بهاد الكلام الي قال انتهى حديثهم فقط بوصول اسامة الي قاطع حديثهم والي رسلاتو يامنة يعيط لياسين باش يجيو حداهم مجموعين على مينة مهزوزة فالعمارية ...مشاو بثلاثة دخلو وسط المجمع واغنية الف هنية وهنية كتسمع فارجاء المكان من صوت الاوركيسترا الي كان معروف فالمغرب حيا ليهم حفل الزفاف ...حطوها ووجهاتها نگافة لبرزة الي كانت كبيرة مزينة بالابيض والذهبي مرشوش ومطرزة وحتى انها مزينة باحجار لامعة فحال الكريسطال برزة نقدرو نقولو ملكية خاصة بالعرسان ....
رياض كان بحلة بلدية جلابة بيضة وتحت منها فوقية وبليغة صفرا مزيناتو بعريس مع الحروشية الي فالملامح ديالو حجبانو الغلاض ولحية السوداء والعينين مشفرين وكحلين تقولي مكحل سبحان من زين وجهو راجل كامل مكمل فزين وطبعا ناس اذواق ...ركب فالعمارية حتى هو شوي ونزلوه ومشا حدا مينة جلسو ...
رياض"قرب ليها حدا وذنيها" : تبارك الله على مرتي زينة البنات ...
رياض : مبقا قد ما فات نيشان من العرس لفاس لوطيل ومع لوحدة عندنا طيارة ...
مينة : هممم هاني صابرة ...
رياض"هز ايدو وحطها ليها على ايدها طبطب عليها وسرح صباعو الخمسة تا خشاهم بين صباعها شابك ايديهم وضغط عليها وبقا شادها ليها فوق ركبتو " : احسن ليلة من بعد ليلة لاكط ...
مينة : احسن ليلة عشت ...
رياض : ان شاء الله ليالينا كلها افكار مع مشاكل طعم الحياة الزوجية ...
مينة : الله يحفض من المشاكيل ...
رياض "غمض عين وعين حلها" : وضرووري من تعطلتي نسيتيني ويجيو الولاد وتنسايني نتي وعلاش مبقيتيش كيف كنتي و و ...الخ ...
مينة "وركت ليه على صباعو بجهد تا عض شنايفو " : الي نطولوه نقصروه ماحدنا هنا نيت مزال ممشيتش معاك ...جمع راسك من ديعان فالليل وتعطال ...
دازت اللبسة اللولة ومشات مينة دخلات لداخل لبيت الي ديال نجود هو فين كاينة نگافة باش تلبس اللبسة ثانية والي هي عبارة عن قفطان بوردو بالاكسسوار ديالو وتاج ذهبي على راسها وتغيير طفيف فالميكاب مناسب لقفطان الي غاتبلبس ...
اما في جهة الحضور في طابلة فيها ناس معارف ومن جيران طوابل كانو مزينين بالابيض وشرائط فالازرق كيبريو وطابلة ناب كبير بيض وسط منو شريط طوييييل ديال ساتان فالازرق وفاز كبير زاج فيه بوكي دالورد الاحمر والابيض ...
هاجر"بقفطان صومو وشعر مصايب مبركلي على طولو وميكاب خفيف ...دارت خصلات من شعرها ورا وذنها كتشوف ف صوفيا الي كتهضر فالفون تاهي ضاربة ليا حطة بقفطان موڤ بارد وشعر تاهي مصايب غير هي خلاتو سامبل مع الگصة ...كتهضر فتيليفون ومعصبة ...
صوفيا : وااا عطيهم الخدمة ديالهم ليلة تكون عندهم ا سهام ماشي سوقي الكلمة هي الكلمة ...وااا قفاطنهم اسهام را ناس عندهم العرس غذا فالعشية وغادين لمراكش ...تت اه ديهم دابا ...انا صباح عندي قراية فالعشية مغانلقاش كيفاش ندير رطموبيل غاديا بيها هاجر لخدمة غاتديني معاها ...ماس...قطعي تال بلاتي ونعاود نعيط ليك ..."حطات الفون "
هاجر : مالها ؟
صوفيا : ناس قفاطنهم وجدو وهي تهاونت مشات طلعت لفاس ضارت تا عيات وجات فحالها وخلات ناس كومند ديالهم كيتسناو فيها ..كتفقصني كيبان ليا نتفاهم معاها ...
هاجر : شوي وعيطي ليها شوفيها واش داتهم سي نو ديهم ليهم نتي ولا نمشي انا نديهم ...
باللبسة الثانية دخلات مينة بصلاة وسلام على رسول الله وعيساوة خدامين ...ورياض بلبسة كلاس بقميجة بيضة وكرافاط كحلة رجع فيكسا شعرو بجيل وطلعو لفوق جاو فاطلالة رااائعة بالخصوص مينة بداك القفطان بوردو وطولتها وفورمتها وميكاب الي زينها خلاصة كل لبسة كتبان احلى ...الرجال مشاو بعدو وجلسو بعيد منهم فؤاد الي مكيبغيش ضجة وكترة البشر طبعا فؤاد رمسيس ومن لا يعرفه كيبغي الكالم ولكن مضطر يحضر وخا من بعيد حيث مينة ماشي غير بنت خوه وانما بنتو الي مولدش والي فيها من طبعو وعزيزة عليه مقطرة ليه من عينيه....
فؤاد"نطق موجه كلامو لياسين" : كلشي هو هذاك ؟
ياسين"حط ايدو على ايد باه طبطب عليه" : هو هذاك الوليد ...
فؤاد : وجهك ماشي هو هذاك ؟
ياسين : العيا وصافي منعستش من بارح ...
فؤاد : رخف على راسك ورخف فيك النفس وهدن وتهدن قلتيها وعاودتيها لا كترتي غير صحتك الي كتمرض وتقهر الي باغينك وواليك ...
ياسين"تنهد" : يكون خير يكون خير ..."جبد من جيبو باكية الكارو وبريكي وناض " نكمي ونجي الوليد ...
فؤاد"حرك ليه راسو ..مشا ياسين وجا عندو يوسف تحنى عليه "
يوسف : شي رجال كيسولو عليك اخويا ...
فؤاد : شكون ؟
يوسف : دوك ناس ديال كندا عاد وصلو من فاس ...
فؤاد"قاد گرافاط ديالو وناض توجه مع يوسف عند الضياف الي سولو عليه واستقبلهم اما سيدي ياسين مشا بعد بعد حتى قرب لباب ديال فيلا كبير وجبد الكارو شعلو كيكمي فيه ويشوف بعيييييد الناس والحضور وديك الجردة المزينة بالاضواء من هنا وهنا عاطياها رونق كريسطالي ...وصوت الاوركيسترا خدام والي دخل فالاغنية ديال العلوة الي خلات اشرف من بعد مكان كيحرك كتافو رجع حدر راسو حتى غوت وسط دراري طارو ونزلو معرفوه مالو
سليمان"عينيه خرجو" : م مالو ؟؟؟
اسامة : ياااربي سلامة ...
علي : ناري ناري العلوة ساكني والحالة را تجنني شد الحرام شد الخرا را يطير وسط ناس يدخل العيالات وينوض الحيرة وتنوض المطايفة ويجينا شاوي عمامنا والوليد وكاويهم ومشينا حتا فرجلين ...
جاد : ومشات خبيرتنا من واد الواد ...
اسامة : وجرو ولد ناس الجواد الزمر "ضار عند ايساف الي كان ساهي كيشوف " ايساف خويا عيط ليه ولا عيط الحبيب فين هو ...
ايساف"ضار شاف فيه " : علاش مالو ؟
سليمان : ايساف حضر معانا عقلك شوف اشرف ...
ايساف"ضار يشوف اشرف اتا بان ليه دار ايديه ورا ضهرو وراسو لتحت كيتحير .." : تت كي ندير نجرو را دخل الوسط ...شوف خالي فؤاد ولا يوسف لا يكونو شافوه ولا مزال عيط لخالي الياس يهضر معاه ...
اسامة"حل فمو كيشوف فاشرف تخشاااا وسط العيالات الي كيشطحو " : يااااا قاودهااااا...
الاوركيسترا : الله يخليكم الي فيييه الحال ولا فيها يحبس لا تقولو ما قلت ...
علي"ضرب ايديه وضار عند ايساف" : عيط لربعة رجالي وحنا نقنيو (نحضيو) عمي فؤاد ويوسف وتوالاو الخرااااا حيث را فات بات مات الحال...
ايساف : تت "مشا جيهة العياالات ودخل وسط منهم هو وجا الحبيب قالوها ليه تاهو داخل كيزرب تا دخل فواحد البنت جا يشوف لقاها هاجر هي كانت كتشطح حدا طابلة ديالهم وكتصفق بايديها .....
الحبيب"طلعها وهبطها" : شكاديري ؟
هاجر : كنشطح ههههه
الحبيب : وكتلوزيها ياك ؟
هاجر "حلت فمها" : هااا ...
الحبيب"خنزر فيها" : والله يا مك ومتجلسي تنلوزها ليك ...
هاجر "غوبشت فيه" : خليني نشطح ويلي مالك هبلتي ...
الحبيب : جلسيييي ولا نعلون ليك هنا ومكاين الي يشدني وراني مكنعقلش اش كندير ..."قرب ليها بزاف " الله ينجيك من ساكت لا ناض ...
الحبيب "حبس ضحكة هو را غا باغي يشد فيها…وضار كيقلب حتى بان ليه ايساف جار اشرف الي شدو الحال كيجذب خرجو من وسط العيالات وداوه عند الدراري شادينو مرابعة تا نزل عليه الحبيب لقرفادة تا شهق وهز عينيه بانو ليه بخمسة كيشوفو فيه "
اشرف : واش الحور العين هادو الي جاوني فزهري ...
علي : هادو الي غايخشيو مك فالبرمة العزي ...داخل وسط العيالات تشطح ...
اسامة : توصل الوليد الليلة وتشوف حورات عينات الي حبات خاطرك كل حور عين فيها زوج كتاف فكل كتف ...
دازو لبسات وصلات الفاسية من بعد ما قادوها ليها النكافات ووجدو ليها عماريتها مشا رياض يلبس جلابة بجبادور فالمسكي ودار خنجر في جنبو ...حتى وصل عليها ومشات لبرا جردة ركبات فالعمارية بالعادة والغنا وتشالي بايديها حتى دازت وركب رياض تاهو ووصل وقت العشا تحط على حقو وطريقو راقي وفنفس الوقت كتير ...هما يحطو العشا من هنا ويصدقو فالعشا من لهيه ...
يعني العشا كيوجدوه مقاد مصاوب ويخرج لبرا يتعطا المتشردين ولا الناس الي مفحالهمش وصلهم حقهم ...غير تجمع مشات نوار طلعات لفوق بدلات ديك تكشيطة ولبسات وحدة على شكل فورمة ديال حوتة فالكاشيري ومطرزة بالذهبي تقابلت مع المري شافتها جاتها لاصقة عليها وعلى فورمتها ...دوزات عليها بايديها كتقيس فيها وكتشوف فالمري وتشوف ...
نوار : مزيرة ...تت "فالاخير مشات حيدتها وبدلات بوحدة اخرا ديجا عندها فالبيج وهبطات لتحت نيشان لعرس لقات يسرى تاهي بدلات ونزلات عنقتها ومشاو حدا ناس كانت مينك بالبسة الي قبل من االاخيرة ضارت على ناس هي ورياض فالعشا رحبات بيهم ومشات باش تلبس اللبسة الاخيرة الي بيها غاتمشي من تم لوطيل في فاس ....والي من
بعد نص ساعة حتى تصلطو الاضواء عليها مبدلة لوك الشعر دارتو على طولو ومتوسط نفخة الي عند جبهتها ديال الگصة وخصلات هابطين فجنابها تاج متوسطهم صغير وكسوة بيضة كمايمها مشبكين وجات منفوشة ولور بابيون كبيرة يعني فستان زفاف ابيض فيكتوريان ...وفايدها بوكي صغير ديال الورد ...وحداها يوسف شادة فايديه غادي بيها تسلطو عليهم الاضواء حتى وصلها عند رياض الي كان بالبدلة سموكي..
خذاها رياض من ايديها وتوجهو لوسط تحت انغام اغنية اليسا عا بالي حبيبي ...عابالي حبيييبي ...طفاو ضواو الحضور بقاو غير ضواو خفاف كيدورو عليهم ...وضو تشعل على رياض ومينة الي رقصو الوسط ...
مينة "بغات تبكي بالحشمة حيث عمامها وجداها وفؤاد وياسين كلشي تما ما قدراتش " : صافي رياض عافاك نمشيو ..
رياض"ريوگو طاحو" : صافي عزمتي ازين ...
مينة : الله يمسخك ونمشيو نقطعو الكاطو براكة ...
رياض : خلينا شوي ااا شوي ...
مينة "ضحكات ضحكة صفرا" : براااكة ...
رياض "باس ليها راسها وشد ايديها حتى تشعلو ضواو ..وتوجهو عند طابلة جابو ليهم گاطو بطبقات كبييييييير ...وسيف فلاخر ديالو شريط فيه حروف اسمائهم MR ...شدو بايدها وفوق منها ايدو ودوزوه على الكاطو من فوق هابطين وشرارات والمفرقعات فالسما طلقو ...
اشرف"هز عينيه " : هااااح عقبا لعرسي ...
صفية "هزات عينيها تا دمعو ليها تمنات لو تاهي دار ليها عرسها الي معاشتو كي ناس ولا زواج كان كي الناس ..." : الله ...سعداااتها ...
الياس : غاتلوح الورد الي جات فيها هي الي غاتزوج ...
صهيب : جلب الحبيب مثلا ؟
يوسف : جلب صهيب يدير المرا التانية ...
صهيب"شهق " : الاطييييف سكت تسمعك سارة ...
يوسف : ايوى المسخ ...
جات نوار وسط البنات الي تما حداها رميساء ...
نوار"غمزات ماماها" : بلاااش اماما ...
يسرى"غمزتها" : غييير ديري ايديك وصافي ...
نوار"غمضات عينيها بنفاذ صبر " : فففف ...
مينة "ضارت وعطاتهم بضهرها رياض مشا حدا نسابو وخلاها منها ليهم من بعد ما وزعو الحلوة فالكميسات ..." : وااااحد زوووووج تلاتة ..."لاحت البوكي ديال الورد ...
نوار"مربعة ايديها بان ليها جاي بلا ماتحس مدات ايديها وهي تشدو " : وااااا ...
مينة"ضارت وهي تصدم " : وااااعع ههههه ...
مانقولش تصدمات ولا تشوكات ولا استغربات انما كان عندها عااادي غير دارت الخاطر وصافي ...خلات مينة كتوزع الحلوة ديال الكميمسات الي فسلتها وهزات بوكي ديالها من هنا وجلايلها من هنا ...قلبها فيه غصة وبكية حابساها ...حتى انها دازت من حدا حسن الي كان كيعيط ليها ماجاوباتوش ...حتى مشات لهيه بعدات ووقفات ...كتفكر راسها واش داز عليها واش كيدوز وكيفاش غادي تاقلم مع حياتها جديدة الي هي كان ليها نصيب فتحويلها لما هي عليه ...ماحساتش الا ودموعها دايزين ...حتى وقف عليها حسن من شافها بديك الحال وجا حداها مربع ايديه ...
حسن "كيشوف فالحضور وناس تمشي وتجي واقفين ماشي وحدهم حداهم ناس تقريبا .." : شنو الي خلا دموعك ينزلو ...ختك الي غادي تخلي بلاصتها ولا الخاطر مزال مريض ..
نوار"تنهدات وهي كتشوف فداك البوكي بين ايديها مزين " : الوقت وصافي ...ولفت ختي بعيدة عليا ...كنفكر لبابا وماما كيفاش غايتعايشو بلا بيها ...
حسن : سنة الحياة هي هادي انوار ...
نوار : اممم فعلا...
حسن : تاحاجة متستاهل دموعك ...براكة عليك من الحزن انوار وعيشي حياتك بصحك وبكل ما فيها تلقاي صدمات ونتي عارفة وعندك مناعة ضدهم ...فرحي وضحكي ...عطي لراسك فرصة ثانية تعيشي حياتك بعينين ضاحكين ...
نوار : انا عادية غير غانتوحش دارنا ...
حسن "كمش حجبانو وضار عندها" : علاش فين غاديا ؟
نوار : بعد غذا فالصباح عندي طيارة غاديا لهامبورغ ...
حسن : كيفاش ؟
نوار"حركات راسها" : غاديا راجعة فحالي ...
حسن : نوار وانا ؟
نوار "ضارت عندو " : مالك انت ؟
حسن : كيفاش مالي ...شنو محلي انا… الى قلتي نتفاهمو بلا منخطبك شنو غاديري ونتي غاديا اذن انا شنو ؟
نوار : غانبقاو نهضرو ...الى بغيتي تكون عندنا فرصة …تحملني احسن وصبر ليا راك عارف اش كاين وحطيتك بصورة ...
حسن : كيفاش غانتفاهمو ونتي فبلاد وانا فبلاد ؟
نوار : تيليفون كيقرب البعيد ا حسن ...
حسن : انا بغيت نشوفك قدامي نعيش معاك لحضاتك ونتي قدامي نشوفك الى توحشتك ...
نوار : كاين ابيل فيديو ...
حسن : كتريگلي ؟
نوار : حسن الى بغيتي هادشي الي كاين مبغيتيش نساليو من هنا واصلا مابيناتنا والو باش نساليو ونهار نقرر يكون بيناتنا غايكون بالحلال حيث انا بنت بلا منكون مطلقة راني بنت عائلة محافضة ...باش نجيك نيشان مابغيتش نبقاو حتى الملاقيا منتلاقاوهاش كاع ...حيث غير غادي نضلمك ...نهار نكون مستعدة لعلاقة جديدة وكنت فالنصيب را غادي يلاقينا الله ...
حسن : يعني ...
نوار"هزات كتافها" : يعني راك فاهم وهاني جيتك نيشان ودابا نتا ضبر راسك ...الى بغيتيني را غاتصبر ليا مابغيتينش الله يجيب ليك ماحسن مني ...وشوف شحال من مرة هضرنا فهادشي ونتا مصر تعاود نفس الهضرة ...انا غاديا لالمانيا نكمل اش بديت تما لان ماحدي هنا وانا كنتعذب ومغاديش نسا ...
هزات جلايلها وكحازت مشات بعدات عليه حتى وقفات قريبة لدراري ...
ايساف "كحز حداها" : امالك ؟
نوار : ماماليش "هزات عينيها وهو يبان ليها حسن مشا خرج من باب فيلا كلو ويمكن مشا حتى مو خلاها لداخل ..."
اما هو كيف خلاتو مشا خرج على برا مخلي يوسف وصهيب كيعيطو ليه ومشا ركب فطوموبيلتو تا وصلات عليه مو ركبات حداه مادوات ماتكلمت خصوصا من شافتو كيحك فعنقو ويدلك فراسو صافي عرفاتو ماشي تالهيه ...كسيرا بسيارة وطار تا تهزات بيهم طوموبيل ....
غيتة : ارسول الله ....حسن ولدي تهدن ...
حسن"مخسر سيقتو وحالتو تخلع ...ماهضرش وزاد فالسرعة زاد تا ولات طوموبيل كطحن فطريق ماشي غاديا ومو دارت ايدها على قلبها كتدعي فسرها ما وقف تا خرج من ازرو ووقف فواحد الخلا وخرج على برا كيحل فصدايف القميجة ...خرجات مو لعندو يلاه غاتقيصو وهو يبعد ايديه وضار هز حجرة ومشا لطوموبيل ضربها وضرب زاج شخشخو ويغوت ...
حسن : يلعن الهة مها هاد الحياة الي تخليني نرجع نتعلق بيهااااااااا "هز راسو تال سماا ويغوت ربي الي خلقو كيضرب ويهرس فطوموبيل كاع كلها شخشخ ليها زاج من باربريز ولور وشراجم وتيليفون ديالو الي كان يصوني جبدو ولاحو وشخشخو كلو بحجرة ...
غيتة "غوتات عليه بجهد تا بح صوتها " : حسااااااااااان تهدن الله يرضي عليك اولدي تهدن .."شافتو وقف وصدرو كيطلع ويهبط حتى قربات ليه قبطات ليه وجهو بين ايديها...مكاين ماحسن من الام فهاد لحضة حيث ميقدر يدير ليها والو ويسمع ليها" تاحاجة متستاهل ترجع ليك الحالة الي سنين هادي باش حيدات منك ...
حسن "كيهضر وعينيه فنقطة بعيدة " : على شوي كون ما مشات كون ضربتها اميمتي على شوي ...
غيتة : حسن تبعد عليها غادي تاديها اولدي عطيها تيساع وعطي لراسك راحة الى مكانتش فنصيبك اش دير ...
حسن"تنهد بعمق " : غادي نصبر وندمر حتى نخليها من نصيبي ...
بقات تهدن فيه وتسايس معاه لان حسن من زمان مرجعات ليه الحالة العصبية وهو انه شخص الى تعصب مكيقدرش يتحكم فراسو وفالي حداه كيعماو ليه العينين عليهم ومكيعرفش كيفاش يتصرف ويتحكم فراسو ...جا الله من جيهة نوار انه مندش عليها ايدو اما كان العرس يتقلب جنازة وغير ربي وقف مع مينة مرضية وهما ناس مرضيين اما من طرف لطرف يديرو ايديهم فيه وشكون فعايلة رمسيس يبغيو الي يمد ايديه على ولادهم ....ضارت
شافت سيارة كاع زاج ديالها تشخشخ وهي تشوف فيه بان ليها تهدن شوي ...
غيتة : باش غانمشيو ونتا كلشي شخشختيه ...
حسن "غمض عينيه تا تنفس ورجع حلهم ونطق بصوت مبحوح حيث مشا ليه صوت بالغوات " : عطيني تيليفونك نهضر مع دري يجيب ليا طوموبيل لاخرا ...
غيتة"جبدات تيليفونها مداتو ليه دوز لخط وهي كتحك ليه على كتفو بحنان باش يتهدن " : قضي ماعليش ...
بقاو فداك الخلا كيتسناو الي يجيب ليهم طموبيل اما فهاد الوقيتة وصلات وتصيفطو مع مينة كاملين وتمناو ليها حياة سعيدة لانها من بعد خمسطاش ليوم غاترجع من شهر لعسل لفيلا تا تكمل حوايجها من بعد يومين عاد تمشي نيشان ورسميا لدارها ففاس وتبدا حياة جديدة وهي زوجة ال المرابط ...
نوار"بقات واقفة كتشوف فطوموبيلة ختها غاديا حتى جا وقف حداها ياسين وهي دور شافت فيه " : دابا ترجع ...
ياسين : ماعرفتش ولكن الي بغيت هو تكوني ديما فرحانة وتجربي وتشوفي وتعيشي حياتك ونتي مرتاحة ...وتجربي وفكري تصفي خاطرك وتخويه ...
نوار : ان شاء الله ..."سكتات لوهلة ونطقات والعافية شاعلة فصدرها...": نتمنى منك تسمح ليا مرة اخرى وبزاااف ...
ياسين : المسامح كريم من جيهتي …نتي الي سمحي ليا ...ضروف ماعوناتش ...المهم صفي خاطرك من جيهتي ...
نوار : يمكن الايام غاتبين ليا الحق نقدر نكون غلطت فحقك ...
ياسين : كلنا غلطنا فحق راسنا ومنصفناش راسنا ...
نوار "مقدراتش تزيد تعمق فالهضرة شي حاجة حبستها تكمل يمكن كتحس بصد من جيهتو يمكن حسات ان الوقت فااات على هادشي ومبقا ميتقال كيف قالت "
ياسين : رخفي فيك النفس وطلقيها تسرح وريحي عقلك من كترة تفكير والسلبية فكري فالزينة وشوفي وعيشي ...
نوار : عندك الحق ...
"شافت الوردة قدامها بيضة وزوينة وخا قرب يصبح الحال مزال متفتحاتش لكن منضرها زويييين ..قربات ليها باش تقيسها " شوف شحال زوينة ...وخا مزال مشرقات شمس باش تفتح عاطية منظر زوين ...
ياسين : حيث بيضة وقلبها بيض وصافية غاتبان ليك فيها الحياة ومتصالحة ...
نوار : حيث مهليين فيها ...
ياسين : عطاوها وعطاتهم ...
نوار : اخذ ورد ..."مسحات دموعها الي نزلو "
ياسين : غاتبقاي وحدك تما ؟
نوار : لا غايوصل عليا عمي الياس ومن بعد شهر غايرجع سليمان ...
ياسين "بغا يسولها على حسن وماقدرش حيث مزال الان هي معارفاش راه عرف وسمعها ومابقاش عندو الحق يسولها على خصوصياتها" : تهلاي فصحتك وسمعي نصيحتي الي نصحتك ...
نوار : حتى نتا تهلا فصحتك ونصيحتك غاندير بيها ان شاء الله ...غا هو راك عارف شوي بشوي وضرور من قصوحية راس ...
ياسين"خشا ايديه فجيابو ورفع حاجبو " : الله اودي الي منعرف ...
نوار : غاتمشي ترجع حتى انت ؟
ياسين "حرك راسو" : ضروري خدمتي تما ورزقي تما ...
نوار : الله يسر ...
ياسين "مشا جيهة الوردة الي حضاها بقات عينها عليها ومد ايديه قطفها ليها ورجع " : خليها عندك وتفكري هضرتي وديريها بين عينيك ...
نوار : قطعتيها ...
ياسين : مقطعة مقطعة مغاديش تبقى ...
نوار"بغات تشدها وبان ليها شوك " : بلاتي ..
ياسين : تسناي .."شدها حيد منها شوك وهو يتجرح فصبعو " تت
نوار : جرحتي صبعك ...
ياسين "جبد كلينيكس " : ماعليش جرحة خفيفة .."مسح دم من صبعو وهي تفكر هضرة حسن وباها نهار حسن حيدها من حدا الوردة محلاهاش تقداها وبعدها منها تا جرحات صبعها بشوك الي فيها ...حسن بغا يبعدها على الادى صدق ماديها وياسين ادى راسو باش ميآديهاش ...هنا فرق وفروق وهنا مشاعر تلخبطات وبدات المقارنات ...هزات فيه عينيها المغرغرين وابتاسمات" لهلا يخطيك ...تهلى فراسك والله يبعت ليك نصيب الي يفرحك ...هذا حدنا يمكن ....
ياسين"هز نفس تا هزها وطلقها وقال "هذا حدنا اشهلة العيان.…
نوار"شواتها هاد الجملة ونطقات وغصة كتحرقها" : تصبح على خير ..."ضارت كتزرب تا دخلات وطلعات لبيتها ..."
~~~السادة المسافرين القادمين من مطار فاس سايس الى مطار هامبورغ الدولي التوجه نحو البوابة رقم خمسة ...شكرا ...
نوار"طلقات نفس عمييييقة وسخونة " : هنا بديت وهنا غانكمل والي فالنصيب هو الي غايكون ...
"فلاش باك"...
مبرووووك مبروك يا حياة قلبي مبروووك ..مبروووك مبروك يا حياة قلبي مبرووووك هالفرحة فرحتنا والفرحة جمعتناااا شووو حلوة دنيتناااا مبروووك مبروووك هالفرحة فرحتنا والفرحة جمعتنااا وشووو حلوي دنيتنااا مبرووووك مبرووك ...
على انغام هذه الاغنية بصوت رامي عياش ودعات مينة احبائها على امل اللقاء بعد رجوعها من السفر ...في الطريق بسيارة رياض سايق مركز مع طريق كيسمع انين بكائها من بعد ماتوادعت مع اختها نوار هي الاخيرة ...
رياض"مد ايدو من فوق الفيتاس وقبط ايدها تا كمش فيها وهزها باسها" : براكة على عينيك ...دابا ترجع وتشوفيها ايام الله طويلة ...
مينة : عزات عليا بزاااف اهى اهى ...
رياض : خليها على خاطر خاطرها وصبري معاها وليها حتى هي مكرهاتش ولكن الغالب الله على ماقلتي ليا كتقلب على راحة ...
مينة : بغات راحة بالها مالقاتهاش هنا ...
رياض : هانتي قلتيها بفمك اذن را لقاتها فالبعد ملي مصرة ترجع تما اذن مشات تكمل فين بدات رحلة الراحة ...را ماشي ساهل ترجع هنا وتلاقا مع طليقها وخا ولاد العم كيبقى شخص مدوزاتش معاه القليل شخص كان غايكون بات ولادها الي قدر الله ومجاوش لدنيا ...تعياو وتعاودو الحقيقة ماتنكروهاش ...
ونتوما الحمد لله وخا وقع الفراق موقعش شرخ بيناتكم بقيتو شادين فبعضياتكم وهذا ان دل فانه كيدل على ترابط المتين الي بيناتكم ومحتارمين بعضياتهم غير صلة الدم ورابطة وحب العائلة والاخوة الي جامعكم ...
مينة "حركات راسها كتسمح فدموعها" : بصح ...
رياض : ماشي ساهل عليهم بزوج لذلك خلي كل واحد يمشي لعند راحتو فينما كانت ...
مينة "الصمت غير كتحرك راسها وضو طوموبيلات طريق وشوارع كيسني في وجهها كانت خمسة صباح ..."
رياض"وقف طوموبيل وهز عينيه" : هاحنا وصلنا الالة ...يلاه نرتاحو بينما وصل وقت طيارة ...
مينة : حوايج يبقاو فالكوف ؟
رياض : هزي الفاليز صغيرة الي فيها حوايج باش نبدلو تبغي دوشي وترتاحي ...
مينة : مرتاااحة ...
رياض "حرك راسو" : ايه ايه مرتاحة ...امممم
ضحكها بهضرتو وهي تهز عينيها فالفندق فين وقفو وضار جيهة الباب ديالها حلو ليها ومد ايديه ليها قبطاتها تا نزلات ووقفات تقابلت معاه قرب باس ليها جبينها ثلاثة البوسات متتالية ...
رياض : مراتي الحبيبة ...
مينة "بابتسامة خجولة " : حبيبة ديالي ...
رياض"خرج عينيه " : عاوديها ...
مينة : كتقال مرة باحساس ...مرة جايا ان شاء الله ههه يلاه نطلعو عييييت ...
سبقاتو كضحك عليه مخليا وراها مشا لكوف حلو وعطا المكلف دا ليهم شنطة تبعها ليهم لاستقبال فين عطاو تاكيد لاسمائهم وشد الفاليز جرها وراه وطلعو فسانسور معنقها من ضهرها تا خرجو فطابق فين كاينة غرفتهم ومد لكارط باش حل باب الغرفة مع حلها دخل فاليز و يلاه بغات تدخل حتى غفلها ودار ايدو ورا ضهرها وهوب هزها بين دراعو حطات ايديها المنقوشين بالحنة على صدرو وعينيها خرجو بالخلعة بغفلتو ..
مينة : اااا ...خلعتيني ...
رياض "بقج ليها شنيفاتها تا رجع راسها لور " : ماعاش الي يخلعك ليا ازين ...
مينة "غادي مدخلها وهي كتشوف وتستكشف الغرفة او نقولو جناح صغير حيث غادي يبقاو غير هاد الليلة ولكن مكانش اي جماح عادي ...لا بل كان جناح مزين خاص بالعرسان فليلة العمر ..شموع وردية وحمراء شاعلة مزينة المكان باحجام واشكال رومنسية وريحتها تعطر المكان الي مزين كانه الف ليلة وليلة ...وهو غادي بيها وهي عينيها كيبريو وانعكاس شموع كيبان ضوهم فعينيها...حتى حطها وقفات كتشوف وتقاد فجلابتها البيضة بالفوقي وتحتي ديالها باش جات وشعرها الي بقا مصاوب كحل كتبان زينت العريسات...
مينة "منباهرة بالتزيين مع دارت بان ليها سرير كبير ملبس بالبيض وفوق منو الورد ووسط منو قلب ديال ورد مرسوم وفيه بواطة حمرة ..." : شنو هاديك ؟
رياض"جاها من لور وعنقها وطبع قبلة على عنقها تا تبورشات" : سيري شوفي شنو فيها ...
مشات فاتجاه الناموسية تا وصلات عطاتها ريحة عطر زويييينة وخفيفة منباعثة من سرير مدات ايدها لبواطة هزاتها ...
وهي تحلها تبهضات وابتاسمات وهي دور عندو شافت فيه بنص عين رافعة حاجبها ...
مينة : خذيتيييييييها ليا ...
رياض : ماتغلا تاحاجة عليك مادام ربي مسك علينا نعيش ونمتع راسي وميمتي ومرتي عيشة وحدة عايشينها فهاد الحياة ...
مينة "ضحكات ليه وضارت تشوف فالبواطة الي فيها كونطاكت سيارة mercedes benz class A ...تا دمعو عينيها بالفرحة "
رياض : مرسيديس كلاس معشوقة مينة رمسيس المرابط الشخصية الكلاس...
على اثر هضرتو نقزات ليها دمعة من عينيها وهي كتضحك بفرحة وبحنان وبحب وعشق لهاد سيد الي ماشي حيث جاب ليها الكادو الي كانت باغاه بغات تشريها بفلوسها لكن هو فاجئها وخذاها ليها ...وانما بكيفاش كيبغي يفرحها باش ماعطا الله الاشياء الي افتاقدتهم من شخص الي بغات لقاتهم فهاد سيد الي عرضها ربي بيه بعد معاناة سنين دازت منها ...هاهي ربي كيعوضها براجل زين وجاذبية ومكانة وقلب حنين ...حطات الكادو وضارت تمشات لعندو وقربات ليه جراتو من الگرافاط تالعندها ...
مينة "باستو في فمو نيشان تا خرج عينيه بصدمة وحطات جبهتها على جبهتو " : نعيش حياتي كلها نصبر ونتقاتل باش نبقاو فرحانين ولا مرتاحين وللمشاكيل متفهمين ...
مينة : انا عليا نصبر ونكافح خاص غير نتا تصبر ليا ...
رياض : الى مصبرتش ليك جري عليا تنتربا هههه
مينة : ماعاش ولا كان الي يجري على راجلي الحبيب ...
رياض"هز ايديه " : هاااا بان الحق اذن ؟
مينة "جمعات فمها بضحكة محبوسة "
رياض "باس راسها" : سيري توضاي ...
حركات ليه راسها وهزات الفاليز ودخلات لدوش غير توضات وحلات الفاليز جبدات منها شوميز دونوي فالابيض كلو مشبك مادام عاشت معاه فدار وحدة شهر تقريبا مبقاتش عندها ديك الحشمة بزااايذ فقط هي دابا حاسة برهبة شديدة وخوف وتوتر حيث ممكن فاي لحضة تولي امراة كاملة بيه هو ...
حيدات ليه تيكيت ولبساتو وجمعات شعرها ولبسات واحد عباية طويلة بيضة ودارت شالها خشات رجليها فبانطوفة بيضة وخرجات لعندو لقاتو تاهو وجد راسو مشا حداها باس راسها ودخل تاهو توضى وخرج فرش صلايات بزوج هي وراه وهو قدامها ...
هاد الحركة خلاتو هبط ايديه دغيا حل ليها لعباية ونصلها دغيا طاحت حيث حرير وحيد ليها شال لاحو بنترة تحل ليها الفيليل وطااااح شعرها على طولو كحل مصايب ...دورات ايديها ورا عنقو اما هو خدام فشفايفها كياكل فيهم وتاهي كتبادلو القبل على العكس ماشي حشمت او او حتى هي كتبادل معاه بنفس الوتيرة حتى زاد هو الوتيرة وحولها لقبلة شبه عنيفة شد ليها راسها من لور كيبوس ويعاود ومدورها غادي بيها جيهة الناموسية حتى وقفها وفمو محيدش على فمها بكترة مكيبوس ...حتى فصل القبلة كيلهث ...
مينة "شهقات تا خذات نفس " : ففففف
رياض : عذريني توحشتك .."طلعها وهبطها بداك شوميز المشبك وصدرها المغطي غير حلماتو واقف ...وفورمتها طويلة وزوينة وسيقانها المقادين وزوينين ....ورجليها كذلك مع ضفرانها المصاوبين لكن بدون مدير ليهم صباغة على ود الصلاة وخا هكاك منقياهم وديما كتقادهم وتقاد حالتها قبل زواج ...حط ايديه على كتافها كيشوف ليها فعينيها الي هبطو حشمانين وفمها الي ولا حمر بكترة البوسان ...
قرب ليها قرب وقرب تالصق معاها وهبط براسو باس ليها حنكها وجنب فمها حتى طاح الفوق دشوميز بزربة فررررر وطلع بين جنابها كيطلع ويهبط ويدوز تال صدرها يجمعو تاتبورش هي ويرجع تاني تا طلع لخيوط نزلهم ودوز بايديه تا لصدرها قاسو تاني وجمعو تاخرج نصو وهبط باسو ومصو تا تاوهات وقلبها كيضرب حس بيه ...بغفلة دفعها من صدرها تا تلاحت فوق ناموسية وتشتت لورد ...ايديها تسرحو وطلع فوق منها مكالي بايديه كيشوف ليها فعينيها...
رياض "حااايد البوكسر ومع هي هازة رجليها ورا ضهرو سهلات عليه هو كيهضر ويشوف فيها وايديه ورا مؤخرتها كيهزو فيها بشوي تا قادها ..." : عارفة فين غانمشيو ؟
مينة"حسات بشي حاجة كتدوز على فرجها من وسط سخونة تا عضات شنايفها ونطقات" : لا ..
رياض : وخا سمعي مني مزيان ...انا بيك ومعاك حياتي كلها من هنا لقدام فيها انا ونتي والوليدة وان شاء الله وليداتنا ....ياك ؟
مينة : امممم كترتي ...اممم "عضات شنايفها حتى كمشات عينيها وزادت تكميشة زااادت زادت تا حلتهم على جهدهم وفمها بغا يطرطق بدم ماحتال تهضر تا ورك ودخلو بجهد عند راس " اااااااااا ....احححححح ضريتينيييييي اممممم
رياض "باسها في فمها" : شششش صافي هاهو بشويييي غير صب..."كمش عينيه كيدخل يدخل تا دخل تاني وهو يحس بيه قاستو شي سخونية طل عليه لقا نقيطات دم فجناب وهو يديه وجابو بشويييي تا قرب يجيبو هو وخرجو دار ليها ايدها فوقو ودورها عليه ...
رياض"ماعرف يضحك ولا يتكرشخ بصحك ولا اش يدير " : حركي ايديك ديها وجيبيها عليه وعطيني العبار ..."شافت فيه" يابتي غير ديري عاونيني تانا راني مزير ...
سكتات تا سكتات وهي دير شنو قاليها وهو معاون كتحرك فيايديها كتحس بيه سخوووون وسط كفها حتى حيد ايديها وبعد من حداها تا فرغ فالفراش وتكا حداها وهو يجرها تكا ليها راسها فوق صدرو كيجمع ليها خصلات شعرها الي عرقو وجمعو ليها وباس ليها راسها وعاود باس ...
رياض : تقصحتي ؟
مينة "حركات راسها" : بزااف ...
رياض : وعلاش مغوتيش ولا قمشتيني فرغي ونتي كبتيها ...
مينة : ماعليش صبرت ..."كمشات عينيها" اممم
رياض"حدر راسو شاف فيها بانت ليه دايرة ايدها تحت كرشها" : مالك ؟
مينة : حريييق اححح ...
رياض"ناض من حداها ومشا رجليها جمعهم وبقا جامعهم وهي كتشوف فيه تفهم " : صبري شوي باش متجيكش ايموغاجي (نزيف) ...
حركات ليه راسها وتكاتو هازا وجهها ودارت ايديها عليه كتاخذ انفاسها ومرة مرة تكمش عينيها تااا دازت ساعة عاد ناضت من بعد ما خرج هو من دوش وهي تنوض بشويييي حاسة بتحتها مفروع نيت ...عاونها تا دوشات وخرجات لبسات بيجامة دافية وفالكيلوط دارت فوطة صحية باش دفيها
وفنفس الوقت لدم الي كينزل شوي ...تكات حداه وعنقها من كرشها حاضنها ونعسو تا صبح صباح جابو ليهم فطور ملكي يشهي فطرو بزوج بصحك وبوسان ونشاط تا جمعو حوايجهم وهز داك فراش صبناتو فلافابو حيدات نقيطات دم عاد حطاتو فسلة تما ...لبسات جلابة
بجوهرة مخدومة براندة بالصم دهبي ولونها مسكي حيث جوهرة فيها ذهبي ومسكي وتحتي ديالها لبسات بليغة هزات صويك صغير دارت فيه تيليفون عيطات لماماها وعيالات عمامها بلغات بسرى بشنو وقع وعطاتها شنو دير من نصائح وباش تغسل ...عاد تعانقو وخرجو تاجهو لمطار ديريكت ...
مينة "كتشوف فين غايمشيو تا سمعات نداء وهي تحل فمها وضارت عندو " : سانتوريني ...
رياض"حرك ليها حجبان. فوق وتحت كيضحك " : جزيرة سانتوريني مع الي كنبغيها وكتبغيني هههههه (جزيرة سانتوريني اليونانية ...) ..
نخليو العرسان حتى نرجعو ليهم فجزيرة سانتوريني فهشر عسلهم او نقولو اسبوعين العسل ديالهم من بعد ما ودعو احبائهم متمنيين ليهم رحلة سعيدة ...
"عودة من فلاش باك"...
نرجعو لحاضر نمشيو لمدينة هامبورغ من بعد وصولها لمدينة لقات سيارة الياس واقفة فالبارك ديال المطار من بعد مت طلقات رجليها فسوگان ديك الاسام الي كانت فيها فالمغرب شهر وزيادة وهي كتعلم عطاها الياس الكونطاكت باش تحرك بيه واصلا عندها رخصة سياقة ديال المانيا من بعد شهور خذاتها ...دارت الفاليز فالكوف ودارت صاكادو وهي تجي تال جيهة المقود ...
نوار"وقفات كتشوف " : غانسوق راسي هههه "عوجات فمها كتشوف فرحانة ولات تقدر تسوق راسها ...يلاه غاتركب حتى صونا ليها تيليفون ابيل فيديو مع كي وصلات خدمات كارط سيم ديال تما ...شافت رقم لقاتو عمو الياس " العمييييم هههه
الياس : امضرا بنتي خرجتيها فحايط ولا لحتيها فشي واد غااا قولي "شاد على قلبو بلعاني "
نوار : هو مزال متحركت يلاه وصلت وليني فينما بغيتي نخرجها كون هاني ...
يوسف"طل عليها " : وصلتي النخشيشة ...
نوار : بابا حبيبي ...وصلت وصلت ...
يوسف : وصلتي دغيا ماتعطلتيش ...
نوار : لا لا دغيا جاب الله وقت منضمة كلشي مزيان ...فين ماما ؟
يوسف : مشااات لعيادة تلف الوقت تما خويتو عليها بجوج ...
نوار : ياك غاتجيو عندي ...
يوسف : تاتجي طبيبة الي معاها كيتناوبو من الكونجي دخل هي ونقطعو نجيو ...نيت يلاه تخرج ليا الفيزا ديال تما را تسالات ...
نوار : وعمو الياس ؟
الياس : توصل طوموبيلتي بيخير مانجي تال تنين ...تخرجيها فحايط ماحتال تخرجي منها تلقايني لبوك عند راسك ...
نوار"ضحكات تا تسدو عينيها" : دابا نديرها بصح باش تجي خهههههههه ...
صهيب "طل عليها تا ضركهم ماعرفو راسو منين بعت " : عييييو ...
الياس"مع راس صهيب جا قدامهم تيبان ليهم غا شعرو" : شوف شعر مذهب كيداير ...
يوسف : دير بيه سفيفة ملكية ويشيط الخير ...
صهيب : نخيط ليك بيها الحناك ...ارا معندكم ...
يوسف "دفعو تا تلاح " : تا حيد ونتا راسك ووجهك خاشيهم كي البروصي تا مالك خلينا نشوفو البنت ...
نوار"شيرات ليهم" : يلاه نخليكم انا نمشي يلاه نوصل نرتاح ونعيط ليكم "باست صباعها وشيرات ليهم وقطعات خشات تيليفون فجيبها تا ركبات دارت سانتيغ قادات المسائل باش تباشر القيادة خذات نفس عمييييييق وتنهدات وهي تديناري طوموبيل دارت تيليفون فشاشة برونشات ليه بلوتوت وهي تكسيري غاديا فطريق تا صونا تاني شافت شكون لقاتو باسم حسن ...
نوار"جاوبات" : الوو ...
حسن "حك لحيتو وهز راسو شاف تاهو كان سايق " : نوااار واخييييرا ...
نوار : علاااش مالي هههه
حسن :كان تيليفونك طافي هاد اليومين… وصلتي مزيان ؟
نوار: ممم …وصلت مزيان انا غاديا لدار ...
حسن : سايقة وحدك ؟
نوار : ويييي ...لباس عليك ؟ فالخدمة ولا ؟
حسن : غادي ليها عاد خرجت من اجتماع عمل وغادي …شوي ويجي سي يوسف ...هضرتي معاهم ؟
نوار : تت هضر معايا عمي الياس وكان معاه بابا وعمو صهيب ...حتى نوصل ونهضر مع كلشي ولكن ندوش ونرتاح بعدا ونهضر معاهم ...
حسن : نوار ...
نوار : نعااام ...
حسن "عوج راسو " : توحشتك بزااااف ...
نوار : بزاف كاع ...
حسن "تنهد تا سمعاتها وهي عينيها مركزين فالطريق بزاف " : فوق بزاف ...ماكرهتش كون مامشتيش ولكن لصرورة احكام مستقبلك منوقفش ليك فطريقو ...
نوار : لهلا يخطيك حسن ...
حسن : بشنو غاتبداي دابا ؟
نوار"عوجات فمها" : بلاصااال نرجع ليه ونرجع ليكوغ ديالي خاصني سيمانة صباح وعشية يلاه نلحق عليهم ...
حسن : مزيااان ...احم بغيت نسولك ...
نوار : اه سول ...
حسن : قلتي غاتهضري مع داركم كلهم ياك ؟
نوار : اه ضروري ...علاش ؟
حسن : وختك ياك ؟
نوار : مينة هي الي غاتعيط حيث مزال معرفتش واش مسالية ولا مزال ...
حسن : غاتعيطي ليه ؟
نوار"عقدات حجبانها" : شكون ؟
حسن : صافي صافي ...
نوار"ميكات" : كيبقا ليك راسك شوي ؟
حسن : لا شوي شوي الحمد لله ...
نوار : عطاك العشوب ؟
حسن : شكون ؟
نوار : ياسيين ...
حسن "عض على شنايفو تا بغاو يطيرو " : عطاني ومشرتيهمش ...هاد دورة كلها باش تقولي سميتو ولا باش تسولي عليا ...
نوار : كيفاش ؟
حسن : صافي نوار غير غير م ماقصدتش ...ما احم صافي انا نقطع نقطع صافي ...
نوار : احسن ...
حسن"قطع هو وضار ركن سيارة وحط راسو على الفولون غمض عينيه كيلتاقط انفاسو ويحك فصدرو الي شعلت فيه العافية من الغيرة ...حتى هز راسو وشاف فتيليفون كيصوني كانت السكرتيرة ديالو كتعيط ليه على اجتماع قطع عليها وشير بتيليفون بجهد تا تهرست ليه لافيشور …
مع اذان العصر كياذن دخل لدوش توضى وخرج كينشف ...لبس تيشرت جديد كحل وسروال قطن خفيف ...لبس تقاشر وسبرديلا وجلس كيعقد فسيورها حاني راسو الي خلاه هكاك مخربق مخليه عادي مرحعوش لور ...هز تيليفونو خشاه فجيبو وخرج من البيت نزل لقا جدو سبقو لجامع وتبعو هو صلاو العصر جماعة وسلمو وخرجو خلاه مشا لعند رجال صحابو فالارض ومشا هو رجع لدار ...يلاه غايدخل تا سمع صوت السيارة ديال باه داخلة ووقف كيتسناه تا ركن وخرج منها كان عاد واصل من مراكش المطار ....
ياسين "باس ليه راسو " : عالسلامة ...
فؤاد : الله يسلمك ويسلم دارك اولدي ...
ياسين : بلا منطول ونكتر،، المباتة هنا وصباح تحرك ...ما تقوليا يامنة ولا عمارة داري ...
فؤاد : حيد الغمة على قلبك وحيد سحابة الهم على خاطرك ...وفرجها على راسك يفرجها عليك رب العباد الحنان المنان ...
ياسين "حل عينيه وشاف فيه" : المعنى ...
فؤاد : براكة عليك كافيتي ووفيتي وشفتي وجربتي ورجعتي حكمتي وعشتي ...شوف حياتك ولا دير حل لراسك اولدي براكة ...
ياسين : خاطري عمر بما فيه الكفاية ...قول يااا مغير الاحوال كيفاش تا تحكمت فراسي من هضرة بنادم ..."دار تيليفونو طرررن شاف فيه قدامو لقاه اسم صوفيا السليماني...فالميساج فيه : merci mr yassine J'ai atteint la confirmation du compte (شكرا سي ياسين توصلت بتاكيد لحساب )غايهضر معاك الحاج ..." رجع شاف فباه وكمل .." خاصني نفكر ونفكر تاني ...
فؤاد : تاكد ورجع تاكد وماضلم حد ...
ياسين : حسيت بيها وحضرت ليها ،،مرضات وعيات ...ومشات لبلادات الناس فين تبدا من جديد،، الله يسهل عليها ...
فؤاد : هذاك هو حدكم ؟
ياسين"داير ايدو على ذقنو ...حرك راسو " : الله يجعل شي بركة ...
ياسين : طالقها فايد الله الوليد ...نقولو تصافات الخواطر وكل مشا فطريق.… خاطرو صافية من جيهة الثاني ...كل مشا يبدا حياة جديدة ...هذا هو المبتغى را وصلت ليه ...
فؤاد : تسامحتو نتا ونوار ؟
ياسين "نطقها تاني طوييييييلة " : تسامحنااااااا وتسامحنااااا ...الخاطر وخا يصفى غايبقى هاز ذكريات دازت وقلب عمرو ينساه ...نوار الوليد كانت ومزال فالقلب وعمرها تنسا ولا تنسات ...غير الوقت مانصفاتش وهي مابقاتش بغات عطيتها خاطرها ...مشات فين تبدا حياتها من جديد وهذا قرارها ...
فؤاد : خط رجعة فكرتي فيه ؟
ياسين "ضار شاف فيه " : راك شايف اش كاين ...
فؤاد "حرك ليه راسو " : فهمت فهمت ...
ياسين "هز عينيه لقداام " : عيييت بزااف براكة عليا هذا الحد مادام الخواطر تصافات وتسامحنا ...الي جاي الى كان فيه خير غايكلمو رب العباد مكانش فيه خير غايبعدو علينا ...
فؤاد : بغيتي تقاد حياتك ...
ياسين : هذا الجهد الوليد ...بغيت نكمل حياتي والى بغا الله نعطي لراسي الفرصة الثانية ...
فؤاد : الحبيب يعود براني والبراني يستوطن كل اوطاني ...
ياسين : طريق الحرام مافيها خير وخا دابا وخا من هنا لقدام ... نويت الحلال للمرة الثانية ...مسالة وقت وتفكير وهاني واجد باذن الله نبدا الخطوة لولة …واعرة غير البدية ....ووسطها ولف وتاليتها(اخرتها) فرح والي غايتهرس ربي يجبر ...(الي ضرو خاطرو را ربي غايجبرو ليه زعما )...
على بعد 200 كم جنوب شرق اليونان تقع جزيرة سانتوريني وعاصمتها مدينة “فيرا” وهي جزيرة تقع في جنوب بحر إيجه في أرخبيل كيكلاديس ونظرا لأنها تفصلك عن الحياة المدنية المليئة بالصخب والضوضاء تعتبر واحدة من أجمل الجزر في العالم وأكثرها جذبا للسياح لما تتمتع به من جمال أخّاذ ومناخ فاتن،
في احدى الفنادق بالجزيرة والي كطل على البحر طبعا كاع الجزية كيطلو فنادقها ومنازلها على البحر لكن الفندق الي ذكرت فهو جا مواجه للبحر تماما بجميع توجيهاتو ...وفي واحدة من الجناحات في المسبح بالضبط متكية فيه هازة فايدها كاس عصير ميكست بالفواكه الاستوائية ...متكية راسها كتشوف فالسما بنضاضر دشمس وسااااارحة...حتى وقف ليها عند راسها…
رياض"حيد نضاضر كيشوف هنا وهنا مخنزر تا وصلات عندو وهو يغوت تا قفزت" : طلعي طيييري من هنا ...
مينة "حبستها بزز وطلعات كتفتخ ومشات لداخل عرفها مغاتجيش لذلك مشا ودخل عليها لبيت لقاها فدوش الي محلول على البيت نيشان لان الجناح خاص بالعرسان في الهاني موون(شهر العسل) ..
رياض : ماااااتخرجيش بالخرا ماتخرجيش بيه وكاتقربيش لخرا ديال لابيسين بغيتي دخلي ليه بالليل امينة باليل وراكي كتعومي فيه عايمة فداركم عندكم واحد قد سخط يعومو فيه جمال ماشي تا بنادم انما هنا خليني نوصي عاد دخلي عومي ...احتارميني يرحم باك هادشي منعاودش نشوفو ...حيث عندي مرتي نشوفها غير انا مايشوفوهاش العينين كيما كانو وخا يكون قرد "حبس الهضرة وصدرو كيطلع وينزل وعاود نطق " ولا غاتولي هضرة اخرى وخليني رياض الحنين...
مينة "بقات تسمع ليه تا سمعت وهي تقرب ليه شادة فالفوطة على صدرها" : انا محتارمة راسي ومحافضة على راسي ومخليا ناس تحتارمني وساترة راسي وانا فدار با ماشي غانجي حتى لعندك ونتعرا ونقلل الادب ومنديرش الاعتبار لراجلي هادي اولا ثانيا دارنا مربييني على الادب والاخلاق والاحترام وسترة وخا طالقين لينا لعب لكن كلشي فحدود المنطق ودين ...مغاتجيش نتا توريني شي حاجات انا عارفاهم را عندي ثلاثين عام ارياض وعايشة
وجايلة دنيا وعارفة اش كاين وهادشي راني مشيت ليه قبل منتزوج مرات مع دارنا ومرات بعرق كتافي ...الى على احترامي ليك را غايجي من حبي ليك الى كنبغيك راني غانحتارمك سي نو راني غا دايراك باسم راجلي ...ونتا وعقلك وشوف اش جاب ليك والي في فهامتك على قدك ..
رياض "يلاه غايهضر وهي تفوتو ومشات لماريو جبدات حوايجها حطاتهم وهزات اتخوس باش ترجع دوش تمات غاديا حتى وقفها من دراعها " : الي غاديريه ديريه البيسين متعرميش فيه الا الى مكنت انا ...ماشي حيث متايقش فيك ولا قلبت منك ولا يحساب ليك غانشك فيك ...ولكن عومي قدامي حيث عارفة قصتي مع البيسين وغرق اختي ايمان وهي فسن ست سنوات فيه قدام عيني ...وال...احم "تزير بزاف" والغيرة وانا راجل دمي حامي فهادشي …
مينة "غمضات عينيها تفكرات ختو صغيرة الي عاود ليها انها غرقات فيه وهي عندها ست سنوات قدام عينيه جا يعتقها مالقا ميعتق وفات الفوت هزها الما هي ولعبة ديالها الي كانت فايدها ...دارت ايدها على جبهتها تا تم غادي وهي تجرو وتقابلت معاه شدات وجهو بين ايديها" : رياض انا عارفة غيرة وعارفة هادشي ميمكنش نديرها ماشي احترام ليك
وانما حيث كنبغيك مانبغيش نحطك فهاد الموقف كانك مكتسوى والو عندي ...راني سولت قبل وعرفت ان كل جناح عندو خصوصيتو بحسب التصميم والهندسة عاطينو خصوصية ميمكن تاحد يشوف وعاد الي ختارينا غادي طل غاتلقاه جا فالقنت...
رياض : عريان ا مينة عرياان ...
مينة : صافي غالبس شي حاجة مستورة ...دوبياس راني اول مرة لبسهم فدارنا مبقيتش كلبسهم ملي بلغت حيدناهم لا انا لا ختي ...كلبسو غير بوركيني (لباس السباحة محتشم ) ...
رياض : شششش ..."مصمص ليها العنق وهز عينيه شاف فيها وهو يدفعها جيهة ناموسية تا تهزو رجليها وطاحت الفوطة معرية على النهدين ...ماكتر هضرة مانطق بحرف حيد حوايجو وهي كتشوفيه وميتة بضحك لان طريقة باش حطهم تيقول هيا الى الجهاد هههههه ...طلع فوق منها هبط راسو اول حاجة دارها هي بدا بلسانو خرجو وطلعها بلحسة وحدة من صرتها دوز عليها تا تلوات وتاوهات وطلع من تم تاااااال لعند شفايفها حل فمو وخشا شفايفها فيه تباوسو ازيد من عشرة دقايق تا شهقات كتقلب عالنفس عاد هو نزل لصدرها مصمصو وحدة خشاها في فمو كيرضع فيها وتانية كيلعب فراسها بصباعو حتى
كتهز ليه تحت منو وكرشها كضرب كرشو والمعلم كتحس بيه قصاح وتهز اما هو سالا من صدر ورجع لعنق وطلع لفم تاناي وايدو نزلات لتحت كتشيت فيه وهي كتهتهت تحت منو قبل ماتجيبو حبس وحيد بوكسر هز ليها رجليها فوق كتافو وشاف فيها لقا وجهها حمرررر وعينيها تعسلو
مينة "عضات شنايفها مكمشة حجبانها وحشماااانة " : كون تحشم اويلي ااااااا "تاهو معطلهاش طلعو شوي بشوي وهي كتعصر حيث يلاه غايوصلها المرة ثانية ...مرة تكمش فليزار دالفراش مرة توحوح الي حتى وقف شحال تكا ايديه على ناموسية وقف مدة ورجع دار ايديه
تحت مؤخرتها وتبتهم وبقا يمشي ويجي مرة بشوي مرة يجهد وهي ترفعت الاحساس بالالم غادي وكينخافض ومرة يجي بلاصتو نشوة ومع كيزعزع فيها بالخبيط صوتها كيترعد ...
رياض"تزير حيث قرب عينيه غمضهم حتى كمش حجبانو وهو يخبط خبطة وحدة وتكا فوق منها مكالي عليها بايديه كيتنفسو بزوج ويلهتو حتى فرغ فيها ورجع تكا يرتاح هو وياها جرات عليها الغطا تستر ...
مينة "خنزرات فيه " : اويلي باغي طيبني نيت بصح على هضرتك الي قلتي ...
رياض"حل عينيه شاف فالسقف " : وعلى الضحك فيه لعب ؟ ...
ناضت بغات تهز من حداه بزربة ماعرفاتوش كيفاش ناض دغيا غفلها وجابها تحت منو مكالي عليها ونعس فوق منها ...
مينة "روحها بغات تخرج هههه " : واااعوووو غاتقتلني تگعد من فوقي اويلي ..
رياض : بلاااااتي ماشي دابا ...
مينة : وراني طبت طبت ههههههه نوض
رياض : نطيبك انا انااااا ...تهدني ولا نغتاصب مك ...
مينة : مغتصب نوض تگعد ...
يا حلف لا هو ناض من الي تعطاه الضو الاخضر وهو حالفها فيها وهاهو غايكفي ويوفي تا يكمل ويرتاح وخا عمرو مايشبع منها على قولته ...ماتهنى تا وصل فين بغا ومزال العاطي يعطي غا بانت ليه عيات وتاهو طبعا را غايعيا حيث المازوط بغا سخوا وخبط وخبط را بسيف...
هكذا هي حياة الناس وهكذا هي الدنيا مرة ليك ومرة معاك ومرة عليك ومرة ضدك وهادي هي الوقت ...دازت اكتر من "شهر" ناس راها فشهر عسلها رجعات منو وباشراتحياتها الزوجية كي سمن والعسل لحد الان وناس مدهيا فشغالها وراهي خدامة وتجري وعلاقات تطورات وعلاقات زادت ...ودنيا راها غاديا بالي عطا الله فيها من فرح قرح هم وغم والعاطي يعطي ...
من بعد زيارة يوسف ويسرى ليها فهامبورغ ...باقي يومين باش يرجعو فحالهم وترجع لروتينها ووحدتها وخا معاها الياس وسليمان رجع من تما ...دق الباب وحلات يسرى عليها ...
يسرى : راكي لابسة نيت نوضي دي باشبورك وقضي مع باك ...يلاه ماما ...
نوار"ناضت وقفات مشات لبيتها وغيييييير سداتو وحطات صاك وهي ترجع مود الحزن على وجهها حاسة بدموعها على طرف عينيها ...كتفكر غاترجع تاني تما وترجع لعذاب العذاب النفسي والعذاب الي مزال معرفاتوش شنو هو ومقدراتش تميزو وتاكد واش هو نيت ولا اش ...هزات باسبورها من المجر وهزات صاكها وخرجات مشات هي وباها تالاجونص قطعات ولكن مع الاسف لقات بلاصة غاتكون لغذ ليه على طيارة باها ومها ...ورجعات مشا يوسف خرج هو و الياس ويسرى بقات هي ونجوى فالدار اما نوار مشات هي وسليمان لاصال رجعو لرياضة كل واحد فيهم تا كملو عاد خرجو ..
سليمان"غاديين مشي فالطريق " : مالك ؟
نوار"شافت فيه ورجعات شافت قدامها ودارت شبه ابتسامة " : حسيتي بيا ...
سليمان : اكيد نحس بيك ونعرف من ملامحك ...وخا واليديك كاينين جيتي لهنا كتحسي بشي حاجة ماشي هي هاديك ...
نوار"حركات راسها" : ماقدرتش نساه وعمري منساه ...شفت وعشت يمكن جربت شي حاجات فمدة قليلة حلات عيني على فروق كتييييييرة ...
سليمان : شنو لاحضتي ...
نوار"هزات كتافها" : لاحضت وتفكرت وقارنت ...حسن الي بغاني بغاني لزواج لكن معاملتو مازويناش انسان مشكاك ...كل مرة غايبقى يسولني على ياسين وخا ميكونش مرتاحيتش ليه بغيت وعطيه فرصة لكن مكنقدرش كيوقف ياسين قدامي
ياسين مجرد مكنفكر فيه كنحس براحة وفاش كنعرف اننا مبقيناش ديال بعضياتنا كنمرض ونتعذب ..."هزات فيه عينيها " ياسين عمري منساه وعمري منلقا فحالو ...سليمان ...
سليمان : شنو ؟
نوار"عوجات راسها وهزات كتافها" : فرطت فياسين وانا كنعاني من العذاب وماشي اي عذاااب اسليمان "كمشات عينيها الي تزرزرو بالدموع " عذااااب الندم ومن خيبو عذااااااااااااااااب اهى اهى اهى ....
سليمان : وشنو تبدل ؟ رجعي هضري معاه وشرحي ليه عالاقل الى قلتي هادشي حتى ولو فات الفوت خاطرك يتهنى كتحسي بالعذاب من بعد يخفاف ويصبح شي متعود عليه وتعايشي ...
نوار"كتحرك راسها بالنفي " : منهضرش وخا نهضر فات الفوت لاي حاجة حيث "رجع ليها الفلاش ديال ياسين مع صوفيا فاش مسح ليها الحنة والخاطر الي عطاها " يقدر يكون شاف حياتو فجيهة اخرى ...
سليمان : شكون قالها ليك ؟
نوار"هزات راسها لفوق كتنخصص مكتخرج الهضرة حتى كتبغي تسخف " : ويااااااربي شحال قدو يبقى بلاش ياربي شحااااال ...
بقات تنخصص وتعاود وتنخصص تا بغات تهبل يمكن حاجة ايجابية فهاد اللحضة انها خرجات الي فقلبها واعتارفات بشي حاجة ولو تكون هي غالطة ولا هو الغالط مهم قالت اش كاين والي فقلبها اعتارفات بيه بصح واعتارفات انها من حب ياسين مالقاتش وانها فمرحلة عذاب لاختيار وقرار غلط قرراتو فلحضة ضعف منها وفي حالة غير طبيعية ...سليمان اول مرة تبقى فيه
وخا هو بقات فيه من اول نهار مكانش كيبين ليها باش تعالج وتوقف على رجليها ...لكن هاد المرة بين ليها انها بقات فيه والدليل انه محسش براسو حتى جرها وعنقها مخليها كتنخصص ليه فكتافو تا بغات تسخف عاد فرق العناق وبقا معاها تا تهدنات ما مشاوش لدار وانما مشاو لواحد المقهى خذا ليها عصير وجاب ليها مهدئ مشاو لدار ...ودخلات شرباتو ونعسات بدون ماتهضر ولا تكلم ...يومين وهي مكونة وهضرتها قليلة...
يسرى "لسليمان" : مالها ؟
سليمان : غير عيا وراك عارفة من كتبغي تمشي تما كتقلق ...
يوسف "بقلة حيلة " : وشنو نديرو معاها ...
الياس : خليها فين لقات راحتها خليها ...
يوسف "سرح ليه ايديه" : هاني مخليها اش غاندير "دوز على وجهو بتعب " لا حول ولا قوة الا بالله حسكات ليا كبدتي والله الى حسكاتها...
يسرى"دايرة ايدها على حنكها" : غانمشيو دابا. ونخليوها هاكا ؟
سليمان : سيرو وهي غذا واصلة عليكم راها معايا انا والوليد الخالة ...
بمسافة طريق من فاس وصلو لازرو تحل الباب ديال الفيلا ودخلات هي وصهيب لقاتهم فاستقبالها كلشي سلمات عليه وعنقاتهم كانت العشرة ديال ليل تعشاو وطلعات تنعس وترتاح ...حطات تيليفون عند راسها بقا يصوني يصوني يصوني بنمرة حسن ولا من جاوبو ...
اصبحنا واصبح الملك لله ...حلات عينيها على ايدين الحنانة يامنة مبتاسمة فوجهها كتفيق فيها ...
نوار"بصوت باح " : صباح الخير ...
يامنة : صباح نور ابنتي ...هبطي تفطري باش تمشي تقضي غراضك ...
نوار"تفوهات " : واخا انا نايضة ...فين ماما. ؟
يامنة : مشات لعيادة عيطات ليها طبيبة الي معاها شي حاجة مستعجلة ...مزال يلاه وصلات عيطات ليها ...
نوار"ناضت من فراشها كتقاد فيه " : لا را ملي كانت فهامبورغ وهي كتعيط ليها كانت غاتجلس كتر من هكاك غير دعقتها ...
يامنة : اه ايوى صافي ...يلاه دغيا نزلي ..."حركات ليها راسها هاديك دخلات دوش تقضي روتينها ولاخرى خرجات ...لبسات حوايجها مع كان شهر تسعود مزال حال سخون شوي ...لبسات غير سورفيت صيفية خفيفة فالخضر وهزات صاكها وواحد ملف كيتسد فيه شي وراق وهزات تيليفون الي صونا ليها فايدها شافت سميتو ومجاوبتش ونزلات لتحت ...
لقات باها جالس كيفطر اما دراري خرجو لخدمة ومنهم اشرف تاهو الي رجع يسطاجي لكن غايمشي يتقيد باش يكمل ليصونص بخوفيسيونيل فدومين الي بغا ...
يوسف : مانمشيش معاك ؟
نوار"هزات كاس قهوة مخلطة شربات منو " : لا لا انا نقضي راسي ...عطيني كونطاكت طوموبيلتك ...
نوار : ان شاء الله ...يلاه باي .."هزات ملفها وصاكها وخرجات مشات لطوموبيلة مينة القذيمة رونو كليو كحلة ...حلاتها ودخلات وديمارتها وزادت خرجات من الفيلا غاديا فطريق حتى صونا ليها تاني ...وجاوبات ...
نوار : وي حسن ...
حسن : انا وراك غير توصلي لمقاطعة وقفي مدخليش تنهضر معاك ...
وقفات قدام المقاطعة وبلاصات السيارة خرجات من بعد ماهزات الملف وصاكها وتيليفون وهي تسد الباب وتكات على طوموبيل تا خرج هو من سيارة حيث وقف وراها ...ووصل عليها فين واقفة ...
نوار"تاففات " : بارح وصلت عيااانة تالعشرة ليل وليوم فصباح كان بابا منقدرش نحاوبك وانا حدا دار ...وملي كنت بوحدي جاوبتك ...
حسن : كون كان شي واحد اخور كون جاوبتيه دغيا وانا كتقولي ليا دار ...هادشي علاش قلت ليك نخطبك مبغيتيش ...عاجبك هادشي دابا ؟
نوار "زفرات بنفاذ صبر " : حسن راني جيتك نيشان مابغيتش احسن مابغيتش حاليا حتى نكون مستعدة نفسيا ومعنويا ...حتى نكون قادا بمسؤلية اخرى الي تخليني وخا نطيح فمشكيل نكون قدو ...ياك هادشي الي بغيتي تسمع ؟ مابغيتش نتزوج بيك وانا كنفكر فلاخور ...ماقدرتش احسن منكذبش عليك ماقدرتش ....
حسن : نوار ...اا...
نوار"قاطعاتو " : حسن حتى الهضرة فتيليفون بلا متبقى تهضر معايا فيها . ...مكتعاونيش باش نتخطاه وتعوضني غير مزايد كتخلي المقارنة بيناتكم ....
رجعات لفيلا و دخلات بلاصات طموبيل لور جاب الله دنيا خاوية ...كتجري من لور باش ميشوفها حد وطلعات لفوق ودخلات لبيتها سدات عليها ومشات غسلات وجهها وحنكها الي كانت شادة ومنخرها دايز بالدم ...بقات حتى تنفسات ومشات هزات حبة مهدئ شرباتها خلات ليامنة
ميساج فيه بالي غاتنعس حيث عيات ...حطات راسها فالفراش ونعساااااااات مفاقت الا على اذان العشاء ...وغير يسرى الي فيقاتها ...
ياسين "شاف قدامو وشاف فالخدامة وداك زيتون ..." : خاطري ديما عامر الوليد ...جربت وشفت وعشت وعطيت وقت ...جربت نتعايش عادي وحدي …جربت نعيش عادي والروح قدامي جربت نتعايش بلا روح ماقدرتش ...ماقدرتش الوليد ماقدرتش ومغانقدرش ...خليني نجرب الخطوة لولة الي قلت ليك ونجرب البدية الواعرة وانا وزهري ...
فؤاد : وضح ليا وعطيني المفيد من هضرتك وشرح المغزى ...
ياسين : الي فالقلب راه فالقلب وعمرو يحيد ولا يتبدل...الي خاطرو مريض ربي يجبرو خاطرنا مرض بجوج الوليد ضاعو منا الكبدات وربي يجبرنا..."هز ايديه دوز على شعرو " حاس براسي باغي نرجع وهذا جهد...جاب ليا ربي فرص ثانية فسيفة غيرها ماقدرتش وبغيت نخطوي لفرصة ثانية معاها هي ،،كانت حبيب وولات بمشيتها لبلاد بعيدة برانية ورجعات لبرانية نفسها استوطنات كل اوطاني ...
فؤاد : كل اوطانك يعني ملكاتك بكل ما فيك خلي عليك القلب الي تملك من لول ...
ياسين : ملكاتني من لول وزادت ملكاتني كلي ..."هز فيه عينيه اول مرة يشوف فيهم فؤاد واحد لمعة ديال دمعة محجرة فيهم …وقال بصوت دااافي وحنيييين" يمكن هذا لوقت فين نشوف مرجوعي لمرتي …ومرجوعي لحنانة ولادي ...شهلة قلبي ...
~~~~~خلي الي يقول يقول الحقيقة جواتي والي هدرو
ماشافو ماعاشو حياتي رافد جبال محان صاحبي ونبان لك فرحان المضاهر هادي خداعة ...
لا يتركك وحدك مهما كانت الصعاب تجده حاضراً دون أن تطلب فلا يأتيك كلما أحب بل معك دائماً تلتقي به مرة واحدة بالعمر فلا يغادر قلبك وان ابتعد
وتبقى ذكراه عالقة بالقلب والروح
ولن يتكرر ابدا🌝🌼
Jamila el fatouaki
كيف كل صباح في اليوم الي مكيكونش خدام فيه كيخصص وقتو لاراضيه واملاكو وطبعا الفياق بكري عندو بالدرجة لولة ...هاد النهار استثنائي لان عندو الخدمة فعلا لكن اضطر انه ميمشيش وعطا تعليمات من بعيد واجل شي مواعيد للاسبوع المقبل ...كيف حل عينيه مع الفجر كياذن توضى وصلاه ومشا لبيت لاخور لبس تيشرت وشورط ونزل لتحت بصندالة صبع تال عند الباب لقا البوط ديال لميكا لبسو ومشا
ياسين"دخل على نعيمة عاد دخلات كتعجن وتوجد ليهم لدار لماكلة ولخدامة الي برا .." : صباح الخير ...
نعيمة : صباح الخير اولدي ...اتاي ياك ...
ياسين"هز ايدو " : لا لا غير بقاي انا نديرو راسي داير بحساب بَّا معايا ...غير كملي نتي..
نعيمة : وااخا ولدي ...
هز الما طايب وعمر براد اتاي وشحرو فوق البوطة عاد زاد سكار ودار براد اخور بلا سكار لجدو وجدو فالصينية بكيسانو ...
ياسين : الفطور بلاش غادي نفطر مع الخدامة ...فطري نتي متنسايش راسك تاني كيف ديما هاني وصيتك ...
ياسين"حرك ليها راسو وخرج من الكوزينة هاز صينية فايديه حيد البوط ودخل حطها فالصالة الي فيها بلازما فين كيتفرجو وكب ليه كاس ديالو شرب لول وثاني هز الكاس بدا بيه سيجارة خرج لعند الباب ودخنها...تا كمل كاسو عاد دخلو حطو وخرج مشا نيشان عند الخدامة بعد نيت تا دخل بين شجر زيتون حتى وقف عليهم ...
نعيمة : هذاك ملح لا بغيتي نشرملو بالربيع وتومة وتبزيرتو نديرها ولدي ...غا هو جاني عجب ...
ياسين : لا غانديه معايا ...ماشي ليا ...
نعيمة : لدار ازرو ؟
ياسين"قالها بصوت حنييييين تقولي قلبو الي نطق وقالها مع تنهيدة" : ليها ليييها الي كيعجبها وتعجبني هي ..."حنحن" ماعلينا وجديه هاد نهار فشي طاسة كبيرة نديه ...
قالها ليها وخلاها ضارت مسولت محكرت صافي دير داكشي الي قاليها وصافي صلاة عالنبي ....
تحت الرشاشة كانت واقفة ولما سخون نازل على شعرها مع كشاكش شامبوان وفنفس الوقت كتمشط فيه وتعاود حتى غسلاتو مزيان عاد دارت باندوش وتشللات وهي تخرج لبسات بينوارها ودارت فوطة على شعرها وخرجات من دوش وجهها مزنگ ويقطر بالما وتكحب وتعاود ...حتى مشات لمجر جبدات كريمات ديالها ذهنات جسمها وايديها ودارت سيروم لشعرها خلاتو فيه ولوات عليه فوطة ثاني عاد مشات لماريو جبدات سروال سليم رجليه قصار شوي حد الكعبة وتريكو قطن طويل ودوبياس كحلين ...لبساتهم ولبسات حوايجها
مشطات شعرها وخلاتو مطلوق ينشف راسو عاد مشات لكوافوز ذهنات ايكخون طخونسباغون لوجهها ورطبات شفايفها فقط هادشي مدارتش اي نقطة ميكاب رشات بارفان كان قدامها ديال فاني مانتابهاتش ليه را هو الي كان جاب ليها ياسين بلا متشعر رشاتو عليها دارت ساعتها وضارت هزات وراقها دارتهم فصاح طويل دارتو فجنب عاد جلسات لبسات تقاشر وسبرديلا بسوميلا على حسب رجلها ...وهي ضور بغات تهز تيليفونها حتى صونا ...هزاتو وهي تلمح اسم MINA ...
نوار"ناضت كتسد سيور سبرديلتها" : ياك غاتجي من بعد تبقاي معايا الى مشفتكش انشوفك غذا"مدات ليها بوسة فالهواء ومشات كتزرب قبل متسولها مها على منخرها وحنكها كي بقاو باش متسولش حتى مينة ...
خرجات لجردة وضارت لقاتهم جالسين بعيد فالجليسة الي تما مقابلة مع المسبح وفؤاد جالس كيكمي فالگارو ...حتى وقفات عليهم سلمات على رياض وفؤاد وباها ...
لقا سلام على الجالسين وعنقها بجنب مبتاسمة وفرحانة معاها اكبر نقطة ومركز الامان هو فؤاد سيري بعينيك مغمضين مكاين الي يوصلك ولا يقرب ليك ...ركبات حداه فطوموبيل وانطالق بيها وفطريقهم نطق بسؤالو ليها ....
دخلو المقاطعة معاها فؤاد بمعرفتو دغيا سرباوهم وعطاوها وراقها جمعاتهم ...رجعو لطوموبيل وهي جالسة حس بيها فؤاد شي شوي مرتاحة وما مرتاحة مرة تبتاسم راسها مرة ترجع تغوبش ويطيح عليها ضيم ...حتى نطق بصوته وهي ضور ...
فؤاد : الكريز الي وقعات ليك خاص يبقى يمشي ويجي معاك شي حد غير هادشي نوار نبغي صراحة هاد الهضرة درت ليك خاطرك ومزال كنتسنى منك تقولي ليا شنو كاين ...كوني هانية وماكدة الى فات تا عرفت را ماشي كريز حسابي معاك نتي وعارفة الى تقلقت منك اش كيوقع ...
نوار: عارفة عارفة عمي فؤاد ...
فؤاد : نتمنى ...زاد كسيرا فطريق تا وصلو لفيلا دخل ومع دخل لقا صهيب كيتسنى فيها غير نزلات مشات هزات بقية الوراق الي محتاجة ثاني وجلسات تا كلات شوي وهضرات مع مينة عاد نزل صهيب عاد مدوش عيط ليها وخرجو مشاو بزوج لفاس وصلات لطرجمة حطات وراقها وعطاوها اجل لعشر ايام يلاه يوجدو ...
نوار : واااو عطلتوهم ...
البنت : الوراق كتار وترجمة عندنا غير زوج ناس الي كيترجمو الالمانية يعني يلاه يلاه مع كاينين وراق اخرين ...
نوار "بقلة حيلة " : بفففف...
صهيب : هي هاديك مع يوجدو غاتمشي نيشان هزيهم وطلعي لمطار ...
نوار : صااافي ...
خلات ليهم الملف من بعد ما خلصات وهبطو ركبو وانطالقو نييييييشان لازرو مسافة طريق حتى كانو تما ...لقاو مينة باقا بقات معاهم حتى تعشات جا اشرف والحبيب ...وراوية ومعاها صفية الي فرحانة حيث الغذ ليه عندها موعد باش تشوف واش ممكن تشوف جنس الجنين ...بقاو تتعشاو وسهرو شوي ورجعات راوية وصفية الفيلا ومينة طلعات لفاس هي ورياض وماجدة ...بقات نوار جالسة فجردة صونا تيليفونها بنمرة غريبة وهي طفيه ...بقات متكية جا اشرف هضر معاها الحبيب نشطو معاها شوي وكل طلع ينعس حيث عياو شي بالخدمة شي بتوجاد وراق لقراية ثاني ولقات هي وحدها ...حتى عيات وطلعات لبيتها ونعسات ...صبح يوم جديد معندها فيه والو فقط فاقت كيف عادتها دارت روتينها صباحي ولبسات بيجامة خفيفة كولون بلومارين وتيشرت فنفس لون عندو بينوار لكن ملبساتوش حيث حسات بصهد ماقدراتش الكليما مشعلتهاش وشربات دوا لكن كحبة بقات فيها محيداتش وراسها مزير بالكحبة ...نزلات لتحت لقاتهم فطرو طلات على ساعتها كانت تسعود شي فطر وشي باقي مفاق ...
نوار : خالتي كريمة فين ماما وخالاتي ؟
كريمة : رااهم يامنة فصالون مع عمك فؤاد رميمتك خرجات مع باك شوي وتجي مشاو يتقداو شي حاجة دغيا باش تجي تجلس معاك ...وسارة مع صهيب لفوق فطرو وطلعو ومروان مشا مع رميساء لفاس هو وعلي يذورو قبل ميمشيو راكي عارفة باقين تما نيت ...
ياسين : مرض ومرضني معاه الي كتحسي بيه كنحس بيه بدوبل ...
نوار "حدرات راسها كتنخصص مسكينة وخاطرها ولا فيه العذااااب ...كتسمع تنخصيصة مع تنهيدة وشهقة ...نطقات بصوت ممسموعش كيتسمع غير انين وصوتها مبحوح ليها " : مابقاش عندي الحق نحاسبك ولا نغير عليك الي درتها معندي فيها حق ....
ياسين : نوار تهدني الله يرضي عليك حني على خاطرك باش تحني على خاطري معاك ...
نوار"سكتات كتسمع غير شهقة تنخصيصة ...مسحات دموعها بطرف تيشرت ديالها.."
ياسين "هز ايدها فرقها تا باس كفها وطول فالبوسة " : يلاه معايا نهضرو نفكو العقدة ...هذا جهد الله يرضي عليك حني فقلبي بخاطرك الي مرض ليا معاك ...را غيير نتي الي كاينة ...ومعمر بنت المراة تجي بلاصتك وتعمر ليا هاد ليسر الي ضرب وزاد ضرب ثاني بيك وليك ...
نور الياسين الجزء 39
محتوى القصة
التنقل بين الأجزاء