لأنك سماح الجزء الثامن

سماح:(بحنان)عادي..ماشي مشكل..متجيب والو حيت هذا هي تعارف وصافي..ايتلاقاو هي الواليدين وصافي يعني ماعندكم ماتجيبو..
منصور:صافي واخا...ياله سيري منشدكش
سماح:تهلا فراسك..نتشاوفو فالعشية
منصور:واخا ازين

قطعات معاه وحزنات من اجلو...لبحال هادشي كيبغيو الناس واليديهم اوجهوهم فبحال هاكا...هو معارفش كاع هادشي معارف منين ابدا..تنهدات وقالت:الله يزيد فراحتك ياربي

سمعات صونيت ونزلات تتدردك تحل لقاتها فاتي وضحى ونهيلة هازين شلا سوبيرات...فرنسات ليهم وهي تطلقها فاتي بواحد تزغريتة من داكشي

سماح:هههههههههههههه
فاتي:اوا يا شاطا ماطا جعدتي تا جعدتي ههههه وجبتي ليا سيد الرااجل(حطات السوبيرات فدروج وعنقاتها)شااابها عماتتتك اختي
نهيلة:هههههه ولايني راك كرطيطية افاطمة زهراا
ضحى:ههههههه ملي عرفاتك تزوجي وهي فرحاانة سهراتنا تال الفجر فهاد الحلاوي
سماح:(عنقات عمتها)الله يخليك ليا اعمتي يااربي لهلا يخطيك
فاتي:والى مصايبت لبنت الغالي لمن نصايب ههههه زيدي نطلعوو ازين زيدي..
طلعو سوبيرات ضاحكين وتلقات ليهم كريمة وقالت:الله يعطيك صحة افاتي...
فاتي:اوا شنو بغيتو تدوز صكووتي ههههه هاكي هالحلوة حطيها نرتاحو ونجيو نستفوووها مزيااان
ضحى:انا ندير ليك سوان راني جبت الماطريال ومنكت الخدمة على قبلك
سماح:(بامتنان فرحانة)نااري حشمتوني والله لهلا يخطيكم علي ياربي
نهيلة:وانا جيت هي مونسانهم هههه سماح وريني العريس
فاتي:تايجي وتشوفيه هههه...
ضحى:نوضو براكة من صواب(شدات وجه سماح من الذقن)شهادشي المصيبة تتخلي وجهك تا كيولي فيه دود ماشي بوان نواغ ..

سماح:ملي تنغسلو بجيل ماتقوليها لحد..
ضحى:حمدي الله بشرتك جافة..اما كون عامرة ليك بالحبوب
سماح:لالا ماشي جافة مخلطة..مرة مرة تتنوض ليا شي حبوبة
ضحى:نوضي نوضي خصك اعادة الهيكلة كااملة..تجعدي
كريمة:اهيا تانا بييت..كملي ليها وبالي بيا..
ضحى:بيت هي نعرف لمن بيتي تصايبي..
كوزات ليها ودازت تتحرك فترمتها:للمعجب اختيي ههههه فاطمة زهرا تبعييينيي ههه
فاتي:عافية صافي عههه

ناضت فاتي للكوزينة وجرات ضحى سماح لبيتها رفقة نهيلة..
ضحى:اندير ليك سوان..(تتقلب فصاك ديالها كبير شوي)جبت هادا الجيل نغسل ليك بيه..
سماح:لا غسلي ليا بديالي ليخرجو فيا شي عجب..
ضحى:واخا طلقيني غسلي وجهك مزيان وجي ندير ليك تقشيير
سماح:علم هههه
نهيلة:(تكات فوق ناموسية)انا متنوضونيش
ضحى:(تتجبد ماتريالها)كون هي مجيتيش
نهيلة:ماشغلكش
جات سماح بعدما غسلات وجهها وقالت:مزيان دابا
ضحى:(تتحقق فيها)اختي خرجتي على كرك بسهير..شوفي تحت عينيك
سماح:واصافي هههه

صايبات ليها بلاصة وجلساتها وقالت:اندير ليك تقشير غمضي عينيك..
نفدات كلامها وقشرات ليها وجهها بمنتوج زوين وصيفتاتها تغسل..رجعات نشفات ليها وحطات ليها لفابوغ مبرونشي وطلبات منها تكالي بيه وجهها..بقات فيه جهد نص ساعة حتا تحلو المسامات على جهد..حيت عشرة دقايق مكافيش بتاتا بالنسبة لسوان عميق..

حيدات وجهها عرقان ولات حمرة بزاااف وتتنهج..تكاتها وهزات كلينيكس واراك للحناش تيخرجو من نيفها..تتحيد وتنكر وسماح تتغوت حيت تتورك عليها..
ضحى:صبري صبري..نتي اختي لي تنضل عليك اجي ندير ليك سوان..اجي نحيد ليك دوك الحنااش دابا تعرمو عليك اوا صبري..
سماح:(مقسحة)اععععع واربي العذاب هذاا واااعععع
نهيلة:ههههه كلشي على قبل العرييس
سماح:وااااععع العريس ممسوقش اععع وابشوي

كملات ليها تنقية تاع وجهها ولاو ثقابيه تيبانو خاويين..عاد طلقاتها..طلات ليها ماسك واجد لسد المسامات وتغدية الوجه وحطات ليها جوج دوارات فزكاتهم بما ورد وخلاتها ترتاح بيدما وجدات ماتريال ترجلين واليدين..
نشف وغسلاتو ليها ودهنات بكريم مرطب رجع وجهها تيشعل بالنقا..قاستو وقالت:الله النقا شحال زوين هههه فن اعطيك صحة ازين
ضحى:جعدي دروك لرجلييك
سماح:(تتفرنس)ركزي على رجلين ازين راه هوما كلشي هههه
حطات رجليها فما سخون جابتو ليهم كريمة وجلسات حداهم هي ويسرا لي عاد لتاحقات اما فاتي وزينب لي تاهيا عاد دخلات راهم فالكوزينة
دارت ليها سوان تا رجليها نقاتهم من الجلد الميت بحكم ضحى دومينها جابت ليها برودويات قاضيين الغرض..تهلات فيها ونقات ليها ضفيرات وبرضاتهم نضاتها كلها..وكذلك يديها خرجاتها تتشعل
سماح:(فرحانة)اعطيك ستر..هادشي فن(تتشوف رجليها)بان فيهم ضو نههه
ضحى:بصحتك الحب نننهههه اصبري نصبغهم ليك بشي لون زوين
سماح:واخا ههه شوفي ديري بيج بارد حسن
ضحى:جبت لوان غامقة
سماح:شوفي طابل دونوي لهيه فيها الصبايغ دياولي..

مشات ختارت لون وجلسات تتفنن ليها فصبيعاتها رداتهم ليها فنين..
زينب:(حلات الباب)ساليتو هه
ضحى:باقي احبيبتي هاحنا واحلين ففراقش بنتك هههه
فاتي:(هازا زيف تالكيسان)دغيا بنحطو الغدا
كريمة:ووجهي انا؟؟
ضحى:هههه نتغداو وهاني معاك
كملات ومشاو تغداو رفقة الياس وعثمان لي جاو.. الضحك والتكركير عاطينو ستة لضس ناشطين فرحانين




المساء..نزل منصور من بيتو لابس ومأنق كيف العادة..قصد بيت مو لقا لطيفة ملبساها ومنضياها..بجلالة اخر مكاين لا فالخياطة ولا لون..مبرعها مكاينش لون مدايرش لمو فيه القفاطن وجلالب..
بتاسم وباس راسها وقال:شهاد زين هذاا؟؟نخاف اطمعو ليا فيك
بتاسمات ليه ودفع بيها الكرسي ناحية الباب..حطها لور فالسيارة ودار كرسيها فالكوفر ..ركب بلاصتو مبتاسم لمو و فالفطريق دوز الابيل لباه عطاه نعت تالدار لي هو براسو عيط لعثمان فالصباح وعطاه ليه هي من باب الاقناع اما راه عارفو
قصد الدار مبرد كون ما مو كون جبد كااروو.. كي وقف وقفات طونوبيلت العائلة..غوبش محاملش اشوفهم لكن لضرورة احكام..نزل عبد العظيم بعدما حل ليه الشيفور لباب مسلهم كيف ديما وتبعاتو الحاجة لابسة ومقادة تاهيا ..وقفات سيارة اخرى لعبد الغني وعبد المالك..كي شافهم نزلو باينين ليه محملين ومحملين بالسكر وغيرها من الأشياء..نزل قصد عبد المالك هو لول وقال من دون سلام: اش هادشي
عبدو:الباروك..واش اتدخل للناس طويل..

لزم الصمت حيت معارفش فهادشي..مشا نزل كرسي مو ونزلها دارها فيه..الاخيرة تلاقاو عينيها بعبد العظيم وبدلات شوفتها
تقدمات الحاجة عندو وقالت بصواب:الله يكمل بالخير اولدي
منصور:(شاف فيها وباس يديها)امين الحاجة..

تحنات سلمات على راضية وقالت:كي دايرا اختي؟؟
حركات ليها راسها ببتسامة..
عبد العظيم:مغطلقوناش خلااص
خزر فيه منصور تيكره لي يتأمر عليه..طمر ودفع بمو شوي..صوناو وتسناو تانزل الياس لي لابس ومأنق على الاخر مبتاسم:مرحباااا مرحباا
سلم على عبد العظيم باس ليه يديه ورحب بيه و بالحاجات كذلك ومع خوتو وفلخر مع منصور ..
منصور:(مخاطب عبد المالك)هز كرسي مي..انا غنهزها
عبدو:واخا..
هز مو دغيا وتم طالع بيها لدرووج لقاو زينب وعثمان فالإستقبال مع حميد وفاتي بابتسامة..
زينب: مرحبا مرحباا والف مرحباا(شافتو هاز مو)اجي اولدي حطها هنا..
دخل لصالون الكبير بزاف حطها وصايبها وقال:مرتاحة الالة راحتي؟؟
حركات راسها عاد رجع سلم هو الاخر على عثمان باحترام وزينب كذلك وباقي افراد العائلة
رحب عثمان بيهم اشد الترحيب ودخلهم للصالون الكبير فين جلسو كاملين من غير زينب وفاتي لي توجهو للكوزينة..
عثمان:(معيد الترحيب)مرحباا بيكم..نهار كبير هذا
عبد العظيم:يرحب بيك الخير اسي..
عثمان:عثمان اسي
عبد العطيم:الحاج عبد العظيم..نهار كبير هذاا
عثمان: بيك اسيدي(شاف فمنصور)ولدي بخيير؟؟صحيحتك مزيانة؟؟
منصور:الحمد لله اسي عثماان..

دا عثمان وعبد العظيم رفقة حميد فالهضرة وجابو فالحال والاحوال ونساء فقط السكوت..
عثمان:ولدي معرفتيناش على الناس لي معاك ههه
منصور:(بابتسامة)هادي مي(دوز يدو على كتفها)لالة راضية
عثمان:مرحبا بلالة رااضية
منصور:خوتي عبد المالك وعبد الغني..وهادي مرات با وهذا با(فوق خاطرو)
عبد العظيم:مزال الوقت ان شاء الله نتعارفو نييت..باين على وجهكم نااس طيبين وناس الخير..
عثمان:الله يكبر بيك حمم زينب اري المااا..

كانت طبلة فيها صينية وكيسانها متولين مع اواني اتاي..هادي قاعيدة فالعرب كثر من شلوح وهي لي جا عندهم كيعمر ليهم اتاي..كيمدو ليه كاع مكوناتو فطويسات النحاس واعمر على راحتو..دليل على انهم مكبرين بيه..
عثمان:سي عبد العظيم شي كاس من يديك ان شاء الله..
عبد العظيم:(عجبو الحال)ماشاء الله باقي شادين فالتقاليد..هذا هو المظمون فيكم..
عثمان:جديد ليه جدة والبالي لتفرط فيه..قرب ليه كلشي
دخلات زينب ام العروس بلباس زوين تقليدي مستورة باين فيها هي الوجيه الزوين والعوينات المكحلين..هازا مقراج الما تالفضة كيبري والبخار تيخرج من فموو..

هز فيها عبد العظيم عينيه وبتاسم باعجاب عجبااتو فحين منصور كان حاضي البلان وهو يقندش فالبلاصة ونغز عبد المالك لي تصدم وحمحم وقال بصواب: خالتي ياكما سخون اري نهزو
زينب:لا اولدي هي رتاح..
عاد جمع لاخر عينيه ومنصور طلع ليه الخرا كون قشعو عثمان انوض اقلبووها..قالوها ناس زمان عمر شطاح مينسا هزة الكتف..عبد العظيم عينيه زايغة وعلى جهد واخا مابايناش عليه..من نوع لي واخا شرف كيبغي انوع فالنسا وكيضرب هي من التحت..

مدات ليه الما ورجعات ادراجها..خلات عثمان الاجتتماعي مشارك الهضرة مع عبد العظيم وحميد
فالكوزينة كانت كريمة هازا زيف الكيسان فيديها لابسة قفطان تاهيا ودايرا شال خفيف وقالت: واهيا شكون ديك سيدة لي دخل خونا رمان هاز..
فاتي:واقلة العجوزة نههه شتي الزهر..عجوزة متتنوضش تهنيها هي من صداعها
زينب:مقراجك ميسخنش هههه
فاتي:شبدير بالعجوزة..اللهم تاكل وتشرب وتسكت..اهيا ودوك لوخرين شكون؟؟
كريمة:وشكون عرف..تقدر تكون عمتوو..دوك الدراري راه خوتو باينين اوا وسيد الكبير باه تيشبه ليه..

زينب:واايهه..انا نطل على سماح خفتها هي تبول ليا فالقفطان...


دخلات على بنتها البيت..هاد الاخيرة لي كانت ساحرة..بقفطان من داكشي خفيف وممبينش واش مكثرة من توجاد..ماكياج اخف ايضا وشعر مسرح مبوكلي من لتحت طويل مسبسب..جات فنة وساحرة ..بالفعل لقاتها متوترة ويديها عرقانين..هاد الاخيرين لي مزيناهم بخاتم رقيق وضفيرات فالبيج رفقة سنسلة فعنقها ديال منصور

زينب:ههههه واجدة
ضحى:(هي الاخرى بالقفطان والضحيكة رجعات)هادي قربات تبول ليا هنا كلها عراقت ضربات ليا خدمة وجهها كلها فزيرو..
زينب:ههههههههه المعقول صعيب(باستها فراسها)ماشاء الله جيتي غزااالة الله يحفظك..
سماح:نااري اماما خفت..خفت نااري تنترعد..الى معجبتهوومش اش ندير
ضحى:تبعيني عند ندى تعالجك نفسياا هههه
سماح:فففف ناااري اش هاد الخلعة..شكون جا كاع؟؟
زينب:باه ومو!!اجي واش مو مكتمشييش
سماح:لا مشللة ففف شكون اخر
زينب:وجوج رجال واقلة خوتو..تا واحد المرا واقلة عمتو حيت بانت ليا جالسة حدا باه
سماح:ففف مرات باااه
زينب:(تصدمات)باه مزوج جوج..
سماح:اااه(بتوتر)ونااري اماما نااري
نهيلة:خرية هادي هههههه اهيا طاتي كاين تيتيز
زينب:الله يمسخك تسمعك مك تشنقك ههههه شوفي ايعمرو دروك اتاي ونتي تدخلي تسلمي وتدخلي الحلوة ضروري باش اشوفوك
سماح:(بدون وعي)ها ضحى تدخلها
ضحى:مالي انا العرووسة..
سماح:(جلسات من شدة التوتر)بنااقص..هادشي فيه العصب من لول والخلعة ويلي ويلي خفت هي نبول فسروالي
زينب:ههههههههههه هادي مافيها شك..اري ابنتي يسرا شي لييكوشاا
يسرا:(تتحط اخر لمسات)ههههههه عييت فيها شداتها الخلعة نيييت..
سمعات زينب اسمها وقالت:ياله وجدي

خرجات عندهم دات البراد اتشحر ورجعاتوو ليهم ..هي حطاتو وهي تنطق الحاجة: فينها لالة العروسة الالة زينب؟؟نشوفو بنتنا
زينب:حشمانة ههه راكي عارفا
الحاجة:الله اودي..عيطي ليها نشوفوها الى حبات الخاطر..تا الحاجة بغات تشوف عروستها
عثنان:ماقلتي عيب الالة(شاف فزينب)عيطي لسماح..

حركات راسها ومشات فحين عبد العظيم كيقلب فاتاي ..واضحك مع عثمان..
منصور جالس على اعصابو ماشي من التوتر بالعكس مواقع ليه والو..لكن تصرف عبد العظيم معجبوش بتاتا..تيكره راجل لواط لي تيشوف فعيالات الرجال..
عبد المالك:كالم اصاحبي
منصور:الصمت..

اما زينب مشات عيطات لسماح وسبقاتها بشوي ولوخرا عينيها فالارض على شوي وتبكي..حاضيا لتعتر ولا تجي على وجهها..البولة لي مكانتش فيها جاتها دروك ههه والعرق فيديها تينزل بحال الما من روبيني..

دخلات مع الصالة وبلا متهز عينها سرطات ريقها..معرفات واش تسلم ولا تجلس ولا ترجع منين جاات ولا اش دير..فلخر نطقات مها:سلمي ابنتي

تقدمات وجميع الأعين عليها خاصة بشعرها الطويل..اما منصور راه تلاشات عصبيتو برمشة عين..باول مارمش بشفارو فيها تحلو خطوط الغضب..وبقا كيطلعها من رجليها لراسها واعاود..تيقول على عبد العظيم زلال هو راه ماحشم مارمش بقا هي تيشوف فيها تانغزو عبد المالك وقال بهمس: تريتورة اولد الحرام هه
عاد وعى وطمر وهو كيشوفها كتبوس يد باه وقالت بحشمة :مرحبا بيك اعمي
عبد العظيم:ترحب بيك الجنة الالة بنتي..ماشاء الله(شاف فعثمان)الله يحفظها
عثمان:(بامتنان)امين

كملات تسلام على مرات باه وااحشمة وتزنيكة تتقطر منها ..اما القلب تيترعد..
الحاجة: تبارك الله وماشاء الله ..الله يرضي عليك اينتي
سماح:(بصوت رقيق يا دوب تسمعو)امين..

سلمات على عبد الغني وبتاسمات ليه وتاهو ردها ليها اما عبد المالك فرنس زعما عقت بالبلان..مركات ملي وصلات لمنصور هي مدات ليه يديها وهو يزير عليها مزيان تا جراتها كون مكانوش الناس كون سرفقاتو مافيها شك..
باست يدين راضية وقالت بهمس:مرحبا بالالة راحتي عندنا
بتاسمات ليها راضية من القلب فرحانة بيها..طلعات مسرارة وطايح عليها السر والزين..سلمات على الياس وبتوتر باست ليه يديه تا ضحك فوجها:يهديك الله ههههه
جلسات حدا باها وقال:هادي بنتي..سماح
عبد العظيم:(كيشوف فيها)ماشاء الله..الله يحفظك ابنتي (شاف فعثمان)البنات زوينين..لي معندو البنات ماعندو والو
عثمان:واايه اسيد الحاج..زوينين بزااف..نتا والد هي دراري
عبد العظيم:ربعة تدراري وبنت وحدة تاهيا زوجتها ودارت وليداتها(باطمئنان)..
منصور:(كيحرك راسو بلا حول وعينيه فسماح)
الياس:(بمزح)حنا منافعين واالو زعما هههه
الحاجة:ههههه لالا تانتوما الخير والبركة الله يحفظكم
زينب:امييين ياربي...سماح نوضي ابنتي عطي للناس دواز اتاي
ناضت بالخلعة تترعد هزات دوك بلاطوات الحلوة تتضورهم عليهم مرعدة وعارفة عينين زلال تمنصور تابعينها..
لصق فالشعر والرجلين مبقاش بغا يحيد عينيه..على شوي تهز فقاصة تصيفتها ليه تشق ليه بيها راسو
وصلات حدا مو وعطاتها بدوك ليديدات كعب غزال حيت رطب ونوعات ليها فطبسيلها..وحطات ليها اتاي..

منصور تيشوف فيها باعجاب مكرهش اطير عليها بشي بوسة..مدات ليه البلاطو هز شكل واحد وقالت بخجل بشوي:زيدك؟؟
منصور:لا..


رجعات بلاصتها تتحك فيديها بتوتر..تاسمعات صوت عبد العظيم:سي عثمان..شربنا اتاي وكلينا دوازو دابا المعقول هههه غرضنا بااين اسيدي..جينا طالبين راغبين فيد بنتكم لالة سماح للبكر فولادي..منصور
عثمان:مرحباا بيييكم
الحاجة:(بابتسامة)منشكرش ليكم ولدي..راه يديرها فعينيه ..وبخدمتو وقاري الحمد لله ميخصها معاه تاخير ومعاملتو مزياانة انا لي مرات باه تيعاملني مزياان..
زينب:(باعجاب)مرحبا لالة الحاجة
عثمان:انا اسيدي منعطيك مانحيد ليك..الري والشوار تاع البنت..انا لي نقول هو يتهلا ليا فيها..راها بوحدها عندي وعندي عزيزة راك والد بنت وعارف..
عبد العظيم:عاارف اسي عثمان..فراق البنات صعيب ولايني هذا هو مكتابها..دير ولادها وراجلها(بلطف مخاطب سماح)اوا ابنتي سمعينا صوتك
سماح:(جاتها لقوة)حمم لي قالها بابا..
عبد المالك:السكوت علامة الرضى..
عثمان:كايناا هههه اوا اسيدي الله يكمل بالخير
الكل:اميين
عبد العظيم:نقراو الفاتحة
الحاجة:قبل خاصهم اجلسو واهضرو..فالدين كاينا الرؤية الشرعية..
زينب:ماقلتي عييب الالة الحاجة..يهضرو واداكروو نوضي ابنتي للبيت وداكروو..

سرطات ريقها وناضت حشمانة من حداهم وناض الحلوف لاخر تابعها جاتو على لكانة مخليهم فرحانين بقبولهم ..

اما هي عواجت ليها المشية بسبب انه حاضي ليها دوك الرجليلات..دخلو لبيت صغير فيه سدادر..هي دخلات رد الباب بشوي بغات تدور لقاتو شقمها من خصرها تا شهقات وضحك بشوي وقال: شوووو مال مك؟؟(دورها عندو محاوطها من خصرها)شهاد زين كولو؟؟باغيا تصيفتيني كوومة ولا شنو؟؟
سماح:(حشمانة وخايفة)اويلي امنصور ايدخل شي حد
منصزر:ادخل لي بغا يدخل(باعجاب وعينيه منيمين فيها)ناااري لوالديك كي تتبااني(عض على شفايفو)طاح عليك السر امنانة..
سماح:(تزنكات)عفاااك طلق ويلي(حطات يدها على صدور بلطف)عفااك..

طلق منها وشابك يديهم وقال:حمقتيني اليوووم..
سماح:(حانية راسها)بصح هه
جلس وجلسها حداه وقال:طلعتي قتالة..(شاف فرجليها)نعيش عبد تحت دوك رجيلات..

حشمات وغمضات عينيها وحناكها توردو:ويلي سكت ههه(تتخبي فرجليها)
منصور:(باس يديها)مبقاش بزااف..
سماح:(بخجل)تانتا جيتي زوين ههه(حققات فيه)نقصتي اللحية هاا
منصور:(محقق فعينيها)اش بغيتي اللحية خلينا فيك ازين هه
سماح:ههههه صاافي عفاااك(غطات وجهها بيديها)تاتحشمني هههه
منصور:منانة تتحشم هههه معندي منقول فيك(باسها فراسها)هذا هو النهار الكبير عندي انا
سماح:(بفرحة)فرحت بزاااف والله..عرفتي شاداني شي خلعة ههه..
منصور:لاش تخافي..(خشا يدو فشعرها)طالقا علي هاد شعر محشمتيش هه(لوا خصلة فيديه)اخخخ ونتخلوا بيك اسمااح
سماح:(حيدات يدو تتضحك)الله يمسخك راه رؤية شرعية
منصور:(قرب منها وعينيه فدوك شفيفات)شبان ليك نردوها رقية شرعية كاع حنا. .

خرجات فيه عينيها وبعدات مخبية ضحكة:ههههه والله تنعيط ليك لمك ههههه
منصور: هههههه خليني ناشط معااك
سماح:(بحب تتلعب ليه فيديه وحشمانة)ماعمري شتك ضاحك هاكا (بفضول) بصح فرحان (بصوت رقيق وحلو)؟؟
منصور:(ذايب فالصوت)بزاااف(باس يديها)
سماح:حممم تانا هههه ياله نخرجوو؟؟
منصور:اري بوسة ونوض
سماح:(نتفضات)وانووض من البسالة...
وقف وقال: اندخلو ونقوليهم العقد قبل رمضاان والعرس لابيتي تديريه مور رمضان..
سماح:اويلي واش مسطي..مور رمضان هي الخطبة وديك ساعا احن الله
منصور:(عقدهم)منانة خلينا زوينين اشمن خطبة وهادي شنو هي؟
سماح:ويلي هذا هي رشييم(شافتو دار علامة استفهام بملامحو)زعما هي دويتو خصنا خطبة فيها تركاب الخواتم عاد العقد عاد العرس
منصور:(كيطنز)والدخلة امتا الالة منانة؟؟
خرجات فيه عينيها وبلا متحس قرصاتو فيديه:اااااع واش مكتحمش ففف
منصور:ازمر يديك مسمومين..سمعيني اش نقوليك..خطبة ولا شي حاجة ماكاينش..العقد فرمضان والعرس مور رمضان شي حاجة خرا متنعرفش ليها..بغيتي هو هذااك مابغيتيش
قاطعاتو بحدة:الى مبغيتش اش دير؟؟اتسمح فيا وتزيد يااك..

بغات تمشي وهو يرجعها وشدها من خصرها بيد ويد طلعها لذقنها لدوك الملامح زوينين لي كساهم الحزن فيساع وقال:ديك ساعة نديك بزز على والديك..(باس راسها)مقادرش باقي بعيد عليك واش خصني تانخبر عليك عاد تفهمي...بغيتك فداار اليوم قبل من غدا
سماح:(قلب بيض)اوا وشنو؟؟
منصور:هاكاك تقحبني على دنمي فهاد الساعة بصوتك هه..

طلقات منو حاببسة ضحكة: ففففف ولايني راك مكتحشمش ففف صافي قولها ليهم نتا وشوف ديك ساعة
منصور:(بابتسامة)شتي دابا هضرتي..كوني زوينة وماعمرك تسمعي مني العيييب
سماح:(بخجل تضور فعينيها)عارفاك زوين وقلبك طيب..
منصور:(قرب منها)واش اخر؟؟
سماح:(حشمانة)وتعاملك زوين وضريف..
قرب منها كثر ودوز يدو على خصرها وقال:واش اخر..
سماح:وسخي معايا هه(شافت فيعينه)هادشي علاش بغيتك
منصور:(طبع قبلة على جبهتها بعمق)اخخخ منك نتي امنانة..دخلتي ليا مع العروق بحال لا دروك..
سماح:ههه عنداك هي نقتلك
منصور:(طبع قبلة على نيفها)نخرجوو

بتاسمات وخرجات سابقاه للبيت حشمانة..فحين هو مسح على وجهو وقاد سروالو و خرج تابعها..


دخلات عليهم حشمانة جلسات حدا باها وجا تاهو خدا بلاصتو..حمحم ونطق بجرأة: سي عثمان..لي نطولوه نقصروه..انا مابغيت لا خطبة لا كثرة دخول وخروج فزناقي..تافقت معاها العقد وسط رمضان وموراه العرس ان شاء الله..
عثمان:هههه وازربة هادي..هههه
عبد العظيم:سي عثمان..الولد ولدكم والبنت بنتنا..مافيها باس لزربنا..خير البر عاجله..
زينب:وا يخلي لينا هي فين نوجدو
الحاجة:شهر كامل على قدو وجدو فيه الالة..تاحنا من جيهتنا منقصروش معاكم..
زينب:براك الله وفيك الالة..اش قلتي اسماح؟؟
سماح:حم لي بان ليكم
عثمان:ظاهر ليا تافقوو ماعلينا هي نقراو الفاتحة
عبد العظيم:(رفع يدو)ياله من عندك اسي يعثمان..

كلشي رفع يديه فوضعية دعاء وقراو فاتحتهم..بالفاتحة تتكون البشرة والخير على اي عروسين..

قرات سماح الفاتحة وفخاطرها تتمنى ربي ينولها لي فبالها..عينيها غرغرو فاش رفعات عينيها وشافت فيه كيشوف فيها باينا فرحان..
عبد العظيم:(نهى القراءة)سيادنا الله يجعل كلشي مبارك ومسعود
الكل :اميين

زغرتات كريمة على غفلة فرحانة وعنقات سماح..وبعدها بدات موجة التهاني بينهم..كلشي تيبارك ليهم ..هو كيستقبل التهاني ببرود وهي حشمانة وتدير صواب..

كلشي داز على خير والفرحة عاما المكان..شربو اتاي ودوازو وتحط العشا..تجمعو عليه كاملين فطبلة وحدة الا ضحى لي رفضات تخرج بحجة عيانة حيت كتاخد دي كالمون كيخليوها ترخا..

تعشاو بينهم والهضرة ضايرا اغلبها الرجال لي كيدويو..سماح تتاكل هي بشوي الفرحة طيرات ليها الشهية..اما منصور لقمة ففمو ولقمتين ففم مو لي تيوكلها
لاحظ عثمان هادشي وعجبو الحال ونطق:تتفكرني هي فالواليدة والله..تاهي مسكينة هاكا كانت..كبرات وعياات تا الماكلة مابقات تتقدر عليها..(تنهد)الله يخليها ليك واعطيها الصحة والسلامة
منصور:اميييين

كلاو وشربو وتوطدات العلاقة بينهم كيف كيقول شركو الملحة وطعام..وفالاخير ستأذنو منهم بصواب على فم عبد العظيم..سلمو على بعضهم كاملين الا سماح ومنصور معاوداتش طافت بساحتو حيت حشمانة..

هز مو ونزل وتابعينو كامليين..دارها فطونوبيل وتوجه لخوتو سلم عليهم وشكرهم ..باس راس الحاجة وقال:الله يكبر بيك الحاجة..
حجيبة:الله يكمل كلشي بخير..الدهاز عيط ليا نمشي معاك تشرييه راني بحال ميمتك
منصور:الله يطول عمرك
عبد العظيم:مبرووك اسي منصور
منصور:(دار فيه شوفة باردة)لعقبة لييك..

زاد طلع فطونوبيلتو وخلاه تيتشوا واتقلا..هو الوحيد لي تيعطيه فوجهو حيت عارفو بو عيالات واقدر فعام واحد اتزوج ربعة تالمرات..من نوع لي كيدير زواج المتعة بمعنى كيتزوج لي حبات خاطرو واعيش معاها الحياة وفلخر اطلقو بدون اولاد..

اما الفوق كانت المباركات لسماح من جديد كي الشتا..كلشي فرحان ليها.. وجلسو دايرين جلسة تالنميمة على العائلة وكلها تيعطي رأيو
زينب:مو مسكينة مكتمشااش
سماح:لا..
فاتي:تهنيتي من فريع العجوزة هههه
عثمان:تيبانو ناس الله يعمر ليهم دار وحجرتهم ثقيلة فالبلاد
الياس:باينا ملعقيين من طونوبيلاتهم
زينب :يكونو كيما بغاو اكونو المهم اتهلاو ليا فميمحة ههه..
الياس:دابا شنو العرس مور رمضان
سماح:هادشي لي قالو..خوي ليا راسك مور رمضان
الياس:ضروري
حميد:الله يكمل كلشي بالخير..باينين ناس مزيانين وتا سيد مزيان تيبان محتارم
سماح:(فخاطرها:بزاااف)فراسك ابابا راه حاج
عثمان:(جاتو ضحكة)حلفي ههههه شكون قالها ليك
سماح:(بجدية)سولت عليه..مشا لحج شي مرة
الياس:واخا امرات الحاج ههههه
يسرا:مكاين هي مرات الحاج
زينب:من بحالي نسيبي حااج
سماح:هههههه

موراها ناضو جمعو العيالات الرواين وكلها دخل انعس من العيا الا سماح لي الفرحة مخلياها بحالا واخدة مشروب طاقة..

واقفا تتمسح ماكياجها قدام مراية حمامها وساهية مفرنسة للخلا..تاجات نهيلة:هاكي تيليفونك
شافت المتصل وزادت وساعت ابتسامتها كثر ..شدات الخط بعد مغادرة الاخرى وقالت:الو
منصور:لالة منانة
سماح:تأ متبقاش تقولي منانة!!!سميتي سمااح
منصور:ههه حيت فيك نكييير
سماح :كي وصلتو؟؟
منصور:مزياان ونتي مزيانة؟؟
سماح:عاد لقيتيني كنمسح ماكياجي..وندخل ننعس
منصور:نتشاوفو غدا نشوفو الخواتم
سماح:حمم معاياش؟؟
منصور:العشرة هاكاك
سماح:واخا..(بتساءل)انمشيو بوحدنا
منصور:(بطنز)لا نديو معانا عبد العظيم..
سماح:ههههههه الله يمسخك هي سولتك
منصور:انمشي انا وياك باش تختاري على ذوقك
سماح:(بفرحة)يخليلي لي بغاني نختار على ذوقي..

دار بتسامة جانبية ونفث الكارو:فففف ياك ازين؟؟
سماح:وشنو ؟هههخ عرفتي فرحت بزااف اليوم فاش تلاقاو العائلات
منصور:مممم مزيان..ياله سيري رتاحي غدا العشرة ندوز عليك لدار..
سماح:ان شاء الله..بسلامة ..

قطع معاها فحين هي كملات ازالة ماكياجها وغسلات وجهها..فرنسات للمراية وقالت:مكاين ماحسن من الطبيعي هه

خرجات مبدلة عليها لقات نهيلة وضحى منشورين فوق ناموسيتها
سماح:ادوك شمكارات انا فين ننعس؟؟
ضحى:(مبجقة بنعاس)العروسة متتنعس متتاكل
سماح:هههه فقتي المصيبة!!


ضحى:دوا اختي تيخليني كااو
سماح:(جلسات حداها)كون هي حبستيه اضحى!!
ضحى:(ببرود)مكنقدرش ننعس بلا بيه فففف وباقي فيا نعاس..

سدات سماح على الموضوع عارفاها من نهارها مبقاتش تتنعس كي ناس لى مخداتش دوا..
سماح:انا نمشي لبيت لاخر
نهيلة:سدي معاك الباب ههه
سماح:تصبحو على خير

خرجات هازا تيليفونها وتوجهات لبيت اخر دايرينو احتياط مفرش بناموسية فقط وبلاكار..تخشات فوسط فراشها وهزات تيليفونها شوي جمعات مع عادل وشاركاتو فرحتها..فرح ليها حيت قرارها فالاخير واخا معندوش مع منصور..

شدات معاه جموع تال الطناش عاد حطات تيليفون وغمضات عينيها براحة تتسنا نعاس ازورها ومخيلتها كترسم حفل الزفاف..ليلة العمر لي كتمناها اي وحدة
*****
تدري ان الحدائق تزهر حينما يسقيها احد مثلك
****

فالصباح فاقت مع التسعود ناشطة وماشطة..تعجزات بلاصتها وترسمات بتسامة على ثغرها..ناضت ديركت لبيتها مالقاتش البنات.. قصدات حمامها غسلات وجهها وسنانها ونشفات وخرجات عندهم منين مسموع صوت العيالات من الصالة الصغيرة..

فاتي:لالة العروسة صباح الخير
سماح:(بحشمة باستهم)صباح الخير
كريمة:ياخيري سعدي بيك وليتي تتحشمي ههههه
سماح:نتي بتي هنا؟؟ وولادك؟؟
كريمة:عند جدااهم
زينب:(تتخوي ليها قهوة)تساراحيتي ازين
سماح:مزياان ونتوما
ضحى:فوق سلك ههه
يسرا:انا خصني نمشي عندي كور مع العشرة
زينب:تسناي ابنتي نوصلك
يسرا:ياله اخالتي
فاتي:هضري مع الياس ادير ليك شي برويطة بلاصة ماتبقاي تلاوحي فالطاكسيات..
يسرا:هههه قالها ليا..نشوفو امتا ياله الله يعاونكم..
فاتي:اجي نبوسوك من هنا انمشييو
زينب:ويلي جلسووو
فاتي:والله اختي مكرهت ولايني راكي عارفا حميد متيبيش اجلس فشي بلاصة من غير دارو..
زينب:وانا قلت زعما تجلسو نوجدو دواز رمضاان
كريمة:اااه جعدوو تانصايبو سليلو والشباكية ..
فاتي:مكرهتش ولايني ميبييش ليا..مرة خرا فعرس سماح ان شاء الله
سماح:ان شاء الله..حم ماما ايجي ليا منصور قاليا نمشيو نشوفو الخوااتم
كريمة:(هزات حاجبها)اوا شفتي تقحبين..هي البارح قراو فاتحتكم اليوم تخرجوو
زينب:ههههههههههه ضحكتيني المصيبة..
سماح:ههههههه واشنو ندير؟؟
زينب:يمشي معاكم شي حد..سيري اضحى
ضحى:لا اطاطا هه انا خليوني نمشي للصالون
نهيلة:(شافو فيها)انا ممساليااش
سماح:واماما راه عادي..هي نشريو الخاتم ونجييو صاافي ايهرب بيا مثلا..
فاتي:اييه اختي..مقالت عيب وزايدون خصها نيت تجلس معاه وتلاقا معاه اهضرو وادويو واتفاهمو راه تابعهم زواج..(بتأييد)سيري سيري ابنتي معاه راس فراس..عرفيه وعرفك وتشاركو الهضرة ..كي شتي لديتو معاكم شي حد راه حاضيكم الحاضي الله..
زينب:انا هي على قبل باها ليقول شي حاجة
فاتي:ولاش نتي هنا هههه عادي هضري معاه وزايدون بحالا هو ممدوزش ..
زينب:ههههههخههههه لعار سكتي لتفكرينيش
فاتي:اوا سكتي هههه
زينب:صافي سيري..انا نهضر معاه
سماح:(باستها فحنكها)يخليلي المعيسلة..

فطرات معاهم فحين يسرا وزينب غادرو..على خاطرها عاد ناضت لبسات حوايجها عبارة عن كسوة حد الركبة دارت معاها صنيديلة..ولاو رجليها تيحمقوها ضور ضورة وتشوف فيهم..طلقات شعرها على راحتو مع نظارات شمسية وسنسلتو فعنقها واكيد الخلاخل متتنساهمش..

تتركب حلقاتها تاصونا تيليفونها..شافت نمرتو وبتاسمات..شدات لخط :الو
منصور:انا لتحت نزلي
ياله بغات تهضر كان قطع..ستغربات ونزلات مودعاهم..لقاتو قدام الدار.. طلعات بابتسامة كان داير نظارات شمسية..

سماح:صباح الخير
منصور:صباح نوور
مزادش كلمة خرا كان باين انه منزاعج نييت..مهضراتش ومهضرش تاهو من غير صمت لي تيتسمع
سماح:حم مالك؟؟
منصور:عيان شوي
سماح:مريض؟؟اش ضارك؟؟
منصور:جاني شي وجع لباارح فمعدتي
سماح:(بريب)كي داير هاد الوجع؟ياكما ضراتك الماكلة؟؟
منصور:معرفتش(حط يدو على كرشو)
سماح:شربتي شي دوا؟؟وقف عند شي فارمااسي خود شي دوا
منصور:نوو راه مشيت لبارح ضربت برا
سماح:(تخلعات)اربي واش لهاد درجة؟؟وشنو قالو ليك؟؟
منصور:غيان..ضربت برا فاتني الوجع وخرجت
سماح:(باسف)كون هي صونيتي ليا ..ففف وداباا؟؟مزيان
منصور:صااافاا
سماح:يمكن الماكلة ضراتك واقلة ممولفش باليدام
منصور:معنديش معاه مي ماعمرو دار ليا هاكا..(قلب لموضوع)كتعرفي شي ذهايبي مزيان ولا نمشيو لشي واحد
سماح:(باقي مشوشة عليه)الى عيان بزاف رجعني تا يفوتك الحال
شاف فيها ورجع تيشوف فاص: كون مافيا لي يجي نقولها ليك..هضري
سماح:(شافت فاص ليها)سير لل***** هو لي كيجيب داكشي لي كيعجبني

سكت مهضرش عاود..حيت راسو عاطيه صداع مناعسش بالحريق فكرشو..وتاهي سكتات مبغاتش تزيد عليه بالهضرة ليقلب كلشي عليها
وقف فين نعتات ليه حيدات سمطة وشافتو متحركش وقالت:ياله
منصور:لا هي سيري ختاري لي بغيتي وعيطي ليا نخلص
تلغات فرحتها وقالت:كيفاش ختاري لي بغيتي وانا نخلص..ياك جينا نختارو بجوج..


منصور:(بنرفزة)واش انا لي غنلبسوو؟؟دخلي لي عجبك خوديه
سماح:(معجبهاش الحال)منصور واش واعي اش تتقول؟؟راه خطبتنا خصنا نختارو الخاتم بجوج
حل لبواط اكون بعدم مبالاة هز باكي تالكارو وبريكة وقال:نزلي ختاري لي عجبك انا داكشي متنفهمش فيه
سماح:(بنرفزة حلات الباب)اوا ديك ساعة خليني نجي راسي لاش تجي توصلني(نزلات وردخات الباب)
منصور:(بعصبية)ديييه معااك(شغل كارو وخرج اول دخان)زواج لخرااا..

اما هي بقا فيها الحال بزااف نزلات بوحدها والدمعة مجموعة فعينيها مسحاتها دغيا لتنزل وتفرشها..دخلات عند ذهايبي لي موالفة تتاخد من عندو
بقا تيتسناها جهد عشرة دقايق تمات خارجة هازا بواطة حمراء كبيرة..طلعات شاف فيها وقال:لاش معيطيش ليا؟؟
سماح:(متتشوفش فيه)سير لعند خالتي
منصور:شكون خالتك
سماح:مك..نتا مابيتيش تختار معايا اللهم تختار معايا هي
منصور:(بعصبية)واش مريضة ولا؟؟مي مكتحركش كي غدير تختار معاك؟؟
سماح:(شافت فيه بجدية)ماشي شغلك..ديني لعندها وخرج داك سوق ولا قسما بالله تانقوليها مبغاش اخليني نختار معاك ونشوف لمنشريها ليك معاها..
منصور:(بسخرية)بديتي تتخراي فالهضرة اسمااح
سماح:(عوجات فمها)تحرك عند خالتي

مبغاتش تزيد عليه حيت عارفاه مريض باينا هي من وجهو..تاهو محكرش تبع الكذاب تال باب الدار..شدها ديركت لدارو فخرجة مراكش مهضرش باقي..حدو حال شرجم مخرج منو يدو كيكمي كااروه..وتاهيا حلات شرجم حداها ونطقات متذمرة:مرييض وزيدها تا بالكاارو

مشافش فيها لاحو من شرجم وحرك راشو حيت عرف لجاوبها بربي تا يفرتكو ديك الخطبة
هو زيت وهي عافية الى تلاقاو ايتشكل انفجار

وصلو ونزلات متجاهلاه فحين هو هي متبعها بعينيه..حيد نظاظر ووقف حداها قدام الباب بعدما صونات..حلات الخادمة ستقبلاتهم وهضر هو عليها:فين مي
الخادمة:فبيتها
سماح:(مبغات تحاشيها ليه)فين عفاك؟؟
خادمة:تفضلي معايا امادموزيل
تبعاتها متجاهلاه مافيها لي يتصادع معاه واخسر ليها فرحتها براكا هي نكدها عليها صباح

دقات وسمعات دخل من لطيفة..حلات لباب ودخلات راسها بشوي مبتاسمة:خالتي
لطيفة:(بابتسامة)مرحيااا
بتاسمات راضية وهي تتشوف فيها ..قربات منهم سلمات عليهم وجلسات معاهم
سماح:خالتي لباس عليك؟؟كي صبحتي..
حركات راسها وعينيها مبتاسمة ونطقات بصعوبة:لللللبااااااااااااااس
سماح:جيت عندك بيتك تختاري معايا الخاتم تالخطبة
راضية:(تتضحك بزز)هءهءهذ
سماح:هههه جبت شي شكال حرت بينهم ختاري ليا شي واحد على ذوقك
لطيفة:(بابتسامة)اوا شتي الالة راضية ها عروستك جابت ليك تختاري معاها..انشوف ابنتي
حلات سماح بفرحة البواطة كانو مجموعة من خواتم الزواج..الذهب الاصفر الراقي..
سماح:انا نجربهم كامليين وقولي ليا ايناهو فيهم؟؟
حركات راضية راسها بشوي والفرحة غتخرج من وذنيها..

لبساتهم كاملين فصباعها وبقات كتوريهم تا كملاتهم وقالت:ياله اخالتي ايناهو فيهم

قربات ليها لبواط ولوخرا تتنعت بصباعها لي تيتحركو تا ختارت ليها واحد راقي وزوين..بتاسمات سماح وقالت:ذواقة ههه تانا عجبني(لبساتو)زوييين ياك اخالتي
لطيفة:زوين..لالة راضية راه ذواقة ومتولة
سماح:باايناا(باست ليها يديها)زوين شكرا..
راضية:الللللللللله يرررضييييييبييي
سماح :امين امين..تانا عجيني زويين ههه(تتوريهم يديها)جا معايا
لطيفة:هههه جا معاك ههه ويلي تدهيت نسيت ..ياله شربي معانا شي كاس تاتاي
سماح:مرة خرا والله...خصني نمشي نرد هادو للذهايبي خلاهم ليا هي حيت تيعرف بابا وصاحبو ههه(شافت فراضية)شكرا اخالتي..تانبي نخيط ونجي نوريك تاني..
راضية:(بابتسامة)اااااه اااااااه
باست يديها من جديد ووقفات مودعاهم وقالت:الله يعاونكم..رمضان مبارك مسبقا

بتاسمو ليها بجوج وخرجات من عندهم لقاتو واقف قدام لباب تيشرب كينة تاع راس جايباها ليه الخادمة..
سماح:مشينا
محاوبهاش كمل الشريب ومشات الخادمة وهو يبتاسم ليها:لالة منانة
عوجات فمها وقالت:صباح الخير اولد رااضية..
عرفها تقلقات منو..شدها من قرفادتها وتم مخرجها معاه كيفرنس..عجبو لجيست لي دارت..
كييقوليك الطريق الى قلب الرجل معدته..لكن ماشي كاع الرجال..كاين منهم لي الطريق الى قلبه امه
سماح ختارت الطريق الساهلة..ماتطيب ماتمحن ختارت الطريق لي خلات مكانتها عند منصور تكبر..
سماح:الله يستر
منصور:(درعها بيدو)ختارت معاك؟؟
وراتو صباعها بنفخة:هاهو..شتي ناس لي تيعرفو ..ختارت معايا من داكشي
منصور:(بتاسم )العيالات تيفهمو فداكشي انا لا...
سماح:الكلمة طيبة هي كلشي..(وقفو حدا طونوبيلتو وحققات فيه)شويا المعدة؟؟
منصور:صافا!!(دار يدو جيهة عنقها)عجبني الجيست لي درتي
سماح:اشمن جيست؟؟
منصور :كبرتي بمي وجيتي تال عندها باش تختار معاك(قرب طبع قبلة بين عينيها)
سماح:(بابتسامة)فالنورمال راه العجوزة هي لي تتمشي مع عروستها واستيو هادشي..
منصور:(كيقرب منها)فالعادي تا وحدة مغتسوق..غتهنا حيت مكاين لي يبرزطها
سماح:انا ماشي بنت الحرام..هاديك مك ومغتبغيش ليا نلبس الخايب حيت مرات ولدها..

شدها من حنوكها عنفجهم ليها مزيان كيضحك تحلفي عليه ماشي هو لي عاد كان عاقدهم:نتييي هي ديال الواحد اتخلوا بيييك(بشقاوة)اري بووسة
ليعات ليه يديه تضحك وقالت:والله لشتيها ومعقدتي عليي
منصور:(تيقرب ليها)راه خفنا هي نقربو ليك وتنوضي تقولي بناقص من زواج
بعدات عليه وقالت:والله تانلغي كلشي ههه ودوز قداامي تخلص هاد الخاتم وتاخد تانتا خاتم(ضارت لبلاصتها)
منصور:ضروري؟؟
سماح:(طلعات)شنو معول تمشي بلا خاتم؟؟والله لكانت ليييك
منصور:اييه نلبسوووه(غفلها وقبلها فحنكها)انا فرحي ليا هي لالة راحتي لي بغيتيها نديرها
سماح:(فرنسات ليه)ياخويا واطرني راك ولد مو هههخ
منصور:(ديمارا)نشوف مي فرحانة هاديك هي دنياا..فرحات مسكينة فاش جيتي شاورتيها
سماح:(عجبها الحال)لهلا يحاشمنا..

تحرك بيها غير ماكي جاو..مجمعين وضاحكين ناشطين تاوصلو قدام ذهايبي وشافتو بينزل معاها هزات حاجبها وقالت:سبحان مبدل الاحوال هههه

شد فيديها ودخلو عند ذهايبي..خلص ليها الخاتم وزادت تا السنسلة اخرى وبراصلياات لليد ونبالة..وهو ختارت ليه خاتم زواج رجولي ..حط مبلغ صحيح نييت وخرجات تتفرنس عاجبها الحال..شادا فيه وماقاداها فرحة

ركبات حداه وقالت:فنييين..شكراا
منصور:(حط صبعو على حنكو)اري بوسة هنا قالاك شكراا هه
زعمات ومتوقعهاش منها..طبعات قبلة خجولة على حنكو فوق لحيتو..لامسات شفايفها حنكو.. بورشاتو كولو وقالت بخجل:شكرا ههه
منصور:(ضرب يديه مع بعضهم)ستغفر الله..شكون يصوق ليا دابا
سماح:هههههه
منصور:تالبوسة عندك مقحبنة ابنت الناس هههه
ضرباتو لكتفو وقالت:الله يمسخك امين ههه تتندمني
منصور:واش كذبت؟؟
سماح:صافي سكت هههههه(حبدات البواط ديال خاتمو)ارا نلبسو ليك
مد ليها يديه وقالت:ارا ليسرية
منصور:بحال بحال
سماح:تأ لا..اليمن خطوبة واليسر زواح
منصوى:وحنا دروك خطوبة
جرات يديه لبساتو ليه وقالت:مكاين بو خطوبة اولد راضية..زواج دركت..ݣرنت فيك عيني
ضحك وجرها معنقها وسايق بيد وحدة وقال:يانور عيني (باسها فوق راسها)الله يحفظك ليا
سماح:(براحة)امييين

وصلها للدار ناشطة وضحكة مترعة ليها فمها..ودعاتو ونزلات كي الفراشة..ممشا تادخلات لدار عاد تحرك مبتاسم.. من ديما سماح هي لي تتقاد ليه مورالو..

#فلاش_باك

فالصباح مع السبعة فبيت عبد العظيم..كان مترأس طبلة تالعائلة الدائرية وليست الطويلة..جالس فقاع البيت جنبو الحاجة وولادو وعيالاتهم وولاد عبد الفتاح..كيفطرو مجموعين بفطور تقليدي كيف ديما حيت نظام عبد العظيم هو المحافضة على تقاليد وعادات البلاد..

فتاح:الحاج..مقلتيش لينا كيدازت الخطبة؟؟
عبد العظيم:مزيانة..ناس الله يعمرها دار دراوش وكبرو بينا..
الحاجة :تالعروسة ما شاء الله عرف شنو يختار...غزااااالة(جبداتها)فنة..
عبد المالك:تعقلو على تريتور لي خدم فعرسي..
سناء:اه وي
عبد المالك:البنت لي خدمات فيه هي العروسة..
امل:(بفضول)اسمها سماح ياك؟؟
عبد المالك:تماما
عبد العظيم:وايلي يعني عرفها هنا
الحاجة:وانا تنقول فين فايتا شايفاها ههه زوينة ما شاء الله..شعرها واصل معرت فين..
امل:زوينة سماح وضريفة
فتاح:الله يسر لييه وصافي..
عبد العظيم:اضبر راسو..درت معاه الواجب اتزوج ولا يجلس
الحاجة:باقي واجبنا مكملش..نوقفو معاه تا يدهزها تايدير عرسوو
فتاح:الواليدة واش هو كاع مكيدوي معانا وتوقفي معاه؟؟
سناء:اه اخالتي..هو تا بغا حاجتو عاد جاي..
عبد العظيم :(خنزر فيه)كيبقا خوك الكبير افتاح(شاف فسناء)ولوسك..

حنات عينيها بخجل حيت تتخاف منو اما فتاح رشف من قهوتو وقال:لي بان ليكم
نتهت المحادثة بهاد الكلمة لا غير..
##..
****

فالمساء كانت سماح تتوري لمها ولكريمة الذهب لي خدا ليها عجبهم وحمقهم
زينب:ماشاء الله زوينين..معرت شحال خلص فيهم
سماح:هههه شوفي توصيل
شافتو وخرجات عينيها:حطهم صحاح على قلبو
كريمة:(شهقات)ولاهيلا هههه صدق سخي
سماح:بزاااف ههههه
زينب:الله يعطيه الخير ..كريمة نوضي ابنتي خصني نقي داك جنجلان
سماح:بديرو سليلو؟؟
زينب:ضروري..رمضان قرب(تتعجز)وباك لمكالش سليلو والشباكية فالفطور اعوااج..
كريمة:اوا نووض نيت ربع يام باقية دغيا طير..
سماح:صبرو نعاونكم

خبات ذهبها وخرجو للكوزينة لقاو يسرا تتغسل الماعن بتاسمات ليهم وقالت:شفتو دهب؟؟
زينب: شناه ههه زوين ياك
يسرا:فن هههه

هزو الجنجلان والنافع و ماا غيرها من قوام سليلو بداو فتنقية..هضرة من هنا ومن لهيه تانقاو نصوو وعياو..بعدها تعشاو وكلها دخل لفراشو..

عيط ليها هو لاخر وجاوباتو:الو
منصور:(بتعب)اهلا
سماح:مالك؟؟عيان؟؟
منصور:معدتي وصافي ففف نتي صافا؟؟
سماح:مجاكش هادشي كثير على المعدة..سير لطبيب امنصور
منصور:ان شاء الله
سماح:الى كاين زعتر تبخو شوي ابرد ليك الوجع
منصور:شربت دوا درووك افوتني الحال
سماح:(بحزن)الله يشافيك ياربي..محتاج شي حاجة؟؟
منصور:نتي
سماح:(بابتسامة)مابقاش بزااف
منصور:ان شاء الله مابقا والو وتكوني معايا. ..الوحدانية صعيبة تتكون مريض تتبغي هي لي يخفف عليك..
سماح:نجي عندك؟؟
منصور:مكرهتش
سماح:اصبر نشوف الياس لكان فدار اوصلني
منصور:لااا ويااك..هي تنضحك معاك(مسخسخ)#خليك_فداركم انا مزيان
سماح:والله لكنتي محتاجني نجي هانيا..
منصور:(بابتسامة)مبقاش بزاف(بمرح)منخليكش تمشي لداركم على شحال هه تانشبع منك انا
سماح:هههههههه هبيييل ههه فين ندوزو شهر العسل..
منصور:فالبيت وفالدوش وفينما بغيتي فالدار

حشمها تاولات حمرة وقالت :سير الله يمسخك الماااسخ
منصور:اميين ههههه سيري تنعسسيي
سماح:خلي الخط مشدود تاتنعس هي نونسك
منصور:مرحباا

خلا الخط مشدود وتكا بلاصتو فحين هي تاهيا تكات وتتسمع هي تحركاتو وتنفسو..بقات عاسا على تيليفون تانتاظم تنفسو وعرفاتو نعس عاد قطعات..


صباح جديد..فاقت فيه معطلة حيت مقررة ماعندها فين تمشي باغا ترتاح مع راسها..

كي فاقت فطرات مع كريمة حيت اهلها كلشي خرج اقضي اغراضو اما الياس راه خامر فبيتو..

كريمة:(حطات زنجلان)اهيا فطري ونوضي نصايبوو هذا..
سماح:(بابتسامة) ايييه (بدلع)كيموو نسولك وجاوبيني..
كريمة:سولي نشووف
سماح:دابا الى صايبنا السليلو والشباكية ندي لمامات منصور عادي ياك؟؟

شافت فيها بنظرة مكمشة عينيها وقالت:ههههههه ياك ابنت الهم..هذا هو غرضك
سماح:ههههههه واحشوومة نديرو هي صواب...ماماه من نوع التقليدي والله تيفرحوها بحال هادشي..
كريمى:ندييو ليها ازين..اصلا مصايبين بزايد..مك كل عام تتصايب لخواتاتها وليا..نزيدو تا موو..اش سميتها..
سماح:(بفرحة)رااضية ههههه
كريمة:رااضية هههه نصايبو ياله نووضي نقي وحمري اليوم نكملوهم..انا نصبت الغدا..

ناضت بحماس شمرات على ذراعها وهزات زنجلان تتنقي معاها واجمعو..قوام سليلو فيهم تمارة بزااف نقي طحن حمر غسل وماغيرها...

نقاو كلشي تا ظهرهم تقسم وحطو لي غيتغسل ولي غيتحمر...صونا تيليفونها كانت نمرتو عرفاتو ياله فايق..
سماح:الو(ناضت)
منصور:زوينة صافا؟؟
سماح:بيخيير..ياله فقتي؟؟كي بقات معدتك..
منصور:نوو فقت صباح بكري كنت مبرزط فالمدرسة
سماح:شي مشكل؟؟
منصور:سي..واحد لامامان جات كتحيح فليكول حيت ولدها تشفرات ليه اتغووس..
سماح:ماشي مشكل لي كبير باش اعيطو ليك!!
منصور:كبر المشكل حيت تخاصمات مع كلشيي وتضطريت نمشي
سماح:وباش فاريتوها؟
منصور:(كيطنز)عطيتها جوج بوسات ففمها ومشات فرحانة..بحالك نتي بايسك وعطيتيني لي عمر باا لي نوضتها معاه ماسمعو ليا..
سماح:(عوجات فمها)على باااسل..عبرت عليك فففف..
منصور:ايهااي هههه ولايني راه كون ماحبستينيش كون راه حنا مفارقين درووك
سماح:مفهمتش
منصور:كتعجبني الحاجة الصعيبة..نتي وااعرة ومكيوصلش ليك بنادم دغياا..الواحد اعول عليك اثيق فيك
سماح:(عجبها الحال)اوا شنو حسابك؟؟راه بنت عثماان
منصور:نتشاوفو اليوم؟؟
سماح:نوو منقدرش.. كنعاون كريمة فقوام سليلو..
منصور:علاش ماخداماش؟؟
سماح:(بملل)بفف لا..صراحة انا كتعجبني خدمة العراسات واخا تنعيا ولكن زوينة
منصور:مي خطيرة عليك..تا المدرسة مزيانة؟؟

حكات شعرها بملل وهي تتقلب فالمجورا علاياش الله وعلم..وقالت:سي مزيانة ولكن متتعجبنيش
منصور:تخدمي معايا؟؟
سماح:فين؟؟فالمدرسة؟؟
منصور:نو ندير بروجي صغير تلاهاي فيه
سماح:اشمن بروجي
منصور:خصو جلسة وحضرة باش تعرفي اشمن بروجي..
سماح:هههه واخا ان شاء الله..
منصور:ياله سيري تالمنبعد ونهضرو
سماح:باي باي رد لبال لراسك
منصور:بسلامة

قطع معاها ونزل من طونوبيل للقهوة فين داير مع عبد المالك والحاجة
دخل كيدور سوارت فيديو وباكي تالكارو ديما عندو..المقهى عائلي على قبل الحاجة..

قشعهم وتوجه عندهم..خدا يد حجيبة باسها وقال:الحاجة لباس؟؟
حجيبة:لباس اولدي ونتا؟؟
منصور:حمد لله(شاف فخوه)لباس نتا؟؟
عبد المالك:بخخير
الحاجة:فين وصلتو فشي توجاد؟؟
منصور:انا مداير والو..هي الله وعلم داكشي باش عيطت ليك..مي مغتقدرش تقدا ليها
عبد المالك:ولاش متعطيهاش الفلوس تشري لي بغات
منصور:قالك اسيدي مكاينش داكشي فالعادات
الحاحة:كاينة اولدي..العادات المغربية تتقول العجوزة لي تقدا لمرات ولدها ..الى معندها مشكل تمشي معايا
منصور:بلاش تايقين فذوقك..نتي تقداي ليها لي لازم وداكشي ديالكم(بلا مبالاة)انا نفيرسي ليك فلوس فالكونت ديالك
حجيية:ان شاء الله..العروسة اولدي عندها قوامها..تتبغي التفصيلات والقفاطن وشلا حوايج
عبد المالك:لمن تتعاودي ههه راه معارفش هادشي
منصور:وايييه..عطيني كونت ديالك نفيرسي ليك الفلوس والى خصك نزيدك..شري ليها كلشي وديري بتريبل كاع
حجيبة:واخا..حطهم عند خوك انا معندي كونت..باك ممخلينيش نديرو
منصور:(باشمئزاز)هذااك كون لقا لاكارط ناسيونال ميخليكش ديريها
حجيبة:الله يهدي ماخلق..قوليا اولدي الخاتم شريتوه؟؟
منصور:اه اه داكشي تذهب خدات لي بغات ..معقلتش اشنو شرات مع لخاتم ولكن ضروري زيديها شي حاجة معرفتش(حك راسو)
عبد لمالك:(كيضحك)هههههههه تكلختي فهادي اسي منصور
منصور:سوق العيالات واعر
حجيبة:(بابتسامة)ولا عليك اولدي انا نتكلف..كي دهزت سناء وامل ندهزو تا سماح..

حرك ليها راسو بامتنان وقال:نخليكم انا درووك..عندي مايداار
حجيبة:الله يعاون
باس راسها وقال بشوي:سمحي ليا
حجيبة:الله اودي..خو ولادي
بتاسم ليها وحرك يديه لخوه وزاد..مخليهم هي تيشوفو
حجيية:الله يرد بييه
عبد المالك:فين غيرد بيه؟؟لجيهة الحاج هو لي عابر..
حجيبة:تيبقا بااه!!
مالك:الحاج واعر الواليدة راه هي صابرين ليه
حجيبة:الله يهدي ماخلق..وقتما دوز ليك الفلوس قولها ليا نبدا نتقداا
مالك:ان شاء الله

مع اقتراب رمضان..الشهر الفضيل والاقرب لقلوب المسلمين..شهر الغفران التوبة..كيعطيه لينا الله اراحة للعقل والجسم وتا القلب..

تحضيرات رمضان كتختالف من مكان لمكان..ومن شخص لشخص..كاين لي تحضيراتو تتختاصر انه اقطع شراب ربعين يوم..وكاين لي تتختاصر فتوجاد رمضان من شباكية وسليلو وماغيرها
المغاربة شعب الكرم تالتهلية كيخصوو رمضان هي للشهيوات والعبادات..

كأي بيت فالمغرب الحبيب..بيت عثمان كانو فيه الاشغال على قدم وساق..زينب واقفا تتعجن الشباكية وكريمة تتخلط سليلو ..سماح تتصايب بريوات حلوين..ويسرا تتنقي الربيع والكرافس..

اجواء كلها كتوحي بدخول رمضان لي لازم كل بيت مغربي يديرها باش احس بطعم رمضان..
دخل عثمان عليهم مبتاسم وقال:الله يعاونكم
زينب:امييين دوز تشبك ههه
كريمة:ههههه
عثمان:الله ينجيني(قرصها فجنبها)معيسلة قوي العسل
زينب:سير فحالك هههه
سماح:بابا شوفني تنصايب بريوات
عثمان:تبارك الله على شاف خديجة ديالي هههه..

دخل الياس مبجق بنعاس:مابنيها وبين الطياب هي الخير هادي اردها ليك سيد فنهارها
سماح:اوا حشااك اراس طنك..داكشي باش تتطيح فطيابي عما
يسرا:خلييه راه تياكل وانكر(كانت صفرة)
زينب:يسرا بنتي تتباني عياانة نوضي تساراحي من صباح ونتي واقفة
يسرا:لا اخالتي هي صهد وصافي مابيا والو
الياس:هي تتبوحط هاديك ايهاي(هز لكريمة شوي تسليلو لي تتخلط فالقصرية)
كريمة:(ضرباتو على يديه)شد يديك ولا نهرسها ليك اراس طنك
يسرا:هههه مكاينش لي تتعرف ليك قدها
الياس:مكنبييش نصرفقها..
مدات ليه كريمة حنكها وقالت:ياله جرب والله تاتجرب ههععههه
عثنان:اقسم يالله تتبات فالكوميسارية باطلها واعر ههههه
كريمة:ههههههه ولاهيلا
الياس:تحاميتو علي ههههه هاني جالس ليكم بالمرصاد..فدار مكاين بو خريج..
سماح:ساليتي كاع العراسات؟؟
الياس:البارح لخر صاافي..الله شهر تراااحة
عثمان:رتاح باش توجد لعرس ختك
الياس:ضروري
عثمان:عيط ليا منصور لبارح(شافت فيه سماح)قال لعقد يكون ليلة سبعة وعشرين
زينب:مزياانة
الياس:بتزوجي نهار بيخرجو الشيااطين ههههه

ضحكو عليها كاااملين مطلعينها عليها..وبقاو ناشطين مونسينهم فاشغالهم..

حل المساء وكانو شبكو وسالاو كلشي..دخلات لبيتها تتلصق بالعرق وعيانة خصها هي شي غسلة
عيطات ليه ويديه تتجبد بيهم حوايجها باش تدخل تدوش..
منصور:وي
سماح:تاكل فار مشوي ههه
منصور:صافا؟؟
سماح:حمد لله و نتا
منصور:بخيير ساليتي؟؟
سماح:(بتعب)واخيييراا هه صباعي ضروني بكثرة تشباك ولويان تالبريوات
منصور:مزيان..
سماح:رمضان مبارك
منصور:رمضان مبارك...
سماح:غدا دوز عندي نعطيك شي حاجة
منصور:شي بوسة نختمو بيها شعبان
سماح:هههه شي سلخة تبقا مفكرني بيها هههه الله يمسخك
منصور:عياانة نتي هه اش غتعطيني؟؟
سماح:نعطيك للعين تاتجي وتشوف ففف
منصور:واخا..غدا مع العشرة هاكاك نجي
سماح:فالانتظار..سلم على خالتي وبارك ليها العواشر انا انمشي ندخل ندوش
منصور:مخصكش لي يحك ليك ظهرك ازين؟؟
صدمها وهي تقطع عليه وقالت مخرجة عينيها:اويلي هذا راه حيد الحوايج اعوذ بالله الماسخ لاخررر اخزيييت..

هزات حوايجها ودخلات للدوش تغسل استعدادا لرمضان لي غيكون لغد ليه..
دوشات براحتها وحكات ودارت بالحالة عاد خرجات تعشات معاهم ورجعات نعسات فانتظار السحور
فنفي المدينة..فبيت منصور كان داخل كيلوي فعنقو..توجه لبيت مو لقاها تتشرب دواها..باس راسها وقال:بشفاء ياربي
لطيفة:امين
باس يد مو وقال:الالة راحتي مبارك رمضان(عاود باس يديها)
راضية:اااااميييييييييين
منصور:(بابتسامة)تا سماح باركات ليك رمضان

بتاسمات فور ماسمعات اسمها وتاهو بتاسم كثر وقال:عزيزة عليك؟؟
حركات راسها بالايجاب وقال:كلشي كدخل ليه لخاطروو..زوينة ياك امي؟؟
حركات راسها وحطات يديها لي تتحرك على يدو وقال:قررنا نديرو العقد ليلة سبعة وعشرين و العرس مور العيد

بانت علامة الفرحة على وجهها عاجبها الحال..باس راسها وناض قال:نخليك ترتاحي..ازين تصبحي على خير

بتاسمات ليه وخرج مخليها مع لطيفة تنعسها.. اما هو دخل لبيتو ديركت خدا دووش خفيف حيد بيه العرق وتخشا ففراشو بعدما شرب نص قرعة تالماء معدني حيت مكيتسحرش بتاتا فانتظار اول ايام شهر رمضان..


فدرجة حرارة تتقارب ل 39 درجة..بداو الناس فمراكش صيامهم..الحرارة والصهد والعطش ومع ذلك خارجين متشدهمش..

فاق منصور بكري على غير العادة صبح عليهم فالمدرسة على صباح..مدوش ناضي وهي عاقدهم كيديما..كان فنقاش مع اساتذة الانجليزية حول بعض المطالب ليهم باش تكون جودة التعليم أحسن..لبى طلبهم وخلاهم امشيو..كان تيهضر عادي..ممعصب ما مقطوع ما تا حاجة تحلفي عليه مكيكمييش..

هز سوارتو مع ديك العشرة ونص وخرج..طالق راديو جايبين فيه شي شيخ كيخطب..مكالمي طالق كليما مدوز ليها الخط..

منصور:صباح الخير
سماح:(ناعسة)ممم صباح نور
منصور :باقي ناعسة
سماح:مممم ففف ناري صهد
منصور:انا جاي لعندك
سماح:وااخا

قطع معاها وهي تنوض طافجة وراسها عاطيها زدييح..خصها قهوة ولبااس..غسلات وجهها وشللات فمها..جمعات شعرها وبدلات عليها الفوقاني..وخرجات للكوزينة لقات كريمة بوحدها تتنقي العدس..نطقات بصوت ميميح:صباح الخير
كريمة:اصباح الخير ههه شتك نايضة بكري
سماح:فين سوبيرات لي عزلت فيهم حق منصور
كريمة:(بغات تشد فيها)علاه عزلتي ليه؟؟ماشتش..
دارت عندها وعقدات سبعة فربعة وقالت:كيفاش مشتيش..ياك لبارح حطيتهم هنا..
كرمية:ويلي نسييت راه رديتهم لدياولنا..
سماح:(بعصبية)واش تطنزي علي اكريمة؟؟
كريمة:سلاامة هههههه تقطعتي على صباح رجعي اختي تنعسي هههههه
سماح:(بنرفزة)دابا بلا مزااح فين زمر
كريمة:هههههخ راهوما وراك الخردة هههههه شاكا فيك تتكمي
سماح:ديها فراااسك(تتقلب فيهم وغطات بغطا تسوبيرا)فففف خزيت
كريمة:هههههههه تسليييم
سماح:كرييمة فوتي ساحتي رااسي تيزدح..
كريمة:هاني فايتااك ههههه

هزات دوك سوبيرات ومشات جلسات فالصالة تتلعب فتيليفون والصقيل فدار ..الزنقة تتشوي تلوح البيضة غتقلى..

صونا تيليفونها بنمرتو شدات الخط وقالت:هاني نازلة

هزات سوبيرات كبار..ها شباكية ها سليلو ها بشنيخة ها بريوات ها لسان طير..تهلات وقوات..ولكن عاقدة واحد تغوبيشة من داكشي..

كي حلات لباب شافها اش هازا كمش عينيه وخلاها تا تقدمات لعندو حل ليها لباب وطلعات
سماح:هاك شد
منصور:(باستغراب)شنو هادشي
سماح:والو هي باروك رمضان ديه لخالتي..شوي تشباكية وشوي تسليلو وشي تواشا خرين
منصور:(ببرود)بانت ليك مي ناقصها هادشي..
عقدات دوك الحجبان كثر وهي تخنزر وقالت:علاش زعما؟؟عارفة ماخصهاش هذاا سميتو صواب لي نتا مغتعرفش ليه..
منصور:(حيد نظاراتو الشمسية)صايمة ولا؟؟
حطات السوبيرات لور وقالت بطنز:لا فاطرة
منصور:ههه من نيتك دابا جايباني على قبل هاد العجب..
سماح:(عصبها)واش مكتعرفش تشد وتسكت اصاحبي؟؟ماشي ديالك لخالتي..نتا متتفهمش فصواب خرج داك سوق..
منصور:(عرفها مرمضنة)سماح راه مكاين لااش؟؟
سماح:(مسحات على وجهها)شوف امنصور ماشي شغلك..ديه لخالتي ولا خليني انا نديه ليها..
منصور:(ضحك)ههههههه ولاش جايباني اصلاا..
خنزرات فيه تعصباات وهي تم نازلة وقالت:يخزيييت كون ديتو راسي..

مع نزل تاهو تيضحك مع خرج الياس لابس دراعية باين ياله فايق وقشعو:اشااوا سي منصور هذا
منصور:(هز فيه عينيه)السلام وعليكم..
قرب منو سلم عليه بوجهو وقال:وعليكم السلام زارتنا البركة(شاف فسماح معصبة)اش اختي نتي مفيقك درووك سيري تا يوذن ونزلي
سماح:(بغضب)دخل سوق رااسك
منصور:(بتحذير)سمااح
الياس:خليها راه صايمة تاني..مشارباش قهوة كحلة (ضحك)السيدة تتقطع اخويا فرمضان
سماح:ايجي بابا نقولها لييه الزمر
الياس:عاوديها تالقايد ههههه سيري اختي تنعسي سيري شو كيدايرا
منصور:(بتسامة)سي فغي كتقطعي؟؟
سماح:(باندفاع)لا والله هي تيكذب عليك.. دابا هي ضارني رااسي
الياس:تت لااعنداك سول كلشي لي تيعرفها اقوليك سماح تتقطع فرمضان تقول كتكمي..تتكمي اخويا منصور؟؟
منصور:حمم اه
الياس:عطيها شي واحد تبرد بيييه هههههههههههخهخ
منصور:ههه
سماح:زمرر كيداير(ضرباتو لكتفو)الله يعطيك المسخ خزيييت تفووو..

تمات داخلة تتنكر وتعاود حطها بوجهها معاه فحين هو ميت بضحك ومنصور هي مبتاسم بشوي..
الياس:زيد اخويا دخل تشرب اتاي
منصور:هه احفظك.. خصني نمشي
الياس:جيتي تدي الباروك ههه اخويا فرعات ليا راسي بيه..بيت هي ندوق من سوبيرتها وهي تطلق داك الحلوق تا جا مول الدار تيتحلف
منصور:هه هبيلة هاديك..سي فغي تتقطع؟؟
الياس:بزااااف..هي سلك وصافي عهه
منصور:بيزاغ انا تنكمي ومكنتقطعش
الياس:زيدني عليك هاديك راه مرييضة فمخها(ربت ليه على كتفو)الله يكون ليك فلعوان تريطي اخويا تريطة من داكشي..
منصور:(ضحكو)هههه اوا اش ندير القلب وماختار
الياس: باااز ليك ولايني هي دي..دي علينا اخويا تخوي داار من فريعها..
منصور:واخا هاكاك راها ضريفة وبنت النااس
الياس:واخا اسي ضريفة دابا نشوفو هاد الهضرة من بعد ههههههه هي تنضحك معاك راه واخا تتعصب قلب الحليب..
منصور:عارف لي كاين ياله اخويا الله يعاون نخليك
الياس:دوز تفطر معانا
منصور:مرة خرا ان شاء الله.

توادعو وطلع لاخر لطونوبيلتو فحين لاخر خدا تاهو طونوبيلتو
رمى عينيه من المراية شاف فسوبيرات وحرك راسو بلا حول وتحرك اكمل شغالو عادي بدون تعب

اما سماح طلعات معصبة وتتنكر وتبخ..وكريمة تتسمع وتضحك عليها حافضينها..نهار لول كتقطع حيت متتشربش قهوتها تتولي بحال السكايري وتيبقاو شادين فيها..

شادة تيليفونها معصبة وعاقدة سبعة فربعة خصها هي معامن تتسنا الياس ادخل باش تنوضها معاه ساعا مجاش.. دوزات نهارها كولو اعصاب وغضب .. خصها قهوة وترجع مجاجها كيفها كيف المدخن...صلات فرائضها وقرات القرءان نعلات الشيطان ومع الربعة دخلات للكوزينة تتحك فراسها وقالت لكريمة:زين
كريمة:خهههههههه فاتك الحال!!
يسرا:شويا لبااس ههههه
سماح:ففف والله تا مريضة فراسي خصاتني قهوة
كريمة:وكاارووو
سماح:اري نعاونكم
كريمة:اندير مسمن معمر.. عجني ازين انا نصايب العمارة

عاوناتهم بصمت وراسها تيزدح من اللور حريق الشقيقة تيقتلها فرمضان..

وجدو كأي عائلة مغربية فطور اول نهار فرمضان على حقو وطريقو..بالاكلات التقليدية لي تكفيهم ..

وكذلك فبيت منصور..كانو موجدين لمو الأطباق لي تتحبها اما هو راه كيكتفي بالخفيف حيت تيكره البلدي
كان فطبلة هو ومو ولطيفة لاغير..هو وهاد الاخيرة لي صايمين اما مو نو..دوز نهارو زوين وعادي متعصب متنيرفا موالو..كيوافقو رمضان..وكيبعد فيه على الموبيقات..

تسمع المدفع من الكتبية وتسمعات موراه الاذان تالجوامع كيعلنو على نهاية اول يوم صيام...هز تمرة كلا منها ووكلها امو وقرا الدعاء:اللهم لك صمت وعلى رزقك افطرت..

كسر بجغمة تالما وتمر ووقف قايل:مي تصلي ولا تاتاكلي
حركات شفارها وجرها معاه وتبعاتهم تا لطيفة

موجهين قدام القبلة ومو تتصلي هي بروحها بحكم غير قادرة على تحريك أطرافها..قام الصلاة وصلى بيهم بلي حافضو من القرءان..اقدر لشفتيه من بعيد تقولي هذا من الجامع للدار لكن ما خفي اعظم..شهر رمضان احب شهر ليه..كيعتابرو الشهر الوحيد لي تيكفر فيه على ذنوب العام كامل..كيصومو كما هو..بقراءة القرءان وبالصلاة في وقتها ومحيد عليه اي موبيقات الا الكارو..لكن فور ماكيخرج رمضان كيرجع الشيطان لمود اكتيفي وتتبدا الذنوب وهذا هو حالنا كاملين
صلى بيهم ورجعو بلايصهم كيفطرو..

وكذلك عند سماح بعدما صلاو هزات كاس تالقهوة هو لول شرباتو عاد رجعات راسها لور كيزدح..
عثمان:شي مالبورو ابابا؟؟
سماح:(حطات راسها على كتف باها)ههه كون كنت تنكمي منديرش هاكا
كريمة:الله يعفووو
الياس:خصك تشوف الصباح جا منصور ادي شنو وجدات ليه وتشوف..باينا سمعاتو لي ميتسمع
سماح:الياااس
عثمان:كان هنا؟؟فدار
سماح:(بتلعثم)لا ابابا نزلت عطيتو داكشي هي من لباب مدخلش(قرصات مها)
زينب: اييه شتو تانا..سلم عليك اعثمان
عثمان:يسلم عليه الخير..كيراه؟؟
زينب:بخير هه خود شباكية..
الياس:الواليد نسولك وماتقولش علي فضولي..
عثمان:سول
الياس:سولتي على هاد منصور؟؟جاني بحالا زربنا

خزرات فيه سماح وهو ينطق عثمان بببرود تيشرب فالحريرة:سولت اولدي..ضوسي نقي..كلشي كيعاود عليه معقوول..تبعت تاعرفت فين ساكن وكلشي
زينب:كاع ماقلتيها ليا!!
عثمان:اش نقوليك..اصلا السيد باينا فيه ولد نااس ومأصل..هي انا سولت
الياس:اوا الى هاكا مزيان(غمز سماح)الله يكمل بالخير..

دوزات سماح يديها على عنقها تتحلف عليه وتعاود وهو ميت بضحك..نقبات هي شوي مفطراتش وشربات كينة ورجعات راسها لور تترتاح..
يسرا:(بغير نفس)مزفر هاد المسمن
سماح:ذهنتو بصفار البييض
يسرا:مقديتش علييه(بعداتو)
زينب:ابنتي هاد ليام الماكلة كاملة تتجيك زفرة..واش مريضة؟؟
كريمة:(همسات فوذن الياس)اهيا ياكما مرتك حاملة..
كان كيشرب العصير وهو يوحل ليه وبدات تتخبط عليه وتدعي:اهيا نااري باطلك حاااررر..
عتقوه بالما تيضحكو فحين هو شاف فكريمة وفرنس ليها تا بانت ضرسة العقل وقال:تكون هضرتك اكريمة بصح نتهلا فختي
يسرا:اشمن هضرة؟؟
الياس:هههه كولي ازين مولي(تيمد ليها شباكية)قوتي احبيبة بهادي(تيشوف فعثمان)مالك مقابلني بوحدك لي عندك معيسلة هاهية فرماجة كاع ديها فراسك..
سماح:والله تا مشرك لوراق(كيقرب ليسرا)كولي ازين كولي..نتي تاكلي وتشربي وانا حرارت علي هههههههه
كريمة:(تكرشخات بضحك)هههههههههههههههههههه واااا مي دادا
زينب:ادوك جوح لاش تضحكو هههههه
عثمان:الله يستر هههه فطرو لغاديين لتراويح..كريمة دويتي مع ولادك؟؟
كريمة:هضرت معاهم راهم عاطينها للعب والدوران عند جداهم
****

فطرو وناضت سماح تتجمع الماعن حيت كلشي ايمشي لجامع الا هي ويسرا..لي عيانة وسماح راسها تيزدح..

حولات الماعن وهزات تيلي دوزات ليه الخط..مجاوبش ظناتو تفكع عليها..غسلات دوك الماعن بزربة ونقات الدنيا عاد مشات للبيت حدا يسرا لي متكية مغمضة تاصونا تيليفونها بنمرتو..ناضت بشوي وجاوبات:الو


سماح:الو
منصور:(كيتفوه)زين كنت تنصلي تروايح
سماح:(بعفوية)حلف
منصور:(بتستغراب)كيفاش حلف
سماح:هههه تنضحك معاك هههه صافا؟؟
منصور:بخير ونتي مزيانة؟؟
سماح:حمم بخيير..سمح لي على صباح راه كان ضارني رااسي
منصور:الله يعفو عليك ههههه من نتيك تتقطعي
سماح:هههههههه بزاف نهار لول تنولي جاهلة
منصور:ابااااز انا لي تنكمي مكنتقطعش
سماح:لوااه
منصور:والله مكنطقع..ولدابا باقي مكاميش وهانيا
سماح:لعجب هههههه كيجاكم الباروك؟؟
منصور:مذقتش
سماح:علاش؟؟
منصور:ماعنديش مع داكشي..الواليدة لي كلات وعجبوها البريوات..ضربات منهم خمسة تا حيدتهم ليها ليضروها ههه
سماح:هههههه بصحتها..كون هي ذقتي نتا وتقوليا واش عجبوك
منصور:مكيدوزش ليا داكشي..البلدي ماعنديش معاه
سماح:وشنو تيعجبك؟؟
منصزر:(بحب)سماح
سماح:ههههههه(بخجل)يااك
منصور:وتكون خاوية زيدي فوقها هي لفرماج ودخليها للفران..منوضش ليك من فوقها
سماح:سير الله يمسخك هالماااسخ راه مابقيتيش تتحشم فففف
منصور:قلت شي حاجة عيب ههه سيري تنعسي انا فايق بكري وفيا الموت تنعاس
سماح:اجي بعدا صافا المعدة؟؟
منصور:مزياان
سماخ:ياله بسلامة تانا نيت غدا عندي مايداار
منصور:خارجة؟؟
سماح:سيي نمشي نختار الثواب لي نخيط..
منصور:بلاش ديجا وصيت الحاجة تقدا ليك كلشي مغيخصك والو
سماح:اخليلي الزين ولد رااضية ههه ازين انا نشري داكشي لي خصو تشري هي العروسة للباقي عليك..(بمزح)بغيت عشرة عشرة من الحاجة
منصور:متوفيكش حقك..نتي عطيتك ماغلى من العشرة عشرة..عطيتك بلاصة فقلبي براكا عليك
سماح:احيانا عليك هههههه زعما انا لولة
منصزر:نتي وراضية
سماح:ليا اشرف هههه
منصور: مدويناش على الصداق اسماح
سماح:(تحرجات)مابغيتش ندوي فيه..لي عطيتي هو هذاك..هي حيت مذكور فالدين اما هانيا
منصور :يكون خير..ياله سيري تصبحي على خير
سماح:تبات فراحة الله سلم على خالتي
منصور:مبلغ

قطعات معاه تتفرنس ورجعات تكات حدا يسرا تاجاو من الجامع ..تعشاو وسهرو شوي ومن وراها نعسو استعدادا ليوم جديد..


ليلة اخرى من ليالي رمضان..واقفة بعدما فطرات وغسلات الماعن..كتصايب شعرها سبولة وهي لابسة حوايجها..

دجين ازرق وفوقاني تقليدي بحالا جابادور راقي فالموف مع صنيديلة فالموف كذلك كتجر خفيفة..مدارت والو لوجهها هزات ساكها ودارت منهنا دازو..ديجا علمات مها باش تعلم باها بلي راها غتشوف نورة..خدات طاكسي لي لقاتو بصعوبة مع وقت التراويح ومشات القهوة فين دايرين..

خلصات ونزلات والغربي لي غاب نهار كامل تيضرب فالليل..كلشي خارج بنادم خصو هي ابرد الحال واخرج اتبرد

بتاسمات وهي كتلمحو من بعيد.. جالس بوحدو وتيكمي منغم..شحال مشافتو قرابة مني بدا رمضان الى اليوم لي هو عشرين يوم...

محس بيها تاوقفات عليه..طفا لكارو وجرها تا سلم عليها من الوجه وقال:زين
سماح:(كحات)كح كح نبدلو البلاصة
منصور:(وقف)نبدلوها
شدها من يديها موحشها هو الاخر..قصدو طاولة اخرى جلس وجلسها حداه..دارت ابتسامة خفيفة وقالت:لباس؟؟
منصور:(تيتفحص وجهها)حمد لله ونتي(جرها من سبولة)سنبلة..
سماح:زكا الارض ههه(حساتو كيلعب بيديها)
منصور:توحشتك امنانة!!عاد تواضعتي تشوفيني ولا..
سماح:(بتسامة خجولة)واهي حيت رمضان..
منصور:حسابني ديري علي ايطيح علي السر نهار العرس هه..
سماح:انا اصلاا مسرارة(طولاتها)ههه
منصور:(شاف فيها بحب)نتي ماشي هي مسرارة(سرط ريقو)خليني ساكت رمضان هذا
ضحكات بعذوبة وقالت:خليك ساكت تالفطار ودوي
منصور:الفطار غندير ماشي ندوي(غمزها)..
قرصاتو فحناكو وقالت:الله يمسخك ههه كي راها خالتي؟؟
منصور:مزيانة..تتسنا العرس
سماح:اوا هاحنا كنوجدو ههه..مبقاش بزاف(بحماس)ههه واجدين وراقك
منصور:واجدين ..خصنا هي لاسينياتيغ ديالك(باس يديها)
سماح:(بلطف)عجبتيني هاكا هه ضريف عالله تبقا هاكا تال مور رمضان..
منصور:واخا تحلمي بيها هه انا مور رمضان كنرجع مود شيطان ههه
سماح:مالك تتقول هاكا؟؟قريت داك نهار واحد اللعيبة عجباتني كتوصف هادشي لي بيني وبينك
منصور:لي هي؟؟
سماح:(حطات راسها على كتفو)تأكد وان رأيتُ النور في غيرك فسأختار عتمتك..
منصور:(تبسمو ملامحو وزير على يديها)الله احفظك لياا..شنو تشربي؟؟
سماح:قهوة هه
منصور:واخا.

طلب ليها قهوة ورجعات تكات على كتفو من جديد وقال:فين وصلتي فتوجاد؟؟
سماح:هاني غادية مبقاش بزااف(تجعدات شوي)فين انعيشو؟؟
منصور:فداري
سماح:بأ عرفت ولكن فين؟؟واش لابارتمون ولا لي فخرجة مراكش
منصور:(باهتمام)شنو تتفضلي نتي؟؟
سماح:بحال بحال(رمشات بزربة)المهم نكونو بجوج
منصور:(مد يدو قاس شفارها)مال زين تيقولها وحشمان..

حكات نيفها مع كتفو حشمانة وقالت:واصااافي ههه فين كترتاح نتا نعيشو فيه؟؟
منصوى:انا عندي بحال بحال ولكن مي تتفضل الفيرما حيت فيها فين تتخرج ..
سماح:صافي تا تما مزيان..
منصور:تبغي تبدلي شي حاجة فشومبر؟؟
سماح:لكانت مزيانة لاش نبدل؟؟
منصور:بدلت هي العام لي فايت مي لبغيتي تبدلي با دبروبليم..نديك وشوفي شنو بغيتي تبدلي..
سماح:واخا تال مور رمضان ونمشي
منصور:ان شاء الله

حطو ليها قهوتها رتاشفات منها وكملاتها معاه هضرة على العرس وماجاوره من تحضيرات وهو غي كيتسنط واحرك راسو..

شافت فساعة يديها وقالت:مشا الحال..خصني نمشي
منصور:ياله
شد يديها وخلص وخرجو لبرا..تضور عينيها وقالت:فين طونوبيلتك؟؟
منصور:(حل من بعيد )راهيا
سماح:(بابتسامة)بدلتي طونوبيل؟؟
منصور:(حل لباب )لا
سماح:(طلعات حداه)و ديالمن ؟؟
منصور:(ديمارا)ديالك
سماح:ههه وادوي بصح
منصور:والله تا ديالك..ياله خديتها هي اليوم..
سماح:(بعدم فهم)لاش ديالي؟؟
منصور:(شاف فيها ورجع مركز فطريق)صداقك!!..باش بلا منسولك ولا نعطي انا من عندي ونتحرج انا وياك(شد يديها)قيمتك متحددش عندي ولكن ضروري شرع الله..وفكرت اشنو ماعندكش؟؟اللهم طونوبيل ومتبقايش تبرزطي فطاكسيات..
سماح:ولكن انا (صدمها)هااا زعما(مسحات وجهها)منصووور هادشي بزااف علي والله..
منصور:(بابتسامة)شنو لي بزاف؟؟عادي..مراتي منبغيهاش تخصها شي حاجة. .

حشمها ومركات من كرمو الكثير عليها..بقات هي تتشوف فيه بحب حيت ديما مهلي فيها وعاطيها من عندو ومعمرو عز فيها شي حاجة..
غرغرو عينيها وتنهدات.. وقالت:حشمتيني والله(قربات منو وهو سايق ترمات فحضنو معنقاه)..
منصور:(دار بتسامة هادئة ودوز يدو عليها محتاضنها وتيسوق)بصحتك..(باس راسها من لفوق)
سماح:لهلا يخطيك علي

بتاسم وبقا معنقها وتاهيا مستحلياها سيدة حيدات البلاكة ومتتجيها راحة هي بين يديه..وصلها لحدا دارهم من بعيد وقال:سيري وتال غدا ونصيفتها ليك مع واحد سيد دابا معندي باش نرجع..
سماح:لا ماشي مشكل(بتسامة خجولة)كلشي ديالك
منصور:(عوج فيها راسو)تانتي ديالي ازين(قربها ليه قبلها فراسها)..

مسخاتش تحيد من حضنو لدرجة وقف بدقائق ومبغاتش تنزل وتاهو مقال والو محكرش بالعكس مرتاح هاكاك..

تاوعات وهي تنوض وقالت:ويلي تنشرت هه (هزات ساكها)انا مشيت نتلاقاو نهار لاكت..


منصور:ان شاء الله..وراقيك صيفتيهم ليا مع باك..ليلة سبعة وعشرين نجيبو العدول..
سماح:(بخجل)ان شاء الله ياله بسلامة..

بتاسم ليها ونزلات وهو يجبد كارو شعلو وتحرك بعدما شافها دخلات لدار..

الراحة لي كيرتاحها منصور فرمضان لا تتصور تيكون بعيد كل البعد عن ملهيات دنيا..داكشي باش مكالمي
دخلات لدار غطير بالفرحة لقاتهم مجموعين على اتاي وسليلو..فرنسات ليهم ودخلات تنشرات حداهم
الياس:لاش مقلتيش لمنصور اطلع؟؟
خنزرات فيه مخرجة عينيها ونطق عثمان بجدية:كنتي معاه؟؟
سماح:حمم ها اه(تتسرط ريق)
زينب:(نقزات)راهم مخطوبين خصو اشوفها وتشوفو باش ازيدو اتعارفو
عثمان:(بجدية)خصني نسيق الخبار..انا حبستك؟؟
سماح:(بتأسف)ابابا راه هي حشمت منك والله(تكات راسها على كتفو بدلع)طلبني نتشاوفو يااك بغاني هي ندويو على الصداق صافي
عثمان:(دغيا رطاب)وابابا راه خصك تعلميني ..داكشي تيدويو فيه الكبار
سماح:حمم هي مباش احرجني والله
كريمة:عادي اعزيزي والله..راه سيد محتارم وباينا فيه ولد دارهم..
عثمان:انا مقلتش العكس..بيت هي نعرف وصافي..لاش وصلتو؟؟
سماح:والو ابابا(تتبلحس عليه وتبوسو فحنكو)هي سولني على الدار واش نبدل شي حاجة وهضرنا صافي ابابا..
الياس:(مبلق عينيه)اختي التبلحيس تتعطيه عشرى لضس هههه
سماح:(تتقلي ليه سم)ديها فسوق راسك..
عثمان:الله يسامح
سماح:(بفرحة)عرفتي ابابا جاب ليا طونوبيل فصداق
الكل:هاااا
سماح:ااه ههه شافني كنتعذب فطاكسيات وجابها ليا
عثمان:فاش تنضل عليك نشريها ليك متتبيش ودابا عاجبااك..

حشمات وصقلات وهي تنطق مها:اوا خلاص علي..بصحتها
كريمة:(تتفرنس)وافقيهك صحيح هااا
يسرا:مكينوضش الغبرة ههههه
الياس:هي ولدي ونوقفها ليك قدام الدار ههه ابصحتو الالة الطونوبيل
سماح:يعطيك الصحة ههه
عثمان:هاد سيد سخي هااا
سماح:(بعذوبة)بزاااااف

ضحكو عليها كاملين تا حشمات وناضت من حداهم حمرة حيت بينات شحال عاجبها طلعوها عليها تا مركات..دخلات لبيتها والفرحة كتغمرها..

شنو ممكن تطلب البنت كثر من هاكا..انسان تيبغيها وتيتهلا فيها سخي معاها شنو ممكن اطلب الانسان اكثر

*****
اليوم هو يوم ارتباطي بك..من الكبر الى اللحد
سأقولها واعيدها:كنبغيك تالقبر
****

واقفة قدام المرايا الطويلة ديالها طالقا شعرها على طولو ودايرا ليه من القدام سبولة مزيرة بوجه خالي من الماكياج..يكفي البيوضة ديالها وحمرة الفرحة مزينة وجهها..
عنقها مزين بسنسال ديالو خفيف وحمرة طفيفة فوق عينيها من تحت الحاجب..الفرحة لي حاسا بيها متعطيها لحد..اليوم عقد قرانها بمنصور..

الراجل لي دخل لحياتها غريب ولي فيه جميع المواصفات لي متتحملهمش هي فشريك حياتها لكنها حباتو..

دخلات مها عليها لابسة قفيطين خفيف وبكحل خفيف فقط مكحل ماقبل الفجر..وكذلك يسرا وكريمة ضحى ونهيلة عمتها حاضرين معاها للعقد القران..

يوم صيام وليلة سبعة وعشرين..الليلة العزيزة عند الله قررو اديرو فيها عقد قرانهم ابقا متورخ عندهم.. كان فالصالون عثمان بلباسو التقليدي ومعاه الياس وحميد والعدول لي جاب منصور..هاد الاخير لي كان برفقة باه وعبد المالك لاغير..لابس سروال دجين والفوقاني تقليدي جاه اهبل..لحية كثيفة منقصش منها بتاتا..داير كورميط فيديه تنقرة سيتو..كان وسيم والفرحة تاهو باينا فيه..

باشرو العدول بمعلوماتو هو..ناداو على سماح..هاد الاخيرة لي كانت تتعراق وعامرة توتر..عيطو ليها ومشات ترعد دخلاتها مها..هي شافها فرنس بوحدو حيت تتبان داخلة سوق راسها..

جلسات حدا باها لي قدم اوراقها للعدول..

العدول:سماح بنت عثمان قابلة بمنصور دين ولد عبد العظيم زوج ليك على سنة الله ورسوله..
سماح:(حانية راسها)حم اه قابلة
العدول:توصلتي بصداقك ابنتي؟؟
سماح:اه حم..

مد ليها توقع شدات الستيلو تترعد وتلفو ليها الحروف..سنات وولات مراتو..وهو كذلك سنا وتحسبو مزوجيين على سنة الله ورسوله
سماح تنسبات لمنصور وولات ضلع منو كيف تيقولو..فرحتهم مايعطيوها لحد..

العدول:الله يجعل كلشي مبارك ومسعود..

تطلقات تزغريتة من برا ديال كريمة دليل على فرحتهم..اما سماح راه ولات حمرة واحساس المعقول دخل معاها..خرجو العدول مشا معاهم عبد المالك تال برا حيت ديجا مخلصين..ودخلو النسا عندهم تيهنئو سماح وكذلك منصور..هاد الاخير لي سلم عليها بيديه مبتاسم لدرجة باه بقا هي تيشوف حيت قلييييل فاش تيشوفو تيفرنس..
منصور :مبرووك
سماح:عليك تانتا هه

طلقات منو دغيا ومشات لباها لي معنقها فرحان ليها..تبادلو التهاني كاملين فرحانين..

عثمان:منصور ولدي وليتي منا ..تهلا ليا فبنتي راه هي وحدة..
منصور:كون هاني
عثمان:(كيسلم على عبد العظيم بوجهو)سيد الحاج هذا نهار كبير نتناسب معاك فيه..
عبد العظيم:(بفرحة)الله يبارك فيك اسي عثمان
عثمان:مرحبا بيكم اسيد الحاج اليوم عندنا الفطور
عبد العظيم:الله يكبر بيك اسي عثمان
عثمان:نتسناوك نتا وحبابك مرحبا بيكم(شاف فمنصور)واخا اولدي
منصور:ان شاء الله


تهنئو وبعد دقائق غادرو حيت رمضان مكاين لا مضايفة لا سيدي زكري ...
هنئو سماح فرحانين ليها وهي حشمانة وسطهم تتدلل كي تيقولو..هي لبارح بنت واليوم امرأة متزوجة محسوبة على منصور..تزوجات بيه ولات ملكو ولى ملكها..

اعظم ما فضل الله به عباده الزواج..
كي خرجو من دار نسيب جر منصور عبد المالك وقال بهدوء:خوك ميوصلنييش امالك
عبد المالك:الله يهديك راه خووك
منصور:(ببرود)لي عندي قلتو..سلم على الحاجة..
ركب فطونوبيلتو وزاد مخلي عبد المالك هي تيشوف..
عبد الغظيم:(وقف عليه)مالو؟؟
ع.مالك:اودي..قاليك عبد الفتاح ميجيش..
غوبش الحاج وقال:هذا شويا لبااس؟؟ ليشوفنا حنينا ليه الراس احسابو راه نطاوعوه.. خوه هذااك
ع.مالك:اخر مرة هضرتهم كانت قاسحة..راه فتاح براسو قاليك قسحت معاه فالهضرة..
عبد العظيم:لسان مافيه عظم..هو براسو فمو تيطلق هي السم كي اللفعة..اوا ميزيدكش فيك
ع.مالك:راك عارفو طبعو صعيب..متيسامحش دغيا..اللهم نسلو الشوكة بلا دم..
عبد العظيم:(زفر)انا لي درتها لراسي اما من لول منجيش معاه..حسابني ولى بنادم ساعا المسخوط هي مسخوط..كون ما خفت نتحاشم مع الناس والله منجي معاه لهاد الفطور..
ع.مالك:(كيهدي فيه)الله يهديك الحاج..راك عارف طبعو صافي..نديرو بوجه لالة راضية ونسلكو تا يدوز هادشي..
عبد العظيم:راضية هي سباب فهادشي كااع(ركب فطونوبيلتو مع شيفور)
زفر عبد المالك ومشا فطونوبيلتو هو الاخر محتار بين هاد العافية والنار

****
كي دخلات تبدل حوايجها باش تدخل تعاونهم فالكوزينة صونا تيليفونها بنمرتو..حشمات تجاوبو عيات تجمع فالضحكة ساعا والو..شدات الخط وقالت:الو
منصور:لالة منانة..ولا نعيط ليك لالة مراتي
سماح:ههه عيط لي هي سماح حسن هه
منصور:ياك الالة...(تنهد)فرحتي اليوم متشراش بالذهب
سماح:كانت باينا عليك..منصور لهاد الدرجة تتبغيني؟؟
منصزر:رمضان هذا هه مور الفطور نشرح ليك
سماح:هه تتهرب من جوااب(تتعض على شفايفها)اتجيو للفطور ياك
منصور:ممم اه..تمشي معايا مور الفطور
سماح:فين؟؟
منصور:ياله معايا لدار تال العيد وجي
سماح:تفروحتي نتا فعقلك هه الله يهديك..العرس مابقا ليه والو ونمشي بمرا
منصور:اهاه واخا(بابتسامة)سيري تاليل ونتشاوفو
سماح:واخا(بلطف)بسلامة
عيبها مرقق صوتو:بسلامة هه

قطعات معاه وحطات تيلي عند صدرها فرحانة..دوك رموش قربو اطيرو بالفرحة..بدلات عليها وخرجات تعاونهم..للعشا والفطور..بحكم عارفينهم كثار

كل واحد وبشنو تكلف..من الصباح وهوما فالكوزنية لي يطيح على لبال راه وجدوه..كلشي مشارك وكلشي فرحان ماحسو لا بجوع لا بعطش..مجاش فين توصل ستا تا كانو نضاو كلشي..وديك ساعة وقفو على الدوش تا دوشو وبدلو عليهم بملابس زوينة تليق استقبلو بيها النساب ...

كانت فرحة سماح عارمة تصايب هادي وديك وكلها حماس..كيف لا وهي اصبحت مزوجة ومن الانسان لي تتبغيه..

مع جوايه المغرب تسرسير فالباب ..نزل عثمان بفوقيتو احل لقا عبد العظيم وحجيبة وموراه طاشمة تناس..صدموه..عبد المالك ومراتو..عبد الغني ومنصور ومو
رحب بيهم كاملييين ..ودخلهم للصالون الكبير لي هازهم وشايط الخير..

جا كلشي كيسلمو وارحبو وزينب قايمة بدورها كنسيبة رحبات بيهم كلهم وتكبر بيهم..لقاو الطبلة واجدة بماعنها خصهم هي يحطو الماكلة
حجيبة:فين عروستنا
زينب:(تتحط مقبلات)هاهيا يالالة(نادات عليها)سماح سمااح اجي اماما..

جات سماح حشمانة بكندورة كرونة منازلاش بزاف مبينة دوك سيقان لبيضن ودوك رجيلات ..سلمات عليهم حشمانة ومزنكة ورحبات بيهم..قبلات راس راضية وقالت:مرحبا بالالة راحتي..

جلسها عبد العظيم حداه مطبطب على ظهرها وقال:تبارك الله على عروستي
سماح:(بحياء)الله يبارك فيك اعمي
امل:(باعجاب)مرحبا بيك فالعائلة
سماح:(شافت فيها بخجل)ترحب بيك الجنة اختي..

ناضت بحياء وحشمة تحط معاهم الفطور لي كان مشكل..لي تحل عليه الفم تلقاه واجد..من مالح وحلو ومعمر..

تجمعو كاملين على طبلة كبيرة ضايرة فانتظار المغرب..راضية حداها منصور وحداها سماح..

اذن المغرب هزو تمرة كاملين اكسرو..منصور هز تمرة فرقها على جوج مد طرف لمو وطرف لسماح عاد هز وحدة خرا خلاها حشمات سماح وولات مزنكة كسرات بيها وشحال جاتها حلوة غير حلاوة التمر
عبد العظيم:(شرب الما)سي عثمان نصليوو؟؟
عثمان:ايييه مرحبا. .

ناضو لصالة اخرى كبيرة مفرشين فيها الزرابي تصلا واجدين..تصافو الرجال والعيالات لور فضلو ميمشيوش للجامع..كيقوليك البركة فالواحد تشرك معاه الملحة والصلاة
تصافو كاملين بخشوع ونطق.. عثمان:سي منصور قيم الصلاة
حشم من طلبو ومع ذلك رضخ ليه وقام صلاة بصوت خشن عاد صلى بيهم عثمان بما تيسر فجو من الخشوع والامان..

هذا هو رمضان تنصوموه بالقلب ونصليو بالقلب رغبة فالمغفرة للذنوب..فما بالك ليلة عظيمة عند الله بحال ليلة القدر..


كملو الصلا وسلمو تا نطق عبد العظيم:سي عثمان الصلاة عندك مكودة بحال الامام تجامع..
عثمان:(بتواضع)الله يبارك فيك..زيدو تفطرو(شد فزينب)لالة زنوبة ياكما عياك صيام..
زينب:شوي ههه

خرجو كاملين تجمعو على طبلة من جديد تيتشاركو مواضيع..حجيبة هي وزينب عاطيين صواب بعضهم ومشاركاهم تا فاتي لي الحاج عبد العظيم هي كسر جلس امتع عينو فزين هي من لتحت لتحت..

تهلاو فيهم كلاو وشربو والحديث دايز بين كبار العائلات اما منصور هي ساكت كياكل ويوكل فمو..

سماح:(بشوي)ماكلتي والو
منصور:متنقدرش ناكل دغيا..هي فطري..

بتاسمات ليه وخلاتو على خاطرو
تجمعو الماعن وباقي الجموع مسالاش تا حان وقت التراويح..خرجو الرجال للجامع كاملين بقاو العيالات على اتاي وسليلو تيتعارفو كي تيقولو..حديث طويل ولطيف مكاينش دغانيش والضحك وتكركير وسماح دايرا فيها عروسة هيا مدواتش تتشارك مرة مرة..حتا جاو من جامع دخل كلشي الا منصور..
سماح:(بهمس لالياس)فين منصور
الياس:هاهو فجيبي
قرصاتو من كتفو:وادوي
الياس:ههه راه لتحت كيكمي
سماح:مممم واخا..

مشات لاكوزينة تتعاونهم اسربيو العشا ليهم فحين منصور كما جوج كاروات عاد طلع..كلشي ورقو انه كما حيت هو الوحيد لي تيكمي بينهم
تعشاو عادي كأي عائلة جديدة..فرحانين بنسوبيتهم..حان وقت المغادرة..ودعوهم وتباركو من جديد على امل اتلاقاو من جديد فالعرس ..

زينب:(تتسلم على نسا)كون هي بقيتو بتو عندنا . .
امل:(بلطف)مرة خرا اخالتي والله
حجيبة:ايام الله باقي طويلة
زينب:(مسخاتش بيهم)جلسي نتي الالة راضية..(شافت فمنصور)خليها تبات معانا
منصور:لا الالة زينب مرة خرا ان شاء الله مجابتش دواها..
زينب:واخا ها الحق فيكم ههه
عبد العظيم:(كيلبس بلغتو)سي عثمان المرة جايا عندي فالدار مرحباا بيكم..الله يكبر بيك
عثمان:ان شاء الله اسيد الحاج
سماح:(سلمات على منصور باليد)نشوفوك
منصور:(بصوت منخافض)ميهديكش الله وتمشي معايا
سماح:(خرجات فيه عينيها)ههه لا ويلي اش نقولو ليهم
منصور:قوليهم منصور بغا حلوتو راه طاب بتعطال. .
طلقات منو بالزربة وقالت:الله يمسخك(باست راضية)تصبحي على خير اخالتي..

بتاسمات ليها حيت عيات بات تنعس..خرجو كاملين وكلها فطونوبيلتو وكل واحد شد طريق لدارو
طلعو عائلة سماح ورجعو جلسو تينممو..

فاتي:اهيا واش باه جامعهم بجوج؟؟
سماح:(حكات عنقها باحراج)لا..مامات منصور وباه مطلقين..
الياس:وايلي..مطلقين
سماح:ممم
عثمان:مقلتيش ليا هادشي
سماح:مكانش فراسي عاد عرفت
زينب:مافيها باس..ربي حلل الزواج وحلل الطلاق..
ضحى: غير هو راه ناس الله يعمرعا داار..
زينب:بزااف..تا مرات باه زوينة ومصوابة
سماح:ممم ضرييفة تا خالتو راضية ضريفة
فاتي:خالتو راضية قالت ليك..كبرتي تانتي وليتي عرووسة ههه
سماح:(حشمانة )وصافي اعمتي هههه
زينب:ههههه باقي ممتيقاش..هي لبارح ولدتها و اليوم تزوجات
عثمان:(درع زينب بذراعو)اوا شتي هاحنا نسرسبوهم ونجلسو راس فراس(شاف فالياس)اداك اه هز مراتك سيرو ضربو شي شهر العسل فيه شي ربع سنين..
الياس:حلم حلم..مشات سماح انجيب ليك شي بخوشة خراا تلاها ليك معاها الشارف
عثمان:هههههههه الله يمسخك
زينب:مغتصليوش ليلة
عثمان:ضروري
فاتي:(بعجز)والله مقادا نسهر انصلي شوي ونرتاح
زينب:لي غادي لجامع انووض..
سماح:انا نيت انمشيي

لي بغا يمشي اصلي ليلة سبعة وعشرين راه مشا و لي مبغاش راه جلس كتافى ببعض الركعات فقط..


اغلب مسلمين العالم مكينعسو تا كيصليو ليلة القدر لقوله تعالى:ليلة القدر خير من الف شهر

دازت عادية عند منصور لي صلاها كاملة بدون توقف فالمسجد..لي شافو يقول هذا راه هنا نبات..لكن الهدوء لي عليه خلاه اتقرب من الله كثر

دخل لدار بعدما صلى الفجر فمراكش..طل على مو لقاها ناعسة عارفها متقدرش تسهر وتوجه لبيتو بدل عليه وتنشر فوق ناموسيتو بعدما ظلم البيت ونعس بعد ليلة كلها ساهرها..

كذلك بنسبة لسماح صلات علاش قدات ورجعات لدار نعسات تا اذن الفجر صلات ونعسات فرحانة
كان دعائها فقط بتيسير فزواجها مع منصور

الغد ليه خرجات بكري للسوق هي ومها وكريمة تيضورو اقلبو على كماليات العيد من بلاغي وصبابط وصنادل وناغيرها..وكيف كاينا تمارة رمضان كاينة تمارة العيد

عند سماح راه مضوبلة حيت العرس مور العيد بايام..خارجى تضور تقلب فهادي وديك..ماخلات ماشرات تقريبا كاع فلوس لي جمعات فسنين خدمتها ومكانتش تتصرفهم طرطقاتهم على راسها..وتا مها ممخلياهاش مخصوصة
واقفين فمخل لبيع ملابس تقليدية رجالية..كريمة تتكسي ولادها وتا زينب تتكسي عثمان والياس
زينب:لا اسيدي شوف ليا الزرق ايجي زوين
البائع:هاهو الالة متكوني هي على خاطرم
كريمة:هاد عزيزي تاهو ذوقو ثعييب
زينب:واش نديير
سماح:(حشمانت)ماما ناخد لمنصور شي لبيسة تقليدية
شافو فيها بزوج بشوفة خطيرة وهس تقول متوترة:عادي هو ديما تيتهلا فيا
كريمة:عهههههههه ياختي على نااس ولاو تاهوما برجالهم وباو اشريو ليهم الحوايج تالعيد
زينب:اوا هانتي يالالة كبرت وحياني الله تا شفت بنتي لي معقدة تتهز لهم لكسوة راجلها هههه
سماح:هههههه واصافي لتحشمونيش هههه نشد ليه شي جلابة سوسدي هه
زينب:شديها ليه هههه هانتي تعزلي وتخيري لنسبي لعزيز
مشات بفرحة تتختار ليه وتاخد رأيهم تا ختارت ليه وحدة نن للفوق تالتحت..رجعو لدار مسخسخين مافيهمش عظم صحيح ومع الصبام شحفانين جاب الله يسرا دخلات زجدات ليهن فطور اما كون بقاو بلاش

الايام الاخيرة فرمضان تتمر بسرعة كبييرة..اخر ثلاث ايام فرمضان مرت كلها جرا وجيب وجيب..شري قوام الحلوة شري تاع العرس شري هاظي حط هادي
وطول هاد ثلث ايام مشافتش منصور بتاتا حدها تيليفون معاه..
****

يوم العيد..اول ايام شوال..ناضت سماح صباح بكري من النعاس توضات وصللت الفجر..عتانات ببشراها ببعض المامياج الخفيف..طلقات شغرها لي سهرات عليه هي ويسرا تا سرخوه..كرسمة مشات تعيد مع ولادها عند مها مموالفاش تا رمضان تدوزو معاهم هي جابتها ظروف ان سماح اتدير العقد اما كدوزو عند مها..
لبسات جلابة ديالها فالخزي باارد بزااف ودارت بليغة من لي خرجو مؤخرت مع الخلخال لي جاب ليهل منصور..حوالق خفاف وخاتمها تزواج..ضفيرات مبرودين بدون طلاء اضافر..وماكياج ناعم
خرجات لبرا لقات عائلتها تاهوما بنفس الاناقةتباركة العيد وتغانقو ولاحت غليها شال ومشاو للمصلى لاداء صلاة العيد..تاصلات بيه مرارا وتكرارا باش تبارك ليه لكن نااعس
صلاو ورجعو فرحانين بالعيد وجمعة الاحباب..تحط فطور العبد ابشهي لي فيه كل ماتشتهي النفوس من اكلات مغربية مفننة..

وتجمعو عليه باقي بجلالبهم تيضحكو واكركرو..كأي عائلة..واشبعو تصااور
سالاة الفطور وناضت من بلاصتها تيهزو الفطور للكوزينة
جرات سماح مها عندها وقالت تتمسكن:ماما انا نخرج
زينب:فيم؟
سماح:نمشي نبارك لخالتي راضية العيد ونجي
زينب:(هزات حاجبها)خالتك راضية؟؟ياك هضرننا البارح معاها
سماح:حمم لا ولكن حشومة..(لقاتها تتشوف فيها فشكل)اماما راه والله مكاينة شي حاجة
زينب:مهضرش معاك فشي حاجة(حمارت سماح)مطلبكش تجي لعندو تكملو زواج..
سماح:(ولات حمرة)استغفر الله اماما هادشي مكاينش
زينب:شوفي تلاهينا مع العيد وقوامو ومجلسناش نهضرو..خصني ضروري نشرح ليك شحال من حاجة واخا
سماح:(حكات عنقها)واخا اماما
باستها فحنكها وقالت:طاكي علي عند بابا
زينب:ويلي على طاكي علي ههه راه راجلك ابنتي واش غيحبسك
سماح:(بغنج)واهي كنحشم وماولفتش ههه
زينب:دابا تولفي..سيري وسلمي عليهل بزااف
سماح:مبلغ..

مشات بالخف لاحت عليها جلاابتها وحيدات القفطان..هزات لي شرات ليه دارت لمسات اخرى وخرجات ماشافها حد مابغاتش تحاشم مع باها ولا اقشعها الياس اشوهها
كي نزلات للتحت بقات تتفكر فطاكسياات وفين تلقاهم والعيد هذاا..منشورة فشمش ولي داز انبر حيت كانت تتبان قرطااسة نيت..وناعمة جدا وعاد الرجال نهار العيد تيكونو بحالا طالقينهم من الحبس على الزين

بزز باش لقات طاكسي وتاتمشات بزاف وولات كاملة عرقانة وتا قررات تعطيع ضوبل لي غياخد باش اديها برا مراكش حيت خارجة عليه
طول طريق وهي مبتاسمة باش تفاجئو وناشطة..اتخيل كي غتشوفو وتقوليه مبارك العيد

حطها مول كاكسي مخنزر حيت ضرب طوالة نييت خلصاتو وعطاتو بزايد من نشاط لي فيها عاد نزلات..شافها العساس وهو يخل ليها الباب بعدما خبراتو انها مرات منصور..دخلات تا قربات لدار..صونات وهي تحل لطيفة ..
سماح:(كتعنقها)اهلا خالتوو لبااس
لطيفة:اهلا زوينة ..مبارك عيدك

سماح:الله يبارك فيك علينا وعليك ..نتي كيدايرا لباس؟؟
لطيفة:الحمد لله ابنتي..دخلي مرحبا بيك
دخلات حشمانة وتوجهات تابعاها ولقات راضية جالسة كالملكة..لابسة قفطان جديد وشال والعوينات مكحلين تيبريو..قدام طبيلة فيها مقومات العيد..صينية تبري والحلاوي فشكال والنواع..بشوفتها بتاسمات ومشات ليها سلمات عليها بحرارة وقالت:مبارك عيدك الالة خالتي
راضية:مببببببببببررررررووووك(عيات)
سماح:تعيدي وتعاودي ان شاء الله(جلسات)كي دايرا كي صبحتي؟؟
راضية:لبااااااااااااااااس..
سماح:تبارك الله ..جا معاك القفطان خههه شهاد زين؟؟
لطيفة:كي راك ابنتي(تتخوي ليها اتاي)داركم لباس عليهم
سماح:اللهم لك الحمد هه نتوما لباس كي دوزتو رمضان؟؟
لطيفة :حمد لله
شاركات معاهم اتاي والحليوات مجمعة مع عجوزتها مونساها كي تيقولو..وحس منصور مكاينش..حمحمات بخجل وقالت:خالتي فينو ننصور
راضية:(غمضات عينيها وحلاتهم)
سماح:ناعس؟؟
لطيفة:اه
سماح:ويلي كاين لي كينعس نهار العيد
لطيفة:اوا هانتي تشوفي هه
سماح:عفاك اخالتي واخا تفيقيه لياا
لطيفة:(باحراج)هي سمحي ليا ابنتي منقدرش..نعاسو شويا واعر نخاف نفيقو واضور فيا
راضية:(بتاسمات)ههبيييبيبيييل
سماح:علاه هي هبيل وصافي راه مقطع الوراق ههه
لطيفة:سيري فيقيه ابنتي نتي نييت راه راجلك
حكات ورا عنقها حشمانة وقالت:واخا

هزات ساشية ديالها ومشات مع لطيفة توريها لبيت..وقلبها تيضرب بحالا معرت شنوو..وقفاتها قدامو وزادت ..مخلياها متوترة وتترعد..تدخل ماتدخلش اش دير..فالاخير زعمات وحلات لباب وخشات راسها بشوي تتطل كي الفارة..

يتبع...