عمران : قالبو كايضرب على جهد شااف فيه وهيا الدمعة لي شحال وهو حابسها هبطات ليه على وجهو... خ خويا مالو
دكتور رضوان : خوك فتحنا ليه على دمااغو و(شاف ف الدكتور ياسير ) ولقينا دماغو ماتقاصش بالدم وماافيه والو كيفاش ماتقاصش ماعرفنااش من غير خوك تكتب ليه عمر جديد وخااصو يخرج صدااقة وزردة صحيحة على قبل صااحتو
عمران: خرج عااينيه ف طبيب بقااا واقف بحال الجمد
الماس: كاتعاود ليها فوذنيها غير خوك تكتب ليه عمار جديد
دكتور ياسير : العملية كلها وحنى كانقولو غاايمووت لدرجة انا كنت متأكد بلي دماغو تقااص بالدم
دكتور ياسير : هز راسو بأه وشااف ف عمران... يمكن داك نازيف لي نزف من نيفو كان من مصلاحتو كون مانزفش كون الدم تحبس ليه فدمااغو و احم صرحة كنت مستغرب حيت ماتوفاش ومانكدبش عليكم الحالة لي كان فيها البنداري ياا للموت يا لشلل ...
الحاج العاقيل : د دابا شنو
الدكتور رضوان : وقفنا ليه النزيف وسرحنا ليه الشريان لي كان مطرطق فراسو وحاولنا نديرو لي علينا وملي دمااغو ماتقاصش بالدم فا بإمكانكم تفرحو وتحمدو الله
امينة: شاافت فيه وهياا مخرجة عاينيها قريبة تسخف... و ولدي ما هئ ما غيموتش يااك
الدكتور رضوان : الحمد لله ولدك خرج منها سالم غانم وربي حفظو
عمران: شد فيد بلال وامين وهو الوسط قريب يسخف شااف فدكتور وقال بشوية... ما ما غيتشللش
الدكتور رضوان : كون كان تقاص دماغو كلو بالدم كان غايموت وكون تقاص ليه غا النص كان غايتشلل ولكن خوك دماغو ماقصوش الدم فاهادشي كايعني خوك صاحتو مزينة
عمران: دوراا راسو وشااف ف بلال لي ضحكة غاتخرج ليه من نيفو وقال بصدمة.... ش شتي الدحش خوياا العجل المصعور ماغيموتش...
بلال: شااف فيه وضحك يالله غاايجاوبو حتى ماحسو غير ب عمران سخفاان ليهم فيديهم كون ماشدو بلال وامين والحاج كون جااا مكربع على رااسو... جروه دراري مخلوعين وكلسووه على الكرسي وهو عااينيه كايتغمضو ويتفتحو وكايهلوس بكلمة مامفهومينش وإبتسامة كبيرة على وجهو بانية سخف غير بالفرحة راه مسكين دازت عليه هااد اليومين
دكتور ياسير: قرب ل عمران كاايشوف نبض ديالو ... ههه غابالفرحة مسكين
امينة: خلعها جلساات حدااه وحطات ليه رااسو على صدرها وكاتبوس ليه فجبهتو... هههه الحمد الله ياااااربي الحمد الله هوووف ياااربي لا تعيشنااا هااد نهاار ثااني يااربي
الدكتور رضوان : شاف ف بلال وامين... تقدرو دخلوه لواحدة من الغرف يرتح ونعلقو ليه سيرووم
عمران: طلع راسو فيهم سخفاان مسكين بزز قد يهضر شااف ف الماس لي مخشية ف الحيط ومخرجة عااينيها... خ ختي ا الماس ههه ر راجلك ب بخير ش شتي قلت ليك غا غايكون مزين
الماس: تحركات بشوية جهت امينة وهيا مزالة حفيانة ومخشية فبعضياتها غير قربات مدت يديها ل امينة لي شدة ليها فيها وتحنات على ركابيها جالسة ف الارض وخشات وجهها فكرش امينة معنقها بجهد وحتاا امينة هكاك معنقها عندها هيا وعمران وكاطلع راسها الفوق وتشكر الله...
امينة: الحمد لله هئهئ الحمد لله هئ
الماس: سااكتة الصمت ماعرفات ماتقول قلبها كايضرب بجهد ومايرتح ليها قلبها حتى تشوفو وتسمع صوتو واحد العقل كايقول ليها غير كايكدبو نوح مزال مريض ولا ماات عقلها مبووشي كايمشي معها غير بالعكس والافكر سلبية متغلبين عليها بكثرة...
الحاج العاقيل : كايهدر مع دكتور رضوان... دابا واش سالت العمالية...
الدكتور رضوان : وي الحاج سلات غير هو المريض غاادي يبقى تحت العناية المركزة لفترة وهاادشي ضروري حيت راه دايرين ليه زوج عمليات فوقت قصير ومستعجل وعلى رااسو وزيد حتى رااه داك العرق لي فراسو نخاافو يدير مضعافات على عااقلو رااه شحال من حاجة خااص نتأكدو منها ولكن حتى ينوض ويفتح عااينيه
عمران: حيد وجهو من صدر ميمتو وشااف ف دكتور... دابا مابقاتش عليه شي خطورة يااك
الدكتور ياسير : كان مسهوط ف الماس كايشوف فيها وماكيرمشش غير سمع سؤال عمران وشاف فيه... حاليا لا ولكن احم كيف قال دكتور رضوان حتى يفيق ونعرفو حيت على ماقالت الانسة(شاف ف الماس ) بلي راه الحريق هادي شي 6شهور او اكثر وهو كايجيه راه شحال من فحص وسؤال مزال كايستنا خووك منين يفيق
عمران : شااف ف الدكتور ياسير وعقد حجبانو منين جااو وهو كايشوفو بالو غا مع الماس وحاضيها غا بعااينيه... رااها مدام ماشي أنسة
الدكتور ياسير : دار راسو ماسمعش عمران الشي لي خلى بلال وامين حتى هما يعقدو حجبانهم بعصبية... نخاليكم...
الدكتور رضوان : شاف فكريشتها وشااف فيها وبتسم... مايمكنش تشوفيه اليوم ابنتي حتى لغدا إن شاء الله وتشوفيه غاتكون حالتو حسن وغايكون حال عاينيه...
الماس: شاافت فيه بواحد طريقة فشكل بحال شي قطة لدارجة كولشي تبع مالمح وجهها لي ولا حمررر داليل على انها غا تبدا تهرنن وتطلق دموعها.... هننننن يرحم يماك هئ غ عئهئهئ هنن غير هئ شوية هئهنهئ
امينة: بعدات من عمران لي توكض وناضت عند المااس خشتها فحضنها مسكينة متلووفة... هششش غادا و ونشوفوه ابنتي
الحاج العاقيل: قرب عند دكتور... يخفظك خاليها تدخل واخا غا زوج دقايق
الدكتور: شاف ف الماس بقات فيه... واخا غير 2دقايق ول
...قبل مايكمل كلامو حتى كان قااطعو دكتور ياسير لي عااود خرج تااني وسمع كلامهم
الدكتور ياسير : مايمكنش تدخل ادكتور نتاا راك عاارف حالة المريض ملي تكون حالتو مزينة تقدرو تشوفوه دابا مستحيل يشوفو شيحد وحتى القوانين ديال الكلينيك مانعين عليناا يشوف شيحد المريض وهو حالتو مازالة مامستقراش واكيد بلى مانقول ليك هاادشي ادكتور نتا عاارف اش كااين
الدكتور رضوان : شااف ف الحاج... سمحلينا الحااج ولكن هانتا كاتسمع مايمكنش
الماس: خرجات راسها من صدر امينة وهيا الدموع مغرغرين فعاينيها ونيفها حمر وحنكها بززز واقفة على رجليها باغة غير تشوف نوح.. شاافت فداك الدكتور ياسير وعقدة حجبانها فيه بعصبية وقالت بصوت خافت ومرعد ب البكاء ... هنهئ ح حمار
امينة: غير سمعات الماس اش قالت وهيا تخرج عااينيها وجرتها من يديها بزربة وزادو خارجين من داك الكلوار غادة بيها للدوش تغسل ليها وجهها وتغسل حتى هيا وهيا مصدومة من الماس و واش قاالت عمرها سمعتها خرجات شي كلمة ديال العيب من فمها هادي اول مرة
الدكتور ياسير : وجهووو ولا حمرررر سمعها شنو قاالت وكيفاش شاافت فيه ماارضاش وخصوصا كايسمع قهقهات ديال الحلاقم ديال بلال وامين ماقدوش يحبسو ضحكة اما عمران فهاداك مخنزر فيه تخنزيرة ديال الغديد ...
الدكتور ياسير : جمع قبضة يديه وزاد داخل للغرفة ديال العمليات الجراحية تاني ولي حتى دكتور رضوان تبعوو...
المااس: كاتفكر راسها شنو قالت ليه وكيفاش عصبااتو وجنناتو....هئههئ ب بسبابي ط هئهئ طرطق لو العرق هئ فرااسو هئهئ هئ هععع انا لي ع عاصبتووو ا انااا هئهئ
امينة : قلبها كايتقطع عليها عرفها مضرورة من زووج جوايه من نحاايت نووح وماماها وبلى مانهضرو على داك الكلب ديال دااني... ربي حفظوووو ربي بغاااه يعيش هااد نهاار ويدوز من هاااد المحنة راااه جبل عمرووو يتهد ابنتي عمرووو هئ ونوح جبل مايتهدش الى ماهداتوش المووت هئ ا المومين موصااب ابنتي حمدي الله رجع ليناا على خير و ماغيمووت ماغيتشلل حمدي الله...
الماااس: حيدات من حضن امينة وشاافت فوجهها وهيا كاتبكي وتشهق... ع عمري ب باااقة نعاااصبووو هئ ل لي بغهااا نديرهالو هئ هئ ع عمري ن نعاااتبووو هئهئ غ غير يبقااا م معااايا هئهئ و وعمري نسمح فيه ن هئ ندمت اخالتو حق ربي ياااااندمت هئهئ هئهعععهئهئ
امينة: شدت وجه الماس بين يديها... غااايبقااا معااك مااغيمشي فين ابنتي ماايقدش يمشي مايقدش يسمح فمرااتو وفولدو وفميمتو ماايقدش
امينة: شاافت فيها ومسحات ليها على وجهها... شوية ابنتي
الماس: خئ ش شوية هنن
امينة : شاافت فيها وقالت اراا نخفف عليها صغرات عااينيها وقالت بشوية... علاش قولتي لطبيب الحماار ههه
الماس: شاافت ف امينة وهزات كتفها وهياا كاتشهق... هننهئ ه هوو لي لي ماخلانيشي نشوف ن نووح هئ
امينة: بيني وبينك عبرتي عليه
الماس: شاافت ف امينة... هنننهئ ب بغيت نشوفو
امينة: طبطبات ليها على ضهارها.... على قبل صحتو صبري ابنتي صبري ندعيو الله يتحسن بزربة باش غدا نشوفوه
الماس: هزات راسها بواخا وهيا وجهها حمررر بالبكا وعاينيها منفوخين وحمرين من الداخل ومن براا ولاو عاينيها مشوين بالحمورة والتعب والارهااق و جوووع النعمة من البارح ف العصر ماطاحت فكرشها ودابا الليل طااح وهوماا مزالين هكاك وبكثرة الهم والغم والحزن على محبوب قلبها مابقاتش حااسة بجووع ولا بشيحاجة اخرى من غير باغة تطمئن عليه وتشوفو ويرتااح قلبها من جهتو.. وما غادي ترتاح حتى تشوفو قدمها بخير وعلى خير ...
....
امينة: شدات فيد الماس وزادو خارجين غير خرجو من طواليط لقاو عمران وبلال غادين ف الكلوار طالعين للطباق الثالث لفين حاولو نووح للغرفة ديال العناية المركزة...
امينة: بإستغراب... فين غادين
عمران: شد فيد ميمتو لي شدة فيد الماس... طلعو نوح الفوق
الماس: بخوف...هنن ل لفاااين
عمران: نقلوه للغرفة عاادية للعناية المركزة
.... زادو طلعوو الفوق غاايلحقوو على نووح غير طلعوو لقوهم دخلووه للغرفة ديالو جلسو تما كلهم على الفوطوي وهوما كايحمدو الله على رحمتو وعلى نوح لي ربي حفظو...
عمران: بقااا جالس وكايشوف ف ميمتو والماس حالتهم حالة مزالين بحوايج النعااس وخصوصا الماس البيجامة مزيرة عليها شوية واخا طويلة فصلتها باينة اما رجليها ولاو حمرين من التحت كثر من ماهوما حمرين نهار كلو وهيا كاتتمشى بالحاافي تفكر رااسو منين كان كايهزها بين يديه وهو يبقا يضور فعاينيه كايقول فنفسو يسيق ليا نوح الخباار يقطع ليا يديا منين خلقووو... بقاااو هكاك جالسين حتى شاافو الحاج العاقيل وامين جايبين فيديهم شي بلاستيكات بيضين
عمران: ناض وقرب عند الحاج... عمي العاقيل فين كنتي
الحاج العاقيل : شاف ف عمران... مشيت جبت ليكم ماتاكلو
عمران: مسح على وجهو بتعب... نسيت المكلى ومايجي منها نيست روااح لي معايا ومخاليهم بجووع والله الحاج يااااليوم عقلي كان غايخرج
الحاج: ضرب ليه على كتفوو... يكون خير اهم حاجة تعتقو روح بنعمة سيدي ربي(شاف جهت الماس ) مرات خوك خصها تعتق روحها وروح اش فكرشها
عمران: يحفظك الحاج...
توجه الحاج جهت امينة والماس وفتح دوك البلاستيكات كان عاندو فيهم البتيبان وشي تويشيات....وامين كان هز القهوة لكولشي الى الماس جايب ليها حليب سخون...
امينة: شاافت ف الحاج كايمد ليها داكشي... والله الحاج ماعندو منين يدوز
عمران: سمع ميمتو اش قال وقرب عندها... الواليدة كولي شيحاجة ماتبقايش بجوعك الله يهديك ماتنسايش راسك رااه عندك القلب مابغينا توقع ليك شيحاجة
امين: جبد واحد الباكية ديال الدواء من جيبو... ها الدواء ديالك اخالتي امينة عرفتك غااتكوني ماشربتيهش(حك رقبتو بإحراج) صونيت على ختي اميمة هيا لي صورت لي الدواء دياك وصرداتولي باش جبتو ليك اما انا مابقيتشي عااقل كيفاش عامل وشني سميتو
امينة: شدت الدواء من عند امين وشكراتو... الله يرضي عليك اولدي شكرا....
عمران: مسح على للحيتو... نتيا ماباغاش ولكن داكشي لي فكرشك بااغي
الماس: شاافت فيه بقلة حيلة وضاارت هزات من على اسية بتيبان وحليب مافيها لي تجبد صدااع ل عمران مع نووح صاافي ملات من المشكل لي ديما كايطيح فيهم عمران وكاتكون هياا سبابو مسكين...
كلاو شيحاجة وعتقو اروااحهم كلاو لي قسم الله واخا مافيهم لي يااكول غير نقبو وصاافي...
.....
وهوما هكاك حتى دواا الحاج...
الحاج العاقيل : ولدي عمران انا عندي شي صحااب هنا ف تيطوان غانمشي نبات معاهم الى ماكان عندكم فين تنعسو تقدرو تتيسرو معايا
عمران: شااف ف امينة لي هزات راسها ب لا غير بريط ونعتات ليه ل الماس بعاينيها زعمة بلى مانقول ليك الى مشينا ومشات معنا الماس وسااق نووح الخبار اش غايوقع... حك رقبتو بإحراج وشااف ف الحاج... ههه لهلى يخاطيك الحاج خيرك ساابق ولكن حنى هنا فين غنبااتو ماكين لاش نعدبوك ونحشموك مع الناس
الحاج : الله يودي غير نوض نتيسرو ماكين علاش نتحشمو(شاف ف الماس) ومرات خوك مريضة وهنتا كاتشوف حالتها من الاحسان تاخودها ترتاح
بلال: بسرعة تدخل حيت عارف لي كاين وهو فكر فهاد البلان... لا الحاج رااه دويت مع الناس ديال الكلينيك وعطاونا غرف ف الكلينيك فين نعسو
الحاج: وزعمة بغااو ليكم
بلال: حط يديه على جيبو... رااه حكيت جيبي الحاج ههه كاينة شيحاجة بلى فلوس
الحاج العاقيل : ... لا ماكينش هه ضروري ماتسبق الفلوس فهاد الوقت (نااض وااقف ) وهيا نخاليكم وغدا إن شاء الله غايصبح صبح وانا عندكم
الماس: عااينيها غا ف الغرفة لي فيها نوح كاتقول مع راسها ها هو قدامي مافرقين غير ب باب وماقدش نمشي عااندو قلبها كايبكي من الداخل مسكينة ماكرهاتش تكون معااه وفجنبو... يالله وقفات وشدات فيد امينة وهيا تشوف واحد الفرملية دااخلة للشنمبر لي فيها نوح شاافت فيها اش لابسة كاانت لابسة عليها سروال اخضر والفوقي ديالو فنفس اللون ودرعها عريانين حوايجها مزيرين عليها بجهد ومقزبة وطالقة شعرها كحل وقصير حد رقبتها مالمحها سمراء وزوينة كانت نفس الفرملية لي كاانت مع نوح منين كان كا يدير العملية وكانت كااتشوف فيه بإعجاب...
غير وقفات دخلة عند نوح وهو يوقفها عمران بسؤالو
عمران : بخوف... ش شنو واقع اختي يااك لباس
الفرملية : دارت وشافت ف عمران... لا لبااس غير غاانشوف المريض(شافت فبلال وامين ورجعات شافت فعمران) شنو كايجيك المريض
عمران: انا خوه وهادي الام ديالنا وهادي(نعت ليها ل الماس لي جمعة شفيفتها بطفولية ومخنزرة فيها) وهادي مراتو
الممرضة : قلبات عاينيها وشاافت ف الماس طلعتها وهبطتها بعاينيها وبقات شحال كاتشوف فكريشتها المنفوخة بواحد النظرة فشكل وطلعات عاينيها ف الماس وطلعات حاجبها فيها وقلبات ادراجها دااخلة للغرفة لي فيها نوح وهيا كاتتعوج فالمشية مخالية كولشي كايشوف فيها بإستغراب من هاديك شوفة لي دارتها ف الماس...
الماس: غير دخلات هاديك الممرضة ماحساتش براسها حتى دربزات برجليها ف الارض وكاتتعنز وزادت داخلة من وراها كون ما امينة شدتها من يديها كاتجرها... هننننن هئ خ خاليني ندخل ع علاش هيا تدخل و وانا هئ لا هئ
امينة: عنقات الماس وزادت داخلة بيها لهاديك الغرفة وكاتحاول تهدنها وتقول ليها غااجاب ليك الله الممرضة ما نوات والو بشوفتها... اما الماس دخلات كاتهرنن مع امينة وهيا الشوفات ديال الممرضة بين عاينيها مابغاتش تتنسى ليها كيفاش شاافت فيها وماتسرطاتش ليها كيفاش تدخل عااندو وتشوفو و هيا لا الحاصول الغيرة غاادي تقتلها...
.....
.....
كولشي مشاا ينعس ويريح رااسو من ستريس ديال نهار وكولشي كايدعي غدا تكون حالة نوح تحسنت للأفضل...
.....
🎀عند نوح🎀
واخا حاالتو مستقرة حاليا والخطر مابقاش عليه كيف كان الى الاطباء خايفين العرق يعاود يطرطق ليه فرااسو مزالين متخوفين من هااد الاحتمال... نااعس على السرير الابيض بحال شي ثوور مليوح عليه غطاء ابيض فوق خصرو خفيف وصدرو عريان من الفوق مبندر ومكدر فوق داك سرير واخا مريض وتعبان الى رجولتو وشهامتو وهيبتو باينة و فاايحة منو عااقد حجبانو حتى وهو مريض...وجهو شاااحب وشفايفو بيضين اما فجبهتو بكثرة ماكان كايزدح فراسو ولات جبهتو زرقة شوية دايرين ليه فااصمة على راسو كلو هيا و واحد الشبكة ديال راس وداك العرق لي هابط فجبهتو ولي كايبان بارز فجنب جبهتو بحال شي خط زرق كايبان منفوخ على جهد وبحالة غايطرطق دار بحال ملي كان كايجيه الالم ديال راس وينتفاخ ليه هكاك داير دابا... دايرين ليه الالة ديال تخطيط القلب وملسقين ليه دوك سلوكة ف صدرو العريض تحاسبا لأي إختلال فصاحتو ولا شيحاجة ماشي هيا هاديك ... يديه طايحين على الفراش معلقين ليه سيروم وساشية ديال الدم حيت خسر بزااف ديال الدم من جسمو ودابا كايعوضو ليه اش خسر... غاايب عن الواقع وماحسش بوالو وكأنه فسباات عاميق ماحسش بداكشي لي كايضور قدامو وكيفاش هاديك ختنا مخرجة عاينيها فيه وريوقها ساالو عليه كاطلعو من التحت حتى الفوق عااينيها مخرجين فوجهو وفتفاصيل جسمو...
الممرضة: ملي دخلات من الباب وهيا كاتشوف فيه وتعض شفايفها غايخرج ليها العقل بقات كاتشوف فيه حتى تمشات بخطوتها جهتو غير وقفات حدا رجليه مدات يديها وحطات صبع يديها على رجليه لي نصو مغطي بغطاء خفيف وبقات طالعة بيديها على رجليه وفخادو طالعة بصبع يديها بشوية حتى وصلتها قريبة للمعلم وهيا تهز يديها وعضات شفايفها وحطات يديها فوق كرشو لي عضلات كرشو بارزين وبقات طالعة بيديها على صدرو كاتحك ليه عليه حتى حطتها فوق للحيتو كادوز يديها بشوية وتحنات عااندو كااتشوف فيه وقالت بصوت خاافت... ماااحشوماش عليك تحرق ليا قلبي هكااا اممم... بقات كادوز صبع يديها على حنكو بشوية كادوزها وتشوف ف شفايفو وتعض شفايفها تحنات عليه هابطة بشفايفها على شفايفو ناوية دووق طعم شفايفو...
حتى ماقفزها غا الباب لي تحل بجهد وهيا تنوض وااقفة
حتى ماقفزها غا الباب لي تحل بجهد وهيا تنوض وااقفة وشاافت جهت الباب لي كان واقف تما الدكتور ياسير
الدكتور ياسير : عقد حجبانو من تصروفها و اشنو كانت كادير وشااف فيها بإستغراب... شنو كاديري هنا
دكتور ياسير : شاف جهت نوح ورجع شااف فيها وشدها من خصرها وقربها عااندو بجهد كايتحكك عليها وقال بصوت خاافت حدا ودنيها... بغيتك
الممرضة: شاافت فيه وضحكت ضحكة مق*بنة... ههه حتى انا
دكتور ياسير : شاف فيها وحط شفايفو على شفايفها دااخل معها فقبلة شرسة ماكين ليك غاازدحني نزدحك لسقها مع الحيط وهو كايبوس ليها فشفايفها وبدون اخد ورد هبط ليها سروال وهبط حتى ديالو وطلع ليها رجليها مع الحيط وخشااه فيها حتى طلقتها بغوتة ديال المتعة بقااا يخبط فيها ويدخل ويخرج وهيا حطة راسها على كتفو وعاضة شفايفها وكاتشوف فنووح ما محيداش عاينيها منووو...
(والله وكان فاايق وفصحتو والله حتى يحوي مكم بزوج)
ماعجبهمش الح*ا تما خافو يجي دكتور رضوان ولا شي فرملية وهو يجرها من يديها وزاد خاارج بيها من الغرفة ديال نووح وخدها مقنتها فشي جيه فين يخوي كبثو فيها...
.......
.......
💛اصبحنا واصبح الصبح لله💛
🔥لأكون صريحاً..🔥
حبكِ ليس سهلاً، ولا يستطيع عليه أحد آخر
أحبكِ بتعب، بخوف، بقلق، بوجع.
مثلاً .. جمالكِ يتعب قلبي، جمال غير مألوف، وخوف كبير من فقدانكِ.
وبقدر هذا الحب، خوف .. خوف من أفقدكِ .. "كيف لمن يعتريه الخوف أن يقوى على حبك بجنون 🔥💔
......
الماس: الليل كلو مانعساتش الليل كلو وهيا كاتتقلب فوق الفراش الليل كلو وهيا كاتستنى إمتا صبااح يجي باش تشوف نوح لليل كلو وهيا بالها معااه وخصوصا بالها كلو مع هاديك الممرضة لي دخلات عااندو كيف تتفكرها تبغي تنتف راسها بالغديد وبالغيرة لي كاتحرق فيها من الدااخل اما امينة عكسها مسكينة غمضات عاينيها ترتاح من تعب والارهاق لي كايغلب عليها نعساات تريح راسها وجسدها شوية منبعد مارتحت شوية من ناحية نووح بلي ماباقيش فالخطر...
الماس: خرجات راسها من صدر امينة وطلعات عاينيها فشبااك ديال الغرفة كايبان ليها صبح صبااح شاافت ف امينة لي نااعسة مسكينة بقاات شحال كاتشوف فيها حتى تهزات شوية وحطات شفيفتها فوق خد امينة كاتبوسها بشوية ماباغاش تفيقها... ولكن على هاد الحركة فتحات امينة عاينيها وشاافت ف الماس وبتسمت ليها إبتسامة زوينة وهيا كاتشوف فوجهها كيفاش تعب بااين عليه وشااحب وعاينيها حمرين ..الليل كلو وهيا كاتحس بيها كاتتقلب عرفتها مانعساتش كااع
امينة: بصوت مبحوح... صباح النور ابنتي
الماس: كاتشوف فيها وهيا حشمانة من تصرفها العفوي... صبح الخير اخالتو
امينة: ضورات راسها وشافت جهت شباك لقات الضو ديال صباح طلع ورجعات شافت ف الماس... يكون نوح فااق
الماس: نااضت من سرير بسرعة وكاترتب شالها على راسها ودخل شعرها لي خرج وتهبط ف البيجامة مزين
امينة: شافتها كيفاش كادير وهيا تنوض من سرير وشدات فيد الماس وزادو خارجين من الغرفة ديالهم غير خرجو لقاو امين وبلال وعمران واقفين قدام الغرفة ديال نوح
عمران: ما ماعرفتش داابا عاد دخل عاندو دكتور رضوان يشوفو هو والفريق طبي ديالو
الماس: قلبات عاينيها كاتشوف ف الباب وهيا كلها امل على انه يكوون فاااق مسكينة كاتستنى اللحظة لي يشوف فيها وتشوف فيه واخاا ماعندها وجه لي يشوف فيه حيت كاتقول بسبابها وصل لهد الحالة مسكينة..
الماس: بقات واقفة وكاتعض فشفيفتها وهيا كاتستنى إمتا طبيب يخرج وحتى امينة وعمران وبلال وامين هكاك كولشي على اعصابو...
🎀عند نووح🎀
واقفين فوق راسو عدة اشخاص الدكتور رضوان والدكتور ياسير وزوج فرمليات نفسها هاديك د البارح و واحدة اخرا معها...
الدكتور ياسير : كايدير ليه بعض الفحوصات على رااسو وكايشوف ليه الجرح لي فراسو وكايعقم ليه ضربة ديال العمالية
الدكتور رضوان : كايشوف الفوحصات لي دارو لنوح هااد صبح... حالتو مزينة والشريان لي فيه المشكل حاليا هو هاداك وكولشي غادي كيف بغينا
الدكتور ياسير... مزال ماغيفيق
الدكتور رضوان : شااف ف فنوح... ماعرفتش هااحناا كانستناو هااد رااجل مانعرف اش من خير داار كنت متأكد من موتو
ياسير: شااف فدكتور رضوان... اممم بصح بقيت مستعجب كيفاش دمااغو ماتقاصش بالدم اول مرة نشوف هاد الحالة
الدكتور رضوان : شااف ف ياسير... الى مافاقش من هنا لسااعة غاانديرو ليه فحوصات ثانين...
نوح: ش شاا امم شامة
الدكتور رضوان : شااف فنوح لي بداا كاايحل فعاينيه وكايهلوس بإسم شاامة بسرعة قرب عااندو وحط يديه على نبض ديالو وبقاا كاينادي عليه بشوية و بإسمو... سي نووح واش نتاا بخير
نوح:عااينيه شبه محلولين فموو شااحف ولسانو تقيل عليه ولكن الباحة ديالو رجولية باارزة وعاطية صوت خااص ف الغرفة.. بزز كايرمش عاينيه مااكيشوف والو من غير البنت لي قداامو و واش هاازة فيديها مااعرف رااسو فين غير كايسمع صوتها الخاافت الحنين صوتها بحال صوت المااس نفس النبرة ونفس الحنية كاايبغي يطلع عااينيه يشوف وجهها وماكيقدش حاادو كاايشوف نصها تحتي بمنديلها الاحمر و قندورتها البيضاء ورجليها الحافين وكايشوف داكشي لي فيديها تربية صغيرة دايرها ف زيف ابيض وجه تريبية ماكايبانش لنوح خاشياها هاديك البنت فصدرها وكاتقرب جهت نوح وقالت بصوت خاافت لي نوح للحظة يحساب ليه الماس...
شاامة: نووح
نوح: مااقدش يطلع عاينيه لوجهها فقط كايشوف فداكشي لي هزه فيديها...
شامة: اناا شاامة
نوح: طلع عااينيه فيها لي هااد المرة باانت قداامو ولكن كاتبان ليه فصفة الماس ماشي شامة وبزز قد يهضر ... اا ل ماس
نوح: بااغي يمشي عندها وماكيقدش فقط وااقف مااقدرش يتحرك عندها... الم اس
شاامة: هاديك تربية لي فيديها بعدتها من حضنها وشاافت فنوح لي كاتبان قدامو الماس ماشي شامة وهزة تربية فيديها شاافت فيه وقالت بشوية وبصوت حنين... هاادي بنتك شاامة انوح
نوح: قالبو تهز هبط عااينيه ليديها وكايشوف فهاديك تربية لي ملوية فزيف ابيض وغير يدياتها ورجليها لي كايشوف وجهها ماباينش ليه حاادو قال بصوت خاافت وبزز قد يهدر... شا شامة
دكتور رضوان : سي نووح واش كاتسمعني
نوح: صوت طبيب كايجيه بعيد مزال مخدر بالبنج ديال العملية ومزال مهدود ومسخسخ ماحسش براسو فين هو و واش كايقول وكااع داكشي لي كان كايشوفو قدامو فالحظة تبخر مااعرف راسو فين هو واش حي ولا ميت...الم ا س همم
الدكتور ياسير : بقاا كايشوف فيه كيفاش كاينادي بزووج اسماء شاامة و المااس..شاف فدكتور رضوان... غايكون البنج لاعب عليه
الدكتور رضوان : وي شوية وغاادي يصحصح مزين غير خاليوه يرتااح وعلمو عائلتو بلي رااه مزال مافاقش كوليا
الدكتور ياسير : شااف ف نوح لي كايحاول يفتح عاينيه ويعقل على راسو فين هوو..وشاف فهاديك الممرضة لي كواها البارح لقها غاارقة فنووح كاتشوف فيه بحالة عمرها شاافت رااجل..حرك راسو بواخا وزاد خاارج...
....دكتور رضوان بقاا كايدير ليه بعض الفحوصات وكايتأكد من صحتو وعافيتو وفنفس الوقت كايهضر معااه كاايحاول يتعااون معااه باش يخرج من حالة البنج لي لاعب ليه على عااقلو لي نوح ماهداش من منادة إسم المااس وشاامة بالعكس بااغي يغمض عااينيه ويعااود يشوف نفس الشي لي حلم بيه او شاافو وبااغي يشوف هاديك تربية صغيرة لي مزالين يديتها ورجليها قدام عاينيه... غير مزاد عقد حجباانو اكثر ورسم تخنزيرة فوجهو بكثرة ماباغي يصحاا ويعرف راسو فين هوو لي بدوك الحركات لي كايدير بوجهو هاديك الممرضة قريبة تسخف قداامو البنت صاافي ريوقها سالو عليه...
دكتور رضوان: حط يديه على عيون نوح كايفتحهم ليه ويضوي ليه داخل عاينيه بداك الضوء(ماعرفتش سميتو 😐) سي نوح واش كاتسمعني
نوح: صوت طبيب ضرو فراسو وخصوصا ولا كايحس بيه كايهضر ليه قدام ودنيه وزيد عليها كايفتح ليه عااينيه بزز..حاال عااينيه رصاصيتين بجهد وشااف نيشان ف داك طبيب وهو مخنزر وقال كلام لي صدم طبيب يجمع يديه بصدمة ...ج جمع ق قلاويك ا ا ازبي هممم
دكتور رضوان : خرج عااينيه من كلام نوح هو ودوك زوج ديال الممرضات... لي يشوفو بهاد الشوفات لي كايشوف وبهاد تخنزيرة وزيد عليها يسمعوه اش قال يحلفو عليه مااا كان ف الموت ورجع يحلفوو عليه يااهادا صحيح فصيح ومابيه والو... دكتور بقا كايرمش عاينيه فيه وقال بشوية... حا حس براسك مزين
نوح: عمض عاينيه بتعب و هز يديه لي مافيهاش السيروم اما الساشية ديال الدم حايدوها ليه... يالله غاايحطها على راسو وهيا تشد ليه يديه هاديك الفرملية لي صاافي داابت من صوتو وحروشيتو
الممرضة : غزززات شفايفها ب الغديد وزادت خارجة من الغرفة وهيا غاطرطق...
....
....
🎀عند الماس🎀
الماس: كانت كاتشوف ف الغرفة لي فيها نوح شحال وهيا واقفة كولشي جالس الى هيا بالها معااه وعقلها غير مع نوح وباغة تشوفو... وهيا هكاك حتى شاافت الدكتور ياسير خارج من الغرفة لي فيها نوح وسد الباب من وراه غير خرج شااف فيها وقرب عندها لي هيا بزربة حيدات عاينيها منو وقلبات ادراجها راجعة عند امينة وجلسات حداها وخلاتو هو غاكيرمش
دكتور ياسير : غير شافها اش دارت وكيفاش تصرفت وهو يقلب عااينيه و فكر داك الحماار لي قالتها ليه البارح وهو يزير على قبضة يديه و قرب عندها و وقف قدمها نيشان... ماانسيتش قلت إحترامك لياا البارح كون ماحشمت كووون..
ياسير: شااف ف عمران وهو وجهو حمررررر... خاليك بعيد راااني دااوي معاهاا هيااا لي جبداتني
بلال: قرب عند يااسير حتى هو وشدو من كتفوو وطلع حااجبو فيه... سيرررر بحالك ولا مااغيعجبك حااال
يااسير: نتر يديه من بلال... وشااف ف امينة... عائلتك ناقصها ترااابي اشريفة خاااص لي يعااود ليهم بتربية من اول وجديد... غير قال كلامو زااد غاادي بحاالو... لي عمران كااان غاادي تاابعو كون ما امين وبلال شدوه
امينة: خرجات عااينيها ف كلام داك ياسير... و شاافت ف عمران وقالت بشوية... ولدي عمران ماعندنا مانديرو بشي صداع مع كحل رااس راه لي فينا كافينا
امين: قرب لودن عمران وقال بشوية غير بينتهم ... غير دوز هاد الحريرة ومانخرجو من تيطوان حتى نباليو بيه غااا ريييح اصااحبي
بلال: شااف ف امين... اناا معااك فهاادي
عمران: والله حتى نربي اصل موو...
الماس: تخشاات ف امينة لي كاتشوف ف الحلاقم كايوشوشو بينتهم وغير بشوية... بقااو هكاك جالسين على اعصابهم حتى داك داحش ديال ياسير ماقالش ليهم بلي رااه فااق خلاهم هكاك على اعصابهم...
بقاو شحال هكاك جالسين حتى شاافو الحااج العاقيل جااي جهتهم ومسكين جاايب فيديه الفطور عارفهم ماعندهم خااطر لي يجيب شيحاجة وماكين لي يوقف معاهم حاليا من غيروو هوو...
الحاج العاقيل : غير وصل كولشي ناض و سلم عليه جلس حداهم وسولهم على الاحوال وكيف صبحو... واش مزالين شاافتو نوح
امينة: لا والو الحاج مزال
الماس: صاافي عااينيها تغرغرو بدمووع عياات تستنى مسكينة وخصوصا منين هضر معاها داك ياسير هكاك مارضاتش وماعجبهاش الحال وعلى شوية كان عمران غايدابز معاه فمسبتها... دمعتها على طرف شفرها قريبة تطيح ليها بالقهرة والحسرة بززز مصبرة راسها قلبها مضرور غير كاتحاول ماتبكيش وماتزيدش تكمل على امينة مسكينة...
وهيا هكاك حتى شافت هاديك الممرضة خارجة من عند نوح غير خرجات جاات عند امينة نيشان دايرة راسها ماكتعرفش الماس وناسية عمران لي عرفها عليها البارح وقال ليها هادي مراتو
الممرضة : ولدك فااق
الماس: غير سمعتها نااضت وااقفة وقرباات عندها وهيا دمعتها طااحت على خدها.. هئ و واش بصح
الممرضة: بعدات خطوة من المااس وقلبات عاينيها وشاافت ف عمران وقالت بنفخة ... قال بااغي يشوف مرااتو
الماس: ماتسوقاتش لتصرفها عكس امينة وعمران وبلال وامين ماعرفو مال موالين هااد الكلينيك مع الماس ماحاملينهاش... و واش هئ با باغيني انا هئ هئههنئ
امينة: قربات عند الماس وشدتها من يديها وتوجهت بيها جهت الغرفة ديال نوح
الماس: هزات راسها بواخا وهيا قلبها كايضرب بجهد حطات امينة يديها على البوني ديال الباب وفتحات الباب ل الماس لي زادت داخلة وهيا حانية عاينيها تحت انظار هاديك الممرضة لي قريبة تموت مع قلبها الكحل...
.....
.....
نوح : طبيب من قبايلة وهو كايقيصو هنا وهنا من قبايلة وهو كايخور ليه فداك رااس لي نوح مزال ماعرفش اش عااندو و واش سباب داك الحريق لي هادي شهور وهو كايتقاتل معااه... عااينيه مركزين غير ف الباب كايستنى غير وقتاش يشوفها كايحس براسو عاام وهو غاابر عليها ههه ماشي غير يومين هه وفنفس الوقت تفكيرو مع هاديك الحلمة لي حلم كاايقول فنفسو شنو زعمة واش انا بصح غاتكون عااندي بنت صغيرة وسميتها شاامة... تاالف ومقلوب مع داكشي لي شااف مااقدرش يفسر داكشي لي حلم بيه نهائيا من غير الى كانت بصح الماس حاملة ب بنت فا غتكون سميتها شاامة ولا نيقااش فهادا الموضوع بنسبة ليه... وهو هكاك حتى كايشوف الباب تفتح و شاف رجيولات حافين داخلين من الباب عقد حجبانو من رجيلتها الحفيانين وطلع عااينيه على طول جسدها حتى وصل بنظارو لوجهها لي تعب والارهاق بااين عليها وحتى البكاء بااين على وجهها الطفولي.. بقااا فقط كاايشوف فيها مارمش عااينيه اما هيا بحال الجمد واقفة كااتشوف فيه وهيا عااينيها تعمرو بدموع نسات كلام امينة ونساات كولشي من غير هو لي قدام عااينيها كيفاش مليوح على سرير وكايشوف فيها و وجهوو صفرر وشفايفو بيضين
الماس: هننهئ ن نووووووح هئ
نوح: رجع رااسو اللور وهو كايشوف فيها وقال بفحيح وبصوت تعباان... ق قلب نوووح
الماس: خطات برجليها جهتو كاتجري وماوقفات حتى كانت مرمية فحضنو معنقااه اما هو يديه بقااو طايحين معااه مستمتع بخوفها عليه وكيفاش كاتتصرف بعفوية
نوح: هز واحد اليد وحطها فوق راسها كايمسح عليه... هششش
الماس: طلعات عاينيها فيه وحطات يديها على للحيتو وبدون ساابق إنذار مافكرات لا فطبيب لي قدامهم ولا ف الفرملية لي واقفة مع طبيب... طلعات عوينتها فيه زرقين وكاتشوف فيه وهيا غااتحمق بالبكاء حتى ماحسات براسها غاا حطة شفيفتها فوق شفايفو بااستو بوسة خفيفة وحيدات شفيفتها وحطتهم فوق دقنو لي هااد البوسة طولات فيها حتى نوح غمض عاااينيه غاارق فبحر حبها ...
الماس: بقات حطة شفيفتها فوق دقنو وبضبط فوق هاديك التقبة ديال زين لي عاندو ف دقنو حطة شفيفتها عليه وهيا ماحسااش براسها يديها على حنااكو ومغمضة عاينيها مامتيقاش راسها بلي رااه الكابوس سلى وبلي هيا فحضن حبيبها
هو مابعدهاش منو بل غرررق فيها اماا هياا صاافي قلبهاا غاايوقف بالفرحة وبالخوف ومن بزااف ديال الاحاسيس مابغااتش تبعد منو نهائيا قلبها كايفرفر بالفرحة وماوعياش على راسها اش كادير ... وهوما هكاك حتى تفتح الباب ودخل دكتور ياسير لي بقاا واقف بحال الجمد ف الباب وكايشوف بعاينيه وحتى هاديك الفرملية خرجات من ورا ضهرو وتسعقات من المنظر ديال نوح والماس بقاات غير كااتشوف فنوح كيفاش مغمض عااينيه وغاارق فيها... اما بنسبة ل ياسير فهاداك غير زير على قبضة يديه وبقاا واقف فبلاصتو وكايشوف ف الماس وفنوح كيفاش غارقين بعضيتهم وهو ماكيضور ليه فودنيه غير هاديك الحماار لي سمعها من فمها مزال لدابا مابغاتش تتسرط ليه...
نوح: غير حس براسو وتفكر الماس اش لابسة وخصوصا حس بلي الباب ديال الغرفة تفتح وشيحد دخل وهو بسرعة جر الماس من يديها لي شهقات من الحركة لي دار ليها حتى مااحسات غير بيه مجلسها حدااه على السرير كيفاش دار ماعرفاتش...
نوح: بالمجهود لي دار حس براسو مشاا وجاا راسو تقيل عليه بالبنج اوالمسكر...طلع عااينيه ف ياسير مخنزر وخصوصا كايشوفو كيفاش واقف ف الباب وكايشوف فيهم وهو ماعجبو حاال حرك راسو بشوية حتى حس بضو ضربو فراسو ومع ذالك مابينش تصرف عادي... مااالناا ؟؟
دكتور ياسير : حرك عااينيه مرتبك وشااف فيه وقرب عااندو... احم السي لبنداري نتمناو تكون حالتك ولات حسن بااش كاتحس
نوح : شد يد الماس بين يديه وخشها تحت الغطة حطها ليها على كرشو وزاد طلع الغطى مغااطي ليها حتى ركابها هيا بداك الغطاا وهو مااعجبوو حال كاايغزز شفايفو على حوايجها واشنو لابسة.. ماشافش فياسير حدو قال... مزين
ياسير: بقا كايشوف فنوح جاتو شخصيتو متكبرة وكايشوف غالفوق وهز نيوفو للسماء.. توجه جهت دكتور رضوان لي كايشوف فشي وراق فيديه... كيف غادية حالتو
دكتور ياسير : كاايشوف ف الماس ونوح بنص عين كايشوفو كيفاش طلع ليها الغطى حتى لكريشتها وكاايشوف فيها مامحيدش عاينيه منها وكيفاش هيا حاانية راسها وخدودها حمرين والفرحة غاتنقز ليها من عيانيها.. الدكتور رضوان كايهضر معااه وهو عاينيه غير فيهم حتى ماحس غير بنوح كايشوف فيه ومطلع حااجبو
نوح: شااف فيه وطلع حاجبو من دوك شوفات لي كايدير فيهم وهو يعقد حجبانو... يااك لبااس ؟؟
دكتور ياسير : شااف فيه وحنحن... احم غير بغيت نسولك شي أسئلة بخصوص حالتك صحية
نوح: كيحك بصبعو الكبير فوق يد المااس لي حطها ليها على كرشو من تحت الغطااء وقال بدون مبالاة وهو كايشوف فيه ومخنزر ... طلقنا
ياسير: غمض عااينيه بسخط من كبرياء وتكبر نووح..وشاف ف الدكتور رضوان لي كايشوف فنوح وهو مستغرب ورجع شااف فياسير وغمض عاينيه زعمة غااسعف معاه وصافي..
دكتور ياسير: شااف ف نوح وشد من على دكتور ياسير الملف الصحي ديال نووح وشااف فيه نيشان ... المدام ديالك قالت ليا بلي 6شهور واكثر ونتا كاتعاني مع الحريق لي كان كايجيك فراسك وصاابر
نوح: زير على سنانو حتى حس بالضوء ضربو فراسو ثااني وهو يزير على يد الماس بين يديه بجهد لي هيا دمووع تحبسوو ليها فعاينيها وماهزاتش راسها حدها عضات شفيفتها بالم.. وهو شااف ف ياسير ومخنزر... و ماااايصبروهااا غا رجاال
دكتور ياسير : هز راسو بأه وشااف فيه ماعندوش لعين لي يطلعها ف الماس ونوح كايشوف فيه هكاك... المرض نتاعك كان بسباب عرق فراسك لقينا عندك فيه مشكل
نوح: كان مزال مخنزر ف ياسير لي مابغاش يتسرط ليه وفنفس الوقت كايسمع لطبيب حتى سمعو قال طرطق ليك فراسك وهو يشوف فدكتور رضوان وقال بطنز ... والموت مااجاتش
الماس: غير سمعااتو اش قال وهيا طلع فيه عاينيها مخلوعة وقالت بصوت خاافت وبااكي... هنننهئ ن نووح
نوح: عض شفايفو وطلع عاينيه فيها وقال بين شفايفو وغير بشوية وهو مخرج عاينيه فيها ... زززمييييه
الماس: سكتات وماعوداتش هضرات من غير دمووع لي هابطين على حنكها ويديها لي قريب يهرسها بين يديه...
دكتور: رضوان بقاا كايشوف فنوح و فأشنو قال وهو يكمل كلامو... كنتي يااغتموت يا غتشلل غير ربي حفظك.. عندك زهر نزفتي من نيفك وماصولش الدم لدماغك
نوح: حرك راسو بشوية كفما يحركو يضربو الضوء فيه...
دكتور رضوان : درنا ليك زووج عمليات واحدة على داك العرق لي صلحنا المشكل لي فيه وكانتمناو من الله مايعاودش يطرطق ليك وثاني مشكل على دماغك حيت كنا كانظنو الدم وصل ليك لدماغك لي كون كان وصل كون راه اليوم كنازتك
الماس: غير سمعات طبيب اش قال و زيرات على يد نوح خاايفة اما هو منبعد ماسمع اش قال طبيب عض شفايفو وقال بصوت خاافت... مزين
دكتور رضوان : شاف ف نوح... واش ماكتحسش بالالم فراسك حيت كانشوفك مشاء الله عليك مرصي راسك وكأنك ماديرش عملية جراحية صعيبة على راسك
نوح: شااف فيه راسو مخشب عليه يمكن بالمسكر(البنج) ولكن غير يحركو شوية كايضربو الضوء فيه ولي زوين فيه واخا يكون راسو كايتفركع مايبينش قدامهم وخصوصا قدام ياسير لي ماتسرطتش لنوح وماعجبوش نهائيا باغيهم غا وقتاش يقاودو من قدامو ويخاليوه مع بنت قلبو.. شاف فدكتور رضوان وبقاا سااكت
دكتور رضوان: المهم اسي بنداري يمكن دابا ماكتحسش بالحريق غير حيت راسك مخشب عليك وتقيل بالبنج غير غاادي تصحى مزين عااد غاادي تحس بألم كثير وخصوصا الى حركتيه ف من الاحسان ماتتحركش بزااف وخالي راسك متبت ف بلاصة واحدة (شااف فيه وقال بجدية) رااك مزال غاتبقاا معنا على الاغلب اسبووع تحت مرقبة الاطباء يمكن يطرطق ليك ثااني او يعاود يجيك نفس الحريق معرفتي اش يوقع ...
نوح: علاش طرطق
دكتور رضوان : 100% بسباب الضغط والاعصاب
نوح: شااف ف ياسير لي كايشوف فيه... بسبب كحل راس
ياسير: غير قال نوح هكاك وهو يخرج من الغرفة سااخط لي هاديك الفرملية دااااابت مسكينة بسباب هاد رجوولة والفحوولة لي قدمها لدرجة مابقاتش كاتشوف الماس كاتشوف غير ف نوح اما الماس هاديك مامنتبهاش للممرضة بالها غير مع نوح لي باينة معصب
دكتور رضوان : شاف ف نوح وضحك... ههه باينة فيك عصاابي وماكتفهمش ههه على داكشي نخاليوك فراحتك وترجع عافيتك على خير
نوح: شير ليه بعاينيه للباب... هيا داابا
دكتور رضوان : حرك راسو ب لا حولا ولا قوة من هااد رااجل..وزاد خارج بحالو ومن ورااه الممرضة لي تبعاتو...
نوح: غير خرجو هادوك طلع عااينيه فهاديك الممرضة لي حالة فمها فيه... شكاا تسنااي
الممرضة : عضات شفايفها وشاافت ف الماس... احم خاص ترتح على داكشي من الاحسان حتى مراتك تخرج
نوح: طلع عاينيه ف الماس لي طلعات راسها كاتشوف ف الممرضة وهيا مخنزرة وجمعة شفيفتها بغنج ورجع شااف ف الممرضة وقال وهو متكي على الحروف بعصبية ... قااااودي
الممرضة: وجهها ولا حمرررر وماعودتهاش معااه بزربة خرجات من الغرفة وهيا غاطرطق...
نوح: غير خرجات هاديك وهو يطلع عاينيه ف الماس لي مزال عاينيها ف الباب وناار الغيرة بااينة فعاينيها.. اما هو غيرتو غاتقتلو شااف فيها وهو كايتفكر داك طبيب كيفاش كان متبعها وكيفاش قال ليه مراتك لي قالت ليا بلي 6شهور ونتا فيك الحريق.. عض شفايفو مجنن وخصوصا وهو عاارف بلي داك طبيب معنها ليه بحالة كايقول ليه راه دويت مع مرتك
نوح: مايخفاوش عليه نظرات تحدي او الاستفزاز حيت هادشي من إختصاصو هو... حرك راسو بشوية جهتها حتى حس بالحريق فراسو وهو يزير على عااينيه بألم ودار انين خفيف... اععممم
الماس: قفزات وناضت واقفة وخرجات عاينيها فيه وحطات يديها على صدرو كاتشوف مالو وهيا خاايفة ... ن نوووح
نوح: عض شفايفو بألم وخصوصا كايحس بالمفعول ديال المسكر مابقاش فراسو وبحالة ولا كايحس براسو ماشي هو هادك.. فتح عااينيه فيها وقال بشوية... احم ر راني مزين
الماس: بخوف... و واش نعيط نطبيب
نوح: رجع راسو كيف كان وهو كايشوف فيها وكايحاول ماينينش من الالم... ب بلااش
نوح: غير شاف ضحكتها وهو يخرج نيابو ولسق معها بعضة من يديها حتى قفزات وطلقتها بغوتاااااا
الماااس: ااااااي هئ احححح ي يدي هئ
نوح: غززها من طرف يديها وهو كايشوف فيها ومتبت ليها يديها بقبضة يديه بين سنانو وخا تقصح منين عضها الى على هاد الباس لي لابسة وعلى كلامها مع طبيب ماقدش يدوزها ليها تكون تكلمات مع دكتور رضوان شاارف وماتكلمش داك وجه طووبة كيف قال عليه عمران... مااحيد يديها من بين سنانو حتى شاافها كاتبكي من الالم وحيد سنانو وهو مزال كايعضعض فيديها وجر جلدة ديال يديها بجهد عااد حيد
الماس: غير طلق ليها من يديها وهيا تنوض واقفة كاتعنزز وتنفخ فيديها وتبوسها وهو كايشوف فيها كيفاش كادير وكيفاش كاتبووس فيديها.... هئ اححح اممم هئ يدي هئ
نوح: حك دقنو بصبعو الكبير وهبط عاينيه على رجليها لي حافين وعض شفايفو وطلع عاينيه على طول جسدها كيفاش البيجامة واخا طويلة حتى لتحت ركابيها الى مزيرة عليها مع كريشتها وفصلتها لي ولات مقودة مع الحمل طلع عااينيه على وجهها كيفاش واخا مبكية والتعب والارهاق بااين عليها الى جملها واضح وضوح الشمس... عض شفايفو من فكرة ان كولشي شاافها وشبع من شوفتها عض شفايفو من فكرة انه منين كان طاايح كولشي كان مستمتع بنظارتو ليها وماكاين لي يحاسبهم عليها عض شفايفو ورجع شااف فرجليها كيفاش كايبانو حمرين كايقول مع بالو واش هادي من البارح وهيا هكاا كاتتمشى بالحاافي واش من البارح وهيا فهااد الحالة.. مافكرش فراسو قد مافكر فيها هياا صاافي الماس هيا رووح ديال قلبو وهيا نخااع ديال عااقلو غااتسطيه وتخرج لبووه العقل... ولكن كايقول فباالو مانلومهااش هياا على هااد الحالة لي هياا فيهااا نلوووم ولد مااا وباا لي وصيتو عليها يااحسرة طحت غير نهاااار نهااار ومااقدوش يعتاانيو بيها ومخالينهاا كاتتمشى بالحاافي بحال الحمقة مااقدوش حتى يجيبو ليها غا صندلة ديال الميكة تهز رجليها من البرد.. غززز شفايفو على عمراان ومغدد عليه بااغي غاايشوفو ويصبن اصلو مزين...
نوح: طلع عاينيه من رجليها وشااف فوجهها لي مزالة كاتنفخ على يديها وتشوف سنان نوح مصورين فيها وقال بشوية... زيدي هنا
الماس : طلعات فيه عاينيها وقالت بشوية وهيا دموع عندها على سبة بزربة كايهبطو... ع علاش ضربتيني
الماس: توجهات جهتو وهيا ماتكدبش فرحانة برجوعو ليها على خير واخا ماعرفت مالو معها الى وهيا فرحنة حيت ماوقع ليه والو.. توجهت عاندو وهيا كاتمسح عاينيها حتى وقفات فوق راسو... ش شني
نوح: غير وقفات حدااه حيد الغطاء من عليه حتى بان الجزء ديالو سفلي لابس عليه سروال ازرق ديال طبيب غير شاافو نوح وهو يعقد حجبانو كان كايجيب ليه راسو مالبس والو عليه من التحت.. طلع عااينيه ف الماس... زيدي هناا
الماس: بقات كاتشوف فيه بحالة رجع لقميعو تااني بقات غاوقفة وسااهية فيه
نوح: كحز بالجزء سفلي ديالو غير بشوية لهيه وهو مغمض عااينيه من الالم لي كايحس بيه منين كايتحرك غير كحز فتح فيها عااينيه لقها سااهية فيه وهو يقفزها بصوتو... تحرررركي
الماس: قفزات وجاات حدااه فسرير تخشات معااه كلها على سرير لي غير تخشات نوح طلع عليها الغطاء عليها وعليه مغاطيها كلها ودار يديه تحت راسها حتى حطات راسها فوق صدرو عاااد طلقهاا بتنهيدة طويلة لي خلاتو يخرج انفاااس سخاان من نيفو حتى طلعات الماس عاينيها فيه وهو هبط عااينيه ليها كايشوفو فبعضيتهم
الماس: شاافت فيه كيفاش كايشوف فيها وهزات يديها وحطتها على صدرو العريض لي مختله شعيرات خفاف مزينين صدرو.. غير حطات يديها قالت بشوية وهيا كاتشوف فيه وبززز حابسة البكية... ب بسبابي ط طرطق ليك العرق ف فراسك هننهئ
نوح: عض شفايفو وماجوبهاش
الماس: طلعات يديها من صدرو وحطتها على للحيتو... ع عمري نعااود هئ ن نعصبك
نوح: غير سمعها اش قالت وهو يقول بنكر ... الى عاودتي غاانمووووت
نوح: هبط شفايفو وباسها من بين عاينيها ... من الاحسان مانجبدوش هاد الموضوع
الماس : سكتات وبقات غير كاتشوف فيه ودموعها هابطين على خدها كاتقول فنفسها عمري نسمح لراسي انا سبابو حتى وصل لهادشي وخصوصا حتى هو ما قالش ليها ماشي نتي سباب خلها معها هيا هاديك وبقاا سااكت وكاايشوف فيها...
نوح: كايشوف فعااينيها وهو غاارق فيهم وتفكيرو غير معها حاليا ماباغي يفكر ف والو فقط سااكت وهو هكاك حتى هبط عااينيه لشفيفتها لي حمرين بكثرة ماكتعضهم... حرك لسانو داخل فمو لي نااشف وشااحف مسكين وهو ماهموش العطش او جوع لي فيه بااغي غا دوك شفيفات لي كايشوف قداام عااينيه بقاا كايشوف فيهم شحاال بدون ملل او كلل حتى ماقدش يصبر وهو يهضر بصوت مبحوح... ب باااغي نشرب
الماس: هزات راسها بواخا وجاات نايضة غير ناضت من على صدرو غير شوية وتقبل راسها مع راسو وهو يجرها بجهد من يديها حتى جاات طايحة عليه و شفايفو فوق شفيفتها وهو فاتح عااينيه فيها كايشوف وحتى هيا موسعة عاينيها فيه وقال بشوية من بين شفيفتها... بااغي نشرب من فمك
الماس: هزات معه رااية البيضاء مسكينة ههه بلى هوها خرجاتو ليه لي غير قاص لسانها شفايفو وهو يحط هاديك ليد لي مافيهاش سيروم على راسها مقربها عااندو وخاشي لسانها لي كايجيه حلووو وفازك بريقها وسخون بين شفايفو كاايمصمص فيه ويلعق وبلى هواه غمض عااينيه دااخل معهاا ف اللعق والمص والحس لسانها قريب يسرطو اما هيا غمضات عاينيها وعاقدة حجبنها ب براءة الاطفال ديما كايقصحها منين كايشد لسنها كاتحس بيه غايقطعو ليها...
الماس: حطة يديها واحدة على صدرو و مرمياش تقلها عليه واخا هيا بحال وزن تفحة واحدة بنسبة ليه ههه.. حاطة واحد اليد ف للحيتو بحالة متبتة ليه راسو برحاش مايهزوش بالها غير معااه مسكينة... اما هو بكثرة ماريقو نشف وبااغي ريقها مابقااش عاارف راسو فين هو لساانها غايسرطوو حلووووو بزااف ماساخيش يحيد فمو من بين فمهااا ماساخيش بيها ولى بحننتها بااغيها ليه وحدووو بااغي مايشوفها حد غيروو ومايقيصها حد غيروو ومايتمتع بشوفتها حد غيروووو غيرتو عليهااا كبيرة ماااهو رااجل شرقي بكل معنى الكلمة والغيرة القاتلة ديماا مكتوبة ف قاموس الرجل شرقي ونووح كاايمثل شهاامة والفحولة لي نقارضت ورجولة لي قلالت نووح رجال العز والشرف وشرافو وعزو وكبريائو لنفسو هما كولشي عاندو واخا يمووت مايمرمدش راسو وكرامتو تحت رجلين اشبه رجال واخا يبقاا فيه عرق واحد كايخبط يقلب الدنيا قليب على قبل مراتو وميمتو و عائلتو وشرافو...
نوح: كايمص فلسنها وفنفس الوقت كايتنهد ليها في فمهاا صاافي عااقلو غايخرج وماشي غا عرق واحد لي غايطرطق ليه فراسو بسبابها...هممم هممنن
الماس: داااابت و ولات زبدة بين يديه هههه مااحسااش براسها بلي خشاات فخد رجليها بين فخادو وحطها تحت قلاويه نيشان 😂...
نوح: طلق للسنها لي غير طلق ليه الماس دخلتو وهو يحط شفايفو فوق شفيفتها دااخل معها فقبلة حنينية وزوينة ماكتسمع غير شلق ولعق وصوت لحيس وبوسات نووح وتنهيدات ديالو لي ولا بد منها فمهم فزززك وهوماا غاارقين فحب بعضيتهم نوح نااسي الامو ونااسي بلي غير البارح كان ف الخاطر وكون مالطف الله كون ماات كيف قال طبيب تبرك الله عليه لي يشووفو ماايقولش دااير عملية جراحية خاطيرة على رااسو...
الماس: شفيفتها طاابو بين شفايفو ومع ذالك حتى هيا ماسخياش تحيد منو ولا تبعدو من عليها واخا بزز قدة ترد النفس الى ماقداش تبعد عليه.. وهوما هكاك حتى تفتح الباب بجهد لي على هااد الحركة الماس خطفات شفيفتها من شفايف نوح وهبطات عليه بجهد خاشية راسها فعنقو بالحشمة
نوح: حجبانو معقودين طلع عااينيه ف الباب لقها نفس هاديك الفرملية شااف فيها وهو كايخرج لسانو ويلحس فشفايفو ويمصهم وهو مخنزر فيها...
الممرضة: كااتشوف فيه كيفاش كايلحس شفايفو لي مابقاوش بيضين وشااحفين ولاو حمررررين والدم مقهور فيهم بكثرة مالعق وتحكك بشفايفو على شفيفات المااس وقالت بشوية وهيا عاينيها ف شفايفو... ج جبت ليك تفطر
...
على صوتها خرجات الماس وجهها من عنق نوح وشاافت فيها لقتها داخلة بواحد طبلة ديال عندها روايض وكتتجر ف الارض كاتكون غير ف الكلينيكات داخلة وعااينيها ملسقين فنوح... الماس ماعرفاتش كيفاش دارت حتى كانت نايضة من قدام نووح لي بقا متبعها بعاينيه وفنفس الوقت مزال كايمص فشفايفو...ناضت ورجعات قبالتو وهيا مخنزرة هزات داك الغطاء وطلعاتو ليه على صدرو لي عريان حتى وصلاتو ليه لعنقو وضرات وشاافت فهاديك لقتها كاتشوف فيها حتى هيا ومطلعة حاجبها..مشات جهتها الماس بلى هضرة بلى زوج وقفات قدمها ودفعتها بكتافها حتى رجعات اللور وجرات هاديك طبلة ديال الفطور ومشات بيها جهت نوح وحطتها قدم نوح وضارت شاافت ف الممرضة وقالت وهيا منفخة وماعجبها حال غاتموت بالغيرة ومجننة عليها وخصوصا منين كاتتفكر كيفاش عملتها وتصرفت معها وزيد عليها البارح منين كانت داخلة عند نوح كيفاش شاافت فيها بحالة كاطرطقها
الماس :صاافي غير خرج بحالك انا غا نعطي لراااااجلي يفطر وملي تخرج قول لخالتو امينة وخاي عمران يدخلو الى جاات على خاطرك اختي
نوح: غااكيشوف بعااينيه غااتحمقو بهاد الفعايل لي فيها ههه ومابغاش يدخل مستمتع بغيرتها عليه...
الماس: بقات كاتشوف فيها كيفاش واقفة وبحالة مامسوقاش ليها وهيا تكشر على نياايبها مغددة... شعندك ماااكتسمعشي يكمااا تيناا صمكة ولا زيزونة
الفرملية: هبطات عاينيها لرجليها لي حافين وقالت بستهزاء... لا كانسمع وكندوي ولكن مااشي حمقة بحالك لدارجة نتمشى بلى سبااطي ازين
الماس: هبطات عاينيها لرجليها كاتشوف فيهم بصدمة البنت ماكنتش منتبهة لراسها بلى سبااط مع الخلعة والخوف والبكاء وداكشي لي داازت منو وصدمة لي دخلات فيهاا مااحساتش براسها بلى سبااط بقات غير كااتشوف فيديها
نوح: عض شفايفو مغدد من كلامها ومد يديه لهاديك طابلة ديال الفطور وهز قرعة ديال ماء معدني بين يديه مجنن ومافكرش زووج مرة حتى كاان لحهااا عليهاا وجبهاا ليها فنص كتفهاا غير شحطتها حتى فااتت كتاافها وجاات مخبوطة ف الباب
الممرضة: ااااي... غمضة عااينيها بألم مصطنع حيت اصلا غير شحطتها القرعة ديال الماء ماتقصحاتش..شاافت فنوووح وهياا قريبة تبكي الدموع تحبسو ليها فعاينيها وقالت بصوت خاافت ومحلون ... شنو درت ليك
نوح: غززز على سنانيه حتى حس بضوء شعطو فرااسو... خررررجي
الفرملية: شاافت فيه وشاافت ف الماس لي كاتشوف فيها ومخرجة عااينيها صدمهاا نووح بالفعل لي داار.. غير شاافت ف المااس لي مخرجة عاينيها وهيا تقلب ادراجها خارجة من الباب وهيا كاتحك فكتفها وتغزز ف شفايفها بالغديد وغير خرجات سرطحات الباب من وراها بجهد لي على هاديك تسرطيحة المااس قفزاات..وضارت شاافت ف نووح...
المااس: اا ع علاش ض ضربتيها
نوح: عض شفايفو وشااف فيها... بااغي مانحنجر
الماس: بقات كاتشوف فيه يالله غاتدوي حتى شافت الباب تحل ثااني لي كاانت امينة هااد المرة امينة وعمران وبلال وامين والحاج لعاقيل...
الماس: غير شاافتهم داخلين وهيا دير إبتسامة كبيرة والفرحة غاتخرج ليها من عاينيها نساات الفرملية ومايجي منها...
امينة: توجهت جهت نوووح وهياا كاضحك وتحمد الله.. الحمد لله يااربي هئ الحمد لله ... قربات عااندو وتحنات عليه وبااستو من جبهتو وشدات يديه بين يديها كاتبوسها...مرضي ميمتو وحبيب ميمتو
نوح: شد يديها بين يديه وباسها وبقا شحال كايشم فيديها وشااف فيها وقال بشوية... ريحتك جنة
امينة: باست ليه على راسو وبعدات منو وبقات كاتشوف فيه طلعات عاينيها لراسو لي ماكيبانش كلو فيه الفصمة ورجعات شاافت فيه... ربي حفظك لميمتك ومراتك
نوح: شااف ف المااس ورجع شاف ف ميمتو وهبط عااينيه عليها اش لابسة حتى هيا بحوايج نعس حتى هيا بحال الماس عضعض شفايفو مجنن ... يخليكم لياا
امينة: ويخليك اولدي حبيبي
عمران: قرب جهتو وشااف فيه... خ خويااا
نوح: طلع عااينيه ف عمران وهو عااقد 11... ولد ميمتي
امينة: بعدات من على نوح و وقفات قدام الماس
عمران: شااف فيه وهو دمعتو طااحت وبسرعة قرب جهتو وشد ليه فيديه وتحنى عااندو حط رااسو بشوية على راس نووح لي هو ماغمضش عااينيه كاايشوف فدمعة خووه كيفاش هاابطة على خدووو.. عمراان حط جبهتو على جبهت نووح غير بشوية وشد ليه فيديه وقال بشوية وبصوت مرعد وبااكي...ع همم عمري خفت من شيحد ولا كاندير إعتبار لشيحد غيرك نتااا اخوياا ع عمري حسيت برااسي نااقص او منقوص طول حيااتي حيت نتاا ديماا واقف من وراايا كي جبل ح حتى البارح ح حسيت بجبل كايتهد من ورااي مااكنتصوارش رااسي بلى بابا ثااني لي هو نتااا...
نوح: غمض عااينيه من كلام خووه مايكدبش حس بالغصة لي فقلبو وبخوفو عليه حس بحرقة خووه عليه.. عض شفايفو ... قلتها ونعاودها ليك رااك خويا نغزززك بسناني ومنسرطكش راانا خااوة مانبغيش يجي زمان ونتعاركو كي الحناش رااني بااك وخوك وصحبك
عمران: فتح عااينيه فخوه وشااف فيه وضحك... ههه عمرو يجي دااك نهاار وعمري نكون كي خوت ولاد الحرام راانا ولاد الحلال مانطعن خوياا فضهروو وعاارف طينتك من اش اخوياا
نوح: طيني من طين رجاال(شااف ف الماس وشااف فرجليها لي حافين ورجع شااف ف عمران وقال ببرود) ولكن نهاار لي خويااا نحط ليه امانتي فعنقوو غير نهاار ومايقدش عليها فااا يولي حب الخاوة لي كان حلاوة يولي بنسبة ليااا عدااوة
عمران: بلع ريقوو وهو كايحس بنوح كايزير ليه على يديه عرف راسو مقفرها فشيحاجة... ك كيفااش
نوح: غزز شفايفو وشااف فيه وهو داير بالو مع راسو باش مايحركوش حيت ملي كايحركو كايحس بالحريق ... مرااتي من البارح وهيا كاتمشى حاافية مرااتي من البارح وهيا كاتتمشى قدام عيون ديااب بحوايج نعااس مرااتي شركات لغااا مع واحيد مسمي على راسو طبيب لي خوياا لي كان خااص يدوي معااه مااشي مرااتي وميمتي لي هياا ميمتك كيفاش ترضى على راسك تبقاا بحوايج نعس قدام الكلاب الكلب دوي
الماس: خرجات عااينيها من كلام نوووح عااد عرفات علاش لسق معاها هاديك العضة وعلاش كاان معصب منين كان دكتور ياسير ف الغرفة.. بقات غاكتبرقق فعاينيه وتسرط فريقها وبالخوف مشات تخشات من وراا امينة مغطية جسدها من وراا امينة حتى هيا ماكنتش منتبها لراسها اش لابسة ولا اش كاانت كاتصنع كان عقلها لي بحال عقل العصفور قريب يدير جناوح ويطير بالخوف عليه...
امينة: بداات غاكاتقول لطفك يااربي والله يستر ...
عمران: حول عااينيه شوية وشااف جهت المااس وهبط عااينيه لرجليها بالخلعة وشلطة وصدمة والخوف عليه مابقاش منتبه كان داير فبالو ايجيب ليها شيحاجة تلبسها ولكن نسااا عاقلو غاايب ماحيلتو لخووه لي مليوح فسبيطار ولا لهادوك لي فكثامة لي حمقوه بصونيات وكل مرة خاص يصوني عليهم حتى هو و يطمئن عليهم حيت خاايف لا يهجم عليهم بابات الماس ولا يدير شيحاجة الحاصول عااقلو مابقاش معااه كاان مستريسي مع خووه ومشوش ومضغوط ونسااا الماس اش لابسة وحتى ميمتو...
عمران: شااف فيه وقال بشوية... م ما مارديتش البال ك كنت م مخلوع عليك و وماعنديش راس لي يفكر
نوح: زير ليه على يديه بين قبضتو حتى قرب عمران عااندو لوجهو بدون إرادة وقال ليه بشوية وغير بينتهم... عارفني مانحشمش و ندير مع مراتك كيف درتي مع مرتي ولكن اناا رااجل عليك وعاارف لي عليااا ومراتك محسوبة من شرافي ومانبغي لي يشوف فيها بعين ناقصة
عمران: حشم من راسو حيت نووح بصح عااندو الحق حيت هو بنفسو مايبغيش يشوف اميمة فحالة المااس وخصوصا هو شااف نظرات دكتور ياسير ليها... غمض عااينيه من انفاس نوح لي كايشوطو ليه وجهو وقال... ع عمري نعاااودها
نوح: خنزر بجهد كون يلقى جهد ينوض يفرتشخ ليه راسو بالغديد ينوض...مانعطيكش الفرصة فين تعاودها حيت ماشي مرة ماشي زوج خليتها فعنقك امانة وماقديتيش عليها
عمران: شااف فيه وهو دموع تغرغرو فعاينيه... خ خووويااا
نوح: طلق ليه من يديه...الخاااوة في الصغر خوخ ورماان وكي يتزوجو جيراان وعدياان مااتخالينيش ندير معااك فعاايل ولاد زنقة وننكر خوياا على داكشي بدل سوايع
عمراان: بغاا يقيس ليه يديه وهو يدفعها ليه
نوح: خرج عااينيه فيه...الهدرة لي تدي وتجيب توصلك للعيب راك خوياا ماتخالينيش نخسر معااك كثر(قال بشوية وغير بينتهم ) قااووود
عمران: شااف فنوح وعض شفايفو كاتم شهقاتو حيت بصح حرقو فقلبوو ضاار وشااف ف ميمتو وشافها اش لابسة وشااف حتى ف الماس وهو يغمض عااينيه بجهد وزاد خارج من الغرفة...
نوح: بقاا سااكت عارف راسو قصح معااه الكلام ولكن يستهل حيت شحال من مرة كايحطها امانة بين يديه وماكيقدش
....غير خرج عمران طلع عاينيه فبلال وامين لي بااغين يجيو يتلقاوه ويقولو ليه الحمد لله على سلامتك وماقدوش هادا بقاا كايدفع فهادا
نوح: عقد حجبانو فيهم... خرجوووو
بلال وامين ماعودوهاش معااه بزربة خرجو من البيت هادا كايسطم فهادا... نووح مابغاش يحمل المسؤوالية غير لعمران وهو يسيفط حتى حلاقمو من ورااه يونسوه...
الحاج العاقيل : بقاا غاكيشوف فنوح كاايقول فنفسو هادا غامريض و واش دار ليهم علم الله منين كايكون صحيح فصيح اش كايدير ليهم ... قرب جهت نووح وصافحو من يديه ومع النااس ديال شمال ماكيمشيوش بيديهم خااوين يطلوو على شيحد غير مد يديه لليد ديال نوح حط ليه فيها الفلوس... الحمد لله على سلامتك
نوح: الله يسلمك...
نوح غير حيد الحاج يديه من يدو وهو يرمي نوح يديه للجيب ديال جلابة دالحاج العاقيل وحط ليه فيها فلوسو... خيرك ساابق مااكين لاش
الحاج العاقيل : خشاا يديه فجيبو ناوي يرجعهم ليه...
نوح: طلع فيه عااينيه وقصح كلامو... الحاااج ماتخالينااش نتقاابحو راه كلامي كايخاليني نخسر الحبيب ونبعد القريب وانا ويااك داكشي مابينتناش
الحاج العاقيل : رجع فلوسو لي كانو فلوس صحيحة لجيبو وقال وهو فرحان بيه... الله يعزك اولد الخير ههه مانزيدو معاك ف الغااا
نوح: نعت ليه للفوطوي... جلس
الحاج العاقيل : هز راسو بلا... لا ولدي غاانشد طريق نتا عارف وقت الحرث هادا وعندي الخدامة خاص لي يقابلهم ودابا منين ولات حالتك مزينة وطمئنت عليك فا غنتيسر بحالي
نوح: نتاا تعرف الحاج طريق سلامة
الحاج : الله يجيب شفااء...
الحاج: ودع امينة غير من البعيد هيا والماس وزااد خرج بحالو مخاليهم غير همااا بثلاثة
امينة: غير خرج الحاج تمشات جهت نوح جلسات قدامو وشدات الحليب بين يديها لي الفطور كان كلو عبارة عن فطور صحي... هااك اولدي عتق روحك
نوح: شااف ف الحليب... من نيتك الواليدة
امينة: وغاعتق روحك واخا ماعندكش معااه
نوح: بااغي الماء
الماس: توجهت لهاديك القرعة ديال الماء لي لاحها على الممرضة وهزتها بين يديها ومشات جهتو.. فتحات القرعة ديال الماء وكبات الماء ف الكاس ودارت فيه السفافة... هناك تشرب
نوح: شاف فهاديك السفافة وعقد حجبانو... حيدي زبل
امينة: بزربة حيدات هاديك سفافة وشدات الكاس من على الماس وبقات كاتحاول تشربو بشوية وهو ناعس ماحركاتش ليه راسو...
نوح: بقاا كايشرب شوية بشوية وهو عااينيه ف الماس لي كاتشوف فيه حتى شاافت الماء هبط ليه من فمو من جناب وهيا تحط يديها كاتمسح ليه دقنو بيديها غير بشوية وعضة على شفايفها... كاايشوف زووج اميراات متعاونين عليه كل واحدة وشنو كاتعني ليه وكل واحدة وحبو ليها فشكل هااد زووج دالنساء هماا عشقووو الى خطااوه هااد زووج نسااء صاافي حياتو ضااعت...
شربوه الكاس الاول وزادو ليه الثااني القرعة ديال الماء شربها كلها غير شبع المااء هزات امينة شوربة ديال الحليب كاتشربها ليه وهو بززز صاابر مااعندوش مع الحليب ولا مع شيحاجة كاتخص الحليب...
امينة: قالت ليه واخا و نااضت وخرجات من الغرفة تجيب سخرة لي جابها الحاج غير شوية وهيا تدخل وهازة البلاستيكات فيديها غير جات حطات داكشي على هاديك طبلة وبقات كاتخرج اش فيها كان جايب الحرشة والمسمن معاهم املو وزيت وشكلاط وجايب العاصير والحليب و واحد تيرموس فيه اتااي باينة فطور ديال دار جابو ليهم من عند دوك الناس لي كان معاهم...
امينة : شاافت ف نوح لي مد هاديك اليد لي مافيهاش سيروم للحرشة لي فيها املو كايكل منها لي غير مدغ مدغة واحدة شد عااينيه ب الم... نووح ماتكلش هادشي حتى نشووف طبيب شنو غا يقول ليك
نوح: شااف فيها وهو مزير ... هادشي كايهبط للمعدة ماكيطلعش للراس
امينة: والله يهديك غير هاد المرة سمع كلام ميمتك
نوح: مد يديه كايكل من الحرشة... كولي اميمتي
امينة: سااطت بجهد مع هااد رااس القزدير مايكر فيه لا مرض ولا والو راسو قصح من الحجر...
كلاو مزين وشبعو ونوح نقب معاهم من هنا وهناا غير يسد جووع المهم عاندو ماياكولش داكشي ديال سبيطار وفنفس الوقت ماقدش يزيد ياكول حيت كل مايمدغ يحس بالمواس تغرسو ليه فراسو... وهوما هكاك حتى سمعو دق ف الباب
امينة: دخل
امين: فتح الباب ومادخلش فتح الباب غير شوية ولاح واحد الصاك ف الابيض زوين ومكتوب فيه سميت المحل وسميت المركة غير لاحو وهو يخرج يديه وسد الباب بزربة...
امينة: نااضت بإستغراب تشوف اش فيه هزات صاك كاتشوف اشنو فيه قربات للفوطوي الكبير لي ف البيت وخوات الصاك وهيا تشوف جليلبة ف الغوز بيبي وفيها طرزة فاسية فصدرها ومطروزة من يديها باللون الاسواد مع جويهرات ف الغوز ف الطرزة وهابط كلها عقيدات زوينة ومعها صبطها اسواد وشالها ف الاسواد... شاافت ف الشي لاخور لقاات جليلبة ف الشيبي ازرق مفتووح بحال عيوون الماس فيها طرزة ف كتفها على شكل فرشة ف الغوز صاافي ومعها شال ف الغوز وسبيبط ف الغوز الحااصول زوينة
جنون نوح الجزء 47
محتوى القصة
التنقل بين الأجزاء