شهوة ملاكم الجزء 24 والأخير

غفران: علاش كنقولو هكا بلعكس ماماكوم هاهي قدامكوم جا الوقت لي تعوضو لي فات جا الوقت لي تشبعو من بعضياتكوم .. فكرو مزيان غيجي نهار لي تمناو تشوفوها متلقاوهاش...

سارة (كتبكي) : بالنسبة ليلي كيف كانت كيف لا حيت عمري حسيت بحنانها عمري فرحت حيت هي الام ديالي.. وجدها او غيابها مكيغير حتى حاجة ..

ناضت مخلياهوم متابعين ليها لعين .. كيتحسرو عليها حيت عارفين و فاهمين ماشي ساهل لي داز عليها بالاخص جرحها باقي جديد ميقدروش يلوموها فاهمينها و عاضرينها..

تنهد غسان ناض تابعها ..

عند سارة غير دخلات تلاحت فوق ناموسية كتبكي و تشهق ماشي ساهل باش تشوف ماك حداك و تفكر كاع ديكشي لي دوزات عليك .. كانت كتحاول تفكر غير نهار زوين يشفع ليها والو .. حتى فاش كانت صغيرة عمرها حضناتها و لا لعبات معاها كون ما اشراق لي ملي تزادت سارة و هي مقابلها وهي لي عوضاتها على غياب الام واخا هي براسها كانت مفتاقداه.. محساتش عليه امتى دخل حتى حسات بيديه كدوز فوق شعرها..

غسان(بحنية ) :سارة

غير سمعات سميتها زادت كتبكي و تشهق

غسان :شوفي فيا دوري لعندي

غير دارت عندو حل ليها يده ترمات فالحضن ديالو كتبكي بحرقة.. خلاها على خاطرها حتى حس بيها بدات تهدن

غسان ؛ شوية دابا

سارة : كيفاش عطاتها خاطرها تجي طلب سماحة كيفاش دابا عاد فاق ضميرها حقا جيت نوضح الامور مع بناتي اشمن بنات واش بنات لي ضرباتهوم لي سبيتهم لي كل ما جاتها الفرصة كدلهوم البنات لي كانت مكتعرفهوم لا واش فرحانين لا مرتاحين راه كانت منكدة علينا حياتنا

غسان :شووو تهدني انا متافق معاك لكن كتبقا ام و الجنة تحت أقدامها.. و لو دير لي دارت راه هزاتكوم فكرشها 9 شهور و تعدبات باش جابتكوم

سارة (كتشهق) : كون غير مولداتناش و لا داك العداب ..

غسان :تهدني تهدني كلشي الوقت غيصحلو .. مكنقولكش سامحيها دابا لكن ردي البال شنو كتقولي معاها منبغيكش تجرحيها و لا تحقريها .. ديكشي لي دارت نسايه عارف بلي صعيب لكن الوقت قادر يخليك تنساي اي حاجة..

سارة : اصلا مبقا ميتقال..

قاطعهوم دخول اشراق لعندهوم.. شي لي خلا سارة تحشم من الوضعية لي شافتهوم فيها

اشراق (كضحك) :نتوما كتحابو هنا و مخلينا لهيه

سارة ( تزنكات ) : لا اشمن كنا غير كنهضرو

غسان : و مالكي حسدتينا راه راجلك تحابي معاه

اديب :سمعت سميتي لا .. مالك مالك مع راجلها(كيضحك) نوض نوض تكلم لمك و نت شفتك خديتي راحتك

غسان(كيضحك) : مكتقاضاش يا خويا ..

خرج غسان و اديب لعند غفران حيت بغات تمشي واخا عيا فيها اديب يباتو معاهوم مبغاتش .. خرجو البنات سلمو عليها ... غير مشاو دخلات سارة لبيتها كتجاهل تشوف مها ..

عند اشراق كانت كتصرف ببرود كانها مكيناش .. حتى سمعو صوت اديب كيعيط ليهوم ..

اديب : سارة اشراق اجيو بغيتكوم ..

تجمعو البنات .. دخلو كلسو متجاهلين وجودها

اديب : الماضي نساوه جا الوقت لي تصفا القلوب .. مكم غلطات و حسات بالغلط ديالها .. كيف ما كان الحال كتبقا مكم لي ولداتكوم .. يقدر متسامحوهاش دابا لكن غيجي نهار لي ترجع المياه لطبيعة ديالها حيت عمر الدم مكيولي ما (شاف فاشراق ) و دليل علاقتي مع معتز راكي شفتي كيف كانت و كيف و لات ... على العموم مجمعتكومش دابا على ود هاد الموضوع ... لكن حيت كاين خبر خور خاصكوم تعرفوه ..

اشراق : شنو واقع تاني راه مبقاليش فين نزيد ا اديب عيت ديال بصح

اديب : قبل متجيو عاود لماماك شنو طرا بخصوص الاب ديالكوم .. حاول باش نخرجو لكن مقدرتش .. حكمو عليه ب 3 سنين ديال الحبس مع الكفالة ..

سارة :قليلة فحقو الشلاهبي لاخور

اديب (خنزر فيها ) : سارة

سارة(محساتش براسها) : وا باز يا خويا مزوجليك مرتك و كدافع عليه على خر يامك تجيك ضرة .. و معامن مع عميمير

اشراق عيات تنغز فسارة تسكت لكن حرام واش شافت فيها .. عيات صابرة فتالي بدات كضحك .. كتشوف اديب مخنزر فسارة لي مبغاتش تسكت ..

سارة غير سمعات اشراق كضحك و اديب مخنزر عرفات راسها زبلاتها فالهضرة

سارة (تلفات ليها الهضرة ) : اه كمل مالو

اديب : لا غا كملي نتي نيت

سارة (بتلفة ) : لا و الله حتى تكمل

اديب (ضحكاتو تنهد و دوا بجدية ) : كيف قلت حكمو عليه بتهمة التزوير و تلاعب بالنسبة ل عمر خرج بكفالة .. اما العادل فعطاوه 6 سنين ديال الحبس لقاوه مخروض شلا وراق

اشراق ( ببرود ): بصحتو هو بغا

سارة : خليه غير ربي كيخد لينا حقو فالدنيا قبل الاخرة مزال يعيش كتر

اديب : هادشي الى بقاليه شي عمر لي يعيش ..

اشراق (باستغراب ):كييفاااش

نزهة(بخوف ) :علاش مالو

شافت فيها سارة ضحكات باستهزاء : كون غير كنا كنشوفو فعينيك هاد الخوف لي خايفة عليه دابا

اديب (خنزر فسارة و دار جاوبها) : على مافهمت مور مخرجات من عندو اشراق جاتو ازمة قلبية لكن قدر يتجاوزها

سارة (باستهزاء ):عندو 7 درواح

نزهة : كيبقا باك ابنتي كيف ما بغا يكون

ناضت سارة متجاهلة هضرتها كانها مكيناش ..

اشراق: الى مريض الله يشافيه حتى انا ياما كنت مريضة ملقيت حد... مهم انا غنوض نعس سالي و لحق عليا ..

مشاو لبنات متجاهلين ديك الهضرة كانو ماشي باهم لي مريض ماشي مهم لي جات تسامح معاهوم..

نزهة غير ساكتا دموع فعينيها كيف ما كان الحال كيبقا راجلها و عندو مكانة فقلبها.. الراجل لي حلات فيه عينيها و لو يدير لي دار كيبقا كان معمر عليها دار ..

نزهة ( بتردد) : كيف بقا دابا

اديب : مزيان صباح حولناه كلينيك غير يولي مزيان يخرجوه مغنقدروش نشدوه كتر الى بغيتي تشوفيه غدا نديك واخا موحال يخليوك دخلي عندو

نزهة : مكاين لاش.. معندنا ميتقال حياتنا تضمرات و عائلتنا تشتتات

اديب :كولشي غادي يتقاد مع الوقت .. عطيهوم وقت فين يداويو جروحهوم و اكيد العلاقة غادي تقاد

نزهة : نكدب عليك الى قتليك كنتسناهوم يسامحوني و يتقبلوني وسطهوم.. كنت باغا غير نشوفهوم مرتاحين

اديب : رتاحي دابا مشا الحال

نزهة : غدا غنرجع بحالي مبقالي مندير هنا

اديب : منهنا لغدا نشوفو شنو نديرو رتاحي دابا ..

عند اشراق دخلات دوشات حيدات العيا كتحس براسها مهلوكة باغا غير ترتاح .. دخل اديب قشعها متكية.. مشا لعندها

اديب : مال زين مقلق

اشراق : مماليش غير عيانة و صاف

اديب : كلشي غادي يتقاد

اشراق : كنتمنى و الله عيت من المشاكل و صداع

اديب : رخفي شوية على راسك .. ها عرس معتز قريب و ارى متنشطي فيه

اشراق : كيفااااش واش صافي حددو نهار العرس مقاتلي ايمان والو

اديب (كيضحك على رد الفعل ديالها ) : لا راه غدا عاد ناوي يخطبها

اشراق : و علاش مفراسيش خاص نوجدو معاهوم و نوقفو معاهوم

اديب : حيت باقي هي براسها مقالهالهاش صبح غندويو مع كنزة نشوفو واش تمشي و نعلمو محمد نيت

اشراق : ايوا على الله متعكسش ليه كيف دارت لينا واخا لحد الان مفهمتهاش مالها معاي

اديب جرها لعندو معنقها: غير تولدي ليها تولي كتحماق عليك

اشراق: واخا معرفت شنو ماماك مكنتسرطش ليها

اديب : نعسي نعسي و الله معندي جهد لي يهضر

اشراق : باز كون كان لكوا كون راه عندك ليه جهد و الهضرة لا

اديب (جرها حاط راسو على سدرها ): هاد ساعة باغي غير نعس ...

---

عند مروة دازت ليلة مسالمة لاول مرة عصام و عثمان غيتفاهمو ملي دخلو و هوما كيتفرجو فكورة كان بادي واحد الماتش و بجوج بيهوم كيشجعو نفس الفرقة شي لي خلا عصام يتطلق مع عثمان..

جا نهار جديد ..فاقت اشراق لقات الفطور واجد عرفات بلي مها لي وجداتو.. ابتاسمات بمرارة ميمكنش تنسا دوك الايام لي كانت كتخرج بلا فطور نهار الامتحانات و كتعيا ترغبها باش توجدو ليها لكن مكانتش كتسوق .. نفضات دماغها من دكرايات لي رجعو ليها .. مشات كتقلب فدار ملقاتهاش .. مشات فيقات اديب ناض مخلوع

اشراق : مكايناش

اديب: شكون هي

اشراق : نزهة

اديب (ناض مخربق ) : واش مشات

اشراق : واقيلا

ناض اديب مضهشر بالنعاس .. مشاو لبلاصتها ملقاو والو من غير نمرة ديال طيل مكتوبة فورقة .. هزها اديب صونا فيها .. غير جاوبات عرفها رجعات بحالها لفاس ..

اشراق : شنو قالت

اديب : رجعات لدارها و بلي بابها مفتوحة فاي وقت ..

اشراق (كتحاول متبينش كتصرف ببرود ) : اه احسن حاجة دارت...

---

عند معتز و ايمان كانو ناعسين حتى كيحسو بيدين جنى فوجهوم.. شي لي خلا معتز يحس بيها و يفيق ..

معتز (مدهشر بالنعاس كيدوي بصوت مهموس ) : غتفيقي ماماك

جنى (ببرائة ): واش نعسنا ب 3 هنا

معتز (ضحك على هضرتها) :اه ب3 (شاف ايمان باقا ناعسة ) عرفتي شنو اجي نفيقوها اجي

تحنا معتز على ايمان كيدوز يديه على شعرها و جنى كتبوس فيها و ضحك .. مرتاحو حتى فاقت و حلات عينيها ..

جنى (بفرحة) : فاقت فاقت

ايمان : صباح نور صباح الحب (كتبوس فجنى ) ياختي سعداتي فقت على هاد زين كامل ..

معتز : مزيان فيقاتنا عندي شلا ميدار

ايمان : خاص اليوم نمشي لدارنا

معتز : نفطرو و نوصلك نيت علميهوم غدا نجيو عندكوم

ايمان(كضحك) : و مالنا على هاد زربة

معتز شاف فيها ديك ديال منيتك و خرج مخليها كضحك غير بوحدها ..

---

عند اشراق غير فطرو طلبات من اديب يوصلها عند كوثر

اديب : اشراق ندوي معاك بصراحة صحبتك اه متافق معاك لكن باش كل نهار نبقا غادي جاي من كازا لرباط لا نتي عارفاني و ليت مع معتز فشركة و الخدمة تجمعات راعي شوية

اشراق: بلا متغوت راه غير مبغيتش نتكرفصو فطخونصبوغ ندمتيني

اديب : ماشي قضية ندمتك داوي معاك بصح راه منقبلش كل مرة غادا جايا

اشراق : خاص ضروري نمشي .. غنشوف مع سيف واش كاينا امكانية ينقلوها لكازا حيت هو براسو خدمتو هنا ..

اديب : ديري لي باليك لكن هادي اخر مرة ا إشراق

مشا مخليها مستغربة فيه كيتقلب كيف زمان

اشراق: عاد كان ضاحك دغيا تقلب

سارة ( كتاكل ) :بلا متشوفي فيه هكا راه عندو صح و من دابا كنقوليك و الله مندخل معاك .. نزيد شوية تما نحماق..

اشراق: باز و الله مكتحشمي رجلي على رجلك

سارة (كدوي و فمها عامر ) : لا انا نمشي عند طاطا غفران قالاك حتى تسالي و نتلاقاو

اشراق (كلسات حداها) : واش كنباليك عندي لكرون صحابليك معايقاش بيك غا كري شنو تما

سارة (كدوي و تحشي الماكلة فمها) :طلب مني زواج ووافقت

اشراق (بصدمة) : كيفاش امتى علاش مفراسيش

سارة ( كتشوف فيها ديك شوفات ديال منيتك) :زعما مفراسكش

اشراق (كضور فعينيها) : وا هو قالتهالي غفران لكن مقاتلين راه جبد معاك الموضوع ( بجدية) الى مكنتيش باغاه راه حتى حد مغيبزز عليك شي حاجة

سارة (ضحكاتها وقفات كتهضر ) : سيري اختي سيري غير نتي شبعتي حلوة باغا تحرميها عليا

محسات حتى شيرات عليها اشراق بصندالة مع كانت عاطياها بضهر مشافتهاش..

اشراق :زغتي نتي شتي نتي زغتي عليها سيدة قاتلك منمشيش معاك و الله مكتحشمي

---

عند ايمان غير حطها معتز دخلات لقات دارهوم كيساينوها بقات كتسلم و تعاود توحشاتهوم بزاف

اب ايمان : الله يا بنتي طولتي الغيبة

نجمة : واش طولات و سكتي ولينا نشوفوها من شهر شهر

اب ايمان (شاف فجنى مخبعة فايمان ):شكون هادي بنوتة

ايمان (بحب) : بنتي لي عاودت ليكوم عليها ..

اب ايمان(بحب ) :مرحبا مرحبا زارتنا البركة

نجمة : دخلو متبقاوش واقفين

دخلو و جنى مخبعة فايمان حدها سلمات عليهوم ...

نجمة : جنى شنو بالك تمشي معاي نوريك واحد لكيك قاديتو

ايمان : سيري مع ميمة ديالك نيت تعطيك شوكولا

جنى (بتسائل ) : كيفاش ميمة

ايمان : دابا انا ماماك و هادي ماما غتعيطي ليها ميمة و هادا جدو

شافت فيهوم جنى برائة و ضحكات : اه دابا فهمت

باستها ايمان و عطاتها الاوكي باش تمشي مع نجمة .. بقات هي مع باها كتعاودليه قصة جنى من اللول ..

اب ايمان : هو فكرة زوينة كنأيدك فيها منها تعوضك على بنتك و نتي تعوضيها على عائلتها غير هو واش تأكدتي انو معندها حد باش ماشي منبعد يبانو واليديها

ايمان : اه راه سول و بحث معتز يعني مرتاحين من هاد ناحية

اب ايمان : على هاد لحساب غادي ترجعي تعيشي معانا حيت صعيب عليك تربيها بحدك

ايمان : لا راه دفعنا طلب انا معتز

اب ايمان (كمش عينيه ) ايمان واش غنرجعو لنفس الموضوع

ايمان : بابا راه دويت معاك و شرحتليك شنو كاين... انا راه لحد الان باقي مفهمت علاش غير كنجبد معاك موضوع معتز كتقلق

اب ايمان : انا معنديش مشكل مع معتز لكن عمر ماماه مغتوافقش .. مبغيتش ابنتي تعاودي تعيشي نفس شي

ايمان :ا بابا راه مبقيناش دراري صغار و عارفين شنو باغين و مقتانعين يعني كيف وافقات كيف لا مكيهمش..

اب ايمان(تنهد): انا كتهمني غير سعادة ديالك مبغيت حتى حاجة خرى و لي تريحك انا معاك فيها

ايمان (وقفات حضناتو) : لهلا يخطيك عليا و يطول فعمرك

قاطعتهوم دخول نجمة جايبة الكوطي و تابعاها جنى هازا بيسكوي فيدها كضحك .. دغيا قدرات تنساجم معاها

--

عند معتز غير وصل ايمان كانت الوجهة لشركة ..غير رجع اديب مور موصل اشراق شدو طريق عند باهوم مور معيطوليه و عطاهوم العنوان ..

معتز : كيفاش بلان دار جديدة

اديب :بحالي بحالك معرفتش (كيطنز) ياكما باك عاود تزويجة

معتز(كيضحك) : بحال والو

دخلو دراري كيضحكو موقفو غير حدى فيلا .. صوناو على محمد .. غير دخلو لقاوه كيساين فالباب

اديب ( كيطنز) : هايهاي على سي محمد هادشي زين عندك

محمد (كيضحك) :مرحبا بيكوم كنت نيت غنعيط ليكوم باش ندوي معاكوم فواحد موضوع ..

زيدو دخلو اجيو نكلسو فالجردة

معتز ( كيضحك) : الوليد ندوي انا و قول نت لي بغيتي

محمد : شفتك مزروب ياك لاباس

اديب : وراه معطل و بزاف

محمد : شنو واقع

اديب : ولدك باغي يتزوج و خاصك تخطبليه

محمد(كيضحك) :هادا و كان نخطبوليه شكون هاد تعيسة الحظ

اديب (كيطنز): حب الطفولة

محمد :واش ايمان ايمان

معتز : وي ايمان

محمد : قلتيها لماماك

معتز :لا باقي و مكيهمنيش سواء بغات او لا غندير لي بغيت

محمد (بعصبية ) :ممحقهاش ترفض .. اصلا الى باقي عندها شي وجه تهضر

معتز : شواقع

اديب :مالكوم

محمد( تنهد و شاف فمعتز ) : تعقل على نهار سولتيني علاش رفضات زواجك و قتليك قصة طويلة غيجي نهار و تعرفها

معتز :اه عاقل ..كان عندو دخل بزواجك بديك المرا لي ماتت ياك

محمد : تماما .. المرا لي حاولات ماماك تقتلها ووهماتنا كاملين بلي ماتت

اديب ( مفاهم والو ) : كيفاش اشمن زواج و اشمن مرا و اشمن موت

محمد : جا الوقت لي تعرفو القصة كاملة .. و تعرفو سبب لي خلاني نخوي ديك دار و نجي نعيش هنا ..

اديب: شواقع شي واحد يفهمني

بدا محمد كيعاود ليهوم القصة من اللول بتاع تفاصيل .. كيفاش تلاقا كلثوم و بغاها و تزوجها كيفاش عرفات كنزة و المؤامرات و الخطط لي دارت ..

اديب (معصب ) : مي كيفاش عطاتك خاطرك تزوج عليها راه بسيف متقبلهاش بالاخص و حدة بحال كنزة و بشخصيتها راه حتى نت غالط ...

محمد : كنزة كانت تفرضات عليا و مقدرتش نبغيها .. كلثوم حبيتها من اول ما شفتها..

اديب :كيفما كان الحال كان عليك طلق كنزة و تزوج بلي بغيتي ماشي تخلطها بيناتهوم و تبقا كتفرج فالوسط

محمد :كنت صغير مكانتش عندي الجهد لي نواجه الوليد .. و كنزة كانت عائلتها واصلة مكنتش نقدر نطلقها و لا نعارض

معتز :دابا لي عطا الله عطاه متنساش حتى كنزة مكانتش ساهلة بغيت غير نعرف دابا اركان هو ولد كلثوم ياك

محمد : اه ولدها .. كنت بعدتو باش ميتأداش

اديب : يعني ولدها هي ماشي ولدك نت

محمد : لا لا ماشي ولدي

اديب :هي على مفهمت هي كرهات ايمان غير حيت باها كان سباب باش عرفتي كلثوم

محمد : اه تماما و هادشي علاش مقدراتش تقبل حتى اشراق .. حيت كلثوم و اشراق بجوج كانو كيغنيو فلعراسات .. هادشي لي خلاها تكره كلثوم و تحاول تقتلها

اديب (وقف صاعر ) :مفهمتش كيفاش عطاتها خاطرها دير هادشي كامل كيفاش قدرات تضمر حياة إنسانة و تكمل عادي بحالي موقع والو ..

محمد : كانت طاغية و كتعنى بعائلتها مكانتش كتميز بين صح و الغلط

معتز :عماها الحب يمكن كانت كتقول الى دارت هكا غادي تحافظ على دارها وولادها

اديب :واش مريض فمخك كتبرر ليها واخا شنو يكون و اشمن حب و لا زمر هادا راه جريمة هادي و خاص تعاقب عليها

معتز (بعصبية ) :مريض ف كرك اصاحبي راه مك هاديك

اديب :و شنو دنب ديك المرا لي كتعدب فحياتها

محمد :لي عطا الله عطاه الحمدالله غير ملي مقتلاتهاش .. حاليا منكدبش عليكوم مبقيتش حامل نشوف وجه كنزة .. باغي نرتاح و نعيش حياتي.. الشركة فامانتكوم و انا عارف غتسيروها حسن مني .. الحمدالله لي تجمعتو .. اديب تهلا فمرتك كتبان بنت ناس .. ولدي معتز الله يسهل عليك دور ديالي كاب غادي نديرو واخا محاملش نتلاقا معاها لكن الضروف كتحكم .. هاد الموضوع بغيتو يتسد هنا و يتدفن و ربي غيخلص كل واحد ...

احيانا صعيب لعقل يتقبل شي حقائق.. معتز و اديب عارفين كنزة ماشي ساهلة و عارفينها متسلطة لكن عمرهوم توقعو توصل بيها لهاد درجة تادي ناس خرين على حساب سعادتها هي ...

خرجو دراري ساهيين كلها كيفكر فلي جاي ... حتى كسر ديك الهدوء اديب

اديب : معتز كيف عارف انا باقي معطيت لاشراق صداقه و عارفها واخا نبغي نعطيها مغتاخدش جاتني فكرة قلت نشاورك فيها

معتز : وي شنو تما

اديب :هي و ايمان كانو غيفتحو شي صال ديال صبوغ مع ديكشي ديال ايستيتيك و ديك روينة دلاكوافيغ .. قلت علاش منشركوش انا و ياك و نحلو ليهوم بحال صونطخ دبوطي و يكون معاه صال دصبوغ .. نكتبوه ليهوم فسميتهوم بحوج .. هكا نتهناو عليهوم و منها نعطيوهوم حقهوم

معتز : فكرة زوينة كانت طلبات مني ايمان نقلب ليها و كنت لقيت واحد جاي فموقع واعى مولاه دار فايت.. الى تعاود يولي واعر و نيت حداه واحد الارض خاوية مع المدة الى خدم المشروع ياخدوها و يكبروه ..

اديب : الى هكاك نظرية عليه بكلشي و نقادوه ليهوم

معتز :مشكل هو حنا محتاجين ايمان فشركة هي ضابطة الامور تما خفتها تلهى معاه متبغيش ترجع لشركة

اديب (شاد فيه ) :قول باغي تبقا تشوفها صبح و عشية و صاف

معتز (عرفو طانز عليه ) :ايه كتسالي شي حاجة

اديب: لا حاشا من حقك ( بجدية ) فكر فالموضوع و رد عليا

معتز :معندي لاش نفكر نوض دابا نيت نشوفو مع سيد..

حقا نت شنو درتي مع هادوك

اديب :عندي كونطرا دعام ... دويت معاهوم ماشي مشكل مبقا نتدرب هنا فاش يكونو لي كومبا نمشي

معتز : ودار شنو درتي فيها

اديب :شدها واحد خونا تما بقاو شي حوايج ديالي .. قلت تقاد امور نسافرو انا و اشراق منها نفوجو منها و نجيبهم

معتز :حتى هادا بلان مزيان هانتا شبالك نمشيو عند خونا نشوفو معاه موراها ندوزو عند كنزة نشوف شغاتقول

اديب : كنتخيل فاش تعرف كلثوم عايشا شنو غادي دير

معتز : نهضرو فالواقع راه بنادم لي قلبو خايب عمرو يطفرو هاهي خسرات دابا كلشي غير الى بغات تخسرنا حتى حنا ..

---

عند اشراق غير وصلها اديب دخلات مور ما لحق عليهوم غسان و خرج هو و سارة خلاوها غير كتشوف و ضحك .. دارتها ليها على قد فمها .. دخلات لقات سيف واقف مع طبيبة

اشراق : صباح نور سمحولي تعطلت مع الطريق

طبيبة :مزيان جيتي دابا .. لبارح مور مامشيتو كلست شوية مع كوثر .. على الاقل قدرات تخرج من ديك القوقعة و هضرات معاي شوية .. وهادشي مزيان تقدم زوين

اشراق : كوثر غير اثرو عليها ضغوطات .. مع الحصص انا متاكدة غترجع حسن من اللول ..

سيف : ان شاء الله كنتمنى

اشراق : بغيت نسولكوم الى ممكن واش كاين امكانية تحولوها لفرع لي فكازا حيت على لي عارفا سيف خدمتو تما و انا مبقيتش ساكنا فرباط و صعيب باش نبقا نمشي و نجي..

طبيبة : وي دوينا انا و سيف فهاد الموضوع نهار جابها لهنا .. مكاينش مشكل تقدرو تنقلوها فاي وقت بغيتو و اكيد غادي نبقا متبعة لحالة ديالها مع طبيبة لي غتولي مسؤولة على الحالة ديالها ..

اشراق : شكرا بزاف فرحتيني واش ممكن نشوفها

طبيبة : وي تقدري تشوفيها غير حاولي متهضريش معاها فشي موضوع لي يقدر يأثر عليها

اشراق :لا كوني هانيا

دخلات اشراق عند كوثر مخليا سيف كيهضر مع طبيبة ... غير شافتها كوثر تغرغرو عينيها بدموع

كوثر :جيتي

اشراق : معلوم نجي على شحال من كوثر عندي غا وحيدة

(دازت عنقاتها كطبطب عليها)

كوثر :توحشتك بزاف سمحيلي على كلشي و الله مقصدت

قاطعتها اشراق كتمسح ليها دموعها : معندي علاش نسمحليك بجوج بينا غلطنا فحق بعضياتنا الماضي نسيناه و حنا غنبداو صفحة جديدة ياك ..

كوثر : اه غنرجعو بحال لي كنا و حسن

اشراق : اه و عندي ليك خبر زوين غادي يحولوك لكازا و هكا غنبقاو قراب

كوثر (بفرحة) : مكرهتش نرجع كيف كنت عارفا راسي مريضة و خاصني نتعالج عارفا راسي كنأدي راسي و كناديكوم معاي..

اشراق : كلشي غيولي مزيان ..

بقات اشراق مع كوثر كيهضرو و يتفكرو العراسات لي دوزو و شحال من مرة ضحكو فيها .. بقاو مجمعين محسوش بالوقت ... حتى جات ممرضة طلبات من اشراق تخليها ترتاح ..

داز موراها غسان طلبات منو يرضهوم لكازا

غسان(كيطنز ) : واش انا غنبقا خدام شيفور عندك راه غير كنحشمو

اشراق : الحمدالله كندوزو فوجه شي ناس اما كون هزني الما

سارة : خاصك تشكريني انا كون راكي كتكرفصي فالمركوب

غسان : راه غير كنتواضعو مكاك ا مدام اشراق

سارة : ايوا هانتي صبح كتقولي لاش غتشوفيه ها هو دابا نفعك

غسان( كيطنز) : ياه بنادم شحال قبيح باغا توقفي فطريقنا محشمتيش

اشراق: وا دابا طليها و تطليك غير بلاتي عليكوم (شافت فسارة ) الى مطلعليكش فراسك ها وجهي

بقاو طول طريق غاديين كيضحكو ..

عند اديب مشاو شافو لوكال تفاهموا مع مولاه .. و شدو الوجهة عند كنزة .. كانت كالسا يلاه جات من صوان دفيزاج .. مراهاش فهاد العالم ساهية كتشرب قهيوة و موسيقى مطلقة حداها .. حتى قطعها صوت معتز

كنزة : اووه من كوغ جيتي تو مو مونك

معتز :كنزة صافا

كنزة : الحمدالله (شافت اديب ) اووه كيف طرا و جرا الملاكم تواضع معانا و جا يشوفنا

اديب (داز باس راسها ) : انا ديما متواضع غا كيف كتشوفي الوقت والو و غير كنجي هنا كيضيعلي المورال

معتز (خافهوم يتشادو تاني ) : كنيزتي وجدي راسك باش تمشي تخطبيلي

كنزة (معليا فيه حاجب ) : ديك ختنا نيت

معتز : اه هي لي غادي نتزوج و هي لي كنبغي و هي لي بغيت .. مجاتنيش نتزوج بلا بيك.. هادشي علاش جيت عندك نتي اللولة

كنزة (بعجرفة) : الى ماجيتيش عندي عندمن غتمشي

معتز : وراه هادشي نتي الكل فالكل و نتي لي كتفهمي فصواب

كنزة : معلوم حتى حد ميوصل لالة كنزة بنت سي محمد

قاطعها معتز : بنت سي علي المختار شريفي لي كان ناس دوار كانو يضربوليه الف حساب

كنزة (ضحكها ) :وا هكاك

معتز :دابا شنو درنا ...

بقات كنزة ساكتا كدورها فراسها .. شافتوو مصر عليها و لو ترفض مغيصوقش ليها .. اللهم توافق و لا تخسر ولدها على الاقل هو جا شاورها ماشي بحال اديب حتى حطها امام الامر الواقع

قاطع سهوتها معتز : واكنزة فين سهيتي

كنزة (تنهدات) : خاص نعيط لهناء و نوجدو (بتسائل) امتى بعدا

معتز :غدا ان شاء الله

كنزة : ايوا باك مكاينش صونيتليه مجاوبش

بقا معتز كيضور فعينيه : دابا نعيطليه مهم نعول عليك تقادي ديكشي صافي

كنزة :واخا كون هاني غير على قبلك نت اما ديك ختنا مموافقاش عليها

معتز (بحدة ): كنزة عاد كنا زوينين ..

كنزة : حتى انا مقلت والو دابا..

خرجو دراري من عند كنزة بالهوم مشغول

اديب : بروجولة مصاب مي9ودوش سوايع فاش يتلاقاو

معتز : يدوز غير شي ديالي بيخير و بيناتهوم

اديب : ماشفتيش باك محلف عليها نحلفلك عليها ميسكت

معتز : حاجة باينا بالاخص دابا باليا غيستقر معاعوم اخرتها كنزة تعرف

اديب ( كيطنز) :طبعا لالة كنزة فاش غتعرف لهلا يوريك شنو غدير

معتز : هاد المرة غتحرقهوم حيين

اديب : (كيضحك) مشا يتقلب العرس كنازة

معتز (كيضحك) :سير ت9ود محنا على فالك ..

تفرقو الدراري كلها مشا لدارو تافقو باش صباح يتلاقاو ..

دازت اليلة هادية عند كاع ليكوبل... و جا صباح لي الكل كيساينو

اليوم نهار الخطبة د ايمان .. على صباح صبحات كتافق مع البنات باش تكون اول وجهة هي الحمام ..

عند ايمان...فدار والديها ... كانت جالسة مع مها و باها كيفطرو و معاهم حتى جنى .. موضوع الساعة هو الخطبة و التحضيرات...

نعمة : اتبقا معايا جنى ياك؟؟ مغاديش تمشي معاكم؟

ايمان: اه اماما راك عارفة ممنوع عليها الحمام...انا ندوش ليها دغيا قبل ما نمشي و فاش نجيو راه نقادها و نلبسها ..

نعمة : غادي تعطلي على البنات..غير سيري انا ندوش ليها و عطيني شنو نلبس ليها...( شافت فجنى) ياك الميمية تبقاي معاي و ندير ليك المكياج

جنى بفرحة: اه بغيت نبقا مع الميمة

وقفات ايمان و باست جنى من حنكها : اخليك ليلي الحبيبة ديالي( شافت فماماها) انا انمشي دبا و لا حتاجيتو اي حاجة علموني رضي معاك البال عنداك تغفلي عليها

نعمة : بحالي راني ولدتك و كبرتك متخافيش عليها

اب ايمان: متخميش انا كاين ابنتي نتي غير سيري قدي شغالك

ناضت باست ايد باباها و ماماها و من بعد مشات لبيتها هزات ساكها و شدات طاكسي لعند مروة .. لقات اشراق و سارة سبقوها

دخلات لصالون و سلمات عليهوم: جيتو بكري..فين هو اديب مجاش معاك؟ و مروة فين هي؟؟

اشراق: اديب مع معتز كيشوفو دكشي لي خاص و يوجدو راسهم...و مروة راه جيت لقيتها شدها الوجع شوية ..راه معاها عصام الفوق ..

يلاه سلات الهضرة بانت ليهم مروة و عصام جايين و هو شاد فيها ..وقفو حداهم و تسالمو

عصام: يلاه نوصلكم دغيا باش نمشي عند الدراري و فاش تساليو علموني نجي نديكم .. راه خاصني عاد ندوز لشركة .. عندي اليوم شلا ميدار

ايمان: غادي تبقا غادي جاي؟؟ زايدون راه غنحتاجو لي يتسخر لينا

مروة: عصام راه دويت معاك .. غير خليني نمشي فطموبيلتي مكاين لاش تبقا غادي جاي فاش نساليو ندوزو دغيا نكملو شغالنا باش منتعطلوش ..

خنزر فيها عصام : باش تقلبيها فاش يشدك الوجع ياك؟؟ نتي بلا والو مراكيش حتى لهيه و نزيد نخليك تصوكي

مروة: وا عصام راني قادة نسوق كون مكنتش قادة كنت نقولها..الوجع جاني قبايلة مغاديش يرجع صافي و اصلا كان اخفيف.. راك سمعتي طبيبة قالت عادي مرة مرة يوقع هكاك

عصام: بلا متمرضيني راه يا نوصلك يا دوزي جلسي مكاين لا خروج لا والو...قلت لا هي لا

ايمان: مالك شاد الضد...باز اخويا....هانتا انا نسوق الا بغيتو...حسن ما تبقا مسخسخ معانا ولا تخلينا لهيه منشورين..مرتك ها هي مغاديش تقرب لكيدون اكون هاني .. واخا يا حصرة انا للعروسة لكن هانيا و الله حتى هانيا غا فكنا

تنهد عصام شاف حتى عيا .. عرف راسو مشغول و يقدر يتعطل : وخا.. لكن منسمحلكش الى سخرتيها و لا خليتيها تسوق راه ماشي حتى لهيه

ايمان :اويلي صافي واش غنغامر بينا منيتك

عصام (تنهد شاف فمروة ) : فين هوما سوارت؟؟ و حوايجك فين هوما باش نخرجهم؟؟

جبدات السوارت من صاكها و قالت: ها هوما و حوايجي راهم فالكوفر ..

ضحك بالفقصة و نطق: هي كنتي عوالة من لول ..

اشراق: يلاه راه تعطلنا خاص نمشيو.. الى بقيتو هنا مغنتفاكوش

خرجو البنات ركبو فلوطو و مشاو و عصام شدها لعند الدراري

دوزو البنات الصباح فالحمام و موراها مشاو لسونطغ د بوتي....كل وحدة فيهم شاداها وحدة مروة كقادو ليها ضفارها...ايمان مايك اب و اشراق شعرها

مدة و سالاو و توجهو ديريكت لدار ايمان... استقبلاتهم نعمة بالصلا على النبي و فنفس الوقت خرجات جنى لابسة قفطان سامبل فالموف بارد بلا حزام مي مشدود من اللور مع مايك اب خفيف...جات كتجري ترمات على ايمان عنقاتها و سلمات من بعد على البنات

نعمة: دخلو متبقاوش حدا الباب

ايمان: وخا...ياك بعدا كلشي واجد؟؟

نعمة : كلشي واجد خاص غير تلبسو راه قريب يجيو

ايمان: وخا اماما

دخلو البنات و مشاو لبيت ايمان باش يبداو اللبس

......

ففيلا الشافعي كانت كنزة تا هي عاد جات من صالون هي و هناء ..كنزة لبسات قميص من الحرير سامبل فالبلون كاسي و شعرها خلاتو مطلوق مع صاك اسود و صباط طالون اسود اما هناء فلبسات جلابة فالازرق ملكي مخيطة بالبرشمان مع صاك فالابيض و صندالة د طالون فنفس اللون

كانو جالسين فالصالون حتا سمعو الباب تحل و دخل معتز بكوستيم فالاسود مع شوميز بيضة و كرافات حمرا...و موراه دخل اديب لابس فوقاني د كوسيتم فالجري مي التحت سروال جينز

هناء: هاي هاي على العرسان....كنزة والدة الزين

كنزة بفخر: على شنو زين والد زين

وقفات و قربو الدراري عندها سلمات عليهم و فنفس الوقت سمعو محمد داخل ..

محمد (مخنزر) : الى واجدين يلاه بلا منخليو ناس كتساين..

كنزة (كنطنز) : سي محمد عاد طفات عليك شمعة وجيتي ..

تجاهل هضرتها داز سلم على هناء

محمد : بنتي هناء الى واجدين يلاه نمشيو بلا منتعطلو على ناس يكفي العمر لي ضيعوه بسباب شي ناس

كنزة : شفتك كدق عليا اولد شافعي مالنا ملي جيتي و نت على القرص

تدخل اديب و معتز حيت عرفو الى بقاو حتى تشادو مبقات خطابة ..

اديب : يلاه ماشي وقت لهضرة دابا

معتز : بصح يلاه تعطلنا..

خرج محمد هو اللول كيحاول يصبر ميهضرش حتى يدوز شي دولدو.. غير كيشوفها كيتفكر فعايلها كيبغي يطرطق..

خرجو موراه .. كنزة طول طريق حلفات الى سكتات من نكير مطلعة شوكتها لسما ..

كنزة (كتميق ) : هادو باقين ساكنين هنا

هناء: ماما شهاد الهضرة .. يسمعك معتز محنا فخير .. رضي لبال لهضرتك

كنزة : الفقصة و الله.. على قلة البنات داي هجالة

هناء (بعصبية) : وا ماما سكتينا واش منيتك ...

طول طريق و كنزة على سبة محاملاش راسها .. هي اصلا مكتحمل لا ايمان لا باها و زادت كملات بقمعة لي عطاها احمد مبغاتش تسرط ليها و كانت غتجاوبو نيت كون مسكتهاش معتز ...

----

غير وصلو دخلو تلقاو ليهوم لبنات و نعمة معرضرين ليهم فالباب بالزهر و الحليب و تمر رحبو بيهوم و كبرو بيهوم .. خلو و التوتر واضح على كلشي ..كلهم خايفين من كنزة لا دير شي تصرف متماش و لا طلق شي كلمة تقلب الجو و ضيع الخطابة .. لدرجة فينما كتجي تهضر تيسبقعا احمد مكيخليلهاش الفرصة فين تهضر ..

محمد : سي مصطفى(اب ايمان) لي نطولوه نقصروه انا وياك بيناتنا عشرة عمر عمرها تنسى .. عشنا و شركنا شلا حوايج اليوم واخا تعطلنا جا الوقت لي صحبتنا تحول لكثر .. بصفتي اب معتز جيت طالب راغب فيد بنتك ايمان

متفاهمين حنا معلينا غير نرضيو عليهوم و نكملو ليهوم بالخير (شاف فنعمة) عيطي لايمان تجي

مشات نعمة عيطات لايمان لي كانت مع اشراق طايح عليها سر و الفرحة غادي تخرج ليها من عينيها .. هبطات و الحشمة باينا عليها .. دارولها بلاصة فالوسط كلسات.. سولها مصطفى على رأي ديالها وافقات ..نوضوهوم لبسو لخواتم ..

دازت الخطابة بيخير وعلى خير وتافقو على العقد يكون بعد غدا والعرس مور سيمانة

ايمان : انا معندي غراض فالعرس نديرو غير عشا بيناتنا و صاف

كنزة : اصلا مكاين لاش هو مرتو عاد ماتت شغايقولو الناس و نتي راك فايتا دايرا العرس مكاين لاش تعاودوه

ايمان كون لقات الارض تبلعها و متسمعش هاد الهضرة.. عينيها تعمرو بالدموع كتحاول متبينش .. معتز حاس براسو كيغلي كلشي مصدوم فهضرتها متوقعوهاش منها ..

محمد (كيغلي بالاعصاب ) : ايوا الله ياخد الحق كون لقاو لي يساندهوم كون كاع معاشو هادشي كامل و ولدي و مرت ميمكنش ندوز زواجهوم سكوتي

معتز : ديكشي كيخصنا انا و ايمان و انا باغي نفرح براسي و بمرتي و لي معجبو حال ميجيش كاع

اديب : بالعكس خاصكوم ديرو العرس نشطو شوية عينا من المشاكل

مصطفى (كيحاول يبرد الامور) : انا بنتي غادي نفرح بيها و ندير احسن عرس

قاطعو معتز : غا سمحلي فهادي اعمي العرس عرسي و باغي نفرح براسي و بمرتي..

مصطفى (كيضحك) : صاف اسيدي خود راحتك

ايمان (باحراج) :معتز مبغيتش و الله

معتز : ايمان العرس غيدار و صاف

ايمان : واخا عندي شرط

كلشي بقا كيشوف فيها كيتسناها تهضر

كنزة (بهمس ) : و كتشرط عاد نتي لي جات معاك

عصام : عطاتك ليام ابنتي وليتي تشرطي

ضارت ايمان خنزرات فعصام و دوات : بغيت عرس مشترك انا و اشراق حتى هي مفرحاتش براسها

معتز بتاسم كل مرة كتزيد تبين ليه انو مغلطش فاختيارو ليها كان باغي يقترح عليها الموضوع و رجع دار بناقص خاف الى تكون باغا تفرح براسها و متبغيش لي يشركها فنهارها لكن ايمان صدقات مولات القلب الكبير .. معتزتها لاشراق خلاتها تبغي تشارك نهارها معاها ..

معتز : انا معنديش مشكل بالفرحات عليا انا و خويا نديرو عرس واحد

اديب : حتى انا معنديش مشكل لكن كنضن من الاحسن كل وحدة تفرح براسها فنهارها

اشراق (بتوتر صدماتها) :لا لا انا مبغيت عرس لا غير ديروه حنا صاف درنا ديك الحفلة باراكا

نعمة : علاش ابنتي بالعكس بحالك بحال ايمان نفرحو بيك و يكون كلشي على اصولو

ايمان : يا نديروه بجوج يا بلاش

بقات اشراق كتشوف فيها متنكرش كبرات فعينها جيست بحال هادا خلا معتزتها تزاد و عرفات قيمتها عندها

مصطفى :مدام دراري موافقين معنديش مشكل

معتز : دونك العقد بعد غدا

عصام: ياك العرس مور سيمانة لاش غادي تقصمو شركو كلشي فنهار واحد

ايمان : اه حسن و الله كلشي يدوز مقاد

تنهد معتز ملقا ميقول كلشي تافق على العرس و العقد يكونو فنهار واحد ... تحط العشا لي كان على حقو وطريقو كلشي كان لديد كيف لا و نعمة مطيباه بيديها

محمد: الله يعطيك الصحة الالة نعمة عشا فالمستوى وحتى البنة ماشاء الله مدقت بحالها شحال مبقيت كليت من تحت يديك

نعمة : بصحة و راحة

محمد :سي مصطفى تعقل على دوك الايام مكاينش بحالهوم

مصطفى :عليها قالو يا ليت الشباب يعود يوما ..

دازت ليلة في سلام محمد و مصطفى تفكرو يامهوم شي لي خلا كنزة مزيرة على يديها غدي طرطق ..

جنى(ببرائة) :ماما ايمان فيا نعاس

كنزة غير سمعاتها خرجو عينيها ضنات انو بنتها

كنزة : شكون هادي و علاش كتعيط لايمان ماما

معتز (كمش عينيه بعصبية ) : بنتنا هاديك

كنزة (وقفات كدوي بعصبية ) : واش كضحكو عليا شي حد يشرحليا

معتز : الوليدة رضي لبال لصوتك

كنزة : شنو واليدة شنو واش منيتك شيواحد يشرحلي شواقع

جنى تخلعات حتى بدات كتبكي .. هزها عصام مخرجها كيسكت فيها

نعمة ( بهدوء كتحاول تبرد الوضع ) :لالة كنزة جنى هي بنت ايمان و معتز بتبني

كنزة ( طرطقات عينيها) :كيفاش تبناوها و معامن شورو ياكما ايمان مبقاتش كتولد لا كملات (شافت فمعتز) واش على خر يامي تربي ولاد لحرام لملقطين

ايمان عيات صابرة و هي طرطق فيها : منسمحليكش تهضري بهاد طريقة على بنتي نكون كنولد و لا لا ماشي سوقك ديكشي كيبقا خاص بيني و بين معتز هو لي غيتزوج بيا ماشي نتي

معتز (بحدة و عصبية ) : كنزة و زني هضرتك عندك زهر الوليدة اما كان غيكون عندي تصرف اخر

اديب (عصباتو) :واش مكتعيايش مكتقاضايش .. ضروري تنكدي علينا حياتنا باش ترتاحي

اشراق كتجر فاديب عرفاتو شعل و اجاب مسكتو

نعمة: جنى حفيدتنا و حنا متقبلينا مكاين لاش الانسان يخرج العيب

كنزة : اشمن حفيدة يهديك الله اخرتها تخرج شي بنت لحرام واش منيتكوم جايبين وحدة من زنقة تربيوها

معتز جنون طلعوليه كيشوف ايمان كترعد بالاعصاب و كتبكي كيسمع غوات جنى على برا

محمد (بلغوات): باراكا مكفاكش حياتنا لي نكدتيها مكفاكش العيشة ديال الويل لي عشنا فيها بسباب مكفاكش بسبابك تفارقو مكفاكش كاع ديكشي لي درتيه و مزال زايدا فيه فين باغا توصلي بهادشي ديالك ..

معتز ملقا فين يدير وجهو حدى واليدين ايمان .. اديب تلف مبقا عرف شنو غيقول لقا احسن حل كلها يمشي بحالو ..

اديب :كنضن السهرة سالات العرس مور اسبوع لي عجبو مرحبا لي معجبوش كاع لايجي .. ختي ايمان جنى وحدا منا و عمر غيكون شي فرق بينها و بين ولادنا و هاد الموضوع تسد و منبغيش شيحد يقول انو جنى متبنية.. جنى بنت ايمان و معتز و تسالات الهضرة ..

خرجو مخلين الجو مكهرب .. كلشي كاره كنزة و محاملينهاش بسباب فعايلها حلفات حتى تنكدها عليهوم .. و مشات حتى دارتها..

محمد كان كيتسنا غير يرجعو لدار و يتفركع عليها بسيف باش كان شاد راسو عليها..مع دخلو مع تفركع

محمد : شنو حاسبة راسك كاع مزال زايدا فالطغيان ديالك مزال مبغيتيش تحشمي .. ديما منوضة الفتنة و الصداع مكفاكش شي لي درتي و باقي محاسبته عليك مكفاكش ضمرتي حياتنا مكفاكش حرمتيني من حب حياتي

كنزة : مليت منكوم مبغيتو لتزيدو لقدام اشمن حب كدوي عليه شيخة ديال لخلا دوزتي بيها شوية دلوقت.. مندمتش و معنديش علاش ندم

اديب: واش منيتك واش عارفا راسك شنو كتقولي ولا غير كدوي

كنزة :نت بعدا مدخلش حتى حد فيكوم ميدخل حيت معارفينش شنو واقع

معتز : عينا نسيتو و نحتارموك عينا نقولو الوليدة منقصحوش معاها واخا نتي مكتراعيش لينا بسبابك تضمرات حياتنا و نهار كنحاولو نقادوها ضروري تنكديها علينا ضروري ديري مشاكل

اديب: انا بغيت نعرف غير كيفاش عطاك خاطرك ديري هادشي كامل كيفاش عطاتك خاطر تحاولي تقتلي شيحد على ود مصلاحتك

كنزة كانت غتجاوبهوم غير سمعات هضرة اديب و قفات مبلوكية

كنزة ( بخوف) :كيفاش شنو كتقول نت

محمد ( بعصبية ) : كيدوي على كلثوم ا القتالة ماضيك و جرائمك تفضحو ولادك عرفو خنزك لي شحال و نتي تخبيه

هناء ( مفهماش شنو واقع ) : كيفاش اشمن جرائم علاش كدويو

اديب (بعصبية ) : مك ا لالة صفطات وحدين غتاصبو و حاولو يقتلو واحد سيدة لي كون ما ربي كانت تكون ماتت

هناء (بصدمة ) : كيييفااااااش لا ميمكنش ماما ديرها

اديب : لالة كنزة شنو مغتقولي والو كيفاش عطاتك خاطرك تقتلي وتغبري وليتي مجرمة ݣاع .. هادشي بلا منهضرو على شوهة لي درتي هاد ليلة نساليو بعدا القديم

محمد :طغيتي و صحابليك طول حياتنا غنغطيو على اغلاطك و جرائم ديالك ..

كنزة (بلغوات ) : مندمااااش و لو رجع زمان لور كنت نظير نفس شي اه انا لي ضفتهوم و قتلت الولد لي كانت حاملة بيه وسيفطتها لطبيب الحماق وكون رجع زمان لور كنت نعاودها وتحمد الله اللي مقتلتهاش .. حيت كون كنت بلعقل ديال دابا كنت غنغبرتها فمرة

هناء (بصدمة) : ماما شنو كتقولي و شكون هادي

محمد : الحمدالله ربي كشفك على حقيقتك حياتي كاملة و انا عايش فالعداب وهمتيني انو قتلتيها خليتي قلبي كيتعدب

كنزة : محشمتيش كتقول هاد الهضرة فوجهي محشمتيش مكفاكش طعنتيني فضهري و تزوجتي عليا و كنتي باغي تاسس حياة جديدة و تخرب العائلة لي شحال تعدبت عليها مبدلني بشيخة و انا لي غير كيسمعو سمية عائلتي كيضربو الف حساب

محمد : فضحتينا بعائلتك .. هوما لي ضسروك و خلاوك طغاي .. عيت صابر ليك دابا فاض الكاس انا وياك سالينا الحمدالله دابا عاد غنقدر نعيش حياتي مرتاح مصايبك تكشفو و جرائمك بانو دزتي فوجه ولادك و فوجه العشرة اما نتي اخرتك ترشاي فلحباسات..

كنزة : بزاف عليك اصلا متستاهلش رضيت منك راجل و نص و كون ما انا كاع متوصل لدكشي لي وصلتيليه..

محمد(جا خارج ) : سمحتليك فكلشي غير ديه يكفي انو خديتي اكبر عقاب كلشي نفرك بسباب تصرفاتك..

معتز : ياخسارة صدقتي بحال هكا .. كنت كنتمنى يجي نهار لي تراجعي فيه نفسك ساعة غير كتزيدي تعمقي فشر اعمالك .. غير ملي بنت صغيرة مخليني مقلتي فيها راه كلمة انسانية مبقاتش عندك

اديب : كتبقاي الام ديالنا و يستحيل نفوتوك لكن بخصايلك كتخلينا نبعدو عليك راجعي نفسك

خرجو كاملين مخلينها طايحة فالارض كتبكي معاها و هناء واقفة مصدومة عمرها توقعات غيجي نهار تعيش هادشي .. كانت عارفا ماها ماشي ساهلة و صعيبة لكن عمرها توقعات توصل بيها درجة تادي شي حد و ضمر ليه حياتو

---

عند اديب غير خرجو مشا عند عصام باش يجيب اشراق حتى كيتصدم بيها باتت مع ايمان طلعليه زعاف كتر ما هو معصب .. هز طيل كيصوني و يعاود

اديب (معصب ) : معامن شورتي حتى تباتي ياك قتليك سيري مع عصام حتى نجي موراك

اشراق (ببرود) : راك شفتي البنت حالتها كيف كانت

قاطعها اديب : هبطي دابا مصوقيش

اشراق : كلشي ناعس مجاتش نخرج كنتسلت كيف شفار

اديب (جاعر) :اشراق متمرضينيش لي فيا كافيني

اشراق: سير سير نهبط باش تبرد فيا اعصابك

اديب : اشراق دويت معاك

قطع عليها مخليها كضور فعينيها عرفاتو شاعل غير بحدو.. بانت ليها سارة ناعسة خلاتها و هبطات لعندو ببيجامة .. .

قطع عليها مخليها كضور فعينيها عرفاتو شاعل غير بحدو.. بانت ليها سارة ناعسة خلاتها و هبطات لعندو ببيجامة ..

اشراق: مالنا على الغوات منخافوش

معرفاتش امتى جرها لعندو كيبوس فيها.. كانت قبلة عنيفة كيبرد فيها كاع دوك الاعصاب .. محبس حتى حس بمداق دم ففمو .. بعد كينهش..

اشراق حسات بلي واقعة شي حاجة كبر من ديكشي لي طرا فالخطابة جراتو ضماتو لعندها بلا متهضر بقاو شحال على ديك الحالة حتى بعد اديب

اديب : يلاه نمشيو

حدها هزات ليه راسها باه .. شدو طريق موقفو غير حدا دارهوم .. دخلات وجدات ليه دوش .. شافتو عيان مقادرش حتى يدوش.. دخلات معاه دوشاتليه بحال شي ولد صغير ..

حنيتها معاه و طريقتها كتخيها نهار على نهار تكبر فعينو.. كان كيتسنى منها تسولو و تبحث لكن اشراق مخلاتش فضولها يغلبها لتزمات صمت و خلات الامور تمشي على طبيعتها..

غير خرجو مشاو لبلاصتهوم اديب راسو بدا كيعاود ليها .. من لي مشاو لعند باه و عرف الحقيقة حتى لفاش تواجهو.. اشراق بقات ساكتة كتسمعليه خلاتو يهضر و يعاود كيف بغا حتى حسات بيه رتاح.. كتفات انو حضناتو لعندها كدوز يدها على شعرو

اشراق (بحنان) : اي واحد فينا كيغلط الماضي فات و كنزة كتبقا ماماك و لو دير لي دارت كتبقا ماماك

اديب : فعايلها مكيتقاداوش عرفتي شنو هي ضمري حيات انسان

اشراق : شووو صافي نسا الوقت غيصلح كلشي و ربي راه قادر يغير كلشي رتاح دابا

هضرتها حنيتها و حبها ليه كان كافي يخليه يرتاح و ينعس واخا البال عمرو يرتاح و يهنا..

----

اسبوع كامل داز بين توجاد لعرس و ماشي اي عرس عرس ولاد شافعي .. معتز تكلف بالعرس و اديب بإصلاحات.. المشروع بدا كيتقاد و اكيد لبنات مفراسهوم والو .. باغين تبقا مفاجاة

سيمانة دغيا دازت بين جرا و توجاد.. اشراق قادات وقتها بين كوثر لي نتاقلات لكازا و توجاد ديال العرس ..

كانو مجموعين فدار ايمان كيف كل عشية ضحك و نشاط .. مروة كتفشش عليهوم كل مرة كتوحم على حاجة فشكل و مامات ايمان عاطياها الخاطر بحال ماها بحكم كيتجمعو عندهوم.. جنى و سارة ديما محمين طرح بالضحك كيقيلو كيلعبو..

كانو كالسين مجموعين حتى سمعو دقان ..

اشراق : غيكون غير اديب جا قالي غيدوز لينا سخرة لي خاص

ايمان :نوضي حلي و الله مافيا لي ينوض

مروة :بلا متشوفو فيا راكوم سمعتو طبيبة قاتلي خاصني نبقا ناعسة على كرشي حتى العرس غندوزو كالسا..

اشراق (كتشوف فسارة بمعنى نوضي حلي ):سارة

سارة: صافي هاني نايضا ديما حاكرين عليا

ناضت سارة حلات الباب لقات معتز و اديب معاهوم شي مرة ..

اديب : فينها اشراق

سارة : راهوم لداخل مجموعين

دخلات سارة صابقاهوم و هوما تابعينها.. كانو كيضحكو حتى قاطعهوم صوت لمرة عيطات بسمية اشراق ....

مينة(بحب) : اشراق

سمعات صوت لي عمرو ينسى حيت محفور فقلبها... ممتيقاش عينيها قلبها كيضرب و عينيها عمرو بدموع.. دموع لي كيعبرو على الحب الشوق المحبة .. الام الروحانية ديالها .. المرا لي معاها حسات بمعنى الحنان لي سانداتها ووقفات معاها..

طارت معنقاها ممتيقاش بلي هي نيت ..

مينة : اشراق لحبيبة ديالي توحشتك بزاف

اشراق(كتبوس فيها بشوق ) : كون تشوفي متصوريش شحال تسنيت هاد النهار متصوريش شحال توحشتك.. فينما كنت كنعيط ليك و نسمع صوتك كنت كنزيد نتوحشك كتر

بقات سارة مستغربة كتشوف ختها طريقة باش كتعنق و تبوس مينة تقول غير مها .. منضر كان مؤثر خلا مروة دغيا يسيلو دموعها ..

مينة : ها انا جيت دابا هاني معاك و الله يرضي عليك متبكيش

اشراق (بكاء) : كنت خايفة متجيش كنت خايفة متحضريش فاش قالولي مزال معطلة و تقدري تجي حتى لغدا متصوريش حالتي كرهت كاع هاد العرس حيت بلا بيك مكاين والو يستحيل نتزوج و نتي مكيناش

مينة (حاضناها عندها كتمسح ليها دموعها) :كاين شي ام متحضرش لعرس بنتها ربي شاهد حاولت نجي بكري لكن الكونطرا لي كنت دايرا معاهوم هي لي بقات معطلة.. و فاش جا ولدي اديب و خوه فكولي مشكل و هاني جيت دابا

اشراق(كتبوس فيها): و يستحيل نخليك تمشي نتي بلاصتك معاي و حداي

ايمان : ا لالة واش نسيتي مينة راه ديالنا كاملين (شافت فمينة) خالتي مينة ياك وعدتيني باقا عاقلة

ضحكات مينة : عاقلة عاقلة

اشراق : غير على ما نولد و الله متحلمي بيها

جملة عادية قالتها لكن عند اديب عناتليه بزاف .. مدام قالتها الا و بصح كتفكر فلولاد شي لي خلاه يفرح غير مجرد بدات كدخل الفكرة لدماغها..

هاد الحوار لي داز على عينين مامات اشراق كانت يلاه دخلات هي و عصام .. حسات بقلبها تقسم لهاد درجة بناتها كرهوها و ختارو اشخاص خرين جاو بلاصتها.. لدرجة لغاوها من حياتهوم علاش حتى هي متشوفش الفرحة فعيونهوم و يستقبلوها بالاحضان..

نتابه ليهوم معتز و نغز اديب لي دار لقا عصام واقف مع نزهة

اديب :جيتو مرحبا بيك خالتي نزهة ( سلم عليها) دخلو متبقاوش واقفين ..

قاطعهوم دخول نعمة بسينية داتاي بدات كترحب و تعاود بمينة حيت كانو حكاو ليها عليها و دغيا دخلات ليها لخاطرها.. رضات لبال لاديب و عصام واقفين مع شي مرة فالباب..

نعمة : ولدي اديب دخلو زيدو مرحبا

هضرتها خلات لبنات يعليو راسهوم شي لي خلا عينين اشراق تجي فعينين مها .لي داخلة مع دراري .. غير شافتها سارة جات بغات تخوي المجمع .. لكن يدين مينة شدوها

مينة : كلسي عيب تنوضي و شي حد داخل

سارة : مبغيتش

قاطعتها اشراق : سارة مخاصنا صداع كلسي ..

دخلات نزهة سلمات عليهوم و كلسات

ايمان : خالتي نزهة مرحبا بيك سايناك قبل ساعة مجيتيش

نزهة : ربي خليك مبغيتش نتقل عليكوم

نعمة : لا لا ختي مرحبا بيك على راس و العين

مينة(شافت فنزهة) : متعارفناش قبل انا مينة (طبطباات على ضهر اشراق كانت كالسا حداها) تقدري تقولي فمتابة مامات اشراق و نتي

سؤال كان عفوي بحكم معرفاتهاش لكن دخل لقلب نزهة بحال جمرة كواها

نزهة ( دموع فعينيها) : انا نزهة مامات اشراق و سارة

خرجات عينيها مينة مستغربة كيفاش ماهوم و هوما بسيف باش مسلمين عليها.. عرفات بلي الخواطر باقي مصفاوش .. كتفكر الهضرة لي كانت عودات ليها عليها اشراق و شنو دوزات عليها شي لي خلاها تبقا ساكتة ...

دخلو كاملين كيشربو اتاي مجموعين دراري فجيه و البنات فجيها تانية .. كيتافقو على شنو غايديرو.. و اي حاجة كيضور يشاورو مينة..

مينة :من دابا كنقولهالكوم كلشي يكون على اصولو صباح تمشيو الحمام و لعشية الحنة ياك اختي نعمة

نعمة : اه مقلتي عيب راه كلشي واجد الله يرضي على دراري كلشي قادوه بقاو غير هاد جوج

اشراق : حقا قبل منسا مع 4 غنجيب كوثر (شافت فمروة ) الى كنت عزيزة عليك ميكي متخديش فخاطرك منها راه والله حتى قلبها بيض غير ضغوطات لي خلاوها تكون هكاك

مينة : كوثر ماشي قبيحة و عاوداتلي اشراق كاع ديكشي لي وقع معاكوم.. منكدبش و نافق منحقكوم متقبلوهاش وسطكوم لكن البنت يتيمة الى ماعيناش و طبطبنا مكاينش لي يحن فيها ..

مروة ( تنهدات وحطات يدها على كرشها لي كانت باينة ) : معنديش مشكل انا و الله حتى نسيت غير مديرش شي حاجة خرى تاديني بيها

مينة : و علاش خالتك مينة هنا مكاينش لي يقلقكوم كاع ..

اشراق : كوني هانية و الله ..

قاطعوهوم صونيت فالباب ناضت سارة قافزة

سارة (بفرحة ) : خالتي غفران جاااات انا نحل

مينة (شافت فاشراق ) : واش سيدة لي عاودتيلي عليها

اشراق : اه هي

ايمان :لالة اشراق شفت كاع لخبار واصل لخالتي مينة هادشي غير مكتهضروش بزاف

اشراق (كضحك ):من زهري ديك نهار فاش عيطت مكانوش هادوك سرسبت ليها كلشي

مينة :لا لا نسيتي حوايج هوما ( كتقصد على نزهة )

اشراق (فهماتها) : غير مجبتهاش الوقت و صاف ..

---

دخلات غفران لعندهوم سلمو عليها و رحبو بيها .. تجمعو حطات ليهوم نعمة الغدا .. غير تغداو ناضو لعيالات كيعاونوها كيوجدو لعشا على تيساع و البنات بقاو مجموعين معاهوم نزهة لي غير كالسا و كتشوف بحال ضيفة..

فالكوزينة مجموعين كتعاود ليهوم غفران شنو وقع مور مسولاتها مينة ..

غفران : صافي هادشي لي كاين بقات هكاك

نعمة : حتى هي الله يهديها مدارت فيها ميصلح

مينة : وا لي شافها متقولش عرس بناتها تضحك و تنشط و هي عاقدا حواجبها ملي دخلات ساكتة

غفران : الله يسمحلي مبغيتش نهضر فيها لكن راه خاص تحاول تقرب منهوم هكا غير غيبعدو كتر

نعمة : حتى هي ممطلوقاش راك شتي حنا كنضحكو و هي غير ساكتا

مينة :انا نفرجكوم تبعوني

خرجات مينة مكفضة على يديها ..

مينة : ختي نزهة ماشي وقت ضيافة هادي نوضي اخيتي عاونينا راكي مت العروسة زعما

نعمة ( حشمات) : اغير خليها حنا كافين

غفران (غمزاتها) : لا ختي تنوض تعاونا لاواه ملي جات ساكتا مراهاش برانية ..

نزهة (تفعفعات) :هاني اه غير معرفت مندير

مينة : اجي و ديري بلاصتك و حيدي جلابتك و لي نديروه ديريه و طلقي البشرة.. تعالي لحدانا لتبقايش كالسا وحدانية

ناضت لعندهوم دخلات معاهوم لكوزينة و ضوروها فالوسط ...

مينة : شوفي اشراق ربي لي عالم حسبتها بنتي و لي ضرها ضرني و لو تكوني نتي لي ولدتيها نشوف منك شي حاجة ندوزك من عين اليبرا هادي واحد .. جوج غا قوليلي كيفاش باغا هاد البنات يعتابروك ماهوم و نتي بحال الغريبة كتعاملي

نزهة : راه هوما ممتقبلينيش

مينة:بسيف على نتي كاديري دور ديالك كأم

غفران : لي قصدنا ليك هادا الوقت لي تكوني فيه مع بناتك لي توقفي و تعاونيهوم

نزهة (بدات كتبكي) :انا خسرت بناتي

مينة : مخسرتي موالو حنا معاك و مع الوقت كلشي غيتصلح...

---

عند خرجو دراري كلها مشا لشغالو اما لبنات بقاو مجمعين حتى جا الوقت لي تمشي اشراق مور كوثر

ايمان : صبري نمشي معاك

اشراق :و الله معرفت خفت تشوفك و ترجع لحالتها تاني

ايمان :اخيرتها غادي تشوفني و تشوف مروة يعني اللهم نتواجهو تما

اشراق : واخا زيدي يلاه ..

خرجت ايمان و اشراق وصلهوم اديب لقاو كوثر كتساين.. غير دخلو جات عينيها فعينين ايمان .. دازت سلمات عليها كتعامل ببرود

ايمان : ياختي توحشناك ازين بقات بلاصتك

كوثر (ببرود ) : ربي خليك يتوحشك الخير

ايمان ( تنهدات ) : كوثر انا عارفاك شادة فخاطرك مني وواقع سوء تفاهم و خاص نحلوه..

كوثر : مواقع والو غير تهناي

ايمان : سمعيني حنا عائلة وحدة صحابات كاملين كيف ما كنبغيو اشراق كنبغيوك حتى نتي .. نتي وحدة منا و بلاصتك و سطنا.. حنا مغنديو ليك اشراق ما حتى حاجة اشراق كتبقا ختك و صاحبتك و حنا نفس شي .. حنا بغينا نكونو مجموعين و حتى حاجة متفارقنا

كوثر : عمركوم عاملتوني على اساس وحدة منكوم

ايمان : شوفي كون مكنتيش وحدة منا مكناش غنسولو فيك مكنتش غانجي دابا حتى لعندك حنا بغيناك تكوني وسطنا.. بغيناك معانا مبغيناش تبقا حساسية بيناتنا .. كل وحدة دابا غتكون عندها حياتها لكن علاقتنا غتبقا كيف ما هي

كوثر : انا عارفا راسي كناخد الامور بحساسية زايدة لكن اشراق هي عائلتي

ايمان (شدات فيدها): مبقاتش غير اشراق بحدها بلعكس حنا كاملين ولينا عائلتك و كاملين غتلقاينا فجنبك..

هزات ليها راسها كوثر مور متعمرو عينيها بدموع جراتها ايمان حضناتها عندنا.. شافت فيهوم اشراق و حضناتهوم بجوج..

---

خرجو من تما مور معطاتهوم طبيبة موافقة على اساس ترجع مور العرس.. غير دخلو اول سلمو عليها و رحبو بيها تلاقات مع مينة بحالي لقات الصدر الحنون بقات كتسلم و تبكي مسكتاتش حتى بكاتهوم معاها صعيب تحس براسك بوحدك فهاد دنيا حتى حد محاس بيك ..

غير دخلات لقات مروة متكية وقفات حداها و رجعو تغرغرو عينيها بدموع.. عينيها على كرشها لي باينة بقات شحال كتشوف مقدراتش تسلم و لا تقرب خافت تقمعها مروة.. لكن تصدمات من تعاملها و قفات مروة و سلمات عليها بحالي مواقع حتى حاجة ..بحالي ماشي كوثر هي لي خرجات ديك نهار سم من فمها..

كوتر( كتبكي ): سمحيلي سمحيلي معرفتش كيفاش قلت ديك الهضرة .. انا

قاطعتها مروة :مسحي دموعك لي فات نسيتو موقع والو انا مسامحاك (جراتها عنقاتها بقلب صافي.. شافت فاشراق مبتاسمة )

مينة : صافي لي عندها شي خناين تمسحهوم ..

(شافت فنعمة ) جيبي جيبي ديك البنادر و اجي نطلعو شي طرح دار العرس و ساكتين..

نعمة : هي اللولة توحشنا الحيوح

مينة : اشراق كوثر تعالو نرجعو يمات الفيشطة

ايمان : عرفتو و مديرولي الشيخات فالحنة حتى نعواج ليكوم

مينة : عرس بنتي اشراق كاملة و ميكونوش حشومة متكونش سميتي مينة ..

جابت ليها مينة لبنادر عطات واحد لكوثر وواحد لاشراق .. يلاه بغاو يبداو و هوما يسمعو الدقان ..

حلات غفران الباب لقات اديب معاه واحد المراة .. غير شافتها اشراق خرجو عينيها

اشراق(بفرحة ) : خالتي الشريفة

مينة (نغزات ايمان ) : شكون هادي

ايمان : هي لي عوناتهوم نهار العافية

مينة : ياكما ركن المفتي

ايمان ( شدات ضحكة) : بحال ديكشي

مينة :ايوا صفات نسخن بنيدراتي نحميو الطرح محد مكاين حد

سلمات عليها اشراق باركات ليها الشريفة و دخلات سلمات على كلشي ..

اشراق (كضحك) : قلتيلي مزال ترجعي عندي و هانتي جيتي نتي نيت

الشريفة (ضحكات): و مزال ترجعي عندي

اشراق : نجي نجي نشوفك علاش لا

قاطعاتهوم مينة طلقات صوتها .. اشراق شدي معاي طرح خلي جموع منبعد ..

مينة : يااااو عندو زين عندو لحمام دايرو في دارو

اشراق و لبنات : واناااا الحب و اناااا الغرام جابني حتى لدااارووو

مينة : يااااو عندو اشراق عندو ايمان دايرا في دارو .... واناااا الحب و اناااا الغرام جابني حتى لدااارووو

بقاو كيغنيو و يزرعو كل مرة على وحدة دوزو العشية كلها شطيح و غنا ....

-----

اليوم نهار ديال الحنة ، البنات مانعسوش بالفرحة تستافو بحال سردين فبيت واحد مخليين الرجال بوحدهم مجموعين فدار عصام ... عصام بالكشايف باش خلا مروة تنعس معاهم ، قاليك حقا ولادو خاصهم ينعسو معاه ..لكن غلبو فيه ملقا ميقول ..

- إشراق (كتجمع حوايجها فساك) : سارة عنداك تنساي تاني زيف ، عقلتي كنتي كديريها ليا ديما ناسية زيفك ...

لبنات سربيو دابا و هناء وصلات عاد قطعت معاها غدي تمشي معانا

- سارة (كضحك كتوريها فزيف حياتي) : لا هاهو درتو

ايمان : كيف طرا ليها خلاتها ديك حجر العافية

اشراق : معرفتش تعاودها براسها ياك ولادها و ديناهوم شد سما دابا

- نعمة (دخلات عليهم) : لبنات واجدات ؟

- إشراق : أنا واجدة شفتي مروة واش وجدات ؟

- نعمة : اه راهم لتحت خاص غير انتوما .. تنزلو

- إشراق : صافي هاحنا هابطين .

- هزات إشراق ساكها ونزلات هيا وسارة لتحت ، الرجال غابر ليهم الاتر من مورا ماجرات عليهم غفران...

خرجو على برا ، ركبو مع ايمان إشراق لقدام ومروة وكوثر وسارة لور .. تبعاتهوم هناء و مينة..

شدو الطريق للحمام النݣافات كانو كيتسناو البنات ، هوما لي ايقومو بإيمان وإشراق من الحمام لعرس لكولشي ، كانت واقفة النݣافة سناء ونݣافة سعيدة بقفيطان جوهرة معاهم البنات ديالهم لي أيقومو بالعريسات .

- مع خرجو من طوموبيل بداو الزغاريت والصلاة على النبي واقفة معاهوم مينة حاضيةجنابها و حاضياهوم ، شدوهوم النݣافات من يديهم دخلوهم للحمام كانت واقفة واحد السيدة كبيرة فلاج .. كانت دايرة واحد الشال على راسها محزمة ودايرة شمار لكمايم قفطانها ، كانت هازة بلاطو ديال النحاس فيه الحليب بزهر ، والتمر معمر بلوز والبيستاج ... الزغاريت ماوقفوش .. هناء كتصور بالكاميرا كاع اللحظات وحدة بوحدة ، كوثر تحركو مشاعر ديالها هي وسارة شافو فبعضياتهم دارو تغرغرو عينيهوم بدموع فتالي قلبوها ضحك ، دموعهم على سبة بجوج تلاقاو ...

- اشرات ليهم سعيدة براسها باش يدخلو مع البنات لي مكلفات ، البنات لوخرينات بدلو حوايجهم بالخف ، أما إشراق وإيمان تكلفو بيهم البنات لي مع نݣافات ، إشراق ربي وحدو لي عالم بيها قلبها كيضرب بجهد ودموعها غلبوها ، ممتيقاش شنو كتعيش واش أخيرا الدنيا غادي ضحك ليها واش أخيرا أتفرح وعاد أتبدا عندها الحياة بحال الى عاد تزادت من كرش مها .. قاصات و عانات و مدازش.. عليها قليل ، ربي كبير وعمرو مكاينسى عبادو و اكيد بعد ضيق كيجي الفرج ...

لواو على إيمان وإشراق يزار بيض عاد حيدو ليهم حوايجهم ، دخلوهم للداخل فوسط داك ليزار البيض ... البلاصة فين أيݣلسو كان مفرش فيها بواحد الجلدة بيضة طويلة مكتوب فيها بذهبي عروسة ... كان ضاير بيها الشمع وسليلات ديال النحاس فيهم الورد البلدي وريحان والخزامة والحنة ورق ، سلة تانيا كان فيها الغاسول مرشوش بالزعر والورد والعكر الفاسي ، البنات ماسكتوش من الغنا وزغاريت ، خلاو العومال وقابلو غير العرايسات ... كلشي فرحان كولشي ناشط

- أول حاجة بداو كبو ليهم الما دافي على داتهم ، عاد دهنو ليهم بدلكة سودانية فيها الحنة وأوراق الصدر والكراميل مع دقيق البيض والنيلة الصحراوية وخرقوم عرق ، دهنوهم كاملات وخلاوهم جهد 20 دقيقة عاد شللو ليهم ، دارو ليهم جميع الطقوس الخاصة بالحمام ، اما شعرهم فغسلوه ليهم بالغاسول ودهنو ليهم بيه لحمهم ، واخر حاجة هي القهوة وزيت الورد ... من وراها عاد عامو لبنات لوخرينات ، خرجو العريسات بحال الأميرات اللحم بيض والحنيكات وليديدات ورجيلات حمرين .. طايح عليهوم سر ..

سعيدة (كتزغر) : اتبارك الله على العريسات ديالنا .

- سناء (بصوت قوي) : وا عشااق النبي صليو عليه ، اللهم صلي عليك يا رسول الله روروروروروروروروروروروروريييييييييييييي .

مينة دور و تصلي على نبي و تزغرت...

- لبسو لبنات كيف كيف ،قفطان بيض مطروز مع ملابس داخلية جديدة فالبيض ، زيف حياتي بيض وشربيل فالبيض ، رشوهم بزهر والريحة ... عطاتهوم مينة كاس ديال أتاي بالعلك وزعفران شعرة الحر . ... موراها خرجو البنات ركبو مع هناء و هاد المرة مروة لي صاكت طموبيل ايمان ركبات معاها كوثر و سارة ... تبعوهم النݣافات فطوموبيل ديالهم باش يوجدو للحنة ..

---

- فدار إيمان .. فصالون الكبير ديال الدار واقفة نعمة مع البنات لي سيفطاتهم النݣافة ، هوما لي غيكونو مع البنات فالحنة .. دخلو الليباسات لي كانو تكشيطة مكروزة بطرز الفاسي .. بالبيض والخضر مع مضمة بدهبي ونقري ... ديال إشراق .. أما إيمان ختارت بحالها فشكل غير هو كان قفطان .. الݣلسة كانت فلون الأخضر بطروزة بصم ومكتوب عليها :

- أديب إشراق والݣلسة لوخرا حداها فنفس الشكل مكتوب عليها معتز إيمان .

- الطبلة محطوط عليها السكر منقوش بالحنة ، منقوش عليه سمياتهم ... طبق عامر بالورد ولاخور عامر بالحنة محطوط فالوسط ديالو البيض منقوشين فيه خميسات بالحنة .. مع مريشات فيهم الريحة وزهر .. الشمع محطوط فصنيدقات فالخضر حدا العريسات .

- نعمة : سمحوليا نشوف شكون كيدق .. مشات حلات كانو العونيات هوما لي وصلو ..

- نعمة : مرحبا بيكم وألف مرحبا .

- مليكة : مبارك ومسعود الله يكمل بالخير .

نعمة : أمين ياربي العقبة لبنياتك وكاع بنيات المسلمين ياربي .

- تأنسطلاو العونيات فبلاصتهم لي كانو من طرف مينة .. حتى وصلو العريسات دخلوهم بصلاة على النبي وزغاريت ، نعمة كتشوف وعينيها مدمعين ربي عوض على بنتها بالخير الفرحة مسايعاهاش ..

- دخلو النݣافات العريسات للبيت باش يوجدوهم للحنة ،لبسوهم اللبيسات ديالهم نشفو ليهم شعرهم.. جات لميكاب اغتيست ليكان موصي عليها معتز خصيصا ..زينو ليهم شعرهم بالجوهر والڤوال فالخضر وخرجوهم بصلاة والسلام على نبي العدنان ..جات غفران لابسة فراشة كتحمق فسومو مقادة ومصاوبة ونخوة ، نجمة مامات مروة حتى هي .... جنى كانو ملبسينها قفيطين بحال إيمان ... أما البنات لابسات كاملات جوهارات كوثر فالموڤ سارة فتيركواز مروة فالبيج كريشتها باينة ، أما هناء كانت لابسة جبادور بسروال ديالها وهي لي كتصور بالكاميرا ديالها ... ..

دارت كانت عامرة بجيران و الحباب عاد ختارو غير مقربين .. غير ݣلسو العريسات .. ودخلو جوج نقاشات ... بداو العونيات كيغنيو.. و يحميو طرح... اغنية مور اغنية كولشي ناشط كولشي كيشطح.. حيدو لبنات الحنة بالحليب .. بدات كتخوا الدنيا و بقاو غير القراب

طلبات اشراق من مينة يرضو ايام زمان و يغنيو اول اغنية غنات اشراق ..

اشراق :عطاك الله زين يسواو ريح لي حاسدين

لبنات :عطاك الله زين واش خداو لي داوين

عطاك الله زين واش داو لي حاسدين

اشراق :عطاك الله يا زينت البنات عطاك الله زين و التبات

لبنات :عطاك الله زين يا و اشداو لي حاسدين

اشراق : ياو الرباطيات ياو فالبركة راهوم كاينين

لبنات :عطاك الله زين ياو ريح لي حاسدين

اشراق :ياو العبديات ياو فشربة راهوم كاينين

لبنات :عطاك الله زين ياو ريح لي حاسدين

اشراق : ياو الشماليات ياو فالبركة راهوم كاينين

لبنات : عطاك الله زين ياو ريح لي حاسدين ...

بقاو محيحين بيناتهوم مخلات حتى حد مغناتش عليه... تسالات السهرة لي كانت شاخضا بالامتياز..

جا الصباح .. الصباح لي شحال و هوما يتسناوه ليلة العرس .. ايمان الفرحة مسيعاهاش اخيرا غادي تجمع هي و معتز اخيرا حب الطفولة غيتوج بزواج...

فداخل اكبر قاعة فكازا....كانو العرسان مجموعين و العائلة كلها حاضرة حتا من أركان كان حاضر

القاعة تقريبا كلشي مقاد فيها مي باقين غير شي حوايج قلال خاص يتقادو

البنات كانو لابسين غير قمصان و دراري حوايجهم عادي بيما يسينو معتز و ايمان على العقد عاد يمشيو يوجدو

كانو ايمان و معتز جالسين فوحدة من طبالي حتا لمحو العدول داخل

تقدم العدول لعندهم مع اب ايمان و محمد

جلسو كلهم و بدا العدول فمراسم الزواج لي شهد عليه اركان و عصام....و بهذا تعلن معتز و ايمان زوج و زوجة امام الكل

معتز: مبروك علينا ( قرب ليها و باس جبتها)

ايمان بفرحة: الله ابارك فيك

بدات مينة كتزغرت و تبعاتاها نعمة و اشراق

كلشي فرحان و ناشط مسايعاهش الدنيا

مينة بصوت مرتفع: يلاه البنات خاص طلعو وجدو راسكم

طلعات ايمان و اشراق لفوق فين كاينة غرفة كبيررة فالقاعة خاصة بالعرايس و فين كانو كتسناوهم البنات باش يبداو ليهم

شي تكلف بايمان و شي باشراق و شي بنات بقاو تكلفو بكوثر و مروة و سارة

كلشي خدام دقة وحدة و كحاولو يديرو جهدهم باش جاع البنات يطلعو زوينات

.....

اما التحت فكلشي وجد...الدراري تا هوما طلعو لغرفة اخرى فين يلبسو..و مينة و نعمة و نزهة و غفران تا هوما مشاو لغرفة اخرى بداو كلبسو و جات عندهم بنت قادات ليهم مايك اب على حسب لاج ديالهم

......

سعيدة: الصلاة و السلام على رسول اللهلا جاه إلا جاه سيدنا محمد الله معا الجاه العالي

النكافات كصليو على النبي و دقة المراكشية خدامة فنفس الوقت واحد لومبيونس زوين بزاف....كلشي ناشط و كلشي كضحك و يشطح

البنات جايين و كل وحدة شادة فراجها و موراههم العائلة

ايمان كانت لابسة تكشيطة فالغوز بيبي مطروزة و منبتة كلها مع مضمة د الذهب و تاج فالابيض اما اشراق كانت تا هي فنفس ستيل تكشطية ايمان اهي فالبلون كاسي مع مضمة و تاج د ذهب الاصفر

كلشي وقف باغي يشوفهم و كلشي فرحان ليهم

طلعو البنات فالعمارية و دارو على القاعة كلها و كلشي نايض محيح

هبطو البنات و كملو الشطيح مجموعين....مشاو موراها للبرزة جلسو مدة عاد ناضو باش يبلسو و يلبسو اللبسة الثانية

بقاو على هد الحال كل مرة يطلعو يبدلو تا دارو خمسة د لبسات...تعشاو...و موراها طلعو البنات يلبسو لي غوب

......

دخلو مشادين كل وحدة بغوب اقل ما يقال عنها واعرة

الاضواء تسطلو على البنات و العرسان و كلشي كصفق و يصفر

توجهو لكاطو قطعوه و وكلو بعضياتهم

الدموع الفرحة فعينين كل ام....و فعينين كل صديق و قريب

اخيرا الحياة تقادات لكلشي و ايقدرو يكملو بدون صعاب المهم دكشي لي صعيب تخطاوه و لي جاي محدهم مجومعين تا حاجة متصعاب

تقدمو لوسط القاعة و كل واحد بدا كرقص مع حبيبتو على انغام موسيقى غربية....و موراها لي عندو شي حبيبتو او مرتو جرها الوسط و بداو كشطحو

توزع الكاطو على كلشي و من بعد ناس بداو كمشيو و القاعة بدات تخوا

....

جا الوقت لي يخرجو فيه العرسان باش كل واحد فيهم يبدا ليلتو

خرجو برا و لقاو زوج طوموبيلات مزينين بالورد....ودعو العائلة و البنات كل وحدة فيهم كتبكي فيهم من جهة....ركبو فلخر و انطاقلو لوجهة ديالهم

🚫 تحدير من السفالة 🚫

اشراق و اديب شدو طريق للدارهم لي كان اديب كوجد فيها من قبل و مخليها مفاجأة لاشراق

اما معتز و ايمان بعدما مشات ايمان بدلات و لبسات غوب صيفية فالابيض عادية و مسحات مايك اب ديالها و دارت غير واحد خفيف...قصدو الطريق للبحر و لقاو يخت كتسنا فيهم.. هز معتز ايمان و دخل بيها الداخل

كان اليخت كلو مزين بالشموع و الورد و موسيقى هادئة مطلوقة...اليخت حجمو تقريبا كبير و مكون من ثلات طوابق...الفوق كاين فين ياكلو طابلة صغيرة مع كراسا و ميني كويزين...الوسط مقاد بلي فوطاي و جليسات و كاينة جهة اخرى خاصة بمركز القيادة عاد التحت بيت د نعاس و حمام

بدا كتحرك اليتخت و مشا معتز بايمان لي فوطاي تما حطها و جلس جنبها كشوف فيها مبتاسم

مد ايدو حيد ليها الطرحة من شعرها و فنفس الوقت كحاول يحل ليها شعرها و هي كتعاونو تا تحل كلو و طاح على كتافها

هز بعض الخصلات من شعرها و قربهم لنيفو و نطق بصوت باح: ريحتو كتهبلني

هز عينو منيم فيها و كمل: وا أخيرا تجمعنا ماي بايبي جيرلر

ضحكات ايمان و نطقات بحب: على سلامتنا

قرب ليها معتز و حط شفايفو على شفايفها كلتاهم فيهن بكل حب و هي ايدها محطوطة على صدرو لي بدا كطلع و يهبط.. بدا كقيص فكل جزء من جسمها و كزيد يقربها ليه حتا حس بيها بدات كتبعد فيه

وقف و شاف فيها كتسناها تهضر

ايمان: ماشي هنا...حشومة

معتز: مرتي و ندير معاها لي بغيت

وقفات ايمان و قالت: و لو

وقف معتز و خطفها هزها و هبط بيها التحت

دخلو لبيت النعاس لي كان تا هو كلو ورد و شموع

حط معتز ايمان فوق ناموسية و مشا حيد لافيست ديالو و كرافاط و خل صديفات لولين د شوميز و رجع عندها مد ليها ايدو...شدات فيه و وقفات و جا موراها بدا كحل ليها فلاغوب من لور تا طاحت كلها فالارض و بقات بلي سوتيان و شورط

🚫🚫🚫🚫

دورها عندو و ايدو كتلعب فكتافها و دراعها بحنان

معتز: كنبغيك و انبقا نبغيك لاخر نفس من عمري

حط ايدو على خصرها العاري و قربها لعندو دفن وجهو فعنقها و عضها عضيضة خفيفة و طلع لشفايفها كقبل فيهم و عاطي لكل شفة حقها و ايدو كتلعب فجسمها حتا حرك الرغبة فيها.....ريقهم تخلط و صوت انفاسهم هو لي كتسمع....مدات ايدها لشوميز بدات كتحل ليها فصدايف ديالها و حيدها هو

حل ليها لي سوتيان و لاحهم فالارض و هزها ديريغتومو حطها فوق الناموسية و وقف مقابل معاها كمرر عينو على شفايفها لي تورمو و حمارو و على صدرها

تحنى لعندها و بدا كمص فصدرها و ايدو فجهة الثانية...كدوز عليها مرة مرة بلسانو حتا كتهز بحر النشوة...داز لجهة الثانية يمكل عليها بفمو و ايدو هابطة على طول جسدها تا وصل لعضوها و حط ايدو غير من الفوق كلعب

طلع لعنقها كوزع فقبلات عليه و من بعد تم هابط على طول جسمها حتا وصل لسرتها و طبع قبلة خفيفة تما من بعد بدا كلعب بلسانو و هي بدات كتلوى تحتو

بدا كسمع فيها كتنهج و غير من حركاتها عرف بلي وصلات لذروة شهوتها....هبط ليها شورط دغيا و حيد تا هو ما تبقا من حوايجو

حط عضوو على المركز و بدا كدخل بشوية بحكم كانت تزيرات و مباغيش يفورسي عليها من اول ممارسة ليهم....استقر عضوو داخل مهبلها و بدا فعملية المد و الجزر و تحنا عندها كقبل فشفايفها و يعض.. مبقاش قادر يصبر مزال و بدا كزيد فالسرعة تدريجيا و هي مكملة عليه بصوت اهاتها لي خلاو كل انش من جسمو يشعل

تسمع صوت تنهيدة منها و حس بمائها عرفها جابتو و كمل هو حتى لبى رغبتو و وصل للنشوة المطلوبة.....خوا فيها و تكا جنبها جرها لعندو ضمها وسط صدرو..

🚫🚫🚫🚫

بعد مرور عام ... عام كان كافي يغير شحال من حاجة .. عام فيه تهدات النفوس فيه صفات القلوب ..

اديب و اشراق فهاد العام كتاشفو معنى المسؤولية حياتهوم استقرات بالاخص مور مخداو قرار يبقاو مستقرين فالمغرب... قدرو يبداو شوية بشوية و بمساندتو ليها قدرو يوقفو المشروع .. المشروع لي كان مفاجأة كبيرة لبنات واخا ايمان رجعات لشركة لكن عرفات تقسم وقتها مابين المشروع و الخدمة و مهملاتوش.. شي لي خلاه دغيا يتعرف و يدير بلاصتو فالسوق..

بالنسبة لاديب فكر مزيان و لقا انسب حل هو يرجع لشركة و يعاون خوه هكا غيقدر يضمن مستقبلو و مستقبل عائلتو و اكيد مقتانع حتى ضغطو عليه معتز و عصام .. لكن واخا هكاك فاش كتكون شي كومبا كيشارك و هكا متخلاش على الحلم ديالو ..

كانو كالسين مجموعين ففيرما كيتسمع صوت ضحك ديال جنى كتجري تابعها عصام ...

جنى : بابا بابا بابا دوي مع عمو عصام

شدها معتز مطيرها فسما : مالك ابابا غير بشوية عليك

(شاف فعصام) ياك كنقولك متخليهاش تجري بزاف

جنى : كيقولي غنقطعليك شعرك و انا حتى فرحت رجع كبر (كتشد فشعرها لي باقي قصير و خفيف يلاه بدا كيطوال )

معتز : خليه يقربليك بحرا لوحليه ولادو فالبحر

جنى (ببرائة) : لا بابا طاتي مروة غادي تبكي راك شفتيها ديك نهار غا مرضو نهار كامل كتبكي

قرب منها عصام باسها : يخليلي لي كيفكر فخالتو مروة .. اجي اجي عندي نمشيو نشوفو جاد و جوديا واش فاقو

جنى (شافت فمعتز) : بابا ياك حتى ماما قريب تجيب ليا خيتو

معتز(باسها) : قريب ابنتي مبقاش بزاف

قاطعتهوم مينة كتعيط

مينة : واجيو راه سي عثمان من قبيلة و هو كيعيط راه كلشي واجد بقيتو غير نتوما

معتز : غسان جا و لا باقي

مينة : جا قبيلة هو و سارة و غفران و حتى اركان جا

جنى : ميمة مينة واش ميمة غفران جات

مينة : جات جات يلاه اجيو .. هبطات جنى من عند معتز مشات مع مينة

عصام : عرفتي احسن حاجة درتي جبتو مينة الله يعمرها دار

معتز :عاوناتنا بزاف صراحة شحال من مرة كانت كتبقى مع جنى فوقت الحصص

عصام :حقا دابا جنى صافي سالاتهوم ياك

معتز : اه لا صافي الحمدالله حالتها مكانتش صعيبة بزاف دابا حبسو ليها دوا بقاو غير فيطامينات و صاف و كل مرة كنطرول

عصام : برافو عليها لي حربات المرض و صبرات حتى ايمان ممقصراش معاها

مشاو جيهت الجردة لي حدا دار كانو مجموعين كاملين بحكم عيدو كاملين مجموعين

مينة :ايوا سي عثمان فين وصلتي هاد اللحم مبغا يطيب

عثمان : طاب طاب ا لالة مينة .. سي مصطفى فين وصلتي نت

مصطفى :انا صافي وجدو

غفران (جايبة صينية داتاي ) : ها اتاي واجد

نعمة : انا نطلع نشوف البنات

نزهة : صبري نجي معاك

عند البنات الفوق كانو مع مروة كيعاونوها بدلات لولادها جاد و جوديا

ايمان : واش متاكدة تعطلات عليك

اشراق : اه راه حاسبا ليها مكرهتش هاد المرة تصدق

مروة : ياك مبقاتش كتعطل ملي تبعتي مع طبيبة غالبا تصدق

اشراق :اه راه كانت عطاتني واحد كينة نضماتهالي

ايمان : ياك ملقات عندكوم والو و قاتلك فاي وقت ممكن تحملي علاش مصعبة الامور

اشراق : عام و انا قاطعة الكينة حتى اديب شك بلي كناخدها بتخبية و انا راه فمي مجات .. معرفتش علاش محملتش لدابا

ايمان :و ديك العشوب لي عطاتك الشريفة مدارو والو

اشراق: هادوك عاد خديتهوم الشهر لي فات حيت قبل كانت ماما عطاتني واحد الوصفة ديال البرد فالوالدة ساعة والو

ايمان : ويكون خير مالكي متشائمة راكي باقي صغيرة مكتابش دابا باقي الوقت

اشراق(عينيها تغرغرو) بغيت نولد بغيت ولادي يكبرو مع ولادكوم

ايمان : اودي انا كون جات عليا كاع منولد دابا مكنتش ناويا كاع نحمل .. جنى باقي صغيرة و عاد بدات كتبرا و كنت كناخد الكينة غير نسيتها و ربي كتب عليا

اشراق : بالعكس احسن حاجة وقعات و الله

مروة :دابا مالكي خايفة نتي ديري تيست و تهناي

اشراق: راه خفت تاني ميكون والو و نتوهم على والو

ايمان (شافت فمروة ) : عطيها تنوض تجرب الى باقي عندك شي طيست

اشراق : بلاش بلاش مبغيتش يضيع ليا المورال

مروة (جبدات تيسط من ساك) : نوضي نوضي مخاسرة والو

ايمان (كضحك) : مكاينش لي كيسالي معاي قدك ا مروة شاريا باكية دلي طيست مالك على حالتك

مروة : باش منتقولبش راه من نهار ولدت و انا خايفة نجيب الربحة

اشراق : عندك صح ولادك باقيين صغار انا حتى سارة وصيتها متولدش دابا تقابل قرايتها

ايمان : سارة الى ولدات جات معاها بعدا غفران كاينا كيتي انا وياك

اشراق : غير سكتي نهار كتجي لعندنا كتبقا تريكلامي و دير دور ديال لعكوزة

ايمان :انا غير سمعاتني حاملة عاد عطاتني شبر تيساع

مروة : واخا هكاك معندك متساليها لي شافها مكانتش باغا جنى دابا كتحماق عليها و راك شفتي الجمعية ديال سرطان لي نضمات ليها و التبرعات لي جمعات ليهوم

ايمان :هادي اه برافو عليها

اشراق : شتي ملي تقبلات عمي محمد مع كلثوم و مبقاتش مصوقاليهوم راه اكبر تغيير

ايمان : بسيف عليها اصلا راك شفتي مور العرس سافرو كاملين لفرانسا على ود العلاج ديال كلثوم.. مبقاتش كتشوفو

مروة : اشراق واش مغتنوضيش راك فقصتيني

اشراق: هاني غادا راه الى تصدمت غادي تاخدي دنوبي

مروة : واغير سيري نتهناو اصلا هادي سيمانة و نتي عاطياها غير نعاس و كل مرة محاملاش وحدة فينا و غير معصبة راه انا ديك نهار قتليك شاكة فيك و متيقتيش ...

ايمان :نوضي و هنينا انا نعيط لكوثر نشوفها فين وصلات

مروة :دوك جوج مبغاوش يتزوجو خلاص

ايمان :عيا فيها مبغاتش قاتلو حتى نكمل العلاج النفسي

مروة : وراه سالات شنو بقا

ايمان : دخلات لشي جمعية و متبعة مع شي كوتش

اشراق(من داخل دوش) : اغير كتهرب و صاف كون بغات كون تزوجاتو

مروة : عرفتي و الله حتى كيبغيها

ايمان : واحتى هي كتبغيه عقلتي نهار ناضت لديك طبيبة مخلاتش ليها غير حيت سلمات عليه بلوجه سيمانة و هو كيحزر فيها

مروة : راه صابر على هبالها ..

ايمان :واا اشراق مزال مساليتي شفناك قطعتي الصوت

قاطعهوم دخول نعمة : دوزو تهبطو راه بغينا ناكلو كنساينكوم غير نتوما ..

ايمان :غير هبطو هاحنا جايين...

مروة : خالتي نعمة انا نعطيك جاد هبطيه لعصام

ايمان :عطيهوم حتى جوديا بلا مترجع تنعس ليك فليل تخليك فايقا

مروة : واه بصح لبارح غير خالتي نزهة لي بقات فايقة معاي الله يسمحلي منك

نزهة : بحالك بحال اشراق و سارة متقوليش هكا

عطاتهوم مروة جاد و جوديا مور ملبساتهوم و لاحت عليهوم كاشة خفيفة على ود البرد فجردة.. شدات نعمة جاد و نزهة جوديا و هبطو مخلين مروة كتبدل حوايجها

ايمان :وا اشراق وا شريفا مالكي سكنتي

مروة: مال هادي مكتجاوبش

ايمان : نوضي نشوفو مالها

مشاو كيدقو و يعاودو حتى حلات ليهوم .. خلعاتهوم حالتها كتبكي

ايمان :مالكي شواقع لاش كتبكي صافي مكتابش لاش هاد الحالة

مروة : عندها الحق صافي راكي باقة صغيرة مسحي دموعك

ايمان :خرجي و نتي كتبكي فطواليط يضربك شي جن اجاب مفكنا معاه

مروة : زيدي زدي لي يشوفك فهاد الحالة يقول معرفت شنو وقع

ايمان : ناس كيكلسو 10 سنين عاد كيولدو و مكيديروش هاد الحالة

مروة : و الى معشوقة فالبز ها جاد و جودية اراي متشبعي منهوم

ايمان :و زيد جنى اغلبية كتبقى معاك مالكي على هاد الحالة..

مروة: زيدي زيدي نخرجو و نتي على سبة خاصك غير علاش تبكي ..

بقات اشراق واقفا بلاصتها كترجف و دموعها هابطين ممتيقاش شنو كتشوف لدرجة مسمعاتش هضرتهوم.. مدات ليهوم تيسط

اشراق ( كترجف) : حاملة

خرجو عينين مروة و ايمان كيشوفو التيست فيه جوج شراطي محسو حتى ناضو كيغوتو بالفرحة .. طارو على اشراق كيعنقوها

اشراق (كضحك) : و الله حتى حاملة

ايمان :اديب غيطير بالفرحة

مروة : هاااح و لادنا غيكبرو مجموعين

ايمان : من دابا ولدك لبنتي مصوقيش ..

قاطعتهوم مينة داخلة مكشكشة حيت تعطلو

مينة :ادوك رباعة شيخات واش مغتهبطوش

(وقفات مستغربة ) مالكوم مالها كتبكي

ايمان (طارت معنقاها ) :غتولي ميمة أمينوشة

مينة : من شحال هادي على عاد غنولي

ايمان (كضحك) :لا جايك حفيد جديد

مينة (كمشات حواجبها) : مروة تقوليلي نتي ميفكك مني فكاك

مروة ( كضحك):لا لا اشراق

ايمان : اه اشراق حاملة

محسات مينة حتى طارت على اشراق كتبوس و تعنق فيها ممتيقاش شنو كتسمع ... شافتها هاد العام شحال كانت ملهوفة على الولاد .. ديما كانت كدعي معاها كيف لا و هي بنتها لي عطاتهالها دنيا

ايمان ( بحماس ) : متشوقة نشوف رد فعل اديب

مينة :يلاه نهبطو هادا احسن خبر ..

اشراق: متقوليش والو حتى مور الماكلة

هبطو البنات مع اشراق الفرحة باينا عليهوم ..

غير وصلو لقاوهوم كيحطو الماكلة ... غير كلاو و سالاو بقات ايمان كتنغز اشراق تهضر

ايمان :بهمس دوي و لا ندوي

اشراق : هنينا خلي من بعد

مروة : دوي و الله منقدر نشد فمي مزال

قاطعهوم عصام : مالكوم كتوشوشو

مروة (بحماس ) : كون تعرف شنو واقع

عصام : شنو تما فاش كتلاقاو نتوما ب 3 غير الله يحفض

مروة (شافت فاشراق غير سمحيلي مقديتش ) : اشراق حاملة

كلشي خرجو عينيهوم بصدمة بالاخص اديب لي ممتيقش شنو سمع كيشوف فاشراق كيتسنى منها تاكدليه الخبر

سارة(غوتات بفرحة ناضت مشات عندها ) :واش بصح واش غنولي خالة

اشراق (بعينين مغرغرين بدموع ) : اه بصح

اديب ممتيقش بلي اخيرا غيولي اب ناضو كاملين كيباركو ليهوم ..كلشي فرحان ليهوم ..

عصام(شاد فاديب ) : تجمعو تجمعو نتورخو هاد الحدث سي اديب شجل هدف

اديب ضربو لكرشو: نت راك مبقيتي تحشم

ناض عصام كيضحك بروكراما الكاميرة .. تجمعو كاملين وقفو شي حدا شي نعمة و عثمان هازين جاد و جوديا ..

عصام : يلاه نحسب حد 3

واحد

جوج

ثلاثة

تشييييز

النهاية

تمت و الحمد الله