لأنك سماح الجزء 13

برقو عينيها بفرحة وبقات مشوكية تتشوف فيه..مرمشاتش بتاتا من هول الصدمة وهو تيشوف فيها بنظرة فيها حب يقدر عمرها شافتها منو..

عينيه كانو ضاحكين ومكمشين بسعادة..حطات يديها على طبلة تتمسح فوجهها وضحكة فالتة ليها..

نزل عليها واحد سر خطير ولى وجهها كولو حمر مزنكة بالحشمة..

محسات هي براسها حاطا راسها على كتفو ويد مدورة على عنقو معنقاه تتضحك بسعادة..

قبل راسها وعنقها هو لاخر وقال:مشيينا

سماح:واخا

ناضت هازا ساكها وعينيها تيبريو على جهد..شد فيديها وحط كونصوماصيون وزاد تيضور عينيه تيقلب على صاحب دعوتو..

خرجو برا وقال:جبتي طونوبيلتك؟؟

سماح:(باقي حشمانة تقولي ماشي راجلها) اه..

منصور:(كالاها مع طونوبيلتو ومقرب منها)مالكي تزنگتي؟؟

سماح:اويلي زنقة ههه حشومة

منصور:(باسها جنب فمها)اش لي حشومة..

سماح:ههههه واش نتا مرضات ليك المرارة ولا لعقل؟؟

منصور:مريض فقلبي من جيهتك(قبل راسها قبلة حنينة)الله يخليك ليا ياربي

سماح:(بابتسامة خجولة)ويخليك ليا تانتا..راه واخا معرت اش دير ليا منفوتكش

منصور:(بنظرة حنونة)هادشي علاش تنبغيك

سماح:(شدات فازرار قميصو وحانية راسها)نمشيو؟؟

منصور:ياله تبعيني من لور..

بتاسمات ليه ومشات لطونوبيلتها وتاهو خدا الطريق ناشط..مخليها تدوز تسبقو وهي تتفرنس للخلا كي البهلة..

كي وصلو دخلو معانقين لعند راضية لي كترتاح بشوفتهم وبشوفة ولدها مرتاح مع الجوهرة لي عطاه الله..

تعشاو فجو عائلي مجمعين ومنصور عاطيهم الخاطر تيضحك من نيتو تحلفي عليه ماخصو تا خير وماشي هو لي غيدير عملية غدا..

مساو على راضية وطلعات هي لولة دخلات خدات دوش خفيف حيدات عليها العيا بيه..وخرجات لبسات بيجامة حريرة فالاسود مزوقة بالوريدات..راقية جدا..

لقاتو جالس فوق الفوتوي مفرق رجليه وتيقلب فتيليفونو كيكتب فميساجات..

سماح:انجمع ليك حوايجك لي تقضي بيهم غدا

منصور:واخا

سماح:(بدات تتهز من حوايجو)گوليا الخلاص نخلصو بشيك ولا اسبيس..

منصور:اسبيس..تيريت لي غيخصنا وغنخلي ليك كارت بونكيغ هزي لي تحتاجيه..من بعد نتي لي اتكلفي

سماح:(بحزن)وخدمتك؟؟

منصور:مالها خدمتي؟؟راهم خدامين

سماح:واخا هه ..

رجعات تتحط ليه حوايجو وتختارهم بعناية تا جمعاتهم ودارت ليه تا بعض المستلزمات اخرى للنظافة عارفاه الى تعطل ايجلس ثلث ايام..

سالات وتخشات بلاصتها وهو باقي خاشي خنشوشو فالتيليفون..

وقالت:مغتنعسش؟؟

منصور:هاني جااي

حط تيليفون وناض بدل عليه وتخشا

حداها جرها حداه..باسها فعنقها

وقال:ازين..منلعبوش شوي

سماح:سير تلعب مع قرانك هههه نعس تساراح غدا عندك عملية

منصور:صرعتيني بهاد العملية ههه(كيبوس فيها ففمها)اجي عطيني حلوتي راه صايم من غدا

سماح:ههههخخخخخخخخخههه الله يمسخك

منصور:امين

*****

فالصباح الباكر فيقاتو فايق خاسر..لبس عليه سورفيت وهي كذلك..متوترة كثر منو هو لي معني بالامر..

حدها شربات قهوة كحلة متوترة ..باس راس مو لي ناعسة وخرج لعندها حيت هي لي تسوق

طول الطريق ساكتين مهضروش هو حيت متيهضرش الى مكماش وهي متوترة ومخلوعة..

وصلو للكلينك نزلو بعدما باركات الاوطو..سولو على طبيب ديالو ولقاوه فانتظارو

جلسو قدامو وباشر كلامو:موسيو منصور شويا؟؟

منصور:أن پو..

سماح:ايدير لوبيراسيون اليوم ياك؟؟

دكتور:وي..ان شاء الله..لي نبغيك هو تريح ليا راسك مور لوبيراسيون..

لوبيراسيون ساهلة مي من بعد لي مهم..انا غنعطيك مجموعة ديال المؤكولات لي متاكلهمش وتخليك ريجيم مدة طويلة قرابة ستة اشهر..

سماح:(بتأييد)كون هاني ادكتور..انا نتكلف بالباقي

دكتور:شراب وكارو ممنوع..من غير المرارة الشراب خايب للصحة..

منصور:(صرع ليه راسو بالهضرة)ففف..

سماح:واخا ادكتور كون هاني

دكتور:بون دابا غدير ليا تحاليل دروك نشوفو صحتك كي راها ومن بعد ندخلوك للبلوك..

دوز مكالمة للفرملية تجي ومنصور هي تيشوف عكس سماح لي يديها عراقو بكثرة توتر والخلعة.. وتتبان صفرة..

جات الفرملية وطلبات منو ارافقها وهي تنوض تا سماح معاه جابت لطبيب ضحكة..

رافقاتو تا هزو ليه دم وهي خشاو فيه شوكة تيهزو دم كمشات على عينيها خايفة..

منصور:سيتو

فرملية:وي موسيو..جهد نص ساعة اخرجو..ايخصنا نوجدوك تنزل للبلوك

حرك ليها راسو وخرجات فحين سماح جات حداه تتقيس فيديه متألمة بلاصتو:تضرك؟؟

منصور:هه هبيلة والله راه هي دم

سماح:واخا راه تتضر

منصور:(قربها ليه باسها ففمها)

سماح:اويلي..نوض ازلايلي ونتا كون لقيتي تشدني هنا

منصور:تبقاي مفكراها حياتك كاملة هه..

خرجو برا ورجعو عند الطبيب كيتسناو فتحاليل فمكتبو فحين هو كان كيدير فمعاينة للمرضى..

بعد نصف ساعة من الانتظار دخل طبيب وقال:ديزولي بوغ لوغوتاغد..موسيو منصور تفضل مع لانفيغميغ توجدك للوبيراسيون

ناض وباس راسها وخرج مخليها مترقباه تا تختفى وملامح القلق على وجهها..

طبيب:(حاضيها )مدام دي كالم..عادي

سماح:منكذبش عليك ادكتور خايفة عليه هه تقدر تجيك بيزاغ ولكن خفت وصافي

دكتور:بوغ لوبيغاسيون سي فاسيل..ما بعدها لي صعيب..حيت ايضظر اقطع شراب والكارو

سماح:ندير جهدي كامل معاه

دكتور:(حنحن)حمم مدام بغيت نسولك؟؟

سماح: وي

زوجك عندو مشاكل صحية اخرى؟؟من غير الألم لي كيعاني منو..

سماح:(لاقات حجباتها بقلق)نوو..معندووش صحتو مزيانة وتا ماكلتو مزيانة وصحية..علاش؟؟كاينا شي حاجة..

دكتور:راجلك عصبي شوي؟؟

سماح:حم وي عادي..بحالنا كاملين

دكتور:(هز دوسي ديالو تاع تحاليل)هنا كاينين لي زاناليز ديال راجلك..صحتو مزيانة (شافها بتاسمات)من غير الدم ديالو(زفر)جوبونص پا واش عارفا؟؟من خلال التحاليل لي درنا لقينا بلي راجلك عندو فدمو نسبة كبيرة ديال الكوكايين..

خرجات عينيها بصدمة فيه وغير فاهمة شنو قال..ستأنف كلامو بهدوء:مدام تهدني..معرفتش واش كنتي عارفا أو پا مي كان ضروري نخبرك..

سماح:(مشات ليها الهضرة والخبر طاح عليها كي الما الطايب)كيي..كيييفاااش؟؟كيييفاااش لادرووك؟؟(تتسرط ريقها ونفسها قرب اتقطع)..

دكتور: سي لادروك..راجلك كياخد لادروك..ومأثرة ليه على بعض الوظائف ديال الاعضاء ديالو

سماح:(بانكار)ميمكنش..ميمكنش..اه تيكمي والشراب واقلة ولكن(تغرغرو عينيها)لا دروك ميمكنش..

ميمكنش..شوف هو انسان قاري وواعي ميمكنش اكون كيدير هادشي

دكتور: لاعلاقة هادشي بالوعي..

نهضر معاك صريح حيت بنتي ليا كتبغي راجلك بزاف..انا سنين وانا فهاد دومين دازو على يدي حالات كثار..ومنهم حالات مراهقين شفتهم من بعيد كيأدي بيهم الادمان للموت و الانتحار..راجلك اقدر مكيبانش فيه حيت تايبان واقف على الصح ولكن للأسف دمو فيه نسبة كبيرة ديال الكوكايين.

سماح:(تتنفس بجهد وعينيها عمرو بالدموع الصدمة شللاتها)هءهءهءهء ميمكنش ميمكن هءهءهء اربي فين كان مخبي ليا هادشي هءهءهء(نزلو دموعها)

دكتور:من الاحسن فاش ابرا وارجع صحتو تاخدوه لشي مصحة لمعالجة الادمان..سيميو حيت الى وصل لمراحل خرا ايولي كثر

سماح:الصمت

ناضت من حداه بحالا مشللة بالما البارد..جامدة والصوت كيتردد فوذنيها..صوتو وهو تيقول ليها بلي

منصور مدمن..منصور تيتدروكي..

افكارها تيجريو فدماغها والاصوات من حداها غير مسموعة تتسمع فقط صوت لقطاتهم مع بعض..معمرها شكات ولو واحد فالمية فيه..

غادية فكولوار المشفى وعينيها تينزلو بدموع صامتة مقدرات تغوت مقدرات تنذب..

طاح عليها الخبر كي الما سخون سلقها وخلاها تتقلى من الداخل..

شافتو من بعيد جايبينو فبياص مبدل لابس لبسة تالعمليات ومتكي..وزادو دموعها طاحو..معندهاش باش تشوف فيه..

رمقها تتبكي فور ماوصلوه حداها وقال مخنزر:واسماح

سماح:(تتبكي وتشوف فيه)

منصور:(مد يدو ليها)اجي..

شافت فيديه لمدة وعينيها خارجين ومضببين بدموع..وشدات فيديه مقربة لكن مرفوعة..

حدو باس يديها ونطق:متبكييش..

سماح:هءهءه(مقدراتش تشوف فيه حانية راسها)

تنهد وقال:سماح(هزات راسها بزز)تهلاي فراسك..والواليدة فرقبتك..

دفعو بيه البياص ويديها تسلو بشوي من يديه متبعاه بعينيها ووذنيها كيصفرو ممصدقاش شنو سمعات من طبيب..

لمليون مرة عقلها تيرفض اتقبل فكرة ان راجلها مدمن مخدرات..

تسدو ليها وذنيها وتسمكو ولي دايز من حداها فالكولوار متتحسش بيه..

معارفاش شحال وهي واقفة تتشوف فيه تاغبر ..وعاها صوت تيليفوتها لي تيصوني..جبداتو تتبكي بصمت شافت المتصل لقات رقم باها..

شافت فيه بخيبة امل..مقدراتش تجاوب ..ملامحها كيدلو على اليأس..

سرعات للطواليط باش متنهارش على وقفتها..دخلات للحمام وتقابلات مع المرايا وهي تنهاار بالبكا بصمت..

طاحو دموعها بحرقة اكثر من لي سبقو وتتحرك راسها بالسلب مبغاتش تقبل الامر..

منصور كيتدرووكا الا هادي..

بكات تا شبعات والتيليفون تيصوني ماسكتش لكن الشجاعة باش تجاوب

غسلات وجهها مزيان وشجعات راسها باش تبقا واقفة تدوز هاد المحنة..

خدات نفس تتهيأ بيه راسها..وخرجات محاولة تحكم فراسها..بغات تعاود تصوني لباها وهو يرن..تنفساات بجهد وجاوبات:الو

عثمان:على السلامة..فين كاينة

سماح:فالكلينيك!!

عثمان:اشمن كلينيك

سماح:(باقي مواعياش)*****

عثمان:هاحنا جايين

سماح:واخا

مشات خدات بلاصة حدا البلوك تتسنا وعينيها تتشوف فاص ليها وعينيها مفيكسين ..تتفكر فهضرة الطبيب..

مدمن مخدرات!!انسان بعقلو وبمشاريعو ولي شافو كي تيوقف عليهم فالخدمة وكي كيسير شغلو وكي كيهضر مع ناس..وكيفاش كيفرض وجودو..انسان الى وقف حداك اتحس انه شخصية قوية وتيخلع من هضرتو

انسان شايف مقام الله مامرة ما زوج..وعارف الصحيح من الخطأ..عارف انه الطريق لي غادي فيها مكتخرج فين..

سنويا نسبة كبيرة من الشباب كيموتو بنسبة مخدرات عالية..او بانتحار لأنهم مالقاوش المخدرات..

الادمان هو مرض العصر..كلها وباش مبلي .. لكن الاسوأ هو المخدرات

وقفو عليها واليديها رفقة الياس شحال ناداوها لكن ما سمعاتش..

تانغزها الياس وهي تقفز:هااا

الياس:اسبحان الله

سماح:هااا(مسحات عينيها من الدموع)جيتوو..

زينب:(خداتها بالأحضان)تتبكي تاني ابنتي..

سماح:(عنقاتها تتخبي خيبة املها)ماما

الياس:دخلوه واقلة!!

عثمان:على الأغلب

زينب:(تادوز على شعر بنتها)الله يشافيه ياربي

سماح:(بحزن)اميين..عذبتو راسكم(بعدات على حضن امها)

عثمان:سيد بيفتح ومنجيوش.. مجاتش(بتسامة)

سماح:الله يخليكم لياا..

الياس:عاد دخلوه؟؟

حركات راسها بالايجاب..جلسو معاها فالكراسا والصمت سيد الموقف ..وهي ساهية..اقدرو اكونو هضرو فشحال من حاجة وهي مسامعاهاش عقلها باقي مع كلام الطبيب

دازت وقت وجيز نتاهات فيه العملية وخرج الطبيب من عندو..مشاو ليه ونطق:الحمد لله كلشي مزيان..

سماح:داز كلشي بخير ياك؟؟

دوكتور:تخي بيان

سماح:واخا..نقدرو نشوفوه

دوكتور:نديوه لبيتو واكون خير..بالشفاء

غادر الطبيب ونطق عثمان:اوا شتي الخايبة هاهو مابيه والو

سماح:(تنهدات)الحمد لله

الياس:ملي فاق الحمد لله على سلامتو(شاف فساعتو)خصني نمشي عندي شي شغال

سماح:شكرا احبيبي(عنقاتو)عذبتك معايا..

الياس:(بادلها العناق)الحمد لله على سلامتوو..انعاود نرجع

سماح:واخا اخويا..بابا ماما سيرو معاه

زينب:ويلي على نمشيو معاه افيق سيد بعدا..انا مأجلة كلشي..

عثمان:انبقا تا يفيق ونمشي..سير اولدي لخدمتك

مشا الياس وبقاو هوما بيناتهم تا يشكرو الله واحمدوه..تا خرجوه وداز من قدامها فبياص مبنج مغمض عينيه..

تغرغرو عينيها وهي متبعاه بدون متحرك من بلاصتها هي يد مها لي شادا فيها مزيرة عليها..

داوه لبيتو تبعهم تيتسناوهم اقادوه فبيتو..هي خرجان الممرضة واعوانها ونطقات سماح:مزيان دروك؟؟

الفرملية:تخي بيان..خليوه ارتاح افيق ودخلو شوفوه

سماح:(باصرار)انا ندخل هي نشوفو ونخرج منصدعووش

الفرميلة:داكوغ..نتي مراتو؟؟

حركات راسها بالايجاب ودخلات ماتسناتش ردها..تتنفس الصعداء وتتحاول تكالمي راسها.

قربات منو هو لي ناعس براحة مبنج وسيروم معلق ليه بلباس المشفى..

طاحت دميعة من عينيها وعضات على شفتها حابسة البكية وتنخصيصة عليه وعلى حالتو..

تحسرات عليه وعرفاتو تيقاصي..تاقالت راه تيشكي ليها وعارفا سرايرو ساعا والو سيد كلو اسرار..

قربات لمسات بيديها تحت عينيه لي منفوخ منهار تزوجاتو وعرفاتو كاع وهوما منفوخين..

شداتها البكية ونزلات قبلاتهم بحسرة..تحسرات عليه هو وعلى حالتو وعلى حياتو..

ملي تتكون تتبغي شي شخص من نيتك تيولي ابان ليك ضعيف فبعض الحالات وتيعز عليك..

قبلاتو تا فراسو وخرجات برا تتجمع ماتبقى من دموعها..خلعة العملية فجهة وخلعة الادمان فجهة..

عثمان:(مغوبش)سماح زدتي فيه ابنتي..دايرا چنازة هي بوحدك

سماح:(عاضا على شفايفها حابسة البكية)هءهءهء مقدرتش ابابا

عثمان:(بجدية)المرا والگادة هي لي راجل فهاد ظروف..راجلك ماخصوش لي يبكي عليه..خصو لي يوقف معاه وابان ليه كاين علامن معول..

نتي تبكي ومو تبكي اتزيدو تمرضوه..

زينب:(بهدوء)باباك عندو الحق ابنتي..وگدي شويا خاصو يشوفك واقفة على رجليك باش اتوگد..

سماح:استغفر الله ياربي(تنهدات)صافي واخا

عثمان:فطرتي؟

سماح:لا معندو منين ادوز..

زينب:سير اعثمان جيب ليها الفطور انا معاها هنا..

سماح:(بامتناع)بلاش اماما والله مكاين منين ادوز..

عثمان:(بمزح)حباتني مك تاعيات ونتي گلتي ليها حيدي من طريق ههه گاع هادو شرواط تتاكليهم عليه..

سماح:(بابتسامة حزن)اوا اش ندير

عثمان:الله يرضي عليك..انا نجيب ليك تاكلي باش تلقاي باش توقفي..

مشا عثمان وخلاها جالسة مع مها وحاطا راسها على كتفها وساهية..تتفكر كي غدير تهضر معاه فهاد الموضوع

جاب ليها باها فطور نقبات منو وصافي وبقاو كيتسناو لحظة لي غا يفيق..

مر الطبيب للمعاينة لقاه بدا تيفيق..فحصو الفحوصات الروتينية وقال:على سلامتك ..

خرج خبرهم ودخلو لعندو..لقاوه تيحل عينيه بزز باقي شاد فيه البنج..بحرا ماحل عينيه..

نطقات زينب:على سلامتك اولدي

سماح:(قربات ليه تتسرط ريقها شدات يديه)على السلامة(شافتو ساكت)منصور تتسمعني؟؟.

حل عينيه مزيان وحرك راسو مقادرش اهضر وهي تنهد ساكتة

عثمان:على سلامتك اولدي الله يجعلها اخر الامراض ياربي..

حرك ليه راسو لي باقي دايخ..تطمن عليه وخرج لأشغالو واجبو ودارو..

اما زينب بقات مع بنتها مواسياها..

هاد الاخيرة جالسة فكرسي حداه تتشوف فيديه لي تيحرك فيهم صباع..تانطق بعد صمت:مي

سماح:(تنهدات)كون هاني دابا نجيبها هي تولي شوي

زينب:(بلطف)الى بيتو نمشيو انا وعثمان نديوها عندنا لدار..الى بقات بوحدها تما اتمرض وتشوش..

منصور:(بصعوبة)اه

سماح:صافي انا نعلم خالتي لطيفة..

رن هاتفها وعينيها كانو عليه شبه ناعس تيحل عينيه واسدهم..حاس بيهم ولكن عيان مافيهش لي يهضر

هزاتو لقات المتصل زهيرة..تنهدات وناضت تجاوب برا..شدات الخط:الو

زهيرة:صافا زوينة؟؟

سماح:الحمد لله(بصوت عيان)نتي مزيانة؟؟

زهيرة:تخي بيان..شوفي بيت هي نعرض عليك لواحد الجليسة دايرينها بيناتنا النسا تلافامي اليوم غنمشي فليل وبيت نتجمعو..

سماح:هي عفيني اختي ..

زهيرة:مالك تاتباني عيانة؟؟

سماح:(تنهدات)كاينا فلاكلينيك..منصور هاد صباح دار اوبيراسيون على المرارة

زهيرة:(بخوف)اويلي..كيفاش اوبيراسيون هي البارح كان مزيان

سماح:هضرة كثيرة اختي(مافيهاش لي يهضر)قلت تا يفتح ونعلمكم كوميم عائلتو..

زهيرة:صافي صافي هاحنا نجيو دابا..واش مزيان؟؟

سماح:(نزلات دمعتها)اه مزيان..

قطعات معاها وحطات راسها على على قنت الحيط تتبكي بصمت..ماشي على مرضو لكن على الحقيقة لي عرفات

تاخرجات مها وهي تمسحهم دغيا

ونطقات:راجلك بغاك ابنتي

سماح:اه واخا انا ندخل

دخلات تتنهد عندو شدات يديه وقالت مبتاسمة تتحاول متبينش:منصور..صافا أحبيبي؟؟

منصور:صافا..بغيت نشرب

سماح:حمم خاص تا يطلقك البنج احبيبي(دوزات على شعرو)حاول تنعس تريح راسك هي يطلقك البنج نعطيك تاكل وتشرب..

مهضرش حدو غمض عينيه محاول البي طلبها..لحد الساعة باقي محاس بوالو ماعندو تا ألم حيت باقي مطلقوش البنج

باست ليه جبهتو وبقاو صبيعاتها تيدوزو على شعرو وتتفكر جملة الطبيب وتحسر..اشنو ممكن اخليه اتدروكا؟؟كلشي عندوو!!لهاد درجة ضعيف الشخصية..

زينب:سماح انا نجيب قهيوة ابنتي

سماح:عذبتك اماما كون هي مشيتي ترتاحي

زينب:اشمن عذاب ابنتي..الله يهديك

خرجتت زينب خلاتها حداه شادا كرسي كي العساس وتتدوز على شعرو بحب..

مر وقت طويل يقدر بساعتين...تاتحل الباب ودخل عبد العظيم ومراتو وولادو وعيالاتهم وزهيرة كذلك

شافتهم سماح ووقفات بهدوء..

الحاج:اش هذا ابنتي؟؟مالو؟؟

قرب لولدو كيشوف فيه:اشمن مرارة ابنتي

سماح:قضاء وقدر..ضراتو وحيدها

عبد الفتاح:كي بقا شوي؟؟

سماح:الحمد لله..فايق وعلى خير

زهيرة:(قربات باستو فراسو)الله يشافيه ياربي

عبد الغني:صغير عليها بزااف

عبد المالك:هي مكتعرفش العمر..الحمد لله على سلامتو

قربات امل لعند سماح عنقاتها وقالت:الله يشافيه ياربي

سماح:امين

سناء:(قربات كذلك)بون غيتابليسمون احبيبة

سماح:امين

الحاجة:دابا يبرا ابنتي وانوض على رجليه

كتافات هي بامين امين..معندها خاطر تناقش حد..

الكل ساكت هي تيشوفو فيه..

منصور المهيب لي نسخة من باه..تيضربو ليه الحساب بدون مايكون معاهم..تاحد ميهضر معاه وتاحد ميقدر ادويه ولا يقوليه علاش وكيفاش حيت واعر و اليوم هاهو طريح الفراش ..

عبد العظيم:(جالس وداير يديه على ذقنو)معرفنا منين تسلط علينا هادشي..زعما هو صحتو مزيانة من صغرو

سماح:(بحسرة)اوا الزمان..مدوزش قليل

عبد الفتاح:مكتعرف لا صحيح لا ضعيف ربي بغاها ليه سيتو

على اخر جملة حل عينيه بشوي..اصواتهم فيقوه من غرق النعاس وطلقو البنج شوي بدا ايحس بنغيزات خفاف..

سماح:(واقفة عند راسو)مزيان؟؟

منصور:(تيتنفس)ففف مزيان

وقف عليه عبد العظيم ونطق:على سلامتك اولدي

منصور:(شاف فيه بتعب)ممم.

كلشي قرب منو وتيحمد الله على سلامتو ومكيجاوبش..جهدو غيمشي ليه فما وراء العملية لي هو فاش تيطلقك البنج

دخلات الممرضة وجات تتعاين فيه وقالت:بداك الحريق ياك؟؟

حرك راسو بالايجاب وهي تقول:عفاكم ممكن تخرجو خصني نضرب ليه برا..

رضخو لطلبها وخرج كلشي واقفين قدام الباب وهي تنطق زهيرة:كنا اونسومبل البارح مقلتي ليا والو

سماح:مكانش بغا تا حد يعرف

عبد العظيم:حنا عائلتو..وانا باه..انا اول واحد خصو يعرف ولدي مرمي فالسبيطار وانا اخر واحد نعرف.

اش هاد الهضرة؟؟

سماح:(شافت فيه ببرود وكمشات عينيها)ولدك ملي عندو 15 لعام وهو كيترمى فزنااقي وكنتي اول واحد تيعرف..اش قضيتي ليه هااا؟؟(قربات ليه بحسرة وتتشوف فعينيه)اش قضيتي ليه اعمي..تفقص تا طرطقتي ليه المرارة..

حجيبة:(تدخلات)سماح بنتي

سماح:(زفرات)عيطت ليكم باش توقفو معاه ماشي باش تحاسبو معاه حيت خبا عليكم..

عبد المالك:الوليد سماح عندها الحق..منصور مريض نخليو المحاسبة لمن بعد

عبد العظيم:(بعيون مثل الصقر فسماح)من بعد ونتحاسبو على هادشي

بغات تهضر سماح وهي تحبسها مها وجراتها تتسكت فيها وهي جنونها فعبد العظيم تتشوفو هو السباب لشنو وصل ولدو..

جراتها مها تترعد وعينيها تضببو بالدموع..

وقفات عليها حجيبة وطبطبات على ظهرها وقالت:الله يرضي على بنتي مديريش فبالك..ايوقف على رجليه ان شاء الله..

سماح:ان شاء الله

عبد الفتاح:(بأدب)ختي خاصكم شي حاجة؟؟

سماح: (حركات راسها بالسلب..)

وقفات حداها امل تتواسيها..وعبد العظيم تيخنزر فيها من البعيد..

اعدى حاجة عندو هي لي يقلل عليه الأدب..ويهينو فمكانتو..وسماح عطاتو علاش تايقلب..

خرجات الفرملية عندهم وقالت:ضربت ليه كالمون..ايعطيه صداع واحد عشرة دقايق من بعد اتكالما..

سماح:واخا شكرا

دخلاات هي لولة متسناتش باقي شي واحد..وصلات لمرحلة ديال لا تتسوق لي بغا يفهم شي حاجة افهمها..

وقفات عند راسو وشدات يديه بحب وقالت:شويا دابا..تتضرك؟؟

منصور:(مزنگ)عع شوي..

سماح:هي صبر دابا يفوتك..

منصور:شكون عيط ليهم؟..

سماح:(بهدوء)انا..خوتك وباك ضروري يشوفوك

منصور:وصي ماماك على مي

سماح:تولي شوي نجيبها تشوفك اتكون مشوشة..

تحنات باستو ففمو وقالت بابتسامة:الله يشافيك ليا ياربي

منصور :امين

دخل عبد العظيم مغوبش وقال:كي وليتي؟

حرك ليه راسو فقط ونطق من جديد:الله يشافيك

دخلو خوتو من بعد كيطمنو عليه من جديد وماهيا الا دقائق تا بداه الحريق تالمعقول..تيحس براسو لحمو تينهشوه الكلاب . .

تأوه بالم والصداع والحريق باديه..تاكيبغي اتحرك وتتزگيه سماح..

عراق وولا مزنك بسبب ألم المهدئ لي خصو ضروري فلول اعطي الحريق..

سماح:(شادا يديه)هي صبر صبر شوي واهدا

منصور:(كيتألم)سماااح سماااح اييي

عبد المالك:نوغمال اخويا صبر هي شوي..دروك اهداا..هذا مفعول البرا

منصور:(مكيسمعش ليهم)اععععععع

زهيرة:(قربات تبكي)خووياا

للحظات مكيقشع والو..اصعب لحظة هي اطلقك البنج تتولي كلك تتكال وتتألم..كلشي واقف عليه وتيتحسرو عليه بقا ليه شوي ويبكي من حر الألم..

الم ما بعد العملية تالمرارة شفت رجال شلاغمية وبكاو بيه تا سخفو اما النساء راه تيجذبو بالصداع متيبقاوش مسوقين لا لفتحة لا لوالو..

سماح:(بخوف)ماشي عادي هادشي..انعيط ليهم

عبد المالك:نوغماال(شاف فساعتو)دروك ايتكالما..

بقا مزير على يديها بجهد تا كتحس بيها غطرطق...تا بحرا مهدا عليه الألم وصقل فبلاصتو على الوضعية لي هدا عليه فيها الألم..

حجيبة:(بصوت منخافض)واقلة هدا عليه الصداع

زينب:واقلة

غمض عينيه على ديك الوضعية ويديه مطلقاتش من سماح لي واقفة حداه..

تا حسو بيه راه نعس وهو فقط مغمض عينيه محامل اشوف حد..

امل:الله يشافيه ياربي

الكل:امين

عبد العظيم:(حمحم)فتاح سير خلص المصاريف

نقزات سماح بدون ماتشوف فيه:ديجا كلشي مخلص

عبد الفتاح:انخلي ليك اختي نمرتي الى خصاتكم شي حاجة عيطي ليا فأي وقت..

سماح:شكراا

عبد الغني:نمرتي ديجا عندك اختي بلا منوصيك

شكراتهم بادب وتنهدات تتشوف فيه هو لي سامع كلشي وتيتصنت لعظامو..

سناء:(نغزات راجلها بشوي)ياله نمشييو..

غمزها باش تسكت تا ناض عبد العظيم تيصايب فسلهامو الصيفي وقال: الله يجيب الشفا..

زاد خارج مزاد تاكلمة وتبعوه لوخرين تاهوما تا بقات هي ومها..

زينب:(بهدوء)اش ديك الهضرة اسماح؟؟شيخك وتهضري معاه هاكاك

سماح:عندك الصح مكانش خصني ندوي معاه هاكاك..ولكن عصبني بلا حشمة جاي تيقوليا لاش متعلمينيش

زينب:واخا هاكاك شيخك هذااك..الاحترام ثم الاحترام

سماح:دابا نطلب منو السماحة(تنهدات تا تشوف فمنصور)خصو هي يفيق ليا على خير..

زينب:ههه واكلة عليه شراوط خلاها باك ..شوفي انا نمشي ندي عجوزتك عندي ونطمنها عليه

سماح:ردي البال اماما غدا وجيبيها تشوفو

زينب:متخافيش..تهلاي ولخصاتكم شي حاجة عيطي ليا ولا لباباك

سماح:صافي واخا..شوفي لمشيتي لداري جيبي ليا شي حاجة باش نبدل

زينب:واخا ياله الله يعاون..

خرجات مها وبقات هي معاه..جرات كرسي وجلسات حداه مسندة راسها على يديها ويد اخرى شاد فيها..

شوي وحل عينيه ونطق:سماح

سماح:اعمري

منصور: الما

ناضت هزات الما لي محطوط حداه فكاس بالباي. .مداتو ليه تا شرب تايشفط تا سخف باينا فيه واكح حيت تسناوه تاطلق البنج وتنفس عاد قدرو يخليوه اشرب

شرباتو مزيان وبتاسمات وقالت:صافي مزيان

منصور:ممم

حطات الكاس ودوزات على شعرو وقالت:عراقيتي كلك

منصور:الموت ففففف

سماح:الله يجعلها مغفرة لذنوب(دوزات يديها على الهالات السوداء)نعس تساراح شوي..

منصور:(شاف فيها)مالكي معاه؟؟

سماح:شكون؟؟

منصور:الحاج

سماح:(عضات شفايفها)رديت عليه الهضرة..مقصدتش..نتا نسا هادشي تاتبرا

منصور:غوت عليك؟؟

سماح:الا..مكاين والو..متشغلش بالك (بابتسامة)نتا هي برا ليا وصافي

منصور:(غمض عينيه)واخا

غفا فورا مع مداعاباتها لشعرو العرقان تا دخل الطبيب فحصو وطمن عليه وبقات هي جالسة حداه تاجابو ليه مياكل..فيقوه عطاوه ماكلتو لي كلاها بزز من يد سماح. .

فالعشية رجع كلشي اشوفو واطمنو عليه كان هي تيحرك راسو لاغير..

مقاد فالجلسة بالمخدة و وجيعات خفاف تيزوروه..

دوز ليلة فالمشفى وباتت معاه سماح مفارقاتوش..الغد ليه جابو ليه مو على صباح مع ضربو ليه البرا مع دخلوها

منصور:(مكابر)مي

راضية:(سقطات دمعة من عينيها ولسانها تلجم)ووووللللدييي

قربااتها سماح لعندو تا شد يدها وعض على شفايفو من حر الالم باس يديها بحب وقال:متشغليش بالك اميمتي

سماح:راه بخير اخالتي الحمد لله..بقا ليه غدا واخرج

راضية:منننننصوووووووور

منصور:(مكرهش اوقف)كلشي بخير امي(مبتاسم بزز)

راضية:يشااااااااففففففف

منصور:امييين

زينب:مسكينة متهنات تا شافتك

سماح:الله يسمح لينا منكم وصافي

توالات الزيارات لمنصور من عائلة زينب وعائلتو هو ايضا..خوتو وباه ومرات باه كل نهار تيجيو طول المدة لي جلس فيها فاللسبيطار..

تيعطيهم صوابهم وصافي شاد تيقارو مامخنزر ماضاحك هي تيشوف

***

بعد مرور ثلاثة ايام على مكوثو فالمشفى اليوم ايخرج..تتجمع ليه سماح حوايجو بعدما مسحات ليه بفوطات فازكين وطرفات ليه وعطراتو..

جمعات ليه كلشي لي جاب معاه ولبساتو سورفيت صيفية

دخل طبيب وقال:على سلامتك اموسيو منصور

منصور:مغسي

دكتور:دابا عندك المرحلة الصعيبة..لي هي التغدية والريجيم ديجا شرحت لمراتك شنو تاخد وشنو لا..الكارو ممنوع والشراب ممنوع حمم

سماح:(نطقات)كون هاني ادكتور..

شاف فيها وفهمها انه مبغاتوش اعرف بتاتا .. ونطق منصور:ميمكنش نقطع دقة وحدة

دكتور:ميمكنش مي بوغ لومومون خصك تكبح راسك سيميو

سماح:متخافش ادكتور..ايقطع يقطع

دكتور:هه بون غيتابليسمون..نتسناوك بوغ لوكنترول

منصور:ان شاء الله

خرج وهي تدخل زينب لي عاد جات وقالت:واجدين

سماح:جيتي

زينب:وشنو نخليك تخرجيه بوحدك..على سلامة ولدي

منصور:الله يسلمك الحاجة

شدات ساكو فحين سماح عاونات منصور تاوقف ولحسن حظو مكانتش دوخة حيت فاليوماين لخرا كان تينوض وتيتمشا شوي ...

تسند عليها ودوزات يديها على خصرو وخرجو تابعين زينب..

ماحسات بيه تاباس راسها وقال:لهلا يخطيك علي

سماح:امين ياربي

نزلو لتحت ديركت حيت كلشي مريكلي وكلشي مخلص وناضي..

طلعو فطونوبيلة سماح لور ومها تكلفات بالسياقة..سنداتو عليها وتحركو فاتجاه الدار لي فالخرجة

نوعا ما تكالمات سماح من صدمة المخدرات وأجلات الموضوع لما بعد باش تقلب فيه..

هو دابا قدام عينيها غتبقا حاضياه تاتشوف اش كاين

كي وصلو لقا مو فاستقبالو..فرحات فاش رجع على رجليه وصحيح فصيح رغم انه صفر والعيا واضح عليه

دخلاتو لبيت فسفلي حيت مغيقدرش اطلع فدروج..كانت موصية عليه اوجدوه ليه..

دخلاتو للفراش ديركت وقالت:مرتاح؟؟(تتصايب ليه ليزار)

منصور:(متبعها بهيام مكرهش انوض ليها)مرتاح..اجي

مد ليها يدو وجات تنشرات حداه وتنهدات بتعب..قبل حنكها برضى وقال:عذبتك معايا

سماح:عذابك راحة..خصك هي مضربش ليا هاد تعذبية فزيرو..تبع ريجيمك ودواك وحيد عليك الكارو..

منصور:يكون خير

سماح:يكون خير ديالك تنعرفها...بتبقا تحت عيني تدير هاه ولا هاه(دوزات يديها على حنجرتها)نحرك نحير جمل

ضحك وشد فكرشو :عههه وعاريتي

سماح:ايييه ههه

منصور:(شدها من ذقنها وقبلها ففمها)توحشتك

سماح:(بخجل)تانا

هز حاجبو فيها وقرب مقبلها بلطف فشفايفها تياخد كل شفة بوحدها وابوس فيها بشوية على غير عادتو ..

هزات يديها تتلعب فحنكو مبادلاه القبلة الهادئة..تيفرغو فيها تعب ثلاثة ايام وشوق لا مثيل له

فصلات القبلة بمشقة الانفس وقالت:رتاح باقي ايام الله ههه

منصور:تتلوحي العافية وتقولي رتاح هه

ناضت من حداه وقالت:انا انمشي ناخد ليا شي دوش..مخاصك والو

منصور:سيري ازين..دوشي وريحي راسك مخاصني والو..

سماح:(تتفرك شعرها)تنحس براسي توسخت هههه بيت شي فركة نييت

منصور:انوض نفركك

سماح:خصك هي تنوض توحشنا الفريك ههههه

لاحتها ليه وهربات خرجات تتضحك وتاهو خلاتو ميت بضحك عليها..

لقات مها مع راضية جلسات معاهم شوي وناضت لبيتها لفوق..اول مابدات بيه وجدات حوايجها..

شافت الكوفر لي عندو وسط بلاكار..عارفاه تيحط فيه ملفات الملكية لي عندو وكذلك الفلوس وهي تدير ليها طن فراسها..

مشات داك البيت فلاتو كولووو اي بلاصة فيها اغراضو مخلاتهاش لكن مالقات تاحاجة..

حافظ صواريه مزيان فالاخير دخلات خدات دووش تريح..

خدات دوش طويل ريحات فيه راسها وحيدات العيا رغم ان تفكيرها كان كولو على حالة منصور مع المخدرات..

خرجات لبسات حوايجها ونشفات شعرها ثم نزلات لبيت لتحت فين ناعس هو..

طلات عليه لقاتو نااعس وخرجات لكوزينة صايبات ليه غداه لي عبارة عن خضر مفورة مع قليل من الملح وخبز دار معجون بالكومپلي..

جلسات مع راضية وزينب لي مجمعين مونسين الوقت تا طاب الغدا..هزات ليه من اكلو وداتو ليه ..

فيقاتو بلطف ساعا فاق مخنزر

سماح:نوض احبيبي تاكل ليك شوي

منصور:(مغوبش)ممم

مدات ليه ماكلتو وجلسات حداه مونساه بالهضرة تا كلا مزيان كمل طبسيلو كولو وشرب دواه ..باستو فراسو وخرجات مخلياه ارتاح حيت شاد فيه نعاس

***

هكذا تتمر ايامها معاه..الناس داخلين خارجين عندهم من عائلتها هي ومن عائلتو القريبة لي تتحصر فخوتو وباه ومرات باه

شوي بشوي تماثل للشفاء متبع دوا وسماح واقفة ليه عند راسو كي نزق..

هي حاضياه اش تاتدير اش تتاكل فين غادي لاش نايض..تتصرع ليه رااسو تاكيبقا اسخط

منعات عليه الكارو بتاتا تا كيصعر

#فلاش_باك

كان فجردة مع خوتو الدراري..تيشربو قهيوة بيناتهم وهو حاطا ليه كاس تلويزة تيبرد بيه غدايدو

منصور:(مخاطب عبد الغني)عندك شي كارو؟؟

عبد الغني:موجود هه لاش بغيتيه؟؟

منصور:عتق بشي واحد راه تقطعت

عبد المالك:واش مريض فراسك؟؟راك مريض ياله خمس ايام باش داير اوبيراسيون وغتكمي

عبد الغني:معندو ميادير ليه(جبد واحد)هاك كمي مع راسك ..

شدو وياله لاحو ففمو وهي توقف عليه كي قباض رواح حيداتو ليه من فمو وصاحت فوذنيه تاقفزاتهم:الله ينعل لي مايحشم..محشمتي مارمشتي(خنزرات فعبد الغني)ياااك المرضي

منصور:(بغا ياخد الكارو)سمااااح براكا من الهضرة..واش بغيتيني نتفرگع

سماح:(معصبة)واش باغي تحمقني(ناضو خوتو مخليينهم بوحدهم)بيتي تقتلني يااك انا حاضية من قنت ونتا تكمي من قنت

منصور:واش مريضة بغيتيني نقطع من ديبار فين لقيتي هادي

سماح:اتقطع هي اتقطع..غوت نتاحر دير لي بيتي والله لكارو ففمك لطاح ياله واطرطرق..وداك لي عطاه ليك باقي غنتفاهم معاه

منصور:(وقف شاد فجنبو)غيبري علي حسن ليك..عيقتي بهاد نگير ديالك

سماح:انبقا نگر تا توب..واش ممراعيش ليا ولا؟؟باقي مواصلش تا ربعين ومحيد المرارة ملي توصلها اش غتحيد

منصور:انحيد زبي ونتهنا ونصيفتك لداركم تبردي(داز فيها)قلاوي ..كنت هاني فكري تا تزوجت ..اش بيني وبينك

سماح:(مصدومة من فظاظة هضرتو)سير الله يمسخك والله لكميتيه واخا معرت شنوو..

خرجات تابعاه كان مخنزر دخل لبيتو وردخ الباب ومشات هي لعبد الغني

سماح :مكتحشمش!!!

عبد المالك عطيه اختي راه عييت معاهم

سماح:(هازا لكارو فيديها)شد حرامك هذاك لدرتي فيه عقلك ايجيب ليا القطعة لدار

عبد الغني:(جاتو ضحكة)الله يعطيك صحة ههههه اري اختي(شد كاروه)الله يعينك معاه

سماح:امييين

#بااك

جالسة فجريدة تتشرب قهوتها مكونسونطريا مع راسها تتبرد مع الغربي تلعشية..

تاوقف عليها وهي توقف عاوناتو تاجلس وقال:صافي راني وليت صافا

سماح:جلس جلس..نتا الى بقيتي متبع دوك تصرفات ديالك عمرك تبرا

منصور:(هز من قهوتها شربها)مممم الله

حيداتو ليه وقالت:فوت عليك القهوة قاسحة

منصور:(شدها قجها من عنقها)مال مك على هاد النگير.. نقصي نقصي راه غنطج

سماح:اصبر تبرا وتشوف لمانطج انا نيت هي صبر علي..نمشي نتهنا منك

منصور:(عنقها ليه تيبوس ففمها بزز)فين عندك فين تمشي...

سماح:ممم نتا هي نوض كي العجاجة وقوليا بقاي

منصور:(ببوسة ففمها)معندك علي فين...مك مشات

سماح:مشاات..كنتي ناعس

منصور:عييت بنعاس

سماح:افوتك الحال وعود خرج..ياك شويا

منصور:صاافاا الحمد لله..لي عندو صحتو وصاحبتو يحمد الله

قرصاتو فعنقو وقالت:الله يمسخك ههه خصك تحمد الله نيت وتبدل راسك

منصور:علاه مال راسي؟؟بخير اونفورم عندي مرا زوينة(باسها ففمها)عندي مي..اشنو باقي بغيت

سماح:علاقتك مع الله امنصور ماهياش

منصور:لخصي علي وقولي اش حابساه فحلقك

سماح:متفهمنيش غلط انا ماشي نگارة فهاد المواضيع..بطبعنا الانسان خطاء..تنديرو ذنوب كثيرة مكاينش نهار لي تيدوز بلا ذنوب

قاطعها:الله غفور رحيم

سماح:لكنه شديد العقاب..انا براسي لي تنهضر معاك تندير ذنوب وبزاف ولكن نتا امنصور راك طاغي مبعد على طريق الله بزااف..

منصور:كتهضري على الصلاة؟؟

سماح:بدرجة لولة اه..شوف انا مغنديرش ليك فقيهة ..انا براسي مشاداش طريق الله مية فالمية ولكن على الاقل ماشي منافقة

منصور:(هاز حاجبو)هي دابا انا منافق؟؟

سماح:بيتي ولا كرهتي انقولها ليك(شدات يديه ونطقات بهدوء)واش لي مشا للعمرة مامرة ماجوج وحاج يا حسرة ومكيصليش ماشي منافق؟؟ماشي كتنافق الناس نتا بطبعك مع الناس ماشي منافق ولكن مع الله منافق...حيت تدير حاجة وشويا تقلب وجهك..هاد الهضرة انا تنقولها ليك حيت تنبغيك ومنبغيكش تكون فشي حالة ماهياش..نتا انسان زوين والله يعمر ليك الدار..متعشق من الرجال هي نتا ولكن ديفوك قاطع الصلة بينك وبين الله..الصلة لي بينا وبين الله هي الصلاة..صلي ..الله يجعلك اسيدي تدير موببقات الدنيا ودين فنهار ولكن صلي..ربي تيغفر لينا يالصلاة..راه ماشي معقول تكون حاج ومكتصليش

منصور:(تنهد)هضرتك كلها حق اسماح..شي مرات تنحس براسي بعيد على الله ..ولكن شيطاني تيغلب

سماح:شيطانك فرمضان تيكون مديزاكتيفي ولا؟؟رمضان تتكون على مزينك الصلاة والكالم هي تيخرج تتولي كي كنتي..مالك على حالتك؟؟

منصور:عرفتي فاش تنكون تنصلي تنكون مرتاح ولاكن هي تيطلع لي دم تنقطعها ونبعد

سماح:داير كونطرا مع الله ولا شنو؟؟راك بعقلك وقاري..خصك تميز..انا متنقوليكش بدا الهداية مجهد انا تنقوليك هي الصلاة صليها..راه خمسة تدقايق تصليها وتنوض نايض..

منصور:مكذبتيش النفاق هو هذا

سماح:النفاق فيه وفيه..كنت كنعرف واحد سيدة جارة عمتي عندها ولدها لشتيه متهز من الرجال غير هو..الصواب والآداب والصلا والدين راه مكاينش لي متيقولهاش فيه زوينة..كلشي تيقول مزيان وكدا..واتصور معايا واحد متيحيدش جبهتو من الارض وفرمضان كيعطيوه اصلي بالناس ومسخوط الواليدين..كيضرب بااه

منصور:هذا سطاج اخر

سماح:كيتسما تاهو نفاق وتناقض..انا بيت هي نشوفك مرتاح حاجة خرا لا...الله يهديك على راسك

منصور:ان شاء الله نرجع نصلي

باستو فعنقو وقالت:ياربي امين ههه

مرت عشرون يوم بتمام والكمال..

دوزها منصور تحت العناية ديال سماح..حاضياه فكلشي..

متتفارقوش .. حيت عارفا هاه ولا هاه ايدير امشي اشوف لي يجيب ليه الكارو..

مزالو موضوع الغبرة شاغلها وخدمات عقلها دارتو تحت عينيها حتى تشوف اش كاين

شادا طريق مع قرابة الوحدة تنهار للمراكش..وقصدها ماوقفات ليه تا لوسط المدينة امام عمارة راقية كلها عيادات طبية..

دارت نظاظرها ونزلات تتضرب بطالونها وقلبها تيترعد..طلعات للطابق المعني وامام شقة مكتوب فلوحة حداها اسم الطبيب وقفات

بضع رنات حلات ليها السكريتيرة وبابتسامة ستقبلاتها..

حيدات نظارتها وقالت:الطبيب كاين؟؟

..:وي كيتسناك

بتاسمات ودخلات لعند طبيب لي لقاتو فمكتب كبير وراقي..صبحات عليه وجلسات فاص ليه

..:امدرا أمدام؟؟

سماح:بهادشي باش خرج من لوبيطال ماعمرو دار شي حاجة

..:متأكدة؟؟

سماح:قدام عيني 24/24 ماعندو منين اجيبو والدار كاملة قلبتها مافيها والو

..:دونك راجلك مواصلش المرحلة ديال مدمن

سماح:ولكن الطبيب لي تكلف بتحاليل ديالو قاليا دمو عامر

...:خصك تعرفي امدام انه كاين مدمن وكاين مدمن اخر..من خلال لي شرحتي ليا ان راجلك كيتدروكا ولكن ماشي بوثيرة سريعة

سماح:بمعنى؟؟

..:يقدر يكون دايرها وقت الغضب لاغير..كي قلت ليك قبل خصك تجيبيه ليا نشوفو

سماح:(تنهدات)ماعنديش جهد لي يقوليه افلان راني عرفت وياله تتداوا

..:مكاينش خيار اخر..ضروري اجي لعندي ونشوفو واش ادخل المصحة ولا يكتافي بالعلاج عن بعد

سماح:ان شاء الله خير..شكرا ادكتور يزاف

..:العفو

خرجات من عندو تتحسر وتنهد..واخا معرت شنو يقول ليها عقلها تيبقا معاه..

راقباتو طول هاد المدة ماشمش وماغبرش حيت هي لاصقة فيه

طواليط وتدخل معاه ليها..

خدات الطريق لكن ماشي لدارها للشقة ديالو هي لي بقات ليها مقلباتهاش..

حلات الباب بسوارت لي هزات ليه ودخلات..تتضور فعينيها وتنهد..

قصدات البيوت تنعاس هوما لولين تتقلب فالبلاكارات والمجورا..تحل هذا وتسد هذا ووالو واش لقات شي حاجة..

قصدات بلاكار حوايجو تتقلب ووالو تا بان ليها كوفر بالكود..بغات تحلو لكن خاصها رقم سري ومعارفاهش..

وتا الى بغات ميمكنش تقدر حيت كولو ارقام..جربات عيد ميلادو وعيد ميلادها لكن دون جدوى..

واحد بحال منصور ماشي غبي ادير كود لشي حاجة بارقام كتعني ليه..

هو من نوع تناس لي يقدر ادير كود فيه 12345 وانوض نايض..

خرجات من الدار بعدما سداتها تتنهد حيت مالقات عليه والو..وهي نازلة من الدروج صونا تيليفونها كان هو..

سماح:الو

منصور:(بهدوء)فينك؟؟

سماح:هاني جايا خرجت نشري هي شي حوايح خاصيني

منصور:قريبة؟؟

سماح:شويا..علاش مالك؟؟

منصور:ملييت

سماح:(ضحكها)ههه انا نجي نتوانسوو

منصور:واخا

جاب ليها الضحكة ولات شدات طريق للدار ديركت بلا متشري تاحاجة...

لقاتو فجردة مع مو كيشرب اللويزة..سلمات وجلسات معاهم تتضحك عادي

منصور:(ضعاف)شنو شريتي؟؟

سماح:مالقيتش شنو بيت..عيط لي الياس هاد صباح غيشد عرس خوك..

منصور:عبد الغني!!

حركات راسها بالايجاب :يس ههه الله نلقاو هي فين نشطو

منصور:مزيان الله يسخر..

سماح:انمشيو ياك؟؟

منصور:نمشيبو علاش لا..

بتاسمات بفرح وحطات راسها على كتف راضية لي هي تتشوف

مر اليوم في سلام تام..

منصور رجع مكالمي متيقول لا اه لا لا..لي قلتيها ليه يقول واخا سير عالله..يمكن حيت بعد كل البعد على المخدرات والكارو والشراب..والتغيير لي طرأ انه ولى تيصلي..

كان كيسلم اخر تسليمة ديال الوتر من بعد صلاة العشاء..دار دعاء وقلبو مرتاح..شاف فيها لي كانت تتمشط شعرها لابسة شوميز اسود خفيف من ساتان..

طوا صلاية وحطها بعيد وتوجه لعندها باسها فعنقها وشاف فيها من المراية وهي تهز حاجبها..

وقالت:مالك

منصور:(دوز يدو على خصرها تا حطها عند كرشها)شتيني ميك عليك ولقيتيها من الجنة والناس

سماح:هههه

منصور:(جرها تالصق ظهرها مع كرشو ويديه شدات ذراعها الايسر)توحشتك

سماح:(تلفتات ليه ودوزات يديها على عنقو معلقة فيه وتتبتاسم بخجل)انا اكثر ههه ولكن مريض..

منصور:حيدت المرارة ماشي زبي ازين

سماح:(طلقاتها بضحكة عالية)هههههههههههههههههههههههههه الله واعلم..خفت يكون مات ليك الحوت

منصور:(شدها من خصرها مزير عليها وعينيه راسمين نظرة جرأة)الحوت فالبحر ازين(شد حنكها بيديه)غادية وتزياني فعيني شنو السر؟؟

سماح:(دوزات صباعها باغراء على لحيتو)السر هو تتبغيني ههه وكتموت علي وكتسطا علي(جاتها ضحكة)ههههه

باسها اول قبلة ففمها وقال منتاشي:الى على العشق..راني حبيتك وفتك لهيه..وحطيتك فبلاصة مي بوحدها لي واصلاها..

سماح:(ردات ليه القبلة باغراء)كنبغييك بزااف

كانت هادي انطلاقة للعلاقة الحميمية الاولى بعد العملية..خدا شفايفهم بالعشق كيبوس فيهم بلهفة وببطء..

ويديه تتداعب حناكها ويد فشعرها تتفركو من لور..

كانت تتبادلو القبل بعشق مشتاقة ليه اكثر..كتجر شفايفو وتلعب بيهم كيف بغات داخلة هي وياه فحرب القبل..تيتحاربو شكون غيغلب الاخر

يديه كانو من بلاصة لبلاصة..من شعرها لذرعانها لخصرها لعنقها..

واخر بلاصة كانت فخصرها وهو كيطلع ليها الشوميز بغا يتخلص من اي شيء اغطي عليه جسدها

قلعو وهو فاصل القبلة لكن رجع لصق شفايفهم بسرعة..بقات هي بدوبياس..

ساقها تا لصقها مع الحيط الاقرب ليه وبقبل لاسعة تينزل من شفايفها بذقنها لعنقها لعظمة عنقها لوذنها...

الاعضاء الصغيرة لي كاينا مابين ذقنها وصدرها داز عليهم بقبل لاسعة بحال عضة النحل والدليل داك النفس الحار لي تيخرج من فمها كل ما حسات بشفايفو على منطقة منها

بيديه حل السوتيان بطريقتو ولاحهم وشد صدرها بيديه منتاشي بيه تيبعصو واقبل فعنقها قاصد ميقبلهاش ففمها باغي اسمع صوتها وهو كيعذبها خاصة انه عارف نقطة ضعفها الصدر..

همس فوذنها بجرأة: تاتزيري عليه بهاد الزمر

سماح:(جاوباتو بانين حيت كيقرص فيه)ننن وشنو ندير؟؟

منصور:خليه حر ازين

نزل راسو لصدرها تيعطيه حقو من القبل واللمس هو الاخر..مريحهاش بتاتا خلاها تتعذب وهي تتنهد...

شاف راسو ممسلكوش الوقيف وتم جارها معاه تيقبل فيها للسرير..لاحها وترما وراها فوقها تيشوف عينيها شبه مسدودين بالنشوة..

قبل نيفها وتنهد وقال:اش كديري فيا؟؟

سماح:(حطات يديها على لحيتو)مممم

منصور:ترفعتي امسكينة ههه

رجع لتقبيلو لصدرها بلهفة ورغبة كبيرة..كيمارس عليه طقوس العض والمص تا كتغوت ليه بالضحك حيت كيجيها هر..

تم نازل بالقبل تا فخاضها كولهم داز عليهم ورجليها اكيد لي مخطاهمش التقبيل عاد فرق ليها رجليها وحيد ليها السليب وتقابل مع الكنز المشعر ..لقا فيه زغيبات قلال بتاسم تا بانت ضرسة العقل وقال:ها الزرع نبت

جاب ليها الضحكة تا جمعات رجليها وحلهم ليها وقال:رصاي

كمل علاقتهم الحميمة كيما خصها تكون عاطيها من الحقوق جوج..مسبقها عليه هو عاد توخر كيحرث واحفر على الكنز والربحة

تا سالا وتكاو تيتساراحو..هزات الما شربات وتكات على كتفو وقالت:عييتي؟؟

منصور:شوفي هي نتي اما انا مرتاح

سماح:دابا نتا ياله فاتح ههه محال

منصور:مالي فاتح القلب راني محيد هي المرارة وكثر من عشرين يوم..الكارو وحيدناه والكوا تاهو لا

سماح:ههههههه اباااز ههههه

منصور:(جرها دارها تحت باطو)من قبيل ونتي كضحكي وتقحبني علي..تتقلبي على شي حاجة..

سماح:(بخجل)تنقلب عليك نتا هههههه

منصور:(نقض عليها ببوسة لفمها)باش كتعجبيني تتشهاي فيا وتقوليها ههه

سماح:ههه ونكذب..نتوما هي شهوة وحدة حنا راه 99

منصور:ماشي كلها فالسيكس

سماح:لا يادلي ولكن حنا رغبتنا مضاغفة

منصور:(تيلعب فظهرها وكينزل لمؤخرتها)نتي لي رغبتك كبيرة كاينين نسا كيديرو الخاطر فقط اما الجنس عندهم زايد ناقص

سماح:(بتساؤل)زعما؟؟

منصور:والله الى كندوي بصح..كاينا لي هي تتزوج تيدوز داك العام لول وتتبرد من جهة راجلها..تتولي دير ليه هي الخاطر وصافي..وبهاكا تتحسس الراجل انه خدام بوحدو ..

سماح:الى كان شي راجل لي ممسوقش ليها راه اقضي غرضو وانوض

منصور:غلط..هذا بحد داتو غلط..كيما زواج مشاركين فيه بجوج تا الفراش فيهم بزوج ..اش غيقضي ليا انا نجيب بليزير ديالي ونخليها هي..هادي ماشي رجلة..

سماح:(تخشات فيه حشمانة)الله يعطي لكاع العيالات بحالك!!

منصور:ههههههه مصيبة معاك نتي..اجي لهنا

ناض ليها من جديد وبداية علاقة اخرى ماختمو ليلتهم تال اشمن وقت..دوشو ونعسو فحضن بعض مرتاحين على الاخر

*****

يوم جديد كالأيام الفائتة..ناض منصور لبس عليه وخدا فطورو الصحي وبعدما ولى كيتمشا عادي ورجعات حياتو لطبيعتها ستأنف خدمتو عادي حيت الموسم الدراسي بدا..

من داخل غرفة الاجتماعات فاحدى مدارسو كان جالس تيهضر مع الاطر الادارية واناقش معاهم بزاف تالاشياء..

تيبان هادئ وتيهضر بالقاعدة بدون مايلوح نبرة الاستهزاء ديالو..سالااو وخرجو تا صونا تيليفونو بنمرة عبد الغني

منصور:وي

عبد الغني:صافا خويا؟؟

منصور:الحمد لله(تيقرا فشي وراق)ونتا؟

عبد الغني:ناااشط هههه اتجي للعرس ياك؟؟

منصور:وي جاي

عبد الغني:مزيان ههه شوف جيب الميمة تاهيا

منصور:يكون خير ..غدا ياك؟؟

عبد الغني:وي..ان شاء الله ياله الله يعاون كنت بيت هي نأكد عليك

منصور:داكوغ

قطع معاه ولقا اتصال تاع سماح..شد الخط وعينيه فالاوراق:وي سماح

سماح:مزيان؟؟

منصور:وي تخي بيان..ونتي؟؟

سماح:الحمد لله..شوف متخدمش بزاف..الوحدة طلع لدار تتغدا..ليقوليك راسك راه تمشي تغدا برا..

منصور:نضرب طريق على والو..اناخد شي حاجة هي هنا

سماح:والله ومطلع تانتفاهم معاك

منصور:(كيوقع شي وراق)مشغول دابا اسماح خصني نركز مع شي ملفات

سماح:ففف صافي واخا بسلامة..

قطع معاها ورجع لخدمتو مركز فالاوراق لي قدامو..تاوصلات الطناش ونص وهو يصوني تيليفونو بنمرتها..جاوب:الو

سماح:اينا مدرسة فاش كاين؟؟

منصور:فلي كنتي خدامة فيها

سماح:اوك

قطعات عليه ووماهي الا ربع ساعة وقفات عليه فبيروه حاملة كيس ورقي..شافها وتفاجأ :اش كديري هنا؟؟

سماح:(بابتسامة)حيت عارفا راجلي حبيبي مكيسمعش الهضرة ومغيجيش للغدا واقدر امشي ياكل فالزنقة وادوز فشي حاجة مدسمة اللهم نجيب ليه الغدا(باستو فحنكو)

منصور:كنت جاي والله

سماح:ههههه ويلي ويلي ظنيتها فيك خايبة

جبدات ليه بواطات فيهم غداه ومشات سورتات الباب وقالت:تغداا ياله زرباانة

منصور:(هز فورشيط تياكل)فين غادية تا زربانة

سماح:انمشي لصالون..ياله دوشت هاد صباح وغنمشي ندير شي تويشيات ..عرس خوك غدا

منصور:(تياكل)ياكما اتقرعيه تاني؟؟

سماح:مالي مسطية هههه انمشي هي سوان دفيزاج والشعر والضفار سيتو

منصور:بالصحة مسبقا

سماح:يعطيك صحة ازين اوا كوول

منصور:كناكل..نتي مافيكش جوع؟؟

حركات راسها بالنفي وقالت:انتغدا مع ضحى

منصور:مممم مزيان

كلا لي جابت ليه كولو وناضت باستو فحنكو مودعاه ومبتاسم ليها تاهو ورجع لخدمتو ومشات قاصدة الصالون

تهلات فراسها ودارت سوان لشعرها ولوجهها وعتانات بيديها عاد خرجات تتشعل مخلية فلوس صحيحة تما..

مرافقة ضحى وطالعين لطوموبيل

ضحى:امتا العرس؟؟

سماح:غدا..وخصني نجيب تكشيطة من عند عليا

ضحى:صبري نتغداو وسيري جيبيها..

وداكشي لي كان تغداو مجموعين ومشات جابت تكشيطة ليها وقفطان لراضية..

كي دخلات للدار لقاتو جا وجالس مع مو سلمات عليهم وجلسات تسراح

منصور:دعتي اليوم؟؟

سماح:ااه ههه شو خالتي كي جاني الشعر(تتوريها)شو يدي

رتضية:(بابتسامة)ممم زوووويييييي

سماح:ايخليك ليلي اخالتي..شتي كون عرفتو ايخليك تمشي معايا كون ديتك نصايبو ضفيرات

منصور:(كيشرب فاتاي)مي اش دير فالصالون؟؟

سماح:كاين ماكبر منها والله هههه هانتي اخالتو جبت ليك قفطان تانتي لي تلبسي غدا فعرس عبد الغني

راضية:(مادا يديها بتعب)نننن

مداتو ليها بعدما فتحاتو على طولو وقالت:خيطاتو ليك عليا زوين ؟؟

حركات راسها بالايجاب ومنصور تيبتاسم ليها..ونطق بمزح:وانا؟؟

سماح:شري راسك ههههه

ضحك على نيتو وصقل مخليهم مجمعين على امورهم او بالاحرى سماح لي مجمعة مع راضية..ياك اخالتي زوينة الخياطة اخالتي..والتنبات..واش اخالتي ايجي مع طالون

تتهضر تتهضر بلا ماتسكت وراضية داكشي لي عاجبها كون كانت مسرحة ليها الهضرة ماتسكتش هي وياها تا صرعو ليه راسو وطلع للفوق..

داز شحال عاد خلطات عليه بتعب:اوووف عيييت

منصور:(كيحيد ساعتو)ضليتي تضوري..بسيف ماتعياي

سماح:ولاهيلا...كاع ماقلتي ليا كي جيت؟؟

منصور:باش؟؟

سماح:(نفخات)والو والو

دخلات للحمام بدلات عليها وخرجات معاجبها حال..عاوتاني نفس المشكل سيد ممسوقش..

تناسات الأمر لأنه مكاينش فائدة فالهضرة معاه..سيد ممسوقش اصلا وهذا طبعو..

نزلات لتحت تتوجد ليه فعشاه فحين هو مع مو لي هي تتشوف وتبسم..

تعشاو وطلعو انعسو فحضن بعض كي مولفين ديما متناسية الأمر حيت معندها مدير

*****

ليلة العرس هي هادي..كانت سماح فبيتها تتصايب ميكاب ديالها وشعرها منسادل على كتافها مسرح..

خدات فيه وقت طويل بزاف حيت طويل وعصبها..

دخل هو من الخدمة عيان شافت فيه وقالت:على سلامة..مالك؟؟

منصور:مسخسخ هه(باسها فجبهتها)تتوجدي

سماح:مممم كي جيت؟؟

تيحيد الشوميز:زوينة..انا ندوش ونلبس باش نمشيو..

سماح:(تنهدات)نعاونك؟

منصور: نن وليت مزيان

دخل ادوش وهي تحط داك القلم من يديها وتنهدات..رجعات معاه لمود زيرو..

لبسات عليها قفطانها الأسود جاها قتال..ودارت حلقات مع خاتم زواجها فقط..والضفيرات بلون دم الغزال

بقا هي تدير السمطة..

خرج مدور عليه فوطة على خصرو..شافيها طلعها ونزلها وتبسم:شهاد زين هاا؟؟(قرب منها بغا يبوسها وبعدات)اري بوسة

سماح:سير تلعب اتخسر ليا ماكياجي وانا بحرا مصايبتو..

منصور:هههه انا بعدا باش كتعجبيني تتهلاي ليا فراسك

سماح:وشنو !!!نتا مهمل نكون تانا مهملة(لاحت ليه الهضرة)

شد السمطة ديال القفطان وقال:انا مهمل هه حيت مقلتش ليك جيتي زوينة قبيلا

سماح:(دورات شعرها للجنب)ممم وي

منصور:(صايب ليها سمطة ودورها عندو)مكنقولش ماشي معناها مكنشوفش..نتي زوينة فعيني ديما ماشي نتسناك انا تا تمشي لصالون وتزيدي عليك شي حاجة عاد تباني ليا زوينة..زوينة سوا درتي ميكاب سوا نو..سوا لبستي مزيان سوا نو..يعني مغيشكلش فرق عندي

سماح:(بدلع)ولكن تنبغي نسمع منك شي كليمة زوينة ترد الروح..ياك نتا راجلي

منصور:(طلق نفس من فمو)شنو دابا خاصني نقوليك جيتي زوينة باش تعرفي راسك راك زوينة

حركات راسها بالإيجاب

وقال:زوينة زوينة زوينة ههههه نزيد شوي مزال(سرح ليها شعرها )انا نلبس ونمشيو.

سماح:واخا

مشات تاتلبس صندالة ديالها طالون وتتصايب اخر لمسات وهو حداها كيلبس بدورو طقم زوين فالأسود الأبيض ديال الاعراس..

صايبات ليه الكرافاطة وقالت بابتسامة:نتا واخا متقولش ليا زوينة انا نقوليك جيتي بوگوص

منصور :ههه سعداتي..

شد يديها ونزلو كأي زوجين للتحت..خرجو راضية لي باين فيها التعب هي دايرا الخاطر..ملبساها لطيفة قفطانها ومصايبة ليها شدة الشال تتبان زوينة

طلب من السيد لي مكلف عندهم اهز ليه مو حيت سماح منعات عليه اهزها لانه ياله فاتح والثقل صعيب عليه...

شد هو المقود وشدو الطريق للفيلا تالحاج..وهي تتصور وتسنابي معاه ومع راضية ناشطة خالقا جو

وصلو ونزلو وهبط هو مو حيت مالقاش لي ينزلها..

دافع بيها للجردة حيت العرس تما وهي غادا معاه فطريق وتتسمع صوت الغنا يعني بداو..

سماح:(قربات لوذنو)بداااو ههه

منصور:وي

مع الدخلة تيبان ليك الناس كتشطح بشعبي نايض ولبرزة فيها عبد الغني مع مراتو فالبسة باينا ماشي الاولة حيت العروسة محنية..

شافتهم حجيبة وتمات جايا تترحب بيهم وتعاود..داتهم لطبلتهم معاهم هوما نيت لي فيها العائلة

الاخذ والرد فالاحاديث عن الحال والاحوال وهي سماح لي تتجاوب اما هو ساكت وجالس ماعندوش مع هادشي..

سناء:(وقفات)سماح ياله تشطحي

سماح:واخا ههه(شافت فمنصور)انا نمشي نشطح واخا؟

منصور:سيري

ناضت بالفرحة تتحماق على النشاط والرديح خاصة شحال ماحضرات لشي عرس..

شيرات لإلياس من بعيد كان تيهضر مع السربايا وتا للدرراري والبنات لي خدامين معاها

دخلات وسط الناس كتشطح بالتاويل وتحرك على اقل من مهلها والشعر كيتمايل..شطحات مع سناء بالصواب والاداب وتا مع امل لي نوضها بزز

شويا حما الطرح وعطاتها للشطيح والرديح والشعبي بجرة نايضة..

دخلات معاها الياس تتشطح معاه ميتة بالضحك وللفرحة باينة فعينيها

شطحات تا مع عبد المالك خوه..

وتتفرنس ومنصور حاضيها من بعيد تيضحك لفرحتها..عمرو شافها تتشطح وعجباتو وهي تتشطح بتاويل ماشي معيق تلوز وديك الهضرة نوو..تتشطح تتقيس وهي يقولو اراو شي ميزان هي لولة هازا يديها تتضرب

تا سالا طرح عاد تمات جايا فحالها والاعين كاملة عليها حيت كلشي كيعرفو بعضهم الا هي والناس شي كيوصل لشي انها مرات منصور..

جلسات حداه من جديد تتنش على راسها :اوووف سخفت

منصور :حيحتي..ماعمركي شطحتي ليا!!

سماح:اوا مجابتهاش الوقت ونتا براسك ماعندكش مع داكشي

منصور:(تيرد ليها شعرها لور)سي ولكن تتباني زوينة

عبد المالك:(جلس)الله يعطيك الصحة..ركزتي

سماح:ههههه ضروري ..دوك لي جايبين زوينين فاللعب..اخالتي فوجتي

راضية:ااااااااااه

سناء:فغيمون عندك مايتقال ههههه

منصور:(كلعب فشعرها من لور)بصحتك

سماح:ههههه نوض تانتا تشطح

منصور:ماعنديش مع داكشي

سماخ:اوا خليك انا نشطح بلاصتك ههه

منصور:شطحي هه

بدا طرح اخر وناضت من جديد مع امل وسناء وبداو الشطيح والرديح تاني من جديد ناشطين وضاحكين وهي تتفرنس وهو متبعها تيضحك ليها. شافها تعذبات معاه بغاها تفوج شويا..

مع العزيز على ميمتو عمرو مايتخص وقف الطرح وتمو راجعين بلايصهم تينشو على راسهم..

منصور:(مد ليها منديل ورقي)مركبين ليك بريز ههه

سماح:اوا شنو؟؟شحال ماشطحت ههه

داز العرس كولو هاكا مرة تشطح مرة تجلس المهم ماخلاتش من حقها وهي كتحرك واتحرك معاها داك شعر ..

تلفاتو هو بقا هي حاضيها والباقي من الرجال والنساء حاضينو هو لي معمرو شافوه تا كيتبسم عساك اضحك

عبد العظيم:(واقف بعيد بهيبتو وسلهامو تيبان وسيم رغم كبر سنو)تيبان فرحان..

حجيبة:شكون؟؟

عبد العظيم:منصور

حجيبة:بنت الناس..

عبد العظيم:اول مرة اديرها زوينة فحياتو هي ملي تزوج بيها..اولي هي بنادم شوي

حجيبة:(تتبسم للناس)الله يهديه ويهدينا اجمعين

وصل وقت العشا وهي تنطق فوذنو:عنداك تاكل هادشي

منصور:و اش ناكل؟؟فيا جوع

سماح:(مسحات على كتافو)نوض لطونوبيل فيها عشاك سخون ناضي

منصور:(هز حاجبو)كي درتي ليها؟؟

سماح:(بابتسامة)وصيت البنات اصايبوه فدار..نووض ماشي ايام وانا شادا الريجيم تجي تخسرو ليا..خضرتك راها فطونوبيل لور ههه

منصور:ههه زعما نتي الواحد ميتفكش منك

حركات صبعها بنفي:وتقووول هههه (شافتهم كيحطو العشا)هاهو كيتحط انوض معاك تاتاكل

منصور:(وقف)لا هي خليك انا ناكل ونجي

سماح:بصحتو

بتاسم ليها وخرج والسكينة فقلبو ..

يمكن شي مرة دار شي دعاء بالرزق وعطاه ليه ربي على شكل مرا..يمكن دار شي حسنة وجزاه ربي بيها

انسانة دقيقة كتهتم بأدق التفاصيل..

شكون هادي لي تجي معاك لعرس وتجيب ليك عشاك..شي وحدة خرا تقوليك نقب هي شوي ونوض ميدير ليك والو

لكنو طاح فسماح..نسمة من البراءة ومن العشق..معمرو مغيندم انه حبها او دخلها لحياتو..

هي المرا لي يأمنها على كلشي..فنقاشاتهم تتقول شي هضرة كون اسمعها من شي حد اخر انحرو لكن هي سماح..تتقول لي بغات وتتبورد عليه كي بغات ..

تحط العشا المشكل والمنوع والفاخم وتعشات سماح وكتعطي تالراضية توكلها فجو من ضحك مع خوتو..هي وياهم مابيناتهم تا مشكل تضحك عادي وتهضر عادي..وكذلك مع نسائهم...هي ضيفة خفيفة تتبان فالمناسبات لاغير وتتبقا خفيفة الظل عليهم. .

كملو العشا وتحطات التحلية ومنصور باقي مرجعش ..ستأذنات منهم بحجة الحمام وناضت هازا جلاايلها وتتمشا بشوي عليها وتتقلب عليه بعينيها حيت شافتو تعطل والعرس من جديد حمى..

غادية وتتسول فراسها كاع هذا عشا..فين زاد اويلي..

دخلات لدار تتقلب بعينيها تا تصادفات مع حجيبة:خالتي منصور مبانش ليك

حجيبة:برا مع عبد الغني

سماح:شكرا ههه

تمات غادية كتقرقب بداك الطالون..

لقات باب برا محلول حيت شي داخل وشي خارج..

خرجات وتتقلب بعينيها كاينين شلا طونوبيلات وتتستعقل فين حطو طونوبيلتو

تا ضربات فيه عاطيها بالظهر واقف مع عبد الغني ويديه هازا سيجارة...

اي نعم سيجارة تيكميها باريحية وادخلها لفمو عادي بحالا ماشي عاد هو لي محيد المرارة وتوصياتها ضربهم فعرض الحائط...

شعلات العافية فعينيها وهي تتشوف فيه تيهضر عادي وتيكمي بحالا ماخاصو تاخير...ضرب تمارتها كلها فزيرو..ولي واعدها بيه كامل تلاشا..سرطات ريقها وعينيها تغرغرو..رجعات لور بخطوتين ودخلات بزربة محاملاش تشوف المنظر..

هي تجري وتجاري وتحاول معاه بكاع طرق باش احطو واتخلص منو وهو تيجري واجاري باش ارجع للكارو وشكون قال من هادي للادروك من جديد. .

حسات براسها فهاد الموقف انها تتخوي الما فرملة والخوف والصداع لي عاشتو ففترة نقاهتو. .

بطبعها انسانة هشة ماشي قد مسؤولية مواجهة مرض ولا شي حاجة..وكمل عليها ادمانو الخطير لي مخلي النعاس اطير من عينيها..

تبات تفكر وتبات حاضياه وتشوف واش كاين شي حاجة..تستاشر اطبة وتعرف شنو كاين وفلخر دار لي فراسو . .

رجعات للطبلة عكس كيما خرجات طافية..جلسات رفقة راضية لي سولاتها عليه بصوت متعب وقالت:مالقيتوش اخالتي...عيتي؟؟

حركات راسها بالايجاب وقالت:نمشييو؟؟

حركات راسها بالايجاب وقالت: يجي ونمشيو..

بقات بلاصتها وصاقلة والاصوات من حداها ممسموعينش..ساهية فقط تاوقف عليهم ناشط مافيهش ريحة الكارو بحالا تتكذب..مشافتش فيه حدها وقفات وقالت:مك عيات خصنا نمشيو

شاف فمو وقال:ميمتي مالك؟؟عيتي؟؟

حركات راسها بالايجاب وقال:واخا نمشيو

تم جار مو وسماح غادية معاه فنفس الريتم مكتشوفش فيه..سبقاتو بشوي باركات للعرسان وسلمات على شيخها ومراتو وودعات البقية بلباقة ومعندها جهد لتا كلمة فقط تدير الخاطر..

طلع مو لور وطلعات هي حداه ساكتة متتهضرش..تتشوف فزاج..وهو ينطق:تانتي عيتي ولا؟؟

سماح:(ببرود)وي

منصور:صافي نمشيو. .

ساق للدار بصمت وتاحد مكيدوي هو مدا مجاب ظنها نيت عياات وهي راها تتحرق داخلها ومكرهاتش تطير عليه تجبد ليه وجهو..

وصلو ونزلات وسبقاتو دخلات ونزل هو مو عطاها للطيفة لي كانت تتسناهم وطلع تابعها تيحيد فلكرافاط بتعب..

كي دخلات ردخات لباب تا سمعو هو لي فدروج..دخل هو الاخر لقاها مضاربة مع سمطة تا حيداتها بنطير ولاحتها للارض ..

هزات حوايجها ودخلات للحمام تتحيد فالقفطان بالغدايد ..لبسات عليها شورط ستان وديباردور ديالو وجمعات داك شعر بالفقصة جمعة ماهي مهملة ماهي مصايبة..

مسحات ماكياجها بالغدايد وخرجات من الحمام تتشعل تاتسناه انطق هضرة باش تفركع عليه..

بدل عليه تاهو وجا تخشا حداها شافها عاطياه بظهر وقرب منها دوز يدو على خصرها و جرها بلطف وقال:عيانة؟؟

سماح:الصمت

منصور:هيهو..مالك؟؟

حيدات ليه يديه وعطاتو نخال وهو يدورها عندو وقال:مالك؟؟

سماح:(ببرود)مايلة ليا معاك

ناضت من حداه هزات من بلاكار ايزار ومخدة وقالت:زرع فيها الكيف هاد المرة . .

ناض تابعها حيت شافها انخرج..

شدها من ذراعها وقال بصوت شوي مرتافع:مالنا ياك لبااس؟؟

سماح:(نطرات يديها وتتغدد من داخلها)راه ايما تفوتني عليك ولا اليوم نباتو فالحبس..واسير بعد مني

منصور:(بعصبية)مالنا على هضرة جامع الفنا...صايبي فمك

سماح:(لاحت داك ليزار والمخدة وهي طرطق فوجهو)انا بيتك تكمي فيه سم ان شاء الله..محشمتيييش تتخليني تكنغفل وتزيد تهز كاارو

منصور:(عاق البلان)منوضة البلبلة على الكارو..

سماح:(بغات طرطق)شتي انا خص لي يعطي لجد بويا شي سلخة تالعصا باش نتعلم ندخل سوق راسي..لي با يشرق يشرق لي با يغرب اغرب..قطع الكارو ماتقطعوووش اناا مااالي

منصور:(زفر)سماح خلي تا يصبح الحال وندويو. .

سماح:(مسحات وجهها بالفقصة)الى صبح انهز قلوعي ونزيد الى بقيت معاك فيها راني بنت الحرام..نتا مرييض فعقلك وتدير هي لي فراسك وانا ممسوقش ليا تحرقي وتشواي كي بيتي

منصور:(تتعصبو كلمة نمشي تتفكرو فاض غضبات عشر ايام )هضرة جوج نمشي..مالكي مبرهشة منوضة من الحبة قبة..دوزي تنعسي بلا خرا ونتي قوا فيك النگير والفضول

سماح:اييه اسيدي قوا فيا النگير والفضول سري..كون درت معاك فعايل بنااات الحرااام ومنتسوقش ليك لا اش تدير ولا اش ماديير..زيدني زيدني سريي

منصور:(صرعات ليه مخو)دوزي تنعسي بلا خرااا...

سماح:داك الخرا طليييتوووو معاك طليييتو(تحنات هزات الفراش والمخدة)

جرها مامخليهاش تخرج وتيجر فيها وهي تطلق حلوقها اععععع طلق منيييي

منصور:ضسرتي وليتي راداني بحالا مكاينش(لاحها فوق الناموسية ووقف عليها محمرهم فيها)ولات هضرتي زايدة ناقصة..(طرطق بصباعو فوجهها)ليحسب ليك واطيتيني الارض...راه راضية لي بشانها وبقيمتها وماتحطني الارض...تتنگري وساكت ليك..تديري لي بغيتي ومتنقولش ليك ولايني تبقاي تهزي علي فصوتك راه نحسب ربي مخلقش لسااانك

سماح:(دافعة جبهة وعينيها غرغرو)اواا اسيدي ملي ضسرت صيفطني لداار با تهنا مني ونتهنا منك نيييت...نتا مريييض فعقلك بيخصك شي وحدة حمقة مريضة بحالك هي لي تصبر ليك اما انا بزااف علليك

بغات تدوز وشدها من ذراعها مزير عليها وغوت فوجهها:نتي لي غتصبري ونتي لي غتبقاي بالخاطر بزز باشما بغيتي..ونهار تهزي صوتك عاود نهرس ليك فمك...سكتت ليك تاوليتي حاسبة راسك معرت شنوو(لاحها فوق ناموسية وغوت فوجهها تاخلعها ونقزات الدمعة من عينيها)نعسيييي حسن ليك لنورييك وجهي التااني

يبسات الدمعة فعينيها وخلعها على جهد حيت تيغوت لكن عمرو هدد بالضرب..عارف راسو مغيضربهاش ..منصور مكيمشيش بالضرب معمرو ضرب مرا وعمرو يديرها ..لكنها عصباتوو

داز لبلاصتو تكا وصاح فوجهها تانقزات:تحركيييي تنعسيييي..ياله

سماح:(شافت فيه والبكية شاداها)سير الله ياخد فيك الحق ياربي..ديما مرضني فحياتي

تكات بلاصتها حيت خافت منو كيما كان الحال راه مدمن تخافو انوض ادوز عليها..تكمشات عاطياه بظهر وتتبكي وتنخصص فصمت..ساعا مين سمعك سيد دغيا نعس حيت عيااان

بكات فصمت تاطابت ونعسات على صوت تنخصيصها ونيوفها العامرين بالما حالا شوي تفمها باش تنفس

صبح الصباح وفاق هو لول راسو ضارو..تيزدح..لقاها ناعسة حداه مكمشة وصوت شخيرها الخفيف كيتسمع..

طل عليها وناض للحمام غسل وجهو وسنانو وخرج تيلبس واشوف فيها..

هز سروالو ديال البارح خرج منو باكي تاع الكارو وخرج لبالكون اكمي..فالاول كان تيخليه فطونوبيل لكن البارح بقا فجيبو ومنين نوضوها مبقاش مسوق..خرح تيكمي على صباح. .

ريح راسو بيه وخرج لقاها تتحرك فنعاسها ودخل للحمام تيقضي حاجتو تاتحل الباب ودخلات هي مدوخة بنعاس وتتحرك هي بزز مافيهاش عظم صحيح اتحرك..

كتحس براسها فاشلة ومحاملاش راسها..باغيا هي تنعس..

مشافتش فيه عكسو هو لي ضور وجهو لعندها حيت كان تيبول..

حنات راسها تتغسل وجهها بما بارد وجا وقف حداها بغا يغسل يديه وحاضيها تيشوفها تتحرك هي بزز..

كملات وهزات فوطة تتمسح بيها وخرجات من دون ماتشوف فيه..

زفر و غسل يديه وتبعها تا شافها تخشات ففراشها ولسان لي يسول مالكي مكاينش. .

خرج و وصى اطلعو ليها الفطور لقى مو مفايقاش ناعسة باقي ..خدا فطورو وخرج لأغراضو

اما هي جابو ليها الفطور نقبات منو وراسها تيزدح..شربات كينة ديال الراس وتخشات ناعسة من جديد لي يهز راس مكاينش..

تاتقيس راسها مكايناش سخانة ومافيها حلاقم حدهم نيوفها مسدودين رشات فيهم رشاشة فقط اتحلو ورجعات تنعس

داز نهار كولو وهي فالفراش والسيد مكاينش حسو حدها لطيفة لي طلعات طلات عليها وطلعات ليها ماكلتها..

مسولاتش عليه بتاتا لي فيها يكفيها..جهد باش تنوض تمشي لدارهم مكاينش..

فاليل مع العشا جالسة فالفوتوي ومتكية نص تكية ويديها فيها تيليفون طالعا هابطة فالفيس تا دخل هو ولكن ماشي بوحدو معاه مرا..

هزات فيهم عينيها الذابلين تتسنا استفسار..قرب منها وداعب حنكها:منضتيش كاع؟؟

سماح:(عينيها على السيدة لي هازا حقيبة )شكون هادي؟؟

منصور:الطبيبة...

سماح:مابيا والو

وقف منصور و وجه كلامو لطبيبة:انا برا..ديري خدمتك..

خرج وخلاها معاها..زفرات بتعب وجات طبيبة كتفحص فيها لقات كلشي نوغمال وتتسولها اسئلة عادية ولوخرا تتجاوب هي بزز..وخرجات

منصور:مالها؟؟

طبيبة:غيان هي لافاتيݣ..فوالا بعض الفيتامينات تاخدهم باش توگد شوي..

منصور:داكوغ مغسي..السيد برا ايوصلك وهو يتكلف بالباقي. .

حركات راسها وشكراتو وزادت ودخل هو للبيت لقاها حاطا شانطتها وتدير فيهم حوايجها بتعب..زير على شفايفو مغدد وقرب منها بحدة:راه هضرنااا

سماح:(تتجمع والعيا والبكية فيها)هضرتي نتا اما انا هضرتش زايدة ناقصة نبات ونضل نغني لواحد صمك

منصور:(حيد ليها الحوايج من يديها) حطي زمر ..وا اسماح كتريزوني هضرتك..هضرة جوج نهز حوايجي ونمشي فحالي

سماح:(شافت فيه بخيبة امل)واش تتسناني ندير..نحزرك على صحتك..ونتا صحتك .. صحتك مامسوقش ليها عساك تسوق ليا انا لي نهار كامل وانا مريضة ومقلتي تا مع راسك نجي نطل عليها. .

منصور:اش تتخوري..كنت تنعيط نسول فيك وتيليفونك مرمي

سماح:نساا هادي..وتفكر ديال الكارو اسيدي..(حيدات ليه حوايجها من يديه)سير بعد مني والعدول لي جمعنا نهار لول افرقنا..

منصور:(تتعصبو بهضرتها)واش باغا تجهلي ملتي فهاد ليل؟؟مال دنمك على هاد قصوحية الراااس..غلطة ودرتها ودازت..

سماح:(تتبكي وتحط فشانطة معصباه كثر)الله يجعلك ماتزرعو فدارك وتكميه الى باقي قلت ليك شي حاجة راني يبنت الحرام. .

عصباتو وشدها من قرفادتها وجرها عندو معصب :سماااااح عرفي اش تتقولي..دوزي تنعسي تريحي راسك راك مريضة

سماح:(بعينين باكيين وفمها تيترعد)الله يعطيني شي موتة ونتهنا من حياتي ومنك تانتااا..

ماشعر تا طار عليها بقبلة عنيفة فيها العض كثر من التقبيل..كيغزز فشايفها بعصبية واضرها كثر..

تتدفع فيه لكنو كان مكنزز عليها وهي جهد لي يدفعو واحبسو مكاينش تا خارت قواها ولوات ليه بين يديه سخفانة..

دغيا شدها قبل ماطيح فاصل القبلة وحطها فسرير حيت قريب ليها

تيضرب على خدها بشوي وانادي اسمها لكنها متتجاوبش..تا روايح ماعندهمش..رشها بشوي تالما تايوكد فيها..بدات تتحرك راسها بتعب وتنين..تتحس براسها تيزدح على جهد ونفس مقطعة فيها.

منصور:(بخوف)سماح..سماااح

سماح:نننن راسي راسي هءهءهء(بدات تتبكي)واااععع

منصور:(خلعاتو وشدها حاضنها)صافي ازوينة..صافي سمحي لياا صافي شوووو

سماح:(نفس مقطع فيها)تخنقت هءهءهء وراسيي

منصور:(نوضها)اجي لبالكون اجي

شد فيها مخرجها للبالكون هي ضرب فيها الريح وهي تنهد وقواها خارت بغات تطيح كون ماهو شاد فيها..

جلسها فكرسي تما وبدا تيدوز على شعرها بحب وخوف عليها:شويا دابا(هز يديها باسها من برا ومن لداخل)سمحي ليا ماتدييش علي

سماح:الصمت

منصور:تاكلي شي حاجة؟؟

سماح:الصمت

منصور:(دور ليها وجهها عندو)واسماح الله يهديك..تتخلعيني عليك هاكا

سماح:(دورات وجهها فاص ليها)بيت نرتاح

منصور:مني اناا!!!(دارها فحضنو)ماعندي عليك فين..معصبة وانا لي عصبتك وانا لي نصلح الموضوع..دابا ريحي راسك تاتوكدي واكون عندك الجهد ونضاربوو

سماح:الصمت

بقا معاها لدقائق وناض طلب ليها الأكل ووصا على الدوا لي وصفاتو طبيبة ليها..

ورجع عندها لقاها فسريرها ناعسة بتعب..زفر وحك على راسو من لور نادم على شنو دار

فيقها تاكل لكن مبغاتش وخلاها على راحتها وجا تاهو تخشا حداها تاداتو عينيه سامح فالعشا...

ضرباتها الفيقة فنص الليل قرابة الوحدة تليل لقات راسها صهدانة بزاف وعرقانة لدرجة شعرها فازك من النواضر بالعرق ونفسها فاشلة عليها..

شافتو ناعس حداها وهي تعوج خليقتها مكرهة..

خرجات من البيت ومشات قاصدة لكوزينة تاتنهج..هزات قرعة تالما باردة نزلات عليها رغم انها مكتشربش ما بارد على حساب حلقها..

حسات براسها تروات وهي ترجع تطلع لبيتها وديركت للبالكون تيضرب فيها البرد و ساهية فاص ليها..

معندها خاطر ل حتى حاجة بغات هي تكوانا مع راسها وصافي

مكرهة من راسها ومن حالتها تاحاجة ماعجباها..

هاكاك بقات تا غفات فوق الكرسي طويل لي فالبالكون والغربي تيضرب فيها. .

***

اشرقت الشمش وهي مازالا ناعسة تما..فاق منصور تيقلب فجنابو مالقاهاش وهو يقفز خاف لتكون دارت لي فراسها ومشات لدارهم..

طل على حوايجها لقاهم فبلاصتهم وبدا تايقلب علهيا لتحت سول كلشي وأكدو ليه مشافوهاش..

طلع تيجري للبيت اهز لكونطاطت وهي تبان ليه خارجة دايخة من البالكون عاد رجعات فيه الروح. .

منصور:(تايكتم غضبو)فين كنتي؟؟

سماح:الصمت. .

دخلات لدوش محاملاش تهضر معاه..تقابلات مع المرايا وبقات تتشوف فراسها..

تتبان عادية لكن عينيها كتصور ليها انها ولات حالتها في غضون يومين..

تتقيس تحت عينيها وتتقول فراسها فيا التجاعيد..وقاست فمها كان ناشف هي بالتعب وهي حسابها معرت اش.. وشعرها لي من العرس ماتمشط ماحملاتوش..

طاحت دمعة من عينيها وتلاوها دموع خرين وهو يتحل لباب من طرفو..

عرفها اتكون تاتبكي..انسان عاش معاها حافض ادق تفاصيل وجهها..

عارفها ملي شفايفها مايلين للتحت راها غتبكي. .

زفر وجرها من ذراعها بدون اي كلمة دارها فحضنو مزير عليها تايبوس راسها باعتذار..وهي تبدا تتهرنط وطلقات العنان لدموعها. .

ماشي بكاء عادي انما كتهرنط وتنخصص تا خلعاتو..افكارو كيتضاربو فعقلو واش لهاد درجة اداها بتصرفو..

خرجها معاه من الحمام وداها لطرف سرير جلسها حاضنها وتيكرر فاعتذارو. .

تانطقات بصوت حزين:ماشي نتا امنصور هءهءهء انا لي معرت مالي..تنحس براسي فاشلة ومحاملا ندير والو(شافت فيه)خيابيت ياك؟؟

هنا داك شوي تالعقل لي بقا عندو طيراتو ليه ناس فاش وفاش وهي فمشيط الراس..

زفر ونطق:اش هاد الهضرة تتقولي؟؟نوضي دوشي نديك لطبيب يقدر تكوني حاملة..

سماح:لا محاملاش انا متأكدة تنشرب كينة.

منصور:ومالك فهاد الحالة؟؟(شد حنكها داعبو)سماح..متخلعينيش عليك

سماح:(زفرات بتعب وتتبكي)عيييت امنصور بيت هي نسد علي فشي بيت ونتعزل بوحدي..تاحاجة معاجباني..

منصور:عاد فالعرس كنتي مزيانة!!

سماح:معرفتش معرفتش هءهءهء بيت نمشي لدارنا

منصور:(عقد حجبانو)واش حنا نبقاو ديما فنفس الموضوع هضرة جوج نمشي لدارنا

مسحات دموعها وشدات راسها بيديها:ماشي عليك ولكن بيت نرتاح..حاسة براسي مخنوقة هنا. .

منصور:نديك لابارتمون ترتاحي فيها

سماح:الصمت

منصور:(شد يديها وهز ليها راسها)نبقاو بجوج ونلقاو الحل بجوج..اما كل واحد فقنت لا..

سماح:(وقفات بنرفزة)واش تتفهم..مابيتش نبقا مع شي حد عيييييت منك ومن كلشي

منصور:(عض على شفايفو)واخا..واخا(تيزفر)انديك للطبيب هو لول وندوزك لداركم ولكن(هز صبعو فوجهها)دو جوغ منفوتهاش ليك

سماح:(دازت تتهز حوايجها)تبقا تحسب ليا فليام..تاطفات عليك الشمعة عاد جاي تحكم

منصور (دار راسو مسمعش وبغاها تعاود)أش قلتي؟؟؟

سماح:(عطاتو النخال)

لبسات عليها ويديها تيمسحو دموعها لي محبسوش من تساقط..لبس تاهو معصب علاين ينفاجر حيت خضع لطلبها..كون طلباتو تمشي تجلس عادي ميقولش لا لكن بغات تمشي مورا موقف وقع ليها معاه. .

شافها غتهز حوايجها وهو يجي جرها وقال:خريتي تاني..تحركي هزي تيليفونك وياله..

سماح:بيت نهز حوايجي باش غنجلس

منصور:جلسي قلوانية فففف

خرجها معاه مغوبشة وهو كثر منها..تلاحت فالطونوبيل ساكتة وتتزفر وراسها تيزدح. .

شد الطريق ديركت لعند طبيبة اخرى غير لي جاب ليها باش احيد الشك..نص عقلو تيقوليه راه حاملة

كي وصلو دخلو خداو نوبتهم وهي تيهزز رجليه وهي تتحس براسها دايخة وفيها نعاس..

صوت ناس تيجيها ثقيل مكرهاتش تنوض وتغوت فوجههم وتقوليهم سكتو..

حس بيها حطات راسها على كتفو وهو يتلفت وقال:سماح

سماح:ياله نمشييو عفااك مابيتش نبقا هنا

منصور:(دوز يدو ورا ظهرها)شوي ونمشييو. .

سمع اسمها وناض معنقها دخلها لطبيبة ..وهاد المرة هو لي لقى السلام عكسها هي مهضراتش. .

الطبيبة:شنو المشكل؟

منصور:مراتي دو جوغ مكتحسش براسها مزيان..

طبيبة:مدام بشنو كتحسي

سماح:معرفش..معندي خاطر لتاحاجة ..كنبغي هي نسد علي وننعس..راسي تيزدح على جهد ومابقاش عندي مع الناس..

طييبة:راجلك؟؟تاهو

حركات راسها بالايجاب ونطق هو كي حزقة العصر:تقدر تكون حاملة؟؟

طبيبة:بوسيبل ..مدام معندكش اعراض الحمل؟؟

سماح:نوو ماعندي والو..انا مأكدة محاملاش حيت تنشرب الكينة. .

طبيبة:(شافتها تتهضر بعصبية)داكوغ نتأكدو بعدا ياله معايا نفحصك

ناضت معاها تتسوط وتخنزر فيه..

تسرحات وبدات تتدوز ليها كونترول جينيغال وسماح مترقبة وقلبها تايضرب مبغاتش تقوليها راكي حاملة

سماح:حاملة؟؟

طبيبة:اجي معايا

نظفات راسها وناضت تصايب حوايجها..وجلسات حداه هو لي مترقب خبر حياتو هو حملها. .

منصور:حاملة؟؟

طبيبة:نو..الطونسيون ديالها طايح بزاف هو لي داير ليها سخفة..ودقات قلبها ممنتاظمينش. .

منصور:(بقلق)ومناش هادشي؟؟

طبيبة: بوغ لانستون مانقدرش نحكم..خصكي امدام ديري ليا شي تحاليل ضروري ..مي منهنا لديك الوقت غنعطيك دي فيتامين اعاونوك توقفي شوي ونوصيك تغدية ديالك ..

منصور:(خاب املو من حملها لكن مبينش..قاس خدودها حمرين)

سخونة؟؟

طبيبة:انعطيها دي ميديكامون انزلو ليها الحرارة طالعا ليها شوي. .

منصور:(زفر)داكوغ ..ميغسي(شد الورقة)انديها دير تحاليل دابا نرجعهم ليك غدا

طبيبة:داكوغ شوف مع لاسيستونس تعطيك غونديفو بوغ دومان

منصور:داكوغ

شد مراتو من يديها وخرجو ساكتين..كي طلعو لطونوبيل نطق بهدوء:نديك ديري تحاليل ونمشيو نفطرو وندوزك لداركم

سماح:(بنفخة)ديني لدارنا ديركت مابيت ندير تا تحاليل

منصور:(تنهد)سماح الله يخلي ليك والديك الى ما سمعي هضرتي..راني واقف هي بزز كولي تنترعد خايف عليك. .

سماح:معندك مناش تخاف علي..جرب شوي هي من داكشي لي تانحس بيه فاش تنشوفك تدير شي حاجة تضر صحتك. .

منصور:(باستسلام)انا الالة متايب الله..عمري باقي نحطو ففمي هي بقاي على خاطرك

سماح:ضبر راسك..كمي ولا جعد ماسوقيش..تانا لشفتيني تنكمي متقولياش. .

منصور:(جاتو الضحكة)ههه تكمي كااع(شاف فيها)عندك صحتو؟؟

سماح:(بالغدايد)صحتي حسن من ديالك

منصور:(جرها لعندو دارها فحضنو بيد وحدة وسايق)نتي كلك حسن مني..هي متقلقيش ليا...(تنهد)ردي البال لراسك وكولي مزيان..انا ناخد ليك دواك وشربيه

سماح: مممم

منصور:وبقاي تجاوبيني على تيليفونك..دوجوغ ونرجع نديك..

سماح:ففف واخا

بعدات على حضنو وتكات راسها على زاج طافية بمعنى الكلمة..وقف خدا ليها الدوا وطلع موصلها لدارهم. .

نزل معاها وهي تقول:اتطلع؟؟

منصور:اشنو بان ليك؟؟

مهضراتش حدها صونات وهي تم نازلة كريمة بالعكافة باينا تتسيق حيت هازا جفافة..

كريمة:(بابتسامة)اهلاا

سماح:(باستها فحنكها)كاينا ماما؟؟

كريمة:دخلو ههه مكاين حد انا وراسي

سماح:حسن

طلعات بلا متهضر باقي وتبعات ليها كريمة ومنصور العين بغير فهم..

كريمة:هادي مالها؟؟

منصور:(زفر ومد ليها ميكة تدوا)هذا دوا ديالها..عطيها تفطر عفاك وخليها تشربو.

كريمة:(شداتو بغير فهم)واقوليا مالها

جبد تيليفونو وقال:عيانة شوي..عطيني نمرتك امليكة

كريمة:سميتي كريمة ففف لاش نمرتي

منصور:06

فتاتها عليه وقيدها وقال:ردي ليها البال تاتجي مها..الى مجاوباتنيش انعيط ليك نتي..هانمرتي اتطلع ليك

كريمة:(باقي زي الاطرش)واخا واخا

زاد فحالو مع طريق فحين هي بقات تتشوف مستغربة فالاخير سدات الباب وطلعات تتقلب عليها وتنادي عليها وهي مكمشة فبيتها

كريمة:(دخلات عليها)اهياتا ياكما جايا غضبانة؟؟

سماح:جايا خريانة..مريضة وبيت نرتاح فدارنا

كريمة:(حطات يديها على حنكها)سخونة...واش فيك سخانة؟؟

سماح:(تقلبات على ظهرها) ففف كولي سخونة وماعندي جهد

كريمة:خلا ليك راجلك دوا..انجيب ليك تفطري

سماح:مناقصني لا دوا لا فطوور(غرغرو عينيها)بيت هي ننعس

كريمة:ولكن راه ضروري تشربي دوا

سماح:(مغمضة عينهيا)عفاك اكريمة خرجي وسدي الباب

تنهدات وخرجات مخلياها تتدمع وسط فراشها..كي سدات لباب دوزات إتصال لزينب علماتها بلي كاين..مدازتش تا نص ساعة تا جات

زينب:فينها؟؟

كريمة:فبيتها(شداتها من يديها)حبيبتي راه جابها راجلها

زينب:(بشك)ياكما مخاصمين؟؟

كريمة: لا قالو لا

دخلات لعندها لقاتها طايبة بسخانة..تافيقاتها مسهوتة. .

سماح:(بتعب)ماما

زينب:(مخلوعة)الله ابنتي الله..مالك على حالتك شو كي سخونة...مالك اماما

سماح:(تتكحب)كح كح كح عيانة شوي

زينب:نوضي نديك لطبيب

سماح:ياله جيت من عندو..داني منصور(تتقيس حنوكها)سخونة

زينب:واش ضاربك البرد ولا شنو؟؟

سماح:معرفتش غففف

كريمة:(دخلات عليهم)راه قلت ليك تفطري وتشربي دوا ونتي راسك قاسح

زينب:جيبي ليها تفطر..عندها دوا

كريمة:جابو ليها راجلها..

سماح:عطيني هي دوا

زينب:تشربيه بلا ماكلة تجبدي عليك سخانة جووع فففف جيبي اكريمة

مشات تتطير تتوجد ليها الفطور فحين زينب تتنقص عليها الحوايج تتفزك فالفوطات بالما بارد وتمسح ليها جبينها ويديها. .

سماح:(مسهوتة)ففففف عيانة ياماما

زينب: مرضك خايب ابنتي. .

جابت ليها كريمة الفطور وفطروها بزز وشربوها دوا ورجعات تنعس

زينب:الله اربي الله..

كريمة:تانتي احبيبتي راه عادي مريضة دروك تبرا

زينب:ان شاء الله والله تاتخلعت عليها

كريمة:هههه عرفتي احبيبتي انا شكيت فيها حاملة

فرنسات زينب بسرعة وقالت:زعما؟؟؟

كريمة:هههههه اه احبيبتي ههههه تصوريها

زينب:الله وشحال تفرحني هههه شوفي انا نمشي نضرب طليلة فالخدمة بلا منوصيك

كريمة:كوني هانيا

****

المساء..كانت سماح باقي شادا الفراش مكتحركش السخانة طلقها شوي وتشدها شوي..فاشلة وروحها تخرج بصهد..مكرهاتش تقلع حوايجها كلهم

عثمان:(جالس فالصالة مع باقي افراد العائلة)اوا وراجلها معيطش

زينب:سول قبيلا ..وكانت ناعسة

الياس:معمر وقع ليها هاكا

عثمان:لالا تتمرض هاكا وكثر

زينب:(بابتسامة)شكيت تكون حاملة

عثمان:(كمش عينيه)اشمن حاملة..سيدة تتقوليك مشات للطبيبة وقالت ليها لا ونتي تتقولي حاملة

الياس:فين قارية ازينب هههه

يسرا:محال اخالتي...انا جاتني والله واعلم ضرباتها العين. .

كريمة:هاديييك يرضي عليك..ياك قالت داك نهار فكروب واتساب بلي اتمشي لعرس خوه

الياس:معرت علاش بتشد فيها العين..فيها لي مكاين خويو راسكم من هضرة الشارفات

عثمان:العين حق والسحر حق

يسرا:يمكن اعمي..حيت ميمكنش سيدة تتشرب فدوا ومزال سخونة

زينب:واهي تتشد فيها العين..هي شعرها راه تيجيبها كاو

عثمان:زينب نوضي شوفي بنتك

ناضت جمعات النوضة دخلات عليها لقاتها جالسة شادا الخط مع منصور لي عاد تاصل بيها . .

سماح:شويا وصافي

منصور:نجي نديك

سماح:لا هي خليني نبقا مزال

منصور:واخا راحتك...خديتي دواك

سماح:شربتو

منصور:محاملانيش لا؟؟

سماح:(بانزعاج)مكاين والو امنصور

منصور:واخا..خاطرك..رتاحي ليا مع راسك غدا ندوز نشوفك

سماح:واخا

قطعات بدون ماتزيد كلمة ولاحت تيلي باهمال وشدات راسها..وقفات عليها زينب لي مراقبة الفيلم من لول من قدام الباب

وقالت:لالة بنتي شويا؟؟

سماح:(تنهدات)شويا اماما..

مابقيتش سخونة

زينب:(قاست جبينها)لا لا شويا الحمد لله..مالك مع راجلك؟؟

سماح:ممالي والو..واش اماما مامنحقيش نجي نجلس معاكم

زينب:شكون قال العكس..هي خفنا لتكونو مقلقين

سماح:مكاين والو..حنا بخير هي عييانة وبيت علامن نتفشش(تخشات فحضن مها)

زينب:(حضناتها)باش كتحسي ابنتي؟؟

سماح:(تنهدات بتعب)بالعيا ومحاملا ندير والو...نافرة من راسي..هي يوماين هادي كنت ناشطة وماشطة..دابا كارهة كلشي وتا خاطري مامهنينيش

زينب:ياربي سلامة...(دوزات بلطف على راسها)مشيتي لعرس لوسك؟؟

سماح:مشيت اماما (تتفكر بلان الكارو)

زينب:نشطتي شوي

سماح:نشطت وهجرتو لغد ليه بسخانة والعيا بحالا انا العروسة

بعداتها على حضنها وقالت:هي هاديك ابنيتي..مكاين لا سخانة لا والو..ضربوك بالعين صيفتوك كاااو..

سماح:(دارت ليها طن فراسها)الا اماما راه..

قاطعاتها :ششش توريني انا فعينين الناس..

سماح:ولكن تاحد مداها فيا

زينب:قالها ليك راسك..ابنتي العين حق والسحر حق..نتي مكتمرضيش بسخانة بزاف ..و تا الا مرضتي كاع تتشربي خنيشات وتنوضي كي العاود..نتي كتقهرك الحساسية بوحدها

سماح:(بدات تتسوعب)ولكن واش العين اماما تخليني نافرة من راجلي؟؟

زينب:العين ابنتي حطات ناس فالركنة والباقي صيفتاتو للروضة..كاين لي العين وقفات ليه حياتو وهو ميكساب مايعلام..عندو هي عشا ليلة...مكضربك هي العين لي تتبغيك. .

سماح:(تغرغرو عينيها)واش ندير؟؟

زينب:الديار ديال الله...العين صعيبة تعقلي على البنت لي شدات الباك بنقطة زوينة ومرضات موراها ديك لي كانت تتقرا معاك. .

سماح:(تتفكر)ااه سهام

زينب:هاديك ابنتي..مباقي دارت تاحاجة فحياتها منهار شدات داك الباك وكلشي تيقوليها ناااري شدات الباك وتتقرا وناس تتحل فامها ومتتقولش تبارك الرحمان..واخا دوك الناس راه مباوش ليها الشر..كضربك العين لي كتبغيك..نتي ابنتي شعرك زوين وطويل ولي داز من حداك تايبقا متبعك..

سماح:مشات من بالي كاااع..

زينب:هي هاديك ابنتي..واحد الاستاذة خدامة عندي زوينة عندها حقها وضعييفة مافيهاش فين تشد العين..وعندها يديها بيضين وضفيرات ديما مصايبين وزوينين نهار تتحني راه يديها متحيديش عليهم عينيك تيكونو زوينين..نهار تتحنيهم وتتجي بيهم الغد ليه كتعيط للادارة بلي مريضة..

سماح:(تخلعات)ياكما نموت اماما

زينب: الله يهديك مكاين بو موت هه انا هي شرحت ليك بلي العين تتشد فالواحد على شي حاجة لي ميحسابوش كاع واش احسدوه عليها الناس..واحد سيدة الله يواليها برحمة الله كانت عندنا فلبلاد تتقولينا ناس غيعينوك هي على الشوارب لكبرو ليك ونفختي بيهم على اتاي..راه الناس مكتسبحش الله ملي تتشوف شي حاجة حدها تتحل فمها وتقول واااو. .

سماح:الله اربي واش بغاو عندي(تتبكي)الى على هاد شعر نقطع مو گاع ونتهنا. .

زينب:اكون خير..دابا نجيب ليك تاكلي شربي دوا ورجعي تنعسي..غدا نشوفو اش نديرو . .

سماح:(مسحات دموعها)واخا

خرجات مها من عندها مخلياها تتقلب فتيليفون بعينين حمرين ومسهوتين بالمرض ونيوفها هي دايزين بلما. .

"#العين..لاتصيبك العين التي تكرهك بقدر ماتصيبك التي تحبك"

كاينين ناس دابا فالركنة بسباب العين..الانسان كيشوف اخوه الانسان ومكيقولش تبارك الله حدو تيشرع عينيه ويقول وااو وديك واو ديالو راه فيها القرطاس..

كاينة لي سدات السعد و كاين لي حطاتو فالركنة بمرض..لي تسدات ليه سعد الخدمة ولي تعكسات ليه الامور..

الناس كتشوفك كضحك وتقول سعداتها هي تضحك..

السلاح لي بلا دخان ولي مكيعاقبش عليه القانون هو العين..

تضحك عينوك..بكيتي عينوك..عندك شوارب كبار عينوك..عندك نحس غيعينوك..فكاع الحالات اتشد فيك خاصة لكنتي مالح فوجهك..

باتت وهي تتقلب على العين ومافيها مانعسات تال اشمن وقت تتقلب على الراحة وقبل مشات قلبات على رقية فاليوتوب تاع العين وطلقاتها ومشات فبحر النوم تتقلب على الراحة

###

صباح يوم جديد..بدا عندها بخمول وبكسل لا مثيل له.. مافيهاش لي يفيق عيات فيها مها ويسرا لكن بدون جدوى بغات هي تنعس..

مافاقت هي على صوت كريمة تتحرك فيها بشوي..

سماح:(مغوبشة وشعرها طالع لسما)ممم

كريمة:نوضي اصاحبتي راجلك برا بغا يشوفك

سماح:(بلا مبالاة)قوليه ناعسة مافياش

كريمة:حشومة اصاحبتي..نوضي

سماح:(حلات عينيها طافجة)تفووو خزيت

كريمة:(غوبشات)على وجهك اشتفو قولي امين.. دابا نهبط على مك بشي تصرفيقة

سماح:(دخلات للحمام)ففففف.

جمعات شعرها بدون ماتمشطو وعينيها عيانين..غسلات وجهها وسنانها وخرجات بدون ماتبدل عليها مخنزرة وكلها عروقات مدوشاتش حتى

خرجات لبرا لقاتو مع مها كيهضر معاها وتيسمع ليها كذلك بفضول جات مع اخر كلمة ديال:نشوفو ليها شي راقي

سماح:(شافت فيه ولقات سلام) سلام

منصور:(هز فيها عينيه طلعها ونزلها)لبااس؟؟

سماح:بخيير..(هزات شال من حداها تتنش بيه)فففف ناري على صهد

زينب:حممم انا نجيب اتاي(حركات راسها لمنصور)

مشات وهو ينطق:مخاصمة معايا؟؟

سماح:منصور (بانزعاج)ممسالياش لهضرة على صباح

منصور:انا قلت ليك شي حاجة..(ضرب بيديه حداه)اجي حدايا

ناضت تتسوط ومحاملاش تدوي معاه..جلسات حداه ودور يديه على كتافها وقال:شويا دابا؟؟

شافت فيه بعينين تعبانين وقالت:عاودات ليك ماما

منصور:ممم وجوبونص بلي عندها صح..الطبيب ومشيتي ليه جوج مرات ونفس هضرتهم هي العيا لاغير ولاطونسيون

سماح:(تغرغرو عينيها)ماعنديش زهر..نهار بيت نشط عطاوها ليا

منصور:(تيحك على ذرعانها)تفوت هي صحتك وتجي فينما بغات..

سماح:(شافت فيه بدموع )ودابا عجبتك؟؟الخاطر ماعنديش..الجهد لي نهضر بيه معاك مكاينش..محاملا ندوي مع تاحد ولي هضر معايا تنشعل عليه..

منصور:عادي من اعراض العين..عندك علاش تشد فيك شعرك زوين والعرس كولو ونتي تتشطحي وتحركي بيه

سماح:وانا باش بنعرف؟؟(شافت فيه)اشبان ليك نتا؟؟

منصور:عندهم صح..انا معمري شفت شي حالة ولكن تنسمع من بعيد على هادشي

سماح:(تنهدات)واشنو ندير؟؟

منصور:اتمشي ديري الرقية وافوتك الحال..انا نسول ليك

سماح:(بانفعال)انا ماشي مسكونة باش نمشي عند شي حد اصرعني

زينب: (جات هازت صينية تاتاي)اش هاد الهضرة ابنتي

منصور:هضرتك ولات فشكل..ريزوني شويا

سماح:واش بيتوني نمشي عند واحد ندير رقية وتتسمعو نيت اش تيروج

منصور:اندخل معاك انا..سينو نجيبو ليك لدار مالكي فيه نتي..هي باش توكدي شوي

زينب:عندو الصح ابنتي ...نجيبوه ليك هنا لدار ادير ليك الرقية

منصور:ياله دابا معايا

سماح:فين؟؟

منصور:تتسول عليك مي..ياله وميكون هي خاطرك ..

زينب:خليها اولدي معانا شي ايام

منصور :ميمكنش ايبقا دماغي مشوش معاها..اللهم تحت عيني

سماح:خليني هنا

منصور:(شاف تاعيا)واخا(وقف)بسلامة..

زينب:جلس اولدي شرب اتاي

منصور:مرة خرا بلغو السلام لعمي

زينب:سلم لينا على الحاجة بزااف..ربي جيبها شي نهار

منصور:ان شاء الله

زينب:نوضي ابنتي وصلي راجلك للباب .

ناضت تتسوط مافيهاش لي يهبط..ومع ذلك هبطات معاه..حل لباب وتلفت ليها مبغاش امشي بلا بيهت

منصور:تهلاي فراسك

سماح:(تتنهد)متخلينيش مبرزطة عليك...رد لبال لماكلتك

منصور:كوني هانيا من جهتي..تهلاي هي فراسك نتي..اندوي مع باك على قبل الراقي.

سماح:(سرطات الريق)واخا

قرب منها حضنها عندو تا خشا وجههو فعنقها وهي تدوز يديها عليه محتاضناه مطولة تا بعدها عليه وقبل شفايفها بعذوبة قبلة خفيفة وبقا مقرب وهي تقول:سلم على خالتي

منصور:(عاود نزل تيقبل فيها مساخيش وهي تتبعد فيه)زكاي

سماح:اويلي هه اتنزل كريمة تدي عارنا

منصور:(رد لباب تزنقة شوي)اش ندير؟؟مكيحلاش ليا النعاس بلا متكوني حدايا

سماح:(مسحات على لحيتو)احيانا عليك

منصور:والله(باسها ففمها من جديد)متوحشتينيش زعما هنممم

سماح:هه لا..سير فحالك

منصور:مقبولة منك..ردي البال لراسك انا نبقا نعيط ليك

سماح:واخا سلم على خالتي

خرج وسدات لباب تتمات طالعة ماعندها جهد بغات هي تنعس..

فطرات وشربات دواها وجلسات تتسنط لعظامها. .

مر اليوم بسلام عند الكل الا هي لي محاملاش تشوف شي حد..تتعيا تدير الخاطر و والو..

فالمساء كانو كيتعشاو وهي هي تتنقب وباها تيعطيها فلحيمات تانطق:عيط ليا راجلك اليوم

سماح:حمم علاش؟؟

عثمان:قاليك لقى واحد الراقي مزيان

سماح:(بانزعاج)كون هي عفيتوني ابابا

عثمان:(بجدية)سمعيني اسماح الله يرضي عليك قبل مانضور فيك ضورة خايبة..مرضتي مشيتي لطبيب ماسوگر ليك والو..شكينا فالعين نجيبو ديري الرقية ..نحيدو الشك من كلشي ماشي نشوفوك جالسة تتعذبي ونسكتو..براكا علي من تبعكيك الخاوي..فششتك تاولا فيك تبعصيص..

طاح ليها على الضبرة تضببو عينيها بالدموع..حطات ديك الدغمة وناضت من حداهم باقي فيها الحال على جهد..

زينب:(معجبهاش الحال)شهاد الهضرة تتقول ليها اعثمان..

عثمان:(عقدهم فيها)هضرة صح هاديك..مريضة الله يكون فالعوان ولكن باش تبقى تبعصص ليا على الدوا منعقلش عليها..الى هي تتمرض راه كبدتي انا تتشوا

الياس:حم واخا هاكاك الواليد مكانش خاصك تهضر معاها هاكاك

عثمان:مغتجيش نتا توريني كي نهضر مع بنتي..اصلا فشوشكم لي خرج عليها تاخسرات..خصها توگد مدايمينش ليها...

زينب:(بغات تنوض)بااز والله تا بااز

الياس:(حبسها)خليك انا نهضر معاها

ناض الياس خلى زينب قالبة وجهها عليه..لحق عليها لقاها تتبكي وتقول مابكيت فبيتها..مخشية فمانطتها وتتنخصص..

دوز على راسها وقال:سماح براكا اختي

سماح:هءهءهء كون هي ماجيتش كون بقيت فداري ولا نسمع هضرتو. .

الياس:ولايني راكي ضلعة عوجة هه راه هضر على مصلاحتك باش تبراي..عاجبك راسك هاكا

سناح:نتوما هي تتخربقو..العين ولا زمر مكاين لا عين لا زمر انا هي عيييت

الياس:ايييه حنا تنخربقو ونتي مولات العقل وسمعي لينا..راه بغا يجيب هي الراقي هي القرءان هذاك ..

سماح:ماخصنيش..(ناضت طافجة)بيت نمشي لداري

الياس:(عقد حجبانو)سماح بلا تبرهيبش(جرها عنقها)الله يرضي على ختي ماكبري عقلك..راك عيانة وخاصك الراحة

سماح:(تتبكي عشرة للعين)وملي مريضة لاش تيقوليا هاكاك..اللهم نمشي عند راجلي بعدا هو تيسكت متيقول والو

الياس:صافي انكارة اخير هه نسيتي فاش تيجي من جهتك وانا لا هههه ..عثمان تيموت عليك ازين هي متيبغيكش تبقاي رطبة هاكا

سماح: مممم

الياس:اجي كملي ماكلتك

سماح:ممم مافياش..بيت نعس

صونا تيليفونها بان اسم"العشق"

الياس:(ضحك)الخرا ماشي العشق هههه جاوبي جاوبي

خرج تيحرك راسو وهي تهز تيلي تتجمع نفس وتمسح دموعها ونطقات بصوت مغنغن:الو

منصور:تتبكي ولا؟؟

سماح:ممم لا..لباس؟؟

منصور:انا لباس شوفي هي نتي..مالكي شكون بكاك؟؟

سماح:والو هي تناقشت مع بابا وضار فيا(شداتها البكية)

منصور:علاش تناقشتو؟؟

سماح:هءهءهء قاليك لقى شي راقي وانا قلت مابيتش وهو يضور فيا هءهءهء

منصور:(كيمسح على وجهو)هانيا ماشي مشكل..هي باباك هذاك بغا ليك هي مصلاحتك

سماح:ميغوتش علي وانا مريضة ..

منصور:(تيحرك راسو يمين شمال)ففف واخا صافي مسحيها فيا..غدا فالعشية انجيب معايا واحد الراقي ادير ليك رقية باش افوتك الحال

سماح:(زادت تتبكي)هءهءهءهءهء خفت منو

منصور:(بدا تيتعصب)واش وليتي درية صغيرة راه غنكون انا معاك مغيقربش ليك مناش خايفة

سماح:معرفتش

منصور:عفاك اسماح..عرق فراسي تيزدح مقطوع مكامي ماتاقلوة متزيدينش تانتي نتشطن عليك

سماح:هءهء واخا صافي..انا نمشي ننعس

منصور:تهلاي فراسك كولي وشربي دواك ونعسي غدا يحن الله

سماح:(بصوت مغنغن)واخا..تصبح على خير

منصور:بسلامة..

قطع معاها وهي بقات مربعة رجليها تتفكر فتصرفاتها وتحللهم..معمرها مكانت هاكا فيوماين تبدلات

قطع تفكيرها مها دخلات جايبة ليها الديسير ..حزراتها وبزرات ليها تاوكلاتو ليها وبقات معاها تانعسات

****

فالمساء الموالي..جا منصور رفقة السيد لي غيدير ليها الرقية..فقيه معروف فمراكش مجابو تا سول عليه مزيان..باين فيه الوقار لحيتو طويلة وفيه شيبات..لابس جلابة وبلغة هاز فيدو محفظة كبيرة..

استقبلهم عثمان بود دخلهم للصالون والنسا فلكوزينة من غير سماح لي فبيتها تتعراق وتوتر بحالا بتسني على العقد

فالصالون الرجال كيهضرو وموضوع الساعة هو العين..نطق الفقيه:باش نبسط ليك اسي عثمان..العين حق على كل مؤمن..الفرق بينها وبين الحسد ان العين كتصيب المؤمن عن استحسان ولا شي حاجة زوينة فيه..الحسد كيجي الانسان من شر..

منصور:شحال تبقا دير الرقية؟؟

الراقي:(بابتسامة وريحتو الطيبة تتفوح منو بالمسك)المشكل لي كاين اولدي فهاد الوقت ان الانسان بعد على دينو بزاف..راه متحتاجش تجيب شي راقي..فوقتنا دابا ولاو هي بياع الدين..لي تيجيو ابيعو ايات الله بالفلوس..حنا ولله الحمد فعصر مجهد..عصر كلشي موجود..تيلفون راه اطلق ليك ميات رقية

عثمان:ولايني ماشي من صحاب الدين

الراقي:كلنا اصحاب الدين..اي واحد تزاد بالفطرة راهو مسلم واي واحد كبر وسط مسلمين وفعائلة مسلمة راه صاحب دين..غير الله يهدينا وصافي

منصور:امين..

الراقي:الى جات على خاطركم..تجي السيدة نبداو..تجي مستورة وموضية. .

عثمان:واخا اسيدي

ناض من بلاصتو لعند زينب وقال:فين سماح؟؟

زينب:تشربو اتاي هو لول

عثمان:نسبقو الرقية..عيطي ليها تجي

زينب:واخا

دخلات على سماح وخبراتها بشنو كاين..ناضت على وعدها توضات ولبسات عباية مستورة وتقاشر مع فولار وتوجهات رفقة باها للصالون فين كاينين حانية راسها وطايح عليها الضيم

سماح:(بصوت منخافض)السلام وعليكم

الراقي:وعليكم السلام ورحمة الله تعالى وبركاته..زيدي ابنتي..

تقدمات وجلسات حدا منصور وقال الراقي بدون ميشوف فيها:قوليا ابنتي شنو الاعراض لي فيك؟؟باش نشوفو واش عين ولا سحر

سماح:(سرطات ريقها وريحة المسك تتخلل نيفها خنقاتها)تنحس براسي مخنوقة..ومحاملة تاواحد..قلبي تيضرب على جهد والسخفة فيا يوماين هادي..

الراقي:صافي هادشي لي كاين..مكاينش ضربات القلب مجهدة

سماح:مرة مرة

الراقي:مزيان..والتعرق؟؟واش كيعرقو ليك يديك بزاف بدون سبب

سماح:مرة مرة

الراقي:واخا ابنتي..الى كان ممكن تكاي مقبلة

تنهدات وهمس فوذنها منصور:تكاي..متخافيش..

خدات مكان فالسداري وتكات جيهة القبلة وقلبها تيضرب بجهد...الوجه شاحب نوعا ما ومكاينش لمعة فعينيها

قرب ااراقي ليها جر كرسي جابو ليه عثمان جلس فيه وقال:الى كان ممكن تخليونا بجوج

منصور لا..انا نبقاا حسبني مكاينش

الراقي:لي بغات خاطركم

بقاو بجوج بعيد وهو قريب من سماح..باشر تيقرا عليها بعض الايات ثم انتقل للرقية..مغمضة عينيها وتيقرا عليها ما تيسر من ايات الله المحددة لرقية العين...

طوال المدة وهي تتحس براحة وماطرأ عليها تا شي تغيير مابكات ما غيبات ما صدر منها صوت غريب..

قرا عليها مزيان جهد 45 دقيقة تاولفات صوتو فوذنها وحبس مختم بالدعاء..

الراقي:(بابتسامة طيبة)الحمد لله ابنتي مكاينش سحر ومكاينش مس..لي عندك هو عين فقط..والعين حق

سماح:(ناضت تصايبات فالجلسة)الحمد لله

منصور:شنو خصها دير؟؟

الراقي:(رجع لمكانو سابق)تتصلي ابنتي

سماح:ديما

الراقي:مزيان اللهم يسر..لي نوصيك هو الصلاة في وقتها..الرقية انا انبقا نجي نقرا عليك ماتيسر لمدة ثلاث ايام ومن بعد اتكملي راسك..راك قارية ترقي راسك هي بالمعوذتين راه كافي..(حل شانطة ديالو)هذا ماء رقية ديالي..اتشربي نصو ونص الاخر تغسلي بيه باش ان شاء الله افوتك الحال..

عثمان:الله يكبر بيك اسيدي

الراقي:واذكار الصباح والمساء كل نهار..العبد لي تيدير الرقية وتيقرا اذكار الصباح والمساء وففمو الاستغفار عمر العين ماتصيبو او تضرو شي حاجة

منصور:الله يبارك فيك(رتاح قلبو من جيهتها)

سماح:ان شاء الله..الله يخلي ليك صحيحتك

الراقي:امين..

خرجات سماح من عندهم مرتاحة شوي تلقات ليها مها داتها للكوزينة عطاتها الما ورشاشة نيوفها لي تسدو بالريحة تالمسك..

اما عثمان عيا يشد الراقي للعشا لكنو رفض ومشا منصور اوصلو

دخل عليهم للكوزينة وقال:شويا ابابا

سماح:حم اه(متتشوفش فيه)

عثمان:(وضع يدو على شعرها)شتي ابابا مكاين مناش تخافي

زينب:صوتو زوين داك سيد

عثمان:سيد قاري وواعي فالدين..وجدو العشا ايرجع منصور اتعشا معانا

يسرا:واخا اعمي

تنهدات سماح وهي تتشوف فاص ليها..دخلات لبيتها صلات العشا وتضرعات لله ايسر ليها..شربات شوي من ما ترقية وخرجات تعاونهم شوي رغم اصرارهم بالعدم

رجع منصور وتعشاو فالاخير غادر بعدما طمن عليها ورتاح قلبو من جيهتها..

يتبع...

لأنك سماح الجزء 13

محتوى القصة

التنقل بين الأجزاء