شهوة ملاكم الجزء 18

الى كل الذين يعانون من وجع الحب 🔥

حَتى ذالك الّذي أهدَااني الوَجع ,

. لآ أريدُ أن أرآه مَوجُوع ...!

سيبحث كثيرا... و سيرهقه البحث عن انثى تشبهك ... و لن يجد ... فقد تذكري قولي لك اليوم ... بأنك أمرأة لا تتكــــرر

فالأنوثة ياسيدي ليست جسدا تملكه النساء..الأنوثة فعل وسلوك وكثير من الأشياء..صدق واخلاص ..والتزام ووفاء ..الأنوثة روح لاتسكن الا اجساد الأنقياء..

فلتعلم، حتى و إن رويتني عشقا لا يكفي

حتى و ان ركعت الدنيا أمامي لا يُشفي

فرفقا بفؤاذي و كفاه عذابا

هاد الفصل مختلف على الفصول الاولى فيه غتبرز غيرة و حب الابطال .. غيكتاشو حياة تانيا .. حياة لي اي وحدة فينا ممكن تعيشها .. غيفهمو انو الحب و الشهوة مكافيين و انو التفاهم و الصبر هو سر نجاح اي علاقة

🔥شهوة ملاكم 🔥

💫الفصل الثالث : شرارة العشق 💥

اديب ( بلغوات بعصبية) :إشراااااااااااااااق...

وقفات جامدة فبلاصها لي خافت منو طاحت فيه ..

طلقات من الباب دارت بالعرض البطيء كتشوفو جاي مكشكش .. كيشدو معتز ..

اديب(صااعر) : غنقتلك أ إشراق

معتز ( بسيف شادو ) : اديب ماشي هاكا كتحل الامور تهدن اصاحبي

اشراق (ببرود) : انا وياك سالينا

عند غسان شافها فاش حلات الباب .. عيا يساينها تخرج.. كتباليه واقفا .. معرفش مالها .. نزل لعندها خاف تكون واقعا معاها شي حاجة ..

غير وصل و هو يسمع غوات اديب مكشكش

دفع الباب بشوية حيت كانت واقفة حداها

غسان(باستغراب) : اشراق شنو واقع مالكي

غير شافت فيه طار شاد فوجها كيتفحص الضرابي لي جنب فمها..

غسان ( بخوف ) :شنو واقع

اديب غير شافو عرفها هي عيطاتليه .. جنون طلعوليه اعصاب دنيا و دين .. شخض ديال المعقول .. غير قشعو قاس فيها بغا يطير عليه شادو غير معتز .. و طارو ايمان و كوثر معاونين معتز فيه ...

معتز كيدعي الله ميتهورش خوه و يدير شي فضيحا..

بديك لغوات كاع لي فدار فاقو .. هبطات هناء مخلوعة معارفا شنو واقع .. غير شافت وجه اشراق مزرق شدات على فمها من صدمة ..

هناء :شواقع هنا .. اشراق مالك فوجك .. شهاد الحالة فنص ليل

اشراق (ضحكات بمرارة ) : كيجاتك اللوحة الفنية لي دار فيا خوك

هناء ( بصدمة ) :كييييفااااش مميمكنش واش اديب ضربك

غسان : بأي حق كتمد عليها يديك

اديب: دخل سوق kرك ا zaمل ماشي شغلك بيني و بين مرتي

اشراق (ضحكات باستهزاء ) : مرتك.. الحمدالله لي باقي مرتاكبت هاد الغلط .. ( شافت فغسان ) يلاه نمشيو

اديب دفعهوم بحرارة الاعصاب طار عليها جارها من يديها مزير عليها انفاسو سخان كيضربو فوجها ..

اديب (بغيرة) : من نهار دخلتي لحياتي و لقلبي مبقاش عندك الحق تراجعي دخليها لراسك نتي ديالي نقولك ا إشراق

اشراق ( ببرود ) : طلق مني ا اديب انا ديال راسي

غسان :طلق من البنت صافي باراكا .. زدتي فيه البنت مبغاكش واش بسيف.. شوف غير الحالة لي وصلتها ليها

اديب ( غوت بفرط الاعصاب ) ااااااااع غنقتلك ا غسان

يلاه جا يطير عليه شدو معتز مبعدو .. شاف خوه وصل لواحد الحالة عمرو شافو فيها .. غمز لبنات و هناء باش يدخلو ..

هناء : اديب تهدن .. سي غسان كنتمنى متدخلش حيت المشكل عائلي

غسان :اي حاجة فيها اشراق نتدخل فيها .. و مدام شفتيني هنا راه حيت هي عيطاتلي ...

اديب صعرو غسان غادي جاي بالاعصاب ..

اديب : شنو عند zaمل بوك هنا خرج 9ود عليا

غسان :اشراق الى ساليتي يلاه نمشيو

هناء : اشراق اجي ندخلو نكلسو و نهضرو نحلو الامور .. دابا بجوج معصبين مجاتش تمشي فهاد ليل

غسان : متخافيش عليها انا معاها

اديب كيضرب يدو مع صور لي حداهوم سنانو كيغززهوم: منيتو هاد zaمل

معتز: منيتك اصاحبي برد كتزيد تبين راسك خايب حداها راك م9ودها حتى طرف برد

مسح على وجهو مشا قاصدها غير شافتو قرب و هي ترجع لور

اشراق : متقربش

اديب : اشراق

اشراق ( تفركعات ) :شنو اشراق.. دابا عاد اشراق فاش كنتي كتمرمد و ضرب فيا مكنتش اشراق فاش كنتي كطيح بيا مكنتش اشراق دابا عاد اشراق ايوا حتى دابا نسا اشراق ..اشراق مشات باح صافي سالينا ...

(شافت فغسان ) : غسان يلاه نمشيو

هناء :نتي غير معصبة دابا شوفي غير دخلي و نهضرو و كلشي يتقاد

ايمان : اشراق غير تهدني اجي معندك فين تمشي

كوثر : الى مشيتي ديني معاك

دارت خنزات فيها هناء و ايمان

هناء : معندها فين تمشي .. دخلو و نحلو المشكل .. ياك عاد قلتيلي كتبغيه قلتي انو مغتخلايش عليه

اشراق : الحب ماكفيش انا و خوك من اليوم مبقا جامعنا والو .. صافي كلشي سالا كلها يشد طريقو و الى فيه شي نفس و نعرفو راجل نيت يعطيني تيساع..

اديب الكلام هرب منو بقات كتعاود فودنو غي الى كنتي راجل عطيني التيساع. اه هو بالصح غلط مكانش خاصو يمد يدو عليها ولاكن هي للي ستافزاتو كيفاش خارجة هاكاك غير بالغوطة مفكراتش حتى واش يمكن يشوفها شي واحد ... شنو كانو غيفهمو .. كلشي كان غيشوف فيها بنضرة رخيصة .. كان باغي غير يوضح معاها الامور لكن الموضوع كبر و لسانها سليط خلا الاعصاب يعميو عينيه...

واخا هكاك مفهمش كيفاش بهاد السهولة تخلات عليا وعلى حبهوم لهاد الدرجة هو عندها زايد ناقص ومعيطة على غسان يجي يهربها منو .. كتحاما فاجل اخر منو هو

هضرتها خلات عقلو يحبس داز طافس فيهوم حل ليهوم الباب مشرعها..

اديب (مكيقشعش قدامو ) : ها طريق يلاه خرجي سيري غير هو نساي فمرة بلي شي نهار عرفتيني

بقات شحال ساكة كتجمع القوة باش تهضر ..

اشراق(شادة القصة فقلبها) :ديكشي حتى انا لي بغيت

خرجات مخليا قلبها و راها عمرها ضنات غيتفارقو بهاد طريقة على الاقل المرة اللولة مغلطوش فبعضياتهوم..

ركبات مخلياه واقف تابعها بعينو ...

غسان(باستغراب) :شنو وقع كيفاش حتى وصلتو لهاد الحالة.. و علاش ضربك

اشراق (بتعب ) :مقدراش نهضر و الله ..

غسان :صافي رتاحي حاولي تنعسي علاما نوصلو ..

تكمشات اشراق على وضعية جنين مغمضة عينيها كتحاول متفكرش بزاف..

---

عند اديب غير مشات غمض عينيه بتعب.. داز اكفس نهار فحياتو.. جا داخل كاره الحياة

هناء : شنو واقع كيفاش حتى ضربتيها

تجاهلها مشا طلع بحالو محاملش راسو ..

معتز : غير خليه لي وقع ماشي ساهل عليه .. غدا و نهضرو معاه

طلعات هناء بقاو البنات شي كيشوف فشي ..

معتز : مدام ايمان الفيلم سالا منطلعوش نعسو

ايمان ( طالعلها زعاف من لي وقع ): معتز غير سير غنعس مع كوتر

معتز (بحدة ) : شنو هو زيدي ..زيدي قدامي ..

طلعو كاملين تفرقو.. مشات كوثر لبيت مخلياهوم دخلو معانقين..

ايمان:واش لهاد درجة الحب صعيب بقاو فيا ..

معتز : بجوج بيهوم كيتصرعو هي مكتوزنش هضرتها و هو دمو حامي

ايمان :واخا هكاك ميضربهاش واش شفتي وجها زراق

معتز : قالي غا طرشها هي لحمها خايبة دغيا كطبع

ايمان (بحدة) : منيتك مماتش غير دفنوه راه واخا شنو دير ميضربهاش

معتز :واش سمعتي بعدا لهضرة لي كانت كتقول و لا لا

ايمان : واخا هكاك المعتز ضرب لا

جرها لعندو مزير عليها.. : وا هو ضرب انواع غير لحمااااااار معرفش امتى يخدمو

ايمان : منيتك سير سير بعد خليني نعس راسي كيضرني

معتز ( شاد فيها ) عنداك غا ضوقيه تولي طالبة عليه ..

ايمان :باز و الله مكنحشم

معتز(كيطنز شاد فيها ): شنو غنديرو بشي حشمة اجي اجي نكملو قاطعونا مكيسواوش

ايمان ( كضحك ):سير سير وسع الهيه

عند مروة و عصام دازت ليتهوم طويلة مور شوط ديال الحب و الغرام غير سالاو تقلب عصام عاطيها بضهر شي لي خلاها تقرص غير بحدها .. ديما موالف كيحضنها و مينعس حتى تنعس هي .. كتحس براسها مخربقة و على سبة .. هرموناتها مخربقين الحمل كمل عليها و لات اي حاجة كتقلقها و تخليها تشك فراسها...

ليلة دازت طويلة على ابطالنا كلها فاش كيفكر كلها مهموم ...كلها ضارو خاطرو و حتى حد ما هاني فبالو ..

اديب ليل كامل منعسش غير صبح الحال هبط لاكاف تما كاينا كليسا بلي فوطوي و بار ديال شراب ..

عند كوثر طار عليها نعاس .. خرجات يضرب فيها لهوا .. يلاه جات تخرج لجردة قشعات اديب هابط لاكاف .. قتلها لفضول..تبعاتو ... غير وصلات شافتو كلس كيكب و يشرب محبسش... غير شافتو هبط على القرعة شربها دقة وحدة كلها ...طارت لعندو محيداهاليه ..

كوثر : غتقتل راسك واش منيتك

اديب(بعصبية) : شكون نتي باش تقوليلي شنو ندير و شنو لا سيري حسن منغلط فيك

نتر ليها القرعة من يدها بغا يكبها لقاها خاوية و بدا كقطر فيها

كوثر : مديرش هاد الحالة كلشي غيتقاد

اديب:كلكوم بحال بحال غير كتجيكم الفرصة كتقلبو وجهكم و تبدلونا..

كوثر : ماشي كلشي بحال بحال...كاينين بنات الناس و كاينين البنات الحرام غير نت و زهرك فيمن طحتي

شاف فيها كضحك و فنفس الوقت بدا الشراب كأثر عليه: انا كطيحو فيا ابنات ال9حاب

ناض من بلاصتو قصد واحد الثلاجة صغيرة جبد منها قرعة اخرى و تم راجع جلس

بغا يحلها و لكن شدات العكس معاه و مدها ليها و هي غير كتشوف فيه

اديب: حليي لياا هد ال9لاوي

تنهدات كوثر و خداتها من عندو حلاتها و مداتها ليه و جلسات اونفاس معاه كتشوف فيه....هو كيشرب و هي ساكتة كتراقبو و حاضية تفاصيل وجهو...حواجبو المقرونين..عينيه..فمو...ذقنو...تفاحة ادم فاش كطلع و تهبط فاش كشرب...صورة مكمولة

هز أديب شاف فيها بعينين معسلين و نطق: شنو ناقصني تا تمشي عند واحد اخر؟؟

تنهدات كوثر و نطقات بدورها: مخلاتكش....نت غلطتي معاها خاص تحمل نتائج غلطك...هزيتي ايدك عليها و هي عارف نفسها حارة عادي دير هكاك

نطق اديب بحزن: مكانش خاصها تمشي...الا كانت كتبغيني خاص تبينها ليا ماشي فمها يخرج هضرة و أفعالها عكسهم

كوثر: معرفتش شنو نقول

حدر أديب عينو و رجع كيكمل ديك القرعة....

كتشوف فيه و كتفكر راسها....و مية سؤال كدور فراسها....علاش الحب كعذب الواحد هكا؟؟ واش مكاينش شي حد لي ممكن يبغي بلا مشاكل و تكون حياتو مقادة؟؟ واش ضريبة الحب هي المشاكل؟؟؟

بقات مدة كتخمم و كتفكر حتا فيقها من سهوها بصوتو كيغني

أديب: صبلي ها الكاس حتا واسي أحزاني

وينو ليكانو اساس

هيهات يا زماني

بقات كتشوف فيه كوثر بإعجاب عجبها صوتو و عجبتها البحة ديالو...وخا سكران و لكن جاذيبتو و هيبتو حاضرة بقوة...كيغني بحرقة و كيحاول يخرج جاع دكيشي لي فالداخل ديالو فالغنا ...

أديب :

رسمني الحظ بقلم رصاص

و لما استغنى محّاني قلبه الطيب صار رصاص

و ما حدا يتحداني

أصعب مشهد عينك تشهد

حُبَك مع حدا تاني

يلي كان همّي

ينسيني الدنيا

بضمّي حبه يجري

بدمي بعروقي و شرياني

كان يمّه من يمّي روحي

من بعد أمي

صار السبب لسمّي

وصنفه النادر إدماني

بقا كيغني و كوثر كتشوف فيه باعجاب.. تمنات لو حتى هيا يبغيها شي حد بحال اديب ...رجل كامل مكمول تمناه اي وحدة ...

فجيها خرا ففاس بضبط عن. سارة .. ليل كولو منعساتش.. كتفكر و تعاود.. فكرة الهروب مصممة عليها .. غتغامر و فين ما بغات تخرج تخرج ...

غير طلع نهار.

خارجات كتسلت من دار .. هازا معاها غير طيل و الفلوس و لاكارط ناصيونال كلشي سمحات فيه .. غير فاتت باب دارهوم عطات رجليها لريح .. كتجي و تعاود .. مرتاحت حتى بعدات و لقات طاكسي .. شدات ديريكت طريق المحطة ..

نفس الاحداث كيتعاودو غير الاشخاص و الضروف مبدلة .. كدعي الله يوقف معاها و ميخيبهاش.. فكرة وحدة فدماغها و كتمنى تقدر توصل ليها .. بالاخص انو المدينة لي غاديا ليها مكتعرف فيها حتى حد..

طريق كلها و هي ساهية كتفكر كيفاش غيتقبلو واليديها فكرة هروبها من دار بالاخص باها شد صداقها...

--،

فجيها خرا عند اركان فيقو صوت طيل كيصوني..

اروى : متقوليش باقي ناعس و مخليني منشورة

اركان : على شحال ساعة دابا واش وصلتي

اروى : 8 دابا .. وي راه وصلت تسنيتك تجي موراي .. خرجت ملقيتكش

اركان : صبري شوية و نجي راه عاد.فيقتيني.. لبارح منعستش بكري

اروى (باستهزاء) : متعطلش تابعنا نعزيو عائلة شافعي

---

عند اشراق كتفكر و تعاود .. كيفاش عاد كانو محابين و مصالحين تقلب كلشي .. كيفاش عطاتو خاطرو يهينها و يوقفها و باش كملها كيسولها على البيلول .. وحيت دافعات على راسها ضربها و مخلالهاش .. واش هادا هو الراجل لي كانت غتكمل معاه حياتها واش هو لي بغات و تمنات يتجمعو ..

ناضت غسلات وجها باش تصحصح سمعات غسان كيحل الباب .. طلات عليه ..

اشراق : صباح خير صحابلي باقي ناعس

غسان : لا كنت خارج.. ولفت كنفيق بكري على ود سبوغ

اشراق : اه

غسان قرب لعندها كيشوف فوجها : كيف بقيتي شوية .. حقا ( مشا هز واحد بوماد) دهني هادي باش دغيا تفش ..

اشراق : شكرا

غسان : كان مشاليك لافيشوغ و حنا عوالين عليك فشوتينغ جديد

اشراق كتشوف فيه كيفاش كيحاول ينسيها و مفكرش حتى يعاود يسولها .. ملي جاو البارح مخليها على خاطرها .. باغي غير راحتها

اشراق : غسان

غسان كيشوفها ساهية بقات فيه : وي شي حاجة

اشراق : الى كان باقي العرض ديالك فأنا موافقة عليه ...

غسان (باستغراب ) : اشمن عرض

اشراق(بتوتر) : ديال زواج

غسان ( ضحكاتو) :واش داوية من عقلك بالي اديب زعزعلك عقلك

جات غادا محملاتش راسها شدها من يدها

غسان:كلسي نهضر معاك.. شوفي اشراق مكنتش بغيت ندخل و لا نهضر معاك حاليا حتى تهدني .. مي راه بصح هاد المرة نتي لي غالطة ..

قاطعاتو مجننة :واش منيتك واش مكتشوفش حالتي

غسان ( تنهد) :اشراق انا بصح كنت معجب بيك وباقي نكمل معاك حياتي .. و كون كنا فضروف خرى كنت غنكون اسعد واحد لكن نتي كتبغي اديب و اديب باين شحال كيبغيك .. واش مكتشوفيش حالتو البارح ..

اشراق: و انا مكتشوفش حالتي .. واش لي كيبغي كيدير هاد الحالة ..

غسان : انا و ياك عارفين بجوج انو مجاش و مد يدو عليك .. راه غير ديك شوية لي وقفت معاكوم فيه .. صدمتيني بهضرتك .. و لو معرفت شنو يكون حجم المشكل متسبيهش حدى خوتو و طيحي بيه .. واش هو قالك شي كلمة ديال العيب .. حدانا لا .. يمكن يكون سبك و لا جرحك بالهضرة اه مي بينك و بينو ماشي حدانا .. نتي راك هنديه فروجولتو و حدانا كاملين ..

مهم نساي دابا هادشي ..باقي الوقت لي نهضرو فيه ..تكوني نيت تهدنتي باش تستوعبي الهضرة ..مهم نساي (تنهد) على العموم عندي ليك واحد العرض ..

----

اشراق : اشمن عرض

غسان : كاين واحد شوتينغ غيدار فالداخلة و انا ممساليش باش نمشي خاصني نقاد شحال من حاجة ... و ليكيب راك شفتي كلشي كان خارج عطلة .. دابا غنرجعو و خاص نوقف عليهوم ..

بون فاللول كنت غنصيفط رانيا لكن الى وافقتي تمشي نتي بلاصتي غيكون حسن منها تبعدي ترتاحي و تخوي دماغك .. منها توقفي على الخدمة

اشراق (كتشوف فيه باعجاب لشخصيتو و طيبة قلبو ):شنو درت باش ربي يحطك فطريقي

غسان (كيضحك) : و شكون عرف متكوني غير وكلتي شي قطة و لا شي كلب

اشراق (كضحك) : وا هو شلا كلاب وكلت و مكرش فيهوم الخير

غسان (كيطنز) : يلاه نوضي وجدينا الفطور راني بايت بلا عشا

عند ايمان فاقت لقات معتز ساهي فيها ..

ايمان (بصوت مبحوح) : صباح نور

يلاه جا يجاوبها سمع طيل كيصوني غير شاف سمية عقد حواجبو مستغرب .. ناض خرج لبالكو باش يهضر مخلي ايمان عاقدا حواجبها محملاتش بلان ميدويش حداها..

ناضت غسلات حالتها .. لقاتو باقي كيدوي.. خرجات تشوف كوثر فينها ..

عند مروة فاقت لقات بلاصة عصام خاوية .. توقعات يكون فاق كيوجد الفطور.. ناضت كتقلب عليه .. ملقاتوش .. طلات على طيل ممخليلها حتى ميساج ..

صونات عليه لقات طيل خارج تغطية .. تجننات غير بوحدها .. محملاتش يخرج بلا ميعلمها و لا حتى يسول فيها .. حاسة براسها بوحدها كلشي ضددها الهرمونات مخربقينها.. حتى من الماكلة مكترصاش فمعدتها.. لي كلاتو كترضو.. مبقاتش حاملا تشوف وجها فلمرايا غير كتشوفو كتزيد تأزم.. وجها ضعاف و صفار و تحت عينيها كحالو .. كرهات راسها و الحالة لي هي فيها .. باغا غير تنعس حتى من خدمتها من نهار دفعات شهادة طبية مبقات مشات ..

بقات شحال كضور غير بلاصتها ..حاسة براسها مخنوقة مقدراتش تبقا فدار .. خرجات قاصدات دارهوم ترتاح ...

عند اركان فاق على خاطرو عاد شد طريق عند اروى.. لقاها غادي طرطق غير بوحدها .. اكره حاجة عندها هي تسوين شي حد

اروى: كون غير زدتي تعطلتي جيتي بكري

داز سلم عليها بلابيز

اركان : مرة جايا ا زين و نجي بكري

دازت كتلتخ غير بوحدها ... ركبات لاتخا الباب

اركان : امالنا .. ياكما خلصتيها معاي باش كتلتخي علينا دابا

اروى : كتعطل ليا مخططاتي ا اركان

اركان : مفهمتش مالكي على هادشي كامل .. سيد ختار وحدا خرى نسايه لاش هاد لصقة كاملة

اروى : شوف شكون كيهضر نسيتي و لا نفكرك راه انا وياك في الهوا سوا

بقا شحال ساكت عاد نطق

اركان : علاش ناوية

اروى : كلشي فوقتو زوين غير هاد المرة ماشي انا لي غنبان فصورة

اركان : و شكون

اروى (غمزاتو) خليها لوقت ..

# فلاش باك

هزات طيل مدوزة نيم كتساين يرد عليها

اروى : امضرا شنو لقيتي شيحاجة

مجهول : معطيتيني حتى راس الخيط من غير كنية كيفاش غنقدر نلقاها فهاد المدة

اروى: مصوقيش خدمتك هاديك

مجهول : كوني هانيا راه كنقلب واخا راه لقيت بزاف لي عندهوم نفس لكنيا..

اروى : مكيهمنيش مكنخلصكش باش تقولي هاد الهضرة

# نهاية الفلاش

عند سارة طريق كلها و هي كتحاول تصوني.. لكن تا حد مكيجاوب..

سارة : تفو قربت نوصل ومجاوبوش زعما متكونش نمرتهوم و لا باقي ميكونو دخلو .. اووف يا ربي عاوني يا ربي

عند نزهة غير فاقت مشات تنوض سارة باش يمشيو الحمام .. حتى كتصدم بالبيت خاوي .. قلبات دار كاملة ملقاتها .. بقات كتبكي و تندب مشات كطير عند محمد باش ينوض يقلب عليها ..

نزهة ( كتفيقو ):وا محمد نوض نوض اليوم فضيحتنا على كل لسان ..

ناض مخلوع : شواقع مالنا ..

نزهة : ليييهووودية هربات تبعات طريق شيخة

ناض قافز كيتفتف دنيا ضارت بيه : كيفاااااش هربات

نزهة ( بخوف) : فقت ملقيتهاش ..

ناض طافش دفعها حتى طاحت .. مشا كيقلب كأنو ممتيقش هضرتها .. داز لبيت سارة لقا حوايجها كاينين

محمد : شراوطها هنا باقيين متكونش مع بنت جيران

نزهة :معرفتش

محمد : قسما بالله و هربات يا لي نديرو فيك منقولو ..

جا خارج و هو يقشع ورقة مطوية على جوج محطوطة .. غير حلها و هوما يخرجو عينيه

كانت رسالة من سارة قبل متهرب

سارة : بابا العزيز .. مي لحنينة ..

تمنيت كون كانو هاد الالقاب كينطابقو عليكوم.. تمنيت كون كنتو نعمة الاباء .. تمنيت كون عرفتو قيمة بناتكوم ..

اليوم مجيتش باش نعاتبكوم .. لكن جيت باش نخوي قلبي .. كيفما خويت ليكوم دار ..

بابا محمد واش بصح كتشوف راسك تستاهل هاد اللقب ..مكنضنش .. كنتي الاب القاسي السلطوي.. كتشوف غير نفسك .. حرمتينا من حنانك .. و دلالك .. كلام ناس كان عندك اولى من بناتك .. فضلتي نعيشو لمرار و نتعدبو شكون كان غيوقع كون وقفتي مع بناتك و حضنتيهوم شنو كان غيوقع كون كنتي السند و الحضن الحنون .. ربيتينا فالقمع و عيب و حشومة واخا مكان لا عيب لا والو

بابا تمنيت نقولك بابا حبيبي حتا انا و دخل دار و نتلاقاك فرحانة برجوعك.. تاخدني فحضنك

و تعطيني حنانك .. ها انا اليوم كنقولك سمحلي حيت متولدش ولد باش تهز راسك و تفتاخر بيا واخة هادا ماشي دنبي سمحلي الى كنت ديما انا سباب باش توطي راسك واخا السبب الوحيد هو انني بنت.. سمحلي انني كنت عبء تقيل عليك لدرجة تلوحني وتزوجني بلا ما تفكر فيا و فسعادتي

و نتي الام الحنون واخا هكاك منقدرش نقول فحقك شي حاجة كتبقاي تعدبتي علينا وولدتينا صهرتي و رضعتينا.. لكن منكرش تمنيت لو كنتي صحبتنا قبل من الام ديالنا.. تحسي بينا و طبطبي علينا .. تكوني نعم الام .. و الصديقة تحني فينا و تفهمينا و توقفي معانا.. لكن مع الاسف كنتي كتسانديه على الطغيان ديالو..

تمنيتك لبارح لو وقفتي معاي و جيتي ضدهوم و مرضيتيش يقلبو بنتك بحال شي وحدة رخيصة كنت غنعرف بلي حتى نتي مغلوب على أمرك لكن لا نتي عمرك وقفتي معانا ..

ها انا اليوم كنودعكوم... كنقولكوم عيشو فطغيانكوم و سلطة ديالكوم هاحنا هربنا و خليناهالكوم واسعا ...

اليوم فاض الكاس.. فاش غتقراو هادشي غنكون مشيت وتبعت ختي كنتمنا ترتاحو دابا وتقولهم بنتي ماتت وتتبرا مني حتى انا كيما تبريتي من اشراق...

بابا بغيتك تعرف راه الروح طلبات النجا ونجاتها ماشي حداك... و باش ننجا بروحي خصني نبعد...

جا الوقت لي نشوف حياتي .. جا الوقت لي نتحرر من القيود ديالكوم ..

محمد (بغوااات) :غنقتلكوووووووم غنقتلكووووووووم

دفع نزهة مشا هز جلابتو خارج كيلبسها مكشكش...

عند اشراق ..

وصلها غسان تجمع حوايجها باش تلحق طيارة لداخلة.. فضلات متعلمش لبنات و ميعرف حد بلاصتها..حيت باغا ترتاح .. حيدات نمرتها .. و ركبات نمرة خاصة بالخدمة عطاهالها غسان ...

عند اديب بقا على ديك الحال مرة يغني مرة يشرب غير جا ينوض و هو يلقا كوثر داها نعاس فبلاصتها ... مصوقلهاش خرج طالع لبيتو من زهرو غيتلاقا مع كنزة فدروج

كنزة (باشمأزاز ) : شهاد الحالة ..

طلع ممصوقلهاش مجوبهاش كاع ... راسو غيتشق باغي غير ينعس ...

دار عمرات تاني و لي مجا البارح جاو اليوم .. حتى من العائلة البعيدة... كلشي مجموع ..

عند معتز نهار كامل و هو مشغول .. ملحقش يسول فايمان و لا يشوفها .. غير سالا مشا لعند اديب كيفيقو .. بقا كيدق حتى حليه الباب ..

اديب: (خاسر ) شواقع

معتز :نوض حاجتي بيك

اديب: خرج و سد ديك الباب

معتز ( بحدة ) : اديب نوض اصحبي راه مكنضحكش

اديب : مالنا شواقع

معتز : واحد الصفقة مشات من بالي و معنديش كيف ندير ليها و خاص ضروري شي حد يحضر ..

اديب : سيفط عصام انا معندي باش نفعك

معتز : متمرضنيش ا الخرى نوض .. عصام واحل غير معا مرتو مريضة معندو كيف يدير يمشي و يخليها .. انا هانتا كتشوف ناس كيجيو مجاتش نمشي .. توكض معانا نهار وقفنا عليك ملقيناك

اديب : واش كتشوف حالتي ديال واحد قادر يمشي شي بلاصة واش منيتك

معتز (حط دوسي حداه) : نوض صحصح راه وصيتهوم على قهوة شوية و يجيبوها .. شربها و فيق مزيان .. ها ضوسي .. راه ناضي غادي تمشي تمتل الشركة ديالنا و صاف منها نيت تبدل الجو راك غملتي هنا تقول نتا لي ماتليك المرا ماشي انا

دار فيه اديب ديك شوفا ديال منيتك ... ناض كيلتخ محاملش راسو .. ندم لي شرب على صباح ..

---

عند اروى كانو شادين طريق لفيلا الشافعي حتى صدماتو

اروى : ديني لدار اشراق

اركان : شنووووهياااا

اروى : كيف ما سمعتي مالك

اركان : اروى.. اشراق خليك بعيدا عليها نتي باغا اديب ديك ختنا خليها عليك فتيقار..

اروى : باز كون ما كنت كنعرفك نقول داوي بصح ..

اركان ( بحدة ) :داوي بصح

اروى ( بغيرة ) :بقالك غير نتا تبغيها و تكمل البهية (تنهدات ) مغندير والو بغيت غير نوضح ليها شي امور ...

قلبو طريق غاديين لرباط و بضبط لدار اشراق ..

عند سارة طريق كلها حاطة راسها على الزاج وكتفكر ، واش هادشي لي دارت غيخرجها ولالا ... ولكن اهم حاجة عندها تخرج من الجحيم لي هي عايشة فيه ... ماتقبلش على راسها الذل والإهانة ... بغاو يدفنوها وهي حية ... ترضى يقولو عليها ميتة ولا مسخوطة ... ومتموتش وهي بالحياة ... غير شافت تصويرت اشراق متيقاتش عينيها .. قررات تهرب و تقلب عليها ..

فيقها صوت الݣريسون لي كيعلمهم بلي وصلو لرباط ... شافت فناس كيهبطو نزلات حتى هيا ... نزلات كتقلب بعينيها على الباب ديال الخروج ... قلبها كان كيضرب بجهد وفيها واحد الخلعة فشكل ... بان ليها باب مكتوب عليه خروج المسافرين ... مشات ليه نيشان خرجها لشارع ... وقفات فطروطوار كتسوف يمين وشمال.. اول مرة تخرج من فاس و اول مرة غتجي لرباط ... بانت ليها طاكسي زرقة شيرات ليها وقفات ... حلات الباب وطلعات قلبها كيضرب ..

سارة : - عفاك شركة eva mode ... أشر ليها مول طاكسي براسو ديمارا وشد الطريق ... وصلها لقدام باب الشركة نزلات خلصاتو ...

غير مشا وهي تقاد الوقفة كتشوف فالعمارة لي مكتوب على البلاكة ديالها eva mode من زهرها لقاتهوم حالين ... غير جات تدخل وقفها سكيريتي فالباب ..

سيكيريتي: مدموزيل فين داخلة

سارة : بغيت سي غسان واش كاين

سكيريتي : لا مكاينش لاش بغيتيه

سارة : كنسول على واحد المودل شفتها معاه

سكيريتي: خاصك تشوفي شركة لي مودل هي تنفعك حيت راه واخا تسوليه مغيعرفهومش

سارة : لا راه كانت هي عارضة اساسية.. لي خرجو تصاورهوم فالصفحات الاولى

سيكيرتي : كل مرة كيلوحو تصاور .. زايدون لاش بغيتيها هي بضبط

سارة صبر نوريك طوف

قاطعتهوم رانيا

رانيا : شواقع هنا

سكيريتي : كتسول على شي مودل مصورة مع سي غسان

رانيا : سيري شركة دلي مودل لاش جايا عندنا حنا

سيكيريتي : ديكشي لي قتليها

سارة جبدات ليهوم تصويرة كانت مسكرينياها من انستا مور مكانت صفطاتلها صحبتها ليان..

سارة : كنقلب على هادي

سيكيريتي و رانيا دقة وحدا : اشرااااااق

سارة : كتعرفوها ياك بعدا هي نفسها .. اشراق زعما..

سميتها اشراق ياك

رانيا : وي نتي لاش بغيتيها

سارة :انا ختها و جيت كنقلب عليها

شحال من واحد كيهرب من دار غير حيت عامرة مشاكل.. شحال من راجل كره مرتو وولادو بسباب النكير و صداع .. شحال من واحد كن لقا يطج و ميرجعش لدار .. و السبب تافه .. صداع كينوض .. الحرب و القيام .. الغوات يسمعوه من راس درب .. سبان خيط لا احترام لا تقدير .. و لي تسولهاا شنو واقع .. تقولك لخرى غالطة ..

العجوزة و العروسة .. جوج دناس لي قليل فين كيتفاهمو .. يا تلقى العجوزة درويشة و العروسة شاطا ما طا ياتلقى العكس .. قليل فين العجوزة تحسب العروسة فمقام بنتها ..او البنت تحسب العكوزة فمقام مها ...

هادشي لي طرا لعمر .. خيخ مكاينش نهار لي يرجع لدار و يلقى الأوضاع هانية .. لا مو ساهلة و لا كريمة تسكت و دير بوجهو و تحشم .. كلمة بكلمة ..

كاع ديك طغيان و سلطة حبيبة لي كانت كطبقهوم مع اشراق مقداو فكريمة.. من نهار جات عروسة خرجات فيها طول و عرض .. دوزات عليها لمرار .. ولات كريمة هي ري و شوار بالاخص ملي مرضات حبيبة و تشللات...ديك ساعة عاد رجعات معاها ندامة و لات تعرف بحق اشراق .. نهار شافتها فسبوع مرضاتش تشوفها اشراق فالكروسة و تشفا فيها..و معجبهاش الحال تشوفها عايشة حياتها و زادت القدام.. و غير رجعات ضربات بيها طر غير باش متبقاش تسمع هضرة ناس لي كانت كتكمل عليها .. حيت غير زوجات ولدها لكريمة و بدا صداع و خرجات فيها جميلة و كريمة .. كاع ناس الحومة رضو فيها اللومة و تشفاو فيها .. حيت كلشي شاف شنو كانت دوزات على اشراق ... و محمداتش الله حتى جات لي تخليها تمشي على البيضة و متهرسهاش..

عيليها ناس زمان قالو : كل قط كيجيبلو ربي خناقو..

عمر هو الراجل لي كينطابق عليه لقب ولد مو .. كان الولد الوحيد المفشش عندها.. نهار تزوج اشراق كان نهار سعد عندو .. لكن معرفش يستغلو الجهل و قلة الوعي و الهمج كاملين تجمعو فيه .. مقدرش نعمة لي كانت عندو و نهار عرف قيمتها كان فات الفوت ..

غير كيصبح الحال كيخرج طاج من دار .. مكيرجع حتى ليل كياكل و ينعس ..

كان كالس فالقهوة ساهي كيشوف .. مع طلع عينو و هو يشوف واحد شخص تصدم متيقش عينو .. حتى شافو جر الكرسي و كلس ..

عمر (بقا كيتفتف حداه ) : عمي كيف بقيتي وقف باسليه راسو

محمد : مجيتش باش تسول فيا .. جيت نسولك واش باقي عند كلمتك .. واش مزال شاد بيديك و سنانك...

عمر ( بلهفة ): اه اه ا عمي غير عطيني ضو الخضر ..

محمد: فكرت مزيان فهضرتك .. و لقيت انسب حل هو هداك

عمر : متخيلش اعمي شحال فرحت بالاخص اخر مرة معطيتينيش وقت و مخليتينيش حتى نشرح ليك

محمد (بحدة) : ياك باغي ترجع مرتك .. هادشي لي هامك ايوا نوض جمع راسك و بدا تقلب عليها ..

عمر : اعمي و هاني لقيتها مغتبغيش ترجع معاي.. اصلا باشمن صيفا غادي نردها

محمد ( بحدة ) : مرتك

عمر ( خرج عينو ) : كيفاش

محمد : من بعد و تعرف

ناض مخليه مصدوم ...

عند اشراق جمعات حوايجها .. لقات غسان كيساينها لتحت .. هباط سلمات عليه و ركبات

غسان: غير توصلي غتلقايهوم كيساينوك.. حاولي تستمتعي .. هاد ليلة كاينة سهرة فلوطيل لي غتنزلي فيه .. سيري و حضري متبقايش غير محبوسة

اشراق : كون غير مشيتي معاي

غسان(كيضحك) : كون صلاحلي نمشي كاع منصيفطك

اشراق (كضحك) :مصدقتيش..

غسان (كيضحك): كيكة انا بغرير..

بقاو غادين خاليقن الجو غير بيناتهوم كيضحكو كيحاول ينسيها..

--

عند سارة .. دخلوها الداخل .. صوناو على اشراق لقاو طيل طافي ..

رانيا : واش معلمتيهاش غادي دجي

سارة : لا حيت مكناش على تواصل .. شحال متشاوفنا

رانيا : مهم بغيتي تسينيها سايني مي مكنضنش تجي

سارة :علاش

رانيا : عائلة الشافعي ماتت عروستهوم و البارح على مقالي غسان غتبقا تما

سارة ( باستغراب ) : شكون هادو و فين كاينين

رانيا : هوما فكازا

سارة : واش تقدري تعيطي لمول شي تأكدي فينها الله يستر عليك .. حيت راه معندي فين نكون

رانيا : واخا صبري الى عندك شي زهر يجاوبني ..

---

عند اروى غير وصلو بقات كطلع و تهبط فدار هبطات من طوموبيل مخلية اركان كيساينها..طلعات عيات كدق ووالو مجاوبها حد ..

هبطات كتلتخ غير بوحدها

اروى : ملقيتهاش

اركان : دابا تكون مع حبيب القلب بايتا

اروى ( بعصبية ): اركان

اركان ( كيضحك) : هاني ساكت مي قسما بالله الى نتي مريضة فمخك سيد لاحك و باقا تابعاه ..

سكتات مجوباتوش كتخطط و تعاود

اروى (بهمس ) : يا تكون ليا ..ياعمرها تكون ليك..

---

عند اديب ..

ناض بسيف عليه حاس براسو مهلوك و معندو خاطر ... قاد كلشي .. داز عند معتز فهمو شنو خاص يدار .. مشا كيقاد امورو باش يخرج يشد طريق ..

---

عند عصام غير فاق ناض لقاهوم علموه باش يجي .. على ود جنى .. بقا معاها صبح كامل .. كانت كتزيد دم .. قلبو كيتقطع عليها .. تهدات ديال المعقول و غير كتبكي كلشي كيحرقها .. شفارها و حواجبها كاملين طاحو ..

جنى(ببكاء) : فينها مروة علاش مبقاتش كتجي عندي

عصام (كيدوز على حنيكاتها ) : غير عيانة شوية

جنى(ببرائة) :مبغيتش نبقا هنا ..كاع وليدات لي معاي معاهوم واليديهوم غير انا لي كنبقى بوحدي

عصام (قلبو حرقو عليها) : ها انا معاك شكون قالك نتي بوحد

جنى ( كتشهق ) :كلشي عندو ماماه انا لا ( كتبكي) بغيت حتى انا تكون عندي ماما بغيت حتى انا تجيبلي مونيكا و تلعب معاي هوما كلهوم عندهوم ماماهوم الا انا ..

عصام : متبكيش نتي زوينة و زوينات مكيبكيوش .. ها انا هنا و مروة فاش تبرا دابا تجي..

جنى : علاش غير انا لي كنبقا بوحدي

عصام : كنواعدك غنحاول ديما نكون معاك ..

(جات فبالو فكرة)

عرفتي هانتي صبري انا جاي ... انا نجيب ليك ماماك

خرج عصام كيصوني على مروة لكن مكتجاوبوش..

رجع صونا لايمان

عصام : ايمان صافا .. تقدري تجي عندي

ايمان ( باستغراب ) : علاش شنو واقع

عصام : شوفي دوزي خودي شي مونيكا ديال بنيتاات صغار .. غنصفطلك لوكاليزاسيو و اجي عندي متعطيليش

ايمان : واغير شرحليا شنو واقع

عصام : غير اجي و تفهمي

قطع مخليها مستغربة .. تنهدات ناضت طلعات كتقلب على معتز .. ملقاتوش صونات لقات طيل مشغول خلاتليه ميساج علماتو و خرجات ...

---

عند مروة غير دخلات لقات عثمان و نجمة كيتناكرو

مروة ( تنهدات):مالكوم تاني

عثمان( قفز خلعاتو) : الله ابنتي ديري غير الحس داخلة كتسلتي

مروة (ضحكها) : بابا لاباس عليك .. مالكوم صوتكوم كيتسمع

عثمان : موك غتقتتلني ضو مطفيه.. الما غا مشرشر.. مكتقتاصد حتى شوية غير ارا ارا مكتعياش كل نهار خاص شي حاجة مكتعياش و دابا جيت غير بصدفة لقيتها لايحا نص فالخضرة اما زيت5l فيوماين كتساليها

قاطعاتو نجمة : باز باز حمد الله لي راني باقا صابرا على هبالك و كنطيبليك و نتهلى فيك و نتي غير حاشي راسك فشغالي ... وحتى دابا شوف شكون طيبليك هاني خليتليك هاد الكوزينة

جات خارجة و هو يشدها من يدها

عثمان : هايهاي على نجيمتي حتى هي غضبات راه غير كنقشب معاك وصاف لتقلقيش

بقات مروة ساهية فيهوم .. كتشوف كمية الحب و المودة لي بيناتهوم.. واخا باها قاصح و نكار الى انو عمرها عقلات عليه جرح مها و لا سبها و لا نقص منها بلعكس ديما كيشاورها و مكبر بيها ..

محسات براسها حتى دموع هبطوليها.. غير شافوها تخلعو

عثمان : مروة مالكي ابنتي

مروة : والو ابابا غير كنتوحشكوم و صاف

نجمة (بحنان ) : هاحنا غير حداك و فاش توحشينا اجي عندنا علاش دموع ابنتي

مروة ( كتمسح دموعها ) :متديوش عليا..راكي عارفة مع الحمل و الهرمونات

عثمان : فينو راجلك

مروة ( بتوتر ) فالخدمة وصاف ..

عثمان ( كيدوز يدو بحنان على شعرها) :مالكي ابنتي واش معيشاش مزيان واش ممرتاحاش .. حاس بيك مبقيتيش ديك مروة لي كنعرف

مروة :لا بابا متقولش هكا بلعكس

عثمان : و علاش عينيك كيقولو العكس ..

مروة : غير مع الحمل و الوحام و صاف مكاين والو ...

---

عند ايمان غير وصلات لقات عصام كيساينها ...

ايمان : علاش جينا لهنا

عصام :(جرها من يديها ) اجي اجي نعرفك على بنتك جديدة

ايمان (باستغراب ) : كيفاش

دخل عصام جار ايمان موراه موقف غير حدى جنى

غير شافتها عينيها تغرغرو قلبها ضرها عليها...

ايمان (بعطف ) :شكون هاد البنوتة (تحنات باستها)

عصام :هادي جنى .. جنى هادي ايمان

جنى ( بتعب ) : شكون هادي

عصام : ماماك جديدة

ايمان ( باستغراب )كدوي بهمس : عصام شنو كتخربق

جنى (ببرائة ) : كيفاش ماما

عصام (شد يد ايمان و يد جنى و حط وحدا فوق وحدا و شاف فايمان ) : نتي خسرتي بنتك و هي خسرات ماماها .. نتي داوي جروحها و هي داوي جروحك

ايمان ( غلبوها دموع ..): عصام منقدرش

عصام : غتقدري انا متاكد مكاينش لي يبغي جنى قدك ..

دارت كتشوف فيها مبتاسمة ليها مسحات دموعها لي خانوها.. قربات منها كتشوف فيها بحب بحنان .. باحساس فشكل .. كأنو كتشوف فبنتها لي فقداتها ..

قربات منها كترجف.. غير وصلات حداها محسات حتى حضناتها كتبوس فيها .. فخدودها فراسها فعويناتها فيدياتها .. لدرجة كتبكي و تبوسها حتى خلات جنى مستغربة من ايمان.. هزات جنى يديداتها الصغيورين.. مقرباهوم لوجه ايمان

جنى :متبكيش قالي عمو عصام لي زوينين مخاصش يبكيو ياك ا عمو

ايمان : اه اه ( كتمس دموعها) هانتي انا كاع مبكيت غير بالفرحة

جنى : واش بصح غتولي ماما .. هنا كلشي عندو ماماه الا انا ( ببرائة ) عافاك كوني ماما

ايمان كلها كترجف .. خطوة كبيرة .. باش تواعدها خاص تقوم بضورها و تكون معاها.. كتفكر واش معتز غيوافق .. واش غتقدر تحمل المسؤولية ..

جنى غير شافت ايمان ساهية دارت كتشوف فعصام بعينين مجموع فيهوم دموع

جنى: واش مبغاتش

عصام كيشوف فايمان ساكتا غير شاف جنى بدات كتبكي ندم لي دخل ايمان فهادشي .. هو عارف مروة مع الحمل و ميجازيتها مغتقدرش تلتزم و حتى صحة ديالها متسمحش ..

ايمان ( تشجعات فاش شافت جنى حنات راسها و دميعات كيهبطو ) : مال بنتي صغيورة كتبكي .. واش بغيتي ماماك تقلق ..

جنى هزات عويناتها بفرحة : واش بصح غادي تكوني ماما

ايمان ( بحب ) : اه بصح ...

عند اشراق غير وصلات لقات واحد البنت كتساينها هازا ورقة مكتوب عليها اشراق eva mode ...

مشات عندها اشراق .. عطاتها بطاقة ديال لانفيطاسيو...

سناء :مرحبا بيك نتي هي اشراق ياك ...

اشراق : وي انا هي ..

سناء(كدوي بزربة و برسمية) : معاك سناء انا المسؤولة هنا .. وصاني عليك مسيو غسان .. مرحبا بيك عندنا فداخلة كنتمنى نكونو فحسن الاستضافة

اشراق ( ضحكاتها طريقتها فالهضرة) : رخي فيك النفس اخيتي .. و نتي غتخنقي بقوة البروطوكول غير بشوية عليك تقولي غير حفضوك شنو غتقولي .. دوي غير بشوية عليك

سناء (تنهدات) :ا لا مقصدش عادي دويت يمكن حيت دويت بزربة..(ضحكات) ياكما خلعتك

اشراق (ضحكاتها) : خودي راحتك معاي انا .. قالي غسان غتكوني معاي هاد المدة لي غنكلس فيها .. فكنتمنى تحيدي رسميات و بروطوكولات..

سناء ( كضحك) : اووف الحمدالله صدقتي ضريفة سي غسان بكترت مكيوصي و يعاود خلعني ..اصلا كنت كنتوقع شي وحدة كبيرة فلاج تصدمت فاش شفتك ..

اشراق (كضحك) : ياك اختي الله يعطيك الخير .. زيدي زيدي وصليني راني تسخسخت

مشاو وصلاتها لاوطيل .. دازت من الاجراءات لي خاص.. تبادلو نوامر و طلعات ترتاح ..

كان اوطيل قمة الفخامة من الدخلة كيبان .. اشراق عجبها ملي دخلات حسات براسها تفاجات .. مندماتش لي جات ...

طلعات دوشات حيدات لعيا عليها .. حسات بجوع ..قررات تهبط لريستو تستاغل الوقت .. و تفوج..

لبسات كسوة موردة .. مع صندالة بيج.. جمعات شعرها بمقيبط صغير .. قدات وجها و دارت عكار

خفيف ... رشات باغفان ديالها و خرجات

غير هبطات صونات على سناء لقاتها يلاه سلات مع ليكيب .. دارو يطلاقاو حدى بيسين و عاد يتحركو ياكلو ..

وصلات اشراق هي اللولة بقات كتساينها.. صفطات ميساج لغسان صوراتليه الاجواء ... و هي تقشعها جايا

سناء(بعصبية كتنهش) : اوف سمحيلي تعطلت

اشراق : معليش مالك كتباني ماشي هي هاديك

سناء : دري لي خدام معاي عندو العرس بعد غدا وكان عليه يتلاقى واحد سيد و ممشاش .. اوا ديك خونا وصل نوض الحيحة .. مشكل فاش عيطلي نمشي بلاصتو انا كنت مع ليكيب مصلاحليش.. س

صيفت واحد خور ..و غير وصل الاوطيل مشيت ندير صواب و نعتادر صدق سيد تفركع عليا ..

اشراق : ومالو على حالتو لاش يتفركع عليك نتي

سناء : هانتي كاتشوفي مشكل مديت يدي نسلم خلاني بلاكة

اشراق : كنكره بحال هاد نوع تقولي معرفت شنو حاسبين فراسهوم

سناء : و الله مكدبتي مي بيني و بينك ياختي تيتيز عرفتي هو كيغوت و انا ساهية فيه

اشراق ( بتدمر) : باز و الله مكتحشمي سرك نيت يا ختي .. زيدي زيدي راني سخفت بجوع ..

جاو داخلين كيهضرو و سناء كتعاود ليها على الاجواء و شنو بخوكغام ديال غدا ..

كلسو طلبو شنو غياكلو ... يلاه تحطات الماكلة و هي تقشعو سناء

سناء(كتنعت بيدها) : ها هو يا ختي راه راه هابط

اشراق : اويلي هبطي يدك لاش كتشيري نتي راك فتي حميدة الفرشة شوهتينا

سناء: وا ضوري شوفي قبل ميمشي

اشراق : اووف حلفتي لخليني ناكل هاني غنضور نشوف هادا لي خدالك لعقل ..

مع ضارت مع خرجو عينيها من صدمة

اشراق : لا لا ميمكنش لا مستحيل..

عند سارة ... بقات كتصوني رانيا على غسان شحال باش جاوبها ..

رانيا : غسان صافا فينك

غسان : انا فطريق علاش

رانيا :معرفتيش اشراق فين كاينا و لا عنوان دارها بضبط انا تلفلي

غسان : مسافرة على ود شوتينغ علاش

رانيا : وايلي على مسافرة .. غير حيت ختها هنا جات كتقلب عليها

غسان : كيفاش ختها .. على اشراق عندها ختها

رانيا : وي قالك شحال متشاوفو.. و بغات عنوانها حيت معندها فين تمشي

غسان : صبري صبري انا جاي نشوف شنو هاد بلان ..

--

عند عصام بقا مع ايمان و جنى .. كيلعبو معاها و عاطينها الخاطر حتى نعسات بلعيا..

ايمان ( بحب ) :بقات فيا و الله باقا صغيورة

عصام : كون تشوفي كينين مصغر منها و مراضين .. الله يشافيهوم

(جر يدها شد فيها ): شكرا بزاف حيت مخيبتيش ضني .. شكرا حيت وافقتي

ايمان : بلعكس فاللول خفت بالاخص انو مسؤولية كبيرة ماشي ساهلة و مبغيتش واعدها و منقدرش نوفي .. كنتمنى غير نقدر و صاف و حتى معتز كنتمنى يوافق

عصام :غتقدري كوني هانيا و معتز بلعكس غيبغي هو عاد فقد بنتو و نتي كدالك و جنى غاداوي الجراح ديالكوم.. ( شاف فساعة ) مهم نخليك خليت مروة ناعسة و خرجت بلا منعلمها..

ايمان : يخليها قاعدة فيكوم كلكوم بحال بحال

عصام : هي راكي حالفة فسي معتز بقا فيا مسكين

يلاه جات تجاوبو و هو يصوني طيل ديالها .. طل عليها عصام غير شاف معتز مشا كيضحك عليها

معتز : زين فين فين راكي

ايمان ( بدلال) : دابا عاد تفكرتيني

معتز : راه خليتك ناعسة .. خرجت كندوي رجع ملقيتكش

ايمان : كنت فايقا و خرجتي دوي بعيد باش منسمعكش

معتز :لا لا ماشي هكاك ..مهم نطلقاو و نعاودلك فينك نتي

ايمان : اجي عندي *** نيت خاصني ندوي معاك

قطع معاها ...

---

عند عصام داز خدا بوكي دفلوغ و شوكولا.. غير دخل لدار بدا كيعيط ليها .. ملقاهاش.. هز طيل باش يعيط لقاه مود افيو .. غير شعلو بداو كيوصلوه لي ابيل ديالها شاداها بواط فوكال .. تخلع عليها ... بدا كيصوني و يعاود .. شحال عاد جوبات

عصام ( بخوف ) : مروة فينك

نجمة : ولدي هادي انا .. مروة راها ناعسة..

عصام : ياك هي بيخير علاش معلماتنيش بلي غتجي عندكوم ..

نجمة : جات عيانة.. و دخلات تنعس .. راك عارف مع الوحم كيخربق المرا خاصك طول بالك معاها .. ابسط حاجة ممكن تقلقها و تبكيها الله يرضي على ولدي خود بخاطرها واخا متكون داير والو ..

عصام ( تنهد ):واخا انا شوية و نكون عندكوم..

عند غسان غير وصل دخل كيسول عليهوم.. قشعها كالسا عاطياه بضهر ..

رانيا : غسان جيتي

غير سمعات هضرت رانيا دارت كتشوف ..

غسان : شنو واقع

وقفات سارة كتشوف فيه .. كيبان مختلف على صور المجلات ..

سارة : انا خت اشراق و جيت كنقلب عليها

غسان : واخا تفضلي نطلعو الفوق و نهضرو ..

طلعو بجوج طلب ليها غسان قهوة باش تصحصح ..

غسان : بون اشراق مسافرة دابا مكيناش .. و حتى نمرتها ممخدماهاش.. معرفتش شنو قصتكوم حيت عمر اشراق عاوداتلي بلي عندها شي ختها

سارة : مكنضنش تعاودليك حيت كتبقا نتا مجرد باطرون ديالها فالخدمة و الامور شخصية كتكون بعيدة

غسان ( ضحكاتو حس بيها باغا دابز و كدوي مفقوصة ) : انا و اشراق علاقتنا فشكل يعني صحاب

سارة : مممم وا مهم واش متقدرش تعيط ليها حيت راه جيت على قبلها و معنديش فين نكون ..

غسان : علاش معلمتيهاش قبل و كيفاش ختك و مندكش نمرتها راه خاصني نعرف باش نقدر نعاونك

سارة (تنهدات ) : قصة طويلة ..

غسان : مسالي حتى انا عاوديلي ..

تنهدات سارة كتعاوديليه كيفاش هربات من دارهوم و سبب لي خلاها تهرب .. و انو نفس شي وقع لاشراق... حاولات تعاودليه باختصار

سارة ( كتمسح دموعها ) :هادشي لي وقع..

غسان بقات فيه هز كلينيكس مدو ليها.. : كلشي غيتحل احسن حاجة حيت هربتي .. مكنتش كنضن باقي لي عندهوم هاد العقلية .. مهم اشراق كيف قتلك مسافرة خدمة .. و الى عرفاتك هنا اكيد غتبغي ترجع و عقلها غيبقا معاك ..

سارة : و شنو حل راه معنديش فين نكون .. مكنعرف حد هنا

غسان (بقا شحال كيشوف فيها ) : تقدري تبقاي عندي فدار

سارة(وقفات كتغوت) : شنو هي... بزااااف عليك محشميتيش غير شفتي ختي مكيناش بغيتي تستاغلني قلتي هادي خيط قصير

غسان ( بررود) : الا ساليتي سكتي باش نكمل هضرتي ..

سارة : على باقي شي حاجة مقلتيهاش

غسان (تنهد) : اليوم غادي تجي الوليدة عندي يعني نيت تكلسي تونسيها حيت مغيصلاحش نبقا معاها طول الوقت بحكم الخدمة.. منها نيت تكون رجعات اشراق (ختم كلامو بابتسامة)

سارة (غرقات فحوايجها بالحشمة) : آآآآآآه (باحراج ) فهمت واخا ماشي مشكل نقابلها ..

غسان : هو غنستاغلك مي ماشي الاستغلال لي فبالك ( غمزها )..

عند عصام وصل عند مروة .. داز سلم عليهوم و طلع لعندها لقاها ناعسة.. حيد صباطو و طلع نعس جنبها معنقها... حشا وجهو فعنقها كيستنشق ريحتها و كيبوسها بوسات خفاف مفرقين على عنقها ..

تحركات مروة مور فيقها .. تقلبات لجيهتو ولات مقابلة معاه

عصام(بحب باسها فمها) : توحشتك

مروة (شداتها البكية): فين كنتي فقت و ملقيتكش

عصام : عيطولي على ود جنى و مبغيتش نفيقك

هزات راسها بتفهم : كيف بقات

عصام : راكي عارفا الحصص كيهلكوها .. زادولها اليوم دم .. مسكينة غير كتبكي

مروة: كون غير فيقتيني نمشي معاك .. راه صعيب عليها تصبر ..

عصام : نتي مريضة و خاصك ترتاحي .. جنى براسها خاص لي قابلها و يعطيها الخاطر..

مروة : واخا هكاك خاص نكونو معاها باش متحسش براسها بوحدها

عصام :من اليوم مغتبقاش بوحدها

مروة: كيفاش

عصام : ايمان غتكلف .. غتولي مامات جنى

مروة : كيفاش مفهمتش

عصام : عارف راسي مؤخرا تشغلت عليك و نتي براسك محتاجاني و جنى محتاجة لرعاية و الحنان و نعيا نكون معاها مغنقدرش نعطيها الحنان لي خاصها

قاطعاتو مروة : انا كاينة

عصام : نتي براسك خاصك لي قابلك و خاصني نكون معاك هادشي علاش عطيت مسؤولية جنى لايمان هي فقدات بنتها و جنى فقدات ماها على الاقل يعوضو بعضياتهوم و متنسايش معتز معاها يعني هوما انسب وحدين يتكلفو بيها

مروة : واخا هكاك خاص منساوهاش و نكونو معاها

عصام (بحب ) : يخليلي الحنينة ديالي

قربات لعندو كتر ترمات فحضنو حاسة براسها توحشاتو حاسة براسها محتاجة ليه .. مكرهاتش تبقا معنقاه حياتها كاملة ..

عصام حس بيها محتاجاه.. غير من شدة لي شداه.. عارف راسو كان مبرزط و كلشي جا بزربة.. معطاهاش وقت مفرحوش لا بزواجهوم لا بولدهوم حتى من شهر العسل مداروهش.. حس بلي ضلمها معاه و اي وحدة بلاصتها غتبغي تفرح براسها .. بقا شحال كيفكر و هي فحضنو كيطبطب عليها ..

عصام: غنشد كونجي خور باش نسافر نرتاحو

مروة (بفرحة ) : واش بصح ..

عصام : باسها فنيفها:زي نمشيو ندوزو شهر العسل .. و غير يفوتك لوحم و تحسي براسك مزيانة نديرو شي حفلة بيناتنا خلي غير يفوت هادشي دياسمين و نفرح بحبيبتي

مروة ( بحب كتشوف فوجهو و عينيه لي كيحمقوها ) : يكفي تكون جنبي هادشي لي بغيت

عصام : سمحيلي الى قلقتك و لا قصرت فحقك و لا شي نهار معطيتكش وقت .. عارف راسي كنتشغل و دماغي عامر و مع هادشي دياسمين بعدت عليك مي راه حبي ليك باقي هو هو بلعكس كل نهار كيزيد

مروة : عمرك تخليني ا عصام .. راه متصورش شحال كنبغيك و محتاجة ليك بالاخص فهاد الفترة

عصام : هانتي انا غندوي مع معتز و نشوف على ود كونجي .. غير قوليلي فين تبغي حبيبة قلبي نسافرو

مروة :فين ما بغيتي.. معنديش مشكل ..

قاطعهوم صوت طيل عصام كيصوني ..

عصام ( كيضحك ) :يلاه جبدناه و هو يبان

جاوبو :شنو تما عاد كنت غنعيطليك

معتز :واحد لبلان غنصفطوليك فواتساب تكلفلي بيه انا ممساليش غادي عند ايمان

عصام : صاف شوية و ندخل نشوف غير تسالي صونيلي باغي ندوي معاك ..

معتز : صاف انا وصلت دابا نسالي و نرجع نعيطليك .. متنساليش لبلان صافي

عصام : كون هاني ...

عند معتز غير قطع معاه صونا لايمان مستغرب شنو كدير هنا .. خرجات عندو و الفرحة باينا فعينيها ..

ايمان : كنت كنساينك اجي تشوف عندي ليك مفاجاة

معتز : اشمن مفاجأة هنا

جراتو من يدو مدخلاه معاهم والو ..

وقفات حدى باب بيت جنى .. دخلو كانت ناعسة ..

معتز مستغرب .. كيشوفها جاراه موقفو غير حدى بنيتا صغيرة كتبان بحال ملاك ناعسة

ايمان بحب كتشوف فيها : معتز هادي بنتي .. بنتنا بجوج

معتز ( عقد حواجبو) :كيفاش بنتك شنو كتخربقي

ايمان : قررت من اليوم غنكون ماماها و نهتم بيها و نتكفل بيها مور متبرا

معتز : واش داويا منيتك واش من عقلك كدوي

ايمان(جمعات ضحكة) : علاش اه داوية بصح و دوي بشوية باش متفيقهاش

جرها بعصبية خرجو على برا

معتز(بعصبية : شرحيلي شواقع هنا و اشمن بنت و لا زمر كيدرتيلها

ايمان ( عصبتها ردت فعلو ) : معتز اخر مرة غنقولك دوي بشوية .. مفهمتش علاش درتي هاد رد الفعل .. خيبتي ضني كنت كنتوقع غتفرح مفهمتش شنو هاد رد الفعل .. انا فقدت بنتي و بغيت لي تعوضني بلاصتها بغيت نفرح بامومتي

معتز ( كيحاول ميتعصبش مسح على وجهو ) : ايمان فكري بعقلك .. البنت صغيرة غادي تعلقي فيها غدا و لا بعدو يبان واليديها و لا توقع ليها شي حاجة غتازمي و غتمرضي .. حنا عاد بادين حياتنا .. و مزال غيجيونا وليدات بلا شعور غتفرقي بيناتهوم حيت كتبقا وحدة من دمك و لحمك و واحد ماشي من دمك ..

ايمان : قراري خديتو مغنتراجعش و جنى غير تبرا غندفع اوراق تبني ..

معتز : مفهمتش كيفاش خديتي قرار بحال هادا بلا متشاوريني

ايمان: حيت توقعتك غتشجعني ماشي تحطمني

معتز : واش انا كتشوفيني بحرا كنحاول نسا شمتا ديال بنت ياسمين لي مزال مستوعبت انو ماشي بنتي و كتجي دابا كتحطي بنت و كتقولي كون باها .. واش غير اجي و تحمل المسؤولية ..

ايمان (تنهدات) :بلعكس هاد البنت غتعوضنا و هي لي غتنسينا هي فقدات واليديها و حنا فقدنا ولادنا .. هي غتعوضنا و حنا غنعوضوها.. مقتلكش غنتبناوها اليوم.. لا حنى غير غنكونو معاها .. غنساندوها البنت كتبقا بوحدها .. كاع لي هنا عندهوم واليديهوم كيكونو معاهوم و يحنو فيهوم .. الا هي .. البنت محتاجة الحنان محتاجة لي يكون معاها لي فاش تبكي تلقا لي يمسح ليها دموعها يكفي الحياة قسات عليها يكفي انو كتحارب المرض .. خلينا نكونو معاها ..

معتز انا عارفك خايف عليا .. خايف نتصدمو و لا توقع شي حاجة لكن فكر بإيجابية هاد البنت ربي حطها فريقنا باش نساو همومنا

معتز: غنفكر فالموضوع منواعدك بوالو

ايمان: واخا على خاطرك

عند اشراق غير شافت أديب جمدات بلاصتها .. ممتيقاش عينيها واش هي هربات حتى لداخلة باش ترتاح و تهنى تجي تلقاه هنا

سناء (باعجاب ) : شفتيه شحال فن يا ختي .. هانتي براسك بقيتي ساهية فيه

اشراق (تقرصات) : عادي ماشي شي حاجة

سناء : هداك كولو عادي باز يا ختي عرفتي فاش غوت عليا واحد البحة فصوتو خطيرة .. مكرهتوش غير يبقا داوي .. اما فاش تحرك حسيت بريحة الباغفان ديالو تغلغلات فداخل ديالي .. اما تخنزيرتو حكاية خرى خلات قلبي يضرب بلا هواه

اشراق كارزة على يدها محملاتش علاش تشكر فيه هكا.. عصباتها ملي بدات مسكتات غير كدوي مكتسكتش

اشراق (بعصبية ناضت حتى طاح الكرسي ) :باااركا مكتعيااايش ضريتيني فراسي مكتعرفيش تسكتي شوية اوو حاولي علينا ملي تلاقيتيك و نتي دودودودودو او رتاحي شوية من الهضرة

سناء (باحراج بقا فيها الحال ) : سمحيلي خودي راحتك ( وقفات ) غير كلسي انا غنمشي و سمحيلي مرة خرى مقصدتش

اشراق (حسات براسها جرحاتها شداتها من يدها ): كلسي نتعشاو .. كنعتادر متديش عليا هاد الايام راني معصبة غير بوحدي

سناء : الى كنت غنبرزطك غير خليني نمشي

اشراق : قتليك كلسي ...

كلاو ديك لعشا لي داز على اشراق بسيف .. كتفكر كيف دير متلاقاش بيه مزال لدابا مقدراش تشوف فيه كتفكر الهضرة لي دارت بيناتهوم .. من ناحية ندمات لي كبر الموضوع كان هو غالط صدقات هي لي غلطا ..

غير سلاو عتادرات من سناء بحجة عيانة .. دارت معاها باش صباح يتلاقاو فبلاصت شوتينغ .. و طلعات ترتاح..

نعاس هرب عليها معرفاتش واش هادو كاملين صدف واش القدر كيبغي يوصل ليها رسالة .. و شنو مخبع ليهوم .. حتى كيقولو تفارقو و كلها شد طريق حتى كيجمعهوم القدر فبلاصة وحدا..

---

عند سارة دوزات نهار كامل فلاطولي معاهوم .. حمقوها التصاميم و الحوايج.. غير سالا غسان خدمتو عيط ليها خرجو ..مشات معاه تقدا شنو خاص لدار بحكم الام ديالو متقدرش تاكل ماكلة ديال زنقة..

غير سالاو رجعو لدار لقاو فام دميناج تما .. شاف فساعة لقا مو قريبة توصل ..

غسان : غنمشي نجيبها هانتي هنا رتاحي على ما نجيو واخا ..

سارة : واخا غير متعطلوش ..

عند غسان غير وصلات ماماه .. فضل يمشيو قبل لقهوة يعاود ليها على سارة و يشرح ليها باش ميمشيش بالها بعيد ..

ام غسان (غفران ) : مسكينة يا ولدي بقات فيا .. شحال صعيب البنت تهرب من دارهوم.. مزيان لي جات تكلس معاك .. الله يرضي عليك اولدي ..

عند سارة غير خرج غسان محسات براسها حتى داها نعاس ..

مفاقت غير على لباب الدخلاني د الفيلا كتسد و ناضت قافزا من بلاصتها بزربة...شافتهم قدامها و وقفات من بلاصتها متوترة و تزنكات بالحشمة

دخلو عندها لفين كاينة و سارة حادرة عينيها حشمانة من مامات غسان

غسان: الواليدة هدي سارة لي عودت ليك عليها...سارة هدي الواليدة

هزات سارة عينها فيها بحشمة معارفاش واش تقرب تسلم عليها ولا مغاديش تبغي...تلفات و كترعد غير بوحدها حتا سمعاتها نطقات

غفران: متحشمنيش مني ابنتي...اجي سلمي عليا

قربات ليها سارة و قربات تا غفران سلمات عليها و فنفس الوقت عنقاتها

حسات بإحساس فشكل....حضنها كان دافي و كتحس براسك فأمان...كتحس براسك وسط حضن حنين لي يطبطب عليك وسط حزنك

تباعدو و دارت غسان وجهات كلامها لغسان: دي البنت ترتاح الفوق ( دارت شافت فسارة) عتابري الدار دارك و خودي راحتك كتباتي عيانة طلعي رتاحي ليك نعسي شوية و غير تفيقي ديك ساعة نجلسو بزوج صافي؟؟

سارة بحشمة: وخا...شكرا بزاف

---

عند اشراق مبغاش يديها نعاس .. لاحت عليها كاب هبطات لتحت .. محبسات غير حدى لابيسين .. كلسات ساهية كتحاول ترتب افكارها .. كتحس براسها تالفا .. مفهماتش راسها مالها ..جات طالعا بحالها ساهية لدرجة مرضاتش لبال لدرجة و تعكلات رجلها .. كون مشدهاش كانت غادي تجي على وجها

اشراق غير قاس فيها كلها رجفات .. ريحتو تغلغلات فداخل ديالها ..

يلاه جات تشكرو حتى طلق منها و زاد مخلاش ليها فين دوي معاه....الهضرة هربات ليها و بقات غير كتشوف فيه غادي كبعد حتا وصل لاصانصوغ و تسد...

تنهدات بألم و قصدات تا هي صانصوغ اخر و طلعات فيه

دخلات لبيتها تالفة و معارفة مدير...مشات ديريكت للناموسيية تكات جامعة رجليها عندها...كتحاول تخوي دماغها و متفكر فوالو و تغمض عينيها....بقات على داك الحال حتا غفات و قدرات تنعس

يتبع...