صبح نهار جديد فيه بزاف ديال الأحداث اتغير مصير كل شخص فهاد القصة ...كانت حنان فايقة و مشات عند حورية
حنان: صباح النور
حورية: صباح الورد الوردة (جلساتها ) عاوديلي شنو وقع البارح بينك و بينو
حنان: هههه (حطات يديها على وجهها) لبسالة
حورية: احياني عليك الخطة ديالنا نجحااااات
حنان: و بزااف هه و زيدي عليها حفيظة اتزوج بفهد ليوم
حورية: شكون فهد و امتى ايتزوجو و فوقاش لقيتيها
حنان: كان قالي الزنبقة بلي رآها عند شيواحد كتبغيه و كيبغيها تلاقاتو فميريكان اوا و صاف بغاو اتزوجو
حورية: و نتي اتمشي
حنان: ضروري نمشي علاه عندي من غيرها ولكن بقا فيا الشاكمة حيت كيبغي حفيظة و بغا يحضر ليها
حورية: مسكين محمد مايستاهلش هادشي
حنان: (تنهدات) من جهة ختي و من جهة هو ماعرفت ماندير
حورية: صافي نساي عليك خاص توجدي راسك
حنان: و هادشي علاش جيت عندك قاديلي الماكياج و عطني شيحاجا نلبسها
حورية: ضروووري ابب علاه انا نساك
ناضت حورية كتقاد الماكياج لحنان دارتلها ميكاب تقيل و لبساتها غوب فالشيبي معرية من صدر و الكتاف و طويييلة و قاداتلها مشيطة جمعاتلها شعر و عطاتها طالون ماعاليش فالابيض
حورية: هاني ساليتلك جيتي كتحمقي
حنان: شكرا بزاف بلا بيك مكنتش انعرف شنو ندير
حورية: مابيناتناش الاهم. عندي هو تعجبيه ليوسف و تسرقيلو قلبو
حنان: يالاه انا انمشي دابا
حورية: سلميلي على حفيظة و قوليلها مبروك
حنان: واخا (خرجات حنان من عند حورية و اتاجهات للغرفة ديال الزنبقة و دقات )
الزنبقة:(كان لابس طقم اسود كعادته و الماسك ديالو ) دخل
حنان: (دخلات عندو ) صافي راه وجدت
الزنبقة:(ضار كيشوف فيها و كيطلع فيها و ينزل و مشا فاتجاهها) جيتي زوينة
حنان: (ابتاسمات) شكرا
الزنبقة: (شدلها يديها و بدا كيضورها ) غادي يحسدوك ليا بلا مانمشيو
حنان: اويلي لا خاص نحضرو هههه زيد نمشيو
الزنبقة: ههه واخا صافي (عطاها يديه باش تحط يديها )
حنان:(حطات يديها و تمو نازلين فالدروج حتى لمحات الشاكمة لابس لباس رسمي انيق لأول مرة اتشوفو بيه ) محمد اتمشي ؟
الشاكمة: (ابتاسم و من وراء تلك الابتسامة وجع كبير ) ضروري خاص نديرو صواب
حنان:(طلقات من يوسف و مشات عندو ) انا عارفة بلي هادشي صعيب عليك واخا تخبي
الشاكمة: (ضحك بحرقة) ههه عادي كتوقع يالاه نمشيو قبل مانتعطلو
الزنبقة: يالاه نمشيو انتعطلو …
ركبو ابطالنا فالسيارة و هوما متاجهين لحفل زفاف حزين كثر من انه مفرح بالنسبة لمحمد و بالرغم من هادشي كانت حفيظة فرحانة و اطير من فرحتها و هوما كيصايو ليها شعرها و الميكاب و سالاوه ليها بقات كتشوف فراسها مدة طويلة و فرحانة حتى دخل عندها رجل فالخمسينات من عمرو بكل أناقة و جنتلمانية و رقي لابس حتى هو لباس رسمي فالباج و الشيب مزين ليه شعرو و عاطيه وقار و الابتسامة مكتفارقوش اما هي غير شافتو وقفات قدامو كتساءل شكون هو
عزيز:(حط يديه على خدودها و باسها فراسها ) مرات ولدي طلعات اجمل بنت فهاد دنيا الليحفظك
حفيظة:(مبتاسمة) نتا هو الاب ديال فهد سمحلي معرفتكش
عزيز: هه جابتها اجمل فرصة باش نتعارفو انا فرحان حيت و اخيرا ولدي لقا البنت لي تعجبو و يدير معاها حياتو كنشكرك حيت خليتيني نحضر لهاد نهار
حفيظة: الوجود ديالك غادي يزيد ازين هاد المناسبة و شكرا على هضرتك الزوينة
عزيز: من اليوم اعتابريني انا الاب ديالك و انا لي انقدمك لعريسك
حفيظة: هادا شرف ليا
عزيز: يالاه نخليك توجدي راسك دغيا انمشي نشوف فهد راه متوتر ههه
حفيظة: هههه ياكما ندمان حيت ايتزوج
عزيز: ابدا غير الفرحة لي دارتهالو هه يالاه باي …
وصلات طوموبيل ديال الزنبقة لدار ديال فهد و هبطو كيشوفو الزينة لي زينو بيها دار طلعات واااعرة دخلو لداخل و هوما كيشوفو الحضور قلال ماشي كثار حتى تكلم فهد
فهد: مرحبا بالزنبقة (لابس لباس رسمي كذلك )
الزنبقة:(ضار عندو و عنقو) مبروك عليك
فهد: الليبارك فيك (كيشوف فحنان) كنظن نتي هي حنان
حنان: اه
فهد: مشاء الله زوينة بحال حفيظة
حنان: (ابتاسمات ليه ) شكرا
فهد:(مدلها يديه) انا فهد
حنان: متشرفين
فهد: كنعتاذر حيت جا هادشي دغيا خصوصا انه شحال هادا ماشفتي ختك
حنان: بالعكس كنشكرك حيت تهليتي فيها و ماسمحتيش فيها فاش مكنتش انا فجنبها
فهد: كنواعدك وعد رجال بلي عمرني نفرط فيها و لا نقص عليها حتى حاجا و كنواعدك بلي انبغيها ديما و مانخطاهاش
الشاكمة:(مزير على القبضة ديدو و من الغيظ ديالو تكلم ) لأمتى اتبقا تبغيها
فهد:(شاف فيه ) العفو
الشاكمة: شحال قدك تبغيها و تحميها و عمرك تسمح فيها واش اتكون معاها فالحلوة و المرة واش اتكون ليها اب و أخ و صديق قبل من حبيبها و راجلها واش تقدر تعرف طفولتها و شنو دوزات بلا ماتعاودليك
فهد: انا انكون ليها كولشي حيت كنبغيها
الشاكمة:(بغا يهضر و هي حنان تشدلو فيدو )
حنان: (كضحك ضحكة مزيفة ) هادا محمد هو بحال خوها و كيهضر هاكا حيت خايف عليها
فهد: عادي انا متفهمو بزاف
حنان: ممكن توصلني عند حفيظة نشوفها
فهد: اكيد تفضلي
حنان:(غمزات الزنبقة باش ابقا مع الشاكمة و مايخليش و مشات مع فهد) شكرا
الزنبقة: مالك اصاحبي اش ديك الهضرة قلتي
الشاكمة: عمركم ماغادي تحسو بيا (كيضرب على قلبو ) هادا كيتوجع و كيموت
الزنبقة: كاملنا دزنا من هاد طريق و لكن خصك تصبر راه مامكتاباش ليك ماعندك مادير
الشاكمة هبط راسو بأسى و هو كيتفكر الايام لي دوزو و فاش كانت كتقولو كنبغيك و تواعدو عمرهم اتفارقو ابتاسم مرة أخرى بحرقة و عينيه حمارو و وقفات ليه الشهقة فحلقو و كيصبر راسو اما حنان وصلات قدام البيت ديال ختها من بعد ما وصلها فهد و رجع بحالو ...بقات مترددة و كاع الأحاسيس تجمعو فيها حلات الباب و دخلات لقات ختها لابسة فستان عرس رائع و دايرة تاج و طلعات واعرة طاحولها دموعها بلا ما تحس و نطقات بصعوبة
حنان: حفيظة
حفيظة:(ضارت بسرعة و مامتيقاش بلي ختها لي عيطاتلها مشات عنقاتها بجهد و كتبكي) حناااان اهئ اهئ فيين كنتي علاش خليتيني اهئ اهئ
حنان: ماخليتكش احفيظة بالي ديما معاك و كنت ديما كنفكر فيك و كندعي معاك تكوني بخير
حفيظة: اهئ اهئ كيحسابني عمرني نشوفك و عمرني نسمع صوتك و كنت مقلقة عليك اهئ اهئ
حنان: انا مرتاحة معاه و كنتمنى تكوني مرتاحة مع فهد
حفيظة: انا كنبغيه لفهد بزاف تلاقيتو فامريكا و دوزنا ايام زوييينة بزاف لدرجة انه دخلني لعالم الفن و انولي مشهورة و نحقق احلامي معاه
حنان: و الشاكمة؟
حفيظة:(بقات ساكتا عاد دوات) قالهالك؟
حنان: كان ناوي غير نلقاوك اخطبك من عندي
حفيظة: واش كاين هنا ؟
حنان: اه كاين و حالتو مكتبشرش بالخير قلبو مضمر
حفيظة: دابا يلقا بنت الناس لي تبغيه و يبغيها
حنان:(ابتاسمات ليها) اميين و قوليلي كيفاش حتى بغيتو تزوجو بزربة
حفيظة: حيت انمشيو لميريكان هاد ليلة داكشي علاش اقتارح فهد عليا نتزوجو قبل مانمشيو
حنان: الله اكمل عليكم بالخير يا رب
عزيز:(دق الباب ) بنات ممكن ندخل هه
حفيظة: دخل اعمي كنعرفك هادي ختي حنان
عزيز: متشرفين اوا خاص نديك دابا عريسك كيتسنا على احر من الجمر
حفيظة:اه انمشي
حنان: صبري احفيظة ماتنسايش الفوال (قاداتو ليها )
حفيظة:(شدات فيد عزيز و هبطو كاملين من دروج غير وصلو كولشي بدا كيصفق و منباهر من جمال حفيظة اما فهد قلبو ايسكت من الفرحة و فجهة أخرى قلب محمد ايسكت من الغمة و القهرة ما علينا وصلات حفيظة لعند فهد حيدلها الفوال و باسلها راسها)
فهد: مامتيقش بلي نتي قدامي و اتولي حلالي كنبغييك بزاف
حفيظة: حتى انا كنبغيك
جلسو ابطالنا فالمقاعد ديالهم و العدول سولهم واش قابلين يتزوجو ووافقو بجوج ووقعو على العقد و تعلنو زوج و زوجة اما فجهة اخرى عند محمد مشا لعند حنان و همسلها فوذنها
الشاكمة: والله و ما تبغي تهضر معايا حتى نغوت باعلى صوتي و نقولهم كنبغيها
حنان: عفاك امحمد سكت ماضيعلهاش حياتها
الشاكمة: انا بغيت غير نهضر معاها احنان و ربي يسهل عليها (مشا الشاكمة خرج جيهت لبحر لي كان قريب من الدار و بقات حنان كتشوف فحفيظة و الضحكة ديالها هي و فهد و كيفاش اتقولها ليها ...مشات لعندهم كتبارك ليهم زواج و همسات لحفيظة الاذن ديالها)
حنان: انا غادي نلهي فهد غير سيري عندو قبل مايدير شيحاجا متهورة
حفيظة:(ضارت عند فهد) حبيبي انا انمشي للبيت دغيا و نرجع
فهد: اوك بب ماتعطليش
تسلتات حفيظة من حداهم و خرجات برا مشات فاتجاه لبحر و هي كتزرب باش تفري هاد الموضوع بقات غادة بانليها بعيد عاطيها بظهرو و كيشوف فالبحر و مشات كتجري عندو وقفات قدامو و هو غير شافها طاح على ركابيه مضمر و جلس كيشوف فيها
حفيظة:(طاحولها دموع) انا صافي تزوجت امحمد
الشاكمة: علاش ؟ شنو درتلك باش نستااااهل هادشي
حفيظة: و شنو بغيتيني ندير اهئ اهئ رجعت لعندكم مالقيت حتى واحد فيكم كلكم مشيتو و خليتوني بوحدي اهئ اهئ كنتي قلتيلي اتسناني و مالقيتكش
الشاكمة: كنت مجبوووور الزنبقة خداني كن تماك بزز عليا و انا قلبي ماطاوعنيييش نمشي بلا بيك
حفيظة: اهئ اهئ صافي دابا راك مشيتي فين هو داك الحب لي كنتي كتعاودلي عليه فينو؟؟؟
الشاكمة: (كيضرب على صدرو) ماااازاااال هنا حفيييظة و ايبقا هنااا و عمروووو يتحيد كنت كنحلم غير امتى نلقاك و نتزوجو و نسيت بلي نتي كتشوفي لفوق و كتقلبي على الفلوس (كيصفق) هانتي تزوجتي براجل لباس عليه و ايحقق ليك بغيتي
حفيظة: اهئ اهئ انا ماتزوجتش فهد على لفلوس انا تلاقيتو منين مشيت لميريكان و تقربنا من بعضياتنا و هو كيبغيني و دخلني لميدان الفن و شحال من حاجا جمعاتني بيه
الشاكمة: و انا ؟ اش اندير انا قوليلي غير كيفاش نحيدك من قلبي و سيري الله اسهل عليك معاه
حفيظة: اهئ اهئ دابا تنساني و اتبغي وحدة أخرى
الشاكمة: كضحكي عليا دابا
حفيظة: تهلا فراسك (كتمسح دموعها و مشات خلاتو تماك مضمر شحال خايبة يتزوج الإنسان لي كتبغيه و كنتي باني معاه حياتك و مستقبلك و كتشوف فيه هو شريك حياتك و بلا بيه متقدرش تعيش و شحال خايبة تجي لابس افضل حاجا عندك باش تحضر بيها لعرسو و نتا داير ابتسامة مزيفة كتغطي بيها العافية لي شاعلة فقلبك و النزيف ديالو ...غوت غوتة خارجة من الأعماق كأنه كيبكي و كيتألم و كيعلن على الموت ديالو …)
صبح صباح جديد ايضا عند كوهينور لي كانت كتحل عينيها بتقالة و كتحس بالثقل نازل عليها و شي يدين محاوطينها ضارت كتشوف و هي تقابل مع وجه اوسمان فاص افاص و ناضت كتغوت
كوهينور:(كتنقز فالبيت) اويييلي اش وقع كيفاش نعست هنا
اوسمان:(خلاتو و ناض كيشوف فيها) مالك الموصيبة
كوهينور: هاويلي كيفاش وصلت حداك شنووو درتي فياااا
اوسمان: (كيمسح وجهو و صوتو فيه بحة ديال نعاس ) لبارح كنتي كديريلي المساج و داك نعاس فوق ظهري و قلت بلا منفيقك
كوهينور: شحال الساعة
اوسمان: (كيقلب على ساعتو و شاف فيها) 11
كوهينور: (كتلبس القميص ديالها) والله او تشوفني مك هنا اتقطعني طراف طراف
اوسمان: هههه لهاد الدرجة كتخافي منها
كوهينور: راه من نهار جيت لهاد الدار و هي ماحاملانيش
اوسمان: اييه جمعي فمك راه الواليدة هاديك
كوهينور: ماقلت والو غير خليني نمشي راه الى شافتنا اتقتلني مافيهاش و انا ماباغياش المشاكيل معاها
اوسمان: علاش ؟
كوهينور:(شافت فيه بكل دلع و غنج و هضرات بصوت مقحبن تبعاتهالو بديك الضحكة د العاهرات ) حيت هي ماماك و خاصها ترضى عليا هههههههههه
اوسمان: تاقواديت على صباح
كوهينور: (حطات ركابيها على النموسية و بدأت كتمشا لجيهتو كتحبو) ياكما نوريك شيحاجا أخرى
اوسمان: كتشوفيني كنتجنبك و كنبعد عليك عنداك احسابليك راني بارد
كوهينور: و شنو نتا ؟
اوسمان: (وراها الخاتم فيديه ) انا خاطب
كوهينور: واش درتو العقد؟
اوسمان: لا
كوهينور: اذن هادا ماشي عذر و نتا بارد
اوسمان: (شدها من الخصر ديالها و قلبها تحتو و طلعلها يديها الفوق ) عاودي شكون بارد ؟
كوهينور: راه غير ضحكنا معاك خليني نمشي اخويا بحالي اش بيني و بينك
اوسمان: عرفتي حتى انا فايق مقيم على صباح (كيبوسلها فعنقها)
كوهينور: طلق مني طلق راه ايدخل عندنا شيواحد ايفهمنا غلط
اوسمان: و مالنا كنحررو الصحراء راه كنديرو الفاحشة خليه افهم غلط
كوهينور: (صقرات شوية و بدأت كتحلون عليه فالهضرة و الشوفات ) لي بغيتيها هي لي تكون و مادام بغيتيني ماغاديش نمنعك (قربات لشنايفو و بدات كتبوس فيه طلعات محترفة و غير حسات بيه انساجم. و طلقلها من يديها لي كان شادهوملها الفوق حطاتهم على صدرو و كدوزهم غير بشوية حلات عينيها شوية لقاتو مركز و واصلة فيه للعضم و هي تهز ركبتها و عطاتهالو للمعلم ..حل عينيه بحر الضربة و شد فيه و بقا كيتلوى) قلتي مقيم اوا هاهو بردناه هههه
اوسمان:(كيتعصر) غااااادي نقتلك اكوووهينوور والله و طيحي فيدي منرحمك
كوهينور: هههه وادابا غير عالج ز*بك و نتفاهمو على داكشي لاخر (شداتها كوهينور بجرية خرجات من بيتو و ضربات طليلة على برا حتى مالقات حد و كملات جرا لبيت مايا دخلات و هي كتنهج مالقاتهاش عرفات بلي رآها كاينة فلكوزينة و مشات بدلات حوايجها لبسات سروال كحل لاصق و الفوقاني ديالها فصفر و طلقات شعرها و لبسات كونفيرس و خرجات مشات عندهم للكوزينة ) صباح الخير عليكم
كلهم: صباح النور
ايطو: اوا نزغرتو ليك حيت عاد فقتي
كوهينور: غير سمحيلي اخالتي مانعاودهاش
لكبيرة: بنتي كنور
كوهينور: سميتي كوهينور الالة جدا
لكبيرة: سميتك مابغات تحفظلي جاتني صعيبة غير خليني نقولها كيما جاتني على لساني
كوهينور: ههه صافي واخا
لكبيرة: عاونيهم ابنتي ليوم شغل متكابط حيت ليوم حاكوزة
كوهينور: شناهي حاكوزة
رابحة: ليوم هو رأس السنة ديال الامازيغ
فاطنة: و ميرا غادي تجي تبات ليووم فهاد الدار بوحدها و هادي هي العادات ديالنا
كوهينور: اتبات بوحدها و عائلتها ايخليوها تجي ؟
يامنة: شوووف شكوون كتهضر وا بعدا هي خطيبة اوسمان و قريب تولي مراتو و حنا حبابها اما نتي اش دخل حمارتك لأسبوع الفرس
كوهينور: اوا حتى انا اوسمان لي جابني لهنا و شحال من مرة بغيت نمشي و ماخلانيش
يامنة: سمعتي ايطو شنو قالت تحل ليها الفم
لكبيرة: شفتكم كتناكرو و انا كاينة هنا
كوهينور: شنو الشغل لي ندير الآلة لكبيرة
لكبيرة: خرجي نتي و مايا جيبو السخرة لي كتبت ليها فالورقة
مايا: واخا اجدا
لكبيرة: يالاه سيرو ماتعطلوش راه قريب البنت تجي عندنا
كوهينور: هي اللولة ...
خرجات كوهينور مع مايا و هوما كيضحكو فالطريق و يقشبو دازو على الحانوت و خداو منو السخرة و دازو على الخضارا و بداو كيعزلو الفواكه حتى جا عمر وقف بلعاني حدا مايا باش اشوفها و ابتاسمات ليه
كوهينور: زيدي زيدي (جراتها و هوما واخدين التقضية فيديهم)
مايا: حرام عليك هضرتي معاه خايب
كوهينور: غير باش اجمع راسو شوية و يعرفك بنت الناس و ماشي ديال التفلية
مايا: واراه عارف هادشي
كوهينور: انا يجي يخطب
مايا: اودي راه قبيلتنا و قبيلتهم مكيتحاملوش و صعيب حالنا
كوهينور: صافي باراكا من الدراما و قوليلي هاد حاكوزة كيف دايرة
مايا: حتى ليل و نفهملك داكشي
كوهينور: دابا قوليلي واش كايكون النشاط
مايا: اه
كوهينور: ههه شدي هاد السخرة هاني جايا
مايا: افين باغا تمشي
كوهينور: تسناي ماتحركيش
مشات مشا كوهينور كتزرب فالخطى ديالها و هي كدوز من الزناقي المضيقين و. اياكلوها بعينيهم و هي كاع مامسوقة ليهم بقات غادية حتى وصلات لزنقة لعيون. و بضبط فالدار ديال نورة و بقات كدق حتى خرجات عندها نورة
نورة: (عنقاتها) عااااش من شافك اصحيبتي
كوهينور: لباس عليك
نورة: بيخير الحمد لله كيدرتي حتى جيتي لهنا
كوهينور: سلت و جيت باش نقولك الليلة اتجي خطيبة اوسمان لعندنا حيت كاينة حاكوزة اوا و بغيتك تجي نتي و شيخات تنشطو القضية
فنفس البلاصة لي كانت واقفة فيها مايا داز اوسمان بطوموبيل و لمحها و هبط مشا عندها
اوسمان: اش كديري نتي هنا
مايا: خويا كنت كنتسنى كوهينور
اوسمان: علاه فين مشات
مايا: منعرف قالتلي نتسناها دابا تجي
اوسمان: عنداااك تكون هربات
مايا:(طاحلها الما فركابي ) اويلي
كوهينور:(جايا كتبومبا فطريق و كتعوج حتى شافت اوسمان و هي تقاد مشيتها) هاني جيت
اوسمان:(طلعها و هبطها) فين مشيتي و اش هاد لباس واش باغا تسطيييني وا باش خارجة هاكا
كوهينور: راه كنت لابسة هاكا فدار و سخراتنا لالة لكبيرة و كنا مزروبين مابقاليش الوقت نبدل
اوسمان: تحركو نوصلكم (هزلهم السخرة حطها فطوموبيل و ركبو و انطالقو اتجاه الدار و هي مازال محلف على الضربة لي عطاتو صباح و مصمم اردهالها ...وصلو لدار و هبطات مايا هازة معاها النص فالسخرة و بغات تهبط كوهينور و هو يشدها اوسمان ) حصلتي دابا
كوهينور: ماباقيش نعاود طلقني هادي و التوبة ...
اوسمان: لا غير عاودي باش نربي طاسيلتك
كوهينور: خليني نمشي
اوسمان:(حط يدو ما بين فخادها و عاش شنايفو ) فين بغيتي تمشي
كوهينور: (خرجات من طوموبيل هازة النص دالسخرة و داخلة للكوزينة حطات داكشي و بدأت كتنقب من الحلوة لي كيقادو حتى شبعان و خرجات مشات لبيت مايا لقاتها مغبونة) امالك
مايا: توحشت عمر بغيت نتلاقاه
كوهينور: عاد شفتيه فالسوق
مايا: ولكن راه شحال هادي ماجلسنا انا وياه ماشبعتش منو
كوهينور: واش بغيتيني نديرلك
مايا:(عينيها كيلمعو) انخرج هاد ليلة نتلاقاه و مني لهيهم عليا
كوهينور: واش حماقيتي والله و يسيقو لخبار حتى يقتلوني انا وياك
مايا: ماغاديش نتعطل كنواعدك عفاك عفاك
كوهينور: (الصمت)
مايا: وا عفاك
كوهينور: واخا ولكن ماتعطليش و ماتخرجي حتى نقولهالك
مايا:(عنقاتها) شكرااا بزاااف
كوهينور: نوضي عطيني شيحاجا طويلة نلبسها راه خوك محلف عليا
كوهينور: اخليك ليلي زوييين (كتحيد حوايجها و لبسات لقفطان) كيف جاني
مايا: كتحمقي غادي تفقصي ميرا
كوهينور: خليها تجي بعدا و نشوفو بلانها
مايا: زيدي نخرجو نعاونوهم قبل مايغوتو علينا ..
خرجات كل من كوهينور و مايا مشاو للكوزينة كيعاونوهم و ضروووري ايطو و يامنة و فاطنة اعايرو كوهينور و يبداو انقصو منها و يخليوها تقلق و هي غير صابرة عليهم و ساكتا مرة تجاوب مرة لا حتى سالاو داك شغل ووصلات ميرا لدار اوسمان ..وصلها باها و خوها و خرجات العائلة كتستقبل فيها و فرحانين بيها خاصة ايطو
ايطو: امرحبا بمرات ولدي نورتي دااارك
ميرا: لهلا اخطيك اخالتي الدار منورة بيك
ايطو: دخلو مرحبا بيكم
دخلو رجال من بعد ما استقبلهم اوسمان و باه وولاد عمامو و دخلو لبلاصة رجال اما ميرا دخلات مع عائلة اوسمان لبيت آخر و هوما فرحانين بيها تقولو جات عندهم الاميرة لالة سلمى اوا شدولك الجموع و مشات كوهينور و مايا و هنية احطو لغدا قادو كولشي و عطات مايا لكوهينور طبسيل مقاد
مايا: هادا سيري عطيه للرجال
كوهينور: واخا (خرجات من الكوزينة متاجهة بداك الطبسيل لعند الرجال حتى تعرضلها اوسمان ) هاك هاد طبسيل تاكلو فيه جغديد
اوسمان: امالنا على هاد لمعيور اش واقع
كوهينور: هي تجي دير رجل على رجل و انا نضرب الكرفي على قلبي
اوسمان: اواهي عروسة
كوهينور: ايييه اوا حتى انا ضيفة
اوسمان: ضيافت النبي ثلت يام
كوهينور: ماقلتي عيب غير فاش تزوج بيها الواليدين ردني منين جيت
اوسمان: هي لولة
كوهينور:(خنزرات فيه ) اوا قود
اوسمان: (كيهضر تحت سنانو) دابا نوري لدينمك قود كيف دايرة لا صبري اخرجو الرجال
مشات و خلاتو ماداتهاش فيه و مشات عند لعيالات جلسات معاهم لقاتهم كيتسناو الغدا حتى حيداتها ميرا
ميرا: نتي هي لبنت لي جات ضيفة
كوهينور: اه ولكن ضيافة النبي ثلت يام كيما قال اوسمان و مابقيتش ضيفة رجعت وحدة من مالين الدار
ميرا: الدم هو لي كيخليك تولي وحدة من مالين الدار اما الباقي كولشي ايمشي
كوهينور: داكشي لي كاين
ميرا: فوقاش اتمشي بحالك
كوهينور: نهار دخلي نمشي
ميرا: اوا ماشي بزاف
كوهينور: اواعلى حساب
مايا:(جابت طبسيل فيديها و حطاتو) اجي تغداي اكوهينور
كوهينور: مافياش تسداتلي الشهية
ايطو: مزيان نيت راه البلاصة مابقاتش
لكبيرة: لاواه ابنتي اجي تاكلي ماتبقايش بجوع
كوهينور: مافياش الجوع
لكبيرة: انا انديرلك لحم فالخبز حتى تبغي تاكلي
كوهينور:(ابتاسمات ) الله اخليك ليا (ناضت كوهينور خرجات و هي كتفكر كيفاش ادير تصبر على ميرا حيت باين وحدة ماحاملة لوخرا ولكن خاص تسلك معاها مابغاتش مشاكل مع اوسمان ...سالاو الناس الماكلة و جمعات مايا و هنية الطبلة اما كوهينور بقات كتسارا فالدار حتى حيداتها شي يد لسقاتها مع الحيط ) واش نتا حمق ايشوفنا شيواحد
اوسمان: هه سمعيني نقولك عنداك اقولك راسك تبغيني ولا شيحاجا انا فالتالي راه انتزوج غير هاديك لي ختارولي واليديا باش نعوضهم و نخليهم اسامحولي اما نتي مكنحس بحتى حاجا من جيهتك تقدري تحسبيني مخور فتفكيري و اناني ولكن عمرني نفكر فشيوحدة بحالك متحررة بزاف و دوزات شحال من واحد فحياتها وواشمة يديها و لباسها مفضوح و زيد عليها من العصابة و قتالة ههه كضحكي على راسك الى كنتي كتفكري انني انتزوج بيك
كوهينور:(طاحت عليها هضرتو بحال الصاعقة حيت بصح بدأت كتحس بشيحاجا من جيهتو و نسات بلي هي و ياه من ثقافة مختالفة و عمرهم اتفاهمو ...جمعات ما تبقى من كرامتها و هضرات بثقة) كيما قلتي دوزت شحال من واحد فحياتي و نتا بحالك بحال اي واحد. دوزنا وقت و السلام و دابا خليني نمشي اسي اوسمان (دفعاتو و مشات من تماك راجعة لعند لعيالات و خلاتو ماعاجبوش لحال حيت جوابها كان على طرف لسانها و فالاثناء لي كان اوسمان ملسقها مع الحيط دازت ميرا و شافت كولشي على عينيها و نار الحقد تغلغلات فقلبها و شعلات الغيرة و مشات كتبخ العافية حتى وصلات للبيت لقات ايطو بوحدها اما لباقي كولشي خرج اشوف شي شغل الى كاين)
ايطو: واش كرهت نرميلها حوايجها من غدا ولكن اوسمان مابغاش
ميرا: هي بيناتهم شيحاجا
ايطو: لااا ابنتي مابيناتهمش
ميرا: ولكن راه شفتهم فواحد الحالة خايبة
ايطو: اويلي
ميرا: الى وصلات لهاكا نوقفو هنا ماحد مادرنا فالطاجين مايتحرق
ايطو: ماتقوليش هاكا صافي الحل راه عندي
ميرا: اشمن حل
ايطو: غدا نمشيو عند واحد لفقيه و نشوفو شنو نديرو
ميرا: اويلي بغيتي تسحري ليها
ايطو: ششت بشوية ماشي ليها و إنما لولدي اوسمان باش مايبقاش اشوف فيها و يشوف فيك غير نتي
ميرا:(ابتاسمات) لهلا اخطيك عليا
ايطو: يالاه نساي هادشي و رتاحيلي مع راسك
كوهينور:(كانت مورا لباب بغات دخل للبيت و هي تسمع الحديث ديال ايطو و ميرا و رجعات بحالها للبيت ديال مايا و دخلات و سدات عليها و هي معصبة و كتهضر مع راسها) قااالك منتزوجش بوحدة دوزات شحال من واحد و لباسها مفضوح و واشمة و من عصابة و لكن خليك سر ديلمك غير سحور نيت باش منها نيت تتوكض و تجمع راسك و شوف شكون افكك (كتمشي و تجي فالبيت ) والله ا اوسمان و مانخليك تبغيني و نسمح فيك من موراها راه ماولد فيا الموقاديري غير لي نسا باش نوريك تشرشملي انا المشاعر
بقات كوهينور كتعصب و دخل و تخرج فالهضرة و ماتسرطاتلهاااش اما حنان و يوسف كانو مازالين فالعرس ديال. حفيظة و كتشوفها فرحانة و حتى هي فرحات معاها و لكن غير كتفكر الشاكمة كيتبدل ليها المورال و بقات مخربقة مع راسها حتى وصل موعد الرحيل و مشاو ضياف و بغاو امشيو حتى فهد و حفيظة و عزيز لأمريكا فالطائرة الخاصة ديالهم
حفيظة:(كتبكي و معانقة حنان) غادي نتوحشك اهئ اهئ
حنان:(طاحولها دموع) حتى انا و بزاف ولكن فرحانة حيت نتي فرحانة
فهد: ماتخافيش عليها انحطها فعينيا
حنان: تهلا ليا فيها هادا هو الطلب ديالي
فهد: حفيظة راه قلبي ماتهزيش الهم
حنان: الله اكمل عليكم بالخير
حفيظة: اميين و تهلاي حتى نتي فراسك و فيوسف
الزنبقة:(حط يدو على رأس حفيظة) غادي نتهلاو فبعضياتنا (عنق فهد) طريق السلامة
فهد: الله اسلمك
وصل وقت الوداع مع الدموع و الذكريات لي مكتفارقش الذاكرة هاهي حنان كتشوف ختها الصغيرة لي ربات على يديها كتزوج و سعيدة من أجلها...ركبو فالطائرة و قلعات متوجهة لأمريكا و رجعات كل من حنان و يوسف لدارهم
حنان: مانعرف فين محمد
الزنبقة: راه رجع لدار قبيلة ماتخافيش وصيت ليكارد عليه
حنان: اعلم الله حالتو كيف دايرة
الزنبقة: حالة كل واحد مجروح اكون الله فعوانو
حنان:(تنهدات) اميين
وصلو ابطالنا لدار و هبطو داخلين ليها حتى كيلمحو صندوق كبير و مغلف كأنه هدية و حداه حورية واقفة
حورية: و اخيييرا جيتو
الزنبقة: اش واقع و شنو هادا
حورية: ماعرفتش لقاوه ليكارد فالجردة و جابوه انا لقيت غير هاد لاكارط مكتوبة عليها dear zinpaque (يعني الى الزنبقة)
حنان:(شدات يوسف فيديه) عنداك يكون شي فخ
الزنبقة:(كيشوف فالكادو و كيضور عليه مد يدو و حيدلو لغلاف و بقا مدة كيشوف فيه عاد حلو و هو يتصدم و تصعق منين شاف الصور ديال حنان و حفيظة و اوسمان و كوهينور و فهد و ايضا الصورة ديالو ملطخين بالدم و حداهم ساعة رملية كأن العد التنازلي بدا ليهم ) ماغااااديييش نرحمهم
حنان: يوووسف اش هادشي شنو واااقع و علاش التصاور ديالنا فيهم الدم
الزنبقة :( شاف مزيان فالصندوق و لقا رسالة معاها فتحها و بدا كيقراها بصوت عالي ) كنتمنى الكادو ديالي اعجبك و يكون افتتاحية زوينة للمجيء ديالنا انا و رجال العصابة لعندك و كنتمنى ايضا الاستقبال ديالنا يكون فالمستوى ..(كمش الرسالة فيدو و رماها و ناض صاعر ضرب داك الصندوق برجلو رماه ) افيييييينكم اولاااااد لقحاااااب وااااش نخدم معااااايا رجاااال ولا شمااااايت (جاو ليكارد دارو الصف قدام الزنبقة و هوما حانيين راسهم و كيرجفو) كييييفااااش وصل هاد صندووووق للجردة فييين كنتو نتوما نااااعسييين ولا سكرانييين اللينعل القحاب لي حطوكم يا زواااامل بقالهم غير اجيو اتهجموعليا و نتوما كاعما علابالكم بهادشي تقودووو علياااااا قبل ماندير فيكم شرع يدي تحركوووو (مشا ليكارد كيهربو خرجو من دار و بقا الزنبقة معصب و كيضور فبلاصتو و كان الشاكمة هابط من دروج منين سمع لغوات)
الزنبقة:(غوتلها فوجهها) ماااااتنااااااقشيييينيش احنااااان غادي تمشي من هااااد الدار ماغاديش تبقاي هنا
حنان:(غوتات هي أيضا) مااااغادي نمشي لحتى شي بلاصة بلا بيك كتسمع
الزنبقة: واش مكتفهميش راه غادي يقتلوكم
حنان: يا نعيشو كولنا يا نموتو كولنا و انا ماغاديش نتحرك من حداك
حورية: حنان عندها الحق ماغادي نمشيو من هاد دار
الزنبقة: ماتقسحوووش راسكم راه غدا غادي يجيو رجال العصابة و مالغيت نعرض حياة حتى واحد للخطر
الشاكمة: (شدو من دراعو مزير) الى كنتي اتصيفط حنان و حورية لشي بلاصة انا ماغاديش نمشي معاهم و غادي نبقا معاك حتى نفريو هاد لبلان
حنان: لا الشاكمة حتى واحد ماغادي امشي منهنا (ابتاسمات للزنبقة) غدا رجال العصابة غادي يجيو و خاص نوجدو ليهم استقبال فالمستوى يليق بيهم
الزنبقة: ضايرين بيا غير لي راسهم قاااااسح (طلع فالدروج معصب كيغوت و حنان تابعاه من لور كتعيطلو حتى دخل لبيتو ووقفات قدامها مترددة دخل و لا لا حتى زعمات و لقاتو حاط يديه على راسو و متكي على ركابيه ...دخلات بشوية و جلسات حداه حاطة يديها على كتفو )
حنان: يوسف تهدن
الزنبقة:(حيد يديه من راسو و شاف فيها ) كيفاش بغيتيني نتهدن و انا كنشوف بلي الخطر قريب ليكم
حنان: انا ماغاديش نمشي من حداك انا انبقا ديما فجنبك
الزنبقة: علاااش؟ علاش كديري هاكا
حنان:(شداتلو يدو) حيت انا مراتك و انكون معاك فالقرح قبل الفرح
الزنبقة:(حطلها راسها على صدرو و ضمها ليه ) الا وقعات ليكم شيحاجا ماغاديش نسمح لراسي
حنان: و الا وقعات ليك شيحاجا ماغاديش نسمح لراسي حتى انا عفاك ماتبعدنيش عليك
الزنبقة: واخا ولكن بشرط غادي تجلسي فبيتك و ماتحركيييش ماغاديش تباني ليهم
حنان: ولكن …
الزنبقة: مكاين ما ولكن راني هضرت الحماية ديالك مسؤوليتي
حنان: واخا على خاطرك (ناضت ) نخليك ترتاح دابا
الزنبقة: واخا تصبحي على خير
حنان: و نتا بخير
خرجات حنان من بيتو متاجها لبيتها دخلات حيدات حوايجها و حلات الماريوت باش تلبس بيجامة و هي تلقا حوايجها تبدلو رجعو غير ليموديل و ليغوب و داكشي هاي كلاص و اول وحدة طاحت فبالها هي حورية حيت هي لي كتهتم بالمظهر الخارجي د حنان ...ابتاسمات و قالت حتى لغدا و تمشي تشكرها حيت دابا عيات و بغات ترتاح و لكن بالها كيفكر فغدا و شنو ممكن اوقع ...
اما عند كوهينور من بعد ما تهدنات شوية عيطاتلها مايا باش اتعشاو و هبطات جلسات حدا العائلة و هاد المرة الرجال و. العيالات مخلطين غير هو مشا الوليد ديال ميرا و. خوها و بقات فوسطهم فرحانين بيها و ماقاداهم فرحة و هي كتصيفط شي شوفات لكوهينور ديال السم و لوخرا ماعطلاتهاش نفس الشعور …
كوهينور: (كتهضر مع رابحة و فاطنة ) نتوما ماتاكلوش؟
رابحة: اوا حنا راجل واحد خديناه هه
كوهينور: كيفاش
لكبيرة: هادي العادة ديالنا فحاكوزة كنصايبو العصيدة و كنحطو فيها حبة ديال لعدس و العضم ديال الثمر و فولة و غير لبنات لي كيشربو هاد العصيدة ماشي لعيالات ولا رجال
كوهينور: ااه و شنو معنيتها العدس و العضم ديال الثمر و فولة ؟
لكبيرة: لي لقات عظم الثمر قريب تتزوج و لي لقات لفولة مازال سعدها ماغادي يجي اما لي لقات العدسة سعدها مكفس ههه
كوهينور: ولي مالقات والو
لكبيرة: مازال ماكتابلها هههه
مايا: انا باراكا من الهضرة عطيونا العصيدة
اوسمان: اوا عنداك تجي فيك العدسة و تنوضي تبكي ههه
مايا: ماحنا على فالك اخويانو
ايطو:(كتعطيهم الزلايف ) يالاه شربو بالصحة
بقاو لبنات كيشربو و بشوفو فبعضياتهم كان جو زوين كولشي كيضحك و يقشب و يخلق الجو حتى تسمرات كوهينور بلاصتها كتقلب فلسانها بغات تجبد شيحاجا من فمها و هي تلقا العضم ديال الثمر
كوهينور: لقيت العضم ههه
لكبيرة: اوا مبروووك هي قريب نفرحو بيك ههه
اوسمان:(كيشوف ف كوهينور و هو ينطق ) هي شيواحد كاين فبالك
كوهينور: اه خطيبي فكازا كيتسناني
اوسمان:(تفكر سراج و مشا بالو بعيد ) الله اكمل بالخير
لكبيرة: اه غير حيت جات فيك العدسة اما كون جات فيك العضم اتفرحي ههههه
فاطنة: ماتخافيش لعام الجاي نعاودوهالك على ربي يجيك العضم هههه
مايا: على بالي بلي حتى نتي جاتك العدسة و نيت سعدك ماهواش
مبارك: (غوت) ماااياااا احتارمي راسك
مايا: سمحلي
ميرا: و انا لقيت لفولة
ايطو: هادشي معضر مايا غير خرافات حيت نتي قريبة تتزوجي بولدي اوسمان
كوهينور:(تنهدات ) اه داكشي لي كاين
هنية: انا صاف منين كولشي لقا انا ماغادي نلقا حتى حاجا بلا منكمل هاد زلافة
لحسن: نتي مازالة صغيرة اصلا
سعيد: فين صغيرة راه قدها مزوجين دابا راه غير كنتسناو مايا تتزوج
مايا: اييه اوا غير تسنى نيت
مبارك: اوا تصبحو على خير انا عييت
ناضو الرجال بغاو امشيو انعسو من غير اوسمان لي طلع فوق سطح و بقا كيطل على لعيالات و كيشوفهم اش كيديرو و هو فالصراحة كيشوف غير فكوهينور و كيفاش كتصرف ...حتى شاف بلي بداو كينقشو لميرا و كحلو ليها عينيها و لبسو ليها السبنية د لعرايسات … و فجأة دق شيواحد فالباب و ناضت كوهينور حلات
كوهينور: علاااش من شافكم
نورة:(كتسلم عليها ) ويلي اختي نتي عيطتيلي و مانجيش ميمكنش (كتهضر مع شيخات ) يالاه اللعابات دخلو سخنو الطرح
دخلات نورة و شيخاتها كانو لابسين عابايات طيروهم بقاو لا لحوايج الشطيح و موزون كيسرسر و نورة كتمضغ لمسكة ففمها شافها اوسمان و هو يطرطق عينيه كيسول راسو اش كدير هادي هنا
ايطو: اش هااادشي شكون هادو
كوهينور: سمعت بلي فحاكوزة كديرو شطيح و مشيت جبت الشيخات على قبل ميرا حشومة مانفرحوش بيها
ايطو: خرجيييهم عليا و الله و يشوفهم مبارك حتى يلوحنا كاملنا
كوهينور: و شنو فيها انقصرو غير شوي ياك اجدا
لكبيرة: اوا مافيها عيب ايطو نشطو شوي
نورة:(تبندات حداهم ) احم يالاه نبداو
هااا عندو الزين عندو لحمام دايرو في دارو
وانا الحب وانا الغرام جابني تال دارو
عندو الزين عندو لحمام دايرو في دارو
وانا الحب وانا الغرام جابني تال دارو
كيقولوا عينيه زايغه عمرو فحياتو ما بغى
والي قال لشي وحدة زوينة كتكون غير صباغة
وانا وانا جاني على الكانة امتى غيجيني
وانا والي يجيني على الكانة صحة يبغيني
عندو الزين عندو لحمام دايرو في دارو
وانا الحب وانا الغرام جابني تال دارو
عندو الزين عندو لحمام دايرو في دارو
وانا الحب وانا الغرام جابني تال دارو
الشيخات :(كيشطحو بموزون و يعاودو موراها ) عندو الزين عندو لحمام دايرو في دارو
وانا الحب وانا الغرام جابني تال دارو
عندو الزين عندو لحمام دايرو في دارو
وانا الحب وانا الغرام جابني تال دارو
الموهيم الحاصول و مافيه الشيخات حيحو و غناو و شطحو و لبنات ناضو كيشطحو معاهم و ايطو خايفة غير اخرج مبارك من بيتو اجمع حب و تبن و يبيتهم برا اما اوسمان بقا غير كيشوف هاد لفيلم لي قدامو و كيخضر عويناتو فالشيخات حتى قشعاتو كوهينور فوق السطح و هي دير ابتسامة شريرة و مشات هزات الشال و حزمات بيه على كرها و ناضت كتغني حتى هي و كتقليلو السم لأوسمان
كوهينور: با لحسن بشوية
الشيخات: هاااا وبشوية
كوهينور:(كضرب بطرمتها يمين و شمال ) هاااا وبشوية امشي و يجي بشوية ااااه وبشوية احيااااني بشوية
كوهينور: و انا عزبة من راسي و القاع مشا فالعراسي و عفا خويا بشوية هاااا و بشوية
الشيخات : اااه بشوية
كوهينور:(كتشطح مع الشيخات و كتقلي السم لأوسمان لي كيشوف فيها مصدوم ) و انا عزبة لوالديا اااه و بشوية امناصبيا ماليا اااه و بشوية و انا عزبة من ركابي و القاع مشا فالعتابي و عفا خويا و بشوية
الشيخات : اااه و بشوية
كوهينور: امشي ويجي بشوية اااااحححح بشوية امشي و يجي بشوية ااااه و بشوية
نورة: يا و حايدو حايدو هي جايا فاقصة لعدو
الشيخات : حايدو حايدو
نورة: كوهينور مكحلة فاقصة العدو
الشيخات: حايدو حايدو
نورة: هي ماكيا فاقصة لعدو
كوهينور: يا و حايدو حاااايدو
نورة: و العزيييز على ميمتو عمرو مايتخص (ضربات الضربة التالية بالبندير)
ايطو: نوووضووو سيرو دابا راه زدتو فيه
نورة: وا خلي نزيدو شي طرح
ايطو: اشمن طرح ولا طروحة سيرو قبل مايفيق مبارك (كتهضر مع كوهينور) نتي جبتيهم نتي خرجيهم
كوهينور: ابشوية عليك اخالتي (كتشوف ف اوسمان) جبتهم انشطونا و يفرحونا و هاهوما ايمشيو
نورة: اوا تصبحو على خير يالاه اشيخاتي نمشيو راه تابعانا لخدمة هاد لييلة هييييهييييه (الضحكة د العاهرات و مشات هي و شيخات وصلاتهم كوهينور للباب )
مشات نورة و شيخاتها. و رجعات كوهينور لقات كل واحد مشا لبيتو و مشات حتى هي لبيت مايا كضحك
مايا: وا ليييلة هادي هههه
كوهينور: هههه بعدا تلفنا الشحتا شوي
مايا: شفتك غرتي من ميرا
كوهينور: هي لي غارت مني و بغات دير سحور لخوك باش ابغيها
مايا: اويلي اش كتقولي
كوهينور: سمعتها هي و ماماك كيتافقو غدا امشيو عند شي فقيه
مايا: اويييلي (كتندب حناكها) قلتيها لاوسمان
كوهينور: وعلاش نقولهالو؟ خليه يستاهل
مايا: لا لا هادشي ماهواش انا انقولهالو
كوهينور: شدي كرك للأرض اش تقوليلو مك باغيا تسحرلك
مايا: طلقي مني انقولهالو (مشات خرجات من البيت كتجري لعندو فالبيت و بقات كدق حتى حلها لباب)
اوسمان: مايا؟ مالك
مايا: (كترجف ) خويا خصك تعرف شيحاجا
اوسمان: شنو
مايا: كوهينور قالتلي بلي يما و ميرا تافقو اسحروليك عند شي فقيه
اوسمان: اش كتقولي واش هبلتي اتكون غير ضحكات معاك و تيقتيها
مايا: لا اخويا راه كدوي بصح
اوسمان: (خرج من بيتو مشا هو و مايا متوجهين عند كوهينور دخل عليها بزعاف و ناضت قفزات كتشوف فيه) شنووو هادشي قلتي لمايا واش حماقيتي
كوهينور: انا ماقلت حتى حاجا غلط داكشي لي سمعتو قلتو
اوسمان: و علاش ماجيتيش تقوليهالي؟
كوهينور: حيت ماشي شغلي فيك
اوسمان:(غوت و عقلو مامتقبلهاش ) الى كنتي كتكذبي كنحلف بربي حتى نقتلك و غداااا انمشي رجلي برجلك نتبعو يما و ميرا فين ايمشيو
كوهينور: واخا كيما بغيتي
خرج اوسمان من تماك و هو ساخط مشا نعس و بغات تنعس حتى كوهينور و هي تنغزها مايا
مايا: واش نسيتي بلي خاصني نخرج عند عمر
كوهينور: اوييلي واش فهاد الوقت
مايا: راه كيتسناني برا
كوهينور: صاف سيري ماتعطليش
مايا: واخا و الى تعطلت عنداك اعيقو صافي
كوهينور: تلاحي بغيت نعس
مشات مايا كتسلت نقزات من السطح باش تخرج و باينة ماغادي ترجع حتى لصباح اما كوهينور نعسات نعسة وحدة مشات كووومة….
خرجات مايا لعند عمر من بعد ركبو فطوموبيل و مشاو لدار جنب الواد دخلو و جلسو كيهضرو
عمر: فخبارك انا مقلق منك
مايا: والله مالخاطري راك عارف خويا جا و ولا صعيب عليا نخرج
عمر: اوا نتحرم انا منك
مايا: و هاني خليت حتى كولشي نعس و جيت لعندك
عمر:(قرب منها و باسها ففمها) توحشتك
مايا:(ابتاسمات ليه ) حتى انا
عمر: بغيتك تبقاي حدايا ديما
مايا: انا ديما حداك
عمر:(قرب منها كيبوس فيها و يعنقها حتى حبساتو ) مالك
مايا: ماخاصنيش نتعطل
عمر: وا صافي بقاي معايا هاد ليل
مايا: و الا عاقو بيا
عمر: ماكاين لي غادي يعيق بيك راك مراتي الهبيلة
مايا: مراتك؟
عمر: اه مراتي و ماغادي ياخدك ليا حتى واحد
رجع عمر كيبوس فمايا و كيسكرها بهضرتو و هي مواعياش بشنو كيصرا فيها حتى تجردات من حوايجها و هادي ماشي المرة اللولة بل شحال من مرة كيوقعلها بحال هاكا و ديما كتعطيه لي بغا باسم الحب بالرغم ان الحب طاهر و عفيف الا انهم وسخوه و دنسوه و عطاوه صفة اخرى و غير كيتذكر اسم الحب فورا ولا الجنس كيطيح فبالنا...بقاو على هاد الحالة الليلة كاملها و شرقات شمس جديدة و صباح جديد فاقت على الاثر ديالو كوهينور مدوخة و كتسترجع الأحداث ديال البارح و عاد عاقت بلي خاصها تمشي مع اوسمان باش توريه بلي بصح مو و ميرا بغاو اديرو ليه سحور ...ناضت لبسات حوايجها عبارة عن سروال واسع و قميجة و جمعات شعرها كعكة و بقات كتقاد ماكياجها حتى دخلات عليها مايا كتنهج
مايا: واش فاق شيواحد ياكما عاقو بيا؟
كوهينور: ماتقوليليش بلي ليل كاملو و نتي معاه
مايا: (حركات راسها ب اه)
كوهينور: صافي كملات واش باغاهم اقتلوك
مايا: و دابا قوليلي واش عاق شيواحد
كوهينور: لا مزال كولشي ناعس غير انا لي فقت و كنتسنى داك زامل دخوك افيق باش نمشيو نشوفو واش بصح بغاو اسحرو ليه
مايا: اوووف انا انكمل نعاسي مانعستش الليل كاملو
كوهينور: علاه بسلامة اش كنتو كديرو
مايا: اوا داكشي بين راجل و مرتو
كوهينور: وإياك تفكري هاكا حتى واحد مايستاهل تعطيه شيحاجا
مايا: عمر استاهل
كوهينور: هو راه ماشي راجلك شكون ضمن ليك بلي ماغاديش اتفلا عليك و يمشي
مايا: ولكن راه واعدني
كوهينور: حضي راسك و مادام مازال ما خطبك ماتيقيش فيه
مايا: انمشي نعس صدعتيني
نعسات مايا و كوهينور غير كتشوف فيها عرفات بلي صافي كلاليها عقلها و يا خوفها يعرفو بهادشي غادي يقتلوها لا هي لا هو ….خرجات من البيت و ماتلاقا غير مع اوسمان و ابتاسمات ليه
كوهينور: صباح الخير
اوسمان: (مخنزر) صباح الزفت
كوهينور:(تنهدات ) شنو عاوتاني
اوسمان: بسبب الغيرة ديالك طيحتي الباطل على ميرا و يما و كتسوليني شنو
كوهينور:(تقابلات معاه) علاش انغيرعليك شنو لي فيك مميز باش نتعلق بيك و لا نبغيك غير قولي
اوسمان: كولشي و متنكريش بلي هادشي بصح
كوهينور: امكن هادشي لي كتحس بيه نتا و ماشي انا
اوسمان: علاش كتنكري
كوهينور:(هزات كتافها و حطاتهم ) اصلا ماتستاهلش و مكنتش بغيت نقولك اصلا بلي بغاو اسحرولك
اوسمان: و مازال كتعاود فيها
كوهينور: حتى دابا ماخاسرين والو انتبعوهم و نشوفو
اوسمان: و الى طلعات هضرتك غلط
كوهينور: غادي نطلب سماحة منك ولكن شنو الى طلعات هضرتي بصح ؟
اوسمان: لي بغيتيه طلبيه مني
كوهينور: مشات يالاه زيد
هبطو ابطالنا و لقاو العائلة فاقت و ميرا لابسة جلابة و فولارها و ايطو ايضا و جبد معاهم اوسمان لهضرة
اوسمان: كاين شي فطور الوليدة
ايطو : كاين اولدي راه لبنات ايحطوه
اوسمان: شفتك لابسة حوايجك فين بغيتي تمشي
ايطو: بغيت نتقداو انا و ميرا شي حاجا و نوصلها لدارهم
اوسمان: اوا صبرو نوصلكم
ايطو:(بارتباك ) بلاش اولدي بلاش ماغاديش نتعطلو غير جلس فطر و رتاح
كوهينور: اه بغاو اتقضاو مخ الضبع باش اوكلوه ليك نيت
اوسمان: يالاه تحركي انمشيو موراهم (خرج اوسمان لاحقهم و كوهينور من موراه كتحاول تخف خطاويها باش تلحقو و هو مركز غير مع يماه و ميرا اش كيديو و غير دخلو لسوق بداو كيوقفو فالمحلات و اوسمان. و كوهينور كيتخبعو و كيرجعو الحقوهم غير اتحركو عاوتاني حتى وقفو بعيد كيشوفو ايطو و ميرا داخلين لواحد الدار و سدو الباب موراهم
كوهينور: فين دخلو هادو يالاه ندخلو حتى حنا
اوسمان: تبتي شوية فين باغانا ندخلو
كوهينور: يالاه اسي الفهيم ورينا شطارتك
اوسمان:(مشا عند واحد مول الهندية و سولو) سمحلي نسولك اخويا هاد الدار (نعتلو) شكون فيها
مول الهندية:هاد الدار كيقولو مهجورة و ساكنين فيها جنون
اوسمان: كيفاش ساكنين فيها الجنون و انا شفت جوج عيالات داخلين ليها
مول الهندية: فيها الجنون حيت ساكن فيها فقيه قاطع يديه من يد الرحمان و دقتو دقة بطلة احسن عوان لي سحر ليه يبات مايصبح
اوسمان:(حل فمو مصدوم كيشوف فالدار و مامتيقش بلي بصح هضرت كوهينور طلعات بصح...تعصب بزاف و مشا معصب فرع الباب ديال ديك الدار و دخل كيشوف الدخان ديال لبخور معمر الدنيا و عباد الله شادين النوبة و منين ماشافش مو و ميرا بين الناس بدا كيقلب فالبيوت حتى لقاهم جالسين قدام الفقيه غير شافوه طرطقو عينيهم فيه و بداو كيرجفو اما هو نطق بصوت مكسور ) يما هادشي لي نستاهل ياك
ايطو: و ولدي راه بغيت ندير غير لخير بينك و بين ميرا
اوسمان: صافي سكتي سكتي
ايطو:(كتشوف ف كوهينور) هااااد اللفعة هي لي حرشاااتك و بغات تفرقنا (بغات تمشي ضربها)
اوسمان:(وقف بينها و بين كوهينور) هي لي كانت باغالي الخير و نبهاتني اما انا ماكانش احسابلي الغدر كاين فلي ولداتني
ايطو:(كتبكي) اولدي كندير هادشي على قبلك
اوسمان:(غمض عينيه بغض) على قبلي ؟؟؟ بالسحوووور ايماااا ماعمرني شفت شي ام كتسحر لولدها (شاف ف ميرا لي كانت كترجف و حشمانة) سيري لداركم تحركيييي
ميرا:(طرطقات بلبكا) انا مادرت والو اهئ اهئ خالتي هي لي جراتني للفقيه باش تولي تبغيني و تبعد من كوهينور اهئ اهئ
اوسمان: سيري لداركم و نتي ايما تحركي قدامي نمشيو لدار
خرجو من عند لفقيه اوسمان و كوهينور و ايطو و كلهم ماعاجبهم حال و معصبين دازو من حدا السوق حتى وقفو عليهم 6 درجال ضارو بيهم و كيشوفو فيهم
اوسمان: ياك لاباس اش بغيتو
أحد الرجال: بغينا نقتلوك نتا و ديك لكتكوتة
كوهينور: (شهقات ) اوسمان هادو من العصابة (عرفاتهم من لباسهم)
رجعات كوهينور لور بخطاويها كيرجفو و مشات كتجري بكل جهدها و الرجال غير شافوها هربات بغاو اتبعوها ووقف قدامهم اوسمان كيضرب فيهم ولكن اش فجهدو يدير قدام ستة د رجال ...تجمعو عليه كيضربوه و كيضربهم و ايطو كتغوت لربي لي خلقها بقاو معاه ثلاثة و ثلاثة كيجريو مور كوهينور باش اقتوها ولكن كانت سبقاتهم فالجرا و اول مكان مشات ليه هو زنقة لعيون عند نورة دقات بكل قوة عليها فالدار حتى خرجات
نورة: اويلي تي مالك على هاد دقان
كوهينور:(كتنهج) غادي يقتلو اوسمان عيطي عيطي لشي رجال افكوه
نورة: اش كتقوووولي شنو واقع لاوسمان
كوهينور: سيري عتقيه راه كاين قريب من سوق (شافت فالرجال بعاد كيجريو لعندها) ماكاينش الوقت سربي ( رجعات كوهينور كتجري خرجات من الزنقة و متاجهة للدار بكل سرعتها ولكن كانو اسرع منها و بالرغم من داكشي حاولات دير عراقيل لقات قدامها كوربات د ليمون و رماتهم فالارض باش اتعكلو فيهم و كملات جراها ناحية الدار اما نورة منبعد ما جات عندها كوهينور مشات جابت رجال صحاح و لحقات اوسمان فاللحظة الاخيرة من بعد ما تجمعو عليه ضربوه و جاو الرجال تدخلو و عاونو اوسمان لي كان دايخ بسبب الضربات المتوالية على راسو و ماقادرش انوض غير ايطو لي جالسة حداه و كتبكي و نورة كتهدن فيها و كتشوف حالة اوسمان كي متدهورة و كون مالحقوهش كان ايموت ...وصلات كوهينور للدار و سدات الباب و لكن عارفاهم ايدخلو ...تلاقات مع لبنات و غوتات )
كوهينور: دخلوووووو لبيوووتكم غااااادي يقتلوكم
فاطنة: اش كتقول هادي
رابحة: مانعرف
كوهينور: ( مشات للكوزينة شدات الجنوي فيديها و كتشوف فالباب لي قريب اتفرع) سيرو دخلو لبيت
مايا: اش واااقع
كوهينور: غادي يقتلونا سيرو تخبعووو ...
رابحة:(كتنغز فاطنة) هادشي ماشي طبيعي شوفي الباب قريب اطيح علينا
فاطنة:(كتبلع ريقها) و كنور هازة الجنوي
رابحة: سيري افاطنة دخلي هنية و زهرة و مايا للبيت و سدو على راسكم
لكبيرة: يامنة سيري طلعي للسطح و خودي الما سخون فالبرمة معاك اما نتي ارابحة سيري جيبي السلاح من بيتي
رابحة: واخا (مشات )
يامنة:(مشات كطير للكوزينة دارت داكشي لي قالتليها لكبيرة )
مايا: انا ماغاديش نمشي للبيت هاهياك فاطنة مشات مع هنية و زهرة (مشات عند كوهينور) اش واقع
كوهينور:(كتشوف فالباب قريب اتحل و قلبها كيضرب فالتسعين و ديك الجنوية كتحركها فيديها ) بغاو اقتلوني
مايا: شكوون هادو
كوهينور:(تزيرو دموع فعينيها) معرفتش و لكن اوسمان ..(عضات شنايفها فاش طاحو دموعها)
مايا ضرباتها اللقوة و خايفة تسول مال خوها و كيفاش وقع ليهم هادشي بغات تهضر و هو يتفرع الباب و دخلو دوك ثلاثة درجال كيشوفو فكوهينور و مايا و لكبيرة و عينيهم فيهم شرارة شر و كره و كيتمشاو فالناحية ديالهم بخطوات بطيئة
كوهينور:(كتشير بالجنوي) بعدووو و الله و يقرب شيواحد فيكم حتى نقتلو
الرجل 1: ماعندك ماديري و حنا عندنا أوامر اننا نقتلوك
كوهينور: (مزال كتشير بالجنوي و كترجع اللور و جرات مايا من موراها ) شكوون عطاكم الاوامر هضرووو واش عرفتو شكون انا ولالا
الرجل2: مكيهمش شكون نتي و مكيهمش شكون عطانا الاوامر حنا عندنا مهمة و خاص نفذوها
كوهينور: الزنبقة لي عطاكم الاوامر
الرجل 1 : الزنبقة براسو غادي يموت اليوم هو و حنان
كوهينور: (كتبلع ريقها عرفات بلي هادشي ماغاديش اسلكها) فين هو اوسمان شنو درتو فيه
الرجل 3: كون مشا عند الله
مايا: اهئ اهئ خوووووياااااا اشوووفوو درتو فيييه
لكبيرة كتشوف فيامنة لفوق فالسطح و حركات ليها راسها ب اه و هي تكب الماء السخون عليهم تسمعات الصرخات ديالهم فالدار و هي تجر كوهينور مايا
كوهينور: زيدي نمشيييو (كتجر فمايا لي ماقدراتش تتحرك غير كتبكي )
مايا: خويا اهئ اهئ واش مات اكوهينور اهئ اهئ
كوهيينور: الله ارحم والديك نوضي دابا نهربو ماشي وقت هادشي
فالوقت لي كانت كوهينور كتحاول تجر مايا و يهربو قبل مانوضو دوك لحلالف عندهم كان فات الأوان و واحد منهم شد مايا من شعرها مزير عليها و الآخر شد كوهينور من مور ظهرها و كيدابز معاها على الجنوية لي مابغاتش طلقها و كتغوت و اما الرجل الثالث مشا ضرب لكبيرة بالظهر ديال الفردي فراسها و طاحت مغيبة و بغا يطلع عند يامنة و كيشوف منين ادوز ليها و هي غير شافتو بغا يطلع ليها علقات كتهرب ولكن معامن هي وصل ليها و كيحاول اشدها حتى وصلو لسور السطح صافي بقات كتشهد بينها و بين راسها و الراجل حاط الفردي بين عينيها و باغي يقتلها ولكن سمع الصرخة ديال صاحبو لي خشات فيه كوهينور الجنوية فرجلو و طاح للأرض و زادتلو الجنوية فكرشو و فهاد اللحظة بضبط استاغلات يامنة الانشغال ديال الراجل لي حاطليها الفردي فراسها و دفعاتو بكل قوتها من السطح و جا مرمي من علو بعيد مات على إثر السقطة و بقات كتنهج و ترجف من شنو دارت و هابطة من دروج متفتفة و خايفة ...اما كوهينور منبعد ماضربات الراجل لي شدها وقفات مصدومة منين شافت الراجل لي بقا حاط المسدس على عنق مايا و بغا يقتلها
كوهينور: طلق البنت ..
الراجل: سلمي راسك
كوهينور: (كتبلع ريقها) غير ماتآذيهاش و دير فيا لي عجبك
الراجل : اصلا غادي تموتو واحد بواحد
….كانت فالبيت فاطنة شادة على كرشها و لبنات مخبعين فيها و هوما كيسمعو لغوات برا ...و ماقدراتش تصبر مازال تماك
فاطنة: لبنات انا غادي نخرج بقاو هنا
هنية: الا ايما ماتخرجيش عفاك ماتخليناش
فاطنة: بقاي مع زهرة عنداك تخرجي و تخبعو مزيان ماغاديش نتعطل
خرجات فاطنة بشوية كتسلت و خايفة شيواحد اشوفها ولكن غير شافت مايا شادها هاداك و كوهينور كتحاول تفكها و لكبيرة طايحة سخفانة فالارض...القضية كانت مرونة و هي تجمعولها دموع فعينيها و حاطة يديها على فمها كتكتم صوت شهقاتها و هي مخبعة باش مايشوفوهاش
كوهينور: طلقها و خودني انا بلاصتها
مايا: كوهينور اهئ اهئ
كوهينور: ماتخافيش
فاطنة:(كتشوف فجنابها ياكما تفك الجرة حتى شافت كرسي صغير رماتو بجهد حداهم خلات عينين الراجل امشي مع الكرسي و ماحس غير بعضة فيدو...عضاتو مايا و طلقها اما كوهينور من شافتو طلقها شدات الفردي من يديه و عطاتو ب كوعها لنيفو حتى طلق الفردي و هي رماتو لمايا هاد الاخيرة شداتو و مشات كتهرب...و بقات كوهينور حاصلة عطاها الرجل كروشية لوجهها طاحت فالارض و كترجف باش تهرب و لكن ماعندها فين تمشي ...لمح الراجل كوردة معلقة مشا جابها و لواها على عنق كوهينور كيقج فيها
الراجل : مووووتي خصك تمووتي
كوهينور:(كتفركل و روحها كتخرج ولات مزنكة حمرة و لونها بدا كيزراق و نفسها كيتقطع شوية بشوية و كتحل فمها باش تاخد غير شوي د الهواء و كتشوف فجنبها ياكما تلقا شيحاجا ضربو بيها لكن بدون جدوى عينيها كيتسدو شوية بشوية و كتلفظ أنفاسها الاخيرة حتى تطلقات رصاصة من المسدس اصابت الشخص لي كيخنق كوهينور ...طاح فبلاصتو ميت و كوهينور عاد ردات النفس و بدات كترجف و تبكي و تكح و ماقدراتش تنوض بقات طايحة فالارض عاد استجمعات قواها و شافت شكون ضرب و تصدمات منين شافت رابحة قدامها كتشوف فالفردي و مامتيقاش راسها هي لي ضربات ...و جات مايا و يامنة كيجريو عند كوهينور و رابحة )
مايا:(كتنوض كوهينور) كوهينور اهئ اهئ
كوهينور:(تكات على مايا كترد النفس و كتشوف فالسما)
و من ثم دخل اوسمان جارينو لحسن و سعيد و باه و ايطو من جايين من موراهم من بعد ما فكو اوسمان و جاو رجال عائلتو هبطو لجدارمية اهزو دوك رجال و عاونو اوسمان و جروه حتى وقفو مصدومين من المجزرة لي قدامهم كل واحد طايح فقنت و البكا كيتسمع ...بقا اوسمان كيضور عينيه شاف كوهينور متكية على مايا و طلق من دراري مشا بشوية عليه تحنا عند كوهينور حاط يدو على حنكها
اوسمان: (بصوت تعبان ) كوهينور
كوهينور:(كتشوف فيه و ابتسامة عيانة) الحمد لله نتا بيخير
اوسمان: خفت عليك
كوهينور: (غمضات عينيها و سخفات )
اوسمان:(كيطبطب على وجهها) كوهينور كوهينوور
مايا: خويا الدم كيسيل من راسك
ماداهاش فهضرت مايا و هز كوهينور بالرغم من أنه حتى هو خاص لي يهزو اما سعيد مشا كيقلب على فاطنة و هنية و زهرة و لحسن مشا عند مرتو
لحسن : ارابحة اش درتي
رابحة: اهئ اهئ قتلتو اهئ اهئ
لحسن: (عنقها مدخلها لبيتها) صافي سكتي اكون خير
مبارك:(عيط لومبلونص و مشا عند مو كيتفكدها و خايف عليها و ايطو حداه كيفيقو فلكبيرة لي كانت سخفانة حتى جات عندهم يامنة كتبكي)
وصلات لومبلونص و هزات فيها لكبيرة و كوهينور و بدرع باش بغا اوسمان امشي حتى هو اما كان بغا يبقى حدا كوهينور ولكن كان راسو كينزف و اضطر امشي ...كانت عشية مشؤومة عليهم كولشي كيبكي و كولشي واقعة فيه شيحاجا و كيحاولو افهمو شنو اساس المشكل و حتى واحد ماعاطيهم راس لخيط من غير انهم عرفو بلي رابحة و يامنة قتلو رجال واخا هكك امر مبارك لحسن و سعيد اغبرو الجثث و يطمسو على القضية و كيتسناو غير امتى ارجعو كوهينور و اوسمان و يعاودلهم شنو المشكل و كيفاش وقع …..
فأعالي السماء كانت الطائرة الخاصة ديال فهد كتحلق فجوهادئ و رائع فوسط الغيوم البيضاء و السماء الزرقاء تتخللها نظرات العاشقين فهد و حفيظة لبعضياتهم ،كانت حاطة راسها على صدرو و كيلعبلها فشعرها و مرة مرة كتشوف فيه و الثغر ديالها مرسوم عليه ابتسامة لطيفة مرة كيهضرو و مرة يضحكو و فرحانين حيت تزوجو و ولاو ملك بعضهم البعض و ايكملو حياتهم بجوج في سعادة و هناء و عمرهم اتفارقو ...كانو قراب من جزيرة باهاما المتواجدة فالبحر الأطلسي و القريبة من الولايات المتحدة الأمريكية و سرعان ماتبدل لون السماء من ازرق الى برتقالي و هادشي كيعني الشمس بدأت كتغرب الى ان اختفت و حل الظلام الدامس و تحركات الرياح العاتية و تجمعات الغيوم مع بعضياتها حتى تكثلات و تحول لونها للأسود معلنة على قدوم عاصفة رعدية ماهي الا دقائق هطلت الامطار بغزارة...و ضم فهد عندو حفيظة و هوما كيشوفو فالسرجم الصغير الجو كيفاش دغيا تبدل ...و قبالتهم كان عزيز حاط رجل على رجل كيشرب القهوة ديالو و كيقرا رواية البؤساء و داير نظاراتو باش اشوف بوضوح...و فهاد الجو الهادئ تهزات الطائرة و تزعزعات بقوة كبيرة حتى طاحو ابطالنا من بلايصهم ..
حفيظة: اش هااادشي (شادة فيد فهد)
فهد: ماتخافيش اتكون غير العاصفة لي حركات الطائرة
عزيز: ولدي سير عند البيلوط شوف شنو واقع
...تعاودات تهزات الطائرة و هاد المرة تعوجات للجنب و هوما كيتمايلو معاها
فهد:(كيحاول انوض و هو شاد ف حفيظة ولكن دون جدوى حتى رجعات الطائرة لمسارها الصحيح عاد قدر أوقف) انا انشوف اش واقع
حفيظة: فهد ماتخلينيش
فهد: بقاي هنا انا دغيا انرجع(شاف ف عزيز و دارلو إشارة بعينيه باش اهدن حفيظة و مشا عند البيلوط حل الباب و جا من موراه) شنو وااقع علاش الطيارة كتميل؟
البيلوط:(ناض من بلاصتو مخلي الطائرة كتمشى بوحدها و داير ابتسامة شر ) على العموم ماغاديش تبقا تهضر منهنا لقدام
فهد: شنو كتقصد
البيلوط:(جبد الفردي من تحت حوايجو و وجهو ناحية فهد ) كيسلم عليك البوس (رجع حط لفردي على راسو و أطلق رصاصة ترش الدم و طاح على طولتو فالارض بقا فهد كيشوف فيه مصدوم و فجهة أخرى سمعات حفيظة و عزيز إطلاق النار و مشاو كيجريو دخلو عند فهد لقاو البيلوط منتاحر و شاداهم الخلعة )
حفيظة:(كترجف و تبكي) اهئ اهئ شنو وقع
فهد:(مرفوع مكيسمع والو كيشوف غير فالجثة )
حفيظة: فهد مالك اهئ اهئ شنو كاين اهئ اهئ
عزيز: (شاد فهد. من يديه كيديه و يجيبو ) فاااهد شنووووو وااااقع هنااا فهمني
فهد:(عاد رد عقلو و الوعي ديالو ) قتل راسو
عزيز:(مصدوم فيه بحال الى فهم لبلان ) خاص نخرجو منهنا
حفيظة: ميمكنش نخرجو اهئ اهئ راه مات لي كان كيسوق الطيارة
تهزو مرة أخرى من الطائرة و طاحو للأرض
عزيز: الطيارة غادي طيييح
فهد: ( جلس بلاصت البيلوط و كيحاول اسوقها واخا مكيفهم لحتى لعبة فيها ) اش هاااااد لخرااااا كيييفااااش انسوقو
حفيظة:(اتهبل بلبكا حتى لمحات شيء لي وقف قلبها و تشوكات من موراه ) فهد ...فهد
فهد:(كيشوف فجنابو حتى عيطاتلو و شاف فيها بمعنى شنو )
حفيظة:(اشارتلو بالسبابة ديالها لفين كتشوف و هي كترجف غير شاف فين كتشوف و هو يفشل حتى هو ) قنبلة
فهد تملكو الخوف و تماك عرف بلي واخا يحاول على الدومين ديال واليديه و يمشي فدومين آخر غادي يبقا تابعو داك العار و ماغاديش اتمسح طول حياتو ...تفكر كيفاش قتلو واليديه و جات نوبتو ولكن هاد المرة ماشي بوحدو و إنما غادي يموت هو و مراتو لي متيقش فوقاش تزوج بيها و ايعيش معاها و غادي يموت هو و الاب لي تبناه و رعاه و عمرو فرط فيه و كان نعم الاب رباه و كبرو حتى ولا راجل ..شريط حياتو داز قدام عينيه و ماشي غير هو و ايضا حفيظة تفكرات ختها و الشاكمة و اللحظات لي عاشت معاهم فالكاريان و حتى من بعد الكاريان و كلهم كيقولو هادي هي النهاية ….
و فهاد الجو المتوتر و المشحون قاطع الصمت ديالهم عزيز
عزيز: زييدو غادي نقزو من طيارة
فهد: اش كتقوول الواليد
عزيز: القنبلة قريب تنفاجر خاص نقزو.
حفيظة: اهئ اهئ غادي نموتو فكلتا الحالتين
عزيز: لا حنا فوق الجزيرة غادي نقزو ب الباراشوت
فهد: اذن يالاه سربيو
بقاو كيحاولو اشدو التوازن و هوما كيمشيو جيهت الباب د الطيارة ...حلو فهد و دخل الريح للطيارة بجهد و سرعة كبيرة ...تحنى عزيز و جبد من المجر الباراشوت لقا غير جوج عض شنايفو و هبط راسو بأسى لكن سرعان ما نحيد دوك الملامح من على وجهو و ناض
لبس فهد هو و حفيظة الباراشوت و بقا فهد كيوريها منين تفتح لمظلة و ماتفتحها حتى تبعد من الطيارة و بقات هي كتستاعد و كترجف و فالتالي تشجعات و تلاحت من الطيارة كتغوت اما فهد ضار عند باه كيديرلو يالاه براسو
عزيز:(ابتاسم ليه ) تهلى فحفيظة بزاف و عيشو حياتكم و غادي تبقا افضل نعمة عطاهالي ربي (طاحت دمعة من عينيه)
فهد:(كيديرلو لا لا براسو) بابا عفاك لاااا
عزيز دفعو من الطيارة مخليه اطيح منها كيغوت و كيعيط باسم باه و نزل طايح من السماء عاد حل المظلة و كانت حفيظة سبقاتو و حلاتها و طاحت فالبحر و هو هايج و الشتاء كطيح و صوت الرعدة كيخلع و كيزعزع القلب و هي كتحاول ماتغرقش و تشد راسها ...فهد مسكين حل المظلة و هو كيغوت و يبكي و زاد على مابيه صوت الطائرة لي انفاجرات فالسماء و تشتتات و مات فوسطها راجل من اطيب خلق الله كان هو الاب الحنون و الاخ و الصديق ترعرع فهد بين يديه و تعلم و نشأ تحت حمايتو و عمرو حسسو بلي هو ماشي ولدو بالعكس عزيز عمر كان عندو لولاد و عوضو ربي بفهد و نفس الشيء بالنسبة لفهد ...كانت هاد التضحية لي دار عزيز كبيرة و مؤثرة و اتخلي أثر كبير فقلب فهد هاد الاخير لي صافي بغا يهبل على باه و غير طاح فالبحر فشل و تفكر بلي اي واحد كيبغيه كيموت ...قلبو تهرس و تمنى لموت الف مرة على أنه يعيش بلا باه و بقا كيغرق شوية بشوية ولكن لا مزال كاين نور كيضوي عليه حياتو لي هي حفيظة تفكر شحال كيبغيها و كيموت عليها و ميقدرش اسمح فيها وأخا يوقع لي وقع ماخاصش اسمح فيها حيت حلفو مايتفارقو و حلفو يكملو بجوج حياتهم حل عينيه فوسط البحر على جهدهم و بدا كيطلع بسرعة بالرغم من أن الامواج كتلاطم و كتهبطو للتحت ...تغلب على الخوف ديالو و طلع و قاااوم على قبل حبيبتو و خدا نفس عميق و بصوت باكي و باح وعالي كيعيطلها
فهد: حاااااافييييظااااااااا
حفيظة: (كضور بلاصتها و كتسمع صوتو ولكن ماعارفاش فينو) فاااااهد اهئ اهئ
فهد:(قشعها بعيدة. عليه و مشا عندها كيعوم و كيتقاتل باش اوصل ليها ) حفيظة
حفيظة:(حطات يديها مور عنقو ) فهد فيين بابا عزيز
فهد:(رجع كيبكي) ماااات
حفيظة:(طرطقات بلبكا ) اهئ اهئ ششش (بقا فيها لحال بزاف و عارفة بلي فهد مضمر و ماعالم بيه غير الله )
جرها من يديها و كيحاولو اوصلو لليابسة لي كانت كتبان قريبة شيئا ما ليهم بقاو كيعومو واخا العاصفة كانت اتقتلهم. كيغرقو فعمق البحر و كيرجعو اطلعو و يديهم شابكين فيدين بعضياتهم باش مايبعدوش على بعضياتهم و مايتفارقوش ...قاومو بزااف و كل ما كيقولو قربو كيزيدو ابعدو على الجزيرة حتى شاف ربي من حالهم و ترماو على اليابسة حالتهم حااالة و سخفانين و ماقادرينش انوضو حتى و يديهم مزال مشابكين و رغم أنهم سخفانين الا ان الجرح فقلبهم من جيهت عزيز مابغاش اخمد كيبكيو و كيتوجعو خاصة فهد لي بقا كيشوف فالسما و مضيق عينيه و نطق بكلمات كان الصدى ديالهم متردد في آذان حفيظة
فهد: الله ارحمك الغالي الله ارحمك يا نعم الاب ليا …
حفيظة حطات يدو على راسها كتبكي معاه و تنخصص حتى دخلهم النعاس و العيا و غفااااو و نعسووو و هوما مستسلمين
فقصر الزنبقة كان كولشي مقاد و متيييول و كيحمق لا من ديكور والا. الأطعمة لي محطوطة فوق طبلة طويييلة و رجال العصابة بداو كيجيو و كيهبطو من طوموبيل كحلة مع ليكارد ديالهم و الزنبقة واقف فالباب كيرحب بيهم كأنه كيرحب بصحابو ماشي بأشخاص بغاو اقتلوه و ياخدو الكوهينور ...دخل سراج هو و فيروز و تلاقا ليهم
الزنبقة: مرحبا بيكم
سراج:(كيشوف فالارجاء ) الاستقبال رائع و هادشي فشكل على واحد هاد ليلة ايموت
الزنبقة: ماعرفناش شكون سابق انا و لا نتا
سراج:(هز كتافو) على العموم كنتمنى نشوفك متي عاد نموت ههه نخليك دابا (مشا سراج عند صحابو و خلا فيروز مع الزنبقة)
فيروز: يوسف لباس عليك
الزنبقة: قلتي ماغاديش تبقاي ساكنة معاه
فيروز: منين قالي ايجي لعندك مقدرتش نمنع راسي و منجيش
كانت عيون كترمق هاد اللقاء من لفوق و كتسوط ماعجبهاش لحال لحنان ان فيروز تجي حيت كتغتانم كل فرصة باش تقرب من يوسف و ضمر زواجهم ...قلبات الضورة و مشات لبيتها و كتحاول تتهدن
حنان: اااه انا قولي جلسي فبيتك ماتبانيش و هي جيبها لحتى هنا و خليها حداااك اوووووف غادي نوريهم شكون مراتك و شكون عندها الحق تبقا حداك (جبدات من لبلاكار كسوة بيضة قصيرة و لاسقة عليها و جبدات فورير حطاتو على كتفها و لبسات طالون قصير و اكسيسوارات و مشات كطيير عند حورية للبيت كدق حتى حلاتلها ) سربي راسك قاديلي الماكياج
حورية: بسلامة فين ناوية تمشي
حنان: عند يوسف
حورية: واش نتي حمقة بغيتيه اشنشرك تماااك تبتي و حصني راه وصاك ماتخرجيش
حنان: و شنو نخلييه بوحدو مع فيروز لا لا خاص نمشي عندو
حورية: اووف وليني راسك قاسح
حنان: قاديلي الماكياج الليحااااافظك
حورية: (كتقادلها ماكياج) و منين تكوني تماك تعاملي زوين و خليك أنثى عنداك تتحولي لعبيقة و ضحكيهم فيك
حنان: واصاف ماتخافيش اندير عقلي ولكن الى تعصبت بالرب حتى نشد فيرووز و نشتف عليييها حتى نبرد غدايدي
حورية: باش اخلطكوم يوسف بجوج
حنان: اصلا كاع مكيتعصب
حورية: لهلا اوريك فاش كيتعصب غير خرجي من قدامو كيجمع لقديم و جديد
حنان: اوا الليسترنا و صاف
حورية: نوضي راه ساليتلك
حنان: اخليك ليا احبيبتي (باستها) شكرااا شكرااا نتي هي المساند الرسمي ديالي هه
حورية: اييه و يسيق الزنبقة لخبار الوحني من هاد السرجم
حنان: لا مايسخاش بيك (دارتلها باي باي بيديها و مشات كتمايل مخططة تفركع الرمانة و تفقص العديان و على ذكر العديان كانو تجمعو و جلسو فالطبلة و الزنبقة واقف و هاز كأس شمبانيا فيديه و كيهضر بكل ثقة فالنفس )
الزنبقة: مرحبا بيكم فدار الزنبقة لي صعيب شيواحد ادخل ليها حيت كيما معروف الداخل ليها حي و الخارج منها مفقود و كل واحد و صوابو و مرحبا مرة أخرى عندي بصحتكم (هز الكأس بمعنى يشربو و جلس فالكرسي مترأس الطبلة و عطاهم اشارة ابداو الاكل و لكن كولشي تبلوكا و عينيهم مشات لعند حنان لي كانت واقفة قبالتهم و الزنبقة عاطيها بالظهر حتى حطات يديها على كتفو و ضار كيشوف فيها )
الزنبقة:(زير على القبضة ديديه ها لي مكانش باغي هاهوا وقع ) كنظن نبداو الماكلة
حنان:(جاوبات بكل ثقة ) انا مراتو و شريكت حياتو و لي غادي توقف معاه فكل شيء و عمرها تخطاه
سراج: سعداتو بيك
حنان: حتى واحد ماطلب الرأي ديالك اسي سراج (ابتسامة )
سراج:(حمار من تحشيمة و شرب كأس د الماء كولو) اوك
مافيوزي: هادي مفاجأة مكناش عارفين بلي الزنبقة تزوج مرة أخرى
فيروز: هادي سنة الحياة بالرغم ان الزواج كان بحال مسرحية مضحكة ضحكاااتني
حنان: فهاد الحياة الحاجة لي كضحك هي نفسها لي كتبكي و تقدر تبكيك (غمزاتها)
الزنبقة:(حط يديه على فخد حنان بمعنى تسكت)
حنان: (حسات بيه و شدات لفرانات ) كنتمنى تعجبكم الضيافة ديالنا مرحبا و يمكن ليكم تبداو ...
بداو كلهم كياكلو من غير الزنبقة لي جالس على جمر ماكرهش اضرب حنان فهاد اللحظة ولكن كينعل شيطان و كيقول بلي ماشي وقتها دابا حتى منبعد و يتفاهم معاها ...لاحظ نظرات فيروز ليه و ماكثارتش عكس حنان لي بقات كتخنزر فيها ...سالاو الماكلة و تجمعات الطبلة و بقا شي كيشوف فشي حتى هضرات حنان مع الخدامة و عطاتها الأمر
حنان: الجو ممل شوية و من الافضل نطلقو الموسيقى (ابتسامة للحضور)
بادلوها الابتسامة و كل واحد ناض من بلاصتو و تفرقو شي مشا للجردة و شي بقا فالدار كيشوف اللوحات و ديكور المنزل و كيشربو الشراب و يهضرو بيناتهم على الأعمال ديالهم ...كانت حنان بغات تنوض و هو يجرها الزنبقة من يديها جلسها بزدحة
الزنبقة:(معصب) قللللت لزاملبوووك ماتخرجييش من بيييتك
حنان: و انا قلتلك انكون معااك فين ما كنتي
الزنبقة:(همس ليها فوذنها) ماااشي شغلك فيا دخلي سوق كرك ولا ميعجبك حال كيحسابلك هادا لعب ولكن مازال انتفاهم معاك على هادشي (كيزير على يدها) باش نشوف هاد لسان ديالك علاش تحل بزاااف
الزنبقة: ياااربي الصبببر (كيطرطق صبعانو فيديه بغا يهضر و هي تقاطعو فيروز بصوت حنين)
فيروز: ممكن ترقص معايا حيت كتعجبني هاد الاغنية؟؟
الزنبقة:(كيخنزر فحنان و يقلي ليها السم ) مرحبا حتى انا باااغي نيت (ناض شد فيد فيروز و بقا كيشطح معاها فهدوء و كاع الأنظار عليهم )
فيروز: شحال هادي ماتمايلنا على الموسيقى انا وياك
الزنبقة: جابتها الفرصة دابا
فيروز:(حطات راسها على كتفو و كتشوف فحنان و ضحك) اجمل فرصة هي هادي
حنان:(ذاتها كتشوط بالحرارة تعصباااات و حماارت و كان صابت الأرض تنشق و تبلعها ماحملاتش داك الديكور خصوصا انها عارفة فيروز ماناوياش على خير ...بقات كضور راسها بحال لهبيلة حتى بأن ليها سراج واقف كيشوف فيها و هي طيح فبالها خطة و ابتاسمات ليه و هو غير شاف الابتسامة بلا هواه جابوه رجليه عندها ووقف عليها كيتسناها تهضر) واخا نشطحو انا وياك
سراج: مرحبا نتي تآمري (مدلها يدو و ناضت معاه كتشطح بنفس الطريقة و هو اياكلها بعينيه و يديه فخصرها و النفس ديالو كيضرب فعنقها و منتاااشي بيها لأقصى درجة )
الزنبقة:(زير على خصر فيروز منين شاف سراج مع حنان و وعتها و دمو كيغلي ولكن هو لي بدا اللعب الباسل و هاهو دخل للحرب ..طلق من فيروز و مشا قاصد حنان جبدها عندو و مشا بيها دافعها قدامو حتى وصلو للكولوار خاوي لسقها مع الحيط و جمعها معاها بطرشة حتى ضار وجهها ...رجعات كتشوف فيه و زادلها الثانية ) لا عطيه احوي نيت لاااااش مصعبة الأمر على راااسك
حنان : وايااااااك تحااااسب معايا و نتا ماشايفش راسك كيفاش كنتي قريب منها عاااجبااااك باقي كتبغيييهااا
الزنبقة:(ضرب الحيط لي حداها ) غاااااادي تسديي فمك حسن ليييك حيت لي غاااالط هو نتيييي خااالفتي الاوامر ديااالي و جيتي لهنا و باش جايا ب شروييطة لااااابساااها علييك خليتي زوااامل اشوووفووو صحتك
حنان: علاااه ماشي هاكا بغيتي ياك عجبك نتبدل بحال هاكا و مانبقاش بحال دراري و لا كيعجبووووك غييير الموووسخااات
الزنبقة:(شدها من شعرها جبدها عندو ) حنااااان ماتختاااابريييش الصبر ديااالي غادي نقتلك و نحسب ربي ماخلقك واياااااك تخرجي الوحش لي فيا و جسمك انا بوووحدي لي من حقي نشوفو و نقيييسووو كتفهمييي
حنان: ماعندك الحق ف حتى حاجاااا و ماغاديش تعاود تحط علياااا يدك عفتك
الزنبقة:(طلق منها و تنهد) دابا نشوفو منهنا للقدام اش غادي يصرااا و دابا دردبي لبيتك مانشوفكش قدامي و يوقع لي وقع ماتخرجييييش
رجع الزنبقة فوسط الرجال لي ضارو عليه بحال لكلاب و دايرين ابتسامة شر ...اما سراج فجر ختو و بغاو اخرجو من لقصر
فيروز: انا ماغاديش نمشي اسراج
سراج: واش حماقيتي راه غادي تنوض لقتيييلا فهاد دار
فيروز: انا غادي نستاغل هادشي باش نرجع الثقة ديال يوسف فيا
سراج: ماغاديش اثيق فيك بلا ماتحاولي
فيروز: اندير المستحيل باش ناخد الكوهينور و باش نفرق حنان و يوسف
سراج: (ركب فطوموبيلتو ) عومي بحرك (مشا كسيرا و رجعات فيروز لدار ولكن سرعان ما تخبعات فاش شافت الجو متوتر و قريب انوض صداع )
...الزنبقة سلم لينا الكوهينور بلا صداع و بلا مشاكل
الزنبقة: الكوهينور اتبقا ديالي و ماغاديش طيح فيد شيواحد
…غادي تموت اذن
الزنبقة:(ابتاسم) مكنخاف حتى من واحد
...ليكارد ديالنا ايقتلوك
الزنبقة: اشمن ليكارد كدوي عليهم ؟؟؟ (ابتاسم و جاو لي كارد ديال الزنبقة من موراه واقفين) ليكارد ديالكم ماتو و تدفنو
….حنا فينا الكفاية و غادي نقتلوك
جبدو أعضاء العصابة الفرادة من يديهم موجهينهم ناحية الزنبقة و ليكارد ديال الزنبقة موجهين الأسلحة ناحية رجال العصابة و في جو متوتر بحال هادا حس الزنبقة ان يد تحطات فوق يدو شاف فيها و طلع عينو لمولاتها لقاها حنان مبتاسمة ليه
الزنبقة: حنان؟
حنان: قلتلك انبقا فجنبك واخا يوقع لي وقع (كتجمع شعرها لفوق ) شحال هادي مادرت كومبا و هادي فرصة
الزنبقة:(ابتاسم تحت القناع و حس بلي ربي كرمة منين عطاه امرأة قوية تكون السند ديالو فالحياة قطع حبل تفكيرو و رجع هضر مع رجال العصابة) غادي نعطيكم فرصة تخرجو منهنا حيين
….(اطلق أحد رجال العصابة رصاصة فالسماء كيعلن فيها بلي المقاتلة بدأت و تم إطلاق النار بشكل عشوائي و كل واحد كيهرب و يحاول اتخبع و شي مات من ليكارد و شي مات من رجال العصابة ...بقات حنان مركزة مع إطلاق النار و هزات الفردي هي ايضا كتصوب و الزنبقة كيحميها من ظهرها و هي ايضا ...غير أن النحس كان معاهم و تسالا ليهم الرصاص من الفردي و قلبوها كومبا لي كانت شرسة و ذامية. كل من حنان و يوسف كيتصارع بقسوة حتى خفاف الضغط شوية و ناضت حنان كتبتاسم ليوسف ووجها عامر كدمات و يديها ملطخين بدم لكن سرعان ما تلاشت الابتسامة فاش شافت واحد بغا يطلق رصاصة فظهر يوسف ..مشات كتجري بسرعة و رمات الفردي عليه بقوة حتى ضرباتو فراسو ولكن كان طلق الرصاصة و فعوض ماتجي فيوسف كان خوالها و جات دايزة من حدا يد حنان و تجرحات ...ضار يوسف عند هاداك و مشا عندو طرطقلو الرقبة ديالو و رجع عند حنان لي طاحت على ركابيها و شادة فيدها لي كتنزف)
الزنبقة: نتي بيخييير (بغا يهزها يديها لبيتها و هي تمنعو)
حنان: راه غير تجرحت ماتخافش
الزنبقة: (بغا يهضر و هو يسمع صرخة ماخافياااش علييه ضار بسرعة و شاف فيروز طايحة قدامو غارقة فدمياتها حيت تصابت برصاصة فكرشها بسبب احدهم...مشا كيجري عندها شدها عندو و خايف عليها كيفيقها) فيروووز ماتسديش عينيييك فيرووووز
فيروز: (كتغني عينيها و تحلهم)
حنان:(لقات فردي طايح و هزاتو طلقات رصاصة ناحية هاداك لي ضرب فيروز من بعد ما شافتو بغا يعاود اضرب و قتلاتو و طاح و مشات عند يوسف) شنووو كديير هادي واش مامشاااتش بحالها
الزنبقة: حنااااان واش وقت هاد لهضرة راها كتموووت
حنان: ماغاديش تموت ماتخافش عليها عندااااك اسكتلك قلبك
الزنبقة هز فيروز بين يديه و طالع بيها لبيتو و بقات حنان كتشوف فجنابها كلشي طايح مقتول و ليكارد لي نجاو كيهزو الجثث مشات لبيت حورية و حطات يديها على كتفها لي كينزف متجاهلة قلبها لي كينزف جراء ردة فعل يوسف مع فيروز هاد الاخير لي حطها على النموسية و عيط لطبيب و علامات الخوف باينين عليه ...
حنان:(دخلات عند حورية بلا مادق و عينيها فيهم دموع لقاتها كطل من السرجم و قلبها ايسكت بالخوف) ماعمرو غادي ينساها
حورية:(مشات شداتها و جلساتها) حبيبتي حنان مااالك كنت كنسمع صداع لتحت و خفت بزاف(شهقات ) مااال يدك و فين هو يوسف واش وقعاتلو شيحاجا؟؟؟
حنان:(كتحرك راسها بلا و هي كتبكي) بيخير ماوقع والو ولكن فيروز تضربات و الزنبقة كان خاااايف بزاف اهئ اهئ كون تشوفيه كيفاش هزها و داها لبيتو و انا كاع ماسوق ليا واخا تقاسيت فيدي
حورية:(كتمشي و تجي) اوووف ديك لفعة ماساهلاش و غادي تحاول بكل الطرق باش تفرقكم انا لي عااارفاااها و ياااخوووفي ترجع تلعب بدماغو و يخليها فهاد الدار حتى قلت بلي الظلم ديالها سالا و هاهي بغات ترجع
حنان: انا ميمكنش نخلييي هااادشي يوقع و ميمكنش نخليها تاخد يوسف مني
حورية:(جلسات حداها حاطة يدها على راسها) واش كتبغيه
حنان: اه اه كنبغيييه و منقدرش نبعد منو هو أول راجل فحياتي و اول راجل اسرق قلبي كنبغيه بزااف و ندير على قبلو اي حاجا ميمكنش ليا نفرط فيه و لا نخلي فيروز تاخدو حيت انا لي مراتو
حورية:(ابتاسمات) اذن خصك تقاتلي على قبل الحب ديالك باش تربحيه
حنان: (مسحات دموعها و ناضت ) انا انمشي نشوفو
حورية: اوك
مشات حنان غير مبالية بالنزيف لي فيدها فقط قلبها واخدها لعندو ...وصلات لبيتو و بغات تحل الباب و هي تلاقا مع طبيب خارج من بيتو
حنان: السلام كيبقات البنت لي فحصتي
الطبيب: و عليكم السلام باغدون شكون معايا؟
حنان: انا مدام موقاديري
الطبيب: سمحيلي مدام معرفتكش داكشي علاش سولت و كيما كتعرفي هادشي في منتهى السرية
حنان: مكاين مشكل تقدر تقولي
الطبيب: اه حالتها مزيانة و تقدر من غدا تفيق و تمشى عادي
الطبيب: ماقلتهالوش حيت شفتو خايف بزاف و متوتر انا فقط طمنتو بحالتها
حنان: عطيني الرصاصة (خداتها) تقدر تمشي دابا شكرا
الطبيب: خليتلكم الراحة
ركزات حنان النظر ديالها فالرصاصة و هي كتساءل كيفاش تضربات فيروز و كيفاش بانت فجأة فوسطهم و تلاقات الضربة و الاهم من هادشي واش كاين شي مافيوزي كيهز رصاصات مزيفة بقات كتفكر و تفكر و عرفات بلي هادي لعبة جديدة من فيروز خصها تحسب خطورتها مزيان ...حلات الباب بشوية حتى بانلها الزنبقة جالس حدا فيروز و شاد فيدها كيتسناها تفيق ...تأسفات على حالو و تأسفات على حالها و شنو هاد الحب لي دخلات راسها فيه ...فهاد اللحظة بضبط و هي كتشوفهم عرفات بل و تيقنات بلي يوسف عمرو ينسى فيروز و يخرجها من بالو و قلبو واخا ديرلو لي دارت ...شداتها لغيرة فهاد اللحظة ماكرهاتش اكون شيواحد كيبغيها او بالاحرى ماكرهاتش يوسف ابغيها بالرغم من أن تصرفاتو كتبين ليه هادشي الا انه غير كتبان فيروز فحياتهم كيتخربق كولشي ...ضحكات ضحكة استهزاء من راسها فقبل 6 شهور فقط كانت حياتها عبارة عن الكاريان و تقمصها دور الراجل عمرها ظنات اطيح فمشاكل الحب و قلبها يدق لراجل عقليتو و شخصيتو غامضين و ياريت داك الراجل غير ابغيها غادي تفرشلو الارض بالورود و تعيشو فالحب حياتو كاملها و لكن خسارة حيت كيقولو القلب و ماراد و حتى هو ماخاصش اتلام حيت قلبو ملكاتو فيروز و تصروفاتو ماشي لخاطرو كيديرهم و ايضا عمرو طمع حنان و قالها بلي كيبغيها لذلك بالرغم من هادشي خصها تصبرعليه و تفهمو الصح من الغلط و بلي هوما مزوجين و ماخاصش ادير هاكا ...سدات الباب بشوية و هي مزيرة القبضة ديالها على رصاصة و توجهات لبيتها سدات الباب و بقات جالسة كتشوف فالحيط و سكوتها ماهو الا هدوء قبل العاصفة
الزنبقة:(منبعد ما طمن على حالة فيروز ناض خرج من لبيت خلاها ترتاح و توجه لبيت حنان دخل عندها و هي شافت فيه بكل هدوء لقاها جالسة و مهدنة ) كيبقيتي
حنان: ولكن ماكانتش اتموت حيت الرصاصة باش تضربات ماكانتش كتقتل (وراتهالو)
الزنبقة: شنو بغيتي تقصدي
حنان: قصدت بلي تقدر تكون دارت هاكا بلعاني باش تبقا هنا و تجبد الانتباه ديالك عندها
الزنبقة:(كيهضر تحت سنانو) حنااان راه حتى واااحد فهاد الدنيا ميقدر اعرض حياتو للخطر غير باش اجبد انتباه حد آخر
حنان: ولكن هي تقدر ديرها
الزنبقة: نتي مكتعرفيييهاااش و عمرك اتعرفيها بحالي
حنان: كون كنتي كتعرفها مزيان كنتي اتوقع انها تخليك نهار لكسيدة
الزنبقة:(شدها من شعرها و قابل وجها مع وجهو و الغضب فعينيه) لزمي حدك و عرفي اش كتخرجي من فمك
حنان: شنو باغي ضربني هاني دير فيا لي عجبك ولكن الحقيقة عمرها تتبدل
الزنبقة:(طلق منها ) عاذرك حيت وحدة جاية من الكاريان هاكا اتبقا تهضر و تعامل
حنان: اه الكاريان لي علمني فعايل رجال حسن من شيوحدين بحالك
الزنبقة:(ماتحكمش فراسو و جمعها معاها بتصرفيقة جمع يدو من موراها و هو كيغلي ولكن عارف ماكانش خاصو يضربها )
حنان:(رجعات كتشوف فيه و هي مبتاسمة) خرج منهنا مابقيتش باغا نشوف وجهك
الزنبقة:(حط يدو على راسها كيحاول يهدنها) حنان انا مقصدتش
حنان:(بعدات راسها) ماتقيييسنيييش و خرج عليا سييير لعندها
الزنبقة:(ناض من حداها متوجه للباب و قبل ما يوصل وصاها) الأمر ديال الرصاصة مابغييتكش تجبديه معاها و مادخليش عندها و ماتشوفيهاش خلي مسافة بينك و بينها (شاف فيها) و صبري عندو حدود احنان واياااك تحطي راسك مع راسي اتندمييي (خرج و سد لباب بزعاف)
حنان: (رمات علبة الاسعافات على داك الباب و هي معصبة بزااف ناضت حدات حوايجها و دوشات و خرجات كداوي الجرحة ديالها و كارهة راسها غادي طرطق بالاعصاب ...حزماتها بفاصمة و لبسات حوايج خفاف و طاحت تنعس و هي حاطة وسادة على راسها و كتبكي قلبها كيتقطع و كتخنق بقات على داك الحال حتى داتها عينها و غفات حتى صبح صباح جديد و فاقت عينيها منفوخين بلبكا و مقندشة دارت روتينها اليومي و لبسات كيطما و هبطات لتحت لقاتهم دايرين لفطور فالجردة و جلسات كانت غير حورية ) صباح لخير
حورية: صباح النور النوارة ديال دار
حنان: نوارة مانعرف منين جاني
حورية: مال زين مقلق
حنان: كاع هادشي لي طاري و مبغيتينيش نتقلق خصوصا ان فيروز كانت لبارح فبيت يوسف
حورية: ماتخافيش مانعسش فنفس لبيت
حنان: كتهضري بصح؟؟ شكون قالهالك
حورية: قالتهالي خدامتي بلي وصا خدامة تجلس معاها و مشا نعس فبيت أخرى
حنان:(ابتاسمات) اووف هادشي مزيان ولكن واخا هادشي خاص نخرجها منهنا ماغاديش نرتاح و هي هنا
حورية: غادي تخرج ماتخافيش
حنان: فين هو محمد مابانش ليا؟
حورية: راه فبيتو ساد عليه
حنان: انمشي نشوفو
ناضت حنان مشات عند محمد لبيتو كدق مكيجاوبهاش و قررات دخل عندو..دخلات و شافتو فحالة ماشي حتى لتما ناعس فوق النموسية و باين عليه لعيا كأنه شخص مستسلم من هاد الحياة...جلسات حداه و فيقاتو
حنان: نعستي بزاف
الشاكمة: عاد نعست
حنان: ناس تفطر هادشي مامزيانش لصحتك
الشاكمة: لي كنت كنقاوم على قبلها مشات
حنان: ماتقولش هاكا دابا يجيبلك الله ماحسن
الشاكمة: كنت بغيتها هي ماشي ماحسن
حنان: انا وياك كنتشابهو لي كنبغيوهم كيبغيو وحدين اخرين
الشاكمة: علاش كتقولي هاكا
حنان: فيروز لبارح تضربات بقرطاسة و كاينة هنا و كون تشوف يوسف شحال خايف عليها تقول هي مراتو ماشي انا
الشاكمة: الى ماكنتيش مرتاحة يالاه نرجعو للكاريان
حنان: حيت كنبغيه منقدرش نبعد عليه
الشاكمة: غادي يندم حيت كاين ماحسن منو باغيك
حنان: عادي هاني صابرة يالاه نووض نفطرووو (كتجرو)
الشاكمة: واخا واخا غير سيري دابا نلحق
حنان: صافي واخا
خرجات حنان من بيت الشاكمة و هي تلاقا من الخدامة خارجة من بيت الزنبقة و عيطاتلها منبعد ماتأكدات انها مغربية حيت كاع الخدم لي فدار الزنبقة كانو من اليابان
حنان: كيبقات فيروز
الخدامة: مزيان الالة راه فاقت و انمشي عند سيدي للبيرو نقولهالو (مشات )
حنان:(رجعات بسرعة لغرفتها هزات الرصاصة و مشات متاجهة عند فيروز حلات عليها لباب و بقات كتبتاسم) الحمد لله على سلامتك
فيروز: الله اسلمك واخا مكرهتيش نموت
حنان: ماعمرني تمنيت الموت لشيواحد
فيروز: ولكن راه من الصالح ديالك نموت
حنان: كنتي اتموتي كون بصح كانت هاد الرصاصة كتقتل(رماتهالها فحجرها)
فيروز: شنو بغيتي تقولي
حنان: لي بغيت نقولو هو كنتي مخططة لهادشي
فيروز: (كتبتاسم) كنحييك على الذكاء ديالك ولكن ماغادي تصوري مني حتى حاجا
حنان: شنو الهدف ديالك
فيروز: الهدف ديالي قلتو ليك و انعاودو انا بغيت ندخل بينك و بين يوسف و ناخد الكوهينور
حنان: هادشي عمرك تحلمي بيه كتفهمي
فيروز: انا قدرت نخلي بالو يتشغل بيا بسبب خطة بسيطة لي هي هاد الرصاصة لمزيفة و هاد الدراما كااااملها لي جابت نتيجة
حنان: اي نوع من البشر نتي
فيروز: انا لي مكتهمها حتى حاجا من غير راسها
حنان: كنت عارفاها ولكن ماغاديش طفرييييه و كنوااااعدك انرمييييك منهنا و عمرك تحلمي بيوووسف يكوون ليييك نتي لي سمحتي فيه و نتي لي خليتيه اتعذب و اناااا مراااتو كتفهمي و الى بغيتي توصلي لشيحاجا خاصك تخطاااايني
فيروز:(بغات تهضر و هي تشوف البواني د الباب ضار و بدأت كتمسكن) اهئ اهئ علاش كتاهميني هاكا احنان انا شنو درتليييك ماشي ذنبي الى جلست فدارك ولكن هانتي كتشوفي حالتي ماقادراش نوض و ماشي انا سباب و ماعندي علاقة بهاد الرصاصة لي كتقولي
حنان:(معجبة من هاد الانقلاب لي دارت فيروز) سكتي باراكا من تمتيل واش مكتعيااايش
الزنبقة: (غوت حتى زلزل المسامع ديالهم) حناااااااان خرجي
حنان:(ضارت عندو بسرعة و عاد فهمات الانقلاب ديال فيروز ) ولكن …
الزنبقة: قلتلك خرجييييييي
حنان خرجات من البيت كضرب فالحيوط تعصبات بزاف خاصة أن فيروز بانت بحال شي ملاك قدام الزنبقة هاد الاخير لي توجه عند فيروز و جلس جنبها
الزنبقة: مكاين حتى مشكل قوليلي كيفاش حتى وقع هادشي
فيروز: كان سراج ايمشي بحالو و مقدرتش نخليك سمحت فيه و بقيت و ماعرفتش كيفاش وقع حتى تضربت
الزنبقة: و علاش بقيتي
فيروز: ماعرفتيش علاش؟ حيت كنبغيك و الموت عندي اسهل من انني نخسرك
الزنبقة: خصك ترتاحي دابا انا شوية و نرجع عندك
فيروز: كيما بغيتي
الزنبقة:(ناض مشا خرج و فيروز دارت ابتسامة نصر و فرح حيت حققات داكشي لي بغات...بقا كيقلب على حنان فالبيوت مالقاهاش و هبط للجردة شافها شاعلة و كدير كومبا مع ليكارد و كتسلخهم مزيااان و مرة تجي فيها الدقة و مرة فيهم ...بقا مركز معاها و لاحظ بلي الجرح ديالها تطبع فالكيطة جيهت لكتف ...مشا لعندها وقف قبالتها و هي تجمعها معاه بضربة للوجه ضار على الأثر ديالها و رجع كيشوف فيها و عطا اشارة للكارد امشيو ) شنو باغا تجيبيها فعضامك
حنان:(ضرباتو ب ركبتها لكرشو حتى تحنا و زادتلو برجلها للوجه و طاح و جلسات فوق كرشو كضرب باللكمات و كتغوت اما هو خلاها تفرغ العصبية لي فيها و مامنعهاش...كان ممكن اتقلب عليها و يسلخها ولكن خلالها المجال حتى طاحت عليه كتبكي) خرجها منهنا مابغيتهاش تبقا اهئ اهئ
الزنبقة: (كيتنفس بجهد) حتى تشافا
حنان: لا بغيتها تمشي بحااالها دابا
الزنبقة: حنان باراكا من فعايل لبراهش راني هضرت و هضرتي ديما كطيحيها
حنان:(خنزرات فيه) اذن ماخليتيلي حتى خيار آخر و غادي نتصرف من راسي
الزنبقة:(قلبها تحتو مركز على الغضب لي فعينيها) شنو ناوية ديري
حنان: مكنتش باغيا هادشي ولكن اذوق من نفس الكاس
الزنبقة: الليعميهالك غادي تشوفي وجه اخر
حنان:(دفعاتو و ناضت ) سير عندك حبيبت قلبك اتكون كتسناك
الزنبقة:(ناض تخطاها داخل لدار مكشكش تلاقا مع الشاكمة ) شوف غدا اتمشي لانجلترا اتقابل خدمتي تماك
الشاكمة: شنو كضحك عليا مالي انا و مال خدمتك
الزنبقة: اللهم تخدم والا تجلس هنا بحال الهجااالة كدمع عليا سير جمع قلاويك غدا انصيفطك(مشا طالع فدروج حتى جاه اتصال من نمرة كيعرفها مزيااان) الو
….هههه جيت للمغرب
الزنبقة: المغرب تنور بوجودك فوقاش نتلاقاو
….ليوم بليل حيت غدا انمشي لروسيا
الزنبقة: (تنهد) و كان يعرف باك بهادشي اينحرك ههه
….ههههه ماشي ذنبي الى كنت بنت جنرال فالمخابرات السرية و صديقي المفضل مافيوزي و الذ اعداء عائلتي
الزنبقة: و نتي ايضا ضمن المخابرات السرية و عارفة مانسخاش بيك واخا هاكا
….هضرتنا ماشي هنا حتى ليل و نهضرو
الزنبقة: (ابتاسم في قرارة نفسه) تحياتي (قطع و هو مسرور شوية حيت تحيد الضغط و غادي يتلاقا مع اعز صديقاته لي فنفس الكراكتير ديالو و كيفهمو على بعضياتهم ...اما حنان منبعد ما خلاها الزنبقة تماك مشات لبيتها و تاصلات بسراج)
حنان: ماغاديش تاخد عليا ختك منهنا
سراج: (تنهد) مكاين لا سلام لا والو
حنان: اجي خودها قبل مانقتلها
سراج: و علاش انجي ناخدها معايا كنظن يوسف مامعارضش هادشي ههه
الزنبقة الفضية الجزء التاسع
محتوى القصة
التنقل بين الأجزاء