بقات الطونوبيل غادية حتى وصلات قدام الشركة..هبط الشيفور يحل ليها الباب و لأول مرة تخليه الكوافورة يحل ليها ماشي تحل لراسها و تخرج مدرمة..وقف ضام يديه و حادر راسو اما هي لاحت رجليها بداك الطالون الكحل حتى خرجات و طلعات راسها و معاه حاجبها فديك الشركة كأنها غتجي ليها اول مرة و بمشية كلها ثقة نزلات عليها فديك اللحظة تقدمات جيهة الباب الرئيسي حتى دخلات مخلية لي سيكوريتي حادرين ريوسهوم حيت ولاو عارفين مكانتها عند مول الشي..شدات السانسور و ديريكت طلعها لطابق حبيبها قوس...
فالطابق ديال قوس..كانت جلنار جالسة تاطابي فالبيسي ديالها حتى بانت ليها عذراء خارجة من السانسور مطلعة راسها و ضاربة الكلاس تتبان بحال شي سيدة أعمال ماشي ديك الكوافورة لي مامربياش...
و بطقطقة طالونها وقفات على جلنار بدون مقدمات: كاين قوسي فالبيرو ديالو؟
جلنار بلعات ريقها حيت تصدمات من الجرأة لي وصلات بيها تنسب مول هادشي كاملو ليها هي: (بتوتر) ا ااه
عذراء: واخا
عطاتها بالضهر و مشات حتى دقات عليه بعد ثواني سمعات "تفضل" و هي تدخل لعندو بابتسامة واسعة..فاش سمع الباب تحل طلع راسو و هو ينداهش حيت متوقعش ابدا تجي لعندو فهاد الفترة ظنا انها باقة متأثرة بلي واقع ليها..و بخطوات حماسية وقفات عليه...
عذراء: صباح الخير قوسي لباس عليك؟
قوس ضار لعندها فرحان حيت باينة الفرحة على وجهها: Your Smile Make me feel better (ابتسامتك جعلتني اشعر بتحسن)
بتاسمات عذراء بخجل: مقلت ليك والو باش نخليها مفاجأة
قوس لاحظ اللوك ديالها الجديد و لي عجبو بزاف: مفاجأة زوينة يا صاحبة ماركة The Virgo
عذراء: من بعد ليلة من التفكير قررت انه مكاينة حتاشي حاجة تمنعني مانبداش فخدمتي الجديدة حاليا و انا متحمسة بزاف ليها
قوس عجباتو بقوة شخصيتها يعني رغم لي واقع ليها مع عائلتها قررات دغيا انها توقف على رجليها و تخدم على مستقبلها...
قوس حط الستيلو من يدو: اكيد الى بغيتي نمشيو دابا نشوفو الطابق ديالك
فنفس الوقت على برا هزات جلنار سماعة الفيكس و صونات على فيكس غرفة روبين...
روبين: الوو؟؟
جلنار تدوي بشوية: عذراء مفتاح جات عند مستر قوس دابا
روبين بدهشة:كيفاش! غنجي دابا
حطات سماعة الفيكس و بخطوات سريعة خرجات من غرفتها مخلية صحاباتها متعجبين..شدات السانسور نيشان لطابق قوس هاد الأخير لي عاد خارج من البيرو ديالو سابق عذراء لي جاية من موراه غير لمحات عذراء من السانسور الزجاجي روبين اندافعات بخفة شدات فذراع قوس و اليد الثانية حطاتها على صدرو مخلياه يحدر عينيه فيها بتسائل شنو بغات تقول ليه...
عذراء طلعات راسها فيه بابتسامة حب: كنقول مع راسي اش كان غيوقع ليا كون ماكنتيش فحياتي؟
قوس بتاسم و بدا تيهبط لعندها و بصبعو طلع ذقنها برقة مخلي عويناتها الخضرين تيلمعو فعينيه و دقات قلبها تتسارع حتى باس شفاهها اللامعة مامسوقش للعالم تحت انضار روبين لي حالة فمها و مخرجة عينيها بالصدمة و جلنار لي وقفات من كترة ماتفاجآت من هاد اللقطة الغير متوقعة..اما هي رغم انها حمارت بالخجل دفعات براسها حتى حطات يديها على لحيتو مخلياه يزيد يقبل فيها بهاد الحركة لي زادت الطين بلة...
روبين عينيها غرغرو و قلبها غيخرج من بلاصتو حسات بيه تيضرها بزاااف بحالا تيتقطع طراف طراف و هي تتشوف مخططها مدمر قدام عينيها و حب طفولتها فملك وحدة خرى ما من طبقتو ما من مستواه و ما من البرج لي يليق بيه! جات فدقيقة خدات كلشي لراسها مخلياها على الضس رغم انها ماخلات مادارت باش يشوف فيها ولكن والو!..و بينما قوس تيقبل فعذرائو و منغامس فأكل شفاهها الحلوة استغلات الوضع و تلاحت فغرفة من غرف طابقو قبل مايشوفها اما جلنار جلسات تتحنح و عينيها خارجين فالبيسي باقة مامتيقاش اشنو شافت..عذراء حلات عينيها لقات روبين ماكايناش و هي تحييد يديها على لحية قوس حتى حطاتها على صدرو تتحاول تبيين ليه يتوقف..و بعد محاولات منها عاد قدر يطلق منها مخليها كلها حمرة و الكلوص لي كان ففمها طار بالقبل ديالو...
عذراء تتلهث: ام احمم
قوس قاد الفيستة ديالو و نضراتو عليها غياكلها مافيهاش كونما وقفاتو...
عذراء بتوتر كبير و وجهها حمر بالحشمة: نق نقدرو ن نمشيو دابا؟؟
قوس: اكيد
تقدمو بخطواتهوم و هي ماشية بجنبو حتى شدو السانسور و هبطو...
فالغرفة لي دخلات ليها روبين كانت هاد الأخيرة جالسة فوق فوتوي تتبكي و تنخصص كلشي تضرب ليها فالزيرو كلشي..المخطط لي قالت غيدمر منافستها فحبها لقوس صدق هو لي زاد قربها منو بل خلاها معاه فدار وحدة بينما هي تتشوا و العافية شاعلة فقلبها!..بقات تتبكي تما على زهرها حتى وقفات عليها جلنار...
جلنار: راه هبطو
طلعات فيها راسها بعينيها لي حمارو بالبكا و ناضت خارجة بلا متنطق بحتاشي كلمة...
جلنار تتشوف فيها حتى مشات: Game Over (انتهت اللعبة)...
فطابق ماركة The Virgo المتواجد فشركة Bens-Naht كانت عذراء غادية فكولوار تتشوف و تمنضر فحيوطو المزوقة بديكورات و طابلووات بطابع انثوي طاغي عليه ديزاين المايكاب و حداها قوس خاشي يديه فجيوبو و تيوريها فالغرف و الأماكن ديالاش حتى وقف قدام مكتب الإستقبال...
قوس:هادي السكريتيرة ديالك..جاكي أمريكية الأصل و اول تجربة ليها فالشركة معانا غتكون معاك نتي
عذراء شافت فبنت بشعر طويل فالقهوي وعينين قهويين و باينة من النوع لي تيبغي المايكاب: اوه من امريكا انا عذراء
ناضت جاكي من كرسيها بابتسامة حتى صافحاتها: ليا الشرف نتعرف عليك ا (بارتباك)م ميسز؟(شافت فيهوم بتوتر) ميس؟؟ ادرا
قوس بتاسم جنب و شاف فعذراء و هو تيتكلم: حاليا ميس
جاكي: اوكي مستر ليا الشرف نتعرف عليك ميس ادرا
عذراء مبتسمة: من ذوقك(شافت فقوس و تتسناه اش غيدير السييدة معولة عليه فكلشي)
قوس: اوكي دابا ندوزو للبيرو ديالك لي هو اخر حاجة
عذراء غير سمعات البيرو ديالها بتاسمات بفرحة حسات بإحساس فشكل شكون قال هاد البنت لي كانت غير كوافورة فصالون فحومتهوم انها شي نهار تولي صاحبة ماركة مايكاب كاع! سبقها قوس و هي تبعاتو تتواكب خطواتو حتى وقفو قدام باب كبير فالأبيض الناصع و بكل لباقة سرح يدو كتعبير على الأسبقية ليها و بابتسامة خجل حلات الباب حتى تتلقا مكتب ابيض بالكرسي ديالو فنفس اللون جاي فوسط غرفة واااسعة بزاف ديكوراتها فالذهبي و الأبيض و الغوز مع لمسة رمادية..حطات عذراء يديها على فمها بدهشة و بكل فرحة تقدمات بخطوات سريعة حتى جلسات على الكرسي مخلية قوس مستمتع بالتأمل فالفرحة المتلألئة فعينيها...
قوس:عجبك؟
عذراء بفرحة: بزااااف
قوس:مزيان الى بغيتي شي تعديلات ولا اي حاجة حاليا غادي دوي مع فابيو مستقبلا مع المنادجر ديالك
عذراء: منادجر ليا حتى انا؟؟واش ضروري؟؟
قوس:اكيد ضروري!
عذراء ناضت و جلسات على الكرسي مرة خرى و دارت تعبير فوجهها كأنه ناقصة شي حاجة...
قوس لاحظ هادشي و قال بتسائل: واش كاين شي مشكل؟
عذراء شافت فيه: بغيت داك الكرسي ديال الروايض لي تيضور هاداك لي تيكون فالإدارات هدا داير بحال ديال طبالي دوك الأفلام الأوروربين القدام
قوس باستغراب:كرسي ديال الروايض؟؟
عذراء: ااه فيه الروايض تحت منو و تيخليني نضور هكا ههه فكرتيني فالكوليج فاش تتكون عندنا ساعتاين ديال الفيزيك كنا تنوضو عليه الحرب انا و صاحبتي رواء شكون تجلس عليه
قوس مافاهمش مزيان هاد القصة ولكن لي فهمو انها بغات كرسي تيتحرك من كلتا الجهتين: شرحي هادشي لفابيو اكتر باش يجيبوه ليك
عذراء بابتسامة:صافي واخا
قوس بابتسامة: مبروك عليك ا My Flower مهم نخليك دابا خصني نرجع لخدمتي
عذراء ناضت لعندو بخجل: عمرني نسا خيرك
قوس حط يدو على راسها و حركها بدلع: راك حبيبتي و متحتاجيش تشكريني
عذراء بتاسمات عاجبها الحال: واخاا صافي
تحنا حتى باسها فجبهتها و بنفس اليد قاد ليها خصلات شعرها المخربقين فاش سالا دخلها فجيبو: غنتغداو مجموعين اوكي؟
عذراء: اوكي
مشا قوس و خلاها تضور عينيها فالمكتب و تقلب فخزاناتو...
فالسبيطار...
كان برناس باقي على نفس الحالة مسرح فوق الباياص بعدما زارتو عائلتو و رفض ياكل ولا ياخد من عندهوم اي حاجة..هو باغي فقط مساحة تفكير و وقت لوحدو حتى سمع الدقان فالباب..من بعد جوج دقات تحل و دخلات نواهل هازة علبة متوسطة الحجم فيديها..ماشافش فيها ولا تسوق لشكون دخل حتى سمع لكرسي تجر و جلسات بجنبو بابتسامة توتر...
نواهل: صباح الخير موسيو تنتمنى تكون احسن من البارح
نواهل حلات العلبة لي كانو فيها حلويات مشريين: جبت هادو تيقولو انه السكريات تتساعد الواحد يفرح معرفتش ولكن حاولت نفرحك ولو غير شوية
برناس حدر عينيه فالعلبة: ماكانش عليك تعدبي راسك
نواهل: لا مكاين حتاشي عداب بالعكس انا باغية نعاونك ولو بأي حاجة
برناس تنهد: راكي ماشي ملزومة بهادشي ا نواهل ماشي حيت نتي من ضمن فريقي راه لازم عليك تكوني معايا حتى فبرا الخدمة هاكا
نواهل: الولف هه و انا تنتعامل معاك هكا بإرادتي ماشي بسبب الخدمة مهم ذوق هادي بنكهة القهوة غتعجبك حيت تتشرب القهوة بزاف
برناس باستغراب:نتي باش عرفتي؟
نواهل عاد عاقت براسها: (بتوتر) اااا ا م معروفة على لي تيسهرو بزااف و و حتى انا تتعاوني فالخدمة بالليل هيهي مهم هاك
برناس شدها و شاف فيها: نواهل
نواهل طلعات فيه راسها: نعام ياكما نعطيك كلينيكس؟
برناس بنبرة هادئة: شكرا
نواهل حدرات عينيها بفرحة و طلعاتهوم فيه:مابيناتناش...
ففرع شركة Limae المغريبي و فالبيرو ديال صاحب هاد الشركة الضخمة المنافسة لشركة قوس للأزياء كان موريتز جالس فالمكتب ديالو مراقب تصاميم صيحتو الصيفية بشكل مدقق حتى تسمع الدقان فالباب من بعد سمح بدخول الطارق لي كان شابة أنيقة فصاية و فيست ديالها فالبيج...
السكريتيرة بالألمانية: مستر ويبير(كنية موريتز)
موريتز طلع راسو: تفضلي ا كاميلا
السكريتيرة: حبيبة مستر بنسليمان اليوم حطات رجليها فالشركة و المفاجأة انها غتبدا الخدمة اليوم
لوليا: اشمن راحة و بنتي ماعارفة اش واقع ليها اهئ غتكون مشات عند هاداك ياك (تتنخصص) غيكون تعدا عليها انا عارفاها نية و غيتعدا عليها اهئ اهئ
رفيف عنقاتها:لا ا ماما لا ماتخافيش غتكون فأمان معاه عافاك ا ماما نتي شفتي شنو دارو ليها فاش بقات فالدار عذراء تتشوف بعيد و ماباغياش هاد زواج التقاليد هي بغات داك الراجل من قلبها و حتى هو عافاك سمحي فحقك و حطي مشاعرك كأم على جنب و شوفي سعادة بنتك الأولى فكري معايا شغيوقع ليها كون بقات معانا؟؟؟كانو غيقتلوها بالضرب و تولي بنتك مشوهة جسديا بسباهوم كانو غيزوجوها بزز لداك الزمر و نتي مغتبغيش لبنتك هاكا؟؟كيفاش غتسكتي على هادشي كاملو؟؟غتعدبي كتر من هاكا حيت غتشوفي عذاب بنتك قدام عينيك اما عذراء راها بيخير و احسن مني و منك و منا كاملين و قوس يعني هاداك لي تتبغيه مهلي فيها لدرجة ماتصوريهاش داكشي علاش عافاك كولي ليك شوية راه هكا غتضري بيه صحتك
رفيف: كيفاش غتشوفيها و بابا و ضرغام غير تيضورو هنا؟؟
لوليا ناضت تتقلب على جلابتها:مابقات تتهمني حتى حاجة يا نشوف بنتي يا نرييب هاد الزمر كاملوو!!!
رفيف بدهشة: ماما تهدني راك بديتي تتخلعيني
لوليا جرات الجلابة و بدات تتلبس: حتى تولدي و ديك الساعة غتعرفي مزياان باش تنحس و النار لي شاعلة فقلبيي
رفيف مشات دغيا لاحت عليها جلابة حتى هي: انا معرفتش فين ساكن هو ولكن نقدر نشوف فالشركة
لوليا لابسة و واجدة: هي دابا!...
فالبيرو ديال عذراء..كانت هاد الأخيرة جالسة قدام البيسي بتركيز تام و هدوء حتى كليكات على بوطونة من الكلافيي دوزات بيها للحلقة الموالية نعم صاحبة ماركة The Virgo جالسة تتفرج فالبيسي ديال الخدمة ديالها و شادة فيه الأنيم🙂..بقات ساهية و ماشية مع خط الفراجة حتى سمعات الدقان...
عذراء حبسات الحلقة و طلعات راسها: امم شي واحد تيدق..امم غندير بحال قوس(طلعات راسها) تفضل
فالبلاصة تحل الباب و دخلات جاكي بابتسامة:ميس
عذراء: يس جاكي؟
جاكي: مستر ويبير جا باش يشوفك نقول ليه يتفضل؟
عذراء: كيفاش شكون هدا؟
جاكي استغربات حيت ماعرفاتوش كونو بالتأكيد رجل اعمال معروووف: صاحب شركة Limae للأزياء
الكوافورة سمعات صاحب شركة ازياء هي لي شدات و همشات سمية الشركة لي اصلا ماعاقلاش عليها: واخا خليه يدخل
حركات ليها جاكي راسها و خرجات فنفس الوقت تسمع صوت خطوات ثقيلة قاصدين البيرو من بعد بانو ليها رجلين بصباط تيلمع بالنقا و بقات غادية مطلعة راسها حتى وصلات الوجه و هنا تصدمات اينفوا تلاقاو عينيها بعينيه جات لقطة التحرش ديالو ليها وسط الباشار فالإفتتاح و هادشي لي خلاها ترجع خطوة للوراء بخوف...
موريتز سد الباب و حييد نضاضرو ديال الشمس: هالو ميس ادرا
عذراء بلعات ريقها: نتا شنو تدير هنا؟؟
موريتز تقدم للأمام: جيت على قبل عرض بيني و بينك...
عذراء طلعات حاجبها: كيفاش اشمن عرض؟ و اش بيني و بينك اصلا؟؟؟
موريتز: تنضن انك صاحبة ماركة مايكاب ولا لا؟
عذراء: اه هادشي لي بان ليا
موريتز: و انا شكون؟؟
عذراء:امم لي...احم قصدي متنعرفكش
موريتز: من اللباقة يعرف الواحد بنفسو واخا اصلا انا معروف..المهم..انا موريتز ويبير صاحب شركة Limae للأزياء و اليوم جيت باش نقتارح عليك واحد العرض
عذراء تتهجا: م مو م مو ريري..مورتز؟؟
موريتز: موريتز اسمي ولكن يمكن ليك تعييطي ليا ب موري الى صعيبة عليك
عذراء: اه اوكي و اينا عرض؟
موريتز: عرض كا زبون يعني
عذراء: ااه وي
موريتز شاف فالكرسي و شاف فيها: مغتقوليش ليا نتفضل؟
عذراء: ا ااه هيهي اوكي تفضل
جلس موريتز على كرسي جنب البيرو ديالها اما هي جلسات فكرسيها و حاضياه بنضرات تفحص ماتايقاش فيه ولكن الى جا كا كليان كيف قال اش عندو مايدير ليها؟؟...
موريتز: عارف بلي الماركة مزال مادارت افتتاحها و توسعات فالسوق ولكن فضلت نجي بكري أو بالأحرى نكون أول واحد(بتاسم بثقة)واخا انا ديما الأول
عذراء مامسوقاش لكلامو المتفاخر: ااه يعني باغي تشري مني؟
موريتز: تقريبا ولكن المعنى الأصح هو نتعاقد معاك باش شركتي تاخد من منتوجاتك التجميلية
عذراء بتاسمات: يعني كيف قلت باغي تشري مني هادشي تيفرح اول يوم عمل و يجيني كليان ههه
موريتز بتاسم و فداخلو مستغرب من قمة سذاجتها:(تيبان ليا هاد كاوس غير حاطها هنا[بمكر]ولكن تيبقا هادشي فصالحي حيت غنقدر نستغلها مزيان) سو يمكن لينا نبداو؟
عذراء: و كيفاش غنبداو؟
موريتز: ااه نسيت ماجبتش معايا ورقة العقد ولكن ماشي مشكل الماندجر ديالي غتسيفطها لديالك
ناض و استأذن بلباقة و خرج بخطواتو الواثقة و ابتسامتو الماكرة مخليها معلقة عينيها فضهرو ساهية بابتسامة فهاد البيعة و شرية لي جاتها(التفكير الكوافوري اخوتي🙂)ماعارفاش مزيان حتى اش قاصد ولا علاياش وافقات..فنفس الوقت فالبيرو ديال فابيو كان هاد الأخير جالس خدام حتى جاه اتصال...
فابيو جاوب:الوو؟؟
عامل من غرفة كاميرات المراقبة: مستر فابيو ممكن تجي لغرفة المراقبة دابا؟
فابيو بتسائل:علاش؟ اش واقع؟
العامل: مستر ويبير جا و طلع لطابق ميس ادرا
فابيو ناض فالبلاصة: انا دابا جااي
حط الفيكس و مشا بالزربة للغرفة..بعد دقائق هاهوا واقف عليهوم...
فابيو: واش مشا ولا باقي فالشركة؟؟
العامل كليكا على بوطونة و بيينات كاميرات لي على برا: هاهوا
فابيو حدر راسو فالشاشة تيشوف فموريتز واقف قدام سيارتو الفاخرة و تيدوي فالتيلي..جبد التيلي ديالو حتى هو و دوز مكالمة...
فالبيرو ديال قوس...
قوس داوي فالتيلي: واخا..وي عارف..بسلامة(قطع)
يالاه حط التيلي ديالو بحجبانو المعقودين حتى تيصوني تاني شاف المتصل لقاه فابيو و جاوب...
قوس: وي فابيو؟
فابيو: مستر داك موريتز جا اليوم للشركة
قوس بدهشة:كيفاش؟؟؟ولكن ماقالت ليا جلنار والووو!!!
فابيو بتردد: ح حيت ماجاش باش يشوفك جا على قبل ميس ادرا
قوس غير سمع الجزء الأخير من الجملة ديالو لي مذكور فيها اسم حبيبتو ناض نوضة وحدة لايح داك التيلي و خرج جار الباب بقوة غادي لسانسور..جلنار قفزات مخلوعة خصوصا فداك الصمت لي كسروه خطواتو السريعة الغاضبة..بقات مخرجة عينيها حتى هبطو السانسور عاد قدرات ترجع تجلس تترجع فالروح ديالها...
وقف السانسور فطابق عذراء و خرج قوس بحال البرق غادي بعجاجتو حتى حل الباب بقوة على عذراء لي قفزات من بلاصتها...
قوس ضور عينيه فالبيرو مالقا معاها حتى واحد و دخل رادخ الباب موراه: فييين داااك الكلللب؟؟؟
عذراء بتاسمات بتفاخر مطلعة حجبانها: بلي غيتقدا من عندي لشركتو شفتي ا قوس من نهار الأول ترزقات ماركتي جاني كليان
قوس زيير على يديه بعصبية تيسمع فهاد المهزلة لي تتقول ليه هادي! كيفاش يتقدا من عندها و اشمن كلياان؟؟؟و فهاد اللحظة نار الغيرة شعلات فقلبوو و هو تيشووف علامات الرضى على وجه حبيبتو من جهة داك المتطفل!!...
قوس: و نتي اش قلتي ليه؟؟
عذراء: انا وافقت اكيد غنوافق راه هادشي تيفرح
قوس فقصاتو فهاد اللحظة كيفاااش هادي متاافقة مع المنااافس ديااالو؟؟؟؟؟لااا مقدرش يتقبلهااا حبيبتو و منااافسو لا لا و فقمة عصبييتو ركل الكرسي برجليه حتى تهز و تخبط مخلي عذراء مخرجة عينيها و حاطة يديها على قلبها بالصدمة و الخلعة...
قوس:من بعد و تعرفي ماتنسايش موعد الغداء لي بيناتنا
سد الباب و خلاها باقة حالة فمها في حين هو مشا وقف على جاكي...
جاكي وقفات حادرة راسها: وي مستر
قوس: لغي اي حاجة تتخص عذراء و وجدي راسك الليلة غتمشي معاها لسويسرا
خلاها بلا مايتسنا جوابها و مشا تيتسنا السانسور يطلعو لمكتبو...
فنفس الوقت فطابق الإستقبال كانو واقفات رفيف و لوليا بجلالبهوم على البنت لي تما...
رفيف: ممكن تعطينا عنوان قوس اختي؟؟
البنت:مانقدرش ا ميس و مايمكنش اصلا حيت حنا و ماعندناش
لوليا: غير شوفي ا بنتي ولا تتخدمو غير بالرشوة؟؟
رفيف: والا ا ماما لا اففف صبري نسول فابيو
هزات تيليفونها و صونات عليه...
فابيو لي كان غادي فالكولوار قاصد البيرو ديالو حتى سمع تيليفونو صونا..جبدو و جاوب بإبتسامة فاش شاف رقم خطيبتو...
رفيف: الو فابيو عفاك محتاجاك ضروري
فابيو بتسائل: فاش؟؟ياك لباس؟
رفيف: محتاجة عنوان دار قوس ماما معايا و حلفات ماتهنا حتى تشوف عذراء بعينيها
فابيو: نتي فين كاينة دابا؟؟
رفيف: فالشركة
فابيو: راه حتى ميس ادرا كاينة هنا
رفيف بدهشة: واش بصاح؟؟؟؟
لوليا: اش واقع؟؟اش قال ليك؟؟؟
فابيو: الطابق رقم 8 و السكريتيرة توريك البيرو
رفيف: شكرا بزااف
قطعات دغيا و شافت فلوليا: اجيي راهااا كاينة هنااا
و بدون مقدمات سبقات لوليا تتزرب فخطواتها مخلية رفيف لي عارفة الطريق حتى تبعاتها وراتها فين و طلعو فالسانسور للطابق الثامن الخاص بالماركة ديال عذراء..تحل السانسور و خرجات منو لوليا بالزربة تتعييط لبنتها...
غير شييرات للباب مشات ليه نيشان لوليا حلاتو عليها حتى قفزات عذراء لي يتصحاب ليها قوس تاني لي رجع ولكن سرعان ما شافت امها قدامها ناضت تتفتف و عينيها غرغرو فاش شافتها بدات تتبكي...
لوليا: اهئ بنتي اهئ
عذراء خلات لي فيديها و مشات تتجري حتى تلاحت فحضن امها معنقاها: ماماااا
عذراء:وا و الله العظيم ما دار ليا والو ا ماما بلعكس مسكني و موكلني و كلشي و هاني عندي ماركة ديالي و كلشي بفضلوو عافاك ا ماما تقبلي قوس راه انسان مزيااان عافاااك
لوليا: انا عارفة بلي مايمكنش ترجعي لدار حيت معروف اش تيتسناك فيها ولكن اهئ ماتحرمينيش منك ابنتي راكي بنتي و قلبي طايب من جيهتك اهئ ماغنتهناش و نتي بعيدة عليا
عذراء شداتها فيديها: ماما عييت مانبقا ساكتة و نسلم امري للقدر عييت مانقول غادي يتبدل هادشي ولكن لا هو غادي و تيتزاد ميمكنش يتوقف زواج الأبراج و هاد العادات و التقاليد هاكا! ميمكنش يتوقف لراسو و ميمكنش ليا اكيد نقبل نتزوج بواحد اضعف المشاعر ماهازاهومش من جيهتو! قلبي مع شخص اخور و ميمكنش ليا نتخلا عليه حيت ا ماما هو ماتخلاش عليا رغم انني خبيت عليه الحقيقة طول هاد المدة! ميمكنش ليا نخدلو حيت ماخدلنيش فوقيتة لي كان عندو فيها كامل الحق يدير هادشي و يلومني و حتى يجري عليا! ولكن قوس ماشي بحالهوم! و عمر غايجي شي راجل بحالو حيت حتى هو مستعد يخرق العادات على قبلي!!!!
لوليا تصدمات و رفيف لي واقفة عند الباب انداهشات....
لوليا: واش نتي عارفة اش تتقولي؟؟ توقفو قانون تبنا قرون هادي!!!نتي وياه بجوجكوم غتقدرو تبدلو سنين بل أجيال من التزاوج؟؟؟غير نتوما بجوج؟؟؟
عذراء: حتى حاجة ما مستحيلة و مثال بسيط ديك الدار لي خرجت منها في حين كنت تنخاف نعتب بابها و ماتلقانيش الوقيتة فيها!
لوليا بقات لثواني تتشوف فعينيها: عينيك..ماخديتيش غير لونهوم من ديالي..خديتي حتى العزيمة لي فيهوم غير هو..(شهقات) انا تلاشات فاش تزوجت و نتي لا...
عذراء: كيفاش شنو قصدك؟؟
لوليا: والو غير هو انه هه(بسخرية)حتى انا فاش كنت مراهقة(حدرات عينيها)كنت مخطوبة لباباك ولكنن ماكنتش باغياه حيت كان قاصح و صعيب بزاف..ك كنت باغية و تمنيت كون تزوجت ب بولد خالتي و حتى هو كان باغي هادشي هه ولكن جدة باباك مابغاتش و زوجوني ليه بزز
عذراء شافت فيها بحزن و دموعها هابطين و رفيف واقفة تتبكي في صمت فاش سمعات لمحة صغيرة على زواج ماماها...
لوليا: هادشي داز و قلبي مات و عاد حيا من جديد فاش ولدتكوم الفرحة فعينين ولدي رئال و هو تيبغي رسيل.. لمعة الحب لي فعينين ولدي ضرغام و هو تيتسنا زواجو بمرام واخا ماقالهاش ولكن عينيه فاضحينو..بنتي رفيف لي عوضها الله براجل بحال فابيو و بنتي عذراء لي لقات الحب لي تستاهلو(بتاسمات و دموعها هابطين)نتوما حققتو داكشي لي محققتوش انا
عذراء تتنخصص: ماتقوليش هكاك ا ماما(عنقاتها بقوة تتبكي فحضنها)30عام ديال الزواج اكيد غتكوني تتبغي بابا غير هو نتي ماحاساش بهادشي
لوليا معنقاها: زماني انا فات دابا جا زمانك نتي..و لي ماقدرتش نديرو انا..نتي لي غاديريه...
عذراء: ماتخافيش ا ماما تيقي فيا
لوليا: كونما كنت تايقة فيك كون سمعتك واحد الكاسيطة حفضوها ليا باك و خوتك من فاش هربتي
عذراء بتاسمات وسط دموعها: ههه يكفيني غير نتي و رفيف ا ماما
عذراء: معاكوم بصاح انا مابقات تتهمني حتى حاجة من غيركوم نتوما بجوجات و غنفرح بزاف الى وليتو بجنبي اكيد قوس ماغايمانعش
لوليا: اش تتقولي حنا بجنبك و الا علاش حنا هنا!
عذراء: لا قصدي تكونو معايا فدار وحدة
رفيف: ميمكنش اختي غيكون اتصال بيناتنا اكيد غير هو راكي عارفة منقدروش
عذراء: وي متفهمة ولكن هادي امنيتي
لوليا: فاش غادي يتقاد هاد النظام ديك الساعة نتجمعو
عذراء: واش طمأنيتي عليا ا ماما دابا؟؟قلبك هاني من جيهتي؟؟
لوليا: غنكدب الى قلت مرتاحة حيت مغنشوفكش قدامي ولكن نقدر نقول مهنية من جيهتك الى تتشوفي انه هاد الراجل مزيان
عذراء: فوق المزيان ا ماما غير هو بقات حاجة خرى نقولها ليك
لوليا: شنو هي؟؟
عذراء: هاد الليلة غنسافرو لسويسرا
رفيف و لوليا بصدمة: كيفاش؟؟؟
عذراء: معرفتش علاش ولكن المهم غنسافرو
لوليا: حتى قلت بلي غنقدر ندير كيفاش و نبقا نشوفك و نتي بغيتي تبعدي عليا كاع!!
عذراء: ماما حاولي تفهميني ديك الدار مغنرجعش ليها حاجة باينة و قوس ملزومة نمشي معاه فينما مشا حيت هو لي موفر ليا الحماية و كلشي يعني ماعندي ماندير و تنتمنى يكون هاد السفر فيه خير
رفيف: حضي غير راسك مزيان مغنقولش ليك من قوس و انما من الناس تما سويسرا ماشي هي المغرب غتمشي لبلاد غريبة عليك و ممكن توقع اي حاجة
عذراء: ماتخافيش مغنخلي حتى حاجة دمر السعادة ديالي مع قوس من بعدما كنت عايشة اشهر فعذاب نفسي حيت مخبية عليه خطوبتي المزفتة!
لوليا تنهدات: على ذكر الخطوبة جداك راه فسخاتها نتي مابقيتيش مخطوبة حتى بشكل رسمي
عذراء: لا غير نبقا نيت مزال مخطوبة بداك اللصقة و انا اصلا باغية نبني حياتي مع شخص اخور
لوليا: المهم واش تيليفونك عندك؟؟
عذراء: اكيد عندي
لوليا شافت فرفيف: ايوا هادي فلتات ليا و ليهوم
عذراء: كيفاش فلتات؟؟؟
لوليا: حنا ديناك لسبيطار كيفما كنتي سخفانة ماكانت معاك حتى حاجة داكشي علاش احتمال يكون عندك تيليفون منين يصونيو عليك مستبعد ولكن نتي كان معاك! و حتى الوراق باش غتسافري فيناهوما؟؟
بنان: مادام هو لي بغا يديك و الا غيكون دوا ليهوم عليك انا ممصدقاش بلي بهلولة بحالك قدرات طييح قوس لهاد الدرجة حتى يدوي مع عائلتو عليها!!
عذراء ضورات خصلة من شعرها فصبعها بخجل: احم تيبغيني عارفة
بنان: هي حتى نتي الى بيينتي ليه بلي تتبغيه و تجمعي راسك راكي دابا وليتي بجنبو خصك توكضي نساي داك الحي الشعبي و نساي الماضي ديالك و منين جيتي
عذراء: راه صعيبة انا هكا دايرة لي فقلبي على لساني
بنان: الوقت مابقاتش كيف كانت و نتي غادية لسويسرا بوحدك قوس بالفعل قادر يحميك من اي ضرر ولكن تييقيني مغيقدرش يحميك من سم اللفاعي
عذراء: زعمة مو؟؟؟
بنان: مو ضريفة على حد علمي ولكن مادام الأمر متعلق بالعادات ماعرفتش كيفاش غتكون
عذراء: تنتمنى يكون كلشي بيخير..حيت تخليت على عائلتي و لحت كلشي مورايا و بغيت نلقا نتيجة بهاد التضحية الصعيبة
بنان: الى خدمتي عقلك و حاولتي تخلي ذكائك يخدم حتى هو كوني متأكدة غتربحيهوم مابقات تتهم لا عادات ولا تقاليد بهاد التقدم لي وصلات ليه علاقتك بقوس
عذراء: تنتمنى هادشي
بنان: ايوا حيت دابا مابقيتيش المايكاب ارتيست ديالي مايمكنش نبقا بلاش ولا لا
عذراء: ههه اه ولاهيلا نسيت كاع هي ختاريتي نورا ولا شي وحدة؟؟
بنان ناضت حتى هزات الفيكس و دوزات مكالمة..سالاتها فثواني و حطات السماعة...
عذراء باستغراب: متشوقة نعرف شكون ههه
ما هي الا دقائق معدودة حتى تسمع الدقان فالباب..تقدمات بنان حتى حلات الباب و عذراء لاحت عينيها بفضول حتى تيبان ليها نيار و حداه واقفة سديم...
عذراء بتاسمات: اهلييييين توحشتكووووم
سديم دخلات سابقة عاقدة حجبانها حتى وقفات عليها...
سديم: زعمة عمرني ماشفت اقصح من وجهك!!
عذراء باقة مبتسمة: ههه كيفاش شنو درت؟؟؟
سديم بغضب: كنتي عارفة طووول الوووقت انني معجبة بمستر قوووس و بقيتييي ساكتة بحال اللفعة حتى تصاحبتي معاه!!!
عذراء بدات ابتسامتها تتلاشا بالعرض البطيء ممصدقاش اش تتسمعو نفس الشيء مع بنان و نيار لي استغربو...
عذراء: شنو قلتي؟؟؟....
سديم: كيفما سمعتي!! ياك قلتي عندك خطيب؟؟؟ولا حيت طلعتي مخلوضة ياك؟؟؟ماقنعكش غير واحد قلتي نضرب من جوج جوايه؟؟
عذراء: انا ممصدقاش هاد الكلام يخرج من فمك!!
سديم غرغرو عينيها: حيت من نهار لول قلت ليك بلي تيعجبنيي و تمنيييت كون كنت معاااه بحال اي بنت ولكن ماتصورتش صاحبتي لي تعرفت عليها فالشركة تكون لفعى و تمشي تعطيه راسهااا باش يتصاحب معاها
سديم رجعات خطوة للوراء بتوتر: و الا كيفاااش غيشوف فييك نتي عاادية و و و همجيية ا اااه همجيية ههه(تدخل و تخرج فالهضرة) تي كيفااش هازة تبصييل معمرااه فالحفلة و باغية تدي منو لمك و ختتك ههه واش شي وحدة تليق بمستر قوس تكون هاكا! متنضنش شوفي غير عينيك نتي عوورة و متترضاايش تلبسي نضااضر داكشي علاش تديري عدساات خفتي مايبغيكش بنضاضر ياااك وي من حقك حيت غيزيدووك بشاااعة على لي فيييك
عذراء حلات فيها فمها مصدومة و هي تتسمع فصديقتها الوحيدة فهاد الشركة و لي ضحكات معاها و عاشت معاها ذكرايات زوينين تتنقص منها و تقول عليها حوايج خايبين!!!...
سديم: تييقتي راسك بزاااف و زااادتك ترقيتك كا مايكاب ارتيست لمدام بنان ضلعة و من بعد الصيحة الربيعية و من بعد ديتيه كاملووو بشركتو و كلشيي(هبطو دموعها) نتي ديتي لي تنتمناه انااا ديتييي كلشييي
نيار عقد حجبانو: سديييييييم!!!!!
سديم ضارت لعندو: خلينيي نقول ليهااا ليكااين كون كنت صاااحبتها مغتصااحبش مع الشخص لي قلت ليهاا تيعجبنيي بل ولييت تنبغيه(شافت فعذراء بالسم و بنبرة عالية)نتييي غير كوااافوووورررة طلعااات على ضهرررر الناااااس!!!!
عذراء هزات يديها و عطاتها بطرشة حتى حمار حنكها و مشات شداتها من شعرها: كيفاااااش انااا عووورة كيفااااش مانستااااهلش قووووس نتي ب اشمن حححق تدوييي معاياااا بهاد الطريييقة نتييي كيفاش تتقولي بلي انااا صاحبتك(تتنتف فيهااا)دويييي كيفاااااش حتى كنت عميييية كيفااااش حتى عتابرتتتك صاااحبتي ضنييت توافق ابراااجنا غيوطد العلاقة بيناتنا ولللكن نتتتييي طلعتتتتتي *حبببااااااااااا
سديم تتبكي و تحاول تشد فيها تفك راسها: طلقييي منييي اهئ نتييي غدااارة كنتي عارفة بلي تيعجبني و بلعاني مشيتي لعندو باش يديها فيك ولكن غير غيشبببع منك غيلووحك اهئ
نيار تدخل تيفك و يجر فعذراء: صافي طلقي منها صافي
عذراء جاعرة عليها: ماتخليييتش على عااائلتييي و ماكليييتش قتلة د العصىىى وو مغنخليييش كلشييي موراايااا باااش فلخر تجي برهووشة مربيااهاا جداهااا بحااالك تحللل علياااا *رهاااا قووووس هووو لي بغاااني و هووو لي حطنيي جنبووو و انا فرحااااانة حيييت انا معاه بكراااامتي و عمرنننني طييحت براااسي باش نكوون معااه و لي خلاااه يبغييني بل يموووت عليااا هووو اننني ماااشي لحاااسة و عبااادة بحاالك بديييك الهمجية كيف قلتييي و لي تنسميها انا عفوية بغااني و تقبلنييي و حاول ما امكن يفهمنييي سمعتتتي(جرات شعرها) و مستااااعد يخرق العادات على قبلييييي!!!
نيار: صاافي طلقييي منهااا صافي ا عذرااء
عذراء طلقات منها بدفعة و شافت فنيار بعينيها لي حمارو بالجعرة: واش حتى نتااا بحالهااا؟؟؟موافقهااا فهضرتهااا؟؟؟
نيار: اودي انا خرجوني من ت*حبينكوم جاي نخدم غير على *ري و صافي
و فوقت لي بدات سديم تتنوض بشعرها المنتوف تسمع الدقان فالباب و فثواني مشات بنان حلاتو بعدما حطات سماعة الفيكس..كانو جوج ديال لباديكاردز مكلضمين حركو ليها ريوسهوم بإحترام فاش شافوها و تمو داخلين شافو عذراء حركو ليها ريوسهوم حتى هي...
واحد منهوم: هادي ا مدام؟؟
بنان ربعات يديها مخنزرة: ااه هي
يالاه بغا يشد سديم لي فهمات انه عييطات ليها بنان على لي يخرجها و هي تنوض باغية تهجم على عذراء ماتخليش الضربة فيها و قبل مادير هادشي ماحسات غير بجوج يدين شدوها من كتافها موقفين حركتها و جسم خلق جدار بينها و بين عذراء لي طلعات راسها بسكون...
بنان حدرات راسها فسديم بنضرات باردة: كيفاش رخيصة بحالك تجرأ تحط يديها على ختي؟؟؟؟؟؟؟؟
سديم بتلعثم: ك كيفاش ختك؟؟؟
عذراء موراها مصدومة: ش شنو قصدك بختك؟؟؟
بنان حدرات راسها تتشوف فالأرض و طلعاتو تاني بتنهيدة: ديوها عليا منشوفش وجهها مرة خرى
لباديكاردز شدوها و جروها بقوة مخليينها تتركل: تنكرررهههك نتيي غداارة ماتستااهليش يكونووو عندك صحاابااتت طلقوو منييي نتومااا ماتفرحييش بزاف غيشبببع منك و يلوووحك...
جروها حتى خرجوها و سدو الباب مخليين بنان غادية جيهة الشرجم حتى تقابلات معاه و عذراء تابعاها بنضارتها المستغربين فيها...
بنان: نيار غير سير دابا حتال من بعد
مازادش معاها الهضرة اصلا كلشي انقالب و الأوضاع تخربقات فا اللهم ينساحب..و داكشي لي دار...
عذراء بنبرة منخفضة: شنو عنيتي بختك؟؟؟
بنان تنهدات: ك كانت غير..غير زلقات ليا من فمي و صافي
عذراء: واش قصدتي صاحبتك لي ولات بحال ختك ياك؟؟حنا هكا اصلا ا بنان و انا عارفة هادشي
بنان زييرات على حافة النافدة: لا مكانش قصدي هكاك
عذراء بتسائل: و و شنو كان قصدك؟؟
بنان: ما..بصراحة ماعرفت مانقول
عذراء: راني مشوشة قولي لي كاين عفاك
بنان تنهدات: عقلتي فاش سيفطات ليك روبين ديك دانيا باش توسوس ليك انني انسانة خايبة و تنستغل فيك؟
عذراء: وي عقلت ولكن شنو علاقتو بهادشي؟؟
بنان: و عقلتي فاش خرجتي لي فقلبك تماما كيف دارت ليك ديك سديم..فاش لعبو بعقلك و شكيتي فمساعدتي ليك المتكررة و الدائمة على انها استغلال؟...
عذراء: فالحقيقة..انا ماحسيتش بيها فالأول ولكن فديك المدة فاش جلست مع راسي و تعمقت فالتفكير لقيت انه اش غيخلي وحدة بحالك تبقا تعاوني ديما و بدون مقابل؟؟
بنان: و من هاد السؤال غنقدر نبدا ليك الهضرة
عذراء: قلتي ليا ديك الساعة انه تتعاونيني حيت تنفكرك فراسك قبل ماتزوجي انطون و قبل ماتخدمي فالشركة يعني فاش كنتي ماعندك والو
بنان: و هاد النقطة هي لي بغيت نوصلك ليها
عذراء بفضول: انا تنسمعك
بنان تنهدات بعمق و ضارت لعندها تتقاد فخصلات شعرها المتناثرة على جبهتها: فالحقيقة..ماكنتيش تتفكريني فراسي و انما كنتي تتفكريني..ف...
عذراء: فشكون؟؟
بنان: فختي
عذراء بتاسمات: واش غير هادشي؟؟ شرف ليا نشبه لختك و علاش ماعرفتينيش عليها باش نشوف شبيهتي ههه؟؟
بنان حدرات راسها بحزن: حيت هي ميتة
عذراء جمعات الضحكة فالبلاصة: س سمحي ليا الله يرحمها مسكينة
بنان بتردد: و و....
عذراء: سمحي ليا مرة اخرى شحال صعيبة تكون شخص تتشبه لشخص اخور مييت
بنان: نتوما متتشابهوش فالشكل و انما فالإسم
عذراء بدهشة: كيفاش؟؟حتى هي سميتها عذراء؟؟
بنان: ااه عذرائي..اختي...
عذراء بحزن: شحال صعيبة
بنان: لقيناها منتحرة فبيتها...
عذراء حطات يديها على فمها بصدمة و ماتفكر غير راسها فاش هزات الدوا باش تبلعو دقة وحدة...
بنان: حتى نتي كنتي غتنتاحري ياكي؟(طلعات فيها راسها)قالتها ليا رفيف و انا فرحانة حيت ماتكررش نفس الخطأ مرة خرى...
عذراء بتأسف: بنان...
بنان: كانت بحالك تماما شخصية ضريفة و لي فقلبها على لسانها..كانت شابة بحال كاع البنات فعمرها..شافت شاب و بغاتو من قلبها..الشاب بادلها الحب ولكن للأسف هو ماشي بحال برجها..برجنا..بقات علاقتهوم مستمرة حتى جا خطيب طبرات عليه جارتنا تيعرفو راجلها من برج العذراء بحالنا..كان لباس عليه و ماما عجبها حيت ظنات انه غيخرجنا من الفقر لي كنا عايشينو ولكن ختي مابغاتوش و بقات متشبتة بحبيبها و حتى هو متشبت بيها كانو تيبغيو بعضياتهوم بزاف..فاش خدات اخر تحذير لي هو النفي..الى ماقبلاتش بيه غادي ينفيوها و تجرد من عائلة الحياني..فديك الليلة نفسها كانت اخر ليلة نشوفها فيها..اخر ليلة نشوف فيها عذرائي لي فضلات تموت عذراء على أن يدنس رجل اخر جسدها غير حبيبها....
تسمعات شهقة عذراء و دموعها لي تيهبطو بدون توقف: العادااات..التقااالييييد...اهئ
بنان دوزات صباعها دغيا تحت عينيها المغرغرين تتحبس البكية و تحافظ على قوتها المعتادة حتى قدام عذراء: اسمك كان كافي يخليني نختارك تكوني مايكاب ارتيست ديالي فباريس..شيارا يتصحاب ليها على نفس برجنا و لكن لا اسمك لي فكرني فختي زائد مظهرك لي تيبيين بساطتك و لي كملها خطوبتك لي كنتي مجبورة عليها..كلشي..كلشي كان بحال ختي داكشي علاش نتي بالنسبة ليا ختي حتى ولو انني عمرني بيينت ليك معزتك عندي بالكلام ولكن حاولت ما امكن نوفر ليك لي تحرمت نوفرو ليها فاش كانت عايشة لدرجة انني نربطك بأكتر رجل عندو نفود تنعرفو فحياتي لي هو مستر قوس باش حتى الى وقعات ليا شي حاجة نتهنا من جيهتك..كاع لي درتو على قبلك كان غير طريقتي باش نعوض كاع لي مادرتوش ليها بسبب فقري فالماضي
بنان: ايوا هي دابا غسلي وجهك و قادي المايكاب ماتخليهش يحس انك كنتي تتبكي
عذراء: واخا شكرا مرة خرى..شكرا على كلشي...
بنان بابتسامة: هانية مابيناتناش
خرجات عذراء من الغرفة و مشات شدات ديريكت السانسور للطابق ديالها...
فقدام بلاكة الطوبيس كانت واقفة ديالا اخت برناس ضامة صاكها لعندها و عينيها تيقلبو على شي واحد و باينة تتسنا فيه حتى شافت واحد البنت من بعيد غير بانت ليها بتاسمات و تنهدات براحة...
البنت تقدمات حتى وقفات قدامها و علامات الخوف مرسومين على وجهها: د..ديالا
ديالا باستغراب: روبا مالكي؟؟؟
روبا شافت مورا ديالا...
ديالا: اش كاين؟؟؟
تحطات يد باردة على كتف ديالا مخلياها تصقل بلاصتها هاد اللمسة ماغريباش عليها و عارفة هاد الشدة ديال من و بلا ماتشوف فيه بلعات ريقها و البكية شاداها...
رامي حدر عينيه فيها تيطل على وجهها المجمد: و اخيرااا شديتك
ديالا تترعد: ع ع عافاك مضربنييش ماضربنيييشش
رامي حرك راسو لصاحبتها: و دابا غبري من قدامي نتي
ديالا شافت فيها: علاش ا روبا علاش؟؟؟
روبا: هددني يقول لخويا بلي تنخرج مع خطيبي حسان سمحي ليا ا ديالا الى عرف خويا غيقتلني
رامي غوت عليها: قلت ليك غبري من قدامييي
طارت روبا من تما مخلياه مخنزر اما ديالا سدات عينيها بقوة و البولة غطلقها فحوايجها بالخلعة...
رامي: و هدا ماشي بغياان عند مممك!!تجرجري فيا داك النهار فالزناقي!!!
ديالا: عفاك طلق مني و ماضربنيش جسدي كولو فيه اثار ضرباتك حتى من الحمام مابقيتش تنمشي ليه بسبابك اهئ
رامي شدها من فكها و جرها حتال واحد الدريبة حدا
ا البلاكة فين كان مبلاصي موطورو المسرووت عليه...
ديالا: عفاك ماضربنيش مغنعاودش
رامي: صاحبتك قالت ليا بلي درتي معاها باش تمشيو تسولو فين غتقراي الإعلام امم(غوت فوجهها) ياك قلت ليك مابغيتكش تخدمي؟؟؟؟
ديالا سدات عينيها بخوف: شنو فيها ا رامي غير قول ليا لي تيبغي راه تيضحي و نتا عمرك ضحيتي على قبلي
رامي: هانتي قلتي لي تيبغي تيضحي و نتي علاش ماضحيتيش بالخدمة لي بغيتي اا؟؟؟
ديالا بلعات ريقها: تيبقا حلم بالنسبة ليا
رامي: الأحلام تنشوفوهوم فقط فاش تنعسو اما شي حلم تحققيه فهاد الواقع هو تزوجي بيا فقط!
ديالا تتبكي: الى تزوجت بيك غادي تبقا تضربني ولا..لا لا غادي تقتلني ملي غير انا خطيبتك و كليت عندك ماكلا الطبل نهار العيد
رامي: نتي لي متتسمعييش نتيي لي تتعصي فكلامي و تديري لي قالو ليك رااسك ولكن كلشي من داك خووك لي طالق ليك اللعب لا نتي لا ديك ختك مامسوقش ليكوم تابع ديك عذراء حتى طلعات معاه الصبع!
ديالا بحالا حك ليها على الضبرة: عندك الحق خويا متعلق بعذراء بزاف لدرجة انه يهمل خواتاتو خويا داها فبنت خرى و خلا جوجات فالدار محتاجينو...
رامي دوز يدو على شعرها: دابا رجع ليك عقلك لبلاصتو و غترجعي معاه لداركوم قبل مانفقد اعصابي تاني
ديالا: و و واخااا
طارت من تما دغيا مامصدقاش انه ماضربهاش كيف موالف يدير اما هو جبد كارو و شعلو تيشوف فيها حتى غبرات من قدامو...
رامي تينفت الدخان من فمو ساهي: خصني نتزوج بيها فأقرب وقت مغنبقاش نضور انا كل مرة نقلب عليها كي الهبيل فالدروبا!...
فالدار الكبيرة..دار الجدة سلافا كانت هاد الأخيرة جالسة فصالونها المغريبي المتوول و قدامها راجل كبير فالعمر بجلابتوو...
سلافا: بغيت نزوج حفيدتي رفيف بنت جلوان بخطيبها الكاوري فابيو....
فمطعم فخم من المطاعم لي مبنية خصيصا لأصحاب الطبقة المرموقة كانو عذراء و قوس جالسين تيتغداو فهدوء فقط صوت تناغم الأواني مع الأكل لي تيتسمع حتى تكسر هاد الصمت...
قوس: عندك الباسبور ديالك؟
عذراء: وي جبتو معايا و كاع وراقي معايا
قوس: صافي مزيان باش كلشي يدوز على خير
عذراء بقلق: ياك كلشي غيدوز بيخير ا قوس؟ هادي اول مرة نمشي فيها لموطنك
قوس حط يدو على يديها و هزها حتى باسها برقة: تيقي بيا
عذراء بتاسمات بخجل و عينيها تضورهوم فالناس لي تيبتاسمو و الشي لاخور تياكل فهدوء...
عذراء: انا اكيد تايقة فيك
قوس حط يديها بابتسامة فوق الطاولة و بقات ديالو محطوطة عليها: من مورا هاد الرحلة شحال من حاجة غتبدل
عذراء بدهشة: ك كيفاش زعمة؟؟؟
قوس: حتال تما و تعرفي
بالعشية...
و قدام السبيطار كان برناس غادي تيتمشا و معاه نواهل بجنبو هي و واليديه حتى وقف قدام طونوبيلة رجاح..طلعو كاملين و ديمارا بيهوم...
دواني: ماعرفت فين تسرطات البنت كلنا عيينا بالتقلاب و تقول واش لقيناها!
برناس شاف فالزاج بحزن: عمركوم مغتلقاوها و بلا متلقاوها
نواهل شافت فيه مهبطة حجبانها شحال تيبقا فيها ولكن ماعندها مادير ليه فهاد الحالات خصنا حنا نوقفو على رجلينا خصنا حنا نتجاوزو هاد التجربة الفاشلة و حنا لي نغييرو قدرنا بيدينا!...
رجاح: اصلا الخطوبة تفسخات حنا مابقات تتربطنا بيها حتاشي علاقة و قريبا حتى ديك الكنية لي متشاركينها معاها غتمحا
برناس بتاسم بسخرية: اصلا غترومبلاصيها كنية خرى
دواني: كيفاش اولدي؟؟
برناس: والو...
نواهل الوحيدة لي فهمات القصد ديالو و بيديها المتوترة زعمات حتى قاصتو بطرف صبعها و دغيا جمعاتو لعندها بغات غير تلفت انتباهو...
برناس: تنسمعك
نواهل بتوتر: امم..ام (بتاسمات) واالو بغيت غير نشوفك بيخير
رجع تيشوف فالزاج اما هي تقادات تتشوف قدامها و عقلها مع عذراء شغتكون دارت مع قوس؟؟..واش تقبلها؟؟واش عرفات عائلتو؟؟و واش عندو الجرأة الكافية يعلن علاقتو للعالم بوحدة مختلفة عليه فكلشي!!؟؟....
فدار الجدة سلافا كانو جالسين كل من رفيف لي كانت لابسة قفطان و مقادة شعرها و مكياجها و فابيو لي كان لابس كومبلي و أنيق كيف عادتو..قدامهوم طاولة فوقها كتاب كبير فوقو ستيلو و بجنبهوم اليمن كان جالس الراجل لي كان مع سلافا فالأول لي اتاضح انه العدول و فالسداري اليسري كانو جالسين واليدين رفيف و خوتها من غير عذراء اكيد...
سلافا هازة راسها بابتسامة كيف كل مرة غتدوز شي تزويجة قدامها كأنها مفتاخرة بخدمتها لي توارثوها اجيال و اجيال على مر القرون من عائلتها...
هزات رفيف الستيلو حتى سنات بيديها المتوترين اما فابيو فهم موافقتها من امضائها فالكتاب حيت دواو بالمغريبية..فاش سالات حطات الستيلو و ضمات يديها لعندها...
العدول بلفرونسي على قد الحال: فابيو شميد واش تقبل تزوج برفيف مفتاح؟
فابيو هز الستيلو و سنا بابتسامتو الساحرة: اكيد قابل
بتاسمات رفيف حادرة راسها بحشمة من قبولو السريع بزواجهوم...
العدول: مبروك عليكوم
⛔ملاحظة جد مهمة: مغنطرقش لقضية انه هي مسلمة و هو كاوري و كدا القصة اصلا خيالية واقعية سو حتى حاجة دينية فوق العادي مغنتعمقوش فيها🙂.
ناضت الجدة سلافا هزات الصينية ديال الحليب و التمر لي فيها خواتمهوم حطاتها فبلاصة الكتاب لي جمعو العدول و انساحب...
ناض رئال هاز تيليفونو: صبري ا جدة نصورهوم
سلافا: ا دييك هااه فين المصور
الخدامة جات: راهو عند الباب ا لالة
سلافا: ايوا شتايتسنا دخليه
دخل المصور و وجد الكاميرا ديالو...
سلافا بالفرنسية: هز تميرة و وكلها لمرتك اولدي
فابيو هز التميرة المعمرة باللوز و عينيه على عينين رفيف بابتسامة..بقا تيشوف فيهوم كيف مكحلين و مجبدين بالأيلاينر و هي تحدرهوم غارقة فخجلها..قرب التميرة من فمها و عضات منها حشمانة غير شوية و صافي...
سلافا: هزي التميرة و وكليها لراجلك ا بنتي
نفس الشيء دارتو رفيف بحشمة مخلياه عاجبو الحال من قربهوم و اكيد كلشي تحت كاميرا المصور و حتى رئال لي صوروهوم..فاش وكلاتو مدات ليهوم سلافا كيسان الحليب و وراتهوم كيفاش يشربوهوم لبعضياتهوم على شكل X فاش سالاو كل واحد لبس ل لاخور الخاتم ديالو...
ناضت لوليا رغم الحزن ديالها على غياب بنتها الأخرى الا انه لابد تفرح و تبيين فرحتها لبنتها المتزوجة حديثا..طلقات تزغريتة و تبعاتها حتى سلافا مزغرتة فرحانين بزواج الحفيدة و الإبنة اما الإخوة و الأب كتافاو بإبتسامة خفيفة باقي اثار فعلة عذراء واضحة عليهوم...
سلافا: وجدتو كلشي ياك؟؟
لوليا: ايه ا مي كلشي واجد
سلافا بابتسامة: تفضلو للبيت لوخرا ناكلو مجموعين
ناض فابيو و مد يديه لرفيف لي شافت فيها بتردد خايفة من خوتها و باها لي تيشوفو(نسات راسها🤦♀️)...
سلافا: اويلي شدي فيد راجلك
رفيف قلبها ضرب بجهد عاد رجع فيها اللون..شداتو فيدو بإرتباك و كانت ديك الساعة اول مرة يتلامسو يديهوم..حسات بالدفئ ديالها و بشعور غريب..شعور جديد على بنت عذراء بحالها عمرها تقاصت من شي راجل..تنهدات بشوية تتخبي توترها اما هو فرحان بزاف حيت و اخيرا ولات مرتو و دابا ولا قادر يشد فيديها بلا ميقلل من احترامو ليها ولا يحسسها فشكل...
داتهوم الجدة سلافا للبيت لاخور و تبعوهوم لخرين كانت الطبلة عامرة بالدجاج محمر و الشلايض و الخبز و الموناضة..جلسو فبليصة قادوها ليهوم تما و ضوروهوم هوما..جابت ليهوم الخدامة المغسل حتى غسلو يديهوم و بداو فالأكل...
دازت العشية و وصل الليل...
في ففرنسا...
كان سنمار غادي جاي سيمانة هادي و ناتالي غابرة و حتى من تيليفونها متتجاوبش عليه حتى سمع السوارت فالباب..طلع راسو لقاها داخلة و جارة باليزتها معاها...
سنمار بالفرنسية: فين كنتي؟؟؟
ناتالي سدات الباب: اووه شيغي سمح ليا كنت عند صاحبتي فالمدينة المجاورة و ماقدرتش نقول ليك والو حيت ماخلاتنيش نهز تيلي
سنمار: سيمانة ا ناتالي سيمانة!!!واش انا ديكور هنا ولا شنو؟؟
ناتالي قربات منو تتدوز على كتافو بدلع: وا صافي توحشتك(قربات من عنقو) توحشتك بزااف
سنمار بلع ريقو: م مزال ماكملنا الهضرة
ناتالي حطات يديها فوق رجولتو و وجهها مقرباه من وجههو: نكملوها فالبيت
سنمار شعلاتو بهاد الحركات ماحس غير و هو جارها للبيت منقض عليها بالقبل و اللمسات باغي غير يفرغ فيها كبتو لي حابسو سيمانة عليها...
اما رفيف و فابيو بعدما دازت ديك العشية د العرس المرقع كيف غنسميه انا حيت ماحضروش ليه العائلة..مافيه عذراء و غير لبقوه و صافي...
ركب فابيو عروستو فالقدام و دخل فطونوبيلتو الفاخرة قدام عينين عائلتها...
رفيف بعينيها المغرغرين: غنشوفك ا ماما ماتبكيش
لوليا شداتها من يديها: طهلا فيها ا ولدي هي لي بقات عندي طهلا فيها الله ينقي طريقكوم من الشوك و ينوركوم و يحفضكوم ياربي
فابيو مافهم من كلامها والو اصلا مابايناش حتى واش تدوي معاه المهم هبطات تاني رفيف حتى عنقات مها و بقاو بالبكاوات تما حتى سالاو عاد طلعات فالطونوبيل..خلاها فابيو على راحتها حتى ارتاحت شوية عاد ديماراو من تما في صمت...
بقا فابيو صايك و هي تتشوف فالزاج...
فابيو: الجدة سلافا قالت غدا غيجيو عندنا بلا ماتقلقي
رفيف: لا مامقلقاش غير صعيبة انه نتفارق مع الأم ديالي
فابيو: وي عارف تنتمنى نعوضك
رفيف بتاسمات: شكرا بزاف
ضار شاف فيها بابتسامة و حط يديه على يديها: انا محظوظ حيت تزوجت بيك
رفيف بتاسمات بخجل: عندي نفس الإحساس
بقا شاد ليها فيديها و مرة مرة يحييدها باش يكمل صوكانو حتى خرجو على المدينة شوية مكملين الطريق حتال قدام اسوار واحد الفيلا متوسطة الحجم..تحلات بوابتها اوطوماتيكيا و دخلات الطونوبيل حتال قدام باب الفيلا الداخلي..بلاصاها فابيو و خرج لاح السوارت للخادم لي كان واقف تما باش يبلاصيها فمكانها..مشا حل لرفيف الباب و مد ليها يدو حتى خرجها و تم غادي بيها بتكشيطتها المجرورة و هي تتمنضر فالمكان حتى دخلها للداخل..كانو الأرجاء جد راقيين و الديكورات و الأثاث فخخخم تيبيين قداش ثري مول الدار...
رفيف بإعجاب: واو زوينة
فابيو بتاسم: مزيان ملي عجباتك
فجأة تسمعات طقطقة فالدروج الكبير حتى هبطات منو بنت مراهقة لابسة بلوزة بيضة طايحة على كتيفاتها مع مينيية ديال الدجين..عينيها زرقين و شعرها قهوي غامق...
مايلي: بااابي جيتيي(عنقاتو)
فابيو بفرحة: بنتي الحبيبة
مايلي: صافي ساليتي العرس يااك قلت حتى نجي
فابيو: سمحي ليا حبيبتي جا على غفلة
مايلي بشكل طفولي: بغيت حفلتي حتى انا
فابيو: واخا ماي كاندي شوفي بعدا شكون معايا
رفيف كانت موراهوم واقفة مبتسمة تتشوف كيفاش منساجمين مع بعضياتهوم غير هو مافهمات والو من كلامهوم حيت داويين بالألمانية...
فابيو: هادي رفيف لي دويت ليك عليها من قبل و اخيرا غتعيش معانا كيف كنتي تتمناي
مايلي بالفرنسية: قال ليا بابا بلي تدوي غير بالفرونسي ماشي مشكل (مدات يديها) انا مايلي
مايلي قربات من ودن رفيف فاش حسات بغياب باها و بنبرة قاصحة: شوفي ماتحلميش و يمشي بالك بعيد نتي هنا على قبل بابا فقط ماتسنايش مني نديرك فمقام مامي سمعتي
بعدات منها مخنزرة و مشات مخلية رفيف مصدومة من كلام الفتاة اللطيفة قدام انضار الأب ديالها لي غير عطا بضهرو بيينات نيابها....
رجع فابيو لعندها بعدما سالا مكالمتو مع قوس لقاها جامدة فبلاصتها و باقة واقفة تتسنا فيه...
فابيو: فين مايلي مشات؟
رفيف: ا ااه
فابيو شدها فيديها بابتسامة: اجي معايا نوريك الغرفة باش ترتاحي الخدم طلعو حقائبك و كلشي غيتستف كيفما بغيتيه
رفيف بابتسامة توتر: ش شكرا
فابيو طمأنها بعينيه بلي كلشي غيكون هو هاداك ظنا منه انها خايفة من أول ليلة بيناتهوم ولا باقة متأثرة بفراق مها و ختها في حين هي باقة مصدومة من كلام البرهوشة لي تسلطات عليها بعدما قالت انه ولات مع الرجل المثالي...
فنفس الوقت فالمطار...
كانت عذراء واقفة و قدامها صاحبتها و صديقتها المقربة من ايام الدراسة رواء..هاد البنت لي حاولات تكون سند ليها رغم انها بعداتها عليها شحال من مرة خوفا من تكرار الكلام على أسطوانة الأبراج و تقاليدهوم بحال فاش ماقالتش ليها على قوس ولا على طبيعة علاقتها بيه ولا خروجها معاه ولكن دابا فاش تفضح كلشي و جميع الوراق تقلبو مابقا عندها فين تزيد...
رواء: يعني صافي واش هادي هي نقطة النهاية؟؟تخليتي على عائلتك..صحابك و غتمشي هاكا تعطينا بضهرك؟و لبلاد ماعرفتي شنو تيتسناك فيها؟
عذراء: لا ا رواء انا ماتخليت على حد هوما لي تخلاو عليا و صحابي معدودين على اصابعي عندي نتي و بنان و نيار حتى هو نتوما لي عندي اما بخصوص عائلتي فا هوما لي تخلاو عليا هوما لي كانو غيزوجوني بزز لواحد ماباغياهش هوما لي كانو غيبيعو سعادة و حياة بنتهوم غير باش يرضيو تقاليد الأبراج!
رواء: انا عارفة هادشي مزيان ولكن و الى حتى هدا لي ضحيتي على قبلو خييب ظنك؟؟
عذراء: شتتقولي ا رواء و انا عاودت ليك كلشي!!نتي اول وحدة هزيت التيلي و صونيت عليها باش نتوادع معاها...
رواء: و حتى انا جيت! رغم انك خبيتي عليا كلشي
عذراء: سمحي ليا ولكن راه عاودت ليك شوية مع رفيف و لمحت ليك و شحال من حاجة شوفي بغيت نطلع لهاد الطيارة و بالي مهني عافاك
رواء تنهدات: شوفي انا غير بغيتك تستاعدي حيت عارفاك مزيان نية و طايحة حتال ودنيك و تايقة فيه تقة عمية غير هو حطي هادشي على جنب حتى تحطي رجليك فسويسرا و تشوفي عائلتو ديك الساعة غيبان ليك كلشي و غتباان ليك نتيجة كاع داكشي لي ضحيتي بيه و كافحتي على قبلو
عذراء: و تنتمنى تكون كيفما متوقعاها!
رواء: انه انثى العذراء تزوج برجل القوس؟
عذراء: اكيد!
رواء: الى وقع هادشي تمناي مني لي بغيتيه
عذراء بدهشة: ههه وايلي من نيتك!
رواء: وي معاك بصاح كلمة العيالات
عذراء: ههه صافي واخا عنداك نحقق هادشي و نقول ليك شي حاجة و ماديريهاش!
شافت دغيا فرواء بنضرات حزينة و نفس الشيء مع رواء حتى هي تعانقو مرة خرى بالدموع و تفارقو بابتسامة وداع عذراء مشات مع شيراز و رواء تمات خارجة لفين مبلاصي اديب لي جابها للمطار باش تودع صاحبتها...
وصلو لفين كاين قوس لي كان واقف مدخل يديه فجيوبو تيشوف فيها من الزاج حتى بانت ليه دخلات...
قوس ضار لعندها: توادعتي معاها؟
عذراء مسحات دموعها: اه
قوس عنقها: صافي ماتبكيش اكيد غيكون تواصل بيناتكوم
عذراء معنقاه: اه عندك الحق
قوس ضار شاف فالمضيفة لي كانت واقفة تتسناهوم يطلعو: دابا خصنا نمشيو
عذراء: واخاا
تقدم قوس حتى مد ليها لباسبورات ديالهوم بجوج فثواني طلات عليهوم و عطاتهوم ليه بابتسامة متمنية ليهوم رحلة سعيدة..شد فيد عذرائو و دخلو للممر لي تيدي للطائرة الخاصة ديالو لي شراها مؤخرا باش ياخد راحتو اكتر فخدمتو و تنقلاتو الخاصة بالعمل بدل الطائرة الخاصة برجال الأعمال..كانت مضيفة طيران فأمام باب الطائرة رحبات ليهوم و داتهوم للداخل فين كاينين كراسي مريحة لي كانو بحال شي فوتويات فصالون عصري...
عذراء: قوس
قوس ضار: وي My Love؟
عذراء: بغيت نجلس جهة الشرجم
قوس: هه تفضلي
جلسات عذراء و جلس حداها حاط يدو على يديها...
قوس: كلشي غيدوز بيخير
عذراء تلفتات شافت فيه بإبتسامة و رجعات تتشوف فالزاج ساهية..تسمع صوت البيلوط لي تيأكد على الحزام و رجعات المضيفة حتى هي تأكد واش كلشي هو هاداك من بعد قلعات الطائرة من الأراضي المغربية محلقة فالسماء للأراضي السويسرية..عذراء شادة فيد قوس لي بالو مشغول على نفسيتها و هي تتحاول تفييق و توجد قوتها لداكشي لي جاي...
فالشقة ديال رسيل و رئال كانو جالسين هاد الجوج بعدما تعشاو و دابا متكيين تيتفرجو بجوج...
رئال طلع التيشورت لرسيل معري على كرشها و حط يدو عليها..اما هي بتاسمات و هي تتحس لمساتو الحنينة...
رئال: كرشك فاش تنقيصها تنحس بيها كبيرة ولكن بعينيا متتبانش بزاف
رسيل: الطبيبة قالت هادشي عادي كل امرأة و كيف تيكون شكل كرشها زائد انه ابتداءا من الشهر السابع الكرش تتبدا تكبر بشكل سريع على الأول
رئال: وي راه سمعتها غير انا خايف على صحة بنتنا
رسيل: علاش تخاف ياك الطبيبة قالت كلشي هو هاداك؟
رئال: والو نساي خاص نكملو الفيلم باش نعس غدا تابعاني الخدمة
رسيل: واخا
فدار شعبية و فغرفة من غرفها كانت مرام مكمشة فوق ناموسييتها تتبكي حتى ضوات شاشة تيليفونها..طلعات راسها محييدة شعرها على وجهها لقات ميساج من ضرغام...
ضرغام: "سلام لباس عليك؟"
مرام خنزرات فالتيلي و دخلات حتى كتبات: "لباس حمد الله ونتا بيخير؟"
ضرغام جاوبها بعد دقيقة: "لباس بغيت غير نشوفك غدا الى كان ممكن؟"
مرام مسحات دموعها و نيفها: "علاش؟"
ضرغام: "غير بغيت نطمأن عليك و صافي"
مرام: "واخا غنقول ليك ليكاين"
ضرغام: "واخا تصبحي على خير"
مرام: "حتى نتا"
لاحت التيليفون ديالها فوق الناموسية و تكمشات تاني جامعة ركابيها لعندها مكملة بكاها في حين ضرغام لي كان متكي فوق فراشو فاش قرا ميساجها خرج من الواتساب و هنا بانت صورة خطوبتهوم لي دايرها فليكخون ديال التيلي كيف لابس فيها كومبلي و هي قفيطين بالفولار..بتاسم فوجهها و بعد ثواني من التحديق فملامحها لي تيحمقوه حط التيلي ديالو و نعس...
فالدار ديال عائلة برناس و فغرفة هاد الأخير كان جالس قدام البيسي بورطابل ديالو و حداه كاس ديال القهوة تيرشف منو مرة مرة و هو مركز مع خدمتو لي فاتتو فاش كان فالسبيطار حتى جاتو مكالمة...
هز التيلي جاوب بعدما عرف المتصل...
برناس: الو نواهل
نواهل لي كانت بحالو حتى هي غارقة فالخدمة لي تراكمات عليها فاش ولات مقابلاه غير هو فالسبيطار: بونسواغ موسيوو سمح ليا الى مصونية عليك فهاد الوقت
برناس: باقي الحال هه واش لباس عليك؟
نواهل: اه لباس و نتا كيف بقيتي؟
برناس تنهد: مهم حالتي ماشي مهمة قولي ليا واش باغية شي حاجة؟
فابيو جلس حداها و حط يدو على يديها: رفيف..ماشي بالضرورة اليوم
رفيف حدرات راسها بخجل ويلي نسات كاع هادشي نسات واش العرسان تابعاهوم ليلة الدخلة و كلشي بسبب قلقها الكبير على ختها و البرهوشة لي خرجات ليها من الجنب...
فابيو: الى بغيتي نمشي نخليك تاخدي راحتك
رفيف حشمانة: ل لا غير خليك ا انا بغيت نولف وجودك فحياتي
فابيو بتاسم ليها و حط يديه بجوج على خدودها مقرب وجهو لوجهها و عينيه على عويناتها لي بداو تيرمشو فيه،قلبها بدا تيضرب بقوة و هي بين ايادي رجل بهاد القرب لأول مرة..دوز صباعو بجوج على خدودها و قرب حتى باس شفاهها مخليها سادة عينيها و دقات قلبها تتسارع و بحكم تجربتها الأولى فالتقبيل ماتجاوباتش معاه كتافات فقط بتسليم شفاهها ليه مخلياه تيقبل فيهوم بحنية و يديه تهزو من وجهها حتى تحطو على خصرها مقربها لعندو اكتر و فمو باقي تيلتاهم ففمها حتى حسات براسها منساجمة معاه و هو يبعد فمو من فمها و عينيه تيشوفو فعينيها...
فابيو: واش بغيتي نكملو ولا حتى تكوني مستعدة؟
رفيف بخجل: ل ل ي لي بغيتي
فابيو: كيفاش لي بغيت قولي نتي شنو باغية؟
رفيف: ن ندوش و نرد عليك
فابيو ناض: اوكي خودي راحتك(باسها فراسها)
خرج من الغرفة اما هي ناضت دغيا حلات الماريو و بدات تقلب على حوايجها حتى هزات دوبياس فالأبيض ديجا مها موصياها كلشي يكون بيض هادو هوما تقاليدهوم فملابس العروسة..هزاتهوم و هنا بدات تتقلب على اش تلبس عليهوم و اكيد الى غيديرو شي حاجة خصها تلبس شوميز دونوي..قلبات عليهوم لقاتهوم مستفين فالمجر ديال الماريو باقيين بتيكيتات ديالهوم كيفما شراتهوم ليها مها..هزات واحد بيض ثوبو رطيطب و شفاف شوية بسميطات و مشبك فالصدر..حطاتهوم فوق الناموسية و حييدات التكشيطة و مسحات مكياجها بقات غير بالملابس الداخلية..دخلات لدوش و دخلات معاها حوايجها لقات فيه كلشي من فوط للبرودويات..دوشات على خاطرها و فخاطرها تتمنى هاد الليلة تدوز على خير واخا حسات بالراحة من لمسات و قبل راجلها ليها لي متتبيينش الهمجية و الشهوة بلا مايديها فيها هي بل العكس تتهمو نفسيتها و تكون هي مستعدة لهادشي من تلقاء نفسها..بعدما دوشات نشفات شعرها بالسشوار و مشطاتو خلاتو هاكاك مطلوق اصلا رطب من عند الله مايحتاج والو لبسات الملابس الداخلية و عليهوم الشوميز بعدما رطبات لحمها بالباديلوشن، شافت فالمرايا و حاولات ترتاح...
رفيف: غير راجلك غير راجلك راك شفتيه كيف دار ليك ياك حنين معااك ماغاياكلكش
بقات تتحاول تهدن راسها حتى سمعات الباب ديال الغرفة تحل عرفاتو جا و هنا بدا قلبها تيضرب حسبات واحد جوج تلاتة و خرجات لعندو لي ليها ليها لقاتو عاد جلس فوق الناموسية غير شافها ناض مبتسم اما هي غادية تتقرب بالعرض البطيء و خجلها مسيطر عليها ماشي ساهلة عمرك كولو تبقاي محافظة على راسك لواحد الشخص لي هو راجلك و دابا توصلي لهاد المرحلة..فابيو ناض لعندها و شدها فيديها حتى جلسها فوق الناموسية...
رفيف قلبها خفق فاش سمعات "حبيبتي" و بتحدي لخجلها حطات يديها على يديه...
رفيف بتوتر: ا اناا م منقدرش ن نقول ت تنبغيك حيت فشكل تقال من دابا(ضحكات بتوتر) هيهي ولكن ا انا معجبة بيك بزاف ن نتا الرجل المثالي بالنسبة ليا
فابيو بتاسم بفرحة من كلامها لي عجبو،حط يديه على كتافها و قرب منها: و انا معجب بيك اكتر
رفيف ضحكات اما هو باقي مبتاسم فرحان بزاف و هو تيحس التوتر غادي و تينقص منها..مييل راسو ساد عينيه غادي تيزيد يقرب منها اما هي سدات عينيها مستسلمة ليه تتسنا فقبلاتو..و بشفاههو جر شفاهها بشوية تيقبل و يتذوق فرحيقهوم اما هي ولات مخدرة بين يديه..فنفس الوقت هبط يديه تيقيص فجسمها هادشي لي زاد من استسلامها ليه..بعد مداعباتو ليها حتى تأكد انها مستعدة بدا تيحييد ليها فحوايجها و حييد ديالو حتى هو حتى بقاو بجوج كيفما تخلقو...
رفيف غطات وجهها حشمانة بزاااف فاش شافها عارية اما هو تحنا حتى باسها و دوز صباعو على شعرها: واش مستعدة؟
رفيف عطاتو الموافقة غير براسها..اما هو بدا تيوجد انوثتها لهاد المرحلة مخليها محييدة يديها على وجهها بدهشة...
فابيو حييد يدو: واش قصحتك؟؟
رفيف معنكشة: ل لا غير افففف(حشمات)
فابيو: واش نكمل ولا لا؟
رفيف غطات وجهها تاني و عطاتو الموافقة براسها..كمل لي كان باديه مخليها تتأوه بشوية و فنفس الوقت حط فمو على صدرها تيداعب فيه هادشي لي زادها اثارة..و فوسط من تقلباتها بدا تيمهد الطريق لرجولتو داخل انوثتها،حسات بشي حاجة فشكل و هنا فهمات انه بدا المعقول حاولات تهدن و ترولاكسا حتى حسات بفابيو شدها فيديها برقة...
فابيو: ماتخافيش...
رفيف حركات ليه غير راسها بأه و خلاتو يكمل صابرة لشوية ديال الألم حتى حساتو وقف...
رفيف حسات بألم خفيف و شعور غريب فتحتها حتى بان ليها فابيو تحنا لعندها و باسها فراسها بإبتسامة...
رفيف تكعدات دغيا تتشوف فالكوفرلي ديال الناموسية و هوما يبانو ليها قطرات صغييرة ديال الدم..شافت فيهوم بعدم تصديق و رجعات شافت ففابيو لي عنقها...
كانت روبين واقفة على عمال تيهزو فحقائبها و يهبطو فيهوم...
ليفيا: واش بهاد السرعة؟؟
خناثة: انا معاهااا خصها تلحق عليهووم!!
روبين زييرات على شنايفها: اكيييد غنلحق عليهووم و مغنخلييهااش تدير لي يعجبها!! و خصووصا داااكشي لي تيضوور فرااسها اففف نتا بشوية على دييك الحقيبة فيها مجوهراتي
العامل حدر راسو و كمل طريقو بشوية لاتوقع شي حاجة لحقيبتها ماقاد على صداع...
ليفيا: انا متأكدة و 100% ميسز فابيين مغتخليهاش دقيقة وحدة فالقصر
خناثة: حتى انا هي بغاتك نتي لي تكوني زوجة قوس أباغ العادات لي خاص تطبق راك بنت صاحبتها المقربة!
روبين طالع ليها الدم: زيدوو الشيفور تيتسناا مابقيتش قادة نبقا فهاد الغرفة باغية غير امتى نوصل لسويسرا
ليفيا: زيدي مكاين لي غيوقف معانا قد شي خطة ايوا تسناي فالدعوة
خرجات روبين سابقة و تبعوها بلبلابلا ديالهوم كيف العادة على الخطط و السم تيتقطر من عينيهوم...
فنفس الطابق و فغرفة مجاورة كانت بنان واقفة بابتسامة تدوي فالتيلي ديالها...
بنان: ههه هي قلتي السييد طلع ماساهلش
بنان: اكيد بغيت يوصلني داكشي (طلعات راسها بجدية)و من بعد غنتصرف على طريقتي(قطعات)
حطات تيليفونها فحقيبتها و هي تسمع الدقان فالباب مشات دغيا حلاتو بابتسامة...
نيار: ايوا هاني جيت
بنان مشات هزات صاكها دغيا و رجعات لعندو: وجدتي راسك؟؟
نيار: ويي باليزتي داوها العمال غير قولي ليا فين غادية بيا فأول نهار ليا فالخدمة
بنان بتاسمات: الوجهة هيي سوييسرااا
نيار بدهشة: سويسرا؟؟؟
بنان: اييه مالك بحالا قلت جنية؟؟
نيار: علاه ماشي هي فين كاين الفرع الأصلي؟
بنان: اكييد هي زيد نخرجو من البيت و نكملو الهضرة فطونوبيلتي
رجع خطوات للوراء حتى خرجات سادة الباب موراها و هبطو بجوج فالسانسور للباركينغ لي كاين تحت الشركة تما فين كانت سيارة كحلة بزاج فومي تتسنا فيهوم...
نيار بلع ريقو: احمم ياكما غنمتلو فشي فيلم د الاكشن؟؟
بنان: تبعنيي
خرج الشيفور حتى حل ليها الباب اللوراني و طلعات...
بنان جلسات تتسنا فنيار لي واقف: واش غتبات ليا هنا؟؟
نيار تيضور فعينيه: متأكدة كلشي هو هاداك ياك؟؟ الى درت ليك شي حاجة غير قوليها كلشي تيتحل بالهداوة
بنان: مالك غتبول ليا فحوايجك وا ركب
نيار: واخا صافي غنزعم الى وقعات ليا شي حاجة فا راه انا لي *امل دخلت لهاد الضومين
بنان: ههههه حط ترمتك حدايا و سد فمك مالي تنعض
نيار دخل جلس حداها و الشيفور سد الباب و ركب فبلاصتو...
نيار: فالحقيقة سمعتهوم تيقولو بلي نتي خاطار و تيخافو منك حتى من روبين تترعد منك
بنان: اكيد يخافو على راسهوم انا لي عارفة الدنيا اش تتسوا ماشي بحالهوم مونيكات مدخلينهوم باواتهوم غير باش يتشهرو زعمة
نيار: تستاهلي تكوني العارضة الأولى بصراحة
بنان: متيهمنيش مادام انا نامبر وان بيني و بين راسي هههه
نيار: وووووو لا انا محتاج لشوية ديال الثقة فالنفس لي عندك
بنان: مع المدة غتاخد حتى نتا شوية منها ههه
نيار حس بالطونوبيل ديمارات: احم دابا فين غاديين؟؟
بنان: راه قلت ليك سويسرا
نيار: ولكن مامكتوبش بلي كاين حتاشي عرض فجدول عملي
بنان: حيت حنا غرضنا الأول هاد الساعة هو عذراء
نيار: كيفاش عذراء؟؟
بنان: ميمكنش نخليها بوحدها فسويسرا و انا دابا تابعاها لتما...
في حين فسويسرا و بعدما هبطات طائرة قوس الخاصة على أراضي بلدو..تلفت تيشوف فعذرائو لي كانت ناعسة..بتاسم فملامح وجهها الهادئين و حط يدو على شعرها تيرجعو ورا عنقها و تحنا حتى طبع قبلة فيه...
زعمة فاقت؟🙂راه كوافورة اخوتي...
قوس شافها مافاقتش فا قرر يحركها بشوية باش تفيق و داكشي لي دار حتى فاقت ليه مخلوعة و عينيها حمرين بحالا ضاربة القرقوبي شحال بقات غير تتحقق فوجه قوس عاد عرفاتو بلي هو...
قوس: واش بيخير؟
عذراء بدات تترجع ليها ذاكرتها قبل النوم: ااه بيخير(تتفوه و تكسل)
قوس حييد ليها الحزام: راه وصلنا
عذراء كوانسات يديها فالسما مخرجة عينيها فيه: و و و و وص وصلنااا؟؟؟؟ص صاافي سويسرااا؟؟؟
قوس: عذراء حاولي تهدني حاولت شحال من مرة نوصل ليك انه كلشي غيكون بيخير
قوس فهم انها بغات تقاد حالتها: الخادمات ديالك كاينين فالجهة لوخرا المضيفة عارفة فين كاينين
عذراء: ااه صافي هاهوا
يالاه بغات تهز يديها تجبدو فين كان محطوط حتى سبقاتها المضيفة دايرة خدمتها...
المضيفة: تفضلي ا ميس
عذراء شداتو من عندها مبتسمة: شكراا
المضيفة: تفضلي معايا
مشات معاها حتال الطواليت..قضات حاجتها و خرجات لعندها حتى داتها فين كاينين الخدامات لقاتهوم جالسات بتلاتة و معاهوم حتى منسقة الملابس لاريسا...
لاريسا: اووه الميس باغية تبدل حوايجها لشي حاجة شييك امممم
عذراء ببلاهة: لا جيت غير نطل عليكوم
لاريسا: وااااات؟؟؟واش غتمشي هاكا بملابس عادية؟؟
عذراء: ياك نتي لي لبستيهوم ليا اشمن عاديين؟
لاريسا: الستايل ماشي ديال بحال هاد النوع من اللقاءات نتي غادية لقصر عائلة بنسليماان و متأنقيش؟؟
رولا: الى سمحتي ا انسة عندها الحق
مهرة: و حتى شعرك خصو يتمشط راه مخبل
شيراز: الوقت ماكافيش خص دغيا
ناضت لاريسا تتقلب فالحوايج و البقية تيجبدو فالمكياج و باش يقادو ليها شعرها اما المضيفة انساحبات...
بعد مدة ماطويلاش من الوقت ولات عذراء واجدة و خرجوها من الطائرة حتى لفين كاين قوس تيتسناها قدام ليمو فالكحل...
قوس بتاسم فجمالو(عذراء): تفضلي
عذراء طلعات بفستانها و شعرها المطلوق حتى جلسات حدا الشرجم تتبركك على خاطرها فناس سويسرا زعمة اما قوس تبعها جلس حداها..سد الشيفور الباب و ديمارا بيهوم من المطار و الوجهة القادمة هي قصر عائلة بنسليمان...
بعد مدة طويلة ديال الطريق و اخيرا وصلو قدام بوابة حديدية كبييرة على شكل كرياج تيبيين حديقة كبييرة من الداخل و قدام هاد البوابة كانو لباديكاردز مشتتين و لي شافو السيارة فورا تنحاو حادرين راسهوم..البوابة تحلات و عبراتها السيارة لي بدات فرحلة خفيفة بعذراء وسط الحديقة الخضراء المليئة بمختلف انواع الورود و الأزهار...
عذراء بإعجاب: واااو
قوس: هادي عبارة على منظر جميل بين البوابة الأمامية و الداخلية لي قربنا ليها دابا
عذراء بدهشة: ي يعني هادي ماشي جردة؟؟
قوس: لا غير طريق بين البوابات
عذراء بتوتر: هيهي العالم الله قداش هاد الجردة الى هادي غير طريق
قوس: غنوريها ليك مزال اكيد ا My Flower
بعد دقائق وقفات الليمو قدام البوابة الداخلية لي مكانوش فيها لباديكاردز فقط مضورين برا و الأمامية للحفاظ على خصوصية العائلة..هبط الشيفور حل ليهوم الباب و هبط قوس ماد يديه لعذراء لي طلعات فيه راسها بخوف...
قوس: عذراء
عذراء حطات يديها على يدو بالعة ريقها: و واخا
خرجات من السيارة و حطات رجيلاتها على الأرض..طلعات راسها تستكشف المكان حتى صدقات مطلعاااه نييت بسبب كبر حجم القصر من لي متوقعاه هي...
قوس: الخدم لي كتار و هادشي عادي ماشي بالضرورة نكونو بزاف باش نقدرو نملكو قصر
عذراء: ا ااه وي
جرها بشوية غادي بيها للداخل اما هي ولات مخشية فيه تتمشا و رجليها ثقال عليها ناري اليوم غتشوف عائلة حبيبها لي عمرها شافتهوم ولكن لي هازة ليه الهم اكتر هو ردة فعلهوم...دخلو لداخل القصر تما فين كانت الدنيا وحدة خرى السقوفا كلهوم ثريات كبااار ديال الكريستال و الأثاث الفخم و الديكورات الثمينة و الغالية غير مشتتين كلشي كان محطوط فبلاصتو بطريقة جد راقية ناهيك على المساحة لي يجري فيها الخيل...و فوسط هاد الفخامة كلها تسمعو خطوات بطيئة مبيينة رزانة مولاتهوم و حداهوم خطوات اخرى متشاركين فنفس الإيقاع هادشي لي تيدل على قربهوم من بعضياتهوم بخلاف الخطوات الرزينة هادو من سماعهوم اكيد غنقولو انهم خطوات ثقيلة لي تدل على عنصر رجولي قادم...
عذراء تخشات مورا قوس بقلبها لي تيضرب لا ماعندهاش الجرأة تشوف فيهووم دابا لاا هي غرييبة علييهوم مايمكنننش ااش هاد العاالم فيين جاابها قووس و هي يالاه ما ولفات حياة الفيلا و الأشياء الأخرى...
فابيين بفرحة: حبيبيييي
قوس بتاسم: My Diamond
قاطعهوم صوت رجولي محنحن و هنا هز قوس عينيه على مو حتى تركزو على عينين باه لي كان راجل كبير فالعمر طوييل و لابس كومبليي بشكل أنييق رغم كبر سنو الا انه بقايا وساامتو من شبابو باقة محفوورة فتجاعيدو...
تليد بصرامة: نبداو فنقاش داك الكلام لي قلتيه فالمكالمة؟؟
قوس بجدية: و هادشي علاش جيت
فابيين صغرات عينيها فدراع قوس لي تيطل منها شوية من شعر عذراء المطلوق: و اكيد جيتي غير بوحدك ياك؟
قوس تنحا شوية و هي تبان الآنسة لي جات باش تبيين ليهوم قوتها اييه🙂 خايفة و مخبية موراه...
تليد: وصلات بيك الجرأة تجيبها حتال عندنا!!!
قوس: سمح ليا و لكن انا كلمة وحدة قلتها فالتيليفون و نتوما عارفيني مزيان قداش تنوفي بكلمتي
تليد: ماشي حييت ماات جدك 5سنين هاادي صاافي يتصحابليك غادير مابغيتي!!التقاليد تمرراات ليااا اناا فاش ماات و فاش غنمووت غتمرر ليييك نتاا!!! و الى بقينا ساكتيين غير حييت كنا تنتسناوك تفهم رااسك و تقدم لخطبة رووبين
قوس: عمرني درت روبين فشي مقام اكتر من ابنة اصدقاء العائلة المقربين و عمر غيكون هادشي حتى لو ماكانتش عذراء فحياتي!
فابيين تتحاول تهدن الأجواء: عافااكوم اكييد غيكوون حل
تليد: عرفتي شنوو؟؟ اناا ندمممت حيت ماربيييتكش على العاداات و خلييتك حتى كبرتي و تقادو كتافناا قلت غتولي عاقل و غتشوف ماماك و باباك كيف تزوجو و جدودك و اجدادك كاملين ولكن نتا لا! صدقتي خارج لينا من الجنب!!!
قوس: مابغيتش نزيد نطول فهاد الموضوع حيت قراري اتاخدتو و بعد تفكييير طوييل و مقتانع بييه و هو لي غيكوون
تليد: كيفااش جايب ليا اناا وحدة منفيية و مجردة من اسمها العاائلي نتاا عارف مزيااان المنفيين شنو مصيرهوم و كيف محتقريين فمجتمع الأبراااج!!!هي اصلا مااشي من طبقتنااا و مكملاهاا بمنفية!!!
قوس زيير على يديه بغضب كون ماكان باه كون واهلي فين غيوصلوها ولكن اكيد خصو يحتارم لي ولدو..بينما هوما تيتناقشو بحدة خالقين جو مشحوون لعذراء لي خايفة تتشوف غير ف فابيين مافاهمة والو حيت داويين بالألمانية اما تليد خلعها ماقدراتش تشوف فيه...
قوس بعصبية: لي غيكوون و لي خاص يكوون هو انهااا غتولي عذراااء بنسليمااان...
نهاية الفصل الأول💜
✨و في عيني غيم كثير لا يمطر✨
فهاد الفصل الاول شفنا بزاف ديال الأحداث الحافلة و التقلبات الكثيرة...
عشنا بداية قصة حب بين انثى العذراء عاشقة لمجال عملها و لي بدا بحلم بوضع لمساتها على وجه عارضة مشهورة و برجل القوس رجل اعمال سويسري الجنسية و مغريبي الأصل حل فرعو الثاني فبلاد اجدادو و باباه الأصلية..مواقف و طرائف جمعات هاد الجوج لي تنشوفهوم انا بحال الشرق و الغرب..الشمس و القمر..السماء و الأرض..عالمين مختلفين..هي المرح و هو الجدية..هي الضعف و هو القوة..هي الخيال و هو المنطق...
تحدات الأبراج بل عائلتها كاملة على قبلو و دابا جا دورو حتى هو باش يتحدا عائلتو على قبلها...
💜عذراء بنسليمان💜
واش هاد الإسم غيتخلد؟؟ولا غيتدفن مع حالتها الحالية المسماة "المنفية"؟؟؟
عذراء وقوس الجزء 16
محتوى القصة
التنقل بين الأجزاء