بدات يمامة الحكاية للسلطان بلسان الحلو وتنضيم كلامها حتى نسا راسو ونسا الواقع ديالو وسافرات بيه متعة التشويق والرغبة فكمالتها ..وهنا بدات يمامة فالجزء المهم من الحكاية ..وهي تكثر من التشويق وتبعد النهاية ..وفكل مرة كتزيد لهفته باش يعرف المزيد كتنتاقل بيه لجزء بعيد حتى كيسرح معاه وترقفه فاللخضة المشوقة وترجع بيه للجزء الاول.. حتى بدات كتلاحظ مشاعره كتتحرك مع القصة. ..مرة يشفق مرة يناقشها على الصح والخطأ فالشخصيات مرة يفرح ويبرد ليه القلب …وهي هتحكي والنهاية كتبعد حتى داه النعاس وخلاتو فالنقطة المهمة اللي تخليه يعيط ليها من بعد باش يعرف الكمالة .. خلاتو ناعس وناضت بغات تخرج حتى سمعاتو قاليها
نتي اللي جيبي ليا الفطور الصباح
تبسمات وحدرات راسها قالت ليه السمع والطاعة يا تاج السلاطين
تبسمات رليها يمامة وقالت ليها حتى انا ..ولاكن باينة غادي نعاني ومانسى شنو عشت حتى تخرج مني
رجعاتها متعة فالنعاس وقالت ليها نعسي وقراي القرآن .. وانا حداك دايرة ودني معاك .. تصبحي عاى خير
نعسات يمامة ونعسات متعة وسرح الليل على القصر حتى باغ الفجر وبداو سكان القصر يفيقو وبدات الاشغال من دا جديد لاكن ماشي بحال كل نهار .هاد النهار صبح على خبر جميل ..خبار غتقلب كاع الهدنة وتهفث المشاكل كلها القديمة وتحيي مشاكل روحية من نوع جديد .
كانت روح الندى فجناحها واقفة كتلبس وتتحهز باش تخرج
وقبل ما تحط اخر جوهرة عليها دخلات عبدية كضحك وراشقة ليها وصبحات عليها بخبار سارة وقالت
صباح النور .. صباح الخير والخمير والضيف الجديد يا لاللة ..سعدي وفرحي
امم متعة ..جيبي ليا هاد متعة نشوفها ..ولاكن ماشي دابا حتى نشوف ولدي..وحطيها فعينيك اعبدية انا ماصدقتش هاد الحفيد جا من بعد هاد السنين كلها ..الى وقعات ليه شي حاجة راه نهد عاد القصر فوق راسكم كاملين
اما روح الندى شدات الطريق كتجري للواد ويمامة خرجات لاسطبل فسلهام ونقاب على وجهها رفقة عابد اللي غادي وكيهضر بوحدو
ايوا عطاتك الايام.. ثلاتين ناقة وفرس تروة هادي
شافت فيه رافعة راسها وقالت ليه مزال غتشوف اكثر اعابد..مدام حياتي غتكمل فهاد القصر حتى للموت فخاضتي نكبرها .. وحتا احلامي وطموحاتي عادي ندخلها لهنا ..مغنرضاش بالقليل ومنخليش حياتي تمشي هباءا منثورا ..رد بالك مني اعابد حيت مانسيتش ليك الحرقة اللي حرقتيني وغادي نرد ليك ختها ثانية ومثلتة
وصل المرسول للاصيل وخرج من القصر كيضحك وقال مع نفسو
غنشوفو اشنو جايبة يا اللفعة نتي ماكطلبي تشوفيني حتى عندك شي سم فلسانك واكلك
ركب الخيل وهاد المرة حلفات شهرزاد حتى تبعو من بعد ماعيات تحضي رسول قصر قربطة وهوا داخل خارج عندهم وخرجات متنكرة فسلهام والنقاب على نيفها ..وتبعاتو فوق الخيل كتجري موراه .
فهاد الاثناء كانت يمامة كدور بين اجمل اخلق الله وتتخير وتلمس وجه الفرس فرس بفرس حتى توددات ليها واحد الفرس بنية اللون ديلها طويلها وحنات ليها الراس من اول لمسة .. ختارتها يمامة هي من دونهم وخرجوها ليها شدات فيها فرحانة وبقات كتهضر معاها وتقول
نتي من ليوم ملكي انا ..وصاحبتي والبراق ديالي..
تبسمات وطلبات من خادم الاسطبل يحط عليها سرج وقالت لعابد غادي نركب عليها شوية..مولاي هوا اللي قالي ناخد راحتي معاها
سكت عابد ماهضرش واصلا سرط لسانو من الساعة فاش حلفات عليه فوجهه وخلاها ركبات الفرس لاكن قبل متتحرك قاليها واش كتعرفي تركبي بعدا ولا لا
ضحكات عليه من فرق الفرس قالت ليه غتعرفني كنعرف نركب فاش نركب ليك على ضهرك اعابد
ضربات الفرس برجلها مشات كتجري بيها ومتحكمة فيها حتى دخلات لغابة القصر وعطات رجلها للريح حتى لقات راسها قدام الصور ديال القصر وهزات راسها شافت فيه وقالت
من اليوم انا حرة ديال راسي واخا يملكو جسمي فهاد القصر روحي غتبقا برا
ضربات الفرس خرجات من القصر كتجري فسلهامها ولثامها ومشات كدور وتتسكع وهي فقمة السعادة.
كانت فهاد الاثناء روح الندى عند الواد كدور حتى وصل الاصيل ونزل كيضحك فاش شافها وقال
نهار كبير هادا ..لقيتي الحل للمصيبة ديالك ولا شنو
ضرات عندو كضحك حيدات اللثام وقالت ليه لا ..ولاكن جبت ليك واحد الخبار شهوة منها
نفض يدو شافيها قاليها حتى انا داكشي اللي قلت مع راسي. اشمن خبار
الشجرة ديالي كتزهر ..وحلاوة الحياة عندي فالقصر.. ونتا امولاي بعيد كتمنضر …فحفيد ولدك الصغير فالعمبر .. بين خلفة وخلفة كيعثر .. ومن حرف لحرف كيهضر ..فقلبي الصغير كيأسر ..وقدام عيني كيكبر ايوا كي جاتك هادي امولاي الاصيل لمأصل
بقا ساكت مصغر عينيه وهي كتهضر وكيفهم لكلام حتى سالات وتبسم بلا ميحس قاليها غيجيني حفيد؟!!
ضحكات قالت ليه حتى يكون كيعرفك بعدا ولا كتعنيه هوا وباه ..عاد قول غيجيني حفيد واقيلا مافهمتي كلامي
هز راسو كيشوط مني نيفو زاد القدام طير ليها الضحكة ورجعات اللور مخرجة عينيها حتى حبساتها واحد الصخرة وقال
لا اروح الندى .. يا لكرطيطة ..مغتوصليش لداكشي اللي بغيتي هاد المرة وماتزيديش تستافزيني..سبق وقلتي ليا غتوريني الدقة اللي مكتنوضش لعجاج ..وحلفت حتى نوريها ليك وتشوفيها بعينيك ..ووفيت وترجعتي تحت السلطة ديالي ونتي فهاد البلاد كلها ..وتابعة ليا .. ونقدر نخرجك هازة يدك لفوق كاع ..ايوا حسن ليك ماتزيديش تستافزيني كثر من هاكا ..خصوصا فهادشي حيت صبري بدا ينفد وغادي نوريك وجهي لاخر ونكحل الدنيا فعينيك
بقات كتشوفيه مورة راسها والنفس كضرب فوجهها وتحت انضار شهرزاد وهي غتنفاجر وزادتها حرارة الشمس الخارقة صهد على ناو الغيرة والكره اللي كتكنو لروح الندى
حركات روح الندى راسها قالت ليها شدي فيا ..حاسة براسي كنمشي..هرسي السهم دغيا قبل منفقد طاقتي..
هرسات يمامة السهم ونوضاتها كيكتبرو بجوج طلعات فوق الفرس معاها وحطات روح الندى كل جهدها فديك الطلعة الصعيبة وغير طلعات غابت وفقدان الوعي لاكن يمامة ماتعطلاتش مشات كتجري بيها والفرس كانت فعلا بحال البراق كتجري وصلاتها للقصر ودخلات تعرضو ليها مخلوعين هزوها طارو بيها ونزلات يمامة كتفتف بغات تبع الخدم لاكن رجعات للفرس ديالها شدات فيها حتى وصلاتها للاسطبل ووصات عليها عاد دخلات كتجري
فهاد الاثناء كان السلطان يور كيكتب مرسول للاصيل قاليه
بهراتني هديتك بفصاحة لسانهاوعذب كلامها ووزن اشعارها ..وبغيت نتعرف على معلمها اللي علمها وخرج منها شاعرة راقت لي .
لوا المرسول رسلو للاصيل وخرج من جناحو لاكن فطريقو لقا عبدية نزلات عليه بخبار بحال الرعد دالعشية ..مشا كيجري لقا روح الندى مجبدة كتنزف والحكيم والحكيمة عند راسها كيسعفوها .. اما يمامة فكان نهارها نهار وبصيرة واقفة ليها عند راسها وعابد كيندم فيها ويقول
خرجتي على راسك شداك تخرجي نن القصر..واش معارفاش القوانين واللي خرجات من القصر كيردوها ميتة
تخلعات يمامة وجلست فواحد القنت ماعارفات باش ترد وبقات كتبكي ..اما روح الندى فاتت سبع اوراح ..ردات الوعي بالزربة لاكن مقصحة وندمات على الوعي اللي وعات حيت حضرات للعافية اللي كواتها فالجرحة وكمداتها حتى كانت غتغيب..
سد ليها السلطان فيدها حتى نقزاتها وغطاوها فشلانة وتلفت شاف فعبدية قاليها كيفاش خرجات من القصر؟؟ علاش ماعلمتونيش؟
دخل عليهم عابد هاز صينية ديال العشوب حطها وخدر راسو سمع غضب السلطان اللي قاليهم
كيفاش يمامة تخرج من القصر وشكون سمح ليها وفين كنتو
قال ليه عابد هي امولاي ركبات ومارضات تنزل ..ومشات قالت لي مولاي اللي سمح لي نركب
رد بغضب قاليه تركب وسط القصر ماشي برا القصر
بغا ينوض فديك الحالة دالغضب لاكن شدات فيدو روح الندى قالت بصوت متعب
انا اللي قلت ليها ترافقني..وديتها معايا نشوفو دار المحسنين ونزوروها
تلفت قاليها
تشوفي دار المحسنين بلا اذن مني وبلا حرس ولا خدم ولا وصيفات ؟؟؟
قالت ليه كتنفس وترتاح بغيت نمشي فغفلك منهم باش نعرف التبرعات فين كتمشي..كانت زيارة متنكرة امولاي
تنهد وتلفت حط يدو على راس روح الندى بأسف حتى ضرب قلبو حس بالاصيل مسيطر على تفكيرها وبداو الاحداث قعقلو كيتقراو لاكن بعدات عليه مباشرة فاش حسات بتأثير افكاره وقبل ماتغيب لانه فكل مرة كيزيد يقرا كتبدا تغيب وقالت ليه
خليني بوحدي نرتاح ..عيييت
هز يدو مستغرب شاف فيها وبقا كيحقق فيها مطولا وناض من مكانو وصاهم يردو ليها البال .غير خرج تنفسات الصعداء وامراتهم يجيبو ليها شادية ..
حضرات فالحين دخلت عندها وامرات الكل يخرج وقالت ليها وهي سخفانة
حققات شادية فيدها قالت ليها هادي ام ولود..ماشي عزية الاللة
دورات روح الندى راسها كتشوف قدامها وتفكر قالت ليها ام ولود.. ولود يعني بولادها ..واش من جهة الاصيل نيت؟
ردت شادية قالت ليها من جيهته الاللة كما سبق وقلت ليك .
بقات روح الندى ساهية كتسائل واحد اللحضة خرجات عينيها حتى فلتو وقالت
شهرزااااد!!! شهرزااااد ام ولود ..ولاكن علاش؟ شنو السبب تكون ؟؟!!لا ميمكنش! لالالا ميمكنش وشكون غيقولها ليها ؟.. ولا تكون شكات فشي علاقة بينو بينو وحرقاتها الغيرة؟! هي متكون غير هي ..شوفي اشادية ..ليلة عادي دخلي عند السلطان ..وبشتى الطرق غادي تقراي ليه الكف وتجي تقولي لي شنو عندو فيدو ..نوضي وجدي راسك
هزات كاسها داتاي دخلات بيه لحمامو وسرات عليها باب الخشب وتزيرات تما حتى بغات تموت وبدات كترعد وتبكي وشادة الكاس فيدها ..بكات حتى نشفو عينيها ورجعو حومر وشوطات بحال الراس دالعي د الكبير في حين كان جالس السلطان مع شادية كيشوف فيها وقاليها كي دايرة حياتك فالقصر مزيانة؟
حركات ليه راسو قالت ليه الحمد لله
مسح على ضهرها قاليها وخواتاك مزيانين
حركات ليه راسها قالت ليه الحمد لله هاد الساعة ماناقصنا خير امولاي..غير ترضا علينا وصافي
تبسم وقاليها من غدا بداي تعلمي تكتبي وتقراي وتحفضي القرآن ..
خرجات اثنائها يمامة من الحمام شادة الكاس ولاكن وجهها باين عليه كانت كتبكي واخا عيات تخفي وتقدمات بابتسامة جلسات حنبو سمعاتو كيهضر على تعليم شادية وهبطات راسها خوات ليها الماء شربات ويدها كترعد وعينها عليهم .. بقات كتشرب وهزات حبة دالعنب كتشوف فيهم وبلعاتها بلا متشعر حتى دارت ليها مع قصبة الهوا ووقفات ليها وخرجو عينيها وحلات فمها مخنوقة .. تلفت شافها مهبطة راسها مخنوقة وكتحاول تنفس وهز ليها راسها لقا عينيها حومر ووجهها احمر وناض يفكها وشادية مخلوعة كتشوف فيها وتقول دابا والروح خرجاتها..ضرب ليها السلطان ضهرهاومابغاتش الحبة تخرج وطاحت فوق الزربية كأنها كتموت وعينيها كيدمعو ..تخلع شافها قريبة تودع ونوضها وقف وراها ضمها بقوة لصدو من صدرها وبرك عليها ثلاتة دالمرات عصرها حتى طارت الحبة جات قدامو وسخفات ليه فيدو هزها نيشان كيجر شعرها مع الارض حطها على سريرو وقال لشادية تعيط على العبيد والخدم ..مشات كتفتف مخلوعة حلات الباب عند العبيد اللي واقفين تما دخلو كيجريو وعيطو لعبيدة جات كطير لقاوها سخفانة وشمو ليها مسحوق قوي باش ترجع تفيق ..حلات عينيها المقلوبين شافت فيهم لقات كولشي ضاير بيها وعتقوها بالماء حتى رجعات الوعي ديالها وناض السلطان من حداها قاليهم ديوها لسريرها ترتاح ..وخليو معاها شي واحد يرد ليها البال
نترات يديها قالت ليهم لا مولاي باغي يسمع حكاية جديدة
تلفت ليها فاش سمع شنو قالت وتقدم وقف قدامها مسح على وجها الدموع اللي نازلة وقاليها سيري ترتاحي حتى لغدا ..مزال ايام الله طويلة
بقات كتشوف فيه وترمش ووجهها كيتزير وخرجوها كتشوف وراها وسدو الباب
حدرات شادية راسها قالت ليه تصبح على خير امولاي
ودازت جنبو باش تخرج لاكن شدها من يدها وقفها وهي عينيها كيدورو رجع وجهها اصفر وقربها منو اكثر كيشوف فيها ويتأمل وجهها وشد ليها فالدقن ديالها قبلها وجرها من خصرها قربها حتى نسات مها وباها ولقات راسها فوق السرير بين يديه سايحة..حيد ليها القفطان كيتأمل تفاصيل جسمها ونزل على صدرها حتى بدات تشهق وحلات عينيها شافت فيه قالت ليه منقدرش..منقدرش
اما حمامة القصر وصلات مقجوجة لبلاصتها ..تكاوها وكانو البنات كيوجدو راسهم ينعسو ..تلفتات جنب سريرها شافت متعة غابرة وقالت بتعب فين متعة
ردات عليها عبدية قالت ليها متعة عيانة ..حولنها لبيت اخر فير تسنطي نتي على عضامة الاللة
تقلبات على قلة دالما شربات منها وكان سرير شادية مقابل مع سريرها ومكتوب عليه سميتها ..بقات جالسة حاضياها ترجع والكل نعس والضواو طفار وشادية مزال مارجعات ..تبقات هاكاك يمامة كتنسناها ومعنقة واحد الوسادة على صدرها كتبكي والدموع كيتلاقاو فدقنها وكل مرة تسمع حس وحدة فالبنات دخلات من دار الوضوء ولا مشات تقضي حاجتها كتلفت بلهفة ..سهرات طول الليل كتسنى قدوم شادية حتى تسدو عينيها وصبعات رموشها السوداء ملاسقة مع بعضها بسبب الدموع .
فاقت هي اخر وحدة وعينهيها حومر سولات على شادية قالو ليها البنات باللي مكيعرفوهاش وعمرها دخلات العمبر ولاكن مؤخرا جهزو ليها فراشها يعني قريب غادي تدخل
ناضت يمامة بقفطانها اللي نعسات بيه وقفات دايخة ويالاه زادت خطوة دخلات عليهم شادية بوجه احمر مبسمة والحوالق والعقيق فيديها وراسها مرفوع بقا كلشي كيشوف فيها متبع ليها العين وباينة عليها راجعة من الخلوة غير من اثار الزينة اللي واضحة عليها .. تمات داخلة وبصيرة وراها توريها سريرها حتى وصلات عند يمامة اللي واقفة ومكمشة فيدها بلغتها اللي تلبس خارج زرابي العمبر البيضاء وشعرها الناعم المدرج على جناب كتافها وكتشوف فيها والبكية شاداها
هزات شادية راسها تنهدات شافت فيها مزيان وهزات يدها كانت حاطة نبالة من الذهب الخالص منبتة بالالماس وقالت ليها
دخلات عليهم بصيرة والضواو طافين وترماو بالزبة تغطاو دارو راسهم ناعسين..مشات بصيرة بحس مقطوع قصدات يمامة وحركاتها حتى شافت فيها وخطات صبعها على فمها قالت ليها قطعث الحس..ونوضي تبعيني
لاحت يمامة الغطا وناضت تبعاتها وسمر كطل و حتى بنات خرين هزو راسهم كيطلو من بعد ما خرجو وناضو وقفو بصمت ..وقفات سمر حتى هي معاهم كتسول بعينيها قالت ليهم مالكم نضتو شنو واقع
ردو بصوت خافت قالت ليها وحدة نتي ماشي شغلك دخلي سوق راسك
مشاو قصدو شادية بشوية وجبدو موس حطوه على وجهها حتى كانو غيضربوها وشهقات سمر قالت ليهم لااا غادي تمشيو فيها ميرحمكمش..الى بغيتو تربيوها ربيوها بشوية ..غير شعرها كافي
شافو فيها بحقد وشدو شعرها ونزلو عليه بالموس
انا يمامة مشات مع بصيرة جهزاتها ورتباتها ولبساتها من الاتواب اللي وصلات جديدة
ورسلوها لجناح السلطان .
دخلات لابسة الثليجة فالبيج بسفيفة مخزانية محلولة من جنابها وتحتية من لحرير باج محلولة حتى للركبة وخيط الريح ودفيرة فالجنب ودخلات عندو حادرة راسهاحتى شار ليها بيدو وهوا واقف مشات عندو غضبانة منو مكضحك مكتبسم ..شد ليها فيدها داها معاه للشرفة وجلسها وجلس مقابل معاها متكي على يدو وقال
بسم الاسم الاحد الواحد الرحمان ..نبدا كلامي ونقسم القسام فزمان قريب من هادالزمان ..زمان مثل زمانا قريب القرب من هاد المكان ..ماشي بعيد وفقصر المولى السلطان .. سلطان همة وشان ..سيف دو حدين عندو ربع صبيان ..وبنية بحال الشمس فضو النهار ..وبحال القمرة فعز الليل.. اللي شافها يختارها من بين جميع الحريم .. ولاكن امولاي حتى زين ماخطاتر لولا..وقد ماكثر الزين كترات البلوى ..كانت هاد الزينة المسرارة ماتحشم ماتستحيى .. نقمة تقول ماشي نعمة
شافت فينامة وخيبات سيفتها وكملات ليه وقالت
قليلة الترابي وكلامها كيقبط القليب ويجيب الغمة ..الاطيف الله يحضر السلامة ..ماتخلي مياه الله دور ماتخلي قطرة تنزل من السما.. نهار ومطال وهي تنكر وعندها الخدم بحال البهيمة
عقد حجبانو قاليها يالاطيف ياستار ..اش قضات بداك الزين المسرار وهي لسانها قصيف مشرار
ماقضات بيه والو ..غير من مصيبة لمصيبة ولا بغات تزوج ولا بغات تكون منها الفايدة..خطبوها شلا رجال مال وجاه وقلدك كيفهم كيف الجبال ..لاكن هي كان ولابد تخرج فيهم العيب وتشتم خلقة ربي ..ماخلات ماقلت فالطويل وماقصراتش مع القصير..اما الرقيق ولغليض ماخلات للخياط اش يقول.هادا راسو رقيق هادا فمو كبير ..هادا عينيو حولة هادا نيفو طويل
ضحك وشاف فيمامة قال
انفه أنفت منه الانوف..هوا في بيته يصلي وانفه في مكة يطوف
دخلات فهاد الاثناء بصيرة على العمبر على غفلة حصلات البنات ضايرين بسرير شادية ..مشات نيشان عندهم قصداتهم وضوات القنديل الوسطاني الكبير كتفقد الامر وقالت ليهم
اشنو وتقع هنا ياك لاباس
ناضو بعض البنات من النوم كيحلو عينيهم بزز ومنهم شادية اللي هزات راسها لقات العقدة دالعكسة اللي على راسها محلولة وقالت كتحك عينها
طلات عليهم سمر من تحت الفراش كتفرج ورجعات نعسات كانها ماشي هي اللي عطاتهم الفكرة وخلاتهم يعومو بحرهم ..تعصبات بصيرة وجمعاتهم خرجاتهم كتحلف فيهم وخلات شادية مخلوعك وطفات الضوء غوتات على كلشي طيحاتو ينعس وحلفات الى لقات شي وخدة مطرطقك عينها تفعها ليها
تنصص الليل فجناح الاصيل وبقات غير يمامة جالسة ساهية فالسما والنجوم كتكمل ليه الحكاية من بعد ما سمح للمعلمة تمشي تنعس..بقا متكي على رجل يمامة اللي جالسة متكية على وسايد فالشرف براسها وكتشوف فالنجوم وكتحك ليه فراسو وتلعب ليه فشعرو وقالت
المسكينة بقات الله كريم .. لاحنين لارحيم ..تعلمات من الدنيا ما يكفيها لباقي السنين ..
تفوهات وهزات راسها التقيل طلات عليه بات ليه رخا رجلو الواقفة مع واحد المخدة فالجنب وطوا لخرى تحت لخرى وسد عينيه.. رمشات بتتاقل تبسمات كدوز صبعانها على وجهه وتمررها على لحيتو بشوية حتى وصلاتها لفمو ورجعات مرراتها على حواجبه وعيونو الكحلة كتمتع عينيها بداك الزين العربي على راحتها ودوزات يدها على شعرو وخلات ليه راسو كما هوا على حجرها وتكات براسها على الوسايد الكبار اللي حاطة بينها وبين الجدار نعسات رخات يدها اللي لقات راحتها على هضاب صدرو
بجمال عينيكِ وبلونهم العسلي الرائع، أرى أنوار السماء فاعذريني إن أطلتا لنظر إليهما، فأنا من هنا أُعلن استسلامي وأطلب المكوث على بابك، حتى أغفو على سحرهما .
فتحت عيونها وبرق زجاجهما العسلي المحيط بدائرة سوداء ونقطة كلون الشامة السوداء في وسطهما ..رموش تفتح كالازهار في صبيحة اليوم التالي على اشعة الشمس الصباحية..جو بارد هادئ ونسمة الصباح تدغدغ انفها الصغير حتى عطست .. ورفعت راسها لقات نفسها بين وسايد كبيرة وعليها غطائه اللي كان ملقى فوق السرير..صححات بصرها واسترجعت ذاكرتها وتلفتات يمين وشمال كتقلب على السلطان اللي بات راسو على حجرها ليلة امس.. لاكن واضح انها وحدها فجناحه الهادئ ولا من يزنرن ودانها ويطير صباحها ..ما احلاها نومة احسن من نوماتها السابقة .. وما احلاه مكان بنسمة عطره الفايحة ..ناضت هزات الغطا رجعاتو بلاصتو سرحاتو وهزات يديها على شعرها قاداتو وخرجات من جناحه خلاتو.
رجعات للعمبر لقاتو خاوي من البنات وتفكرات ان اليوم عندهم درس فالتربية والاخلاق وكيبداه مع بداية شروق الشمس.
هادا صباح اللي مابحالو صباح فجناح السلطان ..ولاكن نفس الصباح كان بلون مكره فجناح روح الندى.. صبحات جالسة كتشوف فالمرايا والوصيفة كتسرح ليها شعرها.. وهي شاردة كتخمم وتقول
فالبلاصة طرطق صبعو لذو الفقار دخل وخدا منو ورقة وقلم ورسل رسالة ليور ولد الهم اللي بلا شك غيعرف الحقيقة تم تم مافيها نيقاش ولا حلان الفم .
والخبار السخونة فيساع كتوصل وفيساع كتحضر الحفيظ السلامة ..كي شد المرسول قراه ..كان ساعتها على عودو خارج وفالبلاصةغير الاتجاه ..
نيشان لرياض الهم اللي مكيجي منو غير الغم .. دخل عند بالو غيلقاه ساعة تصدم فاش لقا فالقت مو.. عمر روح الندى ما تحدو ليها لحديد ولا خناز ليها لقديد..ديما سابقة لاحقة وحتى حاجة متفوتها ولا تغلبها ..ولاكن هاد المرة واهلي فين وصلات راسها ..القضية عندها حمضات حتى طلعات حموضتها على وجهها وعطات ريحتها . ماهضرات مانطقات ل زمات الصمت وتبكمات ..وتمنات كن كانت صمكة .اما السطان يور اللي دخل عليهم بلباس الصيد يديه خاوين فحزامو خنجر وعلى راسو وشحاح تقول قطاطعي ..كم ما تفاصل حوايجو اللي. واخا ديال الصيد توبها وخياطتها فيها فن كيهضر ويقول انا اللي كاين مكاين ما حسن .
تبسم باستغراب وفنفس الوقت تساؤل بعينيه وقال
مجتامعين بلا متعلموني؟ شي مشكل واقع وانا مافخباريش؟
دورات وجهها وعينها بغات تدمع وتعرضات ليها بصبعها وقفاتها وسدات عينيها .تكلم الاصيل كيشوف فيه بتعمن وهوا قدامو جوج رواح ..روح الندى وولدو يور .. واحد فيهم غتنزل كفتو ..يهضر يقول اللي كاين ويبرئ راسو من من هصايل روح الندى ولا يسكت على ما دارت ويخسر ولدو اللي ما صدق كسبو
رد يور مصغر عينيه كيتساؤل قاليهم بعائلتي؟!! اشمن عائلة فيهم؟
قاليها الاصيل عائلتك الحقيقية..اصلك الحقيقي اللي غادي تعرفو ..شنو كتعرف على باك ؟
قاليه يور اش غنعرف ؟ اشمن اصل اشمن حقيقة؟
قاليه الاصيل شنو اللي كتعرف على باك ؟
رد عليها يور قاليه با كان ملك ومات فالحرب وطاحت البلاد..وهرباتني مي فكرشها ولداتني فسفينة وهزاتني حتى وصلاتني لتارودانت
شدات روح الندى على صدرها كتعصر وتبكي فصمت والاصيل كيسمع ليه وقاليه وجزء واحد اللي صحيح من هاد الحكاية.. اما الباقي كلو كدوب.
قوات دقات القلب فصدر يور وقاليها شنو كتقول اشنو اللي صحيح واللي غالط؟
جمع الاصيل النفس ومسح على وجهه وقاليه باك ماماتش..باك باقي حي..
ناضت روح الندى من بلاصتها كتعتر وتبكي ومشات وقفات قدامو جنب الاصيل وهزات يدها المرعودة شدات ليه فيدو ليمنة حطاتها على راسها وهزات ليه يدو ليسرى حطاتها على على راس الاصيل اللي مافهمش اشنو بغات دير لاكن بسرعة سد عينيه وسد حتى يور عينيه وصدرو كيتنفض من بلاصتو وهوا كيعيش كل حدث بحدث لامن جهة مو ولا من جهة باه حتى بدا كيتأوه بالصبر ويغزز سنانو ويديه كيرجفو تقول كيمتص شي قوة شرانية وبجهد هاد القوة اللي تنفض نفضة بحال البرق ضار فيلاصتو مع الدورة جبد الخنجر غرسو لاصيل فكرشو ورجع خرجو طيحو وتلفت لروح الندى اللي تخلعات دارت يديها على فمها وطار عليها بالخنجر بيديه ح فالسماء وهي كتشوفو فيه عينيه حومر مابقاش بنادم رجع وشح ويديه فوق راسها حابسها فوق طاقتو من النزلة عليها وقطرات على وجهها قطرة من دم الاصيل والخنجو كيترعد فيدو موقفو فالهوا .دخل ذو الفقار ومعاه حراس الرياض كيجريو لقاو الاصيل طايح على جنبو شاد بلاصة الطعنة ومزير على سنانو وعينيه ومشا كيجري عندو شد فيه ومشا الحارس بغا يشهر سيفو على يور لاكن قبل مينوي كانت عند يور خفة يد ماتخليش العين تركز مع الحركة وفرمش عين ضار وراه نيشان غرسو ليها فحلقو وخرجو ورجع اللور كيشوف فيهم وينهج وقاليهم شياطين .. شياطين لقيتو حمار درتو بيه ما بغيتو .. درتي بيا اللي بغيتي حيت حمار .
بقا كيرحع باللور ويحرك راسو وهي كترد عليه بالنفي غير براسها وتبكي وخرح خلاها تما وركب الخيل ديالو مشا وبقات هي فالرياض طايحة على ركابيها كتشوف قدامها وتهضر بوحدها وطلقاتها بغوتة فالسما ربي لي خلقها وغابت حدا الاصيل اللي كانت الطعنة قوية على الجسد ماخلاتوش يوقف وهوا كيتقاتل باش ينوض حتى وقف على ركابيه شاد فيها كيتنفس بزز وقال لذو الفقار
رجع للقصر دغيا .. رسل اللي يسعفنا هنا مكانيش اك الوقت قليل ..
خرج ذو الفقار كيجري وتلفت الاصيل حداه قرب من روح الندى حط يدو على عنقها حس بيها مزال كتنفس ورجع شاف فيدو اللي شادة الجرج كانت كتقطر بالدم تقول عوينة وطرقات ..جر وشاح كانت حاطاه على راسها جمعو وحطو على الجرح وتلفت ضرب ليها وجهها بصبعانو باش تفيق لاكن كان غايبة سارحة عجول لاخرا
تسعفات روح الروح الندى والاصيل فالرياض كل واحد فبيت وتما جاو الحكماء وآمر الاصيل ذو الفقار يتستر على اللي وقع وحتى واحد مايسيق الخبار لشنو واقع او تتسرب الخبار حيت غتجبد ليهم مشاكل اكبر من اللي راهم فيها والاعداء كيتسناو غير الفرصة فين يدخلو على البلاد و ويشتتوها والمتمردين عطا الله غير هما وعاد الجيش الى سمع بالخبار كيتزعز والى تزعزع غيتهور ..وبلا منساو سلطان ولي العهد اللي غادي يبان بزز منو ويقدر يغرو شيطانو ويتولى الحكم ويرونها ..الحاصول روينة غادي تترون ديال بصح وبلا زيادة فالكلام ..والاصيل مابغاش يوصل لهاد الحريرة كلها ويطيح استقرار البلاد وتنوض السيبة ويدخلو الاعداء اللي حالفين حتى يرجعو الاندلس اللي خداو ليهم لمسلمين . وهادشي ماشي غير على غرناطة ..حتى قرطبة وكاع اراضي الاندلس اللي تحت حكم الدولة الاموية
بعد النزيف الحاد اللي نزف من الاصيل خلاه يفقد الوعي وغاب والحكماء خافو يفقدو سلطانهم اللي باينة غادي يودع وموحاا يعيش . دارو ما فجهدهم وقفو النزيف وضمدو الجرح وكواوه لاكن بقا العمر بيد الله.. واش غادي يعيش ولا يموت .. وهادشي كيشكل خطر على البلاد وحاولو يديرو المستحيل باش يتسترو عليه لاكن كان من بين حراسهم جسوس صليبي اللي تسل من الرياض كيشوف وراه حتى بعد بين النخل وتلاقا مع صليبي اخر مد ليه الرسالة وقاليه
وصلها لملك قشتالة ليوم قبل غدا ..الخبار طايبة وهادي هي الفرصة نسترجعو اراضينا
شدها الصليبي وطلع فوق الخيل مشا كيجري وشد طريق الخرجة من المنطقة فين كاين الرياض ..لاكن بلا ميحس خرجو ليه جنود الخفاء من حيت لا يدري طوقوه واخا عيا يجري وعيا يهرب ويحارب فالاخير كتفوه وحيدو ليه الرسالة وجمعوه ردوه للرياض تحت رجلين الصدر الاعضم حكيم اللي كان وصل فالحين فاش سمع الخبر وحضر معاه اطباء القصر وتحفظ على السر .. هز الصدر الاعضم راسو خارج الرياضة فواحة دايرة باصوار الرياض الكبير وفتح الرسالة قراها لقاها مكتوبة باللغة القشتالية… وكان كيعرف يقرا اللغة لانه تربا وكبر فالاندلس وكانو كيتعلمو اللغات للتواصل بسهولة بين البلدان .
ملكي ملك بلاد قشتالة .. سقطات اعمدة الاندلس وناضت القتيلة بين غرناطة وقرطبة ..الملك محمد اصيل على حافة الموت بسبب طعنة من الملك يور ..والبلاد مهزوزة والخبر متستر عليه وانت اول من يعلم .
غزز حكيم سنانو قطع ديك الورقة طراف وتحنا هزو من ودنيه بجوج خرج عينيه فيه وقاليه شكون الجسوس هنا ؟؟ شكون عطاك الرسالة
بقا الواصل ساكت ودخل اثناءها الجسوس اللي كان لباسو نفس لباس جنود الاصيل شافو بين يديه وخرج عينيه وبسرعة حدر راسه باش حتى واحد مينتابه ليه ..
عطا حكيم للواصل ما عطا فجهدو باش يولد ولدو ..جاهد فيه حتى خلا راسو غادي جاي وجرو من ودنيه حتى طارت ليه وحدة دخلو لواحد البيت خاوي مغبر لاحو تما وخلا معاه رئيس الحرس اللي كان اسمه احمد يافع وكان من المخلصين والاقوياء للاصيل ..قاليه حكيم خرج منو الهضرة بالسيف ولا بلخاطر .. مكاينش اللي طيح البلدان قد الجواسيس وهاد الجاسوس خاصو يبان
خرج من الرياض سرح عينيه كانو حراس محسوبين وكان متأكد أن الجسوس واحد منهم لاكن شكون فيهم ..رفع راسو امرهم يبقاو فالاماكن ديالهم حتى واحد مايتحرك ..وحط واحد على راسهم يبقا مراقب شكون فيهم خوا مكانو ..لاكن مع الاسف كان هاد الواحد اللي حط على راسهم هوا الجسوس الحقيقي اللي كيتود ويبين اخلاصه الكاذب حتى ماقدر حتى واخد فيهم يشك فيك .
رجع دخل عند أحمد يافع لقاه كيحاول يخرج منو الكلام لاكن بلا فائدة ..عذبوه حتى مابقاش كيقدر يشوف واستغل فرصة اقتراب الصدر الاعضم منو كيهددو وخرج الخنجر من حزام الصدر الاعضم وغرسو فكرشو حتى خرج الدم من فمو وهاكا مات فالبلاصة الواصل وخدا السر معاه وتهنى من العذاب وخلا الصدر الاعضم واحمد غيطقو من الغضب
الصدر الاعضم. احمد يافع.. نشر جنود على طريق الغرب ..وزيد من الجنود على طريق الشمال ..طوقو جميع الاتجاهات بالجنود المخفية وشددو الحراسة ماخاصناش نغلطو ..ماخاصناش نخطاو وماخاسش الجيش يسيق الخبار والا غيوقع اهتزاز ويأدي للمترد..واهم حاجة واللي خصنا نردو بالنا منها ..الخبار ماخاصهاش تخرج من هنا وماخاصش الامير سلطان يعرف او حتى واحد من القصر..ونشر من رجالنا اشباح الليل.. يقلبو على السلطان يور اللي مارجعش للقصر..خاصنا نكونو حذيرين بزاف اكثر من اي وقت اخر ..الفتيلة شعلات بين المملكات وخاصنا نهمدو النار على بيدمن ينوض الشلطان بالسلامة
تعطات الاوامر ولحد الساعة متحكمين فزمام الامور .. فاقت روح الندى حلات عينيها لقات وياريت مافاقت..لقات لحكيمة جنبها شداتها منعاتها تنوض لاكن خرجات من البيت وسط الساحة الي بين شجرة وشجرة واقف حارس ..مشات كتجري كتعيط على يور وبغات تخرج لاكن تعرض ليها ذو الفقار اللي كان وافقها للرياض من الصباح وشدها رجعها اللور ماخلاهاش تخرج وجلسها كيشرح ليها الوضع والخطورة اللي هما فيها وقاليها
حنا دابا محبوسين هنا وجنود الملك اصيل مانعين علينا نخرجو ومكاينش من غيري انا وياك ..قرطبة فخطر والملك يور لحد الساعة ماضرهش وثلت ايام وانتي الاللة مولاتي غايبة .. خاصنا نفكرو فشي طريقة نخرجو بيها من هنا قبل مايفتح السلطان عينيه ويعطي الامر بالقتل ديالنا .
ضحكات ليه والغضب كيملي عينيها قالت ليه ولدو اللي كيقلب عليه سنين هادي.. نتا اقرب واحد ليه ماقدرتيش تشوف هادشي…
عطاها حكيم بضهرو كيشوف قدامو تالف وبدا كيتذكر كلام الاصيل على روح الندى وتذكر السفر ديالهم بعيدية لتارودانت وبدا كيجمع الاحداث وتلفت مصدوم قاليها ميمكنش..نتي حية وهادي خطة جديدة منك
حركات ليه راسها بالايجاب قالت ليه فهمها كيف بغيتي.. انا اول وحدة فحياة الاصيل ..وغتكون عارف شنو اللي كان وقع زمان ..غنكون عارف كولشي وبرجلك مشيتي معاه لتارودانت باش يلقا ولدو ..ونتا اللي شديتي وصيفتي عبدية ..ونزيد نأكد ليك اكثر..علاش السلطان كيتودد لينا ..علاش ربط علاقة قرابة بينا ..حيت عرف شكون هوا ولدو ..ولاكن لدو ماتقبلش باه فاش عرف الحقيقة وطعنو .. ودابا دير اللي بغيتي ..ماعندكش الحق تحبسني هنا والى وقعات شي حاجة لودي غنحرق هاد البلاد باللي فيها
دخل عليه احمد يافع دفع الباب قاليه حنا وسط هجوم السي ذو الفقار ..حنا وسط اعصار من الجنود ملثمين الواحد فيهم بقوة مية راجل
تلفت ذو الفقار شهر سيفو وشدها خرجها من تما من داك البيت لقا الملثمين دخلو بالخيول وسط الساحة صفاوها لكولشي بقا غير حكيم واحمد يافع وسط الساحة ..ومن بين دوك الملثمين دخل يور حيد اللثام كيشوف بالعين الحمرة وروخ الندى كتشوف فيه وضحك قالت ليه هاهوا جا اللي يوكلك كلامك ..انا كنت متأكدة ولدي مغيخلينيش هنا بين يديكم .
حط ليها السيف على عنقها ويور كيقرب منها وصحابو داخلين منتاشرين بحال الدياب فكل مكان . شدو احمد يافع طيحوه على ركابيه
وبقا حكيم فيدو روح الندى كيهددو هازة راسها وكتبلع ريقها .. هز يور صبعو شار بيه لكل غرفة من الغرف ومشاو الجنود دخل على ديك الغرف خرجو من وحدة فيهم ذو الفقار ورجع عندو واحد حذر ليه الراس قاليه مولاي ..السلطان محمد اصيل فهاد الجناح
خرج يور الخنجر لواه فيدو وقال لحكيم
عطيني مي ولا غادي نقتل ليك سلطانة
هزات روح الندى راسها قالت لحكيم مغتقدرش تقتلني..بزز منك غطلقني
زير عليها حكيم قالييه خرج الجنود ديالك من هنا ..ولا غنسلم ليك مك كتقطر بالدم
هزات روح الندى جبدات خنجر من حزامو وراها غرساتو ليه فجنبو وعضاتو من يدو وخدات ليه السيف ضارت عليه بحال الزمان شحطاتو لضهرو حتى طاح على ركابيه ومشات كتجري عند ولدها بغات تعنقو لاكن سمح فيها دخل عند الاصيل كان عوال يقتلو حتى وقفات بيناتهم حاللة يديها قالت ليها لا ..لا باك..قتلني انا عاد قتلو هوا
منع الجاسوس ولقا السبة واستغل الهجوم ..دار براسو ميت وتسل كيزحف بحال التمساح حتى بعد عليهم وهرب ومعاه خرجات الخبار اللي عيا حكيم واحمد يافع يتسترو عليها .. اما روح الندى مابغاتش تحيد من قدام ولدها اللي الغضب كان عامي عينيه وقاليها
خرج خلاها واقفة مخلوعة كتشوف فجنابها وضارت وراها شافت الاصيل مستلقي على السرير وبلعات ريقها كتفتف طلعات بركبتها حطات يدها على راسو وبدات كتبكي حتى رجع يور دفع عليها الباب قاليها تحركي
ناضت كنجري قالت ليه هانا هانا وتبعاتو خرجات من الرياض طلعات وراه على الخيل وانطلق بالجنود ديالو مشاو كاملين لقصر قرطبة ودخل هوا وياها لجناحها ووقف واجهها هاز راسو وهي مهبطة راسها ماقدراش تنطق
بقا كيشوف فيها مطولا قاليها بأسى شديد..كنتي ديما اعز الناس ..عطيتك قلبي وعطيتك راحتي وكنت مستاعد نموت على قبلك.. كنت قادر ندير اللي طلبتيه مني..قادر ندير كولشي باش تعيشي ..باش ترتاحي..وديما كنفد ليك اموامرك ..ديما كنسعى لرضاك ..
ونتي شنو درتي ليا؟ باش جازيتني؟ خبيتي عليا الحقيقة وعيشتيني كذبة قد هاد الكون..كنت حاس بيك مخبية شي حاجة ولاكن منويتش فيك الغدر ..واخا تصرفاتك غريبة كنقول هي اصلا هاكاك من نهار حليت عيني ..طايشة .. متمردة كتر مني..ولاكن ماشي غدارة ..ماشي كدابة.. طلعتي لا طايشة ولا متمردة ..طلعتي العكس..كدابة وخاينة وغدارة ..غدرتيني فسنين عمري كلها وكتشوفي لي فعيني وتقولي لي باك مات.. فاللخر كيطلع با هوا الاصيل بشحمه ولحمه وعضمه ..الراجل اللي كنت ديما كنحاول نتقرب منو ونكون بحالو ..اللي كنشوفو مثلي الاعلى وشركت معاه الطعام وكندخل ونخرج انا وياه..لاااا ..واللي كنت غنتزوج بنتو؟!!! اويييلي يا وييلي
شد راسو كيبكي وضار جلس ساد عيني قاليها
طيحتيني فالحرام وخليتني نشوف فوحدة اللي اصلا ختي..ونجلس مع امير اللي فالاصل خويا؟!! حياتي كلها وانا عايش بوحدي ..كلها وانا متعايش مع نفسي..عارف ماعندي عائلة وعائلتي هي نتي.. وفاللخر ..شنو فاللخر؟ًطلع السلطان محمد اصيل باا..وعندي جوج امراء خوتي وثلاتة اميرات خواتاتي ..عندي عائلة قد هاكا وفهاد السن عاد جاية تقولي لي..علاش هادشي؟ بغيتني نتاقمي قوليها من الاول ناخدو حقنا بجوج ..ولاكن نتي مانتاقمتيش منو..نتاقمتي مني ودمرتيني وشتتيني وكرهتيني فحياتي ..كرهتيني فيك وفالنهار اللي حليت عليك عيني ..عمرني مغنسمح ليك ..استاغليتيني ..لعبتي بيا ضحكتي عليا درتي بيا ما بغيتي.. حسبي الله ونعم الوكيل فيك وفيه ..انا خاصني نقتلك نتي وياه ونقتل راسي موراكن فديك اللحضة ولاكن قدرة الله منعاتني ..حيت مادرت لا بيدي لا برجلي باش نمشي لجهنم بسببكم .
حيد خاتم السلطة من يدو لاحو قدامها وهي فالارض كتسمع وتبكي حتى تكور الخاتم جا بين يديها وقال ليها كيمسح وجهه وعينيه حومر
من اليوم…نساي باللي فيوم من الايام ولدتيني..ولا عندك شي ولد ولا شي حمار ..من اليوم مابقات حتى حاجة كتجمعني بيك ..ها السلطة ..ها النفود وها الذهب وها الكنوز ..ربحي بكولشي ونتي قادرةتسير بلاد كما سيرتيني ..
غوت فوجهها حتى زعزع جناحها قاليها عدبتيني.. مرضتيني ..مابقيتش باغي نشوفك ولا نسمع خبارك ..وا نسايني
نتر يديها خرج من جناحها وعبدية والخدم كلهم مجموعين مخلوعين غير شافوه كلشي تنشر ..بقات غير عبدية مافاهمة والو .. داز قدامها وقف شاف فيها قاليها حتى نتي..اللي حسبتك بحال مي طلعتي بحالهم ..كنت عايش وسطكم بحال الكلب ولاكن نستاهل ..
سمح ليهم فالجمل وما حمل وخرج من القصر جهة الخيل وعبدية تابعاه كتبكي وترغبو وتسايس معاه يجلس..كان اثنائها يمامة جاية جارة الفرس ديالها دور بيه شوية فالقصر وشافت الصدع نايض بعيد وقربات كطل عليهم من بعيد وتسمع سمعاتو قاليها
حتى نتي بحالك بحالهم ..بنيتو سعادتكم على ضهر تعاستي انا.. جيتو لهنا باش ضربو بيا السلطان الاصيل ..كاع انجزاتكم كلها على ضهر الانتقام ..ودابا كما ربحتو غادي تخسرو .. كملو فشنو كديرو و إياكم شي واحد يتبعني ..خليت ليكم القصر والبلاد ديرو فيها مابغيتو نتوما قادين بيها يا رباعة الشهلاهبية
رد بغضب قاليها ودرتيني قنطرة باش تردي دقتك .. باقي عندك الوجهك باش تهضري..حياتي من اللول للخر كلها كدبة ..كلها حتى حاجة ماصحيحة ..فضلتي تسكتي حتى توصلي اشنو بغيتي..ماشي من حقك ..ماشي من حقك ديري فحياتي مابغيتي وتقتلي اللي بغيتي وتحيي اللي بغيتي.. واجهي مصيرك وبعدي مني ماتستاهليش نضحي عليك ..بحالك بحالك ماحسن منو فوالو ..خليت ليكم الله ينتاقم منكم
دارت يمامة يدها فمها مصدومة ودورات عينيها شافت عبدية كضرب فخادها وتغوت قالت ليها صافي ..صافي بردتي.. هادشي اللي بغيتي توصلي .. هادا مورادك .. حسبي الله ونعم الوكيل حسبي الله ونعم الوكيل فيكم ومادرتو فيه وشتتو الشمل ..ها الانتقام ..ياك قلت ليك بعدي من هادشي لا يبليك وغيجي نهار وتندمي .. ياك قلتها ليه هاهوا النهار وصل
ضرب يور الخيل مشا منوض الغبار وراه وطارت يمامة على العود ديالها دازت وسط عبدية وروح الندى كطير مخشية فسلهامها والنقابعلى نسفها مشبك تبعاتو كتجري خلاتهم طاير ليهم العقل كيغوتو حتى سخفو بجوج وهزوهم كل وحدة فبيتها ودارو بيهم .
اما يور خرج كيجري ماخلا ماقطع ..قطع الاجبال وقطع الوديان وقطع الطرقان الطويلة حتى وصل لابعد نقطة فطرف البلاد واللي كانت قرية صغيرة فيها اكواخ صغيرة معزولة وبعيدة مع غروب الشمس.. دخل بلا عقل راكب فوق الخيل كيتمشى بيه واهل ديك القرية كيشوفو شكون هاد الغريب اللي جا عندهم خرج من بين الاكواخ الفقيرة حتى وصل لواحد الواد بين جبال كبار والشجر خضر ونزل على الواد شرب وخلا عودو يعتق وجلس على واحد الحجرة مهبط راسو كيبكي ..بقا هاكاك والخيل غادي جاي حداه كيتسارا حتى سمع صوت الخش وراه وتلفت بالزربة لقا يمامة كتتقدم جيهتو والفرس مربوطة وراها ..تصدم ومسح وجهه عرفها من عينيها ولباسها بلا متحيد ليه اللثام وقال
منين خرجتي؟؟ شنو كديري هنا؟
هبطات اللثام كتشوف فيه بأسى قالت ليه تبعتك من القصر
قاليها الطريق كلها ونتي تابعاني؟؟
بقات ساكتة كتشوف فيه وقالت ليه ما عندي مندير فالقصر الى ماكنتيش نتا فيه ..هديتني هاد الفرس باش فين ماحليتي ورتاحليتي نكون معاك ..
بقا غير كيشوف فيها مستغرب من كلامها وقاليها. شنو كتقولي؟؟ باشمن حق تخرجي من القصر واش دابا انا فيا ولا فيك؟؟؟
بقات ساكتة خلاتو كيغوت رجع عليها الحر ديالو كامل وهي ساكتة كتشوف فيه كيطير وينزل حتى خرج الغدايد كلها وجلس شد راسو بين يديه تهدن عاد قربات منو بشوية جلسات حداه وحطات يدها على راسو قالت ليه علاش كتبكي؟ شنو واقع ليك
هز راسو كيمسح على وجهه قاليها حياتي كلها وانا عايش فكدبة قد الويل.. انا ماشي هوا انا
بقا كيشكي ويبكي وقال ليها حياتي كلها وانا عند بالي با مات فالحرب كما قالت لي مي ..
ضحك والدموع ملاقين حدا نيفو هز راسو شاف قدامو قاليها با . با هوا اللي درتو مقلي الاعلى وقدة ليا..با الحقيقي هوا الملك محمد اصيل
نترات يدها مصدومة وقفات قالت ليه شنو؟؟؟ شكون
هبط راسو ساكت وهي واقفة كتشير بصبعانها وتقول
الملك الاصيل؟!! الملك الملك اللي رباني وقراني وهداني ليك؟ هوا نفسه باك
هز عينيه فيها قاليها هوا نفسه .. وانا عمرني عرفت هادشي حتى ليوم
شدات فحناكها قالت ليه اذا نتا هوا ولي العهد ؟؟ ماشي الامير سلطان؟!! لالا الامير سلطان خوك؟!! ياربي السلامة شنو هادشي
شدات جبهتها ورجعات جلسات حداه مصدومة حتى هي وهوا كيشكي فالاخير تلاوها جالسين تحت واحد الشجرة حدا شعالة ديال العافية والليل طايح وهوا متكي على رجلها كيعاود ويهضر وهي متكية على الشجرة كتسمع وتمسح على راسها حتى عيا وقالت ليه
ولاكن واخا هادشي كامل اللي وقع .. مكانش خاصك تخرج من البلاد..نتا امولاي ماشي ديال نفسك..نتا عماد قرطبة ..مايمكنش تخلي رواح الناس معلقة وتخرج وتسمح فكلشي.. نتا تزاديتي امير امولاي.. وابن ملك قدو قداش لايستهان بيه..بلعكس خاصك تفرح حيت باك هوا الاصيل بنفسه ..مكاين لاياش هاد الغضب كولو اللي غيدمرك ويدمر ليك حياتك امولاي..نتا قوى من انك تخليه يسيطر عليك..نتا قوى نن كاع موجات الغضب ميمكنش تضعاف وتستسلم
شاف فالسما كيتهد قاليها هادشي كبر من اللي سمعتي..الاصيل دوز على مي السراط ايمامة ..دوزها على الواد عطشانة..محنحها واخر خطوة ليها كان غيتقلها وانا فكرشها .. مارحمهاش..وباه مارحمش عائلتها ..بسب مشاكل عائلية ناضت الحرب. بيناتهم وقتلوهم كاملين وبقات المدينة خالية نجات وكبرات مع شلاهبي مكانتش كتخرج من الدار ..كان لقاها تاهية فاش مشا يجيب التواب من مراكشي.كان تاجر ولقاها فطريقو داها رباها فغرناطة..هي فاش شافت الاصيل تعلقات بيه بزاف ..بغاتو اكثر من نفسها ..ولاكن هوا كان ضالم ..تعدا عليها حتى لاخر نهار خربات فيه ورجعات للقبيلة اللي بقات خالية فيها بدات حياة جديدة
مسحات يمامة على شهرو قالت ليه هانتا قلتيها بفمك..هي غير ضحية وعاشت حياتها كلها معدبة..علاش تزيد تعذبها مسكينة وهي كتشوف فيك املها الوحيد وماعندهاش من غيرك.. بمن خليتيها دابا؟ نقولو الاصيل طاغية ..واخا انا ماشفت منو لا طغيان ولا حتى حاجة ..ولاكن مك شنو دنبها مسكينة حتى تعاقبها ..
هز عينيها فيها قاليها ساهلة يكدب عليك شي واحد طول حياتك ونتا كتيق فيه تيقة عمية
تكات راسها على الشجرة قالت ليه حتى واحد ما احسن من لاخر ..حتى انا قتلو ليا عائلتي كلها ومنعت غير انا ..شنو غندير؟ هانا متعايشة ..اما انت امولاي راه عندك والديني تفتاخر بيهم . ماقلتيش مع راسك لمن خليتها ؟ واش لاباس ولا مريضة؟ واش كلات ولا صامت..تلقاها مسكينة جالسة كتبكي وتلوم فراسها ..ماشي عدل تعاقبها وهي خدات من العقاب ما يكفيها ..رأف بيها يرأف بحالك الله ويتزع هاد الغمة عليك ويشفي الجرح اللي فقلبك
هز راسو تكا على كف يدو شاف فيها وشاف اضائة النار فعيونها العسلية وقال
انا عمرني تمنيت نكون سلطان ولا امير ..ماشي من حقي نختار؟
تنهدات قالت ليه نتا تايه..نتا تااايه ومزال مالقيتي راسك…باغي تعيش حر وفنفس الوقت متأثر بشخصية الاصيل وبغيتي تكون بحالو.. نقولو بغيتي تكون حر ..ربي بغاك تكون ملك..بغاك تتول د امير وتعيش سلطان ..الله اللي عطاك الجاه وعطاك السلطة..واخا تحاول تهرب ..جمع بين السلطنة والحرية .. تعطاتك فرصة من ذهب ..وخاصك دير يدك فيد السلطان الاصيل ..مهما كان كيبقا باك ..قولي بصراحة واش عمرك تمنيتي لو كان باك؟ ..حيت انا تمنيت كن كا با فاش كنت فالقصر عندو
بقا ساكت كيشوف فيها مطولا وقالت ليه الى كانت مك نسات وسامحات.. علاش حتى نتا ماتنساش ؟! الى كان الاصيل باغيك ..حيت واضح التقرب ديالو منك انه متقبلك كإبن ..وعاطيك مكانة خاصة فقلبو ..
تنهدات وقالت ليه بعد المرات الحقيقة كتكون مرة ..وحارة وتقيلة على اللسان..قد ما طولات فاللسان كتبني جدور وعروق وكيصعاب علينا نطقو بيها.. الاصيل باينة تبدل حيت الوقت كله اللي عشت عندو ماشفت منو غير الخير..ويقدر كان طايش فوقتو والانسان ماحدو كيكبر كيزيد يتبدل ..من الاحسن ماديرش شي حاجة تندم عليها امولاي وفكر قبلماتخطى خطوة انه ارواح ابرياء فرقبتك..فكر فيهم قبل من ما تفكر فراسك
قاليها عمرني مغنسمح ليهم واش حاسة باش كنحس؟؟
شدات ليه فوجهه قالت ليه حاسة بيك..حاسة بيك وتقدر ماتسامح ولاكن مادخلش البلاد فهادشي ..خلي المشاكل بيناتكم بلا مدمرو معاكم ناس ابرياء ..خاصك ترجع للقصر وماتعاودش تفكر تنازل على السلطة ..حيت الى تنازلتي عليها واحد اخر مستاعد يهزها ..ساعتها لا نتا ولا انا ..ولا مك ولا كاع اللي فالقصر واللي عزاز عليك غنكونو تحت الرحمة ديالو ..ويقدر فينا اللي بغا ونتا كتشوف..ديك الساعة غتعرف العقاب الاكبر اللي مستحيل تصبر ليه ..عمرك تفكر تنازل على السلطة..نتا ماشي ولد صغير نتا دابا نضجتي ماشي فمراحل البلوغ باش تسنى شي واحد يوريك شنو دير . نتا سلطان..سلطان وهاد الهبة مكتعطاش لأي كان .
بقا ساكت كيفكر فكلامها وتكا على الشجرة ساهي فديك العافية ..نعسات حطات راسها على رجلو قالت ليه فكر فكلامي امولاي..كولشي بين يديك نتا بيدك تهزنا ونتا بيدك تحطنا
تنهدات سدات عينيها نعسات وبقا السلطان فايق كيفكر حتى داه النعاس على الشجرة ..صبح الحال وصبحات روح الندى فبيتها مريضة .. وجهها اصفر والنعمة مكدوزش ليها.. اما حكيم من بعد ما ناض من الضربة ومالقاش اللي يسير البلاد ومخططاتو فحمايتها فشلات مابقا ليه حل من غير يرسل للسلطان سلطان اللي مباشرة حضر لغرناطة فاش قرا الرسالة ومن غير ما يعرف بالحقيقة اللي خفا عليه حكيم حيت امر متعلق بالسلطان ..امر سلطان بحصار قرطبة من قبل الجيوش وخرج بنفسه معلنا الحرب على السلطان يور ..ووقف برا القصر من بعد ما طوقو المدينة كلها منعو الحركة وحبسو الكل فبيتهم وبقاو غثر الجنود منتاشرين..كان سلطان كيضن ان يور لداخل فالقصر..ورسل رسول لداخل قايلو ذو الفقار اللي خفا غياب السلطان يور خوفا من الهجوم على القصر وكان كيرد فمكان يور كأنه موجود على الاقل يربح شوية. الوقت ..اما الحريم فسدو عليهم فجناحهم والخدم خداو الحذر ديالهم والكل مخلوع والقصر مهزوز..
وسط هاد الحرب اللي نايضة رجع السلطان يور وجنبه يمامة على الفرس.. قبل ما يقرب من المدينة لاحظ كثرة الجنود والمدافع قدام اصوار المدينة وراية غرناطة مرفوعة فالسما وفهم ان الحرب تعلنات عليهم والقصر والمدينة محاصرين وحتى الجيش محاصر لداخل.تلفتات يمامة حلات عينيها مخلوعة قالت ليه هادا مناش خفت امولاي..كن زطتي تعطلتي بتفكيرك منت غتلقا غير اثار المدينة
ذو التيجان الجزء السادس
محتوى القصة
بدات يمامة الحكاية للسلطان بلسان الحلو وتنضيم كلامها حتى نسا راسو ونسا الواقع ديالو وسافرات بيه متعة التشويق والرغبة فكمالتها ..وهنا بدات يمامة فالجزء المهم من الحكاية ..وهي تكثر من التشويق وتبعد النهاية ..وفكل مرة كتزيد لهفته باش يعرف المزيد كتنتاقل بيه لجزء بعيد حتى كيسرح معاه وترقفه فاللخضة المشوقة وترجع بيه للجزء الاول.. حتى بدات كتلاحظ مشاعره كتتحرك مع القصة. ..مرة يشفق مرة يناقشها على الصح والخطأ فالشخصيات مرة يفرح ويبرد ليه القلب …وهي هتحكي والنهاية كتبعد حتى داه النعاس وخلاتو فالنقطة المهمة اللي تخليه يعيط ليها من بعد باش يعرف الكمالة .. خلاتو ناعس وناضت بغات تخرج حتى سمعاتو قاليها
نتي اللي جيبي ليا الفطور الصباح
تبسمات وحدرات راسها قالت ليه السمع والطاعة يا تاج السلاطين
خرجات مشات لبيتها لاكن لقات بصيرة كتسناها وابسمات قالت ليها
ضحكات ليك الايام .. ورجع مكانك فالعمبر مابقيتيش غادي تباتي هنا بوحدك
هزات يمامة راسها قالت ليها يمامة كتخنق بين الحيوط الضيقة ..خلي هاد البيت لسبأ
بقات بصيرة كترف فثها باستغراب وهي عادية قدامها وصلاتها للعمبر ودخلات لقات كولشي ناعس والحس مقطوع .. مشات رجعات لمكانها وجلسات فديك الضلمة دوزات يدها على داك الرير الناعم واشتلقت استسلمات للنوم. لاكن مافاتش بزاف ديال الوقت حتى بدات تعرق فنعاسها وتتعذب وتقلب يمين وشمال والنفس مقطوعة كأنها كتخنق.. تعدبات حتى كانت غتموت وفاش حلات عينيها لقات متعة جالسة حداها كتفيقها وناضت جلسات كتنهج وترعد ..عنقاتها متعة بكاس ديال الماءشرباتو ورجعات النفس وعنقاتها قالت ليها على سلامتك .. كن تشوفي شحخال فرحت فاش لقيتك جني..
تبسمات رليها يمامة وقالت ليها حتى انا ..ولاكن باينة غادي نعاني ومانسى شنو عشت حتى تخرج مني
رجعاتها متعة فالنعاس وقالت ليها نعسي وقراي القرآن .. وانا حداك دايرة ودني معاك .. تصبحي عاى خير
نعسات يمامة ونعسات متعة وسرح الليل على القصر حتى باغ الفجر وبداو سكان القصر يفيقو وبدات الاشغال من دا جديد لاكن ماشي بحال كل نهار .هاد النهار صبح على خبر جميل ..خبار غتقلب كاع الهدنة وتهفث المشاكل كلها القديمة وتحيي مشاكل روحية من نوع جديد .
كانت روح الندى فجناحها واقفة كتلبس وتتحهز باش تخرج
وقبل ما تحط اخر جوهرة عليها دخلات عبدية كضحك وراشقة ليها وصبحات عليها بخبار سارة وقالت
صباح النور .. صباح الخير والخمير والضيف الجديد يا لاللة ..سعدي وفرحي
قاطعاتها روخ الندى قالت ليها لسانك كيجيب ليا غير الضياف وجوه الويل
ضحكات عبدية قالت ليها ضيف وجه السعد كنتي تتسنايه من زمان ..
تلفتات روح التدى مستغربة قالت ليها شكون؟
ضحكات عبدية وقالت ليها فرحي وسعدي..غيجينا لهاد القصر حفيد
تبشر وجه روح الندى وتنور فالفرحة وقالت. ليها
واش بصح اعبدية؟؟؟ بصح غيجيني حفيد
ضحكات عبدية وقالت ليها بصح وانا بيدي تأكدت
ضارت روخ الندى هزات يديها كتشكر الله بالفرحة وتلفتات قالت ليها ولدي فخبارو؟ قلتوها ليه ؟
قالت ليها عبدية لا مزال رجلي من عند الحكيمة والجارية ديالو لعندك نيشان
قالت ليها روح الندى حتى واحد ميخبرو انا اللي خصني نخبرو.. اجي وشكون هاد المرضية؟
قالت ليها عبدية هي الاثيرة ديالو ..واللي كيفضلها بزاف وسميتها متعة
هزات روح الندى عينيها فالسقف كتتأكل وقالت ليها
امم متعة ..جيبي ليا هاد متعة نشوفها ..ولاكن ماشي دابا حتى نشوف ولدي..وحطيها فعينيك اعبدية انا ماصدقتش هاد الحفيد جا من بعد هاد السنين كلها ..الى وقعات ليه شي حاجة راه نهد عاد القصر فوق راسكم كاملين
قربات عبدية منها بشوية كدور عينيها وقالت ليها بهمس المشكل ماشي فالبنات الاللة..المشكل فالنعاس
هزات حاجبها روح الندى قالت ليها كيفاش فالنعاس؟؟ شنو بغيتي زعما تقولي
قالت ليها عبدية ما مرة ما جوج كنسول البنات اللي كيرجعو من العزلة وتأكدت من البنات اللي كيفهمو شوية باللي مكيلقيش فالرحم الاللة
بعدات روخ الندى مصدومة كتشوف قدامها وقالت ليها اويلي علاش؟ مابغاش يولد؟
قالت ليها عبدية الله واعلم اشنو فراسو .. المهم هادشي اللي كاين ..ولاكن هاد المرة سولت متعة قلت ليها كيفاش جرا قالت لي هاد المرة لقى لداخل ولاكن من قبل كان يلقي برا .
قالت ليها روخ الندى وعلاش عاد كتقوليه ليا
قالت ليها عبدية فين كنتي مسالية بعدا وشي مور شي كارثة مو كارثة ..
تبسمات روح ندى وقالت بلهفة هاد الخبار خاصها توصل للاصيل هاد النهار ..وانا نيت اللي غنقولها ليه باش نشوف وجهه ونفرسو مزيان
ميعات عبدية قالا ليها همة تفرسيه فين باغا توصلي بهاد الضد
شافت فيها روح الندى قالت ليها شحال من مرة منعتي من الموت اعبدية علي يدي.. كتقلبي نطلع ليك الروح
دورات عبدية راسها ماجاوباتهاش وقالت ليها حتى انا راني ربيت وكبرت ويور كيحسبني بحال مو ماعندك كي ديري دوزي ليا
هزات روح الندى يديها كتعصرهم وقالت ليها غير ستافزني وتشوفي الى ما جريتك من رجليك
خرجات روح الندى على الصباح رسلات مرسول لاصيل يتلاقاها عند الواد ومشات كتجري تشوف ولدها .. دخلات لقاتو راكع كيسلم وناض تبسم مشا باس يدها وصبح عليها .. شدات ليه فكتافو وقالت ليه مبروك عليك اولدي.. جاريتك متعة حاملة
تفاجأ بهاد الهبر لاكن فرح بيه وهز يديه كيشكر الله ويحمده .. جلسات جنبه كيحتافلو فهاد الخبر حتى دخلات عليهم يمامة هازة صينية الفطور وحدرات راسها تصدمات روخ الندى فاش شافتها وقالت ليه بارتباك
واش الخدم باقيين ناعسين شفتها جايبة ليك الفطور!
تبسم وشار بيدو ليها تتقدم وقال
انا قلت ليها تجيب ليا الفطور .
رمشات روح الندى قالت ليه ولاكن اولدي اولدي هاد البنت مكنرتاحش ليها
هز يدها قبلها وقال ليها المهم انا نرتاح الاللة روحي ..
تنهدات وناضت باش تخرج لاكن وقفها عرض عليها للفطور وعارضات بادب قالت ليه خليت شغل مهم اولدي خاصني نكملو ..لغدا ان شاء الله نتغداو بجوج
مشات كتشوف فينامة بنص عين والاخرة حتى هي حادرة راسها ومتبعة ليها العين بحذر حتى خرجات ونجلس السطان شار ليها تتقدم تخط البقية ورفع عينو قاليها سيري اختاري الفرس ديالك اللي هديتك
تبسمات وحنات راسها خرجات وعيط على اللعبيد اللي فالباب امرهم يجيبو ليه متعة .
اما روح الندى شدات الطريق كتجري للواد ويمامة خرجات لاسطبل فسلهام ونقاب على وجهها رفقة عابد اللي غادي وكيهضر بوحدو
ايوا عطاتك الايام.. ثلاتين ناقة وفرس تروة هادي
شافت فيه رافعة راسها وقالت ليه مزال غتشوف اكثر اعابد..مدام حياتي غتكمل فهاد القصر حتى للموت فخاضتي نكبرها .. وحتا احلامي وطموحاتي عادي ندخلها لهنا ..مغنرضاش بالقليل ومنخليش حياتي تمشي هباءا منثورا ..رد بالك مني اعابد حيت مانسيتش ليك الحرقة اللي حرقتيني وغادي نرد ليك ختها ثانية ومثلتة
وصل المرسول للاصيل وخرج من القصر كيضحك وقال مع نفسو
غنشوفو اشنو جايبة يا اللفعة نتي ماكطلبي تشوفيني حتى عندك شي سم فلسانك واكلك
ركب الخيل وهاد المرة حلفات شهرزاد حتى تبعو من بعد ماعيات تحضي رسول قصر قربطة وهوا داخل خارج عندهم وخرجات متنكرة فسلهام والنقاب على نيفها ..وتبعاتو فوق الخيل كتجري موراه .
فهاد الاثناء كانت يمامة كدور بين اجمل اخلق الله وتتخير وتلمس وجه الفرس فرس بفرس حتى توددات ليها واحد الفرس بنية اللون ديلها طويلها وحنات ليها الراس من اول لمسة .. ختارتها يمامة هي من دونهم وخرجوها ليها شدات فيها فرحانة وبقات كتهضر معاها وتقول
نتي من ليوم ملكي انا ..وصاحبتي والبراق ديالي..
تبسمات وطلبات من خادم الاسطبل يحط عليها سرج وقالت لعابد غادي نركب عليها شوية..مولاي هوا اللي قالي ناخد راحتي معاها
سكت عابد ماهضرش واصلا سرط لسانو من الساعة فاش حلفات عليه فوجهه وخلاها ركبات الفرس لاكن قبل متتحرك قاليها واش كتعرفي تركبي بعدا ولا لا
ضحكات عليه من فرق الفرس قالت ليه غتعرفني كنعرف نركب فاش نركب ليك على ضهرك اعابد
ضربات الفرس برجلها مشات كتجري بيها ومتحكمة فيها حتى دخلات لغابة القصر وعطات رجلها للريح حتى لقات راسها قدام الصور ديال القصر وهزات راسها شافت فيه وقالت
من اليوم انا حرة ديال راسي واخا يملكو جسمي فهاد القصر روحي غتبقا برا
ضربات الفرس خرجات من القصر كتجري فسلهامها ولثامها ومشات كدور وتتسكع وهي فقمة السعادة.
كانت فهاد الاثناء روح الندى عند الواد كدور حتى وصل الاصيل ونزل كيضحك فاش شافها وقال
نهار كبير هادا ..لقيتي الحل للمصيبة ديالك ولا شنو
ضرات عندو كضحك حيدات اللثام وقالت ليه لا ..ولاكن جبت ليك واحد الخبار شهوة منها
نفض يدو شافيها قاليها حتى انا داكشي اللي قلت مع راسي. اشمن خبار
وقفات قدامو كتتأمل فيه بسعادة ودايرة ضحكة شرانية وقالت ليه جيت نقوليك باللي
الشجرة ديالي كتزهر ..وحلاوة الحياة عندي فالقصر.. ونتا امولاي بعيد كتمنضر …فحفيد ولدك الصغير فالعمبر .. بين خلفة وخلفة كيعثر .. ومن حرف لحرف كيهضر ..فقلبي الصغير كيأسر ..وقدام عيني كيكبر ايوا كي جاتك هادي امولاي الاصيل لمأصل
بقا ساكت مصغر عينيه وهي كتهضر وكيفهم لكلام حتى سالات وتبسم بلا ميحس قاليها غيجيني حفيد؟!!
ضحكات قالت ليه حتى يكون كيعرفك بعدا ولا كتعنيه هوا وباه ..عاد قول غيجيني حفيد واقيلا مافهمتي كلامي
هز راسو كيشوط مني نيفو زاد القدام طير ليها الضحكة ورجعات اللور مخرجة عينيها حتى حبساتها واحد الصخرة وقال
لا اروح الندى .. يا لكرطيطة ..مغتوصليش لداكشي اللي بغيتي هاد المرة وماتزيديش تستافزيني..سبق وقلتي ليا غتوريني الدقة اللي مكتنوضش لعجاج ..وحلفت حتى نوريها ليك وتشوفيها بعينيك ..ووفيت وترجعتي تحت السلطة ديالي ونتي فهاد البلاد كلها ..وتابعة ليا .. ونقدر نخرجك هازة يدك لفوق كاع ..ايوا حسن ليك ماتزيديش تستافزيني كثر من هاكا ..خصوصا فهادشي حيت صبري بدا ينفد وغادي نوريك وجهي لاخر ونكحل الدنيا فعينيك
بقات كتشوفيه مورة راسها والنفس كضرب فوجهها وتحت انضار شهرزاد وهي غتنفاجر وزادتها حرارة الشمس الخارقة صهد على ناو الغيرة والكره اللي كتكنو لروح الندى
بلعات الاخيرة ريقها وقالت ليه انا جيت نخبرك ماشي ندابز معاك
هز يدو بشوية شدها من رقبتها كيدوز عليها بشوية وقال كيتأمل فيها
ماجيتيش تخبرني ..جيتي تفقصيني..والى فقصتيني غنفقص ليه هاد الحلاقم اللي عندك لداخل..وا ردي بالك باش منخلينيش نتعصب ونخوي فيك الاعصاب. ديالي..ورجعي وفكري كيفاش غادي تقولي لولدك على باه ..مليت من هاد المسرحية هادي ومابقاش ليا الجهد ليها ..ولا قسما لزما حتى نقولها ليه نيشان ونفضحك وشوفي فين تخشي وجهك ديك الساعة ..روح الندى الضريفة الزوينة البلارة والام المثالية قدام ولدها ..هربات وقتلات باه وهوا فالحياة ..لا و عايش حداه وكيهضر معاه وكيشوفو وماقدراتش تقوليه الحقيقة..واش غيقبل ليك هادشي؟ عرفتي شنو اروح الندى ..خصني نفيقك من السبات ديالك..
جمع يدو ورا ضهرو وقف مقاد وقاليها نفرضو قلتي ليه شنو داز عليك كاع ..واش حضر؟ واش كان ؟ هضرة وواخا يسمعها ماشي بحال يعيشها ويحس بيها..ويقدر يدوزها حيت غير معاودة ..اما نتي راكي عيشتيه كدبة قد الويل اللي غتغرقي فيه نهار يعرف
حطات يدها وراها على الحجرة كتفتف وتبعد حتى حيدات من قدامو وهزات راسها قالت ليه انا كنبقا مو ..مربي عليا الكبدة وكبر فاحضاني..اما انت مكيكن ليك حتى ذرة مشاعر
سرح يديه قاليها ايوا وجدي راسك الاللة لذرة مشاعر اللي غنوريك
عطاها بالضهر بغا يركب لاكن خرجات عينيها مشات شداتو من دراعه وقفاتو وقالت ليه بلاتي..بلاتي غير نتفاهمو حتا اصلا فسفينة وحدة
تلفت ربع يديه شاف فيها وقاليها وفكينيا يالاه شحفتينا عمرني صبرت لشي حمقة حتى صبرت ليك وشطحتيني كيف بغيتي . والله منزيد نصبر ليك
بلعات ريقها قالت ليه واخا غير صبر حتى يتزاد ونشوفو شنو نديرو صافي؟
ضحك عليها وقاليها غنعطيك ثلت ايام ..الى ماجبتيش ليا الحل لها الروينة غاندير شرع يدي..غنتسناك فالرياض اللي خرج ليك فيه العقل..والى ماجيتيش غادي تشوفي شنو غندير فيك
بقات ساكتة عاضة فالصبر وحركات ليه راسها بالايجاب وضاو خلاها واقفة ركب على الخيل مشا ورجعات هي للواد رشات على وجهها شوية دالما حيدات الخلعة وركبات على العود ديالها مشات كتجري ..انطلقت موراها شهرزاد تبعاتها وصوبات سهم نيشان جهتها جابتو فيها شقات ليها ضهرها طيحاتها من فوق الخيل وضارت بغات تمشي لاكن سمعات صوت صهيل حصان اخر وتلفتات لقات خيل بنية وعليها مرى ملثمة شاهدات شنو وقع ..ضربات شهرزاد الخيل خافت تكشف شكون وهربات كتجري في حين مشات يمامة كتجري تشوف شكون تضرب بالسهم ونزلات على الخيل كتجري لقات روح الندى طايحة لاكن مزال مخرجة عينيها متشبتة بالحياة بسنانها ..حيدات ليها اللثام شافت شكون هي وتصدمات رجعات اللور خافت وارتابكت وروح الندى هازة يديها كتقوليها عتقيني… عتقيني
قربات يمامة منها بارتباك وطارت ليها روح الندى على اللثام حيداتو ليها بغات تعرف شكون وقالت ليها نتي..نتي يا اللفعة اللي بغيتي تنتاقمي مني
بعدات يمامة قالت ليها لا ماشي انا ..شي واحد اللي ضربك وهرب !!انا علاش غنضرب ونجي عندك ؟
قالت ليها روح الندى كتنهج جيتي تشوفي واش باقا حية ولا صافي ..ولاكن ماشي بهاد السهولة غادي تنتاقمي مني
تصدمات يمامة من كلامها قالت ليها لا والله ما انا ..وكن كنت انا غادي نتاقم منك حتى دابا
شهقات روخ الندى بغات تسخف قالت ليها الى ماشي نتي يالاه عتقيني..عتقيني دغيا ديني للقصر
رديت يمامة بارتباك قالت ليها واخا .. وسدي عليا واش تقدري توسدي عليا
حركات روح الندى راسها قالت ليها شدي فيا ..حاسة براسي كنمشي..هرسي السهم دغيا قبل منفقد طاقتي..
هرسات يمامة السهم ونوضاتها كيكتبرو بجوج طلعات فوق الفرس معاها وحطات روح الندى كل جهدها فديك الطلعة الصعيبة وغير طلعات غابت وفقدان الوعي لاكن يمامة ماتعطلاتش مشات كتجري بيها والفرس كانت فعلا بحال البراق كتجري وصلاتها للقصر ودخلات تعرضو ليها مخلوعين هزوها طارو بيها ونزلات يمامة كتفتف بغات تبع الخدم لاكن رجعات للفرس ديالها شدات فيها حتى وصلاتها للاسطبل ووصات عليها عاد دخلات كتجري
فهاد الاثناء كان السلطان يور كيكتب مرسول للاصيل قاليه
بهراتني هديتك بفصاحة لسانهاوعذب كلامها ووزن اشعارها ..وبغيت نتعرف على معلمها اللي علمها وخرج منها شاعرة راقت لي .
لوا المرسول رسلو للاصيل وخرج من جناحو لاكن فطريقو لقا عبدية نزلات عليه بخبار بحال الرعد دالعشية ..مشا كيجري لقا روح الندى مجبدة كتنزف والحكيم والحكيمة عند راسها كيسعفوها .. اما يمامة فكان نهارها نهار وبصيرة واقفة ليها عند راسها وعابد كيندم فيها ويقول
خرجتي على راسك شداك تخرجي نن القصر..واش معارفاش القوانين واللي خرجات من القصر كيردوها ميتة
تخلعات يمامة وجلست فواحد القنت ماعارفات باش ترد وبقات كتبكي ..اما روح الندى فاتت سبع اوراح ..ردات الوعي بالزربة لاكن مقصحة وندمات على الوعي اللي وعات حيت حضرات للعافية اللي كواتها فالجرحة وكمداتها حتى كانت غتغيب..
سد ليها السلطان فيدها حتى نقزاتها وغطاوها فشلانة وتلفت شاف فعبدية قاليها كيفاش خرجات من القصر؟؟ علاش ماعلمتونيش؟
ردت عبدية مخلوعة قالت ليه مولفة امولاي كتخرج بلا متعلم ..ولاكن اللي ماشي هوا هداك هوا يمامة جات هازاها فوق الخيل
دخل عليهم عابد هاز صينية ديال العشوب حطها وخدر راسو سمع غضب السلطان اللي قاليهم
كيفاش يمامة تخرج من القصر وشكون سمح ليها وفين كنتو
قال ليه عابد هي امولاي ركبات ومارضات تنزل ..ومشات قالت لي مولاي اللي سمح لي نركب
رد بغضب قاليه تركب وسط القصر ماشي برا القصر
بغا ينوض فديك الحالة دالغضب لاكن شدات فيدو روح الندى قالت بصوت متعب
انا اللي قلت ليها ترافقني..وديتها معايا نشوفو دار المحسنين ونزوروها
تلفت قاليها
تشوفي دار المحسنين بلا اذن مني وبلا حرس ولا خدم ولا وصيفات ؟؟؟
قالت ليه كتنفس وترتاح بغيت نمشي فغفلك منهم باش نعرف التبرعات فين كتمشي..كانت زيارة متنكرة امولاي
تنهد وتلفت حط يدو على راس روح الندى بأسف حتى ضرب قلبو حس بالاصيل مسيطر على تفكيرها وبداو الاحداث قعقلو كيتقراو لاكن بعدات عليه مباشرة فاش حسات بتأثير افكاره وقبل ماتغيب لانه فكل مرة كيزيد يقرا كتبدا تغيب وقالت ليه
خليني بوحدي نرتاح ..عيييت
هز يدو مستغرب شاف فيها وبقا كيحقق فيها مطولا وناض من مكانو وصاهم يردو ليها البال .غير خرج تنفسات الصعداء وامراتهم يجيبو ليها شادية ..
حضرات فالحين دخلت عندها وامرات الكل يخرج وقالت ليها وهي سخفانة
شوفي ليا شكون ضربني.. انا متأكدة داكشي اللي قلتي بدا كيبان
تنهدات شادية جلسات جنبها شادة يدها وقالت ليها ضرباتك مرى الاللة
حلات روح الندى عينيها قالت ليها مرى؟؟ هاد المرى شكون واش سبأ؟
حققات شادية فيدها قالت ليها هادي ام ولود..ماشي عزية الاللة
دورات روح الندى راسها كتشوف قدامها وتفكر قالت ليها ام ولود.. ولود يعني بولادها ..واش من جهة الاصيل نيت؟
ردت شادية قالت ليها من جيهته الاللة كما سبق وقلت ليك .
بقات روح الندى ساهية كتسائل واحد اللحضة خرجات عينيها حتى فلتو وقالت
شهرزااااد!!! شهرزااااد ام ولود ..ولاكن علاش؟ شنو السبب تكون ؟؟!!لا ميمكنش! لالالا ميمكنش وشكون غيقولها ليها ؟.. ولا تكون شكات فشي علاقة بينو بينو وحرقاتها الغيرة؟! هي متكون غير هي ..شوفي اشادية ..ليلة عادي دخلي عند السلطان ..وبشتى الطرق غادي تقراي ليه الكف وتجي تقولي لي شنو عندو فيدو ..نوضي وجدي راسك
ناضت شادية قلت ليها ولاكن الاللة انا ماشي من الحريم ديالو ؟
قاليت ليها روح الندى هانتي كترجعي منهم ..والى جبتي ليا خبارو غناك الله ..والى كنتي باغا غير القرب هانا عطيتك فرصة ..يالاه تحركي وريني شطارتك
بقات شادية ساكتة خرجات ومشات كلمات ليها عبدية كما امراتها ودخلات عندها لجناحها قربات منها قالت ليها هانتي بقيتي كتمشي تلاقايه حتى جبتيها فعضامك ..صافي تهنيتي؟
قالت ليها روح الندى والسخفة شاداها
وجدي شاديك للخلوة ..وجيبي ليا ورقة غنتنازل عليها هدية ليه ..ودخليها للعمبر من هاد الليلة
دارت عبيدة يد على يد غير كتشوف وقالت ليها وا عطي الراحة لراسك واش دابا نتي فالخلوة ؟ ماقداتكش هاد الخلوة اللي بين عضامة
عزات روح الندى سنانها قالت ليها مناقصاكش اعبدية ولسانك بدا يطوال..ديري شنو قلت ليك ولا غادي نفرغ فيك هاد الجنون اللي مالكيني
هزات عبدية يديها مسلمة خرجات مشات عند بصيرة وقفاتها فالطريق قالت ليها خلي كاع اللي فيديك ..وتبعيني اللية الخلوة عند مولاي
قالا ليها بصيرة باستغراب ولاكن هوا ماطلبش خلوة
قالت ليها عبدية واخا ميطلبهاش وجديها ليه ..
قالت ليها بصيرة شكون غتمشي عندك شي وحدة معينة
هزات عبدية راسها قالت ليها شادية
حلات بصيرة عينيها قالت ليها شادية؟!!شادية ماشي من الحريم !!جارية دلاللة روح الندى
قالت ليها عبدية هداتها ليه ومن اليوم ديري ليها بلاصة فالعمبر بين البنات ..يالاه نفدي
ضارو الخدم بشادية دورةالزمان مللي كيتقلب ..قلبوها سفاها على علاها ..حمموها ورطبوها وبالزينة زينوها والحرير لبسوها ولمولاي السلطان مع العشا قدموها .
دخلات عبدية هي اللولة لجناحو لقاتو منغم وبالشمع مضوي ومن يمامة جالس كيتعشى .. تلفتات شافت فيها هي فالخضر جوهرة جالسة وشعرها المتموج جنبها ومزينة ومريحة وشقة صدرها معرية..
تبسمات بزز منها وقالت ليه مولاي..جاتك هدية
استغربش شافيها وكان بحال لعريس فديك الليلة فلباس بلدي شفاف كحل ووجه مبشور واضح عليه الراحة والانس مع يمامة .شد الورقة فيدو فتحها لقا فيها تنازل على وصيفتها بالاسم والوصف وتقديمها ليه هدية ..تصدم بقا شاد الوقة كيشوف قدامو وهز راسو شاف فيمامة اللي جالسة قدامو بحال الحمامة ورجع تلفت شاف فعبدية شار ليها بيدو دخلها ومشات خرجات شارت بيدها لشادية اللي واقفة برا تقدمات برجلها اليمنية لابسة بلغة فالاحمر وخلخال فالرجل والقفطان احمر موبرة بالفتحة لوسط حتى للركبة وطالع بسفيفة وزواق المعلم عتى لفتحة الصدر وكمامو واسعة مخزنية ، الشعر ازعر مدرج حتى للخصر والفرقة لسوط مزينة بحجر فالاحمر ..لحجان عراض ولعينين كبار مجبدة مكحلة بالكحل والشفار طالع كتتغزل بالحاجب..لخدود موردة والحيا والحشمة عليها منتصر . دخلات حاذرة راسها وجهها احمر كيقطر ويمامة قدامها كتشوف فيها وتتمنضر!! اش هاد الصدفة اللي جمعات مولات الدار بالهاربة من القصر؟!..
اما السلطان بقا فمكانو هاز فيها عينو ماتعرفو مستغرب ولا منباهر .
تنهد تنهيدة اعمق من البير وقاليها
اجي اشادية..جلسي
هزات عينيها وصدرها من الحشمة كينفاجر ..وزادت كملات الباهية وتلاقات الصدمة مع الحشمة فاش شافت يمامة جالسة بحال عروسة البحر حدا الطبلة والزين منها منتاشر. مافهمات شادية شنو كيوقع وتقدمات كتشوف فيمامة والاخرى حتى هي بغيض غيرة قلبات وجها مابغات تشوف فيها لاكن عينيها غلبوها وبقاو متبعينها حتى جلسات جنبهم على مخدة مهبطة عينها وكتشوف فجنابها ماحيلتها للسلطان غطق منو بالحيا ولا ليمامة اللي جاتها منها الغيرة وكتحس براسها غير مرحب بيها فحضرة يمامة .
تلفت السلطان شاف فشادية قاليها شنو كتعرفي ديري من غيري قراية الكف
تلفات شادية هزات راسها شافت فيه قالت ليه انا ماقريت كتوب ما كتبت فلواح..
تنهدات يمامة وتلفتات هازة خنافرهت مبسمة وقالت ليه مبسمة
نخوي ليك شي كاس دتاي منعنع ينعنع ليك الجو امولاي
تلفت شاف فيها وضحك قاليها خوي ليا..وخوي حتى لشادية حتى هي
رجع وجه يمامة احمر وتحجرو خدودها ..خوات ليه كاس وحطات البراد ماخواتش لشادية اللي كانت كتشوفيها وعجبها الحال فاش شافت عروق عنقها بانو وقالت ليها حتى انا خوي ليا اسبأ
فالبلاصة هزات فيها سبأ عينها مبسمة وحاجيها مبرفوع وقالت ليها يمامة ..ماشي سبأ.. سماني مولاي يمامة
تلفت ليها قاليها كملي فين خلينا الحكاية ايمامة ..
كحزات جنبو نغزة قاليت ليه خليناها فاش سلمات روحية على راجلها اللي رجع من السفر ..
تكا على ضهرو لاح يدو على لوسايد وهما فجلسة فالشرفة فالهواء الطلق وقال
وجاب ليها معاه خادم بالسم كتقطر
قالت ليه بالسم كتقطر وفجلايلها كتعتر..عطاوها ليه بطاطة برطل ماجابت لمولاها حتى ثمن السطل ..
قاليها لولا الرهان اللي كان بين التجار مكانش ياخدها التاجر ويعطي مكانها حمار
ضحكات يمامة وقالت ليه التاجر اللول مولاها .. مشاف منها لا فرح لا قرح لا نزاهة ..قال اجي نتفك منهاد الخطية ندير بيها رهان بين الصحاب ..وك ولاكن من سخاء التاجر العطار ..خداها وجاد عليه بداك الحمار .. ولاكن امولاي.. صحبة القش طلع حتى هوا غدار ..هدا الخادم كتقطر السم بالقنطار ..وعطاه مكانها حمار عما ركابيه خاويين مايهز خضرة مايرصل سخرة للدار .
ضحك قاليها مرتو اللي عطاتو رزقها باش يجيب السلعة جاب ليها بلاصتها خادم مسوسة مايكر فيها لا خير لا عشرة طيبة
قالت ليه شادية مستغربةعلاش كيهضرو ..
الغدر كيجي حتى من الخوت بقات غير فالصحاب ولا راجل مع مولات الدار
كملات يمامة بتعاويدها ولسانها الحلو ورقتها فالكلام وصوتها الغذب وقالت
مولات الدار تستاهل..وحتى التاجر العطار اللي كان كيبان ولد الناس..طمع امولاي والطمع طيحو فديك الخويدم اللي صفاتها ليهم بجوج فاللخر
هز عينو كيضحك قاليها كاع اللي سعاو ورا ديك الثروة خلاوها وتوسدو الحجر فالقبر..
تنهدات يمامة قالت ليه هادي كمالت الحكاية امولاي.. خود منها اللي ينفعك فحياتك اليومية وخلي بالباقي ليا نطوي بين الاوراق المنسية
تنهد بعمق قاليها بداي لينا شي وحدة تنسينا فهم التاجر اللي هزينا
تبسمات وقالت ليه غنقول ليك واحد الشعر نضمتو ليك بالخصوص ..مناقص حرف ما من الشدة والضمة مخصوص ..
هداني ليك الاصيل السلطان .. ودرتي فهديتك اجمل مكان ..
ماهداني بحالك هدية انسان
وماختاريت من بين الرجال غير وجهك الفتان ..
يوم كانت فالسوق عليا الاعيان ..
كنتي من دونهم اطيب انسان ..قريب لي وسندي فهاد الزمان ..
ماحبيت غيرك انسان
تشوفك العين ترجف الابدان
ما حبيتك غيرك انسان
هزات كتفها فرحانة كتشوف فيه وتبسم شد ليها فيدها زير عليها وتلفت شاف فشادية اللي كانت غتموت فبلاصتها بالغيرة ولاح يدو ورا ضهرها قاليها شادية يا شادية ..ياللي بنورك الشموع ضاوية ..مالكي ساكتة وراسك حانية
بقات شادية ساكتة قالت ليه انا غير بنت القبيلة مانعرف نضم كلام ولا بيدي حيلة
قاليها وكتعرفي تقراي لكفوف..واقولي ليا شنو شفتي فكف السلطانة روح الندى
سلات يمامة من يدو يدها وقالت ليه نمشي خوي هاد الكاس برد امولاي
هزات كاسها داتاي دخلات بيه لحمامو وسرات عليها باب الخشب وتزيرات تما حتى بغات تموت وبدات كترعد وتبكي وشادة الكاس فيدها ..بكات حتى نشفو عينيها ورجعو حومر وشوطات بحال الراس دالعي د الكبير في حين كان جالس السلطان مع شادية كيشوف فيها وقاليها كي دايرة حياتك فالقصر مزيانة؟
حركات ليه راسو قالت ليه الحمد لله
مسح على ضهرها قاليها وخواتاك مزيانين
حركات ليه راسها قالت ليه الحمد لله هاد الساعة ماناقصنا خير امولاي..غير ترضا علينا وصافي
تبسم وقاليها من غدا بداي تعلمي تكتبي وتقراي وتحفضي القرآن ..
خرجات اثنائها يمامة من الحمام شادة الكاس ولاكن وجهها باين عليه كانت كتبكي واخا عيات تخفي وتقدمات بابتسامة جلسات حنبو سمعاتو كيهضر على تعليم شادية وهبطات راسها خوات ليها الماء شربات ويدها كترعد وعينها عليهم .. بقات كتشرب وهزات حبة دالعنب كتشوف فيهم وبلعاتها بلا متشعر حتى دارت ليها مع قصبة الهوا ووقفات ليها وخرجو عينيها وحلات فمها مخنوقة .. تلفت شافها مهبطة راسها مخنوقة وكتحاول تنفس وهز ليها راسها لقا عينيها حومر ووجهها احمر وناض يفكها وشادية مخلوعة كتشوف فيها وتقول دابا والروح خرجاتها..ضرب ليها السلطان ضهرهاومابغاتش الحبة تخرج وطاحت فوق الزربية كأنها كتموت وعينيها كيدمعو ..تخلع شافها قريبة تودع ونوضها وقف وراها ضمها بقوة لصدو من صدرها وبرك عليها ثلاتة دالمرات عصرها حتى طارت الحبة جات قدامو وسخفات ليه فيدو هزها نيشان كيجر شعرها مع الارض حطها على سريرو وقال لشادية تعيط على العبيد والخدم ..مشات كتفتف مخلوعة حلات الباب عند العبيد اللي واقفين تما دخلو كيجريو وعيطو لعبيدة جات كطير لقاوها سخفانة وشمو ليها مسحوق قوي باش ترجع تفيق ..حلات عينيها المقلوبين شافت فيهم لقات كولشي ضاير بيها وعتقوها بالماء حتى رجعات الوعي ديالها وناض السلطان من حداها قاليهم ديوها لسريرها ترتاح ..وخليو معاها شي واحد يرد ليها البال
نوضوها وقفوها شادين فيديها بغاو يخرجوها وتلفتات شافت شادية وراها مزالة واقفة وقالت ليهم بصوت متعب
انا مزيانة ..صافي غير خليوني
قالت ليها عبدية ماشي لخاطرك الحبيبة ..خصك تمشي تنعسي
نترات يديها قالت ليهم لا مولاي باغي يسمع حكاية جديدة
تلفت ليها فاش سمع شنو قالت وتقدم وقف قدامها مسح على وجها الدموع اللي نازلة وقاليها سيري ترتاحي حتى لغدا ..مزال ايام الله طويلة
بقات كتشوف فيه وترمش ووجهها كيتزير وخرجوها كتشوف وراها وسدو الباب
حدرات شادية راسها قالت ليه تصبح على خير امولاي
ودازت جنبو باش تخرج لاكن شدها من يدها وقفها وهي عينيها كيدورو رجع وجهها اصفر وقربها منو اكثر كيشوف فيها ويتأمل وجهها وشد ليها فالدقن ديالها قبلها وجرها من خصرها قربها حتى نسات مها وباها ولقات راسها فوق السرير بين يديه سايحة..حيد ليها القفطان كيتأمل تفاصيل جسمها ونزل على صدرها حتى بدات تشهق وحلات عينيها شافت فيه قالت ليه منقدرش..منقدرش
هز راسو شاف فيها قاليها علاش متقدريش؟
بلعات ريقها قالت ليه غتقلني مي
ضحك حتى تسدو عينيه وقاليها مك فاش تبان جيبيها لي
سكتات كترمش وماعاوداتش نطقات وتلفتات شافت فشمعة مضوية حداها وساطت عليها بيدها طفاتها .
اما حمامة القصر وصلات مقجوجة لبلاصتها ..تكاوها وكانو البنات كيوجدو راسهم ينعسو ..تلفتات جنب سريرها شافت متعة غابرة وقالت بتعب فين متعة
ردات عليها عبدية قالت ليها متعة عيانة ..حولنها لبيت اخر فير تسنطي نتي على عضامة الاللة
تقلبات على قلة دالما شربات منها وكان سرير شادية مقابل مع سريرها ومكتوب عليه سميتها ..بقات جالسة حاضياها ترجع والكل نعس والضواو طفار وشادية مزال مارجعات ..تبقات هاكاك يمامة كتنسناها ومعنقة واحد الوسادة على صدرها كتبكي والدموع كيتلاقاو فدقنها وكل مرة تسمع حس وحدة فالبنات دخلات من دار الوضوء ولا مشات تقضي حاجتها كتلفت بلهفة ..سهرات طول الليل كتسنى قدوم شادية حتى تسدو عينيها وصبعات رموشها السوداء ملاسقة مع بعضها بسبب الدموع .
فاقت هي اخر وحدة وعينهيها حومر سولات على شادية قالو ليها البنات باللي مكيعرفوهاش وعمرها دخلات العمبر ولاكن مؤخرا جهزو ليها فراشها يعني قريب غادي تدخل
ناضت يمامة بقفطانها اللي نعسات بيه وقفات دايخة ويالاه زادت خطوة دخلات عليهم شادية بوجه احمر مبسمة والحوالق والعقيق فيديها وراسها مرفوع بقا كلشي كيشوف فيها متبع ليها العين وباينة عليها راجعة من الخلوة غير من اثار الزينة اللي واضحة عليها .. تمات داخلة وبصيرة وراها توريها سريرها حتى وصلات عند يمامة اللي واقفة ومكمشة فيدها بلغتها اللي تلبس خارج زرابي العمبر البيضاء وشعرها الناعم المدرج على جناب كتافها وكتشوف فيها والبكية شاداها
هزات شادية راسها تنهدات شافت فيها مزيان وهزات يدها كانت حاطة نبالة من الذهب الخالص منبتة بالالماس وقالت ليها
خصارة متكملتيش معانا الليلة ..كن هداك مولاي بحال هاد النبالة
بلعات يمامة ريقها حتى قطرات عينها على خدها وتبسمات شادية بشفقة قالت ليها مسكييينة ..كتبكي حيت ماعطاكش النبالة!..ماتبكيش دابا نجيب ليك بحالها المرة الجايا احبييبتي
بلعات يمامة غصة فقلبها وخرجات مارداتش عليها مشات دخلات للزريبة دالجمال ديالها وجلسات فواحد القنت ساكتة وساهية كتخمم وقالت كتمسح عينها
غير بلاتي عليك اشادية ..شنو قضيتي اصلا بحالك بحال البنات اللي فالعمبر كلهم حتى وحدة ما احسن ما احسن من الاخرى ..
صبحات روح الندى واقفة شادة جنبها كتنفخ من العيا واول حاجة دارتها عيطات لعابد يحضر ليها شادية.. مشا نيشان للعمبر عيط ليها وغير سمعاتو صفار وجهها وتفكرات الخط اللي مالحقاتش تشوفو وداها النعاس مباشرة من بعد الجماع وفاض فقات لقاتو واقف قدام المرايا كيلبس حوايجو .
بلعات ريقها وناضت مشات معاه لجناح روح الندى ودخلات حادرة راسها .
ضارت عندها روح الندى كتركب الحلاقة فودنهت وقالت ليها دوزتي الخلوة ..ايوا سربي راسك اري ليا شنو شفتي طلقيني
بلعات شادي ريقها كدور عينيها ومتلقات حتى حل من غير تألف ليها قصة وكدبة تخرجها وقربات منها قالت ليها شفت فطريقو ارض واضية حرير .الاللة..ولاكن شفت جنبو عرق كيضرب كبير ..حبل سري متشبت بيه ..وهاد الحبل هوا نتي الاللة
تبسمات روح الندى عجبها الحال وقالت ليها واش شفتي شي حاجة خايبة تقدر توقع بيني وبينو ؟
تبسمات شادية قالت ليها بلعكس الاللة ..شفت كل خير بينك وبينو .. شفت الرضى من عندو والرضى من عندك ..
فرحات روح الندى قالت ليها مزياان ..ايوا ومابانش ليك شي مسخوط تما بيناتنا باغي ينوض الفتنةبيني وبينو
دورات شادية عينيها قالت ليها اه اه الاللة كاينة ولاكن واخا يعيا يرمي فالفتيلات عمرو يقدر يفرقكم ..نتي ضو عينيه وهوا تحت طاعتك الاللة . يدو مسلمة وفايامو غنشوفو خير وخمير كثير
هزات روح الندى يديها فرحانة شكراتو وقالت ليها هادا خبار زين رزين ..عاد تهنيت ورتاح قلبي ..ولاكن شنو على الموت اللي طلع ليك فيديك
ترددات شادية وحسات براسها حصلات وقالت ليها مطلعش ليا الاللة ..طلع ليا طول عمره وفرحة ايامو
شهقات روح الندى من الفرحة وقالت ليها سيري يا شادية كما حيدتي الحمل على ضهري وزحتي الهم على قلبي لله ينورك ويفرحك ..انا غادي نتهلا فيك مزيان
هزات رزمة من المال عطاتها ليها وقالت ليها سيري متعي راسك حتى نحتاجك ونعيط ليك
خرجات شادية وحطات يدها على صدرها رتاحت ومشات شادة الرزمة غادية وكتحسب فيها قرص بقرص..
فهاد الاثناء وصل رسول قصر غرناطة عند السلطان يور وقابلو فالباب وهوا خارج وحدر راسه قاليه مولاي..وصلاتك امانة من سلطان محمد اصيل المرتضي بالله
تلفت شاف جنبو مرى كبيرة كيبان عليها الوقار والادب وقال ليه هادي هي الامانة ؟
حنا الرسول راسو وقاليه اه اسيدي
تلفت شاف فيها باستغراب وهي مهبطة راسهاوقال
وشكون نتي ؟
حدرات راسها قالت ليه انا المعلمة الادبية امولاي اللي علمت الجارية سبأ الادي وحسن التصرف وتنضيم الكلام من الالف للياء
هز حاجبو تفاجأ وضحك بسخرية كيشوف فيها وقال. ..اهاه اذا نتي الشاعرة اللي خطفتي قلب جاريتي حتى مابقاتش كتشوف من غيرك !! مشاء الله
خلاها لعبيد تكلفو بيها ومشا يشوف شغال البلاد وقال بينو وبين نفسه ..وعلاش اصلا رسلت نشوفو وانا متأكد قراتها مرى!!
رجعات يمامة للقصر من الاسطبل ومشات لبلاصتها طاحت فيها معنقة واحد المخدة. رجعات شادية للعمبر رافعة راسها شافت فيها ناعسة مكمشة وقالت لبنت حداها كضحك
حاسة براسي عيانة ..مانعستش اللي كامل..كنحس بضهري مقسوم
طلعات يمامة الغطا على راسها سدات ودنها وبقاو البنات فالعمبر كيشوفو فيها وقالت وحدة لوحدة بغيرة
تقول هي اللي دخلات ..منين جابو لينا هاد عوا عاوتاني
كملات شادية كلامها كتشوف جهة يمامة وقالت
باقا سبأ ناعسة ؟! مسكينة عرفتو شنو وقع ليها لبارح ..مسكينة وحلات ليها حبة دالعنب كانت غتقتلها ..شحال بقات فينا ..متعاتنا بحكايتها ولاكن ماكملاتش لينا الحكاية خلاتنا متشوقين ..ايوا ليوم تكملها لينا خليها ترتاح باش تقدر تسهر معانا
بقاو لبنات غير كيشوفو فيها وقالت ليها سمر ايوا منين جيتي اختي؟
ضحكات شادية قالت ليها هداتني لاللة روح الندى لولدها الغالي.تنهدات سمر قالت ليها اممم ..
وقلبات عينيها خلاتها كتلوى وحاضية يمامة حتى رجعات ليهم بصيرة خرجات كل فوج بوحدو وطلات على يمامة لقاتها مغطية وخلاتها ترتاح من الخنقة داابارح .لاكن يمامة ضبرها السرير وناضت جمعات حالتها وخرجات مشات للجردة كتمسح الورد وترش حتى تعاشات العشية وتعشاو البنات وكل وخدة خلدات للنوم ومن بينهم شادية وبقات يمامة جالسة فبلاصتها وحداها سمر كيهضرو بصوت من خفض
قالت ليها يمامة فين مشات متعة علاش مابقاتش فالعمبر؟
قالت ليها سمر الله واعلم اختي؟ لبارح الصباح بكري سخفات لينا فالفطور وهزوها من تما ماشفناها
حطات يمامة يدها على خدها قالت ليها اويلي ياكما ماتت
قالت ليها سمر لا موحال غتكون مريضة وصافي مسكينية .. شوفي هاد بنت الحرام نهار كامل وهي كتفرس فينا.. ماكرهتش نشدها نريشها
ضارت عندها يمامة قالت ليها انا ماكرهتش نمشي نهز شي مقص ونقزب ليها داك الشعر
دخلات عليهم بصيرة والضواو طافين وترماو بالزبة تغطاو دارو راسهم ناعسين..مشات بصيرة بحس مقطوع قصدات يمامة وحركاتها حتى شافت فيها وخطات صبعها على فمها قالت ليها قطعث الحس..ونوضي تبعيني
لاحت يمامة الغطا وناضت تبعاتها وسمر كطل و حتى بنات خرين هزو راسهم كيطلو من بعد ما خرجو وناضو وقفو بصمت ..وقفات سمر حتى هي معاهم كتسول بعينيها قالت ليهم مالكم نضتو شنو واقع
ردو بصوت خافت قالت ليها وحدة نتي ماشي شغلك دخلي سوق راسك
مشاو قصدو شادية بشوية وجبدو موس حطوه على وجهها حتى كانو غيضربوها وشهقات سمر قالت ليهم لااا غادي تمشيو فيها ميرحمكمش..الى بغيتو تربيوها ربيوها بشوية ..غير شعرها كافي
شافو فيها بحقد وشدو شعرها ونزلو عليه بالموس
انا يمامة مشات مع بصيرة جهزاتها ورتباتها ولبساتها من الاتواب اللي وصلات جديدة
ورسلوها لجناح السلطان .
دخلات لابسة الثليجة فالبيج بسفيفة مخزانية محلولة من جنابها وتحتية من لحرير باج محلولة حتى للركبة وخيط الريح ودفيرة فالجنب ودخلات عندو حادرة راسهاحتى شار ليها بيدو وهوا واقف مشات عندو غضبانة منو مكضحك مكتبسم ..شد ليها فيدها داها معاه للشرفة وجلسها وجلس مقابل معاها متكي على يدو وقال
جبت ليك واحد الضيف عزيز على قلبك
شافت فيه بعيونها المكحلة الفاتنة وقالت ليه ضيف ليا انا امولاي؟
هز يدو سفق وفالبلاصة تحل الباب ودخلات المعلمة حادرة راسها ..ضارت يمامة تشوف شكون وتصدمات بقات كتشوف فيها وترمش ودورتت وجهها هبطات راسها رجعات حمرا ..شار السلطان بيدو للمعلم وهوا كيشوف فسبأ بنصف عين جلسها معاهم وقاليها
انا معجب بأدب يمامة القصر.. وفصاحة لسانها وتنضيم كلامها ..فاش شكراتك ليا وقالت لي مدى حبها ليك امرت باش يجيبوك وتشاركيها تنضيم الكلام فشي حكاية تكون معتبرة هاد الليلة
بقات يمامة قارمة والمعلمة مصدومة ..دورات راسها شافت فيها بنص عين وبدات كدور فراسها وقالت بهمس
من امتى وليتي تحماقي عليا ونتي شيبتيني قبل منولد
سمعها السلطان واخا همسات وحول عينيو شاف جنب وضحك .. تلفتات ليه المعلمة بادب حتدرة راسها قالت ليه شنو بغيتي تسمع امولاي
قاليها ختاري لي من جعبتك ..شي حكاية كتشبه ليمامة القصر
دورات عينيها المعلمة شافت فيها وقالت ليها بابتسامة ..نحكيو قصة بنت السلطان سليطة اللسان وخفيفة الرجل صمكة الودان ؟
دار السلطان يدو على فكو قاليها هاديك نيت باينة من عنوانها
تبسمات المعلمة وقالت ليه غنحكيوها ليك امولاي بحال الى حضرتي ليها بأم عينك
بسم الاسم الاحد الواحد الرحمان ..نبدا كلامي ونقسم القسام فزمان قريب من هادالزمان ..زمان مثل زمانا قريب القرب من هاد المكان ..ماشي بعيد وفقصر المولى السلطان .. سلطان همة وشان ..سيف دو حدين عندو ربع صبيان ..وبنية بحال الشمس فضو النهار ..وبحال القمرة فعز الليل.. اللي شافها يختارها من بين جميع الحريم .. ولاكن امولاي حتى زين ماخطاتر لولا..وقد ماكثر الزين كترات البلوى ..كانت هاد الزينة المسرارة ماتحشم ماتستحيى .. نقمة تقول ماشي نعمة
شافت فينامة وخيبات سيفتها وكملات ليه وقالت
قليلة الترابي وكلامها كيقبط القليب ويجيب الغمة ..الاطيف الله يحضر السلامة ..ماتخلي مياه الله دور ماتخلي قطرة تنزل من السما.. نهار ومطال وهي تنكر وعندها الخدم بحال البهيمة
عقد حجبانو قاليها يالاطيف ياستار ..اش قضات بداك الزين المسرار وهي لسانها قصيف مشرار
تنهدات يمامة ربعات يدها كتشوف فالجنب والمعلمة كتكمل
ماقضات بيه والو ..غير من مصيبة لمصيبة ولا بغات تزوج ولا بغات تكون منها الفايدة..خطبوها شلا رجال مال وجاه وقلدك كيفهم كيف الجبال ..لاكن هي كان ولابد تخرج فيهم العيب وتشتم خلقة ربي ..ماخلات ماقلت فالطويل وماقصراتش مع القصير..اما الرقيق ولغليض ماخلات للخياط اش يقول.هادا راسو رقيق هادا فمو كبير ..هادا عينيو حولة هادا نيفو طويل
ضحك وشاف فيمامة قال
انفه أنفت منه الانوف..هوا في بيته يصلي وانفه في مكة يطوف
دخلات فهاد الاثناء بصيرة على العمبر على غفلة حصلات البنات ضايرين بسرير شادية ..مشات نيشان عندهم قصداتهم وضوات القنديل الوسطاني الكبير كتفقد الامر وقالت ليهم
اشنو وتقع هنا ياك لاباس
ناضو بعض البنات من النوم كيحلو عينيهم بزز ومنهم شادية اللي هزات راسها لقات العقدة دالعكسة اللي على راسها محلولة وقالت كتحك عينها
شنو واقع
خباو البنات السكين بالزربة وراهم لاكن من الخلعة طاح فالارض وتحنات بصيرة هزاتو مصدومة كتشوف فيه وقالت ليهم شنو كيدير عندكم هادا ؟؟
وقفات شادية كتشوف مخلوعة ويدات تقلب جنابها وراسها لقات العكسة اللي دايرة محلولة وطلقات شعرها مخلوعة قلباتو لقات صحة سلام وفكاتها العكسة اللي بزيف حياتي واللي مولفة ديرها مللي كانت فقبيلتها ..رجعات جمعات العكسة فرمشت عين ربطاتها فوق راسها وقالت ليهم بغيتو تقطعو ليا شعري ابنات الحرام
طلات عليهم سمر من تحت الفراش كتفرج ورجعات نعسات كانها ماشي هي اللي عطاتهم الفكرة وخلاتهم يعومو بحرهم ..تعصبات بصيرة وجمعاتهم خرجاتهم كتحلف فيهم وخلات شادية مخلوعك وطفات الضوء غوتات على كلشي طيحاتو ينعس وحلفات الى لقات شي وخدة مطرطقك عينها تفعها ليها
تنصص الليل فجناح الاصيل وبقات غير يمامة جالسة ساهية فالسما والنجوم كتكمل ليه الحكاية من بعد ما سمح للمعلمة تمشي تنعس..بقا متكي على رجل يمامة اللي جالسة متكية على وسايد فالشرف براسها وكتشوف فالنجوم وكتحك ليه فراسو وتلعب ليه فشعرو وقالت
المسكينة بقات الله كريم .. لاحنين لارحيم ..تعلمات من الدنيا ما يكفيها لباقي السنين ..
تهندات بعمق وقالت ختمات حكايتها يمامة ..وحلقات فالسما من حمامة لحمامة
تفوهات وهزات راسها التقيل طلات عليه بات ليه رخا رجلو الواقفة مع واحد المخدة فالجنب وطوا لخرى تحت لخرى وسد عينيه.. رمشات بتتاقل تبسمات كدوز صبعانها على وجهه وتمررها على لحيتو بشوية حتى وصلاتها لفمو ورجعات مرراتها على حواجبه وعيونو الكحلة كتمتع عينيها بداك الزين العربي على راحتها ودوزات يدها على شعرو وخلات ليه راسو كما هوا على حجرها وتكات براسها على الوسايد الكبار اللي حاطة بينها وبين الجدار نعسات رخات يدها اللي لقات راحتها على هضاب صدرو
بجمال عينيكِ وبلونهم العسلي الرائع، أرى أنوار السماء فاعذريني إن أطلتا لنظر إليهما، فأنا من هنا أُعلن استسلامي وأطلب المكوث على بابك، حتى أغفو على سحرهما .
فتحت عيونها وبرق زجاجهما العسلي المحيط بدائرة سوداء ونقطة كلون الشامة السوداء في وسطهما ..رموش تفتح كالازهار في صبيحة اليوم التالي على اشعة الشمس الصباحية..جو بارد هادئ ونسمة الصباح تدغدغ انفها الصغير حتى عطست .. ورفعت راسها لقات نفسها بين وسايد كبيرة وعليها غطائه اللي كان ملقى فوق السرير..صححات بصرها واسترجعت ذاكرتها وتلفتات يمين وشمال كتقلب على السلطان اللي بات راسو على حجرها ليلة امس.. لاكن واضح انها وحدها فجناحه الهادئ ولا من يزنرن ودانها ويطير صباحها ..ما احلاها نومة احسن من نوماتها السابقة .. وما احلاه مكان بنسمة عطره الفايحة ..ناضت هزات الغطا رجعاتو بلاصتو سرحاتو وهزات يديها على شعرها قاداتو وخرجات من جناحه خلاتو.
رجعات للعمبر لقاتو خاوي من البنات وتفكرات ان اليوم عندهم درس فالتربية والاخلاق وكيبداه مع بداية شروق الشمس.
هادا صباح اللي مابحالو صباح فجناح السلطان ..ولاكن نفس الصباح كان بلون مكره فجناح روح الندى.. صبحات جالسة كتشوف فالمرايا والوصيفة كتسرح ليها شعرها.. وهي شاردة كتخمم وتقول
وا ها الثلت الايام كملات .. والمهلة القصيرة تقاضات ..
وشنو الحل وشنوالمعمول
والاصيل عليها معول ليوم ..
وصلها مرسولو قراتو
كاتب ليها موعد فالرياض لقاتو
لوات الرسالة ولعبدية عطاتو
وفرياض الهم قابلاتو
واقف كيتسناها لقاتو
وبصوت ضعيف جاوباتو
المهلة اللي عطيتيني كتسالي مع المغرب ..هاكا تكون الثلت ايام كملات
ربع يديه قاليها وراسه مرفوع شافيها
المهلة بدات من الساعة فاش تلاقينا .. وهادي نفس الساعة الاللة روح الندى
دابا اللي نطولوه نقصروه وهاد لعب الدراري نحدوه ..الولد كبر رجل وفلحيتو النسا كتعتر ..قريب يرجع اب وباه حداه مكيعرفش.. دابا وصلنا للنهاية اروح الندى .. يعرف مني ولا منك ..ختاري بنفسك اللي يسلكك
دارت يديها على وجهها ومابقاوش ركابيها قادين يهزوها ..جلسات على سداري فديك الواحة اللي سقفها عاري وقالت ليه انا منقدرش نقول ..قول نتا نشوف اش غتقول
فالبلاصة طرطق صبعو لذو الفقار دخل وخدا منو ورقة وقلم ورسل رسالة ليور ولد الهم اللي بلا شك غيعرف الحقيقة تم تم مافيها نيقاش ولا حلان الفم .
والخبار السخونة فيساع كتوصل وفيساع كتحضر الحفيظ السلامة ..كي شد المرسول قراه ..كان ساعتها على عودو خارج وفالبلاصةغير الاتجاه ..
نيشان لرياض الهم اللي مكيجي منو غير الغم .. دخل عند بالو غيلقاه ساعة تصدم فاش لقا فالقت مو.. عمر روح الندى ما تحدو ليها لحديد ولا خناز ليها لقديد..ديما سابقة لاحقة وحتى حاجة متفوتها ولا تغلبها ..ولاكن هاد المرة واهلي فين وصلات راسها ..القضية عندها حمضات حتى طلعات حموضتها على وجهها وعطات ريحتها . ماهضرات مانطقات ل زمات الصمت وتبكمات ..وتمنات كن كانت صمكة .اما السطان يور اللي دخل عليهم بلباس الصيد يديه خاوين فحزامو خنجر وعلى راسو وشحاح تقول قطاطعي ..كم ما تفاصل حوايجو اللي. واخا ديال الصيد توبها وخياطتها فيها فن كيهضر ويقول انا اللي كاين مكاين ما حسن .
تبسم باستغراب وفنفس الوقت تساؤل بعينيه وقال
مجتامعين بلا متعلموني؟ شي مشكل واقع وانا مافخباريش؟
دورات وجهها وعينها بغات تدمع وتعرضات ليها بصبعها وقفاتها وسدات عينيها .تكلم الاصيل كيشوف فيه بتعمن وهوا قدامو جوج رواح ..روح الندى وولدو يور .. واحد فيهم غتنزل كفتو ..يهضر يقول اللي كاين ويبرئ راسو من من هصايل روح الندى ولا يسكت على ما دارت ويخسر ولدو اللي ما صدق كسبو
بقا الاصيل ساكت .. وروح الندى ساكتة وهوا كيشوفو فيهم بحوج مافهمش. شنو اللي كيوقع
قاليهم مالكم ساكتين تقول رمضان ماغيجيش ولا شنو
سدات روح الندى عينيها شافت فالاصيل وشاف فيها حتى هوا شار ليها براسها تهضر لاكن هبطات راسها ماقدراتش وقاليها
تهضري نتي اروح الندى؟ولا نهضر انا
بقات ساكتة وهبطات راسها كتبكي ..تبدلو ملامح يور وهوا كيشوف فيها كتبكي وقاليهم ياك لاباس؟
تنهد الاصيل بعمق قاليه كاين سر كبير خاصك تعرفو..وخاصك تفهمو ..وتتمعن فيه مزيان قبل ماتحكم ولا تضلم ولا تندم
عقد يور حجبانو كيشوف فيهم بجوج قاليهم شنو اللي كاين ؟؟
شاف فروح الندى قاليها شنو عندك ؟ انا متأكد بيناتكم شي حاجة وزدت تأكدت اكثر من هادشي دابا..واش شي متعلقة بالسياسة؟ بالعرش ؟ بالبلاد؟
حرك ليه الاصيل راسو قاليه المسألة متعلقة بعائلتك ..بأصولك ..
هزات روح الندى راسها وقلبها غيسكت قاليت اصيل
ماداهاش فيها وسد عينيه تنهد وقاليه سمعني مزيان شنو غنقوليك ..
رد يور مصغر عينيه كيتساؤل قاليهم بعائلتي؟!! اشمن عائلة فيهم؟
قاليها الاصيل عائلتك الحقيقية..اصلك الحقيقي اللي غادي تعرفو ..شنو كتعرف على باك ؟
قاليه يور اش غنعرف ؟ اشمن اصل اشمن حقيقة؟
قاليه الاصيل شنو اللي كتعرف على باك ؟
رد عليها يور قاليه با كان ملك ومات فالحرب وطاحت البلاد..وهرباتني مي فكرشها ولداتني فسفينة وهزاتني حتى وصلاتني لتارودانت
شدات روح الندى على صدرها كتعصر وتبكي فصمت والاصيل كيسمع ليه وقاليه وجزء واحد اللي صحيح من هاد الحكاية.. اما الباقي كلو كدوب.
قوات دقات القلب فصدر يور وقاليها شنو كتقول اشنو اللي صحيح واللي غالط؟
جمع الاصيل النفس ومسح على وجهه وقاليه باك ماماتش..باك باقي حي..
ناضت روح الندى من بلاصتها كتعتر وتبكي ومشات وقفات قدامو جنب الاصيل وهزات يدها المرعودة شدات ليه فيدو ليمنة حطاتها على راسها وهزات ليه يدو ليسرى حطاتها على على راس الاصيل اللي مافهمش اشنو بغات دير لاكن بسرعة سد عينيه وسد حتى يور عينيه وصدرو كيتنفض من بلاصتو وهوا كيعيش كل حدث بحدث لامن جهة مو ولا من جهة باه حتى بدا كيتأوه بالصبر ويغزز سنانو ويديه كيرجفو تقول كيمتص شي قوة شرانية وبجهد هاد القوة اللي تنفض نفضة بحال البرق ضار فيلاصتو مع الدورة جبد الخنجر غرسو لاصيل فكرشو ورجع خرجو طيحو وتلفت لروح الندى اللي تخلعات دارت يديها على فمها وطار عليها بالخنجر بيديه ح فالسماء وهي كتشوفو فيه عينيه حومر مابقاش بنادم رجع وشح ويديه فوق راسها حابسها فوق طاقتو من النزلة عليها وقطرات على وجهها قطرة من دم الاصيل والخنجو كيترعد فيدو موقفو فالهوا .دخل ذو الفقار ومعاه حراس الرياض كيجريو لقاو الاصيل طايح على جنبو شاد بلاصة الطعنة ومزير على سنانو وعينيه ومشا كيجري عندو شد فيه ومشا الحارس بغا يشهر سيفو على يور لاكن قبل مينوي كانت عند يور خفة يد ماتخليش العين تركز مع الحركة وفرمش عين ضار وراه نيشان غرسو ليها فحلقو وخرجو ورجع اللور كيشوف فيهم وينهج وقاليهم شياطين .. شياطين لقيتو حمار درتو بيه ما بغيتو .. درتي بيا اللي بغيتي حيت حمار .
بقا كيرحع باللور ويحرك راسو وهي كترد عليه بالنفي غير براسها وتبكي وخرح خلاها تما وركب الخيل ديالو مشا وبقات هي فالرياض طايحة على ركابيها كتشوف قدامها وتهضر بوحدها وطلقاتها بغوتة فالسما ربي لي خلقها وغابت حدا الاصيل اللي كانت الطعنة قوية على الجسد ماخلاتوش يوقف وهوا كيتقاتل باش ينوض حتى وقف على ركابيه شاد فيها كيتنفس بزز وقال لذو الفقار
رجع للقصر دغيا .. رسل اللي يسعفنا هنا مكانيش اك الوقت قليل ..
خرج ذو الفقار كيجري وتلفت الاصيل حداه قرب من روح الندى حط يدو على عنقها حس بيها مزال كتنفس ورجع شاف فيدو اللي شادة الجرج كانت كتقطر بالدم تقول عوينة وطرقات ..جر وشاح كانت حاطاه على راسها جمعو وحطو على الجرح وتلفت ضرب ليها وجهها بصبعانو باش تفيق لاكن كان غايبة سارحة عجول لاخرا
تسعفات روح الروح الندى والاصيل فالرياض كل واحد فبيت وتما جاو الحكماء وآمر الاصيل ذو الفقار يتستر على اللي وقع وحتى واحد مايسيق الخبار لشنو واقع او تتسرب الخبار حيت غتجبد ليهم مشاكل اكبر من اللي راهم فيها والاعداء كيتسناو غير الفرصة فين يدخلو على البلاد و ويشتتوها والمتمردين عطا الله غير هما وعاد الجيش الى سمع بالخبار كيتزعز والى تزعزع غيتهور ..وبلا منساو سلطان ولي العهد اللي غادي يبان بزز منو ويقدر يغرو شيطانو ويتولى الحكم ويرونها ..الحاصول روينة غادي تترون ديال بصح وبلا زيادة فالكلام ..والاصيل مابغاش يوصل لهاد الحريرة كلها ويطيح استقرار البلاد وتنوض السيبة ويدخلو الاعداء اللي حالفين حتى يرجعو الاندلس اللي خداو ليهم لمسلمين . وهادشي ماشي غير على غرناطة ..حتى قرطبة وكاع اراضي الاندلس اللي تحت حكم الدولة الاموية
بعد النزيف الحاد اللي نزف من الاصيل خلاه يفقد الوعي وغاب والحكماء خافو يفقدو سلطانهم اللي باينة غادي يودع وموحاا يعيش . دارو ما فجهدهم وقفو النزيف وضمدو الجرح وكواوه لاكن بقا العمر بيد الله.. واش غادي يعيش ولا يموت .. وهادشي كيشكل خطر على البلاد وحاولو يديرو المستحيل باش يتسترو عليه لاكن كان من بين حراسهم جسوس صليبي اللي تسل من الرياض كيشوف وراه حتى بعد بين النخل وتلاقا مع صليبي اخر مد ليه الرسالة وقاليه
وصلها لملك قشتالة ليوم قبل غدا ..الخبار طايبة وهادي هي الفرصة نسترجعو اراضينا
شدها الصليبي وطلع فوق الخيل مشا كيجري وشد طريق الخرجة من المنطقة فين كاين الرياض ..لاكن بلا ميحس خرجو ليه جنود الخفاء من حيت لا يدري طوقوه واخا عيا يجري وعيا يهرب ويحارب فالاخير كتفوه وحيدو ليه الرسالة وجمعوه ردوه للرياض تحت رجلين الصدر الاعضم حكيم اللي كان وصل فالحين فاش سمع الخبر وحضر معاه اطباء القصر وتحفظ على السر .. هز الصدر الاعضم راسو خارج الرياضة فواحة دايرة باصوار الرياض الكبير وفتح الرسالة قراها لقاها مكتوبة باللغة القشتالية… وكان كيعرف يقرا اللغة لانه تربا وكبر فالاندلس وكانو كيتعلمو اللغات للتواصل بسهولة بين البلدان .
ملكي ملك بلاد قشتالة .. سقطات اعمدة الاندلس وناضت القتيلة بين غرناطة وقرطبة ..الملك محمد اصيل على حافة الموت بسبب طعنة من الملك يور ..والبلاد مهزوزة والخبر متستر عليه وانت اول من يعلم .
غزز حكيم سنانو قطع ديك الورقة طراف وتحنا هزو من ودنيه بجوج خرج عينيه فيه وقاليه شكون الجسوس هنا ؟؟ شكون عطاك الرسالة
بقا الواصل ساكت ودخل اثناءها الجسوس اللي كان لباسو نفس لباس جنود الاصيل شافو بين يديه وخرج عينيه وبسرعة حدر راسه باش حتى واحد مينتابه ليه ..
عطا حكيم للواصل ما عطا فجهدو باش يولد ولدو ..جاهد فيه حتى خلا راسو غادي جاي وجرو من ودنيه حتى طارت ليه وحدة دخلو لواحد البيت خاوي مغبر لاحو تما وخلا معاه رئيس الحرس اللي كان اسمه احمد يافع وكان من المخلصين والاقوياء للاصيل ..قاليه حكيم خرج منو الهضرة بالسيف ولا بلخاطر .. مكاينش اللي طيح البلدان قد الجواسيس وهاد الجاسوس خاصو يبان
خرج من الرياض سرح عينيه كانو حراس محسوبين وكان متأكد أن الجسوس واحد منهم لاكن شكون فيهم ..رفع راسو امرهم يبقاو فالاماكن ديالهم حتى واحد مايتحرك ..وحط واحد على راسهم يبقا مراقب شكون فيهم خوا مكانو ..لاكن مع الاسف كان هاد الواحد اللي حط على راسهم هوا الجسوس الحقيقي اللي كيتود ويبين اخلاصه الكاذب حتى ماقدر حتى واخد فيهم يشك فيك .
رجع دخل عند أحمد يافع لقاه كيحاول يخرج منو الكلام لاكن بلا فائدة ..عذبوه حتى مابقاش كيقدر يشوف واستغل فرصة اقتراب الصدر الاعضم منو كيهددو وخرج الخنجر من حزام الصدر الاعضم وغرسو فكرشو حتى خرج الدم من فمو وهاكا مات فالبلاصة الواصل وخدا السر معاه وتهنى من العذاب وخلا الصدر الاعضم واحمد غيطقو من الغضب
الصدر الاعضم. احمد يافع.. نشر جنود على طريق الغرب ..وزيد من الجنود على طريق الشمال ..طوقو جميع الاتجاهات بالجنود المخفية وشددو الحراسة ماخاصناش نغلطو ..ماخاصناش نخطاو وماخاسش الجيش يسيق الخبار والا غيوقع اهتزاز ويأدي للمترد..واهم حاجة واللي خصنا نردو بالنا منها ..الخبار ماخاصهاش تخرج من هنا وماخاصش الامير سلطان يعرف او حتى واحد من القصر..ونشر من رجالنا اشباح الليل.. يقلبو على السلطان يور اللي مارجعش للقصر..خاصنا نكونو حذيرين بزاف اكثر من اي وقت اخر ..الفتيلة شعلات بين المملكات وخاصنا نهمدو النار على بيدمن ينوض الشلطان بالسلامة
تعطات الاوامر ولحد الساعة متحكمين فزمام الامور .. فاقت روح الندى حلات عينيها لقات وياريت مافاقت..لقات لحكيمة جنبها شداتها منعاتها تنوض لاكن خرجات من البيت وسط الساحة الي بين شجرة وشجرة واقف حارس ..مشات كتجري كتعيط على يور وبغات تخرج لاكن تعرض ليها ذو الفقار اللي كان وافقها للرياض من الصباح وشدها رجعها اللور ماخلاهاش تخرج وجلسها كيشرح ليها الوضع والخطورة اللي هما فيها وقاليها
حنا دابا محبوسين هنا وجنود الملك اصيل مانعين علينا نخرجو ومكاينش من غيري انا وياك ..قرطبة فخطر والملك يور لحد الساعة ماضرهش وثلت ايام وانتي الاللة مولاتي غايبة .. خاصنا نفكرو فشي طريقة نخرجو بيها من هنا قبل مايفتح السلطان عينيه ويعطي الامر بالقتل ديالنا .
دفعاتو كتغوت قالت ليه ماكيهمنيش..انا كيهمني ولدي..فين ولدي خاصني نشوف ولدي
شدها جلسها بزز قاليها. تهدني هاد الغوات غيزيد غير المشاكل .. ويقدرو يربطونا ..
قبل مايكمل كلامو دخل عليهم حكيم شاف فيهم بجوج وامر بتقييد ذو الفقار وحبسوه فزنزانة بوحدو وتوالاو روح الندى اللي كانو غيربطوها لاكن غوتات فوجه حكيم وعينيها خارجين قالت ليه سول على السبب..سول علاش السلطان يور طعن الاصيل ..متقدرش تربطني حيت انا اللي قادرة نفك هاد الحريرة بوحدي
هز حكيم راسو شاف فيها بغضب وقاليها ماكيهمش علاش طعنو ..اللي كيهم هوا نتي دابا فقبضتنا ونتي اللي غتخلي ولدك يجي لهنا ..نتي الطعم ومستحيل تخرجي من هنا حية
خرجات عينيها قالت ليه انا غنخرج حية ..مول سبع رواح مزال غينوض ويقول ليكم خرجوها ..عرفتي علاش؟ حيت اللي طعنو ولدو ..الملك يور ولد محمد اصيل المرتضي بالله فهمتي
تصدم حكيم وتزعزع فبلاصتو قاليها ميمكنش..نتي كتكدبي ..ميمكنش ولدو ماشي هوا الملك يور
ضحكات ليه والغضب كيملي عينيها قالت ليه ولدو اللي كيقلب عليه سنين هادي.. نتا اقرب واحد ليه ماقدرتيش تشوف هادشي…
عطاها حكيم بضهرو كيشوف قدامو تالف وبدا كيتذكر كلام الاصيل على روح الندى وتذكر السفر ديالهم بعيدية لتارودانت وبدا كيجمع الاحداث وتلفت مصدوم قاليها ميمكنش..نتي حية وهادي خطة جديدة منك
حركات ليه راسها بالايجاب قالت ليه فهمها كيف بغيتي.. انا اول وحدة فحياة الاصيل ..وغتكون عارف شنو اللي كان وقع زمان ..غنكون عارف كولشي وبرجلك مشيتي معاه لتارودانت باش يلقا ولدو ..ونتا اللي شديتي وصيفتي عبدية ..ونزيد نأكد ليك اكثر..علاش السلطان كيتودد لينا ..علاش ربط علاقة قرابة بينا ..حيت عرف شكون هوا ولدو ..ولاكن لدو ماتقبلش باه فاش عرف الحقيقة وطعنو .. ودابا دير اللي بغيتي ..ماعندكش الحق تحبسني هنا والى وقعات شي حاجة لودي غنحرق هاد البلاد باللي فيها
غزز حكيم سنانو قاليها غادي نجيبوه..كان فالسما غيجي ..كان فالارض غيجي ..
دخل عليه احمد يافع دفع الباب قاليه حنا وسط هجوم السي ذو الفقار ..حنا وسط اعصار من الجنود ملثمين الواحد فيهم بقوة مية راجل
تلفت ذو الفقار شهر سيفو وشدها خرجها من تما من داك البيت لقا الملثمين دخلو بالخيول وسط الساحة صفاوها لكولشي بقا غير حكيم واحمد يافع وسط الساحة ..ومن بين دوك الملثمين دخل يور حيد اللثام كيشوف بالعين الحمرة وروخ الندى كتشوف فيه وضحك قالت ليه هاهوا جا اللي يوكلك كلامك ..انا كنت متأكدة ولدي مغيخلينيش هنا بين يديكم .
حط ليها السيف على عنقها ويور كيقرب منها وصحابو داخلين منتاشرين بحال الدياب فكل مكان . شدو احمد يافع طيحوه على ركابيه
وبقا حكيم فيدو روح الندى كيهددو هازة راسها وكتبلع ريقها .. هز يور صبعو شار بيه لكل غرفة من الغرف ومشاو الجنود دخل على ديك الغرف خرجو من وحدة فيهم ذو الفقار ورجع عندو واحد حذر ليه الراس قاليه مولاي ..السلطان محمد اصيل فهاد الجناح
خرج يور الخنجر لواه فيدو وقال لحكيم
عطيني مي ولا غادي نقتل ليك سلطانة
هزات روح الندى راسها قالت لحكيم مغتقدرش تقتلني..بزز منك غطلقني
زير عليها حكيم قالييه خرج الجنود ديالك من هنا ..ولا غنسلم ليك مك كتقطر بالدم
هزات روح الندى جبدات خنجر من حزامو وراها غرساتو ليه فجنبو وعضاتو من يدو وخدات ليه السيف ضارت عليه بحال الزمان شحطاتو لضهرو حتى طاح على ركابيه ومشات كتجري عند ولدها بغات تعنقو لاكن سمح فيها دخل عند الاصيل كان عوال يقتلو حتى وقفات بيناتهم حاللة يديها قالت ليها لا ..لا باك..قتلني انا عاد قتلو هوا
منع الجاسوس ولقا السبة واستغل الهجوم ..دار براسو ميت وتسل كيزحف بحال التمساح حتى بعد عليهم وهرب ومعاه خرجات الخبار اللي عيا حكيم واحمد يافع يتسترو عليها .. اما روح الندى مابغاتش تحيد من قدام ولدها اللي الغضب كان عامي عينيه وقاليها
تستاهلي مادار فيك ..تستاهلي وياريت كن عندي يد اخرى ميتة نقتل بيها.
خرج خلاها واقفة مخلوعة كتشوف فجنابها وضارت وراها شافت الاصيل مستلقي على السرير وبلعات ريقها كتفتف طلعات بركبتها حطات يدها على راسو وبدات كتبكي حتى رجع يور دفع عليها الباب قاليها تحركي
ناضت كنجري قالت ليه هانا هانا وتبعاتو خرجات من الرياض طلعات وراه على الخيل وانطلق بالجنود ديالو مشاو كاملين لقصر قرطبة ودخل هوا وياها لجناحها ووقف واجهها هاز راسو وهي مهبطة راسها ماقدراش تنطق
بقا كيشوف فيها مطولا قاليها بأسى شديد..كنتي ديما اعز الناس ..عطيتك قلبي وعطيتك راحتي وكنت مستاعد نموت على قبلك.. كنت قادر ندير اللي طلبتيه مني..قادر ندير كولشي باش تعيشي ..باش ترتاحي..وديما كنفد ليك اموامرك ..ديما كنسعى لرضاك ..
ونتي شنو درتي ليا؟ باش جازيتني؟ خبيتي عليا الحقيقة وعيشتيني كذبة قد هاد الكون..كنت حاس بيك مخبية شي حاجة ولاكن منويتش فيك الغدر ..واخا تصرفاتك غريبة كنقول هي اصلا هاكاك من نهار حليت عيني ..طايشة .. متمردة كتر مني..ولاكن ماشي غدارة ..ماشي كدابة.. طلعتي لا طايشة ولا متمردة ..طلعتي العكس..كدابة وخاينة وغدارة ..غدرتيني فسنين عمري كلها وكتشوفي لي فعيني وتقولي لي باك مات.. فاللخر كيطلع با هوا الاصيل بشحمه ولحمه وعضمه ..الراجل اللي كنت ديما كنحاول نتقرب منو ونكون بحالو ..اللي كنشوفو مثلي الاعلى وشركت معاه الطعام وكندخل ونخرج انا وياه..لاااا ..واللي كنت غنتزوج بنتو؟!!! اويييلي يا وييلي
شد راسو كيبكي وضار جلس ساد عيني قاليها
طيحتيني فالحرام وخليتني نشوف فوحدة اللي اصلا ختي..ونجلس مع امير اللي فالاصل خويا؟!! حياتي كلها وانا عايش بوحدي ..كلها وانا متعايش مع نفسي..عارف ماعندي عائلة وعائلتي هي نتي.. وفاللخر ..شنو فاللخر؟ًطلع السلطان محمد اصيل باا..وعندي جوج امراء خوتي وثلاتة اميرات خواتاتي ..عندي عائلة قد هاكا وفهاد السن عاد جاية تقولي لي..علاش هادشي؟ بغيتني نتاقمي قوليها من الاول ناخدو حقنا بجوج ..ولاكن نتي مانتاقمتيش منو..نتاقمتي مني ودمرتيني وشتتيني وكرهتيني فحياتي ..كرهتيني فيك وفالنهار اللي حليت عليك عيني ..عمرني مغنسمح ليك ..استاغليتيني ..لعبتي بيا ضحكتي عليا درتي بيا ما بغيتي.. حسبي الله ونعم الوكيل فيك وفيه ..انا خاصني نقتلك نتي وياه ونقتل راسي موراكن فديك اللحضة ولاكن قدرة الله منعاتني ..حيت مادرت لا بيدي لا برجلي باش نمشي لجهنم بسببكم .
حيد خاتم السلطة من يدو لاحو قدامها وهي فالارض كتسمع وتبكي حتى تكور الخاتم جا بين يديها وقال ليها كيمسح وجهه وعينيه حومر
من اليوم…نساي باللي فيوم من الايام ولدتيني..ولا عندك شي ولد ولا شي حمار ..من اليوم مابقات حتى حاجة كتجمعني بيك ..ها السلطة ..ها النفود وها الذهب وها الكنوز ..ربحي بكولشي ونتي قادرةتسير بلاد كما سيرتيني ..
ضار بغا يمشي لاكن ناضت كتجري شداتو كتبكي قالت ليه ماتخلينيش وتمشي..فين غتمشي انا مك انا تعديت عليك وانا ..
غوت فوجهها حتى زعزع جناحها قاليها عدبتيني.. مرضتيني ..مابقيتش باغي نشوفك ولا نسمع خبارك ..وا نسايني
نتر يديها خرج من جناحها وعبدية والخدم كلهم مجموعين مخلوعين غير شافوه كلشي تنشر ..بقات غير عبدية مافاهمة والو .. داز قدامها وقف شاف فيها قاليها حتى نتي..اللي حسبتك بحال مي طلعتي بحالهم ..كنت عايش وسطكم بحال الكلب ولاكن نستاهل ..
سمح ليهم فالجمل وما حمل وخرج من القصر جهة الخيل وعبدية تابعاه كتبكي وترغبو وتسايس معاه يجلس..كان اثنائها يمامة جاية جارة الفرس ديالها دور بيه شوية فالقصر وشافت الصدع نايض بعيد وقربات كطل عليهم من بعيد وتسمع سمعاتو قاليها
حتى نتي بحالك بحالهم ..بنيتو سعادتكم على ضهر تعاستي انا.. جيتو لهنا باش ضربو بيا السلطان الاصيل ..كاع انجزاتكم كلها على ضهر الانتقام ..ودابا كما ربحتو غادي تخسرو .. كملو فشنو كديرو و إياكم شي واحد يتبعني ..خليت ليكم القصر والبلاد ديرو فيها مابغيتو نتوما قادين بيها يا رباعة الشهلاهبية
طاحت عبدية كتغوت قالت ليه فين باغي تمشي؟!! فين غادي تمشي وتخلي مك ..فين غادي تمشي وتخلينا ماعندنا لا والي لا تالي
لحقات عليه روح الندى كتجري حتى طاحت وناضت وقفات كتغوت قالت ليه ماتمشيش..انا منقدرش نعيش بلا بيك ..منقدرش حرام عليك ..انا ضحيت ..انا تعدبت وتكرفست عليك
غوت من فوق الخيل قاليها بغضب كيضرب صدرو
نتي لعبتي بياااا. ضحكتي علياااا
قالت ليها حتى انا بحالك ..حتى واليديا ماتو وخلاوني..انا كاع كتر منك انا قتلو ليا اهلي وحبابي
رد بغضب قاليها ودرتيني قنطرة باش تردي دقتك .. باقي عندك الوجهك باش تهضري..حياتي من اللول للخر كلها كدبة ..كلها حتى حاجة ماصحيحة ..فضلتي تسكتي حتى توصلي اشنو بغيتي..ماشي من حقك ..ماشي من حقك ديري فحياتي مابغيتي وتقتلي اللي بغيتي وتحيي اللي بغيتي.. واجهي مصيرك وبعدي مني ماتستاهليش نضحي عليك ..بحالك بحالك ماحسن منو فوالو ..خليت ليكم الله ينتاقم منكم
دارت يمامة يدها فمها مصدومة ودورات عينيها شافت عبدية كضرب فخادها وتغوت قالت ليها صافي ..صافي بردتي.. هادشي اللي بغيتي توصلي .. هادا مورادك .. حسبي الله ونعم الوكيل حسبي الله ونعم الوكيل فيكم ومادرتو فيه وشتتو الشمل ..ها الانتقام ..ياك قلت ليك بعدي من هادشي لا يبليك وغيجي نهار وتندمي .. ياك قلتها ليه هاهوا النهار وصل
ضرب يور الخيل مشا منوض الغبار وراه وطارت يمامة على العود ديالها دازت وسط عبدية وروح الندى كطير مخشية فسلهامها والنقابعلى نسفها مشبك تبعاتو كتجري خلاتهم طاير ليهم العقل كيغوتو حتى سخفو بجوج وهزوهم كل وحدة فبيتها ودارو بيهم .
اما يور خرج كيجري ماخلا ماقطع ..قطع الاجبال وقطع الوديان وقطع الطرقان الطويلة حتى وصل لابعد نقطة فطرف البلاد واللي كانت قرية صغيرة فيها اكواخ صغيرة معزولة وبعيدة مع غروب الشمس.. دخل بلا عقل راكب فوق الخيل كيتمشى بيه واهل ديك القرية كيشوفو شكون هاد الغريب اللي جا عندهم خرج من بين الاكواخ الفقيرة حتى وصل لواحد الواد بين جبال كبار والشجر خضر ونزل على الواد شرب وخلا عودو يعتق وجلس على واحد الحجرة مهبط راسو كيبكي ..بقا هاكاك والخيل غادي جاي حداه كيتسارا حتى سمع صوت الخش وراه وتلفت بالزربة لقا يمامة كتتقدم جيهتو والفرس مربوطة وراها ..تصدم ومسح وجهه عرفها من عينيها ولباسها بلا متحيد ليه اللثام وقال
منين خرجتي؟؟ شنو كديري هنا؟
هبطات اللثام كتشوف فيه بأسى قالت ليه تبعتك من القصر
قاليها الطريق كلها ونتي تابعاني؟؟
بقات ساكتة كتشوف فيه وقالت ليه ما عندي مندير فالقصر الى ماكنتيش نتا فيه ..هديتني هاد الفرس باش فين ماحليتي ورتاحليتي نكون معاك ..
بقا غير كيشوف فيها مستغرب من كلامها وقاليها. شنو كتقولي؟؟ باشمن حق تخرجي من القصر واش دابا انا فيا ولا فيك؟؟؟
هزات راسها قالت ليه انا ماعندي مندير تما ..غنمشي معاك فين ما مشيتي ..
تعصب عطاها بالضهر شد راسو كيتعصر وتلفت عوت ليها فوجهها وهي سادة عينيها قدام الغضب ديالو قاليها علاش تبعيني..علاش خرجتي من القصر.. انا صافي مابقا عندي والو ..ماعندي والو سيري رجعي للقصر ..انا ماعندي فاش نفعك
بقات ساكتة خلاتو كيغوت رجع عليها الحر ديالو كامل وهي ساكتة كتشوف فيه كيطير وينزل حتى خرج الغدايد كلها وجلس شد راسو بين يديه تهدن عاد قربات منو بشوية جلسات حداه وحطات يدها على راسو قالت ليه علاش كتبكي؟ شنو واقع ليك
هز راسو كيمسح على وجهه قاليها حياتي كلها وانا عايش فكدبة قد الويل.. انا ماشي هوا انا
بقا كيشكي ويبكي وقال ليها حياتي كلها وانا عند بالي با مات فالحرب كما قالت لي مي ..
دوزات يدها على راسو قالت ليه وشكون باك ؟! علاش باك ماماتش؟
ضحك والدموع ملاقين حدا نيفو هز راسو شاف قدامو قاليها با . با هوا اللي درتو مقلي الاعلى وقدة ليا..با الحقيقي هوا الملك محمد اصيل
نترات يدها مصدومة وقفات قالت ليه شنو؟؟؟ شكون
هبط راسو ساكت وهي واقفة كتشير بصبعانها وتقول
الملك الاصيل؟!! الملك الملك اللي رباني وقراني وهداني ليك؟ هوا نفسه باك
هز عينيه فيها قاليها هوا نفسه .. وانا عمرني عرفت هادشي حتى ليوم
شدات فحناكها قالت ليه اذا نتا هوا ولي العهد ؟؟ ماشي الامير سلطان؟!! لالا الامير سلطان خوك؟!! ياربي السلامة شنو هادشي
شدات جبهتها ورجعات جلسات حداه مصدومة حتى هي وهوا كيشكي فالاخير تلاوها جالسين تحت واحد الشجرة حدا شعالة ديال العافية والليل طايح وهوا متكي على رجلها كيعاود ويهضر وهي متكية على الشجرة كتسمع وتمسح على راسها حتى عيا وقالت ليه
ولاكن واخا هادشي كامل اللي وقع .. مكانش خاصك تخرج من البلاد..نتا امولاي ماشي ديال نفسك..نتا عماد قرطبة ..مايمكنش تخلي رواح الناس معلقة وتخرج وتسمح فكلشي.. نتا تزاديتي امير امولاي.. وابن ملك قدو قداش لايستهان بيه..بلعكس خاصك تفرح حيت باك هوا الاصيل بنفسه ..مكاين لاياش هاد الغضب كولو اللي غيدمرك ويدمر ليك حياتك امولاي..نتا قوى من انك تخليه يسيطر عليك..نتا قوى نن كاع موجات الغضب ميمكنش تضعاف وتستسلم
شاف فالسما كيتهد قاليها هادشي كبر من اللي سمعتي..الاصيل دوز على مي السراط ايمامة ..دوزها على الواد عطشانة..محنحها واخر خطوة ليها كان غيتقلها وانا فكرشها .. مارحمهاش..وباه مارحمش عائلتها ..بسب مشاكل عائلية ناضت الحرب. بيناتهم وقتلوهم كاملين وبقات المدينة خالية نجات وكبرات مع شلاهبي مكانتش كتخرج من الدار ..كان لقاها تاهية فاش مشا يجيب التواب من مراكشي.كان تاجر ولقاها فطريقو داها رباها فغرناطة..هي فاش شافت الاصيل تعلقات بيه بزاف ..بغاتو اكثر من نفسها ..ولاكن هوا كان ضالم ..تعدا عليها حتى لاخر نهار خربات فيه ورجعات للقبيلة اللي بقات خالية فيها بدات حياة جديدة
مسحات يمامة على شهرو قالت ليه هانتا قلتيها بفمك..هي غير ضحية وعاشت حياتها كلها معدبة..علاش تزيد تعذبها مسكينة وهي كتشوف فيك املها الوحيد وماعندهاش من غيرك.. بمن خليتيها دابا؟ نقولو الاصيل طاغية ..واخا انا ماشفت منو لا طغيان ولا حتى حاجة ..ولاكن مك شنو دنبها مسكينة حتى تعاقبها ..
هز عينيها فيها قاليها ساهلة يكدب عليك شي واحد طول حياتك ونتا كتيق فيه تيقة عمية
تكات راسها على الشجرة قالت ليه حتى واحد ما احسن من لاخر ..حتى انا قتلو ليا عائلتي كلها ومنعت غير انا ..شنو غندير؟ هانا متعايشة ..اما انت امولاي راه عندك والديني تفتاخر بيهم . ماقلتيش مع راسك لمن خليتها ؟ واش لاباس ولا مريضة؟ واش كلات ولا صامت..تلقاها مسكينة جالسة كتبكي وتلوم فراسها ..ماشي عدل تعاقبها وهي خدات من العقاب ما يكفيها ..رأف بيها يرأف بحالك الله ويتزع هاد الغمة عليك ويشفي الجرح اللي فقلبك
هز راسو تكا على كف يدو شاف فيها وشاف اضائة النار فعيونها العسلية وقال
انا عمرني تمنيت نكون سلطان ولا امير ..ماشي من حقي نختار؟
تنهدات قالت ليه نتا تايه..نتا تااايه ومزال مالقيتي راسك…باغي تعيش حر وفنفس الوقت متأثر بشخصية الاصيل وبغيتي تكون بحالو.. نقولو بغيتي تكون حر ..ربي بغاك تكون ملك..بغاك تتول د امير وتعيش سلطان ..الله اللي عطاك الجاه وعطاك السلطة..واخا تحاول تهرب ..جمع بين السلطنة والحرية .. تعطاتك فرصة من ذهب ..وخاصك دير يدك فيد السلطان الاصيل ..مهما كان كيبقا باك ..قولي بصراحة واش عمرك تمنيتي لو كان باك؟ ..حيت انا تمنيت كن كا با فاش كنت فالقصر عندو
بقا ساكت كيشوف فيها مطولا وقالت ليه الى كانت مك نسات وسامحات.. علاش حتى نتا ماتنساش ؟! الى كان الاصيل باغيك ..حيت واضح التقرب ديالو منك انه متقبلك كإبن ..وعاطيك مكانة خاصة فقلبو ..
تنهدات وقالت ليه بعد المرات الحقيقة كتكون مرة ..وحارة وتقيلة على اللسان..قد ما طولات فاللسان كتبني جدور وعروق وكيصعاب علينا نطقو بيها.. الاصيل باينة تبدل حيت الوقت كله اللي عشت عندو ماشفت منو غير الخير..ويقدر كان طايش فوقتو والانسان ماحدو كيكبر كيزيد يتبدل ..من الاحسن ماديرش شي حاجة تندم عليها امولاي وفكر قبلماتخطى خطوة انه ارواح ابرياء فرقبتك..فكر فيهم قبل من ما تفكر فراسك
قاليها عمرني مغنسمح ليهم واش حاسة باش كنحس؟؟
شدات ليه فوجهه قالت ليه حاسة بيك..حاسة بيك وتقدر ماتسامح ولاكن مادخلش البلاد فهادشي ..خلي المشاكل بيناتكم بلا مدمرو معاكم ناس ابرياء ..خاصك ترجع للقصر وماتعاودش تفكر تنازل على السلطة ..حيت الى تنازلتي عليها واحد اخر مستاعد يهزها ..ساعتها لا نتا ولا انا ..ولا مك ولا كاع اللي فالقصر واللي عزاز عليك غنكونو تحت الرحمة ديالو ..ويقدر فينا اللي بغا ونتا كتشوف..ديك الساعة غتعرف العقاب الاكبر اللي مستحيل تصبر ليه ..عمرك تفكر تنازل على السلطة..نتا ماشي ولد صغير نتا دابا نضجتي ماشي فمراحل البلوغ باش تسنى شي واحد يوريك شنو دير . نتا سلطان..سلطان وهاد الهبة مكتعطاش لأي كان .
بقا ساكت كيفكر فكلامها وتكا على الشجرة ساهي فديك العافية ..نعسات حطات راسها على رجلو قالت ليه فكر فكلامي امولاي..كولشي بين يديك نتا بيدك تهزنا ونتا بيدك تحطنا
تنهدات سدات عينيها نعسات وبقا السلطان فايق كيفكر حتى داه النعاس على الشجرة ..صبح الحال وصبحات روح الندى فبيتها مريضة .. وجهها اصفر والنعمة مكدوزش ليها.. اما حكيم من بعد ما ناض من الضربة ومالقاش اللي يسير البلاد ومخططاتو فحمايتها فشلات مابقا ليه حل من غير يرسل للسلطان سلطان اللي مباشرة حضر لغرناطة فاش قرا الرسالة ومن غير ما يعرف بالحقيقة اللي خفا عليه حكيم حيت امر متعلق بالسلطان ..امر سلطان بحصار قرطبة من قبل الجيوش وخرج بنفسه معلنا الحرب على السلطان يور ..ووقف برا القصر من بعد ما طوقو المدينة كلها منعو الحركة وحبسو الكل فبيتهم وبقاو غثر الجنود منتاشرين..كان سلطان كيضن ان يور لداخل فالقصر..ورسل رسول لداخل قايلو ذو الفقار اللي خفا غياب السلطان يور خوفا من الهجوم على القصر وكان كيرد فمكان يور كأنه موجود على الاقل يربح شوية. الوقت ..اما الحريم فسدو عليهم فجناحهم والخدم خداو الحذر ديالهم والكل مخلوع والقصر مهزوز..
وسط هاد الحرب اللي نايضة رجع السلطان يور وجنبه يمامة على الفرس.. قبل ما يقرب من المدينة لاحظ كثرة الجنود والمدافع قدام اصوار المدينة وراية غرناطة مرفوعة فالسما وفهم ان الحرب تعلنات عليهم والقصر والمدينة محاصرين وحتى الجيش محاصر لداخل.تلفتات يمامة حلات عينيها مخلوعة قالت ليه هادا مناش خفت امولاي..كن زطتي تعطلتي بتفكيرك منت غتلقا غير اثار المدينة
يتبع...
التنقل بين الأجزاء