الزنبقة: كولشي ايكون عندك غير رتاحي راكي باقا عيانة
حنان: ماكايناش راحة
الزنبقة: ديلشاه و ينيس كيشبهو ليك نفس عويناتك الخوضر
حنان: (تنهدات) جا سراج؟
الزنبقة:(زير القبضة ديالو) شنو تحت راسك
حنان: (ناضت) بغيت نسالي هاد لعب حيت ماغادي نجلس حتى دقيقة فهاد دار
الزنبقة:(ناض شدها من المرفق ديالي بقوة) ماتزيديش فيه احنان ماعندك فين تمشي
حنان: غادي نطلقو
الزنبقة: ماغاديش نطلقك الى ماكاتفكريش فيا فكري فولادنا
حنان: ولادي بوحدي و انا قادة بيهم
الزنبقة: لا برااافو باغا تبعديهم عليااا نتي بعقلك لا ؟
حنان: واش كيحسابلك ساهل ننسا شنو دوزتي علياا
الزنبقة: نتي عارفة ماشي لخاطري درت هكك باش نوصل للبوص و نتهناو منو فخطرة انا فكرت فيك فولادنا فعائلتنا كلهااا
حنان:كنتي كتشوووفلي فعييني و كتقولي كتبغيهاا كنتي كتحرقني شوية بشوية و ماحنيتيش فيا و باغيني دابا نحن فيك
الزنبقة: بغيتي تهناي مني؟
حنان: اه مابقيتش باغاك
الزنبقة:(جبد الفردي من مور ظهرو و حطولها فيدها) يالاه قتليني
حنان: اش كدير
الزنبقة:قتليني درتيها مرة و تقدري ديريها دابا
حنان:(غمضات عينيها) يوووسف طلق من يدي و شد الفردي ديالك عندك
الزنبقة: لا ماغادي نخرجو من هاد البيت حتى تقتليني
حنان:(طيحات دموع من عينيه) باااراااكا
الزنبقة: اصلا انا ميت الى مشيتي نتي احنان قتليني و فاش يكبرو ولادنا قولي ليهم بلي قتلت باباكم
حنان: لا (كترجاه بعينيها)
الزنبقة: حسن ماتقولي ليهم بلي طلقنا (قرب منها و همسلها فوذنيها) عارفة بلي الجرح لي فقلبك باقي مابرا ولكن غادي نعالجو كنواعدك عمرني نآذيك حيت كنبغيك و كنموت على تراب رجليك نتي ماعارفاش كيدازو عليا الشهورة لي ماكنتيش فيهم حدايا
حنان: (بصوت باح) عييت بغيت نرتاح بغيت حياة طبيعية نعيش فيها ولادي
الزنبقة: ماشي هادا الوقت فاش خاصك تعياي مرات الزنبقة ديما قوية و اتبقا قوية طول عمرها و انا معاك
حنان: ماشي ساهلة نسامحك
الزنبقة: و انا انتسناك تسمحيلي و اندير لي قدرت عليه باش نسمعك كتقوليلي مرة أخرى بلي كتبغيني (باسلها الجبين ديالها و خرج لقا كوهينور يالاه بغات دق عليهم)
كوهينور: سمحلي ياكما صدعتكم
الزنبقة: لا مكاين صداع دخلي عندها (تخطاها و مشا و هي دخلات عند حنان )
كوهينور: حنونتي(عنقاتهاااا)
حنان: توحشتك بزاااف
كوهينور: حتى انااا خلعتيني عليك الحمد لله دازت بخير
حنان: جيتي بوحدك فين اوسمان
كوهينور:(تبدلو ملامحها و شافت فتوام) اووه اخليلي توام انااا (كتبوسهم و تلعب معاهم) زوينين الله اخليهم ليك
كوهينور: كون كنت انا لي مكنولدش كون سمح فيااا و كون كاع ماسمحش فيا غادي يجيب مرا اخرى و انا منقدرش
حنان: (حطات يدها على راسها كتمسحلها) ماعرفت مانقولك
كوهينور: خلي ليام دابا تقول كولشي (ابتاسمات بأسى و هي قلبها كينزف خلاتو على قبل عائلتها حيت كون بقات معاه اتحس براسها كتخونهم...و على ذكر أوسمان كان كيصوك و هو معصب و كولشي تجمع عليه كيتفكر كيفاش سمحات فيه و كيفاش نسات الاحلام لي كانو كيحلموها بجوج...وصل لأيت يوسي كيكو و قدام دارهم بلاصا طوموبيل و دخل شاعل كيشوف فعائلتو)
لكبيرة: ضورو حتى تعياو ماغاديش تلقاو بحال كوهينور مسيكينة بنتي ياك ااوسمان هادي تربيتنا فيك تسمح فمرتك حيت مكتولدش
اوسمان: (تجمع عليه كولشي و غوت) صاااااافي سكتوووو مانسمعكمش كتهضرووو سكتووو انا ماسمحتش فيها هي لي سمحات فيااااا حيت انااا لي مكنولدش انا لي عاكر صاااافي (لاحلهم الهضرة و خلاهم كيتخبطو بوحدهم و طلع لبيتو جمع لافاليز ديالو و هبط بغا يمشي)
ايطو: اووسمااان اش ديك الهضرة قلتي و فين باغي تمشي
اوسمان: انا ماغاديش نخليكم عندي شي خدمة فلمدينة انمشي نقضي شغالاتي و انبقا نجي عندكم مرة مرة
مبارك: ولكن نهار فاش رجعتي قلتي عمرك تعاود تمشي للمدينة
اوسمان:(مشا باس يد باه) الوليد هادي ماشي بلاصتي انا مافرحانش هنا واخا انبقا ماقادرش نتنفس على راحتي
مبارك: نتا ولدي و عطيتك مسؤولية دلقبيلة
اوسمان: انا انرجع ولكن ماشي ديما انبقا نمشي و نجي اما نبقا هنا ديما مانقدرش
ايطو: بغييتي تمشي تبعهااا واخا سمحات فيك اهئ اهئ
اوسمان: مابقا بيني و بينها حتى حاجا نساي كوهينور نسااااو بلي دخلات لهاد الدار
مبارك: واخا اولدي كيما بغيتي انا عارف بلي بلاصتك ماشي هنا نتا قريتي و تعذبتي مانحبسكش فلقبيلة دير لي يعجبك
اوسمان:(باس يد باه) شكرا(ضار عند لحسن و سعيد) من ليوم نتوما لي مكلفين بلقبيلة ماشي انا
سعيد: واخا اوما (ابتاسم و عنقو و حتى لحسن عنقو)
فاطنة: طريق السلامة اولد عمي
رابحة: انتسناوك ترجع
زهرة: عمي سوسمان منين اتجي انلعبو انا وياك
اوسمان: (هزها) اه منين انجي و انلعبو و دابا خصك تهلاي فماماك و سمعي ليها لهضرة
زهرة: واخا (باستو فحنكو و هبطها و مشا باس يد لكبيرة و همساتلو فوذنو)
لكبيرة: ولدي انا مانتيقش بلي نتا عاكر حيت رجال عائلة اشهبون عمرهم دازت فيهم هاد لعلة (شافت فيه بحزم) تأكد
اوسمان: واخا الالة لكبيرة(باسلها راسها و مشا عند مو لي مقلقة) ايما
ايطو: صافي سير ياك بغيتي تمشي
اوسمان: ماغاديش نمشي و نتي ماراضياش عليا
ايطو: اهئ اهئ بغيتك تبقا هنا
اوسمان: غادي نبقا نجي والله فوقما توحشتيني عيطيلي و انجي
ايطو: بصح؟
اوسمان: والله
ايطو:(عنقاتو) الله ارضي عليك و يبعد عليك ولاد الحرام ان شاء الله
اوسمان: اميين (خرج من دارو و هوما كيشوفو فيه و ركب مشا لكازا راجع لدارو باغي يبدأ كولشي من اللول ...كيتفكرها ماقادرش انساها و كيسول راسو واش بصح خلاتو على هادشي مرة آخرى تفكر هضرت لكبيرة و نفض افكارو) انا غادي نتأكد و انشوفو شنو هادشي
….وصل سراج لدار الزنبقة و ليكارد حابسينو فدار و هو كيعيط بسمية حنان...فجأة بعدو منو و خرجات قدامو
سراج: الحمد لله نتي بيخير
حنان: دخل ماتوقفش برا
سراج: كنت عارف اترجعي و اتوقفي يوسف على حدو
حنان: (وصلات هي وياه قدام صالة و العائلة خرجات كتشوف فيه) سراج لي نطولوه نقصروه الكوهينور تكون عندي دابا
سراج: الكوهينور اش كتقولي
حنان: قبل ماتقول شيحاجا فخباري بلي عندك الكوهينور و انا بغيتها مقابل ختك
توجهات بخطوات ثابتة وواثقة م راسها و سراج تابعها و العائلة موراهم وصل للجردة و تصدم من المنظر لي كيشوف قدامو كانت فيروز مربوطة فخشبة و سادين ليها فمها و هي كتبكي و فازكة كلها عامرة بليصانص
سراج: شنوووو كدييييري (بغا يمشي عندها و هي توقفو حنان)
حنان: الى تحركتي خطوة وحدة كنواعدك انرمي هاد لبريكة فالارض و اتشعل العافية فختك
الزنبقة: ههه هادا افضل عقاب ليك و ليها
سراج: لا لا ماغادي ديرو والووو غادي نقتلكم
حنان:(مشات عند فيروز و كتحيدلها الشعر من على عينيها بطريقة مستفزة) كنت كنفكر كيفاش انعاقبك و لقيت ان هادا احسن عقاب تحرقي فشر اعمالك و تجربي كيفاش تكوني مشوهة و بنادم كيقرف منك
سراج: بااراااكا غادي نعطيك الكوهينور
الزنبقة: نتا حاطها فكوفر عندك فالدار شنو الكود
سراج: و بااااش عرفتيها عندي فداااار
حنان: (مشات عندو ) ماشي وقت الاسئلة الكود
سراج: اوووف
حنان: سرااااج الكوهينور اتضمر العالم العربي كاملو شوف شنو دارت فخوتنا الفلسطينيين و العراقيين و حتى السوريين باراكا من طمع ديالك و ديال موحى الكوهينور الى وصلات للمنظمة موصيبة
سراج: مكيهمنيييش لي كيهمني هوما لفلوس
حنان: حقيير و ماتسواش كيفاش حتى تقت فواحد بحالك
سراج:(شدها من دراعها مزير عليها ) كنت كنبغييك هادا جزائي
الزنبقة:(عطاه كروشي و زادلو تاني) حيد يديك عليها زامل
فهد: (شدو)صااافي ايوسف
معتصم: ماضيعش الوقت قولينا الكود دالكوفر
سراج: هه حتى نتا؟ ياك عاد لبارح كنتي باغي تقتل يوسف ولا تافقتووو رابطة الدم لعبات دورها
الزنبقة: ههه و اخيرا (خطف البريكة من عند حنان و لاحها فاتجاه النار و تشعلات شرارة كبيرة)
سراج: (مصدوم و كيغوت و تعرق)لاااااا
كتحرق وسط الاعين ديالهم و هي كتبكي و العافية كتاكل فيها كدير انين لأن فمها كان مسدود ...شعرها تحرق صحتها تحرقات وجهها تحرق وولا مشوه...عطات حنان اشارة للخدم جاو كيطفيو العافية بسرعة و مشا سراج كيجري عند ختو لي ولات متفحمة و الدم ديالها كيقطر و لحمها تشوا ...طاحو دموع من عينيه على ختو و ضمها ليه كتنفس بصعوبة و ناض بحقد و كره لعندهم كيشوف فيهم و مشا عند حنان
سراج: كنوااااعدك كيماااا تحرقات ختي ليوم غادي نحرق قلبك و نحرق عائلتك و نحرق داااارك كنواااعدك انحرق دنياااا كاملهااا و غادي تشووفي و نتا (كيشوف فالزنبقة) غادي تشووف كيفاااش انعذبك ولكن ماغاديش تعذب كثر حيت اتمووت و اتخليهم من موراك و ندير فيهم لي بغيت
الزنبقة: دابا نشوفو
سراج:(رجع عند ختو هزها و ركبها فطوموبيل و مشا مكسيري بيها للدار ...كانت نورة جالسة فبيتها لكن ماشي بوحدها انما مع شاكمة لي دخل بتخبية)
نورة: ناري امحمد خفت اجي سراج اشوفنا
شاكمة: ماتخافيش اصلا مابقا والو و نمشيو بجوج
نورة:(كتشوف فشنايفو و دايرة ابتسامة على وجهها) كان كيحسابلي نسيتيني فهاد شهراين
شاكمة: قلتلك كنبغيك مكنتش كنتفلا
نورة: و باغيني واخا انا
شاكمة:(سدلها فمها) ششش مابغيتش نسمعها منك
نورة:(بغات تهضر و هي تسمع تيليفونها) هادا الزنبقة
شاكمة: جاوبيه
نورة: الو
الزنبقة: نورة عرفنا الكود ديال الكوفر هو 1997 خودي الكوهينور بسرعة و اجي
نورة: ماتخافش انسربي دغيا(قطعات و عنقات محمد) هههه صافي انجيب كوهينور و نجي سير دابا
شاكمة: (باسها) ماسخيتش بيك
نورة: سراج ايجي دابا سييير
شاكمة: كنتسناك
نورة: ههه غدا نكون عندك
شاكمة:(باسها و خرج من باب لوراني متسلت بحال شفار فهاد الاثناء دخل سراج هاز ختو و تلاقا مع نورة)
نورة: شنو واااقع شكون هادي
سراج: ماشي وقتك خاص نعتقهاااا عيطي لطبيب سربي
نورة: واااخااا (جبدات تيليفونها عيطاتلو و تبعات سراج للبيت كتشوف ف فيروز كيفاش مشوها ماتعرفاتش عليها كاع و هاد الاخيرة حلات عينيها و كتشوف فنورة و باغا تهضر و ماقادراش)
سراج: فيرووز طبيب ايجي
فيروز:(باقا كتشوف فنورة و سراج لاحظ شوفاتها)
سراج: رغد خرجي منين اجي طبيب جيبيه
نورة: اه واخا (هادي هي الفرصة باش تجيب الكوهينور و خرجات)
فيروز:(كتحاول تهضر) س سراج
سراج: ماتعييش راسك عفاك
فيروز: سمعني (كتهضر بشوية و كتقطع) هاديك صافطها زنبقة باش ضحك عليك
شهقات فيروز اخر شهقة و ماتت حالا عينيها و صحتها المحروقة مكشوفة حوايجها لسقو عليها و تلاحمو مع جسمها و حتى حاجا مكتبان فيها من غير الدم و لحم المحروق ...شد يدها كيبكي فجنبها و قلبو كيحرقو منظرها و هي كتشوا قدامو عمرو ينساه ولكن واخا هكك ماغاديش استسلم … غطاها بليزار كولها و خرج من لبيت مضمر و كيشوف الضبابة فعينيه ...نزل لتحت و شاف فليكارد ديالو
سراج: حفرو قبر حدا واليديا غادي ندفنو فيروز و عيطو على لفقيه
ليكارد: امرك اسيدي ...
توجه بخطوات بطيئة للبيرو ديالو بلا مايدير الحس و بقا كيشوف من الباب كيفاش حانية على الكوفر و كتقلب فيه و دخل الكود حتى هضر من موراها مربع يديه
سراج: كتقلبي على شيحاجا؟
نورة:(تصمرات بلاصتها و ضارت عندو) انا كنت
سراج: علاياش كنتي كتقلبي انورة؟
نورة: (جمدلها الماء فركابي) نورة؟
سراج: بشحال خلصك الزنبقة باش ضوري بيا
نورة: عاوتاني كتتاهمني
سراج: (مشا عندها و نزل عليها بتصرفيقة) حليتي على راسك باب جهنم القحبة دايرة فيها عايقة شهراين و انا حاطك فداري و عمرني حطيت فيها شيواحد باش نتي تغدريني على قبل الكلب د يوسف
نورة:(شافت فيه بحقد و ضارت عندو شهقات ديك شهقة د المصريين و بقات كتعوج) جايبني عندك كنا كنصليو النوافيييل راه كنا كنحواو اسيدي و الكلب هو نتا لي تابع مرا مزوجة (هزات صبعها كتعوجو و تهضر) و نورة ماشي هي لي كتهدد راه جيت من زنقة لعيون و كنطيرو لعيوون اخويااا ماتجيش ديرلي فيها العاشق المجروح داكشي لي دوزتيه على ديك العائلة عالم بيه غير ربي و مازال باغي تعيش لمسلمين فلعذاب بديك الكوهينور ولكن لااا مانخليكش
سراج: صاف داكشي لي بقا غير قحبة تعتق لمسلمين
نورة: اييه قحبة و عارفة بيني و بين لي خلقني عنداك كيحسابلك غير كندير المنكار اذن راه قلبي كحل لااا قلبي بيض و مانبغيش الضرر لشي واحد و ماتسولش القحبة علاش ولات قحبة حيت ماشي نتا لي كنتي كدخل عليا القفة نهار تلاحيت فالزنقة و كيت لي عندو لفلوس و قلبو كحل اعوذ بالله
الزنبقة: كنكرهك امعتصم ماغاااديييش تخرجلي من حياتي مرضتيييني
معتصم: اه قلتهالك ولكن كنت مجبور كان هددني بمراتي و هي كانت حاملة و كانت فعمرك نتا خمس سنين باقي عاقل على نهار فاش جا عندي باك و قالي بلي الكوهينور عندو قلتلو غادي ضمرك و قالي لا مانخافش و عطاهالي فيدي قالي بالحرف الى وقعاتلي شيحاجا ولدي و الكوهينور امانة عندك (طيح دموع) فديك ليلة ماتو فالفندق مقتولين خبيت عندي الكوهينور و كبرتك بيدي حتى وصلتي قدي فطول ولكن ماكنتش عارف عليك كولشي نتا مشيتي كتخدم عند بابلو و كتسرق ختاريتي لراسك اسم الزنبقة الفضية ووليتي مشهور بيه فعالم المفيوزيين و لي كيسمع سميتك او كيشوف الرمز ديالك كيعرف دزت من ديك البلاصة ...حتى لنهار قالك تسرق الكوهينور مني ولكن ماسرقتيهاش انا عطيتهالك و قلتلك هي امانة باك تعقل ياااك تعقل
الزنبقة: و علااااش ماقلتيليش بلي هو لي قتل واليديااا
المعتصم: كان مهددني كنت خاااايف على بنتي..فداك نهار فاش مابقيتيش باغي تعطيه الكوهينور هو قطع الفران من طوموبيلتك و درتي كسيدة نتا و فيروز هي ماوقعلها والو ولكن نتا وجهك تشوه...اتاصل بيا و قالي ناخد الكوهينور و نعطيهالو و انا خديتها ولكن ماشي باش نعطيهالو و انما نخبيها عندي حتى فقتي و قالك بلي انا سباب موت واليديك و انا لي درتلك لكسيدة ماقدرتش نكر كان لاويلي دراعي ببنتي و قلتلك أه و انا كنشوف فعينيك (بقا كيبكي)
الزنبقة: انا قتلتو باش ابعد مني و مانبقاش مرتابط بيه
معتصم: كولشي لي قلتولك بصح و ماكدبتش عليك
حنان: منين بابلو هو الوحيد لي بغا الكوهينور لهاد الدرجة و دابا مات شكون ممكن اكون مهووس بيها اخر
كوهينور: بابلو عندو شي ولدو؟ شيواحد كيخدم عندو ؟ (كتشوف باباها) باباااا موحى كان كيخدم عندك كثر من عشر سنين علاش عمرك شكيتي فيه
معتصم: ماااكنتش عارفو فيه لغدر
حورية:(شادة فيد معتصم) بشوية عليك كتهلك صحتك
كوهينور: عرفتووو الى قدرنا نوصلو لموحى غادي نوصلو للبوص
فهد: و شكون كيضمن لينا بلي هو مامقتولش دابا
الزنبقة: هاداك الى ماقتلتو انا ماغادي يقتلو حد (مشا خرج للجردة )
حنان: عمي ماديرش فبالك يوسف خاصو شوية د الوقت و صاف طلعو ترتاحو نتوما (مشات عند الخدامات هزات ولادها بجوج و خرجات عند يوسف كان جالس فالفوتوي فالجردة و مشات جلسات حداه)
الزنبقة: تلفت الكدبة لي كنت عايش فيها هادي سنين طلعت مامنها والو
حنان: شنو بانلك تصالح مع معتصم و ترجعو كيما كنتو كيبقا عمك
الزنبقة: صعيب بزاف نتقبلو مرة اخرى
حنان: ختارينا طريقنا و أسسنا حياتنا و خلقنا عائلتنا صغيرة خاص نساو الخلافات و نبقاو قويين قدام لي باغيين اضمرونا
الزنبقة: ولكن نتي ماباغاش تنساي الخلاف
حنان: بغيت ولكن مكنقدرش نسا ثقتي فيك تزعزعات بغيت نردها ولكن صعيب
الزنبقة: وليت اب احساس زوين غير كنشوف فيهم كنسا همومي فمرة
حنان: حتى انا
الزنبقة: ديلشاه ينيس ليوم غادي نعاود ليكم الاسطورة ديال الزنبقة الفضية كانت الوليدة قبل مانعس كتعاودهالي كان يا مكان فقديم الزمان راجل قوي جبل ماكيتهدش صارم لكن احن من قلبو ماكاينش عطوف كيبغي لخير كان سراق لكن ماشي اي سراق كان كيسرق من الملوك و التجار باش اعطي للمساكين و الفقراء كل حاجا سرقها و ديما كانو كيقلبو عليه باش اشدوه و يعذموه ولكن هو كان ذكي ديما كيدير القناع و كيخلي من موراه غير رمز باش يعرفوه بلي هو لي سرق فدوك ليالي و فصباح كيخرج بحال عباد الله رجل كيف ناس حتى نهار شاف اميرة راكبة على العربة ديالها تسحر بجمالها و قلبو ضرب ليها بوحدها عرف بلي هي بنت ملك ظالم هو لي معذب ناس لكن حبو ليها مانقصش خصوصا منين شافها حنينة و كتعامل مع شعبها مزيان و قرر يسرقها و هاد المرة لراسو جا عندها فديك ليلة فين شافتو داخل من شرجم ديالها كانت اتغوت لكن شيحاجا منعاتها امكن فضولها باش تتعرف على الزنبقة بقات نهار على نهار كتزيد تشبث بيه و هو كثر حتى لنهار كان الملك ايزوجها لامير اخر هي رفضات و الزنبقة منين سمع الخبر ركب فوق حصانو الاسود و انطالق لعندها بسرعة خاطفها من فوسط عرسها و غادي هو و ياها كيهربو و الجنود تابعينهم لكن للأسف وقفو قدام الهاوية كيشوفو فبعضياتهم و الجنود معاصرينهم م لور شاف فعينيها و ابتاسم ليها و هي حطات يديها فيدو كتبادلو الابتسامة و نقزو هي و ياه مخليين ظلم العالم وراهم و حبهم بقات فلسان كل واحد كيسمع اسطورة الزنبقة الفضية
حنان: على هادشي كنتي بغيتي تكون بحالو
الزنبقة: كانت قصة كتعاودهالي ماما و قررت نكون بحالو ماشي اي واحد اقدر اكون الزنبقة
حنان: قصة زوينة و كنت من ديما باغا نسولك شنو كتعني
الزنبقة: هادي قصتها لكن الاسم كيعني الزنبق هو وردة وراقها خارجين و الفضية هي انها من الفضة
حنان: اه بحال الوردة لي كتحط ديما
الزنبقة: أه (ناض) يالاه ندخلو نعسو راه لبرد
حنان: اه يالاه ولكن انقول للخدامة توجدلي البيبرون للولاد
الزبقة: مكيبكيوش علاش؟
حنان: مهدنين بحالك
الزنبقة: ههه حسن مايطلعو معصبين بحالك
مشاو لبيتهم انعسو و هوما حاطين البيبي فوسطهم كيشوفو فيهم و كيشوفو فبعضياتهم كيحاولو افسرو نظرات بعضياتهم لي كتوحي بشحال من حاجا حتى غفاو...صبح صباح جديد فيه تجهيزات للدار كولها الخدم زربانين كيقادو الشغال لي عليهم و العائلة جالسين لتحت الرجال لابسين جابادورات و لعيالات قفاطن و كيتسناو فحنان ماهي الا دقائق هبطات لابسة قفطان فالغوز بارد بحال حنيكاتها و ابتاسمتها العذبة و طالقة شعرها و مكتافية بماكياج خفيف و من موراها جوج خدامات كل وحدة فيهم هازة بيبي حتى هبطات عندهم
حورية: ماشاء الله نورتي دارك
حنان: الدار منورة بيكم عائلتي
الزنبقة:(وقف قدامها كيشوف فيها بعينين هايمين ) الله اخلينا مجموعين ديما
معتصم: اميين
شاكمة:(كان كيصوني لنورة و ماكاتجاوبوش و خاف و مشا عند يوسف حتى بغا يهضر معاه و تراجع) اووف بلا منضيع للسيد فرحتو
فهد:(حط يدو على كتفو) محمد مالك
شاكمة: نورة مكتجاوبنيش نورمالمون خاصها تكون هنا مع الجوهرة
فهد: بغيتي تقول بلي ممكن اكون سراج شدها
شاكمة: اوووف خايف
فهد: صبر شوية دابا تجي (ابتاسم ليه) كتبغيها
شاكمة: بزاف كنت بغيت نقولك سمحلي على داكشي لي كان وقع على قبل حفيظة
فهد: داكشي من الماضي (عنقو) ولينا صحاب دابا
شاكمة: اه صحاب
حفيظة:(جالسة و هازة القرعة د نوتيلا كتاكل فيها بلهفة حتى جات عندها كوهينور)
كوهينور: باراكا عليك راك اتغلاضي
حفيظة: شنو ندير اختي ولدي بغا ياكل
كوهينور: ههه داك الولد ايغلاض معاك
حفيظة: كوهينور علاش ماعيطتيش لاوسمان
كوهينور: (ارتابكات بغات تجاوب و هو يسبق باها)
معتصم: من ليوم نساو عليكم شيواحد سميتو اوسمان حيت ولا بعيد على عائلتنا
الزنبقة: شنو السبب؟ انا مسولتش كوهينور
كوهينور: كيما زواج كاين حتى طلاق كاين و انا وياه مابقيناش بجوج و عفاكم ماتسولونيش
معتصم: اه (باسلها يدها) انا و حورية تزوجنا هاد صباح
حنان: مبروووك
حورية: ههه اخليك ليا
حنان: خاصنا نديرو حفلة كبيرة
حورية: لا بغينا داكشي اكون هاكا خفيف و ماغاديش نلقاو احسن من هاد المناسبة
الزنبقة: فيها خير يالاه نمشيو للجردة غادي نذبحو
توجهو ابطالنا للجردة دايرين جليسة زوينة و كيشوفو ليكارد جايبين جوج بقرات للذبيحة و توجه الزنبقة عندهم من بعد ما تبتوهم ليكارد و سما و ذبحهم بجوج و رجع لعند ولادو هز ديلشاه هي لولة و بقا كيأذن ليها فالاذن ديالها و نطق سميتها و كذلك دار مع ينيس و جلس حدا العائلة لي فرحانين بهاد الاجواء كيشوفو فالبقر كيتسلخو فجهة أخرى ماكانتش الفرحة على وجهها
الزنبقة: (عيط ليكارد) بغيتكم توزعو ذهب و الديور على ناس الفقراء فالمغرب و برا المغرب بغيت كولشي يعرف بلي ولاد الزنبقة غاليين
ليكارد: امرك اسيدي
...كان الدم دايز من نيفها و حوايجها مقطعين و دموعها شلال كتغتاصب بكل وحشية بدون حركة فقط الانين ديالها كيتسمع فالغرفة كاملها و كتشوف ف سراج و كترجاه بعينيها
سراج: (عطا اشارة للراجل) باراكا عليها خليها ترتاح شوية و رجع تمتع فيها
نورة: اهئ اهئ نتا وحش
سراج: أممم و كنتي ناوية انا لي نغتاصبك؟ لا ابب نتي عاهرة و العاهرة كتنعس مع اي واحد و انا جبتلك هادا باش ادير فيك مابغا
نورة: ربي ماكاينسا حتى واحد اهئ اهئ و غادي تشوف كيفاش موتك ايكون
سراج:(عطا اشارة للراجل اغتاصبها ثاني) سكاتك حسن
نورة: لاااااااا صااااافي أهئ أهئ أهئ (الانين رجع صرخات من شدة الالم طاقتها تقاضات و هي مابيدها حيلة ساعات من الاغتصاب و القهر و الظلم حتى شاف الله من حالها و بعد عليها ...قرب سراج منها شوية بشوية و كيهضر بصوت منخافض) هادي هدية زوينة للزنبقة (لاح عليها مونطو طويل ) لبسيه
ماعندهاش القوة لي تلبسو فقط كتكابر لبساتو فوق لحمها و هي عريانة و دار ليها اشارة تمشي ...بقات غادة بشوية كتقطع و كتحس بالردة و السخفة...خرجات من دار كتمشى فطريق هكك حتى شيرات الطاكسي و خداتها لمنطقة الزنبقة و منبعد ماتأكدو رجالو من طوموبيل و شخص لي فيها خلاوها دخل و خلصو طاكسي و مشات و هي كتشوف فدار و رجليها ماهازينهاش حتى وقفات قدامهم كتشوف فيهم و طاحت على طولتها فالارض و ناضو كيجريو عندها منبعد ماكانو كيهضرو و يضحكو
شاكمة:(هازها) نووورة فتحي عييينيك نووورة
نورة:(بكلمات متقطعة) سمحولي ما قدر تش ن جيب كو هينور (سخفات)
الزنبقة:(غوت فالدار) عيطو للطبيب دغيااااا
شاكمة:(هزها لبيتو بسرعة و العائلة من موراهم و هوما كيتفحصوها) صبري طبيييب غااادي يجي انااا سباااااب ماكانش خاص نخليييك بوحدك احبيبتي
حفيظة: اهئ اهئ غتاصبوها
كوهينور: لهاد الدرجة وصلات وقاحت سراج
الزنبقة:(هبط عند ليكارد معصب) غااادي تمشيو دااااباااا و تهجمو على دار سراج بالقرطاس دااابا بغيتوو يمووت بغيت نسمع خبارو
لكيكارد:(امرك)
حنان:(هضرات من موراه) ماشي هاداك هو لحل ايوسف حيت داك لكلب باقا عندو الكوهينور
دخل طبيب و طلعوه لعند نورة و فحصها منبعد ماخرج كولشي و عاد قاليهم بلي تعرضات للاغتصاب بشكل قوي الشيء لي خلا الرحم ديالها يتضرر و واجب عليها راحة و كتب ليها دوايات و نصائح خصها تبعهم و خرج …
...سراج كان فمنطقة بعيدة و بضبط فمقبرة فجنبو لفقيه و كيشوف فختو كتدفن قدام عينيه حتى صونالو تيليفون و علموه رجالو بلي الزنبقة صافط فليكارد و هجمو على دارو باش اقتلوه ...قطع المكالمة و شاف بلي صافي تدفنات ختو و خلص لفقيه و ركب فطوموبيلتو متوجه للمنطقة اخرى و فدار معزولة على ديور دخل و لقاه كيتسناه
موحى: سمعت بلي ختك ماتت البركة فراسك
سراج: ماتت بسبابهم و انا انحرقهم
موحى: هدفنا واحد ولكن قبل خاص تعطيني الكوهينور
سراج: موحى الكوهينور انعطيهالك غير فاش تموت ديك العائلة كتفهم
موحى: و شنووو بغيتي ندير
سراج: غادي تقول لأعضاء المنظمة الى بغاو الكوهينور خاص اقتلو الزنبقة و عائلتو
موحى: البوص ماغااااديش ابغي
سراج: ماغاديش تكون فخبارو و نسيتي بلي قلتي هو ضدنا و مابقيناش انخدمو معاه اذن ختار طريقك
موحى: كيما بغيتي لكن غير اموتو اتعطيني الكوهينور
سراج: منين تقنع اعضاء المنظمة بفكرتي اجي نعطيك الكوهينور
موحى: اتافقنا و فاش اكون الوقت مناسب عطيني الاشارة و انتحرك
سراج: تماما
كتفيق شوية بشوية و صحتها كضرها كتفكر شنو وقع ليها و كتبكي حتى دخل عندها شاكمة و العائلة
شاكمة:(جلس حداها ) ششش باراكا من لبكا
نورة: اهئ اهئ تعدا عليااا اهئ اهئ وحش
الزنبقة: صيفطت لي يقتلو ولكن ماكانش فدارو و بدل بلاصتو
معتصم: يا خوفي اعطي الكوهينور للمنظمة
حورية: أعوذ بالله
نورة: سمحولي ماقدرتش نجيبها هو اكتاشفني اهئ اهئ
شاكمة: اهم حاجا هي نتي
الزنبقة: ماديريش فبالك نساي و رتاحي
كوهينور:(جلسات حداها) و غادي نتهلاو فييك حتى تبراااي
حنان: كوهينور عندها لحق نتي وحدة منا و فينا مانسمحوش فيك
شاكمة:(باسلها رأسها) اناخدلك حقك غير صبري
نورة: الله اخليكم ليا
حورية: يالاه نخرجو نخليوها ترتاح
خرجو كلهم مخليينها ترتاح شوية حتى دازت الخدامة هازة بوكي د الورد و شافتها حفيظة كانت مع فهد
طلعات للفوق عند نورة و دخلات حطات بوكي د الورد و خرجات و بقات نورة كتشوف فيه و تبتاسم و حاولات تنوض حتى وصلات ليه كتشوفو و تشم ورداتو و لاحظات ان فيه رسالة حلاتها قراتها و هوما يتبدلو ملامحها لصدمة و دموع متحجرة و عصبية و كاع الاحاسيس الخايبة تجمعو فيها فاش قراتها
الرسالة: مرحبا بك في داء السيدا مع حوبي سراج .
صرخة نابعة من الاعماق تردد صداها فالقصر كاملو متألمة مجروحة مقهورة و منكسرة صرخة سمعاتها الطيور لي فوق الشجر و رفرفات بجناحيها لفوق السماء الزرقة و نفس الصرخة رعبات الخيول لي فالاسطبل فما بالكم بالناس لي فقلب القصر كولشي سمعها الخدم ليكارد و حتى من العائلة لي طلعات كتجري عندها اولهم محمد لي فتح الباب لقاها طايحة على ركبتيها كترجف و دموعها شلال و كتشوف فنقطة وحدة و يدها كترجف لي حاملة بيها الرسالة
محمد:(حاط يديه على وجهها) نووورة مااالك
حنان: حبيبتي نورة اش واقع ليك
نورة: (كتشوف فيهم واحد واحد و الهضرة ماقادراش تخرج ليها من فمها صعييبة صعيبة بزاف)
محمد: ماتخلعينييش عليك عفاااك عاوديلي مالك
الزنبقة:(لاحظ الرسالة) شنووو فيدك
نورة:(كمشات الورقة ووعات على راسها و بكلمات متقطعة) بغيت نمشي لكيكو
كوهينور: اش اديري تماك
محمد: بلاصتك معايا ماعندك فين تمشي
نورة: (ناضت ) خاص نمشي انا خاص نغبر لا خاص نموت
محمد:(شدها من كتافها) نووووورة ديري عقلك
نورة: بعد مني ماااااتقييييسنيش نسااااني عليك شوفلك وحدة اخرى
محمد: القلب بغا نورة مابغاش وحدة اخرى
نورة:(كضربلو فصدرو) واش مكتفهمش اهئ اهئ بعد مني انااااا مسخة
محمد: فعينيا نتي نقية واش اتخليني حيت كنا تناقشنا من قبل صافي؟
نورة: انا فياااا سيداااا (نطقاتها و جلسات فالنموسية كتبكي و تشهق و هوما تصدمو شي كيشوف فشي )
محمد: سيدا؟؟ (جلس على ركابيه كيحاول اتقبلها و عينيه تحجرو بدموع و قلبو كيوجعو..مافيقهم غير صوت الضربة فالباب كان الزنبقة معصب و خرج من البيت و حنان تابعاه)
حنان: يوووسف وقف
الزنبقة: انااااا لي غادي نقتلوووو هاد المرة انااااااا (متوجه لبرا)
حنان:(شداتو فيدو) ماعندك فين تمشي ماغاديش نخلييك
الزنبقة: خاااصووو يموووت (كيضرب فالحيط) انااا لي صيفطتها عندووو اناااا سباب عذابهم شفتي كيدايرين بجوج داك الامل لي كان عندهم بجوج باش اكملو حياتهم مع بعضياتهم ضمرولهم سراج ولكن شكون عطاااه الفرصة انااااا
حنان: غادي نلقاو العلاج ياك كل حاجا عندها علاج نتا ماكنتيش عارف ايوقع هاكا
الزنبقة: إلاااا السيدا مااااعندها علااااااج صعيييب غااادي تمووت ولكن انا انتبعو لييها ولد القحبة ماغاديش اعيش
حنان: و حياة ولادك ماتمشيييش ايووسف عندو عفاااك كنحلفك بيهم
….ماهي الى دقائق وصل طبيب و ضربلو الشوكة د الانسولين
طبيب: سي موقاديري منا مريض بالسكر خصم نظام غذائي خاص كتبتولك فهاد الورقة وممنوع أي حاجا فيها لحلاوة و ايضا أنصحك بالتمارين الرياضية و تشرب الما بزاف
حنان: واش ديما ايبقا يوقعلو هاكا
طبيب: ماخصوش اتعصب و ايقدر يتعايش مع المرض هادا كل شيء (مشا)
حورية: سمعتي طبيب شنو قال
معتصم: اش كاين
حورية: والو غير يوسف طلعليه سكار
معتصم: عطي راحة لراسك
الزنبقة: منين بغات تجيني راحة و انا قلبي كيتكال من لداخل
حنان: علاش ماقلتيليش بلي مريض
الزنبقة: كان عندي اهم حاجا هي تبراي نتي و شي لآخر مكيهمش
فهد:(جاي هو و حفيظة متكية عليه و كتبكي) شش راك حاملة
حنان: مالكم
فهد: بقا فيها محمد و نورة
الزنبقة: فينهم؟
كوهينور: خليناهم بوحدهم فالبيت
….غير ساكتين كيتصنطو بجوج لصوت شهقاتها
محمد؛ علاش لي كنبغيه كيبغي ابعد عليا واش لهاد الدرجة مانستاهلش نفرح
نورة: اهئ اهئ نتا ولد ناس لكن ماعندناش فرصة فالحياة بجوج تستاهل وحدة اخرى
شاكمة:(مسح دمعة هابطة من عينو و شدلها فيديها) كنبغيك و مكتهمني حتى حاجا من غيرك غادي تتعالجي
نورة: لي كيمرض بسيدا معندو حل اهئ اهئ
محمد: إذن نموت معاك (باسلها يدها)
نورة: محمد المرض كيعدي اهئ اهئ ماتستاهلش
محمد: بقاتليييي ضربة وحدة و انموت و هاديك ضربة هي نتي يا اما نموتو بجوج يا اما اتموتي بوحدك و تخليني نموت موراك
نورة: اهئ اهئ مابغيتش امحمد نموت ولكن فاش كتبها الله ماغاديش نقتلك معايا
محمد؛ مااااشي شغلك اناااا مانسمحش فيك كنبغيييك كنمووت عليك و انمووت معاااك (نوضها) لبسي مونطو فوق هاد شي انمشيو لطبيب)
نورة: واخا (ناضت لبسات حوايجها و هبطات هي و ياه مشادين ليدين شافو العائلة جالسة و يوسف متكي)
شاكمة: غادي نمشيو لطبيب
الزنبقة: ردو بالكم
محمد: لي دارها الله هي لي تكون
مشاو لكلينيك يدو فيدها مابغاش اطلق منها كيحس برجفتها و بخوفها لكن كيهدنها بعينيه اول مرة اتحس براسها مع راجل واقف معاها كتف تسند عليه و ظهر تحمى موراه...وصلات نوبتهم منبعد ماتسناو دقائق معدودة و دخلو عند طبيبة مكلفة بداء الإيدز دارت تحاليل لنورة و طلعو ايجابيين كان عندهم امل واحد مايكونش هاد الخبر بصح لكن الامل تبخر بحال الماء و بقات قطرات الدموع وحدها فخدود نورة كتساقط و ترجف
طبيبة: ماتفقديش الامل غادي نبداو العلاج خصك غير تبعي الخطوات
طبيبة: (تنهدات بحزن) السيدا او فيروس HIV كيدمر مناعة الانسان ضد الامراض و كيولي اكثر عرضة للخطر و قابل استقطب جميع الامراض جسمك غادي يولي ضعيف
شاكمة: مايمكنش مايكونش شي حل ادكتورة عفاك فيدينا
طبيبة: منين تكتاشف هاد المرض و حد الان ضحايا السيدا كانو 82 الف مليون شخص عبر العالم كاين لي نتاقل ليهم المرض من خلال الدم و كاين لي من الحقن و كاين لي بحال حالتك منقولة جنسيا
نورة: (كتمسح دموعها ) صافي نسني على الموت
طبيبة: غادي نعطيك دوايات و حقن و نتي خاصك تكوني معزولة شوية على ناس حيت هاد المرض كيعدي الاواني لي اتاكلي فيهم خاص اكونو ليك بوحدك و ماتسلميش على ناس كل حاجا ديري منها الحذر
شاكمة:(شد فيد نورة) لا هي ماغاديش تبقا بوحدها انا معاها
نورة: ماسمعتيييهااااش راه المرض كيعدي اهئ اهئ
شاكمة: و منبعد كنا بجوج و حنا بصحتنا و دابا فالمرض ماغاديش نكونو بجوج؟
طبيبة: هادا كيتسمى انتحار
شاكمة: كيتسمى حب منقدرش نعيش بلا بيها نورة نوراتلي حياتي (ناض و نوضها) شكرا بزاف ادكتورة لكن خاص نعيشو ماتبقى فحياتنا
طبيبة:(ابتاسمات و شافت فنورة) هاد الراجل كيبغيك بزاف ماتفرطيش فيه
….خرجو كيما دخلو شادين فبعضياتهم و غاديين بلا حتى كلمة ...مشا الشاكمة يخلص التحاليل و كولشي و رجع عندها ركبو فطوموبيل و هاد المرة ماتوجهوش للدار و انما قدام البحر خرجو كيشوفو فأمواج البحر و اصواتو...مشا كيقلب فالرملة حتى لقا صدفة و رجع لعندها تحنى على ركابيه
شاكمة: تزوجي بيا
نورة: لا عفااااك لا اهئ اهئ هادشي بزاف
شاكمة: كنبغيك واش اتخليني من موراك و نتي عارفة بلي اتموتي
شاكمة: قالت لينا طبيبة خاص الوقاية يعني بعدو علينا و اي حاجا كلينا فيها او شربنا منها أو حتى نعسنا عليها ماتوصلوهاش
حورية: واخا ولكن ماغاديش تمشيو منهنا
معتصم: بطبيعة الحال ماغاديش تمشيو لشي بلاصة
الشاكمة : ماغاديش نمشيو على الاقل حتى نتزوجو
فهد: اتزوجو؟
الشاكمة: اه و مكرهتش نديرو حفلة بيناتنا غدا و نتزوجو صافي
الزنبقة: ان شاء الله (بقا كيشوف فيهم بجوج فرحانين واخا عارفين راسهم ايموتو لكن فضلو حبهم انتاصر تماك طاحت عليه فكرة كان رافضها لكن دابا معاه حنان وولادهم خاص افكر لعل وعسى احن قلب حنان و تسمحلو فمرة حيت واخا هكك كيحس بيها بعيدة عليه و خاطرها ماصفاش من جيهتو عطا التعليمات و ناضو كيديرو تجهيزات للعرس لكن ماقدروش افرحو حيت عارفين بلي هاد العرس غيير حيت من بعدو جنازة لكن فقط على قبل نورة و شاكمة كيصطنعو الضحكة….بقات بوحدها فالجردة كتبكي بحرقة حسات بلي ظلامت عليها خاصة من بعد مرض نورة هاد الاخيرة لي كانت من موراها كتبكي حتى هي )
نورة: امكن كنخلص فعايلي حيت بعدت على طريق الله بزاف و ذنوب خوتي و با على رقبتي عليها كنتعاقب
كوهينور: ماتقوليش هاد الهضرة اهئ آهئ قلبك كبير كتبغي لخير للناس و انا داكشي لي تعلمتو من اوسمان على الاسلام كنعرف بلي لي كيطلب التوبة من الله ماكايخيبش
نورة: و نعم بالله قوليلي فينو اوسمان خصني حتى هو نشوفو و نودعو
كوهينور: تفارقنا
نورة: اوييلي شحال و نتوما كتقاتلو باش تكونو بجوج و تفارقتو؟ هاكا بهاد السهولة
كوهينور:(كتشوف فجنابها و قربات ليها هضرات بصوت منخافض) انا خليتو حيت عرفتو هو البوص
نورة: شنوووو
كوهينور: ششش مابغيت حتى واحد اعرف
نورة: علاش ماقلتيهالهمش كانووو كيقلبو عليه لا ميمكنش نتيق هو البوص لا كيفاش حتى ماعرفناهش
كوهينور: مااااعرفتش اهئ اهئ اوسمان آخر واحد اخرج منو هادشي ولكن خرج انا عارفاه مزيان قلبو طيب ميمكنش اكون مول هاد لفعايل موحى هو سباب
نورة: هو عارفك نتي عارفة؟
كوهينور: لا انا درت السبة بلي مكيولدش و خليتو (كتمسح دموعها) منقدرش نقولها ليوسف مابغيتهمش اقتلو بعضياتهم و فالمقابل انا سمحت فيه على قبل عائلتي باش مايآذيهاش
نورة: كوهينور…
كوهينور: مابغيت حتى واحد اعرف عفاك
نورة: سرك ايبقا معايا حتى ندفنو فالقبر ماتخمميش ولكن نتي كتقتلي راسك نيت كتبغيه متفرطييش
كوهينور: هو لي فرط بالكدوب (شافت الشاكمة) محمد جاي
شاكمة: هههه صافي اوا جاتك الالة (باسها فحنكها و مشاو)
...فبلاصة أخرى كان كيقرا وراق و هو جالس حاط رجل على رجل و يدو تحت ذقنو معصب و كيكمش لورقة فيدو شوية بشوية و عينيه رجعو حومر نطق كلمة وحدة هي كوهينور
اوسمان: اذن زورتي لوراق (ناض ضرب الطبلة دالباب شخشخها) خااااص نعرف علاااااش و ليوووم اتشرحيلي (ركب طوموبيلتو و متاجه لدار الزنبقة بأقصى سرعة باغي اجوبة على أسئلتو وصل منبعد ماتأكدو منو ليكارد و دخل للدار تلاقات بيه حفيظة و هو كيشوف تجهيزات )
حفيظة: اوسماان لباس عليك
اوسمان: بيخير فينها كوهينور
حفيظة: كانت هنا
معتصم: ماعندك شغل مع بنتي ماشي طلقتيها (هابط من دروج)
اوسمان: بنتك ماطلقتهاش اذن باقا على ذمتي و شرعا و قانونا انا راجلها اذن فين مرتي
الزنبقة: اوسمان؟ (عنقو) افين اصاحبي بيخير
اوسمان: مابيخيرش بغيت كوهينور
الزنبقة: أمم تناقشتو كتوقع
حفيظة: (لمحاتها) رآها فالجردة
اوسمان:(توجه عندها بسرعة اما هي ماحسات بيه حتى وقف قدامها مدرقها بظلو و جبدها من يدها) علاااش زورتي لورااق هضرييي
كوهينور: (مصدومة فيه ) طلق من يدي واش حماقيتي انا وياك سالينا
اوسمان: ماسااااليييناااااش جاوبيني انا ماشي عاكر
كوهينور: شنو الفرق فالتالي ماغاديييش نرجع معاك و مابغيتكش
كوهينور: كلها يشد طريقو الله ارحم بيها الواليدين و ماتعاودش تبان قدامي
اوسمان: قولي بلي ماقادراااش على المسؤولية قولي مكتبغينيش واخا عمرك شفتي مني لعيب و عمرني آذيتك نحط فكتفي و الى عيا نحطك فكتفى لآخر و ماترميييش سبتك عليااا
كوهينور: ساليتي هضرتك اوا الله اعاونك مابقات هضرة بيناتنا
اوسمان: كارها العيشة معايا لهاد الدرجة ماشي كوهينور هادي
كوهينور:(طرطقات بالبكا) عفاك بعد مني مابقيتش باغا المشاكيل عييت
اوسمان: واخا انمشي اه انمشي و لكن داري و قلبي ايبقاو مفتوحين ليك فوقما بغيتي ترجعي
كوهينور: ماغاديش نرجع
اوسمان: انتسناك (مشا خرج من الدار و ركب فطوموبيلتو)
فبلاصة أخرى فالرباط و بضبط دار فيها صالة كبيييرة كتوسطها مائدة طويلة جالس عليها 24 واحد مجموعين فيه غير اعضاء المنظمة على رأسهم سراج و موحى هاد الاعضاء ماكانوش غير صهاينة و انما من دول عربية كالسعودية و دول اوروبية روسيا فرنسا المانيا و اخيرا امريكا و كوريا الشمالية و المكسيك...مجموعين كيتناقشو و كيخططو خططهم الجهنمية
سراج: الى وافقتو تقتلو الزنبقة و عائلتو اعتابرو الكوهينور وصلات للمنظمة
السعودي: بس ماسوا شي
سراج: ماكانش بغا يعطيكم الكوهينور و كنظن هادا سبب باش اموت
الامريكي: it's okay accepted
الفرنسي: je accepte
سراج: رائع اذن منين عطيتوني الموافقة بغيتكم تبقاو هنا فالمغرب هاد الايام باش نلقاو الفرصة انعلمكم و اتمشيو لدار الزنبقة اتقتلوهم و تحرقو ديك دار
المكسيكي: لا ماموافقش ماغاديش نظلم شيواحد
سراج: انطونيو فيليكس نتا خاصك تقبل حيت كولشي قبل
انطونيو:(رجل في السبعينات ) الزنبقة ماآذاناش و عائلتو ابقاو فالتيقار و زيد عليها البوص عندو فالمنظمة اكبر أسهم و منو كناخدو الاوامر وهو ماآمرناش نقتلو الزنبقة و عائلتو
موحى: انا الممثل الرسمي ديالو و هو موافق
سراج: ماتنساوش بلي كوهينور عندي و ضروري مانتوافقو
بقلة حيلة انطونيو ماقدرش اعتارض و اعضاء المنظمة قبلات و قررات تنفذ الخطة على قبل الكوهينور فقط...العائلة كيوجدو الحفلة و ماعارفينش بلي الغدر تابعهم و موصيبة جاياهم فطريق خاص اوجدو ليها ...طاح ظلام و كانو ترتيبات سالاو على قبل غدا و هي جالسة فالصالة كتخمم حتى جلس معاها و فيديه ينيس و ديلشاه
الزنبقة: شدي ديلشاه خاص نعطي لينيس ياكل من صباح كيبكي
حنان:(شدات ديلشاه) فيها نعاس هي
الزنبقة: عاد دابا شربات حليبها
حنان:(تنهدات و حركاتلو راسها بأه)
الزنبقة: مالك
حنان: بقا فيا محمد و نورة
الزنبقة: ختارو طريقهم
حنان: هاد الدنيا خايبة قسحاتنا بزاف
الزنبقة: جايين ايام زوينة
حنان: وليت كنتوقع غير الخايب
الزنبقة: شوفي ينيس و ديلشاه واش حاجة خايبة هادي
حنان: لا افضل حاجا وقعاتلي فحياتي هي ولادي و ندير اي حاجا على قبلهم
الزنبقة: حتى حاجا مكتبقا على حالها واخا حنا عارفين بلي نورة و شاكمة ايموتو لكن ماعرفناش شكون السابق
حنان: اه عندك الحق
الزنبقة: نوضي نعسو ينيس نعس وهو كيشرب الحليب
حنان: يالاه انبقا نفيق تاني فليل
الزنبقة: اه كينوضو بزاف كيبكيو
حنان: هاد المرة فيق نتا عندهم
الزنبقة: اصلا لبارح فقنا بجوج
حنان: اممم حتى شفتيهم غلبوني
الزنبقة: نجيبو مربية
حنان: الا كنخاف عليهم باقيين صغار نخاف تعذبهم
الزنبقة: باش نقتلها الليعميها لي يقرب منهم
حنان: عزاز عليك
الزنبقة: راه ولادي هادو و مازال ان شاء الله ايكونو ولاد اخرين
حنان: اممم غير حلم (تخطاتو مبتاسمة و كتزرب)
الزنبقة: اجي كيييفاااش غير حلم حنااان
أصبحنا و أصبح الملك لله فايقين على غير عادتهم العشية تعاشات و هوما مقادين جليسة زوينة فالجردة طبلة فالابيض طويلة ديال العرسان و العدول و طبلة أخرى فيها مأكولات واخا غير بين العأئلة هاد الاخيرة لي كانو جالسين لابسين غوب سواغي و فوقهم ليكاب مع كان البرد و كيتسناو فالعروسة و العريس انزلو...و الفوق كيسدلها سنسلة ديال لاغوب بيضة و حطلها اكليل الورد فوق راسها و زين بيه شعرها الاسود و لمعو عينيها بفرحة و توسعات ابتسامتها باش ابانو سنيناتها البويض و غمازاتها كان كيشوف فيها م لمراية لابس هو ايضا طقم اسود انيق و مطلع شعرو لفوق و كيتبادلو النظرات
نورة: انا أكثر وحدة محظوظة فهاد دنيا حيت نتا معايا
شاكمة: كنبغيك بزاف و متأكد من حبك ليا و عمرنا نتفارقو
نورة: ياريت كون كان بامكانا نكملو الطريق فهاد الدنييا
شاكمة: خلاااص حتى نتي هاد دنيا مافيها مايعجب الحاجا الوحيدة لي فيها زوينة هي هاد العائلة و نتي
نورة: عمرني نساهم و خيرهم سابق عليا حسيت بدفء العائلة و انا معاهم عمرهم شافو فيا شوفة ناقصة ماكاينش بحال ظرافة حنان و رزانة يوسف و جمال كوهينور و خفة دم حفيظة و فهد و عقلانية حورية و صلابة معتصم
شاكمة: و مكاينش بحال الفناكش ديلشاه و ينيس ههه الله احفظهم
نورة: ااه (تنهدات) العائلة افضل حاجا
الشاكمة: نتي عائلتي دابا ماعندك فين تمشي عليا انبقاو طول طريق بجوج في الصحة و المرض في الحياة و الموت انا وياك واحد
نورة:(شبكات يدها مع يدو) واحد
الشاكمة: يالاه احبيبتي خاصنا نمشيو اكون العدول وصل (عطاها يدو شدات فيه و مشاو هبطو بشوية عليهم)
حنان:(كتهضر مع ديلشاه) و نتي ابنتي ماتعطي قلبك لحد ايحرقوليه و يخليك بلاش
الزنبقة: يااااك
حنان:(قلبات عينيها) هاء نتا لي بديتي
….خرجو عندهم عرسانا و الضحكة على وجههم و هوما وقفو كاملهم كيصفقو معتصم تناسا ضحك مع حورية و كوهينور و فهد بعد حفيظة من الكيكا و هي كتصفق و فمها عامر و يديها مجلخين بلاكريم و يوسف و حنان وقفو و مع شادين لولاد ماقدروش اصفقو...مشاو ابطالنا جلسو فكراسا قدامهم طبلة و فجنبهم العدول و جنب لاخر معتصم باعتبارو الشاهد ديالهم
العدول: اجتمعنا اليوم لعقد قران السيد محمد ركراكي و نورة سلام على سنة الله و رسوله احم سيد محمد نتا قابل تتزوج بنورة سلام
شاكمة: قاااابل
العدول: قابل؟
شاكمة: قابل
العدول: قابل؟
شاكمة قابل
العدول : الله اكمل بالخير و نتي ابنتي قابلة تزوجي بمحمد ركراكي
نورة: قابلة
العدول: قابلة؟
نورة: قابلة
العدول: قابلة؟
نورة: قابلة
العدول : اسعد الله ايامكم و نتا كتشهد على هاد زواج
معتصم؛ كنشهد
العدول: مبروك عليكم وقعو
وقعو عرسانا فرحانين تحت تصفيقات الكل و اصبحا زوجا و زوجة برضاهم و كولشي كيشوف فيهم بفرح و كيتمناو ليهم كل سعادة ...قاطع الزنبقة سهوة حنان لي كانت كتشوف فيهم و هضرلها فأذنها
الزنبقة: غادي ندير عملية تجميل لوجهي
حنان:(غوتات ) شنوووو
الزنبقة: (نقزاتو) بشوية عليك نتي فعارالله
ضارو عندهم العائلة كيسمعو ليهم
حنان: منين جاتك هاد الفكرة
الزنبقة: لبارح فكرت مع راسي و قلت نبدا صفحة جديدة بوجه جديد مابقيتش بغيت هاد الماسك ابقا لاسق فيا
حنان: شنو تبدل دابا ياك كنتي رافض الأمر من اساسو
الزنبقة: ولاو عندي ولادي مابغيتهش اشوفو وجه باهم المشوه
حورية: يوسف عندو الحق هاد الخبر زوييين و اخيرا تحلات العقدة
الزنبقة: اه و من دابا شوية انمشي عند طبيب بغا يشرحلي شي حاجات
حنان: انمشي معاك
الزنبقة: اه احبيبة اتمشي معايا
شاكمة : لا لا و ماتحتافلوش معانا بعرسنا
الزنبقة: علاه انمشيو بلا مانحتافلو ههه مبروك عليكم
كوهينور:(طلقات موسيقى) خاصنا نشطحو هههه
بقاو كيشطحو شوية و ضحكات مالية المكان قهقهات عالية غادي تكون اخر ضحكات ايضحكوها فهاد الدار لي جمعات احزانهم افراحهم غضبهم الاعيبهم خيانتهم و الوفاء ديالهم هاد الدار السوداء كيما كنحب نسميها اثاثها اسود حيوطها سوداء و كل مافيها باللون الاسود بالرغم من هادشي خلقو نقطة بيضة بطيبوبتهم و تمسكهم ببعضهم فالاول كانت كوهينور و باها و دخلات حنان و حفيظة و شاكمة لحياتهم منبعد دخل فهد لحياة حفيظة و دخل الزنبقة فحياة حنان و اوسمان فحياة كوهينور من بعد تلاقاو بحورية و نورة و وولاو عائلة مندامجة فيما بينهم اقدرو اتشتتو و يقدرو يبقاو مجموعين لكن لي متأكدة منو ان حبهم لبعضياتهم هو لي غادي يبقا واخا يوقع لي وقع...قطعو ابطالنا الكيكا و سالاو حفلتهم البسيطة لكن أثرها كبير وقوي فذاكرتهم...دخلو للدار و كل واحد مشا لبيتو ابدلو عليهم الحوايج ديال العرس ...كانو فغرفتهم مندامجين فالقبلات المشاكسة و اللمسات الشقية تجردو من ملابسهم بسرعة و دخلو فبحر الهوى و العشق كيشبعو من بعضياتهم و بالرغم من انهم عارفين بلي غادي يموتو بمرض ماليه علاج لكن اكتفاءهم ببعضهم و انهم يعيشو هاد لحظة بجوج اهم من كولشي ...هابطين بجوج هي لابسة مونطو حمر و هو مونطو باج و ماسك فوجهو كما العادة و فيديهم لولاد
حنان: حورية عفاك تهلايلي فيهم الى جاهم جوع ها البيبرون ديالهم و راه قريب انعسو
حورية: واصافي انحطهم فعينيا غير سيري ماتخمميش
حنان: الى وسخو قولي للخدامة تبدلهم رآها كتعرف
الزنبقة:(جرها من يدها) صافي حورية عارفة اش كدير سربي نمشيو قبل مايفوتنا الموعد
….ركبو فطوموبيلتهم و توجهو للكلينيك حتى وصلو و دخلو نيشان عند طبيب التجميل
طبيب: مرحبا بيك ميسيو موقاديري
الزنبقة: شكرا كنظن هضرنا من قبل على سبب المجيء ديالي
طبيب: انا فرحان حيت اتيق فينا حنا كخبراء تجميل كنأكدولك بلي ماغاديش تبقا مشوه لكن ماغاديش اكون عندك نفس الوجه
الزنبقة: اه انا عارف هادشي لكن بغيتك دير كل مافجهدك باش على الاقل اكون عندي وجه
حنان: دكتور ليك ماكاين حتى مخاطرة فهاد العملية
الزنبقة: (شدلها فيدها)
طبيب: ماتخافييش مكاين حتى مخاطرة كولشي ايدوز بخير (ناض ) تفضل معايا للباياص بغيت نفحص وجهك الى سمحتي
الزنبقة: (ناض هو و حنان و جلس فالباياص و حيد الماسك قدام طبيب و هو عينيه فالارض)
طبيب: اممم وجهك متأذي و محروق لكن حروفك مقادين و هوما لي ايسهلو علينا العملية
الزنبقة:(رد الماسك)
طبيب: دابا خصك توجه معايا لغرفة ديالك خاص تبقا 24 ساعة و حنا كنوجدو
حنان: يوسف نتا ماقلتيش ليا بلي اتجلس هنا ليوم
الزنبقة: حتى انا بحالك
طبيب: من الأفضل تبقا هنا حيت غدا صباح انبداو العملية
الزنبقة: واخا
حنان:(شداتلو فيديه) ماتوترش انا معاك
الزنبقة: (ابتاسم تحت القناع) و اخيرا غادي تشوفي تقاسيم وجهي كيفاش دايرين و اتعرفيني منهم واش فرحان ولا مقلق ولا غضبان حيت مع هاد الماسك الى ماهضرتش ماغاديش تعرفيني باش كنحس
حنان:(ضماتو عندها) ان شاء الله ايكون خير
تبعو طبيب للغرفة و حيد الزنبقة حوايجو و لبس حوايج المستشفى و خبراء تجميل ضايرين بيه كيحددو فوجهو بخطوط و حنان كتشوف فيه و طمنو بعينيها حتى سمعو الغوات برا ديال راجل و دخل لعندهم
الراجل:(كيشوف فحنان و الزنبقة و طبيب) نتوما غشاشين من صباح و انا شاد موعد و باغاتش توصل نوبتي
طبيب: اشريف الله اخليك خرج راه كنخدمو
الراجل: اه انخرج لكن بغيت اوصلني الموعد ديالي دغيا
طبيب: خرج نوبتك منين اتوصل انشوفوك
الراجل: صااافي مابقيتش بغيت كاع (خرج من عندهم بمشيتو ديال شماكرية حتى وصل لبرا كاع و دار اتصال) الو سيدي انا تبعتهم و عرفت بلي الزنبقة بغا يدير عملية تجميل غدا
الزنبقة: ولكن مابغيتكش تباتي هنا حتى لغدا صباح فاش نكون كندير العملية و اجي
حنان: واخا (شداتلو فيدو )
الزنبقة: حنان كنبغيك و انبقا طول عمري كنبغيك غير سمحيلي و اتبدل شحال من حاجا
حنان: مابغيتش نفكر فهادشي ايوسف المسامحة كتجي مع ليام
الزنبقة: غادي نتسنا داك نهار احبيبتي
حنان: هانتا ادير عملية و يبداو لبنات اتخاطفو عليك
الزنبقة: عيني ايشوفو غير فيك او واخا تكون الف وحدة انقلب عليك بوحدك نتي
حنان: هه كلامك زوين
الزنبقة:(ابتاسم ليها ) يالاه سيري لدار احبيبتي طاح ظلام وولادنا ايكونو كيتسناوك و قولي للعائلة بلا مايجيو عندي غدا انحس براسي مريض ولا ناقصاني شيحاجا انا نجي عندهم منين نسالي العملية
حنان: ههه صافي واخا
الزنبقة:(جبدها لعندو و بقا كيشوفلها فعينيها لخوضر و هي كتشوف فعينيه لكوحل نظرات مخربقين كتحس بيدو كتحيد ليها شعر على عينيها و هوووب باسها فشنايفها قبلات متكررة و عاد طلقها) حلوة
حنان:(ناضت مزنكة) احم هاني مشيت (مشات)
الزنبقة: ههههه صاكك نسيتيه
حنان:(رجعات هزاتو) اه تلفت باي
الزنبقة: هههه باي (جاب مراية و بقا كيشوف فوجهو كيفداير و كيحفظو و كيقول مع راسو هادا اخر يوم مع هاد لوجه و منبعد ايكون وجه آخر مختاف…..كان مترأسهم و هو كيغوت عليهم و كلهم كيتناقشو و يغوتو)
اوسمان: بأشمن حق اتقتلوووهم واش نتوما منيتكم باغيين تسطييوني اقسم بالله و تقاس شعرة وحدة من شيواحد فيهم راه نقتلكم
...نتا ماعندكش الكوهينور و حنا كنتبعو لي عندو الكوهينور
...سراج عطانا الاوامر و حنا تافقنا معاه و غدا كيما قال انهجمو على دار زنبقة نحرقوها
اوسمان: امكن ماسمعتينيش مزياااان شنو قلت هااااد المنظمة عندي اسهم فيها أكثر منكم و كلامي لي كيتطبق
….غادي نطبقو كلامك فاش تكون عندك الكوهينور اما دابا نتا والو
خرجو واحد مور واحد و اوسمان تحط أمام الامر الواقع الدنيا ضارت بيه ماقادرش افضح راسو و يعتقهم و فنفس الوقت ماقادرش امنعهم...بقا كيفكر و دار اتصال
اوسمان: موووووحى هاد اللعبة لي كتلعبها مع سراااج غادي تكلفك بزاااف غادي ندمكم
موحى: انا مابقيتش خدام معاك و الكوهينور غادي توصل للمنظمة
اوسمان: شهد على روووحك
موحى: نتا لي غادي تشهد على روح الزنبقة حيت غدا غادي ينفاجر الكلينيك لي كيدير فيه العملية و غدا نيت ايموتو عائلتو محروقين كيما بغا سراج
اوسمان: زااااامل فاااااك (شخشخ التيليفون مع الارض و بقا كيغوت ماعارف مايدير وحل وحلة خايبة)
انطونيو فيليكس:(مافيوزي فالمكسيك هضرتلكم عليه ) بوص
اوسمان: اش باااااغي حتى نتاااا
انطونيو: انا ماباغيش الزنبقة و عائلتو اموتو انا نقدر نعاونك
اوسمان: و كيييفااااش اتعاوني و علاش اتعاوني
انطونيو: بصراحة الزنبقة كان عتقني من موت مرة و جا الوقت فين نردلو الدين
اوسمان: اه اه نتا هو الحل غدا منين اتمشيو تقتلوهم فدار خاص تكون سبقتيهم و عتقتي العائلة صافي
داخل غرفة العمليات مجموعين خبراء التجميل ساعتاين و هوما بداو فالعملية و بقاتليهم ساعة و يكملو كلهم كيتعاونو باش اخرجو يوسف فالشكل المناسب و فالدار كانت كتفطر واقفة بالزربة باش تمشي عندو
كوهينور: هاويلي احنان بشوية عليك
حنان: لا خاص نمشي دغيا ايكون بدا فالعملية
معتصم: علاش ماخلاناش نجيو عندو
حنان: امكن مابغاش احس براسو ضعيف
حورية: سلمي عليه و خبرينا بلي كاين
شاكمة:(كان كيهضر مع نورة و منساجمين حتى جاه ميساج من نمرة مامعروفاش و قراه و ناض وقف تخطف فيه لون )
نورة: مالك
شاكمة:(كيبلع ريقو ) خاص نمشييييي (خرج كيجري ركب فطوموبيل و كسيرا للكلينيك ديال يوسف عرف العنوان من حنان)
حنان: ههه اوك اوك (كيصوني ليها تيليفون و جاوبات بلا ما تشوف نمرة) الو
سراج: وجدي لحوايج لبويض يا ارملة الزنبقة
حنان: سراااج اش بغيتي
سراج: سراج ليوم ايقتل يوسف لكلينيك لي راه فيه انا درت قنابل تماك الله ارزقكم الصبر(قطع عليها و هي تغرغرو ليها دموع فعينيها)
حفيظة: حناان مالك
حنان: (كترجف) ايموت لا ايموت (خرجات كتجري لبرا و ركبات مع شيفور قالتلو بسرعة امشي عند الزنبقة و هي تصوني على سراج ) نتااا ماغاادي ديييرلووو وااالو انقتللك
سراج: فات الوقت بزاف انا خارج برا لبلاد منبعد مايحدث الانفجار
حنان: ماغادي يوقعلو وااالووو انا انعتقووو
قلبها كيخفق جراء المكالمة الهاتفية كتسمع ليه بعينيها مدمعين و هي فطوموبيل متاجها لعند الزنبقة و كدعي لله احفظو ليها
سراج: (ضحك ضحكة مستفزة) الوقت كيضيييع احنان و نتي ماغاديش تقدري توصلي لعندو
حنان: (كتشهق و تبكي ) اقسم بالله انقتلك اسراج الى وقعاتليه شيحاجا اهئ اهئ
سراج: كيما قتلتيلي ختي انقتلووو اتشربي من نفس الكاس
حنان: ولادي محتاجين باهم ماتيتمهمش اهئ اهئ
سراج: نوبتكم جاية غير ايموت يوسف المنظمة اتقتلكم واحد واحد (قطع عليها و هي قلبها كيتقطع على يوسف خايفة بزاف...مسحات دموعها و دارت القوة فراسها و تاصلات بمعتصم)
حنان: عمي اهئ اهئ عفاااك خرج كولشي من دار سيرو لبلاصة اخرى
معتصم: شنووو كتقولي احنان شنو واقع
حنان: ايقتلو يوسف اهئ اهئ انا انمشي عندو لكلينيك
معتصم: ماتخافيش ماغادي توقع حتى حاجا انا انجي
حنان: لا ماتجيييش بغيتك تجمع العائلة و تمشيو لشي بلاصة اخرى بعيدة (سكتات شوية و نطقات) ولادي امانة عندك اهئ اهئ (قطعات و قلبها ايسكت من الخلعة و كتقول غير فوقاش توصل لكلينيك عند الزنبقة )
معتصم:(ضار عند فهد) سيرو كاملكم للطيارة انمشيو لروسيا
فهد: كيفاش شنو واقع
معتصم: ماشي وقت لهضرة تحرك كولشي امشي يالاه
حورية: و نورة راها مريضة مانقدروش ناخدوها و الشاكمة ماغاديش امشي بلا بيها
معنصم: (بأسى) نتي عارفاهم بلي بجوجهم مراض و ماغاديش اقدرو اسافرو ولكن ضروري خاص نمشيو
….وصلات و حلات الباب كتخبط و رجليها ماهازينهاش تلاقات بالشاكمة مع الخرجة و جرها
الشاكمة: حنان اش كديري
حنان: ايقتلوووووه
الشاكمة: (بصوت مخنوق) منقدروش ندخلو (قبل مايكمل هضرتو انفاجر لكلينيك كاملووو شظايا النيران كتطاير فالسما و الدخان على فالجو...ماشي غير لكلينيك لي نفاجر و انما قلب حنان لي كانت هاديك النقطة التي افاضت الكأس و احساسها مات فديك اللحظة و رجع قلبها رماد بحال جسم الزنبقة)
حنان:(صرخات صرخة تقطعوليها حبالها الصوتية و تبحليها صوتها و ملاميحها تكمشو و دموعها شلال وجها حمر و شعرها مبعثر كانت حالة كتقطع القلب) يوووووووووسااااااااااااااف
شاكمة :( شادها كيبعدها قبل مايتقاسو) حناااان صاااافي (طيح دموع) ماقدرتش نعتقوو جروني رجال سراج و بعدوني سمحييلي
حنان: لااااا يوووسف اهئ اهئ يووووووسااااااااااف (وجهها حمر متعرقة دموعها شلال و حنجرتها تبحاااات ايهرب ليهااا عقلهاا و هي كتحاول تمشي عندو لكن للأسف وصلو البوليس بسرعة كيبعدو نااس و كيشوفو المشفى كيفاش كينفاجر و العافية شاعلة فيه و البومبيااا كيحاولوو اطفيو العافية )
….ركبو كاملهم فالطيارة متاجهيين لروسيا من غير نورة لي مابغاتش تمشي معاهم حتى يرجع شاكمة كانت كتسناه و كتفكر هضرت حورية لي وصاتها
"فلاش باك"
داخلين لنفق سري فدار
حورية: شوفي انورة هاد النفق كنعرفوه غير انا و يوسف إلى وقعات شيحاجا هربي منو صافي
نورة: واخا
حورية: قولي لحنان حنا فروسيا و كنتسناوها
نورة: ان شاء الله
"الحاضر"
قفزات منين سمعات صوت القرطاس و مشات لباب النفق لي كان مور طابلو و جلسات فيه كتسمع صوت الغوات كانت هاديك العصابة لي دخلات للدار و قتلات ليكارد و بدأت كتحرق فالدار ...بقات كتسمع لداك الهرج و كتصوني على الشاكمة
شاكمة:(جالس حدا حنان لي كتشوف فالارض مصدومة)
حنان: قتلووه يوسف مات مااااات
شاكمة: قدر الله احنان
حنان: طعنوه فظهرووو خلاااوه حتى بعد و هوما يهجمووو ولكن لااا(ناضت كتغوت) ماااااشي يوووسف لي كيمووووت انا مامتيقااااش لاااا اهئ اهئ
شاكمة:(ضمها ليه) حنان
حنان: اهئ اهئ ماااات يووسف مات وحق دمو المغدور انقتلهم واحد واحد اناخد بتاري منهم اهئ اهئ يتمولي ولادي رملووني اهئ اهئ يووووسااااااف
شاكمة:(لاحظ بلي تيليفونو كيصوني و جاوب) الو
نورة: محمد اهئ اهئ هجمو على الدار و كيحرقوووهااا
شاكمة: فييينكم نتووووماااا
نورة: اجي دااابااا
حنان: شنوووو كااااين اهئ اهئ
شاكمة: دار كتحرق قالتلي نورة كيحرقوها
حنان: ولادي ايقتلو عائلتنا (مشات كتخبط فرجليها و ركبات فطوموبيل و كسيرا شاكمة للدار مالقاوش اعضاء العصابة حيت منبعد مالقاوش العائلة شعلو العافية فدار و مشاو) ماااانقدروووش ندخلووو اهئ اهئ
شاكمة: خاص ندخلووو ايموتو بقاي هنا اندخل انا (بغا يمشي و لقاها سبقاتو كتمشى ببطئ ماخايفاش من العافية كتمشى و كتشوف كولشي كيتحرق و هو تابعها كيشدها و كتنتر منو مشات لبيت يوسف نيشان هزات اللبسة السوداء و القناع الاسود بين يديها آخر إرث و خرجات مع الخرجة حلات نورة لباب لي مور اللوحة ) حنااان محمد اجييو
مشاو عندها دخلو
نورة: الحمد لله نتوما بخير (عنقات محمد) شنو واقع
محمد: الزنبقة مات انوورة صاحبي مات
حنان: هو مامااااتش سكاااات هو عاااايش اهئ اهئ فقلبي عمرو يموت (بقات ساكتا كتشوف فحروق فيديها و رجليها ) فين ولادي انورة فينهم
نورة: مشاو لروسيا كلهم ماتخافيش
حنان: بغيت نمشي عندهم و هاد النفق منين كيخرج
نورة: وراتولي حورية قبل ما تمشي قالتلي كيخرج لبرا يالاه تبعوني
….فجهة أخرى كان فالمطار راكب الطائرة حتى جاه اتصال من موحى
موحى: الخدمة تمت الزنبقة مات و حتى عائلتو
سراج: مزياان دابا روح ختي اتعيش مرتاحة
موحى: دابا فينك نجي ناخد الكوهينور المنظمة كتسنا
سراج: كوهينور اشمن كوهينور مكنعرف حتى حاجا بهاد سمية
انطونيو: انا كنعرف الزنبقة مزيان هو تعاوني مرة امكن ماقدرتش نقذو من الموت كيما نقذني لكن غادي نقذ عائلتو
حنان: اهئ اهئ قتلووه و ماقدرتش نقذوو اهئ اهئ عاد اتقدر نتا؟؟ غادي نقتلهم واحد واحد
انطونيو: غادي تاخدي حقك و حق ولادك لكن قبل خاصك تيقي بيا بلي باغيلك الخير (مد ليها يدو) واش تمشي معايا للمكسيك تعيشي حياة جديدة و تبداي من لول و تاخدي حقك؟
حنان: شنو يضمنلي بلي نتا ماغاديش تقتلني
انطونيو: انا مريض بالسرطان و انموت و الثروة و المكانة ديالي انعطيهالك نتي لأني عارف بلي ماكاينش اخطر من امرأة حاقدة و سلسلة اعمالي غادي يمشيو مزيان معاك يالاه معاايا
حنان: خاصني نشوف ولادي
انطونيو: ولادك فينما كانو ايرجعو عندك هوما و عائلتك لكن عندي شرط
شاكمة: من داباااا شرووط مابغيناش العرض ديالك
انطونيو: الشرط ديالي هو تكونو ميتين مايسيقلكم حد لخبار
حنان: علاش
انطونيو: حيت غادي يديرو لي فجهدهم باش اقتلوكم ولكن الى عرفوكم بلي متو كيعني بلي اتسبقوهم بخطوة و تقتلوهم نتوما
حنان: خاص ندفن يوسف اهئ اهئ منقدرش نمشي هو كاين هنا
كتشوف فيه بعينين مكسورين و غضبانين و كتفكر الانفجار لي كان قدام عينيها و الحريق لي فدارها وولادها لي ولاو بلا اب كتفكر كولشي و مداتلو يدها كتبكي بغضب و كترجف و قلبها كيتقطع فكرة انه مات صافي كتقهرها مكتقدرش تتقبلها لكن خاصها تكتب قدرها بيدها مداتلو ديك اليد لي غادي تعيش بيها قصة مختالفة عن سابقتها ...
الزنبقة الفضية الجزء 17
محتوى القصة
التنقل بين الأجزاء