قوس شاف فيها لثواني بابتسامة و مشاعرو من جيهتها فاقو بقوة مخليينو يشد يديها لي حطها على قلبو و بنضرة كلها حب...
قوس: Because I Love You (لأنني أحبك)
عذراء زادت على صدمة الماركة صدمة اعتراف الحب ماتخييلاتش انه غادي يعتارف ليها شي نهار بسبب تخوفها من انه يكون غير تيضحك عليها حيت هادشي لي ضناتو فالأول كونها بنت بسيطة غير خدامة فشركتو فقط و هو رب العمل ديالها الغني..و هنا بداو عينيها المغرغرين تيطيحو منهوم الدموع مامصدقاش شنو سمعات منو..اما هو كيشوف فيها بعشق معارفش امتى تطورات الأمور بيناتهوم حتى وصلات لهاد المرحلة و كيفاش حتى ولات أول إنسانة ملكات قلبو من بعد الأم ديالو و فنفس الوقت متعجب شوية من ردة فعلها لي خلاتو يقول فنفسو كيفاش غير اعتراف الحب ديالو ليها خلاها بحال هكا؟..و بصباعو مسح ليها دموعها برقة و بيديها لي كانت ضاماهوم شدات ليه فيديه الضخمة مقارنة بيديها..طلعات فيه عينيها لي تيلمعو بالفرحة و قلبها تيضرب بزااف و احاسيسها مخلطين بين الحشمة و الخوف..و بصوت متقطع نطقات...
عذراء: I Love You Too (أحبك ايضا)
يالاه غيجاوبها قوس حتى تيحس بكومة من الصحافيين مضورينهوم اما عذراء دهشرات فاش ضوروهوم...
واحد الصحفي: موسيو بنسليمان واش ممكن تدوي لينا على الماركة الجديدة لي طلقاتها الشركة ديالكوم دابا
صحفي2: مووسيو قوس ممكن تعرفنا على المرافقة ديالك لهاد الإفتتاح؟؟
هبطات عذراء يديها فاش شافت الصحافة و لكن حسات بيد قوس شداتها و هادشي لي خلاها تزيد تخاف حيت كلشي تيشوف فيهوم و جميع الكاميرات مصوبة عليهوم..اما هو واخد راحتو و بكل ابتسامة بدا تيجاوب الصحافة...
قوس: الماركة كيفما شفتو اسمها The Virgo و غادي تضم مستحضرات تجميلية بلمسة خاصة من المالكة ديالها
صحفية2: بغينا نتعرفو على المالكة ديالها الى سمحتي موسيو
قوس وسع ابتسامتو و حط يديه على كتف عذراء: تنقدم ليكوم المالكة ديالها عذراء مفتاح
عذراء فهاد اللحظة ماكرهاتش كون لقات شي طريقة تغبر فيها من قدامهوم ولا هاد الكمية ديال الناس لي ماعرفات منين تسلطو عليها...
صحفي3: ممكن شي كلمة ا انسة؟
عذراء حدرات عينيها مخلوعة و يديها تيتفتفو حاسة بقلبها غيخرج من بلاصتو بالخوف و لسانها ماقادراش تحركو..قوس اكيد حيت واقفة بجنبو حس بهاد كمية التوتر لي بييناتو و هو يحاول يلطف الجو...
قوس: تنظن انه خديتو القدر الكافي من الأجوبة لي بغيتو حتال افتتاح طابق الماركة فشركتي و تعرفو عليها معلومات اكتر...
يالاه بغاو يوسلوه تاني حتى تيتدخلو شي رجال بكومبلياتهوم تيبعدوهوم بلباقة من عذراء و قوس..الصحفيين مادام كاين افتتاح للطابق الماركة فا فضلو انهم ينساحبو و يكملو عملهوم مع شخصيات اخرى حتى مابقا حتى واحد فيهوم تيضور حداهوم..انساحبو معاهوم دوك الرجال محركين راسهوم لقوس بإحترام فنفس الوقت جا واحد السرباي هاز جوج مشروبات فصينية حتى قدم واحد فيهوم لقوس لي هزو و ضار اوطوماتيكمون عند موريتز لي داز كلشي قدام عينيه و بكل ثقة و تحدي رفع الكأس ديالو فالهواء كنخب انتصار فالأراضي ديال المنافس ديالو...
هز الكاس الثاني لي كان عبارة على عصير فواكه و قدمو لعذرائو المصدومة بابتسامة تحت انضار موريتز لي زيير على يدو بغضب و العصبية بانت على ملامح وجهو الماكرة المعتادة تيشوف فالمنافس ديالو كيفاش حتى انتاصر مرة اخرى و هاد المرة فقلب مملكتو لي هي شركتو ولكن اكيد و كيف ديما مغيستسلمش و فلحظة ازاح نضرو من قوس مرورا للوردة لي حداه و هنا ترسمات ابتسامة شريرة على وجهو...
موريتز: فرحان بالزهرة الجميلة ديالك غنشوفو هاد الفرحة كيفاش غتنقالب من بعد ما تقطف من الحديقة ديالك....
سالا الإفتتاح و خرجو المدعوين من نفس الباب لي دخلو منو نفس الشيء مع عذراء و قوس لي جا الشيفور بليموزين حتى هزهوم من تما...
و فداخل الطونوبيل كانت عذراء مسندة ساهية فالموصيبة لي تسلطات عليها عينيها تفلاشاو بالفلاش د الكاميرات و مابقات عارفة باش تحس واش تفرح حيت قوس عتارف بحبو و دار ليها ماركة ديالها ولا تحزن حيت وجهها ممكن يوصل لعائلتها..لاحظ قوس هاد الهدوء الغريب زعمة تكون باقة مصدومة من داكشي لي دار على قبلها؟ولا تكون ممصدقاش اعترافو بالحب؟لا اكيد لا راها بادلاتو شهادشي تيقول..حط يديه على يديها و قفزات...
قوس مستغرب:عذراء واش بيخير؟؟
عذراء بلعات ريقها:محتاجة لراحة كانت ليلة طويلة
قوس:عطي لشيفور عنوان دارك باش يوصلك
عذراء:لا لا غير وصلني لشركة انا غنكمل بوحدي
قوس:ولكن الليل هدا لا؟
عذراء:غير دير بخاطري عافاك
قوس:واخا
شافت فالزاج مهبطة حجبانها و نضراتها فيهوم حزن كبير..قوس شاف فإنعكاسها من الزاج و المشكلة معرفش مالها حتى ولات هكاك...
قوس:عذراء
عذراء ضارت شافت فيه: نعام؟
قوس مبتسم: تنبغيك
عذراء بتاسمات بحزن: حتى انا
قرب منها حتى باسها فجبهتها و بعد حتى تقابلو عينيه مع عينيها: فاش ترتاحي غنديك تشوفي المكتب ديالك
عذراء: كيفاش؟اينا مكتب؟
قوس: مكتبك لي غتسييري فيه شؤون الماركة ديالك
عذراء:واش صافي مغنبقاش خدامة مع بنان؟؟
قوس: عذراء هادشي راه واضح هي غتبقا العارضة الثانية و نتي صاحبة ماركة مايكاب
عذراء:غنتوحش الخدمة عندها بزاف
قوس: المشروع خدا وقت داكشي علاش عاد قررت هادشي اما من نهار فاش وليتي حبيبتي ماكانش اصلا تبقاي خدامة معاها
عذراء: زعمة ماراضيش بهكاك؟
قوس: اكيد كبريائي مغيخلينيش
عذراء: وي فهمتك غير هو بنان ضريفة بزاف و كونما هي كون كاعما تشوف فيا اصلا هه
قوس: قصدك الحادثة د باريس؟
عذراء: اه..كونما مشيت فبلاصتها كون كاعما تعرفني حتى واش عايشة ههه
قوس: شهاد الكلام؟
عذراء: انا غير بنت بسيطة و عادية و حتى من الطول ماعنديش ههه لاصقة فالأرض و من عائلة عادية يعني انا والو قدام لي تتشوفهوم نتا
قوس: علاش تتقولي هاد الهضرة دابا؟؟و كيفاش هاد عادية؟؟واش ماعارفاش قداش مكانتك كبيرة عندي؟؟نتي بالنسبة ليا شريكتي المثالية
عذراء: حتى نتا اول شخص نبغيه فحياتي و تمنيت كون كنتيه من البداية...
قوس بتاسم: باقي قدامنا شحال
عذراء بداو تيطيحو دموعها: ااه تنتمنى هادشي
الشيفور وقف قدام الشركة و هي تهبط عذراء دغيا..هبط قوس بلا مايتسنا لا شيفور لا والو و وقف عليها مافاهم والو...
قوس: علاش تتبكي؟؟؟
عذراء تتمسح دموعها: تنبكي؟؟ ههه لا غير الهرمونات ههه
قوس بشك:عذراء واش معاجباكش شي حاجة قولي
عذراء قربات منو و لأول مرة فعلاقتهوم تدير مبادرة من عندها حتى عنقاتو و دموعها هابطين...
عذراء:غادي تبقا عاقل عليا ياك؟
قوس مافهم والو كتافا فقط بضمها لعندو...
عذراء: نتا افضل راجل شافوه عينيا(شافت فيه بابتسامة)و غتبقاه واخا يوقع لي يوقع
قوس هضرتها بدات تتخلعو عليها: عذرائي انا متفهم انه عتارفنا لبعضياتنا ولكن هاد الدموع و الكلام جاني بحالا تتودعيني
عذراء بابتسامة: تصبح على خير قوسي
قوس بقا تيشوف فيها كيفاش انساحبات حتى دخلات لشركة مخلياه متعجب حاول يعرف مالها ولكن هي مابغاتش فا اكتفى يخليها على راحتها حتى ترتاح و ديك الساعة يشوف مالها..فنفس الوقت طلعات حتال طابق العارضات و لقات صاكها فوق فوتوي تما حلاتو حتى جبدات منو ضوبل د ساروت غرفة بنان لي خلاتو ليها باش تبات فالغرفة..حلات هاد الأخيرة و جلسات حتى مسحات مكياجها و بدلات حوايجها ب بيجامتها لي جابت معاها..طفات الضو و تكات فوق الفوتوي الكبير مغطية راسها و عينيها على السقف..و للمرة الثانية تفكرات كلام اختها لي خلا دموعها يهبطو تاني...
عذراء تتنخصص: متنستاهلوش..متنستاهلش داكشي كاملو لي دار على قبلي(تقلبات للجهة الاخرى تتبكي)يمكن تكون هادي اخر مرة نتشاوفو فيها....
و بينما عذراء شابعة بكاها كان قوس عاد وصل للفيلا ديالو..طلع مع الدروج و عقلو معاها شغلات ليه تفكيرو بزاف خصوصا و انها مابغات تقول ليه والو ولكن اكيد غدا غيشوفها و يحاول يفهم منها اش واقع...
☀️فلغد ليه☀️
و فسويسرا...
فأرجاء قصر كبييير و فلاطيراس ديالو الواااسعة كانت جالسة امرأة فأوائل الخمسينات حاطة رجل على رجل و الهوا تيحرك فشعرها البني و عينيها الرماديين تتشوف بيهوم فطاولة فوقها طبسيل ايطاجييغ مستفين فيه حلويات بطريقة راقية و حداه بلاطو فيه ابريق و كاس قهوة عامر مع سكر بجنبو..حتى جات واحد البنت بزيها الرسمي لي تيبيين انها خادمة..كانت هازة فيديها جريدة الصباح قربات من مالكة هاد القصر على قدو و حطاتها ليها فوق الطاولة...
انساحبات الخادمة مخلياها تتحل فالجريدة هكدا تتبدا صباحها ديما بقهيوتها و جريدتها تعرف اخبار بلدها..غير شافت الصفحة الأولى و هي تخرج عينيها بصدمة!...
المرأة تتقرا فخاطرها: "إطلاق ماركة المايكاب الجديدة لشركة Bens-Naht بعنوان The Virgo و حضور قوس بنسليمان مع مالكتها المايكاب ارتيست عذراء مفتاح"
كانت تحت من هاد العنوان صورة لعذراء و قوس واقفين مع بعضياتهوم..هبطات عينيها للمقال لي حداه كان بعنوان "الإطلالة الرائعة لرفيقة قوس بنسليمان للإفتتاح الفرع المغربي لشركة Limae"
و تحت منو صورة مكبرة لعذراء بجنب قوس...
و فوسط من صدمتها فقراءة اخبار الجريدة بدا تيصوني تيليفونها..تجاهلات الإتصالات و كملات قراءة المقالات و عينيها على التصاور لي باين فيهوم ولدها فرحان مع بنت قصيرة زوينة..التيليفون ماسكتش من الصونيت و هادشي ديرونجاها حتى جاوبات...
المرأة بتنهيدة:الووو
صاحبتها: فابيين شفتيي الجريييدة؟؟؟؟
فابيين: لقيتيني عاد شفتها علاش زعمة؟
صاحبتها: لا والو واش ماشفتيش داكشي لي كاتبين على ولدك كاوس؟؟(قوس)
فابيين تتحاول ماتبيينش انها مصدومة و مافراسها مايتعاود: انا..انا اصلا داكشي فخباري
صاحبتها: ياك؟ فخبارك انه دايرين اشاعات انه على علاقة بديك البنت
ليندرا:هدا هو الوقت المناسب فين يعرف! ولا هادي غادي دير فيه مابغات و نتي عارفة علاش
فابيين بلعات ريقها: ل لا لا ولدي انا لي والداه و مربياه و عارفة مزيان كيف داير
ليندرا: فابي هدا هو الوقت المناسب ولدك كاوس (قوس) خصو يخطب بنتي روبين
فابيين ماقاداش تكمل هاد الموضوع: من بعد و ندوي معاك
قطعات عليها و حطات يديها على راسها ممستوعباش الأمر: فاش تتفكر بهاد الفعايل ا كاوس...
اما فالمغرب...
صبح الصباح من بعد ليلة طويلة دوزاتها نواهل فداك الإفتتاح رغم التعب حاولات تماسك و تقاد حالتها كأنها ماعياناش..جلسات فلبيرو ديالها جابدة الكاميرا ديالها تعاود مراجعة الصور لي لتاقطات حتى تتسمع خطوات شي حد دايز..طلعات راسها بان ليها راجل غريب غادي فالكولوار لي تيدي للبيرو ديال برناس..فنفس الوقت كان هاد الأخير جالس فالمكتب ديالو حتى تيسمع الدقان...
برناس:تفضل
دخل نفس الراجل لي شافتو نواهل دايز..تقدم حتى حط واحد الجوا فوق البيرو و استأذن بلا مينطق بحتاشي كلمة كأنه الة نفدات خدمتها...
برناس هز حجبانو متعجب و شد الجوا بين يديه حتى حلو و هنا كانت صدمة حياتو فاش لقاه عااامر بصور خطيبتو مع مول الشركة لي خدامة فيها! كانو بزاااف ديال التصاور تخداو من قبل لقوس مع عذراء فخرجاتهوم و مواعيدهوم مع بعض زائد ديال الإفتتاح و باينين معايقينش بالمصور..بقاو يديه تيترعدو و لسانو تعقد و هو تيهز فالتصاور لي تيفيبريو معاه ممصدقش اش تيشووف الإنسانة لي بغاها من صغرو بكل صدق و إخلاص تتخونوو بالعلالي! المررة الأولى نكراات و رضات عليه اللومة هو ولكن هادشي لي قدامو دابا راه العمى و غيعرف بلي بيناتهوم شي حاجة!!!و بالزربة شتتهووم و جبد التيليي ديالووو تيصووني عليهااا اكيييد اليوووم اللخرة ليها...
فنفس الوقت كانت عذراء ناعسة فوق الفوتوي حتى سمعات تيليفونها تيصوني..حلات عينيها المنفوخين بالبكا تتستوعب المكان لي كاينة فيه حتى تفكرات انها باتت فغرفة بنان لي فالشركة عاد ناضت جرات الصاك جبدات منو التيليفون و جاوبات المتصل بلا متشوفو شكون...
عذراء بصوت ثقيل: الوو
برناس مزيير على فمو: بغيتك تجيي داباا عندي للخدمة
عذراء طلعات حجبانها فاش سمعات صوتو ماتوقعاتش يكون هو ابدا: اش بغيتي؟؟؟
برناس: حتى تجي و نقول ليك دابا تكوني عندي سمعتي
عذراء: شوف غادي تنقص من صوتك و تقطع عليا حيت مامسالياش ليك
برناس: كلمة وحدة لي كاينة دابا تكوني عندي فمكتبي سمعتي دابا الأمر مهم بزاف و الى ماجيتيش انا غنجي!
عذراء تتحك فعينيها: نوجد راسي و نجي!!
قطع عليها و لاح تيليفونو فوق البيرو و بقا غادي جاي بتوتر كبير باغي غير امتى تجيي...
ناضت عذراء حتى لبسات حوايجها باش جات لشركة و مشات لطواليت تغسل وجهها و تقضي حاجتها فاش سالات هزات صاكها و دازت على الكافيتيريا خدات فيها سندويتش بارد مع عصير و هبطات شدات طاكسي لعندو...
بعد طريق ماطويلاش وقفات الطاكسي قدام مقر الجريدة..خلصاتو و هبطات حتى دخلات...
عذراء مشات للإستقبال: فين كاين مكتب برناس مفتاح؟
البنت: فالطابق الثاني لكولوار لي على ليمن و سيري نيشان
عذراء: واخا شكرا
مشات لفين قالت ليها و هي دايزة من الكولوار لمحاتها نواهل و قشعاتها..ناضت من الكرسي ديالها بدهشة شغتكون تدير هنا!؟مايمكنش يعرف هي الوحيدة فالمقر لي مشات للإفتتاح و ماخداتش ليهوم حتى شي صورة!
كملات عذراء طريقها حتى وصلات قدام المكتب و حلاتو عليه ديريكت مكاين لا دقان لا بوزكري...
برناس طلع راسو بدهشة حتى بانت ليه واقفة مربعة يديها و دايرة فيه شي شوفات ديال الكره...
برناس معصب: متتعرفيش دقي؟؟؟؟
عذراء قاطعاتو: قول ليا اش بغيتي نمشي فحالي!
برناس لاح ليها الجوا فوق الطبلة و هي غير تتبحلق فيه و ترجع عينيها تشوف فالجوا حتى نطق...
برناس تيحاول يحافظ على هدوئو:حلييه
هزات عذراء الجوا حلاتو لقات تصاورها هي و قوس فخرجاتهوم مع بعض و معاهوم حتى ديال الإفتتاح..طلعات راسها بصدمة و شافت فيه...
برناس ربع يدو و اعصابو غادي و تيفقد السيطرة عليها...
برناس:شنووو علاااقتك بقوس بنسلييماااااان؟؟؟؟؟؟
عذراء زييرات على الجوا بتصاورو و بقات ساكتة و قلبها تيضرب و متسائلة منين جاااوه تصاورهوم؟؟...
برناس:جاوبيني!!!
عذراء عقدات حجبانها: واااش شغلك؟؟؟؟
برناس:ايييه شغلييي راااكي خطيبتييي!!!
عذراء: خطيبتك غير بالفم اما حتى حاجة مكايناااا و مغتكووون بيناتنااا سمعتي و سبقت قلتها ليك من شحاال هادي ولللكن نتااا متتسمعش و متتفهممممش عرفتييي تتجيني بحال لحم الراس وقتما قلت تفكيت منك عادما تتزيد تشبت بيا اكتر وااا متنبغييييكش وا ماباااغيااااكشششش وااا ماتقووولش ليا خطيبتييي
برناس رفع صوتو بنفاد صبر:شنوووو بينكككك و بيييينووو!!!؟؟؟
برناس جمد بالصدمة من الكلام لي خرجات من فمها و لي جرح مشاعرو فثواني..توقع تنكر توقع تدير اي حاجة الا انها تعتاارف و بكل جرأة!!!...
عذراء خنزرات فيه و قلبها تيضرب بالجهد هي براسها ماعرفات كيفاش جاتها هاد الزعامة كاملها ولكن لي متيقنة منو انه صافي حتال هنا و حباااااس!!...
تقدم برناس جيهتها و هي رفعات حجبانها تتشوف اش غيصنع حتى شدها من دراعها و جرها خارج بيها...
عذراء تدفع فيه:طلللق مني اش تتدييير
برناس مزيير على شنايفو بعصبية: الهضرة مابقاتش صالحة معاك
عذراء:طللق مني ماتقيييصش فيااا
ماسمعش منها و بقا غادي جارها قدام عيباد الله كاملين لي مافاهمين والو و منهوم نواهل لي حطات يديها على فمها خايفة حيت عمرها شافتو معصب هاكا و اكيد الديكور وضاح دابا بشي طريقة قدر يكتاشف لي وقع البارح فالإفتتاح...
هبط بيها لتحت و خرجها حتال عند طونوبيلتو..حلها و لاحها فيها و طلع مديماري...
عذراء:فييين غااادي بيااا؟؟؟
برناس: لعند واليديك نشوفو واش غادي تقولي نفس الهضرة
عذراء: اصلا كنت غادية لتما شكرا صدقتي طاكسي غتوصلني!
برناس زيير على الكيدون و كسيرا اما هي تكمشات قلبها غيخرج من بلاصتو، وي بالفعل خططات تقولها ليهوم ديريكت و اي حاجة داروها تصبر ليها المهم تفسخ هاد الخطوبة الملصقة معاها من نهار حلات عينيها فهاد الدنيا..كمل طريقو غادي و تيحاول يزيد فالسرعة مابقات تتهمو حتى حاجة كيفاش ماقدرش يلاحظ هادشي! كيفاش حتى كان الحب عامي ليه عينيه و حاول ديما يقنع راسو انه غيتزوجو شي نهار رغم كلشي!!...
و اخيرا بعد وقت من السياقة وصل و للوجهة لي بغا عذراء شافت فباب دارهوم بحالا شافت باب قبرها..حل الباب و خرج اما هي هزات صاكها و خرجات بجسمها لي تيترعد ولكن رغم هادشي مصرة انها تبان قوية على الاقل غير قدامو هو...
سبقها حتى دق فالباب لي حلاتو عليهوم لوليا بتعجب شنو تدير بنتها لي باتت عند صاحبتها مع خطيبها؟؟...
برناس:سلام كاين عمي جلوان؟
لوليا باستغراب:اه كاين
برناس: و ضرغام حتى هو؟؟
عذراء خرجات عينيها فاش سمعات ضرغام...
لوليا: اه غير واحد الشوية باش جا من الخدمة العجب
عذراء موراها كلها خايفة شوية غتسخف تما..ضار شاف فيها بنص عين و هو يسبقها دخل...
لوليا شافت فيها باستغراب و كيف تتقفقف عرفاتها دارت شي زبلة ولكن اينا زبلة من زبايلها مباينش..تبعات برناس و دخلات عذراء جارة رجليها باش تدخل من الباب لي ممكن عمرها تخرج منو مرة خرى...
برناس باس راس جلوان و سلم مع رفيف لي كانت جالسة مافاهمة اش جمع هاد الجوج...
برناس:انا جيت نقول ليكوم واحد الحاجة(ضحك باستهزاء) ولا نخلي بنتكوم لي تقولها
لوليا:خبار الخير
جلوان تيشوف فيها كيف تترعد:اش وااقع؟؟؟؟
ضرغام:طلقوونا راني مخلي خدمتي و جاي!
برناس: حتى انا مخليها و جاي حيت الأمر اكبر من لي غتكون تتعتاقدو
جلوان:ماعنديش مع الألغاز دوي نيشان
برناس: بنتكوم على علاقة بصاحب الشركة لي خدامة عندو و كلشي بالدليل
عذراء وقف قلبها فهاد اللحظة قالها ليهوم ديريكت!!!رجليها لي واقفة عليهوم مابقاوش قادين يهزوها و البولة غتخرج بزز من كترة الخلعة اما العائلة طاح عليهوم كلامو بحال شي صاعقة كاع لي تما واش تصدم صدمة خايبة حتى من رفيف لي فراسها كلشي تصدمات ماشي من الخبر بل من مصير ختها دابا!!!...
ضرغام نوضة وحدة مشا ليها ديريكت و شدها من دراعها: شتيقووووول هداااااا؟؟؟؟؟؟
عذراء خرجات فيه عينيها بالخلعة هادي هي اللخرة ليها صااافي اللعبة سالات!!!...
جلوان ناض مخنزر: واش بصاح لي تيقووولو هدا؟؟؟؟
عذراء بلعات ريقها و روحها غتخرج من بلاصتها....
ضرغام حركها: دوييييييي!!!!!!
عذراء شافت فرفيف لي تتقول ليها براسها تقول لا و شافت فمها لي كانت مصدومة تتسنا فجوابها و رجعات شافت فضرغام و هنا تفكرات قوس لي كانت مخبية عليه هادشي طول الوقت و غرغرو عينيها...
عذراء: اه عندو الحق
يالاه كملات هضرتها جمع معاها بتصرفيقة حتى طاحت فالأرض يالاه بغا يمشي يكمل عليها حتى حبسو برناس...
برناس:ماضربهاااااش الأمور غيتحلووو بالهضرةةة
ضرغام غيشد مهاا غيقسمها على جوج من كترة ماتعصب: بعدددددد من قدااااميييي
عذراء ناضت واقفة على ركابيها حاطة يديها على حنكها الحمممر لي تيوزوز بالألم و دموعها شوية غيهبطو...
عذراء مابقا عندها ماتخسر الى غير العصى اصلا هي باش تيهضرو اللهم تصبر ولا تزيد تكمل فالعذاب النفسي البطيئ لي عايشاه..و بملامح غاضبة عقدات حجبانها:انااااا مبغيييييتش هاااااد الزواااااااج!!!!!!!
جلوان هز يدو حتال السما و عطاها ليها للحنك الثاني حتى تخلط وجهها مع شعرها لي شدو بيديه و جرها منو بقوة حتى غوتات بألم و الدموع هابطين...
لوليا قفزاات و رفيف موراها مخلوعة:لا ا جلوااان لاااا
برناس نقز: راه قلت ليكوم مول الشركة لي خدامة عندو صافي غير خليها ا عمي!!
جلوان هز الشطابة حتال السما و جمعها معاها فضهرها حتى غوتات بالألم:ااااهئئئئئئ مضربنيييششش اهئ بعددد منييي(تتحاول تنوض من الأرض)
ضربها بالشطابة فاليد لي تتحاول تنوض بيها خلاها تلواا بالألم فالأرض شادة فيديها و الدمووع معمريين وجهها لي ولا حمررر بالبكا...
جلوان: كيفاااش حتى خلاااك رااسك تديريي فينااا هكااا كيفااش حتتتتى ضحكتيييي علينااا عيباااد الله
بقا كايعطيها فديك الشطابة و هي مغطية وجهها بغات تنوض ولكن ماقاداااش جسدها تهلك بالعصى و ماقادرش يستاجب لمقاومتها و محاولتها للهرب و الإبتعاد من هاد الضرب بدون رحمة قطعة وحدة لي قدرات تحافض عليها هي وجهها...
رفيف تترعد مورااهااا سادة ودنيييها من صووت الخبييط و الضرب على جسد اختها لي تتسمعو بقوة كأنه تيضرب فشي حيوان ماشي بنتو اما برناس جمد فبلاصتو و ضرغام واقف عليه و داير فيه الشوفة ديال بلا ماتفكر تدير شي حاجة من راسك و تلعب فيها بطل...
جلوان: دوووويييي يالااااااه دويييييي بغييييتي لمك تنفاااااي ولا شنووو ااااا
لوليا بغات تقرب تفك بنتها ولا تبعدو ولكن ماقادراش حيت عارفاه مزيان كيف داير الى مشا حتى تعصب...
مشات رفيف طايرة جابتها ليها و بدات تدهنها ليها حتى سالات..غطاتها غير بالغطا و سدو عليها فالبيت...
فنفس الوقت فالشركة و فطابق العارضات تسمع تقرقيب الطالونات فالكولوار و كاع لي خدامين تما واش وقفو مستغربين و هوما تيشوفو روبين غادية براسها عالي و ثقة فالنفس كبيرة و فيمينها و يسارها غاديين خناثة و ليفيا بتكبر حتى وصلو قدام غرفة بنان و قربات حتى دقات فالباب...
بنان لي كانت فالداخل تتسنا فعذراء تجي غير سمعات الدقان مشات حلات ولكن مكانتش عذراء كان اخر شخص توقع تشوفو قدامها و بالضبط فهاد الشركة...
بنان: نتي شتديري هنا؟؟؟
روبين قربات من بنان هازة حجبانهاا و ابتسامة شريرة على فمها:قلت ليكوم غنرجع بقوة هههههههه
ليفيا و خناثة دخلو سادين الباب موراهوم و تيبتاسمو بشر...
بنان ربعات يديها: بزعطة و شنو؟ موحشاني ولا؟
روبين ضورات عينيها فالغرفة و رجعات شافت فبنان:ماخاصاكش شي حاجة هنا لا؟
بنان طلعات حاجب و مييلات راسها: دوي نيشان
روبين: لا نتي اذكى من هكا غتعرفيني اش تنقصد
بنان: مامسالياش ليك دوي ولا خرجي!
روبين شافت فدوك جوج لي حداها بابتسامة و رجعات شافت فبنان: امم كيفاش غنقوولها اممم..اااه واحد البرهوشة عندك هنا
بنان صغرات فيها عينيها: دابا تتقولي ليا انه درتي شي حاجة لعذراء ياك؟؟
روبين: امم بحال هكاك
بنان تنهدات تتحافض على اعصابها: و شنو درتي ليها؟
روبين: فراسك انه هي مخطوبة و عائلتها صعيبة ياكي؟
بنان شافت فيها بدهشة و مشات دغيا هزات تيليفونها تتصوني على عذراء....
فنفس الوقت كان تيليفون عذراء تيصوني فصاكها لي مرمي فالأرض رفيف لي سمعاتو و جاوبات...
بنان: الووو عذراء
رفيف باينة من صوتها تتبكي: ختي بنان هادي انا رفيف
بنان: فيين عذرااء اش واقع لعذرااء؟؟؟
رفيف: داك الزمر د خطيبها ساق الخبار لعلاقتها بمول الشركة و جابها لدار و قالها لخويا و لبابا اهئ ضربوهاا حتى سخفات اختييي
بنان شافت فروبين لي كانت تضحك مع دوك الجوجات بواحد الشوفة ديال القتيلة: شوفي رفيف ماتقولي لفابيو والو خلي عندك تيليفون و اغراض عذراء اوكي؟
رفيف:صافي واخا
قطعات عليها و حطات تيليفونها بشوية عليها فوق الطبلة تما و هزات راسها رادة شعرها للور...
بنان هازة خنافرها لسما و مربعة يديها: نتي السبب حتى عرف خطيب عذراء بعلاقتها بمستر قوس ياكي؟؟
روبين: ههههه بصراحة و بلا منستحمرك اه
بنان حدرات راسها فالأرض ضاغطة على شنايفها بعصبية و هي طلعو و قربات من روبين بالزربة حتى عطاتها بواحد الطرشة خلاتها تشد حنكها بصدمة...
بنان: هادي شوية من داكشي لي داقتو عذراء بسبابك ا ا الكلبة
خناثة: شتديرييي وااش تسطيتييي!!!
ليفيا: اووه روبيين
روبين قربات منها بغات ترد ليها التصرفيقة و هي تشد ليها بنان يديها لواتها و باليد لوخرا شداتها من شعرها حتى خبطاتها مع الأرض و الجوجات لخرين واقفين مصدومين...
روبين ناضت شادة راسها لي ضارها بسبب الضربة و وقفات: متوووووحشششششةةةة
بنان هزات واحد الفاز كبير: غااادي تخرجوووو عليااااا يا ال* حاب ولا غنهرسو عليكوووم
ليفيا و خناثة رجعو للور و روبين باقة شادة راسها بألم: مارضيتيششش حيت اللعبة سالاات هههه عمرك تحلمي تشوفي المايكاب ارتيست ديالك مزال و عممرهااا غتولي مع قوس
بنان قربات منها بواحد الشر فعينيها و قالت بهدوء:كوني اكيدة بلي غنتاقم منك اشد الإنتقام ا روبين حضي مزيان جنابك و نوصيك تحضي عائلتك اكتر حيت كيفما سلكتي ليا الطريق بعذراء قادرة نسلك ليك الطريق بفرد من عائلتك(زادت قربات منها)مفهوم؟
بلعات روبين ريقها و هي تتشوف نضرة الشيطان و هي تنساحب مخنزرة و تبعوها لخرين مخليين بنان غتاكلهوم بعينيها لي تيطاير منهوم الشر غير خرجو مشات هزات تيليفونها حتى دوزات مكالمة...
بنان: الوو...(بابتسامة شريرة)بغيت بحث مكثف على عائلة الفيلالي....
فلبيرو ديال قوس كان جالس هاد الأخير مقابل خدمتو حتى هز تيليفونو تيصوني على عذراء ولكن متتجاوبوش..حاول مرة خرى ولكن بدون جدوى و هو يستغرب..ضغط على زر الفيكس و دوا مع جلنار...
قوس: قولي لعذراء تجي عندي دابا
جلنار بعينيها المسمومين: اوكي مستر
دوزات الفيكس لغرفة بنان و جاوباتها هاد الأخيرة...
بنان: الو؟
جلنار: مدام..مستر قوس باغي عذراء مفتاح
بنان:قولي ليه بلي ماجاتش حيت مريضة
جلنار بتاسمات: اوكي
قطعات عليها و صونات تاني على قوس...
جلنار: مستر قالت ليا مدام بنان بلي راها مريضة و مجاتش اليوم
قوس: واخا
قطع عليها بتسائل غير لبارح دوزات معاه أمسية سعيدة من غير ختامها لي تقلبات فيه و لكن قال ممكن خصها الراحة و دابا ولات مريضة! اكيد خصو يشوفها! ناض و خرج من البيرو ديالو و هبط فالسانسور...
وصل لطابق المانادجرز و كاع الموضفين تيشوفو..لي داز من حداه واش حدر راسو احتراما ليه حتى دق على لبيرو ديال فابيو لي تحل اوطوماتيكيا و دخل...
فابيو: تفضل مستر شنو نقول ليها تجيب؟
قوس: لا مابغيت والو بغيت نشوف عذراء قالت بنان انها مريضة
فابيو: اه ميس ادرا ولكن ا مستر مغتبغيش هادشي
قوس: و علاش؟
فابيو: عائلتها صعيبة و شي واحد غريب الى جا سول فيها غيعاتبوها
قوس: ولكن انا بغيت نشوف حبيبتي!
فابيو حرك صباعو بتردد و شاف فيه: انا كنت تما فاش خطبت ختها رفيف و عرفت طبيعتهوم هوما عائلة صعيبة و ثقافتهوم تتحرم تكون علاقة معرفة بين امرأة و رجل
قوس: بغيتي تقول انه غنجبد ليها المشاكل؟
فابيو:اه هادشي
قوس: اذن غنتسناها حتى ترد على مكالماتي
فابيو: احسن حل
قوس: مهم رجعات ديك روبين لسيستيم ديال هنا؟
فابيو: وي هاد الصباح مزال بصراحة مكاين لاش ترجع فرأيي
قوس ناض: مدام بنسليمان تتستغل مكانتها عندي و هي لي رجعاتها
فابيو: اه مدام فابيين ههه حيت عزيزة عليها
قوس: وي و انا عارف علاش
فابيو: تنتمنى لميس ادرا الشفاء ا مستر
قوس: شكرا فابيو
خرج من تما و رجع لخدمتو...
فالعشية بدات تتحل عذراء فعينيها لقات راسها فبيتها..سرعان ما رجعات ليها ذاكرتها فاش فاقت و عقلات على اش وقع بدات تتحس بألم كبير فجسمها..حييدات عليها الغطا و هي تصدم بجسدها لي ولا كولو ضرابي زركين..حاولات تنوض تلبس عليها شي حاجة ولكن كل جزء من جسدها تيضرها و الألم ضارب فيه رغم هادشي قاومات و صبرات حتى جبدات بيجامة و سترات بيها راسها فنفس الوقت فالتحت دخل عليهوم ضرغام طالع ليه الدم و هاز الجورنال فيدو...
رفيف مخرجة عينيها خايفة و لوليا لي كانت تتوجد العشا غيطرطقو ليها شي عرق فراسها...
طلع فالدروج تيجري حتى حل عليها الباب بالجهد خلاها تقفز من بلاصتها و بدون مقدمات شدها من شعرها بقوة حتى لاحها من فوق الناموسية للأرض لي تكركبات فيها...
ضرغام: ماكفاااكش لي دااايراااه لاا مشوهااانا فالجورنااالااااات
عذراء كل جزء من جسمها تيضرب بألم رهيب و مقاداش تحرك...
عذراء:اهئ اهئ صافي يكفي الضرب ديال بابا مابقيتش قادة على العصى اهئ
ضرغام: دوييي (ركلها برجليه) راااني داوي معاك
عذراء تتبكي و تلوا بالألم لي متيتستحملش و هو غير ما زايد يضرب فيها حتى وقف فبلاصتو فاش سمع موراه....
جلوان: حبببسسسسس
ضرغام ناض مخليها شرويطة فالأرض وجهها فقط لي نجا من ضرباتو و ضار لعند باه لي جايب معاه حتى الجدة سلافا!
جلوان: خرج من هنا دابا
ضرغام خرج بلا مايزيد معاه حتى شي كلمة اما سلافا قربات حتى جلسات فوق الناموسية تتشوف فحوايج عذراء المقطعين و حالتها حالة بالضرب ديال دوك الوحوش...
سلافا هازة حاجبها فيها: مغنطولش معاك الهضرة عندك جوج اختيارات يا اما توجدي راسك لعرسك غدا ولا تنفاي و عمرك تعتبي باب هاد الدار بل باب هاد العائلة كاملها!....
عذراء طلعات فيها عينيها العيانين و بدات تمتمم: ا انا..م م مابغيي...
عذراء تتحاول تنوض بيد و اليد الثانية ماداها بحال شي غريق تيستنجد: ل لا لا...
خرجات و خرج جلوان ساد معاه الباب...
سلافا: حضيوها مزيان متفوتش بيتها باش كلشي يدوز هو هاداك مغنخليش البرهوشة تدمر القانون لي سهرت و كافحت على ود استمراريتو!! غادي تزوج ببرناس و يتدفن لي دارتو فزواجهوم سمعتي؟!
جلوان حدر راسو: واخا كوني هانية
هبطو مخليين عذراء مكمشة فالأرض و دموعها هابطين و شهقاتها مسموعين: م مابغيتش نتزوج ب بيه اهئ....
رفيف لي كانت فلتحت غير شافت جلوان و سلافا خرجو مشات دغيا تتجري لعندها..دخلات عليها لقاتها جامعة ركابيها لعندها و معنقة رجليها و جسدها تيقفقف..جلسات رفيف حداها و نوضاتها و ضماتها لحضنها...
عذراء: اهئ فقت من الحلم الوردي لي عشتو مع قوس اهئ فقت من داك الحب كاملو فقت من اعتقادي انه غادي توقع شي معجزة و نتجمعو انا وياه برضى الجميع ولكن...
رفيف: غادي تجمعو مرة خرى انا حاسة بهادشي و الى هو تيبغيك كيفما تتقولي اكيد غيحارب كلشي على قبلك
عذراء مزييرة عليها: مابقات حتاشي حرب مابقا والو قوس اصلا ماعارف والو و حسن نيت مايعرفش شوية د الوقت و غينساني و انا غنولي مجرد ذكرى فحياتو
رفيف بقات تتشوف حتى عيات و هي تنوضها حتى تكاتها فوق الناموسية: صبري ندهن ليك هاد الضربات راه بداو تيزراقو
عذراء متكية تتشوف فالسقف بعينيها الحمرين بالدموع..تتأمل كيفاش مسدود بحال النهاية ديالها لي ولات بلا مخرج..فنفس الوقت رفيف تدهن ليها بالبومادة و فخاطرها تتمنا توقع شي معجزة لي تنقذ ختها من هاد الجحيم....
☀️فلغد ليه☀️
و فمقر جريدة الأبراج...
كان برناس غادي فالكولوار بعينيه العيانين دليلا على قلة النعاس فالليلة الماضية و لأول مرة يتأخر على عملو..لمحاتو نواهل و خلات كاع لي فيديها حتى مشات تبعاتو لمكتبو لي حلو و دخل بلا مايحس بيها انها موراه...
نواهل هبطات حجبانها بحزن و دقات فالباب...
برناس: دخل
دخلات عليه لقاتو تيشوف فالشرجم و فيديه الجوا ديال التصاور...
نواهل تتحك فيديها بتوتر: م مو موسيو
برناس طلع فيها راسو: وي نواهل؟
نواهل: ش شفتك البارح ج جار عذ.. قصدي واحد البنت اش واقع كاع الموضفين واش تخلعو
برناس جلس فوق فوتوي تما و حدر راسو فالصور...
نواهل: احم و واش نقدر نجلس؟
برناس حرك ليها راسو بالموافقة..سدات الباب و تمشات بخطوات بطيئة حتى جلسات حداه تما لمحات صور عذراء مع قوس و هنا بلعات ريقها حيت الأمور صدقات كيفما توقعاتها...
برناس حادر راسو: معرفتش علاش رغم كاع لي درتو معاها عمرها بغاتني
نواهل بحزن: عمرك سولتيها واش تتبغيك؟
برناس: اه و مقدرتش نستحمل الرفض
نواهل: مافكرتيش فمشاعرها هي؟
برناس وراها الصورة و حط صبعو على قوس: صدقو مشاعرها كاينين هنا...
نواهل: عارفة هادشي غيكون صعيب عليك ولكن متتشوفش انه من الأفضل صافي تستسلم؟
برناس:كيفاش بغيتيني نستسلم و انا عقلي على عمر 8 سنين تبرمج انه يبغيها و بلي غنتزوجها فاش غنكبرو
نواهل بحزن: عادة برجك هي السبب..لا نتا لا هي ماعندكوم حتاشي دنب
برناس: كانت عادة ولكن ولات حب من بعد...
نواهل: نتا تقبلتي العادة و بغيتيها من قلبك ولكن هي العكس و هادشي تيخلي العلاقة فإطار حب من طرف واحد..و هادشي غيأديك نتا براسك مستقبلا حيت مغاديش تعيش معاها مزيان ولو تزوجاتك
برناس: هادشي كاملو بسبب هدا (زيير على الصورة) هو لي دخل لحياتها!!!!
نواهل حطات يديها على يدو: تهدن عفاك
برناس طلع فيها راسو و بقا تيشوف فوجهها شحال..
نواهل هربات يديها بإرتباك و بدات تحدر فعينيها: م مالك؟
برناس: والو (ناض) بغيت نبقا بوحدي
نواهل ناضت: واخا
خرجات من البيرو و خلاتو غارق فتفكيرو...
اما عند قوس لي ماجايب لدنيا خبار كان فوسط واحد الإجتماع..سالاه و تم خارج و بجنبو فابيو...
فابيو: جاوباتك مزال ميس ادرا ا مستر؟
قوس تنهد: صونيت عليها و والو يمكن مابغات تدوي مع حتى واحد ولا ماقدراتش تهز حتى التيلي
فابيو: انا غنسول ليك ختها اوكي؟
قوس: واخا شكرا غنمشي نكمل خدمتي دابا
فابيو: اوكي مستر
مشا قوس كمل طريقو للبيرو ديالو اما فابيو صونا على خطيبتو...
رفيف لي كانت فلتحت تتعاون مها حتى صونا تيليفونها: الو
فابيو بتاسم فاش سمع صوتها: رفيف لباس عليك؟
رفيف تتحاول ماتبيينش ليه: لباس و نتا بيخير؟
فابيو: لباس قولي ليا ميس ادرا واش لباس حيت قالت بنان انها مريضة
رفيف:ا ااه غير السخانة و كدا ماقاداش تدوي ر راها باقة ناعسة
يالاه قطعات رفيف حتى تطلع ليها مكالمة خرى و كانت ديال بنان...
رفيف: الو بنان
بنان: بوحدك؟
رفيف تتشوف فلوليا لي تتعجن الخبز فوق طبلة فالصالون: لا
بنان: سيري لشي بيت
مشات رفيف طلعات دغيا و سدات عليها فبيت مها و باها:هاني تنسمعك
بنان: سمعيني مزيان واخا؟
رفيف: وي غير قولي
بنان: اليوم غنهربو عذراء من ديك الدار!
بنان: كيفما سمعتي!
رفيف: ولكن كيفاش غنهربوها؟؟
بنان: خلي غير الباب محلول و انا غنسيفط الشيفور ديالي يجيبها
رفيف:الكلام اسهل من الفعل راه غير حاطين عينيهوم عليها
بنان: وي عارفة غيزييرو عليها ولكن هدا هو مخططي عذراء مغتبقاش تما!
رفيف:واخا قطعي دابا من بعد و نشوف كيفاش ندير هادشي
قطعات عليها بنان اما هي مشات هبطات تكمل شغلها دغيا باش تمشي لعند عذراء و تقول ليها على خطة بنان...
فالسوق كانت غادية رسيل و معاها رئال تيضورو و يشوفو فمحلات الدراري الصغار...
رسيل: عجباتني هاد اللبيسة زوينة
رئال: ديتي ليها بزاف د الكساوي دي ليها حاجة خرى
رسيل: الطبيبة قالت عندنا بنيتة يعني خصنا نديو كسيوات اكتر
رئال:واخا ا لالة كوني غير على خاطرك
خدات لي بغاتو و خرجو من المحل و فيديه بزاف د الميكات...
رسيل: بغيت ناكلو شي حاجة فيا الجوع
رئال: واخا شنو بغيتي تاكلي؟
رسيل بان ليها لي تيبيع الفاكية فالقفيفة و مشات لعندو...
رسيل: عفاك بغيت جوج دراهم كاوكاو معسل
الراجل قطع من الجورنال لي حاطو حداه و بدا يقادو ليها فنفس الوقت رئال واقف عليه حتى سالا..مد كاوكاو لرسيل و هو مد ليه الفلوس ديك اللحظة لمح وجه ماشي غريب عليه ابدا فصفحة الجريدة! و بالزربة مشا هزها حتى تيشوف وجه ختو مع راجل عمرو شافو فحياتو و كاتبين "إطلاق ماركة The Virgo لشركة Bens-Naht للمايكاب ارتيست عذراء مفتاح" بداو يدين رئال تيترعدو و بقوة خبط داك الجورنال فالأرض و جر معاه رسيل و ميكاتها...
رسيل مخلوعة: اش واقع؟؟؟؟
رئال تيحاول يسيطر على اعصابو: ماديريش فبالك زيدي نوصلك لدار...
فنفس الوقت فغرفة عذراء..كانت هاد الأخيرة متكية فوق ناموسييتها تتشوف فالحيط بعينيها المدمعين و وجهها الحمر بالبكا...
عذراء بدات تتفكر فقوس و شنو غيكون تيدير دابا فغيابها؟؟..زعمة غيكون نساها؟ ولا اصلا ماشي من داك النوع لي غيلاحظ غيابها!..سرحات بعقلها و سدات عينيها تتخيل مشهد اعترافو بحبو ليها حتى بداو الدموع يهبطو من عينيها المسدودين...
عذراء: I Love You Too...(شهقات) ولكن حتى واحد ماباغينا مع بعضياتنا...
ناضت من فوق الناموسية و عضامها تيضروها بسبب الضرب ديال البارح لي باقي مابغا يفارق عقلها و وقفات قدام الشرجم لي دخل منو ضو الشمس لي ضرب فوجهها...
تقدمات بخطوات بطيئة حتى جبدات علبة زجاجية عامرة بحبوب الدواء من المجر..خواتها كلها و كمشاتها فيديها...
عذراء تنهدات بعمق و دموعها هابطين بدون توقف:تنضن هدا هو الحل الصحيح حنا ميمكنش لينا نتجمعو ا قوس...
بعد مرور مدة كانت رفيف طالعة فالدروج لعندها..حلات باب الغرفة و غير بانت ليها مسرحة فالأرض بدون حركة و قريعة الدوا مرمية حدا يديها ببقايا البعض منو غوتاات لربي لي خلقها حتى جمعاات مهاا و باها لي تصدموو من المنضر...
لوليا مشات تتجري لعندها كلها تترعد: بنتيييي(تتحرك فيها)بنتييييييييي(شافت فجلوان) متتتحرررررككككششش...
جلوان بدون تفكير تحنا حتى هزها من الأرض و تم هابط بيها:تبعووونييي
مشات لوليا بالزربة لاحت عليها الجلابة و ضورات الزيف غير بالزربة اما رفيف هزات غير الصاك و خرجات ب بيجامتها حتى خرجو لقاو جلوان حطها فالطونوبيل...
لوليا: الله ياربي كبدتيي كبدتيييي اهئ اهئ
طلعو بجوجات و ديمارا غادي بيهوم لسبيطار المدينة...
بعد مدة ديال الطريق وقف قدام السبيطار و هبط تيجري للداخل يعلم اي واحد المهم يعتقو ليه بنتو رغم انه تسبب فأديتها و ضربها حتى فقدات الوعي الا انها تتبقا بنتو و مايمكنش يوقف مكتوف الأيدي و هي بين الحياة و الموت! اما لوليا تطل عليها و تبكي و رفيف مكمشة عند رجليها متدويش..حتى تمو جايين جوج ديال الفرمليات جارين ناقلة و جلوان تابعهوم حتى هزوها و حطوها فيها..هبطات رفيف تبعاتهوم و نفس الشيء مع لوليا و جلوان...
دخلوها لداخل السبيطار غادين بيها فالكولوارات حتى دخلوها لواحد الغرفة...
الفرملية: نتي ختها ولا صاحبتها؟؟
رفيف: ختهاا
الفرملية:اجي معايا
جلوان: و حنا؟؟
الفرملية: غندويو مع الأخت هو الأول حيت الحالة حالة انتحار على متيبان و تنضن انه غتكون الأقرب للمريضة
ناضت عذراء حتى شدات صاكها من عند رفيف و جبدات منو صندالة لبساتها:شكرا بزاف اختي
رفيف عنقاتها: عيشي حياتك اختي و ماتفكريش فينا ابداا نتي ماتستاهليش داك الحمار و ماتستاهليش لي وقع معااك سيري و واجهي العالم كاملو على قبل حبك!
عذراء زييرات عليها و عينيها غرغرو:تنبغيك تنبغييك بزاااف نتي افضل اختتتت
الفرملية: الشيفور تيتسنا ا مادموزيل
رفيف: طهلاي فراسك بزاف
عذراء: حتى نتي
خرجات عذراء مع الفرملية هازة صاكها حتى دوزاتها من ممر اخور حتال الباب الخلفي ديال المستشفى لي كانت مبلاصية قدامو طونوبيل د بنان الخاصة بالشركة..ركبات فيها و ديمارا بيها الشيفور من تما و تسندات على الزاج تتفكر فكيفاش غتكمل لي بداتو...
"فلاش باك"
عذراء تنهدات بعمق و دموعها هابطين بدون توقف:تنضن هدا هو الحل الصحيح حنا ميمكنش لينا نتجمعو ا قوس...
يالاه غتدخل الدوا ففمها حتى تيتحل عليها الباب...
رفيف لي تصدمات من المنضر مشات تلاحت عليها دغيا و شتتاتو من يديها: واش نتي مريضة!!واش حنا باغيين نعتقوك من هاد الموصيبة و نتي باغية تسيفطي راسك كاع!
عذراء تتبكي: مكاين حتاشي حل اخور اهئ يا مع قوس يا مع الموت اهئ
رفيف: سمعيني مزيان ا الهبيلة بنان صونات عليا و قالت ليا غتهربك من هنا
عذراء: هادشي ميمكنش كيغادي دير ليها
رفيف: قالت ليا انه نخرجك بشي طريقة حتى تقدري توصلي الباب و الشيفور ديالها غيتسناك برا(التيليفون تيصوني) هاء هاهيا!
بنان: الو دويتي معاها؟
رفيف: راني معاها دابا و قلت ليها على الهروب
بنان: دوزيها ليا
عذراء شدات من عندها التيلي: الو
بنان: حتى تجي لعندي و نطمأن عليك دابا خصنا كيفاش نهربوك من تما حاولي تختالقي شي عذر لي يخليك تقربي من الباب و ديك الساعة هربي لعند الشيفور لي غيكون تيتسناك
عذراء حدرات عينيها فزجاجة الدوا و هي طيح عليها فكرة: تنضن واحد التمثيلية غتنجح
رفيف: اينا تمثيلية؟
بنان: تنسمعك
عذراء: غندير بلعاني انني نتاحرت باش يهزوني لسبيطار و تما نهرب
بنان بتاسمات: فكرة مزيانة غنستأجر شي فرمليات تما لي غيعاونوك فهاد الهروب
عذراء:شكرا بزاااف عمرني نسا خيرك
بنان:هادشي مابيناتناش و سيري حتى تجي لعندي و قولي لرفيف تمثل مزيان حتى هي و تدير راسها مصدومة و تدي معاها صاكك لي فيه اغراضك المهمة
عذراء: واخا(عاودات لرفيف)
رفيف: اوكي واش مستعدة لهادشي؟
عذراء: الى غنتهنا من هاد الحبس اكيد!
"نهاية الفلاش باك"
وقف الشيفور قدام الشركة و هبطات عذراء بالزربة غادية تتجري ليها بديك التبهديلة و حالتها حالة حتى طلعات فالسانسور و ضغطات على الزر الذهبي..زر طابق قوس الخاص..بعد ثواني ولات فيه و قلبها كولو تيضرب و الخلعة شاداها بقوة و بلا ماتسوق لجلنار مشات دغيا تدق عليه مخلياها تتشوف فيها باستغراب هادي مالها بحالا طلقو عليها الكلاب؟؟..في حين قوس كان مركز مع خدمتو فاش سمع الدقان تصاحب ليه بلي جلنار و سمح ليها بالدخول...
عذراء غير سمعات "تفضلي" دخلات بالزربة و سدات عليهوم الباب تتلهث..قوس طلع راسو و هو يتصدم متوقعش انها تكون هي! بقا تيشوف فيها بعلامات الإستغراب و عذراء قدامو بحوايج موسخين و شعرها مشعكك و كدمات واضحة على جسدهاا...
قوس مخلوع عليها:عذراء اش واقع ليك؟؟؟؟
عذراء نفاجرات بالبكا و هو ينوض شدها من كتافها مفاهم والو...
عذراء تتنخصص:بغاااو يزوجوووونييي....
قوس بدهشة: كيفاش غيزوجوك؟؟ نتي اش تتقولي؟؟
عذراء ببكاء و قلبها تيتقطع من الكلام لي غتقولو دابا: اناا مخطووبة اهئ مخطووبة...كنت مخطووبة من الأول
قوس بعد منها محييد يديه بجوج عليها و الصدمة بانت على وجهو و كلامها تيتردد فمسامعو: كيفاش؟؟؟.......
عذراء حسات بدفئ يديه انزاح على كتيفاتها و غادي تيبعد منها حتى رجع جوج خطوات للور تيشوف فيها بصدمة و عقلو تيحاول يفهم شنو لتاقطات ودنيه من فمها عاد دابا..اما عذراء بدات تتبكي و تتحاول تشرح ليه و توصل ليه انها ماعندها حتاشي ذنب فهادشي ولكن شهقاتها تيقطعو ليها كلامها...
عذراء: ق ق قوووس ع عفااك سم سمعنيي اهئ ه هو الاول و و ديك الساعة د دير لي بغيتي اهئ
قوس باقي مصدوم ماقادرش يتخييل انه البنت لي دارها شريكتو و شافها الأنثى المناسبة ليه تطلع من الأول مخطوبة لشخص اخور من غيرو! فا اكتفى بالصمت اما هي بدات تتمسح فدموعها و تمسح على وجهها الحمر بالبكا...
عذراء تهدنات شوية: المهم القصة كتبدا من الولادة ديالي..من فاش كنت رضيعة..ماعارفة والو فهاد الدنيا لي عاد حليت عينيا فيها..غنعاود ليك دابا قصة الرضيعة المخطوبة..حنا كا عائلة برج العذراء عندنا جوج عادات الأولى هي انه حنا برج كيتزاوج من نفس البرج ديالو ولكن حنا حيت متنعرفوش عائلات خرى من نفس برجنا لجآت عائلتي للعادة الثانية لي هي زواج الأقارب و غندوي ليك دابا عليا انا فقط...
قوس باقي على نفس الحالة ساكت و غير تيسمع ليها...
عذراء: كنت مجرد رضيعة ولداتها مها و النهار فاش جات لدارهوم كان نفسو خطوبتي بولد عمي لي كان فعمرو 8 سنين..تخييل معايا طفل و رضيعة معارفين والو فهاد الدنيا ربطو اقدارهوم مع بعض و تخطط انه اينفوا غيكبرو و يبلغو غيتزوجو..(سكتات للحظة و كملات كلامها)فاش كبرنا دارو لينا خطوبة رسمية و بقا القرار معلق فيد الجدة سلافا لي هي الناطق الرسمي لعادات برجي..انا عمرني و تنقسم ليك بحياتي و الله يعطيني اي حاجة خايبة انه عمرني شفت فيه شي شوفة فوق داك ولد عمي فقط..عمرني انجاذبت ليه سوا اعجاب سوا حب..بقيت هاكا حتال النهار لي دخلت فيه لهاد الشركة و جمعاتني الضروف مع المالك ديالها لي هو نتا...كنتي بحال الحلم بالنسبة ليا عييشتيني فحوايج عمرني تخييلت انني غنعيشهوم دوزت معاك لحظات مكتنساش حتى قدرتي تدير بصمتك فقلبي بل فحياتي كلها..لقيت راسي مغرومة بيك و متعلقة بيك داكشي علاش ماقدرتش نصارحك بهاد الحقيقة المرة حيت خفت انني نخسرك..خفت انني نخسر الحاجة الوحيدة المضيئة فحياتي المعتمة..ولكن...(زييرات على شفاهها لي تيترعدو و بداو دموعها تيهبطو و نيفها تيزيد يحمار)ولكن...(شهقات)فواحد اللحظة اهئ نسيت انه الحلم وقتو محدود و ضروري من انني نفيق منو اهئ..حلمي الوردي معاك انتهى فاش ساقو عائلتي الخبار انني على علاقة معاك اهئ(زادت فوتيرة البكاء و شهقاتها مسموعين)اهئ ب ب بابا ضر ضربني..خ خ خوياا ح حتى هو..ض ضربوني(نفاجرات بالدموع)حتى فقدت الوعي
قوس هبط عينيه لجسمها لي كانت لابسة عليه بيجامة مقطعة من الكتف بان منو كدمات باينين ديال الضرب و هنا عقد حجبانو بغضب...
عذراء تتبكي:و ماكتافاوش غير بالضرب بل جات الجدة ديالي و قالت انه غيزوجوني بزز لداك ولد عمي قالت ليا البارح انه اليوم عرسي ولكن انا قدرت نهررب منهووم و جييت عندك حيت نتاا لي تنبغي..نتا لي بقيتيي عندي فهاد الدنيااا و الى ماتييقتينيش ولا حسيتي انه ضحكت عليك ولا انه انا استغلالية فا مستعدة انه نغبر و نخرج من حياتك بصفة نهائية...غير هو عفاك اهئ ماضلمنيش حيت كلشي وقع بزز مني شنو ذنبي الى تزاديت وسط عائلة متسلطة و فارضة عليا كلشي شنو ذنبي انا نتجبر نتزوج بواحد متنبغيهش و شنو ذنبي الى بغيت واحد من قلبي و نتلقا هادشي كولو بسبب هاد البغيان اهئ اهئ قول ليا غير شنو ذنبي؟؟؟
قوس بقا تيقرب ليها و هنا حسات بقلبها غيوقف فهاد اللحظة صافي اليوم غيتري عليها و يفرج فيها كاع الموضفين لي فالشركة و اولهوم ديك جلنار و روبين لي غيفرحو بهادشي...
عذراء تتفتف: ع عافااك مااشي بخاطري و الله اهئ نتا لي عندي داباا اهئ حتى من عائلتي خليتهوم مورايا اهئ قوس انا تنبغيك و عمرني بغيت شي راجل حتى من لي تربطت بيه من ولادتي اهئ ماتضلمنييش...
غير وقف قدامها سدات عينيها و حطات يديها على ودنيها ماباغياش تسمع كلامو لي غيحطمها ماباغاش تشوف ردة فعلو لي غتدمرها..و فجأة وسط داك الخوف و خفقات قلبها المتسارعة حسات بيديه لي حاوطوها حتى ضمها لصدرو اما هي حلات عينيها المدمعين بقوة مافاهمة والو...
قوس تيشوف فالحيط بحجبانو المعقودين و يديه معنق بيهوم عذراء لي تتبان كيف الكميشة وسط عضلاتو: تهدني...
عذراء سدات عينيها براحة و ضورات عليه يديها حتى هي..هادشي لي باغياه بنت بحالها فقط حضن دافئ ماشي ضرب مبرح بحال لي تعرضات ليه...
قوس دوز يديه على ضهرها بحنان: متخافيش..مغنخليكش تمشي
عذراء كلامو حرك مشاعرها و خلاها ترجع تبكي حيت بالفعل هادشي لي محتاجة تسمعو فهاد الحالة..شي واحد يفهمها و يشد بيديها و يقول ليها انا معاك و الى العالم كاملو تخلا عليك انا لا...
عذراء تتبكي: انا مخنتكش ا قوس و مكدبتش عليك انا مكنتش..اهئ مكنتش باغية غير نخسرك فقط..تنقسم ليك بحياتي الى هادشي لي كاين عفاك ماتفكرش فيا بطريقة خايبة اهئ
قوس تنهد و زيير عليها: صافي تهدني سمعتك بلا منطق بحتاشي كلمة و دابا جات نوبتك باش حتى نتي تسمعيني...
جرها بشوية حتى جلسها فوق الفوتوي و جلس حداها حاط يدو على يديها..طلعات فيه راسها مافاهمة والو و بقات ترمش فيه بعويناتها الحمرين بالبكا تتسناه يدوي...
قوس تنهد: انا عارفك من برج العذراء راني ماشي مكلخ انا عارفك من برج مختلف على برجي ولكن حيت انا مامسوقش لهاد العادات و التقاليد ما قلت والو و كنت واخد فكرة من فابيو بحكم هو من نفس برجك انه تتكوني غير خصك تزوجي من نفس برجك ماشي نتي اصلا مخطوبة منو هاد العادة ماكانتش فراسي و حتى فابيو ماقالهاش ليا ممكن حيت فعائلتو ماطبقوهاش غير هو لي بغيتك تعرفيه انه انا مموافقش على هادشي و ماباغيهش بغيت البنت لي غتكون شريكة حياتي نبغيها بقلبي و انا لي نختارها لراسي بالتراضي بيني و بينها ماشي تفرض عليا بعادات ولا تقاليد
عذراء غرغرو عينيها:يعني كنتي عارف برجي و رغم هادشي بغيتيني حيت متتآمنش بيهوم؟
قوس: تماما مشاعر الناس و احاسيسهوم ماخصهاش تقييد بحال هاكا خص يبغيو لي رتاحو ليه و الحب و العشق عمرو كان بالإكراه
عذراء:و شنو بخصوص عادة برج القوس المرتابطة ببرج العقرب؟ هادشي ديجا سمعتو من قبل
قوس: كيف قلت ليك انا متنآمنش بهادشي و ديك الطريقة باش تزاوجات عائلتي و ختي مغنتزوجش بيها ابدا
عذراء حسات براحة كبيرة بحالا تحييد جبل على قلبها و بتنهيدة طلقات ابتسامتها شحال كانت غبية فاش ضنات انه شخص متفتح و متفهم بحال قوس غيتقييد بتقاليد و عادات تافهة بحال هاديك: ناري من لول كنتي متتآمنش بعادات الأبراج و انا لي كنت هازة الهم لهادشي
قوس هبط عينيه لعند كتفها و حط يدو على ضهرها: بغيت نشوف هاد الكدمات
عذراء زييرات على يدو الثانية:لا بلاش
قوس بصرامة: عذراء!
و بلا ماتزيد تناقش معاه طلعات عذراء الفوقاني د بيجامتها مع الديباردو بخجل حتى بان ضهرها العاري كاملو لي فيه كدمات حمرين...
قوس بقا تيشوف فيهوم و غادي و تيزيير على يدو بعصبية و بنوضة وحدة تم غادي خارج...
عذراء بخوف: قوس وقف عفاااك قووووس
قوس يالاه قرب لعند الباب و هو يوقف ضاير لعندها..فاش شافتو وقف ناضت لعندو و شدات ليه فيديه بترجي...
عذراء: عفاااك ماديرش شي حاجة متهوورةة
قوس رفع من صوتو بعصبية: كيفاااش بغيتيني نسكككت و داتك هاكااا!!!ماعندهوومش الحق ابداااا يقيصوووك بل ضربوووك؟؟!!!
عذراء: عفااك راه تيبقااو عائلتييي و واخا دارو ليا هكاك منبغيش لي يقيصهوم بالخاايب انا صاافي خليت ديك الداار و غنشوف مستقبلللي و هاد المستقببل بغيت نبنيه معاك نتا و مابغيتش نفكر فالماضي عفاااك سمع منيي هادشيي راااه والوو قدام باش كنت تنحسو فداخلي كل مرة تنكوون معااك و نتاا ماعارفشش بخطووبتي
قوس عاقد حجبانو: ماتبقايش تقولي خطوبتي نتيي فملكييتي اناا و مكاين لا خطيب لا والوو نتيي "ديال قوس بنسليمان" و بغيتك تديريها فراسك و نساي انه شي نهار كنتي مخطوبة ولا عارفة داك الشخص
عذراء عنقاتو بفرحة و بدات تتبكي تاني: اهئ هادشي راه تيبكييني اهئ ماتصورتش انك غتفهمني هاكاا انااا تنبغييك اهئ
قوس معنقها: متبكيش (شد ليها وجهها بين يديه) حياتك ابتداءا من دابا مرتبطة بحياتي غنوفر ليك الحماية و اي حاجة بغيتي غير هو بشرط
عذراء تتشوف فعينيه: انا تنسمع
قوس: عمرك تخبي عليا اي حاجة كيفما كانت
عذراء: لا كانت اول و اخر مرة عمرني غنعاود
قوس: مزيان و دابا خصك تقادي حالتك مانبغيش نشوف My Flower محطمة هاكا
عذراء بتاسمات تدوز يديها على وجهها: I love you
قوس باسها فراسها: I love you too، مهم (مشا هز تيليفونو و سوارتو) غنمشي معاك لداري باش تقادي حالتك و ترتاحي
عذراء: واخا
ضور يدو على ضهرها و تم خارج بيها قدام جلنار لي مافهمات والو..هبطو فالسانسور حتال الباركينغ فين كانت الطونوبيل مبلاصية تتسنا فيهوم..حل ليهوم الشيفور الباب و ديمارا بيهوم للفيلا الكبيرة ديال قوس....
فنفس الوقت فالسبيطار كانت رفيف جالسة مع واليديها فقاعة الانتظار حتى دخلات عليهوم الفرملية مخلوعة...
الفرملية:مالقيتش المريضة فغرفتها!
جلوان ناض بدهشة:كيفاش!! و فين كاينة؟؟
لوليا قفزات: ويلي على بنتي؟؟؟
رفيف ناضت حتى هي تتمثل الخلعة: ولكن حنا ماشفناهاش كي دارت ليها؟؟
الفرملية: ماعرفتش شوفو ياكما رجعات لدار
مشات دغيا خلاتهوم غيتسطاو كيفاش هادي قدرات تخرج بلا مايلاحظوها! و بخطوات سريعة سبق جلوان و تبعوه لوليا و رفيف بالجرا يشوفو هاد الموصيبة فين مشات تاني....
فالشركة وقف السانسور فطابق قوس الخاص و خرجات منو روبين غادية تتعوج فمشيتها و شعرها كولو تيتمايل معاها حتى وقفات على جلنار...
جلنار حطات الستيلو و شبكات صباعها مع بعضياتهوم: ماعرفتش فين مشا غير هو (بابتسامة سم) كان مع ديك عذراء مفتاح
روبين بصدمة: كيفاش؟!!! شنو تيدير مع ديك البرهوشة؟؟؟مايمكنش تكون قادرة تجي للشركة!!!
جلنار: مانعرف المهم كانت حالتها تشفي العدو
روبين زييرات على يديها بغضب: فاش يجي قوس قوليها ليا
عطاتها بضهرها و كملات طريقها غادة تضرب برجليها فالأرض بعصبية باش تشد السانسور و تشوف اش واقع حتى هاد عديمة التربية لي قالت انها صافي تهنات منها كيفاش قدرات تنجو؟؟؟ولكن سرعان ماتفكرات الشيطان الآدمي لي واقف بجنبها بلعات ريقها و هبطات لغرفتها تشوف كيفاش غتصرف مع هاد الموصيبة...
فالفيلا الكبيرة ديال قوس..وقف الشيفور بيهوم قدام الباب الداخلي و هبط حتى حل ليهوم الباب..هبطات عذراء و قوس شاد ليها فيديها و صاكها معلق فكتفها مطلعة راسها فالتواسع و الخضورية شحال هادي بينها و بين دارو..ضورات وجهها لعند الباب كتلقا تستيفة ديال الخدم حادرين ريوسهوم و على راسهوم رئيس الخدم كارل لي حرك راسو لقوس تحية و احتراما ليه..حسات بقوس غادي بيها لعندهوم حتى وقف قدام كارل...
قوس بالألمانية: تبعني باغي ندوي معاك
حدر كارل راسو و آمر الخدم كل واحد يرجع لشغلو و تبع قوس لي مدخل عذراء لداخل الفيلا...
كارل: فاش بغيتيني ا مستر؟
قوس حط يدو على ضهر عذراء: بغيت تاصل بطبيبة اختصاصية تشوف كدمات كاينين فالجسد ديالها بغيتهوم مايبقاوش والا اثر واحد منهوم يبقا
كارل: امرك مستر
قوس: و حاجة خرى غتقادو ليها غرفتها و بغيت تختار 3 من الخادمات يكونو مناسبين لمعاييرها هي
كارل: اوامرك مستر كلشي غيكون كيفما بغيتي و بغات الآنسة
قوس بتاسم فوجه عذراء لي مافهمات والو حيت داويين بالألمانية و طمأنها بلمستو الحنينة لي دوزها على ضهرها: My Honey هدا رئيس الخدم كارل و فنفس الوقت الخادم ديالي الخاص غادي نخليك معاه هو غادي يتكلف بكلشي حيت انا تابعاني الخدمة مزال
عذراء حركات ليه راسها بابتسامة: واخاا
قوس شاف فكارل: هادي حبيبتي عذراء و غتواصل معاها بالإنجليزية
كارل حرك راسو بابتسامة: شرف ليا نتعرف على حبيبة سيدي
عذراء بتاسمات: شكراا
قوس قرب منها حتى باسها قبلة سطحية فشفاهها و شد ليها وجهها بين يديه: حتى نرجع واخا
عذراء: طهلا فراسك
مشا قوس راجع لخدمتو اما عذراء بقات واقفة شادة صاكها و عينيها تيصكانيو فالدار اكتر من فاش جات ليها من قبل حتى فييقها كارل...
كارل:تفضلي معايا ا انسة رتاحي دابا شوية غنرجع
جلسات عذراء فوق فوتوي تما و حدرات راسها تتسناه يرجع...
رجع لعندها كارل و بلباقة اشار ليها لطريق لي جا منها: تفضلي معايا انستي
ناضت عذراء و صاكها لاصق معاها حتال نهاية ديك الصالة و هي تلقا تستيفة ديال الخادمات واقفات فاش شافوها حركو ليها راسهوم...
كارل: هادو هوما خادمات هاد الفيلا انستي
عذراء: وااوو هادو كاملين؟؟
كارل:وي انستي الى سمحتي ختاري لي بغيتي يكونو تحت خدمتك
عذراء: بغيت مغريبيات
كارل: واخا انسة...شيراز..رولا..مهرة...
تقدمو ثلاثة د الخادمات من داك الصف للقدام...
كارل: شوفيهوم واش مناسبينك ا انستي
عذراء بالمغربية:سلااام لباس عليكوم؟
طلعو فيها راسهوم بابتسامة و حركوه ليها بالإيجاب...
عذراء شافت فكارل:صافي غنختارهوم هوما
كارل: اوكي انسة(شاف فالبقية) وجدات غرفة الانسة ولا مزال؟
خادمة منهوم: ااه ا مستر كارل
كارل: اوكي تفضلي معايا ا انسة ترتاحي فغرفتك الطبيبة فطريقها باش تعالجك(شاف فداك الثلاثي) و نتوما تبعوني
مشاو كاملين طالعين فالدروج بينما البقية تشتتو يكملو خدمتهوم...
بقاو غاديين فكولوار فالطابق الثاني حتى وقف قدام غرفة من غرفو الكتيرة و حلها...
كارل: رتاحي ليك فهاد الغرفة حاليا انستي حتى نقادو ليك ديالك على الذوق لي بغيتيه نتي
عذراء دخلات تتمنضر كانت غرفة كبيرة بزااااف فيها ناموسية بفراش بلونكاسي و ذهبي و جليسة فوتويات عند الشرجم و دريسينغ كبير خاوي قدامها زائد دوش...
كارل: فاش تساليو مع الآنسة هبطو عندي للبيرو ديالي
حركو ليه راسهوم و مشا خارج ساد معاه باب البيت...
عذراء حطات صاكها و جلسات فوق الناموسية: جلسو مالكوم واقفات
الخدامات بتردد:منقدروش ماشي من حقنا
عذراء: غير جلسو انا لي قلتها ليكوم
شافو فبعضياتهوم بارتباك و جلسو فوق الفوتوي لي قدام الناموسية...
عذراء: هي كلكوم مغريبيات؟
شيراز: اكيد ا انسة
عذراء:هادشي لي بغيت بنات بلادي لي غيفهموني بلا مانشرح و لا نسبيكي ههه
دخلاتها لدوش و قربات منها ضامة يديها:انسة صبري نعاونك
عذراء حشمات:لا غير خليني غنغسل لراسي
مهرة: راه خدمتي هادي ا انسة خصني نعاونك و ندوش ليك
عذراء بدهشة: اويلي على دوشي ليا! لا غير خليني بوحدي حتى نبغي لي يدوز ليا على ضهري و نعييط ليك
مهرة باستغراب: ولكن...
عذراء قاطعاتها: صافي عفاك خليني بوحدي
مهرة: واخا انسة
خرجات مهرة و بقات متبعة ليها عذراء العين حتى سمعات الباب تسد عاد تنهدات و حييدات حوايجها حتى ولات عارية تماما و بان جسمها لي فيه شي كدمات صغار زراقو و البقية حمرين خصوصا فجهة الفخاض و الضهر فين كلاتها بزاف..حلات الما و بدا البينوار تيعمر و عينيها عليه ساهية فيه حتى عمر عاد تخشات فيه و بعينيها المغيمين بالحزن سهات فالحيط تتفكر فهادشي لي سايرة تدير فيه و كيفاش القدر نقالب لصالحها فاش تفهمها قوس و وفر ليها مأوى يحميها من الذئاب البشرية و يال الأسف عائلتها من ضمن هاد الذئاب فاش همشوها و دمروها عيواض يفهمو عدم رغبتها الكبيرة بهاد الزواج زادو فرضوه عليها بحالا وطاو على شي حشرة ماشي بنتهوم...
عذراء: ماخصنيش نبقا نفكر فيهوم بزاف انا غنفكر فختي و ماما فقط هوما لي عندي البقية حتى واحد متيحملني(هبطو دموعها) حتى واحد ماباغيني منهوم اهئ...
فنفس الوقت بينما عذراء تتغسل فحالتها و تبكي على مادارو فيها عائلتها هاد الأخيرة كانت قالبة الدنيا كلها ماخلاو رواء ماخلاو الجيران المهم عذراء اختفت فضروف غامضة حتى وصلات الخبار لبرناس عن طريق مو لي صونات عليه....
برناس قطع عليها و هز سوارتو: انا عارف مزيان فين غتكون
خرج دغيا من البيرو و هبط ديمارا بطونوبيلتو شاد طريق لشركة قوس....
وصل برناس لقدام الشركة و بلاصا طونوبيلتو..هبط منها و تم غادي يدخل حتى حس بليسيكوريتي بجوج وقفو حيط قدامو سادين ليه الطريق...
برناس طلع راسو فيهوم: بغيت ندخل
السيكوريتي: بصفتك شكون؟؟
برناس: بغيت نشوف عذراء مفتاح!
السيكوريتي شاف فصاحبو و رجع شاف فيه: سير لعب فبلاصة خرى
برناس: سمعني مزياان قول لداك قوس بنسليماان يطللق عذرااء داباا حيت داكشي لي ساير يديير فيه ماغايوصلو لفين!
السيكوريتي خنزر فيه: اخر فرصة ليك غتمشي من هنا ولا غنستعملو هضرة خرى بحالك لي بقاو يدويو على مستر بنسليمان!
نساحب برناس من تما معصب و رجع لطونوبيلتو...
برناس: مغنخليهااش لييه هي خصهاا تكوون معاياا انااا اناا لي نستااهلهااا انا لي تسنييت سنيين باش نتزوج بيهااا
بقا تيتسنا تما و الوقت غادي تيدوز حتى بانت ليه طونوبيلة قوس خارجة من الباب الكبير ديال الباركينغ لي تيطل على برا غير قشعو منها ضور الكيدون دغيا و سد ليه الطريق...
الشيفور وقف دغيا و قوس طلع حاجبو باستغراب شكون هاد الحمار العور لي ساد عليه الطريق بهاد الطريقة!!...
خرج برناس من الطونوبيل و مشا حل الباب على قوس بكل وقاحة و لي طلع فيه راسو بواحد الشوفة ديال لا واش نيت من نيتك!...
برناس تيطل حداه مكاين والو:فيناهيا عذراء؟؟؟
قوس عقد حجبانو فاش سمع اسم حبيبتو على لسان رجل بواحد الصيغة كأنه تيعرفها: و نتا شكون اصلا باش تسول عليها؟؟؟
برناس تعصب: انا خطييبهااا
قوس طلعو و هبطو بعينيه باحتقار: نتا هو الخطيب لي قالب ليها حياتها؟؟من كترة الرعب لي زرعتو فديك البنت مسكينة تخييلت شي واحد بعقلو ولكن دابا تنشوف قدامي شخص وقح تيغوت بحال كلابي الى شافو شي واحد غريب
برناس بدا تيحمار و يتعصر و يزيير على يديه مارضاااااش كيفاش عفط ليه على كرامتو فثواني: ماااشي حيييت عندك المكااانة و الفلوووس صااافي غتهينييي و تحتاااقرني هكاا سمعتيي!!!و انا مخاايفش منك!!!غتقول ليا فين مخبي عذرااء ولا مغيعجبك حال!!
قوس خرج من الطونوبيل حتى وقف بديك القلدة و الطولة تيبان قدامو بحال شي جبل و هو عمود...
قوس بنضرة باردة: مغيعجبني حال؟ تنضن خاصني نحطك فمكانك المناسب باش يالاه تعرف كيفاش تدوي مع سيادك
برناس زااد تعصببب و بدوون مقدمااات جمعع القبضة ديالووو و وجهها جهة قوووس هاد الأخير لي شدو من ديك اليد و زيير عليها بعصبية:(تيدوي كارز على الكلمات) عطيتك فرصة باش تهز من هنا ولكن نتا ماشي من النوع لي تيفهم بالهضرة
برناس تيتألم و حاس بيدو غتهرس ليه: طللللق منييي ماعندددكش الحققق تقرررب من عذرااااء هييي خطييبتيييي
قوس جمع قبضة يدو الثانية و عطاها ليه فالوجه حتى لاحو على الطونوبيل ديالو و مشا ليه ديريكت شادو من لكول د حوايجو حتى زدح ليه راسو مع الطونوبيل...
برناس شاد فيه بالجهد لي عندو من دراعو و تيحاول يتفك و يدفع فيه: مااعندكش الحق تقوول هادشييي انا ويااهاا تخطبناا بالعاداات و التقاااليد اماا نتا نتااا شنووو دااير فيهااا بطل زعمةةةة
قوس طلق من حوايجوو و شدو من شعرو مزيير على شنايفو بعصبية و عروق يديه غيطرطقو: ماااشي شماااتة بحااالك لييي غيورينييي اش غندييير هاااديك سميييتها غتكووون حدااا سميتييي هاااديييك غتولييي عذراااء بنسليمااان سمعتتيييي و مااشغللل حدد و هااد العادااات بااااش مصددددعنييي و لي خااايفة منهوووم هييي انااا لي غنوقفهوووم حيت مزااال ماتزااااد ولا غيتزاااد لي يتحكمممم فسيااادتييي
خبط ليه راسو و بدا يعطيه فاللكمات بحال شي وحش اما برناس بين يديه بحال الشرويطة ماطلقو حتى سخف ليه بين يدو و رجعو كولو دمايات و كدمات اضعااااااف لي فجسد عذراء...
الشيفور مورا قوس مخلوع و ماقادرش يدوي:مستر راه صافي فقد الوعي
قوس لاحو بحالا لاح شي حشرة و قاد الكوستيم ديالو بتخنزيرة القتيلة: سيفط لي يجمع عليا هاد الحشرة من ارض شركتي و يخليو ليه رسالة شخصية مني انه هدا مجرد انذار و باقي يتجرأ يجي لهنا ولا يقلب على عذراء الحساب غيكون عسير!
الشيفور حدر راسو:اوكي مستر
دخل قوس لطونوبيل تيتنفخ و يتفش بالأعصاب حتال عذرائو و خط حمر! كيفما كان هاد الشخص مغيخليهش يقيص ممتلكاتو و هي تتعتابر منهوم! ماحساك هدا لي جاي متهجم عليه بخطيبها ولا منعرف..طبق الشيفور داكشي لي قال ليه و ركب مكمل طريقو يرجعو للفيلا...
فقدام الباب الداخلي ديال الفيلا..سمعو الخدم السيارة ديالو وقفات و هوما يخرجو كاملين مستفين واحد حدا لاخور و وحدة حدا اخرى..هبط الشيفور و حل لقوس الباب لي هبط غادي ديريكت لعند كارل...
قوس: فيناهيا عذراء؟
كارل حرك راسو بلباقة:الآنسة كاينة فغرفتها المؤقتة
قوس داخل و كارل تيتمشا بجنبو: جات الطبيبة مزال؟
كارل: يس مستر عطاتها بوماد خاصة باش تدهن بيها دوك الكدمات و قالت انه غياخدو فقط ايام حيت كدمات جداد و لاحظات انه ديجا تستعملات ليهوم شي بوماد من قبل لي قدرات تنقص منهوم
قوس: اه هادشي مزيان و الخادمات؟
كارل: ختارت لي بغات و دابا راه معاهوم فغرفتها ا مستر
نساحب كارل يطبق خدمتو اما قوس طلع لغرفتو بل جناحو..حتى بدل حوايجو بسروال سورفيت و تيشورت محييد بدلة العمل هكا داير ستايلو فالدار سبورتيف...
في حين فغرفة عذراء كانت جالسة هاد الأخيرة فوق كرسي قدام كوافوز لابسة بيجامة بنوتية و موراها واقفة شيراز تضفر ليها فشعرها...
شيراز: شعرك زوين تبارك الله
عذراء بتاسمات: ربي خليك
مهرة: تبغي نصبغ ليك ضفارك؟
عذراء:لا اختي غير خليهوم بلاش هه
رولا: خصنا نعرفو دابا لي متتبغيهش و لي تتبغيه ا انسة باش نعرفو كيفاش نتصرفو معاك
عذراء: ويلي ماشي لهاد الدرجة تاني انا بغيتكوم غير تونسوني حيت صعيبة عليا نبقا بلا ختي و ماما ولا صحاباتي
مهرة: حنا غنحاولو نديرو هادشي غير هو حنا ملزومين بخدمتنا و تدربنا مزيان على هادشي و مستر كارل الى ماطبقناش خدمتنا غيبهدلنا
عذراء ضارت لعندها: امم على حد علمي و الى عقلي نفعني 3 شهور دابا باش حلات شركة قوس فالمغرب يعني 3 شهور باش ولا قوس ساكن فالمغرب يعني نتوما...؟
شيراز: وي حنا كنا من خادمات قصر بنسليمان فسويسرا و تختارينا من ضمن الخدم لي غيجيو لهنا
عذراء: اااه هادشي لي بان ليا و و كيداير الجو تما؟
رولا: الصراحة الخدمة عند هاد العائلة زوينة بزاف من كترة الخدم لي عندهوم متيكونش عندنا بزاف مانديرو حيت كل واحد مكلف بشي حاجة
مهرة: وي بصاح
عذراء: ااه و كيف دايرة معاكوم مامات قوس؟
شيراز: مدام فابيين ضريفة بزاف و عندها الخاطر بزاف و ماشي من النوع العصبي ولا لي تيغوت على الخدامات
مهرة تتقاد خصلات شعر عذراء القدامية: ديك السييدة مكاينش بحالها و الله
عذراء بتاسمات براحة فاش سمعات هاد المدح على أم قوس لي خلاها تاخد صورة إيجابية عليها..كملات ليها مهرة الشعر و هوما يسمعو الدقان..تهزو بثلاثاهوم و تستفو حدا بعضياتهوم...
عذراء شافت فيهوم: واش نقول تفضل؟
رولا: غير الى بغيتي
عذراء: تفضل
تحل الباب و هو يدخل قوس غير شافوه خرجو دغيا وحدة تابعة لوخرا حادرات ريوسهوم..عذراء شافتو كيف لابس فالدار جاها فشكل حيت مولفاه غير بحوايج الخدمة و دابا بستايل رياضي ولكن حتى هو عجبها بيه..بتاسمات ليه و حتى هو رد الإبتسامة غادي تيقرب منها حتى وقف عليها...
عذراء وقفات ضامة يديها: على سلامتك
قوس تحنا حتى باسها ففمها و شدها فيديها حتى جلسها فوق الفوتوي: كيف بقيتي؟
عذراء: دابا لباس مهم الطبيبة طمأناتني انه الكدمات دغيا غيبراو
قوس دوز يدو على شعرها: قالها ليا كارل
عذراء: ا ااه وي
قوس شد ليها فيديها و ناض: اجي معايا
ناضت معاه يدو شابكة يدها غاديين مشادين و هبطو للتحت حتى خرجو من باب لاطيراس مرورا لطريق لي تيدي للحديقة الخاصة بالورود...
عذراء بتوتر: ل لا لا ماشي هكاك غير هو..ماعرفتش كيفاش غنقولها..امم غالبااا كان اي راجل غيتصرف هكاك
قوس وقف بثقة: اي راجل اه ولكن قوس بنسليمان مكاينش بحالو!...
الله عليك يا غرور رجل القوس🤭 و مالو كذب🙂...
عذراء: اكيد مكاينش بحالك ههه
قوس قطف واحد الوردة و دارها ليها فشعرها...
عذراء بتاسمات بحب: بحال أول مرة فاش جبتيني لهنا
قوس: وي باقي عاقل ا My Flower
عذراء: ااه و كانت ديك الساعة حتى ترف ههه اه بعدا كيدايرة هي لباس عليها؟
قوس: لباس على حد علمي
عذراء: مغتجيش تاني تشوفك؟
قوس: لا راها خدامة
عذراء: حتى هي مايكاب ارتيست اكيد غتكون مشهورة و مشغولة
قوس: وي تيكونو عندها مواعيد مع مشاهير و مرة مرة تتمشي للشركة
عذراء: اه لي فسويسرا الى بغيتي يمكن ليك تعطيني نمرتها نسول فيها امم(حدرات راسها و تتلعب بصباعها بتوتر)ب بغيتت نوطد علاقتي مع عائلتك ماداام حنا داباا..راك عارف
قوس بتاسم: فاش ندخلو نعطيها ليك تنظن غتفرح حيت اخر مرة فاش كانت هنا عجبتيها
عذراء فرحات: حتى هي ضريفة
قوس حط يدو على خدها: باقي غنعرفك على عائلتي غير تهناي
عذراء طلعات فيه عينيها لي تيلمعو فعينيه حتى حسات بقربو و شفاهو لي تحطو على شفاهها ساد عينيه..بدا تيقبل فيها بكل حب تيذوق و يتلذذ بطراوتهوم و هي بين يديه منغامسة معاه حاطة يديها على صدرو ناسية العالم و مافيه حتى سمعو "احم" من خادمة فييقاتهوم من عالمهوم...
الخادمة حادرة راسها حشمانة من الموقف: مستر..ميس..الجليسة وجدات
حدرات عذراء عينيها حشماااانة فاش شافتهوم الخدامة و هي تلاقا نيشان مع حجر قوس لي تنفخ بسبب دوك القبل و اللمسات و هي تخرج فيه عينيها و بلعات ريقها...
قوس: اوكي دابا غنجيو
مشات الخدامة دغيا تتزرب فمشيتها و شاف فعذراء لي بدات تترعد ليه تما...
قوس بهمس: ماتخافيش..هادشي غيكون بالتراضي مغنبزز عليك حتى حاجة
عذراء رتاحت نوعا ما: ا ااه و واخا
قوس: مهم اجي نمشيو لجليسة دابا
ناض شادها فيديها حتى مشاو لتما لقاو الطبلة مزوقة بحلويات مغربية و اجنبية مع القهوة...
عذراء: وااو طبيلة شحال زوينة
قوس جلس و جلسات حداه: الطباخ المغريبي غيتكلف بأكلك
عذراء: شكرا بزاااف على اهتمامك
قوس: نتي راكي حبيبتي و هادشي عادي جدا
هز قوس جرس صغير كان محطوط فوق الطاولة حركو و هوما يدخلو جوج خدامات حتى كبو ليهوم القهوة ف فناجين و بقاو واقفات تيهزو من الحلويات لي باغيين هوما بالملقط و يحطو ليهوم فتبيصلات حتى قادو كلشي و مشاو...
عذراء تتاكل فالحلوة و تدوز بالقهوة: و دابا شنو غندير مع عائلتي فرأيك؟
قوس: القاعدة المعروفة عند جميع الأبراج فاش تترفض الزواج بشدة ولا فاش تتخون تتنفا من العائلة نهائيا
عذراء بحزن: يعني انا اصلا منفية...
قوس: منفية لعندي..نتي تحت حمايتي و حتى حاجة مغتقيصكش كيفما كانت
عذراء شافت فيه بإبتسامة: هادشي علاش تنبغيك..عمرك قللتي الإحترام معايا مهم من غير اول مرة ههه مهم... (رجعات خصلة من شعرها ورا ودنها) انا بغيت نوقف هاد العادات و التقاليد كاملين
قوس: و انا بجنبك حتى نحققو هادشي...
فالسبيطار كانو واليدين برناس و ختو ديالا و الصحفية نواهل جالسين فقاعة الإنتظار تيتسناو فالطبيب حتى جا هاد الأخير...
نواهل: وااخا(شافت فالبقية)تنضن من الأحسن نخليوه بوحدو كيفما بغا
دواني: غنرجع نشوفك تاني اولدي
انساحبو خارجين من الغرفة مخليينو مقابل مع داك السقف تاني و بالو فقط مع خطيبتو لي غير تيتخييل انها بين ايادي رجل اخور تيبغي يتسطا...
فدار واليدين عذراء كانت الدنيا مقلوبة و حالتهوم اسوء من حالة عائلة برناس بكثير..لوليا سادة عليها فالبيت غتسطا و رفيف مكمشة فقنييت ضاربة الطم لاتفرش و خوتها و باها ماخلاو فين قلبو ولا فين سولو حتى دخلات عليهوم سلافا...
سلافا: مزال مالقيتوها؟؟
جلوان: لا مزال ماخلينا حد مالقينا والو!
سلافا: اليوم كان ضريب لاكط ديالها ب برناس و بالليل العرس لي كنت مخططة ليه ولكن دابا برناس فالسبيطار و هي هاربة!
رئال باستغراب: كيفاش؟ برناس فالسبيطار؟؟
سلافا: اه دابز مع واحد المهم البنت هربات بعدما درنا محاولة اخيرة نردو ليها عقلها لطريق الصحيح ولكن تيبان ليا فات الفوت و ختارت اصلا طريقها
ضرغام: شنو تتقصدي؟؟
سلافا: خطوبتها تفسخات ببرناس و دابا ولات رسميا منفية من عائلتنا!!داك الإسم العائلي لي ولات هازاه خصو يتمحا!
رفيف خرجات فيها عينيها و حطات يديها على فمها كيفاش شنو تتقول هادي يحييدو ليها حتى الكنية؟؟؟...
جلوان تنهد بعمق و حط يديه على راسو: دابا واش بغيتي نمحي بنتي من الحالة المدنية؟؟؟
سلافا بصرامة: ااه!
رفيف تصدمات و حتى خوتها اما جلوان مابقا عارف مايقول...
سلافا: عارفة صعيبة عليك بزاف ولكن هادو هوما القوانين!
جلوان: منقدر نقول ليك والو دابا
سلافا: واخا غنأجل هاد الموضوع شوية مزال حتى تأقلم مع الوضع و ديك الساعة مكاين منو هروب
خرجات مخلياهوم شي تيشوف فشي اما جلوان رغم كاع لي دارتو بنتو و داك العار لي جابت ليهوم الا انها تتبقا بنتو من دمو و لحمو و صعيب عليه بزاف انه فدقيقة يمحيها من سجلو كاع....
شيراز تتحك يديها بتوتر: لا ا انسة وافقنا فغرفتك ولكن هنا راه منقدروش و اصلا فطرنا
مهرة: سمحي لينا انسة ولكن الى شافنا مستر كارل غيتعصب و هادشي ماشي فصالحنا
عذراء: ماتخافوش غنقول ليه انا لي قلت ليكوم تجلسو
رولا شافت فيهوم بارتباك و مشات سبقات جلسات شافو جوجات لخرين فبعضياتهوم و هوما يزعمو حتى هوما و جرو كراسا حتى جلسو...
عذراء هازة لبراد حتال السما و تخوي فالكيسان: حتى هاد الطباخ حاط ليا صينية تقول عارضة على قشلة (تتفرق فكيسان اتاي) هاكو قربي نتي هزي هاد الحلوة
شيراز هزات كاس د اتاي تتشربو و لخرين هازين حليوات مدوزينهوم بداك اتاي و فداخلهوم تيدعيو مايجيش كارل...
عذراء: فكرني هاد المسمن بالواليدة تتصرعو(غرغرو عينيها) ماما مسكينة(تدوي و فمها عامر)ماعرفتش كيف غتكون دابا (مسحات عينيها)
مهرة بقلق: واش بيخير ا انسة؟
عذراء: لا والو ماديروش فبالكوم كولو راه هاد الخير ماغاناكلوش بوحدي ههه
شيراز: انسة غنفوت حدودي و سمحي ليا ولكن واش نتي..نتي (شافت فلخرين و رجعات شافت فيها)منفية ياك؟
عذراء هربات عينيها بحزن: اه
حدرو عينيهوم حتى هوما بحزن كبير كأنه فتحات عليهوم جرح قديم و فكراتهوم فماضي أليم...
عذراء طلعات راسها لقاتهوم على ديك الحالة و ساهيات: مالكوم؟
رولا: ل لا غير هو تفكرنا شي حاجة و صافي
عذراء: كيفاش دويو واش هادشي عندو علاقة بالنفي؟؟
مهرة:ا ااه
عذراء:انا تنسمعكوم
شيراز شافت فيهوم: تنظن انه تجاوزنا الأمر يعني علاش هاد الدراما كلها!...
رولا: ماشي دراما و انما ضرني خاطري و انا تنشوف بنت صغيرة تنفات
مهرة: الأمر ا انسة انه(شافت فيهوم و شافت فعذراء) حتى حنا منفيات...
عذراء بدهشة:كيفاش؟؟؟
رولا تنهدات: وي حنا بتلاتانا رفضنا الزواج بشدة و كانت النتيجة النفي من العائلة نهائيا
عذراء: و ولكن كيفاش هادشي؟؟واش مابقيتوش تتشوفوهوم كاع؟؟؟
شيراز: تجردنا من اسمائنا العائلية..مهم راك فهمتي دابا...
عذراء بصدمة: كيفاش تجردتو من اسمائكوم العائلية؟؟؟(بلعات ريقها) انا منفية دابا يعني حتى انا....
مهرة: شنو هو اسمك العائلي؟
عذراء: مفتاح
مهرة: ابتداءا من دابا نساي هاد الإسم حيت غتولي سميتك فقط عذراء...
عذراء ناضت ممصدقاش اش تتسمعو: انا عارفة عائلتي متسلطة و قاصحة ولكن يحييدوني حتى فالوراق منضنش!
رولا: هادو هوما القوانين و خصهوم يتطبقو باش يكون توازن قال ليك شنو ذنبنا حنا الى ماباغيينش نتزوجو بلي ختاروه لينا و خييرونا بينو ولا بين ترك العائلة
مهرة: انا وياهوم تلاقينا فقصر بنسليمان لي ولا بمتابة المأوى بالنسبة لينا و تنتمنى حتى نتي تقدري تقبلي هاد الحقيقة المرة
عذراء جرات الكرسي: اجييو معاياااا
مشات عذراء طالعة مع الدروج و هوما تابعينها حتى دخلات لغرفتها لقات واحد البنت بملابس الخادمة تتستف و تقاد فالماريو ديالها و بنت خرى واقفة عليها لابسة ملابس أنيقة...
لاريسا: فين المايكاب ارتيست و مصففة الشعر علاش مكاينينش فالغرفة؟؟
مهرة تدخلات: الآنسة عاد جديدة غير لبارح جات مزال ماشافت هادشي
عذراء: راني مايكاب ارتيست اصلا و فيا كوافورة مانحتاجش
لاريسا: اوه مايكاد انستي دابا نتي راكي حبيبة مستر قوس خص كلشي يولي خاص و فبلاصتو امم ولكن مهم بهاد الشعر البني الغامق الطويل و العينين الخضرين غيجي معاك هاد اللون
بنان بهدوء: لا ماشي مشكل(بتاسمات بشر) حتى الخطوة لي درتي مزيانة و فرحاتني نتيجتها
عذراء: حمد الله قوس تييقني و اهتم بيا ناري اصاحبتي ممصدقاش
بنان: جنتلمان اختي حاجة عادية ماشي بحال دوك الحيوانات لي ضربوك
عذراء تنهدات: ااناا نمووت و نعرف كيفااش حتى برناااس المزمر لقا تصاوري مع قوس
بنان حطات رجل على رجل و هزات حاجبها: ايوا راه ديك روبين هي لي دارت هاكا باش زعمة قوس يخليك ساعة هههه طلع معاها اكبر قالب ا بب
عذراء زييرات على يديها بغضب: كيفاش؟؟؟؟
بنان: ايه كيفما سمعتي هي لي كلفات شي مصور صوركوم و سيفطاتهوم لداك الخراي د ولد عمك حيت عرفات بلي عائلتك صعيبة شفتي الكلبة(خفضات من نبرتها)كانت باغياك تحبسي فداركوم ولا تزوجي بزز بهاداك..كانت باغياك ماتشوفيش الشمس مزال..مافكرات لا كون قتلوك ولا كون سيفطوك لسبيطار واخا عارفة مزيان انهم صعاب..شفتي ا عذراء شفتي الكلبة شنو دارت ليك..هي السبب حتى كليتي العصى و جسمك ولاو فيه كدمات دابا متظنيش انه من الظلم تمرح ليها فالشركة و نتي فالفيلا ديال قوس تتفكري فعائلتك العوجة؟؟؟
كان كلام بنان تيدخل من ودنين عذراء و تيستقر فدماغها لي تيحلل و يلصق هضرتها بالأحداث لي عاشتها بسبب ديك روبين..كان كلامها بمثابة وسوسة شيطانية قدرات تقنع بيها عذراء فالبلاصة باش تحس بشرارة فداخلها باغية الإنتقام...
عذراء زييرات على شنايفها بعصبية ناسية الناس لي معاها: اكيد ال*حبة غتخلص كلشي انا غنجي للشركة اوكي؟
بنان بتاسمات: ههه اوكي
قطعات عليها و ناضت تتشوف فالشرجم بضحكة شيطانية: ههههه اللعب ديال بصاح عاد غيبدا دابا ا روبين
لاريسا: واش عجبك هاد اللون ا انسة؟
عذراء: شوفي بغيت شي حاجة كلاس شي حاجة تبييني هاااي كلااااس
لاريسا عطاتها بالضهر تتقلب فالحوايج المعلقين حتى جبدات ليها بلوزة فالكحل و فيست بيضة مع صايا ديالها بيضة حد الركبة...
عذراء بتاسمات: امم مديرة
لاريسا غمزاتها:اوه ياه
عذراء: عجباتني هي لي غنلبس
شيراز: صبري نعاونك ا انسة
عذراء:لا غير خليك غنلبس بوحدي
هزات عذراء دوك الحوايج و مشات خارجة من الدريسينغ حتى لبساتهوم فين كاين السرير..جلسات قدام الكوافوز لقات مايكاب تما مستف فوقو هزاتو و بدات تقاد فوجهها و تماكيي حتى قادات مايكاب ترابي مع كلوص مزيين شفاهها و عاطيهوم لمعة...
لاريسا جاية هازة لاكسيسوارات و مهرة جبدات مشطة تتمشط لعذراء...
لاريسا: تتحمقيييي وااووو لا لا فخامة فخامة(تتسد ليها فالسلسلة)
عذراء مبتاسمة فإنعكاسها و راضية على شكلها:كاينة تما شي ليبا نغطي بيها الكدمات لي فرجلي؟
لاريسا: وي كاينة دابا نجيبها
مشات دغيا جابتها مع صباط طالون كحل..لبساتهوم عذراء و مشات جبدات ريحتها من الصاك و رشاتها...
عذراء لاحت فيه تيليفونها و بسطامها: وحدة فيكوم تقول لشيفور يديني لشركة
مشات رولا خارجة بالزربة حتى علماتو...
عذراء: شكرا ا لاريسا نخليك دابا
هبطات عذراء مع الدروج تتحاول تشد مزيان فراسها و تدرب على داك الطالون حتى خرجات لعند الشيفور لي كان واجد..حل ليها الباب و ركبات فاللور..بعدما تأكد من انه كلشي هو هاداك ديمارا بيها من تما...
هزات عذراء راسها بثقة تتشوف فالمرايا د الطونوبيل: (انا غنوريها شكون هي عذراء..متيهمش اينا عذراء المهم غنربي ال*حبة د مها و غتخلص ثمن كل بلاصة ضربوني فيها..خصها تعرف مزيان شكون هي انثى برج العذراء باش مرة خرى فاش تسمع سميتها يتبث الرعب فنفسها...🙂)....
عذراء وقوس الجزء 15
محتوى القصة
التنقل بين الأجزاء