عرس الذيب الجزء 28

حلات الباب على ملاك كتكفض على يديها و داك العكسة د زيف حياتي فوق مخها منفوخة بالفوطة ..! شافت فيها و قالت مغذذة و نيشان لشعرها جراتها منوو تا طيحاتها من الكرسي د البيرو فين كتقرا ..!

شريفة: ما حدي مكحلاها مكحلاها مع خوك .. نجمع الحساب كرجة ..! اجي لمك لهنا نوريك دخول الشبوق بشحال كيطيحوو ..!

جرجراتها من شعرها حاكماها و ملاك ضعيفة و قصيرة دغيا تلوات عليها شريفة ..! طالعة فوقها بالطرش و القريص و النتيف كتديها و تجيبها .. تا تغذذات عليها و طارت عليها بعضة ليديها .. خلاتها كتصرصر بالغوات و حبيبة واحلة مع نور لي فيقوها بالصداع .. ما عرفات تسكت لبنت لي عقلها غيخرج بالبكى و لا تمشي تفك و تشوف مالهم ..!

شريفة:( جراتها من شعرها مجرتلاها ) يا الكلبة تعاودي تحلي فمك و لا تقربي لشي حاجة كتخصني نغرس فيك نيابي كتسمعي ؟؟ فينما ينوض الصداع بيني و بين خوك نلقاك خاشية كرموستك معانا .. ياك لباااس ؟؟ يلا عندنا شي ورث شاركينوو .. نفرقوه و نتهناو ..!

طلقات منها و ناضت كتنهج عاطياها بالظهر و ملاك طايحة فالارض كتمسح فدموعها و تجمع فشعرها تا نقزات عليها لاسقة فيها بحال العلقة فظهرها ناتفاها من اللور تا طاحت الفوطة للارض و خرجوو لوسط الصالون كيتدافعوو .. ملاك ناتفاها و شريفة كتعطيها فالشحط و القريص للرجليها و جنابها باش تطلق منها ..!

شريفة: طلقييييي راه غناااكل مك ا البرهوشة طلقي ..!

ملاك:( تعوجات بالحريق من قرصة حارة ) اححح طلقي نطلق ..!

و فوسط غواتهم تفتح الباب و دخل حكيم و موراه أسية ..! شافت فيهم مصدومة و الاكثرية حيث كاينة شريفة ؟ واش صافي رجعات .. تصالحوو ؟؟ و شنوو كتدير تما ..؟ أما حكيم دوز يديه على وجهوو كيتنهد تا هز راسوو بابتسامة فنور لي غير شافتهم هكاك بدات تضحك تضحك تضحك .. بضحيكة مسمووعة حلووووة .. عقلها خارج فيهم و كتقز و تجبد فيدين حبيبة خاشية يد وحدة ففمها كتمصها مرة مرة ..!

دازت اسية من حداهم حانية راسها غالباها البكية و حكيم هز بنتوو عندو كيبوس فيها و يقفزها ..! تا طارت حبيبة لعند شريفة و ملاك لي تفارقوو و كل وحدة قلبات وجهها للجنب ..! خلاتهم فالصالون و مشات للبيت هزات الفوطة د شعرها و الدرة لي كانت دايرة رجعات لواتها من البرد و ملاك كتبرد الدق لي عطاتها و شعرها لي تشنتف تا بدا كيحرقها من الجذر ..!

توقعات حكيم يغوت و لكن ما هضرش فخطرة .. شاد بنتوو عندو متكية على صدرو شاد لها الرضاعة كتمص فيها و مكالياها تا هي بيديها و حبيبة كترعرع عليهم ..!

حبيبة: واش انا عندي البنات و لا الهيشات ؟؟؟ شهاذ الحالة دايرة نتي و ياها ..! شنوو غيقولوو علينا الناس ها ؟؟ صوتكم واصل تال للزنقة مفرجين فينا البشر ..! ادوي ا فليفلة ( ملاك ) و نتي ا الجنية ( شريفة ) مولات العقل زعما ..!

شريفة:( شافت فحكيم بنص عين كترمش و تحت سنانها نطقات ) راك كتغرقيلي للبابر معاه ماشي كتعتقيني ..! ( بتخنزيرة لملاك ) هي لي خارجة فعودي و ما كتحشمش .. واش انا قرينتها تبدا تديرلي فالفعايل ؟ فينما ندخل لداك الكوميسارية تكون هي سبابي و مالنا على هاذ القرع نمشطولوو راسوو .. تجمع راسها و لا غنشطب بيها الدرب ..!

حكيم:( رد بهدوء و يديه كيدوزو على شعر نور ) و مزال زايدة فيه ..!

شريفة:( هزات خنافرها دافعة صدرها للقدام ) و ما تخافيش ا خالتي .. الناس غيقولوو هاذي غير حمقة مخربقين لها السلوكة فراسها من البنيقة لي حبسها فيها راجلها ..! أنا حمقة و بوراقي مزالة كنشرب فدوا الهبال و نتا شنو ؟؟

حكيم:( ضحك مع نور لي كتلعب فحنكوو و تكمش يديها باغى تشد اللحم و هي ما شاداش تا راسها ) أنا مزوج بيك ..!

شريفة: مزينها ضحكة .. نتا لي واتاك الضحك ..! ( بفقصة ) حاااابسني ا خالتي .. وا حبسني و مشى تكمش فالدار ناعس مغطي و مدفي .. ما مسوقش لمراتوو جالسة فالضس شابعة برودة و مصارنها كيغوتوو بالعداو بالجوع ..! ( بعناد كملات ) أصلا حنا غنتطلقوو .. نتهناو و نرتاحوو و نريحوو البشر معانا ..!

حكيم:( هز عينيه فيها و بجدية قال ) بغيتي غير الطلاق ..! جاك ا مدام ..! صداقك غيبقى لك تصرفي فيه كيفما بغيتي ( على الدار ) و النفقة غتوصلك كل شهر تال عندك ..! وجدي راسك غذا نمشي معاك نفكوو هاذ المنامة ( باستهزاء ) بلا ما نعذبوك و نجرجروك فالمحاكم ..!

بلعات ريقها كتشوف فنظراتوو الجدية و الطريقة الحازمة باش كيهضر ..! هي لي من وجهها باينة غير كتهدد .. باغى ترجع تسمع منوو .. الفراق هو لي عمرك تحلمي بيه بغيتي و لا كرهتي ما يفرقني عليك غير الموت ..! من نهار دخل لحياتها بزز منها و هو كيقولها و يعاودها و دابا جاتوو ساهلة يقبل بالطلاق ؟

مزالة كتستوعب تا طارت حبيبة من بلاصتها غتطرطق بالفقصة معاهم بحال القلية ..! عينيها خارجين و جنابها طيباتهم بالضرب .. كل مرة خابطاهم بيديها كتويل ..!

حبيبة: لاااا مزياااان و لاهيلا مزيان هاذشي ..! الطلاق هو لي بقى لكم ..! و الله و ما تديرو عقلكم و تتفاهموو حتى نعلقكم و نبقى غير نعطي فينما جات ( طرطقات عينيها فيهم ) مالكم كبرتوو عليها ؟ يالاه تردو عقلكم لبلاصتوو ..! نتي ا داك الجنية يلا ما جلستيش على داك المساسط لي كياكلوك و تكمشتي و الله تا نشويهم لبنتي ..!

شريفة: وا خالتي ..!

حبيبة: يخلي الشيطان راك مزوجة و تخرجي فنص الليل و تفرعي الباب زايدة بحالك ما مقبولاش و تصاورك ما يتنشروش و عباد الله يتفرجوو فيهم و هو آخر من يعلم ..! ( ضارت لولدها محمرة عينيها ) و نتا ا الكبير فخوتوو و المرزن فيهم ..! ما جبناش بنات الناس عندنا نتكرفسوو عليهم .. عارفها مريضة و ما عندها حد و كتعطيها فالدق ؟ و مكملها مهبطها مجلسها مع المحابسية ..!

شريفة:( ردات كتأكد ) ربعة و عشرين ساعة فالضس ..!

ملاك:( قالت كتشوف فيها حاطة يديها على حناكها كتبردهم ) تستاهلي ..!

حبيبة: سكتووو .. يسكت لكم الحس ..! تبارك الله عليكم زعما ما عندي ما نسالكم .. تا قلت ارتاحيت من جهتكم و باغيين تسكتولي القلب فخطرة عاد ترتاحوو ..!

رد الكل عليها تا من نور مكمشة فحكيم خلعاتها : الله ينجيك ..!

حبيبة: هي غلطات و نتا غلطتي و سالينا ..! نعلوو الشيطان و نوض دي مراتك لداركم صلحوو لي بيناتكم و نعاود نسمع شي واحد فيكم كيجبد الطلاق على فموو .. نهز جلابتي و ما تعرفوني فين زدت .. و الله تا نديرها و نخليكم تضبرو محاينكم ..! و ها السخط ها الرضى يلا عاودتي حطيتي فيها يديك .. غنسخط عليك ا حكيم يلا مشيتي تا ضربتيها ..!

حكيم:( وسع عينيه و قال بتفاجئ و بنبرة مصدومة ) يَّما ..!

حبيبة: ما كاين لا يّما لا خالتي .. صافي هضرت معاكم بجوج و يلا ما كنعزش عليكم ديرو لي قالكم راسكم و خليوني نطج للزنقة يضربوني الحيوط تقول ما عنديش الولاد مقطوعة من شجرة ..!

قلبات وجهها مقسحة الشوفة و دازت هزات نور من بين يديه و قالت بنبرة لا نقاش فيها ..!

حبيبة: غتجلسوو تتعشاو و تمشييو لداركم تحلوو مشاكلكم بالسكات ما نسمع تا واحد فيكم كيزغنن .. هاي هاي قالك الطلاق اييوا لاش ( شافت فنور مغوبشة غادية بيها للكوزينة ) هاذ واليديك شبعوو خبز .. توحشوو تجباد الوذنين ..!

حكيم:( شاف فشريفة ) رديتينا دراري صغار بالله ..!

شريفة: نتا مسكين ما درتي والوو ؟؟ كيقولوها الجمل ما كيشوفش حذبتوو كيشوف غير حذبة غيرو ..! ( سكتات شوية ) و أنا ما باغاش نتطلقوو ..!

حمحمات ملاك و ناضت من تما مخلياهم فالصالون كل واحد جالس ففراش ..! شاف فيها بجدية هاز حاجبوو و قال ..!

حكيم: تعاودي تجبدي الطلاق على فمك .. غنطلقك ..! ما كنلعبوش انا وياك هنا .. فاش ترشقلك تغبري سارطاك الارض و فاش يرطاب لك الراس ترجعي بحال حتى حاجة ما وقعات ..!

شريفة:( وسعات عينيها و قالت ) نتا ضربتيني ..! كتبان لك شي حاجة ساهلة ؟؟ شرطتها عليك قبل من زواجنا ..!

حكيم:( حك حاجبوو باستهزاء كيلعب بلسانوو ففمو و رد بانفعال ) خارجة كتفرفري فنص الليل .. بحال ما عارفاش شنوو يقدر يوقع لك ؟؟ باغى تحمقيني تا نشد الركنة حداك عاد ترتاحي ..! ( هز صبعوو مقابل مع وجهوو ) و ما تهضريش على الشروط و نتي دايراها قد راسك .. خليني غير نبلع فعايلك بعدا ..!

شريفة:( ضحكات باستهزاء ) قاتلة روح ؟؟

حكيم:( رد بنفس النبرة ) لا .. غير قبل ما نتزوجوو شرطتي عمري نخونك و نتي يلا فكرتي تديرها واخا غير بالهضرة .. ننحرك و ندير فيك لي عجبني و ما تحليش فمك بكلمة .. و نتي ماشي غير هضرتي .. شبعتي تعواج و تحلوين مع كاميرة مان كتمتلي لي فالتيطانيك ا الغزالة ..؟

شريفة:( تنهدات و قالت ) بغيت غير نجرب و الولد محتارم .. كنا غير بنات ما كاينش حس الر٠جال معانا و الولد لي كيصور محتارم و عارفني مزوجة ( وراتوو الخاتم فيديها )

حكيم: هه ..! و راجلك ما عارفكش فشوتينغ ..! سيمانة عاد تفكرتينا باش فاللخر يجيني خبارك من برا ..! شنوو أنا عندك رجل د كرسي فالدار ؟

شريفة: نتا عارف راسك شنو كتسوى عندي ..! راك صاحبي ماشي غير راجلي و كيفما كتفهمني كنفهمك ..! و راك فاهم و عارف بلي كان ضروري نبعد .. نرتاح و نعرف راسي من رجلي و ترجع شريفة كاملة ماشي غير خيالها ..! و كنتي ساهل تلقاني و ترجعني و لكن خليتيني على خاطري ندير لي مسلكني تا تشوف فين غنخرج ..! غير دابا كتفشش عليا و غضبان مني ( هزات صبعها فيه ) و هاذشي ما غينسينيش فالسطافيط و الضس و العصا ..!

سكت ما جاوبهاش و سكتات حتى هي حاطة راسها على الخذية بتعب ..! شعل التلفزة كيتفرج فالاخبار موسع بين رجليه و حاط فوق فخاضوو خذية متكي عليها .. مرة مرة كيشوف فشريفة .. لي كتسمع للهضرة ديالهم فالتلفزة و كتديييها عينيها و ترجع تفتحهم ..! تا نعسات فخطرة .. خلاها ترتاح و دخل للبيت د موو هز مانطة صغيرة غطاها بيها .. جالس حداها كيتفرج ..!

ملاك فالبيت لداخل و نور مع أسية فبيت حكيم كتلعب معاها مفوجة عليها .. خلاتها لها حبيبة باش تمشي للكوزينة فخاطرها ..! زربات على الشلايض و سخنات الخبز مور ما وجد الدجاج محمر مدغمر على حقوو و طريقوو و بطاطا مقلية فوقوو و الزيتون فالجنب ..! كيوجد معاها ولدها الطبلة فسكات ..!

حبيبة:( تبسمات من النعسة د شريفة و قالت ) تا هاذ المشاغبة طلعات بخبيزتها و لكن بنت الناس و قلبها حنين من جهتك .. تهلى فيها عندك الاجر كبير ا حكيم و خزييو الشيطان بجوج بيكم .. الله يهدي القلوب ..!

حكيم: أميين ..!

حبيبة: عيات مسكينة بسيف ما تطيح كومة غتكون ما نعسات ما شافتوو ( شافت فيه باستغراب و تردد ) حبستيها ..!؟

حكيم:( ضحك كيدوز يديه على راسوو ) وصيت عليها و ردو لها البال .. كن عرفت غتوقعلها شي حاجة ما غنخليهاش تما ..!

حبيبة: و جات نتفات ختك و مزال فيها الجهد تتجابه عاد تهدات و طاحت تنعس ..! هاذ الفلفلات بجوج تا هما ..! و لكن تستاهل تا داك ماري كتطير .. قالت لك كتدق عليك علاش تخلي مراتك و هي لا ..!

حكيم:( ضحك جنب و قال ) فولة و تقسمات ..! عيطيلها هي و أسية يتعشاو على ما نفيق هاذي تا هي ..!

تجمعوو على الطبلة و التلفزة مشعولة حداهم .. كلهم عياو و تهدو .. نهار طويل اخيرا كمل و غيحطوو راسهم فوق المخدة و يمشييو فعالم الأحلام ..! لا شريفة هضرات مع أسية .. لا اسية نحنحات ..! البنات مبوقين و عينيهم منفوخين مسخسخين و نور فالجنب مضورين بيها المخاذ كتطبل بيديها و توغوغ فرحانة .. واكلة مبدلة و ريحتها مزيونة شابعة نعاس و عاد حلات لها السهرة و مشات تخلي حبيبة بلا نعاس ..!

أما تا شريفة كلات عاجباها البنة و مشات غسلات يديها جالسة حداهم متكية براسها اللور تا غفات ما حاساش براسها ..! شافها حكيم و ناض من بعد ما كمل غسل يديه و هز الكونطاكط د الطونوبيل فيديه باش يجيه ساهل ..!

تحنى حاط يديه تحت فخاضها و الثانية مور ظهرها .. تا تهزات عندو و تكمشات فيه بالبيجامة د الفوطة د حبيبة ..! زوينة فالغوز فيها ارنوب فالوسط داير بابييون كبيرة و سروال كاريات غادي بالغوز و الرمادي ..! كتقاد فالنعسة و تمضغ كتلوك فالهضرة ..!

ركبها فبلاصتها مدوخة ما بقاتش عاقلة لا فين هي لا شكتدير .. الدوش و المدابزة سالاو لها كاع الجهد لي كان باقيلها .. تا لقات راسها ففراشها .. مدفية و السخونية طالعة مع حناكها و حكيم حداها تا هو ببيجامة رجالية خدام فتيليفونوو مرة مرة كيشوف فيها .. و من عينيه باين فيه باقي مقلق منها و ما صافيش 100% من جهتها .. تا طفاه هو و الضو د الفايوز و نعس بدورو رامي يديه على كرشها و مكمشة هي رجليها وسط فخاضوو ...!

تكسلات فبلاصتها كلها مدكدكة ما قادراش تتحرك لحمها كامل كيحرقها ..! فتحات عينيها بالتدريج كتمسحهم تا حلاتهم فحكيم لي كيقرقب لابس حوايجوو و كيقلب فشغالوو ..! بصوت مبحوح قالت ..!

شريفة: صباحوو ..!

حكيم:( رد عليها ببحة صباحية رجولية كتعجبها ) صباح الخير .. رجعي تنعسي باقي الحال ..!

شريفة: غادي للخدمة ؟ ( همهم بالايجاب بلا ما يشوف فيها و بهدوء قالت ) غنمشي حتى أنا عند خالتي غنخرج أسية بغيت نهضر معاها و دابا نجيب معايا نور فاش نرجع .. غادي تجي للغذا ؟ ندير حسابك ..!

حكيم:( رد باختصار ) شوف ما يدير الله ..! ( هز وراقوو كاملين و مونطو سخون لابسوو من الفوق خاشي يديه فالجياب ) ما تعطليش برا ..!

شريفة: واخا ..!

مشى حكيم للخدمة بلا ما يدوز على أسية هاذ المرة و بقات شريفة فالدار كتجبد عكزانة تنوض من السخونية و الدفئ .. تا دفعات الغطى و مشات غسلات وجهها و دارت روتينها الصباحي ..!

داخلة للكوزينة كتوجد الفطور ليها و راديوو حداها كبير من النوع القديم .. طالقاه كتصنت لعبد الحليم حافظ و تدندن معاه بصوتها ..! تا وجد كاسها د القهوة مسبقة بيه على الريق .. يالاه يتفتحولها العينين مزيان .. منتاعشة بالريحة و مدوزة بأملوو و العسل حرة د البلاد ..!

كملات و جمعات مواعنها مخلية الكوزينة كتلمع ..! عاد مشات كتقلب فحوايجها بنفس مفتوح ..! جبدات كسوة صوفية فالكرونة مغلوقة .. هابطة تال للتحت لاسقة بالكمام و العنق ملوي سخون ..! لبساتها مع كولون كحل من التحت و بوط د الجلد طالع و صاك د الجلد فنفس لون الكسوة مع مونطوو د الفرورو هابط على فخاضها مكاسية بيه اللون ..!

جبدات عينيها بخط د الأيلاينير متقون و كلوز غوز خفيف كيلمع فشنايفها مع ايكخون سولاي و نظاظر د الشوف لي عاد خاصها ترجع تدوز و تبدلهم ..! صوبات شعرها بالزربة مجبداه بالشيشوار تا خلاتوو طايح على كتافها بحال الحرير .. التقطيعة و البلاياج جاو معاها كيحمقوو ..!

تأكدات من تيليفونها سوارت الدار و الطونوبيل و الفلوس .. و خرجات راكبة فطاكسي تال جامع الحسن الثاني فين بقات طونوبيلتها هاذ اليوماين ..! طلعات فيها كتسخنها مدة .. عاد تحركات بيها .. دايرة مسكة ففمها كتمضغها و الراديوو مطلوق حداها فكاظم الساهر .. كتدندن معاه ..!

شريفة: مجنوونة و معقدة .. و هدوئها مكر و ضحكتها البريئة مصيدة ..! وا احبها متمرررردة ..!

وصلات لسباتة عند حبيبة .. حفضات داك الجهة و ما بقاتش كتخاف تدخل لها و تا حكيم و خوتوو دايرين لها الهبة و كاع الدراري د القنت كيعرفوهم و ما كاينش لي يقرب للعائلة و لا يهز عينيه فملاك و اسية لي تزادت و عيالات الخوت ..! اما حبيبة هاذيك خلاص عندهم فعينيهم ما كاين غير الواليدة .. الواليدة ..!

بلاصات حدا الدار و صونات عليهم لاحو لها السوارت طلعات بوحدها و بابتسامة حلوة سلمات على حبيبة ..! لقاتها مزالة يالاه كتفطر و نور حداها مغوبشة صابحة ما راشقاش لها و شنايفها مدليين ..! هزاتها شريفة عندها كتضحك و قالت ..!

شريفة: صباح الخير صباحوو و ميات ناقة فمراحوو و ميات عبيد ضايرين بيه ( باستها فعنقها كتشم رويحتها ) مالنا ا الزين صابحين خاسرين .. تعداو عليك ا كبيدة ها ..!

حبيبة:( ضحكات و قالت ) هههه بغات باها .. ولفات ما تنعس غير على ريحتوو مخشية فيه و ترجع تصبح عليه و لبارح خلاها راسها مقطوع .. تضور تضور و تهرنن .. عينيها مقلوبين بحال السكايرية و النعاس حلف لا داها .. بزز سكتات لنا ..!

شريفة: و أنا نفههههم ..! ( قفزاتها خاشية راسها فكرشها كتحك نيفها معاه ) توحشتي بابيثوو ا الخانزة المطوطة ..!

تزنكات نور وجهها حمر و عينيها مدمعين شوية غتبكي تا بدات تراري بيها و هي تطلق صوت مسموع و ارتاحوو ملامحها ساكتة كتمص فلهايتها و داك العينين الخوضر موسعين كيضورو على اللوانات ..!

شريفة:( بصوت طفولي ) ههههه ا الخلاية ..! نتي خلاية نتينا همم ..! ( حطاتها فوق الفراش كتطبطب عليها ) الزين يا الزين .. فين هي أسية ؟ بغيتها ..!

حبيبة: فبيت حكيم جلسي تفطري بعدا و عاد دويو فخاطركم ( بتساؤل ) امدرا كي دايرة الأمور بيناتكم ؟

شريفة:( بهدوء ) فطرت عاد جيت الله يخلف و نقولوو الحمد لله .. غنمشي نعيطلها نخرجوو لشي شغال باش نرجع للدار دغيا و غنجي مور المشة ديالي نديها حتى هي .. اااه ا غوو غوو كبيدة ..!

نور:( ردات كتفركل و تهز فبلاصتها باغاها تهزها ) غغغغ غووو

شريفة: ههههه اييه نتي ا الخلاية معاك كنهضر ..!

خلاتهم و ناضت كتقرقب غادية لعند أسية .. فتحات عليها لبيت لقاتها فايقة و لابسة حوايجها د الخروج كتسنى حكيم لي تعطل عليها و ماشي من عادتوو ..! و بهدوء قالت ..!

شريفة: نوضي معايا غنخرجوو ..! ( شافت فيها اسية و رجعات قلبات وجهها فصمت تا هزات شريفة حاجبها و قالت ) راه معاك كنهضر تهزي من تما ..!

أسية: ما بغيتش ..!

شريفة:( حركات حاجبها بثقالة كيفما كيدير حكيم بالضبط و تا شي كلمات و حركات شداتهم من عندو بلا ما تحس رجعات كتديرهم ..! ) اهاه ..! زوينة عندك هاذ ما بغيتش و هاذ التنخال ديالك ..! ( بحدة قربات منها هزات لها راسها من ذقنها جهتها ) هاذ الفشوش خليه عندك و فاش نهضر معاك تهزي راسك و تشوفي فيا و تردي بحالك بحال الناس .. ماشي حيط انا هنا حداك و دابا غتنوضي من تما و تتحركي قدامي .. بلا هضرة بلا كلام و لا غنتفاهم معاك هنا نيت و لي ما دا القليل يدي الكثير و نفرجوهم فينا ..!

طلقات منها مربعة يديها كتشوف فيها بنظرات قوية جدية ..! حتى ناضت لبسات سبرديلتها و زادت حداها خرجوو بجوج ودعوو حبيبة و نور و تحركوو ..! شريفة صايكة و أسية حداها .. شداتها جبدة وحدة .. خرجات على كازا كتغني مع الموسيقى تا وقفات قدام البحر ..!

الما صافي قبالتهم و الرملة كتبان بعيدة .. الجو بارد و ناس قلال فالباركينغ من محبين البحر جالسين كيتفاجاو بيه ..! طفات الطونوبيل و رجعات لكوسان لور مقادة فالجلسة .. رجل طالقاها و الثانية طاوياها و بتأنيب قالت ..!

شريفة: ايوا ا لالة أسية .. النية و الحنينة و الدريوشة ديالنا ..! هاذشي كامل يخرج منك .. و زايداها بالتنفاخ و التعواج .. ياك لباس ا مادموزيل .. شكون خاصوو يتقلق من لاخور انا و لا نتي .. و لا ضربني و بكى و سبقني و شكى ..!

أسية:( ردات غالباها البكية ) نتي سمحتي فيا و خليتيني موراك .. ما عارفاش شنوو داز عليا و جايا دابا كتغوتي عليا ..!

شريفة:( ردات عاقدة حجبانها ) نغوت و نهرس لك وجهك من الفوق ..! هزي هزي عينيك فيا بعدا ..! ( شافت فيها أسية و الدموع كيلمعوو فعينيها ) شنوو داز عليك ؟ عيييييت نهضر معاك .. كنقيل نطبل و نغيط بيها تا رجع ففمي غير أسية بعدي من أيوب .. غوت تا حفالي الحلق و هضرت معاك بالعقل .. بالخاطر و الهداوة .. تا حلفتيلي ما تبقاي تضربي معاه الضربة و فلخر نلقى الما غادي من تحتي ..!

أسية:( ردات بقهرة ) أنا كنت بووحدي و كنت محتاجة شي حد نهضر معاه و يسمعلي .. نتي كنتي مريضة .. باش غنعرفوو ما مزيانش ..!

شريفة:( وسعات عينيها ساخطة على الوضعية ) باش غتعرفيه ما مزيانش ؟؟ ( جراتها من وذنيها ) قلتها لأصل مك مرة و جوج و عشرة و زدت شرحتلك بلي ما صالحينش لبعضياتكم و بينت لك علااااش ما صالحينش ما تجيش تغاباي عليا دابا الله يرحم جدك ..! و كيفاش هاذ بقيت بوحدي و لقيتوو هو ؟ ( طلقات لها من وذنيها ) علاه بالسلامة كاع لي بوحدهم فهاذ الدنيا كيمشيو يقلبوو على الحنان عند بوركابيات ؟ قطيطة نتي خاص لي يملس و يحضن عليك .. ياك ..؟ و حنا ا الزين الصافي .. دايرين كونطرا معاك مدى الحياة ما حدك عايشة حنا عايشين معاك .. ما غنموتوو ما غتضربنا جايحة كحلة تهزنا ..! غنبقاو ديما دايرين الباريير عليك و عنداك بالاك لالة أسية تتجرح و تتقاس ..! و نهار ما تلقايناش حداك ؟ يلا مت ؟ ياك وصلت لها و نقزتها بشعرة ؟ شنوو غتديري ؟ اول واحد بانلك غتفتحي لوو يديك و ترماي عندو مجروحة مسكينة و ما عندها حد .. خاص لي يسمعلك ؟؟؟ عجيب ..! و داك ولد الناس لي كثر من ست شهور و هو مقابلك و كيسمعلك و منتابه لك .. كي جاك باش ما تهضريش معاه ؟ و شنوو هاذ المشاكل كااااع لي عندك و لي غتحتاجي باش تحليها علامن تحطي الراس ؟ جالسة على أسرار الدولة ..!؟؟؟

أسية: الصمت ..!

شريفة: و لا هو ما صالحش للهضرة .. غير حماار د الطاحونة عندنا فمصلاحتنا عاد كنعرفوه ..؟ ست الشهور و هو كيطيب على ودك و الصباح كيفيق بكري قبل من وقتوو واخا مسخسخ بالخدمة و تمارة لي عليه كيسيفطك فاطرة و مهلي فيك من كلشي .. متبعك فقرايتك و كيخدم معاك و يشرحلك .. الاساتذة كيجييو تال للدار للسوايع و لاصال ثلاثة د المرات فالسيمانة و كيوصلك بيديه و الويكاند لي عندو خاوي كيخرجك فيه و ما يخلي فين يديك و يجيبلك ..! قوليلي شنوو نوع المشاكيل لي غيكون عندك فحياة بحال هاذي ؟ ( بعين حمرة شافت فيها ) يالاه نطقي و لا ما عندك ما تقولي ..!

سكتات بلا رد .. حيث بصح ما كانوش عندها مشاكل من غير موحشة فشريفة لي مريضة حداهم و مزيرة من حكيم فالقرايا و كتخاف تجيب نقاط طايحين و يغوت عليها .. عارفاه كيمشي للمدرسة يسول عليها ..! عندها صحاباتها فالقرايا و بيناتهم تحديات و مفاهمين حيث من نفس الطبقة و كبرو بنفس الطريقة ..! و من غير هاذشي ما كاين والوو .. سوا أنها بدات كتحس براسها كبرات و باغى تتصاحب و تجرب تا هي ..!

شريفة: حكيم ما كنهضروش معاه .. كنخافوو و نحشموو منوو و لكن كنطلوو عليه هو و مراتوو و هما ناعسين ..! ( ضربات فصدرها ) ما تحتارمينيش أنا .. لهلا يقلب بيا و لكن هو احتارميه على الأقل ..! ( كمشات حجبانها فيها ) واش عارفة فاش حطيتيني قداموو ..! كلشي تزعزع و ما بقاش مقاد بشنوو درتي ..! كن كنتي صغيرة غنسرطوها و نقولوو هانية ما كتفهمش .. و كن شي فرفارة غنتوقعوها منها و ما غنتقسحوش من جهتك لهاذ الدرجة ..! و لكن نتي ..؟؟؟ لا أنا لا هو تقبلناها و ما منحقكش اصلا تغلطي بحال هاذ الغلط .. ماااااشي ديالك ..!

أسية:( سالوو دموعها نازلين مع حناكها ) سمحوولي أنا عارفة غلطت و ( سكتات ما قادراش تكمل )

شريفة:( تنهدات بقوة كتدوز يديها بين حجبانها و شدات فيها زيرات على يديها تا شافت فيها و بجدية قالت ) مسحي دموعك دابا صافي ..! كاملين كنغلطوو و لكن الخايبة هي نبقاو واقفين فنفس النقطة و ما نتبدلوش .. يدوز علينا العام و يلقانا مزالين بنفس التفكير .. العقلية و السلوك ..! شحال ما تقسحتي شحال ما تعلمتي ..! و دابا شرحيلي كثر شنوو كنتي كتديري تما داك النهار و النهار لي قبلوو و نتي و أيوب شنوو كان بيناتكم بالضبط .. باش نقدر نفهمك ..!

أسية:( ردات بحناك مزنكين ) و ما غتكرهينيش و ما تبقايش تشوفي فيا و تغوتي عليا .. ؟ يلا قلت لك ..!

شريفة:( ضحكوو ملامحها الصارمين بزز منها ) غنغوت غير بلاتي على والديك ا القردة ..!

أسية:( حنات راسها كتفكر منين تبدا و بتردد قالت ) فاش كنتي مريضة كنت كنشوف خويا حكيم شنوو داير عليك و كنت كنتمنى حتى أنا يكون عندي واحد بحالوو .. ماشي نتي .. را٠جل زعما ..! و ما كرهتش يكون عدنان احم و لكن هو ما كانش كيهز فيا تا عينيه و نهار انتابهلي نتابهلي بحال ختوو لا غير و أيوب كان ظريف و كيبينلي بلي عزيزة عليه و باغي تا هو شي حد يكون قلبوو عليه هنا فكازا و ما يبقاش بوحدو .. و قبلت ..!

شريفة:( ردات هازة حاجبها ) شنوو قبلتي ؟ تتصاحبوو زعما ؟

أسية:( هزات راسها .. وجهها حمممر غيطرطق ) امم ااه و لكن عمري خرجت معاه و ديما مدابزين و مبلوكيني حيث ما كنبغيش نخرج لعندو و ما نقدرش نكذب عليك نتي و خويا حكيم و نضحك عليكم و نتوما تايقين فيا .. و تا هو ما كانش كيزعم يقولي شي حاجة خايبة تال داك الليلة .. ما عرفتش شنوو وقعلي و فاش نضت سمعتكم كتضحكوو و تهضرو فالبيت و صوت الموسيقى خفيفة تا هي كتسمع بعيييدة .. زعمت و طليت .. ما كنتش عارفة راسي شنوو كندير ..!

شريفة: ما تكذبيش .. كنتي عارفة انا و ياه شنوو كنديرو و عطيتي لراسك الحق تتفرجي ..! و ماشي أول مرة تديريها باش ما تكونيش فاهمة ( سكتات أسية كتضور عينيها و كملات شريفة الهضرة ) شفتيني مع حكيم ( غمضات عينيها و رخات النفس ) قبل من الزواج .. كانت مرة وحدة لا غير ..! بسباب داك المرة .. خسرت ولادي .. درت ربعة د العمليات دقة وحدة ..! صحتي مشات و شفت الموت قدام عيني .. ما بقيت كنقدر ندير حتى حاجة و فاشلة و ممنوع عليا ناكل .. عايشة غير بالسيروم و السوائل باش ما ننشفش و لدابا باقية كنقاسي و مزالة متبعة الدوايات و لي كونطرول كل شهر و خايفين يوقع نزيف داخلي و ما يقدروش يعتقوني فالوقت .. و زيد عليها الاكتئاب لي جاني و الدوا ديالوو لي معمر بيتي و كنشربوو بحال يلا كنشرب ما نعرفت شنوو .. كيسالي معايا ..! هذا هو النتيجة ديال الحرام يلا ما كنتيش شايفاه .. و شحال ما بقى كيخرج فالواحد و كيندم تا كيعض فالتراب ..!

أسية:( ردات بعينين باكيين ) أنا ما بغيتش ندير .. أنا غير فضول و صافي ..!

شريفة: الفضول كيكون على شي حاجة ما عارفينهاش ماشي شي حاجة عارفينها و فاهمين بلي خاصة و ما كتشافش و ما كتسمعش .. عيب و حرام يتهضر فيها ..! باش تعرفي الحرام عمرو كيخرج بالساهل ..شوفي شنوو داز عليا .. و شنوو كان غادي يدوز عليك نتي مع أيوب ..! فاش فتحتيلوو نتي بيديك الباب اول مرة ما كانش غيتشد كاع من بعد إلا على كارثة و ها هي وقعات ..! من الديبار عينوو فيك ماشي صافيين و باغي يذوق لحمك من اللخر .. و كن ما كانش حكيم و زيارو كن راك كتخرجي تلاقاي بيه شحال من مرة و عرف يلعب بعقلك مزيان تا جرك لفراشوو و دار فيك لي بغى .. و هاذشي بزز و لا بخاطر و الله ما يعقل عليك لا هو لا غيرو .. الناس يشوفوك كتذبحي قدامهم .. غيديرو راسهم ما شافوش و يزيدو بحالهم .. خايفين على راسهم ..!

أسية: انا ما كنتش ناوية نوصلوو لهاذشي كامل و انا قلت لك شنوو كان فبالي .. عارفة راسي غلطت و كنت غادي نضيع كلشي من بين يدي ..!

شريفة: عموو فيه السيدا يعني حتى هو هازها منوو .. و الله يستر و يحفظ كن لسقات فيك واخا بزز منك و باغت٠٠٠٠صاب كاع .. كان شي واحد غيعقل عليك ؟ نتي بنت مزالة نقية و صفحة بيضة و عندك المستقبل كلوو قدامك .. بين ليلة و نهار غتلقاي شمعتك طفات و رجعتي من طبيب لطبيب .. كتموتي بالشوية ..! و هاذشي كامل ربي نجاك منوو باش تفهمي داك الطريق لفين كتوصل فاللخر ..! و حتى يلا كتاب كاع و غلطتي .. على الأقل تكوني كملتي قرايتك .. خدمتي .. عندك دار فين تجلسي .. أبسط حاجة هي هادي ..! صدق داك السيد و صلحتوو الغلط تبارك الله ما صدقش راه عندك باش تهزي راسك و واخا هكاك غادي تاكليها تاكليها حيث ديكشي ما كيخرجش فخطرة ..!

أسية:( ردات حانية راسها ) فهمت و عرفت هاذشي و الله ..!

شريفة: و نزيدك واحد الحاجة .. كن ما حصلكش حكيم .. غتبقاي ديما حاضيانا و حاضية غيرنا و كيفما شفتي عندنا غتبغي تشوفي عند وحداخرين و تقارني واش بحال بحال و لا لا .. و من بعد غادي تدوزي للمواقع فالتيليفون .. من فيديو لفيديو تا عينيك غيضعاف فيهم الشوف و عقلك حتى هو و ما تبقايش تركزي كاع فحتى حاجة و غتضرري فصحتك بزايد بسباب بالعادة الس٠رية لي غتكملي بيها و كنتي كتديريها تا علينا بلا ما تحسي .. و مع الوقت غتكوني جالسة حدا الناس و عقلك غايب كتفكري داك المناظر و يقدر يرجع يعجبك العنف كاع و نفسيتك تمرض مع هاذشي باغى تبعدي و ما قادراش .. الناس فرحانين ضايرين بيك و نتي داك النشو٠ة و الرع٠٠شة جاياك من التفكير و كتزيري برجليك و تجبدي .. كتحماري و تصفاري ..! و ديكشي كيتعاود مرة على مرة عقلك غير معاه ..!

أسية:( وسعات عينيها مخلوعة من لي كتسمع )

شريفة: و كيفما الكارو و الشراب و الحشيش ادمان .. كاينين ادمانات اخررررى و من بيناتهم هاذشي ..! اي واحد كيكمي يلا شديتيه و سولتيه .. غيقولك النهار اللول كان كيشوف صحابوو كيكمييو منشويين و عاجبهم الحال و هو كيقول فبالوو انا غير كنشوف شي حاجة غريبة حيث فضولس و لكن عمري نجرب ندير بحالهم .. كيفما درتي معانا و تفرجتي ..! من موراها كيبداو صحابوو يزعموو فيه و يلا ما بغاش كيقلبوها استهزاء و ضحك عليه .. بلي ما فيدوش و ماشي راااجل و زيد و زيد .. كيفما دار معاك أيوب بالضبط لاعب لك على العاطفة ..! و من موراها كيبعد داك الدري ما باغيش يتجر تا هو و كيقول لعقلوو انا ما غاديش نفكر فداك الحاجة و تما لا اراديا العقل كيفكر غير فيها هي .. حيث هو باغي ينساها و داير جهد و هاكا راه غير كيفكر دماغوو فالممنوع و صافي .. حتى كيرجع هاذاك الممنوع مرغوب و كيقول شنوو غيوقع كاع يلا جربت ها هما صحابي تا هما كيكميو و ما بيهم حتى حاجة ..!

أسية: ما نويتش ..!

شريفة: ايييه ما بيهم حتى حاجة من برا و لكن من الداخل واش عارف باش كيعانيو ؟ الريات مقيوسين و الكبدة مفروعة و بحال والوو القلب تا هو كيعيى و ما كيبقالوش الجهد بداك الدخان .. ها السرطان مع المدة كيجي .. ها الشيمي ها العمليات ..! هاذشي ما كيبانش من الواجهة ..! كيفما انا كنت كنبانلك واقيلة كنتفشش و أنا كنتقطع نهار على نهار و ما قادراش حتى نتزحزح من بلاصتي ..! باش ننوض للطواليط كتبانلي شي حاجة بحال الجبل ..! كيبان غير انا ناعسة بالدوايات و حكيم مهلي فيا و لكن لي للداخل ما عالم بيه غير الله ..! و داك البنات لي كيمشييو يخرجولها ديريكت .. نتي يقدرو يبانولك غير ضاربين الحطات و الفلوس ضايرة .. من طونوبيل لطونوبيل من شوكر دادي لشوكر دادي ..! ما كتشوفيش الطرش و العصا لي كياخذوها و العفن لي عايشين وسطوو و الحالة لي كيوصلولها باش يعطيوهم داك الفلوس .. و يقدرو فليلة يخدم فبنت وحدة .. واحد و ربعة د صحابوو من جميع الجوايه لي تخايلي .. بالتفل من الفوق .. الضرب و الغوات و الوسخ ..! و هاذشي كوم و الاطباء و الدوايات لي كيجي مور هاذشي كوم ثاني ..!

أسية:( سكتات حاطة يديها على حنكها غالباها البكية كتسمع )

شريفة: و كيفما كاين هاذ النوع كاين حتى النوع الثاني لي تضحك عليهم تا هما يا بزز يا بالخاطر و بلاصة ما يخرجولها .. مشاو كيخدموو فالديور و القهاوي .. يصبنوو يسيقوو يخملوو المهم يلقاو لقمة باش يعِيشوو و يعَيشوو ..! ( هزات حاجبها ) حيث بحال هاذشي ساااااهل الوحدة تحمل منوو ..! واخا تا سطحي كيحملوو البنات .. غير بالاحتكاكات ..! و مزوجين و بالاحتياط و كتهز و شحال من وحدة حملات غير بالمذي ماشي تا بالمن٠ي ..!

أسية:( قالت باستغراب كتمسح عينيها ) شنوو هو المذي ؟

شريفة: حتى هو سائل شفاف كيهبط من الواحد فاش كيكون خدام على ولادو و هذا ما كيتحسش بيه .. تال لخر فاش تبغي تدوشي ..! و كيحملوو بيه بزاف منهم ..! و كيفما كنعاود لك هاذشي دابا و كنفهمك .. كنت كنعاودلك شحال من حاجة على حكيم شحال هاذي و كنبين لك فعايلوو و نحلل لك الشخصية و نقولك كاين هاذ النوع و هاذ النوع و ها كيفاش كيديرو يطيحوو البنت و يضحكوو عليها .. كنفقهك و لكن نتي كتشدي من هضرتي غير وااااو حكيم واخا قاسح كيبغيييك .. وااااو هو دار واااو هو زعتر ..! ( حركات راسها بالنفي ) عقلتي على gamers لي هضرتلك عليهم ؟ تا ايوب منهم و دار معاك بزااف من فعايلهم و بلاصة تخدمي عقلك .. بقيتي غادية بنيتك بحال ديما ..!

أسية:( سكتات كتحلل و تناقش و كتفكر الحوار لي كان ضار بيناتهم على هاذ اللاعبين و كان شرحاتلها مزيان باش يلا تلاقات بواحد بيهم ما يديرهاش بيها ) الصمت

شريفة:( فتحات قرعة د الما حداها شربات منها .. حرقها حلقها بالهضرة و بعد مدة صمت كملات ) و كيفما داك جوج انواع تضحك عليهم تا نتي كنتي غتمشي فالرجلين و ما عندك تا باش تنقي سنانك و غتلقاي راسك بزز منك غادية فوحدة من داك جوج طرقان ..! و حتى يلا ( ضحكات باستهزاء ) تزوجك و سترك كيفما كيقولوو داك الجَهلة ..! راه حتى وحدة فينا ا اسية ما كتزوج بخوها و لا باها .. باش يكون متفههههم تال داك الدرجة لي تعيشي فيها معاه مرتاحة و هو عقلوو و طاسيلتوو كاملة كتسب فيك فالوجه و الظهر و عاطيينك الكرفي و كيمجدو فيه حيث تزوجك و دار فيك خير كبير خاصك تبوسيلوو يديه و رجليه عليه و تولي خدامة فالنهار و مونيكة فالليل فالفراش ..! ( حركات راسها بالنفي ) الواليدين فهاذ الوقت عدد منهم ما كتلقاش فيهم الخير .. حراااك هاذ البهايم ..!

أسية:( شهقات كتحرك راسها بلا ) الله يستر الله يستر هء ..!

شريفة:( ردات بصرامة ) باش انا تجي تدلي عليا شلاقمك حيث خليتك منك لروينتك تصفيها و تتحملي المسؤولية د شنوو نتي درتي بيديك و ما ضربك حد .. ما تدليهمش عليا ا مادموزيل ..! كاع كنغلطوو و كنغرقوها للحد و كنحاولوو نفكوو شوية بشوية و نتعلموو من شنوو درنا ..! فوقاش غنكبرو و نوعاو يلا بقينا غير كنبرئوو راسنا و نزيدو ؟

أسية:( ردات بأسف شديد ) أنا فهمت فهمت و الله تا فهمت .. و نااادمة بزاااف .. و الله ما تعاود مرة اخرى .. انا ما هربتش و تحملت مسؤوليتي و عقوبتي .. ياك ضربني و حبسني من القرايا و دخلني للريسطوو فالكوزينة كنغسل المواعن و الميناج و ما قلت حتى حاجة و الله تا تربيت .. بغيت غير قرايتي و عيشتي لي كانت شحال هاذي و عمري ندير شي حاجة تقلقكم مني .. عافاك ا شريفة هضري معاه ..!

هزات حاجبها كتسمع .. ما سحابلهاش خرجها من القرايا بصح .. ظنات غير كان كيهدد و هو معصب و تا الخدمة ما عارفة عليها والوو و من هضرة حبيبة فهمات بلي كل صباح و عشية كيديها تقرا و كيردها بيديه ما مأمنش عليها فالطرونسبور من بعد لي وقع ..! حتى دارهم هو ما عارفينش مالهم و علاش جات أسية جلسات معاهم و ما سولوش ..! و مع ذلك ما بيناتش لها و قالت ..!

شريفة: الضرب تستاهلي يضربك و واخا هكاك ما قدرتش نصبر نسمع بكاك و غواتك و خرجت من الدار تا ناض بيناتنا الصداع ..! عارفة علاش ما نهضرش معاه عليك و عمري نديرها الا يلا ظلمك فشي حاجة و غنبهوو بيني و بينوو لا غير ؟ قوليلي علاش ؟

أسية: علاش ؟

شريفة: حيث أنا فاش كنت بين الحيا و الموت .. داك ولد الناس ما نساكش و عارف ما عندك حتى واحد من غيري .. حضن عليك و ما قالش أنا غرضي بشريفة ماشي بأسية ما ندخلش غريبة عليا للدار ..! بالعكس بلا نقاش بلا هضرة و كلام .. دارك بلاصة بنتوو و لا ختوو .. تصرف معاك بحال باك و لا كثر و أنا ما كايناش اصلا .. و ما كان كيتسنى لا مني لا منك شي حاجة .. باغيك غير تحراشي و تقراي و تنجحي .. فالوقت لي كان يمكن يضيعلك عام كامل حيث فوتتي وقت التسجال و انا مزالة فالطبيب ..! هاذشي و الست شهور لي عشتيها معاه غيشفعوو عندي باش منين تغلطي معاه بحال داك الغلط و يهز السمطة يعطيك قتلة د العصا ما غنهضرش ..! كيفما هو نهار ختوو غلطات فيا هز سمطة د البوليس كاع و عطاهالي قالي خلصيها فشنوو دارت معاك .. و ما قالش فبالوو لا هاذيك ختي و هاذي برانية واخا تقسحات من لحمي و دمي ما منحقهاش تربيها على شنو دارت ..! هاذشي و انا ما بيني و بين ملاك غير جوج ملاقيات .. ماشي بحالك نتي و ياه ..! فرق السما على الارض و واخا هكاك .. حكيم حقااااني و يلا غلطات ملاك معاه كيفما درتي نتي .. لههههلا يوريك شنوو غادي يدير فيها ..! نتي بعدا كيفما كنقولوو كيضرب و يزكل أما ختوو غيخرج فيها طول و عرض و لي بغاها هي لي غتكون ..! و يلا جينا نديرو هاذ الحساسيات تانا غذا بعد غذا نهار ننوض لنور يبقى فيه الحال و يقولي هاذيك بنتي ماشي بنتك ما منحقكش واخا تغلط فيك .. نتي شنوو درتي كاع .. غير ربيتي و سهرتي و وكلتي و قريتي .. و لكن ما كتجيك لا بالدم لا بالسمية باش تعاقبيها منين تغلط .. هاذي هي ديالك يلا جينا نهضرو نيشان و بلا زواق ..!

أسية: و قرايتي ؟

شريفة:( ردات ببرود ) علاش باغى تقراي ؟ ياك فلول كان على ودي .. انا لي كنزيرك على قرايتك و يلا بغيتي تعوضيني ها باش غتعوضيني ..! و موراها جا حكيم و على ودو تا هو خايفة منو .. و ها حنا بجوج هزينا يدينا على القرايا و داك الخدمة يلا ما عاجباكش .. لي ما كيقراوش و كيبقاو تابعين غير الدراري هاذيك هي آخرتهم .. كيضربوو الكرفي فكبرهم على الناس لي ضربوو الكرفي فقرايتهم فالصغر .. خدموو و تعبوو باش فكبرهم ارتاحوو ..! دونك .. علاش باغى تقراي ؟

أسية:( شافت فيها و الدموع فعينيها كتوريها يديها ) حيث يدي طابوو بالغسيل و الفريك حتى كنقول ساليت و كيجيبولي جبولة نغسلهم .. بالشنيت و الغوات و حتى واحد فالناس لي كيجيو للمحل .. منين كيشوفني ما كيحتارمني و انا غير خدامة تما ..! ماشي كيف كنت فاش كنت معاك و لا مع خويا حكيم و انا كنقرا .. كنت كنحس براسي كندير شي حاجة و عندي قيمة .. و القيمة مشات فالخدمة .. كنبغي غير نبكي محكورة ما كنلقاش كي ندير .. نتوما درتوو مجهود معايا و أنا باغية نردو لكم و ندير تا انا مجهود و ننجح فقرايتي و نكون بحالكم بخدمتي و فلوسي و نعوضك على البكى لي بكيتيه عليا و معايا و تفرحي بيا بحال يلا نتي لي نجحتي ..!

رمشات شريفة عينيها بالزربة قالبة راسها للجنب باش ما يدمعوش عينيها .. حيث من ديما هاذشي لي كتمنى غير تشوفها ناجحة لا غير .. ما طالبة حتى حاجة ..!

أسية:( زيرات على يديها ) انا فهمت خويا حكيم شنوو بغى يبينلي .. هو عاقبني بالخدمة على ود ايوب ماشي على شنوو درت .. و بغى يوريني بلي الدنيا ماشي كلها موردة و بزااااف كيتمناو عيشتي و ما لاقيينش حتى باش يتعشاو و أنا عندي كلشي لي نتمناه و ما حامداش الله عليه .. بحال يلا بزز نكون عايشة هكاك .. انا فهمت و شفت و تعلمت .. عافاك هضري معاه نرجع نقرا ..!

شريفة:( رخات النفس تقييلة من صدرها و حركات راسها بالنفي كتعاودها مرارا و تكرارا تا زيرات على عينيها حيدات النظاظر و قالت ) اوكي باغية ترجعي تقراي .. واخا ..! شنوو درتي على ود هاذ القرايا ؟؟ ( حركات حجبانها ببرود ) من نهار جلسك للهنا شنوو درتي ؟

أسية: كيفاش ؟

شريفة: شنوو درتي باش تدافعي على قرايتك .. على حقك ..! ( هزات راسها ثاني بالنفي ) ما درتي والووو .. قالك غتجلسي و هو معصب و يمكن قلتي جوج كلمات .. عفاك خليني و سكتي و لا سكتك ..! و دابا باغاني أنا نهضر معاه .. اياااياااي ا أسية .. وا راك باقي ما تعلمتي والو ا صاحبتي والوو ..!

أسية:( ردات غالباها البكية ) و شنوو ندير شنوو ..!؟

شريفة: واش ما فهمتيش بلي حكيم كيتسناك تتحركي ؟ تردي تقتوو فيك لي من بعد ما قرا المسجات ديالك و ديال أيوب ما بقاتش ريحة الثقة عندو فيك ..! انا و نتابهت للمسجات القدام ممسوحين .. يعني فينما تهضرو كتمسحي الكونفيرساسيون غير داك النهار مع لي وقع نسيتي .. و مدخلاه بسمية بنت ..! كن كانت هضرة عادية علاش غتمسح و تخبيه بحال يلا سارقة ؟ و يلا كان سولك شي حاجة على أيوب نيت و كذبتي عليه .. عاد غيتفكرها و يربط شي مع شي و ما غيتقبلش شنوو درتي ..!

أسية:( بلعات ريقها ) و شنوو الحل ؟ هو قالي ما غنبقاش متحمل مسؤوليتك و ختك يلا بغات تقريك بفلوسها ..!

شريفة:( ضحكات جنب ) الموضوع ماشي موضوع فلوس هو اكثر واحد سخي عرفتوو فحياتي .. هو معصب منك و قال هاذ الهضرة فوقت لي ما عارفش شنوو كيخرج من فموو و مزال ما مستوعب ديكشي كامل لي واقع معاك و مع ايوب و معايا .. يعني ما كانش وقت الهضرة معاه داك الساعة و الحل ساهل ..! يلا كنت كنعرف حكيم و كنقراه كيفما كنشوف فيك دابا ..! راه ما كيتسناش منك شي حاجة كبيييرة .. غتمشي عندو و توقفي قبالتوو باغى تهضري معاه .. ما تجبديلوش شنوو وقع كاع لا عليك لا على ايوب .. سمحلي و لا ما غنعاودش ما كتاكلش معاه .. هو كيشوف الأفعال ديال لواحد و هو عارفك ما غاديش تتبدلي بين ليلة و نهار و عارفني دابا كنهضر معاك و أنا لي غنبين لك شنوو غادي تديري ..! و لكن لي كيهم هو نتي لي غتديري ماشي أنا ..!

شريفة: نتي لي غتوقفي فوجهوو بأدب و غتقولي ليه باغية نكمل قرايتي و غتقنعيه و تعطيه نفس الاسباب لي عطيتيني و كثر ..! و هاذشي ماشي باش يشفق عليك .. غير باش نتي كأسية ما تبقايش كتسناي لوخرين يجييو يحلوو لك مشاكلك .. ما تعولي على حتى واحد .. عولي على راسك و بس ..! و ما تخلي تا واحد يستافزك و تضعفي قداموو كيفما درتي مع ايوب .. نتي ما باغياش تهضري فديكشي و حشمانة و كتقولوو لا و لكن بالزربة عرف يلعب عليك و قلب لك الباراميتر كامل ..! و دابا حكيم كيتسنى يشوفك تايقة فراسك و فقرارك لي كيخصك نتي و القرايا من حقك .. ما منحقي لا انا لا هو نتحكموو فيها .. و هاذشي غيخليك تدافعي على راسك بيديك و سنانك و تا واحد ما يخليك تبدلي رأيك على ودو .. سوا بالقوة سوا بالحيلة ..! باغى شي حاجة راك باغاها .. ما باغاش ما باغاش ..! ( تنهدات جامعة حجبانها ) واش صعيبة لهاذ الدرجة تفهمي شنوو باغي منك و شنوو كيتسناك تديري ؟ بسهولة تخليتي على قرايتك حيث ما قادراش تواجهي ؟؟ و دغيا غيجي شي بهيمة غيقولك يلا كنتي كتبغيني راك غتخليني نبوسك و ننعس معاك و ندير و نفعل و نترك .. و يلا ما قبلتيش غيغضب عليك و يخليك كتقلاي فبلاصتك و تا تبداي تنسايه و يرجع يخرجلك من الجنب كيوسوس ليك بحال الشي٠طان فعقلك تا تبعيه ..! نتي راه ماشي معزة .. راه غير القطيع لي كيمشييو مع الخرفان مكيدهم مولاهم و هما ما فاهمين ما عارفين .. لي تقال لهم كيقولوو اوك .. لا نتي عندك عقل و عندك شخصية مبدلة عليا و على حكيم و على ملاك و على صحاباتك .. كل واحد و شخصيتوو و أفكارو لي خاص يدافع عليهم و يبدلهم فاش يكونوو غالطين و يسمع من لي كبر منوو و ياخذ اللب ديال شنوو هما فهموو من داك الايام لي سابقينوو فيهم فهاذ الدنيا ..! واش فهمتي ..؟

أسية:( ردات بابتسامة بريئة بحال يلا عاد الدنيا حلات فعينيها و لقات راسها لا إراديا معنقة شريفة بالجهد ) اااه اااه .. كنبغييييك كنبغييييك و الله و توحشتك بزااااف .. سمحيلي على كاع لي درت معاك .. سمحلي لتاسانوو ديالك ..!

شريفة:( ضحكات و عنقاتها تا هي مغمضة عينيها و خاشياها فيها ) الله يسمحلنا كاملين ( بعداتها عليها شوية ) و نتي ماشي غير تاسانوو .. فايتة قلت لك نتي جوهرة و الجوهرة ما كتعطاش لأي واحد .. هذا لي غادي يوصل لك خاصوو يعرق و ينشف و هو كيحفر عليك .. عاد يشدك بين يديه .. دياماندة كتلمع ..!

أسية: عااارفة يخليك ليلي ..!

شريفة: و عارفة بلي منين بلغتي هضرت معاك و شرحتلك و كنقيل نهضر و نطبل فلخر كنلقاك شديتي غير الخوى الخاوي ..! علاش عمرك طليتي عليا انا و إلياس ؟ حيث ما كنتيش اصلا مسوقة لا للمصاحبة لا للرج٠ال .. و لكن دابا عاد جاتك المراهقة لي هضرنا عليها عشرلاف خطرة .. و عاد حسيتي بجنابك و بغيتي لي يعمرهم و لكن ديما تفكري هضرتي لقديمة و ديال اليوم قبل ما تزيدي حتى خطوة للقدام لي تقدري تندمي عليها حياتك كاملة ..!

أسية:( ردات بالايجاب هازة راسها ) المراهقة فترة كيتبدلوو فيها الهرمونات و لكن كتفوت و انا مزال الدنيا كاملة قدامي .. باش نجرب و نعيش كاع لي بغيتوو مع لي يستاهلني أما يلا عطيت جوهرتي لأي واحد جا فطريقي .. غيفرح بالكادو و ياخذو مكمل طريقوو و مخليني موراه و لكن فالحلال و مع الرا٠جل لي أنا كنبغيه و كيبغيني و حاطني فوق رموش عينيه .. عمري نكون نادمة .. انا غنكون فرحانة و هو و حتى ربي راضي عليا لي خليت ديك الأمانة لي عطاهالي مخبعة كيفما هي .. تا خداها لي يستاهلها .. هي و القليب ديالي لي ما يستاهلش يتهرس مع هذا و هذا تا نوصل لعند لي يستحق و نلقى راسي ما بقالي خاطر نجرب و نعطي معاه الجهد .. لي أنا ضيعتوو فالخوى الخاوي مع ولاد الحراام .. هو واجد و كيتسنى و أنا خاوية من الداخل و ما بقالي فين نزيد واخا فالحلال و ماشي فالحرام ..!

شريفة:( تبسمات و جبدات لها وذنيها بالشوية ) حافضة الدرس و لكن ما دايراش بيه ..! نتي من هاذوك لي حافضين و ما فاهمينش ياك ..!

أسية: لا ..!

شريفة: هههههه هي من لي فاهمين و كيتبهللوو علينا ..! ( طلقات من وذنيها و باستها فحنكها ) خليك تاسانوو لي كنعرف .. تبدلي لما حسن ماشي تتكفسي ..! ( هزات حاجبها ) و يا ربي تكوني فهمتي هاذ المرة .. راني حفيت الحجرة صافي ..!

أسية:( ردات بضحيكة فرحانة تا هي لي تصالحوو عاد طلعات النفس ) نمشييو لشي كافي هنا على البحر تردي الجهد ..!

شريفة:( ديمارات الطونوبيل و بعد تفكير قالت ) واخا يالاه زيدي نشوفوو شنوو عندهم هنا .. واخا ما خاصنيش نتعطل على الدار يالاه نوجد لغذا و نشوف شنوو غنحتاج .. غنعرض عليكم غذا لعندنا ..! من نهار تزوجت ما درت شي عراضة و منها تهضري مع حكيم بوحدكم الراس فالراس و تتفاهموو ..!

أسية: نعاونك ؟ شنوو غادي تديري ؟

شريفة: شهوتي فالرفيسة نطيبها من شحال هاذي ما ذقتها و لكن ما عرفت واش تصلاح .. غنعلمهم كاملين يجييو ..! يمكن ندير سلاد غوايال و بسطيلة د الحوت مع شي حاجة و عاد كاسكروط .. حكيم كيحماق على الحوت و تانتي كتعجبك ..! و لا الشربة د الحوت مع بسيطلات صغار د الحوت حارين تا هما كيجييو زوييينين .. ناريييي تشهيتهم اححح ..!

أسية:( ضحكات ) ههههه قربات لك ليغيكل ؟ شفتك كتشهاي بحال الموحمة ..!

شريفة: ااه ههههه فهاذ السيمانة .. ما كاين وحم راحنا دايرين الاحتياط ديال الاحتياط .. ما خاصنيش نحمل دابا مع الدوايات لي كنشرب و تا العمليات لي دايرة خاص لقليلة يدوز عليهم عام .. كنخافوو توقعلي شي حاجة .. باقي الحال على الولاد براكة غير نور معمرة علينا الخنفوشة هي و واحد المطوطة ديال تاسانوو ..!

شافت واحد الكافي عجباتها و وقفات حداها مبلاصية فالباركينغ تما .. شدات المونطوو من البرد و هزات ساكها هابطين بجوج ..! طرقات لوطوو و ضربات الدورة عنقات اسية رامية يديها على كتافها بابتسامة دافئة .. ما باغاهاش تحس بلي ما عندها حد و بلي لاحوها و كيفضلوو شي واحد ثاني عليها .. واخا تكون تا نور .. كلهم صغار و كلهم غيحسوو بالغيرة و خاص العدل بيناتهم .. غلطات تعاقبات و فهمات .. هذا هو المهم ..!

و تا شريفة مأيدة تربية حكيم ..! و خاصهم لا معاها لا مع ولادهم يبانوو واحد فالقرارات كلها .. و بجوجهم مستوعبين هاذ القضية و تا يلا اتناقشوو على شي حاجة تكون بيناتهم هما بحوج لا غير ..! ماشي حكيم كيشرق و شريفة كتغرب و الولاد كيميلوو للي كيفششهم كثر و كيطغاو على واحد على حساب الثاني ..! فهاذ الحالة غير الدراري لي كيضيعوو لا غير و الاباء كيفهموو هاذ القضية معططططلة ..! فهي ما غتقولش اااه حكيم انا لاش مدخلاه بيناتنا اصلا .. أنا بيدي غنرجعها .. هو مالوو ..! لا راه مالوو اوس مئة ..! و كن ما كانتش كتهموو من لول ما يعاقبهاش و ما غيكونش قلبوو عليها و كتهموو و شركها فحياتوو و حياة عائلتوو كوحدة منهم ..!

واخا العقاب قاسح و لكن لي كان غيوقعلها قسح بزااايد .. و شاف مرارا و تكرارا شريفة كتنصح أسية و كتهضر معاها بالعقل و كتحفي حلقها تا كتقول صافي قنعتها .. و غير كيفوتوو داك السويعات .. هضرتها كاملة كتمشي فالواد ..! عليها فنظرو خاصها تعاقب بشي حاجة لي تعقل عليها نيت و تاخذ منها درس و تفهم بوحدها .. الضرب شحال ما بقى غيبرد و يمشي و لكن الخدمة و الجلاس من القرايا لي دارلها .. صعيب تنساه حيث حياتها كانت واقفة على شعرة باش تتقلب .. تعذبات و ما موالفاش بديكشي ..!

و ديما العقاب كيجي موراه جلسة طويييلة كتشرح فيه علاش و كيفاش و شنوو داك الولد و لا لبنت دارت و من بعد كتسكت و كتعطيه الفرصة فين يفهم غلطوو و يقولك ها شنوو درت و درت .. و يستوعب ردة فعل الاباء و يتقبلها ماشي يغضب .. ! لانوو كيستاحق داك المعاملة كيفما كيتكافئ فاش كيدير الحاجة المزيانة ..! خاص و يطلب السماحة مور الخايب .. و تما كيجي الصلح من بعد ما تعلم .. ما غيبقاوش قابطين فالحاجة ميات عام يكفي هي فهمات و اعتارفات بغلطها ..! و هاذشي لي كان غيدير حكيم بالضبط فاش تجي عندو أسية و لكن حتى دابا داك حك و عرك و زيد فالما ما غتنفعش و ضروري ما يفهم من مراتوو بلي تكلفات و غتبقى غير الخطوة د اسية لي غتدير باش يردها للقرايا و ترجع المياه لمجاريها .. بلا ما يعطيها تا هو محاضرة .. وذنيها طابوو .. !

دابا خاصها تبين لهم بلي تعلمات .. كيفما حتى هما غيبينولها بلي حاضرين معاها و كيف البارح كيف اليوم مع تغييرات .. منهم غتولي تعتامد أسية على راسها فشحال من حاجة و غيعطيوها الانطلاقة تكون شخصيتها و هما حاضيينها من بعيد و كترجع ليهم فكل مرة وحلات و عيات تحاول تصلح شنوو دارت و والوو و تما يفيدوها بتجاربهم .. و ثاني حاجة غتبدل هي السكنة باش كل واحد ياخذ راحتوو و يحاولوو يتناساو شنوو وقع و ما تبقاش مركزة معاهم بزايد حتى تدير شي حاجة تندم عليها ..!

معاهم فالدار النهار كامل .. الزيار كاين و منتابهين لها و لكن النعاس مفروق عند حبيبة و فحالة بدلوو الدار مستقبلا بفيلا و لا دوبليكس بلي زيطاج كل واحد بخصوصيتوو .. غيجيبوها لعندهم و هاكا لا ضرر لا ضرار ...!

دوزو وقت ناضي بجوج .. فالكافي مقابلين مع البحر ..! كيتعاودو فشنوو فاتهم و وحدة فرحانة حيث رجعات كتهضر مع الثانية ..! ساعة د المكانة و ناضوو راجعين بحالهم .. دوزاتها شريفة لعند حبيبة هي اللولة هبطات لها نور فروليكس ديالها و صاكها مجموع واجد ..!

بلاصاوها فالطونوبيل اللور و قادوها مزيان .. عاد مشات مودعاهم و دايرة معاهم غذا .. للغذاء و العشية عندها هي و حكيم ..!

شرات الخبز معاها و طلعات فالاسانسور هازة نور هي و باكاجها ..! دخلوو للدار و هما كيتعاودو .. كتهضر معاها ملاهية ..! حاطة نور فوق الناموسية كتوغوغ بوحدها و هي كتبدل حداها حوايجها .. ببيجامة بالسروال و الفوقاني مقطنين سخان .. جامعة القدامي د شعرها بمقباطة ..! و غير كملات لراسها هزات نور معاها للكوزينة ..!

حاطاها فالكرسي ديالها د الماكلة .. عالي من الحديد شاد راسوو كيتحرك بالجرارات و كيتفيكسا فالوقفة .. نتي و شنوو بغيتي تديري بيه ..! كتحرك حداها بالزربة .. جبدات الدجاج دايراه فالما سخون كيتطلق و هي كتنقي فالخضرة ..! تا قامت طاجين سوسي حر على حقوو و طريقوو ..! مغطياه كيطيب و يتلبى ..!

و فيديها طبسيل غارق د ميكة فيه ماكلة نور لي قلبات عليها فغوغل .. وصفات ساهلين يتعاونوو بيهم الامهات فماكلة ولادهم ..! جلسات قدامها كتوكلها بالشوية .. كلشي مطحون و صالح لها ..! عطاتها تا شبعات و مسحات لها فمها كتطبطب على ظهرها و نور حاطة حنكها على صدرها مبلقة عينيها فاتحاهم تا تكرعات و هي تضحك شريفة مقفزاها ..!

شريفة: هوووبا على بنتي الغزالة شبعات .. ياك ا الفنون حنا شبعنا و صابحين مغوبشين و مقندشين ..! ( شافت فيديها لي حاطاها على حنكها من الجنب ..! و بصوت طفولي قالت ) يا و الله و ما تبعدي مني يا هاذ بو شعكاكة حتى نبونيك .. انا غادي نبونيك هههههه احححح على هاذ الرويحة ..!

باستها فعنقها بالجهد مكمشاها عندها كتفكر منين تبدا الدار باش تخليها نقية لغذا .. كلشي مقلوب و مشقلب و تا حاجة ما فبلاصتها .. الدنيا مغبرة و موسخة و خاصها اليد نيت و نور باقي ما عوالة تنعس لها ..!

تنهدات و مشات حطاتها فالبيت مضورة بيها المخاذ .. تا فرشاتلها فالارض جوج غطاوات سخان و حطاتها تما و اللعب حداها هما و خرشاشاتها .. مخلياها كتكلم فيهم و اللهاية ففمها كتمصها ..! مضورة عليها الخذاذي .. باش ما تحركش .. تصدق مشقلبة و لا شي حاجة ..!

بالزربة كتطير مشات لبيت أسية فتحات الشراجم شمشاتوو و جمعات الكتوبة و الحوايج و قادات الناموسية .. و الزاج لي تهرس و الديكورات لي تدكدكوو .. كلشي مشى للزبل ..! و من تما للبيت د الماكلة لقات البيسي د حكيم محطوط هو و شي كتوبة و وراق كاتب فيهم و جوج رضاضع د نور خاوين مستعملين و الطباسل د الماكلة ديالوو نساهم تما حتى هما ..! و بوط رجالي د الجلد محطوط فالجنب ..! فرقات شي للكوزينة شي للمكتب ديالوو لي تما .. حاطاهم لوو فوق البيرو كيفما هما باش ما تمشيش تضيعلوو شي حاجة و يحيح عليها لاش هازاهم ..! البوط رداتوو للخزانة د الخشب لي حدا الباب جامعين فيها السبابط ديالهم ..!

نفضات البيت و الزربية المشعرة فالرمادي و قادات الاتات .. أما حتى الفراش دايراه بحال فوطويات و هما فراش رطب و مريح فالجلسة و ضاير بيه التوب فالرمادي مغلف كامل لاسق عليه .. مخلط بالموف مع مخيذات صغار مكاسيين اللون و طبلة كحلة كبيرة مع بلازما معلقة فالحيط و فجنابها تصاور شريفة و حكيم .. فجوج دلي كادر صغار كل واحد فجنب .. واحد فالكوتشي فاش كانوو ففاس و واحد فاش ركبوو فالباطوو فالحسيمة معليين فالسما و شريفة كتغوت و تشوف فحكيم عينيها معميين بالما لي كيضرب فيهم كتضحك و خايفة الدعوة مخلطة عليها و حس المغامرة حاضر و هو مبسم معاها و فرحان لفرحتها ..!

مسحات الغباري و دوزات الاسبيغاطوغ على الزربية هي و ديال الصالون .. جوج .. كلها و الستيل ديالوو و باش مفرش .. جايين مقابلين .. اللول بالخريبة فالاصفر مع اللحوفة ديالهم و المساند و المخذات الصغار مكاسيين اللون ..! و الثرية كتلمع فالسقف هابطة هي و جوج ثريات منفاردين ديالها لاسقين فالحيط كل وحدة فجنب ..!

لي كوطي ديال الخشب د الأرز ثقال و الطبلة الوسطانية منقوشة و فوق منها زاجة كبيرة غارقة مشدودة .. نفس الشكل للصوندريات الصغار و الزربية الحمرة المغربية شادة من القنت للقنت ..!

الريدويات كل واحد مشدود فالجنب بالنحاس شكل ديال طاوس مذهب مربوط بالرباط ديالوو .. جايين فالذهبي فالجناب و الوسط هابط ريدو بوحدو فلون شفاف كيدخل الشميشة مطروز بالبريون .. زويوقات متناسقين مع الصالون ..!

اما الصالون الثاني ف بلا زرابي بلا والوو ..! الزليج فالارض كيبان متموج بين اللون التبيض و القهوي ..! صالون كلاسيكي كثر ما يكون تقليدي ..!

كولوار طويل كيوصل ليه .. معلقة فيه طابلويات كبار ديال الطبيعة و الورود و ثرية فالوسط بزاجات بحال الشمعة هابطين منها زواقات من الكريستال فالابيض ..! نفس الشيئ لجوج ثريات صغار بزاجة وحدة ..! كل وحدة فيهم فحيط ..! و صال امونجي كبيرة مقابلة مع الكولوار و الصالون الثاني ..!

فخمة و وسطها ديكور ديال الكريسطال كيحمق دايرين فيه ورد طبيعي ذبل فهاذ السيمانة ..! طابلويات كلاسيكيين فالصالون و فالجنب ديكورات قلال منهم ديال الزاج منهم ديال الخشب .. مماشيين مع الشكل د القنت ..!

فواحد من الحيوطة معلق العود د حكيم لي قليل فين كيهزو يعزف عليه و جنبوو جاي بوق كبير لاسقة معاه عارضة طويلة فراسها شوكة كتحط فوق الديسك الموسيقي باش يبدا يغني ..! قلبات عليه شريفة بالريق الناشف عاد لقاتوو ..! كيحمقوها بحال هاذ الاثريات و يلا لقات كل صباح كيفاش تدير تشرب كاسها د القهوة فسكات و هي كتسمع للاغاني القديمة لي كينعشوها .. و تشوف فلي كادر د تصاورها هي و حكيم د الخطبة .. لي محطوطين فطاجات بوحدهم ..!

وحدة و هي كتبكي عينيها دامعين و حكيم شاد فيها .. كيسكتها نهار خطبتهم ..! و الثانية فاش ركب لها الخاتم و باس يديها هاز عينيه فيها بنظرة خاصة ..! و الثالثة فاش ركباتلوو الخاتم و هي باستوو فجبهتوو مغمضة عينيها باحساس عجيب متملكها ..!

نفضات و مسحات و جمعات الدنيا .. عاد طلقات الما .. كتنقي و تجر بالزربة للكوزينة سيقاتها تا هي مع الحمامات ..! مخلية الدار كتلمع و ريحة النقى خارجة منها .. بسانيكروا د الحامض ..! و فوسط هاذشي كل شوية كتطل على نور و فينما تغوت و تبكي تسمح فكلشي و تمشي تسكتها و تراري بيها ..!

سخفات و الجهد كامل مشالها ما بقاتش قادرة تهز معلقة هي اللخرى ..! العرق هابط عليها بالشلالات و نور حداها كتبجغط ..!

تفتح باب الدار و دخل حكيم كيسرح عينيه بهدوء و رضا عجبوو الحال و لمستها بانت فالدار ..! حيد من رجليه فالخزانة و لبس بارطوفة رجالية فرجليه ..! حط من يديه فالكوزينة و مشى للبيت كينحنح و بصوت رجولي قال ..!

حكيم: السلام عليكم ..!

شريفة:( ردات بابتسامة هادئة ) و عليكم السلام ..! كي دوزتي صباحك ؟

حكيم:( حرك عينيه بهدوء .. حيد المونطوو و علقوو ) من الحامدين و الشاكرين

تبسم مع نور لي غير سمعات صوتوو .. ضحكات ضحكة من الاعماق و العوينات كيبريو بفرحة كتهز و توغوغ باغى تنقز من بلاصتها ..!

شريفة:( ضحكات ) هههه شوف لك القرعة .. عاد طلقات البشرة و بدات تضحك لنا .. جا باباك ا المطوطة ياك .. حنا لهلا يقلب ..!

حكيم:( تبسم مع نور و هزها عندو ) توحشتي بابا .. همم ..!

نور: اغغغغ غغغغغ ب ب غوووو غوو

حركات داك الرويس لي كيمشي و يجي موراها و شعرها مذهب ملولب بحال الخواتم و قوي مع داك الحجبان الزوعر و الفيم الحمر بالمصان و العينين خوضر كيحمقوو و يفتنوو .. باستوو فحنكوو غير كتزدح معاه و تحك نيفها تا كتقسح و ريوكها هابطين كيفزكو وجهوو ..!

حركات داك الرويس كيمشي و يجي موراها و شعرها مذهب ملولب بحال الخواتم و قوي مع داك الحجبان الزوعر و الفيم الحمر بالمصان و العينين خوضر كيحمقوو و يفتنوو .. باستوو فحنكوو غير كتزدح معاه و تحك نيفها تا كتقسح و ريوكها هابطين كيفزكو وجهوو ..!

بعينين كيلمعوو هزها للسمى كيهرها فكرشها و هي كتلوى بالضحك و تطبل بيديها .. ضحكتها المكركبة مسموعة كتفاجي على القلب ..! شافتهم شريفة هكاك و تبسمات بسعادة و ناضت للكوزينة تحط لغذا .. عارفاه ما عندوش الوقت و خاصوو دغيا يرجع ..!

تجمعوو فالسيجور على الطاجين و الشلايض و الديسير حداهم و التلفزة مشعولة قبالتهم و لالة نور فحجر شريفة كتاكل و توكلها ببطيعة مفزكاها لها و هي عينيها غير فالالوان و الهضرة و الحركات فالتلفزة .. عقلها خارج ..!

حكيم ساكت و هي ساكتة كتضور فعينيها و تلف مع نور ما مرتاحاش فهاذ الجو د السكات ..! حتى تجبدات الهضرة بوحدها على أسية و قرايتها ..! قالتلوو فين مشات و بلي هضرات معاها و وضحوو الامور كلها و بتساؤل رمشات فيه عينيها ..!

شريفة: واش بصح خرجتيها من القرايا ؟؟

حكيم:( رد بهدوء ) لا ..! غير هضرت مع الادارة بلي غتغيب جوج سيمانات لأسباب عائلية و تا هما ما قالوو حتى حاجة .. الدورة يالاه بدات و مزال ما بداو لا امتحانات لا والوو ..!

شريفة: ااه .. وا المهم هي غذا غتهضر معاك و بلا ما تزير معاها و تعصرها ثاني .. صافي راه فهمات و بالتدريج غتتبدل ماشي دقة وحدة ..! قولها غنردك ..! تبدا معاهم من الاثنين ما حدها نيت يالاه غيبات سيمانة و مزال ما فاتوها ببزاف ..!

حكيم: يكون خير ..! ( مسح فموو و حط من يديه ) الله يخلف ..!

شريفة: غتمشي دابا ؟ بلاتي بعدا .. راني عرضت على خالتي و اسية و غير نسالي غنهضر مع بسمة و نتا تكلف بعدنان و محمد أمين و حسام .. قلهم مرحبا بيهم غذا لعندنا .. منين تزوجنا ما درنا شي عراضة ليهم .. نتجمعوو مع الحباب و نضحكوو و ننشطوو .. ما حدو الويكاند فيدينا .. نفاجييو على الهم ..!

حكيم:( شاف فيها هاز حاجبوو و قال ) واخا انا غنعلمهم ..! شي حاجة ناقصة فالدار نجيبها معايا فالعشية ؟

شريفة: بزاااف ناقص .. أنا نشوف و نسيفطلك فالواتس شنوو بغيت بالضبط ..!

حكيم: و عليه .. تهلاي ..!

قرص نور من حنكها و مشى للكوزينة شرب و لبس عليه هاز وراقوو و سوارتوو .. راجع بحالوو للخدمة ..!

داز نهار عندو روتيني بين الوراق و القت٠يلة و الصداع .. و المشاكل د البشر لي ما كتساليش ..! علم خوتوو و دار معاهم يتجمعوو عندو ..! و شريفة كل ساعة كتفكر حاجة و تسيفطلوو مسج .. تا جمع ليسطا طويلة ..! و مشى تقضى من كلشي .. لي طلباتوو و لي ما طلباتوو ..!

تا فتح عليها الباب كينقل للكوزينة من الاسانسور ..! و هي بنفس البيجامة جامعة شعرها و عاقداه .. كتوجد فسالاد غوايال .. كل حاجة بالصوص ديالها و خدمتها ..! كثرة المقالي للتشحار و الكاسرونات للسليق ..!

شافت فيه كتصرف طبيعي .. واخا هو باين فيه مزال مقلق و شوفاتوو ما صافيينش ..! غسلات يديها و قربات منوو باستوو فحنكوو و قالت بابتسامة هادئة ..!

شريفة: على سلامتك ..!

حكيم: الله يسلمك ..! ندوش و نجي نستف معاك هاذشي .. غير خليه و كملي لي فيديك ..! نور ناعسة ؟

شريفة: اااه من قبيلة و هي كتكور و تلعب تا عيات و طاحت ناعسة .. و قالك تا هي كتعجن معايا .. يا سيدي و الطربوش دلي شاف فوق راسها .. خاصك تشوفها راني صورتها لك .. قطة و صااافي ..!

تبسم بهدوء و خرج مخليها مكملة شغالها ..! شعل الضوو على نور لي مولفة بالصداع و الضوو و الهضرة ..! حيد حوايجوو و لي خاصوو يتصبن لاحوو فالشبكة د الوسخ و لي مزيان راه طواه و رجعوو لبلاصتوو ..! جبد شنوو غيلبس مدخلهم معاه ..!

تحمحم و ريح عظاموو .. عاد خرج كتتشم منوو ريحة رجولية غزالة .. دخلات مع نيوف شريفة تال الأعماق مزعزعاها و هو كيتحرك موراها .. كيحط و يخبع كل حاجة فبلاصتها و لي ما عرفش كتنعتلوو هي ..!

حاطة اللحم حاداها كتوجدلوو التشرميلة لي غيبات فيها ..! السالاد وجدات تقريبا بقى لها غذا غير تخلط بلي صوص و تجمع ..! البسطيلة فالعشية عجنات لها الورقة هي و نور و عمراتها على حقها و طريقها بالشعرية د الشينوية و الحوت لي عندها فالدار .. ما كيخطاش تلاجتها ..! ضروري و مؤكد يكون عند حكيم واخا يتحط غير بماطيشة فالجناب مشحر لشلاضة سخونة ..!

وقف موراها كيخبع فالبلاكار .. و مع الضورة باش قلبات وجهها لجهتوو .. هز تا هو ساشي فيدو و اليد الثاني معليها مهزوزة جهة البلاكار .. حركها تا جات بحال غيضربها و هو ما منتابهش كيتحرك على خاطرو ..!

حركة جاتها من الجنة و الناس ..! تا قفزات فبلاصتها مغمضة عينيها و مبعدة وجهها للور و يديها عليه مطاكية حناكها ..! ذاتها كترجف و هو كيشوف فيها مصدوم كيرمش عينيه بثقالة .. تا بعد .. هاز يديه بجوج مبعدهم بمعنى ما غنقيسكش ..! زدح داك الميكة مع الطبلة و قال بلا ما يشوف فيها ..!

حكيم: كملي معاك هاذشي لي بقى ..!

خلاتوو تا مشى و فتحات عين و الثانية مغمضة بحال غمزة .. عاضة على شنافتها كتضحك .. ضاربة حسابها فراسها و عارفاه ما غيكونش حمل راسوو بلوجيسط لي كيبان طبيعي ماشي تمثيل و غيرجع يضرب ألف حساب و حساب زيادة على هضرة حبيبة معاه .. واش يبغي مراتوو تولي كترعد منوو هاكا و ابسط حركة منوو تخاف منها ..؟ او بالاصح تخاف منوو هو نيت ؟ شعور خايب و بزايد فاش كيجي من الناس لي قراب لينا ..!

و بالفعل دخل للدوش غسل وجهوو مرة و جوج كينشفوو بالفوطة و عينيه مخنزرين فالمرايا كيقشر ففموو .. معصب من راسوو .. بغى يطرطق غير بوحدوو .. كياكل فراسوو من لداخل ماكلة ..!

تا دار مناقص من كلشي و شد عليه فالمكتب .. شاعل البيسي و الوراق حداه هما و الكتوبة .. كيقرا هنا و هنا و يكتب فالوراق مخرج حروو فيهم ..! شاد الستيلوو بطريقة زوينة و يديه مشعرين و حومر نقيين مقلمين .. لي كيعجبوو شريفة و طاحت فيهم من اول مرة شافتهم و انجاذبات ليه منهم و جاو عوامل وحدة اخرى كثيرة ..! كيكتب بالزربة و بخط سليم ..!

غرقات شريفة فالكوزينة تا كملات اللحم كامل و لواتوو فبابيي أليمينيوم و خرجات كتمسح يديها ..! الحس مقطوع لا د نور لا ديالوو ..! هو لي نسى العالم داير نظاظر د البروطيكسيون على عينيه و خدام ..! مرة كيكتب فالوراق مرة ف word كيطابي ..! فتحات عليه الباب كتطل براسها و بهدوء قالت ..!

شريفة: شنوو كتدير ؟

حكيم:( رد و عينيه فوراقو ) خدام .. كنوجد la thèse ..!

شريفة: اااه الله يعاون ( سمعات نور كتبكي و قالت ) انا انمشي نشوفها مالها و ندخل ندوش انا وياها .. باش تعيى شوية و تلعب معانا تتهد .. عاد ترجع تنعس فالليل و ما تفيقناش بزاف ..!

حكيم: واخا .. بالصحة ..!

شريفة: الله يعطيك الصحة ..! ( شدات عليه الباب و مشات كتزرب لعندها ) هاني ا ماما .. هاني .. صافي ا كبيدة ..!

هزاتها عندها بغطاتها ملوية فيها كتراري بيها و تسكتها ..! و هي عقلها خارج كتبكي ..! شمات ريحتها و عرفتها وسخات و ما كتحملش تجلس دقيقة بلي كوش و هي موسخة .. كتقلب عليهم الدنيا بالغوات و البكى ..!

هزاتها على جنبها ..! و دخلاتها للحمام كتهضر معاها و تطلق الما فالبانيوو ..!

شريفة: صافي ا حبيبة ها حنا نغسلوو و نحيدو كخا .. نحيدو الوسيخات .. ياك ا الزين هااا .. نولييو جدادات ياك ا مو عوينات ؟

جلساتها بالشوية فوق الدربوز حدا لافابوو .. كتحيد لها حوايجها .. تا بقات زبيطة كتفركل بداك الرجلين .. عاد سكتات لها من البكى و العينين فازكين .. راسها للقدام قالباها شريفة على كرشها و قزيبتها عندها ..! مقادة الرشاشة فحرارة معتادلة كتجربها فيديها عاد كتغسلها و تنقيها ..!

صابونتها معاها فيها ريحة الورد غزالة .. شلالتها لها و عاودات دوزاتها عليها و شداتها عندها فخطرة حتى فزكوو لها حوايجها و السطل حداها كيعمر بالما .. كتفكر كي تدير تغسل لها شعرها و هي كتحرك بزايد و تشلل لها فنفس الوقت .. فلخر عيطات لحكيم .. مجهدة صوتها تا فتح الباب و قال ..!

حكيم: وي شريفة ؟ محتاجة شي حاجة ..!

شريفة: دخل عاونني ندوشولها ما عرفتش بوحدي ..! بقى غي نشللها شعرها و نخرجها ..!

حكيم:( تبسم مع نور لي بدات كتبكي ما حاملاش الما ) صافي ا بابا .. شنوو ندير ..!

شريفة: هز شابوان ديالها كبوو فيديك و ماصي لها شعرها و راسها غير بالشوية ( هزات الطاسة كبات الما شوية فزكاتولها و خلاتوو كيغسلوو و يماصيلها ) عمر الطاسة بالما انا شاداها و غندرق لها عينيها و نيفها باش ما تخنقش .. غير كب دغيا ..!

حكيم: واخا ..!

غسلها كي قالتلوو و عاودو العملية مرة اخرى تا شللات لها فخطرة و عطاها فوطتها لواتها فيها و سبقها للبيت شد الشراجم من البرد و خلى الباب مردودة .. يجاوب على تيليفونوو و يرجع و شريفة عين مع نور و وذن و عين مع شريفة .. تا حسات بيه غيفتح الباب و بصوت طفولي كترققو قالت و هي كتلبسها ..!

شريفة: نور الغزالة نتي عندك بابا كيبغيك بزاااف و حتى مامي و ميمة و عمامك و خالتك ..! هاذ مو عوينات عندها عائلة كبيرة غتحطك فعينيها و نهار تتزوجي غتلقاي باباك فظهرك و حاميك و مسخن كتافك و ما غيعطيكش بالساهل و يلا مشى حتى بكاك داك المتعوس لي غتدي غيبكيه حكيم د٠م ( ضحكات ) ههه عمرو غيحط عليك يدو و يزوقك حيث عندك باباك جنبك و ماشي اي أب حكيم ما كاينش بحالوو ..! ياك ا مامي ياك ههه يخليلي الضحيكة ..!

نور:( خشات يديها ففمها كتمصها ) اغغغغ غغغ .. ا تسي تسي ..!

شريفة: هههه رحمك الله .. نلبسوو دغيا من البرد و باركة من الهضرة ..! ( عنقاتها عندها مكمشاها ) و حتى انا ما غنخلي تا واحد يقيسك و انا كاينة .. توحشتك بزاااف و ما بغيتش نخليك هاذ السيمانة و لكن كان خاصني نبعد .. على مصلاحتك .. الدراري الصغار كيفهموو و كيشوفوو فاش كتكون ماماهم مكرفسة و حالتها و فاش كتكون مضروبة ..! شنوو غيوقع لك يلا كل مرة شفتي وجهي مزرق و لحمي مدكدك بالعصا .. شمن عيشة هاذي و شمن نفسية غتكبري بيها ..! و كيفاش غتحلي عينيك فباباك و تيقي من بعد فشي حد ..! نبعد حسن ما نمرضك و أنا عارفة باباك كيبغيك بزاااايد و داير جهدو كامل معاك و يلا لقى يقطع من لحموو و يعطيك غيديرها ..!

سكتات كتنهد و عينيها كيضورو قبالتها تا سالات لها اللباس .. مدفية و معطرة و نقيقية كتحمق ..! نحنح حكيم بعد مدة صمت و دفع الباب داخل .. كيتلف الشوفة هنا و لهيه تا ركز غير فنور و قال لشريفة ..!

حكيم: دخلي دوشي .. راك فازكة غيضربك البرد .. انا معاها ..!

حركات راسها بالايجاب فصمت و دخلات شادة عليها الباب .. تا تبسمات بهدوء ..! عيات من الغوات و الصداع .. فكرات و فكرات فنقطة ضعف حكيم و لقات هي العائلة .. تقيسيه فعينيه و ما تقيسيهش فعائلتوو و هو الاب الروحي ديالهم كاملين .. بما فيهم تا حبيبة فشي مواقف ..! ما كيبغيش تنقصهم شي حاجة و لا يتضرو .. و قررات تلعب ليه على العاطفة ..!

عارفة واخا تبكي قداموو تا تشبع و تعرى كاع و تخرج عندو ما حدو مقلق و هاز فخاطرو منها ما غتحرك فيه تا شعرة و تما بقات .. غير غتقمع ..! اللهم تربيه هاذ الساعة و تدخلوو الفكرة بحال السوسة فعقلوو و تمرضوو فخاطرو تا عمرو يفكر يرجع يحط يديه عليها و عاد تصالحوو بالطريقة لي كيتسناها ..!

و ما حدها مزال ما هضرات و قالتوو فين كانت داك الليلة و فين غبرات سيمانة كاملة .. ما حد الموضوع باقي ما تسد و غير متناسينوو و ما غيقدرش يسرطوو بسهولة ..! و باش ما يتفركعش عليها و هو مزال ما برد من لي وقع .. منخلها و كيتصرف بهداوة و هدوء .. داير حدود وهمية بيناتهم و تا هي حاسة بيهم .. و كيفما هي كتربيه على الضرب تا هو كيربيها على الخروج من الدار و الشوتينغ غير بسكاتوو لي كيمرضها تا هي ..!

بجوجهم ما مرتاحينش و بجوج كيقلبوو على حل جذري و طرق جديدة يتعاملوو بيها فاش يتعصبوو من بعضياتهم ..! شريفة عيات من المشاكيل و الصداعات و السفرة عاوناتها تفهم شحال من حاجة و من بيناتهم .. هذا ماشي الياس و يلا بقات فكل مرة كتتراد معاه و تتضارب آخرتوو غيدير فيها كارثة شي نهار بسبب عنادها و المجابهة لي بعد المرات ما كتكونش فوقتها ..! راه غير كيميك عليها و يضرب و يزكل مخليها تدير يديها تا هي و تبرد على راسها ..! هي مراتوو .. ماشي صاحبوو لي غتخرج فيه عينيها و يبداو يتسابوو بجوج عطيني نعطيك ..!

هي ماشي شمك٠٠ارة . كتبقى أنثى و باش تا هو ما يمدش عليها يديه من لول ما تشعلش معاه على نص كلمة ..! واحد يطلع و الثاني يهبط و يبرد .. و هاكا تا هو غيصبر عليها فاش تكون معصبة منوو و ما غيستفزهاش ببرودو و يخليها باغى تنطح راسها مع الحيط ..!

قادرة تدافع على حقها بهداوة و بلسان حلوو و بالحييلة و تأدبوو و تبدل فيه شحال حاجة ما عاجباهاش غير من لتحت للتحت .. بلاصة ما تخرج عينيها و تا هو يشدها ضد معاها و يتعاند ..! تعلمات بسبابوو تتحكم فلسانها و دابا غتبدا تتحكم تا فأفعالها بالتدريج ..!

كيفما تا هو فكر فالتنخال و ما يهزها ما يحطها من بلاصتها .. فعوط الضرب ..! غيصعر غيصعر و يبعد يبرد راسوو بزز .. حلف ما يعاود يقيسها غير بينوو و بين راسوو .. الله يجعلوو يدخل فحيط غير باش يبرد و ما يبردش عصبيتوو و حرو فيها و فلحمها .. تدير لي دارت ما غيضربهاش و غيبدل معاملتوو و غيربيها بطرق اخرى و زادت هضرتها هي و حبيبة دخلو ليه مع العظام كينخرو .. واخا عاق بشريفة و قلعها طايرة من المرايا لي فوق راسها كتبينلوو وجهها و حركاتها المفروشين و لكن واخا هكاك هضرتها عندها فيها الصح .. كيفاش غيكبرو هاذ الولاد و هما كيشوفوو باهم كيع٠نف امهم ..؟؟

خلاتوو مع نور و دخلات هي للدوش واخدة راحتها كتطلق عظامها لي تدكدكوو عليها .. عيات بالجهد بالتخمال و التوجاد للعراضة .. كلشي زربات عليه و معلمة تلعب على الوقت .. و لكن تمارة قضات عليها .. تا ولات كتفكر تقولوو يجيبوو شي وحدة تعاونها فالدار .. واخا غير مرة فالسيمانة فاش ما يكونش هو ..! ضروري من العوين خصوصا فاش غتبدا الخدمة ديريكت ..!

مخشية فالبانيوو و الما سخون كيداعبها مع الزيوت و الاملاح المعدنية داخلين لها للجذر و الورد خفيف لاسق فلحمها مزوقة بيه ..! بقات كتماصي لحمها من وذنيها تال رجليها بالشوية عليها .. تا كملات و غطسات فخطرة مفزكة شعرها و كتحك وجهها بيديها ..!

سالات و شللات لحمها و نقات الحمام جامعاه من الما و الشعر و الرغوة ..! لبسات بينوار ديالها فالابيض سخون و فيه طرزة فالظهر مكتوبة فيها سميتها ..! و خرجات للبيت تلبس حوايجها ..! لقاتوو متكي هاز البيسي عندو و النظاظر فعينيه .. كيطابي بالزربة و نور كتمص فرضاعتها د الحليب ..! حاط العشا ليهم فطبلة صغيرة د البيت .. لازانية سخونة مع عصير طبيعي ..!

تبسمات بهدوء و حطات حوايجها حداها .. حاسة بالجو سخون .. عرفاتوو شعل الشوفاج فالدار ..! جبدات كريماتها حداها و مرطباتها .. و هزات رجليها فوق كرسي د الكوافوز كتدهن بجوج يدين و تدوز بالشوية .. شعرها فازك هابط مع عنقها و نقيطات صغار كيقطرو على لحمها و هي كترمش و تمص فشنايفها بالهدواة ..!

عيى يهرب عينيه و لكن كيضرورو يضورو و يرجعو لها ..!

جبدات كريماتها حداها و مرطباتها .. و هزات رجليها فوق الكرسي د الكوافوز كتدهن بجوج يدين و تدوز بالشوية .. شعرها فازك هابط مع عنقها و نقيطات صغار كيقطرو على لحمها و هي كترمش و تمص فشنايفها بالهدواة ..!

عيى يهرب عينيه و لكن كيضرورو يضورو و يرجعو لها ..! تا عطاتوو بالظهر معرية على صدرها كترطب الجهة القدامية ..! خذات راحتها عاطية لكل حاجة وقتها .. حتى رجعات ريحة البيت كلها من مساحيقها ..! لبسات ملابسها الداخلية و لاحت البينوار كتمشى بالحفى ..!

ظفار رجليها مصبوغين بد٠م الغزال و الخلخال و خاتموو مع كل خطوة كتديرها .. كتسمع رنتوو ..! فتحات باب البلاكار معوجة نصها جهتوو حاطة يديها على جنبها و اليد الثانية كتلعب بيها فشنافتها التحتانية ..!

مكمشة حجبانها دايرة مناقص من البيجامة لي جبدات .. كتختار من جديد شنوو تلبس ..! حتى طاح اختيارها على كسوة طويلة من الحرير فلون احمر فاقع .. توبها رطب كيزحت متناغم مع مؤهلاتها الأنثوية .. مخلية رطوبيتوو كتداعبها كيفما النقيطات د الما لي هابطين من شعرها كيداعبوو عنقها مفزكينوو و كيزيدو يتمردو كثر قاطعين طريقهم جهة صدرها ..!

عرض مغري منها لحكيم .. كتطيبوو فيه بالمهل .. عارفة عينيه عليها هاذ الساعة و ريقوو نشف من حلاوتها .. لكن عزة نفسي ما بتسمحلي لاعبة عليه .. و هاذشي غير ما زايد الاثارة عندها .. باغى تشوف راسها قداش كتقدر تأثر عليه .. باغى تفتنوو و تشعل فيه العافية .. ترضي غرورها كأنثى جذابة مثيرة ..!

دهنات شعرها بسيروم فيه ريحة عجيبة و نفس الريحة عطات من المبيخرة لي شعلاتها كتبخر بيها شعرها ..! و خلات حكيم يتفكر هضرة أسية فالطبيب ..! على ريحة الخزامة فشعرها و على الريحة لي كتكون فلحمها و لي تا هو شمها مرارا و تكرارا .. كتعجبوو و لكن ما كيعرفش شنوو هي ..! تا شافها جبدات بواطة صغيرة فالاحمر هزات منها بودغ كتهدنوو فالشقة د صدرها و تحت وذنيها و جناب فخاضها و فبيطانها ..! داقاها على يديها .. المسك و الشبة و التوتية ..! كتخلي الريحة غزالة فاللحم و تا لي عرقوو خايب فيه الريحة مع الوقت ما كيبقاش يلا داومها .. و هاذي وحدة من اسرارها ..!

كملات و كحلات عينيها تكحيلة مجبدة بالكحول الحر تا دمعوو و لمعوو و عينين الظباء مأطرين بخط واضح .. كيفتنوو لي ما يتفتن ..! رطبات يديها و شنايفها بكاكاويط ..! و خلات شعرها مطلوق مزال كيقطر شوية ..! جمعات كلشي و بهدوء شافت فحكيم كترمش بعينيها ..!

شريفة: عندك بريكي هنا ؟ ما بغيتش نخرج برا غيمشي يضربني البرد و أنا عاد مدوشة و لحمي سخووونة كتفور

مصات شنافتها كتحرك بسلاسة ناشرة زينها قداموو بالثقالة ما باغاش تعيَّق بزيادة ..! و تا هو ما كانش من العاجزين .. حط البيسي جنب و لبس فرجليه مشى جاب لها البريكي من الكوزينة .. لقاها طلقات موسيقى دافئة خفيفة كترخي .. غير موسيقى بلا كلمات ..!

زوقات البيت بالشموع ديال الاكسيون لي كيطلقوو روايح فنين فاش كيتشعلوو ..! و الاضاءة ديالهم مع عتمة الليل و موسيقى خفيفة و ريحة العود فالمبيخرة تا هي دايرة حقها ..! متعة ما كيعرفش لها أي واحد ..! من ديما كانت هاذي هي الجليسة الخاصة بيها فاش كتشد عليها بابها و تبغي تدلع راسها و الكاس و القرعة قدامها منغمينها ..!

و لكن دابا حكيم و نظراتوو لي منغمينها كتشرب فعصير طبيعي و طرف د لازانية محطوط قدامها كتاكل منوو و راجلها نفس الشي ..! مخليين نور فوق الناموسية كتضحك مع ملائكتها ..! و بجرأة كبيرة منها قربات رجليها جهتوو و طلعات صبعها ببطئ مع رجليه تا قربات لفخاضوو ..! كتشوف فيه بثقة .. العين فالعين و الحاجب مهزوز و الرموش كيتحركوو بثقالة غاديين مع ايقاع الموسيقى ..!

قاعدة فيها واخا تكون كتطير بالفرحة كتبقى ترمش فعينيها و تقلب فيهم و فمها لا إراديا كيتعوج معاهم .. مميقة بيه و شنافتها التحتانية سارطاها ففمها كتمصها تا كتنفخها و تحمرها ..! عاجبها راسها و هو كثر منها ..!

أما حكيم حبس من الماكلة هاز حاجبوو فيها تا هو و عينيه مفيكسين عليها .. مد يديه جرها تا وقفات و تقلبات لجهتوو .. سلطان زمانوو ..! موسع بين رجليه و متكي بظهرو كيشوفها فيها ياقوتة قبالتوو كتلمع ..!

مد يديه جرها تا وقفات و تقلبات لجهتوو .. سلطان زمانوو ..! موسع بين رجليه و متكي بظهرو كيشوفها فيها ياقوتة قبالتوو كتلمع ..!

جرها دخلها بين فخاضوو مطلع يديه تا هو باحتكاك مع لحمها تا وصل للستر٠ينك و جرو بجوج صبعان .. طلعوو للفوق .. مدخلوو فيها من القدام و اللور و هو كيجبد فيه و يحكوو معاها تا تزنكات و عينيها تزيرو .. العافية شعلات فيها بالحريق مع كل حكة و جرة .. احساس فشكل بحال يلا كيضربها الضوو مع احتكاك كيولد السخونية ..! تا شداتلوو يديه و بابتسامة مستفزة قال لها ..!

حكيم: مالك ؟؟

عيات صابرة و تطوات جالسة فوق فخاضوو شادة فيديها قافزة مع كل مرة هزها من الثوب د الستر٠ينك ..!

شريفة: اححح لاااا لاااا حكيييم كنتقسح رصى فففف ..!

حكيم:( رد هاز حاجبوو ) علاش ؟ باغى تحلي مشاكلك هاكا نحلوهم ا مدام ..! ( طلق من السترينك و عوضهم بأصابعوو متمردين على أنوثتها كيعزفوو على اوثارها ) همم ..! نشوفوو مال النوارة مفتحة و كتبكي علينا ..! كتقلب نقطعوو الحدود ياك ..!؟

حرَّقها هاذ المرة و حشمات من الشدة و البوزيسيون لي دايرلها و عينوو فعينيها كيستفزها و هي فاشلة عليه .. النفس قطعها فيها ما قادراش تهضر .. فلخر قلباتها دموع .. عاصراهم بزز منها ..! كيقولوو الدموع نقطة ضعف اي را٠جل .. و يلا كان كيبغيك مستحيل يستحملهم .. واخا عارفة حكيم ماشي من هاذ النوع و لكن تجرب علاش لي ما تجرب ..!

هبطاتهم حارين مع الكحول لي مزال كيوزوز فعينيها .. رجليها مليوحين على جناب الكرسي و يديه تحتها و هي مفرقة بحال يلا غتولد .. ما قادراش تتحرك حدها شادة فكتافوو مزيرة بكاع جهدها عليه خايفة تجي طايحة على ظهرها ..! صدرها معري قداموو .. كيغزز فحباتوو تا كتغوت و يرجع يطلع معاها بقرصة فشفراتها تا كتيبس ..!

شريفة: حكاااار نتا كتحكر عليا ..!

حيد يديه كيشوف فيها مصغر عينيه تا مسح لها دموعها و قرب بهدوء لجهة حنكها .. تسناتوو يبوسها و لكن قلبها لوذنيها و عضها فداك الشحيمة الرطيطبة تا غوتات و قفزات نور من بلاصتها تا كانت غفات و نعسات مع الحمام ..!

حكيم: فكريني شنوو قلتي آخر مرة ؟ حما٠٠ر و تفوو .. شنوو أخوور ..! همم ..!

جبدلها لحمها مزال شادوو بجوج سنان .. تا ترخات على صدرو .. صدرها مسحوق مع ديالوو و السخونية طلعات معاها من حركاتوو .. واخا عني٠فة هاذ المرة و الحاجة د بزز ما مولفاهاش معاه .. من ديما بخاطر خاطرها ..! و بصوت كيلهث قالت .. و شعرها فازك لسق مع وجهوو ..!

شريفة: ففف نتا لي بديتي و ضربتيني ..! نسى مرة وحدة فحياتك ..! أنا مشيت غير عند نسيمة الطبيبة و ركبت فطاكسي من الشارع .. مشى معايا العساس يلا ما كانش علمك .. سولوو تا دابا و غيقولك لي كاين ..! و السيمانة دوزتها فالرباط فلوطيل **** ما مشيت فين و ما دخل عندي حد و يلا شكيتي فيا سولهم تا هما ..!

حسات بيديه على الاستدارة ديال صدرها كيزير على ثديها ..! و يديه الثانية حيدو الشعر على عنقها و م٠صها فالنبض تا غوتات بشه٠وة مغمضة عينيها و قلبها كيترعد وسط صدرها ..! هزها هكاك تا ضورات رجليها على ظهرو و تكاها فوق الناموسية حدا نور .. لي رجعات نعسات بوحدها ..!

باسها فالشقة د صدرها و السوتيامات طايحين حدا الكرسي و الكسوة هابطة على كرشها تا حيدها فخطرة ..! مخليها غير بالسليب ..!

حكيم: خرجتيلي لعقل معاك ا نوارة الحدود ( حيد التيشورط تعرى عليها ) و أنا غنخرجوو لمك دابا ..! ( باسها فكرشها تا دخلاتها و خرجاتها بالزربة ) المووووت ا بنت الناس ..! باغى تفتنيني و تسكريني كثر ما انا سكران بحلاوتك .. ما خفتيش على راسك ..؟

شريفة:( تبسمات و مدات يديها بجوج لعنقوو من لور كتدوز ظفارها و بهدوء قالت ) كنبغييك ..!

حكيم:( ضحك و باسها جارلها شنايفها لعندو مستطعم بيهم ) شعلتي البولة الحمرة و جا وقت الخلاص ا حديدانة ..!

يتبع...

‎