عرس الذيب الجزء 26

نشف لحمها و لولاو لها شعرها مزيان و جمعوه فزيف حياتي و لبسوها بيجامة طوييلة بسروالها و خلاوها هكاك تال غذا و يغسلولها و يكمدولها العظيمات و يجمعوهم لها من البرد ..! و هاذشي كامل بالغنى و الحيحة نايضة .. ناس دراوش باغيين غير ضحكة من القلب لا غير و تا هي عطاتهم خاطر خاطرها و خلاتهم يديرو لي بغاو فيها ..!

تا كملوو بالشوية عليهم و كل وحدة فين مشات نعسات مفرشين حدا بعضياتهم .. فجو من البساطة ..!

و ما كاين ما حسن من البساطة لي كتفكرنا فأيام عزيزة ..! لامبة مشعولة و محطوطة فواحد الدريجة فالبيت بانيينها فالحيط ..! كلشي مكمش فالكواش و شي عاطي للثاني برجليه و الديك برا بدا كيأذن و يصيح .. صوتوو كيتسمع مجهد تا فيق شريفة و بدات كتجبد فبلاصتها و تشوف فالشرجم و فالسما .. الجو بارد و يالاه بدات كتشرق الشميشة و هي سخوونة فالغطى و حناكها حوومر و داك الحنة و الصقلة مديرونجيينها .. جايبنلها الحكة ما كرهاتش تتهنى منهم باش تنعس فخاطرها و لكن شكون خلاك .. الديك من هنا و الكلاب كينبحوو من هنا ..!

حتى بدات العمة و بناتها كينوضوو و يجمعوو فراشهم ..! ها لي تحزمات للفطور و العجينة فالفران ديال التراب لي برا فالدخلة د الدار .. ها لي مشات للكوري تجيب البيض و لي خرج الخرفان و البهيمة يمشييو يشربوو و يرودوهم ..! و لي كيشطب الباب و ينقي الدنيا ..! و العمة لداخل فالكوزينة كتطيب الدشيشة بالحليب زايدين معاها زريعة الكتان و الحُرف و النافع ..! موالفين يسبقوها هي اللولة و يمشي كل واحد لشغالوو تا يرجعوو و عاد يعاودو الفطور الثاني ..!

جمعات حتى هي بلاصتها و شافت فنور لي مكمشة ناعسة حدا حبيبة عرفاتها فاقت فالليل بكات و هزاتها لعندها ..! مشات لطواليط بلدية عادية مقادينها بالسيمة و الزليج نقية و فيها لافابوو فالجنب مع مرايا .. شافت فراسها و الحنيكات حومر و العينين مجبدين بالنعاس و الأيلاينير ساح لها فالجناب ..!

طلقات الما بااارد من البزبوز كيخرج مثلج من الجبال لي ضايرين بيهم .. غسلات وجهها مزيان حتى ما بقى فيه والوو و نشفاتوو ..! عاد خرجات للكوزينة عند العمة .. لسقاتها تعاونهم ..! تا عطاتها بوط ديال ميكة طالع تال الركبة لبساتوو مع داك العكسة فشعرها و البيجامة واسعة و غليضة سخونة ..!

تأقلمات معاهم و رجعات كتشبه لهم تا هي .. ما يفرقوش بينها و بينهم ..! دخلات للكوري مشات عند البنت لي كتنقيه من الروث و الوسخ ديال البهيمة و تعمرلهم ما نقي فالجعابي ..! مدات لها سليلة فين تدير البيض بلدي و وراتها فين كاينين الدجاج و الدياك و كيفاش تهز البيض بلا ما تخلعهم و يطيرو ينقبوها ..!

ضحكات محمسة و لكن ماشي كثر من حكيم لي فاق تا هو بكري .. صلى الفجر و مشى جرا جوج كيلوميترات رد بيهم السوفل عاد رجع ناوي يدخل يدوش و عاد يخلط عليهم .. و لكن غير شاف شريفة فداك المنظر نسى كلشي و لحق عليها للكوري .. كيموت بالضحك على شكلها و الشدة ديال العيالات الحرين لي دايرة فداك الراس المتختخ بالحنة ..! و هي مقاتلة مع الدجاج كل شوية ينقز واحد و يقفز معاه خوتوو تا كيبداو يغوتوو و يطيروو و تغوت معاهم راجعة بحالها تا هي ..! و كيرجعوو يهدنوو و تعض فمها كتضور فعينيها و تمشي باغى تشقمهم ..!

تا جابت الربحة و طاحت على ظهرها وسط التبن و ناضت وجهها حمممر كتنفض حوايجها و حكيم شاد كرشوو حرقاتوو بالضحك و عينيه دمعوو .. جاتوو واحد الهيستيرية ما بغاتش تبرد فخطرة ..! تا شافتوو جاي لعندها كيميل بحال السكران بالضحك .. باسها فحنكها ما قادرش يجمع فموو من التكركير و غير كيشوف التبن باقي لاسق فحوايجها كيرجع يشد فيها .. تا غضبات و دلات شنايفها ..!

حكيم:( شاف فيها كيجمع الضحكة بالتدريج ) هووووف .. غير نتي راك كارثة الواحد يزطل معاك غير بفعايلك ما عندو ما يدير بشي حشيش ( جبد لها حنكها بالضحك راشقة ليه على الطنز) ها حنا على البريهيشة غضبانة اجي مع عموو يعطيك طوفيطة تتصالحوو ..!

شريفة: زطلة ا زطايلي هاذشي باش مشبهني ؟؟ باااااااز بنت لك بينتة د الكارو غتفتخني و تكميني ..!

حكيم:( دوز لسانوو على فموو ) و نشعلك و نطفيك ا مدام بلا ما تقلقي ( ضحك ثاني ) ههههههه غير باقي ما كتاشفوك اما كن خلات عليهم ..!

شريفة:( جمعات شنايفها مكمشاهم و الضحكة باينة فعينيها غالباها .. عيات صابرة و طلقاتها ضارباه لصدرو كترشقوو بالضحك ) وا شوف لك الحراااايمي ..!

تسمعات موراها التعيطة د البنت شادة بقرة متكية على الارض كتوجع باش تولد .. كتعيط على راجلها و خوتها يعتقوها و يجيبوو الطبيب د الدوار يشوفها .. و البقرة مسكينة كتهز راسها تال السما كتوجع و تطلق صوت مجههههد " مووووووو " .. قربات منها شريفة كتشوف فمنظر غريب عليها و العجل الصغير كيبانوو رجليه خارجين و موو كتنازع باش تولدوو و هما كيساعدوو فيها حتى ولدات على خير و بخير .. تحت نظرات شريفة المعجبين شادة فحكيم كتوريه و تضحك ..! تا تسمع صوت البنت كتقول بالسوسية ..!

....: شريفة ختي دي داك السطل ديال الحليب لمي و زيدي حلبي معاك اللوخرين .. راه مثقل عليهم تا هما غيرتاحوو و بالشوية عليك حتى نتي باش ما يركلوكش ..!

هزات راسها بحماس حتى ردها حكيم موراه باش تشوف كيفاش كيديرو و تا تولف عاد تجرب لا تمشي تقسحهم و يضربوها ..! و ديكشي لي كان تبعات معاه بلهفة حتى عمر السطل و تحنى كيشرب منوو و مدولها شربات حتى هي و دوزات لسانها بعفوية على شنايفها كتمسح الموسطاج د الرغوة لي دارت ..!

شريفة: واااااعر لذيذ ..!

رمشات عينيها ببطئ حاسة بنظراتوو عليها تا حركاتها ثقالوو .. كتحاول تفهم شنوو غيدير ..! و تا هو ما عطلهاش حط السطل فالارض و حضى لوخرين حتى خرجوو بحالهم من الكوري مخليينهم غير هما تما ..! و جرها مكاليها فواحد القنت مقنتها و يديه طالعين مع فخاضها لكرشها كيقلب منين يخشي يديه يقيس اللحم و هي كتلوى فيديه غالباها الضحكة .. تا باش تقولوو راني كاملة مطلية رصى ما لقاتش الفرصة ..!

جر شفايفها لعندو كيمصمص فيهم و يبوس متلذذ بيها و بملامحها الطبيعيين و بهاذ البساطة لي لمسها فيها و هي ببيجامة و بوط د ميكة و دايرة العكسة تابعة الدجاج ..! جاتوو عليها و هبلاتوو وا لا هو وصل للحمها تا بعد و قال بطنز ..!

حكيم: كنقشر فبصلة ؟ مالك على هاذ اللباس كامل ؟

شريفة:( ردات كتلهث ) وا راه دايرة الصقلة طالية لحمي .. خلي ديكشي مستوور ..!

مع مستور خرجات لهم حبيبة مطرطقة عينيها هازة واحد الشطابة ديال القش صغيرة ..! شافتوو مقنتها و هي مستحلياها و ذايبة فيديه و هي تقرصوو لدراعوو حتى شاف فيها و قالت

حبيبة: الله يمسخكم ا ولادي ... لا غير عري ليه مساسطك ا الجنية بلا ما تخليهم مستورين ..!

شريفة:( وجهها تزنك كتدور فعينيها و تدفع فحكيم لي واقف بحال الحجرة ) خ خاااالتي .. هو هو لي قنتني و ما بغاش يطلقني ..!

حبيبة:( شافت فحكيم حاطة يد على جنبها و مصغر عينيها فيه كتطنز ) وا طلق الدجاجة ا ولدي بحالها قبل ما تبيض لك و توحل فيها ( هدات عليهم بالشطابة ) راه قلنا لكم ما تتشاوفوو تا يكمل العرس و تشدها فبيتك و داك الساعة منك ليها ..!

حكيم:( هز حاجبوو فيها ) واااايلي ا الواليدة ..!

دفعاتوو شريفة و مشات من تما كتطير مخلية حبيبة كتضور تا هي فعينيها .. عاد طلع معاها شنوو قالت و حشمات منوو ..! و لقاتوو راشقة ليه و طانز على الوقت كثر منها .. رجع قنتها هي نيت حاط يدوو على الحيط .. داير فيها شي شوفات بغات تتشق الأرض و تبلعها ..!

حكيم: جايا على ولدك و واقفة فباب رزقوو .. هممم .. هاذي هي ديالك ا لالة حبيبة ؟ ما نشوفوو ما نقربوو ( حك كرشوو و خرج تنهيدة ضاحكة كيشوف فالديك ) هو و مبرع علينا .. واااخا .. غير ديرو لي عليكم ا السوسيات .. تلاقيتوو ..!

ضحكات تا دمعوو عينيها و عنقاتوو و تا هو ضور يديه عليها و باسها فراسها ..! هز عليها السطولة ديال الحليب و وصلهم لها للكوزينة ..! فين مدات ليه العمة جبانية ديال التشيشة داها هي و الزلايف لفين جالسين الرجال ..! ضربوها على قلبهم عطاتهم الطاقة و الجهد و ناضوو كيبنييو الخزانة د الرجال لي غيكونوو مجموعين فيها فالعشية هما و كاع الناس د تما لي عرضوو عليهم فالصباح بكري و واحد كيوصلها للثاني بلي عندهم الفرح فالدوار ..!

تبناو جوج خزانات كباااار فالابيض و فيهم الزواق بالكحل قراب للدار ديال العائلة .. جايين فوسط التيساعة لي تما و على عينين الدوار كامل باش لي بغى يجي .. مرحبا بيه ..!

كملوو و مشاو للسويقة دارو تقضية شاملة لشنوو غيحتاجوو العيالات فالطياب و رجعوو محملين و مجملين ليهم ..! كلهم كيتعاونوو بيناتهم و فرحانين .. لي كيعرف العريس و لي لا ..! الفورنيات الكبار ديال الطياب تجبدو و الطنجار كبار تا هما فوق منهم كيطيبوو فيهم ..! ريحة الدمغيرة كتشم من بعيييد بالليمون المصير و الدجاج بلدي مطيب على حقوو و طريقوو كيتلبى و اللحم بالبرقوق و المشماش معسل كيتقلّى تا هو ..!

و العيالات جالسين كيفتلوو فسكسوو لي غيتسيفط للجوامع مع الدراري هما و كاع الديور لي جاو بعاد ما يقضروش يحضرو ..! و لداخل فالدار مجبدة شريفة وسط الحمام كيكسلوو فيها و يحكولها تا كتبغي الجلدة تطير .. طيبووها و داك الصقلة شحال خرجات لها د الوسوخات تقول ماشي هاذي لي عاد مشات للحمام ..!

ارتاحت و ترخى لها راسها فاش تغسل من داك الحنة و كثر فاش طرطقاتلها العمة عظامها و كمزاتها مزيان ..! خلاتها كترد النفس و خرجات جابت لها حوايجها .. جمعات شعرها و دارتلوو السيروم ديالوو باش ما يتشوكش بالحنة .. و رطبات لحمها بالكريمات و المساحيق ديالها .. عاد لبسات حويجاتها لي كلهم فالابيض من السليب و السوتيامات تال القميص ثليجة لفوقاني مخدوم بالذهبي ..!

جلسوها فالبرزة لي دارولها فالدار على قدها .. ملمطة فالابيض و فيها طرز د الغرزة د اليد فالمخيضر ..! و طبلة حداها فيها السواك و الكحول بلدي مدقوق على اليد حااار كيقطع ..! كراطن د الحليب و طبسيل د التمر ..!

طلقوو لها شعرها فازك .. حبيبة كتضفر جهة و العمة جهة ثانية .. دغيا كملوو لها حيث شعرها قصير و غير فهاذ المرضة لي ما بقاتش داتها فراسها باش طوالها شوية ..! جبدات حبيبة مرود جديد غطساتوو فالكحول و فتحات لشريفة عينيها دوزاتها لها بتكحيلة وحدة تا قفزات شادة عينيها من حروريتوو و دمعولها كثر فاش تكحلات العين الثانية .. تا هبطولها دميعات خفاف كوحل ..! و تما هزات العمة تمرة مداتها لها كتمضغها و هي حانية راسها و راميين على وجهها و راسها شبكة بيضة كتبين شوية ..!

تكب الحليب فزلافة و بدات كتهز حبيبة نقيطات صغار كترشهم عليها .. على جنابها و لباسها و عطاتها السواك تغززو بسنانها و تبقى حاضية الباب فوقاش يدخل حكيم لعند العيالات باش ينطالق الحفل ..!

حكيم لي كان فراس الجبل مع حسام و خوتوو و باقي العائلة و الجيران .. لابس جبادور لي كانت شراتولوو شريفة من فاس .. جايوو همة و شان و الفرحة باينة من عينيه غتنقز ..! ركبوو كلهم فالعودان ضايرين بيه كيحاولوو يمنعووه باش ما يهبطش للدوار و يمشي لعند عروستوو ..!

و هاذو من التقاليد المعروفة عندهم فالعائلة .. كلهم مجموعين عليه و هو خاصوو يغلبهم و يفوتهم .. باش كاع الدوار و الحضور يتأكدو بلي العريس رااااجل يتعول عليه و غيقدر يقوم بالعروسة بكاع لي تطلبوو ..!

جو من النشاط و الضحك د البناية بيناتهم و صوت العودان كيصهلوو كيتسمع و هما كيقربوو للدار و الشيخ د القبيلة واقف كيتسنى هو و الجد و العموم و الناس الكبار .. حتى دخل حكيم هو اللول و البقية تابعينوو من اللور .. سابقهم بشوية .. كيجري بالعود لي كيتسمعوو رجليه كينزلوو على الارض بالجهد و حكيم شاد ليه اللجام مزيان و مرة مرة كيطبطب عليه و يحك على راسوو و العود متجاوب معاه ..! كيبان غير شي واحد من الصربة و هو بالتقليدي و فداك الجلسة و الحطة و النخوة كتقطر ..!

قلل السرعة و العود كيتعنتث معاه تا تهدن واقف حداهم .. نقز بسهولة واقف على رجليه و هما كيرددو المباركات بالسوسية و يعنقوو فيه .. و حبيبة واقفة بالطبوقة قدام الباب فيهم جهاز شريفة كامل و لي وصات عليه و هي فألمانيا .. ما خلات ما جابت لها حاسباها بنتها و كثر ..! معلووم فرحة شريفة و حكيم من فرحتها هي ..!

قلل السرعة و العود كيتعنتث معاه تا تهدن واقف حداهم .. نقز بسهولة واقف على رجليه و هما كيرددو المباركات بالسوسية و يعنقوو فيه .. و حبيبة واقفة بالطبوقة قدام الباب فيهم جهاز شريفة كامل و لي وصات عليه و هي فالمانيا .. ما خلات ما جابت لها حاسباها بنتها و كثر ..! معلووم فرحة شريفة و حكيم من فرحتها هي ..!

و غير تسمع صوت الرجال خرجوو العيالات تعاونوو على داك الطبوقة هازيينهم كيشطحوو بيهم على صوت المواويل و الاهازيج و حكيم مدخلينوو وسطهم تال للداخل ..! تبسم بحنان و هو كيشوفها جالسة بحال الاميرة فالابيض كتسناه و الشبكة فوق راسها مغطية وجهها .. و مغطية دموعها لي سالوو بزز منها و هي كتشوف فرحتهم بيها و تعويضهم لعائلتها و حنانهم عليها ..!

بالزربة مسحات دموعها فاش شافتوو جاي .. باش ما تقلقوش و تبسمات بفرحة حانية راسها و هو كيحيد لها الشبكة من على وجهها .. مسلوب بيها و هي طبيعية غير عينين الظباء كيسطيوه و مميزينها بزايد و كثير شي منين تزينين بالكحل الحر مبين جمالهم كثر و كثر و لمعتهم الخاصة بيها ..! باس لها جبهتها و هي كترمش بالشوية و يديها محطوطين على فخاضها ..!

حكيم: وعد الحر دين عليه

هزات عينيها فيه و غمزها بثقالة تا مصات شنايفها حاكاهم مع بعضياتهم و السر ديال العرايس طايح عليها و الحناك مزنكين و الضحكة كتبري فالعينين و فالتة فالفم .. واخا تعيى تحاول تزيرها .. و بصوت حنييين يسمعوو غير هو قالت ..!

شريفة: أزول روح الروح ( ازول هي الاسرع لقلبي و لا .. انت فقلبي يا روح الروح )

خرج من تما مخليها طالقة يديها و رجليها كتحني تحت الغنى دالبنات و العيالات .. لي صوتهم تبارك الله على خامة فيه .. تسكت وحدة تكمل لها الثانية .. وحدة كترد على لوخرى بالقوافي كيسكموو الكلام و يحليوه .. و لي ما كتعرفش راه هازة البنادر كتطبل فيهم و تزغرت .. الطبل خدام و التحزام على النص حاضر بالجهد ما كاين غير الله يعطيك صحيحتك و الشعورات كيتشايرو كيتحيرو بيهم ..! و مرة مرة توقف العمة و تقول بصوت عالي فرحان ..!

العمة: اس امقورن اياد دارناح اليغ كون نزرا داغ نمون ديون زوند اوسان ن زمان... تمازيرت تنور سميدن نس مرحبا سيتون دارون اياد ..!

《 هاذ النهار هو الكبير عندنا فاش رجعنا شفناكم و تجمعنا معاكم .. البلاد نورات بناسها ..! 》

دازت عشية على حقها و طريقها .. بعيد على النفاق و الحقد و فشر عليا نفشر عليك .. ديكشي على قدو و لكن بحلاوتوو و حسن بزاااف من القاعة و عرام د البشر لي كل واحد فيهم علاياش جاي و على شنوو ناويلك ..! تحيد القفطام الابيض و تبدل بلبسة محجرة هماوية كتعشق و تغني يا ليل يا عين .. العينين تجبدو و الوجه تقاد على حقوو .. مزينة بذهبها و حليها ..! نشفات الحنة و جمعولها يديها فتقيشرات فالغوز بيبي بحزاهم كيتزيرو باش ما تفتتش ليها و نفس الشي لرجليها ..!

نوضوها فوق القعدة دارت حتى هي حقها فتحراك المؤهلات تا حوالوو عينيهم معاها و كل وحدة كتقول مع راسها .. هذا هو الشطيح و التحلوين و إلا فلا .. حنا عيالات غير بالسمية على هاذ الحساب ..! أما حبيبة تشرعات لها الضحكة من الوذن للوذن شاداها باش تجلسها مع الناس يحطوو الماكلة ..!

حبيبة: معذووور ولدي مفتون بيك ( طلعات و هبطات فيها بضحكة و فرحة ) و عندو علاش يتفتن و يتعماولوو العينين حتى ما يبقى يشوف غيرك ..!

شريفة:( ضحكات بالدموع ) هههههههههههههه ياك بعدا ما كليتوش فحقوو ..!

حبيبة: و تقووول .. الله يحجبك ا بنتي .. قل اعوذ برب الفلق

حطات يديها على راسها كتقرا عليها المعوذتين مجمعين مع الناس و كلشي كيقول سعداتها بعكوزتها .. حاضياها و كتوكلها بيديها و رادة معاها البال يلا احتاجت شي حاجة و ما صلاحش لها مع الحنة و تا نور لي تشغلها غير سالات الحنة سيفطاتها مع اسية لعند باها و عمومها يخليوها معاهم ..! تا زعمات وحدة و نطقات بالسوسية ثقيلة ..!

.....: تهلاي فعكوزتك ا شريفة .. سعدااااتك بيها كتبغيك و هازة همك ..!

حبيبة:( شافت فشريفة بابتسامة و قالت ) و سعداااتي تانا بيها و ببنياتي كاملين ( سيفطات بوسة لبسمة و ملاك و اسية )

شريفة:( ضحكات و باستها فحنكها ) عزيزة و غالية بلا وصاية ..!

كمل العرس عند العيالات مخرجين شريفة دايرة الفوال على راسها و وجهها و هما ضايرين بيها ساترينها ما كيبان منها والوو ..! تا وصلوها للدار لي عطاو للعرسان غيباتوو فيها هاذ الليلة .. منقيينها و معطرينها و مزوقين الناموسية بالورد و ريحة الزهر عاطية ..!

خلاوها تما مع باليزتها ترتاح و توجد راسها ..! حبيبة و عائلة حكيم خرجوو يلحقوو راسهم للعرس د الرجال .. و المقصود هنا يوقفوو على الطياب و الماكلة و الحلويات لي غيتفرقوو لا غير .. لأنوو ممنوع على العيالات يحضرو للعرس د الرجال ..!

بقاو معاها فالبيت غير اسية و ملاك و بسمة .. حانية كتقشر فالحنة دايراها فزيف بيض كيفما وصاتها حبيبة و نبهاتها عليها ..! و البنات كيهضرو فوق راسها و معاونينها ..!

بسمة: سمعتهم غادي يجيبوولهم الشيخات .. قالك هاذشي لي كيديرو فعرسهم ( شافت فشريفة مفقوسة ) و علاش حنا ما نحضروش لهاذ العرس ياك الشيخات عيالات و مالنا حنا ..!!!

ملاك:( ردات كتضحك ) باش يزهاو على خاطرهم و يشبعوو من هز و وز .. اش بغيتيهم يديرو بينا غير غنكدوها عليهم ( صغرات عينيها و كملات ) داك الزلايلي ديال كازانوفا اليوم غتكون عندو الفيشطة .. ما كاين غير واش هذا كر و لا كاميوو د العسكر ..!

ضحكوو على هضرتها بالدموع ضاربين يد مع يد و شريفة كتقشر الحنة و تهضر ..!

شريفة: انا بعدا حكيم مهنية من جهتوو و الله لا هز عينوو فيهم .. ما عندوش مع داك الاجواء اصلا غير داير الخاطر و صافي و هما مولفين هاكا و قالولي كيكون تا البراح .. كيبداو يعطيو الهدية للعريس و لي حط شي حاجة كيبرح بيها راجل بالميكرو و كيقول ها شنوو جاب و ولد من و كيشكرو و يكبر بيه ..! كيكون ديكشي زوين ديال التبراح ..!

بسمة: و حارمينا منوو ( شافت فملاك ) ماشي غير كازانوفا لي عندو الحفلة تا خوك الزهواني تلقاه كيزغرت من الفرحة دابا ..!

شريفة: هههههههه حكيم و عدنان مهنيين .. عدنان مية فالمية ما غيحضرش ..! نوضوو خوييو عليا السوق من هنا خليوني نوجد راسي للفحل ديالي

عضات على شنافتها بالضحك و عينيها كيبريو .. تسالمات معاهم مخلياهم حالفين حتى يحضرو للهاذ الليلة د الشيخات و يشوفوو شنوو كيوقع تما .. فضولهم تحرك و كل ممنوع مرغوب ..! هاربين لحبيبة و ضاربين الضورة من اللور على الخزاين لي مفتوحين على بعضياتهم و وحدة منهم فيها حكيم و رجالهم .. لي كل وحدة حاضية واحد فيهم و كتحلف فيه يلا تململ من بلاصتوو و لا عينيه زاغوو تا ليلتوو ما تطلع فيها الشمش ..!

و هنا الهضرة على بسمة مع محمد امين و ملاك مع حسام لي بلا ما تحس تحركات فيها شي حاجة و ما بقاتش بغاتو يضسار على غيرها و يدير داك الشوفات ديالوو فبنات ثانيين هازيين ما هازة فقلبها ..! أما حتى اسية غير ماشية معاهم باغى تكتاشف و كانت متأكدة عدنان ما غيكونش تما و بالفعل ما لقاتوش ..!

دخلوو الشيخات متابعين بقفاطن ديال الموبرا لاسقة على الهباري و محزمين بشوشية فلون مفركع فاصلة بين الصدر المبندر و داك اللور لي كيترعد بوحدو و تبارك الله و الصلاة على النبي كل طرف يا طرف ..! و لكن بلديين و ماشي من النوع لي غيجذب الدراري .. خصوصا محمد امين لي تا يلا بغى يخون غيخون مع شي مهندسة بحالوو و لا طبيبة بحال مراتوو ماشي شيخة فايضة كترعدها قدام الر٠٠جال مخلية ريوكهم سايلين عليها ..!

اسية:( قالت كتنعت لهم للرئيسة ديالهم ) تخيلوو هاذيك سميتها نوار .. سمعتهم كيقولووها و يغوتوو بسميتها قبيلة .. ها هي ناضت ..!

حوالوو لهم العينين مع شطيحها و الضحكة غالباهم تا قالوو دقة وحدة " تباااااااارك الله "

ملاك: ويلي ويلي شفتي على تنقيزة ضربات هههههه شوفي لوخرين كيعاودو بحالها فالجناب ..! و حكيم يا ختي واقف بالجلابة د الحبة مخزنية فالابيض سخونة و داك البلغة فرجليه و اليدين مشدودين اللور تقول غير قايد القبيلة ههههه

أسية:( ردات بدفاع ) و مالوو غزاااال الله يحجبوو .. الوقفة و الهمة و الزين لمن عطاه الله ( ضحكات ) شفتي خالتي حبيبة وجهها رجع حمممر ما بغاش يحني لها ..!

ملاك: وا ماما الله يهديها عارفاه ما غيحنيش و داخلة لعندو تما بسينيتها زعما غتحطوو قدام الامر الواقع و يتزير و يخليها ..! و هو و الله لا قاستوو .. كيشوفها فيدينا و كتعجبوو و لكن باش يديرها ما تحلمش بيها .. غير غيسخط بحال دابا .. ما غيجبوش الحال لاش داخلة حدا الر٠جال ..!

و ديكشي لي كان ما كملاتش دقيقة خرجات من تما كتعثر فجلايلها مخلية حكيم ساخط موراها كيضور فراسوو و يحل فالصدايف د القاميجة لي تحت من الجلابة كيبان منها غير الكول ..!

يالاه جات تضور بحالها للدار و هي تلمح ملاك .. جمعات حجبانها باستغراب و قربات لفين كيشوفوو تا وقفات عليهم سكتات لهم القلب ..!

حبيبة: ا تبارك الله على بناتي الغزالات ( خرجات عينيها فيهم ) باغيين يخرج شي واحد يحصلكم تشوهوو .. و نتي ا مولات العقل ( لبسمة ) يشوفك هنا محمد امين ينوض يصعر علينا جملة ..!

حشموو منها تا تكركبوو وحدة مور الثانية و هي موراهم كتنهد و تنكر على حكيم بصوت ما كيتسمعش ..!

حبيبة: واش أنا والداه و لا مزوجة بيه .. تهنيت من حكام الراجل خرجولي ولادو فعودي ..! ( حركات راسها بالنفي ) الله يرحموو فهاذ الليلة و يجدد عليه الرحمات ...!

مشات كتشوف مع العيالات فين وصلوو فالطياب .. خلاتهم بداو التبراح و النشاط حتى شاط ..! تناص الليل عاد كملوو من التفراق د العشا و كل واحد فلي حاضرين قصد دارو ..!

دخل حكيم للدار و شد الباب مطرقها بالزكروم من موراه ..! شاف فالبيت مزوق بالشموع فالألوان شاعلين فالارض و طالقين ريحة زوينة د الورد لي كيعجب شريفة و كترتاح و هي كتشوف الضوو ديالهم منور عليها و تشم ريحتهم لي طالقين و زادت فرحات بالمبادرة لي دارو و زوقوو الناموسية بوريدات حومر خفاف ..!

عطرات البيت زيادة على الزهر بالعود لي مبلية بيه .. شاعلة العافية فعواد طوال رقاق تا طلقوو ريحتهم مزيان ..! خالقة لهم جو دافئ يدوزو فيه ليلتهم ..! متكية على جنبها فالناموسية ..!

لابسة سوميج ديال العرايسات د الحرير فالابيض كلوو كيزهق ..! بسروالها و الفوقاني مشبك و مفتوح من الصدر .. كيبين الشقة و السنسلة كتلمع مذهبة بالتعليقة ديالها لي فينما تتحرك تقيس لها صدرها و تداعبوو ..! عاد بينوار من الفوق هابط حد فخاذها فيه الدونتيل ..! اليديين نقيين و مصبوغين و زايدة الحنة حمرة فيديها عاطياهم جمال على جمال .. لا هما لا ظفار رجليها لي مصبوغين بدم الغزال مواتيين مع الحنة الاورونجية الخفيفة لي دارت ..! بنقش رقيق زوين ..!

الخاتم د زواجها كيلمع فصبعها و لي براسلي تا هما لابساهم ..! العينين مكحلين و مجبدين و الشنايف مرطبين بمطرب الشفاه ..! مريحة راسها بعطرها لي ما كتبدلوش فخطرة .. و حتى الناس لي كيشموه فيها كيحمقهم .. ماشي حلواني و خفيف .. لا ثقيل ديال البرد و كيعطي فكرة على مولات العطر بلي شخصية قوية و قيادية و الاهم ناضجة .. غير من ريحة العطر لي ماشي اي واحد تثيرو " Dune dior " ..!

صدرها كيلعب تحتها و مدوزة عود د الريحة وسط الفرقة معطراها هي و تحت وذنيها و مرفقها فبلاصة العروق د النبض ..!

شريفة:( تبسمات و قالت ) على سلامتك كي داز ديكشي ؟

حكيم:( حرك راسوو بالايجاب كيشوف فيديها ) بسلامتك .. الحناني و القلب الهاني .. بالصحة ..!

شريفة: يعطيك الصحة .. خليت لك الما سخون فالحمام يلا بغيتيه .. حيث كيتقطع لهم ما كيبقاش النهار كامل ..!

رد عليها بامتنان و حيد الجلابة قدامها .. هي و القاميجة و السروال و الحوايج التحاتة تا بقى بالكالصون مزير عليه فالكحل ..! دخل للحمام دوش عليه بالخف و هي كتطويلوو حوايجوو و تحرك باريحية فالبيت جارة بانطوفة رطيطبة فرجليها ..! و كلشي كيلعب تحت حوايجها .. صارخة بالانوثة واخا ضعافت و طيحات صحتها بالمعقول و لكن القالب غالب و مزالين حراكتها ثقال و جذابين بأنوثة و إثارة تسلب عقل لي ما يتسلب ..!

مدات ليه حوايجوو و جلسات حاطة رجل على رجل كتلعب بيهم و تفرج فتصاورها د العرس .. حتى خرج عندها حكيم بصدرو عاري كيقطر بالنقيطات د الما .. لابس غير شورط حد الركبة و فوطة فعنقوو كينشف بيها ..! بلعات ريقها كتشوف فداك الصدر المبندر المشعل و داك الكتاف العراض و العضلات د ظهرو لي كيتحركوو بوحدهم و السيقان المشعرين و لي موليي القاسحين و كل عصبة مفروقة بوحدها ..!

واخا تشوفوو كل نهار عريان قدامها غتبقى تأثر بحال اول مرة و تطلع معاها الحرارة و يسخنوو عليها جنابها و تتعرق بوحدها ..!

شريفة:( قالت كتلف الشوفة فيه ) دابا يضربك البرد لبس عليك عنداك ..!

حكيم:( رد بصوت رخيم طالع فوق الناموسية حداها ) ها حنا غنسخنوو و ما غيبقى برد ..!

وذن الظهر و تناصص النهار و هما باقيين فالفراش ..! معلوم بعد ليلة طويلة بيناتهم ما ختموها تا وذن الفجر و تسمع صياح الديك .. يالاه يرتاحوو و يعوضوو النعاس ..! تخشات فيه براحة .. اللحم على اللحم باحتكاك طفيف ..! لايح رجليه عليها تا كمشات رجليها وسطوو فسابع نومة ..!

و بين همسة و لمسة و مداعبة فحنكها و شعرها .. بدات كتتجبد و تحل عينيها منفوخين بالنعاس و حناكها تطراساو بالخدية مزنكين ..! تبسموو عينيها كتشوف فيه حاضيها .. حطات يديها على حنكوو كتدوزها بحنان تال عنقوو من اللور و ترجعها ثاني ..!

شريفة: صباحوو ..!

حكيم:( رد ببحة صباحية ) صباح الخير ..!

قرب باسها فحنكها و خشى راسوو فتجويف عنقها و يديه محطوطين على الاستدارة ديال صدرها كيداعبوو من تحت لغطى و يزير عليه بالتدريج ..! ما قدراتش ترفض طعم القبل ديالوو على لحمها لي شعلوو فتيل الرغبة فيها من جديد واخا ما بقى فيها حتى عظم صحيح ..! الحرارة لعبات عليهم بجوج و رجع طلع فوق منها كيبرد شوقوو من جهتها ..!

بين أنين مكتوم و أهات بصوت خافت حنين عذب و تنهيدات رجولية .. بين غزل و دلع و استمتاع ممزوج بين أنوثة ناضجة مثيرة و رجولة مفرطة كاملة ..! طلعات لهم التنغيمة للراس بجوج و صوت الضحكات و الهمس و اللمس مسموعة فالبيت .. كتخشع معاه و تبتاسم بعينين ناعسيين مستحلية لمساتوو حتى كيفيقها بشحطة لجنابها و مؤخرتها كتهز فيهم و تغوبش بدلع ..!

عاجبها فالفراش و مقنعها بكلشي ليه .. بعنفوو المحبب و غزلوو الثقيل و كلاموو لي مرات ما كتفهم فيه والوو و مرات ثانيين كيحطهم لها نيشان تا كتغرق فبلاصتها .. شريفة بصح ما كتحشمش منوو و جريئة لكن كيبقى هو جريئ عليها و كيوصل معاها لدوكري عالي حتى كتولي حمرة بحال ماطيشة ما قادراش تعاندو و كتقول مصاب غير يسكت و تا هي كتسمعوو من الطرب و الصوت العذب حتى كيرضى و يحس برجولتوو معاها كيفما هي حاسة تماما بحروشيتوو لي كتطلع لها السكر و تشعل البولة الحمرة و هي أنثى فقمة إثارتها بين يديه كيشكلها كيفما بغى ..!

تسالات الرحلة فعالم زمردة بيناتهم .. عالم الاحلام لي كتحقق و الشوق لبعضهم و الحنين لاكتشاف الخبايا ..! متكي على جنبوو و هي مطلعة الغطى على صدرها ساتراه .. مزنكة و العينين كيلمعوو و الضحكة فالفم و السر طايح عليها .. زيانت غير بالفرحة و الراحة ..!

كترمش عينيها و تضور تضور و تشوف فعنقوو فين مطراسية مصة باااينة للعمى .. فاللون د الدم المكبد .. غير غادية و كتزراق ..! شاف فليزار تحتهم و بطنز كيجبد لها فحنكها قال و هو كيشير لنقطة وحيدة ديال الدم كارمة تما فالقهوي من بعد ما تقاسلوو عضوو بشوية د الدم فالليل و تطراسات مع التحركات ..!

حكيم: رعفتي هه ..!

شريفة:( شافت فين كيشير و قالت كتقلب فعينيها بتمياق ) بالسييييف ا سي امغار .. انا راه تختنت ماشي غير رعفت .. بقيت حاضية الحمامة طايرة فالسما تا ربي شاف من جهتي ..!

حكيم:( قهقه كيضحك و قال بعينين مبسمين كيبوسها ففمها غير تكة فالشفايف ) ما تبقايش تتعاندي فشي حاجة ما عندكش ليها الجهد ا السبع

غمزها مثقل و ناض عريان كيتمشى بالحفى هز الكالصون لبسوو و دخل للحمام كيشوف واش كاين الما سخون ..! مخليها فاتحة عينيها فالسما كتبلع فريقها بتبسيمة حلوة .. باقى حاسة بأنفاسوو على جلدها و شقاوتوو معاها .. ذاثها كلها كتضرب و داك الجو مزال مسيطر عليها و مفشلها ..!

كيفما سخفاتلوو فالليل شحال من مرة تا كيرش ريحتوو فيديه و يشممها لها و لس غير ما كتزيد تفشلها كثر ..! ليلة اسطورية بين ضحك و هضرة و معاودة و بين حب من نوع ثاني بينوه لبعضياتهم و شبعوو غراائزهم ..!

بقات شحال حتى ارتاحت و ناضت وقفات عريانة .. يالاه زادت جوج خلفات ضربها الضوو و عقدات حجبانها كتلبس فبينوارها.. فرقات رجليها موسعة بين فخاضها كتشوف تا خرج حكيم ملوي الفوطة عليه كينشف و عينيه معاها كيحاول يفهم شنوو كتدير و قبل ما يهضر قالت مغبنة ..!

شريفة: تسللللخت اويلي تحردت ..! غنمشي حداهم دابا كنعرج كي المختنة ديال بصح ؟

شريفة: تسللللخت اويلي تحردت ..! غنمشي حداهم دابا كنعرج كي المختنة ديال بصح ؟ ( كملات مغبنة ) كضحاااااك ؟؟؟ و لاهيلا نتا لي جا معاك الضحك ..!

حكيم:( شد فيديها جرها للناموسية تكاها على كرشها كيطلع لها البينوار و هي كتهبطوو ) هههه تسناي نشوف ا الكارثة ..!

ساطت النفس كتسمعها لوو و رخات الثوب تا حسات بيديه كيدوزو حتى لحمها و مشى بصبعوو للبلاصة د السلخة .. حمممرة و محكوكة نيت ..!

حكيم:( ضربها للور تا ترعدات فيديه و قال ) عندك شي كريم و لا زيت دهنيه لها ..!

شريفة: واااااو مدهش ( قلبات عينيها فيه كترمش ) بهرتيني الصراحة كن ما كنتيش نتا كاع ما تطيح عليا هاذ الفكرة العبقرية ( كمشات حجبانها ) هاذ الذكاء وارثوو من العائلة و لا مجهود شخصي ..!؟

حكيم:( ضحك و ضربها لراسها من اللور ) نوضي قضي غراض و باركة من الفهامة ..!

ميقات فيه و وقفات كتمشى كتعرج صابرة تا حسات براسها غير ما كتضبر و فرقات فخاضها كتمشى كل رجل فقنت و يديها كيجبدو حوايجها و لي برودوي لي غتحتاج ..!

شريفة: و الله و تضحك ا حكيم تا ن

حكيم: نننن اااش ؟

سكتات كترمش فرجليها و فالخلخال المذهب لي ركبولها بلا ما تحس عليه .. فيه فراشة فالجنب محجرة و خاتم صغير فنفس الشكل مفيكسيه فصبع رجليها لي حدا الصغير ..! هزات رجليها كتشوف فيهم و تدوز صبعها عليهم ضاحكة و الحنة فيديها و رجليها طلقات و رجعات حممممرة كتحمق ..!

شريفة: وينووو فنييين .. فوقاش ركبتيهم كاع ما شفتهم و لا حسيت بيك تال دابا ؟ ( ضحكات حاطة يديها على جنبها ) شنوو هذا الكادو باش نتصالح معاك على هاذ التكرفيسة لي درتيلي ؟

حكيم:( قرب عندها ضور يديه على ضهرها تال كرشها و باسها فعنقها بلاصة النبض و بهمس كيبورش قال ) هذا بياضك ا نوارة الحدود ( عضها فنفس البلاصة كيجبد اللحم و ببرود ) على شمن تكرفيسة كتهضري ؟

شريفة: اححح ( عوجات راسها كتفشش ) امم و شنوو درت لك خاطرك تا وليت عرجة فآخر يامي .. خاصك تعوضني ..!؟

حكيم: درتيلي خاطري .. شوفي و كان ؟ ( قلبها عندو هاز حاجبوو فيها كيطنز عليها ) فالليل نديرو الاجتماع ديالنا و نحلوو هاذ المشكلة لكبيرة فعلاقتنا الديبلوماسية و نديرولك حتى نتي خاطرك ( غمزها مطمر )

شريفة:( عضات على شنافتها و تعلات على صباعها كتشوف فعينيه مقربة منوو تا صدرها تسحق مع صدرو ) كنحبك نموووت عليك .. كنحمااااق على ديلمك ا سوسي ههههههه

حكيم:( مصمص لها شفايفها بتلذذ و قال ) كيبانلي نديرو مناقص من شي خروج و نبقاو غير هنا ..! ( ضحكات و ضحك راشقالوو ) ههه نبقاو ؟

شريفة:( ردات بدلع ) لا نخرجوو انا غندخل ندوش دابا و نجي لعندك ..!

حكيم:( جبد لها نيفها بحركة دلوعة و رد بالايجاب ) الخلخال و الخاتم حيديهم حتى نكونوو بوحدنا و رجعي لبسيهم ..!

شريفة: علاش ؟ خليني بيه عجبني ..!

حكيم:( رد باختصار ) هضرت يمكن ..!

ما عاوداتش ردات عليه تا دخلات للحمام كتغسل و تهضر بوحدها عقل كيدي و يجيب ..!

شريفة: شنوو زعما داك الهضرة لي كانوو كيقولوو على الخلخال صحيحة ..! يلا درتيه فالرجل ليمنية راك ق** و يلا درتيه فليسر راك بنت داركم ما تحركي بيضة من الطاس ..!؟

ضحكات على راسها باستهزاء كتقيس فعضوها بفضول كتشوف داك الحمورية لي ضايرة بالشفرات لداخل و زيد القدام .. رهافت داك الجليدة و طابت حتى ولات ملسة و هشيشة ..!

شريفة: لواه يلا دارتوو فليسر راها مثقوبة و يلا دارتوو فليمن راها كتعطي اللور .. هاذشي لي بقى ناقصك نيت ا شريفة ( جمعات يديها عندها كترمش و تعوج ففمها ) ها كون سبع و كولني فين وصلاتنا ..! اححح ا ربي ..!

كملات تدواشها و رطبات داك السلخة بزيت اللوز مزيان .. لبسات حوايجها معطرة و مسكسفة على الحالة منقياها و السر طايح عليها بلا مكياج غير الكحول لي مزال لها من البارح و لكن دارت الباروك و قادات وجهها خفيف مع لباس عصري سخوون و مجوهراتها لي جات بيهم ..!

جمعات البيت من الحوايج لي مليوحين فالأرض و من المنادل المستعملين لي معمرين الدنيا كل واحد فين مجلي ..! كبات عليهم الما فلافابوو حتى تفتتو و مشاو و حيدات ليزار لي تطبع بنقطة د الدم من الاحتكاك القوي و التزيرة لي مزيراها .. فركاتوو بين يديها و نشراتوو تما فوق الطبلة ينشف .. طاوية الغطاوات و مخلية البيت موراها فيه ريحة العود كتعشق ..!

خرجات فقمة أناقتها مزيرة على سنانها و كتمشى مقادة بزز منها ..! شافت حكيم واقف مع حبيبة كيهضرو و مشات لعندهم سلمات عليها ..!

حبيبة: وجدنا لكم الفطور قبيلة بغينا نجيبوه و خفنا نفيقوكم ..! فين غاديين بلا فطور ؟

حكيم: غير لهنا نساريها شوية .. دابا نفطرو فالطريق غير ارتاحي ..!

حبيبة: وا تسناو بعدا قبل ما تمشييو .. أنا جايا ..!

مشات كتزرب للدار لداخل .. جابت زلافة ديال الروز بالحليب طايبة مع اللوز مهرمش و الزهر .. اكلة ضرورية فكل صبوحي كيديروها ..! عطاتهم جوج معالق يذوقوو الباروك ..! و غير كملوو جبدات من جيبها سرتلة د الذهب غليضة مضفورة .. شكلها راقي و لي خذاها ذواااق ..! ركباتها لها بالتعميرة ديالها و قالت

حبيبة: تدخل عليك بالصحة و السلامة و الهنا و راحة البال نتي و فرحتي اللولة .. الله يسعدكم ..!

شافوو فبعضياتهم و باسولها راسها بجوج تا رضات عليهم و عاودات .. و مشاو للجهة فين مبلاصي الطونوبيل .. شاد فيها باش ما تطيحش على ود الحجر .. غير ركبوو و خرجوو من داك لابيسط قالت بسعادة

شريفة: ماماك غزاااالة و الله ( لعبات فالسرتلة كتشوف فيها باعجاب ) ذواقة الله يخلي لها صحيحتها ..!

حكيم: اللهم أميين ..!

تكات على كتافوو كتشوف فالطريق و تحك حنكها مع صدرو .. الخيرات و الغرسات و الداليات على الجهد مع الجناب ..! حتى بعدو بشي عشرة كيلومتر على الدوار و خرجوو فضاية كبيرة مقابلة مع الجبال و الشجر و الغابات ضايرين بيها ..!

البرد و الجماد عاطي منها .. الما صافي كيلمع و الحمام بيض كينقب منها هما و الطيور ..! اوبيرجات صغار تما الراس ديالهم مثلث بحال الشكل ديال افران .. مبنيين بالطوب تقيل و الخشب مزيج بين اللون الاحمر و الاورونج ..! بلاصى تما و دخلوو لواحد من لي زوبيرج و لي فيه مطعم تقليدي ..!

بالزرابي منسوجين باليد فاللوانات و المخاذ فالاورونج و الاصفر و الازرق مشعشعين بالبريوون كيلمع ..! الشوميني ديال العواد مبلاصي فالحيط شاعل كيعطي السخونية و العواد كيتحرقوو وسطوو ..! و آلات موسيقية فالحيط معلقين هما و تصاور مرسومين قدام ..!

طبالي صغار بكراسيهم محطوط فوق منهم الهياضر د العيد يدفييو من البرودة ..! و كويسات صغار فالقهوي فكل طبلة فيهم شمعة بيضة عادية شعلوها لهم ..! خذاو فطور بلدي بالبيض مقلي مغرقينوو بالزيت البلدية الأصيلة و الزيتون كحل كل حبة يا حبة ..! أتاي سخون منعنع و العسل فطباسل صغار هي و زيت أركان و أملوو لي معروفين بيها ناس اكادير و سوس بصفة عامة .. زيدها على النقرة و الجلد ..!

زيتون مسلالة مدقوق على اليد و محمض و انواع كثار د الزيتون مشرملين على اليد و الخبز سخوون كيفور .. كبير و مضور بحال شي رويضة ديال الطونوبيل ..! جو هادئ فيه بساطة و دفئ عجيب و واحد الراحة كتدخل لقلبك و نتا كتشوف الجبال و الطبيعة و الما قدامك .. الحيوانات كيرعاو و الطيور كيزقزقوو .. ما كاينش حس الصداع و بشر قليل تما .. النقاوة و الهدوء من ديكشي الرفيع ..!

كلاو و غلقوو بنفس مفتووح و مول لوبيرج جا لعندهم هاز داك الآلات الموسيقية بحال غيتار غير هو تقليدي .. الشكل لي كيغني بيه رويشة و عدد من الفنانين الامازيغيين ..! بدا كيعزف و يغني لهم بصوتوو و ولدو حداه هاز الطقطاقيات كيضرب بيهم و يحرك راسوو منغم .. عيى فيه باه يغني لهم و ما بغاش حشم منهم ..!

شريفة:( نطقات بتنهيدة متبسمة ) كن غير جبنا معانا نور مسكينة ..!

حكيم:( حرك راسوو ) مرة اخرى .. يالاه نخرجوو نتحركوو ..!

ناضوو بجوج لابسين عليهم مونطوياتهم من برد الضاية ..! تسالموو و توادعوو معاه بابتسامة مخليين الضحكة مرسومة على وجهوو فرحان بيهم جاو عندو ..!

وقفوو جهة الضاية و ريحة التراب فازكة عاطية كتفتح النفس و الخرفان كيرويوهم حداهم و كيرعاو من العشبة لي مزروعة تما و الحمام بالاشكال و الالوان ضاير من فوق منهم ..! تا جا راجل كبير فالعمر كيجري جهتهم بجلابة محببة قديمة و صباط راشي فرجليه و التقاشر طالعين تال النص فرجليه .. هضر معاهم بالسوسية كينعت لهم لفلوكة ديالوو يلا بغاو يمشييو معاه يضرب بيهم ضويرة ..! تشاورو بيناتهم و بحماس حركات شريفة راسها باغى تدخل للداخل ..!

من وسط نعسة حلوووة فوسط الجنانات و الشجر د اللوز ضاير بيه من كل جهة .. غير كيجبد و ياكل فالخيرات ..! مرتاح فخاطرو كيعوض فالنعاس ..! خلط عليه حسام بواحد القشابة فالبيض واسعة و مطروزة بالازرق و الشاشية فالراس .. نوضوو لاسقوو يتسارى معاه ..!

شبعوو عدنان نكير فلخر لبس فرجلوو و مشى معاه ..! كيشوفوو فالدراري الصغار بالقشابات و البنات لي لابسيين قفاطن قدام فاللوانات و عاقدين راسهم بفولارات ..! شي كيلعب شي كيتسخر .. يهز و يحط ..! كبرو وسط التراب و الزرع .. ما عندهمش الفشوش فقاموسهم و صحاحين كيتقاتلوو مع الحاجة و يجروها ..! و باقى فيهم داك البراءة كتلمسها غير من عينيهم و من حشمتهم الكبيرة و كيفاش كيتلونوو و يهربوو غير يلا هضرتي معاهم ..!

دازو قدام عيالات كبار ببيجاماتهم د القطن و الفواطة مضورة على نصهم حازمينها و البوط ديال ميكة فرجليهم .. هازين على زهرهم الخش و اطنان ديال العواد حتى عواج لهم الظهر و تقوس ..! عيالات كبارين فالعمر و التجاعيد منحوتين فوجوههم .. كلهم واشمين فجبهتهم و لحيتهم و هكاك كانوو ناس زماااان كيزينوو ولادهم ..!

و لي زاد عجب حسام و عدنان هو واخا داك تمارة كاملة ضاحكين و ناشطين و النية باينة من الطيبة لي كيلمسوها من ملامحهم و تصرفاتهم ..! تبعوهم تال جهة الواد فين جايين بالتيران و البقر و الخرفان و المعيز كيرودوهم و يعمرو بيادة ديال الما و السطولة من البير .. للسقى و للحاجة فاش كيتقطع عليهم الما فالبزابز و يبقاو ربي كبير ..!

البنات صغار و كبار فالساقية كيصبنوو فالكواش .. الزرابي و حوايجهم ..! لابسين فراشات فالالوان و فوق منهم كبابط د الصوف سخان مفتوحين ..! الزعورة كتقطر هي و السمورية .. كل وحدة و زينها و باش كتفتن على غيرها ..! لي عندها شي حلق راها طالقاه بالمواويل و لي عندها شي شعر مسرحاه تحت من الزيف لي شاد غير الفوقاني و التحتاني مليوح على الكتاف من القدام ..!

لي عندها شي حداكة و شي زين كتبينوو معاندين مع بعضياتهم و وسطهم أسية بتشامير فالكحل مطروز بالدوغي جايها عبار مع طايتها و الشعر مجموع سفنجة مرخوفة .. هابطين شعيرات على عينيها و العينين عسلييين كيحمقوو بحال قطرة ديال العسل حرة كيبريوو مع الشمش ..! الملامح زعرة منورة و الحناك حوومر غيطرطقوو بالدم و هي مشاركاهم فالتصبان كتزطم على الكواش برجليها عريانيين حوومر و التشامير مفتوح فجناب سيقانها بوويض و عامرين ..!

حسام ساهي فالطبيعة و الجمال د المناظر لي قداموو و عدنان ساهي فأسية و لأول مرة كتسهى عينوو فبنت و ما كيقدرش يبعدها ..! حتى كينحنح و يحك حاجبوو و يجبد لحيتوو بغضب من شنوو كيدير و كيرجعوو عينيه يهربوو لناحيتها ..!

كتشتف بجهدها و مؤخرتها كتلعب موراها .. يميين .. يسار ..! الشعر تفك .. طاح لاستيك فالما و تطلق على وجهها مغطي تزنيكتها و شفايفها الحومر لي غير كتمص فيهم و تضحك مع البنات قدها ماشية مع الايقاع ديال غناهم ..!

نظراتوو ديال واحد مفتون شاف لوحة فنية ديال شي رسام مشهور تفنن فرسمها ..! كينحنح و يحك صدرو لي تزير عليه و طلعات معاه الحرارة تا تزنك و بانت مع بيوضيتوو ..! بحال يلا عاد اكتاشفها و شافها بنظرة ثانية غير لي مولف عليها .. صغيرة و فتية بحال ختوو ..!

ختوو لي لمحها حسام هابطة تا هي للساقية راكبة على الحمار و البوادة لاسقين فجنابوو كيتهزو و يتحطوو و هي كتضربوو للجناب باش يزيد ما كاين غير شا الرا .. لابسة كيطمة سخونة و عاقدة راسها حتى هي .. عاجبها الحال فالهبطة د الحدورة لي كسيرة فيها الحمار عاطي الفيطيس تا قالت شوية و يقلبني ..!

حسام كيشوف فجهة و عدنان فثانية .. واحد ما دايها فالثاني .. تا كيشوفوو فبعضياتهم و يبداو يحمحموو و يدوزو يديهم على داك الراس بابتسامة صفرة مهبطينوو و كيرجعوو ثاني يتعماو ليهم العينين ..!

حيرة و شمن حيرة تحطوو فيها و الشوف ما يبرد جوف ..! نحنحوو كيشوفوو فجنابهم و بتردد قال عدنان ..!

عدنان: غنمشي نغسل يدي تما و نرجع .. يلا بغيتي تسبقني غير سير نتلاقاو لهيه ..!

حسام: اييه واخا علاش لا ..!

تفارقوو كل واحد فيهم مشى فاتجاه و حسام جاتوو من الجنة و الناس فاش هضر معاه عدنان ..! ما لقى راسوو غير خالط على ملاك للبير لي موصلينوو مع جوج بزاز تما بانيين لهم واحد الدربوز بالزليج و التراب كيعمرو منوو الما و البيادة ..! الناس د الدوار واقفين بالبغال ديالهم و الحمير ..! الذبان ضاير بيهم لاسقين فقزيبتهم و كل ذبانة يا ذبانة و الوسخ كارم على شوالهم ..!

ضرب لها يديها تا تهرق الما من البيدو و ضارت ساخطة تشوف شكوون غير بانلها كيفرنس لها هزات داك البيدو بلي بقى فيه و رشاتوو على وجهوو و صدرو تا شهق و رجع كيقطر .. كتحرك فحجبانها بسم ..!

ملاك: حوووح فيك ا كازانوفا .. كان خاصهم يسميوك عاشق الشيخات معلوم المخزن و الشيخات عشق ما كيتسالاش .. تجمعتوو غير الزلال لخوه حيد غير خويا من الحساب ( بفقصة ) ضاربين لكم شوكة ديال الضسارة فينما تبان لكم شي بنت تبعوها بعينيكم ..! نتا هو أبو البنات ..!

حسام:( رد مغزف كيقطر بالما و الجو بارد ) و نتي المرحومة شخصيا ..!

بلا عكز عليه شدها من رقبتها و خشالها راسها تحت البزبوز .. ما بقى شعر ما بقات درة فالراس .. ما بقات كيطمة مسكدة .. رجليها و سروالها عمرو بالغيس و التراب و هي كتفركل .. تخنقات و الما جامد دخل لها مع عنقها لتحت تا ولات كتشطح الركادة ..! و غير طلقها زطمات على رجليه بحر جهدها و مشات كتجري كتقفقف بالبرد .. مخلياه كيحك كرشوو و تابعها كيتزلل و يضحك ..!

حسام: الشعر حريييير و الترمة بغرييير ..! بشااااخ ا ليدام الله يعطينا شي نسيبة نديوها للحج ..!

أما عدنان مشى لجهة اسية بتردد حتى وقف بعيد عليهم ما كيشوفش فالبنات لي تما .. عينيه حانيين فالارض .. تا نوى يعيط لها و رجع ضار عاطيها بالظهر ماشي بحالوو ..! ما شافتوش حيث تا هي عاطياه بالظهر و لكن التوشويش د البنات عليه و على زينوو خلاوها تضور بفضول ..!

البيوضية مع الكحولية د الشعر و اللحية و الحركات المرزنة و الملامح المبشورة .. النظرات العطوفة المزينين بالحجبان الكثاف المرسومين و الوقار لي باين منوو .. جذبهم و بدات وحدة تقولها للثانية حشمانين و صوت ضحكهم مسموع .. تا قربوو يغنييو عليه المواول كاع .. شافتوو و وسعات عينيها مزنكة كثر ما كانت حمرة ..!

شنوو غادي يجي يدير فالساقية حدا البنات كيصبنوو و يشتفوو برجليهم و كيغنييو من غير يلا شافها و بغى يهضر معاها هي ..! تفتفات و عيطاتلوو بصوتها الرقيوق حشمانة و ما عارفة ما تقول ليه .. تلفت لجهتها بنص شوفة تا سمحات فكلشي لبسات صندالة د ميكة فرجليها و مشات حداه كتمسح يديها فجلايلها ..!

أسية: عدنااااان ..! ( تبسمات بعينين كيلمعوو و حشمة باينة فحركاتها ) واش كنتي كتقلب على شي حاجة .. شفتك تما ( ضارت بعفوية نعتات ليه فين كانت واقفة ..! )

عدنان: ااه .. غير بغيت نسلم عليك .. ساعة كنتي مشغولة ..! ( حك لحيتوو ) نتي مزيانة ؟ عجباتك الدنيا هنا و البلاد عندنا ..!؟

أسية:( زادت حداه كيتمشاو بيناتهم مسافة صغيرة .. هو حشمان و مزنك و هي قالت لوو ما كتعرفش .. غير كتفتف بيديها و تجبد فالتشامير .. مزيرة على فمها باش تنطق مقاد ..! ) اااه الدنيا غزالة واخا ما عزيزاش عليا العروبية بزاف و لكن هنا ارتاحيت .. الجو صافي و الناس فيهم النية زايدة ..!

عدنان:( رد بهدوء ) ماشي كاع الناس نيتهم مزيانة و حتى هنا كاين لي شوفتوو ماشي تال تم .. الواحد يبقى مستور و يدير بحساب كلشي ..! ( نحنح كيحك فلحيتوو ) احم ما جاكش البرد بهاذ اللباس ؟ ( شاف فرجليها العريانين و رجع قلب عينيه ..! )

جمعات حجبانها بتساؤل و تعجب ..! واش كيقولها غير من لتحت للتحت تستر و ما تبقاش بالتشامير او فهمات غلط ..! واش غار عليها زعما و لا شنوو ؟

أسية: ااء .. امم .. اااه غير حيث كنت كنصبن أنا غنمشي نبدل عليا فالدار .. حتى التوب فزك عاطيني البرودة ..!

عدنان: غيكون حسن .. الدنيا مخلطة هنا بالكسابة و الرجال كيتجمعوو يسقيوو و نتي غريبة عليهم غيشوفوو فيك بشوفة ماشي حتال تما ..!

حركات راسها بالايجاب ساكتة و جامعة يديها قدامها كتجبدهم و تلعب فصباعها ..! حتى دازو قدام الورد الحمر مزروع و قطع وحيدة عطاها لها بابتسامة و قال

عدنان: وصلتي دابا .. أنا غنخليك تهلاي ..!

أسية:( ردات بأدب ) شكرا ..!

**********************************

دخلات بيهم الفلوكة وسط الضاية .. الما صافي كيلمع كتبان فيه الخضورية و الجناب نايض فيه الربيع لي كيكون فالواد ..! البرد كلاصى لها اليدين حتى تخشات فحكيم كتحك يديها مع يديه تسخنهم و الهوا بارد كيخرج من فمها ..!

حكيم كيبيدالي مع الراجل منها استمتاع منها رياضة .. و الجو رائع غير دالاستجمام و الراحة .. سبحان لي خلق و تفنن فخلقوو ..!

خاشية يديها فيديه و متكية براسها على كتافوو كتشوف فالسما المغيمة و الشمش لي ما سخونة ما باردة .. دافية و مخبعة بين الغيام ..! خرير المياه و تغريد العصافير و صوت الطراكطور دايز من بعيد .. موسيقى طبيعية كترخي و تدخل مع العظام ..! و كيفما نصحاتها الطبيبة النفسية تبدا قبل ما تنعس تسمع لاصوات الطبيعة و عطاتها أبليكاسيون فغوغل تطيليشارجيها و تبقى تصنت على الموسيقى لي دايرين تما حتى تطيح فاللون لي يرخي لها اعصابها و ترتاح ليه بسهولة .. يكون احسن كالمون ليها بعيد على الدوايات و المواد الكيماوية ..!

شبعوو تصاور بتيليفون حكيم و غنات ليه بصوتها راشقة لها و التبسيمة ما محيداش من شفايفها ..! تا وصلوو للجهة الثانية ديال الضاية ..! بانولهم الناس بساط كيتمشاو تابعين شغالاتهم و الاجواء ما مبدلاش على البلاد د حكيم ..! و باقتراح من السيد مشاو معاه لعند مراتوو فوحدة من الديور المبنيين بالتراب .. مهدوم النص فيهم ..!

خرجات كترحب و تعاود و دخلات معاها شريفة لقلب الدار ..! عطاتها عباية فالكحل فيها الطرز بالابيض فالضورة ديال رجليها ..! كتشد مع الكرش مكرجة و عاد كتضور على اليدين مفخفخة و مقبوطة بسمطة حمرة بحال ديال القفطان .. تحت التوب ما كتبانش ..! حنات راسها و حزامتولها بدرة توبها رطب و فيه خويطات خارجين فاللخر بحال الشوشية ..! فلون الاحمر لي كتحماق عليه شريفة .. دامجينوو مع الصفر و داك الشوشيات مشدودين بدراهم ديال النقرة كيلعبوو ..!

تبسم حكيم باعجاب من شكلها ما كانش كيتصور شريفة لي عصرية بالجهد غتجي للعروبية و تندامج بسهولة و فالبساطة غتكون فقمة انوثتها و جاذبيتها ..! ضحكات على راسها عاجبها الحال و وقفات كتصور باللبسة و الديور موراه من التراب ..!

شبعات تصاور و رجعات بدلات عليها مخلية عندها الفولار تذكار .. شكروهم و خلصوهم بزايد صدقة ليهم و تموو راجعين كيتساراو فداك القنت و اليديين مشابكين مع بعضياتهم فحميمية ..! وقفوو على واحد مفرش فالارض خناكات ديال العنق غلاض و حوالق مثلثين فيهم وحدة من الرموز د الامازيغ .. المرود د الكحول و القرعة فين يتكب ..! ديكورات ديال الخيل منحوت من الخشب و صابغينوو بالقهوي مغلوق ..! كورميطات د الجلد مضفورين و عندهم جوج زليلكات كيتزيرو بيهم ..!

هزات واحد منهم و طلبات يكتب فيه حكيم من الداخل و غير كملوو لها ركباتوو ليه بابتسامة ..!

شريفة: نتا وفيتي بوعدك و انا رجعت الكورميط لمولاه .. دابا عندي نتا كامل ماشي غير الكورميط .. واخا ديالك صبرات سنين معانا و هاذي موحال تبقى شادة و لكن خليها عندك ..!

حرك راسوو بالايجاب معنقها بيد و هي حاطة راسها على صدرو ..! تا شير لكورميط نيت مصوبة بالثوب ديال الشوشيات ..! فالازرق و شوية د الاورونج مرشوش .. فيها عوينة الوسط مزيج بين الابيض و الازرق مغلوق ..! خذا لها وحدة و لسقات عليه ياخذ حتى هو تا دار لها خاطرها و ركبها ..! ماد يدوو مشعرة حدا يديها المزينة بالحنة .. كتصور الكوبل لي خداو .. جات التصويرة زوينة و عجباتها تا لوات يديها على ذراعوو و قالت ..!

شريفة: يالاه نرجعوو دابا شهوتي فالكوطليط و الكفتة مشوية على الفاخر و شي طاجين ديال الخضرة اممممم ( غمضات عينيها بتلذذ ) مذاقهم كنحسوو ففمي و صوتهم كيعطلي من بعييييد .. شريييييفة اجي كووووولينا هههههه ..!

كلاو عند نفس الاوبيرج فاجواء رائعة و هاذ المرة اختارو لاطيراس منهم للفضاء متمتعين بوقتهم لي داز بالزربة .. طاح الظلام و رجعوو بحالهم للدوار لقاو خوتهم و العائلة مفرشين برا .. شاعلين العافية الوسط و مجمعين عليها بكاس د أتاي و غطران من اللوز .. الكركاع .. الزبيب .. لاكاجو .. الزريعة البيضة و كاوكاو مهرمش ..! ناشطين و منشطاهم نور بتوغويغها ..!

مشى لها حكيم ديريكت شقلبها على كتفوو و هي كضحك بفرحة و تفتح فمها هكاك و ريوكها سايلين و تهبط على وجهوو بحال يلا كتبوسوو حتى تقسحات و بدات كتبكي و الدميعات نازلين على حرهم كتفشش عليه و تكمش فمها و توغوغ كتشكي عليه ..!

خلاتهم شريفة مجمعين و دخلات للدار سخناتها شاعلة العافية فالشوميني كيحرق العواد لي تما و مشات للبيت حيدات حوايجها و فزكات فوطة صغيرة كتمسح بيها من العرق و تدوز مرطبات و كريمات على لحمها فالحمام .. عاودات شافت السلخة لي ولات لها شوية بالتدواش و الزيت .. زيتاتها ثاني و جمعات يدييها منها ..!

لابسة كسيوة سميطات هابطة للنص ففخاضها .. حرير فالاحمر كيزلق مع منحنيات جسمها المرسومة فيه بإثارة و الشعر قصير هابط مع كتافها .. العينين مجبدين و باقي فيهم شوية د الكحول من العرس ..! طلقات العود فالبيت و بخرات شعرها شوية بيه و ريحات راسها بالروايح و الطالك بين صدرها و فخاضها .. حتى ولات كتشم فراسها ريحة زويييينة ديال النقى فينما ضارت ..!

زادت عليها البينوار ديال الكسوة طويل تال لتحت و عقداتوو فجنب كرشها .. مفتوح من الجهة د الصدر كيبان من تحتوو مبندر كيلعب ..! تا دخل حكيم مطرق الباب من موراه و نور فيدوو كتمص فلهايتها و تشوف بعويناتها فسكات ..!

طلعها و هبطها باعجاب و مد لها نور مع صاكها د الحليب و البيبغون و ليكوش و بوماد ديال الطياب لي نساتها شريفة كاع تا بدات كتقلب فيه تعرف شنوو غتحتاج عاد انتابهات لها و جبداتها كتدهن فيها مفرقة رجليها فوق الناموسية تا صدرها تعرى جهة نور .. كتزرب ما حد حكيم دخل للحمام ..!

ما جا فين يخرج تا كان جمعات و طوات .. طلق السجادة و كبر كيصلي ..! و نور متكية على شريفة كتطبطب على صدرها و تمص ففمها تا كمشات على التوب بين يديها و جبداتوو .. حاطة فمها مفتوح بريوكوو على لحم صدرها ..!

حزنوو عينيها و هي كتشوفها هكاك .. عارفاها ما رضعاتش من امها و ما كتعرفهاش كاع و ما ذاقتش حنان الأم و عطفها ..! عنقاتها عندها بقوة كتبوس فيها مغمضة عينيها .. و جبداتلها بزولتها نقية .. كتلعب فيها و بفطرة مشات كتمصها باغى الحليب .. و شريفة كطبطب عليها ..!

بقاو هكاك حتى كمل حكيم و هي تتعوج فالنعسة مخرجة مؤخرتها و حاطة رجل على رجل .. لايحة البينوار مع الجناب و مطلعة الكسيوة على الفخيضات .. كتبينهم ليه بلا ما تعيق و تفشش بالشوية ناشرة زينها عليه ..! كتجبدو و باغى بسالتوو معاها ..! و هو عايق بيها غير من راس صدرها لي قيم تحت من الكسوة كيبان مطراسي مع ثوب الحرير ..! و نور قارمة على البزولة الثانية ..! حتى نعسات و حيداتها لها من فمها .. متكياها حداها و حانية راسها كتدوز على الراس بالشوية كتمسحوو من الريوك ديالها بحركات ثقيلة ..! تا حساتوو زير على يديها و حكولها هو بشوية بايسها فالفرقة د صدرها ..! ملبي لها طلبها و رغبتوو فيها ..!

سخن الجو فالبيت حتى رجع كيحرق و الآهات كيتعالاو بالتدريج و نور مكمشة فجنب الناموسية مضورين عليها المخاذ باش ما تطيحش .. ساكتة و مخلياهم غاطسين فالعسل و المعسل ..!

صيح الديك كيأذن و أهل الدوار ناضوو لشغلهم قايمين بيه عن حق و حقيق ..! و هاذ المرة شريفة معاوناهم واخا ما شبعاتش نعاس و لكن بغات تتحرك و تجرب الأجواء ..!

دخلات للنوالة كتطيب مع البنات الخبز دبال الدار على الفاخر فالكانون و الحموم خارجين كيلهبوو ..! طاب الخبز و تحاط مع الزيت و العسل .. أملوو و زيت اركان و الزيتون مشكل .. تكرصات الحرشة و طابت فوق الفاخر هي و بغرير متقب مصروع ..! الحليب سخون مغلي من لبقر لفوق الطبلة مع قهوة كحلة معطرة و براد د اتاي منعنع و الزبدة بلدية ممخوضة على اليد ..!

فطور و شمن فطور تحط من يديين شريفة فرحانة و راشقة لها .. عندها الجهد مضوبل هاذ النهار باغى غير فاش تتلاهى و تتحرك .. لو يقولولها نوضي نحفرو البير تمشي معاهم بالسعدات عليها تفرغ طاقتها ..!

فطرو و سالاو .. تا بقات هي اللخرة شادة عندها نور و حكيم متكي حداها على جنبوو و المخاذ ضايرين بيه .. مرتاح و الجو ديال البوادي كيوافقوو ..! صغر عينيه فيها كيفكر شنوو يديرو هاذ النهار و بتساؤل قال

حكيم: فيك ما يركب على العود نتحركوو فالغابة الفوق ؟؟

شريفة:( ردات كتمتم و متأكدة غيسمعها ) كثر من العود لي بايتة الليل كامل كنسرجوو ..! ( لعبات بعينيها و ردات بالايجاب ) واخا انا نعطي نور لخالتي و نلبس عليا و نتلاقاك هنا ..!

حكيم: غنمشي معاك حتى أنا نبدل ..!

بدلوو عليهم بالسبرديلات و الكيطمات ..! شريفة زايدة عليها من الفوق كاب سخون كيتشد و حكيم كبوط ديال الصوف بالصدايف ..! سبقها لبرا تا لقاتوو واقف شاد جوج ديال العودان فالتيساعة لي حدا الدار ..! مسرجين ناضيين ..! عاونها حتى ركبات و مد لها كلاطا ( بنذقية د الصيد ) و خلى وحدة عندو على كتافوو ..!

و فالبلاصة طلع حتى هو .. ضرب برجليه شاد اللجام و بدا كيجري قدامها و هي تابعاه من اللور .. راجعلها احساس المغامرة و الحرية من جديد ..! نقص السرعة مقاد معاها فالخط و بهدوء قال ..!

حكيم: غنطلعوو للجبل الفوق فالغابة نصيدو الحجل ( غمزها بتساؤل ) تبغي تتعلمي للرماية و الصيد ؟

شريفة:( ردات بحماس ) احححح و باقي كتسول ؟ كليت قتلة على الفردي لي تهز و ما غنبغيش نتعلم ..!

حكيم:( حرك راسوو بالنفي كيضحك ) والوو ما كتنسايش ( ضرب سابقها ) نشوفوو واش فيديك شي حاجة و لا والوو ( بصوت عالي كمل كيهضر مع العود ) هييييصاااا ..!

طلعوو للغابة الفوق و ربطوو العودان مع الشجر .. حيدلها الكلاطا و خلى غير ديالوو و التعميرة ديالهم بجوج عندو فجياب الكبوط ..! قرطاس مصوب من البارود كبير يالاه جاي فالتقدة د الكلاطا ..! ركب وحدة و مشى بعد عليها شوية .. حط ثلاثة ديال القراعي د الكانيط مليوحين خاويين .. ستفهم و رجع لها ..!

مد لها الكلاطا .. كيوسع لها بين رجليها و يقاد لها ظهرها باش يبقى مستقيمي و كتافها تعرضهم و ما يهبطوش .. تنفخ الهوا من كرشها بالشوية و تشد البندقية بين صدرها و كتافها فالتقويسة د باطها و اليد الثانية تتحط تحتها مبعدة فخط مستقيم مع النظر ديالها .. و تخلي الخوية بينها و بين لحمها باش منين تضرب بقوة يلا مشات تا غلباتها و رجعات للور ما تقاسش هي و تقسح ..!

وراها كيفاش تركز و تشوف بنص عين فالمنظار و تخلي راسها ثابثة و مقوصة ركابيها شوية و فنفس الوقت تكون مستقيمية فالباقي .. و أول تجربة ضرب معاها ..شادها من اللور .. انفاسهم مخالطين و راسوو حدا عنقها .. عاودها معاها مرة اخرى و الثالثة رجع اللور مخليها بوحدها توريه واش تعلمات شوية .. عارفها ما غتجيبهاش فالنص .. المهم غير تقيص الكانيط بالجنب على الاقل ..!

حكيم:( رد بجدية) ما تخليهاش تغلبك و ترجعي بالجهد ديالك كامل اللور ..! حكمي يديك عليها و رجليك يبقاو ثابتين فالارض ( حرك راسوو ) يالاه وريني نشوف ..!

حلات عين و شدات ختها بتركيز .. لي لونتي فعينيها ديال الشوف معاونينها .. خذات وقتها و تنفسات براحة .. تجربة جديدة ممتعة بالنسبة ليها .. باغى تجيبها فالنص تا تشوف الدهشة فعينين حكيم و ديكشي لي كان .. ضرباتها تا طيحاتها و نقزات كتشطح فرحانة و هو كيضحك و يردد ..!

حكيم: برافوو ..!

هزاتها و تبعاتوو كيتمشاو بالشوية كيقلبوو على الحجل باش يصيدوه .. فاتحة عينيها على الأخير و مركزة .. حتى سمعات صوت التخرشيش جهة ربيع من الجهة المقابلة ليهم ..! حبساتوو و مشات بالشوية تطل تا خرجوو عينيها ..!

عينين صغار بحال النقطة .. الراس د فموو خارج كي الرضاعة .. مشعر و مووسخ و الشوال صغير كيلعب موراه و حدا فموو طالعين بحال النياب من الجناب .. عيفها ..! خرج فيها الحلوف تا خلعها و دار صوت غريب بحال كيحفر برجليه و بدا كيجري موراها و هي كتغوت لربي لي خلقها هاربة للغابة لداخل .. لاحت الكلاطا و عطات رجليها للريح واخا مقسحة صابرة و معدية ..!

ما بقات عاقلة لا على راسها لا على حكيم .. كتشوفوو غير هو موراها و كيجري بالجهد .. وافي بزايد .. كتقول شوية غيضربني يجبني للأرض بعفس عليا ..! وذنيها تصمكوو على غوات حكيم عليها باش تصنت ليه و تدير شنوو كيقول ..!

ما وقفات تا سمعات صوت القرطاس مجهد تضرب تا قفزات من بلاصتها شادة على قلبها و جلسات فالارض مخلوعة و الحلوف طاح حداها فالبلاصة غارق فدموو ..!

حكيم:( خرج عينيه فيها و بنرفزة قال ) كتطيييري .. لبديها دابا شوية ..!

شافت فيه كترمش تا تقلبات لها الخلعة لهستيرية د الضحك كتضرب فالتراب بيديها و رجليها و الدموع د الضحك غير هابطين بلا عداد ..! تا ضحكاتوو تا هو و مد لها يديه عاونها ..!

شدات فيه و تموو راجعين و مرة مرة كتشوف فجنابها و فمؤخرتوو ..! تا مدات يديها خشاتها فالجيب اللوراني د السروال ديالوو ساكتة كتضور فعينيها ..! من ديما كتعجبها و كتبقى حاضياها لوو و ماشي غير هو د الرجااال كاملين تا لي ما كتعرفهمش .. كتأتيغيها داك البلاصة بالجهد .. ما كرهاتش تتلمسها و تشحطها و لكن عارفة يلا مشات تا دارتها غيصعر عليها نيت و أغلب الرجاال داك البلاصة عندهم أنطيغدي .. محرمة و ما كيعجبهمش لي يقيسها ..!

كيفما دارلها حكيم تماما محيد لها يديها من الجيب .. مخنزر فيها بشوفة قاسحة تا جمعات راسها كترمش بهدووء و عينيها على العود لي مربوط مع شجرة ديال اللوز .. تبسمات كتوريه بيديها و بلا عكز عليه طلع لها فالشجرة كيضرب بالكلاطا و هي كتجمع و تهرمش فيه بسنانها مخلية لوو حقوو ..!

***********************************

دازت ايامهم فسعادة و هناء و راحة بال .. الجو عاون شريفة بزااايد ترتاح فنفسيتها لي واخا هكاك مزالة عيانة نوعا ما غير كتغطي بالضحكة لا غير و باقي خاصها متابعة مع الطبيبة و ترجع لحياتها الطبيعية .. تتغلب على عقدها و تنفاتح من جديد ..!

توادعوو مع العائلة و الحباب بالدموع فعينيهم ما ساخيينش ..! و كيفما جاو رجعوو مفرقين و شريفة و حكيم بوحدهم واخذين ؤاحتهم ..! كلها سلك الطريق لي جاياه على الكانة حتى يتلاقاو فمحطات الاستراحة ..! اما حكيم كان عندو رأي ثاني و يالاه بانتلوو البلاكة ديال اكادير باش يدخل للمدينة .. ضار جهتها و بهدوء قال ..!

حكيم: ما غتبقايش فالدار جالسة ما كتديري والوو و المحل باقي عليه الحال ترجعيلوو من دابا .. لانافيط كل نهار ما ساهلاش و نتي مزال خايفة تصوكي بوحدك ( شاف فيها بنظرة صريحة ) بغيتي ترجعي تقراي ؟ نمشييو لمدراستك تاخذي شهادة مدرسية و توجدي وراقك على تيساع .. دابا طروطار .. العام الجاي دفعي لتاسعة ليبر و من دابا بداي التوجاد مع أسية و تفكري دروسك .. و منين تشديها غتبادي البريباراسيون للباك ليبر .. عندك ثلث سنين بحال يلا كتقراي فالليسي كافياك و يلا بغيتي الأساتذة نجيبهم لك للدار يعاونوك ..!

شريفة:( ردات ساهية ) ثلث سنين كاملة حيث غنكون يالاه شديت التاسعة و ممنوع يتدفع ديريكت ( خرجات تنهيدة ) فففف واخا ندفعوو و نشوف .. واخا نشد غير الباك و نجلس المهم يكون عندي ..ياك ؟

حكيم:( رد بهدوء ) ما عنديش مشكل تقراي أنا و باقي كنقرا .. المهم هو ما تهمليش دارك لا على ود القرايا لا على الخدمة ..!

شريفة:( باستغراب قالت ) كتقرا ؟؟؟ ( سكتات فاش تفكرات ملاك فايتة قايلاها لها فأول مرة طلعات معاها لكازا لعندهم فالدار ..! ) فاش كتقرا ؟؟

حكيم:( ضحك كيحك فحاجبوو ) الدكتورة فالقانون .. هذا آخر عام فيها ..!

شريفة:( ردات بدهشة ) واااااو الدكتورة ..؟ عمرك قلتيها لي .. كنشوفك خدام فالبيسي و كتقرا فالكتوبة كيسحابلي غير للقضايا د خدمتك ..!

حكيم:( بهدوء ) عمرك سولتيني .. لي بغى شي حاجة كيوصل لها .. العمر ما كيهمش المهم نتا تكون راضي على راسك و عارف شنوو كتدير ..!

شريفة: مزيان الله يوفقك ..!

رمشات عينيها فالبلاكة د الدشيرة .. تبع الفليش ديالها .. حافض الطريق مزيان .. ما وقف تال مدرسة القديمة ديالهم .. و شريفة حداه كتفكر ذكرياتها تما .. مول الحانوت لي كانت كتشري منوو و الراجل لي كيجي بالحلوة فعمود كبير كيقطع لهم منها " جباني " .. الفران ديال باين حكيم و دارهم لي شحال جلسات فيها و تجمعات مع خوتوو و هما صغار .. و دارها تا هي لي كتفكرها فآخر نهار توادعات هي و حكيم قدامها و بكات عليه تا شبعات ففراشها ..!

دخلوو للمدرسة و تجبدو الملفات القديمة حتى صوبولها شهادة مدرسية لي غتحتاجها فالدفيع و خرجوو من تما كيهضرو على أيام زمان ... تا وقفات جامدة فبلاصتها .. فالساحة لي حدا الباب د المدرسة عامرة بالحجر بيض رقيق ..!

عينيها على نفس الراجل لي تلاقاوه ففاس مع بناتوو و ها هو دابا مقابل معاها من جهة الشانطي الثانية .. كيشوف فيها نيشان و كيحقق مصغر عينيه .. تا قطع وسط الطونوبيلات و تم جاي لعندهم ..!

وقفات جامدة فبلاصتها .. فالساحة لي حدا الباب د المدرسة عامرة بالحجر بيض رقيق ..!

عينيها على نفس الراجل لي تلاقاوه ففاس مع بناتوو و حسات بلي باها او عمها او شي حاجة من عائلتوو و ها هو دابا مقابل معاها من جهة الشانطي الثانية .. كيشوف فيها نيشان و كيحقق مصغر عينيه .. تا قطع وسط الطونوبيلات و تم جاي لعندهم ..!

فاتتها الدهشة اللولة و حركات راسها بالنفي كترمش و تمات ماشية تركب فبلاصتها قدام حكيم لي فتح الباب .. تا هز حاجبوو ببرود كيشوف فداك السيد لي وقف عليهم ..! عينيه تالفين ما عارف منين يبدا الهضرة و فملامحوو حزن كبير ..!

ما عقلش عليه و تا شريفة كن ما بقات مفكرة البنت لي تلاقاتها فالرياض و تعجبات من الشبه بيناتهم و لي قارناتوو مع الأب بفضول .. ما كانتش غتفكرو نهائيا ..!

بلكنة اسبانية مخلطة مع الداريجة قال و هو كيحرك يديه فالهوا كيعبر بيهم ..!

.....: شريفة .. نتي شريفة بنتي ياك ..! ( شد فالباب ما مخليهاش تركب .. بترجي ) Por favor Escuchame " عافاك سمعي مني "

حكيم:( قال و هو ماشي عندو تا وقف حداها مسخن كتافها ..! ) كاين ما نقضييو ا الشريف ؟

.....: شكون نتا ؟

حكيم:( هز حاجبوو بثقالة ) نتا لي شكون تا جاي موقفنا هنا ؟

.....:( رد بصوت مرتاعش باغي يبكي و هو كيشوفها قداموو ) أنا با باباها ..! ( حط يدوو على فموو و الدموع كيلمعوو فعينيه ) أنا عاد عرفت عندي بنت .. كبرات و رجعات مراة تبارك الله .. سينيووورا ..! ( كمل مرتاعش ) أنا ما كنتش عارفك كاينة .. ماماك ما قالت لي والوو و عائلتي خبعوو عليا عارفيني ما كندخلش للمغرب ديما فاسبانيا و لافامي مقاطعة مع خالي .. عمري سحابلي عندي سينيورا قد هاكا ..!

شريفة:( زفرات النفس و قالت ) حكيم يالاه نمشييو بحالنا ( ببرود ) الشريف انا ما كنعرفكش و قصة حياتك ما عندي ما ندير بيها سير عاودها لولادك و حفايدك لي غيسمعولك .. ماشي وحدة ما كتعرفها ما كتعرفك ..!

الأب: انا فاهمك و عارفك باش كتحسي ماشي ساهلة عليك تتلاقايني من بعد هاذ السنين كلها .. و لكن عذريني حتى انا ما كنتش عارف .. الصغر و قلة العقل و الطيش دارها بيا و لكن دابا انا هنا و واجد نعوضك على اي حاجة ..!

هزات راسها كترمش ببرود حتى بانلها الفقيه قبالتها فدارهم .. كبر و شاخ باين فيه العمر .. كيعرج برجليه من الضربة لي كانت ضرباتوو شريفة فالليلة منحوسة .. داير جوج ركيلات ديال الحديد معاون بيهم ..! و نفس البنات لي شافتهم فالرياض خارجين موراه .. وحدة فيهم هازة بيبي فيديها مكمشاه فغطى سخونة و راجلها هاز الصاكادو ديال البيبي عندو ..!

قدرات تستنتج بلي من بعد ما شافها ففاس و لاحظ الشبه الكبير بيناتهم و الاحساس لي جاه جهتها .. بدا كيبحث و يعاود تا وصل لخالوو الفقيه و عاودلوو عليها ..! شيرات بيديها لجهتهم و بهدوء و نظرات باردة قالت ..!

شريفة: هاذوك هما عائلتك .. هما لي محتاجينك و باغيينك تعوضهم و تكون معاهم ..! انا ماشي بنتك و عمري نكون .. لا نتا كتعرفني لا انا كنعرفك و ما عندك حتى نفع فحياتي باش ندخلك ليها ..! كنت واحد الوقت محتاجة يكون عندي أب نحس بالحنان و العطف ديالوو و يكون سند ليا فالشدة و نرفع راسي قداموو مسكتة الهضرة د الناس لي كينعتوو فيا ببنت الحرام .. فداك الوقت كنت محتاجاك اما دابا .. نتا لي غتستنفع مني أما انا عندي زايد ناقص و لي ما درتيهش نتا ( مدات يديها و شابكاتها مع حكيم مزيرة عليه ) دارو راااجلي و عوضني و عطاني عائلة و حباب .. نتا ما عندكش بلاصة بيناتهم ..! ( رمشات بابتسامة فحكيم ) مشينا ؟؟

حكيم:( نحنح كيشوف فيه و فيها جامع حجبانوو بقلق و حرك راسوو بالايجاب ) يالاه ..!

رخى باها الباب حتى ركبات و شاف فحكيم بانكسار .. بادلها لوو ببرود و ضار ركب و ديمارا خارج من تما كيشوف فشريفة بنظرة صريحة تا ضحكات معوجة فمها و قالت ..!

ديمارا خارج من تما كيشوف فشريفة بنظرة صريحة تا ضحكات معوجة فمها و قالت ..!

شريفة: شنوو ثاني ؟؟

حكيم: متأكدة ما باغاش تعطيه فرصة ؟

شريفة:( غمضات عينيها و رجعات حلاتهم بهدوء ) انا داك السيد ما كيعنيلي والوو .. غريب و تلاقيتوو فالزنقة .. ما كنكرهوو ما كنبغيه .. ما عندي حتى احساس من جهتوو و عمرو غيكون ..! كبيرة ضراتني .. بقيت حاقدة عليها و كرهتها حيث عشت معاها .. كانوو مواقف قاسحة بيناتنا .. اما هو كان و غيبقى غايب و مجهوول ما كنعرفوو ما كيعرفني .. يلا نعس معاها بزز منها و تعذبات بسبابوو هذاك شغالها و ذنبوو هو .. أنا بعيدة على هاذشي كامل و ما يمكنش ندخلوو لقلبي و نعطيه احاسيس مني انا شريفة .. واخا يكونوو تا كره .. ما عندوش داك الحق و ما غنعطيهلوش بكل بساطة ..!

حكيم: و خوتك ؟؟

شريفة:( قلبات عينيها كتميق و قالت ) الخوت لي عندي هما محمد امين و عدنان و خليل و حسام و ملاك و راااجل فيه با و خويا و صاحبي و عزرائيل ديالي هه و معاه كاينين جوج بنيتات كيحمقوو .. أسية و نور .. و عكوزة حلوة بحال ولادها ..! غير نتوما راكم دايرين لي الكَهمة و ما عندي ما ندير بالزايد و يلا شفتهم غير غتجيني الغيرة هما عاشوو مع باهم و امهم و انا بوحدي .. اللهم خليهم فكادر بعيد ما يقربوو لجهتي ما نقرب لهم ..! كلها عايش حياتوو مع عائلتوو و الناس لي عزاز عليه و كيبغيهم .. ماشي مشاركين نفس الدم خاصنا نلسقوو فبعضياتنا بزز ..!

حكيم:( هز راسوو بالايجاب ) قنعتيني شوية .. عندك الحق من واحد الجهة ..! بغيتيه يبقى غريب عليك .. خليه هكاك ..!

شريفة: ديكشي .. حنا كنعاتبوو لي عندهم بلاصة فقلبنا .. ماشي لي ما كاينينش كاع و ما كيتهز فقلبك من جهتهم حتى بشعرة .. يقدرو يبقاو فيك انسانيا لا غير ..!

شدو الموضوع مستمتعين بالجو و بنهارهم .. شريفة مبهورة باكادير كي رجعات و شحال تبدلات و زايدين كيوسعوو فيها .. البني و الاصلاحات خدامين بالجهد ..!

مشى بيها لمارينا جالسين ف فينيسيا آيس .. البحر قبالتهم هو و الفلوكات و الباطويات كبار و صغار و لي جيتسكي و المواطر د البحر ..! الدنيا نقية و زوينة ..! المحلات ديال الحوايج و المكياج معمرين القنت و القهاوي و المطاعم دايرين حقهم حتى هما ..!

خذا حكيم قهوة قاسحة مع gauffre بالفواكه و شريفة شوكولا شوو سخونة و ليكريب بلي بونبون و نوتيلا و الكلاص و شوية ديال الفواكه مخلطين ..!

كلاو و رخاو اعصابهم بالجو د البحر و المواج و الله الوطن الملك .. قبالتهم فالجبل محفورة ..! ناض حكيم للحمام لداخل و بقات هي بوحدها كتشرب فكاسها و تصور فالمناظر .. جمعات ساكها و ناضت فاش لحق عليها باش يمشييو حتى سمعات واحد كيعيط ..!

....: ختي وا ختي ..!

ضارت جهتوو بتساؤل كتقلب على شكون كيعيط لها ..! تا قال حكيم بنرفزة صدماتها تا بقات غير كتبلق فعينيها و طلعات معاها السخونية للراس ..!

حكيم: لاش كتضوري ؟؟ نتي ختوو ..!؟؟؟ ( شاف فالولد ) عيطتي عليها ؟

رد الولد بالنفي " لا ماشي ليها كنت كنغوت للخوادرية فالتيليفون " .. كيشوف فيهم حشمان من الموقف و تا شريفة ما رضاااااتش و ما حملاتش راسها و البشر حاضيهم ..!

حكيم:( شاف فيها عاقد حجبانوو ) يالاه لبديها و زيدي خلفة ..!

عضات على لسانها ما جاوباتوش تا خرجوو من بين القهاوي ..! عصبها و القمعة ما بغاتش تسرطلها و ما فهماتش مالوو .. عاد كانت راشقة ليه حتى تقلبات البرادة بوحدها و شعل ثاني .. و دابا غادي و كيهضر معاها بحال حتى حاجة ما وقعات ..! واش حس بغلطوو و بغى يبرد الجو و ينسيها و لا كيهضر ما مسوقش من الاصل لشنوو دار ؟

حكيم:( باستهزاء ) كنغوت للخوادرية ..! ( شاف فيها بنص عين ) عرفتي هاذ كنغوت منين جات أول مرة ..! ( ما رداتش عليه و كمل ) فاش كنا صغار يالاه بانت الشركة د اتصالات و ركبوو ريزو .. كان واحد الاشهار ديال مراة فالعروبية .. راجلها كيحصد الزرع و هي شادة التيليفون و كتغوت على جهدها كتهضر معاه و باقي ما فاهمة بلي يلا هضرات بالشوية غيسمعها بحال يلا معاها ..! باقي فبالها باش تعيطلوو يتغذا خاصها تغوت فالتيليفون كيفما موالفة كتغوت عليه بحلقها من بعيد ..!

شريفة:( عوجات فمها بتعجب اول مرة تسمع هاذ القضية و عاد فهمات علاش شي وحدين كيقولوها ..! رمشات عينيها كتشوف فواحد البلاكة فجنب الطريق ..! ) و عرفتي علاش دايرين بلاكة فيها التصويرة د البقر هنا ( جمعات فمها بسم ) باش يلا كنتي دايز وسط الطريق يعرفوك غير عجل مطلوق و ما يضربوكش الطونوبيلات ..!

فتحات الباب بالشنتة و ركبات .. عينيها ضاحكين و ما ارتاحت حتى ردات ليه القمعة و الفرطة لي دارلها على والوو ..!

**********************************

متكية اللور على الكوسان .. مرة مرة كتشوف فعدنان بلا ما تعيق قدام ملاك لي جالسة حداها و حبيبة لقدام حدا ولدها صايك بيهم ..!

ما عرفاتش كيف طرا و جرا حتى تجمعات معاه فنفس البلاصة ..! ما بقات فاهمة فيه والوو .. تا فرحات من آخر مرة هضرو فيها حدا الساقية و عطاها وريدة .. و قالت بدات كتعجبوو و تبان ليه ..! و رجع قلب عليها .. تا داك الهضرة القليلة و النصائح ما بقاوش .. داير مسافة بيناتهم و غير كتعمر فين جالس كيخوي القنت كامل ..! حرمها تا من النظرات المسروقة لي كانت كتدير فيه باعجاب مكتوم بلا ما يشوفها ..!

شنوو دارتلوو و علاش واخذ منها موقف و مبعد من جهتها .. هاذشي لي بغات تفهموو و ما زعماتش تمشي تسولوو من بعد حركاتوو الأخيرة معاها ..!

ملاك:( قالت بملل حاضية الطريق ) دابا بعد غذا غنمشييو لدار زكية ياك ا ماما ؟ واش خطبة و لا تعارف بين العائلات و صافي ..! كن غير زدتوو اجلتوو المشية غير نرتاحوو من السفر شوية ..!

حبيبة:( ردات عليها و هي كترضع فنور ) مناش غترتاحي ؟ من الراحة ؟ غنمشييو قسم د المكانة نجلسوو مع الناس نتافقوو و نديرو معاهم النهار و نرجعوو .. خوك عيى يتسنى دابا صافي عالمينهم جوج سيمانات هاذي ما بقى تأجال ...!

أسية:( بتساؤل قالت ) واش خويا خليل باغي يتزوج ا خالتي ؟

حبيبة:( ردات بابتسامة ) نزوجوو بعدا الكبير عاد ندوزو للصغير .. عدنان لي نوى ا بنتي .. الله يكمل عليهم بالخير و عقبال لعندك بشي وظيفة و مستقبل ..!

تسمرات فبلاصتها مصدومة من هضرتها حتى اللون مشى من وجهها .. كتشوف فعدنان هاز قرعة د الما كيشرب منها و يضور راسوو فجميع الاتجاهات إلا عندها تا من المرايا حلف لا هز عينيه فيها ..!

تعرقات و صفارت .. القلب كيضرب بالجهد و اليدين كيرجفوو .. شداتها السخفة حاسة بالطونسيوو هبط لها تا وذنيها بداو كيصفرو و بصوت مقجوج قالت

أسية: مب مبروك عليك

قلبات وجهها للشرجم .. دايرة قبها د الجاكيط على راسها .. حابسة فدموعها بزز حتى بدات وحدة كتطيح تابعة ختها فصمت .. مرة مرة كتهز يديها تمسح عينيها بلا ما تعيق .. مخنوقة و مقجوجة و عاضة بسنانها فشنايفها باش ما يتسمعش صوتها و تتحشم معاهم ..!

《 لا يجدر بامرأة عاقلة أن تحب ..

كل ما يمكنها فعله .. أن تقترب قليلا من النار لتنال بعض الدفئ .. الإحتراق للمغفلات، وللعاقلات دفئ اللهيب ونوره ~ جهاد بريكي 》

تصدمات أسية صدمة حياتها حتى ضرباتها الساكتة و رجعات غير شادة عليها بيتها .. قليل فين كتشاركهم الهضرة و الأكثرية فاش مشاو خطبولوو و جات شريفة كتعاودلها على العروسة و عائلتها ..! موس حامي كوات بيه قلبها و هي ساكتة داخلة فموجة من البكى و الدموع و فينما تسولها شريفة كترد غير لي غيكل لي لاعبين لي على الهرمونات غتمشي و نولي مزيانة ..!

فرحانة لشريفة لي كتشوفها رجعات لحيويتها فدارها .. كتنسق و تقاد كل حاجة على ذوقها .. كل مرة جارا حكيم معاه للمحلات د الأثاث الحوايج و ديكشي الإلكترونيك .. ما كتخرج حتى كتخويلوو جيابوو و ففمها غير " يسحابلك الزواج هو لي فات .. عاااد بديتي ا حنيني .. هذا هو الزواج .. التقضية ..! "

الدار تجبدات و تقادات بالتاويل و النقاوة .. رجعوو كياكلوو غير الماكلة ديال الدار و الوصفات على الجهد كتجربهم فيهم .. المذاق و المنظر حاظرين تقول اطباق من يديين شاف كويزينيي عالمي ..!

رجع حكيم للخدمة و اسية للقرايا بنفس السيسطام القديم .. منتابه لها و مزير معاها .. واخا الخدمة قاجاه و ديما مشغول ما كيساليش فخطرة .. شي ايام ما كيرجعش للدار بالليالي و الاعياد اغلبيتهم كيكون خدام فيهم كيجي كيلقى كولشي سالى .. و هاذي وحدة من الضرائب الثقيلة لخدمتوو ..!

لي كتحاول شريفة تعوضوو ما امكن .. غارقين بجوج فالعسل و المعسل .. الحياة السعيدة و راحة البال و الهنا داخلهم مع العظام فاش بدات كتبع مع طبيبة نفسية و كتخدم على العقد النفسية لي عندها وحدة بوحدة باش تتفك منهم و ترتاح ..! الويكاند جا و حكيم ما خدامش هاذ اليوماين .. معمر عليها و مقابل المحل ديالها لي مزال ما زعمات ترجع ليه و تبقى تشد الطريق يوميا بوحدها و تا نور لي تشغلهم خداتها عندها حبيبة هاذ النهار تونسها و تهوسها باش تخليهم بجوج على راحتهم ..!

لبسات كسيوة دوموندات عليها من " shein " بحال ديال بابا نوييل بنفس التوي .. غير هي قصيرة حد الفخاذ و عندها فصالة مثيرة كتبين تفاصيلها الأنثوية جذابة خصوصا مع الاحمر الفاقع لي فيها ..! دارت مكياج خفيف و ركزات على شفايفها مطراسياهم بعكر ماط باللون دم الغزال ..! معطرة و مريحة و بوندو فراسها فيه جوج ودينات بحال ميكي ماوس كيشعلوو بالضوو ..!

الخلخال و خاتموو فرجليها المقلمين ..! المرايا فوق الفراش شادة السقف كامل .. كتبين كلشي و لي شحال تعجبّات فيها ... فاش شافتها أول مرة فدارو القديمة ..! و ما فهمات علاش كيبغيها تا جربات ليلة حمراء ففراشهم بجوج ..! و زادت تا هي خدات مع الكوموند د الكسوة .. بحال ميكروسكوب حطاتوو فالكوافوز حداها .. كتطفي الضوو و تشعلوو .. تا كيضرب فالحيط بالالوان و نجيمات مختالفين ..!

عاطي حميمية من نوع ثاني مع ريحة العود المعروفة بيها و الشميعات المعطرين ..! وجدات راسها و حطات سينية صغيرة مذهبة جهة حكيم فيها انواع من الزيوت ..!

الكوفري ديال الناموسية فالكرونة و وسطوو محطوطة خشبة فيها .. العنب الاحمر و الاصفر .. الزيتون فطويسات صغار مفتوحين .. كونفيتور ديال الفريز و المشماش .. التوت الكحل و بزاااف د الانواع د الفروماج .. الكاشير و لانشون ..! بيمويات مالحين مضورين و عويدات طوال .. مع الفواكه الجافة من مشماش و لوز و غيرهم ..!

وجداتلوو حمام سخون بالزيوت و الاملاح المعدنية لي كترخي و الورد مرشوش فقلب البانيوو د الما .. و مع جنبوو بلاطوو صغير فيه عصير د الليمون ابطبيعي مع طريفات د الشكلاط فالجنب ..! مدلعاه على الآخر و جالسة كتسناه فوق الناموسية كتلعب برجليها و تاكل فالعنب .. البيت مظلم شوية كيبانوو الودينات لي دايرة كيشعلوو و يطفاو و النجوم فالحيوط و الارض و الشموع بضوهم الخفيف ..!

خرج عندها ببينوار بيض عاقدو جنب كرشوو و سمية حكيم مطروزة فالظهر بالذهبي ..! تبسمات و ناضت بالشوية كتدلع عليه و تضور بجنابوو حتى تكاتوو بلاصتها و شعلات الموسيقى محزمة على نصها و كتحركو بعفوية و الضحكة فالتة ففمها ..!

كلشي فيها كيترعد و كتفنن فحركاتها و فشوشها عليه و الموسيقى مطلوقة فالبيت مسموعة و هو كياكل من البلاطوو و عينيه مستمتعين بيها ..!

تحنات كتحرك صدرها و ترعد فلي موراها مع الايقاع ديال الدربوكة لي كتضرب و مرة مرة تدوز صبعها على فمها و تبوسوو بدلع ..!

شريفة:( ببحة صوتها كتغني بالمصرية ) فكهاني و بحب الفاكهة ( عضات على شنافتها و مشات جهتوو كتحرك يديها بناااري و بجرأة شدات فالشينور ديالها على قولتها ..! ) وي بمووت في الموووز و الماااانكاااه ..!

ضارت عطاتوو بمؤخرتها كتلعب بيها و ترسم بيها ثمااانية بالثقل و المهل .. و تحنات على ركابيها .. طالعة بالشوية كتتلوى ..! تا ضرباتوو بيها للجنب هازة حاجبها ..!

شريفة: بصراحة عال فاكهة بَغِييير .. وي بابيع و اشتري بظمير ...! ( شدات فصدرها بجوج يدين كتهز فيه و تغني بحركات غنوجة ) العنب العنب العنب ..!

تا قربات منوو طالعة عليه و راسوو مخشي فصدرها كيبوس فالفرقة و هي مزالة كتشطح و تتهز فوق منوو و صوتها خارج معسل بالآهات .. حاطالوو يديه فوق أنوثتها ..!

شريفة: أحممر و زي اللوز .. و اطعم يا ناس من المووز ( ضربها ليه بالخفة و ضحكات بضحكة مكركبة كتحرك فوقوو بثقالة ) أحممممر و طعموو خطييير .. صُغيّر يا ناس و كبييير .. هو أييييه ؟؟ البلح البلح البلح ..!

ضحكات بشقاوة شاعلة فيها العافية من بوساتوو و يديه لي كيهبطوو السماطي د الكسوة هابط معاهم بفموو .. تا تعرى صدرها و فتحاتلوو البينوار كتحاك معاه ..!

شريفة: جابلي العنب يااا ماا .. اطلع الحَبِ لي استوى .. شِلْتِي العنب ياما يا خوووفي عليييه من الهَوَا ..!

شدات فريوس صدرها لي تنفخوو و قيموو .. بانت فيها الشهوة منهم ..! ما عرفاتش كي دار شقلبها قدام داك البلاطوو كتاكل منوو و هو مشى نيشان لداك الزيوت مخليها عريانة ..! كيكب على لحمها بسخاوة و هي عاضة على فمها بإثارة .. عريانة قدام عينيه بجرأة و رجل محطوطة فوق الثانية كتحركهم بالشوية كتسمعلوو الرنة د الخلخال ..!

************************************

طفات التيليفون لي كيخليه لها فالويكاند .. حطاتوو تحت راسها و غمضات كتشقلب و تنعس راسها بزز و والوو النعاس طار من عينيها .. غير كتمثل على شريفة و حكيم لي جاو مور العشا تأكدو واش نعسات و لا باقي و غطاوها مخليينها فأمان الله ..!

كتسمع موسيقى خفيفة و بعيدة و هي مكمشة فالغطى سخونة من البرد ..! تا جبدات تيليفونها شعلات الويفي على الله يلا ما كانوش طفاوه .. لقاتوو خدام و فالبلاصة طلع لها مسج ديال أيوب دخلات عندو ردات عليه ..!

أيوب: باقية فايقة ا الزين شكاديري ؟

أسية: مزالة كاع ما بغى يديني النعاس غير متكية و صافي .. و نتا ؟؟

أيوب: تانا ناعس بوحدي الجماد د البرد .. كاينة شي بلاصة خاوية حداك نسخنووها ..!

أسية:( ضحكات و قالت ) أجي مرحبا .. أنا نفتح لك الباب .. الدار داركم غير الفصالة مبدلة ..!

سجل لها اوديوو بصوتوو كيتنهد فيه .. سولها شنوو لابسة و هضرة تجبد هضرة تا سخن ليه الراس و طلعات معاه الحرارة .. نص الليل هذا و المواضيع لي كيتجبدو فيه معروفين ..! ما خلى ما قال لها تا حسات بالسخونية طالعة معاها و صدرها تنفخ و بدا يحرقها من هضرتوو عليه و شنوو غيدير فيه بسنانوو .. تا ولات كتخيلوو فوقها كيغزز فيه .. عراقت مزيرة على فخاضها و بين رجليها شاخدة فيه تا دارت مخدة بين فخاضها مزيرة عليها .. ناعسة على كرشها و كتجبد و تعصر .. عاضة على فمها و انفاسها كيتسمعوو مجهدين ..! ما ارتاحت تا حسات بشي حاجة ثقيلة هابطة معاها مفزكة سليبها ..!

تخلعات و تزاد معاها الزايد تا قطعات عليه فنص الهضرة ..! طفات التيليفون و مشات للكوزينة كتشرب الما و تبرد على وجهها .. جاياها الفشلة و السخفة ..! تا سمعات اصوات غريبة و بفضول مشات تابعة الصوت تال بيت شريفة و حكيم ..!

ضورات عينيها بتردد و خشات وحدة فيهم فالثقبة د الساروت موسعة فمها بدهشة ..!

كتشوف فحركات حكيم على صدر شريفة و هي كلها مزيتة كيديرلها مساج بيديه الحورش و لكن هو غير ما كيعذبها .. عذاب حلوو ..! مخليها كتلهث و فينما قاسها كتهز و تحط .. تا دوز صبعانوو بجوج على جناب البيكيني كيزير تما و يماصي مزيان تا كتغوت بأنين و شهوووة و رجليها كيتهزو و يتحطوو بوحدهم .. معوجة صباعها و كل شوية كتمشي بيديها لجهة السليب كتبغي تقيس و كترجع تجمعها بعذااااب ..!

تا كب الباقي د الزيت لي فالقرعة فوق سليبها تختخوو لها .. كيحرك صبعانوو فوق منوو و كيحرك باحترافية تا بغات تسخف لوو و تمووت فبلاصتها ..! هاذشي كامل داز على عينين أسية لي كل شوية تبلع فريقها و تسخن كثر ما هي سخوونة ..! تا سمعاتوو كيدوز طرف د الفروماج على شنافتها كتذوق منوو و هو كيقول ..!

حكيم: تبغي تمصييه همم ؟؟

شريفة:( ردات كتلهث ) يلا كنا ستة تسعوود واخا ..!!

ما فهماتش شنوو هي ستة تسعوود ؟ ظهرها تكوانسا عليها و الباب جاي هابط .. بزز منها تطوي رجليها و تحني بيهم شوية .. تا ولاو كيرجفوو لها و حرقوها بالوقوف و باغى تفهم ..! و سرعان ما وسعات عينيها و توضحات لها الصورة .. البوزيسيون كانت مشروحة بوحدها .. الج٠نس الفموي حاضر بقوة و فنفس الوقت هي كتديرلوو و هو كيديرلها ممتعين ببعضياتهم ..!

قفزات مزيرة على فخاضها ثاني و هي كتشوف علاقتهم كاملة من اللول للخر ..! عراقت و حشمات و تزنكات غتطرطق و مع كل شحطة كتسمعها من حكيم لشريفة كتقفز حتى هي ..! كلاتوو و كلاها و بجوج كيعجبهم العنف المحبب لي ما كيضرش الشريك فالعلاقة لي كتدوز بلهفة بيناتهم تا كيخلييو الاثر فبعضياتهم ..!

كملات الجولة اللولة خلاها كترد النفس و بالزربة لوى فوطة على نصوو و فتح الباب على غفلة ناوي يجيب شي حاجة من الكوزينة ..! حتى لقى اسية قبالتوو .. مزيرة على فخاضها و حاشية يديها وسطهم كتبرك بحال يلا باغى تحبس البولة ..! عرقانة و وجهها حممر .. الرجلين فشلوو باش تنوض تهرب من تما .. ما عرفاتش كيفاش وقع دغيا ناض دغيا دار الفوطة و خرج .. ثانية ما كاملهاش و ما خلاش لها الفرصة فين تسلت ..! عينيها بقاو مفيكسيين على صدرو كتنوض بالشوية و تحيد يديها من تحتها ..!

عينيها دمعوو و الموت بغات تدخلها من الحصلة لي حصلات تا بدات كلها كترعد بالخلعة .. ما عرفات تبقى واقفة و لا تهرب .. و حكيم شاد فالبواني د الباب مصدووم تا اللسان تبلع لوو موسع الباب للحد تا شافت شريفة المنظر و بالزربة تخشات فوسط الغطى ساترة راسها .. شعرها مشعكك و عينيها خارجين فيها ما متيقاش شنوو كتشوف ..!

شريفة: اوييييلي أسية ؟؟؟ ( غوتات بحدة ) أسيييية ؟؟؟؟؟

شافت فحكيم لي وجهوو رجع حمممر غيطرطق بالاعصاب .. ساكت كيقشر ففموو و كيشخض غير بالشوية فسكات .. عينيه مخنزرين فأسية بواحد الشوفة كتفشل الركابي و هي فاشلة من والوو .. لبسات عليها بينوار حكيم بالزربة كتعقدوو .. خايفاه يدير شي موصيبة فيها .. ما رضاااش و ما غيرضاش بالموقف نهااائيا .. قلة احترام كبيييير لشريفة و ليه هو الأكثرية ....!

يتبع...

‎