شهوة ملاكم الجزء العاشر

اشراق : فكرت مزيان.. قابلة بالعرض ديالك...

عصام : احسن قرار .. كنت كنساينك تعيطيلي ..

اشراق : عطيني كاع سيمانة نقاد اموري .. واش بغا بعدا..

عصام : نتي غير قادي مسائلك و الباقي عليا.. (تنهد) اشراق هادا احسن قرار ..

اشراق : وي عرفت مهم نخليك ..

قطعات اشراق معاه متفكر نهار عرض عليها تمشي تخدم..

#فلاش باك

كانو فبين الودان .. صباح لي غيرجعو بحالهوم... غير هبطو باش يمشيو.. شافت عصام كيمغمزها باش يدوي معاها على انفراد.. فالاول استغربات.. قالت يمكن اديب موصيه على شيحاجة..

اشراق : وي عصام عيطتلي

عصام : اشراق غندخل فالموضوع.. مور اخر هضرة بيناتنا عرفت راسي قصيت عليك .. لكن راه اديب خويا ماشي صاحبي.. و ميمكنش نشوف حياتو كضيع و نسكت..

اشراق: عصام ميساج وصل .. ماشي كل مرة غتجبد معاي الموضوع.. اصلن ها هو مشا دونك رتاح..

عصام : مكافيش خاص نتي تمشي

اشراق(باستغراب) : كيفاش واش من شركة زعمة

عصام (بجدية ) : من المدينة

اشراق : واش منيتك واش عارف شنو كتقول..

عصام : كندوي بصح .. اديب و كنعرفو.. الى دخلتيليه فدماغو.. غيبغي يعرف اخبارك.. غيبقا متبعك.. يقدر يرجع كاع.. مبغيتش تبقا شي صلة بيناتكوم.. حتا من صحابكوم مشتركين مبغيتش يبقاو..

اشراق (بعصبية ): باشمن حق كتدخل فيا و فقراراتي .. صاحبو و فهمناها مي باش دخل كتر من اللقياس.. لا سمحلي هنا و صطوب

عصام : هادشي راه فصالحكوم بجوج.. الى كتبغيه و باغاليه الخير خاصك توافقي على العرض ديالي

اشراق ( باستغراب) : اشمن عرض..

عصام : مبقالك والو و سطاج يسالي و غتضطري تقلبي على خدمة ... لي عليا الخدمة غتجي حتا لعندك .. غير هيا بعيد على كازا.. نتي غتخوي المدينة فالمقابل غتبداي حياة جديدة .. من نمرتك تبدليها..

اشراق : شنو هيا هاد الخدمة .. و شفتك كدوي بحالي متاكد غنوافق و كدخل فتفاصيل كاع .. مهم غير باش متعييش راسك .. عرضك مرفوض.. مغنمشيش نبدا من 0 على قبلك.. هنا ماشي غير اديب لي كاين.. كاينا حياتي.. كاين صحابي.. عندي دار .. و الخدمة غلقاها.. غير هني بالك .. معنديش سبب لي غيخليني نغير حياتي..

عصام : فكري مزيان متكونيش انانية.. شوفي صاحبي عندو شركة صغيرة و محتاج سكرتيرة.. نتي ديجا عندك مع الحسابات غتنفعيه نيت .. و زيد المدينة غير قريبة .. راه غا رباط.. دوك لي باغا تبقاي على ودهوم.. يجيو عندك بشرط متكونش عندهوم علاقة باديب.. و الى على دار كاين وحدة صغيرة كنعرف مولاها نكريهاليك انا هاد شهر من تم لهيه عومي بحرك.. ولي تخلصيها راسك...

اشراق : علاش هادشي كامل ياك اديب مشا ..

عصام : واش مبغيتيش تفهمي الى بقيتي ممكن تعاود القصة تاني .. معتز بالي دايرك فراسو و الى اديب حس بيه كيضور بيك اكيد غادي يرجع.. غادي يبقا بالو هنا .. رحمي سيد و خليه يبني حياتو.. راه ماشي بحدك لي غادي ضحي على ود.. راه كاملين مضحيين

اشراق ( باستهزاء ) : باش ضحيتي بسلامة.. شنو درتي كاع

عصام : مهم مكاين لاش تعرفي .. غير هو ديري فبالك انا و اروى سبب حتا قبلو اديب .. متجيش ضيعي لينا كلشي

اشراق ( بصدمة ) : كيفاش اجاب اروى لهضرة

عصام : ماشي ضروري تعرفي.. مهم العرض هاهو فكري فيه.. و الى وافقتي علميني ... حقا دوي مع ديك ختنا تقلب عليا

اشراق : شكون هادي (باستغراب) واش كوثر

عصام : و شكون من غيرها .. سمعي وصليلها بالفن انو بلا متبقا دور بيا .. راه مغتصور من موراي والو.. منكرش بنت ضريفة و كانت بدات كتعجبني فيزيكمون.. و كون طحنا فضروف خرى ممكن نزعم نتقرب منها..لكن دابا مبغيت حتا حاجة لي تجمعني بيكوم .. بلا متبقا مصدعاليا راسي ..

اشراق: واش شويا لاباس .. شنو قربها ليك .. ياكما على ود اديب غتبعد من كوثر و لا كيفاش..

عصام : واش منيتك راه على ودي حتا انا متنسايش شكون هيا كوثر.. راه ماشي حيت ضحكت معاها و دوينا شوية راه صاف راني طايح فيها .. راه غا كنت باغي ندوز الوقت و صاف .. و هيا غا عطيتها نمرة مصدعاني بقوة لي مساج...

اشراق : اصلن هيا تستاهل محسن منك.. يكون راجل عليك..

زادت اشراق كتغلي محملاتوش.. كان عزيز عندها لكن زاد فيه .. ممنحقوش يقرر بلاصتها و لا يسيرها .. و زيد بلا حشمة كيدوي فكوثر و يطيح منها

#نهاية فلاش

تنهدات مكانتش باغا توافق مكانتش باغا تخوي لمدينة.. مي جا الوقت لي تكون انانية لي تفكر فراسها.. عندو صح حتا الايمتى غتبقا كتجلوق.. تبقا بلا خدمة.. الى عولات على لاصال مغتكفيها فوالو .. اديب راه كيعيش حياتو.. مشا يبني مستقبلو و هيا شنو تبقا مقابلة التفاهات...

تنهدات كتمنى متندمش على قرارها .. كتحاول متفكرش فالبنات و مينة باش متغيرش من رأيها.. هاكا حسن.. يكفي لي عاشتو.. جا الوقت لي تبني مستقبلها... جات فبالها ايمان هزات طيل عيطاتلها

ايمان : على سلامة تفكرتيني.. مني دفنوه مزاروه

اشراق (بتعب ) : مساليتش.. فين راكي رجعتي لخدمة و لا باقي

ايمان : مقديتش نمشي قلت حتا لعشية.. عيطت لمعتز نعلمو مجاوبنيش .. قلتها غير مروة

اشراق (بدون قصد) : معتز راه غارق اصحبتي واش هو دابا فوضع يسول فالشركة.. بيني و بينك واخا معنديش معاه هو ديك ياسمين مي بقااو فيا .. الله يفرحهوم

ايمان ( مستغربة قلبها بدا كيضرب ) : علاش مالهوم ياك لاباس.. شنو وقع..

اشراق ( تنهدات) : واش مقالك والو عصام و مروة

ايمان ( تخلعات ) : وادوي راه قلبي غيسكت بالخلعة

اشراق: ياسمين حاملة و الحمل ديالها فخطر بسبب المخدرات لي كتعاطا..

ايمان كلمة حاملة بقات كتعاود فودنها مقدراتش تيق .. حاسا براسها كتحلم..

ايمان (مصدومة ) : كيفاش حاملة و ايمتى عرفتوها و علاش مفراسيش

اشراق : لبارح سخفات و ديناها لكلينيك.. يمكن غير نسا عصام يقولهاليك.. اصلن معتز مبغا حتا حد يعرف.. و اكد باش يبقا هادشي بيناتنا ..

ايمان دنيا كضور بيها.. بلا شعور حطات يدها على كرشها.. معرفاتش علاش مقدراتش تقبل الخبر.. واخا هو عادي .. يمكن حيت عاد فقدات بنتها.. يمكن حيت عقلها بنالها اوهام.. مشعراتش حتا دموع بداو كيهبطو كتحاول تكتم شهقات ديالها..

اشراق ( كتسمعها كتشهق ) : ايمان مالكي جاوبيني

بقات اشراق كتسمع غير صوت شهقات ايمان.. حتا تقطع الخط .. عيات تصونيلها مكتجاوبش.. تنهدات ندمات كاع لاش دوات مفهماتش مالها.. شدات طاكسي لعندها تشوف شنو وقعلها..

غير وصلات بقات شحال كدق.. حلاتلها الباب مامات ايمان

مامات ايمان : جابك الله ابنتي معرفت مالها كانت صحة سلام حتا سورتات البيت و كنسمعها كتبكي.. عييت فيها تحل غير نفهم.. مبغاتش

اشراق : غير تهناي انا نشوفها مالها..

دخلات اشراق بقات كدق عليها..

ايمان (كتشهق): اشراق سيري بحالك مقداش نهضرو

اشراق : حلي حلي راه منهنا منتحرك

ايمان ( كتغوت ) :وأعطيني تساع مباغا نشوف حد

اشراق : راك غادي تسوفيني حلي نعاودليك..

ايمان (كتشهق ) : يكفي لي سمعتو

اشراق : وراه غا ضحكنا معاك تيقتي

ايمان : كيييفاش .

اشراق : واحلي باش تعرفي راه عيت بلوقوف ..

حلات ايمان الباب غير شافت اشراق بدات كتبكي تاني

اشراق مبردة كتشوف البيت مقلوب سفاه على علاه .. دخلات بشوية عليها مسوقات.. . لدرجة ايمان بقات مستغربة فيها كتشوفها خلاتها ممسوقالهاش و مشات حيدات صباطها و تجبدات ..

ايمان ( مستغربة) : شنو بغيتي الى جيتي غير تواسيني مكاين لاش

اشراق : علاش غنواسيك مالكي شنو واقع

ايمان : كتشوفي حالتي كيف دايرة و مبردة

اشراق (ببرود) : بغيتي تسيقي وجهك نقوليك علاش .. ياه شحال فيك ديال دراما

ايمان : اشراق نتي مفهما والو ..

اشراق : عادي سمعتي ياسمين حاملة تفكرتي بنتك .. كتقولي علاش نتي خسرتيها و ياسمين سهل عليها الله ..

جات تجاوبها ايمان و قاطعتها اشراق : خليني ندوي و سمعيني..

شتي كون كان عندك فيها خير كون ربي كمل عليك .. مكانتش ديال دنيا .. غتقوليلي محسدتيش ياسمين .. بالعكس.. غنقولك معندك لاش تحسديها.. حالتها تشفي العدو الله يحسن عوانها.. باش تكوني كتعاطاي و تصدقي حاملة .. مابيدك لبلية مبيدك لولدك لي اصلن ممتقبلاهش راه بزااف.. شتي كون تشوفي حالتها.. تحشمي على هاد الحالة لي دايرة.

ايمان :هيا بعدا راجلها معاها انا راه فقدت كلشي بقيت بوحدي

اشراق (بحدة ) : منيتك.. حمدي الله على النعمة لي عندك واحد خور كيتمنى غير ربع لي عندك.. و الى على معتز .. العار واش كيبالك زوج ميتالي .. منيتك زعما مكتعرفيهوم

ايمان : هاد الولد راه غيصلح كلشي انا كنعرف معتز .. يفرط فكلشي الى ولدو

اشراق :بيني و بينك عندك صح .. عرفتي لبارح لاول مرة غنشوفو فديك الحالة .. غير داير الخاطر فوق جهدو..

ايمان ( كتفكر الوقت لي دوزوه الدموع كيهبطو غير بحدهوم) : سعداتها بيه ..

اشراق (كتشوف فيها بشك ) :ايمان فين كنتي لبارح .. صوتليك مجوبتيش..

ايمان ( توترات) :فين غنكون راه غير خرجت

اشراق(قشعات نونوس محطوط) : ايمان هدا( كتشير لنونوس ) مكانش هنا .. دوي دوي شنو واقع .(بقات كتلاقي الاحداث ) ... لبارح نتي مكنتيش.. معتز عيطنالو مكانش .. فليل قال غترجعي لشركة( حلات عينيها) وااااااااااش كنتو بجوووووووج

طارت ايمان شدات على فم اشراق :سكتي شوهتيني

اشراق( مصدومة ) : كيفاش واش كنتو بجوج ..

( كضور راسها) ميمكنش.. كييييفاش ... شنو جمعكوم مفهمتش...

ايمان (حنات راسها كتبكي ) : اشراق انا غلطت

اشراق ( مشا عقلها بعيد ) ناضت قافزة: اولي شنو وقع متقوليش غير وقعات بيناتكوم شي حاجة

ايمان : لا لا ماشي ديكشي.. لكن انا بنيت احلام من سراب.. تخيلت حوايج لي مستحيل يكونو

اشراق : كيفاش شرحيلي

بقات ايمان كتعاودلها شنو وقع ملي جا موراها معتز حتا لفاش ردها

اشراق :دابا غير فهميني واش نتي و معتز كانت بيناتكوم شي حاجة شحال هادي ....

ايمان:قصة طويلة .. مافيا ميعاودها دابا.. مقدراش والله

اشراق ( تنهدات ) : ايمان سمعي مزيان.. ماشي حيت خرج معاك و ضحكتو راه واعدك بشي حاجة .. مخاصكش كاع تفكري فيه .. هوا كان ماضي و خاص يبقا فالماضي.. ايمان نتي بنت زوينة و حنينة و اي واحد يتمناك.. لكن معتز ميصلاحش ليك .. بالاخص دابا (تنهدات) غيتزاد عندو بيبي صغير .. غتكتامل عائلتهوم.. مخاصش كاع تفكري فيه .. و هو الى شفتي معطاكش كاع امل .. تعامل معاك بحال صديق.. بغا يخرجك من ديك الجو لي كنتي فيه .. مخاصكش تبني توقعات على نهار دوزتوه بجوج..

بقات ايمان كتبكي : علاش ا إشراق وقعلي هاكا علاش

اشراق : قولي الحمدالله متعرفيش الخير فين كاين ..

مهم انا غنوض دابا نمشي خاص بحرا نبدا نجمع حوايجي و نقاد اموري

ايمان ( باستغراب) : فين غتمشي واش مسافرة

اشراق : قررت نبعد غنخوي كازا...

ايمان : كيفاش و علاش و ايمتى و علاش مفراسيش و فين غتمشي

اشراق : لقيت خدمة فواحد شركة فالرباط.. مفراسكش حيت اليوم عاد قررت

ايمان : و علاش على قلت الخدمة هنا ..

اشراق : عيت .. بغيت نبعد .. نبدأ حياة جديدة .. نرتاح

ايمان : بسباب اديب ياك

اشراق: ماشي غير عليه .. حتا على راسي .. عيت و الى بقيت عمري نزيد القدام

بقات ايمان ساكتا كتفكر حتا صدماات اشراق

ايمان : شنو باليك نمشي معاك

اشراق :منيتك.. فين غتمشي . كلسي لرد نتي هنا كاينا عائلتك

ايمان :ياك نتي غتبعدي ترتاحي حتا انا نفس شي .. فكرت الى بقيت هنا غير غنزيد نتازم.. غنبقا نشوف معتز ديما.. وواخا نرجع لداري غنبقا نتفكر بنتي.. مغنقدرش نخرج من الكئابة لي ضايرة بيا

اشراق(تفكرات شرط عصام ) : نتي هنا عندك خدمة عندك دار عندك عائلة متقارنيش راسك بيا .. الى مشيتي راه غير غتكرفسي و صعيب تلقاي خدمة بنفس صاليغ

ايمان : ميهمش .. عندي فلوس باش نتحرك و حتا دارنا يعاونوني.. ياك نتي غاديا غاديا .. نسكنو بجوج منها نيت نتونسو(شدات فيدها ) عافاك وافقي

اشراق : منكدبش عليك معرفتش.. انا مبغيت تبقا حتا صلة مشتركة بيني و بين اديب .. مبغيت حتا حد يعرف بلاصتي .. بغيت نخلي الماضي و نزيد لقدام

ايمان : كوني هانيا حتا حد مغيعرف كنواعدك

اشراق (بشك) :نتي و عصام صحاب ميمكنش تخبي عليه ..

ايمان : لا و الله ميعرف نقدر نقولهوم غنخوي لبلاد و لا نسافر نرتاح.. نتي غير وافقي و الباقي عليا..

اشراق :معرفتش خفت ضربيلي كلشي ف 0 و يعرفوني فين كاينة

ايمان : لا لا كنواعدك راه انا براسي باغا نهرب و نبعد..

اشراق : شاوري داركوم و يكون خير

طارت ايمان معنقاها: كنواعدك مغتندميش.. شوفي دارنا على حسابي غنقولهوم غنبعد نرتاح

اشراق: راه صعيب تلقاي خدمة دغيا ها انا كنعلمك

ايمان : لا لا كاينة صاحبتي رجلها عندو اطيل و عندي شي معارف غير نرتاح ندوي معاهوم هوما يتدخلولي.. اجي حقا و نتي كيدرتي لقيتي

اشراق ( بتراوغ) : صدفة و صاف واحد سيدة كنعرفها من لاصال. .. قصة طويلة من بعد و نعاودليك خليني نمشي نقاد اموري

ايمان : ممكن فاش تكوني غتمشي تشوفي ياسمين نمشي معاك

اشراق : لا من الأحسن ميعرفونيش انا لي قلتهاليك مخاصني صداع مع معتز

ايمان : اه فهمت واخا صاف بلاش.. قوليلي كوثر خلاتك تمشي و لا ياكما غتمشي معانا

اشراق : باقي كنفكر فحريرتها.. خلي نعرف و نرد عليك

جات خارجة و رجعات.. حقا كناكد عليك .. حتا حد ميعرفك غتمشي معاي .. حتا من واليديك

ايمان : اصافي كوني هانيا .. حقا شنو نديرو فدار لقيتي و لا لا

اشراق : كاينة وحدة مي نقلبو على مرخص حسن لكرا جاني شوية غالي ..

ايمان : صاف واخا ماشي مشكل تكون بعيدة حيت غناخد طموبيل دبابا باش مبقاو نتحركو..

اشراق : لي باليك انا مشيت بيناتنا طيل

خرجات اشراق مخليا ايمان كتفكر فهاد الخطوة لي غدير .. معرفاتش علاش خدات قرار بحال هادا بلا متفكر و بهاد سرعة .. تنهدات هزات طيل كتصوني لمعتز لكن قطع عليها..

---

عند اديب .. فاق لقا اروى موجدة لفطور و مخلياليه ورقة

اروى : بيبو صباح نور .. الفطور واجد .. فطر و لحق عليا .. انا عندي حصة خرجت بكري مبغيتش نفيقك..

حط الورقة دار صاوب قهوتو... كلس بشوية عليه ممسوقش.. عندو نهار كامل لي يدرب فيه .. هز طيل صونا لعصام لقاه مشغول.. بقا كيلعب بطيل فيدو.. تفكر نيم لي صوناتليه لبارح .. دخل كيقلب .. ميطلعتليهش سمية .. بلا عكز عليه دخلها الواتساب.. طلعاتليه بلا تصويرة..

حط طيل و ناض دوش باش يمشي يتدرب

عند ياسمين .. عقلها غيحماق بالحوايج لي جابليها معتز.. دور دور و تهزهوم تشوف فيهوم...

بقا معتز معاها صبح كامل حتا نعسات .. جاو دارولها تحاليل و عطاوها دي فيتامين .. باش يعاونوها ..

عند اشراق .. رجعات لدار.. طريق كلها و هيا كتفكر كيفاش تفاتحهوم فالموضوع.. بالاخص مينة .. واش غتقبل فكرة انو غتمشي فمرة. تنهدات كتقصح قلبها.

هاد زمان بغات بنادم يكون حرش و يفكر فراسو...

تنهدات دخلات لقاتهوم مجموعين غير دخلات ناضت كوثر كطير لعندها وجها حمر باين عليها كانت كتبكي..

كوثر : اشراق ممكن ندويو

اشراق : وي راه غندويو.. جيت اصلن باش ندوي معاكوم

مينة : اشراق ياك لاباس

اشراق : خديت قرار و جيت نعلمكوم

مينة : الله يسمعنا خبار الخير ياك لاباس

اشراق : لقيت خدمة بصالير زوين

حليمة : مبروك عليك

مينة : واهادي خبار زوينة.. و شنو هو القرار لي خديتي

اشراق : غنتحول منهنا

مينة ( صدماتها) : كيفاش

اشراق :لقيت خدمة فمدينة خرى .. فواحد شركة و فهاد يوماين غنمشي

حليمة : كيفاش و حنا

اشراق : نتوما غير نستقر و مرحبا بيكوم كنبقاو عائلة لي جات بابي مفتوح ليها..

بقات مينة ساكتة دموع تجمعو فعينيها.. ولفاتها بزاف .. عمرها ضنات انو غيجي نهار تمشي فيه .. واخا كانت متاكدة انو طوال زمان ولا قصار مغتبقاش خدامة معاهوم

اشراق : مينة مغتقولي والو

مينة ( شادة دموع فعينيها) : الله يسهل عليك

تنهدات حليمة : الله يسرليك نتي باقا صغيرة و قارية .. تستاهلي كل خير ..

ضارت كتشوف فكوثر لقاتها كتبكي فصمت.. غير جاو عينيها فعينين كوثر ناضت طافشا دخلات البيت و زدحات الباب

مينة : متديش عليها غير ولفاتك وصافي..

اشراق : جاتني فرصة مبغيتش نضيعها نتوما عارفين معزتكوم عندي و عمري نسا خيركوم ..

مينة: حتا حنا نبغيوليك غير الخير الله يسهل عليك(جات بغات تنوض) حليمة اجي عونيني

اشراق(حاسا بيها مقلقة ) : مين نتي عارفة معزتك عندي ووخا نمشي لاخر دنيا غتبقا بلاصتك هيا هيا ..

مينة(غلبوها دموع) : على الاقل غير علمينا كان ممكن نتاقلو كاملين و لا نفكرو فشي حاجة نبقاو مجموعين.. ماشي تجي تقولي قررت

اشراق :فكرت فيها مي غير غتعدبو معاي انا باقي مضمناش الخدمة و شوف واش غيقبلوني و لا لا .. نمشي و نجرب و الى سهل الله و بغيتو تجيو اجيو.. راه غنبقاو ندويو يوميا

مينة(تنهدات) : الله يسهل عليك .. دخلي شوفي كوثر.. البنت نهار كامل كتساينك..

ناضت اشراق مور مباست مينة.. دخلات لقات كوثر طافيا ضو و محشية تحت ليزار كيتسمع غير شهيق ديالها..

مشات اشراق هزات لافاليز ديالها.. بدات كتهز الحوايج كطوي و تحط و حاضية كوثر بنص عين كتشوفها كطل عليها من تحت ليزار

اشراق (بحدة ): الى غتمشي معاي تهزي جمعي حوايجك

طلات كوثر دايرا فيها ديك النضرة العبيطة.. جوباتها و هيا كتشهق: كيفاش زعما بغيتي تقولي غنمشي معاك

اشراق ( تنهدات) : سمعي كنت واعدتك غنكون ختك و نفكرليك و ميجيش نهار نخوي بيك واخا نتي خورتيني فلبلان دلبارح.. مهم راك سمعتي غنمشي لرباط نخدم تما .. بغيتي تمشي حتا نتي دار مكرية مكرية.. يلاه و قلبي على خدمة و نعيشو باش قسم الله .. بغيتي تبقاي و كانت عاجباك خدمة ريسطو بقاي .. المهم القرار ديالك

كوثر (وقفات قافزة ) : نمشي

اشراق : تبتي هاد طيران ديالك لي مكنحملش ..(تنهدات) باغا تمشي ياك متأكدة

كوثر : اه نمشي

اشراق : بلوكي دابا عصام حداي

كوثر (توترات) : كييفاش شكون قالك عندي نمرتو

اشراق : كيف سمعتي حتا حاجة مكتخفى عليا .. يلاه سربي

كوثر : واخا مي قولي شنو سبب هاد القرار واش بسباب اديب

اشراق : بغيت نبعد و نرتاح .. من اليوم منبغيش نسمع سميتو تقال حتا بالغلط.. ممنوع تكون عندنا صلة بناس لي كيعرفهوم.. قبلتي بشروطي مرحبا مقبلتيش كلسي هنا..

ناضت كوثر هزات طيل واخا فداخل ديالها مبغاتش تبلوكيه.. غير دخلات لعند عصام و هوما يخرجو عينيها..

كوثر : بلوكاني ولد الهم

)قلزاتلها اشراق ) : عبر عليك بحرا تبتي دابا

. بلوكي لخنز.. و نوضي نقادو لحوايج..

---

عند عصام .. مشا جمع وراق الزواج لي غيحتاج عيط لمروة لقاها جمعات وراقها.. داز عليها و مشاو خداو موعد عند العدول.. غير خرجو مشاو ختارو الخواتم.. مروة ختارت خاتم سامبل بحجيرة فالوسط.. ركبوليها ديك ساعة عصام و هو خاتم ديال نقرةسامبل.. و خرجو الوجهة لكلينيك عند ياسمين .. خداو فطريق شكولا و الورد..

غير دخلو لقاو معتز واقف حدا الباب سلمو عليه و دخلات مروة عند ياسمين .. و بقا عصام برا مع معتز

عصام : امضرا كيف بقات

معتز : سولني على راسي انا .. حاس براسي غنطرطق.. حاس براسي مبقاليش الجهد .. ملي كتفيق و هيا فطلباات.. تخيل من الموضة و ليت كنتناقش معاها فيها .. حاس براسي غيتفركع.. الى بقيت هكا راه انا لي غنولي مدمن

عصام : صبر معندك مدير مسألة و غدوز .. شنو قالك طبيب

طبيب : دينمو كهموني .. قالك خاص متعصبش و تبعد على الضغط..

عصام :كون غير سافرتو لشي قنت

معتز : ميصلاحش خاص تبقا تحت المراقبة.. و زيد منقدرش راك كتشوف الخدمة .. بعدا ها انا هنا مقابلها و مقابل الخدمة

عصام : هاد 3 شهور اللولة هيا لي فيها خطر من بعد غترتاح ..

معتز : اودي ختنا مافيها ثقة كنخاف تغفل و ترجع تعاطا

عصام : غير وسع خاطرك.. حتا الوحام كيعاودو عليه كيحمقهوم

معتز :شتي نصيحة متزوجش

عصام (علا يدو لي فيها الخاتم ) :لي عطا الله عطاه

معتز (تصدم ) : كييفاااش.. و امتى و شكون هادي

عصام (كيضحك) : سيمانة جايا غنديرو لاكط.

.

معتز: شكون سعيدة الحظ..

عصام: راها لداخل

معتز :كيييفاش واش مروة

عصام :تماما(كيضحك) تصيدت و لا تصيدات

معتز : مفراسيش كنتو بجوج..

عصام : مكناش .. كنت حاط عليها العين .. غير نويت نفدت

معتز : ماشي زربتي عمرك فكرتي فالاستقرار شنو خلاك تغير رأيك

يلاه جا يجاوبو صوناليه طيل .. عتادر منو و بعد جاوب

اشراق : عيطتليك باش نعلمك بلي قاديت كلشي

عصام : صاف مزيان .. راه دويت معا مول دار .. من زهرك مولاها فالخاريج غيخليهاليك بحوايجها

اشراق: غتمشي معاي حتى كوثر

عصام : مزيان .. مهم غنعطيك العنوان و نمرتو.. غير توصلو عيطيليه.. بالنسبة لشركة غنصفطليك معلومات كاملة.. راه ديجا دويت معاه و شاف صيفي ديالك.. بون غير تمشي و تفاهمو على كلشي

اشراق : صاف واخا شكرا بزاف.. حقا بالنسبة لكرا لا داعي تخلصو انا نتكلف

عصام : لي بغيتي .. مهم لي عليا درتو و متنسايش اتفاقنا..

اشراق : كون هاني ..

جا صباح لي غيسافرو فيه .. كلشي تالف كلشي مخربق. عند ايمان لي صدماتهوم بقرارها فاخر لحضة.. مكان فيدهوم غير يتقبلوه و يدعيو معاها..

خدات طموبيل و لحقاات على اشراق .. لقاتهوم مرونين.. مينة فاقت بكري وجدات ليهوم الماكلة مور معلموها بلي غيمشيو بجوج.. واخا شدات فخاطرها لكن هكا رتاحت كتر على اشراق بعدا تونس هيا و كوثر..

لبنات صبحو كيجمعو.. غير جات ايمان.. تصدمات فيها كوثر حيت مكانش فبالها غتمشي معاهوم..

خرجات اشراق الحوايج .. بداو كيحطو فالكوفر لي لقاوه عامر .. حتا مامات ايمان مخلاتش من جهدها..

جا وقت الوداع مينة و اشراق دارو كنازة بلبكي متفارقو بالكشايف... غير ركبو فطوموبيل قبل مديماري ايمان وقفاتهوم اشراق بهضرتها

اشراق: قبل منتحركو.. غنعاود ندوي معاكوم.. اليوم حنا غاديين و مخليين الماضي مورانا.. غنبداو صفحة جديدة و حياة جديدة .. غنساو اي حاجة أداتنا.. منبغيش شي وحدة فيكوم تفكرني فالماضي.. شرط الوحيد لي عندي راكوم عارفينو.. كوثر ممنوع تدويلي على اديب او تحاولي مرة خرى تواصلي معاه.. ايمان ممنوع يعرف عصام و لا غيرو فين راحنا و بلي راكي معانا.. حاجة خرى نتوما حرين فحياتكوم

ايمان : انا براسي هاربا من الماضي و باغا حياة جديدة... علمتهوم بلي غنسافر نرتاح و حطيت استقالتي .. بغيت غير نرتاح و نبني حياة جديدة

كوثر : حتا انا مبغيتش الماضي يتبعني..

تافقو لبنات و شدو طريق كل وحدة مصصمة تبني حياة جديدة .. بشخصية جديدة و ارادة و رغبة قوية.

طريق كانت قصيرة لكن عند لبنات كانت طويلة .. كل وحدة هازة هم فقلبها.. عندها ذكرايات.. منها زوينة و منها الخايبة.. و شي المشترك بيناتهوم هو الحب ....

كلمة من جوج حروب .. كتنوض الحرب فالداخل ديال شخص .. احساس كيخليك طير فالسما.. كترفع لعالم خور... نتا و زهرك.. يا تعيش الاحلام.. يا تصدم بالاوهام..

نزلو لبنات مور موصلو لعنوان لي عند اشراق .. هزات طيل كتعيط لمول لدار .. مدازش بزاف حتا و صل لعندهوم.. نعتليهوم الدار لي كانت صغيرة بيت كبير و صالة ووسط دار ..

مول دار : هانتي دار كيفما كتشوفيها مفرشة و صغيرة.. لكن موقع زوين قريبة لكلشي

اشراق : ممم هيا صغر صغيرة.. متستاهلش ديك تمن كامل.. نقص نقص..

مول الدار : الموقع كيحكم و زيد راه بفراشها..

بقاو مني منك حتا تفاهمو على تمن .. مشات اشراق معاه سناو كونطرا دلكرا.. و عطاها سوارت... غير مشا اول حاجة دارت بدلات لوبة دلباب.. و مشات مع البنات شراو شنو خاص ..

غير رجعو لدار تعاونو جمعو كلشي سيقوه.. شدو ب 3 بيهوم ديك البيت لقاو فيه ناموسية دايل جوج.. كحزوها لقنت و دخلو سداري من صالة زادوه باش ينعسو ب 3 فبيت واحد...

مسالاو حتى غفرلهوم الله دنوب.. هزات اشراق طيل تهضر مع مينة لقات عصام مخليلها مساج

عصام :" هادي نيم غسان هو مول الشركة لي قتليك .. عيطيله قبل متمشي حيت قليل فين كيكون .. لي عليا درتو.. من اليوم عومي بحرك "

اشراق: يخ تفو يقطعليك جدر..

عيطات لمينة علماتها بلي وصلو بيخير.. رجعات عندهوم لقاتهوم كيستفو حوايجهوم

اشراق : انا جوع قهرني

ايمان : نطلبو لعشا

ضحكات اشراق : نساي ازين ديك نطلبو لعشا ديك نخرجو ناكلو برى.. من اليوم درهم خاص نعرفو فين نحطوه.. كوثر .. هزي سيري جيبي لخبز و طون و لكاشير.. نصاوب لمدام ايمان احسن سوندويتش

ايمان (كضحك): انسة الله يخليك..

---

عند ياسمين عاجبها فشوش معتز ليها.. كيبقى معاها طول الوقت و دايرلها فوق لخطر.. لكن فاش كتجيها الحالة بصعوبة باش كيهديوها.. و مكترتاح حتا كتاخد مهدئ لي كينعسها.. شي لي محاملش معتز حيت كتعرض حياة الجنين لخطر...

خرج لجردة مخليها ناعسة.. تفكر ايمان مشعرش حتا صيفط ليها ميساج..

معتز : نعستي...

عند ايمان كانت كتاكل حتا وصلها ميساج.. قراتو ووراتو لبنات..

طلبات منها اشراق تاخد قرار باش متبقاش معلقة شي لي خلى ايمان تصفطليه مساج و تبلوكي نمرتو..

كان واقف كيتسناها تجاوبو.. حتا تصدم بميساج ديالها..

ايمان : معتز بغيت نشكرك على اي حاجة زوينة درتيها.. اليوم جا الوقت لي نوقف على رجلي .. الوقت لي نعول على راسي و نحقق داتي.. خليت طلب استقالتي كنتمنى توافق عليه فاقرب وقت.. قررت باش نمشي نشوف حياتي و نبدل الجو .. نهار نحس براسي قادرة نرجع.. غدي نرجع.. متقلبوش عليا حيت واخا تلقاوني قراري مغيتغيرش.. تهلى فراسك...

بقا معتز كيقرا و يعاود .. حاول يعيط ليها لقاه خارج الخدمة ... تعصب محملش علاش تمشي بلا متقوليه والو .. بقا كيفكر واش عرفات بامر ياسمين.. مي كون عرفات كانت غتبارك ليه ...

دوز الخط لعصام.. لي لقاه تا هو مصدوم كفس منو لدرجة عصام شك تكون مشات معا اشراق .. لكن تأكد مور مسول واليديها و وراوه تصويرتها من المطار.. تما قطع شك ..

عند اديب .. نهار كامل فتدريب مبقا والو لمقابلة لي بيها يا يزيد لقدام يا يرجع لور...

اروى ممخلياش من جهدها.. كتساندو و كتدرب معاه فاش كتلقى الوقت...

---

جا نهار جديد .. فاقت اشراق مقلوبة معارفة شنو تلبس.. عاونوها لبنات ختارت لبسة محترمة.. صالحة لمقابلة عمل.. فضلات انو متعيطليهش باش تحافض على الرسمية لي بيناتهوم.. هزات صيفي ديالها .. و خرجات معاها ايمان توصلها... مخليين كوثر رجعات تنعس..

غير وصلات تمناتلها ايمان توفيق و حطاتها حدا الباب ..

مكانتش شركة كبيرة... كانت مبنى صغير على شكل R+2 مكتوب فالواجهة eva mode .. غير دخلات استغراب من ديكورها لداخل.. كانو بزاف دلي بيغو.. يلاه بغات تزيد و هو يجي سيكيغيتي وقفها..

سيكيغيتي: وي لالة اش حب الخاطر

اشراق : عندي موعد مع مول شي

سيكيغيتي: اه سي غسان.. تفضلي كلسي علاما يخرجو من عندو شي ناس.. و دخلي ..

مشا من بعد ما شكرااتو اشراق .. بقات كدور عينيها..

كان تصميم بسيط من لداخل.. لكن راقي... كتحس بالدفئ و نتا لداخل .. حتا من موضافين.. كتشوفهوم كيتحركو باريحية... كتسمع ضحك بيناتهوم.. بقات ساهية كتراقبهوم.. حتا شافت سيكيريتي كيعلمها باش طلع الفوق

طلعات بشوية عليها.. بالها بيغو بابو من جلد عرفاتو هو... دقات و دخلات..

كان واقف عاطي بضهر.. حاني كيرسم فشي وراق .. غير سمع دقان عطاها الادن باش دخلات... مكلفش راسو يضور يشوف شكون

غسان : تفضلي كلسي واحد دقيقة و انا معاك..

بقات حاضياه.. كان عاطيها بضهر ... كيبان كول و ممسوقش غير من لباسو ... كان لابس سروال جينس مع تيشورت فبلو ماغين...

غسان : بون انا ساليت.. صوري حيت تعطلت مي كان عندي موديل خاص نكملو قبل ميهربو الافكار ..

اشراق كتشوف فيه مصدومة.. واش بصح عتادر... واش لهاد درجة متواضع .. بقات مستغربة.. حتا شافتو مد يدو..

غسان: انا غسان مرحبا بيك معانا..

توكدات اشراق : انا اشراق

غسان : بون ندخلو فالموضوع.. لي عرفت من عصام انو كنتي كتسطاجي عندهوم .. و شفت حتا صيفي ديالك.. لي نبغيك تعرفي .. انو حنا هنا كنخدمو بمبدأ العائلة.. مكاينش هدا مدير هدا رئيس.. هنا حنا كلنا بحال بحال ...المطلوب منك تخدمي بنيتك و ديري لي عليك..

اهم حاجة هيا تحافضي على الثقة لي غنعطيوكي... حيت هيا اساس نجاحنا.. كيفما كتعرفي حنا دار الازياء.. مكنبغيش نقول شركة تصاميم حيت كتنقص من جوهر المكان.. بالنسبة ليلي كنحكم على الاشخاص انطلاقا من تصرفاتهوم معاي .. نتي هنا الدور ديالك تنسقي مع باقي ليكيب.. تجيغي المواعيد و تقلبي على الجديد .. تكوني على علم باخر تطورات و مستجدات المنافسين دياولنا.. كل قسم مكلف بحاجة نتي غتكوني ديك صلة الربط بيناتهوم.. كنتمنى يعجب الحال بيناتنا..

اشراق مصدومة من هاد شخص لي قدمها.. ميمكنش مول شركة eva mode لي ضربات فسوق ففترة قصيرة يكون بهاد تواضع..

اشراق : كنشكرك بزاف على هاد الفرصة لي عطيتيني و كنتمنى نكون قدها..

غسان : كوني اكيدة انو مختاريتكش حيت من طرف عصام او حيت عندك كفائات.. حيت بجوج فهاد ميدان مكيهموش بقدر مكايهم تكوني نتي باغا تخدمي و تعطي من قلبك..

اشراق : و شنو لي خلاك تقبلني..

غسان : فاش دوى معاي عصام قالي واحد بنيتة محتاجة الخدمة .. و بالنسبة ليلي ميمكنش يكون شخص محتاج و منعاونوش... حيت حتا انا واحد الوقت عاوزني.. . و منكرش صيفي ديالك حتا هو كيأهلك لمنصب. لكن الاهم عندي هو تعرفي تستاغلي هاد الفرصة .. حيت الى شتك ماشي قد المسؤولية .. راه واخا يجي لي يجي مغيخلينيش نتراجع اني نستغنى على خدماتك..

اشراق ( حسات بنوع من الراحة ) : و انا كنواعدك غنكون قدها..

غسان (بابتسامة ): تفضلي نعرفك على باقي ليكيب ..

مشات اشراق مع غسان هبطو.. دخلو لواحد لاصال كبيرة كانت باينة انها قاعة تصاميم..كانت طبلة فلوسط كبيرة عليها بزاف ديال لوراق .. كانو مصممين تابعين لشركة..

غسان (كيصق باش ينتابهو) : هاي كايز بغيتكوم ترحبو باشراق .. مسؤولة العلاقات العامة و سكريتيرة جديدة معانا

كاع لي كانو تما : اووه مرحبا بيك معانا .. بقاو بلواحد كيعرفو براسهوم.. لدرجة اشراق تصدمات من تعامولهوم.. كانهوم كيعرفوها.. كلشي كيرحب بيها .. و كيتمنالها توفيق

انور ( واحد من المصميمين) : عرفتي يا اشراق فيك مشروع عارضة أزياء من ديكشي

ضرباتو سامية كضحك : قول تباركالله اصكع اليوم تقوص عليها .. مشيتي فيها اختي ..

رانية ( مصممة ) : مي صراحة عندو صح .. تباركالله

غسان (كيضحك) : ابعدولي من سكرييتيرتي واش بغيتوني نبقا بلاش ..

اشراق (كضحك ) : شكرا.. مي كيما قال مسيو غسان باراكة عليا غير نكون سكغيطيغ.. ديك دومين خاطيني..

كلشي شاف فيها و ضحك ..

رانيا (كضحك) : واش قالت مسيو و لا جابلي الله

انور : ياه شحال هادي مسمعت مسيو و مدام كتقال ف eva mode

اشراق مستغربة واش قالت شيحاجة مخصهاش تقال

غسان (بابتسام ) : كيما قتليك حنا هنا عائلة.. مكاينش رسميات بيناتنا تقدري تعيطيلي غير غسان.. كيما تقدري تعيطي لكل واحد هنا بسميتو

رانيا : تماما حنا هنا كنتعاملو كاملين بحال بحال كنخدمو كأننا يد وحدة ..

انور : مع الوقت غتولفي سيستيم ديالنا. .. اهم حاجة الوقت هو الوقت .. الحاجة الوحيدة لي مكنتعاتقوش فيها ..

غسان(كيضحك) : عليها كل نهار داير روطار.. راني كنجمع ليك.. كيشفعوليك غير تصاميمك..

غسان: عليها كل نهار داير روطار.. راني كنجمع ليك..

مشا غسان مخلي معاهوم اشراق .. كيتعارفو كتر و كيفهموها شنو خاصها دير و شنو المهام ديالها.. جا وقت لغدا.. عرض عليهوم غسان كترحيب باشراق ..طلبو لغدا تما .. كلاو فجو ديال نشاط لدرجة اشراق محساتش بالوقت معاهوم...

غير جا الوقت خرجو كاملين ضاحكين..

ركبو فطوموبيل انور ..

انور : اشراق يلاه نوصلوك معانا

اشراق ( باحراج ) : لا لا بلا منعدبك معاي

رانيا : ادوزي الطلعي راه ديما كيوصلنا..

اشراق : مرة خرى اصلا درت مع صاحبتي دوز موراي

انور : ايوا بخاطرك لي بغيتي..

مشاو هوما.. صونات لايمان ..

اشراق : افينكي

ايمان : عيطتلك قبيلة مجاوبتيش.. راحنا كنضورو انا و كوثر .. راحنا قرابين ليك واش نجيو موراك

اشراق : وي وي دوزو موراي..

وقفات كنساينهوم.. حتا كيصونيلها طيل بنمرة ممعروفاش.. ترددات فاللول و جوبات

اشراق : وي شكون معايا..

اركان : اشراق معاك اركان

استغربات منين جاب نمرتو

اشراق (كطنز) : وي .. شكون اركان.. معرفتكش ..

اركان ( عرفها دارتها بلعاني ) : زعما معرفتينيش.. ماشي مشكل ا الالة .. اركان لي كان معاكم فالرحلة

اشراق : ممم بغيتي تقول صاحب معتز .. وي اشحب الخاطر

اركان : سمعت بلي فترت السطاج ديالك سلات و بغيت نقتارح عليك تخدمي معانا..

اشراق ( باستهزاء) : نو ميحتاجش حيت لقيت خدمة كنشكرك على اقتراحك

اركان : سي فغي.. كنضن واخا هكاك تقدري تفكري حيت منحتاجش نشكرليك شركة ديالي.. ديجا هادي فرصة مكتعوضش

اشراق : وي ممكن تكون فرصة مكتعوضش.. مي ماشي بالنسبة ليلي .. حيت ديجا تأونكاجيت مع شركة خرى لي بالنسبة لي حسن من شركة ديالك

اركان ( مرضاش ): نتي تعرفي عنداك غير تندمي.. نقدر نعرف اينا شركة هادي

اشراق : كنضن معندك لاش ..

اركان: بون بخاطرك كانت نيتي نعاونك و صاف .. الى حتاجيتي اي حاجة مون نيميغو عندك..

اشراق: ميغسي واخا مكنضنش غنحتاجك

اركان : ماتعرفي تقدري تبغي غير تسولي فيا متلا ..

اشراق : حتا هادشي معنديش ليه الوقت.. يلاه نخليك

اركان مرضاش بالقمعة قطع بلا ميجاوبها.. ضرب طيل مع الارض حتى تشقف

اركان(بعصبية ) : ينعل zaمل بوك .. 79بة دلخلى.. الى مخليتكش نتي تجي لعندي منتسماش..

شهر داز .. على انتقال البنات... شهر كان كافي يحسو فيه بلي رتاحو من ضغط و حياتهوم بدأت كتقاد واخا القلوب عالم بيها غير الله ...

كل صباح ايمان كتوصل اشراق .. و كتقلب على خدمة هيا و كوثر .. قررات باش ضور راسها بلا مدخل معارفها.. بغات تعول على نفسها..

كوثر من زهرها.. واحد ريستو راقي فتح جديد كان طالب دي سيغفوغ يكونو بنات.. دفعات و عيطوليها و اليوم اول يوم ليها فالخدمة .. حاسة براسها فرحانة حيت اخرا ضحكات ليها دنيا .. مكانتش كتخيل غتقدر دخل لشي ريستو بحال هداك.. هاهيا اليوم خدامة فيه ..

عند ايمان عيات تفكر فالاخير قررات باش دير مشروع ديالها راسها .. بقالها الاشكال الفلوس .. فكرات تبيع دار ديالها لي فكازا و تخلص طريط دلبانكة لي كيسالوها.. و لي بقا دير بيه صونطخ دبوطي .. لكن اشراق اقترحات عليها دير صال دصبوغ و يشركو بجوج.. فتالي قررو يقسمو المشروع على جوج.. صال صغيرة و صونطخ دبوطي تابع ليها ..

---

عند اديب .. قدر يربح المقابلة و تأهل لنهائي.. شي لي خلاه يزيد يصمم على احلامو .. و يعطي كتر .. قدرات اروى تكسب من جديد صداقتو لدرجة مبقاوش كيتفارقو اي حاجة كيديروها بجوج..

الاغلبية كيصحاب ليهوم انهم فعلاقة.. الا انو اديب محافض على المسافة بيناتهوم.. مقدرش ينسا اشراق و تصدم نهار قاليه عصام بلي رحلات و معرفوهاش فين زادت .. كلفو يقلب عليها .. و يعرف اخبارها.. لكن ديما كيقوليه معندي خبار..

--

عند مروة ..

كالسا حاطا قدامها دوسيات كتحاول تركز فيهوم مقدرتش.. كتفك كيفاش فرحتها مكملاتش.. و كلشي تقلب على راسها..

#فلاش باك

نهار العقد ..

كانت فرحانة واخا ممعاها حد لدرجة انو حتا من واليديها رفضو زواجها ووخا هكاك صممات انو دير لي فراسها.. مع صباح جا موراها عصام مشاو عقدو.. و اخيرا و لات على سميتو.. كانو فرحانين..

عصام :اخيرا وليتي ديالي

مروة (بحشمة) : مبروك علينا

عصام : ديتي حوايجك لدار عندي ياك

مروة : اه لبارح قاديتهوم..

عصام : ندوزو نتقداو و نمشيو واخا (باس يدها)

مشاو دازو لسيبيغ ماغشي.. خداو شنو غيحتاجو.. و دازو خداو لعشا و مشاو..

غير وصلو طلعو مشادين.. مروة الخلعة شاداها من صبعها صغير .. كتحاول تصرف عادي ..

عصام ( حل ليها الباب) : مرحبا بيك فدارك

دخلات مروة متوترة واخا ماشي اول مرة دخل غير هاد المرة احساسها فشكل .. تمانات كون مكانتش بوحدها و تزوجات وسط حبابها و صحابها.. ها هيا اليوم بحدها حاسة بفرحتها ناقصة..

حس بيها عصام متوترة.. دخلي كلسي .. مشا حط لحوايج رجع لقاها شادة لبكية.. كلس حداها جرها لعندو كيحاول يفهم مالها

عصام: مروة شنو كاين ملي تزوجنا و نتي مبدلة.. كنحسك باردة معاي..

مروة : لا ممليش غير باقي مولفت

عصام : واش ميقيتيش كتبغيني.. من حبيبي عمرك قلتيها ليا واش مفرحاناش حيت تزوجنا

مروة : لا ماشي هكاك.. غير هو تمنيت كون كانت عائلتي و صحابنا حاضرين.. حاسا براسي بحال ديك المقطوعة من شجرة.. محسيتش براسي كاع عروسة.. من كسوة دلعرس هيا تاليا ملبستهاش.. حنة هيا تاليا مدرتهاش.. راه ماشي سهلة عليا ..

عصام( كلمة مقطوعة من شجرة كتعاود فودنو ) : وا نهار اللول عرفتي هادا لي حداك مقطوع من شجرة

مروة : مكندويش عليك كندوي على راسي كنت باغا نفرح براسي

عصام : راه باقي الوقت و باقي غنديرو عرس مي دابا ضروف ممسعداش..( قرب لعندها كيرطب معاها ) اليوم اول ليلة لينا بجوج خليها دوز زوينة .. معندها معنى تبكي دابا(جرها ليه كتر ) ها حبيبك عصام معاك مكافيكش.. مبقيتش مقنعك

مروة (كتبكي ) :حسيت بالحكرة ا عصام.. محسيتش كاع بفرحة ديال زواج ..

قرب ليها كتر كيمسح دموعها.. جرها كتر داخل معاها فقبلة حنينة لي بسرعة تحولات لقبلة شرسة كيبرد فيها جنونو .. مروة حاسة بقلبها غيوقف.. شداتها واحد الخلعة كتحاول توقفو حاسا براسها ممستعداش

دفعاتو بشوية عليها : عصام حبس

عصام (محملهاش فاش وقفاتو) : مالكي عاد كنا بيخير

مروة : عصام حسا براسي ممستعداش خلي منبعد

عصام بحالي مدواتش معاه.. مد يدو كيحيد ليها طريكو

مروة (عصبها) : عصام قتليك حبس راني خايفة حاسا براسي ممستعداش خلي لمنبعد

عصام تنهد : معندك مناش تخافي .. كلشي غيدوز مزيان .. حبيبة شوفي شحال موحشك واش غتجي حتا اليوم و تحرميني

مروة ( كتبكي) : و الله مقدرا فهمني شوف كلي كنترعد

وقف عصام جرها دخلو لبيت... خلا ضو مطفي...سد لباب و حيد قبيتو شافها شعلات ضو مشات كتحيد حوايجها..

عصام : مروة مناش خايفة كون مكنتش كنعرفك غنقول مكتبغينيش

مروة : معرفتش نفسيتي ممرتاحاش.. مافيها والو ايلا اجلنا

مشا لعندها جرها عندو حضنها.. (كيدوي و يبوسها) صاف منديرو والو مي مافيها والو نديرو شوية لي بيتيز بحال فاش كنا فطموبيل

مروة (كيدوبها بقبلات ديالو ) : عصااااام

عصام : روح عصاااام.. كيبوسها بطريقة حنينة جرها تكاو بجوج طفا ضو خلا غير فيوز شاعل.. كيحاول يكبر عقلو معاها و خا هو ممستوعبش شنو سبب لي خلاها تهرب منو..

عند مروة حاسا براسها باغا غير ترتاح.. كتشوفو كيقرب فنفس الوقت باغاه و فنفس الوقت مقدراش.. كتفكر هضرات لبنات على ليلة الدخلة و دوك القصص لي قرات و ديكي لي وقع معاهوم و شحال من وحدة داوها حتى لطبيب كتبغي تحماق..

مكتخيلش يطرالها نفس شي لدرجة مقدراتش تمشي قبل عند طبيبة غير تسول على نوع البكرة واخا عصام كان وصاها تمشي باش يكونو عارفين .. و حتا نهار سولها طرات انو تكدب عليه و اكداتليه انو كلشي مزيان..

🔞تحدير مشاهد قد لا تلائم الجمهور الناشئ

بدا عصام كيبوسها و غادي معاها دقة دقة و يديه كيتساراو ممخليش من جهدو.. لدرجة خلاها لحضة تنسا الخوف ديالها و تعيش معاه فعالم فيه غير هوما بجوح.. تحنا سلت ليها سروال بزربة بلامتحس.. مغرقها فحنانو و قبلاتو .. حتا تطلقات معاه و حس بيها عايشا معاه..زرب حيدليها دوني خلاها غير بسوتيان.. غير باليه صدرها مبقاش عاقل على راسو.. حشا وجهو وسطهوم كيفرق قبلات حتا كتبورش.. مرتاح حتا حيدهوم و باليه صدرها شي لي خلاه بحال العطشان.. عقلو ترفع و الغريزة حضرات.. بلا شعور بدات كتغوت من الالم و اللذة.. عصام صبرو تقادا حاس براسو غيطرطق.. مقدرش يصبر مزال .. هبط كيفرق قبلاتو على كرشها و كيلعب فصرتها غفلها و نتر السترينك بسنانو حتا تقطع.. شي لي خلاها تعيق براسها و تجمع رجليها..

مروة(تخلعات.. عاد عاقت براسها عريانة ) : عصام حبس ياك واعدتيني مغنديرو والو

عصام عقلو مرفوع مكيسمعلهاش.. تكا لايح تقلو عليها رجع كيحاول يدوخها تاني

مروة ( بدأت كتبكي) : عصام نوض مبغيتش..

عصام مراهش فهاد العالم.. زير على يديها لي كيدفعوه لاح تقلو عليها متبتها.. زرب بلخف حيد بوكسر ديالو و بقا عريان بحالي ولداتو مو

مروة حاسة بقلبها غيوقف بالخلعة .. غير شافتو حيدو حماتها لبكا كدفعو عليها.. لكن هو كان مصصم ياخد لي بغا بلخاطر و لا بسيف..

عصام ( نهط فيها ) : راني راجلك ماشي صاحبك هنينا متمرضينيش

مروة ( كتبكي كتحاول دفعو) وعدتيني اعصام مازال ممستعداش

عصام ممسوقش ليها عصباتو بقوت الركيط.. محسات حتا صلاها معاها لفخادها خلاها تقفز فبلاصتها..

عصباتو و جنناتو .. مقادرش يصبر.. مفاهمش علاش كترفضو حاس براسو روجولتو كتهان.. فرق ليها رجليها و كل ما كتحاول تجمعهوم كان كيصليها لفخادها.. جا وسط رجلها حاكمها.. ممخليهاش تحرك.. عيات تبكي و ترغبو.. لكن كان مرفوع.. محسات حتا طلعو معاها مخليها غتموت بلحريق.. مكانتش مستعدة الايلاج و الخلعة كملات عليها.. مرتاح حتا جابو فيها .. عاد طلق منها..

عصام ( كاره الوضع ) : مالك شنو وقع كاع..

جا نايض عليها مخليها هكاك كتبكي.. لبس بوكسر ديالو و عاد سرات معاه.. كيفاش مشافش الدم.. رجع بلا عكز عليه كيقلب.. هز كبينيكس مسح ليها ملقا والو.. جعر مبقاش كيقشع قدامو.. جرها من شعرها فشلانة حاسة براسها جهد معندهاش و عاد نفسيتها زبالة

عصام ( جاعر شدها من شعرها ) : ال79بة فينو دم .. علاش مكاينش .. ( جمع معاها لوجه) .. دوي فينو دم

مروة ( كتبكي معرفاش شنو وقع و علاش مخرجش بسيف باش نطقات:معرفتش

عصام ( مكيقشع قدامو والو .. ناض لفاليز ديالها و حوايجها كيقلب : فينها ديك شهادة دزمر فين درتيها

مروة(كتبكي) : اينا شهادة

عصام :ديال طبيبة لي قلتي مشيتيليه ياك قالك عندك كلشي عادي

مروة (لحريق كيقطع فيها بسيف باش جامعة رجليها): ممشيتش خفت و ممشيتش معنديش شهادة

عصام دنيا كحالت بين عينيه كيفاش البنت لي طول عمرو واخد عليها نضرة ديال بنت دارهوم و ختارها وسط شحال من بنت صدقات متقوبة مقادرش يتقبل الفكرة

مشعرش براسو جرها من شعرها كيضرب فيها : انا ال79بة تقولبيني.. انا تخوريني عليها من صباح و نتي زككي عليا .. دايرا سبة بالخلعة و انا كنقول سيدة فطموبيل عادي مخافتش و دابا دايرا فيها مخلوعة دوي شكون خورك ا ال79بة اليوم نقتل zaمل بوك .. مني نتي لاعبين فيك من اللول مديرينيش طريق من اللول متبينيش راسك بنت ناس و لا كلشي تمتيل ... كون ديتها شيخة بعدا غتكون اشرف منك.. تكون حاضية قاعها.. و نتي المسخة دايرا دور ضحية .. دوي قولي شيحاجة

مروة لفم لي تهضر بيه و دافع على راسها مكاينش.. غير كتبكي مصدومة.. براسها معارفاش شنو واقع .. حاسا براسها كتحلم .. مفاقت حتا شافتو كيلبس حوايجو خارج.. ناضت لاحت عليها بينوار بسيف باش قادرة تحرك

مروة (كتبكي ) : عصام غير صبر فين غادي

عصام مبقاش حامل يشوف فيها ...خرج زدح لباب و سورت عليها.. باغي يرتب افكارو مزيان مقادرش يتيق مروة لبنت لي اول مرة باسها بكات .. و ختارها مرتو تصدق مخوراه ....

عند مروة غير خرج طاحت كتبكي ممتبقاش شنو وقع .. كيفاش الفرحة ديالها تحولات لكابوس... عمرها ضنات غتعيش هادشي.. ديما كانت كتخيل اول ليلة ليلهوم غدوز بحال الحلم... ساعة الحلم و لا كابوس..

مكرهاتش تفيق تلقا راسها غير كتحلم...

بقات شحال ساهية فنقطة وحدة كتفكر واش هادا هو الراجل لي بغات واش هادا هو الراجل لي ضحات على ودو .. واش هو لي كانت مستعدة دير اي حاجة غير باش تكون معاه .. ضحكات باستهزاء على حالتها .. مكدبوش لي قالو دي لي كيبغيك ماشي لي كتبغي...

اليوم تاكدات انو عصام مكيبغيهاش كيفما كضن.. حيت مستحيل تبغي الشخص و تاديه بلعكس... كان ممكن يتحل الموضوع غير بالهداوة و العقل .. هيا عارفة بلي مكانش عليها تكدب لكن مكيعطيهش الحق انو يضربها و يتهمها فشرفها بلا ميسمع منها..

ناضت بتقالة مشات ديريكت لدوش طلقات عليها الما حلفات مطيح حتا دمعة خرى عليه حيت بالنسبة ليها .. طاحت قمتو.. ميمكنش يحلالها.. كتحس كاع ديك الحب لي كانت كتحس بيه تبخر.. كانو عمرها بغاتو..

دوشات بلخف و خرجات واخدة قرار ميمكنش تكمل حياتها مع واحد جاهل و اناني... تفكرات كلام مها فاش قالتلها راجل لي ميديك بشانك و يكبر بيك معندك مديري بيه .. كون غير سمعات كلامهوم و معارضاتهوم... لكن كيبقا مكتاب عليها دوز منو..

جا صباح لي محساتش فيه مروة امتى غفاات..غير فاقت ناضت بدلات حوايجها.. و جمعات كلشي ديالها لي غتحتاج ففاليز.. كتشوف عاد هادي يوماين كانت كتستف فيهوم و هيا ضاحكة و اليوم كتجمع فيهوم و قلبها معالم بيه غير الله ... ناضت كتقلب على دوبل ديال سوارت من زهرها كانت خرجاتهوم قبل مخلياهوم احتياط.. خرجات من البيت لي شهد على ابشع ليلة ممكن دوزها شي بنت .. خرجات سادة الباب على احزانها و على كوابيسها و جراحها...

غير خرجات كانت الوجهة عيادة نسائية.. مشات بلا موعد من زهرها كانت خاوية بحكم كان عاد صباح باقي ماجا حد .. دخلات بقات كتساين تجي طبيبة ..

سكرتير: مدام مروة تفضلي

دخلات مروة قلبها غيسكت بالخلعة .. ماشي حيت ممتاكداش من راسها بلعكس هيا عارفة راسها مدايرة والو .. لكن ديك الجرأة لي تمشي عند طبيبة تقلبها هيا لي معندهاش...

دخلات كتلوح رجل لور و رجل القدام .. شافتها طبيبة متوترة حولات تريحها بابتسامتها

طبيبة : تفضلي كلسي مرحبا بيك

مروة ( متوترة ) : ميغسي

طبيبة : بون شنو بخوبليم لي كتعاني منو

مروة ( باحراج) : بصراحة انا عاد تزوجت... والبارح كان اول اتصال جنسي .. الاشكال مهبطش الدم.. و لو حتا نقطة مهبطاتش.. مفهمتش شنو وقع

طبيبة : اولا حاجة امر عادي معندك مناش تخلعي.. تقدري تفضلي معاي نديرليك فحص باش نحدد بالضبط شنو كاين ..

ناضت مروة معاها و الخلعة راكباها.. بسيف باش قدرات تحيد حوايجها.. طلعات تكات و حطات رجليها فوق دوك الحديدات.. حسا بقلبها غيسكت.. كمية الاحراج و الحشمة لي حاسة بيهوم.. كاع لي هربات منو فاللول طاحت فيه

قلباتها طبيبة مسالات حتا عصراتها.. ضراتها بزاف.. كانت كتحس بيها كتفرق دوك الشفرات بحال ضو كيضربها.. مسلات حتا غفر ليها الله دنوب..

طبيبة : تقدري تلبسي حوايج..

ناضت مروة لبسات حاسة بتحتها طايب..

طبيبة : بون كيفما توقعت.. غير سؤال واش مدرتيش كشف قبل

مروة : لا مقدرتش كنت خايفة

طبيبة : هادا هو الغلط لي كديروه.. لحضت اتار ضرب عليك .. و طريقة لي حاول الزوج ديالك يفض الغشاء كانت غالطة.. يائما مكنتيش مرخية و مستعدة الايلاج.. يائما مكانتش بالرغبة ديالك..

مروة ( باحراج ) :بصراحة كنت خايفة مكنتش مستعدة نفسيا.. ممكن تشرحيلي شنو سبب لي مخلاش دم يهبط

طبيبة : نتي من نوع لي عندهوم الغشاء مطاطي.. المعنى انو كيتمدد فالاتصال الجنسي..واخا كيدخل العضو الذكري كيوقع فقط تمدد لداخل هالشي علاش مكيتمزقش و مكينزلش الدم...

مروة : يعني عمرو ينزل دم واش انا منوع دلبنات لي كيحتاجو عملية..

الطبيبة : ماشي بضرورة حيت مع تكرار الاتصال الجنسي ممكن راسو يتمزق معندك مناش تخافي .. و غالبا لبارح مكررتوش المحاولة.. زائد مكنتيش فالوضعية المناسبة بلا منهضرو على العامل النفسي..

بون لاحظت عندك التهاب و بعض الفطريات.. عادي معندك مناش تخافي غنخرجليك واحد دوا بقاي دهنيه و جيل انتيم خاص .. باش متسببلكش حكة..

مروة : داكوغ .. بون ممكن تعطيني شهادة طبيبة الى ممكن

طبيبة : وي ضروري .. على مبالي الزوج ديالك مكانش عارف و غالبا غيكون فهمك غلط .. ممكن تعيطي ليه و نشرحليه الوضع

مروة ( مرضاتش) : الشهادة الطبية كافية و شكرا بزاف

طبيبة : لي بغيتي..

كتبات ليها دوا و عطاتها شهادة عدرية.. خداتهوم و مشات..

---

عيطات ل سمسار باش تشوف واش ممكن تراجع على عقد الكراء لي دارت لدارها.. ساعة مكانش ممكن حيت ناس نتاقلو ليها .. كرهات راسها.. مقدراتش تمشي لدار واليديها حيت اكيد غيوصلها ليهوم العساس و مترضاش قدامهوم بالاخص انو نبهوها و مكانوش راضين على زواجها..

ركبات فطموبيلتها.. بقات غير غادة كدور.. خدمات راديو .. مكتلاقا غير مع اغنية "واكواك " بقات غادة و كتغني معاهوم .. حاسة بلي الكلمات كينطابقو عليها .. و كيعنيوها...

وقفااات حدا أقرب اوطيل كان حداها باغا غير تنعس و ترتب افكارها.. باش تعرف شنو غدير ..

---

#نهاية فلاش

داز شهرو عصام مسول فيها معيط.. كانت كتوقع على الاقل انو فاش مغيلقاهاش غيعيط و يبغي يعرف اخبارها.. فنفس نهار كانت صفطاتليه فايميل ديالو نسخة من شهادة الطبية .. لكن الواضح انو مشافهاش.. قررات باش ترجع لدارها مور متفاهمات مع ناس يخرجو و عطاتهوم مهلة و خا طرات تعطيهوم تعويض.. و رضات ليهوم فلوسهوم.. المهم عندها متبقاش مجلوقة فلي اوطيل.. حمدات الله انو تا حد مكان عارف بزواجهوم...

فهاد شهر عمرها تلاقات بيه او بالاحرى كتفاداه.. حتا من الخدمة الاغلبية كتخدم من دار... مرة مرة لي كتمشي .. الحاجة الزوينة انو من ديك ليلة مهبطات عليه حتا دمعة..

---

عند عصام ..

شهر كامل و هو غير تالف .. و لا عاطيها غير لشراب .. مبقا مركز فوالو.. ليل لقصارة و صباح نعاس .. حتا من الخدمة قليل فين كيمشي.. محاملش يشوفها.. مباغيش يواجهها.. صورتها مبغاتش تخرج من بالو .. يوميا منضرها و هيا كتبكي كيجي بين عينيه.. خايف يكون ضلمها بالاخص مور مبحث فالانترنيت على انواع البكرة .. ممستاعدش يواجه عارف راسو تصرع و كان خاص يسمع منها و لا على الاقل يمشيو بجوج..

كان ناعس كالعادة مور مدوز ليلة كلها شراب .. كيسمع صوت طيل ديالو كيصوني مقادرش يتحرك.. بصعوبة باش حل عينو.. كيتجبد باش يوصليه..

هزو جاوب بلا ميشوف شكون معيط..

محامي : مسيو عصام مجاهد

عصام ( مدوخ راسو كيتشق عليه ) : الو شكون معاي

محامي : مع محامي مدام مروة

غا سمع سميتها و بلي لمحامي كيدوي معاه ناض كيتوكض

عصام : شنو باغي

محامي : مدام مروة كلفاتني باش نرفع دعوة ديال طلاق و بغيت الى ممكن نتلاقا بسيادتكون باش نحطو نقط على الحروف.. و يفضل يكون طلاق اتفاقي ..

عصام (جعرو) : اشمن تفاق و اشمن خرى صباحاتو الله

قطع عليه كيسب غير بوحدو... جعرو

عصام : ضربني و شكا صبقني و بكا .. تقحبين الخاوي واخا لالة مروة..

هز كيقلب على نمرتها صونا لقاه طافي خارج الخدمة .. غير جا يحطو و هو يرد البال لقوة لي ايميل لي وصلوه.. دخل ضرب طليلة حتا باليه واحد من عندها.. غير دخل و هو يشوف شي لي شهر و هو هارب منو

عصام ( تجنن) : ميغد ينعل zaمل بويا حمار انا حمار ..مي كلشي بسببها

لاح طيل دخل خدا دوش بزربة خرج كيلبس بلا عقل ... معارفش شنو يدير و لا فين غيمشي .. رجع صونا على المحامي ..

عصام : اسيمحمد كنصوني لختنا مبدلة نمرة.. عطيني نمرتها

محامي ( مستغرب من طريقتو فالهضرة لا صواب لا اداب ) : موكلة ديالي اكدات عليا باش منخرجش حتا معلومة عليها... ممكن تجي لعندي نتفاهمو بيناتنا بحكم انا كنوب عليها

عصام : ياك اولد ل79بة واقيد عندك

قطع عليك كشاكشو خارجين.. صعراتو بالمعقول...

عصام : دايراها قد راسك امروة.. وصلنا حتا المحامي.. وليتي تصفطيلي zواااااامل يتبنضو عليا بلاتي عليك .. الحساب فتالي ..

شد طريق لدارها... عيا يدق والو دار حالة بلعياط و لغوات حتا خرجو الجيران كيتشكاو.. جا الكونسياج كيحاول يخرجو.. عيا يسولو عصام قاليه معارفش..

جبد 50 درهم ضور معاه و عطاه نمرتو باش غير ترجع يصونيليه... شد طريق لشركة كيتمنى يلقاها تما.. حالف متبقا فيها يوريها شنو هيا ترفع عليه دعوة..

---

عند اديب .. كان يلاه فايق.. خرج مدهشر من نعاس..

مدخل غير فاروى لي خارجة من دوش شعرها كيقطر لاويا عليها فوطة قصيرة لحمها كيبري و ريحت باندوش بشوكولا فايحا منها.. بدا كيصكانيها من صباع رجليها حتا لراسها .. حاس بصدرها على صدرو ضربو بحال ضو ...

رجعات خطوة لور.. متلبكة .. باغا تستاغل الفرصة و فنفس الوقت خايفة تضيع كاع لي بناتو هاد شهر..

غير رجعات بحركة مبينة انها ممقصوداش.. تطلقاات الفوطة .. و بقات عريانة.. بسرعة عطاتو بضهر حنات تجبدها و عن قصد كوزات حتا مؤخرتها جات طالعا قدامو .. منضر لي اي راجل كان غيخليه يضعاف بالاخص انو عاد فايق كيصبحو شاعلين بلا والو... بلا عقل قربها ليه .. يلاه حنات حسات بيديه فوق طرمتها بلا هواه صلاها معاها خلاها دور قافزة كتوحوح عليه ..

اديب عقلو مرفوع كيشوفها عريانة قدامو.. حاس بلعروق ديالو تنفخو.. غير دارت عينيه مشاو لسدرها.. مقادرش يقاوم شهوة ديالو.. بقات كتشوف فعينين.. كتشوف الرغبة فعينيه.. كيحاول يكبح نضراتو ...

اروى مقدراتش دير خطوة لقدام.. خافت يقمعها.. بقات كتشوف فيه بنظرات مزمولة و كتعض شنايفها.. مرتاحت حتا جرها لعندو كيبوس فيها بعصبية و كيعض شنايفها كانو كيبرد فيهوم ديك النار لي حس بيها...

غير حسات بشناينو وسط شنايفها.. زعمات و تجاوبات معاه ممخلياش من جهدها شي لي خلاه يجعر كتر مبقاش كيشوف قدامو.. باغي غير يبرد و يخوي...

جراتو كتر بجرأة داخلين لبيت لاحها بعنف فوق ناموسية.. جراتو لعندها كتلتاهم عنقو ممخلياش من جهدها.. غير هبطات يدها كدوزها على صدرو ناض عليها قافز.. مفهماتش مالو عاد كان غادي معاها مزيان... كتحاول تعرف واش دارت شي حاجة متماش..

شافتو ناض جاعر مكيشوفش فيها بمرة و مشا دخل لدوش و خبط الباب .. سمعاتو طلق الما.. ناضت خرجات من بيتو مشات لبيتها محملاش الموقف.. مرضاتش ينوض و يخليها بحال ل79بة مشافش حتا فجيهتها .. واخا راه هو براسها لي جا عندها و هوا لي جات من عندو المبادرة..

سمعاتو خرج من دوش.. كتسمعو غير كيلتخ فلحوايج و يخبط... تعصب بالمزيان و محاملش راسو...علاش فلحظة ضعاف قدامها و تجاوز معاها الحدود..مكانش خاصو ابدا يقرب ليها ... من اللول مكانش خاص يخليها تبقا معاه..

لاح الحوايج من ايدو و مشا جهة الكوافوز وقف ساند عليه بايدو و هو مزال بالفوطة و الما كيقطر...كيلوم نفسو على هدشي لي كدير.... غلط مرة و خلا شهوتو تغلب عليه مخاصوش اعاود نفس أغلاطو... ماشي هو لي يحكمو لي بين رجليه...خاصو يتعلم و يعرف اش يدير....

فلحضة كان تخيلها اشراق.. شي لي خلاه يقرب بلا وعي منو ... عاف راسو نيت ...مع .هز راسو فالمراية و شاف انعاكسو عليها و ملامحو كلها كدل على الغضب...و بدون شعور ضرب المرايا حتا تشخشخات .. و موراها لاح دكشي لي محطوط على كوافوز بعصبية و ضرب برجلو التحت.. كيحاول يطفي نار الغضب لي شعلات فيه...

بقا غادي جاي كيلوم فراسو .. كيفاش خلا شهوة تعميه.. اشمن شهوة اصلا.. عمرو فكر فيها حتا بينو و بين راسو عمرها عمراتلو العين.. مجرد انو كيفكر بلي باسها كيعيف راسو..

رجع لدوش كب الما على يدو لي كتسيل بدم.. نقاها من زاج لي كان لاصق .. لوا عليها بونضاج و خرج لبس حاويجو..

----

عند اروى

مور ما سمعات تهراس و لتيخ ندمات كاع علاش محبساتوش.. خافت الى ضيع هكا علاقتهوم معرفاش شنو دير و لا كيدير تصرف.. فضلات متخرجش لعندو دابا حيت باينا راه جاعر...و غينفاجر عليها..

---

عند اشراق .. مع وصلات تلاقات غسان فالدخلة..

غسان : جيتي بكري

اشراق (بابتسامة) : كنفيق بكري

غسان : مزيان ا لالة جيبي معاك قهوة و اجي عطيني رأيك فواحد تصاميم

--

مشات اشراق صوبات ليهوم بجوج قهوة و طلعاتها ليه ..

دخلات لقاتو كيقاد فشي تصاميم.. عطاتو قهوتو و كلسات كتسناه يكمل

غسان : هانتي شوفي هادو تصاميم جداد بيهوم غنشاركو فمسابقة لي ديفيلي..

اشراق : واش هيا لي غيجيو يحضرو ليها مصمميمين عالميين

غسان : تماما غيختارو 5 ديال مشاركين كصميمين من شركات مختالفة... هوما لي غيشاركو فالمسابقة الدولية

اشراق : شكون المصمم لي غيمثلنا

غسان ( بابتسامة) : انا

اشراق ( مصدومة) : نوو متقولهاش واش نتا مصمم

غسان ( كيضحك) : على غير جيت و درت هاد بروجي..

يتبع...