شهوة ملاكم الجزء 11

غسان ( كيضحك) : على غير جيت و درت هاد بروجي.. اجي.. اجي شوفي هادو تصاميم مبدئية باش غنشارك.. باقي خاص نقاد تصميم للرئيسي ..

كان أول تصميم لغوب فاللون الاسود الفوق بالدونتيل و مبطن غير من جهة الصدر اما من جهة البطن فكبان اللحم و فجهة وحدة كاينة سمطة هابطة على الدراع انا جهة ثانية فكانت سون مونش و التحت نفس شي دونتليل تحت منها ثوب اسود و محلولة تال فوق الركبة مخلية الرجل كلها باينة تقريبا و كانت منبتة بالعقيق الرقيق

و الثانية كانت غوب فالبيج ساميل و لكن انيقة من الفوق الثوب سامبل و مغطية من الصدر و الكمام طوال منفوشين و شفافين و من التحت كلوش و قصيرة و كانو تصاميم اخرين محطوطين لي خلاو اشراق تبقا حالة فمها

اشراق ( حلات عينيها باعجاب) : واو واعرين .. عرفتي تخيلتهوم فارض الواقع غيجيو واعرين

مشا غسان جبد واحد تصميم كان فالمجر

غسان : هادا تصميم كسوة دلعرس مي جاني ناقص .. فكرة متداولة.. خاصني شي حاجة مبتكرة و جديدة.. لي يكون حلم كل فتاة شافتو.. الى ربحنا و تأهلنا بيه غانشاركو

اشراق : ممم صراحة خاص يكون مميز.. هادا كتحسو بارد.. ناقصاه شي حاجة

غسان : اشراق قوليلي نتي كبنت كيف كتخايلي يكون فستان احلامك

اشراق بابتسامة سهات كتخيلو : بغيتو يكون بحال فستان الاميرات.. حيت ديك ليلة كتكون البنت اميرة.. و يكون كيلمع بحال شي حجرة كريستال .. يكون واسع و طويل من لتحت .. يكون بلكمام و كمامو منبتين و يكونو شفافين و فيهوم طريزات منبتين و يكون كولو كيلمع .. من الفوق يكون مجموع ايفازي.. فاش نجي داخلا يبقا تابعني من لور و يكون كلو كيبري... اه مبغيتش سدر يبان و مبغيتش كول داير و مبغيتش كول طالع.. يكون كول جاي مع الكتاف و سامبل..

غسان هيا ساهية كتوصف و هو كيرسم.. كيحاول يحط ديكشي لي قاتليه فالوراق..

اشراق (عاقت براسها) : اويلي انا نسيت راسي كاع.. نوض نشوف خدمتي

غسان مركز مع الرسمة مجوبهاش..

ناضت خلاتو مركز كيرسم و خرجات تبدا خدمتها...

عند عصام

. غادي سايك جاهل باغي غير يلقاها... محملش بلان تمشي عند المحامي .. يكفي شهر و هو كيقول غتعيطليه و لا تجي تحاول تشرحليه.. هو بالنسبة ليه هيا لي غالطة.. حيت سولها واش مشات لطبيب قاتليه اه و كلشي مزيان.. يعني شنو بغاتو يفهم.. من تصرفها.. بالاخص انو رفضاتو... حس بيها هانتو فرجولتو...

موقف غير حدا شركة.. داخل مكيشوفش قدامو.. سول عليها قالوليه فبيغو ديالها.. مشا جاهل .. دخل بلا ميدق لقاها ساهيا فالملفات غير شافتو خرجو عينيها.. باين عليه مكشكش و وجهو حمر.. جرها من يدها مخرجها و هيا تنترليه

مروة : الشريف طلق مني ازمر واش سيبا

عصام: بربي و مزدتي قدامي حتا لي نديرو منقولو... نوريك صفطيلي المحامي شنو كتسوا

مروة ( بعصبية) : طلق مني مغادا معاك فين .. انا و ياك سالينا (حيدات الخاتم ضرباتو بيه ) ها زمرك ديه.. متبقاش دور بساحتي

عصام ( كيغوت و كشاكشو خارجين لدرجة كلشي سمع غواتهوم خرجو كيطلو ): بربي و متزيدي قدامي تنوريك تفرعين شنو كيسوى.. شتك ضصرتي و تفرعنتي..

مروة : بصحتي المشروكة بيناتنا فرقناها

جعراتو مبغاتش تزيد.. جا بلا عقل كيجرها... شافو واحد من الموضفين خدام مع مروة و كيعتابرها صديقتو.. شافو جارها بديك طريقة مقدرش يسكت ..

موضف جر مروة دارها موراه : طلق من البنت .. مبغاتش تمشي معاك صاف بعد منها

عصام محملش علاش يقيس فيها و علاش تحاما موراه .. مشعرش حتا دخل فيه براس خلاه يرعف

عصام : مرتي ا zaمل متحطش عليها يديك

كاع لي تما حاضرين شهقو.. كلشي بدا كيوشوش و سول امتى هادو تزوجو و علاش تا حد مفراسو..

مروة غير شافت دعوة ترونات و غيقلبوها مقاتلة غوتات

مروة ( بعصبية ): باراكا انا وياك سلينا و مغنمشي معاك لحتا بلاصة

دارت هزات ساكها و طيل خارجة كدفع فيهوم باش دوز

غير قشعها خارجة تبعها جارها من يديها بقاو مني منك بدات كدفع فيه.. حنا هزها قالب ليها راسها لتحت مخليها كضرب فيه و كتغوت.. مرتاح حتا لاحها فطموببل ..

مروة(ببرود) : عصام ايكوط ماشي هكا كتحل الامور حل طموبيل خليني نمشي و بيناتنا المحامي.. هادي راه كتعتابر جريمة

عصام (جننو البرود ديالها) : مريضة فمخك رافعا عليا دعوة.. بربي لاكانت ليك .. دايراها قد راسك و زايداها بسناطح

مروة ( ضحكات باستهزاء ) : ياك انا 79بة و منرضاش ليك تخاور.. ( بحدة ) حطني ن9ود بحالي

صعراتو فاش خصرات الهضرة.. شدها من شعرها مزير عليها : نعاود نسمعك كتخصري الهضرة نكويك من فمك

مروة : الى رجعت معاك كويني حتا من طغمتي..

شافتو شاد لوطوغوط قلبها بدا كيضرب

مروة : الخرى فين غادي بيا ردني بحالي واش مساليا ليك انا

بقا عصام كيتغزف عليها .. مجوبهاش مخليها غطرطق باغا تعرف.. موقف غير فواحد الدار فالخلا و القيفار دايرا بيها غير الغابة...

مروة :الى كنتي كتفكر طبق ديك افكار ديال الافلام تحبسني هنا حتا يحن قلبي غير نسا قراري مغنتراجعش عليه ..

عصام : جيت باش نهضرو فخاطرنا.. سوء تفاهم وقع غتعتادري عليه و نتهناو

مروة ( باستهزاء) : منيتك انا نعتادر لا واش منيتك... ودابا عاد و لا سوء تفاهم فاش سبيتيني و ضربتيني مكانش سوء تفاهم.. سمع اسي عصام شتي لي كنت كنحس بيه باح مبقاش دابا رضني بحالي

عصام : نزلي نزلي

تنهدات محاملاش تشوف فوجهو.. دابا عاد تفكرها حتا دازت شهر .. شافتو حل عليها الباب جارها من يدها

مروة : غير طلق كنعرف نتمشا

عصام ( كيطنز) :قلت لتكون تخربقات ليك المشيا

مروة( رضاتليه الصرف ) : محسيتش حتا بيه.. بقات غا يتلف المشيا

عصام مرضاش حس بيها نقصات تاني من رجولتو.. حاول يبرد حيت عارفها باغا تستافزو..

عصام : عاضرك بسيف متحسي و نتي فريكو..

مروة : بزاف عليك.. حتا تكون نتا كواي عاد اجي دوي

جرها مقربها ليه : تبغي تجربي.. نكملو على لي بدينا

مروة ( مطلعة فيه حاجب) : ماشي دوجهك بارا عليك غير **ون الشيخات و ال79حاب.. ولفتي القديم.. الجديد ماشي دوجهك..

دخلات مخلياه وراها كيغلي .. زادت كتشوف مع دار.. حالفة توريه وجها تاني مبقاتش غتسكت ليه الى عطاها كلمة غتعطيه عشرة..

حيداات جاكيت بقات ب طوب كحل و سروال لاصق ..

عصام خرجو عينيه من شنو لابسا عاد رد البال

عصام : امادام شتك زغتي شهاد لباس خارجة بيه

مروة: مادموزيل الله يخليك.. حشومة على ليلة نتسما مدام ..

عصام : و هاداك لي دخل فيك شنو تسميه

مروة : باقة بكارتي الحمدالله مزال ندي سيد سيدك من ضربة اللولة يطرق المسمار ماشي بحالك دافع جوج دفيعات و كتقلب على دم.. بنادم جاهل ..

عصام كيحاول يضبط اعصابو ميمدش عليها يديه.. عارفها كدير هكا باش تستافزو..

عصام : مروة راه نتي لي غلطتي من اللول .. سولتك قتليك واش مشيتي طبيب و شنو قاليك قلتي كلشي مزيان.. حطي راسك بلاصتي انا راجل شرقي.. مفاهمش فهاد زمر لي عارف كيخرج دم و مدام قلتي كلشي عندك مزيان علاش مهبطش.. باش غنعرف انا ديك زمر عندك كيتمطمط و نتي كتقوليلي عادي .. زيد عليها ملي دخلنا و نتي كتهربي.. كنقرب كتبعدي.. كنبوسك كتقلبي وجهك شنو باغاني نفهم .. غير فهميني نتي دابا ..

مروة : قتليك ممستعداش مراعيتيليش.. قتليك منبعد.. قتليك خايفة

عصام : سمحيلي نهار كنا فطموبيل تصرفتي عادي .. نتي راه كنت غير كندرعك كدفعيني.. عندها معنى واحد كتهربي مني علاش ادن كاين سبب و فاش مشفتش دم راه عادي نفكر هكاك.. عقلي بوحدو لاقا الاحداث..

مروة : نتا راك شكيتي فيا.. مبغيتي حتا تسمعلي.. سبيتيني و ضربتيني

عصام (بعصبية غادي جاي ) : واش مريضا فمخك.. حمدي الله لي مقتلتكش واش انا ختاريتك و سط قشلا دلبنات حيت كنقول نتي بنت نقية و نهار بستك اول مرة فرحت حيت قلتي انا اول واحد و فاش نعس معاك.. يدخل عادي و طريق مسرحة و تقوليلي علاش ضربني شنو بغيتيني نفكر و نتي براسك قلتي طبيبة قاتلك كلشي عادي ..

مروة : نتا راك غتاصبتيني مراعيتيش لنفسيتي

عصام: واش مريضة فدماغك و لا مالك .. حقي الشرعي

راه نتي لي بغيتي تحرميني منو .. راه الملائكة باتو كيلعنو فيك

مروة : راك ملعون و محاسش

عصام : فهادي مكدبتيش.. حياتي كاملة كنكوي فخاطري نهار نويت لحلال كاوي فضلام

مروة : همك غير بين فخادك شنو الفرق بينك بين الحيوان

عصام : ا مدام.. راه بيناتنا عقد نكاح نكاح يكما صحابليك جايبك ديكور .. ملي مقداش لاش مزوجة ..

مروة : وا نكاح على قلبي الى غير بحال بارح كرهتو و خيخت.. و ديك العقد هاحنا نفكوه و نتهناو.. و سامحاليك فكلشي عطيني غير طلاقي

عصام ( جابتليه ضحك) : لا غير طالبي بفلوس المتعة حسن ..

مشا كلس مبرد مع راسو .. عارف إلى دار فيها راسو غيصدق مقربلها معاها..

مروة (بجدية) : عصام سمع زواجنا كان غلطة .. هادي اخرت لي يتزوج بلا رضات الوليدين.. حنا زربنا و جربنا مصدقش صاف معندنا لاش نعقدو الامور

عصام : واش كدوي من عقلك ولا شنو.. مزوجين ليلة و كتقولي جربنا شنو جربنا حنا شنو

مروة : الراجل لي ميحنش و يتيق فيا و يسمعلي معندي مندير بيه و منكدبش عليك قراري مغنتراجعش عليه ..

ماشي انا لي نتهان فكرامتي و نرجع كي المدلولة.. شهر كامل داز ماسولتي ما قلتي تعرف اخباري ما عيطتي.. دابا عاد بنتلك حتا عيطلك المحامي..

عصام: كنت مرون فدماغي مكنتش قادر ندوي معاك و لا نواجهك بالاخص مور معرفت انو ممكن نكون ضلمتك..

قاطعاتو الراجل هو لي يواجه و ميهربش ماشي لعكس..

مروة : سمحلي ممستعداش نكمل معاك حياتي

عصام (بعصبية ) : شتي الى غير طلاق غير نسايه هو لي مغتاخديهش

مروة : مشا الحال دوز وصلني بحالي ..

تحرك عصام حل الباب خرج تبعاتو هيا كتقصح قلبها مبغاش تراجع ..

عصام : مروة فكري مزيان( شد فيدها) شوفي انا بصح تصرعت مي راه اي واحد كان بلاصتي غيفكر نفس شي لعقل لي يستوعب كان مرفوع بجوج بينا غلطنا مكانش عليك تكدبي ملي ممشيتيش قوليها من اللول .. اصلا مفهمتش علاش وحدة بحالك ممشاتش

مروة : كنت خايفة .. الام لي مفروض تشرحلي و توعيني و تقولي شنو ندير مع الاسف بسباب سيادتكوم مرضاتش حتا تجاوبني فتيل حيت بالنسبة ليهوم فضلتك عليهوم.. و من حقهوم حيت فالاخير كتاشفت كان عليا نسمع لهضرتهوم.. حيت هاني وقفت عليها

عصام : مغانجاوبكش عارفك مجروحة مني .. مغنديش على هضرتك.. غنخليلك وقت ترتاحي فيه ..

مروة : قراري مغنتراجعش عليه

عصام : و طلاق هو لي مغتخديهش

عند اديب خرج طافج محاملش راسو .. غير وصل دخل ديركت لحلبة قاصد الخنشة ديال رملة بقا كيضرب فيها بجهالة.. عمرو ضن غتوصل بيه يتبع شهوتو عمرو كان هكاك.. بقا كيضرب و العرق كتقطر .. محاس بيدو لي تعقرات وولات كتسيل بدم .. مرتاح حتا طاحت جات فالارض ..

انفاص معاه كان واقفة راجل يكون فالستينات..لكن شاد فراسو كيشوف فيه .. حاضيه ملي دخل ..

الحوار بالاسبانية

لوكاس : الحياة ماشي ديما كتكوت منصفة .. احيانا كتختابرنا و كتختابر الصبر ديالنا... رخف على راسك المشاكل مكتحلش بالعنف .. و الملاكمة فن مدارتش باش نضربو بجهالة و نفرغو الكبت ديالنا .. و الى غنوليو فالمصارعة الحرة

اديب ( مستغرب من هاد الشخص .. معارفش شكون هو ) : شكون نتا .. عمري شفتك هنا ..

لوكاس : مكيهمش شكون انا .. ممكن تعتابرني عابر سبيل جا باش يرشد و يوريك طريق

اديب : ممحتاجش نصائح .. عارف شنو كندير .. و بالنسبة الملاكمة الى نتا معتبرها فن انا راه بالنسبة ليا هيا جزء مني ..

لوكاس : شرارة الحب صعيبة.. كتخلينا نفقدو السيطرة

. تعلم تعالج الامور ببرودة ..

اديب : ماشي لحب لي حارقني .. قلة عقلي و شهوتي لي كانت غتديني لتهلكة

لوكاس : كنتي غتخونها ؟

اديب : كنت غنخون نفسي .. كنت غنرتاكب اكبر حماقة فحياتي .. لدرجة عفة راسي

لوكاس : الجنس و الغريزة جوج حوايج كيكبرو معانا بالفطرة و الى حضر المحفز فراه العقل كيترفع و الغريزة كتحضر..

اديب : الانسان بطبعو ضعيف امام شهوات لكن عندنا عقل كنميزو بيه و الا كنا غنكونو سواسية حنا و الحيوان

لوكاس : معاك لوكاس مدرب سابقا للملاكمة

اديب حيد لي gون و مد يدرو : انا اديب

قاطعو : اديب الشافعي مغريبي انتقلتي ماخرا لهنا .. و ربحتي الجولة الاولى و دابا تاهلتي باش تشارك فالمسابقة الدولية للملاكمة

اديب ( بابتسامة) : تماما

لوكاس: طلب مني كارلوس باش نتكلف بتدريبك بحكم هوا جاه امر طارئ فاخر لحضة

اديب : مكانش فراسي على العموم شرف ليا نكون تحت تدريبك

لوكاس : يدك كتنزف و الضاهر انو قلبك حتا هو ..

(تحرك جيهت علبة الاسعافات الاولية خدا الكول و بوماض و بانضة جديدة ) نداويو جرح يدك عاد نشوفو جرح قلبك

اديب ( ضحك ): الى داويتي غير يدي فيها الكفاية

لوكاس : شنو فائدة العلاج من برا الى كان لداخل ملتاهب..

مجاوبوش اديب .. حدو مدليه يدو عقمهاليه و جمعها..

رجع كيكمل تدريبات و كيحاول ميفورصيش عليها تابع تعليمات لوكاس...

عند اروى غير خرج بدات كتغزز شنايفها تلفات.. معرفات مدير حتا من الحصة ديالها اعتدرات منها .. مجات فبالها غير هناء عيطات عليها

هناء : على سلامة تفكرتيني

اروى : هناء راني تالفة معرفت مندير نتي الوحيدة لي تقدر تنفعني..

هناء : شنو وقع مكتعيطي حتا كتكون شي كارثة واقعة

بدات اروى كتعاودليها على شنو طرا من نهار جاو حتا ل دابا

هناء ( بجدية ) : اروى نهار اللول حضرتك قتليك حاولي تكسبي قلبو .. تحملي العواقب

اروى :شنو ندير نتي متعرفي خوك حسن مني قوليلي

هناء : اروى باش نكونو واقعيين .. نهار اللول عيطتليك فقط باش تقربي منو تخليه ينسا ديك خيتي .

حيت انا متأكدة غتصدق كفس من ياسمين .. كاع بنات بحالها كيتبعو الفلوس .. مبغيتش خويا يعاود يتعدب.. مبغيتوش حتا يبغيها و يتعلق فيها و تنوض تبدلو بواحد خور بالاخص فالحفلة كانو حاطين عليها العين ..

دونك من نهار اللول فهمتك شنو لي خلاني نعيطليك و طلبت منك الى باقا كتبغيه حافضي عليه ماشي تلاحي عليه بحال شي وحدة رخيصة و تجي تقوليلي شنو ندير هنا غنقولك صطوب بيناتكوم عومي بحرك..

قطعات هناء مخلية اروى غطرطق بقات كتحلف و دعي فيها .. كانت بغاتها غير تدوي معاه و تعرفو فاش كيفكر..

عند ياسمين نهار على نهار كتسوء حالتها .. حتا من الهدايا مبقاوش كياترو فيها.. و لات عدوانية و كارها راسها .. الوحام جاها صعيب بزاف معتز غير داير ليها فالخاطر فوق خاطرو.. محيلتو لخدمة محيلتو ليها و لطلباتها... لي مصيرو انو وضع طفل مستقر و متشبت بالحياة ...

نفسيتها محطمة .. واخا العلاج النفسي إلا انو مكتستاجبش ليه.. فشهر حاولات تنتاحر جوج مرات .. شي لي خلا معتز ميتزعزعش من حداها

كل اسبوع كيديرو كشف شامل و تحاليل .. مراقبين صحتها و صحة الجنين بشكل دقيق.. كيحاولو يعطيوها تغديت متوازنة.. كيدعموها بلي فيتامين باش يقوى الجهاز المنعاتي ..

---

عند اشراق كلشي كيوجد مبقاش بزاف لديفيلي...

كلشي متحمس و كيعطي كل جهدو... بحكم انو eva mode هيا لي منضماه فاشراق بدات كتنسق مع اصحاب ديكوغ و كتفرق دعوات لحضور .. و كتقاد مع ممولي الحفلات..

التصاميم تدفعو باش يتخيطو.. كلشي كيخدم و يوجد ...

العارضات كيديرو بروفا و كينسقو مع غسان لي كيعطيهوم تعليمات..

عند اشراق نهار كامل كيدوز فالخدمة .. جري عليا نجري عليك .. هاد ديفيلي خاص يكون مميز .فيه غدي ثبت اللسان انها قد المسؤولية ...

العرض غتحضرليه لجنة خاصة من ايطالية .. غيكونو بزاف ديال العروض ... و العرض الفائز غيتأله المصمم لمسابقة العالمية لي غتكون فإيطاليا و بالضبط فميلانو عاصمة الموضة .. المدينة لي كتستاضف آلاف المصميمين المعروفين ..

هاد المسابقة تحت رعاية مركات عالمية اطالية منهوم ماركة Versace و pradag زائد مركات عالمية بحال

Armani وDolce & Gabbana وGucci

كاع المصممين المشاركين كيوجدو و كيبدعو.. كلشي باغي يتأهل .. 20 دار ازياء مشاركة اي 20 مصمم مشارك.. غيختارو 5 فقط لي غيتأهلو لمسابقة عالمية ..

الجائزة غتكون دعم مادي بالاضافة انو غيتم الاعتراف باسم الماركة عالميا ..

غير رجع لدار لقاها محشية فالكوزينة ...

اروى(كتصرف عادي ) : اديب جيتي غسل يديك و اجي تعشا .. غنحطو دابا .. سربي قبل ميبرد...

دخل بلا ميجاوبها.. سمعات الما مطلوق فدوش عرفاتو كيدوش... بقات كتساينو حتا سالا.. شافتو جاي ناضت كتقاد سباكيتي فطباسل و حطاتهوم

اروى ( كضحك) : الحاجة الوحيدة لي كنعرف نطيب

اديب ( بجدية ):اروى خاص نهضرو

اروى : كول بعدا نهار كامل و انا واقفة كنصاوبو.. دوق و قولي رأيك

اديب ( بجدية ) : اروى

قاطعاتو : ناكلو و نهضرو واخا

تنهد اديب .. بدا كياكل غير كينقب باغي غير يتفك... خاصو يحط نقط على الحروف..

شافها كتقل بلعاني فالصالة.. ناض هز كاس لما شرب و خرج

اديب : سالي و اجي

تنهدات اروى .. حاولات تصرف عادي جمعات بلخف طبلة كتحاول تعطل كتر .. حاسة براسها ممستعداش تسمع شي حاجة متعجبهاش..

دازت كتر من نص ساعة عاد قدرات تخرج عندو..

شافتو كالس باينة فيه معصب.. كيهزهز فرجلو..

دازت كلسات مقابلة معاه.. كتشوفو معصب غير بوحدو

اروى : اديب انا نسيت حتا نتا نسا

اديب (بجدية ) : غندوي و متقاطعينيش

عارف الغلط ماشي ديالك .. و انا لي تماديت.. مكلومكش.. حيت انا لي محتارمتش راسي و تطفلت عليك .. دونك من هاد جيهان باش نكونو متفاهمين.. الغلط كان ديالي بالعربية انا لي حمار..

الحمدالله لي توكضت فالوقت المناسب و الا كنا غنوصلو لشي مواصل خايبة..

شوفي نهار اللول حطيت معاك نقط على الحروف باش متبنيش امال .. و قتليك بصريح العبارة انا هنا على ود مستقبلي مجيتش باش نتحاب و ندير علاقات.. اروى نتي بنت مزيانة و تستاهلي كل خير و ربي باقي غيعوضك .. كنت كنتوقع انو الماضي سديناه و تصرفت على هاد الاساس ... حسبتك بحال عصام صاحبي و شركت معاك كلشي ... فلحضة ضعف غاب العقل .. نتي كان عليك توقفيني ماشي تجريني و تزيدي تكملي... غتقوليلي انا لي بديت.. غنقوليك متافق معاك .. حنا رجال عيبنا واحد .. مي لي صدمني فيك نتي مشيتي فالخط .. فين هو احترامك لذاتك.. كيفاش عطاتك خاطرك..

جات تهضر قاطعها

سمعي لي وقع وقع .. و كنعاود نقولها الخطأ كان ديالي.. فاهمك عايشة بعقلية كول ديال لكور.. مي نصيحة راجعي نفسك .. ماشي لي جا تلاحي عندو..

اروى كل كلمة نطقها كانت كدخل بحال سم لقلبها : نتا كتبغيهاا ياك ؟ عليها وقفتي ..

اديب ( ها لي محاملش صعراتو ) : اشراق سمعي

اروى ( سخطات) : سميتي اروى ا اديب انا اروى ماشي اشراق

مسح على وجهو بعصبية : شوفي باش بلا منكترو فالهضرة .. لي وقع وقع دابا خاص نوقفو هادشي هنا و مدام دارك سلاو فيها الإصلاحات من الاحسن ترجعي ليها .. حيت يستحيل نبقا انا وياك عايشين بجوج

اروى ( بجنون) : لا اديب متقولش هاكا .. موقع والو اصلا غير نسا ..شوف انا نسيت

ناضت كتمشي و تجي .. شوف غنديرو فيلم نتفرجو و لا شي كومبة اه كومبة حسن .. اصلن مبقا والو لمقابلة .. ياك ا اديب

اديب ( بحدة ) : اروى دويت معاك و قراري مغيتغيرش..

اروى : بسبابها ياك كتبغيها.. ( كتحرك راسها بهستيرية) كون كانت هيا كاع متحبس.. هيا سبب .. شنو لي فيها هيا مكاينش عندي.. علاش هيا ماشي انا .. .

اديب : واش منيتك نتي اروى فيقي .. متخلطيش الامور.. خلي علاقتنا مزيانة و فحودود من نهار اللول مواعدتك بوالو .. نهار اللول دويت معاك ..

اروى : ياك فتحنا صفحة جديدة ياك ولينا صحاب ياك علاقتنا تحسنات علاش غنخصروها دابا .. علاش باغي تبعدني عليك علاش باغي تنهي علاقتنا

اديب : شوفي اروى خلينا زوينين.. انا مقتلكش غنقطع علاقتي بيك .. صداقتنا مستمرة غير هو باش نتفاداو هاد الاغلاط و باش ميتككرروش غنوقفو هنا .. كنتي سكنتي معاي علاما تقادي دارك.. وواخا تقادات مقتليكش سيري.. مي دابا جا الوقت لي ترجعيلها حيت حتا انا باغي ناخد راحتي..

اروى : شوف غير خليني .. انا ولفتك ولفت منبقاش بوحدي فدار .. هانتا مبقيتش نديرونجيك.. و معيتعاودش ديكشي.. غنبقا لبس حوايجي فدوش عاد نخرج.. غير خليني معاك

اديب ناض مرضاتو مكيحملش لي يلصق: (هضر بلغوات حتا قفزها ) : هنينا هضرة وحدة قلتها غدا ملقاكش هنا متخلينيش نقطع معاك علاقتي فمرة

خسر عليها ديك الهضرة و دخل زدح الباب ...

بقات اروى كتشوف ففراغ لهضرة رخسات راسها.. محملاتوش حيت نقص منها

اروى (بحقد) : الى مكنتيش ليا عمرك تكون لشي وحدة اسي اديب ..

عند مروة و عصام ..

وصلو حدا دارها غير وقف خرجات كطير.. شافتو نزل حتا هو استغرباات.. لكن مسوقاتش دخلات شافتو تابعها .. غير وصل سانسور طلعات شافتو دخل مقدراتش تهضر بحكم دخلو حتا ناس خرين.. وصلو لايطاج فين ساكنة .. حلات دخلات بزربة بغات تسد الباب ساعة زرب عليها و كالاها برجلو... دفع الباب و دخل عاد سدها

مروة ( بعصبية) : عصام شهاد تبرهيش.. خرج سير بحالك ..

عصام ( ببرود ) : دار مرتي عندي حق فيها ..

دخل لاح صباطو و تجبد ... ملي نتي مبغيتيش ترجعي لدار هانيا انا نجي نعيش معاك ..

مروة (بعصبية ): عصام بلا

تبرهيش شوف انا وياك سالينا فهمها و دابا الله يخليك برا

عصام (باستهزاء) : على حنا بدينا باش نساليو

دابا من عقلك رافعة دعوة شنو غتقولي القاضي تزوجنا ليلة و قررنا نطالقو

نخلاتو مروة دخلات بدلات حوايجها.. قدات حالتها مزيان حالفة حتا تندمو و قرارها مغيتبدلش.. خرجات لكوزينة مشات ديريكت لتلاجة بقات كتقلب و تعاود عقلها غيخرج.. كتقلب ووالو .. شداتها لبكية.. بلا عقل خرجات كتنتر مشات ديركت هزات بزطامها خاجة ...

كان كالس حتا شافها لاحت كاب من الفوق و خارجة..

عصام : أمدام شتك زغتي فين خاجة بهاد الحالة ..

متصوقاتش ليه بانولها سوارتو طموبيل هزاتهوم حيت ديالها بقات حدا شركة..

ناض بالخف تابعها.. حتا من صباطو لبسو غا فدروج...

عصام شدها من يدها : مروة فين غادا..

مروة بطريقة طفولية : بغيت لفريز كان فتلاجة جيت ملقيتوش ..

عصام : واش وقت لفريز دابا.. دخلي مشا الحال..

تنترات منو غادا لطوموبيل مخلياه مصدوم فتصارفاتها.. سمعها كديماري .. طار ركب حداها..

مدوات متكلمات مشات ديركت كتقلب على لي كيبيعو الفواكه... مرتاحت حتا لقات لي بغات.. نزل خلص و هز صندوق على سعدو

عصام : منيتك راه غيضيع كون خديتي غير شوية

مروة : ماشي شغلك و الى بقات فيك فلوسك مقالك حد خلصو نتا كطير بوحدك ..

بقا ساكت مجوبهاش كتقلب كي زمان..

----

جا يوم الديفيلي..

عند اشراق فاقت بكري .. دارت معا غسان باش يتلاقاو يقادو اخر ترتيبات..

كوثر : دابا معاش نجيو حنا

اشراق : هاتي ياك كتخرجي من الخدمة مع 4 ايوا 6 تكوني تما

كوثر (بتدمر) : مغيكفينيش الوقت

ايمان : راه غنمشيو انا وياك مجموعين.. 2h راك توجدي فيها راسك

كوثر : وا غيخصني ندوش و ندير شحال من حاجة

ايمان : كافيك اصحبتي.. حقا اشراق شنو غتلبسي واش ختاريتي

اشراق : باقي وحلت حوايجك كاملين فنين .. مي كيبالي غلبس شي حاجة عملية حيت مزال تابعني شلا حاجات

كوثر : انا بعدا راه قتليكوم كسوتي لي غلبس.. بعدولي منها

اشراق : غا تهناي مغتجيش قدي اصلا.. مهم انا مشيت.. تعطلت على غسان

كوثر ( بشك) : شتك ملي بديتي لخدمة و نتي غير غسان غسان شنو تما

ايمان ( كضحك) :وييه ولينا نفيقو بغسان و نعسو بغسان..

اشراق : ايوا باز سري انا لي كنعودلكوم

كوثر و ايمان دقة وحدة : واناااا نعيق

خرجات اشراق مخليا لبنات كيضحكو .. تبعاتها ايمان

ايمان : خاصك دفعي لبيغمي صاحبتي

اشراق : ديكشي لي بقالي .. راه فبالي الى خرج ليا ديك لكغيدي وشاطت فلوس ندفعو

ايمان : باقي مرضوش عليك

اشراق : لا باقي راكي عارفة كيتعطلو شويا هاد القروض الصغرى

ايمان :مكنضنش يوافقو بالاخص نتي يلاه بادية فالخدمة..

اشراق : وا نجربو على الله

ايمان :حتا ايلا مبقاش نخدمو غير بفلوس الدار ..

اشراق : واراه بغيت ندخل معاك شريكة .

ايمان : ومال حسك غدخلي اصلا نتي لي غتكلفي بلاصال و زيد غدربيهوم..

اشراق : وخا هكاك.. مهم يرضو عليا و نشوفو

ايمان : اكي ..هانتي وصلتي نزلي خليني نمشي نقاد لوراق لي خاصين...

هبطات اشراق ..

مع دخلة لقات غسان كيساينها.. كانت

لابسة كومبينيزو فالاسود جاي مع فصالتها...الفوق من جهة الصدر و الايدين و النص فالظهر فيه ثوب شفاف فالاسود و كاين بعض منو حتا فالفتحة ديال الصدر فارق بين الثديين لي مغطين بثوب سامبل فالاسود و ما تبقى من اللبسة و من التحت عبارة على ستيل بات ايليفون...

غسان : هانا تاني على الاناقة منتقادوش

اشراق : شويا و صافي

غسان : فين وصلتي فالتجهيزات

اشراق : كلشي مقاد ( جبدات اجوندا كتأكد) بالنسبة لإضاءة راه قادوها لبارح ..

غسان : صافي صي بون.. اشراق اجي معاي تشوفي واحد تصميم عطيني رأيك..

----

طلعو لفوق.. دخل غسان تبعاه اشراق .. مشا لبيغو جبد شي تصاميم.. هز وحد فيهوم حطو قدامها ..

غسان : كيجاك

اشراق ( مقدراش تيق ) : واااعر تماما كيفما تخيلتو..

غسان : نتي اول وحدة غتشوفو الى ربحنا غنشاركو بيه فالنهائي..

اشراق : متأكدة غنتأهلو التصاميم كاملة واعرة ..

غسان : عندي ليك واحد بتي كادو كنتمنى يعجب ..

اشراق ( بفرحة ) : شنو هو.. وشنو المناسبة ..

غسان : حيت كون ما نتي كون راني واحل دابا باقي كنصمم و حتا حاجة مغتعجبني

اشراق (كضحك) : شتي شتي انا راه مكاينش بحالي ..

---

مشا غسان لفوق فوطوي كانت محطوطة بوشيط ديال لحوايج حلها جبد منها كسوة من تصميمو.. خلات اشراق مصدومة فيها..

اشراق : واعرة شيك بزاف

غسان :اهم حاجة عملية و مريحة ..عجباتك؟

اشراق : وي ايكزاكتومو.. فنة

كانت كسوة التحت ديالها فالاسود و قصيرة لاصقة عليها بسميطات و كلها مغشية من الفوق بثوب من الدونتيل من جهة الصدر و الايدين و من التحت بحيت الثوب من التحت كان فايت طول الكسوة التحاتنية الشيء لي مخلي جزء من رجليها مغطي بالدونتيل و لكن فنفس الوقت عاطي ليهم جمالية خاصة...

غسان : حاولت ندير الستيل لي كيعجبك..

اشراق (بحشمة ) : شكرا بزاف مكان لاش تعدب راسك .. حيت ميمكليش نقبلها

غسان : علاش شنو المشكل .. نتي خدامة هنا و عطيتيني فكرة تصميم.. دونك هادي اقل حاجة .. بلا مندويو انو مجاتش تمشي لحفل و نتي لابسة لمصصم خور خايبة حتا فحقي( مد ليها ساشي ) يلاه شدي خليني نمشي نوجد راسي و نتي سيري ديري اخر اطلالة و سيري وجدي راسك .. نبغي نشوفك بيها فالديفيلي...

---

اشراق زرب عليها ملقات متقول .. شافتو مد ليها ساشي شداتو و خرج.. مخليها ساهيا فيه ..

مشات اشراق كتشوف اخر ترتيبات.. مشات القاعة كتأكد بلي كلشي هو هداك.. رجعاات تأكدات من تصاميم .. لقات العارضات كيديرو بروفا.. محساتش بلوقت امتى طار .. رجعات بلخف طلعات ل بيرو دغسان هزات بوشيط و شدات طكسي لقاعة حتا لتما و تلبس ..

مع وصلات تلاقات البنات لي معاها فشركة تسيفو و حدة تنسيك فلخرى..

اشراق ( كضحك) : انور واش هاديك رانيا و لا جابلي الله

انور : رانيا رانيا أختي ..شتي العفريتة.. حنا كتجي لعندنا كي زوفري و هنا جاية زاز لوز

وصلات عندهوم رانيا : هاي ياكما تعطلت

انور ( صفر ) : هاح على الحمر بو عمر

اشراق : ياختي على تيتيز منتقادوش .. فنة كسوتك

رانيا : من تصميم غسان احبيبة بسيف تكون فنة

انور : وايلي واش هادي لي كان عطاك كادو و مكنتيش بغيتي توريهاليا

رانيا : تماما تخيطات خصيصا ليلي

اشراق (تقرصاات غير بوحدها معجبهاش الحال) : ياختي شكون بحالنا عندنا مدير ضريف بحالو

رانيا : غسان راه لعسل يا ختي 5سنين و انا كنعرفو مكاينش بحالو..

غسان : سمعت سميتي

انور : اتكايس علينا ا سي غسان.. خديتي حب الجميلات مخليتي لينا والو

غسان ( كيضحك) : كلشي ديالك اسيدي سامح ليك

( شاف فاشراق باقي ملبساتش ) اشراق شنو كتعايني ناس بداو كيجيو.. يلاه لي عندو شي حاجة يديرها ..

رد البال لرانيا لابسة لكسوة

غسان : جاتك حسن من لي توقع.. خسارة كان تصميم خاص كان عليا ندخلو مع المجموعة

رانيا ( كضحك) :لا لا يجوز. . اصلا نتا بفمك قلتيلي غيبقا غير ليلي ..

غسان : جاتك ا لالة غا هنينا من صداعك.. مهم اشراق ردي لبال لتنقص شيحاجة.. انور خليك معاها و عينيك معاها عنداكوم تغفلو.. رانيا نتي خلاص راكي عارفة شنو خاص يدار.. بون انا مشيت اللجنة مبقالها والو و توصل..

----

مشا غسان بقات اشراق مع انور طالعلها زعاف غير بوحدها ملي سمعات بلان تصميم محملاتش.. محساتش حتا سولات انور

اشراق : انور اجي نسولك

انور :وي شنو تما

اشراق : واش بيناتهوم شي حاجة

انور ( باستغراب): شكون

اشراق( باحراج) : رانيا و غسان

انور : لا علاش

اشراق : غير سولت مع شفتو صمم ليها ديكشي علاش

انور ( كيضحك) : لا لا راه عادي .. كان عيد ميلادها و صاوبو خصيصا ليها..

اشراق ( باحراج) :اه اه فهمت..( شافت فساعتها).. يلاه بحرا ندخلو باقي عاد خاصني نبدل حوايجي..

داخل قاعة كبيرة مخصصة لي ديفيلي كانو الضواو خافتين و الصوت موسيقى هادية عامة المكان....الكل جالس فبلاصتو كتسنا العرض يبدا...لجنة التحكيم جالسين امام المنصة و كتسناو قدوم العارضات ...اما المصممين و المدعوين فجالسين فجنبها من الجهات بزوج... الصحافة كانو حاضرين و كلها شاد بلاصتو باش يبداو تغطية الحفل

---

عند ايمان و كوثر كانو وصلو شدو بلايص فالصفوف الامامية .. ايمان لبسات كسوة بغيو جات مع فورمتها بكميمات قصار فيها فيها فتحة واصلة حتا لفخدها.. أما كوثر لبسات كسوة سامبل فلكحل بيدين شفافين..

---

فجأة تطفاو الضواو و الموسيقى حبسات و ناس بداو كيتقادو فالجلسة ..

تسمع صوت المقدمة لي فتاتحات الديفيلي بكلمة ترحيبية شكرات فيها الحضور و رحبات باللجنة و الشركة المنضمة ..

--

مقدمة : و الافتتاح غيكون بالمصمم المغربي غسان الوهابي لي ختار من العجائب السبع تاج محل بالهند كموضوع رمز الحب و الجمال و الدقة .. باش يقدم لينا تشكيلة متنوعة من اثواب مخملية موبرة ايدغا دو سوا.. ساتان و اثواب متنوعة لي خدم عليها بشكل دقيق ..

--

بدا كيتسمع صوت كدقات القلب و الضواو شعلو و تسلطو على احدى العارضات لي دخلات... كانت لابسا و حدة من تصاميم غسان ..

فستان الاول كان فالاسود الفوق ديالو كلو حجرات كلمعو و سون مونش و من جهة الصدر على شكل V و مغطي جزء صغير من الظهر اما التحت فكان سامبل و طويل من لور و عاد محلول تال فوق الفخاض و ثوبو تقريبا شفاف و خفيف

الناس كصورو و كشوفو بإعجاب فيها و دخلات موراها العارضة الثانية لي كانت حتا هي فأبهى حلة بكسيوة سامبل بليدين مقصومة على جوج لفوق كان فالكحل سامبل و جيهت الخصر كان توب اخور منمر..تبعاتنا تالثة لي كانت بكسيوة سامبل سميطات...

بقاو على داك الحال حتا دازت الكوليكشن كلها ديال شركة Eva mode...

تبعوها باقي لي كوليكشن وحدة تنسيك فلخرى .. حتا دازو كاع المصميمين لي كانو مشاركين ...

فتالي تبدلو الاضواء و دخلو كاع العارضات .. كل مجموعة مع المصمم ديالا و تسمعو تصفيقات الجمهور..

تطلقات اغنية حماسية .. فنفس الوقت بقات اللجنة كتحاور بيناتهوم.. و كيعطيو لكل تصميم نقطة خاصة بيه .. فالاخير الكوليكشن لي حاصلة على أعلى نسبة تصويت هيا لي غتأهل لمسابقة الدولية ...

جا وقت باش يعلنو على الفائزين بالمسابقة لي غيترشحو لمسابقة العالمية .. تطلقات موسيقة لي زادت وترات الجو.. كلشي كيساين... عطاو الغلاف لي فيه النتائج المقدمة .. كلشي متوتر كلشي كيتسنا النتائج بلهفة.. غسان على اعصابو مشعر حتا شد فيد اشراق لي كانت واقفا حداه بلا ميعيق.. مزير على يدها كانو كيمتد منها القوة ..

تنقصو الاضواء و تسلطو على المقدمة..

المقدمة : تواني وغنعلنو على الفائزين بالمسابقة .. شكون هو يا ترى صاحب احسن كلوكشن لصيف 2021 ... شكون هو المصمم لي حصل على اعلى نسبة تصويت؟ شكون هوما المصميمين الخمس لي غيتأهلو لمسابقة العالمية ...

(كلشي على اعصابو.. كلشي كيتسنى بفارغ الصبر )

احلى كلوكشن لي حصلات على المرتبة الاولى هيا eva mode كلكشن لمصمم غسان لوهبي الف مبروك..

تسلطو الاضواء على غسان لي بالفرحة نسا راسو و درع اشراق كلشي كيصور كلشي كيبارك.. كلشي فرحان..

غسان فرحتو معاطيها لحد لدرجة مقادرش يتيق انو جاو فالمرتبة الاولى.. كان كيتوقع الى ربح غيكون من الخمس الاوائل لكن متوقعش تكون المرتبة الاولى من نصيبو..

اشراق كتشوف فيه فرحان كتباركليه ليكيب ديالو... باركات ليه ..

تطفاو الاضواء .. و رجع الهدوء لقاعة.. بداو كيعطيو اسماء المصصميم الفائزين لي بقاو..

---

سالا الحفل و تجمعو صحافة على غسان.. كيسولوه منين جاه الالهام.. و شنو خطط ديالو المستقبلية.. و شنو نصيحة لي يقدر يعطي لمصميمين لي عاد باديين.. عطاهوم من وقتو و جاوب على اغلب الاسئلة.. اعتادر منهوم بلباقة و رجع عند اشراق و باقي لي كيب ...

كلشي فرحان و كيبارك ليه

غسان : هاد النجاح ديالنا كاملين و هو غير بداية.. القادم غيكون اصعب.. عندنا سيمانة باش كلشي يكون مقاد .. هاد المسابقة مهمة لينا كاملين و بيها غنزيدو لقدام..

اشراق : انشاء الله كلشي غيدوز مزيان

غسان : اشراق باسبورك واجد ياك

اشراق : اه خديتو لبارح..

غسان :دونك سي بون..

رانيا : مشكل لي عندنا فالتصميم الرئيسي باقي خاص يتقاد

غسان ( شاف فاشراق بابتسامة) : واجد راه كيتقاد..

رانيا :مشفناهش

غسان : مفاجأة

سامية : دونك الى كلشي مقاد ممكن نمشيو نحتافلو حيت راه قتلني الملل

انور ( كيضحك) : ولفتي الزدحة و الحيوح.. متخموش ديجا ريزيرفيت فواحت نايت كلوب

رانيا : هاااح ليلة مكاين غير الاحتفالات

اشراق : انا غير عفيوني صحاباتي كيساينوني.. مجاتش نخليهوم يمشيو و من صباح كيساسنوني

رانيا: مكاينش عفيوني ضروري تكوني راه خاص نحتافلو زعما...

انور(كيضحك) : الى متيتتزين يجيو معانا ياك اغسان

غسان : معنديش مشكل الى بغاو عيطيلهوم يمشيو معانا..

اشراق : معرفتش اطط نسولهوم..

غسان :انا غنسبقكوم نكمل شي اجراءات نتلاقاو برا فباغكينك..

مشا غسان.. عيطات اشراق لايمان نعتاتلهوم فين يجيو عندها. ..

دخلو لداخل قادو لمسائل و تاكدو من كلشي..

وصلو لبنات لقاو اشراق واقفا مع ليكيب ..

ايمان : هاااااح ياختي صدق تيتيز

كوثر : تيتيز و سكتي ناري شحال كيبان ضريف و متواضع.. غير كيبتاسم..

ايمان : شتيه شتيه فاش درعها بالفرحة ..

كوثر : ناري بنتو زوينين ..

اشراق ( مطلعة حاجب و مهبطة لاخور ) : واش ساليتو.. شويا و تاكلو سيد بحوايجو .. سمعو ( تنهدات) غيمشيو يحتافلو فشي نايت كلوب و عتاذرت على ودكوم.. مي قتارحو حتا نتوما تمشيو ..

قاطعوها بزربة: نمشيو اختي نمشيو...

طارو كيقفزو ووحدة كدرع لخرى خلاو اشراق مصدومة فيهوم ..

اشراق (بحدة) : بنات بلا شوها اويلي مالكوم تفروحتو

ايمان: اختي القضية فيها المصمم غسان و منفرحوش اجي بعدا منين جاتك هاد الكسوة لي لابسة

اشراق ( بفرحة ) : غساااان عطاهالي .. هو لي صممها على ودي

شافو لبنات فبعضياتهوم و طلقوها بضحكة دشيخات

كوثر ( كتعيبها) : هكاوااااا على غسااااان عطاهالي..

ايمان : طحتي طحتي ابنتي

اشراق (بعصبية ) : بلا ضحك باسل .. سمعو عنداكوم ديرولي شي فضيحة حداهوم خليو بلاصتي زوينة بلا شوهة..

كوثر : كوني هانيا مغنحشموش بيك

ايمان : متخافيش زين و تباتة

اشراق : هاحنا غنشوفو زيدو راهوم لهيه

مشاو لبنات تابعين اشراق .. غير وقفات و قفو موراها

اشراق : احم هاحنا جينا..

يلاه جات ضور و هيا تقشع ايمان تيسات فيها طارت من موراها ..غير تبعاتها بعينيها و هوما يخرجو بصدمة ..

عند ايمان غير وقفو و هيا تقشع غسان جاي معقلاتش حتا طارت لعندو تابعاها كوتر

ايمان ( بلهفة ) : غساااااان الوهبي المصصم لمغريبي لي فمدة وجيزة قدر يحتل مراكز الاولى فعالم تصميم

غسان (ضحكاتو طريقتها فلهضرة ) : هو انا

لحقات عليها اشراق

اشراق ( بضحكة صفرة ) : ايمان بشوية على سيد اولي دخلتي فيه طول عرض (شافت فغسان) متديش عليها تحمسات..

ايمان : انا ايمان ( مدات يدها) صاحبة اشراق .. عرفتي حمقوني تصاميمك واعرين واعرين بحالك

كوثر (نقزات) : عرفتي دابا عاد عرفت اشراق علاش كضل تشكر فيك.. ناري صدقتي فشكل

غسان هز عينو فاشراق بتاسم ليها.. شافها مصدومة فالبنات..

غسان (كيضحك) : ايوا الحمدالله بعدا لي شكراتني.. فرحت لي عجبوكوم تصاميم..

ايمان : حمقوني واعرين

لحق عليهوم انور: واش منمشيوش (شاف فلبنات ) اشراق مصدقتيش مخبيا علينا تيتيز

غسان : راه شتكوم تعطلتو و رجعت نعيط ليكوم.. الى واجدين نمشيو .. أجلو ركن تعارف حتا نوصلو..

--

مشا انور عيط لباقي كانو قلالين

تفرقو فطموبيلات.. طول طريق و اشراق كتعاتب البنات على شوهة لي دارولها و هوما ممسوقينش

ايمان : ياختي عندنا زين فالمغريب

كوثر : لا لا هادا موحال واش مغريبي فيه شي عرق تركي

ايمان : اول مرة كنشوفو مغريبي ديما ضاحك.. اربي ا إشراق واش عمرك شتيه معصب و لا كاعي

إشراق: شتي من اليوم الى بقا مسكين طفرو عكرولي..

اويلي بدلو الموضوع معيتوش

ايمان : هاحنا وصلنا.. غا تهناي

كوثر : شنو سميت هاد بلاصة

ايمان : ريد هاوس احسن نايت كلوب فرباط

كوثر : مضحكيش عليا مي راه معرفتش هاد نايت كلوب

إشراق:بخلاصة بلاصة فيها شراب و شطيح

ايمان : شحال هادي مدخلت حيحت اخر مرة كنت مشيت مع عصام هادي شي عام

كوثر : ملقيتي شكون تجبدي يخ تفو

إشراق: متبداوش ها العار .. انا هادي اول مرة ندخليه

ايمان : حضيو غير شنو كتشربو.. تأكدو بلي ماشي شراب باش متعوروهاش

كوثر : قوليها لهاد خيتي(ضارت شافت فاشراق ) سيري تاني gرgبي شي عجب هنا راه مكاين سطح لي تكواي فيه

اشراق خنزرات فيها محملاتهاش تجبد الموضوع حدا ايمان

ايمان مدات مجابت: زيدو ندخلو

---

وصلو تجمعو فالدخلة كان باب كبير و واقفين حداه لي كارد...فالحيط كان بانو كبير دائري مكتوبة عليه Red House و لوجو ديالهم

عطاو لي كارت ناسيونال ديالهم شافوهم و من بعد دخلو

دخل انور فاللول مور مدوى معاه غسان.. مشا قاد المسائل على ود لبنات.. لقاهوم موجدين ليه بلاصة فالقنت نقية و محتارمة..

صوت الموسيقى مجهد بزاف...الدنيا كلها مضوية بالاحمر و الازرق ..مع الدخلة الحايحا نايضة بنادم نايض كشطح و كلشي ناشط...دراري و بنات كلشي مجموع.. مخلين بلاصة الوسط فين اشطحو

كان تقربيا مقسم لجهات و كل جهة فيها دي فوطاي و دي طابل فاللون الاحمر و الكونطوار كان مقابل مع الدخلة فين محطوط موراه جميع انواع الشراب..

اشراق و كوثر حالين عينيهوم فلبنات كل وحدة لابسة كفس من لوخرى

كوثر ( كتغوت باش تقدر تسمعها) : اختي واش متأكدة حنا فالمغريب

اشراق : هااح ..امولاي تهامي شلا تغامي دازو من قدامي

كوثر : افينك يا امينة تعالي تشوفي الخير

تبعوهوم غاديين كيبرركو ايمان عاجبها الجو دغيا تلقات معاهوم مشاركاهوم لحديث.. كلسو كلها طلب شنو بغا..

---

عند عصام من البارح و هيا منخلاه حتا من العشا كلاتو فبيتها مسولات فيه موالو ..

ملي رجعو لدار و دخل حط صندوق دلفغيز .. تبعاتو كطير لكوزينة هزات شنو بغات و دخلات سورتات الباب عليها عيا فيها تحل الباب مبغاتش ..

فايقت مروة خاسرا شافتو كيوجد الفطور ممسوقش.. سيد حاسب دار دارو

عصام ( راشقاله) : صباح نور فقتي.. اجي اجي تفطري صاوبت لي كخيب .. شكون بحالك

مروة : راه و الله و تولي شوميشة لغيرت قراري

عصام : تي نعلي شيطان و دوزي تفطري راه نسبك و منخلي لي يسبك.. نضربك و منخلي لي يضربك نكويك و منخلي لي يكويك

مروة : تاتكون تعرف تكوي كيناس لحيرة غير فالهضرة ..

طفا عصام على البوطة جا مقرب منها ملصقها مع بوطاجين ممخليلهاش فين تحرك

عصام : مالنا ا مدام منخافوش شتك هاد شهر هادا ضصرتي مبقيتي تحتارمي

مروة : مدموزيل الله يخليك منبقاش كل مرة نفكرك.. و الاحترام بيدك خسرتيه

عصام : صافي ا مروة كبري عقلك راحنا كبار زعما .. الغلط كيوقع .. فين هو الحب و الغرام فينها مروة ضريفة لي غير ندوي معاها تحشم ..

مروة : الحب و ضرافة مشات مع دم لي ملقيتيهش ..

دفعاتو بيدها دازت لتلاجة جبدات منها الفريز و قرعة شوكولا.. تخطاتو و كلسات كتاكل..

سمعات صوت طيل ديالها كيصوني.. تهزات بشوية عليها.. مسحات يديها.. هزات طيل لقاتو لمحامي.. ضارت بنص عين شافتو حاضيها ..

مروة: وي مسيو شاكيب انا صافا حمدالله و نتا لاباس

محامي : الحمدالله عيطليك على حساب دعوة اليوم يوصلو تبليغ ..

مروة : مممم صافي قاديتي الامور.. دونك دغيا نتفاك ياك ..

محامي : الى وافق على طلاق الاتفاقي غتسهال القضية .. مهم نخليك دابا بغيت غير نعلمك.. عندي واحد الجلسة دابا..

مروة : اه صاف واخا (سمعاتو قطع.. بقات مكملة الهضرة )

مروة : وي ايكزاكطومو بغيت غير نتحرر نعيش لافي.. باقا صغيرة 100 واحد يتمناني (شافتو جاي قاصدها ) نخليك دابا..

مع وقف عليها نتر ليها طيل زدحو مع لرض

عصام(جعر) : مروة عيقتي صافي زدتي فيه من البارح و انا صابر ليك.. خليتك تفشي خاطرك على راحتك.. مي باش ديريها بصح و توصلينا المحاكيم راه بزاف .. راجعي نفسك.. ضلمتك و فهمتها و عتادرت مي كلشي بسباب كدوبك من اللول حطي معاي كلشي أ طابل .. كن راحنا عايشين لافي مسافرين فشي قنت .. ماشي كالسين كنتقاتلو هنا نعطيك كلمة ترضي بعشرة

مع سالا هضرتو كيتسناها تجاوبو حتا كيشوف سيدة رضت عليه عمراتو كولو تقية.. كترد و تقول شي مرضات.. بقا واقف مصدوم فيها ..حوايجو كاملين ولاو تقية.. شافها سخفة شادها..حيد بلخف تيشورت ديالو لي عمار بتقية.. مشا شدها كيجمع ليها شعرها باش ميتقاسش..

مروة حاسة بدوخة و قلبها مزال طالع.. حط يدو على راسها لقاها سخونة طالعالها سخانة.. جرها بسيف باش كتمشا.. عاد كانت مزيانة مفهمش شنو وقع لها.. دخلها ديغكت لدوش .. غير وصلات رجعات كتقيا حاسها براسها فشلانة.. عاونها بقا شاد فيها باش مطيحش .

عصام ( يخوف) : مروة مالكي باش كتحسي (كيقلب راسها) راسك سخون.. خلاها كالسا مشا بلخف هز كرسي و جابو.. قاد الما.. مشا عاونها وقفاات .. حيد ليها سوفيطما و شورط لي لابسا..

مروة دوخة قاتلاها حاسة براسها فشلانة ..

مروة : غير خرج ندوش راسي

عصام : ماشي وقت العناد كتباني عيانة.. غير نشلل ليك و خرجي رتاحي .. حتا نتي معشية بلفريز و مصبحا عليه و مغسلتيهش من تلاجة لكرشك باينا هو لي ضرك

مروة كتسمعو كيهضر و مقداش تجاوبو.. عاد كانت مزيانة معرفاتش مالها.. حطاات راسها على كرشو

كتشوفو هز رشاشة ركبها مخلي لما ضارب فيهوم..

تحنا حيد ليها لي سوتيان كيحاول ميركزش فسدرها واخا من لي فاق و هو مشهيها.. هز شومبوا دارولها عجبو شعرها كيلعب بالرغوة مشطو بالخف و شللو..

وقفها معاه باش يدير ليها باندوش.. مع علات راسها تلاقاو عينيهوم بقات كتشوف فيه .. نضراتو كيبينو شحال خايف عليها هز يدو كيدوز على وجها بحنية..

كحز شعر على وجها.. منضرها كان فنتة الما ضارب فيهوم ..يدو كان شادها بيها من خصرها باش مطيحش.. عينيها كيبانو تعبانين بكترت تقية.. وخا هكاك كان كيشوف نضرات الحب لي واخا تعيا تخبيهوم عينيها كيفضحوها.. ندم لي ضلمها.. عارف غلط و غلطو مكيتغفرش.. عارف خلا العصبية تحكم فيه .. عارف بلي قصى عليها ..

هو شخص مكبرش فالحنان.. معارفش معنى الزوجة.. معنى الاسرة... معندوش فكرة على البنات و شنو الاختلافات لي كاينة.. معارفش انو ممكن غير العادة شهرية تخليها تبكي و يتغير مود ديالها.. مفاهمش انو ممكن تخليها تشهى بحال شي وحدة كتوحم.. فكيفاش غيعرف انو البكرة فيها انواع و انو كاين المطاطي و الحلقي و غيرو..

هو كيبقا رجل كبر فالداخلية محتكش بالنساء .. مكانتش عندو ام او اخت مشهدش على تغيرات لي كتوقع لبنات .. مفاهمش انو ممكن البنت تخاف من العلاقة الجنسية حيت ولف لبنات هوما كيجيو عندو.. هوما كيديرو كلشي حافضين دروسهوم.. كيفاش بغيتوه يفهم خوف مروة.. و يراعي نفسيتها... بالنسبة ليه كان كيشوفها كترفضو كيجعر... مكانش واخد خوفها بجدية..كان كيقول غير مبغاتوش...

بقا كيشوف فيها و افكار كتيرة كدور فبالو ممستاعدش يخصرها.. ممستعدش بسباب طيش منو يخسر العائلة لي يلاه كيبني فيها.. واخا هو عارف بلي فاقد الشيء لا يعطيه...

بقات كتشوف فيه بتعب.. حاسة براسها فشلانة.. كون مكانش شادها كان ممكن يخويو بيها رجليها.. باغا غير تنعس.. تنهدات بتعب.. كتشوفو كيشوف فيها.. يلاه بغات تبعد.. شافتو زيرها عندو كيشوف فعينيها قرب باسها منهوم شي لي خلاها تنهد.. هبط بشنايفو لشنايفها كيروي العطش ديالو كأنو باغي يوصلها انو ندمان و غلط فحقها.. قبلة كيحاول يعبر بيها على المشاعر ديالو .. كيبوسها بكل حب و حنان..

مروة حاسة براسها فشلانة و زاد كمل عليها.. قرارها خداتو و مغتراجعش عليه.. بالنسبة ليها دار غلط مستحيل تغفروليه.. حتا الشرف و نقطة حمرة.. باش ينعتها بال79بة مبغاتش تسرط ليها..

بعدات عليه بلا مدوي.. كتحرك فشلانة و دوخة شاداها.. شد فيها قبل مطيح.. حس بيها غير من عدم تجاوبها معاه انو باقا مقلقة و صعيب باش تسمحليه..

رجعات كلسات فوق الكرسي.. تنهد هز باندوش دوزو عليها.. مخلياه يدير لي بغا معندهاش اليدين لي يديرو شي حاجة .. تحنا حيد ليها سليب .. كيحاول ميكزش حيت حاس براسو مقادرش يصبر و مبغاش يفرض عليها شي حاجة ..

شللها لحمها و ربي لي عالم بيه حجرو تنفخ حاس براسو مقادرش يبقا كيقيس فيها و يشوفها حداه عريانة..

مشا جاب بينوارها لواه فيها و هزها مخرجها...حطها فوق ناموسية مخليها متكية و رجع كيكب عليه الما كيبرد العافية لي شعلات فيه...

----

عند اشراق الجو عندهوم حماااااسي ناضو لبنات كيشطحو محيحين مع انور و دراري دلي كيب لي لحقو...

ناض معاهوم غسان لي تصدمو فيه ايمان و كوثر متصوروهش غيكون ضحوكي و كووول .. دابا عاد فهمو علاش اشراق كانت كتشكرهوم و مرتاحة معاهوم..

بقاو كيشطحو... حتا عياو..

رجعو لبنات كلسو بقا غير انور و غسان و اشراق و ايمان و رانيا وواحد جوج دراري من لي كيب كيشطحو..

تقلبات الاغنية من اغنية حماسية لأغنية رومنسية ... بقاو شي كيشوف فشي .. نسحبات رانيا و دراري بقات ايمان و انور و غسان و اشراق ..

ايمان : كون غا خلاو لينا زدحة ضروري يحركو لينا المشاعر .. معندناش تا معامن نتحابو لا معامن نشطحو

انور( كيضحك) :لهلا يحوجك اجي نشطحو انا وياك

مشاو لوسط كيشطحو..

غسان : اشراق نشطحو و لا عيتي

اشراق : نشطحو علاش لا.. مجيناش باش نكلسو

زادو حدا باقي لي كوبل كيشطحو..

غسان : دومان قادي بخوكغام ديال سفر .. كيفما قتلك قبل الى ربحنا غتمشي معاي باش تقادي المسائل و تناسقي معاهوم..

اشراق : وي داكوغ كون هاني .. انا لي صدقاتلي غنمشي لإطاليا

غسان : ايوا شتي شكون بحالك .. الى ربحنا كنواعدك نساريك ميلانو غتعجبك بزاف..

اشراق (كضحك ) : مبحالي حد.. خاص غنربحو باش نتسارا مع راساتي..

غسان : حقا باش منساش.. جاتك الكسوة زوينة..

اشراق ( كضحك) : راه انا لي زوينة

غسان : هادي مافيها شك

بقات اشراق كضحك هيا و غسان و ايمان و كوثر حاضينههوم كيتغامزو غير من بعيد..

سلات الموسيقى رجعو بلايصهوم طلبو لعشا كيتعشاو و يضحكو..

---

عند عصام دوش بلخف خرج لقا مروة باقا ببينواغ.. مشا لجيهتها لقاها كتهبرت غير بوحدها..

عصام (كيفيقها ) : مروة ( كيزعزع فيها) مروة فيقي..

حط يدو فوق جبهتها لقى سخانة طلعالها شوية..

حلات مروة عينيها دايخا عاونها حتا كلسات.. مشا جبد ليها حوايجها.. عاونها حتا لبساتهوم.. هز فوطة نشف ليها شعرها ...رجعات تكات بلاصتها.. مكمشة على وضعية جنين..

عند لبنات سلات سهرة ... و رجعو لدار .. دخلو كل وحدا تلاحت بلاصتها ..

كوثر : احسن نهار عشت فحياتي كاملة

اشراق : دازت سهرة زوينة صراحة

ايمان (كطنز ) : بسيف اختي و نتي شطحتي مع سي غسان كامل و مدوزليكش زوينة

تكلسات اشراق طارت كتقرس فايمان و دازت لكوثر مخلياهوم كيقفزو

اشراق :ينعل حسكووووم أ ال79بات شوهتوني صحابلك مقشعتكومش كتغامزو.. طارت على ايمان : اجي لهنا صحابلك نسيت الفرشة لي درتولو الله يمسخكوم .. ندمت لاش ديتكوم

ايمان (كضحك) :دابا اجينا من تالي واش كيعجبك غسان

كوثر ( كتغمز ايمان ):غا كري عليك الامان .. صافي نساك فاديب

ايمان : غير عتارفي قبل منحطو عليه العين

اشراق ( وقفات كدوي بعصبية ) : واش منيتكوم كدويوي.. غير واش منيتكوم.. باراكا واش غير حيت شفتوني ضحكت و نشطت شويا صاف راه طحت فيه واش مكتحسوش بيا .. بحالي زعما معشتوش معاي شنو وقع لي .. بحالي مكتسمعونيش كل ليلة كنبكي على زهري .. واش غير حيت طويت صفحة و كنحاول نسا تجي نتوما تحكو على ضبرة .. واش مكفاكومش هادشي لي داز عليا .. اول مرة الدنيا كضحكلي بغيتو تنكدوها

قاطعاتها كوثر: اشراق حنا

اشراق ( بعصبية ) : شنو نتوما شنو .. نتي بعدا لي كدوي كون غير مكنتش معاوداليك و كلشي داز على عينيك نقولو سيدة محقها تشك ... و نتي ا إيمان بغيتي تحطي العين حطي واش انا غنوقف فطريقك .. الى نتي كل مرة عاجبك واحد و كل مرة بايناليك فواحد انا لا .. انا عاد كنحاول نسا و نتوما كضغطو عليا ... واش مكتحسوش واش مكتفكروش.. كيفاش انا غنسا و كل مرة كنشوف اتار لحراق فرجلي .. كيفاش دغيا شكيتو بلي بسهولة تجاوزت الامر .. الى نتوما مكتبغيوش منيتكوم.. انا راه قلبي داه معاه ... داه و مسوقش.. داه و معطاهش خاطرو حتا يسول فيا .. .. مشا عاش حياتو ممسوقش... و انا حيت شفتوني ضحك شويا و دخلو ناس جداد فحياتي صاف راه وليت نبغيه و نحط عليه العين .. مفهمتكومش كيفاش كتفكرو و بلا حشمة كتغامزو عليا صحابلكوم غسان مشافكومش عور هوا .. اه و بلا منهضرو على الهضرة لي قلتو.. على الاقل ديرولي اعتبار ماشي سيد كيتعامل مزيان مع لي خدامين معاه صاف راه حيط قصير .. راجعو تصارفاتكوم راكوم عيقتو..

خرجات زدحات باب لبيت ..خرجات من دار طلعات لسطح كارها راسها و كارها حيت تفكراتو.. كرهات حيت شطحات مع غسان و عقلها كيفكرها بيه و ليلة لي شطحو فيها بجوج..

اشراق : علاش علاش مقدرتش نساك .. علاش باقي كنفكر فيك .. علاش مزال كل ليلة ندخل نشوف واش مصفطلي شي ميساج... علاش كل مرة نرجع نقرا رسالة .. علاش مقدرتش نخرجك من حياتي ( غوتات ) علاااااااااااااش

----

عند لبنات غير خرجات كانت ايمان غتبعها ووقفاتها كوثر

كوثر : خليها تبرد .. راه باينا توحشاتو و بردات فينا حنا

ايمان (بندم) : مكانش علينا نعيقو.. انا و الله مقصدت والو موالفين كنشدو فيها ماشي اول مرة( تنهدت ) اوووف بناقص ندمت لاش هضرت كاع

كوثر : كون تشوفي انا معرفتش حتا كيفاش زهقت و جبدت سميتو تفو ( كضرب ففمها) ياختي مكنعرفش نشد فمي تفو بناقص .. اه حقا ميبقاش فيك الحال من هضرتها راه غير معصبة

ايمان : شتي كون مكنت كنعرف اشراق مزيان كيف دايرا و الله تايبقى فيا مي راه باينا توحشاتو.. ناري كانت كدوي محروقة.. ( تنهدات) نعياو نهربو نعياو نخبعو و نبداو من جديد لكن يكدب عليك الكاذب حتا حد مايقدر يتحكم فقلبو .. جرح القلوب صعيب ذغيا يبرا 

كوثر : متوحشتيش نتي معتز

ايمان : نكدب عليك الى قتليك مكنتفكروش.. فراسك كنت خدامة فشركة غير على قبلو.. كان كرم لقا خدمة فمدينة خرا و مكنتش وافقت ندير انتقال غير باش نبقا قريبة ليه .. عارفا راسي كنت غير كنخربق.. مي راه كان حب طفولة .. تخيلي كنا عاد صغار نهار تواعدنا.. كنا طلاقينا فلبلاد... كنعقل مزيان على ديك نهار .. كانت خت مدام كنزة ولدات يعني خالتو .. و كنا حنا فدار جدي و عرضونا لسبوع .... تما فين كنت شفتو اول مرة .. تخيلي يا كوثر كنعقل على ديك نهار بحالي غير البارح شوفي شحال من عام داز و منسيتوش.. من ديك نهار سميتو بطلي حيت بصح كان بطل بالنسبة ليا ..

كوثر : علاش شنو دار

ايمان( كتعاود و تبتاسم بحب ) : كنت صغيرة و بكاية.. كنت خوافة و مكنزعمش.. كنت كالسا حدا دار جدي و لبنات كانو كيلعبو بيناتهوم و انا كنت من نوع لي حشومي و انطوائي.. مكانش عندي صحابات.. كنت كلعب غير بوحدي بمونيكتي حتا كتنترهاليا واحد البنت كانت كبر مني .. كنعقل وقفت باش نحيدهالها دفعاتني و بقات كتلوحها لبنات ووحدة كتلوحها لوخرى و انا فالوسط كنحاول نحيدهالهوم .. عيت نرغبهوم و كنبكي باش يرضوهالي مبغاوش.. حتا كنشوفو جاي نترها لبنت من يدها و دفعها طاحت.. تما كان خوها لكبير واقف غير شافو دفعها .. جا ليه بقاو مني منك ناضو كيضاربو دقة فيه دقة فلاخور.. متفاكو حتا خرج جدي فكهوم.. (ضحكات) تخيلي كان رعفو و مرضاش يبين حدايا بلي كضرو ..عرفتي من ديك نهار و حنا كنتلقاو .. كان كيلعب معايا ... دوزنا لعطلة ديال صيف بجوج .. و من زهرنا تخيلي صدقنا فنفس المدرسة كنقراو .. و كنا ساكنين فلمدينة حدا عمتو.. لدرجة كان كيدير السبة بعمتو باش نتشاوفو ...كان حب طفولة بريء..

كوثر : وعلاش تفارقتو فاش كبرتو ملي كنتو كتبغيو بعضياتكوم من صغر

تنهدات ايمان : مكانش مكتاب..كنا ديك الوقيتا ففترة ديال مراهقة.. كان وقع صداع بين العائلات على ود شي بلاد .. و مو نهار صاقت لخبار نوضات الفتنة.. ( تنهدات) مهم قصة طويلة قولي المكتاب و صاف .. دابا كلها دار حياتو و هو قريب يولي اب ..

كوثر : ياختي معندك مديري ربي يعوضك حتا نتي بماحسن ..

ايمان (تنهدات ) :امين .. دوزي نطلعو عندها حشومة نخليوها بوحدها..

مع كملاتها دخلات اشراق ..

اشراق : مكاين لاش انا جيت

ايمان: اشراق حنا و الله مقصدنا غير كنا كنضحكو

كوثر : اه و الله ماكانت فنيتنا شي حاجة سمحيلينا

اشراق : عادي موقع والو .. نساو .. نتوما مدرتو والو .. صاف بدلو الموضوع

ايمان : ايمتى غتسافرو..

اشراق : منهنا 3 يام غنمشيو

كوثر : وشحال غتكلسو

اشراق :4 يام واقيلة .. عندنا فول فلعشيا.. ديك ليلة نباتو تما و لغدا نقادو شنو خاص يتقاد و موراها كاين نهار المسابقة و بعدو ليبغ..

ايمان:انشاء الله غتربحو

اشراق : انشاء الله نوضو نعسو مشا لحال .. حقا ايمان شنو درتي فبروجي

ايمان : راه باقي عاد كنقلب على لوكال بشي تمن زوين

اشراق :داكوغ..

جا نهار جديد..

عند اديب كان جالس كياكل فصوندويش بعد ما استنزف كل طاقتو فالتدريب...عاطي جهدو كلو باش يوصل لهدفو...باغي ينسا و باغي يحقق أحلامو .. و يبني مستقبلو

فجهة اخرى كانت واقفة كتشوف فيه من بعيد .. كتخطط و تعاود .. تحركات غادة لعند لوكاس ..وقفات عليه قدام باب لاصال ..

اروى: امتى غادي يمشي؟؟

لوكاس: فهاد دو جوغ

اروى: بغيت نمشي معاه

لوكاس : راكي عارفة الجمعية مغيبغيوش على ود لي شاغج.. راه غيمشي طبيب و انا و هو دونك مغيبغيوش

اروى : غنمشي على حسابي غير قادلي لبلان باش نبان بلي غادة معاكوم .. مبغيتوش يعرف بلي انا مور هادشي..

لوكاس: صعيب ا اروى و الله مخاصني صداع..

اروى: شوف شي بلان مسوقيش ضروري خاص نمشي و مغاداش نتشاور معاه .. متنساش شحال من مرة وقفت معاك و درت فيك شحال من خير .. راه ماشي كنطلبك راه كنقوليك غير تردلي خيري وصاف

لوكاس: ا اروى بلا قصوحية الراس راه اصلا معندكش لاش تمشي و باشمن صفة اتمشي ... اصلا لاش تسمحي فلي كيب ديالك .. الى غير باش تحضري و تكوني معاه قوليهالو هو نيت... عادي ..

اروى: لوكاس دير لي قتليك و بلا زيادة بلا نقصان

.. وا دبا فكر فاي حاجة فاي حل مهم قنعو بلي خاصني نمشي ولا جاع انا انمشي بصفتي غادا معاك المهم نمشي ( بدات كدوي بدلع و كتلعب ليه فصدرو) عفاك متردهاش فوجهي.. راه الى قلتهالو مغيبغيش..و انا باغا نحضر و الى مشيت بوحدي مغالقاش تيكي و الى لقيت غيكون لور..و انا باغا نكون قريبة و معاه.. عافاك

لوكاس: واخا مي الى تفرشي مدخلينيش

بفرحة عنقاتو كضحك : كون هاني نتا غير قادليا لبلان

فنفس الوقت كان خرج اديب و لقاهم بزوج ..

لاح السلام عليهم و زاد غادي حتا عيط عليه لوكاس و رجع ..

اديب: وي كاينة شي حاجة؟

لوكاس: ساليتي التدريب؟؟

اديب: وي ساليت

لوكاس: اك مهم بغيت نقول ليك راه كلشي واجد .. غدا رتاح بلا متجي تدرب.. بعد غدا مع 6 كون هنا باش تمشيو مجموعين .. انا نهار المباراة عاد نلحق عليكوم

اديب : صاف واخا ( يلاه جا يمشي و هو يسمعو هضر )

لوكاس : اه حقا اروي غتمشي معاكوم.. هيا لي غتنوب عليا و تكلف ليكوم بلوراق..

شاف اديب فاروى لقاها باينة عليها توتر و رجع شاف فلوكاس و قال: مكاين لاش تعذبها .. غير حنا كافيين..

لوكاس: لا ضروري يمشي معاك شي حد من هنا و عاد اروى كتعرف للغة تما كثر يعني راه مزيانة ليك و اتحتاجها .. زيد متنساش غيكونو صحافة و ضروري متبانش راك جاي غير بوحدك واخا طبيب معاك مي ضروري خاص يكون شي حد خور ..

مسح اديب على وجهو ملقا مايقول و ما فيه لي يبقا يطول فالهضرة و نطق بتعب: وخا صافي لي بالكوم المهم نخليكم دبا..

دارت اروى عند لوكاس شكراتو و فنفس الوقت مشات كتجري تبعات اديب و كتعيط عليه من بعيد..

سخطاتو بالمزيان هو عيان باغي غير يمشي بحالو يرتاح و هي حالفة متخليه فالتقار دار لعندها صاعر

اديب: مالنا

اروى: اديب يمكن مباغينيش نمشي معاك و لكن خاصك تعرف راه غير على حسب مصلحتك و صافي و مكاينة تا نية خايبة مور هدشي ..

اديب: شفتيني قلت شي حاجة .. راه كي كنتي كي لا شكون سوق.. بالي هاد ساعة غير معا كومبا بلا متبقاي تحماقي عليا..

اروى: غير وضحت ليك و صافي بغيتك غير تكون مرتاح و لا مبغيتينيش نمشي مغاداش نمشي.. كتهمني غير تكون مرتاح ..

اديب شاف راسو بحالا رجع كيقصح معاها تنهد و نطق : مكاين مشكل.. المهم نخليك دابا نتلاقاو نهار الفول..

عند معتز و ياسمين

جالس معاها فشومبغ و فنفس الوقت بالو مع ايمان لي معرفها فين مشات...عيا يقلب و يسول والو مكاينة تا خبار عليها

ساهي عقلو مرفوع شي لي ياسمين لاحظاتو

ياسمين: فين ساهي؟؟

معتز لا جواب

ياسمين : وا معتز

ساهي مسمعهاش

ياسمين( جننها مني مجاوبهاش و نطقات بصوت مرتفع): مععععععتتتززز

فاش معتز من سهوتو على اثر غواتها و ناض زاعف لعندها

معتز: نعام؟؟ شنو؟مالنا ؟ علاش كتغوتي راني غير حداك

ياسمين: فين كنتي ساهي من صباح و انا ندوي معاك

معتز( معصب) علاش كتسولي؟ عادي كنفكر واش حتا تفكير غتحرميه عليا

ياسمين: فاش ساهي ؟؟

معتز: ياسمين واش تا دماغي خاص دخلي ليه ولا شنو؟؟؟

ياسمين: ياك امعتز ( تجمعو الدموع فعينيها) وليتي كتغوت عليا دبا ياك.. غير سمعتي طبيب قالك استقرات حالة ل بيبي تسيفتي.. صافي غادي تسمح فيا ياك

شاف دموعها بداو كهبطو و بدات كترعد ليه بدا كتخلع عليها و حاوط وججها فين ايديه و قال: سمحي ليا مقصدتش نقلقك غير متبكيش.. مغنسمحش فيك .. راه قتلك نساي هاد الافكار.. انا معاك..

بقات ياسمين ساكتة و مزال كتبكي لانه مرضاتش يغوت عليها

تنهد ناض شدها قربها منو و عنقها ضامها لصدرو كسكت فيها.. و هيا عاد كتزيد تبكي و تجبد عليه

معتز: وا دوينا دبا مكاين لاش هدشي براكة من البكا راك كضري لبيبي

ياسمين بصوت باكي : نت اصلا كتعامل معايا هكا غيؤ حيت خايف عليه ماشي على قبلي

بعدها عليه و شد فدراعها ونطق: ياسمين اه ولدي كيهمني و لكن حتا نتي دبا كتهميني باغي نبدا من جديد و نسا كلشي...عفاك حيدي هدشي من بالك و خلينا نبقاو هانين.. متحكيش على ضبرة كتشوفيني داير كتر من جهدي .. سامح فراحتي و فخدمتي .. رخفي عليا رحميني .. راه بزاف هادشي .. راعيلي شوية .. ماشي على اي حاجة تبكي و تفقصي.. كن مكنتوش كتهموني بجوج كاع متلقايني ديما معاك..

رجع كيقرب ليها حضنها و قبلها قبلة خفيفة فشنايفها.. شي لي خلى ياسمين ترخا و متبقاش معصبة..

---

دازت يوماين على اخر الاحداث ...

عند مروة دازت عليها كلها مرض .. حاسة براسها فشلانة.. مكتقدرش تنوض و لي كلاتو كترضو.. عيا فيها عصام باش تمشي لطبيب و مبغاتش.. علاقتهوم باقا هيا هيا .. فهاد اليوماين... كان مقابلها.... كيحاول يدير ليها خطرها.. واخا كانت كتصدو و منخلاه

فاقت صباح كتحس بيد عصام متقلة عليها تنهدات.. دارت كتشوف فيه ناعس .. كيبان مرتاح.. بقات شحال كتشوف فيه .. تعيا تقصح قلبها تعيا تخدم عقلها متقدرش تكرهو و لا تخرجو من قلبها .. كتبغيه و غتبقا تبغيه .. لكن كرامتها مستحيل تخليها تمرمد.. احيانا الحب مكيكونش كافي باش نسامحو و نبداو صفحة جديدة بالاخص فاش الطرف الاخر كيكون جرحنا و مراعاش لينا..

تنهدات .. حيدات ليه يدو من فوقها.. ناضت بشوية باش متفيقوش.. غير خرجات و ضرب فيها الهوا .. حسات بمعدتها تقلبات .. مشات كطير لطواليط كترد..

غير سلات و هيا تجيها دوخة تاني .. بقات شحال كتغسل فوجها عاد قدرات تصحح شوية .. هادي كتر من 3 يام و هيا على هاد الحالة .. حتا من ليغيكل معطلة عليها .. الفكرة لي جات فبالها خلات بقلبها كيضرب...

مروة : ميمكنش يكون لي فبالي صحيح .. اولي ميمكنش انا باقا بنت.. ميمكنش..

مشات خرجات ديغكت هزات طيل ديالها.. اول حاجة دارت دخلات ل كوكل كتقلب واش ممكن يوقع حمل فالحالة ديالها.. طلعولها بزاف ديال مقلات غير دخلات بدات كتقرا عينيها خرجو و يديها بداو كيرجفو..

مروة : اويلي لا ميكنش.. لا يا ربي .. ميكنش نكون حاملة مستحيل ..

ناضت بزربة هزات بزطامها.. هزات سوارت طموبيل .. و هبطات هكاك ببيجامتها.. محبسات غير حدا فاغماسي .. دخلات شرات 3 انواع دلي طيست .. حاسا بقلبها غيسكت بلخلعة.. رجعات لدار كلها كترجف.. مع حلات لباب لقات عصام واقف صاعر باين عليه مخلوع.. غير شافها طار عندها

عصام ( بخوف ) : فين كنتي علاش خرجتي و نتي باقا مريضة (شافها ببيجامة) و علاش خاجة هاكا واش منيتك امروة ( دار يدو فوق جبهتها) الحمدالله مطالعالكش سخانة

مروة بقات كتشوف فيه كيف مخلوع عليها .. قلبها كيضرب .. خايفة بزاف لتصدق حاملة .. تخطاتو بلا متجاوبو.. قصدات نيشان طواليط..

عصام تنهد ملي فاق و ملقاهاش خاف تكون طرات ليها شي حاجة.. و زادت كملات عليه و ملي دخلات كتبان مصدومة .. تبعها كيسول مالها

عصام ( كيدق فالباب ) : مروة واش لاباس ... علاش خرجتي راه كنساينك تجاوبيني.. واش نتي بيخير .. راه كندوي معاك.. جاوبي و لا غندخل..

يلاه بغا يحل الباب باش يدخل.. حلات مروة الباب.. كتبان مصدومة.. شافها هازة شي حاجة فيدها غير دقق فيه عرفو تيست ديال الحمل

عصام ( باستغراب) : مالكي .. شنو هادشي فيدك

مروة ( مدات ليه طيست) : انا حاملة

عصام(بفرحة): كييييفااااش ؟؟ واش بصح حاملة؟؟ متأكدة؟؟ يعني انا دابا غنولي اب ياك؟؟ كيفاش وقع هادشي ؟؟ بهاد زربة ؟؟

مروة ببرود : كدوي بحالي متأكد ؟؟ باش عرفتي راسك باه؟؟ فكر شوية يقدر ميكونش ولدك.. زيدو تا هو على دم لي مخرجش ....

----

فقاعة الانتظار فالمطار تعلن على وصول الطائرة ...

وقف اديب و اروى و طبيب كملو اخر الإجراءات و خرجو متوجهين للطائرة..

غير وصلو ليها و طلعو كل واحد جلس فبلاصتو كيتسناوها تقلع..

عند اشراق.. فاقت تالفا.. بدات كتجمع حوايجها و لبنات كيعاونوها.. عطاتها ايمان من حوايجها.. ختارولها كساوي لي جاو مع طايتها..

اشراق ( بحماس ) : ناري يا لبنااااات عرفتو حاسة براسي غنسخف .. مصاب غير منديرش شي شوهة فاش تقلع طيارة

ايمان : عادي اصحبتي معندك مناش تخافي

كوثر ( كطنز) : عنداك تقياي على سيد .. دابا نوجدليك شي ميكات ديهوم معاك لتصدقي كتقياي على سيد

ايمان( كضحك ) :اولي على مالها راكبة فالكار باش دوخ..

اشراق: بزاف عليك .. خليها راها كطنز لمغيارة لخرى.. هاديك كون كنتي نتي ديريها

كوثر( كضحك) : اييه يا ختي شكون بحالك من حمارة لطيارة.. من فاس ل طاليان..

اشراق (كضحك ) : من شيخة ل سكريتيرا فدار ازياء

ايمان : ايوا سبحان مبدل الاحوال .. ربي قادر يغيرليك حياتك فرمشة عين .. يلاه سربي راسك بحرا دخلي دوشي و تقادي شعرك..

كوثر(كطنز) : وا عنداك غير توصلي تما تبلوكينا راه اخرتك غترجعي متنسايش

اشراق : نتي بعدا غير نوصل لمطار نبلوكيك غير تهناي

ايمان : عنداك متصوريناش الاجواء

كوثر : انا بعدا متنسايش ديريلي ديديكاس من لوطيل

ايمان : هااح تا انا

كوثر : فكريني فسميتو

اشراق: Excelsior hotel gallia

كوثر : يخ على سمية شحال مبعكة..

ايمان : راه ا بب اوطيل 5 ايطوال .. مكاين غير تفطحات ....

---

دخلات اشراق دوشات .. داز نهار طاير .. محساتش بالوقت.. و صلوها لبنات لمطار.. لقات غسان كيساينها.. دازو من الاجراءات و طلعو شدو بلايصهوم..

---

غير قلعات طيارة كان منضر اخر ...كتبان المدينة كلها من الفوق..ضواو عاطين كيبانو من الفوق و عاطين منظر زوين كيخليك تبقا غير تشوف فيه...كيبان كلشي على شكل بقع ارضية مليئة و لكن منظر لا يعلى عليه.. بحال شي لوحة فنية ..

----

داز الوقت لي محساتش بيه اشراق بالهضرة مع غسان ..علاقتهوم زوينة .. هو انسان متواضع و لي فقلبو على لسانو .. بطبعو شخص اجتماعي.. و عزيز عليه جموع و ضحك..

غير وصلو دازو من نفس الاجراءات.. خرجو لقاو شيفور كيساينهوم.. حطو الباكاج فالكوفر و ركبو مقفو غير حدا الاوطيل ...

Excelesior Hotel Gallia

من ضمن افخم الفنادق فميلانو..فندق خمس نجوم.. مبنى عالي و شامخ جامع الجمال كلو....تبغي تبقا غير برا تسوف فيه و تشوف فتفاصيل.. من برا كيبان عريق و من الداخل عصري..

مبنى فاللون الابيض و الرمادي مزينينو الاضواء لي شاعلة الشيء لي عاطيه رونق خاص كتكون من عدة طابق و من 235 غرفة لي كلهم فيهم دي بالكو ...

فالدخلة واقف البواب بكوستار و بكل لطافة كتسقبل الزبناء...

و على طول الحيط المنقوش بشكل لا يوصف كاينين نوافد كبار من الزجاج و الوسط كاين الباب الرئيسي لي منو كدخلو غسان و اشراق ..

دخلو و لمحو ريسيبشن و على اليمين كاين زوج بيروات فين كاينين الموظفين.. واقفين تقدمو لعندهم .. تكلف غسان بالحجز و خدا لي كارت د لي شومبغ ... و فنفس الوقت جاو خداو لي فاليز ديالهم باش يديوهم للغرف ديالهم ..

فالقدام كاين طلعة ..طلعو معاها باش يمشيو للدروج ..

طلعو فيهم و لقاو راسهم وسط قاعة اقل ما يقال عنها رائعة الوسط كاينين لي فوطاي فالابيض كتوسطهم طابلة و داير بيهم الزاج..اونفاس معاهم سانسوغ كبيرر....و فجنبهم على طول الزاج من برا كاينين دي فوطاي اخرين مع طبالي ديالهم ..

و فجهات اخرى شوية بعيدة نفس الحاجة و كان بحال ايسباس فردي مع مكتبات فالحيط فين ممكن الواحد ياخد راحتو و يبعد من صداع و يقرا ..

اشراق منباهرة من المكان عمرها تخيلات راسها ممكن تجي لبحال هاد البلايص

طلعو للطابق المخصص للغرف و كل واحد مشا لغرفتو مور معطاها لاكاغط ديالها..

لوطيل كل طابق و مناش كيتكون كاين لي فيه غيسطو و دي كافيتريا فلاطيراس كاين لي فيه لي صال و لي سبا و كاين لي فيه المسابح...عاد لي صال د ترفيه سينيما و لي بار الخ...المهم كان كيضم اي حاجة الواحد ممكن افكر فيها ...

دخلات اشراق للبيتها لي كان عبارة على سويت

فالدخلة لقات فاليز ديالها محطوطو...قدامها كان لي فوطاي كلاصقين مع الحيط و طابي فالارض و فجنبهم شوية كاينة صال امونجي بالكراسا ديالها ..

السقف كان كلو مزين بالثريات عاد الضو لي كان داخل من برا خلا الدنيا مبهجة ..

زادت شوية و لقات دخلة...دازت منها و لقات دريسسنغ على طول داك الحيط و عاد كاينين زوج دخلات وحدة باش دخل لبيت النعاس و الاخرى كان بابها مسدود

كانت ناموسية كبيرة ديال دو بيغسون موراها مرايا كبيررة و جنبها طابل دو نوي و قدامها فوطاي و طابلة صغار و تلفازة كبيرة فالحيط و بالكو كيطل على برا..و عاد كان باب اخر فالجنب ..

حلاتو و لقات بيت اخر فيه بيرو و بلاكارات معلقين و فوطاي كبيرة مع طابلة ..

خرجات من تما و رجعات للباب لي كان بان ليها مسدود حلاتو و لقات حمام كبير فيه بينوار و عاد جهة فيها الرشاشة ..

بقات كتسارا فالبيت لي حمقها ...

غير سالات الجولة.. مشات بدلات حوايجها كتحس براسها عيانة باغا تنعس..

يتبع...