تنهد و دخل لناموسية تردخ فوقها بعياء.... و ما تجي في بالو غير نهار لول فاش جابها و دخل علها لبيت لقاها غير بالفوطة.... سهاااا و هو كيتفكر تقاسيمها... حتى حس بالمعلم كيوقف....
سيف: "كيدوز يديو على وجهو" لله ينعل الشيطان استغفر الله اش هاد لملاوي المراهقة صافي....
تنهد و ضحك على راسو و بقااااااكيفكر حتى دانو عينو....
أصبحنا و اصبح الملك لله....
فاقت على لمساتو على وجها عنيها معمشين و خاسرة بنعاس حيت منعساتش مزيان حيت لحريق كان كيجيها مرة مرة....
بتاسمات و عنيها مغمضين و هو هايم فيها بكل حالاتها... يالله جا يبوسها و هما يسمعو لغوات ديال طارق...
سجود: "جاها ضحك" ههه جا لي غادي يبقا يحرمها عليك ا حنيني... 😂
هيثم: "تنهد و طبع قبلة حفيفة على شفايفها و بعد" اوا نصبرو ما عندنا ما نديرو ...
مشا هز دري جابو ليها.... و هي تقاد في لجلسة كدور راسها على لبيت بإستغراب....
سجود: هيثم واش لولادة كتأثر على حصة العينين...
هيثم: "ملاهي كيبوس في لوليد لي غير هزو و هو يسكت" لا علاش...
سجود: و إمتى جبتيني لدار واش كنت في غيبوبة ولا كيفاش....
هيثم: واااه يا بوعبيد الشرقي راني عارفك ما كتحمليش طبيب ديك شي علاش جيبتك لبارح بليل لدارك نتي و طارق و راه جبت لممرضات لي يقابلوك...
هيثم: "مد ليها طارق ترضعو" هاكي هاكي رضعيه بعدا باش يجيو يبدلو ليه و يعطيوك دوا... و لبارح راه غير خرجوك من الولادة طاح ليك طونسيو و داوك لغرفة و منعو الزيارة حتى دازت واحد المدة و ليلى كتشرب دوا راكي عارفة كجيب ليها نعاس... و انا غير صرحو ليك بالزيارة تم تم خرجتك.... فهمتي داب....
سجود: اه اه فهمد و فينها داب...؟!!
هيثم: تكون ناعسة راه عاد 7 ديال صباح...
سجود: اه صافي و نت واش بقيتي صهران ليل كاملو...؟!!
هيثم: اه منعستش... "و قرب ليها وغمزها" ولكن ديري ليا بلاصة و نعسيني بحالو...
سجود: ههههه حرامت عيك لحلوة احنيني سير داب واحد الشهرين الا طلق ربي سراحك 😂
هيثم: "تكا حداها " كاين طروق خرين ازين "و قرب ليها حتى لودنها و همس" مصيصة مثلا اولا "و شاب فسدرها لي ولا قدو قداش و مخرجة بزالوتها كترضع" و لا صدر.... كاين شلا ما يدار العمر خلي غا تخوا دنياة....
سجود: "تزنكات و ضرباتو لكتفو" نوض من حدايا نوض يا الماسخ....
هيثم: اوا فاش تشدك لي ما تعلم متجيشاي عندي نبردك 😂
داز لوقت و فاق كلشي و تجمعو عند سجود في لبيت ديالها كانت لابسة قفيطين و مقادة لحالة و كلشي كيبارك ليها و لفرحة ماليا دنيا....
ليلى: "جالسة حداها و شادا ليها طارق" نننن شكون حبيب عمتو شحال زوين احححح على لعوييينات لعوييينات نننن....... يا خويا و كاعما كيشبه ليك كيشبه ل ماماه...
جميلة: "بفرحة" مزال ما يبان الشبه ا بنتي....
سجود: لا لا غادي يبقا يشبه ليا.... راه انا لي توجعت بيه...
غسان: اه عندك اختي لحاق كاينة و تكون و الاما كانت نكونوها.... كيشبه ليك... 😂
هيثم: انا الاصل و الباقي تقليدي يكبر و عجبكم لعنين عنيا... و دورة ديال لوجه ديالي...
عبد الجبار: لا لا ا لمرضي كيشبه في مو....
بقاو شد ليا نقطرع ليك في الشبه حتى بدا لفون ديال جميلة يصوني.... هزاتو و شافت لقات ابيل فيديو من مريم....
ليلى غير سمعاتها تقرصات و تكوانسات في بلاصتها و ما تجي في بالها غا لليلة المعلومة...
عنيها غرغرو وقفات ديك ساع خرجات... و تبعها غسان....
لقاها واقفة قدام لباب كتحاول تنفس و دايرا يديها على صدرها....
غسان: "بقلق" ليلى ياك لاباس...
ليلى: "طلعات فيه عنيها مبتاسمة بزز" ههه والو والو غير حسيت بردة حشاك و دوخة غادي نمشي لبيتي نرتاح شويا....
غسان: "بتشكيك" متأكدة انو غير هاد شي....؟!!
ليلى: و اش غادي يكون غير هاد شي هههه راني حاملة زعماك...
غسان: اه اوكي صافي اجي نمشي معاك لبيت لا تمشي طيحي او توقع ليك شي حاجة...
بتاسمات ليه و شدات في يدو و مشا وصلها لبيتها....
دخلات و سدات لباب و هو يطيح قناع الابتسامة... باش تجي في بلاصتو نضرة فارغة و عنين دامعين.... و دوامة ديال الذكريات.... على اثرهم حطات بديها على قلبها كتحسو كيتقطع في صددرها....
ليلى: "بحقد" نتي سباب في كلشي نتي لله يا خد فيك الحق لله ينتاقم منك... ما كتسوايش... لا نتي لا هو ما كتسواوش...
وقف قدام لمرية كيقاد لكول ديال لكاميجة.... كان لابس سروال سليم كحل و قميجة نص كم... و سواتش روليكس.... تنهد من اعماقو و خرج من الجناحو....
قصد لباركينك نيشان هز طوموبلتو و كسيرا نيشان ل فيلا العلامي... طريق كلها و قلبو كيضرب و حاس بواحد الفرحة كبيييرة.... و محاسش كاع بالخوف الا عرفاتو او شي حاجة بحال هاكدا... هو همو الوحيد انو يشوفها و الباقي للجحيم....
ما حس براسو تا وصل قدام لفيلا لي كانت ضايرة بالشجر و كلها خضورة بتاسم للجو العام و كلاكصونا حتى حلو ليه لباب لكارد و دخل....
لداخل كولهم كانو مجموعبن في صالون حتى كدخل عندهم الخدامة كي سطافيط...
الخدامة«الحوار بالانجليزية»: سور عندك واحد الضيف...
هيثم: "وما ليها براسو" اه قولي ليه يدخل...
عبد الجبار: واش سيف الاسلام منصور...
هيثم: اه هو هاداك...
عبد الجبار: لعجب و هو لي جاي لعندك برجليه...
هيثم: حتى انا تعجبت مي لموهيم يجي نكملو لحساب باش نتهناو....
غسان: جاتك طبيعية يولي ينسب عليك بعد المرة لي دازت كان كيتعامل معاك فوق نفس...
هيثم: سيد هاكداك التعامل ديالو و هضرتو قليلة... و...
مكملش كلامو و هو يبان ليهم داخل بكل رجولة و شموخ و شياكة... لكثاف عراض و لحية كثيقة بعض الشيء مي قصيرة و لوشام....
وقفو كاملين يستقبلوه مبتاسمين....
عبد الجبار: مرحبا بسي لمنصور شرفتينا....
سيف: "سلم عليه بليد" شرف ليا الحاج...
هيثم: "حتى هو سلم عليه" مرحبا بيك....
سيف: شكرا.... مبروك ما تزاد ليك....
هيثم: لله يبارك فيك لعقبا ما يكون عندك...
كتفى سيف بالابتسام برزانة.... و سلم على غسان و جلس بهدوء كيضور غنيه عكس لداخل ديالو قلبو كيضرب بجهد باغي غير امتى يشوفها....
عبد الجبار: اوا سي سيف اشنو بقينا ديرنا فديك الموضوع... راه توصلنا بخبار لامانة وصلات لماليها و كلشي هو هداك...
سيف: لحمد لله ما تزكلات حتى حاجة... ولكن لي مزال عندكم هو الاخطر...
غسان: "بشك" و باش عرفتي اش عندنا...
سيف: "دار عندو" حتى حاجة ما كتخفى عليا...
غسان: مممم اوكي شكون لي وصلها ليك...
سيف: مكيهمش... لي كيهم انو لي باقي عندكم هي اكثر حاجة مطلوبة...
حطات الرواية من يدها و هي كتحس بقلبها مزير عليها و مخنوووقة... حيدات نظاراتها و ناضت لبالكون كتنفس... و تحاول تفك ديك العقدة لي في صدرها بقات كتقرا آية الكرسي... حتى حساب براسها ترخفات شي شويا و هي تمشي لبيت سجود....
لقاتهم مجموعين عندها و لنقاشة كتنقش ليها في رجليها... عنيها حوالو على لحنة....
النقاشة: تستاهلي يا لوردة... هانتي فاش تولدي نتي نولي نقش ليك...
ليلى: "بتاسمات بفرح" اه ضروووري....
ناضت نقاشة جمعات قشها و خرجات تمشي بحالها من بعدما غرقاتها جميلة بالخير حيت فرحات ليلى و سجود....
"لتحت"....
عبد الجبار: كيما كتشوف هنا دوي فراحتك دار مأمنة و ما كاين لا لي يتصنت لا يدي هضرة لخدامات كلهم ما كيفهموش العربية...
سيف: لا من الاحسن حتى نديرو بليصة فين نتلاقاو و يكون داك شي بالقاعدة و في المغرب...
هيثم: نت أدرا بهاد المجال.... لي درتيها حنى معاك...
غسان: "وقف " لموهيم لي درتوه هاني معوكم... نمشي نشوف ليلى باش نمشيو عند طبيبة قبيلة جاتها دوخة....
سيف غير نطق غسان سمية ليلى قلبو ضرب بواحد العنف عمرو ضرب بيه... و خنزر فاش تفكر انو غسان قريب منها و غادي يمشي معاها لطبيب...
عبدالجبار: اه اولدي و من تماك سيرو عند ديك لعدول سنيو على ديك العقد لبارح سجود زرباتنا مسنيتوشاي عليه...
غسان: "تنهد بضيق" واخا الواليد....
سيف بقا يحمار يحمار حتى كان غادي يتطرطق و هو كيسمع لعقد كيفاش على إنا عقد كيدويو هادو صافي وصل لطوب... نطق بدون شعور: نتوما على إنا عقد داويين...
هيثم: عقد زواج....
اوا يالمشاهدين سيف بقات ليه غا نقطة وحدة و يطير على هيثم يطحنة.... كيقولها بكل بساطة... عقد الزواج... بقات كتعاود لسيف في ودنو... و حس بحال شي خنجر 🗡 تحشا ليه في لقلب ديالو...
سيف: "نطق و هو بزز متحكم في راسو" اه اوا لله يكمل بالخير...
عبد الجبار: امين يا ربي... "و شاف في غسان" و سير نت اش كتسنى...
غسان: "دوز يدو على وجهو" واش غادي نمشي راسي اولا كيفاش حتى تجي بعدا ليلى.. "و شاف جيهت لكوزينة و دوا بلونكلي" اماندا سيري عيطي على ليلى قوليها كنتسناها....
سيف ولا كيبان ليه غا غسان قدامو ينوض يقتلو....
طلعات اماندا عند ليلى لي كانت فرحانة بحنينتها و عقلها خارج كتصوط عليها باش تنشف... حتى عيطات عليها اماندا تتكلم لغسان...
طلات عليه من لفوق حيت لفيلا فيها بحال لهول كبيير طالع للفوق
ليلى: "بصوتها لي بحال ديال دراري صغار" نعام اغسان بغيتيني....
سيف غير سمع صوتها قلبو مشا و حا و بتاسم بلا هواه من صوتها لي ولا عندو بحال المسيقى لي كتهدنو و تبنجو....
بقا مبتاسم و سمعو معالق غير على صوتها و كيتسناها تعاود تدوي...
غسان: "طلع راسو فيها مبتاسم" وا هبطي هبطي...
ليلى: "بغنج" ولاااااء حتى تقول ليا فين ماشيين....
غسان: ما بغيتيش تشوفي ولادك كيف بقاو و تطمني عليهم ممممم...؟!!
ليلى: "غادي طير بالفرحة" غادي تخرجني...؟!!
غسان: ضروووووري نخرجك و نشري ليك لحلوى بزااااف و ندوزو هاد نهار انا ونتي راس ف راس كيف هادي شحال...
اوا واحد سيدي سيف محدو كيسمع هضرتو و هو كيزير على يدو و نار لغيرة شااااااااعلة ليه في قلبو... و كلام غسان زااااد ما بيه....
ليلى: اه اه خرجني و نمشيو عند طبيب نشوف وليداتي ولكن مناكلوش لحلوى ديني ناكل بيدزا و دجاااااج لمحمر.... لموهيم اي حاحة مالحة.... حيت خالتي جميلة قالت ليا كوليها باش وليداتك ما يخرجش فيهم توحيمة...
غسان: و غير نزلي القملة ديالي نزلي....
ليلى: "قفزات بالفرحة" واخا بابي.... 🤤....
مشات لبيتها.... شافت راسها في لمراية مانت لابسة مزيان دارت غير سنيديلة صيفية في رجلاتها و خلات حنينتها في يديها... و خرجات من لبيت كتزرب....
لتحت....
وقف ما بقاش قادر يصبر الا بقا هنا غادي يقتل غسان....
سيف: لحاج نتلاقاو في ساعة لخير نخليكم...
لحاج: الله يا خيي جلس نديرو غير كويس د أتاي و نضيفوك ضيافتنا....
سيف: لا لا مناصبشاي الحاج مرة اخرى...
هيثم: على راحتك اموهيم قريب غاديين نرجعو لمغريب و تماك. نتلاقاو باش نصفيو هاد القضية....
سيف تمشى لباب باش يخرج حتى و هاز راسو لفوق منين سمع صورت ليلى قبيلة حتى كيحس بشي حد تضرب معاه بشدة.... محسش حتى لولا يديه على لي تزح معاه قبلما يطيح.....
اما هي فغير حساب براسها تصطحات معاه و هي تزير عليه بيدها على حصرو باشما طيحش....
بقات مزيرة عليه و مغمضة عنيها و مزااااايرة عليهم.... شويا و بدات كترخيهم و تستنشق الريحة لي عمر مشات من بالها... طلعات عواجبها بجوج و هي كتشوف دراع لي حدا كثفها عامرة بالوشام....
خرجات عنيها في لوشام لي حفضاتو.... ديال درعانو...... جاتها هستيريا بدات كتنتر منو و هو مزيرها في صدرو و كأنو شاد الدنيا بين يديه... و كيشم ريحتها ديال لخزامة لي كتسطيييه عليها.... حتى حس بيها كتنتر منو... بعدها عليه بشويا لقاها صفرا.... و عنيها خارجين فيه....
بتاسم في وجها بهيام و هو كيحقق في ملامح وجها لي توحشهم بلا قياس شفايفها لي منفوخين و كيرجفو من لخوف... و عنيها زرقين لي دمعو و تعطات ليهم ديك اللمسة الخاصة من دموع..... هبط عنيو لكرشها لي مع كرشو كتبان منفوها...
حتى كنتر منو و رجعات لور و هي كتبلع في ريقها و ترجف و تنفي براسها و تنفس بالزربة...
غسان كان كيتفرج فهاد الفيلم و كيشوف كيفاش.... سيف كيشوف في ليلى و هي ردة فعلها لي كتبان مرعووووبة من شوفتو....
مشا عندها و شدها من كتافها و دوا بخوف: ليلى واش نتي لاباس اش وقع ليك...
ليلى: "بلعات ريقها بزز و دوات و عنيها على سيف و دوات بزز" لا لا والو والو ما فيا وااالو غير تخلعت و صافي... "سكتات شويا و ولات دوات و عنيها على سيف" ييا يالاه نمشيو يالله...
سيف تلاشات بتسامتو فاش قالت ل غسان هكداك... تعاملات و كأنو ما كاينش و كأنها ما كتعرفوش و زيد عليها قربها من غسان....
شافت فيديهالقات لحناء خسرات ليها حيت قاست سيف.... طلعات راسها و خنزات فيه بحقد و قربات عند غسان و شابكت يديهم مع بعضياتهم واخا عامرين بالحناء و دوات و عنيهة على سيفو مخنزرة فيه بحال لقطوط: زيد نمشيو....
مشا بيها لكوزينة غسلات يديها.... خرجات ليها حمرا و زوييينة بزااااف..... وحرو و هي مكروشياه من لكوزينة و هاد شي كااااااملو داز على عنين سيف لي ولاو كي جغمة ديال دم من قوة الاعصاب و لغير.... ااااااه يا لغيرة لحولة ديالو....
سيف: "شاف في عبد الجبار و هيثم" سيادنا خليت ليكم الراحة....
ما تسناهمش يردوها عليه و خرج ل لوطو ديالو.... خرج هو لول قبل من غسام و ليلى....
دار غير مع دورة ديال لفيلا و هوما يبانو ليه طونوبيلات ديال لكارد... مشا... عندهم خواو ليه وحدة... و بقا كيساين بيها تماك حتى كيبانو ليه خارجين بجوج ف طوموبيل ديال غسان...
سيف: "بغضب" ديك زويزو ولد لواسعة لي معاها غادي نـ*ـويه من ودينيه غا صبر عليا يا ولد لهازا بربي تا نحيدو لجد من جدر.... قاليك عقد زواج و تا بربي ما تعقد من غير سميتي....
ديمارا و هو كيسب و تبعهم....
بقا غادي تابعهم.... حتى بانو ليه وصلو حدا واحد العيادة.... دخلو هو وياها.... بقاو شي سلعة تقريبا.... حتى بانو ليه غارجين مكروشياه و كيضحكو و عاااااجبها لحال....
غسان على نيتو مشا فتح ليها الباب ديال طوموبيل و كيضحكو هو وياها و خااالقين السعادة...
و سيف ربي لي عالم بيه.... بان ليه غا واحد لفردي في واحد لمجر... جبدو و قوادو...
سيف: "بحقد" ليوم نخويه و لـ*ـواد بوك فديك راس غا صبر يا ولد لـ*ـحبة....
زاد تابهم... شي 30 ديقيقة ديال طريق... حتى كيبان ليه تاني هبط و حل ليها لباب و مزالهم كيضحكو و عااايشين اللحضة... دخلو لريسطو ديال كينطاكي.... خدا ليها ديك شي اومبورطي بطلب منها بغات تاكل في الهواء الطلق....
خرجو هازين فيديهم صاشيات ديال لماكلة و نطالقو لواحد لبارك كبيييير.... و سيف تابعهم و ما ناويش على الخير....
وقفو تماك سطالاو طوموبيل و دخلو جلسو تماك و هو مشا من جيهة الثانية بلوطو و وقف و بقا فيها.... كيراقبهم....
غسان: "كيحط ديك شي في طباسل ديال لبلاستيك" و صبري صبري... خلي نحطو بعدا ديك شي...
ليلى: "خطفات ليه طريف ديال دجاج و دارتو في فمها" ممممم بنيييين بزاااااف....
غسان: ههههه كولي كولي....
ليلى بدات كتاكل و تعاود ليه على احساسها مع الحمل و هو شاااد ليها لخاطر و متفاعل معوها... شويا و هو نتابن ليديها لي فيها نقش....
غسان: "بإعجاب" واااااو لحناء جاتك كتحمق
ليلى: "زادت قربات ليه يدلها" بصاح بصح.....
وما ليها براسو و مد يدو شد ليها في يدها و باسها ليها بفخر... و دوا و عنيه في عنيها: من صغري اليلى و انا مانع من راسي فكرة انني نشوف فيك من غير ختي و مزال للأن مانعها... و ديك العقد لي غادي يكون بيناتنا غير باش نحميك و منخليش ناس دوي فيك نتي ختي و بنتي و عرضي و شرفي... و انا لي قادر نحميك....
ليلى: "بإمتنان" عااارفاك عااارفاك... معمرني شت منك شي حاحة خايبة بالعكس من ديما كنتي سند ليا و اخ و اب... و كتحميني من صغرنا....
بتاسم و قرب ليها و طبع قبلة على جبينها....
و هاد شي كاااااملو عين سي سيف لي مسمعش المحادثة بل فقط شاف كيفاش كانو كيبانو بحال شي 2 مزوجيه و حمل ليلى كيثبت دالك....
سيف: "كيدرب في لفولون معصب" ليوم نهارك تالي المرضي غير عيش اللحظة حيت غادي تودع....
كملو لماكلة تماك و ناضور ركبو في طوموبيل تاني و نطالقو لعند لعدول... بقاو غاديين فوق واحد القنطرة حتى كتبان ليهم طوموبيل من وراهم جايا منحرة حاقة سطوب... و دازتهم...
غسان: اااااه يا ميمتي تي هادا مالو على حالو تقول طريق ديالو....
ليلى: "خافت" اويلي ياكما يكونو قطاع الطرق...
غسان: ههههه القرن 18 هدا... 😂
شويا حتى كبان ليهم لوطو جات قدامهم و بدات تكلاكصوني... حتى وقفات...
غسان: مال هاد نم تاني تزاد عليه لحال....؟!!
ليلى صفارن و بان فيها لخوف....
حتى كيبان ليها قباط روحها.... جارج من طوموبيل و في يدو لفردي موجهو لغسان.....
سيف: " نطق ببرود و صوت مسموع" نزل ألمرضي نزل ندوي معاك..... 🙂
ليلى: "عنيها خارجين و كترجف من الخوف" سس سيف
سيف عنيه في عين غسان و شوفاتو ما كيبشروش بالخير و سلاح فيديه.... اما ليلى فربي لي عالم بيها لبولة غادي تخرج ليها....
غسان: "مستغرب" اش هاد نم مالو هادا ياك عاد كان صحة سلام....
فتح لباب و جا يهبط و هي تشدو ليلى كتبكي...
ليلى: غسان لله يخليك متهبطش لعندو راه مجرم لله يخليك غادي يقتلك ما تهبطش لعندو...
غسان: "حط يدو على وجها كيهندها" متخافيش ماشي غير اجي و قتل غسان....
سيف عنيه مفيكسين عليهم و على يدو لي على وجها.... هز سلحو لسما و تيرا 3 ديال الرصاصات حتى ليلى دخلات في غسان من لخوف....
سيف: "بصوت عالي" و نزل يا ولد لواسعة... و متقاش تقيصها....
غسان متعجب من هاد شي لي داير بيه بعدها عليه و بس ليها رسها: صافي حبوبتي جلسي تسنايني نشوف مال هاد لـ*ـواد و نجي....
بعدها عليه و هي كترجف من لخوف... و حل لوطو و خرج متوجه لعند سيف...
غسان: "جاعر" امالك انم مالك واش تزاد على لـ*ـحبة مك لحال...
سيف جاي قاصدو نيشان مدوا ما والو غا وصل عليه و عطاه بونيا لنيف جابو طايح....
سيف: "كيدو معصب" هادي يا لـ*ـواد ديال مي....
غسان كمش وجهو من لالم لي في نيفو و ستجمع قوتو و ناض... حتى هو... تقابل معاه و ردزو بركلة لكرش حتى كان غادي يطيح.... و تلاح عليه بكود لراس.... حتى دوخو...
غسان: "كيمسح نيفو من دم" مالنا يا ولد لجد هاه مالنا اش واقع تزاد عليك لحال كفت حتى يفوتك لحال لاش جاي لعندي....
سيف كيسترجع وقفتو حتى تقاد نيشان و هو يجبد مع جسان بكروشي لنيف حتى طاح و طاف فوقو...
سيف: "يضرفو يعد" هادي ديالي مي... و هادي حيت كتقيسها و هادي حيت كتبوسها و هادي حيت عنيك عليها و هادي حيت باغي تزوج بيها....
ليلى ما حدها كتشوفو شانق عليه ديك الشنقة و هي كتفكر نهار تعدا علها هاكدا كان معصب... بلعات ريقها و عنيها كيسيلو بالدموع... بدات كدور عنيها على شي حاجة عند غسان ضربو بيها... حتى كيبان ليها واحد لحديدة عند رجليها... هزاتها و فتحات لباب و خرجات....
بقات غاديا في اتجاهم كان طامر فيه واحد الطفرة جندخ ليه لوجه ديالو....
سيف: "شنق عليه مشربن" اقسم برب الكعبة و نلقاك هاد المرة كتشوف فيها ولا تقيسها ولله حتى نجبد ليك العينين ديالك من بلاصتهم.....
ليلى بقات كترجف حتى فشلات و طاحت ليها لحديدة من ديها حتى نتابه ليها... هز فيها راسو عنيه حمرين و وجهو كيجلع.... عندو ديك الوسامة المتوحشة....
بلعات ريقها و دوات و هي كترعد و تقرب عندهم: اش بغيتي من عندنا اش بغيتي نوض عليه نوض راك غادي تقتلو....
سيف: "بتاسم بفقصة" كدافعي عليه حبيب القلب ياك كدافعي عليه و ماشيا نتي وياه تسنيو على العقد ياك....
ليلى: "بتحدي ممزوج بالخلعة" اا اه اه و نت مالك سوقك....؟!!
غسان شافو ساهي كيديو مهاها و هو يطلعلو ركبتو لمعملم نيشان و عطاه براسو للحيتو حتى قرقب ليها سنانو....
سيف كرماتو دقة لي جات بين رجليه عض على شفايفو و خصر ملامحو بالوجع.... و طاح حدى غسان....
غسان مقدرش يوقف من قوت دوجة دمغ ليه وجهو....
سيف بقا شاد بين رجليه حتى بقا لوجع كيخفاف شي شويا... و هو يبان ليه غسان وقفاتو ليلى... و عطاوه بالضهر غاديين....
وقف حتى هو واخا ربي لي عالم بيه و هز لفردي ديالو....
في حين هي متكياه عليها و غاديا بيه ل لوطو.... حتى كيوقفهم بصوتو كي رعد...
سيف: وقفي فين غاديا....
وقفات لكن ما دارتش.... شويا و هي تولي تكمل طريقها حتى كتسمع صوت رساس.... دارت يديها على ودنيها و غسان ربي لي عالم بيه ما حيلتو ليها يحميهامن هادا لي ماعارفوش حتى اش بغا.... دار لعندو و دوا
غسان: داب نتا اسي لـ*ـلاوي لي من قبيلة و نت فارع ليا كري... اش باغي لاش جاي دايرا هاد الفيلم كاااااملو....
سيف: "شير ل ليلى بصبعو" عندك حاجتي و طولتي عليها يديك بزاااااف و راك مزالك مطولهم...
غسان خصر ملامحو و دار عند ليلى: واش كتعرفي هاد نم...؟!!
ليلى بلعات ريقها من سؤالو... و دارت عند سيف و شافت فيه بحقد....
سيف: "بتاسم بجنب و وجه كلامو ليها" جاوبيه اليلى مالكي سكتي...
غسان: ليلى جاوبيني فين كتعرفيه...
سيف: "بغضب" متبقاش تشوف فيها انم....
ليلى: "كترجف و رجليها ما بقاوش هازينها" سير بحالك علاش وليتي جيتي علاش... جيتي دمر ليا حياتي من جديد...
ليلى: "شافت فيه و هي كتبكي" براكا اغسان يالله نمشيو بحالنا لله يخليك ما تسولنيش متسولنيش...
بقات كتبكي و سيف كيحس بقلبو كيحرقو من شوفتها فديك الحالة منهارة كليا....
غسان: "شد ليها يديها" صافي ما ديريش في بالك يالله نمشيو لدار و على راحتك وقتاشما بغيتي تهضري....
سيف خرج فيه عينو فيه و وطه سلوحو ليه: هييه اشريف واش انا كنقوليك عنك فيها ميجوش و نت باغي تديها واش رخيص عليك عمرك حتر لهاد الدرجة....
و شاف في ليلى و دوا: الا رخيصة عليك حياة ولد عمك زيدي خطوة للقدام....
ليلى خرجات فيها عنيه و قلبها بقا كيرجف و تفكرات نهار قتل لكارد لي كانو مع سرين...
غسان: "بعد على ليلى و دارها موراه" نت اش كيحساب لـ*ـبون مك راسك اش هاد لـ*ـلاوي جاوك علينا بحال الا سبتي لا....
سيف: "ضحت بأعلا صوت" اجي شحال فعمرك هاه 25 عام ياك.... اوا حيد من قدامي حتى تكبر و اجي نديو... "و شاف في ليلى و زاد دار الزناد ديال لفردي" اش بان ليك تميشي معايا و نخليوه يمشي على رجليه... او تمشي معايا و تبلعو الارض ما يلقاوش ليه الاثر لا نتي لا هو... مممم اش قلتي....
ليلى كيتزيد تخاف و قلبها كيرجف و كلها كترعد لدرجة اطرافها بردو بالخلعة... حتى كتحس بيد غسان على يدها و دار عندها كيكالميها...
غسان: غير تهدني اليلى ما غادي يوقع والو
سيف حركات غسان كيجننوه كيعصبووووه... وصلو لاحد الاقصى من الغيرة عليها....
ماحس براسو حتى مشا لعندو و شنق عليه و عطاه براس لنيف جابو طايح و نيفو كينزف....
سيف: "وجهلو لفردي و شاف في ليلى و دوا بتهديد" تحركي قدامي ولا ولله ما نتردد نفركع ل رب دمو راسو و نديك بسيف.... حيت في جميع الحالات نتيي غادي تزيدي قدامي فختاري....
ليلى كتشوف في غسان حالتو كيفاش والات و لفردي لي علا راسو و مع ذالك ما متخليش عليها كيحاول يوقف و كتشوف في سيف لي كيشوف فيها ببرود و كتزيد تحقد عليه...
سيف بتاسم و مد ليها يدو تشد فيها.... شافت فيه بحقد و هبطات عند غسان... شدات راسو بين بديها: متخافش كلشي غادي يكون بيخير غير تهنى انا غادي نحمي راسي و ما غاديش نطول و نرجع....
و زاد عندو عنقاتو مزيرة علبه مدة.... عاد طلقات و باستو في راسو.... حتى حسات راسها تجرات من يديها.....
كان سيف لي قلبو فيه نار الغبرة شعلات من شوفتها معنقاه حس براسو غادي يقتل غسان نيت
جرها و زاد بيها مخلين من وراهم غسان كيحس بقلبو غادي يخرج من بلاصتو بالفقصة عليها و على الحالة لي وصلات ليها.....
و هي دارت كتشوف فيه و عنيها شلال بالدموع.... حتى ركبها و سد عليها....
و مشا حتى هو ركب و كسييييرا مخلي لعجاج من وراه....
اما غسان فغير شويا و هوما يجو عندو لبوليس معاهم لومبيلونص داوه....
في طوموبيل.... الصمت سيد الموقف كيتسمعو غير شهقاتها... جبد من قدامو موشوار و مدو ليها....
طلعات راسها لقات يديو قدامها و ماد. ليها ديك لموشوار...
دارت شافت فيه بحقد و ضربات ليه يدو حتى دار عندها....
ليلى: "كضرب ليه في كتفو بحقد" لله ياخد فيك الحق الحقير ما كتسوااااش قليل العفة.... و مازال عندك لوجه باش تشوف فيا....
سيف كيعافر مع طريق باشما يقلبهمش و هي كضرب فيه.... حتى فران و دار عندها مخنزر:
سيف: "بصوت عالي " هانينا جلسي لأرض... اه مازال عندي لوجه فين نشزف فيك و حياتي كاملة غادي نشوف فيك... و لي كنعرفو اني باغيك إذن بلاصتك حدايا و بسيف عليك.... إذن ديري عقلك و خططي لحياتك معايا...
ليلى عصبها مشعراتش براسها حتى جمعاتها معاه بتصرفيقة... حتي وجهو دار.... و هزات صبعها في وجهو: لمرة لي دازت ما كنتش قوية باش ندافع على راسي و نقتلك.... لكن هاد المرة ما غادياش نتردد و غادي نديرها....
سيف دار عندها و بتاسم بإستفزاز: الا قتلتيني شكون غادي يربي معاك ولدنا"و حط يدو على كرشها.. "
ليلى: "بعدات عليه و دوات" غير حلم....
سيف: "بإستفزاز" اوا غادي نشوفو...
دار شاف في طريق و كسيرا تاني و هي حداه كتحس براسها ماشي هي هاديك... مجرد انو تكون معاه في نفس لبلاصة كيتجيب ليها لخنقة.... لكن للضرورة أحكام... تنهدات بضيق.... و بدات كدوز على صدرها.... و غرقات في دوامة الذكريات ديلها.... كل شي رجع ليها الجرح لي كتحاول تداويه و تنساه... تحل و عطاها لحريق... و ماشي اي حريق... حريق الحصرة و الشمتة على شرفها لي حماتو طول حياتها.... و كجا هو في اقل من ساعة و ضيعها فيه .....
تنهدات بضيق و ما بقاتش قادة تسكت صافي وصلات لطوب ديالها و طلقات لعنان لدموعها و بكاها بصوت مسموع....
بقات كتبكي بصوت مسموع و هو حداها كيتنهد و الندم كينهش فيه.... و هو كيشوف حالتها... كيف كانت و كيف ولات.... كيف جابها نهار لول و كيفاش داب....
مسافة طريق حتى وصلو لقدام واحد الميني فيلا دايرا بيها بزاااف ديال الاشجار... جايا زينة بزاااف.......
ضار عندها لقاها نعسات من قوة لبكاء حيت المسافة كانت طويلة بزاااف....
تنهد و بتاسم من ملامحها.... قرب عندها هزها.... و بقا غادي بيها دخل من لباب لي حلاتها ليه لخدامة بتسمات ليهم و دخل بيها تاني طلع مع دروج.....
حتى وصل قدام واحد لبيت.... حلو و دخل حطها فوق سرير.... و حيد ليها صندالة من رجيلها...
ومشا جرخ عند لخدامة....
سيف«الحوار بالإنجليزية»: سيري دخلي بدلي ليها و لبسيها حوايج مرتاحين....
لخدامة: ياس اوكي سور...
مشات دخلات عندها و هو مشا هبط لتحت لجردة.... بقا تماك غادي جاي كيفكر حتى صونا ليه لفون....
سيف: اش تماك....
___:صافي اسيدي ديناه للمستشفى عندو كسر في لأنف و لي تعدى عليه سلم راسو لل بوليس...
سيف: "بتاسم" مممم مزياااااان.... "و قطع و دوا بهوس" هادا هو مصير اي واحد يتجرأ و يقيسها او غير يشوف فيها....
دخل كيحس بواحد الفرحة كبيرة في قلبو اخيرا هي تحت جناحو بعد شهور من البعد و الاكثر من هاد شي حاملة منو.... دخل لداخل هو يسمع لغوات و التهراس تنهد بتعب... و طلع لبيت لقا لخدامة مغيبة و مضروبة لراسها في الارض و هي لابسا غير 2 بياس و من فوقهم واحد لبينوار...
و كتهرس لي جات قدامها و كطيح فلحجوب و تغوت و تسب....
شافتو داخل و هي تمشي لعندو باش جاي باش ضاير عطاتو طرشة حر الاعصاب لي فيها و دوات بغضب و حقد: اش كيحساب ليك راسك نت كدير هاه... جايبني لهنا و مصيفطها تبدل ليا زعما راك كتحشم....
بلعديك لغصة ديال الطرشة واخا محملهاش مي عاذرها.... و بدا كيدوي مبرد: ما فيكش جوع...
ليلى زااااد ما بيها و زاد شخدها: و ما بغيتش ناكل بعد مني غير نت بعد بعااااااااااد بعاااااد...
سيف: "قرب لعندها و شدها من خصرها و قربها عليه و دوا مزير على سنانو" الا نبعد عليك الا نبعد عليك.... ما تحلميش بيها....
ليلى قاصها صعر حيت قرب ليها بزاااف و لحمو لسق مع لحمها بدات كنتر منو حتى غيربات....
شدها قبلما طيح و داها خرجها من ديك لبيت للبيت لاخر حطها فوق سرير...
غير حطها و هو يحبط ليها لبينوار علا كرشها و صدرها.... لموهيم كلشي ولا على المكشوف صدرها زاد كبر و تبندر.... و كرشها منفوجة و لابسا انصوبل 2 بياس كحل و لحمها بيض بزاااااااف..... بلع ريقو و هبط عند كرشها....
سيف: "باسها و بتاسم" غادي تكون نت او نتي هو الخيط القوي لي غادي يبقا رابطني بماماك مدا الحياة نت املي انو ماماك تبقا ليا ديما.... و غادي نحافض عليك و نفديك بروحي لا نت لا ماماك.....
زاد طبع قبلة على كرشها و خرج للبالكون.... حتى كدخل طبيبة فحصاتها و حطاتو فيتامينات لي تحتاجهم و خرجات و خلاتو معاها....
سيف: شوف غادي تبحث ليا مزيااااااان على ليلى العلامي و هاد ل 5 شهرو فين دوزاتهم و بحث على عائلة العلامي كااااامليم فين كانو كيمشيو طول هاد المدة لي جاو سكنو فيها في منشيتر....
هشام: وي أمرك سيدي....
قطع معاه و تنهد و هو كيطلب في خاطرو ما يكونش ديك شي لي جا على بالو....
دخل للكوزينة لقا لخدامة وجدات ديك شي.... بلاطو كبييير فيه بزاااف ديال طروفة ديال دجاج مقلي و بيدزا كبييييرة.....
هزو و طلعو لقاها نعسات تاني....
سيف: "كيحاول يفيقها" ليلى ليلى فيقي فيقي....
ليلى: "كتعسل بغنج حتى طلع ليها لبينوار و بانت ترمتها قدها قداش" ننننن ماما جبتي ليا ناكل انا و وليداتي....
سيف جاه الضحك من كلامها و ستعجب فاش قالت وليداتي و ما تجي عينو غا على ديك. لالاتي مسعودة بيضة كتشعل و منفوووووووخة.....
بلع ريقو و نتافض و حط لبالاطو فوق لكوافوز و نوضها حتى جلسات و جاب ليها لبلاطو حطو ليها في حجرها...
ليلى: "طلعات يدين لبينوار بثقالة بحال الا سكرانة و دوات" يااااا بسم الله....
و بدات كتخشي في وجها.... و تبنن و هو جالس حداها و قريب ليها بزااااف و ساهي في وجها و فشفايفها... كل مرة يمسهم ليها و هي مدلياهم..... شويا و هي تفبقو فاش مدات ليه طرف ديال دجاج لفمو من يدها...
ليلى: "بحال الا سكرانة" ممممم هاك هاك حل حل فمك و كول معاياااا....
سيف بحال الا مخذراه حل فمو حتى حشات ليه الطرف... و بدا يمدغ و هي تزيد ليه حتى لوجهو و بدات كتمسح ليه فمو بيدها صغيرة....
مسحاتو و بعدات و بقات مغمضة عنيها و كتاكلة.... و حتى بلعات و حلات عنبها نايمين لقاتو كيشوف ليه غي شفايفها بعطش و يقرب....
زادت خرجات شفايفها... و هو كيشوف فيهم و عطشان ليهم كيبانو ليه غير هوما حتى حبساتو....
ليلى: "كتعوج فيهم" نمننن لاء متبوسنيش....
سيف: "بهمس " علاش....؟!!
ليلى: "حيت هي همسات" حيت غادي نحمل....
سيف: "قوس فيها حجبانو" اه... اش قلتي...
ليلى: قالت ليا ماما الا خليتي ولد يبوسك غادي تحملي...
سيف: "بتاسم لهبالها" و علاه نتي ما حاملاش...
ليلى: "هبطات عنها لكرشها" اه عندك لحق انا حاملة ...
سيف قرب و حط يدو على حنكها و باسها في جبهتها.... ناض وقف....
سيف: "كيتفادا يشوفيها هاكداك كان منضرها مغري بزاااااف" كولي و فاش تسالي عيطي ليا...
ليلى: "حطات لبلاطو من يديها كانت ضربات نصو لكبير" مم صافي ساليت و شبعت لحمد لله... غطيني من لبرد و سير تنعس بشما تعياش....
بتاسم ديك الابتسامة الهادئة.... و حيد ليها لبلاطو و عطاها لانجيط مسحات يديها و فمها و تخبطات في بلاصتها كتسنى يدير عليها لغطا....
غطاها غير بليزار خفيف و باس ليها راسها و بعد عليها... خرج للبالكون جلس و راسو غادي يترطق و لمعلم زايدو... هبك راسو جيهتو و دوا: لا لا نتا طير من بلاصتك حسن راه ما كاين حلوى.... غا كون هاني...
تنهد و رجع راسو لور على لفوتوي و لبرد كيضرب فيه حتى داااتو عينو.... شويا حتى كيفيق على صوتها كتغوت....
سيف جاي عندها و قرمز حدا: صافي غير تههدني... ودار كب ليها كاس و مدو ليها و جلس حاداها....
شداتو من عندو و هبطات عليه على نفس وحدة و مداتو ليه....
ليلى: "بصوت ثقليل" لحمد لله....
و دارت لقاتو غير دراعو و مسحات فيه فيمها...
ليلى: "طلعات فيه راسها ودوات" يالله ولي غطيني باشما نبردش....
سيف تنهد و بتاسم و قلبو كياكلو عليها ما كرهش ينعس حداها و يعنقها و يشم ريحتها لكن ما بغاش يستغل غيابها على وعيها... حيت عارف غادي تفيق غدا في صباح و غادي تصدو...
تنهد..... و هو كيشوفها كيفاش غير حطات راسها على الوسادة نعسات....
"سيف" تربا 😂😂 عمر داووود مايعاود مبغاش يستاغلها سمعتو
بقا ساهي فيها و على تالي و هو يتكا حداها في ناموسية مي بعيد عليها... دار يدو تحت راسو و بقا مراقبها كيفاش ناعسة و ملامحها مرخيين و فمها محلول شي شويا دليل على انها مرتااااحة....
بقا كيتأملها و يفدي من شوفتها شهور لي بقا بلا بيها.... تمنى يعنقها و زيرها عندو و يتحسس كرشها و يشم الريحة ديال الجلد ديالها.... لكن ميقدرش ببساطة بيناتهم حاجز كبيررر بزااااف خاصو مدة باش يتحيد.....
بقا ساهي فيها و ماملشي حتى داتو عينو حداها....
و نرجعو عند غسان.... حل عينو لقا راسو في غرفة ديال المستشفى و نيقو فيه فاصما كيرة و حاس بيه كيحرقو....
حاول ينوض و هو يوقفو عبد الجبار لي كان حداه....
عبد الحبار: "بخوف" لا لا لا المرضي خليك مرتاح حتى يدوزك الحال....
غسان: ليلى... فينها ليلى....
عبد الجبار: اولدي معرفناش هاداك لي ضربك قاليك لقاك رتسك و بغا يكريسيك
غسان: "بألم" ايي كيفاش لي ضربني.... واش وولف سلم راسو....
عبد الجبار: "بإستفهام" كيفاش.... كيفاش وولف... هو اش دخلو...؟!!
غسان: راه هو لي ضربني ودا معاه ليلى....
عبد الجبار: "مخرج عينيه" وكيفاش....؟!!!
غسان: ايييي على ما بان ليا لبلان كبر من هاد شي و ليلى عندها شي بلان معاه و كتعرفو....
عبد الجبار: الله يهديك يا هاد لولد وضح كلامك....
غسان: "بتعب" معرفتش الواليد لموهيم هي معاه داب... و ضربني حيت كنت باغي نتزوج بيها... لموهيم هو كيقول كيبغيها...
عبد الجبار: "شافو عيا بزاااف" صافي تكا داب حتى تفيق في صباح و نديويو....
صباح جديد....
فاق كيف عادتو بكري.... لقاها عاد ناعسة و دارا بين فخاضها وسادة و ملامحها منفووووووخين بالنعاس و حتى الحمل زادهم.... بتاسم بفرحة و هو كيقول مع راسو انو ربي جازاه على ديك. الذنب لي دار مي غير بالخير... وجازاه بالبنت ليكيبغي ترجع ليه و ترطع حاملة.... و يحضر ليها على لوحم ديالها كاملو...
ناض من بلاصتو و زاد طلع عليها ليزار... حيت الجو سخون.... و ناض خرج من لبيت.... لبيت اخر يبدل فيه.... حتى كيسمع لفون ديالو كيصوني.... هزو ودوز الخط و دارو على ودنو...
سيف: وي هشام....
هشام: وي سيدي المعلومات لي طلبتي مني هاهوما عندي... بالنسبة للآنسة ليلى جابها سي العلامي العم ديالها لهنا لمنشستر في طائرة خاصة مع طاقم طبي.... و في سرية تاااامة... و بقاو محافضين على سريتها بيناتهم....
مباشرة اسيدي فاش جات بقات في غيبوبة لمدة 2 اسابيع اثر تعرضها لسكتة قلبية...
سيف حدو كيسمع و قلبو كيتزير و كيزييييد يكره راسو....
هشام: احم سيدي واش معايا...
سيف: معاك غير كمل....
هشام: و فاش فاقت اسيدي بقاو كيجيوها نوبات عصبية و بعد المرات نوبات هستيرية بالضحك.... يعني بمفهوم اوضح هبلات.... نفسيتها تضمرات و زيد حتى ضربة لي جاتها في الشق الأيمن من المخ.... و حاليا هي ممكملاش العلاج و خرجوها.... و كتاخد. 2 دوايات واحد في الصباح و واحد في ليل.... و الاما شرباتتهمش كيجوها نوبات هستيرية يخليوها تخرج عن وعيها..... و دير شي حوايج هي كاعما واعية عليهم....
عنيه ضلامو من لكلام لي سمع و اشنو دوزات و اشنو عانات لدرجة كانو كيربطوها مع سرير....
قطع على هشان بلاما يجاوبو... و زدح لفون مع الارض حتى شقشوووو.... و دار بدا كداكيهرس بواحد العصبية من ديك شي.... جا قدات لمراية و هو يبان ليه وجهو.... ما شعرش براسو حتى هز يديو حتى لفين علات و دخلها فديك لمريا حتى شخشها... و بدا دم كيدوز ليه من يديه.....
و غوت بجهد من قوة الندم لي حس بيه.... حس براسو رخيص و ما كيسواش.... لهاد الدرجة أداها... حتى خرج ليها عقلها حتى دخلات للمصحة....
جلس في الأرض و طلع راسو لفوق و هو كيحس بقلبو دارو بزااااااف.... شويا و هو يسمع حسها كدوي بالجهد و تخاصم....
ناض خرج لقاها شانقا على الخدامة لي ضرباتها نيت....
ليلى: "كدوي بالدارجة و لوخرا كاعما فاهماهاش " وكولي فين نشا ديك دحش فينو فينو... دوي ولا ولله حتى نقتلك... دويييي....
لخدامة: أيدونت اندريتاند بليز ليفمي...
ليلى: "دفعاتها و دارت غاديا بحالها حتى كتلقاه قدامها سدرو عريان لابس غير شورط و يدو فيها دم خنزرات فيه و زادت عندو و دوات" فين هو دوا ديالي هاه....
سيف غير كشوف فيها مكيدويش و فبالو غير ديك الهضرة لي قاليه هشام...
ليلى: اراه كندوي معاك...
سيف: "خنزر فيها و دوا" سمعتك.... وصوتك ما تعاوديش ترفعيه عليا سيري فطري و دواك غادي يجيك و وجدي راسك غاديين نرجعو لمغريب...
هيثم: "بغضب" شوف ولد عمي متزيدش تشعل ربي لي تنعرف انو هداك ولد لواسعة تعدا ليا على ختي و بغا يقتلها...
غسان: و لي كنعرف انا من ورا ديك السيد كاين اكبر منضمة ديال حماية الإنسان... و غير كيغبر عضو واحد منهم كثر من 12 ساعة و ما كيبوانتيش كيقلبو عليه الدنيا كاملها و كيلقاوه... فما بالك لعضو الواعر عندهم تماك... فتبت اسي لـ*ـلاوي لارض و خلينا نسلو شوكة بلا دم.... و ليلى راه عارفة اش كدير.... و خدم عقلكي ا نمي....
هيثم: اسيدي انا مكيهمنيش... انا باغي غير ختي نرجها و نرجع ليها حقها....
عبد الجبار: "شاف في هيثم" كلامك على حق... حنى لي كيهمنى بنتنا....
عند ليل. و سيف... كانو راكبين في لزطو و هي صولوبيط ديال دجين توب رقيق بحال لكسيوة و تحتو تيشورت و طالقا شعرها... و مربعة يديها و مخنزرة و ما عاجبها حال بينما هو غادي داير لكيت و كيدوي... حتى وصلو لواحد الخوية كبييييرة... تماك كتبان ليهم طيارة صغيرة هي لي غاديين يرجعو فيها للمغرب...
هبط هو لول... وامشا ريكل امورو مع لكارد... و هو يتفكر انو خلى لوطو محلولة دار مخلوووع لقاها مازالها تماك مخنزرة فيه... بتاسم بحب و مشا لعندها... حل عليها لباب...
سيف: "مد ليها يديو" يالله نزلي...
ليلى: "بعدات ليه يديه بحقد" نموت و منشدش ليك فيديك يا شماتة....
سيف: "خنزر فيها تخنزيرة فشلاتها و جرها من دراها خرجها" عاودي اش قلتي....
ليلى: "بتحدي" اه كيف سعتي....
سيف: "زاد زير عليها حتى خصرات ملامحها بألم" خرجو رجليك واري هاد ليام لي غبت عليه فيهم... وليتي كامونية...
ليلى: "بألم" اي طلق ليا دراعي يا ولد لحرام طلق راك قصحتيني...
سيف: "طلقها بنترة و دوا بتهديد و صبعو عند وجها" حمدي لله راكي حاملة و مريضة ما تهزي تا سقلة....
ليلى: "زادت لعندو" ياك ااسيدي مريضة.... وشكون وصلني لهاد الحالة من غيرك هاه... شكون تعدا عليا و لاحني في سبيطار حتى جا عمي داني... مممم تعديتي عليا و فاش بغيت نتهنى مز دنيا ديتيني لسبيطار و لحتيني بحال شي كلبة ياك... باش نت ما يشوفك حد و ما يعرفك حد....
فاطمة الزهراء: اجي واش نت هاد المدة كاملة ما ملاحض والو هاه زعما معمرك لاحضتي...
تيمور: اش غادي نلاحض يا هاد لبنت... اجي واش تزاد عليك الحال ولا العصبية ديال حق شهر هادي اه نتي مزال ما جاتك اصلا...
فاطمة الزهراء: "بداو دموعها كيسيلو" يا خصارة يا خصارة هاد القلب لي مين حليت عيني على الدنيا و هو كيبغيك و يموت عليك يا خصارة...
فاطيمة الزهراء: "عنيها كيسيلو بالدموع" اه اه اه انا كنبغيك اه و من لي عقلت على راسي و انا كنبغيك من لي كانت عندي 9 سنين و داب قريبة ندخل في 15 و انا قلبي كينبض غير ليك راسك كنشوفك غير نت راسك و كنلمح ليك ديما بإهتمامي ليك ولكن نت ما عمرك شفتيني نت حياتك كاملها كتشوف غير لي بغيتي ما كنبانش ليك كاع انا...
فاطمة الزهراء: اه واعيا على لي كنقولو وااااعية حيت ما بقيتش قادرو نخبي مزال صافي عييت انا عييت بزااااف...
تيمور: "جرها م دراعها و قربها ليه بعنف" سمعيني مزيان و حلي ودنيك.... من لي تزاديتي و انا كنحسبك ختي لا اقل لا اكثر يعني واخا تبقاي غير نتي في هاد الدنيا قدامي ما غاديش نحس من جيهتك بحتى شي حاجة من غير الاخوة تفوهمنا "و دفعها" يالله جمعي عليا قشك... و منوليش هاد نهار نشوفك حتى نتهدن....
فاطمة الزهراء حساب الخناجر كيتقبو ليها في قلبها الصغيور... لقلب لي حب تيمور حب خيالي القلب لي بغا بلا غش و بغا بلاما يطلب المقابل.... القلب لي رضى بالحب من الكرف الواحد....
وقفات على . رجليها... و هزات تيليفونها من جيبها و هي تبكي و دوزات الخط و دارتو على ودنها....
فاكمة الزهراء: "بقات كتسنى حتى جايوبانها و دوات بصوت مقهور و باكي " ماما...
إيمان: "بخوف" بنتي... مالك ياك لاباس واش واقعة شي حاجة....
فاطمة الزهراء: هئ هئ واش مزال باغياني نمشي لديك المعكسر لي في ميريكان...؟!!
إيمان: اش كتقولي ابنتي مالك واش واقعا شي حاجة...
فاطمة الزهراء: ماما جاوبيني اه لا....
إيمان: اه اه ابنتي مزالة باغاك تمشي....
فاطمة الزهراء: صافي قيديني و نمشي في اقرب وقت ما نكرهش من غدا...
إيمان: ولكن قولي ليا ابنتي اشنو لي خلاك توافقي ياكي غير هادي سيمانة كنتي رافضة هاد الموضوع....
فاطمة الزهراء: "بتعب" ماما لله يخيليك صافي ما تزيدينيش ما باغاش ندوي داب و مغاديش نديو لله يخليك ما ضغطيش عليا...
إيمان: واخا ابنتي صافي غادي نقول لصفية تجمع ليك حوايجك و توجد ليك كلشي باش غدا تمشي... ولكن خاص تجي لعندي ندويو بعدا...
فاطمة الزهراء: صافي حتى تجي لدارنا و ندويو....
وقطعات عليها و خلات دوك دوزان ديالها تماك محطوطين و خرجات كتبكي....
دازو لوقت و كانو وصلو لمطار الدار البيضاء هبطات الطائرة.... هبط منها سيف و من موراه ليلى كتمشا بالشويا عليها حيت لكلاس تقلها و كرشها حتى هي زايداها....
بقا كيساينها حتى هبطات... يالله وصلات حداه و هي تحس بالدوخة ما حساتش براسها حتى شدات ليه في دراعو... حس بيها و هو يهبط راسو
سيف: "بخوف" واش نتي بيخير واش ضاراك شي حاجة...
ليلى: "كتنهج" بغيت نشرب...
شاف في لكارد لي غير سمعها مدها ليه... و هو يفتحها و بدا كيشربها و هي عاد كترد نفس... سلا و سد ديك القرعة مدها لكارد....
و غفلها و هزها بين يديه... هي داب هامها غا صحتها لي دكدكت مع هاد الرحلة الطويلة....
مشا بيه ل لوطو.... و حطها في بلاصتها و مشا من جيهتو هو دخل و كسيرا للقصر...
مسافة الطريق و كان وصل لتماك.... حلو ليه لكارد لباب كيف العادة و دخل....
هي كانت كتنفس بسرعة و كتفكر كل ما جرا ليها في هاد القصر.... خرحات من لوطو و علات عنيها لبلاصة مين نقزات و تفكرات ديك اللحضة بكل تفاصيلها... و الألم لي حسات بيه فاش طاحت في الارض.... كلشي رجع ليها من جديد....
زادت حتى لديك لبلاصة فين طاحت و وقفات و بتاسمات بحقد و دمعها شلاااال و همسات بحقد: غادي ندمك.... غادي نخليك تبكي دم... و غادي نغصبك في اعز حاحة عندك...
تمتمات بهاد لكلام و مسحات دموعها و دارت عندو: مغاديش تحل ليا لباب ندخل... سربينا بغيت نرتاح...
تنهد و مشا دق حتى حلات ليهم مليكة لباب... لي تفاجأت بليلى.. و بتاسمات ليها...
مليكة: محبا بيكم ا سيدي...
سيف: "ببرود" شكرا....
ليلى: "مشات طات عليها بتعنيقة" ممممم نننن ملوكتي.... هاني رجعت ليك... و رجعت انا و ليداتي شوفي راه فيا جوع بزاااف وجدي ليا شي حاجة ناكلها...
مليكة: "بادلاتها العناق" مرحبا بيك هي لولا...
سيف ضحك و عض على شفافو و غمز مليكة لي بعداك عليها تم تم و مشات لكوزينة...
ليلى: "كدور عنيها في القصر و ما تجي عنيها غير على لبلاصة فين ضربها في لول و هرس ليها رجلها دارت عندو و نعتات ليه بصبعها" عقلتي على دك لبااصة ياك... اوا شي نهار تجي تلقاني شعلت فيها لعافية غير صبر... اه و حتى هاد لقصر كاملو غادي نشعل فيه لعافية.... حيت بكل بساطة مرفوع عليا القلم حيت هبيلة و عندي لوراق يعني القانون كيحميني..
سيف: "هبط حتى لونها و همس" الا خليتك بوحدك حرقيه...
بعدات عليه و خنزرات و بدات كدور راسها في الانحاء شويا و هي دور عندو...
ليلى: ممم فين هو تيمور مممم و فين لحاجة و إيمان... و فاطمة الزهراء...
سيف: "قندش مين سولات في تيمور دوا بإفعال" ماعرفتش... ما فيكش جوع دوزي تاكلي و سيري تنعسي...
ليلى: : لا حتى يجي تموووري و لحاجة توحشتهم...
خنزر فيها و جرها من دراعها مطلعها لفوق....
حتى كيتسمعو صتو من وراهم....
تيمور: "بتشكيك" ليلى...؟!!
ليلى دارت عندو و بتاسمات بدات كنتر يدها من سيف: و طلقني طلاااااق..
طلق منها و مشات كتجري لعند تيمور طارت عليه بتعنيقة و هو بدورو بادلها العناق
تحت انظار سيف لي ما ناويش على خير حس بالعافية شعلات في قلبو....
اما ليلى فبعدات على تيمور... و هو بقا داير يديها على جنابو.... و كيديويو....
و ليلى ميقات تيمور و دقات في طبلة لي كانت قدامها: شكيكو يا لطيف ما لقيتي باش تفايل عليا... انا وليداتي بغيتهم يشبهو فيك ولا فغساني....
سيف خنزر فيها و زير على يدو
تيمور: "بإستفسار" اجي كيفاش ولادك واش عندك شي ولاد خرين من غير لي فكرشك. 😂😂
ليلى: "كدوز يديها على كرشها" لا لا انا ما عنديش غير ولد واحد في كرشي انا عندي 2 وليدات قالتها ليا طبيبة... عندي توينز... ههه غادي نسميهم آدم و محمد....
ليلى والذئب الجزء العاشر
محتوى القصة
التنقل بين الأجزاء