كوثر حدرات راسها بتعب: ماعرفتش شنو غيكونو تيديرو العائلة داباا
رثوك: تيقلبو علييك!
كوثر بحزن: راني عارفة علاه غيجلسو!!شغنديير و انا مسجونة هنايا؟
رثوك قرب منها هاز راسو فيها كيف معلقة: لي نصحك تديريه هو ماتراديش مع الملك كونما كنتي مهمة بالنسبة ليه كون ودعتي من شحال هادي ماتزادش هدا لي يتعلا عليه ابدا و يدي و يجيب معاه فالهضرة
كوثر: علاش انا بالضبط؟؟علاش انا من بين كلشي؟؟
رثوك: ماعرفتش ولكن نتي مميزة..كانت فيك ديما شي حاجة مميزة على المشعوذات لي تعرفت عليهوم طول حياتي و تنظن انه عين الملك الحكيمة حتى هي لاحظات هاد التميز و انجاذبات ليه
كوثر: اشمن تميز ولا انجذاب كنت حاسة بروحي تتجبد من بلاصتها كونما حبس!
رثوك: سدي عينيك رتاحي شوية انا غنبقا معاك
كوثر شافت فيه بواش من نيتك اشمن تسد عينيها ولا راحة و هي معلقة هنا و عائلتها غيقلبو الدنيا عليها ولكن لواحد اللحظة بداو جفون عيونها تيثقالو بالنعاس لي عيات ماتقاوم فيه فاللخر استسلمات ليه و لاحت راسها سادة عينيها..رثوك جلس فالأرض مسند مع الحيط لي معلقة فيه حارسها من قوى خرى اما الملك كون بغا يآديهوم كون محاهوم بجوج من الوجود فلمح البصر..السلاسل باش مشدودة كوثر مشبعة بتعويذة قمع شعوذة أي انه ماتقدرش تطبق حتى تعويذة أو شعوذة كيف قالت فهادشي تيخليها مامحصناش و عرضة لأي سووء و اذى من طرف الطاقات السلبية و الشيطانية...
اما الملك كان جالس فوق كرسي عرشو شاد راسو و هو تيشوف فيهوم من بلورتو السحرية..داز كلشي قدام عينيه و هو لي نعسها يالاه تقطع صداعها لي باقي تيضرو فودنيه..تنهد بعمق تيفكر فهاد الموصيبة و هدفو لي باغي يحققو صدقات مخسرة افضل ليلة مناسبة لهادشي بفعايلها! فقداتو تركيزو و دابا خصو يشوف شنو يدير معاها من بعد!...
نرجعو لعند عائلة الفارسي لي كانو منوضين القرباالة فالقصر...
بيجاد غادي جاي: كيفاااش حتى بنتي تبخراات هكا فالهواا!!(وقف)هادي راه شعوذة!!واش عرفتيها؟؟وااا شعوذةةةة!!!
هاجر جالسة تتبكي: اهئ بنتييي فين غتكون مشااات
وجدان لي كانت معولة تدوز سويعة د العيد ميلاد و ترجع لدارهوم صدقات مطولة حتى يعرفوها فين مشات ماجاتش تمشي...
سالار: وجدان..واش ماتقدريش تعرفي فين كاينة؟
وجدان: بصراحة ماعرفتش بالضبط حتى من التخاطر مابغاش يخدم ليا معاها يمكن كاينة فبلاصة عازلة للسحر و الشعوذة
سالار تنهد شاد راسو هادشي لي بقا ليه الموصيبة د ختو تخطف و بهاد الطريقة!ماعرفو شكون مول الفعلة ولا فين تقدر تكون حتى سمعو شي خطوات داخلين للقاعة..هزو راسهوم كاملين دقة وحدة تيبان ليهوم راجل كبير فالعمر جار عكازو و حوايجو موسخين و متقوبين شوية تيبان بحال شي سعاي...
بيجاد: شكوون نتاا و كي درتي حتى دخلتي لقصري!!!
الرجل وقف حاط يدو بجوج فوق العكاز و تحنا شوية بضهرو المقوس: بنتكوم لي تتقلبو عليها كاينة فبلاصة بعيدة بزاف لي صعيب عليكوم توصلوها و مستحيل تدخلوها من غير واحد فيكوم لي قادر(شاف فهاجر) امها الوحيدة لي قادرة تعبر حقل مملكة كينتاريا بفضل دماء المشعوذين لي تيجريو فعروقها
هاجر ناضت لعندو بدموعها:فين كاينة المملكة فين كاينة بنتي!!!
بيجاد جا بجنبها شادها من كتفها: باش عرفتي نتا هادشي!!
الرجل: انا غير مسخر ا سيدي و باغي ندير خير الاهم هو بنتكوم دابا ماشي انا
وجدان: حاسة بيك فشكل
الرجل مد ورقة ملوية لبيجاد: هنا فين كاينة المملكة و بنتكوم اهم حاجة انه مابيها والو حاليا
بيجاد حل الورقة لقاها خريطة: شهادشي؟!!فين هاد البلايص!
الرجل شاف فهاجر: الخريطة مرتك النصف مشعوذة هي الوحيدة لي قادرة تفهمها و تفك رموز اتجاهاتها نتوما البشر العاديين(شاف بنص عين فوجدان)و الساحرة ماعندكوم ماديرو حيت لي تتواجهوه ماشي مجرم أو مختطف (هز فيه عينيه)تتواجهو ملك غير عادي
هاجر شدات الخريطة عند بيجاد بلهفة: فين بنتييي فييين اهئ
الرجل: بنتك هي النقطة الخضرة لي فالخريطة..غتبقا تحرك ديك النقطة كيفما تتحرك بنتك و الى مشات حتى اختفت ديك النقطة من الخريطة عرفي بلي بنتك ماتت
هاجر خرجات فيه عينيها بغضب: بنتي مغتمووووتش سمعتييي!!!
بيجاد شاف فالخريطة مابانت ليه حتى نقطة يعني الرجل على حق: فين النقطة ا هاجر؟
هاجر حطات صبعها على رسم قصر وسط الغااابة: هنا فين كاينة
وجدان قربات منها تطل: ماعرفتش باش نعاونكوم دابا
الرجل كمش عينو فيها بواحد الحقد: احسن حاجة تديريها ترجعي لقوم السحرة ديالك(عطاهوم بضهرو)
سالار: حبس فين غادي مزال ماكملنا!!
الرجل: الوقت سالا و عطيتكم معلومات كتر من اللازم
تمشا خطوات للأمام و هو يتبخر و اختفى فرمشة عين...
وجدان ربعات يديها: كنت عارفاه ماشي رجل عادي!!
سالار: نتي ا وجدان غير رجعي لداركوم دابا و من بعد ندويو
وجدان: واش متأكد؟!
سالار: ااه دابا على الأقل عرفنا فين غتكون
حركات ليه راسها بالموافقة و انصارفات بعدما ودعاتهوم...
بيجاد: لا ماتخافيش بنتي مغتموتش ابداا و لي خطفها كيفما بغا يكون غيدفع الثمن غالي!...
فلغد ليه...
كانت كوثر باقة معلقة بالسلاسل فالحيط غارقة فالنعاس و رثوك باقي جالس كيفما هو حارسها..القرين معروف انه كائن متينعسش ابداا..حتى تسمعو شي خطوات داخلين عليهوم تيدلو على وجود 3 د الناس...
رثوك ناض من الأرض واقف قدام مالكتو النائمة حتى بانت ليه امرأة كبيرة شوية فالعمر مضورينها جوج بنات شابات فيمينها و يسارها كانو لابسات فساتين المشعوذات و المرأة دايرة قبعة خاصة فوق راسها مييزاها على الجوجات لخرين حتى من وقفتها الواثقة باينين بحالا خديديماتها...
رثوك: شنو بغيتو؟؟
المرأة هزات خنافرها للسما: حييد من قدامي يا القرين! عندنا شغل معاها
رثوك بغضب: تقربي منهاااا نقتلك!!!
المرأة هزات فيه حاجبها: من امتى القرين عندو هاد الولاء كامل لمالكو؟ حييد من قدامي هادو اوامر خاصة من جلالة الملك
المرأة حركات يديها حتى تفكو دوك السلاسل كاملين و بقات كوثر النائمة مهزوزة فالهوا: فخامة ملكنا باغي نوجدو ليه هاد المالكة ديالك
رثوك طااف فالهواء شاد فكوثر: و و علاش؟؟
المرأة: الملك بغا حضورها على طاولة فطورو...
رثوك باستغراب: بغاها للفطور؟
المرأة: ايه و دابا بعد من طريقي مانتعطلوش على جلالته...
عطاوه بضهرهوم و خرجو كوثر معاهوم لي مهزوزة فالريح و هو شاد فيها حتى خرجو من داك المكان المظلم و الموحش عاد بدات تتبان جمالية القصر لي كان قصر قديييم لسلالة المشعوذين الملكية و لي حاكمها العايش حاليا هو شاه اليامن الثالث..وصلو قدام باب كبيير حارسينو جوج خادمات لي حركو راسهوم للمرأة و تعاونو بجوجاتهوم حتى حلو الساقتة الكبيرة ديالو حتى تحل و بعدو دايرين ليها الطريق منين دوز..رثوك غير تيشوف بعينيه هدا اول حضور ليه فالقصر الملكي شخصيا..فاش ولاو فالداخل تسد عليهوم الباب تما فين اشارت المرأة للجوجات لي معاها يبداو خدمتهوم..هبطات كوثر بحركة من يديها حتى غطساتها فالما ديال الحمام الكبيييير تما و بداو تيتحييدو حوايجها من طرف أيادي غير مرئية من شعوذة المرأة حتى ولات عارية تماما وسط الما عاد دخلو معاها الجوجات لخرين بفساتينهوم تيغسلو ليها بالماء النقي و الصابون المصنوع يدويا..كملو ليها و لواوها فالفوطة نشفو ليها جسمها و لبسوها ملابس داخلية فوقهوم فستان فالبلومارين و قادو ليها شعرها و وجهها هادشي كاملو و كوثر باقي تحت تأثير تعويذة النوم لي طبقها عليها الملك لبارح..دابا ولات واجدة باش تقابل حضرتو بإطلالتها الجميلة ماشي بحال الحالة د البارح كيف كانت صاعرة عليه..داوها لعندو و رثوك غير تابعهوم حتى وقفو قدام بوابة اكبر من الأولى كانو واقفين قدامها جوج حراس بملابس خاصة لايحين عليهوم رداء احمر دليلا على انهم حراس بوابة جناح الملك..دوات معاهوم المرأة و حركو ليها راسهوم فاتحين البوابة حتى دخلات بوحدها مخلية الجوجات و رثوك على برا هي الوحيدة لي مسموح ليها تدخل لعند حضرتو كونها رئيسة الخدم و الحشم كاملين لي فالقصر..كان الملك واقف بطولتو تيطل على البالكون و الدنيا كيف خضرة فحديقة قصرو الشاسعة حتى سمع الحس و ضار لقا المرأة ضامة يديها لعندها و حادرة راسها فالأرض و حداها كوثر مهزوزة فالهوا...
شاه مد يدو حتى تحكم فكوثر بلاصة المرأة و تجرات لعندو حتى جلسها فوق الكرسي لي قدام طاولة الفطور الواجدة بأشهى المأكولات و أجود أنواع الشاي...
شاه: يمكن ليك تفضلي دابا
حركات ليه راسها و بقات على نفس الوضعية تترجع للور حتى وصلات لعند الباب باش ابدااا ماتعطيش بضهرها للملك حيت هادشي بحد ذاتو تقليل من احترامو..خرجات من تما و هو يجر الكرسي ديالو قدامها و هي لايحة راسها كانت تتبان هادئة و مختلفة تمامااا على المسعورة د البارح تتبان كيف الأميرة لي خاص تكونها فالأصل كيف رباها باها ولكن هي دخلات راسها فمعماعة اكبر منها و ختارت طريق الشعوذة..دازو دقائق و هو تيسقي عيونو بجمالها حتى انتبه لهادشي و عاق براسو عاد تقاد فالجلسة نافخ صدرو و فرقع اصابعو باش تبطل التعويذة و تفيق خلاص..بدات كوثر تتكسل و تحل فعينيها حتى لقاتو قدامها تصدمات: نن نتااا هداا
هاهيا غتبداا تاني...
شاه هز فيها مناخرو: استعملي ولو غير شوية من داكشي لي تعلمتيه من باك!
كوثر: ماما تتقول لبابا مولاي السلطان اذن غنقولك مولاي السلطان
شاه عقد حجبانو: انا ملك ماشي سلطان!
كوثر تفكرات رثوك و تحديرو انها ماتزيدش تعصبو: واخا ا فخامة الملك امتى نرجع لقصرنا؟(عاد لاحظات حوايجها)شكون لبسني هادشي؟!
شاه هز عليها صبعو: واش ماسمعتيش اش قلت البارح؟!مكاين حتى رجوع!!
كوثر عقدات حجبانها: و بأشمن حق؟؟
شاه بغضب: ماتختابريش صبري!!غتسكتيي داباا تفطري و تنسااي شي حاجة سميتهااا ترجعي
كوثر ربعات يديها: واش نتا حمق؟
شاه ضرب فوق طبلة حتى تهزو الماعن بقوة و هي تحرك يديها حتى شداتهوم مايطيحوش و ولاو مهزوزين فالهوا..قلبها تيضرب بالجهدددد و الخوف تسلل لنفسها محرك جسمها المرتعش...
شاه معصب: فطرررررري و سكتيييي!!!!
كوثر طلقات دوك الماعن حتى تقادو فوق الطبلة و مدات يديها لي تترعد حتى هزات بيها حليوة و بدات تاكل فيها بالخلعة...
الملك فرقع اصابعو حتى تهز إبريق الشاي فالهوا و بدا تيكب ليه فالفنجان فاش سالا قرب من فنجان كوثر يكب و هي توقفو بيديها:م م متنش ربش الشاي
شاه صغر فيها عينو: و هاداك لي شربتي البارح قبل ماتنعسي فوق البيرو شكون؟؟!!
كوثر هزات فيه راسها و خرجات فيه عينيها بصدمة: كنتي تتراقبني!!
الفنجان تهز حتى ولا فيد الملك و بدا إبريق الحليب تيتحرك حتى تكب ففنجانها: الى متتشربيش الشاي كاين الحليب و الى متتشربيش الحليب كاين العصير و الى متتشربيهش حتى هو كاين الماا!!
يعني واخا طير و تنزل داك التقزقيز ماديروش عليه هو عارفها تتجنبو ولكن غيحدهوم ليها غير بلاتي...
كوثر حدرات راسها ففنجان الحليب المزين و المنسم بالورد..بلعات ريقها و مدات اصابعها الرقيقة المرتعشة تهزو تحت انضار الملك لي غير ناوي على خزيت بهاد الفعايل ديالها...
شاه مييل راسو: كون بغيت نقتلك كون درتها البارح مزال ماشي نحط ليك سم فالحليب
كوثر بلعات ريقها و هزات الفنجان رشفات منو كان طعمو حلو و لذيذ تيبعث الهدوء فالنفس لدرجة سدات عينيها للحظة ناسية الملك لي جالس قبالتها...
شاه لي كان تياكل بانت ليه السييدة مستحلية الحليب لي عاد كانت ماباغاهاش فضل يستغل هاد اللحظة الهادئة ياكل بلا صداعها حيت عرف الى مشا حتى دوا غتعصبو و هدا يالاه غير الصباح...
كوثر حلات عينيها بهدوء و شافت فيه: الى مابغيتينيش نرجع لعند عائلتي و غنبقا ديما هنا كيف قلتي حتى نأدي واجبي بغيت على الأقل غير نطمأنهوم عليا واخا عارفة بابا مغيفهم والو
شاه بقا ساكت شحال عاد دوا: الليلة غنسمح ليك تشوفيهوم من بلورتي السحرية و غنعطيك فرصة وحدة تعلميهوم بحيث غتكتبي رسالة و غتوصلهوم
كوثر حسات بغصة فقلبها بدات تتحس بواقعية الوضع من كلامو ولكن على الأقل واخا خطفها خلاها غير تعلمهوم بعدا و مايبقاوش مشوشين و ديك الساعة غتشوف هاد الواجب ديالو لي جايبها على قبلو لهنا...
كوثر: ش شكرا..فخامتك
حدر راسو بلا حتى كلمة واقيلة و أخيرا بدات تدير عقلها و استوعبات انه لي جالس قدامها ملك و لازمها تحتارمو...
اما عند عائلتها..كانت هاجر جالسة فوق فوتوي فجناحها ماناعسة ماشايفاه و فيديها شادة الخريطة لي عطاها ليها الرجل الغريب لي ماعرفو منين تسلط عليهوم البارح..كانت ساهية فديك النقطة الخضراء لي تدل على عيش بنتها و وجودها فداك المكان بالضبط و لي هو القصر لي كان وسط الغابة حتى حييد ليها بيجاد الخريطة من يديها و جلس حداها معنقها...
بيجاد: خصك ترتاحي و بنتنا غنلقاوها خاص غير نعرفو الطرييق لي غتدينا لعندها
هاجر بحزن: الليل كاملو و انا تنحاول نفك و نحل فهاد الرسومات ولكن والوو الخريطة كأنها قديمة بزااف و ماشي خريطة المدينة أو الدولة حاليا
بيجاد: للأسف نتي الوحيدة لي قادرة تشوفي هادشي انا تتبان ليا مجرد خريطة عادية
هاجر تنهدات: خايفة عليها بزاااف(غرغرو عينيها)خفت يتعداو ليا عليهاا (هزات فيه عينيها المدمعين) واش غتكون واكلة؟ شاربة؟ اكيد غتكون خايفة بنتي عمرها بعدااات وسط مناا!!
بيجاد باسها فراسها و ضمها لحضنو تيربت على ضهرها و يهدنها مخليها تتبكي على خاطرها ماعرف اش يدير ولا منين يبدا ابداا كيف قال الرجل الغريب هوما متيتعاملوش مع مختطف أو مجرم بل شخص غير عادي! و هادشي واضح مزيان من الطريقة د الشعوذة لي تخطفات بيها قدام عينيهوم بلا حتاشي اثر...
اما عند مشعوذتنا لي الدنياا مقلوبة على قبلها عاد كملات الفطور مع سيادة الملك فواحد الصمت بالنسبة ليه هو رحمة من صداعها لي متيتقاداش و هي ألم على فراق واليديها..كانت حادرة راسها ساهية تتلعب بجلايل كمام فستانها الطوال حتى سمعات فرقعة من اصابعو و هو يتسمع الدقان فالبوابة و بعدو بثواني ولات رئيسة الخدم عند رجليه...
المرأة ضامة يديها و عينيها متيتهزوش فيه: شنو حب خاطر فخامتك؟
شاه: بغيتك تديها و توريها القصر كاملوو و تعرفيها على الناس لي خصها تعرفهوم فقط..وجدتو ليها جناحها؟
المرأة حركات راسها فالبلاصة: ااه ا جلالتك واجد و كيفما خصو يكون...
شاه: مزيان..(ضار لعند كوثر لي كانت طالقة ودنيها و معلقة عينيها فالمرأة)سيري معاها!
كوثر: ل لفين؟!
شاه: ماسمعتيش اش عاد قلت؟!
المرأة: تفضلي معايا نديك فجولة فالقصر الملكي
كوثر ناضت بارتباك و ضارت لعند الملك هو براسو لي شركات معاه الطعام و دوات معاه شوية ماعارفاش اش تحت راسو و دابا لايحها لهاد المرأة لي ماعرفات اينا جايحة غتديها ليها...
شاه عقد حجبانو: اش تتسناو؟!!
المرأة ماعرفات مال هاد البنت قداش راسها قاصح واش صمكة ولا بهلة ولا شنو ملي باقة واقفة هنا و الملك عاطي أمرو..تقدمات حتى شداتها من ذراعها و طمأناتها بعينيها: غنضورك فالقصر و تعرفي على الناس لي فيه
كوثر شافت فيها و حركات ليها راسها: واخاا (تلفتات للملك)و و الرسالة و البلورة؟
الملك زيير على كلامو: حتال الليل!
جرات المرأة كوثر بشوية و خرجو من تما اما الملك تنهد ناري هدا غير النهار الثاني معاهاا وا وحلللة وحل فيها راسو!...
خرجات كوثر من تما مع رئيسة الخدم تضور فعينيها و تبركك لازمها تعرف فين كاينة حتى بان ليها رثوك واقف فين خلاوه من قبل تيتسنا فمالكتو..كوثر جرات ذراعها من يد المرأة و جرات لعند رثوك عنقاتو...
كوثر مهبطة حجبانها: بعداا نتا معاياا هنا على الأقل مغنحسش بالوحدة
رثوك: شنو دار معاك فخامته؟
كوثر: السييد داوي من نييتو باغي يخليني محبوسة هنا!
رثوك: ماعندك ماديري تبعي أوامر جلالته
كوثر: من نيتك ا رثوك؟واش تفورماطيتي ولا شنو؟!نتا اكتر واحد هنا عارف بابا قداش صعيب غيكون مرون الدنيا باش يلقاني!
رثوك: عارف هادشي مزيان ولكن لي ماعارفاهش نتي انه الملك اصعب مئات المرات من باباك البشري
المرأة حنحنات موراهوم بصرامة: الجولة تتسنانا
كوثر شدات فيد رثوك و مشاو معاها مبعدين من قدام جناح الملك...
المرأة: اول شخص خصك تعرفيه من بعد ملكنا هي اناا..اسمي بهار و انا رئيسة خدم القصر
كوثر: متشرفين انا كوثر
بهار: ماقالش الملك على مكانتك داكشي علاش غنكتافي بمنادتك بإسمك فقط بلا لقب
رثوك هز حاجبو: كوثر أميرة بالدماء..أميرة عند البشر بالوراثة واخا مابقاتش عائلة الفارسي هي الحاكمة فهاد الزمن يعني فقصر الملك لي تيقدر الطبقات الإجتماعية خصك تخاطبيها على اساس انها أميرة!
بهار هزات فيه راسها: فخامته مادكرش هادشي!
رثوك: مغيدكروش حيت كيف قلت على البشر اما هي دابا فمملكة المشعوذين قلتها ليك نتي تعرفي معامن راكي!
كوثر شافت فيه: مملكة المشعوذين؟؟
بهار شافت فيه بواحد الشوفة هاد القرين فيه الهضرة بزاف و شافت فيها: اه نتي فمملكة كينتاريا مملكة المشعوذين
كوثر: و فين جات؟؟؟
بهار صغرات فيها عينيها: الجولة تتسنانا خاص نساليوها قبل موعد الغداء!(سبقاتها بخطوات)
تبعاتها كوثر و رثوك و بدات تتوريهوم فالحراس و اختلاف كل دور مجموعة فيهوم لي مقسمين بلون الرداء ديالهوم..الرداء الأحمر تيدل على حراس الملك شخصيا و لي تيكونو فقط فجناحو..الأخضر حراس أماكن اخرى فداخل القصر..الأزرق حراس القصر على برا و الأصفر الحراس لي تيخرجو بأحصنتهم يتفقدو اجواء المملكة و القبائل المتكونة فيها...
داتها للمطبخ الملكي لي كان شااااسع وملييييء بالخددم و الطباخييين زائد خيراات الدنيا من المكونات و المواد الغدائية الطازجة و ذات الجودة العالية اكيد ملكنا متياكل غير الغالي و النفيس..سالاو من المطبخ و دازو عبر الممرات العريضة و المزخرفة بشكل قديم و جد فنيي تيزيد يبيين فخامة القصر و ذوق السلالة الحاكمة لي توارثاتو على مر العصور..حتى وصلو قدام واحد البوابة كبيرة كانو حارسينها الحراس اصحاب الرداء الأخضر..شافو بهار و هوما يفتحو البوابة تلقائيا بلا كلمة بلا جوج و دخلو..كان المكان مختلف تماااما و عالم اخررر على لي شافتو كوثر فالبلايص لخرين بحيث هنا داير بحال شي رياض كبييير ها الوساايد هنا ها الجليساات لهيه و بزااااف ديال البنات الشابات غادياات جاييات..شي جالس تيجمع و يخييط شي جالس تيقاد فالزرابي بالآالات القديمة الخاصة بيهوم شي تيقاد لشيي و الزين غير مشتت وحدة تنسيك فلوخراا و وحدة مختلفة على لوخرا من ناحية الجماال و مقوماتو من شكلهوم ماباينش عليهوم خدم حيت الخدم شافتهوم تقريبا تيبانو مورقين بشكل اللباس ديالهوم اما هادو محلقيين على الحالة مكاين غير الثوااب الغاليين..الفساتيين الجذاابة..المجوهراات الثقييلة و الوجه مقااد بالمكياج..لمحات وحدة فيهوم بهار و هي تغمزهوم حتى ناضو كاملات كاع لي كانت تدير شي حاجة واش حطاتها و ناضت ضامة يديها تيشوفو فيها عاد لمحو المشعوذة الصغيرة لي حداها هي و قرينها كانت تتبان ليهوم بنت زوينة و جسمها متنااسق و الشعر غامق و العينين مجبدين...
بهار خرجات فيها عينيها شنو هاد قلة الآدااب: واش متأكد نتا بلي هادي أميرة؟؟راك لي داوية عليه ملك و من حقوو هادشي!!
اما هوما بقاو تيوشوشو بيناتهوم و يبرككو فيهاا من راسها لعند رجليها الصراحة جاتهوم زوينة غير داك الفم عندها طلق الرصاص..فجأة تسمعو خطوات جايين خارجين من واحد الغرفة تما و بدات كل وحدة تدير الطريق لهاد البنت لي جاية حتى وقفات عليهوم بنت طويلة لابسة لباس فالكرونا..حاطة مجوهرات من الياقوت و جامعة شعرها البني...
البنت طلعات كوثر و هبطاتها بعينيها و بجنبها واقفة خادمة خاصة: شكون هادي ا رئيستنا؟
بهار شافت فكوثر و رجعات شافت فالبنت: هادي كوثر و ابتداءا من اليوم غتعيش فالقصر الملكي بأمر من جلالة الملك
كوثر حتى هي ماشي من العاجزين: شكون نتي؟
البنت هزات راسها بتكبر: انا ليساء مفضلة الملك
كوثر باستغراب: كيفاش مفضلة الملك؟
ليساء مطلعة حاجبها و البنات تيوشوشو: شهاد السؤال الغبي؟!
بهار عاقدة حجبانها: ليساء! البنت جديدة على القصر الملكي بلا ماتبداي تاني
ليساء ربعات يديها: ااه ايوا قوليها من الاول واش ملكنا ولا تيشفق على بنات عبيد الأسواق و ولا يجيبهوم للقصر حتى هوما و يحطهوم بيناتنا(طلعاتها و هبطاتها بعينيها)نقيتوها مزيان بان ليا غيكون ماء قصرنا النقي رجع كحل بالوسخ
رثوك زيير على يديه بعصبية: سحبي كلامك!!
ليساء شافت فيه بإستصغار: واش حتى القرين ولا تيدوي و يعبر على مشاعرو؟نتا براسك خاص لي يدافع عليك ماتنساش مكانتك بلي تحت رجلينا
كوثر لي كانت مزييرة على يديها بغضب عمرها فحياتها تعصبات لهاد الدرجة و عمرها كذلك تهااانت ولو مرة وحدة تولداات معززة مكرمة و كبرات كذلك فالخير و الرفاهية باش تجي وحدة معوجة مفضلة لداك الملك الخطاااف تقول عليهاا عبدة و مووسخة لا ابدااا بنت بيجاد مغتسكتش..هزات عليها صبعها مخنزرة امام الكل لي تما و بشرارة فعيونها نطقات: اناااا الأميرة كوووثر الفاااارسي بنت أمييير الأمراااء بيجاد الإسلااام الفاااارسيييي و لالاااااك هاااجر آل سعدااان تقولي علياااا موووسخة و عبدة؟؟!!!!
حركات يديها و بدات تنطق فكلمات غريبة حتى تهزات ليساء من الأرض و تعلقات فالهوا تتفركل..حركات كوثر اصابعها و هي تبداا ليساء تضوور بحال الطرومبية فالهوا و البنات تيتفرجو فيها حاطين يديهوم على فامهوم بدهشة...
كوثر بجدية: تنآمرك تعتاااااذري!!!!
رثوك مربع يدو و مخنزر: تستااهل هي لي جبداتك
بهار غير تتشوف: حبسيي هادشي حبسييي غتقتليها!!
كوثر: عتاااااذري مني!!!!!
بهار تتشوف فيهوم حتى عيات بانت ليها كوثر مغتراجعش و لوخرا تضور تما و هي تدخل بشعوذتها ولكن اندهشت فاش ماقدراتش تحبس كوثر!....
كوثر: مغنعاودش هضرتي!!!
جمعات قبضة يديها و جراتها فالهوا حتى تجرات معاها ليساء لي تكركبات فالأرض شعرها كولو مشوك و مخبل و حوايجها طالعين هابطين تتبان ليها الدنيا كلها تضور و كوثر منها 4...
كوثر مطلعة فيها راسها بتكبر: تنتسنا فالإعتذار ولا غتعاودي الجولة الثانية!!!
ليساء دايخة: ت ت تنعتاذر(سخفات)
جات دغيا ديك الخادمة ديالها تتجري حتى هزاتها عاوناتها فيها بنت خرى و داوها من تما مخليين الكل مستغرب من كوثر...
بهار بشك: واش سمعو ودني آل سعدان فهضرتك ولا غير تخييلت؟؟؟...
كوثر ضارت عندها هازة مناخرها للسمااا مفتخررة بالدماء لي تتجري فعروقها من سلالة آل سعدان: ااه اناا منهوم!!
بهار بدهشة: ولكن هاد السلالة مابقاتش!
كوثر: انا اخر سليلة ليهوم حاليا!
بهار جراتها من ذراعها مخرجاها من تما مخليين للجواري الخبارات باش يدوزو اتاي هاد لياماات...
كوثر: علاش استغربتي؟؟
بهار شبكات يديها مع بعض و عينيها مصوبين على الطريق تتشوف قدامها بصرامة: آل سعدان كانو معروفين من زمان بلي من المشعوذين الكبار
كوثر: هادشي عارفاه و كبيرتهم هي جداتي الباتول
بهار: هاديك بالضبط كانت هي محط الأنضار فديك الوقت
كوثر: انضار ديال من؟
بهار: انضار الكل..كانت شعوذتها خاصة و عندها تعاويذ مختلفين على ديالنا و معرفتها شاسعة
كوثر: واش كانت عايشة فالمملكة؟..قصدي د المشعوذين بالضبط؟
بهار: ماطولاتش بزاف دوزات اشهر فالمملكة قبل ماتعرف على مشعوذ قصر عائلة الفارسي و تزوج بيه
كوثر وقفات: كيفاش؟ يعني جدة ماشي هي لي كانت تتخدم العائلة من الأول؟!
بهار: لا..الملك البشري ديال ديك الوقت لاحظ قوتها الكبيرة و أفضليتها على راجلها تما فين قرر يعيينها كبيرة مشعوذين قصرو
كوثر: حاجة طبيعية بفضل قوتها الكبيرة
بهار وصلاتها قدام جناحها و وقفات: محاولتي لإيقافك الفاشلة ديك الساعة أكدات شكوكي حيت حتى وحدة فهاد القصر مافايتاني فالقوة من غير ملكنا طبعا
كوثر: خصك تعرفي بلي غير لعبت معاها و صافي كون بغيت ليها المضرة كون لحتها من داك العلو باش تعلم تقول عليا موسخة و عبدة راه مانسيتهاش ليها!
بهار تنهدات: دخلي دابا لجناحك رتاحي و فاش يوصل وقت الغذاء غنعلمك بلي كاين
دخلات كوثر للجناح و بهار غبرات من تما تمشي تخبر الملك بلي وقع..كان الجناح كبيير مفرش بطريقة تقليدية قديمة..جلسات كوثر فوق الناموسية بعدما استكشفاتو بعينيها و هو يبان رثوك حداها...
رثوك: عجبتيني فديك المعوجة غتكون دابا شابعة بكا
كوثر: هي لي بقات ليا فالحساب تفكيت من هاد الخطاف حتى هو بعدا عاد تزيدني مفضلتو ولا المرض!
رثوك: تتعجبيني فاش تتعصبي تنحس براسي مع مالكة قوية
كوثر شييرات عليه بالوسادة و هي تختارق جسمو بحال الشبح: عاجبك الحال اا
رثوك: كون شفتي الجواري كيف تيشوفو فيك حتى وحدة مغتجرأ عليك داباا هادي هي المشعوذة كوثر فاش تتعصب
كوثر تنهدات: اودي شكون داها فيهوم بغيت نعرف غير واليديا اش تيديروو مسااكن غيكونو مشوشين عليا امتى غير يوصل هاد الليل باش نشوفهوم و نطمأنهوم عليا
رثوك: حاولت نمشي لعندهوم ولكن ماقدرتش القصر مطوق بتعويذة قوية من طرف الملك
كوثر: داك الخطااف ماعرفت اينا واجب بغاا ماكرهتش نلقا شي طريقة نهرب بيها ولكن فنفس الوقت الفضوول قاتلني نعرف هاد الواجب
رثوك: كوثر خدمي عقلك و ذكائك باغية تهربي فقلب قصر فخامته لي جرك من وسط عيد ميلادك بين عائلتك لعندو؟هدا راه مامنو هروب! احسن حاجة تديريها تحافظي على هدوئك و تسايريه و عائلتك علميهوم و الباقي على هاد الواجب
كوثر: عقلي مخربق ولكن ماعندي غير ندير بكلامك...
فنفس الوقت فغرفة ليساء فجناح الجواري..كانت جالسة تتبكي فوق ناموسييتها...
ليساء: اناا مفضلة الملك نتهااان هاكااا اهئ اناا ليساااء بنت النبيل أثييير تهينييي وحدة بحالها
الخادمة ديالها: ماتبكيش آنستي فخامته اكيد فاش يسيق الخبار غيعاقبها هداا قصر بضوابط و قوانين ماشي غابة وسط الحيوانات
ليساء هزات فيها عينيها الحمرين بالبكا: اكييييد غتعاااقب و بغيتووو يعلقهااا كيفمااا علقاتنييي و دوخااتني بغيييت نشووف العدل ديالووو مطبق قدام عينياااا
الخادمة: اكيد آنستي هادشي لي غيكون...
عند الجناح الملكي..كان الملك شاه جالس فالبيرو ديالو و قدامو بهار حادرة راسها فالأرض عاودات ليه لي وقع كاملووو...
شاه بقا تيضور فديك الريشة شحال بين يديه و حواجبو منقضة ساكت تيفكر..طلقها تضور شوية فالقصر الملكي باش تحييد ديك الفكرة د مختطفة ولا مانعرف و من الدقة الاولى جاياه شكااية و منوضة القربالة!..بقا تيفكر حتى طلع راسو فبهار لي كانت خايفة من هاد الصمت المطول....
شاه بصرامة: جيبيهااا داباااا تحضررر لعندييي!!!..
بهار:احم بخصوص حاجة خرى فخامتك...
شاه هز فيها حاجبو: شنو؟!!
بهار: قرينها قال انها أميرة عند البشر ولكن جلالتك ماذكرتيش هادشي شنو ندير من ناحية مخاطبتها؟
شاه: خاطبيها على اساس انها شخص مهم بالنسبة ليا!
بهار حركات راسها بالموافقة: امرك جلالتك
شاه: يمكن ليك تنصرفي
خرجات بهار من تما و مشات بخطوات سريعة لجناح كوثر..كانت هاد الأخيرة متكية و حداها رثوك تيفكرو فبلان الملك مع بعض حتى سمعو الدقان فالباب...
كوثر تكعدات: ياكما تابعني حتال هنا و عاد جيت من عندو
رثوك تبخر فالهوا و بان قدام الباب لقاها بهار: اش واقع؟
بهار: قول للآنسة من فضلها تخرج
رثوك صغر فيها عينو امم الآنسة ولات دابا..رجع لعند كوثر و علمها بلي جاي و هي تخرج لعندها...
كوثر: نعام ا بهار
بهار: فخامته بغاك عندو دابا آنستي
كوثر هزات حاجبها باستغراب من هاد آنستي و حتى كيف مخرجاها السييدة مرطبة صوتها: عرفتيه اش بغا؟
بهار: بغا حضورك
كوثر شافت فرثوك و رجعات شافت فيها: واخا هاني
مشات معاها هي و رثوك حتال لجناح الملك..دقات بهار فاش سمعات الاذن بالدخول عطات الاشارة لكوثر تدخل..دخلات كوثر ضامة يديها و تتضور عينيها فالجناح غير هاد الصباح فطرات عندو واش هدا بلعاني تيدير هكا مغيعطيهاش التيساع شوية حتى لمحاتو جالس فالبيرو ديالو شابك اصابعو و عيونو الخضراء القاتمة منقضة بأنضارها عليها...
شاه: واش بصاح استعملتي شعوذتك على ليساء و خليتيها ضحكة للكل؟
كوثر عاد تفكرات شكون ليسااء ولا لحسااء: ااه بصاح
شاه ناض لعندها معصب: كيفااش تجرأتي تديري هادشي فوسط من قصري!!؟
كوثر خرجات فيه عينيها بدهشة: اويلي راه هي لي جبداتني
شاه: هداا رااه قصرر و حاط ليه قواانين و ضواابط صاارمة خصها تحتااارم!! ماااشي غااابة!!
كوثر رجعات خطوة للوراء مندهشة السييد غيخرج فيها طول و عرض على قبل لحساء: راه هي لي جبدااتنيي واش ماسمعتينييش! ماعندهاش الحق تهينيي!!
شاه شدها من ذراعها بقوة جارها لعندو بعصبية: انااا لي حااط الحقوووق و الواجبااات داااخل أسواار هاد القصصرر و الى شي وااحد دار ليك شي حااجة قووليهاا لبهاار هي غتكلف!!!
كوثر واحلة ليها الهضرة: كاانت واقفة تماا و مادافعااتش علياا و ماداارت والووو حيت ديك لحسااء مفضلتك دااكشي علااش يااك تداافع عليهاا دااباا حيت مفضللتك و انااا غير جاايبني لهناا على قبل دااك الوااجب ديااالك لي مااعرفتوو شنوو هوو جاايبنيي خاطفنيي من وسسط واليديااا و باغي تفرض علياا حوايج جدااد علياا دقة وحددة وااش هدا هوو العدل د الملك عندك؟؟؟
شاه هنا قاست ليه نقطة حساسة من نقط الملووك لي هوو العدل يالاه غيدوي و هي تقااطعوو...
كوثر: الى كنتي مرااقبني من قببل و عاارفني حتى واش تنشرب الشااي ولا لااا راقب شنوو قالت ليااا (زييرات على يديها) حياتي كلهااا عايشة عيشة الأميرااات باش فلخر تجي وحدة مفضلة عند ملك خااطفني و حاارمني من واليديااا تقوول علياا موسخة و وسخت ليكوم ماء قصركوم النقي حتى ولا كحل و عبدة مشرية من الاسواق ديالكووم(غرغرو عينيها)بنت بيجاااد مغتسكتتتش واخاا ترجع تعلقنيي بحاال قبل فدااك الحيط مغنسكتتتش حتال كراامتي مانسمح لحتى واحد يقيييسها و مستعدة نمووت و انا واخدة حقيي ولا عايشة ساكتة عليه(هبطو دموعها)
شاه رخف شدة يدو على ذراعها و بدا يتراجع شوية بشوية نزلات عليه نزلة وحدة بالهضرة و كملاتها ليه بالدموع الصرااحة تبلوكاا ماعرف واش يرد على الهضرة ولا يبقا تيتأمل فهاد العوينات لي بكاو غير دابا قدامو..غير حسات بيه طلق منها دغيا عطاتو بضهرها تتمسح دموعها مارضاااتش حيت بكات قداامو دابا غيصحاب ليه بلي راها ساهلة و ضعيفة فاش بكاات ييخ هاد الحكرة و الظلم شحال تيقهر بنادم و يخليه يبكي بلا هواه...
شاه بقا ساكت شحال تيضور الهضرة كاملها فدماغو و عينيه عليها تيبانو ليه يديداتها تيتحركو على وجهها يعني تتمسح فالدموع..قرب منها بتردد ماد يدو و هو يجمعها فالبلاصة عاقد حجبانو حاس بواحد الغصة فقلبو من بعد هادشي كاملو لي شاف و لي سمع منها كان باغي يعطيها تحذير صاارم و مرة خرى عمر يتعاود بحال داك السلوك ولكن صدقات مسكتاه و مخليااه تيفكر 100مرة فقرارو..الملك شاه لي عمرو رجع ناقش شي قرار مطلق مع نفسو ها بنت بيجاد بجوج دمعات خلاتو يحس بتأنيب الضمير...
كوثر ضارت لعندو بعدما مسحات دموعها لقاتو ساكت و ساهي و بصوت مرتعش نتيجة بكائها نطقات: انا تنتسناك ترجعني للبلاصة منين بدا هادشي(فين كان معلقها)
شاه عطاها بضهرو و تم غادي للبالكون: رجعي لجناحك
كوثر هزات حجبانها: عاد قلتي...
شاه قاطعها بأمر: رجعي لجناحك!!
مازادتش معاه الهضرة خرجات دغيا من تما اصلا شغادير تما مزال لقات رثوك كيف الكارد تيتسناها تخرج جراتو و رجعو لجناحها..اما الملك تنهد بعمق و هو تيشوف فأرجاء القصر من البالكون هادشي ماشي عادي ابداا حسساتو بظلمو ليها و هادشي لي عمرو كان عليه طول حياتو الطويلة و هو ملك عادل ولكن هاد المرة ممكن تكون اول مرة يتسرع فيها فالحكم على شي واحد...
فمكان اخر فوسط المدينة..مسرح كبييير متواجد فأكتر نقطة معروفة فالمدينة..كان سالار راكن طونوبيلتو فالبارك ديالو و هبط داخل من بابو الرئيسي..فهاد الوقيتة مكاين حتى واحد حيت مكاين حتاشي عرض مسرحي ولكن هو جاي على قبل صديقتو..بقا غادي فالممر حتى خرج فالمدخل الداخلي ديال المسرح لي كان شاااااسع من الداخل مساحة هاائلة هازة بزااف ديال الكراسي د المشاهدين و فخشبتو كانت وجدان واقفة بملابس مريحة طالقة شعرها الطويل و فيديها شادة كتاب النصوص تتحفظ دورها للمسرحية القادمة...
سالار وقف قدامها بابتسامة: حسيت انك غتكوني تتدربي..ياكما ديرونجيتك؟
وجدان: لا لا ماكاين حتاشي ديرونجمون اصلا بصراحة ماكنتش مركزة 100% بحال قبل تنفكر فالموصيبة لي وقعات معاكوم
سالار تنهد: داكشي علاش جيت لعندك باش نشوفو شي حل مع بعضياتنا حيت الواليد و الواليدة مامركزينش على الخريطة اكتر مامركزين على مشاعرهوم و خوفهوم عليها
وجدان: حاولت نقلب على شحال من طريقة باش نلقاوها ولكن صعيب
سالار: عارف هادشي و ماعندنا مانديرو ديك الخريطة لي عندنا
وجدان: غنحاول نشوف شي طريقة نفكو بيها رموزها رغم انني ساحرة ماشي مشعوذة
سالار جلس فواحد الكرسي تما و جلسات حداه...
سالار: اول لقاء لينا كان فهاد المسرح نيت(هز راسو فأرجائو)و تنعقل كانت كوثر بغات تشوفك حيت كنتي تتباني قدها كانت متحمسة فالأول ولكن فاش قربات منك وليتو كيف المش و الفار
غنرجعو لبعد عام من اكتشاف كوثر ذات الإثنا عشر سنة لإرث الشعوذة ديال جداتها و رثوك قرينها...
كان يوم منظمينو المدرسة ديال كوثر و كان انه تمشي معاهوم برفقة ولي أمرها لمسرحية مقامة فمسرح المدينة..مشات معاها هاجر اما بيجاد كان خدام و داو معاهوم حتى سالار...
فالكراسي ديال المسرح كانو جالسين بثلاثة وسط من الناس لخرين لي جايبين ولادهوم و ناس خرين لا علاقة ليهوم بالمدرسة شراو التذاكر و دخلو للفرجة فقط..الستار الأحمر بدا تيتحرك و الأضواء بدات تتزيد تصوب على الخشبة قدام انضار الكل..كانت كوثر متحمسة بزااف لهاد المسرحية خصوصا فاش سمعات انه وحدة من ممثليها قدها نيت فالعمر..ترفع الستار و تمات داخلة بنيتة فعمر الثالثة عشر لابسة كسوة بحال د الأميرات..شعرها طويييل قهوي و فيديها هازة ميكرو تترحب بالحضور و تقدم كلمتها قبل بدأ المسرحية...
كوثر: ماماا شوفي هادي هي لي قدي
هاجر: ااه زويينة و هضرتها كيف حلوة
سالار مدخل يدو فجيوبو: ماعرفتش اش تندير هنا اصلا
هاجر: خصنا نكونو مع ختك ماجاتش تجي تفرج بوحدها
بعد مدة من الوقت..المسرحية دازت و الستار تسد بعدما ودعو الممثلين الحضور منحنيين ليهوم فالأخير..بداو الناس تينوضو يخرجو و هي تشد كوثر فهاجر...
كوثر: بغيت نتلاقا بديك البنت ا ماما
هاجر هزات راسها تتقلب بعينيها و الناس دايزين: واخا اجي معايا نسلكو هنا
جراتها و سالار تابعهوم حتى وقفو قدام واحد الباب مكتوب فيه "خاص بالعمال فقط" لمحات هاجر زر كاين حداه و هي تضغط عليه..تسمع بحال السرسار و هو يخرج عندهوم رجل من دوك الممثلين...
الرجل: فاش نقدر نعاونك ا مدام؟
هاجر حطات يديها على كتاف كوثر: بنتي بغات تشوف الممثلة الصغيرة لي معاكوم الى كان ممكن
الرجل: اه وجدان واخا
اشار ليها تدخل و دخلو كان المكان واسع و عامر بعلاقات الملابس و بلاصة التبديل و المكياج..كانت وجدان واقفة مع امها تتمشط ليها فشعرها و تجمعو حتى وقفو عليها...
وجدان هزات عينيها فيهوم: شكون هادو ا بابا؟
الرجل: ماعرفتش ولكن البنت بغات تشوفك
طلقات الأم من شعرها و قربات من كوثر بابتسامة مادة يديها تصافحها: انا وجدان و نتي؟
كوثر مادة يديها مبتسمة: انا كوثر
غير تمات المصافحة بيناتهوم و تلامسو أياديهوم جاتهوم بحال الصعقة ماشي مصافحة كأنه جوج عناصر متناقضة تلاقات..هربات كل وحدة فيهوم يديها مخنزرة...
كوثر: ساااحرة!!!
وجدان: مشعوذة!!!
البقية استغربو اما واليدين وجدان تصدمو فاش سمعو البنت قالت على بنتهوم ساحرة و شافو فبعضياتهوم بعدم تصديق...
سالار: شكون قال غتبغي تعاونينا نلقاو كوثر لي متتحمليهاش
وجدان: الواحد مع العشرة تيتبدل ولكن هادشي متيبدلش الضغينة لي بين اجناسنا بجوج
سالار:هادشي ديالكوم متنفهم فيه والو نتي ساحرة قمر و هي مشعوذة د شي حاجة
وجدان: كوثر مشعوذة قوية و شخصيتها من بين العوامل الأساسية لي تتزيد بقوتها للقدام و اساس شعوذتها هو كتاب تعاويذ جدتها و لكن تتستعملو فالخير و هادشي نادر فتاريخ المشعوذين كيف قراوه ليا عائلتي..المشعوذين عندهم قدرة هائلة تتمكنهم يستدعيو الأرواح..الأشباح و بعض الأنواع من الشياطين بدون أدوات محددة داكشي علاش كانو خطر على مجتمعنا حنا السحرة لي سحرنا متأسس على الطبيعة و عناصرها زائد اشياء خرى
سالار: و الى كانت ديك الموصيبة قوية علاش للحد الآن مارجعاتش؟
وجدان طلعات فيه راسها: ببساطة حيت كاينة عند شخص أو بالأحرى مخلوق اقوى منها
سالار تنهد: غنوض نرجع للقصر دابا نشوف فين وصلات الواليدة و اي جديد غنعلمك بيه
وجدان: واخاا طهلا فراسك
توادعو و كل واحد رجع لشغلو هو شد الطريق للقصر و هي جمعات النصوص تشوف تاني واش غتلقا شي حاجة فالكتب القديمة تخليها سوا تواصل مع كوثر أو توصل ليها...
طاح الليل فقصر ملك المشعوذين لاقي كوثر فجناحها تتسناا فووق العافية امتى تشوف واليديها فالبلورة السحرية و تسيفط ليهوم الرسالة طمأنهوم عليها..النهار كامل و هي فهاد الجناح و الماكلة تتوصلها حتال هنا..من فاش قال ليها الملك ترجع لجناحها ماسمعات عليه حتى شي خبار...
رثوك: جلسي غدوخي بهاكا
كوثر تلاحت جالسة حداه:قلبي غيخرج من بلاصتو باغية غير امتى نشوفهوم
رثوك: غير صبري ملكنا عندو الكلمة و مغيخلفش بيها
كوثر هزات حاجبها: ملكنا؟ اجي واش نتا فصفي ولا فصفو؟
رثوك: اكيد فصفك ولكن الملك مامعاهش اللعب
فجناح الجواري و بالضبط فغرفة ليساء..الليلة ليلة الجمعة و لي هي الليلة لي تيطلب الملك فيها حضورها لعندو..كانت جالسة قدام مرايتها و على راسها خادمتها الخاصة تتقاد ليها فشعرها المطلوق و تزيينها بأثقل الحلي و المجوهرات لي تتملك..ريحتها معطررة من الحمام لي خداتو و العطور لي رشاتهوم زاائد وجهها مقاد بالمكياج و جسمهاا ملبس بأجمل فساتينها...
الخادمة: تتحمقي آنستي ملكنا كل جمعة تيشوفك بشكل غير لي قبل اكيد عينو مغتملش منك
ليساء ناضت تتشوف راسها فالمرايا الطويلة بإعجاب و غرور: اكيد انا جميلة الجميلات ماداام وقع عليا الإختيار حتى وليت مفضلة جلالته
الخادمة: اكيد آنستي تفضلي معايا
سبقات ليساء خارجة من غرفتها كانو الجواري لخرين عاد تعشاو و تيجمعو الخادمات فالأطباق لي كلاو فيهوم..دازت بيناتهوم هازة مناخرها للسماا و هوما تيشوفو فيها بوااحد الغييرة مكايناش شي وحدة فيهوم ماكرهاتش تكوون مع الملك و يعاملهاا كحبيبتو بل يتزوجها كاع و يتوجها ملكتوو علاه باش حسن منهوم بنت النبيل أثير؟ شحال من وحدة بيناتهوم احسن منها فالجمال و الحرفة و الثقافة ولكن ماعندهوم مايديرو تيبقا اختيار الملك..خرجات ليساء من الجناح مع خادمتها و بقاو غاديين فالممرات حتى لمحو شي واحد دايز..وسط من مشاعل القصر المنارة كانت كوثر غادية فالممر هاد المرة بوحدها غادية عند جلالته لي و اخيراا عييط ليهاا حتى واحد ماوراهاا الطريق و لا تفكراتها فقط رجليها لي جارينها لعندو تقول حافظين هاد الطريق و ماشي اول مرة يسلكوها بل اكتر من مرة!..حتى وقفات قدام الباب لي حارسينو حراس الرداء الأحمر..دقات جوج دقات و هي تسمعو سمح ليها بالدخول كلشي داز تحت انضار ليساء المصدومة و لي مافييقاتها من صدمتها غير بهار لي وقفات عليها...
بهار: ليساء؟ شتديري هنا؟
ليساء: كيفاش شتندير هنا؟ هاديك لي شنو تدير هنا؟!!
بهار: ملكنا لي طلب حضورها
ليساء بدهشة: كيفاش؟! واش نسيتي اليوم اش؟!!هادي ليلتي معاه ليلة الجمعة!!
بهار: رجعي لغرفتك ا ليساء كون بغاك الملك هاد الليلة مغيعييطش للآنسة
ليساء زييرات على يديها و الدموع بداو يتكونو فعينيها: مايمكنش هادشي!!
بهار: تفضلي تأكدي بنفسك من جلالته
ليساء جمعات بكيتها و مشات من تما بخطوات سرييعة و دموعها شااقين طريقهوم على خدهاا حتى بدات تتجري و خادمتها تابعاها فالممرات حتى دخلات لجناح الجواري و تلاحت فبيتها سادة عليها تتبكي..خلاتهوم غير مستغربات منها هادي هي لي عاد غادية عند الملك اش لي مرجعها؟...
الخادمة: آنس...
ليساء ببكاء:خررجي علياااا اهئ اهههئ خرجييي
خرجات الخادمة بالزربة و سدات الباب موراها تما فين ضوروها الجواري يستفسرو منها اش واقع...
الخادمة: عيواض تمشي آنسة ليساء لعند الملك كيف العادة مشات عندو ديك البنت الجديدة لي تهجمات عليها
الجواري تطرشو بالصدمة كيفاااش وحدة غير اليووم حطات رجليها هنا هاا الملك معييط ليهااا لعندوو واش هادي ماعاقبهااش على لي دارتو ولا شنو؟؟...
جارية من الجواري: واقيلة الملك اختار مفضلة جديدة من بعد هاد السنين كااملة...
اما عند الملك كان هاد الأخير جالس فطاولة الأكل تيتعشا هو و كوثر لي جالسة قدامو في صمت مادواها مادواتو فقط صوت الأواني و الأكل لي تيتسمع حتى كملو و كل واحد مسح فمو بالسريبتة المحطوطة قدامو...
شاه و اخيرا هز عينو فيها: واش مستعدة تشوفي عائلتك لي قلتي؟!
كوثر جاوبات بالموافقة فالبلاصة اصلا من الصباح و هي تتسنا: ااااه
ناض شاه من مكانو و الكرسي رجع لبلاصتو من تلقاء نفسو و بقا غادي حتى جلس فالبيرو ديالو..كانت محطوطة فوقو البلورة السحرية و ضاير عليها الشمع المشعوول...
شاه: قربي لهنا
قربات كوثر جارة جلايل فستانها حتى وقفات حداه..يالاه غيمد يدو باش توريه البلورة لي بغا حتى تيلقا شي صبيعات سبقوه قايسين البلورة..ضور عنقو لعندها لقاها تتبلع فريقها و صباعها مخشيين فصباعو مع رقاق و صغار كأنثى تيبانو ديالو قداش قدام ديالها...
كوثر بقات تتسناه يبعد صباعو ساعة السييد خلاهوم حتى هرباتهوم هي تتحنحن..رجع شاه تيشوف فالبلورة و دوز عليها يدو تحولات من بلورة شفافة مثل الزجاج حتى ولات بحال شي شاشة تلفاز تيعرض قصر عائلة الفارسي قدامهوم..حطات كوثر يديها على فمها بتأثر تقول ماشافت قصرهوم سنين هادي حتى تسلطو الانضار على عائلتها لي كانو تيتعشاو و معاهوم وجدان باين عليهوم السهير و التكرفيص نتيجة غيابها حتى من تباصلهم شي تقاس شي كيفما حطوه ليهوم الخدم...
كوثر بحزن: شوف قداش مأثر عليهوم غيابي
شاه: غيتفهمو الوضع فاش تسيفطي ليهوم الرسالة و نسدو هاد السيرة!
شاه: هادشي لي خصو يكون!!كان من الممكن تسد نهائيا و بشكل أبدي البارح ولكن نتي خسرتي كلشي!!
كوثر: علاش تدير هادشي؟؟و شكون البنت لي كاينة فالتابوت؟؟؟
شاه: قلت لييك من قبل حبسي من الأسئلة!!
كوثر: على الأقل قول ليا غير داك الواجب لي جايبني لهناا على قبلوو رااه متيتقبلهاش العقل ابداا ياك نتا ملك عادل؟ كون عادل معاياا
شاه مخنزر: واش مغتكتبيش ليهوم الرسالة؟؟
كوثر تنهدات هدا ماناويش يعطيها راس الخيط ابدا اللهم بعدا تحييد عليها هاد الرسالة لاتصدق مخلياه يتراجع على كلامو...
كوثر تنهدات: واخا
اشار لكرسي اخر حتى تحرك من بلاصتو و تحط حداه..جلسات عليه و مد ليها الريشة و الحبر مع الورق..تحنات كوثر تتكتب و تغمس بشكل عادي ولفات هادشي فالقبو ديال جدتها فاش كانت تتكتب فالبيرو ديالها تما حتى كملات كتابة الرسالة..جبد الملك مادة بحال الشمع الأحمر حتى دوبها فوق الورقة لي لواها و ختمها بالختم الذهبي ديالو لي تيرمز لرمز و شعار مملكتو...
كوثر: و كيفاش غتسيفط دابا؟
شاه هز الرسالة الملوية لاحها فالهوا و هي تختفي مخلية غير دخان خفيف...
كوثر مندهشة: بهاد السهولة؟؟
شاه: تنظن طلباتك تحققات؟؟
كوثر: الا نعرف علاياش انا هنا اصلا
شاه: مابقاش بزاف باش تعرفي فقط 7 ايام من اليوم و كلشي غيكون كيفما خاص يكون فالأصل
كوثر ناضت من الكرسي: مدة طويلة!
شاه: تنظن اول مرة نتافق معاك ولكن ماشي لنفس الهدف..دابا يمكن ليك تنصرفي
كوثر حركات ليه غير راسها و خرجات من تما جارة رجليها بخيبة أمل تتمنى واليديها يتفهمو وضعيتها و يحتارمو رغبتهاا تعرف هاد الوااجب و مايتشطنوش عليها اما الملك غير تسد الباب توجه لقدام المرايا..دخل يدو عند عنقو حتى جبد سلسلة..كانت ذهبية و معلق فيها شكل الساعة الرملية مذهبة غير هو بلاصة الرمل كان سائل احمر فداخلها...
شاه شاف فإنعكاسو و بأصابعو تيضور فديك الساعة و سائلها تيتحرك مع حركتها..حواجبو منقضة و عيونو الخضراء القاتمة ساهية فحركتو: 7 ايام باش ندخلو فالمرحلة الثانية من مراحل القمر بعدما خسرتي الأولى(القمر الجديد).."هلال الصبح" و ديك الساعة (زيير على يدو) روحك غتكون بين يديا!...
عند العائلة لي باقي مجموعين فالطبلة د العشا..كانو وسط من الحزن ديالهوم و فواحد النوع من الصمت مصاحب لدردشة خفيفة حول الوضع لي وصلو ليه حتى تتلاح الرسالة فوق الطبلة فوسطها نيشان..دهشرو كاملين مخرجين عينيهوم بصدمة و هاجر حطات يديها على قلبها مخلوعة...
بيجاد: اش هادشي؟؟؟
وجدان: رسالة هادي..شي واحد سيفط رسالة!
هاجر قربات بتردد: غتكون من بنتييي متأكدة بنتييي
بيجاد شدها فيديها حابسها: انا نحلها ماتعرفي تكون شي حاجة ماشي هي هاديك
شد بيجاد الرسالة الملوية..حييد الختم ديالها حطو على جنب و بدا يحل فيها حتى ولات منشورة قدامو..تخشات فيه هاجر تطل بعينيهاا و سالار و وجدان جالسين فبلايصهوم تيتسناو يقراوها عليهوم...
بيجاد: بابا..ماما..تنكتب ليكوم فهاد الرسالة و انا بيخيير و بصحة مزيانة واكلة و شاربة و موفرين ليا جناح خاص بيا فهاد القصر لي ماعرفتش فين جا ولكن لي عارفاه انني خصني نبقا هناا بأمر من ملك المشعوذين لي ماعرفتو منين تسلط عليا..مابغيتكومش تشطنو عليا ابدا ولا تهزو ليا الهم بنتكوم قويية و غتبقا قويية و غنكمل هنا حتى نشوف شنو هاد الواجب لي بغا مني هاد الملك..الحياة هناا بحال العهد القديم و بحال كيف كان تيعاود بابا على عصرو ماعرفتش واش سافرت عبر الزمن ولا كاينة هاد المملكة فشي منطقة مخبية فدولتنا..فاش غنسالي علاياش جابني لعندو غادي نرجع لعندكوم تنبغيكوم بزااف..بنتكم كوثر
هاجر لي كانو عينيها تيدمعوو مع كل كلمة تتقراها: اهئ بنتييي اشمن ملك مشعوذيين حتى هوو
بيجاد حط الرسالة شاد فراسو كأنه رجع لنقطة البدااية تااني و للشعوذة مرة اخرى لي كانت سبابو حتى ولا فهاد الزمن و داباا اختطاف بنتو!..: واااش انا يالااه ماتهنييت من البااتول يخرج ليااا هاد الملك ولا مانعرف!!!
سالار: ملك مشعوذين؟
وجدان: بحال السحرة حتى حنا عندنا ملوك حاكمين كل قبيلة ولكن عائلتي منفصلة على المملكة من زمان و قررات تعيش وسط البشر
بيجاد: السحرة لي خاصينا فالحساب حتى هوماا
هاجر: اش غيكون بغاا هدا من بنتييي!!
سالار تفكر الهضرة لي قالت ليه وجدان هاد الصباح: عندك الصح! مادام هو ملك المشعوذين كيف كاتبة هي هادشي تيأكد صحة الهضرة لي قلتي هاد الصباح على انها غتكون عند واحد اقوى منها
وجدان: اكيد غتكون عندو طاقة و قوة هائلة حيت باش تكون ملك على بزاف ديال المخلوقات لي اصلا هوما براسهوم قويين اكيد تيتطلب قوة جبارة
هاجر شادة فراسها: اهئ اهم حاجة دابا هي بعدا بنتي قالت انها بيخيير و مادارو ليها والو
وجدان لمحات الختم و هي تهزو: ممكن رمز هاد الختم يعطينا شي معلومات على المملكة و فين كاينة فالكتب القديمة
سالار: بهاكا غنلقاوها دغيا!
وجدان تنهدات:للأسف حتى بهكا مغتلقاش دغيا حيت كل مملكة كاينة فدولة ماشي مملكة وحدة لي شاملة العالم كاملو
بيجاد ناض داايخ مابقا بغا يسمع حتى هضرة على الشعوذة و السحر يكفي لي عاشو بسبابهم..ناضت هاجر تبعاتو حتى هي و هي تهز وجدان الرسالة...
وجدان: غنشوف واش نقدر نستافد شي حاجة من خط يديها الجديد و لي باقي ريحة الحبر عاطية منو فإقتفاء اثرها
سالار: هاد الموصيبة غتشييبنا
وجدان: الأمر المهم حاليا شنو هو هاد الواجب لي غيبغيه ملك المشعوذين من مشعوذة بحالها؟؟؟
وجدان ناضت جمعات الرسالة و الختم: قول لواليديك بلي ديتها نفحصها ممكن نلقاو شي حاجة تفيدنا
سالار ناض: واخاا تفضلي معايا نوصلك...
اما كوثر كانت متكية فوق الناموسية بفستان النوم لي كان محطوط تمايا معنقة رثوك لي ولا تاني فكرون بين يديها هازة عويناتها فالسقف و ضوء الشمع الخفيف ضارب فيهوم عاطي لمعة ساحرة تتفكر فهاد الموصيبة لي طاحت فيها..كانت بنت مشعوذة عاجبها إرث جدتها و مستثمراه للخير كيف بغات هي هاديك هي الطريق لي بغات تسلكها حتى تطيح دابا فيد هاد ملك المشعوذين لي ماعرفات اينا قنت مليوح هاد قصرو و مملكتو..تنهدات من اعماق قلبها تتسنا غير فهاد 7 ايام لي قال ليها مهلة طويلة و لكن شغادير ماعندها غير تسايرو حتى تعرف الهدف ديالو من ورا هاد القصة كلها...
فلغد ليه...
ضربات الفيقة كوثر مع النبوري..ناضت من فوق الناموسية و رثوك محطوط حداها كيف كاملين وليتو تتعرفو انه القرين اصلا متينعسش..ناضت للحمام حتى قضات مسائلها و هي تلقا حوايج موجودين و محطوطين فوق الناموسية..استغربات حيت ناضت مكانت حتى حاجة تما ولكن مهم اصلا راها فقصر المشعوذين و كلشي هنا عندو شعوذتو..لبسات الملابس الداخلية عاد تبعاتهوم فستان احمر د الموبرة..جلسات فوق كوافوز تما تتمشط فشعرها و تسرح فيه بالمشيطة خلاتو مطلوق و زييناتو بواحد خيط الريح تما من جبهتها حتى تتسمع الدقان فالجناح..شافت فرثوك هازة حاجبها و هو يتبخر حتى ولا قدام الباب على هيئتو الظلية يعني خيال اسود..لقاها بهار...
بهار: قول للآنسة تفضل معايا جلالته تيتسنا فيها للفطور
تبخر رثوك من تما و خبر كوثر لي حطات المشطة من يديها و خرجات لعندها...
بهار: صباح الخير انسة ملكنا طالب حضورك على طاولة الفطور
كوثر: واخاا انا جاية
غمزات رثوك لي رجع لجناحها و مشات لعندو اما بهار رجعات لخدمتها تشوف الخدم د القصر فين واصلين فأي حاجة تتخص تنظيم و الإعتناء بهاد القصر الشاسع...
بقات كوثر غادية تتمشا فالممرات دايزة من حدا الحراس حتى وصلات للجناح و وقفات قدامو تدق فبابو..سمعاتو عاطيها الإذن بالدخول و هي تدخل ضامة يديها و تضور عينيها فالمكان كيف العادة متتيقش فيه ابداا و مادام ربطهاا بديك الطرييقة الوحشية فداك الحيط حتى قربات روحها تخرج من بلاصتها بسبب تعويذتو الا و انه قادر يدير ماكفس و مغيرحمهاش..اما هو كان واقف بشموخ كيف عادتو عاطي بضهرو حتى عرفها معاه فجناحو عاد ضار لعندها كانت تتبان هادئة و ساكتة غير عادتها و هادشي تيدل على حاجة وحدة لبنت بحال كوثر انها تتفكر و تخطط ماشي ساكتة غير هكاك..اشار ليها للطاولة الشهية لي كانت مجهزة من قبل و لي عاد لاحظاتها هي من كترة سهوها و شرودها..قربات من الكرسي لي تهز بوحدو حتى جلسات عليه و قادها مع الطاولة نفس الشيء مع الملك لي ولا جالس مقابل معاها...
الأواني بداو تيتحركو من تلقاء نفسهم حتى تكب للملك الشاي و للمشعوذة الحليب...
كوثر: قول ليا عندك شي مقابر باغي تحصنهم ولا شي مشعوذات تيتفلاو ليك على شعبك؟
شاه صغر فيها عينو اش تتقول هادي واش يتصحاب ليها راها بين البشر ولا شنو اشمن تحصين مقابر ولا مشعوذات ضاحكات على شعبو و هو من تقديمو لنفسو ليها النهار الاول وضح انه حاكم شعب مشعوذين!...
كوثر: غير سولت ماتعصبش عليا تاني
شاه: لازم بهار تشرح ليك مزيان الحالة لي راكي فيها تيبان ليا...
شاه: كيف قلت من قبل هادي مملكتي..مملكة كينتاريا و لي هي مملكة المشعوذين يعني شعبي كاملو مشعوذين و مكاينينش بشر هنا ابداا المملكة بعيدة على حسهم
كوثر: و واش حنا فزمن بعيد ولا نفس الزمن؟فالمغرب ولا فشي دولة خرى؟
شاه: حنا فالقرن 21 نفس الزمن و فنفس الدولة المملكة فقط لي معزولة على هادشي
كوثر حطات صبعها على ذقنها تتفكر: يعني المملكة محاطة بحقل تعاويذ عازلها على العالم الخارجي لي عايشين فيه البشر حياة طبيعية
شاه هز كاسو رشف من الشاي: تماما...
كوثر: امم مثير للإهتمام(هزات فيه راسها)بصراحة فاش عطيت لراسي فرصة نستوعب هاد الوضع لقيت رااسي كمشعوذة مفتخرة بإرثي شرف لياا نكون عند ملك المشعوذيين يعنيي اناا لي كنت بااغية غير مشعوذة أو مشعوذ وااحد نتلاقاه فحياتي بحاالي صدقت تلاقيت بملكهم كااع!
الملك حط كاسو مصغر فيها عينيه بشك مال هادي متقبلاه بهاد السرعة اكيد ناوية على شي حاجة ماشي هادي لي كانت تتغاوت و تركل ليه علاش فرقها على عائلتها دابا ولا عاجبها الحال بين ليلة و ضحاها؟ راه ملك المشعوذين هدا و مغاديرهاش بيه هاد المشعوذة البرهوشة هو لي عاش مئات السنين تيتسنا امتى توصل اللحظة المناسبة باش ياخد مرادو و يحقق مبتغاه..اما هي غير تتشوف فيه و تجبد فعويناتها فكرات ممكن الى تعاملات معاه بطريقة مزيانة غادي تخليه يسرسب ليها شوية على داك الواجب ولا يعطف عليها و يرجعها لحياتها و عند واليديها..هز راسو فيها بحواجبو المنقضة حتى تيتلاقا مع ابتسامة ساحرة مزيينة شفاهها و لمعة تتلألأ فعويناتها تتسناه يجاوبها..داك الجواب المسموم لي كان غيطلقو ليها على وجهها تبلع و لسانو حلف لانطق بيه..داك الجمال كولوو لي كان تيشوفو غير من البلورة السحرية ولا قدامو شخصيا صوتا و صورة فرق كبيير بزااف بين تبقا مراقب شخص تتشوفو غير نتا و بين يكون قدامك تيتبادل معاك اطراف الحديث تشوف ليه فعينيه بوضوح و تسمع ضحكتو عن قرب هادشي لي وقع للملك شاه اليامن دابا فاش خطف المشعوذة منهم...
كوثر مهبطة حجبانها تتفكر:(اويلي مال هدا رثوك قال طبعو تيشبه لطبع بابا و بابا تتقنعو ماما بأي حاجة غير بضرافتها معاه واش زعمة ماصدقاتش ليا معاه؟)
شاه مركز عينيه على عيونها المرتبكة: الليلة غنديك لمكتبتي الخاصة
كوثر: شكرا بصراحة طلعتي ضرييف شوية يمكن غير ماتفهمناش فلول...
خنزر فيها و حدر عينيه مكمل فطورو شنو هادشي تدير ا شاه! الأميرة المشعوذة بالنسبة ليك رووح فقط اشمن مكتبة! عاد كنتي غضور فيها كيف العادة و تراجعتي!اما هي بقات تتاكل بابتسامة محاولتها الاولى صدقات و غتبقا تساايس معاه هكا حتى تخليه يفهمها و يرجعها لعند عائلتها...
فجناح الجواري..و بينما كانو هوما جالسات تياكلو ففطورهم كانت ليساء سادة عليها فغرفتها من البارح بالليل شابعة بكاوات على الملك لي بدلها فالبلاصة بديك المعوجة و ماخداش ليها حقها منها..دخلات عليهم بهار تتراقب بعينيها و ضور على الجواري حتى وصلاتها تبركيكة سخونة بلي ليساء باقة غضبانة و سادة عليها فغرفتها..هزات بهار حجبانها ماعاجبهاش الحال و هي تقصد الباب ديريكت تدق فاش ماوصلها حتى رد حلاتو عليها..لقاتها مكمشة فوق الناموسية عينيها مجلخين بالكحل و طايبين بالبكاا باقة بحوايجها و جالوقها باش وجدات راسها...
ليساء بتعب: مابغيت نشوف حتى واحد
بهار حلات الشراجم حتى دخلات الشمس و وقفات عليها: اش هاد الحالة؟؟واش عارفة اش تديري فراسك؟
ليساء: علااش ماعاقبهااش و بالمقابل عييط ليهاا دوز معااه الليلة لي خاص يدوزها معايا انا!
بهار: واش تتناقشي فأوامر ملكنا؟؟
ليساء: حااشة ولكن رااه تحططمت وحدة دارت فيا ضحكة قدام الجواري لخرين و ماعاقبهااش و من الفوق معييط ليها لعندو؟؟شنو المميز فيها؟؟
بهار: علاه شنو لي مميز فيك نتي حتى وليتي مفضلة عند فخامته؟؟(صغرات فيها عينيها)ماتنسايش بلي مكانة باك العالية فالمملكة لي خلاتو يديرك مفضلتو ماشي حبا فيك
ليساء ناضت مخرجة فيها عينيها: لزمي حدك!
بهار: نتي ا بنت أثير لي خاص تلزم حد حدودها و عيواض تقابلي فالآنسة و الملك سيري قلبي كيفاش تجيبي ليه وريث 5 سنين و نتي داخلة خارجة عندو كل جمعة و ماشفنا والو..حيت الى ماجبتيهش موجودات لي غيقدو عليها و يفوتوها مثلا الآنسة نيت
ليساء زييرات على يديهاا و بدات تتطبخ بالغضب و السم: فالأحلاااااام!!!
بهار: واخا ها حنا غنشوفو اه على فكرة جلالته صبح عليها مرة اخرى و فطر معاهاا
لاحت ليها هاد الهضرة زعمة فهمي راسك و هي تخرج هازة راسها للسما مخلياها غتنفاااااجر بالحقد...
ليساء زييرات على يديها:غير بلاتي مغنخليييكش ابدااا تستولييي على كلشي!!!!...
اما عند كوثر و الملك لي سالاو فطورهم...
كوثر: واش نقدر نمشي دابا؟
شاه: يمكن ليك تفضلي بهار تتسناك مورا البوابة توضح ليك بزاف د الأمور
كوثر حركات ليه راسها بابتسامة و انصارفات اما هو بقا تيشوف فيهاا بنضرات فشكل واتاها الفستان و جا مع جسمها المتناسق..حط يدو المليئة بالخواتم العتيقة فوق وجهو مبعد هاد الأفكار من دماغوو ماشي هكا تيفكر ابدااا ولكن وقتما تتكون قدامو تتبدل فيه شحال من حاجة بلا هوااه واش هاد السنين كاملة لي هو مراقبها فيهم كانو كافيين يزعزعو مبتغاه؟؟...
اما كوثر كانت مع بهار غاديين فالممر خارجين من تما...
كوثر: قال ليا الملك بلي غتوضحي ليا شي امور
بهار: اه ا انسة نتي جديدة على قصرنا و باقي خصك تعرفي شحال من حاجة عليه
كوثر: غير جاني الفضول حيت بانو ليا بزاااف و قلت اويلي راجل واحد و بزااف د البنات واش ماعندهمش عائلة ملي هوما عايشات فالقصر؟
بهار: تربية المشعوذين مامأسساش على مبدأ العائلة ماشي بحال البشر بحيث الواليدين هنا ماهم الا وسيلة للولادة و التكاثر و من بعد تعليم الشعوذة و تمرير إرثها عبر الأجيال ماعندناش دوك المشاعر العائلية لي عند البشر
كوثر بدهشة: اااااه قولي داكشي علاش الملك ماكانش مسوق ابداا لبعدي عليهم يعني..!!
بهار: مافاهمش اهميتهم عندك و ماعارفش احساسك من جيهتهم مغيحسش بيك غير لي فاهمك ولكن فهاد النقطة حتى واحد فالمملكة مغيفهمك
كوثر:يعني جدتي الباتول واش تزوجات و ولدات صاافي ماعطاتش الحب و الحنان لوليداتها ولا حسساتهم انها امهم و هوما وليداتها؟؟
بهار: راها مشعوذة و كيف قلت ليك راه المشعوذين كاملين هكا
كوثر: هادشي غريب صراحة انا عشت وسط حب كبيير ماما قدمات ليا كاع الحنان لي تقدر تقدمو اي أم لوليداتها و بابا قدم ليا الأمان لي يقدر يقدمو اي أب لوليداتو
بهار: ايوا راكي محظوظة بهادشي
كوثر: يعني دوك الجواري خلاو دارهم و عائلتهم و دابا عايشين عاادي فقصر الملك؟
بهار: بالنسبة للجواري راه ماشي عبيد ولا خدم..جواري الملك عبارة على هدايا مقدمة لجلالتو من طرف ابائهن لي هوما كبار القبائل و اصحاب المناصب فالمملكة
كوثر: اممم داكشي علاش كانو تيبانو مختلفات على الخدم و ديك المعوجة لي عاجبها راسها؟؟
بهار: هاديك ليساء بنت النبيل أثير هو نبيل من نبلاء المملكة حاليا و سابقا وزير أول لمملكتنا قدم بنتو كجارية مقابل يزيد الملك فمنصبو و ملكنا قبل يمكن غير باش...
كوثر: باش اش؟؟؟
بهار شافت فالحيوط و دورات عينيها فالمكان بارتباك: هي قصة قديمة بزاااف و رغم موتها بقات حية فالقلوب
كوثر بتسائل: ياكما القضية فيها البنت لي فالتابوت؟؟
بهار بدهشة: اشمن بنت فتابوت؟؟؟
كوثر تتفكر البنت: كانت بنت زوينة شعرها طويل و لابسة حوايج بحال فستاني لي كنت لابساه اول مرة و لي قالت ليا واحد ختنا(وجدان) بلي ديال العريسات كانت محطوطة فتابوت متتحركش ولا تتنفس يعني ميتة
بهار حطات يديها على فمها واش بصاح الشائعات لي كانو تيضورو على مدار السنين انه الملك باقي محتفظ بجسدها تكون صحيحة؟؟...
بهار: فين شفتي هادشي؟؟؟
كوثر: الملك كان جابد كتاب باينة كتاب تعاويذو الخاص و استعدى تابوت البنت و بقا تيقرا فتعويذة خلات روحي شوية تخرج من بلاصتها
بهار حطات يدها لي تترعد فوق فمها مامصدقاش اش تتسمع واش الغااية من وجوود هاد الآنسة فالقصر هي....
كوثر: واش عندك شي معلومات على شكون هاديك البنت لي فالتابوت حيت نتي قلتي انك رئيسة الخدم و لاحظت انك قريبة من الملك؟
بهار بلعات ريقها تتهرب نضراتها المرتبكة: ل لا اجي معايا خصني نوريك قاعات خرين فالقصر مزال ماوريتك د الحفلات و المناسبات الملكية
كوثر شافت فيها بشك: واخا..قولي ليا عندكم شي حاجة خاصة بالشعوذة فالقصر؟
بهار: شنو قصدك بالضبط؟
كوثر: يعني مكان خاص تيتقامو فيه الطقوس ولا شي حاجة بحال هكا مثلا انا عندي قبو فقصرنا هو لي كنت تندير فيه كلشي
بهار: كاين هادشي ولكن خاص بكل واحد اما شي حاجة كبيرة فراه ديال الملك ماشي حنا
كوثر: يعني نقدر نمارس شعوذتي عادي هنا؟
بهار: اكيد ا انسة كاينة غرفة صغيرة فجناحك فيها هادشي
كوثر: مزال ماقلبتو كاملو(تفكرات شي حاجة)على ذكر الجناح بغيت نسولك شكون حط ليا حوايجي لي لابسة دابا هاد الصباح فوق الناموسية فاش نضت للحمام؟
بهار ماعندها حتى فكرة: ماعرفتش ا انسة ماشي انا
كوثر باستغراب: و شكون؟
بهار: حتى واحد مغيتجرأ يقرب من جناحك ا انسة من غير ملكنا طبعا راك شفتيني متندخلش ابدا فقط تندق و نتسنا خروجك
كوثر خرجات فيها عينيها: اويلييي واش السييد تيعززل لياا حتى فالحوااايج على كانتو؟؟؟؟
بهار طلعاتها و هبطاتها بصراحة هدا ذوق الملك تيعجبو الحمر بزاف و منطقيا الهضرة كلها جات تتبت الفعلة عليه...
كوثر: عرفتي شنوو الى سمحتي وريني ديك الغرفة لي فجناحي و من بعد ديني لدوك القاعات لي قلتي
بهار: علاش مانديروش العكس ا انسة؟
كوثر: مافياااش غير خليها لبعد الغداء
بهار حركات ليها راسها بالموافقة و مشاو لجناحها...
فالفندق المتواجد فوق مسرح المدينة لي خدامة فيه وجدان و عائلتها..كانت جالسة فبيرو فغرفتها و راسها محطوط فوق الطاولة وسط الاوراق و الكتب السحرية باينة داها النعاس تما بعد ليلة طويلة حتى تتسمع صوت تيليفونها فييقها من النعاس..حلات عينيها دقة وحدة و هي تجاوب بتعب...
وجدان: الوو
سالار صايك للخدمة: صباح الخير لباس عليك؟
وجدان تتفوه: لبااس و نتا اش تتعاود؟
سالار: لباس عليا من صوتك باينة عيانة
وجدان تتحك شعرها و تكسل: سهرت الليل كاملو تنقلب على شي حاجة والو هاد ملك المشعوذين خطير قطع صلة ختك بالعالم الخارجي رغم الرسالة لي سيفطات
سالار تنهد: يعني مالقيتي حتى حاجة؟
وجدان بخيبة امل: للأسف سحري مانفعني بحتى حاجة(تترد شعرها للور) تمنيت كون نقدر نزيد نعاونكم ولكن يااريت غيير شي خيط يوصلنا ليها من غير ديك الخريطة لي امك الوحيدة لي تتفهمها
سالار: مهم وجدان رتاحي دابا و نعسيي من بعد نتلاقاو و ندويو فهادشي واخا؟
وجدان:واخاا طهلا فراسك
قطع عليها و كمل طريقو لخدمتو اما هي تلاحت ديريكت فوق ناموسيتها تنعس مقادة بحال الناس ماراداش البال للريح لي دخلات فجأة من النافذة قالبة صفحات كتاب تعاويذها الخاص حتى وقف فصفحة المرحلة الثانية من مراحل القمر و لي هي هلال الصبح...
وصل الليل و المشاعل تشعلو من تلقاء نفسهم فقصر الملك شاه و فجناح كوثر كانت هاد الأخيرة جالسة تتقاد فشعرها قدام الكوافوز و رثوك جالس فوق الناموسية تيشوف فإنعكاسها من المرايا...
رثوك: تيبان ليا ملكنا بدا تيتبدل غير بهاد جوج كلمات ديالك انا كنت متأكد بلي هاد النوع غتدخليه غير بالضرافة ماشي قووة الفهامة
كوثر: هاي هاي على رثوكي وليتي من قرين لخبير فالعلاقات الديبلوماسية و السوسيولوجية
رثوك هز كتافو: القرين ماعندوش احاسيس أو مشاعر ولكن العشرة ديالي معاك خلاتني نفهم بزاف د الحوايج و نكتاسب بزاف ديال التجارب حتى من المشعوذين القدام لي تنعرف
كوثر ضارت لعندو تتقاد شعرها المطلوق على جنب: شعور انه غيجي واحد النهار و نموت و نتفارق معاك تيطييح عليا الضيم
رثوك: غتكون ديك الساعة اول مرة نبكي فيها فحياتي الى متي..ولكن ماتخافيش غنبقا ديما حدا قبرك
كوثر غرغرو عينيها: شهاااد الدراااماا(ناضت عنقاتو) يالاه قفلت 20عام و تندويو على المووت
رثوك تيشوف فالسقف و تيقول فخاطرو: (تنقول هاد الهضرة حيت كانت غتوقع..و فهاد ال 20عام اي نهار فيها ممكن يكون اخر نهار ليك فهاد العالم...)
مسحات كوثر دموعها فاش وصلها خبر طلب الملك ليها و هي تنوض تتدوز فصبيعاتها تحت من عويناتها غادية لعندو..فجأة حبسات فالممر فاش لقاتو واقف تيتسناها لأول مرة تشوفو فبرا الجناح ماشي فداخلو..قربات منو تتحنحن رامقاه بنضرات متفحصة و مستغربة واش زربان يوريها المكتبة ولا شنو...
كوثر: احم ضنيت انه حتى ناكلو العشا
شاه: لا قبل
كوثر: واخا
شاه جمع يديه مورا ضهرو و تقدم للأمام بكل فخامة و هي جارة جلايل فستانها ضامة يديها لعندها و مواكبة مشيتو حتى خرجو من تما لبوابة خرى..اكتفى الملك فقط بلمسها و هي تبدا تحل قدامهم حتى بانت مكتبة كبيييررة برفوفهااا الضخمة و كتبها الكثيرة و ديكوراتها العتيقة...
كوثر: هادشي منظم بزااف عمرني شفت هاد الكمية كلهااا د الكتب رغم انني عايشة فقصررر
شاه: حاجة طبيعية يكونو كاملين هاد الكتب عند ملك المشعوذين
كوثر ضارت لعندو: احم قول لياا فكرتيني فاش قلتي كتب فمن شحال هادي حاولت انا و قريني نستدعيو روح جدتي دابا نتا ملك المشعوذين عطيني رأيك على سبب فشل داك الإستدعاء و واش انا ماشي قوية كفاية لهادشي؟
شاه تفكر هادشي حيت كان مراقبها طول الوقت و عارفها شنو تدير طول هاد السنين و السبب فداك الفشل حتى هو عارفو: نتي مشعوذة قوية..و فشل داك الإستدعاء ماعندو حتى علاقة بقوتك
كوثر بابتسامة: و شنو السبب اذن؟
شاه هز راسو بصرامة: حيت ديك الروح مقيدة و مايمكنش ليها تولي حرة الا بموافقتي انا...
كوثر اختفت ابتسامتها: كيفاش الا بموافقتك؟؟و علاش روحها مقيدة اصلا؟
شاه عقد حجبانو: داكشي بيني و بينها!
كوثر قربات منو هازة حجبانها: ولكن هادشي لي تتقولو راه خطير! راه جدتي هاديك و من حقي نعرف(تفكرات بهار فاش قالت انه ماعندهومش مشاعر اتجاه العائلة و هي تسكت حيت مغيفهمهاش ابدا)
شاه دازها و تقدم بخطواتو الثقيلة: ماعنديش الوقت بزاف تفضلي الى بغيتي تشوفي الكتب المتبقية...
بقات كوثر واقفة مزييرة على يديها و هي تضور تبعاتو تكمل استكشاف المكتبة الكبيرة ولكن عقلها مكاينش ابداا فهاد العاالم تهزز تيفكر فهاد قضية روح الباتول المقيدة و بموافقتو هو فقط قادرة تحرر حتى وقفاتو بكلامها...
كوثر: و شنو لي خاص باش توافق تحرر روحها؟؟
شاه ضار عندها بالعرض البطيء هاز حاجبو توقع هاد الكلام من كترة ماحفظ شخصيتها: الواجب...
كوثر بدهشة: الواجب عندو علاقة بجدتي؟؟!!
شاه: كيف قلت من قبل بقات دابا 6 ايام و تعرفي بشكل نهائي
كوثر: امتى غير يساليو هاد ليام مابقيتش قادرة نستحمل هاد الواجب قتلني بالفضول ولكن حاسة انك غتربطني تاني و تعلقني
شاه: هاد المرة لا غاديري عقلك!
كوثر حدرات راسها فالأرض تتفكر و هي تكمل مشيها جهة شي رفوف تلقائيا من نفسها حتى جبدات واحد الكتاب: ممكن نسلف عندك هدا نقراه؟
شاه قرب منها حتى شدو غير قرا عنوانو و هو يهز حاجبو باستغراب..كوثر لاحظات هادشي و هي تردد: الى مابغيتيش ماشي مشكل
شاه ساهي: ه هدا...
كوثر: شنو؟ واش جاك غريب مشعوذة من العالم الخارجي تكون مهتمة بتاريخ المشعوذين مع السحرة؟
شاه: لا غير..(بدل الموضوع)خوديه و صافي!
كوثر ضمات الكتاب لعندها: شكرا ليك فخامتك
شاه ضور عينيه دغيا فالمكان حتى رجع و استقر نضرو عليها كيف كانت ضامة الكتاب نفس الشدة و نفس الهزة هادشي بحال الى شافو من قبل و تيتعاود قدامو ولكن ماشي مع نفس الشخص...
كوثر لاحظاتو قداش مطول تيشوف فيها و السييد ساهي: فخامتك؟
شاه: احم وقت العشاء دابا
كوثر: واخا شكرا على هاد الجولة الخفيفة
حرك ليها راسو و خرجو من تما راجعين للجناح الملكي كانت الطاولة جاهزة و تعشاو مع بعضياتهم فجو صامت..كوثر غير ساكتة على خزيت و هاد الواجب غير مازايد تتكبر اهميتو عندها و خصها ضروووري تعرف اش تحت راس الملك اما هاد الاخير كان ساهي فماكلتو واش هادي صدفة و القدر تيكرر لحظة عاشها من قبل مع شخص مابقاش موجود؟ ولا هاد المشعوذة ولات تأثر فيه بزاف...
فالمسرح عند وجدان..داز نهارها عادي فقط فالنعااس و من بعد ناضت ديريكت وجدات راسها دارت تداريبها اليومية و دوزات بقية وقتها مع عائلتها حتى تعشات معاهم عاد رجعات لغرفتها..جلسات ديريكت فالبيرو كيفما خلاتو فالصباح فاش تلاحت نعسات حتى تتلمح تغيير بسيط و لي هو كتاب تعاويذها لي كانت متأكدة انها مامخلياهش فهاد الصفحة..فجأة طاحت فبالها فكرة و هي تهز تيليفونها صونات على سالار...
وجدان: الووو سمعني سمعنييي
سالار بدهشة:شنو اش واقع؟؟؟
وجدان: سمعني مزياان جات فبالي فكرة ك ساحرة قمر و لي هي نستغل المرحلة الثاانية ديال القمر لي غتكون بعد 6 ايام فأنني نلقا ختك
سالار: و كيفاش غاديري هادشي؟
وجدان: فليالي مراحل القمر تتزاد قوة سحرة القمر بفضل ضوء القمر و الطقوس الخاصة لي تتم فكل مرحلة و هادي لي جاية سميتها هلال الصبح و هي مرحلة تيكون فيها التركيز على التفاصيل..طااقة جديدة و التصور ديال المرحلة الاولى لي فاتت يعني القمر الجديد
وجدان: باختصار ختك ديجا خضعات لطقس المرحلة الاولى و ديجا جسمها تشرب ضوء القمر فالليلة لي كملات فيها داك الطقس معايا يعني فالمرحلة الثانية ديك الطاقة غتنشط تااني و غادي نقدر نستشعرها!!
قطع عليها و هي تجبد فوق الكرسي تتكسل: لي مزال مابغا يتفهم ليا لحد الآن كيفاش مشعوذة قدرات تخضع لطقوس سحرة القمر و هي مشعوذة ماشي ساحرة!....
فلغد ليه...
و بعد الفطور الملكي كيف العادة..الملك ولف هاد القاعدة فهاد الايام القليلة انه تفطر و تعشا معاه بهاكاا غيقدر يشوفهاا قبل مايوصل اليوم المنتظر..دابا بقات 5 ايام ل ليلة المرحلة الثانية من مراحل القمر تحت اسم "هلال الصبح" نفسها الليلة لي باغي الملك يفصح فيها عن الواجب أو بالأحرى يخليها تطبقوو و حتال هاد اللحظة مشعوذتنا مسجونة بين أسوار القصر تتسنا فشي خيط يعاونها ولا يوصلها لهاد الواجب و ترجع لحياتها الطبيعية وسط من عائلتها...
شاه حط الفورشيط و الموس فوق التبصيل و مسح فمو بالسريبتة بلباقة: قريتي الكتاب ولا مزال؟
كوثر طلعات فيه راسها: مزال مابديتو ولكن اليوم ناوية
شاه: علاش ختاريتي هداك بالضبط؟؟
كوثر رجعات خصلة من شعرها لوراء ودنها: ماعرفتش الصراحة حسيت انه هو الكتاب المناسب..و تنظن حتى بغيت نعرف علاش السحرة و المشعوذين عندهم هاد الضغينة بشكل غريزي و واش مايقدروش يتجاوزو هادشي كاملو و يعيشو مع بعض
شاه سد عينيه شوية و حلهم: نهار فاش تخلق جنس السحرة و جنس المشعوذين اول مرة فهاد الكوكب كانو مع بعض اصلا
كوثر بدهشة: و علاش دابا متيتحاملوش؟؟؟
شاه: فالسابق كانت المملكة بإسم مملكة السحرة و كانو عايشين فيها المشعوذين على أساس انهم صنف خاص من السحرة ولكن طبيعة كل واحد فيهم مختلفة على الاخر و ماقدروش ابدا يتعايشو و يستمرو مع بعض داكشي علاش تفرقو و بقات مملكة السحرة فيها غير هوما فقط و تنشئو ممالك المشعوذين من بعد..كيف هو معروف السحرة عامة عندهم السحر الأسود محرم و عقاب ممارسه الموت اما المشعوذين فكان عندهم حاجة اساسية و عادية جدا..السحرة تيجري السحر فدمائهم بالوراثة و المشعوذين تيتعلمو الشعوذة عن طريق الوراثة التطبيقية و ابسط مثال نعطيه ليك هي نتي و امك..امك نصف مشعوذة و نتي كذلك الفرق لي غيبيين ليك شنو قلت هو امك بقات وريثة عبر الأجيال فقط و كملات حياتها بحال البشر نفس الحاجة وقعات معاك فالاول ولكن نتي اكتشفتي الإرث و تعلمتي للشعوذة حتى وليتي مشعوذة كاملة...
كوثر كانت تتسمع ليه باهتمام كانت هادي اول مرة يدوي معاها بشكل مطول ولا يشرح ليها فشي حاجة بهاد الدقة طول الوقت كان غامض و عاطيها جوج كليمات بالنفخة ولكن هاد شاه لي تيشرح ليها و يعطيها معلومات حسسها بالراحة خصوصا انها فقرارة نفسها عارفة انه ملك المشعوذين يعني عارف كلشي و تيتعتابر هو اعلى شخص معرفة و حكمة فالشعوذة و هادشي تيخليها محظوظة المحظوظين حيت الملك متيجلسش ولا يدوي مع مينما كان ابداا طول السنين و هو شخص معزوول...
شاه لاحظ سهوها فيه و هي تتبتاسم ليه و عينيها المجبدين تيلمعو..توقف على الكلام تيتأمل فوجهها الجميل و تفاصيلو الفاتنة من عيونها الساحرة الى شفاهها الممتلئة الوردية...
و بدون شعور بدات يديه تتحرك حتى تحطات فوق يديها الرقيقة الرطبة مفييقها من سهوها حتى سمعاتو نطق بهمس: براعة...
كوثر تبدلو ملامحها فاش سمعاتو ناطق بإسم شي بنت و هي تهز حجبانها بتسائل: براعة؟؟ واش عارفني اش تندير و ماعارفش سميتي؟! انا سميتي كوثر
الملك هرب يدو من فوق يدها عاقد حجبانو و ناض عاطيها بضهرو غادي للبالكون شنو هادشيي تيوقع ليك ا شااه كيفااش تهورتي حتى نطقتي اسمهاا قدام بنت خرى! واش تتشبهها بيها؟؟لا اكييد مايمكنش هادشيي الوحيدة لي سلبات عقلو و رووحو و غتبقاهاا مايمكنش تجي حتى وحدة بلاصتها ابداا!!...
كوثر ناضت تبعاتو: واش البنت لي فالتابوت هي لي سميتها برااعة ياااك؟؟؟
شاه ضار لعندها عينيه حمريين فاش سمع كلامها و بغضب نطق: رجعي لجناااحك!!!
كوثر راسها قاصح: غيير قوول ااه راه باااينة بااينة قدااش مهمة عنددك هي مييتة ياااك و بغيتينيي نعااونك باااش...
شاه غوت عليهاا حتى تزعزعو الحيوط: براااا!!!!!!
كوثر عقدات حجبانها بغضب و زييرات على يديها: ززدتيييي فيييه ماتغوووتش عليااااا اااالى كنتييي مللللك راااني أميرةة و خصصصك تدير هادشي بعييين الاعتباااار!!!!!
شاه بحالا كبات عليه ليصانص: مانشوووفكش قدامي دابااا!!
كوثر معصبة: قااالك ملك عاادل نتاا الظلم بعينيه!!!
خرجات من تما دافعة باب الجناح بالجهد حتى تهزو الحراس مندهشين و كملات طريقها تتجري فالممرات حتى تلاحت فجناحها فين كاين رثوك و لي قرب منها مستغرب...
رثوك بقا غير تيشوف قداش معصبة و تترعد عليه تما خلاها على خاطرها حتى تبرد: واخاا حتال من بعد...
داز الصباح و وصلات وقت الغداء فقصر عائلة الفارسي كانت هاجر جالسة مكمشة تتشوف فالنقطة الخضراء لي فالخريطة و لي تتمثل بنتها فأرض الواقع حتى دخل عليها بيجاد راجع من الخدمة...
بيجاد جلس حتى باسها و حط يدو على يدها: باقة تتشوفي فهاد الخريطة؟
هاجر تنهدات: اه عمرها تحركات من داك القصر غيكون حابسها فيه داك ملك المشعوذين
بيجاد: ديك الساحرة قالت بلي من بعد 5 ايام غتقدر تلقاها بشي طريقة
هاجر: علاش حاسة انه هادشي مغيصدقش!
بيجاد خشا صباعو فشعرها و تحنا شاد وجهها بين يديه: ماتقوليش هادشي واخا نعرف نهدم عليه داك القصر!(عقد حجبانو) الى كان ملك راني ابن ملك و أمير الأمراااء!!و بنتي ماشي ساهلة ليه ابدااا!!!
هاجر تنهدات بعمق و اكتفت بتحريك راسها بالإيجاب ماعارفش لحد الآن انه أميرتو الحبيبة مشعوذة من الطراز الرفييع و غير الباتول فأياماتهاا...
بيجاد شدها من ذرعانها منوضها: دابا نوضي نتغداو بنتنا غترجع لينا و نرجعو ناكلو كاملين فطبلة وحدة
ناضت معاه شادة فيديه مخلية الخريطة فوق الناموسية...
فالليل..طاح الظلام فمملكة كينتاريا مملكة المشعوذين و كوثر باقة سادة عليها فجناحها...
رثوك: و دابا فاش تهدنتي تقدري تعاودي ليا مالك؟
كوثر شافت فيه مخنزرة: داك الملك غالط بزااف سمعتي غاالط بزااف الى تصحاب ليه صافي الى ضرافيت رااني تحت رجليه
رثوك: راني عارف عارف داك الراس تيفكر فشي حاجة غير مسايراه مهم انا تنسمعك
كوثر مشات حلات البالكون حتى دخل البرد محرك الستائر الخفيفة و طلات منو تتبان ليها الأرض بعيدة..وقف رثوك موراها تيقرا حركاتها بسهولة و هو يرفض فالبلاصة...
رثوك: لا لا لاا ماتفكريش فيهااا
كوثر ضارت لعندو عاقدة حجبانها: تنآمرك تحول لطائر كبير!!
رثوك: مانقدرش راه حقل التعاويذ مانع عليا نخرج من القصر
كوثر: واخا ماشي مشكل بقا نتاا هنا عند فخاامة ملكك العظييم و انااا(هزات عليه صبعها)غنرجع لقصرناا بزز منكم كامليين!!
رثوك حط يدو على راسو: راه هادشي ماعندو حتى فائدة غتزيدي تخليه يتعصب و ممكن يرجع يعلقك!
كوثر: ديك التعليقة احسسسن من تعاملو!!!
عطاتو بضهرها و بدات تتقرا شي تعاويذ...
رثوك: كوثر نتي ذكية ماطيحيش فهاد التهور بسبب غضبك من الملك
كوثر: المحاولة مزياانة ماشي نتسناااه هنا حتى ترشق لييه و تفوت هاااد 5 اياام ديالو لهلا تفووت و داك الوااجب يااكلو غنرجع لدارنا اناا غنوريه شنوو تنسوااا واخا كتاب تعاويذي مامعاياش دابا ولكن حافظة نص التعاويذ لي فيه
هزات جلايل فستانها عقداتهم مع خصرها حتى ولا فستان قصير حد الركبة و طلعات فوق الحافة د البالكون و شفاهها ماحبسوش من ترديد التعويذة..ضارت شافت فرثوك لي هاز فيها راسو بقلة حيلة ماعندو مايدير راسها قااصح دوا حتى عيا و مايمكنش يغيير رأيها..ضارت شافت فقدامها و هي تطيح من داك العلو حركات يديها و سرحاتهم فالهوا و هي تبدا تهبط بشوية متحكمة فجسمها بحال كيف تتحكم فالأشياء و كيفما هزات دوك جوج عيالات د المقبرة و ليساء حتى هي حتى تحطو رجيلاتها فوق الأرض بهدوء..ضورات راسها فالمكان و هي تبدا تجررري متتلفتش موراها خصهاا تهرب من هنا بأي طريقة خصهاا ترجع لعند عاائلتها و الملك و الواجب دياالو يعاودو لراسهم!..فالبالكون كان رثوك واقف تيشوف فيها تتبعد و غادية داخلة وسط الاشجار و الربيع حتى مابقاتش تتبان ليه و اختفى اثرها قدام انضارو...
رثوك: فانتظار الملك يحس بغيابك و ترجعي لنقطة البداية...
فنفس الوقت فجناح الملك لي كانو الخدم تيستفو ليه عشائو فوق الطاولة و ينظمو فيها حتى فجأة بدات قلادة الساعة الرملية الحمراء تتلمع و تضوي و دايرة حركة فعنقو..عطاهوم بضهرو جابدها و هو يحس بشي حاجة ماشي هي هاديك مشا ديريكت لبلورتو السحرية يشوف اش واقع فجناح المشعوذة حتى تيبان ليه غير قرينها لي كاين و هالتها منعدمة تما..شاف فجميع ارجاء القصر ولا اثر ليها..عقد حجبانو بغضب و هو يخرج من الجناح معصب...
عند كوثر لي كانت تتجري و تقول ماجريت مزال مابغات هاد البوابة الخارجية تبان ولا شنو؟وقفات شوية ضورات راسها فالمكان مكاينش الحس د الملك بعدا يعني غتقدر تهرب من هنا قبل مايلاحظ غيابهاا يالاه غتخطي الخطوة الاولى للأمام جامعة الطاقة تجري حتى تتلقاه حيط واقف قدامها نافخ عليها صدرو..معلي راسو و مرجع يديه مورا ضهروو بسيفتو لي متتبشرش بالخير...
شاه بغضب: الاختياار ماااشي بين يديك ابدااا!!!نتييي دورك فهاادشي التطبييق فقققط!!!
كوثر: انااا ماشي مونييكة بيين يدييك باش تقوول هادشيي انااا كوثر الفااارسي تحدييت كلشي بااش نكوون مشعوذة محافظة على ارثهاا رغم بابااا لي متيحملش هاادشي بقيت متشبتة بإرادتي و عزيمتي القوية غادية و تتزاااد و مغتجييش نتااا ا فخامة ملك المشعوذيين تحدد قدري بنفسك!!!
شااه وصلات فيه العظم المشكلة هاد البرهوشة ماعارفة والوو و تتنطق بشي حوايج كون شي واحد اخر قالهم يطير راسو من بلاصتو فالبلاصة...
كوثر: و داابا رجعنييي وا صااافي عرفناااكم متتعرفووش شناهياا العاائلة و لكن تحبس شيي واحد عندك ماابااغيش رااه سميتووو اختطااف!!!
شاه: تجاااوزتي حدووودك!!!!كلامي متيتعاااودش و نتي خليتيني نعاودو شحاال من مررة نتي هنااا على قبببل حاااجة خصهاا تحقق ماعندكش اختيااار ولا شروووط نتي هنااا تطبقييي بالسكاااات و ترضاااي بقدرررك سمعتييي
كوثر: وااخاا و شنو هو هاااد القدر؟؟؟!!!
شاه: بغيتييي تحرري رووح جداك العزيزة غتتسكتي و تحدريي داك الراااس و دوك العينييين حتى يوصل اليوووم الموعووود
كوثر يالاه بغات تقول حاجة صدقات تلعثمات فاش دكر روح الباتول: شنو داارت حتى قييدتي رووحهاا؟؟؟(شدات راسها لي تيضرهاا بالغوات)واا قووول راه غنتسطااا
شاه عطاها بضهرو: قلت ليك بيني و بينها!!!
كوثر جرات حتى جات قدامو و شداتو فذرعانو تتحرك فيه ولا واش تململ تقول حجرة و هي كي الكميشة قدامو: واراااه جدة هاااديك وااراه تيهمنييي هادشيي براااكة من هاد البرووود كاملووو
شاه خرج فيها عينيه بدهشة شنو تدير هادي شنو هاد الزعامة كاملها حتى تقرب منو و تشدو من ذرعانو...
كوثر تتسنااه يجاوبهااا بواحد النضرة من الأمل: شنووو لي خصنيي نديروو باش تحرر رووحهااا؟؟؟
شاه بقا غير تيشوف واش هادي حمقة..مسطية..بهلة شنو مزال؟؟؟حطمات ابعد الحدود معاه و باقي تتزيد فيه...
كوثر طلقات منو بفقدان امل:مغتقولش ليا ياك؟
شاه سكت اكيد مغيقول ليها والو و الا مخطط هاد السنين كاملها غادي يفشل بسبب هاد المشعوذة العنيدة لي مافاهماش خطورة الوضع...
كوثر بعدات منو: عييت منك و من واجبك و من قصرك و من كلشي الى مغترجعنيش لعند عائلتي تنفضل نمووت ولا نبقا معاك مزال هاد 5 ايام حتى هي..بسببك تنحس بالضعف و ماقادرة ندير حتى حااجة انا لي كنت على طبيعتي و حريتي جيتي نتا قلبتي ليا حياتي سفاها على علاها اش بغيتي عندييي نتا و الوااجب ديالك(حسات بالتعب)بسبابك واليدياا غيكونوو مشطونين و القصر مقلووب..بسبابك...
فجأة بدات تضور بيها الدنيا حتى سخفات كونما شدها بالزربة كانت غتجي طايحة فالأرض..هزها حتى حطها فوق سريرو الملكي و جلس بجنبها..عمرو شافها سخفانة من قبل غتكون عيانة من الجرا و كترة الغوات فاش طاح هادشي فبالو عاد استوعب قداش كان مراقبهاا من صغرهاا لدرجة شاف شي مناضر مكانش عليه يشوفهم ولكن كلشي فسبيل تكون واجدة و مستعدة تطبق الغاية من ولادتها و عيشها فالأصل..كان بإمكانو يقول ليها كلشي و تطبق بالسكات ولكن ذكائو مغيسمحش ليه حيت اسهل طريق باش تستغل انسان هي ماتقولش ليه على شنو بغيتيه ولكن هاد المشعوذة عنادهاا غيسطيه و الى استمرت هاكااا ممكن يتدخل بقوتو و يخليهاا خاضعة بزز منهاا و يسلب ارادتها الخاصة منها!..ناض من حداها ماباغيش يزيد يطول فيها الشوفة مزال كاع داك الغضب لي تتركبو فيه بصداعها و وقاحتها تيختفي فهدوئها و سكونها و هادشي تيخليه يحس بحوايج ماباغيش يحس بيهم ابدا...
مشعوذة الملك الجزء الثاني
محتوى القصة
التنقل بين الأجزاء