لأنك سماح الجزء 11

منصور:طلبي عاود نشوف

سماح:(جمعات شجاعتها)حم بيتك تمشي تشوف بااك مريض

تشوكاو ملامحو فيها وعينيه لي كانو ناشطين رجعو للبرود ..حيد ليها يديها من عنقو وداز فيها:داكشي باش مخدمة هاد تحلوين كامل..

شداتو من يديه قبل مايمشي وقالت:انا ديما معاك هاكا..(تنهدات)جلس احبيبي نهضرو

منصور:(داز لخزانة ملابسو)مكاين فاش نهضرو دوزي تنعسي

سماح:(تابعاه)كاين احبيبي.. هانتا هي سمعني الله يعطيك ستر

بدا تيبدل حوايجو وقالت:كلشي بنقاش تيتحل ..هي عطيني وذنييك

منصور:(عقد حجبانو)مواضيع بحال هادو بعاد عليك..

سماح:علاش بعاد علي؟؟باك راه باك..منصووور سمعني عفااك انا عارفا باك ميسوا بصلة وتانا نيت معنديش معاه حيت عرفتش شنو دوز عليك ولكن راه مريض الموت والحياة هادي..تقدر تندم الى مشتيهش

منصور:(لبس الجمود)غندم الى مشيت عندو..عبد العظيم با هي فالوراق لاغير..شي حاجة خرا متنعرفهاش الى مات الله يرحمو مايتسالني هي ندير ليه العزو

سماح:(شوكاها بكلامو)واش واعي اش تتقول؟؟منصووور(شدات فيديه حيت كان غادي)سمعني

منصور:(بدا تيغوت)اش غنسمع؟؟تتهضري بحالا معارفاش شنو واقع بيني وبينو..الى نتي باك كبرك مفششة ودايرك نتي وخوك فعينيه انا باا راه مرحمنيييش ومرحمش ميي..(غوت فوجهها)فاش كانت مي مريضة بسبابو وتتموت حن فيها هو..ياك هو لي مرضها اوا لي زرع احصد..تايموت ونمشيو نعزيو بحالنا بحال امة لا اله الا الله(هز صبعو فوجها)هاد المواضيع خرجيهم بعاد علييك..مكتعرفيش نتي داك الچنس الحار بحالي اناا

سماح:(بنرفزة)واخا اسيدي باك وندوزوها وخوتك اش دارو ليك؟؟مجري عليهم من عرسيي

هز فيها حاجبو وقال:وصلو ليك تبركيكة مزياان..وليتي مصاحبة ليا مع تريكة عبد العظيم

سماح:تريكتو هي تريكتك..خوتك هادووك ومعندك عليهم فين الخاوة حدها دنيا الى باك مايسواش تاخوتك عاشوو بحالك غير هوما صبرووو

قاطعها بالغوات:وانا بنفسييييي (شير لنيفو)نفسيي هناااا(مخرج عينيه وبدا تيتيعصب)نفسييي حااارة مانرضاش نعيش تحت جناح اكبر ولد القحبة على وجه الارض

سماح:واش مسطييي..راه خوووتك!!مجري عليهم من العرس ماشي حشومة عليك

منصور:(داخل للحمام)الله ينعل دينمها خاوة..كنت هاني فكري ماناقصني والو تا حليت عليهم الباب ورجعت نهضر معاهم..

سماح:(حطات يديها على كتفو)الله يهديك..خوتك ماعندهم ذنب فشنو وقع ليك..اش دارو ليك؟؟

منصور:(شاف فيها محمر عينيه)لي وصل ليك التبركيكة مقاليكش اش دارو لياا ولا؟؟ولا حادگين هي فهضرة القحووب..اوصلو لي بغاو واغطيو لي بغاو(خرج من الحمام وهي تابعاه)

سماح:واقوليا اش دارو ليك؟؟

ضار ليها مخرح عينيه وصاح

فوجهها:اش مشا ليك؟؟باغيا تصعري جد بويا فليل ولا؟؟دخلي سوق راسك ولا غنخااريها انا وياك

سماح:والله منتفاك معاك تا تقوليا علاش

منصور:(هز كاروه)مني تسمعي مني كلمة تجرحك.. ماتلومينيش ..حيت فمي خايب وابعديييي مني حسن ليك(خرج لبالكون)تفوووو

زفرات ومسحات على وجهها بقلة حيلة وماباقي سوگرات والو

خلاتو تا حسات بيه كما على راحتو..وجمعات شجاعتها حيت هادالموضوع تيعز عليها فيه..مع انه كمل كمايتو لكنو مدخلش..خرجات عندو عاطيها بظهر جالس فجليسة دايرينها تما..ماحس بيها تا عنقاتو من لور من جهة عنقو وقبلاتو فحنكو بحنان وقالت:قلقتك احبيبي؟؟

شد فيديها لي مدورا عليه وقال بهدوء كيشوف فاص ليه:كتقلبي على صداع والله

سماح:(بصوت منخافض)لا..كنقلب عليك نتا(جات جلسات حداه)مالك عصبي هاكا(تتحك ليه لحيتو)شي نهار تطيح على وقفتك

منصور:(شاف فيها والحزن كاسي ملامحو)واش انا لهاد درجة خايب؟؟واش لي مبغاش اكون منافق راه خايب ..

سماح:علاش تسما منافق؟؟

منصور:حيت باش يجي بنادم ادير ليا شي فعلة ماهياش ونجي انا نهضر معاه بحالا موقع والو تنتسما منافق...

سماح:شنو دارو ليك خوتك؟؟

منصور:الصمت

سماح:(حطات راسها على كتفو)عاود ليا..انا سمااح

منصور:(هز يدو تيداعب خدها ونظرتو مفيكسها فاص)حيت سمااح متنبغيش نعمرك بمشاكلي..

سماح:مشاكلك هوما مشاكلي..انا اش غنبغي فهاد دنيا من غير تكون مرتاح

منصور:راحتي نبعد على داك القوم مجاني منو هي صداع الراس

سماح:انا علاش هضرت معاك حيت تيبقا بااك..عارفا اش دوز عليك وانا براسي ماعنديش معاه بزااف وتنحتارمو هي حيت باك وصافي ولكن المرض هذا..معرفنا شكون السابق ..فراسك امنصور هو الى عاملك خايب وحرر فيك العيشة عذابو عند الله ميسوا والو گدام الى نتا ولدو وتتعاملو خايب. ..ربي تيقول"ولا تقل لهما أف ولا تنهرهما"

منصور:انا منهرتوش انا بعدت عليه وعطيتو شبر تيساع ماشي وقتما مرض جيبو ليا ولدي نتسامح معاه

سماح:(شدات وجههو بين يديها)متكونش حقود هاكا..نتا قلبك زوين ونيتك زوينة وضريييف ومرضي ميمتك..الى هو ميسواش نتا كون تتسوا..انا متنگولش ليك سير وتصالح معاه وصفيو لخواطر..انا براسي ادير ليا با هاكاك منشوفش فيه تا شوفة ولكن لواحد فاش تيكون فلحظة ضعف وتيقصدك تيخصك نتا تمد ليه يد العون..علاش گلت ليك سير تشوفو باش نتا تبقى مع ربي زوين..متصالحش معاه ولكن سير شوفو ..وربي تيشوف وتيحكم

منصور:(زفر)ننافقو؟؟

سماح:لا متنافقوش..نتا غتمشي تشوفو وتدير الصواب وصافي..تا الى قدر الله وجاب ربي الممات تكون صفيتي خاطرك معاه

منصور:(بسخرية)بحال هذاك ميتموت متيمرض..مي لي ميتة وهي عايشة اما هو عايش حياتو وداير مابغا..من تزويجة لتزويجة ممسوقش

سماح:شغلو هذااك اضبر لمخوو المهم نتا تكون زوين(باستو فحنكو)وراك زوين نييت..مكنبيش نشوفك معصب ولا مقلق بهادشي..

منصور:(شاف فيها مبسم عينيه)احيانا عليك فاش تتحلوني نتي

تخشات فيه وعنقاتو تضحك عارفاه صافي قنعاتو وقالت:ياك هي مع راجلي ماشي شحد اخر

منصور:الى گاليك راسك مع حد اخر حسبي نهاراتك فدنيا

سماح:ايييه زعما داير ليا فيها الغيراان ههه تنتا داك نهار خرجت بلا منقولها ليك خسرتي علي فينك ومتعطلييش

منصور:بغيتيني نغوت عليك ونقوليك علاش خرجتي بلا ماتعلميني وندير خصومة على والو..عادي خرجتي تشوفي شي وحدة انا اش دخلني

سماح:(شافت فيه)زعما ماغرتي موالو؟؟

ضحك وقال:صافا با نتي؟؟لاش نغير مالكي خارجة ليا مع راجل..خرجتي مع ضحى ولا اش سميتها گاع تشاوفتو باحترام

سماح:وشكون گاليك باحترام هه

منصور:ثايق فيك..ومتزوجت بيك تا عرفتك اش كتسواي..الى كنت انجي مور الشمش ونبقا نحكم فيك انا نخرج فينما بغيت ونتي لا هذاك تنسميه انا قلة مايدار نبقا حاضيك. تزوجتي ماشي معناها حياتك نحاصرات بيا و ماتخرجي ماتمشي لفين تانكون معاك..كتلبسي محتارم وكتخرجي باحترام مافيكش فعايل المبعصصات ..تتجلسي بعقلك ومرزنة لاش نحبسك ومتنسايش كيما عندك حياتك معايا راه فحياتك نااس خريين من غيري تبغي تاخدي معاهم مسااحة ..تفوجي تخرجي من روتين تاع ديما

باستو فحنكو وتخشات فيه:يخليلي انا زين لي تيفهم ههه

منصور:گلسي براكا من البوسان لنوض نگلبك هنا..

سماح:(بعد لحظات من الصمت)نوض تنعس تريح راسك

منصور:عندي شي غرض نقضيه و نرجع

سماح:اشمن غرض فهاد ليل(هزات حاجبها)..

منصور:(وقف و وقفها معاه داخلين للبيت)نشوف صاحبتي

سماح:مممم اوا سلم عليها..بتخرج هاكا؟؟..

منصور:سي راه غرض صغير دروك نرجع

سماح:(وقفات قدامو)واگوليا اشمن غرض؟؟

باس راسها وقال:نعسي ماتسناينييش..

سماح:هي معول تباات

منصور:ألا...دغيا غنشوف هي واحد سيد..

سماح:مم واخا سير..

باسها فحنكها وخرج فحين هي مشات بدلات عليها ونزلات لتحت..شدات التلفازة دارت فيلم تتفرج فيه وقبل صايبات گلية وبعض المقبلات تاكلهم من شوكولاطة وشيبس وغيرها..

اما هو خدا طونوبيلتو تيبان مبرد شادها ديركت للعمارة لي فيها دارو..من نهار تزوج بيها ما سطر...تاليوم..

نزل من طونوبيلتو ودخل لدارو بشوي عليه..شافو الكونسيارج عرفو شكون حرك ليه راسو وزاد

ديريكت لبيتو خدا ساشية من الكوفر ديالو ..خدا بلاصة وسط الدار وتنهد وهو تيشوف فالخنيشة لي فيها شوي فقط..زفر ومسح على وجهو بقلة حيلة..

العذاب لي معيش راسو فيه مابحالو حد..حيرة وخصام بين افكارو..فالاخير غلب الشيطان وباشر تيصايب سطر لي ستنشقو ورجع راسو لووور تيحك نيوفو باحتراافية تيحاول احس بالكوكاين واصل لاخر ذرة فجسمو

***

بعد ساعاتين دخل لدار تيلعب بسوارت بغا يطلع وقشع ضوو بعيد فالصالة..توجه ليها لقاها متبعة مع الفيم تتاكل فشيبش مربعة رجليها..بقا واقف تيشوف فيعا..اجمل ماوقع فحياتو هي سماح. .

بتاسم وقال:منعستييش..

قفزات مخلوعة وقالت:الله يعطيك جهل خلعتيني هه

منصور:(توجه لحداها جلس جارها فحضنو)مالكي منعستيش

سماح:عارفني تنخاف ننعس بوحدي

منصور:والى شي نهار مكنتش

سماح:نمشي ننعس حدا خالتي ههه

منصور:مناش تتخافي؟؟

سماح:تنبغي ننعس بوحدي تانحس براسي شي حد ايجي ليا ههه..

منصور:كي كنتي كديري فداركم مكتنعسيش بوحدك..

سماح:تنعس فبيتي بوحدي ولكن دارنا ماكبيراش بزااف بحال هادي..كانو البيوت قراب هي تنقفز تنعيط لالياس..اما دروك دارك كبيرة بزااف هه..

منصور:خويويفة(هز ليها راسها باسها ففمها)

سماح:(شافت فعينيه)مال عينيك حمريين؟؟

منصور:(بهدوء)والو هي كنت صايگ و كان داخل البرد من شرجم شويا قاسح..

سماح:اااه..اوا دوز تنعس غدا عندنا مايداار

زفر وحرك راسو ..وناض منوضها معاه طلعو لبيتهم.. تخشاو ففراشهم معنقها لعندو تيلعب فشعرها تاغفات اما هو نعااسوو محال وبعيد

الإنسان فاش تيكون عندو شي حاجة مبرزطاه تيبقا بلا نعاس والى كاع نعس راه تيبقا دماغو خدام..

مانعس تالفجر..سمع الاذان عاد نسى واكبر vu كيطلعها الانسان هي الڤي لي كيخلي لاذان الفجر..والله اغفر لنا يارب..

مع خروج اشعة الشمس كانت هي فايقة قبل منو ..بدلات وتولات راسها كي ديما عاد خرجات تفيقو وتتقول ياربي سلامة

بعد عدة منادااة ليه حل عينيه مغوبش فيها وقال:شكاين؟؟

سماح:نوووض خصنا نمشييو(باستو فحنكو وبقات قريبة ليه حيت شافتو مغوبش وهي بغات هي تسلك معاه)نوض احبيبي..نوض..

منصور:(غمض عينيه مستحلي لمسات يديها)مممم..

سماح:(ضحكات)هههه داير كي الدري الصغير..

منصور:ممم

سماح:واانووض..

ناض من حداها داخل للحمام وتيسب فخاطرو.. مبغاش اسمعها سبانو على صباح وهي مفيقاه بالحب والمشاعر..

دوش وخرج لبس عليه مالقاهاش عرفها تكون نزلات لتحت..كي لبس عليه نزل لقاها تتفطر يوحدها..

سماح:صباحو

منصور:مزيانة؟؟

سماح:حسن منك ههه

منصور:انا بغيتك هي تكوني حسن مني..

تكات راسها على كتفو من جديد وهي احسن حركة تتدير ليه باش تجيب عليه فشوشها وتحلون عليه تتخليه بلا عقل..

تيحس بيها انها انثى تتدلل عليه وتعيشو من دلال الإناث لي عمرو معاشو..

منصور:(لمس حنكها بلطف)فين مي؟؟

سماح:ياله التسعود تصباح باقي مغتفيقش درووك

منصور:ممم

سماح:حمم منصور عيط لشي واحد فيهم شوف فين كاين

منصور:(جبد تيليفونو)هذااك كي المش بسبع رواح نموت انا وابقا هو عاايش راه فداارو..

سماح:مزيان لي فالدار نيت نشوفو الحاجة وتطلب منها السماحة..

تلفت ليها وعقد السبعة فربعة بمعنى عاودي اش قلتي..حولات عينيها وقالت:شنوو؟؟خوتك وباك اه وهي مسكينة اش دارت ليك؟؟مسكينة ضريفة والله ونتا بفمك قلتيها ليا معمر عندك معاها شي مشكل..تبي نتا لي يقلل ليك من مك..

منصور:(مخنزر)الصمت

سماح:(باستو فحنكو)عارفاا هادشي دايرو بزز منك ولكن ضروري

منصور:هاني غنتبعك تانشوف فين غنخرجوو..(هز قهوة)..

سكتات متلااتش دوات تتسايس معاه هالعار هي يمشي..شربو قهوتهم وخرجو من الدار ساكتين..هو داير كي القنبلة الموقوتة تقيسيه اتفرگع..تيكره امشي لديك الدار وهي دايرا كي الما وقتما تعصب ترشوو..

بعد مسافة طريق قليلة حيت دار باه براسو كاينا فنواحي تاهو..حل ليه العساس الباب وتم داخل بطونوبيلتو مغوبش وسماح تتشوف المناظر حداها..

كانت فيرما جامعة فيلاا وعناصر الفيرما من كوري وغيرها

وقف طونوبيل ونزل ونزلات تاهيا بصاگ كبير شوي..شدات فيديه وتمشاو ياله صونا وهي تقول:منصور هي بشوي..شوفو وهضر معاه ونخرجو فحالنا..

منصور:ااصمت

تحل الباب ودخل مدرم ماتبسم فوجه لي حلات ليه الباب ماوالو..

حدو نطق:الحاج فينو؟؟

خ:فالصالة اسيدي..كلهم كاينين

زفر وتوجه للصالة ببرود ماحسو بيه حتى وقف عليهم كي قباض الرواح كلشي تصدم.. كاين لي وحلات ليه الماكلة كااع..

كانت حجيبة وولادها وعيالاتهم وزهيرة وولادها..وشي ولاد عمو مع بنات عمو لي مشافهمش قرن وزمارة..

كلشي استغرب من مجيتو مظنووش انه اجي . . كان عبد العظيم جالس فقاع الصالة وباينا فيه عياان وجهو صفر مسقطر من دم والموت داخلاه..

سماح:(باداب)صباح الخير

منصور:الصمت

عينيه كانو على باه ونظرتو كلها شفقة كيتشفا فيه بمعنى الكلمة...منظرو مثل منظر راضية ويمكن هذا بحد ذاتو خلى الغليل لي فقلبو ابرد..دار بتسامة استهزاء وعينيه فعينين باه..

النسخة الكبيرة راه جالسة ونسخة صغيرة راه واقف..لي شاف عبد العظيم فصغرو كيعرف ان منصور هو نسخة ليه..تا فالطبع كيتشابهو فشي حوايج..

تقدمات سماح هي لولة باست حجيبة لي ماقدراتش تحقد..رحباات بييها وعنقاتها وسلمات على البقية فحين هو ماسلمش..

حدو خواو ليه خوتو الطريق داز لجيهة بااه وعينيه كاسيهم البرود..

الاخر رغم المرض شموخو وهيبتو حاضرة..طلع يدو مدها ليه باش ابوسها..شدها وباسها ببرود

وقال:كي بقيتي؟؟

عبد العظيم:الحمد لله..جلس..

جلس حداه عاقد سبعة فربعة ماحاملش اجي..وكلشي سااكت ماهضر حد..

سماح:(هزات يد عبد العظيم باستها)عمي على سلامتك..الله يحفظ ليك صحيحتك واطول فعمرك ياربي..

عبد العظيم:(عجبو لحال)الله يرضي على بنتي(دار ليها بلاصة حداه)اجي ابنتي جلسي حدايا ماشي دخلتك هادي..

سماح:دنيا هانيا اعمي..كي بقيتي شوي؟؟

عبد العظيم:شويا الحمد لله..الشرف وصلنا

منصور:(لاح هضرتو كي سم)خاص هي هادي تدير ليك العقل..ثبث شوي راك كبرتي..نقص ليسرية من السكر..

لي بغاها فالحاج حابس الضحكة اما هو غوبش وقال:بديتي تاني...

عبد المالك:(عتق الموقف)ختي سماح مرحياا بيييك اختي..واخا ماشي دخلتك..

سماح:الله يبارك فيك اخوياا..كيدايرين لبااس عليكم

حجيبة:الحمد لله ابنتي اسول فيك الخير(ناظات الخادمة)كبي لبنتي شي كويس تأتاي..تيقولو القدام لي لحق الماكلة تتكون عجوزتو تتبغيه

سماح:(بمزح)تتبغيني ههه..

عبد العظيم:داركم ابنتي لبااس؟؟

سماح:كلشيي بخيير اعمي اسول فيك الخير صحيحتك مزيان؟؟تهلا فراسك اعمي الصحة راه كنز

عبد العظيم:اوا اش نديرو..ضروري الواحد شي نهار افلت شي حاجة..

حجيبة:مدو يديكم ابنتي..دار داركم

منصور:لا غنمشييو(بدون مايشوف فباه)ميكون بااس..

عبد الغني:حشومة اول مرة تجي سماح وتمشيي(بتاسم ليها وغمزها)مرحبا بيك..فطرووو معانا..

منصور:(زفر)

سماح:واخا ماعلييش نيت نشوفوكم

عبد العظيم:نيت تعرفي على عائلة راجلك..عبد الغني وعبد المالك(شرب لما)تتعرفيهم حضرو العرس..هذا عبد الفتاح لي تابع منصور(شافت فيه وتبسمات ليه)وهادي مراتو سناء وهادو ولادهم..

تبسمات ليهم بعذوبة وقالت:متشرفيين

سناء:مرحبا بيك

عبد الفتاح: مرحبا بيك اختي

عبد العظيم:هادي بنتي..لالة زهيرة خت راجلك هي وياه ولاد العمام

سماح:مشرفيين ازهيرة

زهيرة:(مهيبة من منصور)شحال كنت بيت نتعرف عليك..

سماح:تانا والله

عبد العظيم:وهادو ولاد خويا..سيدي حسن وسيدي عمر

سماح:مشرفين

عمر:كي راك امنصور؟

شاف فيه منصور والله معقل عليه بالله هو براسو معاقل عليه..:الحمد لله

امل: مرحبا بيك اختي

سماح:ترحب بيك جنة

كملو فطورهم وسماح تتاكل معاهم عادي اما منصور جالس على شوك ماكرهمش انوض فحالو..تيجغم فداك اتاي كي سم..

مهليين فسماح والحاجة تتقرب ليها خودي هادي هاكي ابنتي كولي ابنتي ..عاملوها مزياان ومنصور ساكت تيعياو اسولو فيه تيجاوب باه ولا..اييه ولا..محاملش الوضع..

منصور:(حط الكاس)سماح ياله

عبد العظيم:جلس ياله جيتي..واش باك مريض ونتا باغي تمشي

منصور:(شاف فبه بجمود)باين ليا صحيح فصحيح ماعند المرض مايدي منك الرحماني..

ع.العظيم:(خنزر فيه)شهاد الهضرة؟؟كنتي بيتيهم اقطرو ليا باش تبرد ولا..

منصور:(وقف)لي بحالك الحاج مكيقطرووش ليه..تيموت ديركت..

سماح:منصووووور

منصور:تحركييي

الحاج:اتبقا حياتك كاملة مسخوط

منصور:(بابتسامة استهزاء لاح ليه كلامو)اللهم مسخوط ولا منافق..الله يشافيك..

وقفات سماح تعتق الموقف:اويلي حشووومة ..اش تتگول

منصور:درنا صواب شفناه هاهو صحيح فصيح امرضهم كاملين وابقا هو عاايش وياله فحاالك..

سماح:(معرفات فين دير وجهها)سمح لينا اعميي .خالتي سمحي لينا الله يعطيك ستر..مسحوها فياا

ع.العظيم:سيري ابنتي نتي ماعليك والو..سلمي على راضية..

تبعاتو تاتزرب وجهها مابقاش عندها فين ديرو..شوهها كون هي مجااش..

لقاتو برا كيكمي بعصبية وتيترعد..مهضرااتش حدها طلعات لطونوبيل وصقلات تتمسح على وجهها وتستغفر..خرجو خوتو بجوج لاحقينو لقاوه تيكمي..

عبد المالك:كان بيموت فيك شي عرق كون سكتي ولا

منصور:(شاف فعبد الغني)نتا أداك البياع نهار تجي لداري تبقاوانا مكاينش نهرس ليك فمك..

عبد الغني:هه شتي نتا والله تا هبيل..تدير عقلك فيه راه هتر

منصور:اتشرف نتا وتموت وعبد العظيم مايشرف ...

عبد المالك:الله يهديك..درتي شوهة گدام ولاد عمامك..

منصور:ماتنعرفهمش گاع..جامع عليه القواويد بحالو وداير فيها مريييض..غدا انوض اضربها بشي تزويجة تاني..

عبد الغني:هههههههعهههخ تتعجبني فيه والله هههه

عبد المالك:(خنزر فيه)الحيوان

عبد الغني:هههههههههه شتي گاع لي لداخل عاجبو الحال حيت تاحد متيقدر اهضر معاه هههههه دابا خلينا فالمهم..انتزوج..

عبد المالك:ياهاد ولد القحبة واش باغي تصعر جدي فهاد صباح..باك مرييض ونتا غتزوج..

منصور:(ضد فيه)تزوج اخويا تزوج..انا معااك..اموت كاع عبد العظيم

عبد المالك:ابااااز لكمارتك كون هي ماجيتيش

منصور:شتي كون ماهيا(كيشير لسماح لي حالا شرجم تتسمع بدون مايحسو)والله منعتبها

عبد الغني:(صيفت ليها بوسة بيديه)الله ينورك ازين..

لحق عليهم حسن ولد عمو لي معاقلش عليه منصور گاع..بغا يدير فيها ادخل بخيط بيض :خويا منصور ماتدييش عليه

منصور:شكون نتا

حسن:ولد عمك محمود..حسن

طلعو ونزلو ومجاوبوش حدو قال:كلمو ليا الحاجة

عبد المالك:دخل اصاحبي لداخل ويكون خير

منصور:كلم ليا مك مداخلش اناا

عبد المالك:(تيهضر بجدية)اخر مرة بقا فيها الحال بزااف منك..شو شنو دارت معاك وجريتي ليها على ولادها

منصور:(تجاهل كلامو)واخا هي عيط ليها..

دخل عبد المالك اعيط ليها ونزلات سماح عيطات ليه وقالت:منصور هاك

منصور:(مغوبش)شنو

سماح:(بتاسمات)هاك ازين عطي هذاا(بواطا فيها سنسلة تذهب)عطيها للحاجة باش تقوليها سمحي ليا..

منصور:شويا لباس نتي؟؟منين جبتيها؟؟

سماح:عطيها وصافي حشوومة تطلب سماحة بلا كادو..شد!

شدو وتلفت شاف الحاجة جايا لجيهتهم متسائلة:مالكم

عبد الغني:هي منصور بيكوليك شي هضرة..

شافت فمنصور وهو يقرب باس ليها راسها ويديها وعنقها وقال:سمحي لياا الحاجة

حجيبة:ههه اولدي الله يهديك نسيييت..

منصور:(مد ليها الكادو)ماتدييش علي راني فشكل

حجيبة:انا عاشرت باك سنين ومتنديش عليه عساك ندي عليك..منكذبش عليك بقا فيا الحال وبزااف حيت ولادي هادوك (بهدوء )انا عارفا شنو بينك وبين باك ولكن خوتك ماعندهم ذنب

منصور:ممم

حسن:والله اخويا الى عندها الحق

شاف فيه منصور زعما اش دخل جدبووك وسكت..حدو باس يدين الحاجة وقال:متديش علي..الله يعاون

حجيبة:الله يرضي عليك..

حرك راسو وطلع فطونوبيلتو وسماح حاضياهم مبتاسمة..هي طلع حداها وقال بنرفزة:راه قالوها زب المعرفة تيوسع الكر

سماح:(طلقات ضحكة عالية)خهههههههخهههههههههههههههخخخخخههههههههههههه الله يمسخك..

شدو الطريق خارجين من الفيرما ديال الحاج وهي باقي تتموت بضحك وهو تيشوف فيها وساكت..

تا وصلو لحدا وحدة من المدارس ديالو لي عمرها مشات ليها حيت ديما تتمشي هي الفرع الاصلي ولي هو اول مدرسة..

نزلو بجوج وطلعات عينيها فيها وقالت:هادي مدرستك؟؟

منصور:سي..عجباتك

سماح:زوينة..الله يزيدك من عندو(بعفوية)..

شاف فيها وبتاسم وعلى دعيوات عندها ديال اصبح عليهم الواحد ادوز نهار زوين..

منصور:امين

دخلات معاه خجلانة واخا الأغلبية ماكاينينش كاينا هي الإدارة لي مكتحبسش حيت كيوجدو للموسم الدراسي..

مدرسة زوينة ونقية ومخدومة فالبني ولا تا فالإصلاح من داكشي..دخل على المحاسب لقاه امام الحاسوب ديالو فبيروه وحداه بيرو اخر خاوي ومجهز..

وقف المحاسب بابتسامة وقال:بونجوغ موسيو منصور

منصور:بونجوغ..بون هادي سماح المساعدة لي هضرت ليك عليها

المحاسب:بونجوغ مادموزيل..تفضلي مرحبا بيك..

سماح:(بابتسامة)شكرا

منصور:لوكونطابل ايشرح ليك كلشي(بابتسامة)بونكوغاج

سماح:شكرا هه

خرج وخلااها معاه وحيت من توصية منو اكيد يعطيها وقت واشرح ليها طريقة الخدمة..

نص نهار كولو دوزو معاها كيشرح ليها السيستيم باش خدامين وكيفاش كيخدمو..عطاها وقت نيت تاشرح ليها. .

وتاهيا مع كانت مالة فدار جاتها على لكانة تتسمع ليه وتدير لي قاليها..

وصل وقت الغدا وناض المحاسب للبيفي ياكل ونطق:مادموزيل سماح ياله تغداي معايا..

دخل منصور ديك ساعة وقال:ياله

بتاسمات للمحاسب وقالت:شكرا لهلا يخطيك.

خرجات مع منصور لي شدها من خصرها مخرجها..تبعها المحاسب بعينيه تا مشاو وهو كيحاول افسر شكون هي..وقفات عليه الحارسة العامة وقالت:فين ساهي؟؟

محسب:البنت لي جاب موسيو منصور جديدة شكون هي..

الحارسة العامة:مراتو

المحاسب:بصح؟!!!

الحارسة العامة:اييه اسيدي..مراتو جابها حطها وسطنا باش تجمع ليه الاخبار وتعرف اش تيضور فغيابو..

محاسب:علاه هو خاص لي يوصل ليه شي حاجة كلشي على عينيه تدوزيها عليه

الحارسة العامة:اوا نوض الله يجيبك على خير

****

توالات ايام قليلة تعد وتحصى فشهر..دوزاتها سماح ومنصور كلها عادية..كاينين نقاشات خفيفة لكن الدرك على سماح..تتطمر باش ميكبرش المشكل وانوض للصداع

كأي زوجين كيعيشو حياتهم. .

سماح ولفات خدمتها وولات تتعجبها واخا عمرها خدمات فدومين لمحاسبة رغم حصولها على ديبلوم فيه..وموفقة مع دارها وراجلها وعجوزتها..مرة مرة تاتدخل تطيب شي حاجة وتوجد شي حاجة..

على طاولة الغذاء فمطعم راقي تيتغداو بصمت تانطقات:اتمشي ماما وبابا للحج

منصور:سي فغي؟؟مزيان

سماح:(بفرحة)اه ههه فرحت ليهم من قلبي..ندوزو فالعشية نشوفهم

منصور:دوزي

سماح:ونتا مابيتيش تمشي معايا؟؟

منصور:لا هي سيري

سماح:(بحذر تتقرا ملامحو)وندي معايا خالتي؟؟

ننصور:(شاف فيها ونزل راسو فالطبسيل)انا نديكم صافي..

سماح:هههههه اوا دابا هضرتي..نديها تفوج شوي مع ماما وكريمة عارفها هي تتبغي الوناسة

منصور:واخا امنانة..

ضحكات ليه ونزلات كملات ماكلتها ومن بعد رجعات لخدمتها بعدما تفرق هو وياها كل واحد فطونوبيلتو..

العشية خرجات بكري من الخدمة ومشات للدار..علمات راضية ولطيفة بش توجدها وطلعات بدلات عليها ومتحمسة تمشي لدارهم لي منهار تزوجات ماوصلاتها..

بغات تديرها ليهم مفاجئة..دخل هو لقاها تتصايب العكر ففمها..تلفتات ليه بسعادة و قالت:كي جيت؟؟

منصور:زوينة(تيحرك عنقو بتعب)

سماح:(تتصايب ساعتها)مالك؟؟

منصور:(تيحيد حوايجو)شي مساج!!

جلس فطرف السرير وجات هي باريحية طلعات وراه متكية على ركابيها ..حطات يديها على كتافو تتماصيه ليه وهو مغمض عينيه كيتسنط لعظامو كي تنقولو

سماح:كانت الخدمة كثيرة احبيبي؟؟

منصور:بزااف..

سماح:ريح راسك متجهدش على راسك بزاف..كلشي الا الصحة

منصور:ممم

تتماصي بلطف وساكتة تا نطق:صافي براكا(شافها وقفات طلعها ونزلها)فين غادية؟؟

سماح:راه قلت ليك صباح دارنا..انا وخالتي

منصور:(بتعب)كون هي أجلتيها تال غدا عيااان

سماح:(بهدوء)هانتا احبيبي خليك نتا فدار دوش وكول شي حاجة وتكا وانا وخالتي نمشييو فطونوبيلتي..

مجاوبهاش وقف ودخل للحمام ادوش وكانت خدات جوابها لي هو لا..

زفرات وعوجات فمها وهزات البوشيط ونزلات لتحت تتسنا فيهم.. تاتم نازل مدوش متيك مشيك على الاخر.

خرج تاكمى ورجع لقاهم وجدو..شدو الطريق بطونوبيلتو وهو عياان عينيه قربو اتسدو بالنعاس..

اما سماح مقاداها فرحة بالمشية لدارهم..تقدات باش تدخل فيديها وكملو الطريق..

دقو فالباب بعدما نزلو كامليين وحلات كريمة لي هي شافتها غوتات وبداو سلسلات العناق والترحيب من جديد..هز هو مو وطلعها ديركت تا وقف عليهم كيديرو كاسكروط..

رحبو بيهم اشد الترحيب ودخلو للصالون كاملين فرحانين ببنتهم..

هاد الأخيرة مخشية فحضن مها تتضحك وتنشط وراضية تاهيا ناشطة اما هو صاحب الوحدة لي معندوش مع الجماعات راه ساكت تيجاوب على قد السؤال..

تحطات طبيلة وصينية تقليدية باتاي والكيسان وكل ما يتحط فالكاسكروط

تجمعو عليه كأي عائلة..

سماح:هي قربتو؟؟

عثمان:ان شاء الله

منصور:حجة مباركة

زينب:الله يبارك فيك اولدي..لعقبة للواليدة بشي حجة

منصور:ديجا حجاات

عثمان:شي حجة خرا ان شاء الله

سماح:اميين

عثمان:مغتمشيش اولدي نتا هاد العام ..

منصور:لا..مشغول..مكرهتش ندي مي ولكن مشغوول

عثمان:صيفتها معانا اولدي

زينب:والاهيلا اولدي..صيفتها معانا دنيا هانيا انا نقابلها..

منصور:حمم لالا بلاش هي سيرو نتوما اول حجة ليكم مرا خرا ان شاء الله..

زينب:مالها غثقل علينا؟؟والله الى مرحبا بيها نحجو مجموعين هاديك هي دنيا ومافيها..

سماح:(شافت فمنصور)تانا عجباتني هاد القضية..

منصور:(تحرج )نفكر ونرد عليكم

عثمان:ان شاء الله..راه مايخصها معانا تا خير..

منصور:عارف لي كاين..

دورو الهضرة لحاجة خرا والمواضيع كثيرة ومنصور غيطيح بنعاس هي مكابر..

تعشااو وعياو اشدو فيهم للمباتا لكنه رفض بلباقة..

رجعو فحالهم فصمت كلشي مسخسخ الا سماح لي ناشطة حيت شافت والديها وجابت منهم طاقة ايجابية..

كي وصلو دخل مو للطيفة مساو عليها وطلعو لبيتهم بصمت..بدل عليه وتشخا ففراشو اما هي راه ولات بشوي عليها..ها تبدال ها تحيد ميكاب تغسل وجهها تذهنو وماغيرهم..

خرجات عندو ببيجامة حريرية لقاتو متكي فناموسية باينا ناعس..تخشات حداه وبمجرد ماقربات منو عرفات انه باقي مشادش فيه نعاس..حطات راسها على صدرو و قالت:نعستي

منصور:ممم

سماح:(بهدوء)شبان ليك فهضرة بابا؟؟

منصور:ممم

سماح:بتصيفت مك معاهم

منصور:ممم

سماح:(هزات راسها شافت فيه)كيفاش ممم واش اييه ولالا؟

منصور:(حل عينيه حمرين)صافا با نتي؟؟

سماح:علاش شنو فيها؟؟مابيتيش تصيفت خالتي للحج؟؟

منصور:شايفاني مشغول الوقت لي نحك راسي مكاين ونوض نصيفتها..نزيد هم على هم

سماح:علاش؟؟مكثيقش فدارنا

منصور:(فيه نعاس ومعصب)اش جاب الثقة للهضرة..انا منصيفتش مي مع تاحد

سماح:ودارنا تااحد...صيفتها والله ماتخاف عليها تديرها ماما فعينيها

منصور:(تقلب على كرشو وغمض عينيه)نعسي نعسي

سماح:وراه معاك تندوي ضوور(تتحرك فيه من كتفو)

ضار معصب وصاح فوججها معصب:واش اتخليني نعس ولا نوض نخويها ليك؟؟؟نعسي خليني نعس راسي ضارني

سماح:(وسعات عينيها من الغوات)

منصور:(ضور وجهو انعس وتيبركم)تقلب عليك تاتلقاك وتقوليك نتا ظاالم..فهم تسطا مع هاد المخلوقة..

مهضراتش باقي سكتات عرفات راسها عصباتو..صقلات وعطاتو تيساع ونعس فورا من شدة التعب اما هي بقات تاضور عينيها كي المشة تا داها النعاس

****

الصباح الموالي..فاق هو لول شابع نعاس تيحرك فعنقو براحة..شافها ناعسة حداه منشورة..حرك راسو وناض بدل عليه وقضا روتينو عاد صونا تيليفونها بالمنبه..مدات يديها طفاتو ورجعات تنعس بهدوء..فحين هو مراقبها من المراية ..

توجه ليها بعدما لبس ساعتو..وقبلها فحنكها وهمس :عيانة؟؟

سماح:ممم

منصور:جلسي ماتمشيش الخدمة!!

سماح:(حلات عينيها)ممم منقدرش

منصور:هي نعسي(تيحك راسها بلطف)

سماح:(تعجزات منشورة على ناموسية)نعستي مزيان؟؟

منصزر:ممم(قبلها جنب فمها)ونتي؟؟

سماح:مممم(تفوهات ودارت فيديها)

منصور:رجعي نعسي

سماح:(ناضت )لالا نوووض هه ايغوت علي مصطفى..

منصور:(باستهزاء)مالها ديال باه!!اغوت عليك عيطي ليا

سماح:(باست فحنكو)هه لالا ضريف هي تنضحك معاك

منصور:(شدها من يديها لواها ليها لور وطاح عليها ببوسة ففمها طويلة)توحشتك

سماح:ههههههههخخ تنعرف هاد توحشتك ديالك...منصوور(تيبوس فعنقها)انمشي ليوم لصالون ندير واحد سوان لوجهي ولشعري

منصور:سيري ازوينة..

سماح:واخا ههه(بعداتو عليها)واععع خليني نوجد..نتا مكيجيك داكشي تالصباح

منصور:هه خلاتو فالصباح..سيري انا نزل..

سماح:اوك

نزل تيقاد فحوايجو عند مو لقاها فايقة على غير العادة..باس راسها وصبح عليها وجلس تيجغم قهوتو معاها تانطقات بصوت متمتم:حححججججج

منصور:(شاف فيها)نعام امي

راضية:لللللححححجججج

منصور:(فهمها اش بغات)ميمتي..هاد العام عذريني مساليتش نديك..هي نحيد علي شي خدمة نديك ديري عمرة والعام جاي تحجي

راضية:(بترجي)ننن حججج

منصور:(زفر)نصيفتك مع نسابي

حركات راسها بالايجاب مبتاسمة و قال:نخاف عليك امي!!خليك تانكمل ونديك

لطيفة:(تدخلات)سمح لي نتدخل..مافيها باس الى مشات معاهم..ديما لالة راضية تتذكر الحج

منصور:(عض على شفايفو ميقدرش اخسر ليها)واخا الالة..انا نشووف فففف..

راضية:(بابنسامة)يرضيييييببيي

منصور:امين امي..

دخلات سماح مبتاسمة سلمات عليهم وجلسات تتفطر معاهم عادي كي مولفة..تاخرج هو لخدمتو وبعدها تبعاتو هي..

دوز ليها الخط..شافت نمرتو وبتاسمات:توحشتيني ولا؟؟

منصور:نتي لي هضرتي مع مي على الحج؟؟

سماح:لا..

منصور:وشكون دخل ليها فكرة الحج لدماغها

سماح:ياك كنت معاك فطونوبيل وفليل معاك..وصباح سبقيتيني لعندها فين انهضر معاها

منصور:شوفي نتي

سماح:بسم الله علييك

منصور:يادلي ماخاصني هم زيدوني لاخر ففف..

قطع عليها مخليها تتحرك راسها يمين شمال واولات هضرتو انها حالتو تاني..

دخلات للبيرو ديالها وبتاسمات فوجه مصطفى..هاد الاخير لي بتاسم ليها ورجع عينيه لبيسي وقال:صباح الخير

سماح:صباح نوور(خدات بلاصتها)كي راك مزيان؟؟

مصطفى:تخي بياان(شاف فيها وبتاسم)تتباني تخي بيل اليووم

سماح:(بخجل)مغسييي

مصطفى:دوك ضواسا ديال البارح فينهم؟؟

سماح:(ضحكات)راهم حدا البيسي ههههه

مصطفى:شفت زينك وانا نتلف ههه

سماح:خهخخ ياك اسيدي

مصطفى:(خاشي عينيه فبيسي ديالو)وايييه

عطاتو ضحيكة وكملات خدمتها عادي كأي يوم..معيطات ليه معيط ليها تاعيطات ليه وقت الغذا متناسية الموضوع وقاالت:الو

منصور:وي زين

سماح:مغنتغداوش ليوم؟؟

منصور:نن هي تغداي نتي انا عندي بزاف ماندير..خصني نتلاقا بواحد لاسوسياسيون

سماح:واخا ماشي مشكل ولكن تغدا ماتبقاش بجوع

منصور:داكوغ..بسلامة

سماح:بسلامة

قطعات معاه وهزات صاكها وخرجات كتضرب بطالونها ..ديركت لطونوبيلتها مشات لواحد المطعم قريب بغات تغدا فيه ..مع الدخلة تتقلب على طاولة قشعات سي مصطفى مع موظفة اخرى من الادارة..شيرو ليها ومشات عندهم محرجة ..

الموظفة:مدام سماح صافا؟؟

سماح:حمد لله ونتي مزيان

موظفة:تخي بيان..جيتي تغداي؟؟

مصطفى:موسيو منصور مكاينش ليوم؟؟

سماح:لا هه

مصطفى:جلسي امادام مرحبا بيك

بلطف رحبات بدعوتهم ونيت مغتحملش تاكل راسها..جلسات بادب ومبتاسمة ليهم..

طلب ليهم مصطفى الغدا وبداو الاحاديث تالاطر التي لا تنتهي..منهار عرفوها مراتو وهوما متشوقين اتعرفو عليها..

هي بحكم الجانب ديالها فالخدمة راه شادا بيروها كاع ضواسا تيوصلوها تال عندها يعني مغتخرجش من بيروها..وعلاقتها مع لموظفين محدودة فسلام سلام..وكتحذير من منصور ديما تيقوليها متضسريش عليك بنادم..

واخا هي اجتماعية ولكن لانها مكتخرجش من بيروها فمكتعرفش بزاف والاغلبية باغيين اتعرفو على مرات مول الشي..

م:كي جاتك الخدمة معانا؟؟

سماج:زوينة..سي مصطفى ممخليش من جهدو

قاد مصطفى نظاظرو بود وقال:مرحبا

م:موسيو مصطفى ديما لي جا عندو فسغفيس كونطا كيشكرو ههه

سماح:عندهم علاش هه(تتاكل بادب وممرتاحاش)

م:انا خدامة فسيغفيس rh

سماح:مشرفين

م:صراحة موسيو منصور فلول مقالش لينا بلي نتي مرااتو..مي ماشاء الله تستحقي تكوني مراتو..زوينة

سماح:(بخجل)الله يكبر بيك ههه مغسي

مصطفى:كولي امدام..

كلات سماح بروية عليها وخدات قهوة معاهم تالهضرة كثيرة واغلبها منصور منصور..الموظفة بفضولها بغات تعرف كلشي مكرهاتش تسولها فيم تعرفتي عليه

مكمل داك الغدا تابغات تطج..رجعو لخداميهم وهي داومات هي ساعتين صافي وخرجات بعدما سالات خدمتها اكيد

طلعات لطونبيلتها وعيطات لمها دارت معاها اتلاقاو فالصالون فاش خدامة ضحى..من بين اكبر الصالونات فمراكش

تسنات مها تاجات عاد دخلو للصالون بجوجات على اساس هي تدير سوان لوجهها ولشعرها ويديها ومها كتكتافي هي بالوجه..هتامات بيهم ضحى نيت..

وكي تيقولو المرا الى بغيتيها تنسا همها وتنسا مشاكلها عطيها الشوبينغ وتهلا فراسها تتبدل النفسية كاملة

بعد ساعتين ونصف عاد خرجات هي ومها بوجه نقي تيشعل منقي..وشعر تيبري حيت غسلاتو ودارت ليه سوان لانه مؤخرا ولى كيطيح ليها..اليديدات بيضين من عند الله متحتاجش لا وصفة لا هم يحزنون..

توادعات مع مها بحب ومشات لدارها ناشطة وتتسنط لاغنية نانسي عجرم ديال "ياي سحر عيونو" وتغني معاها عاجبها راسها وعاجبها الحال

دخلات للدار ناشطة مشات سلمات على راضية هو لول هي ولطيفة وجلسات بتعب:فففف عيييت..سمحي لي اخالتي تعطلت عليك اليوم هي مع كي خرجت مشيت لصالون هههه(تتسرح فشعرها لي مصايب)كي جاك اخالتي

راضية:(بصعوبة)زوييييييييين

سماح:ازين يامك واحلي كلامك اخالتي..شتي كون عرفت منصور اخليك تمشي معايا كون ديتك..نمشيو نتهلاو فراسنا

راضية:(تتبتاسم)بببببصصححححححتتتتك

سماح:يعطيك صحة اخالتي..فينو منصور اخالتي لطيفة

لطيفة:فبيتو ابنتي

وقفات وقالت:انا نطلع نبدل علي ونجي

طلعات تتفرنس وتضحك هي بوحدها والشعر منسادل تابعها تاهو

دخلات لبيتها تتقلب عليه مبانش ليها.. تاشافتو فالبالكون قشعاتو وتوجهات لعندو ماحس بيها تاعنقاتو من لور مضورة يديها على راسو وقبلاتو فحنكو.. وقالت:زين

منصور:(طفا الكارو دغيا)بعديي لهيه اتخنقي

سماح:(بعدات شوي)اوا طفييه

منصور:(هز كارو اخر)دخلي نكمي ونجي

سماح:(تحرجات)واخا..

دلات شفايفها بغير رضى مظناتوش اردها هاكاك ودخلات للبيت حيدات حوايجها ولبسات وحدين خرين وجلسات تتسناه دروك اخرج..

هاهو اخرج ساعا والو دازت نص ساعة مخرجش سيد باقي كارو مور لاخر قول مكماش نهار كامل..من عادتو فاش تيكون ابغي اخمم مزيان كيبغي كارو وقريعة وشي جليسة تالقطعة واخمم واخطط..

تنهدات بحزن وخرجات فاخر المطاف من البيت نازلة لتحت بعدما حشمات تعاود تعيط ليه..

توجهات للكوزينة بدات تتصاوب شهيوة هي مقاليها راسها..تتحرك فالكوزنية كي الحمامة واخا بغير خاطر..

بعد ساعة بضبط عاد تم داخل هو للكوزينة شاف فالخادمات وخواو وهي عاطيا بظهر ليه تطل على طاجين لي ولات راضية تتفضلو فالعشا من يد سماح ..

محسات هي بيديه ضارو على خصرها وقبلة تتنزل على عنقها وقايل وفمو فيه ريحة نعناع حيت غسل سنانو قبل ماينزل عارفها تتخنق..

منصور:شنو تطيبي؟؟

سماح:(عوجات فمها)عاد تفكرتيني

منصور:ديما فبالي (شد يديها باش تتقلب البلول)

سماح:مممم فين كنتي ليوم ضليتي غابر؟؟

منصور:توحشتيني ولا(عضها فعنقها ويدو دخلات لصدرها من فم البيجامة الحريرية)شحال ماكنا اونصوبل..

سماح:الله يمسخك..هي ول لبارح

منصور:لبارح كنت عيان اما نقصر انا وياك ازين

سماح:ههه انا شيخة تقصر معايا ههه(غطات طاجين وتلفتات ليه معنقاه محاوطا يديها على عنقو)وليتي مشغول هاد ليام..

منصور:(قبلة ففمها)القسم لي غنزيد فالمدارس تاع ديسليكسي هو لي مبرزطني..بغيت نوقف على كلشي بيدي تايكون كلشي مزيان ونطلقو ليجيرون..

سماح:(حركات راسها بتفهم)ممم ماعليش انا هي تشوشت عليك ومع موالفة كنتغدا معاك خليتي بلاصتك(دلات شفايفها بفشوش)..

طار عليها بقبلة لفمها لدوك شفايف لي تتلعب بيهم كي بغات ...تيقبل فشفايفها بروية وهدوء ولايح راسو عليها مزيرها بجسمو ويديه تتلعب فخصرها بشهوة..

وهي الاخرى لي زاعمات عليه فالاونة الاخيرة..كتبادل معاه القبلات بحب وتستمتع بيه كيما تاهو كيستمتع بيها..

بعض اللمسات الحارقة مع بعض القبلات الجريئة واللمسات القوية ولاو بجوج بيهم جاهلين كيقبلو فبعضهم بشهوة مكرهوش احيدو حوايجهم تما..هي حسو براسهم ميقدروش اصبرو ..

جرها لبيتهم وكملو على مابداو بحب وشغف وشهوة اكثر..كان موحشها رغم انهم كل ليلة مع بعض الا البارح لي كان عيان وهي الاخرى مكتسخاش بيه بتاتا..

ختم علاقتهم بقبلات جريئة على كتافها وهي تترجع انفاسها من بعد تخشات فحضنو بحب حشمانة منو وكلها حمرة من الخجل..

منصور:تجهدتي هاا(تيبعد شعر على وجهها)انا راه نهار قشعت داك زغب فيديك عرفتك تكوني ناضية فالفراش

سماح:ههههههههه الله يمسخك اش جاب الزغب لشي لاخر

منصور:ههههه نظرية علمية اي بنت مزغبة تتكون مقودة فالفراش

سماح:وشكون هاد العالم لي قالها؟؟

منصور:(بفخر)منصور دين ران

ضحكات تاني على اثر هضرتو وبدات تتقرص فيه وتكركر وتاهو ناشط معاها عاطيها وقتها

سماح:ههههه سخفتيني بضحك

منصور:انا سخفت وانا تن****.

ضرباتو لصدرو وناضت تتلوي عليها ليزار:نووض الله يمسخك..حشومة خلينا خالتي بوحدها بيكون طاجيني تحرگ

منصور:(عاد تگاد فجلستو داير يديه ورا عنقو تيشوف فيها مزال طامع فما كثر)منتحرگش هي انا هه مور العشا لنا لقاء متدوشيش

سماح:نبقا هاكا؟؟

منصور:ممم مدوشيش..لبسي عليك ونزلي نتعشاو ونطلعو..

سماح:(دخلات للحمام تتبركم)نتا حالف تاتحملني مافيها شك

منصور:هي مابغيتش نضيعك اما من نهار لول تحملي

سماح:ممم

غسلات وجهها ولبسات حوايجها لي لقطاتهم فطريق خرجات لقاتو فوجهها كي خلقو الله ملابس والو...جاو عينيها ديركت لتحت وهي تزنك وحمارو وذنيها

منصور:(عاق بيها)عاد كنتي فوقو وعاجبك الحال

سماح:الله يمسخك امين ههههه دوز تعشى

منصور:وصيهم اصايبو ليا شي حاجة

سماح:والطاجين؟؟.

منصور :مالي عندي المعدة ديالكم(دخل لحمام)الطاجين فليل

سماح:وانا صايبتو بالعشق ليك

منصور:(خرج لابس بوكسر)واديجا عارفاني مكاناكلش داكشي

سماح:ممم وشنو نوجد ليك؟؟

منصوى:بلا ماتعذبي گوليها لوحدة فيهم عارفين اش كناكل فليل

سماح:(ربعات يديها معاجبها حال)انا لي مراتك ماشي هوما...اش بيتي تاكل

منصور:(كلبس عليه)هههه صايبي صلاد

عوجات فمها وخرجات معاجبها حال..نزلات صايبات ليه صلاد وصوطات ليه صدر دجاج فالزبدة مع صوص بيضة ..لقات الخادمات راضين لبال لطاجين ..

هو كي نزل مشا لمو مونسها شوي ونااشط حيت ياله ضارب ماتش واعر..

تحط العشا وهوما نزلو فطاجين وهو تياكل فالاكل ديالو..

هي تعشاو مساو عليهم وطلعو تاني للبيت مزكلهاش من جديد..منعسو تال الوحدة عاد طاحت مهدودة نعسات ليه فحضنو مبتاسمة

****

تحاشي معي الاسئلة..يبدأ الكذب حينما نصبح مرغمين على الاجابة..

غير ذلك فكل ما اقوله من لقاء نفسي فهو صادق

احلام مستغانمي

***

فاق هو فالصباح بكري طاير عليه نعاس..ناض ضربها بتدويشة من جديد نعش بيها راسو حيت عارف صهودات برا..عاد خرج تيلبس عليه حوايحو فهدوء وعينيه عليها هي لي مكمشة فليزار وشعرها منسادل حداها مسرح عاد رد ليه البال راع مصايب..

بتاسم مفكر ليلة البارح وقرب منها..كيتأمل فالزين لي عطاه الله..تحنا باسها فحنكها وداعبو..مبتاسم وفرحان انه فحياتو سماح

هي بمجرد ماقاسها قفزات مخلوعة وهو يرجعها بلاصتها مبتاسم وقال بصوت هادئ:ششش مالك

سماح:(باقي مبجقة بنعاس)معرفتش ممم(ناضت تخشات فحضنو)منعستش مزيان

منصور:(حضنها وباس راسها وكيحك على كتيفاتها)باش تتحلمي؟؟

سماح:حلمت بيك تتبعد علي؟؟(هزات راسها شافت فيه)اتخليني شي نهار امنصور؟؟

منصور:(شد وجهها بين يديه وباسها فجبهتها)خوي راسك من هادشي

سماح:(بخوف)گوليا عمري نتفرق عليك

منصور:(بتاسم)عمري نتفرق عليك..انبقا نبغيك تالقبر

بتاسمات ليه وتخشات فيه بدلع وبقا معنقها شحال تا هزات راسها وقالت:اتمشي لليكول؟

منصور:ممم(قبلها ففمها)جلسي نتي متمشيش ريحي راسك شوي..سينو خرجي مع بنت عمتك

سماح:(بدلع)بيت نخرج معاك نتا!..شحال ماخرجنا مجموعين..انا ونتا وخالتي..

منصور:(باس يديها بحب)راك عارفا هاد ليام مشغول..الويكاند نسافرو تبدلي الجو شوي

حركات راسها بتفهم وقالت:واخا صافي..

قبلاتو فحنكو وناض لخدمتو مخليها تتشوف تاعيات وستغفرات الله ورجعات غفات شوي تاني نص غفوى فقط..تا طابو جنابها وناضت دوشات نعشات راسها وتهلات فجسمها بالكريمات بنكهة مريحة عاد نزلات لتحت لقات راضية فايقة تتفطر ..

صبحات عليها وجلسات تفطر معاها واجمعو تانطقات:خالتي نديرو شي جليسة العشية تشوا

راضية:ممم

سماح:نديرو هاكا جليسة فالجردة لهيه ونديرو شوا فيها ولي صالاد(بحماس)نبدلو الجو ياك اخالتي

لطيفة:فكرة زوينة

راضية:امممم(مبتاسمة)

سماح:صافي نديرو جليسة شلحاوية ههه انمشي نشري زربية ديك الحمرة هه الزوينة ونديرو مخيدات واتاي صحراوي ونشويو ههه..

بتاسمات راضية لفكرتها و ناضت هي شاعلة فيها العافية مور الفطور مشات تقدات زربية حمرا ديال الشلوح مع ماعن اتاي وغيرهم من المستلزمات باش تنجح الفكرة..هادشي كولو فقط باش تخلق جو وابدلو الروتين مافيها لي يتسنا تال الويكاند..

دوزات نهارها رفقتهم هي فدار فقط فانتظار العشية توصل ومتحمسة توجد الجليسة وتبدل الجو..

هي برد الحال خرجات راضية للجريدة وبدات تتفرش وتحط

ختارت منطقة زوينة فالجردة فرشات الزربية ولاحت فيها مخيدات حمرين تيبريو ديال الشلوح والخادمات كيعاونوها..

جابت صينية تالفضة مع برادها وكيسانها وماعن اتاي مستفاهم وكل آنية عامرة بحاجة..اتاي سكر والاقامة(النعناع)..

طلعات لبيتها جابت من هدايا عرسها لي محلاتش بعض الفناير للتزيين فالابيض جميلين جدا دارت وسطهم شميعات معطرين بروائح مختلفة..

حطات ربعة فالجنب مزينين ومع غروب الشمس شعلاتهم عطاو ضوء جميل جدا وراضية فرحانة مبتاسمة تتشوف فعروستها فرحانة وتتخلق ليهم جو..

جابت آلة الشواء لي لقاتها فالدار حطوها ليها تاهيا ووصاتهم على السلطات بانواعها ...

فرحانة ومتحمسة باش ملي يجي القى جو زوين ..دخل للدار سول على مو ونعتو ليه للجردة وتوجه ليها باش القى ديك الجليسة الزوينة وسماح تتحط اخر ماتبقى ومو مبتاسمة

منصور:اش هادشي؟؟

تلفتات سماح بفرحة وقالت:تااارااا عجبااتك(توجهات عندوو سلمات عليه بالوجه)رديت هنا بحال الثلاثين تسوالم ههه الشوا..

منصور:(كيشوف فالجليسة)ماعندي مانقول(باس لمو راسها)لالة راحتي كي جاك هادشي؟؟

لقا فمها مترع بتبسيمة وشحال عجبو الحال..وتتحرك يديها بحماس فرحانة ..باس سماح فحنكها تاتزنكات وقال:زوين هادشي..شنو انشوي ليمن انا

سماح:ايييه الى بيتي ..انا نعمر اتاي ونتا شوي

منصور:(جمع كمام شوميز)نشويو الالة(شدها من قرفادتها)نبدا بيك نتي لولة

سماح:ههه احيد علي خالتي شدي ولدك

راضية:(تضحك)

منصور:اشنو امي؟؟نشويها ولا لوحها فداك لبيسين لهيه

راضية:(تتحرك صبعها)

منصور:عندك زهر ههه فين اللحم لي نشويو

سماخ:نديرو قطيبات يااك تالكبدة لخالتي وانا وياك لحم مشرمل..

حرك راسو ومشا شعل الة الشواء وهي جايبة ليه من الكوزينة القطيبات لي غيتشواو حطاتهم ليه ومشات تتعمر اتاي وتسيلفا..دارت معاه سلفي تيشوي وفمو مترع بضحكة..ودارتها مع راضية وولجليسة ولكلشي..

خلقات جو من لاشيء..بقا هي تيشوف وتيتعجب وللمرة الالف مكيندمش حيت تزوج سماح وحيت زرب فزواجو بيها..

شوا ليهم القطيبات ومد للطيفة وراضية اياكلو عاد شد هو وسماح حقهم جالسيين فوق ديك زربية وتيشربو اتاي واضحكو..

منصور هي طالق فمو للضحك وتكركير معاها حيت عندها هضيرات زوينين وتا راضية تتضحك بشوية..

دوزو عشية زوينة تقليدية بمئة بالمئة فالاخير شربات راضية دواها ومشات تنعس رفقة لطيفة وبقاو هوما بجوج راس فالراس..دارها بين رجليه ومعنقها ليه وتيهضرو واضحكو..

تانطق:تلاقيت باك اليوم

سماح:بصح!!فين شفتيه؟

منصور:انا لي عيطت ليه..على الحج تمي

سماح:(تلفتات ليه)اتخليها تمشي مع دارنا

منصور:ممم

سماح:(بتسامة واسعة)وكيدرتي زعما تاتواضعتي وقبلتي؟؟

منصور:(بجدية)سماح انا ماشي متكبر ولا مراضيش بداركم..بالعكس نسابي الله يعمر ليهم دار وعزاز علي حيت مواصليني بوالو ولكن تنخاف على مي

سماح:مناش تتخاف عليها؟؟

منصور:(بانزعاج)تنخاف توقع ليها شي حاجة

سماح:علاش ضروري توقع ليها شي حاجة مع ناس..تقدر توقع ليها معاك نتا نيت ولا لا؟؟

منصور:اه عندك صح ولكن مع ذلك تنخاف

سماح:منصور حيد منك هاد الخوف على مك..راه وليتي نتا بحال باها مبقاتش هي لي مك..رخف شويا عليها ساد عليها بين ربعة تالحيوط وتتقوليا تبرا..ديجا كلت ليك النفسية ضرورية..خالتي مكرهاتش تفوج وتجلس وسط العيالات وتنشط..تشوف الشيخات مثلا ولا تجمع مع نساا مثلا ماشي تحبسها فدار.. شحال من مرا تنبغي نخرجها معايا..نمشي انا وياها عند الخياطة نمشيو نشريو حوايج..نقدرو نمشيو لصالون ولا لحمام..

منصور:(بحزم)منقدرش

سماح:مناش خايف؟؟راه معندو مايوقع ليها..كلشي بيد الله

منصور:مگلتش لا..ولكن مع ذلك تنخاف..داركم تايق فيهم ومكنتش باغي حيت تنقول مع راسي شكون هذا لي ايقدر اهز ليا مي واحج بيها..تيجيني تاحد مايقدر اديرها من غيري الى راجلها ممسوقش ليها كيفاش واحد اخر ابغي..

سماح:بابا والله تا يديرها..ماشي شفقة ولا شي حاجة ولكن راه هاكاك داير هو..فراسك جدة مباركة مو الله يرحمها تاهيا صيفتها مع راجل ختها وكانت تاهيا بحال مك وحج بيها وهانياتون..

منصور:يكون خير..انا غنصيفتها معاه مكرهتش كون مشيت انا نيت ولكن مضغوط بالخدمة..

سماح:(ضحكات وشداتو من كول القميجة)اوا يا سيد الحاج فين تمشي وتخليني ههه

منصور:(قبلها بلهفة ففمها)رجلي برجليك الحاجة

سماح:هي دابا بيخصني نوجد لخالتي ياك

منصور:شغتوجدي؟؟..

ضربات على جبهتو بيديها وقالت:داخلت عليك بالله فين كابر نتا؟؟واش مأكد كابر فالمغرب..انصيفتوها بلا والو..

منصور:انعطي فلوس لبااك

سماح:الا المكلخ ههه خصها شي جليليبة وشي حويجات ونصايب ليها شوي تالحلوة وشي تقاوت

منصور:بلاش

سماح:(عطاتو بظهر وتكات على صدرو)دخل سوق راسك هه كي نوجد لماما نوجد ليها

منصور:لي بان ليك ديريه(باسها فحنكها)نوضو نعسو .

سماح:خلينا شوي هنا..رتاحيييت عيان نتا؟؟

منصور:ماعلييش

حضنها عندو وبقاو مجمعين بيناتهم فشتى المواضيع كاي زوجين بكالم وحنية..

****

صباح اليوم الموالي..كان الجمعة داخلة سماح للبيرو بجلباب مخزانية صيفية جميلة وصنيديلة طالون..

شعرها مهزوز للفوق والعوينات مجبدين بخط رقيق وبعض الاكسسوارات الراقية

مصطفى:(هز عينيه فور ماتحل لباب وعاود نزلهم للبيسي مبتاسم)صباح الخير

سماح:صباح نور

مصطفى:الجمال على الصباح اختي

سماح:الله احفظك

مصطفى:لبارح بقيت كي المقطوع..مالقيت معامن نجمع ولفتيني جموعك

سماح:هههه ياك اسيدي اوا طلب لينا قهوة ونجمعو..

علاقة سماح بمصطفى علاقة اخوية جدا..هو كيحسبها ختو صغيرة وهي كتحسبو بحال خوها..عمرهم مفاتو حدود بعضهم كيخدمو بجوج وكيعطيها من تجريبتو لي قدر عليه كيوريها تحراميات الكونطابل واشرح ليها عادي بحال اي موضفين وكاي جوج فنفس البيرو كيبقاو خدامين ومجمعين على شتى المواضيع فالحياة..

مرة على القراية مرة على الدولة مرة على العراسات لكن فاحترام الشيء لي خلى سماح ترتاح فخدمتها معاه..

لأنه إنسان ودود وضريف واعطيك الوقت وكيعطيك طاقة ايجابية ماشي غير لسماح لكل الموظفين رغم صغر سنو لي واصل لل خمسة وثلاثين سنة

****

الايام كتوالى والعيد الكبير على الابواب..العيد فالمغرب مختلف عن باقي الدول..تقدر تمشي تعيش فاجمل دولة فالعالم وتجي تعيد فالمغرب حيت الى ماسمعتيش ارا الهيضورة وماشميتيش ريحة الزنان(بولفاف)متقولش عيدتي

عيد الاضحى عيد التوحيد وعيد المحبة بين المسلمين..

زينب وعثمان لي غيمشيو للحج راه مكاين هي جري من هنا ودير من هنا..خصوصا زينب ماخلات مصايبات مخلات ماشرات وسيمانة وهي تضور عند عائلتها تتسامح معاهم لأن لي غادي لداك المقام كيخصو امشي بنية صافية واتسامح مع كلشي..

شكون عرف اقدر اجيب ربي الممات تما وميتسامحش مع الناس..

اما سماح راه تاهيا مخلات ماشرات لراضية ومخلات ماصايبات ليها بيديها ..من حلويات وتقيوتات وملابس كذلك تقداتهم ليها وللطيفة لي قرر منصور اصيفتها مع مو منها ترد ليها البال ومنها تاهيا تحج واشكرها بطريقة غير مباشرة على خدمتها مع مو ..

اليوم عندهم الطيارة للملكة السعودية..فاقت سماح بكري وجدات راسها على تيساع وفيقات منصور مبجقل بالنعاس مرون فدماغو حيت ايبقا مشوش على مو..

لبس عليه ومشا لعند مو لقاها واجدة لابسة كلشي بيض تتبان منورة رفقة لطيفة..باس ليها يديها وراسها.

وقال:فرحانة ميميتي؟؟

حركات راسها بالايجاب فرحانة واشنو احسن احساس فالعالم الى مكانش تكون غادي لبيت الله ل أعز منطقة عند الله وامنية الجميع..

مكاينش المسلم لي مكيتمناش امشي لتما..

"اللهم ارزقنا زيارتها يارب"

دخلات سماح مبتاسمة وقالت:لالة الحاجة ديالي ههه واجدة ازين

راضية:(رفعات يديها ناحيتها)ممم

مشات سماح شدات يديها وباستها بحب وقالت:دعي معانا اخالتي..ايسر لينا امرنا ودعي مع راسك ترجع صحيحتك نشوفوك واقفة على رجليك ياربي..

راضية:امييييييين

منصور:دعي معايا اميمتي(برجاء)دعي معايا نولد شي بنية ونسميها رااضية

سماح:هههه ان شاء الله(بخجل) فحياتك اخالتي..ياله امنصور نمشيو مانتعطلووش..

سماح:خالتو لطيفة دعي معانا تانتي

لطيفة:الله يعطيكم مانويتوو ياربيي..

نزل مو ونزلو معاها هوما..والرجل لي مكلف بالسياقة وامور الجردة هبط ليهم ليفاليز ديالهم لي وجداتهم سماح لراضية بنفسها..

والوجهة المطار فين كان عثمان وزينب بلباس منور جدا باين عليهم انهم حجاج..معاهم الياس ويسرا وفاتي وراجلها وضحى ونهيلة وكريمة ..

عناقات كثيرة وتوديعات وتمني بالعودة بالسلامة وبالدعاء بالصحى والرزق..

فاتي:(معنقة خوها)طريق سلامة ودعي معايا ندير لباس

الياس:واش نتي تا شرفتي عاد بديري لباااس؟؟حميد دي مرتك لطبيب

نهيلة:(هبطات عليه لبين كتافو)مكاينش لي خصو طبيب گدك

يسرا:شهمتيني اسيدي والله تا شهمتيني

الياس:ديها فديك كرة تالسلة لي قدامك ههههه

منصور:(لعثمان بصوت بيناتهم اسمعوه)سي عثمان مي امانة فعنقك..تهلا الله يخلي ليك صحيحتك..

عثمان:(بمزح)تهلا ليا فبنتي نتهلا ليك فمك ههههه كون هاني بحالا نتا معاها..لهلا يحاشمنا راك ولدي .

تعانق معاه برجولية وتمنى ليهم طريق سلامة ..قبل مو مرارا وتكرارا وقهر لطيفة بتوصية وخاطرو ضارو محاملش اخليها تمشي..

حان وقت الدخول للمطار تعانقلت سماح مع والديها وعجوزتها ودفع عثمان براضية كرسيها وتمشاو داخلين مجموعين تيودعووهم بيديهم فقط..

الياس:ياله الاخوان هذا هو انا هاني مشيت

يسرا:فين غادي

الياس:نشوف صاحبتي ههه

فاتي:وديني معاك نشوفها

يسرا:ياك اعمتي تانتي معاه

فاتي:هههه هي ضاحكين جر مرتك ورااك..

الياس:(عنق يسرا)زيدي ابوبو عجينة زيدي..خويا منصور ويااك تفكر تولد وياااك..

حرك ليه راسو فقط ماعندو خاطر اهضر..توادعو وتفرقو كلها مشا لدارو..

شدو الوجهة هوما لخدمتهم ومنصور هي ساكت وعاقد سبعة فربعة تانطقات سماح:وااسي منصوور الله يهديك

منصور:ندمت والله انبقا دروك مشوش عليها كون هي رجعت نرجعها..

سماح:(مسحات على وجهها)لا حول ولا قوة الا بالله..

سكتو من جديد تاوصلها للمدرسة ونزلات مودعاه وهو مرفووع ..تنهدات ونزلات لخدمتها..

كي ديما على دخلة تلاقات بمصطفى مبتاسم كي ديما هاز جوج كيسان تالقهوة وقال:سبقتك ههه هاكي

شداتو مبتاسمة ومشات لبيروها مستأنفة خدمتها وتتهضر معاه وكيقتلها بضحك ملي كيعاود ليها مغاماراتو فالقراية تتبقا تموت بضحك وتاهيا كتعاود ليه تاسولاتو:سي مصطفى علاش ممزوجش لدابا؟؟

مصطفى:تزوجت وطلقت وعندي وليد فعمرو خمس سنين

سماح:(متفاجئة)بصح..ماشاء الله الله يخليه ليك

مصطفى:امين ياربي اختي..(شاف فساعتو)اوااه الوقت تيطير دغيا وصلات الوحدة

سماح:(شافت ساعتها)ولاهيلا..(هزات تيليفونها دوزان نمرتو وهي تتهز صاكها)الو

منصور:وي

سماح:فينك؟؟

منصور:فواحد الاجتماع

سماح:(بصوت منخافض)مغنتغداوش مجموعين؟؟

منصور:نن جوسوي اوكيبي هي سيري تغداي

سماح:(بملل)وياك لبارح قلتي ليا نتغداو مجموعين شوف شحال وانا نطلبك وليتي تتشغل بالخدمة بزااف امنصوور مابقيتيش تتلقا ليا وقت..

منصور:واش وقتو هذاا؟؟راني مبرزط ونسيت كاع واش داير معاك..لعشية نتلاقاو فدار..

سماح: (زفرات)فففف صافي بسلامة

قطعات معاه وهي قدام المدرسة حيت خارجة وتتدوي معاه..زفرات بعصبية من هاد تعامل ديالو..

كاع هاد الايام مشغول..مشغول باش الله واعلم..هي تشغلات بتوجاد لمها ولعجوزتها وهو بمشاريعو حيت غيبني مدرسة جديدة فمدينة كازا وولا كيديبلاصا بزااف ليها..

كيمشي فالصباح وارجع فالعشية واقف على شغلو بيدو محرر فالليطاشرون عيشتهم..

وقف عليها مصطفى هي على رجليه وقال:مغتمشيش تغداي

سماح:حمم انمشي تنستنا هي طاكسي

مصطفى:انا كيحسابني ادوز موسيو منصور عليك اما نگوليك ياله بجوج..

سماح:حمم مشغول شويا داكشي باش

مصطفى:ياله نتمشاو وحنا نهار كامل وحنا فالبيرو قربنا نرزمو..الريسطو هي هنا

سماح:(تتفكر)واخا عطيني دقيقة

جبدات تيليفونها كتبات ليه ميساج بلي اتغدا مع مصطفى وتمشات معاه فطريق غاديين وكيهضرو..

كيفوج عليها كتكون معصبة وتتهضر معاه وترتاح حيت انسان بعقلو وتيهضر فشتى المواضيع..فينما جيتيه اعطيك فاشما دويتي معاه حاضر ناضر..وباحترام هادي هي زوينة فيه وسمعتو زوينة داكشي باش حطها منصور معاه..

دخلو للمطعم بجوج وخداو طبلة ياله حطات صاكها وهي تلمح منصور من بعيد فطبلة مع ربعة ترجال كيهضر معاهم باين اجتماع نيت..بقات تتشوف فيه فحين مصطفى تيشوف فالموني واهضر على شنو بغا ياخد وهي وذنيها مسمكين هي عينيها لي خدامين تيشوفو فيه بواحد النظرة غريبة..

كان تيهضر هي بفمو والبرود مكتاسي وجههو..الوجه لي كيعطيه للناس عامة غير لي عاطيها هي..

شويا قشعها من بعيد ورجع كمل هضرتو عادي ماتسوقش حيت كان فنقاش مهم..

ولاحظ كذلك انها مع مصطفى ومهضرش بتاتا مقال والو

تنهدات ورجعات راسمة ابتسامة مصطنعة طلبات غداها وجلسات تتاكل بأدب وباحترام كيف العادة..بحضور منصور او لا هي محتارمة راسها ونقاشها مع مصطفى عادي..

هي تتنقب من ديك الماكلة فقط

تغداو وطلبو الحساب لقاوه مخلص من طرف منصور..

حرك ليه مصطفى راسو كشكر وتا الاخر كذلك..اما سماح مشافتش فيه حيت الى شافت فيه اتنوضها معاه

لهاد درجة منصور مات ليه قلبو من جيهتها..

مغارش مقالش علاش تدوي مع هذااك وتجلس معاه فقهوة..مقال والو

رجعات لخدمتها على غير عادتها بدماغ مضطرب وافكار مشتتى ودماغها تيخمم وارجع سينتا لور لاحداث اخيرة بزاف ديال الاحداث كيبينو قلة اهتمامو بيها..

كلشي كديرو هي هي لي تتعنب وهي لي تشكر فيه وهي لي تعنقو وهي لي تهتم بادق تفاصيلو..عارفاه شنو كيبغي ياكل وشنو لا..وبزاف تتفاصيل فحين هو غير مبالي معرفاتش واش تيديرها بلعاني ولا هو هاكاك داير ..

فالمساء..فنهاية الدوام عيط ليها واخيرا..شافت نمرتو ببرود..حطات مافيديها من ملفات وهزات جاوبات ببرود فكعانة:الو

منصور:ياله لادار انا لتحت

سماح:انا جايا

حطات الملفات ورتبات مكتبها بعناية وهزات صاكها وقالت مودعة مصطفى:سي مصطفى أدومان

مصطفى:بسلامة أختي

بتاسمات ليه بتسامة مصطنعة لغاتها فور ماسدات باب البيرو وخرجات تتقرقرب بطالونها..

قشعات طنوبيلتو جمعات نفس ومشات طلعات بغير نفس وقالت فوق قلبها:سلام

منصور:اهلا..صافا؟؟(شاف فيها)

سماح:وي مزيانة

تحرك بطونوبيل ونطق:كتباني عيانة مالك؟؟غيكلي ولا؟؟

سماح:لا

ياله بغا يهضر صونا تيليفونو..دار الكيت وجاوب وبقا مجمع فتيليفون مع واحد من الاطر ديالو بالفرنسية وتيحلل معاه واشرح ليه وهي متكية راسها على يديها وتتشوف فاص ليها بنظرة فارغة من الحياة..

وكل مرة تضور راسها عندو تلقاه باقي تايهضر ومنساجم فمحادثتو..

هي قطع وزاد شوي فراديو والصمت سيد الموقف..تسمعات صوت المذيعة:وتحت طلبكم مستمعينا الكرام..اغنية نانسي عجرم "في حاجات"

مد يدو بغا يقلب وشداتها ليه وقالت:خليها

معارضهاش خلاها ليها وسكت حيت المحادثة كانت شاحنة بينو وبين الاطر ديالو..

جا على مسامعها هي الاغنية لي حكات ليها على ضبرة وتتحكي على وضعيتها الحالية تماما

###

"فى حاجات تتحس ومتتقلش

وان جيت أطلبها أنا مقدرش

ولو انت عملتها بعد ما أنا أطلبها يبقى مينفعش..

فى حاجات تتحس ومتتقالش

توجع فى القلب ومبتبانش

وافضل على طول تعبانة مابين طب أقولك ولا مقولكش

مقدرش أقولك غير كل طريقة حبك ليا..

او غير عليا ولا فجأنى فى مرة وهاتلى هدية

واملا عينيا واعمل حاجة أنا مش عارفاها

املا عينيا واعمل حاجة أنا مش عارفاها

مقدرش أقولك حلى الدنيا فى عينى وغير فيا

لو مهما كنت قريب منى وكنت قريب ليا

مقدرش أقولك شكل حياتنا اللى أنا عايزاها

اعرف لوحدك شكل حياتنا اللى أنا عايزاها

أوقات بيبان إنى سكت

وهديت ورضيت واتعودت

مش معنى كده إنك علطول تحسبنى إنى استسلمت

وساعات بتحس إنى زهقت

مع إنى بخبى إنى تعبت

متوصلنيش ياحبيبى اقول ده ياريتنى، ياريتني اتكلمت

مقدرش أقولك غير كل طريقة حبك ليا

او غير عليا ولا فجأنى فى مرة وهاتلى هدية

واملا عينيا واعمل حاجه أنا مش عارفاها….

###

نزلات فور وصولهم من الطونوبيل ودخلات بدون ماتسناه لانه اصلا مغيلاحضش..

ياما تسناتو وياما استقبلااتو فالباب وياما.. شلا حوايج تدارو ولا من مهتم

طلعات للبيت ديركت وصوتو تيطيح فوذنيها وهو تيهضر فتيليفون ..

وجهها اصبح خالي من المرح ومن الهدنة..فارغ ومافيهش معنى الحياة

البسمة لي غيرسمها حب حياتها مكيعرفش ارسمها او بالاحرى غلطات فالرسام..

جلسات فطرف سرير تتخلص من حوايجها تا بقات هي بدوبياس ودخل هو كيقطع الخط..

ناضت بلا مبالاة للحمام مهضراتوش الشيء لي استغربو هو..خلاها تاخرجات ملوية ففوطتها ودازت تحت انظارو تتهز حوايجها بدون ماتعيرو اي اهتمام..

بغات تدخل للدوش تلبس وهو يشدها من ذراعها ونطق.. بهدوء:صافا؟؟مالكي

سماح:(بدون ماتشوف فيه)والو..

طلقات منو ببرود ودخلات للدوش عبنيها مغرغرين..بالكاد حبساتهم تاتقابلات مع المراية وهي تطلقهم..

حسات بالشفقة على راسها..وطاحو دموعها منهامرين على خدها وفمها تيترعد بالبكية..

مع تتخصيصتها دخل هو لي كان واقف حاير فباب الحمام..شافت فيه لقا وجهها باكي وهو يقرب منها بغا يهضر بريب وهي تنطق حابساه بيديها:بيت نبقا بوحدي

معارش اهتمام لكلامها قرب منها شدها من كاتافها وعينيه كيتصفحو وجهها بقلق:سمااح مالكي؟؟(جرها مقربها ليه وهي تتبكي بصمت)شكون قلقك..

شافت فيه ببرود ودموع كيتساقطو من عينيها حبة حبة وكتافات بالصمت.. اشنو تجاوبو تگوليه قلة اهتمامك هي لي خلاتني نبكي..

جرها عندو حضنها بفوطتها مقلق عليها وقال:سماح..مالك؟؟؟تتخلعني عليك هاكا.

هزات يديها مزيرة عليه ومتشبتا بعناقو..محتاجة تعنقو وتحس انه منصور فعلا لي بغات نهار لول..زيرات عليه وطلقات العنان لدموعها تا خلعاتو..

حضنها مزيان وتيدوز على راسها بلطف مخليها تبكي..عارف غيسول مغتجاوبش اللهم اخليها تاتبرد نييت واسولها وياخد جوابو..لي عارفو دروك ان مراتو محتاجاه..

خرجها تتبكي من الدوش وجلسها فطرف السرير وهي لاصقا فحضنو..عيات منو ومن تصرفاتو ومن حركاتو لامبالية..

منصور:(بهدوء)سماح نلبسك حوايجك.. كولي شوي واجي نهضرو..

سماح:(بصوت مغنغن مخشية فيه وشادا ليه فحوايجو مثل البنيتة صغيرة)مابيتش

منصور:(خلاها على راحتها)واخا

بقات جهد ربع ساعا وهي معنقاه وكتشم ريحتو الفطرية بعدما تخلى على روائحو كامليين..

حس بيها تهدنات وهز ليها راسها بروية قبلها ففمها وقال بحب:مال زوينة ديالي؟؟شكون قلقها..

سماح:(وجها حمر وعينيها كذلك و شفارها فازكين)نتا..

منصور:صدقت مكنسوا والو هاا تنقلق هاد زين كولو(بجدية)شكون گاليك شي حاجة؟؟قلقك شي حد فالخدمة؟؟..

حركات راسها بيأس منو باش افهم..للحظة ظنات فأول كلامو انه فهم راسو وحس بانه هاملها لكن لمجرد طرحو لسؤالو فهمات بلي كان كيلطف الجو..

نطق باهتمام:ولاش كتبكي؟؟

سماح:(مسحات ماتبقى من دموعها)توحشت ماما

منصور:(ضحك)ههههه توحشت ماما(باسها فجبهتها)شهيتيني فشي بنية تانا تقوليا توحشت بابا

سماح:(بتاسمات بحزن)بيتي نولدو بنية

منصور:شوفي نتي(ذرعها من كتافها وباس راسها)مكرهتش هذا هو الوقت ولكن الى مامستاعداش ماعليييش

سماح:(زفرات)لا باقي الحال امنصور

منصور:ماعليييش..(داعب حناكها)لبسي عليك وياله نزلو لتحت شحال ماجلست انا وياك طيط أ طيط...

سماح:(بابتسامة)واخا

منصور:نلبسك؟؟

سماح:لالا هي سير دوش

باسها فجنب فمها وقال:لي يقلقك معاشش

سماح:الله يخليك ليا

ناض ادوش ودماغو مشوش عليها اما هي راه جلسات تتخمم فامرها..شهادشي لاش وصلو؟؟ولا لقات من نهارهم هاكا دايرين..

منصور الانسان الذي لا يتسوق بهاد المفهوم..كان مهتم واحد الفترة صغيرة تا كسبها فيديه..ولكن هادشي مكيعنيش بتاتا انه مكيبغيهاش..معزة سماح فقلبو فاقت الحدود..

لبسات عليها وهي تتخمم وساهية تا حسات بيه وراها تيقبل حنكها وشعرو فازك..

منصور:نشربو شي قهيوة من يديك ازين

سماح:(تلفتات ليه بحماس بطيء)بيتي قهوا

هز يديها باسهم بجوج وقال:الى من يديك مرحبا

سماح:واخا

خوات الساحة بهدوء ولات تتصرف مرفوعة..نزلات لتحت وجدات ليهم قهيوة قاسحة كيما كيبغيوها

داتهم للجريدة فجلستهم المفضلة وساهية مرفوعة وكأنما حماسها ختفى

سمعات صوتو من بعيد تيهضر فتيلي مبتاسم واخر ماقال عرفاتو تيدوي مع مو..جلس حداها وجرها لحضنو وقالت:كي وصلو؟؟

منصور:لباس عليهم..ان شاء الله خير..العام جاي نمشي انا وياك ومي

سماح:ان شاء الله

حك ليها شعرها بلطف وقال:عاودي ليا مالك؟؟

سماح:(تتشوف فاص ليها)ممالي والو..شرب قهوتك

منصور:(هز قهوتو)ميمكنش..معمر وقع معاك هاكا..تبكي من والو

سماح:هي العيا وصافي..

منصور:ريحي ليك شي ايام من الخدمة

سماح:(تنهدات)ماشي من الخدمة

منصور:(دور ليها وجها عندو)ومناش؟؟..

شافت فيه كتخفي ملامح الحزن فعينيها وشفارها كيرمشو مرارا وتكرارا وقالت:من كلشي

منصور:مني اناا؟؟

سماح:(بهدوء)عمري نعيا منك..نتا هو العيا لي كل نهار كنحمد لله اني تنعيااه..

لجم فمها بقبلة دافئة حنونة وجرها لحضنو وقال:سعداتي هه ..

مجاوباتوش باقي مافيهاش لي يهضر معاه..يكفي انه عاطيها وقت وجالس معاها...مبغاتش تخسر هاد اللحظة وفنفس الوقت راسها كيتضرب بالافكار..كتساءل فاش غلطات معاه تا ميلاحظش قلة اهتمامو ليها

****

هكذا أنا يا سيدتي

اداعب دروب الخيبات قليلا..أسأم من نفسي قليلا

اعانق الحزن تارة ..

لا استطيع تقديم لك وعودا من الحب على الطاولة..ولا حتى اعطائك خلخالا من الاهتمام

فرجل مثلي عاشر من الناس مايكفيه ليصبح عجوزا

فلا تحكمي علي بالفراق..فهذا العجوز يعيش من نبضات شبابك سيدي

وعنك انت ..التي تمارس طقوس عشقها في حياتي..تشعل شمعات الامل في طريقي..تحمل عني صفحات من الشوك

ومن دم حنجرتها تكتب لي رسائل الشوق

انت التي تلعبين على وتيني..وتعزفين من الموسيقى ما تشائين

انتي التي سيصبح صوتك مشروع موسيقى رائع

ومن عينيك ستنسج حكايات غير ما قيل في الف ليلة وليلة

فبحق تواريخ عشقك لي..اغفري لي إن أنا عجزت عن تقديم العشق لك

فرجل مثلي لايعرف للاهتمام طريق

سكينة ايت الكبير

مرت ايام قليلة وعيد الاضحى قرب..ماهيا الا ليلتين والمغاربة كاملين فرحانين وتوجاد ها لي يشري العطرية ها لي يشري ما يوكل لاحولي ها لي كيشري حوايج العيد كلها وشنو بغا يشري..

العيد فالمغرب غير كل الدول..بتقاليد وعادات كل منطقة تسما عليه مغرب الثقافات..

ليلة عرفة كانت سماح فالكوزينة كتستف تقديتها لي جابت..حيت اول عيد ليها مع منصور بغات تحس بانها صاحبة البيت مع العلم ان منصور مكلف الخادمات احددو شنو يحتاجو للمطبخ وعن طريق سيد لي معاهم كيعطيهم فلوس الشهر للتقدية ..

لكن هاد المرة سماح اصرات انها هي لي تقدى....

لابسا كندورة فالاسود مخيطة بذهبي من الكتيفات على شكل طرز ومن لتحت كاع تاهو..وقصيرة واصلة للركبة مبينة ديك الفورمة زوينة ديالها لي فقياسها...

تتستف العطرية وحداها احدى الخادمات تتهضر معاها

الخادمة:ختي سماح غدا انمشي

سماح:ااه اه تفكرت صافي ازين..غدا گولي لسي عمر اديك تال داركم

الخادمة:الله يحفظك اختي..كملتي ياك؟؟

سماح:صافي ساليت هي سيري تنعسي..

الخادمة:تصبحي على خير

بتاسمات ليها ومشات خلااتها تتصايب اخر حاجة بلاصتها..سالات وخرجات من الكوزينة تتجر فرجليها فصنديلة خفيفة تتحرك بيها وتسمع صوت..

مع خرجات من الكوزينة لقاتو فوجهها مبتاسم شدها من خصرها ملاصقها معاه وقال:فين كنتي؟؟

سماح:هه فالكوزينة ستفت شنو شريت

منصور:(دوز شعرها ورا وذنيها)تتعذبي فراسك..زيانيتي ازينة البنات ..

سماح: راحة المرا فدارها وانا اصلا تنرتاح فاش تندير هادشي هه

منصور:ياك الالة(ظغط على خصرها)

سماح:هه اه..اتصوم غدا

منصور:علاش؟؟(تفكر)ااه عرفة

سماح:اه

منصور:جوبونص با..سخون الحال

سماح:(هزات حاجبها )بااز لييك..راه حيت سخون الحال تدي الاجر..صوم ودي الأجر.

منصور:(باسها ففمها)نصووموو الالة..

سماح:(شافتو بيبدا اديماري)اهياا حبس ويلي ماشي هنا..

مصور:(خشا راسو فعنقها تيبوسو)وفين هااا

سماح:هههههه(تتركل ليه بضحك)طلق هههههه اجي شريتي الخروف

منصور:جاو ليووم..

سماخ:(تسلات منو وتمات طالعا تضحك)اوا هي اتذبح لينا..

دوز على لحيتو بذكاء متبعها بعينيه وقال تابعها:لا مكنذبحش

سماح:(وقفات وتلفتات ليه)اويلي بصح؟؟مكتذبحش..

منصور:وي معمري ذبحت

سماح:(ستغربات)دابا نتا بهاد الفورمة كاملة ومكذبحش هههههه

منصور:هه وشنو فيها؟؟شكون كان ايعلمني تتهضري بحالا معارفاش فين كابر..

شدات فذراعو وتمو طالعين وقالت:باك تيذبح؟؟

منصور:كلشي..تيذبح بنادم والحيوان

سماح:هانيا ماشي مشكل..نشوفو شي حد اذبح لينا..

منصور:داكشي لي كاين..

دخلو لبيتهم ومشات غيرات حوايجها وخرجات تكات حداه فحضنو تيتعاودو واهضرو بحال اي زوجين..

مؤخرا بعدما قرب العيد ولى تيعمر معاها بزاف حيت العطلة تالعيد قربات يعني سالا تقريبا..

سماح:هضرتي مع خالتي؟؟

منصور:كل ساعتين تنعيط هه مرتاحة على ماتيبان لي

سماح:الله يجيبها على خير تا دارنا مرتااحين مساخيينش

منصور:الحج هو هذاك..عرفتي احسن بلاصة ترتاحي فيها هي مكة..تتنساي العالم كولو..مكة هي البلاصة فين تتحسي بانك بينك وبين الله هي الموت..

سماح:عندك صح ولكن الله فينما مشيتي راه معانا..ديما كنبي نسولك وتنگول بلاش ايتقرص(شافت فيه)علاش مكتصلييش امنصور؟؟

منصور:(بحيرة)نكذب عليك معرفتش..فرمضان تنصليها ومكنقطعش..فالعمرة تنصلي ولكن هي تدوز مدة خفيفة تنطقع ..

سماح:حيت شيطانك قوي..انا بلاصتك منرضاش اغلبني شيطان

منصور:مغالبنييش

سماح:لي كيقطع الوسيلة الوحيدة بينو وبين الله راه شيطانو قوي..شتي انا واخا تنلبس قصير ونطلق شعري ولايني ضميري تيأنبني وتنتمنى شي نهار نغطيه ونتحجب وفليل تندخل تنركعها وتنطلب الله اسمح ليا وتنتسنى الهداية..

منصور:علاش كلامك ديما حقاني!!؟؟تتفكريني بمي تاهيا هاكا كانت

سماح:هه هذا هو الووجيك احبيبي(تعلات باستو فحنكو)..نتا حاج ومكتصليش

منصور:شفتي اسماح كون ما مي والله منفكر نمشي لا للحج ولا ل عمرة هي مي مريضة وتانديها صافي اما انا بحالي بحال اغلبية المغاربة تنصوم ونصلي حيت انا مسلم وصافي..

سماح:وهادشي جاك عادي احبيبي..

منصور:والله مامرتاح..تانتسنا نهار لي اهديني الله واعفو علي فيه..

سماح:الله يهديك يارب.. تصبح على خير انفيقك لسحور

منصور:بلاش ..هي خليني نعس تنبغي نصوم بلا سحور

سماح:ويلي لا ..اتعيا فيق كول شي تميرات وشي كويس تالعصيرولا الحليب تقوت بيه..

هز ليها راسها وقبل راسها وقال:هي بصحة..(بارتياح)مولف بلا سحور..نعسي ازين

سماح:ههه بدل هاد زين گول حبيبة شوي

منصور:طفي داك سيدي رحال لي شاعلة ليا تما ودوزي تنعسي..

ضحكات ودورات وجهها طفات شميعات مشعولين حدا راسها بديكور زوين وتخشات فحضنو مبتاسمة ..طاغية عليها فرحة العيد وفرحة انه معاها وعاطيها وقت دابا

الفجر...

كانت تتصلي ركعات قبل الفجر تتطلب الله التيسير..عرفة هو ليلة مباركة عند الله تيصومو فيها ناس اجرا ويقال ان صومو يغفر ذنوب كثيرة..

بثوب زوين لابساه على شكل عباية وشال مغطي شعرها بانت بريئة جدا...صلات جوج ركعات وناضت هزات كاس تالما فيقاتو بزز غطاتو اشرب عز عليها اصوم بلا ما..هي شربو مع كان عطشان وهو يرجع كوخ ماعقلش بدون مايصلي الفجر

فاقت هي فصباح عينيها معمشيين وخصها هي معامن..وقت قهوتها وعارفا مغتشربهاش سو فايقة خاسرة..

تاهو محكرش حدو صبح عليها وخرج وهي بقات فدار تكمل تجهيزات العيد..

ققررات تخلي اليوم هي للحليوات وتصايبهم بيديها..بغات تحس راها مولات دار وتعيش السعادة لي تتشوف فوجه مها وهي تتوجد العيد ..

دخلات للكوزينة بكري بعدما صيفتات الخادمة لي بقات فحالها وضورات معاها باشما عطا الله..

صونا تيليفونها كان الياش جاوبات وقالت:الو

الياس:مقطوعة ازين ولا لاعبة عندك الوداد ومصايماش

سماح:والله مفايقا ليك..اش بيتي؟؟

الياس:الله يمسخك هادي هي توحشتك اخويا حبيبي

سماح:هي لبارح جمعنا ابيل فيديو تا طبت منك

الياس:ههههه مقبولة...شوفي عيطت ليك للفطور اليوم

سماح:دير بلان جي عندي نتا ويسرا فطرو معانا

الياس:هي مابيناش نزعجو السيد ههه

سماح:داري هادي كيما هي دارو

الياس:شوف ليك الحلوفة تاهيا ولات فدااري ههه نجيو ازين نجيو نيت باش ماتعياش المدام

سماح:فين وصلات فشي ثقل

الياس:تتاكل وتتشرب كي الغولة انا اختي لي ضعافيت اما هي صحتها مضوبلة صحتي ههه

سماح:الله يمسخك بصحتها..حسن عوانها معاك دروك فاش مكايناش ماما

الياس:هههه حسن عواني انا

سماح:العشية جيو انا يدي عامرين دروك ياله بسلامة

الياس:بسلامة تهلاي..

قطعات معاه وكملات تحضيرها للحلوى دارت خمسة تشكال دوزات فيهم نهاار كاامل ماسلات تالربعة عاد كانت تتصايبهم فطباسلهم وعيانة مهدودة... ومزال تابعها الفطور .

حطاتهم بعيد وباشرات فاعداد الفطور والتعب باين عليها ..تادخل منصور طل عليها وقال:شكديري؟؟

سماح:لفطوور(بتعب)نااري عييت عاوني..

منصور:فين البنات لي خدامين هنا

سماح:راه غدا العيد مشاو فحالهم

منصور:ومعامن تشاورتي؟؟ايعيدو هنا ديما شكون غيعاونك دروك

سماح:(راسها تيزدح)الى فيك النفس دخل عاوني ولا بعد مني الله يرحم باك راسي تيزدح وهاد الشقيقة لي فيا انخرجها فيك..

منصور:(بعصبية)كديريها گد راسك وتگولي بعد مني..دايرا فيها حادگة وافكيها دروووك..

لاحت المغرفة من يديها وصاحت فوجهو:سير عطيني بتيسااع وفوتني علييك ..نهار كامل وانا واقفة فالكوزينة وهذا ماسخاك الله بييه..

منصور:(رفع صوتو كثر)تتشري تمارة بالفلوس نتيي..لاش مصيفتا الزمر خليهم تا يعاونوك..

سماح:(بعصبية)مابيت حد اعاوني عطيني هي بتيساع وخليني مني لزمري

منصور:مالي غنعاونك انا

زاد فيها وطلع لبيتو تيبركم وهي بقات تتنكر راسها وتسب فيه وتعاير ماخلات ماعبرات..

فقصها وعصبها حالو من حال المغاربة لي تدخل مو ومراتو للكوزينة فرمضان نهار كامل وفلخر اقوليها اش درتي كاع..

تتشقا ومفقصة ماكملات هي بستة وستين كشيفة وعياات نييت..سالات وجمعات الكوزينة وخرجات عاقدة سبعة فربعة..

طالعة لبيتها تا تلاقاتو فدروج خنزرات فيه ودازت بقا هي تيشوف واحرك راسو..مباش احكر عليها حيت عارفها كتقطع..

دوشات وبدلات وصلات لي فاتها..عاد نزلات تحط طبلة توجدها حيت المغرب قرب..

مشات جابت لناب جديدة وطباسل جداد كلشي جديد فرحانة بخوها.

ودخلات للصالة لقاتو جالس شاعل تلفازة حاضي الجزيرة ومبرد مكالمي تحلفي عليه ممقطوعش ..

متبعها بعينيه تتصايب داكشي بنطرة وتعفار بغات تعواج بلاصتها وبدات تتحط وحلف هو لناض عاونها شاد ضد..

جا الياس رفقة يسرا لي كرشات وصحاحت وغلاضت..رحبات بيهم اشد الترحيب وتا منصور كذلك..

مبينوش انه مخاصمين رغم انه مهضروش مع بعضهم امامهم

عمرات الطبلة بماكلة ومشروبات تحس بيه رمضان صافي ..

والحال والاحوال هوما نقاش الطاولة..أذن المغرب وكسرو نهارهم بعد صيام طويل ومتعب بان فسماح كثر لي ظلات واقفة..

فطرو وصلاو وباقي مجموعين تيهضرو واضحكو الا منصور عاطي هي الصواب وصافي..

من خلال لقاءاتهم معاه عرفوه حدودي وماشي اجتماعي وتيحتارموه حيت ماعمرو قلل منهم ولا قلل عليهم الاحترام..

الياس:عمرتي كرشك تاني متولدي تاتولي گد الخنشة

سماح:ديها فراسك كولي ايسرا حبيبة مكلتي والو

الياس:(تيعيب نبرة صوتها)زيدي احبيبة شوي من الياس تاهو دهني ليه العسل وضربيه

يسرا:وانااري علييك

سماح:حرااام علييك ولايني راك باسل

الياس:عاودي راااسك نتي..اصلا نتي وياها واحد النگير والغوات..خويا منصور بدات تتنگر عليك ولا باقي؟؟

منصور:لا عمرها نگرات

الياس:والغوات؟؟هههه باقي مغوتاتش عليك وقالت(تيعيبها)بعد منييييي..

جاب لمنصور ضحكة تا ضحك حيت هي قبيلة قالتها ليه ونطق:لالا ماعمرها گالتها..درويشة

الياش:(شاف فيها مخسر سيفتو)بنت الحرام داك الهبال دوزاتو علي هي أنا ههههه..

سماح:(عجبها الحال حيت كاين لي تيقلب هي امتا ابانو ليه اهل مراتو اشكي عليهم وادخل هي بضحك..ومع ذالك مبيناتش ليه)حيت تستاهل هههه وافطر..

الياس:فطرت اختي ..ياله نتحركو فحالنا

سماح:ويلي چلسو تعشااو

يسرا:(بادب)ماسخيناش بحماعتكم ولكن والله خصني نمشي تانا خاصني بزاف تالحوايج عاد بنخرج نتقدا وخصني شحال من حاجة نوجدها راكي عارفا اول عيد.

سماح:مسخيتش بيكم..

الياس:تاحنا

وقف و وقف مراتو .. وقفو كاملين معاهم تا ودعوهم وتمناو ليهم عيد سعيد ومشاو..

رجعات لصالة تتحول فالماعن بلا متهضر معاه عاطياه نخال..فحين هو حرك راسو وبدا تيحول معاها للكوزينة بغير رضى حيت تيكره ادخل للكوزينة

شافتو تيهز معاها وهي تعوج فمها حبسها حدا باب الكوزينة وقال هاز جوح طباسل:مالنا تاني امنانة؟؟

سماح:حيد حيد خليني نهز ماعني نغسلهم(تتعوج فمها وتورك على سنانها)حيت تمارة تتشرا بالفلوس

منصور:(حيد ليها من طريق)دوزي دوزي..

مشات جابت البقية وحطاتهم فالكوزينة وهو ينطق:انا نغسلهم

سماح:(تلفتات)بلاش اسي منصور خليني انا لي وجه تمارة نغسلهم

منصور:تتشري تمارة بالفلوس...النسا بحالك مكرهوش خدامة وحدة وانا بلاصة وحدة جايب ليك جوج وتتعذبي راسك..علاش الله واعلم..فهمي امنانة(تيقرب ليها)تنخمم ليك وتنفكر ليك..متنبغيش نشوفك معذبة

سماح:(عوجات فمها)هي ديرها گد راسك وضحك علي بجوح كلمات..متنبيش نشوفك معذبة داكشي باش عاونيتيني وانا صايمة دابا فطرت غادي نجمعهم..

منصور:(مسح على لحيتو وقرب منها شد يديها بين يديه وهي معفرة وتتعوج فدوك الشلاقم)ولايني راكي ضلعة تالعنگ..اهديك الله راكي تديري حوايج كيعصبووني..

سماح:حيت تنصايب الفطور عصبتك..سري كون خليتك بجوع فطر هي ببيمو..

منصور: واخا الالة انا لي غالط وانا لي واعر وصااافي جلسي انا نغسلهم

سناح:(هزات حاجبها)اتديرهم فلاماشين هي غسلتيهم..اوا عاونيتيني بكري..

منصور:وشنو دابا؟؟كيما درت معاك وحلة نقصي من نگير ليلة العيد هادي

سماح:شفتيني تنگر(مشات لاماعن غضبانة جايبة عليه فشوشها)انا اصلا وجه تمارة هي خليني انا نغسلهم..

شد راسو بزز على شوي اسوط فيها..مشا حيد ليها دوك الماعن من يديها وقال:تحركي خليني نغسلهم الالة..وبلا ماشيين..

هزات فيه حاجبها بذكاء وصلات لاش بغات :ياله اسيدي وريني

مشات هزات قهيوة وجلسات فوق كرسي وحطات رجل فوق رجل..

تتشرب قهوتها وقالت هازا حاجب :ياله ازين بداا..

مسح على وجهو وبدا تيغسل فالماعن على قلبو ناضت حابسة ضحكة جابت ليه طابلية لبساتها ليه وهي تيشوف عارفها مستمتعة وقالت:ايتوسخو ليك حوايجك هههه(عيات تحبس ضحكة طلقاتها)ههههههههههههههههههههه

منصور:ضحكي ضحكي

سماح:والله تا جات معاك الكوزينة(باست صبيعاتها)جيتي شهوة هههههه

منصور:ابلاتي نكمل ونوريك شهوة..سري انا لي قلبي رطب عليك..

رجعات بلاصتها وضحكات عليه بالمزيااان وشادا فيه وهو جالس اغسل على قلبو و هي تتسجل ليه فيديو وتموت بضحك

مسالاهم تا بغا يسخف وهي تقول:كملتي ازين؟؟

منصور:(تيمسح يديه)عمر بنت المرا مادخلاتني للكوزينة تاليك نتي..(تم جاي جيهتها)ساحرى لياا لا؟؟

سماح:امسحور من عند الله منخسر عليك درهم هههههه(هزها)هههههههه ها لي گلنا..

منصور:(خشا راسو فعنقها تيشمو وهازها بين يديه)هي لي شم هاد ريحة راه ادووخ..

سماح:هههههه(حطات يديها على لحيتو تتلعب فيها)دوز تنعس غدا العيد..

منصور:انا معيد اليوم(غادي بيها)

سماح:مع قطر مثلا ععههههه

دخل للبيت ماحطاها تالاحها فوق الناموسية وتلاح فوقها محاصرها برجليه وشادها من خصرها..

وهي طالقاها للضحك تتفكر منظرو تيغسل الماعن وتتزيد تموت بضحك خاصة فاش بدا يهرها..

منصور:مال مك ههه جاتك دودة

سماح:هههههههههههههههه تنتفكرك تتغسل الماعن عاودها لحفار قبري

منصور:ههه تسيق مي الخبار تعطيك وساام

سماح:والله تانوريها الفيديو خهههه

نزل عليها مسكتها بقبلة لشفتيها الحلوين..ويديه تتطلع مع فخاضها تيتلمس فيهم بلهفة..سرعان ماشداتو من عنقو تتقبل فيه هي الاخرى بلهفة..

قبلات كثيرة ولمسات اكثر واهات كثيرة واصوات مختالفة تتخرج من فمهم بجوج..

عاشرو بعض بحب كي ديما مطلعين هرمون السعادة للسقف ناشطيين ضاحكيين..

بمجرد مالبى رغبتووو جرها من عليه لايحا وجهها فوق صدرو كتلقط انفاسها وهو يديه تيداعبو ظهرها مخليها على راحتها

منصور:عييتيي؟؟

سماح:بزااف..ليوم ضليت واقفة(دوزات شعرها بجنب)ضروني رجلي..

منصور:بلاتي

دارها فبلاصتها وناض هز بوكسر لبسو وهي تتشوف فيه ملوية فايزار والسر طايح عليها..

شافتو مشا لبلاكارو هز زيت من تما ..هي زيت الخزامة الاصلية المساج..كانت كتماصي ليه بيها كتافو ..

جلس حدا رجليها وجرها ليه مزيان تاتحكو رجليها على فخاضو طالق ليها دوك الكتاف العراض وكريشتو لي رجعات دخلات ..

سماح:دير مساج الله يخلي ليك خالتي

هز رجليها باسهم ليها بحب وقال؛تتعرفي تبلحسي ههه

سماح:تا بابا كنت تنقوليه الله يرحم جدة وتيدير ليا لي بيت هههههه..

شد الزيت فيدو وماصا ليها رجليها مزياان تاحسات بيهم تريحو شوي..باسهم ليها من القاع وقال:ديما تيعجبوني رجليك

سماح:(تتحرك صبيعاتها )هههه بصح زوينين

منصور:(شد ليها صباعها باسهم ليها)استاهلو شي خاتم

سماح:ههههه خاتم فالرجل ويلي لا ههه گول بعدا خلخال

منصور:هذاك هو لي موجود..

ناض من بلاصتو هز بواطة من البلاكار ديالو سوداء حلها وجبد منها خلخال من دهب رقيق بزاف فيه نجيمات وراقي

برقو عينيها باعجاب..

وقالت:واااااااوووو زوييين هههه(تتحرك رجليها بحماس)لبسو ليا ههههه

منصور:(فرحان لضحكتها)هاهو الالة منانة(لبسو ليها وباس رجليها)بصحتك

سماح:(ناضت ملوية فاليزار تا وتمشات على رجليها وتلاحت عنقاتو مدورا يديها على عنقو)شكرااااااااا

منصور:(معنقها هو لاخر)بصحتك

دام عناقهم لدقائق قبل مايباشر فقبلاتو من جديد طالب معاشرتها من جديد..وتاهيا معطلاتوش سلماتو راسها بحب وعشق..

هي بمجرد مكيعطيها شوي تالوقت والاهتمام كيزيد حبها ليه اضعاف..لكن هو رجل النصف..يعطي نصف الحب ونصف الاهتمام ثم ينعدم..

بعد ليلة حميمية بيناتهم عامرة جرأة وعشق وشغف نعسو بعدما دوشو بجوج فاخر مباراة بيناتهم ونعسو مع ثلاثة تصباح

****

يوم العيد..عيد الاضحى..فاقت سماح على المنبه مع سبعة تصباح ...وكي تيقولو المراكشيين بفرحة الحمام رزمات حوايجها فالزنقة..وهي بفرحة العيد سمحات فالنعاس وفكلشي حيت نهار العيد مكيتعوضش..واخا تكون مانعستيش تا يصبح الحال تيخصك تنووض وسلام..

شافت فيه وباستو فحنكو وناضت للحمام مبتاسمة ناشطة..غسلات سنانها ووجهها وبدات تتماكي ماكياج خفيف وهي تتفرنس للمراية

صايبات تا شعرها تاهو ببلاك واخا خدا ليها وقت ولكن حيت بلاك زوينة صايباتو ليها من جوج تدويزات دغيا دركاتو فثلث ساعة ولواتو من لتحت..

جات انيقة..خرجات للبيت لقاتو باقي ناعس..جبدات قفيطين فالازرق مغلوق سامبل..لبساتو ومشات لجيهتو تتبوس فحنكوو وتنادي اسموو

سماح:منصووور منصووور فيق

منصور:(حل نص عينيه)مالك

سماح:(بابتسامة)نووض ازين ..مبرووك عيدك..

دور وجهو لجهة لوخرا مجاوبهاش ماشابعش نعاس بتاتا

سماح:وااانوووض امنصوور خليناا نذبحووو

منصور:ممم

سماح:(حركاتو)وامنصووور راه العيد هذا

ضار عندها بزربة مخربق بنعاس ومخنزر وصاح بعصبية: سيري خليني ننعس عيد ولا خرااا..

سماح:(صدمها)هااا

منصور:(غطا وجهو بمخدة)..

بقات مشوكية فبلاصتها مظناتش جوابو يكون هاكا..سرطات ريقها وناضت تبدل ساعة بخرا..خرجات ودمعة حاصلة فعينيها..مسحات جنب عينيها وقالت فنفسها:لا اسماح..العيد هذا..

هزات تيليفونها وخرجات والجو فيه صقيل مكاينش حس العيد كاع

الدار صاقلة ولا ساكن يتحرك حيت هي هوما بجوج لي كاينين..

مشات للكوزينة تتوجد طبيلة الفطور وتسرط فريقها..ردة فعلو قلبات ليها المورال ومع ذلك فضلات تسكت تخلي النقاشات لنهار اخر غير هاد النهار العزيز عند الله..

صايبات طبيلة تقليدية تعشق هي تجلس تفطر فيها كاي طبلة تنهار العيد..خوات لراسها قهيوة والصقيل مرضها فراسها مكاينش حس العيد

جالسة كي القردة تتشوف فديك الطبلة العامرة لي كتدل على العيد ولكن الجو ديالو مكاينش..

تسنات جهد نص ساعة وهي تتجغم فالقهوة وتطلع تنزل فالفيسبوك ..

العيد جايل فالموقع الازرق وعندها هي لا..عيطات لخوها الياس باركات ليه العيد وليسرا لقاتهم فايقين وغيطلع اذبح ويسرا حميد لي غيشد معاه حيت عيدو تاهوما فمراكش

قطعات معاه وهزات حليوة تتدوز بيها وتسناه..دروك انزل هاهو انزل نتسنا شوي ماعليش..دروك انزل ولا من قادم

تشوات تاعيات بلاصتها ولي مطلعها لي منزلها فالفيسبوك تونس بيهم..كاع تريكتها عيطات ليهم باركات ليهم وكلشي مشغول بالعيد وتمارتو..

ضربات الطناش وسيد منزلش بتاتا وهي دمعتها قربات تطيح

اوروبا لي ممنوع عليهم اذبحو..كينوضو الناس تيجيبو لحمهم وتيخلقو جو تالعيد..اقل حاجة كينوضو اديرو الطرب الاندلسي احسو بالعيد..وهي لي فقاع المغرب وفبلادها وعايشة عيد اوروبا..لالا اوروبا بزاف عليها راهم تيشويو دروك

طاحت دمعة من عينيها والحيوط ضايرين بيها قربات تطج..تتشوفةراسها كاع تمارتها مشات فزيرو..ماخلات ماوجدات وماشرات وفلخر السيد اصبح ناعس..

وصلات الوحدة و والو قربات سيدة تحماق هي جالسة وتضور فعينيها فالبيت ولي مخرجها للجردة لي مدخلها ليها تتسمع هي صقيل..

ودموعها طاحو ليها على خدودها وخرجات معاهم تنخصيصة..

رن هاتفها لقاتها مكالمة عادية من عادل..مسحات دموعها وجاوباتو:اخويا

عادل:مبروك العيد القردة

سماح:تانتا مبروك عيدك..كاين شي شوا..كيجاك العيد تما؟؟

عادل:والله الى بخيير..شوينا ازين ونضينا ونتي؟؟هاد العام اتغسلي لكرشة بوحدك هههههههه..

مع قال هاد الهضرة طيح عليها ضيم وزلقات ليها شهقة مع دمعات كثار طاحو من عينيها ..

شفقات على راسها وقطعات لراسها فالقلب..محسات هي بدمعات تينزلو بغزارة من عينيها وشهقات كثيرة..شدات فالحيط ماطيحش بالبكية..اكبر فقصة هي لي خدات نهار العيد..

هي انسانة اجتماعية كبرات فعائلة محافظة تيحافظو على تقاليد وعادات المغرب ومن غير التقاليد راه الاعياد فالعالم كامل تيفيقو المسلمين بكري للاحتفال

عادل:سماح أمالكي تتبكي؟؟

سماح:(بحرقة)ندمت حيت تزوجت بيه اعادل ندمت هءهءهءهء كان خصني نسمع هضرتك هءهءهء

عادل:مفهمتش مالك؟؟واش مخاصمة معاه؟؟

سماح:عيييت اعادل عيييت ...مكانش خصني نتزوح بيه هءهءهء..

سمعات لحس وراها وضارت بوجهها الباكي لمصدر الحركة لتتفاجأ ..

يتبع...

لأنك سماح الجزء 11

محتوى القصة

التنقل بين الأجزاء