بعدما شفنا بطلتنا عذراء لي من سميتها غنعرفو انها من عائلة برج العذراء دارت بلاصتها فشركة Bens-Naht للأزياء و شفنا زبايل و طرائف بنت بسيطة تتنحادر من عائلة متوسطة بحالها وسط من اصحاب الطبقة الغنية مرورا لإعجاب مول الشركة بها حتى تتوجات علاقة حب متينة بيناتهوم رغم اختلاف العادات و التقاليد...
شفنا كيفاش تخلات على عائلتها على قبلو و ختمنا الفصل الأول بيه هو تيتحدا عائلتو على قبلها ولكن واش غينجح فهادشي؟؟واش غيقدر يتزوج بعذرائو؟و واش كاينة شي امكانية لتدمير نظام عادات الأبراج؟؟و شنو غيوقع مع ليكوبل لخرين؟؟
عندما يلتقي الواقع بالخيال...♍عَذْرَاءْ و قَوْسْ♐
ملاحظة مهمة: غيكونو بعض اللقطات الجريئة فهاد الفصل.
قوس بعصبية: لي غيكوون و لي خاص يكوون هو انهااا غتولي عذراااء بنسليمااان...
تليد تصدم و فابيين حطات يديها على قلبها بفزع اما عذراء تبلوكات فاش سمعات الجزء الأخير من الجملة باش نطق رغم انه كلامو كولو كان باللغة الألمانية لي متتفهم فيها والو الا انه اكييد اسمهاا يتحط حداا اسمو العائلي تيعني حاجة وحدة و لي هي زواجهوم!!...
تليد رفع من نبرة صوتو: عاااود شنووو قلتيييي؟؟؟؟
قوس: كلمة وحدة قلتها(جر عذراء حتى لصقها مع صدرو و يدو شاد بيها يديها) انا غنتزوج بيها!
فابيين مصدومة: ولكن اولدي راه مايمكننش لا عادااتها ولا عادااتنا مواتيين
عذراء غير مخرجة فيهوم عينيها و قلبها تيطلع و ينزل بالخووف حاساه غيخرج من بلااصتو...
تليد هز عليه صبعو بتهديد: الى تزوجتي بيهاا مااغنبقااا اناا لاا بااك ولا غتبقااا نتااا ولدي!!!
فابيين شافت فيه بخوف: لااا ا تلييد لااا(ضارت دغيا شافت فقوس بترجي و بعينيها تطلبو مايديرهاش)كااوس!!!
قوس تنهد و شاف فعذراء لثواني و رجع شاف فباه: تاخدت قراري من شحال هادي عذراء هي شريكة حياتي و لي غنكمل معاهاا حتال مماتي! و نتوما عارفين مزيان قراراتي كيفاش تنتاخدهوم!
فابيين غرغرو عينيها: لااا(شافت فتليد و شدات فيديه)لا ا تلييد خصناا نلقاو شي حل(تتحرك فيه)مغتبرااش من وولدك!!
تليد زيير على يديه و شاف فيه بحدة: مابقا عندي حتاشي ولد!
فابيين جمدات فبلاصتها و يديها توقفو على تحريكو و بالعرض البطيء ضارت لعند ولدها و البنت لي جاب من المغرب فارضها عليهوم...
قوس حدر راسو فعذرائو لي تترعد شادة فيه خايفة من تليد لي تيترعد عليهوم تما بالأعصاب...
قوس جرها بهدوء: يالاه نمشيو
عذراء طلعات فيه عينيها الكبار بدهشة: و و ش شنو قال؟؟
قوس: والو من بعد و نقول ليك الأهم
عطاهوم بضهرو و تم غادي جارها معاه فقط صوت احذيتهوم لي تيتسمع...
عذراء مبلقة فيها عينيها مافاهماهاش اش تتقول ولكن باينة بحالا تطلبها...
قوس بصرامة: الواليدة..سمعتيه اش قال سمحي ليا ولكن خصو يعرف انه سعادة ولدو اهم من شي عادات ولا تقاليد!
فابيين شداتو فذراعو: انا غنحااول نقنعوو غير ماتمشيشش اهئ
قوس طلق من عذراء و شد راس مو حتى باسها فيه و تراجع خطوات للوراء: نتي عارفة مزيان انه متيتنازلش على قراراتو لسوء حظو خديت منو هاد الصفة حتى انا متنتنازلش على قراراتي.
ضور يدو على خصر عذراء و تم غادي بيها يخرجها من تما مخلي مو تتبكي و تتشوف ولدها تيبعد شوية بشوية عن انضارها حتال واحد اللحظة ضارت لعندها عذراء شافت فيها بنضرة حزن بقات فيها و رجعات شافت فقدامها حتى خرجو لفين كاينة الطونوبيل بشيفورها..عطاه قوس الأمر يوصلهوم..حل الباب لعذراء حتى ركبات و ركب حداها..سد الشيفور الباب و ديمارا بيهوم من قدام قصر عائلة بنسليمان...
بعدما قضا سنمار الغاراض هو و ناتالي ناضت هاد الأخيرة تدوش اما هو فهاد الأثناء لبس سروالو و خرج لصالون فين كانت حاطة صاكها..قصدو نيشان حلو و بدا تيقلب فيه على تيليفونها اكييد و مستحييل يدوزها ليها هاد المرة تغبر بسيمانة بلا مكالمة بلا ميساج و ترجع بحالا ماوقع والو اليوم غيعرف معامن تتلاقا تما يالاه تحسس تيليفونها و هو يجبد معاه واحد الكارط هزها تيشوف فيها باستغراب ماشي ديالها؟؟الكارت كانت عبارة على بطاقة الهوية الوطنية بإسم "Oscar Dubois" بتصويرة رجل شاب فرنسي الملامح عينيه زرقين و شعرو زعر...
سنمار قلبو بدا تيضرب و يديه تيترعدو فاش شاف هوية رجل اخر فصاكها شكون هدا؟؟و فين تتعرفو هادي؟؟اذن هدا هو لي تتضرب عليه المسافات و ترجع؟؟
و فوسط من تفكيرو سمع تقرقيبها فالدوش لي تيبيين انها قربات تخرج جمع ليها داكشي كاملو فصاكها من غير الكارت لي خباها فجيبو...
ناتالي خرجات لاوية عليها الفوطة و يديها فوق صدرها البلاستيكي الواقف: حبيبي كنت تنتسناك تبعني ندوشو بجوج
سنمار تيحاول مايبيينش ليها توترو: غ غ غير قلت مابغيتش نديرونجيك عاد جاية من السفر
مشا سد عليه الدوش و جبد تاني بطاقة الهوية مزيير عليها: غدا غنعرف شكوون نتاا ا أوسكار!!!...
نرجعو لسويسرا عند عذراء و قوس لي باقيين فالطونوبيل باقي صايك بيهوم الشيفور فوسط صمت و سكون حتى دخلو لمنطقة معزولة شوية تما فين بدا تيبان من بعيد قصر منور كولو مشعول بالضواو..هزات عذراء عينيها لي ضارب فيهوم ضوء الأعمدة المستفين فيمين و يسار الطريق لي تتدي للبوابة الحديدية ديال هاد القصر الفخم و لمعة الأضواء فعينيها المبهورين اما قوس بقا ساكت حتى دخلات الطونوبيل من البوابة لي تحلات اوتوماتيكيا و كمل الشيفور طريقو حتى بلاصا قدام الباب الداخلي لي كانو مستفين قدامو الخدم من اصغر خادمة و خادم الى كارل رئيسهوم و الخادم الشخصي ديال مالك هادشي كاملو لي ضاير بيهوم...
هبط قوس و حل لعذرائو لي هبطها شاد يديها و تم داخل لقصرو لي غاب عليه شهورا هادي بسبب انتقالو لفرع شركتو المغريبي...
عذراء بقات غير تتمنضر بإعجاب مخلية تعاليقها لنفسها الوضع متيسمحش تعبر على روعة المكان و عاد جاو من واحد القيامة لي مافهمات فيها حتى حرف...
قوس وقف قدام الدروج و شاف فالخدم: سيرو مع عذراء لغرفتها ترتاح
خرجو جوج الخادمات من داك الصف و وقفو عليها...
الأولى: تفضلي معانا ا ميس
عذراء طلعات عينيها فقوس: مغتقول ليا والو؟
قوس قرب منها حتى باسها فراسها: رتاحي دابا غدا و ندويو
حدرات راسها موافقة على كلامو و مشات مع الخدامات للغرفة لي موجدين ليها مسبقا بأمرو في حين هو دخل بين الممرات تابعو كارل...
فنفس الوقت فقصر عائلة بنسليمان كان تليد غادي جاي باقي تيترعد بالأعصاب و فابيين جالسة فوق فوتوي قدامو تتبكي...
فقصر قوس..و فجناح كبيير ضواوو طافيين كانت عذراء متكية و ملفوفة فالغطا وسط من داك الظلام تتفكر فالحيحة لي ناضت و كيفاش قوس وقف قدامهوم بقوة تفكرات خوفها و ضعفها قدام عائلتها لي متيبانش ابدا قدام قوة و سلطة قوس قدام عائلتو ولكن من جهة خرى بتاسمات فاش تفكرات ديك "عذراء بنسليمان" لي خرجات وسط من كلماتو الألمانية لي مافهمات فيهوم حتى حاجة..تقلبات لجهة لوخرا تتفكر فيه شنو غيدير دابا فاش خسر مع عائلتو؟؟و شنو مصيرها معاه؟؟....
فلغد ليه...
و فالمغرب..بدات رفيف تتحل عينيها بعد ليلتها الأولى مع زوجها..بدات تحك فيهوم و تحرك حتى حسات بيدين مضورينها من خصرها و انفاس ضاربة فعنقها...
فابيو لي فاق فاش فاقت: صباح الخير عروستي
رفيف حدرات عينيها بخجل فاش تفكرات لي وقع فالليلة الماضية و بلي مابقاتش بنت: صباح النور
فابيو طلع يدو من خصرها حتى حطها على وجهها جارها لعندو اما هي غير تتشوف فيه اش غيدير حتى ناض بيدو الثانية مقرب اكتر بايسها ففمها يالاه حط يدو لي كانت على وجهها فوق صدرها و هو يتحل الباب موراه تسمع تقرقيب صبيبيط...
رفيف حلات فيها فمها اويلي فين مدرمة هادي بلا دقان بلا والو ماعرفات ماتقول و مادير فديك اللحظة ولات غير تشوف فباها لي فوقها و هي لي واقفة عليهوم بحال ملك الموت على النبوري جاب الله لابسين بيجاماتهوم...
فابيو ناض من فوق رفيف تيبتاسم بحالا ماوقع والو و جا قدام مايلي لي باسها فراسها: صباح الخير أميرتي واخا شكرا دابا نوجدو راسنا و نهبطو لعندهوم
مايلي بابتسامة: قلت للخدم يضيفوهوم فلاتيراس الجو زوين ليوم
فابيو حط يدو على شعرها برقة عاجبو الحال كيف متقبلة بنتو زوجتو و عائلتها: واخا حبيبتي سبقينا
حركات ليه راسها بطاعة و دخل للحمام مخليها هي و رفيف الراس فراس...
مايلي شافت فيها بتخنزيرة من بعد خرجات لسانها و عوجات عينيها غادية خارجة من الغرفة مقرقبة بداك الصباط ديال المونيكات...
فنفس الوقت فلاتيراس كانو جالسات سلافا و لوليا جايبين معاهوم الفطور لعروستهوم الجديدة...
سلافا تتمنضر فالخضورية و الديكورات الفخمة: هادو هوما الناس لي عايشين شوفي الفيلا يجري فيها خيل تبارك الله
لوليا باغية غير تشوف بنتها واش بيخير: ايه ا مي سلافا الله يحجبهوم ياربي
سلافا: جاها رزقها فالبلاصة باش تعرفيها مرضية و ربي عوضها بماحسن من داك بوركابي لي معشش ليا فديك فرنسا
لوليا: تجازات على صبرها و نييتها انا نيت فرحت براجلها واخا كاوري ولكن ولاد الناس باينين
سلافا: حتى نتي بحال كاوري بحال مغريبي المهم يكون من برج عائلتنا و السلام
هبطات رفيف بشوية عليها مع الدروج غادية مع الخدامة توريها فين لاتيراس حتى وقفات عليهوم...
لوليا ناضت تتعنق و تبوس:بنتييي
رفيف فرحانة بيها: مامااا جيتو
سلافا: ويلي يا بنييتي على جيتو علاه فطورك شكون غيجيبو ليك(شافت فالخدامة)قولي ليهوم يحطو داكشي لي جبنا لبنتنا فوق طبلة الفطور هو باش غتسخن مصارنها هو الأول
الخدامة لي كانت مغربية حدرات راسها: واخا ا لالة
لوليا: فين راجلك ابنتي؟
رفيف: دابا يجي خليتو قرب يسالي
سلافا: بنتو شحال زوينة و ضريفة مكاين غير طاتي طاطا الله يحفضها ليه و تولدي ليها خوتها مسكينة بوحدها عندو و صعيبة مييتة ليها مها
رفيف بتاسمات بزز: ااه مسكيينة ضرييفة...
فسويسرا...
كانت عذراء هابطة مع الدروج بشعرها المسرح لابسة سورفيت فالموف سروال بالفوقاني ديالو تابعينها الخادمات ديالها لي وجدوها مهرة،شيراز و رولا مخليين منسقة الملابس لاريسا فالغرفة...
شيراز: الفطور واجد ا ميس
رولا: و مستر قوس تيتسنا فيك باش تفطرو بجوج
بتاسمات ليهوم بشوية معبرة على سماعها لكلامهوم اما عقلها غير مع اش غيقول ليها و منين يبدا ليها ترجمة هضرتو مع واليديه البارح...
بقاو غاديين فكولوار عرييض دايزين من حدا الديكورات و الصالونات حتى دخلو لصااالة واسعة بطااولة كبيييرة عامرة بالكراسا المستفين..الفطور محطوط و قوس مترأسها تيتسنا فعذرائو لي توترات فاش شافتو خايفة من كلامو...
قوس ناض باسها مبتسم: Good Morning My Flower (صباح الخير زهرتي)
عذراء: صباح النور قوسي...
جر ليها الكرسي حتى جلسات و جلس فبلاصتو...
قوس: الكل ينساحب خليوني مع عذراء
حدرو خادمات عذراء و الخدم لي كانو واقفين على الفطور ريوسهوم و خرجو واحد مورا لاخور مخليينهوم بوحدهوم...
عذراء بلعات ريقها فاش فهمات من ردة فعلهوم انه آمرهوم يخرجو هادشي تيعني بلي القضية حامضة و غيبدا فالمشحر...
قوس: بداي فطري بعدا
عذراء بلعات ريقها تتشوف فالماكلة قداش تتشهي ولكن فين الشهية بسبب داك التيد(تليد): غير قول ليا اشنو كاين عفاك
قوس حط يدو على يديها بإطمئنان: ماتخافيش كلشي بيخير
عذراء بارتباك: ولكن باباك كانت ردة فعلو عنيفة بزاف كنت حاساه ماكرهش يخنقني بيديه بدوك الشوفات لي داير فيا
قوس: انا توقعت ديك ردة الفعل و زيارتي ليهوم معاك ما هي الا تأكيد على كلامي لي ماتييقوهش فالمكالمة انا متنتسناش موافقتو ابدا باش نبني معاك علاقتي ولا نكمل معاك انا فقط علمتو و بهاكا غنرتاح بيني و بين راسي و مانتسماش مستقبلا تندير أمور مورا ضهرو
عذراء: هاد الجزء الأخير من كلامك فكرني فراسي فبداية علاقتنا شحال كذبت و شحال خباو و تسترو عليا ماما و ختي شحال ضحيت و شحال مت بالخلعة و شحال د السيناريوهات على الحصلة غير باش نشوفك علاش كان صعيب لهاد الدرجة غير نشوفك ولا نعيش معاك لحظات من يومك؟؟علاش لهاد الدرجة؟ما استوعبتش سخافة الأمر حتال هاد اللحظة يعني تنشوف حاجة بسيطة و حقي كإنسانة ولكن كنت محرومة منو علاش مانتصرفش بحريتي مادام متندير حتاشي حاجة خايبة؟و شنو ذنبي من هادشي كاملو الى بغيت راجل من برج غير برجي؟
قوس بتاسم بحب فوجهها مزير برقة على يديها: مايمكنش نتخلا عليك ا عذرائي انا وياك غنتبتو للعالم كولو مدى سخافة هاد العادات و التقاليد من بعد كلشي غيتحرر من هاد القيود و اي واحد كيفما كان غيكون عندو الحق يتزوج لي بغا متيهمش برجو ولا العائلة لي تينتامي ليها
عذراء بتاسمات: حلمي الكبيير..هدا حلمي الحقيقي لي عمرني قلتو لشي واحد حيت خايفة لايضحكو عليا ولا يحبطوني حيت مستحيل
قوس: تنواعدك هاد الحلم غيتحقق
عذراء لمعو عينيها بحب: و انا تايقة فوعودك و كلمتك...
فجأة تم داخل كارل هاز تيلي ديال قوس: مستر تنعتاذر على المقاطعة ولكن اتصال مهم
قوس عقد حجبانو: شكون المتصل؟
كارل: المانادجر الثاني حيت مستر فابيو عفيتيه فهاد اليوماين
عذراء غير ساكتة تتشوف فملامحو كيف تيتبدلو من الغضب الى الهدوء حتى سالا مكالمتو لي كيف العادة مافهمات فيها حتى حرف و عطا التيلي لكارل...
قوس طلع عينيه فكارل: قول لخدم عذراء و لي حاطهوم فخدمتها يوجدو راسهوم(شاف فعذراء) وجدي راسك جاني سفر مفاجئ!
فشقة رئال و رسيل كانت هاد الأخيرة واقفة بملامح وجهها المتعبة و كرشها الصغيرة لي مزيير عليها التيشورت هادشي لي مخليها تبان كروية..بتاسم رئال لي واقف قدامها من منضرها شحال كيوت و كريشتها قداش صغيورة تحنا حتى باسها و طلع باسها ففمها...
رئال: طهلاو فراسكوم حتى نرجع ههه
رسيل: حتى نتا
رئال: الى خاصاك شي حاجة صوني عليا واخا؟
رسيل بابتسامة: واخا
باسها مرة خرى حاط يدو على كريشتها بحنان و خرج لخدمتو يبدا نهارو...
ففرنسا بعدما خرجات ناتالي لخدمتها و خرج سنمار حتى هو ولكن لا هو مامشاش لخدمتو دوا مع رب العمل باش يعطيه اليوم خاوي ولكن ناتالي عند بالها انه مشا يخدم..بقا غادي بطونوبيلتو حتى وقف قدام الكوميسارية و هبط تيسول حتى وراوه فين يتسنا و جلس شاد فيدو الكارط ناسيونال ديال "Oscar Dubois"...
فقصر عائلة بنسليمان...
كانت فابيين لي ماداهاش النعاس لبارح بليل جالسة و قدامها بنتها ترف...
ترف بقلق: مسكين خويا قوس و حتى عذراء غتكونو خلعتوها
ترف شداتها فيديها: ماماتي حبيبتي علاش تتقولي هادشي انا ديجا دويت مع عذراء قبل كاع ماتكون حبيبة قوس رتاحيت ليهاا ابااغ انها بنت زوينة الا انه شخصيتها و روحها مكاينش بحالهوم و عمرني شفت بحالهوم فهاد لونتوغاج ديالنا داكشي علاش خويا قوس تعلق بيها لهاد الدرجة حيت هي مميزة بالنسبة ليه من كترة ما عاشر غير المزيفات و البلاستيكيات فمحيطو
فابيين: ولكن راها من برج اخورر انا ماقلت والو على البنت..البنت مافيها مايتعاب ولكن العادة ا بنتي
ترف: ماما الى بغيتي مصلحة قوس و سعادتو غادي توقفي معاه! غادي توقفي مع ولدك!
فابيين: ولكن باباك عطا كلمتو صافي مابقاش رجوع
ترف: بابا صافي دار لي غيديرو بقيتي نتي
فابيين: و نتي؟؟
ترف: انا من الديبار شريكة خويا كنت تنتمنى تكون عذراء
فابيين: كنتي عارفة من لول و ماقلتي لينا والو؟
ترف: كيف قلت ليك انا خليتهوم مزال مابدات حتى حاجة بيناتهوم ولكن هو كيف تيدوي عليها و هي كيف تتشوف فيه مستحيل مايتطورش لعلاقة حب ماماا بلييز شحال تيحمقو مع بعضياتهووم ماتنكريش هادشي
فابيين تنهدات بعمق: مابقيت عارفة ماندير انا تحطيت بين ولدي و بين راجلي لي هو باه...
فمركز الشرطة وصلات نوبة سنمار بعد مدة من الإنتظار..دخل جلس فكرسي لي حدا البيرو لي كانت فيه امرأة...
المرأة بالفرنسية: وي فاش نقدر نعاونك؟
سنمار: احم هاد لكارط ناسيونال لقيتها هاد الصباح مليوحة فالإقامة لي ساكن فيها سولت الجيران على هاد الإسم حتى واحد ماعارفو داكشي علاش بغيت الى كان ممكن تعطيني العنوان باش نردها لمولاها
المرأة: اوكي موسيو حنا غنتكلفو بهادشي
سنمار: نو سيلتوبلي بغيت العنوان باش يعرفني انا لي لقيتها
المرأة خدات من عندو الكارط و بدات تطابي السمية فقاعدة البيانات حتى خرجات النتيجة: هاد العنوان كان فالمدينة المجاورة
سنمار: ااه لعجب كيفاش حتى وصلات لإقامتي
المرأة تطابي فالكلافيي: اهااه هدا عنوان فباريس
سنمار تقاد فالجلسة: قوليه ليا الى سمحتي
المرأة: العنوان هو..........
سنمار بدهشة: عاوديه الى سمحتي...
المرأة عاودات قراءة العنوان مرة خرى و طلع نفسو لي فبال سنمار...
سنمار: ولكن انا بغيت عنوان أوسكار لي عطيتك كارط ناسيونال ديالو ماشي عنواني
المرأة طلعات فيه راسها و شبكات يديها مع بعضياتهوم: حسب قاعدة البيانات Oscar Dubois هي Natalie Martin
سنمار بصدمة: Comment????????
المرأة: وي(قلبات ليكرون لعندو تتوريه بصبعها) أوسكار بدل سميتو بناتالي و هادي حاجة عادية تيلجأو ليها المتحولين جنسيا باش يبنيو هويتهوم الجديدة لي غتأقلم مع شكلهوم الجديد...
سنمار تحلو عينيه على جهدهوم تيشوف غير ففم المرأة تيتحرك ودنيه تسوطاو فهاد اللحظة و فمو تحل على قدو اما قلبو غيخرج من بلاصتو من كترة دقاتو.......
ناض بجسمو لي تيرجف مخرج عينيه فيها و كلامو مسروط...
المرأة وقفات بقلق: موسيو؟؟واش صافا؟؟
عطاها بضهرو و خرج من البيرو كولو تيترعد مخليها مستغربة..خلاتو على راحتو اصلا لكارط هوما لي خصهوم يردوها لمولاها أولا مولاتها المهم...
خرج للشارع حتى من طونوبيلتو خلاها تما و بقا غادي تيتمشا و الضبابة مغطية عينيه الخارجين فالأرض عقلو متيدورو فيه غير عدد العلاقات الجنسية لي مارسها مع داك المتحول على مر السنين ظنا انه بنت بحال كاع البنات بسبب شكلو!!كل مرة تيتفكر لقطة حميمية معاه تيقفز بفزع غير بوحدو مخلي الناس لي تيدوزو من حداه مبعدين منو باستغراب تيبان بحال شي حمق...
ناض دغيا و ركابيه موسخين حتى بدا يجمع فالحجر و بقا غادي تيضرب بيه فالأرض بحال الى تيضرب ب لبيي(لي كنا تنلعبو بيه فاش كنا صغار)و تيتسناه يرجع ينقز لعندو...
وصلات وقيتة الغدا لقات نواهل واجدة و مقادة حالتها تتسنا فبرناس لي عاد سد البيرو ديالو يمشيو للمطعم فين عرضاتو...
نواهل بتاسمات بفرحة فاش شافتو: مستعد؟
برناس: هه اه تفضلي
حدرات راسها فرحانة و تمات غادية ماشية بجنبو حتى هبطو للباركينغ و حل الطونوبيل...
برناس دخل و بقات هي واقفة بحال الى تتسنا...
برناس باستغراب: مالكي؟
نواهل بتوتر: ماشي مشكل الى جلست فالقدام؟
برناس: هه اكيد عادي
بتاسمات محركة راسها و طلعات بخطوات سريعة حاطة صاكها فوق ركابيها و جبدات حزام السلامة حتى قاداتو...
برناس: فين كاينة ديك البلاصة قلتي؟
نواهل: شد طريق.......
فسويسرا كانت عذراء فبيتها بعدما خلاها قوس توجد راسها...
لاريسا: خصك حوايج صيفيين لهاد الرحلة
عذراء: مالنا غاديين لهاواي ولا شنو؟؟
لاريسا: مستر كارل عطاني غير درجة حرارة الدولة ماقالش ليا فين غاديين
عذراء حطات يديها على فمها خايفة: ياكما غنرجعو للمغرب هو لي تنعرف سخون حاليا؟؟
رولا: لا ا ميس مايمكنش يرجعك مستر قوس لتما
مهرة: اكيد هو جابك لهنا باش تحدو هاد التقاليد المعوجة
شيراز: تنتمنى يوقع هادشي حيت صافي عيشتنا مشات مع هاد النفي و تحرمنا من عائلتنا بسببو...
رولا خنزرات فيها فاش شافت عذراء تبدل وجهها فاش تفكرات انه دارت نفس الحاجة لي داروها خادماتها زعمة يكونو عائلتها جردوها من الإسم العائلي دابا؟؟زعمة غتوصل بيهوم يتبراو من دمائهوم لي تتجري فعروقها؟؟...
لاريسا دارت ليها بصباعها واخا عليك و شافت فعذراء لي طاح عليها الضيم ساهية: احمم ميس اجي قيسيي هاد الكسيوة غتجيك زوييينة اوووه ماتعرفي مستر قوس يعرضك لشي عشاء اكيييد
عذراء ناضت: غير خليها حتال من بعد بغيت نهبط شوية عييت بكترة الحوايج
دازتهوم و هبطات لتحت فين فطرو من طريق بيتها لقاعة الأكل لي حافظة هاد الساعة و من الأحسن تدير ديريكت لاتجلا وسط هاد القصر...
مهرة مخنزة فشيراز: صافي تهنيتي دابا؟؟؟
لاريسا تتستف فالباليزة: غير بلاتي نهبط و نقولها لمستر كارل ينقي ليك دوك لودنين مزيان
شيراز: راني غير قلت ليكاين مايتصحابليش غتفهموها غلط
شيراز قربات حادرة راسها: واصافي فاش غتجي غنطلب منها السماحة...
بعد ساعة من الصوكان وصلو كل من برناس و نواهل للوجهة ديالهوم لي كانت مطعم شعبي خاص بالسمك تيطل على البحر...
نواهل: ها حنا وصلناا
حلات الباب و هبطات نفس الشيء مع برناس...
نواهل ستنشقات الهواء لي جاي من البحر سادة عينيها براحة: الله على راحة
برناس: قلال الناس هنا
نواهل: و هادشي علاش جبتك لهنا اجي ندخلو
سبقاتو و هو بقا تابعها حتى دخلات ديريكت لعند السرباي و طلبات منو أطباق الحوت لي موالفة تتاخد مع شلاضة طبعا..خداو طبلة و كانت على برا فلاتيراس لي كانت خاوية و هادشي متعمد من طرف نواهل لي بغات الهدوء بسبب حالة برناس النفسية المدمرة...
نواهل جالسة مقابلة معاه بابتسامة: الطريق طويلة شوية ولكن ماكلتهوم تستاهل ههه
برناس: و حتى المكان هادئ و هادشي لي بغيت
نواهل عاجبها الحال: حتى انا متنحملش البلايص لي فيهوم الصداع
برناس قلب وجهو تيشوف فالبحر لي تيبان من بعيد..نواهل شافت فنفس البلاصة ساهية..بقاو على ديك الحالة حتى جاب ليهوم السرباي الماكلة و نساحب...
برناس: تيشهي غير من الشكل
نواهل: اكيد ههه جرب ذوقو
برناس قطع طرف من الحوتة المقلية و كلاها: بنييين
نواهل بتاسمات فرحانة: فرحتيني ههه
برناس بادلها الإبتسامة تيشوف فلمعان عينيها المتلئلئ و حدر راسو مكمل الأكل نفس الشيء معاها هي لي كل شوية تاكل و طلع راسها تشوف فيه...
برناس مسح فمو بكلينيكس: شكرا على هاد المبادرة ا نواهل
نواهل: ماتشكرنيش هدا من واجبي و ابتداءا من دابا الى بغيتي نبقاو..(حشمات)
برناس فهم قصدها: وي فكرة زوينة احسن من الوحدة هه غدا نعرضك انا للغداء
نواهل بفرحة: شكراا بزاف...
بالعشية...
كان قوس جالس فالبيرو ديالو فقصرو مع خادمو كارل حتى سمع الدقان...
قوس: تفضل
تحل الباب و بانت عذراء لي كانت واقفة مع خدامة هي لي وصلاتها...
قوس طلع راسو:عذراء؟ دخلي علاش واقفة
عذراء شافت فالخدامة: شكرا اختي
حدرات الخدامة راسها و انصارفات اما هي دخلات سادة الباب موراها...
عذراء جلسات فوق فوتوي تما: بغيت نقول ليك بلي صافي وجدت
طلعو لطيارة و جلسو تيتسناو فالإقلاع ديالها..عذراء شادها الفضول فين غاديين و قوس تيفكر فالخطوة لي غيتاخدها و لي غتغيير مسار حياتو...
فالخدمة ديال ضرغام كان هاد الأخير جالس خدام فلبيسي ديالو بعدما علم مالين الدار بلي غيتعطل..بقا تيشوف و يدوز فكاطالوك ديال السيارات لي غيدخلو الشركة لي خدام فيها حتى وصلو ميساج فتيليفونو...
جبد التيليفون لقا الميساج فيه "سر الآنسة ديالك اليوم غيتفضح و نتا احسن واحد غتفضحو"
بقا تيشوف فيه شحال و فدماغو تيضور اينا آنسة ولا سر؟؟؟
حط التيلي و رجع لخدمتو ممكن يكون شي واحد غلط فالنمرة...
دازو دقائق و سمعو تاني لقا "سربي قبل ماتفلت الفرصة و شكرني من بعد"
من بعد هاد الميساج الغريب لي وصلو من هاد النمرة المجهولة ناض ضرغام مخلي خدمتو و خرج على برا تيحاول ينسا داكشي لي مكتوب فيه و فنفس الوقت تيحاول يقنع راسو انه غير شي برهوش ماعندو مايدار ولا شي نمرة غلط..رغم مقاومتو الكبيرة للإنجراف جهة الرسالة الا انه الفضول فاز على مقاومتو..و بخطوات سريعة رجع دخل حتى لاح عليه الجاكيت ديالو و هز سوارتو و تيليفونو بعدما استأذن من رب عملو..ركب فطونوبيلتو و شد GPS للعنوان المسيفط فالرسالة...
بعد مدة من الصوكان و اخيرا حبس ال GPS لي تيدل على وصولو للوجهة ديالو هاد الأخيرة لي كانت جد صاخبة و اضوائها ضااربة فهاد الليل المظلم...
ضرغام طلع راسو تيضور عينيه و يستكشف فالمكان بنضراتو الرصاصية و حجبانة المعقودين كأنه حس بالشمتة و خلا شي برهوش يلعب بيه و يخرجو من خدمتو فهاد نصاصات الليل لقدام هاد البار ولا الملهى الليلي ولا كيفما بغا يكون المهم هادشي لي تيبان ليه قدامو حتى تيسمع رنة الرسائل لي فييقاتو من تفكيرو..هز التيلي و دخل لقا "دخل للداخل نيشان و غتشوف فوق فوتوي حمر فالقنت"
حل الطونوبيل و خرج بنفاد صبر عاطي لهاد البرهوش اخر فرصة قبل مايقصد شي كوميسارية يجبدو مو و يوريه مالو على هاد التبرهيش..بقا غادي بخطواتو الثقيلة وسط الناس مكاين غير العرا و ريحة الشراب و الكارو عاطية شي صاحي داير ما بغا فالعاهرات و لي كاو راه دايرين فيه العاهرات مابغاو المهم شي مستغل شي و ضرغام وسط منهوم دايز رامقهوم بنضرات كلها اشمئزاز كاره اش تيشوفوه عينيه عمرو جا لهاد الأماكن ولا جرب هاد الممنوعات شاب نقي و كابر على تربية باه جلوان الصارم..فجأة وقف تيقلب بعينيه على الفوتوي حتى لقاه ولكن ماكانش فيه دري كانت مقنتة فيه بنت! حاطة رجل على رجل بكسيوة قصيرة مبيينة فخاضها الفايضين من داك الفوتوي و مؤخرتها اللاصقة ف ثوب الفستان بقا غادي مطلع عينيه من رجيلاتها لي ضاربة فيهوم طالون قداش حتال منحنياتها لي زادت فضحاتهوم بديك الكسوة ليديها لي كانت شادة بيهوم شيشة تتشيش مع راسها حتى وصل لوجهها المجنب لي تتشوف بيه الجهة المعاكسة مخلية شعرها القهوي الطوييل مليوح تما و يتمايل مع كل حركة بسيطة تديرها كانت وحيدة ما معاها لا راجل ولا مرأة باينة جاية غير باش تنسا الهم مابغات لا وناسة ولا ناسها..بقا ضرغام واقف مفيكسي عليها تيتسناها تضور لعندو حتى حانت اللحظة و ياريت ماضارتش....
فاش ضارت البنت تبلوكاا ضرغام مخرج عينيه بصدمة فيها و قلبو زاد فدقاتو بشكل مخييف اما هي فاش شافتو وقفات من كترة الصدمة مطييحة الشيشة و حطات يديها على صدرها لي تيطلع و ينزل بالخلعة بل الرعدة و القفقااافة فهاد اللحظة!!!....
ضرغام مامصدقش اش تيشوف بعينيه و بصوت متقطع نطق بإسم اخر وحدة يتوقعها تجي لبحال هاد الأماكن: م...م..مر..مراااااام!!!!!!!!!............
مرام غير شافتو حلات فمها بالصدمة و طاحت عليها التلفة حتى مابقات عارفة راسها من رجليها تفكرات هيئتها المحجبة المستورة باش موالف يشوفها و هدوئها و شخصيتها الرزينة دابا شنو تيشوف قدامو عاهرة تتشيش!!!بغات غير تهضر و تقول اي حاجة كيفما بغات تكون ولكن اش غتقول ليه؟؟؟و بعدا واش هو من النوع لي نافعة معاه الهضرة!!ختو و مارحمهاش غير حيت مابغاتش تزوج بالعادات و التقاليد بقا غير هي لي خطيبتو و دايرة فراسها هاد الحالة كاملها قدام لي يسوا و لي مايسواش..زيير على يدو و حكم قبضتها بنضراتو الغاضبة و بسرعة تقدم جيهتها حتى شدها بقوة من شعرها مخلي الناس تيشوفو ولكن ماتسوقوش فحال هاد الأماكن موالفين بهاد المطايفات أو مدابزات العشاق ولا الكليان...
مرام بزز باش قادرة تدوي و عينيها مقلوبين غتفقد الوعي:مب مبغييتش نت نتزو نتزوج بيك...
ضرغام غوت فوجهها: و علاااااااش حتاااال دابااااااا علاش ماتقوليهااااااش من الأوووول؟؟؟!!!!
مرام هبطو دموعها: على أساس عندي شي اختيار كرهت الأبراج كرهت العادات كرهت التقاليد كرهت العائلة كرهت كلشي نتوما لي وصلتوني لهاد الحالة كون لقيت متنفسي و راحتي بيناتكوم كاعما نوصل لهادشي اهئ كون راني مكمشة ف فراشي دابا و ناعسة بحال بنات الناس ماشي نجي نتشييش هنا و نسا هميي
ضرغام جر شعرها: من امتى و نتي هكاااا و كيفاااش دوووك واليديييك ماعااارفينش بهادشي؟؟؟؟
مرام تتبكي: كنت بايتة عند ختي لي خدام راجلها فالبحر مشا و خلاها تاني بوحدها فاش تيمشي تنبات عندها نعاونها و فالليل تنخرج لهنا نسا همومي اهئ اهئ ماعارف حد حتى من ختي تنخرج بالتخبية عليها حيت تتكون ناعسة هي و ولادها نتا مغتفهمنيش حيت نتاا راجل و ماعشتيش الحكرة ديااالي فالداار و مابززوووش عليك الزواااج وااا مابغيتش نتزوووج مااابغيتش اهئ اهئ صافي دبااا ملي شفتيني هكا ماغاديش تزوج بياا مزاااال قووول اه!!
مرام تتنخصص: دااير فيهااا عفييف زعمة نتاا نقييي ولكن غزااات فيكوم عذراااء تبارك الله عليها هي لي قادات معاكوم الكتاف و خلات كلشي باش تكون مع الراجل لي تتبغي(نفاجرات بالدموع) اما انا انا بغيت غير التيساااع بغيت غير التييساااع خلييوني الله يرحم الواليدييين راني جفاااف تحت رجليكووووم اهئ اهئ
مرام وقفات بزز على رجليها تتمسح دموعها و كلها تتهز بالتنخصيص: ضرغام..باش مانكونش نكارت الخير نتا راجل مزيان و تتبغي من قلبك غير هو انا ماشي الإنسانة المناسبة واخا نكون ديك مرام لي كنتي تتشوف و نتزوج بيك انا متنبغيكش و مغنعطيكش السعادة لي تتمناها للأسف هادي هي ضريبة العادات(شهقات) تنتمنى ليك لي تستاهلك انا ماشي ديال هادشي كاملو(حطات يديها على فمها تتبكي بقوة)
ضرغام خسر عليها شوفة وحدة فقط و طلع لطونوبيلتو بقا ثواني تيشوف فيها من الزاج قبل مايديماري مخلي الريح موراه و هي مليوحة فوق الأرض تتبكي...
رسات طائرة قوس فمطار مدينة باريس بعد رحلة ماطويلاش بزاف فييق عذرائو لي كانت ناعسة و هبطو تابعينهوم الخدم لي غيمشيو يقادو امتعتهوم لي غيتسيفطو للفندق لي حجز قوس من قبل..ركبو فالسيارة الفاخرة بشيفورها لي كانت تتسناهوم تما و انطلقو للفندق...
فالفندق...
وصلو و هبطو بعدما حل ليهوم الشيفور الباب خدا قوس لكارط ديال غرفة وحدة و طلعو للطابق ل VIP..حل غرفتهوم..دخلو و سد الباب موراهوم...
عذراء فاش شافت بيت النعاس وحدة و ناموسية نعاس كبيرة لجوج د الأشخاص بلعات ريقها مخرجة عينيها لي تيضورو فقوس لي عاطيها بالضهر خايفة لايكون داكشي لي فدماغها بصاح...
قوس: انا راني خارج ندوز المكالمة غير خلي حوايجك هنا و دوشي على خاطرك
عذراء حطات الباليزة: واخاا
خرج قوس من الغرفة اما هي غير سمعات الباب تسد دخلات لدوش لي كان مجهز بكلشي و حييدات حوايجها..دوشات دغيا و خرجات لاوية عليها فوطة..فاش بغات تجبد باليزتها تلبس حوايجها بانت ليها علبة متوسطة بيضة مغلفة بشريط اسود فوق الناموسية قربات منها حتى هزاتها بين يديها باستغراب حيت ماخلاتهاش ابدا هنا بل ماكانتش هنا من قبل سرعان ما شافت اسم شركة حبيبها محفور فيها تفكرات اول فستان هداه ليها و لي كان نفسو الفستان الأحمر لي كانت غتلبسو بنان فالعرض و لبساتو بلاصتها..الفستان لي خلاها تلمع و تفتح كوردة حمراء قدام قوس...
فكات الشريط الأسود و حلات العلبة بابتسامة حتى تتفاجأ بفستان احمر يالاه بدات تتقيص فالثوب ديالو حتى تسمع الدقان ناضت قافزة تتسلت بحال شي شفارة حتى وقفات مورا الباب مزييرة على البوانيي: قوس؟؟
عذراء مبتسمة بفرحة: تنحس بذكرايات تتعاود من جديد فهاد المدينة لي شهدات على اول نضرة منو ليا واخا ماكنتش ديك الساعة مسوقة ههههه
الخدامات بتاسمو بإعجااب لبداية هاد قصة الحب و لي كانت فمدينة العشاق باريس...
لاريسا: تفضلي ميس غيكون مستر قوس تيتسناك دابا
عذراء تقدمات بخطواتها مبتسمة حتى خرجات من الغرفة و هبطات فالسانسور..طلعات راسها فمكان الإستقبال الواسع تتقلب عليه حتى بان ليها واقف بأناقتو المعهودة تيتسناها..قربات منو ضامة يديها عندها تتبتاسم و ترمش فعويناتها حتى وقفات عليه تتبان صغيورة قدامو بقامتها القصيرة...
عذراء: احم قوسي..
قوس ضار لعندها و بتاسم بحب: عذرائي(تحنا باس ليها جبهتها) My Red Rose (وردتي الحمراء)
عذراء حدرات عينيها بخجل...
قوس: ههه تفضلي ا الحشومية
خرجو من الفندق حتى ركبو الطونوبيل و ديمارا بيهوم الشيفور من تما....
بقات الطونوبيل غادية و عذراء عينيها على زاجها تيبان ليها برج ايفل المضوي و هوما غادييين و تيقربو ليه..ترسمات ابتسامة ساحرة فشفاهها فاش تفكرات اول موعد ليها مع حبيبها لي كان فهاد المدينة و بالضبط فبرجها ضارت لعندو حاطة يديها فوق يديه هاد الأخيرة لي شداتها برقة تيدوز عليها بصبعو بشوية مخليها مرتاحة بجنبو..بقاو مشادين و الشيفور صايك بيهوم حتى وقفات الطونوبيل قدام مطعم...
هبط الشيفور حل ليهوم الباب و هبطو..غير طلعات عذراء راسها تصدمات فاش لقات وجهتهوم هي نفس المطعم لي تقام فيه اول موعد ليها مع قوس...
قوس حط يدو على ضهرها مبتسم: باقي عاقلة؟
عذراء بفرحة: اكيييد عاقلة واخا كان موعد فشكل ههههه ولكن تيبقا اول موعد ليا معاك(شداتو فيديه)فرحتينيييي
قوس باسها فراسها: حتى انا My Rose(وردتي) تفضلي غايكون فيك الجوع
عذراء: وايه السفر تيدير الجوع
دخلو للمطعم عبر السانسور لي تيدي للطابق ديالو فبرج ايفل حتى وصلو و دخلو جلسو فالطاولة لي حاجزها قوس من قبل...
عذراء تتمنظر فالمطعم بإبتسامة و قوس مقابل معاها تيتمنظر فيها هي و فملامحها الجميلة لي تسحر بيهوم...
عذراء: ياااه غير داك النهار عرضتيني لهنا كنت ديك الساعة مابغيتش و عندي فكرة غالطة عليك دابا طايرة بالفرحة ههه
قوس بابتسامة: الحب تيبدل الواحد
عذراء: بزااف ههه شفت غير راسي
السرباي جاب ليهوم الماكلة حطها بلباقة قدام كل واحد فيهوم و انساحب مخلي عذراء مستغربة و تتضور فعينيها...
عذراء: ولكن عاد جلسنا و ماطلبنا والو
قوس هز الموس و الفورشيط: مالاحظتيش شي حاجة؟
عذراء:(لاحظت انه عزيز عليك بزيقات د الماكلة) امم بحالا شفت هاد الديكور من قبل
قوس بتاسم:ههه هادو نفس الأطباق لي طلبنا فاش عرضتك لهنا اول مرة
عذراء: تبارك الله عليك عاقل انا نسيت هيهي(الله ياربي هدا هو عشايا)
قوس حدر راسو بابتسامة فطبقو اما هي بدات تاني تتاكل غير بزز الماكلة بنينة اه ولكن الكمية قليلة ماساداش ليها جوعها..بقاو فداك الصمت حتى كملو الأكل..جا السرباي جمع الأطباق و مشا...
عذراء نقزات: مايجيبش نفس الحلوة ديال ديك المرة بغيت شي طرف د الكيكة يكون كبير و عامر
قوس طلع حجبانو: واش ماعجباتكش؟
عذراء ماعرفاتش كيفاش غتفهم ليه بلي داك الخير صغير و دغيا غتسرطو: لا غير هو تيعجبني نبدل
قوس سرح يديه فوق الطاولة حتى حطهوم فوق يديها: مغايجيبوش التحلية..(بابتسامة)حيت تحليتي انا جالسة طول الوقت قدامي
عذراء حدرات عينيها و خدودها حمارو بالخجل...
قوس: عذرائي...
عذراء طلعات راسها شافت فيه: وي قوسي؟
قوس زيير بشوية علي يديها بابتسامة: من نهار فاش شفتك فالعرض بداك الفستان الأحمر لفتتي انتباهي و قررت نعرضك لعشاء بحال اليوم تماما و فنفس المكان حتى هو..كنت باغي نتعرف على البنت الجميلة لي اقتاحمات واحد من أهم عروض شركتي السنوية..عرض باريس..لقيت راسي منجذب لتحركاتك و عفويتك فكلامك و فكلشي..لطافتك و كيفاش قنوعة و فنفس الوقت حالمة..مع مرور الوقت تحول إعجابي بيك لحب و وليتي حاجة مهمة فحياتي خصوصا فاش تحديتي عادات و تقاليد برجك على قبلي و اكيد انا بدوري غنتحدا العالم كولو على قبلك و على قبل الحب و المشاعر لي هازهوم فقلبي من جيهتك...
عذراء بفرحة كبيرة: قوسيي ماعرفت ماانقوول و الله تنبغييك بزاااف شغييوقع لياا كونمااا تلاقيتك يااربي
قوس حط يدو على حنكها: شوفي فلداخل ديال الورود لي قدامك
عذراء حدرات عينيها فالمزهرية لي حاطينها مالين المطعم فوق الطبلة و شافت فورودها الحمراء...
عذراء باستغراب: ااه زوينين
قوس: ههه قلبي بيناتهوم
عذراء هزات حجبانها مستغربة من طلبو ماعندها مادير تشوفو اش بغا..دخلات صباعها بين الورود و هي تصدم فاش بان ليها خاتم ألماسي تيلمع محطوط فوق وردة حمراء وسط منهوم..و هي تتشوف فيه تفاجآت فاش بانو ليها يدين قوس هزوه من داخل المزهرية...
قوس ناض حتى جا قدامها و بكل جنتلمانية تحنا على ركبتو و طلع الوردة الحمراء لي اتضاح انها بواط رمادية: Will You Be My Adrae Benslimane? (هل ستكونين عذرائي بنسليمان؟)
عذراء حطات يديها على فمها بدهشة و عينيها غرغرو بالفرحة قلبها تيضرب بالجهد و نبضاتو غادية فتسارع و تزايد مامصدقاش اش تيسمعو ودنيهااا رغم اختلااف العادات و التقااليد بل رغم رفض باباه علاقتو بيهاا هاهواا راكع على ركبتوو هاز خااتم مقدمو ليها كعربون وفائو لحبهوم..ماعرفات مادير فهاد اللحظة من غير انها تحرك راسها بالموافقة و تلاح عليه بتعنيقة تتبكي...
عذراء: اهئ اهئ قابلة اهئ قاابلة
قوس ضمها لحضنو فرحان..بقاو دقائق على ديك الحال حتى هزها و حطها فوق الأرض و شدها فيديها..طلع فيها عينيه بابتسامة و حدرهوم تيدخل ليها الخاتم فصبعها تحت انضارها و عيونها اللامعة بالحب..سالا و هزات يديها تتشوف فتلألأ الألماس لي مزيين صبعها و بقات تضحك باقة مامصدقاش انه حلمها تحقق و ولا حقيقة قدام عينيها و ودنيها تيسمعو تصفيق عملاء المطعم لي جابو ليهوم التحلية لي كانت عبارة على كيك متوسط الحجم بديكور الخطوبة عليه بالذهبي "She Said Yes"...
قوس: تفضلي الكيك لي طلبتي ههه
عذراء هزات فيه راسها بفرحة: و ما احلااه ههه
جر ليها الكرسي حتى جلسات و جلس قدامها..قطع ليهوم السرباي الكاطو و حطو فالتبيصلات..خلاهوم و بداو شي يوكل فشي...
عذراء:هدا اسعد نهار فحياتي و الله مامصدقاش انه تخطبت للراجل لي بغيتو
قوس: من الاول نتي لي ختاريت تكمل معايا حياتي و حتى واحد مغيبدل رأيي
عذراء شداتو فيديه: تنبغيك
قوس بتاسم بحب: حتى انا
بعدما سالاو الأكل...
قوس مد يدو: خطيبتي عذراء
عذراء مدات يديها لي تيلمع فيها الخاتم الألماسي حتى شدها: خطيبي قوس هههه
ناض جارها معاه بشوية حتى هبطو و خرجو لقاو الشيفور تيتسناهوم..حل ليهوم الباب و طلعو مديماري بيهوم للفندق...
فالفندق بعدما وصلو...
دخلات عذراء للغرفة تتبلع ريقها و موراها قوس لي سد الباب..تقدم بخطوات جيهتها و حط يدو على كتيفاتها...
قوس بهمس: شحال تسنيت فهاد اللحظة
ضور يدو مع خصرها و تحنا حتى باسها فعنقها..عذراء تبورشات و بلعات ريقها حاسة انه هدا تمهيد لشي حاجة اكبر...
عذراء ضارت لعندو دغيا بتوتر: ق قوس
قوس حط يدو على وجهها: عيون قوس
عذراء: دابا حنا مخطوبين ياك؟ولكن هادشي متيعنيش انه نبقاو فغرفة وحدة ولا توقع بيناتنا شي حاجة...
قوس باستغراب: و علاش؟
عذراء: حيت بغيت هادشي يتم مورا الزواج مورا اللاكط واخا عارفاك بلي مغتخلاش عليا ولكن عفاك حتارم رغبتي
قوس بقا ساكت شحال و دوا: اوكي
عذراء بتاسمات: شكرااا على تفهمك غنمشي نعس فوق الفوتوي
قوس: لا غنحجز غرفة خرى غير خودي راحتك
خرج من الغرفة ساد الباب مخليها عاد بغات تدوي...
عذراء: ا ا اوييليي السيييد كان نيييت معووول عليهاااا اويلييييي
مشات حييدات كسوتها و المايكاب و لبسات بيجامتها..تخشات فالفراش و بقات تتشوف فالسقف...
عذراء: ولاهيلا كان بغاا يديرهاااا 22عام و انا محتفظة بيها لراجلي لا لا ا قوس حتى تكون راجلي دابا راك غير خطيبي...
سداات عينيها من كترة العيا ولكن سرعان ماتفكرات الخاتم و خطوبتهوم بتاسمات و رجيلاتها بداو يتركلو بالفرحة وسط من الغطا اما هو خدا ليه غرفة خرى بدل حوايجو و دوش..سالا و تكا فوق الناموسية تيفكر فلي جاي....
فلغد ليه و بعد الحدث لي عاشوه ابطالنا رجعو مرة اخرى لسويسرا حيت هاد الرحلة لباريس كان هدفها فقط يطلب يديها فالمكان لي تم فيه اول موعد ليهوم و دابا بعد هاد الخطوبة الخيالية لي ماتوقعاتهاش ابدا عذراء غترجع لأرض الواقع فين غيواجهو الكل بهاد الخطوبة المحرمة فمجتمع و تقاليد الأبراج بين انثى العذراء و رجل القوس...
فشركة Bens-Naht الأصلية أو الفرع السويسري كان قوس جالس فالبيرو ديالو بكامل أناقتو المعهودة و قدامو جالس فابيو...
قوس: تنتمنى تكون دوزتي ايام زوينة مع مرتك
فابيو بابتسامة: حاولت نخرجها تدور تشوف المدينة هي و مايلي ماتصورش قداش مفرحني التوافق بيناتهوم و كيفاش متقبلة بنتي زوجة باها
قوس: هادشي تيفرح اكيد و حتى انا و عذراء درنا اول خطوتنا باش نبرهنو للعالم انه هاد العادات مامنهومش
فابيو: من النهار الاول فاش شفت اعجابك ب ميس ادرا عرفت انها هي لي تليق بسيادتكوم
قوس: حتى ختها جيتو نتا وياها مواتيين
فابيو بفرحة: تنحس بحياتي ولا عندنا طعم خاص فاش دخلات ليها تنبغيها ا مستر
قوس هز فيه عينيه: تستاهل تعيش الحب بعد سنوات من كونك أرمل ا فابيو استمتع فوقت فراغك معاها و خلقو الجو العائلي حتى لبنتك ماشي ساهل تفقد الأم فعمر صغير
فابيو: اكييد غتكون دابا مشات هي وياها عند ميس ادرا
قوس: اه يونسوها قبل ماتبدا الخدمة غدا...
فقصر قوس...
كانت عذراء جالسة فوق فوتوي فصالون عصري كبير و حداها رفيف تتقلب و تضور فيديها مصدومة فالخاتم: واااهياااا نااااري و الله حتى خطبككككك وااا بزاااااف اصاحبتي نااااري
عذراء فرحانة: شفتي اش قلت ليك و نتي مامتيقاااش قوسييي رااااجل و نص
رفيف عنقاتها:ناااري غتزوجيييي بيه نااااري مامصدقاااش اول مرة فالتاريخ غيتخرقو العادات
عذراء: حنا ماخرقنا حتى حاجة هادشي اصلا ماعندو حتى معنى حنا بشر و بني ادم خصنا نتزوجو بالشخص لي دق ليه قلبنا واخا يكون كيفما بغا يكون سوا مختلف علينا فالشكل أو العرق أو الطبقة الإجتماعية أو حتى البرج! القلب هو الأهم لمن يميل و يختارو كشريك!
رفيف:عندك الحق واخا انا ماعشتش هادشي تزوجت زواج التقاليد ولكن طحت فالشخص المناسب و نعمة الزوج اختي لدرجة تنقول فيين كان النهار الأول فاش خطبوني لداك المسمار
عذراء: الزواج بصراحة ارزاق و اكبر مثال حنا نيت ياك تخطبنا من صغرنا لبرناس و سنمار ولكن هانتي مزوجة بفابيو دابا و انا قريبا غنتزوج بقوس ههه
رفيف: شحال تيفرح هكا انه ختي الوحيدة بين ايادي امينة و شحال طلع راجل فاش تخلاو عليك خوتك و باك ا عيباد الله و هو تقبلك بكدوبك و لي خبيتي عليه واو زعمة شابووو
عذراء: ههه ماتقوليش كددوب انا خبيت عليه حيت خايفة نخسرو ولكن كيف قلتي هو لي طلع راجل حيت طبيعي اي واحد يكون فبلاصتو يتخلا عليا حتى هو حيت خبيت عليه ولكن قوس حالة خاصة مكاينش بحالو
رفيف: لي بقا دابا هو الخواطر تصفا عائلتنا يتقبلو هادشي و عائلتو يتقبلو حتى هوما هادشي باش نعيشو كاملين فسعادة
عذراء: اكيد غيتقبلوه عائلتي خصهوم فقط يشوفو سعادة بنتهوم الى تتهمهوم و عائلتو هو خصهوم يعطيوني فقط فرصة فين يعرفو انني هي سعادة ولدهوم حيت هو لي ختارني بنفسو
رفيف: تنتمنى هاادشي ماقلتيش ليا امتى العرس؟
عذراء: مزال مادوينا انا وياه فهادشي ولكن بصراحة(شافت فيها بحزن)ماكرهتش يحضرو ليه كاملين
رفيف وقفات: غنمشي لداري اختي نخلي هاد السلعة و ديك الساعة تفرقع المهم مايوقع والو هنا حيت جبتها معايا و تنتحمل مسؤوليتها حتال دار باها و تدير لي عجبها
عذراء: اويلي على البريهيشة فاش كنا قدها واش بدينا تنفكروو انا وياك نحلو الصالون و نديرو المشاريع و سير و فين
مايلي: ماتدويوش بلغتكوم متنفهم والوو ولا غنبدا ندوي بالألمانية
رفيف: دوي حتى بالبرتقيزية(سلمات مع عذراء)حتى نرجع غدا بوحدي راه غير شافتني جاية لصقاتني قدام باها و مابغيتش نرفض
عذراء: واخا واا خصها نيت تربااا
رفيف: غير خليها الوقت غتربيها
سبقات مايلي لطونوبيل لي جابتهوم..حل ليها الشيفور الباب و ركبات تبعاتها رفيف ركبات حداها و ديماراو من تما...
فالمغرب و فقلب دار الجدة سلافا...
كان جالس ضرغام مع واليديه و قدامهوم فالطبلة جالسين واليدين مرام اما هاد الأخيرة مكايناش...
سلافا هازة مناخرها لسما طالعة ليها القردة: هي قلتو مالقيتوهاش؟؟
اب مرام: لا مالقيناهاش ا مي
ام مرام بغضب: حسسن ليهاا ماطييحش بين يدينااا ولا روووحها نجبدوها ليها من بلاصتهاااا
سلافا: تهدني! سوا جات ولا ماجاتش خطوبتها مغتمش بحفيدي ضرغام وحدة بحال هاديك مايشرفهاش ابدا تنتامي لعائلتنا مفتاح المحافظة و لي معروف على بناتها بالتربية الصالحة و الحشمة و الوقار
جلوان: داكشي لي كاين ا مي
سلافا حركات يديها لواليدين مرام: يمكن ليكوم تفضلو يالاه غيقدكوم الوقت باش تمشيو تنفيوها و تجردوها من الإسم العائلي ديالنا و ديك الساعة تفسد ليها مع راسها كيف بغات
حدرو واليدين مرام ريوسهوم و خرجو...
سلافا شافت فضرغام: القضية مزييرة شوية هاد ليامات اولدي ولكن غير صبر عليا اكيد غنخطب ليك احسن عذراء فعائلتنا
ضرغام تنهد: جدة..بعد هاد التجربة مابغيت نخطب حتى وحدة دابا تنتمنى تفهميني
سلافا: ماشي مشكل اوليدي متفهماك حتى تكون واجد و اجي لعندي
ضرغام باس يديها: الله يخليك لينا
سلافا: اميين اولدي(هزات حاجبها فجلوان) و نتا اولدي ماقلتي ليا والو على بنتك لي هربات و مزال ماوصلني قرار النفي
جلوان: انا عارف هادشي ولكن كأب مانقدرش(ناض) تنستأذن منك
خرج جلوان بالزربة و ناضت لوليا استأذنات بدورها و تبعاتو...
سلافا: عمر وقع هادشي ابداا فتاريخ العائلة كلهاا حتال هاد الجيل مغيتهناو حتى يسيفطوني للقبر قبل الوقت
ضرغام: الى سالينا من فسخ الخطوبة تنظن مابقا عندي ماندير هنا
سلافا: ايه تفضل
باس راسها و خرج تابع واليديه...
سلافا تنهدات: وحدة منفية واحد خان ختها و فسخنا الخطوبة وحدة خارجة ليها طاي طاي و دابا فسخنا خطوبتها بهدا ايوا فين غاديين زايدين فيه(حطات يديها على راسها) الله ياربي غيسكتو ليا القلب شي نهار نشوفو تاني اينا موصيبة مخبيين ليا لخرين...
فمقر "جريدة الأبراج" كان وقت استراحة القهوة ديال العملاء و فالمكتب ديال برناس كان هاد الأخير جالس شاد فنجانو و نواهل قدامو شادة فنجانها...
نواهل بابتسامة: اليوم غيكون واحد الفيلم زويين فالسينيماا و شريت جوج تذاكر
برناس: هي غتمشي مع شي واحد؟
نواهل: اكيييد معاك نتا ههه
برناس: هه مافراسيش من قبل
نواهل: عتابرها مفاجأة
برناس: واخا مافيها باس
نواهل: متشوقة ليه ههه مع 7 د العشية بعدا
برناس: صافي مزيانة جا من بعد الوقيتة فين غنرجع نشوف مالين الدار و من بعد نتلاقاو
شربات نواهل جغيمة من فنجانها و عينيها عليه مجبدين تيلمعو فرحانة بالقرب ديالهوم لي تزاد على قبل....
فشقة رسيل و رئال كان هاد الأخير فالخدمة ديالو بينما مرتو واقفة بكريشتها قدام المرايا...
رسيل شادة راسها: ناري ا عيباد الله كلشي صغار ليا نااري غلاضيت على قبل اهئ خصوصا فالكرش شغندير دااباا حتى من الحوايج لي فصلو ليا فالعرس زيارو عليا
حلات باب ماريو اخور جيهة رئال جبدات من عندو قبية هي لي لبسات جاتها واسعة و مع كاع لونها كحل متيبانش شكل كرشها ابدا...
رسيل تنهدات: هادشي مابقاش تيبشر بالخير(حطات يديها على كرشها) كيفاش دابا غنقنع العائلة انه حملت و انا قريبا غندخل فشهري السابع و عاد تزوجت اهئ؟؟؟....
فاق سنمار فالشقة ديالو من بعد ديك الصدمة لي جاتو ماوصل للدار حتى تحفاو رجليه حيت طونوبيلتو خلاها تما بقا الليل كاملو فايق تيتسناا فناتالي ترجع ولكن مارجعاااتش ابدا حتى سمع السوارت فالباب تما فين ناض بعينيه الحمرين غير شافها تلاح عليها شادها من عنقهاا رادخها مع الحيط...
سنمار بعصبية: انااااا ا ال****اااامل ااااانا كنت تن*وي فيك يااا ال*ااامل داير فيها مرااا ااا
سنمار: دغياااا جمع عليااا خراااك و *ووود ا ال*اااامل
ناتالي مييكات عليه و خلاتو غيتفرقع و يتلوا بالأعصاب باغي يقجها حتى تخرج روحها من بلاصتها ولكن خصو يشوف تاني الحياة لي غتجي مورا هادشي و لي هي الحبس..سالات و خرجات جارة بوالزها اما هو ردخ موراها الباب بالجهد و تلاح جالس شاد راسو تيفكر غير فالوريدة لي ضييع من بين يديه...
فشركة قوس الفرع السويسري كانت بنان غادية فممرات جناح العارضات و لي دازت من حداها واش تتحرك ليها راسها باحترام و حداها نيار حتى وقفو قدام غرفتها تما..جبدات الساروت و دخلو سادين عليهوم...
جلسات بنان حاطة رجل على رجل تتشوف فالمرايا و نيار واقف عليها...
ليندرا(ام روبين): هادي هي نتيجة الإستخفاف بتعليم ثقافة الأبراج للولاد من الصغر
روبين تتمسكن: اكيد قوس عقلاني و غير البرهوشة لي لاعبة ليه بعقلو هو اكيد مغيتحداش العالم و عائلتو على قبل وحدة رخيصة فقيرة بحال هاديك
ترف عقدات حجبانها: لزمي حدودك ا روبين عذراء من غير انها حبيبة خويا الا انها من معارفي سو مغنسمحش بحضرتي نسمع عليها الخايب و حتى فغيابي!
فابيين شافت فيها: ترف؟
ترف ناضت بنفور محييدة السريبتة فوق فستانها: تنستأذن منكوم
روبين بلعات ريقها و شافت فأمها ليندرا اما فابيين تنهدات تتشوف فإنعكاس وجهها الحزين ففنجان قهوتها و تتفكر فالموصيبة لي تحط فيها ولدها و كيفاش باه غادي يتقبل هادشي....
فالعشية بعدما سالاا قوس خدمتو رجع لقصرو لقا عذراء تتسنا فيه باش يتغداو مجموعين..جلسو فالطاولة ديالهوم المجهزة بغذاء من المطبخ المغربي كيفما طلبات عذراء من لي شاف كويزينيي ديال القصر...
عذراء بابتسامة تتغمس فالطاجين: كيف داز نهارك؟
قوس: داز بيخير و دابا احسن فاش شفتك تاني
عذراء حدرات راسها تتاكل شوية لمحات خاتم خطوبتها لي فصبعها و هي تطلع راسها فقوس...
عذراء بتردد: احم قوس...
قوس طلع راسو: وي عذرائي؟
عذراء: ام بغيت نسولك...
قوس :وي تفضلي
عذراء بتوتر: احم دابا حنا ولينا مخطوبين ولكن ام..مادويتيش ليا على العقد أو عرسنا...
قوس: بخصوص هادشي دويت مع كارل اليوم و بالمساعدة ديالو كونو خادمي الخاص و عندو معرفة كبيرة فهادشي قررت انه يتنظم بعد سيمانة من اليوم
عذراء بدهشة: سيمانة؟؟؟؟ولكن راه قليلة!!
قوس: علاش قليلة؟ حنا اصلا أجلنا هاد الشيء طول الوقت فمدة علاقتنا و دابا صافي فاش كلشي ولا عارف و واضح مكاين لاش نزيدو نطولو زائد انه كلشي غيوجدو كارل بسرعة و إتقان
عذراء بقات ساكتة لدقائق و دوات: وي عندك الحق مكاين لا نطولو بالعكس خصنا نتزوجو و نبرهنو للكل على جدية علاقتنا
قوس بتاسم حاط يدو على يديها و رجع تيكمل فغذاه نفس الشيء معاها حتى سالاو و داو ليهوم الخادمات القهوة بالحلويات للاطيراس....
فواحد المقهى راااقي كبيير جاي برا المدينة شوية كانت روبين غادية تتمشا بكل تكبر هازة مناخرها للسما بإطلالتها الفاخرة بعدما حطها الشيفور ديالها الخاص حتى دخلات و بان ليها الرجل لي دارت معاه موعد جالس تيقرا فمجلة و حداه فنجان قهوتو تيحتاسيها كل شوية حتى وقفات عليه...
روبين: تنتمنى مانكونش تعطلت عليك
موريتز حييد المجلة قدامو و حطها:لا فالوقت تماما تفضلي
جلسات روبين حاطة صاكها فوق الطاولة و عطات طلبها للسرباي لي جا سولها عليه...
موريتز: ايوا هي عدنا الى سويسرا
روبين: وي كلشي فسبيل خراب ديك المهزلة!
موريتز: تماما ماخصش علاقتهوم تكمل
روبين بتاسمات بشر: و كيفما راك عارف انا تنبغي قوس من صغري سو مايمكنش ليا نخليه لديك البرهوشة و بهاكا انا وياك عندنا قاسم مشترك لي هو ماباغيينش هاد الزواج
موريتز بتاسم: انا ماشي غير دمار قوس و مشاريعو لي بغيت..بغيت نقطف حتى ديك الزهرة لي تيمتالك فحديقتو
روبين: انا ماشي شغلي دير ليها لي بغيتي تديرو المهم تبعد ليا من قوس
موريتز: غنشوف شي وقييت ندوي معاها
روبين: وي احسن حاجة ممكن الى عرضتي عليها شي عرض أو الفلوس تبعد انا عارفة ديك الماركة مزيان طامعة غير فالفلوس و الأملاك
موريتز هز فنجانو: شكون فهاد الدنيا لي متيغريوهش الفلوس
روبين بتاسمات بشر: اكيد حتى واحد ههه...
فنفس الوقت فشركة قوس كانت بنان جالسة فغرفتها حاطة رجل على رجل و بين يديها ملف عامر بالوراق لي تتقلب فيهوم و مع كل تقليبة ورقة ابتسامتها الشريرة غادية و تتوساع...
بنان بتاسمات بفرحة فاش قرات شنو كاين فالملف: هههههه مصير سام الفيلالي ولا بين يديا دابا ايوا دابا غنوريك اللعب ديال بصاح ا روبين باش تعلمي تدمري حياة عذراء....
داز الوقت و الظلام بدا تيطيح كانت نواهل واقفة بملابسها الجميلة قدام العمارة لي كارية فيها شقتها كونها بنت منفصلة على عائلتها و قرات حتى خدمات كصحفية فجريدة..بقات تتسنى حتى وقف عليها برناس بطونوبيلتو..بتاسمات فوجهو و طلعات للقدام جالسة حداه بريحتها الأنثوية لي سابقاها و لي ختارقات نيفو...
نواهل فرحانة: واجد؟
برناس بابتسامة خفيفة: اه..جيتي زوينة
نواهل بتاسمات و قلبها غيطير بالفرحة من الكلام لي سمعاتو واش غير دابا قال ليها زوينة؟؟لا ميمكنش حاجة عمرها تخييلات انها تسمعها من فمو!...
نواهل بخجل: شكرا
بتاسم ليها و تحرك مديماري من تما للسينيما...
فالفيلا ديال فابيو المتواجدة فسويسرا كانت رفيف جالسة تتفرج فالصالون لي مشعولة فيه التلفزة مكاينة غير الألمانية بينما مايلي سادة عليها فبيتها و فابيو مزال مادخل من فاش تغدا معاهوم...
فنفس الوقت سنمار جالس و عينيه حمرين بالدموع حاط التيليفون فوق ودنيه تيتسناها تجاوبو من النمرة الجديدة لي شرا...
رفيف سمعات تيليفونها صونا و جاوبات نمرة اول مرة تصوني عليها: الو شكون معايا؟؟
سنمار: رفييف ماتقطعييش عفاااك عطيني فرصةة خرااا بغيت نرجعوو لبعضيااتناااا و نعوضك على كاع لي فاات
رفيف: نتا اش تتخربق؟؟؟منين تسلطتي عليااا؟؟؟
سنمار: رفييف ماتقطعييش غير سمعينييي و عطيني فرصة عافااك كلنا تنغلطووو
رفيف:اشمن فرصة غنعطييك سير بعد منيي راني براااجلي
سنمار بدهشة: كيفاش؟؟راجلك؟؟؟ههههه اكيد تتقولي هكا باش تفقصينييي
رفيف: نتاا لي بقيتي ليا نفكر فيك باش نفقصك واا سيير تلاح ا الشمااتة يتصحاب ليك غنبكي عليك و نخنن حتى ترجع لياا واراني مع سيدك دابا و معييشني فقصر كأميرة و انا لي كنت تنتسنااا فجالوف بحالك يطلعني لفرنساا سنين هادي بينما فقل من شهر مع راجلي حبيبي جيت لسويسراا بقات فالموسطاااش و اللحية و بين الرجليين بقاات فالقوول و الكلمة!!
سنمار غيتسطاا لا هادي غتطيير ليه نص عقل لي بقا ماطارش مع صدمة ناتالي: مايمكنننش مغنتييقكشش
رفيف: لهلا تييقني(قطعات عليه)
سنمار: رفييييف؟؟؟؟رفييييف!!!
رفيف لاحت التيليفون حداها: ولاهيلا نتا لي بقيتي ليا فالحساب ساستك الكاورية واقيلة و راجع عند لالاك المغريبية و تتسناها تقبل عليك ههه لا يا حبيبي لا
اما سنمار بدا يبدل فالنمرة و يرجعها لديالوو بعقلو لي طااير مامصدقش كلامها حتى جبد نمرة سلافا و صونا عليها هاد الأخيرة لي كانت جالسة بقفطانها فصالونها التقليدي المتول تتشرب فكويس د اتاي...
سلافا هزات حاجبها للفوق و تقادات تقول جالس قدامها و بواحد التجبيدة ديال السم: ياكما يتصحابليك انا بناتي تيبقاو بلا رجالة؟منك عداد ا حبيبي تيتسناو غير فالزين و الشباب و حفيدتي رفيف منهوم ههه مانعاودش ليك زوجتها لواحد الموسيو شهوة منو هكا تيشعل بالرجولة قصدي بالزين زعمة
سنمار بقا ساكت لسانو تعقد و راسو داخ مايمكنش تزوج بشي واحد بهاد السرعة هي كانت لاصقة فيه طول السنين و بغاتو غير امتى يطلعها للخاريج! مايمكنش تلقا بديل فالبلاصة!! مايمكنش تلقا ماحسن منوو!!هي كانت تتبغيه!!و باغية غير امتى تزوج بيه هو!!
سلافا حسات بالسكوت ديالو تتسمع فقط للتنفس ديالو المتسارع: ماعلينا اصلا نتا مع خطيبتك ولا ياكما خلاتك و يتصحابليك غتلقا رفيف مكمشة امانة سيدي ربي فدار جلوان؟سير اولدي غسل وجهك مزيان فاش تكون لباس(بصرامة هزات عينيها) غنصوني عليك ناقشو علاقتك حتى نتا!
سنمار: واخا
قطع عليها مصدوم طايح فوق الأرض حادر عينيه فالفراغ ماقادرش يستوعب لي سمعو من رفيف ولا من سلافا....
عذراء وقوس الجزء 17 (الفصل الثاني)
محتوى القصة
التنقل بين الأجزاء