اوا يا لالياتي صبح صباح جديد كيحمل اخبار سارة لحفيظة لي تيليفونها كيرن مع الخمسة دالصباح جاوبات و هي فيها بحة دنعاس
حفيظة: الو (سادة عينيها)
فهد: صباح الخير امدام حفيظة ههه سمحيلي فيقتك ولكن راه من قبيل و انا منشور فكيكو و جالس فطوموبيل
حفيظة:(فاقت بلهلا يطريه ليها قفزات و قلبها كيضرب) نتا جيتي
فهد: جيت اعمري هه
حفيظة: واخا واخا احم انا انقولها ليوسف اجي عندك
فهد: اذن الزنبقة حتى هو هنا (ابتسامة)
حفيظة: اه كاين انا نقولو جيتي و ايجيبك لهنا (كطير فبلاصتها و قلبها كيضرب قطعات الخط و لبسات عليها كاب و خرجات من بيتها متاجهة لبيت حنان وقفات قدام لبيت و بقات كدق دقات متتالية حتى خرجات عندها حنان مدوخة بنعاس)
حنان: حفيظة مالك فايقة فهاد لوقت وقعات شيحاجا
الزنبقة:(لبس حوايجو و دار لماسك و خرج عندهم) صباح الخير
حفيظة: سمحولي فيقتكم ولكن فهد وصل لكيكو و خص لي يجيبو داكشي علاش فيقتكم
الزنبقة: فهد هنا فوقاش هضرتو فوقاش تصالحتو؟
حنان: ماشي وقت الاسئلة دابا سير جيبو
الزنبقة: واخا (دخل لبس الجاكيطة و خرج ) ماقالكش فين كاين
حفيظة: لا ولكن هاك نمرتو هضر معاه(عطاتو نمرة)
الزنبقة: واخا هاني شوي و نجي (كيشوف ف حنان) دخلي من لبرد
حنان: واخا
مشا الزنبقة من بعد ما صونا لفهد و قالو كاين فسوق و بقات حنان مع حفيظة
حنان: مالك كترجفي ها حبيب لقلب وصل هههه
حفيظة: خايفة بزاف كيفاش انشوف فيه اووف
حنان: تهدني كلشي ايتصلح هاهوا جا لعندك حتى لهنا
رابحة:(خارجة من بيتها كتفوه) صباح الخير اش فيقكم
حفيظة: راجلي ايجي هه
رابحة: ااه عليها اوا على سلامتو
حنان: و نتي علاش فقتي
رابحة: اصلا كولشي فاق رجال و عيالات ليوم عندنا بزاف مايدار و هاني انمشي للكوزينة قبل ما نسمع لهضرة من عند ايطو
حنان: هه الله اعاونكك
رابحة: اميين
...خرج الزنبقة متاجه للسوق و شاف فهد قدام طوموبيل ديالو
الزنبقة: لي شافك هاكا اقول ماشي نتا لي صيفطتيها فديك لحالة
فهد:(تصافح معاه) الشيطان لعب بيا و جيت نصحح لغلطة
الزنبقة: زيد زيد البنت كتسناك
ركبو فطوموبيل و تاجهو للدار هبطو و فهد كيشوف فدار عجباتو حتى شافها لفوق كتشوف فيه و عينيها فيهم الدموع ابتاسم ليها و حل ليها يديه بمعنى اجي اما هي بحال الى عطاها ضو لخضر جات نازلة فدروج كتجري و تلاحت عليه عنقاتو و هو زير عليها دافن راسو فعنقها كيحيدو الشوق
حفيظة: توحشتك افهد اهئ اهئ
فهد: سمحيلي انا سباب انا سباب فعذابنا
حفيظة: شش ماتقول والو خليني نشم ريحتك نشبع منك
الزنبقة:(ضيع ليهم الجو) احم احم منين دخلو لبيتكم و شبعو من بعضياتكم ممكن دابا تزيدو
عيطات حفيظة على لعيالات و حتى على رجال و عرفاتهم على فهد و رحبو بيه و حتى هو شكرهم على الاستقبال ديالهم و جلسو فالطبلة مجموعين كيفطرو و يضحكو بعدها فاقت حورية و معتصم و كوهينور و نورة و هبطو افطرو حتى هوما و تعرفو على فهد حتى طل شاكمة من لفوق كيشوف فهد مامتيقكش اش كيشوف و هبط مكشكش لعندو شدو من لكول و طلعو عندو
شاكمة:(كيشوف ف مبارك) عمي نتا كبير العائلة واش ترضى هادشي اوقع راه طلقها
مبارك: واش بصح طلقتيها(كيشوف ف فهد)
فهد: اووف كنت معصب و خرجات من فمي
لكبيرة: اذن فاش كل راجل اتعصب من مراتو انوض اطلقها عيييب هادشي
مبارك: الله الله دابا هاد لوردة لي عندك عصباتك بحال هادي تحطها غير قدامك و تمنظر فيها علااااش كتفرطو فالنعمة علاش شوفني انا مزوج بايطو و ديما كنتعصبو من بعضياتنا و لكن عمرني خرجت الطلاق على فمي
اوسمان: دابا لي وقع وقع و هوما بغاو بعضياتهم
شاكمة: لا مستحييل ترجع ليه
حفيظة: و ماااالك نتا شغلك ادخل سوق جواك انا كنبغيه و بغيتو راجلي
شاكمة: و انا (بعينين حزينين) شنو ايوقع فيا
حفيظة: قلتهالك امحمد راه مكنبغيكش
مبارك: لحسن
لحسن: نعام اعمي
مبارك: عيط للفقيه نشوفو الحل
لحسن: امرك
مبارك: و هادشي مانبغيهش اتعاود (شاف ف فاطنة) جيبي لقطن و دوا لحمر
فاطنة: علاش اعمي
مبارك: واش مكتشوفييش وجههم كيف داير خصهم اداواو
فاطنة: واخا اعمي هاني نجيب
شاكمة: صافي طلق (نفض راسو من اوسمان و مشا طلع للفوق مكسور و معصب حتى خرجات فيه نورة كضحك و متكية على لحيط)
نورة: اووه العاشق الولهان معصب ههههه خلاتك حبيبتك و مشات عند واحد آخر يا حراااام مسيكييين
شاكمة:(شدها من عنقها و لسقها مع لحيط حتى خرجو عينيها) علاااااش كتقلبي يالقحبة اش باغاااا مني
نورة:(كتخنق) بعد بعععدد مني كح
شاكمة: ماتعاودييييش تقربيلي حسن مااااانقتلك(جبد لفردي و حطو على راسها) هاداااا غادي نخويه فييييك
نورة:(كديرلو لا براسهااا و على شوية تموت)
شاكمة:(دفعها طاحت للارض كتكح و هو كيضرب فالحيط ) قودي عليااا
نورة: نتاااا مريييض كح كح كح كح
شاكمة:(شدها من شعرها و تقابل معاها) ماااااشفتي واالو حسن بلا ماتشوفي و خوي سااااحتي و ماتستافزينييييش
نورة: هادشي كاملو دارتو فيك حفيظة ههههه كترجل على لعيالات و سيدك خداهاليك عرفتي كنت بغيت نردلك الصرف و نوريك شناهي يرفضك شيواحد ولكن الحمد لله ربي كياخد الحق و هاني شفت حفييظة كترفضك
شاكمة:(شدها و سبقليها راسها لتحت باغي يلوحها من لفوق) ماكااانش كيحسابلي بلي حتى القحبات كيعرفو الله كوون كنتي كتعرفيه ماغادييش تخرجي للطريييق المسخة نلووووح مك منهنا دابا
نورة: (كترجف و هي كتشوف لتحت الى طلقها اطيح ) طلعني واش حماااااقيتي
شاكمة: (جرها لعندو و رماها فالارض حتى تجرحات فيدها) غاااادي تبعدي من طريييقي حسن ليك حيت مرة اخرى غادي نقتلك كتفهمييييي (مشا دخل لبيتو و خلاها منشورة فالارض)
نورة: حتى انا كتعجبني الحاجا صعيييبة و دابا نشوفو (هبطات لتحت لعندهم كانو جابو لفقيه و جالسين حداه كيتشاورو معاه)
لفقيه: ولدي نتا عارف بلي هادشي لي درتي خايب و ربي مايبغيهش
فهد: انا كنت معصب بزاااف
لفقيه: ماشي غير تعصب خاص تنوض طلق لبنات ماشي لعبة و الله سبحانه وتعالى وصا على النساء بالخير
فهد: والله اسي لفقيه حتى كنت معصب كثر من لقياس و كان كيحسابلي مرتي كتخوني و ظلمتها و ماحسيت براسي حتى رميتها بالطلاق
لفقيه: التسرع خايب راه في العجلة ندامة و ربي خلا فرقبتنا امانة و لي هي النساء
اوسمان: و شنو دابا هو بغا يرجع مراتو و حتى هي بغاتو
لفقيه: ماتخافوش حتى كون طلقها عشرة د المرات مكيدوزش الطلاق
حفيظة: كيفاش مفهمتش
لفقيه : الراجل فاش كيكون معصب بزاف لدرجة عقلو ماشي فراسو و رما على مراتو طلاق مكيدوزلوش حيت معصب بزاف و هاد طلاق باطل و نتي ابنتي باقا على الذمة ديالو و مراتو
فهد: (مبتاسم) شكرا بزاف
حفيظة:(عنقات ختها حنان) ههههه انا باقا مراتو
لفقيه: مرة اخرى عرف اولدي اش كتخرج من فمك
فهد: عمرها ماغادي تعاود ان شاء الله (مشا عند حفيظة و باسلها جبهتها) سمحيلي على كولشي
حفيظة: نتا لي خاص تسمحلي والله مابقيت نعاودها و مابغيت والو من غيرك تعلمت الدرس مزيان
فهد: نساو اش وقع
حفيظة: ولكن كيفاش عرفتي بلي انا مادرت والو
فهد: سمعت ادم كيهضر مع المندجر تعصبت بزاااف كنت انقتلهم
حفيظة: صافي مكاين مشكل فاتت
حنان: فهد تهلالي فختي هي أمانة عندك ماتفرطش فيها
فهد: هادي اخر مرة نفرط فيها
يامنة: يالاه البنات وجدو حوايج لحمام باش دخلو
كوهينور: و اخيييرا قنطت بهاد الحنة
اوسمان: (كيضحك عليها) هههه اه سيرو تحممو
مايا:(شافت لنورة فيدها) نورة يدك مجروحة
نورة: طحت قبيلة
مايا: انتابهي
حورية:(من صباح و هي كتشوف فمعتصم حتى شاف فيها فهمها و ناض بعد شوية و تبعاتو) علاااش درتي هادشي
معتصم: اشنو درت
حورية: قلتي لكوهينور علينا و دابا ولا كولشي عارف قصتنا
معتصم: هي سولاتني و انا مكنخبيش على بنتي
حورية: يااااك اللهم قوي ايمانك مانعرف شكون خبا عليها بلي يوسف ولد عمها
معتصم: كانو عندي اسبابي و عمرك نتي و يوسف اتفهموني
حورية: اش انفهمو فيك نتا راك خرجتي عليه ضيعتيلو حياتو ماشي هادا معتصم لي كنت كنبغي لااا
معتصم: عمرلك راسك عليااا انا باقي كيما كنت ولكن منقدر نقول حتى حاجا انا مجبر خايف على بنتي تموت
حورية: بارااكا من لكدوب و من الافضل تبعد مني
معتصم: انا ماتيقتش فوقاش لقيتك كنت كنتعذب احورية و عااارفك بحالي عشريين عام راه بزاااف باراااكا حني فراسك و فيا انا و ياك…
حورية:(قاطعاتو) ماكايناش شيحاجا سميتها انا وياك عمرني نسمح ليك و عمرني نفرط فيوسف غير حيد ديك الفكرة من راسك(مشات و خلاتو تماك هرساتو و مشات لبيت جمعات حوايج الحمام بحالها بحال لعيالات و لبنات و خرجو كاملهم و مشاو للحمام دخلو بالزغاريت و الغنا و كيقشبو و يضحكو فالحمام)
نورة: (كتغني) انا العايلا مولاتي زين و القد يواتي و يالالة
لبنات: امولاتي
نورة: الالة امولااااتي
مايا: ههه سربيو البنات غسلو راه ليوم ليلة الحنة
حفيظة: ليووم انحنيو لكوهينور
مايا: هههه ماشي غير هي حتى اوسمان ايكون
حنان: هههه اتحنيو ليه حتى هو
مايا: هههه ضروري خاص احضر القاعيدة هاكا كتكون
لكبيرة و ايطو سالاو و كيلبسو حوايجهم اخرجو باش اوجدو مراسم الحنة و شوية تبعاتهم يامنة
كوهينور:(كتغسلها شعرها فاطنة و رابحة كدلك ليها صحتها) احح الله على تحميمة فلتات لاوسمان هههههه
رابحة: الله امسخك لي سمعك اقول ديما كتغسلو فالحمام
كوهينور: ايه دخلت عندو واحد لمرة حكيتلو ظهرو
فاطنة: اويلي اش درتو دوي
كوهينور: مادرنا والو حكيتلو و خرجت هههه
رابحة: نتي عارفة بلي خاص ضروري اشوفو دم نهار دخلة
كوهينور: ماتفكرينييش انا اصلا خايفة و الى ماخرجش دم
فاطنة: ايقولو عليك ماتسوايش و انتشوهو فالقبيلة كاملها
حورية: بلا ماتخلعوها ههه
رابحة: اوا غير قلنا ليها
كوهينور: اجي نتي فين نوميديا
فاطنة: خليتها مع باها
كوهينور: ههه و اخيرا ولفها
فاطنة: ولات كتعجبو ههه
حفيظة: حنان الى ساليتي خرجي باش مادوخيش
حنان:( كدير باندوش ) قربت
بقاو لبنات كيتجمعو حتى سالاو فدقة و ناضو لبسو حوايجهم و خرجو باين عليهم الحمام كل وحدة مشات لبيتها كتوجد راسها لحفلة الحناء اما الرجال حتى هوما كانو فالحمام و رجعو من غير الزنبقة لي اعتاذر و بقا فالبيت حتى دخلات عندو حنان مزنكة بالحمام
حنان: واصاف بعد مني خاص نوجد راسي راه حفلة د الحنا من دابا شوية
الزنبقة: كليتي بعدا شيحاجا
حنان: مافياش جوع
الزنبقة: اها و شنو بسلامة ناوية تلبسي منين متحمسة
حنان: (ناضت كتوريه لقفاطن ديالها) شكون زوينة الحمرة و لا صفرة
الزنبقة: امم لبسي صفرة نشوف
حنان: واخا ولكن حتى نصايب شعري
الزنبقة: لاش كتصايبيه تحرقيه خليه كيما هو
حنان: اه صافي انخليه غير انشف و انصايب دابا ماكياج ديالي
الزنبقة: ولاش الماكياج نتي زوينة طبيعية مالك باغا تخرجي لعندهم بحال الطعريجا
حنان: يوسف شفتك زدتي فيه مالك كتحكم فكوووولشي
الزنبقة: لا انا غير قلتلك شنو كيعجبني
حنان: ماشي شغلي فشنو كيعجبك المهم ندير انا شنو كيعجبني و فاش نرجعو بعد غدا للدار و قولي شنو ندير حيت كيما كولشي عارف راه عندك عرس اسي لعريس
الزنبقة:(حاط يدو على خدو كيتصنط ليها) اممم ان شاء الله
حنان:(خنزرات فيه) بارد القلب يخ (مشات لبسات تكشيطة صفرة جاتها متيولة مع ذهبها و خلات شعرها كيما هو و دارت ايلاينر على عينيها و عكر غوز و رجعات لعندو) كيجيت
الزنبقة:(ابتاسم ليها) زويينة (كان لابس حتى هو طقم ديالو و كيقاد فالكرافاطا)
حنان:(قربات لعندو كتقادلو الكرافاطا ) حتى نتا زوين
الزنبقة: هه شكرا نهبطو
حنان: يالاه
هبطو لتحت لقاو لعيالات لابسين و مقادين و رجال حتى هوما و جلسو كيتصورو بيناتهم و كيسجلو اللحظات الجميلة
لكبيرة: يالاه تجمعو على طبلة نتغداو و نبداو حفلة الحناء علاما تلبس عروستنا و يلبس عريسنا ....
سالاو ابطالنا الماكلة و ناضو واقفين فالساحة كيشوفو ف كوهينور و اوسمان نازلين لعندهم كوهينور لابسة قفطان بالطرز الفاسي و طالقة شعرها و دايرة سبنية امازيغية و فوال فوقها و بلا مانسا الاكسسوارات الامازيغية اما بالنسبة للماكياج فدارت كحل لعينيها العسليتين و شرطة فوق عينيها و هايلايتر و عكرحمر قاتم مزين ابتسامتها لي كضوي وجهها و فرجليها لابسة شربيل ديال الصم فالاصفر اما اوسمان فشادلها فيدها و كيضحك معاها لابس جلابة فالابيض و بلغة بيضة و مطراسي اللحية و مطلع شعرو للفوق هابطين و البنات كيرميو عليهم الورد و كيصليو على النبي و يزغرتو فهادشي كاملو كانو كيرمقو بعضياتهم بنظرات حب و عشق...هبطو للصالون و جلسوهم فالجلسة لي صايبو ديال الحنة ليزار فالحيط و الحطة متيولة و قدامهم الشمع و قالب السكار و الورد و كولشي كيزغرت ليهم و فرحان معاهم و النقاشة جالسة جيهت كوهينور كتوجد الشوكة من بعد ما خلطات الحنا بالدوليو...شوية وصلات عائلة ايطو لي كانو قلال بيهم و باركو لعرسانا و ايضا عائلة رابحة و فاطنة قررو ان حفلة الحنا تكون غير بين العائلة حتى لغدا و يجيو لقبايل غدا السهرة الكبيرة….بدأت النقاشة كتنقش لكوهينور و اوسمان مرة مرة كيهضرلها فوذنها و يضحكو و نورة حلقها واصل لآخر زنقة بالغنا و شيخاتها جاو و حماو الطرح بالبندير و الصينية و الدربوكة شوية نوضات رابحة حنان و حورية يشطحو و ناضو كيشطحو و تبعاتهم حفيظة و مايا حيحو بالمزيان...حتى جبد يوسف حنان
الزنبقة: راك حاملة حاولي على راسك
حنان: بغيت نشطح علاش كتحرمها عليا
الزنبقة : ماقلتلك والو غير حاولي و صافي (همس ليها فوذنها) منهنا شوية اناخدك لواحد لبلاصة زوينة
حنان: (بفرح) فيين
الزنبقة: غير تسالي الحفلة و ناخدك هه يالاه رتاحي دابا
فهد:(ناض كيشطح مع حفيظة ) هاااديييك هاديك
حفيظة:(شدات لموزون و حزماتو) الله الله
نورة: الطااااليااان أشد الفيزااا و قطع كلامي
الشيخات: الطاليان
نورة: أشد الفيزا و عزل فراشو
الشيخات: الطاليان
نورة: حتى من لفكرون دار تيليفون الطاليان حتى من رتيلة لبست سبرديلة
الشيخات: الطاليان
نورة: فلوس الغدر مشاو في البحر
الشيخات: الطاليان
نورة: ملي وصل للروما خدم فالكرومة
الشيخات: الطاليان
نورة : امالي ماااالي على داك الغالي
الشيخات: الطاليان
نورة: اهاااا و فيين غاادي يااهااا و فيين غاادي اهاااا و بز منو وباغا نشطح بز منو
الشيخات: اها و بز منو
نورة : و غادي نحيح بز منووو
الشيخات: اها و بز منو
نورة: هي بغات بزطامو و هي بغات سلهامو و انا بغيت حبيبي نشطح قدااامووو الليل يا الليل سييير علاااه و العزييز على ميمتو عمرو مايتخص (ضربات الضربة التالية بالبندير و جلسو لي كانو كيشطحو )
حفيظة: هاحح الله اعطيك صحة انورة
فهد: لهوااايش هههه نتا مكتشطحش اصاحبي
الزنبقة: ههه خاطيني
رابحة:(هزات البندير و بدات) دورتاس دوراتاس تيسليت النون اينا
لعيالات: دوراتاس دوراتاس تيسليت النون اينا (كتعني دورو على العروسة ديالنا) ازييل و ياييخ اربي شمل غيفي ازييل و ياييخ اربي شمل غيفي (اعرسانا زوينين الله اكمل عليهم بالخير ) زايداس النعناع اواتاي اهاربي ياوا زايداس نعناع اواتاي اهاربي اوا
فاطنة:(بدأت هي عاوتاني) ايااايتوخااام سووداختيني ماخمرحباها ايايتوخااام سوداختيني ماخمرحباها (اعائلة العريس هاحنا جينا عندكم رحبو بينا هههه ليوم عطيتكم الاغاني ديالنا شلوح الاطلس و مازال الخيير ماعليناش بقاو ديك العشية كيغنيو و كينوضو يتصورو مع العرسان و يباركو ليهم حتى جات لكبيرة عند اوسمان)
لكبيرة: طلق يدك ليمنية ههه
اوسمان:(عطاها يدو) هاك اجدة
لكبيرة:(دارتلو نقطة د الحنا فيدو ) الله اكمل عليكم بالخير
(هزات الزلافة مناش دارتلو لحنا و بقات كضور على لعزبات باش ديرهالهم فيدهم و يتزوجو زعما ههه دارتها لهنية و نورة ووصلات لعند شاكمةة) حل يديك
شاكمة: لا اخالتي بلاش
لكبيرة: حتى واحد ماكايقولي لا قتلك حل يديك
شاكمة:(حل يدو و دارتهالو) مكنحملش لحنا
لكبيرة: اوا درنالك الفال لعل و عسى تتزوج اش بانلك نزوجولك شي وحدة منهنا
رجعات نورة كتحيح الطرح مرة تغني بالعربية و مرة بالشلحة و كلشي ناشط تجمعو رجال و عيالات العائلة و لبنات و ناضو دارو احيدوس فاللول جاهم صعيب ولكن من بعد فهمو ليه ...نوضات حنان الزنبقة و بقات كتوريه كيفاش ادير و هو شادلها فالخاطر و منظرو كيضحك و هو كيدير الحيدوس...بقاو ابطالنا كيشطحو و يغنيو و كوهينور فرحانة هي و اوسمان و عايشين لامور بيناتهم حتى طاح الليل و باقيين ماسخاوش بالتجمع ديالهم ….حطو لعشا و تجمعو كيتعشاو و نتوما عارفين العشا ديال العائلات المغربية خاصة فالمناسبات ارا لخبز جيب لما و تقشاااب و الضحك و ماكاينة غير الشلحة كتشير تماك و ابطالنا دايرين زي الاطرش في الزفة ماقشبلو والو هههه حتى سالاو اش كيساليو و جمعو لعشا و نشفات الحنة ديال عروستنا لي جاتها كتحمق و لكن ماشي بحال ابتسامتها لي طالعة من قلبها...ناضت حنان عيانة من السهرة و عظامها كيضروها و دوخة شداتها خرجات من الصالون باغا تتاجه لبيتها حتى جراتها شي يد و سداتلها فمها قبل ماتغوت…شوية بشوية حيد يدو
مشات معاه خرجو من دار و ركبو فطوموبيلتو من نوع فيراري و انطالقو هي مافيها مايهضر و فيها لموت د نعاس و هو مخليهاعلى راحتها حتى وصلو لبلاصة
الزنبقة: وصلنا
حنان: (كتشوف فالمنظر) زويييين بزاااف
الزنبقة: المنظر زوين
حنان كتشوف القبيلة من لتحت ضواوها كثار و هوما لفوق كيتمنظرو شوية حطات راسها على كتفو و هي باقا كتشوف و ساهية كتفكر فبزاف د لحوايج مابقاتش فاهمة علاقتها مع يوسف و مابقاتش عارفة واش اتهرب مع سراج ولا تتراجع و شنو ذنب ولدها بقات كتفكر و تفكر و طاح فبالها زواج يوسف من فيروز و بلي عذبها بزاف و جا لوقت فين تمشي طلقات تنهيدة طويلة خارجة من قلبها المكسور و يوسف حس بيها و بلا ميفكر بدا كيدندن و كيغني ليها بالانجليزية هي فالاول ماتيقاتش اش كتسمع وطلعات راسها فيه كتأكد واش بصح نيت كيغني بقات كتشوف فيه مافاهمة والو من داكشي لي كيغني و هو كيشوف فيها مبتاسم كيغني حتى سالا
حنان:(متفاجأة) صوتك زوين
الزنبقة: ههه شكرا
حنان: لي شافك كيفاش كنتي كتشوف فيا يقول كتبغيني ههه
الزنبقة:(تنهد) عندك الحق
رجعات تكات عليه كتفوه حتى داها نعاس على كتفو اما هو منين شافها نعسات ديمارا طوموبيل و رجعو للدار...هزها و دخل بيها لقا سكات كلشي مشا ينعس و دخل بيها للبيت حيدلها التكشيطة بحال شي بنت صغيرة و لبسلها حوايجها و بدل حوايجو حتى هو و تكا كيشوف فيها و كيحيدلها خصلة من شعرها كانت على وجهها بقا كيتأمل فيها حتى داه نعاس
اصبحنا و أصبح الملك لله ناضو كلهم بكري كيوجدو القصر و الخدم كيعاونوهم كل واحد مكلف بمهمة و رغم أن الخدم قايمين بالواجب الا انه ضروري خاص لي يوقف عليهم ...الطيابات فالكوزينة كيوجدو الماكلة و الرجال كيوجدو لخزانة و البولات لي ايضويو فيها و ماننساوش الفرقة الموسيقية لي وصلات و كتوجد الماطريال و رابحة و فاطنة تكلفو ببيت اوسمان لي وجدوها ليه على حقها و طريقها هاح ليوم اوسمان اياكل لحلوة 😂 قادو ليزار فالنموسية بيض ديال الطرز الفاسي و حداه شمع معطر و لورد فوق النموسية حمر و طلقو عود الند و خرجو سورتو لباب باش مايدخل حد حيت اوسمان ايوجد راسو فبيت كوهينور...ماعليناش مشات رابحة و فاطنة لبيت كوهينور لقاو كولشي تماك مجموع كيحطو فطيافر لحوايج ديال دفوع لي شراو ليها مابغاوش احطو معاهم لحوايج لي شرالها معتصم حيت ماشي من العادات ...اما لالة لعروسة كانت فوق النموسية كتقاد ضفارها و كتصبغهم و كتشوف فيهم اش كيديرو
حورية: مابقا والو و يوصلو البنات و هوما ايجهزوك
كوهينور: من الافضل مايتعطلوش النهار دغيا كيطير و خاص نكون واحدة
مايا: اصلا غير نتي لي بقيتي اما كلشي واجد لخزانة و البرزة و حتى شيوخ وصلو
هنية: اه حتى دقايقية وصلو من لمدينة ليوووم زااااهية القضية ههه
ايطو: (سالات من تستاف هي و يامنة) مايا عيطي لسعيد و لحسن اهبطو هاد طيافر لتحت باش فاش ابداو اطبلو دقايقية يخرجوهم
مايا: واخا ايما
لكبيرة: سيرو نيت شوفو راه لقبايل لي بعيدة علينا وصلو ناسنا منهم
يامنة: اه بصح حنا تجمعنا هنا نوضيلينا نخرجو
ايطو: اه
لكبيرة: اوا ابنتي كوهينور رتاحييلك باش فالعرس تنوري لينا
كوهينور: هههه واخا اجدة
لكبيرة: اوا نوض حتى انا نشوف ماندير
دخل لحسن و سعيد هزو طيافر و خرجات معاهم لكبيرة و بقاو غير لبنات فالبيت
حنان: مانعرف فين مشاو هادوك
حفيظة: قالي فهد ايمشيو مع اوسمان للقهوة يفوجو شوية
نورة: القهوة ولا زنقة لعيووون ههههه
كوهينور: اوااا صاااف والله و يكون خشاه فشي قحبة مانخليه يقيسني
فاطنة: غير حيدي ديك الفكرة من بالك هاد ليييلة ليلتكم هههه
رابحة: الا ميكونوش مشاو لتماك نعلو شيطان رجالاتكم باينة عليهم كيبغيوكم
حنان:(ضحكات باستهزاء) بزااف كاع هههه
….فبلاصة خارج كيكو شوية جات جيهت الأراضي الزراعية لخضورية شهوة منها و الفلاحة كيسقيو فالارض...كانو واقفين بربعة كيتجمعو اوسمان و يوسف و محمد و فهد
الزنبقة: و علااااش ماقلتيليش هادشي
فهد: ماجابتهاش الفرصة
الزنبقة: منيتك رااه كنتو غادي تمووتو والله و نشدد البووص غااادي ندمو على نهار لي فكر العب بيه معايا ولكن قرييب نوصل ليه مانرحموووش
فهد: مات لي كان مربيني عمرني نسااها (تنهد) كان و نعم الاب
اوسمان: في نفس نهار جاو شي رجال بغاو اقتلوني و يقتلو كوهينور و عائلتي
الشاكمة: يوسف خاصك دير شي حل البوص ماغاديش اوقف هنااا
الزنبقة: انا فرطت فكولشي باش نوصل لييه و مابقاا واالو البوص كاين فأيت يوسي
اوسمان: شنوووو
فهد: كيفاش باش عرفتيها
الزنبقة: بجوهرة الكوهينور و انا شاك فمعتصم
اوسمان: لا ماشي معتصم هو ميقدرش افرط فحياة بنتو
الزنبقة: هاداك راه فرط فخووه و فرط حتى فيا انا منستغربش
فهد: علاش مازال ماتحركتيش
محمد: حيت حنا عارفين فقط ان الكوهينور كاينة هنا ماعارفينش فين بضبط
اوسمان: علاش الكوهينور مهمة لهاد الدرجة
الزنبقة: حيت هي الرمز ديال منظمة الصهيونية بيها اقدرو اضمرو العالم اولها الدول العربية
اوسمان: منين الكوهينور خطيرة لهاد الدرجة علاش فرطتي فيهااا ماخفتيش
الزنبقة: انا ماشي مافيوزي انا سراق اي حاجا كنسرقها نص ديالها كنعطيهم للخيريات كاع رجال العصابة لكبار كيجريو عندي حيت عارفين ما خسرت حتى سرقة مهما كانت صعيبولكن نهار تعطاولي التعليمات نسرق الكوهينور سرقتها و كنت انعطيهالو ولكن وقعاتلي لكسيدة و وقعو بزاف د الاحداث و تحبسات الكوهينور عند معتصم و من بعد سنوات رجعت و رديتها ليا لكن ماقدرتش نعطيها للبوص من بعد ماعرفت النوايا الخبيثة ديالو انا عارف خطورتها و مافرطت فيها حتى كان عندي امل انني نشد البوص
فهد: و دابا رآها فيديه علاش مازال مادار والو
الزنبقة: هادشي فاش كنفكر علاش البوص مادار والو
محمد: ولا يمكن ماشي هو لي فيديه الكوهينور اقدر اكون صافط شيواحد اخر
الزنبقة: كون كان صافطو ماغاديش اتعطل عليه و اتوصلو دغيا ولكن لااا انا متأكد بلي البوص كاين هنا
اوسمان: عائلتنا فخطر
الزنبقة: نموت و منخليش شيحاجا خايبة توصل مراتي وولدي سمحت فكولشي كل مرة كنشوف دموعها و قلبي كيتقطع عليها و لكن ظروفي صعيبة خايف عليها بزاف
فهد: حنا انحميو لي كنبغيو واخا نعرفو نموتو
الزنبقة: (غمض عينيه و حلهم) ان شاء الله (شاف ف اوسمان) ماتعمرش راسك بهادشي نتا راك عريس هههه و اليوم عرسك
رجعو للدار من بعد ما هضرو شوية و تكلمو لقاو الدار عامرة بالناس شي داخل شي خارج شي كيتغدا شي كيوجد راسو المهم الحركة ماوقفاتش و كيفاش غادي توقف و المير ايتزوج و كوهينور اتولي كلمتها بكلمتو و كولشي ايولي دايرلها قيمة و كلمتها تضربلها الف حساب لبنات حاسدينها على بلاصتها و رجال حاسدين اوسمان على مكانتو و شحال من واحد ماباغيش هاد زواج و ماباغيينوش ارجع من الاساس حيت دابا منين ايتزوج ايولي مير ديال بصح ….كوهينور كانو كيوضعو عليها اللمسات الاخيرة من بعد ما قادوها و رجعوها اميرة ماكياج خوخي و شعر زايدينلو خصلات كيضربو للظهرها و تكشيطة خضراء مكلكية منبتة بلاحجار و مرصعة بالجواهر و مضمة ديال الذهب كتبري بلا مانساو الاكسيسوارات حلاقات طوال ديال الذهب و براسلي و سنسلة و التاج الواسع لاسق فيه لفوال الاخضر الشفاف و خاتمها لكبير و المنور فيديها المحنية و طالون فالذهبي سبحان من صورها طلعاات كتحمق و كتفتن بالزين كلشي حل فمو فيها احسن عوان اوسمان...لبنات ايضا لبسو احسن ماعندهم كل وحدة بقفطانها و كل وحدة بتكشيطتها و مع كل وحدة عندها طايتها مقودة جاو كيحمقو حتى هوما...فبيت الزنبقة كان سي لعريس لابس كوستيم اسود تحتو قميجة بيضة و سروال كحل و مطلع شعرو القهوي لفوق و قاد ساعتو و رش ريحتو ماخلاوهش ادخل لبيتو بحكم حتى يدخل ليها هو و كوهينور...الرجال حتى هوما لبسو ملابس رسمية و فرحانين مع اوسمان...فجأة بداو الدقايقية كيضربو و يطبلو و يغنيو و لعيالات كيشطحو بالدفوع الشمس بدات كتغرب و الليل يا الليل طويل….دخل معتصم عند بنتو و عينيه غرغرو بالدموع عاد لبارح شدها فيديه و دابا كتبان قدامو عروسة و اجمل عروسة ...شافتو كوهينور و ماقدراتش تتحكم فراسها و بدأت كتبكي ماكرهاتش حتى ماماها كون بقات حية و حضرات معاها هي فارقات مها منين تزادت و هاهي اتفارق باباها دابا كان و نعمة الاب ليها ماحسسهاش باليتم و تهلا فيها و لي حلات عليها فمها كتلقاها...ماكرهاش تبقا معاه ماتتزوجش و لكن هادي سنة الحياة بقاو معانقين و لبنات كيسكتوها باش مايضيعلهاش الماكياج...ماتفارقات مع باباها غير بالكشايف و مشا هو خرج باش مايضعفش قدامها...دخلو النكافات كيعشقو على النبي و كيزغرتو مخليين الفسحة اوسمان باش ادخل...غير دخل حل فمو فكوهينور و قلبو كيرفرف كيبغيها لا كيعشقها...شكون قال اتولي مراتو شي نهار و هاهي دابا قدامو كتبتاسم ليه ابتسامة عذبة بشفايفها لمنفوخين و المغريين لي ماكرهش اتلاح عليهم و عينيها لمشفرين و الكوحل بحال ظلمة الليل و خدودها آآآه خدودها الحومر لمزنكين بالحشمة ...رجليه وقفوه قدامها بلا هواه و هز يدها طلعها عندو باسها ليها مغمض عينيه كيحمد الله و يشكرو على النعمة لي عطاه …
حفيظة: اوسمان سد فمك الموت كضور هههه
نورة: بلا ماتزرب على راسك ليييلة و دير فيها لي عجبك
حنان: اويلي سكتو حشمتو سيد هههه
حورية: الله ادومها محبة و يخليكم لبعضياتكم ياربي
كوهينور: اميين (تنهدات باقا كتشوف فيه كيسطيها بوكوص كيحمقهااااا مامنعاتش راسها تشوف فيه راجلها و حبيبها كطلعو من الفوق لتحت شعرو لي مطلعو بطريقة رجولية و لحيتو مطراسيها و كتافو لعراض ووسامتو طاغية ما فاقت الا على صوت نكافات كيعشقو على النبي)
لكبيرة: يالاه اوليداتي بسم الله (كتقرا القرآن بينها و بين نفسها باش ابعد عليهم الله الشر)
خرجو بالصلاة و السلام على نبي كيزغرتو و يرشو عليهم ماء الزهر….اوسمان شاد فيد كوهينور بحال الى خايفها تهرب كيحماق عليها بل ولا مهووس بيها باغيها غير فوقاش تكون بين يديه ايطلعها للسما السابعة ايهدم اسوارها و ايغرق فبحر قبلاتها و جمال تضاريسها...مامتيقش بلي مزوج بيها مامتيقش بلي العرس عرسهم...سبحان مبدل الاحوال كان مكيحملهاش كان ناوي يضمرلها حياتها اعذبها اتلذذ و هو كيشوف دموعها لكن هي رداتو للاصل ديالو امكن ربي صافطها فطريقو باش تهدنو و باش تفتح قلبو و تتربع على عرشو امكن ربي صافطهاليه باش اراجع نفسو و يراجع خطواتو ...تلعن بالكوهينور اجمل بنت شافت عينيه و اجمل راجل شافت عينيها قلبها كيضرب كيدردك اتكون ليه هاد ليلة قلبا و قالبا اتحط بين يديه اول مرة ايقرب ليها شي راجل و هاد راجل ختاراتو هي مابين الف راجل هو بوحدو لي قدر ابدلها و يرجعها للطريق كتبغييه بزاف و هو كيعشقها...لبنات من موراهم كيزغرتو و فرحانين معاهم حتى وصلو لتحت قدام عباد الله كيشوفو فيهم كاين لي كيرمقهم بأعين الرحمة و كاين لي كيحسدهم و كاينين المغيارين بزااف من جمال كوهينور و علاش ختارها هي بين كولشي ...جلسات فالبرزة و بدا الجوق كيغني و يحيح و اهل اوسمان كيتصورو مع عرسانا كولشي فرحان ناضو كيشطحو كولشي حفيظة و فهد و حورية اما حنان بقات كتقلب على يوسف مالقاتوش و خرجات من العرس تقلب عليه ...نوضو العرسان اشطحو و ناضو كيشطحو عينيهم كياكلو فبعضياتهم كيتبادلو الحب الميغناطيسي غير بالنظرات حتى جاو النكافات و خداوهم للعمارية جلسوهم و صوروها هي و اوسمان فيها و وشوية هزو دراري عمارية اوسمان و كوهينور و كولشي كيشوف فيهم و كيصفقو ليهم و ليباف شاخديين بالموسيقى كضرب فالقلوب هاححح توقف الزمن للحظة الفرحة مرسومة على المقربين على شكل ابتسامة تركز الضوء على كوهينور و اوسمان بحال الى كيهضرو مع بعضياتهم هي كتقولو عمرني نفرط فيك و كنبغيك و هو كيقولها عمر شيحاجا اتقيسك واخا يبقا فيا عرق واحد ...رجعو لأرض الواقع بصوت كيزلزل النفوس كيفتح الشهوة كان صوت نورة كتغني الشعبي و كتسخن الطرح
نورة: هاويلا جا اصبااااطو مسيري حدو لقدام ها ويلا جا ارا كتافو عراض و ديال سلهام هاويلا جا ارا خاتمو مضوي بين صبعان هاويلا جا اجلابتو رقيقة حبة حبة هاويلا جا اويلا ماجا انسول عليه هاويلا جا راه نمشي انا غا نقلب عليه هاويلا جا ياوهاداك حبيبي قاري القرآن هاويلا جا اجلابتو رقيقة حبة حبة هاويلا جا اصباطو مسيري حدو لقدام ها ويلا جا ارا كتافو عراض و ديال سلهام هاويلا جا ارا خاتمو مضوي بين صبعان
شخدات نورة الطرح الشيخات ناضو كيشطحو و رجال ناضو يشطحو مع شيخات و عيالات كيمدحو شخداات...هبطو عرسانا من لعمارية...جات لعندهم ايطو باش امشيو لبيتهم صافي جا لوقت فين امشيو و بقات الحيحا تماك نورة سخنات الطرح و الشيخات غير كيشطحو و قلبوها شلحة و دارو صف ديال احيدوس كيغنيو و يشطحو كيهزو كتافهم فدقة كانت اجواء رائعة امازيغية بامتياز و فطريق البيت غاديين عائلة اوسمان من مور عرسانا و هوما كيغنيو الاغاني ديال ديك اللحظة...فجيهة اخرى عيات حنان ماتقلب على يوسف قلبها كيزدح خافت عليه فين اقدر اكون مشا طلعات للسطح كتقلب حتى ضربها بحجرة صغيرة فكتفها و طلعات راسها لفوق فواحد سطيحة عالية
الزنبقة: اش كديري هنا
حنان: كنقلب علييك فين كنتي خوفتيني
الزنبقة: و علاش خفتي
حنان: ماعرفتش تكون وقعات ليك شيحاجا(بغات طلع و كتقاتل مع ديك تكشيطة الحمرة طلعاتها لفوق و حيدات طالون و باقا كتحاول طلع)
الزنبقة:(شاف فيها حتى شاف و تنهد تحنا عندها و بحركة خفيفة جبدها عندو حتى تلاسق صدرها مع صدرو كطلع و كتهبط كتنهج من هاد القرب بيناتهم كاينة هي و ياه و السما الكحلة و نجومها و القمرة بيناتهم مضوية شنايفها كيرجفو و كتحرك عينها بزاف و هو كيشوف فيها بلا تعبير بلا ميرمش كيشوف الثوثر ديالها حاوط خاصرها مطلع يدو مع ظهرها دفعها عندو كثر و باقي كيشوف فيها نظرة غريبة باغي يقولها شيحاجا باغي يقول بزاااف) عينيك كنغرق فيهم كنتفادا نشوف فيهم ولكن كيجبدوني (زفر بقلة حيلة) كيجرحوني كيقتلوني كيهلكوني احنان ربي عطا هاد لعينين غير ليك ربي بغا يعذبني بيك..
حنان: (كتبلع ريقها بغات تبعد و حكمها نزلات راسها عيانة) علاش كتقول هادشي
حنان: (ابتاسمات بحزن) عينيا كانو جنة ليك كيشوفوك غير نتا ولكن بدلتيهم ورجعو جهنم
الزنبقة: (تنهد) وشنو ندير مالقيتلهاش لحل
حنان: لي تقالت عليك خفافت عليا عاودلي شنو بيك
الزنبقة: بياااا نتييي ( حيد الماسك ديالو بجهالة و غرس صبعانو فشعرها و انقض على الثغر ديالها كيلتاهمو كيبووس بلهفة بحب و بشغف كل شنافة عاطيها حقها اطلع لفوقانية حتى كينفخها و يريكها و يهبط لتحتانية اعضها و يرتاشف ريقها ضغط شوية على فكها الشيئ لي خلاها تحل فمها و دخل لسانو كيلهو مع لسانها قبلة فرنسية خلاتها مسافرة لعالم اخر فتح ليها النشوة ديالها حاوطات العنق ديالو كتسايرو فالبوسة و قلبها كيضرب فالتسعين و قلبو ماشي اقل منها حتى حسات بطعم الملح ففمها حلات عينيها و تصدمات كانو دموعو على خدو و شاف فيها مكسور ...بعد منها و ضار عاطيها بالظهر حاط يديه على وجهو ساكت...هي ماعرفاتش باش تبلات عمرها ظنات ايبكي قدامها..قلبها ضرها و حطات يديها على كتفو كترجف)
حنان: يوسف ماالك عفاك ماتخلعنيش
الزنبقة: (مطلع راسو للفوق دموعو دايزين على خدو و بصوت متقطع باح نطق ) كون ماوقعاتليش لكسيدة عمرني انعرف شكون كيبغيني و شكون لا كون ماوقعاتليش لكسيدة ماكنتش انعرف شناهو الحب لحقيقي ربي كيبغيني بزاف بغا يختابرني ماكنتش عارف الدرس ليووم عرفتو
حنان: شنو عرفتي مافهمت والو
الزنبقة: اختاريت طريقي و ندماتني بزاااف و فهاد الندامة كاملها تعلمت بزاف و الغريب نتي لي علمتيني فين كنتي فييين (مسح دموعو و ضار عندها) خايف عليك خايف على (حط يدو على كرشها) ولدي ولا بنتي خايف يتزادو فالمشاكل
حنان:(مسكينة مافاهمة والو) و شكون يتجرأ يقيسنا نسيتي انا مرات الزنبقة لي كيتضربلو الف حساب
الزنبقة: نتي كتشوفي راسك فيا و انا كنشوف راسي فيك خاص نحيدو علينا هاد المشاكيل كنواعدك انحيدوهم (جلس مدلي رجليه لتحت و جلسات حداه كيشوفو فالقصارة لي واصل صوتها عندهم و عباد الله كيشطحو)
حنان: واخا كيداوا لجرح كيبقى الاثر ديالو و الجرح ديالك فقلبي مابراش ايوسف(طاحولها دموع) و حتى الى تشافا ايبقا معايا بحال الندبة لي ماعندها حل
الزنبقة: مابكيت حتى وصلات فيا لعضم و كون تعرفي شنو بيا والله حتى تنساي كولشي (تنهد) ليام اتحكم مابقا والو
حنان: السيمانة جايا غادي تزوج بقات ربعيام على عرسك (شهقات) شنو ندييير
الزنبقة: (فنفسو انا لي شنو ندير فين ما حطيت يدي كنتحرق) واخا انتزوج ماغادي نقص عليك والو
حنان: مابغيت حتى حاجا من عندك بغيت حاجا وحدة
الزنبقة: شنو هي
حنان: عنداك تندم (سكتات كتشوف بعيد و هو بحالها ماقادرش ازيد اهضر ماشي وقت اعتارف ليها بشنو شاغلو و ماشي الوقت لي يفتح جراحو خاص ابقا قوي مايتهدش ولكن هو شنو دار دابا ضعف قدامها و هي تقبلات ضعفو جالسين بلا حتى كلمة فقط كل واحد كيخمم فليجاي و شنو مصير البيبي لي جاي فطريق...كانو ابطالنا اوسمان و كوهينور قدام بيت اوسمان و فاطنة هازو صينية فيها البيض و الزبدة خاص اديرو طقوس ديالهم)
لكبيرة: يالاه ابنتي هزي الزبدة طلسيها فوق الباب و طرطقي لبيضة عليها
حفيظة: ههه تقليد زوين هادا
كوهينور دارت داكشي لي قالتلها لكبيرة و رابحة مدات ليهم لحليب و تمر شربوه لبعضياتهم ووكلو ثمر لبعضياتهم و عاد حلو ليهم الباب
ايطو: قولو بسم الله و دخلو برجلكم ليمنية
دارو كيما قالولهم و دخلو منباهرين بجمال البيت لي واخا كان بسيط الا انه زوين ريحة فيه كتحمق و شموعو مضويين و الورد فايح عطرو سلمو عليهم و كيخجلوهم ببعض العبارات و هوما غير كيضحكو
مبارك:(ضرب فكتف اوسمان) كون راجل اولدي و حمر ليا وجهي
خرجو من البيت مخليينهم بوحدهم و سدو لباب و مشا اوسمان طرقو بالساروت و رجع لعندها كيفرنس و هي غير كتشوف فيه و فرحانة
اوسمان:(قرب عندها و باسليها راسها) حبيبتي بدلي حوايجك باش ترتاحي
كوهينور: واخا
اوسمان:(غمزها )هاني كنتسناك هه
مشات كوهينور مور واحد الخمية باغا تبدل حوايجها و المشكلة مادخلاتش لافاليز ديالها...حيدات الاكسيسوارات و تكشيطتها و بقات غير بديباردور بيض و شورط ديالو و حشمانة تخرج عندو و لي زايد التوتر ديالها كتسمع التطبال و الغنى قدام الباب دالبيت قلبها كيضرب فالتسعيين..اما واحد اوسمان حيد الكوستيم و بقا غير بالقاميجة كيضور فالبيت و كيتسناها كيخمم بزاف امكن ماشي فليلتهم و انما فشيحاجا اخرى مرة احط يديه مور راسو و مرا يشبكهم ماعارف مايدير...برا كانو كيطبلو و يغنيو و معتصم استغرب من هاد التصرف و مشا عند مبارك
معتصم: علاش واقفين قدام بابهم
مبارك: احم (حشم) عندنا عادة سميتها السروال
معتصم: (صفار و خضار و حمار ماعرف مايقول) اش هاد الجهل باقي شيواحد كيدير هادشي
حورية:(شافتها اتشخد بينهم و جرات معتصم) يالاه نوقفو بعيد
معتصم: واش ماسمعتيهش اش كيقووول
حورية: عاداتهم اش ادير بنتك موافقة
معتصم: هادي راه اهانة
حورية: مالك شاك فيها ولا شنو
معتصم: لا انا عارفها مربية مادير والو
حورية: اوا جات الفرصة نيت باش تعرف لي كاين
فهد: (متكي على البالكون كيشوفهم كيطبلو قدام باب اوسمان و مستغرب)دابا اش كنتسناو هنا
حفيظة: خخخخ كنتسناو الدم
فهد: دم ديالمن
حفيظة: ديال السروال هههه هادي عادتهم
فهد: هادشي تخربيق
حفيظة:(كضور راسها) مابانتليش حنان
فهد: و حتى الزنبقة
حفيظ
حفيظة:(جبدات تيليفونها كتصوني عليها) الو فينك
حنان: انا فالسطح مع يوسف علاش
حفيظة: اجي تحضري للسروال ههههه
حنان: اوييلي واش صافي داروها
حفيظة: لا باقي كنتسناو قدام بيتهم ههه
حنان: هاني جايا (قطعات)
الزنبقة: مالك
حنان:(بارتباك) قالتلي حفيظة كيتسناو السروال قدام بيت اوسمان و كوهينور
الزنبقة: اشمن سروال
حنان:احم(بصوت هامس) ليلة الدخلة كيتسناو الدم فالسروال
الزنبقة: شنووو (ناض لبس قناعو و هبط من سطيحة و هبطها)
حنان: مالك اويلي
الزنبقة: واش باقيين هاد العادات اش هاد الجهل
حنان: اوا اش انديرولهم هادوك عاداتهم
الزنبقة: (هابطين من سطح و كيهضر) اشمن عادات ولا زبي
حنان: هاويلي اش ناوي دير …
فهد:(شد لحفيظة فيدها) يالاه نمشيو
حفيظة: فين انمشيو مانتحرك منهنا حتى نشوف السروال
فهد:(ابتسامة شر) انوريك السروال غير يالاه معايا
حفيظة: فيين باغي تاخدني
فهد:(قرب منها كيهضر بشوية) تبعيني ولا اندير شيحاجا ماتعجبكش
حفيظة:(مبتاسمة) هاحح اي حاجا كديرها كتعجبني
فهد: هههه (جرها غادي بيها)
وصل الزنبقة لقدام بيت اوسمان و كوهينور لقاهم دايرين الجوقة بتطبال و الغنا زاد شعل ماحملش داك المنظر و هو يغوت حتى وقفو التطبال و سكتو
الزنبقة: لي عندو شي شغل امشي اديييرووو واش ماحشمتووش مجمعين هنااا مامخليين حتى هادوك لي لداخل اتكونسونطراو مع راسهم غبروووو منهنا قالك عادات الزمررر هادااا يالاااه تلاحو
ايطو: هادو عاداتنا و بغينا نبقاو هنا
مبارك: ايطو سيد عندو الحق يالاه نمشيو
لكبيرة: صافي هبطو و باراكا من تطبال انا نجلس هنا على هاد لكرسي (جراتو) و نعلمكم باشما كان
يامنة: لا نخافو يديرو شي لعبة (قبل ما تكمل هضرتها جبد يوسف الفردي من مور ظهرو و هو يضرب لفوق جوج رصاصات)
الزنبقة:(معصب) قلتلكم غبروووو
تشتت المجمع هبطو كيجريو خايفين بقا غير هو و حنان و معتصم و موحى و حورية و لكبيرة كيشوفو فبعضياتهم
حنان: اويلي عيب هادشي لي درتي
الزنبقة: اه و داكشي لي كيديرو ماشي عيييب
معتصم: الله اعطيك صحة اولدي و شكرا
الزنبقة:(نخلو ماداهاش فيه و مشا كيطل على لقصارة لتحت و مشات حداه حنان واقفة)
معتصم:(تنهد) يالاه نمشيو اموحى
حورية: فين باغي تمشي
معتصم: نجلس شوية لتحت شفت شيخات و بيني و بينك شحال هادي ماشفتهم ههه
حورية:(كتاكل راسها من لداخل) زهواني و اتبقا طول عمرك هاكا
معتصم: مالك غرتي مني يالاه حتى نتي تشوفي شيخات ههه
حورية: اه انمشي نشوفهم حتى انا شحال هادي ماشفتهم(ابتاسمات ليه ابتسامة صفرة و مشات هي و ياه هبطو للتحت...و فواحد لقنت مخبي بين جوج حيوط شادها كيبوس فيها بلهفة و حتى هي بحالو كيدخل لسانو و يعاود اخرجو و كيمصلها كل شنافة على حدة مع عضات خفاف و حتى هي مامخلياش من جهدها كتبوس و تقول شي ما باستو توحشاتو بزاف و هو كثر منها نهار بعدو على بعضياتهم حسو بجنوي داخل فيهم و ماتيقوش راسهم انهم بين يدين بعضياتهم...كان موحشها لدرجة ماعاقلش على راسو بقا كيطلعلها القفطان و خاشي وجهو في عنقها كيبوس و يمص و يعض...هبطليها سترينك و شهقات
حفيظة: (بصوت منتاشي و حلو) فهههد اش كدير ايشوفنا شيواحد
فهد:(مرفووع و كيحل السنسلة د السروال و السمطة هبط سروالو و تبع البوكسور و هو يخرج بوعلام مقيم و هاز العصا منفوخ كيزدح ..حط يديه فالتوتو ديالها كيحرك فيه و هي طلع عينيها لفوق كتنهج و كتلوا)
حفيظة: فهد عفااااك فهددد
فهد: كنبغيييك احبيبتي ماقادرش نصبر حني فيااا (هزها كالاها مع الحيط و يديه فطرمتها كيفرقلها رجليها من لتحت ماحسات غير داخل معاها) ااااااه اححححح
حفيظة: اممممم(كتأوه و راسها كطلعو للفوق بالنشوة قلبها كيزدح و حتى هو ماشي اقل منها كيديماري فيها يديه و يجيبو بسرعة كبيرة حس بالرجفة ديالها باينة جابتو و زاد فالوتيرة حتى حس بذاتو تنملات و رجليه كيرجفو و خواه فيها و رجع كيتحرك غير بشوية)
فهد: اححح فيك شيحاجا كتخليني نحس بالشهوة غير معاك عمرني تأوهت حتى لييك ااااه احفيظة الحبيبة اش كديري فياااا (هبطها كتنهج و سخفانة كوية جمييلة دوزاتهاهي وياه)
حفيظة:(كتشوف فيه بحب و نشوة) كنبغيييك احياتي
فهد:(ابتسامة جانبية و كيشوف يمين و شمال) ماحد مازال ماشافنا شيواحد لبسي سليبك و تبعيني للبيت لي بديتو ماغاديش نساليه انطرطق (كيدخل المعلم و طلع سروالو)
حفيظة:واخا (دارت كيما قاليها و حاوط خصرها و غادي بيها للبيت غراضهم واحد الليستر هههه)
فهادشي كاملو كان واحد سيد كيشوف فيهم غير بداو كيتباوسو مشا هرب قلبو ايطرطق كيجري هبط لتحت و مشا خرج مخنوق و مجروح...نورة كانت كتغني و تحيح حتى شافتو و هي تحط الميكروفون و خلات الجوق كيغني بوحدو و خرجات تبعاتو كتجري من موراه و كتعيط ليه
نورة: الشااااكمة الشاااااكمة فين غادي
شاكمة:(حاط يديه مور راسو اينفاجر ووقف كيتمتم بكلمات) ياربي ياربي دير لي شي حل ياربي قلبي كيتحرق انموت
نورة:(وصلات عندو كتنهج) مالك كتجري خوفتيني(حاطة يديها على صدرها)
الشاكمة:(كيتهز و كيتحط) انااا بيخيير انااااا مزيااااان
شاكمة: مكرهتش نحيد هاد لقلب و نلوحو ماكرهتش نتهنا فخطرة منها
نورة: انا غادي نعاونك انا هنا انور لياليك انكون لييك
شاكمة:(ابتاسم بقلة حيلة) نورة انا ماباغيش داكشي
نورة: علاه ماعندكش زب
شاكمة: غادي نشرك لمك الوالدة ولكن مابغيييتش شغل لقحاب ماعندي ماندير بيه
نورة: علاه انا مازويناش
شاكمة:(حط يديه على كتافها) نتي زوينة بزااف و لكن كتغلطي
نورة: عجبتيني و انا باغاك دوز معايا غير ليلة و شوف الى مانسيتيهاش
شاكمة: شكرا على العرض ديالك ولكن مابغيتش
نورة: على خاطرك انبقا موراك حتى تبغي
شاكمة:(ضحكاتو) هههه واش نتي لي عجبك كتبعيه بحال هاكا
نورة: هاد ساعة نتا لي عجبتيني وراك وراك والزمن طوييل
راجعين للدار كيضحكو و يتحتتو نساو كاع واش ضاربو و نسا هو كاع حفيظة و المنظر لي شافها بيه….فالبيت عند اوسمان جالس فطرف النموسية كيتسنى كوهينور تعطلات عليه بزاف و ناض لعندها واقف مور الخامية
اوسمان: كوهينور تعطلتي اش كديري
كوهينور: احم حشمت نخرج هاكا و انا ماجبتش لافاليز ديالي
اوسمان: خرجي نشوف شنو لابسة
كوهينور: كنت ناوية نلبس شوميز دونوي
اوسمان: ههه مازال ليالي جايين
كوهينر:(خرجات راسها كطل عليه بحال الفارة و عاد خرجات كاملها كتفرك يديها بتوتر اما هو عينيه فالارض كيشوف سيقانها البرونزيين كيبريو و شورط بيض لاسق عليها مبين ليها ليهونش و عاصر طرمتها و كرشها سمطة ماكايناش و طالع للفوق كيشوف الديباردور عاصر صدرها لي واقف بطريقة انثوية كيبري و عنقها طويل...كيشوف ففمها المثمر منفوخ و نيفها صغير منقاد و عينيها لمشفرين و الكوحل و شعرها لي هابط ليها مع جسمها تكا على الحيط مبتاسم ليها ابتسامة هادئة و نظرات حب و هيام)
اوسمان: ماشي حشومة عليك حارماني من هادشي (تهز غادي جهتها كيشوف فعينيها و هز يدها باسها ليها و باقي كيشوف فعينيها...هبط جيهة وذنها طلق النفس ديالو سخون بورشها و نطق بصوت رجولي زنان) كنبغيييك
كوهينور:( تهز شعر راسها و شداتها تبوريشة ماجات تفيق من الصدمة حتى نزل عليها بقبلة تحت اذنها و تبعوها قبلات اخرى في حنكها و عينيها و جبهتها...حاوط الخصر ديالها صدرها مع صدرو كيطلعو و كينزلو و تحنى عندها شوية كيبوس ففمها و كيلحس حلاوتو هي ترفعاات قلبها كيزدح كان متمرس بزاف هادشي ماكانش كيبينو ليها حيت طبعو حدودي هي لي كانت كتزعم عليه ولكن نهار سناو على ورقة الزواج مازال اتشوف شحال من مفاجأة من عندو….بقا كيبوسها مامخليهاش تتنفس حتى بعداتو شوية و نطقات فالثغر ديالو) اااه
اوسمان: كنحماق علييك اقلبي (رجع كيبوس فيها و هي مسايراه لوات يديها مور عنقو كأنها عطات الموافقة للمعلم اوقف و يتنفخ..ابتاسم حيت قدر انشويها و يخليها ترخى معاه...كيتباوسو بلهفة و هو غادي باللور و متبعها معاه مغمضين عينيهم حتى حبساتو النموسية و هبط جلس و جرها عندو مفرقليها رجليها و جلسها فحجرو...خاشي وجهو فعنقها كيبوس و يتبنن فيها ريحة الشكلاط سطاتووو و هيجاتوو باغي يزيد اشمشم بيها و يذوق حلاوة العنكرة ديالها و يعض فيها باغي يخلي الطامبو ديالو بلي راه داز منهنا هي مسكينة تقلبات العصافير كزقزقو فكرشها و فتوتو ديالها كيهرها و كيزدح بلا هواها غير كيدير شي حركة فعنقها كتحرك فوقو و هو واصلة فيه للعضم مافخبارهاش بلي كتحرك بوقلاوي و كتهيجو) اووووف عليك اكبيدة
مسكينة هي الله ارحمها حكمها مزياااان و كيساري يديه ففخادها و مور ظهرها جابليها الهرة كتهز و كتحط اتموووت الى بقا هاكا حتى كترخا و تبغي طيح لور و كيرجعها عندو...بقا كيساري يديه و جبد ليها الشورط كيحيدو ليها و هي كتعاونو نصلو و رجع لديباردور كيطلعو حتى حيدو و انقض على شنايفها كيبوس بحال الملهوف بقات هي بدوبياس فالابيض مشبكين...شبك يدو ليسرية مع يدها ليمنية و هبط راسو فوق صدرها كيعصر و كيبوس من لفوق و كيمص مصات حتى كيتجمع الدم...حط يدو فوق كتفها كيجر السمطة ديال السوتيانات حتى نزلها و دار نفس الشيء للثانية و دوز يديه مور ظهرها حيدهوم ليها و رماهم وقف كيشوف فصدرها لكبير الواقف المبرونزي و عينيه كيخرجو منهم لقلوبة هي مسكينة حشمات و نزلات راسها حطاتو على كتفو...ابتاسم من الحركة ديال و هزها من خصرها رماها على النموسية و تقلب فوقها اياكلها بعينيه كتجهلوووو بلا مادير شيحاجا ولكن غير كتأوه كتشعل فديلمو العافية...نزل عندها بقبلات متفرقة كيطيبها و كيحيط قاميجتو نصلها و تبعلها بيل سماطي و السروال و بقا بالبوكسر و باقي كيبوسلها عنقها حتى تحنى لعند صدرها دوز لسانو فوق حلماتها بشوية و هي تتهز و كطلق آهات المتعة والاثارة و عينيها كيدمعوو كتعيط بسميتو مرات متعددة و هو صافي زبو كيضرو باقي يطرطق كيرضع و يقول شي مارضعو نزل لسانو بشكل مستقيم حتى لصرتها و دخل لسانو كيلحس فيها و يديه حطها فوق توتو لقاه فازك ابتاسم بمكر حيت قدر اوصلها للنشوة و تجاوبات معاه
كوهينور: اااااه صاااافي احححح
اوسمان:(هزها شوية و حيدلها سليب و حيد حتى الكالصو ديالو و طلع لعندها كيبوس ففمها و المعلم فوق التوتو طلق آهة منين حس بتوتو ديالها رطب و زالق ) اااااه (و بقا كيشيت ليها غير من لفوق حتى رصاه ففم الثقبة و هي تهز زيرات على رجليها) ماتخافيش رخي راسك
كوهينور: (مزنكة و خايفة) ماتقصحنيش
اوسمان: ياربي الصبر اووف ماغاديش نضرك احبيبتي غير ترخاااي (رجع كيبوس تحت وذنيها و كيشد بزازلها بين يديه حتى حس بيها ترخات و طلعووو معاها فدقة حتى شهقات و غوتات غوتا خفيفة...ضرب جوج ضربات باش اسرح الطريق و تفكر السروال مد يدو جبدو عرفتو داك سروال لي فيه الطرز بالخضر)
كوهينور: اهئ اهئ ضريتيني
اوسمان:(كيبوسها ففمها) مبروك عليك احبيبتي راك صبحتي (جبد المعلم عامر بالدم و مسحو فالسروال و تكا حداها جار ليزار عليهم كيرتاحو و كيمسحلها دموعها) سمحيلي
كوهينور: وليت مراتك دابا كنبغيك اوسماني
اوسمان:(باسلها راسها و كيضحك...ناض لبس الكالصو ديال و رما عليه جلابة بيضة و هز السروال و مشا للباب حلو مالقا حتى حد غير لكبيرة لي جالسة) جدة
لكبيرة: يويويويويويويووي (شافت السروال و فرحااات) الله ارضي عليكم فرشتكم بالرضا و غطيتكم بييه
رجع دخل سد الباب كيضحك و رجع تكا حدا كوهينور فرحااان اما الكبيرة بقات كتزغرت و ضار عندها الزنبقة و حنان كيشوفو فالسروال
الزنبقة: على سلامتكم هههه
طلعات ايطو و يامنة و رابحة و فاطنة و العائلة كتجري فالدروج غير شافو سروالو بداو بزغاريت و تطبال بالبنادر و الطعارج
هاهواااا يا العزااراا لاتقولوو هجااالة هاهوااا فوق راااسي لاتقولو فرماسي اهياااا لعريس ضوي بشمع البلدي الى جاك الزين ضوي بتريسينطا هاهوااا خضر هاهوااا نتاع لفجر واهياااا العريس شبااااكوو شبااااكو ويلا جاك زين بالكارانطي هاااكووو واهيااا لعريس هادا عار مولانا ايلا جاك زين تهلا فالامانة هاهيااا جابتوو بعدا كحلووو بيه العدااا اكووهينووور فرشي شعرك و جلسي عليه راه اوسمان فالطوموبيل و العسة عليه اصوطو رييح ايطووو والدة لمليح اصوطوو عليه ايطو والدة لعريس
الزنبقة: (شحطها لطرمتها) نبعد منك هاديك هي لي ماتحلميش بيها ابب راني مخليك على خاطرك حتى نهار ترشقلي و اناخد لي بغيت
حنان: ياااك و كيفاش اتاخد و انا مابغيتش
الزنبقة: ههه (غمزها) ماتلعبيش مع لي كبر منك احبيبتي عندي الطرق الخاصة ديالي ….
سكتها و بقا تطبال و تمداح قدام البيت كولشي عرفهم صبحو و دابا عاد رحبو بكوهينور مزيان فالعائلة جا فهد هو و حفيظة من بعد ماسالاو ليماتش ديالهم تقنتو حدا حنان و يوسف لي كيشوفوهم دايرين حالة على سروال اما واحد معتصم نافخ ريشو زعما شوفوني حافظت على بنتي بقات لقصارة و الحايحا حتى تفرقات الجوقة و كل واحد هز الماطريال ديالو يمشي و كل واحد مشا لبيتو انعس و يرتاح الشمس بدات كطلع و العرس هو هادا كيسخسخ بنادم
اوا فاقو عباد الله مع العصر مدكدكين كولشي مسخسخ كيحاولو اصحصحو و راهم فالكوزينة كيصايبو لفطور للعرسان لي فاقو فرحانين...خرج اوسمان من بيت و كيسلمو عليه عباد الله بحال الى كان كيتحارب ههه و كيطبلو و يغنيو اما كوهينور بقات فالبيت لابسة قفطان بيض ايفازي منبث بالعقيق و صمطة ديال الصم فالاصفر و شعرها صاوباتو سامبل و تاج صغير فوق شعرها و دارت ماكياج خفيف و فوق التكشيطة سلهام طويل بيض جات كتحمق و لبنات كيثنيو على جمالها
حنان:(معنقاها من لور و طاحتلها دمعة من عينيها و كضحك) جيتي كتحمقي حبيبتي
حفيظة: اوا راه ذاقت الحلوة هههه
حورية: ههه كوني تحشمي يا هاد البنت و يالاه نخرجو نعاونوهم فشيحاجا (كتجرها و خرجو)
كوهينور:(مبتاسمة) كانت اجمل ليلة فحياتي هي لبارح
حنان: ان شاء الله احبيبتي اتكون ايامك كلها حلوة
كوهينور: اه و كنتمنى نكون بحالك و بحال يوسف كتبغيو بعضياتكم بزااف
حنان:(تبدلو ملامحها لحزن) كنتمنى عمرك تعيشي داكشي لي كنعيشو
كوهينور: طلباتك اوامر هه (خرجو من لبيت و تعرضو ليهم بالزغاريت و التطبال حتى هبطو لتحت للصالون و جلسو مشادين ليدين و كولشي داير بيهم و الطبلة عامرة بالحلوة و الثمر و الفاكية و نورة جامعة اللعبات ديالها كيطبلو و يغنيو ليهم)
ايطو: اوا دابا ابنتي مرحبا بيك معانا
كوهينور: ارحب بيك الخير
لكبيرة: لعقبة نشوفو ولادكم ان شاء الله
اوسمان: امييين
معتصم:(شاد فيد بنتو ) الله اخليك ليا ابنتي
كوهينور:(عنقات باباها و دموع فعينيها) الله اخليك ليا حتى انا
معتصم:(مسح دمعة كانت اتهبط دغيا و ناض) انمشي نشوف موحى قالك بغا يمشي
كوهينور: اه واخا
ناض معتصم خرج عند موحى
حفيظة: (كتخشي فوجهها الكاطو) شحال كنت مشهية لكعبة ههه
فهد:(كياكل حتى هو لمعلكة) ماكاينش بحال الحلوة المغربية
حفيظة:(همساتلو فوذنو) والحلوة ديالي ابب
فهد:(بشوفات مزوملين) اححح و نشدك
حفيظة: اوا هي دابا نيت
فهد: هههه نوضي جمعي حوايجك و حوايجي راه انمشيو ليوم
حفيظة: واخاا (ناضت خرجات)
و فبيت موحى دخل معتصم مالقاهش و لقا غير ليفاليز ديالو ماهتمش بالامر كان غادي يخرج مع الضورة لي غادي يضور قاس سامسونيط صغيرة طاحت للارض و خرجات منها بواطة كحلة صغيرة بقا كيتساءل شنو داكشي و تحنى هزها...حلها و كانت صدمتو كبيييرة كيشوف فالكوهينور و قلبو كيضرب كيفاش و علاش مافهم والو و لي زاد صدمو حس بالفردي مور راسو و ضار
معتصم: (كيبلع ريقو و مطرطق عينيه) كنتي نتااا
كانت غادية باقا كتاكل فالحلوة و كتبنن دازت من حدا شقة د الباب دبيت موحى و هي تحل فمها حتى طاحتلها الحلوة و عينيها غرغرو بالدموع كتشوف فالمسدس فراس معتصم و فأي لحظة ايموت ماحسات براسها غير غوتات و سرعان ماحطات يديها على فمها و مشات كتجري لبيتها تتخبع اما موحى منبعد ما كان على شوية ايقتل معتصم سمع الغوتا و ضرب معتصم ب الراس ديال الفردي خلاه افقد الوعيو خرج من بيت بسرعة شافها داخلة لبيتها كتفتف و كتقفقف خايفة و مطرقة عليها لباب و رجع دخل لبيت عند معتصم مشا اتجاه فاليز صغيرة و جاب شوكة فيها محلول كيساعد على تنشيط السكتة القلبية لأن معتصم كيديق التنفس ديالو ضربهالو فيديه
هز الكوهينور و خرج من لبيت هاز المسدس ديالو و غادي اتجاه بيت حفيظة كيبتاسم بشر اما هي بقات كتبكي و بغات تهبل كدخل و تخرج فالهضرة
حفيظة : اربي قتلووو اهئ اهئ غادي يقتلني حتى انا لا لا سكتي ماشافكش لا شافني غادي يقتلني اهئ اهئ تيليفوووني فينوو خاص نصووني على فهد (لقات تيليفونها و ضورات النمرة شويا بردليها الما فركابي فاش سمعات الزديح فباب بيتها و المشكلة فهد مكيجاوبش مع تطبال ديال شيخات فالصالون ماسمعووش...صافي قالت هاديك التالية ديالها و الباب كيتفرع بالزدييح و قلبها كيتزدح معاه حتى فكرات فيها و مشات جبدات من صاكها اجوندا و كتبات فورقة : فهد موحى قتل معتصم ماجات فين تكمل هضرتها حتى تحل عليها الباب و ضارت بسرعة محجرين فعينيها دموع قلبها ايطرطق و هي كتشوف فيه جاي قبالتها و المسدس فيديه) اهئ اهئ ماشفت وااالو انااا عفاااك ماتقتلنييش اهئ اهئ
موحى:(بابتسامة ماكرة) اصلا كلكم اتموتو (حط المسدس فجبهتها شوية بدا تيليفونها كيصوني و شدو ضربو مع لحيط) ولكن موتك ماشي دابا (شدها من شعرها ) تحركي خرجي من دار اتمشي معاااايااا و اي حركة غالطة رجالي ايقتلوكم (دفعها تحركي)
حفيظة:(كترجف و كتمسح دموعها عارفة بلي ماعندها مخرج صافي تصيدات و اتموت بقات غادية بخطوات بطيئة و هو موراها دخل الفردي مور ظهرو...خرجو من البيت جات هابطة مع دروج و هي تلقا فهد طالع و ابتاسمات ليه)
فهد: احياتي لقيتك مصونية ليا و جيت عندك
حفيظة:(عنقاتو بلهفة كتشوف فنقطة بعيدة و هو بادلها العناق) كنبغيك
فهد: ههه حتى انا كنبغيك (شدلها فيدها يالاه نمشيو للبيت)
حفيظة:(كتبلع ريقها) لا خاصني نمشي عند حنان غير طلع نتا
فهد: واخا كنتسناك (ابتاسم ليها و كيشوف ف موحى لي دار راسو هابط من دروج و تكرواصا معاه ...اما هي بقات غادية قدامها حتى خرجات كوهينور هي و اوسمان و العائلة من صالون بقات كتشوف فيهم واحد بواحد ختها حنان شاكمة الزنبقة حورية و شاداها لبكية الهضرة واقفالها فحلقها و ماقادراش تدوي)
حفيظة كتفصلها بضع خطوات على مصيرها المجهول...و بلا ماينتابه حتى واحد خرجات من دار و موحى موراها دار اشارة لرجالو و جابو طوموبيل كحلة ديال العصابات ووقف موراها حط كلينيكس على نيفها و فقدات الوعي...ركبوها دغيا و سدو الباب و انطالقو بلا ميحس حتى واحد داكشي حسي مسي...اما العروسة كانت داخلة لبيت موحى فرحانة و كتقلب على باباها حتى كتصدم بيه طايح فالارض...ضارت بيها الدنيا و بقات كتغوت و تفيقو
فهد:(دخل للبيت لقا لحوايج مامجموعينش و تيليفون حفيظة مهرس) اش هاد الحالة (شاف ورقة فوق الرف و هزها قراها) فهد موحى قتل معتصم (وسع عينيه بصدمة يديه كيرجفو تحبسو الدقائق فهاد اللحظة فقط مامستوعبش اش كيقرا ..خرج كيجري حتى سمع غوات كوهينور و مشا دخل عندهم لقاهم فحالة يرثى لها و كيحاولو ينوضوه)
كوهينور: مااات اهئ اهئ مات ياك
اوسمان: ماااامااااتش اكوهينور باقي قلبو كيضرب ماتخااتفيييش
كوهينور: خاااص ندييوه طبيب اهئ اهئ وجهو زرق
فهد: موحى قتلوووو (غوت بهاد جوج كلمات و خرج) حفيييظة حفييييييظة (بقا كيدردك فالدروج و ضرب فالعائلة و الزنبقة) مووووحى قتل معتصم هوووو قتلوووو و خداااا حفييظة دااااهاااا حفييظة ايقتلهاااا
حنان: حفيييظة ماااالها ختي فييينهاااا
الزنبقة: فهد تهدن اش كتقووول
فهد: (كيوريه الورقة) حفيظة كتباتها قالت مووووحى قتل معتصم و خدا معاه حفيظة
الزنبقة:(بصدمة) موحى هو البوص
حنان: اهئ اهئ يووووسف دير شيحاااجااااا ختي مشاااات
ناض كلشي كيجري فاتجاه غوات كوهينور لقاو الحالة ماهيااش معتصم كيمووت و ماعارفين مايديرو...كانت مصدومة حورية قلبها كيتقطع الى مات معتصم اتموت معاه كتبكي و مالقاتلوش الجهد ..(جبد يوسف تيليفونو بسرعة عيط لفريق الطبي اجي فالهيليكوبتر من افران و مايتعطلووش حيت هاديك اقرب مدينة ليهم و راسو ايتفركع خرج بالزربة لتحت لقا حنان طايحة على ركابيها مصدومة كتبكي و مشا هزها)
الزنبقة: حنااااان غاااادي نلقاااوها صافي كنواعدك
حنان: (كتشوف فيه بطريقة غريبة) حفيظة ايقتلها ختي اتموت كلنا انموتو كلنا صافي
حنان: صافي كلشي ضاع كلشي ايموت لا صافي كلشي حفيظة لا (بقات كدخل و تخرج فالهضرة مصدومة حتى جمعها معاها بصقلة)
الزنبقة: حنااااان رجعيييي لعقلك
حنان: ختي اهئ آهئ بغيييت ختي
الزنبقة:(عنقها) انلقاها ماديريش فراسك هاد لحالة (كيشوف ففهد لي مضمر ) فهد
فهد: كاااانت كتودعني كاااانت كتقولي كنبغيك كتشوف فيا شوفات د الوداع (نزلو دموعو) البوص قتلي واليديا و قتل عزيز و ايقتل حفيظة
شاكمة:(شدو من الكول و عطاه كروشية) اولد لقحبببة بسباااااابك دخلات حفيظة لهاد المساوس والله او توقع ليييها شيحاجا انقتلك
فهد:(ردلو الضربة) مراااااتي لي تخطفاااات رااااه روووحي هادييييك
حنان: بااااراااااكا اهئ اهئ اش كدييرووو ختي مخطوفة و نتوماا كدابزوو فعوض ماديرو ليد فليد و تقلبو عليها اهئ اهئ (كتشوف ف يوسف) الى مارجعاتش ختي عمرني نسمحلك حيت نتا سبااب
الزنبقة : (حاط يديه على حناكها) غااادي نلقاااها كنواعدك (دار اتصال) دااابا تجبدووو موحى يا من السما يا من تحت الارض كتفهموووو
وصلات الهيليكوبتر و حطات فوق السطح من بعد ما عطاهم يوسف التعليمات و خرجو كيجريو و هو مشا اوريهم فين...دخلو عندو بسرعة هزوه و قادولو الصادم الكهربائي فوق صدرو و كيقيسو النبض ديالو لي كيقلال و كيضربولو الشوكة كل واحد باش مكلف
كوهينور: بابا عفاااك ماتخلينيش اهئ اهئ بابا
مبارك: بنتي ديري يقينك فالله
الطبيب: المريض تعرض لسكتة قلبية
كوهينور: عفااااك عتقووو
الطبيب: خاص نقلوه للمشفى دااااباااا ولا انخسروه خاصو عملية فورا
الزنبقة: ديه دغياااا
الطبيب: حاضر (هزوه دغيا كيجروه و كولشي مراهم كيبكي طلعوه فالهيليكوبتر و ركبات معاه كوهينور و حورية غاديين بيه لإفران انطالقات الهيليكوبتر و بقاو هوما شي كيشوف فشي كيبكيو متحسرين على هاد الحالة عاد دابا كانو فرحانين كيضحكو دغيا تقلبو الموازين..معتصم بين الحياة و الموت و حفيظة ماعارفاش فينها حتى تكب عليها صطل د الماء بارد فاقت و عينيها مغمضين بزيف كحل و يديها مربوطين مع لكرسي و حتى رجليها بقات كتفكر الاحداث و كتبكي)
موحى:(حيدلها زيف من عينيها و كيشوف فيها ببرود) كنتي اصلا اتموتي فالاول ولكن لعب معاك زهر و طاح الذيب فحب غزالتو
حفيظة: اهئ اهئ اش كتقوول انا ماعارفة والووو
موحى: (تقابل معاها بشرارة فعينيه) رااااجلك كان ايقتلك
حفيظة: اهئ اهئ فهد مايديرهاااش اهئ اهئ
موحى: شنووو كتعرفي على فهد هممم؟؟ حتى حاااجااا ولكن خصك تعرفي الحقيقة قبل ماتموتي فهد عائلتو كانت مافيوزية و ماتو و تبناه عزيز و كنت صيفطتو باش اقتلك ولكن داك***ماقدرش اديرهااا
حفيظة: نتا لي قتلتي وليديه اهئ اهئ و نتا لي قتلتي عزيز اهئ اهئ فهد مايقدرش اقتلني كيبغيييني
موحى: كدب علييييك و بسبب الكدب ديااالوو غااادي تمووتي
حفيظة: اهئ اهئ علاش اتقتلني خليني نمشي
موحى: انا مكنخلي حتى دلييل من مورايا معتصم ايبان بحال الى مات بسكتة قلبية و نتي انصيفطك ليهم ميتا
موحى:(جمعها بتسرفيقة حتى ترش دم من نيفها و زادلها الثانية و الثالثة) بنت القحببببة (بقا كيصرفق فيها حتى فقدات الوعي و تخربقو معالم وجهها لي كان كولو دم و دار اتصال ) الو سرااج بغيتك دابا تجي عندي
سراج: شنو وااقع و علاش انجي
موحى: باراااكا من الهضرة لخاوية انا فايت يوسي مانقدرش نخرج منها
سراج: فينك بضبط
موحى: فدار فالفدان غير توصل انا نصيفط لي يجييبك
سراج: واخا انجي …
باقيين كلهم مضمرين فالدار كيحاولو يلقاو حفيظة و يتاصلو بكوهينور يطمنو على معتصم...خايفين و مقهورين
ايطو: اوسمان يالاه نمشيو عند كوهينور خاص نبقاو معاها
مبارك: اه اولدي يالاه نمشيو
اوسمان: اه يالاه (شاف ف يوسف) الى سمعتي شي خبار على حفيظة علمني
تقطع الخط عاد رجعات الروح فموحى و دار ابتسامة خبيثة
موحى: كنظن البوص بدا كيلين قلبو ولكن اناااا لي غادي نتصرف هاد المرة و بأي طريقة الكوهينور خاص توصل لمنظمة الصهيونية…
خارج مضمر كيتمشا جنب الحيط حتى جلس حاط يديه مور راسو كيخيط و يفصل بوحدو و دموعو خانوه حتى تحطات على كتفو يد و جلسات حداه
نورة: غادي نلقاوها ماديرش فراسك هاد الحالة
الشاكمة: هاديك لي تخطفات راها روحي و قلبي انا لي شفتها فاش تولدات انا لي ربيتها مع حنان الى ماتت انتبعهاااا
نورة: (كتبكي) لي دارها الله هي لي تكون
الشاكمة: نتي ماعارفاش شناهي تبغي شيواحد و يتخطف اول مرة اخطفولك شيواحد و هو راضي بهاد الاختطاف و تاني حاجا اتخطف و هو بين الحياة والموت قلبي كيتقطع ندييير اي حاجااا غير ترجع
نورة: سعداتها لهاد الدرجة كتبغييها
الشاكمة: حااولت والله حتى حاولت نساها و غادي نحاول حتى هاد المرة غير تكون بخير و انا غادي نرجع لانجلترا و نخليها براحتها ولكن(شد فيد نورة) الى ماتت مانسمحش لراسي منقدرش
الزنبقة الفضية الجزء 14
محتوى القصة
التنقل بين الأجزاء