وصل عابد الكلام ليمامة وخرجات لابسة سروال واسع بقفطان مزير شوية قصيد حد الركبة بالمجدول مفتوح من الجناب والدفيرة طويلة على ضهرها ..هزات السهام والقوس ونزلات لحقات عليه كتجري لقاتو فوق العود كيتسناها ..ركبات العود ديالها حتى هي وتبعاتو كتجري مع الباب وفطريقها شافت رسول القصر داخل
مشا نيشان قابل روح الندى وحدر راسو قاليها جاك مرسول من غرناطة الاللة
قالت ليها روح الندى غير الاصيل كاتب ليا كما العادة.. كيلمح ليا نرجع ..وقالي مابقا والو ويفكو الحصار راهم فمفاوضات على قرطبة
..
قالت ليها عبدية ونتي شنو كتقولي؟
تنهدات روح الندى قالت ليها انا مابقيتش غنحط يدي فشي حاجة اعبدية..راكي شفتي شنو وقع ليا واخا كلشي من الخير.. شفتياش داز عليا من ورا رغباتي.
قالت ليها عبدية الحمد لله اللي خرجات هاكا..
قالت ليها روح الندى تمنيت كن ماجهضتش اعبدية.. تمنيت كن ولدتو وربيتو ..ولاكن الاقدار حكمات ماعندنا منديرو..كنشوف حتى نعيا ونقول كلشي من خير..عندها الحق شادية فاشقالت ليا ولدك غيموت ..شوفي شحال وانا هازة الهم ومريضة وكنطبل فالماء عند بالي يور .. شكون قال غادي نحمل شي نهار اعبدية
قالت ليها عبدية هادي تعلمك دخلي سوق راسك..ماتبقاي تابعة قراية الكف وتخربيق راه اللي بغاها الله هي اللي غتكون
تنهدات روح الندى قالت ليها حررمت اعبدية ..حررمت وكندعي الله يسمح ليا.. غنخلي الاحوال كما هي ونمشي معاها بالصفا والنية على الاقل ببالي مرتاح ماشي هازة هم الغيب وكلشي بالمقلوب
خبات الرسالة وخرجات تشم الهوا فالقصبة ولقات تما شادية جالسة مفرشين ليها فوق الربيع كتلعب مع ولادها وضحك وتزاد عليهم حتى مخمد اصيل الصغير وبدا كيجري هوا وتيليلا فالربيع ويلعبو ..تنهدات روح الندى قالت لعبدية تبارك الله درادي كبرو ..
ضحكات عبدية قالت ليها حنا اللي كنكبرو اروح الندى
جلسات روح الندى جنب شادية على واحد المخدة وطلات على خفيدها الصغير وقالت ليها
كيكبر شي هاد البخيخيش ولالا
قالت ليها شادية كيكبر الاللة روح الندى دابا شوية تلقايه كيجري مع خوتو هنايا .
فالغابة واقفة يمامة شادة القوس ووراها يور شاد ليها يديها بجوج كيصيدو الحجل ومركزين على واحد الحجلة قاليها بخفوت
بشوووووية وحطي راس السهم على الراس باش الى تحركات يالاه يصيبها الوسط
ماردش عليها بقاساهي فالسما وقالت ليه كما كان الحال كيبقا خوك ..وتعاقب ..والسلطان ماغفر ليه حتى وصل لخط النهاية مع الصليبين وغادي يسترجع قرطبة. فأقرب وقت. بلا اسالة الدماء.
حرك ليها راسو بالايجاب وتلفت شاف فيها لقا راسها فيه الورق يابس وبدا يحيد ليها القش على شعرها ويتأمل ملامحها وقاليها
جا الوقت فين خصنا نتجمعو انا ونتي
هبطات عينيها كتشوف قدامها قالت ليه خليتيني انا اخر حاجة ..
قاليها حيت نتي اهم حاجة ..وخصها الوقت والخاطر يكون رايق ماشي مشطون
قالت ليه شنو بغيتي تقصد
شد ليها فيدها قاليها اللي بغيت نقصد راك عارفاه .. كتفهميني قبل منهضر
تنهدات بعمق وقلبات وجهها ساهية حتى حسات بيه حط ليها تاج من الربيع على راسها وقاليها تزوجي بيا ؟
تلفتات شافت فيه مصدومة وبقات كتشوف فيه مطولا اكثر وبلا متشعر حركات ليه راسها بالايجاب قالت ليه اه ..
رجعو للقصر كيضحو كل واحد فوق العود ديالو وتفرقو تحت انضار روح الندى اللي كانت كتشوف فيهم من لفوق وقالت لعبدية اللي حداها. حتى لامتى غيبقا يخرج ويدخل هوا وياها بحال هاكا.. الناس راه كتهضر وهادشي خصو يدير ليه حل.. خاصني نهضر معاه على هادشي
حطات يمامة السفنجة وناضت وقفات قالت ليها عقلتي فاش جيت عندك ونتي كتنقشي الحنة وعروسة وقلت ليك مبروك الزيادة وباركت ليك حتى على زواجك وقلت ليك رحميني انا مقادراش نسمع هاد الغيضة والزيطة وهاد الضحك ..قلتي لي هادي سنة الحياة ..ديك الليلة خرجت من هادالقلعة كلها لبرا باش نهرب من صوت الزغارت والغيطة.. كنت غنحماق ماشي غير بكيت ..عرفتي شنو..انا حاسة بيك .. عارفاك باش كتحسي
قالت ليها شادية لا نتي محاساش بيا..انا متخديتش ليك راجلك انا تزوجت على سنة الله ورسوله ..مانتي جارية عندو ما نتي مرتو ..اما انا راه راجلي واش كتفهمي شنو كنعني ليك؟
قالت ليها يمامة سمعي اشادية ..انا مغنتزوج بيور باش نفقصك ولا نديه ليك..انا كنبغيه ..انا صابرة وجالسة هنا على قبله وصبرت للدل وشحال من حاجة على قبله .. نتي بعيدة عليا وماعمرني فكرت نآديك ولا نضرك واخا نتي نهار تزوجتي كان عاجبك الحال وكنتي قاصدة تشويني .. نتي تشويتي غير مرة وجاتك قاصحة
اما انا تشويت ما مرة ما جوج ..تشويت نهار ولدتي اول مرة ..تشويت نهار حملتي ثاني مرة ..ونهار تزوجتي اكثر ..ونهار ولدتي دقت حرارة الموت بلا موت .. وجيت عندك قلت ليك رحميني من هاد اللامات اللي كديري راه قلبي كيتقطع ..
مسحات شادية دموعها قالت ليها رحميني حتى انا الى كنتي حاسة بيا
ربعات يمامة يديها شافت فجهة اخرى وقالت ليها انا كن جات عليا ماعندي مندير بهاد الغيطة.. مابغيت نمرضك مابغيتك تمرضيني.بجوج من نفس الطينة لا انا لا نتي..انا باغا غير نستاقر ونرتاح ونولد حتى انا بحالك ..مابغيت والو بغيت غير يور من هاد الهيلالة كلها
فهاد الاثناء اللي كانت شادية كتهضر مع يمامة فبيتها رسل ليها الامير تمشي عندو ومالقاوهاش حتى شافوها خارجة من بيت يمامة وقصدوها قالوها ليها ومشات كطير بالزربة وتمسح وجهها دخلات عندو والحزن مقطع تعابيرها اشلاء..
فتح ليها يديه مع الدخلة عنقها بقوة ونهارت بالبكا حتى تقطع فيها الصور وبغات تموت وجلسها كتشهق عطاها الماء شربها وجلس حداها قاليها غلاش دايرة فراسك هادالحالة شنو وقع فملك الله
قالت ليه مية جارية الف جارية الله يجعلك تجيب جواري العلم كامل..ولاكن الزواج الاا لاالاا لاااا
نهارت بالبكا كتمايل حتى كانت غتغيب وهزها خرجها للشرفة جلسها شربها الماء وخلاها حتى رتاحت وباس جبهتها وعنقها قاليها نتي مرتي اللولة .. وام اولادي والحب الاول نسيتي؟ بلاصتك حتى واحد مياخدها ليك..كي تزوجت كي متزوجت
شدات فصدرها قالت ليه قاصحة عليا حاسة براسي غنموت
عنقها بقوة وجلس كيراضيها ويطيب بخاطرها وجلسها معاه العشية كلها كيسايس وشدها ديك الليلة باتت معاه فجناحو وباتت يمامة متكية ساهية متفكر فكلام شادية وصورتها وتفكرات راسها نهار زواجهم ونهار الحنة ديالها بالخصوص فاش مشات تشوفها وهي عروسة وخرجات من عندها هربات من الحفلة لابعد بلاصة حتى لقات راسها وسط الغابة كتبكي وتغوت فالضلام وماحساتش براسها حتى نعسات تحت واحد الشجرة ..ومع الفجر حلات عينيها على يدين كيهزوها شافت يور هازها من ديك الغابة وردها للقلعة والدنيا مقلوبة عليها بالقلاب ماخلاو فين قلبو حتى البيار قلبو فيهم لا تكون رمات راسها فشي بير.
ومن ديك الساعة وهي غضبانة وقاليك وجهها على يور مكتهضر معاه مكدوز جيهتو حتى رجع كيطلب شادية بلا خبار يمامة باش ميزيدش يأزمها واخا حصلاتو ما مرة ما جوج وكشفاتهم بلا ميحس بيها حتى واحد وكمداتها .
رجعات من ذكرياتها ومسحات خدها من الدموع وشدات داك التاج ديال الربيع اللي عطاها عنقاتو ونعسات
وصل نهار العرس وقرر الامير يرسل شادية لرياض بعيد تبدل الجو حتى يفوت العرس باش تزيد نفستها تكفس اكثر ما راها مكفسة واخا مابغاتش تمشي بغات تجلس وتشوف شنو كيوقع واخا عارفة داكشي كيقتلها لاكن مابغاتش فالاول وفالاخير رسلها بزز منها .
تقلبات القلعة سفاها على علاها بالوليمات وجا نهار السعد ليمامة اللي تسناتو من نهار ختارت الامير بين قشلة دالرجال وتعلقات بيه
هز الامير راسو قال لوحدة من البنات تكلم ليه عبدية ومشات كطير في حين هز كاس ديال الماء داه بابتسامة ليمامة عطاه ليها شربات وهوا كيمسح على شعرها وشوفها فيها حتى دخلات عبدية وشار ليها بيدو تمشي عندها تشوفها وخرج من تما
وقفات عبدية قالت ليها اش واقع ؟ ياك لاباس؟
بقات يمامة كتشوف فيها قالت ليها الدم مابغاش يحبس
استغربات عبدية وجلسات قدامها قالت ليها كيفاش الدم علاش؟
قالت ليها يمامة ماعرفتش كيهبط بزاف
لاحت عبدية الغطا قالت ليها نعسي نشوف
نعسات يمامة على ضهرها حلات رجليها حشمانة من عبدية وغير شافتها قالت ليها ويل الشيطان!! علاه نتي باقا عزبة؟
طلقات يمامة القفطان. عليها وجابو ليها الوصيفات قفطان جديد ابيض لبسوه ليها وهي واقفة في حين خرجات عبدية عند الامير اللي كان كيسرح رجليه برا قالت ليه الله يكمل بلخير اولدي الله يسخر
تبسم قاليها امين ادادا عبدية
حدرات راسها مشات كضحك ودخل لجناحو لقا يمامة واقفة والوصيفات كيقادو ليها حوايجها وشعرها وهي كضحك وقف قدامها شد ليها فكتافها قاليها رتاحيتي دابا؟
حركات ليه راسها بالايجاب ومشات جلسات حداه تفطر هي وياه
تنات رجليها كتفطر والوصيفات واقفين فجنابهم حادرين الراس .. يمامة تحل عندها باب المشاعر لكبير واللهفة والشوق وبلا متحس ولا تنوي كنلقا راسها قريبة منو كتحاك معاه ولا تحط يدها على صدره وبعد المرات تبوسو فعنقه ومرة مرى. تجر ليه وجهه تشوف فيه ويشوف فيها بقات على داك الحال حتى كملات فطورها وناض يدوش باش يصلي وناضت عنقاتو بقوة وحطات راسها على صدرو وهوا كيمسح على شعرها ويبوسها .. قالت ليه غنمشي بيتي حتى تحمم وتصلي وعيط لي
باشها فشفاهها برضى ومشات خرجات. فرحانة ماهازاهاش الارض رجعات لبيتها وغير ماقال ليها راسها فديك السعادة اللي عايشة ناضت استلهمات دخلتها وكتباتها فقصيدة شعرية كتقطر بقلة الحياء وصفات فيها بعارات و كلمات كل ما وقع وجرا فسطور جميلة حتى سالات وطواتها وحطاتها فصنيديقة قدام مرايتها .
دوشان وبدلات وصلاة وخرجات هزات اصيل الصغير هبطاتو معاها ومشات عند الامير شدات ليه فيدو ومشات هي وياه كتسارا فجنان القلعة وتجمع هي وياه حتى وصلو لبلاصة بعيدة على عينين الناس وتلفت عندها قبلها بشغف حتى ساحت وناض الولد كيغوت من الغيرة ويقول
مماا مااا
شافت فيه يمامة كضحك قالت ليه ها ما .. غرتي عليا الحبيب ديالي
دوزو اسبوع ديال العسل الحر وفاليوم السابع رجعات شادية وكلها لهفة تشوف اش وقع وتعرف .
اول حاجة بدات بيها فاش استقرات طلبات تشوف الامير واستقبلها بالاحضان رحب بيها وهي عينيها غير كيدورو فجناحو كتشوف شنو اللي تبدل وشنو اللي مانبدلش. ساعا ماوصلات لوالو
تنهدات قالت ليه بلا متسولني .. الحمد لله اللي لحقات عليا يامنة ختي وراجلها ومي اما كن حماقيت
مسح على يدها قاليها على سلامتك الزين ديالي .. فين الاولاد؟
قالت ليه ناعسين امولاي عيا و. بالطريق
طبطب على كتفها برضى وجلسات معاه العشية كلها وهوا كيمضي السهام ديالو
وبالليل دخلات عبدية بطلب منو قاليها جيبي لي شادية .. بلا متحس يمامة ..
قالت ليه هادشي عادي اولدي علاش كتعيط بالتخبية
قاليها خلي كل واحد على خاطرو بلا منفرحو شي ونكسرو شي والمسألة بسيطة خصها حركة .. يالاه قضي على بيدمن تستاقر الاوضاع
خرجات مشات علمات شادية توجد راسها ودارت حفلة خفيفة بين البنات تلهي بيها يمامة اللي مزالة عروسة ومشات الخطة كما بغاها يور وصبح كلشي راشقة ليه ..لا شادية تقول تزوج ولاحني وجيت من السفر ماداها فيا
ولايمامة تقول مزالة عروسة وطلب مرتو اللي ضرب معاها سنين ومنين ونساني انا . الحيلة حسن من العار
.. على الاقل حتى يتعودو شوية بشوية وغير بالسياسة
استمر الحال على ما هوا عليه وكلشي في امان الله والخدم والعبيد كيحاولو مايخليوش المشاكل تنوض فالقصر بين زوجات الامير بالخصوص مللي مكاين لا جواري فالقلعة اللي يزيدو الفتنة ولا حريم اخرين من غير الزوجات ديالو ومو واولادو
كل وحدة داخلة سوق راسها ..يمامة عارفة شادية نص نية نص هبيلة شي شوية بالنسبة ليها ومقارنة معاها ومبعد ة منها مابقاتش كاع كتدي عليها ولا دايراها فبالها
وبجوج مهنين من الحرب والصراعات حيت حتى وحدة منهم ما هي ام ولي العهد وبجوج كيتنافسو على شكون تكون الام المثالية لاصيل الصغير وهادشي من سعدو هوا اللي عندو جوج ماوات وجداه حاضياها وحاضية كلشي من بعيد
جا النهار اللي جا فيه قرار من عند السلطان فمرسول وصل ليد الامير يور وتبدل لونه من بعد ما قراه ومشا نيشان عند روح الندى يخبرها
قاليها على سلامتنا تم التفاوض ونساحبو الصليبيين من قرطبة ودخلات تحت سيادة السلطان
قالت ليه بسعادة ايوا مبروك .. هادا نهار كبير
قال ليها ماشي غير هادشي وصافي
رسمني والي عليها وكيأمرنا نرجعو فاقرب وقت
حلات روح الندى عينيها مصدومة قالت ليه نرجعو !
قاليها وفأقرب وقت
قالت ليه وشنو قررتي نتا ؟
قاليها انا فرحان برجوع قرطبة .. السلطان دار مجهود يستاحق عليه السمع والطاعة
قالت ليه بتساؤل هي نوجعو ؟!!!
———-
تجمعات القافلة من جديد وشدو الطريق واخا طويلة كلفاتهم شهر والزيادة
وقبل ميوصلو لساحل الاندلس وفالسفينة الكبيرة اللي هازة الخدم والحشم وحتى الخيول والعربات ا اللي جاو فيهم من البر .
كانت يمامة واقفة فالجهة المخصصة ليهم كتنمضر فالبحر وقدامها روح الندى جالسة ساهية وشاردة كتسترجع الدكريات حتى قفزاتها يمامة شادة فمها وناضت كتجري قدامها مشات تقيات حتى سخفات وهبطات لسريرها حزمات راسها وتكات
تكررات معاها عدة مرات حتى لواحد الساعة كانت كتهضر هي والامير على التعب والارهاق فالاسفل قاليها مالكي كاع موقع ليك هادشي المرة اللي فاتت فاش كنا مسافرين
قبل ماتكمل كلامها شدات فراسها دايخة والسفينة كتمشي حتى كانت غطيح وشدها بين يديه حطتا بشوية وهي كتهضر وعينيها مقلوبين قالت ليه غنموت
تكاها بلاصتها شد ليها وجهها قاليها مغتموتيش.. رتاحي هنا
طلع ليها رجليها غطاها وطلع لفوق للسفينة وهوا ملوي واحد الشد على راسو وففمو واحد العود رقيق كيلعب بيه قال لعبدية نزلي شوفي مال يمامة هادي سيمانة وهي على نفس الحالة
بقا معاها كيحك ليها راسها ويلعب فشعرها حتى نعسات وغطاها ناض طلع عند روح الندى لقا لخبار وصلاتها من عند عبدية ..شافتو وتبسمات قالت ليه يتربا فعزك الله يكثر من الزريعتك اولدي الحبيب
باس راسها قاليها الله يخليك ليا الغالية
تنهدات كتبسم شافت فالبحر واستمرت السفينة غادية حتى وصلو ولقا استقبال حافل جدا ..استقبلوهم بالفيالة والجمال والموسيقى والرقص وانطلقت القافلة من جديد في طريقها لقرطبة نيشان
وصلو مع المغرب لقاو العوافي شاعلة والمدينة مزينة والشعب فرحان باستقبال سلطانهم اللي رجع فالاصل والي على قرطبة ودارو ليه احتفال مكانش متوقعه .
الطريق كلها والرجال كيلعبو بالعوافي والموسيقى تابعاهم والنفار كينفر والاجراس كتطرق .
كانت شادية كتفرج من عربتها هي وبنتها وكتوريها المنضر والشعب مصاف كيتسناهم يدوزو ومها قدامها جالسة شادة حفيدها وكضحك وتهز فرحانة . ومن فوق الفيل كطل بين الخوامي روح الندى وتتمنضر عاجبها المنضر ..اما من عربة اخرى طلات يمامة بعينيها مسدودين كتشوف بزز ومع الطلة تقيات طلات الدنيا ورجعات اللور وجنبها الوصيفات مقابلينهز ومقابلين اصيل الصغير ..
اما فمقدمة القافلة كان الوالي يور كيشير بيدو للشعب بسعادة واندهاش من داك الاستقبال حتى وصل للقصر ودخل لداخل لقا الاصيل واقف ويديه وراه وجنبه الامير سلطان وحكيم عل يدو ليسر .
نزل يور سلم على الاصيل بالاحضان وتبادلو المبركات وقرب سلطان كيشوف فيور بابتسامة بريئة ..تردد يور فالاول لاكن قرر فديك اللحضة يبدا صفحة جديدة مع اهله وحبابو وفتح يديه لسلطان اللي درعو وقاليه
خويا..على سلامتك
ضمه يور وقاليه الله يسلمك
بقاو كيهضرو بجوج ويضحكو في حين مشا السلطان حدا الفيل وميل راو مصغر عينيه كيتسناها حتى نزلات وبحال العادة متحسسة منو وغير كدور فعينيها
تبسم وقاليها دوري حتى تعياي وترجعي ليا
دورات وجهها ساكتة غلباتها الضحكة وغطات نيفها تقدمات قدامو كتشوف فالارض مشات حدا ولدها ووقفات كتفادا تشوف فالسلطان اللي مابغاش يحيد عينيه عليها. حتى خرجو الزوجات وحدة متقلة بالولاد ووحدة متقلة بالدوخة والوحم مقادراش توقف حتى الوقيف .. بزز باشوثفوها قدام السلطان باست ليه يدو قالت ليه على سلامتك امولاي
بدا يور كيضحك وتلفت عند الوصيفات قاليهم دخلوها ترتاح
كانت مرى فالقصر استقبلاتهم كتوريهم البيوت ..سبقات شادية هي اللولة يمامة للبيت الزوين اللي كان قريب من جناح السلطان وستوطناتو بامها واولادها وفرحات بيه حتى ماقداتها فرحة
اما يمامة البيت اللي دخلوها ليه نعسات فيه ماشافت لا هاكا ولا هاكا كانت باغا غير تنعس وفعلا نعاسات وطاحت جوج خطرات من فوقالسرير بسبب الدوخة دالبحر اللي مابغاتش تحيد منها وكيجيب ليها الله مزالة فوق الماء حتى فالاخير فرشو ليها الوصيفات فالارض وتكات تنعس لاكن ماقدراتش تصبر على الارض وعضامها ضروها ورجعات لسريرها دايخها طلعات نعسات وقالت ليه بصوت تقيل
والنعاس كيديها ويديها كيترخى
حضويني من جنابي لا نطيح
نعسات وخلاتهم فعقوبة جالسين بجناب السرير جوج من هاد الجهة وجوج من الجهة لاخرى فكل مرة تقلب يتعرضو ليها بالمخاد وناعسة وكتنين تقول ناعسة على الشوك
تكات شادية فوق سريرها الكبير وعضات شنايفها قالت لمها عندنا الزهر سبقانها ..اما كن راه ناضت الحرب على هاد البيت الزوين
قالت ليها مها وهي كتبدل للتربية
انا جاتني ماشي حتى لهيه..واه!! بزاف على الدوخة دالبحر المرى تقول ضربها عجل
قالت ليها شادية وهي كتمرح فوق السرير
ايوا يمكن مكتقدرش تصبر ..اصلا هي على سبة هاكاك دايرة خليها فالتيقار وخلينا فالتيقار غير ماتجبديهاش امي بشي كلمة مناقصنا صداع الراس
دارت مسعودة يدها على فمها قالت ليها ها فمي ها هوا
جلسات روح الندى وسط جناحها القديم كدور فيه وتشوف فيه وتنهدات قالت لعبدية توحشت هاد البيت.. وشحال كنت كنرتاح فيه
قالت ليها عبدية هانتي وصلتي ورجعتي ليه
جلسات روح الند
وقالت باسى غير دخلت لاندلس تفكرت يحيى اعبدية.. يعلم الله بحالو مسكين
هزها حطها فالسرير كضحك وتقلب عليها دوز معاها ديك الليلة حتى صبح الحال
صبحات روح الندى خارجة من القصر ماقدراتش ترتاح حتى تشوف يحيى وتصفي معاه الخواطر على ما جرا. وشدات الطريق هي وعبدية نيشان لغرناطة وللرياض وماتنفسات حتى وصلات ودقات فالباب
حلات ليها بنتو. مرجانة الباب وبقات كتشوف فيها مطولا كتفكر فين سبق وشافتها لاكن ماقدراتش تعقل وقالت ليها
شنو بغيتي الاللة كتسولي على شي واحد؟
قالت ليها عبدية كلمي ليا لاللة عيشة
بقات كتشوف فيهم مرجانة باستغراب ودخلات كلمات لاللة عيشة ووقفات وراها تعرف شكون ..اير شافتهم لاللة عيشة تصدمات وحلات الباب دخلاتهم ومرجانة كتسول شكون هما ولاللة عيشة كتلفها حتى نفاردات بيهم فجردة صغيرة ماسمع حد خبارهم وقالت ليهم
الله يا لاللة روح الندى اش هاد الغيبة ؟ اش وقع واش جرا
دورات روح الندى عينيها قالت ليها يحىيى مكاينش؟ شفت غير بنتو
؟!
قالت ليها لاللة عيشةالشي يحيىى؟ علاش مافراسكش
قالت ليها روح الندى ووجها اصفر
لا مافراسيش!
قالت ليها لاللة عيشة السي يحيى مات الله يرحمو مسكين
حطات روح الندى يدها على فمها مصدومة قالت ليها مااات!! كيفاش مات
تنهدات لاللة عيشة وقالت ليها مات مفقوص.. ماداز عليه الشهر من موراك حتى دا مول الامانة امانتو ..
شدات روح الندى وجهها وفاق عليها ضميرها وعبدية مصدومة كتشوف وترمش
قالت ليها روح الندى انا السبب..انا سلاطيت عليه انا السبب عمرني نسامح لراسي ..
قالت ليها لاللة عيشة لااالا الله روح الندى.. الى عقلتي نفكرك ..فاش كنتي كتغيبي بالايام كان ديما كيطيح مريض من وراك .. ولاكن فاش خليتي ليه المرسول كانت هاديك هي اللخرة ليه.. وقالي قبل ما يموت الى شي نهار ضهرات وصيها تسامحني
قالت ليها روح الندى علاياش غنسامحو ؟
قالت ليها لاللة عيشة اللسي يحيى كان مسكين مريض والمرض عندو فالقلب..قاليه الحكيم مرضك ماعندو دور ولا علاج ..صبر حتى يدي مول الامانة امانتو ..وشحال من مرة كان كيبغي يقولها ليك وكيخاف تسمحي فيه .. فالحقيقة الاللة روح الندى السي يحيى عشقو ليك فات القياس..حتى فنا ليه عمرو وجاب اخرتو ..
حلات روح الندى فمها مصدومة قالت لها علاش مالهاش ليا؟؟ علاش بقا ساكت؟ كن قالها ليه كنت نقدر نعاونو ولا نوقف معاه ..ولا على الاقل ما نكونش السبب فموتو ونجلس ونراعي ليه. علاش سكت ومقالهاش لي
قالت ليها لاللة عيشة هادا مكتاب الله .. الموت كان تابعو تابعو كما تابعنا جميع .. هادي هي الحقيقة
طيحات روح الندى الدموع حجر كتبكي قالت ليها مسامحة ليه دنيا واخرة ..الله يسمح للجميع
سمعو صوت الغاشي والغوات لتحت ونزلو من ديك الحديقة اللي فالسطح كيجيرو لقاو حراس الاصيل فقلب الرياض وهوا بشحمه ولحمه داخل مع الباب وطالق عينيه كيشوف فالرياض..
تصدمات روح الندى ودارت يدها على فمها متوقعات يكون حاط عليها العين خصوصا وهيا يالاه وصلات ..لاكن فالحقيقة الاصيل عمرو نسا ديك المنامة المشؤومة ولا قدر يخرج روح الندى من بالو ولا قدر ينسا شي حدث ولا كلمة مللي حلم .
قربات ليه روح الندى كتشوف فيه قالت ليه شنو واقع ؟
هز راسو صغر عينيها فيها قاليها شنو كديري هنا؟
قالت ليه علاش امولاي هاد السؤال ؟
خرج عينيه فيها قاليها سولتك جاوبي..شكون هاد الناس؟
هزات راسها وجمعات النفس قالت ليه هادي لاللة عيشة رفيقتي وهي مولات هاد الرياض ..وهادي بنتها لاللة مرجانة .. جيت نجلس معاهم شوية ونستوجعو ذكريات زمان
بقات مرجانة مصدومة غير كتشوف فيها مافهمات والو ومن خوفها سكتات
جا حارس من لداخل كيجري حد ليه راسو قاليه مكاين والامولاي..حتى اثار الرجال مكاينش
فهماتو لاللة عيشة علاش جا وتبين انه تابع شكه حتى يوصل للقين لاكن مسحو السما بليكة وحنات لاللة عيشة راسها قالت ليه. هاد الرياض مكاين فيه حتى واحد امولاي من غيري انا وبنتي مرجانة اللي كتجي عندي هي وولي ها وتخوي دارها فاش كيسافر راجلها التاجر ..اما فالايام العادية كنضل غير وحدي وكنحفظ النسا والصبيان القرآن الكريم
حول نضره فداك الرياض كيتمعن وشاف الواح كثيرة مغسولة كتمشف فواحد الجهة جهة الشمس ورجع شاف فروح الندى بنص عين شار ليها براسو تبعو وخرج وخرجات وراه كتجري مهبطة راسها وخواو الرياض مشاو بحالهم
بعدو على المدينة فطريق بين قرطبة وغرناطة ووقفالسلطان تحت النخل والضل ونزل من فرق العود مشا خرجها من العربة ديلها خلعها ووقفها قدامو قاليها شنو مخبية عليا؟؟؟ هضري تكلمي
من ديك الساعة ماعاودات عتبات الباب وقطعات الحس بقات على ديك الصورة اللخرة وكل شوية تحط يدها على فمها ..
دوزات واحد الشهر داخلة سوق راسها وصوتها مكيتسمعش
صبح الصباح الحال فوحد الصباح من ايام الله ..وصبحات يمامة جالسة كي الناس وعاد بدات تستوعب اش واقع فالدنيا وفاتتها شوية الدوخة لاكن الخاطر مكاينش من نهار جات ماهضرات مانطقات عطاتها للنعاس والرضان حتى نسات شكون هي وفين هي .
ناضت اول حاجة دارتها كمدات عضامها بالعشوب ودوشات وراسها كيتمتيل جلسات ليهم فالحمام بزز ..
خرجات وجلسات جامعة رجليها غير كتنهد وتسوط لبسها الابيض والبيج كما كتبغي وحطو ليها الماكلة كما كتبغيها وجلسات كتاكل وتبحث فالوصيفات ديالها وتسول على خبار اللسوق
عطاوها الملخص ديال شنو واقع وشنو جاري فالدنيا ووصلو حتى لشادية وغير سمعاتها شدات جناح كبير فمدرج السلطان وقفات ليها اللقمة وهزات راسها مسحات يديها وناضت وقفات خرجات تشوف بعينيها
مشات وقفات قدام بابو كتشوف فيه ودخلات عند شادية لقاتها كتمشط لبنتها شعرها وبقات كتسرح عينيها فالبيت وقالت ليها
بالصحة والراحة البيت
شافت فيها شادية بنص عين وضحكات قالت ليها الله يعطيك الصحة ..على سلامتك قالو لي مريضة كي بقيتي
تبسمات حتى يمامة وخرجات من عندها وبقات شادية كدور فعينيها بنص عين وقالت
الله يبقي يستر مناقصني صدع ياربي بعد عليا شر الخلق..ياربي ماتوريني باس فولادي وفصحتي
بقات كدعي وطلب الله في حين مشات يمامة كدور وتمنضر تسارات على كاع البيوت اللي جنب الامير ما قنعها حتى بيت وفالحقيقة مكان حتى بيت يرصل لبيت شادية اللي شداتو شدة العمى فلضلمة .
رجعات ادراجها لجناحها وجلسات دايرة يدها على خدها ساهية وجنبهاوصيفاتها كيدورو بيها وحدة من هنا وحدة منها وكل وحدة كتتغزل فيها من جهة باش دير ليهم شي زردة وشي لامة كيما مولفة وكما كانت كدير فتارودانت ..دور دور وتجمع البنات فالزرود والشطيح حتى ولفوها وفين ما تحس بالقنطة طلب وطالب بشي زردة
بقاو عليها الرصيفات كيزنزنو عليها فودينها فاللخر لاحت يدها بملل قالت ليهم ماعندي خاطر لوالو هاد الساعة..مابغيت نسمع لا صدع لا طقطوقة
قالت ليها وصيفتها. غير حاولي الاللة راه الوحم هوا هادا.. الى مخرجتيش راسك من هاد الغمة شكون غيخرجك. منها
تنهدات قالت ليهم مافياش ..
جلسات جنبها وحدة اخرى قالت ليها غير حاولي الاللة .. الى ماعجبكش الحال صافي نجمعو نطويو
بقات ساكتة مقالت والو وناضت قالت ليهم غنعس شوية مايفيقني حتى واحد
طلعات على سريرها طاحت نعسات وجلسو الوصيفات مجمعين بصوت خافت
قالت وحدة لوحدة بملل
من نهار جينا هنا مافرحنا.. اففف مليت من قلة مايدار
قالت ليها الثانية وحتى لاللة يمامة من نهار طاح داك تيلاد فكرشها ما جادت علينا بشي دهيبات ..مولفة غير تنشط ويعجبها الحال تجلس وتعطي لكل وحدة شوية
جلسات جنبهم وحدة اخرى قالت ليهم علاش مانديروش ليها حنا اللامة؟؟ مزيانة ليها ولينا..عرفتو البنات سمعت على واحد التاجر جاب شي تواب كتهبل..خصنا غير باش نشريو ونفصلو ونلبسو هه
دارت وحدة اخرى يدها على فمها قالت ليهم خوخة عندها الحق. كل وحدة فينا عندها غرض عند لاللة يمامة ..اجي نتجمعو ونديرو ليها هدية نباركو ليها حمالتها ..واه البنات واش حتى مبروك ماقلناها ليها وهي كانت ديما كتجمعنا مكاين غير النشاط هاهوت شاط حتى ولينا نعسو والزغارت فودنينا
وقفات روح الندى فالشرفة كتقرا المرسول وتعاودو حتى حفضاتو وماعرفات كيفاش تعلم يور وجلسات كتخمم وتفكر ..لالالا مستحيل تقولها ليه هي وييلي حشومة و اصلا ماعندهاش الكمارة.. ولاكن كيفاش غادي تقولها ليه!! اللهم تقولها ليه هي ولل يقولها ليه الاصيل بطريقتو وتنوض عاد الحرب ديال بصح ..عيات تخمم وتفكر وتقلب شكون هادا اللي عمدو الوجه قاصح ويعرف يوصلها ليه ؟؟ شكوون
حلات عينيها فجأة وقالت ..والله مكاين من غيرك يا لكرطيطة نتي اللي غتقوليها ليه .. نتي اللي لسانك طويل كيسلك فالبر ولبحر
دخلات هازة راسها قالت لوصيفتها سيري كلمي لي سبأ
ضحكات عبدية قاليت ليها سبا خرجات طوطح هي وسيد المير مساليا غير ليك ..هاديك يا تلقايها ناعسة غايبة على الدنيا يا فايقة لاسقة فيه ماعندهاش الوسطية..واش بغيتي بيها بعدا؟
قالت ليها روح الندى هي اللي غادي تقولها ليه بطريقتها ..
شهقات عبدية قالت ليها مالقيتي غير هي!! ماشتيش الى حرشاتو عاد غتزيان
قالت ليها روح الندى خليني نيت نجرها لصفي..غيعجبها الحال الى زعما دخلتها فهادشي غتبغي تبين ليت حنت يديها ..وداكشي اللي بغيت نيت ..مكاينش من غيرها بنت الحرا لسانها كيقطر عسل معاه
جلسات روح الندى كتسناها حتى قالو ليها راها رجعات للقصر
دارو بيها هزو الطعارج وطلقات وحدة حلوقها بواحد التزغريتة وبداو يحنيو ليها ويحنيو لبعضيانهم ويغنيو وكيتسناوها تشعر عليهم من اشعارها الاستثنائية اللي كضحك واللي كتنبش فكل وحدة فيهم وتخليهم يضحكو شافت فدفار رجلين وحدة فيهم طوال يالاه جات تلقي عليه الشعر وهي دخل عبدية عندهم لقاتهم مجمعين وسكتاتهم وقالت ليها تكلميلاللة روح الندى طالباك فجناحك
حط الخنجر من حزامو وفك خصره وكان واضح عوال يبات معاها فبيتها واخا شحال مابات معاها حيت كانت مريضة ماعندهاش خاطر .
خرجو الوصيفات خلاوها منها ليه وتلفتات عندو وهوا كيقرب ويتكا على السرير ختى باسها على شفايفها وقاليها توحشتك الحمامة ديالي
تقلبات عليه عضاتو من كتفكو فاجآتو وناض عندها عطاها حقها وحق العالمين حتى جفات وتكات حداه عنقاتو وشدات ليه وجهه قالت ليه فكل مرة كيجي فبالي شي حاجة وكنقول شي نهار نقولها. ليك
ميل. راسو عندها قاليها شنو هاي هاد الحاجة ؟
قالت ليه الى شائت الاقدار وجرا معايا ما جرا لاللة روح الندى وتفارقنا مثلا وكل واحد عاش بوحدو ..وجبت ولد وكبرنا وبغينا نرجعو ..وولدنا مابغاش شنو تقدر دير ساعتها
قالت ليه شفت العشق فعينين لاللة روح ااندى ومكمداه .. باش ماتخسرش ولدها وفضلاتو هوا على سعادتها
دور وجهه وجمع يدو قاليها الوحم غادي يحمقك ..وغتحمقيني معاك
جراتو وهزات ليه يدو دخلاتو بين صدرو وخرجات عينيها ويدها على فمها قالت ليه عممرك ما تعطيني ضهرك واخا يوقع اللي وقع..واخا شنو مابغا يكون .. انا مستاعدة نعطيك الروح ديالي وتعيش بلاصتي .. ولاكن مامستاعداش نشوف ضهرك
بقا كيشوف فيها وتنهد عنقها قاليها مغتشوفيش ضهري
حطات راسها على صدرو وعمضات عينيها ونوا كيلعب ليها فشعرها وقال مع راسو نشوف شنو اللي خلاها تقول ديك التخيلات ..حط يدو على راسها سمع كلام روح الندى معاها وهبط يدو بشوية مع ضهرها فصمت حتى سمعها قالت ليه رتاحيتي؟
قاليها مناش غنرتاح؟
قالت ليه عرفتي شنو كاين؟
هزات وجهها شافت فيه وقالت ليه انا عرفت الميزة اللي عندك.. وليت عارفاك كتقرا شنو فالعقل..مامرة ماجوج درتيها وكنت كنستغرب ..ولاكن مع الوقت بديت نستنتج وفهمت معنى هاد اللمسة
تبسم بهدوء وقاليها ونتي ها الميزة اللي عندك
حط صبعو على دماغها قاليها هادا اللي عندك وسط هاد الراس نعمة شكري ربي عليها
قالت ليه شنو قلتي فهادشي ايور ؟ لاللة روح الندى راه باغا تزوج هي والسلطان ..
صبح الحال وروح الندى غادية جايا فبيتها كل مرة ترسل وصيفة طل على بيت يمامة وتسناه يخرج باش تجيبها عندها .غير خرج جاو عندها الوصيفات داوها عند روح الندى ومع الدخلة طارت عليها قالت ليها شنو قاليك غوت؟. حيح؟ دار شي فضيحة؟
قالت ليها يمامة ايوا غير بشوية ماشي بين ليلة ونهار.. دقة دقة ..ليوم دخلتها ليه فدماغو غدا غادي نزنزن ليه فراسو بعدو نحاول نقنعو وشوية بشوية حتى يبدا يبان ليه الموضوع عادي ويقدر يتقبله ..ماشي السلام عليكم صافي واش موافق!! خليه يتعود بعدا يسمع باش يقدر يتقبلها
تنهدات ووح الندى قالت ليها ايوا هنا بقينا
قالت ليها شادية ايوا الى بغيتي تزوجي صبري شوفي شحال صبرت وشحال من مجهود درت !! اللهم تزوجي بلخاطر مايتبعوك مشاكليل ولا تزوجي بالزربة وكلشي ساخط على هاد الزواج والمشاكيل وراك
قالت ليها روح الندى انا الصبر هوا اللي معنديش..منقدرش نصبر. ك غندير نصبر حتى لداك النهار. اففف
قالت ليها يمامة ايوا هادشي اللي عطا الله
تركنات روح الندى خلات الموضوع على يمامة وكل نهار توقف عليها ودفعها باش تزرب ويمامة حتى هي بطا عليها امتى تخوي ليها روح الندى البيت وتدخل ليه ..نهار عاى نهار كتجبد ليه الموضوع وتحلي ليه الكلام وتشعر ليه وتعسل ليه حتى رجع الموضوع جد عادي ورجعات تعاود عليه النكات ويضحكو عليه ..ضحك حتى شبع وهوا متكي حداها قاليها دابا الى ولدات ليا خويا ..شكون يقول لاخر خالي؟
قالت ليه يمامة خوك يقول لولدك خالي هههه
قاليها فآخر يامي يلعب خويا مع ولادي ويردو ليه البال لا يطيح
قالت ليه ومالها اش فيها؟؟ الزواج حلله الله ومك وباك بغاو يتجمعو ..ولاكن الشياطين واقفين فطريق هاد الزواج وكيوسوسو ليك واخا هي راه حاجة طبيعية !! شكون بحالك تحر لعرس مك وباك
هز حاجبو قاليها العرس لا ..هانتي غتخصريها
قالت ليه اسيدي بلاش من شي عرس لا مك لاباك عندهم الصحة لهاد العرس .. واجي نقول ليك ..دابا نتا عارفهم كيبغيو بعضياتهم ..علاش ماتخليهم يتزوجو حسن مايبقاو شوف فيا نشوف فيك فين ما يتلاقاو تبقا الحساسية بيناتكم!! شي حشمان من شي ..ياك هاداك باك وهاديك مك
تنهد قليها واخلي حتى لمن بعد ويحن الله
جراتو عندها قالت ليه شوف ..انا كن بلاصت مك والله حتى نمشي عند ولدي نقول ليه سمع اداك بوراس.. انا وباك ونتا مالك ؟ كن ما الحب كاع مانجيبوك
بقا كيضحك قاليها نتي ديريها وتفوتيها
قالت. ليه والله حتى نديرها ..فالحب مكاين حيا اشمن
عسل عينيه قاليها وريني نشوف
عنقاتو قالت ليه غدا غنمشي عند لاللة روح الندى نفرحها ..على الله تدعي معانا شي دعيوة
عنقها قاليها يصبح ويتفتح
صبح الحال وصبحات يمامة غادية كتجري بلا وصيفات روح الندى ..لقاتها كتحمم ودخلات عليها للحمام قالت ليها بشرااااكي سيدتي ..الامير سيدي يور الله يخليه ليا خرج سوقك نتي ومولاي السلطان …مبارك ومسعود
لوات روح الندى المنشفة عليها وناضت مخرجة عينيها قالت ليها الى كنتي كتفلاي غنصفيها ليك
وصل السلطان وكان الامير فاستقباله ..ايوا اللي فراس الجمل فراس الجمال بلا متطق اللسان ولا تنكلم الفواه
اما روح الندى سدات عليها فبيتها ماقدراتش تتقابل مع ولدها ولا مع السلطان
تكتب كتابهم واخا كان الامير مقبوط ولسانو مربوط مالقا ميقول فهادشي وهوا براسو حشم اما السلطان غير كتب كتابو عنق ولدو ورضى عليه هادا ماقدر يقول
جمع النوضة يرجع بحالو وكانت العربة واقفة والامير قدام باب القصر كيشوف فيها ..شاف روح الندى مخبية فملحفتها ودايزة مقادراش تشوف جيهتو وحتى هوا ماقدرش يقرب ليها ولا يهضر معاها وحدر راسو ويمامة وشادية واقفين جنبو مبسمين
حطات يمامة يدها على دراعه زيرات عليه وتلفت عندها بتبسيمة شاحبة ..اما شادية غير شافتها قاصتو شعلات فيها الغيرة واخا مجايبة خبار وشدات ليه فيدو حتى هي وتلفت عندها شاف فيها بنفس التبسيمة عند بالو كانت عارفة وقاليها
حتى نتي اللي كنقول عليك دريوشة طلعتي بخبيرتك
استغربات بقات غير كتشوف فيه وتلفت عنقهم بجوج دخلهم معاه وخلاهم ومشا لجناحو .
مشات شادية كتنهد عندو تبعاتو حسات بيه تزير من جيهة روح الندى ..اما يمامة بالفرحة مشات كتجري لجناح روح الندى دخلات وتشبحات فوق السرير
دخلات شادية ورا الامير قالت ليه هادي سنة الحياة ..شنو غدير نهار تزوج بنتك تيليلا واش غادي تحزن بحال هاكا
تلفت عندها قاليها حتى لداك النهار ويحن الله
مشات عندو عنقاتو قالت ليه لاللة روح الندى حتى هي عندها حياتها كما حتى نتا عندك حياتك واولادك..
طبطب على ضهرها قاليها الله يرضي عليك ..
باس جبهتها ومشا شد القرآن كيقرا فيه شوية في حين خرجات شادية رجعات عند ولادها ورجعات الامور لطبيعتها .
وصلات روح الندى للقصر لقات استقبال دايزو الكلام ..عل حقه وطريقه .. بالحليب والتمر وفجنبها السلطان هاز راسه ماهضر ما نطق ..خلاها حتى دخلات لجناحها اللي كانت فيه قبل وتفرق المجمع عاد دخل عندها لقاها جالسة شهوة منها ..مزنكة ماعرفات باشمن وجه تقابل معاه
قرب منها ووقفها كيشوف فيها شاد ليها فيديها وقاليها من زمان كانت هادي هي بلاصتك..روح الندى للاصيل ..والاصي ل لروح الندى..واخا دازو قدامك شلا نسوان ..وتزوجت قبل منك شكال وانواع. بقات بلاصتك ماقدرات حتى وحدة تستوطنها..
هبطات راسها تنهدات قالت ليه ضاع بزاف ديال الوقت ..
قاطعها قالها ماحدنا مزال فالحياة حتى حاجة مضاعت ..الحياة عاد غتبدا
هز يديها باسهم بجوج وباس جبتهتها وعنقها بقوة وحتى هي عنقاتو وسدات عينيها ..
انتهت 💖
تصنيف القصة
يرجى إختيار التصنيفات اللي يمكن يوصفو هاد القصة، التصنيفات كاتساعد بشكل كبير فتقسيم القصص وحتى لي كايقلب على قصة من نوع معين كايلقاها بسرعة.. (يمكن اختيار أكثر من تصنيف)
ذو التيجان الجزء 13 والأخير
محتوى القصة
وصل عابد الكلام ليمامة وخرجات لابسة سروال واسع بقفطان مزير شوية قصيد حد الركبة بالمجدول مفتوح من الجناب والدفيرة طويلة على ضهرها ..هزات السهام والقوس ونزلات لحقات عليه كتجري لقاتو فوق العود كيتسناها ..ركبات العود ديالها حتى هي وتبعاتو كتجري مع الباب وفطريقها شافت رسول القصر داخل
مشا نيشان قابل روح الندى وحدر راسو قاليها جاك مرسول من غرناطة الاللة
شدات المرسول قالت ليه صافي يمكن ليك تمشي
حلاتو قراتو ولواتو كتنهد .. دخلات عليها عبدية شافت المرسول فيدها قالت ليها شداكشي
قالت ليها روح الندى غير الاصيل كاتب ليا كما العادة.. كيلمح ليا نرجع ..وقالي مابقا والو ويفكو الحصار راهم فمفاوضات على قرطبة
..قالت ليها عبدية ونتي شنو كتقولي؟
تنهدات روح الندى قالت ليها انا مابقيتش غنحط يدي فشي حاجة اعبدية..راكي شفتي شنو وقع ليا واخا كلشي من الخير.. شفتياش داز عليا من ورا رغباتي.
قالت ليها عبدية الحمد لله اللي خرجات هاكا..
قالت ليها روح الندى تمنيت كن ماجهضتش اعبدية.. تمنيت كن ولدتو وربيتو ..ولاكن الاقدار حكمات ماعندنا منديرو..كنشوف حتى نعيا ونقول كلشي من خير..عندها الحق شادية فاشقالت ليا ولدك غيموت ..شوفي شحال وانا هازة الهم ومريضة وكنطبل فالماء عند بالي يور .. شكون قال غادي نحمل شي نهار اعبدية
قالت ليها عبدية هادي تعلمك دخلي سوق راسك..ماتبقاي تابعة قراية الكف وتخربيق راه اللي بغاها الله هي اللي غتكون
تنهدات روح الندى قالت ليها حررمت اعبدية ..حررمت وكندعي الله يسمح ليا.. غنخلي الاحوال كما هي ونمشي معاها بالصفا والنية على الاقل ببالي مرتاح ماشي هازة هم الغيب وكلشي بالمقلوب
خبات الرسالة وخرجات تشم الهوا فالقصبة ولقات تما شادية جالسة مفرشين ليها فوق الربيع كتلعب مع ولادها وضحك وتزاد عليهم حتى مخمد اصيل الصغير وبدا كيجري هوا وتيليلا فالربيع ويلعبو ..تنهدات روح الندى قالت لعبدية تبارك الله درادي كبرو ..
ضحكات عبدية قالت ليها حنا اللي كنكبرو اروح الندى
جلسات روح الندى جنب شادية على واحد المخدة وطلات على خفيدها الصغير وقالت ليها
كيكبر شي هاد البخيخيش ولالا
قالت ليها شادية كيكبر الاللة روح الندى دابا شوية تلقايه كيجري مع خوتو هنايا .
فالغابة واقفة يمامة شادة القوس ووراها يور شاد ليها يديها بجوج كيصيدو الحجل ومركزين على واحد الحجلة قاليها بخفوت
بشوووووية وحطي راس السهم على الراس باش الى تحركات يالاه يصيبها الوسط
بقات ساكتة متبعة معاه حتى طلقات السهم لاكن طارت الحجلة وتنهدات قالت ليه شداني لشي صيد كاع خليني نجلس نرتاح
تسرحات على الربيع كتشوف فالشجر ضاير بيها الفوق وتكا حداها الامير دار يديه تحت راسو فصمت وتنهد
سمعات تنهيدتو العميقة وقالت ليه مالك اللي سمعك يقول كاع هاد الجبال واقفين على ضهرك
قاليها السلطان غفر للامير سلطان على مادار .. ورجعو والي فالبلاصة اللي كان فيها
قالت ليه غير قولها ماكاين لاش تكتمها ..قول رجعو والي على بلاد القوط
بقا ساكت وتلفتات عمدو على كرشها والقش لاسق فراسها قالت ليه مشات ديك الايام ايور .. مشات وانا ماهازاش فقلبي من جيهتكم ..ربي شاهد عليا .. ولاكن اللي مافهمتش علاش مقلق؟ واش حيت السلطان غفر لخوك
ماردش عليها بقاساهي فالسما وقالت ليه كما كان الحال كيبقا خوك ..وتعاقب ..والسلطان ماغفر ليه حتى وصل لخط النهاية مع الصليبين وغادي يسترجع قرطبة. فأقرب وقت. بلا اسالة الدماء.
حرك ليها راسو بالايجاب وتلفت شاف فيها لقا راسها فيه الورق يابس وبدا يحيد ليها القش على شعرها ويتأمل ملامحها وقاليها
جا الوقت فين خصنا نتجمعو انا ونتي
هبطات عينيها كتشوف قدامها قالت ليه خليتيني انا اخر حاجة ..
قاليها حيت نتي اهم حاجة ..وخصها الوقت والخاطر يكون رايق ماشي مشطون
قالت ليه شنو بغيتي تقصد
شد ليها فيدها قاليها اللي بغيت نقصد راك عارفاه .. كتفهميني قبل منهضر
تنهدات بعمق وقلبات وجهها ساهية حتى حسات بيه حط ليها تاج من الربيع على راسها وقاليها تزوجي بيا ؟
تلفتات شافت فيه مصدومة وبقات كتشوف فيه مطولا اكثر وبلا متشعر حركات ليه راسها بالايجاب قالت ليه اه ..
رجعو للقصر كيضحو كل واحد فوق العود ديالو وتفرقو تحت انضار روح الندى اللي كانت كتشوف فيهم من لفوق وقالت لعبدية اللي حداها. حتى لامتى غيبقا يخرج ويدخل هوا وياها بحال هاكا.. الناس راه كتهضر وهادشي خصو يدير ليه حل.. خاصني نهضر معاه على هادشي
خرجات من جناحها مشات عندو نيشان لجناحو لقاتو يالاه بغا يبدل حوايجو وقالت ليه
حتى لامتى غنبقا كدخل وتخرج نتا وسبأ؟! القبيلةهادي اولدي واش معارفش القبايل كيف دايرة
تبسم وقاليها غنتزوجها .. تكلفي باللامة ديال هاد الزواج بغيتو يتنشر مايخليحتى لسان .. على الله نسكتو هاد الفام المحلولة
بقات ساكتة كتشوف فيه مطولا وقالت ليه كنت كنتي دير هادشي شحال هادي وماتخليش الفام تحل
قاليها حتى دابا مزال الحال ..عاد غنبداو
تبسم وعلى ديك التبسيمة بدات التجهيزات والتحضيرات وخياطة الاتواب وتنشر الخبر فالقلعة كلها ووصل لشادية اللي جلسات مصدومة طيحاتهم حجر وطاح معاهم الكحول كحل .. كانت عارفة غيجي هاد النهار ولاكن ماكانتش متقبلها وناضت من بلاصتها بلا متشعر مشات عند يمامة لبيتها ودخلات عليها لقاتها جالسة كتمسح رجليها بما وسفنجة وقالت ليها بالدموع
صافي وصلتي لداكشي اللي بغيتي .. هادشي اللي كنتي كتسعاي ليه وصلتي ليه
حطات يمامة السفنجة وناضت وقفات قالت ليها عقلتي فاش جيت عندك ونتي كتنقشي الحنة وعروسة وقلت ليك مبروك الزيادة وباركت ليك حتى على زواجك وقلت ليك رحميني انا مقادراش نسمع هاد الغيضة والزيطة وهاد الضحك ..قلتي لي هادي سنة الحياة ..ديك الليلة خرجت من هادالقلعة كلها لبرا باش نهرب من صوت الزغارت والغيطة.. كنت غنحماق ماشي غير بكيت ..عرفتي شنو..انا حاسة بيك .. عارفاك باش كتحسي
قالت ليها شادية لا نتي محاساش بيا..انا متخديتش ليك راجلك انا تزوجت على سنة الله ورسوله ..مانتي جارية عندو ما نتي مرتو ..اما انا راه راجلي واش كتفهمي شنو كنعني ليك؟
قالت ليها يمامة سمعي اشادية ..انا مغنتزوج بيور باش نفقصك ولا نديه ليك..انا كنبغيه ..انا صابرة وجالسة هنا على قبله وصبرت للدل وشحال من حاجة على قبله .. نتي بعيدة عليا وماعمرني فكرت نآديك ولا نضرك واخا نتي نهار تزوجتي كان عاجبك الحال وكنتي قاصدة تشويني .. نتي تشويتي غير مرة وجاتك قاصحة
اما انا تشويت ما مرة ما جوج ..تشويت نهار ولدتي اول مرة ..تشويت نهار حملتي ثاني مرة ..ونهار تزوجتي اكثر ..ونهار ولدتي دقت حرارة الموت بلا موت .. وجيت عندك قلت ليك رحميني من هاد اللامات اللي كديري راه قلبي كيتقطع ..
مسحات شادية دموعها قالت ليها رحميني حتى انا الى كنتي حاسة بيا
ربعات يمامة يديها شافت فجهة اخرى وقالت ليها انا كن جات عليا ماعندي مندير بهاد الغيطة.. مابغيت نمرضك مابغيتك تمرضيني.بجوج من نفس الطينة لا انا لا نتي..انا باغا غير نستاقر ونرتاح ونولد حتى انا بحالك ..مابغيت والو بغيت غير يور من هاد الهيلالة كلها
فهاد الاثناء اللي كانت شادية كتهضر مع يمامة فبيتها رسل ليها الامير تمشي عندو ومالقاوهاش حتى شافوها خارجة من بيت يمامة وقصدوها قالوها ليها ومشات كطير بالزربة وتمسح وجهها دخلات عندو والحزن مقطع تعابيرها اشلاء..
فتح ليها يديه مع الدخلة عنقها بقوة ونهارت بالبكا حتى تقطع فيها الصور وبغات تموت وجلسها كتشهق عطاها الماء شربها وجلس حداها قاليها غلاش دايرة فراسك هادالحالة شنو وقع فملك الله
قالت ليه مية جارية الف جارية الله يجعلك تجيب جواري العلم كامل..ولاكن الزواج الاا لاالاا لاااا
نهارت بالبكا كتمايل حتى كانت غتغيب وهزها خرجها للشرفة جلسها شربها الماء وخلاها حتى رتاحت وباس جبهتها وعنقها قاليها نتي مرتي اللولة .. وام اولادي والحب الاول نسيتي؟ بلاصتك حتى واحد مياخدها ليك..كي تزوجت كي متزوجت
شدات فصدرها قالت ليه قاصحة عليا حاسة براسي غنموت
عنقها بقوة وجلس كيراضيها ويطيب بخاطرها وجلسها معاه العشية كلها كيسايس وشدها ديك الليلة باتت معاه فجناحو وباتت يمامة متكية ساهية متفكر فكلام شادية وصورتها وتفكرات راسها نهار زواجهم ونهار الحنة ديالها بالخصوص فاش مشات تشوفها وهي عروسة وخرجات من عندها هربات من الحفلة لابعد بلاصة حتى لقات راسها وسط الغابة كتبكي وتغوت فالضلام وماحساتش براسها حتى نعسات تحت واحد الشجرة ..ومع الفجر حلات عينيها على يدين كيهزوها شافت يور هازها من ديك الغابة وردها للقلعة والدنيا مقلوبة عليها بالقلاب ماخلاو فين قلبو حتى البيار قلبو فيهم لا تكون رمات راسها فشي بير.
ومن ديك الساعة وهي غضبانة وقاليك وجهها على يور مكتهضر معاه مكدوز جيهتو حتى رجع كيطلب شادية بلا خبار يمامة باش ميزيدش يأزمها واخا حصلاتو ما مرة ما جوج وكشفاتهم بلا ميحس بيها حتى واحد وكمداتها .
رجعات من ذكرياتها ومسحات خدها من الدموع وشدات داك التاج ديال الربيع اللي عطاها عنقاتو ونعسات
وصل نهار العرس وقرر الامير يرسل شادية لرياض بعيد تبدل الجو حتى يفوت العرس باش تزيد نفستها تكفس اكثر ما راها مكفسة واخا مابغاتش تمشي بغات تجلس وتشوف شنو كيوقع واخا عارفة داكشي كيقتلها لاكن مابغاتش فالاول وفالاخير رسلها بزز منها .
تقلبات القلعة سفاها على علاها بالوليمات وجا نهار السعد ليمامة اللي تسناتو من نهار ختارت الامير بين قشلة دالرجال وتعلقات بيه
زينوها ولبوسها وحناو ليها يديها ورجليها وشعلو ليها الشمع وعطروها وغناو ليها ..وعبدية بيدها سرحات ليها شعرها بالمشطة وقالت ليها
ايوا دابا نشوفو واش توبي .. هانتي لاللة غتولي لاللة مرات سيدي.. الى ماجمعتي لسانك بين سنيك هوا اللي غيخرج عليك
بقات يمامة ساكتة كضحك بوحدها وبريق عينها كيشع ..لبسات من اجمل القفاطن وتزينات باجمل حلي وتغطات بجوهرة الحرة وجلسوها جنب الامير الليكان لابس البلدي على حقو وطريقو والنقاوة وريحة العود كتفوح منو .. قدام الامام اللي بدا الطقوس وزوجهم على سنة الله ورسوله و تقرات فاتحتهم وسط الشهود وداوها مغطية كيغنيو عليها ويزغرتو حتى لجناحو بخطوات تقيلة ودخلوها جلسوها فوق السرير وخلاوها مغطية فتكشيطة التليجة البيضا وتوب جوهرة مذهب معطيها وملفوق عليها فتخليلة بلدية والبلغة فرجليها ديال الصم الحر والحنة منقوشة حمرا فيديها ..ورجليها
خرجو كاع البنات من بعد ما قادو ليها وبقات غير عبدية واقفة قدامها وقالت ليها
ايوا هانتي لاللة مرات سيدي..ماتحتاجيشاي نوريك راكي عارفة اش دير
قالت ليها يمامة بخفوت من تحت التوب شنو ندير الاللة اعبدية مافهمتش؟
ضحكات عبدية بسخرية قالت ليها ديري داكشي اللي كنتيكديري فاش كنتيكتمشي عندو للخلوة فهمتي دابا
قالت ليها يمامة انا عمرني مادرت شي حاجة باقا عزبة
حلات عبدية عينيها وضحات قالت ليها عزبة !! واطرني هادشي قوليه لولادك ..قالك باقا عزبة
تحل الباب ودخل الامير وتبسمات عبدية قالت ليه الله يكمل بالخير امولاي.. تصبح على خير
خرجات عبدية وبقات يمامة جالسة مكتشوف والو وهزات داك الغطا على وجهها قبل مايهزو لقاتو قدامها وقالت ليه كتسوط
تخنقت ..خنقني
بدا كيضحك وجلس قاليها حتى انا تخنقت
بغا يحل العقدة ديال العنق وعطاها ليها قاليها حلي يا فكاكة الوحايل
ضحكات حلاتهم ليه وحيدها وقرب منها كيشوف فيها بشهوة عاض سنانو قاليها
موحال تصبحي الصباح ..
قالت ليه علاش ؟
قاليها عرفتي شحال وانا مجرجر وراك من نهار خلتي للقصر
قالت ليه فييين اودي هاد تجرير كاع عمرني شفتو
حرك ليها راسو بالايجاب قاليها تجرير انا اللي حاس بيه .. كاع طاقتي فالصبر ديتيها نتي
قلبات عينيها كضحك قالت ليه هادشي جديد امولاي!! عاد كنسمعو
شد ليها فيدها كيشوف فيها ويتأمل ملامح وجهها وقرب ليها باسها فخدها وحدة فنيفها وحدة فعينها حتى وصل لشافها وتكاها تما كيسبح هوا وياها فلهيب العشق.
وهوا كيحيد ليها حوايجها ويبوسها قاليها عكرك درتي شي حاجة فاش كنتي فمهة التجسس
عقدات حجبانها ماعجبهاش الحال قالت ليه شنو؟ شنو كنبان ليك سلعة رخيصة
بغات دور وجهها لاكن شدها قاليها غير سولتك احبيبتي علاش بالزربة كتقلقي
رجع وجهها احمر قالت ليه هادا ماشي سؤال
سد ليها فمها ببوسة وتجرد من حوايجو وقبل مايحد اخر قطعة عليها بغات طفي الشمعة وشدها قاليها خليها
قالت ليه لا طفيها حسن
قاليها لا غير خليها باغي نوف وجهك
قالت ليه طفيها غير هاد المرة باش نرتاح
رخا ليها يدها طفاتها ورجعات تكات بلاصتها .
صبح الحال والفطور كيوجد للعرسان وروح الندى غادية جاية كتسول واش خرج ولا مزال ..اللي فيها مامهنيها واخا ماعندها بيه غرض بغاتو غير يخرج من جناحو وصافي
وصلو الخدم الفطور حتى للباب لقاوه مسدود والعبيد تما وردوه للمطبخ وعاودو رسلو اللي يشوف واش الرماح تحيدات لقاهم تحيدو وردو الفطور هازينو ودقو دخلو غير البنات حطوه ..كان الامير فايق لابس لباس بلدي خفيف شفاف كحل ويمامة جالسة فبلاصتها لابسة التحتية ديال التكشيطة ومغطية وشعرها محلول
هز الامير راسو قال لوحدة من البنات تكلم ليه عبدية ومشات كطير في حين هز كاس ديال الماء داه بابتسامة ليمامة عطاه ليها شربات وهوا كيمسح على شعرها وشوفها فيها حتى دخلات عبدية وشار ليها بيدو تمشي عندها تشوفها وخرج من تما
وقفات عبدية قالت ليها اش واقع ؟ ياك لاباس؟
بقات يمامة كتشوف فيها قالت ليها الدم مابغاش يحبس
استغربات عبدية وجلسات قدامها قالت ليها كيفاش الدم علاش؟
قالت ليها يمامة ماعرفتش كيهبط بزاف
لاحت عبدية الغطا قالت ليها نعسي نشوف
نعسات يمامة على ضهرها حلات رجليها حشمانة من عبدية وغير شافتها قالت ليها ويل الشيطان!! علاه نتي باقا عزبة؟
قالت ليها يمامة اه
قالت ليها عبدية ويلي وحدي كيفاش هادشي علاه فاش كنتي كتمشي عندو عمرو قاصك؟
قالت ليها يمامة لا
عطاتها عبدية وقالت ليها هااكا وا !! نوضي مكاينش شي دم بزاف غير شي حاجة وصافي..
بقات كدور وتشوف وتقلب قالت ليها ديري شي حاجة حتى تبراي ..على السلامة ديالك
جلسات يمامة بشوية قالت ليها ماوقع لي والو؟
قالت ليها عبدية اش غيوقع ليك راهم ولدو جوج وثلاتة ماطرا ليهم والو
طلقات يمامة القفطان. عليها وجابو ليها الوصيفات قفطان جديد ابيض لبسوه ليها وهي واقفة في حين خرجات عبدية عند الامير اللي كان كيسرح رجليه برا قالت ليه الله يكمل بلخير اولدي الله يسخر
تبسم قاليها امين ادادا عبدية
حدرات راسها مشات كضحك ودخل لجناحو لقا يمامة واقفة والوصيفات كيقادو ليها حوايجها وشعرها وهي كضحك وقف قدامها شد ليها فكتافها قاليها رتاحيتي دابا؟
حركات ليه راسها بالايجاب ومشات جلسات حداه تفطر هي وياه
تنات رجليها كتفطر والوصيفات واقفين فجنابهم حادرين الراس .. يمامة تحل عندها باب المشاعر لكبير واللهفة والشوق وبلا متحس ولا تنوي كنلقا راسها قريبة منو كتحاك معاه ولا تحط يدها على صدره وبعد المرات تبوسو فعنقه ومرة مرى. تجر ليه وجهه تشوف فيه ويشوف فيها بقات على داك الحال حتى كملات فطورها وناض يدوش باش يصلي وناضت عنقاتو بقوة وحطات راسها على صدرو وهوا كيمسح على شعرها ويبوسها .. قالت ليه غنمشي بيتي حتى تحمم وتصلي وعيط لي
باشها فشفاهها برضى ومشات خرجات. فرحانة ماهازاهاش الارض رجعات لبيتها وغير ماقال ليها راسها فديك السعادة اللي عايشة ناضت استلهمات دخلتها وكتباتها فقصيدة شعرية كتقطر بقلة الحياء وصفات فيها بعارات و كلمات كل ما وقع وجرا فسطور جميلة حتى سالات وطواتها وحطاتها فصنيديقة قدام مرايتها .
دوشان وبدلات وصلاة وخرجات هزات اصيل الصغير هبطاتو معاها ومشات عند الامير شدات ليه فيدو ومشات هي وياه كتسارا فجنان القلعة وتجمع هي وياه حتى وصلو لبلاصة بعيدة على عينين الناس وتلفت عندها قبلها بشغف حتى ساحت وناض الولد كيغوت من الغيرة ويقول
مماا مااا
شافت فيه يمامة كضحك قالت ليه ها ما .. غرتي عليا الحبيب ديالي
دوزو اسبوع ديال العسل الحر وفاليوم السابع رجعات شادية وكلها لهفة تشوف اش وقع وتعرف .
اول حاجة بدات بيها فاش استقرات طلبات تشوف الامير واستقبلها بالاحضان رحب بيها وهي عينيها غير كيدورو فجناحو كتشوف شنو اللي تبدل وشنو اللي مانبدلش. ساعا ماوصلات لوالو
تبسمات وجلسات معاه شوية قالت ليه توحشتك امولاي ونتا
عنقها قاليها معلوم توحشتك خليتي بلاصتك
هبطات راسها كضحك وجرها عنقها قاليها كي دوزتي هاد السبع ايام
تنهدات قالت ليه بلا متسولني .. الحمد لله اللي لحقات عليا يامنة ختي وراجلها ومي اما كن حماقيت
مسح على يدها قاليها على سلامتك الزين ديالي .. فين الاولاد؟
قالت ليه ناعسين امولاي عيا و. بالطريق
طبطب على كتفها برضى وجلسات معاه العشية كلها وهوا كيمضي السهام ديالو
وبالليل دخلات عبدية بطلب منو قاليها جيبي لي شادية .. بلا متحس يمامة ..
قالت ليه هادشي عادي اولدي علاش كتعيط بالتخبية
قاليها خلي كل واحد على خاطرو بلا منفرحو شي ونكسرو شي والمسألة بسيطة خصها حركة .. يالاه قضي على بيدمن تستاقر الاوضاع
خرجات مشات علمات شادية توجد راسها ودارت حفلة خفيفة بين البنات تلهي بيها يمامة اللي مزالة عروسة ومشات الخطة كما بغاها يور وصبح كلشي راشقة ليه ..لا شادية تقول تزوج ولاحني وجيت من السفر ماداها فيا
ولايمامة تقول مزالة عروسة وطلب مرتو اللي ضرب معاها سنين ومنين ونساني انا . الحيلة حسن من العار
.. على الاقل حتى يتعودو شوية بشوية وغير بالسياسة
استمر الحال على ما هوا عليه وكلشي في امان الله والخدم والعبيد كيحاولو مايخليوش المشاكل تنوض فالقصر بين زوجات الامير بالخصوص مللي مكاين لا جواري فالقلعة اللي يزيدو الفتنة ولا حريم اخرين من غير الزوجات ديالو ومو واولادو
كل وحدة داخلة سوق راسها ..يمامة عارفة شادية نص نية نص هبيلة شي شوية بالنسبة ليها ومقارنة معاها ومبعد ة منها مابقاتش كاع كتدي عليها ولا دايراها فبالها
وشادية عارفة يمامة سليطة اللسان وافيقة وعايقة فأي لحضة طيحها فزوبية. وهادشي علاش عاطياها تيقار مكتجبدها مكدور بساحتها حتى بالنوايا
وبجوج مهنين من الحرب والصراعات حيت حتى وحدة منهم ما هي ام ولي العهد وبجوج كيتنافسو على شكون تكون الام المثالية لاصيل الصغير وهادشي من سعدو هوا اللي عندو جوج ماوات وجداه حاضياها وحاضية كلشي من بعيد
جا النهار اللي جا فيه قرار من عند السلطان فمرسول وصل ليد الامير يور وتبدل لونه من بعد ما قراه ومشا نيشان عند روح الندى يخبرها
قاليها على سلامتنا تم التفاوض ونساحبو الصليبيين من قرطبة ودخلات تحت سيادة السلطان
قالت ليه بسعادة ايوا مبروك .. هادا نهار كبير
قال ليها ماشي غير هادشي وصافي
رسمني والي عليها وكيأمرنا نرجعو فاقرب وقت
حلات روح الندى عينيها مصدومة قالت ليه نرجعو !
قاليها وفأقرب وقت
قالت ليه وشنو قررتي نتا ؟
قاليها انا فرحان برجوع قرطبة .. السلطان دار مجهود يستاحق عليه السمع والطاعة
قالت ليه بتساؤل هي نوجعو ؟!!!
———-
تجمعات القافلة من جديد وشدو الطريق واخا طويلة كلفاتهم شهر والزيادة
وقبل ميوصلو لساحل الاندلس وفالسفينة الكبيرة اللي هازة الخدم والحشم وحتى الخيول والعربات ا اللي جاو فيهم من البر .
كانت يمامة واقفة فالجهة المخصصة ليهم كتنمضر فالبحر وقدامها روح الندى جالسة ساهية وشاردة كتسترجع الدكريات حتى قفزاتها يمامة شادة فمها وناضت كتجري قدامها مشات تقيات حتى سخفات وهبطات لسريرها حزمات راسها وتكات
تكررات معاها عدة مرات حتى لواحد الساعة كانت كتهضر هي والامير على التعب والارهاق فالاسفل قاليها مالكي كاع موقع ليك هادشي المرة اللي فاتت فاش كنا مسافرين
قالت ليه ماعرفتش مالي ماقدراش نتحمل حاسة براسي كنغرق
قبل ماتكمل كلامها شدات فراسها دايخة والسفينة كتمشي حتى كانت غطيح وشدها بين يديه حطتا بشوية وهي كتهضر وعينيها مقلوبين قالت ليه غنموت
تكاها بلاصتها شد ليها وجهها قاليها مغتموتيش.. رتاحي هنا
طلع ليها رجليها غطاها وطلع لفوق للسفينة وهوا ملوي واحد الشد على راسو وففمو واحد العود رقيق كيلعب بيه قال لعبدية نزلي شوفي مال يمامة هادي سيمانة وهي على نفس الحالة
نزلات عندها لقاتها مشبحة كتمايل فسريرها وجلسات جنبها حطات يدها على جبهتها قالت ليها شنو كيضرك
ودات عثها يمامة وعينيها مقلوبين قالت ليها غنموت ..غنموت
شمرات عبدية على كمامها بدات تقلب ليها كرشها وتفحصها ونوضاتها قالت ليها نوضي بولي فهاد الطاس نوضي
نوضاتها شادة فيها بالت وفحصات عبدية البولة بطريقتها التقليدية ومشات عندها كضحك قالت ليها هادا الوحم ..الله يتبت الغرس
خلاتها مصدمة مقلوبة بحركة البحر وطلعات عند يور خبراتو بالخبر بنفسها .نزل فرحان عند يمامة جلس جنبها وتكا عليها باس جبهتها كيضحك قاليها هادا غير ولدك ولا بنتك صبري ليه شوية
شدات راسها بتعب قالت ليه ماقدراش نفرح راسي كيدور فوقاش نوصلو ..
قاليها مابقا والو صبري شوية يوم ولا يوماين وها حنا وصلنا للمينا
قلبات وجهها كتحل وتسد فعينيها قالت ليه يوم ولا يوم ..
شدات كرشها ودارت يدها على فمها قالت ليه مغنوصل حتى نموت
تكا عليها بعد الشعر على وجهها باسها وقاليها صبري شوية العوينات ديالي راه الحمل هوا هادا قليل ماداز على شاد..
سكت ماكملش الجملة واخا خرجات بعفوية ولحسن الحظ مادات ماجابت مقلوبة بالطريق والميل ديال السفينة اما كن طاحت ليه بالعضام وهي على سبة..سكت قلب الهضرة فالبلاصة قاليها دابا يولي هادشي غير تعاويد
قالت ليه النفس مكنقدرش نطلعها
عاود باسها وقاليها رتاحي غير بشوية عليك غادي نوصلو مابقا والو
سدات عينيها وحلات فمها سخفانة بحال شي سكرانة كتتمايل
بقا معاها كيحك ليها راسها ويلعب فشعرها حتى نعسات وغطاها ناض طلع عند روح الندى لقا لخبار وصلاتها من عند عبدية ..شافتو وتبسمات قالت ليه يتربا فعزك الله يكثر من الزريعتك اولدي الحبيب
باس راسها قاليها الله يخليك ليا الغالية
تنهدات كتبسم شافت فالبحر واستمرت السفينة غادية حتى وصلو ولقا استقبال حافل جدا ..استقبلوهم بالفيالة والجمال والموسيقى والرقص وانطلقت القافلة من جديد في طريقها لقرطبة نيشان
وصلو مع المغرب لقاو العوافي شاعلة والمدينة مزينة والشعب فرحان باستقبال سلطانهم اللي رجع فالاصل والي على قرطبة ودارو ليه احتفال مكانش متوقعه .
الطريق كلها والرجال كيلعبو بالعوافي والموسيقى تابعاهم والنفار كينفر والاجراس كتطرق .
كانت شادية كتفرج من عربتها هي وبنتها وكتوريها المنضر والشعب مصاف كيتسناهم يدوزو ومها قدامها جالسة شادة حفيدها وكضحك وتهز فرحانة . ومن فوق الفيل كطل بين الخوامي روح الندى وتتمنضر عاجبها المنضر ..اما من عربة اخرى طلات يمامة بعينيها مسدودين كتشوف بزز ومع الطلة تقيات طلات الدنيا ورجعات اللور وجنبها الوصيفات مقابلينهز ومقابلين اصيل الصغير ..
اما فمقدمة القافلة كان الوالي يور كيشير بيدو للشعب بسعادة واندهاش من داك الاستقبال حتى وصل للقصر ودخل لداخل لقا الاصيل واقف ويديه وراه وجنبه الامير سلطان وحكيم عل يدو ليسر .
نزل يور سلم على الاصيل بالاحضان وتبادلو المبركات وقرب سلطان كيشوف فيور بابتسامة بريئة ..تردد يور فالاول لاكن قرر فديك اللحضة يبدا صفحة جديدة مع اهله وحبابو وفتح يديه لسلطان اللي درعو وقاليه
خويا..على سلامتك
ضمه يور وقاليه الله يسلمك
بقاو كيهضرو بجوج ويضحكو في حين مشا السلطان حدا الفيل وميل راو مصغر عينيه كيتسناها حتى نزلات وبحال العادة متحسسة منو وغير كدور فعينيها
تبسم وقاليها دوري حتى تعياي وترجعي ليا
دورات وجهها ساكتة غلباتها الضحكة وغطات نيفها تقدمات قدامو كتشوف فالارض مشات حدا ولدها ووقفات كتفادا تشوف فالسلطان اللي مابغاش يحيد عينيه عليها. حتى خرجو الزوجات وحدة متقلة بالولاد ووحدة متقلة بالدوخة والوحم مقادراش توقف حتى الوقيف .. بزز باشوثفوها قدام السلطان باست ليه يدو قالت ليه على سلامتك امولاي
بدا يور كيضحك وتلفت عند الوصيفات قاليهم دخلوها ترتاح
تقدمات شادية حدرات راسها هازة ولدها فيدها وجنبها مها هازة البنت باست ليه يدو وقاليه يور
تيليلا بنتي..و محمد يور ولدي
حل السلطان عينيه هز تيليلا قاليه مشاء الله كبرات الله يحفضها
باستو فخدو وحطها وقربو ليه الولد باقي صغير يالاه فالاشهر الاولى مسح على راسو وقاليه الله يكبرو فطاعة الله
تبسمات شادية حدرات راسها ودخلات هي ومها وولادها وتلفت يور عند عبدية اللي جايا وهازة اصيل الصغير وهوا باغي ينزل
شدو يور هزو قاليه سلم على جدك اولدي
قاليه السلطان تبارك الله كبرو مشاو صغار .. الله يحفضهم
قاليه سلطان الله يخليهم ليك اخويا
قاليه يور العقبة ليك ان شاء الله
قاليه السلطان حتى هوا تزاد عندو ولد
فرح ليه يور قاليه الله يحميه ويكبرو فطاعة الله
قاليه سلطان امين
ودخلو للقصر كاملين جلسو فواحد الصالة والخدم كيتجاراو ويجهزو العشا لكاع الناس
كانت مرى فالقصر استقبلاتهم كتوريهم البيوت ..سبقات شادية هي اللولة يمامة للبيت الزوين اللي كان قريب من جناح السلطان وستوطناتو بامها واولادها وفرحات بيه حتى ماقداتها فرحة
اما يمامة البيت اللي دخلوها ليه نعسات فيه ماشافت لا هاكا ولا هاكا كانت باغا غير تنعس وفعلا نعاسات وطاحت جوج خطرات من فوقالسرير بسبب الدوخة دالبحر اللي مابغاتش تحيد منها وكيجيب ليها الله مزالة فوق الماء حتى فالاخير فرشو ليها الوصيفات فالارض وتكات تنعس لاكن ماقدراتش تصبر على الارض وعضامها ضروها ورجعات لسريرها دايخها طلعات نعسات وقالت ليه بصوت تقيل
والنعاس كيديها ويديها كيترخى
حضويني من جنابي لا نطيح
نعسات وخلاتهم فعقوبة جالسين بجناب السرير جوج من هاد الجهة وجوج من الجهة لاخرى فكل مرة تقلب يتعرضو ليها بالمخاد وناعسة وكتنين تقول ناعسة على الشوك
تكات شادية فوق سريرها الكبير وعضات شنايفها قالت لمها عندنا الزهر سبقانها ..اما كن راه ناضت الحرب على هاد البيت الزوين
قالت ليها مها وهي كتبدل للتربية
انا جاتني ماشي حتى لهيه..واه!! بزاف على الدوخة دالبحر المرى تقول ضربها عجل
قالت ليها شادية وهي كتمرح فوق السرير
ايوا يمكن مكتقدرش تصبر ..اصلا هي على سبة هاكاك دايرة خليها فالتيقار وخلينا فالتيقار غير ماتجبديهاش امي بشي كلمة مناقصنا صداع الراس
دارت مسعودة يدها على فمها قالت ليها ها فمي ها هوا
جلسات روح الندى وسط جناحها القديم كدور فيه وتشوف فيه وتنهدات قالت لعبدية توحشت هاد البيت.. وشحال كنت كنرتاح فيه
قالت ليها عبدية هانتي وصلتي ورجعتي ليه
جلسات روح الند
وقالت باسى غير دخلت لاندلس تفكرت يحيى اعبدية.. يعلم الله بحالو مسكين
قالت ليها عبدية ها العار الي ماجلسي وديري عقلك ..رجعنا للهبال عاوتاني
قال ليها روح الندى ماتنسايش راني على دمتو اعبدية ..خصني ولابد نحل هاد العقدة..ونطلب منو السماحة اولا
قالت ليها عبدية خلي هاد الليلة دوز على خير ويحن الله
دازت اللامة والعشا ورجع السلطان بحالو ودخل يور مشا نيشان كيسول على يمامة وفين حطوها ..دخل لبيتها لقاها ناعسة كتنين وتتمايل والوصيفات ضايرين بيها ..وقفو ليه فصمت وقرب طل على يمامة وقاليهم كيف بقات شوية
قالت ليه وحدة من الوصيفات عاد نعسات امولاي
قاليهم ردو ليها البال ماتغفلوش عليها
مسح غلى وجهها وخرج خلاها ناعسة مشا لجناحو لقاه كيشعل شعيل ومزين ومضوي بالشموع .
جلس يرتاح وبغات وحدة من الخادمات تعاونو يبدل حوايجو لاكن شد ليها يدها بعفوية حدا كتفو وقاليها سيري كلمي لي شادية
حدرات ليه راسها ومشات لجناح شادية دقات ودخلات خبراتها ..بالفرحة ناضت ديك الساعة مشات كتجري خوات على لحمها الماء وغسلات فرمشت عين وخرجات لبسات وقادات الحالة. غيا وتعطرات ومشات كتجري ومها غير منبعة ليها العين كطير من بلاصة لبلاصة حتى خرجات فمرة مشات عندو
دخلات مبسمة قالت ليه مولاي باقي مانعستي
قاليها كنتسناك تجي تعاونيني نبدل..اش هاد تعطيلة
مشات كضحك وقفات وراه كتحل ليه حوايجو وتحي. ليه وقالت ليه كنت كنعس الدرادي
شد ليها يدها جابهاقدامو وقال ليها
وانا شكون ينعسني؟
حطات يديها على صدرو كضحك قالت ليه نتا هو الاول
هز حاجبو قاليها يالاه بيني ليا نشوف واش توحشتيني ولالا
هزها حطها فالسرير كضحك وتقلب عليها دوز معاها ديك الليلة حتى صبح الحال
صبحات روح الندى خارجة من القصر ماقدراتش ترتاح حتى تشوف يحيى وتصفي معاه الخواطر على ما جرا. وشدات الطريق هي وعبدية نيشان لغرناطة وللرياض وماتنفسات حتى وصلات ودقات فالباب
حلات ليها بنتو. مرجانة الباب وبقات كتشوف فيها مطولا كتفكر فين سبق وشافتها لاكن ماقدراتش تعقل وقالت ليها
شنو بغيتي الاللة كتسولي على شي واحد؟
قالت ليها عبدية كلمي ليا لاللة عيشة
بقات كتشوف فيهم مرجانة باستغراب ودخلات كلمات لاللة عيشة ووقفات وراها تعرف شكون ..اير شافتهم لاللة عيشة تصدمات وحلات الباب دخلاتهم ومرجانة كتسول شكون هما ولاللة عيشة كتلفها حتى نفاردات بيهم فجردة صغيرة ماسمع حد خبارهم وقالت ليهم
الله يا لاللة روح الندى اش هاد الغيبة ؟ اش وقع واش جرا
دورات روح الندى عينيها قالت ليها يحىيى مكاينش؟ شفت غير بنتو
؟!
قالت ليها لاللة عيشةالشي يحيىى؟ علاش مافراسكش
قالت ليها روح الندى ووجها اصفر
لا مافراسيش!
قالت ليها لاللة عيشة السي يحيى مات الله يرحمو مسكين
حطات روح الندى يدها على فمها مصدومة قالت ليها مااات!! كيفاش مات
تنهدات لاللة عيشة وقالت ليها مات مفقوص.. ماداز عليه الشهر من موراك حتى دا مول الامانة امانتو ..
شدات روح الندى وجهها وفاق عليها ضميرها وعبدية مصدومة كتشوف وترمش
قالت ليها روح الندى انا السبب..انا سلاطيت عليه انا السبب عمرني نسامح لراسي ..
قالت ليها لاللة عيشة لااالا الله روح الندى.. الى عقلتي نفكرك ..فاش كنتي كتغيبي بالايام كان ديما كيطيح مريض من وراك .. ولاكن فاش خليتي ليه المرسول كانت هاديك هي اللخرة ليه.. وقالي قبل ما يموت الى شي نهار ضهرات وصيها تسامحني
قالت ليها روح الندى علاياش غنسامحو ؟
قالت ليها لاللة عيشة اللسي يحيى كان مسكين مريض والمرض عندو فالقلب..قاليه الحكيم مرضك ماعندو دور ولا علاج ..صبر حتى يدي مول الامانة امانتو ..وشحال من مرة كان كيبغي يقولها ليك وكيخاف تسمحي فيه .. فالحقيقة الاللة روح الندى السي يحيى عشقو ليك فات القياس..حتى فنا ليه عمرو وجاب اخرتو ..
حلات روح الندى فمها مصدومة قالت لها علاش مالهاش ليا؟؟ علاش بقا ساكت؟ كن قالها ليه كنت نقدر نعاونو ولا نوقف معاه ..ولا على الاقل ما نكونش السبب فموتو ونجلس ونراعي ليه. علاش سكت ومقالهاش لي
قالت ليها لاللة عيشة هادا مكتاب الله .. الموت كان تابعو تابعو كما تابعنا جميع .. هادي هي الحقيقة
طيحات روح الندى الدموع حجر كتبكي قالت ليها مسامحة ليه دنيا واخرة ..الله يسمح للجميع
سمعو صوت الغاشي والغوات لتحت ونزلو من ديك الحديقة اللي فالسطح كيجيرو لقاو حراس الاصيل فقلب الرياض وهوا بشحمه ولحمه داخل مع الباب وطالق عينيه كيشوف فالرياض..
تصدمات روح الندى ودارت يدها على فمها متوقعات يكون حاط عليها العين خصوصا وهيا يالاه وصلات ..لاكن فالحقيقة الاصيل عمرو نسا ديك المنامة المشؤومة ولا قدر يخرج روح الندى من بالو ولا قدر ينسا شي حدث ولا كلمة مللي حلم .
قربات ليه روح الندى كتشوف فيه قالت ليه شنو واقع ؟
هز راسو صغر عينيها فيها قاليها شنو كديري هنا؟
قالت ليه علاش امولاي هاد السؤال ؟
خرج عينيه فيها قاليها سولتك جاوبي..شكون هاد الناس؟
هزات راسها وجمعات النفس قالت ليه هادي لاللة عيشة رفيقتي وهي مولات هاد الرياض ..وهادي بنتها لاللة مرجانة .. جيت نجلس معاهم شوية ونستوجعو ذكريات زمان
بقات مرجانة مصدومة غير كتشوف فيها مافهمات والو ومن خوفها سكتات
جا حارس من لداخل كيجري حد ليه راسو قاليه مكاين والامولاي..حتى اثار الرجال مكاينش
فهماتو لاللة عيشة علاش جا وتبين انه تابع شكه حتى يوصل للقين لاكن مسحو السما بليكة وحنات لاللة عيشة راسها قالت ليه. هاد الرياض مكاين فيه حتى واحد امولاي من غيري انا وبنتي مرجانة اللي كتجي عندي هي وولي ها وتخوي دارها فاش كيسافر راجلها التاجر ..اما فالايام العادية كنضل غير وحدي وكنحفظ النسا والصبيان القرآن الكريم
حول نضره فداك الرياض كيتمعن وشاف الواح كثيرة مغسولة كتمشف فواحد الجهة جهة الشمس ورجع شاف فروح الندى بنص عين شار ليها براسو تبعو وخرج وخرجات وراه كتجري مهبطة راسها وخواو الرياض مشاو بحالهم
بعدو على المدينة فطريق بين قرطبة وغرناطة ووقفالسلطان تحت النخل والضل ونزل من فرق العود مشا خرجها من العربة ديلها خلعها ووقفها قدامو قاليها شنو مخبية عليا؟؟؟ هضري تكلمي
قالت ليه شنو غنخبي عليك وعلاش غنخبي عليك؟
قاليها كنتي كتعرفي شي راجل؟
حلات عينيها مصدومة لاكن نكرات قالت ليه نهار نعرف كولشي غيعرف
قاليها جاوبي على قد السؤال ..عرفتي شي راجل؟ حملتي؟ ولدتي؟. جاوبي
داد كمل عليها بالصدمة ونكرات تاني قالت ليه مولاي ؟ اش هاد الكلام؟ واش معقولة نحمل ونولد وانا قدام ولدي بشلاغمه !! فين بان ليك هاد الحمل ولا هاد الولد!!
قربات كتشوف فيه باستغراب وتصدمان قالت ليه مولاي ؟! واش لاباس عليك!! وياكما واقعة لعقلك شي حاجة الله يحفظ خاصك ولابد يشوفك الحكيم !! هادشي ماشي طبيعي
خلاتو كيفكر حتى طاح ليه الشك فراسو ويالاه بغات تمشي جرها من يدها كيحنزز فيها وطلعها وهبطها مزيان حتى تخلعات بقات كتشوف فيه وسلات يدها بشوية قالت ليه شنو بغيتي
قاليها بتشكيك انا حاس بيك مخبية شي حاجة عليا
ضحكات قالت ليه علاش شنو بيني وبينك باش نخبي عليك؟
هز حاجبو جرها عندو بقوة خرج عينيه فيها وقاليها عرفتي الى لقيتك مع شي راجل اخر غنحرك نتي وياه
باسها بالقوة حتى طوش الدم من شنايفها وطلقها قاليها. واسيري دابا فحالك
طلع على العود وشار لواحد من حراسه قاليه وصلوها للقصر
بقا كيشوف فيها وهي حاللة فمها وزاد مع الطريق وعبدية واقفة مدرقة وجهها خلاتو حتى مشا عاد قربات قالت ليها زيدي سكتي ليا القلب
قالت ليها روح الندى واش باسني!!
جراتها عبدية كتنفخ طلعاتها فوق العربة وجلسات كتشوف فيها وفوجهها اللي رجع احمر
حطات روح الندى يدها على قلبها قالت ليها قلبي غيسكت
قالت ليها عبدية ايوا لاباس اللي باقي كيدق
رجعو للقصر ومشات نيشان لجناحها قاطعة زي وطاحت نعسات عاضة شنايفها مصدومة
من ديك الساعة ماعاودات عتبات الباب وقطعات الحس بقات على ديك الصورة اللخرة وكل شوية تحط يدها على فمها ..
دوزات واحد الشهر داخلة سوق راسها وصوتها مكيتسمعش
صبح الصباح الحال فوحد الصباح من ايام الله ..وصبحات يمامة جالسة كي الناس وعاد بدات تستوعب اش واقع فالدنيا وفاتتها شوية الدوخة لاكن الخاطر مكاينش من نهار جات ماهضرات مانطقات عطاتها للنعاس والرضان حتى نسات شكون هي وفين هي .
ناضت اول حاجة دارتها كمدات عضامها بالعشوب ودوشات وراسها كيتمتيل جلسات ليهم فالحمام بزز ..
خرجات وجلسات جامعة رجليها غير كتنهد وتسوط لبسها الابيض والبيج كما كتبغي وحطو ليها الماكلة كما كتبغيها وجلسات كتاكل وتبحث فالوصيفات ديالها وتسول على خبار اللسوق
عطاوها الملخص ديال شنو واقع وشنو جاري فالدنيا ووصلو حتى لشادية وغير سمعاتها شدات جناح كبير فمدرج السلطان وقفات ليها اللقمة وهزات راسها مسحات يديها وناضت وقفات خرجات تشوف بعينيها
مشات وقفات قدام بابو كتشوف فيه ودخلات عند شادية لقاتها كتمشط لبنتها شعرها وبقات كتسرح عينيها فالبيت وقالت ليها
بالصحة والراحة البيت
شافت فيها شادية بنص عين وضحكات قالت ليها الله يعطيك الصحة ..على سلامتك قالو لي مريضة كي بقيتي
قالت ليها يمامة الحمد لله ..
شافتها شادية كتمنضر فبيتها عرفاتها تشمتات وعاد ساقت الخبار لاكن تاقات شرها وقالت ليها
عجبك البيت؟ الصراحة شديتو غير على قبل الدراي كي شفتي تبارك الله كبرو وخاصنا نتوسعو
حركات ليها يمامة راسها قالت ليها مزيان الله يدخلو عليك بالصحة والعافية
تبسمات شادية قالت ليها الله يعطيك الصحة اختي
تبسمات حتى يمامة وخرجات من عندها وبقات شادية كدور فعينيها بنص عين وقالت
الله يبقي يستر مناقصني صدع ياربي بعد عليا شر الخلق..ياربي ماتوريني باس فولادي وفصحتي
بقات كدعي وطلب الله في حين مشات يمامة كدور وتمنضر تسارات على كاع البيوت اللي جنب الامير ما قنعها حتى بيت وفالحقيقة مكان حتى بيت يرصل لبيت شادية اللي شداتو شدة العمى فلضلمة .
رجعات ادراجها لجناحها وجلسات دايرة يدها على خدها ساهية وجنبهاوصيفاتها كيدورو بيها وحدة من هنا وحدة منها وكل وحدة كتتغزل فيها من جهة باش دير ليهم شي زردة وشي لامة كيما مولفة وكما كانت كدير فتارودانت ..دور دور وتجمع البنات فالزرود والشطيح حتى ولفوها وفين ما تحس بالقنطة طلب وطالب بشي زردة
بقاو عليها الرصيفات كيزنزنو عليها فودينها فاللخر لاحت يدها بملل قالت ليهم ماعندي خاطر لوالو هاد الساعة..مابغيت نسمع لا صدع لا طقطوقة
قالت ليها وصيفتها. غير حاولي الاللة راه الوحم هوا هادا.. الى مخرجتيش راسك من هاد الغمة شكون غيخرجك. منها
تنهدات قالت ليهم مافياش ..
جلسات جنبها وحدة اخرى قالت ليها غير حاولي الاللة .. الى ماعجبكش الحال صافي نجمعو نطويو
بقات ساكتة مقالت والو وناضت قالت ليهم غنعس شوية مايفيقني حتى واحد
طلعات على سريرها طاحت نعسات وجلسو الوصيفات مجمعين بصوت خافت
قالت وحدة لوحدة بملل
من نهار جينا هنا مافرحنا.. اففف مليت من قلة مايدار
قالت ليها الثانية وحتى لاللة يمامة من نهار طاح داك تيلاد فكرشها ما جادت علينا بشي دهيبات ..مولفة غير تنشط ويعجبها الحال تجلس وتعطي لكل وحدة شوية
جلسات جنبهم وحدة اخرى قالت ليهم علاش مانديروش ليها حنا اللامة؟؟ مزيانة ليها ولينا..عرفتو البنات سمعت على واحد التاجر جاب شي تواب كتهبل..خصنا غير باش نشريو ونفصلو ونلبسو هه
دارت وحدة اخرى يدها على فمها قالت ليهم خوخة عندها الحق. كل وحدة فينا عندها غرض عند لاللة يمامة ..اجي نتجمعو ونديرو ليها هدية نباركو ليها حمالتها ..واه البنات واش حتى مبروك ماقلناها ليها وهي كانت ديما كتجمعنا مكاين غير النشاط هاهوت شاط حتى ولينا نعسو والزغارت فودنينا
كحزان عندهم وحدة كدور فعينيها وضحك قالت ليهم لوكان تشوفو هدية مولاي ليها البنات …كن سخفتو
تحمعو عليها كلهم بلهفة قالو ليها شنو هداها ؟ هضري قولي لينا
قالت ليها وحدة غيكون هداها شي صندوق ديال الذهب
قالت ليها الثانية غيكون هداها اللي يتحرق مايتم
نخزاتهم وحدة قالت ليهم سكتو دابا تسمعكم وتوريكم الهديك كيف عاملة
ضحكات عليها وحدة اخرى قالت ليها مغتسمع وااالو نعاسها تقيل واخا تزغرتي ماتسمعكش هانتي شوفي
طيحات الكاس من فوق الطلبة تقرقب وكلهم تخلعو خافو تنوض ليهم لاكن صدق كلام صاحبتهم ومناضتش تقول ميتة
قالت ليهم كضحك قلت ليكم نعاسها تقيل سولوني انا اللي شحال هادي وانا معاها
قالت ليهم لاخرى ودابا شنو غنديرو؟
قالتليهم العايقة فيهم
كل وخدة تحط ماعندهاعلى قدر المستطاع ..غير هوا تكون هدية مقبولة تروق ليها وصافي
قالت ليهم وحدة انا بعدا عارفاها شنو كتبغي..عزيز عليها العطور والبخور ..وقبل مانجي جبت معايا شوية دالعنبر
قالت ليها لاخرى المهم البنات انا بعدا غنوجد واحد الطرح ديال التريد بالحليب كما كتبغيه
قالت ليها الثانية انا غنصارب ليها واحد العقيق ملون بحال اللي كانت شافت عندي وعجبها
نوضاتهم وحدة اخرى قالت ليهم المهم تكعدو يالاه خليونا نقادو الشغل ..وحدة فينا تبقا معاها لا تقلب من داك السرير
خرجو بشوية تسلو خلاو معاها وصيفة وحدة ومشاو كيوجدو ليها ويقادو ..تعشات العشية ودخل يور ليبيتها لقاها ناعسة ومشا عندها طل عليها وسول وصيفتها قاليها من امتى وهي ناعسة؟
قالت ليه من مور الغدا
شاف فالضو لقاها المغرب وبدا كيفيقها ويحركها حتى ناضت كتنكر بصوت تقيل قالت ليه
ياك قلت ليكم ماتفيقونيش
ضرب ليها فوجهها قاليها نوضي يوضرب الريح شوية يالاه نوضي..غير النعاس النعاس بزاف غتمرضي
حلات عينيها ناضت جلسات كتستوعب وشافت فوصيفتها قالت ليها خرجي حتى نعيط ليك
خرجات الوصيفة وناضت تقابلات معاه قالت ليه اللهم نعس ولا نوض نتفقص ويتحرق ليا الدم
عقد حجبانو مستغرب قاليها علاش مالكي تاني اشنو واقع
دورات وجهها وهزات خنافرها قالت ليه لحتوني بحال الشياطة فهاد البيت ..الى بغيت نوصل ليك خاصني كروسة توصلني
جلس حداها كيتنهد عنقها قاليها مغتولدي حتى طيري ليا هاد الشوية دالعقل لبقا ليا..
ربعات يديها قالت ليه ماشي مشكل .. حسبني ماقلت والو
هبطات راسها كتشوف فيديها ساكتة وناض نوضها معاه خرجها قاليها فيك ما يمشي معايا للصيد؟
قالت ليه لا منقدرش نركب على العود
قاليها ويالاه تخرجي معيا نسرحو رجلينا
قالت ليه مافياش
هز خاجبو قاليها مافيكش!! جلسي
ناض بغا يخرج وهي تنوض قالت ليه صافي هاني غنخرج ..فين غنمشيو؟
قاليها لا غير خليك ناعسة خصني عقل اللي باغيك تخرجي معايا
هزات سلهامها لاحتو عليها قالت ليه هانا دابا علاش غتفقصني وانا حاملة؟ مافيا اللي يتفقص
قاليها الى مافيك اللي يتفقص بقاي ناعسة
خرج خلاها فالبيت كيحاول مايتماداش معاها فالفشرش كتر من اللازم حيت عارفها عكسية والى ضسرها غطغا وتجبر ويدخل معاها فالصراعات هوا فعنى عنها .
خلاها تابعاه وهوا غادي حتى خرج لبرا وهي وراه كتزرب فاللخر تعصبات قالت ليه راه غتهضني
وقف ضار عندها حتى وصلات ليه وشدات فيه مشات معاه
وصل مرسول للقصر قاصد روح الندى ودخلوه ليها لجناحها ..شداتو قراتو وخرجات عينيها مصدومة فالمرسول وعبدية جالسة كطرز حداها قالت ليها خبار الخير
قالت ليها روح الندى الاصيل كيقول لي هضري مع يور ولا غنهضر معاه
قالت ليها عبدية علاش غتهضري معاه
قالت ليها روح الندى الاصيل باغي يتزوج بيا
خرجات عبدية عينيها قالت ليها ربي ربي!!
قالت ليها روح الندى ماسولني واش قابلة ولا ماقابلة نيشان قالي علمي ولدك
ربعات عبدية رجليها قالت ليها ايوا ونتي شنو عندير
دورات روح الندى عينيها وهزات كتفها قالت ليها مالو الزواج عيب!! ماطلب غير لحلال ! اصلا انا منقدرش نقولليه لا واش بغيتيه يقطع ليا الراس هااء!!
مشات خرجات للشرفة وبقات عبدية كدور فعينيها قالت ليها ايواه. ايواااه.!! يقطع ليك الراس
وقفات روح الندى فالشرفة كتقرا المرسول وتعاودو حتى حفضاتو وماعرفات كيفاش تعلم يور وجلسات كتخمم وتفكر ..لالالا مستحيل تقولها ليه هي وييلي حشومة و اصلا ماعندهاش الكمارة.. ولاكن كيفاش غادي تقولها ليه!! اللهم تقولها ليه هي ولل يقولها ليه الاصيل بطريقتو وتنوض عاد الحرب ديال بصح ..عيات تخمم وتفكر وتقلب شكون هادا اللي عمدو الوجه قاصح ويعرف يوصلها ليه ؟؟ شكوون
حلات عينيها فجأة وقالت ..والله مكاين من غيرك يا لكرطيطة نتي اللي غتقوليها ليه .. نتي اللي لسانك طويل كيسلك فالبر ولبحر
دخلات هازة راسها قالت لوصيفتها سيري كلمي لي سبأ
ضحكات عبدية قاليت ليها سبا خرجات طوطح هي وسيد المير مساليا غير ليك ..هاديك يا تلقايها ناعسة غايبة على الدنيا يا فايقة لاسقة فيه ماعندهاش الوسطية..واش بغيتي بيها بعدا؟
قالت ليها روح الندى هي اللي غادي تقولها ليه بطريقتها ..
شهقات عبدية قالت ليها مالقيتي غير هي!! ماشتيش الى حرشاتو عاد غتزيان
هزات روح الندى حاجبها كضحك قالت ليها مغتحرشوش .. دابا تشوفي
قالت ليها عبدية هانا علمتك
قالت ليها روح الندى خليني نيت نجرها لصفي..غيعجبها الحال الى زعما دخلتها فهادشي غتبغي تبين ليت حنت يديها ..وداكشي اللي بغيت نيت ..مكاينش من غيرها بنت الحرا لسانها كيقطر عسل معاه
جلسات روح الندى كتسناها حتى قالو ليها راها رجعات للقصر
وفهاد الاثناء كانت داخلة هازة كموسة ديال الورد لقطها ليها الامير وعطاها ليها تشبع شمان مع راسها ورسل باقة اخرى لشادية اللي غارقة مع ولادها تقابل هادي وترضع هادا ..رشقات ليها بديك الباقة اللي سيفط ليها ، اما يمامة غير دخلات لبيتها لقات الهدية محطوطة صدماتها والوصيفات ضارين بيها فرحناني كيفرشو ليها ويدهنوها
الطبلة عامرة بالشمع والحنة والتريد بالحليب والزينة اللي كتبغي ..الورد منزل والعطور والهدايا والطعارج محطوطين .. عجبها الحال ومشات لديك الطبلة كتشوف فداكشي وجلسات قالت ليهم جلسو البنات
دارو بيها هزو الطعارج وطلقات وحدة حلوقها بواحد التزغريتة وبداو يحنيو ليها ويحنيو لبعضيانهم ويغنيو وكيتسناوها تشعر عليهم من اشعارها الاستثنائية اللي كضحك واللي كتنبش فكل وحدة فيهم وتخليهم يضحكو شافت فدفار رجلين وحدة فيهم طوال يالاه جات تلقي عليه الشعر وهي دخل عبدية عندهم لقاتهم مجمعين وسكتاتهم وقالت ليها تكلميلاللة روح الندى طالباك فجناحك
عقدات حجبانها قالت ليها انا دابا مشغولة يدي عامرين
تبسمات عبدية قالت ليها غير تكلمي ورجعي للنشاط ديالك
تنهدات يمامة وناضت بالنقش فيدها مشات عند روح الندى ودخلات. حنات ليها راسها وقالت ليها
نعام الاللة ؟
تبسمات روح الندى حتى بانت ليها الضرسة وقالت ليها بالصحة والراحة والحنة ..
بقات يمامة غير كتشوف فيها قالت ليها الله يعطيك الصحة!!
قالت ليها روح الندى اجي جلسي. حدايا
مشات يمامة مستغربة جلسات حداها بحدر وكتشوف فيها وفهاد الحنان اللي هب فجأة وبقات ساكتة وروح الندى كتميع وتتمايل ماعرفات باش تبدا فاللخر تبسمات وردات ليها الهر ورا ودنيها وقالت ليها
نتي عارفة القصة كلها ويور كيعاود ليك كلشي وكيرتاح ليك بزاف ..عارفة شنو وقع فالماضي مع السلطان وكيفاش ولدت معاه
حركات ليها يمامة راسها قالت ليها اه الاللة عارفة
تبسمات روح الندى وقالت ليها نساي كاع داكشي اللي وقع فالماضي.. نتي دابا مرت ولدي وقريب غيجينيمنك حفيد .. يعني غنتشركو الدم .. هادا علاش ختاريتك نتي اللي تهضري مع يور فالموضوع ديالي انا وباه ..
استغربات يمامة وقالت ليها اشمن موضوع ؟
جمعات روح الندى النفس وقالت ليها انا والسلطان كنبغيو بعضياتنا ..كما كتبغيو نتي والامير بعضياتكم ..المشكل هوا فالامير اللي ماعرفتش كيفاش غتكون ودة فعله الى ساق الخبار باللي انا والسلطان غنرجعو وغنتزوجو
تصدمات يمامة بقات غير كتشوف فيها وقالت ليها نتي والسلطان غتزوجو !!
قالت ليها روح الندى داكشي علاش عيطت ليك..الامير كيتفاهم معاك ..وكيسمع ليك ..ونتي كتعرفي كيفاش تقنعيه ..انا اللي معنية بالامر منقدرش نهضر معاه ..هادشي علاش ختاريتك نتي تقوليها ليه ونتي اللي تعلميه
قالت ليها يمامة ولاكن هادا راه موضوع حساس واخا يكون كيتفاهم معايا فكلشي مغاديش يتفاهم معايا فهادشي
قالت ليها روح الندى حاولي معاه .. الى قنعتيه غتكبري فعين السلطان بزاف وفعيني حتى انا ..كن مكانتش عندك قيمة اصلا ماكنتش ندخلك فهادالموضوع
بقات يمامة كتشوف قدامها وتفكر وهزات راسها قالت ليها واخا
غندير مافجهدي باش نقنعو ..ولاكن. بشرط
هزات رو ح الندى واسها بنفاد الصبر وسدات عينيها وحلاتهم قالت ليها نتي عمرك ديري شي حاجة فسبيل الله
دورات يمامة عينيها للجنب كتشوف فجنابها وقالت ليها ايوا ماشي شرط كبير غير شرييط
دارت روح الندى يد على يد قالت ليها اشنو هوا شرطك؟
قالت ليها يمامة شرطي هوا ناخد بيت كبير لاسق مع بيت الامير..واخا مكاينش حداه جناح كبير المهم كبروه وصلحوه كما بغيتو هادا هوا شرطي
هزات راسها روح الندى كضحك بسخرية قالت ليها عرفتي الى قنعتي ليا الامير وتروجت السلطان غادي نخلي ليك القصر باللي فيه ..ونعطيك هاد الجناح نيت عيشي فيه وفرخي فيه ..واللي بغيتيها تحضر المهم قنعيه بهاد الزواج ..انا غنبدا نوجد راسي من دابا حيت هاد الزواج غيتم ومستحيل يوقفو شي مخلوق..لاكن الى رضى الامير غنتزوج ونفسي مرتاحة
وقفات يمامة سرحات عينيها فداك الجناح مزيان وعجبها حطاتو هدف بين عينيها وتبسمات خرجات مشات للزردة ديالها جلسات ناشطة مع البنات حتى خرجات ليها الرشاقة من ودنيها ودوراتهم معاهم وحدة وحدة خلاتهم فرحانين وناضت جلسات فوق سريرها وعطاتهم يديها يقشرو ليها الحنة .
دخل عندها الامير شم روايح العود ولبخور ولقاها جالسة طالقة الشعور ولابسة جوهرة فالايض بحال العروسة ومعطرة ومزينة وقاليها وهوا كيشوف جهة فين كانو جالسين قاليها كنتي محتافلة ؟
قالت ليه بحال العادة
حط الخنجر من حزامو وفك خصره وكان واضح عوال يبات معاها فبيتها واخا شحال مابات معاها حيت كانت مريضة ماعندهاش خاطر .
خرجو الوصيفات خلاوها منها ليه وتلفتات عندو وهوا كيقرب ويتكا على السرير ختى باسها على شفايفها وقاليها توحشتك الحمامة ديالي
تقلبات عليه عضاتو من كتفكو فاجآتو وناض عندها عطاها حقها وحق العالمين حتى جفات وتكات حداه عنقاتو وشدات ليه وجهه قالت ليه فكل مرة كيجي فبالي شي حاجة وكنقول شي نهار نقولها. ليك
ميل. راسو عندها قاليها شنو هاي هاد الحاجة ؟
قالت ليه الى شائت الاقدار وجرا معايا ما جرا لاللة روح الندى وتفارقنا مثلا وكل واحد عاش بوحدو ..وجبت ولد وكبرنا وبغينا نرجعو ..وولدنا مابغاش شنو تقدر دير ساعتها
عنقها وباسها قاليها غنقتلو ونردك ونجيب ولاد اخرين غيرو
قالت ليه متقدرش تقتل ولدك ..كن كانت ساهلة كن راحنا كنضحيو بولادنا ..ولاكن الكبدة صعيبة
قاليها وشنو اللي خلا هادشي يطيح ليك فبالك؟
قالت ليه انا غير تخيلت ..حيت شفت شي حوايج خلاوني نحط راسي بلاصتهم
استغرب قاليها شنو شفتي؟
قالت ليه شفت العشق فعينين لاللة روح ااندى ومكمداه .. باش ماتخسرش ولدها وفضلاتو هوا على سعادتها
دور وجهه وجمع يدو قاليها الوحم غادي يحمقك ..وغتحمقيني معاك
جراتو وهزات ليه يدو دخلاتو بين صدرو وخرجات عينيها ويدها على فمها قالت ليه عممرك ما تعطيني ضهرك واخا يوقع اللي وقع..واخا شنو مابغا يكون .. انا مستاعدة نعطيك الروح ديالي وتعيش بلاصتي .. ولاكن مامستاعداش نشوف ضهرك
بقا كيشوف فيها وتنهد عنقها قاليها مغتشوفيش ضهري
حطات راسها على صدرو وعمضات عينيها ونوا كيلعب ليها فشعرها وقال مع راسو نشوف شنو اللي خلاها تقول ديك التخيلات ..حط يدو على راسها سمع كلام روح الندى معاها وهبط يدو بشوية مع ضهرها فصمت حتى سمعها قالت ليه رتاحيتي؟
قاليها مناش غنرتاح؟
قالت ليه عرفتي شنو كاين؟
هزات وجهها شافت فيه وقالت ليه انا عرفت الميزة اللي عندك.. وليت عارفاك كتقرا شنو فالعقل..مامرة ماجوج درتيها وكنت كنستغرب ..ولاكن مع الوقت بديت نستنتج وفهمت معنى هاد اللمسة
تبسم بهدوء وقاليها ونتي ها الميزة اللي عندك
حط صبعو على دماغها قاليها هادا اللي عندك وسط هاد الراس نعمة شكري ربي عليها
قالت ليه شنو قلتي فهادشي ايور ؟ لاللة روح الندى راه باغا تزوج هي والسلطان ..
سد عينيه رخا راسو قاليها ماباغيش نهضر فهاد الوضوع
تبسمات بمكر وبدات كطلع عليه بشوية وتغطيه بشعرها قالت ليه وهاد الموضوع ؟
فيك مايهضر عليه
صبح الحال وروح الندى غادية جايا فبيتها كل مرة ترسل وصيفة طل على بيت يمامة وتسناه يخرج باش تجيبها عندها .غير خرج جاو عندها الوصيفات داوها عند روح الندى ومع الدخلة طارت عليها قالت ليها شنو قاليك غوت؟. حيح؟ دار شي فضيحة؟
قالت ليها يمامة مقال والو ..المهم راه ساق الخبار ..ودخلتها ليه فدماغو
قالت ليها روح الندى انا مابغيتش دخليها ليه فدماغو بغيتك تقنعيه
قالت ليها يمامة ايوا غير بشوية ماشي بين ليلة ونهار.. دقة دقة ..ليوم دخلتها ليه فدماغو غدا غادي نزنزن ليه فراسو بعدو نحاول نقنعو وشوية بشوية حتى يبدا يبان ليه الموضوع عادي ويقدر يتقبله ..ماشي السلام عليكم صافي واش موافق!! خليه يتعود بعدا يسمع باش يقدر يتقبلها
تنهدات ووح الندى قالت ليها ايوا هنا بقينا
قالت ليها شادية ايوا الى بغيتي تزوجي صبري شوفي شحال صبرت وشحال من مجهود درت !! اللهم تزوجي بلخاطر مايتبعوك مشاكليل ولا تزوجي بالزربة وكلشي ساخط على هاد الزواج والمشاكيل وراك
قالت ليها روح الندى انا الصبر هوا اللي معنديش..منقدرش نصبر. ك غندير نصبر حتى لداك النهار. اففف
قالت ليها يمامة ايوا هادشي اللي عطا الله
تركنات روح الندى خلات الموضوع على يمامة وكل نهار توقف عليها ودفعها باش تزرب ويمامة حتى هي بطا عليها امتى تخوي ليها روح الندى البيت وتدخل ليه ..نهار عاى نهار كتجبد ليه الموضوع وتحلي ليه الكلام وتشعر ليه وتعسل ليه حتى رجع الموضوع جد عادي ورجعات تعاود عليه النكات ويضحكو عليه ..ضحك حتى شبع وهوا متكي حداها قاليها دابا الى ولدات ليا خويا ..شكون يقول لاخر خالي؟
قالت ليه يمامة خوك يقول لولدك خالي هههه
قاليها فآخر يامي يلعب خويا مع ولادي ويردو ليه البال لا يطيح
قالت ليه ومالها اش فيها؟؟ الزواج حلله الله ومك وباك بغاو يتجمعو ..ولاكن الشياطين واقفين فطريق هاد الزواج وكيوسوسو ليك واخا هي راه حاجة طبيعية !! شكون بحالك تحر لعرس مك وباك
هز حاجبو قاليها العرس لا ..هانتي غتخصريها
قالت ليه اسيدي بلاش من شي عرس لا مك لاباك عندهم الصحة لهاد العرس .. واجي نقول ليك ..دابا نتا عارفهم كيبغيو بعضياتهم ..علاش ماتخليهم يتزوجو حسن مايبقاو شوف فيا نشوف فيك فين ما يتلاقاو تبقا الحساسية بيناتكم!! شي حشمان من شي ..ياك هاداك باك وهاديك مك
تنهد قليها واخلي حتى لمن بعد ويحن الله
جراتو عندها قالت ليه شوف ..انا كن بلاصت مك والله حتى نمشي عند ولدي نقول ليه سمع اداك بوراس.. انا وباك ونتا مالك ؟ كن ما الحب كاع مانجيبوك
بقا كيضحك قاليها نتي ديريها وتفوتيها
قالت. ليه والله حتى نديرها ..فالحب مكاين حيا اشمن
عسل عينيه قاليها وريني نشوف
عنقاتو قالت ليه غدا غنمشي عند لاللة روح الندى نفرحها ..على الله تدعي معانا شي دعيوة
عنقها قاليها يصبح ويتفتح
صبح الحال وصبحات يمامة غادية كتجري بلا وصيفات روح الندى ..لقاتها كتحمم ودخلات عليها للحمام قالت ليها بشرااااكي سيدتي ..الامير سيدي يور الله يخليه ليا خرج سوقك نتي ومولاي السلطان …مبارك ومسعود
لوات روح الندى المنشفة عليها وناضت مخرجة عينيها قالت ليها الى كنتي كتفلاي غنصفيها ليك
قالت ليها يمامة ماتقدريش حيت انا اللي قنعتو ليك ..الله يكمل بلخير الاللة
خرجات كضحك مشات بحالها وناضت روح الندى كترعد مقادراتش تصدق مشات كتبات مرسول للسلطان رسلاتو ليه ولغد ليه نيت وصل مرسول من عند السلطان للامير قراه ولواه حطو فالصندوق وخرج لبرا لقا يمامة شادة فيد اصيل الصغير كتساريه فالحديقة ومشا عندها هز ولدو باسه كيضحك معاه وقاليها صافي وصلتي لمورادك؟
تبسمات قالت ليه انا حمامة السلام والحب امولاي..والا مكانش غيجي معايا هاد الاسم اللي عطيتي ليا
تبسم كيشوف فيها وقاليها السلطان ليوم جاي للقصر .. ولاكن مقالي والو بخصوص هاد الموضوع
قالت ليه يمامة ماشي كلشي كيتقال بالفم امولاي.كاين كلام كيتقال بالعين وكلام كيتقال بالمشاعر . اللسان بعد المرات مكيعرفش يعبر خصوصا فهاد المواقف
قاليها ونتي منين كتجيبي بحال هاد العبارات؟ ديما كتغلبيني
عنقات دراعه قالت ليه كنجيبهم من عندك امولاي.
وصل السلطان وكان الامير فاستقباله ..ايوا اللي فراس الجمل فراس الجمال بلا متطق اللسان ولا تنكلم الفواه
اما روح الندى سدات عليها فبيتها ماقدراتش تتقابل مع ولدها ولا مع السلطان
تكتب كتابهم واخا كان الامير مقبوط ولسانو مربوط مالقا ميقول فهادشي وهوا براسو حشم اما السلطان غير كتب كتابو عنق ولدو ورضى عليه هادا ماقدر يقول
جمع النوضة يرجع بحالو وكانت العربة واقفة والامير قدام باب القصر كيشوف فيها ..شاف روح الندى مخبية فملحفتها ودايزة مقادراش تشوف جيهتو وحتى هوا ماقدرش يقرب ليها ولا يهضر معاها وحدر راسو ويمامة وشادية واقفين جنبو مبسمين
حطات يمامة يدها على دراعه زيرات عليه وتلفت عندها بتبسيمة شاحبة ..اما شادية غير شافتها قاصتو شعلات فيها الغيرة واخا مجايبة خبار وشدات ليه فيدو حتى هي وتلفت عندها شاف فيها بنفس التبسيمة عند بالو كانت عارفة وقاليها
حتى نتي اللي كنقول عليك دريوشة طلعتي بخبيرتك
استغربات بقات غير كتشوف فيه وتلفت عنقهم بجوج دخلهم معاه وخلاهم ومشا لجناحو .
مشات شادية كتنهد عندو تبعاتو حسات بيه تزير من جيهة روح الندى ..اما يمامة بالفرحة مشات كتجري لجناح روح الندى دخلات وتشبحات فوق السرير
دخلات شادية ورا الامير قالت ليه هادي سنة الحياة ..شنو غدير نهار تزوج بنتك تيليلا واش غادي تحزن بحال هاكا
تلفت عندها قاليها حتى لداك النهار ويحن الله
مشات عندو عنقاتو قالت ليه لاللة روح الندى حتى هي عندها حياتها كما حتى نتا عندك حياتك واولادك..
طبطب على ضهرها قاليها الله يرضي عليك ..
باس جبهتها ومشا شد القرآن كيقرا فيه شوية في حين خرجات شادية رجعات عند ولادها ورجعات الامور لطبيعتها .
وصلات روح الندى للقصر لقات استقبال دايزو الكلام ..عل حقه وطريقه .. بالحليب والتمر وفجنبها السلطان هاز راسه ماهضر ما نطق ..خلاها حتى دخلات لجناحها اللي كانت فيه قبل وتفرق المجمع عاد دخل عندها لقاها جالسة شهوة منها ..مزنكة ماعرفات باشمن وجه تقابل معاه
وقف وسط البيت كيشوف فيها قاليها عاد الاصل لاصله
دورات وجهها للجنب كدور فعينيها وقالت ليه كنتمنى يبقا هاد الاصل اصل وما يطلعش محرف
قرب منها ووقفها كيشوف فيها شاد ليها فيديها وقاليها من زمان كانت هادي هي بلاصتك..روح الندى للاصيل ..والاصي ل لروح الندى..واخا دازو قدامك شلا نسوان ..وتزوجت قبل منك شكال وانواع. بقات بلاصتك ماقدرات حتى وحدة تستوطنها..
هبطات راسها تنهدات قالت ليه ضاع بزاف ديال الوقت ..
قاطعها قالها ماحدنا مزال فالحياة حتى حاجة مضاعت ..الحياة عاد غتبدا
هز يديها باسهم بجوج وباس جبتهتها وعنقها بقوة وحتى هي عنقاتو وسدات عينيها ..
انتهت 💖
التنقل بين الأجزاء