:الله يخليك ليا ا زماني وما يحرمنيش منك
سالا العرس الصغير ولي كان غير بين العائلة وتفرق المجمع سلوى مشات مع عمران بامر من انس ومتفارقات معاهم غير بالبكا فحين انس قرب لعمران ووصاه على ختو مع القليل من التهديد...
#تسريع_الاحداث✌
داخل غرف الولادة بالمشفى براءة كتولد وصوتها كيقطع قلب انس وكيمشي ويجي بتوتر وخوف ويطلب الله تيسر ولادتها....حتى تسمع صوت دري صغير وبعد لحظات تسمع صوت تاني انس حمد الله وشكرو على لطفو ولكن الخوف مزال حتى خرجات طبيبة لي تكلفات بالولادة وطمأناتو على براءة وعلى التوأم "بنت او ولد" باركات ليه وطلبات منو يتسناها فالغرفة شوية وغيجيبوها دكشي لي كان بعد دقائق معدودة طلعوها للغرفة الخاصة بيها بمجرد مشافها طار لعندها لقاها ناعسة من فرط التعب جلس فجنبها كيدوز ايدو على شعرها حتى دخلو ولادو ابتسم وحس بقلبو كيخبط واحساس الابوة تحرك فيه قرب ليهم بشوية كانو كيبجغطو بزوج وقال
بمجرد ما سمعو صوتو زادو فتبجغيطهم وبداو كيحركو رجيلاتهم ويضحكو وهو قرب ليهم فرحان وقال كيلعب معاهم
انس:ها بابا حداكم حوراء نور الدين عوينات بابا
براءة:(بصوت متعب وابتسامة باهتة)صافي خداو بلاصتي
انس:(قرب ليها وقبل ثغرها وعينيها وقال)بلاصتك معمر شي واحد ياخدها ولو يكونو ولادنا نتي راك انس نفسو ماشي غير عضو منو
براءة:(كضحك)يخليك ليا احبيبي
انس:امييين اعمري
براءة:بغيت نشوفهم
برك انس على واحد لبوطون حدا راسها جات عندو الممرضة طلب منها تعاونو يديهم لماماهم مقدرش يهزهم وهما صغيورين ضحكات براءة والممرضة لي وراتو كفاش يهزهم والتاني داتو هي لبراءة لي شداتو من عندها وقالت بصوت هامس)نور الدين ( بمجرد ما سمع صوت ماماه شد فيها وبدا كيبجغط بين ايديها نزلو دموعها وقالت)شحال صغيور هه
انس:(بعيون لامعة)بزااف...
الممرضة:(قاطعات لحظاتهم ببتسامة)5 دقايق هكاك ورضعيهم الى حتاجيتي المساعدة بركي على الزر نجي عندك ومبروك عليكم زيادة يترباو فعزكم
انس وبراءة:اميين ياربي
براءة:(بصوت متعب)هدرتي مع ماما وخالتي
انس:نسييييت...انا نصوني عليهم (دوز لابيل لنسرين جاوباتو ديخة بالنعاس قال ليها شنو كين وقطع بمجرد ما سمعها بدات كتغوت وعاود دوز لابيل لعائلة براءة
براءة:(نزلو دموعها وقالت كتبكي بدون ما تعطيها الفرصة حتى خلعاتها)ماما...الله يسمح ليا منك سمحيليا على اي حاجة درتها خيبة...دبا عاد حسيت بحر الولادة ووجعها
شريفة:(ببتسامة ممزوجة بالدموع)انا راضية عليك ا بنتي من ديما كنتي مرضية كي راها حوراء ونور الدين تزادو بخير وعلى خير
براءة:اه الحمد لله كلنا بيخير..(سكتات وقالت)بغيت نهدر مع بابا
شريفة:وخا ابنتي
عبد الرحيم:(بلهفة وشوق)بنتي مبروك عليك زيادة يترباو فعزكم انشاء الله نتي لباس عليك صحتك مزيان ....
براءة:(بشوق ودموعها نازلين)توحشتك ا بابا
عبد الرحيم:(نزلو دموعو على الحال لي وصل ليه وقال)حتى انا ابنتي توحشتك
هما كيهدرو وانس كيشوف فيها بحزن وهو شاد بنتو بين يديه حتى عطاتو الفون وعطاهم عنوان المستشفى وفداك الليل شدو طريق لعند وليداتهم يشاركوهم فرحتهم كلشي حتى من سلوى وعمران لي تحسنات علاقتهم وندم على دكشي لي كان غيدير ليها بالخصوص فاش تزادت عندو بنيتة وحطها بلاصة سلوى فرحتهم بيها كانت كبيرة وسبعو ليها وسماوها جوهرة......صبح صباح كانو معاهم فالمشفى والكل فرحان عبد الرحيم تسامح مع بنتو وبكات فحضنو حتى طاب قلبها وقلب انس معاها....الاحساس لي عاشتو وهي كتولد خلاها تعرف بحق مها وتعرف بحق باها...نور الدين وحوراء من واحد لواحد ومكارهينش ياكلوهم نسرين شادة الفون فايدها كتصور انس لي واقف جنب براءة هاز حوراء كيأدن ليها فادنها اليمنى بصوته الشجي لي خلا بنتو تسكت وتهدن بين يديه وقال فادنها اليسرى
انس:اسمك حوراء ....اسمك حوراء ...،اسمك حوراء(هز تمرة دوزها على شفايفها باركو ليه العائلة ودعاو وهز الولد التاني عاود نفس الكرة وقال فأدنو اليسرى)اسمك نور الدين....اسمك نور الدين..اسمك نور الدين (كدلك دوز تمرة على شفايفو)
خرجات من الكلينيك لدارهم والكل فرحان بيهم وبعد 3 ايام نزلو كاملين لكازا فسيارات باش يوجدو لسبوع ولي غيكون فنفس الوقت عرس براءة وانس لي مداروهش.....
#يوم_قبل_سبوع
تدبحو الخرفان على يد اب المولودين وتكلفو بسليخو الجزارة وطلب منهم يخرجو منو الصدقة للمساكين وتجمعو العائلات بزوج معاونين والقرآن خدام فالدار وبراءة فبيتها مقابلة وليداتها ومعاها نسرين فحين النسا كانو كيفورو كسكسو لناس لي غيجيو بحكم اليوم صدقة للرجال...
#وراء_صلاة_الضهر
الخزانة فالشارع مبنية شادة من راس حتل الراس وعامرة بالناس القرآن مرفوع فالارجاء بصوت انس ولي كان طلب من براءة هو يقرا القرآن فصدقة ديال ولادو...حطو الغداء للناس وبعدها ديسير وكملو فتلاوة القرآن حتى ادن العصر مشاو الناس يصليو ورجعو يكملو العشية مع بعض تحت سماع تلاوة الذكر الحكيم محبسو حتى تناص الليل عاد تفرق المجمع ودخل انس لدار سلم على دارهم كاملين حتى حميد لي بدات كترجع علاقتو بأنس احسن من كيف كانت عطاتو حسنية زرورة ديال ولادو وقال
انس:عطيهم لبراءة حتى يفوت هادشي ونحطهم ليهم فكونط خاص بيهم
هز بنتو بين يديه باسها وهز ولدو حتى هو باسو كيلعب معاهم حتى عطس فيهم واحد وتبعو التاني ضحكو وقال انس كيضحك وهو كيربت على ضهرهم بعد ما حطهم حدا براءة فالارض فين مفرشا ليهم
انس:صحة ا بابا صحة
نسرين:جات معاك الابوة اخويا هه
سلوى:(شادة بنتها بين يدها لي فعمرها شهرين و14 يوم)ايمتا غتزوجي حتى نتي باش تشدي بجاغطك عينا من صداعك
نسرين:(بخجل قالت)بما انكم مجموعين كلكم وجبدتي الموضوع بغيت نقول ليكم بلي جايين فيا الخطاب بعد سيمانة
حسنية:عاد كتقولي فيها..شهمتوني هدا الله
نسرين:و ماما راه تشغلنا بولادة الفناكش ونسيت
انس:(باستفسار تقاد فالجلسة)شكون هدا وفين عرفتيه
نسرين:(بلعات ريقها وقالت)هو فالصراحة معندي بيه حتى علاقة ولكن نت كتعرفو مزيان
انس:(باستغراب)شكون
نسرين:يوسف صاحبك كان جا هنا حيت كيصونيوعليك مكتجاوبش وتلاقاني وقال ليا الى هدرت معاك نقولك صوني ليه وبقينا كنهدرو وهو يقول ليا بلي باغي يخطبني..و براءة ولدات نسيت مقلت ليك والو
انس:(ضحك)يوسف ولد الناس هو لي ضبر ليا فالشركة لي كنت خدام فيها منساش خيرو مرحبا بيه ومغنلقاش حسن منو ليك.....بعد حديث طوييييل بين العائلة ناض انس و هز ولادو وطلع لبيتو ومعاه براءة حط ولادو فالكونة وحيد حويجو كاملين بقا غير بكالسون وتلاح فوق السرير بتعب مجات فين دور براءة حتى لقاتو سرح عجول لاخرة..هزات حويجو لي لاح فالارض قداتهم ودارتهم فالماريو وتخشات حداه حاطة راسها على صدرو وهو دور يديه عليها بدون ما يحل عينيه ابتسمت وقالت
براءة:معرفتك فيق ولا ناعس
مجاوبهاش تأكدات بلي راه ناعس وحتى هي طفات ضواو ونعسات حتى صبح لحال من حسن حضها مفاقوش ليها فالليل....صداع والغوات خلا انس يحل عينيه خاسر بالنعاس قلب على براءة لقاها مكيناش طل على ولادو لقاهم فيقين ضحك وتحسن مزاجو بشوفتهم وهما كيبجغطو هزهم وحطهم فوق صدرو كيلعب معاهم وكيشوف فوليداتو ببتسامة الولد دا من مو غير العوينات والبنت عكسو خدات كلشي من مها من غير العوينات لي خداتهم منو لذلك كان اسمها اسم على مسمى #حوراء وكيف تخايلها تماما...
الدار عمرات بالعائلات القريب والبعيد عائلة انس وعائلة براءة وزغاريت مسموع فين وفين فالوقت لي انس كيلعب مع ولادو خرجات براءة لاوية عليها فوطة وشعرها فازغ مطلوق وكتنشف فيه بفوطة
براءة:صباح الخيرااات
انس:(ببحة صباحية)صباح نور
براءة:(ببتسامة)كي صبحتي عييتي لبارح ا حبيبي
انس:صبحت خاسر فيقوني من نعاس بالصداع والزغاريت
براءة:(ضحكات وهي كتجبد حويجها من الماريو)نهار وديز ا حبيبي صبر فيه
انس:ها هو صابر
تسناها حتى لبسات عاد ناض هو دخل لدوش دوش وخرج لاوي عليه فوطة نشف لحمو وجبد تيشورط ابيض وسروال سيرفيط اسود وقال
انس:انا غنخرج شوية هنا كينين غير نسا فاش توصل لوقيتة لي غتمشي فيها لقاعة غنجي نوصلك
براءة:وخا احبيبي هز معايا نور الدين نزلهم معايا مبغيتش نخليهم بوحدهم هنا
هز ليها نور الدين وهي هزات حوراء بين يديها ونزلو لتحت تلقات ليها حسنية وقالت
خرجو من الدار تحت سلام ومباركات الناس نيشان لسيارة انس الفاخرة من نوع "جاغوار كاط كاط" سوداء حط ولادو فالكونات ديالهم ودار ليهم لسانتيغ وبراءة ركبات حداه بقفطان واسع عليها وفولارها ولي كانت ديراهم احتياط من شي واحد يدخل على غفلة وهو رجع لبيتو هز تيليفونها وسوارت دارهم والكوستيم ديالو ونزل بدون ما يجاوب شي واحد حتى وقفاتو بصوتها الرنان عقد حجبانو كيف كل مرة كيلمح طيفها
مريم:(بغيض)على الاقل غير عرض علينا لزواجك نشوفو عروستك ونعرفو اش ديتي
انس:(بجمود)مرتي غتشوفيها فسبوع ولادنا خليت ليك الراحة ا بنت خالتي
خرج بدون ما يتسناها تجاوب فحين هي بقات متبعا ليه العين محاملاش راسها دخلات جلسات مع الناس فحين انس ابتسم فوجه براءة وحط البدلة ديالو لور ةرجع ركب حداها وديمارا فاتجاه البحر....
دوزو وقيت زوين مع وليداتهم بدلو الجو وبعدو على الناس ومن تما مشاو نيشان لقاعة فين كتسناها نغافة لقاها فانتضارها وختو نسرين وشريفة حتى هما كينين عطاتهم الوليدات باش متبرزطش فتوجاد وانس دخل لغرفة اخرى يبدل فيها ووجد راسو بشوية عليه بحكم باقي الحال وعارف براءة غتعطل ولكن مع دلك سالا بسرعة خرج لابس البلدي كيقلب على ولادو حتى لقا نسرين وشريفة هازينهم خداهم فايدو وخرج لبرا يضربهم لبرد شوية حتى جات عندو نسرين طلبات منو يدخل لوليدات لمهم باش تبدل ليهم وتوجدهم...دخل نيشان للغرفة متواجدة فيها لقاها لابسة قفيطين بيض محجر وديرا فولارها وتاج ووجها صافي مفيهش نقطة ميكاب ما هو شرطو الوحيد باش قبل يدير ليها العرس ابتسم بعيون لامعة وقال
انس:مشاء الله
النغافة:(بإعجاب)نغفت حتى عييت 15 عام ديال التنغاف معمر شي وحدة برزات بلا مكياج...مرتك كتفتن تبارك الله مشاء الله ربي يحميها من العين
براءة:(بخوف)انس وغلاوت نور الدين وحوراء مديرش شي حاجة عفاك
انس:(قرب ليها وقبل راسها)معندي مندير اش عند الميت ميدير قدام غسالو
النغافة:(خدات نور الدين من عندو وهي كتسمي الله وتعاود)تبارك الرحمان مشاء الله...
المساعدة نفس الشيء خدات حوراء وهي كتسمي الله وتعاود داروهم فيزار مطروز بالفاسي وعلى كل واحد اسم واحد فيهم من نهار عرفاتها مها حاملة وهي كتوجد ليها فيه حتى جا وقتو كان يزار ابيض ناصع مطروز بالازرق والتاني بالوردي....،تسمع صوت الغنا فالارجاء عرفو بلي الوقت وصل والقاعة عمرات بالناس وقفات عليهم النغافة وطلبات منهم يهزو الوليدات ويخرجو معاهم طلب منها انس دقيقة حط ايدو على راسها وقرا عليها المعودتين و خرجو تحت الزغاريد والصلاة على النبي من طرف النغافات دخلو القاعة والكل دار عندهم والناس تختلف كين لي فرحان ليك وكين لي محاملك مقابلك وكين لي كارهك كاع شريفة وحسنية كيقراو فالقران والمعودات خصوصا حماية ليهم من عين الانس ..وعلى انغام الاوركسترا والصلاة على النبي من طرف النغافات وصلوها لبرزة وهي شادة وليداتها وجلس حداها انس لي كيسلم على صحابو وحتى شركاؤو وعملاؤو من بعيد كيهضر فودنيها وكيتغزل بيها وايدو على وليداتو خالقين جو بوحدهم بالرغم من صداع والناس الا ان انس متسوق لحد كيجيو يتصورو معاهم ويرجعو ....جا وقت اللبسة التانية وناضت معاها نغافات دخلات ودخل معاها انس شاد ولادو فايدو وهي كتبدل لبسة تانية ولي كانت الاخضر مطروزة بالدهبي وجدات وخرجوها بنفس الطريقة لكن هاد المرة كانو انغام الاوركسترا خدامين والعمارية عند الباب خدات مها من عندها حوراء وجلسات فالعمارية بالكرسي وحطات فحضنها وليداتها لي كانو منورين مهم وفرحتهم كانت ضاهرة على سائر العائلة الا انس لي غير هزوهم قلبو تعلق معاهم وخايف توقع ليهم شيحاجة....دخلات العروسة اولادها للقاعة لداخل ومعاهم انس لي عينيه معلقين فيهم وممرتاحش وكيدورو بيها ويشطحو بالعمارية اما براءة فرحانة وحشمانة وكلشي مخلط عليها .. حطوها وجا عندها انس عاونها فالوليدات عطا لمو ومها ونوضها بشوية عليها حتى استقامة وعطاوها وليداتها لي مبغاتش تفرقهم....هكدا توالت العقيقة والعرس معا لبسة مور لبسة حتى قرب يصبح الحال عاد سالا العرس وكل واحد مشا لدارو براءة وانس توجهو لابارطومون ديالهم يرتاحو والعائلات توجهو لديورهم....
عقيقة احتفال بمواليد وعرس للاحتفال بانتصار حبهم الطاهر والنقي..الحب لي كان انس كيشوفو مستحيل تحقق وولا قدامو وبين يديه البنت لي كان كيقول من سابع المستحيلات تكون ليا ولات مرتو وهداتو 2 ديال الجواهر ما يسواهم لا مال ولا جاه عشقهم توج بحوراء ونور الدين بفضل الله واليقين بيه بالرغم من كل الصعاب وبالرغم من المخاطر لي واجهوها بجوج ربي عطاهم على قد نيتهم وجمع بينهم برضاه ورضى الوالدين....
#بعد_مرور_6_سنوات
فهاد السنوات تبدلو بزاف د الحويج سلوى استقرت هي وعمران لي تبدل او ولا معتامد على راسو وعطاهم الله وليد ونسرين تزوجات يوسف وعطاهم الله كدلك ولد سماوه سيف الدين اما صلاح الدين ورضى كملو قرايتهم تحت اشراف انس لي كان مراقبهم ومزيرهم حتى خدمو فاش بغاو واحد فيهم تزوج جديد ومزال مجاب ليه الله والتاني مزال عازب اما شريفة وحسنية وعبد الرحيم وحميد توطدات علاقتهم بولادهم وطلبو السماح على الماضي كامل وصفات الخواطر مشاو كاملين اداو مناسك الحج اما انس الشخص الطموح خدم على راسو وكبر الشركة لي شرا ورجعها احسن من كيف كانت بمئات المرات ولاو عندها فروع داخل المغرب وخارج المغرب قررو يبعدو ويستقرو فعروس الشرق بالضبط ف مدينة وجدة ويكبرو وليداتهم بيناتهم اما براءة فكملات قرايتها وزادت جمال على جمال ولات امرأة تضخ بالانوثة وواتقة فراسها واليوم واقفة بشموخ قدام المراية كتقاد فولارها وكرشها سابقاها كأنها فشهرها هزات عبايتها لبساتها بشوية عليها وكرشها متقلة عليها ومعدباها مبقاتش قادرة تحرك بيها بزااف تسمع صوت انس وهو داخل لبيت وكيغوت
انس:10 سنين ا براءة
براءة:(كتنهج)اجي عاوني عفاك را حاسة براسي تقيييلة وسخفانة
انس:(عاونها حتى لبسات وحط ايدو على كرشها وقال)فكل مرة كتزيدي تفتنيني
براءة:(كضحك بخجل)اممم غير حيت كتبغيني بزاف كابقى تفتن بيا فكل مرة هه
انس وهو كيقرب لشفايفها هايم فيها تفتح الباب بعنف والغرفة امتلئة بالغوات وقال من تحت سنانو ) واش نتوما ولادي ولا عدياني اش ولدتي ليا جنون (براءة بدات كضحك وقفزها نور الدين بغواتو)
نور الدين:و مامااااااا تعطلتييييي
حوراء:(حتى هي كتغوت)وسربيييو باااش نمشيو عند جدي
انس:(دفعهم قدامو وقال)زيدو قدامي الى درت شي دنب فحياتي تصرف فيكم عمر اللحظة كملات الى مسمحت ليكم معندكم فين تنعسو
نور الدين:(بفضول)شرح ليا ا بابا شنو هي اللحظة لي باغيها تكمل
انس:(ضحك وقال كيدفع فيه)هادشي كبير عليك ا بابا زيد قدامي....
خرج انس مع وليداتو وصداعهم مالي المكان وهو مخليهم يلعبو ويغوتو ويعيشو سنهم..فحين براءة دارت اخر لمساتها بعدما تأكدات من حسن هندامها هزات لباس التخرج فايديها وساك صغير وخرجات كتمشا بشوية عليها لقاتهم ركبو وكل واحد فين مليوح حوراء فحجر انس ونور الدين منوض الحيحة وراهم ومعنق انس ابتسمت وهي كتشوف فيهم و ركبات كتسوط وكتنش على وجها
قبل يديها وديمارا لوطو فاتجاه الكلية وهما كيضحكو ومجمعين مع بعضهم حتى قالت حوراء ببراءة
حوراء:مامييي علاش كتمشي بحال البطة
انس غير سمع كلامها حط ايدو على فمو كيضحك بل كتافو كيتهزو بالضحك ونور الدين حتى هو بدا كيضحك بصوت مسموع اما براءة معجبها حال ضربات انس لكرشو حتى قفز وقالت
براءة:(كتميق فيه)بسباب باكم وليت هكا..(شاف فيها وغمزها وكملات كلامها كضحك) مبقا والو ويجي واحد الفنيكيش يونسكم
نور الدين:(بفرح كيصفق)هيييي غيولي عندنا خونا
انس:(بلاصة لوطو قدام الكلية)يلاه وصلنا
نزل من لوطو ودار عند براءة كيعاونها بشوية حتى نزلات لبسات لباس التخرج وتقدمات شادة فولدها وايد انس محاوطة خصرها وشاد فبنتو من البعيد كيبانو عائلة سعييدة متكاملة ومن عينيهم وشوفاتهم لبعض كيبان حبهم لي حاربو على قبلو....جلسو فأماكنهم المخصصة وطلع عميد الكلية وعم الصمت في المكان لقا خطابو ككل سنة تخرج وبدا كينده على الاشخاص الناجحين حتى وصل لسميتها وقال كيضحك
العميد:السيدة براءة سليم المشاغبة والطالبة المتميزة بشهادة الاساتدة والدكاترة المختصين لي شرفو على تدريبها طول هاد 6 سنوات قدرات تحصل على طالبة السنة بامتياز وشهادة دكتوراه بميزة عالية وهدا شرف لينا ككلية للطب انه يتخرجو من عندنا طلاب بهاد الكفائة العالية..
انس:(قبل راسها بفخر وهو كيسمع شهادات الاساتدة والدكاترة عليها وقال ببتسامة)شرفتيني وخليتيني نفتاخر بيك
براءة:(بخجل)نت السبب ا حبيبي كلشي نبع منك الله يخليك ليا
وقفات براءة تحت التصفيقات وتقدمات للمنصة وقفات فمكان العميد بعدما سلمات عليه واخدت منهم احر التهاني والمباركات عم الصمت في المكان لالقاء كلمتها لكن كسرو نور الدين لي وقف فوق الكرسي كيصفر وكيغوت فرحان ب ماماه
جاد:اليييييي مامااااااااا(تصفيرة عالية)
براءة:(دارت نفس الشيء لكن بدون ما تصفر قالت بصوت رقيق وعالي وبصوت طفولي كتصفق)كوغااااااااج مامييييييي
جرهم انس شاد راسو وكيضحك وقال:جلسو شوهتونا مع عباد الله
فحين براءة:(صيفطات ليهم بوسة لواحد وقالت)هدوك المشاغبين لي رزقني الله شابهين باهم فالشغب مديوش عليهم
تسمعو ضحكات في المكان وقالت بتركيز عينيها على انس وهي موجهة ليه كلامها ببتسامة وامتنان
براءة:يقال ان وراء كل رجل عظيم امراة ويقال ان وراء كل نجاح عظيم تضحية...انا غنقولكم بلي وراء كل امراة عظيمة رجل أعظم ونجاحي متربطش بتضحيتي قد ما تربط بتضحية الزوج ديالي..زماني (ضحكات وحتى هو ضحك كيشوف فيها ومركز معاها ونور الدين كيصور فيهم فرحان مرة على براءة ومرة على انس)تضحيتو كانت اكبر من تضحيتي فالوقت لي كان خاصني نوقف معاه فأهم مرحلة من حياتو ولي هي تأسيس حياتو المهنية الخاصة كنت انا بين القراية والتدريب وليداتي كنت كنشوفهم ساعة فالنهار والى مقدرتش كان كيهزهم ويجيبهم ليا لمركز التدريب ولا الجامعة نشوفهم ويرجعو ... (بعيون لامعة قالت)بكل امتنان كنتي دائما السند وكنتي القوة لي كنستمد منها شجاعتي فكل مرة طحت وفشلت وقفتي معايا وساندتيني فالوقت لي كنتي نت محتاجني وبكل حب بغيت نقول قدام الكل ادامك الله لي زوجا حتى في الجنة شكرا حيت نت فحياتي وكنحمد الله حيت عطانا الله هدوك جوج حليقمات ههه وجاينا التالت فالطريق...(شافت فصحاباتها وفالعميد والاساتدة بشكر وقالت)لي كامل الشرف اني نتعامل مع سيادتكم ونتعلم على ايديكم وبالفعل اخدنا منكم كل ما ينفعنا فحايتنا المهنية لكم مني جزيييل الشكر..صديقاتي " لبنى ايمان أمينة وشريفة فدوى فاطمة دعاء" كل وحدة فيكم عندها مكانة خاصة فقلبي ومعزتكم عندي كبيرة... كنتو ونعم الرفقة ونعم الصديقات دوزت معاكم اوقات زوينة معمرها تنسا وقفتكم فجنبي ونصائحكم لي وخا كتقولوها كنديرها دقيقة ونساها من بعد(تسمعو ضحكاتهم وتصفيقاتهم )الا وانها عندي شي حاجة غالية ومهمة لهلا يخطيكم عليا وكنتمنى دوم صداقتنا للأبد .....
تصفيقات حارة وتصفير من طرف الحضور كان خطاب يلامس القلب لانه خارج من القلب وقدر يوصل للجميع..سلمات على العميد وعلى الاطر والاساتدة وخدات شهادتها لي خداتها عن جدارة واستحقاق بعد اخد صور تذكارية شافت فأنس لي على وجها ابتسامة صغيرة تعبر على بزاااف هازها فقلبو وفجوارحو اتجاها...وهي جاية عندهم وقفات ثواني عاضة على شفايفها بألم حتى طلقات صرخة وتحنات شادة كرشها كتبكي طرطقات ليها سقية... ناض عندها انس طاير خايف وولادو تبعوه كيجريو نزل عندها وقال
انس:(بخوف وتوتر)واش كتولدي
براءة:(عرقات ودموعها نازلين غرسات ضفارها فيه وقالت)غيخرج دباااا انااااااس (بغا يهزها لطوموبيل غوتات وقالت)الراس خرج منقدرش نتحرك
انس تلف ودارت بيه الدنيا معارف ما يدير دار عند ولادو وطلب وحدة من صحاباتها ترد البال لولادو لي كيبكيو مخلوعين فحين وحدة من اساتدتها طلبات منهم يجيبو ليها المآزر لي موجودين فالقاعة بسرعة وحيدات الفيست لي لابسة وقالت
الاستادة:المدام فمرحلة المخاض خاصها تولد دبا باش نتجنبو المضاعفات
انس:(شاد فيها وقلبو كيتعصر عليها وهو كيشوف فيها فهديك الحالة وقال بخوف)تولد فالزنقة لا ما يمكنش الى وقعات ليها شي حاجة
دار داكشي لي قالت ليه وبدات فمرحلة التوليد كانت من اصعب اللحظات لي عاشها انس روحو بغات تخرج معاها وهي كتغوت غارسة ضفارها فايدو ومرة مرة كتهزها لفمها تعضها وتقول بالغوات وكتبكي
براءة:ياااربي ياااااربي فكني على خير ياااربي ياربي يجي ولدي بصحيحتوووو ...
بقاو حوالي 30دقيقة عاد قدرو يخرجو الجنين وتسمع صوتو ترخات براءة وانس حيد لفيست ديالو لواه فيها وغطا براءة كيقبل راسها وايديها وعينيها بلهفة وخوف قبل متتالية حتى وصلات الاسعاف لي تاصل بيها عميد الكلية هزوهم لكلينيك قريب وطمنو على صحة الام والجنين وحولوهم لغرفة خاصة...انس واقف بعيد كيشوف فيها ووجهو مزال مرجع فيه لون فحين نور الدين وحوراء جالسين فجنبها وشادين فيها كطلع منهم شهقات صغار حتى فاقت بمجرد ما شافوها تلاحو عليها بزوج معنقينها كيبكيو ويبوسو فيها وهي كتسكتهم وتراضيهم حتى تهدنو وشافت فأنس لي واقف بعيد وغير كيشوف دارت ليه اشارة بايدها باش يقرب وهي مبتاسمة وعارفة حالتو النفسية من دكشي لي حضر ليه قرب ليها بدون ما يتسنى خشا وجهو فعنقها ونزلو دموعو بضعف وصورتها كتولد مزال بين عينيه دورات ايدها لي فيها السيروم على شعرو وبدات كتلعب فيه وقالت
براءة:حبيبي براكة عفاك انا معاكم وولدنا بخير وعلى خير ممم
براءة:(ببتسامة حطات ايدها على وجهو)هادي اجمل هدية نقدر نعطيها ليك تكون من أحشائي جزء مني وفيا.....
قبل جبينها بامتنان وفخر وقال:انا راضي عليك دنيا واخرة..والله يكتبك ليا زوجة في الجنة
#بعد_يومين
جالسة براءة بلباس مريح فضفاض فالمكتبة لي عندها مبتاسمة وهي كتكتب اخر سطور قصتها حتى دخل عندها انس وفايدو ولدو قاسم امين وقال ببتسامة
انس:مزال مساليتي عام ونتي تكتبي فيها
براءة:(شدات من عندو قاسم امين كتبوس فيه وكضحك وقالت)ليوم كملتها ولكن معرفتش شنو ندير فالعنوان قتارح عليا نت
انس:(بعد لحظات من تذكر دكرياتهم قال ببتسامة)براءة مهووس هدا هو العنوان
براءة:(شافت فيه وقالت برضى)هممم
قلدها وقرب ليها حط شفايفو على شفايفها وتحل لباب وتبعو الغوات ديال نور الدين..تنهد وجرو عندو من قرفادتو وقال:خرجتي ليا فعودي اولدي محرشك عليا شي واحد
نور الدين كيضحك:تكلمو لبا سيدي و مي لالة كيتسناوكم برا يلاه وصلو
جرا عليه ونوض براءة معاه قبل خدها ودور ايدو على خصرها وايدو التانية على ولدو كيضحك وخرجو عند الاهالي ديالهم لي ستقبلوهم بالزغاريد والصلاة على النبي صوت ضحكاتهم والمباركات والتهاني مالئة الفيلا......
بالضحك والفرح واجتماع العائلة وراحة البال غنختم قصتي وغنقول ليكم نلتقي في فقصة اخرى بإذن الله..
متنساوش تخليوارائكم الصالح والطالح منها لكن باحترام وبطريقة مقبولة
احبكن وشكرا على صبركم معايا ومتابعة القصة بكل جوارحكم .💙🌹
براءة مهووس الجزء الخامس والأخير
محتوى القصة
التنقل بين الأجزاء