غير وصل وفتح الباب دخل للبيت وشااف لي عمرووو فحيااتو كان كايحساب ليه راسو غاايقدر يشووف هااد المنظر كيفاش دارت وكيفاش وقع هادشي ماعرفش من غير ان قلب نوح تهزز وبكثرة الفشلة طااح ف الارض على ركابيه وهو عاينيه مخرجين ف المنظر لي قداام عااينيه...
.....
......
🎀عند الماس 🎀
منين هبط نوح يعايط ل امينة الماس زحمة تجهدات عليها ولات كاتحس بداكشي غاادي يخرج من تحتها
... عقلها غايخرج من الحريق والالم مسكينة عارفة راسها غا تولد بقات كاتتعفر وهيا كاتحس بداكشي غايخرج من تحتها ومع لابسة عليها سترينك ماعرفات كيفاش دير... ولكن واخا الالم والحريق مسكينة حاولات ترصي راسهاا بقات كاتتعفر مع راسهاا حتى جلسات غير شوية ومدات يديها كاتحيد سترينك من عليها وهيا كاتغاوت لربي لي خلقهاا... غير حيدات سترينك حد ركابيها كملات عليه برجليها وهيا حالتها بدمايات وسقية حتى هيا طرطقات ليهاا مسكينة داك السرير ولا حالتو حالة بدم الماس وماها اما رجليها البيضين ولاو حمرين بالدم...
الماس: العرقة كاتهبط على وجهها لي ولا حمررررر اما شفايفها عاضة عليهم وكاتزحم بكل مافجهدها... وقفات راسها مع سرير و وسعات رجليها بجهد وغمضات عاينيها وهيا كاتزحم.... اعععععععععععععع هئ اممممم هئ و واااااربي هئ اهننننمممهئ
...شدة على الفراش بكل جهدها مسكينة وتزحم وتغاوت خااايفة بزاااف ماشي على راسها على جانينيها خايفة توقع ليه شيحاجة الولدة جاتها على غفلة ومسكينة ماكانت حاسة بوالو ولكن إن قال الله كوون فا يكون..
المااس: مااا طلقتهااا بغوتااا لي خلات صوتهااا يبححح حتى حساات بلحمهااا تشرك وبشيحاجة خرجات بلى هواها مسكينة هبطات يديها كاتشوف شنو خرج منهاا قاااصت بصباع يديها شيحاجة فازكة وسخونة بحال شعر... زاادت فغواتهاا وبكاها وانينيها وهزات عااينيها لللسقف وغمضتهم على جهدهم ودفعاات دفعة وااحدة حتى بغااا حلقهاا يخرج ب الغوااات.... اااااااااااه هئ ااااااي هئ هئ اااااااااااااه هئ
مع دفعاات مع خرج جانينها من كرشهاا وجااا مليوح على سرير كايهز فيدياتو ويغااوت حلقوو مسموع ف الغرفة كلهاا...
الماس: غير حسات بيه خرج وهيا ترجع راسهاا اللور كاتبكي وتقول ما بكيت ولكن ملي سمعات داك صويت لي بحال صوت المشاش داك صويت لي خلى الماس بلى هواها تسكت من البكاء وتبقا تسمع غا بودينتها وبلى هواها رجعاات راسهاا جهت كبدتها وقطعة من للحمها غير شاافتو بعوينتها وهياا توسع عاينيها مصدومة وقلبها كايضرب... كاتشوف فكبدتها مليوحة تحت رجليهاا ومزالة بدمهاا وبحبلهاا السري وحتى داك المخاض لي نزل من المااس مليوح حدا كبدتهااا.. كاتشوف ف كبدتهاا كاتهز رجيلتها ويديتها وكاتبكي بحال المشيشات عضات شفايفها وحطات يديها على وجههاا كاتبكي بنتها كاتبكي فجيه وهياا فجيه مااعرفة راسها اش دير بااغة تهز كبدتها وماقداش خااايفة وفرحانة وكولشي تجمع عليها دقة واحدة وهياا هكاك صوت بكاها وبكاء بنتها مسموع ف الغرفة حتى ماحسات غا الباب ديال البيت تفتح بجهد حيدات يديها من وجهها وشافت جهت نوح لي عاينيه خرجو من المنظر لي كاايشووف قداام عااينيه كاايشوف مراتوو كاتبكي وحتى كبدتو كاتبكي ماعرف اش يدير
نوح: غير وصل وفتح الباب دخل للبيت وشااف لي عمرووو فحيااتو كان كايحساب ليه راسو غاايقدر يشووف هااد المنظر كيفاش دارت وكيفاش وقع هادشي ماعرفش من غير ان قلب نوح تهزز وبكثرة الفشلة طااح ف الارض على ركابيه وهو عاينيه مخرجين ف المنظر لي قداام عااينيه... وقع ليه بحال الماس كايشوفو فكبدتهم كاتبكي وماقد حتى حد يقرب ليهاا المشاعر والاحاسس تخالطو عليهم وقالبهم كااايضرب بجهد زارتهم واحد الاحاسس جديدة غير الاحاسس لي كانو حاسين بيهاا قبل احاسس الابوة والامومة احاسس لي خلاتهم يفشلووو يزوجهم واكثر شخص تفشل وتصدم ومابقاوش ركابيه مساعفينو باش يوقف نووح عااينيه غير ف هاديك اللحيمة لي فارعة الدنيا بغواتهاا عاينيه غير فدااك نص صبااع لي قالب الدنياا بصوتو...
لوكان ما امينة والحاجة دخلو دقة واحدة كون بقااو هكاك بصدمة وكون البنت ماتت غا بالغواات وهوماا مصدومين وفمهم مشلول...
الحاجة : غير دخلات وشاافت المنظر لي ماكنتش متوقعة راسها تشوفو دابا لا هيا ولا امينة ولكن هماا مادروش بحال نوح بزربة واحدة مشات جهت الماس و واحدة جهت داك طرف ديال اللحم لي قلب الدنيا بغواتو...
امينة: توجهت جهت الماس لي عاينيها فكبدتها كاتبكي وتشهق وتشوف ف كبدتها... بسرعة امينة هزات الغطااء ديال سرير وهياا تالفة وسترات فخاد المااس وجسدهاا...باينة غير من حالت نوح وحالتها بلي كانو ناوين يلعبو شي ماتش🙂
الحاجة: توجهت جهت هاديك تربية وبقات كاتشوف فيها كيفاش كاتبكي وتهز فيديها ورجيلتها .. مشاااء الله تبارك رحمااان
امينة: غير سترات الماس توجهت جهت الباب شافت اسية واميمة وغفران واقفين وكايشوفو شافت ف اسية وهيا قلبها كايضرب مسكينة بزااف عليهم هاد نهاار تلقاو عليهم الاحداث مع هبال الحلاقم و ولادت الماس ... عاافك اختي اسية هبطي شوفي دووك الحيوانات مالهم نتياا والبنات وحنى غاانتكلفو ب الماس انا والحاجة
اسية: واخا اختي الى حتاجيتو شيحاجة عايطي ليا....
هزات اسية راسها بواخا وسدات الباب وتوجهت جهت المااس لي كاتبكي وشاافت ف الحاجة لقتهاا جابت مقاص وداكشي ديال الاسعفات الولية توجهات جهتها امينة وهيا لحمهاا مشوك عليها من المنظر لي كاتشوف عمرها حضرات على شي مراا مولودة هياا براسها ولدات نوح وعمران ف سبيطار... توجهت جهتها وهيا كاتشوف غير فهاديك اللحيمة لي شعرهاااا كحل بحال الليل ومشاء الله شعرهاا حد جبهتها و ودنيها طويل...
امينة: هزات يديها كادوز صبعها على خد حفيدتها وهيا كاتشوف بين رجليها ههه عندهاا بنت... مشااء الله على الحبيبة دجداهاا
دارت امينة اش قالت ليها الحاجة لي غير قطعاتو الحاجة سداتو وامينة توجهت للبنت هزتها بين يديها من بعد ماستراتها بواحد الزيف ديال المااس ف الابياض غير هزتها توجهت بيها جهت المااس لي عاينيها ف بنتهاا
امينة: شافت ف الماس وهيا كاتضحك والفرحة غا تنقز ليها من عاينيها... مشااء الله ابنتي ربي ساهلها عليك وغير فداارك وف فراشك
امينة: مدات ليها بنتها لي المااس شدتها بشوية وهيا خاايفة وخشتهاا فصدرهاا وحطات شفايفها على راس بنتها كاتبوسهاا وتبكي اما بنتها هاديك طالقة حالوقهاا كاتبكي...
امينة: ضارت وهيا تقشع نوح كاايشوف ف الماس وبنتو وهو سااكت غا كيشوف وجالس مع الحيط والعرقة هابطة على وجهوو كاتسرسب وصدرو قول هو لي كان كايولد ماشي الماس ههه..توجهت جهتو وتحنات عليه عارفة ولدهاا مصدوم يمكن عمرو تخيل يكون حتى هو اب او عاندو طرف من للحمو حيت طريق لي كان غاادي فيهاا كانت صعيبة ب نسبة لنوح على انه يفكر ف الولاد والوتاد ولكن ربي ماكيسد باب حتى كايفتح بيبان .. قربات ليه وشداتو من يديه منيضااه من الارض غير نيضاتو جراتو من يديه جهت الماس لي هزات عاينيها كاتشوف ف نوح وتبكي كاتشوفو كيفاش مفشول وماقدش يتحرك غير ميمتو لي جااراه عندهم...
امينة : غير قرباتو جهت الماس جلساتو حداهم على سرير وشاافت فيه لقاتو كايشوف فيهاا وباغي يهضر... و ولدي ربي رزقك بنيتة بحالها بحال الوردة ربي يخاليهاا ليك هيا ومهااا
نوح: شاف ف ميمتو وبزز قدر يخرج الحروف من فموو... ب بنتي انا
امينة: هههه وعلاه بنت شكون
نوح: حيد عاينيه من ميمتو وشاف ف الماس لي كاتبكي وحاضنة بنتها لي سكتات من البكاء وكاتلعب بيديها ورجليها اما عاينيها مغامضين حالفة ما تفتحهم...
نوح: شاف ف الماس وقال بفحيح وهو قالبو ماعلم بيه غا الله... مبروك عيدنا و وبنتنا ...
الماس: هزات يديها وحطتها على خد نوح وحنات عاينيها لبنتهاا لي حتى نوح هابط عاينيه من الماس وشاف ف بنتو لي خاشية وجهها فصدر المااس وكاتتنخشش براسها و رجليها ويديها...
نوح : هز يديه لكبيرة بااغي يقيص بنتو ولكن ماقدرش كايحساب ليه غير يحط يديه عليها يبغزهاا بيديه ماقدش يحط يديه عليها يالله بغاا يحيد يديه وهيا تشدهاا المااس وخدات غير صباع يديه وحطتهاا لنوح فوق خد بنتو لي نوح فهاديك اللحضة قالبو تهززز وعاينيه وساعوو وبقا يحرك صبعوو بشوية فوق هااد الكميشة ديال اللحم صغيرة وزوينة واخا مزالة مسخة شوية بالدم حيت امينة مسحات ليها غير شوية وعطاتها لمهااا. الى جمالها باين وباينة غاتكون كاتتعاند مع الماس ف زين ..
نوح: بقا كايدوز صبعوو على خادها بحنان وهو كايشوف فيها بعاينيه وما مصداقش بلي هاد الملاك بنتو حتى بلى هواها خرجات ليه إبتسامة كبيرة على شفايفو وتحنى على بنتوو كايبوسها بوسات متتالية من راسها وجبهتها وهو لي كان غارق فمراتو و ولا غارق حتى فبنتوو...
الماس: بقات كاتشوف فيه حتى طلع راسو فيها وهو مزال مبتاسم والماس حاضية بعاينيها غير هاديك الابتسامة وكاتقول يااربي يطولهاا ونشبع من شوفت إبتسامتو ههه
نوح: طلع راسو فيهاا وحط يديه على رقبتهاا وقرب شفايفو لجبهتها وباسهاا بووسة عاميقة وحنينة لي خلات المااس تغمض عاينيها بلى هواها لي عليهاا البنت طلقات حالوقها حتى قفزاتهم ههه نوح ولا قالبو هشيش قدام بنتو غير كايسمع غواتها كايقفز قالبو...
بعد من الماس وشاف ف بنتو ونااض واقف وهو كايشوف فيهم ويحك على للحيتو...
نوح: عقد حجبانو مخنزر وزااد هاديك طريق داخل جهت دريسنك...
الحاجة : شافتو كيفاش دار وخسرات صيفتها وغير شافتو دخل قالت وهيا ماعجبها حال ... الله يستر على مصعور يحساب لبابك داك صدر دراو سيدي ربي ليك غانتا تبات تجر فيه بنيابك يااا وجه القزدير
الماس: ماسمعاتش جدتها اش قالت بالها غير مع بنتها وحتى امينة لي مشات للدوش ما سمعاتهاش ...
امينة: جابت الماء وفوطة بيضاء ودوك المناديل لي فازكين وكاع داكشي لي غاينضفوها بيه هيا و بنتها جاابوه وحتى حويجات الماس و حوايج بنتها لي كانو فواحد صويك مجموعين عند الماس جمعات حوايجها وحوايج بنتها هادا شحال كان يحساب ليها غاتولد ف الكلينيك...
خدات امينة البنت ل الماس تمسح ليها حالتها اما الدوش ما غدوش ليها حتى دوز ثلاث اياام دابا غير غايمسحو ليهاا وينضفوهاا صاافي...
اما الحاجة هاديك حيدات ل الماس داك الغطاء لي مغاطية بيه وخشات راسها كاتشوف في ف شلوق المااس ههه وهزات منديل ابيض كاتمسح ليها والماس وجهها ولا حمررر بالحشمة مسكينة كاتحشم من جدتهاا لي هيا ربتها و حضنتها وبدلات ليهاا ودارتها في عاينيها....
الحاجة: بقات كاتمسح ليها في فراجها ودير ليها ف دواء لي وراتو ليها امينة ... مسحات ليها رجليها من الدم مزين ومليح لي غير مسحات ليها لبسات ليهاا سليب وجابت واحد الفوطة صحية دارتها ليهاا تحتها حيت باقة كاتنزف الدم مسكينة... شاافت الحاجة ف الماس... بنتي خاصنا نبدلو هاد الفراش ولا مسخ بالدم حتى نبدلوه ونلبسلك حوايج جداد
الماس: مسكينة تعبانة وسخافنة بكثرة الغوات لي غوتات وبالحريق لي داز عليها ولكن شوفت بنتهاا نساتها فكولشي... احم و واخا
امينة: حطات البنيتة لي كاتبكي على الفوطوي وتوجهت جهت الماس معونهاا تنوض والحاجة كاتجمع فسرير بزربة...
امينة : شدات ف الماس وموتكاها عليها وهيا عاينيها غير فبنتها لي روعات الدنيا بالغوات فيها جوع مسكينة ...
الحاجة: حيدات هداك الغطا بزربة لي كان مفروش على سرير ولاحتو ف الارض وطلقات غطاء جديد على سرير
اما الحاجة هزات حوايج الماس وقربات ليها تبدل ليها حوايجها و واش لابسة عليها غايصبنوه هو وداك الغطاء ...
الحاجة : لبسات ل الماس بزربة لحقاش خاصها ترضع بنتها والماس عاينيها غير فبنتها وعاينيها مغرغرين بدموع ماباغاش تشوفها كاتبكي... لبسات ليهاا بيجامة ف الابيض طويلة حتى التحت مغطية ليها جسدها كلوو ضارت الحاجة جهت الماس وجلسات حداها وشدات شعر الماس بين يديها كاضفرو ليها ضفرات ليها زووج ضفيرات وهزات زيف ف الابيض ودارتو ليها فوق راسها وخلات ليها دوك ضفيرات هابطين على كتيفاتها... مسحات ليها وجهها بداك الكلينيكس الفازك لي فيه ريحة زوينة...
امينة: مسحات البنيتة من الدم ب مناديل الاطفال لي ريحتها ولات كاتهبل و لبسات البنيتة دارت ليها ليكوش وهيا كاضحك معاها وتلعب وتحاول تسكتها وهيا بحالها بحال ماماها بكااية... هههه مال بنت البنداري مالهاا ههه حالفة ماتخالي جداك تشوف العوينات ههه
... لبسات ليها مونو ف الابيض وطربوش ف نفس اللون ... غير لبستها هزتها جهت الماس لي بااغة غير بنتها ... هزتها امينة وتوجهت جهت الماس... حطات ليها البنت بين يديها وهيا روعات الدنيا ب بكاها
امينة: حطات يديها على صدايف بيجامت الماس كاتفتح ليها على صدرها... رضعيها ابنتي
الماس: كاتشوف فبنتها باغة تشوف غير عوينتها... علاش مافتحتشي عاينيها
..يالله غاتجوبها امينة حتى كان نوح قاطعها نوح لي خارج من جهت دريسنك لابس عليه سروال ديال التوب ف الاسواد والقاميجة حتى هيا ف الاسواد وصباطو الحاصول لي لبس كايجي معااه...
امينة: بسرعة قربات جهت الماس كاتجبد ليها بزولتها وهيا كاتقول يااللطيف ياللطيف...
نوح: عااقد حجبانو ومخنزر ف الحاجة وميمتو نااااري شحال عااصبوووه اليووم... شاف ف ميمتو لي كاتخرج صدر الماس من البيجامة والماس خدودها حمرين غا يطرطقو بالحشمة والسخفة ديال الولدة لاعبة عليها...اما امينة والحاجة غير كايتفتفو حشمانين من نوح المقزدر المسنطح كايشوف ف صدر الماس وهو ماكيرمشش الفرحة باينة من عاينيه وبحالة ما ماتياقش اش كايشوف وهو هكاك حتى شاف امينة كاتخشي راس صدر الماس في فم البنت لي غير شدات بزولت الماس سكتات
الماس: غير حسات بفم بنتها ف بزولتها وهيا قلبها يضرب ما مصدقاش اش كاتشوف وهاد الاحاسيس لي زارو قلبهاا طلعات عاينيها فنوح وقالت بصوت خاافت وهيا ضحكة مخلطة ليها مع البكية.... هنننهههئ ن نوووح
نوح: تحنى على يد الماس لي شدة بيها بنتها وبااسها ليها وطلع عااينيه ف بنتو كايشوفها كيفاش كاتمص ف الحليب بقا كايشوف ف بنتو وهو كايقول مع راسو واش هادي بصح بنتي راجل ما مصدقش راسو بلي راه بصح ولا أب عضعض شفايفو وهو كايشوف فيها
الحاجة: كاتشوف ف البنت وفشعرها لي مغطي راسها وكحل بحال الليل... سبحااان الله ابنتي لي يشوف بنتك يقول هادي شااامة بنتي منين ولدتهاا كاتشبه لشاامة بزااف....
امينة: حتى هيا كاتشوف ف البنيتة وشدة صدر الماس بيديها وخاشية غير راس في فم المشة صغيرة هههه خايفة يطيح صدر الماس على نيف البنت ويخنقها ... مشاء لله الحاجة واخا ماكنعرفش بنتك شامة الله يرحمها ولكن ما كتشبهش ل المااس
نوح: بقاا كايشوف ف بنتو وهو سااكت
الماس: غير سمعات كلام جداتها هزات يديها كاتمسح على خدود بنتها لي مشاء لله بحالها بحال السكر خدودها متوردين وفمها حميمير وصغير اما عاينيها حالفة ما تفتحهم هههه كاتقول فنفسها الحمد لله ياربي والفرحة ديال ان بنتها كاتشبه لمهاا خلات قلبها يفرفر
الحاجة: وهيا هكاك كاتشوف حتى شافت ف نوح لي حط يديه على صدر الماس وهيا تخرج عاينيها وقلبات وجهها اما امينة هاديك جاميع الوان الطيف بانو فكمارتها كاتقول غا واش هااد المقزدر انا لي ولدتو... نوح كان كايشوف فصدر الماس حتى شاف واحد الزغبة على صدرهاا وهابطة طويلة الحاجة ما جمعاتهاش مع شعرها لي ضفراتو حط يديه على صدر المااس كايحيد ليها هاديك شعرة من صدرهاا وكايمسح ليها عليه بيديه الثانية وهو حاضي مع بنتو لي كاترضع وصوت مصاتهاا مسمسوعين ما مسوق للحد كايشوف بنتو ومراتو ولي ماعجبو حال رااه الباب فين كاين...
نوح: حيد ليها هاديك الزغبة وخشها ليها مع زيف وطلع عااينيه فيها لقهااا حمرة بحال الماطيشة الوجه باش طلعو ماعندهاش عض شفايفو وهو كايشوف فيها كون ماا كنت الحاجة وامينة كون شبعها بوسان وتعناااق كون ماكنتش غير ميمتو .. اما الحاجة هانية عاندو ما مسوقش ليهاا فااايت ليه باسها قداام جداتهاا بن المقزدر هههه... جمع يديه من صدرها وحط يديه على يد المااس لي شدة بيه بنتهم راجل صافي تسوطاا مااعرف واش يشوف ف الالمااس ولا ف الجوهر كانت عااندو غير الماس وكان عااقلو غا يتسوطا معاها ودابا ولاو عااندو زووج من الماس صافي عاينيه ماراصينش مرة ف بنتو مرة ف مراتو...
البنوتة : كاترضع مسكينة وصوت مصتهاا مسموعين لي غير شوية حتى وقفات على المصان وحيدات فمهاا من صدر المااس وبقات كاتهز يديها ورجليهاا كاتلعب بيهم وهيا عاينيها مغمضاهم وداك طريبش لي على راسها شعرهاا خارج منو وهابط على عوينتها غير شوية مشاء لله خلقات بشعر اسواد بحال الليل شعر شاامة صافي...
نوح: غير وقفات البنت على رضيع وحيدات فمهاا من صدر المااس طلع نوح عاينيه فصدر الماس لي ولا راس بزولتها حميمير وفاازك بريق بنتو و بالحليب لي مفزك ليها صدرها.. عاينيه فصدرهااا كايشوف وما كيرمشش
الحاجة: جمعات داك الوسخ كلو فواحد شبكة وحطتها ل امينة تهزها اما هيا ماتقدرش غير ضارت وشافت ف الماس لقات نوح عااينيه غا فصدر مراتو وسعات عاينيها فيه ومع فمهاا كايعضهاا مابقات ساكتة... كون تحشم اولدي راه زعمة معاك نسيبتك وميمتك
نوح: عقد حجبانو وطلع عاينيه ف الحاجة وقال وهو مطلع حاجبو...ماكدبوش لي قالو الجبلي الى تبلد فحال البندير اذا تجلد كيعطي الصوت مجهد راه مراتي وبنتي هاادي اشريفة راه باغي نعنق ونبوس الحاجة الى ساليتي شغلك راه الباب
غير قالت كلامها توجهت للحاجة لي تصمرات ف بلاصتها بصدمة جراتها من يديها وزادو خارجين يهبطو يوجدو ل الماس مكلات النفيسات ولي غاترجع ليها صحتها وتحيد منها السخفة ...
نوح: غير خرجو قرب اكثر ل الماس ومد يديها ليه... بنتي
الماس:طلعات عاينيها ف نوح وهيا قلبها كايضرب من هاديك بنتي لي خرجها من فموو اححح وشحال عجباتها... هزات يديها ومدات ليه البنت وحطتها ليه فيديه...
نوح: هز كبدتو بين يديه وهو قالبو غايخرج كايشوفها كيفاش كاتحرك فيديها ورجليها وتلعب بيهم كايحس براسو وهو هزها بحال ماهز والو هزها عاندو بحضر كبير وحضنهاا لصدرو وكايشوف فيها كيفاش كاتلعب بلسنها كادخلو وتخرجو كايشوف ف الحناك لي فايضين مشاء الله حتى عنقها بزز كايبان حنيكتها حمرين بحال التوت بقا متبعها بعاينيه وما قتلاتو غير منين فتحات عوينتها فيه نيشان لي هناا قالبو تهز فالعيون الفتنة غير فتحات عاينيها بقات كاضورهم بشوية وتشوف هنا وهنا مارصياش بعاينيها الكبار وبرموشها الكحلين..شاف فيهاا وقال بصوت خافت الشي لي خلى الماس تحيد عاينيها من نوح وتشوف ف بنتها وتخرج عاينيها... نبغي الزين ونبغي زرقة العينين ربي يكملك بطيبة القلب الحنين والتربية وبطاعة الوالدين ياخضرت العينين...
الماس: شافت ف بنتها وضحكات الفرحة غاتخرج ليها من عاينيها ههه البنت واخدة عيون مهااا تقريبا غير هادو ماتعرفهم زرقين ولا خضرين مشااء الله... هههه ك كاتشباهلي
نوح: بزز قدر يزيح عاينيه من بنتو وطلع عاينيه ف عيون الماس وقال بفحيح... لي خلاتو فيااا مهااا تكملووو بنتهااا اااش بغيتوو عندي ابنت النااس ااش
المااس: فرحتهاا ما عطيهاا الحد نااسية الالم ديال الولدة وسخفة وعاينيها غير فنووح وبنتهاا وماصدمهاا غير منين حناا لوذن بنتوو كا يأذن ليها ف ودنيها....
نوح: حنى راسو على وذن بنتوو كا يأذن بصوتو الجوهري لي فهااد رمضان تقرب من الله اكثر وحاول يبدل من نفسوو ولاو غير شوية... ﴿﴿ الله واكبر الله اكبر الله اكبر الله اكبر أشهد أن لا إله إلا الله أشهد أن لا إله إلا الله أشهد أن محمد رسول الله
أشهد أن محمد رسول الله
حي على صلاة حي على صلاة
حي على الفلاح حي على الفلاح
الله واكبر الله اكبر لا إله إلا الله ﴾﴾(غمض عااينيه وقال ثلاث مرات) اسميتهااا شاامة اسميتها شاامة اسميتهااا شاامة...
حضنهاا لصدروو وحط شفايفو على جبهتها وقال بفحيح وهو كايطلب الله يحفظها ليه....دعاء لِطفلتي الصغيرة
اللهم أطل بعمرها وأدم صحتها وأسعد قلبها
اللهم أبعد عنها الأذى واحمها من كل شر
اللهم آمين يا رب العالمين...فتح عاينيه فعوينتها وهو ما مصدقش راسو باش كايحس و اش كايشوف قدامو و واش بصح هادي بنتو
الماس: دموع كايهبطو على خدهاا مااحساتش براسها غير بزز مقربة جهت نوح وبنتها وحطات راسها على كتااف نوح لي هو شد على بنتو بزوج يدين ههه خايف يفعلصها وداير بالو معاها.. غير دارت هكاك قالت بصوت خاافت.... ش شااامة
نوح: غير حطات الماس راسها على صدرو طلع راسو وباسهاا من راسها وهو كاايشوف ف عائلتو صغيرة لي خااصة بيه غير هووو وهو هكاك حتى سمع كلام المااس...
الماس: طلعات عوينتها فنوح وقالت بصوت حنين وتعبان... ك كنتي باغي ولد ولا بنت
نوح: عض شفايفو وشاف فيها... كنت باغي الولاد وندق الوتاد يا يكون ولد ولا بنت باغي قطعة منك ومني وربي رزقهم ليناا واخا بلا ختام ولا علاقة مكمولة ربي هداهم ليناا ف اول لليلة لينا (تحنا ليها اكثر وباسها من خدهاا وشاف فيها) اناا باغي عش الوتاد ويكون عاامر ولاد (عضعض شفايفو وقال بفحيح وهو كايشوف فيها و ماكيرمشش) وجدي راسك ابنت النااس نوح ما كيهداش وحليبوو ما كيتقاضاش
الماس: خرجات عاينيها فيه بالحشمة وخشات راسهاا وسط عنقوو حشمانة اما هو ولسانو سليط ما كيتقضاوش...
نوح: غمض عاينيه وهو كايحس بأنفسها ف عنقو كايشوطوه وقال بصوت خافت... البيت بلا بنات ابنت الناس كي لرض بلى نباات الله يجعلكم علياا بدرية الصالحة
الماس: هزات يديها ضوراتها على عنق نووح واليد الثانية حطتها على يديه لي مضورهاا على بنتو وغمضات عاينيها وهكاك بقات هو مساخاش يبعدها منو وهيا ماسخات بريحتو وبضربة قالبو لي مجهدين على غير العادة وكأن ضربات قلب نوح ف السبااق...
.....
شحال وهوماا هكاك عااينيه غير فبنتو لي كاتلعب وترمش بدوك العيون الفتانة وتلعب بيديها ورجليها وبلسانها عاينيه فبنتو و ودنيه مع بنت قالبو لي صوت شخيرهاا وصل لوذن نوح عرفها نعسات ليه على كتفوو بقاا هكاك مصمر ماعرف كيفاش يدير مع بنتوو ولا كيفاش يدير مع مراتو و ينعسها هيا باش ما تبقاش معدبة... عضعض شفايفو وحيد واحد اليد من بنتو غير بشوية وشد فكتاف المااس وبعدها منوو ونعسهاا على سرير وناض واقف وهو هز بنتو ورجع للجهة الثانية وحطهاا قداام المااس منعسها على سرير قدام مهاا يالله غايتحنى يحيد صباطو ويجلس معاهم حتى سمع الدق ف الباب
نوح: دخل
اسية: فتحات الباب ودخلات وهيا هزة فيديها صينية ومن وراها امينة لي عاينيها ماكتهزهمش فهاد المسنطح ديال ولدها وحتى الحاجة معاها..
نوح: ساط بجهد وزاد جهتهم...دخلو انا خارج
.... غير قال كلامو زاد خارج منبعد ما حيدو ليه فطريق و طلقها بواحد تخنزيرة ف الحاجة لي قلبات عاينيها بالله يستر وزاد....
امينة: غير دخلات مشات جهة الماس تفيقهاا بعدا تعتق روحهاا عااد تنعس
الحاجة: مشات ديريكت للبنوتاا لي غير شافتها وشافت عيونها وهيا تصلي على نبي... اللهم صلي عليك ارسول الله مشااء الله الله يحفظ عيونك ويحفظك من العين ياا زينت البناات
امينة: غير سمعاتها اش قالت توجهت تشوف البنوتة غير شافتهاا وهياا تبتسهم.... مشاء لله ربي يحفظها
اسية: حتى هيا توجهت جهت البنت كاتشوف فيهاا... الله يحفظهاا غزااالة كاتشبه لمهااا فعاينيها
الحاجة: غاعيون عيون مهااا اماا الشي لاخور غاابنتي شامة الله يرحمهاا ما خلات منهاا والو
امينة: شافت ف الحاجة وجمعات شفايفها ماعجبها حال... لاوه الحااجة شوفي لون عااينيها بحال عيون نوح راه حتى ولدي عاينيه كايميلو للون الخضر وماتنسايشي حتى عمران عاينيه زرقين واخا ماشي بحال الماس الى كاينة شيحاجة تما وحتى عمران شعرو كحل زحل بحالها غاتكون كاتشبه لعمران ولا لباها
اسية: شافت ف امينة... نوح عاينيه ماتعرفيهم كحلين ما تعرفيهم خضرين اختي (شافت ف بنت الماس) راه عاينيها عاينين الماس ما كتشبه للحد
امينة: لاواه لاواه راه كاتشبه لطواسل البنداري شوية اختي(شافت فيها و وسعات عاينيها) شوفي راه حتى انا عاينيا كايميلو للزرق راه غاتكون كاتشبه ليا ولا لعمران اما بنتك شامة غاتكون كاتشبه ليها غا ف الملامح
الحاجة: خنزرات واحد تخنزيرة ف امينة لي لحد الان عمرهاا زادت معاها ف الكلام حتى اليوم...اجي ضربني ابنتي امينة ااااجي
الحاجة : هزات منخرها الفوق وقالت بحزن مصطنع... غاالي يخاليه فياا ولدك من المحشة ديال الهضور اجي كملو تيناا
امينة: قربات للحاجة وباستهاا على راسهاا... غاا سمحلياا الالة البنت بنتك وكاتشبه لبنتك راه غااضحكة معااك ههه
الماس: لي على نكيرهم فاااقت وهيا مخسرة صيفتهاا مسكينة عااينة وكاتحس بعضمهاا مدكدكين باغة غا ترتاح ولكن والو شكوون خلاها.. شافت جهت بنتها وهمسات بسميتها .. ش شاامة
امينة: توجهت جهت المااس... بنتي نعستي قبل ما تاكلي راه ضاروري ما تاكلي وتعتقي روحك عااد تنعسي
الماس: كاتشوف ف بنتها لي ساكتة وحالة عوينتها وكاتشوف ف سقف وكاتخرج فلسانهاا ههه هاد تخراج لساان لي فبنتهاا فكرهاا غير فنووح ههه.... اممم ش شني عندكم
الحاجة: قربات ليها وباستهاا على راسها... والو الحشيشة دقلبي غا كنهضرو (شافت ف امينة ورجعات شافت ف الماس) مبروك عليك ابنتي قبايلة مع داك العجل كان هناا كان قاطع فيا النفس على داكشي ما بركتلكشي
الماس: بتاسمت ليها وهياا سخفانة... الله يبارك فيك اعزيزا
امينة: دارت راسها ماسمعاتش الحاجة ونعلات الشيطان ف نفسها.... مبروك ابنتي هاانتياا عيدنا اليوم زووج مرات ههه شكون كان يقول تولدي اليوم
الماس: ههه المكتاب اخالتي حتى انا ماكنتشي حااسة بوالو
امينة: سهالها عليك الله ابنتي ولدتي فدارك وف فراشك وصلات على نبي ولدتي وحدك ما معاك حد
الماس: الحمد لله
الحاجة: انا صردت السي عبد سلام يجيب واحد زووج د الفرارج بلدين نطيبهم البنتي
الماس: خسرات صيفتها... عز عزيزة انا ماكنكولشي البلدي
الحاجة : خنزرات فيها... إوى دابا غاا تاكول دجاج البلدي راه فيه فوائد ليك ترجع صاحتك وتنوض ترضع بنتك
امينة: تفركات امينة لي كوى دجاجة وجاها ضحك.... ههههه انا من اليوم مابقيت نااكول دجاج بلدي الحاجة الله يكثر خير ولدي امين كراهني ف دجاج البلدي ومايجي منو
الحاجة: خرجات عاينيها ف امينة.... ااواعدي ا امينة راه كان باقي صغير وما كيعرف والو
امينة: احيااني عليه راه هو بفمو قال ليك كايعرف الحوتة منين كاتبول الحاجة ههههه...
الحاجة: ولد الحرام يحساب لي فيه الجن حتى قالت لي اميمة كلاو شيحاجة(شافت ف امينة ) والله انا من عندي غير قولوها ل نوح يمشي يسيق باباهم بشي ركلة الواحد
امينة : مصااب كون كان غا غايركل هادا غاا يقتل اصلهم
الماس : كاتشوف غير ف بنتهاا وصافي ما بلاهاش معاهم وفبالها كاتقول والله مانكل داك دجاج واخا نعرف نشكي لنوح بعزيزة عارفة جدتها توكلو ليها بززز
اسية: خلاتهم كايتنكرو وقربات ل الماس تعطيها تاكل داكشي وهو باقي سخوون حيت المرة النافسة خااصها تاكول غاداكشي لي سخوون لي يقدر يهبط ليها داك الدم بزربة من كريشتها وحتى باش ما تبقاش عندها الكرش...
🎀عند نوح🎀
مشاا ديريكت للمكتب ديالو وهو قالبو غاايطير من بلاصتو الفرحة لي هوو فيهاا حاليا خلاتو ينسااا قتل دااني وعبئ عدنان لي فوق كتاافو نسااا الهم وماايجي منو وفبالو غاا عيون بنتو ومراتو...
نوح: كايهدر ف تليفون.... وجد ليا ااش بغيت وبااركة من كثرة الكلام
الشخص: واخا السي نوح غير قول لياا شنو سميت بنتك ومراتك
الشخص: توتر... و واضروري خاصناا إسم بنتك و مراتك على قبل البوفي
نوح: مسح على للحيتو... رووح تقااود نتاا وقشاوشك اولد الكلبة
غير قال كلامو قطع عليه وهو مجننن كان باغي يدير شيحاجة على قبل بنتو ومراتو باغي يوجد كولشي من دابا للسبوع بااغي يدير شحال من حاجة ولكن والو نوح هو نوح ما كيعرفش يتصرف فبحال هااد الامور بزربة كا يتنيرڤا ويطلع ليه الدم عضعض شفايفو وزاد خارج يقلب على عمران هو لي يتكلف ليه بهادشي...
زاد متوجه جهت عمران وللبيتو غايدق عليه غير وصل وهو يشوف اميمة وغفران لي الدم هرب ليهم من وجههم
نوح: فين عمران
اميمة: بقات غا جيب يا فم وقول... م مشاو لا خرجو(شافت ف غفران) فين مشااو
نوح: عقد حجبانو مخنزر حيت من صبااح وهو حس بشيحاجة ماشي هيا هاديك وحتى اميمة وغغران مستحيل الماس تولد وما يكونوش حاضرين ولا واقفين معاها باينة مخبزين ليهم شي خبزة ضرب ف اميمة وغفران بكتافو وزاد جهت بيت عمران فتح الباب وطل لقاا البيت خااوي عقد حجبانو وشااف ف غفران... فين بلال
غفران: هاديك الخلعة من نوح ومن اش كان دار ل بلال منين كان حاصلهم مزالة لدابا كاتفكر داك صباح الكحل وتبقاا غا تفتف شافت فيه وقالت بصوت خاافت وبزربة هضرات وسرسبات ليه فين هماا... ر راهم ف لصال
نوح: حرك راسو بواخا وقلب عاينيه ل اميمة مخنزر فيهاا كون ماااحشم ومرات خووه كوون عطاها جوابها...زاد قلب طريقو هاابط التحت....
غفران: شافت فيها وهيا كاتعض فضفرها قريبة تبكي.... هنننن خفت
اميمة: شاافت فيها وهيا قريبة تبكي... اناا نخااف غاايقطع ليا لراجلي تبوو ومانلقى باش نخاور تقبتي
غفران: يخاورك بصبعو🙂
🎀عند الحلاقم 🎀
منين طلعو هادوك عند الماس اميمة وغفران واسية منين رجعاات شدو عمران وبلال وامين وخرجهم ل ل لصال ديال الرياضة فين كايترينيو... سدو عليهم الباب بساروت من برااا منبعد عدة محاولات من اميمة وغفران باش يرجعو دراري عقلهم ولكن غير شاافو امين لي كاايهبط حتى شورط لي لابس وهوماا يشدوها بجرية خرجوو بحالهم وسدو عليهم الباب تمااا...
.....
عمران: جااه صهد حيد من عليه الفوقية ديال الفوقية لي لابسهاا وبقاا غا بشورط وديباردو صماطي ف الاسواد وتقاشر قصار والبلغة( ههه وعيد زين هادا ) جالس على واحد الكرسي كايشوف ف امين لي كايبانو ليه زوج ويضحك... هههههههههههههه ورااه دخل ليك لهيه تبعووو اصاحبي
امين: مخرج تبو من شورط وتاابع واحد سراق زيت ب البول ديالو واحد اليد شد بيها قرعة ديال الماء كايشرب منهاا برحاش يهبط ليه البول ومايتقاضاش زعمة ههه و واحد اليد شد بيها تبوو وتابع سرق زيت ب البول نتااعو... و وقف اا اوقف اصاحبي
بلال: كايشوف ف عمران وامين وهو كايهدر...ههههه عمران عقلتي منين كنت اول مرة غانكوي شي قح*ة
عمران : شاف فيه وضحك حيت عاارف القصة.... هههههههههههه وتاا داك البلان ما باش يتنسااا لياا اتبي
بلال: هههه سخفات لياا بنت الهم ومع مكانش عندي الماء بديت كاندفل عليها 😂😂😂😂😂😂
امين: بااقي غاادي تابع سرق زيت بتبوو غاادي وكايبول عليه وسرق زيت مسكين طالب منو شرع ومع المعجون ما كايبانش ليه غير سراق زيت وااحد كايبانو ليه بزااف ... اححح قالك لا بغيتي تبرا عنق بزولة فاطمة زهرة
نوح: وماقالوش ليك لابغيتي تبرااا كاين نوح لي يحويك الخراا
امين: طلع عااينيه فنوح غير شاافو قدامو وهو يباانو ليه 2 منو بهاديك الكسدة... اااو مقدناا فيل زاادوه فيلة وتااا باركة علينااا غااا نوح واحد اش بيناا بشي زوج تفاكيناا غاا مع واحد
عمران : غير شااف نوح وهو ينوض من على داك الكرسي بززز قد يوقف وهز يديه كا يودن زعمة ... الله اكبر الله اكبر الصلات خير من النوم(مسكين تخربقو ليه الڤيزيبلات)
بلال: هادا غا كايضحك ويهضر...ههههههه ا العشران تهلاو ههه عاندي واحد ولد العام مقااااود
نوح: عقد حجبانو فيهم عرافهم ماشي طابعين غير من عاينيهم لي مقلوبين و ف الوقفة لي ما مسكداش عاندهم زير على قبضة يديه وهو كايشوف ف امين كيفاش مخرج تبوو و واخا شااف نوح ما تسوقش ليه مزال مقلوب وتابع سرق زيت وتابعو ب البول غير يشوف البول غا يتحبس فيه كايهبط على القرعة ديال الماء كايشرب فيها... اما عمران الادان بدااه ب المقلووب زعمة كا يأدن و بلال مشاا جهت نوح خاارج لي غير وصل حدا نوح وشاافو وهو يبدااا يضحك كايبان ليه نوح كايشطح حط يديه على كرشو و و واحد اليد كاينعت بيها لنوح وكايضحك....
بلال: ههههههههههههه ك كرشي هههههه ههههههههههه
نوح: شااف ف بلال وعض شفاايفو وبلى كلمة بلى زووج شدو من عنقوو ودخل فيه برووس حتى قلبوو من على القبلة جاابو مكربع ف الارض وماعقلش على راسو سخف...
نوح: صدرو كايطلع ويهبط يحساب ليه خوه و ولد عاامو فرحانين لفرحتو وكايستناوه لتحت غير يهبط يباركو ليه ولا مجمعين على شي كويس ديال اتااي حيت العيد هادا مايحسابش ليه خووه صغير لي بحال ولدووو قالب الدنياا قليب وماعقلش على راسو ما محترمينو لا هو ولا هااد نهاار المبارك يوم العيد لي نااس كاتعيد بعضياتهاا و واقفين مع بعضياتهم ... غززز شفايفو وتوجه جهت امين لي كان باقي تابع سرق زيت غير وصل ليه هز يديه وشدو من هاديك الشعككة لي كبرات ليه ودااه وجاابو من شعرو ولسقووو مع الحيط بجهد وهبط يديه الثانية لتحتو وطلع ليه شورط على تبوو عااد شد قبضة يديه وشد ليه تبووو وقلاويه مع بعضياتهم وزير ليه عليهم حتى خرج امين عااينيه وطلق لهاديك القرعة ديال المااء وشااف ف نوح وهو شفايفو تقلبو وقال بصوت بااكي...يااااربي مابغيت لا فلوس لا قراية لا خدمة لا زواج لا الدنياا يااربي يرجعلي غير عااقلي...
نوح: عوج فيه راسو وجرو من تبوو ولكن ما مزيرش ليه على تبوو كيف كان داير لداني راخف ليه على تبوو وقلاويه هههه... جرو جهت عمران لي كايشوف ف نوح جااي جهتوو وكايودن وحط يديه على تبوو خايف يدير ليه بحال امين...
عمران:غا كيتفتف ويهضر مقلوب... ح حي على الفلاح صلاة التراويح خير من النوم
نوح: غير قرب جهت عمراان هز يديه الثانية حتى الفوق ولسقهاا معااه لكرشوو حتى تقاوص ب الحريق وشدو من شعكاكتو مواقفوو معااه نيشاان وخرج عااينيه فيه وقال بصوت خاافت وكايخلاع وهو معوج راسو ف عمران... الكرش منين كاتشبع الزاامل كاتقول للراس ابدع هاادشي مااقال ليك هااد راس لطبونمك
عمران: بلع ريقو وهو بزز مسكد الوقفة... ش شنو درت
نوح: باقي شد ل امين على تبوو وفنفس الوقت شد عمران من شعرو.... مخدر ليااا ازاااامل هااااا العيد هاداا ولا ااااش هادا اااش
عمران: حط يديه على راسو وهو مااعرف راسو فين.... و والله اخويااا م ماداير شيحاجة م ماعرفت م مالي
نوح : عضعض شفايفو وجرو من هاديك شعككة وجر حتى امين من تبووو وزااد غادي مجرجرهم فداك لصال اما بلال هاداك سخفاان بداك روسية لي دخلها ليه نووح... مشااا بيهمم جهت داك لابسين لي دايرو ف لصال غير هو بابو وحدو تشوفو من بعيد تقول تما غا شي بيت وصافي حيت داير ليه الزاج ديال المراية طالع حتى الفوق مضور على داك لابسين وعاندو الباب مشاا جهتو وفتح الباب برجليه وهو يبان ليه غالبسين وحدو وغاادي طويل حتى لهيه نتا منين تدخل ليه تقدر تشوف شكون لي كاين براا ولكن نتا منين تكون خارج ديالو ما كاتشوفش شكون لي لداخل كايعوم.... غير قربهم لداك لابسين لاح امين لي شدو من قلاويه بجهد الدخل حتى جابو مخشي لداخل دلابسين مسكين غير لاحو بقاا كايشهق ويترعد كلووو قالبو غايسكت بالخلعة مسكين
اما عمران هاداك شدو من شعرو وقربو عااندو بجهد وقال بفحيح وهو مخرج عااينيه فيه... هناااا فين غااا تبقااا لأصل مك الى مااخاليت بووك لحمك يزرق و يرشااا ف المااء نتااا وهااد زواامل اااجي دفل على اصل ملتي
عمران: خرج عااينيه ف خوه كاايترعد مسكين كايشوف خوه كايبانو ليه منو زووج وحتى فواحد اللقطة جااب ليه الله نوح بحالة كايضحك... ههههه ونااري على ضحيكة عندك العشير سلفهالي يرحم بااك
نوح: عقد حجباانو ساااخط عليه ب البياان عرف هادا وتأكد بلي شارب ولا واكل شيحااجة بحال هاد الامور ماتخفااش عليه ومااعبر عليه غير منين شد ليه فكوو بجهد كايفتحو ليه ويشم فيه بحال سلوكي ههه كايشم واش كاينة شي ريحة... مااشم والو حيت امين مخلط طرف ديال الحشيش لي موجودة فين كاينين هما دابا خلطها مع سفوف وزاد ليك عليها القرعة ديال نتيلا خواها كلها بقات عاطية غا ريحت شكلاط وسفوف... عيااا يشم وماشم والو طلق ليه من فكوو وشدو من رقبتو مغددد وهز رساو حتى الفوق ودخل فيه بروس حتى جاابو مليوح فداك لابسين وقلب ادارجو جهت بلال لي حل عاينيه كايشوف ف سقف ويضحك
نوح: تحنى على بلال وهزو من الفوقية ديالو وجروو منها حتى وقف وزاد جاارو جهت داك لابسين وهو غادي ومشبعو معيور غا من سمطة التحت ... يحرق اااصل ملتكم اولاد الكلاب كااتقالبو علياااا نحووي اصل ملتكم ازوااامل
..... خداه عند دراري وحتى هو لاحو معااهم فداك لابسين جاابو فوق راس امين لي بااغي يخرج وخاايف ومع داك لابسين من الفوق مسدود عااندو سقف كايتفتح باش يسخن الماء ب شمس ولكن دابا لا مسدود عندهم والماء ديال دااك لابسين بااارد مكلاصي...
نوح: غير لاحهم خنزر فيهم واحد واحد وقلب الدنياا بغواتو.... وبربي العااالي نجي ومااانلقااش اصل ملتكم صااحين وموكضين ياااابربي حتى نشعل فأصل بوكم العاااافية يحرق زاامل بوكم اولاد القحاااب(مابقاا عاقل لا على ام عمران لي هيا موو لا على والو جمع كولشي ف المعيورو المسخوط لاخور تسمعو امينة تسخط عليه ههه)
غير قال كلامو سد عليهم داك الباب فداك لابسين وبسورات
غير قال كلامو سد عليهم داك الباب فداك لابسين وبسورات مخالي حتى يرجع ليهم العقل عااد يعرف اش واكلين و واش دارو اماا دابا واخا يقتلهم ما غيحسوش حيت ماشي ف الوعي ديالهم وحتى هوو بالو وعااقلو حاليا مع مراتو وبنتو وهوما اخير حاجة يفكر فيهاا حاليا ولكن هادشي ماكيعنيش بلي غا يدوزهاا ليهم راه هاادا نوح المقزدر المصعور واجرك على الله مااعندو حدود لا فالكلام ولا ف الافعال لي قالها ليه راسو يديرها ولي ماعجبو الحال راه الباب الحباب....
غير سد عليهم تماا خرج من لصال وسد حتى داك الباب عليهم من برا بسقطة وبسوارت وزااد هيا هاديك لطنوبيلتو
نوح: غير ركب ف الوطو ديالو هز تليفونو كايصوني وهو كايفتح ف صدايف القاميجة منرڤي وطالع ليه الدم هو اصل متوتر اليوم ومشوش على قبل بنتو ومراتو واخا حالتهم مزينة الى داك الخوف عليهم وداك عبئ المسؤولية لي ملي شاف بنتو حس براسو ولات عاندو مسؤولية جديدة فوق كتاافو والخوف لي دخل للقلبو لي عمرو حس بيه حتى لليوم مابغاش يحيد منو لدارجة من دابا عاقلو كايمشي بعيد ويفكر ف المستقبل ديال بنتو وفشحال من حااجة غا الله يستر مع هااد العجل النطاح كانت عااندو غير المااس وماكانش مرتاح وهاني من جهتهاا داير ليها الحصاار ماكين لا خروج لا دخول الى معااه اما دابا علم الله اش غايدير مع بنتو لي ما كملاتش حتى نهاار منين تولدات وهو هز هامها من دابا ....
نوح: كايدوي ف تليفون....معك نوح البنداري
دكتور: اهلا سي البنداري كيف الحال وعيدك مبروك
نوح: الله يبارك(حك دقنو) واش نتا ف العيادة ديالك
دكتور: لا فدار و ماخدامش اليوم نتا عارف راه العواشر هادي واليوم العيد ماكينة خدمة
نوح: عضعض شفايفو... مراتي ولادت فدار وباغي نطنئن على صحتهاا هيا وبنتي شوف كيف دير وصيفط لياا شي ممرضة لدار
دكتور: مبروك تتربة ف عزك إن شاء الله
نوح : الله يبارك
دكتور: انا غانصوني على واحدة من الممرضة لي خدامين عندي تمشي للعيادة ونتا جيبهاا انا راه خارج باب برد راني مع عائلة مراتي اما انا لي ناخودهاا ليك حتى لدارك
نوح : مع سلامة (غير قال كلامو قطع عليه مافيه مايدي ويجيب ف الهضرة ).... غير هضر مع دكتور خدم الكونطاك وزااد خارج من الڤيلة وهو كايسمع العصر كايئذن الوقت بزربة كايدوز ونهار كايطير...خرج من الڤيلة طاير وهو مخدم رقم ديال ميمتو كايصوني عليها والسمعة ديال البلوتوت ف ودنيه ....
امينة: ولدي
نوح : حنحن وقال بصوت مبحوح وكايحك بيديه على للحيتو ... قولي لياا اش نجيب لبنتي
امينة: الله يستر اولدي ههه واش بغيتيني نبكي راني فرحنة بيك و بنتك
نوح: طلع حاجبو وهو الحشمة ماكيناش... غافرحي اميمتي راه ولدك ماكيهداش وماكيتهداش راني مزال نعطي والعاطي مولانا هاديك اللحيمة لي قدامك تعرفي كي جات يضرك خاطرك الحنانة
امينة: وجهها ولا حمررر هيا عارفة اش كاين الماس معودة ليها كولشي تزيرات قدام الحاجة وقدام الماس واسية وغفران واميمة لي نساو الماس ومخشين ف شامة صغيورة لي كاتلعب بلسانها وتشوف ف سقف ...
نوح: عضعض شفايفو... ااش نجيب؟؟؟
امينة: باغة غا تقطع معاه مابقا عندها لا السان ولا الوجه معاه ديماا محنسرها بداك.السان مايقول هادي ميمتي نحشم منها ما والو الكلام عااندو ف الوجه ... لا تجيب والو كولشي كاين راه جبناا كولشي انا واسية شحال هادي
نوح: الله يعاون... قطع عليها وهو كايشوف فطريق... باش مايجيب والو خاص مايكونش هادا نوح وماشي كنيتو البنداري ههه واخا جابو هماا يعااود يجيب هوو...
.....
.....
🎀عند الحلاقم🎀
امين: ملسوق ف ضهر عمران مخشين ف هاد لابسين وهوما كايقفقفو بالبرد المعجون مزال لاعب عليهم ولكن ماشي حتى لهاديك الدرجة بحالة بداو يصحاو...
امين: سنانو كايضربو ف بعضياتهم ب البرد .... ي يااربي ن نصحاا و و والله لابقيت نعاااود
بلال: شد فواحد الحاشية ديال لابسين لي غير صغيرة وكيقفقف حتى باش يطلع من لابسين ويوقف عليهاا والو خاص ضاروري الباب يكون محلول باش يخرجو ونوح سدو عليهم وحتى باش يغااوتو مايسمعهم حد حيت الزاج عازل للصوت ههه تماا بقااو...
عمران: حتى هو شد ف الحاشية ديال لابسين و امين ملسوق ليه فضهرو... ب بعد لهيه القلاوي
امين: حتى هو كايضحك... هههههه حق ربي يا معجن هههههههه د هههه درت ف سلوو لي كليتوه معايا صبح طرف ديال الحشيش
بلال: كايحيد فهاديك الفوقية حيت ما كايقدش يعوم بيها وفنفس الوقت كايضحك.... هههههههههه واايلي هههههه
عمران: بحالة بداا يصحصح وبحالة عاينيه بداو يتسكدو ليه شوية حيت هو ما كلاش بزاف كيف كلا امين وبلال ... نتااا راك وااحد ولد القحبة ما منيكش زووج والله حتى نقول ل نوح بلي نتاا سبابناا راه بسبابك كاانشوف زوج زوج من الحاجة
بلال: ههههههه وماشتيش انا لي كانشوف بنادم كايشطح ههههه نااري وهو ولد الكلبة داير لينا المعجون
عمران:عاينيه حمرين ومازال كايدخل ويخرج ف الهضرة... حق رب مانتفك معاك مع نوح غير حتى نصحصح مزين والله يا حتى نفرشك معاه وهاديك ساعة عوم بحرك معااه
امين: موقلب كايجيه عمران بحالة كايغاني بعد من عمران و حتى هو شد ف الحاشية ديال لابسين و كايضحك... هههههه ههههههه
عمران: طلع رجليه فوق المااء وحيد من رجليه تقاشر وكايوريهاا ل بلال وامين... رجلي كرمو ب البرد
امين: غير شاف رجلين عمران وهيا تخرج ليه الخنونة بضحك وقال بطنز... كنت كانشوف بنادم طول مني وكنتقبلها ولكن باش نشوف رجلين طول مني ف انا غنجمع حويجاتي فتقاشر او نمشي نتعاشر مع النمل
بلال: غير شاف رجلين عمران وهو يضحك ههه مع البرد رجلين عمران كايبانو طوال وبايضين ب البرد بحال ديال الممياء ومع دابا معجنين ومرفوعين غا لي شافها يضحك عليها ... ههههههه تتنعسهوم معاك ولا تتفرش ليهوم بوحدهم
امين: حتى هو كايشوف فرجلين عمران ويضحك...العار لماا سول رجليك واش ف 2030 غيسالي الفقر كون راه وصلو ليها بكثرة ما طوال ههههههههه
عمران: مخسر فيهم صيفتوو... راه رجليا زوينين
امين: كايشوف فرجل عمران ويطنز... زوينين تبارك الله اش مسميهم
عمران: عرف بلي صاافي بداو بطنز ديالهم... تقااودو لا
بلال: كون تسمع لياا وسير دير ليهوم لا كارط ناسيونال راه مابقاوش محسوبين عليك
امين: ههه والله ماكدبتي مابين الصبع الكبير والكدم 70dh د المركوب
بلال:واقيلة القابلة جبداتك من رجليك 😂😂
امين: لا مشيتي تا ضربتي دنيا بركلة مشينا فيها كاملين 😂😂😂
عمران : هز يديه وشد امين من حوايجو وخرج فيه عاينيه وهو معصب... ماال اصلك اتبي حتى رجليااا تابعني فيهم رااه اول حاجة منين يجي نوح غااانقول ليه اش درتي وهااديك سااعة ضحك ليك مع رااسك
بلال:كايحيد عمران من امين ويضحك... هههههههعع و و واصافي حتى يجي هههههههه
عمران: بحالة بدااا يصحااا طلع ليه الدم بالبياان هو كاايقد من جيه مع خووه وهااد راس الخاصية كاايعورهاا ليه من جيه ماابقاا عارف ااش يدير معااهم راسو غايتفركع بسبابهم وخصوصا كلام نوح لي كان قالو ليه منين كان نوح ف الكلينيك مابغاش يتنساا ليه مزال بحال شي غصة ف حالقو وامين دابا غير مزاد عوراها بفعلتو ... بففففف حق رب ياابغين نووح يخورنااا ماافيهااش
بلال: كايضحك... هههههههههه
عمران : بقا شحال سااكت حتى رجعات بيه داكرتو لصباح.و واش كان كايقول بحالةجاب ليه الله كايحلم...عض شفايفو وتوجه جهت امين مغدد وهز يديه حتى الفووق وعطاااه ليه لكمارتوو حتى بغااا يهرس ليه حنكوو وشدو من حوايجوو وخشاااه داخل ديال لابسين مغارقو ومخاليه كايبقبق... يحرق مك اولد الخضخضة كاان بااقي لمي غااا المعجوون هاااميمتي لي عمري خسرت حداها الكلام اليوم قولت حداهااا كااع بلانتي اول الهم
بلال: توجه جهت عمران ودفعووو بجهد وجر امين من يديه محايدو ليه.... وااااش تسطيتي
عمران : مسح على وجهو وهو كايقفقف... من نهااار لي شفت هااد وجه زب واناااا غاا من مصيبة لمصيبة مع خوياااا
بلال: كايضرب فراسو بااغي يصحصح و والو كولشي كايبان ليه مقلوب ومنو زوج وبنادم كايشطح... بفففف وتاااا راه هو ولد الكلبة ماتيحشمش باغي نوح يقطع ليه تبووو غاا خاليه يطير حتى يعالقو نوح من قلاويه.
امين: حط وجهو على الحاشية ديال لابسين وكايتنفس بجهد ويهضر.... ت تبي اصااحبي شدني منو قبايلة ونااااااري كان يحساب ليا غا شي طحبة لي كدااعب ليا قليواتي
عمران : تفركع فيه ضحك ماقدش يحبسها...ههههههههه ينعل بووك الكلب
بلال: هههههههههههه.....
......
...... الحلاقم هماا الحلاقم الفم مااضي ودراع كااضي ههه مااكيهزو هم الوالو واصلا إناا هم غاايهزووه وهو نوح هزز همهم وهمو فوق كتاافو هزز هم عائلتوو فوق قفااه وعمرو قال اناا عيت ولا تهديت مااباغي منهم والو غاايشدو طريق المستقيم معااه ومع الله... ضاحكين ناشطين ومخالين حريرتهم مع نوح فيد الله ودابااا وقع لي وقع ومابقااا ليهم مايقولو ولا مايديرو من غير يستنااو العجل يرجع ليهم وعلم.الله اش كايستنهم معااه...
......
.....
داز الوقت وطاااح الليل... نوح مع المغرب كان جااب الممرضة فيديه لي غير دخلها على المااس لي كانت فايقة وفيديها بنتها واميمة وغغران ومهدي صغير جالسين حداها اما امينة والحاجة وعائشة مشااو يديرو العشاء حيت واخا ولدات الماس ضاروري من العشاء حيت جاين فطريق عائشة وراجلها وحتى رحيمو وراجلها و الحاج العاقيل ومراتو جااين يباركوو للنوح وفنفس الوقت يقاصرو معاهم ويدوزو معاهم شي يامات حتى للسبوع...
نوح: دخل وهو هز فيديه شي صيكان لي مكتوبة فيه الماركة ديال المحل و من وراه الممرضة لي حتى هيا هزة معااه ومتقلة...
حط كولشي على الفوطويات وهو عاينيه ف الماس لي كاتشوف ف الممرضة لي معااه مع مالبساش عليها حوايج الخدمة ماعرفات شكون هاد خيتي غا جمعات شفايفهاا مخنزرة وكاتشوف فيها...
نوح: توجه جهت المااس نيشان وتحناا عليهاا وباسهاا جنب فمهاا حتى اميمة وغفران بقاو غا كيضورو فعاينيهم.. طلع راسو فيها وهو حط يديه على خدهاا وقال بفحيح... كيف حالك وحل بنتي
الماس: عضات شفايفها وشافت فيه وهيا حشمانة من تصروفاتو المفاجئة... الحمد لله(شافت ف الممرضة وشافت فيه) ش شكون هاديك
اميمة: خرجات عاينيها ف الماس ماكانش يحساب ليها غاتبيع بجداتها لي قبايلة قبل مايجي نوح طيبات دجاج وطلعات عندها وحلفات ليها بلي بيه غا تتعشاا اليوم وماكين لي يفكهااا الشي لي خلى الماس تضطر تشكي بيها لنوح لي عقد حجبانو كثر من ما هوما معقودين وخنزر...
نوح: هز يديه كايمسح ليها على خدهاا وقال بفحيح... جداك بدودة لي فيهاا مابقاش مقنعهاا غا السي عبد السلام ولات كاتقلب علياا نزوجههاا بالسي العاقيل يمكن
الماس : خرجات عاينيها فنووح... اااء
نوح: تحنى عليها وباسها من خدهاا... وشاف فيهاا... اناا غانتكلف (شاف فيها وعض شفاايفو ) وهكاا نبغيك لي يقلق راحتك قوليهاا لراجلك وكوني تسمعي الكلام
الماس: بلعات ريقهاا ندمات علاش هضرات... غ غير قول ليها ما تعملوليشي وصافي خايله انوح ماتعصباشي
نوح: شاف فيها وخنزر... دخلي سوق راسك وديهاا ف بنتك وفراسك(باسها من جبهتها وتحنى على بنتوو حتى هياا باسهاا من جبهتها وهو ماشبعش منهاا بااغي يجلس معااهم غير بزووج ولكن يصبر اليوم عطاا الله الليام... نااض واقف وشاف ف الممرضة لي كاتشوف فيهم ومبتاسمة... ديري شغلك وغير تسالي هبطي لتحت غاتلقاي شيفور غايوصلك حتى لدارك
الممرضة : واخا شكرا...
نوح: شاف ف غغران اما اميمة منين كدبات عليه قبايلة صافي ماباقيش يحاشيه ليها... بقاي هناا غير تسالي علميني
غير قال كلامو زاد خارج مخاليهم غا هادا كايبعصص فهادا وخصوصا اميمة لي ماعجبهاش الحال منين قمعهاا شافت ف الماس
اميمة : حشومة عليه
الماس: عودو ليها البلان كولو و واش وقع... نتينا كدبتي عليه اختي وهو الكدوب ماعندوش معاهم...
اميمة: شافت ف غفران... كولشي بسبابك شني كنتي غا تخسر الى كدبتي حتى تينا
غفران: مانقدش كا يخلاعني
اميمة: بففف حتى الباب د لصال مشدود عااندو مانعرف واش باقين تماا ولا مشاو لشي بلاصة...
غفران: والله مانعرف
الممرضة: قربات جهت الماس... اختي واش نبدا ليك بالفحص
الماس: بإبتسامة... واخا
....
بدات الممرضة كاتفحصها منبعد ماهزات اميمة البنوتاا من على الماس... الممرضة غاتفحص الماس هيا الاولى عااد غاتتوجه للبنوتة لي مشاء لله باينة صحتها مزينة وبخير...
اما الماس بنسبة للولادة ديالها دازت ساهلة والحمد لله ماتعدباتش بزااف وهادشي بفضل الله سبحانها و تعالى...
🎀عند نوح 🎀
غير هبط التحت توجه ديريكت للكوزينة لقاا الحاجة وامينة واسية طايحين كايطيبوو وغاا نسايم دجاج محمر بدغميرة و اللحم كايطيب ريحة طيااب عاطية فدار...
نوح: غير دخل مشاا جهت امينة باسها على راسها وقرب جهت الحاجة حتى هيا وباسها على راسهاا وضور يديه على كتافهاا وحضنهاا لجنبوو بحال ميمتو... شكاا تصنعي
الحاجة: ضحكة غا تخرج ليها من عاينيها بكثرة الفرحة ب بنتها وبحفيدتهاا كاتشوف سيدي ربي منين حرمهاا من شامة جاب ليها الماس ومنين سمح فيها عبد رزاق جاب ليها نوح ومنين مات ليها عدنان جاب ليها شاامة صغيرة والحمد الله اما الفرحة الكبيرة هياا منين قالت ليها المااس بلي نوح نااوي يسمي بنتوو شاامة على إسم بنتهااا وبلي ملي أذن ليها فودنيها نطق بسميتها ثلاثة مراة الشي لي خلى الحاجة تبغي طير بالفرحة...
شافت فنوح وضحكات وهيا ضورات يديها على خاصرو... كانوجد لبنتي ما تكل
نوح: طلع حاجبو فيها... شنو موجدة
الحاجة: زادت جهت طنجرة لي كاطيب وهيا باقة شدة فنوح وحتى هو هكاك.. فتحات على طنجرة وشاافت فيه... دجااج بلدي ل الماس باش ترجع صاحتها ودير الحليب فصدرهاا
نوح: شاف ف الحاجة وهو عاقد حجبانو ... الماس ما كاتكلش البلدي الحاجة ونتيا عارفة لي كاين
الحاجة: شافت ف نوح وجمعات شفايفها... دابا غاتاكلو بزز منها اولدي راه كايدير الحليب ومزين ليهاا يقوي ليها المناعة ديالها
نوح: عض شفايفو ... كايدير الحليب
الحاجة: قالت فنفسها صافي حتى هو غايولي معايا... اه سول ميمتك وتقول ليك
نوح: بعد من الحاجة وهز واحد طبسيل كان على البوطاجي وتوجه جهت طنجرة حيد ليها الغطاء وخواهاا كلهاا فداك طبسيل وريحت داكشي زوين وكايشاهي والحاجة عندها طياب متقون.. شاف ف ميمتو... فين الخبز
امينة: نعتت ليه لشبكة ديال الخبز لي محطوطة فوق صالة مونجي لي ف الكوزينة... توجه جهت الخبز وهز واحد النص كبير ودارو تحت يديه ورجع جهت داك طبسيل وهازو بين يديه
الحاجة: غا كاتشوف فيه... شني كاتعمل ابني
نوح: شاف ف الحاجة وقال نيشان ماكيحشم ماكيرمش... باغي نااكل الحاجة الى كان غايدير الحليب ل الماس انا غايدير ليا اللبن(شاف ف ميمتو) ياك اميمتي
الحاجة: خرجات عاينيها فيه اما امينة واسية قلبووو وجههم بالحشمة ونكرو الحاجة مع هاد المقزدر ههه ...
نوح: هز كولشي وقرب للحاجة لي مصدومة وباسها فوق كتافها بحالة كايشكرهاا ولد الهم هههه وزاد خاارج من الكوزينة يعمر كرشو لي من صباح مدااق النعمة ومع هو عكس الماس كايحمااق على البلدي هههه
... خرج وحط كولشي فصالة العصرية فين كاينة صالة مونجي الكبيرة لقااا السي عبد السلام جالس تماا ... لي نوح شاف فيه وعرض عليه ياكول معااه لي حتى هو مردهاش ليه فوجهو هههه...
غير شي ساعة بحال هكاك حتى كانت العائلة وصلات الحاج العاقيل ومراتو فاطمة و السي حمد وعائشة والسي سعيد ورحيمو كولشي جااا وتجمعوو كلهم ف صالة البلدية الامداح مطلوقين وريحت الند فواحة من الدار هههه كولشي نااشط وضااحك العيد ولا بنسبة لنوح زوج عياد الفرحة ديال العيد والفرحة ديال المولودة جديدة لي ملي كاتنوض تبكي كاتقلب الدنيا قليب بغواتهااا بحالة كاتقول ليهم انااا راه كااينة هههه... الممرضة طمنت نوح على الماس وبنتو وقبل ماتمشي خلصهاا وتهالى فيهااا ديال بصح غا زرقة لختهااا خيروو باااين والى لقاا مايعطي يعطي ومايقولش لا ولد الخير وخيرو ما مخابيهش وما سقرامش...
اما الحاجة ما هضراتش وماعلقاتش على ستوون لي دارو ليها نووح هه...والماس دارو ليها رفيسة ديال دجاج ولكن بالدجاج الرومي ماشي البلدي هاد المرة هههه ...
اميمة وغفران الليلة وهوما كايضورو باغين غاشي خبار على عمران وبلال وحتى الحاجة كاتغمز فيهم وتقول ليهم قالبو واش كاينة شي خبار خاطرها مشوش على امين لي بنسبة للحاجة مرتابتو كبيرة فقلبهاا بحالو بحال المااس هااد زووج ديال الناس بنسبة للحاجة تفني روحهاا على قبلهم وماتبغيش لي يقيصهاا ليهم واخا بكلمة...
قطعوو ياسهم بلي نووح صافي سد عليهم ف لصال وماعرفينش بلي نوح سد عليهم داخل لابسين لي من شحال وهو مسدود والماء ديالو بااارد ومكلاصي حيت ماكيضربش فيه الشمس سقف مسدود اما دابا فهاد نص الليل والجو بارد كون راه تجمدو...
دوزو الليلة جالسين ناشطين ضاحكين واخا مشوشين على الحلاقم الى كايقولو غير مسدود عليهم ف لصال ونوح مادار ليهم والو هههه...
....
اما الماس هاديك نعساات فبيتهاا هيا و بنتهاا مسكينة مهلوكة وحتى نوح مخاليها على خطرها وحتى مايقدرش يسمح فرجال ويطلع عندهاا كون غير كان عمران وحلاقمو معاهم يطلع ولكن هما ماكينينش مايقدرش يطلع ويسمح فيهم يمكن نوح لسانو سليط وماكيحشمش الى مع ضيافو ونااسو عاطيهم حقهم وقيمتهم وخا كلامو قليل الى بجلستو معاهم كاافية و وافية...
نوح مانساش الحلاقم ف لابسين بل بالعكس مفكرهم ومخاليهم تماا عن قصد كون ما هما من حبابو كون دار ليهم كثر...
دازت هاديك الليلة ناشطين ضاحكين يا سلام الخير موجود فدار البنداري حطو العشاء لي على حاقو وطريقو وحتى رفيسة ديال النافسة دااقو منهاا حيت حناا من اصل ناس شمال المراة ملي كاتولد كايعطيو من ماكلتها لموالين دار وكاع لي كاين فدار(ماعرفتش واش هاد القاعيدة غير عندنا ولا حتى نتوماا )
غير كلاو وجدو كويس ديال اتااي لي حطووه للرجال اما نساء كلهم طلعو عند الماس وطلعو ليها عشاتهاا لي غير طلعو لقوهاا فايقة مع بنتهاا لي كاتبكي و باغة ترضع وماعرفاش كيف دير ليهاا...
سلمات عليها عائشة ورحيمو وفاطمة مرات الحاج العاقيل لي دابا غا تخرج بحالهاا هيا والحاج غير طلعات تسلم على الماس... باركو ليها وجلسو حداها اما مرات الحاج العاقيل خرجات بحالها وهبطات معاها امينة...
عائشة : قربات جهت المااس وهيا كاتصلي على نبي وكاتعونها ترضع بنتها وكيفاش دير ليهاا...
كاترضع بنتهاا بحدر كبير وشدة صدرها بيديها خايفة لا تخنق بنتهاا ولا شيحاجة وهيا الفرحة ديال هااد نهاار ما تعطيهاا للحد...
رضعاات بنتها حتى شبعاات ونعسات وهيا كاترضع عااد هزتها رحيمو من عليها وحطتهاا ف السرير لي شراه نوح لبنتو غير قبايلة على ما يوجد بيت بنتو لي غير حداهم وبابها مقابل مع بييتهم غير ماكانش فرشو حتى يشوف ربي شنو غايرزقهم...
غير حيدات ليها البنت دخلات صدرها وقربات الحاجة جهت المااس باش تعطيهاا تااكل لي الماس غير شافت رفيسة ريوقهاا سالوو
الماس: ماقدراتش طلع عاينيها ف الحاجة غير من كلام جداتها عرفات بلي نوح دار ليها شيحاجة باش ماطلعاتش ليها دجاج البلدي... ش شكرا عزيزة ربي يخليك ليلي
الحاجة: شافت فيها بنص عين... كول كول وسكت انا لي خاصني العصى اما هو يهبط للكوزينة ويطيب ليك ادجاج لي خسرت فيه الفلوس ديالي وصباح وانا كانريش فيه ونسلاخ وناقي وطيبتو من قالبي وجاا شهوة منو جااا هو وخداه لي وكلاه الله يستر من الحالوف هادا طنجرة كلاهاا كاملة وقول واش خلى فيها شيحاجة
اما لاخرين لي عودات ليهم اسية وامينة البلان بغاو يخراو بضحك والحاجة ماعجبها حاال ديما خارج ليها نوح فعودها ومخسر ليها بلانتها ههه...
دااز داك الليل منبعد ما كولشي خلى الماس فراحتهاا ومشااا ينعس اما نوح حتى مشاو رجال ينعسوو عااد طلع الفوق للبيتو وهو تعبان باغي غا وقتاش يوصل عند بنتو ومراتو الليل كلو وهو كايقول غا وقتاش يسالي هاادشي ويمشيو بحالهم ينعسو ونطلع عند ولادي...
غير طلع فتح باب البيت ودخل غير دخل وهو يشوف جهت سرير لقاا المااس ناعسة وغارقة ف النعااس ما حسااش براسها ناعسة وشخيرها مسمسوع بحال ديال المشاش ههه مسكينة مسخسخة... سد الباب بشوية ههه مابقاش كايسرطح ف البيبان ههه... سد الباب وقرب ليها وهو كايحيد صباطو برجليه غير حايدهم توجه جهتها هيا وباسها من راسها وطلع عاينيه فبنتو ههه عاينيها محلولين وكاتشوف فسقف وتلعب بيديها ورجليها وبلسانها عض شفايفو وتوجه جهتها وهو قالبو كايضرب دابا عااد غا يشوف بنتو براحتو ويجلس معاها براحتو...
غير قرب جهتها مد صبعو وحطو وسط على خدهاا كايمسح ليها بشوية فوق خدهاا بصبعوو وهوو داايب فبنتووو حبيبتوو لي ولا هز همها من دابا...
نوح: شدات ليه على صبعو بيديها صغيورة رطيطبة الشي لي خلى نوح قالبو يتهز وعاينيه يوساعو فيهاا تحناا عندهاا بجهد وباس ليها يديها بشوية براس شفايفو وهو داير بالو لا يشوكها باللحيتو ههه... طلع عاينيه فيهاا وخشاا نيفو فخدهاا غير بشوية كايشم فريحتهاا لي نفس ريحت ماماهاا ماخلات منهاا والو وقال بشوية وبصوت مبحوح ... شااااااامة
شامة: كاتلعب بلسانهاا بشوية كاتخرجو وداخلوو ومزيرة بقبضة يديها صغيرة على صباع باباها السي نوح البنداري...
نوح: بقاااا كايشم فريحتهاا وهو مزال مامصدقش بلي صافي بنتو هاادي وراها بين يديه ومعااه كايحساب ليه كايحلم وخاايف يفيق من هااد الحلم لي هو فيه ويتصدم هاديك سااعة غا يحمااق مافيهااش ...
بقاا كايشوف ف بنتو وهو كايتفكر هاديك الحلمة لي حلم فيها شاامة ماكرهش يعاودها ل الماس الا مأجلهااا حتى للوقت المنااسب وحتى تسالي هااد الحريرة لي شحال من مسمر كاين فراس نوح وخاص يطرقو لي هو ثلاث ايام لي قالت ليهم الحاجة بلي ناس كثامة او ناس شمال عاندهم واحد تقاليد وعادات ديال النافسة منين كاتولد كايديرو ليها تلتيام ياعني منبعد ثلاث ايام نااس الضوار والعائلة كلها كاتجي قبل سبووع وكايجيو بلى عراضة الشي لي خلى نوح انه يوصي الحاج على دبيحة والخايمة حيت نااوي يدير صداقة كبيرة ومرحبااا بكااع الناس لي كايعرفهم ولي ماكيعرفهمش... وهاد الزردة غاتكون بعد ثلاث ايام لي غايدير الزردة بنهار وسبوع غاا يقاربو ويديرو ب الليل ولكن الى حالة المااس تحسناات واكيد غايخالي هاد الامر حتى للوقت المناسب ويشوف على حساب الجوو...
بقاا شحال هكاك مع بنتو كايشوف فيها حتى ماقدرش يبقاا يزيد يوقف وفنفس الوقت ماساخيش يحيد عاينيه منهاا عض شفايفو ومد يديه ليهاا وهو حاني عليها وكايحاول يهزها بين يديه وهو داير بالو معاها وخاايف يقصحهاا بقبضة يديه ولا يهرسها من شي جيه... هزهاا بشوية بيديه وهو مبعدها من على صدرو وزاد غادي بيهاا جهت سرير حطهاا فوق سرير حدا الماس لي شعرها مطلوق لي طلقاتو ليها رحيمو على طولو وحايدو ليها زيفهاا... حط بنتو ف الوسط و وقف واقف وهو كايشوف فيهااا حط يديه فوق صدايف قاميجتو كايحيدها... حيد قاميجتو وتبعو سورال وتقاشر وبقا غير بالبكسر اسواد وحدو وزاد جهت سرير وتجبد قدام بنتووو نااعس على جنبوو وكايشوف فيهاا ويشوف حتى ف الماس عاينيه مارصينش كل مرة وفين يشوف صافي غا يخرجو لبووه العقل هاد زوج كميشات هههه ...
نوح: مجبد على طولو قدام ولادو كيف كايقول هو صدرو منفوخ وكتاافو عرااض عضلات كرشو وصدرو متورمين وعروقو بارزين وباينين فرومتو كاتسلب العقل ولي مزين هااد الكسدة هما دوك شعيرات لي مزينين ليه صدرو بشكل جدااب وهابط خط ديال زغاب خفيف من صدرو مرورا بكرشوو حت هبط تحت البكسر... كايشوف ف بنتو ومراتو بنظرات مجنونين إنسان مجنون فحبوو وعشقو وفكولشي ماعندوش حدود فوالو لي قالها ليه عااقلو كايديرها والحمد لله عمر عاقلو وقالبو وإحساسو ما خيبووه...
مد يديه لبنتو وحط زوج صباع كايدوزهم فوق جساد بنتو صغيور حتى ولا كايحك ليها بشوية بصباع يديه على جسدهاا وهياا ولات كادير بحال المشاش كاتتجبد ليه تحت يديه وتحرك يديه ورجليها الشي لي خلى نوح يوسع عاينيه فيهااا ويبقااا غاكيشوف فيهااا ويشوف فهاد الكياتة والبراءة وهااد الزين لي رزقو الله لا فمراتو ولا فبنتوو
نوح: بقا كايشوف فيها شحال حتى طلع عاينيه ف بنتو وقال بفحيح... لي مااعندو بناات ماعندو وين يبات(قرب لبنتوو وحط شفايفو على جبهة بنتو وقال بصوت خاافت وحنين)... ولي ماعندو بنات ماعرفوه وين ماات(باسها وطلع عااينيه ف الماس لي غارقة ف نعاس ومد يديه ليهاا كايدوزهاا على خدهاا وهبطهاا نيشان على شفيفتها وكايدوزها بشوية فوق شفيفتها وبلى مايحس خرج لسانو مدوزو على شفايفو كتيفزكهم بريقو وقال بعيون نايمين ) وأنا لي حبني القمر بكمالو مايهمني النجوم إذا مالو...
جنون نوح الجزء 53
محتوى القصة
التنقل بين الأجزاء