عرس الذيب الجزء 27

موقف صعيب و صعيب بزااف تحطوو فيه بثلاثة بيهم ..! أسية واقفة مزيرة على رجليها كتشطح بالبولة .. حانية راسها و دموعها كيقطرو بوحدهم .. ما قدراتش تهز راسها فيهم ..! حشمانة ما كرهاتش الأرض تتشق تبلعها و خايفة كترعد ..!

حكيم مبلوكي فبلاصتوو غير كيشوف فيها بعينين مخنزرين كيقشر فشنافتوو ..! و شريفة بيناتهم فالوسط لابسة البينوار ديالوو ..! ما عرفات ما تقول غير حاضياها بصدمة و كترجع تشوف فحكيم ..!

حكيم لي ما كيخليش شريفة تقيسلوو حتى حوايجوو .. هو لي كيقاد شغالوو بيديه و كيصعر يلا لقى شي حاجة مهزوزة و لا ماشي فبلاصتها ..! حكيم لي عمرو قرب لها لتيليفونها و لا قال نقلبوو .. مزوجين و هاذشي ما كيعنيش يدخل فخصوصياتها كاملين .. و عندو من قلة الأدب يقلب و لا يهز لها شي حاجة بلا خبارها و نفس الحاجة بالنسبة ليها ..!

كتشوف فيه و ترمش و فبالها غير .. واش هو أبسط حاجة ما كيقبلهاش على راسوو و غيقبل أسية تكون كتفرج فيهم و هما قلب بيتهم و فوضعيات حميمية ..! و كثر من هاذشي شبعات شوفان فالماطريال ديالوو و فمؤخرتوو .. لي ما خلاش حتى مراتوو تقيسها ..! و أسية سخنات عليها و عليهم بجوج .. و يمكن كف*** على علاقتهم كاع ..!

مستحيل يقبلها .. ما غتسرطلوش و غطيح من عينوو بزايد و عمرو يرجع يفتحهم فيها و كثر من هاذشي .. خايفاه يمشي يضربها و يدير يدو فيها .. عارفاه فاش كيتعصب كيولي بحال الاحمق .. ما كيبقاش عاقل على راسوو شنوو كيدير ..!

رخى النفس بالجهد و دخل للداخل فتح الماريوو بالجهد حتى تضربات الباب مع الحيط .. كيجبد فحوايجوو بجهالة و من تما ديريكت للحمام .. شد عليه ..! مخليهم بجوج و صوت شريفة كيتسمعلوو لداخل و هو كيدوش بالزربة .. بوجه كحل بالاعصاب ..!

شريفة:( كتضرب فوجهها و عينيها خارجين فأسية ) شنووو درتي شنووو ؟؟ واش حمااااقيييتي ؟؟؟ فين ندير وجهي منوو دابا .. فيييين ...!؟؟؟ ( جراتها من ذراعها بالجهد مخرجة عينيها فيها كترعد ) معاك كنهضر .. شنوو كنتي كتصنعي تما ؟؟ ما حشمتي مني لا منوو هو لي بحال خوك و كثر ( تخنق صوتها ) حراااام عليك و الله تا حراااام عليك تديري فيا هاذ الكارثة بشمن وجه غنشوف فيه ..؟ هاذي هي تربيتي ليك ياك ا أسية ؟ علاش كتبكي دابا ا الحمااااارة بنت الكلاااااب تفووو تفوو تفووو ..! ( زادت خرجات عينيها فيها جاراها عندها ) من فوووقاش و نتي كتجي تفرجي فينا ؟؟ ( بالغوات جراتها من شعرها ناتفاها ) هضضضضضري ..!

أسية:( شدات لها يديها كتبكي وجهها مخطوف منوو لون كترجف و ما قادراش تشوف فيها ) أنا اهئ أنا فففف هذهذهذ هاذي ثاني مرة ففف أيييي س سمممحيلي ا ش شرييفة هء و الله ما

سكتات كتشهق بالجهد و صوت بكاها كيقطع فالقلب .. تا رجعات جراتها من شعرها و قالت بوجه حممر و عينين خارجين .. باغي تبكي من الموقف مصدوومة و ما عارفة كي تدير تتصرف ..!

شريفة: فووقاش اول مرة ؟؟ نطططططقي ...؟

أسية:( شافت فيها بعينين حومر ذابلين كتبلع فريقها بالزربة ) فففف ممم المممرة لي سسسس فففف فسلا اول مرة فاش جا و تصالحتوو هء

حنات راسها مكمشة كتبكي و شريفة طلقات منها راجعة خطوة للور شادة على فمها مشوكية و كتفكر كيفاش كانت كتصرف داك النهار و كترجع تحرك راسها بالنفي ..! تا بانلها الباب د الحمام تفتح و خرج حكيم لابس كيطمة ديال الدار .. جن كيطلعوو و الثاني كيهبطوو عاقد حجبانوو بخزيت ..!

حركات راسها بالنفي ليه عرفاتوو سمعها و لكن ما قدراتش تزيد لعندهم بقات واقفة فبلاصتها مصدومة ..! فاتها و مشى لعند أسيةو مع هزات راسها فيه جمع معاها بتسرفيقة تا جات طايحة .. حنكها و وذنيها كيزنزنوو عليها و الشوفة ما بقاتش ثابثة لها كتبان لها غير الضبابة و عاد ما زادت كسيرات فالبكى و صوتها تجرح ..!

حركات راسوو بالنفي ليه باقى واقفة فبلاصتها مصدومة ما قادراش تتحرك ..! فاتها و مشى لعند أسية مع هزات راسها فيه جمع معاها بتسرفيقة تا جات طايحة .. حنكها و وذنيها كيزنزنوو عليها و الشوفة ما بقاتش ثابثة لها كتبان لها غير الضبابة و عاد ما زادت كسيرات فالبكى و صوتها تجرح ..!

و هكاك تحنى عندها جرها من وذنيها تا حساتها غتطير من بلاصتها و وقفها كتشطح بالخلعة و التحشيمة و داها لبيتها طرق عليهم الباب بجوج ..! متبعاهم شريفة بعينيها كتشوف سروالها لي فزك بالبول من الطرشة لي عطاها و هضرت أسية باقى كتعاود فوذنيها ..!

تا بدات كتسمع الغوات ديالوو من بيت أسية .. مشات جهتهم كتدق فالباب و ترغبوو يفتح و حرام واش سمع لها ..! غير صوت التهراس .. الغوات البكى الشحط لي حاضر .. مجههههد ..! عرفاتوو كيضربها و صعر صعرة د العداو و ما غيسمعلهاش حتى يبرد على خاطرو عاد يشوف الحل لهاذشي ..!

ما قدراتش تزيد تبقى واقفة تما و أسية كتحس بروحها غتطلع من رغيبها و بكاها و من الدق القاسح لي كيتسمع تال عندها .. كيهبط على لحم أسية .. كتخيل عينيه الخارجين و وجهوو لي كيخلع مجنن ..!

غطات وذنيها و الدموع هابطين مع حناكها كتحرك راسها بالنفي و صدرها كيطلع و يهبط بالزربة حتى مشات كتجري للبيت لبسات عليها بالطيران زايدة عليها مونطوو من الفوق سخووون ..! هزات صاكها خشات فيه الفلوس و التيليفون و خرجات من تما كتعتر ..! ما بقاتش كتحمل الغوات .. الصداع .. المشاكل ..! اي حاجة سلبية كتأثر فنفسيتها و تقدر صافي ترجعها للزيرو من جديد ..!

الشارع خاااااوي كيصفر غير العساس لي كيضور تما بعصاتوو ..! الظلام مكحل الدنيا و المووت د البرد مع الثلاثة د الصباح ..! الطونوبيل فالكاراج و لكن باقي ما زعمات ترجع تركبها و هي بوحدها حتى كانت غتدير مناقص و تطلع بحالها و وقف عليها العساس ..!

العساس: ياك لباس ا الشريفة ؟ خاصك شي حاجة ؟

شريفة:( حركات راسها بالايجاب ) اااه بغيت طاكسي الله يجازيك بالخير تخرج معايا غير للشارع نشدها و بحلاوتك ..!

العساس:( رد ببشاشة ) الله اودي ا لالة خيركم سابق .. تمشاي قدامي هانا موراك ما عندك مناش تخافي ..!

شافت موراها فالبالكون د الدار لي مشدود و الضو شاعل عندهم فالبيوت لي كيطلوو على الدرب ..! عاد زادت قداموو تال الشارع الكبير .. هازة تيليفونها بتردد كتصوني على نسيمة .. الطبيبة لي دارت لها العملية و كانت فهاذ الشهورة كاملين لي فاتوو كتجي لعندها للدار و تسواني لها و تاخذ لها الدم على ود التحاليل ..!

كتحاول ما أمكن تتقرب من شريفة و لكن بلا نتيجة ..! هي الوحيدة لي جاتها للبال فهاذ الليل .. فكرات تمشي لعند حبيبة و لكن ما بغاتش تخلعهم فهاذ الليل و حتى باش تهبط تال سلا فهاذ الوقت و شوف تشوف واش تلقى التران دابا .. فكرة ما صالحاش ..!

شحال و هي كتصوني عاد شد لها الخط و بصوت هادئ قالت ..!

شريفة: سمحيلي فيقتك فهاذ الوقت .. احم نسيمة نقدر نجي عندك .. غير لهاذ الليلة و صافي ؟

نسيمة:( ردات باستغراب ) شريفة ؟ واش كاينة شي مشكلة ؟ ( عاودات قالت بالزربة ) اااه اااه مرحبا بيك .. صبري نعطيك العنوان غتلقايني فالباب كنتسناك ..!

شريفة: راني عاد ركبت فالطاكسي .. هانا ندوز لك الشيفور عطيه النعت كامل عفاك و شكرا بزاااف ..!

مسافة الطريق و كانوو وصلوو .. انتابهات لنسيمة لي واقفة بالبينوار د الفوطة مكمشة فيه من البرد و القب فوق راسها كتشيرلها بيديها ..! خلصاتوو و هبطات عندها .. حشمانة منها و مترددة تا بغات تندم علاش جات ..!

نسيمة:( قربات منها هي بابتسامة و عنقاتها عندها بالجهد ) مرحبا بيك .. فرحت فاش عيطتيلي .. لقيتيني يالاه جيت من الكارد و دوشت اما كن شديت طاكسي و جيت موراك برجلي .. المهم يالاه نطلعوو للدار دابا من البرد ..!

شريفة:( ردات بهدوء و تبسيمة خفيفة ) الله يكبر بيك و سمحيلي مرة اخرى ..!

نسيمة: ما تقوليش هاكا بالعكس فرحت بيك ..!

دخلاتها لدارها .. صغيرة و مجموعة .. كثرة الكتوبة فوق الطبلة .. الرسومات و المجسمات و البيسي مشعول فمقال طبي .. بيجامات فالالوان ديال الطبيب مليوحين فوق الفوطوي ..! كتخويلها و تجمع الحوايج بالزربة ..!

نسيمة: غير سمحيلي على هاذ الروينة ما لقيتلهاش الوقت باش نجمعها .. مع خدمتنا مصاب نساليو غير نمشطوو شعرنا و نشوفوو وجهنا فالمرايا .. عمرك تسالي ديما خاصك تقراي و تجتاهدي و لا مشى عليك الكار .. تشربي شي حاجة ؟

شريفة: غير كاس د الما ( ضورات راسها فالدار ) ساكنة بوحدك ؟

نسيمة: وي قبل كنت انا و صاحبتي و دابا بوحدي .. واخا الواليدين هنا فكازا نيت و لكن الدار بعيدة على ابن رشد .. هاذي حسن خمسة دقائق و انا فيه .. سيغطوو فاش كيعيطوو فالليل لشي حالة مستعجلة .. جاب ما وصلني من تما تال هنا ..!

شريفة:( خدات من عندها الما شربات منوو و حطاتوو ) مزيان هاكا قريبة ..!

جلسات حداها و الغطى على رجليهم مسخناهم .. شحال و هما كيهضرو ما خلاو حتى موضوع و الأكثرية نسيمة لي كتهضر و شريفة غير كتحرك راسها و تتنهد ..! حتى حساتها شدات لها فيديها و بلطف قالت ..!

نسيمة: ما بغيتش نسولك شنوو خرجك من الدار فهاذ الوقت .. و لكن يلا كنتي باغى تعاودي أنا كاينة هنا نسمعلك ..!

شريفة:( بقات شحال كتشوف فيها و فلخر قالت بتنهيدة ) مشااااكيل فالدار و صافي .. و انا عيييت عيييت من شي حاجة سميتها الصداع المضاربة الغوات البكى ( حطات يديها على صدرها ) كنتخنق كنمرض فصحتي .. ما بقاش عندي فين زيد قد هاكا ( وراتها بصبعها )

نسيمة:( بعد تفكير ردات بلطف ) الزواج هو هذا .. مرة فرحانين و مرة مدابزين و حلاوة العلاقة فداك التصاليحة لي كتكون من بعد المدابزة ..! كن شفتي راجلك كي كان فاش طحتي مريضة غتحلفي حتى عندك كنز بين يديك ..! فالطبيب كيدوزو عليا حالات و حالات .. منهم لي كيخليها را٠٠جلها مليوحة تما غير حيث مريضة و الفلوس لي يخسر عليها كيقولها نمشي نجيب بيها مراة اخرى و كاين النوع د راجلك كيدير كاع جهدو مع مراتوو .. يطير و ينزل و يبكيييي محروق عليها غير ترجعلوو ..! فاش كيولي النهار ما كيدوزش عليك بلا ما يموت لك واحد فيديك على القليلة .. كتولي تبان لك الدنيا زوينة بزاف و كاع المشاكيل ساهلين يتحلوو .. كلشي كيصغار قدام الموت و ما كيبقاش يبان ..!

شريفة:( ردات بهدوء مركزة مع هضرتها ) عندك الحق ..!

نسيمة:( طبطبات على يديها و كملات و الدموع فعينيها ) الخسارة الحقيقية هي يموت لك شي حد عزيز و ما تقدريش ترجعي تهضري معاه من بعد .. يبقى ديما خيالوو ضاير بيك و فينما مشيتي كتشوفيه و كتفكري ايامكم و كتحرقي ..! ما تخليش الزمان يلعب عليك و تقولي يا ريت جلست و هضرت معاه و ما هربتش .. يمكن كنت غنزيد معاه واحد خمسة دقائق تعوضني ..!

سكتات ساهية و دموعها مزيرين فعينيها كتهضر على راسها نيت و على الندم و الألم لي كياكل فيها نهار على نهار و ما قادراش تتناسى موت صاحبتها او نقولوو ختها بين يديها فالعملية ..! و شريفة حداها مطرطقة عينيها خلعاتها و نوضاتلها المواجع كثر ..! مستحيييل تتخيل حكيم ميت و لا غادي يجي نهار و ما تعاودش تشوفوو ..!

شريفة:( وقفات بالزربة ) لا لا خلعتيني خاصني نمشي ..!

نسيمة:( شداتها كتبرد معاها حسات بشنوو دارت ) غير تهدني .. دابا خرجتي و لي عطى الله عطاه .. الظلام و الدنيا خاوية هنا ما يصلاحش تخرجي بوحدك و انا شوية غنسخف قدامك بالنعاس يوماين ما نعست ما شفتوو ..! الصباح و رجعي لدارك ..!

بقات معاها تا قنعاتها و هزات تيليفونها عيطاتلوو .. بقى شحال كيصوني عاد رد عليها جاهل .. تقب لها الطبل د وذنيها تا بعدات التيليفون شوية كتسمع غواتوو و الكلاكسون فالطريق ..!

حكيم: فين مشيييتي الله ينعل عدو ر*** على النهار لي عرفت أصل مك فيه ..! ( زاد كيغوت كيسب و يربب ما عاقلش على راسوو ) خارجة فنص الليل باغياهم يوسعوو طب**** مك ..! بالرب العالي و ما تقو*** ترجعي منين جيتي تا نخرج فالزا*** لي حطك و نوريك التفرعين د الز* فين كيوصل ولاد الق*** ..!

غير كمل هضرتوو قطع عليها .. ما خلالهاش الفرصة فين تهضر كاع ..! رمشات عينيها بالشوية كتشوف فالتيليفون و نسيمة حداها سمعات كلشي من صوتوو لي كان مجهد ..!

وقفات بابتسامة خفيفة باش ما تحرجهاش و قالت

نسيمة: يلا بغيتي ترجعي دابا نكابر و نخرج معاك حدا الطبيب كيكونوو الطاكسيات و عاد نرجع ننعس و يلا بغيتي تباتي هنا مرحبا بيك نعطيك لي تحتاجي حتى تبردي و يبرد تا هو و تتناقشوو بالعقل ..!

عوجات فمها كتميق بيه فالتيليفون و ترفرف بداك الرموش ما حاملاش راسها و من بعد هزاتوو بالايجاب مزيرة على جبهتها كتنهد ..!

شريفة: واخا تال صباح نفيق و نمشي ( حكات شعرها بحرج ) نقدر ندوش عندك .. دغيا دغيا و نخرج ما غنصدعكش ..!

نسيمة: اااه أنا نشعل لك الشوفوو ما كاين حتى مشكل ..! خودي راحتك ا حبيبة ..!

دخلات جابتلها بيجامة سخونة تلبسها و حوايج تحتانيين جداد .. زادتها غطى وحدة اخرى مع خدية حانية ما تعدبهاش ..! قادات لها الفوطوي و حلاتوو بحال الناموسية و كيرجع يتجمع .. شارياه بالعشق حيث شحال من مرة كتنعس غير تما و هي كتقرا ..!

خلاتها فالدوش و مشات لبيتها ظلماتوو و طاحت ناعسة على كرشها طيحة وحدة ما بقاتش قادرة تململ لا هاكا لا هاكا ..! و تا شريفة دغيا دوشات و خرجات مكمشة فالغطى .. طفات تيليفونها باش ما يديرونجيهاش و نعسات نعسة وحدة تال العشرة د الصباح عاد بدات كتكسل و تفوه حالة عين و سادة ختها ..!

مع فتحات عينيها جا لبالها حكيم ..! غير ما غيكون زاد صعر و طلعاتلوو الكناوية للراس ماشي برد هو ماشي من النوع لي كينسى و يبدل ساعة بختها باش يبرد و هي ما قادراش مزال تتلاقاه معصب و تسمع الصداع و الغوات ..! تفكرات صوت الكلاكسون و قالت يمكن شد الطريق لسلا كيقلب عليها ..! و لكن فالاصل حكيم ما خلى سبيطارات و لا كوميساريات كيقلب عليها و سيفط الدراري ديالوو بالسطافيط يشوفوو فالنواحي و شد هو الطريق لدارها يشوف واش مشات فالتران لتما تا عيطات و رجع قلب الطريق ..!

معصب منها و كيدعي يلقاها ما بيها والوو من لي وقع لها رجع كيخاف توقع لها شي حاجة و تا هي ما بقاتش كتزعم تا صدماتوو فاش ما لقاهاش .. الوقت لي خرجات فيه من الدار فكازا و فالليل ..! ماشي ديال الخير و المصائب د الدنيا جاو لبالوو و هو كيتغذذ بوحدو فسكات .. جالس فالصالون كيلعب برجليه و عينيه حاضيين الباب ما نعس ما شافوو و لا هي بانت ..! تا قفز من بلاصتوو واقف عينيه خارجين بحال يلا عاد تفكر ..!

دخل لبيت أسية فين مكمشة ناعسة و دموعها مزالين مطراسيين فحناكها هما و صبعانوو من الطرشات لي خذات و فوسط نعاسها مزالة كتشهق و كيخرج صوتها مرعد مرة مرة ..! ما بغاش يفيقها بقى غير كيقلب تما على تيليفونها و كلشي مهرس و مدكدك حداه ..! حتى لقاه و هزو شعلوو و خرج ..!

دخل لل historique فغوغل كيقلب تما و منين ما لقى والوو داز للواتس و طلعات لوو أول كونفيرساسيون ديالها هي و أيوب .. توسعوو عينيه و هو كيقرا المسجات ديال الليل لي نسات ما مسحاتهم كيف العادة ..! كيسمع اوديوات ديالوو و فين وصل معاها فالهضرة ..! وجهوو رجع حممممر غيطرطق بالاعصاب تا هز داك التيليفون غيهرسوو و رجع رخى النفس و خبعوو فجيب الجاكيط و خرج من تما ..!

ديريكت للدار فين ساكن أيوب و لي هي فالاصل د حكيم و مخليه جالس فيها كيخلص شي حاجة قليلة د الكرا حيث عارفوو بداك الخدمة لي خدامها ما غيقدرش يخلص الكرا كامل د بحال داك الدار .. داير معاه بليزير كبييؤ مسكنوو و مقلب لوو على خدمة و مرة مرة كيضبر عليه .. كيعزو و كيبقى فيه يتيم و فلخر يطلع منوو هاذشي كامل ..!

حلف حتى يندموو على النهار فكر فأسية بداك الطريقة .. و ما بقات لا سكنة لا خدمة و يلا زاد دقيقة فكازا غيقلبها لوو تغرير بقاصر و يجيب اسية بزز منها تدير عليها دعوة و تتدخل حتى الشرطة الالكترونية و ها هو ناضي ..! يا يبعد منها يا يوسخلوو الضوسي .. واخا فالاصل ما غيتوسخش حيث غير هضرة و دازت و فبحال هاذ الحالات غير كيجبدولهم وذنيهم و صافي .. و تا هو غيخلعوو باش يجمع راسوو ..!

لكن الكارثة لي كانت كتسناه فاش وقف حدا العمارة ..! مستحييييل فحياتوو كاملة كان يتوقعها ..! كيشوف المصائب يوميا و كيتوقع اي حاجة فأي وقت و لكن هاذشي لي سمع و شاف ..! ما قدرش يستوعبوو ..! عينيه تعماو ما متيقينش و وذنيه تصمكوو كيسمع غير صوت الصفارة كتصفر فقاع وذنوو .. بصدمة ما كانت لا على البال لا على الخاطر ..!

صدمة ما كانت لا على البال لا على الخاطر ..! كيفاش و علاش هاذشي كامل ما فهمش ؟؟ عينيه على باب العمارة لي مخرجين منها راجل كبير فالعمر ناعس فوق البياص ديال الطبيب ميت و شابع موت فوق منوو ليزار بيض فيه الطبايع ديال الدم ..!

تا داز قدام واحد من الشرطة العلمية و عراه كيصورو و تما بانت الذبحة ..! منحووور من الوذن للوذن بحال الحولي فمنظر كيبورش اللحم و خلى العيالات لي تما يطلقوو بتصرصيرة وحدة ربي لي خلقهم ..!

العمارة مطوقة بالبوليس و أيوب دايرينلوو المينوط فيديه من اللور كيدفعوه للسطافيط و هو كيبكي فصمت ..! للحظة نسى كاع لي واقع .. نسى بلي كان كيلعب فعقل أسية لي حتى هي ماشية معاه فالخط .. تفكرو و غير هو صغير فالمخيم كيهضر و يضحك ..!

اللحظة لي تعلموو بلي واليديه ماتوو و كان خصهم يقولوها لوو و كان حكيم حاضر تا هو و شاف الحالة لي وصل لها .. قطع لوو القلب و بقى فيه بزايد و شاف عموو لي جا موراه و زاد تأكد دابا بلي هو نفسوو لي مقتووول ..! تنهد بقوة كيسب و يلعن غير بوحدوو .. كيشوف فأيوب .. فعينيه لي غارقين بالدموع و ضايعين بحال بيبي صغير كيقلب على واليديه ..!

جبد لاكارط ديالوو و الشارة وراها لهم و دخل تا هو ..! مشى لعندوو شدوو من حناكوو بجوج مزيرلوو راسوو معاه و عينيه فعينوو و هو غير كيبكي و يلهث ..!

حكيم:( بالغوات ضربوو بجبهتوو ) وككككككض معااااياا ( طرشوو بالخف ) فيق ا صاحبي ..!

أيوب:( شاف فيه بقهرة و قال كيبكي و يشهق ) خوويا حكيم هء أنا أنا قتلتووو .. قتلتوووو ..!

حكيم:( شد لوو فموو مخرج عينيه فيه ) سكت ا القلا*** سكووووووووت ما تنطق بحتى كلمة ( بتأكيد ) تااااا كلمة لحتى واحد ( دارلوو حركة بيديه يتبعوو ) تننننفس بالشوية .. عاود موورايا .. يالاه ..!

أيوب:( بلع ريقوو و قال بضياع ) ما تخلينيش بووحدي عافاك الله يرحملك الواليدين .. أنااا ( حنا براسوو خاشيه بين ركابيه و كيبكي بالجهد )

شاف فالبوليسي لي باغي يشد الباب باش يتحركوو للولاية قسم الجنايات ..! بقى فيه و حسلكوو قلبوو بحالتوو .. واخا باقي ما عارفش شنوو واقع بالضبط و لي علموو البوليسي تما هو أيوب ذبح عموو و بقى حاضيه حتى مات و عيط ديكلارا براسوو و فتحلهم الدار بسكات و عطاهم يديه يديرولوو المينوط فهدوء ..!

حكيم:( رد بالزربة ) أنا موراك و غنكون معاك غير تهنى ..!

هبط من السطافيط بالزربة و ركب فطونوبيلتوو تابعهم تال للولاية ..! دخلوه نيشان يعطي اعترافوو فقسم الجنايات مع الظباط ..! كلشي ضدو .. تا من ادات الجريمة لقاوها ..! جنوي فيه بصمات ايوب و دم عموو مهرق عليه ..! و هاذشي لي ما قدرش يستوعبوو حكيم .. ضيع مستقبلوو و حياتوو فرمشة عين و علاااااش هاذشي علااااااش ؟؟

بغى يقولوو يكذب و يعاودلوو غير هو تا يلقى ليه حل و لكن ما يمكنش فحالتوو ..! على الأقل دخل معاه يسمع الاعتراف و يشوف المحضر شنوو غيكتبولوو فيه و على حساب هضرتوو يقدر يتصرف من بعد .. واخا غير شي حاجة يخففوو ليه الحكم و تشفعلوو عند القاضي ..! واخا الموضوع يمكن ما فيهش عدل لعائلة الضحية و لكن أيوب عند حكيم بحال خوه و لا شي واحد عزيز من العائلة واخا من شحااااال ما تلاقاه تال داك المرة ففاس و العلاقة مقطوعة بيناتهم و لكن كان مرتاح من جهتوو .. كيشوفوو انسان نقي و كيقرا على راسوو و كيجاهد مع الظروف ...!

حكيم:( شاف فالظباط لي ضايرين بيه و حط يدو على ركابيه و قال ) قول شنوو عندك أ أيووب .. تنفس و بالشوية عليك .. ما تخافش و ما تخبع حتى حاجة .. مفهوووم ؟؟

أيوب:( حرك راسوو و دموعوو هابطين بحال الشلال و يديه باقيين مشدودين .. رجفات شنافتوو و قال ) هو عمي لي كبرت معاه .. جا عندي فهاذ الويكاند يشوفني فهاذ اليوماين و لا هاكا كان يسحابلي

حرك راسوو بالنفي حانييه و ما قادرش يشوف فحكيم .. عارف من بعد ما يسمع شنوو غيقول كاع هاذ التعاطف و المحنة لي مبينها من جهتوو غتبخر و غيهرسلوو عظاموو ..!

أيوب: سمحلي سمحلي بزاااف هو لي بزز عليا و الله ما أنا و من بعد ديكشي كامل لي درت على ودو بدلني و ما بقاش باغيني ..!

حكيم:( عقد حجبانوو فيه كيغزز فشنايفوو .. جاه فهاذ اللقطة بحال شي بنت صاحبها خانها و هرب عليها ..! و بقلة صبر نطق ) شنوو بزز عليك ؟

أيوب:( بألم و قهرة كيبانوو من صوتوو و وجهوو قال ) عمي من صغري كينعس معايا من لوور بزز مني ..!

حكيم:( توسعوو عينيه و تهجم وجهوو تا قال ) نعااام ؟؟؟ شنوو كيدير ..!؟

أيوب:( شاف فيه بعينين حومر و رجع حناهم ) كبرني هكاك حتى تزوج و ولد ولادو و باش ما يقربش لهم و يطمع فيهم حتى هما رجعت كنجيبلوو الدراري الصغار ديال الكشفية .. كنجيب الأشبال من دار الشباب ليه ( شهق بالجهد ) خويا حكييم و الله تا هو لي بزز عليا ما كانش بخاطري و فاش ما بقيتش بغيت نجيبلوو تا ولد و لي شحال من واحد فيهم مات لوو بين يديه و لي بقاو حيين كيركب فيهم الرعب تا كيسكتوو ما كيهضروش و ما كيعرفونيش معاه ..! منين ما بقيتش قادر نجيبلوو لي بغى .. جرا عليا من الدار و بقيت ضايع بين ديور صحابي تا تلاقينا فالمخيم ..!

شاف فيه مبلووكي دموو كيغلي ..! دابا هاذشي علاش بقى معاهم فالكشفية و رجع قائد الاشبال ..؟؟ باش يعرف شمن ولد عندهم تما يتيم و لا واليديه ما مسوقينش ليه .. يختار و يعرف شنوو اختار و يديهم للمكبووووت د عموو ..! هما لي تايقين فيه و كيبانلهم بحال باهم فداك دار الشباب ..! تخيل نور تكون وحدة منهم و هو تايق فداك الناس و حاط ولادو عندهم و كيسيفطهم معاهم يسافرو كاع .. باش واحد فيهم يتمتع بلحمهم لفتي و مقوماتهم لي مزال اصلا ما كبرو و مستحيل تجذب انسان طبيعي و تثير شهوتوو ..!

ضرب بالكرسي اللور و ناض شنق عليه تا زدحوو مع الحيط موراه عينيه خارجين و هو كيخنق فيه و الظباط كيبعدووه ..!

حكيم: يااااا ولد الق*** كتقولها بوجهك حمممر مبزز عليك الله ينعل الز*** بوك .. ح*** اللوجيك واااا لحتيهم للعافية بيديك ا الزااااا**** و دابا جالس كتبكي بحال الق*** ح*** و ما خلصكش ؟؟ شبع منك و لاحك ا ولد الواسعة ..!

ضربوو بكروشي لوجهوو تا زعزعلوو سنانوو و شدلوو راسوو بالحر زدحوو مع الحيط مرة و جوج و ثلاثة تا جروه عليه بزز منوو .. مخليه شرويطة كيلهث و حكيم صاعر باغي يشرب من دموو .. ما قدرش يستوعب كيفاش كان قادر يشوف فداك الدراري الصغار هاذ المدة كاملة ..!

بردو الطرح بزز تا كانوو غادي يخرجوه من تما عاد ضبط أعصابوو واقف حدا الشرجم كيسمع بقية الاعتراف ..!

أيوب: هاذ الويكاند جا عندي هارب من مراتوو ..! من بعد كاع لي دار و لاحني بحال الكلب و خدم معاه واحد آخر كيجيبلوو الولاد يشبع منهم ..! ما خلى ما قال فيا و جا كيتخبع عندي ..!

رد الظابط باستهزاء: و قتلتيه ؟؟

أيوب: لا ..! ( بلع ريقوو كيشوف فحكيم بحزن ) بنت وحدة بغيتها و كانت عندي عزيزة بزاااف واخا هي خوافة و ما كتبغيش تخرج معايا .. بريئة و بنت دارهم .. ما كنتش باغي نوسخها و لكن ما قدرتش نبعد عليها ..! شافها و بغى ياخذها تا هي مني ؟

حكيم:( رد بجهالة ) أسسسسية اولد الق*** أسسسسسية ؟؟؟؟؟

شدوه ربعة بيهم و هو كيسب غير من السمطة للتحت عقلوو بغى يخرج من بلاصتوو .. و وسط هاذشي كامل كتجيه هضرة شريفة بين وذنيه و هي كتغاوت معاه عليه و هو كيدافع على ايوب و يعاود و نوضوها ما مرة ما جوج بسبابوو و واخا هكاك عينيه كانوو معميين فيه و كيشوفوو ملاك قداموو نقي و طاهر ..!

أيوب: ما بغيتش و ما خليتوش يقرب لها و عيطت على مراتوو كنسولها و عاد فهمت علاش هرب منها ..! هي ما تستاهلش هاذشي كاااامل ..! ( شهق ) مرات عمي .. مشات للسبيطار تبرعات بالدم و خرجاتلها النتيجة .. فيها السيدا .. راجلها لسقها فيها و الاطباء تما بغاو يبداو معاها الطريطمون .. يعطيوها الدوايات لي يطلعو لها المناعة و يتمناو تقدر تتعايش مع المرض بحالها بحال بزاف د الدراري عاوداتلي عليهم يالاه فالمراهقة ديالهم .. ولاد سطاش سبعطاش العام بغاو يجربوو و مشاو للديور لي معروفين بهاذشي و هزو المرض و ما كاين لي يوعيهم و ينصحهم ( سكت شحال كيبكي بقهرة و عاد رجع كمل ) ولادو باقيين صغار يالاه دخلوو للمدرسة ملائكة كيحمقوو بالزين و الادب .. ما يستاهلوش واحد بحال عمي يكون باهم ..! و امهم تكون كتقاتل مع مرض ما عندوش دوا و بين ليلة و نهار يقدر يقتلها و ما يلقاوهاش حداهم .. غادي تدوز من عذاب كبير بسبابوو و واخا هكاك ما تابش و حط عينوو على أسية .. و عارف راسوو مريض و غيلسق فيها المرض و ما حنش ( رمش عينوو فحكيم ) خليتو حتى نعس و جبت جنوي و ذبحتوو من الوذن للوذن و خليتوو كيخرخر بحال الحولي تا مات ( ضحك وسط دموعوو ) هنيييييت البشر منوو هههههههههههههه تهنينا منووو ..!

جالسة فالبيرو د الخدمة .. شال د الصوف على عنقها و كتافها .. مليوح و شعر كحل طويل كيلعب موراها فكل مرة تحركات ..! حروفها زوينين و مليلحة كيف كنقولوو ..! لباسها كلاس و دايرة مكياج خفيف كيبان ..!

لسانها مطلوق فالهضرة و هاذي حاجة تعلماتها فالخدمة ديالها ..! الخدمات الاجتماعية ماشي شي حاجة لي ساهلة و خاص تكون كتعرف كيفاش تدخل للواحد مع العروق .. باش يرتاح لك و يعاود لك كلشي ..!

هزات عينيها فالباب كتسنى شكون غيدخل لعندها تا جمعات الضحكة و قالت ..!

زكية: بسمة ..؟؟

بسمة:( جلسات قبالتها بهدوء مشابكة يديها ) دابا عاد عرفت البنات علاش فاش كيتخطبوو و كيتزوجوو كيبلوكييو كاع صحاباتهم و معارفهم ..!

زكية:( حكات عنقها كتشوف فلي خدامين معاها فبيروياتهم و بصوت خافت قالت ) أجي معايا ما نهضروش هنا ..!

بسمة:( ردات مزيرة على حروف و عينيها خارجين فيها ) هنا فييين غنهضرو .. عييت نعيط لك و ما كتجاوبيش ..! زكية غنقولك حاجة وحدة دخليها لراسك .. يلا عائلتك و واليديك مشاو معاك فالخط أنا لااااا .. ما غتضحكيش و تكذبي على داك ولد الناس .. راه خووويا و ماشي د التفلية ( حركات يديها كتطلعها و تهبطها جهة وجهها و شعرها ) فين هو الخمار فهاذشي ؟؟ علامن كتلعبي على راسك و لا عليه ؟ راه الدواااام هذا الدوااااام ا صاحبتي ..!!!

زكية:( تحنات على المكتب مخرجة عينيها فيها حتى هي ) راه عرفناااااه الدوام .. انا ندمت لي تبعتوو و دخلتوو لحياتي .. راه كنبغيييه ا بسمة كيفما هو و لكن ما قادراش نبانلوو هاكا كيفما انا .. ما قادراش نبين راسي طبيعية و نخليه يبغيني .. يبغي زكية .. و هاذشي ما ساهلش عليا حتى أنا ..!

بسمة: بعديييي منووو .. قولوو ما بقيتش بغيتك الله يسهل عليك فبلاصة اخرى و ربحي راحتك و راحتوو ( هزات صبعها بتهديد ) ما غنخليكش تهرسيه و تبقاي معيشاه فكذبة ..!

زكية: واش أنا ما حاولتش ؟؟ بعععععدت و لقيتوو من بعد جاي مع موو كيعتاذر على موقف وقع بيناتنا و طلبني للزواج ..! مرات خوه الكبير كانت مريضة و تسنى خمس شهور و هو عاطي الكلمة و عمرو هضر معايا و لا طلبني للخروج تا قلت صافي نسى و كمل حياتوو .. و رجعات ماماه عيطات لماما و دارت معاها النهار باش جيتوو كاملين ..! شنوو ندير و انا كنبغييه ؟؟؟

بسمة: ما تكذبيش عليه ..! زكية يا ايما غتهضري معاه و توضحي كلشي و لا بيدي غنمشي لعندو و نوريه تصاورك فضريب الصداق ديالي و نجيبوو تال خدمتك يشوف الخمار و الصلاة و العبادة ديالك فين واصلين ( غوتات بالشوية كتشوف فلي حداهم ) واااش ما خايفاش تتلاقايه فشي بلاصة و لا يجي لعندك للخدمة و يلقاك هاكا ؟ و لا كاين الاحتياط غتلبسي بالزربة و تخرجي عندو ؟؟ و فاش غتزوجوو شنوو غتقوليلوو ؟ خنقني ما بقيتش قادرة عليه عندي حساسية ؟

زكية:( تحرك جفن عينيها و بصوت خافت نطقات ) هاذي بلاصة الخدمة .. قلتي لي عندك و دابا سيري بحالك ..!

بسمة:( حركات عينيها بالنفي و وقفات رمات لها آخر هضرة و زادت مع الطريق ) يوماين يلا ما هضرتيش معاه أنا غنهضر و نحلوو هاذ المشكل من الجذر ديالوو ..!

خرجات مخلياها موراها كتعمر فالوراق و تكتب فيهم بجهالة .. حتى رمات داك الستيلوو و ناضت بزعفة لبسات المونطوو ديالها مخلية شعرها مطلوق و صاكها فيديها .. تلاقات وحدة من لي خدامين معاها .. زربات عليها دغيا ..!

زكية: خارجة غير لهنا و نرجع .. بريمانونص و ماشي بزاف لي خدامين مي دااابااا داااباا نكون معاك غير غطييي عليا ...! ( باستها فحنكها و مشات كتخلف )

خرجات للشارع فين مباركية الطونوبيل د باباها و لي كتهزها مرة مرة ..! دارت أمارش كتسخنها جهد خمسة الدقائق و زادت مع الطريق لي كتدي للمحل د عدنان ..!

كتنفس و توجد راسها شنوو غتقول ..! و غير وصلات و تحطات قداموو و هو كيشوف بصدمة فشعرها العريان و لباسها ..! كاع لي حفضاتوو مشى و تبخر و بصعوبة قالت ..!

زكية: أنا هي هاذي بغيت نكون كيفما بنت لك اول مرة و لكن ما قدرتش .. صعيب عليا نكون هكاك .. بغيتك و لكن كذبت عليك و دخلتك بالغذر و نهار بكيت هنا ماشي حيث تظلمت و لكن ما حملتش راسي و نتا كتشوف فيا بنية صافية و انا مخروضاها معاك و تا قلت صافي كلشي تسالى رجعتي لحياتي .. س سمممحلي و لكن ما ننن نقدرش نكمل فهاذ الزواج ..!

كمل أيوب الاعتراف و هبطوه للاكاب فبيت بوحدو مشدود عليه على ما يجيبوو مرات عموو يتأكدو منها و تفتح القضية على الدراري الصغار لي كانوو فالدار الشباب و غبرو ..!

قضايا كبار غادي يتفتحوو من جديد زائد القتل العمد ..! و الحكم هنا كيكون الاعدام و بما أنوو ما كيتطبقش فالمغرب ف فالنطق كيكون اعدام و فالتطبيق كيكون سجن لمدى الحياة ..!

الظابط:( شاف فحكيم و قال ) باقي باغي تتدخل و تزيد شي حاجة ؟

حكيم:( رد عاقد حجبانوو ) ما تخليوهش يفلت بلي دار و يلصقها فالحماق ( ضحك باستهزاء حاط يدو على جنبوو ) راه ذكي كثر من لي كتصور و التمثيلية لي دار قبيلة ما خاصهاش تدوز عليك ..! ( شيرلوو بيديه ) و دابا الله يعاون ..!

خرج من تما غادي و كيبزق فالارض و كيجيوه مناظر بين عينيه كتغيلف القلب و اسية وحدة منهم ..! خصوصا فاش قرا الكونفيرساسيون بيناتهم .. طاحت من عينيه بزيااااادة .. ختوو لي كتطير مع الطيور و خدالها التيليفون شحال من مرة عمرو لقى عندها شي عجب بحال ديكشي .. كتهضر و لكن دايرة حدووود ..!

وقف ديريكت حدا المدرسة د أسية دخل للإدارة هضر معاهم و رجع كمل طريقوو للدار و فهاذ الوقت كانت شريفة وصلات و شبعات جلاس .. كتمشي و تجي فبلاصتها ..! حتى تشجعات و دخلات لعند أسية ..!

لقاتها فايقة وجهها حممر و منفوخ كي الطبل و عينيها خلاص ..! مزال متكية فبلاصتها و تا فاش شافت شريفة حاولات تنوض و ما قدراتش .. كتغوت بالحريق كيفما تحركات ....!

شريفة:( رمشات عينيها كتشوف فحالتها و قالت ) ما درتيهاش فاش كنّا مع إلياس و درتيها مع حكيم ؟ حكيم لي دايرك بحال ختوو و لا بنتوو ( عقدات حجبانها ) يمكن كنت مريضة و لكن ماشي عمية و حاضرة معاكم ..! أنا بلاصتك العين ما نهزهاش فيه على الجهد كامل لي داير معاك و هو مخنوق و مزيييير غيطرطق ..! يسحاب لك فرحان ؟ هو براسوو ما كرهش يرمي الحمل و لكن شكون يسخى بأسية الحنينة النية لي كتسمع الهضرة و تخاف من خيالها .. كيقول ماشي مشكل بنت نقية تستاهل نتعصر عليها ماشي غير نتزير ..!

أسية:( حنات راسها كتبكي فسكات )

شريفة: ما فهمتش علاش كتبكي دابا ؟؟ ( زفرات النفس بصوت مسموع ) ما بقى لك لا نتي الوجه لا حنا لي نشوفوو فبعضياتنا ..! شنوو غناقش معاك و شنوو غادي نشرحلك و نتي كتفرجي فينا و حنا شادين بابنا علينا و جوج مزوجين معروف شنوو كيكون بيناتهم .. و نتي مستحلية ديكشي بحال يلا راك بلاصتي ؟ ( عقدات حجبانها باستغراب ) واش كيعجبك حكيم و باغية تجربي معاه ؟؟؟ هاذشي علاش ديما جايا معاه و كتدافعي عليه ..!؟؟

أسية:( خرجات عينيها ) لاااا لاااا لاااا انا غلطت و س سمحيلي انا حماااارة هء و الله ما كنت ناوية

شريفة:( تهز صدرها بتنهيدة حارة ) هذا هو التفسير الوحيد لي عندي .. و تا حكيم ما غيكونش كثر مني و عمرها تنسالوو بلي تفرجتي فيه عريان حتى شبعتي ..! الشوفة فيك ما غيكملهاش و ديما فبالوو كتخايلي شي حوايج بعاد عليك و نتي كتشوفي فيه ..! واش غلطت حيث تقت فيك و خليتك معايا ؟

أسية:( وجهها رجع حممممر كتشهق بالبكى .. بغات تشد فيها و بعدات لها يديها ) شرييفة ع عفاك

شريفة: ربيتك و كنت كنهز راسي بيك و كنقول بعدا درت شي حاجة زوينة فحياتي و لكن دابا كنشوفك غير ما كتولي مكفسة .. يمكن كان خصني نبعد عليك و انا سبابك .. يمكن أنا لي خرجت عليك و ما كانش خاصني نجرك معايا ..! ( فزكات شفايفها مغمضة عينيها بقهرة ) دابا نور كتجي بين عيني .. كنشوفها و كنرجع نشوفك .. و ماشي غير انا حتى حكيم نفس الشي .. غيتيق فيا نربي بنتوو من بعد ما شاف لالاتهم أسية شنوو خرج منها ؟؟ ( ضحكات باستهزاء ) و أنا لي فارعة لوو مخوو بيك .. كنشكر و نعاود و ديما مكبرة بيك .. شنوو درتلك و فاش قصرت معاك حتى ( غوتات بالجهد مغمضة عينيها كتغزز فسنانها ) الاحترررررررراااااام كااااامل لي بيناتنا تضربيه فالزيرو ا الكللللللبة ..!

و هي كتهضر تسمعات باب الدار تزدحات بالجهد و دخل عليهم حكيم عينيه مخنزرين ما كيشوف فحتى وحدة فيهم و باين بلي خاطرو مغير من جهتهم بجوج .. حك حاجبوو حاني راسوو و بحدة شير لأسية ..!

حكيم: تكعدي نتي من تما دابا ..! ( كمل بزعفة خارج للصالون ) ما غنبقاش كنتسنى تحركييي ..!

بزز خرجات عندو حاسة برجليها مبطولين ما بقاتش قادرة توقف عليهم ..! زادت هي اللولة و موراها شريفة تال الصالون فين واقف شاعل التلفزة فالأخبار .. عاطيهم بالجنب كيزفر النفس بالجهد ..!

شافت فيه شريفة باستغراب و رجعات شافت فاسية بنص عين .. تا بداو كيهضرو على الحاذثة لي وقعات و المستجدات لي عندهم و دارو تصويرة أيوب على ود العائلات لي كانوو ولادهم معاه فدار الشباب و لا المخيم ..! باش فأقرب وقت يمشييو للطبيب و يدوزو لولادهم يتأكدو من سلامتهم و لي مختافيين يمشييو لأقرب كوميسارية يديكلاريو بلي تابعين لهاذ القضية نيت ..!

سمعوو بثلاثة الهضرة كاملة و على غفلة ضار رمى على شريفة التيليفون د أسية تا كان غيجيها للوجه و شداتوو فآخر لحظة مخنزرة فيه ..! فتحاتوو و قرات لي قرا تا هو و رجعات هزات عينيها فاسية كترمش و هضرة حكيم كتزنزن فودنيها ..!

حكيم: كان عوال عليها .. باغي ينعس معاها و لا يح*،* بالعربية تا عرابت .. صافي ما بقى دابا لا احترام لا قلا** ..! ( شير بصبعوو للتلفزة بتأكيد ) كانت حتى هي غتكون وحدة منهم و بحال والوو تهز الايدز منوو .. يلا عموو مريض تا هو غيكون فيه ( شاف فأسية بنظرة صريحة و كمل ) دابا غتنطقي نيشان .. غيخصني نديرلك التحاليل و لا لا ؟

شدات على فمها مصدومة و دموعها ما نشفوش حركات راسها بلا مهبطاه للأرض و شريفة حداها عاضة على شنافتها و مغمضة عينيها ما حاملاش الموقف و كثر شنوو كان غيوقع كن ما حكيم مزير معاها و منتابه لها كثر من راسوو .. تشوكات من هاذشي لي واقع ..!

حكيم:( رد بتأكيد و بنبرة استهزاء و خيبة امل فصوتوو ) متأكدة حتى حاجة ؟ حتى حاجة فخطرة .. راك دابا بروفيسيونال كتعرفي و كتفهمي ..!

شريفة:( ببحة قالت ) كيقصد لك يلا ما نعستيش معاه واش عمرو كان بيناتكم احتكاك ( غمضات عينيها ) بوسة بوش ا بوش ..!

أسية: هء لاااا ..!

مشات من تما كتجري شدات عليها فبيتها .. طايحة فوق الناموسية كتبكي و تقول ما بكات .. قلبها بغى يخرج من بلاصتوو و ذاتها كلها كترجف و تقفقف .. الايدز !!!!! كن كانت فشي حاجة ساهلة تقدر تسرط و لكن مرض ما عندوش دوا و كيدمر الوظائف ديالك كاملين .. قاتلك ببطئ .. ما تقدرش حتى تخيلها ..! بلا الخيبة لي شافت فعينين حكيم و شريفة من جهتها ..!

حكيم لي بقى واقف هاز راسوو فالسما كيشوف فالسقف و يزفر النفس .. تا قرب من شريفة على غفلة و جرها من يديها لبيتهم ..! شد الباب عليهم و مع الضورة لي ضار عطاها بتسرفيقة حارة .. قلبات لها الوجه و رجعات خطوة للور مصدومة و حنكها تجرح بالخاتم كيسيل بشوية د الدم حاطة عليه يديها ..!

زاد قرب لها كيغزز ففموو و بعصبية جرها من شعرها تا بغى يقلعوو من بلاصتوو و شريفة باقى كتشوف فالدم لي فصبعها .. تا غوتات من الجرة و ضرباتوو للجذر د وذنيه تا حمراتهالوو مخرجة عينيها ..!

شريفة: كتضضضضضرب ..كتضضضضرب الحماااااار الله يعطيييك البطل فداك اليدييين اعععع طلق مني ..!

كتهز و تحط و تضرب بيديها بجوج فصدرو تا طلق من شعرها كيشدلها يدييها و هي صاعرة باغى توصل لوجهوو تهبطولوو بظفارها حتى تسيل دموو كيفما سيل دمها ..! عيى كيبعد فيها و فلخر هزها هكاك كتفركل و لاحها وسط الناموسية جالس على فخاذها و كيعطيها فالدق للرجلين و الفخاذ تا كتيبس و ترجع تبغي تضربوو و كيشدلها يديها بجوج فوق راسها ..! عرقاتوو و سخطاتوو كثر ما هو ساخط و ففموو غير ..!

حكيم: خاااارجة فنص الليل ا الكلبة و عاااد جايا ( شحطها تا غوتات ) فين بايتة ؟ الله ينعل عدو ر*** .. حاسبة راسك بلا رااااجل ما عليك حكام ( زاد عطاها تا يبسات كتطلع النفس بزز و تفركل .. تا بغاو يتقطعوو بالحريق و الضرب و شادها ما عندها فين تزحزح .. زفر النفس بالجهد عرقان ) بلاتي على مك و غنوريك الحماار شكيسوى و الخروج مع الثلاثة د الصباح فين كيوصلوو ..!

شريفة:( مشى لها الجهد ) بعععععد مني الحكاااار تفوووو عليك تفوووو

حكيم:( ناض عليها كينهج مخليها كتكمد الدقات ) زيدي عمري الضوسي ديالك مزياااان هاذ تفوو ( حرك راسوو من الفوق للتحت ) قيديي عندك و الخلاص جاي وقتوو ..!

شاف فالمرايا صدرو لي تطراسى بظفارها و حاجبوو لي تقاس شوية تا سال بالدم و وذنيه لي حمارت و ضار عندها لقاها كتلوى و تشوف فلحمها مطراسي بيديه و كتزيد تجذب و بجدية و حدة قال ..!

حكيم: كنقسم فمي بالله و تخرجي من هاذ البيت تا رجليك يتعلقوو قبالت عينيك ..! و تشوفي وجه عمرك شفتيه فحياتك ..! ( فتح الباب كينكر ) بقى ل مك غير النعاس برا .. زغتووو فهاذ الدار بزااااايد ..!

خرج من عند شريفة و مشى للبيت د أسية فتح عليها لباب لقاها مزالة كتبكي و ببرود رمى هضرتوو فوذنيها ..!

حكيم: باش ختك و انا نحطوو دم جوفنا فقرايتك و دايرين معاك فوق الجهد و نتي تابعة الخوا الخاوي و ما عينكش فالقرايا ..! ف ما بقات قرايا من عندي انا .. مشيت جبدت وراقك من المدرسة ( نفض يديه ) سالينا و فضينا دابا ..!

أسية:( وسعات عينيها بصدمة و ناضت كتبكي ) خوويا حكيييم ع عفاك هء و الله تا عفاك ما تديرش فيا هكا ..!

حكيم:( هز يديه مسكتها و ببرود رجع كمل ) نتي لي درتيها لراسك تا واحد ما ضربك على يديك ..! ( لعب بلسانوو ففموو ) ما بقيتش غنتحمل مسؤوليتك من هنا للفوق أنا ساليت هنا ..! ختك يلا بغات تقريك من فلوسها و تهز الحمل ديالك بوحدها .. شغلها هذاك و بيناتكم و دابا بداي تجمعي حوايجك ما غتزيديش نهار هنا ..!

أسية:( عضات على فمها ساكتة و الموت حاساها داخلة لها .. و الندم كياكل فيها ..! )

حكيم: غنخرج و فاش نرجع نلقاك جمعتي حوايجك و خديتي الجواب د شريفة ( مد لها يديه ) السوارت د الدار ..!

بلعات ريقها و مشات جبداتهم ليه ما قادراش تشوف فيه ما كرهاتش تخشى فشي حفرة و يشدو عليها ما تبقى تتلاقى بحد و لا تسمع الهضرة على وذنيها ..! أما حكيم خلى عندو السوارت فجيبوو و دخل عند شريفة هزهم من صاكها بيديه .. سامع صوتها فالحمام كتقرقب ..!

طرق عليهم باب الدار بجووج و زاد خلفة بالطونوبيل .. مبعد بوحدو و كل شوية كيسوط غيطرطق .. باغي يبقى طرونكيل فشي قنت بوحدو بلا ما يصدعوو تا واحد .. تا من تيليفونوو طفاه و تهنى ..!

**********************************

دقات عليها فالباب و دخلات حشمانة حانية راسها و دموعها بزز نشفوو .. شافت فيها لقاتها كتجمع فحوايجها بالزربة و التيليفون فوذنيها كتهضر ..!

شريفة: الباب تشد عليا و الساروت مهرس فقلب الفرخة بغيتك تجي دابا تحيدها و تفتحلي الباب و تبدل الفرخة و الساروت ..! يلا معطل نعيط لواحد اخور يطلقني دغيا ..! صافي واخا غنتسناك و ما تعطلش عليا ..! ( قطعات و قالت ) شنوو بغيتي ؟

أسية:( شافت فوجهها لي باينة منوو واكلة تسرفيقة نيت ..! تا الدم بحال يلا بغى يتكبد لها تما ..! بأسف قالت ) سمحيلي على كاع لي درت انا ما كنتش ناوية .. نتي كنتي مريضة و انا بقيت بوحدي ضعت بلا بيك ا شريفة .. لقيت غير أيوب كنهضر معاه و هو عمرو قلل عليا الأدب حتال داك الليلة ( زيرات على عينيها ) ما كنخليهش اصلا و لكن عدنان فاش عرفتوو خطب بغيت نموت ا ختي ..!

شريفة:( شافت فيها كترمش و كتنهد فصمت )

أسية: عارفة قلتي لي نبعد منهم بجوج و درت عكس هضرتك و لكن ما قدرتش هء و الله ما قدرت أنا عدنان كنبغيه و كاع ديكشي لي كتعاوديه على حكيم فاش كتشوفيه كنحس بيه من جهة عدنان حتى أنا .. و تا عطاني الامل فالعروبية ( عاودات لها البلان د الورد و الساقية بالتفصيل و كملات ) و رجع خطف مني الفرحة .. كنلقى غير أيوب يونسني و ينسيني و عمري بغيت نخرج معاه و لا نهضرو ابيل فيديو و لا حتى نسيفطلوو تصاوري ( زعمات و شدات فيديها ) تيقي بيا و الله ما طيحت بيك .. هاذ الايام كاملة و انا ذابلة و كنتي حاسة بيا و لكن ما قدرت نقول لك والوو و لبارح فالليل ما عرفتش شنوو وقع لي ..! خويا حكيم قالي خرجني من القرايا و نتي ما كتهضريش حتى معايا .. قولولي شنوو ندير باش نصلح لي تهرس .. غير ما تخليونيش بوحدي انا نادمة و بزاف .. عفااك ( خشات وسط يديها كتبكي )

شريفة:( حطات يديها على كتفها طبطبات عليه تا شافت فيها و ردات بهدوء ) أنا عيييت و ما بقيتش قادرة نهز هم كبر من همي .. من صغرك و أنا هازاك بكلشي ليك على حساب راحتي ( حطات صبعها على صدرها ) بسبابك لحت راسي فالعافية و أنا ضاحكة و فرحانة .. و دابا ما بقيتش قادرة .. راك كبيرة و واعية ديري لي سلكك .. بغيتي تجلسي هنا و تتحملي عقابك و النتيجة ديال ديكشي لي درتيه تبارك الله .. بغيت تديري فيها واعرة و تهربي .. الباب قدامك غيفرعها البلومبي و ما كاين لي يشدك ..!

رجعات كتجمع فحوايجها بالزربة و اسية مبلوكية حداها ..! تا سمعوو الخدمة فالباب و لبسات شريفة عليها هازة فلوسها و لي كارط ديالها و كاع ديكشي المهم ..!

شريفة: جا الوقت لي نشوف راسي حتى انا شوية و فاش يرجع حكيم قولي لوو .. قالت لك شريفة فاش قبلات الزواج بيك .. أكدات على النهار لي غتحط يديك فيها غيكون آخر نهار بيناتكم و ما كانتش كتضحك و دابا الله يعاونها و يعاونك تلاقينا خوت نتفارقوو خوت ..! ورقتي د الطلاق و براتي توصلني ..!

زكية: س سمممحلي و لكن ما ننن نقدرش نكمل فهاذ الزواج ..!

عدنان:( وقف عاقد حجبانوو قبالتها .. وجهوو تزير و عينيه خرجوو فيها تا خلعها ) خررررجي عليا من هنا قبل ما نعصى ربي فيك ( غوت بالجهد ) خرررررررجي و ما تعاوديش توريني وجهك ..!

زكية:( قفزات من بلاصتها و عينيها دمعوو ) ذهبك و كاع لي جبتيهلي غتردولك ماما ( فتحات الباب و شافت فيه لآخر مرة ) سمحلي ..!

هبطات مع الدروج كتزرب البكية واحلة لها فحلقها ..! تلاقات بشريفة طالعة عندو فالدروج وجهها مكبد فيه الدم من الطرشة و عينيها مخنزرين .. وحدة ما داتها فلوخرى و لا تسوقات ..! تا وصلات شريفة للبيرو ديالوو و سمعات صوت التهراس .. صاعر بوحدو ما تسرطاتلوش تلعب بالدين .. حبيبة و ملاك بجوج بيهم ما محجبينش و ما عمرو قلل منهم واخا كيتمنى ربي يهديهم .. و حتى عيالات خوتوو تا وحدة ما بالفولار .. لا بسمة لا شريفة ..!

المهم ماشي منافقات .. كذبات و عطاها مبررات فاللول و لكن دابا ما يقدرش يزيد معاها حتى دقيقة و تا باش يهضر معاها ما قادرش .. صورتها ولات ممسوخة فعينيه و يلا مشى تا صعر عليها غيعصى الله فيها و غيمشي يدير شي حاجة هو ما راضيش عليها كاع .. اللهم الفراق ..!

دقات فالباب و دخلات كتشوف فيه كينهج عرقان .. وجهوو حمر و العروق فجبهتوو منفوخين ..! مصات شنافتها و شدات الباب تحت نظراتوو لي مركزين مع حنكها و لكن ما علقش على الموضوع .. تنهد كيبرد الدم فيه و قال ..!

عدنان: شريفة ؟ حكيم هنا فالمحل ؟؟

شريفة: لا جيت بوحدي بغيت نهضر معاك دغيا و نمشي ( حرك حجبانوو ليها بمعنى انا كنسمع ) من ديما عندي حساسية من الفقية بصفة عامة .. كاع صحاب اللحية لي شادين الدين و ما كاين غير قال الله قال الرسول .. كيجيوني منافقين و تحت داك القميص البيض كاين شيطان كيغطييو عليه و دافنيينوو تحتهم ..! و لكن فاش شفتك نتا .. بديت كنبدل رأيي فيهم و قلت أخيرا كاين شي واحد صافي من الداخل و كيبغي شنوو كيدير .. يمكن هاذي من المرات القلال لي كنحكم فيها غلط على الواحد من الشوفة .. صدقتي حتى نتا بحالهم و يمكن كفس منهم عاد ..!

عدنان:( عقد حجبانوو و رد باستفهام ) باغدون ؟؟ كاين شي مشكل و أنا ما عارفوش ..؟ ( ضحك باستغراب ) غلطت معاك فشي حاجة بلا ما نحس ؟

شريفة:( رخات النفس و بهدوء و صرامة قالت ) ما غلطتيش معايا و كيفما نتا عليا بالاحترام حتى أنا عليك بالاحترام و مستحيل نوصلوو لهاذ المواصل انا وياك ..! ما قستينيش انا و لكن مشيتي لما كفس ( سكتات شوية ) أسية شنوو كتعني لك ا عدنان بصراحة و هاذ الهضرة غتبقى بيناتنا ؟

عدنان:( شاف فيها بنظرة انزعاج و رد تا هو بصرامة ) شي حاجة بعيدة عليك و ما عندكش الحق تعرفيها و دابا يلا ما كانتش عندك شي حاجة ضرورية تهضري فيها ( شاف جهة الباب ) غتسمحيلي مشغول ..!

شريفة:( ضحكات ببرود و حركات راسها بالنفي .. جلسات فالكرسي دايرة رجل على رجل و مشابكة يديها ) انا ما عنديش مشكل تعرف شي حاجة بعيدة عليك ..! بحال مثلا أسية أكثر بنت درويشة عرفتها فحياتي .. قلبها بيييض و نية .. الواد لي جا يديها .. مزال لدابا ما كتعرفش ترصي فالبر ..! حنينة و خوافة بزااايد ( سهات كتهضر و عينيها كيلمعوو ) هاذشي كيخليها بكاية و خاصها ديما شي حد يكون فجنبها تشد فيه و تعول عليه واخا غير باش يطلب لها الكوموند ديالها فالقهوة هي لخرى ..! مفششة و هشيشة دغيا كتهرس حساسة فوق القياس ..!

عدنان: شريفة ؟

شريفة:( هزات يديها حابساه ) و هاذشي لي كنقولك فيه ماشي زوين .. بالعكس كيخنقها و ما كتحملوش و لكن كبرات ففيلا قد السخط بالخدامات و الشيفور فينما مشات .. قرات و لا ما قراتش ما كاينش لي غيغوت عليها و يزيرها من غيري ..! و راجلي اللول كيعرف غير يفشش فيها و العطل البلاد لي حلات عليها فمها كيدينا ليها ..! ولفات اللقمة تجيها ساهلة يا من عندو يا من عندي و نهار كنغوت و نخرج عيني كتبكي فالبلاصة و ما كتقدرش تسمعني كنأنبها ..! و هنا غتفهم شحال ساهل تفرح و تتهرس داك البنت فرمشة عين ..!

عدنان:( رد بضياع ) واش هرستها فشي حاجة درتها ؟ ربي لي عالم على نيتي معاها ..!

شريفة:( تنهدات مرجعة شعرها مور وذنيها ) المشكل حنا ما كنعلموش على النيات .. كنشوفوو غير شنوو مطبق فأرض الواقع ..! خليني نكمل ا عدنان و فاش نسالي هضر حتى نتا بلا ما نقاطعوو بعضياتنا ..!

عدنان: واخا كملي ..!

شريفة:( قلبات عينيها كترمش بهدوء و كملات ) فزواجي اللول كنت كندوز من وقت صعيب و لكن ديما ضاحكة و لقيت البلية قدامي كنبرد فيها حري باش نبقى ديما ضاربة الدنيا بركلة ..! و أسية كانت كتشوفني بعد المرات كنكمي لا غير .. و لكن مور ما تطلقت بديت من جديد .. دخلت فدوامة كنحاول نقطع البلية و كنلقى راسي كناكل فلحمي بوحدي و معصبة و كلي كنرجف .. السخانة و حريق الراس و التقية و زيد و زيد ..! و كيفما كانت حاضرة مرات كثار و أنا مبلية .. حضرات عليا و أنا كنحاول نبعد .. شافت حالتي كيف كانت و نهار على نهار كنتقطع .. لحمي ديما زرق كنخرج فيه الحر .. ما كنعس ما كنشوفوو و شحال من حاجة اخرى .. لي تخليها عمرها تبغي تجرب ..! و لكن فداك الوقت كان معايا حكيم و عاونني بزاف و خيرو عليا سابق بزايد و عمري ننكر ..!

عدنان:( حرك راسوو بالايجاب ساهي فالحيط )

شريفة: لاحظات معاملتوو معايا و فالغالب كانت كتشوف غير الزوين و تفتحوو حتى هي عينيها و بغات راجل يكون معاها .. هنا شافتك نتا عندو فالدار و غتكون كذاب يلا قلتيلي ما حسيتيش بعينيها عليك و حركاتها المفروشين ( تنهدات ) أسية صفحة بيضة ساهل أي واحد يقراها و يعرفها فاش كتفكر ..!

عدنان: الصمت

شريفة: و فهاذ الوقت ما كنتش ناسياها كنحاول معاها تتبدل بشوية و تعول على راسها .. تمشي تدفع وراقها بيديها فالمقاطعة .. تدخل للكوزينة تطيب تدير الميناج تا هي .. تتلاقى مع صحابات جداد و تتطلق معاهم .. و ديكشي غادي بالتدريج حتى طحت مريضة و بقات مع حكيم .. لقاتوو متحمل مسؤوليتها و مزيرها .. و الزيار ديال الرااجل و حكاموو ماشي بحال المراة كاع .. واخا تعيى تحاول ماشي بحال ..! و وسط هاذشي كامل لقاتكم غير نتوما خوتو و حلات عينيها عليكم ..!

عدنان:( زير على عينيه ) و عليا كثر ..!

شريفة:( هزات راسها بالايجاب ) سي .. أبسط حركة منك لي يمكن نتا ما نويتيهاش كاع .. هي كتبدل لها نهارها .. تقدر تبكيها و لا تفرحها .. و تيقني ما كرهاتكش نتا لي تكون بلاصة حكيم الله يجعلك تخنقها غتكون فرحانة ..! كتسمع الهضرة و ماشي من النوع لي كتطير .. و غتكون لاحظتيها فاش هضرتي معاها على لباسها فالعروبية ( شافتوو تزير و كملات بلا مبالات ) من تما و هي ضاربة لك حساب و دارت بهضرتك ..! مراهقة بينتي لها داك الاهتمام كامل و موراها رجعتي للور و خطبتي .. ما فكرتيش غادي تهرسها لعشرالاف شقفة ..!

عدنان:( ساط النفس فيديه و قال ) يمكن ما كانش خاصني نقرب منها لداك الحد و كان عليا ننتابه لراسي و لشنوو كندير كثر و لكن كنحلف لك ما بغيت نهرسها بالعكس ..!

شريفة: نتا ما كنتيش ناوي و لكن حاس و هي عارفاك حاس بيها و فاش شافت تجاوب منك فرحات .. هزيتيها لسابع سما و من بعد طلقتيها ..! ( بجدية ) عدنان كن ما كنتش كنشوفك راجل مزيان ما غنجيش نهضر معاك ..! راه لا نتا لا هي عارفين راسكم شنوو باغيين دابا .. غير كتركعوو و ضربوو و تزكلوو لا غير ..! هي مالت ليا بزايد انا و حكيم و تمنات واحد بحالوو لاعبة عليها المراهقة تا ولات غير كتدخل و تخرج على السطر بفعايل ماشي ديالها .. و الوقت لي انا و خوك كنعلموها تعتامد على راسها و تقوي شخصيتها .. لقاتك نتا و بغات تكون ضعيفة حداك كيفما هي موالفة باش تتكى عليك و تلقى بلاصتي انا واحد اخور .. مخلق .. زوين .. نقي و راجل .. شكون بحالها فنظرها ..! و هاذشي انا ما باغاهش و تا حكيم نفس الشي .. و دابا غنسولك آخر مرة .. عدنان شنوو كتعني لك أسية ؟ حيث انا كتعني لي بزااااف بزاااف .. لدرجة نقدر نسمح فيها و نخليها فبلاصة لي متأكدة غيتهلاو فيها .. كثر مني و يأدبوها و يعلموها الصح من الغلط و ما يخرجوش عليها ..! ( تنهدات ) نسبق راحتها على راحتي ..! و نتا شنوو ؟؟

عدنان:( رد بحيرة ) أنا أسية ( سكت شحال و رجع قال ) غادي نبعد عليها ..!

شريفة:( تبسمات بهدوء ) هاذشي لي كنت باغى نسمع .. غادي يكون حسن يلا درتيها و هاكا غتكبر فعيني كثر و ما غتبانليش بحال الفقية لوخرين ههه ..! و نصيحة صغيرة من وحدة كبر منك شافت بزاف فهاذ الدنيا .. عمرك تخلي المظاهر د الناس تتحكم فيك .. المزوق من برا آش خبارك من الداخل ..! ( وقفات خارجة ) نهارك مبروك و ما تقول لحتى واحد بلي جيت لعندك نعول عليك ..!

عدنان: كوني هانية ..!

شريفة:( ردات بتأكيد لآخر مرة ) و أسية بعد على طريقها .. فهاذ الوقت بالضبط ما محتاجاكش فحياتها و يلا بنتي غير غتكمل عليها ..!

خرجات من عندو شادة الطريق بطونوبيلتها لي من الحاذثة ما بقات ركبات فيها و دايرة جهد كبييير باش ما تفكرش فالعافية لي شعلات فالكابوو ..!

خذات لوطورط ديريكت للرباط .. صورات وجهها و دارت سيرتيفيكا ميديكال و مشات عند أول محامي بانلها عطاتوو وراقها و وكلاتوو يدفع الدعوة ديال الطلاق و من تما ديريكت للحانوت .. ما خلات بيمويات .. شيبس .. شكالط .. الحلويات و الموناضا ..!

ما بغاتش ترجع لدارها فسلا .. فكرات يقدر يجي لعندها لتما و هي هاذ الساعة ما باغى تشوف حتى واحد .. ما حاملاش تا راسها بقى غير هما ..! شدات اوطيل خلصاتوو كاش من بعد ما تيرات الفلوس من البنكة ..!

خدات الساروت د بيتها و شداتوو عليها مظلمة الشراجم و شاعلة التلفزة حداها و الصيكان ديال الحلويات ضايرين بيها ..! تخشات فقلب الكوفرلي ساهية فالارض حتى بداو كتافها كيتهزو و قلبها كيرجف فوسط صدرها ..! دموعها سايلين و شنايفها كيترعدو بوحدهم ..!

بكات تا شبعات .. كلينيكس فيد كتمسح نيوفها و عينيها و يد مكمشة فيها شيبس كتاكل و تفرج فالتلفازة .. طافية تيليفونها و اي حاجة توصلهم ليها ..! بقات شحال و هي هكاك حتى نشفوو دموعها و تكهمات من التفكير فشنوو كان غيوقع فأسية كن وقعات شي حاجة بينها و بين أيوب ..!

عارفة راسها تا هي غالطة من راسها لرجليها و لكن لي متأكدة منوو .. هي دارت جهدها مع أسية باش ما تخرجش بحالها ..! شافتها كتكمي و شاربة و عمرها قالت نجرب و لكن شافتها مع حكيم ما مرة ما جوج و حلات لها الشوفة .. سوا فالحلال و لا فالحرام كانت تا هي غتبغي تجرب و لكن داك الحرام لعب عليها كثر مع هضرة ايوب لي كيسهل لها كلشي فعينيها ..! و هاكا كتشوف بلي خرجات عليها كثر ما نفعاتها ..! و بلي بصح ما تصلاحش أم لا ليها لا لغيرها و ها النتيجة كتشوفها قبالت عينيها ..!

نفسيتها مهزوزة و الدوا د الاكتئاب محطوط فكف يديها كتشرب فيه باش تنعس ..! و لي نقصات منوو فهاذ الاواخر حيث كيرخيها و كيفشلها كاع ما كتبقاش قادرة تحرك و لا تدير شي حاجة و كيعرقها بزايد ..! و لكن دابا حسات براسها مزالة محتاجاه .. الصداع لي ناض لعب عليها و بين لها بلي باقي ما تعالجات و باقي ديكشي عندها متراكم غير نقص شوية لا غير ..!

عارفة حكيم ما عمرو غيسمح فأسية و يلوحها أكيد غيربيها بطريقتوو و هي هاذ الساعة ما قادراش تتدخل ..! همها كافيها و راحة بالها أهم لها منهم كاملين .. لي كل واحد كيجبد من جهة و باغيينها ترجع كي كانت فرمشة عين ..! أسية باغى ترجع تحت جناحها و ترمي عليها حملها و مشاكلها لي شريفة كتقبلهم برحابة صدر و لكن هي مشاكلها ما عندها لمن تعاودهم و تا لي زلقوو لها و تقالوو قدام ختها .. رجعوو مأثرين عليها و خارجين عليها ..!!!! و هي لي ما كان عندها علامن تخوي قبل ما تولي علاقتها مزيانة بحكيم باش تفتح لوو قلبها .. تطرطق ؟ و شكون كيفكر فيها ؟

و حكيم نفسوو وقف معاها و ضحى بزايد و لكن كتشوفوو ما فاهمهاش فعز أزمتها و تا هو مكمل عليها و ضاربها من الفوق ..! غالطة ماشي ما غالطاش و اي واحد بلاصتوو غتكون ردة فعلوو قاسحة و لكن شريفة د شحال هاذي غتقول اه كنستاهل خلصت على شنوو درت و ما كانتش غتهضر و غتسرطها كيفما سرطات لي قبل منها ..! و لكن ديال دابا ما قادراش تزيد تدير عين ميكة ما قادراش تصبر و تتحمل باقي ..!

الصبر وصل عندها للحد كتفضل تبقى بوحدها على تقهر و تعيش فصداع و مشاكيل ..! لي فالعادة كيكونوو ملح العلاقة و كيزيدو يقربوو لي كوبل و لكن فحالتها هي .. غير ما كيزيدو يأزموها و يكحلوو الدنيا فعينيها ..!

ماشي وقتهم دابا و ما عندهاش الجهد ليهم و لا لعقل لي يفكر فشنوو كتدير .. باغى غير السكات لي يدخل لها مع العظام و يريحها ..!

ما دازش بزاف حتى كانت نعسات و مع الدوا زادت ترخات كثر و كثر ما كتفكر فحتى حاجة ..! صوت شخيرها مسموع فالبيت من نيوفها المشدودين و التلفزة مزالة مشعولة مضوية لبيت شوية ..!

***********************************

فتح الباب بالساروت ديالوو و دخل ..! لقى أسية قبالتوو جامعة حوايجها كاملين فلي فاليز حانية راسها و عينيها نشفوو من الدموع ..!

السكات فالدار و ما كاينش الحس فخطرة ..! و تا بيتهم مفتوح مشرع للحد ..! شاف فيها و رجع شاف فالكولوار غادي ليه تا وقفاتوو بتردد ..!

أسية: ش شريفة مشات ..! جابت لي حيد الفرخة و جمعات حوايجها و خلصاتوو يرجع يركبها و مشات ( لعبات بعينيها ما كتشوفش فنظراتوو لي كيحرقوو .. خارجين فيها ) قالت لك هي فايتة أكدات عليك .. نهار تحط يديك عليها غيكون آخر نهار بيناتكم .. بغات طلاقها ..!

هزات عينيها فيه ببطئ جامعة حجبانها .. كتشوف فيه مخنزر كيغزز ففموو .. تا ركز فيها الشوفة على غفلة و قال كيحرك راسوو من الفوق للتحت ..!

حكيم: دارت لي قال لها راسها .. خرجات من الدار و بغات الطلاق ..! ( ببرود ) واخا ..! نتي كملتي ؟

أسية: ااه ..!

فتح لها الباب بيدبه تزيد قداموو و خرج هو كاع البكاج ديالها تال لاسانسور ركبوو فيه و هبطوو بجوج فسكات ..! تا ركبات لور و هو قدامها صايك من بعد ما خبع كلشي فالكوفر ..! ما قدراتش تقولوو فين ماشيين و لا تفتح فمها بكلمة و ما كانتش كتخيل ردة فعلوو على شريفة غتكون هاكا ..!

وقف بيها حدا الدار د حبيبة هبط طلع حوايجها للفوق عاطيها بيتوو القديم .. سبق هضر مع موو بلي غتجلس معاها هي و ملاك مدة و جرا على عدنان من تما اما حتى خليل رجع بحالو لألمانيا لخدمتوو ما ساخيش بيهم ..!

كمل و رجع لعند أسية لي جلسات كتسناه فالطونوبيل بطلب منوو ..!

ديمارا و خرج من تما حتى وقف قدام ريسطوو ديال الحوت معروف .. شاف فيها و حرك راسوو باش تهبط تا دخلوو للداخل و وقف حكيم كيسلم على راجل تما بحرارة .. كيسولوو فبعضياتهم على أحوالهم و سلمات عليه تا هي تا قال ..!

.....: هاذي هي البنت لي باغى تخدم ؟

حكيم:( حرك راسوو بالايجاب ) هي ..!

....: واخا أجي معايا ..!

دخلها للكوزينة للجهة د المواعن لي كثار بحال الجبل و حكيم موراها .. شرحلها مول المحل شنوو غتدير و بلي غتكون مكلفة بالميناج د الكوزينة و الغسيل د اللواني .. و خلاصها كامل غيدوز لحكيم للكونط تا يعطيه لها و غير معرفة باش قبل يخدمها لأنوو مزال لها شهر و نص عاد تكمل السن القانوني .. صدمها تا لسانها تبلع و هو داير معاها غذا تبدا الخدمة ..!

ركبات اللور مرة اخرى و حكيم صايك بيها تا تشجعات و قالت

أسية: أنا ما بغيتش نخدم تما .. خويا حكيم عافاك ..!

حكيم:( رد ببرود كيشوف فالطريق قبالتوو ) غتخدمي باش تخلصي سكنتك لي كتنعسي فيها .. الما و الضوو و الماكلة محسوبة عليك هي و البوطة لي غتستعملي ..! ما فاتحينش هنا أوطيل ..! ما بغيتيش تقراي و تابعة غير ( سكت شحال ) ما كايناش القرايا كاينة الخدمة .. كل حاجة و ثمنها .. الفرص ما كيتعطاوش بالساهل فهاذ الدنيا .. كاين لي ما عندوش تا الثلث لي عندك و حامد الله كيجري مور مستقبلوو ماشي كيقلب غير على التفلية ..!

أسية:( سكتات حانية راسها )

حكيم: من غذا غتبداي .. مع التسعود د الصباح نلقاك واجدة .. فاش نكون مسالي انا لي غنوصلك و فاش ما نكونش غينوب عليا محمد امين و لا عدنان .. يالاه نزلي ( فتح الباب و هبط معاها طالع لدارهم يشوف نور و يديها لعندو ..! )

غسلات وجهها كتشوف فالطرشة و الجرحة لي جرحها بالخاتم ..! برداتها بالما كثر و دارت الدوا و سبادرا صغيرة فوق الجرحة ..! لابسة سروال فالكري واسع سخون و سبورتيف مع تيشورط ديالوو و كبوط د الصوف نازل على فخاذها بحال الكاب مفتوح ..! شعرها مطلوق على راحتوو مسخنها فعنقها ..!

شدات بيتها و هبطات فالسانسور كتشوف فلوطيل .. كبير و واسع فيه متاجر كثار .. كل واحد ديالاش و شلال لوسط مضوي مقابلين معاه فوطويات د الجلد و جليسات مفرقين كل جهة و الشكل لي دايرينوو ..!

اوطيل شاد مساااحة نيت .. كاطخ ايطوال كيجيولوو عائلات نقيين و فيه انشطة كثار يلا بغيتي تفوج ..! دازت جهة لابسين كتشوف فطاولات كرة اليد محطوطين فالجنب و بلاصة د الأنيماسيون و لي طوبوغوو بالاشكال و الانواع ها الساهل ها لي ضاير شحال من ضورة و ضورة كيخلع ..! لكن البرد حتى واحد ما كيعوم فيه .. عكس البيسين المغطى .. دايرينوو فقاعة مشدودة .. الما سخون مطلوق و الجو دافي لداخل ماشي بارد ..!

كملات طريقها كتشوف فالمحلات د الماكلة لي تما و لي ماكازان لي كيبيعوو لي طابلوو ديالهم و الديكورات ..! عاد دخلات لجهة البوفي د الفطور .. تبسمات بهدوء مع البنات لي فالباب كيستقبلوهم .. عطاتهم الرقم د لاشومبغ ديالها و دخلات كتسرح فعينيها ..! فالطبالي الكثار و العائلات لي كيفطرو مع وليداتهم و كاينين حتى الشباب لي جالسين بوحدهم .. طرونكيل ..!

خدات بلاطوو ديالها فيه طبسيل كتمدو للي خدامين تما كيحطولها من اي حاجة بغاتها .. اختارت بالمهل كتشهى بخاطرها تا عمرات طبسيلها و عصرولها كاس د القهوة قاسح بلا سكر ..! و مشات لقاعة بعيدة على الصداع ما فيهاش الناس بزاف .. جلسات كتفطر و كتشوف فالمناظر لي قبالتها ..!

كتذوق بشوية عليها و ريحة القهوة داخلة لها مع نيوفها منغماها .. صبحات مهدنة بنفس جديد كتفكر فحياتها فين غادية .. محتاجة تبعد على المحيط ديالها كامل تا ترتاح نفسيتها و تعرف راسها من رجليها و ترتب أمورها ..! كملات الفطور و خلات البلاطوو فوق الطبلة كيفما شافت كلشي كيدير ..!

و فطريقها انتابهات للسبا و البلاصة د المساج و الحمام التقليدي .. قربات كتقرا لي زوبسيون لي دايرين بهدوء و كتشوف الثمن تا حركات راسها بالايجاب و شدات رونديفوو ليها تدير سبا و مساج .. للغذ ليه ..! أما دابا بانلها فالبيسين .. مشات كتقلب فحوايجها تا لقات شي حاجة تصلاح لها تعوم بيها و هبطاتها معاها فالصاك ..!

بدلات فالفيستييغ لي تما و الجو دافي ما كتحسش بالبرد كاع ..! حطات صاكها و الفوطة لي عطاوها فبلاصتها لي اختارت مقابلة مع لابيسين ..! و هووب مشات كتنقز و تسوطات فالما .. تا ما بقاتش كتبان .. مدة و هي تحت الما فاتحة عينيها .. تا تخنقات و رجعات طلعات ..!

كتعوم و تدرع بيديها و رجليها و ترجع تقلب على ظهرها و تررررخى مغمضة عينيها و مخلية الما كيديها و يتغلل معاها ..! كتلعب فالما بحال شي حوتة .. بسلاااسة ..! و عائلات قلال تما تا هما كيعوموو .. كلها دايها فراسوو و واحد ما مسوق للثاني ..! تا سمعات صوت التصفار و الميطرانجور كيعلمهم بلي الحصة د الأكواجيم غتبدا دابا لي بغى يشارك معاهم ..!

تبسمات و مشات كتعوم جهتهم باغى تجرب ..! الاكواجيم من الرياضات المطلوبة بزايد ..! بزاف د الناس كيطيحوو بيها الوزن و يكسبوو صحتهم حيث كتلعب الرياضة وسط الما و كتدير فالحركات و نتا مستمتع و ما حاسش بداك التعب كامل و مكابر مع لي حداك كتنافسوو ..!

بداو معاهم الحصة بحركات د اليدين و من بعد شدوو فالدربوز د البيسين و بداو كيديماريو برجليهم و شوية بالشوية السرعة كتزاد و الحركات كيصعابوو و يقساحوو ..!

كملات معاهم حتال للخر .. شكرو المدربة و طلعات بحالها لوات عليها الفوطة و تكات فبلاصتها بهدوء كتشرب فالعصير و تاكل فليكخيب بنوتيلا لي فرقوو عليهم ..! حتى جات عندها بنت فالعشرينات و بلطف قالت

....: الزين تبغي تشاركي فكوغ ديال الرقص الشرقي لهيه مع البنات .. دابا غادي تبدا الكوتش ..!

شريفة:( شافت فين نعتات لها و بتساؤل قالت ) التصوير ممنوع ياك ؟

....: ااه ا حبيبة راهم ضايرين هنا حاضيين من التصوار و اصلا الواحد رجع كيخاف على راسوو فيها الحبس ..!

شريفة: واخا أنا جايا ..!

حيدات الفوطة و مسحات فمها و مشات بهدوء لجهة البنات لي مستفين فثلاثة د الصفوف مفارقين بيناتهم ..! شافت فالكوتش لي زعرة و باينة فيها كاورية .. طايتها منحوتة و ملامحها مبشورة .. رمات لها الثوب د الرقص الشرقي .. فالاحمر و فيه تويشيات فالذهبي كيديرو صوت موسيقي كيحمس ..! عقداتوو على نصها و بداو متبعين موراها فالحركات ..!

كاينين لي عينيهم حوالوو معاها و ندموو علاش كاع شاركوو .. بانوو قدامها زيرو لا فالشطيح لا فالانوثة .. و كاينة شريفة و لي بحالها .. كيموتوو على هز و وز .. هي كتحرك و هما كيردو عليها متبعين معاها باحترافية و كلشي كيتحرك فيهم ..! حركات كيبانوو ساهلين و لكن فالتطبيق تما فاش بقات .. تا بداو العيالات الكبار كيبركموو ..!

.....: بقات لنا غير الروسية تعلمنا الشطيح و كي نجلسوو و نوضوو .. شوو شوو كي كتعوج ندير بحالها يشدني كلاكاج سيمانة نتعوق نولي غادية للترويض ههههه يالاه نمشييو ندوشوو و نلحقوو على اليوغا على ما يجييو مورانا ..!

شريفة:( سمعاتهم و ردات بفضول ) كاينة اليوغا ؟ فين كتديروها ..؟

....: غتخرجي من هنا للراس حدا فين كاين البوفي غتلقاي بيرو تما كيقيدو .. كيجييو مورانا تال للوطيل بالطونوبيل و كيديونا لصابل دوغ كنديرو الحصة مقابلين مع المنظر د البحر غزااال ..!

شريفة:( بابتسامة لطيفة ردات ) واخا شكرا و بصحتكم ..!

كملات كتشطح هازة راسها فالسما عاضة على فمها و الضحكة خارجة لها من الوذن كتفلت لها مرة مرة .. عراقت و سخنات تا حناكها تزنكوو و مع سالاو تحنات شادة فركابيها كترد النفس و كتخرج فالطاقة السلبية .. حسات براحة عجيييبة و مولفة غالبا فينما يتشدو البيبان فوجهها كتخدم الموسيقى و تبدا هاك بلاك .. طالقة الشيخة لي وسطها و حلقها كيغني فأجمل الاغاني ببحة صوتها ..!

تبسمات مع البنات لي بقاو و مع الكوتش عاد رجعات لبلاصتها هزات صاكها و رمات الفوطة فسلة كبيرة باش كيردوهم يتصبنوو .. دخلات هي للفيستييغ دوشات بالخف .. حاطين شامبوو و باندوش فقريعات صغار ديال ميكة حدا كل دوش كيتشد ببابوو ..!

غسلات بالزربة و الفوط بويض معلقين فالعلاقة لفوق ..! مسحات و نشفات راسها و لبسات عليها بهدوء و من تما ديريكت تقيدات معاهم فاليوغا مخلصة الحصة ..! علموها الساعة فوقاش غتجي الطونوبيل و طلعات كتزرب نشفات شعرها باش ما يضربهاش البرد و رطبات لحمها مع ايكخون سولاي فوجهها ..!

مطونية و واجدة بكيطمة و سبرديلة فرجليها كتسنى مع الناس فالاستقبال تا وصلات طونوبيل كبيرة ديال السياحة ركبوو فيها كل واحد فبلاصتوو داير سمطتوو و نيشان لبحر صابل دوغ ..!

العيالات الكبار مشاو مع مدربة بوحدها و هي بقات مع مجموعة ثانية .. عطاوهم الطابيات ديال ميكة فاللوانات و تواب طوال تا هما .. ما فهماتهمش علاش و لكن خلاتهم جنب ..! بدا الكوتش قبالتهم مع المساعدة ديالوو فالحركات باش يسخنوهم و ما يوقعش لهم شي كلاكاج ..! و البرد د البحر عاطيهم للوجه و المواج كيضربوو مجهدين .. غير صوتهم كيرخي و زادو ترخاو مع الحركات و الموسيقى لي طالقين لهم متناغمة مع الجو كتزيد تدخل معاهم للعظم ..!

ارتاحت و فادتها الحصة بزايد تصفي الذهن ديالها و تا قالت سالاو عاد طرشوها بلي باقي ما بداو هاذشي غير التقيوتات ..! عاد الحركات ديال الصح بداو و بدات كتعوج ما قادراش تديرهم تا كتجي عندها البنت تعاونها و تعاون البقية ..!

حديدة فالسقف ديال الخشب فين كاين المقر و جالسين .. ركبوو فيها حديدة تانية قاسحة مشدودة مع الثوب لي عطاوهم و بداو كيوريهم و يمشيو معاهم حركة بحركة .. تا كيتلوا عليهم و كيتهزو كاملين من الأرض .. رجليهم وحدة مطوية و الثانية مطلوقة و الظهر مقوس للور و الراس هابط للتحت .. حتى كتقول غتطيح و كتغوت فاقدة التوازن و كترجع تبدا من جديد كل مرة بآلة جديدة و حركة مغايرة .. طلقات فيهم عظامها و تقطع فيها اللحم و ما تحس بيه د بصح تا تنعس و ترجع تفيق .. و لكن من الحصة خرجات بنتيجة زوينة مُرضِية ليها .. دايرة معاهم ترجع غذا مرة اخرى ..!

رجعات للوطيل شربات الدوا ديالها و دوشات من الرملة تا ترخات و ولاو عينيها كيتشدو بوحدهم بالدوا لي كيفضيهم لها و لكن قررات ترجع تاخذو بانتظام باش تولي شوية فصحتها ..!

نعسات تا شبعات و خرجلها النعاس من الوذنين و ناضت بالشوية عليها وجدات راسها و ماكات وجهها بالخاطر عاطية لراسها وقت و مهتمة بيه على الآخر ..! ب كسيوة سخونة و بوط طالع تال ركابيها و شعر مسرح و مبوكل فالجناب مع مكياج مغطي الدقة .. مركزة على عينيها مجبداهم و صابغة شنايفها بلون الاحمر لي كتسطى عليه .. خرجات كتمشى ..!

مشات للبوفي شافت شنوو دايرين فالعشا و تلذذات بلي عجبها جالسة بوحدها تا سمعات الضحك موراها و شافت داك العيالات د الصباح مجمعين فطبلة طويلة .. شي عشرة بيهم و اغلبيتهم مقاربين فالعمر ما كيضورش حس الرا٠جل حداهم .. ما كاين غير قولها و ضحك عليها ..!

شافتها وحدة منهم و شيرات لها كتأكد عليها تتزاد عليهم و بالفعل ناضت هزات طبسيلها و جلسات معاهم كتاكل و تسمع أحاذيتهم عينيها ضاحكين و كل وحدة كتعاود على زبلة من زبايلها و هي صغيرة .. فشلوها و فوجات معاهم و من العشا ديريكت للقاعة ديال الانيماسيون .. قبالتها قبة مجمعين فيها الدراري على البيار كيلعبوو و جلسة مجنبة بالضواو فاللون فالازرق بارد بلي فوطوي ضايرين .. كيفرق البارمان الشراب .. مخلطين كور و مغاربة كيشربوو و يكميو منهم بنات و منهم رجال ..!

و لداخل طالقين الموسيقى و لي منشط الليلة داير جهدو باش يشخض الجو .. كلشي كيشطح و يغوت دايرين بيناتهم مسابقات باش يكثر الحماس .. تا تطلقات اغنية رومانسية و ناضوو لي كوبل كيشطحوو و جرو معاهم تا شريفة .. كل وحدة مع صاحبتها ..!

شادين فبعضياتهم كيشطحوو و يكركرو تقول ضاربين المعجون و هما غير مستمتعين بالسيمانة الوحيدة فالعام لي كيتجمعوو فيها و مفوجين على شريفة .. لي لقات راحتها وسط الغوات و التصفار و تا هي طلقات صوتها كتغوت من اعماقها باغى تتفاجى و مرتاحة منين تا حد ما داها فيها و كلها حاضي جنبوو و الدنيا مأمنة بالحراسة لداخل لا ضسارة لا تصوير ..!

**********************************

دازت سيمانة و هي طافية تيليفونها منقاطعة على العالم الخارجي ..! كتصبح على الفطور مع العيالات لي تعرفات عليهم و كتدوز للابيسين من اكواجيم و رقص و مسابقات تقافية و تكمل باللعب فكرة اليد .. تدوش و تطلع تبدل عليها غادية لليوغا كترخي اعصابها و تصفي دماغها ة ترجع تدوش مرة اخرى تشرب دواها و تنعس .. و فالعشية سوا سبا و مساج .. سوا كتمشي تدير ضورة بالباطوو تريح فهدوء .. و لا كتخرج تدير لامارش مع المجموعة .. و جربات حتى ل buggy وسط الرملة و الهضبات طالعة هابطة فيهم بسرعة كبيييرة عايشة اللحظة و ما فيها و صوت غواتها كيتسمع بالجهد و هي دايزة وسط الجمولة كيرعاو هما و المعاز و الخرفان .. قاطعة طريق طويلة و هي صايكة .. دار معاهم ساعتاين و كانت احسن ساعتاين دوزات و شبعات فيها رملة و مناظر كيخروضوو العقل و مع كل غوتة كتخرج ديكشي لي مخزون فصدرها خانقها ..!

سالات عطلتها و حطات فليسات فهاذ التفويجة و لكن نفسيتها ارتاحت بأشواط .. جمعات حوايجها و خلصات لي عليها كامل .. مودعة معارفها و لي تا هما غاديين بحالهم ..!

كملات طريقها لسلا بغات تشوف الخدمة فين واصلة و لكن قبل دازت لعند كوافورة لي كتعامل معاها .. سلمات عليها سهام مولات المحل بحرارة كتسول على خبارها و فين غبرات ..! و فنفس الوقت خدامة لها فشعرها كتقطعوو كاري هابط على كتافها ..! علماتها بلي باغى تدير بلاياج .. تبدل اللوك و تا نفسيتها ترتاح كثر .. اختارت لون خليط بين الاحمر و الغوز و خلاتها كتخلط فالبرودي و تخدم لها ..! تا دخلات النكافة المعلومة د الشوتينغ .. تا هي سلمات و سولات على اخبار شريفة تا قالت سهام بحزن

سهام: ما شفتيش ضربوها الشفارة كانت مشات فيها .. يالاه دابا ولات شوية ..!

ردات النكافة بأسف : كلشي بغفران الذنوب .. الله يقطعهم يا ربي الواحد ما بقاش كيلقى راحتوو يخرج من دارو كاع غادية و حاضية جنابك ..! ( ضحكات و شافت فشريفة ) فينما يكون عندي شي شوتينغ كنتلاقاك هنا ..! ما عرفتها محبة ما عرفتوو زهر .. ايوا شنوو ا الزينة تعتقيني هاذ المرة و لا تا دابا ما باغاش ؟

شريفة:( ردات باستهزاء كتقلب فعينيها و تعوج فمها ) سووووبحان الله ربي كيبغيك فاش كيحطك فطريقي ..!

...: شنوو قلتي ؟ الشوتينغ كاين فكازا و باقي ناقصيني جوج د البنات ..! اتصورو فقفطان بلدي للتصميم د ختي و تصاوركم غيبقاو غير عندها باش توري خدمتها للكليات ما غيمشييو فين و غير البنات لي حاضرين ما كاين تا را٠جل .. هاذ الكوليكسيون غير د البنات ..!

سكتات شحال كتفكر تا بدات كتحيد لها بابيي أليمينيوم من شعرها و داتها تغسلوو باش تشوف اللون كي خرج ..! سكتات ما رداتش عليها تا كملات و صوبات لها شعرها ببروشينغ مطلوق و داك ليميشات مبوكليين شوية كتدوز يديها عليهم فرحانة بيهم و عاجبينها ..! و بعد تفكيير قالت ..!

شريفة: واخا فوقاش كاين هاذشي ؟

النكافة: بعد غذا مع الربعة د العشية نكونوو فكازا ان شاء الله .. صافي نحسبك معاهم ؟

شريفة: واخا غير هو نمرتي طافية .. بعد غذا نكون مع الجوج و نص كنتسناك هنا .. غتمشي قدامي و نتبعك بطونوبيلتي تال فين غنتصورو ..!

النكافة: صافي و خلاصك تشديه تما .. البنات درت معاهم **** درهم و نتي غتلبسي قفطان فالابيض هماوي رجعوو كيديروه العرايسات بلاصة الغوب سواغي فلخر د العرس .. غنزيدك *** درهم عليهم .. شنوو قلتي ؟

شريفة: صافي واخا .. عندكم الرخصة و وراقكم كاملين قانونيين ما فينا لي يوقع لنا شي مشكل تما ..!

النكافة: كلشي كاين ما عندك مناش تخافي ..!

تافقوو بيناتهم و مشات شريفة للريسطوو كتشوف الاحوال .. لقات تا الباتيسري كملات و بدات شحال هاذي .. الخدمة ممشية مزيانة و بزاااف كاع ..! ضارت عليهم و جمعاتهم عندها علماتهم برجوعها و نبهاتهم باش كل واحد يديها فخدمتوو و عيطات على الكونطابل كتراجع معاه الوراق و كتشوف خدمة حكيم لي نفعاتها و خلات لها مشروعها واقف على رجليه و فهمات من الكونطابل بلي يالاه هاذ السيمانة جا .. قاد لها الأمور ثاني ..!

تنهدات و خرجات لدارها نفضات الغبرة و جمعات الدنيا شوية و حطات التقضية لي جابت طيبات لها ما تاكل و تكمشات كتفرج فالتلفزة .. ظلام الليل مكحل الدنيا و الشتا كتطيح برا كتضرب فالشرجم قدامها و كاس دالليوزة هو و القلية حداها .. عايشة مع الفيلم ..!

*******************************

و ماشي غير شريفة لي ارتاحت هاذ السيمانة .. تا حكيم شد عليه باب دارو واخذ راحتوو و مريح راسوو مع بنتوو لي كيديها لحبيبة فالصباح و هي هاذيك كيوصل اسية للخدمة و كيمشي هو للولاية و فالعشية كيرجع يدوز مور أسية و يهز بنتوو و يمشي ..!

و بعد المرات كيسبق لاصال عاد نور .. مدة و هو قاطعوو و عاد رجعلوو كيخرج اعصابوو فالسبور ..! شابع نعاس و توغويغ من نور .. الخدمة مرخوفة هاذ الايام و داير العين على أسية لا تمشي توقع لها شي حاجة و لا تفكر تهرب واخا متأكد كيفما كيشوف راسوو فالمرايا مستحيل تديرها ..!

و فعز الخدمة فالبيرو على الضوسيات تسمع صوت مسج تابع لخاه فتيليفونوو .. تا جاه الفضول و دخل كيشوف لقى ملاك مسيفطالوو التصاور ديال شريفة بالقفطان حدا جامع الحسن الثاني مبوزية و البحر موراها .. التصويرة مخدومة بالفيلتر و مزينين الألوان د الطبيعية و المعمار حداها ..! بلا شريفة لي كتبان توتة بطولتها و طايتها و أنوثتها الطاغية .. و مع التصويرة لي مسكرينياها من كونط النكافة حاطاها فالسطوري و مطاغية البلاصة فين هما بالضبط .. كتبات ليه مسج ..!

ملاك: شريفة جات غزالة فالتصاور و انا كنقول فين غابرة علينا هاذ الوقت كامل .. هي كتوجد راسها و غاطسة فالدار كتدرب ..!

قرا مسجها طلع لها vu و ما ردش عليها فخطرة .. كيزومي على شريفة و يعاود تا هز راسوو و غوت على الشاوش فالباب .. شيرو يقرب عندو و تحنى لجهة كتافوو تا هضرلوو فوذنيه مخليه غادي كيجري يدير شنوو قالوو ..!

ملاك:( شافت فحبيبة و قالت ) شريفة دايرة شوتينغ د القفطان و أنا لي شحال نرغب و نزاوك عمرو خلاني و فلخر قالك حقا قصيرة ما غيقبلوكش تكمشي قبل ما نهرسك و تجلسي فالركنة بزز ..!

حبيبة:( ضحكات و قالت ) ا نشووف ..!

ملاك:( مدات لها التيليفون ) و سيفطتهالوو باش يفهم راسوو .. بزاف على الحكرة و الزبونية فهاذ الدار .. انا ما بغاش تا يسمعلي و هي مخليها ..! ( صغرات عينيها ف امها ) و اجي كاع ما قالها على الفولار .. عقلتي على كريمة قبل ما يتزوجو شرطوو عليها واخا كانت كتدير درة مرخوفة .. و يا ويلها تبان شعرة منها و لا تخرج برجليها عريانين قدام خوتي .. حراك الزنقة ..!

حبيبة:( ردات عاقدة حجبانها ) ماشي بزاف باش تزوجو و كانت مريضة ماشي وقت هاذ الهضرة و زايدون لباسها مستور و دايرة بحسابوو .. دخلي سوق راسك شوية .. غيسمع هاذ الهضرة ما غيعجبوش الحال و تبداو من جديد عاود ..!

ملاك:( هزات كتافها ) مستوور ماشي محجب ..!

حبيبة: غير لي بغى يدير عقلوو فيك .. دخلي الجنب لي كيحرقك يا هاذ البنت .. الراجل و مراتوو و نتي مالك على هاذ الطيران ؟ راه غيدور فيك دورة الزمان و تجي تبكي عليا ..! ( هزات حاجبها ) و نتي بالسلامة داك الراجل فوقاش غتردي عليه ..!

ملاك:( غمضات عينيها بملل ) مزال كنفكر راه زواج هذا ماشي اللعب ا ماما ..!

حبيبة:( حمرات عينيها فيها و رجعات تفكرات ) اجي نتي بعدا دايرة شي حجاب لي كتهضري عليه ؟ فاش تديريه نتي نيت و نديرو انا .. عاد تديرو هي ..! و الله يا فليفلة و ما تجمعي فمك و فهامتك عندك حتى نشوييييك ..!

ملاك: وا صافي ما قلت والوو ..!

و بين حكيم لي رجع لخدمتوو و ملاك لي كتفكر فحسام و زواجهم ..! كاينة شريفة و البنات لي معاها .. لي ما عرفوو السطافيط فوقاش جمعاتهم داياهم للولاية ..! قالك ما قالك ناشرين الرذ٠يلة و الفس٠اد وسط النهار فالمدينة و حلفوو ما يسمعوو منهم ..! تا هبطوهم مكركبين بحال المعيز كيتجرو لعند البيرو د حكيم ..!

لي غير شافت شريفة سميتوو قلبها تهز من بلاصتوو كيرجف من الداخل و الحرارة طلعات معاها .. يديها عراقوو تا تزايد معاها الزايد .. مخشية وسطهم و مقردة مقوسة ظهرها باش ما يشوفهاش ..! و كلهم كيهضرو بالزربة و بالغوات تا ضرب فوق البيرو ضربة وحدة سكتاتهم و وقفات لشريفة لحس ..! و هو كيقلب عليها بعينيه بلا ما يبين .. عاقد حجبانوو و باين من ملامحوو الصرامة ..! تا تقادات و نطقات و لي ليها ليها .. شنو غيوقع كثر من لي واقع معاهم أصلا ..؟

شريفة: ما عندكمش الحق تهزونا و حنا دايرين شوتينغ بوراقنا و عندنا الرخصة و كاع شنوو غنحتاجوو ..! واش غير لي سخن عليه راسوو يبدا يتبوزا علينا ..!

حكيم:( رد بنبرة استهزاء و حدة باينة فصوتوو و عينيه لي شافوو فعينيها نيشان بشوفة فهماتها تا سرطات ريقها كتسمعلوو ) ا لالة .. ا الشرييفة وااااا الحاجة سدي حلقك .. راك ماشي فحمام الشيخات طالقة علينا شغل الطيابات ..! ( ببرود تهجى لها الكلمة مزير على الحروف ) لسانك سرطيييه و لي راسوو سخن عليه كيتبوزا علينا اليوم نبروده لوو ( غمزها برجولة مخيخ )

شريفة:( شافت فيه بتحدي و قالت ) و يلا ما سكتش غتضربني عاود ؟

حكيم:( رد كيغزز ففموو ) غادي نشمعها لك .. مزيانة هاذي ؟ ( ضرب بيديه بجوج و وقف تا تكمشوو لبنات لي غير مجرورين فالرجلين و لي منهم صغار و باقيين ما كملوو سن الرشد و خايفين غيسخفوو ..! فتح الباب و قال ببرود ) خرج عليا هاذو .. خود من عندهم لي كارط تأكدو منهم و لي قل من 18 عيطوو على واليديهم يكونوو هنا ..!

خرجوهم بالتدريج تا زادت حداه شريفة و شدها من معصمها مزير عليه تا قطع فيها الدم .. بعينين حارين كيشوف فيها .. عيات تتجابه معاه و فلخر تزنكات و قلبات وجهها للجنب كترمش بالزربة من الشوفة لي داير فيها .. تا حساتوو قرصها وسط صدرها لي تفتحولها العقاد فاش هزوهم فالصطافيط ..!

حكيم: خرجي نتي صدرك كامل و لي سلم عليك عطيه يمص ..! و عيطيلي نعلق لك تانا ز** فالسروال ..!

شريفة:( ردات كتلف الشوفة تا حسات بالجاكيط ديالوو لي لابسها حيدها و دارها فوق كتافها مطلع السنسلة تال عنقها تا قسحها فلحمها ) عاد تفتحوو ..!

حكيم:( شاف فالبوليسي لي رجع و قال ) و هاذي هبطها للتحت يبرد عليها راسها ( ضرب على كتفها ) بوصاية من عندي قلهم يتهلاو فيها بزااايد ( غمزو مطمر )

شريفة:( وسعات عينيها و قالت ) من نيتك ؟

حكيم:( دفعها و دخل للبيرو ) من ز** ..!

دخلات تا هي تبعاتوو بلا عكز عليها و البوليسي واقف كيشوف فيهم .. ما قدرش يجرها و لا يقيس فيها من توصيات حكيم قبل ما تجي ..! هضر معاه و عطاه الأوامر لي غيمشي عليها بالحرف .. عارفها مراتوو و ماشي حمق يقيس فيها واخا غير يجرها حداه باش يهبطها ..! ساط النفس بفقصة مربع يديه كيتسناها تجي بخاطرها .. أما هي مشات مخنزرة لحكيم و قالت ..!

شريفة: ما شفتيش راسك زدتي فيه ؟ بشمن حق تشدني عندك محبوسة هاذ الليلة ؟ ( بنرفزة ) ما تبقاش غير تخرا و تجلس فوقهم .. التبهلة و سريق العواد هي هاذي ..!

حكيم:( رد ببرود مستفز هاز فيها حاجبوو ) هاذشي لي كيعرفوو يديرو الحميير ..! و دابا غتقلبي الروايض بوحدك و لا نوض نهبطك بيدي ..!

شريفة:( ردات عاقدة حجبانها ) تانا غنوريك الكلبات شنوو كيعرفوو يديرو .. و حضي معايا لا نمشي نعضك و نركب فيك الصعرة ديالهم ..!

ضحك حاني راسوو كيحك حاجبوو و كيرد لي ضوسي للخزانة .. هز تيليفونوو و سوارتوو ما ردش عليها .. و فهمات من ضحكتوو و الشوفة لي دار فيها .. كيمعني لها تسالي من التبرهيش ما غيبقاش يتعاطى معاها فالهضرة بحال الطيابات ..! و بجدية قالت ..!

شريفة: النكافة بقات مورانا جايا هي و ختها .. غتعطيك الوراق و الترخيص ( بنبرة حنينة قالت ) حكييم عافاك ..!

حكيم:( شاف فيها و زفر النفس بصوت مسموع .. قرب من جهة وذنيها و قال بهدوء ) انا ساليت الخدمة اليوم فاش تجيبهم غذا .. غنطلقك تمشي بحالك ..! ( بعد محمر عينيه فيها ) و الله تا غتباتي هاذ الليلة هنا و يلا ما حمدتيش الله .. غتدوزي 48 ساعة معززة مكرمة عندنا ..! داكشي كامل غيخرج منك غير بالمهل و دابا ( حرك حاجبوو لبرا ) هبطي تحيدي الخلعة لي راكباك من الكوميسارية .. بانلي باقى غتشرفينا بزايد ..!

خرجات من تما ما بقات زادت تا حرف .. هبطات فالدروج هازة راسها للسما بالتاج و المكياج و الشعر مسرسب موراها و القفطان كيتجرجر بحال الغوب مع طالون فيه جوج ميتر .. هابطة و حاضية لا تجي على وجهها و الجاكيط د حكيم من الفوق ..! شاداها الضحكة من الموقف كامل ..!

قلبها كيخبط وسط صدرها تقول مشاركة فمراطون هاذشي كامل حيث شافتوو و توحشات شد ليا نقطع ليك ديالهم ..! و مرتاحة حيث مضايفة عندو عارفاه غير كيهدد و يلا تقاست فيها شعرة غيكددهم ..! الحب المفشكل هو هذا ..! عيات تحبس الضحكة فلخر طلقاتها بتكركيرة وحدة مكركبة كتردد بصوت خافت ..!

شريفة: انا هي لي يقولوو عليا تبرزت و تهزيت فالعمارية بعيساوة و الغياطة كيطبلوو ليا و دابا غادية نحيد السخونية لي شالعة فيا و نبرد الدودة مع راسي .. غير هو ماشي الشينور لي غيخمل القنات هاذ المرة .. الضس و بروديتوو لي غيطلع مع مك ا شريفة تا تشوفي الصالحين كيقولوو عاشت لالة مراة سيدي ..!

هبطها للاكاب و دخلها لواحد من السيليونات لي تما .. فيها غير البنات ما مشاركاش بحال الجهات الثانين لي الرجال و العيالات دايرينهم واحد حدا الثاني فاصلة بيناتهم غير طواليط خانزة عاطية ريحة د العداو ..! تبهرات من داك القنت شحال كبير و واسع و كل باب بوحدها و كل جهة مغطية على الثانية و معلوم .. واش يديرو وحدة تشدات سكرانة مع قتال ؟ و لا سراق و لا و لا ..! ما كيخلطوش نهائيا ..!

فتحولها الباب و دخلات كتشوف فالحيوط مقشرين و الريحة د الخنز و الغمال عاطية .. جالسين شي بنات تما كل وحدة فقنت منهم للأرض ..! شافت فيهم نص شوفة و بقات كتمشي و تجي فبلاصتها ..! ما تقدرش تجلس غيفرعها البرد و ما تحس بيه نيت تا تجيها لي غيكل و تشوف العذاب دبصح ..! تا تهدات و عيات .. حيدات الجاكيط ديالوو مفرشاها و كتحرك راسها بالنفي من فعايلوو و فين باغي يوصل و ما مشى تا خلاها تما و ما سولش ..!

اما حكيم هز وراقوو و حوايجوو و خرج كيقلب فالبيرويات تا لقى فين جالس الكاميرة مان بكاميرتوو محطوطة حداه ..! لبنات لي فايتين سن الرشد و بغاو يبقاو تصاورهم خلاوهم و البنيتات لوخرين كيتسناو واليديهم لي غيحكموو .. شادينوو معاهم تا يجيو ..! و حكيم براسوو هزها كيدوز بالزربة تا طلعولوو تصاور شريفة كتبوزا هازة راسها فالسما بحال شي عارضة ازياء .. ضحك باستهزاء و بنظرات باردة كيهضر فنفسوو ..!

حكيم: هاذ سلوم البلدية حتى هي ..! ( زوما على صدرها بانلوو مغطي ما كيبان والوو و القفطان ساترها كلها ما مزيرش و فنفس الوقت مخليها عاطية العين ..! ركز على شعرها و حك حاجبوو بسخرية ) باربة مسلوقة خاصها غير التشلاض ..!

مسح تصاورها كاملين من تما و من الكوغباي باش ما يبقاوش عندو نهائيا و خرج من تما هابط فالدروج بهدوء .. تلاقى مع حسام تسالموو و كل واحد ركب فطونوبيلتوو و زادو بحالهم ..!

*********************************

ليلة و شمن ليلة دازت على شريفة تا كرهات القفطان و ما يجي منوو .. عذبها هو و الطالون فالحركة و البرد كلاصاها تا رجعات وقفات لبسات جاكيطتوو مدفية بيها و صابرة على حريق رجليها .. اللهم هاكا و لا تمرض ..! تخززات عليه و تحلفات تا شبعات و فلخر تهدات تا بغات تبكي كتسنى يجي يحل عليها ..! ربعة و عشرين ساعة بالتمام و الكمال عاد بانلها حسام داخل كيضحك تصدم فيها تما تا قالها لوو و علموو يمشي يخرجها ..!

فتحلها الباب كيفرنس و هي جامعة فمها عندها باغى تسبوو على داك الضحكة .. غير دارت بالعشرة و المعرفة و زادت كتجرجر فالقفطان لي رجع تحتوو كحل و شدات فيه ريحة خانزة .. ما حاملاش راسها و المكياج داع لها و بقى فوجهها ليلة كاملة تا تجلط و رجليها تشققو بالطالون كيقطعوها بالحريق ..!

ركبها فطونوبيلتوو و ضار لجهتوو ركب و هي حداه ديمارات بالنكير لا بغات تسكت .. تغذذات و تفقصات باغية غير تتلاقاه تغزز فيه سنانها ..!

شريفة: واش كاين شي واحد بعقلوو كيحبس مراتوو حيث معصب منها ؟؟

حسام:( رد غالباه الضحكة ) حكيم أمغار ..! قالك تسنايه فالدار غيخلط عليك تتفاهموو .. سمعي الهضرة بلا شوهة و براكة من الفضايح ..!

شريفة:( ميقات فيه ) اييه شي أوامر اخرى ؟

حسام: هههه و يلا ما لقاكش فالدار غيديكلاري بيك و فينما كنتي غيجيبوك لعندو للولاية و غيرجع يهبطك ل لاكاب تا يبردلك راسك من السخونية ..! بغيتي تبرهشي غيتبرهش معاك و توصل فينما بغات توصل ..! ما عندو شغال من غيرك تا تهدي ..!

شريفة:( وسعات عينيها فيه كتمص فشنافتها و تغززها ) واخا ا سي امغار انا نوريك التهديد شنوو كيسوى غير هو لي كيعرف يهدد ..! وصلني عند خالتي حبيبة و قولوو راه شريفة كتسناك عندك مك ..! هاي هاي على هتلر دايرلنا فيها سيد زمانوو و لكن نتوما لي مكبرين لوو البعرة ..! ( قلبات وجهها للشرجم كتبركم فنفسها ) الخراي بوو زنطيط .. اعععع البعر ..!

وصلها عند حبيبة و علم حكيم .. خلاها طلعات عندها مكمشة وجهها كتمسكن و ريحتها كتعطعط .. حالتها حالة ..! خلعات حبيبة تا دخلاتها لبيتها كتسول فيها شنوو واقع ..! و تا شريفة جاتها من الجنة و الناس .. أصلا جايا عندها غير حيث عارفة راسها مكحلاها معاه واخا تا هو مطبز لها العين و لكن ما يجي والوو قدام شنوو دارت .. و يلا مشات تا تسناتوو بوحدها فالدار غيتفركع عليها و ما يخلي فيها غير لي نسا ..!

حافضة حكيم و سارطاه ما .. فمشاكيلهم ما كيبغيش يغوت حدا الناس و يدي البراني خبارهم كيخليها تا يقنتها بوحدهم .. و الحالة د البرود لي شافتها فالكوميسارية ماشي ديال البرود العادي فاش كيشوف و يميك و يبنلها بلي راه فاهم و عارف غير ما تعيقش ..! لا هاذ البرود لي كيكون تحتوو بركان من الغضب غيشعل فيها فأي دقيقة يحرقها ..! كيولي بحال الحمق .. كتخاف منوو و كيخلعها فداك اللحظة .. ما كتقدرش تتجابه كطلب السلة بلا عنب ..!

دخلاتها حبيبة دوشات و عطاتها بيجامة د الفوطة سخونة من عندها .. جامعة شعرها فازك ففوطة و درة حياتي من الفوق .. الحنيكات مزنكين عاد سخنات و حسات بطرافها منها ..!

حبيبة:( حطاتلها بلاطوو فيه الماكلة تعتق الروح و قالت ) سخنتي عظامك وا طلقينا خلاص ؟ مالك نتي و حكيم ؟

شريفة:( ردات كتمسكن و كتاكل غتموت بالجوع ) تخيلي ا خالتي سيفط السطافيط مورايا و هزوني فيها و هبطني للاكاب مع القتالة و المجرمين .. ربعة و عشرين ساعة كاااااملة عاد رشقات ليه و خرجني مسافطني مع حسام للدار .. باغي يقنتني بووحدي و يحكر عليا و انا قلت والوو نجي عند خالتي هي لي عندي ( رمشات بالشوية ) ياك نتي لي قلتيلي يلا كان شي صداع بيناتنا غير نجي عندك و نرجع للور تفرجيني فيه .. يالاه العدو أمامكم و البحر من ورائكم ..!

حبيبة:( ضربات على فخاضها مخرجة عينيها فيها كتولول ) حبسك ؟؟؟؟ حكييم حكييم .. ولد كرشي ؟؟؟ و ما ولدتي يا حبيبة غير الخلى و الجلى .. و علاش هاذشي كامل ( صغرات عينيها فيها ) تكذبي نشويييك يا بنتي .. قولي الصح ..!

شريفة:( ردات غالباها الضحكة ) الخلى و الجلى على حكيم نيت ؟؟ هههههه واعرة عندك هاذي من اليوم ما كاين غير ما ولدات فيك خالتي حبيبة غير الخلى و الجلى ( كمشات فمها فاش شافتها مطرطقة عينيها كتسنى ) وقع مشكل بيناتنا و نتي عارفاني مريضة و ما بقيتش كنصبر على الصداع .. خليتوو تا غبر وجهوو فالبيت و خرجت من الدار ( بصوت خافت ) مع ثلاثة د الصباح و شبعني سبان فالتيليفون و فاش رجعت سرفقني .. جرحني فوجهي و زرقلي رجلي بالشحط .. و مشى يبدل ساعة باخرى و انا جبت البلومبي فتح لي الباب و خليت لوو الخبار مع اسية بغيت طلاقي و هربت ..!

حبيبة: نعام ا ختي نعام ؟ ايييه زيدي كملي ..!

شريفة: مشيت ارتاحيت سيمانة باش نوجد راسي للحرب و تا لقاني لبارح فشوتينغ د القفطان و سيفط مورايا بالسطافيط ..!

سكتات كتشوف فيها و ترمش ببطئ .. كتبسم لها تبسيمة حلوووة .. زعما راها بريييئة و مظلومة و حبيبة حداها مصدومة .. تا طلعات معاها بقرصة فجذر فخضها يبساتها و غوتات ..!

شريفة: احححح حرام عليك .. يديك مسمومة بحالك بحال ولدك .. حكر عليا و عارف ما عندي حد و غير ما لقاش الوقت و زربت عليه اما كن فاش رجعت جبد السمطة و سوطني بيها ..! راحنا بشر كنغلطوو واش خاصني نحسب فعايلي معاه بالقلم و المسطرة و نبقى ديما مرعدة يضربني ؟ يرضيك هاذشي ا خالتي ؟

حبيبة:( ردات بفقصة كتضرب ففخاضها و تولول ) ما ترضي لا الله لا العبد .. و لكن تا نتي هاذو ماشي فعايل .. واش را٠جل قد السخط فالدار و نتي هاربة فنصاصات الليل ؟ ما خفتي على راسك و لا عليه يسكتلوو القلب بالخلعة ؟ نديرها انا للمرحوم و بربعة د الولاد و الله ما يدخلني على العتبة بالحلوف .. يقولي سيري رجعي منين جيتي .. و زايدة غابرة سيمانة مخلياه كي الحنش المقطوع راسوو .. عليها كان كيجيبلي نور فالصباح و أنا كنقول راك عيانة و هو ماشي معايا فالخط ..! ( تفكرات ) اجي بعدا ؟ الشوتينغ فخبارو و لا تا صدماتوو ختوو بتصاورك فالانسطا ..!

شريفة:( ردات مكمشة ) ما فخباروش ( هزات حاجبها ) كيفاش ختوو ؟ ( وسعات عينيها ) ملاك لي قالتها لوو بنت الحراااااام ( شافت فيها كترمش بضحكة صفرة ) بنت الحلااال

حبيبة:( تنهدات و شدات فيديها كتطبطب عليها برزانة كتدير الما منين يدوز ) دابا نتي يلا خرجتي مع بنتك و بقيتي تنبهي لها من الشانطي تا شداتك جارتك بالهضرة و بقات بنتك كتلوى عليك تا فكات يديها .. غفلاتك و مشات كتجري للشانطي شوية و تضربها طونوبيل .. غتفرحي لها ؟

شريفة:( ردات بجدية ) لا ..! قلبي غيبغي يسكت و غنتخلع عليها و لكن غنبغي نربيها من بعد باش عمرها تعاود ..!

حبيبة: و ماشي غير تربيها .. عينيك غيتغمضوو بالغضب من جهتها و كاع داك الخلعة غتخرجيها فيها فالدار بالدق تا تحرم .. واخا ما تبغيش تضربيها و ما يعطيكش قلبك و لكن غير غتفكري الطونوبيل لي كانت غتقتلها غتقسحي خاطرك ..! و هاكا حكيم تا هو دار معاك .. ماشي حكرة .. من خوفوو عليك بغى يصعر ما عارف شنوو واقع لك و الزنقة خايبة و الآفات كاينة فالدنيا .. فالنهار القهار .. حراك فالليل و كازا خطيرة فضو الشمش و كنقيلوو نسمعوو المصائب .. اما فالليل خلاص يذبحوو و يسلخوو و حد ما يدي خبارك ..!

اقتانعات شريفة نوعا ما و عارفة راسها غالطة و لكن حلفاتها فيه .. تا توريه اللفعة ديال بصح .. لي غير سامع بيها من فعايلها القدام و عمرو شافها .. و يلا ما توباتوش راه ما خلاو فيها العيالات الحرات غير الخلى ..! بغى غير الفعايل و كيد النسا .. راه جا لبلاصتهم ..!

السفرة عاوناتها ردات نفسيتها و ضربات الدنيا بطالون من جديد راجعة شريفة ديال زماااان و يا بيها يا بيه ..!

شريفة:( رمشات عينيها و قالت ) عارفة بلي غالطة و ما نكرتش و ما كذبتش عليك و لكن ا خالتي انا خاطري هرب يلا بقى كل مرة بالضرب و فينما ندابزو يسيفطلي السطافيط تجرجرني .. غننفرو فخطرة ..! زعما عارفني يتيمة و ما عندي حد من غيركم و هو كثر فيه راجلي و صاحبي و خويا و بابا .. طالقة الطبيعة معاه بلا فرانات و لكن يمكن دابا خاصني نرجع ما نخرج لكلمة تا نضربلها الف حساب و حساب ..!

حبيبة:( ردات عاقدة حجبانها ) صافي ما تديريش فبالك و ما تقوليش ما عندك حد .. انا غنجبدلوو وذنيه و يلا عاود حط يديه فيك راني ماشي لالة حبيبة السوسية ..!

شريفة:( باستها فحنكها ضاحكة ) يخليك ليلي ا حماتي الغزالة ..! ( هزات البلاطوو ) خليك هنا انا نديه للكوزينة و نجي .. ملاك كاينة فالدار ؟

حبيبة: ااه راها فبيتها كتقرا و تا أسية غير يخرج حكيم من الخدمة غيجيبها .. ما عرفتوو شنوو كيطبخ هو و ياها .. تا حد فيهم ما بغى يعطيني راس الخيط فيهم ..!

شريفة: أنا نعطييه للكبيدة الغزالة ديالي و الكاري فالكرونة ما يواتي غيرك ( التقطيعة و الصباغة لي دايرة حبيبة ) و انا كنقول هاذ الحلاوة لي شادني بيها ولدك منين جابها .. قولي عندو شهدة فالدار تتحط على الجرح يبرا ..!

حبيبة:( ردات كتضحك ) صبغييني يا بنتي صبغيني راني حيط مجير ..!

شريفة: ههههه ولادك كاهمينك بالصباغة تا منورة علينا هاكا و لكن و الله ما كذبت عليك غزالة و كتدخلي الخاطر و تفوجي عليه و بنت الوقت ( غمزاتها شادة السينية فجنبها ) ما نتصاحبوش ا لالة حبيبة .. نسكتوو ل سي امغار العقل ..!

حبيبة: باش يجمعني أنا و ياك ..! هههه هاذ الحمقة هاذي و ما كاين الغزالة هنا قدك ..!

شريفة: عوييناتك لي فنييين كيشوفوو كلشي زوين ..! يالاه براكة عليك نخلي حق ولدك فاش يجي .. ولد الهم خارج فعودي و كنبغيه .. القلب و ما يريد ( صغرات عينيها فيها ) و عنداك تقوليلوو هاذ الهضرة ..! باش ما يولفهاش و يولي غير كيهز فيديه و يرخيها .. خليه تا يندم و قولوو راني دفعت الدعوة عند المحامي .. يسحابلوو راني ساهلة ليه غنبقى غير ندوز ليه فالسلخات ..!!! ( مشات كتعوج للكوزينة ) حقوووقي حقوووقي دم في عروقي ..!

حلات الباب على ملاك كتكفض على يديها و داك العكسة د زيف حياتي فوق مخها منفوخة بالفوطة ..! شافت فيها و قالت مغذذة و نيشان لشعرها جراتها منوو تا طيحاتها من الكرسي د البيرو فين كتقرا ..!

شريفة: ما حدي مكحلاها مكحلاها مع خوك .. نجمع الحساب كرجة ..! اجي لمك لهنا نوريك دخول الشبوق بشحال كيطيحوو ..!

يتبع...

‎