خرجات فضة كتجري وترعد وتردد : واخا واخا .. واخا انا السبب... علاش منكون سبب الشبب الاللة الله اودي .. انا السبب
: الملكة شفاء حصلت حصلة عمرها كانت ليها فتاريخها كله. وبينما هي جالسة كتفكر دخل عليها من بعد الاذن الحارس جعفر لقاها جالسة فمكانها فشرفة غرفتها الكبيرة المزينة بستائر معلقة ملونة وكان فيها سرير وسادات ملونة وطاولة وفواكه اشكال وانواع ومشروبات وكان عندها ببغاء جميل معلق فشرفتها الجميلة الكبيرة يتكلم بوحدو بدون قيود .. كانت فوق سريرها جالسة ثانية رجليها وساهية حتى قال من خلف ضهرها
- مولاتي... النهار كامل ماخرتجيش من غرفتك .. راه وجدنا الحفلة ووجدنا الخلوة ..
تلفتات عندو بغضب شديد كتغزز سنانها وقالت تحت من لسانها
- الله ينعلكم انتم والخلوة ديالكم ... خرج علياااا (بصراخ) خرج علياااا الله يقززبكم كاملين
تخلع جعفر رجع باللور حاذر راسو وشيرات عليه شفاء غاضبة بكل الفواكه اللي كانت حداهت من تفاح وعنب وموز وحتى الصينية ديالهم والاكواب وماجات فين دور قدامها تبرد حتى بدا الببغاء بتكرار الكلمة
.- خلوة .. خلوة .. خلوة
ناضت عندو كتتحلف : حتى نتا ياسليط اللسان .. اجي
شداتو بيدها حتى طار ريشو الملون فالهواء وبقا كيغوت ولاحتو جهة الباب لاكن ناض طار هرب ودخل للقفص ديالو وسك
: دازت ايام قليلة والملكة محبوسة فغرفتها في انتضار القائد يرجع بحاله حتى دخلات عندها فصباح اليوم الرئيسة فضة وكانت اثنائها الملكة جالسة فمكانها قرب مرأتها كتعطر ييديها ورجليها وبجوارها الجواري واحدة قابطة منديل والثانية كتسرح شعرها الطويل والثالتة قابطة ليها قارورة العطر والبقية كلبسوها الذهب فعنقها .. كانت فأبهى حلة جميلة كعادتها وجمالها كانو يتمناوه جميع الجواري .. حتى انهم كيقلدوها فطريقة كلامها .. وصوتها .. وحركاتها .. وتعتبير وجهها .. وكانو كيعتامدو حتى تسريحات شعرها ويتداولوها البنات فالبلاد كله واخا ماعمرهم شافو الملكة مباشرة.
وقفت فضة حاذرة راسها وغمضات عينيها صبرا وقالت الملكة وهي كتشوف فيها من خلال المرأت امحطوطة قدامها
تنهدات فضة صبرا وقالت : مولاتي... القائد بغا يقابل حضرتك
توقفت الملكة من ذهن ايديها وقالت بعد صمت ..
- مززال مامشا بحالو
فضة : مزال .. وباغي يقابل حضرتك
ردت بكرياء وكملت تعطير يدسها وعنقها : قولي ليه مريضة وشادة الفراش... وحرارتي مرتفعة بزااف بزااف ومقادراش نقابل شي واحد شكون ما بغا يكون .
قبل ماترجع فضة اللور دخل للجناح وقال فجاة وقال : حرارتك مرتفعة هادي مافيهاش شك .. ولاكن لازمة الفراش هادي ماشي ديالك
كانت ضدمة الملكة لا توصف وحمرت خدودها وداق صدرها وبقات تابتة فمكانها وهوا واقف موراها بحال الجبل... كان ليه حضور وهبة مكانت عند حتى واحد فعصره .. كان صوته لايشبه صوت رجل اخر وكان وسيم لدرجة كانو ادحنى النسوان المتزوجات فالقصر طامعين فالاتفاتة منه .. ولما لا .. فاش كيتجمع الجمال والقوة والكبرياء ايضا كتنوض الفتنة .. لاكن رغم هادا كله كان كيلقا المتعة فالفراش مع الجواري الجميلات اكثر مكان كيلقاها فركوب الخيل و ترويضهم .. ثوران شاه ولي عهده بالرغم من انه مكانش رمنسي كفاية وكان اكثر جدية لا وأنه كان كيعشق يسمع الشعر ... وكان كيلقا المتعة فالاستماع للشعراء وقراءة الشعر والسفر عبر الكلمات والعبر وكان دائما كيدق قلبه للمراة اللي كانو الشعراء كيتفننو فمدحها ووصفها وكان كيتغزل احيانا ببعض الكلمات لاكن هاد المراة اللي كان كيدق قلبه ليها فاش كيسمع او يقرا كل مره شعر عليها كان كيقول مع نفسه ربما غتبقا فالخيال فقط لان الواقع كان ممل بالنسبة ليه واخا مليئ بالجواري .. كان فقط كيفرع رغباته وشهوته مع الحسنوات اللي كانو كيلفته نضره لاكن عمر قلبه دث لوحدة فيهم او تعلق عقله بيهم .
تفلتت الملكة ببطئ وخجل شديد وقالت كتشتت النضر
- نعم؟؟ شنو كاين يا قائد الجيش ؟ واش كاين شي مشكل
رد كيشوف فيها : اه ... كاين مشكل .. ومشكل كبير.. الى قدرتي .. تنوضي من فراشك شوية وتصبري على مرضك فسبيل بلادك
رد ببرودة كيتسارا فغرفتها : اممم .. وكنتي كتستكشفي الامر فوق الكرسي وحداك العصير ... لا والله استكشاف دقيق كنتي كديري
ردة بانفعال: ماشي شغلي فهمها كما بغيتي ... انا قلت ليك الحقيقة
شاف فيها بسخرية : الحقيقة !!.. واخا ... غادي نحاول نصدق كلامك .. واخا ... سمعت بزااف على الحفلات اللي كديري... اللعبة ديالك اللي عملتيهم ... و و و و .. ولاكن ماشي مشكل ... كتبقاي الملكة ... ونتي حرة ... ديري فقصرك ما بغيتي .. ولاكن ... القانون الجديد عاتحيديه ...
ردت بصرامة : لا مغنحيدوش... كن هاااني من هاد الناحية
رد : امم .. الى كان هاكا .. انا اول واحد غنتزوج ... باش نشجع البقية على الزواج .
ابتسمو عيونها وقالت : مغاديرش ماحسن منها
شاف فيها مطولا وقال بابتسامة : الى كان هاكا ... انا باغي نتزوج اختك ... حوراء
صدمت الملكة شفاء صدمة كانت غتوقف ليها جريان الدم فعروقها .. صدمة خلاتها جالسة فالبيت وكتشوف فنقطة وحدة النهار كله . دخلت عليها رئيسة الخدم لقاتها مهمومة وقربات ليها قائلة
مولاتي ... واش نتي بيخير؟
قطرات دمعة شفاه المتجمدة فعينها وقالت بصوت مبحوح
- القائد طلب يتزوج بأختي حوراء افضة
فضة : الله يربح الاللة ...
ردت شفاء على نفس وضعيتها ونفس نبرة صوتها : الله يربح .... انا مقهورة افضة... مقهورة
ردت فضةةمبتاسمة كداعب شعرها : هوا خاسر عمره كامل ....شكون بحالو جميلة الجميلات ... وتحزن عليه ... الى تزوج حوراء غيكون خاسر ... ولا يمكن يا مولاتي... ماقدرش يصارحك بحبه ليك...وخاف يكون مصيره بحال مصير غيره .. نتي رجلالة الملكة .. وماشي كأي وحدة ...
ردت شفاء : يمكن مكيبغينيش...
فضة : وشكون ميبغيش جلالة الملكة شفاء... رمشها دبح القلوب ... وعاد هوا اللي كيشوف هاد الجمال كامل قبالت عينو ميتدبحش
حضرت الاميرة حوراء لجناح الملكة ... كانت جالسة حينها يكل ثقة وكبرياء راسها مرفوع فالسماء.. حدرت حوراء راسها وغصة فحلقها مجبرة على التحية و الاحترام رغما عنها
حوراء : قالت لي فضة طلبتيني
جمعات الملكة نفسها كتشوف امامها وقالت : قربي احوراء
قربت حوراء براسها مرفوع وشافت فيها بتسائل وطلبت منها الملكة تجلس قدامها وجلسات. من بعد ما جلسات بقات كتحدق فيها من فوق عضمة انفها بتمعن من رأسها راجلها وقالت
بقات حوراء ساكتة مغمضة عيونها فنفاد الصبر وخرجت من الجناح الملكي غاضبة كالاعصار ومشات كتجري صادفات فطريقها الوصيفات غوتات بحال السبع هرباتهم ومشات لجناح امها فنون فين كانت مدللة نفسها اااخر دلل ومدورة بيها الجواري كيخدموها ومتكية فوق سريرها مستمتعة بالتدليك حتى دخلت عليها حوراء بلا دستور بلا مقدمات وضربات فالطاولة بيدها حتى طاح جبل الفواكه اللي كان محطوط وقال بشراسة
- نوووووضي... نووووضي ديري حد لهادشي والله اقسم بالله حتى نفضحكم فالقصر كله
ردت حوراء بشراسة : قلة الاداب هي اللي غتشوفي الى مانضتيش وداااابا حيدتي ديك اللفعة من فوق العرش .... (غززات سنانها) بغات تزوجني وزير من الوزراء ديالها وتخرجني من القصر ... (ضربات فالطبلة بصراخ ) نوووضي فكي هاد المنامة اليوم .. ودااااباااا... (خرجات عينيها بغضب ) ولا والله ... حتى نردم هاد القصر فوق راسك افنون واخا تكون امي
طار الوزير من الفرحة وقال : لا يا مولاتي .. مامزوجش
ردت : مبروك عليك اذا ... يالاه سير وجهز للاميرة حوراء بيت يليق بمقامها تسكن فيه
قرب ليها كيتحنا ويعاود ويشكر وخرج فرحان كيردد : مزوج ... واخا نكون مزوج عشرة نطلقهم
خرجات من المجلس مرتاحة نوعا ما تشم شوية ديال الهواء وتلفتت ورائها للوصيفة
- جهزو ليا الحديقة ... بغيت نرتاح ونشم شوية ديال الهواء ... وجمعي ليا الجواري بغيت نبدل الجو شوية .
كان طلبها امر عند الوصيفات وجهزو ليها الحديقة بينما مشات غيرت ثيابها وخرجات بحال الوردة للحديقة فقفطان مخزني ازرق مطرز ومنبت بعقيقات كيتحركو .. فيه فتحات فالجنواب حتى للركبة وحزام من ذهب وبلغة من الصم الحر فرجليها خلخال من ذهب وفيدها نبالة وخواتم من زمرد والماس .. كان طالقة شعرها المموج وعلى راسها شدة من توب حريري شفاف طويل كيتجر ورا ضهرها على جبهتها خيط الريح من ذهب رقيق كتوسطه لوزة خضراء .. عيونها البراقة اللامعة المتوهجة كمياه النهر العذب مكحلة بكحل اسود قاتم اللون .. كان فعنقها عقد ثمين كيتوسط فتحة الصدر واخر طويل حتى للحزام .. لقات الجاريات الحسنوات فالحديقة جالسين بين الازهار والورد والخدم دايرين بيهم واشهى المشروبات والفواكه محطوطة .. جلسات فمكانها وتنسدت على جنبها طالقة رجليها فااجنب بابتسامة وعطات الاذن للبقية يجلسو وبقات كتشوف فيهم بتمعن وقالت
- شكون فيكم كتعرف تعزف؟
رفعت جارية يدها وقالت : انا مولاتي.
ردت الملكة : سمعيني.... وشكون كتعرف تنضم الشعر والكلام
ردت جارية واذنت ليهم الملكة يبداو وبدات تسمع ليهم بابتسامة حتى وقف امامها من ام تضرب له حساب ابدا طفا ابتسامتها وقال
- سمو الملكة ...
قبل ما يكمل جملته تلفتات لقات قائد الجيش حداها وتلفتت للجواري شارت ليهم كلهم مشاو وقالت
- مزال هنا يا قائد الجيش.!
رد كيتنهد : عندي ليك اخبار تقدر تعكر الجو الهادي اللي نتي فيه
ردت بتسائل: اشمن اخبار؟؟ قول؟
جلس جنبها بجدية وقال : حرب جايا
شافت فيه باستغراب : حرب !...
جبد رسالة قرا عليها كان فيها نبأ بحرب جديدة من السلطان قيس عليهم وقالت رافعة راسها
- ماعياش؟؟.... باغي يتأثر لنفسه
رد عليها بجدية من بعد مكان شارد : قيس خاصو يموت ... وهاد الحرب جات مبكرة ... باقي وقتها وحنا خسرنا بزاف ديال الجنود ... وانا منقدرش نغامر دابا والجنود مجاهزينش
ردت بعصبية : مجازينش!!... كفاااش مجاهزينش؟؟؟ واش الحرب غتسناهم حتى يوجدووو!!!... هادي راه حرب ... شنو كانو كيديرو فالمخيم ؟؟ كانو كيقصرو مع الجواري ومكانش عندهم الوقت يجهزو راسهم للحرب
- رد بانفعال : انتم مكانش عندكم جيش من الاساس ... نهار وليت قائد عليهم لقيتهم وااااللووو... قطاطعي ديال الخلا يصفيها لفارس من فرساننا ... تقدري تقولي ليا شنو كنتو مديرو نتوما قبل منجي ؟؟؟ واش انا ماارد غادي نكون جيش بين ليلة ونهار؟؟
ردت غاضبة : تكون جيش بين ليلة ونهار اااه ... ولاكن نتا بحالك بحال الفرسان ديالك كضيعو الوقت فالخلوات مع الجواري
هز حاجبو : ااهاه ... واخا .. حنا كنا كنضيعو الوقت فالخلوات مع الجواري ... وسيادتكم شنو كانت كدير فالقصر مكانش عاطية اهمية للديوان والرسائل اللي كانو كيوصلو مكيتقراوش... شحال رلت ليك انا ديال الرسائل؟؟ قريت شي وحدة فيهم ؟ ولا كنتي كتحاربي الخلوات داخل القصر
ردت بغيض: استحملتك اكثر من القياس اثوران ودابا مابقاش عندي الجهد فين نزيد نستحملك ...
رد بغضب : اشنو غديري ؟؟؟ هاه؟؟؟ غتحاربي بوحدك ؟
ردت : غادي ندخلو الحرب
: رد مغندخلش بالجيش مكاملش لحرب فاشلة من الاول
تقادات فالجلسة وقالت كتنهج بغيض : ماتخلينيش نتعصصصب ونفقد السيطرة على نفسي ... انا اللي كنقرر هنا وماشي نتا
رد بجدية : هاد البلاد مافيهاش غير انا ونتي والقصر... فيها اهلي وخواتي ... ومغنخليش العدو يدخل عليها ويردهم جواري عندو .. واولهم نتي اشفاااء
مشا وخلاها غطق من غيضها وهزات راسها بغضب قالت
حراااااااسسسسس.... جيبو ليا القائد ثوارن فوووورا وراسو فالارض
صدق من قال... الحب كيعمي البصيرة .. والملكة شفاء عما ليها الحب عينيها وخلطات بين الحكم وبين الحب .. فالاخير كتبقى امرأة عكس الرجل .. عندها عاطفية ومشاعر .. وعاطفيتها اللي كانت ميتة قبل رؤية ثوران حياة وسيطرت عليها وجن جنونها ورسلت الحراس لأكبر سلاح فبلادها اللي كان اثنائها فغرفته كيفكر فالمصيبة اللي طاحت عليهم وجلس فوق سريره كيخمم وهز مخدة حطها على رجلو حتى كيتفاجأ برسالة ملفوفة تحت وسادته وهزها مستغرب حلها وقراها وتصدم من الرسالة وطواها كيسوف فنقطة وحدة حتى عليه حينها مجموعة من حرس الملكة فجأة على غفلة شدوه بالقوة هبطوه للقبو فسرية تامة بدون علم حتى مخلوق وحبسوه فحبس شبيه بالكهف مضوي ضلامه شعلات النارية المعلقة وسدو عليه وهوا هايج بنار الغضب باش يحلو عليه وكيضرب القضبان الحديدية بقوة لاكن كانت القضبان مثينة صعب تكسيرها، وقفت قدامو الملكة الفاتنة وراء القضبان لاكن كان باين على محياها الحزن والاسف وخا حاولات تخفيه وتستقوى وقالت
- ماخليتي ليا حتى خيار اخر اثوران ... نتا اللي وصلتيني لهادشي
- ماتحلوش عليه ... وعطيوه كل ماتشهى من الاكل والشراب .. حتى نأذن ليكم .
رمشات فيه ومشات في حين ضرب الباب بقوة وتلفت جهة الحيط بغيض وطلعات هي وحارسها الشخصي جعفر وقالت
- ماتخبرو حتى واحد بمكانه ..
تحبس القائد ثوران ولا علم لأحد بذلك .. سألو عليه الحلفاء ديالو وقلبو حتى مالقاو ليه اثر ... تشتت تركيزهم هم الثلاتة .. واجتمع ابن القيم وشهيد و زاد علي بثلاتة فالخيمة وقال شهيد
- قلبنا عليه البر والبحر ... فين غيكون مشا
ابن القيم : الملكة كتقول الحرب على الابواب... قائدنا مفقود ... شنو غانديرو دابا ..
رد زاد علي : يكون تقتل وتدفن ؟؟ يكون تعرض ليه شي واحد ولا تأمرو عليه
وقف شهيد رافع راسو ويديه اللور وقال : يمكن ... مهما كان قوي .. شديد .. وبارع فالمبارزة .. الى تامرو عليك بني ادم يطيحوك ... والقائد تضبرات ليه مكيدة ... مستحيل يغيب وحنا على ابواب حرب كبيرة .
رد زاد علي بحدة: وشنو غنديرو ؟؟ نبقاو بيدينا مكتفين ؟؟
قال شهيد : قابلت الملكة وتكلمت باسم الجيش كله ... قالت نوب عليه حتى يرجع ...ولا يبان ... وقالت باللي طلقات حراسها يقلبو عليه وباللي غيابو خسارة لينا
زاد علي : الملكة مستحيل تتنازل على القائد ثوران ... حنا كنعرفو مرتباه عندها .. وغتكون مقهورة على غيابو ومايهنا ليها بال حتى تلقاه
ابن القيم تنهد : والله كتهضرو وانا كنشوف كفاش غاديونخوضو هاد الحرب والقائد ثوران شاه غايب...تشوش تركيزنا وشكون يسيرنا وحنا كنعتامدو عليه دائما .. كفاش غنحاربو بلا بيه ... واخا الحرب كتسفك فيها الدماء وطيح فيها الارواح الا وعندها طعم خاص ومتعة فالقتال مع القائد ثوارن شاه
رد شهيد بصرامة وغرس الخخرج فالطبلة القصة منشورة على قصص مدرب..
- غنحاربو... وغنمشيو على خطى القائد ... وكنتما يرجع قبل .
زاد علي : غدا غتخرج الملكة للساحة .. وغطل من شرفتها ... وغتقول كلمتها ... منتسرعوش حتى نسمعو خطاب غدا
جمعات الملكة افراد القصر كلهم وترأساتهم فوق الكرسي ديالها وقالت كتشوف فالجميع بما فيهم زوجات االملك واخواتها وعمامها واولادهم وقالت
- اليوم بغيت كلشي يسمعني ... حنا على ابواب الحرب ... كتعرفو باللي الحرب فيها رابح .. وفيها خسران ... وحنا خسرنا الحرب مع السلطان قيس وكانو فيها خسائر كثيرة... ليوم شن علينا حرب من جديد ... وغنديرو المستحيل باش نكسبو هاد الحرب... وقائد الجيش ثوران شاه اختفى فوقت اللي ماخصوش يختفي فيه وهادشي غيشوش على الجيش وغادي لخسارة الحرب ... هادا علاش... كنعين ... جعفر حارسي الشخصي ... كقائد للجيش حتى يبان القائد ثوران
هنا سمعت فنون اسم القائد ورددت بصدمة كتشوف فحورية وكان هاد الاسم جديد عطاتو الاميرة راضية لابنها وهنا تذكرات فنون الاسم وقالت
- ثوران شاه !!!... قالت ثوران شاه ولا سمعي ضعيف
حورية : ثوران شاه ... نفسه قائد الجيش اسمه ثوران شاه وحنا معارفينش
فنون : يكون هوااا....؟؟؟!!!. ... واش معقول !!! يكون زعما هوا نفس المولود ...
حورية : الاسم اللي عطاتو ىاضية ماعمرني سمعتو عند شي مخلوق ... اول مرة سمعته فاش نطقات باسمه وثاني مرة دتبا فاش قالتها الملكة
قالت فنون وهي مزالة تحت تأثير الصدمة: ثوراان شاه ... قائد الجيش العضيم !!!
زعمت الملكة على دخول المعركة وطلت على شعبها شجعاتو ببعض الكلمات وبدات تهز فخطة دخل بيها الحرب وتربح المعركة ضد قيس .. فكرت فخطة لاكن كان لازم عليها ضحي على قبل بلادها ورسلت رسالة للملك لاقوى الملوك على الارض واكثرهم رهبا طالبة منه الدعم لكسب هاذه المعركة وجاها الرد وهي على عرشها كتسمع
- جلالة الملكة شفاه ... سمعتك عنك الكثير ... عن جمالك وهائك وحبك للسلطة والتملك ... لم تتح لي الفرصة لرؤيتك لاكني معجب جدا بوصف العلم لكي ، وقبل طلبك لاكم بعد ان تقبليني زوجا لكي ايتها الملكة الجميلة .. ان قبلتي الزواج مني سأكون العدو الثاني بعدك للسلطان قيس ... لاكن فسبيل حبك اكون عدوا للعالم كله .
تزيرات الملكة وغمضات عينيها من كلمات الرسالة وهي في مأزق كبير ليس له مفر ، قررت تاخد مهلة للتفكير فهاد الزواج اللي ماعرفاتش من اشمن زاوية خرج ليها وشكون هوا هاد الملك وكفاش داير وهي مكتعرف عليه غير الغزوات ديالو والقوة دياله والحروب اللي كسب كلها دون خسارة .. دخل عليها للديوان عبد من العبيد شتت تركيزها وقال
- مولاتي ... فاش كنا كنبحثو على دليل غياب القائد فغرفته لقينا هاد الرسالة فالارض وجبناها ليك ... ومالقيناش حتى دليل اخر
ردت بلا مبالات : صافي حطها تما وخرج
خرج العبد ورجعات الملكة لتفكيرها والرسالة محطوطة فوق طاولة حداها ومكانش عندها اهتمام بيها او بشي دليل فهي عارفة مكان القائد وطلقات البحث باش تبعد عليها الشبوهات والمشاكل مع الجيش.
بعد تفكير عميق قررت ضحي فسبيل بلدها والنجاة من بطش قيس الجبار والخلاص منه وقبلت بعرض الملك طابوت اللي سيرته كانت عاى كل لسان ورسلت رسالتها ليه لاكن الرسالة تأخرت في الوصول وشن قيس الحرب على الملكة شفاء هوا وجيشه قدام صور مدينتها وفيقوها من نومها ليلا مخلوعة والسهام بحال الشتا كضرب قلب المدينة .. تفزع الكل وناض الجميع من فراشه كيجري فالقصر والنيران شاعلة فقلب المدينة وتهزت البلاد بالحرب وخرجت شفاء بملابس نومها كتغوت باعلى صوت يطلقو يطلقو المدافع والبوق فالمدينة كيعلن حدوث حرب حقيقية .
تقدم الجيش للدفاع وكان مترأسهم جعفر اللي ماحلمش بالمنصب وبسرعة تضرب بالسهم قبل كسر باب المدينة والدخول ليها او الوصول للقصر وهنا وتشتت الجيش والقياد تلفو وكل واحد كيجري فجهة .. وتكسر باب المدينة ودخل العدو وعلى رأسهم قيس فوق حصانه ساخط وقال
- للقصر... يالاااه (جمع نفسه) انا جاي ليك يا سمو الملكة .
كان اثنائها القائد ثوران فالسجن والحراس قدامو كيجريو وهوا واقف وراء القضبان كيشوف وغوت كيسول
- شنو وااااقع ... شنو طاري
قال الحراس اللي كان واقف عليه وهوا غادي كيجري
- حرب ... الحرب والعدو دخل للمدينة وفطريقو للقصر
- تحلو عيون القائد ثوران وبان فيهم نار ولهيب النار اللي فالشعلة وهوا كيشوف فذهول وقال بصوت مرتفع كيضرب الباب يفتحو ليه لاكن شكون عقل عليه .. الكل كيجري والكل مخلوع وكيقاتل والقصر تقلب سفاه على علاه والعدو فرع باب القصر لاكن تعرضو ليه الحراس فقتال وخرجات الملكة برا كتغوت بجنون باش يحاربوهم والحراس تابعينها بالحراسة وبالصدفة داز قدامها شهيد كيجري وشداتو بيدها حتى كانت غطيح وقالت بخوف رهيب
- ثوران ...ثوران فالسجن ...
مشا القائد شهيد كيجري هبط للقبو لقا القائد ثوران ثاير على الباب بجنون كيضرب باش يخرج ووقف قدامو فدهشة وقال
- شهيد : القائد ثوران شاه
رد القائد بغضب : فتح هاد الباب اللعييين ياهشيييييييد
ضرب شهيد القفل بالسيف وخرج القائد بحال شي اسد مفترس هز سيف ودرع من حراس كان طايح وداز على السجناء والرهائن كيهرس فالقفل هوا وشهيد ويغوت بجنون
مشا كيجري بحال المجنون كيقاتل ويعطي الحق فالهجوم والدفاع وهنا تحرك الجيش تحت امرته لاكن كان تما متسلل دخل هوا واتباعه من جيش قيس على الملكة وقتلو حراسها وحاولو يشدوها لاكن هربت ودخلت وسط الغابة خايفة .. حاولات تهرب لاكن خطفوها وهربو بيها بعيد وهي كتركل برجليها وكتغوت " ثوراااان ...ثورااان "
فين هوا ثوران .. ثوران وسط الحرب كيقتل ويقلب على قيس اللي كان بحال الشيطان كيدور ويضحك وسط الحرب وقتل عمها احمد والبعض من اولاد اعمامها واعمامها وحتى زوجات ابيها تقتلو وهما كيحاولو يهربو وماتو اخواتها والجواري ومابقا الى القليل من افراد القصر ووقف قيس بانتصار كيضحك بحال الشيطان ويتنفس رائحة النصر ... حتى سمع صوت كينادي عليه بغضب شديد وعيون ملتهبة وتلفت فاذا به القائد ثوران شاه وهوا واقف كيشوف فيه بعيونو بحال البركان ونقز من اعلى الصور الاول لشرفة الملكة فين كان كيقلب عليها ولقا فقط دماء مزلعة وخرج صادف قيس قدامو وانقض عليه رافع سيفه وركبته فالسما بشكل عمودي وهبط على قيس بالسيف غرسو ففمو حتى لليد وجبدو ولاحو وهكا انتصر وسط قصره على العدو لاكن بخسائر كبيرة بزاف .. خسائر نتيجة التهور اللي خلاه ضرب شعار الملكة بسيفه وسط القصر طيحو فالارض ووقف قدام الكل وقال بصوت غاضب
- مغيدخلش مخلووووق بلادي ويستولي عليها وانا فوق ارضها كتنفس
هكذا هي الحرب... دمار ودماء وموتى... انتصار و فشل ..
ثوارن شاه مداقش طعم النصر ابدا بالرغم من انه قتل قيس شر قتيلة لاكن خسر اكبر خسارة ... داس على الخسارة برجليه كيتحسر هوا واتباعه فجر ليلة الحرب المشؤومة . صبحان من يصبحها يمسيها فشان ويصبحها فشان ... صبحت المدينة كلها خراب ... القتلى فكل مكان .. القصر محروق ... وماتبقا من الاحياء بداو كيجمعو الاموات ويدفنهم .
رفع راسو للسماء مغمض عينيه ورجع هبط راسو والقائد شهيد جنبه قال
- شنو غيوقع دابا بالبلاد يا قائد الجيش
وقف قائد الجيش سيفه فوق الارض وحط يدو عليه وقال
-ماشي عار يدخل العدو لدارك ونيفك فالارض... العار هوا يخرج من دارك حي ...وهادي هي الحرب... حرب مع العديانك .. وحرب مع نفسك .. وحرب مع ضروفك .. وحرب مع الحمقى اللي حلقو هاد الضروف (تنهد) تولدت فهاد الارض ... وكبرت فيها ... وغنموت فيها ... ولاكن ...
سكت القائد وقال شهيد حاذر راسو : الملكة ... ما بانش ليها الاثار ... حتى واحد ماعارف فين مشات ... واش هربات ؟ ولا ماتت ... ولا تخطفات
تلفت ثوران شاه وقال : الملكة مستحيل تهرب ... غنقلبو عليها عرض الارض وطولها ومغنتهنا حتى نلقاها ...(تنهد) تما لغز اشهيد .. لغز كبير خاصني نفكه
اجتمع القياد اللي كسبو الحرب وفتحو اجتماع بخصوص البلاد وعلى رأسهم القائد ثوران شاه وكان اكثر صرامة من قبل بسبب اللي وقع وكان صوتو اقوى قبل من دي قبل .. وقف قدام الكل وقال
- الحرب فيها رابح .. فيها خسران ... الى ربح الخصم كيستولي على البلاد .. كيستعبد شعبها ... كيغتاصب بناتها .. (بصوت غاضب ) واليوووم... كانت غتكون هاد البلاد فقبضة قيس ... كانو نسائكم غيرجعو جواري .. اولادكم عبيد ... وبناتكم جاريات ... ماشي غير بناتكم اللي كانو غيغتاصبو... كانو غيتاصبو البلاد كلها . دم جنودنا ... وشعبنا اللي تزلع البارح والعذاب اللي داقو الشعب .. مغاديش يمشي هباءا ... ارواح وسلامة شعبنا وبلادنا .. امانة فرقبتنا (بصرامة) اليوم ..سقط حكم الملكة شفاء بنت الملك الراحل .. وحتى واحد ميقدر يرجع بالحياة اللور ويبدا من حياة جديدة ، ولاكن يقدر اليوم يوضع بداية جديدة تسطر على نهاية جديدة .
اعلن القائد ثوران شاه ملكه على الشعب وتولى الحكم وخضع لأمرته الشعب بأكمله وركع ليه الجيش وحلف مينازعه حتى واحد على الملك وحلف يرد الاراضي اللي كان كيعطي اللملك ايبك ارض بأرض وكان ثوران شاه مسلم عربي عابدا لله واعطى يمين القسم يغزو جميع اراضي الملك والسلاطين المحيطة بارضه لاكن رغم كل هاذا كان فاقد طعم الحياة والسعادة واتبخرت فعينيه الفرحة وكرس وقته وحياته لقيادة البلاد فقط .
فيوم من الايام من بعد ما تصلح حال البلاد واستقر مشا هوا ووالقائد شهيد اللي عينه مستشار ويده اليمنى يشوفو الامبراطورية اللي اسست الملكة شفاء فأذا به تصدم من ماشافت عينيه ... مدينة محيطة بأصوار عالية على ابوابها جنود وفرسان كانت امبراطورية لها معنى .. كانو فيها اسر عايشة وبيوت مبنية ومتاجر واسواق وشعب حي يرزق ووسط المدينة قصر من اجمل ما شافت عينيه .. لاكن كان مقفل وعلى ابوابه بعض الحراس دخل ليه الملك ثوران شاه لقا فيه خدم قليل بدون جواري وبعض العبيد كانه مهجور لاكن كان فغاية الجمال ... دخل لغرفه غرفة بغرفة معجب بالزخرفة والجمالية ديال القصر وبينما هوا فممر من كممرات الغرف صادف خادمة من الخدم مخرجة صينية اكل من غرفة بأبواب كبيرة واستغرب وشاف فالمستشار شهيد وتلفت للباب دخل وهنا كانت الصدمة الكبيرة... كان فالغرفة سرير كبير ناعس فوقه الملك ايبك بملابس جميلة و ابتسم وقال
- ادخل اولدي ... كنن عارف غيجي نهار تجي فيه عندي
تصدم الملك ثوران شاه ووقف فذهول قدام الملك ايبك وهوا حي يرزق ناعس ففراشه بلحيته البيضاء وابتسامة على وجهه وهز يده قاىل
- قرب ... قرب يا ولدي
قال القائد ثوران شاه لشهيد : واش انا كنحلم!!! واش كتشوف الملك ايبك حي ولا انا كنشوفو بوحدي
كان شهيد هوا الاخر فغاية الصدمة وقال
- لا... حنا مكنحلموش .. الملك ايبك بشحمه ولحمه
الملك ايبك: قرب يا ولدي قرب مني اكثر .. قرب
قرب ثوران شاه جنب الملك وعطاه يدو لاكن الملك جرو وضمه بقوة كيبكي وقال
- اخيرا شفتك يا ولدي... اخيرا ... شفتك بعد هاد السنين كلها
لاكن ثوران شاه كان مجمد مافاهم والو وبقا مذهول حتى ابتسم الملك ايبك بعيون مدمعة وقال
رد ثوران شاه مصدوم : الملك ايبك .. نتا حي .... انا مقادرش نتيق عيني
تنهد الملك ايبك وقال : انا حي يا ولدي .. وانا غنشرح ليك كولشي قصة مأخوذة من قصة بالدارجة..
استأذن شهيد خرج وابتسم الملك ويدو ماسكة بيدين ثوران شاه وقال
- من بعد ما طحت فالفراش مريض... تكشفات ليا حقيقة كبيرة من اقرب الناس ليا ... وتكشف ليا وجه الخائن اللي عاش فقصري كل هاد المدة هادي ... بسبب هاديك الحقيقة تأزمت ... لاكن كانت السبب باش رجع لي النطق .. ما متش .. لاكن طلبت من الحكيم ومن ابنتي شفاء يعلنو خبر موتي ... حتى نوقف ونوضع حد لكل خائن . كنت عارف راسي منقدرش نسير البلاد وانت فالفراش بحال الصنم .. وكانو الخونة اللي طامعيم فالملك كثار ... هادا علاش عطيت ااحكم لبنتي شفاء ... و اختفيت باش تتولى القيادة مكاني بلا ميتجرأ يوقف قدامها شي واحد .. وباش نبقا فااسر منتعرضش للأدية ...
بقا ثوارن شاه مصدوم قال : وكفاش كاينة حياة فهاد الامبراطورية وحتى واحد ماعندو علم بهادشي!
رد الملك ايبك : حتى واحد من سكان الامبراطورية مكيخرج من المدينة .. وحتى حراسها مكيتحركوش من قدام ابواب المدينة .. كاينين جنود الخفاء اللي كيوصلو ااسلع للمدينة لاكن بدون علم حتى واحد والامبراطورية ماتعلنش عليها وماعتارف بيها حد ولا عارف بوجودها شي واحد .
قال ثوران شاه فذهول : اميراطووورية ... بلا علم حتى واحد
الملك ايبك : كانت كتسنا الوقت المناسب لاعلان عليها ... الناس فهاد المدينة مسدود عليهم فأمان كياكلو من ما جناو فاراضيهم وكينسجو ملابسهم من صنع يديهم ومامحتاجين والو من برا المدينة .. هما هنا فعالم معزول ... مكيعرفو حتى واحد .. الجيش كيتكون وسط المدينة .. ولاكن جيش قليل ونجاو من الحرب اللي ناضت وحرقت البلاد كلها
الملك اييك : هاد الناس هم عبيرو السبيل .. ماعندهم ارض ولا اهل .. كانت كتأويهم وتجيبهم يبنيو بيوتهم هنا ... كانت كتأوي الناس اللي كضيع فالحروب وتتشرد ... كانت كدخل فااسر على البلدان اللي كتوقع فيهم الحرب ... وكانت كتخطف اسرها وبناتها قبل مايهلكو فقبضة العدو .. هادو كلهم لي هنا ... كيمجدو الملكة شفاء ويقدروها ...دابا كنضن جاوبت على الاسئلة ديالك... جا الوقت تجاوبني على اسألتي
تنهد الملك ثوران شاه وقال : من هادشي اللي قلتي يا جلالة الملك... تقال ليا اللسان باش نهضر
رد الملك بأسى : فين بنتي الملكة شفاء... فين مشات
تنهد الملك ثوران وقال : رسلت جيش من الرجال كيقلبو عليها ... من بعد الحرب ماسمعت عليها حتى خبر ....(تذكر )
سكت الملك ايبك وقال : كنشوفك ما ضركش غيابها ... واش السعي وراء الملك خلاك تتحول من القائد ثوران الشاه اللي وقف جنبها وكان الدرع الحامي ليها
وقف الملك ثوران شاه شاف فالنافدة وقال
- ماقدرتش نسامحها على اللي دارت ... كنقلب عليها ... وكنتنى نلقاها ... لاكن الملكة شفاء طفات فقلبي نور كان منور حياتي .. (تلفت شاف فيه) منقدرش نتحكم فالمشاعر ...
تنهد الملك ايبك وقال : بنتي شفاء ... ربيتها تربية خلاتها تحكي ليا كولشي ... وكانت كتحكي ليا كل حاجة كتوقع فالبلاد ... هي عنيدة شوية .. ولاكن كتبغي بصدق
تلفت الملك ثوران شاه للنافدة وثال فشرود : مكنخلطوش بين الحب وبين القيادة ... منغامروش بارواح الناس والشعب اللي تايق فينا بسبب غيرتنا .. ولا بسبب عنادنا . القيادة الحقيقية كتسجد فتحويل ما هوا محنة .. لمكاسب ، والملكة حولات ماهوا مكسب .. لخسارة ... اللى نعسات مرى من الشعب وتسرق الغنم ديالها ... مغنحاسبهاش على نعاسها .. نحاسب راسي اللي ماسهرتش على سلامتها وسلامة قطيعها .. فأنا الملك وهي الشعب... وضعت فيا التقة ونعسات بأمان . (تلفت شاف فيه) هادا هوا الخذلان ... وماشي هادي هي القيادة .. البلاد خاصها تكبر ونوسعو اراضينا ... ماشي نهرسوها بيدينا ونخليو العدو يدخل علينا ... الى استهترنا فالقيادة باسم الحب وتلهينا فيه اليوم وغنينا ولعبنا ... غدا نمسحو الارض عبيد عند عدونا ... ومن السيادة للعبد .. الانتحار ارحم
سكت الملك ايبك وقال : مكنلوموش القلب الى حب... كيرد مولاه عبد كيزحف . هادشي اللي وقع لشفاء
رفع الملك ثوران شاه راسو فالنافدة وقال : هادشي اللي منبغيش يوقع معايا حتى انا ...(تلفت شاف فيها ) الملكة شفاء كانت حلم زوين .. زوين بزاف ... ذكرا زوينة ... وحتى الى رجعات ... بلاصتها هنا فهاد الامبراطورية اميرة ..
صغر الملك ايبك عينيه وقال: ماتردش ليها الخلفة ؟
ضحك الملك بسخرية وقال : الخلفة طيحاتها من يديها ... واللي طاح وتكسر .. مكيرجعش ... البلاد بلا ملكة بلاد ارملة ... والملكة مفقودة والبلاد كانت غتبقا ارملة.. وانا ماقلتش لحتى واحد ماتحكمش.. لاكن اللي بغا يحكم يزيحني من مكاني ويحكم ... وهاد العرش الى ماقدرتش نبقا فيه مانستاهلوش.. يستهالو اللي قادر يجلس فيه .. وانا طعت الوعد مع نفسي ... غندخل الاراضي المحيطة بيا كلها ... وغنحيد سلاطينها وملوكها من فوق العرش... حيت الملك ااحقيقي مكيتحيدش .. هادا هوا الملك
بابتسم الملك ايبك بفخر وقال صدم الملك ايبك : الملك الحقيقي ... دم الملوك كيجري فعروقك .. وهاد المكان كان كيقلب على مولاه .. واليوم لقاه ...وانا دابا مرتااح.. الى جات الموت غنكون مرتاح .. جيت غنخلي ملك حقيقي من بعدي
ربع الملك ثوران شاه يديه وقال كيضحك : غير دابا كنتي كدافع على شفاء ! شمو تغير؟ ... ماعرفتش شنو حكات ليك عليا بالضبك ...
هز الملك ايبك حواجبو وقال: حكات ليا عليك بزااااف ... ولاكن نتا اعمى ... الرجل بصفته اعمى
ابتسم الملك ثوران شاه وقال : ماكنتش عمى ... كانو عينيها كيلخصو كولشي... المهم دابا نعرف فين كاينة ... وتجي تعيش هنا
تنهد الملك بأسى وقال : من قبل.... كنت مزوج بزاف ديال النسا ... وكانو عندي جواري .. وجابو ليا غير البنات ... من بعد تلاقيت امرة ماشي بحال النسوان... مرى طيبة ... واجمل مراة قررت نديرها ملكة .. ا لاكن ماتت فالولاد...وفولادتها كانو شياطين حاضرين ... (بدموع) ولدت ليا الولد..
ثوران: ولد!!!
الملك : ولد .. لاكن ديك بدلوه بالبنت ... وماتت راضية اللي كانت الحياة والروح... وبقات ليا ديك البنية اللي اسمها شفاء
فتح الملك ثوران عينيه وقال : شفاااء
تنهد الملك ايبك : شفاء... ماشي بنتي .. انا عندي ولد .. لاكن حبي لشفاء قوى مني ... صارحتها بالحقيقة ... وكانت صدمة ليها بنتي الحبية حزنت حزن شديد ربما تكونو لاحضته فيها ... وكانت غتنتحر لولا حراسي فالقصر قامو باللازم وقفوها لكانت فعداد الموتى بنتي الحبيبة
هاد الحدث كان قاصح عليها بزاف اعتكفت يسبببه وسمات هاد الامبراطورية ...........
امبراطوورية الاحزان
كان الملك كيمهد لولدو ويفرش ليه الارض باش حتى ايلا نزلات عليه الحقيقة وحشات ليه الركابي وطاح ميتقسحش ... ويلقا فراش اللي يهز عليه الدقة . لاكن الحقيقة اللي خبره بيها الملك كانت صدمة قوية واخا قرا الرسالة المكتوب فيها باللي شفاء ماشي الابنة الحقيقية وانما مربية فقط ماصدقش وشك وبقا اللغز فبالو كيقلب ليه على جواب . كمل الملك ايبك كلامو اللي تردد بزاف باش يخرجو وقال
- ثوران شاه ... عارف كلامي صدمك ... شفاء اللي ربيت وكبرت هاد الوقت كامل كنت نحسبها بنتي... لاكن نهار طحت مريض ففراشي دخل عندي الشيطان اللي دار هاد الفعلة واعتارف لي ....وعندي شك فالولد اللي بدلو لي وبغيت نقطع الشك باليقين ... قولي اولدي... عاقل على تاريخ ولادتك ؟
استغرب الملك ثوران شاه وقال : علاش هاد السؤال ... ؟
الملك ايبك : قولي وانا نفسر ليك كولشي
عطاه تاريخ ولادتو اللي صدم الملك ايبك وجلس كيشوف فيه فصدمة وشد ليه فيدو قربو منو وقال : شكون باك ؟
رد ثوران شاه : يعقوب الشاطر.. تاجر من اكبر التجار فالمدينة
الملك ايبك: وامك ؟
ثوران شاه : امي نجمة بنت علي الطاهر ... با مات هادي شحال... خلاني انا وخمسة بنات ... منهم اللي تزوجت .. ومنهم اللي باقة فرقبتي... جبتهم يعيشو فالقصر قدام عيني ... من نهار دلعت الحرب ... تخرب كولشي .. ومات كولشي ... بقا من بناتك غير حوراء وامها فنون ... الحمد لله ... رجع كولشي كيف كان وغادي بالبلاد لقدام ... (ابتسم ) لبارح تزاد عندي ابن
قال الملك ايبك : ولاكن .. اولدي... متأكد باللي ولدك ؟
رد : معلوم متأكد ... وهادي فيها الشك؟
الملك ايبك : سمح لي ولاكن ... اللي وقع لي خلاني نشك فكولشي
الملك ايبك : ارتاح من هاد الناحية... راني قلت ليك كولشي تبدل... القوانين تبدلات ... والقصر مابقاش كما كان .. وانا عارف شنو كنقول ومتأكد ماعندك مناش تخاف ... الجارية ولدات ولي العهد وهوا فأيادي امينة ... (تنهد) مكانش ساهل عليا نرد المياه لمجاريها .. ولاكن بفضل الله .. كولشي تحسن .. وحتى نتا يا جلالة الملك ... مرحبا بيك فقصرك
رتب على كتفه الملك وقال : لا .. لا انا مرتاح هنا ... الى ضهرت غادي يتغير كولشي ... وانا مابغيش هاد التغيير يوقع دابا وماشي وقتو ... خليني نفرح معاك .. راك نتا فمتابة ولدي .. ولدي اللي تخطف يوم خرج من كرش امه
رد الملك باستغراب: قول لي... الحقيقة دبنتك شفاء عرفتيها ... وولدك في هوا
ابتسم الملك ايبك وقال : ولدي فالبلاصة اللي خاصو يكون فيها ... دوز العقيقة ديالك ... والى درتيها هنا فالامبراطورية غيكون حسن ... باغي نتعرف على الام ديالك ... ونشوف ولدك
رد الملك ثوران بسعادة : امرك يا جلالة الملك ...
تنهد الملك بأسى: شفاء واخا طلعات ماشي بنتي .. لاكن مكانها فقلبي متبدلش... وهي واخا عرفات الحقيقة كانت حريصة على عليا وماتبدلوش مشارعها من ناحيتي ... انا اولدي كنتحرق.. وهاد النار اللي كتحرقني مغادي طفا حتى نرجع نشوف بنتي شفاء... اما بناتي اللي ماتو فالحرب ... هادوك حرقتهم مايعلم بيها غير الله .. ولدي ثوران شاه دير جهدك باش تلقا الملكة شفاء ومتخليش الغضب ديالك يسيطر عليك
قرر الملك ثوران شاه يعمل حفل العقيقة فالامبراطورية وجهزو كل شيء وقام حفل كبير بحضور افراد العائلة كلها وهز ابنه الصغير من مهده ملفوف فثوب من حرير ودخل بيه لغرفة الملك ايبك مبتسما ومده ليه ليديه عطاه مباركات وأذن ليه فأذنه وقال بسعادة
- مشاء الله ... فيكون فالمستقبل ملك من اقوى الملوك ... غيكون ملك مبارك بحال والده
ابتسم الملك ثوران شاه وقال: ان شاء الله...
الملك ايبك: كيشبه ليك ... حطيتو ليه خاتم الملوك ولا لا
- قال الملك ثوران شاه : حطيتو بيدي يوم ولادته ...
الملك ايبك: امك .. واش مجاتش معك؟
رد الملك ثوران : غتجي تزورك فغرفتك دابا
هنا تنهد الملك ايبك وقال : دابا جا الوقت فين نقول ليك فين ولدي ولي العهد ... ولاكن قبل غنسولك ... الوشم اللي فرقبتك... عمرك انتبهتي ليه ؟ ولا سولتي علاش هوا على رقبتك ؟
قاطع حوارهم حارسومعلنا دخول ام الملك اللي دخلت كتجر ثيابها الفاخرة وكانت امرأة جميلة طويلة نحيلة القوام بيضاء البشرة بعيون براقة على راسها شدة من توب حريري لامع نازل مع ضهرها وفوق جبهتها خيط الريح مصحوبة بوصيفاتها.. القت التحية وابتسمت في حين قال الملك الملوك بصوت عالي..
- امي... الأميرة ام الملوك ..
القصة مستضافة على موقع قصة بالدارجة.. هز الملك ايبك راسو شاف فيها وطول النضر وابتسم بغيض : مرحبا بأم ثوارن شاه .
قالت مبتسمة : الشرف لي جلالة الملك
الملك ايبك : قل لي .. كنا كنهضرو على الوشم .. سولتك واش ماعندكش علم منين جاك هاد الوشم .. وهوا شبيه بوشم الملوك وخاص بالسلالة الملكية التابعة لسلالتنا
- اصفر وجه ام الملوك وشافت فالملك ايبك بخوف ودعر وشافت فالملك ثوران شاه اللي مد ولي العهد للوصيفة طلب منها تردو لام ديالو وقال كيضحك
- طبعا عارف على رقبتي وشم من السلالة الملكية ... فاش كنت صغير صنعو اولاد الجيران خاتم كيشبه خاتم الملوك وانا كنت صغير كنت ضحية فيديهم جربوه فيا ... هادي قصة الخاتم ... هادشي اللي قالت لي ام الملوك
هبطات الاخيرة راسها بخوف وكانت غطيح من طولها واكمل على صبرها الملك ايبك بصرامة وقال
- واش عارف باللي ... خاتم الملوك مكيعرف علامته حتى واحد من عامة الشعب. خاتم الملوك ماشي للعب .. وخاص بالسلالة الملكية فقط
رفع الملك ثوران شاه راسو وقال : الختم ماشي شي حاجة اللي كتخبى ... ممكن يشوفو اي واحد ويقلدو
الملك ايبك : يقلدو بنفس الكتابة الصغيرة وبنفس الرموز ونفس التفاصيل الا الى كان هوا نفسه صنع خاتم الملوك يا ولي عهدي وولدي من دمي ولحمي ثوران شاه وامك قدامك تقول ليك حقيقة الختم والقصة الحقيقية ديال الختم .
كانت صدمة الملك ايبك قوية اقوى من قبضة سيفه على عدوه وكان كلام الملك على مسامعه كيتكرر والارض كتزلزل بيه ونضره مركز على الملك .. حوله لام الملوك وهي حاذرة راسها كتبكي وانهارت على كرسي وجلسات في حين وقف الملك ايبك وخرج من فراشه واتجه بعيون دامعة شد لثوران شاه راسو وقال
- انت ... انت ولدي اللي خطفو ... انت ولي العهد وامك قدامك ...(تلفت شاف فيها ) حكي ليه القصة كلها ...
قالت بدموع وانهيار كتشوف فالملك ثوران اللي كانت حالته لأول مرة ضعيفة وكيشوف فيها ويشوف فالملك ايبك وقالت
- انت ولدي .. الام هي اللي كتربي .. ماشي اللي كتولد... انا كانت حياتي على المحك هددني المرحوم بالقتل الى ولدت ليه الولد... وفديك الوقت جات عندي شيطانة طرحات عليا الفكرة... وكنت صغيرة ..مقهورة... مالقيت حتى وسيلة من غير نتافق معاها يوم الولادة ... الى ولدت البنت نعطيها ليها ... وتعطيني هي الولد ... وانا ماكنتش عارفة قصة الختم .. كنعرف باللي كيختمو لملوك ولاكن شكل الخاتم عمرني عرفته ... و ... وفاش جابت لي الولد قالت لي... ولد الملك ... وقالت لي باللي .. امه خلات وصية قبل ماتموت باش نسميه ثوران شاه ... (ضمات يديها ) خديتك فحضني... خديتك فحضني وبغيتك وربيتك وفرحت بيك و...
قال الملك ايبك : شفاء هي بنتها الحقيقية يا ولدي ولاكن مزال ماعارفاش شكون امها وقالت لي ..باللي مابغاتش تعرف ... ومابغاتش تسمع حسها ولا تعرف مكانها.. وحتى هي كانت حالتها بحالك واكثر ... والمرى ماشي هي الراجل اولدي ... كانت غتشرب السم لولا حراسي وقفوها
تذكر ...
نهار فتح الملك ايبك عينيه واستوعب ورجعات صحتو شوية لقا جنبو شفاء اللي وقفات معاه وخفاتو كما طلب منهم وبعداتو على عيون الجميع .. قرر يخبرها بالحقيقة بعد تفكير عميق وجلسها جنبو وهوا مريض وقال
- شفاااء... يا روحي وشفاء جروحي ... انتي عارفة بلاصتك فقلبي .. عارفة حبي ليك واكثر وحدة فبناتي قريبة لي ... وغتبقا مكانتك فقلبي واخا متكونيش بنتي
ضحكت وقالت : شنو كتقول ... بنتك من دمك ولحمك
رد بأسى : هادشي اللي كنت كنضن طيلة هاد السنين ابنتي
جمعت ضحكتها وقالت : شنو كتقصد ؟؟؟
تنهد وشد فيديها : غنحكي ليك واحد القصة ... انا كنت حبيت واحد المرى حد الجنون ... وحملات وكنت كنتمنى تولد لي الولد ... ونهار دخلات فالمخاض كنت فبابها واقف كنتسنى ماقدرتش نصبر... ولاكن المسكينة كانت ولادتها صعيبة بحيث قالت القابلة باللي المولود كان زايد فالوزن بزاف على العادي وهادشي راجع للماكلة والاهتمام ديالي بيها باش ولي العهد يكون فصحة جيدة... يوم ولادتها ولدات ولي العهد .. وماتت محبوبتي ونور عيني .. ولاكن فديك الوقت دخلو شياطين لجناحها بطرق اخرى
. وهاد الشياطين كانو زوجات ديالي اللي حسدوها على خلفة الولد وبلا منقول ليك شكون فيهم ... دخلو فيديهم بنية وعطاوها للحكيمة وخداو الولد .. وخرجات الحكيمة عندي هازة البنت وكانت بنية بحال القمر ... دق قلبي ليها فاش شفتها وبكيت وحزنت على فراق محبوبتي مسكينة ... ولاكن هاد البنية كانت الدوا اللي لم جروحي وردات فيا الروح وحبيتها اكثر من روحي وماكنتش عارف الحقيقة المرة... وسميتها شفاء ...
خرجات عينيها وخطفات يديها فذهول وناضت وقفات شافت فيه ويدها على صدرها
- اناااا... انااااا شفاااء...
قال الملك ايبك كيبكي : نتي بنتي وغتبقاي بنتي ومابغيتكش تعيشي فهاد الكدبة كما عشت فيها ... بغيتك تعرفي الحقيقة واخا مرة ... خفت نموت وناخد معايا هاد السر... وربما ربي زادني شوية دالوقت باش نقولك الحقيقة
فقدت اثنائها الوعي وهزوها على وجه السرعة سعفوها وحطوها فجناحها الخاص لاكن بغفلة من الجميع فاقت وكانت منهارة وفأشد لحضات الضعف .. بكات وجالت ارجاء الجناح كله بحال العصفور المكسور فالاخير ماقدراتش تستحمل العذاب والحقيقة وقررت توضع حد لحياتها وخدات قرعة من القطران كانت منزلة فوق صندوق من صناديقها الاثرية وحطاتها بين شفايفها لاكن دخلت وصيفتها فجأة وصرخات بصوت مرتفع ودخلو الحرارس بسرعة شدوها وحيدو ليها القرعة من يديها ولمو الوصيفات عليها
فتح الملك ايبك عينيه من بعد ما تذكر اللي وقع كان ثوران شاه باثي تحت الصدمة وقال
- كانت الصدمة قوية عليها بزااف... وسولاتني شكون هوا ولي العهد ماقدرت نقول ليها والو ...حتى نتأكد .. وقلت ليها مزال ماعرفتش شكون .. وكانت خايفة يبان ولي العهد ويشد الحكم ويطردها ولا يردها جارية... هادا علاش دارت المستحيل باش تتولى الحكم .. لاكن كانت مقهورة مشوشة وخايفة ماقدراتش تسيطر على الوضع بحال من قبل
تلفت الملك ثوارن شاه جهة الأم ديالو وقال
- كفاش قدرتي تخبي عليا هاد الحقيقة... كفاش قدرتي ديري يدك فيد الشيطان و تحرميني من اصلي ونسبي طول هاد السنين... كفاش درتي تعطي بنتك ... بلا متسولي فيها ولا حتى تشوفيها
قالت كتبكي: لا ... هدداتني الاميرة فنون ... هدداتني باش منقربش القصر والى قربت تقتل بناتي
ضحك بسخرية : بناتك!!.. وعلاش شفاء ماشي بنتك!!!... (رفع راسو) انا اللي طلقت عليك لقب ام الملوك ... وانا اللي غنسحبو ومن اليوم .. ماعندك حتى علاقة بيا.. وماعندي حتى علاقة بيك ... تعيشي فالقصر غريبة عليا ... وماتحاوليش تقربي مني ولا طوفي جيهتي
وقفات بغات تشد فيه لاكن نتر يدها وخرجات مقهور لمكان ميشوفو فيه حتى واحد .. مكان يلم فيه الجرح ويتقبل فيه الحقيقة ويرتب الاحدلث ويحط النقط فوق الحروف باش يقدر يقرر ويقدر يوقف ويصمد واخا الصدمة قوية والحقيقة مرة خلاتو عايش فقهرة شهر كامل عاد استجمع قوته ورجع للامبراطورية ودخل لجناح الملك ايبك ووقف كيشوف .. وكان الملك ايبك في انتضاره وناض بسرعة فتح ليه يديه وضمه بقوة لصدره كيواسيه
الملك ثوران شاه بأسى : عشت فكدبة حياتي كلها ... حياتي كاملة مع واليدين ماشي ديالي ... حياتي كلها وانا فغفلة ومصدق كدبة الختم... تقت فيها ماقدرتش نشك حيت امي... والام هي التقة وهي الصدر الحنين وصندوق الاسرار دولدها ... ولاكن خذلاتني... وكدبات عليا وانا بحال الاحمق صدقتها
رتب عليه الملك اسبك وثال : ماعليك والو ... شكون فدنيتنا نتيقو فيه تقة عمياء من غير امنا ... ونتا ماعليك والو ... ماتقتيش فالبراني .. تقتي فأمك وماشي الخطأ ديالك ... دابا يا ولدي... البلاد بين يديك ... وانا كبرت ومريض ... ومرتاح هنا فالامبراطورية ... والشعب امانة فرقبتك .. وانا عندي التقة العمياء فيك ... شكون ليا فالدنيا نتيق فيه من غير ولدي... ماتخلي حتى حاجة تحطمك .. ماتخلي حتى حاجة تقهرك ... الرجال مكتقهرش .. الرجال كتقهر وهادا انت كما عرفتك ... بغيتك تحقق اللي ماحققتش انا ... مابغيتش تكون خواف ... بغيتك تكون ملك قدوة لجميع الملوك ... بغيت ترجع الاراضي اللي ضيعت وعطيت بسبب خوفي .. بغيتك ماتخلي حتى شبر من اراضينا ضايع . انا عندي التقة الكاملة فيك ... والاهم من هادشي ماتنساش شفاء ... خاصك تردها ولو كان الثمن غالي ... وانا متأكد باللي غادي تردها وغادي نتسنا بفارغ الصبر
بعد مرور ثلاثة سنوات ....
وعلى حدود بلاد الملك ثوران شاه كانت بلاد اخرى لسلطان السلاطين اللي سبق ليه شن حرب على الملك السابق ايبك وكان فأسعد يوم فحياتو ... بحيث كان فرح فقصره وحفلة كيستعد فيها لخلوى مع اجمل أمراة شافت عينيه ... وكانت هاد المرأة جالسة فجناح الحريم والوصيفات كيدورو بيها ويزينوها وهي بدون حركة جالسة وكتشوف قدامها حتى حطت وحدة من الخدم يدها وقالت
- شفاء... وجدي راسك .
شافت فيها بخوف وحيرة وقالت : بغيت نهضر معك اقبيحة
قالت قبيحة وكانت خادمة من الخدم قليلة حظ فالزين لاكن محضوضة فاشياء اخرى جلبات ليها السعادة من كل جهة
- قبيحة: شنو؟
شفاء: خرجيني من هنا ... ورديني لبلادي وغادي نعطيك الذهب والفضة وكل ما تمنات خاطرك
تحنات قبيحة حدا ودنها وعيونها كتراقب الجواري وقالت : ماعندي كيفاش ندير ليك ... حضك مكفس وعيون السلطان جات عليك ومغتفتليش منها يا شفاء ... من الاحسن تواضعي وتقبلي الوضع
قالت كبيرة الوصيفات : شفااااه... يالاه .. السلطان كيتسنا
وقفت الملكة شفاء خائفة ولقات اخر نضرة على صديقتها قبيحة وتقدمات للسلطان على طبق من ذهب فين كان فجناحو مدور بيه الجواري والفواكه مزلعة فالارض والخمر وكل وحدة كتحط ففمو فاكهة بقهقهات و رقص ولعب حتى دخلت الملكة رافعة راسها شافت المنضر واهتز قلبها واهتزت رغباته فيها فور نا شافها وشار لجواريه خرجو وقدمو ليه الملكة بزينتها ونقائها لمخالب الذئب وخلاوها وحيدة فقبضته خايفة مدعورة وماكان ليها حتى خيار من غير تهز زوينة نحاسية فالسما وهدداتو قائلة
- اقسم بالله لو قربتي ليا حتى نقتلك
ضحك فالسماء وكبير ضخم الجسم بشعر طويل وعمامة السلاطين على راسو وشوارب سوداء وقال : قتليييني... انا مقتلووول من يوم شفتك
جرها من يدها حيد بقوة وهي كتحاول دافع على راسها ودخلت فصراع معاه كتهرب من كل مكان حتى خربات ليه الجناح وطيحات ستائره وقلبت صينية فواكه وتخبات وراء صندوق كترعد وهوا وكيتقدم عندها ويضحك
- يا قطتي الصغيرة... فين غتهربي مني فين ... انا ليك... ونتي ليا ... واخا تهدمي هاد الجناح فوق راسي
قالت كتبكي : انا والله ماجاريا.. انا الملكة شفاذ بنت الملك ايبك حاكم بلاد النور ...
قال كيضحك : وانا حبيبك فارس احلامك.... الامير اللي غيخطفك فوق الفرس ديالو يا ملكتي هههه واش ماكتحلميش بفارس احلام ... كتحلمي راسك غير ملكة بنت الملك ايبك
موقع قصة بالدارجة.. ردت بشراسة : اااه ... عارفة مغاديش تصدقني ولاكن انا جيت لهنا بالغلط ... بالغلط دخلوني بين الجواري وبغيت نرجع بلادي
انقض عليها بحال الوحش هزها وقال: دابا غنديك لبلادك
لاحها فوق الفراش كتغوت وهوا كيضحك كيحاول يشدها حتى فجأة دخل سهم من نار وسط الجناح شعل العافية فالستائر وهز السلطان راسو والخمر مسيطر عليه وعلى توازنه في حين طاحت الملكة فوق الارض على وجهها كتغوت خايفة من الحريق وطاح علة راسها قنديل فارع فقدها الوعي والطبول والبوق كيتعالاو فالقصر بحدوث حرب ودخل عل الجناح فارس من الفرسان بصوت مفزوع وقال
- الملك ثوران شاه شن الحرب علينا ليلا... دخلو القلعة وشعلو نيران وفرسانهم اشد قوة من فرساننا ماخلاو فيهم حتى واحد ... يالاه نهربو ... يالاه
وقف ورا الحارس قابظ روحه الملك ثوران شاه بلباس الفارس المغوار الشجاع الاسود دبح عنقو من الوريد للوريد ودخل قلب الجناح على السلطان هوا واتباعه الثلاتة ووقفو كيشوفو فيه
الملك ثوران شاه : سلبتي ارضنا وتجبرتي علينا ... انا ليوم غنسلب روحك وارضك حتى واحد من جيشك مايبقا حي يدافع عليك
هز الملك ثوران شاه سيفه ضربو لصدرو طيحو فوق فراشه غارق فدمه وتلفت جنب السرير لقاها طايحة على وجهها و الشعر مغطيها وهي كتنين وتتحرك بصعوبة.. حرك شعرها شوية بسيفه بقا كيشوف فجزء صغير من وجهها بالجنب والشعر عليه لاكن ماتعرفش عليها وخرج خلاها تما هوا واتباعه حتى دخلو الحراس هزوها بزينتها كتحل عينيها بصعوبة هبطوها ودخلوها لعربة كبيرة فيها سرير كبير مجموعين فوقه الجاريات وحتى الخدم ولاحوها وسطهم وجمعو باقي الجواري والخدم لباقي العربات وانطلقو بيهم فالحدود داخلين للبلاد في حين بقا الملك ثوران شاه وحلفائه فالقلعة يهضر معاهم بخصوص البلاد اللي ضمها لبلادو وبهاكا وسع اكثر البلاد وفتح الحدود ووقف هوا والحلفاء قدام الخريطة وقال بصرامة
- اليوم رجع طرف من بلادنا ..وماشي غير طرف اللي ردينا ... بلعكس جزء مهم واللي هوا هاد البلاد اللي فحدودنا ... وماشي غير هادشي .. مغنمشيو من هنا حتى نضمو البلدان المحيطة بينا من كل جهة وغتكون بلادنا اكبر بلاد على وجه الارض وعلاش لا نحكمو الارض بفتوحاتنا الاسلامية . (حط خنجر على الخريطة) هادي غتكون وجهتنا التالية ...
شافو فبعضياتهم كيضحكو على جنونها اما هي جلسات كطل من العربة شافت صور المدينة النور و هي داخلة واهل المدينة كيطلو ويشوفو فالموكب داخل وكاين اللي كيشير ليهم وهي فرحانة كتشوف فيهم وكان اللي كيغوت ويردد " جواري الملك ثوران شاه وصلو " وكانو كثرو الجواري بشكل كبير فقيادة الملك ثوران شاه نتيجة الفتوحات وربح المعارك والشعب تعود يشوف مواكب الجواري والخدم داخلين لقصر الملك .
دخلت القصر وغمضات عيونها كتشم ريحة البلاد هي مشتاقة لمسقط رأسها والحراس فالباب على طول طريق القصر ... شافت التغييرات وكانها فقصر غير قصرها ... كل شيء تبدل ومابقاش كما كان عليه الجنود محاطين بالقصر من كل جهة .. نزلت من العربة كتحل عيونها فارجاء المكان بحال نضرة الجواري اللي عمرهم شافو القصر .، كانو في انتضارهم وصيفات ومن بينهم كبيرة الوصيفات اللي وقفات قدامها شفاء وقالت
- بغيت نشوف ثوران شاه ...
هبطو الوصيفات وجههم كيضحكو والجواري حتى هما اما كبيرة الخدم فشافت فيها وقالت بصرامة
- اش هاد قلة الاداب
هزات شفاء راسها وقالت: قليلة الاداب هي نتي اللي كتهضري معايا هاكا ... من بعد ونشوف حسابي معك
بغات تدخل لاكن شدوها الحراس ونفضات يديها بغضب
- حدددك... انا الملكة شفاء...
ضحكت كبيرة الخدم وقالت: جاو من قبل منك بزاف كيدعيو انهم الملكة شفاء... ولاكن كان مصيرهم لئيم ... واللي استغل قصة الملكة شفاء لشي غرض كيكوم مصيره المشنقة ... يالاه تحركي والى هضرت معاك تحني راسك وتتأدبي كتسمعي
قالت شفاء: انا الملكة شفاااااء وغادي ندمك ع....
جراتهت قبيحة من اللور وقالت بخفوت : ماشي بالعنف... حتى واحد مغيتيق بملكة جات جارية من قلعة السلطان ..
كتمات شفاء غيضها و غززات سنانها وكبيرة الخدم كتشوف فيها وكانت مرى كبيرة فالسن صارمة وقالت
- شنو قلتي دابا؟
سكتات شفاء كتشوف فيها بغيض بلا رد ودخلوهم مصافين وهي كتشوف فأرجاء القصر وناسه اللي مكتعرف حتى واحد فيهم وكتسنى يبان شي واحد اللي تتشبت بيه
سطرهم وحدة تابعة الاخرى بقوانين صارمة فجناح كبير عندن شرفات كبيرة كان فيه عدد كبير من الجواري وقفو كيشوفو الجواري الجداد اللي دخلو .. وقفت بينهم شفاء وكانو مجموعة من الحسنوات الجميلات .. السمروات والشقروات .. صاحبات الشعر الاسود وصاحبات الشعر الاشقر وكانو كيشوفو بنضرات كبرياء وتعالي وهما متكيين بحال القطط الاليفة فأبهى زينتهم وملابسهم الفاجرة وعيونهم الفاتنة .. لاكن كانت شفاء محظ انضار الجميع بحيث احسو انها غتخطف الاضواء وتطفي شموعهم . بصوت مرتفع قالت كبيرة الخدم وراسها مرفوع قدام الكل بقات كتشوف فيهم وتختار الجميلات وبدات بشفاء هي الاولى علاتها وعزلات معاها البقية وقالت
- خدو هادو فحصوهم .. البقية ديوهم ...
جمعو الجميلات فعرفة من الغرف اللي موجودة تما ودخلت حكيمة جلسات وهما واقفين كيشوفو فالحكيمة كتقلب البنات حتى جا دور شفاء ورفضت لاكن شدوها بزز منها كتفوها وربطوها للحكيمة اللي فحصاتها وعلى راسها الوصيفة
الوصيفة : هاه؟؟ شنو ؟
ردت الحكيمة : والله انضف واجمل منها ماشفت عيني
طلقوها وهي كدور عينيها وقفات وقالت
- انا ماشي جااارية ... انا ملكة
ردت الحكيمة : والله كن شفتك فوضع من غير هادا كنت غنصدق كلامك
الوصيفة : ديوها غسلو ليها مع شلتها ... وعينكم عليها راه لسانها سليط
دخلوها لحمام كبير من رخام جمعو الجواري اللي كان عددهم قليل نضرا لفقدان الغذرية عند البعض منهم وخرجهم واحتافضو بالباقي وهادي كانت قواعد من قواعد القصر الجديدة اللي تصدمات بيها شفاء حيث كيختارو الحسنوات العازبات فقط والباقي خدم .. غسلو ليها وهي كلها شوق و لهفة تقابل الملك ثوران شاه... لبسوهم اجمل الملابس وكانت ملكة بكل معنى الكلمة فشكلها ووجهها لاكن شكون يصدق كلامها !.. خرجات عند الجواري مع الجواري ديالها لحديقة كانت مخصصة ليهم ..مفرشة بانعم الاثواب والوسادات ملونة وجلسات كتشوف فيهم والكل كيتغامز عليها وهي قالبة وجهها بكبرياء وشعرها مطلوق على راسها ثوب مشبك ذهبي ولابسة ققطان بفتحات فالجوانب وعاطة مجوهرات وخيط الريح على راسها .. شافت فيها جارية منهم وقالت لصاحبتها
ردت الوصيفة بغضب : جمعي لسانك ولا نقطعو ليك ... هادي اللي واقفة قدامك الاميرة فطمة ام ولي العهد يزيد ابن جلالة الملك ثوران شاه ولي العهد
الجملة كانت بحال السيف فقلب شفاء وهي كتسمع اسم اميرة جديدة وسط قصرها و الاكثر انها ام ولي العهد .. ومن ثوران شاه اللي رجع ملك على البلاد ... اي يعني كولشي تبخر... يعني الملكة شفاء تبخرات ... والقائد رجع ملك .. وعندو ولي العهد وامراة حطها اميرة .. وجواري وخدم ووجوه جديدة وسط قصرها اللي كبرات فيه ولعبات فيه مع اهلها واحبابها ... فين الاهل ؟ فين الحباب .. فين الاخوات ... بالرغم من كولشي كان ليها اهل وماشي وحيدة .. والأن لا اهل لا احباب ووحيدة وغريبة على مملكتها اللي كانت فيوم من الايام ملكة فيها وعلى شعبها وخدمها وحشمها كله .. فشله رجليها وطاحت فالارض جلسات ويدها على صدرها من هاد الخبر وهاد تغيير الاحوال الل وقع ... ماقدراتش تهضر او تقول حتى كلمة بل كانت اضعف من ارنب مكسور .. كانت الصورة بحال امواج البحر كتتحرك فعينيها وصوت الوصيفة كيتكرر فاذانها .. كانت الحقيقة قوية ماقدراتش تتحملها وفقدات وعيها قدام الاميرة فطمة اللي قالت رافعة راسها بصرامة
- شكون هادي يا باتول؟
ردت كبيرة الوصيفات الاولى باتول وقالت : هادي جارية جابوها من الحرب مع الجواري
ردت فاطمة : حيدوها عليا من هنا منعاودش نشوف وجهها مرة اخرى .
- فطمة ... نسيتي باللي نتي جارية اقل شأن من أميرة وكتصرفي بحال الى كنتي اميرة!..
ردت فطمة بغيض : خليك فحالك احسن مانتوالا ليك
ردت الجارية : اي وحدة تقدر تولد للملك ولد ... ماتنسايش هادشي.. اللي متقدرش اي وحدة توصل ليه هوا الزواج منو ..ونتي زايدة علينا بالولادة واي غلط منك يطير ليك الراس... الغرض عندو بالولد ماشي بيك ولا بغيرك ... (شافت فيها من فوق لحتت) يا.. سمو الاميرة هه
مشات الجارية من بعد ماثارت غضب الاميرة فطمة وقالت بغيض
- باتول... قلتي ليا غتهنيني من هاد اللفعة فاش يمشيو مولاي للحرب... علاش مزال كنشوفها هنا
ردت باتول فحيرة : ماشي بيدي ... راكي عارفة العينين هنا شي حاضي شي ومنقدرش نطول يدي على جارية من الجواري ديال مولاي وهي مدارت والو...سايدة حاضية سواريها مكتخليش ليا منين نشدها ... الجواري كلهم حاسدينك ونتي عارفة والى وصلت شي وحدة فيهم بسوء غيتقلبو عليا ويشهدو فيا وانا ... القواعد باينة ومكايناش السيبة هنا
حكمو فضلمو الجزء الثالث
محتوى القصة
التنقل بين الأجزاء