قصة من الحمارة للطيارة

القصة كتهضر على بنت فقيرة مشرملة عايشة غير معا الجدة ديالها كتعيش حياة قاسية بسباب الفقر والبطالة حتى كيجي اليوم لي كتوالي حياتها اتعس بكتير هيا بنت جريئة ومتصلطة السان وحمقة وفمها ديمة خارج عليها

تخيلوا معايا بنت خدامة كتهز الصنادق على قلبها فالمارشي حتى كتصدق فروسيا ومعامن معا المافيا ههههه غير تخيلوها

وهوا

شرش قاسي القلب ومكيرحمش رئيس المافيا يقتل بدول رحمة وبدم بارد لا يهمه احد فاحش الثراء

ولكن غنشوفوا مني غيتلاقا معا البطلة واش غيتبدل ولا لا

قصة غادي تكون منوعة من حاجة شوية

الكوميديا : 😂🤣😅قصصي انا اضروري من الكوميديا فيهم

العداب : 😭 😡

الماضي :

الانتقام 🤯☠️

السفالة 🔞🔞

🤣 من الحمارة الطيارة 🤣

بقلمي :هاجر برهومي

....: هاجر هجورتي وغبرتي عليا توحشتك انا الفريجة ديالي

هاجر ؛ صبحنا على الله وسيدي صالح عرفتي وماتفوتني أولد عيشة والله نصيفتك تشوف عزراين وتحيي معاه صلة الرحيم وراك عارفني اشنوا كنسوى يلاه رول من حدايا

لؤي: علاش كتعاملني معايا بحال هاكدة وانا كنحبك وصابح على نبوري كنتسنى فيك غير تخرجي باش نعطيك هاذ الوردة لي قطعتها من المقاطعة على قبلك ازين

هاجر : ياربي يقطعوك على ربعة انشاء الله عطيني بتساع اودي فرقني علك هاحجر العافية لما بعد مني

راه غادي نرفع مك

لؤي : هاهو غادي وعقلي فيها وراك وراك وزمن طويل

هاجر ؛ سير يطوي لك العظام

اوووف لصقا هذا فينما نحل هاذ الباب لقاه لاصق فيه بحال لعلكة تفوا على بشار

جارة : اشهاد الصداع على الصباح همتخلي حد ينعس لا صباح لا عشية اديك الزوفري وبزااف ياربي نتهناو منك ونرتاحوا

هاجر : عاودي عادوي اديك الخانزة بغيتي تهناي مني والله حتى نبقى لاصقة لك هنا الكلبة الخرى واش نسيتي ديك السلخة تاع ديك النهار باقة مباغة تحشمي وشدي هادي صبحي بيها هزات حجرة جاتها فالعين نيشان

جداها ؛ مالك تغوتي على صباح صوتك يفيق الميت من قبروا

هاجر : والوا غير تفاهمت معا شي بشار دخلي احنى تنعسي بلما نخسر معاك

جداها : هاذشي لي بقى غير ضربيني حتى انا سير ابنت بنتي بغيت ليك موصيبة واا سي طيارة طيرك عليا ونتهنى

هاجر : امين ياربي امين وهزي حتى نتي كفوفك ودعي معايا

جداها : سيري الله يقلل حياك

هاجر : يلاه تهلاي هانا غادة نقلب على خدمة دبا

( هاذي هاجر المشرملة ديال الدرب بنت زوينة بزاااف ولكن مباينش عليها ابدا ديما الكيطمات الواسعيين بزاااف وشعر مجموع الفوق عينيها زرقين والفورمة عادية معندهاش مخصهاش عمرها 23 ولكن كتلبس ديما غير الواسع بزاااف متعرفها واش هاجر ولا زوهير هههه بالمناسبة زوهير هوا اسم شهرة ديالها فالحومة ديالها عندها حيت لي دوا يرعف بنت مرجلة بزااف الحلم ديالها هيا تخدم المافيا ودير لباس حيت عايشة غير فالفقر ومعندهاش والديها توفاو بزووووج وبقات هيا معا جداها مربياها من الصغر كان معيشاها غير التقاعد ديال راجلها ودبا حتى هوا قطعوه عليهم وخلاوهم الله كريم وهذاك لؤي لي كان واقف حدا الباب وتحد كليميني ولد جارتهم كيموت على هاجر من صغر وهيا كتكرهوا كيجيها رطب بزاااف كتعطيه غير دقة كيطيح حداها بحال البطانا

بيطالية كل نهار وفين كتخدم ولكن فيها المصايب بزااف وفمها صليط والخدمة لي خدمتها كيجريو عليها من نهارها )

اووووف على نهار كيف داير نمشي نقلب على خدمة بعدا .اواااه تاواحد مبغا يخدمني واش باينة عليا كنطير من وجهي ولا ياكمة دعات عليا جدة.اوا هادا اللي كنسميوه الزهر المكعور الناس عندهم الميمون مسكد وانا زهري داير كي برطال مشاااعكك وفغيبوبة ماشي غا ناعس .

اوا مشيت لواحد القهوة كلست نتساراح باش نوض نقلب تاني .كلست فواحد الكرسي وتجبدت مزيان .شوية كنشوف واحد السرباي لاح لواحد السيد الطابلية على وجهو وخرج السيد كلس كيخمم مشيت عندو.مالك اسيدي مقلوبين ليك الباطوات ديال التحميرة ولا شاد راسك ليطيح خخخخ.غادة دركي زلافتك ولا نقلب عليك هاد الطابلة .وغير كول مالك نقدر نعاونك .فاش غادة تعاونيني السرباي اللي كان عندي مشا دابة شكون غادي يقابل ليا الناس فالليل .

.انا نقابل ليك من الصباح وانا ندور على خدمة تا الصوميلة ديال الصباط طارت .واش بصح ولكن نتي باينة فيك فليفلة .فليفلة لواه الكرعة .دابا معاش نجي .جي معا التمنية .

رجعت الدار وانا كنخمم الطريق كاملة كيفاش نخرج معا التمنية .

بقيت كالسة تا وصلات السبعة وانا نشد التيلفون وبديت نهضر بجهد.اويلي كيفاش وايمتا صافي انا جاية دابة .

تي مالكي تولولي اش واقع.عزيزة(هاذ عزيزة واحد صحبتي وها هامظاك معنديش معاعا غير كنتسعدر بيعا غلى حدة وصاقي ) اجدة بقات بوحدها فالدار ودخلت عليها طوبة .ونتي مالك سميتك بوعزة لاسميتي زوهير مفراسكش

جدة :حوكلك متجوجتي علاه اللي تصيد طوبة تصيد راجل متدي غا فار ابنيتي غاسيري

انا : واتي سيري اجدة انا ىاه غادي نديه مفيوزي

جدة : اه اشنوا هيا هاذ فروتشي

هجار : لواه الفريت هانا غادة

خليت جدة تنكر وخرجت ركبت فطاكسي ومشيت .وصلت لقيت القهوة فالليل كتولي مطعم كيجيو الناس يتعشاو فيه .

اوا مشيت عطاني مول المحال طابلية وكالنسربي الناس .

دخلو واحد الكوبل اش غادة نكول ليكم الراجل شارف ولكن باينة فيه لباس عليه ومعاه واحد المونيكة تنفخي عليها طير .كلسو مشيت عندهم .اش حب الخاطر اسيدي نقزات ديك المونيكة اش هاد قلت الاداب انا اللي خاصك تسوليني .ضرت خنزرت فيها اش بغيتي .طلبو اللي بغاو .وانا متصرطاتش ليا ديك خيتي .هيا طلبات شلاضة وطلبت للشارف دجاج انا بقا فبا الشارف مسكين مغاديش يكونو عندو الضراس باش ينضغ اللحم كلت معا راسي ندي ليه الصوبة حسن .

اوا ديت ليهم داكشي حطيتو.بدات ديك الصفريطة كتغوت سيكوايا انا طلبت الدجاج ماشي الصوبة اش هاد الخدمة عندكم .اوا را السيد معندوش السنان باش بغيتيه ينضغ هانتي عمي حل فمك حل باش تشوف .سيبافغي نتي ماشي نورمال واش نتي مسطية.

صافي انا طلعوني السكريات وهاد بنت العوجة عصباتنبي.هزيت ديك الصوبة خويتها علبها سخونا صلقتها ولات بحال الدجاجة الا كبيتي عليها ااما طايب اوا وجريتها تحت مني .ادوي الخانزة عالصفريطة اللي كالتها ليك انا مسطية اوا اجي نوريك فعايل المسطيين .الطابلة تقلبات والغوات فالسما وفالارض بنادم كاع ناض خرج فحالو مول اامحال عيا ميفك .وااابنت ااحرام خرجتي عليا اويلي على بنت المهاوشة غا تهرس ليا الكراسة.اوا مطلقت منها تا صخفت مشيت شنقت على مول القهوة والله يا شلاهبي وما تعطيني فلوسي تخلصني فهاد الشي اللي خدمت تا ندعيك تصحبني معارفاش القانون والله تا ندير النقابة وندعيك المفتيش الشغل واللمحكمة البتداءية وندير الستيناف ونصيفطك جينايات بقيت ندخل ونخرج فالهدرة تاملقى ميقول وعطاني 100 dh

هاجر الغد لي مشات المارشي فين كتخدم كتهز الصنادق على ضهرها

هاجر : وفين اعباس دايرة شي حركة اليوم ولا والوا

عباس : زوهير( ديما كيعيطوا ليها بهاذ الاسم حيت دايرة بحال زوفري ) جيتي تاني عفاك ابنتي مابغيت صداع سيري فحالك

هاجر (ديما كتخاصم معا الخداما ديالوا ولكن هوما لي كيجبدوها حيت كتخدم كتر منهم )

هاجر : مالي جايا نسعاك راه كنجيبهم على ضهري ودبا خليني نخدم على خاطري ولا تشوف وجهي تاني

عباس : وخا الالة. دوزي تخدمي وهزي دوك الصنادق الرموك وحاولي عليهم

هاجر : هاهيا غادة والله يعميها لشي حد

هاجر كتخدم عند الخظارة وهيا كارها ديك الخدمة ولكن جداها محلفاها فالقبلة باش عمرها تسرق وخا هاجر بعض المرات كدوز على البزاطم العيالات ولكن غير لي خارجات الطريق وسبحان الله عمرها حصلت ولا عرفها شي واحد راها كتشفر

فجيهة خرى بعيدة بزااف على المغرب فروسيا كان واحد الشخص اشمن شخص ملاك 6لى وجه الأرض كولو وشام كيهلل عليهم كولشي حادر راسو مقاضرينش يهزو فيه حتى شوفة ولي زعم ودارها مصيروا الموت

....: فين كانوا عينيكم دويو ااه كيفاش السلعة باقة موصلاتش لدبا دبا جيبوا شكون المسؤول ولا كلكم غيكون مصيركم الموت

الكارد : سمح ليينا البوص حنا غادي نتكلفوا دبا ونجبدولك المسؤولين على روطار حتى البين ايديك

.....: غنعطك ساعة نبغي نلقى السلعة بين ايدي واش فهمتي ولا موتكم غيكون على ايدي

الكارد : اوكي البوص

نمشيوا العند البطلة لي باقة كتستفات السلعة كاملة

هاجر : اوووووف عيت نكلس نتسراح هنا شوية عاد نمشي الرموك ا التاني

جبدات الكاروا من جيب وتخزنات

(هاجر كتكيف كولشي ) وسط الكراطن لي ستفات باش تكمي على خاطرها حى كتحس بالباب تسد ورموك ا تحرك

هاجر : هناري اشهادشي والعداوا رانا هنا يعطيكم موصيبة اوجوه نحس حلوا عليا

بقات كتخبط فالباب بدون موجيب حتى عيات عاد كلسات وقالت خليها على الله وفينما ممشا راه غيرضوها معاهم ياك غير الخضرة غادي تمشي غير لشي مارشي ديال الخطرة وصاقي (هههههه مفراسك والوا ابنتي )

نمشيوا ريكس البطل ديالنا لي متلف العالم بالوسامة ديالوا شرس قاصي القلب ملقب بملك المافيا لي دوا يرعف وحتى واحد ميقظر يوقف فوجهوا عديم الرحمة ومحب الدم كيقتل بدم بارد عصبي بزااف ومكيبغيش كلمتوا طيح الارض ولا شي حد يرض عليه الهضرة يموت فالبلاصة هوا شخص معروف بصرامة ديالوا وعمروا ضحك ولا تبسم ابدا يعتبر ملك الاقتصاد وحتى واحد مقضر يوصل ليه اما النساء فراهم كيجيوا العندوا حتى الحدى رجليه اما هوا بارد بزااف لأقص درجة معندوش معا العلاقات وداكشي كيعتابر النساء غير وسيلة لتفريغ رغباته وميتميز بجمال طاغي بزااف ،دقن حاد وانف مستقيم وعيون هلابة كيعون الاسد وجسم رياضي منحوت بسباب كترة الرياضة كيتعتابر من الاغنياء العالم وعايش معا الاب ديالوا وجداه اما الام توفات فضروف غامظة وهادشي لغتعرفوا عليه من بعد ولي خلا البطل ديالنا ريكس يولي غامض قلبوا قاسح بحال الصخرة

نرجعوا لعند هاجر لي داها نعاس فداك الرمووك حتى بدات كتحس براسها كتزعزع بزاااف تخلعات معرفات اشنوا واقع ختى حبس داك تزعزيع وحسات بداك الرموك حبس مبقاش كيتمشى كتسحاب غير وقف قالت الحمد الله وقف

ناظت تاني كتخبط بلا اي موجيب جاها جوع قالت ارى نحل شي كرطونة فالعقل ديالها كتسحاب غير الخضرة لي تما حتى كتصدم من المظر لي تما كانوا تما بزاااف ديال خناشي الكوكايين جاتها اللقوة مسيكنة تصدمات معرفاتش باش تبلات

هاجر : اويلي اشنوا هادشي الكوكايين هذا اويلي خاي فين غادي بيا هاذ زمر ميمتي مشيت فيها

وقف الرموك وهاجر حسات بالخطر وهيا تخشى وسط الكراطن

حتى تحل وبان ليها الضوء شوية بدات كتوضاح ليها الصورة بانوا ليها واحد المكلضمين جايين قاصدين السلعة لي هيا وسطها عرفات راسها قفراتها ولكن كيفاش هيا كانت خدامة غير فالمارشي ساعة تقولبات عباس ولد الحرام كان خدام معاهم ودبا حتى مشات فيها

سمعات واحد الصوت غليض سوية وبان ا ليها مكلظمين حادرين ريوسهم عرفاتو غيكون غير رئيس دييالهم

قرب ريكس السلعة وفك واحد الكرطونة وشم داكشي وتأكد منوا من بعد عطاهم اشارة باش يبظاو يفرغوا السلعة فديبوا

ريكس : دخلوا هادشي الديبوا وجيبوا المسؤول على هادشي دبا البيروا هاجر شافتوا وعيا ودوخ فيه ( هااه وخا زوفري راه عندها القلب )

هاجر : با با با اشنوا هذا واش بنادم ولا شي ملاك نازل من السماء

ريكس معروف عليه دائما بالحاسة السادسة وصعيب دار بيه يجبدك يجبدك بحرى كان غادي حتى رجع طلع بنفسوا الرموك وبدا كيقرب الهاجر وهيا كتشهد حيت بصح تخنزيرتوا كطييح الماء بركابي

هاجر : ميمتي مشيت فيها الله ياربي الله اشهاد العظمة هذا راه يجمعني ويطويني بصبعوا الصغير

محسات براسها حتى تهزات من القب ديال كيطمتها

ريكس جاه بحال شي ولد معرفهاش كااع واش بنت حيت مبيناش عليها كااع جعا كولوا موسخ وشعرها جامعاه بواحد الطاقية ودايرة من فوقوا القب ديال الكيطماة وعاد زيد ديك الكيطمة واسعة عليها بزاااف

ريكس : شكون ني وشكون صيفتك لعندي

هاجر : أشرييف جمع ايديك عليا اويلي حي على شكون صيفتك ليا وتخصار هضرة مبغينهاش راك نتوما لي جبتوني لهنا وبلى ادن مني واش فارسك هادشي كيعاقب عليه القانون

ريكس عرفها مغربية ولكن اشنوا كدير هنا فروسيا ( الله ياربي الله هاجر فروسيا ومفخبارهاشش زوينة هاذي )معندوش معا الهضرة زايدة حرك راسوا غير الكارد ديالوا باش ايديوها محست براسها حتى جروها زوج عترورا تبرك الله طول فعرض داوها الديبوا وربطوها وخلاوها حتى يتفاهم معاها البوس بنفسوا

هاجر : واا زمر وبرشييد وتوما حلوا عليا والله حتى ندمكم

معا غادي ضور راسها وهيا تلقى عباس المعلم ديالها مربوط حداها وكولوا دمايات فالاول معرفاتوش

هاجر ،: وا الحاج وااا شرييف شوية لباس بانوا ليا هاد العتورا مهلين فك

عباس هز راسوا وهوا يتصدم اما هيا كتر منوا

هاجر : ياحليلي كتشبه المعلم واحد وجه الكوميرا

عباس : تابعاني حتى فموتي اشنوا كديري هنايا

هاجر : اويلي وا شنتا عباس والله حتى عباس هنتا نعاودها لك كي الخرافة (كنت كنستف فدوك الصنادق سليتهم وانا نكلس كنتسراح ونتى عارفني مرة مرة كنبغي نتبق ونتنشوى هزيت واحد الگويروا حتى تسد عليا الباب ولقيت راسي هنا، ولكن والله لا بقات فك اولد الحرام صدقتي كتبيع الغبرة وانا كنقول سيد خدام فالمارسي وعندوا كاع دوك الملاك والرونج روڤر ساعة نتى خادم فالبيضة والله ماصدقتي حشومة علك اصاحبي عارفني كنموت على هاذ الخدمة وماخدمتيني معاك

عباس : اودي دبا مشينا فيها واش عارفة راسك فين ولا لا

هاجر : مالي فين بغيت نكون كااع كولى غير فطنجة

عباس : طنجة هههه احنينتي راكي فروسيا وكاينة عند اقوى رجل العصابات فالعالم

هاجر ؛ اشوا كتخور فزك الميت حتى نتى اويلي على روسيا سير اودي طنز على كرانك كولى حنى غير فشي سوق لاربعة ههههه معرفت مسكين كيحلم بنهار كالك بروسيا غير اجي وسير لروسيا

عباس : تيقي ولا هلا تيقي بعدا متجي فين تعرفي راسك واش فيها ولا حتى تلقاي مول امانة دامانتوا

هاجر : ياحليلي دبا انا كاينة عند المافيا ومخطوفة من الفوق سير احنة الله يرضي عليك كون ما دوك الدعوات كولى راني باقة كنهز الصنادق على ظهري

عباس /: الله يعطيني غير شوي من هبالك واش انا كنقول ليك راه نهايتك قربات ونتي فرحانة

هاجر : تانتا موت وحدة لي كاينة

اما ريكس مقابلهم من الكاميرات وكيشوف فهاذ المخلوقة لي معرفها واش ولد ولا بنت اشار المرافق ديالوا رفاييل

ريكس : جيب ليا هاذيك ولا هداك نشوف اشنوا تحت راسها

رفاييل : وخا اسيدي

مشا لعندها رفاييل قرب ليها وهيا وتخنزر فيه

هاجر :وتا زكا اهياتا زكا خلي رباط وباش بغيت نبان انا مخطوفة الى حيدتي رباط

رفابيل مفهم منها والوا ولكن غطا ليها عينيها وسد ليها فمها وبدا جارها حتى دخلها البيروا حطها فوق الكرسي وخيد ليا الرباط على عينيها وفمها وخرج

هجر داخت بجمالية المنظر لي فيه مكتب كولوا بالاسود وكبيير بزااف

هجار : بابابا با اشهاذ الخير وهاذشي زين دير منوا دارنا وزيد عليها ديور الدرب كامل وميوصلوش لهذا

بقات منباهرة حتى سمعت الخبيط كان ريكس لي تعصب منها وهوا يخبط المكتب حتى تزلعوا كاع الوراق لي كانوا فيه

ريكس : راني داوي معاك شكون نتي ولا نتا وشكون صيفطك

هاجر : ااه خلعتيني غا بشوية انا والله مصيفطني شي حد انا كنت غير خدامة على راسي حتى لقيت راسي هنايا اشنوا سماك بعدا لشريف انا هاجر وكيعيطوا ليا زوهير

ريكس بقى غير مخنزر فيها اشهاذ البرود واشهاد الزعامة وهوا الرجالة بشلاغمهم وكيخافوا منوا تجي برهوشة تجعم عليه

ريكس : هييه نتي تجمعي راك ماشي فدار باك انا هنا لي كنسول ونتي معليك غير تجاوبي

هاجر : وشكون نتى زعمة باش نجاوبك با وكنت نرد عليه الهضرة بقى غير نتى

هنا ريكس تقضى ريه الصبر دغيا ناض ليها خلطها تما وجها رضوا ليها بحال الكرونة كاع دكدكها وسرها فمها خارج عليها،

برك على واحد الجرس تما جاو خرجوها بطانة ورضوها البلاصتها حتى يتفاهم معاها من بعد

لبس الفيست ديالوا الماركة لي مصمما ليه خصيصا وهز سوارتوا وخرج كيصفر بحالا مدار والوا

لقصر لي مشافوش شحال من شهر هذا كان عالمهم معا وصل لقى كااع

الخدام واقفين بالباب تاع الجردة كيساينوا فيه وراسهم محني قرب ليه الكارد حل البال ديال اللوطو لي منوع لامبركيني نزل بكل سموخ وتعظم

توجه القصر ديالوا لقى داداه كتسناه بأشهى المأكولات داده الحاجة فاطنة لي رباتوا من صغروا كتموت عليه وحتى هوا كيحماق عليها مشى باس ليها راسها

ريكس : علاش محنا راسك الوليدة

فاطنة : اينا محاين تاني اوا صافي وانا لي غير كالسة وكولشي كيجي حتى العندي وعلى الى مطيبت الولدي لمن غادي نطيب

ريكس : الله يخليك ليا الواليدة ولهلا يحرمني من طيابك ونتي عارفاني مكدوزش ليا الماكلة الى مكانت من هاذ ايدين لي كيخرجوا العسل

فاطنة : على اولدي مزال تزوج وتدير وليداتك ودوق طياب مرتك وتنساني

ريكس : بلى منخسروا راكي عارفاني مكنحملش هاذ الموضوع يتجبد قدامي

فاطنة : علاش اولدي كدير فارسك بحال هاكدا علاش مباغيش تنسى الماضي وتعيش حياة طبيعية

ريكس : بدلي الموضوع الواليدة

الحاجة فاطنة سكتاة حيت عارفة الى زادت شي حاجة خرى غادي تصدق غير جابدة نحل على راسها وعيا عارفاه كيف داير مكيقبلش لي يفرض عليه شي حاجة ولا يتزايد فالهضرة كيرجع واحد اخر

طلع ريكس الجناح ديالوا لي مخصص ليه بوحدوا كامل ممنوع شي حد يقرب منعا باتا من غير داداه لي كتنظفوا ليه نصل حوايجوا بعصبية وتخشى فالبانيوا لي كان مجود اصلا من ديما معروف عليك كيف يدخل خاص يىقى الدوش مصاوب بريحة النعناع لي كاريحوا وكتهديه غمظ عينيه وهوا كيتفكر الماضي ديالوا الاليم

قبل 15 العام

كان طفل الصغير بريئ كيلعب هوا الأخ ديالوا الصغير معارفين والوا فهاذ الدنيا ةلد البطل ديالنا دكي بزااف وصعيب تلعبها عليه من صغروا وهوا مطور ،

شك بالأم ديالوا مدخلة شي حد الدار من خلال ارتباكها وكيفاش خرجاتهم يلعبوا بالبرد وشتاء وهيا لي موالفة تخاف عليهم غير من البرد الى كان مجهد جاه شك جر خوه من ايدوا ورجعوا لدار دخل خوه بشوية البيت وسد عليه فالبيت ورجع بخطوات تقيلة وغير بشوية حتى وصل البيت الام ديالوا وبان ليه ابشع منظر يقظر شي حد يشوفوا واحد الشخص شاد الأم وكيطعن فيها بوحشية نيشان جيهت القلب ديالها بالخلعة وهوا صغير خاف بزاااف مبانش ليه وجهوا مزيان ولكن حقق غير فتوحيمة لي كانت على ضهروا حيت كان عريان وحتى الام ديالوا كانت عريانة والجسد ديالها ندبات وجروح فيهم أثر الاغتصاب القاتل غير سمع الحس وهوا يهرب من الشرجم ديك ساعة دخل الأب ديالوا من الدار وحتى هوا تصدم كتر من ولدوا وهوا كيشوف مراتوا والام ولادوا مرمية وسط دمايات

رجع الوعي ديالوا مني حس براسو تخنق بالماء ناض وهوا معصب بزااااف بانت ليه فالمراية شخشخهاا كاملة حتى خرج ليه الدم من ايديه من بعد خرج الشومبر ديالوا لي دير من دارنا 10 ههههه

اجي نرجعوا لعند الهبيلة نشوفها اشنوا كدير كتخل فعينيها بشوية عليها وهيا كتخس براسها مهلوكة مزيان عينيها متقلين عليها نقادراش تحلهم

هاجر : احححح الله يعطيع تهراس ولد الحرام

عباس : هاذشي لي كونتي كتقلبي عليه هاهوى لقيتيه ودبا تكمشي

هاجر : ولد القاف غير جاني على غفلة اما كون هلمكت مو عصى

عباس : راه قلت ليك سدي فمك راك معارفاش معامن داخلة راه اخطر واحد فعالم المافيا رجالة بشلاغمهم ومقظروش عليه تجي برهوشة بحالك تغلبوا سيري ابنتي سيري ابنتي تكملني نعاك ونتي غير دار معاك الصواب غيبتي من البارح

هاجى : الربهوشة هيا مك كول دبا انا من البارح وانا مغيبة حلف بالله كون غير جادتي شي سلخة خرى نزيد نعس غير شي شهر راه من شحال هاذي مدقت نعاس عدي داك لي يسميوا عرق اولا أرق معرت كي سماتوا ليا جدة هئ هئ هئ درني جوع وتوحشت الجدة وبغيت نرجع فحالي وبغيت نتكيف

عباس : صافي تقضاو ليك وليتي تبكي

هاجر : هااء اتا تا سكت هادو غير دموع التماسيح زعمة نقدر نبقى فيه ويعطيني مناكل ولا غير شي كاروا

عباس : على نتي كتكمي بسلامة

هاجر : من زمنن طويل دبا سكت خاليني نفكر فشي حيلا باش نخرج منهنا

عباس : يلاه الالة خدمي داك العقل ديالك شوية نشوفوه

هاجر :بناء على معرفتي الفكرية و العلمية بهذا المجال و معرفتي الواسعة من الناحية التكتيكية و المبدئية منذ القدم وبصفتي متمرس وخبير سياسي وبحكم موهبتي الدبلوماسية والسياسية في ضوء التطور الراهن توصلت إلى نتيجة ملموسة وعميقة مفادها أنه ليس لدي أي فكرة دبا

عباس : ياربي تصبرني واش قلنا ليك ماشي تعمقي لينا فهاذ التفكير عامل وتفلسيف ومعارفة والوا

هاجر : وتا سكت راني خازنة واحد البريكة هنا كنت كنتكيف بيها حتى لقيت راسي هنا ودبا انا غادي نقرب لك ونتى زبد البريكة من الجيب صافي

بدات كتقرب بالكرسي ديالها حتى وصلات العندوا،

معا ختحط الكرسي حطاتوا ليه على رجليه غوت غوتة وحدا حتى الكارد كاملين تجمعوا عليهم اما هاجر بكترة الخلعة لي تخلعت بسباب الغوتة جات مصلية الأرض

هاجر :سير الله يعطيك اللقوة اولد الحرام سري انا لي باغة نعاونك

الكارد : اشهاذ الصداع اشنوا واقع هنا

هاجر : هداك اسيدي كان بغى يهرب راه غير شديتوا ليكم باش ميهربش

(سيدة جبدات البلى ومن بعد لصقات فيه كولشي ) جروه داوه وخلاوها غير بوحدها

هاجر : اوا دبا ابنتي هاجر تعاودي معا الحيوطة

دخلوا ليكارد تاني وهازين الماكلة فيأيديهم

حل ليها واحد العصاب ديال ايدها

باقي مقربش ليها الماكلة حتى طارت عليها بحال شي كلب محسات براسها سلات كاع ديك الماكلة لي حطو ليها عاد هزات فيهم العين

هاجر : سير الله يكرمكم كيف ماكرمتوني(اوا هانتوما سيدا مخطوفة وكتشكر فيهم من الفوق)

هاجر : هانتوما الخوت رضوا ليا عبيبيس ديالي يونسني راه ضريف والله

نرجعوا لعند البطل ديالنا ريكس لي دخل بدل اللبسة ديالوا ولبس حوايج سبور وهبط لصال سبور لي فالقصر فين ميكون نعصب كيفرغ العصبية ديالوا فصبور وهوا كيتدرب جات فبالوا ديك الجعواقة ديال هاجر مفهمش علاش ناض خاسر مشى نيشان التيلي ديالوا لي فيه الكاميرا يقضر يشوف كولشي من تيي ديالوا بانت ليه هاجر حالة فمها ناعسة واحد النعسة عالمية راسها عوج وايديها مربوطين ورا الكرسي معدبة بالمعقول بقات فيه وحن عليها شوية ولكن هوا ميقضرش يخليها تمشي هوا من خلال الحاسة ديالوا وتحليلات ديالوا عرف بأنها معندها حاى ايد فهادشي ولكن خاصوا يتهنى منها حيت شافت وجهوا وعرفاتوا فاش خدام وضربات ليه الطن فىاسوا علاش ميجيبهاش تخدم عندوا منها تضمن عيشتها وهوا تبقى حدا عينيه وديك ااساعة تاصل برفاييل قاليه جيبها القصر وداكشي لي كان رجعوا لعند هاجر لي حالة فمها محست برسها حتى تخطاو عينيها وتهزات من بلاصتها

هاجر : 😡وا العداوة وعباد الله فين غادين بيا شوفوا صافي غادي نموت توما حطوني يحط ليكم الرحل واااا جدة وعتقي وعبااااس وتهلر الموت قربات

ريكس كيشوف فيها. كيضور راسوا بلحولة ولا قوة الى بالله

كمل الرياضة ديالوا وحس براسوا تنفس شوية طلع البيتوا عاود طلق عليه الرشاشة تاع الماء بارد والمنظر ديال الأم ديالوا بين عينيه مقاضرش ينسى موتها ولي زاد انبوا كتر انه واخا ولا من اكبر المفيوزيين وغنى الناس باقي ملقا لي قتل ليه الأم وشحال كيتوعد ليه بأشد الانتقام هوا والعائيلوا مخبى فين بحت عليه.و لكن هوا معندوا حتى دليل عليه من غير توحيمة لي فرقبتوا

خرج من دوش توجه نيشان الدرسينك لي كيتلف كول حاجة مستفة فبلاصتها بسلاسة والاحترافية اكتر حاجة كيكرها هيا الروينة ولا عفن نقي بزااااف الغبرة ولو صغيرة يقضر يعاقب عليها الخدم توجه البلاصت السوميز ديالوا لي مصمين خصيصا ليه والاسم ديالوا كين فالكول وتوجه السراول حتى هوا مرتبين بوحدهم كولشي بلاصتوا سلى تبدال واد الساعات لي وحدة تلفك فالخرى غير الماركات ديالوا من الالماس حيت شركات ديالوا كيصنعوا الالماس وكيعلموا على الاستخراج الالماس والتدويروا

ضرب الحطة اخر مكاين ورش ريحتوا لي حتى هيا من تصميموا الخاص متخلصها بنفسوا دوقوا صعيب بزااف هوا ديما كيستخرج العطور بنفسوا خرج من درسينك وهوا بكل اناقة وشمووخ ولي شافتوا ولا شمات ريحتوا طيح على طولتها

اما عند هاجر راهم وصلوها القصر عاد حيدوا ليها العصاب من عينيها

هاجر : هناري فين انا وقيلة كنحلم واش فالجنة ولا فردوس لا لا منضنش انا فعايلي يديوني الجنهم الخالدين هزات راسها بان ليها ريكس هابط من دروج بالتخنزيرتوا فالحقيقة خافت منوا ولكن مبغاتش تبين

ريكس :ديوها من قدامي وهيطو لشي خدامة تكلف بيها وتوريها مهامها

فاطنة : اشنوا واقع اولدي وشكون هادي لي جات

ريكس : مواقع والوا هاذي غير الخدامة جديدة فالقصر نبغيك تكلفي بيها

هاجر: ايواه جمع فمك قالك خدامة معامن تشاوري بعدا ماوافقت ماتفاهمنا على فلوس غير اجي وخدم

ريكس طلعات ليه الدم هز ايدوا حتى السماء وعطاها بسقلة حسات بارتجاج فالمخ

دغية مسات داداه العندها هزاتها من الأرض وخنزرات فيه

فاطمه : حدك تما انا عمري ربيتك تستقوى على البنات

ريكس. : عصبتني الوليدة ديها من حدايا ونتي غادي تسمعي لداكشي لي كتقول ليك نتي وليتي عبدة عندي فهمتي ودبا تحركي ويااك تم وياك نسمع منك درتي شي غلط نهار ميطلع فيه شمس

ناري هاجر تعصبات مزيان..

...ريكس : فين وصلتي فالمهمة لي كلفتك بيها

رفاييل : سيدي العصابة ديال جينكوا هوا سباب فكولشي عرفت من خلال الجواسيس ديالنا انهم ليومة مقررين يبداو العملية ديال نقل الاسلحة لي كانت غتكون من نصيبنا وكتاشفت انهم غادي يصدروها الاسرتئيل وداكشي لي خفنا منوا هوا لي غادي يوقع غادي يصدروها الأقوى الأعداء ديالنا فمصر

ريكس : ميمكنش خاصنا ضاروىي نعتارضوا طريهم بغيتك اليوم تجيب وقيتة فاش غينتاقلوا باش نهاجموا عليهم حيت الى مشى حتى وقع السلاح بيد اعدادؤنا غادي توقع الكريثة

ىفاييل : اوكي البوص وتفارقوا ريكس توجه الشريكة ديالوا لي متخصصا فصيناعة المجوهرات والاكسسورات نسائية ورجالية ولي مفخباركومش انا ريكس هوا المصمم ديال الشريكة تصاميموا كيخدوهم غير الملوك

نرجعوا لعند هاجر لي حلت تاني فمها فالقصر متلات بغات تشدوا

هاجر : وااخير هذا

فاطنة : قولتي شي حاجة بنتي

هاجر : على انا باقي عندي شي حاجة نقولها وا ضربتني اللقوة عفاك وخا تقرصيني كنحس براسي بحالة فشي حلم واش هذا قصر حقيقي ولا مصنوع من الدهب نخاف نبرك على شي حاجة تهرس

فاطنة ؛ ههههه زيدي ابنتي زيدي راك مكتحلميش وقولي تبرك الله هاذ الخير كامل ديال ولدي ريكس

هاجر : الله هوما بارك وزد في دلك ولدك هداك الحاجة والله مكيشبهلك مالوا ديما مخنزر غارقين ليه الباطويات

فاطنة : ههههه ضحكتيني ابنتي الله يرضي عليك اشنوا سماك

هاجر : سميتي هاجر الحاجة ربي ماقولي ليا فين حنى راني باقة مصدومة

هاجر : دبا الحاجة داك ولدك واش بصح سيميتوا ريكس هههههههه

فاطنة : علاش مالها كي جاتك

هاجر : لالا لا زوينة غير بحال سميت الكلاب هههههه

حاجة فاطنة معجبتهاش هضرتها وهيا تخنزر فيها

فاطنة : بديتي تخسري جمعي فمك راك معارفاش اشنوا يقضر يوقع ليك الى سمعك ولدي ريكس كتقولي هاذ الهضرة العضرة لسانك يطير فالبلاصة

هاجر تخلعات هههه وشدات فهما خافت على لسانها وهوا لي عندها الى مشات حتى مهدراتش تقضر توقع ليعا شي حاجة

هاجر : سميحي ليا الحاجة غير كنضحك معاك متكونيش معقضة وخلي قشابتك واسعة

هههه الخاجة فاطنة وخا هكاك جابت ليها الضحك بعضرتها وشحال رتاحت ليها حتى وحدة مكتعرف تهضر بحال هاكدا كولشي كيهضر غير بديك اللغة ديالهم لي مكتحملهاش

عيطات الخدانة مغربية حتى هيا ولكن غير من الأم حتى هيا داريجتها معكلة شوية

فاطنة : جورجينا وا جورجينا

هاجر : شكون جورجينا واش مرت كريستيانوا

حاجة فاطنة : شكون عاذ كريسيانوا ااني هاذي غير الخدانة لي غادي تديك البيت لي غادي تكلسي فيه وتلبسي حوايج الخدم بحرى توريك المهام ديالك

جورجينا : نأام ألالة

فاطنة : دي ابنتي هاذ الخدامة جديدة معاك فالبيت وعطيها الحواايج الرسميبن ديال الخدمة

جورجينا : واحا الالة

هاجر : هههههههههه ايويلي على واحا هههههه قولي خاوي

فاطنة : هاجر كوني تحشمي

هاجر : واحا الالة هههههه

هانتوما راه قلت ليكم غير هبيلة مشات فيها هاذ جورجينا

جورجينا تمشات معا هاجر حتى البيت فين ساكنة لي كان كبير شوية وفيه زوج نموسيات والبكرات والدوش كولوا مزهز هاجر بقات حالة فمها فيه

هاجر : هادشي كامل غادي نكلس فيه انا واي واي غنتبرع والله حتى واعر

جورجينا : أنتي عادي تدوشي من بعد لبسي هادوك الحوايج وعادي نرجع ليك من بعد

هاجر : ههههههه فمك مراجل كتر من حياتي وحا انا ندوش ونجي عند ماما صافي ههههههه هادشي لي بقى ليا غير هاذي تهضر معايا بحال البعااك

مشات وخلاتها

هجار : بشاااخ لي عطاتوا ليام يدور سنكيام

دخلات الدوش لقات البانيوا عامر ماء قلعات حوايجها بقات صولوا وخلات ليه حسات بعظامها كلهم ترخاو عليها ضورات راسها لقات عرام ديال القراعي بنكهات مختالفة خواتهم كاماين فالبانيوا وزادت حلات الماء وبقات كتلعب بالماء وهوا خارج البرى ومرغوي من الفوق شوية حبساتها لخرية ناضت بزربة كتقلب على الطواليط يلاه حطات الرجلها تهزات حتى السماء وتخبطات

هاجر : الاه الحافيض الله ميمتي تهرس الله ياربي الله باقة صغيرة مشفت متشوفت اللله ياربي الله وصحيحتي على قد الحال الله ياربي ونموت معدبة واقيلة تشللت

حسات براسها موقع ليها( هاديك راه حتى حاجة متوقع ليها دايرة بحال الكلب بسبعة الرواح )

ناضت تشللات وجمعات ديك الروينة لي دارت هزات فوكها وخرجات بان الجمال ديالها وعاد بانوا وعينيها وداك الشعر المسبسب وخا بعض الكدمات على جسمها حيت ريكس مني ضربها رعا ليها ومقربش ليها لوجها ههههه ووجها مكانش باين بسباب الوسخ والكحولة واقيلة شي شهرين لحمها مشاف الماء حسات برسها عاد تولدات خرجات البيت بفوطها وهيا تلقى واحد الكسيوة قصيرة ومعا دوبياس بالحمر وبانة ديال الشعر ديال الخدمات

هاجر : بابا با اشهاذا اويلي بغاوني لبس نص ميتىروا ديال توب هادوا بغاوني نتكوا بالعلالي بنت ليهم شيخة حتى يكون با سميتوا ميشيل ولا مي انجيلينا جولي باش نلبس هاذ لباس لالا نخرج عريانة حسن رجعات لبسات حوايجها المسخين شهر مبدلاتهم وخلات شعرها مطلوق بحرى ينشف جات لعندها جورجينا لقاتها لابسة حوياجها القدام وهيا تصدم

جورجينا : نو نو ختي أدشي ممنوع حاصك تلبسي حوايج الخدمة

هاجر : وا مشطبة كحلة هاذي بعدي مني اختي عار العار ربي لما قولي خويت ريكس

جورجينا : اويلي نتي حمكة علاس بغيت نح***وي سي ريكس

هاجر ؛ ههههههههه والله حتى قولتيها شفتي الحيلة حسن من العار

جورجينا حتى كتضحك هههههه عجباتها هاجر بعفويتها ههههه ديالها وحماقها مسكينة معرفتش هاجر دايرها ضحكة ههههه

هاجر : هانتي ربي لما عاودي قولي كرمتي جميلة

جورجينا : ترماتي جميلة دبا بركة من الهضرة الحاوية ولبسي حوايك قبل متجي لالة

هاجر تمرمغات بضحك فالأرض

هاجر : اويلي على ترماتي تي فين تكسابيها بعدا وهوا فصراحة تقال عندك داكشي فائض فالانتاج

(جورجينا قوقة عويناتها خوضر ومسفرين وكبار والمنهر منقاد الشعر مسبسب مقطعاه قصير والفورمة اشنوا نقوليك بومبا هههه كولشي فبلاصتوا وكرش منحزتة الصراحة تقال زوينة بزاااف زينها روسي مخلط معا مغربي )

هاجر قتانعات تلبس دوك الحوايج بعض محاولات كتيرة من جورجينا وهيا محملاش تلبسهم اما جورجينا تصدمت فيها واش هاذي هيا لي كانت غير دبا مبهدلة وحالتها خالة ولات وحدا خرى

هاجر : وشريفة شدي فمك راه الموت كضور

جورجينا : وراكي واعرة انا والله معرفتك كتباني زوينة بزااف

نخاليوا هاذوا ونمشيوا لعند ريكس لي وصلوا بلاصت تنفيد العملية ورجالهم كلهم شدوا بلايصهم كيتسنى غير الفرصة باش يهجم على الفريشة ديالوا

وخا مقاضرش يصبر وأعدى حاجة عندوا هوا الإنتضار بانوا بداو كيسلموا البصائع هوا يعطيهم الاندار باش يهجموا داكشي لي كان هجموا عليهم مساكن معرفوا باش تبلاوا حتى هجموا عليهم رجال

ريكس مخلاو فيهم حتى واحد صحيح رفاييل وريكس عاد خرجوا لعند منافس ديالهم

ريكس ؛ وا فين الفار شفتك مخزون بان بان علك لمان

رفاييل : لا اصاحبي بلما تخلعوا كتر راه دارها فسراوالوا

ريكس : اوبس سمحلينا جينا بلى عراضة واقيلة خربنا ليك الحفلة توتوتو اووووه بقتي بيا طلعات ريحتك رفاييل ديه يكمل الفلة ديالوا فديبوا حتى وتهالى فيه

جينكوا : غادي ندمك اريكس غادي تندم

ريكس : دبان كتر هاذ ليام يلاه خليت لك الراحة

مشا ريكس وهوا كيصفر انا رفاييل هزو مسكين بايل فسروالوا

رفاييل : اووف اوووف اشنوا هاذ الريحة اصاحبي لي قدك باقيت كيديرواها فحوايجهم

جينكوا : خاليني نمشي ونعطك ضعف ظاكشي لي كيعطك ريمس ونكتب ليك شركة ديالي فالإسم ديالم اشقلتي

رفاييل : اووووو جينكوا بغا يتصدق عليا وسير تق***ود اولد الكلبة عارف كولشي املاكك غادي ترجع لينا مني تموت ونترحموا علك

داه الديبوا وربطوا بالحديد مزيان من بعد توزجه القصر

نرجعوا القصر كان جورجينا كتوري هاجر الغرف لي غادي تكلف بيهم والمزصيبة كلفتها حتى بالجناح تاع ريكس ناري من هنا كنقول هاجر الله يرحمك

حتى تمات داخلة واحد البنت كتعوج مسكينة معندها متعوج غير العضام كيتقرقبوا وداربة الفم حتى شاط عليه

هاجر : شكون هاد متعاوزة السقاين واش كراوعها مخاصمين

جورجينا : سكتي دبا تسمعك هاذي راه خطيبت سي ريكس

هاجر ؛ ههههههههه نعام شكون شكون دبا نصف دائرة خطيبت داك الغول وااله حتى مزيان صام حتى صام وفطر على كروفيتة دبا هاذي مني كيقرب ليها مكتققربش هههههه

جورجينا : ههههه ضخكتيني والله هوا اصلا مكيبغيهاش ديما قامعها خاطبها غير على قبل باها بيناتهم شي شراكة

هاجر : وانا مالي مكنبغيش نهضر فناس اختي نميمية خايبة

هاجر : دبا قولي ليا اشنوا ندير

جورجينا : غادي طلعي تنضفي الجناح ديال سي ريكس وياك تم وياك تحلي شي عبرة ولا شي حاجة راه يقتلك فبلاصتك ومتعطليش

هاجر : وحا هااء وخا شتي نتي نقلس معا شهر ترضيني بحالك

مشات هاجر الجناخ وهيا تحل فمها متلاتش بغات تشدوا بكترة الصدمة شي حاجة كتر من الخيال وضور فداك الجناك

هاجر : الله يارب شووف ناس فين عايشة انا كنت شادة نص ميتروا جامعة فيه كولشي حب وتبن وهذا غير بيتوا يدير من دربنا 5 بابا كيقولكوالفلوس وسخ دنيا سير ياربي بغيت نبقى نتوسخ حتى نخناز بالفلوس عرفات متجمع ولا منين تبدا شي ساعة وهيا غير كضور حتى دخل ريكس ناري بالخلعة تخبات تحت الناموسية

كان داخل ريكس وداخلى معاه ديك الصوصيطة

هاجر : الله ياربي الله الخافيض الله صافي الله يرحمك أهاجر مشيتي فيها كفتة مكفتة على أخرتك يعمروا بيك الكفايتية الصوصيط ويكفتوا بيك الله ياربي معندي حتى صحة فين يطيحوا الضرابي

اما عند ريكس داخل طالع ليه دم ومحاملش 7اذي لي تبعاه هوا كيدير ليعا الخاطر على قبل مصلاحتوا وحتى قلل الباها حيت ساهم بضور الكبير وبزاااف فهاذشي لي ولصل ليه دبا وعارفها هبيلة تقدر دير فراسها شي حاجة

نمشيوا لعند ليزا لي حتى هيا من ام روسية والأب مغربي فعمرها 26 بنت زوينة مي رقيقة بزاااف بخال القصبة تنفخي عليها الكير وزيداها بطول طويلة بحال البوطوا وشعرها الأشقر قصير وعينيها زورق وفهما ضاربة ليه البوطوكس حتى شاط عليه معندها لا سغل لا مشغلات الحاجة الوحيدة لي كظير هيا كتضل تابعا ريكس فكل بلاصة وخا كيهينها وبعض المرات كيضربها ولكن هيا كيعبها الحال وخصوصا فالمنراية الحنسية ريكس معروف عليه عنييف فالممرسات ديالوا وهاذشي هيا كتحماق عليه

ليزا جرتوا من الكول ديال السوميز وهوا معصب ومحملهاش

ليزا : خبيبي توحشتك بزااااف فين غابر عليا

هاجر : يعطيك حبة فترمة لي متكسابيهاش

ريكس : ضوري تق***دي عليا ممساليش ليك

هاجر : ارعد

ليزا : علاش احبيبي كتعامل معايا بحال هاكدا ونتى عارفني شحال كنبغيك

هاجر : يخخخ عمرني شفت طياب العنب بنهار واش هاذي معندهاش كرامة

ريكس : إليزا قلبي عليا الله يرحم باك

هاجر : (جاتها ضحكة وعينيها دمعوا غير شوية كانت غادي تفضح )ههههههههه واميمتي على اولويزا على قلت السميات

إليزا مشات سدت الباب بالسوارت وبدات كتقرب ليه بشوية وبتلحوين

اليزا : معندك فين تمشي انا سديت الباب بساروت حبيبي انا سخونة وبغيتك تبردني

هاجر ': اميمتي اميتي شي فوق الشواية وشي تحتها اربي لما خود حقك منها وهانينا اميمتي هيا بغات تكوى وتبوس وانا المتعوسة غنبقى تحتهم محبوسة

ريكس : ممساليش ليك دبا

هاجر : وامصيبة كحلة هاذي وشريفة ردي غير السوارت الباب نق***ود فحلاتي اشنوا دبا غنبات هنا وحاضيا راسي لتجيهم الز****لة ويقطرو عليا الرايب البلدي ....والعمالة سير الله يعطيك العجز الجنسي واخا توقف ليه العلام ميوقف هاديك ترى هاديك وخا تشهى تكويها هاديك ديال الكوا بعد ا كيلوطها تلقاه معظم كتر من كوكليط العنزي ..

دبا لا نضت خرجت اشنوا غنقوليه كنت كنورد البقر ولا نقوليه اسيدي جيت النعاونك لا تخصك شي دفيعة

شوية حسات بكرشها كتغوت هاذا غير الماكلة لي عطاتها جورجينا موافقتش معدتها

هاجر : لا وياااك عفاك الى هاذي عفاك ديري المزيان اترمتي ويااك طلقيها يرحملك الوليدين هلعار الميمة

ساعة طرمتها طرعات قح**ة مقطرة طلقاتها قدا قداش

ريكس مفنم والوا كيتسحابوا اليزا اما اليزا حتى عيا مصدومة كتسحاب راسها واش هيا لي طلقاتها

شوية تسمعت حزقة خرى استتنائية وخانزة بزاااف وهاذ المرة خانزة بزاااف

ريكس : اووووووف نتي اشنوا واكلة

وناض خرج دغية من البيت وحتى هيا حشمات من راسها كتسحاب راسها غير هيا مولاتها هههههههه اما مولات الفركوعة باقة مخزونة التحت وكتطلب ربي متفضحش غير بانت ليها ايليزا خارجاا وهيا تبدا تسلت حتى هيا

غير وصلات الدروج وهوا يوقفها صوت الغليظ ومعرووف شكون مولاه

ريكس : هيييه شكون نتي وباش من حق كدوري هنا

هاجر غمضت عينيعا وكتطلب الله باش متفضحش

دارت

هاجر : ععععععع عرفني هاويلي غدايدي لا باينا عذا هنا غادي يدفني غانضيع فشبابي مالوا قطع الخس ياكمة مشى يجيب شي مقدى ولا جنوي ينحرني هنايا

بشوية عليها وهيا مغمضة غينيها غير شافها ريكس تصدم معرف باش تبلى قلبوا ضرب بجهد كتبان بحال سي اميرة بهدوك الحوايج وشعرعا المطلوق وعويونتها الناصحين

هاجر متلات البراءة : انا اسيدي غير كنت كنظف هنايا سمحليا الى ديرونجيتك

ريكس ودنيه مصمكين مكيسمع والوا كيشوف غير فديك البراءة كاملة لي 6لى وجها تقول هاذي مكتحركش البيضة من بلاصتها

ريكس : شكون نتي بعدا

هاجر : ويلي الشاف معرفتنيش ههههههه والله حتى مزيانة هاذي راك جبتيني بإديك العشير هااء سمحليا بغيت نقول سيدي

ريكس هنا جاتوا الصدمة التانية ديك المسخة لي جاب معاه طلعات ملاك وهوا لي كان كيتسحابها غير شي كوفرة ههههه

ريكس : نتي اصلا شكون عطاك الحق تقربي المملكة ديالي ممنوع عليك هاذ بلاصة فهمتي نتي مستواك تجمعي الزبل ديال الجردة فهمتي

هاجر : ياااه والله حتى عندك الصح حتى انا هاذشي لي بان ليا والله مافيهم تمارة بحال هاذ الدروج لي كيتقداوش

ريكس : قلت ليك عمرك تسمعيني صوتك واش فهمتي نتي هنا الخدامة عندي او بالأحرى عبدة عندي واش نفهوم ولا نفهمك بطريقتي

هاجر : كيفاش عبدة عندك واش نتى شوية لباس راك فالقرن 21 مالك باقي متخلف واش مريوكش والديك مزيان

غير سمع هضرتها عينيه تقلبوا ؤجع شيطان هيا راه فكراتوا فمواجيع الماضي كاملين هز ايدوا حتى السماء ومع هيا مشداش توازن ديالها فلتات ليها رجلها فدروووج وهيا تكركب من الدرجة اللولة ريكس كان بإيمكانوا يشدها وبكن مبغاش عينيه باقين مسيطر عليهم الغضب حدوا كيشوف فيها كتكركب فدرووج محد الغضب كيفوت والخلعة كتبان معرفش علاش دار بحال هاكدا هوا لي اصلا كيقدر المراءة وصعيب يقرب ليها دبا كيحس براسوا ضعيف كيفاش قضر يستقوى على مرأة اظا هاجر معا درجة كتخس بروحها بغات تخرج وصلات الدرجة الأخيرة فقدات الوعي وقفات حدى ريجلين واحد الشخص لي مصدوم حدوا داخل بسوارتوا كيلعب بيهم حتى كتنزل بنت غاية فالجمال من الدروووج وفاقدة الوعيي

هزها داك الشخص بزربة وجرى بيها السيارة نيشان المستشفى ديال ريكس موجود قريب من القصر لحلات الطوارئ دخلها بشوية عليها غير شافوه الممرضات بزربة جاو العندوا كيجريوا

الممرضة : مالها اسي فارس

فارس : وكتسوليني من الفوق خوديها نتي وشوفي مالها

الممرضة : سمحليا اسيدي حنى غنتكلفوا بيها

فارس ؛ يلاه دغية اسقالسة كتزنزني عليا هنا

(فارس خوا ريكس الصغير محبوب الجميع فعمروا 24 اشمنك يجمال واشمنك بعضلات عيونوا زورق بحال خوه وشعروا الرطب هاطب على عينيه فموا الغوزي ولحية خفيفة مزينة وجهوا ،

بطل العالم بسيلقة السيارات كيحماق على شي حاجة فيها السرعة هوا مربي على ايد خوه ريكس كيموت عليك وكيموت منوا الى دار شي غلط صغير كيعاقبوا هوا حنين على خوووه بزاااف وزهواني من درجة عنااب هههه وزلال البنت لي عجباتوا مكيفلتهاش )

نرجعوا لعند ريكس لي اصلا كاعمة عطى الإهتمام لديك المسكينة لي طاحت من الدروج واش ميتة ولا حية فاظنة سمعات الخبار وبقات فيها ديك الزغبية وحتى جورجينا مشاو العندها

لقاو فارس كيساين فيها

فاظنة : ولدي فارس غبور هاذي متقول توحشتني متسول فتيليفون خصارة فك تربيتي

فارس : والله حتى توحشتك الوليدة وبزاااااف رامي عارفة التداريب صعيبة بزاااف ديال المسابقة العالمية لي مبقى ليهل والوا مكنحكش راسي

فاظنة : ايييه اولدي عارفة لي كاين وخا عيت معاك تبعد من داكشي وتديها غير فقرايتك ونتى راسك قاصح معلينا قولي اولدي كيف بقات ديك الزغبية قلت ليها شحال من مرة تبعد من ريكس راه عصبي وهيا مكتسمعش وهاهيا جابتها فراسها

فارس : شكون هاذي بعدا الوليدة

ريكس : هاذي الخدامة جديدة جابها خوك واقيلة عندوا شي حساب معاها ولا معرت

فارس بانت ليه جورجينا حادرة راسها وكتفرك فإيديها وبغي يجبدها شوية

فارس : جوجو صافا مالكي حشمانة

جورجينا كتموت عليه ولكن عارفاه مكيبغيهاش ومقاموا ماشي من مقامها

جورجينا : صافا اسيدي الحمدالله لا محشمانة موالوا غير خايفة على هاجر

باقين فالمحادتة حتى خرج عندهم الطبيب لي كان معا هاجر وهوا متأسف هههه غير كتضحك معاكم هاذيك راه قلت ليكم بسبعة الرواح

طبييب : سي فارس المريضة راها فاقت

فاطنة : اشنوا عندها اسيدي وكيف بقات

طبيب : الحمد الله والحاجة معندها والوا غير واح الهرسة صغيرة فإيدعا وحدة فرجلها بسباب طيحة مي ماشي خايبة بزاااف الحمد اللة الدقة فراس جات بعيدة على المخ اما كانت غتكون كاريتة

فاطنة ؛ الحمدالله واش نقضروا نشوفوها دبا

طبيب : وي تفضلوا

دخلوا لعندها لقاوهم معلقين ليها ايد ورجل

فارس جاتوا ضحكة من منضرها كيفاش كتبان

هاجر : مالك علاش كتضحك تضحك على عمرك عمرك شفتي شي حد معلق هاء بغيت نقزل مهرس

فارس : دبا عاد عرفت علاش نتي فهاد الحالة قوا فمك لي مباري منك فسيف خويا ميدير ليك هاذ الحالة

هاجر : دارلك شكون نتى بعدا

جورجينا نخزاتها باش تسكت

فارس: اه نسيت معرفتك براسي انا فارس انا الأخ ديال ريكس الصغير

هاجر ؛ قوق نتا خو داك الغول ولكن نتى كتضحك ماشي بحالوا ديما داير كوك

بدات كتعيب فيه وكدير شي حركات بحال حركاتوا حتى جورجينا شافت رسكس واقف عند الباب بحرى بغات تنغزها باش تفهم راسها وهوا يمنعها ريكس غير بعنيه

هاجر : كان غيقتلني وضيعني فشبابي وانا مزال صغيرة مشفت متشوفت

ريكس : دوماج ممتيش مي باقي الخال حتى دبا انا مخاسر والوا فجوج دقايق تشمي لاخرة

هاجر تخلعات عرفاه مكيضحكش معرفاتوا منين دخل ههههههه

فاطنة : وسلس اولدي حشومة مكنشوف درايريا حالتا كيف عاملة براكة اولدي

هاجر بدغت كتمسكن وتمتل البرائة

هاجر : واييه الخاجة والله حتى انا دريويشة معرني ضلمت شي حد انا كنت خدامة كنهز الصنادق على كتفي حتى لقيت راسي

فاطنة : ايولي ابنتي على الصنادق على نتي ديال الصنادق معامن ساكنة نتي بعدا وشكون جابك الهنايا

هاجر غير قالت ليها معامن ساكنة وهيا تفكر جداها وهيا تبدى الدمع عليهم تما

هاجر : هئ ه‍ئ هئ انا يتيمة اخالني معندي حد فهاذ الدنيا مربياني غير حدا مسكينة هئ هئ هئ توحشتها غتكون مشطونة عليا خليتها غير بوحدها

فراس : واشنوا بعدك عليها علاش جيتي لهنايا وخليتيها

هاجر : وعلى انا الخاطري راني كيفما قلت ليكم كنت خدانة فالمارشي ديال الخضرة مابيا معليا كنستف فسلعة حتى لقيت راسي عند هداك يلاه بغات تكمل حتى سد ليها ريكس فمها خافها تقول داكشي ديال السلعة وهوا مقايلش ليهم الخدمتوا فالمافيا لي فراسهم هوا عندوا شاريكاتوا وتصاميم ديالوا ،

ريكس : براكة عليك من الهضرة نتي دبا راك مريضة مخاصكش تهضري بزااف

هاجر : من بميتاتبنياسلسلسغسغبعببع

هادشي راه كتهضر وهوا شاد ليها فمها

فاطمة : اويلي اولدي طلق الدرية غادي تقتلها

ريكس متخافيش هاذي انا بان ليا عندها سبعة الرواح يلاه الوليدة ؤاها مريضة دبا خاصكم تخليوها ترتاح شوية

فراس : امممممم ترتااح واخا هاحنا غادين يلاه الولسدة وحتى زتي اجوجو يلاه نخليوها تىتاح مسكينة هاجر سميتك بعدا مشرف يمعرفتك

هاجر ؛ امنماليللييغيععي (باقي شاد ليا فمها )

فاطنة : يلاه ابنتي تهلاي فراسك والله يجيب ليك الشيفى

خرجوا وخلاوهم معا بعضياتهم

هاجر : ناري اخويا على تخنزيرات كدير فيا تقول قاتلى لك مك ؟ (ناري هاذ المصخوطة ماتمشي حتى تجيب اجالها على ود فمها )

ريكس : انا شاك فراسي غادي نقتلك الى مشديتيش داك الفم عندك

هاجر زيرات على فمها تخاف متحشم شوية شافت فيه برتجي

هاجر؛ شوف عفاك وخا تعطيني نهضر معا جدى عفاك غتكون نخلوعة علسا بزااف الله يرحم فك الواليدين

ريكس ؛ (غتهيلوا هاذ المصخوطة كل كتشوف فسه بشي نضرات كيزعزعوا ) جبد الايفون الاخر من جيبوا وعطاه لسها باش تهضر

هاجر : با با با ناس عندهم الايفون 12 وانا باقة خدامة بنوكيا بيل

كان بلى كود بلى والوا دوزات الخط هيا تسمع صوت جداها نن تيلي

جدها : وا الوو الووو واشكون معايا

هاجر : وغير انا الجدا غير انا

جداها : وافييينك المصخوطة وتي فسن غابىة يغبر البوك الشقف وسيمانة وانا نقلب عليك وبقى غير نديرك فداك مختفون حتى من الفلوس فتيلي داتهم لسا غير ديك البوعبولة بصونيت عليك

هاجر : ابشوية الجدا صوتك تقي لسا غربال دوني الله ياربي الله بقى فيك غير الفم وانا ىاه بيخير رانا كنقلب على خدمة فواحد المدينة بعيدة انشاء الله قريب نجيب عندي دعي معيا اجدة يلاه يسلامة انا غنقطع دبا

قطعات عليها باقة ماسلات حتى هضرتها عينيها دمعوا توحشتها

هاجر : ابشوية الجدا صوتك تقي لسا غربال دوني الله ياربي الله بقى فيك غير الفم وانا ىاه بيخير رانا كنقلب على خدمة فواحد المدينة بعيدة انشاء الله قريب نجيب عندي دعي معيا اجدة يلاه يسلامة انا غنقطع دبا

قطعات عليها باقة ماسلات حتى هضرتها عينيها دمعوا توحشتها عارفة غتكون خافت عليها بزاااف وخا ديك الهضرة لي قالت باينة غير من فوق قلبها

ريكس شافيها وحس بيها وقال

ريكس : انشاء الله تبراي نصيفطك البلادك نتي مالي حتى دني وناض خرج

ريكس خرج البرى حس بيها وعرف قيمت جداها عندها وقرر انهزا يرسلها المغرب حيت الى زادت معاه سسمانة يقضر يقتلها

رجعات لعندها

اما هاجر مبغاتش ترجع عارفة لا رجعت غادي ترجع الفقر والجوع وتمارة الكحلة وبكن واحد العقل كيقول ليها الى بقيتي هنايا يقضر يقتلك

حارت وضرها الجوع وجاتها القطعة جات عندها واحد الممرضة باينة عليها روسية

هاجر : ختي شي كاروا عفاك

اخرى مفهمتهاش عطاتها ديك الصوبا ديال الصبيطارات

هاجر : والقلاوي هزي عليا هاذ البول ديالك ياكنة بنت ليك فاتحة فالفتيح باش تجيبي ليا الصوب وبغيت النغلق انا نغمس نفوووا فينك الجدا هى هئ وبغيت المرقا

حتى بانت ليعا جورجينا داخلة وفإيديها شي حاجة

هاجر : هاديك فريفرة اشكاين تما فإيدك

دارت ليها بإيدسها تسكت زعما غير خرجات الممرضة وهيا تحط ليها الماكلة كتكون من الستسك ديال اللحم والدجاج والف يت والخبز وعاصير عاد الديسير

هاجر : شفتي نتي احسن وحدة عرفتها فحياتي كاملة قربي عندي نبوسك قربي والله حتى نبوسك

جورجينا : ايويلي ياكمة ليزبيانة باش تبوسيني

هاجر كتسحابها قالت ليها فك الجربة

هاجر ،: يابنت القح***بة الجرب بغيتوا يلصق لك فتغمتك المكبوتة الخرى

هاجر : اوا سري انا لي جاية لأندك وجايبة لك مأيا الماكلة

هاجر : غكنضحك معاك اصحيبتي اجي بعا اشنوا بينك وبين داك فيراس مني دخل ونتي حالة فيه فمك خصوصا مني قالك جوجو مي مي حناكك حماروا بزااااااف

جورجينا : ويلي بانت فيا واش كنت مفضوحة حتة لديك الدرجة

هاجر : امممممم قول كاينة ابا اح احم قري قري الحرامية

جوجوا : سكتي دبا تشوهيني دبا اا احم دبا انا احي بعدا اشنوا جرالك نتي بعدا حتى طحتي

هاجر : غسكتي ليوك كنت غبات تحت داك الغول كون ما حزيقي

جوجوا : ايولي فكيلوطوا

هاجر : الخرى لواه فترمتوا حيدي عليا ناكل بعدا راه غنسخف بجووع تحي نطلب واحد الطليبة مترضيهلض فوجهي

حوجوا : واخا قولي

هاجر : بغيتك ضبري عليا بشي زوج كواروا

ختك مقطوعة يوماين مكميت كنحس براسي مخنوقة

جورجينا حلات فومها مصدمة

هاجر : بلما ديري فيها مصدومة راه عادي الله يعفوا علينا

جورجيتا : صافي واخا كولي انا غادي نشوف ليك

هاذشي كامل قدام ريكس تصدم مني عرفها كتكمي حيت مبيناش فيها معرفش راسوا علاش معجبوش الحال يشوفها كتكمي ولا هوا اصلا علاش مقابلها وعلاش جا عندها الصبيطار اصلا ياك هيا غير خدامة علاش كيفكر فيها وعلاش ظعلاش وعلاش بقى شحال وهوا مضارب معا عقلوا من. بعد توحه العندها دخل كلس فالفوطوي وتقابل معاها وهيا لي كتسانا هلاص غير امتا دخل جورجينا باش تكمي

ريكس جبد من جيبوا الكاروا وشعلوا قدام عينيها وهيا قداموا بغات تحماق بغت تقوليه عطيه ليا مقدراتش وهوا كيكمي بشوية علييه وكيتلق الدخان فالهوى وكيشوف فيها بنظرة مستفزة

وهيا غادي تجنن

ريكس: مالكي ياكمة كضرك شي حاجة نعيط ليك الطبيب

هاجر : 🤗🤗🤗 لا انا بخير نتى لي مقابلي هنايا خصام شي هاجيا ولا 8ايفني نهرب متخافش ها الحالة توريك

ريكس : نتي لسانك طويل وانشاء الله قظ مطولتي غادي يتقطع على ايدي

شدت لسانها بطريقة طفولية جابت ليه ضحكة

هاجر : لا عفاك عمري نعاود انا عارفاه ديما خارج عليا ولكن اشنوا ندير مكنعر فش نتحكم فيه

يتبع...

‎