قبرص الجزء الثاني

🗝في المغرب في قصر الفولتوريز🗝

داخل قيس بكل قوة و جنتلمانية و فيديه ازرا مراتو و معاه خوتو فجنبو و الجد الراضي و دخلو لقاو قيصر ولدو و العائلة كيستقبلوه

•قيس:لهاد الدرجة عزيز عليكم كتستقبلروني هاكاا(هدر باستهزاء.و هو يعنق ولدو قيصر لي فرح من شوفة باه )

•عشق:خالتي ازرا عمي قيس جدي الراضي ههه بقات بلاصتكم فالقصر والله ناقص بلا بيكم(هدرات و عنقات عگوزتها ازرا)

•الجد:اااححح فين حفاذي فينهم فييين العصابة دياليي توحشتههاا وااا قببرص. كااابييير علوووووش (هدر و كيقلب بعينيه و قيس هدر )

•جدي:حفاذك اجدي مساافريين لصربيااا (هدر بغموض و كولشي تصدم كيفاش عرف )

•قيصر:واا معليكش الواليد هههه نتا مسافر و عقلك و عينيك هناا (هضر و كيعانق باه قيس لي كيفكر فشي حواايج )

•رازان:ااه راه هضر معاياا ولدي اصيل عاد دابا شوية رااهم جاي هو و بلال ال"فاروقي"هنا للقصر و راني عيطت لياسمين ختو راهاا تاهي اتجي حيت كيف كتغرفو جاو للمغرب على قبل الدراسة و اصيل ولدي عرض عليهم باش يجيو للقصر فهاد الفترة صراحة مزيان

•قيس:ااه مزيان اصيل فكر حسن هاكا و تا عشيرة ال"فاروقي"معانا و من اصدقائنا

•راوان:اواا علم الله بنتي جيلان مني غادي تجي و تلاقا عي و ياسمين هنا اش غادي يطراازالله يحضر السلامة الواليد ههه(هدرات مع قيس باها و هو خنزر فيها)

•قيس:كولشي تال ثلاتة حواايج قبرص اولا و تابعاه جيلان و باقي احفاذي يعني خط احممر و الا اضطريت نقدر نخلق عداوة مع عشيرة ال"فاروقي" الا اقتضى الحال (هدر بغضب و جر معاه ازرا و طلعو بحالهم لجناحهم و بقاو خوتو و الجد الراضي)

•يانيس:اش طراا مني سافرتوو يعني واش صافي حليتو الامر همم؟؟؟؟(هدر مع باه جوزيف)

•جوزيف:لي نقدر نقوليكم نتوما وولادكم هوو وحدو راسكم(هدر بغموض و مشا تاهو طلع لحناحو هو و مرتو)

•اصيل:اوووه العائلة كملاات ههه مني رجعتوو و لكن الماافياا مشات للاسف ههه(هدر و سلم على العائلة و الجد الراضي)

رازان:سلاام احبيبي كيبقيتي مع الخدمة مزياان اااا بلال ولدي لابااس علليك(هدرات و عنقات ولدها اصيل و سلمات على بلال ال "فاروقي")

•بلال:سلام خالتي رازان نتمنى تكونو بيخير هههه الفا قيصر كنت كنسمع بيك و حسن ليا الشرف انني نتعرف عليك نتا و لونا عشق(هدر باحترام و جلس على ركابيه و هدر راسو و وقف باحترام و قيصر تبسم ليه هو و عشق)

•قيصر: تا نتاا باين فيك قوي غي من الطاقة لي حسيت بيهاا و نتمنى انه تكون عند حسن الضن و فهاد الفترة اكيد غادي تخضع للاداريب بحالك بحال الشباب مني يرجعو (هدر بهدوء و بلال تبسم ليه باحترام و اصيل حك راسو هدر بتردد)

•اصيل:ااا يا ياسمين واش ماغاديش تجي ولا شنو اااا بغيت نقول زعما تعطلات و غادي يبدا يضلم الحال(هدر بتردد و مولشي حبس الضحكة و بلال خنزر و لكن مقدرش يهدر قدام قيصر)

•بلال:لاا ماغاديش تجي اا هي هدرات معايا ههه تاغدا عاد غادي تحي انشاءالله(هدر بشوية و اصيل تبسم ليه و استأذن منهم و اتاجه لجناحو و طالع فالدروج و كيخنزر و يمضغ فالهضرة و داير لافيست ديالو على كتف واحد )

🗝فجناح قيس و ازرا🗝

دخلو لجناحهم و قيس جالس و كيشوف فالبيسي ديالو قدامهم فشي حوايج و كيتبسم بغموض

•ازرا:اشش سر ديك الضحكة اقيس انا بعدا وليتي تخلعني و تصدمني واش نتا هاكا و ولدنا قيصر و ادهم شتيهوم كي طالعين و مابغيتيش حفيذك قبرص يطلع بحالكم ههه راكم هبال و لكن صراحة خفيذي قبرصي حبيبي قاليكم متعرفوو والو فالغموض و التناقض هه و مكيعلمش(هدرات و دخلات للدريسينغ و هو خبط البيسي و تبعها بغضب)

•قيس:ازراتي مراتي عندك حبيب وااحد و لي هو انا اما قبرص راه حفيذنا مشي حبيبك و مرا جاية ردي البال (هدر و خطف بوسة من جبينها و رجع جلس فبلاصتو و هي كتضحك كانهم كيعيشو اول ايام زواجهم متبدلش ابدا معاهاا و هو

ما دابا عندهم اخفاذ و لي مبيرهم هو قبرص و حنان قيس متبلدش ابدا من جيهتها)

صباح جديد كيحمل طياترجديدة على الجميع منها فرح و منها اكيد حزن و هروب من الواقع المؤلم

فصحراء صربيا كانو الشباب مجموعين داخل واحد المطعم بلدي من الثرات ديال صربيا الفديمة و كيفطرو و كولشي عينيه غي على قبرص

•جيلان:قبرص شتك ماكليتي والوو واش مقلق منيي ولا شنوو(هدرات بشوية و قبرص ضرب يديه مع الطبلة)

•قبرص:بغيتي تفطري فطري ا جيلان ماعندي گانة لحتاحاجة و انا ممقلق من حد (هدر وقف جبد الفلوس من جيبو و حطهم فوق الطبلة بلاما يحسبهم)

•قبرص:لاساليتو الفطور يالاه نمشيو نشوفو ولاء و رعد واش فاقو مزيان و لا لا؟؟؟(هدر و كولشي وقف تال علي بقا جالس كاياكل و عاد ناض على خاطرو)

•علي:انا ماغاديش نمشي معاكم ااا كنقصد انا و سيماا عمدنا شي شغغل(هدر و سيما فهماتو)

•كابير:اشنو هاد الموضوع لي جامعك نتا و سيما ا سي علي(هدر بهدوء و قبرص قاليه بعينيه زعما جاوبو و علي صافي قال لا مجال للمجادلة معاهم)

•نهيد:يالاه طلقناا اش وااقع فين باغيين تمشيييو

•قبرص:اجيي بعداا قبل ما تبداا فين كنتوو البارح معطلييين برااا(هدر ورعلي كيدور فعينيه و سيما بدلات الموضوع و خشان يديها فجيب علي و جبدات السنسلة الذهبية)

•سيما:اااا هادي هادي خاصنا نرجعوها لمولاتخا ضروري اا لبارح فاش خرجت انا و علي هاادشي علاش تعطلنا ااه اا كنا كتقلبو هلى مولاتها و ضاعت منها(هدرات و كتوريهم السنسلة لي فيها اسم اماليا امبورسين و يالاه بغا يقيسها قبرص)

•قبرص:اااا ديالم.....(هدر و يالاه قتيخا و بغا ياخدها من يد علي تا تضربت بحال شرارة كهرباء فيديه و كولشي مصدوم من هادشي لي وقع من مجرد سنسلة و قبرص براسو مافعم والو)

•لين:ااا اش هادشي وققع اااا علي و سيما مرقعلهم وتلو و نتا غي شديتيها تطلقات شرارات ااا لعجحب(هدرات و سيما خداتزالسنسلة و كرزات عليها فيديها باش متلفش و قبرص بقا كيشوف فيديه)

•كابير:ماكاين مشي بوحدكم يالاه نمشيو كاملين و نقلبو على هاد البنت ااا بعدا كيدايرا باش الا بانت لينا شي وحدة بمواصافاتها نعرفوها)

•علي:داباا مالك معاياا اكابير اناا غا قوليا واش داير ليك شي حاجة اصاحبي عقدتيني فصحتيي (هدر بغضب و كيشير بيديه)

•سيما:ااا للا معرفناهاش كيدايرة ااا (هدرات و قبرص قوس عينيه بتعجب)

•قبرص:كيفاش مشفتوش وجهها ؟؟؟؟(سول بغرابة من نوع خاص لي اول مرة يشوفوها فيه ولاد عمامو)

•علي:مشفناهاش اصلا باينة شي حمقا كانت كتحري بحال شي وحدا هاربة و لكن معرفتش مالها كانت كتبكي و من بعد مشات كتجري (هدر و قبرص كان منغامس مع هدرة علي و كولشي حس بيه فشكل )

•جيلان:اوا صافي بقاو لينا غازالحماق نتبعوهم نعطيوهم حوايجهم لوحو السنسلة و تهناو مالكم على هاد الحالة(هدرات و خنزر فيها قبرص)

•قبرص:علي نتا لي لقيتي السنسلة سير رحعها لمرلاتها و دبر راسك ماشي سوقي(عدر و خبط المرسي و ناض بحالو)

•كابير:يالاه تحركوووو نتووماا يالااه(هدر و كولشي ناض و تمشاو تابعين قبرص و علي كيغوت و كل واحد حاضي مع المواصفات لي عطاهم علي و سيما )

•نهيد:بلاتي بلاتيي تسنااو(هدرات و بانو ليها واحد الخيمة كانت فاللونزالاسود و الاحمر و مشات كتجري و تبعوهازالشباب و كانو شي نساء لبتسهمزغريب و كيلعبو ب اوراء التارو و نهيد كانت جد متلهفة كانها كتحس بطاقة غريبة انزارعات داخلها)

•لين:نهيد اش جابنا لهنااا اش هادشي ديال الاوراق و السحر يالاه نمشيوو لاساق لينا عمي قيصر و جديد قيس ماغاديش يعجبهم الحال (هدرات بخوف و جميع الشباب بعدو من ديك الخيمة بخوف الازنهيد و قبرص لي واقف عادي و نهيد متسوقاتش دخلات كتهضدر معروحدة من دوك النساء)

مشات نهيد كتجري لديك الخيمة و بدات كتهضر مع وحدة من دوك النساء باللغة الصربية

•نهيد:عافاك واخا نسولك(هدرات باحترام و هاديك المراة اومات ليها ب اه)

•نهيد:اااا هاد الاوراق كتستعمليهم ياك ااا واخا تبغي تستعمليهم علينا اا انا و خوتي همم؟؟؟(هدرات و هاديك المراة حسات بالخوف منهم كانها حسات بيهم ماشي عاديين و لكن وافقات)

•نهيد:ااااا شكون لي بغاا يجحرب اااا قبرص اجيي انا و ياك انبدااو اااا بالنسبة لي مفهموش اا هادو اوراق التاروت كيقدرو يقولوليك على حسب لي غادي تستعملهم و احترافيتها انه شنو يقدر يطرا نعاك او شي عاقبة تقدر دوز منها(ضارت عن دراري هدرات و كتشرح ليهم و هوما كيسمعو و ضحكو عليها باستهزاء كيفاش هوما اقوى من هادو باضعاف و طاقتهم لا تقهر كيفاش هادو يقدرو يقولوليهم اش غادي يطرا و قبرص تقدم هو الاول و عطاها يديه)

•المراة:قبرص ال"فولتوريز" ممممممم(هدرات بإسمى و هوما تصدمو كيفاش عرفات سميت قبرص و بدات متحرك دوك البطاقات و عينيها مغمضة و طلبات من قبرص يختار بطاقة معينة و هو فالاول تردد و ختا بطاقة و عطاها ليها و سيما و علي مخلوعين لاتطلع خبر ان اوزار حية من ضمن البطاقة او شي دليل كيدل على انها حية )

🗝باللغة الصربية🗝

•المرأة: ااااااااا غادي تتغير حيااتك قريييب و غادي دوز من بزاف ديال الحروب و الحوايج و غادي يتبعها مووت لي قرااب ليك و غادي تكونوو كااملين ضد بعض فمعركة كبييرة لي غادي تجسد اما حياة قبرص او موتو للابد و لكن حياتك غادي تكون على يدين وحدة مجهولة الشخصية ماغادي يقدر تاخد فيكم يميزها حيتاش هي اصلا مميزة و بداية حياتكم غادي تتمشى انطلاقا من هاد الصحراء الذهبية(هدرات و كتشوف فقبرص و شوية ضارت عند دراري كتهضر بغرابة و كتخرج عينيها فالكارتا لي فيديها و مشات و كتهضر غا بوحدها بحال الحمقة و هلاتهم مصدومين شي كيشوف فشي)

•كابير:هااحناا وليناا نهدروو مع الحمااق و نتيقووهووم يالاه نمشيو نقودوو فحالناا(هدر بغضب من هادشي لي قالت ليهم السيدة و نهيد بقات حاضيا دوك المارتلت و متشوفيهم كانهم جذبوها)

•نهيد:اااا بغيت نشرري من عندك هااادو عافااااك (هدرات و كتطلب واخد البنت اخرى من تما مدة و هي كتاطلب فيها عاد قبلات تبيعهم ليها )

•البنت:و لمن كاارت واحد ناقص و راه داتو هاديك المرا يعني المجموعة عندك ناقصة (هدرات و كتجمعهم ليها لواحد الصندوق اريب و فيه كتب و احجار غريبة)

•نهيد:لا لا ماشي مشكيل اا انا بغيت غا هادوو كافيين (هدرات و خدات من عندها الصندوق الخشبي و بقات هازاه و امشات هي ودراري)

•شاريهان:دابا فين غاديين فهاد الوقت اووووف علي كتجيب غا المشاكيل اش داك تهز شي سنسلة (هدرات و كولشي باقي كيفكرو و مصدومين من هدرة المرأة)

•لين.ااااا درااري ااا ياكو اا ماغادي يطراا والوو هااا؟؟(هدرات بتردد و هو يعنقها خوها ليث و باسها من راسها)

•ليث:لاا ماهاافيش هاديك باينة غي شي وحدة مريضة و زايدون مون كان شي خطر عليناا هنا فالصحراء كنا غادي نخسو حنا اللولين و متنسايش قبرص و عمي قيصر عندهم القدرة الاحساس بالخطر زايد الرؤية (هدر و كيعنق فيها و عاد شوية البنات مابقاوش كيفكرو فهاد شي)

•علي:مهم يالاه نمشيو من ديك جيهة رااه نقدرو نلقااو على هاد مولا السنسلة شي حاجة و نرجعوها ليهاا(هدر و كيشير لواحد البلاصة خاوية و فيها ناس قلال و قبرص ميكينش هناا عقلوو ماشي معاه كان واقف غي بجسموو. فقط)

عند اماليا لي فاقت بكري و دوشات و خرجات بفوطتها واقفة قدام المرايا و كتشوف فوجها جيهة فمها مضروب من اثر التصرفيقة لي ضربها باها لبارح و هبطات الفوطة و دورات ظهرها لحية المرايا و كتبكي بصمت و كتفكر بينها و بين نفسها و ناضت ذهنات لحمها بواحد الزيت كتصنعو بيديها و و رائحة اللافندر بسيطة رشاتها على لحمها و خلات شعرها الطويل فازك و لبسات كسوة طويلة سوداء و معرية من الكتاف غا بسميطات و فيها فتحات من جيهة خصرها و رجليها من الفوق و لبسات خلخالها فرحليها و دارت محوهرات مزينة على خصرها و واحد بحالو على جبينها و غطات وجهها كيف عادتها بمجوهراتها و لبسات سلهام طويل اسود و سداتو من القدام و هزات حنجرها و دارتو لواحد السمطة ففخضها و هزات واحد الصاك جلدي صغيور و مكتوب عليه (jis_eva) و خرجات من الشرجم مسلتة و غي نزلات رحليها بدات كتحري ليجهة الصحراء بدون متقولها لحتاواحد و كتحري بزربة خايفة لايشوفها باباها و لا جداها و لا شي واحد من القبيلة

وصلات آماليا لبلاصتها الموعودة فين يوميا كتمشي حيت تما فين كترتاح و تأكدات انهميكين تاواحد و حيدات السلهام ديالها و بقات غي بالكسوة ديالها و الخلخال و و فتحات الصاك الصغير ديالها و جبدات منو واحد الفلوت لي شكلها غريب و جيدات و تبسمات و حطاتخا على فمها و بدات تعزف بطرسقة غريبة و لكن لي كان كيعصبها انه مكتقدرش تسمع انغانها كانت غي كتعزف فقط و لا اذان صاغية للحنها و بدات كتتمايل بإحترافية بخصرها النحيل المزين بالمجوهرات مذهبة و كدور شعرها المبلول لي كيطير مع الرياح و بكثرة حماسها بالرقص بدات كدور بسرعة على نفسها و مغمضة عينيها و عايشة فخيالها الخاص و خلخالها كيضرب رنة في رجليها البيضين مع لمساتها للرمال الصحراء الذهبية حتا كتحس بشي شخص قريب منها و لكن كذبات احساسها و بقات كترقص و تتمايل و عينيها مغمضين و شوية لاحت الفلوت و بدات ترقص بيديها باحترافية رقص غجري و كتزل تالتحت و تعاود تطلع بتمايل و كتحرك كتفيها العارين

عند الشباب لي منين فاتو ديك الخيمة ديال قارئات اوراق التاروت بدا كيتفرقو و كل واحد كيقلب كان علي و قبرص و كابير بتلاتة و جيلان و شاريهان و عهد و نهيد و لين و ليث ختو

•علي:اووووف قلبنا عليها الصحراء كلها معرفتش فين انلقاوهاا وا وجهي غا وجه المصايب(هدر بغضب و كيدرب فالرملة و قبرص كيشوفيه غي بنص عين اما كابير مهدرش)

•قبرص:ازا هاديك السنسلة نشوف(هدر بتردد و علي مسشوفيع بغرابة)

•علي:واش من نيتك اقبرص واش نسيتي قبيلا مني بغيتي تشدها اش طرا ليديك ولات تقيلة و طاقتك مشات و جات واخا معرفتش علاش ا(هدر و هو يقاطعو قبرص)

•قبرص:طلق الخراا هنااا (هدر و جبد منذيل من جيبو و علي حطها ليه و دارها قبرص فجيبو )

•كابير:كون هاد الوقت لي كتهدر فيه بالزايد وضفتيه فحاجة خراا كون راك وعاريتي مثلا ف علاش قبرص مني قاس السنسلة طرا ليه هاكاك وًحنا ماطرا لينا والوو ا سي علي(هدر و هو يخنزرر ليه علي و قبرص كيشوف فالفراغ)

•علي:غاا صبرر عليا ا كابير دابا نصدمكم كاميلن(هدر و قبرص بعد منهم و كل واحد فيهم مشا بعد غي شوية كيقلبو و شوية قبرص كيسمع لحن موسيقى نفسو لي كان كيشمع ف احلامو )

•قبرص:ااااااع نفس اللحن كنسممعووووو (هدر بغضب و كيسد ودنيه كيسحابليه كيتخيلو بحال لي كيطرا ليه و بقا مددة منزل راسو للارض و ساد ودنيه شي خمس دقائق و من بعد رجع حلهم و الصدمة انه باقي كيسمع نفس النغم و هاد المرة كان معاه صوت هلخال كيتسمعو رناتو لوطنين قبرص بوضوح و هو مقدرش يكبح فضولو و تمشا بخطوات مترددة متبع الصوت و بقا كيشوف و عينيه تقالو و ولا كيرمش بسرعة و هو كيشوف ف اماليا لي مافتوش و كانت عاطياه بضهرها و هي كتتمايل بخصرها و هو خاضيها و شوية حرك وحهو للحهتين و يالاه غادي يدور يمشي بحالو و هو يجي علي و كابير شافوه حاضي شي بنت عاضياه بالضهر و كترقص)

•علي:شكون هاد الشيخة(هدر بالغوات و قبرص مهدر متكلم و كابير خنزر فيه)

•كابير:يالاه نمشيو بحالناا اش دخلنا تشطح ولا تجلس(هدر و علي كيشوفيها )

•علي:هادي منعرف فين شفتها والله واخا عاطيا بالضهر و لكن كنضن بحالا شايفها فشي بلاصة فين الله اعلم ااا و لكن لكن ااا علاش محساتش بينا مني وقفنا حداهاا(هدر بغرابة و كابير تاهو استغرب و قبرص غي ساكت و كيشوفيها )

•كابير:يالاه ا(هدر و يالاه ايكمل هدرتو و هو يغوت علي بالجهد)

•علي:ااه اااه ااا هادي هي لي كانت لباارح قريبة لينا للكوخ ديالنا و ضيعات سنسلة ديالهاا ااه والله تاهي متأكد(هدر بالغوات و لكن اماليا باقا كترقص و محساتش بيهم و لا سمعاتهم و قبرص طول الوقت ساكت تا قال علي اخر هدراو و هو يدور شافيه)

•كابير:ياك قلتي لبارح مانت مغطية وجهها و دابا هي عاطيا بالضهر كيفاش عرفتيهااا ؟؟؟(هدر بغضب و يالاه ايدورو يمشيو بخالهم و هوما يلمحو اماليا دارت و هازا يديها بجوج كترقص و غي شافتهم بقات مسمسرة قدامهم و هزات عينيها ليدييها كتشوفيهم و نزلات يديداتها و كتشوف غي فقبرص لي شرط ريقو بصعوبة و كيحس بنفسو كيتقطع و هو عينيه مفيكسين على عينيها المكحلة و شعرها كيطيرو الريح ببطئ و هي مشات كتجري لبسات السلهام ديالها و بقات كتشوفيهم بنص عين و شوية لمحات علي لي عرفاتو و تفكراتو. و بدات تهز يديها لجيهتو بسرعة كانها باغا تقول شي حاجة و لكن ماقادراش)

•كابير:مالها كتشير لجيهتك اعلي اش درتتيي ليهااا(هدر بغرابة و علي تبسم)

•علي:والله تا قلت لكم هي لي تلفات ليها السنسلة. و بقات عاقلة علياا (هدر بضحك و هي كتحرك يديها لفمها باش كتهضر بالاشارة و هوما غي كيشوفو)

كابير:شكوون نتي (هدر بالمغربية و هي غي كتشوف بعدم فهم و كتخاولل تقرا شفايفو و لكن والو و مكتسع حتا حاجة)

•علي:واا الكلااخ راها باينة ماشي مغربية كيفاش بغيتيها تجاااوبك(هدر بضحك و كابير خنزر فيه و هي عينيها غي على قبرص و كطلع فيه و تنزل و هو كدلك كيشوفيها فكل شبر و شوية بدا يقرب منها علي و هضر باللغة الصربية باش تقدر تفهمو)

•علي:{باللغة الصربية} :شكون نتي واااش نتي من هنااااا حيت معمرناا شفناك قبل ااا واش نتي لي تلفات ليك القلادة ديالك لبااررح؟؟(هدر بلغتها باش تفهمو و لكن هي كتشوفيه بعدم فهم و يالاه غادي دور تقلب على شي حاجة و هو يهضدر قبرص بغضب و صوتو الرحولي الغليظ)

•قيرص:وااش كتحمااقي عللليناا هناا و لااا شنووو هدرري رااه سوللك. واش نتي هي امااليا لي اسمها فالقلادة الخرااا ولااا شنووو (هدر بغضب حيت من قبيلا و علي و كابير يسولو فيها و هي غي ساكتة .مني قال قبرص اخر كلماتو اماليا حلااات عينيها على كبرهم و ممصدقااااش و بداو الدموع ينزلو ليها من عينيها بعدم تصديق و بقوة صدمة رجعات لور كانت غادي تعكل تا شدها قبرص من خصرها و وقفها و هي غي كتبكي و كتحرك راسها للجهتين ب لا )

•قبرص:راااه كنتهضر معااك الالة جااوبينييي واش مكتسمعييش ولا كتمغني عليا (هدر بغضب و هي غي كتشوفيه بعوناتها و شوية بدات دور فجنابها كتقلب على الكتاب ديالها لي كتكتب فيه و مالقاتو و قبرص محملهاش تتجاهلو و هو يشدها من كتافها و هدر بغضب)

•قبرص:ماتزادتش هادي لي تتجاهلني و تدير راسها مسمعتنيش ا لالة فهمتتيي(هدر بغضب و طلقها من كتفها و قجها و مزيير يديه على رقبتها و عينيه حمرين بالغضب و هي كتشد فيديه كتخاول تتفك منو و صوتها ميكيخرجش)

•علي:اطلق الدرية راك غادي تقتلها (هدر و كيفكوها من يديه و هو كيشوفيها بدات تبكي و هو يطلقها و عطاها بالضهر و بدا يغوت بالجعرة و كولشي كيشوفو فيه بغرابة)

•كابير:سيري من هناا سيريي لاكنتي باغا تبقاي حية سيريي(هدر بغضب و هي واقفة و كتشد عنقها كتمسد عليه و كتشوف فكابير بعدم فهم حيت مكتسمعوش و هو يدفعها كابير و كييشر بيديه زعما سيري و هي تراجعات لور و هزات الفلوت ديالها بسرعة و خشاتها فالصاك و مشات كتجري و شوية حبسات و بقات واقفة و سرطات ريقها و ضورات راسها بشوية لقات قبرص كيشوفيها من طرف عينيه و هي تتبسم ليه من بعيد و مشات كتجري و سلهامها كيتجرجر مع الرملة الصحراء

•علي:مالك اصحبي جعرتي على درية مالك واش معمرك شفتي البننات ولا شنوو. ههه عجباتك الشييخة هااا ههههه(هدر و كيفنض فحالتو و غمز قبرص لي هزو تالسنا من كتافو و خبطو مع الرملة و زاد مشا بحالو كيهضر بوحدو و يقاد فكاسكيط ديالو مرة مرة كيتلفت لطريق اماليا )

•كابير:و نوض على سلامتك نوض تگعد(هدر و مد ليه يديه و علي بقا مسمسر لللاصتو مصدوم و كابير بقات يديه معلقة فالهوى)

•كابير:الله ينعل ديلمو هادا لي باغي يتنازل و يعاونك و يبدا يتعامل معاك كيف بنادم نوض تگعد يالاه نمشيو نقودو بحالنا(هدر بغضب و حمع يديه عندو و ناض كيبعد عليه غادي فالطريق و علي تابعو)

•علي:والله تا صدمتيني ا سااط اجي اجي صافي وااا كابييير واا الوحش(هدر و تابعو و كابير مخنزر و كيزرب فالمشية حيت كانو اللناس كيشوفو فيهم و علي كان كيغوت بالمغربية و مولشي حاضيهم)

فالكوخ مشا قبرص و لقا ولاد و بنات عمامو جالسين برا و كيهدرو و رعد وولتء تاهوما كانو و لكن باين فيهم التعب و كابير جاي و تابعو علي كيجري

•سيما:امضرا واش لقيتوها اا حنا قلبنا هاد البلاصة سفاها على علاها و مني سولنا على اماليا امبورسين زعما على سمية لي فالسنسلة كيقولو (هدراتت و قبرص كان داخل و هو يرجع. خطاويه و كيتسناها تكمل )

•قبرص:كملي اش كتسناي اا اش كيقولوو؟؟؟؟(هضر بسرعة و غضب)

•سيما:كيقولو بلي كاينة اماليا وحدة هنا و بلي هي بنت الشيخ ديال هاد القبيلة و عندهم مكانة خاصة فهاد القبيلة و هوالحاكم ديال هنا ااا و بلي راها غادي تتزوج يعني زواجها قريب معرفتش واش هي نفس الشخص و ل..(هدرات بهدوء و كتشرح ليهم و يالاه غادي تكمل هدرتها و و يقاطعها قبرص)

•قبرص:زوااااج ممممم (هدر بغضب و مقوس حجبانو و دور راسو و حك لحيتو بتفكير و زاد دخل لجناحو و خلاهم غي كيشوفو فيه)

•جيلان:مالوو اا وواش وقعات شي خاجة ولا شنو شفتو غريب

•علي:لهلا يوريك اا البنت لي شفنا البارح انا و سيما كنت كمتاكد هي و هي نيت مولات السنسلة شنق عليها و كيخنزر مفهمت مو مالو هاد قبرص واقيلا بسيكوباط والله. حيت ميكيتفهمش(هدر و هو ينزل عليه كابير بضربة للضهر و علي خيب سيفتو و عينيه حمارو و انيابو برزات بغضب )

•شااريهان:اووه السيد الصغير تعصب هههه (هضرات بضحك و بقاو يحكو و جيلان قوسات عينيها بحيرة )

دخل قبرص لجناحو نيشان و جلس فوق السرير و ها يديه كيشوفيها بعدم فهم و كانه كيحس بشي حاجة غريبة لاول مرة كيحس بيها

•قبرص:اش هادشي كيقووع ااااع(هدر بغضب و حيد كاسكيط ديالو و لاحها و ناض وقف خشا يديه فجيبو باش يجبد التيلي و جبد نعاه منديل و قوس حجبانو و حطو فالسرير و دوز نمرة فالتيلي لولد عمو اصيل

📞📞📞📞📞

اصيل:افيين السااط كنت كنتسناا من حشال باش تعيط ساعاا تالداباا هههه (هدر و باين كان ناعس حيت صوتو مبحوح)

•قبرص:تانجي و نعاود ليك مهم كيراك مزيان الامور هانية(هدر بهدوء و مشا خرج لبرا وقف قبالة المسبح )

•اصيل:كولشي هو هاداك الساط هههه كيف بغيتي مهم داكشي علاش وصيتيني قبل متمشي راه قريب غادي نبداو فيه و من الاحسن قلت حتا تجي نتا من السفر و توقف على شغلك بيديك و تعرف شنو كاين حيت راك عارف انا هنا بوحدي و دراري كاملين معاك و العائلة يقدرو يعيقو بينا (هدر و جمع الرقفة من فوق لسرير و تقاد و قبرص بقا مدة ساكت)

•قبرص:اووك تاهادي هضرة زوينة مم مادام موجد كولشي اذا غاديًنجي قريب انشاءالله و هادشي لي تاففنا عليه خاصو يطرا حيت هو باش انعرف هادشي كامل لي فبالي ممم اوك متخافش ماغادي يعيقو بوالو (هدر و داير يديه على فمو و كيفكر)

•اصيل:اجي نقوليك ممم دير شي حاجة ولا دراري يديرو شي كارثة ولا مهم شي حاجة خايبة خليهم يتلاهاو فيها باش ميعيبوش بيا انا وياك بلي طلبنا رخصة فتح قبر اوزار مراتك(هدر و قبرص بقا كيفكر شوية تبسم بغموض و ضحك و اصيل تعجب )

•قبرص:متخافش ابن عمي داكشي لي غادي يكون مهم يالاه تهلا و باش ماكان رد علياا و هادشي ماخاص تاحد يعرفو اووك(هدر و اصيل زاد استغرب)

•اصيل:صافي غي تهنا اساط و متسرعش فراي حاجة اقبرص و من الاحسن قولها لكابير حيت يقدر يطاكي عليك فبلاصتك مني متكونش حيت هادشي مافيهش لعب و الا عاق عمي قيصر كولشي ايمشي و الا كان مخبي شي حاجة كيف قلتي غادي يبقا تا يكمل تخبية ديالها اللهم قولها لكابير راك عارف هه خدمتو نقية ااه مهم راه فيصل ال"فاروقي " راه جا عندنا للقصر (هضر فالاول بهدوء و قبرص كيتصنت و فعقلو افكار و فالاخير تبدلات نبرة اصيل للغضب)

•قبرص:فخبااري جاو هو و ختو ياسمين للمغرب و انا كنقول مال اصيل معصب منين بديتي لهدرة قولياا رحع الحب القديم الممنوع ولااا مهم يالاه تهلاا منين نقررو امتاش انجيو انعلمك و نتا كمل فداكشي لي تافقنا عليه و انا انقولها لكابير (هدر بسرعة و اصيل بدا يغوت و هو يقطع قبرص)

قطع قبرص مع اصيل و بقا كيشوف فالمسبح و كيضور عينيه بثقل و دخل لجناحو و يالاه ايحيد تيشرت ديالو و هو يلمح المنذيل لي حطو و هو يتفكر بلي فيه السنسلة و حل المندييل و كيشوف فالسنسلة و فكر بتردد انه يعاود يقيسها واش غادي يطرا ليه بحال قبل و لا لا)

•قيرص:اوووووف(زفر بضغط و سرط ريقو و قرب صباعو بشوية ليها و قاسها و غمض عينيه و لكن ماطرا ليه والو و هو تصدم و هزها كاملة و لاح المنذيل فوق السرير و بدا يدور فديك سنسلة بتعجب)

•قبرص:ك كيفاش ماطرا والوو ااا ميمكنش (عدر بعدم تصديق و بقا كيردد سميتها ففمو)

•قبرص:اماليا امبورسين اماليا امبورسين (نطق سميتها جوج مرات و شاد السنسلة كيشوفيها و هو يحطها فنفس المنذيل و خشاها بين حوايجو و خرج عند ولاد و بنات عمامو و لقاهم جالسين)

•قبرص:كابير احي معايا بغيتك(هدر و غمز كابير لي ناض وقف و هو ينوض تا علي)

•سيما:فين غادي ا علي (هدرات بقلق و مقوسة حجبانها و هو يضحك و رجع جلس)

•علي:هااا !! ااا ماغادي فين هانا هانا (هدر و جلس فبلاصتو و قيرص دار براسو لاحول ولا قوة الا بالله و تمشا بعد شوية هو و كابير)

•نهيد:مالهم ااا بغيت نقول علاش ايهدروو باين شي موضوع كبير حيت مني كيتلاقاو هاد جوج غاا هرب(هدرات و هي كتشوفيهم و جيلان كتتبسم)

•جيلان:اااه ايمتاش غادي نرجعو بحالنا بغيت نمشي عند جدي قيس هههه (هدرات بحماس و كولشي تبسم ليها)

•عهد:بحال والو نرجعوو بحالناا غداا گاع واقيلاااا(هدر و هوما فرحو حيت معجبهومش الحال هنا)

•شاريهان:احسن اصلا مني جينا و هنا فالمصائب وً نيت توحشك ماما و بابا (هدرات و كتتذكر باها هارون و ماماها لورين)

•علي:دابا بغيت نسولل رااه دخخخت هادي سنين و اناا باغي نسول واخا عارف(هدر و كولشي دار شافيه)

•ليث:هههه مالك شنووو ا طيارة هدرر

•علي:هه دابا ياك مرات عمي عشق و مرات عمي لورين خوت ياكو هه اذا قبرص و شاريهان ولاد الخالات ههه و لكن ياخوتي رااكم مكتشاابهووش و مكتحااملووش (هدر بضحك و كولشي تعالا صوتهم بالضحك)

•لين.هههه واش من نيتك ا علي هههه راه قبرص مولف مع شاريهان بزاف و كيحضيها و شوف غا نهار المطار كيفاش دار ليها يعني هي بنت عمو و بنت خالو فنفس الوقت و كيخاف علييها كتتر تا مننا حنا غي ميكيبغيش يبين(هدرات و شاريهان تبسمات ليهم )

•نهيد:احيو جبدنا جبدنا مرات عمي عشق و لورين يااك كانو قالو شحال هدي بلي عندهم شي خوهم ياكووو (هدرات باهتمام و كولشي قربو من بعضهم )

•رعد:ااه هادشي لي عارفين اما فين و كيداير و كيفاش داير ماعارفينش و فينما نسولو عليه ولا على اينا معشر منو مرات عمي عشق و لورين ميكيبغيوش يقولوو

•جيلان:معشر الوحووش(هدرات ببرود و كتشوف فضفارهاا و هوماا تصدموو)

•علي:و باش عرفتي نتييي ؟؟؟؟؟

•جيلان:متنسااوش انني كنت ديك ساعة زايدة انا و قبرص

ولاء: و لمن هادشي ميكيعنيش انك منتي على وعي بداكشي لي طراا حيت علاما مان قالينا حدو قيس بلي تاحد فينا مامان زايد من غيرك نتي و قبرص و لكن كنتوو صغاار فقط حناا هادشي لي عارفين اما اش طراا و كولشي تاخاجة ماعارفينها(هدرات و كولشي وافق ولاء و جيلان تبسمات ليهم و قربات منهم)

•جيلان:هههه و لكن عارفين انا و قبرص و واخا كننا صغار او رضع. و لكن عارفين و عارفينن بزاف ديال الحوااايج لي متتخيلوهمش مع راسكم(هدرات و رجعات سندات ضهرها على الكرسي)

•نهيد:و لكنن احي نسسولك. مممم نتي الوحيدة لي معمرنااا شفناا قوتك او طاقتك علااش مكتبغييش تبينيهاا(هدرات و جيلان ضحكاات)

•جيلان:و تا نتي مازال مابينتي قوتتم ليناا او ماباغااش ههه مهم اناا غادي نستخدمهاا فوقتهاا انشاءالله و نشوفوك حتا نتي اش فجعبتك هه(هدرات بتوتر و فالاخير قلبتهاا ضحك)

•عهد:الله يعميهاا ليكم نتوما ادووك جوج راه نسمع شي حاجة هاكا ولا هاكاا منعقل على تاوحدة فيكم(هدر و كيحذرهم بيديه و ناض من المرسي و دهل لجناحوو)

•علي:تهلاااو ندمتووني لااش سوللت معاكم مايكين خرووج ديما صادميني و لكن تا نرحعو للمغرب و نفركتو هاد الرمانة حيت انا معنديش مع حوايج الغفلة(هدر و هاز حاجبو و ناض. مشاا متبع الطريق لي مشا منها قبرص و كابير)

🖤عند قبرص و كابير 🖤

تمشاو بعاد عليههم شوية و بقاو واقفين كيهضرو

•كابير:مالك اش كاين اساط شفتك ماهوااش اش واقع(هدر و دار يديه على كتفو و قبرص هز فيه عينيه)

•قبرص:ااا غادي نفتح قبر اوزار (هدر بزربة دخل فالموضوع و كابير مستغربش حيت من ديما قبرص كان ممرتاحش هاكا)

•كابير:صراحة انا ممستغربش من هادشي لي فكرتي فيه و لكن علاش باغي تفتح قبر مراتك الله يرحمها همم؟؟ واش شاك فشي حاجة

•قبرص:وليت شاك فكلشي شاك فعائلتي شاك فراسي ف اي حاجة ضايرة بيا مابقيت عارف شكون نتيق ولا نكدب و لكن كون قالو ليا الصراحة لي مخبيين مكناش انوصلو لهاد القرار لي خديت و نطالب بفتح قبر اوزار باش نعاود التشريح لجثثها باش نعرف اش طرا داك النهار و لكن انا متاكد الراليد مخلي ي حاجة عليها غادي يتفتح القبر و و يتم تشريح جثة اوزار (هدر و كابير وافق فكلاموً حيت من ديما ككلنو كيتفاهمو هو و اصيل و جيلان ميكيتفارقوش و ديما تقريبا قراراتهم متشابهة)

•كابير:نتا عارف انني معاك ف اي قرار سوا غالط سوا صحيح و غادي نتعاونو تا وعرفو اش طرا فداك النهار لي ماتت فيه اوزار مراتك و لكن ماهاصش تاحد يعيق وممم و لكن كيفاش(هدر و قبرص تبسم بغموض و ضار شاف فكابير)

•قبرص:ماتخافش امممم هادشي فكرت فيه ممم كيف كتعرف هاد ال...(هدر و شوي تا دخل بسناتهم علي بحال الرعد و قبرص و كابير شافو فبعضياتهم و علي عينه غي كيضورو و التفس ميكيطلعش)

•علي:ااااااا سلاام هههه اش كدروو هنااا(هدر بتوتر و يديه موراه و قبرص شافيه بعدم فهم حيت عرفو متوتر)

•كابير:اش كاين نتا ا فلوس الشتاا مالك كتقفقف (هدر و حط يديه على علي)

•علي:ااااا و و واش غادي تفتحو القبر ديال اوزار على قبل التشريح ؟(هدر بشوية و قبرص شاف فكابير حيت عرفو سمعهم و قيرص قاليه براسو اه)

•كابير:اوا دابا مني عرفتي غادي تزمها و ضرب دورة و رجع لعندهم (هدر و علي خنزر فيه و ضار عن قبرص)

•علي:انعاونكم (هدر بشوية حيت هو اصلا كان باغي يقو لقبرص خقيقة انه اوزار حية و دابا جات الفرصة يعاون باش قبرص يعرف و منها يكون عقابو ليه خفيف و ميتفلقش منو)

•كابير:صداعك اساط متر من تعاوين غاا هنيتا و سير قود يالاه(هدر و قبرص كيشوف فعلي و تبسم ليه و اوما ليه ب اوكي)

•قبرص:اووك و لكن يسيق الخبار شي حد اعلي لي غادي نديرو ليك والله معمرك سمعتيه و لا تعاود تسمع بيه انا علمتك(هدر و علي حول ملامحو للجدية و تبسم بشوية)

•علي:عندي فكرة مم قلتي انه بغيتي باش نلاهيو شوية العائلة و ميعيقش عمي قيصر بهادشي ممم نتا عارف انه عندنا فمعشر مصاصي الدماء و بصفة عامة فجميع النعاشر ممنوع اننا اندخلو البشر فهادشي او نستعملو قوتنا ضدهم (هدر بابتسامة و كيشير بيديه و كابير خبطو للراس زعما واش من نيتك و شوية ساد الصمت عاد شافو فبعضهم دقة وحدة و علي كيضحك و كيحرك راسو ب اه اه )

بقا قبرص و مابير و علي كيشوفوو فبعضهم و هو يتسم علي بذكاء و خربق شعرو بحيرة فالاخير

•قبرص:مالك عوتاني شي كارثة ولااا

•علي:ههه دابا المشكل هو شكوون انضرب يعني شكونن فينا لي غادي يستعمل قوتوو هممم باش نهجموو على ديك القبيلة و اكيد غادي يتوصل الخبر لعشيرتنا و للواليد و لعمامي و هادشي لي بغيناا باش يتلاهاو واحد المدة و ينسااو شوية و نتاااا بزربة فضرف هاداك الوقتلي غادي يكونو هاوما حاو هناا يسافرو باش يشوفو المشكل غادي تمشي نتا و الاخصائين و تفتح القبر اوك حيت الا عاق بيك عمي قيصر خلات علينا ديال بصح(هدر و قبرص كيشوفيه زعم واش من نيتك)

•قبرص:شوف انا اخر واحد يقدر يتصنت لهدرة شي واحد و لا ندير برأي شي واحد فهمتي و الواليد ممسوقش ليه واش يعرف و لا لا حيت هو نيت كون ماكانش مخبي عليا شي حاجة ماغاديش ننطر انني نعاود التشريح و لكن بصح عندك الحق خاصني نلاهيهم باش ميبدلوش ليا نتائج التشريح (هدر و كيحك فلحيتو و كابير غا ساكت)

•كابير:مهم انا عجبتني هدرة علي واخا معرفتش كيفاش تا تفاهمنا على هضرة وحدة. و لمن عندو الحق اكتر حاجة ممنوعة عندنا هي لي غادي تفيدنا و الممنوع عندنا هو عدم الضهور للقوى امام البشر و على حسب بروتوكول العشائر و معشرنا مصاصي دماء و الفولتوريز كيتعاقب لي تمرد ضد القانون اذا غادي يدار هادشي لي قال عل و لكن غادي نتفاداو اننا نأذيو البشر و لكن خاصنا شي بلاصة تكون عامرة بالماس باش يقدرو العائلة يسيقو الخبار(هدر و علي و قبرص وافقوه الامر)

•قبرص:و هانتا ااا غادي نكلف اصيل غادي يكون تما مع العائلة هو لي يقوليهم بلي حدت تمرد من طرف شي مصاصي دماء و لكن ميذكرش ليهم شكون يعني ميقوليهم حناا و كيف قال كابير واخا نعرفو راسنا حنا نتأذاو مي منأذيوهمش هوما(هدر و علي تبسم بحماس واخا كان مخلوع من النتيجة و لكن كان فنفس الوقت باغي يسالي هاد المهزلة)

•كابير:دونك غي خنا بتلاتة و من الاحسن نديرو شي حاجة على وجههنا با تاحد ميتعرف علينا حيت جانبا على هاد الشي متنساوش اننا اهم الرؤساء للشركات عالميا و اكيد يقدر يتعرف علينا شي حد اذا نتفاداو نبانو بوحهنا. و خاصنا نختارو شي بلاصة عامرة(هدر بشوية و هوما وافقوه)

•قبرص:ااه غي حنا بتلاتة انا راه علي و ماداخلاش ليا للدماغ عاد بغيتيني نزيد الرباعة لخرا نوو ممم صافي تافقناا مم مكرتهش نبداو ليوم بليل مم دابا يالاه 12 ديال صباح ادا ليوم بليل غي يدخلو دراري لجناحاتهم غادي نخرجو حنا بتلاتة فقط و نقلبو على ي بلاصةنملو شغلنا نرحعو بالخف علي ادير هاه و لا هاه انفصل ديلمك (هدر و فالاخير هز يديه بتحذير و علي ملاممحو كلها جدية )

•كابير:غاا يزعم و نشوفوو هادا غا خليه عليا اناا والله تا نقادو لا كان عوج(هدر و قبرص فوس حجبانو و ضور راسو افوق كيشوف فالشمس لي ساطعة و غمض عنيه بشوية و عاد حلهم و زاد. خلاهم كشوفوفيه اا بعد )

•علي:دابا اانا علي الفولتوريز هه غادي نولي شريك مع اكتر اعداء ديالي لي هوما قبرص و كابير ههه واا العجب هاد الحياة شحال صغيرة(هدر بضحك و كابير خنزر فيه و دار يديه فجيوبو و تمشا تابع قبررص للكوخ ديالهم و تابعو علي كيضحك و كيفرك يديه بتوتر )

♟داخل قصر الڤولتوريز♟

كان اصيل فجناحو من بعد ما دوش توجه للدريسينغ ديالو و وجبد طقم لباس رسمي فاللون البني و وقف قدام المرايا كيقاد الكرافتط ديالو و شوية صونا تيلي ديالو و هزو دارو فوضع الهوتبارلور و حطو فوق الطبلة و رجع كيشوف فالمرايا و حابس كيتسنى الشخص يهدر

•الشخص:موسيو اصيل حنا دابا موجدين كولشي باقي خاصنا غي الوقت لي يتم فيه اخراج القبر و بغيت نسولك ايمتا الوقت لي يناسبككم (هضر باحترام و مقلل صوتو و اصيل بقا شوية عاد حاوبو)

•اصيل:ممم مزيان اا ليوم فالليل اوك و عندااك يسيق شي واحد من العائلة بلي غادي تعاد فتح الجثة انا علمتك (هدر بعد ما فكر فالوقت لي قاليه قبرص ليوم بليل و يالاه غادي يكمل هدرتو و هو يتسمع الدقان و دخلت ماماه رازان و هو طار قطع التيلي و لاحو و ضار عندها تبسم و هي شافت فيه بغرابة من تصرفو)

•رازان:هههه اش مخبي ا اصيل علامن قطعتي همممم(هدرات بضحك و لاحضاتو كيقاد الكرافاط ديالو لي باقا مخسرك و مشات لربات عندو باش تقاد ليه لكن طويل عليها و مشا جاب ليها كرسي قصير مذهب و هي تبسمات و طلعات و حطات يديها على متافو تا وصلات لعنقو و بدات تقاد ليه الكرافاط ديالو)

بقات رازان كتقاد ليه الكرافاط ديالو و هو سامت و كيشوفيها كانه اول مرة كيشوفها و كيطل على عويناتتها. بخلسة و هي كتضحك

•رازان:اوا مقلتيش ليااا ههه بلاماا تحاول تنسيني(هدرات و ضرباتو بخفة هلى حنكو و هو ضحك)

•اصيل:والو الواليدة غي اتصال من الجامعة و صافي ههه (هدر و شوية ضور عينيه للجيهة الاخرى و عاد هضر )نتي عارفاني منخبيش عليك(هدر كلامو الاخير و مضور راسو للبالكون و خرحات هدترتو مزيرة عاد ضار عندها و هي عاقت بيه كذب عليها حيت ميقدرش يكذب و هو كيشوف فعينيها. و هي تتبسم بفرح)

•رازان:ههه لا متقوولهااش ا اصيل هه كنتي كتهدر مع شي بنت يااك ههه ياك ههه احي نقوليك اا وا واش كتبغيها هه ايمتاش غادي نمشيو نخطبوو (هدرات بسرعة و حماس و كتقاد ليه المرافاط و هو قوس حجبانو بعدم فهم و هي حبسات. شافت فيه و توتر)

•اصيل:اااا ااه اه ااهه بنت بنت اا قصدت غي عاد تعرفت عليها اا. باقي متعارفناش بزااف يعني بعيد على الخطوبة و داكشي(هدر بتبرير حيت ميقدرش يزيد يكذب عليها و فنفس الوقت ميقدرش يخوي بقبرص )

•رازان:هادي ماشي ديال الفولتوريز ماشي ديال باك و عمامك ا اصيل عجباتك البنت. سير خطبها و فنفس الوقت متنساش قوانين العشيرة ممنوع الزواج من غير الفصيلة الخاصة بالمملكة حيت حنا ملكيين و خاص نسلنا يكمل بدماء اصلية ملكية و نتمنى تكون درتي بحساب هادشي(عدرات و نزلات من بعد ما قادات ليه المرافتط و تمشات لواحد الحيط لي محطوطين عليه قوانين العشيرة حيت قيصر خاط لكل واحد فالشباب سلسلة من القرانين كنوع من التذكير )

•اصيل:ااااا لا اواليدة تخافيش ههه هي زوينة و ذكية و من عشيرة مصاص الدماء يعني من نفس صنفنا و عشيرتهم معروفة و من اصدقائنا(هدر و هاد المرك مضورش وحهو و هي تنقز من بلاصتها و نحمسات)

•رازان:اااا شكون اااا واش وحدة من التوام لي من عشيرة اليونانية ااا ولا ااا ديك السميمرة اا اااه اا اسميتها ااا ماها اه ماها سميتها لي من العشيرة زييوسي !؟؟؟؟(هدرات و يالاه غدي تكل و هو يقاطعها اصيل)

•اصيل:ملكتي حبيبتي اميرتي زرقائتي شقرائي ههه نهار لي نبغي غادي نخليكم تتعرفو عليها اا هي راكم كتعرفوها مي انا بغي نعرفها عليكم ك مراتي المستقبلية و قريب انشاءالله ماتخافيش هه يالاه نزلو(هدر و شدها من يديها و يالاه غادي ينزلو و هو يقلب حيبو مالقاش تيلي ديلو و بدا يقلب بعينيه و هي تقاطعو ماماه)

•رازا:علاش كتقلب احبيبي

•اصيل:ااا لا لا والو هه غا يالاه نزلو(هدر بشوية و باسها من يديها و نزلو للصالون و عقلو مع تيلي فين لاحو مني سالا الهضرة )

•اصيل:صباح الخير جيش الفولتوريز ههه(هضر و قاد الكرسي لماماه رازان و عاد جلس هو و الحميع تبسمو ليه)

•الجد:صباح الخير احفيدي لي ماناسينيش اماا دوك الهيوش غاا طاجين مني نجي انا منلقاهم مني نمشي انازعاد كيجيو نتا اولدي لي ديما هنا قبالي كنشوفيك واااااااع فين حفاايدي. واش انا دابا نمل انا نمل هاا؟؟(هدر بفقص فالارل و ضاير يديه على دقنو بملل و شوية و هو يضرب الطبسيل تا كلشي قفز و هضر بغضب)

•قيس:هاا الخالة بدات عوتاني ياك كنقوليك اسي الراضي لا درتي عقلك فالدراري راه نتا لي غادي تبقا بلا عقل(هدر معاه و هو يختزر فيه الحد )

•قبرص:واا جدي دير عقلك راك زعماا درتي حفايد حفادك و باقي كتبرهش والله تا حشومة (هدر و عينيه فالتابليت فيديه )

•اصيل:ههه صافي احدي غا تهنا اصلا دراري قراب يجيو انشاءالله هدر معايا سي الجنرال الزعيم هه و قالي قريب يرحعو للقصر هو الدراري والبنات(هدر على قيصر حيت هاكا باش كيهدرو عليه و ملقبينوًخوتو من ايام زمان و لمنىلكن مني كيكون هو قدامهم ميكيقولوش ليه هاكك حيت مابقاش كيحمل هاد اللقب )

•قيس:مهدرش معايا. انا و كنحاول نتصال بيه والو ميجاوبش

•اصيل:غادي يكون غي مسمعوش و صافي اا اه فين بلال مابانش ليا هاد الصباح واش مشا للجامعة و لكن ليوم على حد علمي معندوش حصة(هدر و هي تقوليه سيلفا براسها لا)

•سيلفا:لا ا اولدي اصيل. ااا بلال مشا عند ختو للفيلا ديالهم باش يهدر معااها حيت مابغاتش تجي هنا للقصر(هدرات و كترشف من القهوة و اصيل مسح فمو بغضب من الاكل و ناض وقف بلاما يجاوبها)

•اصيل:الا مابغاتش تجي صافي دبر راسها متعاودوش تقولوليها اجي للقصر خليهاا تما بان ليا هاديك واقيلة مالقات لي يحكمها وولفات الضوران. و الخريج فالزناقي فلبنان و لكن بلال لي مضسرها و طالق ليها اللعب ديال بصح مهم هاني خارج اندوز للشركة ديال العائلة ماخد ليوم معنديش حصة فالحامعة انمشي نشوف شي وراق و شي بنوذ و المشاريع لي دخلو هاد الاسبوع نتكلف بيهم حيت دراري ميكينينش و خاصني نيت نتحرك برجلي و نشوف بعيني اش طاري تم شحال هادا مامشيت و نيت نشوفو واحد قسم الحسابات لي مكلفين بيه علي و شاريهان علم الله كيداير (هدر و قاد لافسيت ديالو و توجه للوطو ديالو و بقاو العائلة كيهضرو)

•ازرا:مم اذا بنا اوه دابا غا بوحدنا و تا اصيل خرج و دراري ماكاينينش اا بغينا نقولوليكم. على الغرض لي مشينا. على قبلو و سافرنا (هدرات و قادات جلستها. كولشي حول ملامحو الجدية)

•قيس:كيف كتعرفو انا و ازرا و خوتي و جدي سافرنا لايطاليا و باش تفهمو كتر. مشينا لللعشيرة الايطالية گاسوا. و على قبل الزواج اا ديال كابير

هدر قيس و مولشي تصدم و شهقو و قيصر تبسم لباه بيس وو عشق شافت فييه

•عشق:كنتي عاارف اا قيصر يااك اريلي وااش نمن نيتك احبيبي ااا راه راه كاابير هادااا ااا رااه. يهدر القصر فوق رااسناا(هدداات مع راجلها قيصر لي باسها من جبينها و هدنها)

•ازرا:راه غا لابغاا يهضضر شفت البنت فنننة ماشاءالله و مكتححرك البيضة من راسها على حساابي هادي لي تليق لكابير(هدرات و دارت عند قيس راحلها و تبسمات ليه بغموض و هو ضحك)

•قيس:البنت بعقلها و ضريفة و بنت دارهم و هي لي عند عائلتها و شولت قالولي انها تا من السجل ديالها فالعشائر نقي زائد قوتهاا و طاقتها هائلة يعني تجي مع ولدنا (هدر و ازا كتتبسم من تحتها و هو كينغزها )

•سيلفا:اوا من هناا نوصييكم ديرو ليرباگات للقصر ههه راه غادي يتشقلب سفاه على علاه(هدرات بضحك و كولشي بدا يضحك و قيس خنزر فيها و هي تجمعها)

•قيس:باقي ابنتي مبرهشة تزوجتي وولدتي و ولداك ليث و لين كبرو و ولاو قد كتافك و وباقاا مادايرااش عقلك(هدر و كيشوفيها بنص عين و هي جمعات الضحكة)

•عشق:ههههه غا هليها اعمي قيس راها مفوجة علينا (هدرات و قيس تبسم لعشق و اوما ليها باحترام)

•راكان:صرااحة معرفتش اشنو غادي يديير هاد الولد عندي مني غادي يسيق الخبااار و معرفتش علاااش هديتو هاد القرار بلاما تشاورو معايا و لا معاه هو لي غادي يتزوج نيت(هضر بعدم فهم و اناييس مراتو وافقاتو و هو يهضر قيصر)

•قيصر:ا ولد عمي راااه كابير بحال ولدي قبرص يعني كنعتابرو بحال ولدي و كون ماشفتو غلط و غادي فالعلاك مكنتش غادي نوافق على هاد القرار ديال الزواج ديالو حيت اسيدي ولدك الا مجمعش راسو دابا غادي يولي ليك. اقوى زعي ديال المافيا عالميا و خنا ماشي بنينا امبراطوريتنا في الشركات مع البشر على الصعيد العالمي و لي كيتصنفو ضمن اقوى الشركات و فالاخير ينزلر ميزانيتهم و تا فالعشائر هادشي كيخالف البروتوكول و هادشي أپار انه غادي يقدر يخسر معاه ولاد عمامو فهمتي يعني فكرنا انه يتزوج و يكون اسرت و اكيد الا دار عائلة خاصة بيه و ولد من هنا للقدام غادي يخاف على عائلتو حيت هاد العالم ماخاص تكون عندك تا عائلة و تمون بعيد عليهم و حاميهم فهمتي ا راكان علاش بغينا نزوجو ولدك كابير (هدر و موشي تصدم و اناييس وقفات بخوف)

•اناييس:ااا و وواش متهضر بصح اخويا قيصر اا واش واش ولدي كابير كيدير هادشي ولا شنووو ااا (هدرات بخوف على ولدها و قيصر اوما ليها ب لا و فهمها)

•قيصر:ولدك باقي لحد الان يقدر يرحع راسو للطريق و بسلاسة و سهرلك و لكن نتوما عارفينو راسو قاااسح ديال بصح و الا بقا هاكا فالاسلحة و هادشي راه غادي يخرج على راسو و هو طبعو عنسف و مسكيرحمش زائد القوى ديالو لي يقدر الا بغا يصنع بيها المستخيل و خنا هادشي لي ماباغيينش بل مكرهتش نعاونوه دابا قبل مايغلط و فالاخير بصفتي الملك للعشائر و مترأسها غادي نضيفو لقائمة المتمردين و هادشي ماغاديش يمتعني من عقابو و لكن لا مكرهناش يتقاد فطريقو يخسد عليه عاد السم لي كيديرر و كيتعاطاه بتاخبية واش ميسحاب ليه انا جالس مربع يدي و كنضحك ليه و نشوفيه راه كنت كنتسنى غي الوقت المتاسب لهادشي (هدر بتفهم و انااييس فرحات انه باقي الوقت لي يتقاد فيه و يرحع لحالو و شكرات الله انه عائلة متماسكة و كيدعمو بعضهم فكل المواضيع و راكان كدلك تبسم لقيصر)

♣️في صربيا عند اماليا♣️

مني رجعات لقبيلتهم كتجري طلاقات مع صاحبتهاا مارياا و كانت مخلوعة و غي شافتها شداتها من كتافها

•ماريا:ااا باباك اا كان كيقلب علييك من صبااح و نتي ميكينااش اا فين كنتي (هدرات و طلقات منها كتشرح ليها بالاشارات باش تفهمها و اماليا كتوما ليها براسها بخوف و حدرات راسها بأسى كان يسحابليخا غادي تقدر تسمعها هي كيف سمعات قبرص و لكن لا و بقا هادشي فبالها و مشاو دخلو للقصر ديالهم و كيحاولوو يتخباو باش ميحصلهمش بابات اماليا

•ماريا:زيدي زيدي دخليي نتي لولاا(هدرات و كتدفع فيها و امالياا مافاهمك والو غي كتجري و دخلاتهاا لبيتها و بقاو لداخل و سدو عليهم الباب اماليا ناضت كتقلب على الكتاب ديالها تا لقاتو و بدات مدة و كتكتب)

•ماريا:اشنو بغيتي تكتبي احبيبتي (هدرات بالاشارة و اماليا ممسوقاش كتكتب و سالاه و هي تهز ليها المتاب بين يديها و ماريا مع كل كلمة كتقراها كتزيد تحل عينيها تالاخر )

🖋•اماليا: ليوم تلاقيت بواحد دراري واحد فيهم هو لي كانت بقات عندو سنسلة لي ضيعت و لكن واحد كان معاهم واقيلا صاحبهم معرفتش كيفادي نقوليك و لكن راني لاول مرة سمعتو سمعت اماريا سمعت صوتو (كتبات ليها فالكتاب الخاص ديالها و ماريا وقفات و سدات على فمها من قوة الصدمة و كترمش بقوة و حيدات الورقة قطعاتها من الكتاب و رماتها فوسط البيت و ضارت عند اماليا لي غي خاضياها مافاهمك والو و شداتها من حناكها بشوي و كتمسح عليهم بعدات منها و هدرات غادا جايا)

•اماليا:لا لا ميمكنش داباا الله يا ربي واش وصل الوقت يعني ااااا خاصني خاصن ني نخبرهم ضروري(هدرات بوحدها غادا جاي و اماليا مشات عندها و دارت ليها بيديها زعما مالكي و ماريا عنقااتها بقوة و شافت فيها)

•ماريا:اماليا دابا انا الا طلبت منك طلب واحد اا ماغاديش ترفضيه ليا ياك؟؟؟(هدرات بالاشارة و اماليا تبسمات و كتوما براسها اه اه)

•ماريا:غادي تقبلي الزواج لي قاليك باباك بهاداك لي جاب ليك صافي غادي تقبلي. واخ واخا(هدرات كتتفتف و كتشرح ليها بيديها و اماليا ولات كترمش بسرعة و حيدات ابتسامتها و و بعدات منها بشوية و كتشوفيها بعدم فهم و صدمة )

•ماريا:عافاك عافاك تزوجي بهاداك لي ختارو ليك باباك ااا و من مور العرس غادي تعرفي كولشي بوحدك بلاما نحتاج نشرح ليك انا عافاك اماليا(هدرات بالاشارة و اماليا اومات ليها بتوتر و تردد و ماريا عنقاتها و اماليا تاهي و كتشوف فالحيط و كتفكر شنو غادي تقدر دير المهم انه دابا تسايرها تا تعرف شنو ايطرا)

الشيخ القبيلة:مااارياا حلووو البااااب(هدر من مور الباب و ماريا عاودات شافت ف اماليا زعما داكشي لي قلت ليك متنساهش و هي تحل الباب و كان معصب و دفع ماريا مشا نيشان لاماليا شدها من شعرها. لاحها للارض بغضب و هي كتشوفييه بخوف و دايرة يديها على وجهها مدرگة )

•الشيخ:قولي لهاد الزيزونة وجدي راسك ليوم بليل عرسك غادي يكون هناا فالقبيلة و من يعد غادي تمشي لعند راجلهاا و تهنينيا وًتهني هاد القبيلة من مشاكلها مني تزادت و حنا هاكا (هدر مع ماريا و لاح لاماليا الحوايج و غمز ماريا و خرج زدح الباب و. ماريا وقفات ماريا و شرحات ليها و اماليا غا واقفة و مصدومة و مشا بالها مع قبرص و علي و كابير كتفكر فيهم بلاما تحس و تبسمات باسى و جلساتها ماريا قدام المرايا و طلقات ليها شعرها و كتحيد ليها المجوهرات من راسها و يديها و اماليا كتشوف فالمرايا و ابتسامتها ذابلة و هي تنوضها ماريا و غاديا بيها للدوش و خلاتها دخلات و خرجت ماريا و سدات عليها الباب تدوش بوحدها و بقات فالبيت كتسناها)

•ماريا:الله يا ربي لا لا ماخاصش هادشي يوقع دابا ااااا لا لا اااااا خاصها تتزوج ليوم ااه اه واخا نعرف راسي مدير المستحيل (هدرات مع راسها و غادا جايا فالبيت و متسناها باش تخرج من الدوش)

🗝عند قبرص في الكوخ🗝

مني دخل قبرص للجناحو بقا كيشوف فيديه بغموض و تفكر بانه فاش قاس بيها اماليا و مشا نيشان للحمام و حل باش يغسل يديه و يالاه غادي يحطها تحت الما و حبس بسرعة و لعب بفمو بغضب و سد الما بغضب و خرج من الدوش و وقف قدام البالكون لي قدام البيسين و بقا كيشوف و دخل يديه فجيبو و جبد سنسلتها و بقا كيشوف فيها و زير عليها فيديه و حيد تيشورت ديالو و طرطق عنقو ببطئ و عوج فكو و مشا كيجري بسرعة البرق و تلاح فالبيسين كيسبح باحرافية و راسو غاطسو لحت لمدة طويلة علد دار و تكا على الما بضهرو و راسو كيشوف فالسماا و جسمو بقا مطفي فوق الما بتوازن و كيفكر

•جيلان:قبرص بغيت نسولك(هدرات و جايا داخلة عندو تالمسبح و هو ماداهاش فيها حدو همهم ليها زعما سولي)

•جيلان:بغيت نسولك ايمتاش غادي نرجعو بحالنا للمغرب اا حيت قنطا هنا(هدرات بتحلوين و هو شافيها و قاد توازنو داخل الما و خرج من البيسين و قاد الشورط ديلو و دخل نيشان لجناحو خدا فوطة و كيمسح و ماعاودش دار عند جيلان و هدر)

•قبرص:جيلان قنطتي راه الطريق كتعرفيها سيري فين مابغيتي و دي معاك لي بغيتي غي لخرين لي جاو معايا راه غادي نديهم معايا كيف جبتهم نتي دبري راسك و متبقايش تشوشيلي راسي على حاجة تافهة معندهاش معنى قنطتي سيري عمري وقتك ماشي مشكلتي هادي و نتي عارفة هادشي و دابا لا ساليتي خرجي خليني نبدل خوايجي(هدر معاها بصراحة و هدوء و داير الفوطة على نصو و علطيها بضهرو العريض و هي قوسات فيه خجبانها و مارضاتش )

بقات جيلان كتشوفيه و مارضاتش يدير ليها بحال هاكا و هي تمشى تالعندو و خنزرات فيه و هضرات)

•جيلان:قبرص واش مابقيتيش كترد البال لتصرفااتك كيف ولااو معاياا انا جيلان ا قبرص انا جيلان بنت عمتك واش صافي نسيتي مكانتي عندك و وليتي تحسبني بحال الباقيين ولا شنو ؟ و متنسااش هادشي انه مكانتي داخل عشيرتنا مصاص الدماء نفس مكانتك دابا يعني من البروتوكول الملكي لي عندنا الورثاء عندنا كيتعاملو معاملة خاصة مع بعصهم و متنسااش انه زائد مكانتي في عشيرة الفولتوريز انا رئيسة معشر الوحوش لي وررتو من عند ماما راوان و شريكتك فالخدمة فمتنساش ا قبرص انك كتهضر مع ولية عهد معشر الوحوش و منبغيش لي يقلل من قيمتي لا اخلاقيا و لا عائليا و لا قدام العشائر نتمنى هادشي ميتكررش و تعاود تراجع نفسك و نتا عارف معزتك عندي كتر من اي واحد عرفتو فحياتي عندك مرتبة هاصة (هدرات و كتحذرو بصبعها و هو يشوفيها زعما. واش من نيتك و لبس التيرشت من الفوق و هز السروال و دخل للدريسينغ لبس على خاطرو و خرج عندها لقاها باقا هازا صبعها و هو يهز الفوطة و ضورها بسرعة و ضورها على يديها كاملة و رجعها موراها و جاب ضهرها على صدرو و نطق فودنيها بغضب)

•قبرص:باقي ماكينش هاد ولد المرا و لا بنت المرا لي تهز عليا صبعها الالة حيلان واخا تكوني نتي نفسك بربي منعقل عليه دزتي هال المرة بوجه العائلة مرا خرا ععاودي نفس التصرف انا لي غادي ننسا مكانتك لا فالعشيرة و لا فگاع البلايص و داك المعشر لي مفتتاخرك بيه ردي ليه البال يقدر يطير ليك فرمشة عين و ماعمر تغرك شي حاجة ماشي ديالك و ماعمر تكون عينك على شي حاجة ماشي ملكك. و لا عرفتي شنو انا انجيك من اللخر انا دابا اخر واحد يقد يفكر فالارتباط لدلك خوي عليا الساحة حيت غي غادي نجرحك و نتي عارفا انا معندي مخسر و كيف كيقولو الله ينجيك من جوج واحد عندو كولشي و واحد معندو ميخسر (هدر و مزير ليها على يديها و هي بقات كتخنزر و مارضخاتش لتعاملو ولو لدقيقة و ملامحها بقاو فمعلم القوة و طلقها و دخل للدريسينغ هز الصاك ديالو و خرج عندها)

•قبرص: بلاما نقو*و السوايع اجيلان هانتي. شوفي نتمنى هادشي لي قلت تفكري فيه و بلي ماعمري غادي نرتابط بوحدة خرا و انا باقي كنبغي مراتي واخا ماتت فهمتي انا قلبي مسدود و مربوط بمراتي الله يرحمها و نتي معزتك عندي غير الباقيين و عيني و روحي لو طلبيهم نعطيهم ليك بلاما نفكر و نتي عارفة هادشي و لكن باش. نديرو علاقة لا مانقدرش. حيت غادي نكون غي كنكذب عليك و نسايرك و نجرحك من بعد حيت ماعمري نبغي وحدة كيبغيت هاديك لي تحت قبرها دابا ونتمنى علاقتنا تبقا متميزة كيف قبل (هدر و كيدوز على شعرها بشوية عكس قبل و هي معجبهاش كلامو و ضورات عينيها للجيهة لخرا بغضب و هو يهز حاجبو و بعد منها و هز الصاك ديالو فيديه)

•قبرص:مهم نتي تعرفي تعرفي و لي كانت انا معاك لي رتاحيتي فيها انا هنا و متنسايش كلامي. عافاك مهم بقاي نتي و دراري هنا و متخرجوش على برا انا عندي شي غرض انا و كابير و علي و باش ماكان غادي نعيط ليك غي متسولينيش لي قلتليك ديريها ديريها و نرجع و نشرح ليك (هضر و دار الصاك مور ضهرو و خرج من البيت و هي بقات كتشوف فضهرو تا مشا )

•جيلان:نتا ديالي اقبرص ديالي انا و بوحدي و لي دخلات بيناتنا غادي يكون مصيرها كي لي قبلها(هدرات بغموض و دارت كتشوف فصورة مراتو لي كانت محطوطة و قادات شعرها و خرجات من جناحو)

خرج قبرص عند كابير و علي لقاهم كيتسناوه برا و ماقالوها لحد و كيشوف فعلي بغضب

•قبرص:انااا هدررت و نتاا تعرف واش ساخي بحياتك نتا و معزتك لراسك واش ساخي بدنيا و لا لا (هدر و كيشوفيه. جالس لور بلباس سبورت و كاسكيط كحلة حيت ماكانوش باغيينو يمشيو معاهم و دخل اللوطو و حط الصاك حدا علي و و حلس حدا كابير و ساق بسرعة خلا غي الرملة من موراه و خرجات جيلان كتشوفيهم تا بعدو و دخلات لزاخل عند البنات و دراري)

•ولاء:شكون خرجج باللوطو داباا؟؟؟؟(هدرات بشوية و جيلان تبسمات ليها )

•جيلان:اا لا غي قبرص و علي وكابير خرجو شوي هنا و قالولينا بلاما نخرجوو ليوم (هدرات معاهم وكلهم استغربو حيت غالبا فين كيخرجو هاد التلاتة دقة وحدة )

•سيما:الله يخرج هادشي على خير يا ربي اووف وليت غا مخلووعة معرفتش

•نهيد:موحال تخرج على خير ههههه (هدرات بغموض و حلات عينيها و فيديها نفس اوراق التروت لي شرات من عند المرا )

•عهد:اشنو كتقصدي نتيي ؟؟؟(هدر و هاز حاجبو )

•نهيد:دابا تشوف ا عهد غا صبر باقي شوووووية و يتعرف كولشي(هدرات و عاودات كتقيس فيهم )

•شاريهان:نوضي نتي جنعي عليا كارطاتك و حيدي من هناا مالنا على هاد المآبة تا علي ميكين لي يضحكنا شوية (هدرات بغضب و حمعاتهم ليها و حطاتهم فيديها و بقااو يضحكو و جيلان هازات تيلي ديالها كتتراسل مع شي حد)

عند اصيل لي مشا للشركة ديال العائلة و داخل ببذلتو الرسمية و كيتمشا بكاريزما طاغية و عينيه مقوسة بحال اعين الصقر و مخنزر دخل نيشان للمكتب ديالو لي فالشركة تحديدا فمجلس الرؤساء الرسميين و دخل حيد لافيست ديالو و جلس لمكتبو و كيشوف فيه بكل بطئ حيت هملو و شحال مامشاا من نهار المناقصة لي ربح مع جيلان في غياب قبرص

•اصيل:جيبي ليا جمسع الملفات المخصصة للحاسابت الشركة القديمة ديال هاد الشهر لي مكلفين بيها شاريهان و علي داباا (هدر فالفيكس ديال المكتب مع السكريتيزة الخاصة و ثواني ختا دخلا بنت محجبة و محترمة و حطاتليه الملفات بلاما تقيس ليه يديه و عينيها فاالارض)

•السكريتيرة:خاصك شي خاجة موسيو اصيل؟؟(هدرات بشوية و هو تبسم ليها و هدر)

•اصيل:لا غا سيري مني نبغي شي حاجة انعيط ليك (هدر و حول عينيه للملفات و هي حرجات و بدا فالتدقيق ورقة بورقة و مع كل ورقة كيشوفها و يدوزها عروق عنقو كيخرجو بقوة الفضب و هو يعيط للسكريتيرة مرة خرا)

•اصيل:داباا غادي تعيطي ليا للمدير فرع المحاسبات من بعد شاريهان و علي و دابا يكون فالمكتب داباااا(هدر بغضب و الغوات و قطع)

•اصيل:علي و شاريهان منعرف شكون هادا لي داركم ففرع الحسابات الشركة (هدر و وقف و ها الرراق كيشوفيهم و عاو حطهم فوق المكتب و شوية تسمع الدقان و دخل شاب فمقبتل العمر و وقف قدام اصيل)

•المحاسب:موسيو اصيل مرحبا هادا نهار كبير لي جيتي للشركة من بعد غيبة(هدر و اصيل عينيه عليه ببرود و هضر)

•اصيل:نتا شنو خدمتك فهاد الشركة ؟؟؟؟(هدر و كيشوفيه بهدوء و المحاسب توتر)

•المحاسب:انني نراجع الحاسابات لي كتدهل و كتخرج من الشركة من بعد مايقادوهم و يسينيوهم السيد الصغير علي و الانسة شاريهان واش كاين شي مشكيل(هدر و اصيل عطاه الوراق و لاخر كيشوفيهم بصدمة و رحععينيه ف اصيل)

•اصيل:اذا فهمتي انه هاد السنة تقدر تكون متابة خسارك كيييرة بل خسر اموال طائلة لي متتعدل بما يقارب 50 مليار لجميع فروعنا لي هنا فكازا هادي فقط غي خسارة لهادشي لي راجعت علم الله لي تخسر و لي غادي يتخسر مهم بغيت جميع الحسابات يتعاودو يتراجعو و شوف هاد الارقام فين زادو و مرة خرا متعاودش تعطي للسؤستء لعلي و شاريهان يسنيو على وراق ممتأكدينش منهم يا اما الواليد و عمامي و لا اما و قيرص و شاريهان فقط سمعتي(هدر و لبس الفيست ديالو هز سوارت اللوطو و شيي وراق من المكتب و خرج و خلا المحاسب غي كيشوف فالوراق و تبعو تاهو خرج)

خرج اصيل سايق بسرعة باللوطو ديالو اتحاه القصر و دار من الطريق الرئيسي و وقف قدام واخد القهوة و حبس

•اصيل:اااع هاد علي و شاريهان غادي يحمقوني (هدر بغضب و خرج من اللوطو و دخل لواحد المقهى راقي و وقف يطلب قهوتو كيف العادة)

•البنت:سي اصيل مرحبا ممم كيف العادة ياك(هدرات بابتسامة و هو اوما ليها و جبد البزطام من جيبو خدا منو كارط بنكية سوداء و حطها ليها و كيتسنا الطلب و دور راسو كيشوف ف ارجاء المقهى و هو يتصدم و بقا مركز مع واخد الحهة منها و عينيه كيرمشو بقوة )

•البنت:موسيو اصيل الطلب ديالك واجد و مرحبا مرا اخرى (هدرات و دوزاترالحساب حطات ليه طلبو و المارت ديالو و هو عينيه غي فواحد الجيهة و ماحس براسو تا غوت و زلزل القهوة)

•اصيل:ياسمين ال"فاااارووقيييييي

اصيل بقا كيرمش عينيه بالزربة و سرعة و ماحس براسو تا غوت و حماها وسط ديك المقهى

•اصيل:ياسمين ال"فاروقييييييي"(هدر بالغواات و تم غادي جيهة واحد الطبلة ووقف بغضب و كيسوط و هو كيشوف ف ياسمين متربعة واحد الطبلة هي وواحد الكليكة ديال دراري و بنات و كيضحكو و صوتهم واصل و مرتفع و هادشي لي عصب اصيل و لي زاد فالوتيرة الغضب انها يالاه كانت غادي تدخل الگارو لفمها و هو يمشي و حيدو ليها من يديها و كيشوفيها بغضب)

•اصيل:اتباركاالله على لالة ياسمين ال"فاروقي" جايا لهناا باش تقراي و لا باش ضربي ليا الغارو و الجوانات و لاا شنوو ملقيتيش لي يحكمك (هدر بغضب و كيشوف فلباسها و شعرها لي مطلوق تالاخر ضهرها و مسرسب. العكر بلون النبيد فاقع كيبان جذاب ففمها المنفوخ و لباسها لي معري و و مكياجها صارخ و بارز عينيها و مني وقفات زادت طلعات ليها الكسوة و بدات كتشوف ف اصيل و ركبها الخوف و بدات تترعد و هبطات شوية الكسوة لاماريعيق و لكن ليفيها ممهنيها)

•ياسمين:اوووه موسيو اصيل ال"فولتوريز" تشرفنا اخوياا هادي غيبة ماشفتك صار كتير وقت ماضي (هضرات باللبنانية و كتحاول تربطها بالنغربية لي كتلف ليها بجموح و عينيها فعينيه و هو كيشوفيها و يشوف فالدراري)

•اصيل: ماشي خوك ا ياسمين ماشي خوك خوك هو لي مخليك جايا لهنا معزالشمايت بهاد الحالة و خساارة مني شحال هاادي متشاوفناا ولكن فقانوني تاحاجة ميكفوت عليها الوقت كولشي كيتجدد عندي و نتي واش جايا هنا بلا خبار خوك بلال يااك اش هاد السيبة ا انسة فاروقي (هدرات بغضب و قرب منها )

•ياسمين:اولا انت ماعندك ولا دخل فيا نجي و نمشي لوين ما بدي نتا مالك شي و القرار يبقا ديالي انا و ثانيا خويا بلال يعرف شنو ندير و وين نمشي و اخر همي ناخد رايك ولا رأيو (هدرات بلغتها المخربقة و كتهز يديها و شعرها كيميلو جوانبو على رقبتها )

•ولد:شكون هادا اياسمين؟؟(هدر واحد الرلد و دار يديه على خصرها و اصيل هنا جنزجنونو و بدون ميحس شد للولد يديه و لواها ليه مور عنقو و كيشوفيه)

•اصيل:تعاود تحط يديه نفصلك يالاه خرجو قو*و عليا من هناا يالااه نلقا شي حد نفرع والديه(هدر بغضب و طلق مو و هو يدور شاف فياسمين لي بدات تطلع ماها سخونية)

•اصيل:لا نتي وصلتي للسطاج لخر عليهاا مابغيتيش تجي للقصر انا نفعم اواا الا مالقيتيش واليديك لي يحكموك انا هناا مازال مامتش الالة ياسمين(هضر و هز صاكها و جرها من شعرها و جارازنيشان للوطو ديالو و ناس كتشوفيهم و لاحها للقدام و سد الباب و دار هو ركب حداها و كيقاد سمطة و هي كتغوت عليه)

•ياسمين:حمار هجمي متسوى متصلح الباسل باقي شي حد كيمد يديه على البنات نتا واعي نتا نتا قاري نتا يخخخ الا كانو بحالك الله يغبرهم(هدرات بغضب و كتشوفيه و هو يضور عندا شافيها و هي دور وجهها قدامها)

•اصيل:اااه دابا مني كتعايري تقادات المغربية ولات مسرحة و تعلمتي تعايري (هدر و شافيها و بغا يقاد ليها السمطة و هي تضربو فيديه و خنزرات فيه)

•ياسمين:يديك حيدها كنعرف نقاد سمطتي راسي يديك متقيسنيش(هدرات و قاداتها بوحدها و هو يزفر بالفقصة و حيد لافيست ديالو و عطاها غطات فخاضها و هي كتخنزر فيه و كسيرا باللوطو)

🗝عند قبرص و دراري🗝

وصلو لدراري لواحد البلاصة و قللو السرعة باللوطو و بقاو غادين بشوية و كيشوفو

•علي:خاص شي بلاصة عامرة شوية ا ساط باش توصل لبااك ههههه(هدر و كيشوف و كابير ضار عندو خنزر فيه )

•قبرص:علي هني الوقت(هدر و عينيه على الطريق و هو يغوت علي)

•علي:وقف وقف اصحبييييي(هدر بالغوات و قبرص ضرب الفران و ضار عندو )

•علي:شوف شوف تماا واقيلة شي حفل ولا شي مناسبة و كاينين الناس و باينين من لباسهم غالي باينين و هادشي كيعني غنيين اذا هادشي ايساعدنا انه توصل للانترنيت و تكبر المشكل باش العائلة تسيق الهبار و ديك ساعة نغبروً بحالنا(هدر و خرج من اللوطو و كيشير ليهم لواحد البلاصة و قبرص نزل ببطئ و كيشوف)

•قبرص:مزياااااان علي وليتي تخدم داك الصندوق لي عندك فراسك شوية(هدر و طبطب على كتف علي لي تحمس زيادة و خلاو لوطو قريبة شوية و نزلو كيتمشاو على رجليهم لديك البلاصة)

•قبرص:باما نوصيكم ادراري نتأذاو حنا و ميتأذاو البشر اوك(هدر و بداو يقربو تا كيبان ليهم الناس بزاف وواحد القصر متوسط و فينما كيقربو كيوضاح صوت الغنا و الموسيقى)

•علي:باينة شي عرس هنااا يالاه نرجعوو بحالناا خليهم يفرحوو على خاطرهم(هدر بهدوء و وقف و هو يخنزر فيه كابير)

•كابير:غادي نرجعو و غادي امل ملخة ديال لعصاا و زيد قداامي و سكتناا و زايدون ماغاديش نقربو للبشر الخراا غادي نديرو غي صدااع خفيف و صاافي (هدر بغضب و علي بدا يبرگم بشوية)

•قبرص:هاكو هادو مابغيتش وجهكم يبان صاافي و هادوو غي يبان ليكم الامر معقدك طلقووهم اوك و باش نعرفكم كابير فالاالازرق و علي الاحمر اووك و خليو تيلي شاعل باش منرموراا غادي نعيط لاصيل يسرب الفيديو باش يشوفو الواليد و دي ساعا بالضبط غادي يدخل اصيل و الفريق باش يفتحو القبر حيتاش الواليد حاط ليگارد تما فالمقبرة الخاصة ديال العائلة و تقدر توصليه بسهولة دونك لامجال للخطا ( هدر و مد ليهم واحد اللثامات غطاو بيهم نص وجههم من التحت و عطاهم بحال اللعيبة كيخرجو منها لوان و تافقو انه كل واحد فيهم يخلي تيلي ديالو شاعل باش يتاصلو ببعضهم و تفرقو باش يدخلو لداخل)

♟داخل قصر القبيلة♟

من بعد ما خرجات اماليا من الدوش هرجات نشفان ليها ماريا شعرها و لبساتها نلابس العروس طوال بطريقة غجرية متميزة بمكياج كحلي لي عطا رونق خطير لعينيها و طلتها البسيطة و محوهراتها فوق شعرها و خصرها و من الفوق دارت شال ذهبي فيه الاحمر طويل عليها و ملامحها ذابلة و ماريا و ماماها كيقادوها شوية تسمع الدقان

•الشيخ القبيلة:يالااه العرييس وصصل و دابا غادي يبداو مراسم الزوااج يالاه اجيو و جيبو امالياا معاكم (هدر و كيشوف ف اماليا بغضب و خنزر فيهم و خرج و ناضت مامات اماليا وقفات قدامها و متقاد ليها حوايجها و لاحت على وجههاشال طويل من العادات العريس ميشوفش العروس تا يكملو المراسم)

•ماريا :يالاه نخرجوها اخالتي الرقت كيمشي(هدرات مع مامات انالياا و خرجوها من حناحها و كيغنيو اغاني غجرية على الطريقة الصربية و الناس محموعين و فرحانين و كيغنيو وصلو للصالة الهاصة بالعرس لي مخلطة بالعايلات و الرجال و العريس جالس ببذلة زسمية و ملامحو حادة بشعرو الاسود الشي لي كسبين انه ماشي من اصل صربي حيت ملامحو كتبان فشكل )

جلسات اماليا حدا عريسها و بداو الناس كيباركو و دار سنار بين العروس و العريس و البنات و المساء كيجي يباركو لاماليا و خيدو ليها الشال على وجهها لي كان عامر بالدموع و الشيخ كينغز ف ماريا لي مسحلتهم ليها و اماليا كتتبسم بزز و كتطلب الله تجي شي معجزة زوينة لي تغير حياتها للافضل و شوية جات واحد المرأة كبيرة فالعمر و قربات حدا اماليا و جلسات على ركبتها و دارت يديها على ركبة اماليا و كتشوفيها و تتبسم بشوية و شوية بدات تضحك بقوة بحال شي حمقة و مولشي ضار كيشوفيها حيت استغربو و الصدقة انها نفس المراة لي كانت فالخيمة داك نهار و قرات مستقبل قبرص )

•المرأة: ههههه نتي لي غادي تبدلي و تغيري كوللشي فحيااة كولشي نتي نتي لي غادي تصنعي حروب و تصنعي سلام و تزرعي حب و تحملي كره فبزاف ديال القلوب نتي لي غادي تحيدي الجليد على قلبو ني لي غادي تحمي النار فقلبو من قوة العشق نتي لي غادي تدمريه من قوة الشك و الغيرة نتي لي غادي تتربعي على عرش قلبو و مملكتو و كل حاجة فيه غادي تولي مللك و هادشي كلو بتميزك و هنا و بهادي غادي تيدا حكايتك(هدرات و كتضحك و حبدات نفس الكارت التاروت لي قرات لقبرص بيها و حطاتها فيد اماليا و زيرات عليا يديها ووقفات كتشير بسديها و كتهضر و كولشي استغرب من هدرتها و بان الخوف على وجه ماريا و الشيخ و ممامات اناليا و بداو يخرحو فيهاا و يغوتوو و اماليا استغربات و مفهمات والو و مالقات لي يشرح ليها. شنو قالت المراة حدها كانت كتقرا حركة شفاييفها وو فهمات القليل و اناليا استغلات فرصة ان مها و باها برا ووقفات و هو يشدها العريس من يديها)

•العريس:فين غادا؟؟؟(هدر وشدها من يديها و هي متلفتاتش ليه و حيدات من يديه و مشات لبيتها كتجري و مكتلفتش موراها )

دخلات اماليا لبيتها و سدات الباب و جبدات الحقيبة ديالها لي كانت موجداها و خاطاها تحت السرير و فتحات يديها و بقات كتشوف فالكارت لي عطاتهها المراة و بقات تشوفيه و دوراتو للجهة الاخرى مفهمت والو و خشاتو فالحقيبة بين حوايجها و هزات جنجرها دارتو فاسمطة لي ففخضها و فتحات الشرجم و لاحست فاليز ديالها هي الاولى و عاد خرجات هي باش تهرب حيت مدخلاتش ليها الهضرة ديال ماريا انها تتزوج و غي خرجات بدات تتجري

عند قبرص لي وصل للقصر و كيشوف الناس و دار اللثام على وجهو و تمشا بسرعة و كيتحبا باش ميشوفو حد و هز تيلي ديالو سيفط مسج لعلي و كابير {انا قدام البا ديال القصر كيبان ليا كاين شي مشكل هناا حضيو راسكم}

سيفط المسج و رجع تيلي لجيبو تاكتبان ليه نفس المرأة لي تلاقاوها فالخيمة و كيهدرو معاها شي ناس بالغوات و لي هوما عائلة اماليا و قبرص تعجب و شي خاجة كتحدبو انه يعرف اش واقع و لكن راسو قاصح و مهتمش و شاف فيديه لي شاد فيها سنسلة اماليا و كيشوفيها و زفر بملل و ضور عينيه للارجاء كيدرس المكان و يشوف)

•قبرص:قببرص دير عقلك ماشي وقت فكر فهاادشييي(هدر بغضب و بدا يتمشى شوية تا قرب شوية من حدا بابات اماليا و ماماها و ديك المرا و كيشوف شوية لاحضظ شي خيال قريب ليه تا....

اماليا من بعد ماخرجات من السرجم ديال حناحها هزات الفاليز دياله بصعوبة و خبات وجهها و عينيها لي كيبانو و تمات غادا بشوية و خايفة لاشي حد يشوفها و يرحهها للقصر حست كانك رافضة هاد الزواج بصفة عامة اولهم ماباغاش تتزوج برجل ماكتعرفوش و مكتبغيش و ماباغاش تسلم جسمها ليه و الاهم و لي زاد هلعها هو تقلبات ماريا ليها فهاد اليوم خيت تاهيا فالاول مانت رافضة الزواج. لكن ليوم اصرات انه تتزوج و كانت ملحة بزاف

بقات اماليا غدا تاكانت غادي تفوت باب القصر و هي تشوف مها و باها و نفس المرأة و اسغربات حيت شافتهم كيغوتو عليها و كيدفعو فيها و يالاه كانت غدي تفوتهم باش تمشي تا تلفت باباها لجيهتها و هي تضور و تاكاتحس شي يد جراتها من خصرها و زيراتها معها و كتحس بانفاس كتضرب فوق راسها و هي تخلعاات و بقات هكاك مدة و مكمشة بخوف و فيها البكية و الهلع و الخوف تا كتخس بهاد الشخص كيبعد عليها و الصدمة كان قبرص و تبسمات بلاما تحس و بدات تعنقو و تتبسم و غقلات عليه و هي بكل برائة بدات تمسح دموعها و حيدات الشال على وجهها و هزات يديها شكراتو و هو غي مصدوم و كيشوف فعينيها و ملامحها ملهم و طول فيها الشرفة فوحوايجها و هنا عرف انه العرس عندهم و ماشي بعيد عي العروسة و لكن علاش هي برا)

🔮الحوار باللغة الصربية🔮

•قبرص:شكون نتي و اش كاديري هناا و مناش خايفة و مخبية (هدر و هناا الامر باقي جدديد على اماليا انه تسمع شي شخص حيت معمرها سمعات او هدرات فحياتها لدلك بقات مصدومة و غي كترمش)

•قبرص:بلاما تحمقي اصل مي هاد الليل ياا هدري ياا سيري قو** من حداياا ندمتيناا (هدر و هو براسو ماعارفش علاش مني شافها تبعها و عتقها من انه يشوفوها هاد الاشخاص لي هو ماعارفش انهم عائلتها و اماليا حطات الفاليز ديالها فالارض و خلاتها من الفوق و حبدات الكتاب ديالها و بدات تكتب و هنا عرفها قبرص انها مكتهضرش و قلب عينيه بغضب و هو ماعارفش علاش)

•اماليا:عافاك عاوني نهرب من هناا عافاك هًوما باغيين يزوجوني لواحد مكنعرفوش و هادوك لي واقفين لهيه ماما و ماما عافاك عاوني و نعطيك الفلوس و اي حاجة طلبتيها نعطيك لي بغيتي غي عاوني نخرج من هنا(كتبات ليه فالكتاب باللغة الصربية و هو خدا الكتاب من يديها و كيقرا و مع كل جملة كيلفضها هي كتسمعو و ذمرعخا كينزلو بعدم تصديق و هو كيشوفيها. و سد الكتاب و عطاه ليها و بعد شوية منها و خدا تيلي ديالو سيفط مسج لعلي و كابير بسرعة {الخطة تبدلات نتلاقاو حدا اللوطو} و هي رحعات الكتاب لبلاصتو و هزات فاليز ديالها و شافت فالارض باسى مني بعد منها قالت انه ماغاديش يعاونها و ضارت باش ترجع بخالها للقصر و تسلم امرها لله و تقبل بالزواج لي دبر ليها باها و ..

•قبرص:اخر مرا تعطيني بالضهر و لا ميعجبك حال زيدي قدامي(هدر بغضب و هي مني شمعاتو ضارت بسرعة و فرحات تا بدات بتتبسم بالدموع و قربات حداه. هو تنهد بغضب و شافها ههازا فاليز كبيرة متها و هزها خداها ليها من و شد اماليا من يديها ووقف دار شافيها و رجع ليها الشال على وجهها و رحع سدها و هي ماقات رالو و كتبان قدامو يحال بنتو و توجه بيها للطريق اخر و بقاو شوية غاديين و هي مهدراتش ابدا شي حاجة لداخل ديالها كتقوليها تيقي فيه ماعندو مايدير ليك. سيري و عينيك مغمضة تا كيوصلو لجيهة اللوطو و لقا كابير و علي كيسناو فيه و غاديين حايين بتوتر مني قراو المسج ديال قبرص و غي وقف عليهم مشاو كيجيرو عندو عنقوه. و بعدو و كيشوف فالفاليز و اماليا. و علي يالاه غادي يخيد ليها الشال على وحهها

•قبرص:تحيدو و لا تقيسها نخلي دار بوك(هدر و علي بعد يديه و دار الخقيبة لور فاللوطو و هي غي خابسة مسمعاتش اصواتهم فقط صوت قبرص لي مفهمتش لغة حيت هدرو بالمغربية )

•قبرص:الخطة تبدلاات كااملة و انا انشرح ليكم بشوية كاع داكي لي خططنا ليه غادي يتبدل و لكن الهدف ماغديش يتبدل (هدر مع علي و كابير )

•علي:و بكن اسااط مشييماا فيها صاافي كولشي تفررش اصصيل درنا معاه ليوما الوقت بليل غادي يفتح القبر خاصنا نعلمووه نعيطو ليه ياجل الفتح تا تشوف نتا(هدر بسرعة و يديه على رقبتو و قبرص ضرب جبهتو بغضب كيفاش نساا )

بقا قبرص كيسوط بغضب كيفاش نسا الامر انه ماعلمش اصيل يحبس عادشي على الاقل غي يشوف شنو يدير

•كابير:عيط ليه اسااط و علموو رااه باقي الحاال و نشوفوو ديك سااعة واخاا نعرفوو نديرو المستحيل نوبفوو الفتح و الاجرائات (هدر و قبرص بزربة جبد تيلي ديالو و دوز لابيل لاصيل مرة الاولى و با كيصوني تا طفا واالو ميجيجاوبش و قبرص دار عند كتبير و علي و كيدير ليهم براسو زعما لا )

•علي.عاود عيط غادي يكون غا فالجامعة و لا خاررج ولا الشركة معرفتش مهم عاود عييط(هدر و قبرص بدا كيحاول يعيط والو مرة الثانية الثالتة الرابعة واالو ميكيجاوبش ابداااا )

•كابير:اصصيل غادي يكون ناسي تيلي ديالوو فشي بلاصة معمروو تعطل هاكا فالجواااب عنداك تكون واقعة شي حاجة فالقصر؟؟(هدر بغرابة و قبرص قلبو مشا و جا بالخوف )

•قبرص:ااا الواليدة (هدر بخوف و دوز النمرة لماماه عشق و تاهياا مكتااحوبش و هناا صعر ديال بصحح)

•قبرص:واااش كوللشي مشغوول هاد نهااااار (هدر بغضب و كيعاود يصوني ليها و مخلووع عليهاا والو مكتحااوبش و بقا غادي جاي و شاد فيديه تيلي )

•قبرص:اه اه الكاميرات اااه(هدر بشوية و حل لوطو جبد بيسي ديالو و دخل الكاميرات القصر و حات عينو فالصالون لقا ماماه عشق جالسة و حداها السيدات و فالجنب كاين قيس جدو و قيصر باه و الباقيين هنا قبرص عاد تنفس و شاف الكاميرات ديال الباب و سد البيسي و شد راسو و جلس للارض شوية عاد ناض وقف )

•قبرص:الحمدلله ماواقع ليها والو الحمدلله اااا (هدر بشوية تحت نفسو و ضار عند كابير و علي)

•قبرص: جدي قيس جاا اا و سي اصيل مكيجاووبش تيلي دياللو و مابانليش فالقصر و تا لوطو ديالو ميكينااش براااا شفت الكاميرا لي فالقصر فين غادي يكون اووووف (هدر بغضب و علي كيشوف بغرابة ف اماليا حيت مغطية راسها و باقي معرفهاش و شدو الفضول)

•كابير:غادي نعيطو لشي واحد فالقصر و نسولوهً و لا عيط فالشركة(هدر و قبرص غي ساكت و كيشوف فعلي اش كيشوف و هو يدور راسو عند كابير)

•قبرص:بلاتي بلاتي اصيل دا لوطو ديالوو بلااتي صافي لقييتها (هدر و عاود حل بيسي ديالو دخل لواحد لوجيسييل لي مركب فيهم گاع لي جي بي اس ديال طوموبيلات ديالو و ديال الباقيين و قلب على ديل قبرص و سيفط ليه سيني على الخطر و سد بيسي و دار لقا كابير كيضحك)

•كابير:اوووه مزياان ههه داباا مني غادي يشوف هاد السيني (sign) لي سيفطتي ليه غادي يعرفك نتاا (هدر و قبرص اوما ليه و كيتسناو و طرف عينيه على امالياا و علي غا ساكت و كيفكر فهادشي كيغادي يدوز)

عند اصيل لي كا سايق اللوطو ديالو و حداه ياسمين لي مغمضة عينيها شوية جاه علامة فاالىطو ديالو ف جي بي اس و هناا عرفوو قبرص حيت عارفو داير هاد البرنامج عندهم كاملين فاللوطو فحالة كان الخطر و فقط كابير و جيلان و اصيل لي عارفين و كيقلب جيابو على تيلي )

•اصيل:ااااع لااا تيلي فيين خلييتووو (هدر بغضب و ضرب الفولا بيديه و بانت ليه ياسمين حداه مغمظة عينيها و هو يفيقها)

•اصيل:ياسمين

•ياسمين:هممممم(هدرات بشوي و باقا مغمضة عينيها و هو معندوش الوقت و عينيه على العلامة لي فاللوطو و ياسمين مابغاتش تجاوبو و هو يبدا يقلب على تيلي ديالها و هي تقفز من حداه)

•ياسمين:اش كادير الحماااار (هدرات و بعدات منو)

•اصيل:تيلي دياالك اريه و هني الوقت(هدر و خدا ليها تيلي من قدامها و دوز الخط لقبرص جاب الله كان حافظ النمرة ديالو و ياسمين شافت السين و هي تدور عند اصيل و كتقوليه بفمها خطر خطر و هو يشد يها فمها و جاوب قبرص)

📞اصيل:قبررص معااك اصصيل اش وااقع شفت اللعيبة عرفتك ماتخاافش كولشي هو هاداك و غادي يكون گاع بداا فالحفر ديال القبر غا تهناا(هدر و شاد لياسمين فمها و هي خرجات عينيها بصدمة و قبرص غووت من التيلي)

•قبرص:اصصيل زرررب غادي دير ما فجهدك واخاا تعرف رااسك تمشي تال تماا و تحبببس هادشي تاالغداا حيت تبدللات الخطة كااملة للافضل و ليوم ماخاص يطراا والو اجل الخفر لغداا صباح غداا انجي للمرب مهم نعول عليك و ديالمن هاد نمرة مهم انعيط ليك فيهاا. اصصيل بلاما متنرونو تا وصلنا لهادشي وو يتخربق مولشي دير ما فجهدك(هدر بسرعة و اصيل بحالا كبيتي عليه الما باارد مابقاش قاد يهدر من قوة الصدمة كيغادي يدير يعيط لخونا و التيلي ناسيه لالدار و الرقم ديالو معندوش و هو خارج البلاصة بزااف و تا القصر بعيد بجوج سوايع لابغا يجيب تيلي حدو قطع مع قبرص و دار شاف ف يياسمين عطاها تيلي )

•ياسمين:ااا اا ااوز اوزار ياك اااا غادي تفتح قبر اوزار اااا (هدرات بشوية و اصيل كيشوفيها و اوما ليها بتقالة)

•ياسمين:واش عافين العواقب ا اصيل راه لا عاقو بيكم العائلة شاكين فمواها و باغيين تفتحوه مشيتو فيها و غادي تنفاو و نتا عارف معشرنا المصاصي دماء حريصين فهادشي و علاما بان ليا واقعة ليكم مشكلة ولا لا!؟؟؟؟(هدرات بشوية و اصيل كيفكر)

•اصيل:دابا كنا عوالين على الوقت ديال دابا غادي يتم فتح القبر و لكن قبرص بدل الخطة ف اخر لحضة و بدل الوقت لغدا صباح مني يكون جاي و التيلي ديالي معرفتش فين خليتو و الرقم ديال المسؤول على شركة الفتح و الاجراءات معنديش رقمو و الا بغيت نمشي بوحدي نوقف ماغادديش يقدني الوقت و كاينين لي گارد ديال عمي قيصر زائد لابغيت نمشي للقصر نقلب على تيلي هادشيي لاكان تم خاصني ساعتين يعني فكلا الحالتين انضيع وقت ايكون. القبر تجبد و الجثة مشات للمشرحة و كولشي غادي يتفضح و حنا ماتافقناش على هاكا (هدر وشاد راسو و ساد الصمت شوية و اصيل كيسوط بقلة حيلة )

•ياسمين:نقدر نعاونكم و لكن اكيد ماشي هاكاك يعني كاين المقابل(هدرات بشوية و دورات وجهها عد اصيل لي شافيها بسرعة و عدم فهم)

•اصيل:شنو ههه واش كضحكي علاا اش غادي ديري مثلا تيلي منعرف فين كاين و كولشي صعب فهاد الحالة حيت اي تحرك درتو ماشي بسبب مقتنع غادي يعيقو العائلة و حنا مابغيناهمش يعيقو يقدرو يلعبو فالامر وو بحالا ما درنا والو لدلك هاصني نتصرف بطبيعية و تا من قوتي و طاقتي منسعملهاش فمعندك ماديري(هدر و ياسمين تبسمات ليه بغموض و تحدي و خدات تيلي ديالها و سكتات و هو غي كيشوفيها)

•ياسمين:عطيني ل اي بي ديالك ديال تيلي و لا نكرتك الاصلية(هدرات و شافت فيه و هو هز حاجبو و خدا تيلي كتب نمرتوو و قراا شنو كادير و هو يدور وحهو عندهااا و هدرر)

•اصيل:فااااككيفاش نسييت بلي راك اختصاص تكنولوجي معلومية (هدر بصدمة و دور راسو للجاجة و كيشوف تا سالات)

•ياسمين:تيلي كيعطي الموقع ديالو انك نسيتييه داخل القصر ا"فولتوريز" يعني نسيتيه غا تما ممممم و يالاه يالاه بزربة(هدرات و كتسناه يتشارجا باش يدخل للبيانات ديال الاتصال ديال تيلي ديال اصيل)

•ياسمين:سمية لي داير لو(هدرات بغضب مني قدرات تدخل لجهة الاتصال و تيلي عامر بنات و رمشات عينيها و لاحت ليه تيلي و هو خنزر فيها)

•اصيل:الله يعميها لك ا ياسمين مطلعيش ليا فوق راسي(هدر و كيقلب فتيلي تا لقا النمرة ديال المسؤول و دوز نمرة ليه )

•📞اصيل: جوج حوايج منعااوددهمش لولى غادي تحبسس كولشيي دااباااا الدفن ماغاديش يكمل حبس كوولشي و ثانياا يسيق شي حد الخباار بلاصتك غادي تكون حداا داك القبر كنضن عرفتيني شكون يالاه عندك جوج دبايق نلقا مسج دالك عندي دابا بلي رجالك مفتحوش القبر(هدر بصوت بحال فحيح الافعى و كارز على فكو و قطع بلاما يشمع ردو و ياسمين مخرجة عينيها فاالجاجة على تصرف اصيل لي منكراتش انه خلعها و لكن ليست هي التي ترضخ لاي كان)

•اصيل:هاكي شدي تيلي ديالك(هدر و سيفط لقبرص مساج فيه{كولشي نضا الحنرال الزعيم} و حل تيي حسد منو لاكارط ديالها و هرسها لاحها من سرحم و مد ليها تيلي و هي غا كتشوف)

•ياسمين:وااش من نييتك ا سي اصيل راااه راه

•اصيل:خساارة ماغاديش تقدري تهدري مع كليكتك يااك؟؟؟؟ (هدر و ساق بلوطو اتحاه للقصر)

•ياسمين:نو ماشي هاكاك مي واك قلتي للراجل يسيفط ليك مسج مني يعلم رجالو و نتا مامتأكدش واش غادي يقدر ينهي المهمة ولا لا(هدرات و خشات تيلي ديالها فالصاك و اصيل طلق ضحكة رجولية كلها رعب و دار شافيها)

•اصيل:بحال هاد النوع ديال الناس الا عطيتيهم الفلوسكيديرو اي حاجة و الاهم عزيزة عليهم حياتهم يعني اعتابري االمهمة كملات و القبر ماغغدي يتفتح تالغداا هادشي باقي صغير عليك و معندك لاش تفكري فهادشي (هدر و دور راسو للطريق و هي مصدومة كيفاش كيتبدل فرمشة عين و كتشوف انه طريق ماشي لفيلا ديالها )

•اصيل:بلاما تسولي ا انسة فاروقي بلاصتك راك غادا ليهاا و غادا لفين خاصك تكوني (هدر بشوية و هي عرفاتو غادي بيها لعند العائلة لدلك مالقات متقول و خنزرات فيه)

•ياسمين:اصيل ممم واش لهاد الدرجة ماخايفش لانقولها لعمي قيصر و لا الجد قيس ؟؟؟(هدرات و شافت فيه و هو تبسم بطرف فمو)

•اصيل:الفولتوريز و الخوف خطان متوازيان ميعمرهم كيتلاقاو خاصك تعرفيها و ثانيا انا عارف بل متأكد غادي تخلي االامر بيناتنا و انك اخر وحدة تقدر تفرش قبرص مم كدبت و لا قلت صراحة ا لالة ياسمين(هدر بغموض و غصة و ياسمين رمشات و لعنات راسها علاش قالت هاكا)

🗝عند قبرص و كابير و علي 🗝

كانو الدراري جالسين على نار من بعد ماعيط ليهم اصيل من تيلي ياسمين و علمو قبرص

•علي:باقيي ماجاوبكش؟؟؟؟(هدر و كيشوف ف امالياا لي غي واقفة مافاهمة والو و شوية جا مسج لتيلي قبرص لي طلع وجهو و شافيهم و فهموه)

•كابير:و اخيراا تهنينيا من هادشي دونك داباا المشكيل بقاا ف انك اتشرح ليناا كون هادي و فين و من جبتيهاا؟(هدرات بصراحة و وضوح و قبرص ملامحو ولات كلها جدية)

•قبرص:هادي اماليا اااا(هدر. بتردد و هز ليها شال و هي بحلقات عويناتها و تبسمات و علي و كابير تصدمو و علي قرب منها و قبرص غلض صوتو ) و العععععرس لي كان تما ديالها كان دييالها اا و صافي غادي يزوجوها بزز شفتها كانت غادي تهرب و عاونتها بغيت نقول جات هنا معايا و صافي و غادي ن ...

•كابير:غادي نديوها معانا للمغرب و غادي ترجع الصاع صاعين للعائلة و تستغل اماليا فهاد الوضع لي ايكونو فيه العائلة مشغولين بيكم و تعرف الحقيقة لي طرات لاوزار ياك ؟؟(هدر بهدوء و قبرص اوما ليه بهدوء )

•كابير:و لكن هادشي راه غادي يخلق ضجة لا عشائريا حيت ممنوع تتزوج بشرية و نتا عندك اكتر من صنف تختاريتي ولي عهدو و جميع العشائر كتسنا غي نهار لي تحكمهم فيه. و لا قدام البشر لي باين علئلة اماليا غنيني هنا فصربيا و اشي بعيد يكونو كيعرفونا و ركاتنا معروفين و هادشي غادي يطيحنا فالسوق ا قبرص فكر فجميع الحالات قبل مادير شي حاجة هادشي بلاما نحسبو لاعرفو عائلتها و عائلة راجلها (هدر بشوية و قبرص كيشوفيه نيان فعينيه بحال الليزر)

•قبرص:متهدرش معايا بحال الا غادي نتزوجها اسي كابير راه متافقين غا توصل و تمشي دبر فحالها و تسير حياتها ماشي سوقي فيها فهمتي و اخر مرة تهضر هاكا و ثانيا اخر همي نسمع هدرة البشر و لا العشائر فهمتي(هدر بغضب وًكابير هز يديه زعما نتا تعرف)

•علي:داباا كيغادي نديرو نهربوها من هناا و هي ماعندها لاوراق لا والو و الا ديناها للكوخ دابا البنات غادي يبداو فالاسئلة و غادي نضطرو اننا نقولوو كولشي فشنوو انديرو(هدر و كيوف ف امالياا و قبرص عطاهم بالضهر و مشا للفاليز ديال اماليا لي حط فاللوطو)

•قبرص:اولا ا سي علي ماغاديش نهربوهاا السيدة جايبةمعاها وراقيها و غادي تسافر قانونيا و لكن ماشي معاناااا معااك نتااا (هدر و هز من صاكها باسبور ديالها و الاوراق و مدو لعلي و اماليا غي كتشوف فيهم مافاهمك والو و كتسمع غي صوت قبرص)

•علي:كيفاش معايااا ؟؟؟؟؟؟(هدر و حل باسبور ديالها و كيقراا)

•علي:اماليا امبورسين 19 سنة قربتي ليها مممم باقا صغيرة اااا و من اصول يونانية برازيلية؟؟؟؟ وو لك كن نتي هنا فصربيا و هنا عندك فالوراق اصول اب يونانية و ام برازيلية ممم و معمرك سافرتي على برا صربيا عندك الباسبور باقي جديد ممم لعجب يعني نتي زايدة فاليونان و الباسبور عندك نافيه لا دحول لا خرج يعني معمرك سافرتي فكيفاش جيتي هنا لصربيا مفهمتش لعجب مهم الاوراق عندها مقادة و لكن مفهمتينيش اقبرص كيفاش معايا(هدر بتعجب و كيقرا الوراق و كيشوف فقبرص و كابير بتعجب و تاهوما استغربو)

•قبرص:ماسوقيش فداكشي مهم اا انا و كابير غادي نمشيو للكوخ عند الباقيين و نتا اعلي غادي تبقاو نتا و هاد اماليا هنا فشي بلاصة غادي ندبرو فيها اا و غدا صباح غادي تجي عندكم اللوطو. غادي نسيفطها و غادي ديكم المطار و غادي تلقاو طائرة غادي تمشي للمغرب مع ستة صباح و حنا انحاولو نمشيو معاكم فنفس الوقت بطائرانا الخاصة و نوصلو معاكم قد قد للمغرب و فالمطار تما غادي تخرج من مخرج اخر ماشي بحالنا اوك اا و (هدر و علي تصدم و كابير تبسم. و هو يقاطع علي )

•علي: و من بعد انخليها تمشي من المطار بخالها و انا انرجع عندكم و نمشيو حنا للقصر يااك (هدر وو كابير دار ليه بصبعو لا و شار لوذني زعما تصنت)

•قبرص:تطلق يديها ثانية و تغيب على عينيك جزء من ثانية منعقلش على ديلمك اعلي فهمتيي ' غادي تجيبها معاك تالقصر و الا وصلتو قبل تسناونا تنجيو و انا عارف اش اندير مني نوصل و متسولوني على والو خليها مفاجاة ليكم (هضر و علي اوما ليه ب اه و قبرص عاد برد و قرب ليه و هضر)

•قبرص:بربي و تقيسها اعلي و الله و نلقا فيها اثار واحد نفصل مك على 16. نطرطگك اعلي نطردگك و غطي ليها وجهها اا باش تاواحد ميتعرف عليها هنا فصربيا اوك و رد البال اعلي رد البال و شوف راه عندها مشكل فالنطق شوية اوك تقدر تلقا معاها مكيل مي نتا غي هضر و هي غادي تكتب ليك فواحد الكتاب راها ديماا كتهزو معاها و لكن اصلا مطولش معاها الهضرة صافي اا و دي ليها حوايج خليها تبدل بلاما تبقا بهاد الحوايج العروسة و مهم علي بلاما نوصيك هاه ولاا هاه نقسم مك (هضر فوذنيه و مد ليه صاك حوايجها و الكتاب لمحو فيديها و دار عندها هضر بالصربية و هي كتشوفيه )

•قبرص:غادي تمشي معا هادا و بلا قوة الاسئلة عجبك البلان تباركالله ماعجبكش ماحدنا باقيين هناا رجعي بحالك (هدر و هي سمعاتو و شدات ليه فيديه و كدير ليه لا بيديها)

•قبرص:اذا مزيان تافقنااا سيري مع علي غدا نتلاقاو و بلا كترة الفخامة و الدموع علياا يالاه سيري علي باما نوصيك(هدر و حيد يديه على يديها و هي شدات ليه فاللخر ديال تيشورت بال درية صغيرة و كانت مهلوعة من علي )

•قبرص:واا سيريي و هنيناااااا(هدر و حيد ليها يديها و قفزات من بلاصتها و بقات واقفة حدا علي. لي اصلا مافاهم والو و بقاو خاضيين لوطو ديال قبرص و كابير تا بعدات و مابقاتش كتبان و علي دار الفاليز فيديه و شاف ف اماليا)

•علي:يالاه نتي لي بقيتي لياا كفاوني تا كواريتي ما حليتهم بقيتي ليا غا نتي زيدي زيدي نتي لي كملتي و جملتي لينا فهاد ليل(هدر و عطاها بالضهر و سبقها و هي بقات واقفة تا دار علي حيت مسمعش خطواتها و هي مسمعاتوش فاش هدر {للتذكير هوما عارفينها غي مكتهدرش ماعارفينهاش مكتسمعش} عاد مسا ليها علي و جرها من يديها و تمي غادي بيها للبلاصة قريبة فين قاليه قبرص و هي غي غادا و معنقة كتابها فيديها و منكراتش انها كانت مخلوعة من علي )

يتبع...