شنو مخبي القدر مزال لهاد العائلة ولياسين بالخصوص ..مستقبل مبهم عندو ضلام فضلام ...رعب خوف بكااء ناس ...القدر الي قدرو عليه الله سبحانه وكتب عليه هاد المكتوب الحزييين والي يضر فالقلب ...
مصطفى "جرو ايساف وقفو وداه لتحت يشوفو حالو حيث بقا غير يبكي ويدعي ربي وماكلاش وصدمة وضغط والحرقة على ياسين ..."
يوسف : سير معاه عمي سير يشوفوك واجي عندنا ...
مصطفى "هز فيهم عينيه المكمشين بالزمان وشرف صغارو ...مدمعين ودميعة هابطة على تكميشات وجهو كتجريييي": الكبدة المعاودة رزاوني فيها...
يوسف "حدر راسو مالقا ميقوليه من غير" : دعي معاه العم دعي معاه هذا جهدنا ...
بينما هو يصارع فلداخل الموت بينما هما يصارعون مع الصبر والانتظار لمعرفة حاله ...ومنهم اثنان من اعز الناس عليه ...
يامنة"الي انتهى مفعول المهدئ بدات كتحل عينيها ونفس الشيء على البكاء ونواح لكن هاد المرة كانت اقل وتيرة ..."
الحبيب"حط شفايفو على جبهتها وشاف فيها" : الحنانة شدي فراسك وتوگضي باش دعي معاه "عينيه حمريين ومرة مرة كتبغي تزهق ليه دميعة كيحبسها بزز باش مينهارش قدام مو الي فهاد اللحضة خاصها الي يوكضها ويصبر باش يصبرها معاه ويصبرو معاهم مراتو نوار وكلشي يتجمع فالمواساة باش يصبرو معاهم ساس الكبير الي هو فؤاد" ...
يامنة"دموعها محابسينش كتنخصص وساكتة مجاوباتوش"
هاجر"قربات عندها هي الاخرى عينيها مدمعين بالبكا عزات عليها حالتها والي وصل ليه ياسين والحالة الي وقعات ليه ...دوزات ايدها على راسها" : خالتي براكة عليك شدي فراسك باش تنوضي توقفي مع عمي ونوار ...
يامنة"الصمت" ...
نجود"مسحات عينيها بمشوار ونطقات" : بنتي فهاد الحالة باغي منك الصبر والدعاء والدعاء دعاء الواليدين مستجاب ربي الي عالم بحرقة كل واحد فينا والوالدين كثر وكثر ..باغي منك رضاك ودعاك البكا ماعندو باش يفيدك من غير تحاولي تبردي بيه حرقتك وشويتك ...ايييه ماعليش بكي وشكي شوي هك وشوي لكن ابنتي حاولي تفائلي وشوفي الي واقع مزال شاد فراسو وخا غير شوي وفكري را تاهو مابغاش يموت ...
بقات هاجر ويسرى والحبيب ونجود وسارة حتى دخلو عليها نوار هازينها فبياص ناعسة وحطوها حداها فالسرير لاخور ...مشات عندها يسرى كتجري مخرجة عينيها بغات تبدا تا وقفها يوسف وشرحو ليهم بالي عرفات ومصبراتش ...
اما في هاد اللحضة وبالقرب من الانعاش او كيف مكنسميوه فالمشفى العمومي وبالعامية عندنا بيت الخطر هاد الكلمة فحد ذاتها كتبعت الخوف والرعب وكتبين ليك انه داك الشخص الي فهاد البلاصة را رجلو فالاخرة ورجل ثانية فالحياة ...تما كيمشي ويجي ويهز راسو يحك صدرو ويحاول ياخذ كمية تكفيه لاخذ كمية من الاكسجين ...حتى تحطات ايد على كتفو وضار ...
ايلاف"مد ليه تريكو خيط فالبلومارين جديدة " : خود لبس وحيد هادي عليك..
فؤاد"كان داير ايديه على نصو ...هز راسو ساط انفاس بفمو وحك عينيه شحااال عاد شد من عندو نتر هاديك ولبس ..."
ايلاف : مجاكش البرد لبس مونطو ...
فؤاد"هز صباعو وشير ليه بمعنى لا وحادر راسو وعينيه فلارض كيعض فشنايفو شحااال واحد لحضة كرز عليهم وبدا صدرو كيطلع ويهبط فحال بغا يتنخصص حتى شدو ايلاف"
علي "ضار يشوفو واش وراهم " : يمكن مشا عند خالتي يامنة ...
صهيب : عاد كنت تما مبانش ليا ...
ايلاف : يكون جالس فشي بلاصة دابا يجي ...
فؤاد"هز عينيه كيقلب فالارجاء تما عليه ويضور وراه " : الى جا جيبوه لعندي ...
ساعات فالجحيم هي الي كتمر منها عائلة رمسيس فهاد اللحضات بالذات ...يامنة الي دموعها دايزين وحرقتها ميعلم بيها غير الله وجهها الي مشا بالقميش ونديب حتى عيات وصوتها مابقاش كيتسمع ...
يامنة"كتنخصص وتلالي بصوت ضعييييف .." : ديييييوني عند وليدي ديييوني اهى اهى واااا ديوني عند كبدتي الي تشوات ديوني ...
نجود : بنتي يسرى خلي بنتك معاها حنا وسيري ديها عند فؤاد عالله وعسى تنفس شوي ...
يامنة"شدات شالها جراتو فحال بغات تقج راسها وقالت " : وااااااا ونفاسي ولدي حدايا واااا راحتي وبكري يسول على حالي واحوالي ...وااااا عافيتي ماتبردها لا هضرة لا كلام واااا عافيتي "كتخبط فصدرها" مايبردعا من غير تحط عليا ايد البكر لحنين ونسمع حنانتي وااااا من غيرها حطوني حداه وخليونييييييييي"عصرات عينيها بجهددد عاضة على سنانها " اننننننن اهى اهى وراني تشويت وعرفت كي تشويت ...
كاااع دوك الي جالسين معاها فالشومبر الي خلصوه باش تبقى فيه هي ونوار خلاتهم رجعو يبكيو حتى من نجود ماحساتش براسها حتى لقات راسها كتنخصص معاها وخصوصا صوت يامنة رقيق وحنييييين كتطيح عليك ضيم وتقهرك وخا تكوني كبدتك حجر ...يسرى كتنوض فيها وتنخصص معاها ومرة مرة دور تشوف نوار كتلقاها مغطية وناااعسة وجهها بيض ..
يسرى : الله يخليه ليك ايامنة الى ماتهدني ويالاه نديك تشوفي فؤاد وتوگضي ...
عنقاتها يسرى تا بقات تلالي وتبكي على كتفها شحااال بزز عاد سكتات كتنخصص بالحس تا وقفاتها قادت ليها شالها وخشات ليها ايدها فدراعها وتمات غاديا معاها تا جا ايساف لقاها مخرجاها وشدها من ايدها دارها فدراعو وباس راسها كيطمن فيها وتمو غادين بيها بشوي تا داوها عند فؤاد الي كان واقف كيهضر مع طبيب وحداه لاخرين حتى مشا وضار جات عينو عليها نيشان وجهها مجيف وحناكها مندوبين حالتهم حالة جناب شعرها خارجين مشنتفين وعينيها تبوقو عالجهد وجهدها شبه مقادي ...حط عليه يوسف ايدو على كتفو....
يوسف : غير صبر معاها وصبرها نتا صبار اخويا عطيها من صبرك وتعاونو عليه وهزو على بعضياتكم ...
فؤاد"قربها ليه ايساف ويسرى وطلقوها باش يشد فيها ...شدها من ايدها وجرها بجهد خشاها فصدرو فحال قاليها طلقي عليا فشوشك وقولي الي بغيتي مكاينش الي يقوليك حبسي اغزالي وعمارة داري ...مخشية فيه كتلالي وهو حط ذقنو فوق راسها " : خوي وزيدي خلي فين يجي الصبر والايمان القوي ...
مسح ليها دموعها وباسها فجبهتها وراسها وجرها عنقها بجنب وجلسها حداهم ...غمز ايساف يجيب ليها الما حتى جا اشرف جلس حداها حط راسو على كتفها باسها فيه ...هزات ايدها العيانة بشوي وطبطبات عليه ...
الحال كما هو عليه هما كيصارعو فالصبر باش يبقاو واقفين وقلبهم كيبكي ذم عليه وهو لداخل كيصارع البقاء ...ساعات الجحيم كدوز عليهم ...حتى مرو الساعات وساعات ...
صبح عليهم الحال وهما كاع ماحاسين بيه امتا صبح وشحال داز ...ماحسوش بالوقت امتا داز وهما على داك الحال النعاس غادرهم الا الي نعسو بزز منهم ومنهم يامنة ونوار واركان هاد الاخير الي غير فاق عرف شنو عندو ماداهش فيه كاع ...دوز اتصال لمرتو ومو طمنهم عليه وبلغهم بالي وقع ....واتاصل بمدير
الثانوية فين كيقري قاليه شنو حالتو المرضية وبلغو انه غايعطيه شهادة طبية نيييت يلاه يتوگض من الصدمة الي يعيش ويعيش ومينساهاش ...
الساعة الثانية زوالا الوضع كيما هو لا جديد الحالة الصحية كيما هي على اعصابهم ومتسنيين الاخصائي الي غايجي والي عطاهم موافقة انه غايكون في غضون هاد الساعات القادمة ...ماترددش انه يقطع البيي الي قطعها ليه صهيب من فاس من حسن
الحظ لقاو تذكرة فديك ساعات ...من مطار ليل لمطار شارل ديگول ...ولكن من سوء الحظ ومع الاسف فاش وصل لمطار الدار البيضاء الي غايوصلو لمطار فاس لقا مشكيل فالروطار الي طول بزاف ...
البنت : نن موسيو هادي فين مقطع نتا ديجا هي الي كاينة الطيارة الي من وراها حتى ربعة صباح ...
موسى : مي نوووووو "خبط رجلو بعصبية " مافهمتش معندكم سوق ؟ ممكن شي حد بغا يمشي يشوف واحد فاواخر ساعاتو فالحياة ممكن شي حد بغا ينقد شي حد مكاينش دييييما نجي لهاد المغريب لقا مشاكيل فمشاكيل بسباب ادارات الحبس الي عندكم ...
هي : هادشي الي عندنا موسيو تقدر تسنى حتى يتقاد العطل الي كاين عاد تقدر تمشي لفاس ...
موسى : ايييه تايموت الي يموت ويعيش الي يعيش ...نتوما فهاد المطارات وطيارات الى مادرتو روطار ولا عطلتونا ولا اجلتو الرحلة ماتبردوش ...بالسيف مانهربو المغاربة لكلمة "دار ليها بصباعو زيرو زعما ها منيني دخلو وها منيني تخرجو خههههههه حط ليها كلشي بالفقصة فيه قاعدة معندوش الحباسات يحط ليك كلشي يا على خلاه يا على جلاه ...تم غادي وهو يسمعها قالت لبنت الي حداها ..."
بوگوص ولباس وليني فولگيغ شو على هضرة ...
موسى"ضار عندها مشربن" : قراي غا قد الي قريت وخريت ونشوفو الفولگيغ ..."بالعصبية سلم امرو الله هز تيليفون وعيط لمشفى بلغهم بالمشكيل وطلب منهم يرسلو ليه اخر تقرير على ياسين"
من مطار الدار البيضاء القادم منو حط رجليه على اراضي مطار فاس سايس الدولي من بعد معاناة الانتظار ....كي خرج لقا بلاكة قدامو مكتوب فيها الاسم ديالو ...حتى وصل عندو ووقف ...
موسى : انا صاحب الاسم ...
اركان"بالدعقة بغا يعنقو شنق عليه " : الله ياخويا انا انا ...
موسى"شاف فوجهو" : ديابيتيك ؟؟؟
اركان"صدمو" : هااا اش باش عرفتيها...يلاه نمشيو ...
اركان : دير الي فجهدك اخويا والي بغيتيها تشدها عتقنا را ساسنا لا مشا مشا كلشي لا مشا ليا صاحبي ماعندي فين نزيد ...
موسى "سكت مالقا ميقوليه ...
كيف سولو عليه عرفو بالي را وصل لفاس ماحسش اركان براسو حتى مشا لمطار كيجري ولاو مساكن باغين يجيبوه راسهم يهزوه فوق ريش يديرو ليه الي بغا بشحال ما بغا كلو فخاطر ياسين رمسيس ...كانت ساعة رابعة مساءا ...الساعات كينقصو والانفاس كتحبس وهاد الحالة الي هما فيها ماتبغيها لعدوك ...الماكلة ماكلاوها تاحاجة مطاحت فكرشهم واشمن ماكلة يفكرو فيها وهما كيتسناو ياسين الي بين ايدين رحمن فاي لحضة يقولو ليهم البركة فراسكم ...طار بيه باقصى سرعة ...
حتى وصلو ل امام المشفى ديال مركب الحسن الثاني المتواجد بطريق صفرو ...نزلو بزوج توجه موسى دخل من باب المشفى ومشا طلع ديريكت لعند مكتب منصف (الاخصائي) لقاه تما نيت
حيث بلغو بالي وصل ...كيف دخل عند الباب لقا سلام وقال ...
موسى : ماكرهتش وليني الادارة ديال هاد السبيطارات مكفسة مترحم متخلي الي يرحم ...لدرجة ولينا نشوفو سماسرية الاطباء ؟ "شاف فيه وحدر منصف راسو"
موسى : ديغينييغ غاپوغ دو كا ؟ (اخر تقرير للحالة )
منصف : وي بخوفيسوغ ڤوالا"مدو ليه "
موسى"حط مستلزماتو وبدا كيقرا فيه حتى حل لابتوب ديالو كان ديجا شاعل على نفس الصفحة كيقرا ويدوز يقراه ..." : خليني هنا نص ساعة وسير لعندو وقف على حالتو بنفسك ...ومن هنا لساعة ونص وجدو البلوك الوقت مكاينش ...والحالة فايدين الرحمٰن ...
منصف"بدا كيلبس طابلية وشاف فيه " : كاين امل ؟
موسى "هز فيه عينيه وشاف فيه بواحد النظى الدكتور منصف فهمها حدر راسو وتم غادي حتى ضار عندو "
منصف : دكتوغ علوي خاص ترتاح ...
موسى "ضحك بجنب مستهزأ" : راني ساعات وانا جالس فالمطار قبل منجي بغيت نرتاح من راحة دكتور منصف ...فازي دير شنو قلت ليك الوقت اصلا معندناش ونزيد نرتاح ...
فعلا هادي هي حالة المطارات وطائرات اغلبية روطار كيكون بزاف مكيوصلوش فالوقت الي محدد الى مكانش روطار كيكون تاخير فالاجراءات ...
من بعد نوم عميييييييق تحت تاثير المهدئ ...بدات كتحل عينيها شوي بشوي وترجع تسدهم وتعاود تحلهم ...حتى جاتها كحبة لا ارادية ...
يسرى"مدات ليها كاس الما وگعدات ليها راسها" : ششش هاكي بسم الله عليك ابنتي بسم الله عليك ...
نوار"شربات شوي وبعدات الكاس بايدها...كتصغر فعينيها وترجع تفكر حتى هزات عينيها ف يسرى مخرجاهم على جهدهم " : يا يي ياسييييين ياسين ياسين م ماما ياسين ....يااسين ماما ماما ياسين ا وااا ياسين ياسين "بدات تنادي باسمو بهستيرية ويسرى كتسكت فيها ناضت سارة كانت تما هي وهاجر لعندها كيهديو فيها مع يسرى وهي والو كتنادي غير باسمو وتغوت وتشهق فهاد اللحضة كان دايز فؤاد ويوسف الي خرجو سولو على موسى واش جاي ...حتى سمعوها ودخلو عندها كانو ناس تما بزاف جايين زيارات عند واليهم اي عائلاتهم ...
يوسف : نواااار بنتي بسم الله عليك ...
نوار"كتجر فايد مها وتدور عند سارة وتعيط وتغوت " : ياسين ياسييييييين ياسين اهى وياسين ممم ما ياسين ياسييييين ماشي هو ماشي هو اهى وياسين ماما ياسييييين بغيت ياسين ماما اهى اهى "كتشدها شهقة حتى كيقولو را بغات تخرج روحها ما عرفو اش
يديرو يسرى تشد وهاجر وسارة حتى جا يوسف يشد وهي ماسكتاتش تعيط وتعاود تعيط وتعاود ماعرفت باش تبلات حتى نزلات عليها ايد من سما نيشان لحنك....
تا غوتات يسرى وغمضات عينيها وهي تشهق شهقة وحدة وسهطاات كتنخصص بالحس ...شدات حنكها وشافت ف الي ضربها ...
فؤاد : تهدني ...
نوار"سدات فمها وتبكي بالحس " : ممممم
فؤاد"ضار عندهم" : خرجو ...
حدرو راسهم وخرجو معاودوهاش معاه ...لقاو عند الباب ناس كطل والي جا عندهم منهم جيران كيسولو على حال ياسين ويواسيوهم ونسابهم كاملين جاو عندهم حتى جات سعاد ام يسرى تاهي عنقات يسرى وسلمات عليهم ...واحد شوي حتى جا رياض ومعاه مينة شاد فيها و مو تاهي ...اما عند نوار جلس حداها على طرف السرير وهز ليها وجهها من ذقنها ونطق ...
فؤاد : لامتا ؟؟؟
نوار"كتنخصص...حتى نطق بجهد"
فؤاد : لامتا ؟؟؟
نوار"هزات فيه عينيها وقالت بصوت بزز باش كيتسمع " : نصبر ؟؟
فؤاد"شدها من ايديها بجوج وزير عليها تا تهدنت بزز وشاف فيها" : ندبتي ؟ بكيتي عددتي ...لامتا ؟؟؟؟ نواااااار"جهد صوته" معندو مفايدنا مناقص فالعمر مزايد ..."هز صبعو مشير لهيه" نهار طحتي هزك وجرا بيك وصلى ودعا تشافاي وترجعي نوار لقديمة ...مابكا ماشكا ماندب ما طار ونزل عليا ...سلم امرو الله وهز كفوفو ووقف معاك وقفة راااجل تا تشافيتي باذن رحمن ...
نوار"عوجات راسها" : انا ضغيييفة ماشي هو ...
فؤاد : فششك وصل الوقت فين تفششيه ...
نوار"حطات جبهتها على صدرو كتبكي حتى حط ايدو على شعرها كيدوز عليه ويهضر بهضرته الحكيمة "
فؤاد : لي فلداخل ربي عالم بيه ...مكاين الي يطفي العافية من غير الله ...ماحد الروح طالعة نازلة فيه ما حد الفرج كاين ...الي عطا الله عطاه تغدرنا فيه ...مكتاب رب العباد تصرف بكي وشكي وخوي شي فين يجي شي ...
نوار : خئ خئ ب ب بغ بغيت نشوفو ...
فؤاد : صعيب الحال ...
نوار : بغيت نكون معاه ...
فؤاد : دعي معاه صلي تضرعي لله الرحمن مجيب الدعا قاضي الحاجات الرحيم ...
فؤاد : شادين فالصبر بالكشيفة شدو فيه نشدو فيه ونشدو فيعضياتنا ...راجلك فحم العينين بيض ليسر ...حنين الفعل ورجلتو رجلة البحر ...كيف وقف معاك راجل يحلفو بيه رجال ...كوني مرأة حارة فغيابو ووقفي معاه وقفة مراة بميات راجل ...وحنتي العباد ...امني بالله وزيدي فايمانك عمرك ماتخيبي ابنت ومرت اعز الناس ...
خرج من اش عند الانسان مايدير من غير الايمان بالله وتقرب ليه فاحلك الضروف ويحمد الله ويشكرو فيهم وفي لفرح والقرح ديما نذكرو الله الله وحده قادر على كل شيء والله وحده قادر يطفي العافية الي شعلا ...
عندها لقاهم مشاو عند يامنة كيسلمو عليها وهي غير حادرة راسها وتحركو مكتهضرش ..حتى ضار هنا وهما وشاف فايساف ...
فؤاد : اسامة !!!
ايساف : مالقيتوش هنا ...
فؤاد : قلبو عليه "شاف فالحبيب" قلب عليه وتجمعو يا ولادي حدا خوكم وهزو معايا الحمل را ضهري تقسم والنسر تهد ولا اله الا الله ..."جهد صوته بجهد تا بح وواحد لحضة مشا ورجع ...هز ايديه لسما عيااا بالمعقول " وااااااااااا عباد الله ميغركمش النسر راه كيبقى مدوز تسع شهور فكرش الحنانة ودم ولحم ...يااااااربي راني عبد ضعيف فجاه قدرتك "تحنى على ركابيه وكمش عينيه كيتسمع غير تنهيدات مجهدين فحال شهقة ...حتى طاح بجهد على وقفتو تسمعات زداااااف تا ناضت نوار واقفة "
فوق بياص متحرك كسدة او جسم ضخم ...ضخم هكا كيبان لناس بسباب الهيبة الطاغية عليه بسباب الهيبة الي عطاها ليه الله من صغرو من شبابو ..سبابا هضررته الموزونة ،،هضرتو الحكيمة ..هضرته الثابتة الثقيلة الحاسب حسابو فكل حاجة المفكر قبل ميطبق ...القوي الصلب الصنديد الجبل الي مايهزو ريح ...لكن شنو هو كيف قال قدام الله وقدام القدرة ديالو ...كايبقى فالاخير دم ولحم ...
يوسف"كيجري مع الفرملي الي دافعو بالبياص مهبطو لتحت لبلاصة الفحص ..." : ياربي سلامة ياربي سلامة ياااربي كون معانا ياربي ..."عينيه حمرين تقهر حتى هو بزاااف ومزال عليه تاثير صدمة ياسين غير مكابر وصابر على قبل خوه والبقية وبنتو اكثر شيء ."
صهيب"غادي تاهو ومعاه يامنة الي كتلالي تابعة فؤاد الي غاب عن الوعي فلحضة انهار وطاح على وقفتو " : يامنة الله يرضي عليك صبري ميكون غير الخير باينة مشرب ماكلا داكشي لاش طاح ...
غادين كاملين تقريبا معاه ماعرفو باش تبلاو ماحيلتهم لياسين ولا ليه الي كان كيصبر فكلشي هاهو طاح وخاص الي يكون معاه وبالفعل را حنا غير عبد ضعيف امام قدرة الله ...تبعاتهم يسرى وايساف واشرف وعلي الي جا مع مصطفى خلاه وتبعهم كيجري ...
اما البقية ماخلاوهمش يتبعوهم ومنهم نوار الي جلسات مصدومة تا خشاتها نجود فصدرها كتطبطب عليها اما هي را غير عينين محلولين ودموع دايزين ...قلبها كيتشوى ولداخل ديالها كيتمرمغ ...ياربي وهادشي مكان محسوب ليه حساب واش هادشي طاري واشنو هاد الي وقع ...ياربي را شوية ما بعدها شوية ...
بينما دخلوه فانتظار يعرفو حالتو ...فهاد اللحضة وقدام المشفى وقفات سيارة الياس لكن منزلش منها ...كي سكت طوموبيل ضار عندو ...
الياس"ضار يشوف فيه حاط راسو على زاج شعرو مخربق ووجهو عامر تراب وحنكو محرود وحالتو عامرة تراب وغيس ..." : اسامة ...اش هضرنا ؟
اسامة"الصمت"
الياس : الي وقع ماكانش بخاطرك اولدي كلنا غلطنا وكنغلطو ونتا مادرتي تا عيب هو الي مشا وكتاب عليه المكتاب ...علاش هاد لحالة تغوت وتمرمغ هانتا طحتي من فوق جبل جاب الله كانت لارض قريبة وجاب الله قشعتك خارج مسهوت فالوقيتة الي كان خاصك تبقى مع باك وتبعتك ....
اسامة"الصمت فقط كيشوف قدامو وعينيه حمرين عالجهد " ...
الياس : اسامة كنهضر معاك شوف فيا وسمعني ...الي عطا الله عطاه مكتاب تصرف ...الوقت الي نتا داير فيه هاد الحالة وقف مع باك وشد بيه ماشي وقت تلوم راسك وماشي وقت نبكيو ونعددو البكا كينفس ولكن را مكيفيذ بوالو ...
الى بغيتي تكون مع خوك هي دعي معاه تقرب من الله ودعي معاه را كلنا تشوينا عليه وانا تشويت عليه ومكمدها بزز مني صابر فوجه باك حيث ياسين ماشي اي واحد ياسين را النور البكر الي نور دارنا ياسين كلشي هزو فصغرو كلشي رباه تا مشا عند جدك يعيش معاه ...
"شد ليه فكتفو زير عليه تا كمش اسامة عينيه .." زير معايا السمطة وتوگض على وجه باك محتاج الي يصبر باش يصبرو ولا نصدقو زايدينو حتى هو ...الله يرضي عليك ...
اسامة"دار وجهو بين ايديه وتاوه بجهد حتى حيد ايديه وهز راسو لسما " : كون سكت وكمداها مكان يوقع ليه هادشي "عاود لالياس كلشي" واكون هضرت مع الوليد نيشان منترزا فخويا حبيبي واااااا كنتشوى من لداخل
العميم كنتشوى من لدااااخل وحرقتي مدوبلة على جوج وميحس بيا حد ...
الياس : هانتا قلتيها "تنهد بجهد تاهو حامل غصة فصدرو كيحاول يتناسا ويصبر هو الاخر لانه كيف قال ياسين ماشي اي واحد ياسين كل واحد"...يلاه نزلو ...
هز ساشية ونزلو بزوج توجه معاه لمستعجلات فواحد الغرفة حتى داواو ليه حردات الي فحنكو وحتى كتفو كشفو عليه لان الياس لاحض انه تاوه تما فاش قبط فيه يعني را مقصح حتى من تما نتيجة طيحة الي طاح من واحد تلة عالية شوي ...عطاه دوك الحوايج بدلهم وطلع هو وياه لفوق باش يشوفهم ويعرف حال ياسين الي بداو كيجهزو فالبلوك ودكتور موسى كيوجد باش يدير ليه العملية ...حتى كيتصدمو بان شخص اخر طاح هو الاخر غير متحمل وصدمة تابعة لاخرى وفيييين غاديا بيهم وهذا الله ...
مدد فوق السرير وهما عند راسو شي كيفحص وشي كيعلق ليه فالسيروم وشي كيقلب فالضغط ...شي نص ساعة تقريبا وهما معاه خذاو معلومات على حالتو الصحية من قبل باش يشخصو الحالة ...حتى تاكدو وعلقو ليه سيرو وضربو ليه شوكة ديال الضغط ...حتى خرج عندهم طبيب هو نفسو منصف اختصاصي القلب لان يوسف عيط ليه بحكم فؤاد ديجا مر بازمات قلبية (كريز كاردياك) ...
يوسف : كي بقا ؟؟
منصف"قهراتو هاد العائلة ماحيلتها لشاب الي لداخل ولا لهاد راجل الي لداخل تاهو مكوي على ولدو ...عيطو ليه على وجه السرعة بزز حيث كانو عندو شي حالات بحكم المشفى عمومي ...ولانه الكارديولوجي الوحيد الي كاين تما فهاد لحضة " : خليتهم دارو ليه سيروم يتقوى بيه ماواكلش ماشارب ملي جيت عندكم وانا كنشوفو واقف مارتاحش ...زيادة على ضغط طاح ليه بسباب قلة الاكل وكترة ضغط ...
صهيب : كان فايت واقع ليه كخيز كاغدياك ...حالتو ؟
منصف : لحد ساعة مزيانة نقولو جا الله من جيهتو غير هو الدوا ديالو ميقطعوش الله يخليك سي نو تقدر ترجع ليه ولا ترجع بالاضعف لا قدر الله ..."شاف فيامنة الي وجهها كيخلع عينين منفوخين ومنخر تنفخ وحمررر وحناكها مندوبين ...شاف فيوسف الي عيان تاهو صهيب ايساف ويسرى تاهي مرتة معاهم ..."
الي غانقوليكم ونصحكم بيه بحكمي طبيب شايف حالات وحالات من هاد نوع ...هو البكا واليأس وانعدم الامل مغاديش يفيدكم ويقدر يرجع بطاقة سلبية حتى على المريض ...ولدكم او خوكم دابا فحاجة لدعواتكم فحاجة تقربو من الله هو الي غاينقذكم اما البكا والعويل ماهو الا باش تنفسو وتخرجو الي فلداخل باش
يرجعو ليكم ويوقف را مغاينفعكمش ..."شاف فيوسف" من دابا نص ساعة غايدخل العملية كنت غانقولها لحاج لكن الي وقع وقع ...كونو مع الله يكون معاكم والله يسمعكم خبار الخير...من هنا لشي ساعة وشوي غايفيق وبلغو هو كوميم موگض عليكم وصابر ولكن كيخبي ويكمد ونتوما ممعاونينش معاه الى بقا هاكا تاهو غاتخسروه..."شاف فيامنة" وگضي راسك الحاجة وگضي راسك ...تقدرو دخلو عندو...
ايساف"من بعد ما مشا شذ فايد يامنة وباسها" : ميمتي شدي فراسك ودخلي حداه هاهو كي وقف معاك وقفي معاه را والله الى حالتو ضر تاهو كتر وجد هو الي حضر ليه وجابو معاه ...
صهيب : عندو صح وگض راسك وشدي فراسك وبقاي معاه يفيق الى قدر يجي هاحنا غانكونو حدا البلوك نتسناو فرج الله حتى دوز العملية ...
يوسف"باس راسها " : تقدري تبقاي معاه ؟
يامنة"هزات فيه عينيها منفوخين وعامرين دموع وشافت فيه ونطقات بشويييييي " : و وااخا...
يوسف : الله يسمعك ويسمعنا خبار الخير ياسين ماشي اي واحد ياسين را بكري حتى انا ...انا مشيت حدا نوار تاهي ماتكون قل منك ...
مشاو كاملين ودخلات هي لعندو فين كانو حاطينو كان عريان من فوق حيث دارو ليه تخطيط ديال القلب باش يشوفو حالتو صحية ومعلقين ليه سيروم ...كسدة مجبدة تبارك الرحمن واخا كبر باقي الهيبة هي الهيبة الي عاد متزادت بهضرته الي زادت حكمة بحكم الزمان الي داز عليه ...جرات كرسي وجلسات حداه ...
الفرملية : واحد ساعة ويفيق ...
يامنة "حركات ليها راسها وقربات حداه بزاف تا شدات ليه فايدو كمشات فيها وهزتها باستها من داخل وبرا ...هزات فيه عينيها قهرهاما كتحملووووووووش يتجبد ويمرض كيبان ليها واحد العبد ضعيييييف ..." : نوض افؤاد انا نصبر غير نوض عافاك راني ولفتك نتا هاز عليا وجناحي نوض عطيني الراحة وطمني را بكري غايرجع ليا راني والله ماقادرة منشوفوش قدامي ومنسمعش صوته نوض افؤاد انااا"كتبوس ليه فايدو"نشد ليك بايدك ونهز معاك منبقاش نخليك تهزو وحدك ...الله لا يحرمني منك ياربي ويخلي لينا وليداتنا رجال من صلب سيد رجال نوض هما دابا ولاو جناحنا ...نوووض"حطات راسها على ايدو وبقات كدوز عليها وتبوس وتهضر ..."
"النادي الليلي" بنفس المدينة "فاس"
جاي وفايدو الگارو كيجر منو ويسوط ويقلب عليه بعينو خاشي ايد فجيب سروال فصالة الي لابس ولاخرى راه كيكمي بيها بان ليه واحد من الگارد ديال تما وشير ليه تا جا لعندو ...فين هو ؟
الكارد : لداخل فنفس الفوطوي ...
حرك ليه راسو ومشا وضار كيشوف تا دخل دنيا بدات كتعمر شوي بشوي حيث قرب العشية والليل ...حتى دخل لقاه جالس حاط مرافق ايذيه فوق ركابيه وجامعهم عند فمو كيشوف بعيييد وباينة عليه كان كيتسناه يشرفو وبالفعل غير وصل عندو وهز فيه عينيه ...
عيسى"غزز سنانو تا بان لفك ديالو كيتحرك" : جيتي القواد ؟
المراكشي : سمح ليا سي عيسى جيت من وراك المرأة عندي كان فيها شوية الوجع كنت معاها فالكلينيك مع قربات تولد سمح ليا ...
عيسى"كيشوووف فيه بوادح النظرة المراكشي كيعرف معناها ديما كيشوفو بيها مع الي كيجبدها معاهم ولا اعداء ديالو ولا واحد من رجالو ولكن هاد المرة النظرة كانت موجهة ليه هو لاول مرة "
المراكشي : سي عيسى را ..."ماهي الا ثواني باش يكمل هضرته حتى تهز عيسى على وقفتو بجهد الي عطاه الله مشا ليه ديريكت حتاها عليه بقجة عصر ليه فيها عنقو تا خرجو عينيه ...الكارد خرجو شي ناس تما بعدوهم وسدو ديك البلاصة ولاخرين هزو الفرادا وجهوهم لجية المراكشي" ...سي قهخخهخ قحخخخ عي...
عيسى"مكرررز ليه على عنقو على مشارق يخرج ليه روحو وعينيه ويگرضو ليه " : ياااااااااا ولد القحبة يا ولد القحبة القوااااد ز*** درتيها من ورايا ينعل طب*** مك ااااااش درتي اااااااااااش ....نتا مرتك ديها لكلينيك يا ولد الزوادة "وررك ثاني
حتى هذاك عينيه تقلبو ورجليه كيفركلو ماعرف كيفاش تا طيحو وطلع فوقو كيمعس ليه عنقو ..." نتا تهلى فمرتك تولد ليك ورزي ناس فولدهم يا ولد الخضخاضة ...طرت
معاه تا عييت تسابيت معاه جبدنا العار والعيب ضرت ليه بخوه وعمري فكرت نقتلو يا ولد القحباااااااااا واخا معاديين كان واحد الوقت عشيري ...درت الي درت وجاني العفو من عند باه بمسبتو ..."تفكر نهار عرف بالي باه جا عند ياسين طلبو باش يهضر مع باه يسول عليه فين غبر معرفش ان باه الي تدخل تا تنفا ...طلب عليه ياسين فوجه باه الي جاه وهو كبير مست كيطلب على ولدو عز عليه وحشم منو ...حتى هضر فواد وسمحات ليه المافيا معامن خدام وقدر يرجع لمغريب قبل كانو محلفينها فيه يعتب يتقتل فالبلاصة " وخا هكاك كيبقى هو ولد ناس وحنا صدقنا بمسبتك ولاد القحااااب معاه ..."غوت على رجالو" هااازو عليا الرعواني غبروه من هنا مايخرج ميشوف شمش ودعي الله نتا ميوقع ليه والو ولا انا نديك لعند نسر بايدي ..."شاف فالكارد" تقااااااودو جيبو هادوك رباعة ...
الكارد : ولد رويسي وتوفيق وعزيز ...
عيسى : كاع القوادة الي تبعو هذاك العطاي (المراكشي ) جمعهم ليا وديهم حداه ..."جهد صوته" عاجبكم ديلمكم داخلو ليا مع التشرميل ...بلااااتي ...
خرج من المكتب ومشا فاتجاه ممر البلوك ...حتى بانو ليه عائلتو من بعييد واقفة ...وتمشا فالاتجاه ديالهم يهضر معاهم بينما حولو ياسين لغرفة العمليات ...جا منصف بجنبو وتمشا معاه حتى وقفو عليهم ...ضارو كاملين عندهم ووقفو وشي جا لعندو ...
منصف : معاكم بروفيسور موسى علوي الي غايقوم بالعملية ...
يوسف : وجهو واسمو غني عن التعريف الله اودي ...
موسى"هبط راسو وطلعو كنوع من شكر ونطق" : باش نجيكم نيشان من طبعي فحياتي المهنية كنحط اهل المريض بالصورة سوى سلبية او ايجابية ...الي عليا غانديرو وجهدي اكثر غانديرو ...الحالة ديالو صعييبة الي نطلب منكم هو شدو فبعضياتكم ودعيو معاه ...
نوار"كمشات فايد يوسف تا ضار عندها لقاها كتعصر بالبكا بالحس"
يوسف "زير عليها باش تسكت" : كاين امل ؟
موسى"تنهد وشاف فيه باسف" : حاس بيكم وعنيت بهضرتي انني حاس بيكم بصح ممكن نكون دزت من نفس التجربة غانهضر معاك دابا بصيفتي جراح الي غايقوم ليه بهاد العملية نسبة ديال الامل كاينة ..وبصيفتي شخص عاش نفس التجربة ...ماعندكم حتى خيار من غير الدعاء والدعاء والدعاء ...
اركان : كي كيفاش ؟؟ ياك ما..."ولا كلو عرقاان ووجهو تبدل فيه اللون "...
موسى"شاف فيه" : خاصك تمشي ضرب لانسولين ضروري شد فراسك حتى انت "شاف فيهم " انا عليا حطيتكم بالصورة باش توجدو راسكم لاي شيء وتستعدو نفسيا ..."دوا ليه منصف فوذنو "
منصف : يلاه را وجدو ...
راوية "قربات لعندو" : عااافاك دير الي عليك عاافاك شوف تجربة الي قلتي دزتي منها وحطها بين عينيك وحاول معاه هانتا شوف "كتوريه" كلنا واقفين غير بزز داك شوية الامل الي باقي وكنشوفوه باقي فالحياة وروح كطلع وتهبط مخلينا صابرين ...
موسى"تم غادي " : الله يكون معايا ومعاكم ومعاه ...يكون خير"حدر راسو ماقدرش يبقا معاهم بقاو فيه حيث فكروه نهار كان كيتسنى هو ومو وباه وخوتو ...خوه يخرج حيث هو ماقدرش يدير ليه العملية لانه خوه ولانه منهار تاهو منعو عليه يديرها ليه ..."
دخل لبلوك عند البيت لول بدل لبسة وخذا وحدة اخرى معقمة دار طاقية اخرى وعقم راسو مزيان مشا غسل ايديه هو ومنصف وعقمهم مزيان ولبس ليگانت وتوجه ناحية ياسين الي كان مدد موصول بالاجهزة ،،ضغط ،،الاكسجين ،،دقات القلب ،،...
موسى "وقف ليه عند راسو كانت هادي اول مرة غايشوفو ..هز فيهم عينيه" : راقبو ضغط الدم شحال ؟
الفرملي : مزال نازل بروف ...
موسى : urgent
منصف"من تحت البافيط" : نبداو ...
موسى "مد ايدو" : يا بسم الله على بركة الله ...
عطاتو الفرملية المشرط عاود سما الله خواو البيطادين على البلاصة ومسح مزيااان ..البناج واقف كيراقب وخا مبنجوهش لانه اصلا غايب ...بدا كيحل فالفتحة الي اصلا عاد كانت مخيطة خياطة مؤقتة حتى يعاودو يفتحوها ...
موسى : خاصو يرجع يستقر ولا يطلع درجة ميمكنش يبقى فنفس الانخفاض ...بفففف ...
منصف : مكيبشرش ...
موسى"الصمت مجاوبوش رجع كيركز هاد المرة انعازل على الواقع ...
ركز غير فديك المنطقة عطاها كل تركيزو وكل مكيحيد ويعالج كل مكيسمي الله ويدعي ويسبح بفمو ...عملية دقييقة حداه منصف كيراقب ويعاونو والفراملية واقفين عند راسو شي كيمسح ليه العرق وشي كينضف معاه ....
موسى : وجد راسك ممكن يوقع نزيف مفاجئ ...
منصف : كوااا ؟ داكوغ داكوغ ...
ملاك الرحمة واقف عاطي تركيزو فالحالة والعبد الضعيف بين ايديه وايدين الله ...عينيه شبه مغمضين ...شعرو القوي مغطي تاهو بالكامل ...لحيتو بقات كيما هي ...عينيه دخلو وحجبانو عاديين ماهما معقودين ماهما مكمشين ...العالم بيه الله فين غايب واش كيشوف واش كيحلم ولا عايش ويط ضلام كيتسنى الفرج من اي جيهة ...
ازيد من ساعة ونصف وهو مركز كيمشي دقة بدقة باش يعالج المنطقة من تجلط ...مزال كيطلب فرملية تمد ليه شي حاجة باش ينقي تما حتى تسمع صوت الالات وخصوصا ديال الضغط الي طلقات صفارة مجهدة تهز ليهم ياسين هزة وحدة فحال ضربو ضو وتسمع طووووووووووووووووووط...
موسى"خرج عينيه على جهدهم بدات كتشرش ديك البلاصة بالدم وصوت الة قياس ضغط" : طونسيون ؟؟؟
قبل بساعة وبالضبط فالغرفة فين كان ناعس من بعد فترة ساعات ديال الصدمة الخوف الترقب الانتظار الارق الارهاق التعب البكاء وشلااا ما تجمع عليهم فهاد الساعات ...
يامنة"شافت السيروم بدا يتسالا ليه دخل عندها الحبيب وهاجر اطمانو عليه ونطقات كتسول بصوت عيااان كيف العادة" : خووك اولدي ؟
الحبيب : دخل عندو الطبيب الي جا من فرنسا ويمكن على حسب ماقالو بدات العملية ...
هاجر : خالتي شربي ليك شوية الما توگضي شوية ولا شي عصير غير باش تبقاي واقفة ...
يامنة"كمشات عينيها" : يااابنيتي مكاين منيني يدوز النفس تسدت والقلب عمر ...
هاجر : عاارفة وحاسا بيك ولكن خاصك باش توقفي الماكلة ولا شي حاجة تشربيها باش تقدري توقفي على رجليك ...
الحبيب : هانتي شفتي الوليد صبار ومتسمعيش شكاه ولا والو جبل ميهزو ريح ماكلا ما شرب والحالة ميعلم بيها غير الله كلنا فلاخر هاهو حداك غايوقف غير بالسيرو ...بغيتي نديرو ليك سيروم تسناي واحد ساعة ولاش شحال تيكمل باش توقفي ؟
يامنة "ماجاوباتوش ضورات وجهها جيهة فؤاد كتشوف فيه وتمسح على ايدو "
هاجر"هازا فايدها كاس عصير كوكتيل خذاتو من تحت" : شربي غير شوي بززي على راسك وزيديك الما غير باش من ينوض يشد فيك ويلقا علاش يتكل ...
الحبيب : عافاك اميمتي على وجهنا على وجه ياسين حبيبنا ملي يتوگض يلقاك واقفة مزال خلي حريرة ملي يلقا داك الحناك الي درتي ليهم هكاك وتفرجي ...انا بعدا منشدوش عليك ...
يامنة"دارت شبح ابتسامة " : اياياااي ياوليدي شويتو وحدهاااا غير ينوض يدير ليا مابغا ..."بغات تبكي وهو يشد الكاس من عند هاجر وقرب لعندها تحنى وعطاه ليها ..."
بقا معاها بزز تا شربات شي جغيمات وزادتها الما بقاو شوي تا شافو باه وخرجو جا ايساف وجا الياس ودراري طلو عليه ونجود وراوية عاد خرجو خلاوها ماهي الا عشر دقائق تا كان كيحرك عينيه من بعد ما تسالا ليه سيروم المقوي ...
فؤاد"بدا يحنحن بشوي "
يامنة"ضارت عندو بزربة زيرات ليه على ايدو" : فؤاااد ...
يامنة"عارفاه يبغي ينوض وميتناقش معاه حد داكشي باش ضارت عند الفرملية لقاتها لهيييه حدا شي حد كتقاد ليه سيروم ..." : بنتي"ضارت عندها" اجي حيدي ليه سيروم عافاك راك كمل ...
حركات ليها راسها ضارت كملات لهذاك وجات حيداتو ليه قبل مايبقى ميجر ويصدق جار ليه دم ...ناض بشوي عطاتو لبس تريكوه وناض معاها تا مشاو فاتجاه البلوك الي حتى كان وصل لمح طيف او خيال شي واحد داز وضار جاه فحال ياسين حتى قلبه ضرب بجهد ...
فؤاد"صغر عينيه فمو ولا بيض" : فحم العينين هذاك ؟
يامنة"حطات ايدها على صدرها" : اويلي فؤاااد "نزلو دموعها " اهى ماشي هو فؤاد واش نتا لباس ؟
فؤاد"غمض عينيه بالم قلبه كيضرب يضرب يضرب حتى ساط انفاس بشوي " : فففف اعوذ بالله من الشيطان الرجيم"هز عينيه من بعد ما حلهم" يااارب راك شايف وعارف وعالم ..."شاف
فيامنة لقاها كتشوف فيه بواحد النظرة طيح عليك ضييييييم جرها عنقها بجنب وباس راسها وعاود" الله كبير الله كبيييير اغزالي ...
"فالبلوك"...
موسى"عينيه خرجو ولات ايدو كترعد واحد لحضة تفكر خوه مع حضر ليه من بعيييد فاش كانو كيسعفوه (لان خوه ماماتش فالعملية مات فالمستعجلات فور مانقلوه) ...ماسمعش نداء منصف ما حسش كاع انعازل لبرهة على الواقع ودخل فقوقعة ديال تفكير حتى زعزعو منصف "
منصف : دكتوغ علوي توگض معانا ...
موسى"تهز صدرو وتحط فحال الى فيقو بجهد وضار عند البناج الي خدام كيضرب فالشوكات فالسيروم ومنوض رفع لفراملية يتحركو ...ورجع شاف فالنزيف كيشرشر ..." : بونصمون (فاصمة) "مدتها ليه "
حطها فوق نزيف زادتو وحدة ..."هز عينيه كيشوف فالضغط ويشوف فالبناج الي خدام وكيعطيه حسابات المؤشرات الحيوية ...باقي نفس المشكيل طونسيون مابغاش ينزل ...زادتو الفاصمة كيحطها على نزيف وفنفس الوقت
كتغسل ديك البلاصة اما التجلط كيف حيدو وقع النزيف فور ماتحيد ...كيحيد الفاصمة ويدير وحدة جديدة ووالو نزيف مستمر حتى بدا كيدير فالماس باارد وينضف وينشف ويضربو فالشوكات بزز باش توقف ...
موسى"تنفس وقلبه كيضرب بالجهد ولكن ..." : طونسيون ؟
البناج : ميم شوز بروف...
موسى : مييييييغد "عروقاتو تكب .." كنت عارف ...
منصف : ماطلعش من الي جا فالحادث وهو هابط ...
موسى : الحالة صعيييبة صعيبة جهدي كامل كنديرو ...حاول ترد البال لا توقع..."يلاه كيقوليه حتى بدا ياسين كيتهز ويتحط ويتخضخض ليهم تما تا تسمع صوت الة دقات القلب كدير طنييييييين والي خاف منو هو الي وقع "....
ساعات الانتظار الي مشا خرج يتنفس ورجع الي مشا يكمي باش يتكالما كل من ايلاف و وايساف هاد الاخير الي استغل اللحضة وعيط ل صفية الي باقي حالتها بالبكا عز عليها ياسين الشخص الي خيره عمرها ماتنساه الشخص الي حن عليها فبلاصة راجلها الي ماشافت منو غير القمع والعذاب والضرب والاهانات ...
ايساف : غير صبري معاه نتهنى على حالة ياسين ونجي عندك ياك ماخاصك والو ؟
صفية : فهاد الحالة معندي ماخاصني غير داك ولد ناس يكون بيخير والله يرجعو لميمتو وباه ومرتو ...الله يسمعنا خبار الخير عليه ...قهرني فخاطري قهرنيييييي"تخنقت بالبكا" اهى اهى مايستاهلش هذاك الولد والله ميستاهل اهى اهى ...
ايساف : صفية الله يرضي عليك سكتي من البكا راكي مريضة عاد والدة ...نتي دابا ففترة حساسة دعي معاه ...
صفية : متحتاجش تقولها ليا الدعاء من القلب وانا دعيت معاه من نهار وقف معاه وقفة رجال فمقابل الي رجال مكاينينش فالوقت الي قلالت رجلك لقيتو هو نور الي نورني وتهلى فيا مكيعرفني متربطني بيه تا علاقة من غير انني مرت ولد عمتو الي براسو ممعتارفش بيا…دارني ختو …
خئ اهى ...فالوقت الي مرضت فوحمي لقيتو فحال نقطة العسل وسط المرار الي عشت ...الرجلة الي شفتها فيه ماشفتها فاقرب ناس ليا ...بصح فاعل الخير هو الي بعيد عليك اما الي تحسبيه قريب ليك وراجل يحميك ضور راسو وخلا سيادو يعريو على دراعهم ...
الى غاندعي معاه راني كندعي صباح وعشية ...خسارة جات فالدرويش وسيد رجال ومجاتش فالرعواني الحاس براسو ..."عطاتهم ليه صبا صبا تا گنفاتو ولا غير يكحب زير على كاس القهوة كحلة سخووون فايدو تا تخوا عليه ...ماحتال يجاوب تا قطعات عليه خلاتو كيبرق...حتى جا وصل عليه ايلاف الي كان كيهضر فالتيليفون ويعرعر جا وجهو مخطوف ....
ايساف : ايش في يابي ؟
ايلاف : بعرفش بعرفش هالوكيت بديش احكي حتى نشوف ايش حالة ابن القلب (ياسين)
ايساف : ان شالله خير يابي نشالله ..."تنهد ومسد عينيه تا قشع ايلاف ايدو حمرة "
ايلاف : ايذك ؟
ايساف"شاف فيها وساط عليها" : القهوي انكبت علي تشغلِش بالك ...يلاه نطلع ...
ايلاف"ضور راسو تما كانت دنيا عامرة مع ستة ناس كدخل وتخرج زيارات عالجهد لمرضى والمستعجلات عامرة سيارات الاسعاف كتغوت وبنادم يتجارا ولا اله الا الله ...تعانقو ومشاو طلعو ..."
"البلوك"...
مشا موسى كيزرب لعندو ويغوت عليهم وجهو ولا هارب صافي تركيزو انصب كلو على هاد الشاب الي بين ايديه ...ومنصف كيجري يضرب ليه فالشوكات تاهو تدخل بالتخصص ديالو مختص اخور مراقب باقي الاعضاء ...نايضة
موسى"شابك صباع ايذيه شوي وهزهم لفوق وعطا بكفوفهم عند صدرو كيضغط عليه تا كيبغي يتقب ليه صدرو ويهزها بزربة يعاود تاني يضغط عليه ويهزها بالزربة ...
شحال وهو كيدير نفس الحركة كيهز عينيه يشوف تخطيط كيلقا ضعييييييف مابقاش الا شقة ويولي مستقيم ...هز راسو ثاني كيراقب ضغط نفس شيء ....
موسى : يلاه يلاه يلااااااااااه ...."غوت بحر جهدو " Injection d'adrénaline(شوكة ديال الادرينالين ) دااااااابا ...
مشا منصف كيجري يعمرها ليه وهو خدام كيدير ليه فالماساج كاغدياك لقلب ديالو باش ميمشيييش ويسكت مرة وحدة ...عطاها ليه وهو يهزها وهبطها بجهد لجيهة لقلب نيشان وهز راسو حاضي واش غايرجع نبض طبيعي ولكن مع الاسف "
في برا جالسين جا فؤاد سلمو عليه وبقاو واقفين كيتسناو الفرج ...جات يامنة وجلسات حدا نوار الي عاد ردات ليها البال والله يحسن العوان ...حتى جلسات حداها وهي تحط ايدها على كتفها وغيييير حطاتها ماحساتش حتى تخشات فيها عنقاتها ...
نوار"كتنيييين بالبكا وتنخصص" : اننننن اهى اهى ...
يامنة"كتمسح ليها على ضهرها وتبكي " : رزااونا فيه يا بنيتي حشو لينا الساس ...غدرونا فالغالي يا حنينة ديالي ...غدرونا فمولى دارك ابنتي حرقونا عليه وعرفو كي حرقونا ...
نوار"كتنخصص وتهضر" : ياسين ماشي ديال هاد الغدر اخالتي اهى اهى ياسين ماشي ديالتو اخالتي ماااااانقدرش بلا بيه اخالتي مانقدرش اهى ...هاز ليا همي وقاري حسابي اهى اهى ...ماشي هو الي يخلينا ماشي هو اهى ...
يامنة : ماشي ياسين الي يخلينا وعاد قال بسم الله ...دعي معاه ابنتي يرجع وينقزها دعي معاه راني تشويت ابنتي وواقفة غير بزز على جالو دعي معاه را فرحتي لولة وبكري وانا فعمر صغيييير الى ماقلتي طفلة ...دعي معاه را نور الي نورني انا وباه كي صبر فكرشي قادر يصبر تا دابا ...من نهار طاح فكرشي وهو صبار ....
ياسين"ليس هو ولكن احدى مقولاته " : وشحال قدنا فالصبر احنانتي ورا الصبر كيدبر وحنا غييير عباد الله وهو الي كتب ....
"البلوك"...
موسى "حدر راسو بغا يبكييييي وهاد سيد را حضرو لهاد شاب ياسين كيخدم من نية نيتو مجاهد معاه باي طريقة مهم يحاول" : وخا قلة النسبة لحياة هاد الولد ندير جهدي والكمال على الله ..."هز عينيه شاونطق بجهد تا بح صوته" Défibrillateur cardiaque(جهاز صدمات الكهربائية ) طارو كيجريو جروه ليه لعندو طل منصف على نزيف لقاه حابس مرجعش نزف ...
الصمكة فالبلوك نايضة مابين شي كيجري ويضرب فالشوكات والي كيماصي والي كيراقب مؤشرات لا يتضررو الاعضاء الاخرى ولا يوقع شي نزيف لجرحات لاخرين حيث كان كيتهز ويتحط واحد اللحضة ...الجهد الي كيكون على الاطباء فهاد اللحضة را جهد فوق الجهد والي كيتدوبل ...كيديرو الي عليهم والي كيخدم بضمير را كيدير فوق جهدو والي معندوش را كيدوزها وصافي صبر هي هاديك ماصبرش را كيكتب توقيت الوفاة امتا ويخرج يعلن عائلة المريض او الميت ....
موسى: فازي فازيييييي ياسين الي وگض معايا راسك ...
يلاه يلاه ..."عاود ثاني كيحطها تا كايورك ويتهز تالفوق ويتحط ..."
فهاد اللحضة جالسين كيتسناو المكتوب والمصير ويطمانو وحالتهم حالة ...نوار بقات متكية على يامنة وراسها كيعطيها صداع وساااكتة مقالت لا اي لا والو ....في هاد اللحضة وفجيهة اخرى بعييييد على فاس بازيد من 400 كلمتر اي في نواحي مدينة مراكش بالضبط فالدوار ....
سالم"كيمسح فدموعو ويعاود ويتنخصص تا بغا يهبل ملي ساق الخبار وهو كيبكي عليه وخصوصا من شاف ديك صورة الي انتاشرت وحالتو ودمايات ..تحطات ايد على كتفو وضار " : عبدو ...
عبدو"وجهو حزييين " : براكة اسالم يهديك الله ...
سالم : غذروه ولاد الكلب غدروه ...
عبدو : يكون خير ندعيو معاه وكان هذا الي فالجهد ...
سالم"تنهد ومسح عينيه " : ونعم بالله ...
عبدو "باسف " : اش درتو مع الخيل ؟
سالم"حدر راسو " : الطبيب قال من هنا لغذا الى بقا على نفس الحال ولابد نقتلوه ...
سالم : ومكتابة مكتابة ...يمشي خيل ويجي خيل ومول الخيل الى مشا مايتعوض ولينا باغين غير نتهناو على حالة ولد الخير والجواد الفحم البنادم مابقينا بغينا حاجة من غيرها ...ينوض منها ويجي ديك ساعة يتفاهم معاك ...
عبدو : غيييير ينوض وانا نعطيه راسي الله اودي ...الله يضافيه ويشوف من حالو وحال واليديه ومولات دارو ...
سالم : اللهم امييين ...
"البلوك"...
موسى : شحن 200 ...
فرملية : تودسويت موسيو ..."دورات تا تشحن "
موسى"حكهم ثاني وحطهم على صدرو تا تسمعات زييييييييييييييو طااق تهز ياسين وتحط عاد هز راسو " : كومبيان ؟
جاب اجهزة وصلهم بشرايين الي فديك المنطقة ...عاد فجيهة القلب ...كملو العملية حتى
يلاه رجع لكن عاود انخافضو ضربات القلب حتى بداو كيتراجعو ثاني والجهاز كيغوت ويغوت ...
موسى "حل فمو وضار بالعرض البطيء هز راسو فالجهاز اما البناج را كلو عرق بجري ومراقب هنا منصف حدث ولا حرج ..." : نووووو
موسى : وصلوه بجهاز القلب دابا ...
جرو جهاز مساعدة فضخ القلب ووصلو بيه بقا شحااال كيتسنى استجابة حتى رجع القلب كيضرب بشكل عادي لكن فقط بمساعدة الجهاز حتى تسمع صوت من جديد واعلن على ...
وصلوه بيه دارو ليه وخلاه موصول وهو كيشوف باسف وحزن جهدو دارو ومكانش باغي يوصل لهاد الحالة لكن قدر الله وكتب ...حنا راسو كيشوف فياسين ورجع شاف فمنصف ...
منصف : شنو هادشي شنو هادشيييي ...
موسى : بففففف ...خليو الجهاز موصول ..."حدر راسو وخرج برا حيد الكمامة وطاقية ولاحهم بالزعفة دوز على وجهو وشعرو بجهد تا بغا ينتف راسو تنفس شحااال تا نزلات دمعة من عينو خانتو ساعات وهو كيجاهد لكن قدر الله ماشاء فعل ...حدر راسو وخرج برا
ماحدو كيقرب عندهم وماحد الدنيا كتبان ليه بالعرض البطيء غاديا حتى وقف عليهم وعينيه داخلين وجهو مكيبشرش بالخير ...هز ايديه وسرحهم ماعرف ميقول كانه كيقوليهم جهدي درتو وماحد بغا يهضر وزمان كيثقال عند فؤاد الي ناض نص نوضة ...."
فؤاد : ش ش شنو ؟؟؟
موسى "عض شنايفو كاتم الحزن وخيبة الامل شاف في فؤاد ويامنة واليديه وشاف فياسين خوه وهاد المرة هو الي خارج يبلغهم نطق بصوت باح " : درنا الي علينا ..."يامنة طاحت على طولتها اما نوار بدات كتعواج ودخل فحالة صرع
فؤاد"صوت مشا" : قتلو ليا بكري ؟؟
موسى : كومة ...
يوسف "صرط ريقو" : يقدر يفيق ؟
موسى : عايش بالجهاز يطول الى بقا على هاد الحال مدة طويلة شحال وهو كيقاوم ماعرفناش شنو وقع حاولت معاه وعطيت كل جهدي فواحد لحضة توقف القلب رجعت انعشتو بزز حتى رجع لكن عاو انخافض بزاف تا تقريبا وقف ووصلتو بجهاز مع الاسف دخل فغيبوبة درنا الي علينا وباش نحطكم بالصورة الى مافاقش من هنا ل تمنية وربعين ساعة غادي نعلنو على mort cérébrale اي الموت الدماغي…ديك ساعة غايبقى ممكن طويلة ممكن قصيرة الله الي عالم "ضور وجهو صعيب انه ينطقها" لي نعلمكم بيه هو الى طول بزاف ديك ساعة مغانقدروش نخليوه اكثر ..."شاف ف فؤاد" ديك ساعة كون واجد ومستعد باش نفصلو عليه الجهاز وتسني على الموت الرحيم ...
اصعب اللحظات واكثر لحظات الصادمة هي الي كيمرو منها دابا...موسى من الاطباء الي كيحاولو ما امكن انه يحطو عائلة المريض بالصورة كيما كانت حالتو باش يستعدو نفسيا لاي حاجة سوا ايجابية او سلبية المهم يحطو جميع توقعات الي ممكن تطرا ...حاول كل ما فجهدو انه ينقذو من الموت ..هاهو نقدو من الموت ولكن ؟ وقع الاسوء الي هو الموت البطيء كل مكيدوزو دقائق كتكون ساعات انك تسنى شنو غايطرا من بعد واش غايكون المصير النهائي...
نعطيكم امل شرحت ليكم الحال الي مر منها فالعملية ودرت كثر من جهدي الحاج من نهار هضرتي معايا كونك اب محروق على كبدتو ماترددتش رغم اني مكنجيش بزاف لمغرب الا اذا كان مؤتمر او حالة مستعجلة فحال حالة ولدك ...
فؤاد"حجبانو معقودين لواحد درجة باين عليه مزير بزاااف وحابس راسو باش مينهارش ...نطق بصوت مبحوح " : ك "حنحن حتى تنهد ونطق كيشوف فنقطة معينة بعيييد على موسى " كاين امل يفيق ؟
موسى : انخفاض ضغط الدم وفقدانو للدم بزاف ادى الى توقف القلب اثناء العملية مع مضاعفات مصاحبة لذلك ...من بعد الانعاش دخل فكومة ...
هو كيعاود ليه وفؤاد كترجع بيه الذاكرة ل 23 سنة قبل ...فاش كان فعمرو عشر سنوات وشهور....
دخل بسيارة لبيست المؤدي لمنزل مصطفى اي منزل يامنة وزينة قبل ميكبر ياسين ويخدم ويتشارك مع جدو ويكبر جناب المنزل شرا ديور وارض وراه وشركها حتى بنا فيرما الي بقات غاديا وتكبر شيئا ف شيئا ...سكت طوموبيل وضار عندها لقاها كتهز وتخشي فالصاك وتجمع باش تنزل ...
فؤاد : نزلي ...
يامنة "هزات فيه عينيها" : ونتا ؟
فؤاد : نكمي ...
ابتاسمات وحركات ليه راسها قادت شالها ونزلات كتقاد فحوايجها كانت لابسة غير جليليبة ديال دان حمرة لايحة عليها شال صوف فالمارون ومشات دقات الباب لقاتو محلول ...
يامنة : فييين يا اهل المكان ...بّاااا وااا با ...ياااسيييين حنينة هاني جيت ...مييييمة
تحل باب ديال طواليط وخرج منو مصطفى كيمسح فايديه وراسو عاد موضي ابتاسم ليها ومشات عندو كتزرب باست ايديه...
مصطفى : اهلا اهلا اهلا نور المكان ابنتي عاد وصلتو ؟
يامنة : عاااد ابا ...فين ميمة وياسين ...
مصطفى : ميمتك راهي فالبيت كتصلي يضهر ليا مع يلاه شوي باش وذن العصر ايوى ياسين را مزال ماجا من سكويلة ...
يامنة"شافت ساعتها" : اااه نسيييت قاري ليوم فالعشية ..."حنحنت" انا ندخل عند ميمة فؤاد هاهو يكمي ويدخل ...
مصطفى : دخلي بنتي دخلي "خلاتو مشا ودخلات هي لبيت دخلاااني فين جالسة جداها الي رباتها من وهي لحيمة كي ولداتها امها ماتت فالنفاس ...لقاتها صلات وكتسبح وتكمش عينيها لنقطة بعيييدة ...باست على راسها وايديها تا تبسمات"
يامنة : محمد الحبيب عندو قراية و اسامة مخلاتنيش ميمة نجود نجيبو مريض فيه بوشويكة ...
زينة "عقدت حجبانها" : فيه بوشويكة وماجبتيه لهنا ؟ جيبيه نداويه منو مالك فهاد الفعايل مالك ؟
يامنة : واا ميمة را جينا غيير نطلو كان فؤاد عندو خدمة هنا وجيت معاه غير طلبتو نشوف غير ياسين ونشوفكم وصباح بكري راجعين ...
يلاه بغات تهضر تا سمعات تحنيحنتو وهي تقاد زيف فوق راسها وكتشوف فين حنحن النضر عندها ولا ضعيف بزااااف ...
زينة : راجلك ابنتي ؟
فؤاد"قرب وتحنى على ركابيه من بعد ما حيد صباط ودخل " : ولدك هذا ماهو بنسيبك ماهو براجل بنتك ...
زينة"تبسمات " : بات الحفيد البكر الغالي ...
فؤاد : المشارك معاك الدم جناح بنت بنتك يتسمى نسيبك ...
زينة : العاطياه عينيا باش كنشوف ...
فؤاد : الواهبك (وهبك يعني عطاك هبة او هدية ) الكبدة المعاودة (ياسين)
زينة : بات البكر (ياسين) الحنين(الحبيب) ايوى خاتمها بالتخت ...
يامنة : هههههه اسامة تخت اميمتي ...
فؤاد"رفع حاجبو" : تاهو كبدتي اميمتي لا فرق بيناتهم ...
زينة : الكبير فيهم ضو ديالي هو باش كنشوف معزتهم وحيدة وليني ياسين معزتو وحدهااا...
فؤاد "ضار عند يامنة سولها بعينيه عليه "
يامنة : مزال فالمدرسة ...
فؤاد"ضار عند زينة " : موگض ؟
زينة : هاز راسو براسو والي معرفها يسول عليها قاصح راس وطبع باين عليه ...صبااار وليدي صبار حتى فالمرض ميشكي ميبكي"ضحكت" اش نزيد وكان ؟
فؤاد : الحاجة الي متشبه بوها حرام اميمتي راجل من صلب رجال ...
زينة : ربي يطول عمرو ويحنتهم لينا ...
رجع بيه العقل من تفكير فالماضي هو نداء موسى ليه الي شافو بقا ساهي تا نزلات دمعة خفييييييفة من عينو بقات واقفة ...هز عينيه فيهم الي سمعو شنو شرح بالكامل الا فؤاد الي ماسمع والو تقريبا كاع داكشي الي شرحو ليهم ...
موسى"غمزهم " : خليوني معاه عافاكم ...
حركو ليه راسهم ومشاو محطمين خرج حتى منصف وبقا هو وياه راس فالراس ناض من الكرسي وتوجه ناحيته جلس بالمقابل ليه وحنحن ...
موسى : الوقت صعييييب عليكم فهاد اللحضة نتوما كتسناو بصيص امل مغاديش نقوليك مكاينش امل ...كاين امل وواخا ميكونش كلشي عند الله قريب ...
فؤاد : شنو الحالة ؟
موسى"تنهد وغمض عينيه حيث غايعاود يشرح من جديد" : هو حاليا دخل فكومة كنتسناو اي استجابة او اشارة منو باش نعرفو واش مغايدخلش ف كومة سيغيبغال اي الموت دماغي ...حاليا هادشي الي عندي ...
فؤاد : الى موقعش يفيق ؟
موسى : هادشي راجع ليه ولحالتو لان الي وقع ليه فالعملية ضغط كان نازل واحد لحضة وقع نزيف وطلع بزاف جاتو كريز كاغدياك من بعد توقف ليه القلب ...ملي رجع خلينا الجهاز الي مساعد فضخ ...الى عطانا اشارة عالاقل من هنا ل يتحيد منو البنج نشوفو شنو كاين ...
"هز ايدو دوزها على وجهو بتعب وحرقة والم حاس بصدرو عامر عااااامر وبزااااف وفيه حرقة كتشويييي"
موسى : مسالة انك تمضي نحيدو ليه الاجهزة هادي مستبعدة حاليا وان شاء الله منضطروش ليها مي كيف قلت ليك غير انا كنبغي نحط ليكم كاع الوراق فوق الطابلة بش توقعو اي حاجة لان الي وقع ليه فالعملية مكناش متوقعينو ...كنت متوقع انه "زعما مغاديش يعيش لكن مكملهاش) ميصبرش ...
فؤاد"هز راسو لفووووووق وساط انفاس سخووونة ...مابقا للكلام اي كلام بعد الذي قيييل ...شنو فايدة الهضرة دابا ؟ دابا مابقا ميتقال سوى الدعاء وصلاة والصلاة والدعاء والتضرع لله يحفض هاد الشاب الي بين الحياة والموت ....
واقفين قدام الباب كيتسناو الطبيب يخرج يعرفو شنو حالتها من بعد ماسمعت كلام موسى وصبرها هاد سوايع والقلق كلشي تراكم عليها والي عاشتو مع الفحم والشهلة وصدمتها فياسين مابقاتش قدرات تحمل صبرات وصبرات لكن الصبر فوق الطاقة ادى بيها لحالة صرع ...
يسرى"تحل الباب وخرج طبيب " : امضرا ؟
طبيب : مزيانة دابا عطيتها مهدئ وخافض لحرارة ملي شرحتي ليا يعني ضروري ترتافع حرارتها بعد كل كريز كطيح بيها ...هاد نوع من الصرع نتيجة الاعصاب المفرطة يعني اي توتر اي ضغط لازم تجنبو ...
يوسف"باسف" : ا دكتور فحالتنا حنا الي صحاح ماصبرنا وعساك هي ...
يسرى"بدموع" : راجلها وقع ليه حادث اليم وهو هنا بين الحياة والموت وهي ميمكنش تصبر وخا نصبرو حنا ...
طبيب "باسف" : اه مسكين الله يشافيه ليكم ...مي غير حاولو تخففو عليها بالنسبة ليا هذا اختصاصي لادوز الي عندها كافية ولكن
حاولو تبقى تشربو فالوقت باش مترجعش ليها ...عطيتهم يديرو ليها شي تحاليل
ااااه يا دنيا وشحال غذارة غدرتي الكبير وصغير مابقينا نثيقو فيك موت الغفلة ولات عالجهد وضربة الغدر لعلك ترضى ...ياسين واحد من الشباب الي تغذر فلحضة زاغ ليه راسو وتدخل فشي حاجات الي هما بعاد عليه نسا راسو را كيبقى عبد ضعيف وماشي قدر غدر الدنيا حتى لحضة الي تراجع وبغا يتكون وميمشي لخطر برجليه لكن كان فات الفوت ودخل لائرة الغدر وخرج دمو غدر ...من بعد
ماكان جبل ميهزو ريح صنديد ميعرف لخوف هاهو مجبد تجبيدة حالو حال اي واحد فينا مهما قوا مهما استقوى اخرتو تمغيطة وحدة يا مرض يا موت ...مغطي بايزار ديال مشفى بيض وفيه اسم المشفى ...فوق سرير مجهز من اسرة الانعاش البيت الباااارد الي كيفصل بينو وبين الموت درجة ...
وقف بعييييد تا شاف الملف ديالو قراه من بعد خمس ساعات باش مرات العملية وصل الوقت يشوف رد فعلو من بعد ماتحيد البنج واش كاين شي استجابة او لا ...
موسى"قرب عندو " : باقي الاعضاء ؟
منصف : لو غاپوغ ديالهم عندك فيه كلشي مكاينش ضرر لحد ساعة ...
جاو فراملية حركو بيه السرير المتنقل المجهز وخرجوه من تما داوه من لور لبلاصة السكانير ديال حالات طارئة ..وقف موسى ومنصف فالبيت هو ومحمد وتقابلو مع الزاج تا دارو ليه سكانير لراسو ...
محمد"كيشوف فنتيجة" : بالنسبة لشرارات الكهربائية ضئيلة ومكاينش اي تلف ..."حل ليه عينيه قلب البؤبؤ بالبيل " استجابة ..."دار ليه الحديدة مكاينش استجابة ..هز فيهم راسو" رسميا mort cérébrale مستبعدة ....
من بعد ساعات ديال الانتظار ايساف خرج ومشا لعند صفية يشوفها هي والوليدالزايد ياسين الجديد اصغر فرد فالعائلة تضاف جديد ...والي مشا يبدل ويرجع والي مشا يشوف ولدو الي هو صهيب وبدل هو الاخر وكلفوه باش يجيب ملابس ليهم كاملين ويتفقد احوال الفيلا ....يومين ديال العذاب النفسي الي عايشينو معمرهم عاشوه ...
حلات عينيها من بعد مدة ...ضورات راسها لجنب كتسمع غير صوت تلاوة القرآن بصوت نسوي بدات كتضوح ليها رؤيا وكل ماكتسمع التلاوة كل ما كتحس بالنمل سارح فداتها واحد تبوريشة شداتها فشكل ...بقات شحال تا بانت ليها نجود الي كانت حداها كتقرا حتى سالات وطوات المصحف وهي فوق صلاية هزات تيبيح وبدات تسبح حتى سمعات تحنحينة باحة
نجود : ششش ابنتي ياسين مابيه والو مزال فيد الله ابنتي ياسين بغاك توقفي معاه بدعاك وصلاتك ابنتي ربي يفرج تاحاجة مكتجي بالبكا ربي كيمتاحنا ويختابرنا واش غانحمدوه واش غانصبرو ونوكلو امرنا ليه ...ياسين بغانا حداه بالدعاء ماشي بالبكا ياسين بغات توگضي فغيابو حتى يرجع ليك ويعرف انه معاه مرأة هازا بيه الزمان والى بصح كتبغيه ابنتي وكضي راسك كي نهار طحتي وكض راسو تا وقف معاك ووليتي لباس ورجع ليك ضحكتك ورجعك لدنيا من بعد ماكنتي روح فكسدة غير غاديا كطلع وتنزل ومدايرة والو ...
نوار"حدرات راسها" ...
تحل الباب ودخل عاد واصل كي سمع الخبر قطع لحظتها هو ومو باش لقاو التيكيت قطعوها ديك ساعة وهاهو وصل حيث عارفها غاتمرت ومتعرفش كيفاش تصرف لان دقة صحييييحة عليها وخاص يوقف معاها فهاد الوقت ثاني ...
سليمان : نهار طحتي ناض هو بزز الوقت الي هرستيه جبر راسو بزز حيث عرفك مريضة لانك ماشي اي واحد لانك نوار عندو وحدك بلاصتك كبيرة عندو مزعزعها لا فراق لا عبد ...
نوار"ناضت بشوي دموعها دايزين مدات ليه ايديها تا جا حداها وعنقها " : اهى اهى اهى ...مانقدرش وهو مكاينش اسليمان مانقدرش اهى اهى ...حياتي بلا بيه قاصحة عليا نعيشها حرقوني عليه وعرفو كي حرقوني اهى اهى ماقدرتش اسليمان ...
سليمان"شد ليها راسها وشاف فيها" : واش مات ؟ لا ماماتش انوار تاهو را مكرفص باغي يرجع واش هو كره يعيش واش هو بغا لراسو هادشي ؟ مابغاش لو نتي بلاصتو كان واقف عليك وصابر وهاز كفوف لله ومضارب باش تعيشي وتبقاي ليه ...الى فقد الامل يتضرع لله وخا فاي حاجة يدعي لله ...كون راه مفرش سجادتو وكيدعي ليك تنوضي بيخير ...كون را واقف وقفة رجال وفقلبو امل كبييييير انك غاتفيقي وترجعي ....
نتي دابا انوار رجعتي تحطيتي فامتحان قصح من الي تحطيتي فيه ايام طلاق نتي دابا فمرحلة حطها ليك الله ماشي العبد بغاك توگضي وتوقفي وتدعي وفنفس الوقت توقفي على رزق راجلك بينما رجع ...الفشوش ديالك سالا فهاد اللحضة دمري وتقاتلي باش يرجع وديك ساعة رجعي لفشوشك معاه ...البكا ونواح ودلان شنايف معندو لاش لاق ليك لا غايعطيه دم لا غايفيق ليه القلب الى ما كافحش غاتسكتيه ليه ...
نجود : نوضي ابنتي توضاي واجي صلي صلاتك واجي قراي معايا شوية القران بينما فرج الله واحد شوي وغاترجعي لفيلا معانا بدلي ودوشي وتقوتي ونرجعو ثاني ...
نوار"بخوف خرجات عينيها" : لا لا منخليهش ...
سليمان : تاحد مغايخليه بغينا ليكم راحة فين توقفو من بعد وا ريحوه ماشي تكملو عليه ...
بالفعل فهاد اللحضة هو محتاج لراحة محتاج لرحمة ربي تنزل عليه وينزل على عبدو هذا الي مدد ليه يومين تقريبا بين الحياة والموت وراعب حبابو عليه وهو الاخر مكرهش ينوض ويلقا هادشي غير حلم وحلم بيه لكن مع الاسف
تنبؤ المرأة وتفسير حلم الي فسراتو ليه ام سفيان هو هذا الي عليه والي دعات وهي فقرارة نفسها خايفة والرعب متملك قلبها عليه انه يعطيه ربي عمر جديد ...يومين فالجحيم دازت عليهم هما وعايه الي كيصارع حتى كيموت ويرجع لحياة ...وهاهو على نفس الحال مدد ولا حول ولا قوة الا بالله ....صوت الالات عند راسو وصت تشتيش ديال الاكسجين خدام وصوت الة الضغط وبرد رهيييييييييب فداك المكان ...حتى بدا جيمو كيترعد ويزيد يترعد حتى بداو الالات
مشاو كيتجاراو يعلمو منصف الي كان يلاه بغا يخرج من مناوبة ديالو مخلي موسى فالمكتب الي غايبقى تما حتى تستقر حالة ياسين حتى جاتو خبار الحالة المستعجلة الي وقعات دابا صوت الالات كتغوت دخلوه لواحد البيت ديال فحص جنب داك الانعاش مبعدينو على ناس تما ...مشا موسى كيجري هو ومنصف لعندو لقاو كيتهز ويتحط ودخل فحالة ازمة قلبية ...
موسى : ميييييغد ميييييغد ...
منصف : ياربي سلامة اووووفففف ...
حالة هلع وخوف وضغط الي واقعة دابا وهاد اليومين الي تحط فيها موسى ضغط اول مرة كيعيشو ...من بعد ما استبعد مرحلة coma cérébral وتاكد انه ف coma profond...لكن الكريز الي وقعات دابا مكانت لا فالبال ولا الحسبان وهنا الامل انه يفيق اصبح ضعيييييف والحالة صحية ديال حبيبنا ونورنا فهاد القصة اصبحت ضعيفة بزاااف ...
فهاد اللحضة كانت جايا نوار ويامنة باش يطلو عليه وخا صعيب لكن موسى واعدهم انهم يشوفوه وخا غير من بعيد ومعاهم فؤاد تاهو ودراري اشرف وعلي وسليمان والياس واسامة الي عذابو فهاد اللحضة من نوع اخور ...وقفو فواحد البلاصة حتى دازت ساعة جات يسرى عيطات لنوار مشات معاها باش تشرب دوا وترجع وتشوف طبيب الي بغاها ... خرج موسى بملامح متاسفة ...
موسى : الحاج فؤاد واخا تجي معايا ؟
يامنة : خبار الخير اولدي؟؟ ...
حرك ليهم راسو بمعنى تبعني خلاو يوسف ويسرى مشاو مع نوار عند طبيب وتبعوه هما مخليين يامنة دراري مع الياس كيسناو تما حتى يجيو ...
دخلات نوار شادة فيسرى ومعاها يوسف عند طبيب لتحت الي فحص ليها وطلب منها تحاليل دم ...سولو عليه نعتو ليهم فين كاين لقاوه عاد داخل من بعد ما عيطات ليه يسرى حيث كان زميل دراسة فالمدسين معاها ...
نوار"هزات فيه عينيها بتعب" : ماعرفتش "حدرات راسها"
يسرى : مرداتش لبال دكتور راك عارف الحالة تا الماكلة ماكلاتها...التحاليل الي طلبتي شاملين وحنا بغينا ديال فقر دم ياك ؟ مي هي تقريبا تشافات منو ...
طبيب : نتي دكتورة مغايخفا عليك والو الى شاكة فشي حاجة را شكك فمحلو دكتورة يسرى ...
يسرى "هزات عينيها فيه كانها بغات تاكد من شكوكها لانه محلاتش تحاليل وتحاليل الي طلب ليس لهم علاقة بفقر دم هو طلب تحاليل شاملة ..." : يعني ؟
يوسف : شنو كاين ؟
طبيب"شاف فيه وشاف فيسرى ورجع شاف فنوار " : مادام نوار est enceinte(حاملة) موسيو ...
يسرى"تكات راسها كتبكيييييي حيث بصح الي شكات فيه هو نيت" : الله يا بنتي اهى اهى ...
نوار"كانت غااايبة حادرة عينيها حتى هزاتهم وخرجتهم على جهدهم تا ريقها نشف بغات تهضر بدات كترعد "…
طبيب : الحالة ديال صرع الي جاتها وسخانة والادوية الي تعطاوها الحمد لله ماثروش كيف طالع عندي لكن "شاف فيسرى"بما انك اخصائية نساء هنا غاتكلفي معايا اختصاصي واختصاصك حتى نتاكدو من صحة ديالها"شاف فنوار" على ماعرفت الحالة الي نتوما فيها اعتابري هادشي الي فكرشك اشارة امل ليك ابنتي ....مبروك عليكم
خرج وخلاهم بثلاثة معاها يوسف الاب اليي خاص يساند بنتو فهاد الحالة تاهو مازم على ياسين لان ياسين ماشي غير ولد خوه او نسيبو هو ولدو ايضا وهاهو غايجيه حفيد منهم بجوج ...فهاد اللحضة بالذات خاص نوار تشبت براسها ...
يوسف"تحنى على ركابيه وقبط ايديها" : شفتي ربي شحال كبير ؟ شحال تعذبتي وشحال داز عليه فقدتي وليداتك ونتي مزال ماعرفتي بيهم وذابا هانتي عرفتي ...اش خاصك ديري ...
نوار"الصمت مزال مصدومة "
يسرى : كنت شاكة ابنتي ومبغيتش نتاكد حيث فاش قال ديرو ليها تحاليل عرفتو ميحتاجهمش لانه ماشي تخصص ديالو...
يوسف "طبطب على ايديها" : نوار بنتي شوفي فيا ...
نوار"هزات فيه عينيها وشحال عزات عليه حالتها تشوات وصوتها مكيتسمعش مواصلش باش تقول اش بيها وتغوت على المفششها حبيبها بات الي فكرشها الي عوضهم الله ولكن هو مكاينش معاها فهاد اللحضة "
يوسف : شدي فراسك ابنتي على قبل الي فكرشك ورا حنا عادرييينك صعيبة علينا وتشوينا فمابالك نتي واقفين معاك غير بالصبر ...
نوار"شافت فيه شحاااال وفمها محلول بغات تنطق بزز باش خرجات الهضرة وصوتها تقريبا ماشي باش تعبر ماكاين الي يحس بيها ...ارحمو قلوبا لا يسمع انينها الا الله .." : دعي معايا ربي يكون معايا ونشد فهاد الامانة (الجنين) الي خلاها ليا الغالي ...
"في" المكتب ...
موسى"جامع ايديه لقدام مشابكهم وحادر راسو كيعاود باسف " : وقعات ليه كخيز كاغدياك الي مضنيناش انها تجيه فهاد اللحضة من بعد مااستبعدنا انه يكون موت دماغي ...عطا اشارة لدماغ ..
فؤاد "صدرو كيطلع ويهبط وقلبه نزل عند ركابيه ...صراحة را يقوى تا يعيا سميتو تزعزع الي ميزعزع ولكن را صبر عند الكبدة كيتقادا وضعف كيبان والقوة كتمحى اما الخالق ...رجع ثاني بتفكيرو ل سنوات 23 سنة سابقا وتفكر فاش جا داك النهار "
ياسين "عاود الجملة الي قال باه " : الله يعمر داارك الوليييد ..."باس ايدو"
فؤاد : الله يرضي عليك ..."طبطب ليه على راسو" اجي تكا حدايا وحكي ليا همك ...
مشا حتى حيد تقاشرو غسل رجليه بدل حوايجو وغسل وجهو ونشف حالتو عاد جا تخشا حداه مع كان البرد وشتا غطاه بمانطة وبدا يعاود ليه على نهارو وايامو كيدازت ...وحداهم زينة مرة مرة كيشاركوها لحديث ".....
"رجعات بيه الذاكرة" وشاف فموسى ...
فؤاد : الي عطا الله عطاه عطيني حالتو دابا ...
موسى "تنهد تا تنهد وجمع الكلمات الي غايقوليه ..." : الحالة الي وقعات دابا خلات الامل يمشي فانه يفيق ...وخا المخ خدام لكن تنفس ضعيف "عض شنايفو كيحكهم بسنانو وعاود نطق " من بعد ماكان coma profond الى عاودت رجعات ليه الكريز المرة ثالثة ديك ساعة غادي نقوليك "طبطب عليه " كون مع الله يكون معاك (بمعنى غايموت ) دابا غايبقى عايش بالاجهزة تنفس والضخ حتى يفرج الله لان كلشي فالحضيص ...التنفس والقلب ...الامل الي كان باش يفيق مشا بهاد الكريز الي وقعات...نتمناو من الله ماتعاودش ويبقى عندنا امل لانه من هنا لديك ساعة الى تعاودت غادي نقوليك دابا ورسميا غانضطر نعيط ليك باش تسني وتسحب الاجهزة يكمل عادي حتى "ماقدرش يقولها وكملها عليه فؤاد "
فؤاد"حادر راسو معصوووور ونطق " : حتى يموت ..." بصوت مبحوح مقجوووج حجبانو رسمو خطوط وعينيه ولاو حمرييييين وجنابهم تكمشو تزير وتزير ولهلا يطيحك فحالتو ...دوا بكلام خلا موسى يضور لهيه عز عليه": يااااربي الى كنت داير ذنب ديني انا ولا تصرفو فبكري ياااربي …
وعلى قولة فؤاد اااشمن ذنب دار حتى تصرف فيه بهاد الرزية الي ترزا وتهريسة الي تهرس من حيهة اول تمرة حب منو هو ويامنة اول فرحة اول نور تزاد جديد فافراد عائلة رمسيس الي كانت مقتاصرة غير على فؤاد الابن البكر الي شق طريقو وهو شاب ومشا دخل وسط خارجي عن القانون باش يعيش خوتو ويهزهم لان الاب ديالو عبد العالي رمسيس كان غير نجار على قد الحال حتى مشا لبلاد الي استغلات الدماغ ديالو فالاثارات وتفكير الذكي والي تاحاجة ماتزهق ...يوسف الي كان غير شاب كيقرا حتى عاون خوه فالشركة الي بناها طوبة طوبة حتى تكلف بيها وكبرها الى جانب صهيب الابن الي تزاد معاهم ابن المربية ديالهم والي هي نفس الوقت قريبة الام ديالهم وصديقتها وخلات ليها الولاد بربعة تربيهم مع ولدها صهيب الى اخر العنقود راوية ...
خرج من عند موسى حادر راسو مكسور الضهر مكسور الجناح مقسوم الخاطر عينيه مزيرين وحجبانو معقودين تقهر بما فيه الكفاية على ياسين وعزف كيفاش تقهر ...فطريقو تلقى ليه الحبيب الي جا كيزرب عاد وصل من برا ...كيهضر معاه مكيجاوبش ابدا حتى جات
فؤاد"حدو هز عينيه فيها شافتهم جمر حمررر وحجبانو اول مرة تشوفهم معقودين يمكن من سنوااات مرجع هاد نضرة ...
"بغات تهضر معاه وهو يهز ايدو قدام وجهها ووقفها باش ماتزيدش تهضر تما فهمات انه ببه شي حاجة زادت ازماتو وهرسااتو كتر ماهو مهرس. وبما انه مدارش حركة الي تدل على ان ياسين وقع ليه سوء اكثر الي هو الموت فهذا بحد ذاتو امل ...شافوه كاااملين الي جاو وشافو حالتو يوسف غمزهم الي كان جاي مع نوار الي وقفات كتشوف فيه وهز عينيه فيها ...
نوار"عينيها دايزين بدموع وقفاتو" : عمي فؤاااد ...
فؤاد"قرب اكثر لعندها وشد كتافها بزوج وقرب باش جبهتها وطوووول حتى شاف فيها" : توگضي معايا وهزي راسك وصبري ماهو الوقت
لفشوش ماهو وقت البكا البكا مشاااااا "جهد صوته وضور راسو نصف دورة باش يسمعوه لاخرين "
هذا وقت المقابلة مع الله وقت ترجا مولاك وانا نسعى معاك ...وقت هزان الكفوف وخرجان لغا القلب ونخصة الخاطر ....وقت هز كفك وقول يارب ...حيدووو عليا وديان العينين وتنخصيصة الخاطر ...والي نسمعو مزال يبكي ويسبق العزا حسابو معايا ..."شاف فيها مزياااان "
هزي راااسك ووگضي راسك الي كان حاميك هو فحمى الله ويتسنى مكتوبو يا زين يا خايب ...الامل ضعيف ورجانا فرب العباد كبيير ..."خرج فيها عينيه زعما فهمتي"
نوار"عصرات اخر دمعة فعينيها وشافت فيه بتعب وحركات راسها وعينيها محدورين وراسها
فؤاد"هز ليها وجهها بجهد" : وقت هزان الراس وقت الرجا وقت الفياق ...الشكا والبكا حيدناه ...وقت الصبر ...
نوار "بقات شحال عاد نطقات" : عندك صح اعمي"تفكرات انها حاملة " عندك صح ...
يلاه بغات تهضر معاه يسرى تقوليهم راها حاملة حتى كانو لقاوه زاد غادي فالكولوار ولا يوسف غمزها وسكتها بعينيه تخليه على راحتو ...اما هو مشا لبرا وخرج هز التيليفون من جيبو ودوز الخط لايلاف ...
ايلاف : ايه رفيقي ...
فؤاد"مسح على جبهتو وحك عينيه بصباعو زوج " : فينما كنتي تكون كون عندي ...
وقف قدام السيارة دار ايديه على نصو كيشوف فنقطة بعيييييييدة وعينيه مااااكيبشرو بالخير ...ضار هنا شاف ناس داخلة وخارجة وضار هنا ناس واقفة وتهضر وعباد الله تجارا ...هز الكونطاكت وورك عليه تحل باب سيارة وتوجه ناحيتها وركب دار سانتير وديمارا ....
فؤاد"صونا ليه تيليفون " : تيسرتي ...
ايلاف : بالطريق اصلا ...المشفى اكيد ؟
فؤاد : فاس جديد ...
مخلاهش حتى يكمل ويقوليه اناري علاش ولا اش واقع قطع عليه كيف عادتو من اياااام زمان جوج كلمات ساط راق مكاينش تخرشيش ...
ايلاف : نسر موسكو رجع ؟
حرك ليه راسو وهو براسو ولا يتفتف حيث اول مرة من بعد 32 سنة ماشاف نضرة ولا نبرة ولا هضرة فؤاد وداك فؤاد رمسيس نسر موسكو هاهو رجع من بعد ما تدفن فور ما تزاد ياسين هاهو رجع ...
هادي هي حال الدنيا وهذا هو مكتاب رب العالمين ماشي هما اول وحدين وماشي هما لاخرين ...هادشي الي وقع نتيجة الي مبغاوش يوصلو ليها والي كانو ناويين خير وشحال من واحد فيهم كان مخطط شنو يدير الي مخطط يسالي غراضو ويرجع لدارو وسط فراشو والي عاد جا ناوي يجلس مع حبابو يروي عطش الشوق منهم ومن شوفتهم ...
والي فرحان تجمع شملو والي ناشط تضافت عندو حياة والي والي ولااااكن ....
داير راسو بين ايديه وحادر عينيه بقا غير هو ماعرف ما يقدم ولا يوخر ...حتى دخلو عليه فين جالس ...
عزوز : شنو نديرو ؟
سالم"هز فيهم راسو وشاف فيهم بعينين حمرييين بكا تا طاب ليه قلب قلبو " : فين هو ؟
عزوز "شاف فيه واحد منهم" : لداخل ...كاين معاه ماتخافش...
سالم"بقا كيشوف حتى نزلات دمعة كتجريييييي عمرهم شافوه بكا حتى شافوه هاد النهار" : قولها ليه واجيو وصلو عليا نقضيو الغراض معندو ميبقا هكاك كي قال طبيب…صافي هذا الجهد معندنا منديرو ...
حدرو راسهم باسف على وجهو ايييه عمرهم شافوه بداك المنضر حتى شافوه بيه ووصل الوقت ...خلاوه جالس ومشاو يديرو شنو قاليهم ...
"تسرسبات دمعة شاقة طريقها على خدودو الي تكمشات بشمس وتمارة… تفرعات لقطرات غاديييين حتى تبعتها ثانية وثالثة حتى رجعو دموع منهمرة بغزارة وجنب عينيه تكمش بكترة ماعصرهم حتى حط ايدو على صدرو كيحك يحك فديك العافية ويعاود يحك
عالله وعيى تطفا وترجع الفرحة ويقول هادشي غيييير حلم ...حتى بدا يتنخصص وكتافو كيتهزو ويتحطو ...تحطات ايد على كتفو هز فيه راسو مسااالي بالبكا ..."
سالم"عاود حرك ليه راسو" : هكااا بقات حتى يعوض رب العباد ....شواونا عليه وديك صورة تمغيطة حرقتنيييي…
عزوز"تنهد بامل" : معندي منقول فهاد اللحضة سوا الله يصبر و يفرج الله ...يكون خير....
يااااا رب ياااا عاالي ارحم عبدك وتكرم وتكرم برضااااك...يسر لي امرييي واشرح لي صدري...ياااااارب يااا عالي...
بقاو شحال جهد شي ساعتين حتى خرج طبيب البيطري عندو ...وقف وعيط ليهم باش يخرجوه ...حتى بانو ليه زوج من الخدامة جارينو فواحد النقالة كبيييييرة هازينو قد سخط فيها تا جا عبدو تعاون معاهم تاهو مزير حيث ماحيلتو لياسين ماحيلتو لهاد الخيل ...كلهم في حالة يرثى لها ...لا لخاطر كاين لا القلب قادر مزال يزيد يهز ويهز ...هذا الله وهادشي الي جادت بيه الدنيا والي تغدر را ساير كيصارع ....خبارو تنشرات فالدوار كيف تضرب ساقو الخبار واولهم نعيمة الي واقفة على الماكلة ديال الخدامة وتبكي طيب وتبكي وتلالي ...تقهرات عليه وتشوات هي الاخرى ...خارجة وتبكي تدخل وتبكي ...تعدد وهي واقفة وتدعي فصلاتها معاه ...اما فنيدة
هاديك شوية عندها بالدوبل ياسين مكانش غير صاحب ولدها كان حتى ولدها معاشر مع عبد الغني من الابتدائي حتى كتب المكاتيب ووقع الخصام داك النهار حتى دعات عليه وهذاك دعا
هاهي كتندم عليه اشد الندم الي كياكل فراسها وتشوى عليه كثر وجدر ...حال دوار فحال شي واحد مشاركين فتربيتو ترزاو فيه ...مكاين غير الفحم الله يكون معاك الفحم راك شويتينا ...الخبار داعت من نهار تضرب وصلات
ناهيك على ازرو الي ام سفيان كي عرفات طاحت مريضة بسخانة من فقصتها عليه حيث عرفات اش تفسير الي فديك الحلمة هاهو وقع نيت وعلم على راسو على انه اكبر سوء غايوقع ليه ومستقبلو كان مضلم وهنا يا موت يا شي حاجة كثر ...اش هاد الحال ولهلا يكتبها على مسلم ...وصلوه لبرا وتعاونو كاملين تا هزو نقالة تطوات وطلع تخشا فالبيكوب ضار عزوز هو الي ساق اما سالم هذاك راه مرض ومرض وتشوا غييير يدور ويلالي ...مضطر يبقى على رزق ياسين الي بقا غير ليه فهاد اللحضة هو الي مكلف بيه واقف على كلشي ومزير العباد باش ميترخاوش ويضيع رزق السيد ....
عبدو"راكب حدا الخيل لور دق عليهم تا ضار عزوز شافو من المري" : لخلا الي فطريق مراكش ؟
وقف بسيارتو هو وايلاف حدا واحد القهوى كانو مصافين طوموبيلات وباركاو تما...نزل من سيارة. وتقابل مع البلاصة بالضبط ...
ايلاف "حدر راسو ورجع هزو وشاف فيه كان عاطيه بالضهر وكيشوف تما كان لابس غير قميجة وسروال فصالة والكز كاين" : رفيق دربي لبس عليك شي حاجة دفيك غادي تمرض ...
فؤاد"فك ديالو كيبان كيتحرك وخا لحية كثيفة بانت فنواضرو" : العافية شادة البرد هو الي فيه بكري ..."شاف فالبلاصة فين تضرب هكاك مزال دم محروق تما وداك الخطوط الي نزلو ديال دم تاهما محروقين "بدا بتيليفونو يحضر فين ماكان ...
ايلاف : واخا كون هاني ...
فؤاد"جهد صوته تا قفز ايلاف كلو " : مااااااان اليوم (من اليوم) ...بدا بالبراهش (عيسى المنصوري) ...
ايلاف"شافو مشا لوسط شانطي فين كاين دم المغدور المحروق وتحنى على ركابيه ..." : لك الله يهون عليك حرقتك يا رفيقي الله يهون عليك والله يطفي نارك قبل ماتحرق الكل ..."دار ايديه على نصو وضار لهيه عز عليه كيشوف صاحبو مشوي على كبدتو " ...
"في المشفى"...
من بعد ساعات وهما جالسين تما كيتسناو يجي فؤاد باش يدخل عندو هو ونوار حيث علمو بالي تزاد عليه الحال واش كاين فضل فؤاد يعلمهم موسى لان فؤاد براسو ماستحملش ...بمشقة الانفس باش فهمهم دون ميخلعهم وخا حطهم بالصورة يعني خلاهم مستعدين نفسيا مع نسبة ضئيلة من الامل المهم يكون امل ...
يامنة"معنقة نوار من بعد ما عرفات بحملها معنقاها وتبكي " : الله يا بنيتي الله اهى اهى ...ماعرفت نفرح ولا نتهنى ولا اش اهى ...
يسرى : يامنة وقفي معاها وشدو فبعضياتكم عالاقل عندكم امل ودابا عندكم امانة حافضو عليها ودعيو يرجع ليها مولاها ...دعي الي فكرشها يرجع ليه باه ويوقف معاها ...
نوار"بقات شحاااال وشحال حتى شدات ايدها وكمشات عليها باستها" : ونتي اخالتي امانة من عندو وهذا الي فكرشي امانة من عندو حتى يرجع ان شاء الله غايدوز منها "تسرسبت ليها دمعة مسكينة مكتفرانيش دموعها معندها مادير وكتحاول تعطيهم امل ..." غانصبر ونتبع مع ماما ومع طبيب ديالي وشوية بشوية حتى يفرج الله ويرجع ياسين ان شاء الله يرجع ...
اشرف"حتى وقف عليها وتحنى على ركابيه وشد فيهم وخصوصا نوار" : محتاجة شي حاجة انوار ؟ الي بغيتيها قوليها ليا نجيبها ليك فينما كانت ناخذها ليك ..."شاف ف علي وسليمان والياس وصهيب وايساف والحبيب واسامة" كلنا معاك ومعاكم ...ومعاك نتي بالذات
حسبينا خدامين عندك نتي ختنا ومرات خونا نتي كلك امانة من عندو ...نهزوك بسنانا ومنخليوكش تحتاجي ولا طيحي دمعة ...
علي : حنا معاك تلاخر معمرنا نفلتو من حداك الي خصاتك تحضر ليك ...عندك واليديك عندك عمامك وعندك حنا ...نهزو شي مع شي تايجيب الله تيسير ...
نوار"حادرة عينيها ومزيرة " ...
اشرف : نهار كنطيحو كالقاو الوليد وحقنا كيجيبو لينا ياسين وقفة ياسين معايا معمرها تنسا هو ماشي خويا بالدم ولكن خويا بكثر من الدم ...خونا الكبير ونكونو ولاد لحرام الى فرطنا فيك"تزرزرو عينيه بالدموع تا شهقات يامنة " خونا حتى لموت ...كبيرنا وهاز همنا وهاز شكانا وبكانا ...مفرحنا على حسابو ...عاطينا من وقتو كتر من راسو ومعوضنا على كلشي ...نهار كنطيح كالقاه هو لول نهار داو ليا حقي جابو ليا وجابهم تحت رجليا يركعو ...
انا وخا ولدكم كنبقى يتيم معمرو حسسني بالي ماشي منكم لا هو لا الوليد ...دابا نهار تحتاجي ولا يحتاج ولدو الي فكرشك "عينيه ماحابسييينش"
اسامة"نقز كيبكي" : نقطعو من لحمنا ونعطيوه ...
ايساف : نتي دابا بين عينينا والى هو مفششك حنا معاك ستة مفششينك غير عمامك وواليديك...
يوسف"تبسم بلهلا يطريه ليه" : ايوى شفتي ؟
في هاد اللحضة الي كضر فالقلب وفنفس الوقت كتفرح الخاطر الحمد لله ان نوار عندها علامن تعول من بعد ياسين ...وعندها الي يهز معاها الحمل ...ورغم هادشي لابد تحمل وتصبر وتهز لحمل راسها وتعلم تعول على راسها فغيابو ...وخا ميخليوهاش ...
وصل فؤاد وايلاف من المشفى وركن سيارة تما حدا طموبيلات ونزلو بزوج ...ضار عندو ايلاف ...
ايلاف : ممكن تشوفو دابا ؟
فؤاد"ببرود" : مزال ...
ايلاف : ان شاء الله خير...
مزالين كيهضرو حتى وقف عليه شاب ماغريبش عليه ...بقا كيصعر فعينيه ومحدو كيقرب ليه وهو كيرفع حاجبو ..خصوصا كيبان ليه جاي وجهو مزير وعينيه حمرين تا وقف عليه وقبل راسو ...
فؤاد"تنهد وهز راسو لسما تا ساط" : على سلامتك اولدي ...
اركان "حنحن" : ماجاش وحدو ...
ايلاف : كيفاش ...
عبد الغني : انا يلاه جابني اركان و شوي شي ساعة باش وصلو من الدوار ...
فؤاد"كمش عينيه" : شكون ؟
اركان"شير ليه " : لهيه راهما ...
ضار فؤاد وايلاف يشوفو فين وراه حتى بان ليه عرام ديال بنادم كلهم من الدوار اولهم نعيمة وفنيدة وراجل فنيدة وراجل نعيمة ورجال دوار وسالم تاهو وعبدو ...
عبد الغني : كراو كار يلاه هزهم الصباح بكري ركبو ويلاه وصلو ..."حيث البارح فين داو الخيل وركبو كاملين فالصباح بكري ديال اليوم "
فؤاد"اش نقوليكم الى القلب كيتزادو ضرباتو تا كيبان ليك كيطلع وينزل را فؤاد قلبو تهز تالسما ونزل حتى رجع باللور كون ما ايلاف شدو زير عليه كون طاح ...واحد المنضر كيبورش انك تشوف غرق ناسجايين فالكار طاحنين اكثر من ربعمية كلمتر ومخليين ديورهم وجايين تالعندو ...فراه بزاااف هادشي علاش الواحد يزور ويسول ويصيل الرحم ...يوقف مع الناس وخا يكونو ولاد لحرام باش نهار طيح تلقى الي يدعي ليك بالشفاء والي يترحم عليه ويقول الله يشافي فلان والله الله يوحم القبر وماخلا..."
فؤاد"تهز صدرو بواحد تنهيدة مصحوبة بشهقة ونطق" : اااش درتي يا بكري حتى تلقا عباد الله طاحنة طرقان ومخليا الولاد والرزق وجايا لمرضك توقف ولشفاك تدعي ...
وسعداتك يا فاعل الخير وناسي حتى تلقا الي يدعي ليك بالشفا ولا الرحمة ...
"قبل يوم"
اي فاليوم الي قبل مايجيو مالين دوار ويوصلو لفاس نيشان لسبيطار فين كاين ياسين ...اللحضة الي هزو فيها الفحم الي بلغهم الطبيب البيطري بالي مغايقدرش يتحمل ويبقى غير يتعذب ...فالحل هو الحل العادي الي متعودين عليه فعالم الخيول او اي حيوان ...
مشا بيهم عزوز حداه سالم واللور عبدو معاه ربعة دراري مگضرين من الخدامة نيت ديال فيرما ثانية جديدة فين تقامت حفلة عرس ياسين ونوار فاليوم الموالي...
مسافة طريق نيييت تا خرجو من دوار وشدو طريق البيست حتى وصلو لواحد البطوار تما كبيييير قداش ديال شي فيرما كبيرة جات فالدخلة تاع مراكش ...ووقفو ...
سالم"شاف فعزوز" : وقفتي هنا ...
عزوز : حسن نعطيوه لسي جواد عندو لمن يعطيه ولا يتلاح فالخلا وخيل هذا اسالم ...
سالم"حرك ليه راسو" : حسن حسن ...
نزلو بزوج ىضارو جيهة اللور ديال بيكوب لقاو دراري نزلو وبداو يحلو باش يتحماو عليه ينزلوه ...مزال حي لكن عايش فالعذاب وخاصو يترحم لان لا شفاء له ...
سالم"كيف هبطوه مقاتلين معاه حقاش خيل مگضر نيييت كحل فحال الليل ...تفكر النهار الي قرر ياسين ياخذو وفرحان بيه والحديث الي ضار بيناتهم "
"فلاش باك"...
سالم"جاي داير ايديه وراه وواحد ورقة زيتون في فمو تا وقف على ياسين الي كان مقابل مع الخيول الي فواحد من المواسم ديال الصربة " : ياكما گرنتيهم فشي واحد ...
ياسين"خاشي ايديه فجياب القبية كحلة و كان داير كاسكيط ضارو عندو شاف فيه ورجع تقابل مع الخيول" : عزمت على واحد ..
سالم : ايوى الله يجعلو من نصيب الخيل فنواصيها الخير ...
ياسين : ندير ليه بلاصة ...
سالم : وسمية ؟
ياسين : لا كتبو ليا الله الفحم الى ماكتابش يجيب الله الفحم غيرو ...
سالم : هههههه مسميه على راسك ...باقي صغير لا ؟
ياسين "عض شنايفو كيحكهم بسنانو وكيشوووووف فيه كيوقف ويطيح حيث باقي عاد زايد ..." : بااقي صغير بااقي ...
رجعو كيشوفو فيه حتى مشا ياسين سول عليه ودار معاه حتى يكمل العام وشي شهور عاد ياخذو من عندو عطاه التسبيق من بعد وخذا غير الكلمة بلا ميتكاتب مسبقا حيث كيعرفو لانه واحد من قباد الصربة الي كان كيحرك معاهم ....
ياسين"مشا عندو تحنى كيشوف فيه معوج راسو فيه ...ديك الوقيتة كان ياسين عاد دازو شهور قليلة من الطلاق ديالو هو ونوار ..." : الادهم يگلع ضيم والهم الروح عشقاتك بيك يا لدهم ...خيالك لفحم ومولاك الفحم..."طبطب عليه وناض كمل طريقو هو وسالم "
"رجوع"....
سالم"دور راسو لهيه عينيه مكمشيين بالشمش ومزير من الفوق الخاطر عندو وهذا الله ...تنهد بصوت مسموع وشاف فالگزار الي جا لباطوار" : بسم الله ؟
جرو الدراري الخيل الفحم اصلا مغط منايضش عايش عذاب الالم ...مضا السيف سما الله الگزار ..هو فالعادة كيقول التكبير والخيل واقف كيضربو لراس بلور ديال مقدة تا كيطيح دايخ ويغفلو الجزار يخشي فيه موس نيشان لتحت عنقو فالوسط يخرج دمو ويدبحو من الوريد الوريد...لكن هذا معذب اصلا معذب مسالي دغيا...
الگزار : الله اكبر الله اكبر بسم الله ..."راااق خشا فيه الموس ودوز عليه تا دور سالم وعبدو وجاههم خصوصا عبدو الي دابا كيقول انا الي قتلتو وخا بقا عايش ...حس بدنب فوق ذنب ..."
عزوز : صافي ؟
الگزار"كيلهث وواقف كيشوف فيه " : صافي الله المعين ...
سالم ضار مشا مابقاش تلفت جيهتو غادي وعينيه مدمعين حس براسو ياسين الي مات فهاد اللحضة ياسين الي مشا عند الله تعذب وتعذب ومن عزو عليه ياسين ملي قال بسم الله فالفيرما سنوات وهما معاشرين كل نهار معاه وحتى فغيابو كان كيهضر معاه ويتعاملو على ود الفيرما...
سالم"هبط راسو لتحت شحال وطلعو" : يلاه يلاه هذا حد لاجل ...
"اللحضة" الي وصلو فيها كاملين لفاس ضبرو على كار من مراكش فمحطة باب دكالة وهزهم مع الصباح بكريييي طحن بيهم 484 كلم تقريبا وهما غادييين ...الشي الي كيخلي الذات تبورش وتقول سعداتك يا فاعل الخير....
فؤاد : مالين الخير مالين الخير...
ايلاف "واقف كيشوف تا دمعو عينيه وتنهد"
عبد الغني : ياسين ماشي عشيري ياسين خويا كبرنا بجوج وقرينا بجوج ...عشرة عمر طويلة الحاج ..."حادر راسو وكيهضر"
فؤاد"هز ايدو وضرب ليه على كتفو بشوي "
سالم"قرب لعندو وسلم عليه حادر راسو " : الحاج ...
فؤاد : ولدي ...
سالم : كي بقيتو"تزير صوته وضور وجهو لهيه تا خذا نفس ورجعها" ...
فؤاد"الصمت " ...
عبدو : كي بقيتو الحاج "حادر عينيه حشمان "
راجل فنيدة : الله يعجل شفاه ولد دوار ولدنا كلنا كي تشويتو عليه تشوينا وخا ماشي واليديه وليني تشوينا وتكوينا عليه الخاطر مرض من جيهتو ومااا عطاتنا الخاطر نسولو من بعيد ...
فؤاد : الله يكبر بيكم مافيها شك ولدكم رابي (مربي) بينكم مشارك طعامكم ...الواجب واجب والمحبة محبة ...
عبد الغني : قدرتو تشوفوه ولا مزال ؟
فؤاد : مزال مزاال اولدي ...
ايلاف"قرب ليه وهضر معاه بشوي" : الى بغاو يدخلو هادي وقت زيارة نيت وخا مايقدروش يشوفوه مهم يشوفو اختي يامنة والعائلة "شير ليه" كاينين عيالات يبغيو يشوفوها هي و نوار ...
فؤاد"حرك ليه راسو" : طحنو طريق مرحبا بيهم ...
اركان "شاف ف عبد الغني " : قوليهم يدخلو عندهم لفوق كاينة خالتي يامنة ومرتو (نوار) اجي تبعوني نوريكم فين وخلي رجال مع الوليد ...
فؤاد : ماعليش يطلعو تاهما يطلعو انا معاهم ...
حرك ليه راسو ومشاو العيالات سبقو تبعو اركان وعبد الغني فالطابق فين كاينين لاخرين وتبعو رجال فؤاد وايلاف غاديين ويهضرو معاه وتاهو قايم معاهم بالواجب كيعطيهم حالتو ويدعيو وهو يقول امين من اعماق قلبو الي تعصر وتحرق على فلذة كبده ...
من بعد عناق البكاء والدموع والالم والحسرة على داك الشاب المحبوب ...
بقاو شحال ازيد من ساعة ونص تا قربات الزيارة تسالا ووقفو كاملين مصافين عيالات بعاد
فنيدة نعيمة ام سارة خت سارة اخت عبد الغني مريم واحد ثلاثة العيالات من دوار جاو مع رجالهم وجوجات جيران تما مع رجالهم عاد راجل فنيدة وسالم عبدو عبد الغني ...وشي رجال العيالات لهيه ورجال فجيهة ثانية حداهم وفؤاد وسطهم حداه ولادو وخوتو وولادهم تقريبا
داك الجناح بالناس الي كتجي زيارة لتما تسطوكا وقفو كاملين وتقدم الامام صاحب ياسين الي ترافق معاه ايام الطلاق حتى هو جا ...هز كفوفو لسما وبدا بالدعاء بواحد الصوت كيبورش يدعي ويدعي ويردو عليه ب "اامين" جهد شي ربع ساعة وهو كيقول الدعاء حتى ختم خلا دموعهم دايزين ...
تسالمو معاهم واطمانو على حالة ياسين الي مزال ما يقدروش انهم يشوفوه لانه فحالة حرجة ...حتى استاذنو ومشاو باصرار لفيلا فازرو يباتو لانهم كانو راجعين ديك ساعة لكن فؤاد حلف ميخليهم يردو طريق واصر يرتاحو وصباح يرجعو فحالهم ....
مشات معاهم سارة ونجوى وهاجر الي رسلها الحبيب معاهم رجعهم لكار الي شدو ليهم فؤاد ولاخرين سبقوهم بطوموبيلات شي موصلو ايلا وشي ايساف الي غايمشي اصلا عند صفية حيث غادي تخرج الغد ليه فالصباح ...
اما لاخرين نوار ويامنة بقاو حتى جا موسى وطلبوه باش يخليهم يدخلو يشوفوه ...
لكن نظرا لحالتو الي تدهورات اخر مرة كان صعيب عليهم يشوفوه واصلا فداك المشفى مكيقدروش يشوفو المريض فالانعاش ماشي فحال لكلينيك وامكانية نقلو لاي مصحة فهاد الفترة صعيبة ...سلمو امرهم لله مادام باقي روحو كطلع وتهبط اذن مزال امل عندهم ومزال وسطهم وخا بعيييد ....
اصبح يوم جديد عليهم كاملييين صباح واحد من الايام الي مرت مزال الحال هو الحال ...اليوم وفي احد الغرف ديال فحص نساء الي فالمشفى ...متكية نوار على البياص حتى جات الاخصائية عندها وحداها يسرى ...
دكتورة "خوات ليها لجيل على كرشها من بعد ما عاوناتها يسرى حتى دق الباب وطلات يامنة عليهم"
يامنة"وجه عياان" : وخا ندخل ؟
يسرى"شافت فالطبيبة" : دكتور هناء هادي عگوزة بنتي ام هذاك الشاب الي هنا لفوق ...
هناء : ااه اه "شافت فيها" : دخلي اخالتي مرحباا...
يامنة"دخلات وجهها ولا صفر عينيها دخلو فهاد الايام ديال الجحيم الي دازت عليهم ضعافت من وجهها غير بالبكا والشوية الي تشوات لا ماكلة كي ناس لا شريب لا نوم هي ونوار وتقريبا كلهم غييير مكابرين وماشيين مع الوقت تيفرج الله ...جلسات حداها فين خوات يسرى كرسي فين كانت جالسة " : غير خليك خليك...
يسرى"طبطبات عليها وباست ليها راسها" : جلسي حدا مرت ولدك وولد ولدك نتي حسن ...
نوار"شافت فيامنة وتبسمات ليها بتعب حتى بدات كتدوز الطبيبة على كرشها من تحت باش دير ليها الايكو "
هناء "كتشوف فالايكو هي ويسرى " : اممم عندك احبيبتي شهر ونص نيشان .."شافت فيهم" بما انه حنا فالاسبوع سادس يعني "
وركات على واحد البوطون وبداو يسمعو دگدگدگدگدگ بصوت مجهد وبزربة تا دهشرو"
يامنة : شنو هذا قلبه ياك "نزلو دموعها يجريو " الله على حنينة ديالي ...
نوار"حطات ايد على فمها وايد على قلبها "
هناء"حيدات لاباراي وعطاتها تمسح لجيل حتى ناضت وتبعاتها يسرى وناضت يامنة عونات نوار تا وقفات وقادت حوايجها ومشاو عندها ...كانت كتلصق الايكو فواحد الملف وعطاتو ليها مع اوغدونونص " : هذا ا يسرى اول ايكو ...بالنسبة لحالتها خاصها تمشي عند طبيب ديال الاعصاب الي عطاها دوا ديال ليبيليبس(الصرع) باش يحدد واش ترجع تشربو او ينقص لادوز وتحاول ما امكن تبع هاد دوا حيث ديجا كان عندها فقر الدم وهاد الفينامينات ودير هاد تحاليل ...
كنضن نتي الي غاتكلفي بهادشي ...
يسرى : وي وي ضروري ...
تبسمات ليهم وباركت ليهم وناضو لعندها طلعو لفوق باش يدخلو عند ياسين الي سمح ليهم موسى قبل ميمشي يشوفوه غير من بعيد ...مرة مرة فشحال بينما يحولوه لغرفة مجهزة غايخلصوها ليه لليلة ...
كدوز ليام ودوز الوقت فالاخير كلشي كيرجع تقريبا كيف كان شوي بشوي حتى يرجع الانسان لحياتو العادية فين توقف ...لكن هادشي باقي متوقف عند نوار يامنة وفؤاد وخا را كيتقاتل هنا وهنا وعاض فالصبر لكن لازم عليه يمشي باش يكمل ...الجلسة فالسبيطار مابقاتش نافعة لان حالة ياسين مزال هي هي مافيها لا جديد ولا قديم ...مزال الخوف من عودة الازمة قائم ...
لبسوه لباس واقي ودارو ليه كمامة وطاقية ودخل ورا منصف الي وصاه موسى على ياسين وواقف عليه وخا كيخدم فجيهة اخرى ...كيبقى اخصائي القلبية لكن حالة العملية كان لازم على واحد عندو تجربة سابقة هو الي يديرها وكان موسى ...دخل وراه ووقف فين وقف ...
منصف "شاف فيه وحيد من قدامو غير حيد بان ليه سرير فين مجبد جسم طوييل مسرح مغطي بالغطا بيض سلوكة ضايرين عليه وبيه عند راسو جهاز ضغط وجنب لاخور فين جيهة القلب كاين جهاز مساعدة القلب فالضخ ..الانبوب الي داخل فمو ...فحال مقابط صغار فصباعو الة الاكسجين عند راسو تاهي ...صوت الالات وصوت تشش خدام والغرفة معقمة مزيان ولكن بااااردة وريحة دوا تعطعط فيها وسيرومات مديورين كلو موصول بالاجهزة ...حتى قرب ليه وغيييير شافو فحال خويتي سطل ديال ما بارد على فؤاد تا رجع خطوة باللور وشدو منصف زير عليه ...
فؤاد"ضار عندو ونطق بصوت مبحوح كيتذبذب" : هذا هو ولدي ؟ ااا ...
منصف"حدر راسو وحركو بمعنى اه "
فؤاد"ضار عندو شاف فيه الوجه تبدل عليه دااك الزين الي فيه والحروشية دبالت مع العينين مغمضين وجهو ضايرة بيه صفورة ونقص الوزن ديالو شوي ...تحت عينيه داخل ...كيبان ليه صدرو كيطلع ويهبط الالة مساعداه فالتنفس وهو غااااايب وشحال صعيييييييييية تشوفي كبدتك ماحاسش بيك ناعس ماهو ناعس ميت ماهو ميت غايب ماهو غايب ...قرب عندو وبقا شحال كيشوف فيه تا تكمشو جناب عينين فؤاد وحجبانو تعقدو وبان انه تزير ...ماقدرش يصبر تحنى باس ليه جبهتو وهي دوز دمعة من جنب عينيه حدا مقدمة منخرو هبطات فحال الحجرة كتبرييي ووقف ضار لهيه هز دراعو حط عليه راسو كيشوف لارض عاض على فمو وكل ماهو كيتحرق من لداخل كل ماخاطرو كيتشوى ...ماشعرش حتى خرج من تما وخلا منصف كيوصي فالفرملية تبقا مراقباه ...
خرج من قدامهم خلاهم واقفين كيتسناو باش يدخلو عندو واحد بواحد ومشا خلا يامنة كتعيط ليه حتى تبعو ايلاف ...
ايلاف : فؤااااد فؤاااذ ...
فؤاد"مشا كيزرب تا خرج من تما حل صدايف القميجة وخذا نفس بشهقة كيتنفس يتنفس تا تحدر على ركابيه ...حط عليه ايلاف ايدو وضار عندو " : امضرا ؟؟؟
ايلاف : عيسى المنصوري والمراكشي موجودين وقت ماساليتي دوز تشوفهم ...
فؤاد : خليهم تما لا شمش تشرق عليهم ولا تغرب ...
ايلاف : شنو دير ليهم من بعد ...
فؤاد"حرك راسو " : من بعد .."كمش عينيه كياخذ نفس" ...
تحل الباب ديال شومبر ودخلات بشوي فمها بيض ووجهها عياان ...تبعات منصف حتى وقف وضارت تاهي تشوفو حتى شهقات ...
منصف : قربي عندو مدام ...
نوار"قربات بشوي حتى وقفات عندو عينيها خارجين ودموعها نازلين محاساش بيهم ...عاضة على فمها "
نوار"الصمتتت...قربات عندو ووقفات كتشوفيه نفس منضر الي شافو فيه فؤاد شافتو فيه هي ...يمكن فؤاد صبر وضغط على راسو وواخا هكاك ماقدرش اما هي ماشعراتش براسها حتى شداتها وجعة فكرشها وشدات تحتها وعصراات عينيها تا طلقات انين يسحق ..." : انننننننننننننننن....
منصف "مشا كيزرب عندها" : مادام مدام صافا ؟ صافي خرجي مكاين لاش تبقاي "عيط على الفرملية بعينيه وجات عاوناتو معاها تاخرجوها كتبكي وتنين جا يوسف كيجري ويامنة الي كانت كتشهق هي الاخرى حيث سبقاتها وشافتو ....
يوسف : نوااار نوااار بنتي ...
تحنى شدها حيث بانت ليهم شادة كرشها من تحت وتبكي تا دخلوها واحد شومبر خاوية وتكاوها تما ...
يوسف "كيدوز على شعرها ويسرى كتقلب فيها" : ششش بنتي نوار تهدني الله يرضي عليك هادشي ممسلككش ...
يسرى : مابغيناكش دخلي حيث مغاتصبريش ومريضة والى مدخلتيش تبقى فيك ...ابنتي يهديك الله حاولي على ادي فكرشك ممسلككش هادشي تصدقي فشي حاجة متعجبكش...
يوسف "كيشوفها كتنين وتبكي وقرب عندها كيهضر معاها بشوي" : بنتي مالك مزال كتوجعي ؟...
.بقات حتى تنفسات جابت ليها يسرى كرسي متحرك جلسات فيه ونزلاتها تفحصها ...حتى نهار الي مشات عند طبيب الصرع الي نقص ليها لادوز بزاف بشرط ماتعرضش لاي ضغط لان الادوية ديال صرع غاتاثر على الجنين ...نسبة سبعين فالمئة كتولد عادي اذا كان صرع ماشي وراثي وبما انه ما وارثاهش نوار وجاها غير فعامين الاخيرة استبعد انه يتزاد فيه بنسبة مئة بالمئة ونقص ليها لادوز بزاف وتبقى حالتها نفسية مزيانة وكلشي عليها وعلى المحيط السلبي بزز منها الى بغات الجنين يبقى فكرشها وماتعرضش لنوبة صرع ...كل نهار عايشين على امل انه يبان شي مؤشر لكن لا شيء الحالة هي الحالة بقاو هكاك كيتسناو وخايفين ترجع كريز كادغياك الي غاتحسم ليهم ...حتى دازو ليام ودازو شهور ....
"مرور ثلاث اشهر"…
فؤاد"دخل وجهو تبدل لحيتو ولات كتيفة بزاف مبقاش كيحسنها الخاطر مرض مبقاش داها فراسو ...شاف فيامنة الي كانت كتجمع حوايج ففاليز " ساليتي ؟
يامنة"حركات راسها " : ساليت ...نمشيو دابا...
فؤاد"حرك راسو ومشا دخل لدوش غسل وخرج لبس حوايجو حتى وقفاتو وتاهي ضعافت وصحتها عيات بالهم وكل ليلة تبكي وتنوض تصلي ترجى الله يصبرهم لا هي لا هو لا كاع الي فالدار ...شاف فيها تاهو مهموم ولا كلامو قليل بزاف غير مسلك عيا ثلث شهور وتهرس بمعنى الكلمة "
يامنة : الصدقة غاديرها هاد ليام ؟
فؤاد : لايام الوترية باذن الله (ايام ليلة القدر) ...
يامنة : غادي نبقا معاها حتى يوصل رمضان ونجيبها معايا ...كل مرة كتبغي تشم ريحتي وحوايجي مقضاو ليها والو ..."هزات فيه عينيها تا طاحو جوج دمعات كيجريو " خليني نوحم امانة الحنين ....
نور الياسين الجزء 52
محتوى القصة
شنو مخبي القدر مزال لهاد العائلة ولياسين بالخصوص ..مستقبل مبهم عندو ضلام فضلام ...رعب خوف بكااء ناس ...القدر الي قدرو عليه الله سبحانه وكتب عليه هاد المكتوب الحزييين والي يضر فالقلب ...
مصطفى "جرو ايساف وقفو وداه لتحت يشوفو حالو حيث بقا غير يبكي ويدعي ربي وماكلاش وصدمة وضغط والحرقة على ياسين ..."
يوسف : سير معاه عمي سير يشوفوك واجي عندنا ...
مصطفى "هز فيهم عينيه المكمشين بالزمان وشرف صغارو ...مدمعين ودميعة هابطة على تكميشات وجهو كتجريييي": الكبدة المعاودة رزاوني فيها...
يوسف "حدر راسو مالقا ميقوليه من غير" : دعي معاه العم دعي معاه هذا جهدنا ...
بينما هو يصارع فلداخل الموت بينما هما يصارعون مع الصبر والانتظار لمعرفة حاله ...ومنهم اثنان من اعز الناس عليه ...
يامنة"الي انتهى مفعول المهدئ بدات كتحل عينيها ونفس الشيء على البكاء ونواح لكن هاد المرة كانت اقل وتيرة ..."
الحبيب"حط شفايفو على جبهتها وشاف فيها" : الحنانة شدي فراسك وتوگضي باش دعي معاه "عينيه حمريين ومرة مرة كتبغي تزهق ليه دميعة كيحبسها بزز باش مينهارش قدام مو الي فهاد اللحضة خاصها الي يوكضها ويصبر باش يصبرها معاه ويصبرو معاهم مراتو نوار وكلشي يتجمع فالمواساة باش يصبرو معاهم ساس الكبير الي هو فؤاد" ...
يامنة"دموعها محابسينش كتنخصص وساكتة مجاوباتوش"
هاجر"قربات عندها هي الاخرى عينيها مدمعين بالبكا عزات عليها حالتها والي وصل ليه ياسين والحالة الي وقعات ليه ...دوزات ايدها على راسها" : خالتي براكة عليك شدي فراسك باش تنوضي توقفي مع عمي ونوار ...
يامنة"الصمت" ...
نجود"مسحات عينيها بمشوار ونطقات" : بنتي فهاد الحالة باغي منك الصبر والدعاء والدعاء دعاء الواليدين مستجاب ربي الي عالم بحرقة كل واحد فينا والوالدين كثر وكثر ..باغي منك رضاك ودعاك البكا ماعندو باش يفيدك من غير تحاولي تبردي بيه حرقتك وشويتك ...ايييه ماعليش بكي وشكي شوي هك وشوي لكن ابنتي حاولي تفائلي وشوفي الي واقع مزال شاد فراسو وخا غير شوي وفكري را تاهو مابغاش يموت ...
بقات هاجر ويسرى والحبيب ونجود وسارة حتى دخلو عليها نوار هازينها فبياص ناعسة وحطوها حداها فالسرير لاخور ...مشات عندها يسرى كتجري مخرجة عينيها بغات تبدا تا وقفها يوسف وشرحو ليهم بالي عرفات ومصبراتش ...
اما في هاد اللحضة وبالقرب من الانعاش او كيف مكنسميوه فالمشفى العمومي وبالعامية عندنا بيت الخطر هاد الكلمة فحد ذاتها كتبعت الخوف والرعب وكتبين ليك انه داك الشخص الي فهاد البلاصة را رجلو فالاخرة ورجل ثانية فالحياة ...تما كيمشي ويجي ويهز راسو يحك صدرو ويحاول ياخذ كمية تكفيه لاخذ كمية من الاكسجين ...حتى تحطات ايد على كتفو وضار ...
ايلاف"مد ليه تريكو خيط فالبلومارين جديدة " : خود لبس وحيد هادي عليك..
فؤاد"كان داير ايديه على نصو ...هز راسو ساط انفاس بفمو وحك عينيه شحااال عاد شد من عندو نتر هاديك ولبس ..."
ايلاف : مجاكش البرد لبس مونطو ...
فؤاد"هز صباعو وشير ليه بمعنى لا وحادر راسو وعينيه فلارض كيعض فشنايفو شحااال واحد لحضة كرز عليهم وبدا صدرو كيطلع ويهبط فحال بغا يتنخصص حتى شدو ايلاف"
ايلاف : شو بيك ؟ ضاراك شي حاجة ...
فؤاد"ضور راسو لهيه ورجع ضار عندو ونطق حاط ايدو على صدرو" : هنااا ...
ايلاف"طبطب عليه" : حقك الي صار ماساهلش ...لكن صحتك ولو رفيقي ...
فؤاد : الله الي عالم بالي فالقلب والخاطر كافي يشوف من حالي ...ولا راد على قضاء الله ...
ايلاف : الله كبيييير ...
مزالين كيهضرو حتى جا يوسف وصهيب واشرف وايساف وعلي وقفو حداه دراري باسو ليه كتفو ...حتى شاف فاشرف ...
فؤاد"شد ليه حناكو بين ايديه وهز ليه راسو بانو ليه عينيه حمرين " : اسامة!!
علي "ضار يشوفو واش وراهم " : يمكن مشا عند خالتي يامنة ...
صهيب : عاد كنت تما مبانش ليا ...
ايلاف : يكون جالس فشي بلاصة دابا يجي ...
فؤاد"هز عينيه كيقلب فالارجاء تما عليه ويضور وراه " : الى جا جيبوه لعندي ...
ساعات فالجحيم هي الي كتمر منها عائلة رمسيس فهاد اللحضات بالذات ...يامنة الي دموعها دايزين وحرقتها ميعلم بيها غير الله وجهها الي مشا بالقميش ونديب حتى عيات وصوتها مابقاش كيتسمع ...
يامنة"كتنخصص وتلالي بصوت ضعييييف .." : ديييييوني عند وليدي ديييوني اهى اهى واااا ديوني عند كبدتي الي تشوات ديوني ...
نجود : بنتي يسرى خلي بنتك معاها حنا وسيري ديها عند فؤاد عالله وعسى تنفس شوي ...
يامنة"شدات شالها جراتو فحال بغات تقج راسها وقالت " : وااااااا ونفاسي ولدي حدايا واااا راحتي وبكري يسول على حالي واحوالي ...وااااا عافيتي ماتبردها لا هضرة لا كلام واااا عافيتي "كتخبط فصدرها" مايبردعا من غير تحط عليا ايد البكر لحنين ونسمع حنانتي وااااا من غيرها حطوني حداه وخليونييييييييي"عصرات عينيها بجهددد عاضة على سنانها " اننننننن اهى اهى وراني تشويت وعرفت كي تشويت ...
كاااع دوك الي جالسين معاها فالشومبر الي خلصوه باش تبقى فيه هي ونوار خلاتهم رجعو يبكيو حتى من نجود ماحساتش براسها حتى لقات راسها كتنخصص معاها وخصوصا صوت يامنة رقيق وحنييييين كتطيح عليك ضيم وتقهرك وخا تكوني كبدتك حجر ...يسرى كتنوض فيها وتنخصص معاها ومرة مرة دور تشوف نوار كتلقاها مغطية وناااعسة وجهها بيض ..
يسرى : الله يخليه ليك ايامنة الى ماتهدني ويالاه نديك تشوفي فؤاد وتوگضي ...
سارة : نوضي يامنة تنفسي شوية ورجعي توضاي وصلي ودعي ...
عنقاتها يسرى تا بقات تلالي وتبكي على كتفها شحااال بزز عاد سكتات كتنخصص بالحس تا وقفاتها قادت ليها شالها وخشات ليها ايدها فدراعها وتمات غاديا معاها تا جا ايساف لقاها مخرجاها وشدها من ايدها دارها فدراعو وباس راسها كيطمن فيها وتمو غادين بيها بشوي تا داوها عند فؤاد الي كان واقف كيهضر مع طبيب وحداه لاخرين حتى مشا وضار جات عينو عليها نيشان وجهها مجيف وحناكها مندوبين حالتهم حالة جناب شعرها خارجين مشنتفين وعينيها تبوقو عالجهد وجهدها شبه مقادي ...حط عليه يوسف ايدو على كتفو....
يوسف : غير صبر معاها وصبرها نتا صبار اخويا عطيها من صبرك وتعاونو عليه وهزو على بعضياتكم ...
فؤاد"قربها ليه ايساف ويسرى وطلقوها باش يشد فيها ...شدها من ايدها وجرها بجهد خشاها فصدرو فحال قاليها طلقي عليا فشوشك وقولي الي بغيتي مكاينش الي يقوليك حبسي اغزالي وعمارة داري ...مخشية فيه كتلالي وهو حط ذقنو فوق راسها " : خوي وزيدي خلي فين يجي الصبر والايمان القوي ...
يامنة : انننن اهى اهى ...وليييدي الحنين هدووه ليا وغدروه ...
فؤاد : المكتاب جا من عند الله
يامنة : هرسوني على جووووج افؤاااد اهى اهى ...
فؤاد : تهرسنا بجوج وضهرنا تقسم ...
يامنة : مااااقادرااااش على طرف من كبدتي يتقطع افؤاد ماقادراااااااش اهى اهى ...
فؤاد : ربي كبييير قوي ايمانك بالله وشدي فالامل صغيييير الي باقي لينا ...
يامنة : املي فالله كبيييييير وشويتي كبيييرة وضهري تهرس وكبدتي تقاست ...تغدرت فبكري الحنين الهاز همنا والمسول فينا ..مزال عريس ومزال باغي يشوف ولادو افؤاد اهى اهى ...
فؤاد"تنهد تا ساط انفاس سخونة لفحتها فراسها" : ...وگضي معايا وشدي فراسك لقا فين نشد "خرج ليها راسها وتقابل مع وجهها المعذب بالبكا ونديب " هزو معايا الحمل مايغرك لا جبل وميغرك راني صبار ...نهار تجي فالكبدة
الصبر كيتقادا والعقل كيغيب والجبل كيتهد ...ندعيو معاه رجانا فالله هاد ساعة ولا رجا من غير الله ...
يامنة"بصوت عياااان وضعيف " : ونعم بالله اخئ ممممممممم ونعم بالله ونعم بالله ...
مسح ليها دموعها وباسها فجبهتها وراسها وجرها عنقها بجنب وجلسها حداهم ...غمز ايساف يجيب ليها الما حتى جا اشرف جلس حداها حط راسو على كتفها باسها فيه ...هزات ايدها العيانة بشوي وطبطبات عليه ...
الحال كما هو عليه هما كيصارعو فالصبر باش يبقاو واقفين وقلبهم كيبكي ذم عليه وهو لداخل كيصارع البقاء ...ساعات الجحيم كدوز عليهم ...حتى مرو الساعات وساعات ...
صبح عليهم الحال وهما كاع ماحاسين بيه امتا صبح وشحال داز ...ماحسوش بالوقت امتا داز وهما على داك الحال النعاس غادرهم الا الي نعسو بزز منهم ومنهم يامنة ونوار واركان هاد الاخير الي غير فاق عرف شنو عندو ماداهش فيه كاع ...دوز اتصال لمرتو ومو طمنهم عليه وبلغهم بالي وقع ....واتاصل بمدير
الثانوية فين كيقري قاليه شنو حالتو المرضية وبلغو انه غايعطيه شهادة طبية نيييت يلاه يتوگض من الصدمة الي يعيش ويعيش ومينساهاش ...
الساعة الثانية زوالا الوضع كيما هو لا جديد الحالة الصحية كيما هي على اعصابهم ومتسنيين الاخصائي الي غايجي والي عطاهم موافقة انه غايكون في غضون هاد الساعات القادمة ...ماترددش انه يقطع البيي الي قطعها ليه صهيب من فاس من حسن
الحظ لقاو تذكرة فديك ساعات ...من مطار ليل لمطار شارل ديگول ...ولكن من سوء الحظ ومع الاسف فاش وصل لمطار الدار البيضاء الي غايوصلو لمطار فاس لقا مشكيل فالروطار الي طول بزاف ...
موسى"هاز صكادو ورا كتافو وشكارة فايدو لابس تيشرت وسروال دجين فوق منو كبوط بالقب مفخفخ بالريش ...حاط راسو على دراعو فوق كونطوار فالمطار فين كيدفع الوراق " : واش مكايناش شي طيارة غاديا دابا ؟
البنت : نن موسيو هادي فين مقطع نتا ديجا هي الي كاينة الطيارة الي من وراها حتى ربعة صباح ...
موسى : مي نوووووو "خبط رجلو بعصبية " مافهمتش معندكم سوق ؟ ممكن شي حد بغا يمشي يشوف واحد فاواخر ساعاتو فالحياة ممكن شي حد بغا ينقد شي حد مكاينش دييييما نجي لهاد المغريب لقا مشاكيل فمشاكيل بسباب ادارات الحبس الي عندكم ...
هي : هادشي الي عندنا موسيو تقدر تسنى حتى يتقاد العطل الي كاين عاد تقدر تمشي لفاس ...
موسى : ايييه تايموت الي يموت ويعيش الي يعيش ...نتوما فهاد المطارات وطيارات الى مادرتو روطار ولا عطلتونا ولا اجلتو الرحلة ماتبردوش ...بالسيف مانهربو المغاربة لكلمة "دار ليها بصباعو زيرو زعما ها منيني دخلو وها منيني تخرجو خههههههه حط ليها كلشي بالفقصة فيه قاعدة معندوش الحباسات يحط ليك كلشي يا على خلاه يا على جلاه ...تم غادي وهو يسمعها قالت لبنت الي حداها ..."
بوگوص ولباس وليني فولگيغ شو على هضرة ...
موسى"ضار عندها مشربن" : قراي غا قد الي قريت وخريت ونشوفو الفولگيغ ..."بالعصبية سلم امرو الله هز تيليفون وعيط لمشفى بلغهم بالمشكيل وطلب منهم يرسلو ليه اخر تقرير على ياسين"
من مطار الدار البيضاء القادم منو حط رجليه على اراضي مطار فاس سايس الدولي من بعد معاناة الانتظار ....كي خرج لقا بلاكة قدامو مكتوب فيها الاسم ديالو ...حتى وصل عندو ووقف ...
موسى : انا صاحب الاسم ...
اركان"بالدعقة بغا يعنقو شنق عليه " : الله ياخويا انا انا ...
موسى"شاف فوجهو" : ديابيتيك ؟؟؟
اركان"صدمو" : هااا اش باش عرفتيها...يلاه نمشيو ...
موسى "مشا معاه لسيارة ديالو وركب وطار اركان مكسيري لمشفى .." : جيتو بنفسكم تجيبوني ...
اركان : الي لهيه ماشي رخيص ...
موسى : يكون خير ...
اركان : دير الي فجهدك اخويا والي بغيتيها تشدها عتقنا را ساسنا لا مشا مشا كلشي لا مشا ليا صاحبي ماعندي فين نزيد ...
موسى "سكت مالقا ميقوليه ...
كيف سولو عليه عرفو بالي را وصل لفاس ماحسش اركان براسو حتى مشا لمطار كيجري ولاو مساكن باغين يجيبوه راسهم يهزوه فوق ريش يديرو ليه الي بغا بشحال ما بغا كلو فخاطر ياسين رمسيس ...كانت ساعة رابعة مساءا ...الساعات كينقصو والانفاس كتحبس وهاد الحالة الي هما فيها ماتبغيها لعدوك ...الماكلة ماكلاوها تاحاجة مطاحت فكرشهم واشمن ماكلة يفكرو فيها وهما كيتسناو ياسين الي بين ايدين رحمن فاي لحضة يقولو ليهم البركة فراسكم ...طار بيه باقصى سرعة ...
حتى وصلو ل امام المشفى ديال مركب الحسن الثاني المتواجد بطريق صفرو ...نزلو بزوج توجه موسى دخل من باب المشفى ومشا طلع ديريكت لعند مكتب منصف (الاخصائي) لقاه تما نيت
حيث بلغو بالي وصل ...كيف دخل عند الباب لقا سلام وقال ...
منصف"سلم عليه" : بونجوغ بروف سمح لينا عذبناك دكتوغ ...
موسى : مكاينش عذاب وحنا عاطيين القسم نعتقو بني انسان كيما كان مسميين علينا ملائكة رحمة ...وخا فهاد البلاد لا حنا متفهمين ولا العبد متفهم ...
منصف "كيمد ليه تقرير" : رجع لبلادك وبوسطك هنا مفتوح ...
موسى : ماكرهتش وليني الادارة ديال هاد السبيطارات مكفسة مترحم متخلي الي يرحم ...لدرجة ولينا نشوفو سماسرية الاطباء ؟ "شاف فيه وحدر منصف راسو"
موسى : ديغينييغ غاپوغ دو كا ؟ (اخر تقرير للحالة )
منصف : وي بخوفيسوغ ڤوالا"مدو ليه "
موسى"حط مستلزماتو وبدا كيقرا فيه حتى حل لابتوب ديالو كان ديجا شاعل على نفس الصفحة كيقرا ويدوز يقراه ..." : خليني هنا نص ساعة وسير لعندو وقف على حالتو بنفسك ...ومن هنا لساعة ونص وجدو البلوك الوقت مكاينش ...والحالة فايدين الرحمٰن ...
منصف"بدا كيلبس طابلية وشاف فيه " : كاين امل ؟
موسى "هز فيه عينيه وشاف فيه بواحد النظى الدكتور منصف فهمها حدر راسو وتم غادي حتى ضار عندو "
منصف : دكتوغ علوي خاص ترتاح ...
موسى "ضحك بجنب مستهزأ" : راني ساعات وانا جالس فالمطار قبل منجي بغيت نرتاح من راحة دكتور منصف ...فازي دير شنو قلت ليك الوقت اصلا معندناش ونزيد نرتاح ...
فعلا هادي هي حالة المطارات وطائرات اغلبية روطار كيكون بزاف مكيوصلوش فالوقت الي محدد الى مكانش روطار كيكون تاخير فالاجراءات ...
من بعد نوم عميييييييق تحت تاثير المهدئ ...بدات كتحل عينيها شوي بشوي وترجع تسدهم وتعاود تحلهم ...حتى جاتها كحبة لا ارادية ...
نوار: كحكحكح كحكح "شدات قرجوطتها " كحكح اممممم كحكح ..."ناضت عندها يسرى كتجري وقفات عليها ..."
يسرى"مدات ليها كاس الما وگعدات ليها راسها" : ششش هاكي بسم الله عليك ابنتي بسم الله عليك ...
نوار"شربات شوي وبعدات الكاس بايدها...كتصغر فعينيها وترجع تفكر حتى هزات عينيها ف يسرى مخرجاهم على جهدهم " : يا يي ياسييييين ياسين ياسين م ماما ياسين ....يااسين ماما ماما ياسين ا وااا ياسين ياسين "بدات تنادي باسمو بهستيرية ويسرى كتسكت فيها ناضت سارة كانت تما هي وهاجر لعندها كيهديو فيها مع يسرى وهي والو كتنادي غير باسمو وتغوت وتشهق فهاد اللحضة كان دايز فؤاد ويوسف الي خرجو سولو على موسى واش جاي ...حتى سمعوها ودخلو عندها كانو ناس تما بزاف جايين زيارات عند واليهم اي عائلاتهم ...
يوسف : نواااار بنتي بسم الله عليك ...
نوار"كتجر فايد مها وتدور عند سارة وتعيط وتغوت " : ياسين ياسييييييين ياسين اهى وياسين ممم ما ياسين ياسييييين ماشي هو ماشي هو اهى وياسين ماما ياسييييين بغيت ياسين ماما اهى اهى "كتشدها شهقة حتى كيقولو را بغات تخرج روحها ما عرفو اش
يديرو يسرى تشد وهاجر وسارة حتى جا يوسف يشد وهي ماسكتاتش تعيط وتعاود تعيط وتعاود ماعرفت باش تبلات حتى نزلات عليها ايد من سما نيشان لحنك....
تا غوتات يسرى وغمضات عينيها وهي تشهق شهقة وحدة وسهطاات كتنخصص بالحس ...شدات حنكها وشافت ف الي ضربها ...
فؤاد : تهدني ...
نوار"سدات فمها وتبكي بالحس " : ممممم
فؤاد"ضار عندهم" : خرجو ...
حدرو راسهم وخرجو معاودوهاش معاه ...لقاو عند الباب ناس كطل والي جا عندهم منهم جيران كيسولو على حال ياسين ويواسيوهم ونسابهم كاملين جاو عندهم حتى جات سعاد ام يسرى تاهي عنقات يسرى وسلمات عليهم ...واحد شوي حتى جا رياض ومعاه مينة شاد فيها و مو تاهي ...اما عند نوار جلس حداها على طرف السرير وهز ليها وجهها من ذقنها ونطق ...
فؤاد : لامتا ؟؟؟
نوار"كتنخصص...حتى نطق بجهد"
فؤاد : لامتا ؟؟؟
نوار"هزات فيه عينيها وقالت بصوت بزز باش كيتسمع " : نصبر ؟؟
فؤاد : شنو الحل ؟
نوار"عوجات راسها ونزلو دموعها" : ماشي ديالي منقدرش اهى اهى ..."هزات ايديها دارتهم على حناكها وعصرات عينيها مغمضاهم" مانقدرش مانقدرش اهى اهى ماصنبرش ...شدات ليه ايدو بغات تبوسها" مانقدرش نعيش بلا بيه منقدرش واااااااااااا
مانقدرش اعمي منقدااااااااااااارش اهى اهى واااااااااااااامانقدرش "بدات كتجذب وتحنب وتنتف فشعرها وهو مخليها على خاطرها دير الي بغات " وااااا منقدرش ...اهى اهى علاش اربي علااااااش "كتجبد فوق ناموسية على طولها وتغوت والي برا مقدروش يدخلو حيث قاليهم خرجو عارفينو معاها ...بقات تبكي وتنتف وتحبد وتحك تاهي فصدرها وتهز عينيها لفووووق فحال كتقلب عالنفس ...
يسرى"برا كتمشي وتجي": ياربيييي اهى اهى ياربي اش هاد المكتوووب ياربي ...
مينة "كتمسح دموعها" : عنداك اماما طيح بكريز اهى اهى ...
يسرى : معااها عمك والى طاحت معندي مندير ابنتي معندي منديييييييير ...
فؤاد"شدها من ايديها بجوج وزير عليها تا تهدنت بزز وشاف فيها" : ندبتي ؟ بكيتي عددتي ...لامتا ؟؟؟؟ نواااااار"جهد صوته" معندو مفايدنا مناقص فالعمر مزايد ..."هز صبعو مشير لهيه" نهار طحتي هزك وجرا بيك وصلى ودعا تشافاي وترجعي نوار لقديمة ...مابكا ماشكا ماندب ما طار ونزل عليا ...سلم امرو الله وهز كفوفو ووقف معاك وقفة راااجل تا تشافيتي باذن رحمن ...
نوار"عوجات راسها" : انا ضغيييفة ماشي هو ...
فؤاد : فششك وصل الوقت فين تفششيه ...
نوار"حطات جبهتها على صدرو كتبكي حتى حط ايدو على شعرها كيدوز عليه ويهضر بهضرته الحكيمة "
فؤاد : لي فلداخل ربي عالم بيه ...مكاين الي يطفي العافية من غير الله ...ماحد الروح طالعة نازلة فيه ما حد الفرج كاين ...الي عطا الله عطاه تغدرنا فيه ...مكتاب رب العباد تصرف بكي وشكي وخوي شي فين يجي شي ...
نوار : خئ خئ ب ب بغ بغيت نشوفو ...
فؤاد : صعيب الحال ...
نوار : بغيت نكون معاه ...
فؤاد : دعي معاه صلي تضرعي لله الرحمن مجيب الدعا قاضي الحاجات الرحيم ...
نوار"تنهدات بالم وتنخصيصة كطلع وتهبط فيها" : مابغيتش نتهرس اعمي مابغيتش منصبرش منصبرش ...
فؤاد : شادين فالصبر بالكشيفة شدو فيه نشدو فيه ونشدو فيعضياتنا ...راجلك فحم العينين بيض ليسر ...حنين الفعل ورجلتو رجلة البحر ...كيف وقف معاك راجل يحلفو بيه رجال ...كوني مرأة حارة فغيابو ووقفي معاه وقفة مراة بميات راجل ...وحنتي العباد ...امني بالله وزيدي فايمانك عمرك ماتخيبي ابنت ومرت اعز الناس ...
خرج من اش عند الانسان مايدير من غير الايمان بالله وتقرب ليه فاحلك الضروف ويحمد الله ويشكرو فيهم وفي لفرح والقرح ديما نذكرو الله الله وحده قادر على كل شيء والله وحده قادر يطفي العافية الي شعلا ...
عندها لقاهم مشاو عند يامنة كيسلمو عليها وهي غير حادرة راسها وتحركو مكتهضرش ..حتى ضار هنا وهما وشاف فايساف ...
فؤاد : اسامة !!!
ايساف : مالقيتوش هنا ...
فؤاد : قلبو عليه "شاف فالحبيب" قلب عليه وتجمعو يا ولادي حدا خوكم وهزو معايا الحمل را ضهري تقسم والنسر تهد ولا اله الا الله ..."جهد صوته بجهد تا بح وواحد لحضة مشا ورجع ...هز ايديه لسما عيااا بالمعقول " وااااااااااا عباد الله ميغركمش النسر راه كيبقى مدوز تسع شهور فكرش الحنانة ودم ولحم ...يااااااربي راني عبد ضعيف فجاه قدرتك "تحنى على ركابيه وكمش عينيه كيتسمع غير تنهيدات مجهدين فحال شهقة ...حتى طاح بجهد على وقفتو تسمعات زداااااف تا ناضت نوار واقفة "
فوق بياص متحرك كسدة او جسم ضخم ...ضخم هكا كيبان لناس بسباب الهيبة الطاغية عليه بسباب الهيبة الي عطاها ليه الله من صغرو من شبابو ..سبابا هضررته الموزونة ،،هضرتو الحكيمة ..هضرته الثابتة الثقيلة الحاسب حسابو فكل حاجة المفكر قبل ميطبق ...القوي الصلب الصنديد الجبل الي مايهزو ريح ...لكن شنو هو كيف قال قدام الله وقدام القدرة ديالو ...كايبقى فالاخير دم ولحم ...
يوسف"كيجري مع الفرملي الي دافعو بالبياص مهبطو لتحت لبلاصة الفحص ..." : ياربي سلامة ياربي سلامة ياااربي كون معانا ياربي ..."عينيه حمرين تقهر حتى هو بزاااف ومزال عليه تاثير صدمة ياسين غير مكابر وصابر على قبل خوه والبقية وبنتو اكثر شيء ."
صهيب"غادي تاهو ومعاه يامنة الي كتلالي تابعة فؤاد الي غاب عن الوعي فلحضة انهار وطاح على وقفتو " : يامنة الله يرضي عليك صبري ميكون غير الخير باينة مشرب ماكلا داكشي لاش طاح ...
يامنة : اهى اهى فؤااااااد واااااربي واش هاد المكتوب ياربي ...اهى اهى واااااااا ميمتي واحد ...
غادين كاملين تقريبا معاه ماعرفو باش تبلاو ماحيلتهم لياسين ولا ليه الي كان كيصبر فكلشي هاهو طاح وخاص الي يكون معاه وبالفعل را حنا غير عبد ضعيف امام قدرة الله ...تبعاتهم يسرى وايساف واشرف وعلي الي جا مع مصطفى خلاه وتبعهم كيجري ...
اما البقية ماخلاوهمش يتبعوهم ومنهم نوار الي جلسات مصدومة تا خشاتها نجود فصدرها كتطبطب عليها اما هي را غير عينين محلولين ودموع دايزين ...قلبها كيتشوى ولداخل ديالها كيتمرمغ ...ياربي وهادشي مكان محسوب ليه حساب واش هادشي طاري واشنو هاد الي وقع ...ياربي را شوية ما بعدها شوية ...
بينما دخلوه فانتظار يعرفو حالتو ...فهاد اللحضة وقدام المشفى وقفات سيارة الياس لكن منزلش منها ...كي سكت طوموبيل ضار عندو ...
الياس"ضار يشوف فيه حاط راسو على زاج شعرو مخربق ووجهو عامر تراب وحنكو محرود وحالتو عامرة تراب وغيس ..." : اسامة ...اش هضرنا ؟
اسامة"الصمت"
الياس : الي وقع ماكانش بخاطرك اولدي كلنا غلطنا وكنغلطو ونتا مادرتي تا عيب هو الي مشا وكتاب عليه المكتاب ...علاش هاد لحالة تغوت وتمرمغ هانتا طحتي من فوق جبل جاب الله كانت لارض قريبة وجاب الله قشعتك خارج مسهوت فالوقيتة الي كان خاصك تبقى مع باك وتبعتك ....
اسامة"الصمت فقط كيشوف قدامو وعينيه حمرين عالجهد " ...
الياس : اسامة كنهضر معاك شوف فيا وسمعني ...الي عطا الله عطاه مكتاب تصرف ...الوقت الي نتا داير فيه هاد الحالة وقف مع باك وشد بيه ماشي وقت تلوم راسك وماشي وقت نبكيو ونعددو البكا كينفس ولكن را مكيفيذ بوالو ...
الى بغيتي تكون مع خوك هي دعي معاه تقرب من الله ودعي معاه را كلنا تشوينا عليه وانا تشويت عليه ومكمدها بزز مني صابر فوجه باك حيث ياسين ماشي اي واحد ياسين را النور البكر الي نور دارنا ياسين كلشي هزو فصغرو كلشي رباه تا مشا عند جدك يعيش معاه ...
"شد ليه فكتفو زير عليه تا كمش اسامة عينيه .." زير معايا السمطة وتوگض على وجه باك محتاج الي يصبر باش يصبرو ولا نصدقو زايدينو حتى هو ...الله يرضي عليك ...
اسامة"دار وجهو بين ايديه وتاوه بجهد حتى حيد ايديه وهز راسو لسما " : كون سكت وكمداها مكان يوقع ليه هادشي "عاود لالياس كلشي" واكون هضرت مع الوليد نيشان منترزا فخويا حبيبي واااااا كنتشوى من لداخل
العميم كنتشوى من لدااااخل وحرقتي مدوبلة على جوج وميحس بيا حد ...
الياس : حاسين بيك كون عارف نتا سباب منعقلش عليك نربيك قبل ميعرفو ...نتا درتي الي عليك وكون ماقلتيهاش ليه كان غايعرف بطريقتو ونصدقو مرزيين فيك وفيه ...حل عينيك وشوف من الجيهة الزينة خوك مزال شاد شوي فراسو وشاد فالحياة شوف هاد جيهة بلاصة نديب ونواح ..."جهد صوته" تگلع دخل شوف حالتك وداوي وسير بدل "ضور راسو لور وهز ساشية فيها حوايج ديالو خذاهم ليه سورفيت سخونة وتقاشر وسبرديلة .." ندب وبكي وشكي مغاتفيد خوك بوالو ...دوز المحنة وهضر مع باك علمو بكلشي ...
اسامة"بصوت مغنغن" : غايعرف رااااااااسو رااااسو ...
الياس : هانتا قلتيها "تنهد بجهد تاهو حامل غصة فصدرو كيحاول يتناسا ويصبر هو الاخر لانه كيف قال ياسين ماشي اي واحد ياسين كل واحد"...يلاه نزلو ...
هز ساشية ونزلو بزوج توجه معاه لمستعجلات فواحد الغرفة حتى داواو ليه حردات الي فحنكو وحتى كتفو كشفو عليه لان الياس لاحض انه تاوه تما فاش قبط فيه يعني را مقصح حتى من تما نتيجة طيحة الي طاح من واحد تلة عالية شوي ...عطاه دوك الحوايج بدلهم وطلع هو وياه لفوق باش يشوفهم ويعرف حال ياسين الي بداو كيجهزو فالبلوك ودكتور موسى كيوجد باش يدير ليه العملية ...حتى كيتصدمو بان شخص اخر طاح هو الاخر غير متحمل وصدمة تابعة لاخرى وفيييين غاديا بيهم وهذا الله ...
مدد فوق السرير وهما عند راسو شي كيفحص وشي كيعلق ليه فالسيروم وشي كيقلب فالضغط ...شي نص ساعة تقريبا وهما معاه خذاو معلومات على حالتو الصحية من قبل باش يشخصو الحالة ...حتى تاكدو وعلقو ليه سيرو وضربو ليه شوكة ديال الضغط ...حتى خرج عندهم طبيب هو نفسو منصف اختصاصي القلب لان يوسف عيط ليه بحكم فؤاد ديجا مر بازمات قلبية (كريز كاردياك) ...
يوسف : كي بقا ؟؟
منصف"قهراتو هاد العائلة ماحيلتها لشاب الي لداخل ولا لهاد راجل الي لداخل تاهو مكوي على ولدو ...عيطو ليه على وجه السرعة بزز حيث كانو عندو شي حالات بحكم المشفى عمومي ...ولانه الكارديولوجي الوحيد الي كاين تما فهاد لحضة " : خليتهم دارو ليه سيروم يتقوى بيه ماواكلش ماشارب ملي جيت عندكم وانا كنشوفو واقف مارتاحش ...زيادة على ضغط طاح ليه بسباب قلة الاكل وكترة ضغط ...
صهيب : كان فايت واقع ليه كخيز كاغدياك ...حالتو ؟
منصف : لحد ساعة مزيانة نقولو جا الله من جيهتو غير هو الدوا ديالو ميقطعوش الله يخليك سي نو تقدر ترجع ليه ولا ترجع بالاضعف لا قدر الله ..."شاف فيامنة الي وجهها كيخلع عينين منفوخين ومنخر تنفخ وحمررر وحناكها مندوبين ...شاف فيوسف الي عيان تاهو صهيب ايساف ويسرى تاهي مرتة معاهم ..."
الي غانقوليكم ونصحكم بيه بحكمي طبيب شايف حالات وحالات من هاد نوع ...هو البكا واليأس وانعدم الامل مغاديش يفيدكم ويقدر يرجع بطاقة سلبية حتى على المريض ...ولدكم او خوكم دابا فحاجة لدعواتكم فحاجة تقربو من الله هو الي غاينقذكم اما البكا والعويل ماهو الا باش تنفسو وتخرجو الي فلداخل باش
يرجعو ليكم ويوقف را مغاينفعكمش ..."شاف فيوسف" من دابا نص ساعة غايدخل العملية كنت غانقولها لحاج لكن الي وقع وقع ...كونو مع الله يكون معاكم والله يسمعكم خبار الخير...من هنا لشي ساعة وشوي غايفيق وبلغو هو كوميم موگض عليكم وصابر ولكن كيخبي ويكمد ونتوما ممعاونينش معاه الى بقا هاكا تاهو غاتخسروه..."شاف فيامنة" وگضي راسك الحاجة وگضي راسك ...تقدرو دخلو عندو...
ايساف"من بعد ما مشا شذ فايد يامنة وباسها" : ميمتي شدي فراسك ودخلي حداه هاهو كي وقف معاك وقفي معاه را والله الى حالتو ضر تاهو كتر وجد هو الي حضر ليه وجابو معاه ...
صهيب : عندو صح وگض راسك وشدي فراسك وبقاي معاه يفيق الى قدر يجي هاحنا غانكونو حدا البلوك نتسناو فرج الله حتى دوز العملية ...
يوسف"باس راسها " : تقدري تبقاي معاه ؟
يامنة"هزات فيه عينيها منفوخين وعامرين دموع وشافت فيه ونطقات بشويييييي " : و وااخا...
يوسف : الله يسمعك ويسمعنا خبار الخير ياسين ماشي اي واحد ياسين را بكري حتى انا ...انا مشيت حدا نوار تاهي ماتكون قل منك ...
يامنة"كمشات ليه فايدو" : رد بالك معاها راها مريضة وامانة الغالي ...
يوسف : كوني هانية ...
مشاو كاملين ودخلات هي لعندو فين كانو حاطينو كان عريان من فوق حيث دارو ليه تخطيط ديال القلب باش يشوفو حالتو صحية ومعلقين ليه سيروم ...كسدة مجبدة تبارك الرحمن واخا كبر باقي الهيبة هي الهيبة الي عاد متزادت بهضرته الي زادت حكمة بحكم الزمان الي داز عليه ...جرات كرسي وجلسات حداه ...
الفرملية : واحد ساعة ويفيق ...
يامنة "حركات ليها راسها وقربات حداه بزاف تا شدات ليه فايدو كمشات فيها وهزتها باستها من داخل وبرا ...هزات فيه عينيها قهرهاما كتحملووووووووش يتجبد ويمرض كيبان ليها واحد العبد ضعيييييف ..." : نوض افؤاد انا نصبر غير نوض عافاك راني ولفتك نتا هاز عليا وجناحي نوض عطيني الراحة وطمني را بكري غايرجع ليا راني والله ماقادرة منشوفوش قدامي ومنسمعش صوته نوض افؤاد انااا"كتبوس ليه فايدو"نشد ليك بايدك ونهز معاك منبقاش نخليك تهزو وحدك ...الله لا يحرمني منك ياربي ويخلي لينا وليداتنا رجال من صلب سيد رجال نوض هما دابا ولاو جناحنا ...نوووض"حطات راسها على ايدو وبقات كدوز عليها وتبوس وتهضر ..."
"النادي الليلي" بنفس المدينة "فاس"
جاي وفايدو الگارو كيجر منو ويسوط ويقلب عليه بعينو خاشي ايد فجيب سروال فصالة الي لابس ولاخرى راه كيكمي بيها بان ليه واحد من الگارد ديال تما وشير ليه تا جا لعندو ...فين هو ؟
الكارد : لداخل فنفس الفوطوي ...
حرك ليه راسو ومشا وضار كيشوف تا دخل دنيا بدات كتعمر شوي بشوي حيث قرب العشية والليل ...حتى دخل لقاه جالس حاط مرافق ايذيه فوق ركابيه وجامعهم عند فمو كيشوف بعيييد وباينة عليه كان كيتسناه يشرفو وبالفعل غير وصل عندو وهز فيه عينيه ...
عيسى"غزز سنانو تا بان لفك ديالو كيتحرك" : جيتي القواد ؟
المراكشي : سمح ليا سي عيسى جيت من وراك المرأة عندي كان فيها شوية الوجع كنت معاها فالكلينيك مع قربات تولد سمح ليا ...
عيسى"كيشوووف فيه بوادح النظرة المراكشي كيعرف معناها ديما كيشوفو بيها مع الي كيجبدها معاهم ولا اعداء ديالو ولا واحد من رجالو ولكن هاد المرة النظرة كانت موجهة ليه هو لاول مرة "
المراكشي : سي عيسى را ..."ماهي الا ثواني باش يكمل هضرته حتى تهز عيسى على وقفتو بجهد الي عطاه الله مشا ليه ديريكت حتاها عليه بقجة عصر ليه فيها عنقو تا خرجو عينيه ...الكارد خرجو شي ناس تما بعدوهم وسدو ديك البلاصة ولاخرين هزو الفرادا وجهوهم لجية المراكشي" ...سي قهخخهخ قحخخخ عي...
عيسى"مكرررز ليه على عنقو على مشارق يخرج ليه روحو وعينيه ويگرضو ليه " : ياااااااااا ولد القحبة يا ولد القحبة القوااااد ز*** درتيها من ورايا ينعل طب*** مك ااااااش درتي اااااااااااش ....نتا مرتك ديها لكلينيك يا ولد الزوادة "وررك ثاني
حتى هذاك عينيه تقلبو ورجليه كيفركلو ماعرف كيفاش تا طيحو وطلع فوقو كيمعس ليه عنقو ..." نتا تهلى فمرتك تولد ليك ورزي ناس فولدهم يا ولد الخضخاضة ...طرت
معاه تا عييت تسابيت معاه جبدنا العار والعيب ضرت ليه بخوه وعمري فكرت نقتلو يا ولد القحباااااااااا واخا معاديين كان واحد الوقت عشيري ...درت الي درت وجاني العفو من عند باه بمسبتو ..."تفكر نهار عرف بالي باه جا عند ياسين طلبو باش يهضر مع باه يسول عليه فين غبر معرفش ان باه الي تدخل تا تنفا ...طلب عليه ياسين فوجه باه الي جاه وهو كبير مست كيطلب على ولدو عز عليه وحشم منو ...حتى هضر فواد وسمحات ليه المافيا معامن خدام وقدر يرجع لمغريب قبل كانو محلفينها فيه يعتب يتقتل فالبلاصة " وخا هكاك كيبقى هو ولد ناس وحنا صدقنا بمسبتك ولاد القحااااب معاه ..."غوت على رجالو" هااازو عليا الرعواني غبروه من هنا مايخرج ميشوف شمش ودعي الله نتا ميوقع ليه والو ولا انا نديك لعند نسر بايدي ..."شاف فالكارد" تقااااااودو جيبو هادوك رباعة ...
الكارد : ولد رويسي وتوفيق وعزيز ...
عيسى : كاع القوادة الي تبعو هذاك العطاي (المراكشي ) جمعهم ليا وديهم حداه ..."جهد صوته" عاجبكم ديلمكم داخلو ليا مع التشرميل ...بلااااتي ...
خرج من المكتب ومشا فاتجاه ممر البلوك ...حتى بانو ليه عائلتو من بعييد واقفة ...وتمشا فالاتجاه ديالهم يهضر معاهم بينما حولو ياسين لغرفة العمليات ...جا منصف بجنبو وتمشا معاه حتى وقفو عليهم ...ضارو كاملين عندهم ووقفو وشي جا لعندو ...
منصف : معاكم بروفيسور موسى علوي الي غايقوم بالعملية ...
يوسف : وجهو واسمو غني عن التعريف الله اودي ...
موسى"هبط راسو وطلعو كنوع من شكر ونطق" : باش نجيكم نيشان من طبعي فحياتي المهنية كنحط اهل المريض بالصورة سوى سلبية او ايجابية ...الي عليا غانديرو وجهدي اكثر غانديرو ...الحالة ديالو صعييبة الي نطلب منكم هو شدو فبعضياتكم ودعيو معاه ...
نوار"كمشات فايد يوسف تا ضار عندها لقاها كتعصر بالبكا بالحس"
يوسف "زير عليها باش تسكت" : كاين امل ؟
موسى"تنهد وشاف فيه باسف" : حاس بيكم وعنيت بهضرتي انني حاس بيكم بصح ممكن نكون دزت من نفس التجربة غانهضر معاك دابا بصيفتي جراح الي غايقوم ليه بهاد العملية نسبة ديال الامل كاينة ..وبصيفتي شخص عاش نفس التجربة ...ماعندكم حتى خيار من غير الدعاء والدعاء والدعاء ...
اركان : كي كيفاش ؟؟ ياك ما..."ولا كلو عرقاان ووجهو تبدل فيه اللون "...
موسى"شاف فيه" : خاصك تمشي ضرب لانسولين ضروري شد فراسك حتى انت "شاف فيهم " انا عليا حطيتكم بالصورة باش توجدو راسكم لاي شيء وتستعدو نفسيا ..."دوا ليه منصف فوذنو "
منصف : يلاه را وجدو ...
راوية "قربات لعندو" : عااافاك دير الي عليك عاافاك شوف تجربة الي قلتي دزتي منها وحطها بين عينيك وحاول معاه هانتا شوف "كتوريه" كلنا واقفين غير بزز داك شوية الامل الي باقي وكنشوفوه باقي فالحياة وروح كطلع وتهبط مخلينا صابرين ...
موسى"تم غادي " : الله يكون معايا ومعاكم ومعاه ...يكون خير"حدر راسو ماقدرش يبقا معاهم بقاو فيه حيث فكروه نهار كان كيتسنى هو ومو وباه وخوتو ...خوه يخرج حيث هو ماقدرش يدير ليه العملية لانه خوه ولانه منهار تاهو منعو عليه يديرها ليه ..."
دخل لبلوك عند البيت لول بدل لبسة وخذا وحدة اخرى معقمة دار طاقية اخرى وعقم راسو مزيان مشا غسل ايديه هو ومنصف وعقمهم مزيان ولبس ليگانت وتوجه ناحية ياسين الي كان مدد موصول بالاجهزة ،،ضغط ،،الاكسجين ،،دقات القلب ،،...
موسى "وقف ليه عند راسو كانت هادي اول مرة غايشوفو ..هز فيهم عينيه" : راقبو ضغط الدم شحال ؟
الفرملي : مزال نازل بروف ...
موسى : urgent
منصف"من تحت البافيط" : نبداو ...
موسى "مد ايدو" : يا بسم الله على بركة الله ...
عطاتو الفرملية المشرط عاود سما الله خواو البيطادين على البلاصة ومسح مزيااان ..البناج واقف كيراقب وخا مبنجوهش لانه اصلا غايب ...بدا كيحل فالفتحة الي اصلا عاد كانت مخيطة خياطة مؤقتة حتى يعاودو يفتحوها ...
كيتسمع فديك الغرفة صوت الالات ...تيييييييييك تشششش طط ...طوووووط تيييييك تششش...
موسى "حل الفتحة وهز عينيه كيراقب المؤشرات شاف فالبناج غمزو بلي كلشي مستقر حاليا ...خذا نفس حتى تنفخ صدرو وطلقو ..."
بدا كيحيد فداك تجلط ديال دم وعروقاتو بدات كتكب كيراقب قدامو مع داير المنضار وكيشوف واش غايقيص العرق والشريان ماشي دقة بدقة ..." الضغط ؟
منصف : مزال كما هو عليه ...
موسى : ميييغد ...
منصف : المشكل ؟؟
موسى : خاصو يرجع يستقر ولا يطلع درجة ميمكنش يبقى فنفس الانخفاض ...بفففف ...
منصف : مكيبشرش ...
موسى"الصمت مجاوبوش رجع كيركز هاد المرة انعازل على الواقع ...
ركز غير فديك المنطقة عطاها كل تركيزو وكل مكيحيد ويعالج كل مكيسمي الله ويدعي ويسبح بفمو ...عملية دقييقة حداه منصف كيراقب ويعاونو والفراملية واقفين عند راسو شي كيمسح ليه العرق وشي كينضف معاه ....
موسى : وجد راسك ممكن يوقع نزيف مفاجئ ...
منصف : كوااا ؟ داكوغ داكوغ ...
ملاك الرحمة واقف عاطي تركيزو فالحالة والعبد الضعيف بين ايديه وايدين الله ...عينيه شبه مغمضين ...شعرو القوي مغطي تاهو بالكامل ...لحيتو بقات كيما هي ...عينيه دخلو وحجبانو عاديين ماهما معقودين ماهما مكمشين ...العالم بيه الله فين غايب واش كيشوف واش كيحلم ولا عايش ويط ضلام كيتسنى الفرج من اي جيهة ...
ازيد من ساعة ونصف وهو مركز كيمشي دقة بدقة باش يعالج المنطقة من تجلط ...مزال كيطلب فرملية تمد ليه شي حاجة باش ينقي تما حتى تسمع صوت الالات وخصوصا ديال الضغط الي طلقات صفارة مجهدة تهز ليهم ياسين هزة وحدة فحال ضربو ضو وتسمع طووووووووووووووووووط...
موسى"خرج عينيه على جهدهم بدات كتشرش ديك البلاصة بالدم وصوت الة قياس ضغط" : طونسيون ؟؟؟
البناج "حل فمو وصرط ريقو الي نشف " :...طلع بزاف فدقة وحدة...
موسى"رمش عينيه وايدو بدات كترعد "
برا كان جاي فؤاد شادا فيه يامنة معنقها بجنب عاد محيد سيروم وبلاصتو فيها سبارادرا ...حتى ضرب قلبو بجهد وهرب لون من وجهو رجع بلور وجا ...
يامنة"بصوت عيان " : مالك ؟؟
فؤاد"مكمش عينيه كانه لمح خيال " : فحم العينين هذاك ؟؟
قبل بساعة وبالضبط فالغرفة فين كان ناعس من بعد فترة ساعات ديال الصدمة الخوف الترقب الانتظار الارق الارهاق التعب البكاء وشلااا ما تجمع عليهم فهاد الساعات ...
يامنة"شافت السيروم بدا يتسالا ليه دخل عندها الحبيب وهاجر اطمانو عليه ونطقات كتسول بصوت عيااان كيف العادة" : خووك اولدي ؟
الحبيب : دخل عندو الطبيب الي جا من فرنسا ويمكن على حسب ماقالو بدات العملية ...
هاجر : خالتي شربي ليك شوية الما توگضي شوية ولا شي عصير غير باش تبقاي واقفة ...
يامنة"كمشات عينيها" : يااابنيتي مكاين منيني يدوز النفس تسدت والقلب عمر ...
هاجر : عاارفة وحاسا بيك ولكن خاصك باش توقفي الماكلة ولا شي حاجة تشربيها باش تقدري توقفي على رجليك ...
الحبيب : هانتي شفتي الوليد صبار ومتسمعيش شكاه ولا والو جبل ميهزو ريح ماكلا ما شرب والحالة ميعلم بيها غير الله كلنا فلاخر هاهو حداك غايوقف غير بالسيرو ...بغيتي نديرو ليك سيروم تسناي واحد ساعة ولاش شحال تيكمل باش توقفي ؟
يامنة "ماجاوباتوش ضورات وجهها جيهة فؤاد كتشوف فيه وتمسح على ايدو "
هاجر"هازا فايدها كاس عصير كوكتيل خذاتو من تحت" : شربي غير شوي بززي على راسك وزيديك الما غير باش من ينوض يشد فيك ويلقا علاش يتكل ...
الحبيب : عافاك اميمتي على وجهنا على وجه ياسين حبيبنا ملي يتوگض يلقاك واقفة مزال خلي حريرة ملي يلقا داك الحناك الي درتي ليهم هكاك وتفرجي ...انا بعدا منشدوش عليك ...
يامنة"دارت شبح ابتسامة " : اياياااي ياوليدي شويتو وحدهاااا غير ينوض يدير ليا مابغا ..."بغات تبكي وهو يشد الكاس من عند هاجر وقرب لعندها تحنى وعطاه ليها ..."
بقا معاها بزز تا شربات شي جغيمات وزادتها الما بقاو شوي تا شافو باه وخرجو جا ايساف وجا الياس ودراري طلو عليه ونجود وراوية عاد خرجو خلاوها ماهي الا عشر دقائق تا كان كيحرك عينيه من بعد ما تسالا ليه سيروم المقوي ...
فؤاد"بدا يحنحن بشوي "
يامنة"ضارت عندو بزربة زيرات ليه على ايدو" : فؤاااد ...
فؤاد"حل عينيه بشوي شحاال تا ضار عندها ونطق بصوت خفيييف مبحوح" : يامنااااا
يامنة : هاااني هاني ...شوية"كتسمح ليه فايدو"
فؤاد"رجع شاف فالسقف وحرك راسو بالايجاب...ونطق ثاني" : فين انا ؟
يامنة : طحتي ومخيبها طيحة ماعمرك تهز على راسك بزاف ...هاني حداك نهز معاك الحمل براكة عليك ...ماكليتي ماشربتي والاعصاب وبزاف كلشي تجمع طاح ليك طونسيو ...ها سيروم كمل تجي البنت تحيدو ليك ...
فؤاد : هي دابا ...
يامنة"عارفاه يبغي ينوض وميتناقش معاه حد داكشي باش ضارت عند الفرملية لقاتها لهيييه حدا شي حد كتقاد ليه سيروم ..." : بنتي"ضارت عندها" اجي حيدي ليه سيروم عافاك راك كمل ...
حركات ليها راسها ضارت كملات لهذاك وجات حيداتو ليه قبل مايبقى ميجر ويصدق جار ليه دم ...ناض بشوي عطاتو لبس تريكوه وناض معاها تا مشاو فاتجاه البلوك الي حتى كان وصل لمح طيف او خيال شي واحد داز وضار جاه فحال ياسين حتى قلبه ضرب بجهد ...
فؤاد"صغر عينيه فمو ولا بيض" : فحم العينين هذاك ؟
يامنة"حطات ايدها على صدرها" : اويلي فؤاااد "نزلو دموعها " اهى ماشي هو فؤاد واش نتا لباس ؟
فؤاد"غمض عينيه بالم قلبه كيضرب يضرب يضرب حتى ساط انفاس بشوي " : فففف اعوذ بالله من الشيطان الرجيم"هز عينيه من بعد ما حلهم" يااارب راك شايف وعارف وعالم ..."شاف
فيامنة لقاها كتشوف فيه بواحد النظرة طيح عليك ضييييييم جرها عنقها بجنب وباس راسها وعاود" الله كبير الله كبيييير اغزالي ...
"فالبلوك"...
موسى"عينيه خرجو ولات ايدو كترعد واحد لحضة تفكر خوه مع حضر ليه من بعيييد فاش كانو كيسعفوه (لان خوه ماماتش فالعملية مات فالمستعجلات فور مانقلوه) ...ماسمعش نداء منصف ما حسش كاع انعازل لبرهة على الواقع ودخل فقوقعة ديال تفكير حتى زعزعو منصف "
منصف : دكتوغ علوي توگض معانا ...
موسى"تهز صدرو وتحط فحال الى فيقو بجهد وضار عند البناج الي خدام كيضرب فالشوكات فالسيروم ومنوض رفع لفراملية يتحركو ...ورجع شاف فالنزيف كيشرشر ..." : بونصمون (فاصمة) "مدتها ليه "
حطها فوق نزيف زادتو وحدة ..."هز عينيه كيشوف فالضغط ويشوف فالبناج الي خدام وكيعطيه حسابات المؤشرات الحيوية ...باقي نفس المشكيل طونسيون مابغاش ينزل ...زادتو الفاصمة كيحطها على نزيف وفنفس الوقت
كتغسل ديك البلاصة اما التجلط كيف حيدو وقع النزيف فور ماتحيد ...كيحيد الفاصمة ويدير وحدة جديدة ووالو نزيف مستمر حتى بدا كيدير فالماس باارد وينضف وينشف ويضربو فالشوكات بزز باش توقف ...
موسى"تنفس وقلبه كيضرب بالجهد ولكن ..." : طونسيون ؟
البناج : ميم شوز بروف...
موسى : مييييييغد "عروقاتو تكب .." كنت عارف ...
منصف : ماطلعش من الي جا فالحادث وهو هابط ...
موسى : الحالة صعيييبة صعيبة جهدي كامل كنديرو ...حاول ترد البال لا توقع..."يلاه كيقوليه حتى بدا ياسين كيتهز ويتحط ويتخضخض ليهم تما تا تسمع صوت الة دقات القلب كدير طنييييييين والي خاف منو هو الي وقع "....
ساعات الانتظار الي مشا خرج يتنفس ورجع الي مشا يكمي باش يتكالما كل من ايلاف و وايساف هاد الاخير الي استغل اللحضة وعيط ل صفية الي باقي حالتها بالبكا عز عليها ياسين الشخص الي خيره عمرها ماتنساه الشخص الي حن عليها فبلاصة راجلها الي ماشافت منو غير القمع والعذاب والضرب والاهانات ...
ايساف : مزال ماسكتش ؟
صفية"كتنخر بمنخرها مخنوقة بالبكا" : مزاال ماعرفتو علاش مابغا يسكت ...
ايساف : غير صبري معاه نتهنى على حالة ياسين ونجي عندك ياك ماخاصك والو ؟
صفية : فهاد الحالة معندي ماخاصني غير داك ولد ناس يكون بيخير والله يرجعو لميمتو وباه ومرتو ...الله يسمعنا خبار الخير عليه ...قهرني فخاطري قهرنيييييي"تخنقت بالبكا" اهى اهى مايستاهلش هذاك الولد والله ميستاهل اهى اهى ...
ايساف : صفية الله يرضي عليك سكتي من البكا راكي مريضة عاد والدة ...نتي دابا ففترة حساسة دعي معاه ...
صفية : متحتاجش تقولها ليا الدعاء من القلب وانا دعيت معاه من نهار وقف معاه وقفة رجال فمقابل الي رجال مكاينينش فالوقت الي قلالت رجلك لقيتو هو نور الي نورني وتهلى فيا مكيعرفني متربطني بيه تا علاقة من غير انني مرت ولد عمتو الي براسو ممعتارفش بيا…دارني ختو …
خئ اهى ...فالوقت الي مرضت فوحمي لقيتو فحال نقطة العسل وسط المرار الي عشت ...الرجلة الي شفتها فيه ماشفتها فاقرب ناس ليا ...بصح فاعل الخير هو الي بعيد عليك اما الي تحسبيه قريب ليك وراجل يحميك ضور راسو وخلا سيادو يعريو على دراعهم ...
الى غاندعي معاه راني كندعي صباح وعشية ...خسارة جات فالدرويش وسيد رجال ومجاتش فالرعواني الحاس براسو ..."عطاتهم ليه صبا صبا تا گنفاتو ولا غير يكحب زير على كاس القهوة كحلة سخووون فايدو تا تخوا عليه ...ماحتال يجاوب تا قطعات عليه خلاتو كيبرق...حتى جا وصل عليه ايلاف الي كان كيهضر فالتيليفون ويعرعر جا وجهو مخطوف ....
ايساف : ايش في يابي ؟
ايلاف : بعرفش بعرفش هالوكيت بديش احكي حتى نشوف ايش حالة ابن القلب (ياسين)
ايساف : ان شالله خير يابي نشالله ..."تنهد ومسد عينيه تا قشع ايلاف ايدو حمرة "
ايلاف : ايذك ؟
ايساف"شاف فيها وساط عليها" : القهوي انكبت علي تشغلِش بالك ...يلاه نطلع ...
ايلاف"ضور راسو تما كانت دنيا عامرة مع ستة ناس كدخل وتخرج زيارات عالجهد لمرضى والمستعجلات عامرة سيارات الاسعاف كتغوت وبنادم يتجارا ولا اله الا الله ...تعانقو ومشاو طلعو ..."
"البلوك"...
مشا موسى كيزرب لعندو ويغوت عليهم وجهو ولا هارب صافي تركيزو انصب كلو على هاد الشاب الي بين ايديه ...ومنصف كيجري يضرب ليه فالشوكات تاهو تدخل بالتخصص ديالو مختص اخور مراقب باقي الاعضاء ...نايضة
الكومبا فديك البلوك ...الفرمليات كيجريو ويتدخلو تاهما بشنو كيقولو ليهم ...مشا لصدرو
موسى"شابك صباع ايذيه شوي وهزهم لفوق وعطا بكفوفهم عند صدرو كيضغط عليه تا كيبغي يتقب ليه صدرو ويهزها بزربة يعاود تاني يضغط عليه ويهزها بالزربة ...
شحال وهو كيدير نفس الحركة كيهز عينيه يشوف تخطيط كيلقا ضعييييييف مابقاش الا شقة ويولي مستقيم ...هز راسو ثاني كيراقب ضغط نفس شيء ....
موسى : يلاه يلاه يلااااااااااه ...."غوت بحر جهدو " Injection d'adrénaline(شوكة ديال الادرينالين ) دااااااابا ...
مشا منصف كيجري يعمرها ليه وهو خدام كيدير ليه فالماساج كاغدياك لقلب ديالو باش ميمشيييش ويسكت مرة وحدة ...عطاها ليه وهو يهزها وهبطها بجهد لجيهة لقلب نيشان وهز راسو حاضي واش غايرجع نبض طبيعي ولكن مع الاسف "
في برا جالسين جا فؤاد سلمو عليه وبقاو واقفين كيتسناو الفرج ...جات يامنة وجلسات حدا نوار الي عاد ردات ليها البال والله يحسن العوان ...حتى جلسات حداها وهي تحط ايدها على كتفها وغيييير حطاتها ماحساتش حتى تخشات فيها عنقاتها ...
نوار"كتنيييين بالبكا وتنخصص" : اننننن اهى اهى ...
يامنة"كتمسح ليها على ضهرها وتبكي " : رزااونا فيه يا بنيتي حشو لينا الساس ...غدرونا فالغالي يا حنينة ديالي ...غدرونا فمولى دارك ابنتي حرقونا عليه وعرفو كي حرقونا ...
نوار"كتنخصص وتهضر" : ياسين ماشي ديال هاد الغدر اخالتي اهى اهى ياسين ماشي ديالتو اخالتي ماااااانقدرش بلا بيه اخالتي مانقدرش اهى ...هاز ليا همي وقاري حسابي اهى اهى ...ماشي هو الي يخلينا ماشي هو اهى ...
يامنة : ماشي ياسين الي يخلينا وعاد قال بسم الله ...دعي معاه ابنتي يرجع وينقزها دعي معاه راني تشويت ابنتي وواقفة غير بزز على جالو دعي معاه را فرحتي لولة وبكري وانا فعمر صغيييير الى ماقلتي طفلة ...دعي معاه را نور الي نورني انا وباه كي صبر فكرشي قادر يصبر تا دابا ...من نهار طاح فكرشي وهو صبار ....
ياسين"ليس هو ولكن احدى مقولاته " : وشحال قدنا فالصبر احنانتي ورا الصبر كيدبر وحنا غييير عباد الله وهو الي كتب ....
"البلوك"...
موسى "حدر راسو بغا يبكييييي وهاد سيد را حضرو لهاد شاب ياسين كيخدم من نية نيتو مجاهد معاه باي طريقة مهم يحاول" : وخا قلة النسبة لحياة هاد الولد ندير جهدي والكمال على الله ..."هز عينيه شاونطق بجهد تا بح صوته" Défibrillateur cardiaque(جهاز صدمات الكهربائية ) طارو كيجريو جروه ليه لعندو طل منصف على نزيف لقاه حابس مرجعش نزف ...
الصمكة فالبلوك نايضة مابين شي كيجري ويضرب فالشوكات والي كيماصي والي كيراقب مؤشرات لا يتضررو الاعضاء الاخرى ولا يوقع شي نزيف لجرحات لاخرين حيث كان كيتهز ويتحط واحد اللحضة ...الجهد الي كيكون على الاطباء فهاد اللحضة را جهد فوق الجهد والي كيتدوبل ...كيديرو الي عليهم والي كيخدم بضمير را كيدير فوق جهدو والي معندوش را كيدوزها وصافي صبر هي هاديك ماصبرش را كيكتب توقيت الوفاة امتا ويخرج يعلن عائلة المريض او الميت ....
موسى: فازي فازيييييي ياسين الي وگض معايا راسك ...
يلاه يلاه ..."عاود ثاني كيحطها تا كايورك ويتهز تالفوق ويتحط ..."
فهاد اللحضة جالسين كيتسناو المكتوب والمصير ويطمانو وحالتهم حالة ...نوار بقات متكية على يامنة وراسها كيعطيها صداع وساااكتة مقالت لا اي لا والو ....في هاد اللحضة وفجيهة اخرى بعييييد على فاس بازيد من 400 كلمتر اي في نواحي مدينة مراكش بالضبط فالدوار ....
سالم"كيمسح فدموعو ويعاود ويتنخصص تا بغا يهبل ملي ساق الخبار وهو كيبكي عليه وخصوصا من شاف ديك صورة الي انتاشرت وحالتو ودمايات ..تحطات ايد على كتفو وضار " : عبدو ...
عبدو"وجهو حزييين " : براكة اسالم يهديك الله ...
سالم : غذروه ولاد الكلب غدروه ...
عبدو : يكون خير ندعيو معاه وكان هذا الي فالجهد ...
سالم"تنهد ومسح عينيه " : ونعم بالله ...
عبدو "باسف " : اش درتو مع الخيل ؟
سالم"حدر راسو " : الطبيب قال من هنا لغذا الى بقا على نفس الحال ولابد نقتلوه ...
عبدو : الله اكبر ...والله مانويتها بالرب الجليل اسالم ...والله منويتها...
سالم : ومكتابة مكتابة ...يمشي خيل ويجي خيل ومول الخيل الى مشا مايتعوض ولينا باغين غير نتهناو على حالة ولد الخير والجواد الفحم البنادم مابقينا بغينا حاجة من غيرها ...ينوض منها ويجي ديك ساعة يتفاهم معاك ...
عبدو : غيييير ينوض وانا نعطيه راسي الله اودي ...الله يضافيه ويشوف من حالو وحال واليديه ومولات دارو ...
سالم : اللهم امييين ...
"البلوك"...
موسى : شحن 200 ...
فرملية : تودسويت موسيو ..."دورات تا تشحن "
موسى"حكهم ثاني وحطهم على صدرو تا تسمعات زييييييييييييييو طااق تهز ياسين وتحط عاد هز راسو " : كومبيان ؟
منصف : مزال ...
موسى"عاود ثاني تسمعات زييييييييو ديال ضو " : كومبيان "عروقاتو تكب "
منصف : répond un peu
موسى : صون سيكونت 150 ...
دورات ثاني وعاود تهز وتحط ...شاف ...
منصف : إستجابة ...
موسى"عاود من جديد" : كومبيان ...
البناج كيضرب شوكات ديال طونسيون ...
منصف "هز عينيه شاف " : bat/min 80
موسى"هز نفس تا هزها وطلقها متاسف " : فازي ...
منصف : bat/min 70
جاب اجهزة وصلهم بشرايين الي فديك المنطقة ...عاد فجيهة القلب ...كملو العملية حتى
يلاه رجع لكن عاود انخافضو ضربات القلب حتى بداو كيتراجعو ثاني والجهاز كيغوت ويغوت ...
موسى "حل فمو وضار بالعرض البطيء هز راسو فالجهاز اما البناج را كلو عرق بجري ومراقب هنا منصف حدث ولا حرج ..." : نووووو
موسى : وصلوه بجهاز القلب دابا ...
جرو جهاز مساعدة فضخ القلب ووصلو بيه بقا شحااال كيتسنى استجابة حتى رجع القلب كيضرب بشكل عادي لكن فقط بمساعدة الجهاز حتى تسمع صوت من جديد واعلن على ...
وصلوه بيه دارو ليه وخلاه موصول وهو كيشوف باسف وحزن جهدو دارو ومكانش باغي يوصل لهاد الحالة لكن قدر الله وكتب ...حنا راسو كيشوف فياسين ورجع شاف فمنصف ...
منصف : شنو هادشي شنو هادشيييي ...
موسى : بففففف ...خليو الجهاز موصول ..."حدر راسو وخرج برا حيد الكمامة وطاقية ولاحهم بالزعفة دوز على وجهو وشعرو بجهد تا بغا ينتف راسو تنفس شحااال تا نزلات دمعة من عينو خانتو ساعات وهو كيجاهد لكن قدر الله ماشاء فعل ...حدر راسو وخرج برا
ماحدو كيقرب عندهم وماحد الدنيا كتبان ليه بالعرض البطيء غاديا حتى وقف عليهم وعينيه داخلين وجهو مكيبشرش بالخير ...هز ايديه وسرحهم ماعرف ميقول كانه كيقوليهم جهدي درتو وماحد بغا يهضر وزمان كيثقال عند فؤاد الي ناض نص نوضة ...."
فؤاد : ش ش شنو ؟؟؟
موسى "عض شنايفو كاتم الحزن وخيبة الامل شاف في فؤاد ويامنة واليديه وشاف فياسين خوه وهاد المرة هو الي خارج يبلغهم نطق بصوت باح " : درنا الي علينا ..."يامنة طاحت على طولتها اما نوار بدات كتعواج ودخل فحالة صرع
فؤاد"صوت مشا" : قتلو ليا بكري ؟؟
موسى : كومة ...
يوسف "صرط ريقو" : يقدر يفيق ؟
موسى : عايش بالجهاز يطول الى بقا على هاد الحال مدة طويلة شحال وهو كيقاوم ماعرفناش شنو وقع حاولت معاه وعطيت كل جهدي فواحد لحضة توقف القلب رجعت انعشتو بزز حتى رجع لكن عاو انخافض بزاف تا تقريبا وقف ووصلتو بجهاز مع الاسف دخل فغيبوبة درنا الي علينا وباش نحطكم بالصورة الى مافاقش من هنا ل تمنية وربعين ساعة غادي نعلنو على mort cérébrale اي الموت الدماغي…ديك ساعة غايبقى ممكن طويلة ممكن قصيرة الله الي عالم "ضور وجهو صعيب انه ينطقها" لي نعلمكم بيه هو الى طول بزاف ديك ساعة مغانقدروش نخليوه اكثر ..."شاف ف فؤاد" ديك ساعة كون واجد ومستعد باش نفصلو عليه الجهاز وتسني على الموت الرحيم ...
اصعب اللحظات واكثر لحظات الصادمة هي الي كيمرو منها دابا...موسى من الاطباء الي كيحاولو ما امكن انه يحطو عائلة المريض بالصورة كيما كانت حالتو باش يستعدو نفسيا لاي حاجة سوا ايجابية او سلبية المهم يحطو جميع توقعات الي ممكن تطرا ...حاول كل ما فجهدو انه ينقذو من الموت ..هاهو نقدو من الموت ولكن ؟ وقع الاسوء الي هو الموت البطيء كل مكيدوزو دقائق كتكون ساعات انك تسنى شنو غايطرا من بعد واش غايكون المصير النهائي...
"في المكتب"...
موسى"عند راسو منصف ومقابل معاه فؤاد فالجنب وايساف وايلاف واقفين " : انا مابغيتش
نعطيكم امل شرحت ليكم الحال الي مر منها فالعملية ودرت كثر من جهدي الحاج من نهار هضرتي معايا كونك اب محروق على كبدتو ماترددتش رغم اني مكنجيش بزاف لمغرب الا اذا كان مؤتمر او حالة مستعجلة فحال حالة ولدك ...
فؤاد"حجبانو معقودين لواحد درجة باين عليه مزير بزاااف وحابس راسو باش مينهارش ...نطق بصوت مبحوح " : ك "حنحن حتى تنهد ونطق كيشوف فنقطة معينة بعيييد على موسى " كاين امل يفيق ؟
موسى : انخفاض ضغط الدم وفقدانو للدم بزاف ادى الى توقف القلب اثناء العملية مع مضاعفات مصاحبة لذلك ...من بعد الانعاش دخل فكومة ...
هو كيعاود ليه وفؤاد كترجع بيه الذاكرة ل 23 سنة قبل ...فاش كان فعمرو عشر سنوات وشهور....
دخل بسيارة لبيست المؤدي لمنزل مصطفى اي منزل يامنة وزينة قبل ميكبر ياسين ويخدم ويتشارك مع جدو ويكبر جناب المنزل شرا ديور وارض وراه وشركها حتى بنا فيرما الي بقات غاديا وتكبر شيئا ف شيئا ...سكت طوموبيل وضار عندها لقاها كتهز وتخشي فالصاك وتجمع باش تنزل ...
فؤاد : نزلي ...
يامنة "هزات فيه عينيها" : ونتا ؟
فؤاد : نكمي ...
ابتاسمات وحركات ليه راسها قادت شالها ونزلات كتقاد فحوايجها كانت لابسة غير جليليبة ديال دان حمرة لايحة عليها شال صوف فالمارون ومشات دقات الباب لقاتو محلول ...
يامنة : فييين يا اهل المكان ...بّاااا وااا با ...ياااسيييين حنينة هاني جيت ...مييييمة
تحل باب ديال طواليط وخرج منو مصطفى كيمسح فايديه وراسو عاد موضي ابتاسم ليها ومشات عندو كتزرب باست ايديه...
مصطفى : اهلا اهلا اهلا نور المكان ابنتي عاد وصلتو ؟
يامنة : عاااد ابا ...فين ميمة وياسين ...
مصطفى : ميمتك راهي فالبيت كتصلي يضهر ليا مع يلاه شوي باش وذن العصر ايوى ياسين را مزال ماجا من سكويلة ...
يامنة"شافت ساعتها" : اااه نسيييت قاري ليوم فالعشية ..."حنحنت" انا ندخل عند ميمة فؤاد هاهو يكمي ويدخل ...
مصطفى : دخلي بنتي دخلي "خلاتو مشا ودخلات هي لبيت دخلاااني فين جالسة جداها الي رباتها من وهي لحيمة كي ولداتها امها ماتت فالنفاس ...لقاتها صلات وكتسبح وتكمش عينيها لنقطة بعيييدة ...باست على راسها وايديها تا تبسمات"
زينة : الفجيلة بنتي جاات ...
يامنة"ضحكات" : هيااا هادي ميمة ...
زينة : نتي ومن جيتي ...
يامنة : انا وفؤاد ...
زينة : وفين خليتي ولادك ؟ اويلي وعلاه مجبتيهم يا بنيتي...
يامنة : محمد الحبيب عندو قراية و اسامة مخلاتنيش ميمة نجود نجيبو مريض فيه بوشويكة ...
زينة "عقدت حجبانها" : فيه بوشويكة وماجبتيه لهنا ؟ جيبيه نداويه منو مالك فهاد الفعايل مالك ؟
يامنة : واا ميمة را جينا غيير نطلو كان فؤاد عندو خدمة هنا وجيت معاه غير طلبتو نشوف غير ياسين ونشوفكم وصباح بكري راجعين ...
يلاه بغات تهضر تا سمعات تحنيحنتو وهي تقاد زيف فوق راسها وكتشوف فين حنحن النضر عندها ولا ضعيف بزااااف ...
زينة : راجلك ابنتي ؟
فؤاد"قرب وتحنى على ركابيه من بعد ما حيد صباط ودخل " : ولدك هذا ماهو بنسيبك ماهو براجل بنتك ...
زينة"تبسمات " : بات الحفيد البكر الغالي ...
فؤاد : المشارك معاك الدم جناح بنت بنتك يتسمى نسيبك ...
زينة : العاطياه عينيا باش كنشوف ...
فؤاد : الواهبك (وهبك يعني عطاك هبة او هدية ) الكبدة المعاودة (ياسين)
زينة : بات البكر (ياسين) الحنين(الحبيب) ايوى خاتمها بالتخت ...
يامنة : هههههه اسامة تخت اميمتي ...
فؤاد"رفع حاجبو" : تاهو كبدتي اميمتي لا فرق بيناتهم ...
زينة : الكبير فيهم ضو ديالي هو باش كنشوف معزتهم وحيدة وليني ياسين معزتو وحدهااا...
فؤاد "ضار عند يامنة سولها بعينيه عليه "
يامنة : مزال فالمدرسة ...
فؤاد"ضار عند زينة " : موگض ؟
زينة : هاز راسو براسو والي معرفها يسول عليها قاصح راس وطبع باين عليه ...صبااار وليدي صبار حتى فالمرض ميشكي ميبكي"ضحكت" اش نزيد وكان ؟
فؤاد : الحاجة الي متشبه بوها حرام اميمتي راجل من صلب رجال ...
زينة : ربي يطول عمرو ويحنتهم لينا ...
رجع بيه العقل من تفكير فالماضي هو نداء موسى ليه الي شافو بقا ساهي تا نزلات دمعة خفييييييفة من عينو بقات واقفة ...هز عينيه فيهم الي سمعو شنو شرح بالكامل الا فؤاد الي ماسمع والو تقريبا كاع داكشي الي شرحو ليهم ...
موسى"غمزهم " : خليوني معاه عافاكم ...
حركو ليه راسهم ومشاو محطمين خرج حتى منصف وبقا هو وياه راس فالراس ناض من الكرسي وتوجه ناحيته جلس بالمقابل ليه وحنحن ...
موسى : سي الحاج تقدر تعطيني عقلك بالكامل ؟
فؤاد"هز فيه عينو وغمضهم شحاااال عاود حلهم وشير ليه بايدو زعما هضر"
موسى : الوقت صعييييب عليكم فهاد اللحضة نتوما كتسناو بصيص امل مغاديش نقوليك مكاينش امل ...كاين امل وواخا ميكونش كلشي عند الله قريب ...
فؤاد : شنو الحالة ؟
موسى"تنهد وغمض عينيه حيث غايعاود يشرح من جديد" : هو حاليا دخل فكومة كنتسناو اي استجابة او اشارة منو باش نعرفو واش مغايدخلش ف كومة سيغيبغال اي الموت دماغي ...حاليا هادشي الي عندي ...
فؤاد : الى موقعش يفيق ؟
موسى : هادشي راجع ليه ولحالتو لان الي وقع ليه فالعملية ضغط كان نازل واحد لحضة وقع نزيف وطلع بزاف جاتو كريز كاغدياك من بعد توقف ليه القلب ...ملي رجع خلينا الجهاز الي مساعد فضخ ...الى عطانا اشارة عالاقل من هنا ل يتحيد منو البنج نشوفو شنو كاين ...
"هز ايدو دوزها على وجهو بتعب وحرقة والم حاس بصدرو عامر عااااامر وبزااااف وفيه حرقة كتشويييي"
موسى : مسالة انك تمضي نحيدو ليه الاجهزة هادي مستبعدة حاليا وان شاء الله منضطروش ليها مي كيف قلت ليك غير انا كنبغي نحط ليكم كاع الوراق فوق الطابلة بش توقعو اي حاجة لان الي وقع ليه فالعملية مكناش متوقعينو ...كنت متوقع انه "زعما مغاديش يعيش لكن مكملهاش) ميصبرش ...
فؤاد"هز راسو لفووووووق وساط انفاس سخووونة ...مابقا للكلام اي كلام بعد الذي قيييل ...شنو فايدة الهضرة دابا ؟ دابا مابقا ميتقال سوى الدعاء وصلاة والصلاة والدعاء والتضرع لله يحفض هاد الشاب الي بين الحياة والموت ....
واقفين قدام الباب كيتسناو الطبيب يخرج يعرفو شنو حالتها من بعد ماسمعت كلام موسى وصبرها هاد سوايع والقلق كلشي تراكم عليها والي عاشتو مع الفحم والشهلة وصدمتها فياسين مابقاتش قدرات تحمل صبرات وصبرات لكن الصبر فوق الطاقة ادى بيها لحالة صرع ...
يسرى"تحل الباب وخرج طبيب " : امضرا ؟
طبيب : مزيانة دابا عطيتها مهدئ وخافض لحرارة ملي شرحتي ليا يعني ضروري ترتافع حرارتها بعد كل كريز كطيح بيها ...هاد نوع من الصرع نتيجة الاعصاب المفرطة يعني اي توتر اي ضغط لازم تجنبو ...
يوسف"باسف" : ا دكتور فحالتنا حنا الي صحاح ماصبرنا وعساك هي ...
يسرى"بدموع" : راجلها وقع ليه حادث اليم وهو هنا بين الحياة والموت وهي ميمكنش تصبر وخا نصبرو حنا ...
طبيب "باسف" : اه مسكين الله يشافيه ليكم ...مي غير حاولو تخففو عليها بالنسبة ليا هذا اختصاصي لادوز الي عندها كافية ولكن
حاولو تبقى تشربو فالوقت باش مترجعش ليها ...عطيتهم يديرو ليها شي تحاليل
ااااه يا دنيا وشحال غذارة غدرتي الكبير وصغير مابقينا نثيقو فيك موت الغفلة ولات عالجهد وضربة الغدر لعلك ترضى ...ياسين واحد من الشباب الي تغذر فلحضة زاغ ليه راسو وتدخل فشي حاجات الي هما بعاد عليه نسا راسو را كيبقى عبد ضعيف وماشي قدر غدر الدنيا حتى لحضة الي تراجع وبغا يتكون وميمشي لخطر برجليه لكن كان فات الفوت ودخل لائرة الغدر وخرج دمو غدر ...من بعد
ماكان جبل ميهزو ريح صنديد ميعرف لخوف هاهو مجبد تجبيدة حالو حال اي واحد فينا مهما قوا مهما استقوى اخرتو تمغيطة وحدة يا مرض يا موت ...مغطي بايزار ديال مشفى بيض وفيه اسم المشفى ...فوق سرير مجهز من اسرة الانعاش البيت الباااارد الي كيفصل بينو وبين الموت درجة ...
وقف بعييييد تا شاف الملف ديالو قراه من بعد خمس ساعات باش مرات العملية وصل الوقت يشوف رد فعلو من بعد ماتحيد البنج واش كاين شي استجابة او لا ...
موسى"قرب عندو " : باقي الاعضاء ؟
منصف : لو غاپوغ ديالهم عندك فيه كلشي مكاينش ضرر لحد ساعة ...
موسى : باغفييي ..."
جا طبيب الاعصاب قرب وموسى حدا راسو ومنصف ...
موسى : دكتوغ محمد ...
محمد"دار ليه حديدة فايدو باش يشوف واش كاين استجابة " : اوكان غيبونص...
موسى : دونك ؟
محمد : خاصنا نديوه لسكانير تودوسويت...
جاو فراملية حركو بيه السرير المتنقل المجهز وخرجوه من تما داوه من لور لبلاصة السكانير ديال حالات طارئة ..وقف موسى ومنصف فالبيت هو ومحمد وتقابلو مع الزاج تا دارو ليه سكانير لراسو ...
محمد"كيشوف فنتيجة" : بالنسبة لشرارات الكهربائية ضئيلة ومكاينش اي تلف ..."حل ليه عينيه قلب البؤبؤ بالبيل " استجابة ..."دار ليه الحديدة مكاينش استجابة ..هز فيهم راسو" رسميا mort cérébrale مستبعدة ....
من بعد ساعات ديال الانتظار ايساف خرج ومشا لعند صفية يشوفها هي والوليدالزايد ياسين الجديد اصغر فرد فالعائلة تضاف جديد ...والي مشا يبدل ويرجع والي مشا يشوف ولدو الي هو صهيب وبدل هو الاخر وكلفوه باش يجيب ملابس ليهم كاملين ويتفقد احوال الفيلا ....يومين ديال العذاب النفسي الي عايشينو معمرهم عاشوه ...
حلات عينيها من بعد مدة ...ضورات راسها لجنب كتسمع غير صوت تلاوة القرآن بصوت نسوي بدات كتضوح ليها رؤيا وكل ماكتسمع التلاوة كل ما كتحس بالنمل سارح فداتها واحد تبوريشة شداتها فشكل ...بقات شحال تا بانت ليها نجود الي كانت حداها كتقرا حتى سالات وطوات المصحف وهي فوق صلاية هزات تيبيح وبدات تسبح حتى سمعات تحنحينة باحة
نجود"هزات عينيها فيها" : بنتي ...
نوار"صدرها كيطلع ويهبط يطلع ويهبط بغات تبكي " : ياسيييين ياسييين ميمة ...
نجود : ششش ابنتي ياسين مابيه والو مزال فيد الله ابنتي ياسين بغاك توقفي معاه بدعاك وصلاتك ابنتي ربي يفرج تاحاجة مكتجي بالبكا ربي كيمتاحنا ويختابرنا واش غانحمدوه واش غانصبرو ونوكلو امرنا ليه ...ياسين بغانا حداه بالدعاء ماشي بالبكا ياسين بغات توگضي فغيابو حتى يرجع ليك ويعرف انه معاه مرأة هازا بيه الزمان والى بصح كتبغيه ابنتي وكضي راسك كي نهار طحتي وكض راسو تا وقف معاك ووليتي لباس ورجع ليك ضحكتك ورجعك لدنيا من بعد ماكنتي روح فكسدة غير غاديا كطلع وتنزل ومدايرة والو ...
نوار"حدرات راسها" ...
تحل الباب ودخل عاد واصل كي سمع الخبر قطع لحظتها هو ومو باش لقاو التيكيت قطعوها ديك ساعة وهاهو وصل حيث عارفها غاتمرت ومتعرفش كيفاش تصرف لان دقة صحييييحة عليها وخاص يوقف معاها فهاد الوقت ثاني ...
سليمان : نهار طحتي ناض هو بزز الوقت الي هرستيه جبر راسو بزز حيث عرفك مريضة لانك ماشي اي واحد لانك نوار عندو وحدك بلاصتك كبيرة عندو مزعزعها لا فراق لا عبد ...
نوار"ناضت بشوي دموعها دايزين مدات ليه ايديها تا جا حداها وعنقها " : اهى اهى اهى ...مانقدرش وهو مكاينش اسليمان مانقدرش اهى اهى ...حياتي بلا بيه قاصحة عليا نعيشها حرقوني عليه وعرفو كي حرقوني اهى اهى ماقدرتش اسليمان ...
سليمان"شد ليها راسها وشاف فيها" : واش مات ؟ لا ماماتش انوار تاهو را مكرفص باغي يرجع واش هو كره يعيش واش هو بغا لراسو هادشي ؟ مابغاش لو نتي بلاصتو كان واقف عليك وصابر وهاز كفوف لله ومضارب باش تعيشي وتبقاي ليه ...الى فقد الامل يتضرع لله وخا فاي حاجة يدعي لله ...كون راه مفرش سجادتو وكيدعي ليك تنوضي بيخير ...كون را واقف وقفة رجال وفقلبو امل كبييييير انك غاتفيقي وترجعي ....
نتي دابا انوار رجعتي تحطيتي فامتحان قصح من الي تحطيتي فيه ايام طلاق نتي دابا فمرحلة حطها ليك الله ماشي العبد بغاك توگضي وتوقفي وتدعي وفنفس الوقت توقفي على رزق راجلك بينما رجع ...الفشوش ديالك سالا فهاد اللحضة دمري وتقاتلي باش يرجع وديك ساعة رجعي لفشوشك معاه ...البكا ونواح ودلان شنايف معندو لاش لاق ليك لا غايعطيه دم لا غايفيق ليه القلب الى ما كافحش غاتسكتيه ليه ...
نجود : نوضي ابنتي توضاي واجي صلي صلاتك واجي قراي معايا شوية القران بينما فرج الله واحد شوي وغاترجعي لفيلا معانا بدلي ودوشي وتقوتي ونرجعو ثاني ...
نوار"بخوف خرجات عينيها" : لا لا منخليهش ...
سليمان : تاحد مغايخليه بغينا ليكم راحة فين توقفو من بعد وا ريحوه ماشي تكملو عليه ...
بالفعل فهاد اللحضة هو محتاج لراحة محتاج لرحمة ربي تنزل عليه وينزل على عبدو هذا الي مدد ليه يومين تقريبا بين الحياة والموت وراعب حبابو عليه وهو الاخر مكرهش ينوض ويلقا هادشي غير حلم وحلم بيه لكن مع الاسف
تنبؤ المرأة وتفسير حلم الي فسراتو ليه ام سفيان هو هذا الي عليه والي دعات وهي فقرارة نفسها خايفة والرعب متملك قلبها عليه انه يعطيه ربي عمر جديد ...يومين فالجحيم دازت عليهم هما وعايه الي كيصارع حتى كيموت ويرجع لحياة ...وهاهو على نفس الحال مدد ولا حول ولا قوة الا بالله ....صوت الالات عند راسو وصت تشتيش ديال الاكسجين خدام وصوت الة الضغط وبرد رهيييييييييب فداك المكان ...حتى بدا جيمو كيترعد ويزيد يترعد حتى بداو الالات
كيغوتو وبدا جسمو كيتهز ويتحط والفرمليات طارو كيفوتو على طبيب يجي ....
-دكتوووغ دكتوووغ كخيز كاغدياك ....
مشاو كيتجاراو يعلمو منصف الي كان يلاه بغا يخرج من مناوبة ديالو مخلي موسى فالمكتب الي غايبقى تما حتى تستقر حالة ياسين حتى جاتو خبار الحالة المستعجلة الي وقعات دابا صوت الالات كتغوت دخلوه لواحد البيت ديال فحص جنب داك الانعاش مبعدينو على ناس تما ...مشا موسى كيجري هو ومنصف لعندو لقاو كيتهز ويتحط ودخل فحالة ازمة قلبية ...
موسى : ميييييغد ميييييغد ...
منصف : ياربي سلامة اووووفففف ...
حالة هلع وخوف وضغط الي واقعة دابا وهاد اليومين الي تحط فيها موسى ضغط اول مرة كيعيشو ...من بعد ما استبعد مرحلة coma cérébral وتاكد انه ف coma profond...لكن الكريز الي وقعات دابا مكانت لا فالبال ولا الحسبان وهنا الامل انه يفيق اصبح ضعيييييف والحالة صحية ديال حبيبنا ونورنا فهاد القصة اصبحت ضعيفة بزاااف ...
موسى : مابغيناااااش مابغيييييناااااش اياسين عاونا اخويا عاونا فازي فازي علاش باغي تسخا براسك علااااااش ....
فهاد اللحضة كانت جايا نوار ويامنة باش يطلو عليه وخا صعيب لكن موسى واعدهم انهم يشوفوه وخا غير من بعيد ومعاهم فؤاد تاهو ودراري اشرف وعلي وسليمان والياس واسامة الي عذابو فهاد اللحضة من نوع اخور ...وقفو فواحد البلاصة حتى دازت ساعة جات يسرى عيطات لنوار مشات معاها باش تشرب دوا وترجع وتشوف طبيب الي بغاها ... خرج موسى بملامح متاسفة ...
موسى : الحاج فؤاد واخا تجي معايا ؟
يامنة : خبار الخير اولدي؟؟ ...
حرك ليهم راسو بمعنى تبعني خلاو يوسف ويسرى مشاو مع نوار عند طبيب وتبعوه هما مخليين يامنة دراري مع الياس كيسناو تما حتى يجيو ...
دخلات نوار شادة فيسرى ومعاها يوسف عند طبيب لتحت الي فحص ليها وطلب منها تحاليل دم ...سولو عليه نعتو ليهم فين كاين لقاوه عاد داخل من بعد ما عيطات ليه يسرى حيث كان زميل دراسة فالمدسين معاها ...
الطبيب : دكتور يسرى تفضلو معايا ...
يسرى"تبعوه ودخلهم لواحد الشومبر فين كاين مكتب فداك الجناح جلسات نوار وجلسات معاها بقا يوسف واقف " : هاهما ليزاناليز (تحاليل )الي طلبتي...
طبيب"خذاهم من عندها حلهم كيقراهم " : وي دكتور رمسيس ...كنت قلت ليك دير تحاليل البارح ياك ؟ دارتهم فالصباح بكري ...
يسرى : وي اكزاكتومون ...
طبيب "رجع كيقرا فيهم دغيا ومشات عينو لواحد المؤشر تما ..." : بنتي واش عندك شي تأخر ديال درزة ؟
نوار"هزات فيه عينيها بتعب" : ماعرفتش "حدرات راسها"
يسرى : مرداتش لبال دكتور راك عارف الحالة تا الماكلة ماكلاتها...التحاليل الي طلبتي شاملين وحنا بغينا ديال فقر دم ياك ؟ مي هي تقريبا تشافات منو ...
طبيب : نتي دكتورة مغايخفا عليك والو الى شاكة فشي حاجة را شكك فمحلو دكتورة يسرى ...
يسرى "هزات عينيها فيه كانها بغات تاكد من شكوكها لانه محلاتش تحاليل وتحاليل الي طلب ليس لهم علاقة بفقر دم هو طلب تحاليل شاملة ..." : يعني ؟
يوسف : شنو كاين ؟
طبيب"شاف فيه وشاف فيسرى ورجع شاف فنوار " : مادام نوار est enceinte(حاملة) موسيو ...
يسرى"تكات راسها كتبكيييييي حيث بصح الي شكات فيه هو نيت" : الله يا بنتي اهى اهى ...
نوار"كانت غااايبة حادرة عينيها حتى هزاتهم وخرجتهم على جهدهم تا ريقها نشف بغات تهضر بدات كترعد "…
طبيب : الحالة ديال صرع الي جاتها وسخانة والادوية الي تعطاوها الحمد لله ماثروش كيف طالع عندي لكن "شاف فيسرى"بما انك اخصائية نساء هنا غاتكلفي معايا اختصاصي واختصاصك حتى نتاكدو من صحة ديالها"شاف فنوار" على ماعرفت الحالة الي نتوما فيها اعتابري هادشي الي فكرشك اشارة امل ليك ابنتي ....مبروك عليكم
خرج وخلاهم بثلاثة معاها يوسف الاب اليي خاص يساند بنتو فهاد الحالة تاهو مازم على ياسين لان ياسين ماشي غير ولد خوه او نسيبو هو ولدو ايضا وهاهو غايجيه حفيد منهم بجوج ...فهاد اللحضة بالذات خاص نوار تشبت براسها ...
يوسف"تحنى على ركابيه وقبط ايديها" : شفتي ربي شحال كبير ؟ شحال تعذبتي وشحال داز عليه فقدتي وليداتك ونتي مزال ماعرفتي بيهم وذابا هانتي عرفتي ...اش خاصك ديري ...
نوار"الصمت مزال مصدومة "
يسرى : كنت شاكة ابنتي ومبغيتش نتاكد حيث فاش قال ديرو ليها تحاليل عرفتو ميحتاجهمش لانه ماشي تخصص ديالو...
يوسف "طبطب على ايديها" : نوار بنتي شوفي فيا ...
نوار"هزات فيه عينيها وشحال عزات عليه حالتها تشوات وصوتها مكيتسمعش مواصلش باش تقول اش بيها وتغوت على المفششها حبيبها بات الي فكرشها الي عوضهم الله ولكن هو مكاينش معاها فهاد اللحضة "
يوسف : شدي فراسك ابنتي على قبل الي فكرشك ورا حنا عادرييينك صعيبة علينا وتشوينا فمابالك نتي واقفين معاك غير بالصبر ...
نوار"شافت فيه شحاااال وفمها محلول بغات تنطق بزز باش خرجات الهضرة وصوتها تقريبا ماشي باش تعبر ماكاين الي يحس بيها ...ارحمو قلوبا لا يسمع انينها الا الله .." : دعي معايا ربي يكون معايا ونشد فهاد الامانة (الجنين) الي خلاها ليا الغالي ...
"في" المكتب ...
موسى"جامع ايديه لقدام مشابكهم وحادر راسو كيعاود باسف " : وقعات ليه كخيز كاغدياك الي مضنيناش انها تجيه فهاد اللحضة من بعد مااستبعدنا انه يكون موت دماغي ...عطا اشارة لدماغ ..
فؤاد "صدرو كيطلع ويهبط وقلبه نزل عند ركابيه ...صراحة را يقوى تا يعيا سميتو تزعزع الي ميزعزع ولكن را صبر عند الكبدة كيتقادا وضعف كيبان والقوة كتمحى اما الخالق ...رجع ثاني بتفكيرو ل سنوات 23 سنة سابقا وتفكر فاش جا داك النهار "
ياسين"عند دخلة لقا الباب محلول وريحة ملوي كيعرف ريحتو مزيااان ...ضحك تا بانو ضراصو ونطق بصوت مجهد هاز شكارتو ورا كتافو " :
مااااااااما الحنانة جااات ...
يامنة"خرجات من الكوزينة كتضحك هز فيها عينو حتى سمع صوت تحنحينتو من صالون ومشا كيجري متخطي يامنة مخليها كضحك" : يااااك اولد باك ياااك هههههه
ياسين"حط شكارتو وحط صباطو " : سلاااام عليكم"مشا عندو باس ليه ايدو وعنقو " باااااباا..
فؤاد : البكر "باس جبهتو" رجولة ...
ياسين : رجولة بحر والكبدة حجر ...
فؤاد : يعمر دارك ..."شاف فيامنة وغمزها" متوحتيش غزال باك ؟
ياسين"ضار عندها ومشا كيجري ودارت راسها غضبانة " : ماتغضبيش اماما عارفاني غانسبقو هاني قلتها ليك نيشان متقلقيش ..."كيضحك" ولكن توحشتك بزاااف والله ...
فؤاد : شكون بغا هنا ودرنا ليه خاطرو ؟
ياسين "عاود الجملة الي قال باه " : الله يعمر داارك الوليييد ..."باس ايدو"
فؤاد : الله يرضي عليك ..."طبطب ليه على راسو" اجي تكا حدايا وحكي ليا همك ...
مشا حتى حيد تقاشرو غسل رجليه بدل حوايجو وغسل وجهو ونشف حالتو عاد جا تخشا حداه مع كان البرد وشتا غطاه بمانطة وبدا يعاود ليه على نهارو وايامو كيدازت ...وحداهم زينة مرة مرة كيشاركوها لحديث ".....
"رجعات بيه الذاكرة" وشاف فموسى ...
فؤاد : الي عطا الله عطاه عطيني حالتو دابا ...
موسى "تنهد تا تنهد وجمع الكلمات الي غايقوليه ..." : الحالة الي وقعات دابا خلات الامل يمشي فانه يفيق ...وخا المخ خدام لكن تنفس ضعيف "عض شنايفو كيحكهم بسنانو وعاود نطق " من بعد ماكان coma profond الى عاودت رجعات ليه الكريز المرة ثالثة ديك ساعة غادي نقوليك "طبطب عليه " كون مع الله يكون معاك (بمعنى غايموت ) دابا غايبقى عايش بالاجهزة تنفس والضخ حتى يفرج الله لان كلشي فالحضيص ...التنفس والقلب ...الامل الي كان باش يفيق مشا بهاد الكريز الي وقعات...نتمناو من الله ماتعاودش ويبقى عندنا امل لانه من هنا لديك ساعة الى تعاودت غادي نقوليك دابا ورسميا غانضطر نعيط ليك باش تسني وتسحب الاجهزة يكمل عادي حتى "ماقدرش يقولها وكملها عليه فؤاد "
فؤاد"حادر راسو معصوووور ونطق " : حتى يموت ..." بصوت مبحوح مقجوووج حجبانو رسمو خطوط وعينيه ولاو حمرييييين وجنابهم تكمشو تزير وتزير ولهلا يطيحك فحالتو ...دوا بكلام خلا موسى يضور لهيه عز عليه": يااااربي الى كنت داير ذنب ديني انا ولا تصرفو فبكري ياااربي …
وعلى قولة فؤاد اااشمن ذنب دار حتى تصرف فيه بهاد الرزية الي ترزا وتهريسة الي تهرس من حيهة اول تمرة حب منو هو ويامنة اول فرحة اول نور تزاد جديد فافراد عائلة رمسيس الي كانت مقتاصرة غير على فؤاد الابن البكر الي شق طريقو وهو شاب ومشا دخل وسط خارجي عن القانون باش يعيش خوتو ويهزهم لان الاب ديالو عبد العالي رمسيس كان غير نجار على قد الحال حتى مشا لبلاد الي استغلات الدماغ ديالو فالاثارات وتفكير الذكي والي تاحاجة ماتزهق ...يوسف الي كان غير شاب كيقرا حتى عاون خوه فالشركة الي بناها طوبة طوبة حتى تكلف بيها وكبرها الى جانب صهيب الابن الي تزاد معاهم ابن المربية ديالهم والي هي نفس الوقت قريبة الام ديالهم وصديقتها وخلات ليها الولاد بربعة تربيهم مع ولدها صهيب الى اخر العنقود راوية ...
خرج من عند موسى حادر راسو مكسور الضهر مكسور الجناح مقسوم الخاطر عينيه مزيرين وحجبانو معقودين تقهر بما فيه الكفاية على ياسين وعزف كيفاش تقهر ...فطريقو تلقى ليه الحبيب الي جا كيزرب عاد وصل من برا ...كيهضر معاه مكيجاوبش ابدا حتى جات
يامنة كتزرب لعندو وجهها بيض شدات ليه فدراعو كتهضر معاه ....
يامنة : اش كاين افؤاد مال ياسين !!
فؤاد"حدو هز عينيه فيها شافتهم جمر حمررر وحجبانو اول مرة تشوفهم معقودين يمكن من سنوااات مرجع هاد نضرة ...
"بغات تهضر معاه وهو يهز ايدو قدام وجهها ووقفها باش ماتزيدش تهضر تما فهمات انه ببه شي حاجة زادت ازماتو وهرسااتو كتر ماهو مهرس. وبما انه مدارش حركة الي تدل على ان ياسين وقع ليه سوء اكثر الي هو الموت فهذا بحد ذاتو امل ...شافوه كاااملين الي جاو وشافو حالتو يوسف غمزهم الي كان جاي مع نوار الي وقفات كتشوف فيه وهز عينيه فيها ...
نوار"عينيها دايزين بدموع وقفاتو" : عمي فؤاااد ...
فؤاد"قرب اكثر لعندها وشد كتافها بزوج وقرب باش جبهتها وطوووول حتى شاف فيها" : توگضي معايا وهزي راسك وصبري ماهو الوقت
لفشوش ماهو وقت البكا البكا مشاااااا "جهد صوته وضور راسو نصف دورة باش يسمعوه لاخرين "
هذا وقت المقابلة مع الله وقت ترجا مولاك وانا نسعى معاك ...وقت هزان الكفوف وخرجان لغا القلب ونخصة الخاطر ....وقت هز كفك وقول يارب ...حيدووو عليا وديان العينين وتنخصيصة الخاطر ...والي نسمعو مزال يبكي ويسبق العزا حسابو معايا ..."شاف فيها مزياااان "
هزي راااسك ووگضي راسك الي كان حاميك هو فحمى الله ويتسنى مكتوبو يا زين يا خايب ...الامل ضعيف ورجانا فرب العباد كبيير ..."خرج فيها عينيه زعما فهمتي"
نوار"عصرات اخر دمعة فعينيها وشافت فيه بتعب وحركات راسها وعينيها محدورين وراسها
فؤاد"هز ليها وجهها بجهد" : وقت هزان الراس وقت الرجا وقت الفياق ...الشكا والبكا حيدناه ...وقت الصبر ...
نوار "بقات شحال عاد نطقات" : عندك صح اعمي"تفكرات انها حاملة " عندك صح ...
يلاه بغات تهضر معاه يسرى تقوليهم راها حاملة حتى كانو لقاوه زاد غادي فالكولوار ولا يوسف غمزها وسكتها بعينيه تخليه على راحتو ...اما هو مشا لبرا وخرج هز التيليفون من جيبو ودوز الخط لايلاف ...
ايلاف : ايه رفيقي ...
فؤاد"مسح على جبهتو وحك عينيه بصباعو زوج " : فينما كنتي تكون كون عندي ...
وقف قدام السيارة دار ايديه على نصو كيشوف فنقطة بعيييييييدة وعينيه مااااكيبشرو بالخير ...ضار هنا شاف ناس داخلة وخارجة وضار هنا ناس واقفة وتهضر وعباد الله تجارا ...هز الكونطاكت وورك عليه تحل باب سيارة وتوجه ناحيتها وركب دار سانتير وديمارا ....
فؤاد"صونا ليه تيليفون " : تيسرتي ...
ايلاف : بالطريق اصلا ...المشفى اكيد ؟
فؤاد : فاس جديد ...
مخلاهش حتى يكمل ويقوليه اناري علاش ولا اش واقع قطع عليه كيف عادتو من اياااام زمان جوج كلمات ساط راق مكاينش تخرشيش ...
ايلاف : نسر موسكو رجع ؟
حرك ليه راسو وهو براسو ولا يتفتف حيث اول مرة من بعد 32 سنة ماشاف نضرة ولا نبرة ولا هضرة فؤاد وداك فؤاد رمسيس نسر موسكو هاهو رجع من بعد ما تدفن فور ما تزاد ياسين هاهو رجع ...
هادي هي حال الدنيا وهذا هو مكتاب رب العالمين ماشي هما اول وحدين وماشي هما لاخرين ...هادشي الي وقع نتيجة الي مبغاوش يوصلو ليها والي كانو ناويين خير وشحال من واحد فيهم كان مخطط شنو يدير الي مخطط يسالي غراضو ويرجع لدارو وسط فراشو والي عاد جا ناوي يجلس مع حبابو يروي عطش الشوق منهم ومن شوفتهم ...
والي فرحان تجمع شملو والي ناشط تضافت عندو حياة والي والي ولااااكن ....
داير راسو بين ايديه وحادر عينيه بقا غير هو ماعرف ما يقدم ولا يوخر ...حتى دخلو عليه فين جالس ...
عزوز : شنو نديرو ؟
سالم"هز فيهم راسو وشاف فيهم بعينين حمرييين بكا تا طاب ليه قلب قلبو " : فين هو ؟
عزوز "شاف فيه واحد منهم" : لداخل ...كاين معاه ماتخافش...
سالم"بقا كيشوف حتى نزلات دمعة كتجريييييي عمرهم شافوه بكا حتى شافوه هاد النهار" : قولها ليه واجيو وصلو عليا نقضيو الغراض معندو ميبقا هكاك كي قال طبيب…صافي هذا الجهد معندنا منديرو ...
حدرو راسهم باسف على وجهو ايييه عمرهم شافوه بداك المنضر حتى شافوه بيه ووصل الوقت ...خلاوه جالس ومشاو يديرو شنو قاليهم ...
"تسرسبات دمعة شاقة طريقها على خدودو الي تكمشات بشمس وتمارة… تفرعات لقطرات غاديييين حتى تبعتها ثانية وثالثة حتى رجعو دموع منهمرة بغزارة وجنب عينيه تكمش بكترة ماعصرهم حتى حط ايدو على صدرو كيحك يحك فديك العافية ويعاود يحك
عالله وعيى تطفا وترجع الفرحة ويقول هادشي غيييير حلم ...حتى بدا يتنخصص وكتافو كيتهزو ويتحطو ...تحطات ايد على كتفو هز فيه راسو مسااالي بالبكا ..."
عزوز"طبطب عليه " : براكة عليك ...الله يدير تاويل ديال لخير...
سالم"حرك ليه راسو يمين شمال بشوي كيعدد ويعاود" : وراااني مشويييييييي تشوييييييت عمرها مكانت فالحساب ...
عزوز"دوز على جبهتو ونطق " : لعلها سحابة كحلة ودوز ...
سالم"عاود حرك ليه راسو" : هكااا بقات حتى يعوض رب العباد ....شواونا عليه وديك صورة تمغيطة حرقتنيييي…
عزوز"تنهد بامل" : معندي منقول فهاد اللحضة سوا الله يصبر و يفرج الله ...يكون خير....
يااااا رب ياااا عاالي ارحم عبدك وتكرم وتكرم برضااااك...يسر لي امرييي واشرح لي صدري...ياااااارب يااا عالي...
بقاو شحال جهد شي ساعتين حتى خرج طبيب البيطري عندو ...وقف وعيط ليهم باش يخرجوه ...حتى بانو ليه زوج من الخدامة جارينو فواحد النقالة كبيييييرة هازينو قد سخط فيها تا جا عبدو تعاون معاهم تاهو مزير حيث ماحيلتو لياسين ماحيلتو لهاد الخيل ...كلهم في حالة يرثى لها ...لا لخاطر كاين لا القلب قادر مزال يزيد يهز ويهز ...هذا الله وهادشي الي جادت بيه الدنيا والي تغدر را ساير كيصارع ....خبارو تنشرات فالدوار كيف تضرب ساقو الخبار واولهم نعيمة الي واقفة على الماكلة ديال الخدامة وتبكي طيب وتبكي وتلالي ...تقهرات عليه وتشوات هي الاخرى ...خارجة وتبكي تدخل وتبكي ...تعدد وهي واقفة وتدعي فصلاتها معاه ...اما فنيدة
هاديك شوية عندها بالدوبل ياسين مكانش غير صاحب ولدها كان حتى ولدها معاشر مع عبد الغني من الابتدائي حتى كتب المكاتيب ووقع الخصام داك النهار حتى دعات عليه وهذاك دعا
هاهي كتندم عليه اشد الندم الي كياكل فراسها وتشوى عليه كثر وجدر ...حال دوار فحال شي واحد مشاركين فتربيتو ترزاو فيه ...مكاين غير الفحم الله يكون معاك الفحم راك شويتينا ...الخبار داعت من نهار تضرب وصلات
ناهيك على ازرو الي ام سفيان كي عرفات طاحت مريضة بسخانة من فقصتها عليه حيث عرفات اش تفسير الي فديك الحلمة هاهو وقع نيت وعلم على راسو على انه اكبر سوء غايوقع ليه ومستقبلو كان مضلم وهنا يا موت يا شي حاجة كثر ...اش هاد الحال ولهلا يكتبها على مسلم ...وصلوه لبرا وتعاونو كاملين تا هزو نقالة تطوات وطلع تخشا فالبيكوب ضار عزوز هو الي ساق اما سالم هذاك راه مرض ومرض وتشوا غييير يدور ويلالي ...مضطر يبقى على رزق ياسين الي بقا غير ليه فهاد اللحضة هو الي مكلف بيه واقف على كلشي ومزير العباد باش ميترخاوش ويضيع رزق السيد ....
عبدو"راكب حدا الخيل لور دق عليهم تا ضار عزوز شافو من المري" : لخلا الي فطريق مراكش ؟
عزوز : واااه تما فين نقضيو الغراض ...
حرك راسو باسف وزاد عزوز كسيرا لوجهة فين قاليه عبدو وسالم ...
"هادشي في عصر الامس"
"فاس"...
وقف بسيارتو هو وايلاف حدا واحد القهوى كانو مصافين طوموبيلات وباركاو تما...نزل من سيارة. وتقابل مع البلاصة بالضبط ...
ايلاف "حدر راسو ورجع هزو وشاف فيه كان عاطيه بالضهر وكيشوف تما كان لابس غير قميجة وسروال فصالة والكز كاين" : رفيق دربي لبس عليك شي حاجة دفيك غادي تمرض ...
فؤاد"فك ديالو كيبان كيتحرك وخا لحية كثيفة بانت فنواضرو" : العافية شادة البرد هو الي فيه بكري ..."شاف فالبلاصة فين تضرب هكاك مزال دم محروق تما وداك الخطوط الي نزلو ديال دم تاهما محروقين "بدا بتيليفونو يحضر فين ماكان ...
ايلاف : واخا كون هاني ...
فؤاد"جهد صوته تا قفز ايلاف كلو " : مااااااان اليوم (من اليوم) ...بدا بالبراهش (عيسى المنصوري) ...
ايلاف"شافو مشا لوسط شانطي فين كاين دم المغدور المحروق وتحنى على ركابيه ..." : لك الله يهون عليك حرقتك يا رفيقي الله يهون عليك والله يطفي نارك قبل ماتحرق الكل ..."دار ايديه على نصو وضار لهيه عز عليه كيشوف صاحبو مشوي على كبدتو " ...
"في المشفى"...
من بعد ساعات وهما جالسين تما كيتسناو يجي فؤاد باش يدخل عندو هو ونوار حيث علمو بالي تزاد عليه الحال واش كاين فضل فؤاد يعلمهم موسى لان فؤاد براسو ماستحملش ...بمشقة الانفس باش فهمهم دون ميخلعهم وخا حطهم بالصورة يعني خلاهم مستعدين نفسيا مع نسبة ضئيلة من الامل المهم يكون امل ...
يامنة"معنقة نوار من بعد ما عرفات بحملها معنقاها وتبكي " : الله يا بنيتي الله اهى اهى ...ماعرفت نفرح ولا نتهنى ولا اش اهى ...
يسرى : يامنة وقفي معاها وشدو فبعضياتكم عالاقل عندكم امل ودابا عندكم امانة حافضو عليها ودعيو يرجع ليها مولاها ...دعي الي فكرشها يرجع ليه باه ويوقف معاها ...
يامنة "باست راس نوار وعاودت" : نوار اهى نوار كلها امانة عندي ...
نوار"بقات شحاااال وشحال حتى شدات ايدها وكمشات عليها باستها" : ونتي اخالتي امانة من عندو وهذا الي فكرشي امانة من عندو حتى يرجع ان شاء الله غايدوز منها "تسرسبت ليها دمعة مسكينة مكتفرانيش دموعها معندها مادير وكتحاول تعطيهم امل ..." غانصبر ونتبع مع ماما ومع طبيب ديالي وشوية بشوية حتى يفرج الله ويرجع ياسين ان شاء الله يرجع ...
اشرف"حتى وقف عليها وتحنى على ركابيه وشد فيهم وخصوصا نوار" : محتاجة شي حاجة انوار ؟ الي بغيتيها قوليها ليا نجيبها ليك فينما كانت ناخذها ليك ..."شاف ف علي وسليمان والياس وصهيب وايساف والحبيب واسامة" كلنا معاك ومعاكم ...ومعاك نتي بالذات
حسبينا خدامين عندك نتي ختنا ومرات خونا نتي كلك امانة من عندو ...نهزوك بسنانا ومنخليوكش تحتاجي ولا طيحي دمعة ...
يامنة"كتبكييييي وتعصر عينيها وتحك فصدرها" : اشرااااف اهى اهى ...
اشرف "شاف فيها" : الحنانة الي خلاها ياسين نتي حنانتنا ...ميحتاجش توصينا حنا نقومو معاها بالواجب ...
علي : حنا معاك تلاخر معمرنا نفلتو من حداك الي خصاتك تحضر ليك ...عندك واليديك عندك عمامك وعندك حنا ...نهزو شي مع شي تايجيب الله تيسير ...
نوار"حادرة عينيها ومزيرة " ...
اشرف : نهار كنطيحو كالقاو الوليد وحقنا كيجيبو لينا ياسين وقفة ياسين معايا معمرها تنسا هو ماشي خويا بالدم ولكن خويا بكثر من الدم ...خونا الكبير ونكونو ولاد لحرام الى فرطنا فيك"تزرزرو عينيه بالدموع تا شهقات يامنة " خونا حتى لموت ...كبيرنا وهاز همنا وهاز شكانا وبكانا ...مفرحنا على حسابو ...عاطينا من وقتو كتر من راسو ومعوضنا على كلشي ...نهار كنطيح كالقاه هو لول نهار داو ليا حقي جابو ليا وجابهم تحت رجليا يركعو ...
انا وخا ولدكم كنبقى يتيم معمرو حسسني بالي ماشي منكم لا هو لا الوليد ...دابا نهار تحتاجي ولا يحتاج ولدو الي فكرشك "عينيه ماحابسييينش"
اسامة"نقز كيبكي" : نقطعو من لحمنا ونعطيوه ...
ايساف : نتي دابا بين عينينا والى هو مفششك حنا معاك ستة مفششينك غير عمامك وواليديك...
يوسف"تبسم بلهلا يطريه ليه" : ايوى شفتي ؟
في هاد اللحضة الي كضر فالقلب وفنفس الوقت كتفرح الخاطر الحمد لله ان نوار عندها علامن تعول من بعد ياسين ...وعندها الي يهز معاها الحمل ...ورغم هادشي لابد تحمل وتصبر وتهز لحمل راسها وتعلم تعول على راسها فغيابو ...وخا ميخليوهاش ...
وصل فؤاد وايلاف من المشفى وركن سيارة تما حدا طموبيلات ونزلو بزوج ...ضار عندو ايلاف ...
ايلاف : ممكن تشوفو دابا ؟
فؤاد"ببرود" : مزال ...
ايلاف : ان شاء الله خير...
مزالين كيهضرو حتى وقف عليه شاب ماغريبش عليه ...بقا كيصعر فعينيه ومحدو كيقرب ليه وهو كيرفع حاجبو ..خصوصا كيبان ليه جاي وجهو مزير وعينيه حمرين تا وقف عليه وقبل راسو ...
عبد الغني : الحاج ...
فؤاد"رفع حاجبو" : عبد الغني !!!
عبدالغني"حدر راسو تا مسح عينيه" : غدروني ف عشيري ومنجيش عندو "ضار شاف فاركان جاي تاهو"
اركان : الوليد عاد وصل من المطار ...
فؤاد"تنهد وهز راسو لسما تا ساط" : على سلامتك اولدي ...
اركان "حنحن" : ماجاش وحدو ...
ايلاف : كيفاش ...
عبد الغني : انا يلاه جابني اركان و شوي شي ساعة باش وصلو من الدوار ...
فؤاد"كمش عينيه" : شكون ؟
اركان"شير ليه " : لهيه راهما ...
ضار فؤاد وايلاف يشوفو فين وراه حتى بان ليه عرام ديال بنادم كلهم من الدوار اولهم نعيمة وفنيدة وراجل فنيدة وراجل نعيمة ورجال دوار وسالم تاهو وعبدو ...
عبد الغني : كراو كار يلاه هزهم الصباح بكري ركبو ويلاه وصلو ..."حيث البارح فين داو الخيل وركبو كاملين فالصباح بكري ديال اليوم "
فؤاد"اش نقوليكم الى القلب كيتزادو ضرباتو تا كيبان ليك كيطلع وينزل را فؤاد قلبو تهز تالسما ونزل حتى رجع باللور كون ما ايلاف شدو زير عليه كون طاح ...واحد المنضر كيبورش انك تشوف غرق ناسجايين فالكار طاحنين اكثر من ربعمية كلمتر ومخليين ديورهم وجايين تالعندو ...فراه بزاااف هادشي علاش الواحد يزور ويسول ويصيل الرحم ...يوقف مع الناس وخا يكونو ولاد لحرام باش نهار طيح تلقى الي يدعي ليك بالشفاء والي يترحم عليه ويقول الله يشافي فلان والله الله يوحم القبر وماخلا..."
فؤاد"تهز صدرو بواحد تنهيدة مصحوبة بشهقة ونطق" : اااش درتي يا بكري حتى تلقا عباد الله طاحنة طرقان ومخليا الولاد والرزق وجايا لمرضك توقف ولشفاك تدعي ...
سعداتك,سعداتك يا فاعل الخير
تزرع البسمة على وجوه الناس كبير و صغير
تخلي القلوب فرحانة ويتفتح ليك باب التيسير
ربي يجازيك بكلمة زوينة ابتسامة حنينة تفرح القلوب تخليك عند ربي عزيز وغالي ومحبوب
دير الخير يابنادم راه كثرات فيه العيوب
يا ربي تقبل منا وتعفو علينا وتتوب
"مقتبس عن محمد لبزيز"....
وسعداتك يا فاعل الخير وناسي حتى تلقا الي يدعي ليك بالشفا ولا الرحمة ...
"قبل يوم"
اي فاليوم الي قبل مايجيو مالين دوار ويوصلو لفاس نيشان لسبيطار فين كاين ياسين ...اللحضة الي هزو فيها الفحم الي بلغهم الطبيب البيطري بالي مغايقدرش يتحمل ويبقى غير يتعذب ...فالحل هو الحل العادي الي متعودين عليه فعالم الخيول او اي حيوان ...
مشا بيهم عزوز حداه سالم واللور عبدو معاه ربعة دراري مگضرين من الخدامة نيت ديال فيرما ثانية جديدة فين تقامت حفلة عرس ياسين ونوار فاليوم الموالي...
مسافة طريق نيييت تا خرجو من دوار وشدو طريق البيست حتى وصلو لواحد البطوار تما كبيييير قداش ديال شي فيرما كبيرة جات فالدخلة تاع مراكش ...ووقفو ...
سالم"شاف فعزوز" : وقفتي هنا ...
عزوز : حسن نعطيوه لسي جواد عندو لمن يعطيه ولا يتلاح فالخلا وخيل هذا اسالم ...
سالم"حرك ليه راسو" : حسن حسن ...
نزلو بزوج ىضارو جيهة اللور ديال بيكوب لقاو دراري نزلو وبداو يحلو باش يتحماو عليه ينزلوه ...مزال حي لكن عايش فالعذاب وخاصو يترحم لان لا شفاء له ...
سالم"كيف هبطوه مقاتلين معاه حقاش خيل مگضر نيييت كحل فحال الليل ...تفكر النهار الي قرر ياسين ياخذو وفرحان بيه والحديث الي ضار بيناتهم "
"فلاش باك"...
سالم"جاي داير ايديه وراه وواحد ورقة زيتون في فمو تا وقف على ياسين الي كان مقابل مع الخيول الي فواحد من المواسم ديال الصربة " : ياكما گرنتيهم فشي واحد ...
ياسين"خاشي ايديه فجياب القبية كحلة و كان داير كاسكيط ضارو عندو شاف فيه ورجع تقابل مع الخيول" : عزمت على واحد ..
سالم : ايناهو ...
ياسين"حرك ليه راسو وشير ليه جيهة واحد الخيل يلاه كيبغي ينوض ويطيح " : سنان الحليب (مزال كيرضع) ...
سالم : اااتبااارك الله هذاك عود لادهم ...
ياسين : لادهم يگلع ضيم والهم ...
سالم : سولتي عليه ؟
ياسين : ناوي ناوي ...
سالم : ايوى الله يجعلو من نصيب الخيل فنواصيها الخير ...
ياسين : ندير ليه بلاصة ...
سالم : وسمية ؟
ياسين : لا كتبو ليا الله الفحم الى ماكتابش يجيب الله الفحم غيرو ...
سالم : هههههه مسميه على راسك ...باقي صغير لا ؟
ياسين "عض شنايفو كيحكهم بسنانو وكيشوووووف فيه كيوقف ويطيح حيث باقي عاد زايد ..." : بااقي صغير بااقي ...
رجعو كيشوفو فيه حتى مشا ياسين سول عليه ودار معاه حتى يكمل العام وشي شهور عاد ياخذو من عندو عطاه التسبيق من بعد وخذا غير الكلمة بلا ميتكاتب مسبقا حيث كيعرفو لانه واحد من قباد الصربة الي كان كيحرك معاهم ....
ياسين"مشا عندو تحنى كيشوف فيه معوج راسو فيه ...ديك الوقيتة كان ياسين عاد دازو شهور قليلة من الطلاق ديالو هو ونوار ..." : الادهم يگلع ضيم والهم الروح عشقاتك بيك يا لدهم ...خيالك لفحم ومولاك الفحم..."طبطب عليه وناض كمل طريقو هو وسالم "
"رجوع"....
سالم"دور راسو لهيه عينيه مكمشيين بالشمش ومزير من الفوق الخاطر عندو وهذا الله ...تنهد بصوت مسموع وشاف فالگزار الي جا لباطوار" : بسم الله ؟
عزوز : فين سي جواد ...
الگزار : مشا لصويرة صباح بكري وصاني نكمل وندي لحم ديالو ...
سالم : قضي غراض "عاقد حجبانو خاطرو مضرور" قضي اولدي ...
جرو الدراري الخيل الفحم اصلا مغط منايضش عايش عذاب الالم ...مضا السيف سما الله الگزار ..هو فالعادة كيقول التكبير والخيل واقف كيضربو لراس بلور ديال مقدة تا كيطيح دايخ ويغفلو الجزار يخشي فيه موس نيشان لتحت عنقو فالوسط يخرج دمو ويدبحو من الوريد الوريد...لكن هذا معذب اصلا معذب مسالي دغيا...
الگزار : الله اكبر الله اكبر بسم الله ..."راااق خشا فيه الموس ودوز عليه تا دور سالم وعبدو وجاههم خصوصا عبدو الي دابا كيقول انا الي قتلتو وخا بقا عايش ...حس بدنب فوق ذنب ..."
عزوز : صافي ؟
الگزار"كيلهث وواقف كيشوف فيه " : صافي الله المعين ...
سالم ضار مشا مابقاش تلفت جيهتو غادي وعينيه مدمعين حس براسو ياسين الي مات فهاد اللحضة ياسين الي مشا عند الله تعذب وتعذب ومن عزو عليه ياسين ملي قال بسم الله فالفيرما سنوات وهما معاشرين كل نهار معاه وحتى فغيابو كان كيهضر معاه ويتعاملو على ود الفيرما...
سالم"وقف وتكا بايديه على الصندوق لور ديال بيكوب صدرو كيطلع ويهبط باغي يبكي وعيا "
عزوز : وااا سالم ونهاك الله شور على راسك ...
سالم"هبط راسو لتحت شحال وطلعو" : يلاه يلاه هذا حد لاجل ...
"اللحضة" الي وصلو فيها كاملين لفاس ضبرو على كار من مراكش فمحطة باب دكالة وهزهم مع الصباح بكريييي طحن بيهم 484 كلم تقريبا وهما غادييين ...الشي الي كيخلي الذات تبورش وتقول سعداتك يا فاعل الخير....
فؤاد : مالين الخير مالين الخير...
ايلاف "واقف كيشوف تا دمعو عينيه وتنهد"
عبد الغني : ياسين ماشي عشيري ياسين خويا كبرنا بجوج وقرينا بجوج ...عشرة عمر طويلة الحاج ..."حادر راسو وكيهضر"
فؤاد"هز ايدو وضرب ليه على كتفو بشوي "
سالم"قرب لعندو وسلم عليه حادر راسو " : الحاج ...
فؤاد : ولدي ...
سالم : كي بقيتو"تزير صوته وضور وجهو لهيه تا خذا نفس ورجعها" ...
فؤاد"الصمت " ...
عبدو : كي بقيتو الحاج "حادر عينيه حشمان "
راجل فنيدة : الله يعجل شفاه ولد دوار ولدنا كلنا كي تشويتو عليه تشوينا وخا ماشي واليديه وليني تشوينا وتكوينا عليه الخاطر مرض من جيهتو ومااا عطاتنا الخاطر نسولو من بعيد ...
فؤاد : الله يكبر بيكم مافيها شك ولدكم رابي (مربي) بينكم مشارك طعامكم ...الواجب واجب والمحبة محبة ...
عبد الغني : قدرتو تشوفوه ولا مزال ؟
فؤاد : مزال مزاال اولدي ...
ايلاف"قرب ليه وهضر معاه بشوي" : الى بغاو يدخلو هادي وقت زيارة نيت وخا مايقدروش يشوفوه مهم يشوفو اختي يامنة والعائلة "شير ليه" كاينين عيالات يبغيو يشوفوها هي و نوار ...
فؤاد"حرك ليه راسو" : طحنو طريق مرحبا بيهم ...
اركان "شاف ف عبد الغني " : قوليهم يدخلو عندهم لفوق كاينة خالتي يامنة ومرتو (نوار) اجي تبعوني نوريكم فين وخلي رجال مع الوليد ...
فؤاد : ماعليش يطلعو تاهما يطلعو انا معاهم ...
حرك ليه راسو ومشاو العيالات سبقو تبعو اركان وعبد الغني فالطابق فين كاينين لاخرين وتبعو رجال فؤاد وايلاف غاديين ويهضرو معاه وتاهو قايم معاهم بالواجب كيعطيهم حالتو ويدعيو وهو يقول امين من اعماق قلبو الي تعصر وتحرق على فلذة كبده ...
من بعد عناق البكاء والدموع والالم والحسرة على داك الشاب المحبوب ...
بقاو شحال ازيد من ساعة ونص تا قربات الزيارة تسالا ووقفو كاملين مصافين عيالات بعاد
فنيدة نعيمة ام سارة خت سارة اخت عبد الغني مريم واحد ثلاثة العيالات من دوار جاو مع رجالهم وجوجات جيران تما مع رجالهم عاد راجل فنيدة وسالم عبدو عبد الغني ...وشي رجال العيالات لهيه ورجال فجيهة ثانية حداهم وفؤاد وسطهم حداه ولادو وخوتو وولادهم تقريبا
داك الجناح بالناس الي كتجي زيارة لتما تسطوكا وقفو كاملين وتقدم الامام صاحب ياسين الي ترافق معاه ايام الطلاق حتى هو جا ...هز كفوفو لسما وبدا بالدعاء بواحد الصوت كيبورش يدعي ويدعي ويردو عليه ب "اامين" جهد شي ربع ساعة وهو كيقول الدعاء حتى ختم خلا دموعهم دايزين ...
تسالمو معاهم واطمانو على حالة ياسين الي مزال ما يقدروش انهم يشوفوه لانه فحالة حرجة ...حتى استاذنو ومشاو باصرار لفيلا فازرو يباتو لانهم كانو راجعين ديك ساعة لكن فؤاد حلف ميخليهم يردو طريق واصر يرتاحو وصباح يرجعو فحالهم ....
مشات معاهم سارة ونجوى وهاجر الي رسلها الحبيب معاهم رجعهم لكار الي شدو ليهم فؤاد ولاخرين سبقوهم بطوموبيلات شي موصلو ايلا وشي ايساف الي غايمشي اصلا عند صفية حيث غادي تخرج الغد ليه فالصباح ...
اما لاخرين نوار ويامنة بقاو حتى جا موسى وطلبوه باش يخليهم يدخلو يشوفوه ...
لكن نظرا لحالتو الي تدهورات اخر مرة كان صعيب عليهم يشوفوه واصلا فداك المشفى مكيقدروش يشوفو المريض فالانعاش ماشي فحال لكلينيك وامكانية نقلو لاي مصحة فهاد الفترة صعيبة ...سلمو امرهم لله مادام باقي روحو كطلع وتهبط اذن مزال امل عندهم ومزال وسطهم وخا بعيييد ....
اصبح يوم جديد عليهم كاملييين صباح واحد من الايام الي مرت مزال الحال هو الحال ...اليوم وفي احد الغرف ديال فحص نساء الي فالمشفى ...متكية نوار على البياص حتى جات الاخصائية عندها وحداها يسرى ...
دكتورة "خوات ليها لجيل على كرشها من بعد ما عاوناتها يسرى حتى دق الباب وطلات يامنة عليهم"
يامنة"وجه عياان" : وخا ندخل ؟
يسرى"شافت فالطبيبة" : دكتور هناء هادي عگوزة بنتي ام هذاك الشاب الي هنا لفوق ...
هناء : ااه اه "شافت فيها" : دخلي اخالتي مرحباا...
يامنة"دخلات وجهها ولا صفر عينيها دخلو فهاد الايام ديال الجحيم الي دازت عليهم ضعافت من وجهها غير بالبكا والشوية الي تشوات لا ماكلة كي ناس لا شريب لا نوم هي ونوار وتقريبا كلهم غييير مكابرين وماشيين مع الوقت تيفرج الله ...جلسات حداها فين خوات يسرى كرسي فين كانت جالسة " : غير خليك خليك...
يسرى"طبطبات عليها وباست ليها راسها" : جلسي حدا مرت ولدك وولد ولدك نتي حسن ...
نوار"شافت فيامنة وتبسمات ليها بتعب حتى بدات كتدوز الطبيبة على كرشها من تحت باش دير ليها الايكو "
هناء "كتشوف فالايكو هي ويسرى " : اممم عندك احبيبتي شهر ونص نيشان .."شافت فيهم" بما انه حنا فالاسبوع سادس يعني "
وركات على واحد البوطون وبداو يسمعو دگدگدگدگدگ بصوت مجهد وبزربة تا دهشرو"
يامنة : شنو هذا قلبه ياك "نزلو دموعها يجريو " الله على حنينة ديالي ...
نوار"حطات ايد على فمها وايد على قلبها "
هناء"حيدات لاباراي وعطاتها تمسح لجيل حتى ناضت وتبعاتها يسرى وناضت يامنة عونات نوار تا وقفات وقادت حوايجها ومشاو عندها ...كانت كتلصق الايكو فواحد الملف وعطاتو ليها مع اوغدونونص " : هذا ا يسرى اول ايكو ...بالنسبة لحالتها خاصها تمشي عند طبيب ديال الاعصاب الي عطاها دوا ديال ليبيليبس(الصرع) باش يحدد واش ترجع تشربو او ينقص لادوز وتحاول ما امكن تبع هاد دوا حيث ديجا كان عندها فقر الدم وهاد الفينامينات ودير هاد تحاليل ...
كنضن نتي الي غاتكلفي بهادشي ...
يسرى : وي وي ضروري ...
تبسمات ليهم وباركت ليهم وناضو لعندها طلعو لفوق باش يدخلو عند ياسين الي سمح ليهم موسى قبل ميمشي يشوفوه غير من بعيد ...مرة مرة فشحال بينما يحولوه لغرفة مجهزة غايخلصوها ليه لليلة ...
كدوز ليام ودوز الوقت فالاخير كلشي كيرجع تقريبا كيف كان شوي بشوي حتى يرجع الانسان لحياتو العادية فين توقف ...لكن هادشي باقي متوقف عند نوار يامنة وفؤاد وخا را كيتقاتل هنا وهنا وعاض فالصبر لكن لازم عليه يمشي باش يكمل ...الجلسة فالسبيطار مابقاتش نافعة لان حالة ياسين مزال هي هي مافيها لا جديد ولا قديم ...مزال الخوف من عودة الازمة قائم ...
لبسوه لباس واقي ودارو ليه كمامة وطاقية ودخل ورا منصف الي وصاه موسى على ياسين وواقف عليه وخا كيخدم فجيهة اخرى ...كيبقى اخصائي القلبية لكن حالة العملية كان لازم على واحد عندو تجربة سابقة هو الي يديرها وكان موسى ...دخل وراه ووقف فين وقف ...
منصف "شاف فيه وحيد من قدامو غير حيد بان ليه سرير فين مجبد جسم طوييل مسرح مغطي بالغطا بيض سلوكة ضايرين عليه وبيه عند راسو جهاز ضغط وجنب لاخور فين جيهة القلب كاين جهاز مساعدة القلب فالضخ ..الانبوب الي داخل فمو ...فحال مقابط صغار فصباعو الة الاكسجين عند راسو تاهي ...صوت الالات وصوت تشش خدام والغرفة معقمة مزيان ولكن بااااردة وريحة دوا تعطعط فيها وسيرومات مديورين كلو موصول بالاجهزة ...حتى قرب ليه وغيييير شافو فحال خويتي سطل ديال ما بارد على فؤاد تا رجع خطوة باللور وشدو منصف زير عليه ...
فؤاد"ضار عندو ونطق بصوت مبحوح كيتذبذب" : هذا هو ولدي ؟ ااا ...
منصف"حدر راسو وحركو بمعنى اه "
فؤاد"ضار عندو شاف فيه الوجه تبدل عليه دااك الزين الي فيه والحروشية دبالت مع العينين مغمضين وجهو ضايرة بيه صفورة ونقص الوزن ديالو شوي ...تحت عينيه داخل ...كيبان ليه صدرو كيطلع ويهبط الالة مساعداه فالتنفس وهو غااااايب وشحال صعيييييييييية تشوفي كبدتك ماحاسش بيك ناعس ماهو ناعس ميت ماهو ميت غايب ماهو غايب ...قرب عندو وبقا شحال كيشوف فيه تا تكمشو جناب عينين فؤاد وحجبانو تعقدو وبان انه تزير ...ماقدرش يصبر تحنى باس ليه جبهتو وهي دوز دمعة من جنب عينيه حدا مقدمة منخرو هبطات فحال الحجرة كتبرييي ووقف ضار لهيه هز دراعو حط عليه راسو كيشوف لارض عاض على فمو وكل ماهو كيتحرق من لداخل كل ماخاطرو كيتشوى ...ماشعرش حتى خرج من تما وخلا منصف كيوصي فالفرملية تبقا مراقباه ...
خرج من قدامهم خلاهم واقفين كيتسناو باش يدخلو عندو واحد بواحد ومشا خلا يامنة كتعيط ليه حتى تبعو ايلاف ...
ايلاف : فؤااااد فؤاااذ ...
فؤاد"مشا كيزرب تا خرج من تما حل صدايف القميجة وخذا نفس بشهقة كيتنفس يتنفس تا تحدر على ركابيه ...حط عليه ايلاف ايدو وضار عندو " : امضرا ؟؟؟
ايلاف : عيسى المنصوري والمراكشي موجودين وقت ماساليتي دوز تشوفهم ...
فؤاد : خليهم تما لا شمش تشرق عليهم ولا تغرب ...
ايلاف : شنو دير ليهم من بعد ...
فؤاد"حرك راسو " : من بعد .."كمش عينيه كياخذ نفس" ...
تحل الباب ديال شومبر ودخلات بشوي فمها بيض ووجهها عياان ...تبعات منصف حتى وقف وضارت تاهي تشوفو حتى شهقات ...
منصف : قربي عندو مدام ...
نوار"قربات بشوي حتى وقفات عندو عينيها خارجين ودموعها نازلين محاساش بيهم ...عاضة على فمها "
منصف : حاولي تعطي طاقة ايجابية ليه امدام وخا تبكي ويبقا فيك مغادي تفيديه بوالو عالاقل العقل الباطني ديالو يستقبل شحنات ايجابية ماشي سلبية ...فهمتيني مدام ؟
نوار"الصمتتت...قربات عندو ووقفات كتشوفيه نفس منضر الي شافو فيه فؤاد شافتو فيه هي ...يمكن فؤاد صبر وضغط على راسو وواخا هكاك ماقدرش اما هي ماشعراتش براسها حتى شداتها وجعة فكرشها وشدات تحتها وعصراات عينيها تا طلقات انين يسحق ..." : انننننننننننننننن....
منصف "مشا كيزرب عندها" : مادام مدام صافا ؟ صافي خرجي مكاين لاش تبقاي "عيط على الفرملية بعينيه وجات عاوناتو معاها تاخرجوها كتبكي وتنين جا يوسف كيجري ويامنة الي كانت كتشهق هي الاخرى حيث سبقاتها وشافتو ....
يوسف : نوااار نوااار بنتي ...
تحنى شدها حيث بانت ليهم شادة كرشها من تحت وتبكي تا دخلوها واحد شومبر خاوية وتكاوها تما ...
يوسف "كيدوز على شعرها ويسرى كتقلب فيها" : ششش بنتي نوار تهدني الله يرضي عليك هادشي ممسلككش ...
يسرى : مابغيناكش دخلي حيث مغاتصبريش ومريضة والى مدخلتيش تبقى فيك ...ابنتي يهديك الله حاولي على ادي فكرشك ممسلككش هادشي تصدقي فشي حاجة متعجبكش...
يوسف "كيشوفها كتنين وتبكي وقرب عندها كيهضر معاها بشوي" : بنتي مالك مزال كتوجعي ؟...
نوار "كتعض في فمها وتبكي " : انننن اهى اهى ...ضرني ضرنيييييي اهى اهى ...ضرني ابابا ماقدرتش عليه هكاك مقدرتش نشوفو هكاك ناعس ...اهى ممولفش يبقا هكاك ناعس,, كيفيق يكري وينعس معطل ...اهى ...
.بقات حتى تنفسات جابت ليها يسرى كرسي متحرك جلسات فيه ونزلاتها تفحصها ...حتى نهار الي مشات عند طبيب الصرع الي نقص ليها لادوز بزاف بشرط ماتعرضش لاي ضغط لان الادوية ديال صرع غاتاثر على الجنين ...نسبة سبعين فالمئة كتولد عادي اذا كان صرع ماشي وراثي وبما انه ما وارثاهش نوار وجاها غير فعامين الاخيرة استبعد انه يتزاد فيه بنسبة مئة بالمئة ونقص ليها لادوز بزاف وتبقى حالتها نفسية مزيانة وكلشي عليها وعلى المحيط السلبي بزز منها الى بغات الجنين يبقى فكرشها وماتعرضش لنوبة صرع ...كل نهار عايشين على امل انه يبان شي مؤشر لكن لا شيء الحالة هي الحالة بقاو هكاك كيتسناو وخايفين ترجع كريز كادغياك الي غاتحسم ليهم ...حتى دازو ليام ودازو شهور ....
"مرور ثلاث اشهر"…
فؤاد"دخل وجهو تبدل لحيتو ولات كتيفة بزاف مبقاش كيحسنها الخاطر مرض مبقاش داها فراسو ...شاف فيامنة الي كانت كتجمع حوايج ففاليز " ساليتي ؟
يامنة"حركات راسها " : ساليت ...نمشيو دابا...
فؤاد"حرك راسو ومشا دخل لدوش غسل وخرج لبس حوايجو حتى وقفاتو وتاهي ضعافت وصحتها عيات بالهم وكل ليلة تبكي وتنوض تصلي ترجى الله يصبرهم لا هي لا هو لا كاع الي فالدار ...شاف فيها تاهو مهموم ولا كلامو قليل بزاف غير مسلك عيا ثلث شهور وتهرس بمعنى الكلمة "
يامنة : الصدقة غاديرها هاد ليام ؟
فؤاد : لايام الوترية باذن الله (ايام ليلة القدر) ...
يامنة : غادي نبقا معاها حتى يوصل رمضان ونجيبها معايا ...كل مرة كتبغي تشم ريحتي وحوايجي مقضاو ليها والو ..."هزات فيه عينيها تا طاحو جوج دمعات كيجريو " خليني نوحم امانة الحنين ....
يتبع...
التنقل بين الأجزاء