عرس الذيب الجزء 16

حكيم:( صغر عينيه فيها و بهدوء كمل ) العدة شحال باقي لها و تكمل ؟

بقات مدة كترمش فعينيها .. تفاجئات بالسؤال ديالوو .. ما كانتش متوقعاه فهاذ الوقت بالذاث ..!

شريفة: عارف بلي هربت ليه و بقيت مدة عاد تطلقت .. يلا جينا على هاذ الحساب العدة تسالات .. و لكن منين تطلقت فالمحكمة لدابا .. باقية آخر بيغيود " غيكل " تجيني و نغسل منها عاد نكمل العدة د الطلاق ..!

حكيم: امم ..!

شريفة: علاش كتسول بعدا ؟ ( بتنهيدة كملات ) نسيتي كريمة ؟ و بنتك ؟ مشاكيلي لي غارقة فيهم حتال الوذنين و مشاكلك حتى نتا .. كريمة ما ناوياش تتفارق معاك واخا حرمتيها عليك و طلقتيها بالفم ..!

سكت و سكتات حتى هي ساهيين فالبحر و المركب خارج بيهم من تما ..! هبطات شريفة كتلعب فالرملة و حكيم موراها .. كيسرح عينيه فالبحر لي خاوي و ما فيهش الناس بزاف .. كل عائلة فقنت .. تعومي بخاطرك و ما كاينش لي يهضر معاك ..!

دازو من قدامهم جوج دراري جاريين جوج عودان .. شافتهم شريفة و بعينين كيلمعوو قالت ..!

شريفة: نتسابقوو ؟ ( طلعاتوو بتبسيمة عاضة على جنب فمها ) يالاه نتشمشوو و نشفوو من الما ..!

حكيم:( رد بثقالة و ببرود تام ) كاينة واحد المثلة غتكوني عارفاها ..! ( هز حاجبوو فيها بالتدريج ) قالوو شكون باك ؟ قالوو النفار ..! قالوو الحمد لله رمضان راح ..!

شريفة:( تبسمات باستغراب فهمات لاش كيلمح ..! ) نوو أول مرة نسمعوو ..!

حكيم: ها هو فبالك ..! حتى حاجة ما كتبقى على حالها غير هناي من جهتي و جهتك

مد يديه مسحلها شوية من الماسكارا لي ساحت لها فعينيها .. لعب بلسانوو ففموو و قال بعينين مبسمين ..!

حكيم: باقي تسرجي عودك حتى تكحلي عينيك بشوفتوو و يسيحوو قناتك ..!

غمزها مثقل مخليها كتضور فعينيها على هضرتوو .. أما هو صفر على مول العود هضر معاه و تافقوو على الثمن د الضورة .. عاد رجع عند شريفة ..! لي هازة صاك فيه تيليفوناتهم و البزطام د حكيم و كاع لي ما خاصوش يتقاس بالما ...!

خلص و طلعوو كل واحد فخيل كيتسابقوو حدا البحر و المواج كتضرب مجهدة قدامهم تا كيوصلوهم نقيطات د الما باردين ..! ميلات راسها جهتوو و بصوت عالي باش يسمعها قالت

شريفة: ما غيجيش النهار لي نطلع لك فراسك .. أنا و مشاكيلي .. ما غيجيش النهار لي تقلب فيه وجهك ؟

حكيم:( رد بصوت قوي شاد اللجام بيد و اليد الثانية كيمسح وجهوو من الما ) الأرض ما كتقنعش من الشتا و العين ما كتنقعش من شوفتك .. نهار قلت لك نوارة الحدود .. طبعتك بسميتي و ما غتفرقني معاك غير الموت ..!

**********************************

العشية كاملة و هي غابرة عليه .. منين رجعوو من البحر ما بقى شافها .. ما حضرات لا لألعاب لي دارو لا للتجمع لا لعشا ..! و فينما يسيفط عليها كترد بلي مشغولة ما مسالياش فلخر خلاها على خاطرها ..!

و بحال كل ليلة .. كيتختم نهارهم بسهرة .. كل مرة فشكل جديد ..! بداو كيتجمعوو الكشافة فالقاعة مقابلين مع المنصة لي مغطية بريدو فالاحمر ..!

بالتدريج بداو كيفتحوه حتى بانت شريفة واقفة الوسط .. حازمة شعرها لقدام بزيف فالكحل منقط بالبيض مع فراشة واسعة فالبلوسيال .. دايرة مكياج خفيف بارزة حروفها لا غير ..!

فتحات عينيها بهدوء كتقلب على حكيم لي واقف فباب القاعة معاكس رجليه و متكي على جنبوو كيشوف فيها بجمود ..!

هزات يديها و بدا اللحن د الموسيقى لي غترافقها و هي كتغني ..! و باحساس خارج من أعماق قلبها .. بدات كتغني بخامة صوت قوية فيها بحة صوت مميزة ..!

شريفة: بغيت نقول ليك .. شحال من كلمة .. بغيت نغني ليك شحال من نغمة ..! بغيتك تشوف ذااااتك فقلبي و ترتاح ..! بغيت نشهد ليك و نقول ( فتحات عينيها كترمش فيه بالتدريج ) شحال تنبغيييييك ..!

سكتات مبتاسمة لتسفيقاتهم و تصفارهم .. كلهم كيشوفوو فحكيم .. بما أن الهضرة ضارت فالمخيم و كلشي عرفها مراتوو فأكيد فبالهم بلي كتغني عليه ..!

تنهدات وحدة كتشوف فيهم و قالت لصاحبتها : سعداتها بيه و سعداتوو بيها .. الله يرزقنا حتى حنا شي نقرة فين يغبر نحاسنا ..!

شريفة:( كملات بابتسامة كتحرك فيديها ) معاك عشت و حلمت و تمنيت و حققت .. و مزاااال .. بغيت نطوف و نشوف .. معاك بلدان و بحور .. عراصي و جباااال ..! اليوم هاني واقفة فاتحة روحي ليك ( فتحات يديها بجوج بحال تعنيقة ) اليووم هاني كل ما فيا هديتوو ليك ..!

كلشي تأثر بأغنيتها و أحاسيسها لي واضحين .. كيسمعلها بكل هدووء متبع حركاتها .. نظراتها و كلماتها لي موجهين ليه بكل عذوبة .. عرفها كانت غابرة كتتدرب على الأغنية .. كملات و شكراتهم .. جالسة حدا البنات ..!

************************************

تسالات السهرة و كل فرقة رجعات للشالي ديالها .. و شريفة حتى هي معاهم .. بدلات حوايجها كالعادة فالحمام ..! واقفة مقابلة مع المرايا هازة يديها كيرجفوو .. ذاثها عرقانة و الشقيقة شاداها فراسها ..!

بردات وجهها و عنقها بالما و خرجات من تما مكابرة .. لكن غير سمعات الهضرة و الغوات ديال البنات .. قلبات الضورة و خرجات للساحة برا .. تجنبات فواحد القنت و جلسات .. حانية راسها و شاداه بيديها بجوج .. ذاثها كلها كترعد و العروق خوضر فراسها مطراسيين كيزدحوو ..!

حسات بجاكيط تحطات على كتافها و يد حكات على ظهرها بحنان و بصوت هادئ قال

حكيم: شنوو كتديري هنا بوحدك ؟ ( بتساؤل )

شريفة: ما حاساش براسي هي هاذيك .. ما باغى ندابز وا لا نتشاد مع حتى وحدة .. بغيت السكااااات

جلس حداها فصمت .. جرها من يديها تكاها على رجليه كيلعب فشعرها بالشوية .. كيشوف فحالتها لي دارسها مزيان و عارف الاعراض لي كيجييو للواحد فاش كيبدا ينساحب الكحول من الدم ديالوو .. و بما أنها مدمنة .. خاصها اسبوع كامل عاد يصفى دمها من الشراب ديال آخر مرة و باقي غتعاني من أعراض ثانيين ..! لهاذ السبب كيحاول يعمرلها وقتها ما أمكن فهاذ الفترة لي هي معاه ..!

مدة و هي ساكتة كتصنت لحريقها .. مرة فاتحة عينيها فحكيم لي كيلعب فشعرها و مرات عينيها فالسما و النجوم لي مضويين الليلة ..! و فاش كيجهاد عليها الحريق د راسها كتغمضهم بأنين ..! حتى لمحات شهب دايز فالسما ..! الشهب كيكون بحال النجمة كتحرك بالزربة شاعلة بالعافية لونها ناري ..!

شريفة:( بصوت خافت قالت كتشير للسما ) كيقولوو .. الأمنية لي كتمناها دابا كتحقق ( غمضات عينيها و رجعات حالتهم فيه لقاتوو كيشوف فيها بهدوء ) شنوو تمنيتي ؟

حكيم: هه ..! الله يهديك ..!

شريفة:( رجعات غمضات عينيها و جرات يديه كتحك بيها شعرها ) أنا تمنيت ..!

حكيم: شنوو تمنيتي ؟

شريفة:( ضحكات بتعب عاضة على صبع سبابتها ) سر أ مون شاف ..!

سكتات مستحلية يديه لي كيماصييو لها راسها .. مرة مرة كترمش عينيها و تتنفس بارتياح .. حتى ذاتها عينيها و نعسات عندو ..! تبسم بهدوء و خلاها .. كما على الله تفوتها الحالة شوية ..!

أما فالشالي عند البنات .. واقفة نفس القائدة لي نوضاتها معاها شريفة و عطاها حكيم هضرة تجمع بيها راسها ..!

كتطل معوجة راسها فيهم تا قربات تكرض عنقها باش تشوف شنوو كيديرو ..! و معاها جوج صحاباتها تا هما زايدينلها فيه ..!

.....: شوف كي كتقح** عليه .. قبيلة جالسة تغني و تتزكك و دابا .. كتقلي فالسم للبنات .. بحال يلا هي لي كاينة ..!

هاذ الهضرة كاملة جات فوذنين أسية لي يالاه دخلات .. كان الشالي خاوي .. شي داخل شي خارج كيبدلوو عليهم ..! طلات من الشرجم الثاني تشوف علامن كيهضرو .. غير لمحات حكيم و شريفة عقدات حجبانها و قالت مقربة منهم ..!

أسية: شكون هاذي لي كتق*** ا الحم٠ارة ؟ وصلتي ل لالياتك تفتحي فمك عليهم ..؟

....:( ردات مغذذة ) شكون الحم٠ارة ا كبيرتهم ؟؟ كتهضري معايا ا الكل٠بة وا أجي نوريك لبحالك اش كندير ..!

جراتها من شعرها تا غوتات و نزلات عليها بطرشة تا تطراساو يديها فحنكها ..! دفعاتها فوق الفراش مطيحاها و طلعات فوق منها كتضرب و تقرص و تسب ..!

صحاباتها واقفين حابسين البنات يتدخلوو و لي بالزربة خرجوو كيقلبوو على بثينة يعلموها تجي تعتق ..! أما أسية وجهها رجع حممممر .. النفس ما بقاتش كتطلعوو و لوخرى جالسة فوق كرشها كتعطي لها فالدق ..!

تا هزات سليب من الجنب يالاه حيداتوو عوالة تصبنوو ..! جراتوو لعندها كمشاتوو حدا نيف اسية و قالت

.....: شمي سليبات لالياتك الخانزة عاد فتحي فمك عليا ( ناضت من عليها و بزقات مسيفطاها لها للوجه ) تفوو على كل٠بات كيف دايرين ..!

ناضت من فوقها مخلياها سخفانة .. وجهها صفار من بعد ما كان حمممر كيف الد٠م ..! اللون مشى منها .. بقاو غير اليدين مصورين فحناكها باينين ..!

مغمضة عينيها ما كتحرك ما والوو .. صدرها ثابث فبلاصتوو ..! شافوو البنات صحاباتها فبعضياتهم بخوف .. و فنفس الوقت قالوو ..!

...: البنت ما كتنفسش أ منى .. عنداك تكوني قت٠لتيها ؟ و لا وقعات ليها شي كارثة ..!

غززات سنانها بخوف و يالاه نوات تقرب منها .. دخلات بثينة مخلووعة .. دفعاتها و هبطات لعند أسية كتضرب فحناكها و تحرك فيها ..!

بثينة:( بالغوات ) عطيييوني المااااا و شي عططططر و مراااية عتقووو

مشاو تالفين جابولها لي بغات ..! فتحات القرعة د الما كترش على وجه أسية و تطبطب عليها كتشملها فالريحة باش تفيق من بعد ما حطات المرايا حدا نيفها و تأكدات بلي كتنفس غير سخفانة ..!

أما برا خرجوو جوج بنات كيقلبوو على شريفة عارفينها ختها .. مدة عاد لقاوها باقة متكية على حكيم ..! بتردد قربوو منهم و وحدة فيهم زعمات و قالت

....: قائد خت شريفة سخفات فالشالي لداخل .. ما عرفناش مالها ..!

غير سمعاتهم شريفة لي كانت فاقت غير مغمضة عينيها ..! وقفات بالزربة مخلوعة عليها .. ما تسناتش حكيم .. طارت من تما كتجري و هو تابعها من اللور .. دخلوو للشالي فنفس اللحظة ..!

قلبها تهز من بلاصتوو فاش سمعات صوت بكاها .. بعداتهم من طريقها و تلاحت عليها كتقلب فوجهها و ذاثها .. عينيها مع الحمورية لي فوجهها و البكى لي كتبكي .. كتشهق تا كتبغي روحها تخرج ..!

شريفة:( عينيها خارجين فيها ) أسية ماااالك ؟؟؟ قوليلي مااالك ؟ شكون ضربك فوجهك ؟ علاش كتبكي ؟ سكتي و هضري ..!

حكيم:( قال موراها بصوتوو القوي ) شنوو طاري هنا ؟ ( ضور عينوو على البنات كاملين بما فيهم داك الثلاثة ) كلكم حاضرين و حتى وحدة ما عارفة مالها ؟

ردات وحدة من داك الصحابات : غتكون غير توحشات دارهم و صافي .. هاذشي كيوقع ا قائد ..!

يالاه جا يجاوبها .. تسمع صوت أسية .. كتشهق مرعدة فبلاصتها و بصعووبة قالت

أسية: ه هوو همااا لي هء ض ضر ضربووني ( شيراتلهم بصبعها بثلاثة كتسرط فالريق و تمسح فدموعها و تهضر ) منى ضرباتني و حطات سليبها خانز حدا نيفي ( سكتات كتبكي بصوت مسموع ) هما كانوو كيسبوو فيك و قالوو كتق** عليه ( شيرات لحكيم لي عاقد حجبانوو كيسمع ) و ما خلاو ما قالوو فيكم و فاش هضرت معاهم تحاماو .. هي ضرباتني و هما حاضيين البنات كيبعدوهم ..!

رمشات شريفة عينيها ببطئ .. و وقفات لوات شعرها بالزربة و مشات جهتها .. ما عرفوش كي دارت حتى كانت نقزات عليها جارالها وجهها بظفارها .. هبطاتوو .. تا بعدوها شادينها ..!

شريفة:( كترعد بالأعصاب و هما شادينها ) طلقوووو ا القلا*** بالرب حتى نشرب من دمك ابنت الق*** كلاك طب*** كتقلبي عليا نح*** من كاع الجعابي ا بنت الواسعة

شي عينيه مع شريفة شي مع حكيم لي خلف عليهم و مشى لعندها عطاها ربعة د التسرفيقات وحدة تابعة ختها بلا ما يهضر .. تا داخت و الد٠م سال من نيفها .. طاحت للأرض و فنفس اللحظة دفعاتهم شريفة بكاع جهدها و تحنات هزات نفس السليب لي بقى مليوح فالأرض و خشاتوو ففمها .. طالعة فوق منها .. كتضرب و تسب .. هي و فين جات ..! جابلها ربي فين تفش داك الأعصاب و الحريق لي فيها ..!

عياو يجرو فيها و هي بحال الحجرة فوق منها و يديها ماتوو على شعرها حتى بقاتلها كمشة فيديها .. شرطاتلها وجهها بظفارها و غززات سنانها فيها مغذذة عليها ..! يقيسوها فعينيها و ما يقيسوهاش فأسية .. كن جبداتها هي كان ممكن تدير بوجه حكيم و تميك و لكن تاسانوو خط احمر .. اما منى فشلات مع ضربها حكيم ما بقاتش قادرة تهز الراس ..!

ترونات القضية و منى سخفات فيدين شريفة لي ما برداتلهاش حتى نوضها حكيم بزز منها من بعد ما كان مخلي ليها الكرة تدير لي عجبها و تا وحدة ما تقرب جهتها ..!

دخل المندوب و القادة و ناضت بيناتهم .. غوات و بكى .. كلها يلغي بلغاه و فهاذ الضروف تسلت أيوب بلا ما يشوفوه لجهة أسية لي مكمشة فبلاصتها كتبكي ما باغاش تكون هي سباب الصداع ..!

أيوب:( دوز يديه على شعرها و بأسف قال ) الصغيورة .. تعداو عليك هاذ بنات الحرام ( تنهد بصوت مسموع ) سهمك ماشي من سهمهم و لكن دابا تشوفي شنوو غيوقع لهم ..!

حكيم:( مجهد صوتوو بنبرة قوية ) دااااباا تعيطوو لواليديهم بثلاثة تعلموهم بشنوو دارو .. و أول كار خارج من المدينة سيفطوهم فيه و لا انا لي غنق** من هنا ..!

شافت فيه كتنهج يديها باقيين كيترعدو بالاعصاب و بالمرض لي شادها .. ضورات عينيها لعند أسية و غير لمحات أيوب كيهضر معاها و يقيس فيها مبسم .. جن طلعها و الثاني هبطها .. مشات لجهتوو منيرة .. ضربات على كتفوو و قالت

شريفة: نووض نتا ا الزا** نهضر معاك .. نتوما فهاذ القلا*** ما كتفهموش الداريجة واقيلة

خرجات عينيها فيه و هو واقف عاقد حجبانوو كيشوف فيها و يشوف فحكيم لي واقف موراها بعيد شوية و لكن كيسمعها و حاضيها ..!

أيوب: شنوو هاذ الهضرة ؟

شريفة:( غوتات تا بغات بلحوحتها تجرح ) قللللللللت لعدو ربك هاذي ما تقربش منها ا ز** ..! داك التزكاك د الزو*** يلا موالف تديرو مع البنات ما تديروش معاها هي .. راك غالط فالعنوان و الق*** د عشرين درهم كاينين غييير هما .. هز و زيد .. تعاود تقرب منها قلا*** نفشهووم لك و هانا هضرت

سكتات كتنهج و مع ضارت عاطياه بالظهر .. جاتها تسرفيقة من حكيم دوخاتها .. تا رجعات بخلفة للور .. كن ما شدات راسها كن جات طايحة فالبلاصة .. خرج عينيه فيها بنظرات كيخلعوو كيحرك فصبعوو لبرا و كيبرك على كل حرف بوحدو ..!

حكيم: خررررجي تقوووودي من هنا قبل ما نفرع أصل مك ( زاد جهد صوتوو ) تهههههزي الله يحرق ( سكت عاض على فموو كيقشر فيه ) خرجي

رمشات عينيها فيه ببطئ شادة على حنكها .. شافت فالناس لي ضايرين بيهم و رجعات شافت فيه ..! فيها ما تغوت معاه و يكحلوها بيناتهم و لكن ما قدراتش تطيح بيه قدامهم ..! بلعات ريقها و حركات راسها بالايجاب بالشوية

شريفة: أنا غنخرج و ما غنعاودش نوريك وجهي غير ارتاح ..! ( شيرات لأسية ) نوضي من تما دغيااا ..!

بالزربة مشات لبلاصتها هزات حوايجها لي مجبودين خبعاتهم فالفاليز .. و جراتها بالنترة .. و أسية فاش شافتها هكاك .. حتى هي جمعات باليزتها ..!

دازت من وسطهم خارجة من تما و أسية قدامها .. حتى وصلات للباب د الشالي و تبعها حكيم جرها من ذراعها و بصوت معصب كيغلي قال

حكيم: هاذ التفرعين ديال ز** ديريه مع شي قو** اخوور .. غتقلبي الدورة للخيمة عندي فسكات .. صوتك ما نسمعوش قبل نجبد لمك حلاقمك من بلاصتهم .. تحرررركي

شريفة:( جرات يديها باغى تبعد و ما قدراتش مزير عليها بالجهد .. رخات النفس .. غمضات عينيها و رجعات حلاتهم فيه بغضب ) طلق مني .. ما غنزيدش حتى دقيقة هنا .. من نهار عرفتك و أنا كندوز لك .. و لكن دابا صافي .. سالينا .. سير رجع عندهم و نسى بلي عرفتيني شي نهار ( غلباتها البكية و هبطاتلها دمعة من عينيها ) رخي مني .. واخا نعرف نبات فالزنقة و ما غنبقاش معاك هنا ( غوتات ) طلااااااق ا البعر

شريفة: رخي مني .. واخا نعرف نبات فالزنقة و ما غنبقاش معاك هنا ( غوتات ) طلااااااق ا البعر

غمض عينيه بنفاذ الصبر .. و تحنى هزها من فخاضها و هي كتغوت يحطها للأرض .. كتدفع فيه و تضرب فظهرو .. ماشي بيها كيزرب يوصل للخيمة و أسية موراهم جارا لي فاليز بجوج .. تالفة ما عارفة ما تدير ..!

دخلوو للخيمة و بقات هي فالباب واقفة كتسنى ..! أما شريفة غير حطها .. جمعات معاه بتسرفيقة هازة يديها كترجف قبالة وجهوو هو لي كيشوف فيها بغضب .. معوج راسوو شوية ..!

شريفة:( مخرجة عينيها و مزيرة على سنانها بعصبية ) آخر مرة .. كتسمع ؟ آاااااخر مرة تحط يديك فيا و لا حتى تقيسني ( ضربات رجليها فكرسي حداها ) ما تهزنيش و ما تقربش مني .. صافي كنا و كنتوو .. دابا حيد من قدامي و خليني نقووود من هنا ..!

حكيم:( قرب منها بغضب شدها من ذقنها .. مزير عليها و عينيه مطرطقين فيها ) نبهتك على تخسار الهضرة و لا ما نبهتكش ؟ ( زاد عقد حجبانوو فيها ) لسانك خاصوو القطيعة على الحالة لي دايرة قدامنا .. ما احتارمتيني لا انا لي قدامك لا الرج٠ال لي واقفين كيسمعوو .. هما حشموو بلاصتك و نتي مفرعنة علينا ؟ ( طلق منها و حط يديه على جنبوو كيحرك اليد الثانية ) ياك لباس ؟؟ تا حد ما معمرلك العين ؟ ( سكت كيدوز يديه على وجهوو ) شنوو دارلك هاذ أيوب حتى تطيري فيه ..؟

شريفة:( ردات كتنهج بغضب ) مفرعنة و عاجبني كر كري و ماشي نتا لي غتربيني شنوو نقول و شنوو لا .. كتسمع ؟ ربي راسك هو اللول ..! و لي بغى يقول شي قل** يحل فموو تال زكوو ما كيهمنيش ( دفعاتوو من صدرو مخرجة عينيها فيه ) ترج٠لتي عليا و بنتي را٠جل قدامهم .. عمرتي لهم العين و عجبك راسك حداهم ..! ايوا سير تق*** دابا .. ما عندي ما ندير بيك فحياتي و غتخليني نخرج و لا غنعيطلك للبوليس ( زدحات رجليها مع الارض بجنون ) نمممممممشيييي بحاااااااليييي دااااباااا

حكيم:( غزز شنايفوو كيقشر فيهم و عاقد حجبانوو فيها ) ما غتسكتيش ؟ ما غتبلعيش لسانك قبل ما نوضر (" نتلف" ) مك على القبلة ..!

شريفة: هاذشي لي كتعرف تدير ؟ ( باستهزاء ) الضرب ..!

غمضات عينيها كتمشي و تجي فبلاصتها .. حاسة براسها غتفركع بالأعصاب و حتى القطعة زايدالها .. بعد مدة فتحات عينيها فيه و بجدية تامة فهضرتها قالت ..!

شريفة: شوف أ حكيم .. غنقولك هضرة وحدة دخلها لراسك .. ما غنعاودهاش مرة اخرى ..! ( حطات يديها على صدرها ) قبل ما نسافرو و نحط رجلي معاك فطونوبيلتك .. قلت لك باغى را٠جل فحياتي .. الشما٠يت طلعولي فراسي .. قبلت بالغولاصيون ديالنا و دخلتك لحياتي بيدي .. فتحت لك قلبي و عاودت لك لي عمري عاودتوو لحتى مخلوق فهاذ الدنيا .. و ماشي حيث خايفة منك ..! ( زادت قربات منوو ) عمري ما خفت و لا غنخاف من شي را٠جل كيفما كان يكون ..! و خصوصا الرا٠جل لي أنا اختاريتوو بيدي من بين كاع الناس ..!

هز يديه بغى يشد فيها و بعدات .. ما خلاتوش يهضر ..!

شريفة: ما تقيسنيش ..! أنا لي كنهضر دابا ..! ضربتي ما مرة ما جوج ا حكيم و دوزتهالك بجغيمة د الما .. بحال حتى حاجة ما وقعات .. عرفتي علاش ؟ حيث من نهار تزاديت لهاذ الدنيا ( هبطوو دموعها و هي كتهضر ) عمر شي حد حن فيا .. ما ولفتش الفشوش و ما كان عندي علامن نتفشش أصلا ..! الحاجة لي درتها زوينة و لا خايبة كنوجد راسي لخلاصها و كنتحمل مسؤوليتها .. على هاذشي ما هضرتش معاك فلول حيث أنا لي كنت غالطة و عارفة راسي نستاهل كاع لي درتيه .. و لكن نتا شفتك ولفتيها ؟؟ غير باش تعرف .. واخا نكون كنموت على تراب رجليك .. نمشي و نخليك .. نحسبك متي و دفنتك .. نبكي عليك حتى نشبع و آخرتي غنسكت .. المهم ما نخليكش تزطم عليا و تمرمد فيا .. حياتي عمرها وقفات على شي حد .. و حتى دابا ما غتوقفش عليك

شريفة: حياتي عمرها وقفات على شي حد .. و حتى دابا ما غتوقفش عليك و آاااااخر مرة تقيس فيا .. و الله ا حكيم ما غتدوزلك طريفة مرة اخرى .. نتقبل كولشي الا الضرب ..!

حكيم: شريفة

شريفة: سكت ا حكيم .. سكت ..! هضرتك طلعاتلي فصحتي .. حفضتك و شربتك ما ..! شنوو غتقول ؟ تتقبليها او لا شغلك هذاك ؟ بغيني و لا كرهيني ما كيهمنيش غلطتي غتعاقبي ..!

حكيم:( ضحك باستهزاء هاز حاجبوو فيها ..! )

شريفة: كتضحك ؟ عند بالك غنبقى حداك حياتي كاملة ؟ غبرت 12 العام و قادرة نغبر عليك الضوبل ديالها و عمرك فحياتك تولي تشوف وجهي ..! أنا ماشي حم٠ارة قدامك كتكود فيا بالعصا .. الحم٠ير هما لي كيتضربوو قدام الناس و يحنييو راسهم و يزيدو ساكتين .. و انا حنيتوو و سكت على ود داك الاحترام لي كتهضر عليه .. على القيمة لي عاطياك و نتا ما عاطينيش حتى الربع فيها ..!

قرب منها جرها عندو مزير بيديه على جنابها باش ما تحركش .. و تا هي بقات تابثة عينيها فعينيه و كملات بغضب و ثقة ..!

شريفة: غتحتارمني بينك و بين راسك و قدام الناس .. تبارك الله .. ما كنتيش قادر .. راحنا باقيين ما درنا فالطاجيين ما يتحرق .. نسالييو هاذشي باش ما عجبك .. يلا غتوقف معايا .. تفرحني مرة و تندمني ألف مرة ما عندي ما ندير لا بيك لا بوقفتك لا بفلوسك

حكيم:( زاد زير عليها و جرها عندو .. قرب من وجهها .. دوز نيفوو بهدوء على حنكها و بصوت بارد مستفز قال ) هاذ الهضرة ماشي ليا ا الزوينة ( ميل راسوو فيها ) مفهومة ياك ؟ ( هز حاجبوو فيها بثقالة ) الهضرة ديال الشما٠كرية لي درتي لداخل خاص نهرسلك وجهك عليها .. و المخير فيهم كان غيجمعها معاك غير دارو بوجهي حيث عالمين عليك مراتي ..! غتديري علاش غنتكرفس عليك .. غتبقاي بعقلك عمر يدي تتحط عليك ( حط صبعوو الكبير على شنافتها التحتانية ) صوني لسانك باش أنا نصونك ..! ( حرك صبعوو بالشوية على شنافتها ) لي ما عندوش العسل فدارو يكون عندو فطرف لسانوو ا مدام ..!

بعدات وجهها مزيرة على يديها .. ردات فعلوو فاش كتكون معصبة كتمرضها ..! البرود و الطريقة لي كيهضر بيها .. ديال تطيري تنزلي كلامي هو لي غيمشي .. كتشعل فيها العافية ما كتحملش داك كمية الاستفزاز و القمع لي فشخصيتوو ..! صغرات عينيها فيه و هزات ركبتها عوالة تعطيه لبين فخاضوو .. تا شد لها رجليها فآخر لحظة و بعد عليها مخرج عينيه فيها و بنبرة ثقيلة نطق سميتها كتحذير

حكيم: شرييييفة ..!

شريفة:( ردات بنبرة مستفزة ) نعام ا حبيبة ..!

حكيم: ديري عقلك ..!

دخلات اسية بتردد و قالت : واش غنمشييو و لا نبقاو ؟ عييت واقفة برا ..!

شريفة: غنمشييو .. غير كنا كنهضرو .. ها حنا كملنا دابا .. يالاه بحالنا ..!

حكيم:( رد مجهد صوتوو ) واش غتجلسي للارض و لا غنجي نتفاهم مع مك على هاذ السيبة لي ولات فيك ؟

شريفة: على مزال عاد غتفاهم معايا ؟ راك ما مقصرش من جهتك الله يكثر خيرك و يخلف عليك ..!

حكيم:( رد باستهزاء ) ما يحتاجش تشكريني .. عيني نعطيهم ليك ..!

شريفة:( بقات غير كتشوف فيه و ترمش ) زعما نتا و الله حتى بزااااف ..! ( عوجات فمها ) شنوو كتخرا عليا دابا ؟

حكيم: هه ..! نخراو بجووج ..!

أسية:( ضحكوها تا قالت بلا ما تحس ) غير خراو برا الخيمة باش ما تخنزوهاش عفاكم هههه ( شاف فيها حكيم و هي تتزنك و سكتات )

حكيم:( شاف فيها و قال ) أيوب بسل عليك ؟ قرب منك ؟

أسية: لا هو ضريف معايا و فينما احتاجيتوو كيعاونني غير شريفة فهماتوو غلط ..!

شريفة: ياك ا ختي ؟؟ ( رجعات صعرات .. مشات لعند أسية جراتها من شعرها تا غوتات ) دابا أنا لي رجعت سباب المشاكيل ..! شنوو قلت لك عليه هو و لاخور ؟

حكيم:( قرب جهتهم كيبعد فشريفة و هي مخرجة عينيها فأسية كتدفعوو )

شريفة: شنوو تزاد فيك نتي بالسلامة هاذ السيمانة ؟ ما فهمتش .. شرحيلي ..! كتعرفي تخرجي عينيك غير فيا أما البشر ما عندكش اليديين لي تجففي بمهم الأرض ( زادت كتديها و تجيبها و أسية شادة فيديها موجعة ) دابا ايوب رجع ضريف و كيعاونك ..!

طلقات منها و ضارت شافت فحكيم مغذذة ..!

شريفة: داك أيوب و لا الزبل غتقولوو هضرة وحدة يديرها حلقة فوذنيه .. نعاود نشوفوو كيطوف بجهتها غنختنوو بيدي .. أسية ماشي ديال المصاحبة و ديكشي لي باغي ما غيلقاهش عندها .. غير يقلب الطريق لشي قنت آخور حسن ليه ( شافت فيها ) و نتي نعلم عليك كتهضري مع شي قو** كيفما كان يكون .. لي غنديرو فيك ما نعاودولك .. كتسمعي ؟

أسية:( حركات راسها بالايجاب كتحك فشعرها و الحزن باين فعينيها من لي وقع هاذ الليلة و من كلام شريفة ..! ) واخا ..!

شريفة:( لحكيم ) بغيت نمشي بحالي من هنا و هضرتي خليها فبالك .. حياتنا راه غادية غادية .. يا ايما نعيشوها بجوج باحترام .. يا ايما نفرقوها حباب و خوت ..!

حكيم:( رد بنفاذ صبر ) راه هضرت معاك ما عندك فين تمشي .. باركة من الفريع ( دوز يديه على راسوو و كمل ) نعسي هاذ الليلة هنا و من غذا نتي و أسية غتمشييو مع الزهرات .. ما غتبقاوش تعمرو مع المرشدات فخطرة و تا واحد من لي كانوو حاضرين ما غينعث فيك بكلمة .. و أيوب غتطلبي منوو السماحة ..!

يالاه هزات يديها تعطيه صبع .. تفكرات نهار دارتها و هز الكارو شاعل كان على شوية غيحرقها بيه .. و هي تجمعوو و ردات بغضب

شريفة: البعر لي غنطلب ماشي السماحة ( غوتات بجنون ) سيييييير ا خووويا بعد منيييييي كتعععععععصببببني ( شدات على وذنيها و غوتات ) اععععععععععععععع

للحظة سكتات حاسة بالتقية طالعة معاها .. خرجات من الخيمة كتجري تال برا و تحنات على ركابيها كتبوع غير الما .. حيث ما واكلاش من الغذا .. تنهد و جبد قرعة دالما من الداخل .. خلاها حتى كملات و عطاها شربات و غسل لها وجهها .. عينيها حووومر و كلها كتلهث .. تهدات و فشلات ..!

حكيم:( تكاها عليه .. باسلها جبهتها و قال ) دخلي تنعسي و نقصي من قسوحية الراس شوية ..!

شريفة:( ردات بتعب كتدفع فيه ) ما تهضرنيش ( هزات عينيها فيه كترمش ) طلعتيلي فصحتي مرضتيني بفعايلك .. تجي تهضر معايا نتفاهموو .. ( جمعات بونية و عطاتوو لكرشوو ) أنا تضربني قدام بنادم و تديرني شفاية ا الحيماري ؟

حكيم:( خنزر فيها و قال ) دخلي تنعسي قبل ما نعطي لمك العصا ديال بصح و كرهيني بخاطرك داك الساعة ..!

شريفة: وا قرب مني و تشوف واش نسكت لك هاذ المرة .. راك باقي ما كتعرف وجهي الثاني و لدابا دايرة بالخير لي صرفتيه فيا نتا و ماماك فصغري ( رمشات عينيه ) ما كننسى لا الخير لا الشر ( حطات صبعها على صدرو ) نهار نحقد عليك واخا تنطابق الأرض مع السما ما غنرجعش .. خليك عزيز ا حكيم ..!

حكيم:( سكت مدة حتى قلب راسوو للجنب زفر النفس بصوت مسموع .. بحال يلا كيبرد اعصابوو ..! هز يدو حطها على حنكها لي ضربوو و بهدوء قال ) يلا نتي قادرة تكرهيني أنا كاع فعايلك كنزينهم فعيني باش ما نرميش كلشي مور ظهري و نزيد ..! يلا قادرة تمشي و ما ترجعيش أنا عمري نطلق من يديك بعد ما لقيتك .. تلعبي مور ظهري نذ٠بحك و نشرب من د٠مك ا شريفة من غيرها ما تفرقني عليك غير الموت ..! ( قرب من وذنيها و همسلها ) و باقي غنسلخك على هاذ الخفة و اللسان الماضي لي عندك ..!

شريفة: فخبارك نتا واحد السكيزوفرين منك ما كان .. و أنا مريضة كثر منك لي جالسة نسمع فهضرتك ( بعدات من حداه ) دابا ما غتخلينيش نخرج من هنا ؟

حكيم: يلا فتح لك السيكيريطي الباب راه الطريق حداك ( لعب بلسانوو ففمو و رجع قال ) جيتي معايا غترجعي معايا ..!

شريفة: نلقى شي واحد كيهضر فيا و لا كينعث جيهتي غنقودوها داك الساعة ..! ( هزات صبعها قبالتوو ) تجي تهضر معايا نتحاطوو أنا و ياك .. تعصبتي و ضربتيني قدامهم ياك ؟ وا حتى نبرد تا انا و ترشقلي عاد نجاوبك

دخلات للخيمة مخلياه واقف كيشوف فيها .. شداتها من الداخل عليها و على أسية و بعصبية قالت

شريفة: سير عند القادة دابا ينفعوك ا بو زنطيط ..! ح٠مار و الله تا ح٠مار الله يعطيه القطع تفوو .. و لكن غير بلاتي يلا ما عطيتك النخال و قلبت وجهي ما نكونش شريفة

حكيم:( مسح على وجهوو و مشى من تما غادي لعند المندوب فين كاينين لبنات لي تعداو على أسية .. تبسم باستهزاء و قال ) شنيولة ..!

تمشى من الخيمة د المندوب كيزفر النفس .. كان داز الحال و كلشي نعس ما بقى تا حد كيضور من غير لي مكلفين بالحراسة ..! لمح أيوب واقف فجنب الحيط متكي مهموم .. هز حاجبوو و مشى عندو .. ضرب على كتفوو و قال ..!

حكيم: فاش كتخمم ؟

أيوب:( شاف فيه و تقاد فالوقفة و بتبرير قال ) خويا حكيم أنا و الله ما قربت من أسية وا لا بغيت نضرها بشي حاجة .. بالعكس عندي عزيزة و محتارمها بحال يلا ختي و كثر ..!

حكيم:( رد بهدوء هاز حاجبوو فيه ) شريفة كن ما لاحظاتش عليك ما غتهضرش ا أيوب ..!

أيوب:( بتنهيدة ) و هاذشي يخليها تنهض فيا و تسبني قدام كولشي ؟

حكيم:( بنرفزة قال ) خوفها على بنتها لي هضرها بلا ما تبقى تحك على لي فات ( زير على كتفوو ) شريفة ماشي لخاطرها و كن كانت فظروف اخرى غتهضر معاك بالهداوة و دابا بلا كثرة اللغى .. باش نسلكوو لي بقى فالمخيم ( بتحذير ) أسية العين ما تهزهاش فيها .. أول و آخر إنذار أ أيوب ما نعاودش هضرتي ..!

أيوب:( حرك راسوو بالايجاب ) ما يكون غير خاطرك ..! احم خويا حكيم بغيتك فشي حاجة ( دوز يدو على عنقوو بتوثر ..! )

حكيم: قول لي عندك ..!

أيوب: عارف الواليدين توفاو فاش كنت صغير و كبرت غير مع عمي .. و دابا تا هو تزوج و دار وليداتوو .. عندو بنت و ولد .. ما بقاش قاد على مسؤوليتنا كاملين و أنا البطالة و قلة الشي هلكاتني ..!

حكيم: اللحية كتهز اللحية غير للقبر .. نوض دمر و خدم على راسك فاش ما جاب الله المهم تضيباني .. مدينتك ميتة و ما لقيتيش راسك فيها .. خوي القنت و شوف جهة اخرى .. راك را٠جل ماشي بنت لي غتخاف ..! ( بتساؤل ) شديتي ليصونص ديالك و لا باقي ؟

أيوب: خديتها العام لي فات فليكونومي .. و هاذشي فاش بغيتك ا خويا .. ناوي نطلع لكازا و بغيتك احم زعما يلا كان ممكن

حكيم:( شافوو تحرج و بهدوء حرك راسوو بالايجاب ) غير توصل صوني عليا

ضرب على كتفوو بمعزة ..! أيوب كيعرفوو من لي كان صغير .. دري مربي و مخلق .. داخل سوق راسوو و كالم بزاف ما كيبغي صداع ما عندو مع مشاكيل ..!

خلاه واقف و زاد لخيمتوو يهز حوايجوو و يمشي ينعس مع الدراري .. يالاه كيفكر كي يدير يدخل بلا ما يفيقهم .. شاف شريفة خارجة كتبكي .. نيفها حمر طايب و عينيها مدمعين .. دوز يديه على وجهوو و بتنهيدة قرب منها .. ما حساتش بيه نهائيا حتى وقف عليها ..!

حكيم: ضريتك لهاذ الدرجة ؟

شريفة:( قلبها قفز من بلاصتوو بالخلعة .. شدات عليه و قالت ) ناوي تسكتلي الحس فخطرة هاذ النهار ؟ ( مسحات عينيها قالبة وجهها و بصوت دلوع منغنغ بالبكى قالت ) أنا أصلا ما كنبكيش عليك ..!

حكيم:( مد ليها يديه ) أجي لهنا نهضر معاك ( هزات كتفها بمعنى بعد مني .. ما كتشوفش فيه ) كوني تسمعي الهضرة ..!

شدات فيه بتردد و جرها من تما بعدو و بهدوء قال كيشوف فوجهها ..!

حكيم: علاش كتبكي ؟

شريفة:( تغبنوو ملامحها بفقصة و بصوت خافت بزز كيتسمع قالت ) بلت ( رمشات عينيها ببطئ كتشوف فصدرو ) بلت لك ففراشك ..!

حكيم:( رد بهدوء ) و كااان ؟

من أعراض انسحاب الكحول من الدم .. الرعشة لي كتصيب اليدين و الرجلين .. حالة من التعرق الدائمة كان صيف و لا شتا ..! صداع شديد كيوصل تال للشقيقة و العصبية المفرطة .. الاكتئاب و الحزن الدائم ..! الشعور بالغثيان و لي كيوصل فأغلب الأحيان للتقيئ ..! حرقة و حموضة فالمعدة .. فقدان الوزن ..!

و بلا ما ننسى اضظرابات فالنوم و المريض كيضطر يفيق مرات كثار باش يمشي للحمام .. حيث الكحول كيسبب جفاف الجسم و فقدان السوائل بشكل كبير ..!

و كيبقى أخطر أعراض شرب الكحول هو اصابة الكبد .. بما يعرف ب " اصابة الكبد الكحولي " و لي خطير أكثر .. أنوو ما كيكونوش اعراض نهائيا عن المرض فالمراحل المبكرة ديالوو .. ما كيتعرف حتى كيتلف الكبد نهائيا ..!

و فحالة التوقف على شرب الكحول و إذا ما تقاصش الكبد و رجع لوظيفتوو الطبيعية .. فكيبدا يحرق الذهون الطبيعية بالتدريج و كيحتاج من أربعة إلى ثمانية أسابيع باش يتحسن و يتجدد ..!

و كاينين دراسات كيأكدو بلي الانسان فاش كيكون فمرحلة العلاج من ادمان الكحول .. كيستحسن يقطع معاه حتى الكارو .. جسموو كيتقبل التغيرات لي وقعات بطريقة ايجابية .. واخا ضروري ما اي مريض يدوز من مرحلة صعيبة و لكن الاصعب هو تقطع كل واحد بوحدو .. و هاذشي لي كان باغيه حكيم من اللول ..!

بما انها معاه فالمخيم غيشغلها و الوقت لي كيكونوو الخرجات و كيمشييو للحوانت هي كتكون معاه و كيتعمد ما يفكرهاش فيه باش ما تمشيش تشريه .. و بدورو قطعوو معاها ..!

رمشات عينيها مغبنة ما حاملاش راسها .. ما باغاش تتحشم معاه و مع الناس لي تما كثر .. فاش غيشوفوو الفراش مطبع خارج يتشمش شنوو غيقولوو عليها ؟ واخا شريفة كانسانة .. ضاربة الدنيا بركلة ما كتهتمش بهضرة الناس نهائيا و لكن فهاذ المرحلة الحساسة من حياتها .. بحال هاذ الموقف خلاها تنهار و تبكي مكتائبة .. و لي كن كانت فوقت آخور ما غتسقلوش فخطرة ..!

حكيم:( رد بهدوء ) و كااان ؟ ( حك يديه مع ذراعها حاني راسوو جهتها ) خليه تما .. انا غنتكلف بيه ( شافت فيه و غمض عينيه و رجع حلهم ) عادي ما ديريش فبالك ..!

شريفة:( تنهدات بقوة و بصوت مبحوح قالت ) واخا شكرا ..! احم .. شنوو بغيتي ؟

حكيم:( زفر النفس بضيق و قال كيشوف فيها بجدية حط يديه على حنكها ) سمعي ا شريفة ..! أنا واحد بنادم لي معصب مع حوايجوو .. د٠مي دغيا كيغلي كنبغي نطرطق بالأعصاب .. ما كنبرد حتى كنشوف الد٠م قدامي

شريفة:( قاطعاتوو عاقدة حجبانها ) ايوا سيلوو ..! جيب شي موس و بدا تشلض فيا .. هاذشي لي بقى لك ما جربتيهش ..!

حكيم:( ضحك باستهزاء و طبطب على حنكها ) ما باغيش نتكرفس عليك .. الحاجة لي غتمرضنا بجوج بعدي عليها و خلينا طرونكيل .. لي تقلق الخاطر ما عندنا ما نديرو بيها او لا ..؟

شريفة:( تنهدات حتى تهز صدرها و قالت ) نتا براسك كن كنتي بلاصتي و شفتي شي واحد كيضور بختك ملاك و عينيه ما صافيينش غتصعر عليه و توصلوو لما عرفت فين ..!

حكيم: هنا فالمخيم كاع القادة كيبغييو يدمجوو معاهم الدراري .. ما كاينش لي يشوف فشي وحدة بالناقص ..! فرق بين يضور بيها هنا و برا ..!

شريفة: انا كنعرف حاجة وحدة .. اسية ما يقربش منها و بس .. و ماشي غير هو تا كنس كيفما كان يكون ما نبغيه يحوم عليها ..!

حكيم:( هز حاجبوو فيها بثقالة كيحلل هضرتها ) هاذشي ما كيعنيش تطيري فيه و تديري داك الحالة ..! الزمان قاهرو و نزيدو حتى حنا نقهروه ؟ و كن ما دارش بوجهي هو و لي معاه و ضربك .. فين غنوصل معاهم ؟

شريفة: وا يقربوو مني يلا ما كليتهم بسناني ..!

ضحك باستهزاء حيث الضربة د المراة ماشي هي د الراجل نهائيا و تعيى تقسح هي لي غتاكلها فعظامها فلخر و منوو ماشي منهم ..! مستحيل يرضى شي واحد فيهم ينعث فيها و يطيح معاها الهضرة او يحط يدو عليها و اكيد غيكبتوها بيناتهم و غيكمل بيها ..!

حكيم: الله يهديك .. وصيت قبل ما نجييو و لا ما وصيتش ..؟ ( سكتات ما رداتش عليه .. ضرب يديه مع فخضوو من الجنب و كمل ) دخلي للخيمة خرجيلي الطليق ( علاياش كينعس .. هما جوج وحدة خداتها اسية و الثانية شريفة ) انا غنجيبلك واحد خوور ..!

شريفة:( لعبات بعينيها كتلولب فيهم و بهدوء قالت ) واخا ..!

حكيم: جيبي معاك حتى ساكادو ديالي باش نبدل .. و حداه غتلقاي لاكارط د التيليفون هزيها ..!

دخلات شافت فالطبعة و قالت باستهزاء ..!

شريفة: قالك سيدي مليح و زادو الريح ..!

قالك سيدي مليح و زادو الريح ..! بمعنى هي غزالة و حالتها كتحمق باش يزيدها حتى البول بهموو من الفوق ..!

تكات فبلاصتها من بعد ما عطاتوو الطليق و حوايجوو و جابلها هو علاياش تنعس ..! عيطات على الدراري د الفيديو و طلبات منهم ما يحطوهش و حلاوتهم او تضويرتهم غتوصل تال عندهم و قطعات ..!

عيانة و مسخسخة و النعاس حلف لا بغى يجيها و عارفة حكيم غيصبح عليها مع الخمسة تخرج تدير السبور .. خاصها ترتاح ساعة والوو ..! للحظة شافت صرغينة لي كانت شرات معاه فالمدينة القديمة د فاس .. و هي تتفكر كريمة ..!

بلا عكز عليها وقفات كتقلب فالمذكرة فين كتقيد أغلب الارقام المهمة باش يلا مشى التيليفون يبقاولها ..! جبدات النمرة ديال كريمة .. دخلاتها ب " العقرب 🦂 " و سيفطاتلها مسج فالواتس ..!

شريفة: كريمة معاك شريفة هاذي نمرتي الجديدة .. مشالي التيليفون عاد خديت هذا جديد عليها غبرت عليك .. نتي مزيانة ؟ صحتك لباس ؟

دخلات للفيس كتلف الوقت تا طلعلها مسج د كريمة ردات عليها بأوديو ..!

كريمة: افييين ا خويتي .. ها يانا مضضضخمة و نتي اش سايرة تعاودي ؟ و فين كاعدة شاداها هاذ اليامات .. تي دوزي غا نشوفوك و لا ياكما رجعك مولا دارك لدويرتك

شريفة:( رمشات عينيها ببطئ و ردات عليها بكتابة ) و لاهيلا بحال يلا علمك الله ا ختي كريمة .. طحتلك على واحد الفقيه اش نقولك عليه غزاااال بزاف فين يبان داك عبد العالي .. قادلي الخدمة و ما دازت تا ربع ايام تفارق مع داك المزغوبة و رجع لعندي كيرغب و يزاوك و لكن حالفة فيه نخليه يطيح كواريه ..! انا كنت كاع ما كنتيق فهاذشي و لكن دابا فاش شفت بعيني تأكدت ..!

كريمة:( ردات عليها فالبلاصة ) و تي تعالي ا خويتي طرgيني و نعودو غاديين يانا و ياك نفكوو حريرتنا مع رجالاتنا .. راني كاعدة كي الgطة المجرابة .. مgطعوت الراس ..!

شريفة: دابا انا مسافرة للعروبية مع الموسيوو .. غير نرجعوو نديك لعندو .. راني حتى واحد صاحبتي سيفطتها ليه و دار معاها المزيان .. غير هو قالها تقطع اي حاجة كتصوبها لا حجابات لا شمع لا والوو .. شهر كامل تقطع كلشي و ترجع لعندو يعطيها الخدمة .. خدمتوو ما خاصهاش تتخلط ..!

كريمة: ا ياااو ..!

شريفة: و عرفتي نتي شنوو تديري ؟ قطعي دابا كاع ديكشي لي كتديري .. شهر و نجي موراك نمشييو عندو .. يخدملك فالبلاصة بلا ما تضيعي وقتك ( عوجات فمها ) هاذشي يلا كانوو هاذوك لي كتمشي لعندهم كاع ما مقنعينك .. انا غير قلت لك و نتي ديري لي عجبك ..!

كريمة: يا تي لا يا خويتي .. نممممشي معاك لعند هذا لي سايرة تدويلي عليه .. نgطع كاع لي ندير فيه .. غير يخدملي مسكد و يرد لمولا داري لعgل و يجمع شملنا يانا و ياه و تايمة ..!

يالاه جات تجاوبها طلع لها مسج من النمرة د حكيم .. كاتب لها ..!

حكيم: ما غتنعسيش ..؟

شريفة:( تبسمات و كتبات ليه ) هربلي ولد الحرام .. انا نجري و هو يجري .. حلف لا وقف .. دابا راني كنقلب عليه ..! ( كتهضر على النعاس )

حكيم:( رد باستهزاء ) هه ..! نجي نفلي لك ؟

ضحكات و حكات على شعرها .. ما كرهاتش نيت لي يلعب لها فيه حتى تنعس .. تفكرات قبيلة فاش نعسات عليه براحة قبل ما ينوضوها بيناتهم ..!

شريفة:( تمتمات بسخط ) يعطيهم الجهل .. عينيهم حارة بنات الحرام عينونا فالبلاصة .. ديكشي عندهم بالويفي .. يخليهم بالخلى ..! ( دخلات عند كريمة ردات عليها ) كوني هانية .. يالاه راجلي دخل باغي ينعس .. انا مشيت .. بسلامة ..!

كريمة:( ردات عليها فالبلاصة ) سيري تركدي مع زمانك .. تمساي بخير ..!

شريفة:( طلعات ليها ل vu و مشات ردات على حكيم ) انا مشيت .. بون نعيسة ..!

كريمة:( قالت بتنهيدة حاطة يديها على كرشها .. بعد ما سالات الهضرة مع شريفة ) يصدg ليا اللحم و نgولها لخويتي الشريفة .. الله يكعد ميموننا يانا و ياها

فالخرجة ديال كازا و بالضبط فالقهوة المعلومة فين كيعمر ولد رقية غالبا ..! البلاصة لي ما كتخوى لا ليل لا نهار ..! الزهو و الطاسة ديما حاضرين و البلانات لعلك ترضى ..!

القهوة مفركعة بالبشر .. لي جاي على شغالوو و باغي يضبر فشي تبزنيزة صحيحة و لي كيقلب على لي يصوفيه " يعاونوو " ..! و كاين النوع الثاني لي مسافر ل لاهاي باغي غير يطفي الدماغ بشي جوان و طاسة د الشراب و يكملها بقصارة مع البنات كيتمايل مع الزدحة ..!

فرحان بشبابوو و عند بالوو هاذي هي السعادة القصوى و هذا هو النشاط و الحياة ديال بصح .. هاذ النوع لي ما كيفيق على راسوو حتى كيكون فات لفوت .. و مهدي برادة واحد منهم منغم كيشيش و يسمع لولد رقية لي جالس حداه كيتكيف ..!

ولد رقية: يلا تسمع مني .. هاذ البلان ناضي و فيه الصرف .. ها نتا كتضرب فالطرقان و تشوف فخيورات مولانا ( تبع بعينوو وحدة دايزة قداموو و رجع شاف فيه ) الهباري المضخمين ..! و منها مغبر كمارتك على داركم تا يعرفوو بقيمتك و مضبر على راسك بعوومار .. بيينكاا .. الفلووس ا المعلم ..!

مهدي:( رد كيخمم ) هاهاها و لاهيلا بلان ..! تانا ما كرهتش نخوي هاذ المغرب غير شهر نرتاح و نفوج شوية .. ساعة بابا ما خلانيش .. بفف ..!

ولد رقية: و انا قلت لك .. نتا عندك البيرمي د الكاميو و السيد باغي شي حد يصوك ليه .. مزير خاصوو يوصل السلعة لماليها فمليلية .. راك عارف البلانات د الشركات كي دايرين .. و هو عاد بادي باغي يدير بلاصتوو مع الريوس الكبار ..!

مهدي: و هاذشي مضمون ؟ ما فيهش التخرويض زعما ؟

ولد رقية: مضموون على حسابي .. السيد كيصوب البلاغي د الرجل كيسيفطهم لبرا .. يالاه بادي فلوزين ديالوو .. شارك جوج كاراجات و خدام على راسوو .. داير وراقوو و كيجري مور طرف د الخبز .. يلا بغيتي من غذا تعطيني الباسبور ديالك .. يقادلك وراقك حتى نتا و نضييو هاذشي

مهدي: خاصني نفكر راك عارف هاهاها .. عطيني وقت و نرد عليك .. ça marche " مشات " ؟

ولد رقية: اييه فكر ا خيي على خاطر خاطرك .. و شوف مع الواليدين تا هما واش يرضاو بيك تخدم فهاذشي و لا غيبغيو يربطوك حداهم .. خايفين عليك مساكن .. واخا كبرتي و كاع لي يشوفكم يعيب عليكم و لكن شنوو غادي تدير ؟ الواليدين هما هاذو ..!

سكت مهدي كيخمم .. واليديه خنقوه و باغي يتمرد عليهم و فنفس الوقت الكتاف د الخدمة و تمارة ما عندوش ..! أما ولد رقية هز تيليفونوو و شيرلوو بمعنى ندوز أبيل و أنا معاك ..!

ولد رقية:( خرج لبرا و دوز لابيل لإلياس .. شحال و هو يصوني عاد رد عليه و ببشاشة قال ) ياكما فيقتك ا با الياس من النعاس ؟

إلياس:( رد بصوت ناعس ) ما عليش شنوو كاين ..؟

ولد رقية: ايوا الكاميوو و ضبرنالك فيه و الدراري لي يصطوكييو السلعة تا هما حاضرين ناضرين .. و لي غيصوك تا هو ضبرنا فيه .. خاصنا غير نتا تقاد الوراق د الشركة باش يكون كلشي قانوني و السيد ديالنا لي فمليلية هو غيقادلك كونطرا معاه .. بلي كتصدر ليه البلاغي .. وا هانتا ا با الياس درت معاك فوق الجهد ..!

إلياس:( بعد تفكير قال ) كن غير قاديتوو الوراق نتوما بسميتكم بحال ديما ..!

ولد رقية:( بفهامة رد ) راه اللعب مزير ا صاحبي و لي مكلف تعرف عند الحنوشة ..! نتا كون هاني .. ما عندو ما يوقع كلشي ضاربين ليه الحساب و الولد لي غيصوك الكاميوو و لي غيكون معاه يعاونوو .. فالكونطرا غنكتبولهم بلي يلا وقعات شي حاجة .. هما يتحملوو كاع المسؤولية و نتا ما عليك والوو .. ماشي دراري صغار عاد داخلين لهاذ الضومين .. يلا خفتي سير قلب على راسك مع غيرنا و الله ينعل لي يقولك شي كلمة .. راحنا رج٠ال ا سي الياس ..!

إلياس:( تنهد و قال ) راني عارف لي كاين و ماشي اول مرة نتعاملوو غير هو لي خاف نجى .. المهم سيفطلي الوراق لي خاص نقادهم .. واحد السيمانة و يكون كلشي واجد .. ما تهز هم ..!

ولد رقية: وا دابا عجبتيني ..!

قطع معاه و تم داخل .. شاف جهة الكونطوار و قرب من واحد تما .. غامزو جهة مهدي ..!

ولد رقية: حطيتولوو الطرف ( الحشيش ) فلافيسط ديالوو ؟

....: راه البنت تكلفات ..!

ولد رقية:( ضحك و قال فنفسوو ) خليه يفش النبولة قبل ما يسلاطوو عليه صحاب الحال ( دخل للمسجات عند حكيم .. سيفطلوو ) كلشي ناضي ا العزيز .. الباقي عليكم .. فاش يخرج من هنا غنصوني على حسام ( صاحب حكيم داك الزهواني و حتى هو بوليسي معاه ) يتكلف بالباقي ..!

☀️ يوم جديد ☀️

شرقات شمس الصباح فيوم جديد .. كلها و كيف صبح عندو ..! كاين لي فرحان و كاين لي قرحان .. كاين لي الدنيا ضحكات ليه و كاين لي ضاحك ليها حتى يحن عليه مولانا و هاذي حال كل واحد فينا و الحمد لله ..!

خرج مهدي من الكوميسارية عاقد حجبانوو .. شعرو طالع فالسما و حوايجوو مخربقين .. تحت عينيه كحل و العيى باين على وجهوو ..! حداه أحمد برادة بالقاميجة و السروال دجين ملحس الزغيبات لي بقاو ليه فشعرو للجنب و كينكر على ولدو ..!

أحمد برادة: أنا موسيو أحمد برادة لي كيحترمني الكبير و الصغير .. ندخل نتجرجر فالكوميسارية قدام لي يسوى و لي ما يسواش .. à cause de mon fils " بسباب ولدي " ياك ا سيدي مهدي ؟ هاذي هي الوصاية ديالي انا و ماماك ..! ( خنزر فيه كيفتح الطونوبيل ) بقى لك غير الحشيش يشدوك عليه ..!

مهدي:( رد بنفور ) papa arrête de dire n'importe quoi ..! J'ai aucune idée à propos de ce qui est passé " بابا حبس ما تبقاش تخربق فالهضرة .. أنا ما عندي حتى فكرة على شنوو وقع ..! "

أحمد برادة:( رد بعصبية كيغوت تا وجهوو حمااار ) يلا نتا ما عارفش لي مرافق معاهم عارفين .. فين هو ولدي سيدي مهدي لي كنعرف .. مالك وليتي هاكا ؟ لا خدمة لا ردمة .. مقابل غير قلال العفة لي باغيين يخرجوو عليك ..!

مهدي: أنا libre " حر " ندير لي بغيت .. ماشي نتوما عشتو حياتكم كيف بغيتوو و أنا جايين تنكدوها عليا .. شنوو كندير من غير كاع لي كيديروه الناس لي قدي ؟

أحمد برادة: أنا ما سوقيش فالناس .. أنا كنعرف ولدي لا غير .. واش باغي تضحك فينا لافامي و المعارف ديالنا ..؟

مهدي:( زفر النفس كيحك على لحيتوو و بنرفزة قال ) انا ما غنضحك فيكم حد و غنخدم بوحدي و غنوصل و دابا تشوف

أحمد برادة: تخلي الخير د باك و تمشي تخدم بوحدك ؟ ا سيييدي رجع غير لخدمتك و شغالي انا قاد بيه

مهدي: ما بقاتش عاجباني .. ما بغيت حتى حاجة منكم .. انا غنبدا بوحدي و غننجح و دابا تعرفوو بحقي ..!

أحمد برادة:( رد باستهزاء ) واخا دابا تنجح .. عنداك غير تدوز يوماين و نلقاك جاي كتجري لعندي عتقني ..!

مهدي:( غرغرو عينيه بالدموع و قلب وجهوو لشرجم و بصوت مجروح قال ) ما تقولش لماما بلي شدوني البوليس سكران و لقاو عندي طرف دالحشيش فالجاكيط ديالي .. بلا ما تمرضها ..!

أحمد برادة:( رد مغلغل .. السكار لاعب عليه و فقصة ولدو كتطلع و تهبط فيه ) نتا هو فقصة حياتنا ..!

مهدي:( سمعوو و بتنهيدة جبد التيليفون كيكتب مسج لولد رقية ) ولد رقية انا قبلت نخدم معاك .. العشية تجي عندي للرباط نعطيك الباسبور باش تقادلي الوراق صافي ؟ شكون مول الشركة بعدا ؟

ولد رقية:( بعد مدة رد عليه ) مشات ا الخاوة .. بنشقرون المختار تكون كتعرفوو ؟

**********************************

بعينين كيبريوو كتشوف فحكيم لي مقابل معاها ..! دايرة ماسك على عينيها .. لابسة لبسة ديال الغطس و هازة القرعة د الاوكسيجين فظهرها ..!

شريفة:( حيدات الماسك كتضحك و قالت ) ناري شحال ثقيييلة ( غوتات بحماس فرحانة ) غنتخشاو فالبحر بحال ليبتون .. يفزكونا و يرجعوو يهزونا .. على حلاوة ههههههه

حكيم:( ضحك و قال ) يالاه نمشييو ..!

شريفة:( تبسمات و قربات منوو حطات يديها على صدرو و قالت ) شفتي نتا حق مولانا تا كاين ..! ( بطنز كملات كتشوف فعينيه متحمسة ) عينيك شوفتهم كتطلع ليا السكر .. وليت عليك دايرة الرادار .. شادة ليك الوقت لا تولي عليا روطار .. تمنيت نتجمعو أنا و ياك في دار عمارتها دراري صغار .. تزادو سالمين فالسبيطار .. يكبرو نمشيو المطار .. ندوزو العطل في جزر القمر ..!

شريفة:( بطنز كملات كتشوف فعينيه متحمسة ) عينيك شوفتهم كتطلع ليا السكر .. وليت عليك دايرة الرادار .. شادة ليك الوقت لا تولي عليا روطار .. تمنيت نتجمعو انا و ياك في دار عمارتها دراري صغار .. تزادو سالمين فالسبيطار .. يكبرو نمشيو المطار .. ندوزو العطل في جزر القمر ..!

حكيم:( ضحك بثقالة هاز حاجبوو فيها ) ياك ؟

شريفة: ههههههه لا غير كنضحك .. اش وصلنا لشي ولاد و لشي زواج .. حنا ماشي ديال هاذشي ..!

حكيم: اهاه ..! و نتي ديالاش ا مدام ؟

شريفة: د الزهوو ا كبيدة .. اللهم الزهو وا لا زواج القهرة ..!

خلاتوو واقف كيشوف لبعيد .. و مشات كتجري للبحر .. شيراتلوو بسعادة يلحق عليها .. و بهدوء تبعها ..! غطس و غطسات موراه هازة كاميرة صغيرة فيديها عطاوها لهم باش ياخذو تصاور يبقاو لهم تذكار ..!

بدات كتشوف الحوت ألوان و اشكال مختالفة .. كاين الصغير و الكبير .. كيضورو حداها و هي تابعاهم بفرحة كتقيس فيهم و تلعب معاهم و هما هربانين ..! شعرها مطلوق موراها و حكيم كيعوم حداها بهدوء .. عينيه غير عليها ..! على الضحكة و الفرحة لي باينة فوجهها ..! ملامحها لي بريئة عكس عقلها الشيطاني ..! و فمها لي عسل و هي شاداه و ساكتة ..!

*********************************

أيام كتمشي و ايام كتجي بحلوها و مرها .. أكيد دوام الحال من المحال .. و ملح العلاقات هما داك المناوشات و المشاكيل الخفيفة لي غير ما كتزيد تقرب بين النفوس اكثر ..!

المخيم وصل تقريبا للنهاية ديالوو .. بقاو يوماين و يرجعوو بحالهم .. جوج سيمانات دازو صعاب بزاف على شريفة و لكن فاش كتلقى السند حداك لي ثايق فيك و كيدعمك عاطيك القوة و كيصبرك كلشي كيهون ..!

كيفما داز الصعيب .. داز الزوين .. مغامرات بحال الحلم بقاو راسخين فالبال ..! ما خلات ما جربات مع حكيم .. عاشت السعادة القصوى و الحرية لي شحال و هي كتقلب عليها ..!

صبح الصباح على شريفة .. مفتونة غير كتجري من هنا لهنا .. البنات صغارات ضايرين بيها لابسين قفيطنات و شريبلات فرجليهم و هي كتقاد لهم مكياج خفيف ضريف و لي كملات كتجلس جنب كتسنى ..!

تسمع صوت الغياطة و الطبالة كيقربوو .. عيساوة و الزغاريت على الجهد فالكولوار ..! قادات الفراشة لي لابسة و فتحات الباب هي و القائدات لي معاها ..!

خرجوو البنات واقفين كيتفرجوو ضاحكين و هما كيشوفوو كاع لي فالمخيم جايين كيزغرتوو و يصلييو على النبي .. قدامهم الاشبال الصغار حتى هما بالجابادورات حشمانين .. و الدراري هازيين طيافر فيهم الدفوع كيشطحوو بيهم .. و ففمهم غير 《 حنا جينا نباركوو ل لالة العروسة .. البيض المورد واثاها ..! 》

الدقة المراكشية خدامة على الجهد .. كلشي فرحان و كيشطح بمناسبة "اليوم الشعبي" فالمخيم ..! لي كيدوز كلوو نشاط و حيوية .. كيتختارو ثلاثة د العرايس صغار .. كينكفوهم و يزوجوهم .. بالطقوس الكاملة و البنيتات و الوليدات الثانيين كيشاركوهم فرحتهم حتى هما ..!

داز حكيم مور شريفة و بهمس قال فوذنيها تا شوكلها لحمها باللحية لي بدات كتكبرلوو شوية ..!

حكيم: عقبالنا ا نوارة الحدود ..!

قرصها فجنبها و بالغفلة لي غفلها ما حسات تا غوتات قافزة من بلاصتها ..! و سبحان الله فداك اللقطة كلشي سكت تا تسمعات لهم ..!

شريفة: اححححح انن ..! ( رمشات بعينيها فالدراري لي بزز شاديين الضحكة .. حنات راسها و زادت للشالي ما بقاتش شافت موراها ..! )

تقادو ثلاثة دالبرزات مقابلين مع المسرح فين كاينة الفرقة الموسيقية و الديدجي .. الكراسة مستفين ضايرين على القاعة ..!

الأجواء مرحة و نشيطة .. تغذاو ب بسطيلة و الدجاج محمر كيتصنتوو للطرب الاندلسي و غير كملوو تطلق الشعبي و ما كاين غير الله يعطيك صحيحتك ..! كل واحد فالقادة فين مشغول و الكشافة كلهم خالقينها بعادة عادة مي دادا ههه ..!

شريفة تكلفات بالمكياج للعرايسات .. قاداتهم بحال يلا عروسات د بصح و تفننات فيهم .. باللبيسات ديالهم و التاج فوق الراس و الصباغة كتبري فيديهم ..! كملات و دازت للبنات الثانين كتصوبلهم بالفرحات عليها ..!

المرشدات داخلين خارجين عليهم و لي لقى باش يعاون راه كيعاون .. ما بخلوش عليهم لا بلباسهم لا بمكياجهم و مجوهراتهم .. حتى جات العشية و مشاو يحضرو مقادين راسهم حتى هما .. جالسين كيدندنوو مع بعضياتهم ..!

و شريفة واقفة مع العريسات لابسة حتى هي قفطانها و مقادة مكياج خفيفة و مشيطة سامبل لشعرها ..! شيرلها حكيم لي لابس الجبادور لي خداوه ففاس .. مكلظم و الشوفة فيه كتفتح النفس و تخليك تسهاي فكمية الرجولة و الفحولة لي باينة غير من تصرفاتوو .. حركاتوو و طريقتوو فالهضرة ...!

مشاو جهتوو ..! لقاوه مزوق الطونوبيل ديالوو بالسينتات و الوريدات ..!

ركبات شريفة القدام و البنات اللور .. دخل للمخيم كيكلاكصوني عليهم و شريفة كتسفق و تزغرت .. دارلهم ضورة شرفية و عاد رجع وقف فالباب .. فين تحطوو ثلاثة د العماريات واقف كل عريس حدا وحدة بالشربيل و الطاغية فالاحمر فوق الراس .. شي بجابادور شي بجلابة ..!

الجوالة هازين الطبل و الزمار كيغيطوو بيه و يغنييو عليهم تا ركبوهم و هزوهم لي مكلفين و الكشافة موراهم كيزغرتوو فرحانين و الورد كيتلاح عليهم ..!

كملوو عيساوة و جلسوهم فالبرزة و تما جات نوبة الديدجي لي طلق الشعبي و بالضبط الاغاني د الحنة من بعد ما حطو طبلة كبيرة فيها البيض .. الحليب .. الورد .. الحنة و قائدة معاهم كتخلط فيها فزلافة و الشوكة فيديها باش تنقشلهم .. تحت زغاريت البنات و تصاورهم مع الزهرات و الاشبال لي جالسين حشمانين و فرحانين فنفس الوقت ..!

نقشاتلهم و دازت على الزهرات و المرشدات و تا شريفة دارت الفال من بعد ما تمسحات لها القديمة ..! بقاو مع البنات غير الاشبال و العرسان و البقية كاملين خرجوو منشطين بعضياتهم فالساحة اللور .. مخليين البنات يشطحوو براحتهم ..!

و تما فين جات لشريفة الفرصة .. حزمات نصها و وقفات الوسط كتشطح و تلعب بمؤخرتها لعب ..! ملامحها ضاحكين و كيتبدلوو على حسب كل حركة .. كتفيبري من التحت للفوق كلشي كيتحرك فيها باحترافية ..!

شعلات فيهم حرايكة حتى كلشي ناض يشطح منافسين معاها و العرايس كيشربو فالحليب و التمر لبعضياتهم بالتزغريت و التصفار ..!

وقفوو العرسان لوسط كيشطحوو و البقية ضايرين بيهم على شكل دائرة .. مشخضينها حتى هما .. و هاكا دازت عشيتهم حتى كملوو و خرجوهم بالزغارت .. واقفة شريفة جنب كتشرب فالما .. عراقت و عطشات .. تا شافت كاع الزهرات جاو عندها كيجرييو عنقوها من رجليها و بصوت موحد قالوو ..!

الزهرات: شككككككرا ماااااماااا شرييييفة ..!

رمشات عينيها ببطئ فيهم و ملامحها جامدين ..! لمحات حكيم واقف بعيد كيشوف فيهم .. و بهدوء تحنات عنقاتهم حتى هي بابتسامة خفيفة .. و بالشوية بداو كيمشييو حتى بقات بوحدها و حكيم كيقرب جهتها ..!

حكيم:( وقف حداها متكي .. حط يديه على ظهرها جرها شوية لعندو و بهمس قال ) باقى كتشوفي راسك ما تقدريش تولدي ؟ ( هز حاجبوو بثقالة كيعاود فهضرتها لي بقات راسخة فعقلوو ) لا مع إلياس لا مع غيرو ..!

شريفة:( مصات شنافتها و شافت فيه كترمش عينيها .. فصمت تام ما رداتش عليه ..! )

حكيم:( رجع قال بهدوء ) لي ربات فالوقت لي هي خاص لي يربيها و يكون بيها ..! و لي نقصات من راسها و عطات لوحدة ما هي لا من لحمها و لا من دمها .. قادرة تعطي لولادها الحنانة ديال الدنيا كاملة .. تسقي زهرتهم حتى تفتح و تنور حياتهم كيفما حتى هما غيضوييو قلبك .. ينسيوك همك و يعييشوو فجنتك ..!

شريفة:( ردات بصوت شبه مسموع ) ما قادراش نتخيل شي نهار ولادي عايشين ديكشي لي أنا عشتوو .. خايفة نكبر و نشبه فكبيرة و قلبي يقساح عليهم ( رمشات عينيها ببطئ و بتنهيدة كملات كتضحك ضحكة ما واصلاش لعينيها ) كيقولك قلب الكدرة على فمها تطلع لبنت لمها .. ما قادراش نعذبهم معايا و يجي النهار لي تا هما يكرهوني فيه و نحشم بيهم .. ما يرضاوش بيا ماماهم ..!

حكيم:( حك يديه مع ظهرها بهدوء و قال ) الزهرات لي مكيعرفوك ما كتعرفيهم .. جامعكم غير المخيم و حطوك بلاصة امهم .. و ولادك يكرهوك ؟

شريفة:( قلبات عينيها ما باغاش تهضر فهاذشي دابا ..! ) ماشي كلشي بحالك كيزين فعايلي فعينيه .. خلينا من هاذ الموضوع ا حكيم ماشي وقتوو ..!

حكيم:( رد باصرار ) عمرك تشبهي ف كبيرة .. أسية و شنوو درتي على ودها فاش قربوو منها و ضروها ..! و ولادك نتي غتآذيهم و لا غتهمليهم ؟ ( هز حاجبوو فيها بمعنى من نيتك ؟ )

شريفة:( تبسمات مصغرة عينيها فيه و عاضة على جنب شنافتها ..! ) كنبان لك حنينة لهاذ الدرجة ..!

حكيم: شوفي نتي ..!

شريفة:( ضحكات و حطات يديها على كتفوو معلية جيهتوو ) ما بقيتش مسمومة ؟

حكيم:( تبسموو عينيه و زير على عنقها بيديه ) نولدوو لفيعات بحال ماماهم ا مدام ..!

شريفة: هههههههه الله الله ..!

هز راسوو شاف واحد من الجوالة كيعيط عليه .. ضرب على كتفها و قال

حكيم: دخلي بحالك دابا .. شوية و خرجي اللور باقي السهرة ديالنا حنا "سمر الليل" ..!

زاد قبل ما تلحق تسولوو على شنوو كيديرو فهاذ سمر الليل ؟ لأنها لحد الآن كل نهار كتفاجئ بطقوس .. أنشطة و سهرات غير متوقعة و حتى دابا زادت تحمسات كثر لشنوو جاي ..!

دخلات للشالي فين الزهرات ناعسين و معاهم حتى أسية كتبدل حوايجها .. فتحات الفاليز كتقلب شنوو تلبس تا قالت أسية بهمس

أسية: غير خليك هاكا بلا ما تبدلي حتى نجييو نعسوو و حيدي فخطرة .. أنا غير العقيق جرحني فصدري ..!

شريفة:( هزات كتافها بمعنى اوك و شدات فيها كتشوف فحنتها ) عارفة السهرة ديالاش ؟

أسية: اه على ما قالولي كيكونوو غير القادة و شوية من الجوالة و المرشدات .. كيفرشوو فالأرض و كيتجمعوو دائرة واسعة .. كل مرة كيدخل واحد كيعاود على شي حاجة ظراتوو فخاطرو بزاف .. كيسمعوو لبعضياتهم و علاش لا يلقاو حتى حلول لمشاكلهم ..!

شريفة:( ضحكات ) هههه من الشعبي للمشاكيل .. حالفين ينكدوها علينا هاذو و لا كيفاش القطة ديالي ..!

هراتها فكرشها حتى ضحكات و تكمشات فيها ..! مشاو للساحة و بالفعل لقاو الكشافة جالسين كيفما قالت أسية ..! شافت فحكيم لي حرك يديه باش تجلس و تجمعوو كيتصنتوو ..!

كل واحد و قصتوو و الالم لي فقلبوو .. ماشي اي واحد ضاحك راه فرحان ..! دراري او نقولوو رج٠ال بشلاغمهم عاودو على لي بيهم و بكاو الاغلبية معاهم .. لكن لي ثار انتباه شريفة .. بزاف د الجوالة هضرو على المراهقة .. كاين لي تبلى فيها بالكارو و كاين لي بالحشيش و حتى الشراب ..! هضرو على معاناتهم و الطريق لي سلكوو باش تعافاو ..!

ما عرفاتش واش حكيم موصيهم و لا بصح الموضوع جا عفوي منهم و لكن لي عارفة مزيان .. هو كلامهم ما زاد غير حفزها تقطع بليتها على ود راسها و صحتها هي اللولة ..!

و هما باقيين كيهضرو .. ناضت أسية بالخف بلا ما يحسوو عليها و مشات كتسلت ..! أما حكيم جابولوو الكيطار كيرغبوو فيه يعزفلهم ..! و بعد اصرار كبير منهم .. هزو كيعزف عليه بهدوء .. السكات و البرودة و جو عامر احاسيس من الطرف للطرف .. كلشي متأثر و مرتاح فهاذ الجلسة ..!

الضو د القمرة و النجوم مضوي عليهم مع الاضواء د المخيم لي مع كمل حكيم المعزوفة تطفاو ..! و قبل ما يهضر حتى واحد .. خرجات أسية هازة طاغط .. شاعلة فيها جوج شمعات برقم " 27 " و شعالات فالجنب كيتطرطقوو و هي كتردد

أسية: جوايوووزااانيييفغسيييغ شرييييفة ..!

رمشات عينيها ببطئ و أسية كتقرب منها كتغني أغنية عيد الميلاد و البقية كيعاودو من موراها من غير حكيم لي كيشوف فيهم بهدوء ..!

أسية: هابي بيرزداي توو يوو تشا تشا تشا .. هابي بيرزداي هابي بيرزداي .. هابي بيرزداي توو يوو ..! يالا حالا بالا حيوا أبو الفصاد .. حيكون عيد ميلادو الليلة أسعد الأعياد .. فاليحيى ابو الفصاد

و بصوت جماعي كملوو : هييييييييه ..!

ضحكات شريفة حاطة يديها على فمها جهة نيفها .. و عينيها كيلمعوو مع الشمع لي شاعل ..! شافت فحكيم لي غمض عينيه و رجع فتحهم و تحنات طفات الشمع ..! مدات لاطاغط لوحدة من البنات لي قدامها و جرات أسية عندها عنقاتها بقوة ..!

شريفة:( مزيرة عليها كتهضر فوذنيها ) تاسانوو كبرات و تفكراتني .. شكرا بزاف ا كبيدة ( باستها فحنكها )

أسية:( ضحكات و ضارت شيرات جهة حكيم ) خويا حكيم هو لي مشى خذا لاطاغط و وجد كلشي .. أما انا كنت عوالة حتى نرجعوو من المخيم و عاد نديرلك لانيف .. يالاه باش نشري لك الكادو

شريفة:( ضحكات و قالت ) ما بقاش عموو

أسية:( تزنكوو حناكها ) هو قالي نعيط ليه خويا

شريفة:( عنقاتها بيد و جراتها لجهتوو ) شرفتيه بداك عموو هههه ( شافت فحكيم و بسعادة قالت ) ا سيدي لهلا يخطيكم عليا ..!

تسمع صوت من لور : شريفة اجي قطعي لاطاغط ..!

حرك لها يديه بابتسامة بمعنى سيري ..! قطعات الحلوة و تفرقات عليهم هي و العصائر و لي طاغط صواغي صغار و دواز د أتاي لي خذا ..!

واقفين مجمعين كيهضرو و يضحكوو تا كيتسمعوو صوت ضحكاتهم فالأرجاء ..! خلاتهم و مشات عند حكيم لي جبد ساشي .. مدو لها و هو حاضي عينيها لي زادو توسعوو بتفاجئ و فرحة ..! جبدات من الساشي بواطة فالاحمر .. فتحاتها .. لقات ثلاثة د لي براسلي ..!

وحدة فالذهب الاصفر و الثانية الذهب الابيض و الاخيرة الذهب الاحمر .. كلهم فنفس الشكل .. فيهم حجيرات خفاف .. شكلهم راقي و ذواق ..!

شريفة:( عضات على شنافتها التحتية و فتحات يديها قربات منوو عنقاتوو معلية جهتوو ) عذبتي راسك ا حكيم .. شكرا بزاااف و لهلا يخطيك ..!

حكيم:( حك يديه على ظهرها و قال بهدوء ) بصحتك ..!

شريفة:( بعدات شوية و بحماس مداتلوو البواطة .. عاطياه يديها ) ركبهوملي عافاك ..!

لبساتهم و فرحات بيهم بالجهد تا جات عندها أسية كتشوف الكادو حتى هي و حكيم مشى لعند الكشافة فين مجموعين كينشوو على الكبال يطيب .. جاب جوج فيديه ملويين بالوراق ديالهم طايبين .. عطى لأسية و شريفة تحنات للارض كتخوي يديها و كتهضر بعفوية ..!

شريفة: فوقاش خذاو الكبال .. ناري شحال كيعجبني .. مصاب يكونوو ختاروه غليض و عامر .. حلوو ليا ا حكيم كيعجبني سخوون ..!

حكيم:( لعب بلسانوو ففموو مصغر عينيه فيها .. فتحو لها و عطاها من بعد ما خوات يديها .. غمزها بثقالة و قال ) زيري ا مدام ..!

أسية:( بضحكة قالت ) كيعجبك و هو سخون ا شريفة ؟

شريفة:( ردات كتبنن ) امممم كيذووب فالفم .. لذيذ ولد الهم ..!

تسمعات ضحكة بالجهد من عند أسية لي مزنكة .. ما كتشوفش فحكيم نهائيا .. حشمانة منوو و ما قادراش تبلع الضحكة ..!

شريفة:( هزات عينيها فيها ) كتطنزي عليا لوالديك ؟ ( هزات داك الكبالة هدات عليه ) غنضربك بيه ا القزيبوونة د جوج د ريال ..!

حكيم:( بصوت خافت رد عليها فوذنيها .. محني جهتها ..! ) عندك باش بعدا ؟

شريفة:( شافت فيهم بجوج و قالت غالباها الضحكة من بعد ما فهمات تفكيرهم العوج فين هرب لهم ) اسطغفر الله العظيم .. ان هذا لمنكر ا اخواني فالله ( طلقاتها بتكركيرة فالسما ) هههههه ابو جهل و ابو لهب فرحانين بيكم ..!

أسية:( ردات عليها كتمسح دموع الضحك ) عرفتي بحال من درتي ؟ هذاك لي النهار و ما طال فرمضان كتلقاه لي شافوو كيخنزر فيه و يقولوو .. لا صيام لمن لا صلاة له .. و هو مخبع واحد 30 بيرة للعيد ( شافت فحكيم لي هز حاجبو بثقالة كيدوز يديه على لحيتوو و هي توقف ) تقبل الله مننا و منكم صالح الاعمال

شريفة:( رشقات حكيم لكتفوو و قالت ) كتخلعها ا صاحبي .. اجي ا الحمقة هههههه

دخلات للكوزينة عينيها حوومر و نيوفها سايلين .. مطحطحة بالمرض .. كتقيل النهار كامل و هي ناعسة ..!

ملاك:( بصوت منغنغ بالمرض قالت و هي كتشوف فحبيبة ) ماما عصريلي ا تشووو .. الحمد لله .. اننن عصريلي الليمون مع العسل .. حلاقمي تنفخوو و كيحرقوني ما كنقدرش نبلع حتى الريق

حبيبة:( قربات منها كتقلبهم لها و ملاك كتغوت .. السخانة طالعة لها و حالتها حالة ) لا حول و لا قوة الا بالله .. كنقولك فاش تكوني عرقانة ما تمشيش تجلسي حدا لاكليم .. هانتي كليتيها وا شدي الارض دابا ..!

ملاك:( جلسات فوق الكرسي فشلانة كتمايل ) وا صافي ا ماما .. قولي لمحمد أمين يجيبلي الدوا .. يشوف الفرماسيان لي فيها بيرمانونص ياخذلي منها ..!

حبيبة:( تنهدات بصوت مسموع ) نكمل هاذ لاطة د الحلوة و نعيط عليه .. ما بقينا نلقاو تا واحد فيهم .. عدنان غير عرف كريمة هنا ما بقاش يجي فخطرة .. خليل جلس فدار حكيم و محمد أمين فدارو

ملاك:( ردات بتعب ) و شنوو بغيتيهم يجلسوو حداها ؟ و تا حكيم ا تشووو احح ا حلقي .. غيعرفها هنا غيصعر

حبيبة: وا الله يجيبك على خير .. عرف مع حطات رجليها هنا .. علاه خوتوو كيخبعوو عليه شي حاجة ؟ ( بهمس قربات منها و كملات كتضور فعينيها لا تسمعهم كريمة ) دابا هو غذا فالليل شاد الطريق راجع من السفر .. غيوصل بعد غذا فالصباح مع داك الثمنية و لا التسعود .. و قلت زعما نتجمعوو كاملين على شي لقيمة د سكسوو و نخرجوو صدقة تا للجامع باش ربي يحن على خوك .. و فالعشية راه الخطبة و ضريب الصداق د محمد أمين

ملاك: اااه يا ربي ( كتهضر شوية و تسكت .. كتنفس من فمها أما نيوفها مشدودين فخطرة ) مزيان جمع كلشي فنهار .. يبقى غير العرس .. حتى حنا راه كملنا التوجاد على الله غير نولي شوية من هنا ل بعد غذا ..!

حبيبة: وا راه بقات فحكيم ما بغاش يحط رجليه فالدار و كريمة كاينة و قلتلوو راه تصالحات مع دارهم و مشات لعندهم .. غير ارتاح من الطريق و اجي راحنا كنتسناوك .. دابا كريمة ما عرفت كي ندير نهضر معاها

ملاك: و حتى اننن محمد امين ما باغيهاش تحضر معاه .. و ما يصلاحش تبقى بوحدها فالدار .. تمشي تديرلنا شي مصيبة .. قوليها لها نيشان مالكي غتحشمي منها ؟

زيرات كريمة على كرشها .. واقفة فالجنب مكمشة و مخرجة عينيها .. وذنيها و حواسها كلهم خدامين .. كيسجلوو و يقيدو ..! فلتات لها الضحكة و يالاه نوات ترجع لبيتها سمعات ملاك قالت

ملاك: و شريفة غتجي معاه هي أسية ؟ شفتهم فعيد ميلاد حكيم .. تفاهموو بيناتهم .. خاصني نفكر محمد أمين يعرض عليها ..!

حبيبة:( باستغراب قالت ) شكون شريفة و أسية ؟ فين كيعرفهم حكيم و لا محمد أمين ..؟

ملاك:( خرجات عينيها .. نسات راسها و هضرات بلا فرانات و حكيم موصيها ما تجبدش الهضرة عليهم مع حبيبة .. حتى يهضر هو ..! ) ناري كحلتها ( ضربات فمها ) غيحكلي ولدك السوداني ففمي .. يالاه باش نتعلم نسكت ..!

حبيبة: هضري قبل ما نوض نحكها لك انا نيت ..! شكون هاذو ؟

ملاك:( عطسات و سكتات كترد النفس ) وا شي وحدة كيعرفها ... بانلي و الله و علم كيبغيها .. سافر معاها هي و ختها و لا ما عرفت شنوو كتجيها .. و يلا كان عقلي ينفعني راها سوسية و على ودها كان كيطلع لأكادير شحال هاذي ..!

حبيبة:( سكتات كتفكر و كتحاول تتذكر فالاخير قالت ) ياكما هي لي ناوي معاها المعقول و باغي يتزوجها ؟ لا لا حتى يجي حكيم و نفهم منوو هاذ جخلايطة ..!

بصدمة تحركات من تما لبيتها .. شدات عليها الباب متكية عليه و دموعها كيقطرو من عينيها .. ما متيقاش شنوو سمعات ؟ واش شريفة ضحكات عليها هاذ الوقت كامل و صدقات هي السوسية لي هضرلها عليها عبد العالي ..! زواجها و كاع لي قالتوو لها كذوب ؟ و هاذشي كامل دايراه باش تدور لها براجلها ؟

راسها زند عليها و الدنيا ضارت بيها .. تا سمعات تيليفونها كيصوني فوق الناموسية .. تحركات بالشوية و كرشها سابقاها .. ردات على امها لي كتعيط و باستفهام قالت

كريمة: شطاري ا مي .. وا تي اش سايرة تgولي و شكون يسول عليا ؟ العون الgضائي ؟ " القضائي " .. حكيم ناوي يطلgني ا مي ؟ لستيييدعاا د المحكمة ؟؟؟

قطعات عليها و جلسات فوق فراشها كتضرب ففخاضها و تعدد بصوت مجهد .. خلع حبيبة و خلاها تسمح فكاع لي فيديها و تمشي عندها كتجري

كريمة مثال لبزاف ديال الناس لي كيآمنوو بالسحر و عند بالهم هو الطريق لي غيوصلهم لمبتغاهم ..! و كيفما سبقلي و ذكرت الشعودة و هاذ العالم إدمان من نوع ثاني .. صعيب بزاف يتخلص منوو الواحد .. كلما كيزيد كلما كيغرق كثر و كثر ..!

واخا كون عطات الربع فالجهد لي كتدير و هي حاملة و مثقلة .. من فقيه لفقيه و من شوافة لختها ..! غير الربع لي يخليها تنتابه لراسها .. تحاول تتبدل و تتأقلم مع حياتها الجديدة .. لا من جهة لهجتها لا من جهة لباسها و تفكيرها .. كون زواجها خذا منحى مغاير تماما على لي كتعيشوو دابا ..!

لكن مع الاسف قلة الوعي موصيبة كتخلي الانسان يآذي حتى أقرب الناس ليه .. و هنا المقصود هو باها لكريمة لي ما خلاتش ليه الوجه فين يشوف فحكيم لي ما صرف فيهم غير الخير .. لكن زهرو طيحوو مع نسيب مغلوب على حالوو و غادي غير مع جنب الحيط .. كيساوي مع كلشي و لي يديرلوو هو الخاطر ما كاينش .. حتى رجع يحشم يهز راسوو بين ناس .. كيقول كلشي كيعيب عليه ..!

كريمة:( ضربات على فخاضها كتعدد مفقوصة ) وصلاااتني لستييدعا ا خاالتي .. ولدك ساير يضور باش يطلgني ( كتمايل براسها ) و لاين تتلى بيك ليام يا كريموو نتي و تايمة و شكون يgبل علينا و شكون يهز هبالنا

حبيبة:( ردات باستغراب ) هضري بالشوية نفهم راني ما شديت حتى حرف من عندك ..! واش حكيم دفع الدعوة د الطلاق ؟

كريمة: و يانا اش سايرة نgول ا خالتي .. ااااش سايرة نحاجي عليك .. لا بويا gابل عليا وا لا مولا داري هازني يانا و بنتوو .. و هانا كاعدة نتلاوح من برطمة لبرطمة حتى يتكعدلي الميمون ( زادت ضربات ففخاضها ) اش نعمل و اش ندير .. المديورة تاوع الله

حبيبة:( تنهدات بصوت مسموع و قالت بصرامة ) الله كون كنتي تعرفيه ما توصليش نتي و ولدي لهاذشي .. هضرت معاك ما مرة ما جوج و ما كتسمعيش و دابا

كريمة:( قاطعاتها جرات يديها كتبوس فيها و تعاود ) يانا مزاوكة كعدي مع حكيم هضري معاه .. gولوو ينعل الشيطان .. يانا ما عندي حد من غيركم ا خاالتي .. واااا بنتي ما عندها حد .. هاذي هي لاخرية ليا ( كتمسح دموعها و تشوف فحبيبة بنظرات كيقطعوو القلب ) و الله ما نعاود ا خالتي غير صالحينا ( جرات يديها بزز كتبوسها ) نكعد تحت gدامك خدامة و ما تلاوحونيش يانا و تايمة .. يانا مزاوكة

حبيبة:( عقدات حجبانها و جرات يديها ) شكون هاذ تايمة ؟ يا ودي راه هضرنا معاك زعما ..!

سكتات كريمة ما رداتش على السمية .. غير كتبكي و تضرب ففخاضها .. و حداها حبيبة كتفكر ..! حكيم واخا تهضر معاه بالشينوية ما غادي يسمع لها بالعكس غينوض غير صداع هما فغنى عليه ..! شافت حتى عيات و قالت

حبيبة: شوفي ا كريمة غنقولك هضرة وحدة دخليها لراسك ..! حكيم و نتي راه ما بقى لكم رجوع من بعد هاذشي لي وصلتوو ليه

شافت فيدين كريمة لي بقى فيها السيكاطريس د الحرقة .. و بتنهيدة كملات

حبيبة: نتي صبرتي على طبيعتوو و تا هو صبرلك و هز هبالك باش تمشي المركب بيكم .. و لكن ما قدرتوش تمشييوها بجوج و غرقات فلخر ( هزات يديها كتتنهد ) أنا عييت نتدخل بخيط بيض ... نتي ننهيك على الطريق لي ماشية فيها و ولدي نديرلوو عقلوو .. و فلخر لا نتي تراجعتي على لي كتديريه وا لا هو غيسمحلك و تكملوو بحال حتى حاجة ما كاينة ..! الفراق ما عندكم ليه لاين ..!

كريمة: وااااا لااااا لااااا لاااا وااااا خاااالتي تي ااش يايرة تgولي ( شدات على كرشها و غوتات ) اااااييييي كرشيييي

حبيبة:( وقفات مخلوعة كتقلب فيها ) كريمة مالك ا بنتي ؟؟ تنفسي بالشوية انا نجيبلك كاس د الما تسناي

كريمة:( شداتها من يديها قبل ما تمشي .. جبهتها عرقانة و وجهها فازك بالدموع .. زيرات عليها و قالت ) ما بغيت والوو من غير نولد بنتي مع مولا داري مجموعين .. ما تخليونيش فرادية كي الgطة المجرابة .. يانا مزواكة فيك هضري مع حكيم

حبيبة:( مسحات على وجهها و قالت ) لآخر مرة ا كريمة .. غنتدخل لآخر مرة .. قبل تبارك الله ما قبلش بنتك هي بنتنا و هو عمرو يسمح فيها وا لا يخليها و حتى نتي ما غينساكش غير تهناي من هاذ الجهة

كريمة: سيري الله يغلبك على العدا و يخليك ديما الفوg الفوg

حبيبة: أميين ا كريمة أميين .. غير هو سمعي شنوو غنقولك و ديري بهضرتي و ان شاء الله يكون خير ..!

كريمة: gولي ا خالتي

حبيبة: كتشوفي على عينيك من نهار دخلتي للدار و ولادي خاويين الدنيا .. و راك عارفة ضريب الصداق ديال محمد أمين غيكون بعد غذا و كل واحد فين شادها و انا باغى نفرح بولدي فداري و خوتوو معاه

كريمة: و شنوو ن

حبيبة:( قاطعاتها ) ما دام هضرو معاك داركم و العون القضائي جا لعندكم على ود الاستدعاء د المحكمة .. حتى نتي خاصك تمشي باش تشديها من جهة و من جهة اخرى تهضري مع واليديك و تتصالحي مع باك .. مرجوعك ليهم و ما عندك لاين عليهم يا تصالحتوو يا لا

كريمة: و حكيم

حبيبة: حكيم فاش يدوز الفرح ديال خوه غنجيبوو عندي للدار و نهضر معاه الراس فالراس و غنحاول بكاع جهدي نقنعوو و ساعتها يا غنعيطولك تجي لعندنا لهنا و لا حنا غنجييو عندك لداركم ( سكتات شوية ) شنوو قلتي دابا ؟

كريمة:( حنات راسها و قالت ) كلامك هو الكبير و لي تgوليلي عليه نديرو ا خالتي .. غير و كان نتصالحوو يانا و ياه

حبيبة:( تنهدات و وقفات ) ان شاء الله .. انا نخرج نعيط على محمد امين يجي يوصلك و منها نيت يجيب الدوا لختوو ..!

كريمة: و يانا نغوت ل مي نgولها راني غادية نكعد معاهم هاذ ليامات .. تفرشلي مع با gبل ما نوصل

حبيبة: واخا يالاه انخليكم تهضرو .. نمشي نشوف حتى انا محمد أميين ..!

خرجات من عندها كتنهد .. هازة حجرة على صدرها ما كرهاتش فوقاش تتهنى منها و من الحمل ديالها .. شافت فملاك لي واقفة مقابلة معاها كتصنت ..!

ملاك:( بصوت منغنغ بالمرض ) شنوو هاذ الدل .. واخا يكون هاذ الرا٠جل كيخرا اللويز .. كح كح كح ا ويلي

حبيبة: سكتينا نتي و سيري تصنتي لعظامك .. ياك مريضة ؟ وا سيري تنعسي خلينا نسلوو الشوكة بلا د٠م ..! فين هو تيليفوني ما شفتيهش ؟

ملاك: فالكوزينة واقيلة قولي ليه يسبقلي الدوا هو اللول عاد يدوز من مور كريمة و لا خديجة ..!

*********************************

كيقولك دوام الحال من المحال و سبحان لي يبيتها فشان و يمسيها فشان .. شكون قال المخيم يتسالى بهاذ السرعة .. من بعد ما دوزو فيه أيام و ليالي بحال الحلم .. ها هما دابا راجعين بحالهم ..!

توادعات شريفة مع الزهرات و الدموع كيبرييو فعينيها .. لا هما سخاو بيها وا لا هي .. لكن ضروري من الفراق و كل واحد يرجع يكمل حياتوو الطبيعية ..!

حكيم:( وقف عليها .. جبهتوو مندية و التريكوو فزك عليه بالعرق ..! ) فين هما حوايجك نتي و أسية ؟

شريفة: لداخل ..! واش صافي كملتوو السطوكاج د لي فاليز و الدراري ركبوو فبلايصهم ؟

حكيم:( رد حاط يديه على جنبوو ) صافي سالينا .. غنبدل عليا و نقلعوو حتى حنا .. فين هي أسية ؟

شريفة:( ضورات عينيها عليها ) غتكون غير فالكوزينة واقيلة .. انا نمشي نشوفها على ما تكمل ..!

******************************

عاضة على فمها بصبر باش ما يتسمعش صوت بكاها .. عينيها كيقطرو عشرة من العين و صدرها كيهبط و يطلع بالزربة ما ساخياش بالحسيمة و بالناس لي تعرفات عليهم فهاذ المخيم ..!

أيوب:( حط يديه على كتفها كيلهث بالجرا ) من قبيلة و انا كنقلب عليك ا الشهيبة ( تعلى كيطل على وجهها ) باغى تخليني نمشي بلا ما نتوادع معاك ياك ا الشعيبية هذا هو كبور ديالك

أسية:( ضارت عندو كتشهق بالبكى .. حناكها و نيفها مزنك و عيونها حكاية ثانية ..! ) ما بغيتش نمشي هء .. صافي دابا ما بقيتش غنرجع نشوفك مرة اخرى ؟

أيوب:( تبسم و مسحلها دموعها ) باقي غنشوفك و تشوفيني بزاف غير حاولي على عويناتي ( شافها سكتات كتضور فيهم و هو يضحك ) واخا تخليلي نمرتك ا أسية نبقاو على تواصل ( حك عنقوو ) يلا بغيتي زعما ..!

أسية:( تبسمات كتمسح عينيها و مداتلوو يديها ) عطيني نقيد لك ..!

أيوب:( عطاها تيليفونو تسناها حتى قيدات نمرتها و رداتولوو .. عاد تحنى باسها فحنكها تا سمعلها البوسة فقاع وذنيها مخلي قلبها كيضرب بحال المدفع فصدرها ) خاصني نمشي دابا .. تهلاي ا الشعيبية ..!

فهاذ الحياة كل واحد و الادمان ديالوو غير كاين لي كيختار نوع صحي بحال المطالعة و الرياضة و غيرها من الأنشطة و كاين لي كيلجئ لاختيارات غالطة باش يعمر الفراغ لي كيحس بيه و هاكا يكون فأوج الراحة النفسية ديالوو و هو خالق لنفسوو عالم خاص كيهرب بيه من واقعوو المر ..!

و أصعب حاجة فالادمان أنك كتبدا فلول غير بشي حاجة بسيطة كتجربة و من بعد فاش كتفيق على راسك كتكون غرقتي و فات الفوت أنك تخرج من داك القوقعة بوحدك .. ضروري من يد المساعدة تتمد لك و هاذشي لي دار حكيم بالضبط مع شريفة .. فعوط ما تعمر وقتها بالبلية عمرولها بالسبور و شحال من حاجة ممتعة و كتعيي فنفس الوقت باش ما تفكرش بزاف ..!

و واخا هكاك بانت عليها القطعة .. ضعافت فصحتها .. خرجولها لي سيغن تحت عينيها و صفارت شوية بشرتها غير مدرقة بالمكياج و كتلف هنا و لهيه .. المهم ما تبقاش جالسة بلا حتى شغال ..!

العينين كبار مجبدين بالأيلاينير و مأطراهم بكحول بلدي حر كيبري فعينيها .. هازة شفارها بمسكارا كترمش بيهم بشوية .. زامة فمها لي مرطباه بكاكاويط باش ما ينشفش لها ..! كتمشى فالمخيم كتقلب على أسية و تفكر ذكراياتها فهاذ البلاصة و شعرها مطلوق حداها كيلعب مع الريح ..!

صوت الطالون كيتسمع مع هدوء المكان .. ما كاين غير طراق طراق ..! لابسة كونبينيزون فالكحل سميطات و زايدة عليها شال فالكحل مطروز بالورد فاللوينات ساترة راسها ..!

شريفة:( تبسمات بهدوء فاش شافت أسية جايا عندها .. مداتلها يديها مكمشة فيها عينيها شوية ..! عرفاتها كانت كتبكي و بضحيكة قالت و هي كتلعب لها فشعرها ..! ) قالوو اش خاصك أ الشارف الهارف قالوو خاصاني الصغيرة مولات السوالف ( باستها فحنكها كدوز يديها على ذراعها ) يخليلي الشعورات و الزين الصافي ديالي ..!

أسية:( ردات لها البوسة .. عينيها حومر شوية و مزنكة فحناكها و نيفها ..! تكات على كتفها و قالت ) ما سخيتش دغيا داز الوقت ..!

شريفة: هاذي هي الدنيا ما عندنا ما نديرو .. دابا نرجعوو مرة اخرى يلا كتاب ..! ( سرحات عينيها كترمش بهدوء ) حكيم مشى يبدل حوايجوو و يجي .. نمشييو نسبقوه حدا الطونوبيل على ما يلحق علينا بالباكاج ..!

أسية: واخا يالاه ..! لوخرين مشاو فالكيران ياك ؟

شريفة: سي تحركوو ..!

وصلوو فين محطوطة الطونوبيل .. الباب د المخيم مفتوحة .. واقف حداها السيكيريطي مع الشاب فأوائل الثلاثينات من عمرو .. سمر و صحيح .. خارجة ليه كرش صغييرة و مكبر لحيتوو شوية .. حروفوو سود و جديين .. أول مرة تشوفوو شريفة .. لي غير لمحها قرب جهتها و مد يديه سلم عليها هي و أسية ..!

....: السلام عليكم .. كي دايرة اختي كلشي مزيان ؟ ( نحنح بتوثر ) شريفة ياك ؟

شريفة:( تبسمات باستغراب و قالت ) هي هاذي ..! سمحلي واش سبقلنا تعرفنا ؟

.....:( شاف فيهم بثلاثة حاير منين يبدا ..! حك على عنقوو باحراج و قال ) شريفة أنا باغيك للمعقول .. يلا قبلتي عليا نجي لداركم نخطبك ..!

شريفة:( صدمها ..! بلا ما تحس زلقات لها ضحكة و قالت ) ههه واش من نيتك ؟ ( حركات يديها بالنفي ) سمحلي ما كنضحكش عليك و لكن حسيتك زربتي عليا .. غير وحيدة بوحيدة باش نفهم عافاك ..! فين كتعرفني ؟

....: احم انا شفتك هاذي يوماين فالبحر و سولت شي دراري معاكم هنا و هما لي عطاوني سميتك و التنعات د المخيم فين جالسين .. جيتك ا لالة شريفة بطلب شريف و نتمنى تفكري و تقبلي تعطيني تيليفون ديالك باش يلا مشى كلشي مزيان بيناتنا نجيب الواليدين و ما يكون غير الخير ان شاء الله ..!

أسية:( وشوشات لشريفة كتشوف موراها ) حكيم جا ..!

ضارت شافت فيه بنص عين .. حط لباكاج حداهم حتى يخبعوو فالكوفر و قرب جهتهم عاقد حجبانوو شوية .. كيتمشى مكلظم و راسوو مهزوز فالسما بنظرات حادة صارمة وقف قدام شريفة مربع يديه و عروق الرقبة ديالوو كيبانوو واضحين .. حرك راسوو بهدوء للراجل كيشوف فيهم بدون تعبير .. من وقفتوو كيبان عليه الوقار و قوة الشخصية و الهبة الكبيرة لي معطية ليه بدون جهد جهيد ..!

.....: كيفما قلت لك ا شريفة أنا باغيك للحلال .. شفتك عجبتيني و سولت عليك ناس من المخيم معاكم زادو شكروك ليا .. و جيت كنجري لعندك قبل ما تمشيي و ما نلقالك طريق مرة اخرى ..! فكري مع راسك حتى تشبعي و نتسنى جوابك عطيني غير نمرتك باش نبقاو على اتصال و انا حدا هاذ الناس كاملين كنقولها لك .. ما باغي نجرجرك ما باغي نضحك عليك .. دخلت من الباب ...!

....: نعرفكم على راسي بعدا .. أنا منير ريفي من هنا البلاد عندنا فايمزورن مرحبا بيكم فأي وقت ..! درت طيكنيسيان ميكانيك خدمت فألمانيا مدة و دابا راني فهولاندا فأمستطردام و داير مع خويا أجونس دو فواياج كنخدموو مع لي طوغيسط " السياح " ..!

مصات شنافتها كتغزز فيها بسنانها ففمها ..! حانية راسها و معوجاه للجنب ما كتشوفش فيهم و لكن حاسة بنظرات حكيم الحادة عليها ..!

وثرها بشوفاتوو و احساس غريب جاها .. بحال اول مرة تلاقاتوو من بعد سنوات ..! رعشة سرات مع لحمها مشوكاه لها و خوف فشكل شدها حتى كمشات كرشها و بدا قلبها كيضرب بالجهد بحال يلا راها فشي سباق لدرجة سخنات و هي كتسمع لكلام حكيم .. لي رد بلاصتها بصوت حرش مدعدع كيخلع .. تجرحلوو شوية بالغوات فالمخيم ..!

حكيم:( هز حاجبوو بحدة و قرب منوو كثر ..! ) الناس لي سولتيهم عليها يمكن نساو ما قالوو لك بلي هاذ السيدة مزوجة و محسوبة على ماليها ( باندفاع قرب جهتوو غينطحوو ) الشوفة اللولة حلال و الثانية محسوبة عليك .. عينيك نجبدهم لك ..!

.....:( هز يديه للسما و حنا راسوو ما كيشوفش فيها ) سمحلي ما فخباريش مزوجة ( حك على عنقوو باحراج راجع لور باغي يمشي ) سمحولي مرة اخرى .. حطيت راسي و حطيتكم فموقف خايب .. نتمنى ما نكونش جبدتلكم الصداع ..!

شريفة:( شافت فحكيم لي عينيه كيغلييو بالغيرة .. تبسمات بلا ما تحس عاجبها الحال ..! حطات يديها على ذراعوو زيرات عليه تا شاف فيها و بهدوء قالت ) صافي ما وقع باس .. ما سحابلوش .. يالاه نمشييو حتى حنا ..!

حكيم:( رد بنرفزة مخنزر فيها ) و نتي لي واقفة معاه و كتسمعي ليه فرحانة ؟ ما عندك رجال ؟

شريفة:( عضات على شنافتها بشقاوة و تعلات شوية جهة وذنيه و بدلع قالت ) عندي سيد الرجال ..! ( بعدات تا تقابلات معاه غمزاتو برقة و بأنوثة كملات هضرتها كتشير لجهتوو ) يلا بغاني القمر بكمالوو .. شنوو مشالي فالنجوم يلا مالوو ا كبيدة ؟؟

حكيم:( تبسموو عينيه و جرها عندو حاط يديه على كتافها بجوج بحال يلا معنقها ..! ) حلاوة اللسان و شكديريلها يا بنت الناس ..!

شريفة:( ضحكات ) منك كنتعلموو أ قائد ..! ( سكتات شوية و قالت ) حكيييم عقلتي على الوعد لي عطيتيني و حنا صغار ؟

حكيم:( ضار جهة أسية لي واقفة موراهم كتلف الشوفة .. هز الكونطاكط فتح لها الطونوبيل و حرك راسوو تركب على ما يلحقوو عليها و رجع ركز مع شريفة و بخثورية و ثقالة قال ) يلا عشقت كنصون و يلا وعدت كنوفي ..! الراجل هو الكلمة ( جبدلها نيفها بجوج صبعان بحركة كيوت ) و الكلمة من عند الغالي تسهرك الليالي ..!

شريفة:( تبسمات ) هههه كاينة ..! ( طبطبات على ظهرو ) زيد نمشييو ا مون شاف ( تنهدات ) ما كرهتش نزيدو شي يامات هنا و لكن الخدمة تنادي ..!

حكيم:( حرك راسوو ) باقي الصيف فيدينا ..! طلعي على ما نشارجي البكاج ..!

ركبات القدام مهبطة المراية كتشوف فوجهها و أسية موراها كتهضر بحماس .. كيحمقوها شريفة و حكيم ك كوبل ..!

أسية: عرفتي كي جييتوو .. هو مخنزر و غيطرطق بالغيرة و نتي مبسمة و كتهضري معاه بالشوية و تحركي يديك عليه بحال شي بيبي .. يااااا أيييي و شحال كتحمقوو واخا بجوجكم صعاب و فاش كتشعلوو جاب ما طفاكم هههه

شريفة: ههههه بقاي تحيدي لنا البريز و لا هبطي الساروت د الضوو باش نطفاو فخطرة ..! ( قلبات عينيها كتميق بحركة لا ارادية ) كيقولك ا تاسانوو .. عز نفسك تصيبها .. النفس نفسك و نتا طبيبها .. و لكن انا حكيم هو طبيبي ( مصات شنافتها بدلع و مع الكلمة تفتح الباب تسمعات ) هو طبيب الروح ..!

حكيم:( تبسموو عينيه و ركب مطمر .. حتى ديمارا خارج عاد قال ) و نتي دايرة بحال البلية .. خاص غير لي يذوق شوية من حلاوتك و يلقى راسوو غرق و مشى ..!

شريفة:( ضحكات ) ههههه البلية بحر غارق صعيب تخرج منوو و ثوب .. هي نرجع لها ا كبيدة ياك ( شاف فيها واحد مولاتي شوفة تا تهزات اسية كضحك اللور ) ههههههههههه ناري على شوفة دار .. ديال و الله يا مك تا ناكلك ( رشقاتوو لكتفوو ) تدردر عليا مليحة و كامون و لا ما تحتاجش ..؟

حكيم:( هز حاجبوو بثقالة ساكت .. ما جاوبهاش ..! )

شريفة: غير أنا بلا ملحة باركة عليك ا كبيدة ياك ؟ اصلا لحمي حلوو على من زيناتوو .. غتشبع غير هباري ا با حكيم .. تاكل تا تكهم .. حسدتك فهاذ اللحظة .. أما نتا يلا جينا نطيبوك غنردوك كامل كوطليط .. ما صالح لا للكفتة لا للمبخر .. ياك أ أسية ..؟

أسية: لا لا غنكفتوو معاه حتى نشبعوو غير هي الشحمة ما غتكونش ..!

شريفة:( ضحكات حتى وحلات لها و الدموع هبطولها من جناب عينيها كوحل .. جاتها الهستيرية من هضرة أسية حتى ضحكاتهم تا هما معاها ..! )

حكيم:( بعينين مبسمين قال ) فيك الجوع واقيلة ا شريفة ؟

شريفة: ههههههههههه لا ا خويا نتا كامل معانا و يجيني الجوع ؟ نشبعوو غير تكفات معاك ياك أ اسية ههههههههه ما كاين غير قطع و كور ( شيراتلوو بيديها ) شعلنا نتموسقوو قبل ما يهربلي هاذ الليلة .. شعل شعل ..!

حكيم:( رد بهدوء ) كاين غير الديدجي هاذ الساعة ..! نخدمولك ؟ ( شاف فيها هاز حاجبوو )

شريفة:( بغات تحماق بالضحك ... مالت عليه كتكركر و أسية موراها تا هي كتفرنس و ما فاهماش علاش .. غير ماشية معاهم فالخط بنيتها ) لااا لااا هههههه الله يكثر خيرك .. الطاكتيل عندي ميت مسكيين ..!

حكيم:( جمع حجبانوو و رجع براسوو اللور .. لعب بلسانوو ففموو و بمكر قال ) ميت كاع ؟ غيكون خاصوو غير شي زدحة يشدو الكلاكاج تما و يخدم مخير ( مد يديه جهتها مطمر ) وسعي نشووف ؟

شريفة:( ضرباتوو ليديه بالضحك مخرجة عينيها ) ههههه شغتشوف ؟ ( خرجاتلوو لسانها ) الشوف ما يبرد جوف غير حضي طريق قدامك قبل ما تقلبنا و نولييو كفتة د بصح .. يسطابونا غير الكلاب و الطيور فهاذ الخلا و من هنا لجهنم vip ا حكيم نتشواو بحال القطيبات ..!

أسية:( ردات بضحكة ) زاهية عواشر ههه ..!

******************************

واقفة قدام الناموسية و كريشتها مكورة قدامها سابقاها .. يديها على جنبها كتنهج بالعيى و سير و أجي ..! هبطات سروالها و سليبها موسعة بين رجليها ..! و حداها محطوط داك الطرف د اللحم لي تبدل لونوو على لي كان أول مرة و عطى الريحة شوية ..!

هزات خرقة فالابيض واسعة حطات فوسطها اللحم و رجعات دارت فوق منوو الثوب لفاتوو بحال أولوييز و حطاتوو فوق سليبها كتقادوو و بالزربة طلعاتوو باش يبقى شاد .. لبسات شورطها حتى هو و بدات كتجر فرجليها بالشوية .. تا طلعات لبلاصتها و تكات حاطة يديها على كرشها .. كتهضر مع بنتها ..!

كريمة: بوك مرجوعوو لموضعوو gدامي يانا و ياك .. كلشي غيتgاد gبل ما نزحمك .. كووولشي غيتgاد ..!

تكات كتغمض فعينيها حتى لمحات تيليفونها محطوط حداها فالكوافوز .. مدات يديها هزاتوو و نيشان للواتس عند حكيم .. كتكتب و تمسح و تدخل لغوغل تقلب على شي جمل تسيفطهم لوو ..!

كريمة: فراقك ا مولا داري حرقني و البعاد قتلني .. انا متايبة لله و طالبة السماحة .. رحمني و جود عليا بحنانتك .. توحشت فراشنا مجموعين ..! ( سيفطاتوو و جلسات كتسنى يرد عليها )

متكية شريفة على الشرجم هازة التيليفون د حكيم كتفرج فيه ففيلم متلفة الوقت .. هي تيليفونها ما بغاتش الكونيكسيون تشدلها فيه ..! أسية نعسات و حكيم مركز مع السوكان ساكت ..! حتى طلعلها مسج د كريمة لفوق ..!

قراتوو و هي كتغذذ من الداخل .. حرقة شعلات فصدرها خلاتها كتحك بوحدها و بانت فوجهها لي تبدل فيه اللون ..! كيفما حكيم ما قادرش يتخيلها مع الياس حتى هي نفس الشيئ ..!

شريفة:( بصوت مسموع ) فراقك ا مولا داري حرقني و البعاد قتلني .. انا متايبة لله و طالبة السماحة .. رحمني و جود عليا بحنانتك .. توحشت فراشنا مجموعين ..!

حكيم:( شاف فيها جامع حجبانوو باستفهام .. و رجع ركز فالطريق ) شنوو ؟

شريفة:( ردات بغيرة ) هاذي كريمة مسيفطالك مسج .. توحشاتك ففراشها .. مسكينة البعاد قتلها و حرقها و شوية ما يشويها ( هزات حجبانها باستهزاء ) تبارك الله على الحنين ديالنا .. نتا مول الخير سمحلها و رجعها باركة عليها .. رحمها ..!

حكيم:( توسعوو عينيه بنظرة ديال عجبوو الحال و حس بغيرتها عليه ..! لعب بلسانوو ففموو و قال ) شريفة شهاذ الهضرة ؟

شريفة: كيفاش شنوو هاذ الهضرة ؟ ( حركات وجهها بمعنى شنوو ؟ ) أنا راه ماشي حجرة نقرا هاذشي و ندير عين ميكة ..! كيفما حتى نتا يلا لقيتيني كنهضر مع إلياس غتسمعني خل وذني و تعرعر عليا تا تشبع و يعلم الله فين توصل ..!

حكيم:( رد بهدوء ) و نتي فين باغي توصلي دابا .. باش نتفاهموو ..!

شريفة: ما دام حنا فغولاسيون عندي حق كبير عليك و ما نبغيش نلقى بحال هاذشي فتيليفونك ..! ياك طلقتيها بالفم .. حرمتيها عليك و خليتي المحامي يتكلف بالباقي نمرتها شنوو مزال كتدير عندك ؟

حكيم:( سكت كيسمعلها حتى كملات و بكل برود قال ) بلوكيها ..!

شريفة:( حركات راسها بالايجاب ) غنبلوكيها و مرة اخرى ما نلقاش بحال هاذشي كيضور فتيليفونك باش نبقاو مزيانين ..!

حكيم:( رد بتحذير هاز حاجبوو بثقالة ) شرييييفة ..!

شريفة:( شافت فيه و حنات راسها بلوكات نمرتها من الواتس و من ليزابيل و المسجات العادية .. قالبة وجهها للشرجم كتنكر ) و لاهيلا السيدة قاتلك توحشاتوو فالفراش و فرحانة براسها .. قتلها البعاد و حرقها ..! هاذيك غير الث٠ملة لي كتحرق فيك ..!

حكيم:( بصرامة رد بصوتوو المدعدع ..! ) غنطرطق لمك داك الشنايف و نوريك الث٠ملة كي دايرة ..!

شريفة:( خرجات عينيها فيه ) مالي كذبت ؟ شنوو معنات هضرتها فهاذ الوقت .. مسكينة الضمير عاد تحرك عندها فنصاصات الليل ..؟ واااااو لا تخرج قبل ان تقول سبحااااان الله ..!

حكيم:( دوز يديه على راسوو غالباه الضحكة .. عين مع الطريق و عين معاها ..! )

شريفة: عنداك يقولك راسك تمشي لكازا و تتلاقاها و لا تهضر معاها فداركم ( هزات صبعها ) و الله يا باباك حتى نفزك الطوال " الكوردة .. الحبل " و ما كاين غير هاك بالاك ..!

حكيم:( قهقه بالجهد و جرها من يديها تكاها عليه ) ههههههه اجي لهنا ا المغيارة ( باسها فراسها و كمل ) ما تعمريش عقلك بيها .. وحدة لي كاينة هي نوارة الحدود ..!

شريفة:( تبسمات بلا ما تحس و ردات كتميق بعينيها و فمها ) فوقاش عندكم الجلسة اللولة ؟

حكيم: هاذ الشهر ..! فالجلسة الثالثة يلا طولنا غنتطلقوو ان شاء الله ..!

شريفة:( عوجات وجهها ) امم ..!

للأمانة .. أنا لا أخجل من هذا الطبع العصبي .. ولا من هذه الغيرة الحادة والمزاجية المقيتة .. أنا لا أخجل من الكوارث التي تسببت بها قبلك ولا من التاريخ الطويل من الهزائم التي ألحقتها وألحقت بي قبلك.

لن أتلون أمامك لأبرهن أني أنثى لطيفة يمكن أن تضعها على جروحك فتطيب .. أنا أنثى حارقة تشعل الفتيل في بيوت المحبين والأعداء.

أنا لا أخجل من كوني أعرف جيدا ماذا أريد .. ولا من أني مجموعة خطايا امتزجت بكثير من السخف وشيء من المكر .. والآن أنا أمامك كما ترى .. أمنحك تقريرا مفصلا عن كائن مندفع ثائر متعب .. بداخله قلب لازال سليما .. يحاول التماسك ولا يخجل .

شريفة 🐍

يتبع...

‎