لأنك سماح الجزء 12

تلفتات مصدومة ودموع كيتساقطو باش تتفاجأ بالسيد لي مكلف ليهم بالفيرما وهو نفسو لي كيسوق بمنصور مرة مرة..

قطعات على عادل بسرعة ومسحات دموعها تحت نظراتو لي كيتفحصوها باين سمع كلشي لكن حاولات تخبي حرجها..

س:لالة سماح..سمحي ليا على هاد الدخلة جيت وجبت ليكم هي ذبيحتكم..

سماح:هاا(مزال مفهماش وصوت عادل تيهضر فوذنها)دبيحتنا!

س:اه الالة..كلفني سي منصور نذبح ليكم ونجيبو..دخلت من باب لكوزينة وراه ذبيحتكم كلها مقطعة مكردة ناضية الالة(بلطف)محتاجة شي حاجة الالة؟؟..

سماح:هااا الالا شكراا..

خرج حاني راسو بعدما دا فوذنو كلام ضرو فخاطرو عليها..اما هي قطعات فورا على عادل مبقاتش قادرة تسمع حتى كلمة..

كلشي من حواليها تيضوور..والسمع ترفع ليها تتسمع هي صوت هلوسات منصور وبعض من هلوسات عادل ودموعها سايلين..

محسات براسها تا طاحت على وقفتها ونهارت بالبكا فالارض والتنخصيص ولا مين سامعك..

حسات براسها غلطات وندمات اشد الندم على زواجها منو..

واش هو لي فلول عطاها وجه وبين من بعد وجه؟؟ولا هي لي من لول تتغطي شمس بالغربال وتتحاول تساير طباعو؟؟ولا يمكن هي لي انسانة عايشة فالوهم وظنات ان الزواج هاكا داير؟؟..

بكات تا شبعات فالارض وندبات زهرها وقلبها لي تيحن..وتيليفونها مسكتش من الرنات ديال عادل..

للحظة ناضت بحالا نوضها شي جن..مسحات دموعها ببرود وعينها مكيقشعوش قدامهم..

طلعات للفوق معصبة ومغددة..حلات باب البيت مكانش فسرير بتاتا..

هزات شانطتها حلااتها وبدون عقل تتلوح فيها حوايجها بجهالة وتتنهج..

تتلوح وتنهج تاخرج من الحمام تيمسح فوجهو هي شافها ستغرب وقال:شكديري؟؟..

مشافتش فيه ومجاوباتوش بتاتا..صافي وصلات فيها للعظم لاحت حوايجها كاملين ومشات لماكياجها تتجمعو وهو واقف حاضيها اش تتصنع وتيعقد سبعة فربعة..

شدها من ذراعها وقال:اش كديري؟؟لاش تتجمعي حوايجك..

تنطرات منو وصاحت فوجهو بغضب:صباح الخير امولاي سلطان مباارك عييدك عاد فاايق وبقا نااعس نتا گاع لاش فايق؟؟

منصور:(نهرها بعصبية)مالنا شكااين؟؟

سماح:(دفعاتو من صدرو ورفعات صوتها الرقيق)كاين الزمر والزعتر...بعد مني الله يعطيني شي مصييبة معاااك..

منصور:(غوت فوجهها حيت ياله فايق)وااش مرييضة فراسك ولا؟؟اش هاد الغوات على صباااح ؟؟

سماح:(تتنهج وصدرها طالع هابط)عرفتي اشنو ؟؟والله متستاهل..متستاهلش ..خليك بوووحدك وعيد بوووحدك..

دازت فيه ولاحت زمرها فالشانطة وسداتها مغددة وهو كيجر فيها افهم اش كاين..

منصور:سمااااح اش كاااين؟؟

سماح:(دفعاتو وحيدات القفطان ولبسات جلابة تترعد علاين تطيح والدموع عشرة للعين)مكاااين والو..رجع تنعس ابارد القلب اصلا نتا مولف بوحدك تتبغي سماح هي فاش تتبغي حااجتك اما سماح وشنو تحتاج هاد سماح لهلا يقلب..(هزات شانطتها)هاهيا خليتها ليك جيب فيها الونيس..

الحظة لي شافها هازا الفاليز ديالها .. عرفها نيت معولة تزيد فحالها واخا معارفش علاش..واحد كي فايق معارفش باش تبلى عند راسو مواقع والو..

محس براسو تا شد ليها لفاليز ديالها ونهرها بغضب:واش مريضة فين غادية؟؟اش واقع..

سماح:(بغضب)اقسم بالله ومطلقني نمشي تا نورييك واش مرييضة نييت ولا لا؟؟مكاينش لي مرضني فحيااتي وفصحتي گدك..عمرك تبدل ابارد الگلب تبقا حياتك كاملة هاكا ممسوقش وداير لي بغيتي..

منصور:(حيد ليها لفاليز لاحها تاتشتتات حيت اصلا مسداتهاش مزيان مع زربة)براكا علي من هاد الخراا على صباح!!ضارباك سخانة مال مك فايقا معصبة. .

سماح:(ندبات حناكها علاين تطيرهم وغوتات)واش بيتي تحمقني؟؟بيتي تقتلني..تمرضني فصحتي وتحطني فركنة تفرج فيا ولا شنوو؟؟واش مكتحسش .. مكتحسش افلان!؟معارفش اش داير بييك؟؟(تهدات بالغوات)يا خويا حس بيا عطيني وقت عطينس حقوقي كاا مراااتك..هتم بيااا هتمم بياااا (غوتات فوجهو مكسورة)مخاااصنيييش انا بطونوبيبيل ولا خلاخل ولا ذهب خااصني نتااااا!!!نتااااا لي مكنعني لييك والو من غير وحدة تتجي ترطب معاها فاش كتبغي تنعس..مكنعني ليييك والوووو(بالغوات)عيتييينييي معاك ..كلشي جربتو معاك..كلشي درتو ليك ..معيشااك فجو مليون راجل يتمناه مامخليا مادايرا علييك..دايرا ليك كي الما القليل واش طالبا اناا منك اش طالبااا؟؟طاالباااا إهتمام..عارف شناهو هتمام ..اهتمااام ابارد الگلب لي مقدرتيييش تعطيه ليا وفأي لحظة نلقاااه برااا اقسم بالله منعقل علييك ولا عقلت ليييك...وااخاااف (تتغوت لربي لي خلقها وتضرب فراسها)خاااااف خاااف نزيييد شي نهار ونخليييك خااااف نطلب الطلاااق خاااااف هي نتفرقووو شي نهار. .

منصور حكم اعصابه ومقرب ليها بغا يشدها حيت رجليها بانو ليه كيترعدو..

وهي تبعد منو وضرباتو لصدروو وصاحت فوجهو تا بح صوتها:سير الله يااخد فيك الحق تفووو على نهااار لي فكرت فيه نتزوج بيييك ولا حتا نبغيك..الله يعطيني شي مصييبة فهاد نهار العزيز عند الله نموووت فيها ونتهنا منك ومن همك...هزيييت همك تاعيييت ونتا مقادرش تعطيني هي شوي شويي(تتشير ليه بصبعها)شوي تالاهتمام (شدها من ذرعانها بغا يسكتها وبدات تتغوت وتنطر) معااارفش نتا كاع واش عندك مراا..عارف هي مك وصافي..شنو خاص مك وشنو يضرها وشنو مايضرهاااش واناا فييين فييين؟؟(كطنطر ليه)فيييين فهاددشييي..تتعرف هي تسما مزوووج اما تدير دورك كراجل لا ؟؟(دفعاتو من عليها هو لي كان تيسمع ومدار تاردة فعل)بعععد منييي بعدددد منييييي(غوتات بجهد)اعععععععععععع

هنا صافي مبقاش قدر اسكت حيت خافها طيح بين يديه وهضرتها على لفراق خلاتو اعيد حساباتو فراسو..اعصبها امرضها واحطها فالركنة ولكن حدااه ومعاه..كلشي الا سماح..

"وحيت هي سماح قتلها بأبطء سم وهو قلة الاهتمام.. "

رجال ونساء عايشين حياة زوجية مزرية صابرين تحت مايسمى"صابرة على ولادي وصابرة على وليداتي"

كتحرم المرأة من الحب والعاطفة تحت هاد الجملة..كتضيع احساسها بانوثتها وبالدلال باش تخدم اولادها فقط لان الزوج كيصرف وهي الى ختارت الطلاق على قبل كرامتها وانوثتها اتعيش تحت سقف"مطلقة منبوذة"

النساء منا كيصبرو على قبل ولادهم وعلى قبل ميضيعوش ولادهم وفاخر المطاف كيكبرو الولاد..

كيتزوجو واديرو حياة أخرى خاصة بيهم وازيدو واخليوها مع نفس الراجل لي معطاهاش اهتمام..وكتبقا فقط تنتاظر الموت من الله سبحانه..

الإهتمام والتجاهل كلمتان متناقضتان..وكل وحدة قادرة على حاجة..اللولة تقدر تحي والثانية دائما تميت..وملي كتحضر الثانية كيتجمع الظغط ويولد الانفجار..

غوتات وحيحات وسرسبات ليه كلشي ماخلات ليه والو..صبناتو وعصراتو ونشراتو وسمعاتو لي يجرحو وابقا هازو معاه حياتو كاملة. .

و فالاخير هزات صاكها الصغير سامحا ليه فكلشي وهو ساكت تيتسناها تفرغ اش عندها باش تبرد..

وهادي هي الصفة لخايبة فمنصور انه مكيجاوبهااش لشافها طلعات درجات فالغضب تيسكت.. مكيعطيهاش خو جوابها او حتى اتناقش معاها وهي فديك اللحظة كتبغي لي يهضر ويقوليها واش هضرتك صح او غلط ..

لكنها مزوجة بجماد..ميقتلك مايحيك مي نهار انوض راه اعصار

شدها من ذراعها من جديد بغا يعنقها ساعا دفعاتو وخرجات من البيت تتبكي وتهضر بهستيرية قربات تحماق..دخلات فحالة مزرية من كثرة مكتخبي فقلبها..

تابعها تيجري تيحاول اشد فيها وهي تتغوت:واطلق مني..والله ماطلق مني تاندير فيا وفيك شي مصيييبة

منصور:(بهدوء بقات فيه)سمااح عفاااك جلسي هي ندويو راك غطيحي

سماح:(غادية فاتجاه الباب)هادشي فكر فيه ملي كنتي عاطيني نخال وممسوقش لياا..

خرجات من الدار وهو تابعها تا زيرها جارها لدار ضرباتها ليه بعضة وهربات تتبكي بغات تموت ساعا شدها دغيا قبل ماتحل باب طونوبيلتها ..

كان ضور يدو على خصرها مزيرها عندو وهي تبدا تتبكي وتنخصص مهدودة..

منصور:(تيهضر مهدن فوذنها)سمااح صافي العمر..صافي هي بردي وديري لي بغييتيي..

غمضات عينيها تتبكي بالم:طلقني بيت نمشي هءهءهء الله يرحم ليك مك الى ماطلقني..

منصور:(مزير عليها بحب)عفااك الا تمشي لا..خليك هنا انا نمشي ونلقاو حل ..

سماح:(نهارت بالبكا ومبقاتش مكنززة عليه)بيت نمشي..الى بقيت هنا انمووت هي بالفقصة

منصور:نموت انا وعيشي نتي العمر

سماح:(تتنخصص)هاد الهضرة تتگولها ومتتعرفش معناها..هءهءهء خليني نمشي(بغات تحل طونوبيل وشد يديها)

منصور:ماعندك فين تمشي!!هادي دارك..

سماح:هءهءهء دارك نتا اما انا الحجيم هو هنا هءهءهء طلق مني نمشي بيت نريح رااسي

منصور:(دورها عندو صدرو طالع نازل)فين اتمشي..العيد هذاا

سماح:(شفت فيه بانكسار)هادشي لي عييت ندخل ليك لراسك..العيد هذاا..هو العيد وفالمغرب ..عمتي فاسبانيا ومعيدة حسن مني هءهءهء جلس مع رااسك وراجعو وعرف اش درتي..

منصور:(قرب منها حضن وجهها بين يديه حيت تتبان ليه تهدنات شوي بحكم فرغات كلشي)نفكرو بجوج

سماح:(حيدات ليه يديه وحلات الباب)فكر راسك حيت انا كنت معاك بنت الناااس(مسحات دموعها)نتا لي مصدقتيش.

ركباات طونوبيلتها وخلاتو تيشوف فيها هو الاخر بنظرة انكسار

كان فيه احبسها وامنعها لكن من كلامها باين انها عيانة وبغات ترتاح..خاف اشدها كثر وتدير شي مصيبة فراسها..عارفها دغيا تهدن و اتبرد وترجع كي كانت..

كسيرات بطونوبيلتها وزادت مخليا العجاج وراها ودموعها نازلين شلال من عينيها..وانكسار كيلاحق قلبها..

واخدة طريق لي يديها لمراكش وعينيها منشفوش من الدموع..لمن تمشي؟؟لدارهم اتخلع خوها وتحرم عليه العيد..لعند عمتها اتخلعهم تاهوما..لمن تمشي؟؟كلشي معيد كلشي فرحان..وهي عايشة الهم والغم معاه..

بقات كتراجع راسها فاش غلطات؟؟شنو لي يدار مدارتووش معاه؟؟اشنو طلبات منو؟؟واش طلبات لي غالي عليها؟..

كانت تتشوف اهتمام باها لمها..اهتمام باها ليها..اهتمام حميد لفاتي..اهتمام الياس ليسرا..وتمنات تحضى بداك شوي تالاهتمام ..

مبغات والو من غير فاش ترجع من خدمتها تعاود هي وياه على نهارهم واجلسو راس فراس..

بغاتو اغير عليها واحسسها انها شي حاجة واو فحياتو..لكنها لقات التجاهل وعدم الاهتمام. .

"حينما لا تحضى المرأة بالاهتمام..تبدأ فترة احتضارها شيئا فشيئا"

***

بقات كضور وضور بعدما دخلات لمراكش..كضور فشوارعها وكل ماتشوف شي حد غادي اذبح ولا شي مرا بجلابة تتبكي دم وتنخصص. .

مكرهاتش كون كانت مها هنا بعدا اتمشي عندها وتختارع شي حاجة لكن لا أحد

اما هو راه مضهشر..عيا يصوني ليها واصيفت ليها فالميساجات ووالو..معرف باش تبلى لي قدر يفهمو انها معصبة على قبل العيد اما شي لاخر مفهم فيه والو..

دخل للصالة لقى الفطور محطوط لي تشهاه النفس وكلشي مقاد..

غمض عينيه مأسف لحالتها وكيلوم فراسو انه محبسهاش..

دوز نمرة الياس سول فيه عادي ودار بحالا بغا ببارك ليه العيد لكن مجرد مانطق الياس:امدرا الحادگة غسلات الكرشة ولا باقي؟..

فهم انها معندهمش..زفر وناض كما كارو بدل عليه وخرج..دار بلا بيها حراامت..كان مولف اجلس بوحدو ولكن دروك لا!! حيت ولفها معاه..ولف سماح لي تلقى ليه وتضحك ليه وتعنب عليه..كان كيعجبو الحال فاش تتقوليه جيتي زوين تطلع ليه المورال..

تيفرح فاش تيشوفها تتهلا ليه فمو وعندو عزيزة بزااف وكيبغيها ولكن فاشل كزوج وكحبيب وكصديق

****

ساعات وساعات وهي تضور ..مراكش كاملة شبراتها ودموعها منشفوش بتاتا من البكا وتنخصيص..

وصلاات الستة تالعشية وهي باقي على حالها تضور لكن فخرجة مراكش..قصدات قهوة فالخرجة بغات تعتق روحها بعدا حيت جاتها سخفة..

دارت نظارات شمسية اغطيو ليها عينيها ونزلات تعبانة..لي شافها من بعيد الشعورات والجلابة وصنيديلة تقول هنا نبات ولكن القلب عالم بيه هي الله..

خدات بلاصة فوسط القهوة وعينيها تيشوفو من وراء النظارة عائلة قدامها فيها ام واب وجوج وليدات باينا خارجين احيدو الگهمة ديال اللحم..

طلبات ليها متاكل خفيف ضريف وجلسات تتحسر على ايامها وعلى حالتها..

كلات هي شوي عتقات روحها وبقات تتشرب فقهوة وتتأمل الزنقة لي فيها هي طريق وتنهد..

حسات براسها رتاحت فاش تگرعات عليه وعطاتو علاش تيقلب..فرغات جوفها فيه وتهنات..دابا الكرة عندو اختار شنو بغا يدير اما حتى هي قلبها تحطم والفراق ولى تيبان ليها هو الحل..

ناضت من جديد خدات طونوبيلتها والوجهة دارهم..كان وقت مناسب باش متبانش راها غضبانة تبين فقط انها جات تزورهم. .

مسافة الطريق وصلات لدارهم..تنهدات وزفرات ونزلات تتجمع نفس وتفكر فاشمن كذبة ممكن تعطيهم..صونات فالباب مرارا وتكرارا عاد تحل..حلات يسرا لي هي شافتها تبسمات ليها..

وقالت:اهلا زين..

سماح:(عنقاتها بحب وطاحو دموعها)هءهء

يسرا:(معرفات باش تبلات)اويلي سماح مالك؟(عنقاتها)ياك لبااس؟؟

سماح:هءهءهءخء(حيدات من حضنها)كاين الياس؟؟

يسرا:(مخلوعة)لالا مكاينش..خارج مالكي؟؟

سماح:عفاك ايسرا متسولينيش..بيت هي ندخل ننعس نرتاح..

يسرا:(عنقاتها وسدات الباب وطلعو وهي خايفة عليها)واخا اختي..ياله ..

طلعاتها وهي تتبكي..دوزاتها لبيتها دريكت..كي دخلات حيدات نظاظر وبانو عينيها لي شابعين بكا..صدمات يسرا

يسرا:سماح مالك؟؟تخاصمتي مع راجلك؟؟

سماح:(بخنقة)ماشي دابا ايسرا عفاك..بيت هي نعس وصافي عياانة من بعد والله تنعاود ليك..

يسرا:ويلي بلا حلوف اختي..نعسي ماشي مشكل..

سماح:ماتقوليش لإلياس والو ..گوليه هي جيت نشوفكم نهار تلعيد

يسرا:بلا متوصي اختي..انا نجيب ليك بيجامة نعسي بيها

سماح:(بحسرة)واخا..

مشات يسرا متحسرة تجيب ليها بيجامة فحين سماح بداو دموع تيتسقطرو من عينيها وتتشوف فبيتها..مملكتها كي كانت تتقول..كانت عايشة مهنية ومرتاحة وبدلات الراحة بالحب..

جات يسرا جابت ليها بيجامة جديدة عطاتها ليها وقالت: لبسيها انا نجيب ليك شوي تاكلي ونعسي

سماح:لالا مافيااش..ننعس خير

يسرا:(عنقاتها)الله يفاجيها عليك..نعسي نتي انا نتكلف بالياس

سماح:واخا شكرا اختي

بتاسمات ليها بحسرة وخرجات مخلياها تتحيد جلابتها وتلبس البيجامة..تخشات ففراشها كي خلاتو كي بقا ..ديما نقي وزوين و بيتها مهوي..جرات ايزار خفيف وغمضات عينيها الدامعين باش طيح اخر دمعة قبل النوم..

كان جسدها محتاج بشدا للنوم..منعساتش بكري وفاقت بكري وتجمع عليها عيا ماقبل العيد على نهار العيد طاحت كاااو

****

دوز منصور نهار مزفت..خرج تيقلب عليها فمراكش عارفها ممشاتش لدارهم ولكن بدون جدوى ميمكنش القاها..

رجع للدار وعطاها للكارو والقهوة ومعصب خاصة فاش لقى تيليفونها مليوح عرفها مداتووش..

كي طلع للبيت شاف حوايج مشتتين فالارض من لفاليز وتفكر الوضعية..محس براسو الا وهو شاد راسو بين يديه تيخمم وافكر كي دير احل هاد المشكل..

فديك الأثناء صونا تيليفونو كان المتصل رقم عثمان لي خداه فالسعودية..هز حاجبو ممتفائلش بتاتا بهاد الاتصال..

غمض عينيه بعصبية وحلهم خاف تكون قالت شي حاجة ليه وتوصل لعائلتها واصدقو فماهي ومالونها ..

تردد قبل مايجاوب وشد الخط:الو

عثمان:السلام وعليكم اولدي

منصور:وعليكم السلام..سي الحاج لباس؟؟

عثمان:هههه اشمن حاج تانرجعو بعدا..كيداير اولدي لباس؟؟

منصور:الحمد لله ونتا بخير؟

عثمان:الحمد لله..عيطت ليك اولدي باش نبشرك بخبار زينة

منصور:اشناهيا هاد الخبار؟؟

عثمان:الواليدة ديالك اولدي حركات يديها لوخرا لي مكتحركش

منصور:(وقف بلا ميحس)بصح؟؟كيفاش حركاتها؟؟علاش؟؟ففف زعما واش تحركات كاملة ولا هي شوي

عثمان:هههه حركاتها كاملة..تانا تضهشرت ههه ولكن فرحت عرفت اتفرح..

منصور:(ضحك)هههههه الله يفرحك..ولكن كيفاش تا تحركات راه سنين وانا نديها للترويض

عثمان:نهار اولدي تيبغي ربي يحن تايحن..ربي شاف من جيهتها وحركات يديها بعدا كاملة..

منصور:الحمد لله ياربي الحمد لله..واش تتحركها بزربة

عثمان:لا لا ماشي دغيا..تتحرك هي شوي دغيا تتعيا ليها

منصور:(بفرحة)ترجع ونديها تكمل ترويض

عثمان:ان شاء الله اولدي..كيدايرا سماح؟؟..

تلغات ابتسماتو بسرعة وتفكر سماح لكن نطق بسرعة:لباس عليها الحمد لله

عثمان:كاينا حداك عطيني نهضر معاها

منصور:حم لا ناعسة مع فاقت بكري

عثمان:ماعليش اولدي..سلم عليها تالمنبعد ونعيط ليها..

منصور:(بحسرة)مبلغ..الله يعاونك اعمي..

عثمان:بسلامة اولدي

قطع معاه ودوز بسرعة ابيل فيديو لنمرة لطيفة شدات الخط وبان وجه مو منور مبتاسمة تتشوف فيه..ونطق بحب:مييي

راضية:ولللل ولللديي

منصور:حركتي يديك امي؟؟انشووف

هزاتها بشوي وببطء تا حركاتها شوي وبانت الفرحة فعينيه تتبري..وقال:على سلامتك امي..ان شاء الله توقفي على رجلييك ياربي

راضية:اااااميييين

منصور:جمعي صباعك امي وطلقيهم. .

حاولات تديرها لكن تعطلات..كتاخد وقت باش تجمعهم وتحلهم لكن رغم كل شيء فرحانين بهاد الانجاز

منصور:الله يزيد فراحتك أمي..دعي معانا أمي

راضية:أمييييين....سسسسسسسمممممااااح

منصور:حمم ناعسة أمي هي تفيق تعيط ليك..بتفرح بهاد الخبار

بتاسمات ليه وقال:نخليك أمي منعطلكش..تهلاي فراسك وكولي مزيان

حركات ليه راسها وقطع عليها مبتاسم فرحان..مابحالو حد لكن فرحتو ناقصة حيت سماح ممعاهش

***لانك سماح

فلاش باك 1

-جالسة فزربية الصلاة تتدير التحية وهو جنبها مريح فوق ناموسية تيقلب فتيليفونو منساجم فيه..

سلمات وبدات تدير فالباقيات وهنات عينيها فيه...بتاسمات وقربات منو ماحس بيها تا كانت شدات يديه اليمين وبدات كتسبح بخطوط صباعو بحب..وتردد داخلها:استغفر الله ..سبحان الله و الله واكبر

منصور:(بتاسم)

كملات 99 تسبيحة وهي تنطق:دي شوي تالاجر

مد يدو زول ليها حجابها وباسها فراسها وقال:الله يحفظك ليا..

فلاش باك 2

-مرة كانو جالسين تيشربو فقهوة فصالة ومجمعين وهو عينيه ميتين بنعاس وهي تتعاود ليه بحماس..

ملي شافتو عيان بدات تتحك ليه وذنيه وتدوز عليهم بحنان..محس تا حط راسو فصدرها باغي انعس..ضحكات وعنقاتو ليها وبدات تتحك ليه شعرو ووذنيه بحب تاغفى..

****

هادو لحظات تفكرهم منصور فور ماقطع مع مو الاتصال..وبقا تيخمم فيها..

تيراجع هضرتها فبالو وتيحاول افسر شنو لي خلاها تطالبو بالاهتمام..كي يدير لهاد الاهتمام؟؟

تيتفكر شنو تدير على قبلو..ديما تيجي لدار القى فراش السرير مبدل وتزيد فيه دي غوتوش مع شميعات والبيت متول وزوين كل سيمانة احس براسو بدل الدار كاع..

مرة مرة تدير ليه شي اكلة غربية جديدة من ثقافة جديدة واخا معندهاش معاهم ولكن تتعلم

لقى راسو شلا مادارت وهو والو..

تيتفكر فقط انه كيعطيها كادوات فقط..تيحاول افهم شنو واقع اش هاد المهزلة فاش طاحو..

تيلقى راسو هي لي ديما غالباه..سماح لي ديما تدير على قبلو بزااف..معمرها جابت ليه ففترة زواجهم كادو ولا ي حاجة ولكن تدير ليه شي حوايج زوينين..

محس براسو تاكان واقف كيبدل عليه وخارج غادي لدارهم..اسول عليها مقرر سوا لقاها سوا مالقاهاش اصارح خوها بالمشكل ظنا منو انه غتكون عاودات ليه..

شد الطريق لدارهم وتيخمم فيها..شغلات افكارو بزاف عمرو ظن اتعلق بشي وحدة هاكا..

ندى ضرب معاها ثلث سنين وماعمرو حس بهاد شي معاها..سماح غير كل نساا..

تيتفكر انها ديما انيقة وزوينة ومهلية فراسها وفيه. . موفرة ليه كاع شروط العيش وفكر فاش قالت ليه موفرا ليك جو مليون راجل اتمناه وعرف انها عندها صح ولكن عقلو ممتقبلش انه مكيهتمش بيها...

وقف قدام دارهم وشاف طونوبيلتها عرفها اتكون تما..زفر براحة بعدا فدارهم..

نزل تيجمع النفس واخرجها

محس براسو تا كان كيسرسر..وضو شعل..

حل ليه الياس بابتسامة وقال:اهلا بنسيبي العزيز

منصور:سلام

تعانق معاه ودخلو مرحب بيه:ساعا سعيدة زارتنا البركة اخويا..كيداير لباس عليك؟؟امورك هانيا

منصور:الحمد لله..حمم سماح كاينا؟؟

الياس:كاينا راها خامرة ملي جات وهي ناعسة..زيد دخل اخويا..

منصور:حمم واخا..

طلع معاه الفوق فين كانت يسرا حاطا كاسكروط على حقو وطريقو فسيجور ودار كتفوح بريحة اللحم مفورة

يسرا:(وقفات تتصايب شالها)مرحباا بيك اخويا. .

منصور:(حاني عينيه للأرض)الله يكبر بيك اختي..

الياس:جلسي اخويا مرحبااا..

جلس حاني راسو وتيعض على شفايفو..دغيا قدر استنتج انها مقالت والو..

كبات ليه يسرا اتاي ومداتو ليه هو وطبسيل:دوز كاسك

شدهم بلطف وجغم من اتاي ونطق الياس:كيدوزتو العيد؟؟

منصور:الحمد لله مزيان..حمم ونتوما؟؟

الياس:من الحامدين..شوا والماكلة ههه

منصور:داكشي لي كاين..سماح ناعسة باقي؟؟

الياس:ملي جيت وهي خامرة

يسرا:قالت ليا عياات منعساتش بكري تتوجد وتمارة العيد..انا نفيقها

الياس:فيقيها ازين..

ناضت يسرا تتسرط ريقها هي مرا وعارفا وقادرة تستنتج انه مخاصمين حيت عمر منصور ماعتب عندهم من تلقاء نفسو..

دخلات للبيت كتفيق فيها بشوي تا حلات عينيها منبليين بالبكا وزادها نعاس..

سماح:ففف خمرت..

يسرا:رتاحيتي شويا؟؟

سماح:(بتعب تتفوه)شويا وصافي..الياس جا؟؟

يسرا:(بصوت منخافض)كاين وتا راجلك برا

سماح:(خزرات)ترجلو رجلة وتنطحو عجلة لاش جاي؟؟

يسرا:(جلسات بعدما ردات الباب)سماح واش مخاصمين؟؟

سماح:(مسحات على وجهها بحزن)معرفتش..من بعد ونعاود ليك..

يسرا:واخا اختي..نوضي بعدا هي باش ماتعيقيش گدام الياس

سماح:(تغرغرو عينيها)كلشي باين

يسرا:(مخلاتش دمعة تنزل حبساتها بيديها)نوضي درووك هضري عادي وخلي المشكل بينك و بين راجلك مكاين لاش اتدخل شي حد..

سماح:(تنهدات)واخا..

ناضت من بلاصتها غسلات وجهها ونشفاتو وجمعات شعرها للفوق كوت شوفال وخرجات لبرا محاملاش تشوف فيه..

هو كان حاضي طريق مناش مشات يسرا هي شافها جات ومجاتش لخورا معاها وهو ينطق:مريضة؟؟

يسرا:لا هاهيا جايا

بعد دقائق جات سماح عاقدا سبعة فربعة متتشوفش فيه..وهو حاضيها بشوق كلشي الا تقلق عليه لالة سماح

نطقات بصوت باح:سلام

الياس:على سلامة الخميرة العايفة

ضرباتو لكتفو وقالت:ديها فراااسك ففف

منصور:مزيانة؟؟

بدون ماتشوف فيه نطقات:الحمد لله

عتقات يسرا الموقف وقالت:اتاي؟!!

سماح:لا قهوة

مدات ليها قهوة كحلة وشماتها وجغمات منها عاد تنهدات

الياس:مال عينيك منفوخين؟؟

سماح:هاا والو هي دخان المجامر گبيلا(وركات عليها)

الياس:شبعتي لحم ولا ههه عالله هي تغلاضي اختي..مبانش فيك زواج تا بشوي

سماح:(بغضب)اتسكت ولا نعيط لبابا

يسرا:ههههه وابعد من البنت واكواك

منصور:(دوز يدو على كتفها جارها لحداه)خليها راه معصبة هي بوحدها..

سماح:(شافت فيه ببرود)مكاين هي لي يعصبك فهاد الوقت..

هز حاجبو فيها وسكت وبقات يديه على كتافها..

الياس:تعصبي ولا گعدي الفشوش الخاوي هههههه

سماح:تتندمني حيت جيت ولا؟؟

الياس:اهي تنضحك معاك اعود ند ههههخهه مالكي على سبة؟؟

سماح:(عوجات فكها)ممممم باااز

الياس:خويا كول (هز الطبسيل تالمسمن)..

حشم اردها فوجهو وهز وحدة مطمر تياكل وتاهيا تتاكل عادي والياس هو لي تيضهر منوض روينة متيسكتش قول مركبين ليه البريز..

اشد فسماح واشد فيسرا واضحك اموت بضحك

منصور:(كمل اكلو ورجع لور)الحمد لله

الياس:نهار كبير هذا أخا منصور ههه

سماح:الصمت

الياس:مدام نديرو العشا؟؟

يسرا:ياله زيد عاوني!!

سماح:هي خليه با يفقصك هير انا نوض نعاونك

منصور:سماح مغنمشيوش؟؟

شافت فيه بزربة لابسة نظرة البرود بمعنى مكتقشرش مكتحشمش..

وهي تنطق:لا..انبقا هنا ديجا گلت ليك انبقا هنا نوجد مع يسرا

منصور:لاش توجدي؟؟

سماح:(زفرات)ماما وبابا جايين وتاخالتي

الياس:(وقف)يسرا ياله نعاونك(شاف فختو)هضري مع راجلك اليز..

هنا عرفاتو عاق وشكون مايعيقكش..واخا يكون حمار ايعيق..نوض يسرا ومشاو لاكوزينة سدو لباب ونطق بجدية:مالهم؟؟

يسرا:الياس ماعرفتش..متشوفش فيا هاكا..اي جوج كيتخاصمو واتناقشو

الياس:(زفر)معرفتيش علاش تخاصمو؟؟

يسرا:واخا نكون عارفا منگوليكش..ختك راها ختي وطالما عاودات ليا راه مباتكش تعرف(هزات طابلية لبساتها ليه)زيد دروك عاوني وهادشي لي شتي اليوم متگولو لحد

ااياس:(هز حاجبو)واخا الالة..

اما دوك جوج راه كانو جالسين وساكتين هي تتصرف ببرود..هازا كاس تالقهوة تتشرب فيه ممسوقاش وهو تيشوف فالارض تيقلب على الهضرة لي با يقول

تنهد ونطق:نمشيو لدارنا ونهضرو

سماح:ماعندي فاش ندوي معاك..سير خليني نريح دماغي..

دور ليها وجهها عندو بلطف ونطق بترجي:وتعطيك خاطرك تخليني بوحدي

سماح:(ببرود)ملي عطاك خاطرك نتا تانا تعطيني خاطري

منصور:(بهدوء)متكونيش بحالي..انا خاايب عارف راسي..

سماح:(بنفاذ صبر)تتبرد على راسك بهاد الهضرة..انا خايب انا خايب..نتا تتقلب تردني انا لي خايبة..شوف امنصور شحال ماكنت بنت الناس وضريفة نهار تنقلب وجهي نولي خيب منك

منصور:(شد يدها وهزها باسها بلطف)نتي ماشي انا.. (زفر بتعب)نجلسو اطابل ونلقاو حل

سماح:(بجمود تتشوف فاص ليها)الاهتمام متيبيش تجلس فطبلة..تيبي بنادم اكون عندو گلب نتا معندكش..(تغرغرو عينيها)كتبغيني هي حيت تنصبر ليك

منصور:(دور ليها وجهها عندو وهوما يهودو دموعها)معرفتش اشنو وصلت ليك بتصرفاتي ولكن والله تا..

قاطعاتو بنفي وقالت:بلا حلوف..كلشي بااين..(شافت قدامها ومسحات دموعها)بيت نرتاح

منصور:ترتاحي مني!!؟؟

سماح:(بدون تردد)اه

منصور:(بصوت حنين ) عييتك لهاد درجة؟؟

سماح:سير تاتعرف شنو انا عندك ونهضرو..دابا عيانة بيت نريح راسي تاتجي خالتي وديك ساعا نلقاو حل

منصور:الصمت

سكتات تاهيا وبقات تتلعب برجليها لي محطوطة وحدة فوق وحدة ..زفر ومالقا من غير اوقف منكاسر..

مشافتش جيهتو وماحسات بيه تا نزل ناحيتها قبل راسها بحب وقال بصوت خفيف:ريحي راسك والى خصاتك شي حاجة عيطي ليا

سماح:(شافت فيه بجمود)لي خصني خصك نتا تعرفو راسك..نهار تعرفو اجي نهضرو...

مدواش حدو عض على شفايفو وقال:براحتك

هز سوارتو وخرج مخليها تتشوف فاص ليها وتتطيح دميعات خفاف على حنكها..

كي نزل ناضت تتجري للشرجم تتطل منو بدون ماتعيق ويديها محطوطة على زاج ..تابان ليها خرج وطلع فطونوبيلتو مكسيري تاتهز قلبها وهي تطلقهم حارين نييت من قلبها..

****

بكات تاعيات فصالون منين تطل عليه ومسحاتهم ومشات دخلات لبيتها بهدوء مكمشة ففراشها وتتبكي بصمت..

خرج الياس من الكوزينة مالقا تاواحد فيهم..حل لباب بيتها دارت راسها ناعسة مبغاش احكر..ورجع عند يسرا وقتل:مشا منصور

يسرا:اوااه..مهضروش ولا؟؟

الياس:معرفتش..حيدي داكشي من يديك وسيري شوفيها مالها

يسرا:زيد قابل هادشي احبيبي عفااك

باسها فحنكها ومشات لعندها..فضل اصيتفاها هي ولا يدخل هو ..

حلات عليها الباب ودارت راسها ناعسة..جلسات حداها ودوزات يديها على شعرها وقالت:سمااح

حلات عينيها الباكيين وغلباتها البكية وتنخصيصة تاهشات وجهها فالفراش

تنهدات يسرا ونطقات:سماح خصك تهضري وتعاودي..لبقيتي هاكا اتجبدي فراسك شي مرض

سماح:(تتبكي)هءهءهء عيييت اختي عيييت

يسرا:نوضي وعاودي لياا

مشات سدات الباب وجلسات حداها مسحات دموعها ونوضاتها تعبانة وقالت:عاودي ليا المشكل من لول

سماح:(بصوت مغنغن)اشمن مشكل؟؟المشكلة مكاينش مشكل

بسرا:ولاش هادشي؟؟

سماح:تزوجت راجل ممسوقش ليا هءهءهء ايسرا راجلي ممسوقش ليا مكيهتمش بيا عندو زايد ناقص

يسرا:كيفاش؟؟

سماح:(نفاجرات بالبكا)منصور تبدل علي ولا معرت كان هاكاك من لول وانا كنغطي الشمش بالغربال هءهءهءهء باارد من جيهتي بااارد

يسرا:فالفراش؟؟

سماح:لالا هءهءه هذاك هو لي ناضي فيه هءهءهء فهميني ايسرا راجلي معاطينيش اهتمام...واش الراجل لي ميسولكش لا فين غادية لا منين جايا ..نوجد ونتصايب ونتقاد وميخسر علي تا جيتي زوينة..تيخرج من الصباح واضل فالخدمة حدو ديك عشرة فايق تالفطور لي يجلس معايا ونهار كاملو مشغول..

تنعيط ليه مكيجاوبنيش هءهءهء وزايدها ادير معايا للغدا ومني نعيط ليه ممساليش..

يسرا:سماح راه سي نوغمال راه الخدمة

سماح:الخدمة الخدمة وانا فين؟؟راجلي ايسرا ماعمرو قاليا جيتي زوينة من قلبو..متيقولها تكنقوليه كي جيتك؟؟راجلي ايسرا كنصايب ليه ماكلة زوينة ونتهلا فيه وما تايخسر علي تا شكرا..ونتصايب ونتقاد وميقول تا كلمة..راجلي شافني مريحة مع واحد فقهوة اش خسر علي شير ليا وناض خلص علينا..ماشي بارد القلب هذاا..

يسرا:(حلات فمها بصدمة)وشكون هاد الراجل؟؟

سماح:قبل زواج شاف هي واحد لعب فشعري ندمني على حياتي ومور زواج خدامة مع راجل وتنمشي نتغدا معاه ومكيقول ليا لا طابت لا تحرقات اشنو نسميه هذاا؟؟ماشي بارد القلب

يسرا:شوفي الغلط لول فهادشي ديالك..اشداك تخرجي مع راجل خدامة معاه ونتي مزوجة؟؟

سماح:بييت نحرك فيه شي حاجة هءههء واش سبد نهار كامل خدام وملي يجي فاليل انعس مكيسولني لا كي داز نهارك لا كي ضليتي لا واش وقعات شي حاجة..الى معيطتش ليه مكيعطش هءهءهذ قبل زواج مكانش هاكا..كان شويا بعدا

يسرا:كاين نوع ترجال هاكا داير واخا تعطيه عينيك ميحسش

سماح:هءهءهء واش درت انا تا يدير ليا هاكا..تصوري وليت تنحسد مو حيت تيهتم بيها وانا لا هذهءهء

منصور لدابا معرفنييش اش تنبغي ناكل واشنو لي لا...مكيعرفش تا حاجة علي ..تسوليه ميعرف مايقول هءهءهء

يسرا:لهاد درجة؟؟

سماح:وكثر اختي..ممسوقش ليا تيعرف اصايب الهضرة هي الى با حاجتو هءهءهء راجلي عمرو قاليا تنبغييك..واش سيد لقاني تنبكي وتنهرنك.. خسر علي معنقني وتيقوليا قلقك شي حد فالخدمة وملي قلت ليه نتا لي مقلقني زاد تيضحك وقاليا انا منسواش وطمر هءهءهء يسرا بيت اهتمام بيتو يحس بيا بيتو كي نجي من الخدمة اسولني صافا لباس كي دوزتي نهارك هو تيعرف اخسر علي صافا..وامشي لمو..معمر منصور سولني واش مقلقة؟؟الراجل الى. مكانش اشوفني ضاحكة واقول ليا مالك ماعندي ماندير بيه...خصو يهتم بيا..مطالبا منو والو مابيت لا فلوس لا تا حاجة..بيتوو هوو احس بيا(تتبكي بحرقة)بيت راجلي اهتم بياا..اعنقني ونحس بيه معايا مشي واحد اعنقني وعقلو غايب هءهءهء عياااني وهدني ولي كيضرني فخاطري اني تنبغغييه تنمووت عليه ومنقدرش نكمل بلا بييه هءهءهءهء عيييت(تلاحت فحضن يسرا تتبكي بجهد)عيييت ايسرا واش انا لي طالبة بزاف ولا هو لي معاطينيش حقي

يسرا:عندك الحق اختي..صعيب تعيشي مع راجل ممهتمش

سماح:نصايب شي حاجة كي ناس ومتصدقش تيقوليا معذبة راسك على لخاوي وتتشري تمارة بالفلوس كون كنت مقطرة ومنسواش مندير والو ..واش ايسرا انا لي زايدة فيه ولا هو لي ممسوقش؟؟مطالبا والو منو بيتو اعطيني هي الوقت وشوي تالاهتمام

يسرا:فاهماك احبيبتي..نتي كبرتي فجو تتشوفي ماماك وباباك عاطيين وقت لريوسهم وتمنيتي تلقاي نفس الشيء ولكن صعييب

سماح:(بحسرة)انا كنبغيييه ومابغيتش نتفرق عليه ولكن الى بقا هاكا اقسم بالله منعيشش معاه ونتفرق عليه

يسرا:ريحي راسك درووك وتهدني..بقاي معانا تا يجيو الحجاج ديك ساعا تكونو بردتو وهضرو

سماح:داكشي لي ندير.. متقولي والو لالياس

يسرا:بلا متوصيني ازين..نوضي دروك تاكلي

سماح:مقادااش والله بيت هي نتكا راسي

يسرا:ههه ياكما حاملة وجايبا عليه فشوشك

سماح:الله ينجيني ماخصني هي نولد معاه

يسرا:الله يدير شي تاويل تالخير

سماح:امين..انا نتكا بلا متفيقوني للعشا

يسرا:واخا ازين

خرجات يسرا مخلياها تاتفكر وتعاود وتحلل تصرفاتو تاغفات من جديد

الياس:اش قالت ليك؟؟

يسرا:شغال العيالات

الياس:يسرا راه ختي هاديك من حقي نعرف مالها!!واش ضربها ؟؟

يسرا:مضربها ماسبها ماوالو..الغيار تيوقع بين زوج مزوجين..وعمرك تدخل بيناتهم

الياس:واش شي حاجة كغاف؟؟

يسرا:عادي ايام واتصالحو..البنت عيانة وبغات تريح دماغها جات لدار باها فيها شي عيب؟؟

الياس:واش انا جريت عليها..بيت هي نعرف

يسرا:ماعندك ماتعرف ههه(باستو فحنكها)ياله كمل ازين هادشي

الياس:واخا

فالصباح فاقت على ريحة زوينة فدارهم..ريحة اتاي بالاقامة(النعناع)زوينة وريحة اللحيمات تيتشواو..

فاقت وبتاسمات تلقائيا من الريحة لكن سرعان ماحسات براسها انها ماشي فدارها تفكرات شنو وقع وهي تحزن ..

ناضت غسلات وجهها وخرجات لقات يسرا هازا صينية تااتاي هي شافتها بتاسمات وقالت:صباح الخير ازين

سماح:(حاولات تبتاسم) صباح الخير

يسرا:رتاحيتي شوي؟؟

سماح:(بدون ماتحس)شحال مانعست مرتاحة بحال هاكا

يسرا:الله يدومها..ياله طلعي راه شاويين الفوق

سماح:فين الياس؟؟

يسرا:واليتو للمجمر ههههه

سماح:عبرتي عليه

شدات عليها الصينية وطلعاتها للسطاح فين داير ليهم باها جليسة زوينة ومدرقها من الفوق بالقصب مصبوغ..لقات الياس موالي المجمر وتينش عليه

سماح:هههه صباح الخير

الياس:صباح الخير..زيدي عاوني الشعب

سماح:مالي حمقة..نش نش مزيان ههه الله قطيبات ديال اللحم مشرملين

الياس:جلسي وهاكي كولي..

جلسات براحة وهي تتشوف خوها تيشوي ومراتو مطلعة الخبز سخون تتضحك..

مشات حداه ومسحات ليه عينيه حيت حرقو الرماد وتضحك..

للحظة طاح فباالها وقلبها الحيماري واكلها عليه اشنو يكون تايدير درووك

اما هو كان باقي خامر حيت منعسش تال الفجر فدارو لي فمراكش .. ماشي الفيرما..حداه فطبيلة صغيرة قرعة نشراب خاوية وبلاصة الغبرة باينا وزيد عليها طفاية عامرة بالكارو باينا دوز ليلة بوحدو كلها بلياات..

***

دازت عشرة اياام اخرى ..وسماح فدارهم مع خوها ومراتو من دون متسول فيه وتاهو مسولش بتاتا مخليها ترتاح كي قالت هي..

نفسو حارة وملي جرات عليه خضع لطلبها وخلاها على راحتها وتيتسوق خبارها من عند الياس مرة مرة..

دوزات عشر ايام مرتاحة على جهد..مكاين لي ينغص عليها ولكن بمجرد مكتحط راسها فوق المخدة تيطيح فبالها وكتوحشوو كثر لكن كرامتها تتغلب تحت شعار تربييه على فعلتو..

كانت كل نهار تخرج..هاهيا عند خالتها هاهيا عند عمتها والعرايض على جهد ولي سولها عليه مسافر عندو شي خدمة

ومخلياه تايتشوى فقلبو عليها..

توحشها تا ماباقي قد لدرجة ولى يشرب واهتهت بسميتها..

فارقاتو عشر ايام رجعات حياتو سوداء من اول وجديد..شراب كل ليلة وكارو بكثرة والكوكايين.. انسان ضعييف جدا

شرات تيليفون ودارت فيه كارطا جديدة ومعطاتهاش ليه خلاتو اتقلى فسمو واخا تاهيا تتحن لكن عشرة ايام نفعاتها وعادت ترتيب.. افكارها..

كانت منشاغلة بتوجاد للمها وباها لي قربو اجيو رفقة غجوزتها..هاد الاخيرة لي ديما تتهضر معاها وتسول فيها مقصراتش من جهدها

لابسة جلابة يسرا حيت فضلات متمشيش لدار تجيب حوايجها..تتبان زوينة وماكياج خفيف وخرجات رفقة ضحى اتقداو شي مستلزمات ..

مشاو فطونوبيلتها غادين وطالقين موسيقى وضاحكيين..وقفات فسطوب ووقفات حداها طونوبيلة منصور..ماشافتوش ومشافهاش..ضحى لي قشعاتو

وقالت:سماح هذاا راجلك

تلفتات بسرعة شافتوو سايق وتيكمي وعينيه مغطيهم بنظارات شمسية..

وياله بغات تطلع الزاج قشعها وهي تزيد ماخلاتش ليه فين اهضر والسيد تتبعها بهدوء..تا قطع عليها الطريق بشوي ووقفات

ضحى:ويلي نزلي هضري معاه

سماح:راه شاد معايا زكير

ضحى:مضاربين

سماح:مناگرين

وقفات وقالت:صبري انا جايا سدي عليك

ضحى:هههههه سيري سيري

نزلات منفخة وتتعوج ففمها..وقفات عليه وقالت بتعفار:مالك قاطع علي الطريق؟؟

منصور:(جر ليها نظاظر اشوف فالعوينات)توحشتك..

حسات براسها شداتها تبوريشة وهي تخنزر وحيدات ليه النظارات من يديه وقالت:شد يديك عندك..متبقاش تقطع علي الطريق

نزل بسرعة وحيد نظاظرو وقال:باقي كاع مابردتي

سماح:(ببرود)لا

منصور:(شد يديها) توحشتك اسماح(قرب منها)الله يهديك

سماح:(شمات ريحة الكارو) لكارو

منصور:رجعي لدارك(تنهد)

سماح:داكشي باش سولتي فيا

منصور:بدلتي نمرتك فين انوصل ليك..نبقا نجي عندكم تا يجري علي خوك

سماح:(قالبا عينيها)خصني نمشي درووك

منصور:فين غادية؟؟

شافت فيه ببرود وقالت:سعداتي راجلي بغا يعرف فين غادية؟؟

زفر وعض على شفايفو:سولت وحلة ماسولتش وحلتين.. الله يهديك..خليتك ترتاحي مني وعطيتك وقت ..وغرضي هي تريحي راسك وصافي لي غلب يعف..

سماح:ريحت راسي وخديت قرار

منصور:لي هو؟؟

سماح:(بلا ماتحشم)الطلاق

دارتو هي زكير بغات تعصبو وتبرد فيه غدايدها ساعا سيد بقا تيشوف فيها ببرود كي نطقاتها..خسر عليها جوج كلمات:سيري فين كنتي غادية

طلع لطونوبيل وزاد مخلي هي العجاج موراها بممعنى اخر مشيي .. خلاتها حالا فمها بصدمة..عطاها كلااش من داكشي بقات هي تتشوف..

طلعات لطونوبيل مصدومة ونطقات ضحى:امالكي؟؟اش قاليك؟؟

سماح:هاا والو

ضحى:هههههههههه واش مخاصمين

سماح:(تاديماري)هي تناقشنا البارح وصافي فتيليفون

ضحى:عادي عادي

سماح:فوورص هذاا

كملو مشوارهم وتقداو اش خصهم ورجعو لدار لقاوها تتغلي بالبشري كلشي بغا يتلقى للحجاح..معزة زينب وعثمان فقلوب الاحباب كثيرة..

كاينة عمتها وبناتها ومراتو وزيد عليها خوالاتها بجوج وولادهم وتا عائلة باها من شحمة لشاقور

عطاتهم سخرة ورجعات مع عمتها للكوزينة تتوجد معاهم فالمسمن لي يحتاجو

تاجات نهيلة جايبا ليها تلفونها وقالت:شدي من صباح وهو يفيبري تحتي حسابني هي شي جن بغا يكويني

فاتي:طفرتيه تا مع الانس

شداتو سماح ويديها عامرين بالزيت وقالت:الو

منصور: توحشتك

سماح:(سرطات ريقها حيت حداهم هوما)هاا

هزات زيف مسحات يديها وشدات تيلي مزيان وخرجات لبيتها وقالت:منين جبتي نمرتي

منصور:من خوك...ديري وقيت واجي نهضرو

سماح:(تنهدات)ماعندنا فاش نهضرو انا ممسالياش

منصور:ممسالياش لراجلك حبيبك

سماح:دابا عاد عقتي شنو تنقوليك

منصور:ديما عايق(بتعب)الله يخلي ليك مك وباك الى مابراكا ..والله اسماح منبقا نعصبك ولي قلتيها نديرها

سماح:واش بقات فهادشي؟؟راه بقات فاشنو واقع..

منصور:نتلاقاو وشرحي ليا شنو واقع..كبري عقلك

سماح:(بإصرار)ممسالياش ليك دروك..الحجاح غدا جااين وعندي مانقضي

منصور:واخا..صافي بسلامى

قطعات عليه ودارت تيلي فجيب الطابلية تتنهد..بغات تسمح ليه وتمشي نيت وتعنقو حيت توحشاتو ولكن بمجرد مكتفكر اش عانات فديك الفترة تتقول نخليه اتربا..

رجعات للكوزينة وكملات مسمنها ولغا كثير حداها وهي ساهية

اما هو كي قطع عليها حط تيليفون فوق طبلة ديال القهوة فين جالس وزفر وشعل كارو تيتنهد

تاصل بعبد المالك خوه بعد تردد..

معارف مايدير اش يقوليها وا يدير؟؟معامن اتشاور شكون اوجهو..مو مكايناش وحتى الى كانت مكتهضرش ..تاحد مافحياتو كانت فحياتو سماح ودروك لا ..

دار معاه اتشاوفو وبالفعل بعد مسافة طريق جا..جلس وقال:لباس؟؟

منصور:بيان ونتا

عبد المالك:الحمد لله..هي الحاجة قربات

منصور:سي..غدا ان شاء الله تجي

عبد المالك:الله يحيبها على خير

منصور:امين حمم(تصايب فبلاصتو)

عبد المالك:مالك؟؟عندك شي حاجة

منصور:محيرني واحد الموضوع ومكرهتش تعطيني رأيك فيه

عبد المالك:قول نسمع..مات شي كلب تا سي منصور بغا يتشاور

منصور:اش كيبغيو العيالات؟؟

عبد المالك:(ضهشرو)هااا..كيفاش اش تيبغيو؟؟

منصور:حمم(محاملش اسولو)كيفاش تتصرف مع مراتك؟؟

عبد المالك:واش شويا لباس؟؟

منصور:هضر الزمر..ففففف(طفا لكارو)كي تتصرف مع مراتك اشنو تدير ليها تا كتولي فرحانة؟؟

عبد المالك:(طلق ضحكة)هههههههههههههههههههههههههه لا متقولهاش ههههههههه

منصور:(تعصب)خرااا ندمتيني حيت عيطت ليك (بغا ينوض وشدو)طلق ازبي

عبد المالك:والله تاتجلس نههههههههههههه اشنو المشكل؟؟مع مراتك؟؟

حرك راسو ونطق:غضبانة فدار باها

عبد المالك:باقي مضارش عليك العام غضبتيها!!!اش درتي ليها؟؟

منصور:معرفتش انا براسي معرفتش..كنا مزيانين تا ناضت نهار لعيد تتجمع حوايجها وسمعاتني شي هضرة مفهمتش

عبد المالك:اش قالت؟؟

منصور:معرت دكرات اهتمام ولا معرت

عبد المالك:بيتي نصيحتي

منصور:ممم

عبد المالك:هادشي تالعيالات تيفهمو فيه هي النسا..انا مغنفعكش حيت كل مرا فشكل..مراتي ماشي بحال مراتك..وميفهم المرا هي المرا

منصور:هي اش؟؟

عبد المالك:هي غتشوف مرا وتهضر معاها

منصور:منين انجيب هاد المرا..مي مثلا؟؟

عبد المالك:انا نعطيك رأيي ونتا ضبر لراسك

منصور:قول نسمع

عبد المالك:مكاينش لي غيفك ليك هادشي قد زهيرة

منصور:(زفر)انا لي مريض فكري معيط ليك..گاع معندي معاها نعيط ليها تجي تهضر مع مراتي

عبد المالك:تطير وتنزل هاديك ختك..

منصور:ختك نتا

عبد المالك:(بعصبية)ختك بزز عليك..هي لي غتفكك تميشي تهضر ليك معاها وتبرد العوافي

منصور:نصيفت وحدة كاع محاسباني واش كاين ..

عبد المالك:مالك تتشد فالهضرة؟موقف ودااز لاش تتصعب الامور

منصور:(ببرود)انا هاكا داير..تخورني ونساها ليها

عبد المالك:اسيدي متنسااش...خليها تعاونك..زهيرة لبيبة فهضرتها وتتقنع الواحد دغيا وهي لي تفهم مراتك

منصور:لا

عبد المالك:اوا لهلا..لتمرضش ليا راسي تاني..ضبر راسك ملي تمشي ترفع دعوى للطلاق ديك ساعا نذب

منصور:(حمحم)زعما تديرها؟؟

عبد المالك:باش منكذبش عليك اخويا طبعك وااعر وعارف نتا لي غالط والله تاديرها

منصور:(بحيرة وعاقد حجبانو)والى مبغاتش ختك تمشي

عبد المالك:هي مكتعرفهاش..زهيرة راه حنينة واخا لي درتي معاها محقداتش عليك ومن ديما عزيز عليها

منصور:(خزر)تضبر راسها..هضر معاها وشوف واش تقدر تدوي معاها وتفهم منها اش كاين

عبد المالك:ههه نتا براسك معارفش اش كاين تعرف هي...غتهضر معاها وتحامي عليك سيتو..

منصور:يكون خير..

عبد المالك:غدا بتجي مك ياك..حنا نديرو سبة ونمشيو نيت نباركو لنسابنا وتما تجرها وتهضر معاها

منصور:واخا ..نتبعو بلانك تا تنشوفو(حط يدو على كرشو)اححح

عبد المالك:مالك؟؟

منصور:سانك جوغ وانا فيا شي حريق

عبد المالك:ممشيتيش لطبيب؟؟

منصور:لا..مافياش خديت ديكالمون مي والو هي تناكل تيجيني

عبد المالك:سير لطبيب شوف اشكاين لتكون المعدة...هي داك الحرام لي تتكمي راه امرضك..مني جلست ونتا واحد مور واحد

منصور:اكون خير

واقفة قدام مراية بيتها تتصايب عكر خفيف بزاف لفمها..لابسة جليليبة مخزانية اخر ماكاين..شراتها طالعا مع صندالة طالون راقية وشعر مجموع لفوق بحكم سخون الحال..

دخلات فاطمة زهرا عمتها بجلابة راقية هي الاخرى وقالت:ياله سربي راه كلشي تيتسنا

سماح:صافي هاني ساليت(هزات تيليفونها)

فاتي:(تتصايب ليها قب الجلابة)فينو راجلك؟؟

سماح:(ببرود)انتلاقاوه تما

خرجات معاهم كانت عمتها وراجلها وهي والياس وخالتها فاطمة فقط لي غيتلاقاو للحجاح تالباقي كلشي راه اجلس فدار استقبلهم..

خدات طونوبيلتها ومشات معاها خالتها ولوخرين مع الياس..سايگة وعقلها كولو مع منصور..وتتنهد بحسرة

فاطمة:(بالأمازيغية)مالكي ابنتي؟؟

سماح:(بتاسمات ليها مخبية الحزن)والو اخالتي هي توحشت ماما وبابا وخالتي

فاطمة:كيدايرا مع عجوزتك؟؟

سماح:الحمد لله سيدة الله يعمرها دار..

فاطمة:تهلاي فيها ابنيتي تهلاي..راه بحال مك

سماح:(تنهدات)تهليت تهلييت..

بعد مسافة الطريق وصلو للمطار ونزلو..تمو داخلين وبقاو واقفين تيتسناو المسافرين اخرجو بحكم تحطات طيارة لكن مع الاجراءات تياخدو وقت طويل..

طول الوقت وهي تتشوف فجنابها تتقلب عليه متوترة ولي زاد وترها خروج الحجاج وعدم قدومو..

ميمكنش منصور مايجيش لمو..مستحيل.. فين غيكون زاد..تشوشات وتخلعات عليه وتيليفون فيديها..قلبها واكلها تيقوليها عيطي ليه وعقلها تيقول دروك ابان..ملامحها ممرتاحينش بتاتا..

الياس:(مراقب الحجاح لي تيخرجو)فين راجلك اسماح؟؟

سماح:(بخوف)معرفتش..مالو..

قاطعها مبتاسم قشع مو وباه ولطيفة دافعة براضية..ونطق:هاهوماا..

سرعان ماتلفتات ودارت ابتسامة واسعة وهي تتشوفهم بالابيض ونور كاسي وجوهمم..والراحة فعينيهم باينة..

من زار داك المقام تيحس براسو حقق جميع امنيات حياتو..

الياس قصد مو ديركت طار عليها معنقها وفاتي خووها اما سماح عنقااات راضية بحرارة وتتبوس راسها ويديها فرحانة..

عنقات تا لطيفة بحرارة ودازت لوالديها جمعاتهم دقة وحدة بتعنيقة تاتغرغرو عينيها بالاشتياق..تتبوس فباها تبوس فمها تا طيباتهم..

حميد:أطلقي ياتا من السيد جنترتيه

عثمان:هههههه أصافي

سماح:توحشتكم ابابا

عثمان:تاحنا أبابا

نزلات عاود باست راضية وقالت:زين نور بمكة ولا ههه

راضية:(بتاسمات)مننننصووووور

سماح:(سرطات ريقها)صبح عندو شي شغال وجيت انا ههه والله تاتوحشتك اخالتي

لطيفة:تاهيا..ديما تتجلس وتقوليا سماح زعما باش نعيط ليك

سماح:(فرحات)ايتفكرك الخير...دعيتو معايا

زينب:(عنقاتها)وانا ننسا بنتي..دعيت معاك ابنتي بتيسير وزايد الرزق والذرية الصالحة

فاتي:وانا دعيتي ليا بشي نسيب احمر لوجه

فاطمة:عمرك ديري عقلك ههههه

حميد:لاحول ولا قوة الا بالله هههه زيدو زيدو تيتسناوكم فدار گالت ليك نسيبب..

خرجو تيضحكو معانقين ..زينب وعثمان ركبو مع الياس وراضية دارها الياس مع سماح ولطيفة وخالتها

غاديين وفرحانين وما أحلى العودة للبيت بعد غياب فمابالك الحج..سماح سايگة وعقلها مرفوع مشوش مع منصور..

وصلو وتلقاو ليهم بالحليب وتمر وما زهر ..تعناق والبوسان وترحيب كبير للحجاج ولي عطاوه لزينب وعثمان ستقبلو بيه تا راضية ولطيفة

الدار عامرة بالاحباب والاصحاب والضحك والنشاط..كلشي فرحان والساربس تأتاي كيتسربيو..

راضية جالسة كي القايدة وسط الصالون وناس ضايرين بيها فرحانة تتحماق على الناس والدار العامرة..تيتعاملو معاها بحالا وحدة منهم..

جات سماح هازا صينية تأتاي وضحى الحلوة وقالت موجهة هضرتها للحضور:تهليتو ليا فعجوزتي ولا ههه

زينب:الله اودي ههه فين راجلك ابنتي

سماح:حم عندو شي شغال

مشات للكوزينة تتنهد..دخلات يسرا وقالت:سماح(تتشوف وراها ليكون جاي شي حد)فينو راجلك؟؟

سماح:(واكلها قلبها)معرفتش اختي..ضرني خاطري عليه

يسرا:عيطي ليه

سماح:فففف مكاين لا نفخة لا زمر (جبدات تيليفونها)سيد غابر

مشات لبيتها تدوز نمرتو تتعض على شفايفها والرنات كثيرة ولا من مجيب..قطعات وعاودات من جديد وتتهزز رجليها بتوتر..تشد الخط ونطقات بلهفة:الو

صوت:السلام وعليكم

سماح:(تهز قلبها وتحط)منصور!!

..:واش لالة سماح هادي؟؟

سماح:ااه انا..فين منصور؟؟

..:انا الالة سيد لي خدام عندكم فالفيرما..

سماح:(العرق تينزل عليها بارد)فين منصور؟؟

..:أش نگوليك..سي منصور مرييض عياان نيت ..راه فسبيطار دروك

سماح:(بدون ماتحس غوتات)اويليييي...كيفاش مرييض؟؟اويلي اش ضارو..

...:بحالي بحالك الالة..كان بغا يركب فطونوبيلتو تا جاه شي وجع وطاح بيه الارض تيتقيا ..هزيتو لسبيطار..

سماح:(ولات صفرة وكلها تترعد)اشمن سبيطار؟؟(طاحو دموع)واش بخير درووك

..:لالا شي باس مكاين الحمد لله..راه ناعس..كاين فكنينيك(كلينيك)*****

سماح:(بخلعة)صافي هاني جايا هاني جايا..

نزل عليها الخبر كي سم كانت عارفا ماشي لخاطرو مايجيش..منصور ميمكنش اخلي مو بوحدها واخا يعرف معاها أمة..

محسات تا حيدات ديك الكندورة وهزات جلابة ماعرفاتها كاع تاعمن وخرجات مزروبة متتشوفش قدامها ومع كلشي مشغول تاحد ماحس بيها امتا نزلت تتدردب..قلعات بطونوبيلتها فاتجاه الكلينيك وتأنيب الضمير خدام.

انا لي خليتو بوحدو؟!تكون جاتو شي سخانة مالقا تا لي يمد ليه كاس تالما

ايكون تعذب وانا جالسة تنفقص فيه

صايگة وتتبكي وتنخصص وتدعي بصوت مسموع وبشفاه تترعد:ياربي تحفظو..ياربي تنجيه ياربي تخليه ليا ياربي...

دعوات كثيرة وكلشي تخلط فلسانها..خافت تصرا ليه شي حاجة وشلا تأويلات فبالها على داك الوجع لي ديجا تيجيه

موصلات تا بغات تحماق..نزلات بدون ماتباركي طونوبيل كي وقفات كي نزلات..هزات تيليفونها وتمات غادية تتزرب للإستقبال.. وتتنهج الدمعة فعينيها:عفاك منصور دين ران

..:دقيقة الله يخليك

قلبات ونطقات:دوزيام ايطاج شومبغ 86..

مجاوباتهاش مشات تتزرب لاسانسور ظاغطة على الطابق الثاني وتترعد..

هي تحل خرجات طايرة بحالا تابعها شي حد بشي مصيوطة..تتقلب كي الهبيلة على رقم الغرفة هي طاحت ليه دخلات بلا موجب شرع بحال الى غتفكك شي خلية ارهابية ..

لقات ممرضة تتضرب ليه شوكة فيديه وهو مسند على السرير صفر مقطر من دم..وتحت عينيه زرگ بجهد بتعب..

كان بجنبو السيد لي دوات معاه واقف ..هي شافها ونطق:سماح

سماح:(دارو دموعها سرر)منصور

سالات الممرضة وخرجات فحين هي تقدمات لعندو مخلوعة تتقلب فيه:مالك؟؟اش ضرك؟؟باش تتحس؟؟(تتبكي دموع حارين)هءهءهءهء لاش معيطيش ليا هءهءهء

منصور:شششش(شاف فالسيد بمعنى خرج)صافي موقع والو..

سماح:(شدات فيديه)هءهءهء قوليا كي طرا ليك؟؟

منصور:(بتعب)جاني كريز تالمعدة واقلة

سماح:(حركات راسها بنفي)متكذبش علي هءهءهء(تحنات شدات وجههو بين يديها بحنان ودموعها نازلين)

منصور:(شد يديها بتعب باسهم )انا براسي معارفش...هي بشوي عليك..جبتي مي؟؟

سماح:اه جبتها(نفاجرات بالبكا ومحسات براسها تا لاحت راسها فوق صدرو وعطاتها للبكا)

منصور:(طلع يدو بتعب تيدوز على شعرها)الله يهديك..براكا من البكا راه مزقع والو

سماح:(مزيرة عليه)انا سباب دعيت فيك..

منصور:(ضحك)هه وتتقولي فيها بوجهك حمر هاا

سماح:(هزات راسها من عليه)والله ماقصدت..كي وقع ليك؟؟مالك هاكا شو تحت عينيك كي زرگ..واش مكتاكلش النعمة ولا شنو(تزير عليها خاطرها)..

منصور:فراقك لي يدير فيا هاكا

سماح:(شدات وجهو وباستو فجبهتو)الله ينجيك ويحفظك ليا باربي..اش قال طبيب؟؟

منصور:تنتسنا لي زاناليز اخرجو

سماح:ياربي ميكون والو...

منصور:(شد يديها وباسهم)اقدر اكون هي شي التهاب تالمعدة

سماح:وسهلتييه؟؟(دوزات على شعرو بحنان)فاتك الوجع دروك؟؟

منصور:(جرها بشوي تا قربات ليه باسها ففمها )شفتك وصحييت

سماح:الله يشاافيك..

دخل الطبيب المكلف بيه ولقى السلام وقال:بون ليزاناليز خرجو

سماح:اش عندو ادكتور(شادا ليه فيديه)

الدكتور:بون معرفتش علاش تهاونتي تال دابا..شحال وهاد لوجع كيجيك

منصور:(بجدية)شي عام تقريبا..كيمشي وتيجي ماشي شي حاجة كغاف

الدكتور:سبق ليك زرتي شي طبيب؟؟

حرك راسو بلا ونطق طبيب:تهاونتي بزااف..كان خصك تزورو شحال هادي

سماح:(بخوف)اش عندو ادكتور

دكتور:المرارة

طاحت عليها الكلمة كي السطل تالما بارد..بردات ليها طرافها ويديها زيرات على منصور لي هي تيشوف ببرود وتيحلل فهضرة الطبيب

سماح:(بعدم تصديق)كيفاش المرارة؟؟ميمكنش هو باقي صغير

دكتور:لا أمدام ماعندهاش علاقة بالسن..هذا مرض عادي شائع بين الناس..سي(شاف فتحاليل اشوف اسمو)منصور خاصك ضروري اوبيراسيون نحيدوها

منصور:داكوغ..نديرها امتا؟؟

الدكتور:فاقرب وقت ..بون يستحسن تكون من هنا 48 ساعة

سماح:(باقي ممصدقاش)ولكن ادكتور مافيهش اعراضها كاع..الوجع تيجيه فالمعدة

الدكتور:هي تيتهئ انه كيجيه فالمعدة..الوجع تيكون فهاد لباختي(مشا لمنصور تيقيس ليه جناب كرشو)هنا وهنا..سي فغي موسيو منصور؟؟

حرك ليه راسو بالإيجاب ونطق:ماكلتك كيف كانت؟؟

سماح:(تتجاوب لاصتو)كان تياكل ماكلة صحية..تقليدي لا تياكل هي العصري

الدكتور:تتكمي؟؟

منصور:وي

الدكتور:تتشرب؟؟

منصور:حممم وي

الدكتور:الاسباب تتختالف من انسان لاخر ..المرارة مرض العصر متخافوش سيفاسيل لوبيراسيون ديالها..المشكل تيكون فما بعد استئصالها..تيخصك تبع ريجيم قاسح شوي تا تبرا لمدة لا تقل عن ستة اشهر ..

سماح:(حركات راسها بالايجاب)صافي واخا..امتا يدير لوبيراسيون؟؟

الدكتور:باشما ستعجلنا يكون احسن..من هنا 48 ساعة ارجع فصباح باش نديرو الفحوصات اللازمة وبعض التحاليل

منصور:دااكوغ..نقدر نخرج دابا

الدكتور:(بابتسامة)وي..الله يشافي بون جوغني

خرح طبيب مخليها مصدومة كثر منو هو..تلفتات ليه تتبكي مقدراتش تستحمل انه مريض وبالمرارة..

محسات براسها تا عنقااتو بجهد مزيرة عليه وتتبكي وففمها كلمة وحدة:انا لي طرطقت المرارة

منصور:(بهدوء تيدوز على شعرها)واسماح الله يهديك..قضاء الله وقدر

سماح:(مزيرة عليه)خايفة بزااف هءهءهءهء

منصور:عادي..راه ماكتقتلش..(بعدها عليه وناض تصايب فالنعسة تاولا جالس وجرها معنقها)

سماح:(شدات وجههو بين يديها)متخافش انا معاك..اتحيدها وتبرا وتولي لبااس

منصور:(بابتسامة)ان شاء الله..براكا من البكا بحالا نتي لي مريضة

سماح:(بدون ماتحس)كون جات فيا وماتجيش فيك

جرها بشوي باسها ففمها قبلات خفيفة وقال:الله ينجيك..ماتبقايش تگولي هاكا..

سماح:(تخنقات بالبكا)انموت لطرات ليك شي حاحة..نتا واعر وكتعصبني وتتفقصني وتتمرضني فراسي ولكن تنبغييك(تتنخصص )

منصور:(ضحك)ياك عاد لبارح خدامة علي طلاق ههه كنت معول نطلقك نيت

سماح:(عنقاتو مزيرة عليه)والله لتفرقت عليك ..

ضحك وزير عليها فحضنو..وفداخلو تيحمد الله انها سمحات ليه ولو على حساب صحتو

واحد المثل تيقول"مصائب قوم عند قوم فوائد"

مرضو رجع عليه بالفائدة وختاصر عليه طريق طويلة ديال الصلح..عارفها تكعا عليه تاتعيا ونهار امرض متفوتوش..

فالاونة الاخيرة تزاد عليه الحال نيت..كانو اعراض مختالغة..فالسابق تياكل الماكلة المدسمة واتقيا..ومن بعد بانو اعراض خرين بحال الحريق فالكرش كاملة وزيد عليها تا التعب باستمرار والارهاق..كان تينعس 8 سوايع لكن ديما عيان ومسخسخ..

بعدها عليه وقال:نمشيو نشوف مي

سماح:سولات عليك نيت(تتمسح دموعها)

منصور:توحشتها

سماح:(بابتسامة خافتة)وانا؟؟

منصور:(تيسد صدايف القميجة)نتي حالة خااصة(باسها ففمها بوسة طويلة)ملي نتخلوا بيك نوريك واش توحشتك ولا لا..

سماح:ههه الله يمسخك(شدات فيه تاوقف)قادر تمشي؟؟

منصور:شوي

شدات فيه تاوقف وتنهدات خايفة من العملية كثر منو..هزات تيليفونها وديالو وقالت:نمشيو لدار عندنا تما فين كاينة خالتي

منصور:(تنهد بعياء)متقولي ليها والو..وتحد مايسيق الخبار

سماح:عارفا..خليها بيناتنا تا تبغي تدير العملية ونعلموهم

منصور:ممم

خرجو بجوح معنقاه من كرشو..باين فيه العيا بزااف.. شفايفو ناشفين وباغي هي ارتاح

دازت للاستقبال خلاتو جالس فكرسي ومشات لطونوبيلتو جابت فلوس تيخليهم ديما فبواط أگون خلصات المصاريف وشدات فيه وخرجات

سماح:طونوبيلتك اديها ليك سيد خليك معايا دروك

منصور:واخا

طلع و وصات هي سيد وصاگت بيه لدارهم وكل مرة تسولو واش مرتاح ..

وقفات فطريق خدات ليه قرعة تالماء معدني طاح فيها عما شاحف بزاف عاد دازت للدار وتتنهد..خايفة عليه وبزااف..

خلات مشاكلهم جنب وركزات على مرضو..الزواج هو هذا..تيحضر الشيطان وتيغيب..دارت فراسها ابرا والنقاش من بعد..

وصلو حدا دار ونزلو وتيبان فيه عيان..شاف الباب محلول وقال:الدار عامرة؟؟

سماح:شويا..هانتا شوف خالتي وجلس معاها وسير لبيتي نعس مكاينش لي يصدعك

منصور:نمشي لداري حسن

سماح:(بترجي)عفاك امنصور..بابا وماما ياله جاو..نجلسو هي اليوم ونمشييو نحيد منهم هي الوحش

منصور:واخا

دخل هو وياها وماحدو تيطلع وتيسمع الهضرة..وحيت عائلة سماح تيجمعو كلشي..

كان صالون مضرابي بناس مخلطين العائلة بين النسا والرجال..لقى السلام فقط وداز لمو ديركت معنقها مبتاااسم ومزير عليها..تقريبا الاعين كلها عليه رغم استمرار الحديث..

تيبوس اليدين والراس والوجه ومبتاسم وتيسولها كيدايرا اميمتي..مرتاحة لباس كيدوزتي الحج..

داز لعثمان سلم عليه بحرارة وشكرو على التكلف بمو والواجب لي دار معاه..تسالم تا مع زينب بارك ليها الحج والعيا واضح عليه

زينب:اوليدي مريض؟؟

منصور:هي تسخسيخ تالعيد..على سلامتكم

زينب:الله يسلمك اولدي..لعقبة ليك

منصور:الله يكبر بيكم على مي

زينب:الله اودي..الحاجة راضية صاحبتي هه ونستها ونساتني

منصور:الله يحفظك

رجع لحدا مو ممسوقش للبشري وتيهضر معاها..وكلشي معيب عليه حيت دخل ماسلم مقال والو..وهذا هو طبعو..

اما سماح تتنهد فالكوزينة وهي تتوجد ليه مياكل تاجات عندها يسرا:امدرا؟؟

سماح:(تنهدات)شلا مايتقال..خلي تايمشيو نااس..

يسرا:لمن تتصايبي هاد الخضرة؟؟

سماح:لمنصوور(جاتها البكية)مريض

يسرا:ياك لباس؟؟

سماح:(فمها تيترعد)ايفتح المرارة

شدات يسرا على فمها مصدومة وقالت:اويلي وباقي صغير

سماح:هانتي تشوفي..واش اختي مواعراش؟؟

يسرا:لالا تا ماما فتحاتها وولات بخيير..

سماح:ياربي ابرا ياربي مابقيت طالبة والو

يسرا:ياربي امين . .توكدي شوي ماتبينيش تا يمشيو الناس..الى مقادراش تطيبي اري نصايبها ليه

سماح:ياودي هي يبرا انا نطيب ليه..انا نكملها

دخلات عمتها تتمسح يديها بزيف وقالا:طليتو على الدجاج

سماح:هو هذااك اتحطو الغدا

فاتي:وهذا الوقت..خوالانك بغاو امشييو وناس لي تيعرفو مك حشومة نعطلو عليهم الغدا نيت نسرسبو الناس ..تخنقت

سماح:ممم

شافتها اش تدير وقالت:اشتديري؟؟لمن ديك الخضرو

سماح:لمنصور..متياكلش هادشي

فاتي:عطيه ما تزمزم نسيناه گاع

سماح:انا نرد هاد الخضرة تفور ونعطيه ليه

بالفعل دارتها ومشات هزات الصينية باوانيها فاش تيقدمو ما تزمزم لناس..وداتو ليه..خوات ليه كويس صغير ومداتو ليه:هاك شرب ما تزمزم

شدو شرب منو وباينا فيه باقي عيان..مدوز يدو على كتف مو لي مبتاسمة عاجبها الجو

الياس:(نطق كي الحزقة)الوليدة اش جبتي ليا؟؟

زينب:الدعوات اولدي..دعيت مع مراتك بالفكاك على خير

الياس:وأنا؟؟ياك المسخوطة نسيتي ولدك ودعيتي مع ديك البوطة تمية

عثمان:الله يمسخك قول امين

رقية:(خالتو)شتي اولد ختي كون كان العقل تيتشرا كون بعت لي عندي ولي ورايا ونشريه ليك هههه

الياس:تا يكون عندك نتي بعدا هههه اهيا فين ديك ستيلو بيك تبنتك

رقية:راهيا مع نهيلة فسطاح ههه

عثمان:كيدوزتو العيد؟؟

الياس:بخير والله هي زهم وبقا تغبر وجهك تما ههه عمي حميد مزيان فذبيحة نتا راك واحد العصبة هههه

عثمان:هههههههههخخه بتكون جيفتي ديك البهيمة

الياس:درت ليها ذبيحة من داكشي ههه

سماح:سير الله يمسخك تا اللحم معارف تقطعو..فين ايامك ابابا

الياس:عاودي راسك نتي وباك(نغز زينب)واهضري راه تيسبو ليك فولدك

زينب:(عنقاتو)ابعدو ليا من ولدي..دبيحتو زينة وهو زين

ضحى:(دخلات هازا صينية تالبخور)هذاك شي نهار اتمسخ..سماح غبري من هنا بنبخرو

ناضت وقالت لمنصور:ياله ترتاح خلي خالتي معاهم..

وقف معاها حاني راسو وخرج مخلي مو معاهم بعدما باس راسها..

داتو لبيتها وسدتت الباب..مجاتش فين تضور تا كان لصقها مع الباب وخشا وجهو فعنقها بلهفة ..

تنفسو ممنتاظمش كيدل على تعبو..تيتنفس فعنقها بحب ويديه محطوطين على خصرها وقال:توحشتك...توحشتك بزاااف(قبلها فعرق عنقها المربوط بالقلب)

سماح:(حطات يديها على لحيتو مغمضة عينيها)منصور عياان..

منصور:(طلع لوجهها قبلها جنب فمها)ريحيني اسماح

سماح:(تعلات عنقاتو )نعس ترتاح امنصور..توجد ماكلتك نجيبها ليك وريح راسك

منصور:(تنهد فعنقها)واخا..

تلفت شاف فبيتها وقال:بيتك؟؟

شماح:ااه(كتجبد ليه ايزار)

منصور:(تيضور عينيه)زوين..ذواقا من ديما

بتاسمات وصايبات ليه ايزار جديد وقالت:ميغسي..زيد تكا..

جا جلس تيحل فقميجتو وهي تبدا تحل ليه فيهم وهو عينيه جريئين تيشوف فيها..حيداتها ليه وعينيها فالارض ونزلات بغات تحيد ليه سبرديلة وهو يحبسها وقال:ألا أسماح

سماح:اوا حيدو رااسك

نزل حيد سبرديلتو وتكا على ظهرو وقال:سدي لباب ليجي شي حد

سماح:انا انمشي نعاونهم شوي ونتا نعس

جرها بشوي لعندو وقال:خليك معايا

سماح:باقي ايام الله..ريح راسك وعطي الراحة لراسك..متعصبش ومتفقصش

منصور:انا تنفقص هه ملي فلتي نتي منها عرفي راه باقي مدرت ليك والو

سماح:هه بيتي فيا الخدمة ولا؟؟

جرها باسها فراسها وقال:سمحي ليا

سماح:(تنهدات)من بعد ونهضرو دابا صحتك

منصور:مسمحتيش ليا

سماح:(دوزات على لحيتو)مالك غوفلتي؟؟

عرفها قلبات الموضوع وهز حاجبو وهو ينطق:خصك تانتي تغوفلي من لتحت هه

ضرباتو لكتفو ولاحت عليه ليزار:نعس نعس هه

غمض عينه وتقلب على كرشو نعستو المعتادة ..عرفاتو عيان باست ليه حنكو وخرجات ..رجعات لكوزينة تتحاول تكون اليز وومتبنيش..

ساعة دازت دخل عبد العظيم وعبد المالك وعبد الغني والحاجة وزهيرة..

ناض كلشي تيسلم وارحب بيهم..باركو ليهم الحجة وجلسو فالصالة الكبيرة والحجاج معاهم الا راضية

جات سماح دايرا كمامة مع طالقين البخور..سلمات عليهم ورحبات بيهم..

زهيرة:مالك؟؟

سماح:ههه طلقو البخور وانا عندي حساسية

عبد العظيم:تعداو ليا على عروستي (شاف فعثمان)اش هادشي اسيد الحاج

عثمان:وا هانتا تتشوف ههه

سماح:(وقفات باش تحط الغدا)عمي مرحبا بيكم..خالتي دار دارك

عبد المالك:منصور فين؟؟

سماح:ناعس..زهيرة ختي مرحبا بيك

زهيرة:الله يبارك فيك

زينب:واش اخت منصور ياك؟؟سبحان الله تتشابهو شوي

زهيرة:اه ختو انا وياه قد قد

عثمان:مرحبا بيكم نهار كبير هذاا

جابت سماح الغدا وفاتي تتعاونها تحط معاها..

بسطيلة تالحوت تحطات كلها ليهم وتجمعو عليها بحكم الناس لوخرين غداوهم وخرجو بقاو هي عمتها وخالاتها فقط ونسابهم من جيهة منصور اما من جيهة يسرا راه دارو صواب ومشاو

ناضت سماح طفات على الخضيرة ولاحت عليها مليحة وشوي تزيت لتنسيم

دارو نسابهم الصواب وعطاوهم وقت ..حاولات سماح تبعد عليهم راضية خلاتها فالصالة لوخرا مع خالاتها ولطيفة مكلفة بيها تتوكلها

زهيرة:(ناضت سلمات على راضية)اميمتي لباس؟؟

راضية:حمد لللللله

زهيرة:مرتاحة اميمتي؟؟كيداير منصور؟؟

راضية:مممممم

زهيرة:(نادات سماح)سمااح جات مبتاسمة حيدات الكمامة تنهج وقالت:اختي

زهيرة:انمشيو اختي..عطيني نمرتك

سماح:أه واخا..كون هي جلستو شربو اتاي

زهيرة:خليت ولادي راكي عارفا(ناضت عطاتها تيليفونها تكتب ليها نمرتها)هاكي كتبي ليا طون نيميغو تنتلاقاو هه

سماح:(كتباتها ليها)اهاه ازين نتلاقاو ههه

توادعات معاهم تالباب مع أذن العصر مع مشاو وطلعات تدي ليه ياكل ..

هزات ليه بلاطو وصايبات ليه طبسيل زوين افتح شهية تالماكلة والما معدني وتمات خارجة من الكوزينة

زينب:(تصادفاتها)فين غادية؟

سماح:(تنهدات)ندي لمنصور ياكل

شافت الخضرة وقالت:وعطيه ابنتي من الموجود

سماح:مريض اماما

زينب:(بقلق)ياك لباس؟؟مكانش تيبان ليا مزيان

سماح:عيان شوي

زينب:ياك لباس؟؟

سماح:من بعد اماما تخوا داار ونتعاودو

زينب:واخا ابنتي سيري..

حلات الباب ودخلات لعندو هازا لبلاطو..كان باقي ناعس..تبسمات بحزن حطاتو فوق طبيلة ديال الماكياج ديالها لي رجعات خاوية..

ومشات تتفيق فيه بحنية كان عرقان كولو..دوزات بحنان على ظهرو ونادات باسمو تا حل عينيه مغوبش..

تصايب على ظهرو وعينيه تيشوفو فسقف..بتاسم ليها فور ماشافها تتشوف فيه ونطق:فين الحمام

سماح:لهيه..

ناض تيتعجز لاح ديك القميجة وبقا عريان من لفوق..دخل تيبان ليه داكشي كولو انوثة ..خشا راسو تحت الروبيني اتبرد وهز فوطة تيمسح بيها وتم خارج..

سماح:بيتي تدوش؟؟

منصور:مكرهتش ولكن مجبتش حوايجي.

سماح:نجيب ليك من ديال الياس

منصور:لا(جلس حداها)انمشي لداري..

سماح:دابا مالك عزيز عليك الزكير امنصور(ناضت جابت صينية)شد كول..

هز فورشيط وبدا تياكل بصمت وبشوي عليه وهي حداه مهضراتش..خلاتو تا سالا وقالت:شبعتي؟؟

منصور:ممم(باسها فحنكها)

سماح:بصحتك..ياله مشاو خوتك وباك ومرات باك

منصور:(ببرود)جات زهيرة؟؟

سماح:ممم معمري تصادفت معاها..زوينة

منصور:ممم

سماح:(ضحكات)هههه تاهيا مخاصم معاها ياك..

منصور:(شاف فيها)ههه قلبتو مع كلشي

سماح:اكون خير..خصك تراجع راسك ضروري

منصور :واراجعي نتي بعدا راسك...

سماح:(قلبات عينيها)انا الحمد لله نيتي صافية بيني وبينك ولي علي تنديرو وزايدون ماشي وقت هاد الهضرة دروك .. نتا مريض ..

منصور:(شد يديها)شرحي ليا باش نعرف اش كاين

سماح:(تنهدات)تبرا ونهضرو..اي حاجة قلتها ليك دروك انظلمك فيها(بتاسمات بحزن)تاتوقف على رجليك ونلقاك واقف نيت باش تراد معايا فالهضرة مزيان

منصور:(هز حاجبو)واخا الالة..كلامك هو الكبير..

سماح:هز ما تزمزم شربو مزياان ليك

خداه شربو كولو وقال:مي فينها؟؟

سماح:فالبيت ناشطة(هزات الماعن)تضحك عاجبها الحال

منصور:مزيان(هز قاميجتو تيلبسها)سوارت طونوبيلتك فينهم؟؟

سماح:فين غادي بسلامة(شافتو ساكت)ولا باقي متتعلمش فين غادي؟؟

منصور:(بهدوء)بيخصني نمشي ندوش محاملش راسي نبقا هاكا

سماح:دوش هنا راه بحال داركم..

منصور:ما كاينينش حوايجي

سماح:(زفرات)نجيبهم ليك..خليك تحت عيني نرد ليك البال

منصور:واش انا دري صغير؟؟

صاحت فوجهو:كون كنتي تترد البال لراسك متوصلش لهنا..مرارتك طرطقتيها هي بكثرة الكارو والشراب وزايدها بقلة الوعي..بيت هي نعرف فين قاري..يا غتچلس بلاصتك ولا اقسم بالله تانسد عليك

منصور:(هاز فيها حاجبو)شويا لبااس؟؟

سماح:الله يعميها ليك

عطاتو بظهر بغات تخرج وناض شدها من خصرها وباسها فعنقها وقال:بيتي تسلخيني ولا هه(حيد ليها بلاطو )

سماح:(زفرات)كون كنتي تتسمع الهضرة كون لباس عليه(ضارت عندو وهضرات بهدوء)الله يخلي ليك مك الى مجلس انا نجيب ليك لي خصك هي جلس..مغتهنا تاتطرطق ديالي تاهيا..

قرب منها قبل فمها قبلة خفيفة وقال:الله ينجيك..انا نبقا هنا جيبي ليا مانلبس

حركات راسها ببرود وخرجات دات الماعن للكوزينة وحطات يديها على لبوطاجي والدمعة واقفة فعينيها..عياانة على جهد

لبسات جلابة ضحى لقاتها فوق الباب تالكوزينة ونزلات لطونوبيلتها لي فيها فلوس تتحطهم سكور ومشات تتقلب على شي محل للحوايج..

خدات ليه بسرعة لي يخصو من ملبس ومستلزمات للدوش مانسات والو ورجعات محملة..

مع طالعة مع دروج تلاقات عمتها وراجلها وبناتهم غادين وقالت:فين غاديين؟؟

ضحى:نتي لي لبستي جلابتي و انا كي الحمقة تنقلب عليها

حميد:فحالنا ههه الدار خواات

سماح:ويلي بااتو مالكم

فاتي:غدا نرجعو خصني نمشي نشوف لوستي عيانة شوي

سماح:ايتقلق بابا؟؟

نهيلة:تقلق ولي عطا الله عطاه هههه انشوفو عمتي ونجيو

سماح:واخا الا هاكا ماعليش..عمو الله يشافيها

حميد:امين ابنتي..على سلامة الحجاج الله يعاونكم

سماح:اجيكم الخير

توادعات معاهم وطلعات ديركت لبيتها مدارت لا هاه لا هاه اصلا دار كانت خاوية فيها هي ماليها..

دخلات لبيتها لقاتو تيقلب فتيليفونها..هز فيها حاجب وقال:دغيا جيتي

سماح:زربت (مدات ليه ساشيات)هاك هادو حوايج وباش تدوش..

حلهم تيقلب فيهم وهي تتحيد الجلابة لقاها جايبا كلشي مانسات والو..تبسم ومشا قبلها فحنكها وقال:هادشي علاش نتي سماح..

سماح:هذا هو الفرق بيني وبينك(تنهدات)دخل دوش

منصور:(دوز يدو على خصرها)مسالية دوشي ليا؟؟

سماح:(تلفتات ليه )مكتحسش براسك مزيان؟؟

حرك راسو بالسلب وهي تقول:واخا انا ندوش ليك(تنهدات)..

منصور:(بهدوء)سماح ماتبقايش تنهدي هاكا تتخلعيني عليك..

سماح:(بخوف)خايفة توقع شي حاجة!!

منصور:اش عندو مايوقع ؟؟(شد وجهها بيديه بجوج)عملية خفيفة سيتو

سماح:(بحزن)ياربي فين كان مخبي ليا هادشي ياريي(جاتها البكية)

زفر هو تيحاول اتمالك راسو مايتعصبش ونطق:قضاء وقدر..الحمد لله ان الله اذا أحب عبدا ابتلاه..

سماح:(عنقاتو)الله يشافيك ياربي ويعافيك..ماعندي عليك فين الى خصيتيني نتا تخصني دنيا كاملة...

من ديما كلامها كان بحال البلسم لجروحو..تتتحسسو فكل كلمة انه هو مهم عندها وانه شخص ماشي عادي..

زير عليها وباسها فوق شعرها وقال:ان شاء الله خير

بقات معنقاه للحظات تتشم فريحتو الزوينة الفطرية..تاحسات براسها تفاجات وبعدات عليه وقالت:ياله دوز تدوش

بتاسم ليها وجرها معاه للدوش جايب عليها الفشوش..بدا تيحيد فحوايجو تا بقا هي بملابسو الداخلية..وهي تتجبد ليه باش اتدوش ليه..

منصور:(طلق الرشاشة عليه)متحيديش داكشي لي لابسة؟

تلفتات ليه وقالت:لا

منصور:(نازل عليه الما)حشمانة ولا؟؟

سماح:مزمرة..

دخلات عليه ومدات ليه كرسي وقالت:جلس فيه راك طويل..

سمع لطلبها ونزل جلس فيه..حبسات الرشاشة ودارت ليه شمبوان وهو حاني ليها راسو..

تتفرك ليه شعرو بنعومة ولطف وتتماصي ليه فروة شعرو باش اترخى تانطق براحة:كملي الله على راحة..

بتاسمات وكملات على ماساجها لفروة الراس جهد خمسة تدقايق عاد شللاتو ليه مزياان وهو يهز فيها راسو حناكو حمرين..

ضحكات وقالت:هههه باقي فيك اللون..

هزات جيل دوش ودوزاتو ليه على لحمو ومشات تالكتافو بدات تتماصي ليه بشوي وكلها فازكة وهو مغمض عينيه مريح دماغو على لمساتها على شوي اينوض ليها اخلطها بشي كوية..

سماح:(بصوت هادئ)مرتاح؟؟

منصور:بزااف

بتاسمات وكملات ليه مساجو بشوية تا حساتو رتاح عاد شللات ليه مزيان وخرجات جابت ليه فوطة وقالت:شلل دغيا..

قصدات بيها حيد البوكسر..ناض مبتاسم ومرتاح حيد داك البوكسر شلل اخر تشليلة ومدات ليه فوطة جديدة لواها عليه من لتحت ووحدة لراسو..

كي خرج ضربها ليها ببوسة عالمية لفمها ولسقها معاه بلطف وقال:لهلا يخطيك علي..

سماح:(بابتسامة)اميين..راه حوايجك برا لبس انا نخوي علي لما ونجي

منصور:واخا..

خرج براحة معاملاه كي الملك وبقاا هي تا دوشات دغيا حيت فزگات وخرجات ببينوار هزات حوايجها ولبساتهم قدامو دغيا وهو هي كيتفحصها من بعيد..كيلبس واعبر فيها..تا نطق:غلاضيتي؟؟

سماح:بوكرت

منصور:هه والله تا غلاضيتي(جرها بزربة زير عليها من خصرها)كتاخدي شي حاجة؟؟

سماح:اويلي لا..من نهاري هاكا

منصور:ممكن..اقدر مرديتش البال ولكن جا معاك..

سماح:(بهدوء)شحال من حاجة امنصور مكنتيش راد ليها البال

منصور:(حس بيها تتدق عليه)بحالاش؟؟

سماح:شلاا..ياله نجلسو شوي مع دار ايحسابهم معرت اش تنديرو

منصور:(بابتسامة)مخليتيني ندير والو(بجدية)عارفك مابغيتينيش نقيصك

سماح:(شافت فعينيه ديركت)ماشي وقتها امنصور

منصور:(قرب منها كيداعب نيفها بنيفو)وامتا وقتها؟؟عشر ايام راني تكبت فيها عليك..محرامش

سماح:(شداتها الرعدة من حركاتو )نتا مرييض..

منصور:مريض بيك..(قبلها ففمها بلطف)متوحشتينيش

سماح:(بعزة نفس مغمضة عينيها تتسنط للمساتو)لا

منصور:(داز لوذنها قبلها فيها)حرام عليك

سماح:(تتسرط فريقها وشفايفها بلا متحس كيقبلو شفايفو) ونتا محرامش عليك هاا

منصور:(زير عليها وتم نازل بالقبل تال عنقها ويديه مخشيين تحت تيشورت تيقيسو صدرها لي تنفخ)انا غالط وجاي طالب سماحة..حني فياا. .

ياله بغات تهضر كان نزل عليها بقبلة فرنسية لفمها لجم فيها احاسيسها الخجولة..غادية بمبدا يخ منو وعيني فيه..

دوزات يديها بلطف على عنقو مدورة يديها عليه وهو كذلك مدور يدو على خصرها وتيقبل فيها بحب ويديه طالعين نازلين من خصرها لصدرها..

تعالات درجة حرارة جسمهم وولا سيد تيقبل فيها كي الهبيل محبسهم هي صوت الباب تيتدق:سماح سماح

سماح:(دفعاتو بشوي)نعام

يسرا:اجيو تشربو اتاي

سماح:(تتنهج وتشوف فيه هو لي عينيه منيمين فيها) واخا هاحنا جاايين..

تقطع الصوت ونقض عليها من جديد ببوسة باغي يتكيها وسلام وهي تحبسو تتنهج كثر منو..

وقالت:منصووور حبس

منصور:(ولا حمر)اش نحبس..موحشك

سماح:ميمكنش درووك هووف(طلقات منو تتمسح على وجهها)

منصور:(بعد تيمسح على وجهو )فففغغ قلاوي

سماح:الصمت..

دارت لمرايتها تتصايب جوايجها لي تجنترو وتسرح شعرها وهو رجع جلس فطرف سرير تيهزز رجليه معاجبو حال..

سرطات ريقها ونطقات:ياله..

شاف فيها وتنهد بهدوء تيمسح على وجهو:نعاودها لحفار قبري هادي

سماح:(ضحكات)هههههه عبر عليك الله اوا صووم

منصور:(ناض واقف)على اساس نتي ممضروراش..تلقاي دروك العافية شاعلة فيك

سماح:دغيا تتطفى ههه شوف هي نتا..

خرجات وتبعها تيحرك راسو..دخلو للصالة فين كانو عائلتها ومو ..نظم ليهم وخواو ليهم اتاي..والاحاديث دايزة من هنا لهنا..عن الحج والعمرة والسفريات لاغير..

شويا ناض عثمان ميفرق عليهم الهدايا لي جاب ليهم كانو عبارة عن عبايات وقمصان صلاة وتسبيح وبعض البخور وللنساء بعض الذهب. .

الياس:(هاز فوقيتو)كيفاش زعما انا فوقية وبنتك ذهب محشمتيش

عثمان:تاتمشي وجيب لراسك لي بيتي هههه

يسرا:(ناضت باست ليه يديه)الله يعطيك الخير اعمي

عثمان:امين ابنتي وبصحتك..شوف لي تتعرف تهضر

الياس:أ منافقة هاديك متتجيش من جيهتي هههه

زينب:سير الله يمسخك بتكون دوزتيها عليها

سماح:هه لي حضرت ليه انا راه بزاف..ناري ياماما تيضل اعصبها

زينب:(خزرات فيه)ياك البغل

الياس:هادي معصبة من عند الله

يسرا:تالاعنداك اخالتي..شهمني

الياس:(جاتو الضحكة)ههههههخخخخخخ

كريمة:تهجرو..شوفي دعي عليه دعي نتي حاملة دعوتك مقبولة

الياس:انوض نسلخك هههه

سماح:الله يسمح ليك

هزات زينب طبسيل تالحلوة ومداتو لمنصور:هاك اولدي دوز كاسك..

ياله بغا يهز حبساتو سماح وقالت:لا بضروو

كريمة:اش بدير ليه؟؟راه تاع دار

سماح:لالا ماياكلهااش اتمرضو بلاش

الياس:(عوج فيها فمو وغمز منصور)هي نتي وجران لي مزوجين تي عطي لسيد ياكل الحلوة..

سماح:دخل سوق راسك

منصور:بلاش الحاجة..اتضرني كي قالت

عثمان:معدتك ديال الميكة..دغيا تتخسر ولا هه..

منصور:(بجدية)ماشي المعدة..المرارة..

زينب:كيفاش المرارة

سماح:(جاتها البكبة)

منصور:عندي المرارة..انحيدها بعد غدا

كلشي تصدم الا سماح ويسرا اما الباقي تحلات افواهمم

راضية:ننن ولدييي

منصور:(بتاسم ليها)ماشي شي حاجة اميمتي هي رتاحي دغيا تحيد

عثمان:الله اولدي..المرارة ونتا فهاد العمر

منصور:اوا مكتاب..

زينب:هي واقيلة لي تدير ليك داك الوجع

حرك راسو باه.. ونطق الياس:الله يشافيك شي حاجة خفيفة..دغيا تحيدها..تا نسبيتي حيداتها والحمد لله

راضية:ولدي

منصور:(بابتسامة)اميمتي راه ساهل حالها..متقلقيش راسك

زينب:ان شاء الله تدوز دغيا..الله يشافيك اولدي واعافيك اللهم تحيدها ولا تبقا فالصداع..

منصور:اه داكشي

كريمة:الله يشافيك اخويا..حالها ساهل تا عجوزتي كانت حيداتها ورجعات صحا سلام

منصور:امين

الياس:(بمزح)ابقات عليك سماح تا طرطقات ليك المرارة هه

ناضت سماح ديك ساعا ماقدراتش تكبح دموعها وخرجات بزربة من حداهم واخر ماتسمعات قبل ماتخرج هي شهقة ديالها طاحت فوذنيهم كي سم..

كريمة:(بغضب)بقا تلجم فمك..عيقتي

الياس:هي تنضخك هه

زينب:(معجبهاش الحال)وقت ضحك ضحك وقت المعقول معقول..عيقتي

منصور:مدار ليها والو..هذا حالي ملي عرفات..

عثمان:نوضي ازينب شوفيها

خرجات من عندهم دازت ديركت للبيت ديالها لقاتها جالسة فوق ناموسيتها وتتبكي تتشهق وتنخصص على نيتها..

زينب:(جرات تتعنق فيها خلعاتها)ابنتي الله يهديك ديري ايمانك فالله

سماح:(تتبكي وتنخصص)هءهءهءء ناري الى مات ليا راجلي أماما اش ندير؟؟هءهءهء الى وقعات ليه شي حاجة نمووت موراه..المرارة اماما وباقي غاع موصل تا ربعين عام..طرطقات ليه باقي موصلش تا ربعين سنة اش نترجى فصحتو؟؟(نهارت بالبكا)هءهءهءهء كنموت اماما كنموووت..تفكير قهرني الى مات ليا راجلي اش ندير..

زينب(معنقاها تتهدن فيها)اشمن موت ابنتي الله يهديك..المرارة حالها ساهل ناس فتحوها وبراو ولاو بخير..ان الله اذا أحب عبدا ابتلاه..قولي الحمد لله والشكر لله..

سماح:ماقدرتش نتقبلها هءهءهء بقا فيا اماما..عمرو شاف نهار زين فحياتو..تيعاني وساكت هءهءهء

زينب:الله يهديك..سيد ايمانو قوي وجالس تيهضر عادي ومدايرش هاد الحالة لي دايرا نتي..الى شافك نتي هاكا غيزيد امرض كثر..خصك تباني گدامو مرا وگادة راه منك مناش غيستامد قوتو..

سماح:(تتبكي )هءهءهءهء مقدرتش اماما..تنمثل قدامو بلي مخايفاش وانا تنترعد..خفت توقع ليه شي حاجة..

زينب:ماعندو ميوقع ليه..عملية عادية

و إن شاء الله خير..دعي معاه ربي يشافيه..لباس ملي جاتو فالمرارة ماتجيه فمعدة ولا فمسران

سماح:(بدات تتهدن)الحمد لله الحمد لله وشكر لله..ياربي تحفظو ليا كيما بغا يكون يكون هي تحفظو ياربي هءهءهء

زينب:(بابتسامة)هاكا تبقاي تقولي..خلعتيه عليك هو نيت ماخليتي لمو مادير

سماح:ماشي لخاطري

دخل منصور عليهم لي كان واقف وتيسمع لكلشي بكل كلمة...وقلبو تيتزير عليه فكل كلمة..

شنو دار فحياتو تا يعطيه الله مرا بحالها تبغيه لهاد درجة وتخاف عليه هاكا وزيد عليها تخاف تخسرو..

منصور:الحاجة خليني معاها

باستها زينب وقالت موجهة كلامها لمنصور:ساعف اولدي ساعف راها هشيشة..

حرك ليها راسو وخرجات مخلياهم بجوج..

بمجرد ماخرجات زينب تقدم هو ناحيتها كيشوف كتافها كيتهزو واتحطو بالبكا وتنخصيص..

جلس على ركابيه فالأرض وهز ليها وجهها الباكي ..كولو دموع وحمر والخناين نازلين..

شد وجهها بين يده وقبل راسها قبلة هادئة وقال:لاش البكا؟؟

سماح:(خشات راسها فحضنو)خفت عليك

منصور:ماعندو مايوقع لياا(حضنها بهدوء)لي عندو بحالك اسماح خصو يحمد لله..باقي لدابا معارفش اش درت تا ربي جزاني بييك(قبل راسها من لفوق)

سماح:هءهءهءهء الله يشافيك ياربي

منصور:امين..متخافي والو عملية خفيفة دغياا تدوز

سماح:(طلعات فيه راسها)انبقا معاك تاتبرا...نبقا حداك تاتوقف على رجليك وتولي بصحتك..

منصور:(محرك راسو)ان شاء الله

سماح:اتحيد الكارو والشراب..اترجع انسان عادي..كلشي ايتعوض واتگاد..اترجع حياتك عادية ان شاء الله(كتهضر وكلها أمل)تاحاجة مغتفرقنا..

منصور:(باسى)سمحي ليا على اي حاجة درتها ليك..اي مرة بكيتيك فيها سمحي ليا..عارف راسي واعر وتاحد مكيقدر اصبر ليا ولكن نتيي(قبلها ففمها)نتي بذات درتي لي مقدر حد اديرو..با لي ولدني ومصبرش لطبعي الخايب ونتي صبرتي..

سماح:(دارت ضحيكة وسط البكية)ههه حيت تنبغيك اش ندير؟؟قلبي ولد الحرام لي طيحني فيك ههه..

شدها عنقها وتيبوس فحنوكها كيحاول اخفف عليها بحب حيت عارفها رطبة دغيا كتأثر..

فبعض الاحيان كيجي العناق والحضن كيلخص بزاف تالكلام..كان فيها ما يعاتبو وتجلس تنگر عليه لكن لا لوقت ولا المكان مناسبين..

فخضم عناقهم صونا تليفونها لي بقا محطوط فوق طابل دونوب..ناضت من حداه تتشخر بمناخرها وتتمسح ماتبقى من دموعها..

كانت نمرة ممسجلاش عندها شدات الخط تحت نظراتو وقالت:الو

زهيرة:الو سماح

سماح:اه هي هادي..شكون معايا؟؟

زهيرة:زهيرة هه نسيتيني

سماح:اااه اهلا ختي كيدايرا لباس؟؟

زهيرة:تخي بيان ونتي؟؟

سماح:الحمد لله

زهيرة:عيطت ليك بوغ دومان الى كنتي ديسبونيبل نتلاقاو نديرو كافي

هزات عينيها فمنصور لي كيشوف فيها بحب ممسوقش كاع لشنو تتقول..

سماح:حمم واخا ماشي مشكل نتلاقاو

زهيرة:مغسي ما شيغي لهلا يخطيك..دومان نتعايطو باش نشوفو كافي مزيانة..

سماح:إن شاء الله..سلمي ليا على الواليدة والواليد

زهيرة:مبلغ..بسلامة

قطعات معاها وقالت:ختك!!باتشوفني نديرو كافي

منصور:سيري

سماح:(هزات حاجبها)شتك متعصبتي ماوالو..

منصور:خوتي ماشي مشكل..بعدي هي من عبد العظيم

سماح:مقلتيش ليا علاش مخاصم مع ختك؟؟

منصور:(بابتسانة ناض قبلها ففمها)خليني ناشط دروك..من بعد نعاود ليك

سماح:(بتاسمات)واخا

منصور:ياله زيدي داركم تشوشو عليك..

بتاسمات وخرجات معاه مرتاحة شويا ..مشات تخشات حدا باها لي حتاضنها تاهو وقال:اش هادشي الحنينة ديالي؟؟

سماح:ماتديش عليا ابابا

منصور:(كيهضر فوذن مو)ميمتي متخافي والو...راكي عارفا المرارة حالها ساهل

راضية:(بحزن)نننن

منصور:تعقلي فاش فتحها الحاج دغيا ناض

راضية:(حركات راسها)الله يشاااافيييي

منصور:امين اميمتي

زينب:متخاف متضهشر اولدي..داكشي ساهل

منصور:انا الحاجة راه مخايف موالو..عارف داكشي ساهل

كريمة:راه سماح لي مخلوعة وصافي

سماح:الله يدير تاويل تالخير

الياس:اختي مبعككة مع راسك..هههه شوف ا منصور واحد نهار تضربت فصبعي وكان حصني نخيطو..كنا لاعبين كورة مع صحابي وديتها معايا كانت عندها 14 لعام..هي شافت دم بقات تتهرنن وتبكي..نسيت صبعي وليت ديتها فيها هير هي لي تتهرنط كي البغل ههههههه

عثمان:ههههه عاقل داك نهار..جاو لدار وسخفات هي فباب دار

الياس:وبلاصة مايديها فيا انا لي صبعي تفلح داها فيها هي لي سخفات اييه الايام كنت محگور

سماح:ههههههه انا خفت هي تموت وخفت ناكلو سلخة من عند بابا..

الياس:ناكل سلخة انا اما نتي اختي معمرك كلتيها من عندو هههه

كريمة:تستاهل ههههه راك ضااسر..

ضحكو وقلبو الموضوع لجيهة خرا ناسيين المرض معتامدين أساس واحد هو انساو اش كاين وميضخموش الامور باش ميكونش توتر..

تعشاو بلي وجدات كريمة وتجمعو عليه ضاحكين خالقين جو وراضية مرتاحة حيت عارفا ولدها بين ايدي امينة.. ناس الله يعمرها دار كيتعاملو معاه بحال ولدهم ..

كلى هو هي خضيرة مفورة ورجع لور فحين هوما تيضربو فدجاج بدغميرة

تعشاو ومساو على بعضهم..

عطاو لراضية بيت لتحت حيت مبرد باش ميقهرهاش الصهد رفقة لطيفة..نزلها منصور تالتحت وطمأن عليها عاد طلع للفوق..

لقى كلشي مفرق لبيتو الا زينب لي ياله خارجة من الكوزينة هازا كاس تالحليب دافي..بتاسمات ليه ومداتو ليه وقالت:هاك اولدي شرب هاد الحليب قبل ماتنعس..

شدو بلطف من عندها وباس راسها وقال:لهلا يخطيك الحاجة

زينب:مرحبا اولدي..سير تنعس ومولاها ربي..

دخل لبيت سماح كانت مبدلة عليها لابسة كندورة ديال 30 درهم خفيفة تبرد فيها حيت حوايجها مكاينينش..

لقاها تتمشط شعرها هي شافتو بتاسمات وقالت:نعسات خالتي؟

منصور:نعسات

سماح:ديك ساعا عيط ليا نصايبو ليك

منصور:ماشي انا لي صايبتو..ماماك

بتاسمات بحب وقالت:هاديك زينب ههه

منصور:(تيشرب فيه ويخسر سيفتو)يعععع

سماح:هههههه شرب شرب براكا من الفشوش..

حط الكاس فاقرب بلاصة لقا وجا جيهتها شاد منها المشطة تيمشط ليها بهدوء وعينيه عليها من المراية..

سماح:ولى كيصهدني مكرهتش ننقصو

منصور:خليه هاكا زوين

سماح:بففف مليت منو..نقطع بعدا هي الگصيصة..

منصور:لي بان ليك..سيري غدا لشي صالون وقطعيها

سماح:معندي خاطر درووك

منصور:(هز خصلات تيلعب بيهم)خاطرك مبقاش وغلاضيتي متكونيش حاملة..

سماح:لا..درت تيست ديك نهار حيت شكيت مكان والو

منصور:(كمش فيها عينيه)مقلتي ليا والو

سماح:(هزات كتفها بلا مبالاة)كنت فدارنا ديك ساعة..تا يسرا شكات ودرتو مي نيگاتيف

منصور:مممم ماعليش مرة خرا

سماح:(تتشوف فيه من المرايا)بيتيني نحمل امنصور؟؟

منصور:(حط راسو على كتافها)مكرهتش..بيت تكون عندي شي بنية ولا وليد بحالك

سماح:اكون خير..تاتبرا وترجع شوي ونفكرو فهادشي

دوز يدو على خصرها وقال:علاش ماشي دروك؟؟بنت ليك مشلل

سماح:خهه بنتي ليا تخوطرتي دوز تنعس...

بغات تسل منو وهو يشدها زير عليها من خصرها مقابلها مع المراية وعينيه لبسات الجرأة من جديد ..

وقال:مابيا والو..واخا يبقا فيا عرق واحد ناخد حقي..

ضحكات وهي تتلوى بين يديه بغات تفك منو:حشووومة ايسمعونا..

منصور:(تيطلع ليها البيجامة لي لابساها فالاصفر بسليب وسوتيان شفافة مبيناها كلها)هي لادرتي مود سيلونسيوز وحبستي صوتك

سماح:ههههه شد نتا يديك وهنينا..

هوب قلع ليها البيجامة خلاها بدوبياس فالابيض..خشا وجهو فعنقها من لور وتيقبل فيه بروية بقبلات حارقة ويديه تدوز على كرشها وفخاضها بشهوة..

سماح:هه اويلي اش كدير هههه

مجاوبهاش تيبوس فيها وتيدوز يديه فينما حب ..خشا يديه ففرجها لي توحشو بزاف..بمجرد مالامسو تا شهقات ونطق هو وعينيه شايفين فيها بحدة من المراية:اش درتي ليه؟؟..

تسلات منو دغيا هاربة بغات تهز البيجامة من الارض حبسها باقي على نفس النظرة وقال:اجي لهنا نشوفك اش درتي

سماح:(هربات لجهة لوخرا)والله لشتيني..سير تنعس غيسمعونا

منصور:(صوتو منخافض)شوفي هي نتي اما انا ساكت..(ماد يدو )زيدي لهنا نشوف اشمن مصيبة درتي ليه..

تتحرك راسها بنفي تا شقمها شدها ولاحها فوق الناموسية ودغيا طلع فوقها حاكمها..

شد يديها بجوح طلعهم ليها لفوق بيد وحدة ونطق:اش درتي؟؟

سماح:(حابسة ضحكة)اش درت؟؟

منصور:يااك؟؟

مد يدو قلع ليها السليب تابان ليه وضوح الشمس تيبري مافيه زغبة وحدة..تا الاثار تاعو مافيهش..حيداتو بلاصير خلاتو اخرج عينيه ممصدقش بحالا شفرتي ليه الفلوس..

منصور:اش درتي؟؟اش خريتي؟؟

سماح:(جاتها ضحكة)هههههه ونتا سوقك؟؟حيد علي راك ضريتيني فيدي

منصور:(معجبوش الحال)دايراها ضد اسماح يااك(قرصها تما تا بغات تغوت ونقز عليها ببوسة سكتها)اش هاد الشوهة..

سماح:اعععع واحيد براكا من البسالة ماشي سوقك..لحمي وندير فيه لي بيت

منصور:(طلق من يديها وبقا من فوقها)كيفاش لحمي؟؟نهار لول تافقنا او لا؟؟

سمتح:تافقتي معايا على لحمي..ماشغلكش

منصور:(قرب منها كثر)دايراها ضد يااك..تتشدي معايا زكير؟؟

سماح:والله ماضد..هي كنت بيت نتعلم ليها وجربت فراسي

منصور:(مخنزر)جربي فرجليك..يديك كاع ولكن تماا لا.. بااز والله تاباز اش ندير انا دروك

سماح:هههههه دوز تنعس

منصور:(بسخرية)ننعس؟؟والله لنعسني ولا نعستي تاتخلصي ضريبة هاد شوهة لي درتي(هبط راسو عضها تما)

سماح:اااااي هء وازمر اععع واش مرييض؟؟

منصور:(هز راسو فيها)نتي لي مريضة(نقض عليها ببوسة)ميفكك مني حد..حر عشر ايام وحر تقريعة لي ضربتي ليه والله لتفاكيت معاك..

بغات تهضر وهو يشقمها بقبلة لجم ليها فمها بيها ويديه تتلعب لتحت..باغي من لول اعذبها..متوقعهاش تديرها بتاتا واعدى حاجة عندو هي يكون مصلع..وتاهيا ماخلات ليه ولو زغبة وحدة..

تحت اصواتها الخافتة نزل راسو لصدرها لي مزيراه فسوتيان وبدا تيبوس فيه واعض وامص..حيدهم ليها دغيا وشدو فيدو تيقبل فيه والعب فيه كيف بغا..مغدد وتيبرد فيه حر التصليعة هه

من صدرها لسرتها لفخاضها لفرجها كلشي داز عليه وفنفس الوقت تيقلع حوايجو تا بقا صولو..

صايبها فوق ناموسية وتلاح عليها بالبوسان تياكل فيها كلها وهي تتكبح فصوتها..

واحد لحظة هز يديها تيبوسهم وحطهم ليها فوق عضوو ديركت لي محطوط على كرشها وقال:شي مساج!!

سماح:(تتقبل فيه هي الاخرى)مممم

بدون ماتحس كانت تتلمسو بلطف والشهوة طاغية عليها وهو كل ما حطات يديها عليه الا وكيجهل واضربها ليها بعضة فشي قنت تا سخفاتو بالشهوة..

طلع ليها يديها بجوج للفوق وصايب رجليها وباشر فعملية الايلاج الرومانسية والتقبيل لي متوقفش وهي هي كتنهد وتنين كي شي لفعة خلاتو ايحماق..مجاب الربحة تا كان غيفرعها بالمعقول

****

بعد ليلة كلها حميمية مطلقهاش بتاتا ديك ليلة تال اشمن وقت..واحد مور الاخر ماعطلهاش..خلاها جرتيلة نعسات بلا دوش بلا حوايج وهو كذلك خمر حداها بلا تا حاجة..

ضرباتو الفيقة بكري هو لول لقا راسو هو لي مغطي بليزار وهي منشورة حداه عريانة كما خلقت والشميسة ضاربة فيها من زاج الشرجم والشعر مليوح على ظهرها ومع ناموسية صغيرة نعستها تربجات.. ولات ناعسة على كرشها ورجلها كل وحدة فين..

تنهد وهو تيحك عينيه واشوف فيها..قوقة قدامو محس براسو تا خشا وجهو فعنقها ويديه تتسارا لتحت واقرصها منو تا حلات فيه عينيها..

ضورها عندو وبلا كلمة بلا جوج باشر فتقبيلها ففمها والخدمة لتحت ففرجها تا كتشهق..

محسات براسها امتا تجاوبات معاه وبدات تتبوس فيه هي الاخرى..لكان هو موحشها هي اضعاف الاشتياق ومن ديما رغبتها الجنسية من جيهتو كبيرة..تتجاوب معاه فكلشي ولا تعارض اي شيء حيت تاهيا كتمتع. .

دارو ماتش خغيف على صباح ودوشو بجوج عاد خرجو تيلبسو حوايجهم..

منصور:انمشيو ليوم

سماح:كنت بنقولها ليك نيت.. خصني نوجد شحال من حاجة

منصور:اتمشي معايا ياك؟؟

سماح:لا انخليك بوحدك

منصور:باقي خصنا نهضرو!!

سماح: من بعد..

صايبات الشال لراسها حيت شعرها فازك ومعندهاش باش تنشفو ولبسات عباية من لي جاب ليها باها..وخرجات هي وياه مرتاحين..

لقاوهم على طبلة الفطور نضامو ليهم ولقاو الياس طلع راضية وتتفطر ناشطة..

فطرو معاهم وناضو ودعوهم بحكم غتوجد للعملية لي عندو غدا..نزل مو للسيارة ونزلات تاهيا مودعاهم بحرارة..

تكلفات هي بالسياقة وهو منشور حداها مرتاح..

منصور:جا معاك الحجاب..متشديش فيه زعما؟؟

سماح:هه حلم حلم

منصور:ضلعة عوجة..اشمن وقت دايرا مع زهيرة؟؟

سماح:معرفتش..نعيط ليها نسولها جوبونص العشية..ايخصني نمشي للدار عندي شلا مايدار ياك اخالتي؟؟..

منصور:لي بان ليك فففف..

كملو الطريق هاكاك تاوصلو للفيرما..نزل مو داها لبيتها وبقا جالس معاها فحين هي طلعات لبيتها لقاتو كي خلاتو كي بقا..

الحوايج منشورين فالارض مامجموعينش..جمعات كلشي ورجعاتو لبلاصتو بعدما تخلصات من حوايجها وطلقات شعرها انشف على راحتو..

دخل عليها لقاها كتستف وقال:شكديري؟؟

سماح:كنستف حوايجي..مقدرتيش تاتجمعهم

منصور:كي خرجتي كي خرجت ماكنتش كنبات فدار

سماح:(شافت فيه)وفين كنتي تتبات بسلامة؟؟

منصور:فلاباغتومون..(تيتكسل)

سماح:باقي فيك نعاس؟؟نعس تريح راسك تانوجد ليك الغدا..

منصور:لي معندو سماح اشريها ههه تكايسي علي امنانة شوي من هاد الفشوش راني غنخسر

سماح:هه من ديما مفششاك هي نتا نكار الخير

منصور:فهادي مكذبتييش هه

سماح:انوجد ليك صاكك لي تدي الكلينيك ..خصنا نمشيو بكري..خصك تدير تحاليل

منصور:ان شاء الله..انا خارج دروك

سماح:فين غادي؟؟لاش خارج؟؟

هز فيها حاجبو وقال:الله يعفو عليك من نگير

سماح:سري..كون مكنتش تنگر كون راك دروك فيك شي مرض كثر من هادا(غادية جايا فالبيت تتستف)وعنداك تكمي..

منصور:كمييت ولي عطا الله عطاه

سماح:(مشات تتزرب لعندو معصبة)اويلييي لاش كميتي ؟؟واش بيتي تسطيني؟؟اش تنگول انا لبارح؟الكارو لااا

منصور:واش شويا لبااس؟؟ميمكنش نقطع فنهار وليلة..

سماح:راك شهر تاع رمضان مكتكمييش

منصور:بنهار ماشي بليل..ريحي راسك من هادشي باقي ايام الله مور لوبيراسيون فاش نقطع..

سماح:(مغددة) لا كمي نيت غدا قبل ماتدخل..الله ينعل لي باقي يتسوق..طرطق مرارتك وتبعها ديالي خزيييت..

خلاها تتنگر على خاطرها وزاد مبرد هز سوارتو وخدا طونوبيلتو وخرج اقضي غرض..

عضات شفايفهت مغددة ورجعات تتجمع وتنگر مسكتاتش هي بينها وبين راسها..

فالاخير نزلات لتحت وجدات ليه غداه ومشات جمعات مع راضية شوي واخا صعيب عليها تهضر لكن كتحاول تخليها تهضر شوي..

تاتم داخل سي سيد تيبان عيان لقى سلام..باس لمو راسها وتنشر حداهم على غير عادتو مسخسخ..

سماح:(خلعها وناضت تتقلب فيه)مالك؟؟

منصور:والو ازين ففف

سماح:ياكما عيان؟؟

منصور:لالا مكاين والو ..مي كيضليتي

راضية:حممممممدددداللله

سماح:نوض ترتاح نجيب ليك تاكل

منصور:هي حطي فيا جوع..

بتاسمات ليه وجابت ليه غداه عبارة عن خضيرة مفورة منسمة بالملح فقط..وخبز تدار كلفات احدى الخادمات تعجنو ليها. .

حطو ليهم تاهوما غداهم تغداو مع بعض فصمت على غير عادتها هي..

عطاو لراضية دوا لي نعسها دغيا وطلعو لبيتهم بجوج..

بدا تيقلع فحوايجو وهي تتجمع وقالت:فين كنتي؟؟

منصور:عند المحامي

سماح:(باستغراب)لاش؟؟

منصور:(بمزح)ياك طلبتي طلاق؟؟مشيت نطلقك

سماح:(ضرباتو لقرفادتو بطرشة)الله يمسخك..

منصور:اوا نتي لي تتسولي..

سماح:زعما ماتنازلش وتقوليا فين كنتي يااك

منصور:عند المحامي(تنشر فوق الناموسية)حطي داكشي واجي نقوليك

سماح:اتموت لگلتي ليا افلانتة ها فين كنت

منصور:ريگليت شي مسائل سيتو(متبعها بعينيه)نتي وليتي مدخلا ليا شك..راه غلاضيتي..

سماح:خمسة فعينيك هي حاضيني..بان علي حولي با..

منصور:(عرفها تدفع ليه الهضرة) نذبحو ليك ازين من درووك

سماح:(جات تكات حداه)اش درتي عند المحامي

منصور:(سكت شوي)اتشوفي زهيرة اليوم

سماح:ااه زگيت معاها الستة تالعشية..اتمشي معايا؟؟

منصور:(بسخرية)مالي مريض ؟؟

سماح:وراك مريض نيت هه نتعرف عليها تاهيا(بحماس)من ديما تانشوف ماما وعمتي صحابات وتانا مكرهتش تكون عندي شي لوستي صاحبتي هههه..

منصور:(ضحك)هههههههههه الله يستر..(غمض عينيه)انا نتكا شوي

سماح:هه واخا

*****

نازلة من طونوبيلتها لابسة كسيوة خفيفة فالاسود مع طالون شعرها منسادل على كتافها..بماكياج خفيف جدا ومجوهرات خفيفة..

دخلات للقهوة لي دايرا فيها مع زهيرة..تتقلب عليها تالقاتها لوخرا هي شافتها شيرات ليها..

مشات مبتاسمة لعندها تسالمو بلطف وجلسات فاص ليها وقالت:صافا

زهيرة:تخي بيان ونتي

سماح:الحمد لله..

شيرات لسرباي طلبات قهوة فحين زهيرة خربقات فتيلي شوي وحطاتو فوق طبلة قريب ليهم بجوج..

زهيرة:كي راه منصور؟؟

سماح:لباس عليه(بلطف)تيسلم عليك

زهيرة:(دارت ضحيكة)ههه ياك الالة منصور تيسلم عليا ههه

سماح:ههههه(عرفاتها عاقت بيها)الله يهديه

زهيرة:امين..سينو نتي صافا؟؟شكتعاودي

سماح:بخير هاني هي مع تمارة تالحجاج والعيد

زهيرة:وي سي فغي فيها الخدمة بزااف..كيراها مي راضية

سماح:الحمد لله راه تتكابر ترجع صحيحتها حركات يديها لوخرا

زهيرة:الله يشافيها كون تشوفيها وهي صحيحة متقوليش اتشد الارض شي نهار

سماح:هادي هي دنياا

زهيرى:(بحماس)صراحة متاحتش فرصة نتعرف عليك قبل

سماخ:تانا والله..مجيتوش الخطبة وماجيتوش للعرس

زهيرة:معليش ايام الله طويلة

سماح:كون هي جبتي معاك امل وسناء نديرو جليسة هاكا بيناتنا

زهيرة :امل وي سناء نوو ههه بعكاكة شوي

سماح:هههههه باينا فيها..فينهم ولادك؟؟

زهيرة:مع باهم..ونتي باقي متتفكريش فشي وليدات؟؟

سماح:باقي الحال ههه

زهيرة:ولدي شي فزغولة نتونسو بيها ههه نلعب هي بيها.. اسمعني باها اغبرني..

سماح:هههههه تتخافي منو؟

زهيرة:شكون هذا لي متيخافش منو..

سماح:ههههه انا..مالو غيقطعها فيا

زهيرة:بان ليا نتي لي قاطعاها فيه هههه غضبتي ليه ياك؟؟

سماح:(بإحراج)شكون قالها ليك؟؟

زهيرة:ظارت الهضرة سيتو..

سماح:عادي تيوقعو المشاكل بين جوج

زهيرة:الزواج هو هذا..مرة مصالحين مرة مخاصمين مرة محابين وهاكا غادية..اشنو لي خايب فالزواج هو تبرد العلاقة..

سماح:(تنهدات)العلاقة غتبرد غتبرد ولكن تا دوز واحد عشر سنين تزواج ماشي من لول..

زهيرة:عن تجربتي الخاصة..الزواج خصوو الصبر ثم الصبر ثم الصبر..

سماح:على جوح جيهات ماشي نصبر بوحدي

زهيرة:هه لمرا من نهارها معروفة بالصبر وتكتب عليها تصبر على قبل ولادها

سماح:نصبر على ود ولادي ولكن على ود كرامتي منصبرش..كاين شي حوايج تتعياي تصبري ليهم وفلخر تفرگعي

زهيرة:وفنظرك نتي شنو لي ميتصبرش ليه..عني انا الخيانة..

سماح:هه الخيانة هاديك راه نقتلو ونمشي عليه الحبس هه اي علاقة بين جوج تيقتلها الكذوب والاهتمام..

الى كان الكذوب تتمشي الثقة لي هي اساس كل علاقة ماشي هي مع راجلك تا مع عائلتك ووالديك..والاهتمام هادي نقطة بظبط خايبة وقاسحة..

زهيرة:(بحسرة)شي عيالات كيولفو قلة الاهتمام تكتجيهم عادي

سماح:عمري نولفها..انا لاش مزوجة؟؟الى على الفلوس راني شابعاهم فدار با..تزوجت باش نشبع اهتمام ونتدلل ونتفشش ونعيش الحب مع راجلي

زهيرة:تماما ولكن ماشي داكشي لي تنلقاو(تصايبات فالجلسة وسرباي تيحط قهوة سماح)نشاركك تجربتي الخاصة نتي دابا منا وفينا..ومرات الغالي علينا انا تزوجت فسن صغيرة وحليت عليه عيني.. كنت كنموت عليه بهاد المفهوم..حبيتو لدرجة كبيرة ميتصورهاش وترجيت فيه الحب والاهتمام..ولكن لي توقعتو مالقيتوش..عييت وانا تنحاول مع داك سيد اتگود..والو تا لقيت راسي بجوج دراري ومنقدرش نتطلق..

سماح:(باهتمام)الاهمال ياك؟؟

زهيرة:وي..ولينا عايشين بوغ الوليدات سيتو شي حاجة اسمها انا وهو مبقاتش..

سماح:(تنهدات)نجيك لصراحة مابغيتش نوصل لهاد لماصل مع منصور..انا تنبغييه وهو كثر عارفاه تيبغيني وتيعاملني مزيان ولكن زيرو اهتمام..

زهيرة:(صايبات تيليفون)مكيهتمش كاع؟؟

سماح:(بانزعاج)وقتما با كايهتم واغلب الاوقات لا..واش راجل مكيقولش ليا تافين مشا ومنين جا..مكيسولني لا كي دوزت نهاري ولا فين كنت..مكيغيرش علي..قبل الزواج شاف تصرف واحد نهار ندمني ودروك والو واش تتحرك فيه شعرة

زهيرة:تتفكري تفرقي عليه؟؟

سماح(بثقة):لالالا عمري نتفرق عليه..واحد لوقت بديت كنعيا وكنتهرب من كلشي ولكن دغيا كنوعا وتنقول لا كنبغييه..

مشكلة خوك ازهيرة ماشي المعاملة تقدر نتوما تتشوفوه واعر وماحنينش ولكن راه اطيب خلق الله..ضرييييف على جهد مكيعزش فيا شي حاجة ولي ديالو حاسبها ديالي ولكن مكيهتمش بيا كااع

زهسرة:ما يكون هي بحال رشيد كيخونك؟؟

سماح:لالا هادي انا مأكدة منها..الخيانة ميخونش ومعمرو مغيخون انا عارفاه..ولكن الاهتمام.

زهيرة:فهمتك..صعيب الحال شوي

سماح:(رتاحت ليها)عرفتي أزهيرة تنبغيه هي شي نهار احسسني اني مهمة عندو وانه متحمس باش اعرف كي دوزت نهاري..انا كنسمع ليه لكلشي اقدر نسولو على تفاصيل ومنملش وهو لا...تا المهم ميسمعوش..نبقا نعاود ونعاود واخسر علي ااه مزيان ولا لي بان ليك...

ميعطيني رأيو ميناقشني فشي حاجة..عندو مو وبس ..

زهيرة:هو صراحة متعلق بمو بزااف

سماح:والله ماعندي مشكل..مو عزيزة علي وكنحماق عليها حيت دريويشة وتاهيا عندها انا عزيزة..وتيعجبني الحال فاش تنشوفو كي تيعامل مو ولكن تانا بيت شوي تالاهتمام..

اعطيني وقت اشاركني فاش تيفكر..اعيط ليا وسط النهار اسول فيا..احسيني انني مهمة عندو وملي نجي نتناقش معاه ونتفرگع عليه تنلقاه مبرد وانا تيفقصني بهاكا..

زهيرة:(جاتها الضحكة)ههه فشكل هاد خويا..خصك تعرفي راه ماشي هي معاك..ولادي معارفش سمياتهم..ولاد عمامو والعائلة مكيعرفهمش حيت شحال مشافهمش وممهتمش انه اعرفهم گاع..هو هاكدا داير..

سماح:وانا ؟؟نضيع انا..تنخاف هي شي نهار نطج ونزيد ونسمح فيه

زهيرة:عادي عادي الرجال هاكاك دايرين دابا تولفي

سماح:منكذبش عليك معنديش استعداد نولف وضع تيقتل فيا كل نهار...تزوجت باش نعيش الحب ونعيش الفرحة الى كان زواج هو ننعس حدا انسان ممسوقش ليا هي نرجع ننعس حدا نونوسي تاهو محطوط ومتيهضر مكيتكلم..

زهيرة: ههههههه ضحكتيني هنههه

سماح:اوا شنو واش كذبت هههه واش فراسك لدابا هو مفاهمش لاش غضبت فدارنا.. ههه واش هذا ميقتلكش مع العلم قبل مانمشي سمعتو خل وذنيه ووالو ههه(جاتها ضحكة)كثرة الهم تضحك ههههههههه ..

زهيرة:الله يهديه وصافي واهدي تا راجلي معاه واخا مابقيتش تنترجا فيه والو

سماح:ديري حل ازهيرة لراسك..صعيب تعيشي هاكا راه تتقتلي فراسك

زهيرة:عرفتي مناش تنخاف انا؟؟تنخاف شي نهار نخونو

سماح:(بصدمة)لا متقوليش هاكا راكي بعقلك

زهيرة:(الحزن باين فعينيها)منكذبش عليك..الاهتمام مكاينش الوقت معاطيهش ليا وتتقولي ليا ندير عقلي...المرا اسماح تتخون فحالة وحدة الى مالقاتش اش بغات فراجلها...والراجل لخان تيرجع ولكن المرا لخانت عمرها ترجع(تنهدات)الله يدير شي تاويل تالخير

سماح: امييين ياربي..متديريش فبالك وقتما تحزيتي ومالقيتي معامن تهضري انا هنا والله

زهيرة:شكرا ازين ههه تلهينا بلهضرة على رجال ونسينا راسنا ههه

سماح:ولاهيلا

وقف عليهم شاب زوين وصغير وتيبان ولد الناس وراقي هاز فيدو تيليفون ايفون وبأدب نطق:بونسواغ

زهيرة:بوانسواغ

..:سمحو ليا الى صدعتكم..بغيت هي طلب

سماح:(شافت فيه) وي

..:صراحة شفتك ملي دخلتي وعجبتيني وترددت نجي عندك..بغيت هي طون نيميغو الى مكانش تا شي اشكال..

سماح:(تصدمات)نن سمح ليا(وراتو يديها)مزوجة

الشاب:ااوو سمحي ليا محسابنييش ديزولي

زهيرة:ماشي مشكل..

مشا الشاب وبقاو هوما تيضحكو..طلات زهيرة على تيليفونها لقات الخط تقطع..

بتاسمات ورجعات كترشف من قهوتها وتهضر مع مرات خوها

تا قشعاتو من بعيد داخل كيضور فعينيه فالقهوة مغوبش..بتاسمات بذكاء وقالت موجهة كلامها لسماح:منصور هذاك؟؟

تلفتات بسرعة وشافتو تيقلب بعينيه وهي تصوني ليه وشيرات ليه

تم جاي لجيهتهم مخنزر..كي وقف عليهم نطقات:اش جيتي دير هنا؟؟

منصور:غياان..ساليتي؟؟

سماح:لا..جلس معانا..

جر كرسي وجلس وعينيه تيضورو تيقلب على لي طلب نمرتها..

لاح يدو على كرسيها وجر قهوتها جغم منها وهي تضحك وقالت:ههه القهوة اوهووو(حيداتها ليه)شوف ليك الحليب..

زهيرة: (عجبوها )ههه نخليكم انا..خليت ولادي بوحدهم

سماح:جلسي معانا باقي عفااك

زهيرة:باقي ايام الله..بسلامة عليكم..

ناضت سماح سلمات عليها وودعاتها بود ومشات ...

سماح:كنتي بتموت كون نضتي سلمتي على ختك؟؟

تنهد وشاف فيها بحب: جوتيم

يتبع...

لأنك سماح الجزء 12

محتوى القصة

التنقل بين الأجزاء