توادع معاها مخليها فالفيرمة هي و عدنان و ملاك .. عاجبهم الجو د العروبية .. الهوا نقي و الناس بساط .. الخضرة طبيعية زارعينها .. كتاكل و كتعرف راسك آش كليتي ..!
محمد اميين:( هو لي صايك و حداه حكيم ) الطونوبيل خرجها لك عدنان من الفوريان و دوزها صلحها و عاد دخلها للكاراج د الدار ..!
حكيم:( رد بهدوء متكي براسوو على الكوسان .. مرة مرة كيتنهد ) مزيان ..!
محمد أميين: الطبيب راه قالك واجد فوقما بغيتي يشهد معاك فالمحكمة يشهد .. الصراحة صدق رجولة .. أغلبيتهم كيخافوو على راسهم من المشاكل و هبط و طلع فالمحاكم ..!
حكيم:( بعد مدة صمت قال ) شي خبار على كريمة ؟
محمد أميين: النمرة د الحاج راها عندي .. عيط فالعيد كيسول و يعايد .. باقي ما ولدات و داك الحريق لي قلت لك عليه .. هدن عليها مع الدوا و من تما ما رجعات للطبيب ..!
حكيم:( زفر النفس بالجهد و قال ) التقل*** هو هذا ..!
محمد أميين: الصبر ..! ( سكت شوية و رجع قال ) صونا خليل قبيلة فاش كنتي مع الواليدة لداخل .. تقبلات ليه الفيزا صافي ..!
حكيم: مزيان رصى أمورو ( شاف فيه هاز حاجبوو ) هي صافي ألمانيا كتنادي ..!
محمد أميين:( ضحك و حرك راسوو ) ألمانيا و ما ادراك ما ألمانيا ..!
حكيم:( رد بثقالة و سكت ) الله يسخر ..!
مسافة الطريق كانوو وصلوو للدار د سباتة ..! هبط حكيم هاز السوارت د خوه .. فتح الكاراج و خرج طونوبيلتوو ..! كيقلب فالروايض و يشوف المازوط .. لقى كلشي هو هذاك .. و من لي كيلوميتر عرف خليل كان كيهزها يقضي بيها شغالوو ..!
حكيم:( خرج يديه من الشرجم شير لمحمد أميين و قال ) نتقاشعوو ..!
حك الروايض مع الكوضرون و زاد عافط ما كيشوفش موراه .. الشرجم مفتوح قداموو و مرة مرة كيطلع النفس بالجهد ..! بعد على السيكتور و دار السينيال وقف على ليمن ديالوو مخليها أمارش ..!
فتح البواط لي حداه و جبد تيليفونوو من تما مطفي .. دارو فلاشارج ديال الطونوبيل و تسنى حتى ولا 1% فالشارج .. عاد شعلوو و بداو المسجات كيوصلوو بالعرام .. لي زابيل .. لي بواط فوكال ..! تيليفونوو تبلوكا بكثرة لي نوتيفيكاسيون ..!
النمرة ديال شريفة .. ولد رقية .. العميد .. حسام .. الناس معارف ديالوو .. المحامي .. اب كريمة و كريمة براسها ..! خلاهم كااااملين و دخل للواتس عند شريفة .. طالعة غير نمرتها و تصويرتها .. نفس الصورة لي كانوو كيزومييو عليها البنات .. بكسوة موردة ..!
كثر من ميات فوكال غير من عندها ..! هز حاجبوو بثقالة و بلا عكز عليه دخل كيسمعلهم واحد تابع الثاني ..! حتال آخر مسج ..! ملامحوو بقاو على نفس البرود .. حتى شعرة ما تهزات فيه او على الأقل فتعابيرو ..! و مع آخر كلمة خرج تنهيدة حااااارة من قاع قلبوو ..!
ضور الفولا قالب الطريق .. و البلايك حداه زورق .. مكتوب فيهم بالبيض ..! الرباط سلا ..! مخرج يديه من الشرجم كيطقطق بجوج صبعان و حجبانوو معقودين قبالتوو .. كيحرق فالطرقان ..!
واش توحشها ؟ نسى الهضرة لي سمع منها ..! واش بكلامها و بكاها حننات قلبوو عليها .. حتى واحد فينا ما عارف الجواب من غير حكيم لي ضرب ساعتين د الطريق باش وصل قدام عمارتها ..!
طرق الطونوبيل و هبط كيقاد فسروالوو و يحرك راسوو بتعب .. طالع فالدروج و عينيه فيهم نظرة قااااسحة و ملامحوو باردين .. دق بالكونطاكط لي فيديه فالباب .. حتى تسمع صوتها من الداخل ..!
شريفة: أنااااا جااااايااااا ..!
تفتح الباب و بانت شريفة فأجمل حلة ..! لافخونش هابطة على عينيها لي مجبداهم بخط د الأيلاينر مرسوم رسم ..! و رموشها مجبدين فالسما كيفتنوو بالفوليم ديالهم ..! كلوز خفيف فشفايفها فالغوز كيلمع ..!
السر ديال العيد طايح عليها حتى ما قد ..! رجعات صحتها على لي كانت ..! الحنيكات عامرين و مرفوعين بتبسيمة خفيفة مبينة سنانها ثلجة حدا ثلجة كيلمعوو ..! يديها نقية كتلمع و ظفرانها مقادين بفرانش خفيف كيفما كيعجبها ..! كورميط مع خاتمها مزينة بيهم يديها لي محطوطة على جنبها فوق القفطان د ثليجة فالغوز بيبي .. هابط سامبل مخدوم بالسفيفة د اليد ..!
العقاد مفتوحين من جهة الصدر لي مزير و مهزوز كتبان منوو الشقة غير شوووية ..! نازلة عليها سنسلة د الذهب فيها فراشات فالكحل ..!
طلعها و هبطها كيشبع عينيه من شوفتها .. ملامحوو هاديين .. عكس شريفة لي تمحات التبسيمة من على شفايفها غير شافتوو واقف قدامها ..! بهبتوو و حضورو القوي لي ما تنكرش كيزعزع قلبها من الداخل ..! كيفما واقع معاها دابا ..! بزز بلعات الريق فحلقها .. ذاثها كلها كترجف عليها .. لدرجة كمشات يديها و زيراتهم باش ما يفضحوهاش ..!
قلبها كيضرب بحال المدفع فصدرها .. حاساه تفرج و ارتاح بشووفة معشوقوو ..! الضحكة باغى تفلت لها و لكن الضروف مخلياها بزز منها تجمعها و تجمع شتات كرامتها و كبريائها ..! هازة حاجبها فيه بتعالي و استغراب ..!
استغراب من حالتوو ..! أكيد ما غيخفاش عليها الضعف لي ضعاف .. حتى حناكوو تمصوو و عينيه دخلوو ..! شعرو لي واخا مخليه بلا حسانة و لكن باين خاااااوي و طايحلوو بالجهد ..! الكحولة د لي سيغن لي ضايرة بعينيه ..!
حكها قلبها عليه باغى تسول على حالوو و ما قادراش .. هي براسها مضرورة من جهتوو حتى فات القياس ..! قاسات و ودات ...! كلات الدق و هي ساكتة و صابرة .. كتخدم ليل و نهار بحال الماكينة .. غير باش ما تبقاش بوحدها ..!
الكلمات لي هربوو منها و الصدمة لي بانت فعينيها و وجهها تا ضرباتها اللقوة و سرطات لسانها .. خلاو حكيم ينطق بعد مدة طويييييلة من الصمت و التأمل .. و اخخخ من لغة العيون .. لي كيفهموو و يقراو بعضياتهم بلا حتى مجهود .. مخليين الكبرياء جنب .. لحكيم و شريفة .. اما عينيهم لي مكيعرفوش شي حاجة سميتها الكبرياء و الغرور فراه تعانقوو فنظرات صريحة هادئة و دافئة كتجيب الحنين ..! و بصوت خشن قال حكيم مقاطع هاذ الخلوة الغريبة ..!
حكيم: غادي تخليني فالباب ؟
شريفة:( رمشات عينيها ببطئ كتلف الشوفة فيه و بابتسامة خفيفة قالت ) الجودة من الجدود .. ماشي من الموجود .. جيتي تال الدار الكبيرة و نردك من الباب ؟ خايبة فحقي ..! ( وسعات الباب و شيرات بيديها للداخل ) مرحبا و قبل علينا ..!
حكيم:( ترخاو ملامحوو بارتياح .. و رمى رجلوو ليمنية للداخل حتى شدات الباب عليهم و نفس اليد لي كتشالي بيها .. دارها بين يديه تا طلعات معاها سخونيتوو و عينيها كيلعبوو هنا و لهيه ..! ) الله اودي نتي مولات الخير ..! ( زير على يديها حتى شافت فيه و كمل ) هانية بعدا ؟
شريفة: الحمد لله و نتا ؟
حكيم:( حرك راسوو بثقالة و دخل كيسرح عينيه فدارها لي أول مرة يحط رجلوو فيها ) من الحامدين و الشاكرين ..!
حرك راسوو بثقالة و دخل كيسرح عينيه فدارها لي أول مرة يحط رجلوو فيها ..! جلس فوق الفوطوي موسع بين رجليه و متكي بظهرو .. فجلسة مفخمة ..! و هي موراه كتتمشى على الجمر و داخلها ما عالم بيه غير الله فهاذ اللحظة ..!
التلفزة مشعولة فالأولى فين طالقين الألة و الايقاع ..! الطرب الأندلسي لي ما كيسمعوو ليه غير الذواقة ..! و ذوق شريفة باين و واضح لا من لباسها لا من تاويلها فدارها ..! مبخرة مذهبة محطوطة فوق الطبلة .. عاطية منها ريحة العود على الجهد ..! كلشي نقي كيلمع و شريفة كتتحرك حداه مرزنة و مثقلة ..!
مخلياه يعبرها بعينيه على خاطر خاطرو .. نظراتوو حاساهم كيحرقوها .. و هي جايا جيهتوو هازة سينية فالنقري منقوشة .. فيها كيسان د الما صغار و الكاس الكبير ديالهم اونسومبل مع بعضياتهم .. حطاتوو فوق الطبلة و كبات كاس مداتوو ليه كتشوف فيه بهدوء ..!
ردات بهدوء .. هدوء غريب ما توقعوش منها فهاذ اللحظة بالذاث و هو غابر عليها لمدة .. ضرباتلوو حساباتوو كاملين فالزيرو و خلاتوو هو براسوو يبدل تعاملوو معاها و علاش كان ناوي فاللول ..!
شريفة: وصلتي مع الغذا و ماشي دخلتك هاذي عندي .. التكبيرة ديال سي حكيم بووووحدها و لكن دارتها الغفلة ..! ( رمشات عينيها كتشوف للجنب ) عمرك ذقتي من طيابي و دابا جات الوجيبة نشرك انا وياك ملحة و طعام يدي ..!
سكت من بعد هضرتها و هي دخلات للكوزينة .. فتحات الفران و جبدات بسطيلة كبيرة متولة و مسقمة على حقها و طريقها و زايدة لاعبة بوراق البسطيلة فالوجه .. جامعاهم بحال الوردة الوسط ..!
حطاتها فطبسيل ديال الطاوس حر .. فوق البوطاجي .. و بالخف جبدات من الثلاجة طباسل صغار ديال الزيتون حار .. كورنيشوو محمض .. الخيار مقطع دويورات .. و الفجل ..! سبقاتهم هما اللوالة .. عاد حطات البسطيلة و جلسات حداه .. دايرة رجل على رجل .. ظهرها مستقيمي و صدرها مدفوع للقدام ..!
خلاتوو غير كيشوف و هي كتقطع و تحطلوو قداموو فالطبسيل .. بسطيلة د الفخوي دو ميغ " فواكه البحر " .. من لي تبغيه الخاطر ..!
شريفة:( شافت فالتلفزة كتاكل و الدقمة بزز كتهبط مع حلقها ..! ) تشرب شي حاجة ؟ عارفني ما عنديش مع السكريات بزاف .. الموناضا غير سموم فسموم .. مي يلا بغيتي راها كاينة ديال أسية .. لقيتيها يالاه خرجات مع صحاباتها سحابني هي فلول ..!
حكيم:( حرك راسوو بالنفي و قال ) هاكا مزيان .. الله يعطيك الصحة ..!
شريفة:( بهدوء ) بالصحة و الراحة ..!
كلى حكيم و غلق مزياااان تا خرجاتلوو البسطيلة على الوذنين .. عجباتوو هي و البنة د اليدين لي صاوبوها ..! و غير كمل ناضت جمعات المواعن و قادات براد د اتاي مع بلاطوو د الحلوة لي بقى من الصباح و حطاتولوو .. بما انوو ما بغاش الديسير ..!
ما خلات فين شغلات راسها باش ما توصلش هاذ اللحظة .. و لكن وصلات و لي عطى الله عطاه .. و دابا غتبدا المواجهة ..!
حكيم:( شرب من كاسوو لي حطاتولوو مسوس .. عارفاه من ديما مبعد على السكر .. بحالوو بحالها .. عاد هو زايد عليها بالعطرية لي ناقصها للحد ..! ) ريحي ا شريفة نهضرو جوج كلمات ..! ( هز حاجبوو فيها ) تا لين غتبقاي هاربة ؟
شريفة:( ردات بهدوء ) لي كيهربوو و يعطييو بالظهر ما كنساومهش فسوق الحرار ..! و شريفة ماشي منهم ..! ( كملات كلامها كتمعني ليه غير من التحت للتحت .. بلا غوات و لا تقابيح ..! ) لي يعرف عزو .. كلام الناس ما يهزو ..! و يلا كانت غير الكلمة من عند الرخيص فراها ما تزعزع ما تقيس ا سي حكيم ..!
حكيم:( هز حاجبوو بثقالة و زاد تريح فالجلسة حاط يديه على جنب الفوتوي .. كيشوف فيها ببرود ..! ) اهااااه ..!
شريفة:( كملات بتبسيمة مسموومة .. كتلقف بالسم ..! ) ايييه ..! عارف شكون هما الناس الرخاس ؟ ( هزات تا هي حاجبها فيه و كملات ) لي حسبتيهم حباب و غذروك .. فوقت الشدة باعوك ( رمشات بعينيها كتبلع البكية بزز منها و يا ويلها تفضحها قداموو ..! عينيها حماروو و نظرة عتاب كتحرق فيهم ) نكرو العشرة و خانوك ..! عرفتيهم دابا شكون ؟
شافت فعينيه هاذ المرأة بجرأة ..! ملامحها جدية و صارمة ..! فنفس الوقت فيهم نظرة عتاب .. ألم و شوق ..! كتقلب على تفسير منوو بلا ما تسول هي بفمها و تحفر على الجواب بحال كل مرة ..! هاذ المرة ماشي بحال جميع المرات و نفسها ما غتسمحش لشريفة تزطم عليها ..! ينعل بوو الحب قدام كرامتها فهاذ اللحظة و فهاذ الموقف أكثر ..!
اما حكيم تبسم تبسيييمة باردة ..! خلاتها تجمع حجبانها ..! ولات كتقرا تصرفاتوو و كتعرف كل حركة فوقاش كيديرها ..! فوقاش كيكون مبرد بصح و اعصابوو فالثلاجة طبلي و غيطي قداموو و الله لا هزك من بلاصتك .. فوقاش كيبرد باش يقمع و يسيفط لها وحدة تابعة ختها ما كاين غير الدق و السكات .. !
و فوقاش كيضحك بحال هاذ الضحكة لي دار دابا و كيكون مغطي بيها العصبية لي جايا فالطريق .. اعصابوو خايبين مجرباهم و ذايقة حرهم ..! ما كتحملش تتحط حداه و هو صاعر ..! كيولي بحال الحمق ..! و هاذ الصعرة هي لي ما باغياش دابا ..!
حكيم:( قشر شنافتوو بفموو و حرك راسوو من التحت للفوق بحال يلا كيتحلف و عينيه عليها كي الصقر ما كيتزعزعوش ..! و بنبرة صوت رخيييييمة و واحد الختووورية خاصة غير بحكيم قال ..! ) اللي باعك .. بيعوو ..! و بالرخيص ما تسال عليه ..! ( لعب بلسانوو ففموو و عقد حجبانوو فيها مكمل هضرتوو بشوفات حارة ) و لي شراك شريه و بالغالي ما تفرط فيه ..!
شريفة: شنوو دابا كترجعلي هضرتي ؟
وقف على غفلة حتى هزات راسها فيه و وقفات حتى هي مربعة يديها و معاندة معاه .. شير بصبعوو لجهتها و بصوت حررررش كيزيد يبرك على الحروف حرف حرف .. كلاموو كلوو خاتر و مثقل .. شي فهماتوو شنوو كيقصد بيه و شي لا .. هي بدات و هو كمل .. تلاقاو بجوج كيموتوو فضريب المعاني و الهضرة بقواعدها .. غير حكيم زايد عليها نغزة و يلا عانداتوو غتوحل توحل ..!
حكيم:( شير لعينيها و قال ) يلا بغيتي تحكم الغزال .. تبع خطاه ..! ( غمزها بثقالة بمعنى الفاهم يفهم ..! ) عمرك تقولي كلام ما كتعرفيش معناه ..! بغيتي غير الكلام الموزون .. اييوا ثبتي معاه ..!
زاد قرب لها باندفاع هاز حاجبوو فيها كيعد لها ..كلاموو واضح وضوح الشمس فعينيه .. أما هي ما عرفاتوو كيحاسبها و لا شكيدير غير كترمش فيه ساكتة .. الهضرة واضحة و لكن اش قاصد بيها ما فهماتش ..!
حكيم: عيب النفس فكثرة الخطايا و عيب القلب فدسان الهموم و عيب القلب فخبث النوايا ( خنزر فيها و ضرب على صدرو بيديه ..! ) الرجال يبانوو فالشدة ماشي فالزندة ..! خيار الحباب الرجال و تكون تعرف معناهم ..! ( تنهد بقوة ) كلشي يفوت و كل طير عندو صوت و الصنارة هي لي كتغذر الحوت ..! يلا الفحل يصايد النعام .. الجايح صايد الحمام ( ضربها بصبعوو لحنكها و بعد مخنزر ) و الرخيص ما يجوز فيه السلام ..!
بعد مخنزر و عطاها بالظهر حاط يد وحدة على جنبوو و الثانية كيشالي بيها ..! صوت انفاسوو مسموعة كتبين بلي معصب لدرجة مكتخيلش و غير شاد راسوو عليها .. بداتها ليه بضريب المعاني و قالها اجي نوريك الحرفة على قواعدها ..!
شريفة: ما فهمتش شنوو قصدتي ؟ ( زادت قبالتوو و قالت ) دخلتك لداري باش تسمعني الهضرة ؟ ( كملات بالغوات و الصبر لي كان عندها تبخر طاير ) شكوون فينا الخاين ؟ شكون لي باع الثاني .. شكوون غبر و درق كمارتوو و راجع كيتحاسب ..! ( سكتات كتنهج و عينيها فالتين فيه ) شنوو بغيتي ا حكيم ؟ لاش راجع من بعد هاذ الوقت كامل ؟
حكيم:( حك لحيتوو .. هز راسوو فيها و قال كيفكرها فمسجها و ملامحوو كيبينوو بلي كيعني هضرتوو ..! ) راجع .. باش نشوف فعينين نوارة الحدود و هي كتقول لروح الروح .. بلي كتبغيه و عمرها تكون لغيرو ..!
شريفة:( مصات شنافتها بلا ما تحس و بتعجب قالت ) سمعتي الاوديوو و هاذشي لي شديتي منوو ؟
حكيم:( شاف فيها لمدة و هز يديه هد عليها بحال يلا غيضربها بالظهر د يدوو و رجع جمعها ..! ) لا ماشي غير هاذشي ..! باقي خاصني نهرس لك هاذ الوجه لي فرحانة بيه و نقطع لمك داك اللسان لي غادي و كيطوال ..!
شريفة:( خرجاتولوو معيبة وجهها و قالت ) ها هو قطعوو ..!
بقات فبلاصتها ثابثة كتشوف فيه بالجنب .. تا جرها من يديها و زدحها معاه ..! زير على ظهرها و هي هازة راسها كتشوف فيه و ترمش فعينيها .. طالقة زينها عليه بلا ما تحس ..! عض على لسانوو مغزف عليها و حرك راسوو من التحت للفوق بمعنى واخا و الحساب ماشي دابا ..! أما هي غلباتها البكية لي شحال و هي حابساها و ببحة قالت حانية عينيها مرة اخرى ..!
شريفة: رجعتي لكريمة ؟ ( بتنهيدة كملات ) شنوو غتبرر و شنوو غتقول ؟ السحور لي خلاك تجري موراها ..! شفتي حالتك كي ولات ا حكيم و لا ما شفتيش ؟ احاااااح ا حكيم احااااح .. حرقتي قلبي عليك ( هزات عينيها فيه مدمعين ..! ) حرقتي قلبي حتى ما قديتي .. كنتي رجعتي لها و لا ما رجعتيش ..! كانت كذبات عليا و لا قالت الصح ..! قلبي تحرق بالغبرة لي درتي .. بين ليلة و نهار زدتي خلفة بحالك و ما فكرتيش فيا و فحالتي كي غتكون ..! ( بحرقة ) لهاذ الدرجة ما كنسوى عندك والوو و ما نستاهلش دقيقة من وقتك ..!
حكيم:( زاد زير على لحمها حتى توجعات و بصرامة قال ) كتعرفيني و لا غير معاودين لك عليا ؟ ( غزز سنانوو مع بعضياتهم و قال بحدة ) بالرب حتى تستاهلي القطيعة ..!
رخى منها و بدا كيمشي و يجي قدامها .. كيحرك صبعوو جهة الارض .. صاعر و معصب و ما باغيش يغوت و يضيع جهدو فالخوا الخاوي ..!
حكيم: قلت لك ما مرة ما عشرة صوني لسانك ا بنت الناس .. غضبت .. غوتت .. ضربت .. و لي فيك فيك ..! ( جات تهضر و حبسها بالعين لحمرة ) بللللعي لسانك حسن لك ..!
خلعها بالغوتة لي دار حتى سرطات هضرتها و سكتات كتسمع ليه و هو مخيخ ..! ضرب بصبعوو جنب عينيه فالناظر .. و كمل هضرتوو ...!
حكيم: عدووو ر*ي لي يهضر فأصل مي فالظهر ..! هازك و حاطك فوق الراس و مكبر بيك .. ما حد الاحترام كاين بيناتنا .. يقلال ما غنعقلش عليك ا شريفة ..! ( كرر بالغوات ) بالرب العالي ا شريفة ما نعاود نعقل عليك ..! عندك شي هضرة ضربيهالي فالوجه ..! ( هز حاجبوو فيهاو كمل ) قلبك رخيص عليك لهاذ الدرجة باش تعطيه لولد الق*** مقطر ..!
شريفة:( رمشات بصدمة ) اااء ؟؟؟
حكيم:( بالعين بالحمرة زاد قرب لها تا قالت غيضربها .. لكن جامع عندو يدو معصب غيطرطق فيه شي عرق ..! ) كنجري و نجاري على ودك باش ترديني حمااار الطاحونة لي خلاولك ؟ فينما كانوو ولاد الق*** كيجرييو لعندك و انا المقطر فيهم ياااك ..!
شريفة:( عرفاتوو سمع لي ما خاصوش يسمع .. صدمها تا وجهها صفار و الدم هرب منوو ..! ) حكيم تسنى راك فهمتي غلط و بزاف ..!
حكيم:( رد بجعرة مطرطق عينيه فيها .. جرها من ذراعها جهتوو و بالغوات حتى التفال كينقز من فموو قال ..! ) انا مااااا كنفهمش .. مزياااانة هاذي ؟؟؟؟ هاذ عبد ربه ما تهضريييش عليه مع حتى قوا** ..! ( بنظرة بيناتلها شحال مقسح من جهتها ..! ) شفتي حماار هي اللخرى تقوليها فظهري قلة احترام و كبيييرة كاع .. نجي نسمعك كتهضري مع أسية لي ما كتهزش العين فيا و كتسبي فواليديا ؟ كي غنولي نبان لهاذ البنت ؟
شريفة:( قسحها فيديها و باغى تشرحلوو ) حكيييم ..!
حكيم:( كمل مقسح راسوو ) و ما نمشييوش بعييد .. نتي كي كنبان لك ؟ هاذاك لي تحت التراب و جالسة تجبدي فيه و هاذيك لي ما صرفات فيك غير الخير كي كيبانولك ؟ قح*** ..! ( باستهزاء ) و داك القح*** هما لي رباو هاذ الق** لي واقف قدامك ..!
غلباتها البكية تا طاحوو دموعها ..! باغى تهضر و تشرحلوو و ما عاطيهاش الفرصة ..! حسكها من الداخل بشنوو قال و ضميرها أنبها ..! واخا كانت غير كتضحك راه عندو الحق فكل كلمة قالها ..! رمشات عينيها الفازكين فيه فاش قال ..!
حكيم: و باقي كتسول واش ما كتسوى والوو عندي ..! ( زعزها من يديها ) حتى ليهم و خط حمر .. ماشي غير نميك عليك .. نقلب على عشرة منك و عمر طريقنا ترجع تتلاقى ..!
شريفة:( ردات بنبرة صوت مجروحة ) ياااااك ا حكيم ..! نتا ما سمعتيش الهضرة كاملة و دغيا حكمتي عليا ..! ضحكنا دقيقة هجرتيهالنا شهر كامل ..! واش انا غنسب واليديك بجد عقلي ..!
حكيم:( رد بنرفزة ) درتيها قبل و لا ما درتيهاش ؟ فمك عاااافية ا شريفة و انا بدا يطلعلي هاذ الخرا للراس ..! تال فوقاش ناوية تبقاي هاكا ؟ تال فوقاش غنبقى ندوز و نميك ..!
شريفة: درتها و تخلصت عليها و ندمت حتى جبدتوو و سمعتيني لي عمري سمعتوو ( قطروو الدموع على قميصها .. كتشهق بصوت مقطع .. وجهها رجع حمممر .. حاسة براسها تحكرات و تظلمات و هي غير ضاحكة و ما نواتش ..! ) و الله حتى كنت غير ضاحكة مع اسية و اقسم بالله ما عاريتهم .. حاشا واش نعايرهم .. و تا يلا ما تقتيش بيا كاينين الكاميرات فالمحل دخل و شوفهم ( بدات كتمسح فعينيها ) كن بقيتي واقف و سمعتي الهضرة كاملة ..!
سكت حكيم ..! حاط يدوو على جنبوو و قالب وجهوو من عليها كيسووط و يزفر النفس .. مريض و زاد كمل بالأعصاب ..! و غير كيتخيل المشهد فبالوو كتشعل فيه حرااايقة ..! كن قالتها لوو هو فوجهوو ما غتبقاش فيه كتطلع و تهبط كيفما دابا ..! تهضر فظهرو و عليه بديك الطريقة قلة احترام كبيييرة ما تسرطاتش لوو و ما غتسرطش ..! و كن جات فغيرها كان غيكون عندو تصرف ثااااني ..!
عيات تبرر و تهضر و هو كيسمع فصمت .. واخا تكون كتضحك ما تجبدهمش ..! علاه فوقاش كان السبان ديال الموتى ضحك ..! زفر النفس بقوة من صدرو كيبرد فراسوو بزز منوو ..!
شريفة:( بحزن ) على هاذشي قلبتي وجهك ؟ و كريمة ..!
حكيم:( هز حاجبوو و قال ) نهار نقلبوو ما غتعرفي ليه طريق .. و ما غتلقاينيش واقف حداك كنهضر معاك ..! ( مسح على وجهوو و غمض عينيه لمدة و رجع شاف فيها ) كنت فالطبيب ناعس فالانعاش ( باستهزاء ) ها فين كنت غابر ..!
شريفة:( ردات بخووف و استغراب .. مقربة جهتوو و حاطة يديها على صدرو ..! ) الانعاااش ؟ ( تخطف وجهها ) اويييييلي ..!
حكيم:( تنهد و قال ) صافي دابا .. نقزناها ..!
شريفة:( زادت كتقلب فيه بلهفة و خوف ) و علاش حتى واحد من خووتك ما عيط عليا ( بقهرة زادوو طاحوو دموعها ) علاش ملاك و عدنان ما ردوش عليا .. مخليين كريمة ملعباني على صباعها كيف بغات و قاهراني عليك كثر و كثر ..!
حكيم:( رد بهدوء ) بعدا خلاتك تديري شي حاجة مقادة فحياتك ( قصد المسج لي خلاه يجي عندها ..! حك لحيتوو و كمل ) كريمة ما بقى رجوع بيني و بينها .. جامعانا المحكمة دابا لا غير و بنتي يلا تزادت على خير ..!
شريفة:( عقدات حجبانها حاسة بيه باغي يقول شي حاجة و متردد ..! ) علاش داك يلا تزادت على خير ؟ حكيم شنوو كاين ؟
بتنهييدة عاودلها شنوو وقع بالضبط و لكن باختصار تام مخليها كتولول و تضرب فحناكها و تبكي ..! جاتها قهرة غرييييبة و كاع ديكشي لي كانت جامعاه فقلبها خواتوو عليه فدموعها ..! تا بدا هو كيسكتها و يعنقها لعندوو ..!
حكيم:( بهدوء كيشوف فعينيها و يمسح دموعها ..! ) ديري عقلك و خلينا طرونكيل ما بقيتش قادر على هاذ الصداع و المشاكيل ..! ( تبسم من نظراتها الحنينة ليه و هدوئها الطاغي ..! ) توحشتك ..!
شريفة:( بدلع و التزنيكة د البكى جايا معاها كثر و كثر ..! ) كن تشووف أنا ..!
سكت و سكتات .. كيشوف ففمها لي بحال العسل و هو مشدود و هي كترمش فيه بثقالة ..! حتى زيرها لعندو .. بلهفة كيبوس فيها .. ترخاتلوو باستسلام .. مشاعرهم متكحمة فيهم .. صوت المصاان لي كيتسمع فالصالة .. فاتحة فمها كترد النفس بالجهد .. كتلهث و لسانها كينقط بالشه٠وة .. و حكيم كيم٠ص فيه و يعاود .. هابط مع عنقها بالبووسان تا زيرها بعضة فالعصبة حتى غوتات برقة و دلع " احححح " و رجع باسها تحت وذنيها مخليها كتتلوى فبلاصتها ..!
الفراق لي دازو منوو .. الحنين لبعضياتهم و المشاعر ديالهم فهاذ اللحظة .. تحكمات فيهم حتى وقف و جرها معاه لبيتها .. شد الباب و دفعها على الناموسية .. العقل طافي و الغري٠زة هي لي حاضرة فهاذ اللحظة .. هو باغيها و هي باغياه .. كتدوز بظفارها على عنقوو من لوور حتى كتزيد تشعلوو كثر و كثر .. هابط مع عنقها و حلقها كيب٠وس و يم٠ص فيه .. و يديه كيطلعوو فالقميص ..!
***************************
أظهرت له تفاحتين كبرتقال..
تابَ عن التمنع وفي رحيقها ذاب..
التفاح ُ لادم اغراء وثواب ..
نزعوا كبتاً وثياب ..
عصفت بهم الموجة وشرّعت الابواب..
وشوشةٌ واذنان..
همساتُ قلبٍ وخفقان..
صمتٌ.. قبلاتٌ ولسان..
لذةٌ تنطقُ بأناملٍ وافتنان..
فتنةٌ في سحرِ الجفونِ تخدّرُ لها العيون..
يتوهُ منكَ الحب ويتلعثم الشوق..
عناقكَ تمردٌ وأشدُّ طوق..
أهآتٍ..آنات..رعدٌ يهربُ من برق..
*******
تفتح الباب و دخلات أسية .. بسروال بوي فراند فلون الدجين و تيشورط فالاخضر مشبك من الكتاف و هابط حد المرفق ..! عويناتها عسليين و الكحولية د الماسكارا مبيناهم كثر ..! زعييعرة و زينها حلييلوو .. كتبان فيها مهدنة و راقية ماشي من نوع لي تخالط اي واحد ..!
شافت فالصالة فين مشعول الضوو محطوطة السينية و البلاطوو د الدواز أتاي ..! جوج كيسان مشروب منهم و طباسل صغار فيهم الحلوة ..! التيليفون د حكيم منزل فوق الفوطوي هو و الكونطاك د الطونوبيل ..!
عقدات حجبانها باستغراب ..! عييات و ملات فالخرجو مع البنات لي تعرفات عليهم مؤخرا ..! جاتها الخرجة كاملة مملة و فالصوو .. و رجعات بحالها تجلس مع شريفة و لا يخرجوو هما بجوج نيت ..!
زادت استغربات فاش سمعات صوت شريفة طالع من البيت .. لكن ما كانش صوت عادي ..! صوت حنيييين و رقيق فيه بزااف من الصبر .. الدلع و الرقة و الشهههههوة ..! يالاه حطات يديها على البوانيي تفتح الباب تراجعات و خشات عينيها فالثقبة ديال الساروت .. كتبركك ..!
توسع البؤبؤ ديال عينيها .. و هي كتشوف حكيم عاطيها بالظهر طالع فوق شريفة ..! مغطي نصوو و ليزار مليوح على فخاض شريفة و طايح فالجناب .. مزيرة عليه بيديها هو و الفراش ..! صوتها مسمووع كتتأوه ..! و هو خاشي وجهوو فصدرها ..!
مغطيها بفصلاتوو و صدرو العريض و مغطي حتى الشوفة على اسية .. بغات تعرفوو شنوو كيدير فصدرها و ما بانلهاش ؟ عمرها عرفات العلاقة كي كتكون او تخيلاتها فبالها .. عقلها بريئ لدرجة ما كتخيلش .. عند بالها الصدر كيصلاح للرضاعة د الدراري الصغار لا غير ..!
رجعات شافت فيهم فاش تسمعات ضحكة من شريفة و فالبلاصة هز حكيم عينوو فيها .. كيهضر بصوت خافت ما مسموعش ..! و هي كتتلوى تحتوو و كتتجاوب معاه برقة ..! وجهها مزنك و ففمها كثر ..! حممممر محقون فيه الدم .. و منفووخ بالمصاان .. و كتزيد تعض عليه و تدوز لسانها بثقالة على شفايفها ..!
تبسمات أسية بلا حس من شكلهم فالفراش .. عجبووها و ما تخيلاتهمش يكونوو فهاذ الانسجام .. الطريقة لي دايرة فيها شريفة رجل على رجل طالقة زينها عليه و مخلياه يتفتن بيها كثر و كثر .. حركاتها و دلعها ..! هو كيفاش كيدوز يديه عليها و يحركها على هواه ..! مرة يضحك معاها و مرة يوقف يهز عينيها فيه و يهضر معاها ..! مرات يبوسها فعنقها و يحك لحيتوو مع لحمها حتى كتكمشوو كتهر و تطلقها بضحكة حلوة .. و هو هاااادي و راشقة ليه عليها ..!
سخنها و ما قدراتش تبعد عليه وا لا هو يبعد عليها ..! حركاتوو ثقااال معاها .. واخذ وقتوو فأي حاجة دارها .. مخليها تذووب بين يديه .. و تا اسية تذوب من شوفتهم هكاك ..!
تا بانلها هابط مع كرشها بالبوسان و المصان مخليها غتهبل و صوت رقييق كيخرج من فمها ..! حاولات تقلدوو اسية و تتعوج بحال شريفة و ما قدراتش ..! ضربات جبهتها و ضحكات على راسها حتى شبعات .. عاد رجعات كتبركك بعينيها ..!
لقاتوو وصل لرجليها لتحت و هزها عندو .. كيضحك بثقالة و يهضر بصوت كسلاااان .. بزز كيتسمع منوو لبرا همهمات ..! باسها فرجليها مرة و جوج .. تا تزنكات اسية لي كتفرج و عينيها زادوو خرجوو فيهم مصدومة ..! و حكيم كيمصمص فصباع رجليين شريفة بحركات بطيييئة .. عارف شنوو كيدير و عارف نقط ضعف المرأة ..! حركاتوو قتلوو شريفة و حركوو فيها الغر٠يزة كثر ما هي محركة .. كتزيد تتجاوب معاه و تحرك رجليها بالشوية معاوناه و كتقربلوو صباعها كثر و كثر ..! صوتها طالع فالسما و عينيها مقلوبين كترمش بثقالة .. عاضة على شنافتها التحتية ما باغاش تغوت كثر من هاكا ..!
لكن أسية لي كانت على بوونت و هي تغوت .. منين كمل من رجليها و طلع معاها ببطئ كيحرك نيفوو بتحذير و يوزع عضيضات خفاف على فخاضها ..! تا هبطلها السليب و لاحوو موراه .. و هزلها رجليها .. واقف على ركابيه كيهضر معاها هاز حاجبوو و قهقهة خفيفة مسموعة منوو ..! وسعلها بيناتهم و هبط لعندها ..! مخلي شريفة كتحرك راسها بالنفي و هو غارق فيها ..! شادلها رجليها لي فشلوو عليها و رخاتهم ليه ..! الدمووع هبطولها من جناب عينيها .. قلبها كيضرررب بالجهد كتحس بيه غيسكت لها .. و هو غير ما زايد لها فيه ..! كلها كترججججف و تدمع .. بغاااات تشلل ليه تمااا .. كتعصصصصر و وجهها حممممر .. صوتها داير حاااالة ما بقاتش عاقلة على راسها .. غير كتلهث و تحبسوو بصوت حنييييين ..!
وجهها تزنك من المناظر لي كتشوف ..! سخنات و احساس غريب جاها فهاذ اللحظة و هي كتشوف فيهم .. حتى النفس ديالها بدا كيطلع ثقيييل و كتسرط فريقها ..! و مع هز راسوو ضرب شريفة لجنبها تا تهزات و جاوباتوو على هضرتوو لي ما تسمع منها والوو ..! كتحرك راسها بلا عاضة على فمها و كلها كثلهث عرقانة و حاسة براحة غريييبة ..!
نفس الراحة حسات بيها أسية عند بالها كملوو ..! ما جات فين ترمش بعينيها .. تا لقاتوو قلبها على كرشها و ضربها لهاذيك لي كتترعد موراها .. تا حمرها لها و طلع فوق منها كيبوس فظهرها و يهضر فوذنيها ..!
تصدمات و ما قدراتش تزيد تشوف فيهم شنوو كيديرو .. جلسات فالفوطوي فين كان جالس حكيم .. كترجف و يديها على فمها ..! و فالبيت لداخل عايشيين الساعة و مستمتعين بكل حاجة فاجسام بعضياتهم ..! تا شريفة ما خلات فيه غير لي نسات و جهدها خرجاتوو فيه ..! مطراسية لوو صدرو و عنقوو ..!
الوقت كيدوز و أسية مترددة ترجع تطل و لا تمشي لبيتها لي كاين فالجهة الثانية من الكولوار لهيه ..! و حتى نوات تدخل بحالها .. سمعات غوتة من شريفة و هاذ المرة باينة فنبرة صوتها بلي محرقة و مألمة ..! و بفضول كبير رجعات طلات ... كيبانلها كالعادة ظهرو و نصوو مغطي و رجلين شريفة فوق كتافوو و شوية من فخاضها لي باين عريان ..!
حاط يديه على فخاضها كيطبطب عليهم و كيزيد يزير بيديه على لحمها و يختارقها و هي كتغوت عينيها مدمعين ..! عاطيها الخاطر .. مرة يحك على يديها .. مرة يبوسها ففمها و صدرها .. مرة يهضر معاها و يلعب بنيفوو مع نيفها .. حتى تمات العملية بنجاح ..!
مرخي و مفتوون بيها فالفراش .. زادت غرقاتوو فيها كثر و كثر .. تا غمس للحد ..! حاس براسوو يالاه كيديفيرجيها اول مرة ..! عملية تضييق المهبل و البرودويات لي كتغسل بيهم خلاوها تجمممع بحال يلا مخيطينها خيااااطة .. لدرجة هي عينيها خرجوو معاه .. كتحس بليباري كيتكوها فعينيها بالحريق .. لي ما حساتوش تا مع إلياس فاش اغتا٠٠صبها ..!
لكن الحريق مع الوقت رجع لذة من نوع ثاني ... كتبوس فصدرو و تقربوو ليها كثر و كثر .. بلهفة و جووع باغى تاكلوو ماكلة ..! هالة من المشاعر غارقين فيها للجذر .. تا وحوحات بصوت عالي رقيق و دلووع و ترخات فبلاصتها كترد النفس بقوة ..! و تبعها هو بعد مدة من الزمن .. كيهمهم بصوت ثقييل و هو كيخوي فيها لداخل حتى كمل و طاح عليها عينيه مجبدين و مبسميين ..!
حيدلها الشعر لي لسق على وجهها من العرق و هي كتشوف فعينيه مغطية صدرها بليزار .. و بصوت خافت قالت ..!
شريفة: اييييي نووض عليا خنقتيييني .. ما بقيتش قادرة نتنفس ..!
تكى على ظهرو و جرها طاحت على صدرو المزغب لي حوالوو عينيها بيه فالمعاشرة ..! غير الشوفة فيه سخناتها بلا ما يقرب منها كاع .. واخا ضعاااااف على لي كان و طيح صحتوو ..!
و بصوت كسلان رد بمكر كيضحك راشقة ليه عليها .. كيلعب فشعرها القصير كيرجعوو مور وذنيها ..!
حكيم: هاذشي كامل و باقى مخنوقة ؟ ( شافت فيه و ضحك غامزها بثقالة ) نرجع نسرحك من جديد ؟
شريفة:( غلباتها الضحكة و ضرباتوو لصدرو مخرجة عينيها فيه و وجهها مززززنك ..! ) حكيييم ..!
حكيم؛( تبسم و قال شاد يدييها ) ننفسك ا الغزالة ؟
شريفة:( عضات على فمها شحال و فلخر طلقاتها بضحكة فالسما و تخشات فيه فرحانة ..! ) ههههههههه انموووت ( رمشات و هزات عينيها فيه ) سولوو السم باش كتقتل .. قالهم بالثقالة .. ا سي حكيم .. يخليلي الناس الثقال ..!
حكيم:( هز حاجبوو فيها و قال ) ياك بعدا ..! ( لعب بلسانوو ففموو و كمل ) شكوون أنا ؟ حكيم ؟
شريفة:( سكات كتضور فعينيها عارفاه شنوو قاصد ..! طلعات معاها الصهدة و هو كيشوف فيها تا خشات راسها فعنقوو و قالت بصوت حنين دلووع ..! ) سبع بوو بطااااين ..!
قهقه بالجهد تا زادت خشات وجهها فيه و عضاتوو فعنقوو .. باش يسكت ..! و فنفس الوقت شدات أسية البيت عليها كتولول و كتخيل كن حصلها شي واحد فيهم ..!
رد عليها بصوت ناااعس .. جاياه واحد النعسة حلوووة من بعد العلاقة ..! كيدوز يديه ببطئ على شعرها كيهضر معاها و هي كترد عليه بهدوء ..!
حكيم: ضعافيتي بزااف ا شريفة ..! شفت قبيلة فخاضك و يديك زورق ...؟؟
شريفة:( ردات بتنهيدة جامعة ليزار على صدرها و متكية عليه ) ماشي غير ضعافيت كنت كنمووت يالاه دابا بديت نرد صحتي شوية .. ولات الخدمة عندي بحال البلية غير باش نتناسى و ما نبقاش بوحدي نحماق ..!
شريفة:( ردات بضحكة ) كتسلم عليك قالت لك توحشاتك ..! ( جمعات الضحكة و كملات ) بزز مني نقطعها .. جمعت القراعي و الكارو كامل لي عندي فالدار و عطيتوو لولاد الدرب .. منها نتهنى منهم ما يبقاوش قبالت عيني و منها نلقى الحمية أنا و أسية و تا حد ما يقرب مننا .. راك عارف ولاد سلا ..!
حكيم:( رد باختصار ) مزيااااان ..!
شريفة:( ما عرفاتوو كيتحلف و لا كيهضر عادي ..! حركات راسها و كملات ) ما عرفتهم غيبيعوهم و لا يخليوهم عندهم حتى يفوت رمضان و لكن فجميع الحالات تستنفعوو بيهم و رجعوو غير كيشوفوني كيحنييو العين ما كاين غير ختي شريفة ختي شريفة و الاحترام بيناتنا .. و تانا مرة مرة كنضور معاهم ما كننساهمش ..!
حكيم:( دوز صبعوو على ذراعها و قال ) و لحمك ؟
شريفة:( شافت فيه شحال و قالت ) ضعافيت حيت ما كنتش كناكل و زادت عليا القطعة .. تال هاذ السيمانة اللخرى عاد تفتحات ليا الشهية و زدت فالوزن شوية .. و لحمي زرق حيث ما كنقدرش نصبر و كتجيني حالة خايبة ( تنهدات بقوة ) كنلقاه غير هو نبرد فيه سمي ..! مسكين هاذ الشهر كلى معايا الدق .. قهرتوو بالعضان و القريص .. و واخا هكاك صعييب عليا الحال .. كنحس بعقلي غيخرج من بلاصتوو .. كنتعصب بزاف على اقل حاجة و عاد الرجفة و السخاين و حريق الراس و زيد و زيد .. مي ديكشي بدا كينقص على لي كان كوميم ..!
حكيم:( تبسم و تقلب عليها باسها فشفايفها .. بوسة كتنقط بالعسل ..! غير تكة فالشفايف ..! و بكسل قال مبدل الموضوع ) سمك مشى لي أنا اللول فالعروق ..! ( دوز بابهاموو على شنافتها التحتية تا رجفات ..! ) شنوو دوايا ا مدام ؟
شريفة:( ضحكات و قالت بهمس مصغرة عينيها فيه ) ما كاينش ..! هاكا غتبقى حياتك كاملة .. هاذي شريفة و أجرك على الله ما عندك عليها فكاك ..!
حكيم:( رد بهدوء ) و أنا راضي و قابل نبقى حياتي كاملة هاكا يلا كنتي نتي معايا ..! ( شد فيديها باسها و كمل ) شنوو قلتي ؟ كنظن جا الوقت لي نوفي فيه بوعدي ليك .. و تولي مدام أمغار بالطابع ( غمزها )
شريفة:( تفعفعات و عينيها زادو توسعوو كثر ما هما كبار و مجبديين كيفتنوو ..! )
حكيم:( قال و هو كيشوف فسحر عينيها ..! ) سم الظباء ..!
شريفة:( قالت بصدمة و احساس غريب تملكها فهاذ اللحظة من هضرتوو ..! ) بغيتي ااء ..!!! كتطلبني للزواج ا حكيم و لا جابلي الله ..!
حكيم:( رد بهدوء هاز حاجبوو ) شنوو بانلك نتي ..! يهديك الله علينا و تخلينا نسنييو داك الورقة خلاص ..!
شريفة:( زادت زيرات ليزار عليها و قالت بضياع ) أناااا ..!! فففف حكييم مااا يمكنش أنا ما باااغاااش
عقد حكيم حجبانوو فيها .. و كملات هي تالفة ما عارفاش منين تبدا الهضرة و كيفاش توصل فكرتها بلا ما يكفر عليها ..!
شريفة: فففف داااابا
حكيم:( تقاد حتى هو فالجلسة و قال بنفاذ صبر ) غتبقاي ترعدي عليا هنا ؟ هضري مقاد من التقل** الخاوي ..!
تنهدات بقوة و بابتسامة خفيفة شدات فيديه تا رخاها لها .. جراتها عندها مزيرة عليه بجوج يدين ..! عينيها مرة عليه و مرة فيديه ..!
شريفة: سمعني حتال للخر ا حكيم و ما تقاطعنيش يلا كنت عزيزة عليك ..!
حكيم:( زفر النفس و قال ) طلقينا ..!
شافت فيه بنص عين حاساه بحال القنبولة قدامها ..! فأي لحظة يتفركع فوجهها .. بهدوء طبطبات على يديه و قالت مرتاحة فالهضرة .. بصوت حنيييين كتحسوو طالع من قاع قلبها ..!
شريفة: حكيم يا حكيم ..! ( تنهدات كترمش عينيها فيه ) قلتي جيتي عندي باش نشوف فعينيك و انا كنقول كنبغيك و عمري نكون لغيرك ..! ( ضرباتوو لكتفوو و بابتسامة هاااادئة كملات ) سمعتي الاوديوو و باقي عاد كتسولني واش قابلة ؟
حكيم:( رد عاقد حجبانوو ) و مالنا على هاذ الخصايل لي ولاو فيك ..! ما يمكنش و ما باغاش ..!
شريفة:( قاطعاتوو ) دابا خليني نهضر و باركة من الاعصاب على والوو ..! ( قلبات وجهها للجنب لمدة و رجعات قالت ) ما يمكنش نكمل حياتي مع شي واحد من غيرك .. و ما يمكنش نفتح قلبي لغيرك .. و ما يمكنش نشوف فراجل من بعدك ..! و فنفس الوقت ما باغاش ..! ما باغاش نكون بحال كاع العيالات لي كنشوفهم .. أنا ما تخلقتش للدار .. ما باغاش نكون بحال شي بلاطوو عزيز شاريه و حاطوو قدامك فرحان بيه و لكن ما كتخدموش فخطرة ..! لدابا كنحسك بير غاااارق صعييب نوصل للحد ديالوو ..! ما باغاش ا حكيم نعيش تحت جناحك .. باغى يكون انا فيدي جناح و نتا جناح و نطيرو بجوج .. ما باغاش نعرف خبارك من البراني و ما باغاش نبقى نتقاتل باش نقرا عينيك .. ما باغاش واحد النهار نفيق و نلقاك بعييييد عليا واخا حنا بجوج عايشين تحت نفس السقف ..! ما باغاش نكون مراة ديال الدار .. لي تخليها فكوزينتها و تخرج مع صحابك و خوتك تزهى ..! باغى نعيشوو حياتنا بجوج .. نزهاو بجوج .. نخرجوو بجوج .. نسافرو بجوج و نطيرو بجوج ..! خدمتك صعيبة و عارفة كتتعصب معاها بزاف و ما كترتاحش ..! حاسة بيك و لكن ما باغاش مشاكل الخدمة يجييو معاك تال للدار .. ما باغاكش تمرض و تمرضني تا انا بشي حاجة بعيدة علينا ..! ما باغاكش غير حيث غتكون راجلي تتدخل فيا و تتحكم فشي حوايج بعاد عليك .. بجوجنا مساويين نتا عندك عقل و انا عندي عقل .. ما باغاش واحد النهار تحطني قدام الأمر الواقع و تخليني نحني الراس بزز مني لشي حاجة انا ما باغاهاش ( هزات حاجبها فيه بتبسيمة مسمومة ) نقدر نصدمك كيفما صدمتيني ..!
حكيم:( بهدوء ) زيدي ..!
شريفة: لي بيني و بينك راه بيني و بينك .. حتى حد ما غيعرفوو .. و لي نتا ما عارفوش ما تظلمنيش فيه .. لي كيتقال فظهري ما عندي علم بيه و لكن لي نتا غتقولوو فوجهي و تواجهنني بيه .. اكيد غنشرحولك .. غير باش نتظلم هاذي لي ما نقبلهاش ..! كيفما ما نقبلش تدير شي حاجة بلا خباري و ما تشركنيش فيها تا نعرف بحالي بحال كلشي .. و كيفما ما نقبلش يجي شي نهار و تلوحني من بعد ما شبعتي و بانلك فالجديد ..! ( بهدوء ) هاذو ماشي فعايلك و لكن من اللول كلشي يتحط فوق الطبلة ..! ( بحدة ) ماشي شريفة لي تضرب بمرا اخرى .. نقدر نسرط شحال من حاجة و ندوزها .. و لكن الخيانة ا حكيم .. و كيفما كانت تكون .. نق٠٠تل عليها و ما تبردش خاطري .. نبكيك نتا وياها و نشرب من دمكم .. عاد نبكي فوق قبرك ..!
حكيم:( ضحك باستهزاء و حك حاجبوو .. كيحركوو بثقالة بمعنى زيدي كملي ..! )
شريفة: و كيفما عليك راه عليا حتى انا .. منك مني ..! و نهار تلقاني خنتك واخا غير بالهضرة .. قتلني و دير فيا لي عجبك .. ما تسمع مني لا احح و لا أي ..! من غير هاذشي نهار تحط يديك فيا و تردني مزوقة بالضرب عرف هذاك النهار اللخر بيناتنا ..! ما قابلاش و ما باغاش نكون من العيالات لي كياكلوو قتلة فالفطور و قتلة مع العشا و تقولك زماني مسكين معصب و انا درت علاش ( عوجات وجهها ) نتقيى على وجهها هي و ياه .. يلا درت شي حاجة غتجرني من يدي و نجلسوو فوق الطبلة و تقولي ا بنت الناس هاذشي لي درتي ما كيدارش و العيب و العار يلا ما تناقشناش بالهداوة و طلبت منك السماحة يلا كنت غالطة فحقك ..!
حكيم:( لعب بلسانوو ففموو و قال كيحرك عينيه ببرود جهتها ..! ) كملي و خوي شنوو عندك ..!
شريفة:( سكتات شحااااال و عاد قالت ) و ما باغاش نولد ..!
حكيم:( تبسم ببرود .. تبسيمة ما فيهاش الروح كتخلع .. حيث باين شنوو جاي من موراها ..! ) هه ..! القوا** بعينيها ..!
زيرات على يديه لي باقى عندها .. باش يخليها تهضر و تا هو حرك عينيه بخوذي رااااحتك .. هضري من هنا للغذا ما كاين لي يحبسك .. هانتي على خاطر خاطرك ..!
شريفة: ماشي أي مراة فهاذ الدنيا .. راه مغروس فيها غريزة الامومة .. كاينين لي ما باغيينش و ما معتارفينش بشي حاجة سميتها الأمومة من الأصل .. بحالي ..! و لكن ما قادرينش يهضرو .. حيث المجتمع و القيل و القال ديال بنادم ما غاديش يعطيهم التيساع .. اما أنا ( باستهزاء ) طووز فيهم هما و هضرتهم ..!
حكيم:( حرك حاجبوو و بهدوء قال غادي معاها دقة دقة .. ما دام جبدات هاذ الموضوع ..! ) واخا ..! قنعيني بلي ما عندكش هاذ الغريزة لي كتهضري عليها و هانا معاك فلي قلتيها ..!
شريفة: نقنعك واخا علاش لي ما نقنعك .. بحالنا بحال بزاااف د لي كوبل و كاينين على الجهد فهاذ الوقت .. كيتافقوو من الديبار ما باغيينش يولدو فخطرة و ما عندهمش فكرة يجيبوو ولاد لهاذ الدنيا .. يلا كانوو غيولدوهم غير باش يعذبوهم ..!
حكيم:( ببرود و ملامح هادئة ) يالاه فازي ..!
شريفة: كن كانوو كاع العيالات عندهم غريزة .. ما غتلقاش أم كتهز معلقة كتسخنها حتى كتولي كتشوط و تحرق بيها بنتها و لا تهد عليها و تدير راسها باغى تشويها بيها غير فكوها منها بزز ..! ما غتلقاش وحدة كتهز موس و تبغي تقطع لسان بنتها غير حيث هضرات قدام الجارة .. و لا تعطيها الحار تا تشوطلها فمها و هي كتفرج فيها كتهز و تحط و تتشمت فيها على اساس غتفهمها ..! ما غتلقاش ولاد فالزنقة ما كيعرفوش دارهم فين جات غير فوقت الماكلة و النعاس و مادا بيها امهم تتهنى منهم غير يدرقوو عليها زلايفهم ..! ما غتلقاش واليدين ما عارفينش حتى ولادهم شحال فعمرهم و فين كيقراو .. كيعرفوو غير يتبعولهم الدعاوي فالدخلة و الخرجة قدام كلشي ..! ( بهدوء و عينين مدمعين حانياهم ..! ) حط الطونوبيل و سير بين الدروبة على رجليك و غتعرف علاياش كنهضر ..! عيالات ما عندهمش شوية غير شوية من الامومة فقلبهم .. كيخرجوو حرهم و كينتاقموو من ولادهم غير هكاك .. داك الولاد لي منهم بنات و امهات المستقبل ... كيطلعوو معقديييين لدرجة ما كتخيلش و تا هما كيلقاو ولادهم يجربوو فيهم ديكشي لي عاشووه و هي غادية ..! حتى كنلقاو جيل كااامل كابر معقد و مرييييض .. و الاصل د المشكل منين جاي ؟ ناس جاهلة كيشوفوو المراة بحال شي ماكينة ديال الولاد و يلا مشات حتى قالت ما باغاش نولد .. بحال يلا كفرات عندهم .. ما يكرهوش يرجمووها باش تنقارض و ما تعديش غيرها ( باستهزاء ) فيها الجربة مسكينة و هما لي الجربة معششة فعقولهم و كيشوفوو حد نيفهم عمرهم يزيدو فحياتهم ..! و هاذشي ماشي غير فالمغرب و عند العرب .. لا حتى برا .. يلا كنتي كتهز تيليفون و تقلب فاليوتيب يبانوولك فيديوات ديال ميريكانيات يابانيات كنديات و زيد و زيد .. مربيات .. كيضربوو ولاد الناس تا كيلسق راسهم مع الحيط غير حيث صدعوهم .. كيهزو ماكلتهم و يقلييو السم لدراري صغار و يخليوهم بالجوع و هما كيتهزو و يتحطوو قدامهم عقلهم غيخرج .. و كاين لي مشى بعيد كاع .. كتدخلوو لطواليط تنقيلوو بالعصا و توكلوو زبلوو ..! ( بتنهيدة ) هاذو عندهم شي أمومة ؟ و داك الواليدين لي ثايقين فيهم و كيمشييو للخدمة و يخلييو لهم ولادهم .. كن ما جا لبالهم يشوفوو الكاميرات غيجي واحد النهار يلقاو ولادهم ماتوو ولا وقعاتلهم شي كارثة ..!
حكيم:( تسناها تزيد تهضر و منين سكتات .. مد يديه .. هز البوكسور تا ضورات وجهها لبسوو و رجع تكى مخليلها ليزار ملوية فيه .. و باين من ملامحوو غيدخل معاها فنقاش ..! ) ما قنعتينيش ..!
حكيم:( حرك يديه بهدوء كيشرحلها ..! ) فبلاصة ما تقنعيني بلي نتي ما عندكش غريزة الأمومة ..! ( هز حاجبوو فيها بجدية ) و حيث متأكدة ما غتقدريش تقنعيني .. حيث نتي نيت ما ممقتانعاش بالفكرة من الأصل .. ضربتي ضورة كبييييرة جابدالي ناس بعاااد ..! ( شير بصبعوو لجهتها ..! ) هضرت عليك نتي .. خليك فيك نتي ..!
رمشات شريفة عينيها كتشوف فيه ساكتة ..! ما عرفاتش شنوو تقول و لا منين تبدا ..! غلبها فهاذ اللحظة و من ملامحوو الجدية و عينيه المفتوحين على وسعهم فيها .. متأكدة الحذيث جدي لأقصى حد بالنسبة ليه ..!
حكيم:( حرك راسوو بالايجاب و قال ) كيفاش غتقنعيني و نتي كتهضري على هاذ الدراري و لا نقولوو كتهضري على راسك و عينيك مدمعين ..! ( هز حاجبوو فيها و حركوو لجهة المرايا ) نوضي شوفي وجهك كي رجع و اجي دخلي لعقلي بلي هاذ السيدة لي قدامي غتدير هاذشي كامل فولادها و هي غير كتعاود عليه و كترجف فأرضها ..!
شريفة: حكيم ..!
حكيم: شششش ..! قنعيني بلي السيدة نفسها لي بكات على الزهرات فآخر المخيم و لي نفسهم كانوو كيعيطولها ماما .. و ما قدراتش تضرهم تا بالهضرة .. غتخرج جهدها فولادها ..! ( باستهزاء ) ولاد الناس عاطياهم الخاطر و فرحانة بيهم و ولادك ما غتقدريش تحسي بيهم و غتعقديهم ..!!!! ( رفع صوتوو بحدة ) علاااامن كضحكي ؟ عليا أنااا ؟؟ و لا على راسك ؟؟
شريفة:( ردات بضياع و وقفات بالزربة حتى ضربها الضوو تحتها و بقات مكوانسية ما قادرة لا تزيد لا ترجع .. بحة حزينة باينة فصوتها ) ما نقدرش ا حكيم ما نقدرش ( بعصبية كملات ) ما نقدرش نولد ولد كتطلع فيه الروح و تنزل باش انا نجرب فيه و نشوف واش ديكشي لي كيصدقلي مع ولاد الناس غيصدق تا معاه ..!! ايوا و يلا ما صدقاتش ؟ شنوو نلوحوو هاذ الولد للزبالة ..!!!
خرجات عينيها فيه معصبة .. تا ضحك ضحكة زادت فقصاتها .. و لكن غير هضر فهمات علاش ضحك ..!
حكيم: خرجان العقل هذا ياك ؟؟؟ ما كتخيليش راسك لايحاه و غير هاذشي كينرفزك ..!!!! من دابا كتحكي عليه و هو ما كاينش .. فما بالك فاش يكون بصح ..! ( تمشى لعندها حتى زير على كتافها تشوف فيه و فنظراتوو الصارمة ..! ) نتي مشكلتك ماشي ما باغياش ..! باغى و كتفكري فهاذ السيجي بزاااف .. خايفة ما تعرفيش تتعاملي معاهم ... ماشي ما تحسيش بيهم و ما تكونيش ام ..!
شريفة:( عوجات راسها و هزات كتافها .. عينيها كيلمعوو بطبقة خفيفة من الدموع ..! ) اسية كبرت انا و ياها .. ما كنتش امها و ما كنحملش نسمع هاذ الكلمة من فمها اصلا ..! عشنا أنا و ياها نفس الظروف غير الفرق هي عطيتها الحاجة الزوينة و شافت الدنيا موردة .. و أنا خذيت الظلاااام ..! تخشيت فالعافية و تحرقت باش هي تشوف الضوو ..! غتقولي هاذ التضحية كاملة ماشي امومة غنقولك .. اسية علاقاتنا كانت بادية من قبل .. ماشي عاد بديتها معاها من زيرو فداك الايام ..!
حكيم:( حرك عينيه بتفهم و هي كتشوف فيه بضياع ..! ) فاهمك ..! كتفكري كيفاش غتتعاملي مع ولادك و هما كيكبرو .. تفششيهم و لا تغوتي عليهم .. يلا غوتي عليهم واش يكرهوك و يلا فششتيهم واش يطغاو عليك ..! تهضري معاهم بالعقل و يلا مشاو عصبوك و ضربتيهم .. واش غتولي تبانيلهم بحالك بحال كبيرة و يكرهوك ..! نتي كبيرة لي ممرضاك فهاذشي كامل .. خايفة تكوني بحالها ..! ( تنهد بقوة ) باش نبلعوو علينا هاذ الباب فخطرة ..!
شريفة: ااه ..!
حكيم: يلا ما كانش تفكيرك ليهم من دابا .. امومة .. فشنوو هي الأمومة فنظرك ؟ ( هز حاجبوو فيها ) هضرت كثر من القياس .. فاش تريحي بوحدك فكري فهضرتي و غتلقاي راسك ..! و عندك جوج د الحلول باش تتهناي فحياتك ..! ( هز صبعوو شاد فيه ) غتنساي كبيرة و داك الناس كاملين و تلوحي موراك كولشي .. غتبداي من زيرو و تنساااااي ..! ولا ( شار بصبعوو الثاني ) غتقلبي على كبيرة فينما كانت و توقفي فوجهها و الهضرة كاملة لي جامعاها فقلبك من جهتها .. غتلوحيها لها .. غتحاسبيها .. و ترجعي تكملي حياتك ..! ( زير على حناكها بيديه بجوج ) خوي ا شريفة .. خوي ..!
شريفة:( رمشات عينيها فيه و هو باقي شاد فيها ..! ) ما نقدرش ..! كبيرة عمري نسمح لها فحياتي .. ما نقدرش ننسى لي فات و ما نقدرش نرجع نتلاقاها من جديد ..!
حكيم: و شنوو الحل ؟؟ تبقاي حياتك كاملة هاكا ؟؟
شريفة:( تنهدات بقوة ) الهضرة سااااهلة ا حكيم .. نتا ما عارفش تا ربع فلي عشتوو مع كبيرة و حتى انا ما باغاش نتفكر داك الايام .. يلا آخر نهار فاش هربت حرقك .. يلا جيت نعاود ايامي كاملين ما غنساليش و ما غتقدرش نتا براسك تسمع ..!
رد بالغوات حتى قفزات أسية لي كانت ماشية للكوزينة .. تسخن ماكلتها .. خلعها و ما عرفاتش مالهم .. و فنفس الوقت ما قدراتش تمشي تطل عليهم لا تصدق حاصلة .. ماشي ديما غتسلك ..!
حكيم: ماااا عندي ما ندير بهاذ الهضرة د الز* ..! جوج كلمات ..! حتال فوقاش ؟ حتى تموتي شي نهار و نتي كتجمعي فقلبك ..!
شريفة:( بحزن قالت كتفرغ قلبها عليه و ببحة قالت ..! ) كبيرة تا هي غتكون قاسات و عندها قصة .. و يمكن تكون تعذبات فحياتها بحالي ..! عمري لمتها علاش ولداتني فالحرام .. تا هي غتكون بغات واحد النهار فحياتها و غامرات .. تا لقات راسها بوحدها و انا فيديها لحمة صغيرة ..! ( بدموع كيلمعوو فعينيها ) عمري لمتها و لكن هي لامتني على شي حاجة هي لي دايراها ..! ( ضحكات بقهرة ) تخيل حتى فاش جاتني ليغيكل اول مرة .. كليت قتلة نموت و ما ننساها .. علاش ؟ حيث جاتني ههه ..! كان خاصني نحبسها واقيلة و عمري نكبر ..! و لكن كبرت .. كبرات شريفة .. كبرااات راسها بيديها و ما وصلات للي هي فيه دابا حتى قاسات الويل .. ما وصلت لهاذ الشخصية تا تحكوو زنافري مع الارض ..! ضربت الكرفي فالميناج و فخدامي هي نفسها ما تقدرش عليهم .. و فرحانة بلي دوزتوو و بلي وصلت ليه .. و كن وقفت على لحمي نبيعوو باش نوقف على رجلي .. كنت نقولها و أنا هاااازة راسي فالسما .. تا حد ما عارف شنوو كاين فالداخل ديال بنادم من غيرو .. تا واحد ما عارف ظروف الثاني ..! ( هبطات دمعة وحيدة من عينيها و كملات ) عرفتي ا حكيم علاش هضرت الناس زايدة ناقصة عندي ؟ حيث شفت أستاذة كتخرج فالشارع و هي هازة راسها بخدمتها و هي كتتعدا على ولاد الناس فالمدارس و كتجيبها الضورة و تلحس السبابط للي دايرين عندها السوايع .. مدلولة بحال الكلب ..! شفت الفقيه لي كلشي كيطلب بركتوو و فموو ما كيخطاش منوو القرآن و سيرتوو مزيانة بين الناس .. كيلهث بجوع على لحم بنت صغيرة و نفس القرآن كيحاول يغتا٠٠صبها و هو كيقراه عليها ..! حتى ما بقاتش قادرة تسمعوو و ولا كيفكرها ديما فلي وقع ..! شفت راجل يحلفوو عليه خيرة الناس بلي الرجلة تتفرق منوو .. هو الراجل و الا فلا .. بفلوسوو و خدمتوو و منصبوو .. و هو فليل كيولي كي الشرويطة تابع الكاس و القرعة .. واخا تبول عليه ما يحس عليك ..! شفت و شفت و شفت ..! تا رجعت كنقرا بنادم بالساهل .. و لي ما شفتش وجهوو الثاني اليوم كنعرف غنشوفوو غذا ..! هضرة الناس ما كتوكلش الجوع .. و لي هضر فيك اليوم و عيب على حياتك غذا كتلقاه كيلهث موراك و يشمشم .. عل و عسى يوصل لشوية من لي وصلتي ليه ..!
حكيم:( حرك راسوو و طبطب على حنكها ) عارف الله اودي ..!
شريفة:( صغرات عينيها فيه ) و عارف علاش بغيتك نتا من دون الناس كاملين ؟ واخا كاع لي دوزتي عليا ( ضحكات كتتفكر داك الايام ) ههههه حيث وريتيني وجهك الثاني قبل ما نشوف اللول و نشبع منوو .. حيث غير عليهم و عندك بيض بيض .. كحل كحل .. على الاقل معايا ..!
حكيم:( تبسم كيلعب بلسانوو ففموو ) ما ندمتيش ؟
شريفة:( ردات بهدوء ) نندم يلا كنت بلا عقل .. يد اللور و يد القدام و انا تابعة واحد ما مطلعش تا سروالوو و فراس مالوو جوج د ريال .. نندم يلا عطيت راسي للي ما يستاهلش .. اما معاك ما نادماش .. باغاك و باغيني و عارفين راسنا شنوو كنديرو .. شنوو لي غيخليني نندم ؟
شريفة:( كملات بثقة ) كن وقعات شي حاجة بيناتنا فالوقت لي كنتي ما حاملنيش كنت غنندم و ندير فراسي شي موصيبة ..! و كن شدني شي واحد فصغري بزز مني و خرج عليا كثر ما الدنيا خارجة فيا .. كنت غنمووت فبلاصتي و بلا والوو كنت كنموت بالخلعة .. كنخاف و نعيفهم كاملين ..! و كن فقت شي نهار و لقيت الشراب وصلني للفراش مع شي حد و أنا ما عاقلاش .. تما فين غننتاحر و نموت و نندم .. من غير هاذشي ما نادماش ..! ( حركات راسها بالايجاب ) و قابلة نتزوجوو .. يلا حتى نتا قبلتي على شروطي ..!
حكيم:( غوبش فيها و تا جا يهضر و رجع حك سنانوو مع شنافتوو و ببرود قال ..! ) عقلتي على هضرتي د قبيلة ( قبل ما يدخلوو للبيت ) رجعي تمعني فيها .. تلقاي جوابك ..!
ضار للناموسية باغي ينعس .. مخليها واقفة كتشوف فيه يديها على جنبها مخرجاها من ليزار و شاداه على صدرها ..! شافتوو خشى راسوو بين المخاذ ناعس على كرشوو .. و بلا عكز عليها مشات طلعات فوق ظهرو ..! كتلعب فشعرو و عنقوو من اللور ..!
شريفة:( بضحكة ) علاش انا فهمت شنوو قلتي بعدا ؟
حكيم:( رد بصوت ثقيل فيه النعاس ) هداااي ..! شنوو ما فهمتيش ؟
شريفة:( تكات حداه على جنبها ..! ) قول شنوو فهمتي ا شريفة ..! ( هز عينوو فيها و ضحكات ..! ) لي باعك بيعوو و بالرخيص ما تسال عليه ..! ( صغرات عينيها و قالت ) هاذي على الهضرة لي سمعتي و خلاتك تنفر و تبعد ما تعاودش تسول فيا ..! ياك ؟
حكيم:( رمش فيها بمعنى ااه .. و كمل ) و لي شراك شريه و بالغالي ما تفرط فيه ..! من مور ما سمعت هضرتك و بكاك .. واخا عيني يكونوو مغمضين من جهتك ما نخليك من موراي .. نتي شارياني و أنا عمرني نفرط فيك .. واخا نعرف نزطم على الغوالي على ودك .. ابنت الناس ..!
غمزها بثقالة حتى بدات تفرنس عاجبها الحال ..! و بتفكير بدات كتحلل فهضرتوو الباقية ..!
شريفة: يلا بغيتي تحكم الغزال تبع خطاه ..! هنا قصدتيني انا بالغزال ( رمشات عينيها بدلع ناشرة زينها ) حيث انا لي عندي عيون المها .. هههه سم الظباء على قلتك ..! و يلا بغيتي تحكمني .. يعني تزيرني .. تبع خطاي ..! بمعنى غتجاوبني بنفس هضرتي ..!
حكيم:( رد ببرود ) جاي نهضر معاك و نتي كتق** عليا .. بالهضرة الخاوية ..! عمرك تقولي كلام ما فاهماهش ... ما تكونيش غير حافضة و ما فاهماش ..! ما بعتك ما خنتك ما خليتك فالحزة ..!
شريفة: بغيتي غير الكلام الموزون .. تبثي معاه ..! يعني أنا لي جبدتك و دابا نتبث مع هضرتك و نحاول نفهمها ..! ( ضحكات ) حد هنا عطييت حماري .. الباقي ما قشبلت منوو حتى لعبة ..!
حكيم:( عينيه تبسموو معاها و بهدوء كمل كيشرحلها ..! ) عيب النفس فكثرة الخطايا ..! بمعنى خيخت من نفس الأغلاط لي كيتعاودو مرة على ختها .. بسباب لسانك ..! ( هز حاجبوو فيها بنظرة خاااترة ) و لي شحال ما بقيت غنقطعوو لمك من الجذر ..!
شريفة:( ضورات عينيها ما حاملاش شوفاتوو ) وا صافي .. قلت لك ما غنبقاش نخسر الهضرة ( هزات صبع حدا فمها مدلية شنافتها ) غييير يلا بغيت نتعاير و ندابز صاااافي .. ياك ا كبيدة ..!
حكيم:( عرفها كتبهلل عليه .. و ببرود قال ) الله يعميهالك ..! ( كمل ) عيب القلب فدسان الهموم ..! هي كتخبعي فقلبك بزااايد و ما كتخرجيش لي ضارك ..! و عيب القلب فخبث النوايا .. معناها واضح ..! ( هز حاجبوو فيها ) كنتي كتعرفيني و لا حتى معاودينلك عليا .. ما غتنويهاش فيا كيفما نويتيها .. و مشيتي مع الخباثة ديال كريمة ..!
شريفة:( تنهدات و ردات ) فففف ..! ما نويتهاش فيك كنت مخلوعة و خايفة تكون واقعة لك شي حاجة ..! و لكن الغبرة لي غبرتي لا تيليفون لا خدمة لا دار لا خوتك ..! جات مع هضرة كريمة و قلت تكون جراتك بالسحر و طمساتلك العينين ..! ( ضربها ببونية لراسها تا غمضات عينيها و قالت ) ااااي ..!
حكيم:( هز حاجبوو فيها كيتسناها تحل عينيها ) منين جاتك و جاتها نمرتك ؟
شريفة:( عوجات فمها كتحك جبهتها ) قصة طوييلة .. كمل ليا و نعاودلك و نفهم منك نيت شنوو وقع معاك بالضبط ..! عرفتي حتى أحمد برادة غبر ما بقاش يعيط و لا يجي عندي للمحل فخطرة ..! واش تفكيت منوو صافي ؟
حكيم:( ببرود قال ) تفكيتي من الولد و الولد غيجر باه معاه بلا ما يحس ..! بغاو يلعبوها ولاد الق** صدقوو متوزين كيعطيوها ..!
غلباتها الضحكة كتتخيل برادة مهبطينلوو سروالوو و كيعطيها من اللور .. منظر مقزز و ضحكها فنفس الوقت .. و للحظة جاها سؤال لراسها .. واخا عارفة جوابوو و لكن بغات تسمعوو من حكيم .. و بدلال قالت
شريفة: حكييييم .. دابا نتا علاش داير هاذشي كامل على ودي ؟ ( رمشات عينيها فيه و هو كيسمعلها ) شنوو كنعني لك ..!؟
حكيم:( حك حاجبوو و ضحكة استهزاء خرجات من بين شفايفوو ..! ) ابتلاء من عند الله ..!
شريفة:( ميقات كتعوج فيه ) امم و المؤمن مصاب .. الله يكثر من ابتلائات ..! ( هزات حاجبها و قربات منوو كتفرنس تا لسقات عليه و قالت ) أنا عاااارفاك كتبغيييني ..!
حكيم:( رد كيطنز عليها .. حاط يديه على جنبها ..! ) شكون كذب عليك ؟
دلات شنافتها كتشوف فيه بتشيطين .. و هو متبسم و العيى باين من عينيه ..! تا شافتوو غينعس و قالت ..!
شريفة: تسنى كمللي عاد نعس .. راسي غيبقى يضرني ..!
حكيم:( زفر النفس و رد ) باركة من الفريع ..! ( بقى شحال كيشوف فيها تا قلب عينيه كيتفكر كمالة الهضرة ..! ) الرجال يبانوو فالشدة ماشي فالزندة ..! خيار الحباب الرجال و تكون تعرف معناهم ..! حتى هاذي ما فهمتيهاش ؟
شريفة: لا فهمتها ..! يعني الراجل ديال بصح هو لي كيبان فالشدة و الحزة و كيدير جهدو معاك ( قلبات عينيها ) كيفما درتي معايا نتا .. بمعنى ماشي رخيص و خاين كيف قلت عليك و ما خليتينيش فالوقت لي احتاجيتك ..! و كان عليا نكون كنعرفك مزيان و ما نويهاش فيك .. ما دامك من الحباب و ما شفتش معاك غير الزندة لي هي الاعصاب و الغوات .. شفت حتى فعايل الرجال الحرار و ما كاين حسن مني يعرف معنى هاذ الكلمة ..!
حكيم: همم ..! كلشي كيفوت و كل طير عندو صوت و الصنارة هي لي كتغذر الحوت ..! ( جبد يديه و ضربها لفخضها تا غوبشات فيه عاقدة حجبانها ..! ) كاع لي داز على الراس مزيان و كلشي كيفوت مع الوقت و يتنسى ..! و فالحزة كتعرف بلي كل طير عندو صوت
شريفة: بمعنى ؟
حكيم: بمعنى .. عمرك تصغر شي حد فعينيك .. حتى داك الطير الصغير كيجي وقت كيسمعك صوتوو ..! و هنا الهضرة على كريمة ..! لعباتها عليك مزيان و و سمعاتك صوتها حتى هي و شطارتها ..! ( شاف فيها ) واخا مزال كنتسنى نفهم نمرتك شنوو كتدير عندها ..!
شريفة:( ردات بملل ) وا صااافي راني كنت عطيتهالها من البلان ديال الكوميسارية و بقات كتسول فيا مرة مرة و نجبدلها لسانها باش نعرف واش كتديرلك شي حاجة .. و لكن كي دارت عرفاتني معاك هاذي لي ما تفهماتليش ..!
حك حاجبوو ببرود .. أول وحدة جات لبالوو هي ملاك .. متيقن بلي هي .. لسانها سخون و ما كتشدش الهضرة عندها فخطرة .. قال غتكون زهقاتلها قدامها بلا ما تحس ..!
طمر و ما قال والوو لا على النمرة لا على منين تفرشوو ..!
حكيم: الصنارة هي لي كتغذر الحوت ..! ( غمض عينيه و رجع فتحهم ..! ) بمعنى الدقة كتجيك غير من عند القريب و لي حاسبوو بحال نفسك ا نوارة الحدود ..!
حرك حاجبوو و عينيه بحركة عندها معنى فهماتها شريفة لي بقات ساكتة ما كتشوفش فيه .. و هنا المقصود بلي الدقة جات من عندها هي .. و من عند موو لي دار فيها الثقة و مور ظهرو دخلات كريمة تا ضربات ضربتها ..! و شريفة نفسها ضنات فيه السوء و قالت فبالها بلي غذرها من بعد ما غرقات معاه لقاع البحر .. فين غير هما بجوج و لكن هو دارها بيها و يمكن ما قدرش يغرق فيها و غير كانت كتتخيل ...! هاذشي كامل جا لبالها و عرفاتوو قاصدوو بالحرف غير من الحركة لي دار و مع رمشات عينيها كمل ..!
شريفة:( سكتات شوية كتفكر و من بعد ردات بتردد ) فهمت و ما فهمت ..! الفحل هاذي كنقولها لك نتا .. يعني قاصد راسك .. يصايد النعام .. تفكرت المثلة لي كنقولوو صياد النعام يلقاها يلقاها .. و لكن ما فهمتش شنوو العلاقة بيناتهم ؟
حكيم:( رد ببرود ) الفحل صياد النعامة لقاها ..! و طاح فالفراش .. بقى تابع النعام حتى جابها فراسوو ..!
و هنا المعنى انوو بقى تابع شريفة حتى شاف فيها لي كرهوو و واخا هكاك بقى بالوو معاها .. كيفاش النعامة يخرج منها هاذشي كامل ..! حتى لقى راسوو طاح فالحفرة لي تحفراتلوو بلا ما يحس .. و هاكا صياد النعامة لقاها ..!
حكيم: و الجايح صايد الحمام ..! هنا الهضرة على
شريفة:( قاطعاتوو من بعد ما فهمات المعنى اللول و قلعات الثاني فالسما ..! ) فاش كنكونوو معصبين و كيسولنا شي حد فين غاديين .. كنقولوو ليه للجايحة الكحلة .. يعني لشي قنت بعييد منبووذ و تا حد ما حاملوو .. و هنا قصدتي كريمة لي صدقات مطورة و صيدات الحمام و معروف على الحمام كيكون بيض و زوين .. بيض بحال قلب خالتي حبيبة و خوتك لي حرقاتهم عليك و حرقاتني حتى انا .. صدقات هي المطورة ..! الفحل طاح فالحفرة و الجايح دار المزية و وصل لديكشي لي كان باغي من اللول و زاد شعل العافية بيناتنا ..!
حكيم:( حرك راسوو برضى ..! ) و الفاهم يفهم ..!
شريفة:( كملات كتمتم بينها و بين راسها ) و الرخيص ما يجوز فيه السلام .. كن كان حكيم رخيص ما غنفتحش ليه باب داري و ندخلوو ياكل من طعامي .. السلام هو اللخر ما نقراهش عليه ..!
حكيم:( شافها سااااهية ..! طرطق يديه قدام عينيها و قال ) سيمانة و ماليين الدار يكونوو معاك ..!
شريفة:( رمشات و باستغراب قالت ) مرحبا بيهم .. و لكن ا حكيم .. واش هضرة و كلام و لا شنوو بالضبط ..! باش نوجد راسي ..!
حكيم:( حرك راسوو ) هضرة و كلام .. تتعرفوو بيناتكم .. و منها نقراو الفاتحة ( هز حاجبوو ) و نرشمووك ..!
شريفة:( ضحكات من الكلمة و تفكرات نهار قالها راشمك و كان راشمها نيت بالسمطة ..! ) يعني خطبة ..! احم و كريمة فين وصلتوو فالطلاق ؟؟
حكيم: الشهر الجاي آخر جلسة ديال الطلاق و الله يعاوننا و يعاونها ..! و من هنا لتما جمعي وراقك ندفعهم فالخدمة .. يالاه تخرجلنا الموافقة ..!
حكيم:( رد بحدة و بنبرة صوت لا نقاش فيها ..! تقلب عليها قلبة وحدة ..! ) نقصي من الفهامة و ديها فراسك ..!
رمشات عينيها مصدومة و هو رجع نعس ساكت ..! قمعها قمعة بقات تطلع و تهبط فيها حتى ناضت بزعفة جبدات حوايجها لي غتلبس و زدحات الباب د الحمام بالجهد ..! لكن ما داهاش فيها و راسوو هو اللخر ما هزوش ..!
عاض فالمخدة بصبر ..! جبهتوو بدات تعراق و السخانة باغى تطلعلوو من الحريق لي بدا يشدوو ثاني ..! المواس كيحسهم كيقطعوو فيه ..! وجع خاااايب صعيييب تصبر ليه .. خصوصا مرة على مرة و ما كاينش حل ..!
بقى هكاك كيتقطع و يتلوى فبلاصتوو بأنيين ما عالم بيه غير الله ..! و فالدوش لداخل فتحات شريفة المجر و جبدان بيلول ديال ربعة و عشرين ساعة .. سمطة طوييلة فيها حبة وحدة .. كانت مزالة لها مخبعة ..! دارتها ففمها و هزات واحد من الكيسان د الما خاويين عندها محطوطين حدا البانيوو .. عمراتوو و بلعات الدوا ..! عاد بدات تجبد فلي برودوي باش تدوش .. كتدندن بصوتها ..!
شريفة: يا واش عينيا فيه و لا منوو جونيماغ ..! يانا براسي تالف دايخ ما عارف ما نختار .. و داااي دااداي ..!
****************************************
جلسات كتنهج و تبسم مع صاحبتها .. عينيها مكحلين كالعادة بكحول بلدي سايح من الجناب .. كيجي مع لون عينيها كيفتن ..!
.....: توحشناك يا صاحبتي .. يالاه جينا البارح من عند عكوزتي و قلت و الله تا ندوز نشوفك كي بقيتي ( قربات منها و بصوت خافت ) امضرا نتي و داك الراجل ؟ درتيلوو اللحم د عبد العالي و لا ما صلاحش لك ..!
كريمة:( ردات بتنهيدة ) اللحم مشى يعgب الراجل فالركنة و يهزو لعند مولاه ا خويتي و gتلني يانا بالوجع فتحتي .. يا حتى دميييت و جاتني الفيضة الخفيفة و الحكان بغى يهبلني و اللفافط مطرطgين .. ما تهنيت يا تا طرgنا السبيطار .. الله يعز الطبة .. خرجاتلي واحد البز ديال البومادا ندهنها .. يا عاد كعدت مريحة شوية ..!
.....: الله على صحيبتي الله .. غيكون دارلك التهاب تعطلتي باش خدمتي الخدمة .. و دابا نتي شوية ؟ و راجلك و بنتك ؟ شنوو قالت لك الطبيبة ؟ اجي شحال باقي لك للولادة شفتك تنفختي ..!
كريمة: اييه دارلي الحرايgة ما شكيت عليك .. كنت سايرة نضور فموضعي كي المشوطة .. ياو دابا شوية .. الطبيبة gالت لي على شي تحاليل ياو الله ما عكبت ساليت لهم باش نgادهم ..!! باgي ليا على الزحمة نgولك شهر و نص .. نgولك شهراين هكاك .. راني gربت ..!
....: اااه وا باقي باقي .. غير بقاي تتحركي شوية باش تجيك ساهلة و تحاليلك ضروري ما تديريهم .. ما قلتيليش راجلك كي عامل دابا ؟
كريمة: gالي با بلي كعد الراس على لي كان .. و يانا علمي علمك ( ضورات عينيها و جراتها عندها ) وصلنا للطلاg و الفراg .. ما نكذبش عليك و نعود نضور عليك فالخرايف ..! يا gلبي واجعني ا خويتي و فين نلgى بحال مولا داري ..؟؟
.....: و دابا ما كاين حل فخطرة ؟ واخا غير على وجه بنتكم ..!
كريمة:( ردات بحزن ) و تgوولي واش يهز التينيفون و يرد عليا .. تا من المجرابة د عكوزتي gطعات معايا فخطرة .. ما بgى يصدgوو معاها لا حجابات لا شموع ..!
.....: و هانتي يا ختي باينة ناضت جرات على راسها و على ولدها .. حجاباتك كانوو شاديين فيها و لي قلتيها تقول ااه .. تطمسولها العينين .. نقولها و نعاودها خدمة عبد العالي ما بحالها خدمة .. بسبابوو هاني رجعت الراجل لولادو .. كن راه ممتعة بخيرو شي بنت الحرام من فعايلها ..!
كريمة: و فين ياموو عبد العالي .. كعدت نضور شحال تا لgيت وحدة خدماتلي حجابات جداد و التفرتيتة عاملة بحال الملحة .. gالتلي نلحg عليه و نلوحها على وجهوو بلا ما يعكب عليا حد .. كنتسنى غير الجلسة د الطلاg اللخرانية فاش نشوفوو ..!
ساعتين و هي غارقة فالحمام ..! خرجات مزززززنكة حناكها غيطرطقوو بالسخونية مع بيوضية لحمها ..! عينيها كيلمعوو بالفرحة لي واضحة حتى على ملامحها .. و سر غريب طايح عليها ..!
لابسة بيجامة د الحرير بسروال طويل فالكرونة و تيشورط نص كم فالابيض و الكرونة ..! جامعة شعرها ففوطة بيضة مطرزة بالذهبي .. و كلاكيطة فرجليها ..!
شافت جهة الناموسية بانلها حكيم ناعس ..! باينة فوجهوو بلي عياااان ..! خلاتوو يرتاح و بلا صوت تحنات كتجمع فالبيت و الحوايج لي مليوحين فالارض ..!
دارت ديالها فالسلة د الغسيل فالحمام .. و د حكيم طواتهم و حطاتهم فجنب الناموسية عاد خرجات من عندو شادة الباب بالحس عاضة على فمها ..! سمعات التقرقيب فالكوزينة و مشات لتما كتضور عينيها ..!
شريفة: أسية ؟؟ فوقاش جيتي ؟
أسية:( ما ضارتش عندها .. وجهها رجع حمممر و هي كتغسل مواعنها ..! ) عاد د دابا .. ك كنتي ناعسة واقيلة .. ما بغيتش نفيقك ..!
شريفة: امم ..! ( فتحات التلاجة جبدات تفاحة عضات منها و جلسات فصال امونجي لي عندها تما كتاكل و تهضر ..! ) و كي دازت الخرجة ؟ دغيا رجعتي ..!
أسية:( ضورات عينيها العسليين تالفة و حشمانة منهم بجوج .. كتقول غير غنشوف فيهم غنتفكرهم كي كانوو ..! ) ااااه ههه احم دازت ز زويينة .. عادية ..!
شريفة: مزيان ..! ( هزات راسها علاتوو معوجاه جهة يديها ..! ) باركة من الحداكة طيبتي يديك بالصابون على كاس و طبسيل ؟ هاذ الحكان كامل و باقي ما خرجوو ؟
أسية: ااا غير باش ما يبقاوش مزيتين ( شللاتهم و غسلات يديها ) صافي ..!
شريفة: اجي حدايا ا تاسانوو نهضر معاك ( شافت فيها عينيها كيلمعوو و شيراتلها للكرسي حداها .. تا جلسات أسية باينة فيها مزيرة ) مالكي ؟
أسية:( شافت فيها و رجعات حنات عينيها ) والوو ..!
شريفة: المهم ..! ( بسعادة ) تصالحت انا و حكيم .. و دارهم هاذ السيمانة غيجييو لعندنا .. نديرو خطبة صغيرة بيناتنا ..!
أسية:( قالت كتحك عنقها من لور ) ااه شفت تيليفونوو و الكونطاكط د الطونوبيل محطوطين فالصالة .. عرفتوو كاين ..!
شريفة: سي .. جا مع الغذا تغذينا و تفاهمنا فأمورنا ( تنهدات ) ضعااف بزااف و باين فيه من الداخل خااااوي .. دخل ينعس فالبيت عيان شوية ..! ( رمشات عينيها فيها ) ايوا شنوو قلتي على الخطبة ؟ و هزي وجهك فيا معامن أنا كنهضر ..!!
أسية:( هزات راسها و غير شافت فيها شريفة وقفات كتفتف .. بحال يلا غتحصلها غير من عينيها ) شنوو غنقول حياتك هاذي ديري فيها لي عجبك ..! راسي كيحرقني بغيت نتكى ..!
بالزربة تخطات شريفة كتخف رجليها و مع جات تشد الباب لقات شريفة واقفة كتشوف فيها مخرجة عينيها ..!
شريفة: مالكي نتي هاذ النهار ياك لباس ؟ معامن أنا كنهضر ا لالة مع الحيط ؟
أسية: ما تغوتيش غتفيقيه و هو عيان ..!
شريفة:( غززات سنانها و جراتها من ذراعها لعندها ) نهضر معاك هزي راسك فيا و جاوبي كي الناس .. مالنا على هاذ قلة الترابي ...!
أسية: ما مالي والوو .. راسي كيحرقني ما قادراش نهضر و صافي علاش مكبرة الموضوع ..!
شريفة: دابا أنا لي مكبرة الموضوع ؟؟ ( هزات حاجبها و بنبرة صوت فيها احباط ) أسيييية .. واش ما بغيتينيش نتزوج بحكيم ؟ ياك نتي لي ديما كتسناي هاذ النهار .. شنوو وقع دابا ؟ بقى فيك الحال ؟ ( حكات يديها مع ذراعها و جراتها لعندها باست راسها و خشاتها فيها ) واش انا نقدر نفرط فيك ؟ نتي معايا فينما كنت .. المشيشة و القطيطة ديالي ... تاسانوو الغزالة ..!
أسية:( ردات بصوت باكي ) بالعكس انا فرحتلكم و كنبغيكم بجوج بزاف .. انا غير ( غلباتها البكية و زادت عنقاتها مزيرة عليها بيديها بجوج و كتشهق فصدرها بالجهد ) س سم سمحييييليييي .. سمحوووولي ..!
شريفة:( بعداتها شوية عليها عاقدة حجبانها كتمسحلها فعينيها ..! ) مالكي ا كبيدة قوليلي و بلا ما تقلقيني عليك ..! شي واحد قالك شي حاجة فالخرجة ؟ و لا
أسية:( قاطعاتها كتتبسم ) ما كاين والوو و الله هء .. غير تصدمت و صافي ( زيرات عليها و ترمات فصدرها و شريفة معنقاها كتدوز على شعرها ) انا فرحانة ليكم بزااف .. اخييييرا خويا حكيم غيرجع راجل اللفعة ..!
شريفة:( ضحكات ) هههههههههه مع المكتاب ..!
و هما كيضحكوو تسمع صوتوو كيعيط عليها .. طبطبات على اسية و قالت ..!
شريفة: نمشي نتكلم .. فيقناه بصداعنا ..!
أسية:( ردات مزنكة ) و انا غننعس شوية راسي كيحرقني .. سلمي عليه و قولوو مبروك من عندي ( يالاه ضارت تمشي بحالها و رجعات عيطاتلها ) شريييفة ..!
شريفة:( رمشات بهدوء ) ا كبيدة ..!
أسية:( بحب ) الله يفرحك و يكمل عليكم بجوج بالخير .. قلبك يستاهل يفرح و الله ..!
تبسمات معاها تبسيمة طالعة من القلب حتى تشدوو عويناتها بسعادة و خرجات كتتمشى بالشوية تال الصالة لقاتوو واقف .. باين فيه مدوش غير من شعرو لي كينقط بالما ..! لابس حوايجوو لي جا بيهم و هاز تيليفونوو و الكونطاكط فيديه ..!
حكيم: مالك على داك الغوات ؟
شريفة: والوو غير كنا كنهضرو .. أسية جات راسها كيحرقها نعسات .. قلت لها الجديد ( عضات على شنافتها ) فرحات و سلمات عليك .. كتبارك لنا ..!
حكيم:( حرك راسوو و قال ) هو هذا .. غنمشي دابا ... ميعادنا غذا ندوز موراك تختاري الخاتم ..! و يوماين و ها حنا معاكم ..!
شريفة: اويلي يوماين ديالاش ؟ خاصني نوجد و نقاد شحال من حاجة و الدار هانتا كتشوف صغيرة .. نهار اختاريتها قلبت بلعاني على البيوتة يكونوو كبار و متيسعين نرتاحوو فيهم ..! ما عندي ما ندير بشي صالونات باركة هاذ الصالة مفرشة بلي فوطوي و مقادة ..!
حكيم:( سرح عينيه فالصالة ..! ) ما كافياش .. غنجييو بزايد بينا شوية ..! و ما عندك ما توجدي .. كلشي غيوصل تال عندك .. غير ريحي بالك ..!
شريفة: ايوا و الدار ..!
حكيم:( حك حاجبوو بالساروت و قال ) تهزي هاذشي و تفرشيه بلدي و لا تكري شي دار ..!؟
شريفة:( بعد تفكير ) امم نكري حسن .. منها حتى الدار ما تتكرفسش ..!
حكيم: صافي غذا ندوز عليك نشوفوو الدار و الخاتم ..! ( سلم عليها بالوجه و قال ) يالاه تهلاي ..!
سلمات عليه ودعاتوو و شدات باب الدار عليها كترد النفس و قلبها كيضرب بالجهد بحال المدفع .. دقات ثقاااال و مفارقين ..! عضات لسانها و مشات لعند أسية مفيقاتها ..! عندها طاااااقة كبييييرة خاصها فين تفرغها .. واخا يقولولها نوضي دابا نعاودو الدار بالصباغة غتعاودها ..!
شريفة: نووضي نوووضي ا الفنيانة .. ا نسخن لاسيغ و نقادلك الحالة .. مالك على هاذ الموسطاج د البسطاوي .. و زايدة مخبعاه بأونتي سيغن زعما ما غيبانش .. هاي هاي ..!
أسية:( فاقت مقلوبة كتقيس فيه ) وا راه زعر ما كيبانش ..!
شريفة: نتي لي مكتبانيش ..! نمشي نشوف لي ماسك لي عندي فالحمام و جبدي النتاف معاك هو و الماكينة د المساج د الرجلين .. على ما نجي و نسخن لاسيغ ..!
وصل للفيرمة د بوسكورة فين كاينة حبيبة .. ملاك و عدنان ..! لقاهم مفرشين فالربيع ديال الجنان .. دايرين كاسكروط فالطبيعة و الهوا نقي ضاير بيهم .. ضوو خفيف مضوي عليهم من بيت لخزين لي باينينوو غير بليجور .. فيه الدوزان ديال الفلاحة .. و بولة لاسقة فالباب ديالوو من الفوق شاعلينها ..!
جلس حداهم مسرح رجل و رجل طاويها .. متكي على جنبوو .. مطاكي بيديه فوق المخدة .. كيشرب فكاس د اتاي منعنع برزتوو و كيسرح عينيه بهدوء فالربيع .. و هما فرحانين بيه لي ولى شوية و بدا يجلس معاهم ..!
حكيم:( بصوت ثقيل قال ) يَّما ..!
حبيبة:( ردات بابتسامة ) ا المرضي ..!
حكيم:( شد الكاس فيديه كيشوف فيها و ملامحوو مرخيين .. عاديين ..! ) وجدي راسك فهاذ اليوماين نمشييو نخطبوو بنت الناس لي كتقلبي عليها .. هذا هو الجهد ..!
ملاك:( قالت بفضول تا خنزر فيها و سكتات ) واش شريفة ؟؟
حبيبة:( ردات برزانة مبسمة .. طبطبات على رجل ولدها ) و هاذ بنت الناس .. مرتاح لها و ناوي معاها الدوام ا ولدي ؟ راك شفتي شنوو خرجلنا من كريمة و باقي ما زال تا ما وقفتي على رجليك بحال الناس .. خليك ترتاح و نهضرو فهاذشي ..!
حكيم:( رد باختصار ) راحتي معاها ا يَّما ..! رصينا النهار بجوج .. نطرق هاذ المسمار و نرتاح من بعد ..!
حبيبة:( وسعات عينيها بمعنى اياااه ..! غلباتها الضحكة و بتردد قالت ) و هاذ بنت الناس ( شافت فملاك ) شريفة .. شنوو أصلها و فصلها ؟ شكدير فحياتها و عائلتها كنعرفوهم شي ؟
حكيم: خير المعرفة ..!
نحنح و نطق بالسوسية مسرحة كيزرب فالهضرة و ياكل فالحروف .. مولف بيها و كيرتاح فيها كثر من العربية و لكن دابا دارها بلعاني على ود ملاك باش ما تفهمش ..!
حكيم: تسنتست مزيان كيتين ترضيت سيس تبداح الوقت غيلاد اتوايكتاب اد وفاغ س الوعد لي اس فكيغ مشكايد الحمد لله كولشي تويسارغ حصاغ غير الرضى نم ..!
《 كتعرفيها مزيان و كنتي راضية عليها .. فارقنا الوقت و دابا عاد كتاب نوفي بوعدي لي عطيتوو زمان هذا ..! الحمد لله ميسرة دابا من كلشي .. خاصنا غير رضاتك من جديد ..! 》
مدة و هي كتتفكر شكون هاذ شريفة .. من النهار لي جبداتها لها ملاك .. و بقات بقات حتى تفكراتها و تفكراتها مزيااان ..! ردات عليه تا هي بالسوسية و ملاك كتضور عينيها بيناتهم و تنغز فعدنان يشرحلها شنوو كيقولوو و هو حرام واش مسوق لها ..!
《 فين عمرنا سمعنا للهضرة ديال البشر ا لالة حبيبة .. البنت تزوجات و دارت الحلال ما تفاهموش و تطلقات بحال كاع الناس ..! 》
حبيبة:( قالت كتفتف ..! ) تتلف ؟؟؟ 《 مطلقة ؟؟؟ 》
سكتات شحاااال بحال يلا دايخة و ما عارفاش علاياش ترصي ..! و حكيم هاز فيها حاجبوو بنظرة عندها معنى ..! بحال يلا كيقولها مالها المطلقة ؟؟؟ تا تبسمات و قربات باستلوو جبهتوو و عنقاتوو لعندها ..!
حبيبة:( بالدارجة ) من عندي ما غنزيدكم غير مبارك مسعود .. الله يسهل عليكم بجوج و يعوضكم خير على لي فات ..! ( ضحكات ) قولي السوسية عششات فالقلب و العقل و ما غتمشي حتى تديها يا وليدي ..!
حكيم:( ضحك و هو كيبوسلها يديها و سكت ..! )
ضحكات تا هي فرحانة واخا مترددة شوية من لي وقع مع كريمة قبل .. ما عندهاش مشكل تكون مطلقة غير الهضرة لي كانت سمعات عليها من امها قلقاتها شوية و رجعات تناسات عارفة علاقتهم من لول ماشي تال تما ..!
حبيبة: الخير فاش كيجي كيجي دقة وحدة .. كنت كنتمنى بنية وحدة .. و ربي رزقني بلالة ماري البسكوتة ديالنا و زادني محمد اميين بعروسة حلوة بحال العسل .. و دابا سيدي حكيم غيجيبلي بنتي الثالثة .. لالة شريفة ( شافت فعدنان ) عقبال لعندك تفرحنا ..!
عدنان:( تبسم معاها تا بانوو سنانوو مستفين بويض وسط لحيتوو الكحلة ) قرييييب .. غير عولي ..!
ملاك: هاي هاي هاي .. ما علمنا بهذا ..! ( مشات جهتوو كتبحلس عليه ) رجعتي كتخوني ا عدنان .. نسيتي الصحبة و الاخوة لي جامعانا و المعاهدات لي بيناتنا ..!
حبيبة:( ضحكات ) ههههه وا هانتوما على البحلاسة .. راها مشاتلك للإيربوتس ديالك ا عدنان ثاني .. وحدة جلاتها و الثانية ما بقاتش تسمع ..!
شاف فيها و هي مخشية فيه .. بغى يقجها .. خارجة فعودو .. عمرها تخليلوو حوايجوو فالتيقار ..! كيقيل يعيط بالعداو من جهتها .. غير كيسمعوو صوتوو صاعر كيعرفوو البلان فيه ماري ..!
ملاك: وا صافي ما تكونش قمشاش ... دابا تشري وحداخرين .. مالك صغرتيهم فيا ؟ هاذي هي ختي الحبيبة ( باست صبعها الصغير و مداتولوو ) نعاودو الكونطرا د الصلح بيناتنا .. ما كاينش مشكل يالاه ..!
شد لها داك الصبع نيت لواه تا وجهها رجع احممر كتغوت و هو مبرد .. ما طلق منها تا هضر حكيم ..!
حكيم: رخي منها فرعاتلنا راسنا ( شير بصبعوو جهتها ) ما توليش تقيسيلوو حاجتوو .. شحال تبرا منك و ما كتوبيش .. ضبري مخك معاه من بعد ..!
ملاك:( شدات صبعها عندها مكمداه و رجع بانلها البلان فحكيم و مشات عندو ) و تشريهم لي نتا .. هاذوك لي جبتيلي من وجدة آخر مرة ضاااااعووو ..!
حبيبة: خلينا من الجوالق ماشي وقتهم .. قولي ا عدنان شكون هاذ المرضية لي نويتي معاها ؟
عدنان:( حشم من شوفات حكيم واخا عاديين ..! ) من بعد ا الواليدة ..!
حبيبة: سوسية بعدا ؟ ( حرك راسوو بلا و شافت فحكيم ) ايييوا ما تزوج فيكم غير حكيم .. لهلا يخطي بنت بلادي .. النقاوة و الزين و الحداكة و اللسان الحلوو و فاش توقف عليها تلقاها حارة و لالة مولاتي .. كاينة و لا ما كاينة ..!
ملاك: كاااااااينة ..!
عدنان:( نطق و هو كيخربق فتيليفونوو ..! ) ماري .. بدلتي المودباس ديال الانسطا ؟
ملاك:( شافت فحكيم بنص عين و بدات تكحز من حداه مبعدة .. خلاتوو كيحرك راسوو بلا حول ..! ) الانسطا ؟ شنوو هذا ا خويا شي حاجة كتنكل ؟ جيبلنا منوو شي مرة نذوقوه ..!
عدنان:( شاف فيها بتبسيمة صفرة ) ماري ..! الانسطا لي بسميتي ديال صدقة جارية .. بدلتيلوو المودباس ؟؟ ما كيدخلش ..!
حكيم:( رد باستهزاء ) دار فيك خير منين ما تحلش ..! ( ضرب يد مع يد كينفضهم ) صدقة جارية رجعات سيئة جارية على ظمانتي ..!
حبيبة:( ضحكات حتى دمعوو عينيها و ضحكاتهم معاها ) الله يدومها ضحكة و يخليكم ديما مجموعين و فرحانين .. ناقصنا غير محمد أميين و خليل ..!
ملاك: جايين فالطريق تا هما .. هضرت مع محمد أميين قبيلة يشريلي واحد اللعيبة وااااعرة خرجات جديدة .. دايرة بحال الروبوو و قالي غيدوز عند بسمة للطبيب و يجي هو و خليل
حبيبة: يا بنتي ما كتعيياش من شري شري ؟ و كن غير كتحافضي على حاجتك .. يوماين ثاني و نقراو الفاتحة على روح المرحومة ..!
عرس الذيب الجزء 19
محتوى القصة
توادع معاها مخليها فالفيرمة هي و عدنان و ملاك .. عاجبهم الجو د العروبية .. الهوا نقي و الناس بساط .. الخضرة طبيعية زارعينها .. كتاكل و كتعرف راسك آش كليتي ..!
محمد اميين:( هو لي صايك و حداه حكيم ) الطونوبيل خرجها لك عدنان من الفوريان و دوزها صلحها و عاد دخلها للكاراج د الدار ..!
حكيم:( رد بهدوء متكي براسوو على الكوسان .. مرة مرة كيتنهد ) مزيان ..!
محمد أميين: الطبيب راه قالك واجد فوقما بغيتي يشهد معاك فالمحكمة يشهد .. الصراحة صدق رجولة .. أغلبيتهم كيخافوو على راسهم من المشاكل و هبط و طلع فالمحاكم ..!
حكيم:( بعد مدة صمت قال ) شي خبار على كريمة ؟
محمد أميين: النمرة د الحاج راها عندي .. عيط فالعيد كيسول و يعايد .. باقي ما ولدات و داك الحريق لي قلت لك عليه .. هدن عليها مع الدوا و من تما ما رجعات للطبيب ..!
حكيم:( زفر النفس بالجهد و قال ) التقل*** هو هذا ..!
محمد أميين: الصبر ..! ( سكت شوية و رجع قال ) صونا خليل قبيلة فاش كنتي مع الواليدة لداخل .. تقبلات ليه الفيزا صافي ..!
حكيم: مزيان رصى أمورو ( شاف فيه هاز حاجبوو ) هي صافي ألمانيا كتنادي ..!
محمد أميين:( ضحك و حرك راسوو ) ألمانيا و ما ادراك ما ألمانيا ..!
حكيم:( رد بثقالة و سكت ) الله يسخر ..!
مسافة الطريق كانوو وصلوو للدار د سباتة ..! هبط حكيم هاز السوارت د خوه .. فتح الكاراج و خرج طونوبيلتوو ..! كيقلب فالروايض و يشوف المازوط .. لقى كلشي هو هذاك .. و من لي كيلوميتر عرف خليل كان كيهزها يقضي بيها شغالوو ..!
حكيم:( خرج يديه من الشرجم شير لمحمد أميين و قال ) نتقاشعوو ..!
حك الروايض مع الكوضرون و زاد عافط ما كيشوفش موراه .. الشرجم مفتوح قداموو و مرة مرة كيطلع النفس بالجهد ..! بعد على السيكتور و دار السينيال وقف على ليمن ديالوو مخليها أمارش ..!
فتح البواط لي حداه و جبد تيليفونوو من تما مطفي .. دارو فلاشارج ديال الطونوبيل و تسنى حتى ولا 1% فالشارج .. عاد شعلوو و بداو المسجات كيوصلوو بالعرام .. لي زابيل .. لي بواط فوكال ..! تيليفونوو تبلوكا بكثرة لي نوتيفيكاسيون ..!
النمرة ديال شريفة .. ولد رقية .. العميد .. حسام .. الناس معارف ديالوو .. المحامي .. اب كريمة و كريمة براسها ..! خلاهم كااااملين و دخل للواتس عند شريفة .. طالعة غير نمرتها و تصويرتها .. نفس الصورة لي كانوو كيزومييو عليها البنات .. بكسوة موردة ..!
كثر من ميات فوكال غير من عندها ..! هز حاجبوو بثقالة و بلا عكز عليه دخل كيسمعلهم واحد تابع الثاني ..! حتال آخر مسج ..! ملامحوو بقاو على نفس البرود .. حتى شعرة ما تهزات فيه او على الأقل فتعابيرو ..! و مع آخر كلمة خرج تنهيدة حااااارة من قاع قلبوو ..!
ضور الفولا قالب الطريق .. و البلايك حداه زورق .. مكتوب فيهم بالبيض ..! الرباط سلا ..! مخرج يديه من الشرجم كيطقطق بجوج صبعان و حجبانوو معقودين قبالتوو .. كيحرق فالطرقان ..!
واش توحشها ؟ نسى الهضرة لي سمع منها ..! واش بكلامها و بكاها حننات قلبوو عليها .. حتى واحد فينا ما عارف الجواب من غير حكيم لي ضرب ساعتين د الطريق باش وصل قدام عمارتها ..!
طرق الطونوبيل و هبط كيقاد فسروالوو و يحرك راسوو بتعب .. طالع فالدروج و عينيه فيهم نظرة قااااسحة و ملامحوو باردين .. دق بالكونطاكط لي فيديه فالباب .. حتى تسمع صوتها من الداخل ..!
شريفة: أنااااا جااااايااااا ..!
تفتح الباب و بانت شريفة فأجمل حلة ..! لافخونش هابطة على عينيها لي مجبداهم بخط د الأيلاينر مرسوم رسم ..! و رموشها مجبدين فالسما كيفتنوو بالفوليم ديالهم ..! كلوز خفيف فشفايفها فالغوز كيلمع ..!
السر ديال العيد طايح عليها حتى ما قد ..! رجعات صحتها على لي كانت ..! الحنيكات عامرين و مرفوعين بتبسيمة خفيفة مبينة سنانها ثلجة حدا ثلجة كيلمعوو ..! يديها نقية كتلمع و ظفرانها مقادين بفرانش خفيف كيفما كيعجبها ..! كورميط مع خاتمها مزينة بيهم يديها لي محطوطة على جنبها فوق القفطان د ثليجة فالغوز بيبي .. هابط سامبل مخدوم بالسفيفة د اليد ..!
العقاد مفتوحين من جهة الصدر لي مزير و مهزوز كتبان منوو الشقة غير شوووية ..! نازلة عليها سنسلة د الذهب فيها فراشات فالكحل ..!
طلعها و هبطها كيشبع عينيه من شوفتها .. ملامحوو هاديين .. عكس شريفة لي تمحات التبسيمة من على شفايفها غير شافتوو واقف قدامها ..! بهبتوو و حضورو القوي لي ما تنكرش كيزعزع قلبها من الداخل ..! كيفما واقع معاها دابا ..! بزز بلعات الريق فحلقها .. ذاثها كلها كترجف عليها .. لدرجة كمشات يديها و زيراتهم باش ما يفضحوهاش ..!
قلبها كيضرب بحال المدفع فصدرها .. حاساه تفرج و ارتاح بشووفة معشوقوو ..! الضحكة باغى تفلت لها و لكن الضروف مخلياها بزز منها تجمعها و تجمع شتات كرامتها و كبريائها ..! هازة حاجبها فيه بتعالي و استغراب ..!
استغراب من حالتوو ..! أكيد ما غيخفاش عليها الضعف لي ضعاف .. حتى حناكوو تمصوو و عينيه دخلوو ..! شعرو لي واخا مخليه بلا حسانة و لكن باين خاااااوي و طايحلوو بالجهد ..! الكحولة د لي سيغن لي ضايرة بعينيه ..!
حكها قلبها عليه باغى تسول على حالوو و ما قادراش .. هي براسها مضرورة من جهتوو حتى فات القياس ..! قاسات و ودات ...! كلات الدق و هي ساكتة و صابرة .. كتخدم ليل و نهار بحال الماكينة .. غير باش ما تبقاش بوحدها ..!
الكلمات لي هربوو منها و الصدمة لي بانت فعينيها و وجهها تا ضرباتها اللقوة و سرطات لسانها .. خلاو حكيم ينطق بعد مدة طويييييلة من الصمت و التأمل .. و اخخخ من لغة العيون .. لي كيفهموو و يقراو بعضياتهم بلا حتى مجهود .. مخليين الكبرياء جنب .. لحكيم و شريفة .. اما عينيهم لي مكيعرفوش شي حاجة سميتها الكبرياء و الغرور فراه تعانقوو فنظرات صريحة هادئة و دافئة كتجيب الحنين ..! و بصوت خشن قال حكيم مقاطع هاذ الخلوة الغريبة ..!
حكيم: غادي تخليني فالباب ؟
شريفة:( رمشات عينيها ببطئ كتلف الشوفة فيه و بابتسامة خفيفة قالت ) الجودة من الجدود .. ماشي من الموجود .. جيتي تال الدار الكبيرة و نردك من الباب ؟ خايبة فحقي ..! ( وسعات الباب و شيرات بيديها للداخل ) مرحبا و قبل علينا ..!
حكيم:( ترخاو ملامحوو بارتياح .. و رمى رجلوو ليمنية للداخل حتى شدات الباب عليهم و نفس اليد لي كتشالي بيها .. دارها بين يديه تا طلعات معاها سخونيتوو و عينيها كيلعبوو هنا و لهيه ..! ) الله اودي نتي مولات الخير ..! ( زير على يديها حتى شافت فيه و كمل ) هانية بعدا ؟
شريفة: الحمد لله و نتا ؟
حكيم:( حرك راسوو بثقالة و دخل كيسرح عينيه فدارها لي أول مرة يحط رجلوو فيها ) من الحامدين و الشاكرين ..!
حرك راسوو بثقالة و دخل كيسرح عينيه فدارها لي أول مرة يحط رجلوو فيها ..! جلس فوق الفوطوي موسع بين رجليه و متكي بظهرو .. فجلسة مفخمة ..! و هي موراه كتتمشى على الجمر و داخلها ما عالم بيه غير الله فهاذ اللحظة ..!
التلفزة مشعولة فالأولى فين طالقين الألة و الايقاع ..! الطرب الأندلسي لي ما كيسمعوو ليه غير الذواقة ..! و ذوق شريفة باين و واضح لا من لباسها لا من تاويلها فدارها ..! مبخرة مذهبة محطوطة فوق الطبلة .. عاطية منها ريحة العود على الجهد ..! كلشي نقي كيلمع و شريفة كتتحرك حداه مرزنة و مثقلة ..!
مخلياه يعبرها بعينيه على خاطر خاطرو .. نظراتوو حاساهم كيحرقوها .. و هي جايا جيهتوو هازة سينية فالنقري منقوشة .. فيها كيسان د الما صغار و الكاس الكبير ديالهم اونسومبل مع بعضياتهم .. حطاتوو فوق الطبلة و كبات كاس مداتوو ليه كتشوف فيه بهدوء ..!
شريفة: غتكون عطشتي فالطريق ..!
حكيم:( خذاه من عندها .. شرب منوو كيفزك فحلقوو ..! ) جلسي ا شريفة ..!
ردات بهدوء .. هدوء غريب ما توقعوش منها فهاذ اللحظة بالذاث و هو غابر عليها لمدة .. ضرباتلوو حساباتوو كاملين فالزيرو و خلاتوو هو براسوو يبدل تعاملوو معاها و علاش كان ناوي فاللول ..!
شريفة: وصلتي مع الغذا و ماشي دخلتك هاذي عندي .. التكبيرة ديال سي حكيم بووووحدها و لكن دارتها الغفلة ..! ( رمشات عينيها كتشوف للجنب ) عمرك ذقتي من طيابي و دابا جات الوجيبة نشرك انا وياك ملحة و طعام يدي ..!
سكت من بعد هضرتها و هي دخلات للكوزينة .. فتحات الفران و جبدات بسطيلة كبيرة متولة و مسقمة على حقها و طريقها و زايدة لاعبة بوراق البسطيلة فالوجه .. جامعاهم بحال الوردة الوسط ..!
حطاتها فطبسيل ديال الطاوس حر .. فوق البوطاجي .. و بالخف جبدات من الثلاجة طباسل صغار ديال الزيتون حار .. كورنيشوو محمض .. الخيار مقطع دويورات .. و الفجل ..! سبقاتهم هما اللوالة .. عاد حطات البسطيلة و جلسات حداه .. دايرة رجل على رجل .. ظهرها مستقيمي و صدرها مدفوع للقدام ..!
خلاتوو غير كيشوف و هي كتقطع و تحطلوو قداموو فالطبسيل .. بسطيلة د الفخوي دو ميغ " فواكه البحر " .. من لي تبغيه الخاطر ..!
شريفة:( شافت فالتلفزة كتاكل و الدقمة بزز كتهبط مع حلقها ..! ) تشرب شي حاجة ؟ عارفني ما عنديش مع السكريات بزاف .. الموناضا غير سموم فسموم .. مي يلا بغيتي راها كاينة ديال أسية .. لقيتيها يالاه خرجات مع صحاباتها سحابني هي فلول ..!
حكيم:( حرك راسوو بالنفي و قال ) هاكا مزيان .. الله يعطيك الصحة ..!
شريفة:( بهدوء ) بالصحة و الراحة ..!
كلى حكيم و غلق مزياااان تا خرجاتلوو البسطيلة على الوذنين .. عجباتوو هي و البنة د اليدين لي صاوبوها ..! و غير كمل ناضت جمعات المواعن و قادات براد د اتاي مع بلاطوو د الحلوة لي بقى من الصباح و حطاتولوو .. بما انوو ما بغاش الديسير ..!
ما خلات فين شغلات راسها باش ما توصلش هاذ اللحظة .. و لكن وصلات و لي عطى الله عطاه .. و دابا غتبدا المواجهة ..!
حكيم:( شرب من كاسوو لي حطاتولوو مسوس .. عارفاه من ديما مبعد على السكر .. بحالوو بحالها .. عاد هو زايد عليها بالعطرية لي ناقصها للحد ..! ) ريحي ا شريفة نهضرو جوج كلمات ..! ( هز حاجبوو فيها ) تا لين غتبقاي هاربة ؟
شريفة:( ردات بهدوء ) لي كيهربوو و يعطييو بالظهر ما كنساومهش فسوق الحرار ..! و شريفة ماشي منهم ..! ( كملات كلامها كتمعني ليه غير من التحت للتحت .. بلا غوات و لا تقابيح ..! ) لي يعرف عزو .. كلام الناس ما يهزو ..! و يلا كانت غير الكلمة من عند الرخيص فراها ما تزعزع ما تقيس ا سي حكيم ..!
حكيم:( هز حاجبوو بثقالة و زاد تريح فالجلسة حاط يديه على جنب الفوتوي .. كيشوف فيها ببرود ..! ) اهااااه ..!
شريفة:( كملات بتبسيمة مسموومة .. كتلقف بالسم ..! ) ايييه ..! عارف شكون هما الناس الرخاس ؟ ( هزات تا هي حاجبها فيه و كملات ) لي حسبتيهم حباب و غذروك .. فوقت الشدة باعوك ( رمشات بعينيها كتبلع البكية بزز منها و يا ويلها تفضحها قداموو ..! عينيها حماروو و نظرة عتاب كتحرق فيهم ) نكرو العشرة و خانوك ..! عرفتيهم دابا شكون ؟
شافت فعينيه هاذ المرأة بجرأة ..! ملامحها جدية و صارمة ..! فنفس الوقت فيهم نظرة عتاب .. ألم و شوق ..! كتقلب على تفسير منوو بلا ما تسول هي بفمها و تحفر على الجواب بحال كل مرة ..! هاذ المرة ماشي بحال جميع المرات و نفسها ما غتسمحش لشريفة تزطم عليها ..! ينعل بوو الحب قدام كرامتها فهاذ اللحظة و فهاذ الموقف أكثر ..!
اما حكيم تبسم تبسيييمة باردة ..! خلاتها تجمع حجبانها ..! ولات كتقرا تصرفاتوو و كتعرف كل حركة فوقاش كيديرها ..! فوقاش كيكون مبرد بصح و اعصابوو فالثلاجة طبلي و غيطي قداموو و الله لا هزك من بلاصتك .. فوقاش كيبرد باش يقمع و يسيفط لها وحدة تابعة ختها ما كاين غير الدق و السكات .. !
و فوقاش كيضحك بحال هاذ الضحكة لي دار دابا و كيكون مغطي بيها العصبية لي جايا فالطريق .. اعصابوو خايبين مجرباهم و ذايقة حرهم ..! ما كتحملش تتحط حداه و هو صاعر ..! كيولي بحال الحمق ..! و هاذ الصعرة هي لي ما باغياش دابا ..!
حكيم:( قشر شنافتوو بفموو و حرك راسوو من التحت للفوق بحال يلا كيتحلف و عينيه عليها كي الصقر ما كيتزعزعوش ..! و بنبرة صوت رخيييييمة و واحد الختووورية خاصة غير بحكيم قال ..! ) اللي باعك .. بيعوو ..! و بالرخيص ما تسال عليه ..! ( لعب بلسانوو ففموو و عقد حجبانوو فيها مكمل هضرتوو بشوفات حارة ) و لي شراك شريه و بالغالي ما تفرط فيه ..!
شريفة: شنوو دابا كترجعلي هضرتي ؟
وقف على غفلة حتى هزات راسها فيه و وقفات حتى هي مربعة يديها و معاندة معاه .. شير بصبعوو لجهتها و بصوت حررررش كيزيد يبرك على الحروف حرف حرف .. كلاموو كلوو خاتر و مثقل .. شي فهماتوو شنوو كيقصد بيه و شي لا .. هي بدات و هو كمل .. تلاقاو بجوج كيموتوو فضريب المعاني و الهضرة بقواعدها .. غير حكيم زايد عليها نغزة و يلا عانداتوو غتوحل توحل ..!
حكيم:( شير لعينيها و قال ) يلا بغيتي تحكم الغزال .. تبع خطاه ..! ( غمزها بثقالة بمعنى الفاهم يفهم ..! ) عمرك تقولي كلام ما كتعرفيش معناه ..! بغيتي غير الكلام الموزون .. اييوا ثبتي معاه ..!
زاد قرب لها باندفاع هاز حاجبوو فيها كيعد لها ..كلاموو واضح وضوح الشمس فعينيه .. أما هي ما عرفاتوو كيحاسبها و لا شكيدير غير كترمش فيه ساكتة .. الهضرة واضحة و لكن اش قاصد بيها ما فهماتش ..!
حكيم: عيب النفس فكثرة الخطايا و عيب القلب فدسان الهموم و عيب القلب فخبث النوايا ( خنزر فيها و ضرب على صدرو بيديه ..! ) الرجال يبانوو فالشدة ماشي فالزندة ..! خيار الحباب الرجال و تكون تعرف معناهم ..! ( تنهد بقوة ) كلشي يفوت و كل طير عندو صوت و الصنارة هي لي كتغذر الحوت ..! يلا الفحل يصايد النعام .. الجايح صايد الحمام ( ضربها بصبعوو لحنكها و بعد مخنزر ) و الرخيص ما يجوز فيه السلام ..!
بعد مخنزر و عطاها بالظهر حاط يد وحدة على جنبوو و الثانية كيشالي بيها ..! صوت انفاسوو مسموعة كتبين بلي معصب لدرجة مكتخيلش و غير شاد راسوو عليها .. بداتها ليه بضريب المعاني و قالها اجي نوريك الحرفة على قواعدها ..!
شريفة: ما فهمتش شنوو قصدتي ؟ ( زادت قبالتوو و قالت ) دخلتك لداري باش تسمعني الهضرة ؟ ( كملات بالغوات و الصبر لي كان عندها تبخر طاير ) شكوون فينا الخاين ؟ شكون لي باع الثاني .. شكوون غبر و درق كمارتوو و راجع كيتحاسب ..! ( سكتات كتنهج و عينيها فالتين فيه ) شنوو بغيتي ا حكيم ؟ لاش راجع من بعد هاذ الوقت كامل ؟
حكيم:( حك لحيتوو .. هز راسوو فيها و قال كيفكرها فمسجها و ملامحوو كيبينوو بلي كيعني هضرتوو ..! ) راجع .. باش نشوف فعينين نوارة الحدود و هي كتقول لروح الروح .. بلي كتبغيه و عمرها تكون لغيرو ..!
شريفة:( مصات شنافتها بلا ما تحس و بتعجب قالت ) سمعتي الاوديوو و هاذشي لي شديتي منوو ؟
حكيم:( شاف فيها لمدة و هز يديه هد عليها بحال يلا غيضربها بالظهر د يدوو و رجع جمعها ..! ) لا ماشي غير هاذشي ..! باقي خاصني نهرس لك هاذ الوجه لي فرحانة بيه و نقطع لمك داك اللسان لي غادي و كيطوال ..!
شريفة:( خرجاتولوو معيبة وجهها و قالت ) ها هو قطعوو ..!
بقات فبلاصتها ثابثة كتشوف فيه بالجنب .. تا جرها من يديها و زدحها معاه ..! زير على ظهرها و هي هازة راسها كتشوف فيه و ترمش فعينيها .. طالقة زينها عليه بلا ما تحس ..! عض على لسانوو مغزف عليها و حرك راسوو من التحت للفوق بمعنى واخا و الحساب ماشي دابا ..! أما هي غلباتها البكية لي شحال و هي حابساها و ببحة قالت حانية عينيها مرة اخرى ..!
شريفة: رجعتي لكريمة ؟ ( بتنهيدة كملات ) شنوو غتبرر و شنوو غتقول ؟ السحور لي خلاك تجري موراها ..! شفتي حالتك كي ولات ا حكيم و لا ما شفتيش ؟ احاااااح ا حكيم احااااح .. حرقتي قلبي عليك ( هزات عينيها فيه مدمعين ..! ) حرقتي قلبي حتى ما قديتي .. كنتي رجعتي لها و لا ما رجعتيش ..! كانت كذبات عليا و لا قالت الصح ..! قلبي تحرق بالغبرة لي درتي .. بين ليلة و نهار زدتي خلفة بحالك و ما فكرتيش فيا و فحالتي كي غتكون ..! ( بحرقة ) لهاذ الدرجة ما كنسوى عندك والوو و ما نستاهلش دقيقة من وقتك ..!
حكيم:( زاد زير على لحمها حتى توجعات و بصرامة قال ) كتعرفيني و لا غير معاودين لك عليا ؟ ( غزز سنانوو مع بعضياتهم و قال بحدة ) بالرب حتى تستاهلي القطيعة ..!
شريفة:( ردات بتساؤل كتشوف فعينيه و البؤبؤ ديالها كيتحرك بالزربة ..! ) شنوو واقع ؟ فين كنتي ؟ ( شدات فيديه ) رخي ا حكيم قصحتيني ..!
رخى منها و بدا كيمشي و يجي قدامها .. كيحرك صبعوو جهة الارض .. صاعر و معصب و ما باغيش يغوت و يضيع جهدو فالخوا الخاوي ..!
حكيم: قلت لك ما مرة ما عشرة صوني لسانك ا بنت الناس .. غضبت .. غوتت .. ضربت .. و لي فيك فيك ..! ( جات تهضر و حبسها بالعين لحمرة ) بللللعي لسانك حسن لك ..!
خلعها بالغوتة لي دار حتى سرطات هضرتها و سكتات كتسمع ليه و هو مخيخ ..! ضرب بصبعوو جنب عينيه فالناظر .. و كمل هضرتوو ...!
حكيم: عدووو ر*ي لي يهضر فأصل مي فالظهر ..! هازك و حاطك فوق الراس و مكبر بيك .. ما حد الاحترام كاين بيناتنا .. يقلال ما غنعقلش عليك ا شريفة ..! ( كرر بالغوات ) بالرب العالي ا شريفة ما نعاود نعقل عليك ..! عندك شي هضرة ضربيهالي فالوجه ..! ( هز حاجبوو فيهاو كمل ) قلبك رخيص عليك لهاذ الدرجة باش تعطيه لولد الق*** مقطر ..!
شريفة:( رمشات بصدمة ) اااء ؟؟؟
حكيم:( بالعين بالحمرة زاد قرب لها تا قالت غيضربها .. لكن جامع عندو يدو معصب غيطرطق فيه شي عرق ..! ) كنجري و نجاري على ودك باش ترديني حمااار الطاحونة لي خلاولك ؟ فينما كانوو ولاد الق*** كيجرييو لعندك و انا المقطر فيهم ياااك ..!
شريفة:( عرفاتوو سمع لي ما خاصوش يسمع .. صدمها تا وجهها صفار و الدم هرب منوو ..! ) حكيم تسنى راك فهمتي غلط و بزاف ..!
حكيم:( رد بجعرة مطرطق عينيه فيها .. جرها من ذراعها جهتوو و بالغوات حتى التفال كينقز من فموو قال ..! ) انا مااااا كنفهمش .. مزياااانة هاذي ؟؟؟؟ هاذ عبد ربه ما تهضريييش عليه مع حتى قوا** ..! ( بنظرة بيناتلها شحال مقسح من جهتها ..! ) شفتي حماار هي اللخرى تقوليها فظهري قلة احترام و كبيييرة كاع .. نجي نسمعك كتهضري مع أسية لي ما كتهزش العين فيا و كتسبي فواليديا ؟ كي غنولي نبان لهاذ البنت ؟
شريفة:( قسحها فيديها و باغى تشرحلوو ) حكيييم ..!
حكيم:( كمل مقسح راسوو ) و ما نمشييوش بعييد .. نتي كي كنبان لك ؟ هاذاك لي تحت التراب و جالسة تجبدي فيه و هاذيك لي ما صرفات فيك غير الخير كي كيبانولك ؟ قح*** ..! ( باستهزاء ) و داك القح*** هما لي رباو هاذ الق** لي واقف قدامك ..!
غلباتها البكية تا طاحوو دموعها ..! باغى تهضر و تشرحلوو و ما عاطيهاش الفرصة ..! حسكها من الداخل بشنوو قال و ضميرها أنبها ..! واخا كانت غير كتضحك راه عندو الحق فكل كلمة قالها ..! رمشات عينيها الفازكين فيه فاش قال ..!
حكيم: و باقي كتسول واش ما كتسوى والوو عندي ..! ( زعزها من يديها ) حتى ليهم و خط حمر .. ماشي غير نميك عليك .. نقلب على عشرة منك و عمر طريقنا ترجع تتلاقى ..!
شريفة:( ردات بنبرة صوت مجروحة ) ياااااك ا حكيم ..! نتا ما سمعتيش الهضرة كاملة و دغيا حكمتي عليا ..! ضحكنا دقيقة هجرتيهالنا شهر كامل ..! واش انا غنسب واليديك بجد عقلي ..!
حكيم:( رد بنرفزة ) درتيها قبل و لا ما درتيهاش ؟ فمك عاااافية ا شريفة و انا بدا يطلعلي هاذ الخرا للراس ..! تال فوقاش ناوية تبقاي هاكا ؟ تال فوقاش غنبقى ندوز و نميك ..!
شريفة: درتها و تخلصت عليها و ندمت حتى جبدتوو و سمعتيني لي عمري سمعتوو ( قطروو الدموع على قميصها .. كتشهق بصوت مقطع .. وجهها رجع حمممر .. حاسة براسها تحكرات و تظلمات و هي غير ضاحكة و ما نواتش ..! ) و الله حتى كنت غير ضاحكة مع اسية و اقسم بالله ما عاريتهم .. حاشا واش نعايرهم .. و تا يلا ما تقتيش بيا كاينين الكاميرات فالمحل دخل و شوفهم ( بدات كتمسح فعينيها ) كن بقيتي واقف و سمعتي الهضرة كاملة ..!
سكت حكيم ..! حاط يدوو على جنبوو و قالب وجهوو من عليها كيسووط و يزفر النفس .. مريض و زاد كمل بالأعصاب ..! و غير كيتخيل المشهد فبالوو كتشعل فيه حرااايقة ..! كن قالتها لوو هو فوجهوو ما غتبقاش فيه كتطلع و تهبط كيفما دابا ..! تهضر فظهرو و عليه بديك الطريقة قلة احترام كبيييرة ما تسرطاتش لوو و ما غتسرطش ..! و كن جات فغيرها كان غيكون عندو تصرف ثااااني ..!
عيات تبرر و تهضر و هو كيسمع فصمت .. واخا تكون كتضحك ما تجبدهمش ..! علاه فوقاش كان السبان ديال الموتى ضحك ..! زفر النفس بقوة من صدرو كيبرد فراسوو بزز منوو ..!
شريفة:( بحزن ) على هاذشي قلبتي وجهك ؟ و كريمة ..!
حكيم:( هز حاجبوو و قال ) نهار نقلبوو ما غتعرفي ليه طريق .. و ما غتلقاينيش واقف حداك كنهضر معاك ..! ( مسح على وجهوو و غمض عينيه لمدة و رجع شاف فيها ) كنت فالطبيب ناعس فالانعاش ( باستهزاء ) ها فين كنت غابر ..!
شريفة:( ردات بخووف و استغراب .. مقربة جهتوو و حاطة يديها على صدرو ..! ) الانعاااش ؟ ( تخطف وجهها ) اويييييلي ..!
حكيم:( تنهد و قال ) صافي دابا .. نقزناها ..!
شريفة:( زادت كتقلب فيه بلهفة و خوف ) و علاش حتى واحد من خووتك ما عيط عليا ( بقهرة زادوو طاحوو دموعها ) علاش ملاك و عدنان ما ردوش عليا .. مخليين كريمة ملعباني على صباعها كيف بغات و قاهراني عليك كثر و كثر ..!
حكيم:( رد بهدوء ) بعدا خلاتك تديري شي حاجة مقادة فحياتك ( قصد المسج لي خلاه يجي عندها ..! حك لحيتوو و كمل ) كريمة ما بقى رجوع بيني و بينها .. جامعانا المحكمة دابا لا غير و بنتي يلا تزادت على خير ..!
شريفة:( عقدات حجبانها حاسة بيه باغي يقول شي حاجة و متردد ..! ) علاش داك يلا تزادت على خير ؟ حكيم شنوو كاين ؟
بتنهييدة عاودلها شنوو وقع بالضبط و لكن باختصار تام مخليها كتولول و تضرب فحناكها و تبكي ..! جاتها قهرة غرييييبة و كاع ديكشي لي كانت جامعاه فقلبها خواتوو عليه فدموعها ..! تا بدا هو كيسكتها و يعنقها لعندوو ..!
حكيم:( بهدوء كيشوف فعينيها و يمسح دموعها ..! ) ديري عقلك و خلينا طرونكيل ما بقيتش قادر على هاذ الصداع و المشاكيل ..! ( تبسم من نظراتها الحنينة ليه و هدوئها الطاغي ..! ) توحشتك ..!
شريفة:( بدلع و التزنيكة د البكى جايا معاها كثر و كثر ..! ) كن تشووف أنا ..!
سكت و سكتات .. كيشوف ففمها لي بحال العسل و هو مشدود و هي كترمش فيه بثقالة ..! حتى زيرها لعندو .. بلهفة كيبوس فيها .. ترخاتلوو باستسلام .. مشاعرهم متكحمة فيهم .. صوت المصاان لي كيتسمع فالصالة .. فاتحة فمها كترد النفس بالجهد .. كتلهث و لسانها كينقط بالشه٠وة .. و حكيم كيم٠ص فيه و يعاود .. هابط مع عنقها بالبووسان تا زيرها بعضة فالعصبة حتى غوتات برقة و دلع " احححح " و رجع باسها تحت وذنيها مخليها كتتلوى فبلاصتها ..!
الفراق لي دازو منوو .. الحنين لبعضياتهم و المشاعر ديالهم فهاذ اللحظة .. تحكمات فيهم حتى وقف و جرها معاه لبيتها .. شد الباب و دفعها على الناموسية .. العقل طافي و الغري٠زة هي لي حاضرة فهاذ اللحظة .. هو باغيها و هي باغياه .. كتدوز بظفارها على عنقوو من لوور حتى كتزيد تشعلوو كثر و كثر .. هابط مع عنقها و حلقها كيب٠وس و يم٠ص فيه .. و يديه كيطلعوو فالقميص ..!
***************************
أظهرت له تفاحتين كبرتقال..
تابَ عن التمنع وفي رحيقها ذاب..
التفاح ُ لادم اغراء وثواب ..
نزعوا كبتاً وثياب ..
عصفت بهم الموجة وشرّعت الابواب..
وشوشةٌ واذنان..
همساتُ قلبٍ وخفقان..
صمتٌ.. قبلاتٌ ولسان..
لذةٌ تنطقُ بأناملٍ وافتنان..
فتنةٌ في سحرِ الجفونِ تخدّرُ لها العيون..
يتوهُ منكَ الحب ويتلعثم الشوق..
عناقكَ تمردٌ وأشدُّ طوق..
أهآتٍ..آنات..رعدٌ يهربُ من برق..
*******
تفتح الباب و دخلات أسية .. بسروال بوي فراند فلون الدجين و تيشورط فالاخضر مشبك من الكتاف و هابط حد المرفق ..! عويناتها عسليين و الكحولية د الماسكارا مبيناهم كثر ..! زعييعرة و زينها حلييلوو .. كتبان فيها مهدنة و راقية ماشي من نوع لي تخالط اي واحد ..!
شافت فالصالة فين مشعول الضوو محطوطة السينية و البلاطوو د الدواز أتاي ..! جوج كيسان مشروب منهم و طباسل صغار فيهم الحلوة ..! التيليفون د حكيم منزل فوق الفوطوي هو و الكونطاك د الطونوبيل ..!
عقدات حجبانها باستغراب ..! عييات و ملات فالخرجو مع البنات لي تعرفات عليهم مؤخرا ..! جاتها الخرجة كاملة مملة و فالصوو .. و رجعات بحالها تجلس مع شريفة و لا يخرجوو هما بجوج نيت ..!
زادت استغربات فاش سمعات صوت شريفة طالع من البيت .. لكن ما كانش صوت عادي ..! صوت حنيييين و رقيق فيه بزااف من الصبر .. الدلع و الرقة و الشهههههوة ..! يالاه حطات يديها على البوانيي تفتح الباب تراجعات و خشات عينيها فالثقبة ديال الساروت .. كتبركك ..!
توسع البؤبؤ ديال عينيها .. و هي كتشوف حكيم عاطيها بالظهر طالع فوق شريفة ..! مغطي نصوو و ليزار مليوح على فخاض شريفة و طايح فالجناب .. مزيرة عليه بيديها هو و الفراش ..! صوتها مسمووع كتتأوه ..! و هو خاشي وجهوو فصدرها ..!
مغطيها بفصلاتوو و صدرو العريض و مغطي حتى الشوفة على اسية .. بغات تعرفوو شنوو كيدير فصدرها و ما بانلهاش ؟ عمرها عرفات العلاقة كي كتكون او تخيلاتها فبالها .. عقلها بريئ لدرجة ما كتخيلش .. عند بالها الصدر كيصلاح للرضاعة د الدراري الصغار لا غير ..!
رجعات شافت فيهم فاش تسمعات ضحكة من شريفة و فالبلاصة هز حكيم عينوو فيها .. كيهضر بصوت خافت ما مسموعش ..! و هي كتتلوى تحتوو و كتتجاوب معاه برقة ..! وجهها مزنك و ففمها كثر ..! حممممر محقون فيه الدم .. و منفووخ بالمصاان .. و كتزيد تعض عليه و تدوز لسانها بثقالة على شفايفها ..!
تبسمات أسية بلا حس من شكلهم فالفراش .. عجبووها و ما تخيلاتهمش يكونوو فهاذ الانسجام .. الطريقة لي دايرة فيها شريفة رجل على رجل طالقة زينها عليه و مخلياه يتفتن بيها كثر و كثر .. حركاتها و دلعها ..! هو كيفاش كيدوز يديه عليها و يحركها على هواه ..! مرة يضحك معاها و مرة يوقف يهز عينيها فيه و يهضر معاها ..! مرات يبوسها فعنقها و يحك لحيتوو مع لحمها حتى كتكمشوو كتهر و تطلقها بضحكة حلوة .. و هو هاااادي و راشقة ليه عليها ..!
سخنها و ما قدراتش تبعد عليه وا لا هو يبعد عليها ..! حركاتوو ثقااال معاها .. واخذ وقتوو فأي حاجة دارها .. مخليها تذووب بين يديه .. و تا اسية تذوب من شوفتهم هكاك ..!
تا بانلها هابط مع كرشها بالبوسان و المصان مخليها غتهبل و صوت رقييق كيخرج من فمها ..! حاولات تقلدوو اسية و تتعوج بحال شريفة و ما قدراتش ..! ضربات جبهتها و ضحكات على راسها حتى شبعات .. عاد رجعات كتبركك بعينيها ..!
لقاتوو وصل لرجليها لتحت و هزها عندو .. كيضحك بثقالة و يهضر بصوت كسلاااان .. بزز كيتسمع منوو لبرا همهمات ..! باسها فرجليها مرة و جوج .. تا تزنكات اسية لي كتفرج و عينيها زادوو خرجوو فيهم مصدومة ..! و حكيم كيمصمص فصباع رجليين شريفة بحركات بطيييئة .. عارف شنوو كيدير و عارف نقط ضعف المرأة ..! حركاتوو قتلوو شريفة و حركوو فيها الغر٠يزة كثر ما هي محركة .. كتزيد تتجاوب معاه و تحرك رجليها بالشوية معاوناه و كتقربلوو صباعها كثر و كثر ..! صوتها طالع فالسما و عينيها مقلوبين كترمش بثقالة .. عاضة على شنافتها التحتية ما باغاش تغوت كثر من هاكا ..!
لكن أسية لي كانت على بوونت و هي تغوت .. منين كمل من رجليها و طلع معاها ببطئ كيحرك نيفوو بتحذير و يوزع عضيضات خفاف على فخاضها ..! تا هبطلها السليب و لاحوو موراه .. و هزلها رجليها .. واقف على ركابيه كيهضر معاها هاز حاجبوو و قهقهة خفيفة مسموعة منوو ..! وسعلها بيناتهم و هبط لعندها ..! مخلي شريفة كتحرك راسها بالنفي و هو غارق فيها ..! شادلها رجليها لي فشلوو عليها و رخاتهم ليه ..! الدمووع هبطولها من جناب عينيها .. قلبها كيضرررب بالجهد كتحس بيه غيسكت لها .. و هو غير ما زايد لها فيه ..! كلها كترججججف و تدمع .. بغاااات تشلل ليه تمااا .. كتعصصصصر و وجهها حممممر .. صوتها داير حاااالة ما بقاتش عاقلة على راسها .. غير كتلهث و تحبسوو بصوت حنييييين ..!
وجهها تزنك من المناظر لي كتشوف ..! سخنات و احساس غريب جاها فهاذ اللحظة و هي كتشوف فيهم .. حتى النفس ديالها بدا كيطلع ثقيييل و كتسرط فريقها ..! و مع هز راسوو ضرب شريفة لجنبها تا تهزات و جاوباتوو على هضرتوو لي ما تسمع منها والوو ..! كتحرك راسها بلا عاضة على فمها و كلها كثلهث عرقانة و حاسة براحة غريييبة ..!
نفس الراحة حسات بيها أسية عند بالها كملوو ..! ما جات فين ترمش بعينيها .. تا لقاتوو قلبها على كرشها و ضربها لهاذيك لي كتترعد موراها .. تا حمرها لها و طلع فوق منها كيبوس فظهرها و يهضر فوذنيها ..!
تصدمات و ما قدراتش تزيد تشوف فيهم شنوو كيديرو .. جلسات فالفوطوي فين كان جالس حكيم .. كترجف و يديها على فمها ..! و فالبيت لداخل عايشيين الساعة و مستمتعين بكل حاجة فاجسام بعضياتهم ..! تا شريفة ما خلات فيه غير لي نسات و جهدها خرجاتوو فيه ..! مطراسية لوو صدرو و عنقوو ..!
الوقت كيدوز و أسية مترددة ترجع تطل و لا تمشي لبيتها لي كاين فالجهة الثانية من الكولوار لهيه ..! و حتى نوات تدخل بحالها .. سمعات غوتة من شريفة و هاذ المرة باينة فنبرة صوتها بلي محرقة و مألمة ..! و بفضول كبير رجعات طلات ... كيبانلها كالعادة ظهرو و نصوو مغطي و رجلين شريفة فوق كتافوو و شوية من فخاضها لي باين عريان ..!
حاط يديه على فخاضها كيطبطب عليهم و كيزيد يزير بيديه على لحمها و يختارقها و هي كتغوت عينيها مدمعين ..! عاطيها الخاطر .. مرة يحك على يديها .. مرة يبوسها ففمها و صدرها .. مرة يهضر معاها و يلعب بنيفوو مع نيفها .. حتى تمات العملية بنجاح ..!
مرخي و مفتوون بيها فالفراش .. زادت غرقاتوو فيها كثر و كثر .. تا غمس للحد ..! حاس براسوو يالاه كيديفيرجيها اول مرة ..! عملية تضييق المهبل و البرودويات لي كتغسل بيهم خلاوها تجمممع بحال يلا مخيطينها خيااااطة .. لدرجة هي عينيها خرجوو معاه .. كتحس بليباري كيتكوها فعينيها بالحريق .. لي ما حساتوش تا مع إلياس فاش اغتا٠٠صبها ..!
لكن الحريق مع الوقت رجع لذة من نوع ثاني ... كتبوس فصدرو و تقربوو ليها كثر و كثر .. بلهفة و جووع باغى تاكلوو ماكلة ..! هالة من المشاعر غارقين فيها للجذر .. تا وحوحات بصوت عالي رقيق و دلووع و ترخات فبلاصتها كترد النفس بقوة ..! و تبعها هو بعد مدة من الزمن .. كيهمهم بصوت ثقييل و هو كيخوي فيها لداخل حتى كمل و طاح عليها عينيه مجبدين و مبسميين ..!
حيدلها الشعر لي لسق على وجهها من العرق و هي كتشوف فعينيه مغطية صدرها بليزار .. و بصوت خافت قالت ..!
شريفة: اييييي نووض عليا خنقتيييني .. ما بقيتش قادرة نتنفس ..!
تكى على ظهرو و جرها طاحت على صدرو المزغب لي حوالوو عينيها بيه فالمعاشرة ..! غير الشوفة فيه سخناتها بلا ما يقرب منها كاع .. واخا ضعاااااف على لي كان و طيح صحتوو ..!
و بصوت كسلان رد بمكر كيضحك راشقة ليه عليها .. كيلعب فشعرها القصير كيرجعوو مور وذنيها ..!
حكيم: هاذشي كامل و باقى مخنوقة ؟ ( شافت فيه و ضحك غامزها بثقالة ) نرجع نسرحك من جديد ؟
شريفة:( غلباتها الضحكة و ضرباتوو لصدرو مخرجة عينيها فيه و وجهها مززززنك ..! ) حكيييم ..!
حكيم؛( تبسم و قال شاد يدييها ) ننفسك ا الغزالة ؟
شريفة:( عضات على فمها شحال و فلخر طلقاتها بضحكة فالسما و تخشات فيه فرحانة ..! ) ههههههههه انموووت ( رمشات و هزات عينيها فيه ) سولوو السم باش كتقتل .. قالهم بالثقالة .. ا سي حكيم .. يخليلي الناس الثقال ..!
حكيم:( هز حاجبوو فيها و قال ) ياك بعدا ..! ( لعب بلسانوو ففموو و كمل ) شكوون أنا ؟ حكيم ؟
شريفة:( سكات كتضور فعينيها عارفاه شنوو قاصد ..! طلعات معاها الصهدة و هو كيشوف فيها تا خشات راسها فعنقوو و قالت بصوت حنين دلووع ..! ) سبع بوو بطااااين ..!
قهقه بالجهد تا زادت خشات وجهها فيه و عضاتوو فعنقوو .. باش يسكت ..! و فنفس الوقت شدات أسية البيت عليها كتولول و كتخيل كن حصلها شي واحد فيهم ..!
رد عليها بصوت ناااعس .. جاياه واحد النعسة حلوووة من بعد العلاقة ..! كيدوز يديه ببطئ على شعرها كيهضر معاها و هي كترد عليه بهدوء ..!
حكيم: ضعافيتي بزااف ا شريفة ..! شفت قبيلة فخاضك و يديك زورق ...؟؟
شريفة:( ردات بتنهيدة جامعة ليزار على صدرها و متكية عليه ) ماشي غير ضعافيت كنت كنمووت يالاه دابا بديت نرد صحتي شوية .. ولات الخدمة عندي بحال البلية غير باش نتناسى و ما نبقاش بوحدي نحماق ..!
حكيم:( رد بثقالة ) فكرتيني بعدا .. آش خبار البلية معاك ؟
شريفة:( ردات بضحكة ) كتسلم عليك قالت لك توحشاتك ..! ( جمعات الضحكة و كملات ) بزز مني نقطعها .. جمعت القراعي و الكارو كامل لي عندي فالدار و عطيتوو لولاد الدرب .. منها نتهنى منهم ما يبقاوش قبالت عيني و منها نلقى الحمية أنا و أسية و تا حد ما يقرب مننا .. راك عارف ولاد سلا ..!
حكيم:( رد باختصار ) مزيااااان ..!
شريفة:( ما عرفاتوو كيتحلف و لا كيهضر عادي ..! حركات راسها و كملات ) ما عرفتهم غيبيعوهم و لا يخليوهم عندهم حتى يفوت رمضان و لكن فجميع الحالات تستنفعوو بيهم و رجعوو غير كيشوفوني كيحنييو العين ما كاين غير ختي شريفة ختي شريفة و الاحترام بيناتنا .. و تانا مرة مرة كنضور معاهم ما كننساهمش ..!
حكيم:( دوز صبعوو على ذراعها و قال ) و لحمك ؟
شريفة:( شافت فيه شحال و قالت ) ضعافيت حيت ما كنتش كناكل و زادت عليا القطعة .. تال هاذ السيمانة اللخرى عاد تفتحات ليا الشهية و زدت فالوزن شوية .. و لحمي زرق حيث ما كنقدرش نصبر و كتجيني حالة خايبة ( تنهدات بقوة ) كنلقاه غير هو نبرد فيه سمي ..! مسكين هاذ الشهر كلى معايا الدق .. قهرتوو بالعضان و القريص .. و واخا هكاك صعييب عليا الحال .. كنحس بعقلي غيخرج من بلاصتوو .. كنتعصب بزاف على اقل حاجة و عاد الرجفة و السخاين و حريق الراس و زيد و زيد .. مي ديكشي بدا كينقص على لي كان كوميم ..!
حكيم:( تبسم و تقلب عليها باسها فشفايفها .. بوسة كتنقط بالعسل ..! غير تكة فالشفايف ..! و بكسل قال مبدل الموضوع ) سمك مشى لي أنا اللول فالعروق ..! ( دوز بابهاموو على شنافتها التحتية تا رجفات ..! ) شنوو دوايا ا مدام ؟
شريفة:( ضحكات و قالت بهمس مصغرة عينيها فيه ) ما كاينش ..! هاكا غتبقى حياتك كاملة .. هاذي شريفة و أجرك على الله ما عندك عليها فكاك ..!
حكيم:( رد بهدوء ) و أنا راضي و قابل نبقى حياتي كاملة هاكا يلا كنتي نتي معايا ..! ( شد فيديها باسها و كمل ) شنوو قلتي ؟ كنظن جا الوقت لي نوفي فيه بوعدي ليك .. و تولي مدام أمغار بالطابع ( غمزها )
شريفة:( تفعفعات و عينيها زادو توسعوو كثر ما هما كبار و مجبديين كيفتنوو ..! )
حكيم:( قال و هو كيشوف فسحر عينيها ..! ) سم الظباء ..!
شريفة:( قالت بصدمة و احساس غريب تملكها فهاذ اللحظة من هضرتوو ..! ) بغيتي ااء ..!!! كتطلبني للزواج ا حكيم و لا جابلي الله ..!
حكيم:( رد بهدوء هاز حاجبوو ) شنوو بانلك نتي ..! يهديك الله علينا و تخلينا نسنييو داك الورقة خلاص ..!
شريفة:( زادت زيرات ليزار عليها و قالت بضياع ) أناااا ..!! فففف حكييم مااا يمكنش أنا ما باااغاااش
عقد حكيم حجبانوو فيها .. و كملات هي تالفة ما عارفاش منين تبدا الهضرة و كيفاش توصل فكرتها بلا ما يكفر عليها ..!
شريفة: فففف داااابا
حكيم:( تقاد حتى هو فالجلسة و قال بنفاذ صبر ) غتبقاي ترعدي عليا هنا ؟ هضري مقاد من التقل** الخاوي ..!
تنهدات بقوة و بابتسامة خفيفة شدات فيديه تا رخاها لها .. جراتها عندها مزيرة عليه بجوج يدين ..! عينيها مرة عليه و مرة فيديه ..!
شريفة: سمعني حتال للخر ا حكيم و ما تقاطعنيش يلا كنت عزيزة عليك ..!
حكيم:( زفر النفس و قال ) طلقينا ..!
شافت فيه بنص عين حاساه بحال القنبولة قدامها ..! فأي لحظة يتفركع فوجهها .. بهدوء طبطبات على يديه و قالت مرتاحة فالهضرة .. بصوت حنيييين كتحسوو طالع من قاع قلبها ..!
شريفة: حكيم يا حكيم ..! ( تنهدات كترمش عينيها فيه ) قلتي جيتي عندي باش نشوف فعينيك و انا كنقول كنبغيك و عمري نكون لغيرك ..! ( ضرباتوو لكتفوو و بابتسامة هاااادئة كملات ) سمعتي الاوديوو و باقي عاد كتسولني واش قابلة ؟
حكيم:( رد عاقد حجبانوو ) و مالنا على هاذ الخصايل لي ولاو فيك ..! ما يمكنش و ما باغاش ..!
شريفة:( قاطعاتوو ) دابا خليني نهضر و باركة من الاعصاب على والوو ..! ( قلبات وجهها للجنب لمدة و رجعات قالت ) ما يمكنش نكمل حياتي مع شي واحد من غيرك .. و ما يمكنش نفتح قلبي لغيرك .. و ما يمكنش نشوف فراجل من بعدك ..! و فنفس الوقت ما باغاش ..! ما باغاش نكون بحال كاع العيالات لي كنشوفهم .. أنا ما تخلقتش للدار .. ما باغاش نكون بحال شي بلاطوو عزيز شاريه و حاطوو قدامك فرحان بيه و لكن ما كتخدموش فخطرة ..! لدابا كنحسك بير غاااارق صعييب نوصل للحد ديالوو ..! ما باغاش ا حكيم نعيش تحت جناحك .. باغى يكون انا فيدي جناح و نتا جناح و نطيرو بجوج .. ما باغاش نعرف خبارك من البراني و ما باغاش نبقى نتقاتل باش نقرا عينيك .. ما باغاش واحد النهار نفيق و نلقاك بعييييد عليا واخا حنا بجوج عايشين تحت نفس السقف ..! ما باغاش نكون مراة ديال الدار .. لي تخليها فكوزينتها و تخرج مع صحابك و خوتك تزهى ..! باغى نعيشوو حياتنا بجوج .. نزهاو بجوج .. نخرجوو بجوج .. نسافرو بجوج و نطيرو بجوج ..! خدمتك صعيبة و عارفة كتتعصب معاها بزاف و ما كترتاحش ..! حاسة بيك و لكن ما باغاش مشاكل الخدمة يجييو معاك تال للدار .. ما باغاكش تمرض و تمرضني تا انا بشي حاجة بعيدة علينا ..! ما باغاكش غير حيث غتكون راجلي تتدخل فيا و تتحكم فشي حوايج بعاد عليك .. بجوجنا مساويين نتا عندك عقل و انا عندي عقل .. ما باغاش واحد النهار تحطني قدام الأمر الواقع و تخليني نحني الراس بزز مني لشي حاجة انا ما باغاهاش ( هزات حاجبها فيه بتبسيمة مسمومة ) نقدر نصدمك كيفما صدمتيني ..!
حكيم:( بهدوء ) زيدي ..!
شريفة: لي بيني و بينك راه بيني و بينك .. حتى حد ما غيعرفوو .. و لي نتا ما عارفوش ما تظلمنيش فيه .. لي كيتقال فظهري ما عندي علم بيه و لكن لي نتا غتقولوو فوجهي و تواجهنني بيه .. اكيد غنشرحولك .. غير باش نتظلم هاذي لي ما نقبلهاش ..! كيفما ما نقبلش تدير شي حاجة بلا خباري و ما تشركنيش فيها تا نعرف بحالي بحال كلشي .. و كيفما ما نقبلش يجي شي نهار و تلوحني من بعد ما شبعتي و بانلك فالجديد ..! ( بهدوء ) هاذو ماشي فعايلك و لكن من اللول كلشي يتحط فوق الطبلة ..! ( بحدة ) ماشي شريفة لي تضرب بمرا اخرى .. نقدر نسرط شحال من حاجة و ندوزها .. و لكن الخيانة ا حكيم .. و كيفما كانت تكون .. نق٠٠تل عليها و ما تبردش خاطري .. نبكيك نتا وياها و نشرب من دمكم .. عاد نبكي فوق قبرك ..!
حكيم:( ضحك باستهزاء و حك حاجبوو .. كيحركوو بثقالة بمعنى زيدي كملي ..! )
شريفة: و كيفما عليك راه عليا حتى انا .. منك مني ..! و نهار تلقاني خنتك واخا غير بالهضرة .. قتلني و دير فيا لي عجبك .. ما تسمع مني لا احح و لا أي ..! من غير هاذشي نهار تحط يديك فيا و تردني مزوقة بالضرب عرف هذاك النهار اللخر بيناتنا ..! ما قابلاش و ما باغاش نكون من العيالات لي كياكلوو قتلة فالفطور و قتلة مع العشا و تقولك زماني مسكين معصب و انا درت علاش ( عوجات وجهها ) نتقيى على وجهها هي و ياه .. يلا درت شي حاجة غتجرني من يدي و نجلسوو فوق الطبلة و تقولي ا بنت الناس هاذشي لي درتي ما كيدارش و العيب و العار يلا ما تناقشناش بالهداوة و طلبت منك السماحة يلا كنت غالطة فحقك ..!
حكيم:( لعب بلسانوو ففموو و قال كيحرك عينيه ببرود جهتها ..! ) كملي و خوي شنوو عندك ..!
شريفة:( سكتات شحااااال و عاد قالت ) و ما باغاش نولد ..!
حكيم:( تبسم ببرود .. تبسيمة ما فيهاش الروح كتخلع .. حيث باين شنوو جاي من موراها ..! ) هه ..! القوا** بعينيها ..!
زيرات على يديه لي باقى عندها .. باش يخليها تهضر و تا هو حرك عينيه بخوذي رااااحتك .. هضري من هنا للغذا ما كاين لي يحبسك .. هانتي على خاطر خاطرك ..!
شريفة: ماشي أي مراة فهاذ الدنيا .. راه مغروس فيها غريزة الامومة .. كاينين لي ما باغيينش و ما معتارفينش بشي حاجة سميتها الأمومة من الأصل .. بحالي ..! و لكن ما قادرينش يهضرو .. حيث المجتمع و القيل و القال ديال بنادم ما غاديش يعطيهم التيساع .. اما أنا ( باستهزاء ) طووز فيهم هما و هضرتهم ..!
حكيم:( حرك حاجبوو و بهدوء قال غادي معاها دقة دقة .. ما دام جبدات هاذ الموضوع ..! ) واخا ..! قنعيني بلي ما عندكش هاذ الغريزة لي كتهضري عليها و هانا معاك فلي قلتيها ..!
شريفة: نقنعك واخا علاش لي ما نقنعك .. بحالنا بحال بزاااف د لي كوبل و كاينين على الجهد فهاذ الوقت .. كيتافقوو من الديبار ما باغيينش يولدو فخطرة و ما عندهمش فكرة يجيبوو ولاد لهاذ الدنيا .. يلا كانوو غيولدوهم غير باش يعذبوهم ..!
حكيم:( ببرود و ملامح هادئة ) يالاه فازي ..!
شريفة: كن كانوو كاع العيالات عندهم غريزة .. ما غتلقاش أم كتهز معلقة كتسخنها حتى كتولي كتشوط و تحرق بيها بنتها و لا تهد عليها و تدير راسها باغى تشويها بيها غير فكوها منها بزز ..! ما غتلقاش وحدة كتهز موس و تبغي تقطع لسان بنتها غير حيث هضرات قدام الجارة .. و لا تعطيها الحار تا تشوطلها فمها و هي كتفرج فيها كتهز و تحط و تتشمت فيها على اساس غتفهمها ..! ما غتلقاش ولاد فالزنقة ما كيعرفوش دارهم فين جات غير فوقت الماكلة و النعاس و مادا بيها امهم تتهنى منهم غير يدرقوو عليها زلايفهم ..! ما غتلقاش واليدين ما عارفينش حتى ولادهم شحال فعمرهم و فين كيقراو .. كيعرفوو غير يتبعولهم الدعاوي فالدخلة و الخرجة قدام كلشي ..! ( بهدوء و عينين مدمعين حانياهم ..! ) حط الطونوبيل و سير بين الدروبة على رجليك و غتعرف علاياش كنهضر ..! عيالات ما عندهمش شوية غير شوية من الامومة فقلبهم .. كيخرجوو حرهم و كينتاقموو من ولادهم غير هكاك .. داك الولاد لي منهم بنات و امهات المستقبل ... كيطلعوو معقديييين لدرجة ما كتخيلش و تا هما كيلقاو ولادهم يجربوو فيهم ديكشي لي عاشووه و هي غادية ..! حتى كنلقاو جيل كااامل كابر معقد و مرييييض .. و الاصل د المشكل منين جاي ؟ ناس جاهلة كيشوفوو المراة بحال شي ماكينة ديال الولاد و يلا مشات حتى قالت ما باغاش نولد .. بحال يلا كفرات عندهم .. ما يكرهوش يرجمووها باش تنقارض و ما تعديش غيرها ( باستهزاء ) فيها الجربة مسكينة و هما لي الجربة معششة فعقولهم و كيشوفوو حد نيفهم عمرهم يزيدو فحياتهم ..! و هاذشي ماشي غير فالمغرب و عند العرب .. لا حتى برا .. يلا كنتي كتهز تيليفون و تقلب فاليوتيب يبانوولك فيديوات ديال ميريكانيات يابانيات كنديات و زيد و زيد .. مربيات .. كيضربوو ولاد الناس تا كيلسق راسهم مع الحيط غير حيث صدعوهم .. كيهزو ماكلتهم و يقلييو السم لدراري صغار و يخليوهم بالجوع و هما كيتهزو و يتحطوو قدامهم عقلهم غيخرج .. و كاين لي مشى بعيد كاع .. كتدخلوو لطواليط تنقيلوو بالعصا و توكلوو زبلوو ..! ( بتنهيدة ) هاذو عندهم شي أمومة ؟ و داك الواليدين لي ثايقين فيهم و كيمشييو للخدمة و يخلييو لهم ولادهم .. كن ما جا لبالهم يشوفوو الكاميرات غيجي واحد النهار يلقاو ولادهم ماتوو ولا وقعاتلهم شي كارثة ..!
حكيم:( تسناها تزيد تهضر و منين سكتات .. مد يديه .. هز البوكسور تا ضورات وجهها لبسوو و رجع تكى مخليلها ليزار ملوية فيه .. و باين من ملامحوو غيدخل معاها فنقاش ..! ) ما قنعتينيش ..!
شريفة:( تسترات مزيان بليزار و تقادات ..! ) واخا ..! نشوفك نتا شنوو غتقول ؟
حكيم:( حرك يديه بهدوء كيشرحلها ..! ) فبلاصة ما تقنعيني بلي نتي ما عندكش غريزة الأمومة ..! ( هز حاجبوو فيها بجدية ) و حيث متأكدة ما غتقدريش تقنعيني .. حيث نتي نيت ما ممقتانعاش بالفكرة من الأصل .. ضربتي ضورة كبييييرة جابدالي ناس بعاااد ..! ( شير بصبعوو لجهتها ..! ) هضرت عليك نتي .. خليك فيك نتي ..!
رمشات شريفة عينيها كتشوف فيه ساكتة ..! ما عرفاتش شنوو تقول و لا منين تبدا ..! غلبها فهاذ اللحظة و من ملامحوو الجدية و عينيه المفتوحين على وسعهم فيها .. متأكدة الحذيث جدي لأقصى حد بالنسبة ليه ..!
حكيم:( حرك راسوو بالايجاب و قال ) كيفاش غتقنعيني و نتي كتهضري على هاذ الدراري و لا نقولوو كتهضري على راسك و عينيك مدمعين ..! ( هز حاجبوو فيها و حركوو لجهة المرايا ) نوضي شوفي وجهك كي رجع و اجي دخلي لعقلي بلي هاذ السيدة لي قدامي غتدير هاذشي كامل فولادها و هي غير كتعاود عليه و كترجف فأرضها ..!
شريفة: حكيم ..!
حكيم: شششش ..! قنعيني بلي السيدة نفسها لي بكات على الزهرات فآخر المخيم و لي نفسهم كانوو كيعيطولها ماما .. و ما قدراتش تضرهم تا بالهضرة .. غتخرج جهدها فولادها ..! ( باستهزاء ) ولاد الناس عاطياهم الخاطر و فرحانة بيهم و ولادك ما غتقدريش تحسي بيهم و غتعقديهم ..!!!! ( رفع صوتوو بحدة ) علاااامن كضحكي ؟ عليا أنااا ؟؟ و لا على راسك ؟؟
شريفة:( ردات بضياع و وقفات بالزربة حتى ضربها الضوو تحتها و بقات مكوانسية ما قادرة لا تزيد لا ترجع .. بحة حزينة باينة فصوتها ) ما نقدرش ا حكيم ما نقدرش ( بعصبية كملات ) ما نقدرش نولد ولد كتطلع فيه الروح و تنزل باش انا نجرب فيه و نشوف واش ديكشي لي كيصدقلي مع ولاد الناس غيصدق تا معاه ..!! ايوا و يلا ما صدقاتش ؟ شنوو نلوحوو هاذ الولد للزبالة ..!!!
خرجات عينيها فيه معصبة .. تا ضحك ضحكة زادت فقصاتها .. و لكن غير هضر فهمات علاش ضحك ..!
حكيم: خرجان العقل هذا ياك ؟؟؟ ما كتخيليش راسك لايحاه و غير هاذشي كينرفزك ..!!!! من دابا كتحكي عليه و هو ما كاينش .. فما بالك فاش يكون بصح ..! ( تمشى لعندها حتى زير على كتافها تشوف فيه و فنظراتوو الصارمة ..! ) نتي مشكلتك ماشي ما باغياش ..! باغى و كتفكري فهاذ السيجي بزاااف .. خايفة ما تعرفيش تتعاملي معاهم ... ماشي ما تحسيش بيهم و ما تكونيش ام ..!
شريفة:( عوجات راسها و هزات كتافها .. عينيها كيلمعوو بطبقة خفيفة من الدموع ..! ) اسية كبرت انا و ياها .. ما كنتش امها و ما كنحملش نسمع هاذ الكلمة من فمها اصلا ..! عشنا أنا و ياها نفس الظروف غير الفرق هي عطيتها الحاجة الزوينة و شافت الدنيا موردة .. و أنا خذيت الظلاااام ..! تخشيت فالعافية و تحرقت باش هي تشوف الضوو ..! غتقولي هاذ التضحية كاملة ماشي امومة غنقولك .. اسية علاقاتنا كانت بادية من قبل .. ماشي عاد بديتها معاها من زيرو فداك الايام ..!
حكيم:( حرك عينيه بتفهم و هي كتشوف فيه بضياع ..! ) فاهمك ..! كتفكري كيفاش غتتعاملي مع ولادك و هما كيكبرو .. تفششيهم و لا تغوتي عليهم .. يلا غوتي عليهم واش يكرهوك و يلا فششتيهم واش يطغاو عليك ..! تهضري معاهم بالعقل و يلا مشاو عصبوك و ضربتيهم .. واش غتولي تبانيلهم بحالك بحال كبيرة و يكرهوك ..! نتي كبيرة لي ممرضاك فهاذشي كامل .. خايفة تكوني بحالها ..! ( تنهد بقوة ) باش نبلعوو علينا هاذ الباب فخطرة ..!
شريفة: ااه ..!
حكيم: يلا ما كانش تفكيرك ليهم من دابا .. امومة .. فشنوو هي الأمومة فنظرك ؟ ( هز حاجبوو فيها ) هضرت كثر من القياس .. فاش تريحي بوحدك فكري فهضرتي و غتلقاي راسك ..! و عندك جوج د الحلول باش تتهناي فحياتك ..! ( هز صبعوو شاد فيه ) غتنساي كبيرة و داك الناس كاملين و تلوحي موراك كولشي .. غتبداي من زيرو و تنساااااي ..! ولا ( شار بصبعوو الثاني ) غتقلبي على كبيرة فينما كانت و توقفي فوجهها و الهضرة كاملة لي جامعاها فقلبك من جهتها .. غتلوحيها لها .. غتحاسبيها .. و ترجعي تكملي حياتك ..! ( زير على حناكها بيديه بجوج ) خوي ا شريفة .. خوي ..!
شريفة:( رمشات عينيها فيه و هو باقي شاد فيها ..! ) ما نقدرش ..! كبيرة عمري نسمح لها فحياتي .. ما نقدرش ننسى لي فات و ما نقدرش نرجع نتلاقاها من جديد ..!
حكيم: و شنوو الحل ؟؟ تبقاي حياتك كاملة هاكا ؟؟
شريفة:( تنهدات بقوة ) الهضرة سااااهلة ا حكيم .. نتا ما عارفش تا ربع فلي عشتوو مع كبيرة و حتى انا ما باغاش نتفكر داك الايام .. يلا آخر نهار فاش هربت حرقك .. يلا جيت نعاود ايامي كاملين ما غنساليش و ما غتقدرش نتا براسك تسمع ..!
رد بالغوات حتى قفزات أسية لي كانت ماشية للكوزينة .. تسخن ماكلتها .. خلعها و ما عرفاتش مالهم .. و فنفس الوقت ما قدراتش تمشي تطل عليهم لا تصدق حاصلة .. ماشي ديما غتسلك ..!
حكيم: ماااا عندي ما ندير بهاذ الهضرة د الز* ..! جوج كلمات ..! حتال فوقاش ؟ حتى تموتي شي نهار و نتي كتجمعي فقلبك ..!
شريفة:( بحزن قالت كتفرغ قلبها عليه و ببحة قالت ..! ) كبيرة تا هي غتكون قاسات و عندها قصة .. و يمكن تكون تعذبات فحياتها بحالي ..! عمري لمتها علاش ولداتني فالحرام .. تا هي غتكون بغات واحد النهار فحياتها و غامرات .. تا لقات راسها بوحدها و انا فيديها لحمة صغيرة ..! ( بدموع كيلمعوو فعينيها ) عمري لمتها و لكن هي لامتني على شي حاجة هي لي دايراها ..! ( ضحكات بقهرة ) تخيل حتى فاش جاتني ليغيكل اول مرة .. كليت قتلة نموت و ما ننساها .. علاش ؟ حيث جاتني ههه ..! كان خاصني نحبسها واقيلة و عمري نكبر ..! و لكن كبرت .. كبرات شريفة .. كبرااات راسها بيديها و ما وصلات للي هي فيه دابا حتى قاسات الويل .. ما وصلت لهاذ الشخصية تا تحكوو زنافري مع الارض ..! ضربت الكرفي فالميناج و فخدامي هي نفسها ما تقدرش عليهم .. و فرحانة بلي دوزتوو و بلي وصلت ليه .. و كن وقفت على لحمي نبيعوو باش نوقف على رجلي .. كنت نقولها و أنا هاااازة راسي فالسما .. تا حد ما عارف شنوو كاين فالداخل ديال بنادم من غيرو .. تا واحد ما عارف ظروف الثاني ..! ( هبطات دمعة وحيدة من عينيها و كملات ) عرفتي ا حكيم علاش هضرت الناس زايدة ناقصة عندي ؟ حيث شفت أستاذة كتخرج فالشارع و هي هازة راسها بخدمتها و هي كتتعدا على ولاد الناس فالمدارس و كتجيبها الضورة و تلحس السبابط للي دايرين عندها السوايع .. مدلولة بحال الكلب ..! شفت الفقيه لي كلشي كيطلب بركتوو و فموو ما كيخطاش منوو القرآن و سيرتوو مزيانة بين الناس .. كيلهث بجوع على لحم بنت صغيرة و نفس القرآن كيحاول يغتا٠٠صبها و هو كيقراه عليها ..! حتى ما بقاتش قادرة تسمعوو و ولا كيفكرها ديما فلي وقع ..! شفت راجل يحلفوو عليه خيرة الناس بلي الرجلة تتفرق منوو .. هو الراجل و الا فلا .. بفلوسوو و خدمتوو و منصبوو .. و هو فليل كيولي كي الشرويطة تابع الكاس و القرعة .. واخا تبول عليه ما يحس عليك ..! شفت و شفت و شفت ..! تا رجعت كنقرا بنادم بالساهل .. و لي ما شفتش وجهوو الثاني اليوم كنعرف غنشوفوو غذا ..! هضرة الناس ما كتوكلش الجوع .. و لي هضر فيك اليوم و عيب على حياتك غذا كتلقاه كيلهث موراك و يشمشم .. عل و عسى يوصل لشوية من لي وصلتي ليه ..!
حكيم:( حرك راسوو و طبطب على حنكها ) عارف الله اودي ..!
شريفة:( صغرات عينيها فيه ) و عارف علاش بغيتك نتا من دون الناس كاملين ؟ واخا كاع لي دوزتي عليا ( ضحكات كتتفكر داك الايام ) ههههه حيث وريتيني وجهك الثاني قبل ما نشوف اللول و نشبع منوو .. حيث غير عليهم و عندك بيض بيض .. كحل كحل .. على الاقل معايا ..!
حكيم:( تبسم كيلعب بلسانوو ففموو ) ما ندمتيش ؟
شريفة:( ردات بهدوء ) نندم يلا كنت بلا عقل .. يد اللور و يد القدام و انا تابعة واحد ما مطلعش تا سروالوو و فراس مالوو جوج د ريال .. نندم يلا عطيت راسي للي ما يستاهلش .. اما معاك ما نادماش .. باغاك و باغيني و عارفين راسنا شنوو كنديرو .. شنوو لي غيخليني نندم ؟
شريفة:( كملات بثقة ) كن وقعات شي حاجة بيناتنا فالوقت لي كنتي ما حاملنيش كنت غنندم و ندير فراسي شي موصيبة ..! و كن شدني شي واحد فصغري بزز مني و خرج عليا كثر ما الدنيا خارجة فيا .. كنت غنمووت فبلاصتي و بلا والوو كنت كنموت بالخلعة .. كنخاف و نعيفهم كاملين ..! و كن فقت شي نهار و لقيت الشراب وصلني للفراش مع شي حد و أنا ما عاقلاش .. تما فين غننتاحر و نموت و نندم .. من غير هاذشي ما نادماش ..! ( حركات راسها بالايجاب ) و قابلة نتزوجوو .. يلا حتى نتا قبلتي على شروطي ..!
حكيم:( غوبش فيها و تا جا يهضر و رجع حك سنانوو مع شنافتوو و ببرود قال ..! ) عقلتي على هضرتي د قبيلة ( قبل ما يدخلوو للبيت ) رجعي تمعني فيها .. تلقاي جوابك ..!
ضار للناموسية باغي ينعس .. مخليها واقفة كتشوف فيه يديها على جنبها مخرجاها من ليزار و شاداه على صدرها ..! شافتوو خشى راسوو بين المخاذ ناعس على كرشوو .. و بلا عكز عليها مشات طلعات فوق ظهرو ..! كتلعب فشعرو و عنقوو من اللور ..!
شريفة:( بضحكة ) علاش انا فهمت شنوو قلتي بعدا ؟
حكيم:( رد بصوت ثقيل فيه النعاس ) هداااي ..! شنوو ما فهمتيش ؟
شريفة:( تكات حداه على جنبها ..! ) قول شنوو فهمتي ا شريفة ..! ( هز عينوو فيها و ضحكات ..! ) لي باعك بيعوو و بالرخيص ما تسال عليه ..! ( صغرات عينيها و قالت ) هاذي على الهضرة لي سمعتي و خلاتك تنفر و تبعد ما تعاودش تسول فيا ..! ياك ؟
حكيم:( رمش فيها بمعنى ااه .. و كمل ) و لي شراك شريه و بالغالي ما تفرط فيه ..! من مور ما سمعت هضرتك و بكاك .. واخا عيني يكونوو مغمضين من جهتك ما نخليك من موراي .. نتي شارياني و أنا عمرني نفرط فيك .. واخا نعرف نزطم على الغوالي على ودك .. ابنت الناس ..!
غمزها بثقالة حتى بدات تفرنس عاجبها الحال ..! و بتفكير بدات كتحلل فهضرتوو الباقية ..!
شريفة: يلا بغيتي تحكم الغزال تبع خطاه ..! هنا قصدتيني انا بالغزال ( رمشات عينيها بدلع ناشرة زينها ) حيث انا لي عندي عيون المها .. هههه سم الظباء على قلتك ..! و يلا بغيتي تحكمني .. يعني تزيرني .. تبع خطاي ..! بمعنى غتجاوبني بنفس هضرتي ..!
حكيم:( رد ببرود ) جاي نهضر معاك و نتي كتق** عليا .. بالهضرة الخاوية ..! عمرك تقولي كلام ما فاهماهش ... ما تكونيش غير حافضة و ما فاهماش ..! ما بعتك ما خنتك ما خليتك فالحزة ..!
شريفة: بغيتي غير الكلام الموزون .. تبثي معاه ..! يعني أنا لي جبدتك و دابا نتبث مع هضرتك و نحاول نفهمها ..! ( ضحكات ) حد هنا عطييت حماري .. الباقي ما قشبلت منوو حتى لعبة ..!
حكيم:( عينيه تبسموو معاها و بهدوء كمل كيشرحلها ..! ) عيب النفس فكثرة الخطايا ..! بمعنى خيخت من نفس الأغلاط لي كيتعاودو مرة على ختها .. بسباب لسانك ..! ( هز حاجبوو فيها بنظرة خاااترة ) و لي شحال ما بقيت غنقطعوو لمك من الجذر ..!
شريفة:( ضورات عينيها ما حاملاش شوفاتوو ) وا صافي .. قلت لك ما غنبقاش نخسر الهضرة ( هزات صبع حدا فمها مدلية شنافتها ) غييير يلا بغيت نتعاير و ندابز صاااافي .. ياك ا كبيدة ..!
حكيم:( عرفها كتبهلل عليه .. و ببرود قال ) الله يعميهالك ..! ( كمل ) عيب القلب فدسان الهموم ..! هي كتخبعي فقلبك بزااايد و ما كتخرجيش لي ضارك ..! و عيب القلب فخبث النوايا .. معناها واضح ..! ( هز حاجبوو فيها ) كنتي كتعرفيني و لا حتى معاودينلك عليا .. ما غتنويهاش فيا كيفما نويتيها .. و مشيتي مع الخباثة ديال كريمة ..!
شريفة:( تنهدات و ردات ) فففف ..! ما نويتهاش فيك كنت مخلوعة و خايفة تكون واقعة لك شي حاجة ..! و لكن الغبرة لي غبرتي لا تيليفون لا خدمة لا دار لا خوتك ..! جات مع هضرة كريمة و قلت تكون جراتك بالسحر و طمساتلك العينين ..! ( ضربها ببونية لراسها تا غمضات عينيها و قالت ) ااااي ..!
حكيم:( هز حاجبوو فيها كيتسناها تحل عينيها ) منين جاتك و جاتها نمرتك ؟
شريفة:( عوجات فمها كتحك جبهتها ) قصة طوييلة .. كمل ليا و نعاودلك و نفهم منك نيت شنوو وقع معاك بالضبط ..! عرفتي حتى أحمد برادة غبر ما بقاش يعيط و لا يجي عندي للمحل فخطرة ..! واش تفكيت منوو صافي ؟
حكيم:( ببرود قال ) تفكيتي من الولد و الولد غيجر باه معاه بلا ما يحس ..! بغاو يلعبوها ولاد الق** صدقوو متوزين كيعطيوها ..!
غلباتها الضحكة كتتخيل برادة مهبطينلوو سروالوو و كيعطيها من اللور .. منظر مقزز و ضحكها فنفس الوقت .. و للحظة جاها سؤال لراسها .. واخا عارفة جوابوو و لكن بغات تسمعوو من حكيم .. و بدلال قالت
شريفة: حكييييم .. دابا نتا علاش داير هاذشي كامل على ودي ؟ ( رمشات عينيها فيه و هو كيسمعلها ) شنوو كنعني لك ..!؟
حكيم:( حك حاجبوو و ضحكة استهزاء خرجات من بين شفايفوو ..! ) ابتلاء من عند الله ..!
شريفة:( ميقات كتعوج فيه ) امم و المؤمن مصاب .. الله يكثر من ابتلائات ..! ( هزات حاجبها و قربات منوو كتفرنس تا لسقات عليه و قالت ) أنا عاااارفاك كتبغيييني ..!
حكيم:( رد كيطنز عليها .. حاط يديه على جنبها ..! ) شكون كذب عليك ؟
دلات شنافتها كتشوف فيه بتشيطين .. و هو متبسم و العيى باين من عينيه ..! تا شافتوو غينعس و قالت ..!
شريفة: تسنى كمللي عاد نعس .. راسي غيبقى يضرني ..!
حكيم:( زفر النفس و رد ) باركة من الفريع ..! ( بقى شحال كيشوف فيها تا قلب عينيه كيتفكر كمالة الهضرة ..! ) الرجال يبانوو فالشدة ماشي فالزندة ..! خيار الحباب الرجال و تكون تعرف معناهم ..! حتى هاذي ما فهمتيهاش ؟
شريفة: لا فهمتها ..! يعني الراجل ديال بصح هو لي كيبان فالشدة و الحزة و كيدير جهدو معاك ( قلبات عينيها ) كيفما درتي معايا نتا .. بمعنى ماشي رخيص و خاين كيف قلت عليك و ما خليتينيش فالوقت لي احتاجيتك ..! و كان عليا نكون كنعرفك مزيان و ما نويهاش فيك .. ما دامك من الحباب و ما شفتش معاك غير الزندة لي هي الاعصاب و الغوات .. شفت حتى فعايل الرجال الحرار و ما كاين حسن مني يعرف معنى هاذ الكلمة ..!
حكيم: همم ..! كلشي كيفوت و كل طير عندو صوت و الصنارة هي لي كتغذر الحوت ..! ( جبد يديه و ضربها لفخضها تا غوبشات فيه عاقدة حجبانها ..! ) كاع لي داز على الراس مزيان و كلشي كيفوت مع الوقت و يتنسى ..! و فالحزة كتعرف بلي كل طير عندو صوت
شريفة: بمعنى ؟
حكيم: بمعنى .. عمرك تصغر شي حد فعينيك .. حتى داك الطير الصغير كيجي وقت كيسمعك صوتوو ..! و هنا الهضرة على كريمة ..! لعباتها عليك مزيان و و سمعاتك صوتها حتى هي و شطارتها ..! ( شاف فيها ) واخا مزال كنتسنى نفهم نمرتك شنوو كتدير عندها ..!
شريفة:( ردات بملل ) وا صااافي راني كنت عطيتهالها من البلان ديال الكوميسارية و بقات كتسول فيا مرة مرة و نجبدلها لسانها باش نعرف واش كتديرلك شي حاجة .. و لكن كي دارت عرفاتني معاك هاذي لي ما تفهماتليش ..!
حك حاجبوو ببرود .. أول وحدة جات لبالوو هي ملاك .. متيقن بلي هي .. لسانها سخون و ما كتشدش الهضرة عندها فخطرة .. قال غتكون زهقاتلها قدامها بلا ما تحس ..!
طمر و ما قال والوو لا على النمرة لا على منين تفرشوو ..!
حكيم: الصنارة هي لي كتغذر الحوت ..! ( غمض عينيه و رجع فتحهم ..! ) بمعنى الدقة كتجيك غير من عند القريب و لي حاسبوو بحال نفسك ا نوارة الحدود ..!
حرك حاجبوو و عينيه بحركة عندها معنى فهماتها شريفة لي بقات ساكتة ما كتشوفش فيه .. و هنا المقصود بلي الدقة جات من عندها هي .. و من عند موو لي دار فيها الثقة و مور ظهرو دخلات كريمة تا ضربات ضربتها ..! و شريفة نفسها ضنات فيه السوء و قالت فبالها بلي غذرها من بعد ما غرقات معاه لقاع البحر .. فين غير هما بجوج و لكن هو دارها بيها و يمكن ما قدرش يغرق فيها و غير كانت كتتخيل ...! هاذشي كامل جا لبالها و عرفاتوو قاصدوو بالحرف غير من الحركة لي دار و مع رمشات عينيها كمل ..!
حكيم: يلا الفحل يصايد النعام .. الجايح صايد الحمام ..! ( حرك عينيه جهتها ) شنوو فهمتي منها ؟
شريفة:( سكتات شوية كتفكر و من بعد ردات بتردد ) فهمت و ما فهمت ..! الفحل هاذي كنقولها لك نتا .. يعني قاصد راسك .. يصايد النعام .. تفكرت المثلة لي كنقولوو صياد النعام يلقاها يلقاها .. و لكن ما فهمتش شنوو العلاقة بيناتهم ؟
حكيم:( رد ببرود ) الفحل صياد النعامة لقاها ..! و طاح فالفراش .. بقى تابع النعام حتى جابها فراسوو ..!
و هنا المعنى انوو بقى تابع شريفة حتى شاف فيها لي كرهوو و واخا هكاك بقى بالوو معاها .. كيفاش النعامة يخرج منها هاذشي كامل ..! حتى لقى راسوو طاح فالحفرة لي تحفراتلوو بلا ما يحس .. و هاكا صياد النعامة لقاها ..!
حكيم: و الجايح صايد الحمام ..! هنا الهضرة على
شريفة:( قاطعاتوو من بعد ما فهمات المعنى اللول و قلعات الثاني فالسما ..! ) فاش كنكونوو معصبين و كيسولنا شي حد فين غاديين .. كنقولوو ليه للجايحة الكحلة .. يعني لشي قنت بعييد منبووذ و تا حد ما حاملوو .. و هنا قصدتي كريمة لي صدقات مطورة و صيدات الحمام و معروف على الحمام كيكون بيض و زوين .. بيض بحال قلب خالتي حبيبة و خوتك لي حرقاتهم عليك و حرقاتني حتى انا .. صدقات هي المطورة ..! الفحل طاح فالحفرة و الجايح دار المزية و وصل لديكشي لي كان باغي من اللول و زاد شعل العافية بيناتنا ..!
حكيم:( حرك راسوو برضى ..! ) و الفاهم يفهم ..!
شريفة:( كملات كتمتم بينها و بين راسها ) و الرخيص ما يجوز فيه السلام .. كن كان حكيم رخيص ما غنفتحش ليه باب داري و ندخلوو ياكل من طعامي .. السلام هو اللخر ما نقراهش عليه ..!
حكيم:( شافها سااااهية ..! طرطق يديه قدام عينيها و قال ) سيمانة و ماليين الدار يكونوو معاك ..!
شريفة:( رمشات و باستغراب قالت ) مرحبا بيهم .. و لكن ا حكيم .. واش هضرة و كلام و لا شنوو بالضبط ..! باش نوجد راسي ..!
حكيم:( حرك راسوو ) هضرة و كلام .. تتعرفوو بيناتكم .. و منها نقراو الفاتحة ( هز حاجبوو ) و نرشمووك ..!
شريفة:( ضحكات من الكلمة و تفكرات نهار قالها راشمك و كان راشمها نيت بالسمطة ..! ) يعني خطبة ..! احم و كريمة فين وصلتوو فالطلاق ؟؟
حكيم: الشهر الجاي آخر جلسة ديال الطلاق و الله يعاوننا و يعاونها ..! و من هنا لتما جمعي وراقك ندفعهم فالخدمة .. يالاه تخرجلنا الموافقة ..!
شريفة:( باستغراب ) علاش هاذشي فيه الموافقة ؟ ( شافتوو تقلب غينعس ) اجي قولي بعدا برادة شنوو درتي معاه ؟
حكيم:( رد بحدة و بنبرة صوت لا نقاش فيها ..! تقلب عليها قلبة وحدة ..! ) نقصي من الفهامة و ديها فراسك ..!
رمشات عينيها مصدومة و هو رجع نعس ساكت ..! قمعها قمعة بقات تطلع و تهبط فيها حتى ناضت بزعفة جبدات حوايجها لي غتلبس و زدحات الباب د الحمام بالجهد ..! لكن ما داهاش فيها و راسوو هو اللخر ما هزوش ..!
عاض فالمخدة بصبر ..! جبهتوو بدات تعراق و السخانة باغى تطلعلوو من الحريق لي بدا يشدوو ثاني ..! المواس كيحسهم كيقطعوو فيه ..! وجع خاااايب صعيييب تصبر ليه .. خصوصا مرة على مرة و ما كاينش حل ..!
بقى هكاك كيتقطع و يتلوى فبلاصتوو بأنيين ما عالم بيه غير الله ..! و فالدوش لداخل فتحات شريفة المجر و جبدان بيلول ديال ربعة و عشرين ساعة .. سمطة طوييلة فيها حبة وحدة .. كانت مزالة لها مخبعة ..! دارتها ففمها و هزات واحد من الكيسان د الما خاويين عندها محطوطين حدا البانيوو .. عمراتوو و بلعات الدوا ..! عاد بدات تجبد فلي برودوي باش تدوش .. كتدندن بصوتها ..!
شريفة: يا واش عينيا فيه و لا منوو جونيماغ ..! يانا براسي تالف دايخ ما عارف ما نختار .. و داااي دااداي ..!
****************************************
جلسات كتنهج و تبسم مع صاحبتها .. عينيها مكحلين كالعادة بكحول بلدي سايح من الجناب .. كيجي مع لون عينيها كيفتن ..!
.....: توحشناك يا صاحبتي .. يالاه جينا البارح من عند عكوزتي و قلت و الله تا ندوز نشوفك كي بقيتي ( قربات منها و بصوت خافت ) امضرا نتي و داك الراجل ؟ درتيلوو اللحم د عبد العالي و لا ما صلاحش لك ..!
كريمة:( ردات بتنهيدة ) اللحم مشى يعgب الراجل فالركنة و يهزو لعند مولاه ا خويتي و gتلني يانا بالوجع فتحتي .. يا حتى دميييت و جاتني الفيضة الخفيفة و الحكان بغى يهبلني و اللفافط مطرطgين .. ما تهنيت يا تا طرgنا السبيطار .. الله يعز الطبة .. خرجاتلي واحد البز ديال البومادا ندهنها .. يا عاد كعدت مريحة شوية ..!
.....: الله على صحيبتي الله .. غيكون دارلك التهاب تعطلتي باش خدمتي الخدمة .. و دابا نتي شوية ؟ و راجلك و بنتك ؟ شنوو قالت لك الطبيبة ؟ اجي شحال باقي لك للولادة شفتك تنفختي ..!
كريمة: اييه دارلي الحرايgة ما شكيت عليك .. كنت سايرة نضور فموضعي كي المشوطة .. ياو دابا شوية .. الطبيبة gالت لي على شي تحاليل ياو الله ما عكبت ساليت لهم باش نgادهم ..!! باgي ليا على الزحمة نgولك شهر و نص .. نgولك شهراين هكاك .. راني gربت ..!
....: اااه وا باقي باقي .. غير بقاي تتحركي شوية باش تجيك ساهلة و تحاليلك ضروري ما تديريهم .. ما قلتيليش راجلك كي عامل دابا ؟
كريمة: gالي با بلي كعد الراس على لي كان .. و يانا علمي علمك ( ضورات عينيها و جراتها عندها ) وصلنا للطلاg و الفراg .. ما نكذبش عليك و نعود نضور عليك فالخرايف ..! يا gلبي واجعني ا خويتي و فين نلgى بحال مولا داري ..؟؟
.....: و دابا ما كاين حل فخطرة ؟ واخا غير على وجه بنتكم ..!
كريمة:( ردات بحزن ) و تgوولي واش يهز التينيفون و يرد عليا .. تا من المجرابة د عكوزتي gطعات معايا فخطرة .. ما بgى يصدgوو معاها لا حجابات لا شموع ..!
.....: و هانتي يا ختي باينة ناضت جرات على راسها و على ولدها .. حجاباتك كانوو شاديين فيها و لي قلتيها تقول ااه .. تطمسولها العينين .. نقولها و نعاودها خدمة عبد العالي ما بحالها خدمة .. بسبابوو هاني رجعت الراجل لولادو .. كن راه ممتعة بخيرو شي بنت الحرام من فعايلها ..!
كريمة: و فين ياموو عبد العالي .. كعدت نضور شحال تا لgيت وحدة خدماتلي حجابات جداد و التفرتيتة عاملة بحال الملحة .. gالتلي نلحg عليه و نلوحها على وجهوو بلا ما يعكب عليا حد .. كنتسنى غير الجلسة د الطلاg اللخرانية فاش نشوفوو ..!
ساعتين و هي غارقة فالحمام ..! خرجات مزززززنكة حناكها غيطرطقوو بالسخونية مع بيوضية لحمها ..! عينيها كيلمعوو بالفرحة لي واضحة حتى على ملامحها .. و سر غريب طايح عليها ..!
لابسة بيجامة د الحرير بسروال طويل فالكرونة و تيشورط نص كم فالابيض و الكرونة ..! جامعة شعرها ففوطة بيضة مطرزة بالذهبي .. و كلاكيطة فرجليها ..!
شافت جهة الناموسية بانلها حكيم ناعس ..! باينة فوجهوو بلي عياااان ..! خلاتوو يرتاح و بلا صوت تحنات كتجمع فالبيت و الحوايج لي مليوحين فالارض ..!
دارت ديالها فالسلة د الغسيل فالحمام .. و د حكيم طواتهم و حطاتهم فجنب الناموسية عاد خرجات من عندو شادة الباب بالحس عاضة على فمها ..! سمعات التقرقيب فالكوزينة و مشات لتما كتضور عينيها ..!
شريفة: أسية ؟؟ فوقاش جيتي ؟
أسية:( ما ضارتش عندها .. وجهها رجع حمممر و هي كتغسل مواعنها ..! ) عاد د دابا .. ك كنتي ناعسة واقيلة .. ما بغيتش نفيقك ..!
شريفة: امم ..! ( فتحات التلاجة جبدات تفاحة عضات منها و جلسات فصال امونجي لي عندها تما كتاكل و تهضر ..! ) و كي دازت الخرجة ؟ دغيا رجعتي ..!
أسية:( ضورات عينيها العسليين تالفة و حشمانة منهم بجوج .. كتقول غير غنشوف فيهم غنتفكرهم كي كانوو ..! ) ااااه ههه احم دازت ز زويينة .. عادية ..!
شريفة: مزيان ..! ( هزات راسها علاتوو معوجاه جهة يديها ..! ) باركة من الحداكة طيبتي يديك بالصابون على كاس و طبسيل ؟ هاذ الحكان كامل و باقي ما خرجوو ؟
أسية: ااا غير باش ما يبقاوش مزيتين ( شللاتهم و غسلات يديها ) صافي ..!
شريفة: اجي حدايا ا تاسانوو نهضر معاك ( شافت فيها عينيها كيلمعوو و شيراتلها للكرسي حداها .. تا جلسات أسية باينة فيها مزيرة ) مالكي ؟
أسية:( شافت فيها و رجعات حنات عينيها ) والوو ..!
شريفة: المهم ..! ( بسعادة ) تصالحت انا و حكيم .. و دارهم هاذ السيمانة غيجييو لعندنا .. نديرو خطبة صغيرة بيناتنا ..!
أسية:( قالت كتحك عنقها من لور ) ااه شفت تيليفونوو و الكونطاكط د الطونوبيل محطوطين فالصالة .. عرفتوو كاين ..!
شريفة: سي .. جا مع الغذا تغذينا و تفاهمنا فأمورنا ( تنهدات ) ضعااف بزااف و باين فيه من الداخل خااااوي .. دخل ينعس فالبيت عيان شوية ..! ( رمشات عينيها فيها ) ايوا شنوو قلتي على الخطبة ؟ و هزي وجهك فيا معامن أنا كنهضر ..!!
أسية:( هزات راسها و غير شافت فيها شريفة وقفات كتفتف .. بحال يلا غتحصلها غير من عينيها ) شنوو غنقول حياتك هاذي ديري فيها لي عجبك ..! راسي كيحرقني بغيت نتكى ..!
بالزربة تخطات شريفة كتخف رجليها و مع جات تشد الباب لقات شريفة واقفة كتشوف فيها مخرجة عينيها ..!
شريفة: مالكي نتي هاذ النهار ياك لباس ؟ معامن أنا كنهضر ا لالة مع الحيط ؟
أسية: ما تغوتيش غتفيقيه و هو عيان ..!
شريفة:( غززات سنانها و جراتها من ذراعها لعندها ) نهضر معاك هزي راسك فيا و جاوبي كي الناس .. مالنا على هاذ قلة الترابي ...!
أسية: ما مالي والوو .. راسي كيحرقني ما قادراش نهضر و صافي علاش مكبرة الموضوع ..!
شريفة: دابا أنا لي مكبرة الموضوع ؟؟ ( هزات حاجبها و بنبرة صوت فيها احباط ) أسيييية .. واش ما بغيتينيش نتزوج بحكيم ؟ ياك نتي لي ديما كتسناي هاذ النهار .. شنوو وقع دابا ؟ بقى فيك الحال ؟ ( حكات يديها مع ذراعها و جراتها لعندها باست راسها و خشاتها فيها ) واش انا نقدر نفرط فيك ؟ نتي معايا فينما كنت .. المشيشة و القطيطة ديالي ... تاسانوو الغزالة ..!
أسية:( ردات بصوت باكي ) بالعكس انا فرحتلكم و كنبغيكم بجوج بزاف .. انا غير ( غلباتها البكية و زادت عنقاتها مزيرة عليها بيديها بجوج و كتشهق فصدرها بالجهد ) س سم سمحييييليييي .. سمحوووولي ..!
شريفة:( بعداتها شوية عليها عاقدة حجبانها كتمسحلها فعينيها ..! ) مالكي ا كبيدة قوليلي و بلا ما تقلقيني عليك ..! شي واحد قالك شي حاجة فالخرجة ؟ و لا
أسية:( قاطعاتها كتتبسم ) ما كاين والوو و الله هء .. غير تصدمت و صافي ( زيرات عليها و ترمات فصدرها و شريفة معنقاها كتدوز على شعرها ) انا فرحانة ليكم بزااف .. اخييييرا خويا حكيم غيرجع راجل اللفعة ..!
شريفة:( ضحكات ) هههههههههه مع المكتاب ..!
و هما كيضحكوو تسمع صوتوو كيعيط عليها .. طبطبات على اسية و قالت ..!
شريفة: نمشي نتكلم .. فيقناه بصداعنا ..!
أسية:( ردات مزنكة ) و انا غننعس شوية راسي كيحرقني .. سلمي عليه و قولوو مبروك من عندي ( يالاه ضارت تمشي بحالها و رجعات عيطاتلها ) شريييفة ..!
شريفة:( رمشات بهدوء ) ا كبيدة ..!
أسية:( بحب ) الله يفرحك و يكمل عليكم بجوج بالخير .. قلبك يستاهل يفرح و الله ..!
تبسمات معاها تبسيمة طالعة من القلب حتى تشدوو عويناتها بسعادة و خرجات كتتمشى بالشوية تال الصالة لقاتوو واقف .. باين فيه مدوش غير من شعرو لي كينقط بالما ..! لابس حوايجوو لي جا بيهم و هاز تيليفونوو و الكونطاكط فيديه ..!
حكيم: مالك على داك الغوات ؟
شريفة: والوو غير كنا كنهضرو .. أسية جات راسها كيحرقها نعسات .. قلت لها الجديد ( عضات على شنافتها ) فرحات و سلمات عليك .. كتبارك لنا ..!
حكيم:( حرك راسوو و قال ) هو هذا .. غنمشي دابا ... ميعادنا غذا ندوز موراك تختاري الخاتم ..! و يوماين و ها حنا معاكم ..!
شريفة: اويلي يوماين ديالاش ؟ خاصني نوجد و نقاد شحال من حاجة و الدار هانتا كتشوف صغيرة .. نهار اختاريتها قلبت بلعاني على البيوتة يكونوو كبار و متيسعين نرتاحوو فيهم ..! ما عندي ما ندير بشي صالونات باركة هاذ الصالة مفرشة بلي فوطوي و مقادة ..!
حكيم:( سرح عينيه فالصالة ..! ) ما كافياش .. غنجييو بزايد بينا شوية ..! و ما عندك ما توجدي .. كلشي غيوصل تال عندك .. غير ريحي بالك ..!
شريفة: ايوا و الدار ..!
حكيم:( حك حاجبوو بالساروت و قال ) تهزي هاذشي و تفرشيه بلدي و لا تكري شي دار ..!؟
شريفة:( بعد تفكير ) امم نكري حسن .. منها حتى الدار ما تتكرفسش ..!
حكيم: صافي غذا ندوز عليك نشوفوو الدار و الخاتم ..! ( سلم عليها بالوجه و قال ) يالاه تهلاي ..!
سلمات عليه ودعاتوو و شدات باب الدار عليها كترد النفس و قلبها كيضرب بالجهد بحال المدفع .. دقات ثقاااال و مفارقين ..! عضات لسانها و مشات لعند أسية مفيقاتها ..! عندها طاااااقة كبييييرة خاصها فين تفرغها .. واخا يقولولها نوضي دابا نعاودو الدار بالصباغة غتعاودها ..!
شريفة: نووضي نوووضي ا الفنيانة .. ا نسخن لاسيغ و نقادلك الحالة .. مالك على هاذ الموسطاج د البسطاوي .. و زايدة مخبعاه بأونتي سيغن زعما ما غيبانش .. هاي هاي ..!
أسية:( فاقت مقلوبة كتقيس فيه ) وا راه زعر ما كيبانش ..!
شريفة: نتي لي مكتبانيش ..! نمشي نشوف لي ماسك لي عندي فالحمام و جبدي النتاف معاك هو و الماكينة د المساج د الرجلين .. على ما نجي و نسخن لاسيغ ..!
أسية:( ردات كتجمع شعرها فرحانة ) و حيديلي الدوفي بالخيط .. لاسيغ كتزرق الفم ..!
شريفة: يالاه غير طلقينا ..!
******************************************
وصل للفيرمة د بوسكورة فين كاينة حبيبة .. ملاك و عدنان ..! لقاهم مفرشين فالربيع ديال الجنان .. دايرين كاسكروط فالطبيعة و الهوا نقي ضاير بيهم .. ضوو خفيف مضوي عليهم من بيت لخزين لي باينينوو غير بليجور .. فيه الدوزان ديال الفلاحة .. و بولة لاسقة فالباب ديالوو من الفوق شاعلينها ..!
جلس حداهم مسرح رجل و رجل طاويها .. متكي على جنبوو .. مطاكي بيديه فوق المخدة .. كيشرب فكاس د اتاي منعنع برزتوو و كيسرح عينيه بهدوء فالربيع .. و هما فرحانين بيه لي ولى شوية و بدا يجلس معاهم ..!
حكيم:( بصوت ثقيل قال ) يَّما ..!
حبيبة:( ردات بابتسامة ) ا المرضي ..!
حكيم:( شد الكاس فيديه كيشوف فيها و ملامحوو مرخيين .. عاديين ..! ) وجدي راسك فهاذ اليوماين نمشييو نخطبوو بنت الناس لي كتقلبي عليها .. هذا هو الجهد ..!
ملاك:( قالت بفضول تا خنزر فيها و سكتات ) واش شريفة ؟؟
حبيبة:( ردات برزانة مبسمة .. طبطبات على رجل ولدها ) و هاذ بنت الناس .. مرتاح لها و ناوي معاها الدوام ا ولدي ؟ راك شفتي شنوو خرجلنا من كريمة و باقي ما زال تا ما وقفتي على رجليك بحال الناس .. خليك ترتاح و نهضرو فهاذشي ..!
حكيم:( رد باختصار ) راحتي معاها ا يَّما ..! رصينا النهار بجوج .. نطرق هاذ المسمار و نرتاح من بعد ..!
حبيبة:( وسعات عينيها بمعنى اياااه ..! غلباتها الضحكة و بتردد قالت ) و هاذ بنت الناس ( شافت فملاك ) شريفة .. شنوو أصلها و فصلها ؟ شكدير فحياتها و عائلتها كنعرفوهم شي ؟
حكيم: خير المعرفة ..!
نحنح و نطق بالسوسية مسرحة كيزرب فالهضرة و ياكل فالحروف .. مولف بيها و كيرتاح فيها كثر من العربية و لكن دابا دارها بلعاني على ود ملاك باش ما تفهمش ..!
حكيم: تسنتست مزيان كيتين ترضيت سيس تبداح الوقت غيلاد اتوايكتاب اد وفاغ س الوعد لي اس فكيغ مشكايد الحمد لله كولشي تويسارغ حصاغ غير الرضى نم ..!
《 كتعرفيها مزيان و كنتي راضية عليها .. فارقنا الوقت و دابا عاد كتاب نوفي بوعدي لي عطيتوو زمان هذا ..! الحمد لله ميسرة دابا من كلشي .. خاصنا غير رضاتك من جديد ..! 》
مدة و هي كتتفكر شكون هاذ شريفة .. من النهار لي جبداتها لها ملاك .. و بقات بقات حتى تفكراتها و تفكراتها مزيااان ..! ردات عليه تا هي بالسوسية و ملاك كتضور عينيها بيناتهم و تنغز فعدنان يشرحلها شنوو كيقولوو و هو حرام واش مسوق لها ..!
حبيبة: تداسوالت ف شريفة اليس ن الجيران لي تين اكان دان دارناح تشكا غ اكادير ياك؟ ماشكان نسفلد اتي
《 كتهضر على شريفة بنت الجيران لي كانت كتجي لعندنا فاكادير ياك ؟ و لكن سمعناها ت ..》
حكيم:( قاطعها ) ماح منجين نسفلد ا لهضرت ن ميدان ا لالة حبيبة تفروخت تداهل تسكر الحلال ورد مشاشكان ترزم زوند كولوا ميدن ..!
《 فين عمرنا سمعنا للهضرة ديال البشر ا لالة حبيبة .. البنت تزوجات و دارت الحلال ما تفاهموش و تطلقات بحال كاع الناس ..! 》
حبيبة:( قالت كتفتف ..! ) تتلف ؟؟؟ 《 مطلقة ؟؟؟ 》
سكتات شحاااال بحال يلا دايخة و ما عارفاش علاياش ترصي ..! و حكيم هاز فيها حاجبوو بنظرة عندها معنى ..! بحال يلا كيقولها مالها المطلقة ؟؟؟ تا تبسمات و قربات باستلوو جبهتوو و عنقاتوو لعندها ..!
حبيبة:( بالدارجة ) من عندي ما غنزيدكم غير مبارك مسعود .. الله يسهل عليكم بجوج و يعوضكم خير على لي فات ..! ( ضحكات ) قولي السوسية عششات فالقلب و العقل و ما غتمشي حتى تديها يا وليدي ..!
حكيم:( ضحك و هو كيبوسلها يديها و سكت ..! )
ضحكات تا هي فرحانة واخا مترددة شوية من لي وقع مع كريمة قبل .. ما عندهاش مشكل تكون مطلقة غير الهضرة لي كانت سمعات عليها من امها قلقاتها شوية و رجعات تناسات عارفة علاقتهم من لول ماشي تال تما ..!
حبيبة: الخير فاش كيجي كيجي دقة وحدة .. كنت كنتمنى بنية وحدة .. و ربي رزقني بلالة ماري البسكوتة ديالنا و زادني محمد اميين بعروسة حلوة بحال العسل .. و دابا سيدي حكيم غيجيبلي بنتي الثالثة .. لالة شريفة ( شافت فعدنان ) عقبال لعندك تفرحنا ..!
عدنان:( تبسم معاها تا بانوو سنانوو مستفين بويض وسط لحيتوو الكحلة ) قرييييب .. غير عولي ..!
ملاك: هاي هاي هاي .. ما علمنا بهذا ..! ( مشات جهتوو كتبحلس عليه ) رجعتي كتخوني ا عدنان .. نسيتي الصحبة و الاخوة لي جامعانا و المعاهدات لي بيناتنا ..!
حبيبة:( ضحكات ) ههههه وا هانتوما على البحلاسة .. راها مشاتلك للإيربوتس ديالك ا عدنان ثاني .. وحدة جلاتها و الثانية ما بقاتش تسمع ..!
شاف فيها و هي مخشية فيه .. بغى يقجها .. خارجة فعودو .. عمرها تخليلوو حوايجوو فالتيقار ..! كيقيل يعيط بالعداو من جهتها .. غير كيسمعوو صوتوو صاعر كيعرفوو البلان فيه ماري ..!
ملاك: وا صافي ما تكونش قمشاش ... دابا تشري وحداخرين .. مالك صغرتيهم فيا ؟ هاذي هي ختي الحبيبة ( باست صبعها الصغير و مداتولوو ) نعاودو الكونطرا د الصلح بيناتنا .. ما كاينش مشكل يالاه ..!
شد لها داك الصبع نيت لواه تا وجهها رجع احممر كتغوت و هو مبرد .. ما طلق منها تا هضر حكيم ..!
حكيم: رخي منها فرعاتلنا راسنا ( شير بصبعوو جهتها ) ما توليش تقيسيلوو حاجتوو .. شحال تبرا منك و ما كتوبيش .. ضبري مخك معاه من بعد ..!
ملاك:( شدات صبعها عندها مكمداه و رجع بانلها البلان فحكيم و مشات عندو ) و تشريهم لي نتا .. هاذوك لي جبتيلي من وجدة آخر مرة ضاااااعووو ..!
حبيبة: خلينا من الجوالق ماشي وقتهم .. قولي ا عدنان شكون هاذ المرضية لي نويتي معاها ؟
عدنان:( حشم من شوفات حكيم واخا عاديين ..! ) من بعد ا الواليدة ..!
حبيبة: سوسية بعدا ؟ ( حرك راسوو بلا و شافت فحكيم ) ايييوا ما تزوج فيكم غير حكيم .. لهلا يخطي بنت بلادي .. النقاوة و الزين و الحداكة و اللسان الحلوو و فاش توقف عليها تلقاها حارة و لالة مولاتي .. كاينة و لا ما كاينة ..!
ملاك: كاااااااينة ..!
عدنان:( نطق و هو كيخربق فتيليفونوو ..! ) ماري .. بدلتي المودباس ديال الانسطا ؟
ملاك:( شافت فحكيم بنص عين و بدات تكحز من حداه مبعدة .. خلاتوو كيحرك راسوو بلا حول ..! ) الانسطا ؟ شنوو هذا ا خويا شي حاجة كتنكل ؟ جيبلنا منوو شي مرة نذوقوه ..!
عدنان:( شاف فيها بتبسيمة صفرة ) ماري ..! الانسطا لي بسميتي ديال صدقة جارية .. بدلتيلوو المودباس ؟؟ ما كيدخلش ..!
حكيم:( رد باستهزاء ) دار فيك خير منين ما تحلش ..! ( ضرب يد مع يد كينفضهم ) صدقة جارية رجعات سيئة جارية على ظمانتي ..!
حبيبة:( ضحكات حتى دمعوو عينيها و ضحكاتهم معاها ) الله يدومها ضحكة و يخليكم ديما مجموعين و فرحانين .. ناقصنا غير محمد أميين و خليل ..!
ملاك: جايين فالطريق تا هما .. هضرت مع محمد أميين قبيلة يشريلي واحد اللعيبة وااااعرة خرجات جديدة .. دايرة بحال الروبوو و قالي غيدوز عند بسمة للطبيب و يجي هو و خليل
حبيبة: يا بنتي ما كتعيياش من شري شري ؟ و كن غير كتحافضي على حاجتك .. يوماين ثاني و نقراو الفاتحة على روح المرحومة ..!
يتبع...
التنقل بين الأجزاء