انتهت الرحلة فالهند شفت بزاف ديال الحوايج وتعرفت على ثقافتهم بصراحة اغلبهم جاهلين وناقصهم الوعي اللي كان ناقصين حتى انا فاش كنت فالضلام . رجعنا للباطو انا وجاد معانا بزاف ديال التصاور ذكرى .. عشت اسعد ايام حياتي وحسيت براسي عندي قيمة كبيرة وارجعات ليا الثقة فالنفس شوية . توحشت الباطو واجوائه ووقفنا باش نودعو الهند .. هاد البلاد الغريبة تقول فيها ثلاتة بلدان فبلد واحد .. العبادة عندهم منوعة وكيآمنو بالمعجزات بشكل كبير .. قلع الباطو الوجهة للطايلاند .. متشوقة نشوفها كي دايرة .. سولت جاد على المسافة قالي نهار واحد حيت مابعيداش بزاف وقلت ليه دابا الليل فوقاش غنوصلو قالي الصباح نكونو تما .. قلت ليه واش الطايلاند زوينة قالي مشيت ليها فاش كانت عندي عشرين عام .. زوينة فيها العجب
قلت ليه شحال ديال خواتاتك عندك : قالي غير ميساء صغر مني بعماين وجوج خوتي كبار واحد معايا مدرب ولاخر مزوج فبلجيكا صافي
قلت ليه حنا ثلاتة انا وختي وخويا صافي
دوز صبعو على جبهتي حيد ليا الشعر وقالي: جمعتي الزين ديال عائلتك كله
حشمني بقيت كنضحك قالي منين نتي ؟
قلت ليه اه شلحة من خنيفرة .. الاطلس
قالي: هاااكاك عليها كنقول انا منين جايبة هاد الزعورية وهاد العوينات وهادشي كله
هبطت راسي كنضحك تزنكت وكان قريب ليا قرب وجهه حدا وجهي حسيت بالارض هزاتني وحسيت بواحد الخلعة ماعرفتش مناش ودورت وجههي بالزربة لجهة اخرى بلا منفرطها ورجع بهدوء اللور تنهد خليتو شم وصافي وحبست واحد الضحكة فنفسي وتلفت بالهضرة كنحك نيفي بقا كياكلني حيت تكاتني لحيتو وكملنا هضرتنا حتى وصلنا للتايلاند وهزيت كسيواتي بيكينياتي وداكشي اللي غنحتاج ونزلنا طلعنا فواحد الباطو اخر صغير مع ليتوغيست داونا لجزيرة جيمس بوند المشهورة فالتايلند ونزلنا فواحد الاوتيل وسط الغابة جا بيتي ملاسق مع بيتو وجامعنا بالكون واحد كيطل على مسبح الاوتيل والغابة بشجرها الطويل الاخضر . بدينا اول حاجة درنا القوارب المطاطية ركبت انا وياه فواحد ودخلنا البحر مع الكيد ديالنا دخلنا المغرات اللي تما كيسارينا وجاد كيجدف وانا قدامو جالسة كنصور ونتصور وخرجنا من المغارة فواحد البلاصة فيها التجديف قوي فواحد الشلال وفيه اصطدامات وحنا ختارينها بغينا نجربو الهبوط الحر من الشلال وهبطنا كانت تجربة واعرة عمرني ننساها .. لاكن وحدة تنسيك فلخرى .. درنا الغوص شفنا الحوت وتصوت معاه .. ومشيت للمنتجعات والمياه الساخنة درنا حمام فواحد الينبوع ومشينا درنا مساج انا وياه ودرت بيديكير لرجليا فواحد الاكواريوم ديال الحوت ومشيت للسوق الشعبي فين كيطيبو المأكولات عجبني ناكل عند دوك المطاعم الشعبية اللي فالسوق كيقدمو شي اطباق واعرين وغير حوينتات صغار واحد حدا واحد والنقااا والطبخ البحري طااغي جاد تحلات ليه الشهية مكيقول ليا ومكنقولش ليه لا غادين وكناكلو فالحوت والاصناف اللي شفت واللي عمرني شفت واشهى الاطباق . درت انا وياه بارا شيت نقزنا من الجبل بجوج ودرنا جيت سكي ركبت وراه و كيجري حتى كنحس براسي غنطير .. اما السباحة منهضر عليها هاديك يوميا وعاد المدينة والشوبينغ وقاعات الالعاب والمهرجنات الحية كيسميوهم بحال شكل السرك كيدوزو فيه الحيوانات . درنا كذلك نزهة فالغابة على الفيل وتصورت معاه ووكلتو بيدي واخا بزز وبالخوف .. مشينت لجزيرة قريبة فيها القرودة عطيتهم البنان ولعبنا معاه وتصورت معاهم وكانت مغارة كبيرة نزلنا فيها اكتشفناها وطلعنا للصخرة المشهورة اللي كيتصورو فوقها الناس وعلى حافتها جات عالية لاكن هي مجرد خدعةواخا عالية تحتها ارضية قلت لجاد نديرو ديك اللعيبة ديال غنطيح منها وشدني ونتصور ونقطعها من تحت تبان غيروالجردة والغابة لتحت
سالينا الرحلة فتايلاند وكان الباطو هوا مكان نرتاحو فيه ونجددو الطاقة. وتاجهنا لوجهتنا التالية اللي هي سينغافور فماليزيا .. غير وصلت حليت عيني على عالم او كوكب اخر من التقدم والابداع . ايداع لا مثيل له بدينا انشطتنا وحنا متحمسين نعرفو اكثر هاد البلاد الرائع الاكثر تقدما وابداع وهندسة معمارية راائعة . بديت بالجسر الزجاجي فقمة الجبل قطعنو كانت مغامرة عمرني ننساها .. وتغديت فاشهر مطبخ فالهوا ورجلي فالهوا غير انا وياه والشياح ضايرين على الطبلة والطباخين الوسط كيطبخو لينا .. بكثرة ماعجبني قلت لحاد نعاودو وداني تعشيت فيه بالليل وكان اللي شكل اخر منهضرش عليه .. زرنا الحدائق العجيبة وفعلا عجيبة .. طبيعة من صنع الخالق وابداع من صنع الانسان .. اكثر شيء لفت انتباهي هوا النضافة اللي ميمكنش نوصفها .. ولا شعرة فالارض .. النضام اللي عندهم عمرني شفته فحياتي .. عايشين فكوكب غير كوكبنا فمرة .. واهم حاجة هي حفاضهم على الارض اللي جاو فيها حيت معززة بالمياه الشيء اللي خلا طبيعته تكون خضراء اللون ومنتعشة .. وسط المدينة كتلقا اشجار وخضورية .. الى شفتي الدنيا من لفوق كما شفتها غتقول جنة فوق الارض وحطو فيها ناطحات سحاب باشكال هندسية مختلفة رائعة .. الشلالات والابداع بالمياه مافهمتش كيفاش دارو لداكشي كيحركوه فعلا بلد ماشيوبحال كاع البلدان شكرت جاد هاد التنوع اللي دار وعجبني الحال زرت شواطئها وغاباتها وكبنا الدراجات النارية باربع عجبلات تسابقنا وشفت الاكواريوم وعمت فمسابحهم الرائعة كأنني فكاس دالماء كنسبح وكلشي كيبان تحت مني .. كلشي زاج وكلشي مجهزينو فالهواء .. الى هبطتي لارض ماتسخاش تطلع والى طلعتي لفوق ماتسخاش تهبط .. عالام بوحدو .. الاكل والاطعمة لا تقاوم جربت اصناف واشكال وتعرفت على طبخ ومطبخ جديد ضفته لرضيدي وحسيت براسي تشبعت بتنوع الثقافات ديالهم ومابقيتش محدودة بحال من قبل .. انفتحت على عالم جديد بحال شي متاب قديم حلوه ونفضو عليه الغبار وحطو فالهواء خلاو اوراقو كتطاير وسط منو .. هاكا حسيت براسي وفكري وعقلي وصدري .. انتعشت بما يكفي وعشت اجمل لحضات واروعها وبقاو ليا ذكريات جميلة جبتها فذاكرتي وفقلبي .. لحضات لاتنسى مع جاد .. كانت رمنسية نوعا ما .. او نقول رمنسية واخا كل واحد فينا لازم حدودو لاكن كنا منساجمين بزاف فوق الوصف وحسيت بهاد البلاد هازانا فالسما وفرحانة بينا جينا ليها وكتمدنا بالطاقة الاجابية من كل جهة .
جا وقت الرحيل وماسخيتش .. حسيت براسي كنودع احلامي وطاح عليا الضيم . لاكن واعدني جاد باش نبقاو نجيو ليها كل مرة بغيت ومغاديش تكون اللخرة .. تمنيت كن عشت فيها حيت لقيت فيها راحتي ومستقبلي لاكن ماشي اي حاجة كنوصلو ليها بسهولة . شدينا طريق العودة لدبي وحيت الطريق طويلة دارو لينا انشطة ومسرحيات و سهرات تلهينا فيهم حتى وصلنا لدبي ونزلنا .. اخيرا تهنيت من ديك السفريطة بلا مانديرشي موصيبة واخا علقاتني فالرحلة كلها بقيت حاضية معاها فاللخر فاش نزلنا دارت فيا واحد الشوفة بغيض ماعجبهاش الحال .. ضحت ليا واحد الضحكة خليتها عندها تفكرني بيها ومشينا قبطنا اوتيل حيت واعدني نمشيو فرنسا وراس العام قرب .
دوزنا 3 ايام فدبي داني فيها لديك الحديقة اللي بغيت نمشي وتساريت شوية شبعت مساريا انتعشت وبقيت متحمسة لفرنسا حيت غنمشي نلقا جو اخر كيعجبي .. جو البرد والشتا .. دوزت جوج فصول فشهر ولاهيلا .
وصلات الرحلة ديالنا وانطلقنا بحال العادة فبزنس كلاص باش نرتاحو وحتى هوا يتفادا التصاور شوية حيت الرحلة اللي غادية من دبي لفرنسا فيها المغاربة بزاف وغيبقاو حاضيينا ولايصورونا . خدينا مقاعندنا وخلينا الحرارة فدبيو وسافرنا غير بحوايج خفيفة وانا كالعادة درت احتياط البرد فاش نوصل وهوا كذلك . سدينا علينا تكينا وحسيت بعلاقتي بجاد فهاد المدة زادت توطدات اكثر وتقرينا من بعضياتنا اكثر ورجعت كنلقا راحتي معاه بزاف وميمكمش نجلسو بلا ميشد ليا فيدي ولا نشد فيه ولا تكون شي وسيلة تواصل حسية ولمسية بناتنا .
تكيت على صدرو فالطيارة بدا كيلعب ليا فشعري وعنقتو بيدي حيت هاكا غادي نرتاح اكثر . بدينا كنهضرو انا وياه على مواقف طراو لينا ودرنا واحد الفيلم دوزنا بيه الوقت حتى وصلنا لشاغل دو كول وتما خدينا كارط يعرفك على باغي كلها .
اوروبا عاوتاني شكل اخر لقيتها مزينة بزينة راس العام واشجارها مزوقة بالاضواء وجو الاحتفال والبرد .. تكبطت وهاد المرة ماشديناش اوتيل .. شدينا اباختومون كطل على برج ايفل وعندها بالكون كبير ومطبخ وغرفة نوم مجهزة رائعة ووسط الدار بالفوطويات والكليما والتلفاز ... دخلت لغرفة النوم ضحكت قلت مع راسي غاديو نعسو فيها بجوج . كان البرد قارس خدمنا لكليما ومشيت شفت المطبخ وطليت عليه وعلى الثلاجة وجا عندي جاد شدني من اللور وسدها قالي بلا متصدعي راسك مع الطياب ومع الكوزينة .. حنا غنوضو نمشيو نفطرو برا وتشوفي باغي كيدايرة وهنا غير ديال النعاس وصافي
قلت ليه بالليل نقدرو نبغيو شي شوكولا شو ولا شي حاجة
بقيت كنشوف عجبني داك المنضر وشريت واحد القفل قالي مولاه سميتك قلت ليه شيماء وسولني على سمية جاد ونحتها تما وعطاها ليا .. شفت فجاد لقيتو غير كيشوف متوقعش نديرها .. لاكن بلعاني درتها باش ميقولش حاسباه بحال خويا .. والى كاينة شي حاجة يبينها .. وحتى الى كان خايف من ردة فعلي لا نتقلق يرتاح من هاد الناحية
ركبتو وصورتو حطيتو فسطوري وهزو سطوري كتبو عليه من سطوري حبيبة جاد الهواري ..
نضت خليت داك القفل من بعد ما خديت معاه صورة وكملنا طريقنا شد ليا فيدي وبقا غير كيشوف فيا كل مرة وحنا كنتمشاو وقالي غنمشيو لواحد المول كبير هنا و زوين سميتز كالغي لافايي ومشينا كانو فيه جمييييع الماركات واحتفال بالشامبانيا والناس بزا مطرطقة الدنيا وكيسربيو الشراب فابور للزبناء. بقيت شادة فيدو كندور وكنبغي نوقف كيقولي يالاه نمشيو لهيه حسيت بيه دايني لشي بلاصة ولا باغي ياخد ليا كادو دراس العام وداكشي اللي وقع دخلنا لوي فيتون مشا بيا لواحد ليباك دايرينهم على حسب راس العام كان فيهم صاك صغير بوشيط حداه وسمطة ..صافي فهمت .. شافني ديك المرة شريت البوشيط قال يمكن كيعجبوها وقالي كي جاك هاداك .. حشمت ماعرفت منقول قلت ليه زوين .. احسن كادو ممكن تعطيه لشي واحد
ابتسم وخداه عطاوه ليا باتقان والبرطوكول باش كيبيعو والحيحة وداروه ليا فصاكو وشدو فيدو وحنا خارجين حتى مدو ليا قالي هاكي ، فاش شفتو خداه ماقال والو تقرصت بقا فيا الحال قلت كنتأمل على والو لاكن فاش عطاه ليا ميمكنش شحال فرحت واخا بينت ليه فرحتي بالقياس وتكيت على كتفو قلت ليه شكرا ومشينا ضرنا تما فالمول عطاوه وردة وحنا غاديين وضاروعطاها ليا شديتها كنضحك درتها فصاك لوي فيتون ومشينا كان الضلام طاح وكلينا غيروشي حاجة خفيفة وخدا كاس ديال الشامبانيا فالمول ومشينا لبرج ايفل كان الضلام والناس مجوقين عليه بغينا نطلعو كان الزحام بزاف وقالي مابقا والو يعلنو على العام الجديد عطلع فلاتوغ ايفيل
جرني من يدي من يدي مشينا لواحد البلاصة مقابلة معاها عالية شويةةفيها الناس واقفين والعشاق بلا عدد وقفنا صورت داك الشي وبقيت كنتسنا العام الجديد يدخل وهوا حدايا قدامها واحد الصور متكي عليه بيدو والثانيةةورا ضهري .. بدا العد العكسي والناس كتعد واحد الاحساس زوين لا يوصف .. حسيت بيه فداك العد العكسي قرب مني وعنقني من خصري قالي فودني مابغا تتمناي والو قبل ميدخل العام الجديد ؟
قلت ليه شنو غنتمنى ؟
دورني عندو وقرب ليا بديت كنحس بنفسه حدا فمي وكيتأمل ملامحي ويدي على صدرو قالي
كملها باسني من شفاهي ودار يدو على حنكي فقبلة سديت فيها عيني نسيت واش كاين شي واحد حدانا ولا معانا وحتى الصوت مكنسمعوش كنسمع غير دقات قلبي المتسارعة وانفاسه الساخنة وكنحس بشفاه كتقلب بحرارة على شفاهي .. قبلة داتني للعالم ديالو علمني فيها معنى الاحساس .. معنى الحب .. حسيت بمداقها واخلافها .. قبلة كلها احاسيس ومشاعر وشوق ولهفة .. قبلة وراتني كفاش كيكونو قبل الرجل الحقيقية
دخل راس العام الجديد وحنا باقي ماسخيناش .. تباعدنا شوية بديت كنضحك وتكا جبهتو على جبهتي كيضحك ماعرفتش علاش ضحكنا وعاودناها ماعرفتش شحال ديال الوقت خدينا .. داك السم دالبرد مشا مابقيتش كنحس بيه فمرة وفاش تبعدنا دورت وجهي لقيت بزاف دالناس بحالنا عايشين اللحضة والعام الجديد دخل والاحتلافات واحد الجو غزال كيحمق ..وقفت غير كنشوف مالقيت منقول ولا ندير مور ديك البوسة تزنكت بقيت غير ساكتة وهوا بجنبي هاداك هوا اجمل شعور ، وقف ورايا وشد فيدي بجوج ربعهم ليا وعنقني باسني فعنقي وبقا شوية وقالي نمشيو نتعشاو ؟
حركت ليه راسي وشد ليا فيدي مشينا على رجلينا شحال حيت خلينا طموبيل بعيدة وطلعت جلست كنمص فشفايفي ماسخيتش بديك البوسة .. طلع حدايا ديمارا زدنا والطريق كلها شاد فيدي حتى لشونزيليزي ونزلنا كانت الدنيا عامرة مع راس العام مشينا لغيسطوغون زوينة كلاص وجلسنا تقابلنا .. رجعت كنشوف فيه كتجيني الضحكة وكندور وجهي وكنتفكر ديك جوتيم اللي قاليا كنبدا نفرفر .. حطو لينا لعشا تعشينا وحطو كيسان فيهم شامبانيا تشهيت شي كاس لاكن خفت نرجع للادمان .. قلت ليوم راس العام نشرب غير شوية ماشي مشكل اليوم استثنائي ومتميز وخديت الكاس قالي جاد غتشربي؟؟
قلت ليه ماشي حتى للكاو
قالي: دونك غير ليوم
قلت ليه : اه غير ليوم و شربت شوية حسيت براسي طرت وليت وحدة اخرى كنشوف الدنيا كلها الوان وجاد كيتامل فيا قالي سكرتي؟
قلت ليه: لا غير ديك الطلعة وصافي
قالي: حتى انا حسيت بهاد الكاس طلعها ليا
بقينا كنهضرو وعادي بحال كاع الناس اللي تما كان الجو رمنسي وشد ليا فيدي فوق الطبلة وصورتها حطيتها فحسابي .. دوزنا السهرة استمتع بالجو مور ما تعشينا جلست حداه كيهضر ويمشم فيا ويقلب يبوسني .. مرة بوسة مرة كليمة ماحسيناش بالقوت ..قلت ليه شحال تكون دابا الساعة قالي جوج .. وبقينا جالسين سهرنا بحتل اي كوبل كانو كيعزفو البيانو .. فديك الليلة كل واحد محتافل بطريقته .. كاين اللي مشا لاوتيل كاين اللي مشا لبواط كاين اللي بقا برا وكاين اللي مشا لدوك الخانات ديال البراهش وكاين اللي بحالنا اللي كيحب وباغي يبقاوغير هوا والحبيب ديالو يستمتعو ببعضياتهم واختارو غيسطوغون كلاسيكية وموسيقى هادئة تحسسهم بالحب اكثر .
وصلات الثلاتة عييت تكيت على كتفو قلت ليه جاني النعاس وقالي يالاه نمشيو بحالنا ونضنا خرجنا ركبت حداه وراسي على صدرو .. الضلام والليل وضوء الطموبيل لداخل حسيت براسي اسعد وحدة فالدنيا .. شحال وانا كنحلم نعيش قصة حب زوينة بحال هادي . قصة نستمتع بيها ونعيشها ماشي دمرني فكل مرة وتحبطني .. والغريب فالامر هوا كيكون عاجبني الحال .. اش هاد الحب ديال الويل اللي يقمعني ونفرح ويخزر فيا و نطير بالفرحة ونصوني مايجاوبش ونشبع بكا .. لا كلمة زوينة لا والو حتى البوسة كتجي بسرعة ستين باش جاي باش داير ويهضر معاك بالنفخة و و و و و وكنقول راني عايشة قصة حب!!! هادي راه قصة مرض خصوهم يبثروه ماشي يحافضو عليه
اكثر حاجة كضرني فكل ما نتفكرها بحال شي يد مسدود عليها باب هي فاش سلمت نفسي لزايد ... هاد الكلمة كتحرقني حريق وكما انا درت ليه خاطرو حيت كنت كنبغيه ولا ماعرفتش كفاش نوص شعوري ناحيته . هي نفسها اللي دمراتني وضراتني ومزالة كضرني حيت خليتو يحط يديه عليا وبقات فيها امارة . لو ماسلمتش نفسي ووصلت معاه لداكشي ربما ماكانش غيوقع ليا كما وقع ليا دابا . ربما كانت غتبقا عندي ديك العزة النفس شوية .. واكثر حاجة هي الطريقة باش اجتمعنا كنتخيل راسي ديك اللحضة وهوا كيتسنا يسالي ويقولي يالاه سيري بحالك . راه الموت هاداك الف مرة ويمكن عذابه اكبر من فقدان الواليدين .. نعم عذابه اكبر من فقدان الواليدين حيت كتفقدي نفسك وترحمي على العفة ديالك وتفدي الغطا اللي كان ساترك ومطيح عليك السر وكتولي قدام هاداك اللي سلمتي ليه نفسك بحال شي بقايا ديال الماكلة يعيف ياكلها او بحال شي طبق كان مشهيه بزاف وحصل عليه وكلا حتى شبع وعاف ماقدرش يزيد يمد يدو وتكهم هادا هوا الوصف الحقيقي اللي لقيت لنفسي .. هوا انني كنت طبق كيشهي وفور ما كلا وشبع دفعو ورجع اللور . بصراحة واخا نعيا ننسا وواخا نعيا نهرب ونسافر كتبقا هادي اسود نقطة فحياتي وعقاب ليا طول حياتي عمرني ننساها . من بعد ما كنت بعزي وقامتي شامخة كنبان ليه بحال شي جوهرة نزلت لادنى مستوى ودلني وهبطني لاسفل سافلين وشمخ هوا بلاصتي وترفع وليت انا اللي كنطيح عليه ونبكي عليه وبغيتو اكثرومن نفسيوحيت ماعطيتهاش قيمة وعطيتو هوا قيمة على راسي ومن حقو يتمرد حيت رجع كيشوفني بحال شي شياطة ولاسقاه . ذكريات مؤلمة جدا جدا بقات مرسخة .. مستحيل ننساها لاكن قدرت نتناسا .. مهما مر الوقت والزمن غنبقا عاقلة على دوم المشاعر ودوك الاحاسيس اللي عشت فعذابي وواللحضات اللي دوزت والذل اللي كنت فيه وحتى عقلي اللي مكانش معايا ومكانش بيدي .. كان فوق استطاعتي وفوق قدراتي العقلية والنفسية .. لو كنت واعية ماكنتش ندير اللي درت او حتى نفكر ننتاحر لمجرد انني تخدلت من طرف انسان . واللي زاد ضرني اكثر هوا انني حليت عيني وبديت نتذكر كل شيء عشتو وليت نربط الاحداث ونشوف اللي ماكنتش كنشوفو فديك الوقت .. فاش مشيت للسبيطار وقالو شكون جابك فرحت نوعا ما حيت فارس احلامي نقدني وماخلانيش نموت . لاكن دابا عرفت علاش عتقني ومشا ماعاودش سول حيت دار الخير فراسو ماشي فيا .. خاف على راسو ومستقبلو وتبقا لعنتي تابعاه طول حياتو وتخرج فيه .. ريح ضميره وشاف من حال نفسه باش ميتعدبش من بعد داكشي علاش عتقني ماخلانيش نموت حيت عارف هوا سببي ومابغاش يتعدب بسببي . وفاش تعتقت مشا ورتاح مني وارتاح من همي وكيعيش حياتو عادي
انسان صعيب تعيش معاه وربي شاف من جيهتي .. ماشي صعيب هوا صعصع ولا قعقع .. ولاكن صعيبة الحياة معاه .. بحالو بحال شي بلاد محرتكة عايش فيها وحقوقك مهضومة ومتقدرش تعز راسك والى دويتي ترعف .. ومع ذلك كتحب بلادك وتموت عليها واخا مجوعاك وقاهراك وعايش فيها وقابل عليها .. لاكن فور نا كتسافر وتشوف بلادات الناس متكرهها وتقرفها وتتمنا انك متعاودش ترجع ليها .. بحال هاكاك زايد .. كنت كنشوفو راجل ماشي بحال كل الرجال وكنقول حياتي ماعايشها حتى واحد وواخا نعيش معاه تحت سقيف هاديك هي الدنيا ومافيها وعندو تحدات الرجلة وعمرني فحياتي نلقا بحالو بحالو .. لااا .. لا ثم لا ..ثم لااا والف لا ...انا ماجربتش الحياة كلها باش نعرف شنو فيها وشنو مافيهاش .. انا ماجلتش ارض الله باش نقول صافي عمرني نلقا بحالو !... انا عطيتش لراسي فرصة نقلب اكثر باش نتأكد .. حكمت على راسي غير حيت عجبني الشكل ديالو وقلت مابحالو حد .. وتبرهت بيه وبغيتو .. وزدت تعلقت بيه فاش صادفت رجال من بعده شمايت زادو بينو ليا انه غير هوا اللي راجل مابحالو حد .. وهوا اكبر شماتة مابقاتش فالطول والعرض راه العود وطويل وعريض وماعندوش العقل .. اكبر شماتة حيت الراجل ميضحكش على بنات والناس ويقول ليهم سالينا .. ماينتاقمش بابشع الطرق .. عقلو فيه خرية وميكروب مللي فكر بهاد الطريقة البشعة .. ومع ذلك سامحته حيت كنت تحت تأثير المرض باش طلاني .. ولوو يعطيوني مال الدنيا مانرجعش ليه ومانعيش حياتي معاه ومع عقلية مريضة نرجسية كيمتص طاقتي وروحي ونفسي ويقتل فيا الشخصية شيئا فشيئا باش يتجبر ويتجبد ويترجل .. لو سمعت كلام الطبيبة ودرت بيه شحال هادي كنت غادي نبرا دغيا ومنوصلش للادمان .. فاش قالت ليا باللي هوا شخصية نرجسية وهاد الشخصية صعيب تعيشي معاها حيت اولا متسلط .. متكبر .. عندو حب الدات وقالتها ليا فدوى وماكنتش كنسمع كنت كنزيد نطيح فيه وميعجبني داكشي اللي مكيعجبش حيت انا سكيزوفرينا ونستاهل . فاش قالت ليا فدوى على علاقته مع باه ومو وباللي قاصح قلت اححح على القصوحية عند بالي طفرتو .. وشرحات ليا الطبيبة انه فيه النفيخ ومكينساش وعندو صبر يخليه ينتاقم ويعذبك ويبغي يخلي وجودو مهم فحياتك وفراقه موت و و و و وكولشي هادشي عرفتو فاش جلست مع راسي وقريت عليها عرفتو انه نرجسي والنرجسية لا علاج لها وكانو ولادي غيمرضو معاه بسبب تعامله وفاش قارنت بينو وبين با لقيت انهم كيتشابهو وحتى با نرجسي ومرضني فحياتي كيبغي يكون محور الكون وكيطلق علينا سمو بالهضرة وزايد كيطلق سمو بفعايلو. كل واحد والطرق ديالو وطباعه وكيبقاو شخصية وحدة ونتيجة وحدة فالاخير هي العقد النفسية ويقتل ليك الشخصية ويدمرك باش تبقا ديما حاني ليه الراس وتقول اه .. والى متقدرش عليك يعطيك وجه ويسايسك حتى يتجبر عليك ويحركك كما بغا وعندو عقل يخليه يخطط ومخطط محترف مكيساليش من التخطيط .. بحال با .. شفنا معاه غير الويل وكنكونو نسينا شحال من خاجة كيفكرنا فيها ويمرضنا بيها ويجبد ليا حياتي من اللي تزاديت حتى تعقدت وكرهتو والاسوء انني تعلقت بواحد بحالو وكفس منو عمرني كنت غنقدر نعطي كلمتي ولا ولادي يعطيو كلمتهم او يفهمهم ويهضر معاهم .. كلمة جوج يتهز ولا يغضب ويتنفخ بلا نقاش بلا والو والاسوء ان هاد الشخصية كيجيب ليها الله انها مزيانة مابحالها حد واللي كيدرو مايديرو حتى واحد وانهم احسن وحدين .
وصلنا للدار شفت فيها قلت ماعرفتش كيفاش ندير نتصرف مع جاد وحنا فدار وحدة ... سيووغ صبر بزاف مستحيل يزيد يصبر ومابغيتش نعاود ندير شي حاجة واخا راه انا واحد سلكوطة ماكرهتش نعيش اللحضة وعندي رغبة وعندي مشاعر ماشي مجردة من الاحاسيس .. واخا داز عليا الويل وسبق وقع ليا مشكل ندمت عليه لاكن مع ذلك باغا نعاود .. شنو ندير نعفط على رغبتي باش ندير فيها بنت الناس شريفة وعفيفة ولا نعيش اللحضة ليا وليه حتى هوا .. دخلت لبيت النعاس وجا مورايا كنحس بيه كيقرب وانا باقا بين اه ولا كنفكر.. دابا الى قلت ليه لا تقدر تجيه فشكل وكنضن بما انه عاش فبلجيكا وتزاد تما ماعندوش ديك القضية ديال تكوني شريفة ولا عفيفة المهم هوا كتبغيني كنبغيك صافي سالينا .
دخت ماعرفت ماندير .. واش كنضحك على راسي ولا علامن .. الشراب ماشي مشكل جغيمة ... ولاكن نعاس لا مشكل ... البوسان ماشي مشكل بوسة ... ولاكن النعاس لا مشكل ... التعناق ماشي مشكل... ولاكن النعاس لا مشكل! ... كفاش غادي يفهمها وكفاش غادي نتصرف حرت وكنتمنى مايطلب مني والو .. اش غيطلب واش هادي فيها نقاش واش كاين شي راجل غير هوا ومرى فدار وحدة والبرد والشتا برا وفراس العام و ضاربين جغيمات وكيبغيو بعضباتهم وينعسو مفارقين ولا مايتقاربوش .. واخا تكون هاد خيتي ثلاجة غتصبر تا تعيا وتستسلم !.
حيدت المونطو وعنقني من كرشي وعاود قالي جوتيم وباسني فكتفي .. ضرت عندو وقلت ليه جوتيم .. صافي بغيت نبوح بداكشي باش كنحس حتى انا مالي على هاد التحبسات ديال الويل صافي دوزتهم فاش كنت برهوشة والتبعكيك الخاوي ساليت منو وقررت وبحت بيها حيت حسيت براسي كنبغيه وقلبي كينبض فاش كنكون معاه وكنسا العالم كله نساني الجنس القصيف ماعندي مانتسالو .. عجباتو يسمعها وقالي وعينيه طايحين بواحد الابتسامة سي فغي!
هزيت عيني لفوق قلت ليه: امممم..
حركت ليه راسي وجرني عندو باسني دخلنا فقبلة وحيد لافيست لاحها وهزني بصبع كي الريشة فوق الناموسية وتكا عليا دخلنا فقبلات نارية وتقل عليا حسيت بضهري غيتقسم .. ناري وحتى انا اني مع واحد ملاكم بسيف مايقسم ليا ضهري .. حس بيا صافي غنموت وتهز شوية لاكن بصرااحة بواس وحيد ليا الشال اللي على عنقي كنحس بيه كيسوط وتزير وانا براسي تزيرت عساك هوا اللي راجل .. طلع ليا الكسوة بقيت بليبة وديباردور حسيت بالنفس دخلات معايا وتفوهت وحتى هوا نصل تريكو دغيا بتحتاني ديالو وتبودر عليا تلفت بقيت غير كنشوف فيه .. خطير خطير بقيت كنقول واش انا غنقد على هادا جابها من كلشي .. ملاكمة وشعر وزين وضحيكة مسريرة وكولشي بقيت كنقول صافي حصلت هنا شكون يجرني من رجلي من رجلي يخرجني من البيت حيت انا براسي ماباغاش نخرج باغا داكشي اللي باغي هوا ينعل بو الذكريات والاحزان والالام والعالم بأكمله
كنت غادية استحليتها ودبت وترخيت كان كيبان ليا غير هوا .. كنا في انسجام تام حتى لواحد اللحضة هز راسو حس بشي حاجة وشاف لتحت كان لابس واحد البوكسر ابيض وقالي .. شيماء واش فيك ليغيكل؟
استغربت وهزيت راسي شفت فالبوكسر كامل دم من القدام ودرت يدي فيا قلت ليه ليغيكل؟!!! يمكن
قصة مأخوذة من 9esa.com.. وقفة ركابيه دوك الفخاد وليمولي الكرس قاصحة فورمة يحسد عليها بقا كيشوف فراسو وقالي
واش ماحسيتيش بيها؟
قلت ليه لا ونضت بالزربة كنت باقا بليبا مارضيييتش واصلا مامولفاش نهضر انا وياه فهادشي عمرنا خصرنا حت ى الهضرة والاحترام بيناتنا .. المهم كولشي حتى لكوا فيه الاحترام وفيه قلة الحيا المحترمة بلا مانبقا نهضر بزاف مشيت بالزربة طواليط لقيتها هي وسبيتها .. بسيف ماتهبط راه الحرارة اللي فيا تهبط جبل ديال التلج . ماحملتش راسي نتحط فالموقف كرهت راسي وبقيت تما لحسن حضي شارية اللوازم ومخبياهم فواحد الجر فالحمام هما وسليبات باش نبقا نبدل الى دخلت بلا منبقا غادية جايا عريانة . شللت بما سخون وتفقصت ماحملتش اللي طرا وفنفس الوقت رجعت لوعيوقلت من الخير حيت مغنقدرس نتحكم فراسي وفيا غابة ديال الدود والكبت وغادي ندير مابغيت وفاللخر نندم اللهم مزيان هبطات قالت ليا سطوب ال**** جمعي راسك ماتبقايش تحاكي معاه باش ماتشدكش اللولة و**** وطرفت ودرت عليا بينوار دالحمام خرجت بيه لقيتو متكي لابس سروال رطب بالسيور كحل قلت صافي جمع وطوا مابقا والو .. ماهضرتش معاه مشيت للبلاكار جبدت بيجامة عبارةن تريكو قطن وسروالو كحلة باش حتى الى خرجات ماتبانش ومشيت لبستها فالحمام وخليتو مشيت جلست وسط الدار شعلت تلفازة وبقيت غيروجالسة كنتلف بيها السكات حتى خرج عندي قالي مالكي جالسة هنا بوحدك
بقيت داك الصباح كنتلوى ونين بشوية جربت كاع الحلول والو حتى دوزات السوايع ديالها وبدات تخفاف وبديت نحس بالراحة شوية والنعاس ديالها شحال حلو .. تكيت على الفوطوي كنكمد فكرشي بدي وعيني تقال وضهري ورجلي فشلانين بالوجع اللي كان شادني فيهم .. كانت الربعة ديال لعشية ناض جاد جا طي عليا قالي شوية واش باقي فيك الوجك ؟
حركت ليه راسي بزز بمعنى شوية وقالي واش نمشي نجيب ليك شي حاجة تشربيها قلت ليه بيدي لا غنعس وخلاني ومشا لحمام ونعست احلى نعسة بعد داك العذاب اللي كليت فعضامي وكرشي حتى حيت بيه كيهزني وشفت فيه قالي غنديك لداخل ودخلني حطني تما ونعست يعلم الله شحال ديال الوقت حتى فقت لقيتو حدايا معنقني من الور كيلعب فيدي وبقيت متكية كنتحرك كل شوية ديك النعسة اللخرة اللي كنبقاو نصوناعسين نص فيقين .. كنحس بيه مرة يمشي ليا لشعري مرة لرجلي مرة يدي مرة يلوح عليا يدو كتقل عليا كنلوحها مرة يخشي وجهه فعنقي حتى فقت وضرت عندو كان غير متكي وعنقتو خشيت وجهي فيه كنشمشم بحال الموحمة .. ياربي حتى انا تعطيني داك الوجع وداك تمارة كلها نصبر عليها غير نولد هادشي اللي باغا
دوزنا ديك العشية غير فالدار جاب ليا الماكلة داكشي مقلي مقرمش كليت ورجعت تكيت انا وياه ماخصني فيلم ولا مسلسل .. غير بجوج بينا ساكتين داخلين فبعض ماجانيش الملل ماحسيناش بالوقت . كانت عندنا غير 3 ايام فباغي وصافي كملنا النهار اللخر فديزني لاند كان فاتني الحال شوية مشيت نسيت الوجع والتسخسيخة .. مكنقولش لا حتى انا ماخليت فاش ركبت وفاش نزلت وشريت من تما تذكارات ودوزنا وقت زوين ومشينا شدينا الطيارة بحالنا للمغرب .. رجعت وحدة اخرى بروح جديدة ماشي كاع شيماء اللي كانت هنا من قبل .. حسيت براسي تحررت من قيودي وطلقت روحي للعنان وخرجت من السجن اللي كنت فيه .. واخا تعلقت بجاد ولاكن كنحس براسي حرة والعلاقة اللي بيناتنا كتعطيني طاقة اجابية وكنستمد منها مل ماهوا جميل وكتخليني نتنفس ونحب الحياة ونتفائل . تاصلت بالعساس جا تعرض ليا لاكن قبل منخرج من المطار حصلنا تما بالتصاور .. حتى كنا نسينا جو التصاور ورجعنا ليه مرة اخرى .. ودعتو تما ومشيت مع العساس رجعت بحالي من عطلة وسفر عمرني نساها رجعت متشبعة وفجعبتي الكثير والكثيير وكنشوف الحياة بنضرة اخرى ودرت فراسي مغنبقاش نطول فالمغرب غنبقا كل شوية نسافر ونشوف البلدان ونشوف الدنيا ومنبقاش محدودة ونعيش ونتبرع ومولاها ربي وعمرني نخلي الاحزان يأثرو عليا ولا شي حاجة تمرضني. تصاورنا كثرو انا وجاد وشدوني معاه مرة اخرى فالمطار وحنا راجعين وهاد المرة كيتصور مع الناس وشاد ليا فيدي واخا عييت نتخبا موراه وداير كاسكيط ووعليها القب وحتى انا لبست كابيتشو ودرت القب على راسي مع ذلك حصلنا ولقيت الصورة منشورة والناس كاتبين عليها . غير نقولو مبروك لجاد الهواري .. البراكة فراسنا جميعا .
هاد العناوين كيساليو معايا بالضحك واخا راني مزبلاها عارفة راسي غادي نسمع الهضرة لاكن والله مابقات كتهمني شي حاجة من غير امي .. انا وامي وبعدي الطوفان . دخلت لداري ضاحكة تعرضات ليا سعاد وتوحشت الدار تقول غبرت عام .. طلعت لبيتي جات كتجري مورايا ودور بيا ولفت ليها ديما كنجيبوليها شي حاجة عرفتها كتقلب نمد ليها وضحكاتني وهي كدور وتقولي نستف ليك لحوايج .. الصراحة لقيت الفيلا كتبرق بريق والريحة غزالة لهلا يخطيها عليا مانقدرش نجيب وحدة اخرى لداري صافي عارفيني مي دايرة عارفين شنو كاين ولفوني وولفتهم حتى انا كنعول عليهم بزاف
خليتها وسط الشنط كتخرج الحوايج ودرت واحد الحمام حيت مادوشت من الساعة اللي جاتني ليغيكل ودابا قربات تمشي .. درت حمام سخون دوشت فيه وخرجت ملوية على راسي فوطة ولابسة بينوار جلست كنوريها اللي غيتصبنو قادينا الامور وكولشي وعطيتها واحد اللبسة جبتها ليها عجبها الحال .. اما العساس كنعطيه الفلوس حيت عندو وليدات هوا عارف شنو خاصهم
جلست شحال فطموبيل كنفكر شنو نقول ليه .. اصلا ماعنديش معاه ومكنحملوش وجاي يحاسبني لحساب المزمر يدير فيها بابا وخليتو تما رجعت خرجت وعيطت لفاتن سولت فيها طارت بالفرحة فاش عيطت ليها وقلت ليها نتلاقاو لقيتها على القرص ودرت معاها فكافي وشديت الطريق كان البرد والضلام داخل .. عيطت لسعاد قلت ليها واش مزال تما قالت ليا باقي وراه دار كاسكروط وطلع لبيتك بغا يشوف وقلت ليه كتسدو بالسوارت وراني سديتو بالساروت
تبارك الله عليك اسعاد هادا باش كتعجبيني كتفهميني ... بركاك وبقشاش كيبغي يعرف كولشي وينتاقد تفووو مافايدني بوالو .. وااااالو جابني لهاد الدنيا خوا فيا سمو وخلاني .. اما حتى رزقي باش عشت راه سخرو ليا ربي ماشي كنت غنموت كن خطاني هوا زعما .. كان ربي غيسخر ليا شي حد اخر ولا كنت غنموت وهادا حدي فالدنيا . لا راضا شفتو معاه ولا حياة كي الناس زايداني سمية اب وصافي الله يطيرو لا هوا لا الابوة ديالو وكاع الاباء بحالو ومزال تابعني فحياتي . عيط ليا فتيليفون بقيت كنشوف فديك لابيل وانا سايقة وجاوبتو قلت نهضر فتيليفون حسن نبداوها عن بعد
جاوبتو قالي على السلامة ... خرجو رجليك الشواري مابقيتي لا كتشاوري ولا عندك واليدين
قلت ليه : لالالا داكشي كولو كدوب ومامنوش حتى حاجة وهاداك غير البوز كيتخلصو منو وجيت كنشبه لديك خيتي اللي تصور معاها هاداك من النص واصلا عمرو بين ليها وجهها .. وشدوني انا كنشبه فيها لسقوني معاه بالفوطوشوب باشو يطلعو البوز وراني دعيتهم غنتابعهم قضائيا ... الى ماتقتيش يالاه معايا عند المحامي راه هوا غيتكلف ليا بكولشي
المهم دخلت ليه الشكلي فالعكلي تبتو واخا موحال اقتانع .. لا كن خليت ليه الشك .. اللهم يشك ولا يقتانع ونعتارف ليه بفمي . على الاقل سكتو وبديت نبرر ليه داكشي على فهمو هوا وقالي دابا ساليتي من الدوران .. فوقاش غادي تعطيني داكشي
قلت ليه صبر عليا غير نسالي واحد السطوك راه لقيت الروينة فالخدمة ونشوف معاك
قالي: هانا غنتسنا .. ايوا عنداك عاوتاني تجيبي شي حاجة من الجنب
تبتو وتهنيت من هاد المسمار وهوا اصلا مكيتابع لا مواقع لا هم يحزانون غير ولاد الحرام كيجيو يقولو ليه ويعمروه عليا وداك خويا الله يعطيه موصيبة حتى هوا زاديني بخيرو وخميرو كيوصل ليه ويقول ليه بنتك ما بنتك زعما ماراضيش طيحت ليه وجهه فتراب وهوا اصلا وجه ماشي ديال التراب يقبل عليه غا لخرا
جلست انا وفاتن الصراحة ماكنتش ناوية نتلاقاها غير خرجات فطريقي وجبدات كتكمي قلت ليها لا مانكميش حيت انا كنحاول نحيدو مخاصنيش نجلس مع شي واحد كيكمي وطفاتو واخا مارضاتش وسولاتني على البوز اللي درنا قلت ليها اه بصح انا وجاد فعلاقة . تصدمات وقالت ليا اوييلث ونتي اصاحبتي كبيرة عليه هوا يالاه عندو 28 . قلت ليها راه دار دابا 29 مابقاتش عندو 28 وزايدون حتى هوا مزال غيوصل للاج ديالي مغيبقاش ديما صغير وماشي بوحدي اللي غنكبر عاادي .قالت ليا ماشي عادي ماجيتوش مع بعضياتكم
هزيت حاجبي ضحكاتني قلت ليها يااااكي !!! هاد الهضرة غير نتي اللي قلتيها اما داكشي اللي كنقرا عليا حاجة اخرى
قالت ليا: لالا اصاحبتيش مابلانش .. منقدرش نتقبلها انا بعدا خصو يكون على الاقل قدك ولا كبر منك
قلت ليها : احبيبة انا باقا صغيرة شفتيني مكمشة دابا ؟ ونتي شفتيه كي داير راه قدو قداش وحتى فوجهو كبير .
قلت ليها : فين كاين المشكل؟ شنو اللي كبير فيا دابا ؟ حتى الناس كولشي كيقولو عليا صغيرة وانا اصلا صغيرة واش 33 سنة كبيرة!!!! ... هادي فنضرك كبيرة ؟ يعني على هاد الحساب نتي جدة اللي عندك ربعين عام
قلت ليها : ايوا هضري عليك نتي ماشي عليا انا .. انا باقا صغيرة مابغيتش واحد راسو ابيض وشيباني .. مالي انا شيبانية ؟ اه متافقة معاك فهاد النقطة في حالة ما كنت انا مكمشة وباغا نصغار بزز والتجاعيد والترهلات وراسي ابيض وسناني ماعرفت كي دايرين .. ديك الساعة الى تزوجت واحد باقي صغير الشكل ديالو مجبد وانا بحال حناه ديك الساعة اه متافقة مليوم فالمية ونعيف اصلا ديك العلاقة ونقول ليه باز ليك .. ولاكن اختي وحدة مافيها حتى زغبة بيضا فراسها ومجبدة هاكا كدير .. وطيح مع واحد صغر منها بشي شوية فراه عااادية راه هوا le poids ديالو تقيل و فيزيكمو كبير وفيه كولشي كبير ماشي عاد غيبلغ راه انسان راشد فعقلو وشكلو انا كنبان قد ختو الصغيرة
مشيت خليته ارجعت بحالي للدار قاديت مسائلي والتقدية اللي نشري انا وسعاد وتكيت رتاحيت بلا داك الدوا اللي كنشرب دالنعاس كيبنجني وكيخليني مكلخة النهار كامل . القصة متوفرة على قصة بالدارجة.. لغد ليه صبح عليا بابا الصباح جات سعاد فيقاتني قالت ليا باك لتحت ونضت عرفتو جاي على بوصبيح يشدني هنا قبل منفلت لشي بلاصة . كنت لابسة بيجامة غسلت وجهي وسناني وجمعت شعري بباندة ونزلت لقيتو داير رجل على رجل وقالي مع النزلة زعما ماتعطي لمك وخوك يجيو يعيشو معاك هنا ما تسولي فيهم .. والو !!! عاجبك الحال عايشة بوحدك فهاد الفيلا قدهاش قداش
قلت ليه فخاطري الله ينجيني تا نجيب داك الحتروف لهما ونجيب تا نتا باش تقابلوني فين مشيت فين جيت معاش دخلت معاش خرجت وتحضيوني شكندير فالصغيرة ولكبيرة .. حجاركم يشدوكم الله يحفض منكم . سكت وجلست ودخلني نيشان هاز راسو فالسما وقالي . دابا جيني من اللخر . كاين شي مرقة منك ولا لا
قلت ليه الصراحة والو وهوا يتسيف يالاه جا يهضر قلت ليه عندي غير شي براكة قليلة حيت حطيت كاع فلوسي فواحد الشركة فهاد التسافيرة باش ندير ماركة بسميتي
قالي بواحد الصرامة وتخراج العينين كنكرهم من اعماقي قلبي عاد ميزيدو يكرهوني فيه .. كرهت حتى ملامح وجهه كنقول فخاطري الى مشا حتى شرف مغنهزوش ومغنجيبوش عندي للدار باش يعرف قيمة الابناء وانا بريئة منو هادي تربيتو وكن رباني بالطريقة الصحيحة كم راني كنموت عليه ونهزو برموش عيني .. ولاكن هوا غيحصد غير ما قدمات يديه.
قالي: ماشي دري صغير انا كضحكي عليا هنا ... قلتي ليا اه هي اه ماشي عطيت لكلمة ودابا كتلواي عليا هنايا
خلعني .. واخا نكرهو واخا كنبغي نجاوب مكنقدرش .. قلت ليه ماشي قلت ليك لا .. انا غير ماعنديش باش نشري ارض ونجهزها .. وحتى دابا ماشي مشكل غادي نهز كريدي من البنكة ونشريو الارض وغتبقا تقطع عليا
قلب وجهه لاجهة الاخرى قالي عطيني دااابا الكلمة
قلت ليه غدا غنمشي للبنكة و نشوف واش يعطيوني لكريدي وديك الساعة نشريوها
قالي: نتي ماعندك والو حتااااا ريال؟
قلت ليه : والو حتى ريال واحد خمس سنين عاد يبدا الربح يبان من هاد الماركة اللي درت وسافرت على ودها
ناض وقف وقالي ايوا غدا سيري للبنكة وردي عليا مغنبقاوش نلعبو هنا
قلت ليه واخا نشاء الله غدا نرد عليك
خرج مشا وجلست كنفكر .. ماما قالت ليا لا ثم لا وعندها الحق وحتى انا منقدرش نحط رزقي فيدو غدا ولابعدو يموت تجي مو تبغي حقها فولدها والشمكار يدير لاباس ويدي النص ونطلع القالب حتى انا .
قررت نهرب عن طريق البنكة وندير هاد الطريقة واخا طويييلة وفين ودنك هااهيا وغندير هاد اللعبة وهي اللي غتفكني واخا مافيا اللي يطلع ويهبط وماعنديش لخاطر لاكن غنتهنا من با وقررت نقول ليه ماعنديش ونتهنا باش منعطيهش ليدو .. وديك الساعة نهز كريدي غادي يعطيوه ليا حيت هاكا كندير ديما باش نشري شي حاجة بلا منلفت الانتباه وفكرت فهاد الخطة .. نبقا نشري كريدي .. سواء فيلا او طموبيل ومن بعد دوز واحد الفترة معينة نخلصها كاش على 3 ديال الدفعات وحتى ليزانتيري مكيتحسبوش فاش كنخلص دقة وحدة او على ثلاتة الدفعات وكنتهنى من الكريدي . وهاكا قررت ندير حتى مع بابا باش منحطش سميتو فدفتر تسجيل الممتلكات . غادي نهز كريدي بسميتي ديال البني وديال الارض باش تيتر ديال الملك يترهن للبنكة وماعندوش الحق يدخل معايا حيت لكريدي فسميتي وغادي نخلصو انا من غير الى كنا غنخلصو لكريدي بجوج هاديك حالة اخرى غادي نهزو الضوسي فيه سمياتنا انا وياه وناخدو بيه الملك ونرهنو التيتر . لاكن دابا بزز منو نشريها انا حيت ماعندو باش يخلص معايا طريطة ومن بعد غادي نخلص البنكة حسي مسي وناخد التيتر اللي مرهون عند البنكة مايسيقش ليا لاخبار لا خديتو ولا باقا كنخلص
صبحت الصباح فالبنكة هضرت معاهم على لكريدي عطاوه ليا ودرت كريدي ديال الارض والبني باش ميلوينيش فالبني يقول ليا دخليني معاك فاش تبغي تحفضي الملك دابا ماكاين لا كريدي لا والو فالبني . دخلت كلشي دفعة وحدة قكريدي بسميتي وطلبات مني البنكة اسم النوتير اللي غادي نتعامل معاه باش ليه غادي يدوزو الفلوس نيشان وهوا اللي غادي يخلص البايع وانا كيبقا ليا غير الضوسي فيه كولشي . . . الحاصول طلعت وهبطت كرهت هاد سير واجي وخديت الكريدي اخيرا وعيطت ليه قلت ليه راه عطاوني لكريدي فوقاش نمشيو نتكاتبو قالي داابا توتسويت وجا يجري عندي مشيت معاه فالطموبيل غادي وكيفراني على الناس وكيسوق بعصبية غير الحمق اللي يركب معاه .
وصلنا لهاد الارض كانت خارجة على كازا فالمحمدية وجات على الطريق الصراحة موقع زوين وتجي فيه قهوة ماشي حمام .. قلت ليه حمام مايتمشاش هنا ولاكن هوا عند بالو كيفهم قالي انا باغي لحمام باش ندير الفران لتحت .. بقينا كنتناقشو قالينا مولاها راه عندكم الحل .. هاهي جات شوكة ورخاها الله ديرو حمام وقهوى .. الحمام لتحت ديرو ليه الباب من ديك الجهة .. والقهوة ديرو ليها الواجهة من هاد الجهة وكبروها تجيكم لفوق ولتحت ولحمام راه مكيكونش كبير بزاف شدو غير نص الارض وصافي
كنت غنضرب مو منين خرج ليا بهاد البلان ديال القهوى الله يعطيه اللقزة قلت ليه واش مكتسكتش حنا باقين حتى ماشرينا اشريف واش حساب ليك كنلقاو الفلوس!
با لسق ليا على الفكرة قالك هي اللي غنديرو وجينا نتكاتبو عند النوتير بدا يقلب على لاكارط ناسيونال وعطاها ليه قاليه النوتير السيدة هي اللي عندها الحق بوحدها .. نتا معندكش شي نسبة مئوية باش يكون بإسمك او دخل معاها كيدخل غير اللي هاز لكريدي بسميتو ويخلصو ..
دورت وجهي وبابا رجع كحل غير كيشوف قاليه انا اللي باغي المشروع وتعصب وبقا النوتير كيشره ليه بالخوشيبات قال ليه راه الفلوس اللي دوزات البنكة ليا رهناتهم فالارض وداكشي اللي غديرو فوقها .. وكتعرف غير هاداك اللي خدا لفلوس وسميتو حيت غيخلصها .. هي مكتعطيكش الارض ولا الدار .. نتا كتشري داكشي لاكن ماكيكونش ملكك كترهنو للبنكة وهي غتقطع ليك لفلوس يعني كتعرفك غير نتا اللي غتخلص .. فهمتي .. مهم بحث فهادشي وغتفهم مزيان راه البنكة مكتعطيش فلوس لشي لواحد ماغاديش يخلصها ..ويشري ويبيع كي بغا وهي فلوسها تما . حتى باش تبيع ماعندكش الحق حيت راهن المشروع عندها ... مهم هادشي اللي كاين مكاينش هاد القضية ديال دخل شريك فشي حاجة عندها علاقة بكريدي ديال البنكة واقتطاعات الا الى كنتي حتى نتا عندك فيها نسبة غادي تخلصها وتما كيديرو سميتك اما انا غير وسيط بيني وبينكم كندير داكشي اللي كتقول ليا البنكة فبحاا هاد الحالات
قلت ليه الارباح راه ديالك انا غير سميتي لي تما مغناخد فيها حتى حاجة
ماعجبوش الحال فالاول لاكن قال اللهم العمش ولا لعما المهم عندو تما ارباح ولا يجلس بلاش كيتسنا ندير ليه شي حاجة وتكاتبنا وسالينا وخليتو يضبر راسو مع البني مغندخلش فيه .. انا اللي عليا نخلص الفواتير والريال منعطيه ليه ليديه ماشي يقول ليا راه كنبني وهوا كيشد يدير فجيبو حتى يجمعهم ويمشي يشري بقعة راسو
تهنيت من هاد المشكل ومشيت نشوف حياتي .. تاصلت بالطبيبة درت معاها حيت قالت ليا فاش ترجعي من السفر اجي عندي واسبوع وانا هنا متشفتهاش وحتى جاد ماتلاقيتوش .. كنهضرو فتيليفون بالليل وقالي عندو كومبة غيلعب فهلندا .. سولتو واش شي حاجة مهمة قالي لا ودية مافيها زعما لا فلوس لا والو غير هوا كيبغي يلعب وحتى اللي غيلعب معاه لاعب كبير وقبل .. بالنسبة ليه البوكس ماشي غير باش يربح الفلوس وصافي ولاكن باش يلعب مع الكبار راه شرف كبير ومتعة حقيقية فيها وشحال وهوا كيطمح لهاد النيفو اللي يخرج فيه من الاولامبيات ويتحسب من اكبر اللاعبين اللي كان كيشوف ويتمنى شي نهار يلعب معاهم . قلت ليه غتمشي حتى لهلندا قالي غنمشي..راه الكومبة غدوز فتلفازة تفرجي والى بغيتي تمشي يالاه قلت ليه لا منقدرش عندي بزاف ديال الشغال وقالي غنجلس عشر ايام وصافي . خليتو كيتريني كيوجد لهاد المقابلة الودية اللي من خلالها الى ربح هاد اللاعب المشهور غيكون فز عضيم اكثر ومن الفوز بالمال واخا راه خسر عليا عرام ديال لفلوس فديك التسافيرة .. كاع داكشي دا فالاولامبيات طرقو عليا واقيلا .
وصلت عند الطبيبة قابلتها وجلست كنهضر معاها حكيت ليها كولشي اهم حاجة حبي الجديد وفرحات ليا لاكن قالت ليا حبي .. ولاكن بالعقل . قلت ليها على علاقتي بجاد كيفاش دايرة وعجبها الحال قالت ليا علاقة زوينة .. فيها طاقة اجابية .. اما اللولة فيها طاقة سلبية وسامة كنتي غادي تبقاي حياتك كلها مرهونة ومعدبة .. مرة هاهوا معاك ولد الناس مرة هاهوا مجرجرك وغضبان عليك بالشهور كاع .. الى ماحزرتيش مايحزرش والى مادرتيش السبب مايهضرش معاك كما كنتي من قبل .. دوزتي نص العلاقة فالخصام لمدة طويلة .. تصالحو سيمانة تخاصمو ست اشهر ولا عام حتى تلاقيكم الصدف !.. وحتى واحد فيكم مكيتنازل او يعلم الطرف الاخر يتنازل وعند بالكم كتعيشو الحب فداكشي ونتوما غير كتكرفصو على راسكم .. من الاسن تفارقتيو حيت متصلاحوش لبعضكم .. لاكن ردي البال راه جاد حتى هوا غتلقاي فيه جامب قبيح ولا صعيب .. حسني التصرف حيت الملاكمين اغلبهم كيكونو كالم حيت كيفرغو الغضب والستريس فالملاكمة وكيرتاحو .. وحتى الرياضة كتعلمهم الصبر وطول البال .. هادا مكيعنيش انكي مغاديش تصدمي شي نهار .. لهادا ديري فبالك انه كل انسان فيه الخايب والزوين باش مترجعيش تكتآبي من جديد .. والحمد لله دابا الحالة ديالك تحسنات على من قبل ورجعتي مهندة .. غير قطعي الدوا ديال الليل متبقايش تاخديه مدام كتقدري تنعسي مرتاحة .. لاكن المهدئات لخرى ماتقطعيهاش حيت مزال مانحسنتي ميةةفالمية وهاد السفر كان لصاحلك وجاب نتيجة وكنتمى تردي البال وديري فراسك جميع التوقعات باش متصدميش وتدوهور الحالة النفسيةديالك
اقتنعت بكلام الطبيبة وزدت علمتها ان الفقيه اللي ضربت باقي حي ولاكن رجليه تقطعو وقلت ليها باللي ندمت وكدا وفشيت قلبي عندها وتفهماتني .. لاكن خدمتها كطبيبة كتسمع وتسكت مكدخلش لا قانونيا لا دينيا اللي عليها تعالج المريض وتتستر على اسراره .. وفاش سولتها على هاد النقطة قلت ليها كنت خايفة تبلغي عليا قالت ليا الشرطة فاش كتجي تحقق مكنعطيوهاش الضوسي ديال المريض ديالنا .. وكن كنا كنبلغو على جرائم المرضى حيت هما مرضى كاين اللي كيجي يتعالج بسبب جريمة ارتكبها .. لو كنا كنبلغو عليهم .. حتى واحد ميجي يتيق فينا او يتعالج عندنا ..حنا هنا كنسمعو ليه بحال نفسك .. كأنك كتعاودي لنفسك وانا هنا نعالجك ماشي نحاسبك .. وجرائم كثيرة عندي هنا ارتاكبوها المرضى ومحفوضة فالحفض والصون حتى واحد ماغادي يعرفها ما دمت فالحياة .
رتاحيت كليا فهاد النقطة لاكن بقات عندي نقطة مهمة غير بيني وبين نفسي وكنقول يعلم الله الناس شنو كور فراسهم وبينهم وبين نفسهم مادام انا سكيزوفرينا نقدر نبغي شي حاجة دابا وفنفس الوقت نلوحها..
قلت ليها عندي موضوع من ناحية الجنسية.. واش انا طبيعية ولالا
قالت ليا: عادي داكشي الجنسي خوا اكثر حاجة مكتفمش وصعيب تشخص وكينوضو عليها مشاكيل كثيرة
حشمت نهضر لاكن فعلا كنحس براسي ماشي هي هاديك وزاد اكثر عندي هادشي وقلت ليها
سكت حشمت نكمل وقالت ليا وهي كتكتب : تم النشر على قصص مدرب.. شنو هوا داكشي اللي فيك قولي لي باش كتحسي
قلت ليها ماعرفتش كفاش نشرح ليك ... عييت بغيت ندير داكشي وليت الى شفت شي غير شي لقطة حميمية كيبدا قلبي يجري ويضرب ومكنقدرش نصبر ... كنسخن
قالت ليا : واش فييغج ؟
قلت ليها : اه ولاكن عندي رغبة .. خصوصا مع جاد كتجيني البكية كنبغي نبكي باغا نخرج داكشي فيا .. واش انا سخونة بزااف مكنقدرش نصبر ولا شنو
قالت ليا شنو اللي منعك ماديري حتى حاجة مع جاد ؟
قلت ليها حتى حاجة مامنعاتني .. المشكل هوا انني فاش كنكون عادية بوحدي كنقول لا وماخصنيش و حرام و كنولي بحال استادة فالعفة والتربية .. وفاش كنكون مع جاد غير جالسة حداه كتجيني الحالة كنسا الدروس اللي عطيت راسي ومكنقدرشش نصبر والله مكنقدر كنبغي نبكي وخايفة نتفضح فشي حركة ومكنتمالكش نفسي .. ماعرفتش واش غير انا اللي هاكا ولا هادا مرض ولاشنو
قالت ليا غديري ليا واحد التحليلات نشوف ليزوغمون ديالك كي دايرين .. باش نقدر نشخص هادشي .. لاكن ماشي كلشي الناس كتوصل بيهم لهاد الدرجة .. اما بالنسبة لدروس اللي كتعطي لراسك ومن بعد كديري عكسهم فهاديك عادية طبيعة البشر هاكا دايرا .. يقول ليك ماديرش ويمشي هوا يدير .. يقولك حاجة ويطبق حاجة .. حنا ماشي بشر آليين مبرمجين على حاجة وحدة .. كلنا فينا تناقوضات وهاد السكيزوفرينا اللي كتقولي فيك كاينة فكلشي غير هي مفرقة باشكال مختالفة فعادية هاد المسألة .
خرجت من عند الطبيبة كان عندي الوقت باش نمشي ندير هاد التحاليل ومشيت لابوراطوار فطريقي قلت غير نسول فين نقدر نديرهم حيت معارفتش كفاش يديروهم . دخلت كنت لابسة جاكيك دودون بيضاء وطاقية غوز ديال الصوف فيها واحد الضوارة ديال صوف لفوق كبيرة و دجينز وسبرديلة وشال على عنقي .. وقفت غير سولت كان خاوي والكالم قالت ليا هنا كنديروهم تفضلي .. جلست شوية وعيطات ليا دخلت جلست فوق واحد البياص وخدات ليا الدم سولتها واش من الدم كيديرو هاد تحليلة قالت ليا الدم والبول ، وفاش عطيت الدم سولاتني واش بلت هاد الصباح قلت ليها لا مزال وقالت ليا خاصنا البولة ديالك ودخلت لطواليط درتها وعطيتها ليها فواحد الكاس صغير بلاستيك كيتسد من بعد ماسولاتني واش فيا ليغيكل قلت ليها مشات عليا غير شي ثلات ايام قالت ليا مزيان هادا وقت مناسب لتحليلة ليزوغمون . سولتها واش غيتعطلو يوجدو قالت ليا 3 ساعات ونرجع ليهم ومشيت خرجت لواحد كافي فطرت ومشيت للبارا حتى وصل الوقت وتاصلو بيا مشيت خديت تحاليل ديالي مافهمت فيهم والو وقالو لي غادي تشرحهم ليك الطبيبة ديالك ومشيت بحالي كان مشا الحال والليل بدا يطيح قلت حتى للصباح ونمشي نديهم للطبيبة . فديك الاثناء تاصل بيا جاد قالي غندوز نشوفك قلت ليه حتى انا توحشتك بغيت نشوفك وقالي يالاه انا جاي
جا عندي حدا باب الفيلا كنت يالاه غنزل ندخل الضوسي وهي توقف قدامي طموبيلتو خلعني وقالي طلعي وطلعت عنقتو كان لابسوسورفيت وعاد سالا التداريب .. قلت ليه توحشتك قالي حتى انا وبقا كيسول على احوالي، شاف الملف فيدي قالي فين كنتي قلت ليه والو غير تحاليل ديال ليزوغمون عندي مخربقين وصافي
قالي واش مريضة ولا شي حاجة قلت ليه لا غير تخربقو الهرمونات ومشينا ضرب بيا الضورة فلامبركيني كتعجبني الركبة فيها وقلت ليه كنرتاح فطموبيلتك كتحمقني قالي اجي تسوقي بلاصتي ونضت تبادلنا .. خفت فالاول مازعمتش حيت كدير واحد الصوت رهيب وحتى ليزوبسيون اللي فيها جداد عليا والفران والكسيراتور جاو عالين وداخلين فواحد اللعيبة لتحت جيت بحال الى ناعسة وغارقة لاكن الجلسة مريحة بزاف وخفت نسوقها .. بديت فالاول بشوية وراني كفاش نتحرك حتى بديت نفهم الفران ديالها والكسيراتور عاد ولفت وسقتها .. الصراحة واعرة شي حاجة خطيرة عليها غالية .. هي والفيراري وحتى سقفها كيتعرا .. خطيرة بمعنى الكلمة ضربت بيها ضورة فعين الدياب وهوا حدايا وقلت ليه صافي اجي رجع لطموبيلتك راه واخا كنعرف نسوق راه ماشي متمكنة باش نسوق لمبرغيني ورجع جلس قلع بيها حيت مولفها وداني تعشيت انا وياه فواحد الاوتيل ماكنتش كاع عوالة عليه .. عاوتاني التصاور والبنات .. جات وحدة تصور عنقاتو من كتفو وكتمايل عليه زعما راه كنبغيوك وهوا يهبط ليها يدها بشوية قاليها الى سمحتي . ومع ذلك مابغاتش تحشم بقيت غير كنشوف وانا حداهم حتى سالاو وجا جلس حدايا عنقني وانا مربعة يدي وقالبة وجههي قالي ماتديش على بحال هادو ... راك عارفة بنادم واخا تعيا تهرب كيترما عليك . حركت راسي بالايجاب حسيت بالغيرة واخا جاملهم بديك الابتسامة لاكن مابغاتش دوز ليا . سكت حتى هوا ماهضرش رجع كينخزني باش نضحك ساعا والو بقيت هاكاك حتى بردت عاد ضحكت وتعشينا وخرجنا وفالخرجة عاوتاني نفس الشيء لاكن هاد المرة جرني حداه بقا معنقني بيدو وعجبني الحال كنضحك ورجعو الناس كيتصورو معايا انا وياه من جيهتي وجيهتو ورتاحيت واخل داك البغل دخويا عاوتاني غيوصلوها ليه يمشي عند باه يوريها ليه ولا شي جارنا المهم غادي توصل. لاكن عارفة كفاش نصدرو مكاين غا فوطوشوب فوطوجينيك ولا نقول ليه راه تلاقيتو وتصورت معاه وصافي مهم تصديرتو واجدة عندي وميقدر يديروليا والو ويقدر عارف وميك عليا قال خليها راه بوكسور حتى الى مشات معاه ولا جات معاه راه كبيرة تحمل مسؤوليتها .
طلعت حدا جاد مزال يالاه شادين الطريق وانا نتعصب قلت ليه وايلاه وابدا شنو غدير مع هاد الناس هادو راه بزاف هادشي حاضيينا والمشكلة هادشي ديال ليكوبل كيبغيوه الناس خاص غير مايشوفو!
عقد حجبانو قالي مالكي اري نشوف وريتو واحد الصورة فيها ثلاتة ديال التصاور ديالنا .. وحدة وهوا بوحدو كيتصور وديك خيتي كتعلق فيه .. ووحدة وانا جالسة حداه فالطبلة مربعة يدي وقالبة وجهي وهوا كيعنق ويحزر فيا . والثالتة فيها وحدة عاجبني الحال ومعنقني والناس حدانا كيتصورو وكتبات عليها وحدة . الرررررعد .
شافها بدا كيضحك وكبرها حقق فيهم مزيان وقالي هاد المغاربة بزااف ..
قلت ليه عيقو مكيخليو حتى واحد فخاطرو
قالي وهوا مكبر الصورة اللي قالبة فيها وجهي جيت كنخري بالضحك باااينة فيها منفخة وفمي عوج من واحد الجهة قالي صرعوك فهادي حطو ليك الضوسي كامل فصورة
بقيت كنشوف طالعة نازلة مكاين غا صاحبتو حبيبتو فلان وصاحبتو فلان وحبيبتو وكيهندسو فيا وحدة قالت ليهم شارفة عليهم ! ايوا باااز بغاو يدخلو ليا الشك فراسي وانا جيت حداه بحال الفلوس وجهي كيبان ديال سطاش لعام ! . قاليها واحد هوا داكشي اللي باغي البرهوشة بغاها كبيرة عليه وطحن مكم كاملين باش ماتبقاوش تعياقو علينا بالصغر ...
المهم المعاطية كتنوض كنبقا غير نشوف .. سهيت وتنهدت قلت ليه وانا كنشوف فيتيلفوني . جاد .. واش عادي تقرا كيتكبو عليا كبيرة عليه .. ماجاتش معاه خاصو وحدة صغيرة؟
دور وجهه دار واحد الضحكة وصبعانو على ميفو بين حجبانو حتى استهزأ وقالي وشكون اللي جات معايا؟مولات هاد العقلية مثلا؟
قلت ليه غير سولتك ؟
قالي: اري داك تيليفون نوريك
شدو ووقف فجنب الطريق مسح كاع لبياج اللي عندي ماخلا حتى وحدة بقا كيمسح عييت بلاصتو وهوا ماعياش حتى حيدهم كلهم وقالي هادشي اللي كيطلع ليك مكيطلعش ليا حيت مامتابعهمش .. والى طلع كندوز عليه .. مغاديش يعرفو حسن مني ونساي هاد تخربيق كيدير المشاكيل
قلت ليه : لالا ماغاديش يدير ليا مشاكيل مكنديش عليهم
قالي: صافي هاد الموضوع ميتعاودش يتجبد مرة اخرى .. غنسدوه هنا .. وفمرة ... اوكي؟
زير ليا على يدي اللي شاف فيها وحركت ليه راسي وجرني عندو عنقني باسني وقالي: جوتيم .. وباسني واحد البوسة عبر بيها باللي كيبغيني ومرتاح معايا وباللي انا احسن من الف وحدة صغر منو .
انا براسي عمرني فكرت شي نهار غنبغي شي واحد صغر مني .. وحتى هوا قالي منبعد القبلة واش نهار عرفتك كنت عارف شحال فعمرك؟ ... ولا نتي عارفة؟
قلت ليه لا: قالي اول مرة شفتك قلت هادي عندها شي ربعة وعشرين عام ولا شيو حاجة بحال هاكا
ضحكت وقلت ليه حتى انا داكشي اللي طرا قلت مع راسي غتكون عندك ديك سنة وثلاتين .. مع نتا تبارك الله ههه ... بلا منقول
بدا كيضحك وقالي عرفتي واحد الحاجة ... يمكن اللاج ديالك عندو دور كبير خلاني نبغيك ... فاش قلتي ليا شحال فعمري تصدمت ..
قاطعتو بضحكة باهتة قلت ليه : تصدمتي؟ !
نزل ليا على حنكي بضربة خفيفة كيضحك بيها وقالي: بقاي تسكتي حتى نكمل . ماتصدمش كما كيحساب ليك ... بغيت نقول كانت سوربرايز هه فمهتي .. وااعرة تكوني فثلاتينات وبحال هاكا كن قلتي ليا شي كدا وعشرين كانت غتجي عادية .. ولاكن 33 شي حاجة فشكل
دورت راسي وقلت ليه: اممم فشكل .. كثر من خمسمية حكاية على قصة بالدارجة غير قول قول ..قولو ليا داكشي اللي عندك مغاديش نتقلق
هز حاجبو كيشوف فيها وضحك من عينيه على طريقتي فالهصرة وجمع قبطة يدو وقالي عرفتي شنو .. غنعطيك واحد السبيسيال غيطلعك لستين عام الى بقيتي على هاد الهضرة
ضحكت وقلت ليه وريني هاد السبيسال ديالك كي داير
تكا بلاصتو وقالي : شي نهار غتعرفيه كي داير
دورناها ضحك ولاموغ حتى عييت وردني بحالي للدار دخلت هازة الملف وطلعت نعست وفالصباح سبقت من الطبيبة مشيت عطيتها الملف ديالي وجلست جنت لابسة جلابة سخونة مخزاينة كحلة ووليبة موس من لتحت وليبوط الطالون ودرت على عنقي شال تحت القب دافي فلكرونة كحل وطلقت شعري كنت كنبان بعقلي وكيجيو معايا الجلالب ولاكن مكنلبسهم بزاف ماعنديش معاهم .. غير هاد المرة قلت نبدل ونلبس شي حاجة موريحة .. جلست قدام الطبيبة سولاتني منين خديت الجلابة وقالت زوينة جات معاك ..وعطيتها العنوان منين خديتها وبديت كنتسنا على احر من الجمر تقول ليا شنو كاين .. بقيت كنحاول نقرا ملامح وجهها وتعابيرهم لاكن كانت هادئة وقالت ليا
- الوغ .. الهرمونات عندك مزيانين .. عندك هرمون الاستروجين عاالي بززاااف على العادي .. وحتى هرومون البروجستيرون حتى عااالي على غير المعتاد ...قاطعتها وقلت ليها : شنو هما هاد الهرمونات اللي قلتي مافهمتش؟
قالت : هادو هرمونات انثوية .. وحتى السن ديالك ساهم فزيادة ارتفاع هاد الهرمونات .. كاين نساء كتوصل عندهم نسبة معدل الارتفاع تماما بحال اللي عندك
ضحكات وقالت ليا : بلعكس .. هما مزيانين للمرأة سواء فالعشرينات او الثلاتينا وقد ما علات مسبة ارتفاعهم كيكون مزيان من ناحية الصحية .. هرمون الاستروجين كيزيد عند المراة فاش كتبلغ سن الثلاتين وهادشي عادي .. لاكن كاين حالات بحالك وقليلة اللي كيرتافع عندهم بهاد الشكل القوي وهوا واللي خلاك تكوني بحال هاكا .. زوينة وكتباني اكثر شباب عكس البعض وكيزيد جمال المراة .. وهاد الهرمون هادا هوا المسؤول على تشكيل جسد المرأة سواء فالعشرينات او فاي سن .. لاكن نهضرو على الحالة ديالك .. ارتافع بدرجة كبيرة وخلا الخصائص الجنسية الثانوية ديالك تبان بشكل قوي وحسيتي بتأثير الرغبة الجنسية.. وكيحفز نمو بطانة الرحم اكثر من المعتاد من بعد الدروة الشهرية وكيزيد فحجم الرحم وكذلك زيادة فرطوبة المهبل وسمك الجذار دياله وكيقلل حتى من هشاشة العضام وغالبا كيساهم فتأنيث الجنين نضرا لارتفاع النسبة دياله .. يعني من الناحية الصحية فهوا مفيد جدا ليك و مغاديش تعاني خلال العلاقة الجنسية من الجفاف حيت عندو دور فترطيب المهبل ولا الضغط على الثدي فهاد المشاكيل هانتي مهنية منهم لاكن هاد الزيادة فهرمون الانثوي عندك بزاف كتخليك نتي تكون عندك رغبة جنسية جياشة جياشة لان جميع الاعضاء ديالك كطلب منك هادشي
ضحكات وقالت ليا: كاين .. ولاكن ترضاي تقتلي الهرمونات الانثوية عندك غير حيت عالية ومقادراش تصبري .. كوني اكيدة الى شربتي هاد المهدئات غتبدلي حتى الرغبة بأنك تتزيني مغتبقاش عندك ... هاد الاهرمونان الانثويةة راه عندها دور مهم كيشربو عليها النسا الدوا باش تطلع عندهم .. وهما اللي كيلعبو ليك على النفسية وعلى الرغبات ديالك وكيخليوك نتي تتقادي وتتزيني وتشوفي راسك زوينة وتقلبي على شكون يمدحك ويشكرك ويعجبك الحال وحركاتك يكونو انثوية وتكرهي الزغب فراسك وتكرهي اي حاجة كتخيبك وتميلي لمواد التجميل والتنضيف بشكل كثير .. مثلا جيتي ليوم لابسة جلابة .. عمرك جيتي بيها اول مرة نشوفك .. نتي جاتك عادي لاكن انا كنشوفو هرمون الانوثة خلاك تختاريها عوض دجين وتلبسيها وتحسي براسك انثى وترتاحي فيها . واخا نتي مافكرتيش فهادشي وقلتي مجرد اختيار .. لاكن داك الاختيار او الاختيارات ديالك ناتجة على الهرمونات ديالك فمنصحكش تاخدي شي دوا ولا شي حاجة .. تزوجي علاش مابغيتيش تزوجي .. راه هاد ارتفاع الهرمونات عندك هما اللي كيخليوك تفكري تولدي وتكون عندك كريشة ويكون عندك بيبي .. من قبل ماكنتيش كتفكري فهادشي . لاكن دابا تبدل الوضع وليتي كطلبي شي حوايج عندها علاقة وطيدة بالانوثة بلا متحسي
حكات ليا على الضبرة .. وقلت ليها واش انا كرهت .. انا غنطرطق صافي مابقيتش باغا العزوبة ماعندي مندير بيها بغيت نعيش صافي عييت عقلي ولا فيه غير هادشي كنبدا نتخيل فيه ...
قالت ليا : غير الوسواس اما ريحتك فنة مشاء الله ماتفكريش فهادشي .. المهم انا نصحتك .. ماتقتليش هاد الهرمونات راه من واحد الناحية مزيانين ليك وتقدري تحملي بسرعة لاكن غادي مخرجهم ليك وفكري مزيام قبل ماتاخدي شي قرار
عطاتني الورقة ديالي وخرجت بحالي طالع ليا الدم من هاد التغييرات اللي كنعيش فراسي ودزت خديت الدوا درتو فالطموبيل ومشيت راجعة فحالي دزت للخدمة جلست شوية تلفت الوقت مع الناس حتى للتسعود وخرجت طلعت فطموبيلتي يالاه جلست تحل الباب اللي حدايا وطلع جاد جلس خلعني درت يدي على قلبي شفت فيه وشهقت قالي بشوية عليك
قلت ليه خلعتيني ماقلتيش ليا غتجي
قالي ضاروري نقول ليك غنجي ؟
جرني سلمت عليه وطلعني وهبطي قالي
- ايييااااه الجلالب
بديت كنضحك حشمت كنتسناه يقول ليا جيتي زوينة واخا عمرني قلت ليه جيتي زوين وكنقولها غير فخاطري .. وخصوصا فاش كيلبس كابيتشو ويدير القب على راسو كيتخبا كيخبي وجهه ولا فاش كيهبط الكاسكيطة كيجي واعر .. اما دابا طلع حدايا بالقب سكت ليا القلب حسابني شفار خلعني .
قلت ليه والو غير فيتامين مافيه والو ومخبياه جهة جنبي وهوا كيجر وانا كنجر قطعنا ديك الميكة تشتت حدا رجلي حنيت نهز لقراعي بداو يطيحو من يدي وغفلني حيد ليا جوج ورخيت للخرين طرت عليه جرينو من القب قلت ليه والله مانشوق ارا داكشي وخوا قالب وجهه لاجهة لاخرى قالي والله تا غا نشوف شنو هادي الله جالسة كتخبي وخبيتيه حتى ديك المرة فلاوتيل دابا مغنعطيهش ليك تا نشوفو ديالاش
حلفت لاشافو نضت بالزربة مابغيتوش يعرف هادشي ولو على جثتي هزيت الجلابة طلعت على الكوسان كنجرو من اللور وهوا ولد لحرام شادو مصغير عينيه كيشوف بالزربة ماقدرتش عليه نجرو داير بحال الحجرة وحطيت يدي على عينيه قلت ليه والله لاشتيه ارا داكشي
هرب وجهه قالي: وابربي ماتشديه اشمياء تا نشوف شناهوا وعلاش دايرا عليه هاد البلبالة كاملة
شديتو من عينيه بجوج سديتهم ليهم جريتو اللور وهوا كيهرب راسو وحل الباب فلت ليا وخرج وانا نصهد تعصبت ديال بصح .. الا هادي لا يعرفني كنشرب دوا الثملة راه خايبة بزاااف فحقي مانرضاهاش راسي . جلست بلاصتي كنفه ونسوط بغيت نبكي بالفقصة والشوهة وهوا برا واقف كيشوف فيه ويقلب فيه ويقرا ساعا حصل حصلة ديال لكلاب عرفوه الناس وتكجكجو عليه على التصاور وخرجت نعتق الموقف وقفت وراه كنجرو حسي مسي يعطيني داكشي لاكن خشاه فجيب السروال وخليتو عقلو معايا ماشيومع التصاور دغيا كيدور يتصور ويقلب وجهه عندي . خشيت يدي فجيبو عاق بيا وحط يدو على جيبو شد ليا يدي وماحليتو ليا ولا للتصاور وخديت ليه الدوا ورجعت للطموبيل بالزربة جلست وهوا جاي عندي وكيتصور بزز باش تفك وطلع سد الباب لاكن انتابهو لينا الناس شافوه حدايا .. جمعت داكشي بالزربة وجلس شتو كيضحك بوحدو لاكن تمرت عليه قلت ليه اخر مرة دير معايا هاكا .. انا مابغيتكش تاخد الدوا هادشي خصوصيات
هز راسو قالي: اهاه خصوصيات
قلت ليه : اه خصوصيات مكيعجبنيش بحال هاكا .. عصبتيني واحق الله اجاد كنت بخاطري
جرني عنقني كيضحك قالي وصافي ماشفت والو ..
كان راسي تحت يدو هزيتز قلت ليه اخر مرة دير معايا هاكا وهويا يجرني بعنف .. ماشي شي عوونف عنييف على قد استطاعتي وهبطي ليا راسي تحت باطو وقالي متمر عليا وصافي هداي براكة من الهضرة ..
حيد يدو وقاب وجهه علر فمو ابتسامة فشكل وكيلعب بلسانو على برا ..بقا مدور شوية عاد ضار عندي قالي الى ماقدرتيش تسوقي نوضي من تما نسوق انا .. حبست فالطريق قلت اجي احسن خليني نجلس حيت فعلا توثر و جع بلاصتي كيسوق هوا وانا حداه ماعاودش حط عليا يدو ..مشينا لواحد لكلوب كبير ديال المساج كان خاوي فديك الوقيتة قالي هنا كنتريني .. لفوق
قلت ليه : بوحدك ؟
قالي: بوحدي
دخلت انا وياه لواحد الشومبر عادية لقينا فيها واحد من هادوك اللي كانو مشاو معاه لدبي فالاولامبيات وكيهضر هوا وياه عادي بعفوية .. جلست وكان قدامي واحد البياص وحتى الشومبر تقول ماشي ديال المساج عادية .
حيد كولشي بقا غير بشورط قصير كحل بحال ديال السباحة
وطلع جلس طلق رجليه وانا دايرة رجل على رجل حداه وكيهضر هوا اللي معاه. جاب واحد بومادة فحال فازلين دهنها ليه بين فخادو وسرحها مزيان وبدا كيجبد فاللحم بالزربة ويدفع فيه ..
رجع السيد سكتنا وكمل على الفخاد موقف يديه وكيضربهم مزيان ويدير بونية ويبدا يدفع بحال الى كيرخي العضلة ولا ماعرفت كيطلقها .. سالا من دوك العضلات مشا ليمولي وتقلب جاد على كرشو هبد راسي بين يديه ولاخر كيدير نفس الحركات بقوة .. لاحضتو كيخدم ليه على العضلات وصافي حتى سالتهم عاد طلق ليه رجليه كاملين بالمساج .. كان داك السيد محترف وكيتقن داك النوع من المساج .. طلع للضهر والرقبة عاوتاني نفس الشيء خدم على العضلات فالاول مزيان والرقية وعاد طلق ليه عضامو وكيهز الكتف بزز كيردو اللور وجاد تبارك وازن وكتافو عراض كيتقاتل معاهم السيد ويرضهم اللور .. واحد اللحضة دخل خوه يعاونو شاف فيا بنص عين قالي السلام وطلع حط ركبتو على وسط ضهر جاد وجبهتو فوق البياص وجرو ليه يديه اللور بجوج رجع ضهرو حمر وكيبري بديك البومادة وعاود طواو ليه رجليه اللور وناض تقلب على ضهرو شاف فالسقف وقالي شيماء .. مالكي سكتي
جاتني الضحكة حشمت مالقيت منقول وهزيت تيليفون بديت كنصورو بغيت يبقاو عندي نشوفهم مرة مرة . خدمو ليه على صدرو بنفس الطريقة وكتافو ويديه تعاونو بجوج كل واحد من جهة ونزلو لرجليه عاوتاني حتى سالتو وبدا يطويو ليه ركبتو ويهزو ليه رجلو وحدة وحدة حتى كتوصل لجبتهو وسالاو خرجو وناض جلس مسخسخ قلب عنقو طرطقو من جوج جوايح وطلق يديه قدامو حتى سمعتهم طرطقو وحل عينيه فيا قالي وا فين مشيتي
فيين غنمشي يا خويا كدير ليا التعذيب النفسي كتر ما انا معدبة وبين العقلانية والحمقانية.. مانلومكش نتا كتقول تجيبني نشارك معاك الانشطة ديالك ولاكن انا راه كتنشط فيها الانشطة اللي خاصها متنشطش وبلا متعرف . مشاكيل والله حتى مشاكيل ماعرفتش اش غندير .. كنشوف شي عيالات مزوجين وبرجالهم وكيقلبو على واحد اخر وكتلقاها ماخصها خير .. اييه عرفناهم الهرمونات ولاكن ماشي عذر عاى الاقل هاديك براجلها اما انا مالقيت لا راجل لا نص ومابغيتش ومابغيتش نتخلص من البكرة حيت عندي رهبة منها وواليدينا كبرونا على اساس نبقاو محافضين عليها حتى نتزوجو وواخا عندي الحرية التامة مايحسابني حتى واحد لاكن انا مقادراش كنقدسها وكبرت على تقديسها واخا نعس سطحي واخا نبوس واخا ندير اللي درت لاكن منقدرش نتجرأ ونفضها ..مجرد التفكير كتجيني الخلعة .. ماشي حتى قضية حرام ولا حلال حيت اصلا ماكبرتش فوسط يقولي لا حرااام تفضيها . كنت حياتي كلها ودوك الكلمات كتداول فراسي دائما ديال لااا .. غتشوهينا ... غتفضحينا ... الراجل يسمح فيك من نهارك ... لا خاص يلقاك بنت .. تبارك الله فلان خرجات الصباح .. فلانة خرجات العشا .. عنداك شي واحد يضحك عليك .. عنداك تمشي ديري شي حاجة .. واش باقا بنت .. واش مابقاش بنت .. حتى البوسان عمرهم ذكروه ولا شي نعسة سطحية ماكنتش كاع كنعرف كي دايرة .. كنعرف حاجة واحد نبقا بنت واخا نتقب كاع الجوايه نخلي البكرة لبوركابي باش يجي يلقاها ويهز خنافرو فالسما ويحلها يدشنها زعما مدشن ليا مروكو مول !. اودي شي عادات وتخربيق كبرت عليهم زادو اثرو عليا خلاوني نتسكيزوفرينا .. عمر شي واحد قالي عنداك فلان يبوسك .. عنداك فلان يخورك .. كنسمع غير عنداك يدي ليك لعزيزة كيسميوها عندنا حنا .. باقا نعقل جدة اللي فيها حزيقة ديال الضو كانت تقول ليا شوفي ابنتي .. هاديك راه دايرة بحال اللحمة عطاها ليك الله امانة حافضي عليها حتى نهار تزوجي ويجي راجلك يلقا مزالة بيها ويحتارمك ويقدرك ويديرك فوق راسك . الله يرحمك اجدة كنتي نية .. اشمن احترام ولا تقدير داكشي كيكون غير فالسمانة اللولة من بعد ميعقلش عليك واخا تكون عندك تما رخامة . كبرت على هاد المعتقدات الزبلاوية ديالهم عندهم البكرة هي كولشي المهم ماتقبيهاش واخا تموتي وبقاي نتي كتسناي حياتك كلها واحد يجي من شي قرينة دايز على شحال من وحدة فطريقو شبعان كوا ومبرع ونتي مسكينة كي الحمقة جالسة محافضة ليه على البكرة ديالو باش يجي يلقاك بنت وتكبري ليه فعينو !.. فاش كبرت وشفت وعشت شحال دعيت فكاع هادوك اللي مجدو ليا الراجل ..بلاصة ما يقولك حرام وحرام حتى يقيسك شي راجل هما لا قالك خبيها لبو شوال حتى يجي .. والى ماجاش هاد بوشوال هانتي محرومة طول حياتك . كانو يهضرو بحال الى زعما انا ماعندي رغبة ما كنتسنى حنى انا فشي ليلة مطرحة نعيش فيها لاموغ كتر كاع من شي قموم .. كيهضرو بحال الى انا شي ماكينة خصو يبقاها بميكتها يستعملها ماعندها مشاعر. من بعد فاش بديت نعرف وحليت عيني وقرينا شوية من هنا وتعلمنا شوية من هنا عاد بدينا نخرجو من ديك الضلومات ونعرفو ونفهمو شحال من حاجة .. لاكن مع ذلك تأثير الاجداد والاقارب والمحيط فين ترعرعت أثر عليا .. كنعرف الحلال من لحرام وكندير اللي فراسي ونقول ياربي تسمح ليا بحال هاداك اللي كيعركها شراب حتى يتكرع ويقول استغفر الله .. لاكن ديك الرهبة ديال نبقا بنت حتى نتزوج ويشوفها الراجل شدات فيا اكثر من انها حرام تفض .. شي مرات كنلعن طريقة تفكيري .. لاكن فاش كنشوف المجتمع فين عايشة اكفس مني ومسلمين غير بالسميةة كنحمد الله على راسي على الاقل عندي ضمير كيعدبني واخا كنديرها يغرق فيها جمل وكنطلب الله يسمح ليا
أنا وبعدي الطوفان الجزء العاشر
محتوى القصة
التنقل بين الأجزاء