صوت لومبيلونص كيثقب الوذنين ..! غير وصلات للمستشفى الجامعي ابن رشد .. وقفات بالجهد مسموعة بحال كسيدة حتى بداو الناس كيطلوو على الباب اللورانية لي تزدحات للحد مخرجين شريفة مغيبة و معاها المسعفين كيبركوو على الجرح باش يحبسوو النزيف ..!
لقاو فالباب الاطباء لي غيتكلفوو بيها لأنوو حالتها مأساوية و علموهم فالطريق من قبل ..! واحد من المسعفين دخل مع الممرضين و الاطباء لي طارو بيها ديريكت للعمليات ..!
المسعف: شريفة المير .. 27 سنة .. نبض القلب 175 و ضغط الدم خمسين .. حرارتها مرتافعة .. مطعونة فكرشها و النزيف ما بغاش يتقطع من الجرح و من الجهاز التناسلي على الغالب حاملة .. ملفها الطبي ما عندناش عليه فكرة
الطبيبة:( بالزربة ردات ) عيطتوو لشي واحد من عائلتها ؟؟
المسعف: خلينا البوليس فالبلاصة لي تضربات مطوقين الجهة .. هما غيتكلفوو اكيد ..!
الطبيبة:( حركات راسها ليه و بدات كتجري ) عيطوووو على دكتور الكتااااني و الدكتور الهيري .. لقاعة العمليات د3 .. دااااباااا ...!
ردو عليها الفرمليات بالايجاب و دخلات هي لغرفة التحضير للعمليات الجراحية .. لابسة البوني فراسها و صندالة ميديكال هي و البيجامة الزرقة د الاطباء .. غسلات يديها مزيان و عقمات تا جات ممرضة عقدات لها الكمامة من اللور و فوق راسها .. عطاتها فوطة جديدة معقمة مسحات فيها يديها و لبساتها من فوق البيجامة مسكة تا هي فالازرق باليديين كتعقد من اللور ..!
و هووب دخلات لقاعة العمليات فين متكية شريفة فوق طاولة العمليات مغيبة .. وجهها صفر مسقووط من الدم و فمها بياض ..! فمها لي مفتوح و مخشي فيه انبوب ملسق مع واحد ثاني و مركب مع الآلة ديال الاوكسيجين ..!
جوج ديال المنابع د الضوو كبار شاعلين فوق منها ..! و جهاز تخذير كبيييير مور الاطباء لي ضايرين بيها ..!
الطبيبة: دكتور الاسماعيلي .. بدا فالتخذير ..! ( ركبولها كاسك فوق من راسها جاي مشدود بجوج عوينات صغار بحال الميكروسكوب كيبينوو الجرح اقرب ..! ) الدكتور الكتاني و الهيري ؟
ف: فالطريق دكتور ..!
بعد ما تخذرات شريفة و عطاوها حقنات باش يتوقف النزيف من تحتها .. نضفوو الجرح مزيان بدات العملية .. كل واحد باش مكلف و جهاز مراقبة المؤشرات الحيوية قدامهم كيتسمع منوو صوت .. طووووط طوووط طيييط ..! حاضيين معاه .. سرعة النبض .. الضغط الدموي .. اوكسيجين الدم .. معدل التنفس .. تخطيط القلب الكهربائي و درجة الحرارة ..!
د: المشراط ..!
مداتلهم يديها و عطاوه لها شداتوو و بكل سلاسة شرطات كرش شريفة كتفتحها باش يكتاشفوو الضرر لفين واصل ..! و جهاز التخثير الكهربائي لاسق على رجل شريفة بواحد الصفيحة معدنية ..! باش يوقفوو النزف فالاوعية الدموية و يعرفوو يخدموو .. هو جزء اساسي من أي عملية .. كيدوز تيار كهربائي مركز للمريض من الأنسجة ديالوو شي لي كيخلي حرارة جديدة تتولد فالاوعية الدموية و بالتالي كتغلق و كيتوقف النزيف مؤقتا ..!
د.هيري و د.الكتاني: شنوو عندنا هنا ؟
د:( ردات بتركيز ) طعنات فالبطن .. تقاس فيها الكبد بزاااف .. تمزقات المرارة .. و الاوعية فالامعاء فيهم لي تقاسوو ..! حاملة و وقع لها اجهاض عندها نزيف حاد بزز وقفناه .. و جبهتها زراقت و تكبد الدم فيها .. غالبا فاش تضربات طاحت على راسها ..! يمكن بزاااف يكون عندها نزيف داخلي ( هزات عينيها فيهم ) عارفين هاذشي شنوو كيعني ؟؟
د.هيري:( تدخل سيغ بلاص شد بلاصتوو و قال ) البنكرياس و الطحال ؟؟
د.الكتاني:( حرك راسوو ) وحدة جديدة د الدم من الزمرة A+ دااابااا ..! ( شد بلاصتوو تا هو ) خاصها الرنين المغناطيسي فاقرب وقت .. يلا كان عندها نزيف فالدماغ خاصها تدخل للعمليات قبل من 24 ساعة الجايا ..!
د: البنكرياس و الطحال ما تقاسوش د. هيري .. و لكن الكبدة تضررات بزاااف ما غنقدروش نديرو الاجراءات العادية ..!
د.هيري: لي هي ؟
د: نشد التمزقات الصغيرة بالخياطة و نربط الاوردة و الشرايين لي تمزقات .. و لكن دابا ( حركات راسها بالنفي ) غنعمر التمزقات بفوط صحية تحبس النزيف و تثبث حالة الكبد و غنضيق الأوعية الكبيرة باش نخففو من النزيف ..! و من بعد ربعة و عشرين ساعة غنرجعوو نديرو عملية عليه نحيدو الفوط و نقلبوو على اصابات اخرى ما انتابهناش لهم .. و عاد ندوزو للاجراءات الاعتيادية ..!
د.الكتاني: و تقدري تقطعي هاذ النص المتضرر و تخيطي الانسجة و الاوعية ..! الكبد العضو الوحيد لي كيتجدد ذاتيا ما تنسايش ا دكتورة شنوو باقي تابعنا ما نضيعوش الوقت فيه ..!
د:( ردات بالنفي ) ما غنغامرش ..!
***********************************
مرة مرة كيزورها الوجع و كتلف الحريق غادية جاية فبلاصتها ..! من الدقيقة لي نطق حطيم مطلقة و تطلقوو رسميا فالمحكمة و هي موجوعة ..! بكات و نذبات حتى عيات و تا حاجة ما بردات عليها ..!
الاب:( رد من البيت كيلبس فكندورتوو ) دابا ..! ( دوز لابيل لمحمد امين لي بقى معاه فهاذ المدة على اتصال .. غير رد عليه قال ) ا ولدي كريمة .. كريمة كتولد واقيلة .. شادها الوجع فين نديوها الله يشدلك فالصحيحة و الميمة .. علم حكيم يلحق علينا ..!
محمد امين:( رد بتفاجئ ) غتولد دابا ؟؟ واخا واخا انا غنعيط لحكيم و نلحقوو عليكم .. غير سير للكلينيك **** راه ديجا حكيم رصى معاهم كلشي ..!
الاب: واخا ا ولدي الله يجيب الفكاك ..!
قطع معاه و خرجوو كريمة كتلهث شادة على كرشها .. حريق خااايب قابطها .. كلها عراقت و وجهها صفار بالخلعة تا شنايفها بداو يبسوو ..! النفس مقطوع فيها و بزز كتطلعوو و تهبطوو و الحريق كيقطع فيها تقطااااع ..!
ما وصلوو للكلينيك تا بغات تسخف ..! دخل باها للاستقبال و هضر معاهم و هو حشمان ..! لقى بصح بلي كلشي مرصي تا من الطبيبة لي غتولدها دايرين معاها و فالبلاصة عيطولها للعيادة ديالها باش تجي .. و لي ساج فام " القابلات " دخلوها لواحد البيت كيقلبوو فيها و يشوفوو واش بصح غتولد و الوالدة بشحال تفتحات و البيبي واش مقبلة يعني راسها للتحت و فالوضعية ديال الولادة ..!
ساج فام 1:( شافت فالشاشة باستغراب و رجعات شافت فوحدة معاهم و قالت ) عندك سجلها الطبي ؟؟
كريمة:( ردات كتوجع ) يانا كولشي عندي مزيان .. الطبيبة كانت gالت لي ندير شي تحليلات وا غير ترونت و ما gاديتهمش .. يا هذا ما كان ..!
ساج فام2:( جابت الملف ديالها من عند امها لي واقفة معاها حدا الباب .. غير قرات شنوو مكتوب توسعوو عينيها بصدمة و قالت بتلعثم ) ك كي كيفاش تا عطاتك هاذ التحاليل ؟ شنوو كان عندك ؟
كريمة: كان الوجع يgطع فيا ف تحتي تا جاتني الفيضة الخفيفة .. اللفافط و الماكلة ..!
ساج فام1: اللفافط ؟ يعني الحبوب ( شدات على جبتها كتمشي و تجي فبلاصتها عاضة على فمها و موراها ردات بعصبية ) و ما لقيتيش الوقت تمشي تديريهم ؟ ههههه ..! و عندك الوقت لي تولدي فيه و لا بلاتي عليك تال للشهر الجاي ؟
ساج فام2:( خرجات عينيها فيها ) ابتسااااام ماشي هاكا ..!
ساج فام1: لااا هاكا .. واش قريتي لي قريت ؟؟ واش بانلك البيبي تقلبات لها فكرشها و ما بقاتش مقبلة .. و الما بدا ينشف منها و خاصها تولد سيزاغيان دابا نيت ( لكريمة ) واش ما عارفاش شهرك خرج هاذي ثلاثة د السيمانات و كان خاصك تكوني عندنا هنا شحال هاذي ؟؟
كريمة: يااانااا
ساج فام1: واش عارفة التحاليل لي عطاتك خاصك تديريهم نتي و راجلك فنهارهم و تدعييو ليل و نهار ما يخرجوش بوزيتيف ..! حيث يلا خرجوو ما كاينش الدوا و بنتك غتعدا و تهز منك الفيروس لي ما عندوش دوا اصلا .. نتي و مناعتك كي دايرة و واش غتقدري تغلبيه او لا ..! المناعة لي باقي بنتك ما كتاسباتها .. غتقتليها و هي باقى ما كملات تا نهار .. حيث ما عندكش الوقت ههههه وااااو ..!
الام:( ردات بخوف و اول حاجة جاتها لبالها ) واش السيدا ؟؟ و لكن ؟؟
ساج فام2: ماشي السيدا ا مدام و لكن تا هاذ لي فيروس ما عندهمش علاج .. تقدري تتغلبي عليهم يلا كانت عندك المناعة طالعة لا غير .. و البيبي يلا تنقلوو الفيروس ما غتقدرش تتحمل .. على هاذشي كان خاصهم يتدارو فوقتهم باش الطبيبة تنقذ لي قدرات عليه ..!
ساج فام1:( ردات مغلغلة ) هاذ لي فيروس هما .. Anti cytomegalovirus و Anti herpes simplex 1/2 .. كيفما السيدا ما عندهاش الدوا تا هما نفس الشي .. كينتاقلوو بالبزاق " التفال .. اللعاب " و بالجنس و بالدم .. و كيفما السيدا كتاكلك من الداخل حتى هما كياكلوك و مع الوقت عاد كيبانوو اضرارهم مزيان ( ضحكات مغزفة ) و غير باش تكونوو عارفين كاع لي مراض بالسيدا كيكونوو فيهم تا هما و كيتطورو ما كيبقاوش ساكنين .. و من بين الاعراض كيخرجولك حبوب فالجهاز التناسلي ديالك ..!
الام: و شنوو المعمول دابا ؟
ساج فام1:( ردات بحرقة ) علاش كتولدوهم منين نتوما ما مسوقينش لهم ؟ كاينين ناس كيتمناو ليل و نهار الذرية و ما لقاوهاش و لي ربي رزقهم بيها مستهثرين ..! ( ضحكات باستهزاء ) غندخلوها للعمليات نوجدوها على ما توصل الطبيبة .. غتولد سيزاريان قبل ما تنشف البيبي كاع من الما و تخنق .. و فاش تتزاد غندعييو معاها و معاكم ما يكون عندكم والوو ..!
و ديكشي لي كان دخلوها للعمليات .. وجدوها و دارو لي عليهم حتى جات الطبيبة لي غتولدها .. عطاوها تقرير مفصل على حالتها و فالبلاصة عيطوو على الطبيب ديال للتخذير ..! وجد الشوكة و هضر مع لي ساج فام يشدو فيها و هي جالسة و شرحلها بلي ما خاصهاش تتحرك فخطرة .. حيث البلاصة فين كيضربها فالظهر حساسة و يلا مشات حتى تزعزعات غير شوية .. تقدر الله يستر تتشلل كاع و يوقعوو معاها مضاعفات خطيرة ..!
******************************
تبثوو لها الكبد بالفوط الصحية باش تمتص النزيف ..! و استئصلوو المرارة .. و بداو كيخيطوو فالاوعية الدموية و الامعاء لي تقاسوو ..!
د.الكتاني: دكتور ..! قبل ما تسدي الجرح ..! فاش كيتقاس عضو مجوف بحال الامعاء .. شنوو الحاجة لي خاصنا نخافوو منها ؟
د:( سكتات شوية و رجعات قالت ) تقدر المحتويات ديال داك العضو .. بحال احماض المعدة و حتى البراز و البول .. يدخلوو لتجويف البطن .. الشي لي غيسبب تهيج و التهاب .. التهاب peritonitis ..!
د.الهيري: المادة الصفرة لي فالمرارة على الغالب تسربات لتجويف البطن و غتسبب فالاتهاب .. خاصها مصل دابا ..! ( شاف فوحدة من الفرمليات ) 5 ميليغرامات من ****
ف: وي دكتور ..!
د.الكتاني: المريضة تطعنات بسلاح حاد و لي ممكن جدا يكون مدري ( الدرا هي داك الحمورية لي كتكون فالحديد بصفة عامة ) و هاذشي غيسبب لها فمرض الكزاز ..! ( حرك يديه ) 30 ميليغرام من ****
د:( قالت تا هي بتركيز ) الاصابة ديال الكبد تقدر تسبب فتجمع الدم فالعضلة و بالتالي غيتكونوو .. الاورام الدموية hematomas ..! و لي غيبقاو مجموعين فتجويف البطن و بالتالي غتسبب ف تدمي الصفاق hemoperitoneum ..!
د.هيري: شنوو كتقتارحي فهاذ الحالة ؟؟
د:( مدات يديها ) مضخة ..! ( عطاوها لها .. مكملة خدمتها و كتهضر فنفس الوقت ..! ) فالعادة الجسم كيقدر يمتص هاذ الاورام الدموية .. لكن فبعض الاحيان ما كيقدرش و كيوقع تمزق فالاورام الدموية و غالبا كيكون هاذ التمزق فالايام اللولة من بعد العملية
د.الكتاني: كيفما يقدر يقدر يوقع من بعد اشهر .. و كيفما كتعرفي ا دكتور ..تمزق ورم دموي فالطحال و لا الكبد يلا مشى حتى نزف فتجويف البطن .. فغادي نسنييو على الموت المؤكد ..!
د.الهيري:( رد بتأييد ) ضروري تبقى فالمراقبة لأكبر مدة ممكنة و غذا فالعملية الثانية على الكبد تأكدي من الشكوك ديالنا ..!
د:( ردات بجدية ) حاضر دكتور ..! ( شافت فوحدة من الفرمليات ) خاصنا وحدات دم جديدة .. شوفي يلا شي واحد من عائلتها وصل يجيبهم من بنك الدم ..! باقي عملية الاجهاض ..! عيطي على الدكتور الفاسي باش يتولاها .. من بعد ما نكملوو حنا ..!
خرجات الفرملية كتجري و مع الخرجة لقات حكيم تا هو يالاه وصل ..
خرجات الفرملية كتجري و مع الخرجة لقات حكيم تا هو يالاه وصل بشوية .. وجهوو صفر و مخلوع .. كيمشي و يجي فالكولوار د العمليات ..! قربات منوو بالزربة و قالت
ف: من عائلة شريفة المير ؟
حرك راسوو بالايجاب لسانوو ثقال عليه تا باش يسول على حالتها ما قدرش .. خايف يسمع شي حاجة تدمرو و هو عاد كان هو و ياها شد ليا نقطع ليك ..! كيفاش تقلبات حياتهم فدقيقة ..!؟
ف: خاصنا الدم دااابااا .. ما بقاش عندنا لكافي فالعمليات .. سير لبنك الدم لي هنا طلبوو لهم .. الزمرة A+ .. كاين فالطابق ***
حرك راسوو بالايجاب و مشى كيجري لبنك الدم .. بقى كيسول حتى وصل ..! لقى وحدة من الفرمليات جالسة تما و بالزربة قال
حكيم: خاصهم الدم فالعملية .. ما بقاش لهم الكافي .. خاصني ديال A+
حكيم: لا ما عنديش ( بعصبية ) و ما عندناش الوقت لهاذ الهضرة كاملة ( تحت سنانوو ) خاصني الدم .. ام و جووووج دلي بيبي كيموتووو ..!
.....:( مداتلوو ورقة و ستيلوو ) ما عنديش غير نتا .. عمر هاذ لافوغميل و دخل شد نوبتك مع لي كيتبرعوو .. غير تكمل و يعطيوك التوصيل ديالك .. رجع عندي نعطيك الدم ..!
حكيم:( وسع عينيه و زاد عقد حجبانوو .. ضرب فوق الكونطوار و قال ) واش انا كنقولك كيمووتوو لعدو ر*** و نتي كتقح**** عليا .. نتبرع و لا نق*** .. ثلااااااثة د الرواح كيموتوو واش عندك عقل و لا قل*** فداك الراس د الز**
.....:( ردات بعصبية ) ا سيدي ما تغوتش علياااا الله يرحم باك .. تمووت و لا تعيش ماشي هي اللولة و لا لخرى .. كل نهار الناس كيموتوو .. خدمتي و دايراها .. بغيتي تتبرع و نعطيك الدم تبارك الله ما بغيتيش خرج عليا من هنا و لا غنعيطلك للبوليس ..!
حكيم:( جر داك الورقة بجنون كيعمرها و يديه كيترعدوو .. غير كمل قال كيشوف فيها بحدة ) انا لي غنجمع مك فين تترباي و نوريك التق*** د الزو** بشحال كيسوى ابنت الق***
داز منير للجهة فين كيتبرعوو .. معصب غيطرطق .. رجفاااتوو فاش قالت لوو تموت و لا تعيش ماشي هي اللولة و لا لخرى .. على شوية يدخل فيها براس و لكن عارف هو لي غيجيبها فراسوو و غتابعوو بالتعدي على موظف اثناء مزاولة عمله .. اللهم هو لي يتابعها فاش يسالي ..!
العرق عندو منفوخ من الاعصاب لي جامعهم .. فينما كيبغييو يخشييو فيه ليبرة باش يجبدو الدم كتهرس ..!
الفرملي:( قال و هو كيحرك راسوو بالنفي ) ما غنقدروش نكملوو هاكا .. معصب الشوكة ما غتخشاش فالعرق .. سير حتى تبرد و اجي ..!
حكيم:( رد كيضحك بعصبية ) واش كلكم راضعين التقل*** فهاذ الطبيب دالحبس ؟ المراة فالعمليات و واقفين على الدم داااااباااا .. باش كتفهموو ؟؟
الفرملي:( رمش عينيه و قال ) فهمتك و عارفك خايف عليها .. و لكن انا ما عندي باش نفعك و نتا فهاذ الحالة .. تقدر تعيط لشي واحد من عائلتك يتبرع بلاصتك و نتا هانتا جالس حتى تبرد ..!
حكيم:( حرك راسوو مغذذ كيعيط على خليل و عدنان و ملاك و حسام اما حتى محمد اميين عارفوو خلط على كريمة ... علمهم يطييرو طيران لعندو و قطع ..! ) ما يوصلوو و تعطيوني حتى تموت ياك ؟
الفرملي: هذا هو القانون ..!
حكيم:( قشر شنافتوو بالجهد تا دماها و رد باستهزاء ) حتى توقع لها شي حاجة بهاذ التقل** ديالكم .. و غنوريكم القانوون كي غنح*** طواسل عرووق الق** د موو و نتوما كتشوفوو ..!
سكت كيلعب برجليه كلوو كيترعد غيطرطق .. القاميجة لسقات على ظهرو بالعرق و عضلاتوو مزيرين .. عياو يجربوو واش الشوكة تدخل لوو فواحد من العروق و والوو ..!
بعد مدة لي طويلة شوية عاد وصل عدنان من السيركيلاسيون ديال الطريق .. خرج عندو حكيم كيطير عطاه الورقة عمرها و جلس كيتبرع و يسول فخوه شنوو واقع ..!
حكيم:( رد بنرفزة معصب و مخلوع غير بوحدو .. يديه كيرجفوو ) كنت فالتحقيق حتى عيطولي بلي شريفة تضربات فالسوق و هزوها للطبيب حالتها ( حرك عينيه بالنفي و طلع النفس بزز ) باقي ما عارف والو لا كيفاش وقع لا هي شنوو طاري معاها لداخل ..!
قلب وجهوو كيبركم و يسب حتى كملوو مع عدنان و عطاوه ورقة صغيرة مشى بيها لعند الفرملية اللولة .. خذاتها بالنفاخة و دخلات جابتولوو الدم .. فالبلاصة طار بيه كيجري و يقول ما جريت .. تال الباب د قاعة العمليات لقى فرملية كتتسناه تما ..!
ف:( خذاتوو كتزرب ) تعطلتي ..!
حكيم:( شدها من ذراعها و قال ) كي بقات ؟ ( بلع ريقوو و بصعوبة قال كيرمش فعينيه و بؤبؤهم كيتحرك بالزربة ) ع عا عايشة ؟؟
ف: عايشة و لكن حالتها ما نقدر نقولك عليها والوو .. حتى يخرجوو من عندها الاطباء و يشرحولك كلشي ..!
تشدات الباب مخلياه متكي مع الحيط شاد فراسوو و عينيه فالسما .. كل مرة صدرو يطلع و يهبط بتنهيدة ثقيييلة و خوتوو واقفين معاه من بعد ما وصلوو للطبيب و سيفطلهم عدنان يجيبهم ..!
اما الداخل فقاعة العمليات .. شريفة على حالها وجهها صفر و فمها ناشف .. مخشي فيه التيوو ديال الاوكسيجين و مشدود فجناب فمها بلساقات .. كرشها مفتوحة قدام الاطباء ..! دقات القلب من بعد ما كانت متوازنة بدات كتهبط و ضغط الدم كيرتافع .. حتى طوش الدم مجهد من الكبدة و بداو كيتسمعوو انذار من الآلات .. بالجهد ..!
كلشي كيجري و يطير .. شي كيحاول يوقف النزيف شي كيحاول ينظم دقات القلب ..! التخطيط د القلب لي ولا طالع فالآلة خط مستقييييم واحد .. بمعنى لا نبض ..! خرجات الطبيبة اللولة لي استقبلاتها عينيها و حركات راسها بالنفي بمعنى ما خاصهاش تمووت ..!
د: ماساج كاردياك ( طلعات فوق البياص حداها كتديرلها مساج لقلبها و كتبرك بكل جهدها تا فشلوو يديها و هي عينيها عامرين دموع و خارجين فالألة )
د.الهيري: ا نكمل عليك عييتي ..!
شافت فيه و حركات راسها بالزربة مخلياه كيبرك بكل جهدوو على قلبها باش ينعشوو .. و الطبيبة الثانية شادة الألة د الانعاش الكهربائية فيديها .. دارولها الجيل فيها و شحنوها ..!
د: 100 جول ..! ( زيرات على يديها و حطاتها فوق صدرها ) بعدووو ( بركات بالجهد تا تهزات شريفة و تحطات و والوو ) شحنوها 200 جول ( شحنوها و رجعات بركات و والوو و ببحة كملات ) 300 جوول
شربات من كاسها د العصير كتضور فعينيها العسليين .. مرة مرة كتعض على شنافتها التحتانية و تحك يديها العرقانين مع بعضياتهم بتوثر من شوفات أيوب ليها ..!
أيوب لي متكي براحة على الكرسي د القهوة فين جالسين .. فرحان حيث اخيييرا تلاقاها بوحدهم الراس للراس .. بابتسامة و نبرة مرحة قال
أيوب: الشهيبة ديالنا ( غمزها كيعض على فموو ) هذا هو النهار الكبير لي قبلتي تخرجي تشوفينا ..!
أسية:( بحناك مزنكين ردات كتتبسم بزز ) لا غير .. غير ( حكات عنقها ) احم .. غير كنت مشغولة مع شريفة فالمحل ما كنساليش و ( حركات راسها بكياتة ) و صافي ..!
أيوب:( عوجها ضاحك ) و صاااااافيييي ..! كي دايرة شريفة باقية جاعرة كي كانت ..!؟
أسية:( غوبشات فيه و قالت ) شريفة ماشي غير ختي و صاحبتي .. شريفة هي عائلتي كااااملة .. يلا غوتات معاك و يلا نهرات فيا و حتى بكاتني .. حيث خايفة عليا لا غير ( هزات صبعها فوجهوو ) عمرك .. عمرك تهضر عليها بالخايب واخا غير بالضحك ..!
أيوب:( جمع الضحكة و قال بجدية ) واخا سمحيلي ..!
أسية:( تنهدات بالجهد ) هاذشي لي كنديرو فيه .. غالط ا ايوب ففف .. خاصني نمشي ..!
يالاه جات توقف شدها من يديها مزير عليها .. رمشات عينيها فيه كتفتف بوحدها ..!
أيوب: ما غاديش نعطلك .. غير سمعيني عافاك ( طلق منها و رجعات جلسات بلاصتها بتردد .. اما هو لعب بعينيه كيسرح فحلقوو ..! ) أول نهار شفتك كان فدار الشباب .. ما قدرتش نحيد عيني من عليك ..! و جا خويا حكيم و زاد وصاني ننتابه لك ..!
سكتات كتفكر داك النهار شحال بكات و كانت خايفة على شريفة من هذاك لي دخلها للدار .. كانت غتموت فأرضها كن وقع ليها شي حاجة و زادت كملات فاش دخلوو للكوميسارية و تلاقاو بحكيم هايج .. و ختماتها بالمسج د عدنان ..!
أيوب:( شافها ساهية و كمل ) عزيتي عليا و نتي كتبكي .. جيتيني صغيرة و رطيطبة ههه ماشي ديال التكرفيس .. و زدت تأكدت فاش هضرت معاك مرة و جوج و ثلاثة ..!
أسية:( تنهدات و قالت بحزن و لمعة غريبة فعينيها ..! ) شكرا
أيوب:( باستغراب ) علاياش ؟
أسية: احم شكرا حيث حتى نتا شفتيني صغيرة ..! ( ضحكات ضحكة بلا روح ) أسية ديما غتبقى صغيرة فعينين كاع لي ضايرين بيها .. واخا تعيى تحاول تبين لهم العكس ما غتقدرش ( حكات جبتها بالجهد و قالت بانفعال صدم أيوب ) مناش زدتي تأكدتي ؟ بلي رطبة غير تقيسني نتهرس .. حشومية و وجهي كيغلبني و كيخلي كاع الناس و صحابي يزطموو عليا بلا ما يحسوو .. حيث ما غنهضرش ..! و لا تأكدتي بلي خوافة و
أيوب: أسية
أسية:( قاطعاتوو عينيها كيلمعوو ) عارفة كتشوفني خوافة قريتها من عينيك بلا ما تقولها ..! خوافة حيث ما قدرتش نجي نتلاقاك فالقهوة بوحدنا و شحال و انا كنحاول .. قلبي كيرجف ( وراتوو يديها ) و يدي كيترعدو .. ما عنديش الجرأة حتى نهضر مع السيرفور و نبدل شنوو طلبت .. غيكون عندي الجرأة نوقف فوجه هضرة شريفة فنظرك ؟؟
أيوب:( رد باحباط ) شريفة هي السبب إذن ..! ( زير على يديها ) أسية أنا ما باغيش نضحك عليك و لا نضرك .. عزيزة عليا بزاف و بغيت شي حاجة زوينة و نقية تكون بيني و بينك .. نتي ماشي هاكا و ما كنشوفكش كيفما قلتي .. نتي أسية أصفى بنت شفتها فحياتي ..!
أسية:( بدات كتجر فيديها بالشوية .. كتحرك راسها بالنفي ) ما نقدرش .. س سمحلي أ أيوب و ما تبقاش تسيفطلي مسجات فالواتس .. غتمشي تنوضلي الصداع ..!
أيوب:( طلق منها و رد كيتلف الشوفة فيها ) نتي لي سمحيلي .. قبيلة قلتي شريفة عائلتك كاملة ( بلع ريقوو و كمل ) كنت كنتمنى تكوني حتى نتي عائلتي و نلقى فيك لي ما لقيتوش فعمي .. عمي لي رماني من بعد هاذ السنين كاملة .. فضل ولادو عليا .. كيفما نتي اختاريتي شريفة ( شاف فيها عروق عينوو حمارو كيتبسم بصعووبة ..! ) شكرا على وقتك و سمحيلي يلا صدعتك .. هاذي آخر مرة ..!
داز من قدامها مخليها واقفة شادة على فمها .. كتشوف فظهرو و هو ماشي .. بقى فيها و ظميرها أنبها من جهتوو تا عمرو عينيها بالدموع كيقطرو .. ضربات يديها فظهر الكرسي و بهمس قالت ..!
أسية: أيوووووب ..!
أسطورات عرس الذيب كثيرة ..! كل واحد و كيفاش كيأولها و يفهمها بطريقتوو .. و من بين هاذ الأسطورات .. كاينة لي كتقول بلي واحد من العشاق كيمووت و كيخلي حبيبوو محروق عليه .. قبل حتى ما يتجمعوو تحت سقف واحد .. و بدل ما يفرحوو و يتهناو .. واحد فيهم كيكون تحت التراب و الثاني كيتحرق و كيموت فالنهار ألف مرة ..! حتى كيموت تا هو من الألم و العذاب ..! و تما فين الروح د العشاق كيتلاقاو و يتلاحموو .. مشكلين قوس قزح .. الشمش شارقة على حرها فرحانة معاهم و الشتا كتبكي و تعبر تا هي على سعادتها بطريقتها ..! مكونين لي كيتسمى "عرس الذيب" ..!
القدر حتى واحد ما عارفوو شنوو مخبي ..! كتكون عايش حياتك .. بالحلوة و المرة مقاتل مع الزمان .. مرة باكي مرة ضاحك .. و لكن مرتااااح و متأكد بلي باقي غتعيش أيام اخرى .. غتطيح فيهم و ترجع تنوض من جديد ..!
عمرنا فكرنا او يلا صح القول كنتناساو .. أنوو غيجي واحد النهار غنطيحوو و ما غنعاودوش نوضوو .. ما غتكونش مرة اخرى .. غتكون هاذيك هي النهاية ..! غنودعوو و نحرقوو قلوب الناس لي بغاونا من اعماقهم ..! غنمشييو و نخليو لهم غير الذكريات .. او ربما هما غيسبقونا .. يمشييو و يخليولنا فقط الذكريات ..!
الذكريات لي كتخلي قلبك يضرب بالجهد و تنفسك قليل .. كتحس بفراغ و غمة كتضر فالقلب .. باغي تتهنى منها و ما قادرش ..!
ما قادرش تمنع دموعك و ما قادرش تمنع داك الوجع لي ما بحالوو حتى وجع فهاذ الدنيا .. و نتا كتخيل هاذوك لي مشاو و خلاوك .. دايزين قدامك و كيهضرو معاك .. مرة يضحكوو تا يدمعوو و مرة يهمسوو لك .. مرات يمدولك يديهم كيحركوو ملامحهم بشقاوة ..!
و يا لسخرية القدر حتى داك اللحظات د الخصام و المدابزة .. كتولي تتمنى ترجع تعيشهم .. غير يا ربي ترجع تقيس فذاث داك الانسان و تحس بالدفئ .. تحس بالدم كيجري فعروقوو .. تحس بقلب كينبض و مشاعر متحكمة فيه .. حااااضر معاك ..!
متكي على الحيط .. هاز راسوو فالسما هما و عينيه .. شنايفوو حوووومر و فيهم شوية د الدم يابس ..! كيبان هااااادئ واحد الهدوء غرييييب ..! ما حاس بحتى واحد معاه .. لا عدنان لا حسام لا ملاك و لا خليل ..! هو و باب غرفة العمليات لا غير ..! يا غيتفتح و يسمع خبار تريح قلبوو .. يا غيتفتح و يسمع خبار يقتل كل ذرة فيه ..!
حسد شريفة فهاذ اللحظة .. حاسدها على داك النعسة و الراحة لي هي فيها .. ما كرهش هو يكون بلاصتها .. مخذر على الواقع بلي فيه ..! حسدها حيث ما حضراتش ليه فاش كان مريض و فرحلها من قلبوو حيث ما جرباتش هاذ العذاب لي كيدوز منوو و هو كيتسنى ..! كأنوو سجين محكوم عليه بالاعدام كيتسنى يعلقوو مشنقتوو ..!
تفتح الباب و خرج د.الكتاني .. حيد الكمامة و بانوو ملامح وجهوو لي واضح منهم بلي معصب .. عيان و محبط ..! شافوو فيه كاملين و خلاو مساحة لحكيم فين يهضر معاه ..!
حكيم لي توسعوو عينيه و تحركات تفاحة آدم فحلقوو بالزربة .. كتهبط و تطلع ..! زير على يديه و قال و هو كيدوز صبعانوو على الخاتم د الخطبة ..!
حكيم: احم ( حط قبضة يدوو على فموو كيسرح حلقوو و قبل ما ينطق قال الطبيب بالزربة )
د.الكتاني: البراكة فراسكم .. وصلات عندنا حالتها متضررة بزاف .. المريضة توفات ..! انا لله و إنا إليه راجعون ..!
طبطب على كتف حكيم .. لي بلا ما يحس يهبطات دمعة من عينيه كتجري و بصوت مدعدع مبحوح قال
حرك راسوو ليهم كاملين و خلاهم واقفين مصعوقين ..! حكيم وجهوو صفار ما بقاتش فيه نقطة د الدم ..! عينوو موسعين و خارجين فالارض .. عامرين بالدموع لي كيقطرو بلا حساب ..!
نفس الشي لملاك لي شدات فحسام بلا ما تحس و زيرات عليه بالجهد مصدومة و الدموع بداو كيتجمعوو فعينيها ..! أما عدنان قرب من خوه بالشوية ما عارف ما يقول ..! زير على كتفوو تا ضار حكيم نص ضورة عندو .. عينيه حومر بالدموع لي هابطين مع حناكوو ... نيفوو تزنك هو و حناكوو ..!
حكيم:( شمر على نيفوو و قال بألم و بنبرة كتقطع فالقلب ) كاع لي بنيناه ضاع ؟ ( سكت شحال عاد قال ) شريفة مشات صافي ؟ و أناااا ؟؟؟؟؟
ضار و خلاه واقف .. ما عرفش باش يجاوبوو .. لا هو لا البقية ..! كيشوفوو فيه غادي عاطيهم بالظهر ..! ظهرو لي تهرس بالخبار لي سمع ..! غادي كيتمايل بحال السكران .. حتى خرج لبرا كاع و بحرقة غوت .. بحر جهدو ..! غوتة خرجات من اعماق قلبوو و جرحات حبالوو الصوتية تا مشالوو الصوت و تبح فخطرة ..!
العافية شعلات فقلبوو .. عافية خااااايبة كتاكل فيه من لداخل شوية بشوية و صوت شريفة فوذنيه كيسمع فيها و هي كتبكي و تضحك فرحانة بولادها و كتوعدهم تكون أحسن ام ليهم ..! و دابا صافي مشات هي و ياهم بحال عمرهم كانووو ؟؟ عقلوو و كل خلية كتنبض فيه ما بغاوش يتقبلوو شنوو سمع ..!
مسح عينيه و رجع دخل .. تلاقى بعدنان و خليل واقفين بعاد عليه شوية .. كيتسناو فيه و متألمين من ألموو .. عمرهم فحياتهم شافوو حكيم كيبكي تال هاذ النهار .. تقهرو عليه و لكن هاذي هي الدنيا ..!
حكيم:( شاف فعدنان بعينين حومر و بصوت مجروح بزز كيتسمع ) بغيت نشوفها ( بلع ريقوو و زفر النفس بالجهد تا تهز صدرو ..! ) بغيت نشوفها لآخر مرة ..! قلب على الطبيب يخرجوهالنا ..!
قال هضرتوو و زاد للكولوار لي كانوو واقفين فيه .. لقى ملاك معنقة حسام كتبكي و تشهق ..! ما تسوقش لهم كيسمع و الهضرة كتدخل لقلبوو بحال السيف كتقطعوو ..!
ملاك:( بالشهيق .. مزيرة على حسام و فمها كيترعد ) مااا خصهااااش تموووت ا حسااام .. ما خصهاااش .. انا عمممممري شفت خووويا فرحان تال الدرجة لي كان فرحان فيها معاها ..! اناااا ما تسامحتش معاها هء ... هي هي ( سكتات كتشهق و الهضرة بزز كتجمع لها فلسانها ) اول نهار هضرنا .. فرحات بيا بزااااف .. عرضاتني نفطر و ضحكات معايا .. كانت ظريفة بزاااف انا ا حسام ( عضات على فمها لي كيرجف ) و أناا شنووو درت ؟؟ ضحكت عليها .. جبدت لها الصداع مع حكيم .. قنعتها تمشي مع كريمة و شريتها لهم ..!
حسام: ماري ( شد لها فوجهها كيمسحلها دموعها ) صافي ...!!!
ملاك:( حركات راسها بالنفي ) مرض حكيم و كانت كتعيطلي و مكنجاوبهاش .. فرحت حيث سحابلي تفارقوو .. فرحت حيث ما غتجبدليش الصداع مع شادية .. ما بغيتش نرد عليها .. ما بغيتش نعطيها خبارنا .. و نهار دخلنا لدارها هء حسيت براسي ختها .. ما كرهاتنيش و ما قالتليش علاش ..!!!
حسام:( تنهد و زير عليها كثر ) دعي معاها .. دموعك غيحرقوها دابا .. دعي معاها ..!
ملاك: حتى قلت غنتسامح معاها و نرجعوو حسن من لي كنا قبل فاش يتزوجوو و يجيبها حكيم لعندو ( بقهرة ) و تمووووووت ؟؟
طاحت على ركابيها تبكي و تقول ما بكات .. خوتها كيشوفوو فيها هما و حسام بقلة حيلة .. من غير حكيم لي عاطيهم بالظهر .. واقف قدام الباب كيتسنى شريفة تخرج هي و لا شي واحد فيهم ..! يديه محطوطة على صدرو و مزيييييير عليه بكل جهدوو ..!
حتى تفتح الباب و هاذ المرة خرجات الطبيبة اللولة لي استقبلاتها و لي مشرفة على الحالة .. من عينيها باينة باكية .. شافت فيه و رجعات شافت فالبقية .. كتفزك ففمها لي ناشف شوية .. لكن حكيم قرب منها و تحنى جهة وذنيها باش تسمع صوتوو لي تجرح بلا قياس ..!!
حكيم: شريفة ما ضعيفاش .. شريفة قوية ( زفر النفس و هي كتشوف فعينيه ) عارفة هاذيك لي ناعسة لداخل شنوو كتعيط لي ؟
د: شنوو ؟
حكيم:( بتبسيمة صغيرة قال ) روح الروح ديالها ..! يلا هي ماتت اناااا شنووو ؟؟؟ ( رمش بهدوء و عينيه بحال شي بركة د الدم .. كيقشر ففموو بحركات يطيئة رجولية ) قتليني حتى نتي و قوليلي شريفة ما ( بألم ) ماتت ..!
د:( غمضات عينيها شحال عاد رجعات حلاتهم و قالت ..! ) شريفة .. احم المريضة باقى عايشة ( شاف فيها جامع حجبانوو و كملات بهدوء ) و لكن ما نظنش غتصبر لوقت طويل ..!
حكيم:( ضحك ضحكة خالية من اي شعور ..! و ببحة و صوت معصور بزز تسمع قال ) شنوو دابا كتضحكوو علينا ؟؟؟
د:( خرجات عينيها فيهم بجوج و حركات يديها هازة الشوكة ..! ) يلا كانت شي واحد هنا مسؤول على الحالة .. فهي انا ..! ( رفعات صوتها بحدة ) أناااا المشرفة هنا .. و أنااا لي كنحدد ساعة الوفاة ماشي نتوما ..!
د.الكتاني:( رد تا هو بالغوات ) صاااافي ماتت شغنديرولها ..!!! نبقاو النهار كامل فيها باش تقتانعي ؟؟
د:( حركات حجبانها باستهزاء و شيراتلوو ) نتا اااخر واحد تهضر ..! من لي دخلتي و نتا كتشكك فيا .. ديري هاذي ما ديريش هاذي و حتى حاجة ما عاجباك .. كيفما نتا قاري حتى انا قارية و كثر منك كاع .. و هاذ المراة لي ما راضيش عليها و كتستحقر فخدمتها .. وصلات ل لي نتا ما قدرتيش توصلوو ..!
د.الهيري: دكتور الابراهيمي ..!
د:( حركات يديها بمعنى سكت ) الباب قدامكم يلا بغيتوو تخرجوو .. خدمتي و عارفة شنوو كندير فيها ..! هاذي لي محطوطة قدامنا ماشي مونيكة و لا جثة كنتعلموو فيها و ناخذو من حالتها التجربة و نزيدو .. هي انسان بحالنا و عائلتها برا كتتسنى ..! و أنا مغنخرج من هنا حتى نتأكد بلي درت كثر من جهدي معاها .. سوا ماتت سوا عاشت ..! باش ضميري يرتاح و انا كنشوف فعينين عائلتها ..!
د.الكتاني:( ضحك باستهزاء ) ما بقى ما يتعتق ( لاح من يديه و زاد ) انا خارج و خليك نتي متعاطفة هنا ..!
د:( شافت فالآلة غير تزدح الباب و قالت ) عندنا خمسة الدقائق .. يا نعشوها يا غتموت ..! عطيني 10 ميليغرام من **** .. دغيااااا
جابتولها بالزربة و بتنهيدة خرجات فيها كاع الطاقة السلبية .. ضربات الشوكة بكاع جهدها فجهة الرئة ..! تسنات شوية و لا رد ..!
د:( عرات صدر شريفة مزيان كتضرب فيه بجوج صباع .. و بتركيز قالت ) المشراط ..!
د.الهيري:( وسع عينيه و قال ) شنوو غتديري ؟؟ ما تقوليش غتشقي صدرها ..!؟؟ ( قرب منها و بهمس كمل ) نسيمة نتي ماشي طبيبة د القلب .. ما تقدريش تغامري ...!
د:( ردات بتركيز ) فجميع الحالات غتكون ميتة .. غندير آخر محاولة و غنرجع اللور ..! ( زيرات على المشراط فيديها و سمات الله ) غنحاول ما نقيسش وحدة من الرئتين .. و الشريان التاجي أكيد ..!
بتردد اختارت البلاصة لي غتشق منها و شرطات لحمها تا تفتح .. و طوش الدم فالبلاصة تا تقاسوو حوايجها ..! بتركيز طلبات منهم شنوو يعطيوها .. خدامة بيديها بجوج .. و د.الهيري هز آلة بحال الفونطوز ديال الضيقة غير هي كبيرة .. حيد التيوو د الاوكسجين من فمها و خشاها بلاصتها و هز تيوو صغير و رقيق كيحاول فاش يتحشى فيها يكون فبلاصتوو المناسبة .. عينيها على الشقة و كيدفعوو بتوثر .. حتى غمض عينوو بهدوء منين تربط بوحدة من الرئتين ..!
لي ما كانتش كتخلي الاوكسيجين يوصل للقلب و بالتالي ما بقاش كينبض و الدم تجلط فداك المستوى ..! و بالشقة و التيوو .. دارو مجازفة كبييييرة .. لكن تكللات بالنجاح .. و بدا الصوت فالآلة د المؤشرات الحيوية فالجهة د نبض القلب كيتحرك .. و يطلع بالشوية من بعد ما كان منعدم و لو بقى هكاك لخمسة دقائق اخرى كانت غتموت بالتأكيد ..!
د:( تبسموو عينيها و قالت ) ممتاااااز .. و دابا خلييونا نكملوو خدمتنا .. دكتوور ..!
د.هيري: نكملوو من تجويف البطن و نخيطو و بعدها تكلفي نتي بالشق لي درتي فالخياطة ..!
د: تمام ..!
ركزو ساكتين حتى سالاو و بقاو غير الفرمليات لي كيجمعوو و يعقموو الماطريال و لي مراقبين حالة شريفة و مؤشراتها .. باش يلا كانت شي حاجة يعلموو الاطباء فالبلاصة ..!
أما د.هيري و د.الابراهيمي نسيمة ..! خرجوو للغرفة لي لاسقة فالعمليات كيغسلوو فيديهم و يحيدوو البافيط و اللبسة الفوقانية لي كلها رجعات دم ..!
د:( بعينين كيبريو بالدموع قالت ) انا ماشي عاطفية و ما كنتعاملش مع المرضى ديالي بقلة عقل ..!
د.هيري: عارف ..!
د:( هبطوو دموعها لي عيات تحبسهم ) ما نقدتهاش حيث كتشبه لها و لا حيث حالتها عنات ليا شي حاجة ( خرجات تنهيدة مرعدة ) فالطب ما كنكونوش ديما عمليين .. بعد المرات كيكون احساس هنا ( حطات يديها على صدرها ) و انا ديما كنتبع احساسي فاش كيجيني و كنت متأكدة ما غتموتش ففف واخا صعيب تصبر و لكن كيفما هي كتحاول بجهدها معانا تا حنا خاصنا نحاولوو الضوبل و لا غالطة ..؟
د.هيري: ما غالطاش .. و الاحساس كيتسمى خبرة ماشي اي جراح كتكون عندو ( زير على يديها ) و حتى يلا كانت كتشبه لها و بغيتي تنقذيها على هاذ السبب .. فراه من حقك و ما كاينش لي يلومك ..!
د:( ضحكات وسط دموعها ) عندك الحق ( سكتات للحظة .. حركات راسها بالنفي و شهقات بالجهد و عنقاتوو كتبكي تا بردات و بعدات ) احم .. تا حد ما يعرف بهاذشي ( قصدات البكى لي بكات )
د.هيري:( شاف فيها بمعنى من نيتك ) نسييييمة ...!؟
د:( غسلات وجهها ) عارفة عارفة .. هووووف ..! نخرج دابا نهضر مع عائلتها حتى تلحق عليا ..!
د.هيري: داكوغ دكتور الابراهيمي ..!
عودة⌛
د:( غمضات عينيها شحال عاد رجعات حلاتهم و قالت ..! ) شريفة .. احم المريضة باقى عايشة ( شاف فيها جامع حجبانوو و كملات بهدوء ) و لكن ما نظنش غتصبر لوقت طول ..!
حكيم:( ضحك ضحكة خالية من اي شعور ..! و ببحة و صوت معصور بزز تسمع قال ) شنوو دابا كتضحكوو علينا ؟؟؟
نسيمة:( ردات بانفعال خفيف ) تيقني انا دابا ماشي فنهاري لي يخليني نضحك معاك و مع غيرك .. ما بقيتش واقفة على رجلي خمسة د السوايع فالعملية و انا كندير كاع لي فجهدي باش ننقذها و ما نخليوهمش يقيدو ساعة الوفاة ديالها من بعد ما كلهم قطعوو لياس منها و حسبوني حمقة قدامهم لاعبين عليها الهرمونات و ما كتفرقش بين حياتها الشخصية و بين خدمتها .. باش نخرج لعندكم دابا و نضحك عليكم
ساطت النفس و سكتات فخطرة ..! بحال شي مسجلة كانت مشعولة و طفيتيها ..! شاف عدنان فخليل باستغراب و حسام رمش بالشوية غالباه الضحكة من وجهها لي تلون و حماار و عاود رجع للونوو الطبيعي ..!
حكيم:( رد بانزعاج ) تقدري تختاصري علينا الطريق ؟ ( غوت تا بدا كيمشيلوو الصوت لي اصلا ما كاينش و بزز كيتسمع ) حيييث واقيلة انا هنا واقف على اعصابي كنتسنى فالمفييييد ...!!! ( شاف فالطبيب الثاني لي خرج ) و نتوما مزال ما متافقين على هضرة وحدة ..!!!
د.الهيري:( حرك راسوو بالايجاب و قال ) دكتور الهيري .. دكتور فالاعصاب و عاونت الدكتور الابراهيمي فالجراحة الباطنية .. المريضة حتى قلنا فقدناها و علننا على الوفاة ديالها ( حط يديه على كتف نسيمة ) و نقذاتها ..! د.الكتاني خرج من العملية مع اعلان الوفاة و ما عرفش الجديد فحالة مدام المير .. عليها وصل لكم المعلومة غالطة للأسف ..!
حكيم:( حط قبضة يدو على فموو مزير عليها و عاض فيها بسنانوو .. بقى شحال هكاك و عاد قال بتنهيدة ) عايشة ..!
نسيمة: عايشة و لكن بالحالة لي هي فيها دابا ما عارفينش حتال فوقاش غتقدر تصبر ( بجدية ) باش نحطك فالصورة .. المريضة تضربات بطريقة خايبة بزاف .. لي تعرضلها كان غرضوو يقتلها ..! المرارة تفركعات و كان خاصنا ضروري نحيدوهالها فاستئصلناها .. الامعاء ديالها حتى هما تمزقوو و تقاسولها بزاف د الأنسجة و الاسوء .. الكبد ..!
حكيم:( غمض عينيه و عوج راسوو عاض على جنب فموو ) كانت مدمنة .. يالاه دابا تقريبا ثلث شهور باش قطعات الشراب و الكارو ..!
نسيمة:( تنهدات ) الكحول كيفما كاملين عارفين كيأثر بزااف على الكبدة و حتى منين كيتقطع كيكون الواحد عرضة باش تتشمعلوو الكبدة و لمضاعفات بزاف .. لكن شريفة الكبد ديالها كان بدا كيحاول يسترجع وضيفتوو الطبيعية بالتدريج .. التمزق كان مفرق ما مجموعش فجهة وحدة شي لي ما خلانيش نقطعوو و نكمل عادي
د.هيري: حيث الكبد العضو الوحيد لي كيتجدد ذاتيا .. يعني حتى يلا قطعنا الجهة المتضررة .. مع المدة غيكبر و يرجع كيفما كان .. سليم ..!
نسيمة: و بادمانها واجهنا مشاكل كبيرة فالعملية على مستوى الكبد و كان من الضروري نقسموو الخدمة على جوج .. اليوم عملية و غذا وحدة اخرى نهائية ..!
د.هيري: من بين المشاكل لي لقينا هو القلب توقف و ما بقاش كينبض .. و اضطرينا نفتحوو حتى على صدرها و نديرو اللازم ..! الرئة ما كانش كيوصل لها الاوكسيجين و ما عاوناتناش و حتى هي متضررة نوعا ما بالكارو .. و هاذ المضاعفات لي وقعوو بسباب الادمان ..!
نسيمة: واخا قطعات من مدة .. لكن المدة ما كافياش باش كاع وظائفها يرجعوو لطبيعتهم ..! حالتها حاليا مستقرة و لكن تقدر فأي وقت تجيها انتكاسة جديدة و يلا وقعلها نزيف جديد فجوف البطن ما غنقدروش ننقذوها من جديد ..! ( زيرات على عينيها ) و ماشي غير هاذشي ..!
نسيمة: واخا قطعات من مدة .. لكن المدة ما كافياش باش كاع وظائفها يرجعوو لطبيعتهم ..! حالتها حاليا مستقرة و لكن تقدر فأي وقت تجيها انتكاسة جديدة و يلا وقعلها نزيف جديد فجوف البطن ما غنقدروش ننقذوها ثاني ..! ( زيرات على عينيها ) و ماشي غير هاذشي ..!
د.الهيري:( شاف فيها و رجع شاف فحكيم ساكت )
حكيم: شنوو كثر ..؟
نسيمة: المريضة حاملة و جاها نزيف حاد .. بزز وقفناه بالألات باش نقدرو نعتقوو لي قدرنا عليه و باش ما يضيعش منها الدم كثر ..! بمعنى جهضات ..! ( رمش حكيم بالشوية و صدرو طلع و هبط بثقالة و هي مكملة هضرتها ) خاص الطبيبة ديال النساء و التوليد تقلبها و تشوف حالتها و
حكيم:( قاطعها بهدوء ) كانوو توام ..!
نسيمة:( تبسمات بحزن و قالت ) ربي يعوضهم .. المهم هي تتعاون معانا و ترجع توقف على رجليها من جديد ..! المشكل هو باش نقذوها وقفنا النزيف و ما قربناش لجهة الرحم فخطرة .. و فهاذ الساعات د العملية تقدر حالتها تكون تدهورات على لي كانت ..!
د.الهيري: بمعنى خاصها ضروري عملية باش ينقييو الرحم و يحيدوو الانسجة منوو .. و فهاذ الحالة تقدر المريضة ما تتحملش و يوقف قلبها فأي وقيتة و يقدرو الرئتين ديالها ما يعاونوناش حتى هما ..!
نسيمة: و يلا صبرنا تال غذا و درنالها عملية وحدة .. الاجهاض و الكبد فدقة .. يقدرو الانسجة يتعفنوو لها و تتضرر وحدة من قنوات فالوب .. و لا بجوج ..! ( بأسف ) يعني ما تقدرش تحمل من جديد .. يلا صبرنا تال غذا ممكن يوقعوو مضاعفات يضرو الرحم و المبيضين .. مضاعفات صعاب ..!
حكيم:( رد بضياع و صدمة ..! ) و ولكن ..! شنوو غيضمن لكم غذا فالعملية على الكبدة ما يوقفش قلبها و الرية ما تعاونكمش ؟؟؟
حركوو حجبانهم بجوج .. بمعنى ما كايناش ضمانة ..! و يقدر يوقع الاسوء فالعملية د غذا .. الخطر كاين فجميع الحالات ..!
د.الهيري: عارفين صعيب عليك هاذشي لي كتسمعوو و متفهمينك و لكن خاصنا نعطيوك تشخيصها كامل .. باش توجدو راسكم لأسوء الاحتمالات .. و بصفتي طبيب أعصاب فضروري المريضة تدير أشعة الرنين المغناطيسي على راسها ..!
نسيمة: شاكين فاش تضربات طاحت على راسها و ما كانتش طيحة ساهلة ..! الرنين غيبين كلشي و الدكتور الهيري من احسن الأطباء ديال الاعصاب ..!
د.الهيري: كاين احتمال يكون دماغها كينزف ( سكت شوية و رجع كمل ) فأحسن الحالات النزيف غيتمتص بوحدو و ما غيكون حتى ضرر ..!
حكيم:( جفن عينيه كيتحرك بالزربة و يديه محطوطة على عنقوو بحال يلا مخنوق .. و بنفس نبرة صوتوو قال ) و فأسوء الحالات ..!
د.الهيري: فأسوء الحالات غتبقى تنزف حتى تموت يلا ما درناش العملية ف ربعة و عشرين ساعة الجايا ( قلب وجهوو كيتنهد ) الأشعة غتأكد شكوكنا و لكن يلا كانت بصح كتنزف و درنا العملية احتمال كبير تأثر على النطق و الحركة ديالها و حتى على شخصيتها ..!
نسيمة: و الذاكرة حتى هي ..! المخ مقسم على جوج و كل واحد علاياش مسؤول .. النتائج غتورينا القسم لي متضرر كثر ..! و فنفس الوقت ما يمكنش نعرفوو واش النزيف غيتمص بوحدو قبل من ربعة و عشرين ساعة .. و يلا جازفنا و ما درناش العملية و الدم ما تمصش .. غتموت ..!
حكيم:( تنهد بقوة ) كيفاش شخصيتها ؟
د.الهيري: الحركة تقدر ما تبقاش تحرك واحد من الاعضاء بحال يديها و النطق و الذاكرة مفهومين .. أما شخصيتها تقدر تتبدل عليكم كليا .. مثلا يلا كانت مهدنة و مسالمة تولي متعصبة و مندافعة ( سكت شوية ) و هاذشي غير باش نحطوك فالصورة نتمناو نكونوو غالطين ..!
نسيمة: و حتى المضاعفات ماشي بالضرورة يوقعوو معاها و د.الهيري يلا دارلها العملية غيدير كل جهدو باش تكون العملية ناجحة ..!
حكيم: و شنوو المطلوب ؟؟
د.الهيري: تعطينا الموافقة ديالك .. ما دام هي ما غتقدرش تسني لنا ..!
ضحك باستهزاء كيمشي و يجي قدامهم .. غير ما كيزيد يعراق و يتوثر و يتعصب .. عرق كيضرب بالجهد فجبهتوو كتحسوو شوية و يطرطق و هو كامل ما بقى لوو والوو و يتطرطق ..!
حكيم: نسني لكم على موتها ؟؟؟ ( شير بيديه للقاعة ) ما قتلتوهاش لداخل و جايين عندي نعطي الموافقة و نقتلها بيدي انا ..!
نسيمة: حنا حاسيين بيك ..!
حكيم:( قاطعها بحدة ) ما حااااسااااش و ما غتحسيش بوحدة حياتها كاملة و هي كتشوف راسها غتكون ام مريضة غتعقد ولادها ( هز صبعوو بتأكيد ..! ) حياتها كاااااملة .. و نهار لقات راسها حاملة بالتوام .. تقبلاتهم و حلفات حتى تحميهم من راسها هي اللولة و تكون لهم احسن ام .. و ها هي خسراتهم فنفس النهار ..!
نسيمة و د.الهيري:( شافوو فبعضياتهم بأسف )
حكيم: و فوق هاذشي كامل باغيين انا نقرر .. واش تدخل تدير عملية دابا و تجهض .. و تقدر تموت فيها و ما تتحملش .. و لا تبقى تال غذا و تدير جوج عمليات فنفس الوقت و لي تقدر ما تخرجش منهم و تقدر تخرج و تكون ما كتولدش .. تحرم من الولاد حياتها كاملة ( شاف فالهيري بانفعال ) هاذشي يلا ما ماتتش بالنزيف فالدماغ و لا يلا ما وقفش قلبها فالعملية الثالثة ديالك .. لي حتى يلا نجحات كاين احتمال تفقد الذاكرة .. ما تبقاش تهضر و تحرك ذاثها .. و ما تبقاااش شريفة لي أنا كنعرف ؟؟ شخصيتها كلها تتبدل ..! ( زفر النفس باستهزاء ) ماااا حاااسييينش و ما غتحسووووش ..!
نسيمة: و للاسف خاصك تتاخذ قرار فأسرع وقت ..!
حكيم:( زير على يديه شحال ساكت ) تسنيتها 12 العام ترجع .. 12 العام و انا كنتسنى فالنهار لي غنشوفها فيه من جديد ..! باش فاش نرجعوو نتجمعوو ما نكملوش حتى عام بجوج و يتسالى وقتي معاها ؟؟؟ ( حرك راسوو بالنفي ) ما غنقدرش .. ماشي انا لي نقولكم شنوو غتديرو .. ما باغيش نعيش و انا نادم حيث بسبابي ماتت او تعيش و هي كارهاني حيث حرمتها من ولادها ( رجع باللور مبعد من تما ) سمحوولي و لكن ما غنقدرش ..!
حكيم:( رجع باللور مبعد من تما ) سمحوولي و لكن ما غنقدرش ..! ( شاف فعدنان و البقية و قال ) أسية عيطولها و ما تعلموها بحتى حاجة تا توصل ..!
حسام:( حرك راسوو بالايجاب ) حنا غنتكلفوو و نمشييو موراها ..! ( سكت شحال حتى بانلوو غادي و عيط عليه باحباط ) حكييييم ..!
هز يديه عاطيهم بالظهر .. بمعنى ماشي وقتوو .. ما قادرش نهضر ..!
عدنان:( تنهد بقوة كيشوف فتيليفونوو لي كيصوني ) خلييوه حتى واحد ما يهضر معاه .. محتاج يجلس بوحدو واخا غير خمسة دقائق ..! أنا خاصني نمشي للمحل خليتهم واحلين .. شي ساعة هكاك و نرجع ..!
خليل:( حك راسوو من اللور و قال ) أنا غنبقى مع حكيم واخا غير من بعييد .. ما نقدرش نخليه و هو مدمر ..!
حسام:( ضرب على فخضو من الجنب و رد ) إذن أنا نمشي من مور أسية .. و لكن ما كنعرفش دارهم و حتى نمرتها ما عنديش ..!
عدنان: واخا و متعطلوش ( تنهد بقوة ) يلا كانت شي حاجة تحضر لختها بعدا ..!
كلها شد طريقوو لفين غادي .. من غير خليل لي كيضور فالطبيب بحال الحمق كيقلب على حكيم ..!
ملاك:( ركبات السمطة و تكات على الشرجم فسكات .. حتى بدات كتبكي و تشهق بالجهد .. خلعات حسام لي فالبلاصة دار السينيال و وقف ) ما قد قدرتش هء .. ما قدرتش ..!
حسام:( زير على يديها .. حاني بوجهوو كيطل عليها ) ماري البكى ما عندو باش ينفع دابا .. خاصنا نوقفوو مع حكيم ..!!!
ملاك:( دموعها هابطين شلال و فمها كيترعد هو و يديها لي كتحركها فالسما كتشرح بيها ) حكييم فاش هء فاش طاح مريض .. كنا كاملييين معاه هء .. كااااملين كندعييو معاه و دايرين جهدنا باش يوقف على رجليه ( شافت فيه بانكسار ) و لكن شريفة ما عندها حد
شهقات بالجهد .. صدرها كيهبط و يطلع بالجهد .. مخنووقة و كتهضر ..! تا كيتسمع صوت بحال التلقاف ..!
ملاك: حنا شحال ما بقينا غننساوها و حرقتها غتبرد .. موحال تلقى حتى لي يترحم عليها من غير حكيم و أسية ( عضات على يديها بالجهد ) سمعتي شنوو قالوو لحكيم على حالتها ؟؟ شريفة كتتعذب و آخرتها مووت ..! يمكن كتتخلص على فعايلها قبل ما تدفن تحت التراب ..!
حسام:( رد بأسف ) كيقولوو المغذور كيمشي نيشان للجنة .. و الله أعلم ..!
ملاك: هي كتتخلص و حنا ؟؟؟ ( شافت فيه بحزن شديد ..! ) حنا فوقاش غنتخلصوو على شنوو درنا ..! أنا ما تسامحتش معاها ا حسام هء .. فوقما كانت كتشوف فيا كتضحك و لكن من عينيها باينة بلي مقسحة من جهتي و ما نساتش .. غتمشي و هي هازى فقلبها مني ؟؟؟
حسام:( زاد زير على يديها و قال ) إن الله غفور رحيم .. ما تفكريش هاكا .. تفائلي بالخير ان شاء الله تفيق و تولي حسن من لي كانت .. و تصفييو الخواطر بجوج ..!
ملاك:( حركات راسها بالنفي ) ماشي كاع الذنوب كيتغفرو .. كاينين لي ما كيتغفروش .. أنا ما درتهمش مع الله .. درتهم مع العبد و يلا ما سمحلكش كيبقى الذنب على رقبتك .. على رقبتي أنا حتى نموت .. اااااه .. أنا ما نقدرش نهز ذنبها حياتي كاملة ..! يمكن هي غتخلص لمدة و ترتاح و لكن انا ؟؟ ديكشي لي درتوو مع شادية ما كيقبلوو لا الله لا العبد ..!
حسام:( تنهد ساكت ) احااااح
ملاك: جربت الحرقة د الفراق مع حكيم و كنت واخا هكاك مرتاحة .. كنقول غيفيق و حتى يلا كتاب و مات ( غمضات عينيها و دموعها كيهبطوو بالجهد ..! ) غيمشي و هو راضي عليا و قلبوو صافي من جهتي ..! كنت كنشوف لي زابيل ديالها و عارفاه هو ما عندوش التيليفون و مريض ما قادر يهضر مع حد .. و ما كنتش كنجاوب .. حرقتها عليه و ها أنا كنجرب نفس العافية لي ذاقتها قبل مني و بسبابي ..!
《 صدقوني بعض الذنوب لا تغتفر ..! 》
حسام:( ديمارا الطونوبيل و زاد مع الطريق ) غنتعطلوو على أسية ..!
ملاك:( تكات على الشرجم و قالت ) يااااه الدنيا شحال كتلعب بينا ..! كيفما أنا كنت كنتسنى فغذا و كنقول شريفة و حكيم غيتزوجوو و غنتصالحوو .. حتى هي كانت كتتسنى فداك النهار
حسام:( ساكت كيسمع لها و عينوو فالطريق ..! )
ملاك:( مسحات دموعها و شدات عينيها لي كيحرقوها ..! ) حكيم و شريفة زناو ا حسام
حسام:( تفتحوو عينيه و تهزو حجبانوو للسما .. مفوه فموو ..! و بقطعية قال ) سكتي ا ماري ..!
ملاك: الزنى صعييب ا كازانوفا ( ضحكات بلا نفس ) و حتى نتا درتيها عشرالاف مرة ( بهمس ) و كلنا عارفين .. ما كاين لاش تنكر ..! ( تنهدات ) صدقات حاملة و بالتوام ..! كانت غتكون فرحانة بيهم بزاف هي و خويا .. و لكن كيبقاو ولاد جايين من الحرام ..!
حسام:( عقد حجبانوو و رد ) راه ما باغيش نسمع هاذشي و نناقشوو انا و ياك شي حاجة بعيييدة علينا خليها بعيدة ..!
ملاك: حتى هما ذنبهم كبيير و ما كيتغفرش ..! احااااح .. بعد المرات كنديرو الحاجة بلا عقل و ما كنفكروش فشنوو غيوقع موراها .. حتى كيفوت الفوت و عاد كندموو ..! التوام ماتوو و شريفة كتقاتل باش تبقى عايشة .. و حكيييم .. حكيم كيتحرق بوحدوو و حتى حد ما غيحس بيه و بشنوو كيدوز منوو ..! ( بتساؤل ) الحب كيخليك تدير شي حوايج نتا ما قابلش عليهم ؟ كيخليك تتنازل ؟
حسام:( خطف الشوفة فيها و قال بهدوء ) كيخليك تدير لي عمرك تخيلتيه ..!
ملاك:( تبسمات جنب ) حيث شريفة ماشي النوع د خويا .. كيكره المراة لي تخسر الهضرة .. تسكر .. تكمي و ها هو بغاها واخا فيها كاع هاذشي .. و عمري شفتوو مرتاح مع شي وحدة قدها ..! ( سكتات شوية و كملات ) الطبيبة قالت بلي المضاعفات لي وقعوو فالعملية كانوو بسباب مخلفات الادمان ..!
حسام: امم
ملاك: يمكن دابا اعضائها كياخذو حقهم منها .. حيث عدباتهم بالادمان و هما غير امانة عندنا .. يمكن بصح كيفما قلتي كتخلص فالدنيا و غير تصفى غتمشي عند ربي ..! يمكن ترتاح تما و يمكن تدخل للجنة حيث مغذورة و جات الموت على غفلة و تكون حتى هي شهيدة ..!
حسام: و العلم لله ..!
ملاك: و لكن حكيم ؟ العقاب ديالوو صعيب بزاااف ا حسام .. صعيب كثر ما كتخيل .. يلا مشى حتى خلاهم يديرو العملية الثانية اليوم و ماتت .. غيهز الذنب على رقبتوو حياتوو كاملة .. و يلا صبر و خلاها تال غذا و عاشت شريفة و لقات راسها ما كتولدش بسباب قرارو ( حركات راسها بالنفي ) حتى داك الساعة غيهز ذنبها و عمرو يسمح لراسوو .. واخا هي تغفرلوو هو ما غيغفرش لراسوو .. عايشة او ميتة ..!
حسام:( رد بألم على صاحبوو و خوه لي ولداتوو ليه الدنيا ..! ) شنوو دار فحياتوو حتى يعيش هاذ العذاب ..!
ملاك:( ردات بسهو ) دار ذنب ما كيتغفرش بحالنا كااااملين .. غير كاين لي كيأدي عليه و هو عايش و كاين لي ما كيتحاسب عليه حتى كيموت ..! و يلا كنت نختار .. نختار اللولة على الثانية ..! ( بتنهيدة و عينين مفيكسيين فبلاصة وحدة ) باقي كلنا غندوزو من نفس الطريق .. طوال الزمان و لا قصار ..!
حسام:( شاف فيها باستغراب و فنفس الوقت خلعاتوو و خلاتوو يفكر يبدا تا هو يعاود حساباتوو ..! سكت شحال و عاد قال ) عيطي لأسية علميها بلي جايين عندها .. تمشي معانا لكازا و ما تبيني والوو حتى يهضر معاها خوك ..!
كيفكر و يعاود .. هضرة الأطباء كتضور فوذنيه .. خاصوو يقرر فأقرب وقت .. ما يمكنش تبقى مليوحة تما ..! هو لي غيتحمل المسؤولية فجميع الحالات و يلا تهرب اكيد ما غيرتاحش من الحمل لي هاز فوق ظهرو و حرقتوو ما غتبردش ..!
الأفكار كيضربوه بحال المواج .. فينما يقول صافي قررت .. كتجي موجة جديدة كتضربوو بالجهد حتى كينزل لقاع البحر مقطوع فيه النفس ..! و بين هذا و ذاك .. جا لعقلوو حوار .. داز بينوو و بينها ..! كلام بقى مرسخ فعقلوو مزيان و محفور فذاكرتوو ..!
《 شريفة:( ردات بجدية كتشوف فعينيه ) عرفتي شنو تعلمت من هاذ السنين لي فاتوو كاملين ؟ ( حرك راسوو بمعنى شنوو )الدنيا علماتني الصبر ..! ( هزات يديها برقم واحد ) ص ..! هي الصيرورة كلشي غادي يدوز و دوام الحال من المحال .. حتى حاجة ما كتبقى كيفما كانت و شحال ما عضيتي فالصبر غيجي واحد النهار توصل و تنال فيه ..! ( دارتلوو حركة بمعنى رقم جوج ) ب ..! هي البشرى ههه ..! نبقى ديما ضاحكة و نعيش حياتي بالطول و العرض المهم أنا فرحانة و لهلا يقلب بكحل الراس ..! يلا تعصبت و مرضت فخاطري حتى حاجة ما غتتبدل .. على هاذشي غتلقاني واصلة لي للجذر كتنخر فيا و أنا ضاربة الدنيا بطالوون ما مسوقاش ..! ( هزات يديها بمعنى ثلاثة ) ر ..! هي الرضى ..! نكون راضية على راسي و ثايقة فيه و متحملة مسؤولية كاع لي كندير ..! 》
دوام الحال من المحال و شحال ما صبرتي غادي تنال .. شحال ما طال الليل غيجي نهار تشرق فيه الشمش ..! و هنا سول راسوو .. واش هو قادر يصبر تا تشرق الشمش عليهم من جديد .. و يلا شرقات و ما كانتش ..! غيقدر يضحك و يكمل حياتوو بلا بيها واخا واصلة بيه للجذر ..!؟ غيقدر يرضى على راسوو و يتحمل مسؤولية القرار لي غيتاخذ .. كيفما كانت النتيجة ديالوو ..!؟
نسيمة:( تبسمات و عينيها كيلمعوو بالدموع .. كتشوف قبالتها لا غير ..! ) فصغرنا كلنا حلمنا نعيشوو مع صحاباتنا فدار وحدة و لا غير نكونوو جيران .. و انا صاحبتي العزيزة كانت جارتي .. بابا كيعرف باباها و ماواتنا بحال الخوت .. كبرنا و قرينا و تخرجنا بجوج ..! ( رمشات عينيها تا طاحت دمعة ثقيلة من عينيها ) كانت كتشبه لشريفة ..!
حكيم:( رد بصوت معصور ) كانت ؟
نسيمة:( بتنهيدة ردات ) كانت ..! و كان كلشي كيعرفنا شحال كنبغييو بعضياتنا .. كانت ختي و روحي .. واخا تزوجات حتى حاجة ما تبدلات ( ضحكات بقهقهة خفيفة ) حملات و كنت كنتسنى غير فوقاش تولد و نولي خالتوو حتى أنا ..!
حكيم:( دوز يدو على وجهوو و عنقوو و قال ) ماتت ..!
نسيمة:( بألم ) دارت كسيدة .. كسيدة خايبة .. داك النهار الطبيب كان عندنا مقلوب و كلشي خدام .. و انا طلبتهم نديرلها العملية ... بكيت و انا كنرغبهم ( هزات عينيها فالسما ) ممنوع على الاطباء يحطوو يديهم فعائلتهم .. قانون معروف عندنا .. حيث العاطفة كتغلب و ما كتقدرش تركز .. و لكن انا بغيت و ما كان حتى بديل ..! ( زيرات على يديها ) ما قدرتش ننقذها و ماتت بين يدي .. ماتت و قتلاتني معاها ..! مدة و انا ما كنقدرش ندير شي عملية و سمحت فالميدسين كاملة و لكن رجعت فلخر .. كملت حياتي منين وقفات
حكيم: و نتي هازة ذنبها و ما قادراش تسمحي لراسك ..!
نسيمة:( حركات راسها بنعم ) و أنا هازة ذنبها .. واخا الاعمار بيد الله و لكن كنبقاو بشر و يلا ما كانش عندنا ضمير و عاطفة راه ما عندنا والوو ..!
مسحات دموعها و ناضت باش تمشي بحالها .. لكن قبل حطات يديها على كتفوو و زيرات عليه ..!
نسيمة: تقدر تتعلم تعيش مع الذنب ديالك .. من بعد ما حاولتي و درتي كاع لي فجهدك .. و لكن عمرك غادي تقدر تتعايش مع الندامة .. لو درت و درت ممكن تكون معانا .. علاش و علاش ..!
حكيم: غتقدري تنقذيها ؟
نسيمة:( تبسمات بهدوء ) يمكن هاذ الحالة خذيتها بعاطفة زايدة .. و لكن تأكد ماشي غير نتا لي باغيها تعيش .. حتى انا متمنية تفتح عينيها و تدير لي ما قدراتش تديرو ختي و صاحبتي ..! غندير كاع لي نقدر عليه واخا العمليات الجايا بعيدة على التخصص ديالي و لكن غندخل معاهم و نكون حاضرة ..!
حكيم:( غمض عينوو فصمت طويل تا حيدات يديها من كتفوو .. و رجع فتحهم و قال ) نقدر نشوفها ..!
حسام:( شاف فيها باستغراب و فنفس الوقت خلعاتوو و خلاتوو يفكر يبدا تا هو يعاود حساباتوو ..! سكت شحال و عاد قال ) عيطي لأسية علميها بلي جايين عندها .. تمشي معانا لكازا و ما تبيني والوو حتى يهضر معاها خوك ..!
ملاك:( ردات بسهو ) حتى أسية غتخلص .. كلشي عندو نقطة كحلة فحياتوو و كلنا غادي نموتوو ..!
هنا عقد حجبانوو من هضرتها و بصح خلعاتوو عليها .. السيدة بحال يلا تخلخلات من لي سمعاتوو و من الخوف من الموت ..! ما قدرش يوقف حيث صافي شد لوطوروط و واخا هكاك هز يديه و عطاها تسرفيقة زعزعات لها الضروس ..!
شهقات بالجهد من الضربة .. بحال يلا كانت فشي بير غااارق و جبدوها ..! لكن ما قالت حتى حاجة .. كاع داك البكى و الهضرة .. رجع لها بالسكااااات .. شادة حنكها و ساكتة ..!
حسام:( بعد مدة قال بشك ) ماري متأكدة ما درتي حتى جديدة بلا خبارنا ؟ ( صغر عينيه فيها منتابه للطريق ) لشريفة ..!؟ ياك ما عندكش علاقة بلي وقع لها اليوم ؟؟؟
ملاك:( وسعات عينيها و ردات ) حسااااام ؟؟ واش حماقيتي انا ( غلباتها البكية و سكتات )
حسام: أنا عارفك ما تديريش و لكن يلا كنتي عارفة شي حاجة قوليها قبل ما يفوت الفوت و تندمي بحال دابا .. حكيم ما غيعقل على حتى واحد فاش غيبدا التحقيق ..!
ملاك: علاش هو لي شاد القضية ؟
حسام:( رد بهدوء ) لا .. و لكن غيطلب يشدها .. حكيم و كنعرفوو .. خالتي حبيبة يلا شك فيها ما غيعقلش عليها .. هاذي موو .. بلا ما نهضرو عليك نتي ..!
ملاك:( بتنهيدة ردات ) واش من عقلك كتسولني ؟؟ أنا غير بقات فيا و بقى فيا راسي و صافي .. ما دايرة والوو و ما عندي مناش نخاف ..!
حسام: مزيان .. كنتمنى ..!
ردات بعصبية من طريقة هضرتوو .. بحال جالس حداه مجرم فالتحقيق و باغي يستفزو ..! حاطها هي ماري فالشك ..! شنوو لي خلاه يجرمها و يشوفها بنظرة ثانية .. هو لي من ديما كيعزها و يضحك معاها .. طالقها تسرح تال للمريخ ..!
ملاك: كنقولوو خويا فرحان و لاقي راحتوو معاها و ما نقدرش نشوفوو مقهور و هو كيقولي كنتمنى ..!
**********************************
حكيم:( غمض عينوو فصمت طويل تا حيدات يديها من كتفوو .. و رجع فتحهم و قال ) نقدر نشوفها ..!
نسيمة:( يالاه جات ترفض و رجعات تنفسات و قالت ) جوج دقائق ما تفوتهمش ..!
جبد شفايفوو بتبسيمة صفرة ما فيها لا روح لا حياة .. عينيه ذابلين و داخلوو ما عالم بيه غير الله .. تبعها بهدوء حتى دخلاتوو للغرفة فين عقموه و عطاوه اللباس لي غيلبسوو ..!
و بعدها تفتحات غرفة العمليات و دخل بخطوات تقال .. كيسمع فالآلات لي تما .. طووووط طوووط طييييط ..! المقوصة و الآلات الحادة قراب للطاولة لي ناعسة فوق منها شريفة .. فمنظر كيهز البدن و يبورش ..!
وجهها صفر و فمها بييض و يابس .. خارج منوو تيوو لاسق على جناب فمها و واحد ثاني راكب فالثقابي د نيوفها ..! مغطيينها بغطى شفاف فالازرق .. كيبين التخييطة ديال صدرها و كرشها .. واحد التشريكة فكرشها لا حول و لا قوة الا بالله ..!
شد يديها لي مخشي فصبع سبابتها بحال مقبط و فذراعها شوكة لاسقة مع تيوو ثاني .. بلا صدرها لي عامر سلوكة و رجليها مزيرة بواحد البانضة و مقبوطة بواحد الحديدة ..!
دوز يديه برقة على حنكها .. لمسة خفيييفة بحال الريشة .. تقول خايف يقصحها يلا قاسها ..!
تأمل فتأمل فصمت فمشاعر دفيينة .. بين شوق و حزن و ألم و خوف و ضياع ..! و فهاذ الوقت تدق فالباب د الزاج و شيراتلوو نسيمة باش يخرج .. حرك راسوو فهدوء و تحنى بالكمامة على وجهوو باسلها يديها و قال قريب لوذنيها ..!
حكيم: غنتسناك .. كوني قوية ..!
رجع حط يديها بحذر و خرج .. راجع باللور كيشوف فيها .. حتى وصل للباب و تفتحات .. و معاها قال حكيم بجدية ..!
حكيم: غادي نسني لكم على الوراق .. وجدوها للعملية الثانية اليوم .. ما نقدرش نحرمها من الولاد حياتها كاملة حيث خايف عليها ( بتركيز فشريفة من مور الزاج ) هي نوارة الحدود ما كتقارن بحتى واحد .. قادرة توقف من جديد ( لمعوو عينيه ) و حتى يلا ما قدراتش ترجعلنا .. غنكون حاولت و ما بقيتش غير واقف فبلاصتي ..!
عرس الذيب الجزء 21
محتوى القصة
صوت لومبيلونص كيثقب الوذنين ..! غير وصلات للمستشفى الجامعي ابن رشد .. وقفات بالجهد مسموعة بحال كسيدة حتى بداو الناس كيطلوو على الباب اللورانية لي تزدحات للحد مخرجين شريفة مغيبة و معاها المسعفين كيبركوو على الجرح باش يحبسوو النزيف ..!
لقاو فالباب الاطباء لي غيتكلفوو بيها لأنوو حالتها مأساوية و علموهم فالطريق من قبل ..! واحد من المسعفين دخل مع الممرضين و الاطباء لي طارو بيها ديريكت للعمليات ..!
المسعف: شريفة المير .. 27 سنة .. نبض القلب 175 و ضغط الدم خمسين .. حرارتها مرتافعة .. مطعونة فكرشها و النزيف ما بغاش يتقطع من الجرح و من الجهاز التناسلي على الغالب حاملة .. ملفها الطبي ما عندناش عليه فكرة
الطبيبة:( بالزربة ردات ) عيطتوو لشي واحد من عائلتها ؟؟
المسعف: خلينا البوليس فالبلاصة لي تضربات مطوقين الجهة .. هما غيتكلفوو اكيد ..!
الطبيبة:( حركات راسها ليه و بدات كتجري ) عيطوووو على دكتور الكتااااني و الدكتور الهيري .. لقاعة العمليات د3 .. دااااباااا ...!
ردو عليها الفرمليات بالايجاب و دخلات هي لغرفة التحضير للعمليات الجراحية .. لابسة البوني فراسها و صندالة ميديكال هي و البيجامة الزرقة د الاطباء .. غسلات يديها مزيان و عقمات تا جات ممرضة عقدات لها الكمامة من اللور و فوق راسها .. عطاتها فوطة جديدة معقمة مسحات فيها يديها و لبساتها من فوق البيجامة مسكة تا هي فالازرق باليديين كتعقد من اللور ..!
و هووب دخلات لقاعة العمليات فين متكية شريفة فوق طاولة العمليات مغيبة .. وجهها صفر مسقووط من الدم و فمها بياض ..! فمها لي مفتوح و مخشي فيه انبوب ملسق مع واحد ثاني و مركب مع الآلة ديال الاوكسيجين ..!
جوج ديال المنابع د الضوو كبار شاعلين فوق منها ..! و جهاز تخذير كبيييير مور الاطباء لي ضايرين بيها ..!
الطبيبة: دكتور الاسماعيلي .. بدا فالتخذير ..! ( ركبولها كاسك فوق من راسها جاي مشدود بجوج عوينات صغار بحال الميكروسكوب كيبينوو الجرح اقرب ..! ) الدكتور الكتاني و الهيري ؟
ف: فالطريق دكتور ..!
بعد ما تخذرات شريفة و عطاوها حقنات باش يتوقف النزيف من تحتها .. نضفوو الجرح مزيان بدات العملية .. كل واحد باش مكلف و جهاز مراقبة المؤشرات الحيوية قدامهم كيتسمع منوو صوت .. طووووط طوووط طيييط ..! حاضيين معاه .. سرعة النبض .. الضغط الدموي .. اوكسيجين الدم .. معدل التنفس .. تخطيط القلب الكهربائي و درجة الحرارة ..!
د: المشراط ..!
مداتلهم يديها و عطاوه لها شداتوو و بكل سلاسة شرطات كرش شريفة كتفتحها باش يكتاشفوو الضرر لفين واصل ..! و جهاز التخثير الكهربائي لاسق على رجل شريفة بواحد الصفيحة معدنية ..! باش يوقفوو النزف فالاوعية الدموية و يعرفوو يخدموو .. هو جزء اساسي من أي عملية .. كيدوز تيار كهربائي مركز للمريض من الأنسجة ديالوو شي لي كيخلي حرارة جديدة تتولد فالاوعية الدموية و بالتالي كتغلق و كيتوقف النزيف مؤقتا ..!
د.هيري و د.الكتاني: شنوو عندنا هنا ؟
د:( ردات بتركيز ) طعنات فالبطن .. تقاس فيها الكبد بزاااف .. تمزقات المرارة .. و الاوعية فالامعاء فيهم لي تقاسوو ..! حاملة و وقع لها اجهاض عندها نزيف حاد بزز وقفناه .. و جبهتها زراقت و تكبد الدم فيها .. غالبا فاش تضربات طاحت على راسها ..! يمكن بزاااف يكون عندها نزيف داخلي ( هزات عينيها فيهم ) عارفين هاذشي شنوو كيعني ؟؟
د.هيري:( تدخل سيغ بلاص شد بلاصتوو و قال ) البنكرياس و الطحال ؟؟
د.الكتاني:( حرك راسوو ) وحدة جديدة د الدم من الزمرة A+ دااابااا ..! ( شد بلاصتوو تا هو ) خاصها الرنين المغناطيسي فاقرب وقت .. يلا كان عندها نزيف فالدماغ خاصها تدخل للعمليات قبل من 24 ساعة الجايا ..!
د: البنكرياس و الطحال ما تقاسوش د. هيري .. و لكن الكبدة تضررات بزاااف ما غنقدروش نديرو الاجراءات العادية ..!
د.هيري: لي هي ؟
د: نشد التمزقات الصغيرة بالخياطة و نربط الاوردة و الشرايين لي تمزقات .. و لكن دابا ( حركات راسها بالنفي ) غنعمر التمزقات بفوط صحية تحبس النزيف و تثبث حالة الكبد و غنضيق الأوعية الكبيرة باش نخففو من النزيف ..! و من بعد ربعة و عشرين ساعة غنرجعوو نديرو عملية عليه نحيدو الفوط و نقلبوو على اصابات اخرى ما انتابهناش لهم .. و عاد ندوزو للاجراءات الاعتيادية ..!
د.الكتاني: و تقدري تقطعي هاذ النص المتضرر و تخيطي الانسجة و الاوعية ..! الكبد العضو الوحيد لي كيتجدد ذاتيا ما تنسايش ا دكتورة شنوو باقي تابعنا ما نضيعوش الوقت فيه ..!
د:( ردات بالنفي ) ما غنغامرش ..!
***********************************
مرة مرة كيزورها الوجع و كتلف الحريق غادية جاية فبلاصتها ..! من الدقيقة لي نطق حطيم مطلقة و تطلقوو رسميا فالمحكمة و هي موجوعة ..! بكات و نذبات حتى عيات و تا حاجة ما بردات عليها ..!
كريمة:( جهاد عليها الحريق بزز واقفة كتنفس و تعيط ) باااا ا باااا وااا مييي جاتني الزحمة واgيلة .. تعالي لعندي نتكى عليك نمشييو نطرgو الطبيب ..!
الاب:( رد من البيت كيلبس فكندورتوو ) دابا ..! ( دوز لابيل لمحمد امين لي بقى معاه فهاذ المدة على اتصال .. غير رد عليه قال ) ا ولدي كريمة .. كريمة كتولد واقيلة .. شادها الوجع فين نديوها الله يشدلك فالصحيحة و الميمة .. علم حكيم يلحق علينا ..!
محمد امين:( رد بتفاجئ ) غتولد دابا ؟؟ واخا واخا انا غنعيط لحكيم و نلحقوو عليكم .. غير سير للكلينيك **** راه ديجا حكيم رصى معاهم كلشي ..!
الاب: واخا ا ولدي الله يجيب الفكاك ..!
قطع معاه و خرجوو كريمة كتلهث شادة على كرشها .. حريق خااايب قابطها .. كلها عراقت و وجهها صفار بالخلعة تا شنايفها بداو يبسوو ..! النفس مقطوع فيها و بزز كتطلعوو و تهبطوو و الحريق كيقطع فيها تقطااااع ..!
ما وصلوو للكلينيك تا بغات تسخف ..! دخل باها للاستقبال و هضر معاهم و هو حشمان ..! لقى بصح بلي كلشي مرصي تا من الطبيبة لي غتولدها دايرين معاها و فالبلاصة عيطولها للعيادة ديالها باش تجي .. و لي ساج فام " القابلات " دخلوها لواحد البيت كيقلبوو فيها و يشوفوو واش بصح غتولد و الوالدة بشحال تفتحات و البيبي واش مقبلة يعني راسها للتحت و فالوضعية ديال الولادة ..!
ساج فام 1:( شافت فالشاشة باستغراب و رجعات شافت فوحدة معاهم و قالت ) عندك سجلها الطبي ؟؟
كريمة:( ردات كتوجع ) يانا كولشي عندي مزيان .. الطبيبة كانت gالت لي ندير شي تحليلات وا غير ترونت و ما gاديتهمش .. يا هذا ما كان ..!
ساج فام2:( جابت الملف ديالها من عند امها لي واقفة معاها حدا الباب .. غير قرات شنوو مكتوب توسعوو عينيها بصدمة و قالت بتلعثم ) ك كي كيفاش تا عطاتك هاذ التحاليل ؟ شنوو كان عندك ؟
كريمة: كان الوجع يgطع فيا ف تحتي تا جاتني الفيضة الخفيفة .. اللفافط و الماكلة ..!
ساج فام1: اللفافط ؟ يعني الحبوب ( شدات على جبتها كتمشي و تجي فبلاصتها عاضة على فمها و موراها ردات بعصبية ) و ما لقيتيش الوقت تمشي تديريهم ؟ ههههه ..! و عندك الوقت لي تولدي فيه و لا بلاتي عليك تال للشهر الجاي ؟
ساج فام2:( خرجات عينيها فيها ) ابتسااااام ماشي هاكا ..!
ساج فام1: لااا هاكا .. واش قريتي لي قريت ؟؟ واش بانلك البيبي تقلبات لها فكرشها و ما بقاتش مقبلة .. و الما بدا ينشف منها و خاصها تولد سيزاغيان دابا نيت ( لكريمة ) واش ما عارفاش شهرك خرج هاذي ثلاثة د السيمانات و كان خاصك تكوني عندنا هنا شحال هاذي ؟؟
كريمة: يااانااا
ساج فام1: واش عارفة التحاليل لي عطاتك خاصك تديريهم نتي و راجلك فنهارهم و تدعييو ليل و نهار ما يخرجوش بوزيتيف ..! حيث يلا خرجوو ما كاينش الدوا و بنتك غتعدا و تهز منك الفيروس لي ما عندوش دوا اصلا .. نتي و مناعتك كي دايرة و واش غتقدري تغلبيه او لا ..! المناعة لي باقي بنتك ما كتاسباتها .. غتقتليها و هي باقى ما كملات تا نهار .. حيث ما عندكش الوقت ههههه وااااو ..!
الام:( ردات بخوف و اول حاجة جاتها لبالها ) واش السيدا ؟؟ و لكن ؟؟
ساج فام2: ماشي السيدا ا مدام و لكن تا هاذ لي فيروس ما عندهمش علاج .. تقدري تتغلبي عليهم يلا كانت عندك المناعة طالعة لا غير .. و البيبي يلا تنقلوو الفيروس ما غتقدرش تتحمل .. على هاذشي كان خاصهم يتدارو فوقتهم باش الطبيبة تنقذ لي قدرات عليه ..!
ساج فام1:( ردات مغلغلة ) هاذ لي فيروس هما .. Anti cytomegalovirus و Anti herpes simplex 1/2 .. كيفما السيدا ما عندهاش الدوا تا هما نفس الشي .. كينتاقلوو بالبزاق " التفال .. اللعاب " و بالجنس و بالدم .. و كيفما السيدا كتاكلك من الداخل حتى هما كياكلوك و مع الوقت عاد كيبانوو اضرارهم مزيان ( ضحكات مغزفة ) و غير باش تكونوو عارفين كاع لي مراض بالسيدا كيكونوو فيهم تا هما و كيتطورو ما كيبقاوش ساكنين .. و من بين الاعراض كيخرجولك حبوب فالجهاز التناسلي ديالك ..!
الام: و شنوو المعمول دابا ؟
ساج فام1:( ردات بحرقة ) علاش كتولدوهم منين نتوما ما مسوقينش لهم ؟ كاينين ناس كيتمناو ليل و نهار الذرية و ما لقاوهاش و لي ربي رزقهم بيها مستهثرين ..! ( ضحكات باستهزاء ) غندخلوها للعمليات نوجدوها على ما توصل الطبيبة .. غتولد سيزاريان قبل ما تنشف البيبي كاع من الما و تخنق .. و فاش تتزاد غندعييو معاها و معاكم ما يكون عندكم والوو ..!
و ديكشي لي كان دخلوها للعمليات .. وجدوها و دارو لي عليهم حتى جات الطبيبة لي غتولدها .. عطاوها تقرير مفصل على حالتها و فالبلاصة عيطوو على الطبيب ديال للتخذير ..! وجد الشوكة و هضر مع لي ساج فام يشدو فيها و هي جالسة و شرحلها بلي ما خاصهاش تتحرك فخطرة .. حيث البلاصة فين كيضربها فالظهر حساسة و يلا مشات حتى تزعزعات غير شوية .. تقدر الله يستر تتشلل كاع و يوقعوو معاها مضاعفات خطيرة ..!
******************************
تبثوو لها الكبد بالفوط الصحية باش تمتص النزيف ..! و استئصلوو المرارة .. و بداو كيخيطوو فالاوعية الدموية و الامعاء لي تقاسوو ..!
د.الكتاني: دكتور ..! قبل ما تسدي الجرح ..! فاش كيتقاس عضو مجوف بحال الامعاء .. شنوو الحاجة لي خاصنا نخافوو منها ؟
د:( سكتات شوية و رجعات قالت ) تقدر المحتويات ديال داك العضو .. بحال احماض المعدة و حتى البراز و البول .. يدخلوو لتجويف البطن .. الشي لي غيسبب تهيج و التهاب .. التهاب peritonitis ..!
د.الهيري: المادة الصفرة لي فالمرارة على الغالب تسربات لتجويف البطن و غتسبب فالاتهاب .. خاصها مصل دابا ..! ( شاف فوحدة من الفرمليات ) 5 ميليغرامات من ****
ف: وي دكتور ..!
د.الكتاني: المريضة تطعنات بسلاح حاد و لي ممكن جدا يكون مدري ( الدرا هي داك الحمورية لي كتكون فالحديد بصفة عامة ) و هاذشي غيسبب لها فمرض الكزاز ..! ( حرك يديه ) 30 ميليغرام من ****
د:( قالت تا هي بتركيز ) الاصابة ديال الكبد تقدر تسبب فتجمع الدم فالعضلة و بالتالي غيتكونوو .. الاورام الدموية hematomas ..! و لي غيبقاو مجموعين فتجويف البطن و بالتالي غتسبب ف تدمي الصفاق hemoperitoneum ..!
د.هيري: شنوو كتقتارحي فهاذ الحالة ؟؟
د:( مدات يديها ) مضخة ..! ( عطاوها لها .. مكملة خدمتها و كتهضر فنفس الوقت ..! ) فالعادة الجسم كيقدر يمتص هاذ الاورام الدموية .. لكن فبعض الاحيان ما كيقدرش و كيوقع تمزق فالاورام الدموية و غالبا كيكون هاذ التمزق فالايام اللولة من بعد العملية
د.الكتاني: كيفما يقدر يقدر يوقع من بعد اشهر .. و كيفما كتعرفي ا دكتور ..تمزق ورم دموي فالطحال و لا الكبد يلا مشى حتى نزف فتجويف البطن .. فغادي نسنييو على الموت المؤكد ..!
د.الهيري:( رد بتأييد ) ضروري تبقى فالمراقبة لأكبر مدة ممكنة و غذا فالعملية الثانية على الكبد تأكدي من الشكوك ديالنا ..!
د:( ردات بجدية ) حاضر دكتور ..! ( شافت فوحدة من الفرمليات ) خاصنا وحدات دم جديدة .. شوفي يلا شي واحد من عائلتها وصل يجيبهم من بنك الدم ..! باقي عملية الاجهاض ..! عيطي على الدكتور الفاسي باش يتولاها .. من بعد ما نكملوو حنا ..!
خرجات الفرملية كتجري و مع الخرجة لقات حكيم تا هو يالاه وصل ..
خرجات الفرملية كتجري و مع الخرجة لقات حكيم تا هو يالاه وصل بشوية .. وجهوو صفر و مخلوع .. كيمشي و يجي فالكولوار د العمليات ..! قربات منوو بالزربة و قالت
ف: من عائلة شريفة المير ؟
حرك راسوو بالايجاب لسانوو ثقال عليه تا باش يسول على حالتها ما قدرش .. خايف يسمع شي حاجة تدمرو و هو عاد كان هو و ياها شد ليا نقطع ليك ..! كيفاش تقلبات حياتهم فدقيقة ..!؟
ف: خاصنا الدم دااابااا .. ما بقاش عندنا لكافي فالعمليات .. سير لبنك الدم لي هنا طلبوو لهم .. الزمرة A+ .. كاين فالطابق ***
حرك راسوو بالايجاب و مشى كيجري لبنك الدم .. بقى كيسول حتى وصل ..! لقى وحدة من الفرمليات جالسة تما و بالزربة قال
حكيم: خاصهم الدم فالعملية .. ما بقاش لهم الكافي .. خاصني ديال A+
....:( ردات بالشوية عليها كتطرطق فالمسكة ..! ) سبقلك تبرعتي بالدم عندنا ؟ عندك البطاقة ديالك ؟
حكيم: لا ما عنديش ( بعصبية ) و ما عندناش الوقت لهاذ الهضرة كاملة ( تحت سنانوو ) خاصني الدم .. ام و جووووج دلي بيبي كيموتووو ..!
.....:( مداتلوو ورقة و ستيلوو ) ما عنديش غير نتا .. عمر هاذ لافوغميل و دخل شد نوبتك مع لي كيتبرعوو .. غير تكمل و يعطيوك التوصيل ديالك .. رجع عندي نعطيك الدم ..!
حكيم:( وسع عينيه و زاد عقد حجبانوو .. ضرب فوق الكونطوار و قال ) واش انا كنقولك كيمووتوو لعدو ر*** و نتي كتقح**** عليا .. نتبرع و لا نق*** .. ثلااااااثة د الرواح كيموتوو واش عندك عقل و لا قل*** فداك الراس د الز**
.....:( ردات بعصبية ) ا سيدي ما تغوتش علياااا الله يرحم باك .. تمووت و لا تعيش ماشي هي اللولة و لا لخرى .. كل نهار الناس كيموتوو .. خدمتي و دايراها .. بغيتي تتبرع و نعطيك الدم تبارك الله ما بغيتيش خرج عليا من هنا و لا غنعيطلك للبوليس ..!
حكيم:( جر داك الورقة بجنون كيعمرها و يديه كيترعدوو .. غير كمل قال كيشوف فيها بحدة ) انا لي غنجمع مك فين تترباي و نوريك التق*** د الزو** بشحال كيسوى ابنت الق***
داز منير للجهة فين كيتبرعوو .. معصب غيطرطق .. رجفاااتوو فاش قالت لوو تموت و لا تعيش ماشي هي اللولة و لا لخرى .. على شوية يدخل فيها براس و لكن عارف هو لي غيجيبها فراسوو و غتابعوو بالتعدي على موظف اثناء مزاولة عمله .. اللهم هو لي يتابعها فاش يسالي ..!
العرق عندو منفوخ من الاعصاب لي جامعهم .. فينما كيبغييو يخشييو فيه ليبرة باش يجبدو الدم كتهرس ..!
الفرملي:( قال و هو كيحرك راسوو بالنفي ) ما غنقدروش نكملوو هاكا .. معصب الشوكة ما غتخشاش فالعرق .. سير حتى تبرد و اجي ..!
حكيم:( رد كيضحك بعصبية ) واش كلكم راضعين التقل*** فهاذ الطبيب دالحبس ؟ المراة فالعمليات و واقفين على الدم داااااباااا .. باش كتفهموو ؟؟
الفرملي:( رمش عينيه و قال ) فهمتك و عارفك خايف عليها .. و لكن انا ما عندي باش نفعك و نتا فهاذ الحالة .. تقدر تعيط لشي واحد من عائلتك يتبرع بلاصتك و نتا هانتا جالس حتى تبرد ..!
حكيم:( حرك راسوو مغذذ كيعيط على خليل و عدنان و ملاك و حسام اما حتى محمد اميين عارفوو خلط على كريمة ... علمهم يطييرو طيران لعندو و قطع ..! ) ما يوصلوو و تعطيوني حتى تموت ياك ؟
الفرملي: هذا هو القانون ..!
حكيم:( قشر شنافتوو بالجهد تا دماها و رد باستهزاء ) حتى توقع لها شي حاجة بهاذ التقل** ديالكم .. و غنوريكم القانوون كي غنح*** طواسل عرووق الق** د موو و نتوما كتشوفوو ..!
سكت كيلعب برجليه كلوو كيترعد غيطرطق .. القاميجة لسقات على ظهرو بالعرق و عضلاتوو مزيرين .. عياو يجربوو واش الشوكة تدخل لوو فواحد من العروق و والوو ..!
بعد مدة لي طويلة شوية عاد وصل عدنان من السيركيلاسيون ديال الطريق .. خرج عندو حكيم كيطير عطاه الورقة عمرها و جلس كيتبرع و يسول فخوه شنوو واقع ..!
حكيم:( رد بنرفزة معصب و مخلوع غير بوحدو .. يديه كيرجفوو ) كنت فالتحقيق حتى عيطولي بلي شريفة تضربات فالسوق و هزوها للطبيب حالتها ( حرك عينيه بالنفي و طلع النفس بزز ) باقي ما عارف والو لا كيفاش وقع لا هي شنوو طاري معاها لداخل ..!
قلب وجهوو كيبركم و يسب حتى كملوو مع عدنان و عطاوه ورقة صغيرة مشى بيها لعند الفرملية اللولة .. خذاتها بالنفاخة و دخلات جابتولوو الدم .. فالبلاصة طار بيه كيجري و يقول ما جريت .. تال الباب د قاعة العمليات لقى فرملية كتتسناه تما ..!
ف:( خذاتوو كتزرب ) تعطلتي ..!
حكيم:( شدها من ذراعها و قال ) كي بقات ؟ ( بلع ريقوو و بصعوبة قال كيرمش فعينيه و بؤبؤهم كيتحرك بالزربة ) ع عا عايشة ؟؟
ف: عايشة و لكن حالتها ما نقدر نقولك عليها والوو .. حتى يخرجوو من عندها الاطباء و يشرحولك كلشي ..!
تشدات الباب مخلياه متكي مع الحيط شاد فراسوو و عينيه فالسما .. كل مرة صدرو يطلع و يهبط بتنهيدة ثقيييلة و خوتوو واقفين معاه من بعد ما وصلوو للطبيب و سيفطلهم عدنان يجيبهم ..!
اما الداخل فقاعة العمليات .. شريفة على حالها وجهها صفر و فمها ناشف .. مخشي فيه التيوو ديال الاوكسيجين و مشدود فجناب فمها بلساقات .. كرشها مفتوحة قدام الاطباء ..! دقات القلب من بعد ما كانت متوازنة بدات كتهبط و ضغط الدم كيرتافع .. حتى طوش الدم مجهد من الكبدة و بداو كيتسمعوو انذار من الآلات .. بالجهد ..!
كلشي كيجري و يطير .. شي كيحاول يوقف النزيف شي كيحاول ينظم دقات القلب ..! التخطيط د القلب لي ولا طالع فالآلة خط مستقييييم واحد .. بمعنى لا نبض ..! خرجات الطبيبة اللولة لي استقبلاتها عينيها و حركات راسها بالنفي بمعنى ما خاصهاش تمووت ..!
د: ماساج كاردياك ( طلعات فوق البياص حداها كتديرلها مساج لقلبها و كتبرك بكل جهدها تا فشلوو يديها و هي عينيها عامرين دموع و خارجين فالألة )
د.الهيري: ا نكمل عليك عييتي ..!
شافت فيه و حركات راسها بالزربة مخلياه كيبرك بكل جهدوو على قلبها باش ينعشوو .. و الطبيبة الثانية شادة الألة د الانعاش الكهربائية فيديها .. دارولها الجيل فيها و شحنوها ..!
د: 100 جول ..! ( زيرات على يديها و حطاتها فوق صدرها ) بعدووو ( بركات بالجهد تا تهزات شريفة و تحطات و والوو ) شحنوها 200 جول ( شحنوها و رجعات بركات و والوو و ببحة كملات ) 300 جوول
د.الكتاني: دكتور الابراهيمي المريضة توفات صافي ..!
د:( ردات بحدة ) 300 جووول .. شحنوووها ..!
ف: تم ..!
د:( زيرات على يديها و بركات على البوطون تا تهزات و تحطات شريفة مزدوحة و والوو ) يا الله يا الله يا الله ..!
د.الهيري:( حرك راسوو بالنفي ) ساعة الوفاة ( شاف فالمكانة ديالوو ) 17:40 ..!
《 وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ 》سورة ق.
شربات من كاسها د العصير كتضور فعينيها العسليين .. مرة مرة كتعض على شنافتها التحتانية و تحك يديها العرقانين مع بعضياتهم بتوثر من شوفات أيوب ليها ..!
أيوب لي متكي براحة على الكرسي د القهوة فين جالسين .. فرحان حيث اخيييرا تلاقاها بوحدهم الراس للراس .. بابتسامة و نبرة مرحة قال
أيوب: الشهيبة ديالنا ( غمزها كيعض على فموو ) هذا هو النهار الكبير لي قبلتي تخرجي تشوفينا ..!
أسية:( بحناك مزنكين ردات كتتبسم بزز ) لا غير .. غير ( حكات عنقها ) احم .. غير كنت مشغولة مع شريفة فالمحل ما كنساليش و ( حركات راسها بكياتة ) و صافي ..!
أيوب:( عوجها ضاحك ) و صاااااافيييي ..! كي دايرة شريفة باقية جاعرة كي كانت ..!؟
أسية:( غوبشات فيه و قالت ) شريفة ماشي غير ختي و صاحبتي .. شريفة هي عائلتي كااااملة .. يلا غوتات معاك و يلا نهرات فيا و حتى بكاتني .. حيث خايفة عليا لا غير ( هزات صبعها فوجهوو ) عمرك .. عمرك تهضر عليها بالخايب واخا غير بالضحك ..!
أيوب:( جمع الضحكة و قال بجدية ) واخا سمحيلي ..!
أسية:( تنهدات بالجهد ) هاذشي لي كنديرو فيه .. غالط ا ايوب ففف .. خاصني نمشي ..!
يالاه جات توقف شدها من يديها مزير عليها .. رمشات عينيها فيه كتفتف بوحدها ..!
أيوب: ما غاديش نعطلك .. غير سمعيني عافاك ( طلق منها و رجعات جلسات بلاصتها بتردد .. اما هو لعب بعينيه كيسرح فحلقوو ..! ) أول نهار شفتك كان فدار الشباب .. ما قدرتش نحيد عيني من عليك ..! و جا خويا حكيم و زاد وصاني ننتابه لك ..!
سكتات كتفكر داك النهار شحال بكات و كانت خايفة على شريفة من هذاك لي دخلها للدار .. كانت غتموت فأرضها كن وقع ليها شي حاجة و زادت كملات فاش دخلوو للكوميسارية و تلاقاو بحكيم هايج .. و ختماتها بالمسج د عدنان ..!
أيوب:( شافها ساهية و كمل ) عزيتي عليا و نتي كتبكي .. جيتيني صغيرة و رطيطبة ههه ماشي ديال التكرفيس .. و زدت تأكدت فاش هضرت معاك مرة و جوج و ثلاثة ..!
أسية:( تنهدات و قالت بحزن و لمعة غريبة فعينيها ..! ) شكرا
أيوب:( باستغراب ) علاياش ؟
أسية: احم شكرا حيث حتى نتا شفتيني صغيرة ..! ( ضحكات ضحكة بلا روح ) أسية ديما غتبقى صغيرة فعينين كاع لي ضايرين بيها .. واخا تعيى تحاول تبين لهم العكس ما غتقدرش ( حكات جبتها بالجهد و قالت بانفعال صدم أيوب ) مناش زدتي تأكدتي ؟ بلي رطبة غير تقيسني نتهرس .. حشومية و وجهي كيغلبني و كيخلي كاع الناس و صحابي يزطموو عليا بلا ما يحسوو .. حيث ما غنهضرش ..! و لا تأكدتي بلي خوافة و
أيوب: أسية
أسية:( قاطعاتوو عينيها كيلمعوو ) عارفة كتشوفني خوافة قريتها من عينيك بلا ما تقولها ..! خوافة حيث ما قدرتش نجي نتلاقاك فالقهوة بوحدنا و شحال و انا كنحاول .. قلبي كيرجف ( وراتوو يديها ) و يدي كيترعدو .. ما عنديش الجرأة حتى نهضر مع السيرفور و نبدل شنوو طلبت .. غيكون عندي الجرأة نوقف فوجه هضرة شريفة فنظرك ؟؟
أيوب:( رد باحباط ) شريفة هي السبب إذن ..! ( زير على يديها ) أسية أنا ما باغيش نضحك عليك و لا نضرك .. عزيزة عليا بزاف و بغيت شي حاجة زوينة و نقية تكون بيني و بينك .. نتي ماشي هاكا و ما كنشوفكش كيفما قلتي .. نتي أسية أصفى بنت شفتها فحياتي ..!
أسية:( بدات كتجر فيديها بالشوية .. كتحرك راسها بالنفي ) ما نقدرش .. س سمحلي أ أيوب و ما تبقاش تسيفطلي مسجات فالواتس .. غتمشي تنوضلي الصداع ..!
أيوب:( طلق منها و رد كيتلف الشوفة فيها ) نتي لي سمحيلي .. قبيلة قلتي شريفة عائلتك كاملة ( بلع ريقوو و كمل ) كنت كنتمنى تكوني حتى نتي عائلتي و نلقى فيك لي ما لقيتوش فعمي .. عمي لي رماني من بعد هاذ السنين كاملة .. فضل ولادو عليا .. كيفما نتي اختاريتي شريفة ( شاف فيها عروق عينوو حمارو كيتبسم بصعووبة ..! ) شكرا على وقتك و سمحيلي يلا صدعتك .. هاذي آخر مرة ..!
داز من قدامها مخليها واقفة شادة على فمها .. كتشوف فظهرو و هو ماشي .. بقى فيها و ظميرها أنبها من جهتوو تا عمرو عينيها بالدموع كيقطرو .. ضربات يديها فظهر الكرسي و بهمس قالت ..!
أسية: أيوووووب ..!
أسطورات عرس الذيب كثيرة ..! كل واحد و كيفاش كيأولها و يفهمها بطريقتوو .. و من بين هاذ الأسطورات .. كاينة لي كتقول بلي واحد من العشاق كيمووت و كيخلي حبيبوو محروق عليه .. قبل حتى ما يتجمعوو تحت سقف واحد .. و بدل ما يفرحوو و يتهناو .. واحد فيهم كيكون تحت التراب و الثاني كيتحرق و كيموت فالنهار ألف مرة ..! حتى كيموت تا هو من الألم و العذاب ..! و تما فين الروح د العشاق كيتلاقاو و يتلاحموو .. مشكلين قوس قزح .. الشمش شارقة على حرها فرحانة معاهم و الشتا كتبكي و تعبر تا هي على سعادتها بطريقتها ..! مكونين لي كيتسمى "عرس الذيب" ..!
القدر حتى واحد ما عارفوو شنوو مخبي ..! كتكون عايش حياتك .. بالحلوة و المرة مقاتل مع الزمان .. مرة باكي مرة ضاحك .. و لكن مرتااااح و متأكد بلي باقي غتعيش أيام اخرى .. غتطيح فيهم و ترجع تنوض من جديد ..!
عمرنا فكرنا او يلا صح القول كنتناساو .. أنوو غيجي واحد النهار غنطيحوو و ما غنعاودوش نوضوو .. ما غتكونش مرة اخرى .. غتكون هاذيك هي النهاية ..! غنودعوو و نحرقوو قلوب الناس لي بغاونا من اعماقهم ..! غنمشييو و نخليو لهم غير الذكريات .. او ربما هما غيسبقونا .. يمشييو و يخليولنا فقط الذكريات ..!
الذكريات لي كتخلي قلبك يضرب بالجهد و تنفسك قليل .. كتحس بفراغ و غمة كتضر فالقلب .. باغي تتهنى منها و ما قادرش ..!
ما قادرش تمنع دموعك و ما قادرش تمنع داك الوجع لي ما بحالوو حتى وجع فهاذ الدنيا .. و نتا كتخيل هاذوك لي مشاو و خلاوك .. دايزين قدامك و كيهضرو معاك .. مرة يضحكوو تا يدمعوو و مرة يهمسوو لك .. مرات يمدولك يديهم كيحركوو ملامحهم بشقاوة ..!
و يا لسخرية القدر حتى داك اللحظات د الخصام و المدابزة .. كتولي تتمنى ترجع تعيشهم .. غير يا ربي ترجع تقيس فذاث داك الانسان و تحس بالدفئ .. تحس بالدم كيجري فعروقوو .. تحس بقلب كينبض و مشاعر متحكمة فيه .. حااااضر معاك ..!
متكي على الحيط .. هاز راسوو فالسما هما و عينيه .. شنايفوو حوووومر و فيهم شوية د الدم يابس ..! كيبان هااااادئ واحد الهدوء غرييييب ..! ما حاس بحتى واحد معاه .. لا عدنان لا حسام لا ملاك و لا خليل ..! هو و باب غرفة العمليات لا غير ..! يا غيتفتح و يسمع خبار تريح قلبوو .. يا غيتفتح و يسمع خبار يقتل كل ذرة فيه ..!
حسد شريفة فهاذ اللحظة .. حاسدها على داك النعسة و الراحة لي هي فيها .. ما كرهش هو يكون بلاصتها .. مخذر على الواقع بلي فيه ..! حسدها حيث ما حضراتش ليه فاش كان مريض و فرحلها من قلبوو حيث ما جرباتش هاذ العذاب لي كيدوز منوو و هو كيتسنى ..! كأنوو سجين محكوم عليه بالاعدام كيتسنى يعلقوو مشنقتوو ..!
تفتح الباب و خرج د.الكتاني .. حيد الكمامة و بانوو ملامح وجهوو لي واضح منهم بلي معصب .. عيان و محبط ..! شافوو فيه كاملين و خلاو مساحة لحكيم فين يهضر معاه ..!
حكيم لي توسعوو عينيه و تحركات تفاحة آدم فحلقوو بالزربة .. كتهبط و تطلع ..! زير على يديه و قال و هو كيدوز صبعانوو على الخاتم د الخطبة ..!
حكيم: احم ( حط قبضة يدوو على فموو كيسرح حلقوو و قبل ما ينطق قال الطبيب بالزربة )
د.الكتاني: البراكة فراسكم .. وصلات عندنا حالتها متضررة بزاف .. المريضة توفات ..! انا لله و إنا إليه راجعون ..!
طبطب على كتف حكيم .. لي بلا ما يحس يهبطات دمعة من عينيه كتجري و بصوت مدعدع مبحوح قال
حكيم: شنوو قلتي ؟؟؟ ( رمش عينيه ) كيفاش ماتت ؟؟ ما فهمتش ..!؟؟؟
كيف غندوز يامي
و انا قلبي مقهور
كي طير جنحو مكسور
مغلوب فايامو يعاني
لمن خليتيني .. وحداني نعد فالايام
وحشك زاد .. عذابي ما نوصفو بالكلام
تايه فظلامي ما بقيت كنشوف النور
تهديت و فجرحي يحسن عواني
حكيم: شنوو قلتي ؟؟؟ ( رمش عينيه ) كيفاش ماتت ؟؟ ما فهمتش ..!؟؟؟
د.الكتاني:( بأسف قال ) ما قدرناش ننقذوهم ..!
حرك راسوو ليهم كاملين و خلاهم واقفين مصعوقين ..! حكيم وجهوو صفار ما بقاتش فيه نقطة د الدم ..! عينوو موسعين و خارجين فالارض .. عامرين بالدموع لي كيقطرو بلا حساب ..!
نفس الشي لملاك لي شدات فحسام بلا ما تحس و زيرات عليه بالجهد مصدومة و الدموع بداو كيتجمعوو فعينيها ..! أما عدنان قرب من خوه بالشوية ما عارف ما يقول ..! زير على كتفوو تا ضار حكيم نص ضورة عندو .. عينيه حومر بالدموع لي هابطين مع حناكوو ... نيفوو تزنك هو و حناكوو ..!
حكيم:( شمر على نيفوو و قال بألم و بنبرة كتقطع فالقلب ) كاع لي بنيناه ضاع ؟ ( سكت شحال عاد قال ) شريفة مشات صافي ؟ و أناااا ؟؟؟؟؟
ضار و خلاه واقف .. ما عرفش باش يجاوبوو .. لا هو لا البقية ..! كيشوفوو فيه غادي عاطيهم بالظهر ..! ظهرو لي تهرس بالخبار لي سمع ..! غادي كيتمايل بحال السكران .. حتى خرج لبرا كاع و بحرقة غوت .. بحر جهدو ..! غوتة خرجات من اعماق قلبوو و جرحات حبالوو الصوتية تا مشالوو الصوت و تبح فخطرة ..!
العافية شعلات فقلبوو .. عافية خااااايبة كتاكل فيه من لداخل شوية بشوية و صوت شريفة فوذنيه كيسمع فيها و هي كتبكي و تضحك فرحانة بولادها و كتوعدهم تكون أحسن ام ليهم ..! و دابا صافي مشات هي و ياهم بحال عمرهم كانووو ؟؟ عقلوو و كل خلية كتنبض فيه ما بغاوش يتقبلوو شنوو سمع ..!
مسح عينيه و رجع دخل .. تلاقى بعدنان و خليل واقفين بعاد عليه شوية .. كيتسناو فيه و متألمين من ألموو .. عمرهم فحياتهم شافوو حكيم كيبكي تال هاذ النهار .. تقهرو عليه و لكن هاذي هي الدنيا ..!
حكيم:( شاف فعدنان بعينين حومر و بصوت مجروح بزز كيتسمع ) بغيت نشوفها ( بلع ريقوو و زفر النفس بالجهد تا تهز صدرو ..! ) بغيت نشوفها لآخر مرة ..! قلب على الطبيب يخرجوهالنا ..!
قال هضرتوو و زاد للكولوار لي كانوو واقفين فيه .. لقى ملاك معنقة حسام كتبكي و تشهق ..! ما تسوقش لهم كيسمع و الهضرة كتدخل لقلبوو بحال السيف كتقطعوو ..!
ملاك:( بالشهيق .. مزيرة على حسام و فمها كيترعد ) مااا خصهااااش تموووت ا حسااام .. ما خصهاااش .. انا عمممممري شفت خووويا فرحان تال الدرجة لي كان فرحان فيها معاها ..! اناااا ما تسامحتش معاها هء ... هي هي ( سكتات كتشهق و الهضرة بزز كتجمع لها فلسانها ) اول نهار هضرنا .. فرحات بيا بزااااف .. عرضاتني نفطر و ضحكات معايا .. كانت ظريفة بزاااف انا ا حسام ( عضات على فمها لي كيرجف ) و أناا شنووو درت ؟؟ ضحكت عليها .. جبدت لها الصداع مع حكيم .. قنعتها تمشي مع كريمة و شريتها لهم ..!
حسام: ماري ( شد لها فوجهها كيمسحلها دموعها ) صافي ...!!!
ملاك:( حركات راسها بالنفي ) مرض حكيم و كانت كتعيطلي و مكنجاوبهاش .. فرحت حيث سحابلي تفارقوو .. فرحت حيث ما غتجبدليش الصداع مع شادية .. ما بغيتش نرد عليها .. ما بغيتش نعطيها خبارنا .. و نهار دخلنا لدارها هء حسيت براسي ختها .. ما كرهاتنيش و ما قالتليش علاش ..!!!
حسام:( تنهد و زير عليها كثر ) دعي معاها .. دموعك غيحرقوها دابا .. دعي معاها ..!
ملاك: حتى قلت غنتسامح معاها و نرجعوو حسن من لي كنا قبل فاش يتزوجوو و يجيبها حكيم لعندو ( بقهرة ) و تمووووووت ؟؟
طاحت على ركابيها تبكي و تقول ما بكات .. خوتها كيشوفوو فيها هما و حسام بقلة حيلة .. من غير حكيم لي عاطيهم بالظهر .. واقف قدام الباب كيتسنى شريفة تخرج هي و لا شي واحد فيهم ..! يديه محطوطة على صدرو و مزيييييير عليه بكل جهدوو ..!
حتى تفتح الباب و هاذ المرة خرجات الطبيبة اللولة لي استقبلاتها و لي مشرفة على الحالة .. من عينيها باينة باكية .. شافت فيه و رجعات شافت فالبقية .. كتفزك ففمها لي ناشف شوية .. لكن حكيم قرب منها و تحنى جهة وذنيها باش تسمع صوتوو لي تجرح بلا قياس ..!!
حكيم: شريفة ما ضعيفاش .. شريفة قوية ( زفر النفس و هي كتشوف فعينيه ) عارفة هاذيك لي ناعسة لداخل شنوو كتعيط لي ؟
د: شنوو ؟
حكيم:( بتبسيمة صغيرة قال ) روح الروح ديالها ..! يلا هي ماتت اناااا شنووو ؟؟؟ ( رمش بهدوء و عينيه بحال شي بركة د الدم .. كيقشر ففموو بحركات يطيئة رجولية ) قتليني حتى نتي و قوليلي شريفة ما ( بألم ) ماتت ..!
د:( غمضات عينيها شحال عاد رجعات حلاتهم و قالت ..! ) شريفة .. احم المريضة باقى عايشة ( شاف فيها جامع حجبانوو و كملات بهدوء ) و لكن ما نظنش غتصبر لوقت طويل ..!
حكيم:( ضحك ضحكة خالية من اي شعور ..! و ببحة و صوت معصور بزز تسمع قال ) شنوو دابا كتضحكوو علينا ؟؟؟
"فلاش باك للعمليات"⏳
د.الكتاني: دكتور الابراهيمي المريضة توفات صافي ..!
د:( ردات بحدة ) 300 جووول .. شحنوووها ..!
ف: تم ..!
د:( زيرات على يديها و بركات على البوطون تا تهزات و تحطات شريفة مزدوحة و والوو ) يا الله يا الله يا الله ..!
د.الهيري:( حرك راسوو بالنفي ) ساعة الوفاة ( شاف فالمكانة ديالوو ) 17:40 ..!
د:( خرجات عينيها فيهم بجوج و حركات يديها هازة الشوكة ..! ) يلا كانت شي واحد هنا مسؤول على الحالة .. فهي انا ..! ( رفعات صوتها بحدة ) أناااا المشرفة هنا .. و أنااا لي كنحدد ساعة الوفاة ماشي نتوما ..!
د.الكتاني:( رد تا هو بالغوات ) صاااافي ماتت شغنديرولها ..!!! نبقاو النهار كامل فيها باش تقتانعي ؟؟
د:( حركات حجبانها باستهزاء و شيراتلوو ) نتا اااخر واحد تهضر ..! من لي دخلتي و نتا كتشكك فيا .. ديري هاذي ما ديريش هاذي و حتى حاجة ما عاجباك .. كيفما نتا قاري حتى انا قارية و كثر منك كاع .. و هاذ المراة لي ما راضيش عليها و كتستحقر فخدمتها .. وصلات ل لي نتا ما قدرتيش توصلوو ..!
د.الهيري: دكتور الابراهيمي ..!
د:( حركات يديها بمعنى سكت ) الباب قدامكم يلا بغيتوو تخرجوو .. خدمتي و عارفة شنوو كندير فيها ..! هاذي لي محطوطة قدامنا ماشي مونيكة و لا جثة كنتعلموو فيها و ناخذو من حالتها التجربة و نزيدو .. هي انسان بحالنا و عائلتها برا كتتسنى ..! و أنا مغنخرج من هنا حتى نتأكد بلي درت كثر من جهدي معاها .. سوا ماتت سوا عاشت ..! باش ضميري يرتاح و انا كنشوف فعينين عائلتها ..!
د.الكتاني:( ضحك باستهزاء ) ما بقى ما يتعتق ( لاح من يديه و زاد ) انا خارج و خليك نتي متعاطفة هنا ..!
د:( شافت فالآلة غير تزدح الباب و قالت ) عندنا خمسة الدقائق .. يا نعشوها يا غتموت ..! عطيني 10 ميليغرام من **** .. دغيااااا
جابتولها بالزربة و بتنهيدة خرجات فيها كاع الطاقة السلبية .. ضربات الشوكة بكاع جهدها فجهة الرئة ..! تسنات شوية و لا رد ..!
د:( عرات صدر شريفة مزيان كتضرب فيه بجوج صباع .. و بتركيز قالت ) المشراط ..!
د.الهيري:( وسع عينيه و قال ) شنوو غتديري ؟؟ ما تقوليش غتشقي صدرها ..!؟؟ ( قرب منها و بهمس كمل ) نسيمة نتي ماشي طبيبة د القلب .. ما تقدريش تغامري ...!
د:( ردات بتركيز ) فجميع الحالات غتكون ميتة .. غندير آخر محاولة و غنرجع اللور ..! ( زيرات على المشراط فيديها و سمات الله ) غنحاول ما نقيسش وحدة من الرئتين .. و الشريان التاجي أكيد ..!
بتردد اختارت البلاصة لي غتشق منها و شرطات لحمها تا تفتح .. و طوش الدم فالبلاصة تا تقاسوو حوايجها ..! بتركيز طلبات منهم شنوو يعطيوها .. خدامة بيديها بجوج .. و د.الهيري هز آلة بحال الفونطوز ديال الضيقة غير هي كبيرة .. حيد التيوو د الاوكسجين من فمها و خشاها بلاصتها و هز تيوو صغير و رقيق كيحاول فاش يتحشى فيها يكون فبلاصتوو المناسبة .. عينيها على الشقة و كيدفعوو بتوثر .. حتى غمض عينوو بهدوء منين تربط بوحدة من الرئتين ..!
لي ما كانتش كتخلي الاوكسيجين يوصل للقلب و بالتالي ما بقاش كينبض و الدم تجلط فداك المستوى ..! و بالشقة و التيوو .. دارو مجازفة كبييييرة .. لكن تكللات بالنجاح .. و بدا الصوت فالآلة د المؤشرات الحيوية فالجهة د نبض القلب كيتحرك .. و يطلع بالشوية من بعد ما كان منعدم و لو بقى هكاك لخمسة دقائق اخرى كانت غتموت بالتأكيد ..!
د:( تبسموو عينيها و قالت ) ممتاااااز .. و دابا خلييونا نكملوو خدمتنا .. دكتوور ..!
د.هيري: نكملوو من تجويف البطن و نخيطو و بعدها تكلفي نتي بالشق لي درتي فالخياطة ..!
د: تمام ..!
ركزو ساكتين حتى سالاو و بقاو غير الفرمليات لي كيجمعوو و يعقموو الماطريال و لي مراقبين حالة شريفة و مؤشراتها .. باش يلا كانت شي حاجة يعلموو الاطباء فالبلاصة ..!
أما د.هيري و د.الابراهيمي نسيمة ..! خرجوو للغرفة لي لاسقة فالعمليات كيغسلوو فيديهم و يحيدوو البافيط و اللبسة الفوقانية لي كلها رجعات دم ..!
د:( بعينين كيبريو بالدموع قالت ) انا ماشي عاطفية و ما كنتعاملش مع المرضى ديالي بقلة عقل ..!
د.هيري: عارف ..!
د:( هبطوو دموعها لي عيات تحبسهم ) ما نقدتهاش حيث كتشبه لها و لا حيث حالتها عنات ليا شي حاجة ( خرجات تنهيدة مرعدة ) فالطب ما كنكونوش ديما عمليين .. بعد المرات كيكون احساس هنا ( حطات يديها على صدرها ) و انا ديما كنتبع احساسي فاش كيجيني و كنت متأكدة ما غتموتش ففف واخا صعيب تصبر و لكن كيفما هي كتحاول بجهدها معانا تا حنا خاصنا نحاولوو الضوبل و لا غالطة ..؟
د.هيري: ما غالطاش .. و الاحساس كيتسمى خبرة ماشي اي جراح كتكون عندو ( زير على يديها ) و حتى يلا كانت كتشبه لها و بغيتي تنقذيها على هاذ السبب .. فراه من حقك و ما كاينش لي يلومك ..!
د:( ضحكات وسط دموعها ) عندك الحق ( سكتات للحظة .. حركات راسها بالنفي و شهقات بالجهد و عنقاتوو كتبكي تا بردات و بعدات ) احم .. تا حد ما يعرف بهاذشي ( قصدات البكى لي بكات )
د.هيري:( شاف فيها بمعنى من نيتك ) نسييييمة ...!؟
د:( غسلات وجهها ) عارفة عارفة .. هووووف ..! نخرج دابا نهضر مع عائلتها حتى تلحق عليا ..!
د.هيري: داكوغ دكتور الابراهيمي ..!
عودة⌛
د:( غمضات عينيها شحال عاد رجعات حلاتهم و قالت ..! ) شريفة .. احم المريضة باقى عايشة ( شاف فيها جامع حجبانوو و كملات بهدوء ) و لكن ما نظنش غتصبر لوقت طول ..!
حكيم:( ضحك ضحكة خالية من اي شعور ..! و ببحة و صوت معصور بزز تسمع قال ) شنوو دابا كتضحكوو علينا ؟؟؟
نسيمة:( ردات بانفعال خفيف ) تيقني انا دابا ماشي فنهاري لي يخليني نضحك معاك و مع غيرك .. ما بقيتش واقفة على رجلي خمسة د السوايع فالعملية و انا كندير كاع لي فجهدي باش ننقذها و ما نخليوهمش يقيدو ساعة الوفاة ديالها من بعد ما كلهم قطعوو لياس منها و حسبوني حمقة قدامهم لاعبين عليها الهرمونات و ما كتفرقش بين حياتها الشخصية و بين خدمتها .. باش نخرج لعندكم دابا و نضحك عليكم
ساطت النفس و سكتات فخطرة ..! بحال شي مسجلة كانت مشعولة و طفيتيها ..! شاف عدنان فخليل باستغراب و حسام رمش بالشوية غالباه الضحكة من وجهها لي تلون و حماار و عاود رجع للونوو الطبيعي ..!
حكيم:( رد بانزعاج ) تقدري تختاصري علينا الطريق ؟ ( غوت تا بدا كيمشيلوو الصوت لي اصلا ما كاينش و بزز كيتسمع ) حيييث واقيلة انا هنا واقف على اعصابي كنتسنى فالمفييييد ...!!! ( شاف فالطبيب الثاني لي خرج ) و نتوما مزال ما متافقين على هضرة وحدة ..!!!
د.الهيري:( حرك راسوو بالايجاب و قال ) دكتور الهيري .. دكتور فالاعصاب و عاونت الدكتور الابراهيمي فالجراحة الباطنية .. المريضة حتى قلنا فقدناها و علننا على الوفاة ديالها ( حط يديه على كتف نسيمة ) و نقذاتها ..! د.الكتاني خرج من العملية مع اعلان الوفاة و ما عرفش الجديد فحالة مدام المير .. عليها وصل لكم المعلومة غالطة للأسف ..!
حكيم:( حط قبضة يدو على فموو مزير عليها و عاض فيها بسنانوو .. بقى شحال هكاك و عاد قال بتنهيدة ) عايشة ..!
نسيمة: عايشة و لكن بالحالة لي هي فيها دابا ما عارفينش حتال فوقاش غتقدر تصبر ( بجدية ) باش نحطك فالصورة .. المريضة تضربات بطريقة خايبة بزاف .. لي تعرضلها كان غرضوو يقتلها ..! المرارة تفركعات و كان خاصنا ضروري نحيدوهالها فاستئصلناها .. الامعاء ديالها حتى هما تمزقوو و تقاسولها بزاف د الأنسجة و الاسوء .. الكبد ..!
حكيم:( غمض عينيه و عوج راسوو عاض على جنب فموو ) كانت مدمنة .. يالاه دابا تقريبا ثلث شهور باش قطعات الشراب و الكارو ..!
نسيمة:( تنهدات ) الكحول كيفما كاملين عارفين كيأثر بزااف على الكبدة و حتى منين كيتقطع كيكون الواحد عرضة باش تتشمعلوو الكبدة و لمضاعفات بزاف .. لكن شريفة الكبد ديالها كان بدا كيحاول يسترجع وضيفتوو الطبيعية بالتدريج .. التمزق كان مفرق ما مجموعش فجهة وحدة شي لي ما خلانيش نقطعوو و نكمل عادي
د.هيري: حيث الكبد العضو الوحيد لي كيتجدد ذاتيا .. يعني حتى يلا قطعنا الجهة المتضررة .. مع المدة غيكبر و يرجع كيفما كان .. سليم ..!
نسيمة: و بادمانها واجهنا مشاكل كبيرة فالعملية على مستوى الكبد و كان من الضروري نقسموو الخدمة على جوج .. اليوم عملية و غذا وحدة اخرى نهائية ..!
د.هيري: من بين المشاكل لي لقينا هو القلب توقف و ما بقاش كينبض .. و اضطرينا نفتحوو حتى على صدرها و نديرو اللازم ..! الرئة ما كانش كيوصل لها الاوكسيجين و ما عاوناتناش و حتى هي متضررة نوعا ما بالكارو .. و هاذ المضاعفات لي وقعوو بسباب الادمان ..!
نسيمة: واخا قطعات من مدة .. لكن المدة ما كافياش باش كاع وظائفها يرجعوو لطبيعتهم ..! حالتها حاليا مستقرة و لكن تقدر فأي وقت تجيها انتكاسة جديدة و يلا وقعلها نزيف جديد فجوف البطن ما غنقدروش ننقذوها من جديد ..! ( زيرات على عينيها ) و ماشي غير هاذشي ..!
نسيمة: واخا قطعات من مدة .. لكن المدة ما كافياش باش كاع وظائفها يرجعوو لطبيعتهم ..! حالتها حاليا مستقرة و لكن تقدر فأي وقت تجيها انتكاسة جديدة و يلا وقعلها نزيف جديد فجوف البطن ما غنقدروش ننقذوها ثاني ..! ( زيرات على عينيها ) و ماشي غير هاذشي ..!
د.الهيري:( شاف فيها و رجع شاف فحكيم ساكت )
حكيم: شنوو كثر ..؟
نسيمة: المريضة حاملة و جاها نزيف حاد .. بزز وقفناه بالألات باش نقدرو نعتقوو لي قدرنا عليه و باش ما يضيعش منها الدم كثر ..! بمعنى جهضات ..! ( رمش حكيم بالشوية و صدرو طلع و هبط بثقالة و هي مكملة هضرتها ) خاص الطبيبة ديال النساء و التوليد تقلبها و تشوف حالتها و
حكيم:( قاطعها بهدوء ) كانوو توام ..!
نسيمة:( تبسمات بحزن و قالت ) ربي يعوضهم .. المهم هي تتعاون معانا و ترجع توقف على رجليها من جديد ..! المشكل هو باش نقذوها وقفنا النزيف و ما قربناش لجهة الرحم فخطرة .. و فهاذ الساعات د العملية تقدر حالتها تكون تدهورات على لي كانت ..!
د.الهيري: بمعنى خاصها ضروري عملية باش ينقييو الرحم و يحيدوو الانسجة منوو .. و فهاذ الحالة تقدر المريضة ما تتحملش و يوقف قلبها فأي وقيتة و يقدرو الرئتين ديالها ما يعاونوناش حتى هما ..!
نسيمة: و يلا صبرنا تال غذا و درنالها عملية وحدة .. الاجهاض و الكبد فدقة .. يقدرو الانسجة يتعفنوو لها و تتضرر وحدة من قنوات فالوب .. و لا بجوج ..! ( بأسف ) يعني ما تقدرش تحمل من جديد .. يلا صبرنا تال غذا ممكن يوقعوو مضاعفات يضرو الرحم و المبيضين .. مضاعفات صعاب ..!
حكيم:( رد بضياع و صدمة ..! ) و ولكن ..! شنوو غيضمن لكم غذا فالعملية على الكبدة ما يوقفش قلبها و الرية ما تعاونكمش ؟؟؟
حركوو حجبانهم بجوج .. بمعنى ما كايناش ضمانة ..! و يقدر يوقع الاسوء فالعملية د غذا .. الخطر كاين فجميع الحالات ..!
د.الهيري: عارفين صعيب عليك هاذشي لي كتسمعوو و متفهمينك و لكن خاصنا نعطيوك تشخيصها كامل .. باش توجدو راسكم لأسوء الاحتمالات .. و بصفتي طبيب أعصاب فضروري المريضة تدير أشعة الرنين المغناطيسي على راسها ..!
نسيمة: شاكين فاش تضربات طاحت على راسها و ما كانتش طيحة ساهلة ..! الرنين غيبين كلشي و الدكتور الهيري من احسن الأطباء ديال الاعصاب ..!
د.الهيري: كاين احتمال يكون دماغها كينزف ( سكت شوية و رجع كمل ) فأحسن الحالات النزيف غيتمتص بوحدو و ما غيكون حتى ضرر ..!
حكيم:( جفن عينيه كيتحرك بالزربة و يديه محطوطة على عنقوو بحال يلا مخنوق .. و بنفس نبرة صوتوو قال ) و فأسوء الحالات ..!
د.الهيري: فأسوء الحالات غتبقى تنزف حتى تموت يلا ما درناش العملية ف ربعة و عشرين ساعة الجايا ( قلب وجهوو كيتنهد ) الأشعة غتأكد شكوكنا و لكن يلا كانت بصح كتنزف و درنا العملية احتمال كبير تأثر على النطق و الحركة ديالها و حتى على شخصيتها ..!
نسيمة: و الذاكرة حتى هي ..! المخ مقسم على جوج و كل واحد علاياش مسؤول .. النتائج غتورينا القسم لي متضرر كثر ..! و فنفس الوقت ما يمكنش نعرفوو واش النزيف غيتمص بوحدو قبل من ربعة و عشرين ساعة .. و يلا جازفنا و ما درناش العملية و الدم ما تمصش .. غتموت ..!
حكيم:( تنهد بقوة ) كيفاش شخصيتها ؟
د.الهيري: الحركة تقدر ما تبقاش تحرك واحد من الاعضاء بحال يديها و النطق و الذاكرة مفهومين .. أما شخصيتها تقدر تتبدل عليكم كليا .. مثلا يلا كانت مهدنة و مسالمة تولي متعصبة و مندافعة ( سكت شوية ) و هاذشي غير باش نحطوك فالصورة نتمناو نكونوو غالطين ..!
نسيمة: و حتى المضاعفات ماشي بالضرورة يوقعوو معاها و د.الهيري يلا دارلها العملية غيدير كل جهدو باش تكون العملية ناجحة ..!
حكيم: و شنوو المطلوب ؟؟
د.الهيري: تعطينا الموافقة ديالك .. ما دام هي ما غتقدرش تسني لنا ..!
ضحك باستهزاء كيمشي و يجي قدامهم .. غير ما كيزيد يعراق و يتوثر و يتعصب .. عرق كيضرب بالجهد فجبهتوو كتحسوو شوية و يطرطق و هو كامل ما بقى لوو والوو و يتطرطق ..!
حكيم: نسني لكم على موتها ؟؟؟ ( شير بيديه للقاعة ) ما قتلتوهاش لداخل و جايين عندي نعطي الموافقة و نقتلها بيدي انا ..!
نسيمة: حنا حاسيين بيك ..!
حكيم:( قاطعها بحدة ) ما حااااسااااش و ما غتحسيش بوحدة حياتها كاملة و هي كتشوف راسها غتكون ام مريضة غتعقد ولادها ( هز صبعوو بتأكيد ..! ) حياتها كاااااملة .. و نهار لقات راسها حاملة بالتوام .. تقبلاتهم و حلفات حتى تحميهم من راسها هي اللولة و تكون لهم احسن ام .. و ها هي خسراتهم فنفس النهار ..!
نسيمة و د.الهيري:( شافوو فبعضياتهم بأسف )
حكيم: و فوق هاذشي كامل باغيين انا نقرر .. واش تدخل تدير عملية دابا و تجهض .. و تقدر تموت فيها و ما تتحملش .. و لا تبقى تال غذا و تدير جوج عمليات فنفس الوقت و لي تقدر ما تخرجش منهم و تقدر تخرج و تكون ما كتولدش .. تحرم من الولاد حياتها كاملة ( شاف فالهيري بانفعال ) هاذشي يلا ما ماتتش بالنزيف فالدماغ و لا يلا ما وقفش قلبها فالعملية الثالثة ديالك .. لي حتى يلا نجحات كاين احتمال تفقد الذاكرة .. ما تبقاش تهضر و تحرك ذاثها .. و ما تبقاااش شريفة لي أنا كنعرف ؟؟ شخصيتها كلها تتبدل ..! ( زفر النفس باستهزاء ) ماااا حاااسييينش و ما غتحسووووش ..!
نسيمة: و للاسف خاصك تتاخذ قرار فأسرع وقت ..!
حكيم:( زير على يديه شحال ساكت ) تسنيتها 12 العام ترجع .. 12 العام و انا كنتسنى فالنهار لي غنشوفها فيه من جديد ..! باش فاش نرجعوو نتجمعوو ما نكملوش حتى عام بجوج و يتسالى وقتي معاها ؟؟؟ ( حرك راسوو بالنفي ) ما غنقدرش .. ماشي انا لي نقولكم شنوو غتديرو .. ما باغيش نعيش و انا نادم حيث بسبابي ماتت او تعيش و هي كارهاني حيث حرمتها من ولادها ( رجع باللور مبعد من تما ) سمحوولي و لكن ما غنقدرش ..!
حكيم:( رجع باللور مبعد من تما ) سمحوولي و لكن ما غنقدرش ..! ( شاف فعدنان و البقية و قال ) أسية عيطولها و ما تعلموها بحتى حاجة تا توصل ..!
حسام:( حرك راسوو بالايجاب ) حنا غنتكلفوو و نمشييو موراها ..! ( سكت شحال حتى بانلوو غادي و عيط عليه باحباط ) حكييييم ..!
هز يديه عاطيهم بالظهر .. بمعنى ماشي وقتوو .. ما قادرش نهضر ..!
عدنان:( تنهد بقوة كيشوف فتيليفونوو لي كيصوني ) خلييوه حتى واحد ما يهضر معاه .. محتاج يجلس بوحدو واخا غير خمسة دقائق ..! أنا خاصني نمشي للمحل خليتهم واحلين .. شي ساعة هكاك و نرجع ..!
خليل:( حك راسوو من اللور و قال ) أنا غنبقى مع حكيم واخا غير من بعييد .. ما نقدرش نخليه و هو مدمر ..!
حسام:( ضرب على فخضو من الجنب و رد ) إذن أنا نمشي من مور أسية .. و لكن ما كنعرفش دارهم و حتى نمرتها ما عنديش ..!
ملاك:( ردات بعينين حومر بالبكى ) أنا كنعرفها و عندي نمرتها .. نمشي معاك ( شافت فخوتها ) يلا بغيتوو ..!
عدنان: واخا و متعطلوش ( تنهد بقوة ) يلا كانت شي حاجة تحضر لختها بعدا ..!
كلها شد طريقوو لفين غادي .. من غير خليل لي كيضور فالطبيب بحال الحمق كيقلب على حكيم ..!
ملاك:( ركبات السمطة و تكات على الشرجم فسكات .. حتى بدات كتبكي و تشهق بالجهد .. خلعات حسام لي فالبلاصة دار السينيال و وقف ) ما قد قدرتش هء .. ما قدرتش ..!
حسام:( زير على يديها .. حاني بوجهوو كيطل عليها ) ماري البكى ما عندو باش ينفع دابا .. خاصنا نوقفوو مع حكيم ..!!!
ملاك:( دموعها هابطين شلال و فمها كيترعد هو و يديها لي كتحركها فالسما كتشرح بيها ) حكييم فاش هء فاش طاح مريض .. كنا كاملييين معاه هء .. كااااملين كندعييو معاه و دايرين جهدنا باش يوقف على رجليه ( شافت فيه بانكسار ) و لكن شريفة ما عندها حد
شهقات بالجهد .. صدرها كيهبط و يطلع بالجهد .. مخنووقة و كتهضر ..! تا كيتسمع صوت بحال التلقاف ..!
ملاك: حنا شحال ما بقينا غننساوها و حرقتها غتبرد .. موحال تلقى حتى لي يترحم عليها من غير حكيم و أسية ( عضات على يديها بالجهد ) سمعتي شنوو قالوو لحكيم على حالتها ؟؟ شريفة كتتعذب و آخرتها مووت ..! يمكن كتتخلص على فعايلها قبل ما تدفن تحت التراب ..!
حسام:( رد بأسف ) كيقولوو المغذور كيمشي نيشان للجنة .. و الله أعلم ..!
ملاك: هي كتتخلص و حنا ؟؟؟ ( شافت فيه بحزن شديد ..! ) حنا فوقاش غنتخلصوو على شنوو درنا ..! أنا ما تسامحتش معاها ا حسام هء .. فوقما كانت كتشوف فيا كتضحك و لكن من عينيها باينة بلي مقسحة من جهتي و ما نساتش .. غتمشي و هي هازى فقلبها مني ؟؟؟
حسام:( زاد زير على يديها و قال ) إن الله غفور رحيم .. ما تفكريش هاكا .. تفائلي بالخير ان شاء الله تفيق و تولي حسن من لي كانت .. و تصفييو الخواطر بجوج ..!
ملاك:( حركات راسها بالنفي ) ماشي كاع الذنوب كيتغفرو .. كاينين لي ما كيتغفروش .. أنا ما درتهمش مع الله .. درتهم مع العبد و يلا ما سمحلكش كيبقى الذنب على رقبتك .. على رقبتي أنا حتى نموت .. اااااه .. أنا ما نقدرش نهز ذنبها حياتي كاملة ..! يمكن هي غتخلص لمدة و ترتاح و لكن انا ؟؟ ديكشي لي درتوو مع شادية ما كيقبلوو لا الله لا العبد ..!
حسام:( تنهد ساكت ) احااااح
ملاك: جربت الحرقة د الفراق مع حكيم و كنت واخا هكاك مرتاحة .. كنقول غيفيق و حتى يلا كتاب و مات ( غمضات عينيها و دموعها كيهبطوو بالجهد ..! ) غيمشي و هو راضي عليا و قلبوو صافي من جهتي ..! كنت كنشوف لي زابيل ديالها و عارفاه هو ما عندوش التيليفون و مريض ما قادر يهضر مع حد .. و ما كنتش كنجاوب .. حرقتها عليه و ها أنا كنجرب نفس العافية لي ذاقتها قبل مني و بسبابي ..!
《 صدقوني بعض الذنوب لا تغتفر ..! 》
حسام:( ديمارا الطونوبيل و زاد مع الطريق ) غنتعطلوو على أسية ..!
ملاك:( تكات على الشرجم و قالت ) يااااه الدنيا شحال كتلعب بينا ..! كيفما أنا كنت كنتسنى فغذا و كنقول شريفة و حكيم غيتزوجوو و غنتصالحوو .. حتى هي كانت كتتسنى فداك النهار
حسام:( ساكت كيسمع لها و عينوو فالطريق ..! )
ملاك:( مسحات دموعها و شدات عينيها لي كيحرقوها ..! ) حكيم و شريفة زناو ا حسام
حسام:( تفتحوو عينيه و تهزو حجبانوو للسما .. مفوه فموو ..! و بقطعية قال ) سكتي ا ماري ..!
ملاك: الزنى صعييب ا كازانوفا ( ضحكات بلا نفس ) و حتى نتا درتيها عشرالاف مرة ( بهمس ) و كلنا عارفين .. ما كاين لاش تنكر ..! ( تنهدات ) صدقات حاملة و بالتوام ..! كانت غتكون فرحانة بيهم بزاف هي و خويا .. و لكن كيبقاو ولاد جايين من الحرام ..!
حسام:( عقد حجبانوو و رد ) راه ما باغيش نسمع هاذشي و نناقشوو انا و ياك شي حاجة بعيييدة علينا خليها بعيدة ..!
ملاك: حتى هما ذنبهم كبيير و ما كيتغفرش ..! احااااح .. بعد المرات كنديرو الحاجة بلا عقل و ما كنفكروش فشنوو غيوقع موراها .. حتى كيفوت الفوت و عاد كندموو ..! التوام ماتوو و شريفة كتقاتل باش تبقى عايشة .. و حكيييم .. حكيم كيتحرق بوحدوو و حتى حد ما غيحس بيه و بشنوو كيدوز منوو ..! ( بتساؤل ) الحب كيخليك تدير شي حوايج نتا ما قابلش عليهم ؟ كيخليك تتنازل ؟
حسام:( خطف الشوفة فيها و قال بهدوء ) كيخليك تدير لي عمرك تخيلتيه ..!
ملاك:( تبسمات جنب ) حيث شريفة ماشي النوع د خويا .. كيكره المراة لي تخسر الهضرة .. تسكر .. تكمي و ها هو بغاها واخا فيها كاع هاذشي .. و عمري شفتوو مرتاح مع شي وحدة قدها ..! ( سكتات شوية و كملات ) الطبيبة قالت بلي المضاعفات لي وقعوو فالعملية كانوو بسباب مخلفات الادمان ..!
حسام: امم
ملاك: يمكن دابا اعضائها كياخذو حقهم منها .. حيث عدباتهم بالادمان و هما غير امانة عندنا .. يمكن بصح كيفما قلتي كتخلص فالدنيا و غير تصفى غتمشي عند ربي ..! يمكن ترتاح تما و يمكن تدخل للجنة حيث مغذورة و جات الموت على غفلة و تكون حتى هي شهيدة ..!
حسام: و العلم لله ..!
ملاك: و لكن حكيم ؟ العقاب ديالوو صعيب بزاااف ا حسام .. صعيب كثر ما كتخيل .. يلا مشى حتى خلاهم يديرو العملية الثانية اليوم و ماتت .. غيهز الذنب على رقبتوو حياتوو كاملة .. و يلا صبر و خلاها تال غذا و عاشت شريفة و لقات راسها ما كتولدش بسباب قرارو ( حركات راسها بالنفي ) حتى داك الساعة غيهز ذنبها و عمرو يسمح لراسوو .. واخا هي تغفرلوو هو ما غيغفرش لراسوو .. عايشة او ميتة ..!
حسام:( رد بألم على صاحبوو و خوه لي ولداتوو ليه الدنيا ..! ) شنوو دار فحياتوو حتى يعيش هاذ العذاب ..!
ملاك:( ردات بسهو ) دار ذنب ما كيتغفرش بحالنا كااااملين .. غير كاين لي كيأدي عليه و هو عايش و كاين لي ما كيتحاسب عليه حتى كيموت ..! و يلا كنت نختار .. نختار اللولة على الثانية ..! ( بتنهيدة و عينين مفيكسيين فبلاصة وحدة ) باقي كلنا غندوزو من نفس الطريق .. طوال الزمان و لا قصار ..!
حسام:( شاف فيها باستغراب و فنفس الوقت خلعاتوو و خلاتوو يفكر يبدا تا هو يعاود حساباتوو ..! سكت شحال و عاد قال ) عيطي لأسية علميها بلي جايين عندها .. تمشي معانا لكازا و ما تبيني والوو حتى يهضر معاها خوك ..!
جالس فالجردة ساااااكت .. ظهرو مقوس و شاد راسوو بيديه بجوج .. عروق عينيه حووومر .. كيشوف فنقطة وحدة فالأرض ..!
كيفكر و يعاود .. هضرة الأطباء كتضور فوذنيه .. خاصوو يقرر فأقرب وقت .. ما يمكنش تبقى مليوحة تما ..! هو لي غيتحمل المسؤولية فجميع الحالات و يلا تهرب اكيد ما غيرتاحش من الحمل لي هاز فوق ظهرو و حرقتوو ما غتبردش ..!
الأفكار كيضربوه بحال المواج .. فينما يقول صافي قررت .. كتجي موجة جديدة كتضربوو بالجهد حتى كينزل لقاع البحر مقطوع فيه النفس ..! و بين هذا و ذاك .. جا لعقلوو حوار .. داز بينوو و بينها ..! كلام بقى مرسخ فعقلوو مزيان و محفور فذاكرتوو ..!
《 شريفة:( ردات بجدية كتشوف فعينيه ) عرفتي شنو تعلمت من هاذ السنين لي فاتوو كاملين ؟ ( حرك راسوو بمعنى شنوو )الدنيا علماتني الصبر ..! ( هزات يديها برقم واحد ) ص ..! هي الصيرورة كلشي غادي يدوز و دوام الحال من المحال .. حتى حاجة ما كتبقى كيفما كانت و شحال ما عضيتي فالصبر غيجي واحد النهار توصل و تنال فيه ..! ( دارتلوو حركة بمعنى رقم جوج ) ب ..! هي البشرى ههه ..! نبقى ديما ضاحكة و نعيش حياتي بالطول و العرض المهم أنا فرحانة و لهلا يقلب بكحل الراس ..! يلا تعصبت و مرضت فخاطري حتى حاجة ما غتتبدل .. على هاذشي غتلقاني واصلة لي للجذر كتنخر فيا و أنا ضاربة الدنيا بطالوون ما مسوقاش ..! ( هزات يديها بمعنى ثلاثة ) ر ..! هي الرضى ..! نكون راضية على راسي و ثايقة فيه و متحملة مسؤولية كاع لي كندير ..! 》
دوام الحال من المحال و شحال ما صبرتي غادي تنال .. شحال ما طال الليل غيجي نهار تشرق فيه الشمش ..! و هنا سول راسوو .. واش هو قادر يصبر تا تشرق الشمش عليهم من جديد .. و يلا شرقات و ما كانتش ..! غيقدر يضحك و يكمل حياتوو بلا بيها واخا واصلة بيه للجذر ..!؟ غيقدر يرضى على راسوو و يتحمل مسؤولية القرار لي غيتاخذ .. كيفما كانت النتيجة ديالوو ..!؟
نسيمة:( جلسات قداموو فالكرسي د الجردة و بهدوء قالت ) انا حاسة بيك ..!
حكيم:( هز راسوو فيها ساكت ) الصمت
نسيمة:( تبسمات و عينيها كيلمعوو بالدموع .. كتشوف قبالتها لا غير ..! ) فصغرنا كلنا حلمنا نعيشوو مع صحاباتنا فدار وحدة و لا غير نكونوو جيران .. و انا صاحبتي العزيزة كانت جارتي .. بابا كيعرف باباها و ماواتنا بحال الخوت .. كبرنا و قرينا و تخرجنا بجوج ..! ( رمشات عينيها تا طاحت دمعة ثقيلة من عينيها ) كانت كتشبه لشريفة ..!
حكيم:( رد بصوت معصور ) كانت ؟
نسيمة:( بتنهيدة ردات ) كانت ..! و كان كلشي كيعرفنا شحال كنبغييو بعضياتنا .. كانت ختي و روحي .. واخا تزوجات حتى حاجة ما تبدلات ( ضحكات بقهقهة خفيفة ) حملات و كنت كنتسنى غير فوقاش تولد و نولي خالتوو حتى أنا ..!
حكيم:( دوز يدو على وجهوو و عنقوو و قال ) ماتت ..!
نسيمة:( بألم ) دارت كسيدة .. كسيدة خايبة .. داك النهار الطبيب كان عندنا مقلوب و كلشي خدام .. و انا طلبتهم نديرلها العملية ... بكيت و انا كنرغبهم ( هزات عينيها فالسما ) ممنوع على الاطباء يحطوو يديهم فعائلتهم .. قانون معروف عندنا .. حيث العاطفة كتغلب و ما كتقدرش تركز .. و لكن انا بغيت و ما كان حتى بديل ..! ( زيرات على يديها ) ما قدرتش ننقذها و ماتت بين يدي .. ماتت و قتلاتني معاها ..! مدة و انا ما كنقدرش ندير شي عملية و سمحت فالميدسين كاملة و لكن رجعت فلخر .. كملت حياتي منين وقفات
حكيم: و نتي هازة ذنبها و ما قادراش تسمحي لراسك ..!
نسيمة:( حركات راسها بنعم ) و أنا هازة ذنبها .. واخا الاعمار بيد الله و لكن كنبقاو بشر و يلا ما كانش عندنا ضمير و عاطفة راه ما عندنا والوو ..!
مسحات دموعها و ناضت باش تمشي بحالها .. لكن قبل حطات يديها على كتفوو و زيرات عليه ..!
نسيمة: تقدر تتعلم تعيش مع الذنب ديالك .. من بعد ما حاولتي و درتي كاع لي فجهدك .. و لكن عمرك غادي تقدر تتعايش مع الندامة .. لو درت و درت ممكن تكون معانا .. علاش و علاش ..!
حكيم: غتقدري تنقذيها ؟
نسيمة:( تبسمات بهدوء ) يمكن هاذ الحالة خذيتها بعاطفة زايدة .. و لكن تأكد ماشي غير نتا لي باغيها تعيش .. حتى انا متمنية تفتح عينيها و تدير لي ما قدراتش تديرو ختي و صاحبتي ..! غندير كاع لي نقدر عليه واخا العمليات الجايا بعيدة على التخصص ديالي و لكن غندخل معاهم و نكون حاضرة ..!
حكيم:( غمض عينوو فصمت طويل تا حيدات يديها من كتفوو .. و رجع فتحهم و قال ) نقدر نشوفها ..!
حسام:( شاف فيها باستغراب و فنفس الوقت خلعاتوو و خلاتوو يفكر يبدا تا هو يعاود حساباتوو ..! سكت شحال و عاد قال ) عيطي لأسية علميها بلي جايين عندها .. تمشي معانا لكازا و ما تبيني والوو حتى يهضر معاها خوك ..!
ملاك:( ردات بسهو ) حتى أسية غتخلص .. كلشي عندو نقطة كحلة فحياتوو و كلنا غادي نموتوو ..!
هنا عقد حجبانوو من هضرتها و بصح خلعاتوو عليها .. السيدة بحال يلا تخلخلات من لي سمعاتوو و من الخوف من الموت ..! ما قدرش يوقف حيث صافي شد لوطوروط و واخا هكاك هز يديه و عطاها تسرفيقة زعزعات لها الضروس ..!
شهقات بالجهد من الضربة .. بحال يلا كانت فشي بير غااارق و جبدوها ..! لكن ما قالت حتى حاجة .. كاع داك البكى و الهضرة .. رجع لها بالسكااااات .. شادة حنكها و ساكتة ..!
حسام:( بعد مدة قال بشك ) ماري متأكدة ما درتي حتى جديدة بلا خبارنا ؟ ( صغر عينيه فيها منتابه للطريق ) لشريفة ..!؟ ياك ما عندكش علاقة بلي وقع لها اليوم ؟؟؟
ملاك:( وسعات عينيها و ردات ) حسااااام ؟؟ واش حماقيتي انا ( غلباتها البكية و سكتات )
حسام: أنا عارفك ما تديريش و لكن يلا كنتي عارفة شي حاجة قوليها قبل ما يفوت الفوت و تندمي بحال دابا .. حكيم ما غيعقل على حتى واحد فاش غيبدا التحقيق ..!
ملاك: علاش هو لي شاد القضية ؟
حسام:( رد بهدوء ) لا .. و لكن غيطلب يشدها .. حكيم و كنعرفوو .. خالتي حبيبة يلا شك فيها ما غيعقلش عليها .. هاذي موو .. بلا ما نهضرو عليك نتي ..!
ملاك:( بتنهيدة ردات ) واش من عقلك كتسولني ؟؟ أنا غير بقات فيا و بقى فيا راسي و صافي .. ما دايرة والوو و ما عندي مناش نخاف ..!
حسام: مزيان .. كنتمنى ..!
ردات بعصبية من طريقة هضرتوو .. بحال جالس حداه مجرم فالتحقيق و باغي يستفزو ..! حاطها هي ماري فالشك ..! شنوو لي خلاه يجرمها و يشوفها بنظرة ثانية .. هو لي من ديما كيعزها و يضحك معاها .. طالقها تسرح تال للمريخ ..!
ملاك: كنقولوو خويا فرحان و لاقي راحتوو معاها و ما نقدرش نشوفوو مقهور و هو كيقولي كنتمنى ..!
**********************************
حكيم:( غمض عينوو فصمت طويل تا حيدات يديها من كتفوو .. و رجع فتحهم و قال ) نقدر نشوفها ..!
نسيمة:( يالاه جات ترفض و رجعات تنفسات و قالت ) جوج دقائق ما تفوتهمش ..!
جبد شفايفوو بتبسيمة صفرة ما فيها لا روح لا حياة .. عينيه ذابلين و داخلوو ما عالم بيه غير الله .. تبعها بهدوء حتى دخلاتوو للغرفة فين عقموه و عطاوه اللباس لي غيلبسوو ..!
و بعدها تفتحات غرفة العمليات و دخل بخطوات تقال .. كيسمع فالآلات لي تما .. طووووط طوووط طييييط ..! المقوصة و الآلات الحادة قراب للطاولة لي ناعسة فوق منها شريفة .. فمنظر كيهز البدن و يبورش ..!
وجهها صفر و فمها بييض و يابس .. خارج منوو تيوو لاسق على جناب فمها و واحد ثاني راكب فالثقابي د نيوفها ..! مغطيينها بغطى شفاف فالازرق .. كيبين التخييطة ديال صدرها و كرشها .. واحد التشريكة فكرشها لا حول و لا قوة الا بالله ..!
شد يديها لي مخشي فصبع سبابتها بحال مقبط و فذراعها شوكة لاسقة مع تيوو ثاني .. بلا صدرها لي عامر سلوكة و رجليها مزيرة بواحد البانضة و مقبوطة بواحد الحديدة ..!
دوز يديه برقة على حنكها .. لمسة خفيييفة بحال الريشة .. تقول خايف يقصحها يلا قاسها ..!
تأمل فتأمل فصمت فمشاعر دفيينة .. بين شوق و حزن و ألم و خوف و ضياع ..! و فهاذ الوقت تدق فالباب د الزاج و شيراتلوو نسيمة باش يخرج .. حرك راسوو فهدوء و تحنى بالكمامة على وجهوو باسلها يديها و قال قريب لوذنيها ..!
حكيم: غنتسناك .. كوني قوية ..!
رجع حط يديها بحذر و خرج .. راجع باللور كيشوف فيها .. حتى وصل للباب و تفتحات .. و معاها قال حكيم بجدية ..!
حكيم: غادي نسني لكم على الوراق .. وجدوها للعملية الثانية اليوم .. ما نقدرش نحرمها من الولاد حياتها كاملة حيث خايف عليها ( بتركيز فشريفة من مور الزاج ) هي نوارة الحدود ما كتقارن بحتى واحد .. قادرة توقف من جديد ( لمعوو عينيه ) و حتى يلا ما قدراتش ترجعلنا .. غنكون حاولت و ما بقيتش غير واقف فبلاصتي ..!
نسيمة:( ردات باحترام لقرارو ..! ) حيد اللبسة و اجي معايا نعطيك الوراق ..!
يتبع...
التنقل بين الأجزاء