قصة لا تجبرني على حبك

هي فكرة مجنونة مني ... مذاق حاد لاسع وحارق مر كذلك ..لكنه ... ملهم ....

افكاري تزدحم بها طوال الوقت وتدور حول ابطالها باستمرار ...

فأي المذاقات ستكون بالنسبة لكم ؟

لا تجبرني على حبك .. ♥

بقلم : ليالي نسيم "سهيلة "

شكون فينا متيحلمش يلقى الحب لي تيتمنى ؟؟ .. و شكون فينا متيبحثتش عليه.. كي نحلمو بالحب نتخايلو عالم وردي راائع نعيشوو فيه و قلوبنا تتحلق فسمااه .. و في كلمات الغزل و الشوق .. لكن واش هذا هو حال المحبين !! واش كل قلب حب تيلقى حبيبو يبادلو نفس الشعور !؟ واااش الحب كاافي بااش نعيشو مرتااااحين و هانيين .. ولا كاينين اولوياات ااخريين .. !! .. اكييد الى نزلنا من دااك العاالم الوردي لعاالمناا الوااقعي .. هانلقااو الاختلاااف كبييير .. غانتصدموو بوااقع مريييييييير .. القصة ديالنا هاد المرة .. على قد مااا فيها الخياال فيها حتى الوااقع .. فيها شخصيات تيجسدوني و يجسدووك و يجسدو بزاااااف ديال البنات .. فيها شحال من حااجة تنحاولو نغمضوو عليها العين لكن شحاال قدنا ؟؟؟ .. شحال قدنا نتنااسااو .. قرااو ما بين السطوور و ركزو فيهم مزياان .. لربما تتلااقاي مع مشكلتك و الحل ديالها ... 

"لاتجبرني على حبك"

لا تجبرني على حبك وأنت تعرف يقينا

أنك لا تعرف كيف تبادل الحب بالحب

لا تجبرني على حبك و دعني انا اختار 

دعني أكون أنا سيدة القرار 

إن كنتَ جنة ف لقلبك سأسلك المسار 

وإن كنت ناراً فأعوذ بالله منك اناا لا أحب النار..

لاتجبرني علي حبك وكن في الوعد صادق..دعني اختار فربما تكون انت الاختيار 

لا تجبرني على حبك ..بل أجبر قلبي فهو سيد القرار...

ّ لا تجبرني على جحيم سريرك 

فذاك بئس القرار 

لاتجبرني علي حبك..ّ. ودعني اقول بأعلى صوتي هذا الإنسان قلبي من له اختار.... 

جالسة فغرفتها تتسمع اصوات الرعد و البرق القويييية .. اكثر اصوات تتخاف منهم و متتحملهمش .. تتحس بنفسها مزييييرة عليها و. قلبها تيبغي يطرطق .. فصل الشتااء كلووو تيرعبها ديما تتسائل مع راسها كيفاااش هاد النااس تيقولك تيرتاحو ففصل الشتااء و هي مكرهاتش العام كلوو يكوون ربيع ... يمكن حيت مزيوودة ففصل الربييع ...!! .. حتى شخصيتها فحال الفصل .. هااادية و معتدلة وااخة بعد المرااات تتسيف و حتى الربيع تيكون فيه العجاج خطرة خطرة .. هادي هي طبيييعة الجو و طبيعة الانساان ...

.. كانت ديك الليلة باايتة فالدار بوووحدها .. بسبب العرس ديال شي حد من عائلة امها فاضطر الاب ديالها يمشي يوصلها لان العرس خارج المدينة و هو متيخليهاش تمشي تسافر بووحدهاا ... ... 

... كان البااب ديال الدار فحال لا شي حد تيسدوو و يحلووو .. حساات بجسمهاا فديك اللحظة جمد مكااانه ..لكن كانت فييها قوة داااخلية وااخة حاسة انه هادشي مااشي عاادي .. حطات رجليها على الارض خشاتهم في البانطووفة .. وقفت و تحركت شوي يالله غاتقييس الباب و هي تسمع اذاان الفجر ... 

كأنن دووك الاصواات كااملهم اختفو .. تنهدات برااحة و شافت فالسرجم .. باان لها البرق باقي تيضرب لكن صوت الاذان خفف عليها شوي و خلاها ترتااح نسبيااا .. ضرباات بالبااب و دوزات الزكروم ديال الحديد بااش يختفي شوية تالخوووف من دااكشي لي كانت تتفكر فييه .. مع غاااتضوور راسها للسرجم باان لها شخص مگلدم دايز من حداا البااب و تيشوووف فالسرجم ... في لحظة غمضات عينيها بخوووف و رجعات حلااتهم ماالقااات والووو ... فص ملح و ذااب .. ظنت انها تتخايل ولا ثر عليهاا الجوو .. يمكن تكوون غير اوهاام تيصورهم لها عقلهاا حيت تتفكر بزااف ..

لكن .. كيفاش زعمااا هادشي كلوو خوووف .. فين عمر مُهرة خاافت و لا تضهشرات من شي وااحد ..!! .. بالحق اي وااحد فبلاصتها غايخااف .. نص الليل ... الظلام .. الريييح تضرب فالشجر و تتسمع ديك الصوووت المخيييف ديالها ... زائد البرق و الرعد لي تيرعبوووها من صغرهااا...هادشي كاااامل و تشووف شي حد تيرااقبها من برااا اكييد غاتخاااف !! ّ...

نعلات الشييطان عدة مراات و قراات اية الكرسي تتحااول تكاالمي دااك الحساااس بالخفو ... قراتها و عاودااتها .. مرة و زوووج و ثلااثة حتى حساات براسهاا شوية .. لكن الفضوول ديالها ممنعهاااش انها تفكر فالشخص لي شاافتوو .. وااخة يكوون وهم او خيال .. ... ماباانش وجهووو فقط لحيته الكثيفة السودااء لي بانت لهااا و جسمه الضخم ..حلات عنيهااا بالجهد بااش تطرد طيفه من رااسها .. لكن هيهاااات هيهااات .. هذا حال النااس لي تيفكروو بزااف .. فالكبيرة و الصغيرة و حتى في ابسط الحوايج .. 

دوزات ما تبقى من ديك الليلة بالكشاايف حتى صبح الحاال بالسيف نعساات شووي و كي فاقت مشات ديريكت لبسات حوايجهاا لي كانو عبارة سروال ديال الجلد راسق عليها مع تيشورت بالكول فالاسود و لبسات معاهم جاكيط ديال الجينز .. هزات صاكها و مشات دريكت للكوزينااا .... كانت تضن باها غايوصل بكري سااعااا تعطل ...و صاوبات فطوورهاا بللرماتسناااه .. فطرات و غطات لو ديالو خلاتو ليه فوق الطبلة فالكووزينة عااد خرجااات ..هزات تيليفوونها تتبقشش فيه حتى جاها اتصاال مع حلات لقات مها ..

مهرة .. وييي الدريسية .. تي صيفطي بيا بابا ...

الدريسية "الأم" ... صبااح الخير ابنت كرشي الغلط ديالي اناا لي معلمتك الصوااب .. 

مهرة ..( ضحكات بخفة و شيرات لطاكسي) .. ههههههههه صباح النووور الحبيبة ديال بنتها .. اوااا امضرا .. كي داير الجو تما !! ّ. 

الدريسية .. اوا الجو غزاال .. جو البادية مايسخااش بيه الوااحد .. صرااحة النقااوة 

مهرة ..( عطات لمول طاكسي العنوان)/.. اواا يوااا يا لالة فوجي لي مع راسك .. وااحد بابا ولف باان ليا .. البارح قلتو لي غايجي فالصبااح بكري .. 

الدريسية .. و بااك رااه فالطريق .. شوفي الله يرضي عليك .. الى رجعتي بكري .. صاوبي لو غدييوتو و ديها ليه للخدمة راني عارفااه غير غايديبااني باشما كان .. 

مهرة.. هاي هااااي على الحب ووداكشي بااغية تهنااي عليه .. ( بدلات نبرة صوتها) .. سمعيني مزيااان ادريسية .. راجلك باا على عيني و راسي ولكن ماتعيقييش علياا الى بغيتي تهنااي عليه بركي حدااه ووهنينا .. 

الدريسية ..( صرخت صرختها المعتاادة) تقاااادو الكتااااف هاااه .. دابا ولا قد القب قد السطل ..بغيت غير نعرااااف وااش انا لي والدااك ولا تي خرجتي ليا فعوودي يا هاد البنت .. 

مهرة .." ضحكات ضحكة مسمووعة حتى ضار عندها مول طاكسي'' ... الدريسية نعلي الشيطان راني بنتك حق الله و تمشي تا تعطلي على راجلك تا تلقايني زوجتوو هاودني منك .. 

قطعات عليها تتضحك على المعيوور لي سمعااتو لها ماخلات فيها غير لي نساات ...هادي هي عااادتها مع الدريسية شد ليا نقطع ليك .. خصوصا انها وحيييدة امها وبااها هي لي مفششة و دايرة ليهم كابران شاف فالداار 

كي وصلات لافاك تلقات لها صااحبتها حبيبة فالباب غاادية جااية كي عضييم طيو... 

مهرة .." خلصات مول طاكسي و شكراتو...خرجات تتجري و تتشر لها" .. الجزيييييرة .. 

حبيبة .." تتشير و تنقز بلاصتها''واا جري جرييي خباار فميكتها .. 

مهرة .." تتشوف فجنابها"، .. بشوية المونتيف شوهتينا .. تفو نقصي شوية الصوت ... 

حبيبة .." شدات لها في يدها و زيرات عليها" .. اواااا اجي حلي ليا الوديناات .. البرووف الجديد ديالنااا قالك ولد القوحبي طلع مزوج ... اختي زلال من درجة فارس ..

مهرة .. ههههههههه" شافت فيها مصغرة عويناتها" .. تلاقيتي معااه البارح يا الكلبة الشااايطة ؟ !؟ ..

حبيبة .." قلبات عينيها و ربعات يديها" .. مشيت غا نجيب خبيراات اختاااي .. ويلي .. 

مهرة .." نغزاتها" اممممم تجيبي خبيرات .. اييه و نتي تمووتي على الخبيراات دااكشي علاش مسمياك الجزيرة متتزگلي والو ديمااا عندك خبر عاجل. ....

حبيبة .." ببراءة" .. الخبار هوما لي تيجيو تال عندي ... 

مهرة .." طلعات حواجبها" لا و الله .. ههههههههههه متنهرفكش انا .. اوا ااتيينا بالخبيرة ..

حبيبة .." تنهدات و دارت راسها متأثرة" .. كسر قلبي يعطيه دقة قد البقة .. و انا كنت طاامعة نجح هاد العام على يديه.... صدق قاال لك نمشي معاه للدار .. اوا هااايليك .. 

مهرة .." ميقات فيها'' .. الداااار ؟؟ بااغي ياكل الگاااطو ولد الباغية ... هاي هاي ...

حبيبة .." ميلات فمها'' .. و طلع مزووووج يا لالة و تيلعب بديلو مور مرتووو ..

مهرة ..." تكلمات بشوية و صغرات عينيها"/.. اوا انا هادي لي منرضاااااش لصااحبتي قلبها يهرسووو زلايلي تالخلاا.. انا غانوريييه الشلييحات السووسياات علايااش قادات .. .. 

حبيبة .." وسعات يعنيها" ّ.اش ناوية ديري ابنت قلبي ؟؟ .. 

مهرة ..."/وسعات الابتسامة "/وااالو مالنا نخليوه يمشي في الارض فسااداا؟؟ .. تبعيني ..

حبيبة .." گفضات على يديها'' .. ايه هي الاولى و انا عزيز عليا نجري فالخير .. 

مهرة .."/ابتسمات ليها ببراءة "/.. اوا الله يتقبل مناااا و صافي ... 

من تما توجهوو ديريكت لونفي كانت عندهم واحد الساعتين عند البروف لي كانو تيدويو عليه.. كملوو و بداو النااس تيخرجوو غمزات لهاا باش تخرج حتى هب ..اما مهرة بقات بووووحدها تتملغ و تشووف فيه بشووفات يطييحو الزرزووور من فوق الصور تا هو استحلااها وااخة جمع حوايجو بقى حااضيهاا و وااقف تيتسنى ااش غادير بدووك الشووفات لي تتشووف فيه... خصوصا انها مريحة القدام و واااضحة ليه مزيااان و عارف دوك شووفات ديول ااش .. 

كي خرجوو كااع الطلااب .. هزات الروجيستر ديالها و صااكها و نااضت تتمختر لعندوو وقفات عليه و هوو تيشووف فيها بعينيه ضااحكين زايغيين ... هذاا حاالو مع البنات من نهار توضف فلافاك ديالهم و هو من هاادي لهااادي وااخة مزوج لكن جايب الجهد .. مزال صغير و عندو حقو فالزين عااجبو رااسو خصوووصا ملي شاف الحالة لي دارو عليه البنات .. شحال من وحدة مزعوووطة و طايحة فيه...و تاااا هي قالت لو ماتعرف والو لا جات تا تحلونت علييه اجاا مافييقووو خصوووصا انها عااطية للعين و زينها ماالح .. .. قربات ليه و بدات تترمش بدوك العويناات تالمشة بالتقااللة صاابتوو بسهم في قلبوو .. 

مهرة. . سلام .. 

البروف .. " مطلع حواجبو و عبرهاا مزياان من الفووق للتحت بنظرة كلها اعجاب " .. .. عليكم السلام 

مهرة .." ابتسمات لو باغراء و مدات يدها تصافحو'' ... انا مهرة العبدي .. 

البروف .. '' حرك راسو'' .. مرحبا امادموزيل. . صافا شديتي شوية من المحاضرة ؟؟

مهرة .." عسلات عينيها غير بالمهل" صرااحة بغيت نشكرك .. كل كلمة تتخرج من فمك تترسخ فعقوولنا ديرييكت... عندك طرييقة غزاااله فالشرح .. 

البروف .." تعلللك فبلاصتو "/. يحفضك ليا الالة... كون كاانو كااع الطلبة غزالين فحالك كون دنيا نقية فلافاك .. 

مهرة .." حطات الروجستر ديالها فوق البيرو ديالو على تيليفووونو مبااشرة و تكات عليه تتفرنس و تلوي فزغيباات شعرها بخفة .. " .. تا نتا كوون غييير كانو كاااع لي بخوف بحالك .. باااگص ههههه النص تلافاااك طايح فيك .. 

البروف .." ضحك حتى بانو الغمازات فجناب فمو" و النص لاخر؟؟ .. 

مهرة .." ضحكاات لو بمياااااصة".. النص لااخر دراري .. ههههه .. 

البروف .."/جبد من جيب السورفيت ديالو الكارت فيزيت ديالو".. هادي كارت فيسيت ديالي .. " خذا ستيلو كتب ليها وراااها النمرة ديالو" .. هذا النيميغو بخيفي ديالي .. .. قلاال لي تيشدوه .. باش تعرفي راسك دخلتي لي لقلبي .. 

مهرة .."/عضات على شفتها و خذات منو الكارت " .. ههه تا نتااا كون تشووف كي دخلتي لي لقلبييي .. مهم انا غانمشي دابا بيناتنااا .." دارت لو باليديها شكل تيليفون'' ..

كي عطاتو بالضهر قلبات سيفتها و مشات تتزرب مع خرجات تلاقاات بحبيبة... جبدات التيليفون ديال البروف تتشالي بيه .. 

مهرة .. هاني جبت لك تيليفون .. 

حبيبة .." وسعات عينيها و خبطات فخاضها"، .ّ الااااا هادي ماتافقنااش عليها ابنت عمي. . 

مهرة .." ميقات فيها'' .. ياااك انا لي كلبة بغيت ناخد ليك حقك ..." حلات التيليفووون بسهوولة .. لا كود لا واالو" . ههههه ويلي ويلي عتقي مدايرلووش الكوود .. 

حبيبة .." وااتي راه عندوو تيليفون اخر هذاا بحال والو تكوون مرتووو تتشك فيه و حاطو لهاا زعماا بلا كوود رااني وفيي لحبك .. يشويني فييه ..

مهرة ... جبدي تيليفونك .. قيدي نمرتها ... جبديييي خلاااص الخرية .. 

حبيبة .." تتقلب فتيليفونهاا و يديها تيترعدو".. الزمر مالقيتي ايمتا تبلووكاااا .. الله يخليها قعييدة فييك امهرة ..ايمتا غاتحيييديي هاد الخصاايل ..

مهرة ... دابا واش ديلمك مرييضة مالك .. سربييني نرضوو الزمر ...

حبيبة .."" تتولول و دمممع و تخبط ففخااضهااا '' .. نااري الكميييرااات القحبة 

مداتهاش فيها .. ديريكت جبدات التيليفون و سجلتت نمرة ديال مرات البروووف .. مكتووبة عليها wife بالخط العريييض .. سجلاتها و حطات التيليفون فجيبها.. و مدات لاخر لحبيبة مبتسمة .. 

مهرة ... و دابا هاكي ديه لو للبيرو و قوولي لوو نسيتييه فالونفي .. 

حبيبة " وسعات عينيها" ... بغيتي نهاااار يوقع شي مشكل يجي ليا ديرييكت ؟؟ .. 

مهرة .... عرفتي شنو ... ديه حطيه فوق البيرو فلونفي .. و جي .. لا من شاف و لا من سمع و حتى اذا تشفر حنا مسووقنااش... ياك عندو تيليفون ااخر اوا يقضي بيه هههههه ... 

حبيبة .. عندووو ولد القحبة .. تيخليه فمجر الطونوبيل .. 

مهرة .. اوا هااكي و سيري بالخف و رجعي نشوفو اش غانديرو .. تيعجبني هاد النووع تالرجاال ...

... حبيبة ..." نطراتو منها" .. قبرك شووووكة يا ختي مع الشواافاات لا من يصلييي عليييك و لييي داز يبوول علييك .. 

مهرة ..." ضرباتها لكتفها'' .. ههههههههههههه كي شفتي نتيييييي غايدفنوك مع الاولياء الصاالحين .. 

حبيبة... " دارت يديها على خصرها و تتفرنس ببلادة " .. لا اختي انا بغييت نتدفن الوسط .. عزيز عليا زحااام ... 

مهرة .. غاتمشي ولا ندفنك انا درووك نييت فهاد الزحام ؟؟ ... 

طاااح بين يديهيا و حد ما سمى علييه و هي نييت هاد الرجال الزاايغين المزوجين متتمشي تا تغرق لهم الشقف ... بقات مرييحة حتى بانت لها حبيبة جااية مع بااقي الشلة ديالهم ... خبات تيليفوونها فاش شافت فحبيبة تتغمز فيها حيت لي بيينهاا و بين حبيبة ماتايتعاودش للبناات لاخرين .. لانهم ماكانووش قراااب لديك الدرجة وااخة صحابات .. الاسرار غير بينها و بين حبيبة وااخة تيتشااركو شي تويشياات مي ماشي كيف كيف ... 

محجوبة .." جااية تلوز جهةة مهرة" .. مالك القحييبة ماتاتجااوبييش فالواتسااب ؟؟ 

مهرة .. فضحتينا يعطييك الشووهة .." تسالمو بالوجه''

كريمة .."شافت فحبيبة '' .. مكرهتش شي گااروو والله راسي كي البيضة الخامجة .. 

مهرة ..." قلبات فيها عينيها ".. نسااي شي حااجة سميتها الگاارو .. النمي غا مرض .. ماشي وحلت مع حبيبة بالسيييف حييدتوو ليها و جييتي تا نتي تكملي عليااا.. مابقى عندي جهد ليكم المدمنات .. 

كريمة. ." تتحك فراسها' .. وااخة الواليدة يكون غير خاطرك .. 

حبيبة .. البنااات .. " تتشووف فشي وااحد جااي دااخل مع الباب ديال لافاك".. شفتوو هذاااك .. احح اميمتييي عندي الراابووور ديالووو بوگوووص جديييد هنا. . 

مهرة .." شدات راسها" .. رااه ماسمااوك الجزييرة تااا جزييرة نييت .. دغيا جبتي الضووصي ديال السيد ..!!

محجووبة .." تتشووووف فيه''اا خيري ياااا خيرييي على الزين دموولاااناا .. هااد الولد زويين حبييتو .. نمشي ندوي معاه ؟؟ 

مهرة .."/شدات لها فيدها و جلساتها'' .. عزيييها تعززك المدلوولة غير لي جاااا ( تتعوج فيها و تغلض صووتها) .نمشي نهضر معاه غير مدرمة كي البراق ليحفض ..

كريمة ..ههههههههه كوّني لرررض اسميمو كوّوني. . 

محجوبة ..." ربعات يديها'' .. بعد المرات تنحس بيك بحال الوليدة .. فكي شوية اصااحبتي .. 

حبيبة .." ميقات فيهم" .. شفتكم بحال الى تتحتارموووها ولا مانعرف ااش !! .. كون تشووفو زبايل هادي يضركم خاطركم الصااطات .. خليوني سااكته انا لي عارفة مصايبها الكحلة

مهرة ..." برقات فيها لا تفرشهااا و قلبات السووجي" .. البنات توحشناا شي گعدة .. شحال هادي ما درنااا شي بلاان .. ؟؟ .. 

محجوبة .." نااضت بحمااس تتنقز و دردگ غا بووحدها تموووت على زهوو و النشااط " .. انا وااجدة في ايتهاا لحظة ... 

مهرة .." جراتها من يديها '' فرجتيي فينا بناادم الموصييبة .. 

حبيبة .. اواااا صااافي دابا العرااضة عنديي المرة الجاية ..'" شافت فمحجوبة'' .. محجوبتي جيبي معاك ديك الدربووكة ديالك لاتنسايهااش 

محجوبة .. و هي دي حااجة تتنسيي .. ههههههه ضرووري من دربووكتي 

مهرة .. انا ماعندي كي ندير نجيبها من الدار..

حبيبة .. نتي نعطيك ديالي كيف العاادة احبيي ...

كريمة .." هزات يديها " مزياان اوا الكاسكروط علياا .. انا سااكنة غير حدااك 

حبيبة .. شوية من عندك و شوية من عندي هههههه

كريمة.. اوااا العقبااا لعرسيي نشااعلااه باليميين مانجيب اللعابات صحاباتي موجوودات

محجوبة .. داكشي ضربيه على حسابي .. تاشيااخت تتجري ليا فالدم .. لا انا لاهاد الشيخة صمكة .. "/جرات مهرة لعندها" .. مكيناااش لي تضرب دربوكة بحالنا هعهه امااا حلُّووق الشييخااات موجوود عندهاا 

مهرة .." خمسات فوجها'' الخموووسااات على حلووقي الجميل .. " شافت فكريمة " .. مزال محددتيش ايمتا العرس ؟؟ .. 

كريمة .. و الشهر الجاي فحال والو ..قالك الالة مزرووب ..

حبيبة .. باغي يااكل الحلوة مسخوط الواليدين ... هههههه 

كريمة .." ناضت تتعيوج عليهم بغرووور '' كلي على بعضي حلويااات بسييف اختيي يزرب ... 

مهرة ..وااا شلااا تراامي اموولاي التهاامي هههههه "/جرات حبيبة ."/.. اوا مهم تا نديرو بلان العشية بيناتنا الواتسااب .. انا غانمشي نوجد لباب الغداا غاندييه لوو للخدمة .. .. 

محجوبة ... " شيرات ليهم .."...اووكي في امان الله..

مهرة .." جرة حبيبة كي الاماانه'' .. زيدي كنتي غاتفرشينا بلاصة مخ عندك فرماجة ديال درهم خزييت ..

حبيبة .. ويلي مالي تصطيت غانمشي فيها قبل منك .. صافي هنيناااا بلا ماتبداي تنگريي تاني .. و قوولي ليا اش غاديري مع البرووف ..

مهرة ..." شافت فبها مبتسمة '' .. واااالو غير غانتصل بالمدام ديالو.. صافي. .

حبيبة .. خفت غير تحصلي .. 

مهرة .."/ميلات فمها للجنب".. واش اول مرة ههههه انسااااي ..

تمو غاديااات مشاادين و مجمعيين حتى وصلو للدرب ديال حبيبة ...واحد الوقييتة فحال لا لمحات طيف شي حد بنفس الفوورمة ديال دااك لي شافت فالليل .. تقوول هو .. رمشات عينيها و شافت لديك الجهة تااني مي ملقاات حد بقات غير تتبلق فعويناتها .. بلعات ريقها و شافت فحبيبة لي تتسول فبها ماالها و هي سااهية. .

مهرة .. " شافت فيها"، .. اا لا والو. . والو ..مهم انا غانمشي داباا اوكي .. 

حبيبة..." تسالماات معاها بالوجه " اوكي حبيبة .. تهلاي. .

.....شيرات لها بيديها و مشات تتزرب فالمشية بااش توصل دغية .. اختصرت الطريق فشي زنيقات و دروبااا مديقيين .. كانت بااغية تمشي غير على رجليها حتى حسااات بخطى غاديين على نفس الريتم لي غاادية بييه هي .. قلبات عنيها فجناابها ماباان لهاتا واحد .. بلعات ريقها كي تفكرات ليلة الباارح و الخلعة لي تخلعاتها .. بانت لها وااحد الزنقة تتدي للشاارع و هي تقلب لها الطريق اللهم بلاصة عاامرة ولا بلااصة خااوية .. يالله بغات تقلب دوورة و هي تزدح على جسد شخص بااين عليه صلب و عاامر صدرو لي خبط فرااسها قااصح حديدي...

لولباات عينيها و رجعات للور شافت فيه .. بلعات ريقها و نطقات بصعووبة حييت لي شاافتو قداامهااا فجأة خلعهااا .. .. 

مهرة .. واش تابعني؟؟

.. خزر فيها واحد الخزرة ديال القلب ماتلاتش نطقاات اما هو ميل فمووو للجنب حرك راسو تم غادي مكمل طريقو تيدندن اغنية ديال الرااي بصووته مدعدعع و خشن مااشي ديال الغناا بتاتا ...

... انا المغبون سبابي نتياا .. انا منك ماانبرااش.. ...

كمل طرييقو تيدندن خلاها غير تتشوف مافهماات والوو ماجاوبهاااش حتى على سؤالها. ..ضرباتها بجرية للشاارع ماتلفتات لا يميين ولا شماال حيت البلاصة لي كانت فيها خااوية جاية بين ديار شعبييين .. شدات تاكسي ديريييكت لداارهم حلفات لابااقة دخل فالدرووبة خصووصااا فوقت الگاايلة (وقت الغداء) الدنياا تتخوى ... 

اما هو ... وقف بعيد عليها تيراقبهااا حتى ركباات فالتااكسي و مشاات .. ميل شفتو للجنب حتى بانو تجاعيد حول فموو مقسمين ديال الضحكة .. و رجع فااحالو تيدندن مع رااسو بصوت خافت و غليييض .. شااد الكاارو بين صبااعو مرة مرة يضرب منو نطيرات و لي داز من حدااه تيعطييه السلاام و هو يا تيحرك رااسوو بملل بلا مينطق يا تيشير بزوج صبااعو ... رمى الكاارو و عفس عليه برجلوو .. دوز على يدوو و غاادي تيكمل على غنااه ..

" زين عند ماليه .. صبر اگلبي صباار ..''

مع دخلات للدار اول حاااجة دارتها هي الغداااء .. كملات هزااتو و طارت عند باها للشركة فين خداام هو دييما هي طايرة فشغلها .. خفيفة فكوولشي اصلا البنت لي تدوي بالزربة و بزااف تتكون خفييفة فكوولشي .. و هاد الخفة علماتها لها الدريسية بااش ماتوحلش .. وااخة غير هي لي عندها مكانتش مفششاااها بزااف من ديما كانت تتقوول باارااكاا غير فشووش بااها مااتزيييدش تا هي و تكمل علييها .. الواحد هو لي يكوون قااصح باش دير فيها الهم لرااسها اكييد كانت حنيييينة عليها بطبيعة الحال لكنها كأي ام مغربية خوفها على بنتهاا تيخليها تقصااح معااها ... كانت ديما حااطة بين عينيها انها واحد النهار غاتمشي لدارها مابغاتهاش تمشي فنياانه وومفششها بغاتها تكوون مراا و قاادة و هادي هي الميزة لي دارتها فمهرة حيت قرصااتها من الصغر و كانت تتعلمها الشقاا و الطيااب و كوولشي حتى تعلماات و ولاات مراا و قاادة و بطبيعة الحال مانسااتش قراايتها حيت ديما كانت تتقوول لها بلي القرااية هي لي غاتنفعها .. وااخة دير زماانها و دارها اذا مكانتش مثقفة و وااعية و قاارية و خداامة رااجلها بذاات نفسه غايحتقرها .. و غايشووفها ديما صغيرة فعينيه ... 

دخلات للشركة تتجري قبل ماتفووت وقت البوز ديال بااها دخلات عليه للبيرو تتنهج و تتااخد نفس مسمووعة .. غير شافها فديك الحالة نااض قفز من بلاصتوو هز قرعة تالماا و كبوو فالكااس مشاا عندها حط يدو على ضهرها و نظراتو كلها خوف و قلق.. 

ادريس .. الله يهديك ابنتي بشوية .. مالك شكون جرا عليك .. واش خلعك شي حد ؟؟ مالك ؟ 

مهرة .."شربات من الكاس و عطاتو .. بااقي صدرها تيطلع و ينزل '' ..لاا .. ماخلعني تا حد .. غير جيت تنجري .. 

ادريس ..."/تنهد بنفاذ صبر " الله يهديك اهاد البنت .. مالك على حالتك !! .. فين زربااانة گاااع 

مهرة .."/تتااخد نفسها'' .. وا غير بغيت نجييب ليك الماكلة فوقتها ابابا .. 

ادريس .." ضربها راسها بشوية'' .. لااا زربة على صلاح ابنتي الله يهدييك و خلاص .. رااه لي زربوو مااتو .. 

مهرة ... ههههههههه و انا حية ارزق .. 

ادريس .."/حرك راسو بنفاذ صبر "/.. دييما تنقوول ليك خف من رزقك .. شوية ديال التريث مزيااان امهرة .. غاينفعك فحياتك .. 

مهرة .. " شداتو من يديه و تمت غادية بيه تا جلس بلاصتو'' .. دابا وقت الماكلة اسي دريس ماشي وقت الدوي .. يالله بسم الله .. الدريسية رااه مصبحة عليااا الى خليتي شي حااجة من غدااك نقولها لهاا .. 

ادريس .."/حرك راسو تيضحك'' هههههه .. الله يرضي عليكم بزوووج .. 

مهرة ..." تتقلب رااسها فالبيرو'' .. تشهييت نخدم فهاد الشركة ابابا .. ايمتا غانحس تايانا برااسي مهمةة و عندي بيروو .. "/تنهدات'' هاد القراية دالزفت كاع مبغات تسالي .. 

ادريس .."/مگفض يديه تيياااكل ...''،؛ غير ديري فيها شوية داك العقل غاتقااضى. . عامك اللخر هذاا مابقى لك والو و تتخرجي ولايني حيدي عليك داك التشيطين و الطيران لي فيك الله يرضي عليك .. 

مهرة ..'' شافت فيه ببراءة " .. يكوون خيير انشاء الله ... بابا .. بغيتك فواحد الحااجة ... 

ادريس ..."/طلع فيها عينيه '' كنت عارف هاد الغدا ماغايطلعش عليا فابور .. 

مهرة .." ضحكات بشوية ".. لا مبغيتش الفلوس ههههههه .. راك عارفني تنتجمع انا و البنات مرة مرة .. و هاد المرة غانتجمعو عند حبيبة .. و بحال والو نبات عندها. . 

ادريس .."/شاف فيها مصغر عينيه" الدريسية الى سمعات هاد الهضرة ماغايعجبهاش الحال و غاتسمعي خل وذنيك تاني

مهرة .." بنظرة رجااء".. ويلي يا سيدي دريييس .. شكوون غايقوولها لهااا .. ياك انا ويااك ستر و غطاا على بعض .. ؟

ادريس .."/حرك راسو بنفي'' .. البيات ممعاناش امهرة .. متندمينيش .. 

مهرة .." بدات تتغبن'' ..ّبابا الله يعديك راني كبرت ..!! .. و زيدون ديما تتباات عندي حبيبة علاش والبديها متيقولو لها والو .. 

ادريس... " بحدة" .. هادوك واليديها معندهم سوق .. انا و ماماك لا .. و ماكاينش نقاش فهادشي .. الى بغيتي تنمشي تنشطي مع صحاباتك كيف العادة مرحبا .. تمشي و دوزي وقيت بالليل نجي نديك .. غير هادشي ماكاينش .. 

مهرة .." ربعات يديها'' .. هاداا ااخر كلام عندك ؟؟ .. 

ادريس .." سد البواطة " و مكينش غيرو .. الى كنت كعااك ضريف ماتاكلينيش بحوايجي .. تنرخف ليك ايه ولكن تنعرف ايمتا نزير .. و الى كنت تنخلييك تمشي عند صحاباتك غير حيت حااط تقتي فيك و عارف ااش مربي ولكن نهار نشم شي خبار ماهياش غاتشوفي واحد الوجه لي عمرك شفتبه انا نگول لك. . 

مهرة .." وسعات فيه عينيها" دابا اش وصلنا لهاد الهضرة كاملة اسي دريس ؟؟ .. 

ادريس ... " نطق بتحذير''.. غير باش تحطي هضرتي فراسك .. 

مهرة .." هزات كتافها".. و صافي راه هير تشاورت معاك. . و ندمتينا .. 

ادريس ... البنات لي يبااتو برا معندييش ... غاتباتي قوااحد الدار من بعد دار بااك هي دار راجلك .. 

مهرة .."/تنهدات" .. و صافي الله يهديك .. هاني مشيت .. 

ادريس .. " خزر فيها'' اجي هنا .. 

مهرة .." نزلات راسها و ضمات يديها'' ..انعاام .. اشنو نسيتيي

ادريس .." مد يدو لجيبو خذا البزطان ديالو و جبد منو ميتين درهم مدها لها" .. هاكي باش تقضي الى خصك شي غرض ..

مهرة ..." ابتسمت ليه و خداتها من عندو .. تحنات عليه عنقااتو بحب'' لهلى يخطييك عليا .. با الحنييين ... 

ادريس .." حرك راسو و طبطب على ذراعها'' الله يرضي عليك .. و يجيب ليك شي ولد الناس مسگد لي يهنيني من هبالك ..

" ضحكات و تمت خاارجة "

دعي معايا بشي خدمة مسگدة اشمن راجل ... غير رضى عليا و صافي هههههه

ادريس .." نطق بصوت عالي'' .. مرضية من نهااارك

مع خرجات من البييرو ديال باها سدات الباب و عدلات من قاامتها و حواايجها خشات ديك الميتين درهم فجيبها و تمشات بخطوات مسرعة مع غاتخرج من الكولواار تزاادحاات مع جسد ضخم .. صلب و قاااصح ... طلعات راسها و تمتمت بغضب .. 

" مااااالي اليوم ماالي فينما نضوور نتسااطح مع الحيووط"

سمعات قهقهته الرجولية الشيء لي خلاها في سااع تهز راسها و تشووف شكوون ماعرفاتش علاش فالاول جا فبالها غير الشخص لي شافت قبيلة .. حتى ملامحه ماتنسااوش ليهااا .. لكن غير شافتوو تنهدات بارتيااح حيت مكانش هو .. كان شخص ااخر ... 

" غير بشوية عليك الدنيا ماغاطيرش .. " .. 

نطق بعد ما بقى تيشوووف فيهاا مدة و يطلع و ينزل خلاها حتى. تستوعب .. حركات راسها و قابلاتو بنظرة جامدة..

" ..اولا نتتااا لي خرجتي فياا!! . ثانياا تيقول ليك الوقت كي السيف ...انا لي غانطير ماشي الوقت ... "/.. 

ابتسمت ليه و مغمضة عينيها و حلاتهم و خلاتوو تيشق ابتساامتووو ّ.. 

" نتي بنت الحاج دريس ؟" .. 

مهرة ..." ابتسمت ببرود'' ااه .. مهرة بنت ادريس .. هي انا و نتا شكون ؟؟

ضحك على طريقة كلامها و لي گغيماص لي تدير فوجهها فاش تتكون تدوي وااخة عن غير قصد بالحق هي هااذي طبيعتها تدوي بالزربة و بزااف ... 

" انا هوو مول هاد الخير لي تتشوفي قدامك .. باك و نعم الرجل ... "

مهرة .. " وسعات عينيها "/نتا مول الشركة .. ؟؟ .. افف .. سمحلي .. فيااا الهضرة بزااف .. ديزولي هههه .. ولكن بااش عرفتي دريس بابا ؟؟

ضحك و دوز يدو على لحتووو .. شاف فيها مطول و نطق كلامو بصوته الغليض 

"بالصورة لي معلق فالبيرو ديالو .. "

يالله كانت غاتجاوبو حتى سمعات تيليفونوو تيصووني .. هزوو جااوب نطق بجملة وحدة .. هي ( هاني جاي ) و قطع الاتصال .. رجع شاف فيها و مد لها يديه مبتسم ... 

" متشرفين انسة ...؟" ّ. 

مهرة .." مدات لو يدها مبتسمة و فرحانه حيت تعرفات على مول الشركة شخصيااا".. مهرة .. هههه .. عاد قلتها لك دغيا نسيتيها .. 

حرك راسو بنفي و حط اليد لاخرة فوق يدها و نطق .. 

" ماتديش عليا .. مياا فالراس و الراس وااحد .." 

مهرة .." ابتسمات و شيرات لو بيدها" .. اوا دخلهم للراسك وحدة بوحدة .. لتبقاشااي دخل مياا كاملين ونتا عندك غير راس واحد ..! ّ.. 

وسع لها الطريق بجنتلمانية و خلاها تدووز .. و تبع لها العين بالطالع و النازل حتى غابت عن عييينو و نطق بين شفايفوو .. 

"اسم على مسمى .. خيل أصيل ..."/.. غانتلاقاو مرة اخرى ... وماشي غير مرة ... 

ميل شفتوو للتحت مبتسم لهاد اللقاء لي فرحو و توجه للمكتب دياالووو بين عينيه ضحكتها و كلامها و حركاتها ...

"في مكان اخر" 

فصالوون مغربي فااخر .. جالسة مراا فمقتبل العمر ..لابسة جلابة حرير خياطة مخزانية فالشوييبي باارد مخيطة بالصفر باارد و رجليها لي تتلعب فالهواا لابسة بليغة فالصفر .. الجلسة اريستوقراطية وااخة رااهي بنت حارة شعبية ... لكن تربات على السماق و التاويل .. ترباات على يد فااسية حرة غرة... وااخة هي ربااطية بااها رباطي اباا عن جد وااخة على قد القد الحال ... ولكن امهاا كانت جااايبة النخوة و التااويل حيت كانت بنت نااس كبار و حجرتهم ثقيلة ففاس .. لكن اختارت تعيش حياة بسيطة مع وااحد ماهو من عائلتها ولا هو من مقام عائلتها العالي كيف تيقولو غريب و برااني .. لكن النخوة لي فيها بقاات فيها و رباات بنتها تكون بحالها .. حاارة و نفسها فنييفهااا .. غير الهضرة تتوزنها و تحسب لها الف حسااب .. 

تتبان اصغر من عمرها بسنيين ..البشرة حليب و الاطاي بااقة هي هاديك محافضة على الرشااقة و عاطية للعين .. مااشي محجبة طالقة سواالفها و نااشرة زينها .. تتباان ضرييفة و حلوة .. تحطها على الجرح يبرى .. ماتهز عين فالبرااني و تقاابح معااه ماتلاج فكلام مع العيالات ... الااا مع بنتها .. لي مشيبااها و مخرجة لها العقل هي و باها لي مفششها و عااطيها فووق الخاطر خوااطر ... تضل منااگرة هي و يااهاا كي الضريرات وتتخرج منها اسوء ما فيها

الدريسية .." حااطة رجل على رجل و جالسة على الجنب" اوا لالة عتيقة توحشتك و الله ... 

عتيقة .. يتوحشك الخير و الربح الكبيدة .. لوو كاان تشوفي اناا .. خداتنا مشااغل الدنيا .. وليناا حد ميسول فحد .. و كلها لازم داارو .. 

الدريسية .." هزات كاسها ديال اتاي شربات منو'' اواا اش غاديري هادي هي الدنياا .. و هذاا حالها .. اواا قولي لي كاين شي جديد ... ااش خبار العائلة و الناس القرااب و البعاد .. ياا ختي توحشت الناس و الله .. 

عتيقة .." حركات لها راسها" .. تاا هوما توحشوك بزااف اخيتيى.. من نهار تزوجتي .." قلبات عينيها" بداك السوسي ماتليتي تحادينا ...ماتليتي تجي عندنااا .. ماعرفت ااش طرا و جراا حتى خلااك تجي لعرس ولدي. .. 

الدريسية .." حطات الكاس من يدها" .. بصرااحة دريس الله يعمرها دار اعتيقة ..ولكن اختي الغيرة لي فيييه تتخليني نفتل و نغزل بلاصتي ... تيتعصب و يغووت و يخليني و يمشي يغيب عليا باليومين و الثلاث اياام .. ولكن مسكين نية وحدة و الله يعمر ليه الدار عمروووو نقص عليا شي حااجة .. 

عتيقة ... " خيبات سيفتها" شفتي كون تزوجتي بخويا مولاي عبد القادر.. كون راك بعزك و شانك دابا .. ولكن نتي وقفتي لمك فالحلق و قلتي لها من دريس ما نخلاق .. خليتي خويا مسكيين مغبوون بسبتك خوا البلاد 

الدريسية ... " تنهدات و نزلات رجليها".. الله يهديك العتيقة .. را ماتمشي غير فين ما مشاك الله .. و خوووك كون كنت مكتاابة له كون راحنا مزوجين دابا .. را تيقول لك المزوجين فالسماا .. و زاايدون انا مع السي دريس بعزي و شاني و لي حليت عليها فمي تيقوول غير مرحبا .. و امراا و طااعة ... 

عتيقة ..." ميقات فيها'' اممم بالدليل ديك الدار لي يالله عفاا عليكم الله و شريتوها .. 

الدريسية .." ضحكات بخفة حيت عارفة بنت الخالتها قجرة و معندهاش مع دريس ..'' ّّ اولااا .. هادوك زوج برطمات ..و حليناهم على بعضياتهم درنا دوبليكس .. و تشووفي ييي كي صلحناها و فرشنااها .. خليناها تتشعل .. خصك تجي عندي وااخة بسيييطة و لكن نحمدو عليها ربي و نشكرووه درناها بدراعنا .. 

عتيقة .." ربعات يديها''خلااص عليا ... قالت لك دووبلييكس .. يشويني فك تي و الدوبليكس .. على ربي ديك البنت ماطلعشااي ليك و تكوون منها الكاينة اما نتي رااه عشريين عام هادي غسلت عليك يدي .. "دفعت لها الطبسيل تالفقاص و كعب الغزاال" خودي حليوة خودي ..

الدريسية ّ.. "/خذات حلوة عضات فيها و بحال لا عطاتها الاوكييي قلبها طاايب'' .. اااويلي على ديك البنت. . ياك بنت وحدة لي عندي عوينة وحدة .. اوا راها غاتخرج فيااا الشييب الزرق .. عياتني هي و بااها .. مفششها حتى مابقات تسمع هضرة مابقات تدير بري حد .. قهراتني و انا مابقى عندي جهد ليها .. 

عتيقة .. اويلي غا بشوية عليك .. مالها اش دارت ؟؟

الدريسية .. " هزات كاس اتاي شربات منو و كملات كلامها "مااشي ديك نهار كنت جاية من الخدمة تا بانت ليا جالسة هي و رباعة ديال البنات و دراري فقهوة .. غير حشمت نمشي نجرجرها من شعرها .. 

عتيقة ... يواا خلااااص عليا .. هادو هوما بناات اليوم .. يصحاب لك بحالنا .. زمان الحشمة ..دابا ولا كيف دري كيف البنت .. و رااه بنتي تتقوول ليا اماما نتصاحب مع دراري حسن ليا منتصاحب مع البنات فيهم السم و الحسد .. 

الدريسية .. " تنهدات'' .. اختي من نهار طلعات لافاك ووهي وحدة اخرى .. ولات قالت لك باغية تعيش حرة مستقلة. متتسمع هضرة حد دير لي فراسها .. لا جا فيها شي واحد يخطب تترفضوو من الدقة اللول .. قبل كاع متعرفوو و هو انا بغيتها تقراا و تخدم ولكن الخانزة قالت لك غييير تخدم تمشي تسكن بوحدها ..مااخصها زوااح.. كاينة السييبة . 

عتيقة .. " تضحك و تدوي" .. ههههههه يا ختي بنات هاد الوقت موصييبة معاهم .. يتلفو لي ميتلف

الدريسية..." دورات راسها و رمات شعرها على كتافها" اختي باها معصيها عليا بفشوشووو .. لي بغاتها يحضرها وااخة مايكون عندو باش .. طونوبيل هي اللخرة مواعدها بيها فاش تتخرج .. و شووفي نتي الفشوش و الخنات ..

عتيقة " ميقات غيها'' .. طونوبيل دارها لك تا نتي لي مرتو و مولات داارو .. معاه من هذاا شحال على الشاادة و الفاادة و صاابرة ليه وونتي بنت ...

الدريسية .. "/طلعات فيها حاجبها" ينت ااااش اعتييقة .. رانيي مااشي فحالك بنت العائلة العرييقة .. اناا يه بنت الاصل و المفصل و بااا عائلتوو على راسي و عيني ... ولكن اختي رااني بنت حي شعبي مكين لاش نطلع گراد ..

عتيقة .." ناضت ريحات حداها وشدات لها فيدها" .. و نسيتي مك بنت من ..؟؟ الى نسيتي نفكرك ووعاائلتها تيطلبوو ليك غير الرضاا ترضى و نتي لي تتبعدي عليهم.... كوون غير جبتي بنتك كوون راه شافهااا شي وااحد من ولاد سيدي عبد الباقي خوياا .. 

الدريسية .. " ضحكات بالجنب"انا تنشكي لها بالعگر و هي تتقول لي شخبار دراري .. الله يهدييك البنت عندي مسلسعة .. 

عتيقة .. اواا سيري هاديك غا هبيلة يمكن بحاال .. شفتي سيدي جعفر ولد خاي الكبير الله يتولااه برحمته تزوج ياا ختيي وااحد الغزااله من بنية .. الزين و التباااته ووكولشي فيها حلوو ..واخة كبير عليها بالحق ضربات يدها معاه .. من زيناتو راجل و لابااس عليه ...

الدريسية .." دوات بشوية'' .. واش غايحضر للعرس هو؟؟

عتيقة .." بنفي '' .. الاا غير صيفط مراتو .. هو قالك عندو شي خدمة .. 

الدريسية .." حركات راسها بالايجاب " .. تيعاودو عليها غزااله .. 

عتيقة .. شهوة منها .. الى نزلات غاتشوفيها .. تبارك الله و خلاص .. و كبيرة على بنتك غير بشوية .. 

الدريسية .." هزات حواجبها باستفهام" وايلي .. !! .. شحال في عمرها؟؟ ... 

عتيقة .."/تتشرب من اتاي ديالها'' شي تمنية و عشرين عام ... 

الدريسية " هزات حواجبها''.. و هو يا ختي رااه كبيير .. عندو ولد قد بنتي لا ماخفت نكذب .. 

عتيقة .." حركات راسها" . ولدو كبار من بنتك عندو ربعة و عشرين عام تا هو راه يالله جاا للمغرب .. كي شتي دابا هو ساكن مع مو فالامريكان ... 

الدريسية .." حركات راسها" .. امممم .. اختي تا سي دريس تيعاود عليه غير الخير .. قال لي الله يعمر ليه الدار .. من نهار خدم معاه .. 

عتيقة .."/حركات راسها" اييه ضريف الله يحفضوو.... " شافت الجنب فاش بانت لها السيدة لي تيدويو هليها نازلة من الدرووج بقميص خفيف ديال جوهرة مخيط بالرانداا و بليغة ديال الصم ... 

عتيقة .." غمزاتها'' .. هاهي مرتو .. هاهي .. " شيرات لها '' .. ناديا .. اجي ابنتي ريحي معانا زيدي .. 

هزات تيليفونها بعد ما تعشات هي و باباها و كملات مع صحاباتها الهضرة توجهات لبيتها ديريكت .. ماعاجبهاش الحال حيت كوولهم غايباتو عند حبيبة و هي الوحيدة لي واليدييها تيخاافو عليها لهاد الدرجة ... تتبغي تحس بلييي تا هي مسؤوولة على رااسها و تقدر تعتمد على نفسهاا .. ولكن متيخليوهااش و هادي اكثر حااجة تتعصبها ..وااخة بينها و بين راسها معترفة ان خووفهم عليها منطقي حييت الزنقة ولات تتخلع .. عندهم الحق يخاافو عليها لأن الحياة عاامرة بالمخاطر و رجال منحرفين اخلاقياا بنادم ماتليتي. تعرفييه علايااش طااوي لي فقلبوو و خااطروو مااااشي هو لي على لساانو ولا باااين على وجهو .. شحال من وااحد تيباان ولد النااس و هو ولد حرااام مقطططر ...لي ولينا تنسمعووه دابا على حالات الاختطاف و الاغتصااب ولا تيخووف .. و هووما عوينه وحدة لي عندكم و اكييد خووفهم عليهاا كبيير معتبريينهاااا امااانة عندهم... 

دوزات ديك الليلة فالهضرة مع صحاابااتها حتى تفكرات البرووف ديالها لي وااعدااتو تصيفط لوو ميساج فالواتسااب .. ضحكات بالجنب و جبدات من صاكها ديك الكارت فيزيت لي عطاها .. دوراتها للور سجلات الرقم لي كتب لها بريفي ديالوو و دخلات لو ديرييكت للواتسااب .. صيفطات ليه كوكو .. 

بقات مدة تتسنى و تضيع فالوقت حتى جااها الرد .. بقات مووودة ناشرااه عاد دخلات للميسااج ... 

البروف .. اهلا الزين .. تعطلتي علينا .. عاد تفكرتي ؟؟ 

مهرة ... ~ااه كنت خارجة و تشغلت بشحال من حااجة .. ..

ماجاوبهااش و انمااا صوونا عليها ابيل فيديو دييك السااع .. تا هي ماشي من العاجزين .. جاوباتوو مبتسمة ديك الابتساامة ديال تحلويين بعد ما قادات شعرها طلقااتو على كتاافهاا... 

مهرة .. ?ca va

البروف .. الحمد لله .. ? Quoi de neuf

مهرة .. "/هزات كتيفاتها".. !!rien de nouveau ... 

البروف .. اممم .. واخة امادموزيل .. مهرة العبدي ... 

مهرة " ضحكت بدلع تتمايص عليه قدام الكاميرا هبلاتو .." عاقل على سميتي هههه ..بغافو معندي منسالك .. .. 

البروف .. " ميل ضحكتو و غمز لها" لي شاف هاد زين يبات ساهي و حيران .. حتى من تيليفوني نسيتو فالاونفي غير بسبة هاد عوينات القطيطة .. 

قلبات عينيها باش ماتوثرش كي سمعات سيرة التيليفوون .. على هضرتوو العايفة معاها مكرهااتش تدفل عليه ولكن تيقول لك واحد المثر الى حاجبتك بالكلب قول لو يا سيدي .. و هي بغات منوو غرضهاااا .. اولا يقراا معاها و بسبتو تنجح بنووط مزيانه و ثاانياااا تحل لمرتوو عويناتها المغمضيين .. رجعات شاافت فيه فاش و اصطنعات ديك الابتسامة الطياحة ديالها .. 

مهرة ..وايلي ياك و لقيتيه بعدا؟؟ ... 

البروف "/.ضحك لين بانو ضراسه '' .. لقيتو فالبيرو ههههه .. حمد لله ماداز عليه حد .. 

مهرة .." ضحكاتو غمزاتو ''بقى تحضي رااسك عط الله لي يدو خفيفة .. ميزگلووكش .. 

البروف ... وي داكشي لي كاين 

مهرة .... .. بغيت نسوولك .. اشنو سميتك؟؟ تصور لدابا مزال ماعارفاش سميتك.. ههههه" ضحكات بدلال 

البروف ..." دوز يدو على لحيتو و عض على شفتو '' .. ديك الضحكة عندك تخلي بناادم عرقاان ... انا الالة سميتي صلاح .. 

مهرة .. اممم ههههه اووكي .. متشرفين .. 

البروف... هي الى درنا شي جليسة انا ويااك !!/.. باش نتشرفوو ديال بصح ... 

مهرة .."/عضات على شفتها'' ... فين فدارك؟؟ واش نتا ممزوجش؟؟ .. 

تعمدات تنطق هاد الهضرة بااش تحرجو بالحق تا هو وجهوو قزديرة .. وااخة توثر شوية ولكن دفع جبهتووو خمسة متر لقدااام ... و نطق بنفي .. 

صلاح .. لااا .. علاش... باينة عليا مزوج ؟؟

مهرة .." مكرهاتش تسبوو فديك اللحضة .. مي شافت فيه مصغرة عينيها'' .. امممم ..اوا ملي هكذاا اذااا غاتعرض عليا .. ندوزو شي عشية. ..!! . 

السييد صاافي تحل مابقات قاادااه لا ارض ولا سموااات. .. عينيه بداو يطلقوو فالقلوووبة .. ماتيقش وااش قدر يشدها بهاد السهوووولة غااااافل على انها هي لي شدااتو و دااارتو فالمصيييدة ديالها و غاتعلموو درس عمروو ينسااه باش ميعاودش يخوون بنت النااس ..

بعد ما صيفط لها العنواان ديال البرطمة لي غايتلاقاو فيها .. و دارو ايمتااا غايتلااقااو .. طفاات عليه التيليفون و هي تتضحااااك .. كي قطعات اتصلات بحبيبة ديك السااعة عاوداات لها كووولشي .. 

حبيبة .." حلات فيها فمها'' .. هانتي غير لي خلقك لي يقد عليك انا متااااايبة .. 

مهرة ... " كلعات حواجبها لسمااا'' .. ولد الحراام يحساااب ليه رااسو لقى الهووتة .. عند باالو رااني بنت الزنقة لهلااا يحيي الكلبة تمووو .. 

حبيبة .." ضحكات تا خرجو دمووع من عينيها'' .. بغييت غير نشووفوو ملي تصيفطيي لمرتوو .. ههههههههههه .. 

مهرة .. تي شغاانصييفط ليهاا دااكشي دييمووودي هاادشي لي نااوية ندييروو انا هاااارب اما شيغي هههههه علياا باليميين تا نطووفو ... سير تنعسي سيرييي ههههههه ...

قطعاات مع صااحبتها و نعسات مبتسمة بالجنب .. هادي ماااشي اول مرة ... ديما فينماااا تطيح فشي وااحد مزوج تتلعب بذيلوو تتعلوو الدرس مزياان... حيت من دييما بالنسبة ليها هي المراا خط احمر ..و لي يخوون يستهل الموت ماشي غير الفضييحة .. .. غمضااات عوييناتها وونعساات فرااحة و سكييينة بعد ماااا خذاات اول خطوة فخطتهااااا 

في اليوم الثاالي و بماا انه الاحد و اكيد ماتاتفييق حتى لاشمن وقت .. مع فاقت مشات ديريكت للحمام غسلات وجهها و جمعات شعرها كعكة .. .. و نزلات للتحت لقات الاب ديالها مخلي لها ورقة فوق الطبلة ديال الاكل و معاها فطور من لي تيعجبها .. قرات الورقة لي كان مكتوب عليها ..." صباح النور و الياسمين على احلى مهرة.."/.. ابتسمات و ريحات فطراات فطوورها .. طلعات عبنبها للساعة ديال الحائط لي مقابلة معاها لقات ديجا وصلات الطنااش ديال النهار مابقى والوو باش تمشي عند ثحاباتها .. ناضت جمعات الروينة تالفطور غسلات الماعن و نقات الدنياا ..دازت للصالون حتى هو رتبات كولشي و دوزات السببراتور على الزراابي ..

كي كملات طلعات ديريكت لبيتهاا .. خذات ميني جيب ديال الجلد فالاسود .. و لبسات معاها تريكو كول مونطي تا هو اسود مع لي بوط طوال حد الركايب ... دارت بيرية غوز بيبي على رايها بعد ما سرحات شعرها ... ريحات تقابلات مع المرااية دارت مكيااجها اليومي و لي تتعتمدوو بزااف خفيف و تيبين جمالها اكثر خصوصا فالعينين... هزات صويك صغييور فالمووف ديال الدااان و خرجات بعد ما رشات بارفانهاا و خرجات مع الباب .. مع خرجات من المجمع السكني فين كاين الموبل فاش تتسكن .. الدراري كااع لي كانو مريحين تماا ضار تيشوفو فيها .. ها لي بالموطوور ها لي بالطونوبيل كلهم اولاد الحي .. ماشاافتش فيهم نهاائباا .. كملات طرييقها من قداامهم هاازة راسها و معفرة على بناادم ..

...بعد لحظااات ...انطلقت التاكسي من المكان لي وقفات شداتها منوو .. عطاتو العنوان يوصلها اللبلاصة لي تتنزل فيها باش تمشي لدار صحيبتها ... 

~~~~~

نفث دخان سيجارته الزااندة بين شنايفووو الخشنة برااحة تيتكييف مع رااسو و يصنع لنفسه عاالم خااص به فقط ..! .. تكى على الكرسي لي كان جالس عليه و رييح رجلييه سرحهم باسترخااء .. تيطرطق عنقه يميين و شماال .. هاد الحركة تيديرها بالخصوووص فاش تيكوون رااسو ثقيييل على عنقو .. و تيكوون حااسس بالعياااااء من يوم طوييل و شاااق ديال الخدمة ..

رمى السيجارة و عفس عليها بالگاط ديال ديالو الخشيين .. طلع راسوو للفووق و تكااه على الخوااا حااط يديه فووق عينيييه تيتسنى فالدري لي خدام معااه يجي .. ..

هز تيليفونو و اتصل بيه بلا ميشووف حيت عارف ااخر نمرة ديالو كاانت

".. وين رحت اصاحبي..؟"

وقف قدامو هاز التيليفون و باين عليه ماساويش مازاگيش من عينيه ...

"/.. هاني قداامك العشير .. "

.....طلع راسو و دورووو مزيان حتى تسمعاات تااا طرااق

" وين كنت انت ؟؟"

...... تيمسح في عينيه لي كاانووو حمريين و جبد باكية ديال ماربورو و رماها ليه 

"مشيت نجيب گارو... "

...... خذا كارو من الباكية و حطو ففمو..شعلو و طلع فيه الراس ..نطق بخشووونه 

"ضارب الزطلة؟ .." 

تنحنح و بدااا تيضور في عينيه و يحك راسو.. ناض وقف تينطر من الگارو ديالو 

.." وااش گلنا !! .."

رفع صبعو بحذييير و بااينه غير من نبرة صووتو وااش تيدوي بجدية تااامه ..

رااك تحوس عليا نخلي دار عشتك في هاد نهار !؟ يا ربك مان......

وقف كلاامو كي شافهااا داايزة من قداامووو.. ماحسش برااسو يمتاا حط يدوو على وجه صاحبو و ردخو على الكرسي 

مثل نسمة الربييع الدافئة .. مرت من قداامو عبير عطرها فااايح و زاااكي .. عاااطي وااخةةة غير خفييييف ... استنشقوو و على فيها رااسو ماكانتش اول مرة تيشووفها طبعااا لكن في كل مرة تيحس انها اول مرة !! .. داك الزين لي عطااها ربي مليييحة و زييينهااا عربي مغربي قح .. ماشي زين خاارق للعاادة لكنها عاطية للعين .. و لي شافها تعجبووو .. مشيتها حركاتها شوفاااتها .. حتى ابتساامتها كوولشي فيها زين ... بلا هواااه .. رمى الگارو لي كان فيديه زطم عليها و نفث الدخاان من خناافرووو .. تبعها ماحاسش براسو اش تيدير مزال ..بحاال داك لي منوم مغنطيسياا .. .. من لي نزلات من الطاكسي قداام عينيه مازعزعهمش من عليها ... ... 

اما هي غااادية ماعلى بالهااا لاا بييه لا بغييرو .. ماحسات برااسها حتى وقف عليها .. داااوه رجليييه عندهاااا حتى وقفها ... شافت فيه مطلعة حواجبها باستفهام

" بغيتي شي حاجة ؟"

بقى مدة تيشووف فيهااا حتى كانت غاتمشي عاد نطق بجمود و عينيه مثبتييين على عيونها

" ...واش اسمك ؟ .."

.......عقدات حواجبها و نطقات بضييق و ضورات راسها شافت بعيد عليه ..

"..كيفاش؟؟ و نتا اش دخلك فاسمي ؟؟"

.... ميل شفتو للجنب و نطق بنفس الجمود و عقدة الحوااجب...

" حاب نعرف .."

.....طلعات و نزلات فيه و في حالتو .. جسمه الضخم و دوواك التلاطخ الكحلين لي على حوايجوو.. طولااات الشووفة مزياااانّ بنوع من الاستغرااب .. !!.. 

"معرفت ايمتا غاتعطيييو لبنات الناس التيساااع .. وااش الشارع مابقينااش قاادين نتمشااو فيه بحاال الناس .. سير دييها فخدمتك هي لي غاتوكلك طرييف تالخبز و عطيني شبر دالتيقار .. .. "

.. زااد قرب لها و عنيه مركزييين على عينيها.. 

"لبسي .. و غطي لحمك ..صدام كي يحط العين مايحبش يشووف غيرو حااطها على حاجته .. 

هضرتو دارت لها طرييين فراسهااا .. و هي اكثر حاااجة متتحملهااااش فالدنيااا هي شي حد يتدخل فيها ولا يكريكيتي ليها فلبااسها ولا حالتها... بارااكا غير لا كانت هي عاجبها رايها بلباااسها و مرتاااحة فبه وااحد بحاالو لاااش يتدخل ....خزرات فيه و حطت يدها على خصرها بامتعاااض ...

مهرة.... شمن صداام ولا قداافي سير طنز على شي حد اااخر وااش نتاااا سووقك ؟؟ ..شكون نتاا لي تقول لي اش نلبس و ااش منلبسش .. و هادي جديدة تاني. .. 

صدام ..."ميل شفتو و على وجهه بملامح باااردة مستفزة زاد قرب اكثر لعندهاااا " وين تسكني ؟؟ ..

..

زادت حققات فيه فاش قرب لعندها .. .. كان ملطخ بأشياء سوداء .. مكانش بااين مزيان فوجهه.. !!/. ااه هو ..نطقات من بين شفتيها ..كيفاااش ماتعرفاتش عليه و على عينيه لي خلعوووها .. هوو ... لكن هااذي اول مرة يتجرأ و يوقفهاااا .. تتعرفووو ميمكنش تنسى واحد رعبها و في وااضح النهاار .. ... بلعات ريقها حسات بتنفسهااا بدا تينقطر صدرها تزير عليها كي عرفاتووو هو .. زادت بعداات عليه و هو زاااد عقد حواجبو و قرب لعندها اكثر 

مهرة ....."نتا تتبعنيي يااك !! ّ..وليت تنشووفك بزااف ( رفعات ااصبعها فوجهه) عطيني بتييقار و الااا متلوم غير راسك .. "

وسع ابتسامته و شاف فيها مصغر عينيه ..و عاد متيزيد يخلعها منوو اكثر تيباان لها بحال دوك اخطر المجرمين بديك تخنزيييرة ديال

صدام .. ~گد كلامك ؟ 

مهره .. "زيرات على يديها مخنزرة فيه'' .. ااااه قد كلامي .. ماتبقاااش توقفني هاد المرة الى شفتيني ..

مشات و خلاتو وااقف تيعبر فيها .. مزير على يديه .. ماتلاش جاوبها لزوج اسباب معندووش مع شد لي نقطع ليك و قوة الهضرة و تاني حااجة باغيها تمشي حيت العينين لي حاضيينها مكرهش يمشي يجرهم يلعب بيهم البي ... بقى حااضيها حتى مشات و هو يباان ليه داك لي كان تيشووف فيها بااغي يتبعها .. بالخف مشا ليه و وقف قدامو .. عااقد فيه غووبااشتوو... 

صدام... شراك دير ؟؟ 

الشخص .. " طلع فيه حواجبو " .. شنو؟؟

صدام... تابعها ؟؟ 

الشخص ... "/مخرج عينيه'' .. تابعها و من بعد نتا باها .. خوووها .. ياك تا نتا وقفتيييها و دواات معااك ولا حلال عليك حرام علياا كيف عطاااتك وقيييتة تعطيني تاا انااا .. 

مزااادش معاه الهضرة .. حيت اكره حاجة عندو هي البلا بلااااا ... بكل ما عطاااه ربي من قوة دخل فيه براااس طوفو على القبلة .. عاود جروو من قرفاادتوو و خشا لو وجهو فالحبييط .. ضور ليه يديه للور بحركة خفيفة و زير عليهم حتى غووووت لاخر بحر جهدوو صااعر تيسسسب .. امااا هو بقوة العصااب لي ركب فيه الجلاخةة لي قداامو عرووق يدو و عنقوو و جبهتووو طرااسااو فيه و برزوو اكثر و اكثر .. تبتوو خاااشي لو وجهوو فالحييط فاش بااان ليه بناادم تيتجمع عليهم زااد زير اكثر بيديه القااصحيين حتى زااد غوووت ولا غير تيدخل و يخرج فالهضرة بااغي يدير فيها زااعم و يرجع تااني يوحوح كي الشيخة ..و مع هو رقيق و مااقاادش على ديك الشدة كااملة .. قرب لجهة وذنو و دواا مكااالمي عكس البركان لي داخلوو ...

صدام....غبر .. نهاار نشووف خنشوشك فهاد الدرب يااااربك منعقلش على قساامك ... 

الشخص .. و .. وااااخة غير طلق ااصاااحبي طلق الله يحفضاااااك .. 

طلقوو صدرووو تيطللللع و يهوود بشكل مخيييف وجهوو باينة عليه ديك التخنزييرة القتااالة لي مهييب بيها على داك الدرب .. حد متيقدر يوصلو ولا يتمااازح معاااه مخلييهم يحترموووه بلا ميدوي ميتكلم حتى صحاابو قلال و معرووفين ...مع طلقووو ضربو بنص جابو طايح للارض و حد ماقد يوصلووو .. شاف لجهتوو مخصرر سيييفتووو و دفل حدا رجليه.... 

ديرييكت للمحل ديالو الدري لي خدام عندوو مادواااش معااه حيت عارفوو كي داااير مشاا كمل خدمتوو و خلاه يبرد على خااطروو بديك الباكية تالكااروو لي شاد فيديه .. كي كمل دخل ديريكت للدووش لي داير فالمحل ديالو الدااخل حبد دوك الحوابج لي كانو مسخيين ديال الخدمة .... ضربها بتدويشة حيد عليييه لاگرييس و الزيت ديال الطونوبيلات لي كان ملطخ فيه رجع تيشعل .. هز حوابجو ديال الخروج لبسهم .... نشف شعرو بالفووطة و خرج هاز تيليفونو و جر الكرسي ديالو خرجو قدام باب الكاراج ريح عليه بالمقلوووب

صدام .." شاف فالولد لي خدام عندو '' مزالك معطل؟؟ ..

..... لالا قريب .. غانديمارييها و نشووف .. 

صدام .. "حرك رايو بالايجاب و طلب نمرة حاافضها عن ضهر قلب كي جاوبااتو نطق بدووون مقدماات ..." ... الحنااانة ... عندك يوماااين تكوني هنا ... ولدك نااوي يخطب ... 

ماشي اي حاجة تنبغيوها تنلقااوها .. و ماااشي اي ام قال لها لدها بااغي يخطب تتفرح ليه و تمشي تخطب لو لي بغااا قلبوو هو ... كي سمع ردها لي عصبووو ناض وقف و رجع داك الكرسي لور بالزعااافة قطع معهاااها ... 

مشا ديريكت دخل خذا من فووق وااحد الطابل سوارت ديال وحدة من الطونوبيلات لي عندو برا ديال شي حد عاد صلحها .. ركب و زاد ديمارااا خلاا ورااه العجااج و الدري لي خدااام معااه تيشووف فييه و يحرك رااسو حيت عارف عوايدو غير يتعصب تيعفط و يزييد.. ... ماوقف حتال مكاان بعيييد على بنادم و الهرااج عاد وقف السيارة و خرج منها .. جبد كاروو شعلوو .. و خذا تيليفونو عاود صونا عليهااا

صدام .. " تينطر من الكارو ديالو و يدوي '' .. وي .. الواليدة .. وااش كنتي تگولي ؟

فطومة ... گلت لك .. بنت عمك تستناااك .. نتاا لي شرااك تگوول... عند بالك عمك غايسكتلك ؟؟/.. 

صدام ...."/عض حنكو من الداااخل و نطق بامتعااض '' . وجدة كااامله خلييتها له .. الى لحگ البحر يزلجه .. ماعلاباليش بيه ... نهار ماات الواليد مات معاه الحكام ... يرووح يحكم على ولاده .. 

فطومة .. " سمع تنهيدتها'' ّ... ولدي .. نعل الشيطاان و رمي عليك هاد الهضرة .. راك تحوس على المشااكل ... راك عارف كااع العائلة دبااك مزوجين بنات عمامهم .. ميحبووش يدخلوو الغااشي وسطهم .. 

صدام .. " ضحك باستهزاء و نطق بصوته المدعدع وهو تينفث دخاانه " فطومة .. بنت ميمون ماتحلميش نديها .. تبقى هي اللخرة فالدنيا .. 

فطومة ..'' رافعة صوتها'' محتااااجة بالمشاااكل مع عمك انااا ياااك .. كون جااا باك مزاالو حي مكاانش غايعجبو الحال

صدام ..." حرك راسو '' با ؟؟ .. هو اللول خرق القاعدة .. و تزوج برانية .. نسيتي ... ؟برااسك غريبة و شووف دابا رااك مولات الدار الكبيرة 

فطومة .." تدويي مكنزة '' راك عااارف مزيااااان جدك مربيني على يديه و بااا كان صااحبو مارانيش غرييبة عليهم .. 

صدام . حتى هي ماغاتكونش غريبه .. من گااال تشد بلاصتك !!

فطومة .."/عاد مزاد شعلااات اكثر و اكثر ...'' ..ّكيفااااش .. ماعااااشت هادي لي تشد بلاصتي .. شرااك تقووول نتاا ...مرااكش عاارف اااش تيخرج من فمك ..

صدام .. بلاصتك فالگلب وحدة ماتدييها .. الجنه تحت گدامك .. مي لي غاتكوون فدااري انا لي غانجيبها ... و بنت ميمون ربي يجيب لها نصيب حسن من ولدك افطومة ... 

فطومة ..." من صوتها بااااينة معصبة بزاااف و بااينة فيها متسلطة ...'' .. سمعني مزياااان يا اصداام ... ولد المهياااوي .. مااايتزوج غيير بنت المهياااوي. . سمعها و فهمها و خليها بين عينيك حتى تحفضها .. و الى مابغاتش تفهم ليك .. روووح خطب ..انا و رااااس الورحوووم ماانجي لديك الخطبة ولا نحط رجلي عندك .. شوف ديك السااع هاااد بنت الاصل لي جااايب لي وااش غاتقبل عليك بروحك ... 

صدام .. " شعل كارو اااخر '' كلامك اللخر ؟؟.

فطومة ... عارفاه غايدير غير لي فرااسو '' صداام .. الله يهديك ..

صدام ... سمعي ... ماعلابااليش بميمون و بنتو مرااانيش هاز له الهم .. يروووح يموووت .. بنت وحدة لي غاندي .. طال زماان ولا قصاار .. حضرتي ولا غبتي .. راك فوگ الراس

فطوومة .. ولدي الكبييييير باااغي يدي سخطييي ... 

صدام ... رضاااك دايه .. و نتي عارفة باش .. تهلاي فروحك.... 

زير على سنانو مكنزز عليييهم و قطع عليها قبل ماااا تجااوبووو .. كان غايهز داك تيليفووون يردخ بيه الارض .. غير دخل للسيارة ردخ الباب ديالها معصصصصب و باااينة عليه ... جااتو غير هي فباالو و بين عينيه .. شحال تتفرحوو شووفتها .. تدووووب كااع دااك الجلييد لي فقلبوو ... من زماان و هو حاط عليها العين .. تابعها ماخلى فيين .. لي قرب ليها تيلقااه فوجهوو وااخة ميباانش لها فالصوورة ... تيتسنى غير الوقت المنااااسب .. و مكانش نااوي دااباا يدوي معاها ولا يباان لهاااا لكن خااطروو ماهناااتوووش لقى راسو غادي ليها بلا ميحس .. باغي يقرااااااب ليها و يكوون بجنبها و حداااهااا هادشي لي بغااااات ليه خاااطرووو و هووما تيذكروو ليييه بنت ميموون .. غير حييت بنت عمووو خصو يتزوج بيها !!/.. غير حيت زوينة و مربية و حادگة و جاالسة فالدار تتسنااه هو تا يجي يتزوج بيها اذااا خصوو يكوون كيف بغاااو .. ضحك بعصبية و خدم اغنية فالاووطوو جهدها و طلع السرااجم ... نطق بين شفايفو الخشااان تيدندن معااها ..كانت وحدة من الاغاااني لي تيعشقهم من الرااي القديم 

صدام .. يا خلاص نويت نعقد معاك a vie ندييرك عمريي pour tout la vie .. نبرووفيتااو و نعييشو la vie خيير ما نخسرك و نعييش ندماان...

دخلات لداار حبيبة الدخااااااااخن بغاااو يخرجوو لها من وذنيييها... شافتهااا تتخزر فيها بغات تسولها مالكي و ماقداتش .. 

حبيبة .. عارفاك غاتفرگعي عليا مامسولاكش تاياناااا ..

مهرة .."/خزرات فيها و دفعااتها ''.. صحبة تالكرطوون ... قودي

حبيبة .. "تابعاها''اويلي مالك جاااية شااعلة ...ياك ما مع دريسية تاااني؟

مهرة .. " بنفي'' ...مع وااحد الحيوااااان برا تلاقيتو وقفني الخراا.. تفو ... طلع ليا الدم .. 

حبيبة .. "/طلعات فيها حواجبها'' .. وايلي كيفاش ؟؟ .. واش من الدرب ولا ؟؟ .

مهرة ...''حركات ليها راسها بالايجاب '' .. ميكانيسياان .. على ااخر يااامي ولا ميكانيسيااان يوقفني ندوي معاه .. 

حبيبة .." باستغراب'' .. شمن ميكانيسيان ؟؟ .. واش لي فراس الدرب لي مقابل معانا ؟؟ .. 

مهرة .. واايه ازمر .. غا هو لي كاااين فالسيكتوور ...

حبيبة ..." ميقات فيها'' .. واااش تسطييتي ...يكوون غير الخدااام ديالوو داك البرهووش الباااسل ... داك السليگيييط الرقيييوق .. 

مهرة .. " عقدات حواجبها '' لاا شمن رقيووق هذاا راه مگلضم .. غير الغوول فيامااتو ... 

حبيبة ...'' وسعات فيها عينيها بديك النظرة ديال من نيتك " ...هذااك ابتي الدرب كلو داير بحسابو .. كاع متيعمر بزااف تمااا من نهااار فتح المحل ديالو تم و كوولشي محترمووو .. انا و عمري شفتو فوجهوو .. سمحي لي هذااك محترم ... ميدويش معاك كاع

مهرة .." وقفات فالدرجة الفوقة و شافت فيها مخنزرة .. '' شنو دابا تنكذب عليك ؟؟؟

حبيبة .."/شافت فيها مستغربة "/راه طاح عليا العجب .. حيت من داكشيلي تيقوولوو عليه الله يعمرها دار و ليوصل عليه تيلقااه هنااا .. بابا ديما تنسمعو تيعاود علي يصحابلي رااجل كبيير تا قال لي رااه بااقي فالتلاثينيات ... .. 

مهرة ..."دفعاتها و دخلات"".. حيدي علي نتي وياه قالك محترم .. مزمل .. " دخلات تتقلب على البنات '' .. البنااااات ..

محجوبة .. زين جا .. يا مرحبااا 

مهرة .."سلمات عليها بالوجه'' صافا حبي .. "شافت فالبنات ... صافا علييكم .. 

كريمة .. واااا بيخيير تعطلتي اصااحبة ... 

مهرة ..واالو .. في اماان الله .. نزلاتني الطااكسي ... و جااا واااحد .." شافت فحبيبة لي ريحات حداها'' .. المحترم تينگ عليا ... 

محجوبة .. " حلات عينيها و سعاتهم مزيااان " .. شي تيتيز .. 

مهرة .." بابتساامة صفرااا'' .. الخراااا .. حيدي عليا .. اري ليا ديك دربووكة نتي .. 

حبيبة .." مدات لها كاس تالعصير بااارد''.. هاكي بردي بعدااا .."/ريحات حداها و همسات ليها بشوية '' . ااش درتي مع البروف. .. ؟؟

مهرة .."/شربات من العصير جغيمة '' .. درت معاه نتلاقاو فالدار راني قلتها اك قالواتساب ... 

حبيبة .. ... وااش غاتمشي عندو بصح؟؟ ..

مهرة .."شافت فيها بنص عين ''و ماالي تنتفلى .. ّ.سكتينااا دابا غايسمعوك البناات و ماحناا فخييير ... "/گربعات داك العصير كوولوو دقة وحدة .. و تگرعااات" ... احح .. 

محجوبة ... " شافت فيها'' ..با علال .. لباااس .. بصحتك ...

كريمة .." تضحك''.. ههههههههههه ناري لي شافك من برا ضربيه على الشعا يسمع ديك تگريعة يهرب .. 

مهرة ..."/ميقات فيهم '' ّّ دايرات ليا فيها الشيكي و بْجْگِي (/الزعت) .. و باز .. اختي وعدتي تحبسات و سرحتها فيها شي عيب ؟؟/.. 

محجوبة .. لا مافيهااش .. اري لينا عليها شي ميزان .. " بدات تضرب فالدربوكة لي بين يديها ... '' ّ. يالله حمييو ليا حميو .. 

كريمة ... صيفطتلك بريةةةةةة حبيبيي و مااجاوبتييي .. عوجوووك عليااااا اياا و الغضااار على غدريتييي ... اقضييييو

هي بدااات لهم و هوووما كملوو لهااا ماخلاااو ما غناااو حتى عطييه العصييير عنااوها .. مهرة حااامية الدربوووكة و طاالقة الحلوووق هي و محجووبة وحدة تغني و لووخرة ترض عليها هذا هو جوهم لي تيديفوولاو فيه تيتسنااو كل اسبووع داك النهااار ايمتااا يجي بااش يديرو عرااضة عند وحدة فيهم يفرغو فيها و يرميييو اي حااجة مقلقاااهم و لا مديرونجيااهم .... بقااو مووووودة و هووما نااشطااات و مضورات الدربووكة بينااتهم ... 

كي كملووو جمعو داك الصاالون من الروينة لي دااارو فييه .. و حطو الگووتي فوق الطبلة .. شبعوو ضحك و تقشااب .. كل وحدة فيهم عندها همها و عايشة مشاكلها العادبة و الروتين لاعب عليهم كااملين و كيف جمييييع النااس تيبغيييو بااش يفكوو على خااطرهم داكشي علاش دارو هاد الجليشة لي كل اسبوع تيديروها عند وحدة .. تينشطو وويفووجو و حيدو عليهم الهم ووالغم كاااااع داكشي لي تيشوفةووه لا ديال القراااية لا ديال حياتهم الشخصية ... حطو الطبيبلة و تجمعووو عليهاااا دارو الكووتي ديالهم و ريحوو تيلعبوو الكاارطة حتى سمعات مهرة تيليفونها تيصووني .. كي شافتو ناضت جمعات الوقفة .. 

حبيبة ... " شافت فيها باستغراب''اماالك البنت ؟؟ .. 

مهرة .."تتجمع قشها '' .. بابا صونا عليا .. راه تحت الباب .. 

حبيبة .." تلفتات للسرجم لي وراها .. حلاتو و طلات'' .. و الله الى .. مالو يا ختي زربان ... 

محجوبة .." ميلات فيمها وميقات فيها'' .. ياك درنا نباتو مجموعين ؟

مهرة .." تنهدات و نطقات معاجبها حال'' .. بابا مبغاش يخليني .. 

محجوبة .. معليش .. صافي السيمانة جاية ندوزوها عندك و نباتو معاك .. 

كريمة .. تتعرض على راسها الله يحفض ههههه وجهك مقزززدر .... 

مهرة .. بالعكس مرحبا فاي وقت راكم عارفيني غير بووحدي .. "/لبسات حوايجها و صبااطها .. و هزات الصاك تاعها .. '' يالله بسلامة عليكم تا نتلاقاو فلا فاك ... 

البنات ..بسلاامة .. 

ناضت بالخف حبيبة تبعاتها .. كي وصلات للدروج .. شداتها من يدها و زيرات عليها .. تا غوتات بشوية .. 

مهرة .." حطات يدها على يد حبيبة '' .. مالك احبيبة تصطيتي ؟؟ .. 

حبيبة .." مدات لها يدها و كارزة على سنانها'' .. اريي داكشي لي هزيتي .. ارري ... يصحااب لك ماشفتكش؟؟

ويعات عينيها فيهااا فيها ماعرفات شنو تقول و لا شنو دير .. حسات بيديها بردو عليها ... بلعات ريقها و دورات عينيها..

حبيبة ... " مخنززززرة فيها ...''ارري قلت لك .. واش حمااقيتي .. باغية تفضحي قدام الدريات .. ناري وااش هاد القاعدة ماغاتحيديهااش علييك .. 

مهرة ..." عضات على شفتها حتى تذوقات طعم الدم .. نزلات عينيها و حلات صاكها .. جبدات منوو دااك العقد لي هزات '' .. هاكي .. 

حبيبة .."/شداتو من عندها موسعة عينيها '' .. من نيتك ؟؟؟ جالووق امهرة ؟؟ ... حيدااتو مولاتو باش تغسل وجهها ووميحمارش الى قاسو المااا وااش هبلتي ؟؟

مهرة .."/تنهدات'' .. عافاك بارااكا .. 

حبيبة .. ااااش باارااكاا اااش .. ماناويااش تشووفي شي طبيب نفسي .. اقسم لك يمينا و نحصل شي حااجةة بحال هادي مرة اخرى حتى نقوولها لدريسية .. اااخر مرة وااعدتيها و قدااامي ... 

مهرة .."/طلعات فيها راسها'' .. طبيب نفسي ااش غايقوول ليا ؟؟ .. داكشي لي غايقوول راني قرييت عليه .. عييت نقراا على هاادشي .. طبيييب ماغادااش ليه ماعندوو باش ينفعني .. غانحااول انا نحيد عليا هادشي .. رااه ماهزيييتش شي حاجة كبيبرة .. ولا عندها قييييمة احبيبة .. 

حبيبة .. شووفي فياااا .... انا صااحبتك و ختك .. مابغييييتش هادشي يأثر على حياااتك مبغيييتش شي نهار تفضحي .. و الله تا خاايفة عليك ... 

مهرة .." حطات يدها على وجهها و ابتسمات لها'' .. متخاافيش عليااا هادشي غير تيجيني خطرة خطرة راك عارفة يدي تاتاااكلني مرة مرة. . ههه .

وااخة كانو الدمووع تيلمعوو في عينيهااااا لكن ابدااااا ماانزلاتهمش بالعكس .. تنهدات و ضحكاات لصااحبتها الوحيييدة لي عاارفة سرها .. السر لي مخبياااااه على كوولشي ماقداتش تخبيه على صدييقة عمرها ..السر لي مشاركاه غير مع واليديها ... بعد ما هدنااات حبيبة نزلتت من الدروووج و شيرااات لها مبتسمة غير قلبات وجهها للباب عصرات عينيها بااش مينزلوووش دموووعهااااا ..

هاد المووضوووع حسااس بزااف بالنسبة ليها و تقريييبا هو لي داااير اكبر شرخ فقلبها .. واااخة تتبااان هي ديك البنت الحديدية لي متبكييي ماي ضرهااا قلبها على شي حد لكن هاد المشكل بالذاااات معقدها فحياااتها من الصغر و تبخليها تيشوووف رااسها من وااحد الجاانب فشي شكل نااقص ... 

نزلت ديريكت مشات للسياارة عند الاب ديالها لي كان وااقف مع شي حد غييير شاافتووو كحلااات بالعمااا و نطقااات بينها و بيين راسها ... 

" لااااا مااشي لهااد الدرجة "

زيرات على يديها و مشات شدات فباباها باستو فوجهو ... و شاافت فالشخص لي معااه .. كان مبدل و لابس حوااايج غير داك السولوبيك لي كان لاابس ديال الخدمة الصبااح ... طلعات و نزلات فييه و هو ماشاافش فيها نهائيا احتراما لباااها لي واااق غيير شوفة وحدة لي دارها فيها كي مشات ركبات فالطونوبيل و خلاتهم وااقفين كانو تيدووي على الطونوبيلات نييت .. ركباات مغددة و تتسناا فباباها يطلعىتااا عيااات و هي تعيط عليييه .. امااا هو ميل فمو للجنب عرفها تعصبااات و ودق باااها .. تا هو ركب فالطونوووبيل و سبقهم مشا فحاالو... اما مهرة كي دخل بااهاا سولاتوو ... 

مهرة .. شكون هذااك اباباا؟؟

دريس .. واحد السيد الله يعمرها ... و خطير فالميكانيك ... الطونوبيل عندي تنحس بيها ثقيلة شوية و فاش تعطلتب عليا قلت نسولو و جا معايا شاافها ... .

مهرة .."/حطات يدها على راسهاا و تمتمااات بصوت غير مسموع '' هادي كاملة صدف .. نقطع يدي الى مكاانش قااصد يخرج عيييشة لي فييياااا تجنن عليه ..... 

دريس .. نعام ؟؟ مسمعتكش ابنتي. . 

مهرة .. لا والو غير قلت ليك مزياان .. جيبها لو يقادها... 

دريس .."/حرك رااسو ..." ... ايه تا نساالي انشاء الله ... 

تنهدااات تتقوول فرااسها كوون عرفتي هذااا تيدووور على بنتك كااع متقوول هاد الهضرة .. بقات مجمعة مع باها تيسوولها كي داازت العرااضة حتى صوونااا تيليفوونها غير شاافت اسم البروووف .. كحلات بالعمااا ... قطعااات عليه في سااع .. 

دريس .. شكوون صونا عليك .. علاش مجاوبتيش .." ضور وجهوو مطلع حاجب '' .. اري نشوف ...

وجهها حماار دغياا حيت كيييف تتوثر تتحس بالسخوونية طاالعةة معاها للخنشووش .. عضات على شفتها و لولبااات عينيها ... عاارفة باااها اش تيسواا واااخة طااااالق لها اللعب بزاااف ولكن الى شم خباار على اللعب لي تتلعب مع البرووف ديالها مااشي بعييد يجلسها فالداار .. حيت قد ما هو مرخي معاها قد ما هو صعييييب ... زيرات على سنانها و حاولات تخلق كذبة تااني تسلت بهيا من اسئلته .. 

مهرة .. ااا .. لا را غير حبيبة .. تتبغي طمن عليا واش وصلت .. بلاتي نحل لك الكود تشوف .." بالخف حلات تيليفونهت غير بالبصمة و مسحات ااخر مكالمة طلعات ديريكت اخر اتصال ديال حبيبة ...و حيت هو ساايق ماداا ما جااب .. حطات لييه تيليفون قدام عينيه" .. 

دريس .. اممم و علاش مجاوبتيهاش ..؟؟

مهرة .. "/طرطقات عينيها'' ااا لا رااااه غييير مزال موصلت فاش نوصل نصوني عليها ....

من ثقته فيهااا ماحااولش يكذبها خصوصاااا ان كلامها مكانش فيه ديك النبرة ديال التوثر .. لكن كوون شااف وجهها كوون عرفها تتكذب حيت تتبان فيها من الحموورية تالوجه ....

كي وصلوو للدار مع الدخلة .. لقات فالطبلة دالمااكلة اكل جاااهز من برة ... ضارت شاافت فبااها ... 

مهرة ... " وسعات عينيها'' تتخونةالدريسية ادرييييس؟؟؟ تتغدرها فقلب داارهاا

ادريس .. الله مصلي عليك اراسول الله ... اش دانا لشي غدر 

مهرة .. " مشات ديريكت الطبلة لي كانت عامرة من داكشي لي تيعجبها'' .. هاادشي الى شاافتو عليااا باليميييين حتى نبااتو براا انا وياااك ادريييس .. 

ادريس ... "/ضحك و حيد الفجاكط ديالو رماها فالصالون و مشا جر الكرسي ريح تا هو تيجبد يااكل'' .. كوولي محدك لقيتييه ههههههه 

مهرة .."/تتااكل و ضحك'' ... الدرسية دخل عليها الضرة و مادخلش عليهاىمااكلة لزنقة قهراتناا بالصحي ... ههههه 

دوزات ليلة زويينة مع باباها .. جلسوو على الضحك و النشاااط و التقشاااب حتال اااشمنةوقت هكذااا علاقتها من باباها من الصغر كانت قريييبة ليه بزااااف تيحن فيييها و يحس بيييها و ماعمرووو خلاااها تحتاااااج لشي حاااجة من شي حد .. و ديييما تيداافع عليها قداام الدريسية متيخليهاش لا ضربها ولا تغوووت عليهاااا .. ديييما معاها و بجنبها لكن فااش تتغلط تيضور فيهاااا ....

اصبحنا و اصبح الملك لله .. كيفاقت لقاات ميساج منةعند حبيبة .. ابتسمات و جاوبااتها .. نااضت مشات غسلات و جهها و جرات رجليها تال الكوزينا صااوباات فطوورهاا لقات باها حااط لعا ورقة كااتب فيها صبااح الخير و بلا متجيبي ليا الغدااا غانتغداا مع صاحبي .. ابتسمات و حطااتها حيت عارفااه مابااغيش يعدبها .. مشات دارت قهوتها و هزات تيليفون تتخربق فيه حتى وصلها ميساج من البرووف يالها ...

« واش بااقيين على مووعدناا » ...

حركات راسها ميلات شفتها للجنب و هزات كااسها رجعات لبيتها عاد كتبااتلو الميسااج... 

«/مزال على موعدنا .. غير هو ماغايكونش بالليل .. منقدش نخرج بالليل

تسناات حتى وصلها ميساااججو لي كان فالحين متعطلش عليها دغيااا جاوب ... 

« و عليه تا انا مكرهتش في اقرب وقت ... الربعة تالعشية يناسبك ازين ؟؟ ..» ... 

جبدات تيليفوون اااخر صغير حاطااه فالماريو ديالها و ضحكات بالجنب ... 

« اااييه مناااسبني علاش لا ... الربعة نتلاقااو فالعنوان لي عطيتييني .. » ّ.. 

دفلات على تيليفووونها كي وصلها ااخر مساج تيتغزل و يتعنب عليها باش متعطلش عليييه ... نطقات بين شفيافها غير بشوية .. 

مهرة .. وااخة زويييزو فركاااطة ...زويمل لاخر دابا نشوفو هاد الضحكة فين غاتوصل ليك هاد العشية ..

مشات مشات ديريكت دخلات نمرة مرتو للفيسبووك طلع لها حساابها الرسمي في الفيس و تصدمااات فااش شافت صورتها حيت زويينة و باقة صغيرة تاهي و تصدمات اكثر فااش لقاات بلي تا هي استاااذة ديال التعليم التاانوي و باااش تاكدات انها هي مرتوو فااش لقاات صوورة ليهم بزووج .. شاادة فيدوو و تضحك و هو كذلك بتيضحك ليها .. للحظة حسات بالذنب .. حساات برااها بحال لا غادير ش يحاااجةة خاايبة و لا تشتت شمل .. ولكن تفكرااات المقوولة المفظة و لي تتعجبها بزااف .. الساااكت عن الحق شيطااان اخرص .. تااا هي فبلااصتها ماغاتبغييش تخبى عليها حاااجة بحاال هادي واااخةةمعندهاااش الحق تتدخل بين زوج تالناس متتعرفهمش ولكن مبغاتهااش تبقى فدار غفلووون و كذلك مابغااتوووش يزييد فالطغياان و يبقى تيستدرج البنات و يستغلهم غير حيت هو الاستاذ ديالهم و عطااه ربي شوية تالزين و المنصب ...

... هزاات دااك التيليفووون الصغير و دخلت فيه نمرتها اتصلات بيها ديك السااع. 

مهرة ....سلام ختي .. معاايا ايناس ... 

...... نعام لالة .. شكون معايا ؟؟ 

مهرة .. انا غير فااعلة خير .. بغيتك تحلي عينيك و تشوووفيي قداامك .. مبغييتش نفرقك على راجلك ولا نشتت الشمل بغيت غير نحذرك و تكووني على باال متيعجبنيييش لي يستغف المراا و يدييرها بودنييين .. 

.....ااش تتقوولي اختي .. وضحي كلامك راني مفااهمة والو. .. 

مهرة .. راااجلك ..ياك سميتو صلاح ؟؟ .. و دكتور فلافااك ديال ليكونومي ؟؟ ...

..... ايه .. ولكن ااش علاقتك نتي برااجلي منين تتعرفيه ..

مهرة ..."/زيرات على يديها واااخة ممرتاحااش و ماحااملاش دير هادشي لكن تا هي مابغاتش يجي النها لي تخبى عليها خياانة راجلها .. ''.. سمعيني مزيان اختي .. و حلي معايا عقلك .. انا مطاالع ليا وااالو فهاادشي .. من غير انني بنت كيفي كيفك كيف الدرياات لاخرين و مابغيتكش تبقاي نااعسة على وذنيك .. انا راااجلك متنعرفوو ماعندي بييه علاقة ... 

..... كيفاااش متتعرفيييهش .. و منين جبتي نمرتي .. نطقييي دويييي رامي مفااهمة والو ... 

مهرة .. عافااك بلا متغوووتي .. انا بغييت غير نقوول ليك بلي رااجلك تيستغل البنااات و ضعفهم و تيستدرجهم لعندووو .. هاد القضية دارها قبل بزااف تالمراات ولكن هااد المرة ربي بغا يفضحووو ... شوفي اليوم عندو رووندييفو مع الربعة تالعشية .. معرفتش العذر لي غايكوون االك حيت هو مخداامش اليووم اصلا .. ولكن تنأكد ليك بلي وااحد الطالبة الييوم غاتجي عندو مع الربعة فهااد العنوان ..****؟ ... 

....ّ تنضن انك باغية على من تفلاي وااقلة !! .. 

مهرة. .. سمحي لي اذا تدخلت .. كيف قلت ليك .. انا غير فاااعلة خير .. بغيتي تمشي تشووفي خيااانة رااجلك .. سييري .. مابغيتيييش ... نتي تعرفي .. خليك نااعسة على وذنيييييك و وهمي راسك بلي رااه تيبغييك غير نتي .. و هو تيلعب ورا ضهرك .. ... 

....... " نطقات بارتجاااف حسااتو من صووتها'' .. شنو قلتي لي العنوان. ؟؟

مهرة ... ف ***** .. مع الربعة تالعشية .. .. 

قطعاات عليها و مشات ديريكت تتعااود لحبيبة .. فالتااالي ندمااات علاش مدخلاتش سوووق راااسها ولكن تااني فكراات فهااد المريييض لي تيلعب على بناات النااس و على مرتوو و هي متتقدش تشوووف بحال هادشي و تسكت .. 

وقفات قدام البلاكاار تتشووف ااش تلبس بااش تمشي طبق هاد الكارثة لي شااغلة لها باالها من الاول البارح .. بانت لها كسيوة لاصقة ديال الصوف فالاسود لبساتها مع ليبا موس كحلة مع لي بووط قصار بالطالون تا هوما كحلين .. جاوها غزاالين .. مشات دارت مكيااجها على حقوو و طرييقو و دارت لي لوونتي ديالها تقوول عندهاا روندييفو ديال بصح .. .. سرحات شعرها نااضت هاازة صااكهاا صمطة ديالوو طويلة دارت فيه التيليفوون .. .. رشات باارفاانها و لقات ااخر نظرة علر رااسها قبل مااتخرج .. غير خرجات صوونات على حبيبة بااش تلقاها فالراس ديال الدرب تهزها معاها و تزييد .. 

و داكشي فعلا لي كاان هزااتها و مشااو نيشااان للمكااان لي قالهم عليه .. غير حطاتها طااكسي حيت جاات بكريي 

حبيبة ..' نيشات لها على الموبل '' ّّ راهي العماارة لي قالك ... 

مهرة ..." جراتها و مشاااو لورا واحد الشجرة كبيرة .. '' اجي هنا .. شحال سااعة .. مزال الحاال ياك .. 

حبيبة ..'' شافت فساعتها '' .. الل بقات عشرة تالدقايق .. " طلعات رااسها و بداات طالقة الكاميرات ديال عينيها حتى باان ليها تيبلاصي الاوطوو ديالوو...'' واااع .. راااهووو راااهو الزاامل ولد الطيييط رااااهو لي زنطييطو حااكم فيبه رااااهو لي فايتخوووور اليوووم و يطلع معااه اضخم قاالب...ارااهو رااهو ..

مهرة .."وسعات عينيها و طارت عليها سدات لها فمها'' ..يعطيييك مووصيبة لماا سكتي غانتفضحوو غانتشووهوو .. !! 

حبيبة .." حطات يديها على فمها ''ّّ.شووفي شووت هاني غير تحمست شوية ... هانتي واش ماغاديش طلعي دابا ؟؟

مهرة .. ويلي تنووفلت (تسطيتي) بغيتيه يكويني قبل ماتجي .. ولااا بغييتيي السيدة توجد لي البوليس و نصدق غادية فقضية فسااد ...لا اختي تا وكااان تجي مرااتو و نطلع ... 

حبيبة .. '' تتشوف فيها بغباء'' .. دابا واش نتي لي غادية تحصليه مع مرتو و لا هي جاية تحصلو معاك ؟؟ 

مهرة .. اربي لما سكتي ؟؟ .. عافاك جبتي ليا الجوع بقوة الهضرة .. " بانت لها السيدة نازلة من طونوبيلتها'' .. شووفي يا ختي اااش تيخوون رااهي ... شفتيها .. الطونوبيل و زوينة فيها كوولشي علاش يخوونها ..!! ّ.ّ

حبيبة .. و راه لي كلب كلب ... ااش ديري ليه .. 

مهرة .. الكلب بزاااف عليه .. و هااااني غانورييك اش غاندير ليه .. 

تقادات و مشات تبعاتها قطعات الشانطي ديريكت للمووبل حتى وصلات لقدام الداار لي قال لها .. سمعاات شي تشاااش من غوااتهم ... لكن هزات رااسها و دقات الباب .. .. مجات فيين دق المرة الثاامنة حتى تفتح الباب بالجهد و باانت لها مرااتوو و هو ورااها وجهوو بااين عليه اللون مخطوف منوو .. 

مهرة .." شافت فيه '' ّ.صلاح بب شكون هادي ؟؟ 

..... " ضارت شافت فراجلها'' جاااوبهااا ... قوول لها شكوون هادي .... .. " ضحكات بالجنب'' .. كان عندي امل واااخة غير شوية تطلع الهضرة لي قلتي قبيييلة بصح .. لكن .." طلعات و نزلات فمهرة '' ّ. اافففف .. الحيواااان غايبقى غير حيواان .. "شافت عند مهرة باشمئزاز'' انا مرتوو احبيبة .. و مامات ولدووو .. 

مهرة .."بصدمة مصطنعة'' .. علاه نتاا مزوج ؟؟ 

...... قالك ممزوجش يااك؟؟ ..هههههه

دفعاتها و مشات نزلات مع الدروووج و هو تيعييط عليها .. .. قبل ميتبعها وقف قدام مهرة لي وقفاتوو بيديها .. 

مهرة .." بنضرة حزينة مصطنعة '' ااش هادشي اصلاح .. تتفلى على الدربات .. هادو فعايلك ؟؟ مضنيتكش وقح ووحقييير لها الدرجة و لا نقووولوة زوييمل ..؟ .. " طلعات و نزلات فيه'' ...دوماااااج. 

صلاح... " صغر فيها عينيه '' نتي موولات هادشي ياااك؟؟

مهرة .." وسعات عينيها فيه'' .. كيفاش ؟؟؟

صلاح .. نتي لي خبرتيها .. اول مرة تيطراا لي هادشي .. 

مهرة ... هههههههههههه توتوتو دائما كاينة اول مرة ازين ايينو .. 

صلاح .. غااتندمي امهرة بربي تا تندمي .. الى عرفت واااش نتي موولااات هادشي عليا تنحلف لييك بحييااااة ولدي تا ندمك ..

وجه لها صبعووو و مشااا تبع مرتوو تيجري حتى الباب مسدووش .. الشيء لي خلااها تدخل للدار بانت لها مفرشة و مجهزة و حااط قراعي تالشرااب و القطعة فووق الطبلة شي كيسااان مهررسيين التحت .. باااينة مرتو دگدگااتهم . .. ضحكااات بانتصاار عجبهااا الحاال فيه لكن في سااع جمعاتها و نطقات متأسفة .. 

- بقات فيا ولكن ماعندي مندييير .. كان خااصو يتردع ولد الزاانية ... 

بانت لها وااحد الكمشة ديال الفلووس و طارت عليها هزاتها و خشاتها فصااكهااا ...خرجات سدات البااب تضحك و تفرنس .. مشات ديريكت عند حبيبة لي لقااتها تتاااكل ضفاارها بالخلعة عليها خصووصا فاش شافت البرووف خارج مكشكش تابع مرتووو ... 

مهرة .. يالله احبي .. اليوم نبرعك القحييبة .. هههههه ..."/جيدات الفلوس من صاكها'' ..هانتي .. مطلعتش من لافير ببلاش. 

حبيبة .."/حلات عينهيا فيها موسعاااتهم" .. لا القحبة نتي بزااااااف .. باااغية تصييفطي ديلمي لتازماماااارت ؟؟

في حي من الاحياء الراقية و لي قليييلة فيهم الحركة ....كل فيلاا بعيييدة على ختها بامتااار .. جايين فمكاان كيف الجبل و حنب البحر .. مكاان بعيييد كل البعد عن الشوااطئ لي عااامرة تقرييبا البحر ديالها مكيعوووم فيييه غيير لي نييت و نيت حيت خطيير بزاااف ... و الاغلبية غييير تيصيدوو فيه و كوولهم من السكاان .. تقدرو تقوولو مكاان مااجاريااش فيهالرجل مزال الغااشي ما اكتشفووش و حتى السيكيوريتي ميخليوش بناادم يضوور تم .. حيت خاص بأصحاب دااك المشرووع السكني بالضبط... وقف السيارة قدام باب الفيلا .. نزل و دار نظارته السوداااء من نوع الراايباان .. سد الاوطوو و توجه ديريكت للباب وقف قدام السيكيوريتي .. 

صدام .. محمد .. واش راك .. 

السيكيوريتي ..الحمد لله اسي صدام .. الله يحفضكم ..

صدام .. فاق الغازي ؟ .. 

السيكيوريتي .. مزال اسي صدام .. 

صدام .."/حرك راسو و دخل ...شير ليه على باب الجردة '' .. بلع داك الباب .. 

السيكيوريتي .. وااخة سيدي .. 

صدام .." مد ليه شي فلوس'' .. فرح الولاد .. 

السيكيوريتي .." بفرحة لامعة من عينيه'' .. الله يكبر بيكم اسيدي ... خيركم سابق .. 

حرك رااسو وتوجه ديريكت لمدخل الفيلا ..دخل تيشووف فدااك الروينة القرااعي ديال الشراب ملاوحين فينما كاان الطفاياات كااع عامريين .. شاف فديك الروييينة باشمئزاز و رجع عند السيكيوريتي صفر و شير ليه جا تيجري عندو .. 

صدام .. مكاين حد .. وين راحو الخدامات ؟

السيكيوريتي ..سي الغازي جرا عليهم البارح .. قالك مابغا حتى واحد .. 

صدام .."/حرك راسو بنفاذ صبر '' .. معاه شي حد؟؟ . 

السيكيوريتي .."/تيضور في عينيه'' ..كانت معاه لالة فرح خطيبتو و لكن مشات قبيلة .. 

صدام. ." ضحك بالجنب "/خلات وراها الخماج و مشات .. خطيبة يعول عليها .. بففف .. شوف لي يجمع هاد الزبل يحفضك امحمد ... 

السيكيوريتي .. واخة اسيدي .. انا غانشيوف مع صاحبي لي فالباب لاخر يجيب الخدامات من المكتب .. 

صدام .."/حرك راسو '' . واه .. روح ..

خرج السيكيوريتي و بقى هو لي جات قدامو تيجمعها يحيدها للزبل و مشا ديريكت للبار لي فجهة الصالون .. هز قرااعي صغاار و توجه للمكان لي موالف يريح فيه .. بقى مووودة و هو قرعة مووور قرعة جااو الخدامات جمعو كاااع ديك الرويينة لي كانت و جففو كوولشي رجعو الدنياا تتشعل حاضيين معاه غير بنص عييين .. تيشرب و منغااام ممسووقش للعاالم حتى نزل الغازي تيجر رجلييه لابس غير شورط قصييير فالاسود و شهروو فااازگنازل على عينيه .. بااينة فيه بااقي معنكش بالنعاس مخنزر و ماعاجبو حاال .. 

صدام .. "/تيشرك من قرعتو'' ...رجال تاوااخر الزمان .. 

الغازي .. ايمتا جيتي نتاا .. علاه مافيقتينيش ..." داز لكوزينة جاب منها قهوة و اف فالخداماات مغوبرش .. رجع مشاا عندوو'' .. شكون جاب هااذوو...

صدام .. " طلع عينو '' فنظرك ؟ 

الغازي .." ضحك و حرك راسو '' .. نتا مكينش بحالك وحق الرب .. 

صدام ... " حرك راسو '' .. انس صونا .. راهو جاي ..

الغازي .." دوز على شعروو رجعوو للور '' هو لي كان خاصني .. 

صدام .. "/تيشرب و شاعل كاارو مرة مرة تيضرب منو نطيرات .." واشبيك ؟؟

الغازي .." حرك راسو و ميل فمو للجنب .. " ... ضرت ف فرح هااد النهار وااحض الضورة من داكشي .. 

صدام .. " طلع حواجبو '' .. علاه .. ! .. 

الغازي .. " جر من عندو قرعة ديال الشراب '' .. قال لك اسيدي بغات الحزاارة ... قلنا لها ريحي قالت لك لا و صاافي مكين لاش نحكر .. بقى فيها لحال علاش محكرتش عليها !!/..هاد العيالات فهم تسطى ... "/ضحك باستهزااء " نحزرها تتبوول هوااي ..

صدام .." قهقه برجوولة ''بيناتكم ابيضاواا .. مي ... نتا تشوف فديك الانسانه لايقة لك؟ " ديل فمو و جغم من القرعة ديالو .. '' .. ديال دار و الولاد .. ؟

الغازي .. " ضحك بالجنب '' .. مانعرف لوالديها ... شي المراات تنبغييي نخبط لبوووها وجهها مع الحيط .. ديك السطحية لي فيها متتليقش لياا .. ولكن تتقوول ضاربة معايا كولشي .. ماخلينا ما درنا مجاتش دابا نخليهاا فنص طري ق... هادشي علاش شاااد الخااطر شوية .. 

صدام .."/حرك راسو بتفهم'' .. يزييدك من صبرو .. .. 

بقااو مجمعييين شوية حتى دخل عليهم الاخ الصغير ديال الغاازي بضحكته المعتااادة .. كيف دييما ...هو الوحيد بيناتهم لي ديييما ضااحك نااشط ضاارب الدنيا بركبة مااشي كيفهم هووما عااقديين الحواااجب و و هاازين تلهم ... 

انس ... وااااحد السلاام .."مكملهااش''.. مدايزااااش على السكايريييااا .. تتشربوو بالنهاار اهيااوين .. 

صدام .." حرك راسو '' ّ..لوردونونص مكتووب عليها يتشرب بالليل ؟؟

انس ..كااايناااا.. الغاازي .. الوليد سول عليك .. 

الغازي .." حرك راسو'' .. نحل عيني و نمشي نشوفو ... 

انس ... وخة ..." دار ديك الابتساامة البرييئة ديالو "" شييي ضريييبة الخاااوة بداام الموووطووو عندك تنشووفوو تتشدني الرععععشة ... 

الغازي .. تتشدك الرعشة قحبة نتا .. تكمش داك الموطوور هو لي ماتحطش عليه مساسطك غييير اووبليي ..

انس. .." داااير فيها مضيلييييم'' ... مصدقتيييييييش اخوييي .. الخااوة حدها الدنياا مزاااال تندم على هااد الكلااام ... غير صبر ... 

الغازي .. سير تقود سيير .. تنشووفك تتجيني الشقييقة من عند مولااانااا ... 

انس ... نووض قود عند بااك .. صدام .. نمشيو نديرو شي قهويية اش ضهر ليك ؟؟؟

جلسات مخنزرة في حبيبة لي العشية كاااملة و هي تنگر علييها يك جدااا ...حطات صاكها و جلسات حداهااا حطات عليها راااسها و هزات يدها تتشير على السيرفور ... 

مهرة .. الجزيرة .. اش بان لك نديرو شي لايف؟

حبيبة : " تقادات فالجلسة و هزات كتفها" .. حيدي عليا راسك .. يالله .. " شاف فيها مخنزرة" .. واش انا ابنت الحرام جاية نشووف السيد و نتي تتقوولي لياااا لايف. . ينعل حسك .. 

مهرة .. "هزات كتافها" .. راه الملل اصااحبتي ... و زيدون نتي السيد كااع ما عوال يتلاقى معااك تا لسقتيه ..!! اويلي اصااحبتي ...

حبيبة .. اربيي لما سكتي سكتي سكتي اصااحبتي قطعيي الحس ... النااس سوبر لووكس لاكلاس دو لا كلاس .. خلينا من ميخياات ..عندوو وااااحد البورش يااااا عزيزتي تتحط فعين العدو و تعيييط العداااو ... 

مهرة ... "/طلعات فيها حواجبها" .. و لو .. تقّْلي شوية اصاحبتي .. !!/.. ماشي يقول لك انا هنا تقوولي لو و انا قرييبة ليك اجي نتلاقاو اصلا حنا كناا تنديرو الشووبينغ .. .. خليه هو يطلب منك تلاقاو .. 

حبيبة .. " هزات كتافها"و دابا لي طرا طراا.. ااه فاش اتصل بياا رااه قال كاين مع شي صااحبو يعني اكييد جااي معاه ... ماتعرفي ضبري على رااسك تا نتي ههههههه ...

مهرة .." ميقات فيها" .. انا خليني بغيييت غير شي خديييمة و و الاستقلااااال بالذاات.. هادشي فاش تنفكر ..راسي تنفخ ...

حبيبة .." ميقات فيها'' اممم و فعايلك زيينة تا هوما نسيتييهم كااع الزباايل درتييهم ماخليتي والو...

بقاو مجمعيين و طلبوو ليهم مشاريب حتى وصل الشخص لي تتسناا امينة .. جاي تيضحك و يفرنس .. سلم عليهم و رييح حدا امينة ..

حبيبة .."تتعرفهم على بعض".. انس ..هادي صااحبتي مهرة لي قلت لك عليها .. مهرة .. هذاا انس .. 

مهرة .."بابتسامة مصطنعة .. ماعجبهااش بدااك تفرنيس و تقزقيز لي فيه " متشرفين .. 

انس .. سميتك مهرة ..!؟ .. هههههه سمية زوينة هادي .. قليلة بزااف .. 

مهرة .."/حركات راسها بلا ماتدوي "/.. 

انس .." طلع حواجبوو باحراج و شاف فحبيبة" .. اوا ازوينة صافا .. كاين شي .." غمزها".. 

حبيبة .." ضحكات و ضرباتو على يدو" .. ماتامرگش هههههه سكتنا الله يفضحك ..

انس .. " شاف فمهرة لي تا هي شافت نحيتو بنظرة كلها اشمئزاز .. قرب لوجه حبيبة و نطق " صاحبتك ماحملاتنيش الساطة .. تدير فيااا شي شووفات ديال اخطر المجرمييين .. 

حبيبة... " نغزات مهرة تطلق البشرة'' . لا راها غير منيرفية شوية و صافي مديرش فبالك. . .ماغاطلب والو ؟؟

انس .. غانتسنى عشيري خليتو تيبلاصي الطونوبيل ..

حبيبة..." شافت جهة مهرة و غمزاتها".. اممممممم ..مزياان .. 

بقااو مرييحين حتى بااان .. ياا ريتو مباان .. ماشاافتووش فالاول .. حتى القى السلاام .. لي خلاها طلع رااسها و تشووف شكوون هو ديك النبرة تالجفااء و البرووود و الحرووشية لي نطق بيها .. غير هزات رااسها كاان تيجلس .. مع شافتو بلعات ريقها و عقدات حواجبهااا .. ضورات راسها لحبيبة لي تتشووف فيه و حالة فمها... اما هو ماشافهااش كاع .. لا هي لاصااحبتها .. ماداهاش فيهم كااع يشووف فوجااهم .. مخنززر غير برك رمى الباكية ديال الكارو و الولاعة فوق الطابلة و شير على السيرفور .. 

صداام شي نوار يحفضااك اخوويااا .. " شاف فانس " ..يا ربك رااسي غاينفجر .. 

انس ..فين تعطلتي اصاحبي .. 

صداام راك شفت الباركينگ مبلّع ...هودت حتال التحت .. 

انس .." حرك رااسو " .. ماشي مشكل .. " شاف فيه تيحط جيهتو. و مارادش البال للبنات كااع" .. رااهةقلت ليك برااكا نتا متتسمعش .. قرعة موور قرعة حتى تسد ليك الدمااغ

صدام...تسد ليا دماغ ؟؟ .. هه مراكش تعرفني " دوز يدو على عينيه و هز تيلفونو شاف فيه لقى لي زابيل بلوكاوه ليه " هاد الهواوي اغبى تيلفون نيكمو لي اكتاشفو .. 

تنحنح انس و شاف فالبناات لو وسعوو شووفااتهم في بعض .. لكن ما دواش معاه حيت عرفوو غير غايدوي غاازيد و يخليه .. اللهم يسكت و هو جايبو غير بزز عليه .. شافت فيه مهرة مرة اخرى بجنب عينيها تتأكد واااش هوو .. نزغزات حبيبة من التحت الطبلة و شيرات ليها بعينيها باش تقرب .. 

مهرة .. هذااا ماشي الميكانيسيان لي حداااكم الكلبة .. ..؟

حبيبة .." وسعات عينيها و شافت فيه طلات عليه بطريقة مفروشة " شناهوو .. ناري .. هاذ الزين كلوو ياااختي عمري رضيت ليه البال وااش زوين لهاد الدرجة .. ..

مهرة .. "خزرات فيها " باااقة تجيبيني معاك فشي بلاان بحال هذاا نقود مع ختي السوايع .. 

حبيبة .. و صافي ااصااحبتي .." تطلب معاها السلاكة باش ماتمشيش و تخليها" .. غير شوية و غانمشيوو مالك مخنزرة هكذاا ..

انس .." شاف فيهم و ضحك" .. ماالكم مجمعييين و مخليينا ههههههه .. ياكما برزطناكم ؟؟

حبيبة .."/نطقات بنفي" اويلي لااا غير شفناكم تتهضرو مابغيناش نديرونجيوكم .. بان لي صااحبك عياان شوية يمكن .. 

انس .. " شاف فيه" .. هههههه هذا عياان .. غير مثقل بالشراب.. لا سمعتو شي حااجة غيييير ميكوو .. طلعات ليه التبويقة لدماع .. 

حبيبة .." طلعات حواجبها باستغراب و نطقات بشوية ".. سكران ؟؟ مباايناااش فيه بالمرةةةة .. 

انس .." قهقه بصوت مسموع" .. هههه هذا السكرة ديالو ماشي فحال ديالنا .. ههههههه وااخة يشرب ثلاثين قرعة غايبقى واقف على رجليه .."ضرب ليه على كتفه" .. سبع عشييري سبعع .. قلب الحديد .. 

صدام ... الخطرة الجاية نگرض يماها " تيدوي على يدو لي حطها على كتفو .."

ماداها فحد .. سرح رجليه تحت الطبلة حتى قاس مهرة لي كانت مريحة جنبو بركبته .. و مع ذلك مردش البال ..اما هي شافت فيه مخنزرة و مغددة .. من زوج حوايج الاولى انه هو غير شووفتو تتنرفزها ووتانيةحااجة .. دااير فيخاىشي حاجةةوةعاجبو راسو تا سلام ما سلموو عليهم ... 

السيرفور ..: " حط ليه القهوة ديالو و الماء" .. شي حاجة اخرى ؟؟

...." جر القهوة ديالو " .. الله ينورك .. 

جر الباكية ديالو جبد منها كاروو شعلوو مامدييها فحد .. و هادشي زااد نرفزها خصووصاىانها غير حدااه و هو تيكمي و يبخ ماقال هادي خنقتها ما قاال حشوومة .. هياات تنفخ ووتسوووط ووهو واالو مامزكش ليها تيكمي و يبخ و يرشف من قهوتوو الحااارة بلا سكر خطرة خطرة .. 

مهرة .." قربات لحبيبة " .. اقسم بالله و ميحيد عليا هاد الكاارو بالله تا ندير الشووهة .. 

حبيبة .." شدات لها فدرااعها برجااء'' .. اااااعاااار الميمة بلاا شووهة .. " شافت فانس .."/.. انس ..مااع ما قلتي لنا صاحبك اش سمااه الله .. 

انس .. " حرك راسو" .. سميتو صداام الالة .. 

مع قاال صداام طلقات مهرة ضحكة بدون قصد مسموووعة و مدوية .... 

مهرة .."شافت فانس بان لها خزر فيها'' .. ههه .. سمحوو لي .. 

وااخة كاان مامشااركهمش الخذيث لكن عااارف الفيلم علااياش ضااير .. و كلامهم متبعو حرف بحرف .. غير سمع صوت ضحكة مهرة و هو يضوور بشوية عليه .. طفى داك الكاارو بالثقااااالة و شاف فيها ماكانش عارف حتى وااش مريحة حدااه شي وحدة .. 

صدام ... ضحكاتك السمية خبرو لك النكت ؟ .."صغر عينيه كي شافها واش هي .. و في سااع عقد حوااجبو .. و دوز يدو علىى وجهووو ... زير فكوو و زااد قرب ليها'' يااا ربك واااش رااك ديري هناا .. 

مهرة .." طلعات فيه حواجبها بتحدي و جرات البريكة ديالو تتلعب بيها بين صباعها و تتشووف فشكلها الغريب .." .. صباح الخير ..؟؟ فقتي .. تتعرفني ؟؟ سوقك اش تندير هنا ؟؟ .. و زيدون ديك الهضرة ديال ربك و منعرف اش مادويش معايا بيسها دوي معايا كيف تندوي معااك .. لاش تتربب ..

صدام .. " قرب ليها اكثر و دوا بشوية ..." ندوي معاك بالهضرة لي رااك تفهميها مزياان .. يا تنوووضي دردبي لداركم و ابخي غانتفاهمو يا بربي تا نوريك كيفاش هاد الناس هادو يتجمعو عليك واحد واحد .. 

مهرة .."، حلات فمها و شافت فيه مغووبشة" .. و نتا شكون لي تحكم فياا .. ياكماا ضارب بيا لاكت ؟؟ 

صدام .."/تيدوي متقاال و رييحة الگااروو مع رييحة القهوة ضربوو فيها " قريييب الگمرة .. نتي غير گوولي انشاء الله .. ،" غمزها " .. 

مهرة .." ضحكات بصوت عاالي " ..ههههههههههههع مضحكنيييش عافاك ..

صدام .. "/دوز يدو على وجهو و رجع خزر فيها" .. صوووتك صووتك .. نقصيييه ..

مهرة ..." خزرات فيه و ناضت وقفات زعفانه " شفتك بحال لا تيقتي راسك .. سير حلم بعييد عليا احنيييني .. و عطيني بالتيسااااع .. ماشي فينماااا نمشي نلقااك اخويا بزااف .. "جرات حبيبة " .. 

صدام .."/ضرب يدو مع الطبلة " اه اه رجعي تسمعي وااحد زووج كلمات رجعي .. 

ضارت عندوو و ربعات يديها مطلعة حوااجبها بتحدي لكن شووفااتو المصغريين فيييها و عينيه لي متقلييين و نااعسين بالشراب خلاوها ترتبك و المومو ديال عينها تزعزع .. ..

مهرة ...اشنو بااغي ...دوي اش خصك .. ؟

صدام .."/طلع وونزل فيها و فلبااسها '' ماتعرفيش تستري روحك ؟؟

مهرة .." قلبات عينيها" .. مالي بنت لك عريانه ...؟؟ و زيدون نتا مالك نلبس منلبس .. ديها شوية فيي راسك

صدام ..." تيدوي مبرد بقوة ما تقلو الشرب و فنفس الوقت صوتو تيدل على صرامته ".. نشوف ربك مزاال مريحة مع الرجال .. عينيك نجبدهم ..اللّطاا الخاوي ماعندي واش ندير بيه .. دروَك غاندوزها حيييت المووراال ثااقب للسماا .. خطرة اخرى نتفاهموو .. غبري ..

مهرة ... "/ميقات فيه و حركات راسها" نتاا مرييض فمخك .. اااش يصحاااب لك مخك اااش ؟؟؟ 

..." زيرات على يد صاحبتها" زيدي نتي قداامي .. لا بااقة تبعتك راني كلبه .. 

مشات وخلااتووو مريح متختخ فوق الكرسي و تيعبر فيها من اللور مع لاابسة كسوة مزيييرة و مزييينة لها دووك لي هووونش و المؤخرة HD .. .. عاااد عرف معنى ديك الاغنية لي فااارع ليه بيها انس راسوو فالطونوبيل " عود البطل " .. تيشووف فطاايتها من اللور حس برييقو نشف ليه مع الشرااب لي سخنوو و مع الحماان لي شعلاات فيه... و تعصصصصصب حيييت عارف شحااال من واحد غايديير العييين عليهااا .. حيت وحدة بحاالها الزين و لا طااي اكيد ماغايفلتوووها .. .. زير على يديه و ضرب بقبضته ديك الطبلة لي قاااداامو تا تزعزعوو الكيساان من فووقها .. 

امااا مهرة ... غير خرجوو من دااك القهوة و هي تشد حبيبة من الفخااااض بقرصةة غوتاات حتى تلفتوو لها النااس و مع كانت لابسة سرواال جينز مشرگ من الفخااض تاال تحت الركاايب ... 

مهرة ... هاااااا نخرجووووو نشوووفووو انس هااا انس هاااهو .. وااااش الكلبة القحبة الخانزة الماااااارجة انا تنهررررب من السخط و نتي متبعاه ليا يعطيني غااا شي هجرة من هاد البلااد .. 

حبيبة ..." تتحط فرجلبها ز تتغببببن'' .. وااععع انا باااش عرفت شكوون قال ليا جايب معاااه شي حد اربي مالك مع هذاا مالوو معاك بغيت نقوول تايانااا

مهرة ... شفتي المحترم .. هااااهو المحترم .. "/قلزات لها'' .. 

حبيبة .." تتلولب في عينيها ..'' .. وااا كان محترم حتى شاافك .. 

مهرة ..."/ميقات فيها'" .. يشويني فييك تي ويااه .."/هزات يديها و شافت فدييك البرييكة لي هزاات ليه بلا ميححححس .. و ضحكات بالجنب " .. قالك محترم السكايري لاخر جاايب الكاااو ... 

حبيبة .."/وسعااات عينيها بصدمة و تتشووووف غييير فيدها فديييك '' .. اوييييليييي تي طيييرتي البرييكييييي بغييتههاا تشعل ليييك فالمساااااسط ..

يتبع...

‎