من الحمارة للطيارة الجزء الخامس

جميلة : شكون نتي مغرفتش غير كدبوا عليك أنا مدرت والوا

هاجر بلما تكلم هزات اافردي وتيرات فرجلها

هاجر كضحك بحاال شي حمقة :

هاجر : هههههههههههه اووبس درتها بلما نحس

جميلة. لاات كتغوت لربي لي خلقها بالألم وكااع دوك لي كانوا تما خافوا ولاو يترعدوا وكاي لي دارها فحوايجوا وهيا محسااس وكتلعب بالفردي كتقربوا حتى لحدا راس باها وتبدا ضور فيه على راسوا هوا كيحاول يهذن

روشدي : تهذني أبنتي عفااك أنا ندمان بزاااف وبغيتك تسمحي ليا الى جات على خاطرك نعطيك لي بغيتي عفاك ابنتي حيدي داكشي من ايدك

هاجر تعصبات وهيا تضري ا ىاسوا بالفردي حتى طااح

هاجر ؛ متقوولش ليا بنتي أنا مبنت حد سمعتي متقولش ليا بنتي مااابنتكش أنا واش كتسمع

ريكس حيت كان كيتواجد فالمغرب وصل دغية هوا هشام وقفوا حدا الباب وبانوا ليهم دوك زوج ليكارد طايحين كوما عفوها وصلات دخلوا كيجريوا الداخل تصدموا بأشنوا كيشوفوا قدامهم كانت وحدة مرمية فالأرض ودم كيشرشر. منها والخرين كلهم شادين واحد القنت ومخلوعين وهاجر حاطة الفردي على باها وكدور فيه بحال شي حمقة صدمات اثروا عليها بزاااف

هشام : هاجر تهذني عفاك كولشي كيتحل بالعقل

هاجر خنزرات فيه ؛ ههههه العقل حتى نتا معاهم ياااك حتى نتا كونتي عارف الحقيقة وأنا لي كنت دايرك خويا

هشام : مكنتش بغيتك تعيشي هاذ الخالة لي وصلتي ليها

ريكس : هاجر تهذني هذاك خليه ليا أنا لي نتفاهم معه هوا قتل ليا الأم ديالي وأنا غنصيفها ليه

هاجر. : تيرات الصقف : نتى منسمعش صوتك كيجيب ليا الاسمئزاز فهمتي وديك مك لي كتقول ماتت أدمدومة لاخر راها حداك هيا مولات كولشي علاش مبانتش لك ههههه هاهيا قدامك اوبس مسيكنة ضربتها بالغلاط

هاجر جاتها واحد الدوخة فالشكل ولكن شدات راسها وحاولات تستقوي راسها

ريكس حدر راسوا لعند حليمة لكتحاول تخبيه بكل طريقة شدها من شعرها وضورها لعندوا. هنا الصدمة سلاات مععاه كلس الأرض من كترة الصدمة رجلييه مبقاوش هازينوا قلبوا تسارعوا ظقاتوا هوا كيشوف حتى هوا خياتوا كاملة ضيعها على قبل الأم بحال هاذي. لي مفكراتش فيهم كاااع

ريكس : نتي هيا لااا ميمكنس ميمكنش عيشتينا فالكدوب حياتنا كاملة بسيابك الوليد شد البراش 20 عام هاذي وحنى تعذبنا

الجميلة بغات تعتق راسها وهيا تبدا تلصق كولشي فالروشدي

جميلة : أنا دمرت والوا كولشي منوا هوا لي كان كيهددني باش ندير كولشي وقاليا نقتل ولادك الى مدرتي شداكشي لي كان نقوليك وانا خفت عليكم وتبعتوا

روشدي : انا يابنت الحرام كولشي منك

ريكس تعصب بزاااااف هوا يبدا يغوت ويهرس فأي حاجة جات قدامي مابقاش كيشوف بحال شي تور

ريكس : سسسسسكتي سكتي العاهرة نتي قحبة مغاديش التفلتي مني غندمك على كاااع الاعيبك

هاجر شافت فيه وهيا معصبة وشدات فردي وتيرات حتى فالأب ديالها فرجلوا

هشام :هااااااجر غادي تخرجي على حياتك عفااك تهدني شنوا غتستافدي الى هوا ماتوا ونتي مشيتي الحبس غادي غير الضمري حياتك

هاجر : اشمن حيات كتهضر عليها هههه هاذي حيات هاذي حياتي كاملة وانا عايشة فالكدبة وتحلي عينيك تاخدي زوج صدمات فحياتك انا مبقاش كيهمني راصي

هشام : الى مكيهمكش راسك فكري فينا حنى وفكري فالجدة مسكينة لي رباتك وكبراتك وكتخاف عليك كتر من راسها

هاجر : هيا خبات عليا كولشي كلكم بحال البحال

ريكس اصلا ممعاهمش الصدمة صيطراا عليه مبقا قدر يوقف على رجليه

اما روشدي كيغوت بالحريق هوا جميلة لي مرحماتهمش هاجر تيرات فيهم بدون شفقة ولا رحمة هاجر شتغلات الفرصة ديال انا ر يكس ممعاهمش كتشوف فيه كتفكر غير داكشي لي دار ليها قلبها عمر حقد عليه هزات الفردي وتيرات فيه وهيا تلوح الفردي من إيدها وهيا تهرب خرجات دغية من الديك الڤيلا وهيا كولها كترعد فراسها حاجة وحدة هيا تكشي لشي بحر وتلوح راسها فيه كرهات الحياة وفقدات الأمل كولشي كيبات ليها كحل فين ديك هاجر المرحة الحمقة لي مكتعرف والوا من غير لعب وتسطية وهبال اما دبا وجها واا ساحب والشمعة لي كانت منورةا حياتها طفات كرهات كولشي كيبان ليه قدام عينيها غير تقتل راسها وتهنى من هاذ الحياة لي عطاتها غير العداب

وصلات حدا البحر فوق واحد الصخرة عالية بقات كتأمل فالمااج كيضربوا والجو مضبب والبحر هايج بحالة غضبان مباغيهاش تجي عندوا مفكراتش بزاااف كتبان ليها غير الأم ديالها وسط البحر كتمشي وتجي معا الماج

هاجر : ماما نتي فرحانة يااك انا تيريت فيهم انا نتاقم ليك منهم ونتاقم حتى لراسي انا ماشي مجرمة انا مقتلتمهش ولكن غيعيشوا حياتهم كاملة معدبة ههههههههه اه ضربتهم العصب ديال الرجل غادي يقطعوهم ليهم اه اه اما داك المجرم اما أنا بغيتوا اه وخا مكنتش بغيتوا ولكن هوا غتاصبني ولاحني بحال شي كلبة. لكم ندمتوا هاهاهاها وبدا انا جاية عندك نتي لي كتبغيني

هاجر بلى تفكير تلاحت من اخطر بلاصة تما كانوا شي وحدين حداها ولكن باغين غير يصوروا وخا شافوها كتنقز مداروا حتى ردة فعل من غير انهم كيتفرجوا فيها وشي كيصور انا هاجر معا كانت يائسة مفكراتش تعتق راسها ولا تحاول دير مجهود ترخات وخلات الماء يدير فيها مبغا

فبلاصة خرى وسط البحر كان واحد الشخص فاليخت ديالوا لي كان فاخر كان زوين بزاااف ولكن باين عليه الحزن والكأبة مقابل البحر والكيتحسر كيتفكر نهار كان هوا مرتوا كيبقاو يلعبوا ويضحكوا بهاذ اليخت ودكراياتوا الزوينة معاها كل البلاصة فاليخت كتفكروا فيها مقدرش ينساها عينيه فيهم واحد البريق معا لونهم الزررق بحال البحر ضور وجهوا البحر بان ليه شي حاجة مليوحة فوق البحر ضاير بيها الحوت كانت هاجر لي فوق صطح البحر والحوت كينبس ليها فوجها مخلاو فيه والوا

كااع كلاوه مبان فيه والوا

داك الراجل بلما يفكر تلاح فالبحر بمهارة سباحية وصل لعندها كانت صافي قريبة ليها الموت وجها مكيبانش كلاوه الحوت حتى ولات كتبان فيه غير الشحمة ولحم الدخلاني والأول ضروا قلبوا من داك المنضر وعاف منوا وقال صافي غتكون ماتت النبض القلب لقااه كيضرب غير بشوية النبضات القلب ظيالها خفااف بسرعة كبيرة جرها لعندوا وبدا غادي بيها اليخت وصل طلعها وبدا كيدير ليها فالتفس الإصطناعي حيت هوا اصلا طبيب التجميل بقى معاها حتى بداات كتخرج الماء ولكن مفاقتش وخا خرجت الماء من كرشها ولكن مفاقتش مشا بجرى ضور اليخت ورجع منين جا قرب البلاصة لي غينزل فيها كانت واحد الجزيرة الصغير ولكن كيتواجد فيها كولشي وفيها غير ناس محدودين ولكن المناضر ديالها خلابة ورائعة كتحمق كولشي فيها الزوين هبطها وهوا كيجري بيها دخلها المستوصف صغير تما وداروا ليها التنفس الإصتناعي وعتقوها ولات بيخير ولكن داروا ليها التخدير حيت اصلا وجها تشوه. بسباب الحوت

الطبيب : سي يازيد البنت لي جيتي ولات بيخير ولكن عندها مشكل خاصها عملية ضروري فوجها حيت عندها اضرار داخلية فوجه مغاديش تبرى وغيبقاو عندها تشوهات فوجها ودبا عطينها مهدئات باش ترتاح وحاجة الخرى البنت راها حاملة فسيمانة الأولى

يازيد : ودبا اشنوا الحل باش تبرا

الطبيب : ياك نتى طبيب ديال التجميل علاش مديرش ليها عملية تجميلية وتعاونها مسكينة حيت حتى الأنف ديالها حتى تأكل عندها تشوهات بزااف

يازيد : أنا معنديش مشكل ولكن خاصنا متبرع لي يقضر يعطينا وجهوا

طبيب : الحل بين إديكوطبطب ليه على ضهروا مشا وخلاه حاير مفهمش اشنوا بغا يوصل ليه ودخل لعندها كانوا كيبانوا غير عينيها اما وجها كولوا مضورين عليه الفاصمة مكيبان فيه والوا تأسف بزااف على حالتها

اما فالڤيلا ديال الروشدي جات الإسعفات سعفاتهم وداكشي لي فكرت فيه هاجر هوا لي كان مقضروش يعتقواهم وهوما يستأصلوا ليهم رجليهم وخلاوهم غير برجل لأب ديال هاجر دازت غير مدة وهوا يموت اما جميلة تصدمات وخرج ليها العقل ولات حمقة دخلوها المصحة الأمراض العقلية ونتاشر الڤيديوا ديال الإنتحار ديال هاجر كولشي تصدم هوا لي كان سبب فموت الروشدي وجداها بكترت البكا عليها وصدمة عمات مبقاتش كتشوف ونعمة حتى هيا مبقات شكتخرج من ليتها لا ماكلة لا شرااب غير البكاء حيت كانت كتر من ختها كبروا بزوجات كولشي كيدروه بزوجات كانت معمرا عليها حياتها بزااف وفوزية جات لعندهم وحدة لي كانت فرحانة بموت هاجر هيا نسرين حيت كانت كتغير منها ومكتحملهاش ومني سمعاتها ماتت فرحاات بزاااف وكاعما تسوقات ليها مقابلة غير سهرات والإحتفلةت بحالها بحال ديك إليزا لي جاتها الخبار راه ماتت وهيا تفرح حيت ناوية تقتلها ودابا خوات ليها الطريق بلما تمحن

اجي دبا نمشيوا لواحد البيت كولوا المضلم عاد زيد عليها مصبووغ بالكحل كان كيتواجد واخد الإنسان لي ولات حالتوا حالة فيه غير الجسد بلا روح حياتوا مضلمة كيشوف فالصقف وكيتحسر

تحل الباب ودخل الأب ديالوا

أحمد : علااش اولدي كدير فراسك هاذ الحالة غادي كدير فراسك هاذ الحالة نتا دمرتي والوا كولشي من ديك المراءة لي دمرات حياتنا اما الموت علينا حق دعي ليها بالمغفرة أولدي ارسلان هيا دبا ماتت وخا انا منسمخش ليها حيت هيا سباب فهاذ الحالة لي نتى فيه دبا كونما هيا كولا راك كتمسا على رجليك

ارسلان : أنا السبااب انا نستاهل انا نستاهل وهيا مماتتش انا حاس بيها هيا بافية عايشة وكتنفس محبوبتي باقة عايشة وغادي نلقاها

وبدا كيغوت بأعلى صودتا وفقد العصاب حتى جاو الممرضات عطاوه المهدءات هذا هوا ريكس ولا عايش غير بالمهدئات

اما عند هاجر فالغرفة العمليات أواقف عند راسها يازيد ومعاه الفرمليات كل واحد اشنوا كيدير اما يازيد وخدام وعقلوا معا مرتوا لي مقادرش ينساها خيالها حركاتها كولشي فيها باقي ليه فعقلوا سالة ليها العملية لي تمات بالنجااح وخا معاقلش حتى كيف خدم ليها وجها حيت مكانش مركز بزاااف

من بعد سيمانة فاقت هاجر وهيا مصدومة كيفاش عايشة وشكون عتقها وهيا لي صافي فقضات الأمل فالخيات وحيات بروحها خرجات وحسات حتى بالحوت كياكل فيها اش وصلها السبيطار كل هاذ التسؤلات فعقلها

يازيد دخل لعندها لقاها فايقة : صباح الخير الزوينة على سلامتك مني فقتي كنت خايف متفقيش

هاجر : شككون نتا وفين أنا وشكون عتقني

يازيد : تهذني ورتاحي من بع. التعرفي كولشي جيت دبا باش نحيد ليك الفاصمة على وجهك وشوف واش نجحات العملية ولا لا

هاجر : اينا عملية راه درني راسي اشنوا كندير أنا هنا ياك مت

يازيد : ههههه مغربية مشرفين واش لا كنتي ميتة غنكون كنهضر معاك دبا متخافيش غير واحد العملية على حساب وجهك كولشي بيهير

بدا كيحيد ليها فالفاصمة وهوا خايف حيت هوا اصلا معاقلش اشنوا دار ليها فوجها بدا كيخيد بشوية عليه حتى كتسعق بالمنضر لي كيشوف قداموا وجه مرتوا محطوط من كولشي من غير العينين نفس المنخر والحناك والفم هيا بحالها تصدم وإديه بداو كيترعدوا وصدمة تلاتية الأبعاد متخيلش راسوا غيقضر يدير وجه مرتوا خرج من عندها وهوا مصدوم مقال حتى كلمة خلاها مصدومة

هاجر : مال هذا ياكمة شي حاجة فوجهي بغا توقف لقات سيروم فإيدها نتراتوا بجهد حتى طوش الدم

وخرجات كتستكشف امكان حتى قربات لواحد المري وشافت وجها الجديد بداات تخايل شي وحدة لي كتشوف وكتقلب واش ماشي مري حيت معرفاتش راسها

هاجر : شكون نتي وغلااش كتشوفي فيا بحال هاكدا

وكدير شي حركات وكيتعاودوا فالمري وهيا تصدم

هاجر : علاش كديري بحالي شكون نتي

بداات كتقلب وجها داكشي كيبان ليها فالمراية دخلات فحالة للصدمة والمشكل تى واحد مشرح ليها ولا علمها راه دارت عملية التجميل ولات كتنتف فراسها وتغوت

هاجر : شكوون نتي بعدي مني نتي ماشي أنا هذا ماشي وجهي ااااااااااه

ضربات المري بإيدها حتى طوش الدم جاو الممرضين كيجريو لعندها جروها ربعة ومقدروش عليها ضربوا ليها برا مه‍دئة

اما يازيد خرج برا وأيديه مزال كيترعدوا رجع ليه كااع اوجاه مراوا لي كان مهووس بيها جات عندو ا الفرملية كتجري

الفرملية : سي يازيد السيدة لي درتي ليها عملية جاتها نوبة عصبية فقدات كااع اعصابها وهاذشي ممزيانش لا ليها للصحة البيبي لي فكرشها

يازيد ؛ وخا أنا غادي نتكلف بيها

مشا وهوا كتحسر عليها وكيتحسر على حتى خالوا وبدا كيفاش غيقضر يهضر معاها ولا كيفاش غيتعامل معاها وهيا عندها نفس وجه حبيبتوا

مشا دخل لعندها وقرب ليها ورجليه مقادرش يوقف بيهم شحال الصعيبة انك تكون دفنتي الأنسان لي كتبغي ولكن ترجع تشوفوا وتشوف وجهوا بنفس الافاصيل والملامح

نعمة سادة عليها يف ديمة مكتخرجش ظهلات لعندها فوزية

فوزية : اش هاذ الحالة دايرة فراسك شوفي وجهك فالمراية كيف ولا كلنا حزنة عليها ولكن ربي وصانة بالصبر نتي غير كتزيدي تعدبيها بهاذشي لي كديري راه حشومة عليك هاذشي لي كديري شوفي غير عمتي حتى هيا كيف ولات بكترت البكا عينيها مشاو مبقاتش قادرة تشوف واش تبغي احوني بحالها

نعمة : لا جوواب

فوزية نوضاتها بزز منها ودخلاتها الدوش وقرباها لمري

فوزية : شوفي وجهك هذا وجه دبا واش هاذي هيا نعمة لي كنعرف واش هاذي ديك البنت لي المفروحة لي كانت كتبغي الحياة وضاربة .دنيا بركلة شوفي فيا وجاوبيتي مالك ساكتة

نعمة بالها كولوا نعا عاجر ودكرياتهم حتى حساات براسها كتخنق كانت فوزية لي عصباتها حتى خشات ليها راسها فالسطل دبال الماء حتى ددبدات كتبقبق عاد هزات لبها راسها

نعمة : ااااااوووف واش نتي حمقة بغيتي تقتليني

فوزية : اوا كون مدرت ليك الهاكداك منسمعوا صوتك يلااه لبسي حوايجك يلاااه نخرجوا شوية

نعمة : ماافياش بعدي مني عطيني التيسااع

فوزية : والله حتى تخرجي معايا زيدي قدامي

نعمة دارت داكشي لي قالت ليها لبسات غير واحد العباية والبانطوفة والزيف على راسها وخرجات عندها

فوزية : ويلي اشهاذ الحالة باش خلرجة معا نتي واش حماقيتي سيري بدلي حوايجك

نعمة : بلما تبقاي تخراي عليا ولا نظير بناقص كاااع

فوزبة : زيدي زيدي اللهما بحال هاكدا ولا بلاش

جراتها وخرجوا مها غير شافتها. خارجا وهيا تفرح ودازوا الدموع من عينيها حيت كانت خايفة عليها

وصلوا الواحد المطمع والدخلوا

نعمة : ماابغيتش الناكل لاش مدخلاني الهنا أنا بغيت نمشي البحر

فوزية : سكتي شوية البحر غادي غير يكمل عليك حنى بغينا ناسيك همك شوية ونتي باغة تمشي حتى البلاصة فين وقع فيها الموت

دخلت نعمة الكافي كانت خاوية مكاين فيها حتى حد

نعمة : جيباني لهاذ البلاصة خاوية

فوزية : نتي زيدي وسكتي من الهضرة الخاوية مانتي دخلي الداخل غير نهضر معا با راك عارفة إلى مهدرتش معاه غيدير ليا حالة

خرجات فوزية وبقات نعمة كضور فراسها فديك الكافي ستغربات منها دهلات الداخل من الباب كتلقى الورد فالأرض غادية طوالة وديكورات مزينين ديك الكافي بقات غير حالة فمها فالوصط ديالها كاينة طابلة فيها الشموع وكلسة رومانسية

نعمة : ويلي ويلي هاذي جيباني لهنا بنت الحرام بغات تخرج عليا نخصر الناس كلستهم

وجات خارجة حتى كيوقفها واحد الصوات مغريبش عليها وشحال التوحشاتوا ضارت باش تشوف حبيب القلب ديالها رفاييل لي كان واقف حدا الطابلة ودارب الحطة وكان كيسوف فيها بحب ولهام

رفاييل : فين غادية واش متوحشتنيش

نعمة غرغروا عينيها بدون وعي جرات العندوا وبداات كتدمع تقول واش بغات تسكت

رفاايل : صافي الهبيلة علاش كتبكي دبا غير صبري الفراق هوا هذا ونتي غير كزيدي تعدبيها وحنى اصلا ممتأكدينش واش ماتت ولا لا حتى الجتة ديالها باقي مالقينا

نعمة : هئ هئ هئهئ منقدرش نصبر هيا كانت اعز اخت وصديقة فيها كولشي مجموع ودبا مشات وخلاتني بوحدي وبلى متبقا طمع فيا كون كانت حية كون بانت شحال هاذي هئ هئ هئ

رفاييل : سكتي متبكيش أنا معاك فين نسيتيني أنا غنبقا معاك حياتي كاملة

نعمة : وبصقة شكون غتبقى معايا

رفاييل : وأشنوا كيبان ليك الهبيلة

وتحنى رجليه وجبد خاتم ديال الألماس من جيبوا وقضموا ليها

رفاييل : معرفتش كيفا شولا علا شوحتى وقتاش بغيتك ولكن نتي دخلتي الحياتي بهبالك وحماقك طيحتي ها ذالقلب فيك ودبا بغيتك تكوني معايا حيالتي كاملة واش تقبلي تزوجي بيا وتكملي حياتك معايا

نعمة : طاحوا دموعها فرحات وفرحات حيت حتى هيا كتبغيه ولكن قلبها مضمر شحال تمنات تكون معاها هاجر فهاذ اللحظة الزوينة لي كتعيشها

شافت فيه مقداتش توافق قلبها كيقوليها اه وعقلها كيقوليها كيفاش ختك بحرا ماتت ونتي غتفرحي وغتزوجي شافت فيه ودموع فعينيها

نعمة : هئ هئ هئ منقدرش منقدرش ختي ماتت منقدر شنفرح بلا بيها

رفاييل تصدم وقف وشدها من كتافها

رفاييل : كيفاش واش نتي مكتبغينيش مساو شوية واش غير ريكس تشلل مبقاش قادر يوقف على رجليه حياتوا ضمرات مبقاش عندوا حتى شي دافع با يتعالج ونتي كتضمىي فحياتك

نعمة شافت فيه ودموع فعينيها : هوا يستاهل يستاهل اه أنا عرفت كولشي هوا غتاصبها بدون دافع وغير مضلومة هوا تكرفس عليها هوا سبابها حتى نتاحرات هوا وديك العائلة المنحوسة لي دخلات الحياتها ضمروها ليها عمروا نسمحوليهم.

رفايل : لا نتي راكي غالطة هوا دبا ندمان بزاااف هوا عارف راسوا غالط ولكن نتي معارفش اشنوا داز عليه تشرد صغير الأم لي تحميه ضحكات عليه وخلاتوا يتيق بأنها ماتت مقتولة وقدام عينين والأب ديالوا كان مريض وزاد تصدم وتشلل ومبقاش خدام وتقال عليه الحمل ولا كولشي على ضهروا عندوا خووه صغير خاصوا بزااف ديال المصاريف وحتى أنا كبرني هوا لي قراني وتهلى فيا من نهار الوليدة كانت كتخدم فديور وتجيب ليا وهوا كان غير ولد جيرانا وحبسها من الخدمة وخلاها تقابل هوا كيخدم ويصرف علينا وهوا فسن 13 العام ومن ديك الساعة خدم فالمافيا ولا هوا المعيل ديالنا وبكن أنا مقدرتش نخليه ودخلت معااه

نعمة : ياك عندوا الفلوس علاش مدواش راسوا

رفاييل : مبغاش واصلا ضرر فنخاع الشوكي وخاصوا ضروري متبرع حنى كاملين متوافقش النخاع الشوكي ديالنا معاه خاصوا يولد باش يعطيع النخاع الشوكي وهوا مباغيش

نعمة بقا فيها زعز عليها حنات فيه شوية

نعمة شاف فيه ومدات ليه إيدها وهيا حشمانة

نعمة : ياا ركبوا خلااص بغيتي تخليني كنتسنا

رفاييل شافها ماطية إيدوا هوا يطير بالفرحة ركب ليها الخاتم وجرها عندوا عنقها وهوا فرحان

رفاييل : كنبغيك أنا كنبغيك بزاااف نتي كولشي فحياتي

نعمة وهيا حشمانة : احم حتى أنا

وجيرات عليه ودمووع فعينيها

اما عند ريكس لي كان كيف ديمة فواحد البيت مضلم وكولوا مصبووغ بالكحل شاد التصاورعا وكيشوف فيهم وكيتحسر عليها

ريكس : نتي باقة ااه حاس بيك نتي باقة عايسة وكتنفسي حيت قلبي حاس بيك اه غادي ترجعي وغنكونوا مجموعين وغنصلح معااك كااع الأخطتء ديالي

دخلت عليه إليزا لي باغة غير دير مععاه شي علاقة كل مرة كتجي عندوا بالحجة ديال أنها تنعس معااه ويديروا شي بيبي بحرا يوقف على رجليه

إليزا : بب علاش داير فراسك هاذ الحالة ومعلق هاذ البيت بتصاور ديك المجرمة لي بسبابها نتى فهاذ الحالة نتا ختصك تولد معايا بحرا تبرا وتشفا واش فهمتي وهاذيك غير نساها راها ماتت

كلسات كتلمس فيه وهيا شدها من شعرها وجرها لعندوا وقجها حتى خرجوا عينيها

ريكس : برب وتقودي من هنا القحبة حتى نقتلك سمحتي هاجر شرف منك وهيا باقة عايشة و

إليزا : كح كح صافي فيق هيا ماتت ماتت

محدها كتقوليع ماتت وهوا كيزيد يزير عليها

حتى دخل عندوا فارس كيجري

فارس : هويا كرقها غادي تقتلها أوالوا إليزا عينيها خرجوا حتى جرها فارس غير بدراع

إليزا ؛ كح كح كح هئ هئ هئ حرام علك علاش كدير معايا بحال هاكذا أنا كنبغيك حرام عليك

فارس : إليزا سيري من هنا واش مكتشوفيش حالتوا سيري ومتبقايش ترجعي ولا غيدير فك شي حاجة

حازات ساكها وشافت وبدات كدير دموع التماسيح وخرجات كتجري من تما مسخات الدموعها وصنات الأب ديالها

ناصير : مالكيشفتك كتهضري مخنوقة واش دار ليك ريكس شي حاجة

إليزا : حرام علك أبابا قلت ليك مابغيتش نمشي عندوا هوا فديك الحالة واش بغيتي الناس تضحك عليا تقول ليا شو معامن ولات معا مشلول وزيد عليها كان غادي يقتلني غير دبا ونتا كتقول ليا حملي منوا

ناصيير : ياااها البنت راكي غادي تحملي منوا ونصفيوها ليه وا شمعرفاش راه عندوا النص فالروسيا كولشي غيولي لينا

إليزا : ولكن هوا مباغينيش أبابا هوا كيفكر فديم العاهرة لي ماتت يلااه سير ديا دايرة معا صحابي فالبار

قطعات عليه وركباا فسيارتها ونطالقات اما فراس كلس حدا ريكس وكيشوف فيه بحسرة

فارس : اشهاذ الحالة اصاحبي فشا وليتي خرج شوية البرا يضربك البرد راك غملتي هنا خاصك تبرا ونتا مخلينا منين جبنا لك الأطباء ونتى مصر أنك تبقا بحال هاكءا واش عاجبك الحال

ريكس : نتا باقي صغير سير عيس حياتك ومتفكرش بزاااف ونساني أنا شوية علك

فارس : كيفاش غنعيش وأنا كنشوف خويا والأب ديالي لي رباني وكبرني ومعمروا خلاني نتخصص من شي حاجة فهاذ لحالة فكر فبابا لي صح ووقف على رجليك باش يلقاك نتا فهاذ الحالة مي فاطنة لي رباتك وكبراتك واش مني كتشوفك فهاذ الحالة اشنوا كيوقع ليعا عينيها نشفوا من الدموع وهيا كتشوف حياتك توقفان

ريكس : بلا بيها حياتي والوا اااه هيا دات حياتي معاها وهذا عقاب من ربي على كاااع دنوبي لي درت منين كونت صغير

فارس : نتى مدرتي والوا نتا شحال من واخد عتقتيه ديما كتسعى ورا الخير نتا حياتك كاملة ونتا كتفكر فالناس وناسي راسك واش عارف شحال ديال الجمعيات وشخال ديال الأطفال عتقتي نتا راك ملااك عمرك أديتي شي حد

ريكس : لااا أنا ماشي كيفما كتخيل أنا أديتها هيا فباتوالملاك لي كانت غتنور حياتي بلا منحس أديتها وغير زيد عليها كملوا عليها هاذوك الخمير لي ضحكوا علسنا تفوووا مقدرتش نتاقمن ولكن الخبيبة ديالي قاامت بالواجب

فارس : عرفتي فيا الشمتة كيفاش قدارت تضحك علينا غير القطوط وكيهزوا ولادهم بسنانهم وهيا الكلبة لا حتنا على قبل شوية ديال الفلووس

ريكس : صافي نسا ربي عاقبها ونتاقم منها

نخليوا هاذ ا ونمشيوا عند هاجر لي دخلاات فالإكتئاب حاااد مكتهضر مكتكلم غير عاجلة راسها بواحد القنت وساهية مكتهضر موالوا.

الطبيب : هاذ البنت حالتها تأزمات بزاااف خاصها ضروري طبيب نفساني حيت عندها شي حاجة مضمراها

يازيد : معرفت شمالها من نهار شافت وجها الجديد مبقات لا تكلمات ولا هضرات

الطبيب : هضر معا ختك جوديا راها البيبة ممتازة تقضر تخرجها من هاذ الأزمة لي هيا فيها

يازيد : معرفتش خايف ها عاذ الزبلة لي درت واش أنا مابقيش قاضر نشوف فاابنت حيت ولاات كتشيه وجه مرتي مابقيتش قاضر نزعم حتى نهضر معاها

الطبيب : هاذي فرصة الزوينة تقضر تواجه مخاوفك وتواجه حتى معا وجه مرتك على الله تنسا

يازيد فكر مزيان وعرف بيلا ختوا هيا لي تعتقوا من هاذ الموصيبة. تاصل بيها وطلب منها تج لعندوا

اما هاجر مغمضا عينيها وفبالها غير ريكس واش حي ولا مات وهاذوك أشنوا جراليهم وكتفر فجاها حتى هيا وعائلتها وكل شوية كتنوض ترض حتى مصارنا كيبغيوا يخرجوا من بلاصتهم وسخفة قتلاتها وهيا باقة معرفاش واش حاملة ولا لا حيت شافوا حالتها خافوا يقلوا ليها حاملة دير شيكريتة فراسها

جات داهلة واحد البنت غاية فالجمال وكتقرقب بطالونها وطويلة وعيونها الخوضر والفورمتها خطارة شعرها مطلوق و مبوكلي وطويل ولي شافت فيه تضحك معاه معروفة فلوبيطال وضحكة مرسومة على وجها كولشي كيبغيها متلفا الصبيطار كامل وصلات لحظا البيت لي فيه هاجر ويلااه بغات تحل الباب وحتى وقفها صوت يازيد كيجري لعندها

يازيد : بلاتي بلاتي ونتي غير زربانة

جوديا : مالك كتنفخ عليا ياك قلتوا ليا المريضة كينا هنا يازيد : احم هيا ديا كاينة هنا ولكن عفااك متصدمي ومتخافي من لي غتشوفي قدامك قوي راسك

جوديا : حيد عليا الهيه مالي دخالة نحارب ياكمة فك السخانة

وحلات الباب ودخلات لداخل وهاجر كانت متكدية علا إيديها مشافتهاش

جوديا : زين لباس عليك أحبيية

هاجر هزات راسها وجوديا تصدمات قلبها ولا كيضرب على المية

جوديا :نننننناااررريين

وهيا طيح حداها سخفانة هاجر خلعاتها وقفات وبقات كتشوف فيها وبدات وكتخبط ليه فوجها

يازيد دخل كيجري

يازيد : مابغيتيش تسمعيني هانتي جبتيها عضامك هز الماء وبدا ميرش ليها بوجها

جوديا كتحل عينيها ومتشوف فيازيد وهاجر كيشوفوا فيها

جوديا بسمة الله الرحمان الرحيم أعود بالله من الشيطان الرجيم واش الموتى ولاو كيحياو

يازيد : جوظيا اجي معايا سمحي لينا اختي هاحنا راجعين لعندك وجرها خرجها وخلاو هاجر مستغربة ولكن معمراتش راسها بيهم لي فيها يكفيها وناضت تاني كتقيا

وجوديا باقة مصدومة : ووااااش شفتيي داكشي لي شفت ناري اخويا هاذ الصبيطار فيه الجنون اخويا والله حتى شفت مرتك. ياكمة ناري وحتى ميتو حاضيااك وكلها مترعد

يازيد : جوديا تهذني نشرح ليك هاذيك ماشي نارين تهدني هاذيك وحدة خرا واش فهمتي راني درت ليعا عمليه التجميل وسهيت درت ليه وجه نارين هيا دبا وخا وجها ولكم ماشي هيا فهمتي هاذ البنت لقيتها فالبخر غارقة وجها كولوا كلاه الحووت وأنا عتقتها ودرت ىيها هاذ الوجه نارين غير بالغلط

جوديا : دبا هاذيك لي الداخل ماشي ماشي نارين وحدة خرا

يازيد : ااااه دبا غهمتي وجبتك بحرا تعاونيها تخرج من الصدمة لي فيها وتعلميها بيلة هيا حاملة ولغيناك تقوليها ليها نتي تعرفي تواصلي معاها

جوديا : اه صافي واخا مسكينة بقات فيا الله يكون معاها

رجعات جوديا لعندها لقاتها فطواليط كتبوع قربات ليها وبداات كدوز ليها على شعرها

جوديا : شوية أحبيبة

هاجر : لااجواب

بقات معاها ختى سلات وجراتها وصلاتها الفراشها وكلسات حداها وبدات كتخاول التواصل معاها

جوديا. : غيى هضري معانا خفتينا الناكلوك ياكة نتي ماشي مغربية نوض فحلاتي وقيلة هئ هئ وأنا لي عجبتني وقلت نهضر معاك شوية ونتعاودوا حيت هاذوا لي هنا كلهم مكيفهموش هضرتي وأنا توحشت نهضر بالعربية زعمة متدويش معايا

ولقات تبلبل حدا راسها وشحال فيها ديال للهضرة هاجر تعصب وشافت فيها

هاجر : مركبين ليك كاصيطة ولا سارطها

جوديا : هههههه ياي هضرتي والله حتى هضرتي متديش عليا أنا فيا الهضرة بزااااف وفمي ديما خارج عليا (هههههه معارفاش هاجر أش كان داير ليها فمها ههههه غير الضروف )

هاجر غمضات عينيها وتفكرات راسها مني كانت بحالها وطاحت دمعة من عينيها جوديا شدات ليها فإيديها

جوديا: ديريني ختك وعاودي غليا على مجرا ليك حيت حنا كلنا دزنا من ضرووف خايبة ولكن ربي عطانا الصبر والقوة ونسيان الى كان غير الإغتصاب نعاود ليك واحد القصة أنا مني كانت عندي 20 العام كنت زوينة بزااف وعاجبني راسي ومتكبرة وكان واحد الولد كيبغيني وأنا مكنحملووش كااع أواحد النهار كانت عندنا خرجة فالغابة وكنا مجموعين وأنا عندي خب الإستكشاف خليتهم ومشيت نضور بوحدي فالغابة وهوا تابعني محسيت بيع حتى جرني لزاحد اابلاصة خاوية وغتاصبني بكل وحشية عرفتي باش حسيت بأنها صافي نهاية العالم حياتي الضمرات صافي اه أنا قتلتوا ديك الساعة من بعد مخدا مني أغلى حاجة عندي ضمرت عانيت بزااف ولكن عرفت راسي إلى بقيت عاكداك غادي غير نضمر حياتي جمعت راسي وكملت قرايتي ودرست الطب النفسي باش نعالج راسي قبل منعالج الناس وهانتي كتشوفيني قدامك الحمد الله دفنت الماضي وعايشة حياتي وضاربة دنية بركلة

هاجر طاحوا الدمووع من عينيها

هاجر. : هئ هئ هئ حتى نتي هادشي وقع ليك بقيتي فيا عئةهئ هئ اجي نعنق وعنقيني

جوديا : اجي اجي أنا راه واحد بنت الحرام مامني زوج وأكبر كدابة على وجه الأرض تيقتيني

هاجر : دبا نتي غير كتكدبي وأنا كي الحمارة طيحت دموعي عليك وبدات كضرب فيها

جوديا : صافي صافي إديك بخال البالة راه غير كنضحك معااه بلاتي بلاتي بعدا غير نتعرفوا بعدا وديك الساعة

هاجر سكتات شوية معرفاتش هيا اصلا شكون ولا فين هيا حتر وجها ماشي ديالها معرفات متقول

جوديا : أنا جوديا البشير فعمري 25 العام طبيبة النفسانية وحمقة من الفوق ونتي

هاجر : أنا براسي مبقيتش عارفة راسي شكون أنا وليت كنسول راسي شكون أنا واش شفتي هاذ الوجه لي كتشوفي ماشي ديالي أنا ماشي أنا

جوديا : كولشي ليه الحل وهاذسي لي كنعيشوا كولوا مكتاب علينا خاصنا الصبر حيت ربي كيدوز لينا الإمتحان

هاجر : نتي معرفاش اشنوا داز عليا ولا صدمات لي تعرضت ليها معرفتش علاش باقة عايشة كون غير مت وتهنيت من هاذ الدنيا

جوديا ترددات فالأول وقررات تصارحها : الى متي غادي تعبدي وبزاااف وماشي غير على نفسك غادي تعدبي على زوج النفووس

وهزات ايدها وحطاتها على كرشها

هاجر : اشنواوكعني نتي كيفاش زوج النفوس

جوديا : اه نتي حاملة وهنا فعاذ الكريشة عندك بيبي صغير غادي يولي يقول ليك ماما

هاجر : ههه كيفاش لا عفااك متزيدنيش حتى هاذي مبقيتش قادرة نتي غير كتكبي يااك ماشي بصح

جوديا : علاش كتقولي بحال هاكذا ربي كيعطيهم لينا باش نفرحوا بيهم ونتي كتبكي

هاجر جرات شعرها كامل كتنتف فيه ؛ لااااااا نتي معارفة والووو نتي معارفاش اشنوا وقع ليا حياتي ضمران أنا يغيت ندير الإجهاذ مبغيتوش أنا مابغيتوش أنا ماشي مزيانة منصلاحش ليه أنا قتالة أنا قتلت بااه أنا مجرمة ونتي ومخاصكش تهذري معايا سسسري بعدي مني

جوديا بقاات فيها بزاااف عرفتها عنااات عنقات بقوة لعندها وكتحاول تهذنها وتعطيها شوية الحناان جاو المنرضات كيجريوا بغاو يديروا ليها المهدئ حيت غير هوا باش كتنعس حتى كتجري عليهم جوديا

جوديا : وا ش مكتفهموش سيدا حاملة وا ش عرفتوا اشنوا هيا حاملة هاذشي ديال المهدئات نساوه غادي نحاولوا معاها تهذن بلى بيه هاجر حسات براحة بالحضن ديال جوديا وخا العافية شاعلة فيها وعقلها حبس ليها

هاجر : عفااااك أنا بغيت نحيدوا بغيت ندير الإجهاذ

جوديا : الى كان هاذا هوا قرارك معندي مندير ليك

نتي تعرفي

هاجر : وخا تخليني بوحدي بغيت نبقا بوحدي هاذ الساعة

جوديا شافت حتى عيات وخرجات وخلاتها لقات يازيد واقف كيساين فيها

يازيد : اشنوا واقع تهذنات شوية

جوديا : معندي منخبي علك سيدة مأزمة بزاااااف ونفسيتها مريضة وهيا مصرة على الإجهاذ وحنى خاصنا نلعبوا عليها على العاطفة ديالها

يازيد : كيفاش زعمة

جوديا : هانتا بغيتك تعمد ديما تصيفط ليها ممرضات حاملات فهمتي ولا تدخل ليها أطفال صغار يلعبوا حظاها وبغيتك تخدم ليها تيليفيزون على عواقب الإجهاذ ودوك الڤيدوات لي كيقتلوا فيهم الفل فالكرش ديال الأم ديالوا هنا غتحس بتأنيب الضمير وتشبت بولدها

يازيد : نااري نتي خطااار هاذ الذكااء كامل عندك بصراحة صدمتيني

جوديا ؛ تررااه 5ير متواضعين معاكم يلااه تلاح نمشي نشوف الوليدة من الصباح وهيا تعيط ليا أجي بعدا كيف غدير معاها وإلى مشات حتى شافتها الوليدة ولا نسيبتك الأم ديال ناريمان غيتصدموا بزاااف بغيت 5يى نعرف فين كونتي كتفكر مني درتي وجه ناريمان

يازيد : أنا براسي معارفش كنت كنفكر غير فيها

جوديا : يازيد نتا براسك خاصك طبيب نفساني مرتك داز على الموت ديالها خمسة السنين نساها وحاول عفااك متعلقش بهاذ المريضة حيت ماشي مرتك وخا درتي ليها وجه مرتك

يازيد : والله معرفت منقول ليك حرت. بالله وحلة دخلت فيها

جوديا. : تهلا أولد ميمتي نتا تعرف حسن مني أنا غير وصيتك

دخل يازيد لعند هاجر بانت ليه ساهية فواحد القنت وكتفكر سهااا فيها بزاااف كتبان نسخة الكبق الأصل على مرتوا عويناتها كباار. وزرقين غير هوا نرتوا عينيها كانوا ماروا. وشعرها البني فاتح هابط على عينيها وفومها المنفوخ وشنايها الحومر كانت كتبان بحال شي ملاك هوا براسوا مقادرش يهضر معاها ولا يقرب ليها كتبان ليه غير مرتوا صافي معندوش القوة باش يواجها هرب تاني

اما ريكس شاد الصورة ديالها لي ولات هيا كولشي فحياتوا كينعس بيها وفيق عليها

دخلات لعندوا فاطنة

فاطنة. : ولدي ريكس عفاك فكر فينا راك قهرتينا واش. مكتشوفش راسك كيف وليتي فين داك السبع لي ميهزوا ريح شفتك دغية فشلتي هاذ الحياة خاصك تكون عارف كيفاش تلعب بيها نتا قوي وعارفاك غادي تقدر عليها هاذ البنت لي داير عليها هاذ الحالة واش هيا فكرات فك مني تيرات فك بدون رحمة ولا شفقة كون كانت كتبغيك غادي تعدرك راه ماشي غير هيا لي تصدمات نتا كتر منها هيا اصلا حياتها كانت عادية مفراسها والوا ماشي بحال نتا لي من صغرك ونتا كتعدب.

ريكس : الوليدة متغلطيش معاها هيا دارت داكشي لي كنت غندير حتى أنا وأي واحد تعرض الداك الموقف

فاطنة : أولدي واش هيا دمرات بزاااف ديال الناس وعاد زادتها بالإنتحار لي العقوبة ديالوا واخيمة بزاااف

ريكس : هيا مامتتش هيا عايشة أنا حاس عمركم تقولوا نتاحرات هيا عايشة وكتنفس أنا كنحس بيها وغادي نلقاها

فاطنة : أودي باش غتلقاها ونتا غالق علك فهاذ البيت المضلم وزيد عليها يأس من الحياة ومباغيش تقلب على حلول باش تعالج

دخل عليهم رفاييل :

رفايبل : نوض أصاحبي غملتي بلاصتك مخلي الشركات والمعامل كلهم على ضهري وزيد عليها النصب والإحتيال لي كتروا حتى داك الناصير ولا غير كيخلوض تما وناوي على شي فعلة

ريكس : تكلف نتا وهشام فين هوا أنا كولشي خليتوا ليكم

فاطنة : هانتا كتشوف هاذ الولد

غيطرطق ليا المرارة

رفاييل : تهذني الوليدة دبا كولشي يفوت باغي نهذر معاك فواحد الموضوع مهم الوليدة نتي وريكس

فاطنة : خبار الخير أولدي

رفاييل : باغي نتزوج بواحد بنت الناس وبغيتك تمشي معايا

فاطنة : مبان لك الزواج غير فهاذ الضروف الكحلة علينا شكون بعدا هاذي واش كنعرفوها

رفاييل : هياا اه ولا

فاطنة : زير راسك أولدي وشد معيا الطريق واش كنعرفها ولا لا شفتك كتفافا

رفاييل : دبا هيا معترفيهاش ولكن كتعرفيهم هيا الأخت ديال هاجر زعمة لي تربات معاها سميتها نعمة وانا كنبغيها بزااف وبغيتها تكون مرتي

فاطمة : أويلي أولد كرشي مكفاكش خوك مشفتيش

حالتوا بسباب ديك العائلة باغي ترمي راسك حتى نتا

ريكس : اش هاذشي الوليذة اشنواو هاذا لهضرة كتقولي بلما تخليني نخسر معاك دوك العائلة مداروا حتى حاجة أنا لي درت كولشي وا شفهمتي أما رفاييل غادي ياخد داكشي لي بغاه قلبوا

فاطنة &: اوا صافي أنا ولات هضرتي زايدة ناقصة فهاذ الدار

رفاييل عنقها وباس ليها راسها : الوليذة نتي هيا الكل فالكل خاصكي تعرفي عليها بنت زوينة بزااف ودرويشة وضحوكية. لكن مني مااتت ختها

ريكس محس براسوا حتى خبط واحد الڤاز فالأرض

ريكس : ماماتتش وا شكتفهموا ماماتتش غادي نلقاها وغتشوفوا

دخل عليهم فارس : اشهاذ الغوات واصل حتى البرا خويا اشها ذالخالة وصلتي ليها واش حماقيتي نسا شوية راك كتضمر غير فحاتك وحياتنا معااك

ريكس : ماشي شغلكم فيا رفاييل ديني عفاك الدار ديال الحبل باغي نرتااح

رفاييل: وخا أخويا غير تهذن حنى ظايرين كل مافجهذنا باش نلقاوها وإلى كانت عايشة راه غادي نلقاوها

نعمة كانت كالسة معا فوزية حظا البحر وكتحسر على ختها

نعمة : واش كتضني زعمة البحر يقضر شي مرة يرجع ليا ختي حية وتكون مامتتش

فوزية : مابغيتش نعطيك شي أمل لي تعلقي بيه ولكن يقضر شي مرة ترجع ولا معرت شوف الأقدار وإلى كانت عايشة راه ليام طويلة اجي بغيت نسولكز ديمة. كنحشم فين خوك هشام معمرني شفتوا من شحال هاذي منهار جا خطبني مهضر معايا ولا تكلم معايا

نعمة : هاي هاي على العفريتة وليتي تحبيه وييه فكرتيني فيه تى أنا توحشتوا اشبان ليك نمشيو عندوا

فوزية : لا لا أنا غير سولتك وصافي

نعمة : نوضي نوضي غير نشوفوا فين غبر حتى هوا غيكون غير فداروا

توجهوا الظار ديال ريكس لي كانت قريبة ليهم كانت على شكل ڤيلة صغيرة مقابة معا البحر وزوينة بزااف شحال حاول معا جداه والأم ديالوا يجيو يعيشوا معاه ولكن هوما مباغينش قالم بغاو يبقاو فدار ظيال المرحوم جدوا هوا خدم عليها وبناها طوبة طوبة.

وصلوا الداخل لقاو الباب مسدود ونعمة عندها الساروت حلاات الباب بشوية ودخلات

فوزية : اويلي اصاحبتي داخلين هاجمين بلا خبار بلا حتى حاجة

نعمة : مالنا برانيين ياك غير أنا ختوا ونتي خطيبتوا

فوزية : اممظ خطيبتوا بلفم معمروا قال ليا حتى كلمة زوينة

دخلوا الداخل وفوزية حالة فمها معمرها شافت بحال شي دار بحال هاكدة

فوزية : واو واعرة قدها قد دوارنا كامل

نعمة : ويلي مشفتي والوا هاذشي غير قليل

محدهم كيقربوا وكيسمعوا صوت العضرة مجهدة فالبيت شي وحدة كتهضر

البنت : ويلي حتى نتي هاذيك لي خاطب غير عروبية تانتي ساهل حالها نطيرها بسهولة أما هشام غيولي ديالي راكي عافرفة أصاحبتي. حالوا ساهل كيفما دخلت الداروا غندخل حتى القلبوا

فوزية : سمعتي هاذشي لي سمعت ولا غير جابوا ليا ودنية

نعمة ؛. والله حتى سمعت

فوزية : دبا بلاما يحبسني حتى حد غنوريها بنت العروبية اشنوا كتسوا

نعمة ربعات إيدها وعطاتها الإنطلاقة وحلات فوزية الباب لقات واحظ الشيخة لابسة غير سوميز ديال النعاس شفااف وداربة الفم بالعكر وطلقة شعرها الصفر

بنت : هييه شكون نتي لي هاجمة عليا فداري.

فوزية : ويلي أختي على دارك مغراسيش واش معرفتينيش أنا هيا بنت العروبية جيت نوريك واش ساهلة ولا لا

وجرتها من شعرها طيحاتها الأرض وبقات كتبرد فيها كااع هوايشها ونعمة كتفرج فيها وكتفكر أيامها معا هاجر وشحال من وحدة نتفوا

هشام لي كان سالة خدمتوا وراجع الدار يتسراح غير وصل الباب لقاه محلول شتغرب وقال فراسوا غتكون غير هاذيك بنت الليل لي جاب معاه البارح هيا لي خلاتوا محلول وجاي داخل وصت الغواات كيقرب مشا كيجري بانوا الجات كيترايشوا ونعمة فوق راسهم بدون ردة فعل كتفرج فيهم قرب لعنهم لقا فوزية دايرة خدمتها نص فشعرها فإيدها

هشام : هاي هاي اشهاذشي واش أنا عندي حمام ديال العيلات هنا

فرقهم وجر ديك العاهرة لعندوا

هشام : نتي اشباقة كديري هنا ياك فلوسك خديتيهم قلت ليك منلقاكش فدار

ونتي على فوزية : اش هاء الحالة دايرة هنا واشنوا جابك لهنا اصلا

فوزية : ياك أسيدي اشنوا جابنب لهنا نستاعل أنا لي جاية عندك قلت زعمة راه خطبني اذن كيبغيني ولا غير كنعجبك ساعة نتا ملقيتي باش تبدلني غير بقحبة ديال الخلى

نعمة : خويا مضنيتكش دير هاذسي حشومة علك

هشام : بلاتي يلاتي دبا عند بالك مني خطبتك راني كنبغيك فيقي ألالة أنا راه خطبتك غير على قبل جدة لي بززات عليا هاذ الزواج

فوزية : مالك صغير ولا كدير ليكوش باش يبززوا علك هاذ اسيدي خاتمك ومتعرفني منعرفك

حيدات الخاتم من إيدها ودموع فعينيها شحال فرحات مني خطبها من عند باها وخا ماشي هوا لي هضر. ماشي ختى لي ركب ليها الخاتم ولكن كانت كتقول غير كيحشم ساعة صدق العكس هوا اصلا غير لوزين عليه لاخت ليه الخاتم وهرجات كتجري

نعمة : حراام علك أخويا هاذشي لي درتي ليها فالأول قوليها هاذشي متخليهاش تطمع

فوزية ماشت كتجري البحر تبعاتها نعمة كتجري لقاتها كتبكي وتقول مبكيت

نعمة : زيدي بكي تستاهلي واش نتي حمقة لاش لحتي ليه الخاتم

فوزية : أهاااه ومالي بنت لك بلى كرامة مسمعتيهش اشنوا قال

نعمة : وحتى نتي خدمي داك لعقل وبدلي هاذ الحوايج المبعذلين لي كتلبسي وبعدي عليه ومتبقايش تعطيه وقت ضحكي خرجي فوجي ولاعبي ليه على الغيرة

فوزية : واش هوا كيقوليا خطبتك بزز ونتي كتقولي ليا الغيرة

نعمة : ونتي غير ديري هاذشي لي قلت ليك وغتشوفي مني غيندم عليه حيت غيشوفك تبدلتي غيعرف انهوا ضيعك من إيدوا

نعمة كتهضر وهوا يصوني ليها تيلي

نعمة : ألوو أهلن رفاييل صافا

رفاييل ؛ محشمتيش رفاييل حرفية هاذشي لي نساهل منك أ اا

نعمة : وصاافي بلا متبقا تحشم فيا

رفاييل : ندوزها لك هاذ المرة دبا بغيت غير نعلمك راه غادي نجي نخطبك غدا معا الوليذة

نعنة : اشنووا وبهاذ الزربة

رفاييل : مالك شفتك معجبكش الحال ياكنة مبغاش

نعمة : ويلي لا اشنوا كتقول نتا ماشي هاكءاك غير راك عارف الضروف والجو فالدار كيف داير

رفاييل : مشغليش أنا بغيت نتجمع خلاص معااك فصقف واحد

نعمة : صافي صافي غنشوف كيفاش نقولها ليهم صدمتيني والله

رفاييل : وايلي صدمت الحبيبة ديالي علاش كونتي كتسحابي كنضحك عليكداك الخاتم لي ركبت ليه لعبة ولا اشنوا ياك دايراه فإديك

نعمة : اااا اه الخواتم لاا راه خازنااه

رفاييل ؛ كيفاش خازناه شارياه ليك باش تخزنيه قسمن بالله وديريه حتى نوريه وجهي الأخر أجي فين كاينة نتي بعدا

نعمة ؛ أنا كاينة حدا البحر بشوية مالك كتغوت عليا راني معا فوزية

رفاييل : يلااه حتى توصلي الظار وهضري معايا عندي ليك واحد المفاجئة

نعمة : قوليها دبا

رفاييل : حتى الغدة فالصباح ونقولها ليك بسلاامة حبيبة 😘😘

وقطع وخلاها حشمانة

فوزية : حم أحم على الحب والغراتم سعظاتك أختي كون غير كان هسام بحالك

نعمة : ويلي حشمتيني حتى نتي إلى عرفتي كيفاش طيحيه غيولي يموت عليك وراه باينة من عينيه كتعجبيه

فوزية : براكة مطمعي فيا ونوضي عندنا شلا ميدار

نعمة ؛ اويلي اشنوا عندنا

فوزية ضربتها راسها : مالك دايهة اشنوا كانت كيقولك سيد دبا غدا غيجيو يخطبوك. اشنوا موجدة ليهم خراك

نعمة : كيفاش يخطبوني ناري والله حتى نسيت اشنوا ندير دبا

فوزية : تعذني تهذني أصاحبتي كولشي غيتحل غير بشوية

نعمة. فوزية مشاو الدار لقاو رقية وزهرة الأم ديالها كالسين عند الباب كيتحتتوا كلسات حداهم وكتفرك فإيديها باغة تهضر وحشمانة.

زهرة : قولي أبنتي اشعند موالفة كتحشمي ونتي وجهك مقزدر

نعمة : شظات فإيداها : دبا أماما عارفة الوقت ماشي مناسب وهاذ الهضرة ماشي وقتها ولكن بغيت نقوليكم غدا غيجي واحد الولد يخطبني

زهرة : اوا. اشنوا غنقوليك ابنتي الله يكملك بالخير ويساهل عليك

نعمة : امين أمانا ونتي أجدا مغتقولي والوا

رقية : اشنوا غنقوليك ابنتي الله يساهل عليك ويسر ليك امورك لي هرب الزواج هرب الطاعة اوا مرحبة بيهم شكون هوا واش كنعرفوه

نعمة : ااه ه ا صاحب خويا هشام كبر معاه ومعا ريكس لي كيغتبروا خوه الكبير

رقية : اوا مرحبا بيهم

نعمة فرحات واحظ الشوية ولكن تفكر ختها لي كانت كتحلم تزوج هيا وياها ويدروا عرس واحد

نسرين لي كانت واقغة قدام الباب كتصنط عليهم

نسرين ؛ شكون هاذ مصخوج الوالدين لي ساخطة عليه موا حتى داك

نعمة : معنديش ليك الخاطر عطيني بتيساع ولا والله حتى نبرد فيك الجنوني

نسرين : يااه على بندامة مالك خفتيني نديه ليك حتى نتي أنا عارفة ضوقك غيطون غير شي بو كرشة ولا شي مزلوط معندةا حتى عشا ليلة

نعمة : والحمدالله جبتوا لحلال ماشي بحال شي بنادم خليني ساكتة ديري غير بحالي وجيبي لي يسترك البايرة

رقية. : نعلوا شيطان نسرين اشهاذ هاذ الهضرة بعدي من ختك ونتي أنعمة نعلي الشيطان وبدلي ساعة بخرا

بسرين. : سيري العورة حتى نتي تحل ليك الفم

نعمة وفوزية تجننوا حتى الجداهم

نعمة : لااا صافي حتى لهنا وحبس حتى الجدا خط حمر جىتها من. شعرها وبركت عليها وفوزية معاونا معاها و

مكاينش لي فكها حتى من زهرة كانت بغاها فيها

نسرين : طلقي أبنت الحرام

بقات عليه حتر ريشتها مزيان ودخلات باردة الدار جمعات حوايجها هيا فوزية ومشاوالحمام بحالة مدواروا والوا

نسرين : شفتي أزهرة اشدارت ليا بنتك والله لابقات فيها

زهرة : تستاهلي أبنت كرشي تستاهلي دارت داكشي لي مدرتش أنا

وجدوا كولشي الحللاويات والشهيوات كولشي وجداتوا غير فوزية حيت حادگة

هشام داهل الدار كيقلب على الأم ديالوا ودهل الوزينة كتبان ليه فوزية كتعجن وشعرها هابط على عينيها وحادرة راسعا كتخبط فالعجينة وكتلهت حيت عاطيها الدليك بزااف وشعرها الكحل وعاطياه بالضهر وترمتها مقنلة معا مكوزة كتبان مزيان من ديك البيجامة الخفيفة طايتها مقودة كولشي فبلاصتوا بقا مسمر فبلاصتوا ومركز معاها بلا ملل حتى دخلات عليهم زهرة لقاتوا مقابلها

زهرة : ولذي إيمتا جيتي مشفتك كااع دخل علاش واقف قدام الباب شوف خطيبتك شحال حادكة تبركه الله عليها كولشي دارتوا بلى عكز الله يحفضها من العين

نتابهت ليهم فوزية ودارت بان ليها متكي على الحتيط وغياكلها بعينيه خنزرات فيه ودارت كتكمل عجينتها وإديها عامرين عجينا وكتحاول تجمع شعرها على عينيها

قرب ليها وحيد ليها العجينة من على عينيها وكيشوف فيها فعينيها كحلين غوريين كييانوا كيفتوا

شافت فيه وتاهت فيه حتى هيا حتى تفكرات هضرتوا ويها تفيق من القلبة سلات دغية حيدات العجينى من إديها وغطاتها حتى تمشي الفران

وخنزرات فيه وطلعات عند النعمة وقلبها كيضرب

نعمة : مالك كتلهتي تابعينك الكلاب

فوزية : نيت راه كلب اوووف معارت مالي غير كنشزفزا كنسا كولشي وكنتلف على راسي

نعمة : تي فالعار الله علامن كتهضري

فوزية : على خوك خوك

نعمة : نساي عليا دبا شوفي حريرتي أنا راه فيا البولة والخرية والسريسرة لي شداتني دبا كولشي تجمع عليا

فوزية : مالهم خاطفينك ازمر

نعمة : شوفي معايا اشنوا نلبس راني دخت وا ش نلبس هاذ الكسوة ولا القفطان

فوزية : لبسي ها ذالقفيطين الصفر غيجيك واعر معا البليغة غتجي فنة

نعمة : ياك اوا صافي لبسي نتي هاذ ااكسيوة تجيك خطيرة وتلفي ليا خويا خليه يندم

فوزية : لا أختي أنا خليني نلبس غير شي بسجامة نسقى بيها مندهلش عنكم راني كنحشم

نعمة : نعام نعام متفلاي عليا إلى مدخلتيش معايا. والله لا دخلت

فوزية دارت داكشي لي قالت ليها لبسات واحد الكسيوة قصيرة شوية جات لاصقة معا طايتها وعاد طلقات شعىها الطويل ومبوكلي راصوا من التحت ودارت ليها نعمة ميكاب خفيف وداؤتوا راسها جاو قرطاسات كل وحدة كتفتن بزين

حتى سمعوا الصداع برا

نعمة : جاااو نااري أنا خايفة

فوزية : وأتا أختي حشمانة بهاذشي لي لابسة والله لا هبط معاك بحال هاكذا

نعمة قلزت ليها وبدات كتقاض فراسها فالمراية

صونة ليها تيلي

نعمة. : ألوا واش جيتي

رفائيل : غير بشوية مالك كتتفتفي أنا أحبيبة كنساين غسك التحت نزلي الخلاص راني مشوقة نشوفك

نعمة : ويلي وا ش كيسمعوك حشمتيني

رفاييل : لا مكتين كالس معايا غير راس طاروا ديال خوك

تسمعت بحال شي خبطة وتقطع تيلي

نعمة : ويلي كالس يعبر ليا على الحب ديالوا قدام خويا يعطيه موصيبة اسنوا ندير دبا نهبط ولا نكلس ولا أشنوا

نعمة : سيري تختي هبطي الله معاك أنا نستينك هنا

نعنة : والله أبنت الحرام أماتمشي معايا حتى نكلس حداك ونظير بناقس

جراتها من إيدها وغادين بزوج كيتفتفوا تقولي غيتخطبوا بزوجات وصلوا الصالون كانوا زوج عاطينهم بالظهر والأب ديال ريكس وفاطنة مقابلين معاهم وعاد زيد عليهم أمين صاحبهم الخامس عاقلين عليه ياكوا

نعمة : ناري فيا الخلعة يلاه رجعوا منين جينة حسن

فوزية : دخلي براكة من الهضرة الخاوية

زهرة جات من موراهم : هاي هاي على الزيونات نتوما فين كنتوا مخبين هاذ الوين كامل الله يحفضكم من العين دخلي أبنتي نعمة راهم كيتسناوكم

نعمة تشجعات ورماتوالخطوة الأولى وتوجهات لعندهم هيا وفوزية أمين هاز راسوا بانوا ليه جيات وشاف ففوزية وهوا يدوخ كتبان بحال شي عارضة الأزياء ولاشي ملاك بديك الطاي لي كتهبل عاد زيد عيلها الكسوة لي لاصقة عليها مبينة كااع تفاصيلها والكرش لي معندهاش عينيه محيدوش عليها

هشام بان ليه حال فموا ضور راسوا لفين كيشوف وهوا يتصدم بالمنضر لي قداموا تعصب طلعوا ليه الكرون ولا كيصوط من مناخروا وهوا كيشوفيها فديك الحالة بغا ينوض ليها ولكن خاف على الفضيحة كمدها فقلبوا وكيتحلف عليها فخاطروا (وهانتوما شوف لك التناقض مني معا هاذ حتى هوا )

رفاييل حتى هوا هز راسوا فمحبوتوا لي داخلة حشمانة. داك القفطان وتاها وطاح عليها السر كتبان بحال شي اميرة هزات حتى هيا راسها فيه لقاتوا كيشوف فيها وهوا يعمزها هبطت راسها دغية وهيا حشمانة وامين مزال حال فموا ففوزية غياكلها بعينيه وهيا داخلة وحشمانة كتهز راسها فهشام كتلقاه مخنزر فيها ومگحگح عليها كضور فراسها كيبان ليها امين كيشوفيها محملاتش البلان

فاطنة : أجي قربي عندي أبنتي تباركه الله عليك كيفما. صفك ليا ولذي الله يحجبك من العين وصافي

نعمة : امين أخالتي والله يخليك لينا ويطول فعمرك

فاطنة : امين أبنتي حتى نشوف ولاذ ولاذكم اوا نتوما مالين الخير نبداو على براكة الله ونقولوا ليكم علاش جينا وخا الضرووف ممسعداش زلكن حنى جينة غير نهضر ا دبا ونديروا الكحل فالبيض حنى جينا طالبين راغبين فبنتكم نعمة لولذي رفاييل على سنة الىه ورسوله

نسرين جابة كتعوج وضاربة العكر حمر ولابسة واحد الشورط قصير ودياربوا معري من البوط وكندغ فالمسكة وتلوز فترمتها لي معندهاش

نسرين : اهلن بالخطاب فيناهوا العريس بعدا ياكمة هوا هاذ الشارف لي حداك

ناري هشام تعصب بزااف ولا كيبخ الدم ونعمة حتى هيا قربوا الدموع يطيحوا من عينيها

هشام : قاسمن بالله ومتسدي ذاك الفم عندك حتى نو ض نخلي دار بوك دبا كملي الحاجة. متديش عليها

فاطنة : هانيا اولذي هانيا ولذي رفاييل أجي كلس حدا عروستك ( اوذي على فاطنة قارية حرب النسا هههه)

ناض رفايل وعينين نسرين حوالوا وصدمة سيطرات عليها كولها وهيا كتشوف الطولة. تجريدة ومعا كان لابس تيشورط الأسود والسروال حتى هوا كحل معا الشمطة وااشعر مطلعو الفوق قرب الحداها وفوزية كتشوف فيها وكتحرك ليها حجبانها زعمة موتي بالسم ونسرين ضربتها اللقوة متخيلاتوش يكون هاكذة وبهاذ الحلاوة ونعمة كلسات حظا امين من جيهة الخرا ورفييل من جيهة

امين : خويا رفاييل وخا نسول مرتك سؤال اخوي هههه أنا عارفك كتغير ولكن راني كنعرفها قبل منك راه كانت خدامة عندي

رفاييل : اوذي داكشي لي باغي تسول عليه غير بعد منوا مولاه حاضيه

واشار ليه بعينيه لهشام لي مقابلها مني كلسات

امين : والله حتى حرام عليهم كااع خديتوا الزين وأنا مخليني بلاش

نعمة : أنشوف لك معاههههه

امين : احح عندك شي ختك زوينة بحالك

نعمة اشارة حتى هيا بعينيها امسرين لي مقابلاهم والغيرة كتنتف فيها

امين. : يعععق بصلاحة وخا ختك ولكن والله مكتشابهوا باينة شريرة غير مت النضرات لي كدير فك هاذي مكتحملكش

نعمة : ويلي غسكت

رقية : مرحبة بيكم عندنا مكرهناش نديروا كتر من جهدنا ولكن كيف كتشوفي حنى باقين مأزمين بزااف ومقيحين من جيهت بنتنا لي تكوينة فيها وهيا صغيرة وحتى داك الولذ لي تأذا بقا فيا بزاااف أما دوك الزوج مبقاوش فيا كااع يستاعلوا كاااع داكشي لي جرا ليهم

فاطنة : اوا هاذي هيا دنيا وحتى نتي الله بشافيك راه الموت علينا الحق وحتى نتي أختي مدرتي فيها ميصلاح واش مقدرتيش تصبرب أختي ضيعتي عينيك

رفاييل : احم احم الوليذة حشومة ا راه كولشي بالمكتاب وأي حاجة كتوقع لينا راه مكتوبة الله يعافبها ويشافيه ويرجع ليها صحيحتها.

اوا الحاجة أنا جيت ناوي الحلال وباغي نعمة واش تعطيوها ليها ولا نخطفها ونهرب ليكم ههههه

زهرة ؛ الله أولذي الله خودها وهانينا من صداعها

نعمة : ياك أماما حرام عليك

زهرة : مالي كدبت أنا راه حشمت نطلب منوا السماحة سمع أولذي لا يغرك المضهر راه مكدير حتى حاجة مكتعرفش تشقا ولا طيب نهار كامل وهيا شداة ذاك المشقوف فإيدها نقولك كولشي دبا. لا حتى تديها وتندم

رفاييل : الله أميمتي كنت غنتزرف قول سيدة مكتعرف دير والواا

نعمة : يااااك قول نتا كونني باغيني خدامة عندك

رافاييل غاكنضحك معاك احياتي أنا راه باغيك مرتي وحلالي اما الشقى نضور بيك الخدمات من كل العالم غير تكوني ليا مرتاحة العمر

نعمة تزنگت وحمارت : احم احم حشم شوية ازمر

رفاييل : شهدوا عليها أنا كنقوليها العمر وهيا وكتقوليا الزمر

هشام ؛ متديش عليها روماسيتها ملاوطة هاذيك

فاطنة : ههههه الله ياربي الله غي صطل ولقاو ليه غلاقتوا ودبا أجي نقراو الفاتحة

قراو الفاتحة زجا تىكاب الخواتم ورفاييل صفق بإيديه ودخلوا لي كارد فالطيافر عامرين شي 40 طيفور كلهم تستفوا حداهم

نعمة : اشهاذ شي اوذي

وبدا. كيحلواو فطيافر والصدمة على وجهززه نعمة ونسرين لي تعصبات مني شافت المجوهرات على الأنواع والملابس على الأنواع والصيكان غير المركات الغالية

نعمة ؛ علاش محنتوا روسكم

رفاييل : شوووو سكني تستاهلي كتر أأميرتي

نعمة : يخليك ليلي

هزو الخواتم لي كان أقل ميقال عليه روعة شب حاجة خيالية كولوا األماس وكيبري تقضر تكونوالقيمة ديالوا حوالي شي 500 مليون

نعمة : واااااو واعر بزاااف حمقني شكراااااااا

رفاييل ضربها لجبهتها : حنى ولينا واحد عمرني نسنع منك ديك كلمة شكرا

نسرين : ااااه اختي وا شهاذ الزهر عندك ونعرف غير ها ذالفقيه لي ضرب ليك الدقة حتى تلفتي سيد

وحتى هيا ركبات ليها الخاتم وجد وهز حتى واحد السنلة من الألماس وبغا يركبها ليها فرقبتها حتى كتبان ليه واحظ السنيسلة غير خفيفة ديال النقرة فعنقها وعلى شكل قلب فيه غير النص

رفاييل بحالة تعصب وبانت على وجهوا نشا التفكيروا غير انها تكون دايرة معا شي واحد نعمة فهماتوا وعيا تقلبها وبانت سميت هاجر

نعمة : هاذ السنسلة أغلى معنذي هذاتها ليا هاجر من كنا الصغار وكتبات فيها سميتها وحتى هيا عندها وحدة بحال هاذي فيه سميتي وطات دمعة من عينيها وبكات كااعع الحاضرين الة نسرين لي مكتحملش حتى سيرتها

نسرين : اوووووووه براكة متجبدوا فسميتها بحرا تهنينا منها السيد بغا يركب ليك الألماس ونتي لاصقة على زاوقة مساوية حتى 20 درهم مقادة

نعمة حتى لهنا وبراكة توجهات لعندها وهزات إيدها حتى السماء وطرشاتها

نعمة : متشوفينيش ساكتة تقولي نلعب عليها راه غير كنحتارم سنك والدم لي ببناتنا

نسرين ناضت معصبة والحقد فعينيها وحلفتها على نعمة

نعمة : سمحوا ليا نفاعلت ولكن تستاهل

كملوا الخطوبة يالهم وصلت وقيت العشاء

حطوا الغشاء لي كانت فوزية لي مصاوباه من الدجاج محمر اللحم بالبرقوق والبسطيلة والدسير كولشي مثول

امين : اخخخ على مضاق الله وريوني غير شكون هاذ الحادكة لي مطيبة ياتي كاملة مخليت فين كلت فالعالم كامل معمرني دقت بحال هاذ المذاق

زهرة : ههههه هاذي راه البنة تاع بنتي فوزية تباركه الله عليها

رقية : فصراحة مغلطش مني قررت نزوجها لوذي هشام

امين : قول جيت معطل دبا

فوزية تحرجات مني هضروا على الزواج ديااها بهشام لي أصلا مبقاش حتى الخاتم لاحتوا عليه ناضت ستأدنات وخرجات احدا باب وقفات هنا هشام زاد تعصب بأنها خارجة بداك اللباس حتى الزنقة داز يصفر عليها

محسات برسها حتى تجرات من دراعها وتجرات حتى دخلها لواحد اابيت وسد بساىوت

هشتم ؛ اشنوا كديري نتي دوي وأشنوا هاذ اللبس خرجوا رجليك الشواري ملقيتي يربيك

فوزية : بعد مني اشنوا باقي خاصك عندي شغلك فيا ياك نتا بنفسك قلتي ليا معندي مندير بيك ااه وأنا غير بنت العروبية خليني اسيدي نضبر على راسي قبل ميزوجي با بشي عروبي ونتا فوتني علك ونلبس لي بغيت نتا مالك سوقك

هشام تعصب مزيااان عليها هز إيدوا بغا يعطيها وينعل الشيطان زضربها فالحيط بقوة حتى حمار إيدوا فوزية معا قلبها الكبيى وحبها ليه تخلعات عليه

فوزية : مالك ياكمة نقسحتي شوف إيدك كي زراگت كتوعتك وبدات كتنفخ عليها وتبوس فيها

هشام قلبوا تزعز مم بلاصتوا وهوا كيشوف الحنان ديالها عليه وخوفها عليه ندم بزاااف كيت كان غيضيع ملاك طاهر بحالها وجرها لعندوا وعنقها

فوزية عجبها الحال ولكن حالفها فيه

فوزية تملصات منوا بعد مني ياكمة يسحاب ليم راني خفت علك تقول كنبغيك راه غير ربي وصانا على رفق بالحيوانات وغمزاتوا وخرجات خلاتوا كيبخ الدم وكيتحلف عليها ههههه هاذ فوزية طلعات مساههااش

دازت_شهرين

هاجر تحسنات شوية والمهم هوا انها تقبلات داكشي لي فالكرشها وتعشرات معا يزيد وجوديا وطورات العلاقة بيناتهم ولات كتضحك شي شوية وهاذشي كامل بفضل ديالهم بزوج لي مخالوها شولاو دقيقة وكيفما قالت جوديا لعبوا ليها على الوتر الحساس هيا الإحساس بالأمومة وتعرفات على كااع الناس لي فديك الجزيرة كلهم كانوا طيبين معاها كتحس براسها كيتعاملوا معاها بحالة كيعرفوا معاها سنين هاذي وبعض الناس كيشوفوها. كيتصدموا ،كتستغرب ولكن من بعد كتنسى تقبلات وجها لي عجبها ولات غير حاضية فالمراية. تشوف فراسها ههه كتوحم على راسها وكتمت على شي حاجة سميتها القهوة كتوحم على كولشي باغة غير تاكل وكتبكي على أي حاجة وأي وقيتة ولات عايشة معا جوديا وياز فالدار وحدة

جوديا: شكون كلى ليا الحلوة ديالي

هاجر : الله أكبر كتسولي فيا أنيا أبنت الحرام صافي كلاو ليك الحلوة إوا نوضي على سلامت تقسحتي بعدا ولا والوا

جوديا ؛ يا القحبة راني كنهضر على الحلوة لي طيبت البارح ملقيت حتى وحدة

هاجر : اااااه ديك ديال الشكلات لي فوق منها داك بزق الفار لي وسطها الشكلاط يااك ديك البينة لي كتحمق

جوديا : اااه هيا هاذيك نتي لي كليتيها

هاجر : لالعما والله مشفتها نتي فين مضوري تلصقي فيا باطلك عطيني بتساع

يازيد : أشنوا واقع هنا مالكم تاني

جوديا : كلات ليا الحلوة ديالي هئ هئ هئ

هاجر : مالي بنت لك عندي شي معلم العربي قالت كليت ليها الحلوة سير أختي طيحي باطلك على شي حد أنا ماشي ليزبيانة

يازيد ،: الله هوما إنا هاذا منكر مبقيتوش كتحشموا نتوما انا غادي خارج

هاجر : فين غادي بعدا ديني معااا ك. ياك قولتي ليا غادي ديني عند مي مليكة دير ليا الرفيسة ولا كتضحك عليا

يازيد : وراه غادي ندك غير تجي راه مكيناش

هاجر : هئ هئ هئ هئ نتا كذاب كلكم كدابين دبا بفيتني نخرجها فولذي ولا بنتي

يازيد : واتي غير صبري ازمر دبا راني ممساليش غاذي يجي مول جزيرة ليومة وخاصني نوجد ليه الضيافة ونقاذ النسائل راه مكيفاهمش.

يتبع...

‎