لا تغرنك خمرة شفتيها الجزء الخامس

داز داك نهار و تفرتكات جوقة، كل واحد مشا لدارو و ظلام طاح و طرقان خواو...بوحدها لي حالة عينيها كتشوف ف سقف و متكية فوق النموسية...دخل لعندها بشوية كيطل عليها واش فايقة و لا ناعسة، حتى شافها حلات عينيها و نطق

طلحة: احم وجدت لعشا ...ماتبقايش بجوع اجي تاكلي

...مكتجاوبوش كأنها ميتة و فحالة صدمة ، كتشوف ف نقطة وحدة ، عاود ليها لهضرة و ماجاوباتوش و خرج مخليها على خاطرها ...ناضت من بعد مامشا و بقات غادة بلا وعي كتشوف ف لحيوط ، كتشوف كولشي مظلام و دنيا ضياقت عليها ...ضعيفة و مكسورة و حتى علامن تحط راسها ماكاينش ...دخلات لكوزينة كتقلب على اي حاجا تنهي بيها حياتها، اي حاجا تريحها من لعذاب و تخليها تنعس و ماتنوضش...لقات قدامها قرعة د جافيل و حلاتها بدات تشرب فيها و دموع دايزين ليها ...كان غادي تاني ينوضها تاكل حتى كيلمحها فلكوزينة و بين يديها لقرعة كتشرب ...مشا كيجري عندها حيدو ليها من ليد و رماه فالارض و شدها من كرشها

طلحة: شنوووو كدييييييري، تسووووطيتي فعقلك

...بقا كيضغط عليها فكرشها و كيخشيلها صبعو ف حلقها حتى ناض ليها لقلب و بدات كترض كولشي و هو شاد ليها شعرها من لور ، خلاها حتى كملات و داها معاه لدوش كيغسل ليها وجهها ، بحال الى واخد جثة ، جسد بلا روح ، ثقلها كاملو لايحاه عليه ، خداها معاه لبيت و جلستها كيشوف فيها مهبطة راسها و ملامحها باهتين…

طلحة: واش سااااخية بحياتك لهاد الدرجة؟؟(كيزعزع فيها) علاش اذكرى باغا تنتاحري، ربي عطاكم حياة ماتفرطيش فيها

….كيتسنى جوابها لكن مقابلاه بالجفاء و التجاهل ماشي لخاطرها و إنما نفسيتها تأثرات حتى مابقاتش قادرة تستوعب اي حاجا ...دخلها ففراشها و مشا بسرعة جاب ليها كأس د لحليب و رجع ، جلس حداها و عطاه ليها مابغاتش تشدو و بقا كيشربو ليها حتى كملاتو و غمضات عينيها ناعسة ، بقا ساهي فيها مانواهاش اتوصل لهاد الحالة ، سمع صونيط فالباب و مشا يحل ، لقاه با صطوف جايب ليه شي تقضية

با صطوف: هاك اولدي شفتك ماخرجتيش قلت نجيبلك معايا شيحاجا

طلحة: شقيتي راسك عاد دابا صايبت لعشا

با صطوف: كيبقات ذكرى؟

طلحة: حالتها حالة ...ماغانقدرش نخليها بوحدها هاد الايام

با صطوف: جلس معاها اولدي بلا ماتجي لكاراج

طلحة: ولكن الخدمة اتقال عليك

با صطوف: ماعليش انقول ل حميد يعاوني الى بغا

طلحة: يبغي و انهضر مع اكرام باش ماتعيطش ليه هاد الفترة غير علاما تقاد حالة ذكرى

با صطوف: اوا خليت ليك الراحة اولدي

طلحة: تصبح على خير ابا صطوف

...رجع للكوزينة كيجمع ديك روينة ، و دخل لدوش دوش و خرج كيصلي قيام الليل ،و بدا كيقرا القرآن بتجويد رائع متخشع فكلمات الله ، بقا كيدعي من قلبو مع ذكرى و منين سالة ضار لعندها كيشوف فيها و هي ناعسة من شوفتها كيحس بيها هازة هم دنيا و عيااانة ، بقا حداها كيشبع شوفتو فيها ماراضيش يبعد و لا يخليها بوحدها ، خايف يغفل عليها دير شيحاجا فراسها مرة أخرى و قرر مايفارقهاااش...

صبح صباح جديد ...و هاد لمرة فدار لحاج السكون عمر و لجو مخربق ، بين حبيبة و خديجة لي جالسين كيخممو و كيفكرو فلي جاي ...قربات منها خديجة و كتهضر بشوية

خديجة: خالتي سمحي ليا حيت خبعت عليك

حبيبة: مادرتي فيها مايصلاح اخديجة

خديجة:(ببحة باكية) والله اخالتي حتى كنت خايفة عليها ..سمحيلي مابغيتكش تقلقي مني

حبيبة: ماعندي لاش نتقلق منك ، هاهي بنتي من لحمي و دمي و دارتها قد راسها ماضربها حد على يدها

خديجة: راها ندمات و الإنسان خطاء

حبيبة: لي تهرس مكيتصلحش

خديجة: و شنو الى طلقها راجلها اخالتي؟ فين اتعطي براس

حبيبة: منها لراسها ديك ساعة (ناضت ) ماعندي بنت انا

….مشات بحالها و هي بقات كتحسر على حالتهم لي وصلو ليها ، دخل ادريس و مشات لعندو واقفة عليه و هو متجاهلها و كيغلي بالاعصاب

خديجة: تبغي تغدا؟

ادريس:(الصمت)

خديجة: ادريس هضر معايا علاش مخاصمني

ادريس:(مخنزر فيها) حيدي من قدامي

خديجة: راه كنت خااايفة و واعدتها مانقول حتى حاجا

ادريس: درتي شرع يديك و المقام لي كنتي فيه طحتي منو

خديجة:(طيحات دموع) شنو كتقول؟

ادريس: ذكرى لي ماكنتش ناويها فيها و دارتها (طلعها و هبطها) اعلم الله شنو كديري حتى نتي

خديجة:(حطات يديها على فمها) شنووو كتقووول (شدات فيدو)

ادريس:(نترها) مااااتقييسينيش حيت لي تستر على هادشي أذن حتى هي عاطيا حقهاااا

خديجة: (بصدمة) واااش نتا لي كتقوولي هاد لهضرة... مايمكنش

ادريس:(تخطاها) الدار دارك ابنت العم حتى يجي لي يسترك

...داز من حداها مخليها مصدومة من هضرتو و غير كتبكي من قسوحية قلبو ، كانك هزيتي واحد و حطيتي واحد ...أما عند طلحة من صباح و هو حدا ذكرى كيهضر معاها و يعطيها تاكل و يشربلها دوا ، كيحاول يخليها تنسى و ضحك شوية و لكن كأنه كيهضر مع كأس راد ليه لبال لا يتهرس ، الاكتئاب قاسح خصوصا منين كيوقعو المشاكل و كتعرف بلي حتى حاجا مكتصلح ، خلاها على خاطرها و ناض خرج من دار بسرعة لحانوت ، يجيب لي ناقص فدار غير رجع ، تلاقاتو زاهية فالباب و هازة فيديها طبسيل مغطي ، شاف فيها و هبط لعينين و هي ابتاسمات و قلبها ايطير بلفرحة

الزاهية: السلام عليكم كنت كنصوني ماحل ليا حتى شيواحد كيحسابني ماكاينينش

طلحة:(تنهد) ذكرى عيانة شوية داكشي علاش ماحلاتش

الزاهية : ماعليش نتا فيك الكافية، بغيتك تسمح ليا على قلة صواب لي خرجات مني (كتذبل فيه عينيها) القلب مكيشاورش

طلحة: ماعليش اختي ، بنادم كيغلط

الزاهية: و باش نتصالحو جبت ليك هاد الطبسيل د لمسمن

طلحة: غير عذبتي راسك ، مكناكلوش لمسمن

الزاهية: ماكتكلوش لمسمن ولا ماباغيينش تاكلو من يد الشوافة ؟ ( كتصطانع دموع ) بنادم مكيختارش فين تزاد و لكن يشهد الله انا قاطعة يدي من يد مي هي فطريق و انا فطريق

طلحة:(شد من عندها طبسيل) سحور مكيشدش فلي مداوم على صلاتو و فلسانو القرآن

الزاهية:(ابتاسمات) بصحتك اسيدي طلحة و لي حتاجيتيها (كتشيرلو باليد) الدار هاهياك على رأس و لعين

طلحة:(ابتاسم بلا مايشوف فيها) شنو سميتك؟

الزاهية:(قلبها ايذوب بالفرحة) الزاهية

طلحة: شكرا اختي زاهية

...دخل لدار و هي متبعالو لعين ، قلبها بغا يسكت راجعة لدار و كتقول مع راسها ، ويلي سولني على سميتي، حسات براسها ملكات دنيا ، كانت بغات غير شوفة منو و لكن كلامو زرع فيها الأمل و خلاها تزيد تشبث بيه و تبغيه يكون ديالها بوووحدهاااا ..

دازو ليام و تبدلات شحال من حاجا ، اولهم طلحة لي مابقاش كيفارق دار و ديما لاسق ف ذكرى ، يوكلها و يشربها و يسهر عليها فاش طلع ليها سخانة ، كيبقا معاها فليل فاش كتنوض تغوت و تخلع و يهدنها، تمنى غير كلمة من عندها أو غير إشارة من عينيها يرتاح بالو و يتهنى عليها ، لكن معاقباه حتى ف سكوتها ، طول هاد الفترة كانت الزاهية كدق ف دارهم و جايبة معاها شيحاجا و كظل طل من سرجم عليه و قلبها كيطير و يحلم ، اما حميد من نهار مركات ذكرى بقا مع با صطوف فالكاراج و اكرام عذراتو و ماعاتباتوش بطلب من طلحة ، و لكن توحش اشوف اكرام و يقشب معاها فيها شيحاجا زوينة بنسبة ليه و حتى هي كتحس بنفس لحاجا متوافقين بيناتهم ، اما ليث من نهار وقع داكشي مكيعمرش فدار و ماريا كتسول عليه مكيعطيهاش راس لخيط ، و اخيرا خديجة كانت كتعيش فالغمة و ادريس عاطيها تيساع و منخلها، كولشي تقلب و كولشي ساكن و راكد ، بحال لحمم البركانية لي كتكون راكدة و لكن ف اي لحظة كتنفاجر

….و قلب ذكرى و عقلها كيميلو لتعامل طلحة ليها ، واخا مكدويش معاه و مكتفاعلش و مرضات الا انها ملاحظة شنو كيدير معاها و مامخليها مخصوصه من حتى حاجا ….قلبو كيوجعو عليها كلما كيشوف صحتها كتهلك و نفسيتها تضمرات مكيكرهش ادخل لقلبها و ياخد كاع الحزن لي فيه ...ماقادرش انسا شنو دارت و فنفس الوقت عارف بلي ماعندها حد و الى خطاها اضيع...عينيها حجر أسود ف مكة قلبو كانو يسلبوه رجعو دابا طافيين و باهتين...ضحكتها العالية لي زعزعات شوامخ آذانو و ابتسامتها الهادئة لي كانت بلسم سنين عذابو ذبلو و مابقاش كيشوفهم...كره سكوتها و كره لي سبب ليها فيه واخا عندها نسبة فتعاستها و هي لي جنات على راسها كفرات على اخطاءها و ياريتها حسبات زغب راسها ندامة و ماخلاتش شخص آخر يتعاقب على فعايلها...كيحس بلي هي قريبة ليه و بعيدة فنفس الوقت ...باغي لي يعاونها و لكن مابغاتوش اي واحد...طلع نظراتو فيها للمرة الثانية ناعسة كالملاك البريء ...قوامها متفجر بالانوثة و مع صهد بقات مليوحة ف ناموسية غير ب ديباردور و شورط ...حط يدو على جبهتها … مدة طويلة ماسمع صوتها ماشاف حركتها فدار...ماغدداتو بفعايلها ما عصباتو بهضرتها ، حس بلي معاه شبح و كانت فعلا شبح تسلبات روحها زوينة و تبخرات ، قرب ليها و حط القماش الفازك باش تهبط ليها الحرارة ...و بدون مايحيد عينيه عليها و بدون حتى سابق إنذار تحققات امنيتو و نطقات

ذكرى: هبطات

طلحة:(بلع ريقو كيتأكد من صوتها واش بصح دوات) كيبقيتي؟

ذكرى:(حلات عينيها بشوية و لوات يدها على كرشها ) نعس حدايا كنحس بالبرد

طلحة: (بخوف) انغطييك الى بردتي ...باش كتحسي؟

ذكرى:(ببحة صوتية ) جسمي دافي ...قلبي لي بارد الفقيه

...صمت لحظات و نعس حداها فالنموسية ...لقاها دغيا تخشات فيه و حطات وجهها ف عنقو ...قلبو كيزدح هادشي جديد عليه لكنه تشجع و نطق عارف…

طلحة : عارف لي داز عليك ماشي ساهل و لكن نتي قوية انا عارفك قوية ، حيت لي يدوز عليها هادشي كاملو و توقف على رجليها تستاهل فرصة أخرى …(بصوت منخفض) انا ماكرهتكش و ماغانعاتبكش الله غفور رحيم شكون انا باش نحاسبك ، بالنسبة ليا نتي حرة و معايا اتبقاي تحت الحفظ و الصون و نتي تختاري طريقك (صمت فاش ماسمعش جوابها و عاد كمل) مايستاهلكش هو ضيعك مايستاهلش اذكرى

ذكرى:(باستو فعنقو بوسة خفيفة و همسات بقلة حيلة و بحزن ) ...بغيت نسا … نسيني فيه

قبلات فعنقو كانو كافيين يخليوه مصدوم من جرأتها و خضوعها ليه ….بعد وقت طويل و ايام من الانتظار باش تفيق ، هاهي فاقت و طلباتو لفراش ، ماينكرش انه باغيها و ماينكرش انها قنبلة متفجرة من الانوثة و ماكاينش لي مايردخش ليها ...طلعات يدها لصدرو كتقيس بيديها عنقو و على ديك المنطقة و كداعبو فزغب ، و باقي كتفرق القبلات و هو حاكمها من خصرها لعندو ، حس ب فزاك جهة كتفو و هبط راسو لعندها كيشوف فيها كتبكي و كتبوسو كأنها مجبرة عليها … مستسلمه ليه لأقصى درجة او بالاحرى مستسلمة لضعفها و المها لي باغية تنساه ...و لكن هو حزن و ماقدرش استاغلها و رغم انه يقدر و اياخد لي بغا الا انه ناض بشوية و الابتسامة مكتفارقش وجهو ، بعد منها تحت و هي كترمقو بنظرات ضعف و ارتباك و نطق مخرجها من دوامة الافكار

طلحة: ارتاحي …

...خرج من عندها و هي طاحت فوق النموسية كتبكي ، غير سد لباب حط راسو لور قلبو كيضرب و الحرارة شعلات فيه و لكن كاره الموقف انه يكون بديل و لا مسكن لذكريات السنين...خرج من دار هارب من وضعية تحط منها و ماباغيش ارجع ليها و هو تفكيرو كامل معاها …هبط لخدمتو لكاراج لقا حميد و با صطوف لي استغربو من مجيتو

با صطوف : ولدي طلحة؟

حميد: جيتي اخاي

طلحة: رجعت لخدمتي

با صطوف: و لكن راك مقابل مرتك !

طلحة: رجعات مزيان ابا صطوف

با صطوف: اوا الحمد لله طمنتيني

حميد:(كيتكسل) يا سلااااام منين رجعتي لهنا نمشي نرجع لخدمتي ...اححح و شحال توحشتها

با صطوف: غبر من قدامي راك نفختيلي راسي هاد الايام

طلحة:(بضحكة منهكة) دار لفالطات؟

با صطوف: فيه كثرة لفهامات

حميد: يا تهلاااااو ...نجارة د ماليها

...خرج من لكاراج و داير ليزيات فوذنيه كيتمزك ….مشا ديريكت لطاكسات و خدا طاكسي ل طريق الحاجب فين كاين لفيلا ، مسافة ديال طريق وصل و تم داااخل عارف الماطريال ديالو فين و شنو خصو يدير ...تم غادي حتى وقفو صوتو ماريا

ماريا:(بنرفزة) على سلامة ...ياكما نجيو نجيبوك بالطبل و لغياطة؟

حميد:(ضار لعندها حاط يديه على خصرو و مطلع حاجبو) اشتما امدام؟

ماريا: شهاد لوقت جاي فيه؟ و واخد عطلة من لفوق يامات هادي ماشفناك

حميد: كانو عندي ظروف و قلتها ل مادموزيل اكرام

ماريا: هنا انا لي كنحكم ماشي اكرام و مرة أخرى اتغفل على خدمتك لباب ...كاين مية واحد باغي هاد لخدمة

..حرك راسو ب اه و كيشوف فيها بشوفات د لقتيلة و دمو بدا كيفور ، كان اينطق و يقربلها حتى سمع اكرام كتنادي عليه و جايا لجيهتهم

اكرام: (بصرامة) دوز لخدمتك احميد

...داز من حداها لخدمتو و هي تقابلت مع مها

ماريا: هاد لفشوش هو لي كيضسرهم

اكرام: بغيتي شيحاجا منو قوليهالي ..

...ماكان فيها مايشد معاها نقاش ...رجعات ل جليسة لي دايرة ف جردة و كتشوف ف حميد كيدير خدمتو ...بقات متبعالو لعين مبتسمة و كيبان ليها باغي يخدم بالمعقول ، منظرو و هو متعرق و شعرو هابط على عينيه و ديك تيشرط لاسقة على صحتو، خلاتها بلا هواها تعض شفايفها ...أما هو كان مرة مرة كيتوتر و كيضور يشوفها واش كتشوف فيه كيلقاها مطرطقة عينيها فيه ...مامنعش راسو يشوف جمالها الاخاذ جالسة ب غوب ساتان ف ذهبي و شعر كحل مسبسب و هازة خيورات ربي ، ناضت لعندو بثقالة و هازة عصير د ليمون بعدما لاحظات ان مها مشات، قربات ليه و مداتو مبتاسمة و بصوت حلو نطقات

اكرام: طولتي الغيبة …

حميد: ليوم رجع طلحة لخدمة و جيت

اكرام: كيبقات ذكرى

حميد: مزيان

اكرام:(عضات على شفايفها) منهنا لقدام مانبقاش نخليك تغبر بزاف

حميد:(نزل على داك لكاس ف خطرة و نطق) ماعليش اختي إكرام سمحي لينا هاد لمرة

اكرام:(ضحكات بجهد و قربات حتى صدرها جا فدراعو ) ختي؟

حميد: (تزير و كيبلع ريقو) بحال ختي ..

زادت قربات منو كتشوف ف عينيه ب جرأة كبيرة ...ماقدرش يقاوم و هو كيشوف ف جنابو ياكما كاين شيواحد حداهم ، طيح لمقص من يديه و كيبعد منها ..

حميد:(كيحس براسو قيم ) شنوو كديري

...هزاتلو يدو و خشاتهالو فصدرها و تكاتو مع الشجرة كتشوف فعينيه بواحد اللهفة و حناكها مزنكين و كتعض شنايفها ...هو تبلوكا و يدو فصدرها كيقيسو...ماقدرش يدوي ...و نطقات بصوت محلون

اكرام: ختك كدير هاكا؟

...زادت قربات منو و باغا تحيد سماطي دلاغوب و هو يشدهم ليها ، مطرطق فيها عينيه …

حميد: واااش حماقيتي؟؟

...كتشوف ف لمعلم واقفلو و ثارها لمنظر ديالو و هو حس بنظراتها على حجرو و زادت جهلاتو ، خايف يتكيها تماك و يصدقو فشي مشكل ليها أما هو ماعندو مايخسر، قربات ليه بوجهها و باستو بوسة طويييلة فشفايفو و يديه باقيين على صدرها و كتمصمص شنايفوو نيت ، عضااات بشوية منين حسات بيه كيضغط على صدرها ووعتها ، نطقات حدا فمو و عينيها كيبريو بحال بغاو يدمعو و نبرتها فيها ترجي و خفوت

اكرام: ختك مكديرش هاكا

طاح ليل و نورو النجوم ظلامو ، دنيا بدات تخوى و كلها سد المحل ديالو ...بقا طلحة هو تالي فلكاراج و سدو و لبرد بدا يتحرك و ريح ماخلات حد يوقف برا و لا يجلس ، داز دغيا لحانوت خدا لخبز و تقضية خاصاه و رجع لدار ، حل الباب و طلع مع دروج و هو مكيسمع حتى حس ، ولف حيت مع بالو ديما كيلقاها ناعسة ...دخل لكوزينة حط التقضية و مشا لطواليط طرف حالتو و خرج ...مشا قاصد لبيت و دق ماسمعش جوابها و عاد دخل كيشوف ف ركاني و فنموسية مالقاهاش، طلع حاجبو بتساؤل و مستغرب

طلحة:(بصوت عالي) ذكرى ...ذكرى

...مكتجاوبوش و بدا كيقلب فكل بلاصة فدار مالقاهاش، طلع لسطح بجرا و حتى تماك مالقاهاش و دنيا بدات كتشتي و شتا خيط من سما و دغيا جهدات ، خرج من دار ماهامو والو و غير خايف تكون دارت شيحاجا فراسها ولا واقعة ليها شي موصيبة ...بديك الحالة خرج قلبو كيضرب فتسعين و مشا كيجري لعند ادريس فدار كيدق عليه ...حل عليه ادريس ..

ادريس: طلحة دخل من شتا

طلحة: واش ذكرى ماجاتش لهنااا؟

ادريس: ذكرى؟ لا

طلحة: ماكاينااااش فدار

ادريس: كيفاش مكايناش ياك جبتيها معاك؟

طلحة: واييه مالقيتهاش دابا و راها مريضة خايف تكون دارت فراسها شيحاجا

...بقا ادريس كيفكر و متردد و فالاخير نطق

ادريس: صبر نخرج نقلب معاك

...خرج معاه كيقلبو بجوج و شي دراري ولاد درب كانو مخبعين من شتا تحركو معاهم كيقلبو، مكاينش شي دار مادقوش و سولو فيها و مكاينش شي واحد ماخرجش اقلب ، الحومة تقلبات و شتا مابغاتش تحبس ، وقفات زاهية حدا مها ب ابتسامة

ربيعة: تكون هربات تاني؟

الزاهية: لي يهرب مرة يهرب حتى عشرة

ربيعة: مسكين و الله مايستاهل لي كدير فيه بنت لحاج

الزاهية: دابا يحل عينيه واحد نهار

ربيعة:(شدات فدراعها مبتاسمة) و يشوف مولات لعقل

الزاهية:(تنهدات) امييييين

...كان راجل لدرب و هو كيضحك و راشقاليه ...كيتفكر البوسة ديالو معاها و كيمصمص شنايفو...حس براسو ف خمسة دقايق دخل لجنة ...ضحك على سخونية لي فيها و على زعامة و تحلوييين لي اي راجل كيحمقوه...لكن ضحك كثر منين هرب من بين يديها و خلاها واقفة ، خاف يقرب ليها و ماقدرش يمنع راسو منبعد و خصوصا انه مستحضر كلام طلحة و مابغاش يغدر بيه ، بدات الشتا كتنقص ووقفات و هو وصل لدرب كيشوف كولشي خارج و شي غادي شي جاي ، قرب من طلحة مستغرب و نطق

حميد: طلحة ؟؟

طلحة:(مخلوع و معصب) ماشفتيييش ذكرى واش جات لفيلا؟

حميد:(مدهشر) لا اصاحبي ماجاتش

طلحة:(بلغوات) وااااش متأكد ؟

حميد: وا ييه اساط

...بقا كيضور راسو و باغي يطرطق ماحملش لبلان ...بزاف د الافكار تباحو فراسو اولهم واش هربات تاني منو ؟ منبعد ما طلباتو يديها معاه ؟ مادخلاتلوش لدماغو و راسو فرعو بقوة تفكير ، حكمو لخوف تكون دايرة فراسها شي عجب و لا محاولة تنتاحر كيما سبق ليها ….بزاف د الافكار و هو فبلاصتو حتى كولشي سكت كيشوفو ف بلاصة وحدة و هو كذلك طلع راسو باش يتشوكا مطرطق عينيه و قلبو مشا و جا ...

كاملها ساردة بالما و كترجف و دموعها شلال ، فين مشات و منين جات هادشي كان باين من رجليها لحفيانين، شعرها طايح عليها و فازك و حوايجها لاحقين عليها و ضامة يديها عندها و كتبكي بصوت مرتافع ...مشا كيجري عندها خايف هي غير شافتو هكك عنقاتو من خصرو كتنخصص

ذكرى: ما ..مالقيت..والو ..فين ..نمشي

...هضرتها مامفهوماش غير كتبكي معنقاه و هو شادها كيدوز على راسها ، جرها معاه دخلها لدار و ديك جوقة تفرتكات...سد لباب و طلع معاها ماهضرش و لا نطق ، وصلها لبيت و جبد فوطات كينشفها و هي كترجف و ماوقفاتش من لبكا و صوتها بح ..نطقات و هي كتحرك يديها بايشارات و هو كيسمعلها بتمعن

ذكرى: مشييت...مشيت فطريق طويلة كنت غاااادة نمشي بحالي ...بغيت نهرب بغيت نرتاح حيت شيحاجا (كتشير لقلبها) متقلة عليا و كضرني بزاف (كتبكي و تحرك راسها) خرجت من دار و بدا لحجر كيدخل ليا فرجلي و ماتقسحتش (كتشوف ف عينيه) ماتقسحتش كاع و بقيت غادة ووصلت للوسط لمدينة (كتحط يديها على عنقها) و شوفات ناس كيقتلوووني و كيخنقووني

رجعات كتبكي بحرقة و هضرتها متقطعة كتشهق...قرب منها شدلها فيديها و كيشوف ف عينيها بقلة حيلة و باغي يسمع ليها كأنه كيقولها ماعندي كيف نخفف عليك الألم و لكن كندعمك ..

ذكرى: ..مشيت لجردة فين كنت انا وياه كنجلسو و مشيت لقدام ساحة كبيرة فين كنا كنوقفو و نضحكو (كتحرك راسها ب لا) كان لحاج ديما كيضربني (كتوريه لاطراس ف عنقها) شوف شوف و...كيضرب مي و خديجة و كنت كنهرب عندك ليث (كتشوف فيه ) ماشيي عيب بنادم يبغي ياك (حركلها راسو بلا كيتسناها تدوي) و انا بغيتو ...بغيتو حيت فوقما كناكل لعصا و لا كنسمع هضرة مكتعجبنيش كنهرب لعندو هو الوحيد لي كيحن فيااا و هو لي كااان كيعاوني و بغاني بلا نقاب (كتبكي بحرقة) كان كيتهلا فيا و لكن هاااادشيييي كاااملووو كدوووب هو عمرو بغاني كان صابر على حاجتو (كتشهق) انا حمارة و مكلخة

طلحة:(عينيه فيهم الحزن) ششش ماتقوليش هاد لهضرة

ذكرى: لاااا انا نستاهل حيت تقت فيه و هربت واخا فعايلو كانو باينين بلي مكيبغينيش و لكن (كتزير بلبكا) لحب عمااااني و ماشي لخاطري (هبطات على يدو حاطة جبهتها عيانة و كتبكي) كرهتوووو و كرهت نهار لي تلاقيت فييييه ...ضيعلي صورتي و علاقتي مع عائلتي و الحاج مات بسبابي و هادشي كاملو وقعلي حيت حمارة

طلحة:(بصوت حنين) بنادم كيغلط و الحب كيعمي البصيرة

ذكرى: تقسحت …(شافت فيه) كنت باغا نهرب كيما موالفة ، نهرب من الواقع و نعيش فالاحلام ، نبعد من لحومة لي خانقاني و ناس لي كيعكروني بشوفاتهم…(كتغوت و تبكي ) و مااالقييييتش فيييين نهرب مااالقيت حتى بلاصة ..أنا ماعندي حتى وااااحد انا بوووحدي

طلحة:(تنهد) و رجليك جابوك لعندي بخاطرك

ذكرى:(مصدومة فيه بملامح باهتة) طريقي شوك اولد ناس

طلحة:(بنبرة مبحوحة كيشوف ف عينيها لحومر) نزطم فيها ...

ذكرى: علااااش ...كتعدبني ...علاش قلبك قاااسح

طلحة:(كيحرك راسو ب لا) مكنعذبكش …

ذكرى: (ناضت كتغوت ) واااااش ماكتفهمش ماااااخصكش تعامل معايا هاااااكا ، انا غدرتك و هربت نهااااار عرسناااااا علااااش كتحن فياااا واااش نتا حمق

طلحة:(ناض لعندها كيهدنها بيدو) ماعلييييش اذكرى هادشي كاملو ايفوت

ذكرى:(طاحت للأرض كتبغي و هو تحنى عندها شداتلو يدو) ديني نشوفو عفاك ...بغيت نشوف قبر لحاج عفاك

طلحة: غدا نديك …(طلع صباعو لحناكها كيمسحلها دموع) ماتبكيش

ذكرى: عييت

طلحة:(ابتسامة ) إن مع العسر يسرا

فاقو صباح او بالاحرى كاع مانعسو ...كانت مخربقة و كدخل و تخرج فالهضرة و هو معاها و مهدنها حتى سكتات من لبكا ...ناضو لبسو حوايجهم و هي كتشوف ف نقابها بين يديها حتى نطق

طلحة: بلا ماتلبسيه

...ماحتاجتش تشوف فيه و حطاتو ، خدات شال و دارتو على راسها و خرجو بجوج ...نحو مقبرة المنار …

عينيها جمرة فالتراب واحلين، و خدها بالكحل سايحين، راسها فالارض محني و عنقها فالقبة ديال لقبر متكي، كتسمع للقرآن من لفقيه و ريح خفيف كيحرك خصلات شعرها تحت زيفها لبيض و خلابتها لبيضة توسخات بالوحل فرجلين، كطلع شهقات خفاف حيت دموع مابقاوش ليها أما هو كان حداها جالس لابس دراعية كحلة و كيشوف فيها و يعاود يقرأ القرآن مع لفقيه ...مدة ديال الوقت حتى سالا من تلاوة القرآن و عطاوه شي بركة و مشا بحالو ، بقا متبع ليه لعين حتى خرج من المقبرة و تنهد كيشوف فيها باقي فنفس الوضعية و هاد لمرة سدات عينيها

طلحة: لبكا ماغايرجعوش

حلات فمها بشوية دخلات شهيق و خرجات زفير كيرجف

ذكرى: الله اخلف عليه لي خلاه ماشي قليل

مسح على يديه ووجهو ، عارف مزيان فين وصلو و الهضرة كدق فالحلق بحال شوك و لازم يخرجوها

طلحة: أذكروا امواتكم بالخير

طلعات راسها لفوق و حلات عينيها كتمسح دموع من عينيها

ذكرى: ماخلاش لخير منين يدوز ...الى هو مات ساخط عليا انا راه كنخلص عمايلو فهاد دنيا

شاف فيها بجفاء و مكمش تعابير وجهو فيها

طلحة: راك كتهضري على باك ...على الاقل حتارمي قبرو

كتحرك راسها يمين و شمال و يديها كيتلمسو رخامة د لقبر

ذكرى: مانساش كيف حرقلي لساني حيت سمعني كنغني فعوض مانقرا القرآن ، مانساش كيف رمالي طبسيل فالارض ناكل منو غير حيت غيكلي و عتابرني موسخة، عمرني نسا كيفاش كان كيضرب مي و ديما كيفكرها بلي ماخلاتوش يختني و خرجت سايبة ، عمرني نسااا كيف حبسني فبيت السطح بلا ماكلة و بلا شراب غير حيت ختاريت نقرا ليكونومي على الشريعة

طلعات راسها فيه كتشوف فيه و بكلمات قاسحة جلداتو

ذكرى: مانساش كيف كرهني فالدين و بسبابو لقيت لحلاوة فلحرام عليه

ناض من بلاصتو كينقر التراب و كيستغفر الله قلبو واجعو عليها رغم كولشي

طلحة: الدين زوين ...باك شوهو فعينيك

ناضت حتى هي من الارض كتشوف ف فيه مبتاسمة بغل و خنقة

ذكرى: المظاهر خداعة ...شفتي النقاب قلتي هنا نبات

دازت من حداه بحال النسمة الباردة كتشوف ف عينيه السكات و ماقادرش اجاوبها لكن ماعارفش بلي شوفاتها كيسكتوه و يتلفوه على القبلة

ذكرى : عوم بحرك ...لي غاتشوفو عمرك شفتيه ...هو مات و نتا اتخلص

طلحة:(تنهد من قساوة لسانها و نطق) و انا واجد

تحرك من موراها خارجين من المقبرة هازة جلابتها و كتلوح لخطوة برجلين فاشلين ، رجعات شافت فالقبر و صوتها خرج فحيح ملتهب منفاجر بالبكا و عيان

ذكرى: المسامحة مكايناش الحاج منهنا قدام الله

🔱نهاية الفصل الأول 🔱

🍷🍷🍷🍷

و أذوبُ في تلك الشِّفاه و خَمرِها

خمرٌ يُذيقُ الشــــّاربين هـَــلاكاَ

يا صـاحبَ القلبِ الرّقيق ِتَكرُّمــًا

هب لي قليـلاً مِن رحيقِ شِفـَاكَا

و امنـــَـحْ فؤادَ التــَائهين منـارةً

من ذا يُهـــيّجُُ نبضَهـــــُم إلاّكَاَ

وأذوبُ في خمرِ الشّفاهِ والعنقِ

لم أسْتفق من سُكرَتي حتَّى الغَسقِ

بتقلبٍ بين الحنايا بغمرةٍ

ما فضّ صدري صدرها حتى احترقَ

❤لا تغرنك خمرة شفتيها❤

الفصل الثاني 🪔

🪔 ذلك الخمار الأسود اشتعل في مجمر الخمر...لعنك الحب و لعنني الحسد 🪔

داز لوقت و هوما راجعين للحومة ...عطاها ساروت طلعات لدار و هو مشا لخدمة ...طلعات كتجر رجلينا و لعيا قتلها و لي زاد عليها هو حالتها لي تبهدلات ، تقابلات مع لمراية كتشوف ف راسها مابقاتش بنت رجعات بوشعايب ...اشمئزات من راسها و مشات بسرعة كتحل ليفاليز ديال دهازها لقات كولشي عندها و بدات تحلق على الحالة ...حيدي الزغب بالواكس من صحتها كاملها و دازت على وجهها بلخيط و قادات حجبانها و مع كبار و كثار جاوها مقودين فوجهها...جمعات روينة و دارت ماسك لشعرها ووجهها و دخلات لدوش كدوش و جبدات لكيس و صابون لبلدي و بدات كتفرك فراسها

ذكرى: اوييييلي بقالي غير شوية يخرج مني دود ...دارها لمرض

...فركات راسها مزياااااان حتى مابقا فيها والو و دازت لشعرها غسلاتو و مع طويل كيعذبها شدات فيه الوقت ...سالات و شللات راسها بجيل دوش و هزات لبينوار و لوات عليها فوطة ...جمعات الدوش و خرجات عيانة بالحمام ...نعسات فبلاصتها شوية ترتاح ...و تنوض تحرك …

طريق الحاجب ...مزرعة الخماري

كانت اكرام جالسة مع مها فصالة كيشربو قهوة و يشوفو فالمجلات و يهضرو على لخدمة ...الهدوء و غير هضرتهم لي كتسمع

ماريا: عرضت عائلة شرغيني لعندنا يتعشاو غدا

اكرام: اه مزيان

ماريا: ولدهم وصل ل 40 و باقي ماتزوج

اكرام:(تنهدات) الى كنتي اتلسقيني معاه غير نساي ...حرمت عليا زواج

ماريا: كوني ذكية هاد زواج غايفتحلنا عالم آخر فالبيزنيس

اكرام:(رشفات من كاسها) يجيو و نشوفو

...ناضت من حداها طالعة لبيتها ...بدات كتحرك راسها بعياء و بانتلها فدوش خفيف ...دخلات كدوش مرتاحة حتى تفورات رشاشة و بدات كترش بطريقة كبيرة و مابغاتش تحبس ...خرجات من تماك هاربة من لما لي رجع بارد و لوات عليها فوطة قصيرة و خرجات كاملها ساردة و كتشوف داك الفيضان لي فبيتها ….مشات لبالكون حلاتو و كطل حتى شافت حميد و بدات كتعيطلو

اكرام: حمييييد...حميييد

….كان خدام حتى سمع سميتو منها و بلع ريقو ضار لعندها و طلع راسو كيشوف فيها بدهشة

حميد: مالك؟

اكرام: رشاشة تفورات ليا عفاك طلع قادها

حميد: (تنهد) دخلي هاني جاااي

اكرام: مااااتعطلش (غمزاتو و ابتاسمات) عنداك تشوفك ماما

حميد:(كيجر رجليه) الله اخرجها على خير

.بقا غادي مكيهمو يشوفو حد ...كيتسارا فديك الفيلا حتى لقا بيت اكرام و دق و هي تحلو كتشوف فيه

اكرام: دخل

...دخل لعندها كيزطم فالمياه باستغراب و دخل ل دوش بلا مايشوف فيها و هي تابعاه ...شد الرشاشة لي كانت مقلعة و شاف فيها بنص عين

حميد: كنتي كتكفتي؟

اكرام: ههههههه كيعجبني الصحيح العود

حميد: و يا زبي كيغاندير نقادو

اكرام: ماشغليش قادولي نكمل الدوش

حميد: انا غير جاردينيي

...بقا كيسمعها كضحك و هي حداه بديك لفوطة لي فزكات و لسقات على مفاتنها كولشي كيبان فيها و حتى هو فزك كاملو...و كيتقاتل مع ديك رشاشة حتى قادها و بدا كينهج بانتصار ...قربات منو و حطات يديها على ظهرو و نطقات

اكرام: فزكتي

…طلعات معاه تبوريشة من ملمس يديها ...و ضار لعندها كيشوف ف عينيها مضيق عينيه و صدرو كيطلع و يهبط من منظرها المغري ...شادة لفوطة بيد وحدة على صدرها لي نصو مدفق عليه ...بدات كطلعلو التيشرط و هو متبعها حتى حيداتهالو

اكرام:(بصوت محلون) مابغيتكش تمرض

حميد:(بخشونة و حاس براسو مستسلم ليها بحال مكتفاه) اكرااام شنو كديري

اكرام:(عضات شفايفها) كنعاونك

….بقات كتساري عينيها على صحتو لي قادمها مزياان و ليزابدو مطراسيين و زغب فصدرو ...دفعها من كتافها على الحيط حتى لسقها و كيخنزر فيها

حميد: خوك وصاني نديرك بحال ختي ...الى عرف ايكرهني

اكرام: مكنعجبكش؟

حميد: واش كضحكي علياا؟؟ شكون ماتعجبيهش

اكرام: (ابتاسمات) ماغايعرفش

حميد: مانقدرش نغدرووو فهميني

اكرام:(قربات منو حاطة يديها على لمعلم فوق السروال و نطقات ب ترجي) محتاجاك

حميد:(حط يديه على حناكها كيشوف ف فمها و رجع حمر و مزنك من الحركات لي كدير بيدها على زبو) شنو كديري فيا؟

...حيدات الفوطة على صحتها و بأن كولشي ...مفاتنها المتفجرة بانو قدامو ...خلاه ارجع جوج د لخطوات مصدوم و مقيم نيييت حمقاااتو هادشي الى ماكانش جابو نيت فسروالو ...بقا كيشوف فيها ب لا اي حركة ...و هي كتحاول تفسر شوفاتو و نطقات

اكرام: مابغيتينيش؟

...بقا ساكت غير كيشوف فيها ...مداتلو يدها و ماشدهاش و جمعاتها بانكسار عندها و دمعة فطرف عينيها اسوء حاجا هي الرفض و هاد الرفض كانت كتعانيه مع راجلها و افتاقدات تكون أنثى و بين أحضان رجل يلبي رغباتها…

اكرام: سمحلي فرضت راسي عليك ...ماغانعاودهاش..

...هزات الفوطة و بغات تخرج حتى حسات براسها مجرورة و ملسقة مع الحيط و شنايفها كيتاااكلووو منووو...غمضات عينيها برضى و هي كتحسس ملمس شفايفو و كيفلورطيو بشغف و يديه طلعو لصدرها كيبعز فيهم و كينهج و هو كيشوف ف عينيها

حميد: الى قستك اتولي ديالييي (كيأكد عليها بعينيه)

اكرام:(كتوجع من اللمسات لي كيدير ليها فصدرها) اممم ديالك ...حيت كتعجبني

….دخلات لبيت بنتها بعد ماشافت لما خرج من تحت لباب و نطقات كتنادي عليها

ماريا: اكراااام؟ (كتشوف ف دوش)

جالسة قدام لمراية كتكحل ف عينيها لكبار و كتعكر شفايفها بلون حمر كيف الدم ….مصايبة شعرها بوكلي و و كتشوف ف ذهبها لي لبساتو ...و كسيوة باج لاسقة عليها كتبين طايتها مزياااان ...رشات بزاف د روايح حتى ولات كتعطعط بيهم و ابتاسمات لراسها

ذكرى: هادي هي ذكرى

...سمعات صونيط فالباب و شافت ف سرجم باقي الحال ...ناضت كتلوا و هبطا لتحت ...وصلات للباب و نطقات بخفوت …

ذكرى: شكون؟

ابتسم مور الباب منين سقسات شكون و نطق بصوت خشن

طلحة: انا

...حلات ليه الباب و ماتسناتوش دغيا طلعات و هو تابعها مانتابهش ليها ...دخل هاز فيديه تقضية حتى وصل و هو يتبلوكا فيها ...كيشوف زينها لي مشتت عليه من عينيها لي سلبوه و شفايفها لمنفوخين و شعرها طويييل لكحل و طايتها منحوتة و هي مربعة يديها كتشوف فيه عاقدة حجبانها

ذكرى: مادرتش لغدا

طلحة: ماعليش (ابتاسم) المهم ترجعي بصحيحتك

ذكرى:(كتلعب ف خصلة من شعرها و كتشوف فالارض ) رجعت

طلحة: احم جيتي زوينة

ذكرى: (طلعات حاجبها فيه ) انا ديما زوينة ...غير لمرض خلاني نهمل راسي

طلحة: ما شاء الله

ذكرى:(بلعات ريقها) بغيت نهضر معاك

طلحة: كنسمعك

ذكرى: نجلسو بعدا

….مشاو لصالون جلسو هو فقنت و هي فقت و كتشوف ف ظفارها و هو ساهي فيها ...مشتتا عليه زينها خلاتو تالف ...تقادات فالجلسة و بدات

ذكرى: هادشي لي وقع هاد شهورة…

طلحة:(قاطعها) بغيت نسا

ذكرى:(شافت فيه) مادرت فيها مايصلاح و راني خلصت ….تستاهل ماحسن مني

طلحة: (تنهد) بنادم كيغلط

ذكرى: و لكن ماشي بحال اغلاطي...ماغانساش خيرك مديتي ليا يدك فالوقت لي حتى واحد مارحمني و انا صرفت فيك العيب

طلحة: مكنمنش عليك ...لي درتو كان لوجه الله

ذكرى: داكشي علاش مابغيتش نزيد نضرك و تضرني ...تلاقينا خوت نتفارقو خوت

طلحة: شنو بغيتي تقولي؟

ذكرى: طلقني و شري راحتك …

...بقات واقفة مسمرة كتسمع أصوات غريبة فدوش ...ملامحها تبدلو لاستغراب ...لكن سرعان مابقات كتسمع والو و بدات كتحرك بخطواتها و باغا دفع لباب بيدها حتى خرجات عندها اكرام بسرعة و ملوية عليها نفس لفوطة لفازكة و كتشوف ف ماريا بخوف

اكرام: ماما؟؟

ماريا: اويييلي اش هاااد لمياه

اكرام: كنت كندوش و ضاعتلي رشاااشة و تكفح لما

ماريا: واااش باقا ضايعة؟

اكرام:(جراتها) لا لا قاديتها

ماريا: انعيط لخدمات يجيو انقيو هاد الحالة و نتي نشفي راسك و لبسي حوايج باش ماتمرضيش...غدا جايين عندنا ضياف خصهم يلقاوك بصحيحتك

اكرام: ماتخافيش اماما نتي سيري ترتاحي و ماتنسايش دوا ديالك

...مشات ماريا كتخطى داك لما و كتعيط لخدامات و دغيا اكرام سدات الباب حتى كتحس بيدين محاوطينها فخصرها و بقات كضحك بخفوت

حميد: ضيعاتها علينا

اكرام: شوية و كانت اتحصلنا

حميد:(ضورها عندو كيشوف فيها ) فين خليناها (كيبوس فعنقها)

اكرام:(مغمضة عينيها بشبق كتحسس قبلاتو) خصك تمشي قبل مايجيو لخدامات

حميد:(طلع راسو عندها) نوضتيه و بغيتيني نمشي

اكرام: هههه باقي ليام طويلة

حميد:(كيدوز صبعو ف شقة د صدرها) تهلايلي فيهم (قرب منها و كيهمس) حيت فاش انشدهم انمحنهم

اكرام:(عضات شفايفها ) ماعاياش كتنعس بليل

حميد: معطل

اكرام: تسنى ابيل فيديو مني

حميد: نتسنااااك

...جبداتو عندها كتفلورطي معاه بشوق و هو كذلك و كيتنهدو فثغر بعضياتهم ماساخيينش...لا هو باغي يمشي و لا هي باغا طلقو و لكن فالاخير تفارقو و حلات ليه لباب و شافت مكاين حد فلكولوار و دفعاتو يمشي ...خرج من عندها كيضحك راشقاليه واخا طلعاتلو خيمة تحتو و ماقضاش غراضو و لكن لقا لي بغا عاطياه الحنان و الحب و زاهيين مع بعضياتهم ...خرج من لفيلا و توجه لمزرعة باش اشوف خدمتو تماك أما اكرام بقات كضحك على فعايلها و فرحات من قلبها حيت حتى هو مسايرها فالخط ...نشفات راسها و لبسات حوايجها و جاو لخدامات جمعو ديك روينة و جابولها قهيوة كترشف منها فالبالكون و تبتاسم…

بقاو كيشوفو فبعضياتهم...من بعد ما قالت كلمتها تسناتو يهضر و لكن هو غير كيشوف فيها مازعزعش عينيه ...تحنى شوية معوج ظهرو و مفرق رجليه شابك يديه و عينيه حمارو و نطق تحت سنانو

طلحة: داوية منيتك؟

ذكرى: (بعدم مبالاة) حسن ليك و ليا

...ناض خرج من صالون متجاهلها و هي تابعاه بسرعة

ذكرى: واش ماسمعتييييش شنووو قلتلك ؟؟؟ طلقنيييي (وقفاتلو قدام لباب باش مايخرجش)

طلحة:(مكيشوفش فيها) حيدي من قدااامي

ذكرى: ماغانحيدش حتى ترمي طلاقك

طلحة:(كيمسح على وجهو بالعصبية) لا حول و لا قوة إلا بالله

ذكرى: ماغاااتقدرش تعيش معايا و انا ماباغاكش

طلحة:(طلع فيها عينو بنظرة قتالة) تعلمي تبغيني

ذكرى: مايمكنش ...أنا كنت كنبغي خوك

...شدها من دراعها بقسوة جارها لعندو حتى شهقات و بدات كتوجع و همس ليها بصوت رجولي

طلحة: كنتيييي كتبغيييه

ذكرى: (بقات كتشوف فعينيه و القرب لي بيناتهم وترها و خلعها فنفس لوقت) ووصلت معاه لماصل خايبين...ماترضاش على راسك وحدة لعب فيها خوك حتى شبع

طلحة:(غرس صبعانو كثر فيديها حتى تأوهات بألم و غمضات عينيها) مامطلقش أبنت الحاج ...ورب الكعبة عندو ماغاديش ترجعي

ذكرى: انا...مابغيتوش غسلت عليه يدي

طلحة:(بعصبية) الى طلقتك ماعندك فين تمشي ...حبابك تبراو منك

ذكرى:(حلات عينيها فيه و دازت دمعة على خدها من كلامو القاسي ) مااااشيييي شغلك ...غادي نبيع لحمي و نولي *حبة

طلحة:(زاد ضغط عليها حتى حط راسو على راسها و ماحاسش براسو ...العصبية كلاتلو الدماغ) باغياااا تبيعي لحمك؟ ...بيعيه ليااا

ذكرى:(كتشوف فيه بحقد و ألم ) كتوجعنيييي

طلحة:(طلع نبرتو) مجلسك هناااا مااااشي حبا فيك و لكن مابغيتش يضربوك لحيوووط و نهز ذنبك فرقبتي…

ذكرى: (كتحاول دفعو) واااا مكنبغييييكش ..بعد مني

طلحة: (قربها ليه كثر ) لخرجة تالية لي اتخرجيها من هاد دار ...اتمشي لقبر نيشان

ذكرى:(ابتسامة مستفزة) كترضى على راسك الدل

طلحة: كنرضى عليك العز ….أما دل منك جا و غرقتي فيييه

ذكرى:(بداو دموع كيطيحولها) انعذبك ...و الله حتى نكرهك فحياااااتك

...دفعها و بالالم لي كان فدرعانها تنملو عليها و طاحت فالارض كتبكي من تعاملو ليها و كيفاش عذبها بكلماتو القاسية لي هي قلبات عليهم...حل الباب لوسطاني و خرج زادحو و هي بدات كضرب فيه و تغوت بهستيرية

ذكرى: والله حتىىىىى نخليييييك تمنى طلقنييييي و الله حتى نعذبك ماااااكنحملكش واااا كنكرهك ...قتااااال ايييي يديييي

طاح ظلام و ليل فرش نجومو و هو كان فداك لبار جالس جلسة ديال الملوك و حداه كل مايحتاج هاز كأس نبيذ كيرتاشف منو و عينيه حومر ...لبار كيزدح بلموسيقى و ناس أشكال انواع و هو جالس حدا صحابو ...كيصبح و يمسي فالبيران و مرفوع ...بدات وحدة كدوز على عنقو بيديها و كتلمس و هو يشدلها فيدها كيشوف فيها بابتسامة

ليث: نتي ماشي هي

...شكون

ليث:(رجعو عينيه حومر و دفعها بعيد عليه) *ودييي علياااا

ناضت مفزوعة و صحابو شافو فيه فدقة و نطق واحد فيهم

….مالك اصاحبي على هاد لحالة...هي مشات عطا الله لبنات

ليث: مابغاتش تسرطلي الشمتة

….ضور ضور و ترجع ليك

ليث: كنعرفها ...ماغاترجعش

….وايلي ليث لخماري لي كيهضر

ليث:(طلع كاسو كيشوف فيه ) ليث الخماري لي لحاجا كتكون ديالو يا بزز يا بالخاطر

….شنو ناوي دير

ليث:(ابتاسم) انرجع لافاك ...غيبت بزاف

عينيه جغمة ديال الدم كيشوفوها فلكاس بوحدها ...ماحلاتلوش شيوحدة من غيرها حيت بكل بساطة مامتالكهاش...و كرهو لخوه خلى نار التحدي يزيد فقلبو ….نفس التحدي لي كان شاعل بيناتهم ...مادخل لدار حتى ضربات 00:00 ...دخل و فنفسو كيستغفر لقا ضواو طافيين من غير ديال بيت نعاس ...مشا متوجه لعندها و دخل شافها مكمشة فوق النموسية ...جامعة رجليها عندها و حاطة راسها بين ركابيها ...تنهد و جلس حداها

طلحة:(تنهد) قبيلة تعصبت عليك سمحيلي (مابغاتش تجاوبو و حط يدو على راسها) ذكرى

ذكرى:(نترات منو كتغوت و عينيها حومر بلبكا) ماااااتقربش لياااا يديييييك نقطعهم

….ناضت هاربة منو و خارجة من لبيت و هو ناض بغا يتبعها حتى شاف باكية د لكارو و لبينتات فطبسيلة طافيين...طرطق عينيه على جهد و بدا كيتبدل فيه لون ...هز لباكية و كمشها فيديه و خرج لاحقها لقاها دخلات فدوش و هو يضرب لباب بالقبضة ديالو لقاه مسدود من لدااخل...غوتة وحدة لي غوت كانت كفيلة تخلي ركابيها يجمدو

طلحة: كتكميييييي؟؟؟؟ بقااااات لطاسييييلتك غير لكماااااية واااا حليييييي لبااااااااب ….

كان ناعس بلاصتو كيتكيف و حال الشرجم باش تخرج الريحة ….عريان من لفوق و سنسلة د نقرة ضاربها فعنقو و شعرو و لحيتو مخربقين...بقا كيشوف ف سما و راشقالو حتى سمع تيليفونو كيصوني ...هزو لقا ابيل فيديو منها ...جاوب دغيا و سرعان ماتقاد فلجلسة منين شافها شنو لابسة ...كسوة كحلة لاسقة عليها و ماكياج اوفر و شعرها كحل مسبسب و صدرها نصو خارج ...طرطق عينيه و كيعض شفايفو و كيضحك ...حتى نطقات

اكرام : شاد الليلة العود

حميد: الليلة زهات

اكرام:(بصوت محلون) كون غير كنتي حدايا دابا

حميد: نجي غير آمري

اكرام: كون عرفت ماغاتكون حتى مشكلة غانجيبك

حميد: و شنو دابا

اكرام: عاودلي شيحاجا (قادات الكاميرا اونفاص معاها و تكات على النموسية مزلعة خيرها قدامو)

حميد: مزلعة عليا خيرك و كتقوليلي نعاودلك

اكرام: هادا خيييرك الحب

حميد: (تنهد) حيدي لكسوة نشوفو

...ضحكات بحماس و ناضت كتحيد لكسوة بشوية و كدير التشويق و هي كذبل فعينيها و كتلعب بلسانها قدامو ...انتافخات رجولتو غير بسباب التحلوين و الغنج ديالها ...نصلات الكسوة و بقات غير بدوبياس فلحمر …...كيسرح عنيه ف كرشها لي لاسقة مع ظهرها و صدرها و ليهونش...كاملها كتشقشق بالبيوضة

حميد: ااااححح امي على هاد زين ….لحمر العمر

اكرام: (حطات يديها على بزازلها كتبعج فيهم ) ماكرهتلهومش مساج من يدك

حميد : (حط يدو على حجرو كيدوز يدو بعد ما حس بلي عضوو الذكري كيوجعو) حتى هو ماكرهش مصيصة من فمك

اكرام: ههه شكووون؟

حميد: لي غاتغوتييي و هو داخل فيك ..

….بقاو كيتحلونو بديك الطريقة على بعضياتهم و شعلات فيهم العافية ديال بصح….أما لفقيه بقا كيدق فلباب و يزدحو عليها و هي لداخل شداتها لخلعة و مادواتوش …

طلحة: حلييييي لبااااااب

ذكرى:(،بغوات) علاااااش دييييير فياااااا مابغييييتي

طلحة: (بنبرة عالية كثر ) اتحلي ولا نفرع عليك لبااااااب

...تقدمات لباب و حلاتو و قبل حتى مايهضر ..هضرات هي محمرة فيه عينيها و كتغوت

ذكرى:(مسبقالو حنكها) واياااالاه ضرب هاني قدامك و الى كيحسابلك بضرب و لا لغوات انسمع هضرتك و نبغييك راك غالط (كتشوف ف لباكية د لكارو) خوك مشا و خلا ليا لكارو و لكاس فيدي (رجعات شافت فيه بعينيها لحومر ) الله اخلف عليه

...بقا كيقرب منها ساكت و كيعصر ديك لباكية فيدو و هي كتشوف فيه و ترجع بخطواتها لور ...سكوتو كيخلعها حيت اسوء من غواتو ...شخص غريب عليها مكتعرفش شنو تحت راسو و كيفاش كيفكر ...حبسها الحيط و هو زاد قرب حتى مابقا بيناتهم والو و حسات ب يدو تحطات على خصرها …

كان كيضغط عليها و هي غمضات عينيها بوجع حتى تأوهات و هو كيشوف ف ملامحها و حاس بيها خايفة منو و ماعطاياهش تيقتها و الأمان ديالها ...قرب من وذنيها و نطق بغضب

طلحة: أنا ماشي لحاج لي غادي يسلخك ولا يخليك بجوع حتى تولي تخافي و ديري بحسابي…(بكلمات دقيقة و هامسة) انا هاداك لي ايخليك قبل ماتنعسي تحسبي دقايق فوقاش نجي لعندك ...غانخليك ديري لحاجا و ضحكة طالعالك ...انخليك ضوري ضوري و تقلبي عليا بين ناس

….خلاها هكك و خرج زادح الباب و هي عاد حلات عينيها كتشهق بالخلعة و حطات يديها على جنبها كتحسسو...شداتها رجفة و لخلعة من هضرتو و كلامو ليها لي مافهماتوش و خلاها تبدل كاملها فلحظة ...أما هو كان خرج م دار ساخط كيحس بيديه كياكلوووه ياغي يضرب شيحاجا ...كتخرجو على طوعو كتخليه يفكر يضربها و يسيل دمها ...زدح يدو مع الحيط بعصبية كبيرة ...و عينين من سرجم كياكلوه و ابتسامتها مافارقاتش فمها من سمعات صداع الصباح نطقات بتبجح

الزاهية: ماعايش مع مرتو مزيان

ربيعة: كون غير يحل عينيه شوي و يشوف مولات لعقل قدامو

الزاهية: هادشي مكيجيش بالخاطر الميمة ...هادشي كيتاخد

ربيعة: وريني حنة يدك

الزاهية: ههه والله لاربحات بيه

...متبعاه بنظراتها لي كولها عشق و هيام و فعينيها تحدي كيشعل بلعوافي و كيقيد نار الفتنة...ام طلحة مشا قاصد دار با صطوف كيدق حتى هبط با صطوف حل ليه لباب مستغرب و دغيا طلع …

با صطوف: ولدي طلحة ياك لباس

طلحة: والو ابا صطوف جيت نبدل ساعة بختها

با صطوف: ياكما مدابز مع مرتك

طلحة: لا مامخاصمينش

با صطوف:(كيشوف فيه بشك) شوف اولدي ...لبنت ماعندها حد نتا لي عندها

طلحة:(ابتاسم بزز) حتى انا مامقصرش من جيهتي

با صطوف: الله اكمل ليك بعقلك و يواتيكم بلخير

طلحة: فين هو حميد

با صطوف: راه فبيتو ...انوض نصايب اتاي و نجيو نهضرو

...كان باقي شاد معاها ستون ووصلو بعيد ….من بعد ما تعراتلو كاملها و فرقات رجليها كتوريلو أنوثتها و كتحرك يديها ببطء فالبظر و هو كيحرك عضوو فيديه و كيشعلو فبعضياتهم بكلمات بذيئة و عاجبهم الحال

حميد:(منتشي لأقصى درجة) اححح تزييرة ديالو غادي تجنني

اكرام: ماكرهتكش تكون هنا و نلعب بيك ب ****

...خدامين و ماهامهومش البشر حتى جاب با صطوف صينية د اتاي و ناض طلحة يعيطلو ...دق فالباب و نادالو

طلحة: حمييييد باقي فايق ..

طفا لابيل و ناض بسرعة كيلبس حوايجو كينهج و سخونية طالعالو….اول مرة يكره طلحة من قلبو حيت ضيع عليه ليلة أما خلاص اكرام مازالة كتصوني عليه ابيل فيديو ...صافطلها ميساج " خوك على شوية يحصلنا ...تلاحي تنعسي غدا نعوضوها" خلاتلو vu و هو حل لباب لطلحة لي كمش تعابير وجهو

طلحة: كنتي كتكيف تاني

حميد:(كيحك شعرو ) ليعفو علينا الخوادري

طلحة:(قرفدو) دوز تشرب اتاي

….بقاو كيشربو اتاي و يهضرو ...ناض طلحة خرج بعد ما حس براسو مابقاش معصب و رجع لدارو طلع لدار ماسمعش حسها ...دخل لعندها لقاها ناعسة و عاقدة غوباشتها حتى فنعاس...ابتسم من عنادها و قباحتها و هو كيتنهد و يفكر شنو يدير ليها و يخليها تتأقلم...حس براسو غير كيدابزو كثر مايتفاهمو...تكا حداها كيشوف فيها حتى داه نعاس ...صبح صباح جديد و فاقت قبل منو و لقاتو حداها مادارت حتى رد فعل من غير ابتسامة مستفزة كأنها قراتو و عرفات راسها ساوية ذهب عندو و لكن هي شادة ضد و حالفة تشطحو على صبعها صغير….الى هو فقيه و ماعندوش مع ضسارة هي قحبة و ضسارة هي مولاتها ...بدا كيتحرك و فاق و هي دارت راسها ناعسة و هو دغيا ناض دخل لطواليط و رجع لبس حوايجو و خرج ماتعطلاتش من وراه و ناضت مقندشة...قادات راسها و دخلات لصالة حاطة رجل على رجل كتفرج للتلفازة و شادة كارو بين يديها و مرة مرة كترشف من قهوة كحلة على الريق فايقة خاسرة و مورالها طاير...دخل للدار هاز فيديه الباكيط باش افطرو..بقا كيشم مع لباب ريحة الكارو و خسر سيفتو ...دخل للكوزينة حط الباكيط و دار الما يسخن باش اعمر اتاي ...و دخل عندها لبيت لجلاس كيشوف فيها ضاربة عليه شورط و ديباردور فالحمر بحال الى كتقولو راك **** حيت حتى لدابا مكتقيسنيش...تنهد بمشقة الانفس و كون ماشي رجعات شعرها الأسود سواد الليل على جنبها ماكانتش اتلاحظو...قرب منها ببرود و هبط لعند وجهها حتى رجعات لور و طرطقات فيه عينيها و تمتمات

ذكرى: مالك

طلحة: (حيدلها الكارو من يديها و طفاه فالطفاية) جبتلك باش تحيدي الكارو

ذكرى: (طلعات حاجبها) وريني

طلحة:(جبد من جيب الجلابة مصاصة و حلها ليها) هاك

ذكرى:(عضات على شفايفها ب ابتسام و خشاتهاليه ففمو و جبداتها عاد دارتها ففمها و بصوت منتشي نطقات) ريقك شحال حلو اممم

طلحة:(بلع ريقو و بسرعة صرف النظر ديالو عليها كتصدمو بجرأتها ) بصحة

ذكرى: ماخفتيش نتبلى بالمصاصة؟

طلحة: (ناض عاطيها بظهر) نشوفو باش نقطعوهالك حتى هي

ذكرى: (بغنج) بغيت لمصاصة لكبيرة

طلحة:(على نيتو) فينها؟

ذكرى:(كتشوف ف حجرو و غمزاتو) لي مابين فخاااااضك المحابسي (ختماتها بضحكة طويلة و هي كتحاول تقرأ تعابير وجهو لي متفاجئين فيها )

طلحة: (ابتاسم للجنب) مابغاكش اجمرة

ذكرى:( سكتات من الضحك بعد ماقمعها و تهانت ف أنوثتها….كتبغي تعصبو كتصدق هي لي معصبة) الله اعطيني برودة دمك الفقيه

طلحة: دابا مابقيتش محابسي ابنت الحاج؟

ذكرى: (بصوت مهدن حاوطات يديها على عنقو و كتستافزو ) و انا مابقيتش جمرة ؟؟؟

طلحة:(بنظرة لا مبالاه و شدها من خصها مقربها ليه و ضاغط عليها و بنبرة هامسة قرب لفمها كيشوف فيه بعينيه ) ملخر علاياش كتقلبي؟

بعدات منو دغيا ...كتشوف ف جنابها و بقات كضور فعينيها و كتلعب فصباعها

ذكرى: بغيت نرجع نقرا

طلحة: فاش كتقراي؟

ذكرى: مراتك و معارفش شنو دايرة فحياتها!!

طلحة:(تخطاها) مراتي و مكنعرفهاش

...مشا الكوزينة كيعمر اتاي و هي حداه كضورلو منهنا و لهيه

ذكرى: كنت خايفة منك

طلحة: و دابا ؟

ذكرى: مافيك حتى حاجا كتخلع ...ماعلينا بغيت نرجع نقرا دايرة ماستر و تعطلت على دروسي حيت كنت مريضة و دابا منين تشافيت خصني نحضر

طلحة: تبارك الله راك قارية

ذكرى: و نتا شنو قريتي ؟

طلحة: عندي لباك و لحرفة د نجارة

ذكرى: (ربعات يديها) شنو دابا ؟

طلحة: اممم خليني نفكر و نرد عليك

ذكرى: كيفاش خليني نفكر؟؟؟ واش ماغاديش تخليني نقرا

طلحة : على حسب واش باغا تخدمي؟ ماغانخليكش كولشي موفر ليك

ذكرى: واش نتا بخير فعقلك ؟؟ راه بغيت نرجع نكمل قرايتي باش نضبر على خدمة و نطلق منك

طلحة:(باستفزاز) كتجبدي لعيب دغيا …

ذكرى: راه ماغانبقاش نتشاااااور معاااااك

طلحة:(حط صبعو على فمها) ماتغوتيش

...سكتها بصبع و داز من حداها بحال ماكايناش ….قلبها بدا كياكلها و باغا تنفاجر عليه ...مشات جلسات فبيتها و هو فصالة كيفطر حالفاها فيه ...تخليه بحال لبلاكة و ترجع تقرا ...سمعات لباب تزدح و هبط لخدمة و ناضت تفطر و رجعات لبيتها كتقلب على ماتلبس حتى ضربات طليلة من سرجم و هي تحل عينيها على جهدهم….كان يالاه هبط و هي تعرضلو زاهية و فيديها طبسيل د خبيزات معمرين و كضحك معاه

الزاهية: صباح لخير سيدي طلحة

طلحة:(ابتسامة)صباح الخير اختي

الزاهية: قاديت خبيزات شهوة منهم و جيت نذوقك كيما ولفت

طلحة: عذبتي راسك ...ذكرى ولات مزيان دابا

الزاهية: اوا لاواه علاش حنت جيران ...أنا هنا ديما نعاونكم و تعاونوني

يالاه كان غادي يشدو و هي تشدو ذكرى و رماتو فالارض معصبة ….دغيا ضور عندها راسو لقاها مقندشة و لابسة عباية كحلة و حاطا يديها على خصرها و كطرطق فيها عينيهم و كولشي وقف راد لبال عارف اتنوض لقربالة بين لعيالات….

ذكرى: هاي هاي على لفقيه شاااادلي جموووع مع بنت شواااافة

الزاهية: و كيييييجااااتك الشوااافة…هي لي وكلااااتكم نهار كنتي طايحة بمرضك و مخلية راجلك بجوع

طلحة:(واقف بيناتهم مصدوم) يهديكم الله

ذكرى: (مطرطقة فيه عينيها ) كنتي كتشد منها الماكلة لااااا صاااافي دييييرني ضحكة فالدرب ...واش كاااين لي كيااااكل منها ...معذرني ديما تابعييييني العكوووسااااات و جالسين فصدااااع قولي حركتي لمجامر تاني يا شوااافة

الزاهية: يااااشهدووو يا ناس منها خرج لعيب مالها شوافة تاني ماهيا عوجة ماهيا خلات راجل كيف نوارة و هربات

ذكرى: (كتغوت) ياااااك راااااجلي و هربت عليه و باقي معاااياااا و صابر علياااا ...حلي عينيك مزيااان شوفي شعورات كيف دايرين و لوجه و لاطاي خمسة و خمسين و لا طاااامعة فيه ؟؟؟ (بلكنة لاذعة) نهار يكون عندك و هربي عليه و حربش تقربي لهاد دار ...شوهتك ما ينساها حد

ناس تفرجو و تشفاو ف زاهية لي كضور براجل مزوج ...تحطات بوجهها و ذكرى ماساهلاش ليها ...جرها طلحة لدار و هي باقا كتعاير و سد لباب دغيا و هي مابغاتش تسكت و كيسدلها فمها بيدو

طلحة: سكتيييييي شوهتييييينااااا

ذكرى: جاااايب ليااا لهضرة ….يقولو غير مافيديش و الله لابقات فيك و فيهاااا بااااغييين تخرجو مني لكناوية

طلحة: واااا سكتي نتي كتعرفيييي غير دااابزي ة تخرجي سمك ف عباد الله

ذكرى: منين نتاااا عينك فيها اخويا طلقني و سير عندها ماشي ترهني معاك و تجيب ليا ذل

طلحة:(ضرب طبلة برجلو معصب) لاااا حول و لا قوة إلا بالله ...حسك مانسمعووووش و اقسم بالله و نلقاااااك بااقاااا شاااادة فلهضرة

ذكرى: و شنوووو غاااادي دير شنو فجهدك؟؟

طلحة: لي نديرولك ماغانعاودوش ابنت لحاج

….خرج مخليها مطايفة مع راسها ...حالفة حتى ترد لعز لراسها بين ناس ديال الدرب و تفقص زاهية ...مارضااااتش لهضرة ضور عليها و يقولو زاهية لي كانت توكلهم فاش كانت هي مريضة ...دماغ ابليس بدا يخدم عندها و قلبها ماهانيش

ذكرى : وصلنااا لهنا واااخا وا بربي ليوم ماغاتنعس حتى طلب سماحة و تخلص لحق باش نسمحليييك….عزيز عليك تعيطلي جمرة و هااااني انخليك تنقز من الحر

...أما فدار لخماري كانو لخدامات كيوجدو دار و و يقادو شهيوات...ضياف جايين و خص كولشي يكون متول و اكرام واقفة على الشغل بيديها ...مدة طويلة و هي كتشوف تحضيرات حتى لمحات حميد وصل و خرجات عندو هو غير شافها بداك سروال دجين مزير و ديباردور مبين لخير بدا كيضحك

اكرام: فيين تعطلتي

حميد: الخدمة قوات ف لفيرما

اكرام: هادي لوقيتا د عصير لعنب

حميد : و حنا ازين ماغانطيبوش لعنب (غمزها)

اكرام:(ابتاسمات و عضات شفايفها) تشهيت لعسل

حميد : لعسل كياكل لعسل ؟

اكرام: اممم كاين ف لاكاف سير جيبولي

حميد: واخا ...واش شيواحد جاي؟

اكرام: ضياف ايجيو عندنا هاد ليلة

...مشا فين نعتاتلو و هبط كيشوف شرابات من 1800 مستفين تماك و ساويين زبابل د لفلوس و غير لماركة على ختها و لمعتق كيتشاير تماك ...بقا كيضور و يتمنظر و يشوف نيت اش كاين تماك حتى طاح فقراعي د لعسل و هزات وحدة و لكن طاحت عينيه على قريعة صغيرة د شراب بنكهة لعسل...بقا كيضور فعينيه

حميد: غير جغمة وحدة مادات ماجابت

...هزها و حلها بدرع و شربها جاتو قاسحة فلول و لكن حلاوتها كتجي من بعد ...بقا كيشرب و يعاود حتى خواها و كيشوف من لحاجا جوج ...بدات كطلع معاه الشهقة و راسو كيدوخ ...هز لقرعة دلعسل باش ماينساهاش ...و بقا كيقلب على لباب بدرع و كيشوف فين لباب حتى طلع لفوق و كيتقلب بلاصتو ...لمح اكرام من بعيد و غادي ف اتجاهها و كيحاول يتبت ...شافتو هي بدورها و دارت علامة استفهام فوجها و مشات لعندو بسرعة غير قربات منو حط راسو على صدرها مدهشر

حميد: ياحليلي ربعة د لبزازل...اراي شي بوسة

تصدمات من تصرفوو و خافت شيواحد يشوفهم نوضاتو من عليها دغيا كتشوف فيه

اكرام: اوييييلي واش سكرتييييي

حميد: لا شربت غيييير جغمة (كيوريها بصبعو و كيتمايل)

اكرام: تشوووفك ماااريا هاااادي تاااالية دياااالك فهاد لخدمة

حميد: (كيغوت) وااااش مااانشربوووش حنا

اكرام: سكت ايسمعونا (كتجرو) زيد معايا لبيت نخبعك (كضحك)

حميد:(عطاها لقرعة) عسلك العسل …

...بقات كتجرو لفوق و طالعين فدروج و خااايفة تشوفهم ماريا ...كتموت بضحك على لهضرة لي كيقول ليها حميد حتى كيدمعو ليها عينيها و ماوصلات لبيتها حتى كانت اتفشل...دخلاتو و سدات لباب كضحك عليه

اكرام: شنو اندير فيك دابا هههه

حميد: تي ديري موزون و شطحي

اكرام: صهد صهد عاااين نبدل حوايجي و ناكلو هااااد لعسل

...غمزاتو و مشات كتلوا لدريسينغ حيدات حوايجها و لبسات قميجة بيضة على لحمها هكك و قصيرة و طرمتها كتبان فيها سترينغ زرق...و خرجات عندو كتلوا جلسات معاه و هزات قرعة د لعسل حلاتها كتاكل فيها قدامو … كيشوف فيها

حميد: ابيل فيديو دلبارح وااااعرة

بدات تنغيمة طلعلو و عينيه ذبالو و حمارو ، سكرة لعبات بيه لبيت مضوي بلون خافت ماهو بيض ماهو حمر و هي قدامو كتشوف فيه بابتسامة منتصرة شعر نازل على ثناياها و كتلحس المعلقة د لعسل بلسانها و نطقات بتحلوين

إكرام : اشمن قرعة شربتي

حميد: كاااانت حدا لعسل واااا صغيرة قد زبي فاش كيتكمش

اكرام: ههههههههه قاسحة عليك

حميد:(كيرد شعرو لور و كيشوف فيها لابسة قميجة على لحمها عريان و ريوس بزازلها كيبانو ) مولف ...مولف

اكرام: لعسل لي جبتيلي لذيذ بزاف

حميد: بصاحتك امدام (ناض بثقالة كيميل باغي يخرج من بيتها) انرجع لخدمتي

اكرام:(شداتو من يدو جلساتو تاني ) بقا معايا

عضات شفايفها بشهوة ، و قربات طبعات قبلة ف شفايفو بتأني و شغف، بعدها منو بشوية الصورة ماواضحاش ليه و لسانو ثقيل

حميد: اتشوفنا ماماك

حطات يديها فوق حجرو و قربات ليه كتحل صدايف القميجة من جهة صدر حتى تعرا صدرها لكبير قدامو و حلماتو مفروزين و ضورتو غوزية

اكرام: خليها تشوف

هزات القرعة د لعسل كاملها و خواتها على صدرها كدوز عليه و دير انين منحرف عاضة على شفايفها كتشوف تعابير وجهو لي باين تزير و خصوصا يدها كتلعب ف حجرو ماقدرش اتمالك نفسو

اكرام : لحسوو

جرها من خصرها بجهالة منين شاف حجم صدرها بلا تفكير او وعي بدا كيلحسو بسرعة ، صوت المصان عمر البيت و صوت توحويحها بنبرة متألمة و بشهوة طالعة زاااادت على مابيه، طيحها فوق النموسية و طلع فوقها كيفلورطي معاها و يديها كيلعبولو ف *بو محرومة مدة طويلة و بغات لي يبردها و نطقات بترجي وخاضعة ليه

اكرام: ماتحنش فيا …(بصراخ محلون فوذنو) بردني

يتبع...

‎