زبايلي مع زماني الجزء الثاني

دخل أشرف الداخل هوا وحياة لقااو سيدة حالة فمها وكتشخر و حسنة مخلات محطات حداها فااصالون من الشهيوات وكلسات حداها وفرحانة بيها وخا معرفاش اشنوا جابها لعندها الدار هههه

حياة : اهلن أختي حسنة كيدايرة لباس عليك سمحلينا واقيلة صدعاتك هاذ الموصيبة

حسنة : لا لا مدات والوا غير هيا معرفتش علاش ناعسة هنا

فردوس دخلات فعالم الأحلام معا أمجد وبداات كتهتر فااسيميتوا وشي هضرة خلاتهم كلهم مصدومين

فردوس ؛ امممم امجججد بعد مني امم نتاا زويين

حياااة بالصدمة نغزاااات فردوس معا سيدة كتموت متشي كتنعس بقات كتغز حتى فاقت مفزووعة

فردوس : ههاااء لااالااااااا

حسنة تي. فعااار الله أينتي يهديك الله

فردوس : أاااه فين أنا وشكون نتوما

حيااة : وهاا أبنتي دبا نوريك شكون نتي غير نهبطوا الدار

فردوس فاقت وحيداات ديك المانطة وكانت الصدمة على عقول حسنة وسهام ههه مني شافوها لابسة البيجامة ديال أمجد ومغطية فامانطة ديالوا

حسنة : ويلي على فقيه لي كنا نتسناو براكتوا ودخل الجامع بلغتوا

فردوش شافت فأشرف كيفاش حال فموا فسهام وحلفاتها فيه وبداات كتبكي

فردوس : فردوش هئ هئ هئ هئ شهذي أخالتي هذا راه مجرم هئ هئ هئ كيضربي ديما وينعسني فالسطح ويعدبني

اشرف حال فموا مصدوم وسهام تخلعات وتبدلات شفتها ليها وخنزرات فيه

اشرف : أنا واش نتي حماقيتي

حياة : اويلي ابنتي رجوع الله ههه راه غير هذا حالها مني كتفيق من نعاس

فردوس : سكتي أماما سكتي نتي ديما كتجي منوا هوا ولا حيت ولد ماشي بحالي أنا لي غير ولية ياك هوا لي خلاهم غير خرجوا وطلعني وسد عليا السطح ومخلانيش ناكل ماكلة هئ هئ هئ كون ما ولذك أخالتي لي عتقني اما كون كالوني الذياب

سهام : على كاين شي دياب فالصطح

فردوس : هئهئ هئ اااه اختي كاينين الدياب والجنون فالصطح شفتهم بهاذ العينين لي غياكلهم الدود

اشرف : بغيت الدود ياكلك الإنشاء الله

فردوس كتخنز فيه وكتخرج ليه لسانها

فردوس : شفتوا شفتووووه ديما كيبقا يدعي عليا

حسنة : حشومة عليكم تعذبوا هاذ البلارة الزوينة

سهام : أختي بثيتي فيا حرام علك نتا مجرم

أشرف : انا لا لا والله نتي ممتلتة خطيرة بلاتي علك

حيااة : نوضي ابنتي غسلي وجهك وكولي راك مواكلاش غير الجوع هذا

ناضو وجاروا معاهم فردوس وحسنة كتطاب فيهم ميضربوهاش بقات فيها وسهام حنينة طاخوا دموعها تيقاتها هههههه مفراسهم راه هيا الموصيبة الكبيرة هههه

حياة : اوا يابنت لخراام هاذي هيا تربتتي تشوهينا معا الناس

فردوس : ومالي كذبت ياك نتوما لي نعستوني فالصطح وأنا كنخاف عاد زيد عليها الأصوات لي كان اوفااصطح واش فراسكم راني بلت فالحوايجي كون ما داك سيد لي عطاني حوايجوا كون راني مشوهة

اشرف : غير بلاتي نتي والله حتى نزوجك بأول واحد يجي يخطبك وخا يكون بنااي

فردوس كتشوف فالجدية لي كيدوي بيها وتخنزيرة لي داير عارفاه مكيضحكش

فردوس : خوويا صافي المساحة. الله مباقي النعاود شوف راني عارف حاط العين على سهام والله نصلح الموقف

اشرف : راني حلفت ودبا سيري بدلي حويجك سيري تقراي ونتفاهموا من بعد

فردوس مشات عند ماماها كتطلب فيها مبغاتش تهضرها عرفت راسها زبلتها وخرجت على الطريق

مشاات البيت ديالها بدلات حوايجها بغات تخرج تبدل الجو لبسات سروال واسع كحل وتيشورت فالصفر وجمعات الشعرها ديل الحصان وخرجات من الدار ناشطة

سهام : ماما شفتي فردوس مسكينة كيفاش كيعاملوها بقات فيا

حسنة : اوا الله يحسن العوان ونتي مشفتيهاش. لابسة حوايج الخوك مبغاتش تخرج ليا وقيلة إينة فالموضوع ههههه

سهام : وعلااش كتضحكي أماما وا شهاذشي كيضحك

حسنة : مصاااب أبنتي ويكون داكشي لي فبالي ولذي وانا عارفاه ميعطي لحتى واحد الحوايجوا ولا يدخلواوالدار مصاااب تكون من ناصيبوا هاذ البنت دخلات ليا الخاطري بززاف وبغيت حتى أنا نشوف ولاذوا قبل منموت

اما فردوس خارجة وكتلعب بالشعرها أواحد الكحلوش كاري دارو للافارقة و كايجي من الشهر للشهر يدي فلوسو و ديما كايبقى يشوف فيها فاش كايشوفها فالدرب مع خارجة من دارهم و هيا ماكانديهاش فيه اوا جا لعندها حدا العمارة بقا يهضر معاها بواحد اللغة مافهمتهاش و بدات كتهضر معاه بالفرنسية و قاليها كايفهم غير الانجليزية و صافي شوية هضر معاها بالعربية معكلة مافهمت تاوزة فهمت غير يجي و نتا زوين قالت ليه اوكي ومشات كملات الطريقها 😂😂

فردوس : اولي مال هذا بالعمى مافهت من هاذ الكحلوش حتى حاجة

دازت شي 5 سوايع و السيد جاي كايدق عليهم فالعمارة و هاز الحلوة و معاه كحلوشة و كحلوش آخرين و لابسين واحد اللباس فشكل المهم دقو حل ليهم حياة بداو يسلمو عليه مافهمت والو صحاب ليه غالطين فدار و قاليهم راه صحابكم ساكنين لهيه هوما مافهمو والو و بداو يهضرو بالانجليزية حياة مفهمت حتى وزة وهي تعيط الأشرف حيت كايفهمها قالت ليه اجي شوف هادو اش قالو جا من البيت و بدا كايهضر معاهم و قالو ليه جايين نخطبو البنت لي عندكم اشرف بالكترة الصدمة نسانها قاليهم إينا بنت

فردوس يلااه جاية باغة تدخل حتى بدا داك الكحلوش كيهضر قاليه هادي لي جينا نخطبو و راه علمتها و وافقات قال ليا خويا اوا مبروك وحياة غير كاتشوف مافاهمت حتى تالعبة

فردوس : والله مكنعرفوا قاليا نتا زوين اوكي قلت ليه اوكي و خويا طاح بالضحك و قال لحياة راه جايين يخطبوها تصدمت انا و دخلات البيت والسدات عليها

فردوس : هئهئ هئ ناري قفرتها على أخر يامي نولي مرت عزي ويلي ويلي ويلي خويا حلف الصباح حتى يزوجني بلي جا الخطبني هئ هى هئ قفرتها

اشرف تفاهم معاهم وجرا عليهم مشاو فحالهم

ودخل كيمووت بالضحك بدااا كيهضر بالجهد

اشرف : الوليذة صافي راني عطيتهم الكلمة راه غدا غيجيوا وغيجبو مهمم وراه قالك رغاو يديوها معهم المزمبق ههههههه

خرجات لعندوا كتجري

فردوس : العاار أخويا المسامخة والله حتر ندرلك لي بغي الى هاذ العزي

اشرف معندي مندير لك رانس خلفت معليا غير نقوليك مبروك ههههه نتا زوين اووكي

حياة : نسيبي شكيليطة غايجي غزااال بالجلابة و المايدة و هاهو كايدور فالعمارية كايدور

فردوس : هئ هئ هئ بعدوووو مني والله حتى نقتل راسي لا زوجتوني بيه

اشرف : مالوا غلى مزيناتوا زين وقامة هههههه

فردوس طااح عليها الضيم ويدااات كتدمع على نيتها راه واخا هبيبة وحمقة ولكن نية وكتيق دغية حياة بقات فيها زلكن حلفات تى تنتاقم منها هههه على فعايلها

حياة ؛ صافي ابنتي طيبتي دوك العينين بقيتي فيا

فردوس : حلفي قول دبا مغاديش تزوجوني بداك لعزي

حياة ؛ الى طلعتي الدوك لدروج وضربتسهم من الفوق حتى التحت غادي نسمحوا ليك ياك أشرف

أشرف : حتى هاذ النظر

فردوس : ماماا حراام عليم والله حتى كتضلموني ياك الدؤوج بحرا دارتهم الفام دميناج غير البارح

حياة: بلااا هضرة خاوية يلااه يلاااه شوفي بغيتهم كيلمعواا مزيان

أشرف كيموت عليها بالضحك من بعد جاب ليها السطل حتى الحداها وجافيل والتيد

أشرف : يلاااه سربي معندناش الخدامة

فردوس هزات السطل معصبة وكتحلف عليه وطلعاات حتى الإيطاج الأخيرة وكلساات فالدرووج وشادة حكناكها واابكية شداها وهيا كتفر فديك 1000 درجة لي كتسنها

عند أمجد لي سالة الخدمة ديالوا عياااان باغي غير ينعس كانوا عندوا زوج العمليات صعييات ستغرق فيهم الزقت بزااف والستريس راسوا ضاروا ركب فلوجوا ديالوا لي من لا مبرگيني أخر مكاين والبنات فلاكنينيك كلهم كيحماقوا عليه وكل بنت كتمنى غير تخدم معاه ولكن هوا معندو شمعا ظاك التبرهيش مني كتكون عندوا شي عملة ولا شي حاجة كيكونوا ممرضين دراري لي كيخدموا معااه

اما عند فردوس خدامة دايرة الموسيقة فوذنها وكتلوز فواحد الترمة معندهاش وكتغني العلوة هههههه وشي غسيل كدير ديال الله يحسن العوان عمراات السطل بالماء وخواتو فالدرروج من الفوق حتى التحت ودوشات لينا لشي أمجد لي بقا واقف مصدوم وهيا گاعما داتها فيه هابطة كتجفف وكتغني

فردوس : وااايااا العلواا أجي نوصيك بعداا الى وصلتي لااا تسلم وااوالعلوة لا تكلم /(تحية لي لحنوها ههههه )

اما أمجد تعصب بزاااف وجهوا ولا الحمر بقا طالع فالدورج كيرمي الخطوة فيها الجات وهيا گاعما مسوقة أمجد قرب لحداها لقاها مكوزة ومرة مرة كتكرك ترمتها وهيا محدورد ستغفر الله ونعل الشيطان

أمجد : هيييه نتي واش مكتشوفيش

لاااا مووجييب

أمجد عيا يهضر معاها والوا سيدة خدامة معا العلوة حتى النغزها طارت من بلاصتها وتلواات ليها رجلها أمجد بغا يشدها سااعة سيدة كان عندها رئي أخر شداتليه فالسروال ومعا الهبطة لي هبطت فالدرجة هبطت السروال معاها حيت كان غير السليم بلا سمطة بقا غير بالكالسون سيد بقا مسمر أما فردوس عنقت راسها باش مطيحش فالدروج وهزات راسها وهو يبان ليها السروال فالإيدها وأمجد مصدووم

بداات كتقفقق وحققات مزيان بان ليها عندوا خير ربي تماا وهيا تحل فمها وعجبها العبار ههههه

فردوس : سسسسمممح ليا مدرتهاش بلعاني

أمجد هز إيدوا بغا يضربها عصباتوا ااستغفى الله

فردوس ؛ هز بعدا غااا سروالك

أمجد تعصب وسافيها بنضرة غاضبة : قسمن بالله ولقااك كضوري قدامي والله حتر ندير فك شي خاجة مكيناش

فردوس : ويلي مالك معصب شكون شافك حتى نتا ياك غير أنا متخافش غنكون زمانك احم سمحليا بغيت نقول مدامتك

أمجد : واش نتي حمقة بعقلك شوية خاصك الصبيطار نتي معادياش عطيني بتيساع

وجاد فحالوا وخالها

فردوس : اححح شحال غزاال مني كيتعصب ولاذي بغيتهم يشبهوا ليه ماشي ليه

وكملات الدروج وهيا ناشطة وكتغني معلبالهاش وداكشي لي دارت

أمجد دخل الدار وهوا غادي يطرطق بغا يبخ الدم مرضاش

حسنة أولي اوليدي مالك طالع لك الدم

أمجد : الوليذة الله يرحم لك الباك بعدي مني خليني دبا

حسنة : لا لا أوليذي نتا ماشي عادي ضرباتك شي عوينة راه قلت لك خاصك تتزوج

أمجد : الزواج الوليذة تاني الزواج واش مكتقضاي شقلت لك مباغيش نتزوج

حسنة : ولا قد القب قد السطل نبقتيش كتحشم وجهك هذاك ولا گفاك وأنا قلت لك غادي تتزوج هيا غادي تتزوج واش باغيني النموت قبل ظنشوف ولاذك هاذي هيا تربيتي ومحايني علك باش غير دير الكتاف وتخل فمك عليا والله حتى نسخط علك ونتا قاري الدين وعارف السخط أشنوا هوا

أمجد الوليذة اللله يرحم لك الولدين بدلي هاذ الموضوع صافي غادي نتزوج غير نختار لي بغاها قلبي

حسنة : بلا متمحن راني ختاريت لي تواتيك وتواتيني حتى انا والغدة غنمشيوا. عندها وبلا هضرة

أمجد الوليذة الله يرحم ليك الوالذين عارفك علامن كتهضري وكنقولك غسر النسااي وخا تنطتبق السماء معا الأرض هاذيك لي منديش واش عرفتي راها هبيلة ومكتحشمش وحتى حاجة من الموصفات لي بغيت مافيها

سهام : حشومة علك أخويا والله حتة ضريفة وزوينة وعلاش نتا لي دخلتيها الدار وعطيتيها الحوايجك

ادن ماينة إن فالموضوع كضحكوو على بنات الناس

أمجد : سييييييهام عرفي أشنوا كتخرجي من. فمك ولا غادي نتفاهم معاك

حسنة ؛ وااحربش لا قربتي ليها مالها كذبات درتي الغلاط غادي نمشيوا نصححوه غدة ولا زدتي كلمة وحدة غاد ينخرجوا ونخليو لك فهاد الدار كون مدرتي علاش متعطيها حوايجه

أمجد : الله يارب يالله اشنوا درت فحياتي حتى تسلط عليا ديك الموصيبة زاش مكتفهموش واش سدية خانزة بول درنا فيها خير ساعة باين خرج ليا بوو مزوي

حسنة : هضرة. حدة لي غندي راني قلتها أنا غادي نعلم مها وغدة نمشيوا النخطبوها

أمجد دخل معصب البنت وهوا يضرب الباب حتى تسمع العيمارة كاملة

حسنة : هرسوووا نتا گاع طوالوا لك الكتاف أجي ضربني حسن

عند فردوس لي سلاات الدروج حتى التحت ضهرها غادي يتقسم وطلعاات الدارهم غير دخلت وهيا طيح دودة معقلتش على راسها فين هيا أما حسنة جات لعند حيااة وخبراتها بأنها غادي تجي عندعا غدة باش يخطبووا فردوس لأمجد

حيااة : ختي سمحليا واش متأكدة باغة بنتي أنا

حسنة : ويلي على أنا نلقى حسن منها زين والحداگة والأصل

حياة مصدومة : بنتي أنا فيها هاذشي لا لا رامي غالطة فالعنوان

حسنة : أمالكي أختي حسنة واش مبغاش تناسبي معانا راه منوصفش لك ولذي راه دين والأخلاق وحتى خدمتوا ميسورة وإنشاء الله الڤيلة ديالوا قريبة توجد وغادي نتحولوا ليها كاملين

حياة : ويلي أختي على نلقى حسن منكم وخا نقلب دنيا كاملة منلقا لا بحالك لا بحال ولذك ولايتي الدرية عندي مكتعرف والوا وعاد زيد عليها راسها قاسح مكتديها هضرة حد ديما كدير لي قاليها راسها. وخاا هاكاك حنينة وقلبها بيض وهيا لي مفوجة علينا فدار بهبالعا وتشيطينها مكتحشمش

حسنة : اوا أختي داكشي لاش بغيتها أنا مباغا لا تشقا ولا طيب أنا باغة غير تخرج ليا ولذي من الحالة لي فيها

حياة : على مالوا أختي داك الداري عندك على مزيناتوا

حسنة : اييييه أختي داري عندي مبقا لاكيهضر بزااف ولا كيتجنع معانا كيف الأول ولا غير حابس راسوا ومنعازل على العالم

حياة : وعلاش مالوا

حسنة : أشنوا غنقوليك أختي أنا نضت بغيت نزوجوا ببنت أختي لي كنت كنعتابرها بنتي وحتى ولذي كان عزيزة وخطباها ونهار العرس صبحت منزلت سيدة غبرات وحسها تقطع مني جينا نشوفوا لقيناها هربات معا شي واحد وحنى شوهاتنا وحطات وجوهنا فالتراب خصوصا ولذي أمجد لي كان عارض على الصحابوا وغير الشخصيات الكبار وشكون وشكون من تما نعازل على راسوا وكره كولشي وتبع الدين ونسا الحياة وكيفاش يقضر يعيشها وبنتك هيا لي غادي تخرجوا من هاذ الحالة

سهام سلات التخمال ديالها وهبطات لعندهم تجمع معا فردوس شوية دارت السال ديالها وبدات كتشوف راسها فالمري والضحكة علا فمها شوية هزات جلوز ودارتوا لشنايفها من بعد تنادم معاها الخال ومسحاتوا وخرجات من الدار هبطات فالدروج حتى كتلقا معا أشرف جاي داخل من الخدمة عيان شافها وهوا يدوخ مبقا عارف يدخل الدار ولا يخرج

أشرف : اهلن صافا لباس عليك

سهام : لباس الى مشفتش وجوه الحگارو والضلما

أشرف : اااه وخاا كيفاش كنهضري عليا لهلا يطيح عليا شي باطل

سهام : أنا غير هضرت ولي فيه الفز كيقفز ودبا حيد من قدامي

ودخلات وخلاتوا مصدوم هههه فردوس خرجات ليه على بلاصتوا معا تيتيز

اشرف : غير بلاتي عليك أفردوس والله لا بقات فك

سهام : سلام خالتي حياة كيف دايرة لباس عليك

حياة : أهلن بنتي كيف دايرة نتيا ببخير

سهام : بيخير أخالتي فين هيا فردوس

حياة : راها فيتها نتعسة كي البقرة مكتنفع مضر

حسنة : لوااه اختي مكتهضريش على كتني بحال هاكذا دبا تبدل وتحس بالمسولية

حياة : نتمنااو

دخلاات سهام لعند فردوس لقاتها ناعسة واخد النعسة عالمية رجليها فالأرض وراسها فوق الناموسية

سهام : فردوس واا فردوس واش نتي كتنعسي ولا كتموتي

فردوس : امممممم الحمار تلق لزااام وكلب سرح البقر

سهام : وايت نوضي الحمار هوا لي ركلك وااااا فرظوووس

فرد س : ههههههاء الليه ياختي الله حرام عليك ناس كيفيقوهم بالفطور رومانسي ونتي كتغوتي ليا حاى تقبتي ليا غربال وذني

سهام : والله حتى غوت حتى سمعوني جيران والوا راك متي لي كتموتي ماشي كتنعسي حيدي بعدي لهيه نتخشى معاك

فردوس : زيدي زيدي بنتي ليا طالع ليك الدم مالك

سهام : أنا ممالي ش

فردوس : اممم دارها ليك الحب غير گري دقت خويا هاذي

سهام : سكتي سكتي متفكرنيش فداك الضالم لي كيضربك وكيعذبك

فردوس : ههههههههههه وامي كرشي ههههههه أربي واش يقتيني منيتك راه أنا لي مدوزة عليه العذاب الأليم ومرفسة عليه ومعدباه فالحياتوا وأنا لي بنت الحرام ونستاهل گاع داكشي لي دار ليا

سهام : دبا غير قولي ليا داكشي كامل لي قولتي كذوب فالكذوب ناري وأنا لي ضلمتوا وعيرتوا قدام الباب

فردوس : ههههههه خليه يستاهل

سهام : حراام عليك والله أجي ونتي عمرك حبيتي

فردوس : هههههه الحب أنا وياه مكنتقاوش منهار تغدرت من عند أعز الناس

سهام : اوااه قول عشتي ديك التجربة ديال الحب ويخونك عودي ليا عفاك

فدروس. : انا و واحد الولد مصاحبين خمس سنين كانت علاقتنا من أروع مايكون وهضر معا دارنا وكنا ناوين غييخدم نشالله نتزوجو

واحد صاحبتي ديما كانديها معايا ملي كايخرجني كانعاود ليها كلشي مهم بقينا هكاك السيدة ولأن كتكولي فلان شحال ضريف شحال زوين كنكول عادي بالنسبة ليا صاحبتي انتيم هانيا بقات ليام سيد تبدل ولا كايسول عليها لا مخرجتهاش كنكول عزيزة عليه وانا كي الدمدومة ماجايبا خبار من بعد دازت ليام السيد نجح ف كونكور دالبوليس والصدمة بلاصة ما يخطبني خطبها هيا مفهمت والو دنيا دارت بيا بكيت الدم كنت غانتاحر مرضت و حرقتها ماتنساش ليا وليت حالتي دازت ليام بلا حشما بلا حيا جايا تعرض عليا العرس وكاتكولي المكاتيب

ولكن انا حلفتها فيها تانتاقم انا وياها كنا ديجا كانكشيو الحمام بجوج هيا عندها توحيما ف ترمتها خليت تالنهار العرس دبرت علا شمكار من الشارع عطيتو 1000 درهم مشا العرس سكراان و حيح كالهم بلي كان مصاحب معاها دار راسو كايبكي عليها وبلي كايبغيها وتزوجت و خلاتو هههه صراحة صدمني فالتمتيل بداو كايجريو عليه كالهم باش تعرفوني ما كدابش عندها توحيمة ف ترمتها كلشي كلبها ضحك ومت العريس الزامل كاتليها دابا دخلي البيت نشوف ولقاوها وفركتو الجقلة 😂😂

بس انا حضرت العرس صراحة عجبني الحال كيما كواتني كويتها

واش أنا ضلمتها هيا لي حكات على البرة ولقاتني انا غير دريويشة

سهام حالة فمها من الصدمة : نااااري أختي نتي خطار على المجتمع أختي يخاف منك الواحد

فرودس : أنا دريويشة ولكن لي ضلمني والله لا دوزتها ليه بالساهل

سهاام : ناااري خويا قفرها بقا فيا والله مسكين

فرظوس ؛ تي مال خوك اشنوا دخلوا فالهضرة

سهام عيطات ليها مها باش يطلعوا وفردوس جمعات راسها ودخلات دوشات وخرجات لعندهم لقات غير حياة واشرف داخل البيتوا

حياة : أجي أبنتي نهضر معاك

فرظوس كدور وراها وترجع تشوف فجنابها : شكون بنتك ماما ياكة طلعات ليك السخانة

حياة : راني كنهضر معاه بالصواب خليني مزيانة ولا نتي كتبغي غير لي بخرج فيك عينيه عاد تحشمي

فردوس : هااا هاذ هيا ماما لي كنعرف خليك فصباغتك الله يرحم ليك الولدين متطلبي مني والوا دبا

حياة : وأجي غير نهضر معاك دبا فشي خاجة مهمة

فردوس : الله يسمعنا خبار الخير اشنوا تما

حياة : جاو فك الخطاب وغدة غادي يجيوا يطلبوك نبغيك ديري عقلك وترزني

فردوس : هئ هئ هئ ياك اماما هاذي عيا التيقة لي درت فيك هئ هئ هئ باغة تزوجيني بالعزي صافي سخيتي بيا حراام عليك

حياة : اوا صافي نعيط لالة حسنة ونقوليها راه مبغاتش ولذك

فردوس : هيهي اخك ماما شكون حسنة واش لي فوقنا

حياة ' اه هيا جات بغات تخطبك لولذها ساعة نتي مبغاش تزوجي داكشي باش غادي نقوليها صافي بلاش

فردوس : ويلي اماما حشومة تقولي هاذ الهضرة مرحبا بيهم نهار كبير هاذا

حياة : لااختي نغديش نعطيهم هبيلة ومفضية نتي مقادة حتى على راسك بقا ليك غير الزواج

فردوس : غير زوجيني والله حتى نعزبك

‌حياة : اييه تبنتي راك تربيتي إدي خايفة غير لاتزبيلها اوا دبا سيري جمعي راسك وجعني حويجك غنمشيوا الحمام حنى وخالتك حسنة وسهام

فردوس : وخاا أماما انا غادة ياااه كنحمااق عليك أحبيبتي

"فردوس"

ناري متخيلوش شحال فرحت احح أنا راه واخدة شي دعوة ديال الخير وسط دوك المصايب كاملين

اوا كنت دايرة ماسك ديال البيض و دانون و محزمة بواحد زيف حياتي ديال جدتي بااااهت بقوة الصابون... اوا ما لقيتش فين نسطاسيوتي اللوطوا ديال أمجد لي هزيتها ليه باش نوصلوا دغية الحمام حطيناها بعيد شويا و جبدناها على رجلينا و انا هازا ليهم السطولة حتى وقف علينا واحد المقطع و كلشي هرب و مع انا متقلة بالسطولة شدني و قالي حطي لي عندك و ماماو وعدوزتي مشااااو هربو بالخلعة و سحابهم حتى انا هربت اوا حط ليا موس على عنقي قالي حطي ولا وجهك مشااا...

بقيت كنبكي قلت ليه انا غي خدامة عند هاد الناس و ماكيعاملونيش مزيان ها نت شفتي بعينيك هربو و خلاوني و ديما كناكل العصا و شوف غي حالتي كيدايرة مهم فواحد اللحظه والله حتى تيقت راسي خدامة هههههه بقيت فيه و طلقني قالي الله يدير ليك لي فيها الخير أختي 😔 و مشيت فحالتي ماما شافتني كنبكي قالتلي

حياة : اويليييي ياكما غتاصبك

قلت ليها هو و عندو القلب عليكم 😒 دابا نتوما يعول عليكم الواحد

حسنة : ويلي أبنتي حنى كنا حاسبينك هربتي معانا ونتي بقيتي مرخية زيدوا دبا قبل ميسد الحمام

دخلنا الحمام ضربنا بواحد التحمحيمة فاعلة تاركة من الداكشي الرفيع فركنا ريوسنا حتى ولات الجلدة طالبة منا الشرع

سهام : اووووووف سخفت غنموت واش گاع هاذشي كديروه فالحمام انا غير ساعة وكنسخف اوااه من الصباح وحنى هنا وااااا فردوس ىاه كنهضر معااك فين سهيتي

قردوس : هاااء أنا معااك غير كنشوف فهاذ خيتي لي لي من الصبااح هيا شداة ديك الحامضة دوزتها على فحزرها من بعد دارتها فبيطانها وباش كملتها وجملتها ضربتها الوجها نخااف غير تسالي الحكان وتعصرها تشربها باش تحيد ليها السخفة

سهااام ؛ ههه‍ههههههه نتي علااااام ههههههه

اوا خرجنا من الحمام كنسعلوا توجهنا الدار وتفرقنا كلا مشا الداروا

عند حسنة طلعوا الدار وهوما نشطات

سهام : ماما أحسن حاجة درتيها هيا خطاريتي فردوي تكون مرت خويا والله حتى ضريفة وزينة وهبيلة وكتقتل بالضحك

حسنة : وعلى أنا غير جيت وختاريتها

أمجد : فين هاذ التعطال الحاجاة

سهام : كنا معا هطيبتك فالحمام

أمجد : خطيبتي كيفاش واش نتونا نباغينش تبدلواوالموضوع راني هضرت فهاذشي راه أنا لي غادي نتزوج وهاذ الساعة باقي مكنفكرش فيه

حسنة : تعطلتي أولذي الناس هضرنا معاهم وغدة انشاء الله غنمشيوا نهضروا نعاهم وبلى كترت الهضرة وا ش نتا منهار مشات ديك الصفريطة ديال الجميلة. نتا لور اللور مبقيت كنعرف علك والوا

أمجد : الوليذة اشنوا جاب الداك الموضوع لهاذ الموضوع صافي هاذيك الصفحة وطويناها وأنا دبا مناويش نعاود نفس التجربة

حسنة : إنشاء الله أولذي مغاديش التعاود نفس التجربة أنا كنواعد

سهام : وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ”

أمجد: إِنَّ اللَّهَ عَلَىٰ كُلِّ شَيْءٍ قَدِيرٌ” “هُوَ عَلَيَّ هَيِّن”.

ونعمة بالله الوليذة تحملي المسؤولية ديالك سهام فين الوصلتي فالحزب

سهام : وصلت الحزب 58 قربت أخويا إنشاء الله قريبة نختموا

أمجد : تبارك الله على أختي صغيرة الله يحفضك من العين

حسنة : تبركه الله على وليداتي الله يخليكم ليا حتى نشوف ولاذ ولاذكم

أمجد : غادي تشوفيهم وتشوفي ولااذ ولاذهم

أمجد باس ليها راسها ومشا كيفكر فالحريرة لي عوا فيها مباغيهاش كتبان ليه برهوشة وهبيلة مغاديش تفاهم معااك فكر يهضر معاها يطلبها ترفض حيت هوا مقادرش يرفض شي حاجة الأم ديالوا حيت عندها السكر ومخصهاش التعصب بزااف وعزيزة عليه

عند فردوس لي ليل كامل منعساتش بالفرحة يايتة كضور كتفكر أشنوا تلبس وأشنوا غادي دير وكيفاش غادي تهضر وتعامل معاهم وكتطلب الله ميحشمهااش ومدير حتى فضيحة

صبح الصباح وفردوس فاقت معا 6 أول مرة تفيق فهاذ الوقيتة فحياتها كاملة توجهات لعدن الحياة لقاتها فالكوزينة دهلات باست ليها راسها وقالت ليها كلمة عمرها قالتها ولا حلمت بيها ماماها تسمعها

فردوس : ماما نعاونك

حيااة : لااااا صااافي صافي غير تجي دبا

فردوس : ويلي شكون غايجي ياك قلا ليك خليها مستورة

حياة : الموت الموت أبنتي وأنا لي كان حلمي نسمع منك كلمة ماما نعاونك

فردوس : ماما خرام عليك برا عليك

حياة دوزي دبا دوزي غشلي دوك الماعن وجمعي الدار والصالون مزيان وسيري الصالون وجدي راسك ولا كلمي غير صاحبتك تجي عندك لهنا حسن من الشوهة وعين البنادم

داكشي لي دارت جمعات الدار والطفراتها لصالون وجففات الدار كاملة وعيطات لصاحبتها خدامة كوافورة فالحومة ديالهم جات لعندها كتجري تموت على الخبارات

صافيا : أهل الحب فين هاذ الغبور توحشناك مبقتيش كتجي الصالون

فردوس : زيدي دخلي بعدا ونهضروا

دخلوا البيتها وگلسوا كيتحتوا نميمة كتجري ليهم فالدم

فردوس : أربي متقوليهاش ويلي

صوفيا : والله العضيم اوا تزوج بيه وسيدة گالسة تفووح علينا و تبان علينا راها تزوجات وسيد شرط عليها ميدخل عليها حتى الدوز الشهر من بعد عاد يقيسها والسيدة صافي مبقاتش قادرة تصبر الدودة كلاتها دارت ليه عشاء رومانسي معتبر بالشمووع والورد ولباست ليه السوميز بالحمر من بعد السيد داخ ودار معاها الواجب وقدا الغراض. مني جا يالجيبوا. طلق السريسرا معاااه ههههههه وقاليها هاذ السر لي مخبي علك مني كنجييوا. كنخراا معااه

ههههههه

فردوس : ههههههه ناري على البعكاكة ديال الفاطمة ههه والله حتى تستاهل شوفي دوزي دبا وجديني وبلا منوصيك تهلاي فيا وردي بحال كيم كارديشن

صافيا : لوااه أنجيلينا جولي دوزي يلااه نبداو التوجااد

اوا الكوافوة سلاات وفردوس طلعات حسن من أنجلينا جولي هههه فنة كتحمقةبالزبن معا تبرك الله داك الشعر الطويل مكريبي جاها غزاال ولبسات معاه قفيتين الجوهرة فالبيض وتقدات وتصوبات وكلساات كتساين يعيطوا ليها حتى داها النعاس گالسة معا السيدة منعساس الليل كامل

حسنة حتى هيا مخلات موجدات كولشي على حقوا الطريقوا داكشي فاعل التارك من الكدووات الحلوة الديسير ولبسات حتى هيا قفيتين وسهام حتى هيا لبسات قفيتين فلزرق معا زيف مواتي القفطان جات أنيقة وسيهم أمجد لي محاملش هاذ البلان وجدات ليه لالة حسنة الكوستيم بالزرق وملبسوس ولبس غيى فوقية خفية مخططة ورش ريحتوا مخلطة بالعود لي شمتها فيه كدوه ولبس بلغتوا وخرج لعندهم

حسنة : يلااه أولذي يلااه هاذي هيا الوقيتة التاس كيتسناو

أمجد : هانا جاي الوليذة وعاتاوقلت ليك ديك الموصيبة ألى مدارتش شي حاجة ها وجي ها وجهك

يتبع...

‎